آخر 10 مشاركات
أحمد الفيشاوي بـ "تاتو" طفاية حريق! (الكاتـب : همس حائر - مشاركات : 0 - المشاهدات : 1 - الوقت: 05:05 PM - التاريخ: 23-10-14)           »          تسألينني عن المذاق ! (4) *مميزة*.. سلسلة قلوب تحكي (الكاتـب : كاردينيا73 - آخر مشاركة : rose.rose - مشاركات : 5773 - المشاهدات : 273456 - الوقت: 05:04 PM - التاريخ: 23-10-14)           »          91 - تناديه سيدي - فيوليت وينسبير - ع.ق (الكاتـب : ورود الصباح - آخر مشاركة : métallurgier - مشاركات : 1348 - المشاهدات : 63445 - الوقت: 05:04 PM - التاريخ: 23-10-14)           »          65 - ممر الشوق - جانيت دايلي - ع.ق ( مكتبة زهران ) (الكاتـب : pink moon - آخر مشاركة : roody nabil - مشاركات : 870 - المشاهدات : 38304 - الوقت: 05:04 PM - التاريخ: 23-10-14)           »          149 - الشمس كانت جليدًا - كيري آلاين (الكاتـب : بلا عنوان - آخر مشاركة : صرهودة - مشاركات : 501 - المشاهدات : 25651 - الوقت: 05:04 PM - التاريخ: 23-10-14)           »          الهمسات المشتعلة .. مايا مختار >>> مكتملة (الكاتـب : عيون المها - آخر مشاركة : زهره ربيع عمري - مشاركات : 1259 - المشاهدات : 147959 - الوقت: 05:04 PM - التاريخ: 23-10-14)           »          63 - الكذبة - روزميري كارتر - ع.ق ( إعادة تصوير نسخة أصلية ) (الكاتـب : عيون المها - آخر مشاركة : roody nabil - مشاركات : 884 - المشاهدات : 27718 - الوقت: 05:03 PM - التاريخ: 23-10-14)           »          الآنسة المستقلة (21) للكاتبة: Susan Meier .. كاملة .. (الكاتـب : * فوفو * - آخر مشاركة : essraa84 - مشاركات : 2129 - المشاهدات : 49829 - الوقت: 05:03 PM - التاريخ: 23-10-14)           »          17 - زهرة الرماد - آن ميثر -كنوز احلام (كتابة /كاملة ) (الكاتـب : Just Faith - آخر مشاركة : صرهودة - مشاركات : 113 - المشاهدات : 3837 - الوقت: 05:03 PM - التاريخ: 23-10-14)           »          316 - رجل الثلج - لوسي غوردون (الكاتـب : سيرينا - آخر مشاركة : ايمان الغول - مشاركات : 1324 - المشاهدات : 59718 - الوقت: 05:03 PM - التاريخ: 23-10-14)



العودة   شبكة روايتي الثقافية > قسم الروايات > منتدى الروايات والقصص المنقولة > القصص والروايات الطويلة المكتملة

Like Tree1Likes

إضافة رد
 
LinkBack أدوات الموضوع انواع عرض الموضوع

آلاء:اي ابي عطورات وابي صبغ اضافر وابي مكياج
بعد ماخلصو من الاكل وقامو ردو افترقو مره ثانيه جراح وليال دخلو محل بربري ..اخذ له حزام وليال خذت حزام وجوتي وبعدها دخلو محل ثاني وخذو لهم جم بدي وجم بلوفر وجراح اخذ له جاكيت ثقيل وليال خذت كل شي ينقصها منعطورات وملابس وكياج ماخلت شي ..وبعدها راحو شرو لهم جناط ووقفو بالمحل يحطون اغراضهم بالجناط وهما ميتين من الضحك
جراح:والله بحياتي مافكرت اسوي جذي طول عمري ..بس تبين الصراحه احساس عجيب
ليال: اكيد ..لالنك اول مو متعود على الخبال الزايد كل شي تحسب له الف حساب
جراح:والله الخبال معاج متعه شي ثاني
ليال كانت بقمت السعاده معاه الانها حست انه جراح ملكها بروحها وهذا الي خلاها تنسجم معاه لكن مسرع ماتبدل الفرح لي حزن تبدل من رن تليفون جراح ومن شاف الرقم واشر لها انها تسكت عرفت انه الي داقه عليه غرور وهذا الي ضايقها اكثر الان مايبيها تعرف انه جراح معاه ...رد الحزن لي قلبها الي بعده ماتهنى بالفرح
جراح:خير بغيتي شي
غرور:جراح لازم ترجع بسرعه
جراح:ليش بعد
غرور:انا طايحه بمصيبه ..جراح ولي سلمج حبيبي هد كل الي بيدك وتعال
جراح:اجلي كل شي لين ارجع انا مشغول حدي ومو فاضي حق شي
غرور تبجي:الحين الشغل اهم مني اقو لانا طايحه بمصيبه تفهم شنو يعني مصيبه
جراح:اوووف ...غرور ترى جد مو فاضي لج ..وحلي مشاكلج بنفسج انا يدوب اخلص شغلي
غرور:جراح حرام عليك انت حتى ماسألتني شفيني وشنو المصيبه
جراح يقاطعها:غرور انتي ماتفهمين انا وين وانتي وين ...روحي حلي مشاكلج بعيد عني انا عندي شغل لي الراس وما ادري متى بخلص شغلي
غرور:اشره مو عليك اشره علي انا الي داقه عليه ...هين ياجراح والله اوريك
جراح بعصبيه:والله لعلمج ياخره انا تكلميني جذي ...وقبل مايكمل كلامه غرور صكرة التلفون بويه جراح ...الحقيره صكته بويهي هين ياغرور
ليال وهيا معصبه:تستاهل محد قالك رد عليها ...وهدته ومشت
جراح بعصبيه :شفيها هذي بعد...صج حريم بسرعه يقلبون ...وراح وراها
ليال شافت محمد وآلاء طالعين من محل ..وراحت لهم
محمد:ها خلصتو
ليال:اي خلصنا يالله نمشي
محمد لاحظ الضيق على ويها:ليال شفيج
ليال:مافيني شي
آلاء:وين جراح
ليال:من يخلص اي
محمد:كاهو وراج ...ها جراح خالصين
جراح:اي خالصين...ويكلم ليال:شفيج انحشتي
ليال وعينها على محمد:يالله نمشي تعبت من الفراره
محمد:يالله
وطلعو من المجمع وتوجهم لي المطار ...بطريج جراح حط س يدي كان موجود بالسياره الي مأجرينا وكانت الاغاني منوعه ومن بين الاغاني هذي كانت اغنيه
عبدالرحمن الحريبي (تصدق يابحر )
آلاء:جراح طول طول
جراح :اوكي ...وطول على الغنيه
الغنيه هذا كانت تعبر عن كل شي تمر فيه ليال بهالحظه كانت لافه ويها وعينها على السيارت وقلبها ينزف من شدت الالم ...ومن بدت الغنيه زاد الم ليال وهيا تسمعها
تصدق يابحر انك تشابه بالعطا قلبي
وتصدق يابحر انك تشابه بالغدر حبي
تشابه منهو حبيته وبديته على نفسي
هذاك اللي توقعته ينور بالوفا دربي
أجيه وشايل همي ادور عنده الراحه
تخيل لما يلمحني تجيني تركض جراحه
واذا صديت ناداني واذا أقبلت خلاني
واذا قلبي نوى الفرقا يعشم قلبي بأفراحه
أبعرف يابحر ذنبي ويش اللي بعمري سويته
أنا ما اذكر اني بيوم جرحت انسان وبكيته
جروحي ليه علمني عشان اني على النيه
تعبت قلبي وتعبني ياليت يقسى ياليته
أبسكت يابحر وامشي واخلي ضيقتي فيني
ابسكت وابتعد عنك وأدور من يواسيني
تصدق يابحر اني توقعتك تشيل هموم
ولكن انصدمت انك غرقت بدمعه من عيني

محد كان حاس فيها ولا بالدموع الي تنزل على خدها كانت تبجي بدون صوت لكن مسرع مانكشف امرها بشهقه قويه تطلع منها
آلاء الي كانت قاعده يمها حطت ايدها على ظهرها وبصدمه:ليال
ماقدرت تتحمل اكثر ماقدرت تحبس الم والقهر الي فيها ...غطت ويها ابأيدها وبدت تبجي بجنون
جراح ومحمد انصدمو من بجيها ...جراح حرك المنظره الي بنص صوبها عشان يشوفها ..ومن شافها دمعت عينه وسك السكان بقوه وزاد بسرعته
محمد بضيق:ليول ليش تبجين ...توج مستانسه ...ليول حببتي اذا ما تبين تردين انمدد بعد ولا تبجين جذي
ليال وهيا تبجي:تعبانه ..تعبانه وايد..ابي ارتاح ...وردت تغطي ويها وتبجي وبقلبها(يارب اموت عشان ارتاح حمود قلبي محترق ..قلبي يعورني مو قادره اتحمل قربه مني مو قادره اتخيل انه بيرجع لها ويتركني ...احبه ومو قادره اكمل معاه قلبي ينزف من القهر ..قلبي موقادر يتحمل اكثر من جذي والله مو قادره )
كانت تزيد بالبجي وصوتها يعلها وهيا تصرخ بأه ...جراح ماقدر يسمعها ويضل جذي وقف السياره ونزل ...وبطل باب ليال ومسك ايدها وحاول ينزها وهيا مو راضيه ....سحبها بقوه ونزلت معاه وقبل مايسكر باب السياره
جراح بضيق:محمد اسبقنى على المطار ...وصك الباب
محمد نزل وقعد مكان جراح وحرك السياره
اما ليال كانت دموعها حاره ماتقل عن حرارة قلبها
جراح مسك ايدها ومشى لين الكراسي الي قبال البحر ..قعدها وقعد قبالها :ليولتي حياتي
ليال قاطعته بصراخ وهيا تبجي:كافي جذب كافي ..لي متى بجذب لي متى جراح انا تعبت منك ومن جذبك ارحم حالي ...ارحم قلبي الي طعنته بيدك ارحلم قلبي الي ينزف باليوم الف مره بسبتك ..حرام عليك انا بشر ماني حجر
جراح:ليال ليش كل هالكلام الحين احنه مو اتفقنا انج تعطيني فرصه
ليال وهيا تبجي:اعطيك فرصه على شنو ...انت اتجذب الجذبه وتصدقها ..انت مو قادر تتخلى ...فهمني شلون بطلقها دامك مو قادر حتى تجرح مشاعرها ..انت خفت عليها لا تتضايق اذا عرفت اني معاك ...ماحسبت حساب حق مشاعري وبكل بساطه تقولي ابي فرصه..على شنو جراح انت يوم بعد يوم تخليني اكرهك اكثر واكثر
جراح بصدمه:تكرهيني
ليال:اي اكرهك واكره كل شي فيك...اكره عينك الي تشوفها ..واكره ايدك الي تلمسها ...اكره صوتك وانت تكلمها وتقولها احبج ...اكره كل شي فيك ..تفهم كل شي اكره فيك الانه لها مو لي انت لها اهيا مو لي انا ..انت ماتحبني ...لكن تعشقها لي درجت انك تخاف حتى على مشاعرها اما انا مو مهم اتخلي قلبي ينزف اكثر مو مهم تكبر الجرح الي بقلبي اكثر مو مهم تخلي المسافه الي بينه اكبرمو مهم اني اضل مستانسه بسفرتي لي اخر لحظه ..المهم انه المدام غرور ماتزعل او تتكدر
جراح بضيق:ليول ممكن تسمعيني
ليال:مابي اسمع شي ...ما ابيك تفهم ما ابيك ..مو قادره اتحمل قربك ابسسبها مو قادره اشيل اسمك بسسبها جراح ولي يرحم والدينك وغلات ملاك عندك خلي بحالي لاتعذبني اكثر من العذاب الي انا فيه ...والله تعبت والله تعبت
جراح بضيق:ليول انا تعبان اكثر منج والله يشهد علي ...انا ما قلت لها الان ما ابيها تعرف اني بروح لندن مو خوف على مشاعرها ...ليول ليش تفكرين بالاشياء الموزينه الي بينه ليش ماتتذكرين اول زواجنه وشلون كنا ليش ماتتذكرين الاشياء الي تجمعنا م والي تفرقنا
ليال وهيا تبجي:مابي شي يجمعني فيك ما ابيك تفهم شنو ما ابيك ...اكرهك واكره كل شي فيك الان يذكرني فيها ...انت سببت لي عذاب ماينتهي الا بموتي
جراح يحط ايده على شفايفها عشان لاتكمل:لاتقولين جذي يعل يومي قبل يومج ....وبصوت مبحوح...ليول لاتقولين جذي
ليال تبعد ايده عنها :جراح بسك جذب كفايه ارحمني تفهم شنو ارحمني
جراح بصراخ :انتي الي رحميني انتي الي فهمي انتي الي حسي فيني عبالج انا مرتاح عبالج انا مستانس من كل الي صار انا اموت باليوم مليون مره الاني حطيت نفسي بمصيبه قاعد اموت باليوم الف مره الاني بعيد عنج اموت باليوم امن اشوفج قريبه مني واما اقدر حتى اقعد معاج اموت لمن اشوفج تصديني اموت لمن اشوف غرور تجرحج اموت لمن انام ليل وهيا الي عندي مو انتي ....نزلت دمعته على خده...والله ثم والله احبج ...وعمري ماحبيت غرور والله احبج وغلات ملاك احبج ...واذا انا جذاب انشالله يكون اخر يوم بحياتي ...ليول والله احبج

نهاية البارت


السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية . ان شاء الله روحت لندن بداية النهاية من غرور عشان ترتاح ليال اعتقد اذا تروح معاه لندن راح تصدق اكثر انة راح يتخلص منها ويصير لها بروحها مثل اول لان لكل شيء نهاية وغرور نهايتها قربت .

البارت 40

بالمطار

كانو توهم واصلين الكويت ...بس جراح ما كان معاهم لان حجز حق لندن وسافر
محمد وهو متنرفز:كل وحده تاخذ جنطتها انا مالي شغل فيكم
آلاء :واي حمود اي كمل جميلك لي الاخر
محمد:اي واكسر ظهري...التفت على ليال بحاله يرثى لها كانت تعبانه وايد ومو قادره توقف ...ليول شفيج
ليال بتعب:احس بتعب مو قادره حتى امشي ...مافيني حيل
محمد:اي من الحوسه ...تبين تقعدين شوي تريحين
ليال:لالا ابي ارد ...وقبل ماتكمل طاحت على الارض
آلاء ومحمد بصراخ:ليال
محمد شلها من الارض وسندها عليه وهو يطق ويها:ليال ...ليال ردي علي ليال
آلاء بخوف:امبييه حمود شفيها
محمد يضرخ عليها:يبيلي ماي بسرعه
التمو الناس عليها الي ايب عطر يحطه عند خشمها والي ياخذ الماي من آلاء ويصب على ويها ...وآلاء بس تبجي
محمد ماسك ايدها يشوف النبض :ليول ..ليول
احد الاشخاص الي يكونون واقفين:مافي دكتور يشوفها
محمد:مايحتاج الحين تصحى
آلاء:حمود شفيها
محمد:هبوط ...لاتخافين الحين تصحتى
بعد فتره افتحت ليال عينها وهيا تعبانه وبصوت يدوب يطلع :ابي ماي
محمد اخذ الماي ورفعها شوي وبدا يشربها ...وبعد ماشربت اخذ قطعت حلاو صغيره وحطها بحلجها :شلون صرتي
ليال:تعبانه ودوني البيت
الشخص :معاكم احد ولا بروحكم
محمد:لا بروحنا
الشخص :خل تريح شوي وبعدين طلعو
محمد:تقدرين تمشين
آلاء:حمود انا وياك نمسكها ونروح لي السياره
محمد:لا بس ابيها تقعد على الكراسي علما ايب السياره عند الباب
ليال:اي اقدر...وقامت بمساعدت محمد وآلاء وقعدت على الكراسي
محمد اخذ الجناط وراح لي السيار وبعد فتره رجع لهم واخذ وهو مسندها وراحو لي السياره

محمد:شلون صرتي الحين

ليال بتعب :ابي انام
محمد:ليول خل اوديج الطبيب
ليال:ما يحتاج ابي انام بس
محمد:اكيد
ليال:اي اكيد
محمد:دام جذي باخذج بيتنا عشان اتطمن اكثر
ليال:اوكي


فلاة خالد

اريام:ليول تأخرت وايد
كادي:بسم الله توها الساعه 10 ..زيمكن رايحين يتعشون بره وبعدين يرجعون
اريام:اووف ملل البيت بدوها ايب المرض ...مادري شلون بتحمل فراقها
كادي:بيييه شدعوه عليج فراق مره وحده انتي بتتزوجين ولا بتهاجرين الي الابد
اريام:فال الله ولا فالج اتزوج ليش قالولج هبله ولا ماعندي عقل اتزوج
كادي:اذا ماتبين تتزوجين ليش تقولي مادري شلون بتحمل فراقها
اريام وهيا تقعد عندها :ليول تبيت تطلق بعد ماتخلص الامتحانات مباشرا
كادي بستغراب:ليش
اريام:شنو ليش يعني عاجبج وضعها
كادي:نار جراح ولا جنة ابوها ..انتي نسيتي ابوها شلون يعاملها
اريام:لا مانسيت ...بس شل فايده من العيشه مع ريال ما يبيها ويحرمها من ابسط احقوقها معاه
كادي:بس انتي سمعتي جراح شقال حق امي
اريام:وانتي عارفه عدل انه جراح ما يحب احد يقوله شنو يسوي
كادي:الحين ابي افهم ليول ليش غبيه ..زدام جراح مطيح عندنا صارله فتره ليش ماتسحبه صوبها ...تبين الصراحه سعات احس انها ماتبيه
اريام:ما تنلام اذا ما تبيه انتي لو مكانها تقعدين مع واحد يتزوج عليج وفوق هذا ما يدري عنج ...وانتي والخدامه بنسه بله شي واحد
كادي:لا طبعا
اريام:خلاص عيل لا تلومينها
كادي:انا ماقلت شي بس الحين كل شي بيدها ...اهيا بيدها ترجع الامور كلها مثل قبل واهيا بيدها تخرب كل شي ...وصراحه تطلع غبيه اذا تنازلت عن جراح حق غرور
اريام:والله مادري شقولج ..جراح كلامه شي وتصرفاته شي ثاني ساعات احس انه يحبها وساعات احسه يجاملها
كادي:لاتظلمينه جراح طيب وقلبه ابيض والي بقلبه على لسانه
اريام:عفوا منو هذا
كادي:جريح منو يعني
اريام:الحين جراح الي بقله على السانه وطيب لو هذي مواصفاته جان ما سوى كل هذا ابنت الناس ...خل ادق على ليول ابرك ....جهازها مغلق
كادي:يمكن داشين سينما او تليفونها مافي شحن
اريام:يجوز

بيت احمد

بغرفة ليال
محمد نوم ليال السرير وغطاها :تبين شي ليول
ليال ببتسامه:سلامتك تعبتك معاي
محمد ببتسامه:الا هديتو حيلي بأغراضكم
آلاء :ليول ماتبين تبدلين
ليال:لا ابي انام جسمي كله متكسر
آلاء:اخاف مصخنه
محمد حط ايده على يبهتها :اي شوي ...الحين ايب لج بندول اخذيه ونامي
آلاء:صج دكتور اي شي صار بندول
محمد:اقول انطمي لا تسوين نفسج فاهمه وانتي ماتدرين وين الله قاطج
ليال:الوء دقي على اريام قولي لها اني بنام هني
آلاء:اوكي عطيني رقمها
ليال :666....يالله طلعو ابي انام
محمد:خوش طرده بس ماعليه اذا حسيتي ابتعب ناديني
آلاء:ليش تناديك انا عندي بندول ما يحتاج
محمد يطقها على راسها:انطمي
ليال ببتسامه:كملو هواشكم بره
طلع محمد وآلاء من الغرفه وليال حطت راسها ونامت

ثاني يوم الصبح عند جراح وعادل بالشركه

جراح وهو يوقع على الاوراق:وهذي الاوراق وتوقعت ...في شي ثاني بعد
عادل ببتسامه:سلامتك ... بس خلك عندنا يومين يمكن نحتاجك بشي
جراح:لا يومين ولا ثلاث ...عندي شغل لا زم ارجع
عادل:ماقلت لي انت شناوي عليه
جراح:لا تستعيل بتيك الاخبار ...المهم انا ماشي تامر على شي
عادل بستغراب:وين
جراح:وين يعني برد الكويت
عادل:من صجك انت ..توك واصل وين بتروح
جراح :يبا عندي شغل وما اقدر اتأخر اكثر من جذي.....سلم على داني
عادل :اساعه جم رحلتك
جراح يشوف الساعه:بعد ثلاث ساعات
عادل:دام جذي قوم انا اوصلك
جراح:ماشي...طلعو من الكتب وتوجهو للمطار وهو طول الطريج يدق على ليال وجهازها مغلق ...هذي وين راحت ...ودق على اريام
اريام:هلا جريح
جراح:هلا فيج ..شلونج وشلون ملوكه
اريام:بخير الحمدالله انت وينك من امس مختفي
جراح:مشغول شوي ..المهم وين ليال ادق عليها جهازها كله مغلق
اريام:ليال بيت ابوها
جراح بصدمه:ها ..بيت ابوها ...ليش
اريام:امس اختها دقت علي وقالت انها بتبات عندهم
جراح :وماقالت لج ليش
اريام:تقول تعبانه ومن الفراره والوقت متأخره ..مادري وايد خربطت على راسي مافهمت منها شي
جراح متنرفز:هذا مو عذر يعني ما تقدر ترتاح بالبيت
اريام:ماتفرق اهني ولا بيت ابوها كلها يوم
جراح :واذا ما ردت
اريام:وليش ما ترد
جراح بعصبيه :انزين انزين يالله باي
اريام:باي
صكه من اريام ودق على محمد
محمد:الووو
جراح:شلونك محمد معاك جراح
محمد:هلا جراح
جراح:بغيت ليال ادق عليها جهازها كله مغلق
محمد:ليول نايمه
جراح بستغراب:لي الحين ...الساعه 12 عندكم
محمد:شكلها تعبانه من الفراره امس
جراح:اممم... يعني مافي شي ثاني
محمد بستغراب :شي مثل شنو
جراح:ها...لا وشي بس اذا قامت خل تتصل فيني
محمد:اوكي
جراح:ماشي فمان الله
محمد:حياك
عادل:جراح ....اكيد متهاوش معاها كالعاده ....خف عليها شوي ياظالم
جراح بطل عينه على وسعها:منو ظالم
عادل:انتم نو يعني ...مادري ليش مأذي بنت الناس معاك يا اخي طلقها وختروح بحالها
جراح بعصبيه:انتو شفيكم على سالفة الطلاق ترى ذبلتو جبدي ماصارت..وبعدين حياتي الخاصه محد له الحق يتدخل فيها ..ومثل ما انت ماترضى احد يتدخل بينك وبين دانه انا ما احب احد يتدخل بينا
عادل وهو يهز راسه : لا حول ولا قوته الا بالله ...جراح انت ما تخاف حوبتها تطلع فيك ولا ابنتك
جراح :وانا شسويت كل هذا لاني تزوجت عليها يبا الشرع حللي انتو بتيون تحرمون الي حلل رب العالمين
عادل:زين والله يعني تعرف بشرع رب العالمين وتعرف انه الله قال لازم تعدلون ..انت قاعد تعدل بينهم
جراح:....
عادل:شفت شلون ..انت بوادي وليال بوادي ثاني وهذا الي احنه نقصده تبي غرور ما تبي اطلق ليال ما قلنا شي بس اعدل بينهم عطها حقها مثل ماتعطي غرور حقها
جراح:انا مو مقصر عنها بشي كل سبوع ينزل
عادل يقاطعه:انت شسالفتك تستعبط ولا شنو بضبط ...انا اقصد العدل والمساواة بكل شي مو بالفلوس ...الفلوس عمرها ماكانت كل شي بحايتنا وانت عارف هالشي
جراح بقلبها(عارف شتقصد ومو بس هيا الي محتاجتني انا محتاجها معاي بكل وقت وكل ثانيه)

بعد ساعه بيت احمد

بغرفة ليال
حصه تقعد ليال من النوم:ليال...ليال ...قومي يما بسج نوم قومي تغدي
ليال بكسل:ابي انام
حصه:ما صارت نوم هذي قومي يما اكلي لج لقمه ويهج صاير اصفر من قلت الاكل ..ليال قومي
ليال وهيا تفتح عينها:يما والله ماشبعت نوم
حصه:قومي بلا كسل وراج صلات ووراج دراسه
ليال قعدت:اساعه جم الحين
حصه:وحده ونص
ليال ببتسامه:يما متأكده انها وحده ونص
حصه:لا تزعلين اساعه وحده يالله قومي
ليال :ان شالله ...وقامت
حصه:خلصي ونزلي
ليال:ان شاء الله يما...ودخلت الحمام خذت لها شور وطلعت البست ونشفت شعرها وصلت وبعدها نزلت

بصاله احمد كان قاعد يشوف تلفزيون وتفاجأ بليال تزل

احمد:انتي شعندج هني
ليال بقلها(استغفر الله ربي شهالابو الي يتكدر من شوفت بنته):شلونك يبا
احمد:سألتج سؤال ردي علي شعندج هني
محمد نزل من السلم :ها ليول قعدتي
احمد بصراخ:لمن اكلمج ردي علي
ليال :لا تخاف ما تطلقت ...وهدته ودخلت المطبخ
محمد: يبا شفيك عليها
احمد:اختك شعندها هني
محمد:وحده نايمه بيت ابوها فيها شي
احمد:اي فيها ونص ...ليش ماعندها بيت تنام فيه
محمد:عندها بس امس ردينا متأخر وكانت تعبانه...قلت لها تنام عندنا ولا ترد بهاليل
احمد:وماعندها ريل اي ياخذها
محمد:جراح مسافر ..يبا كلها يوم واحد ماراح تنقلب الدنيا وبعدين هذي بنتك مو غريبه
احمد:انزين اذلف عن ويهي
محمد هز راسه ودخل المطبخ :يما الغدا جاهز
آلاء:ماتشوفنا ننجب
ليال :واي يرحت الطباخ يفتح النفس
حصه:اشوفج بس ما تاكلين
ليال ببتسامه:باكل حدي يوعانه
حطو الغدا وقعدو ياكلو واحمد كل شوي يشوف ليال وملامحها الي واضح عليها التعب
احمد:ليش ويهج اصفر
ليال برفعت راسها بستغراب:انا
احمد وهو متنرفز:اي انتي
حصه:من قلت الاكل والسهر شلون ماتتعب
احمد:وليش ابيتكم مافيا كل يوكلونج
ليال:مبلا عندنا اكل بس انا ماعندي وقت
احمد بستهزاء:ليش الاكل يبيله وقت
حصه:اذا وقتها كله بالكليه واذا ردت بتدرس وتجابل ملاك بعد لها خلق تاكل
احمد:اي كليه ..ان شالله رديتي تدرسين
ليال:اي ما بقالي شي واتخرج
احمد بعصبيه:وبكيف منو تردين الكليه ومنو سمحلج
ليال :بكيف ريلي ..انا ليلحين على ذمته وهو المسؤل عندي ومحد له الحق يمنعني من دراستي
حصه:احمد ذبحت البنت خلها تاكل ..ماتسوى عليها يت بتنا
احمد:ومنو قالج اني ابيها اتي بيتي لي مت خل تدخل وتطلع براحتها
ليال تضايقت ونزلت راسها
بهالوقت رن تليفون محمد:اوووه هذا جراح...ليول كلمي ريلج شقني كل شوي داق
ليال خذت التليفون منه:الووو
جراح بلهفه:ليول وينج
ليال:هلا جراح ..كاني موجوده
جراح:وين موجوده كل ما ادق محمد يقولي نايمه ...بعدين ليش نايمه بيت ابوج ليش مارديتي البيت
ليال كانت تشوف احمد الي قاط اذنه عندها : ماكو ردينا متأخر وخفت ارد البيت بروحي ..وحرارتي كانت مرتفعه شوي قلت انام هني
جراح:انزين ليش جهازج مغلق
ليال:جراح شفيك جهازي عندك نسيت اخذه منك
جراح:لا انا حطيته بالجنطه
ليال:صج ...ماثبت ..عبالي عندك
جراح:انزين يالله قومي ردي البيت
ليال:بعد شوي بروح
جراح:لا الحين تروحين وتكلمني اول ماتوصلين
ليال: انزين اتغدا واطلع
جراح:اوكي خلصي غداج وطلعي على طول ..واول ماتطلعيني دقي علي
ليال ببتسامه:ان شاء الله
جراح:يالله حياتي روحي كملي غداج ..بالعافيه
ليال:الله يعافيك
جراح:باي
ليال:باي ...وصكته
بعد الغدا بدلت ملابسها ونزلت
ليال:حمود وين الجنطه
محمد:بسياره ..خل ايب المفتاح وانزلها
ليال:اوكي
احمد:جنطة شنو
ليال بستغراب(هذا شفيه لي هالدرجه مو بالعني امبييه دام مايبون عيال ليش ايبون )
احمد بصراخ:وانا كل ما اكلمج تسرحين ..تكلمي جنطت شنو
ليال:اغراضي
احمد:شنو كنتي ناويه تتطلقين
حصه بعصبيه:احمد وبعدين ليش تفاول على البنيه
احمد:عيل ماتقولين لي ليش يايبه جنطه معاها
ليال بعصبيه:لاني كنت مسافره مع جراح فيها شي ولا لازم استأذن منك ...يما قولي حق حمود انطره بسياره...وطلعت
احمد بصراخ:هين ياحماره ترفعين صوتج علي ...وقام وراها عشان يطقها..تعالي ياجلبه وين بتروحين مني ...اول ماقرب صوبها سحبها من شعرها ...ان ماربيتج ياحيوانه ..ما اطلع احمد
ليال:آي آي شعري
احمد:ماتستحين في بنت تكلم ابوها جذي
ليال :وفي ابو يعامل بته جنها وحده من الشارع ..انت حام تكون ابو حرام
احمد عصب اكثر وحذفها على الارض وراح رفسها:ان شفتج تعتبين باب البيت اذبحج فاهمه..ودخل داخل
ليال قامت وهيا متضايقه والدموع ماليه عينها وبقلب مكسور :يارب ...يارب ..انت العادل ومافي اعدل منك...اذا انا غلطت بشي حاسبني واذا ما كنت غلطانه خلصني من هالنا سالي ماتقدر ولا ترحم ...ودخلت السياره وهيا تمسح دموعها وتدعي ربها
نزل محمد ومعاه مفتاح السياره اخذ جنطة ليال من السياره وراح عندها حط الجنطه بدبه وراحصوبها عشان يعطيها الحبوب الي شراهم لها
محمد:اخذي كل يوم...وتلاشت الكلمات من شافها تبجي...ليال شفيج
ليال:شفيني يعني ...ابوك مايرتاح الا لمن يطقني
محمد:لا حول ولا قوت الا بالله ...ليش بعد
ليال:روح اسأله
محمد:ماعليه ليول ..انتي عارفه طبع ابوي لازم نتحمله
ليال :حمود لي متى لاابو مثل الابهات الي يحنون على بناتهم ولا ريال مثل ادمي ..ماتقولي لي متى بتحمل هالعيشه
محمد ببتسامة حزن:ماعليه كل شي بيتغير مع الايام ...وعندج جراح شوفي شلون كان يعاملج بدبي ..معناته كل شي بتصلح
ليال:الله كريم خل اروح ما بي اتأخر اكثر من جذي تلاقي ملوكه عافستهم بالبيت
محمد ببتسامه:اوكي بس لاتضيقين خلقج ..وديري بالج بالطريج
ليال:اوكي


عند جراح بالطياره

جراح كان طول الوقت يفكر بليال (هذي مادقت ..ليكون ماتبي ترد البيت ليكون تبيت تطلق ....لالا ماعتقد كلامها معاي مايبين هالشي ...انزين ليش مادقت ليش جهازها لي الحين مغلق ...اكيد سوت الي براسها ...اوووف مادري لي متى بتتصرف مثل اليهال )...دق عليها ولجهاز ليلحين مغلق

فلاة خالد

ملاك كانت لامه ليال ومو راضيه توخر عنها كأنها من سنين مو شايفتها ...وليال نفس الشي كانت لامتها وتبوسها وتشم ريحتها
هنادي ببتسامه:سبحان الله صج لي قالوا لام الي تربي وانتي الله سخرج حق ملاك عشان تبارينها وتكونين بحسبت امها
ليال ببتسامه:والله يشهد علي اني عمري ماحسيت انها مو بنتي ..ملوكه بنتي الي ما عاشت تسع شهور برحمي
اريام وهيا يايه:زين الي شرفتي جان قعدتي اكثر
هنادي:ريمو ويهد شهالكلام
اريام:وانا صاجه ..يما البيت ايب المرض بدونها احس اني ضايعه من غيرها ...وراحت عندها ..قوليلي بتفصيل الممل وين رحتي
ليال ببتسامه:دبي
اريام :صج يااااي وناسه
ليال ببتسامه احلى:حمود كان مسويها لنا مفاجأه
اريام:وناسه والله خوش اخو عندج م والي عندنا واحد مجابل العيوز والثاني مانشوف رقعت ويها
هنادي:ريمو في وحده تقول عن اخوانها جذي
اريام:ماما هذا الصج ..ليش تزعلون من كلمة الحق ...المهم ليول اهم شي ستانستي
ليال:واايد ياليتج معاي
اريام:يابعد عمري اهم شي وناستج
ليال:والله ريوم شرايج نروح بعد ما اخلص متحاناتي
اريام:الحين اصوم اصوم واخر شي اروح دبي لا حبيبتي ابي اروح مكان عدل
ليال:اقصد سفره بو يوم
ملاك :ماما ابي اعاب
ليال:بس انتي تامرين امر جم ملوكه عندي
هنادي:الا جراح وينه اليوم ماشفته
ليال تذكرت جراح اشهقت وحطت ايدها على شفايفها:امبيه نسيت ادق عليه
اريام:ادقين على منو
ليال:جراح قالي من تطلعين من بيت ابوج دقي
اريام:عشتوو من متى
هنادي:ماقالج وينه
ليال:جراح بلندن
هنادي بستغراب:لندن شعنده
اريام تستعبط:شكله بيب الثالثه
ليال ابتسمت بضيق وتنهدت
اريام :سوري ليول مو قصدي..بس شعنده بلندن
ليال:عنده شغل مع ريل دانه
اريام:ويه ويه قمنه نعرف وين يروح وين يرد شكل الموضوع في خيانه
ليال :خيانة شنو
اريام:يعني تغازلين اخوي من ورانه
ليال ابتسمت وتذكرت الكلام الي قاله لها جراح على البحر
اريام:لا لا هذي يبيلها قعده...قولي الي خاشته بسرعه ترى اعرفج من عيونج
هنادي:اريام يوزي عن البنت
اريام:لا والله ما ايوز ابي اعرف في شي يبشر بالخير
ليال:ماكو شي بس كان يبي يعرف اذا وصلت ولا لاء لان السفره صارت فجأه
اريام:اها
هنادي حست بحباط :الله يهديكم ان شالله ويريح قلبج مثل ماتريحين هالياهل
ليال ابتسمت ابتسامة حزن..وعم المكان بالهدوء

بيت احمد

بغرفة محمد ...دخلت حصه على محمد وهو يدرس
حصه:حمود ليال شفيها ويها وايد ذبلان...اختك فيها شي وانا ما ادري
محمد بقلبه(الحين اذا عرفت تقعد تحاتي ):لا يما مافيها الا العافيه
حصه:حمود قول الصج انا عارفه انه اختك فيها شي قلبي مو مرتاح كلش
محمد:يعني لو فيها شي بتشوفيني قاعد جذي اكيد بجابلها ..تطمني مافيها الا العافيه
حصه:عيل اكيد جراح ولا زوجته مأذينها انا ادري ليال مو الاولي
محمد ببتسامه:وهم من هل ناحيه تطمني جراح يعاملها عدل
حصه:وانت شدراك
محمد:كان معانه بدبي وكل تصرفاته تبين هالشي ...لو شفتيها شلون كانت مستانسه معاه ماكنتي قلتي هالكلام ...شكلها الامور قاعده تتحسن بينهم
حصه والفرحه مو شايلتها:واي طمنتني الله يطمن قلبك ...دام الامور بينهم زينه مثل ماتقول يمكن تكون حامل عشان جذي ويها ذبلان ..اي يمكن تتنسى وهيا ماتدري...بعد عمري ياليال واخيرا بشوف عيالج ...بروح اصلي ركعتين شكر لي رب العالمين ...وراحت
محمد ببتسامه: قلته تحسنت الامور ..مسرع ماسويتيها حامل


بليل عند البنات

ليال كانت قاعده تدرس وملاك قاعده بحظنها ...وطق بأيدها على الكتاب
ليال:ملوكه بس ماما والله اذيتيني
ملاك كانت اطق على الكتب بدون توقف
ليال :خلاص انا زعلت من ملاكي وابي اروح بعد مافي ماما لولي
ملاك التفتت عليها :لا ما لوحين ..قعدي نني (ماتروحين ..قعدي هني)
كادي:اي مو شاريتها بفلوسج عشان جذي تتأمرين عليها وانا مادري
ليال:والله مادري شبيصير فيها لي رحت عنها
كادي:ليش وين بتروحين
ليال ببتسامه فيها حزن:كل بي بي سيتر تقعد سنتين او اكثر وانا قعدت سنتين ...خلصت مدتي
كادي:هههههههه...ليول عليج سوالف ....مومشكله انمددها لج
ليال بضحك:بس بعد حلاو بشوفلي بيت ثاني اشتغل فيه
كادي:ههههههاي ...والله انج هبله في وحده تقول عن نفسها جذي
ليال بضيق:مو هذا الصج ..اخوج خذاني من بيت ابوي عشان اربي بنته لا اكثر ولا اقل
كادي:ليال شياب طاري هالكلام الحين
ليال:مادري بس اليوم يايني احساس غريب
كادي:الا وهو
ليال:اول مره ادخل البيت واحس بضيقه مو طبيعيه ...حاسه بيصير شي جايد...احس بشي قاعد على قلبي وقامتني
كادي:واي قطيعه شهالفال ..انتي ليش متشأمه هالكثر
ليال :مادري احساس وياني اول مادخلت البيت ...اول مره يصير معاي جذي
كادي:هذا ابليس قاعد يوس وس لج ذكري الله وان شاء الله ماكو الا كل خير
ليال:ونعم بالله ...حطت ايدها على قلبها ...وبضيق ....يارب
اريام وهيا نازله :بنات ...شرايكم نروح نتعشى بره او نتمشى على البحر حاسه اني مخنوقه مو قادره اقعد بالبيت
كادي:امبييه شفيكم ..ليش متضايقين جذي
اريام:والله جد ما اتغشمر ترى ضج متضايقه قلبي مقموت حده
كادي:اقول خلكم بضيقتكم خل اروح اجابل امي ابرك ...مو ناقصه نكد ...وقامت
اريام راحت قعدت عند ليال :انتي بعد متضايقه
ليال:وايد ...انتي ليشم تضايقه
اريام:امي معصبه علي وتبي تزوجني غصب
ليال ببتسامه:نعم نعم ...في مشروع زواج وانا اخر من يعلم
اريام:اوووف ...والله انتي وين وانا وين
ليال:ليش بالله
اريام:لاني ما ابي اتزوج ...ولا افكر بالزواج لا الحين ولا بعدين
ليال :انا ما اشوف فيج شي ناقص عن البنات عشان ماتتزوجين ..ما شاء الله كامله والكامل الله
اريام:الكمال لله وحده ...واذا على الزواج يبيلي ريال عشان اتزوجه مافي ريايل بهالزمن
ليال:كل هالريايل ومافي ريال عيل الي خاطبج شنو
اريام:ليول لا تستعبطين ..ليش اتزوج عشان عور قلبي قوليلي الي تزوجه شنو ستفادو ...ولا شي ..لاتقولين كونوا سره وبيت وعيال ...كل هذا على حساب صحتهم وراحت بالهم
ليال:صح بس بعد كل هالتعب راحه راح ترتاحين اذا كبرتي وشفتي ريلج وعيالج حوالينج
اريام:حبيبتي هذاك قبل مو الحين ...الحين البنت تتزوج وتلها بمشاكلها مع ريلها والولد ...ينسى كل اهله من ياخذ اليسن ...ومايتذكرون اهلهم الا اذا حتاجو شي
ليال:اصابعج مو سوى ....ياما شباب وبنات بارين بأهلهم ...هذا مو عذر
اريام:بنسبه لج مو عذر بس بنسبه لي عذر كافي ....يبيلي وحده متزوجه مرتاحه مافي...ياريلها يخونها يا متزوج عليها يا شكاك يا سكير
ليال بستغراب:انتي منو قاص عليج في وايد بنات عايشين مع ازواجهم مرتاحين ووفي ريايل ينحطون على الجرح يبرى الي تتكلمين عنهم فأه قليله
اريام:لا تحاولين زواج ما راح اتزوج
ليال:انتي قعدي معاه يمكن لي شفتيه تغيرين رايج...الا اهو من ولده
اريام:ام فهد الي كانت عندنا قبل جم يوم
ليال:اها
اريام:انزين انتي ليش متضايقه
ليال:مادري من دخلت البيت حسيت بشي قعد على قلبي
اريام:صاير معاج شي
ليال :قولي اشياء
اريام:والله كنت حاسه لان مبين من عيونج
ليال قالت حق اريام كل الي صار معاها من يوم ماطلعت من البيت لين ردت البيت :هذا كل الي صار
اريام :اولا ابوج ما له حق يمد ايده عليج سمحيلي ليول ابوج زودها وايد انتي الحين على ذمت ريال وهو المسؤل عن كل تصرفاتج ...وثانيا والهم من كل شي جراح ...لازم تعرفين انه تصرفه هذا مو عبث ولازم تفكرين شلون يطلق غرور بأسرع وقت
ليال:اي بس اخوج كلامه شي وفعله شي ثاني ...اذا صج مايبيها ليش ماكان يبيها تعرف اني معاه ...هذا له الا تفسير واحد يحبها ويخاف على مشاعرها ...وابسط شي كان يقدر يسويه انه مايرد عليها بس اهو بحركته هذي جنه يقولي يا ليال اصحي ولا تنسين نفسج غرور موجوده وما احب اجرحها او اجرح مشاعرها بحرف عشان جذي ما قال لها اني معاه
اريام:ويمكن ما قال لها عشان لاتحجز وتلحقكم وتخرب عليكم وناستكم ...ليش ماتفكرين فيها جذي ليش متشائمه
ليال:متشائمه ...لاني مابي انصدم بعد ..كافي لي هني قلبي ما عاد يتحمل اكثر
اريام:واذا طلقها بتعيشين معاه ويرجع كل شي مثل قبل
ليال:اريام اذا الفازه الي جدامج انكسرت وصارت نتف صغار تقدرين تردينها مثل ما كانت
اريام:اكيد لا بس اقدر اسوي غرها
ليال:بس ما راح تكون نفس الاولى ولي بيني وبين جراح تكسر وصعب يرد مثل قبل...القلب لي مات تقدرين تعيشين بقلب ثاني
اريام:اي عادي
ليال متنرفزه:خلاص دام كل شي عادي عندج تزوجي ليش تمنعين نفسج من الزواج واذا انكسر قلبج...حطي لج قلب ثاني
اريام :واي ليول انتي غير وانا غير
ليال :بهذي صدقتي الي ايده بنار مو مثل الي ايده بالماي
اريام:ليال انتي صايره حساسه زياده عن اللزوم ...كل ما فتحنه الموضوع معاج تضايقتي وزعلتي
ليال:لان كل وحده فيكم تبي كل شي على مزاجها ..ريوم فهميني انا وجراح انتهينا خلاص
اريام:شلون انتهيتو اذا اهو يحبج شلون
ليال:مافي شي سواه يثبت الحب الي تقولينه ...انا ابي فعل مو كلام ...اذا جراح طلق غرور ..انا مستعده اسوي كل الي تبونه بس غير جذي لا ....ليش اوقف حياتي كلها بس الان قالي احبج
اريام:ليال بسألج سؤال وردي علي بصراحه ...اذا تطلقتي من جراح بتتزوجين
ليال ببتسامه حزن:والله وغلات امي يا ريوم اذا ماكنت حق جراح بيوم ثقي تماما اني ماراح اكون حق غيره ..القلب مايشيل غير واحد يا اريام
اريام:واااي بذبحها ياناس ياعالم بذبحها ....ومسكت ارقبتها وتهزها ...اذبحج قولي اذبحج
ملاك كانت اطق اريام وتصرخ عيها:حلي حلي ماما حلي
اريام توخر :مالت عليج وعلى امج الخبله ....ملوكه ماما ليال تبيت تطلق وتروح بعييد بعدين ماكو ماما لولي
ملاك تلم ليال:مابي مابي ..ماما لولي مالي
ليال:ريمو يوزي عنها ابي ادرس
اريام:انزين ...وتكلم ملاك ...ملاكي لاتخلين ماما تدرس عشان تصقط ولا تتطلق ...ههههه والله خوش فكره


بيت احمد

غرفة آلاء
رناد كانت عندهم بالبيت وآلاء قالت لها كل الي صار ب دبي
رناد:اخيييه عورت قلبي ...يارب يصلح بحالهم يارب
آلاء:الله يسمع منج ...المهم انتي شنو بغيت من حمود
رناد:اووف لاتذكريني عندي ماده ملوعه جبدي وابيه يدرسني
آلاء :اها....بس انا خبري فيه طالب مو مدرس ..ولا مدرس خصوصي بعد
رناد وهيا منحرجه:بلا قلت ادب ...سخيفه
آلاء:هههههه منو ياب طاري قلت الادب ...وتغمز لها رنود علينا ...قولي ابي يفتح نفسي على الاختبارات ترى عادي انا اخته مو غريبه وعارفه البير وغطاه
رناد :الوء وبعدين معاج ..انا يايه ادرس مو يايه حق الخرابيط الي ابالج
آلاء تبتسم:اوكي يا ام الدراسه نطري بس خل ابوي يطلع عشان لا يعل قلبنا
رناد:الي يشوف ابوي وابوج مايقول اخوان وطالعين من بطن واحد ...واي فديت قلب ابوي يهبل ..الله لايحرمني منه
آلاء:بقولج شي بس موت عصبين ...انا صج احسدج على ابوج ...عمي يهبل بكل شي حنون لي اخر حد ساعات اقول لو ابوي كان نفس ابوج جان ماصار حق ليول وفواز جذي
رناد بستغراب:شفيه فواز بعد
آلاء:شنو شفيه نسيتي انه طرده من البيت بسبب زواج ليال من جراح
رناد:اي صح نسيت ...انزين قومي شوفي ابوج طلع ولا بعد مابي اتأخر
آلاء:عادي لي تأخرتي حبيب القلب موجود ...نخليه مدرس وسايق وطباخ كل الي تبينه امري انتي بس
رناد:الوء اذا ماتكلمتي عدل بطلع وماراح اكلمج بعد فاهمه
آلاء:يعني زعلتي حلايه راسج...صبر خل ادق على المدرس الخصوصي واسأله
رناد بعصبيه:ترى حدج سخيفه
آلاء :ادري....وتكلم محمد...حمود لو سمحت ولا عليك امر عندنا طالبه كسلانه تبي مساعدتك
محمد:اي طالبه يبا انا مو فاضي قاعد ادرس
آلاء:اي ادري قاعد تدرس...انا قلت حق رناد حمود قاعد يدرس بس اهيا اصرت انك ادرسها
محمد:رناد ....قولي لها مسافت الطري جوانا عندهم
آلاء بهيا تضحك:لا حبيبي مانبي انتعبك الغرفه يم الغرفه طق الباب بعد ماتتأكد انه ابوي مو بالبيت وتعال
محمد ببتسامه:اوكي يالله الحين يايكم ....وسكر التليفون ...وبعد ثواني طق باب غرفت آلاء
آلاء وهيا تحرك حواجبها :تفضل
رناد طقتها بالكتاب الي بيدها :هين انا اعلمج
محمد ببتسامه:مساء الخير
رناد :مساء النور
محمد:شلونج رناد ان شاء الله بخير
رناد ببتسامه:بخير الحمدالله ..ماعليه ابي اخذ من وقتك شوي
محمد:ولو انا تحت امرج ..امريني شلي مو فاهمته
رناد قالت حق محمد الاشياء الي مو فاهمتها ...وبعدها بدا يشرح لها وهما مندمجين بالدراسه وآلاء تراقب نظراتهم وبتساماتهم


بليل فلاة خالد
الكل نايم والمكان هدوء ..تبطل باب الصاله الي بقسم البنات ودخل جراح وهو متضايق لان اول ما وصل الكويت بطل جهازه ودق على ليال وماردت عليه...خلا جنطته وصعد فوق وهو حاط ايده على قلبه ..وعلى طول راح غرفة ليال بطل الباب شوي شوي ...و اول ماعينه طاحت على الفراش ابتسم على المنظر الي جدامه...ملاك نايمه وحاطه راسها على راس ليال ولامتها والاثنين بسابع نومه ...طلع بره ونزل وراح الجناح خذاله شور وبدل ورد لي غرفة ليال مره ثانيه
دخل الغرفه وسكر الباب وراه وراح عند ملاك شالها وحطها يم ليال وغطاها عدل
قام وراح الجها الثانيه صوب ليال قعد يمها وبأيده بد يتلمس ايد ليال
ليال فزت من النوم لمن حست ابأيد على جسمها :واي يما ...وخذت نفس...هذا انت
جراح ببتسامه عذبه:خرعتج
ليال :الا وقفت قلبي
جراح :سلامة قلبج يابعد قلبي انتي
ليال ارتبكت :الحمدالله على السلامه
جراح ببتسامه:الله يسلمج ....وقرب منها وباس خدها
ليال بخوف :انا بنام تصبح على خير ...وقبل ماتنسدح مسكها جراح من زندها
جراح:ما شبعتي نوم ...طول اليوم نايمه
ليال بخوف:شتبي
جراح :ليال شفي جانا ريلج مو غريب الي تخافين جذي
ليال:البعد طول الفتره الي طافت خلتك شخص غريب بنسبه لي
جراح وهو رافع حاجبه :ردينه حق سوالف اليهال ...شلون غريب عنج وانتي زوجتي وجمعنا سقف واحد
ليال:السقف الي جمعنا ما كان اكثر من سبوع لا تنسى وبعدين غرور عاشرتك اكثر مني وانت بنسبه لها ريالها ...روح لها توك راد من السفر
جراح وهو متنرفز:الحين منو ياب طاري غرور لو كنت بروح جان رحت لها وما انطرج انتي تقولين لي ..ويطقها على راسها على الخفيف...بطلي السوالف هذي
ليال:اوووف
جراح رد طقها :لا تأفأفين
ليال :الحين مقعدني من النوم عشان تسمعني كلام يغث ...قولي شتبي
جراح:الحين منو ياب طاري الكلام الغثيث غيرج ..ليال هذي مو حاله
كل ما احاول اقرب انتي تصدين
ليال (اللهم طولج ياروح):انا اسفه وحقك علي ...امرني
جراح ببتسامه:انزين على الاقل ابتسمي خل احس انها طالعه من قلبج
ليال تبتسم بالغصب:امرني
جراح وهو يضحك:صج ياهل
ليال :مو احسن من العيوز
جراح ببتسامه:احسن واحلى
ليال:ادري ماقلت شي يديد
جراح ببتسامه:يعجبني الواثق من نفسه
ليال:الحمدالله هذي نعمه من رب العالمين
جراح:اقعد ...المهم اليوم تاريخ جم
ليال:الحين مقعدني من النوم عشان تسألني تاريخ جم بطل تليفونك وشوف التاريخ
جراح:لا انا عارف بس ابي اسمعه منج
ليال :وليش تسمعه مني
جراح:الان التاريخ هذا مميز ومهم لنا
ليال بستغراب وبقلبها(يعني متذكر ..يعني ما نسى ..معقوله )
جراح:ها تذكري
ليال:عصرت مخي ومالقيت شي مهم
جراح بطل عيونه على وسعها:اكيد تستعبطين صح ...يعني تسوين نفسج مو عارفه انه اليوم عيد زواجنه
ليال بستهزاء:الله وزواج لحد يسمعك يقول صج متزوجين
جراح :قولي الي بتقولينه مايهمني ...المهم اني اكون معاج بهالاحظات هذي
ليال بقلبها(حرام عليك لا تعور قلبي اكثرالي فيني مكفيني ...لاتعشمني فيك وانت مردك لها)
جراح :ليوول وين رحتي
ليال بضيق:معاك وين بروح يعني
جراح ببتسامه:ليول والله ولي رفع السما بدون اعمده ..احبج
ليال بضيق:جراح خلني...وقبل ماتقمل حط جراح ايه على شفايفها عشان لاتكمل
جراح:مابي اسمع شي ماله معنى ويالله قومي لبسي ابي اطلع معاج
ليال توخر ايده:الحين
جراح ببتسمه :اي الحين فيها شي
ليال:ما اقدر اخلي ملاك
جراح:يعارتج اشوف خليتيها طول اليوم ...يالله قومي ولاطقين الثقل علي ادري من داخلج ودج ترقصين من الوناسه
ليال تحاول تقمت ضحكتها بس ماقدرت لان جراح قال الكلام الي اهيا تحس فيه وتبين العكس:هههههه
جراح :فديت الضحكه وراعيتها ...يالله حبي قومي
ليال :جراح من صجك وملاك وين اخليها
جراح:الله يعافي خواتي يوم واحد مايأثر
ليال ودها تطلع وما ودها عشان لايقول ماصدقت :خلها باجر ولا اقولك مو ضروري نطلع
جراح :شوفي بسوي فيج نفس ما كانت اتسوي فينا امي وحنه صغار ..بعد لي الثلاثه اذا ماقمتي جدامي ..بروح ايب لج ملابس وانا الي بلبسج
ليال:اي شي صح
جراح:لا مو اي شي انتي زوجتي وعادي البسج ...ويغمز لها
ليال بعصبيه:هذا الي ناقص بعد
جراح:شكلج بخدميني خدمت العمر اليله ...وقام راح غرفت التبديل بطل الكبت وطلع لها ملابس ....ورد مره ثانيه ...واخيرا بلبسج بأيدي
ليال بخوف :هي انت شبتسوي
جراح وهو يقرب منها ويبعد الكفر عنها:بفصخج عشان البسج
ليال تعصب وتقوم بسرعه:ماكو شغل ...وخذت الملابس منه
جراح حب يحرجها :حسافه يعني ماراح اشوف جسمج ...ولو اني مانسيت شكله بس
ليال تقاطعه بعصبيه:قلت ادب ...وطلعت من الغرفه
جراح:هههههههههه...فديت الهبله ....هههههههه
ليال بدلت وبلغت اريام انها بتطلع مع جراح واريام على طول رحبت بالفكره وراحت نامت عند ملاك

عند جراح وليال بسياره
جراح كان ماسك ايد ليال طول الطريج وليال كانت طايره من الفرحه وما حبت تخرب سعادتها بشي
جراح:تذكرين اليوم هذا
ليال ببتسامه:اذكره بكل تفاصيله ...تحب اقولك كل شي صار
جراح:ما يحتاج ..لاني ابي ابدي معاج تفاصيل يديده ...ومن هل لحظه هذي ..يالله انا ببدي ..زاحم احم...اسمي جراح ..وعمري 35 ..وعندي بنت اموره اسمها ملاك ...تتزوجيني ...والله مابي شي غير قلبج
ليال:ههههههههه
جراح يسوي نفسه معصب:ليش تضحكين ...يالله قولي تتزوجيني
ليال: امممم عطني مهله افكر ..وبعدين ارد عليك
جراحك لاحبيبتي انا ابي الرد الحين يالله جاوبي ..توافقين
ليال وعينها بعين جراح:على شنوا وافق
جراح:نبدي حيات يديده وننسى الماضي الي يجرحنا ويتعبنا ...ننسى كل يوم صعب عشناه بعاد عن بعض
ليال بغصه وحزن:الي انكسر مايتصلح
جراح:وحياتج اصلحه ولو كلفني عمري كله ..ما راح يردني شي ..شقلتي
ليال توالدموع اجتمعت بعينها:قلت احبك ومالي غنات عنك
جراح ببتسامه:بعد عمري انتي ربي لايحرمني منج
ليال:بشرط
جراح:عارف شرطج
ليال:اذا تبدي صفحه يديده باجر تخلص كل شي
جراح:امممم
ليال بنفعال :اي ادري انك اتحبها بس شوف هذي اخر فرصه لك يا طلقها باجر ولا والله ارد بيت ابوي ولوتحط ريل بسما وريل بالارض ما ارد لك وخل ملاك تربيها اريام ولا كادي
جراح:انزين ملاك تربيها اريام...وانا منو يربيني
ليال:امك وابوك الله يخليهم لك ..ويربونك احسن تربيه
جراح:انا ابيج انتي ومابي غيرج
ليال:جراح مابي كلام ابي فعل
جراح يأشر على عينه :من هذي قبل هذي بس الحين خلينا من كل شي يضيق صدورنا ..ابي قضي هاليله لج انتي وبس مابي افكر بشي غيرج
ليال ابتسمت وهيا تحس بسعاده وخوف بنفس الوقت
جراح:ليول طالج طلب ومابيج ترديني
ليال ببتسامه:امريني
جراح:ناديني جروحي
ليال:ان شالله جروحي بس مو الحين بعدين لي سويت الي ابيه بناديك كل ثانيه جروحي ..وبقلبها(الي اغلى من روحي )
جراح:ليال لاتربطين شي بشي
ليال بقلبها(والله اني عارفه انك ما راح اطلقها عارفه آآآخ ياقلبي ...اضاهر انا انكتب علي حرقت القلب طول العمر)
جراح:مو يوعانه
ليال:عادي
جراح :راح شارع المطاعم ونفس المطعم الي راح له اول يوم...جم صمونه تبين ...لاتقولين لي وحده ...ومو يوعانه تسوين لي نفس اول مره
ليال:ههههههههه عاد تبي الصج والله ميت من اليوع
جراح:جم وحده تبين
ليال :ثنين
جراح :اوكي ...وطلب لهم عشى وبعد ما وصل راحو على البحر ...تنزلين ولا تاكلين بسياره
ليال:ناكل بسياره بعدين ننزل
جراح:اوكي ...وبدو ياكلون ويتذكرون اول ايام الملجه ويضحكو ..وبعد ماخلصو انزلو على البحر
ليال:وااي برد
جراح ببتسامه:تعالي انا ادفيج
ليال :ردينه على قلت الادب
جراح:ههههههه ياهبله انا ريلج الي يسمعج اول مره المج واقرب منج
ليال بضيق: اي اول مره من بعد زواجك وبعدك عني
فترت صمت
جراح: ليال ممكن سؤال وتجاوبيني بصراحه
ليال:انا عمري ماجذبت على احد عشان اجذب عليك اسأل وكل الي تبيه بقولك لك
جراح:ليش كنتي تصديني من اقرب صوبج
ليال خذت نفس عميق :الاني كنت اشوفك يعقوب
جراح وهو متنرفز:لاتيبين اسمه جدامي
ليال:تغار
جراح:شرايج انتي
ليال حبت تعطيه جزء من الي تحسه:بس يعقوب ريالي على سنة الله ورسوله
جراح بعصبيه:لاتقولين ريلي انتي زوجتي انا وبس فاهمه
ليال تكمل وجنها ماسمعت:شكليي كان حده كيوت بالعرس ...وعرسنا كان كبير وحلو...ورقت جدامه على غنية عبد الرب ادريس ..ليلة عمر...وبعدها رحنا
جراح يقاطعها وشرار طالعه من عينه : وبعدين معاج ...انتي زوجتي انا وبس وماتزوجتي قبلي احد
ليال تكمل:كنت لابسه قميص نوم طويل افوايت بوردي
جراح بصرخه:ليال خلاص ...تدرين شلون قومي نرد البيت
ليال تقاطعه وهيا متضايق:تضايقت ....حسيت بالغيره...قلبك عورك صح....ودموعها بدت تنزل...عيل انا شقول الي كل يوم اشوفها قبالي ..انا شقول الي كل يوم اسمع طاريها ...جراح الي انت حسيته الحين هذا نقطه من بحر الي احسه شي ما اقدر اشرحه ولا اوصفه لك
جراح بضيق:ليال انا
ليال تقاطعه:انت شنو ولا شنو ..جراح انا لمن كنت اصدك كنت خايفه ...خايفه وايد مو الاني ما ني بنت مثل ما ضنيت ولا الاني ما ابيك تقرب مني ...انا فعلا كنت خايفه الي شفته بالفندق مع يعقوب شي خيالي صدمة عمري كلها ...انا صرت اخاف من اي ريال اشوفه وخصوصا اذا كنت بروحي احس بخوف مو طبيعي ...بس انت ليش ماقلت لي ليش ما صارحتني
جراح:صعب ..شلون اقولج وهذي اول ليله نقضيها مع بعض ...انا ماكنت مصدق ولي اليوم الي كشفتي فيه كنت متأكد انج بنت بس الي ذبحني صدج لي مو اكثر من جذي
ليال:عيل ليش انصدمت من عرفت السالفه ...وليش سألتني اذا انا بنت ولا لاء
جراح:مادري بس يوها حسيت اني ضيعت كل شي لي مجرد شك
ليال بستهزاء:وهذا انت عرفت لكن شعقبا ...عقب ماهدمت احلى شي بينا
جراح:يتصلح صدقيني يتصلح
ليال بتسمة بحزن
مر الوقت بسرعه وطلعت الشمس وهما على البحر جراح كان طول الوقت يسولف عن امور كثير صارت بلندن كان يحاول يبرر موقفه لكن المسأله بسبه حق ليال منتهيا اذا تبي تفتح صفحه يديده اطلق غرور ...بس مجرد تذكر سالفت الطلاق مره كان يقول من عيوني ومره يتهرب ..ما خذت منه شي مقنه او يريح قلبها ..وهني حست بخيبت الامل مره ثانيه
ارجعو البيت وصعدو فوق
ليال دخلت غرفت اريام عشان تنام وجراح لحقها يبي يدخل معاها الغرفه
ليال:لي هني وحدك ...ما تجمعنه غرفه وحده الا بعد ماتنفذ طلبي
جراح:شدعوا يبا ...والله اوعدج مايصير شي
ليال:وانا اوعدك من اطلق افتح لك باب حياتي من يديد بس الحين اسمحلي ...انت حرام علي لين اطلق غرور
جراح بصدمه:ليال شلون تحرمين شرع الله
ليال:وبس بهذي عرفت شرع الله ....للمره الثانيه اقولك سكر باب غرور وانا افتح لك بابي ..غير هالكلام ماعندي ...ويالله تصبح على خير ...وصكت الباب ودموعها بدت تنزل...لازم تعرف قيمتي عدل يا جراح

العصر
قعد جراح من النوم وهو طاير من الفرح ومقرر ينفذ الي اباله طلع من قسم البنات وراح الجناح دق على غرور وقالها انه اهو وصل ..بعد ساعه كانت غرور عنده
وجراح لمح لها على الموضوع
غرور:اغيب عنك يومين ارد الا الحبيبه فاره مخك ...لا حبيب انا غرور مو حيالله مو انت الي تاخذني لحم وتقطني عظم
جراح:انتي عارفه من الاول انه قلبي مو لج ومن اول يوم زواج لي قبل ما اسافر وانتي عارفه هالشي حتى وحنه ...سكت
غرور بضيق:تغلط بأسمها ...ليش مستحي قولها...وتلتفت عليه....دامك اتحبها ليش كنت تقولي احبج ...بعد كنت اتشوفني ليال وانا مادري ولا انت عمي وماتشوف ....جراح من الاخر ...الي ابالك تنساه ...ولا تنسى انه رقبتك انت واخوك بأيدي
جراح ببتسامه:وانا ماعندي مانع كل الي تامرين فيه تحت امرج
غرور بصدمه:جراح ....بهالبساطه اتبيع عشرتي عشانها ..انت شنو عشت معاها شنو شفت فيها ..اهيا تعرف انت شنو تحب وشنو تكره..زتعرف شلي يضايقك ...تعرف متى تكون تعبان وماتبي تتكلم ....تعرف منى تكون يوعان ...قولي شلي تعرف عنك...ماضنتي تعرف عنك شي ...تدري ليش الانك ماعاشرتها الا ايام وتنعد على الاصابع ...ليش ياجراح ليش تبيعني عشان هالياهل ..ليش مانسافر ونبتعد عن كل المشاكل الي حولك...انا ادري اهلك امها الي ضاغطين عيلك ...عارفه انهم مايحبوني ...جراح انا بأمس الحاج هلك وخصوصا هالوقت شلون تتخلا عني ...جراح مستعده اكتب كل شي بأسمك كل حلالي ...جراح اهيا صغيره وتقدر تتزوج تقدر تشوف حياتها بس انا منو لي بعيش مع منو من بعدك
جراح :غرور لاتنسين انج انتي الي اجبرتيني على الزواج ..وانتي عارفه ليش
غرور:مهما كانت الاسباب انا الحين زوجتك ..تفهم شنو زوجتك ومستحيل اخليك تنهي كل شي بينه عشان التافه هذي مستحيل تفهم


عند البنات

كادي:ليول ليول ...غرور وصلت ...تتوقعين جراح قالها
ليال وهيا متوتره:ما ادري
اريام:انا اتوقع يطلقها بدون مايقول لها ..زلان صعبه بيقول لها غرور والله انا بطلقج ما ابيج ....ما اتوقع يسويها
ليال:ادري انا عارفه اصلا جراح ما راح يتنازل عنها ...تلاقينه غرقان بالعسل معاها وانا هني ماكله قلبي
كادي:انتي ليش تسبقين الاحداث نطري لي خلص بيه
ليال رايحه وراده ومتوتره حدها:وانا شدراني شقاعد يسوي معاها ...مو يمكن يقص علي ويقولي بطلقها وهو يتفق معاها على اشياء وانا ياغافلين لكم الله
اريام:لا ليول مو جذي اناس تتشاأم اكثر بعد...قطيعه خو تفاألي بالخير
ليال قعدت وهيا متضايق:بنات تتوقعون الي بسويه خير ...اكيد لا ..ان اغضب الحلال عند الله الطلاق ...بنات انتو مستوعبين ...انا بسوي مصيبه حق البنت
كادي:هذي بنت هذي ريال بدنيا وريل بالقبر
ليال:تتوقعون الله بعقبني اذا جراح طلقها ...اي اكيد ...الان الله مايرضى بظلم ...وانا جذي اكون ظلمتها...انا شلون فكرت بنفسي ومافكرت بعقاب رب العالمين...بس جراح ريلي وهيا كانت عارفه من البدايه وهيا الي خربت بينه ...صح بنات يعني اذا تطلقت الله ما راح يحاسبني
كادي:ليول شفيج هدي شوي ...وبعدين هذا حقج واخذتيه ...عتبريه خاتم خذته منج بالحيله ..هذا الخاتم ملكج انتي وانتي شاريه من فلوسج معقوله بتتنازلين عنه ...انتي لج الحق فيه اكثر منها
اريام:كدوي معاها حق وبعدين مثل ماطيحت جراح اطيح غيره لا تخافين عليها هذي ام الريايل اتضبط عمرها مو انتي خلفه عليج حتى البيت ما تطلعين منه بروحج لازم انا معاج ..حشى صرت بدي قارد لج وانا ما ادري
ليال بخوف وجسمها كله يرجف:بنات خايفه حدي مو قادره اتخيل الي قاعد يصير بينهم
اريام:لا تتخيلين الحين جريح ايه ويقول لنا الي صار
ليال:يارب ...واااي قلبي ...ريوم حطي ايدج شوفي شلون قلبي يرقع
اريام تحط ايها:امبييه ...ليول انتي مو صج ..ليش خايفه
ليال:اخاف مايطلقها ..وهم خايفه يطلقها ..مادري مادري ...الله يستر ويعدي هاليوم على خير

عند جراح وغرور

غرور كانت قاعده تبجي وجراح يهديها
جراح:غرور ما راح اتخلا عنج بنضل اصدقاء
غرور بصراخ:جراح لاتينني ..شنو اصدقاء انا زوجتك م واهيا افهم ..هيا مارضت تعطيك ولا شي ولا شي ..جراح لايغرك صغر سنها ..اهيا بنت طايشه وراح اتأذيك اكثر من انها تريحك
جراح:غرور انا من اول يوم كنت صريح معاج وقلت لج اذا الامور تصلحت بيني وبين ليال راح ننفصل وانتي وافقتي على هالشي من البدايه
غرور:قصة عليك بجم كلمه ولا عطتك الي تبيه ...ولا حملت منك وانا ما ادري ...جراح لا تصي اناني ..فكر فيني شوي ..اهيا لها اهلها وخواتك ..وغير رفيجاتها بس انا منو لي ...مالي احد بالدنيا من بعدك ...حتى عمامي قاطعوني من بعد زواجه ...وانا خشيت عنك لان مابي اضايقك ...وفوق هذا اليحن بيرفعون علي قضيه يطالبون بالورث او...وسكتت
جراح:كملي ليش سكتي
غرور قامت دخلت الحمام غسلت ويها وردت قعدت حطت كريم اساسا وكحل داخل عينها عشان لايبين انها باجيه
جراح كان متضايق على حالها ظلم الاثنين بنفس الوقت ..وهو مو عارف شلون يتصرف الموضوع جدا صعب بنسبه له بس بما انه مشي فيه لازم يكمله لي الاخر
غرور:جراح ابي اقعد مع ليال شوي ممكن
جراح بستغراب:ليش
غرور:ابي اكلمها ممكن
جراح:اذا عندج شي قوليه لي انا
غرور: جراح مابي شي غير اني اقعد معاها بروحنه ..وبعدها سو الي تبيه
جراح بعد تفكير:ماشي ...تعالي معاي
غرور:لا خلها تي هني
جراح :اوكي ...ودق على ليال وقالها اتي الجناح عندهم ...دخلت ليال وهيا متضايق وخايفه بنفس الوقت كل خطوه تخطيها كانت تحس بضيقه بصدرها
جراح لاحظ التوتر والخوف على ليال:حبي ماكو شي تبي تكلمج بس
ليال:لاتخليني
جراح رجعت ذاكرته لي اليوم الي تركها فيه وسافر ..لي اليوم الي كانو واقفين بنفس المكان وهو يودها ..قالت له نفس الجمله ..جراح لاتخليني ...تضايق وحس الدنيا دواره تدور في صاحبها ترده لي شي مايحب يتذكره او انه يتحاشها
جراح باس راسها:اخلي الدنيا ولا اخليج ...وانا عند كلمتي
ليال خذت نفس:وينها
جراح:بغرفت النوم
ليال بخوف:جراح ..خلك قريب اخاف تذبحني
جراح ابتسم على تعليقها وخوفها:ماكو شي وانا بقعد بصاله ...يالله روحي
ليال:اوكي...وراحت عند غرور طقت الباب ودخلت ...عيونها صارت تحوم بالغرفه وجنها تتذكر اخر ليله قضتها مع جراح فيها ... قطع عليها كل تفكيها وذكرياتها صوت غرور
غرور:قعدي ليش واقفه
ليال :ماتفرق ...انا يايه اسمع مو يايه اقعد
غرور:اوكي....مايحتاج اعطي مقدمات للموضوع لانج عارفه بس ...انتي بنت وحلوه وصغيره ..والف من يتمناج ...وانا مستعده اعطيج مبلغ كبير ولا اقولج اعطيج كل حلالي بس ابتعدي عن جراح...انتي تقدرين تكون تكونين اسره من اول ويديد بس انا مثلج عارف كبيره بالعمر ومحد يرضى يتزوج وحده عدت الاربعين ..انتي لج هل اما انا اهلي جراح وبس ...ليال جم تبين وتبتعدين عنه
ليال بضيق :جراح الي طلب منج هالشي ...انا كنت عارفه هالشي من زمان..على فكره غرور ...انتي صج كبيره بس مثل ماخذيتي جراح تقدرين تاخذين غيره...وامثل ماتقولين انتي ماعندج اهل انا بعد ابوي عنده انذبح جدامه ولا اتطلق ...انتي تقولين انتي اقدر اكونا سره صغيره بس انا اقولج انتي حرمتيني من اسرتي الصغيره رحمتيني من احلى لحظات حياتي عروس يختفي ريها وبعد سنه يرجع متزوج عليها وحده اكبر منها ..انتي قتلتي كل شي بداخلي ..قتلتي السعاده قتلتي الحب ...الامل الثقه كل شي شنو ضل ..ما ضل شي ياغرور ..انا اقولج انتي اخذتي شي ملكي من الاساس ...جراح كان لي انا من الاساس مو انا الي اخذته منج
انتي الي اخذتيه انا الي اقولج ابتعدي عنه بس اذا كان الكلام الي قلتيه طلب من جراح...فثقي تماما انه انا وياج ما تجتمع على جراح ...يا انا او انتي
غرور سكتت وهيا ناويه تفتح الموضوع الي ابالها ..دام افلست من جراح مومعقوله تفلس من حلالها ..لكنها بنهايه قررت تتكلم:انا ماعندي مانع بس بشرط
ليال :شنو
غرور:عمامي رافعين علي قضيه يبون يشاركوني بالورث الي اهما تنازلو عنه من سنين...وماعندهم مانع يتنازلون على القضيه بشرط ...سكتت فتره ...اتبرع بوحده من الكلى حق ولد عمي ..واذا انتي تتبرعين بالكلى انا مستعده اترك جراح
ليال انصدمة وبقلبها(هذي من صجها شلون تطلب مني هالطلب ...يمكن اختبار من جراح...بس ليش يختبر انا ماضريته ا والي ضرني بوايد اشياء ..انا عمري ما جرحته بس اهم يتعمد يجرحني ..وموبعيده كل هذا تدبير منهم ..امبييه لا ليش جراح يسوي جذي ليش يدبرلي شي جذي ..معقوله انا اتبرع باكليتي عشان انقض حيات انسان بالمقابل ارد حق جراح...وانا شيضمن لي انه ردت جراح لي وكل الي صار مايكون خطه عشان لا تخسر حلالها)
غرور:شقلتي

نهاية البارت

صباح الخير ........ باقي بارت واحد وتنتهي روايتنا ........توقعاتكم للنهاية ....البارت الاخير طويل وفيه احداث كثيرة

البارت الاخير


عند كادي واريام
اريام رايحه وراده : مو قادره انطر اخاف سوو فيها شي ...قومي...قومي بسرعه خل نروح نشوف
كادي:لا يبا احنه مالنا شغل فيهم خليهم يحلون مشاكلهم بروحهم
اريام متنرفزه:انتي شفيج شسالفتج ...ليش صايره جذي مع ليال
كادي:من سوالفها ...كل يوم وثاني تغلط على جراح وحنه نسكت لي متى عاد
اريام: الله يادنيا مو هذي ليال الي كنتي تتناجرين معاي عشانها مو هذي ليال الي تحبينها ..شلي قلبج عليها
كادي:انا ماقلبت عليها ولي الحين احبها ولا ارضى عليها بس بالفتره الخيره مصختها وايد يعني انتي شايفه جراح يحاول يرضيها ويتقرب منها واهيا تصده وايد وفوق هذا تغلط عليه وانتي عارفه انه دم ضروسي احد يغلط على جراح
اريام معصبه:يعني شتبينها تسوي بعد كل الي سواه فيها ..البنت مجروحه منه تبينها تبوس راسه وتقوله مشكور وماتقصر وعادي حبيبي ماصار شي ....كدوي لاتصيرين انتي وزمن عليها ..ولا تنسين انج وقفتي بويه جراح بيوم من الايام عشانها ولا نسيتي كل هذا ولا لان جراح اخوج ومن الطبيعي تشوفين الموضوع من جها وحده
كادي:لا تفهميني غلط مثل ماتهمج مصلحت ليال انا بعد ابيهم يردون مثل قبل واحسن وابيه يطلق غرور اليوم قبل باجر ...بس ليش انتدخل بينهم خليهم اهما يحلون مشاكلهم ليش نتدخل
اريام:ومن متى احنه نتدخل بحياتهم ...انا ابي اتطمن عليها انا مو مرتاحه من غرور
كادي:من هالناحيه معاج حق غرور خبيثه بشكل مو طبيعي ...بس قولي انشالله كل شي يصير مثل مانبي
اريام بتوتر ترفع ايدها :يارب ...يارب تفرح قلبها وترد لها جراح مثل قبل وتبعد عنهم كل شر
كادي:امين يارب

بجناح جراح
ليال طلعت من الغرفه وهيا متضايقه ومعصبه وتمشي بخطوات سريعه ..زاول ماشافها جراح راح صوبها بس ليال صدته وطلعت بره الجناح بسرعه ...جراح دخل الغرفه وشاف غرور قاعده وهيا تبتسم بخبث...خزها خزه وراح ورا ليال بسرعه .....ليال كانت تنزل على السلم بسرعه ودموعها كانت اسرع من خطواتها
جراح وهو لاحقها:ليال ...ليال
ليال طنشته وماردت عليه وراحت القسم الثاني من البيت واول مادخلت البنات وقفو وراحو صوبها
اريام:ليال شصار
ليال ماردت عليها وكملة طريجها ...وقبل ماتوصل السلم وقفتها ايد جراح الي مسكها من زندها
جراح:ليال شفيج
تلتفت ليال عليه ودموعها على خدها:كفايه ظلم يا جراح كفايه
جراح:ليول شصار شقالت لج
ليال بصوت يدوب يطلع :روح اسألها..ولا اقولك ..مايحتاج لانك عارف البير وغطاه
جراح:ليال ممكن افهم

ليال توخر ايده وتبتعد عنه وهيا تبجي وتصارخ:انت شنو ماكو احساس ...مناديني عشان تقنعني انك ماطلقها تبيها تقولي انه مالها اهل ولا لها احد غيرك عشان تكسر خاطري ...وانا مافكرت فيني مافكرت شنو ردت فعلي لمن اسمع منها
جراح يحاول يمسك اعصابه:الموضوع منتهي بنسبه لي بس اهيا حبت تكلمج عشان جذي ناديتج
ليال بستهزاء ودموعها تنزل:لو الموضوع منتهي بنسبه لك جان طلقتها وقطيت الورقه بويها مايحتاج تستأذن ولا تشاورها بس انت تبيها ..انت ماتبي تخسرها بس ماعندك مانع تخسرني طول العمر
جراح متنرفز:يعني لو ما ابيج وابيها ليش اسوي كل هذا ...اطلقج وخلاص
ليال ببتسامة حزن:مثل ماطلقتني اول مره بسهوله وبدون ماتشاورني او تستأذن مني
كادي:جراح ليال معاها حق ليش تشاورها بطلاق ..انت لمن طلقت ليال ماستأذنت منها ليش تقول ها اني بطلقج اكيد بتسوي لويه
جراح بعصبيه:انتي انطمي ومابي اسمع صوتج
اريام:الان انقول الحق ماتبي تسمع
جراح وشرار طالع من عينه:ماتقولون لي انتو شكو تتدخلون ذلفو غرفكم ليال :خلهم ..لان اهما كانو شاهدين على كل شي صار ..شاهدين على كل دمعه نزلت من عيني شاهدين على كل جرح بقلبي ..خلهم لازم يشهدون على نهاية كل شي بينه
جراح وهو يصرخ:انتي ليش مو راضيه تفهمين ليش تفسرين الامور على كيفج ..ليال كبري عقلج
ليال وهيا تبجي وتصارخ:اكبر عقلي على شنو فهمني ...على انك ماتبي اطلقه ولا الانك تبي تستأذن منها ........وصوت يرجف....جراح انا ما ابيك ....طلقني وريحني كفايه لي هني
جراح يصارخ بأعلى صوته:انتي ينيتي ...اكيد ينيتي
ليال :أي ينيت ..تدري ليش....لاني تعبت من كثر ما انصدم فيك تعبت من كثر ما احلم اني اكون معاك وبلحظه ينهدم الحلم ....لاني تعبت من كل يوم يمر علي وانت مو لي ...جراح انا تزوجت عشان اكون اسره صغيره ..عشان بطل عيني كل يوم الصبح اشوفك نايم يمي ...عشان اطلع معا كوانا رافعه راسي جدام الكل فيك ....عشان اقعد معاك عشان اشاركك بكل لحظه تعيشها سواء حلوه ولا مره ...(ويزيد بجيها)عشان اشيل بأحشائي طفل منك ..انت حرمنتي من كل هذا....حرمتني من ابسط شي ..والحين ياي تقولي احبج نسيت يوم الي كنت ماتبيني نسيت اليوم الي طلقتني فيه عشانها الحين تقولي احبج انت ضيعت قلبي بيدك ...ليش اضل معاك ..ليش تبيني الحين وين كنت عندي قبل وين كنت يوم الي كنت بأمس الحاجه لك ...انا من عرفك وانا ابجي شيصير لي بجيت انتش يصير لي خسرت انت ..معني اشك ...جراح ريحني قلبي مايتحمل اكثر من جذي (وطاحت على الارض وهيا منهاره تبجي وتشاهق)
جراح دمعت عينه وتضايق على حالها وعلى الي سمعه منها...راح صوبها ونزل لي مستواها وحط ايده على شعرها:ليولتي قلبي انتي والله كل شي بيتصلح ..عطيني فرصه بس
ليال ترفع راسها وهيا تبجي:لك عين بعد ..وتبي فرصه ثانيه ..روح دورلك على غيري تلعب بقلبها ..ولا تحاول تخدعني بدموع التماسيح هذي ...انت اخر واحد اثق فيه انت ذيب على هيأت بشر ...روح روحلها ..روح حق الي مالها غيرك ...روح لها ليش قاعد ...تقوم من مكانها وتصعد فوق وهيا منهاره وتبجي ...ادخلت غرفتها وقفلت الباب ..كانت تبجي من قسوت الزمن عليها قعدت على الارض وهيا تبجي ..ومن خلف الباب
جراح:ليول ..ليول بطلي الباب ..والله اسويلج كل شي تبينه بس بطلي الباب
ليال كانت تزيد بالبجي وقلبها كل ماله ويحترق اكثر كانت تتذكر كل شي صار فيها من يوم الي تزوجت يعقوب لي هذا اليوم ...ظلم اهل يعقوب ويعقوب لمن زوجو ولدهم وهما عارفين عنه والكلام الي قالوه عنها بعد الطلاق ..وبعدها قسوت ابوها وحبسها بالغرفه والطق الي كانت تحصله منه ..كان كل هذاكوم وزواجها من جراح كوم ثاني كانت تتذكر الفرحه الي ماتت بقلبها ...تتذكر اول ايام الي عاشتها بسعاده معاه وبعدها سفره وزواجها عليها وقسوته عليها كانت منهاره لي اقصى حد
جراح بحزن:ليول والله احبج ..والله احبج
سمع صراخها من ورا الباب :كفايه جذب انت جذاب ...اطلع من حياتي ما ابيك ما ابيك
جراح ماقدر يسمع اكثر صوتها واهيا تبجي وتصارخ كان مقطع قلبه ..حس انه مخنوق من بعد ماسمع كلامها ..ابتعد عن الباب ونزلت تحت عند البنات
جراح بضيق:ريوم روحي لها يمكن تفتح الباب لج....وطلع من البيت .....ركب السياره ومشى بأقسى سرعه ..ماكان عارف وين يروح يمشي بالشارع مثل المسبه الي مو عارف ارضه من سماه ...كلامها اثر فيه وايد وهز شي كبير بداخلها

فلا خالد
اريام اطق الباب على ليال:ليال بطلي الباب ...جراح طلع بطلي الباب
كادي:ليول بس والله قطعتي قلبي ..لاتبجين ..ليول بطلي الباب
لكن ليال ماكانت تسمع صوتهم كانت تسمع صوت جراح وهو يقولها احبج كانت تسمع صوت جراح وهو يقولها ياعيون جراح كانت تتذكر كل الكلمات الي كانت تسمعها منه في بداية زواجهم وشلون تغيرت ..كل شي انتها بنسبه لها تبي تبعد عن جراح عشان ترتاح من الهم الي شايلته ماتبي تشوفه كل يوم عشان لا تتذكر اسوء ايام الي بحياتها

اريام والدموع ماليه عينها:ليول رحمي نفسج لاجراح ولا غيره يستاهل كل الي تسوينه ...والله مايستاهلج ..ليول وغلاتي عندج بطلي الباب
كادي بضيق:ريوم خليها يمكن محتاجه تكون بروحها
اريام:شلون اخليها وهيا بهال حاله
كادي:ماعليه خليها اطلع كل الي بقلبها ساعات البجي يريح القلب ..وخصوصا القلب الي بداخله جرح كبير ...تعالي لاتحاتينها ماراح يصير فيها شي

على البحر
جراح راح البحر وبعد مافتر بالشارع فتره طويله ..كان قاعد على الصخر الكبار قبال البحر ويتذكر كل الاحداث الي صارت له بلندن بعد الحادث
لندن بيت غرور (قبل زواجهم) وبعد اصابته بفتره
غرور دخلت على جراح الغرفه و وراها الخادمه
غرور تكلم الخادمه وتأشر لها على طاوله صغيره عند جراح :PUT IT HERE
الخادمه تحط صحن الشوربه على الطاوله
غرور:thank you
جراح منحرج:ليش كلفتي على نفسج
غرور:لا كلافه ولا شي هذا واجبي ...تحب اشربك بنفسي ولا تشرب بروحك
جراح ببتسامه :لا اشرب بروحي ..الاصابه مو بأيدي ...اخذ الصحن وبدا يشرب
غرور:ان شالله كلها ايام وترجع مثل الاول واحسن
جراح:الله يسمع منج ...ويروح تفكيره عند ليال وبقلبه(ياترى شنو حالتج الحين ..تفكرين فيني ولا نسيتيني )
غرور تلاحظ سرحانه :جراح الشوربه اشربها قبل ماتبرد
جراح:ها ...اي اي ...ويشرب
غرور تقعد على حافت الفراش:شكلك مشتاق للكويت
جراح ببتسامه:وايد مو شويه
غرور :حق الكويت ولا حق زوجتك
جراح ابتسم
غرور:شكلها ماخذه كل تفكيرك
جراح:شاغله تفكيري وشاغله قلبي ...وببتسامه وهو يتذكر شكل ليال وهيا تضحك...هذي كتكوتي
غرور بقهر:الله يهنيكم
جراح ببتسامه:امين يارب العالمين ...عفوا غرور ولا عليج امر ابي تليفون ابي ادق على الاهل
غرور ترتبك :للاسف جراح بالبيت مافي تليفون ووانا خطي مراقب ...وماتدري يمكن اهلك بعد خطهم مراقب ..تبيهم يعرفون وين مكانك ..احنه ماصدقنا نبعدك عنهم ..انفوم ونفضح نفسنا
جراح بضيق:ما صارت ...مافيه
غرور :ماعليه فتره وتعدي ان شاء الله
جراح:ان شالله ...حس اني ضايع بدونها..مشتاق لها ومشتاق حق خبالها ودلعها ..فديتها والله
غرور : اكيد تشتاق لها هذي بنتك الوحيده
جراح ببتسامه:لا اقصد ليال
غرور بقهر:اها ...بعد توكم معاريس طبيعي بتشتاق لها..وبقلبها(كل هذا ومايبين بعينك ..قاعد اتيب طاريها جدامي ...ياربي شنوا سوي اكثر من جذي عشان تصير لي ....وتنسى ليال العالم كله ...ماعليه ياجراح الايام بينه)
وبعد ايام
غرور تسوي نفسها متضايق :جراح ودي اطلب منك طلب بس مابيك تفهمي غلط
جراح:انتي افضالج مغرقتني وموعارف شلون اطلع من يزاج ...امريني
غرور تسوي نفسها منحرجه:والله ماني عارفه من وين ابدي بس لازم اقولك...انت عارف اني مطلقه ..وكونك معاي ابيت واحد راح يثير الكلام علي وانا ما ابي سمعتي تتخترب بين الناس وهما مو فاهمين شي
جراح:صح كلامج ...وانا اسف على الازعاج الي سببته لج ...كلمي عادل وقوليله ياخذني ...انتي مو ملزومه فيني وكثر الله خيرج الي قمتي فيني كل هالمده
غرور :لا جراح بعد كل هذا تبينا نطلعك ونكشف مكانك انت هني بأمان انا قصدت شي ثاني
جراح:الا وهو
غرور بتردد:نتزوج
جراح بصدمه:نتزوج
غرور:مؤقت لين نرجع الكويت وبعدها طلقني وبجذي اقدر احافظ على حياتك واقدر احافظ على سمعتي
جراح بصدمه:وزوجتي الي الله العالم بحالها الحين ..شقولها لي رديت
غرور:لا تخاف لي عرفت السبب بتقدر الوضع وبعدين انت بطلقني اول مانوصل يعني شي مؤقت
جراح بعد تفكير :اسف استاذه غرور بس الي تطلبينه صعب
غرور :صعب ...لاني بحافض على سمعتي وحياتك صعب تنفذ طلب بسيط ومؤقت ...جراح اذا عمامي عرفو شبقول لهم ...ياليت فكر في سمعتي شوي ...وقامت
ضلت فتره على هالحاله لي تحقق كل الي تبيه وتزوجت جراح ومع الايام بدت تعرف سبب الزعل الي بينهم بس جراح ماقالها عن الكلام الي سمعه عنها يوم العرس ..وبدت ادس سمومها وافكارها الخبيثه
غرور:من صجك الحين البنام اهما يروحون حق الريال ذاك اول يستحون الحين لا حيا ولا مستحى
جراح:ليال غير عن البنات
غرور:جراح لاتقنعني يعني وحده تحب ريلها ليش تصد عنه ...الحين البنات اذا حبو واحد ومو ريلها تروح تبيع شرفها عشانه بعد ريايلهم...هذا حجي مأخوذ خيره
جراح:اصابعج مو سوى ومثل مافي بدنيا شي في الزين ..لا تعممين
وبعد فتره قدرت تقنعه وتخلي الافكار والشك يزيد بقلب جراح

نرجع على البحر عند جراح
جراح:مو بس انتي الين كسرتي مو بس انتي الين خدعتي
آآآخ يا ليال شلعتي قلبي مو عارف شلون ارضيج
احبج وغلات ملاك احبج ووعدج اني اصلح كل الي هدمته بيدي عارف اني ظلمتج وايد عارف اني قسيت عليج وكابرت بحبي لج عارف بس من اليوم كل الي تبينه بيتنفذ بالحرف ...طلعت الشمس وهوعلى حالته هذي يفكر شلون يرضي ليال ومن وين يبدي ....قرر انه ينهي كل شي اليوم وبنفس الوقت يبدي صفحه يديده ...قام من مكانه وركب سيارته ومشى

بيت احمد
حصه كانت تزهب الريوق حق عيالها
محمد نزل من السلم وبتسم من شاف امه:صباح الخير يما ...وباس راسها
حصه:صباح النور ..ها مبجر اليوم
محمد:اي يما قلت اقعد معاج شوي قبل ما اروح امتحن ....ابي احصل جم دعوه حلوه منج
حصه ببتسامه:بس ماطلبت شي يانظر عيني ...الله يوفقك بدنيا والاخره ووفقك بمتحانك ودراستك واشوفك بأعلى المراتب ويرزقك بالزوجه الصالحه الي تريح قلبك وعيال يبرون فيك مثل ما انت بار فيني
محمد متشقق:امين...يما على طاري الزوجه الصالحه ...شرايج تخطبين لي
حصه ببتسامه:يما منك الحين كل هالديباجه الطويله عشان اخطب لك ..قول من الاول وفرح قلبي بالخبر الحلو
محمد:يما انا قلت خطبه بس ..يعني مافي مشروع زواج الا بعد ما اتخرج ..بس مجرد انج تحجزينها لي
حصه تغمز له:تبي رناد مو جذي
محمد ببتسامه:شدراج
حصه :انت ربات ايدي وعرف شلي تحبه وشلي ماتحبه ...وبعدين عيونك فاضحتك...ويازين ماخترت كامله والكامل الله جمال واخلاق ومنه وفينا
محمد:يما متى تكلمين ابوي عشان يخطبها من عمي
حصه :مستعيل
محمد:اكيد ..اخاف اطير من ايدي
حصه:ولا يهمك اليوم اكلمه
محمد يبوس راس مه :مشكوره يما ربي لا يحرمني منج
حصه:ولا منكم...يالله تريق الحين وبلا هذره عشان تلحق على متحانك


الساعه 2الفير في فلا خالد
دخل جراح وهو مستانس ومتفائل وايد ..وعلى طول راح عند البنات...كانو كلهم نايمين وليال من امس حابسه نفسها بالغرفه وماطلعت منها كانت طول الوقت بين الكتابه بمذكراتها وبين البجي واذا حست بتعب راحت قرت قرآن..جراح راح مسك يدت الباب وشافها مقفوله ..طق الباب ..وماسمع رد..ورد قط الباب مره ثانيه
ليال من داخل الغرفه:ريوم لاتحاولين ماراح افتح الباب
جراح:ليال هذا انا بطلي الباب
ليال:.......
جراح:ليال بطلي الباب ..يايبلج شي تنتظرينه من زمان
ليال بعصبيه:مابي منك شي...ولو سمحت لا طق الباب ابي ارتاح
جراح :ماشي بحطها لج من تحت الباب ...وحط الورقه تحت الباب
ليال صار عندها فضول وقامت من الفراش وراحت خذت الورقه وبدت تراها ..الورقه كانت عقد طلاق ...اول ماقرت من فوق بت ايدها ترجف
ومن اوصلت عن الاسم انصدمت (غرور ...جراح طلق غرور)...وبسرعه فتحت الباب واول ماطلعت لقت جراح واقف عند الباب وهو مبتسم
ليال بصدمه:شنو هذي
جراح ببتسامه :الي تبينه صار هذا ورقت طلاق غرور
ليال تبلع ريجها:وش يضمن لي انها مو مزوره او عقد باطل او قصه من قصصك
جراح ببتسامه:تقدرين تروحين المحكمه باجر وتتأكدين بنفسج
ليال:وشنو المقابل ..الي خذته منك عشان اطلقها
جراح:غرور ليلحين ماتدري انا طلقتها غيابي ...وبعدين لوتطلب كل حلالي ..ما راح اعارض تكفيني ليولتي ..ومابي شي غيرها
ليال لفت ومشت جم خطوه ووقفت:ماعاد ينفع الحين كل شي انتها ...ودخلت الغرفه وتسندت على الباب وبيدها الورقه وهيا تقراها مره ومرتين وثلاث
جراح الي كان واقف وارا الباب وهو مصدوم من ردت فعلها
داخل الغرفه
ليال بقلبها(جراح طلق غرور...جراح طلق غرور ...جراح صار ملكي ...جراح لي بروحي ....انا بحلم ولا بعلم...جراح لي بروحي ...جراح حبيبي لي انا وبس )افتحت باب الغرفه وجراح كان على وضعه ...ركضت صوبه وقطت روحها عليه و لمته من ارقبته حيل
ليال بصوت :جراح
جراح :قلبه وعمره وحياته ودنيتا كلها انتي
ليال تقرب من اذونه وتهمس:احبك...احبك ....احبك ...احبك
جراح وهو لامها من خصرها وهو طاير من الفرحه:وانا احبج ..يا غلى شي بحيات جراح ..احبج ..احبج..ليولتي والله احبج
ليال توخر عنه وهيا تصارخ:وناااااساااااا ....وبصوت عالي ....جراح ماني مصدق احلف انك طلقتها
جراح مسك ايدها الاثنين :وغلاتج وغلات ملوك وامي ..طلقتها ..الحين انتي الوحيده الي يقولن لج حرم جراح...انتي الوحيده الي شايله اسمي
ليال بصراح:واااااي ياربي انا بحلم ولا بعلم ...جراح احلف
جراح وهو يضحك:والله طلقتها وبثلاث بعد...يعني مافي رده لها
ليال راحت اطق الباب على اريام ..ريوم قومي ...ريوم وقومي...وراحت تركض لي غرفت كادي وق الباب..كدوي بطلي الباب ...كدوي قومي
بطلت كادي الباب وهيا مختبصه:شفيج ليش تصرخين
اريام طلعت من غرفها وهيا خايفه:شفيكم اش صاير
ليال راحت مسكت ايد اريام وهيا مستانسه:جراح طلق غرور ...ريوم جراح صار لي بروحي ...طلقها خلاص
اريام وهيا مو مستوعبه الكلام:واي ليول خليها باجر بعدين ...بعدين في ني نومه
كادي :الحين طاقه الباب ومقعدتنا من النوم عشان تقولين لنا انه جراح طلق غرور ...سكتت وستوعبت الكلام الي قالته.......وبصدمه....ها شنو جراح
جراح يقرب صوبهم وهو مبتسم:اي طلقت غرور
كادي:كلللللووووش ...واخرا ...وااااي وناسا مو مصدقه
اريام:اووف اووف شفيكم تصارخون بنااام
جراح:ههههههههه ...وقرب صوبها ويطقها على الخفيف...صح صحي ..اقولج طلقت غرور
اريام بطلت عينها على وسعها:احلف
ليال تمد لها الورقه:ريوم والله طلقها هذي ورقت طلاقها
اريام خذت الورقه وبدت تقراها وبعدها صرخته:ونااااسااا ...فتكينا منها ...ولمت ليال حيل...الف الف مبروك ليول واخيرا ..بعد كل هالعذاب بترتاحين ..جراح بيرجع مثل الاول واحسن
ليال بدت تبجي :ماني مصدقه .الف الحمدالله ..الله ماخيب رجاي
كادي :الحين ليش تبجي ...بذمتج ماشبعتي من البجي
ليال توخر من اريام وتمسح دموعها:هذي دموع الصدمه والفرح
اريام:الفرح ومعروفه بس دموع صدمه اول مره اسمع فيها
ليال:اي الاني ماتوقعت يطلقها كلش
كادي:الله يغربل ابليسك ياجراح ...عفست البنت قامت تقط خيط وخيط
جراح يروح يلمها:الحين انا اعدل اخيوطها ..بس انتو عطونا مقفاكم وروحو نامو
كادي:لا حبيبي بعد ماخربتو نومتي ياي تقولي انرد انام بكل بساطه ...انسى
جراح يبعد ليال:عادي ردي نامي مافيها شي
كادي:وانتو وين بتروحون
اريام:شرايكم نسهر بعد الخبر الحلو هذا
ليال بحماس:اي...اي
جراح:اقول انتي وياها كل وحده تدخل دارها ترا حدي مصدع من امس مو نايم ...ابي انام وارتاح مابي لويه
ليال:خلاص انت روح نام احنه بنسهر ...صراحه انا ميته من اليوع معدتي قاعده تعورني
جراح وهو رافع حاجبه :اي شي صح
اريام تبتسم :جراح ماعليه طوفها اليله خل نقضيها مع بعض ..وانت لاحق عليها ..,تغمزله
ليال تبدلت ملامحها الي توتر ..والكل لاحظ هالشي
اريام بهمس:شفيج
ليال على نفس النبره:بعدين ....وتعلي صوتها ماتبون تعشوني
كادي:واحلى عشاء حق حلى مرت اخو بالعالم ...راحت باستها ..ونزلت تحت
اريام :كدوي اخذيني معاج
انزلو البنات وضلو جراح وليال بروحهم...جراح قرب من ليال ولفها صوبه وحاوطها من خصرها
جراح وهو يحرك خشمه على خشمها:عورت قلبج وايد
ليال تهز راسها :اي
جراح:حياتي انتي ...اوعدج ماراح تشوفين مني الا الي يسرج




ليال :جروحي
جراح وخر خشمه وببتسامه:الله ..الله ...ياني مشتاق لي هالاسم على السانج...بعد عيديها
ليال ببتسامه:جروحي يلي اغلى من روحي ..احبك
جراح:واي ...واي ..زاموت فيج اموت فيج ...تفهمين شنوا موت فيج
ليال ببتسامه وعينها بعين جراح:اممم
جراح:مو حرام هالعيون الحلوه ذبلانه من البجي
ليال:كله منك


بالمطبخ
اريام:شنو نسوي انا ماعرف اسوي شي
كادي:يعني انا الي اعرف .....ماكو الا توست وجبن
اريام:الحين البنت من الصبح على لحم بطنها اخر شي توست وجبن
كادي:تعرفين شي غيره
اريام:لا ...خلاص اسوي لها توست وجبن
كادي:ريوم تصدقين ماتوقعت ردت فعل ليال جذي
اريام:بعد عمري واخيرا ارتاحت من عيوز النار
كادي:لا انا اقصد اني اخر شي اتوقعه انها تسامحه بسرعه وخصوصا بعد الكلام الي قالته امس
اريام:لا تلومينها من حر مافي قلبها تقول اي شي ..والله انه كل كلمه قلتها امس كانت صاجه فيها انا كنت اشوف ولاحظ وكنت اسكت وما ابين لها ...كل بنت لها احتياجتها وليال انحرمت من كل شي والحمدالله الحين رد كل شي
كادي:الف الحمدالله ...الا تعالي دام جذي اكيد جراح يطردنا ويقعد اهو وليال بروحهم ...واي لا تعودت على المكان
اريام ببتسامه:اهم شي يكونون مرتاحين ومع بعض ..هذا اهم شي بنسبه لي
كادي ترفع ايدها:الله يوفقهم ويهنيهم ويحرسهم من كل عين ومن كل نفس اماره بسوء
اريام:اي كدوي هذا خوش دعوه اهما محتاجين حق دعوه مثلها
كادي:تعالي اخاف انروح فوق ما نلاقيهم ...وتغمز لها
اريام:انطمي ...وبعدين لاتبطلين عينج عليهم كفايه انحرمو من بعض طول الفتره الي طافت


عند جراح وليال
كانو بغرفت اريام قاعدين على سريها كل واحد على جنب وملاك نايمه بنص
ليال:خنت حيلي اليوم ماشفتها ...وتبوسها
جراح:لازم تتعود على الكل عشان تصير اجتماعيه
ليال :فديتها..وترد تبوسها...خل اوديها غرفتي احس مشتاقت لها وايد
جراح ببتسامه :بس مشتاقت لها اهيا ...انزين وابوها ماشتقتي له
ليال:اممم...لا
جراح :مشكوره ...مو جذي يدقرون
ليال ببتسامه:العفو ...وحطت ايدها تحت وملاك وشالتها شوي شوي ...وودتها غرفتها وجراح وراها ...حطتها بالفراش وغطتها
جراح:لازم تتعلم تنام بروحها
ليال بستغراب :ليش تنام بروحها
جراح:اذا اهيا بتنام عند جانا وين انام...ويحرك حواجبه
ليال تنحرج وتحاول تضيع الموضوع:انا يوعانه ابي انزل اكل شي ...تبي تاكل معاي
جراح ببتسامه:ابي اكلج
ليال نحرجت وطلعت بره وقبل ماتنزل شافت البنات صاعدين ومعاهم صينيه فيها عصير وتوست وجبن
اريام:توقعنه انج نمتي
ليال:اقولج ميته من اليوع شلون انام...وبعدين يا يبين توست وجبن ...ولا جان زين مسوينه ..صراحه وايد تعبتو عمركم
كادي:والله كيفج هذا الي نعرفه ..كلها نعمة الله اكلي اهم شي تسدين يوعج
ليال:انزين ماقلت شي الف الحمدالله ..بس ليش ماحطيتو الجبن في التوست ولا ماتعرفون
اريام:قلنا يمكن مشغوله ولا هونتي ماتبين تاكلين حرام نسوي وبعدين نقطه
ليال:اممم ...صراحه اقنعتوني
كادي:خخخ طوفي هالمره ..المهم تاكلين عشان لا تصدعين
ليال :اووف لاتذكريني مصدعه حدي
طلع جراح من الغرفه وهو مبتسم:ها شنو بتاكلين
ليال :توست وجبن
جراح:انتي من الصبح مو ماكله شي واخر شي توست وجبن
ليال بدت تاكل:مو مهم اهم شي اكل ابي الصداع يفج لوع جبدي
اريام:أي صج قبل ما انسى ...تليفونج طول النهار كان يرن صدعني
ليال:وليش مارديتي
اريام:مادري ماخطر على بالي
كادي:انا بغيت ارد بس يوم شفة الاسم هونت
ليال ترفع حاجبها:ليش منو الي كان داق
كادي:اخوج ...وستحيت ارد
ليال:عادي ليش تستحين
كادي:بالله شتبيني اقوله ...اختك حابسه نفسها بالغرفه وذابحه روحها من البجي
ليال:ماتعرفين ترقعين ...قوليه نايمه ..طالعه أي شي ...ولا تخلينه يحاتي ..جم مره داق
اريام:مادري وايد
ليال:وين تليفوني
كادي:جنه تحت بالصاله
اريام:لا انا اخذته ..خل اروح ايبه لج ...وقامت
جراح قاعد وحاط ايده على خده وهو يشوف ملامح ليال الي ذبلت من البجي والتعب ...وشكلها ويها تاكل بشراها ...الي يشوفها يقول تاكل شي دسم مو توست وجبن
اريام تمد لها التليفون:جنه داق قبل شوي
ليال تحط التوست من ايدها وتشوف تليفونها ...والمسجات
اول مسج(ليول وينج)
الثاني (اول ماتشوفين التليفون دقي ابيج ضروري)
الثالث (ليال شفيج ليش ماتردين )
الرابع(ليال ردي والله بديت احاتي )
ليال:اخيييه حبيبي ...خليتو على اعصابه ليش مارديتو عليه ...خل ادق عليه
جراح رافع حاجبه:منو حبيبج
ليال ببتسامه:حمود ...وتحط التليفون على اذنها ومن اول رنه رد عليها
محمد بخوف:ليول وينج خوفتيني عليج
ليال:سوري حبيبي كنت ناسيه تليفوني تحت ..وانا بالغرفه
محمد بستغراب:طول النهار بالغرفه ...وين كنتي
ليال :أي كنت حابسه نفسي بالغرفه من امس
محمد بخوف:ليش صاير شي
ليال ببتسامه:اممم..تقدر اتقول أي وتقدر تقول لا ...ماعلينا انت شفيك
محمد ببتسامه:كلمت امي عشان تخطب لي
ليال بفرح:جذاب ...متى ...وشلون ...وليش ماقلت لي ومنو الي خطبتها
محمد:بل بل بل ...كل هذا اسأله ..حشى المحقق كونان مو ليال
ليال:محقق كونان ولا غيره ابي اعرف كل شي وبتفصيل
محمد:الحين اعطيج رؤس اقلام وباجر اشوفج واقولج
ليال:ماعليه قول
محمد:اليوم كلمت امي ..والي ابيها انتو عارفينها
ليال ببتسامه:رناد
محمد:ايه رناد
ليال:الله يتمم عليكم ان شاء الله ويهنيكم ...وان شاء الله ابوي يوافق
محمد:وليش مايوافق
ليال:انت عارف ابوي على كل واحد فينا لازم يسوي سوالف ...فواز وانا ..والحين الدور عليك
محمد:لا ما اعتقد هذي بنت اخوه ...انزين انتي عرفتي الي كنت ابيه ...بس انا ماعرفت اختي الحلوه الدلوعه الي احبها واموت فيها شنو فيها
ليال دمعت عينها من كلام محمد:ربي لايحرمني منك ...لي شفتك باجر اقولك
محمد:ليول باجر عندي اختبار صعب وما ابي احاتي ..قولي لو رؤس اقلام
ليال ببتسامه:تناجرت مع جراح
محمد يقاطعها بعصبيه:بعد هذا شنو حيوان ...مايفهم شلي يبيه اكثر من جذي ...صج مو كفو نعمه..ليول خليه يولي ماعليج منه ولاتزعلين نفسج
ليال:لا مو زعلانه خلاص جراح راضاني
محمد:شلون راضاج ...قص عليج بجم كلمه وصدقتي
ليال:لا ..جراح طلق غرور
محمد بصدمه:ها ...تحلفين ...متى
ليال وهيا مستانسه:توه يابلي الورقه ..حمود والله ليلحين مو مصدقه
محمد حبيبتي ...ماتدرين شكثر فرحتيني بالخبر ...ليول انا كنت حاس انه بيتعدل من تصرفاته ب دبي ....والله يقول وعلى نياتكم ترزقون وانتي نيتج صافيه وتستاهلين كل خير ..يالله روحي جابلي ريلج لايتزوج عليج مره ثانيه
ليال وهيا تشهق وتشوف جراح:اذبح والله ..انا ماصدقت افتك من العيوز بعد يتزوج ..هل مره موته على ايدي
جراح يشوفها ويبتسم
محمد:اوكي صج قبل ما انسى خذيتي حبوبج
ليال:لا الحين باخذهم
محمد:اوكي ديري بالج على نفسج وعلى ريلج...انا بروح ابشر امي بالخبر الحلو ...يالله باي
ليال ببتسامه:باي
جراح:تذبحين ها
ليال:واشرب من دمك بعد
كادي:وانا معاج بعد
اريام:والله محد مستانس كثري تدرون ليش لان ليال بض لمعانه طول العمر وماراح تتطلق
ليال ببتسامه :لا تسبقين الاحداث يمكن مايعجبني اخوج ...وقبل ماتخلص كلامها جراح حذفها بالكوشيه على ويها
جراح :على جثتي
ليال توخر الكوشيه وتبتسم
اريام :انا بروح انام دايخه حدي ...وتأشر حق كادي عشان تقوم
كادي:بتنامين نامي ...انا بقعد
جراح:بتقعدين بروحج
ليال بعد ماتخلص من الاكل:الحمدالله...وانا وين رحت ...بقعد مع بعض
جراح:وانا منو يقعد معاي
ليال:توك تقول سهران من امس ...روح نام ورتاح
جراح يرفع حاجبه :.....
ليال تلف على كادي:كدوي شرايج انروح السوق باجر
كادي:أي والله من زمان ما قزينه
جراح:قز بعينج ...اشكره جذي وانا قاعد
كادي:اقصدي نتسوق بطول والعرض ...على طول راح تفكيره على المغازل
جراح يلتفت على ليال:ومنو قالج بتروحين باجر
ليال :ابي ملابس ماعندي
جراح:خليها وقت ثاني ...انا حاجز فندق بعد ما تمتحنين نروح هناك
ليال بطلت عينها على وسعها و ويها قام يقط الوان
كادي وهيا تبتسم:حركات جريح ...وتغمز له
جراح:قومي فزي ابي اقعد مع ليال بروحنه
كادي موعاجبها :انزين ...وقامت
جراح قام من مكانه وراح قعد عند ليال ..اول ماقعد ليال مسكت الصينيه ووقفت
جراح بستغراب:وين
ليال:بودي الصينيه تحت
جراح:خليه باجر يشيلونه الخدم
ليال حطة الصينيه وتقعد
جراج حط صبعه تحت حنجها ولف ويها صوبه ...وصارت عينه بعينها وبهمس:مشتاق لج
ليال انحرجت ونزلت عينها عشان لا تلتقي بعينه
جراح ابتسم على شكلها :انتي ماشتقتيلي
ليال تتوتر اكثر وتضيع الموضوع:متى بتقول لها
جراح يقرب اكثر منها :خلينا منها ...قولي لي ماتشتقتيلي
ليال نزلت راسها وغمضت عينها بوقلبها(انا بحلو ولا بعلم ...يارب ما يكون حلم يارب يكون صج ) وفتحت عينها ابطأ ..وبتسمت من شافت جراح قريب منها
جراح يرفع ايده وبصبعه يبعد خصله من شعرها كانت على ويها
ليال :جراح قولي الصج ..انت طلقتها ولا هذي اوراق مزوره
جراح بستغراب:في احد يزور اوراق رسميه ..وطلاق بعد
ليال:انزين شلون
جراح:ليولتي خلاص الموضوع انتها لاتشغلين نفسج فيه ...ويالله قومي خل نروح انام
ليال :جراح اخاف يكون حلم
جراح يبوس راسها وببتسامه:والله مو حلم ...ويالله قومي ابي انام تعبان يالله ابطل عيني
ليال ترتبك:روح نام ...انا بصلي صلات شكر ...انت روح نام ورتاح
جراح يبتسم :االيله بطوفها بس من باجر انسي ...وقام ومسك ايدها ودخلوا لغرفه مع بعض ...جراح انسدح عند ملاك ونام...اما ليال ادخلت الحمام توضت وطلعت البست ثوب الصلات ...صلت صلات شكر وبعدها قرت لها جم صفحه من القران الكريم ...وقامت راحت انسدحت بالجنب الثاني من ملاك
جراح مد ايده ومسك ايدها :تصبحين على خير
ليال ببتسامه:وانت من اهله

جناح طلال
جنى قامت من النوم ودخلت الحمام بسرعه وبدت تستفرغ ...طلال حس فيها وقام وراها
طلال:جنون شفيج
جنى بعد ماغسلت ويها:اضاهر بديت بالنساة
طلال يمسك ايدها ويمشي معاها لي الفراش ..انسدحت جنى وطلال غطاها
جنى بتعب :طلال باجر بروح بيتنا ...ابي امي
طلال:اوكي انا اوديج هناك وقعدي عندها لين تصيرين احسن
جنى:تعال معاي ما ابي اخيلك بروحك
طلال:وين أي ..لا يبا انتي روحي رتاحي وانا قاعد بالبيت ماني رايح مكان وبعدين جراح صارله فتره مايدري عن الشغل وكل شي على راسي ..انتي روحي ارتاحي وانا كل يوم اي عندج
جنى :طلول ادري بتستاحش من الغرفه بس انت تدري مو بيدي
طلال بقلبه(استاحش وحنون موجوده):لا يقلبي اهم شي راحتج

ثاني يوم الصبح
طلال اخذ جنى من الصبح و وداها بيت اهلها وهو راح الشركه ..وبطريج بعد ما قطاها دق على حنان وتفق معاها على انهم يقضون الفتره هذي مع بعض وحنان على طول وافقت وراحت الشقه قبله

فلا خالد
جراح فتح عينه و اول ماشاف ليال رفع نفسه وباس ملاك وبعدها قرب من ليال وباسها على خدها ...ليال حست فيه وفتحت عينها ابطأ..وبتسمة من شافته
جراح:صباح الخير
ليال ببتسامه:صباح النور ...وبقبلها (الف الحمدالله يارب ..حققت لي حلمي)
جراح ببتسامه:هذا احلى صباح يمر علي من سنتين
ليال ببتسامه:الله لايحرمني منك
جراح:ولا منج ..وباس راسها ...يالله قومي عشان اوديج الكليه وبعدين انروح الفندق
ليال:موجنه مبجر على سالفة الفندق
جراح ببتسامه:الا متأخرين وايد الي تزوجو معانه عيالهم الحين يمشون وحنه ليلحين
ليال:جراح انا ليلحين احتاج وقت لاتنسى الفترى الي طافت
جراح يقاطعها:ليله وحده نقضيها مع بض تصلح كل شي بينه ..ويالله قومي ما ابي اتأخر عندي شغل بالشركه
ليال:اوكي ..وقامة
بالصاله
اريام كانت قاعده مبجر وقالت الخبر حق امها وابوها
خالد:الله يبشرج بالخير والله كنت خايف انها تتطلق وتبتعد عنا
هنادي:واااي مابغينه نفتك من القبسه ...اعفستنه عفيسه
خالد:الحمدالله على كل حال ويمكن الي صار درس لهم عشان تتقوى علاقتهم بعض
هنادي :الله يوفقهم يارب
اريام:ماما ادعي لها تحمل بسرعه ..والله معوره قلبي
هنادي:هذا يوم المنى الي اشوف عيالهم يكبرون جدام عيني
خالد:انا قايل جراح اهو الي بيب لي خالد وابيه من ليال
اريام:انشالله يشابهونها واااي ياربي ..انشالله بسرعه تحمل
هنادي:خالد دام تطمنا عليهم شرايك نروح العمره باجر
خالد:والبيت
هنادي:العيال موجودين ..ودام غرور مو موجود هانا مطمنه عليهم ...انروح ثلاث ايام ونرجع
خالد:ان شاء الله احاول ارتب اموري واعطيج خبر
ليال اتفقت مع اريام اتمر عليها بعد ماتخلص من الامتحان ويروحون السوق ..عشان تاخذ لها جم شغله حق الفندق وتفقو مع لينا اتي لهم الفندق ...بعد ماخلصو من كل شي دقت ليال على جراح عشان تبلغه انها بالفندق
جراح:هلا بقلبي هلا بدنيتي كلها
ليال:هلا فيك
جراح:ها خلصتي امتحانج
ليال :من زمااان
جراح يسوي نفسه معصب:وليش ماتتكلمين ...يالله انا مسافت الطريج واكون عندج
ليال :جراح انا مو بالكليه
جراح بستغراب :عيل وينج
ليال :انا بالفندق
جراح ببتسامه:اقعد ...والله حركات يالعياره اليوم الصبح تقولين يبيلنا وقت والحين انتي سابقتني هناك
ليال انحرجت وماعلقت
جراح:الوووو...ليول انتي معاي
ليال :أي معاك
جراح:انزين شلون عرفتي الفندق
ليال:الله يعافي ريوم اهيا الي سألت وسوت كل شي
جراح:فدييته خيتي والله تعرف اتضبط اخوها ...اوكي يا قلبي مسافت الطريج وانا عندج
ليال:اوكي
جراح:تامرين على شي
ليال:حط بالك على نفسك ومن الطريج
جراح:ياالله ياني فقدت هالاشياء ...بس الحمدالله كل شي تعدل..اخليج الحين يالله باي
ليال:باي
اريام:ها وينه
ليال متنرفزه:الله يغربل ابليسج كله منج
اريام:ليش بعد
ليال:يقولي اليوم الصبح تقولين يبيلنا وقت والحين انتي سابقتني ...واي كله منج ومن افكارج البايخه ..الحين شبيقول عني مو مصدقه
اريام:أي مومصدقه ...ليش الجذب احنه ماصدقنه انه الوضع بيستقر بينكم
ليال :ريوم خايفه حدي
اريام ببتسامه:لاتخافين وخلي الامور تمشي طبيعيه ...وسوي كل الي قلت لج عليه وان شاء الله كل شي تبينه يصير ..اهم شي حطي ابالج ابي اصير عمه بسرعه
ليال:انتي عمه من زمان وبتصيرين عمه من عيال طلال
اريام:لا حبيبتي عيالج غير لان امهم غير
ليال تلمها :حبيبتي والله من غيرج اضيع
اريام :يالله انا بروح قبل ما يوصل جراح
ليال:ريوم ما اوصيج على ملوكه
اريام تأشر على عيونها:من هذي قبل هذي ...وانتي لاتحاتين شي فكري بنفسج وجراح وبس...وباستها ...يالله باي
ليال :باي ...طلعت اريام وضلت ليال بالغرفه وهيا تحس بتوتر وخوف اكثر من خوفها اول مره ...كانت تحاول تهدي نفسها من تتذكر كلام اريام وكل الي صار معاها لكنها ماهدت كانت اتزيد خوف ...قررت انها تقره شوي من القران الكريم عشان تهدى ..وفعل البست ثوب الصلات وبدت تقرى ...بعد فترى وصل جراح وطق الباب وليال راحت افتحت الباب وهيا لابسه ثوب الصلات
جراح اول ماشافها رفع حاجبه :ثوب صلات !!!....موجنه المفروض يكون قميص نوم
ليال انحرجت: قاعده اقرى قرآن
جراح:اها ...انزين خلصتي ولا بعد
ليال:شوي واخلص ...وراحت قعدت وردت تقرى ...جراح دخل الحمام اخذ له شور...وطلع ..بنفس الوقت ليال كانت مخلصه من القران وكانت واقفه قبال المنضره تعدل شعرها
جراح اول ماشافها ابتسم ..كانت لابسه نفنوف قصير لونه رمادي وفيه حزام على الخصر لونه لحمي كله عليه ورود وكرستال ..وكانت مسويه شعرها كيرلي ..و مكياجها كان سموكي رمادي والحمره لحميه...جراح راح صوبها ولمها من ورا حيل
جراح:مشتاقلج موت ..احبج يالخايسه
ليال بتوتر :حبتك العافيه
جراح حس ابتوترها :اممم...ليولتي ..قلبي
ليال :هلا
جراح:خايفه
ليال تحرك راسها:أي
جراح ببتسامه:في وحده تحب ريلها تحس بالخوف معاه
ليال ابتسمت:....
جراح:انا جروحي حبيب قلبج ...تخافين من قربي
ليال تاخذ نفس عميق:انت عارف ليش
جراح:عارف...بس انا جراح مو حيالله
ليال:هههههه
جراح ببتسامه:فديت الضحكه ...انزين ممكن تعطيني من وقتج شوي ابي اسولف معاج
ليال ببتسامه:وقتي كله لك ...جم جروحي عندي
جراح يبوسها على جدها:حبيبتي انتي ...ولفها وسكها من ايدها ...تعالي خل نقرق شوي ...ابي اقولج سبب زواجي بس ها مابي تزعلين ..في شغلات لازم تعرفينها
ليال:دام اهيا مو على ذمتك ماراح اتضايق
جراح بدا يسولف ..من وصوله لندن لين طلع منها :وهذا كل شي
ليال :.....
جراح:تضايقتي
ليال:الحمدالله انك تخلصت منها ..والحمدالله انك رجعت لي ...بس انت قلت لها انك طلقتها
جراح:والله مادري اذا عرفت ولا لاء ..على حسب علمي اهيا بلندن الحين
ليال:اها ..جنه سفرتها مفاجأه
جراح وهو يضحك:أي ...الله يسلمج اكتشفت اني حولت كل حلالي بأسم عادل بيع وشرى ...ومن الصدمه راحت اتجيك على المشروع ...تخاف انه عادل يبيع حصتي على احد يناشبها بكل شي بعدين

ليال ببتسامه:وييه لايوقف قلبها وباجر تبتلشون
جراح يقرب منها بعد ماحس انها هدت وايد:خل يوقف قلبها ...ماتهني ...ويبوسها على رقبتها...اهم شي انتي وبس
ليال ترد تتوتر مره ثانيه :ازين متى بترد من السفر
جراح :منو
ليال:غرور
جراح:خلج منها الحين ...يعني ماكو سوالف غيرها حبكت الحين بتسولفين
ليال:أي عادي خل انسولف ما ورانا شي
جراح يقرب منها :بكيف منو ما ورانه شي

بيت احمد
محمد قاعد بصاله وقاعد يدرس وحاط اوراقه والكتب كلها على الارض
حصه:يما ماتبي جاي قهوه عصير أي شي
محمد:لا يما مشكوره ...ورد يكمل دراسته
حصه:محمد ...كلمت ليال اليوم ...من الصبح ادق عليها ماترد
محمد ببتسامه:أي ص جانا ماقلت لج
حصه بخوف:اختك فيها شي
محمد ببتسامه:أي فيها ...الحمدالله يما الله ستجاب دعواتنه ..جراح طلق شريجتها
حصه:صج متى
محمد:امس كلمت ليول بليل وقالت لي
حصه:الف الف الحمدالله الله يهنيهم يارب ...هذا احلى خبر سمعته ...يارب ياحبيبي انك تهنيها وتوفقها وترضى عنها
محمد:امين يارب


ثاني يوم بالفندق
جراح فتح عينه وابتسم بكل راحه وفرح لمها وهيا نايمه بقوه وباس راسها ...ليال حست فيه وفتحت عينها ابطئ
جراح ببتسامه:صباحيه مباركه ياعروس
ليال تغطي ويها وهيا منحرجه:جرااح
جراح:هههه فديت الي يستحون والله
ليال: بس عاد
جراح يرفع راسها ويحط عينه بعينها :احبج...وقرب منها اكثر


بعد يومين
جراح وهو يعدل نسفته:خلصتي
ليال وهيا تاخذ جنطتها :أي خلصت
جراح :يالله مشينا ..(ومشت ليال خطوات) ... تعالي تعالي
ليال وقفت ولتفتت عليه:هلا
جراح:وين بوستي
ليال تبوسه على خده
جراح يسوي نفسه زعلان:بس...لا يبا هذا ماترضيني
ليال بدلع:جروحي ...تأخرنا اشتقت حق ملاكي
جراح:اممم...يالله مشينا
كانت لحظات لاتنسى بنسبه لهم وبالاخص جراح...الدنيا ماكانت شايلته كل الي يبيه بدا يتحقق ...علاقته ب ليال بدت تتحسن ...والامور بدت تتطور والي كان يبيه من سنتين حصله عليه بساعات بعد ماعرف شلون يتعامل معاها ..اما ليال كانت بالبدايه خايفه ولا زالت تخاف من شي مو عارفه شنو اهو ...يمكن الانها تخاف يتزوج مره ثانيه ...رغم كل هذا كانت تحس بالسعاده وثقه

فلا خالد
ادخلو وهما ماسكين ايد بعض والابتسامه محليا ملامحهم
هنادي تبوس ليال وتلمها:الف الف مبروك يايمه ...منه المال ومنج العيال
ليال ببتسامه :الله يبارك فيج يما
اريام يايه من القسم الثاني وشافت ليال صرخت وركضت لمتها:ليول ....حبيبتي اشتقت لج ..الف الف مبروك
ليال :الله يبارك فيج والفال لج ان شاء الله
اريام بصوت واطي:جبي ...وتلتفت على جراح...الف مبروك جريح الله يهنيكم ان شالله
جراح ببتسامه:الله يبارك فيج
اريام:يختي على ابتسامته ..عذاااب ...وتروح تبوسه...تستاهل كل خير ياخوي
جراح:الفال لج ان شالله ...الا تعالي قوليلي شلون عرفتي الفندق والغرفه
اريام:بسيط هانت كنت قايل حق السايق يودي اغراضك الفندق والسايق فضحك...بعدها دقيت على ليال وضبطنا كل شي
جراح ببتسامه:خوش اخت ...الا وين ملوكه
هنادي:رايحه مع ابوك الجمعيه
جراح بستغراب:ابوي رايح الجمعيه ..من متى يروح
ليال:من كبرت ملاك
هنادي:وان شالله جم سنه ويودي عيالكم بعد
جراح:شنو جم سنه ...وايد انا ابي عيال بسرعه ...مابي ملاك تضل بروحها
هنادي:شد حيلك ويب لنا خالد
ليال انحرجت ونزلت راسها
اريام امسك ايد ليال :امشي معاي ولهت عليج
جراح:الا بتحققين معاها
اريام:سمه الي تسميه ..يالله ليول
ليال:عن اذنكم
هنادي:اذنج معاج
راحو البنات القسم الثاني وضل جراح مع امه
هنادي ببتسامه:شلون النفسيه الحين
جراح ببتسامه:والله ماتصدقيني يا يما ...احس اني طاير فوق السحاب ....احس روحي ردت لي
هنادي ببتسامه:الله يهنيكم ..انت وليال تستاهلون كل خير

عند البنات
اريام:ليول شفيج شكلج مو مستانسه
ليال:حرام عليج في وحده بدنيا ماتستانس اذا ريلها رد لها
اريام:عيل ليش عافسه ويهج
ليال:مثل كل مره ...صداع مو طبيعي
اريام:ولييين ...انزين خذيتي حبوبج
ليال:لا ...بقوم اخذهم احس عيوني بتطلع ...بقوم اخذ حبوب وبنام نص ساعه لين يفج الصداع
اريام ببتسامه:اوكي انتي ريحي نفسج ولا تحاتين شي
ليال:اوكي...وقامت ...صعدت غرفتها وبدلت هدومها وخذت لها حبتين من حبوب الصداع ونامت
بعد فتره دخل جراح الغرفه وشافها نايمه ....بدل اهدومه وطلع

بالصاله
جراح :ريوم ابوي وصل ولا بعد
اريام : أي ..وبنتك ماخلت شي بالجمعيه الا وشرته
جراح :عليها بالعافيه ....وراح القسم الثاني ...شاف ابوه سلم عليه وباس راسه
خالد:تحب الكعبه وانا بوك
جراح يشيل ملاك ويبوسها:ملاكي وين كنتي رايحه
ملاك:لوح ديد
جراح :حبيبتي انتي ...ويبوسها....شنو شريتي
ملاك:بكوت
خالد:قول شنو ماشرت ..الله يعين ليال عليها وايد تحن..الا صج الف مبروك الله يهنيكم انشالله
جراح ببتسامه:الله يبارك فيك ..الفال حق البنات ان شاء الله
خالد:يالله شد حيلك ويبلي خالد
جراح:بس ...ياغلي وطلب رخيص ماطلبت شي


بليل بقسم البنات
ليالبعد مانومت ملاك البست لها بجامه من ومن سيكرت وحطت ميك اب خفيف ونزلت تحت
جراح والبنات كانو قاعدين يتابعون فلم ومندمجين فيه ..ليال انزلت ووقفت تشوف اشكالهم
ليال:ههههه
الكل التفت عليها
كادي:الحمدالله وشكر شلي يضحك
ليال:هههههه....امبيه اشكالكم مو ضج
جراح ببتسامه:تعالي قعدي عندي
ليال شافت البنات ونحرجت من نظراتهم:امم....بسويلي كبتشينو ماتبون
كادي:انا ابي
جراح:وانا بعد
ليال:ريوم تبين
اريام:انا بقوم معاج ...وقامت ودخلو المطبخ ثنينهم...ليول انتي باجيه اليوم
ليال بستغراب:لا ليش
اريام:عيل ليش مصدعه
ليال:مادري ..تصدقين يهد وايد متعبني ...ايني فجأه وصارلي فتره الصبح من اقعد من انوم اكون مصدعه
اريام:رحتي الطبيب
ليال:سويت تحليل دم وقالو عندي نقص حديد وكالسيوم
اريام:اها ...وعطوج علاج
ليال:أي حبوب حديد وكالسيوم
اريام:ليول انتي فيج شي مو خاليه ..لاتخشين عني قولي
ليال:آآآآخ بس ..خليها على الله
اريام:شفيج شلي صاير
ليال:خايفه من ردت فعل غرور لي عرفت بالي صار
اريام:خل تولي ...حبيبتي اهيا الي خذت ريلج مو انتي الي اخذتي ريلها ..وبعدين جراح مبين عليه الدنيا مو شايلته من الفرحه ماضنتي بخليها تقرب منهكم
ليال:بعد عمري ..احبه ...لا ما احبه ..اعشقه بشكل جنوني ...ربي لايحرمني منه ...ويطولي بعمره وخليه ذخر لي ولعيالي
اريام ببتسامه:ليول نبي بيبي ...يارب تحملين بسرعه
ليال ببستامه:يارب الله يسمع منج ...ابي احمل ...ابي ولد جراح يرافس ابطني ...ابي اشوف بطني كبير
اريام:واي ليول شوقتيني ...ان شالله يارب ..يارب تحملين بسرعه
ليال بضيق:ريوم بقولج شي بس مابي احد يدري
اريام بخوف:قولي
ليال:احس بيصير شي كبير ويبعدني عن جراح ...بس اذا صار هالشي راح اموت
اريام:بسم الله عليج ليش تقولين جذي
ليال:لان حظي جذي كل شي احبه انحرم منه ..انا من وعيت على الدنيا وانا كله مهمومه كنت ابي اتزوج عشان انحاش من بيت ابوي واكون اسره خاصه فيني ..كنت ابي ريال يحبني واحبه ...ريال يحميني ...بس الي صار لي خلاني اخاف وايد..استغفر الله ربي جنه العذاب وشقى مكتوب لي طول العمر
اريام:وايي ليول ليش تقولين جذي ...الحمدالله جراح عرف غلطته ..والحين انتو مع بعض ...ولا ختلين الماضي يأثر عليج ..خلاص قطيه ورا ظهرج
ليال:خايفه من ردت فعل غرور ...خايفه تسوي شي تخلي جراح يردها ويبتعد عني
اريام:الله لا يقول ....واذا خايفه حصني نفسج بالقرآن والدعاء
ليال:وهذا الي قاعده اسويه...وبعد ماخلصو من الكبتشينو طلعو من المطبخ ...ليال تعطي الكوب حق جراح...تفضل
جراح:شكرا
ليال ببتسامه:عفوا
كادي:ليول
ليال:هلا
كادي:شلونج بعد ...ماسولفتي ...شسويتي بالفندق
ليال انحرجت :....
جراح يرفع حاجبه ويخزها :وانتي شكو صج لقافه...وبعدين انتو لي متى قاعدين هني ..متى بتروحون هناك
كادي:وين هناك
جراح:ترجعون غرفكم ...القديمه
اريام:حبيبي هذا مكانه انتي ياي بينه
ليال:أي والله احنه سكنه هني قبلك
جراح يرفع حاجبه:شنو طرده
كادي:تقدر تقول جذي
ليال:لا حبيبي ماعاش من يطردك انت الي داش وحنه الي طالعين
جراح:لا انتي بتكونين معاي وهما الي طالعين
اريام:طالع هذا ...انت من صجك تبينه نروح البيت
جراح:والله مادري انتي شرايد ...ريال ومرته قاعدين بالبيت انتو شكو رازين ويهكم ....باخذ راحتي معاها شلون
كادي:عندك جناحكم روح اقعد فيه
ليال:هذا الي ناقص بعد اعقد مكان غرورو
جراح ابتسم:انتي بتقعدين هني واهما الي بروحون غرفهم القديمه
ليال بدلع:جراااح
جراح:عيون جراح
ليال:البنات بيقعدون هني
جراح:لا انا قلت يردون
ليال:وانا قلت بيقعدون وبشوف كلامك ولا كلامي الي بيمشي
جراح :ها...منو الريال فينا انا ولا انتي
ليال:انت ...(وبدلع)حبيبي والله ما اتخيل اقعد هني بدونهم
جراح:انا مو تارس عينج
ليال:جروحي لاتفهمني غلط بس انا احبهم وماقدر استغني عنهم ولو ثانيه
كادي:بعد عمري ..هذي مرت الاخو الي تبرد القلب
جراح:تحبينهم اكثر مني
ليال ببتسامه وهيا تحرك حواجبها :اكيد ...ريوم وكدوي غير
جراح يطقها على الخفيف:ياحماره ..وتقولينها جدامي
ليال :أي ليش اجذب ...اهما الي وقفو معاي بأصعب الضروف ..وماتخلو عني ...اهما الي قضيت معاهم كل يوم مر علي بالبيت هذا
اريام:جريح شنو تغار من خواتك
جراح:المفروض والي اعرفه انه المره ماتحب شي بدنيا كثر ريلها
ليال:لا هذا اول الحين خوات ريلها
جراح يرد يطقها على الخفيف :اول ها...وبهمس...لي صعدنه فوق اعلمج منو الاول
ليال:هههههههه

ثاني يوم الصبح
جراح قعد من النوم واخذ له شور وطلع بدل ...وليال كانت قاعده بس مو قادره ترفع راسها من الصداع
ليال بتعب:جراح ابي ماي
جراح التفت عليها وبتسم:صباح الخير
ليال على نفس النبره :صباح النور ..ابي ماي
جراح بخوف من شاف ويها :ليول شفيج ويهج وايد اصفر
ليال:صاحبي مو راضي يفارقني ...لازم كل يوم يسير علي الصبح
جراح وهو رافع حاجبه:منو صاحبج
ليال تحط ايدها على راسها:صداع ..ذابحني ابي ماي
جراح:وبعدين مع الصداع الي مو راضي يفج....(يروح يقعد على حافت الفراش) .....الحين ارتاحي ومن ارجع من الشركه مروح المستشفى
ليال تهز راسها :أي....ابي ماي
جراح قام وياب صب لها ماي وراح لها رفع راسها وبدا يشربها:ليول لاتتحركين من الفراش اليوم شكلج وايد تعبانه
ليال بتعب :الحين اخذ حبة الصداع وان شالله اصير احسن
جراح:اوكي بس الحين ارتاحي واذا زاد عليج دقي علي
ليال :انشالله
جراح باس راسها وطلع
بالصاله على طاولة الطعام
اريام متنرفزه:ماما ما ابي اتزوج مو غصب
هنادي:خالد كلم بنتك ما صارت ...كل ماتقدم لها واحد رفضته
خالد:خليها على راحتها
هنادي:والله محد مخرب البنات غيرك ...انزين انتي قعدي معاه يمكن تغيرين رايج
خالد:امج معاها حق لي قعدتي معاه يمكن ترتاحين له ويعجبج
اريام:بابا ليش اتزوج انا مرتاحه عندكم ليش ابلش عمري بريل ومسوليه ..وانا عارفه نفسي اني مو مثل خواتي ولا اقدر اتحمل مسؤليه
هنادي:هالكلام مأخوذ خيره ...انا اتفقت مع المره ايون باجر ...والحين قومي روحي السوق اخذيلج شي تلبسينه
اريام:بابا كلمها
خالد:ريوم بابا سمعي كلام امج قعدي معاه منتي خسرانه شي ....وامج متفقه مع المرهم وحلوه بحقها تعتذر بهالوقت
اريام:أي بس
خالد يقاطعاها :اريامي سمعي كلام امج لانها تبي مصلحتج
اريام بضيق:ان شالله
جراح :صباح الخير
الكل :صباح النور
جراح راح باس راس امه وابوه وقعد
اريام:ليال ماقعدت
جراح:قامت وردت نامت
اريام:خل اروح اقعدها
جراح:لالا خليها تعبانه
هنادي:خير عسى ماشر شفيها
جراح:مصدعه شوي
اريام :بعد
جراح يلتفت عليها:اهيا من متى على هالحاله
اريام:بييه من زمان بس كان على فترات بس الحين تقريبا بشكل يومي
خالد:انا ملاحظ انها وايد ضعفانه وحتى ويها ذبلان
هنادي:يمكن من القهر ضعفانه بس الحين ان شالله ترد مثل قبل واحسن
اريام:الا تعال غرور ليلحين ماعرفت
جراح:امبلا عادل قالها ...ويقول سافرت امس
هنادي :ويي عسى ماتيه هني وتلعلع
جراح:تخسي والله احش ريلها
خالد:تتوقع بتعدي الموضوع بساهل
جراح:والله عاد كيفها اهيا من الاول عارفه اني بأي لحظه بطلقها وكانت موافقه من البدايه
هنادي:الله يستر ...وتلتفت على اريام...روحي قعدي اختج وروحو السوق ..واخذلج شي عدل
اريام:ماما الي يسمعج يقول ماعرف البس ولا ماعندي ذوق
هنادي:وانتي الصاجه اخاف تتعمدين تسوين حركات الماصخه عشان تسوين الي براسج
اريام:ان شاء الله ...انزين وملوكه ..أخذها معاي
هنادي:خليها انا ابروح عند اختج اخذها معاي
اريام:أي حرام ليول تعبانه وموناقصه حنه على راسها
جراح وهو يقوم:الحمدالله
هنادي:ما كلت شي
جراح:عندي اجتماع بعد ساعه ويدوب الحق
هنادي:درب السلامه يما
جراح:الله يسلمج

مطار الكويت
اوصل غرور الكويت وهيا بقمت الغضب..وطول الرحله كانت تفكر شلون تخرب حيات جراح وليال ..وشلون تقدر ترد حق جراح...وكانت حاطه ابالها اول ماتوصل تروح البيت وتشب نار الغضب الي فيها

فلا خالد
قعدت من النوم على الم مو طبيعي ...مسكت راسها وبت تضغط عليه بقوه
ليال بتعب:يارب ...يارب ..يامعين اعني على هذا الالم ...يارب...(خذت تليفونها ودقت على جراح اكثر من مره ومارد عليها )....يارب ..امبيه مو قادره اتحمل ....بطلت الدرج وخذت لها حبتين وردت انسدحت ..وبعد ثواني قعدت وهيا تحس انه الصداع كل ماله ويزيد ...قامت من مكانها وهيا تتسند على الطوفه وتمشي شوي شوي ..وصلت الحمام وغسلت ويها ..وماحست نفسها الا وهيا ترجع ...وكانت ترجع دم ...حست انه روحها بتطلع غسلت ويها مره ثانيه وعلى نفس الطريقه ارجعت مكانها ونسدحت

بشقة طلال
طلال:يابنت خليني اطلع عندي شغل مهم
حنان وهيا لامته:مابي ابيك عندي ماشبعت منك
طلال:حنون والله ماني ناقص جراح يسويلي سوالف
حنان:واي عاد اخك هذا الي ما ابلعه ..وع وع الله يعين حريمه عليه
طلال:حريمه يتهاوشون عليه
حنان:من زينه
طلال:لا عاد جراح مزيون وشخصيته قويه ...يالله جنون لا تعطليني
حنان:اسمي حنون مو جنون ...شكلها ماخذه قلبك
طلال :طبيعي لانها زوجتي
حنان:الله يا الدنيا قبل كنت انا الكل بالكل ...والحين صرت بدل فاقد
طلال :ولي الحين انتي الكل بالكل ..انتي شالعه قلبي
حنان:وجنى
طلال:جنى بنت عمي وام عيالي
حنان تمد البوز:طلووول لاتقول جذي اغار ...وتبوسه ...انت حبيبي انا ...وانا كلي لك
طلال:وبعدين يعني مانداوم اليوم
حنان بدلع:لا ..انا ابيك اليوم شلون
طلال ببتسامه:خليها لمن ارد
حنان بدلع:الحين
طلال ببتسامه:الحين ..الحين

فلا خالد
دخلت غرور وهيا شابه نار بداخلها ...والغريب انه من دخلت ماشافت احد بالبيت حتى الخدم مالهم حس...راحت القسم الثاني واول مادخلت اسمعت صراخ خلاها تتيبس بمكانها من الخرعه ..صراخ قوي ..صراخ يوحي بالالم ...وبسرعه اصعدت فوق وتجهت لي مكان الصراخ ..افتحت الباب وشافت ليال ماسكه راسها وتصارخ
ليال:راااسي ...يمااا لحقي علي ...آآآي ...يارب ...راااسي ..راسي
غرور راحت صوبها وبخوف:ليال شفيج
ليال وهيا موح اسه بالي حولها وبس تصارخ من شدت الالم:راسي ...راسي
غرور بخوف:ليال قومي اوديج المستشفى
ليال:ما اقدر راسي ...يماااا لحقي علي بموت ...راسي
غرور تمسكها وقومها وتساعدها بالمشي:ليال تسندي علي...وطلعت من البيت متجها للمستشفى ..وهيا تمشي بأقسى سرعه ..وليال كانت على حالتها ماسكه راسها وتصارخ من شدت الالم

بالمستشفى
اول ماوصلت حطوها بالويل جير وبسرعه دخلوها الطوارء ...صراخها خلا المستشفى كله يستنفر

الدكتور:عسى ماشر
غرور:مادري دكتور مثل ما انت شايف راسها يعورها
الدكتور 2:الحين نعطيها مسكن ونسوي لها فحوصات عشان نعرف
ليال تمسك ايد الكتور:الله يخليك ابي ارتاح راسي ...بينفجر ...وطق على راسها بقوه...بموت ..بموت
الدكتور يوخر ايها :الحين نعطيج شي يريحج ...سستر بسرعه ...ويت السستر وعطتها مسكت قوي وبعد فتره خف الالم ونامت
الدتكتور:ويها اصفر...اهيا من متى تعاني من الصداع
غرور وعينها على ليال:مادري دكتور
الدكتور :انتي اختها
غرور:لا ...وسكتت ..المهم اهيا شنو عندها بالضبط
الدكتور :بما انها نايمه بنسوي لها اشعه مقطعيه حق راسها وشويت تحاليل وبعدها بنعرف شلي تشتكي منه
غرور:اوكي

بعد ثلاث ساعات
جراح خلص اجتماعه وشاف تليفونه وتفاجأ بعدد المكالمات :اكيد اتعبت اكثر...ودق عليها ماردت ...اووف وينها هذي ....ورد دق...ليول ردي ....خل اشوف البنات ..ودق عليهم وهم ماردو عليه ...ولين هذا وقتهم
بعد فتره دقت اريام
جراح:هلا ريوم انتي وينج
اريام:هلا جريح انا بسوق بغيت شي
جراح:لا بس توقعت انكم رديتو البيت ..قلت اشوف ليال شلون صارت
اريام:أي ليول داقه علي جم مره ودقيت عليها ماترد
جراح:اخاف الصداع زاد عليها
اريام:لا ما اتوقع اهيا من تاخذ حبوبها تصير تنام وبعدها تقوم وجنه مافيها شي
جراح:مادري قلبي قارصني مو مطمن
اريام:جراح لاتخوفني ...اكيد مافيها شي
جراح:شلون مافيها واهيا داقه وايد...انتو متى بتردون
اريام:مادري ليلحين ماخلصت
جراح:خلاص انا برد البيت ...واتطمن بنفسي
اريام:اوكي طمني عليها
جراح:اوكي ...يالله باي...سكر الخط وخذا اغراضه من المكتب وطلع من الشركه

بشقة طلال
حنان:قلبي ابي اروح البيت ايب لي جم شغله ...توديني
طلال بستغراب:اوديج ...وليش ماتروحين بروحج
حنان:لا ابيك انت الي توصلني
طلال:لا يبا انتي روحي بسيارتج وانا الحقج لين توصلين ومن اتطمن عليج امشي
حنان:اممم...ولو اني ابيك انت الي توصلني لكن ماعليه اليايات اكثر...بقوم اسبح وابدل
طلال ببتسامه :انا بعد بسبح
حنان بدلع:طلولي ماتشبع
طلال يحرك حواجبه:لا

بالمستشفى
غرور كانت قاعده عند ليال وطول الوقت تقرا قرأن عليها وكل ماتتذكر شكلها وهيا تصارخ كانت تدمع عينها وتمسح على راسها
ليال فتحت عينها بطأ
غرور:الحمدالله على السلامه
ليال بتعب:انا ويني
غرور:بالمستشفى
ليال بخوف وتعب:خذيتو كليتي
غرور:أي كليه انتي كنتي مصدعه والحمدالله اني لحقت عليج
ليال تعدل نفسها وتقعد:أي صح تذكرت...مشكوره
غرور:لاتشكريني هذا واجب
ليال:ابي ارد البيت
غرور:لا نطري خل تطلع نتيجت الفحوصات ونقعد مع الدكتور بعدها نطلع
باهل وقت دخل الدكتور :ها ليال شلونج الحين
ليال بتعب:الحمدالله احسن
غرور:دكتور طلعت النتايج
الدكتور :أي ...ويلتفت على غرور ...ممكن تتفضلين معاي
غرور :ان شاء الله...وقامت
ليال:دكتور ابي اعرف شفيني ليش الصداع هذا
الدكتور:لا صداع عادي
ليال:دام عادي ليش تبي غرور بروحها ...دكتور انا مو صغيره وابي اعرف الي فيني ...وما راح اعترض على حكمة رب العالمين
الدكتور:ليش تقولين جذي انتي مافيج الا العافيه
ليال:لا فيني ..وانا عارفه شنو
الدكتور :انتي مسويه فحوصات من قبل


فلا خالد
جراح وصل البيت ودور على ليال بكل مكان ومالقاها وسأل الخدم والكل قال انهم ماشافوها وعابلهم طالعه مع اريام ...دق على اريام وقالها ترد البيت ...ودق على هنادي ومارد...كان قاعد على اعصابه مو عارف وين راحت
بهالوقت دخلو كادي واريام
اريام :ها بشر لقيتها
جراح وهو متوتر وخايف:لا...مادري وين راحت...وتلفيونها ناسيته بالبيت
كادي:دقيت على اخوها
جراح:أي سألتها اذا كانت معاه قالي لا اهو بالجامع
اريام:اكيد يحاتيها اليحن
جراح:لا ..قلت له اكيد طالعه معاكم.....مادري وين راحت ...بين محد عارف وينها وسيارتها بره وتليفونها بالبيت وين راحت وين
كادي تقغد عنده:جريح انشالله مافيها الا العافيه لاتحاتي
اريام:انت من صجك قاعد قوم دورها
جراح متنرفز وخايف:وين ادروها وين
اريام:أي مكان بس لاتقعد جذي ...لا تنسى كانت تعبانه اليوم
جراح:وهذا الي مخوفني...يارب احفضها لي يارب

بالسياره
غرور كانت ماسكه ايد ليال وهيا متضايقه على حالتها:ليال لاتحاتين الطب تطور يعني في علاج حق حالتج
ليال ودموعها على خدها:غور انا كنت حاسه انه بيصير شي يبعدني عن جراح...لاني عمري ماتهنيت بشي
غرور بضيق:سامحيني ....انا السبب
ليال حطت ايدها على ويها وبد تبجي وتشاهق
غرور ادمعت عينها على حالها :ليال لاتبجين طلبي من الله انه يشافيج
ليال:تعبت ...والله تعبت ...تعبت من كل شي ..ابي ارتاح تعذبت وايد
غرور:لاتقولين جذي...وبعدين خلاص كل شي رجع نف قبل جراح طلقني ورد لج ..وان شالله مع العلاج بتصيرين احسن
ليال:أي علاج تتكلمين عنه ...انا خلاص انتهيت
غرور:طلبي من الله الشفاء العاجل
ليال تمسح الدموعها:ونعم بالله ...وتخذ نفس عميق....غرور مابي احد يعرف شي ...الي صار بيني وبينج
غرور:شلون ماتبين احد يعرف وانتي صارلج اربع ساعات بره البيت
ليال:ماعليه انا ادبر نفسي
غرور:على راحتج...الحين بروح اخذ لج الادويه الي وصفهم لج الطبيب ومن باجر كل يوم امرج عشان تبلشين بالعلاج
ليال:ما ابي علاج ...انا خذيت نصيبي من الدنيه وكتفيت من همومها وتعذابها
غرور:وجراح...وملاك ...وامج...ابوج اخوانج...كل الي يحبونج ..لاتفكرين جذي وقلت لج من باجر نبدي العلاج والحمدالله انتي حالتج احسن من غيرج بوايد انتي بأول المرض يعني فترت العلاج ماراح تكون طويله
ليال:المهم مابي احد يعرف
غرور:بشرط كل يوم امرج ونروح المستشفى
ليال :....
غرور وقفت عند صيدليه ونزلت عشان تشتري دوا ...وتركت ليال بالسياره وهيا تبجي وتفكر بالي بيصير فيها ...وهيا على هل حاله تفاجأت بطلال وهو نازل من العماره الي قبال الصيدليه ومعاه حنان وهما ماسكين ايد بعض...اشهقت وحطت ايدها على شفايفها

حنان باست طلال:يالله حبيبي اركب سيارتك
طلال:اوكي...ومن التفت شاف ليال قاعده بالسياره وماثبت انها سيارة غرور...ارتبك من شافها وركب السياره بسرعه ومشى ابأقصى سرعه
بعد فتره ارجعت غرور
غرور:هذا دواج ...تاخذين هالحبوب ثلاث مرات باليوم...وهذي قبل النوم...وهذي عند اللزوم...ارفعت راسها ...ليال شفيج
ليال مصدومه:امبيه شفت طلال نازل من العماره ومعاه حنان
غرور:قصدج جنى...مو مشكله قولي لهم اني كنت ابي اتفاهم معاج
ليال :لالا هذي حنان رفيجته الي كان يكلمها قبل مايتزوج
غرور:عادي ليش تستغربين ..هذيل الريايل ماتملي عينهم وحده
ليال:بس جنى حامل وتعبانه
غرور:والريايل من متى يفكرون بهالاشياء...خليه يولي ولا جنج شفتي شي مني ناقصته الي فيج مكفيج
ليال:بس حرام ليش يسوي جذي والله ماتستاهل
غرور:ليال خليهم عنج ..وفكري بنفسج وبس
ليال بعد فترت صمت:غرور ليش تساعديني
غرور:ابي اكفر عن غلطه ارتكبتها بحقج وحق جراح...انا تدخلت بينكم واذيتج وايد


عند طلال
كان يمشي بأصى سرعه يبي يوصل البيت قبل ليال عشان لاتفضحه وتقول انها شافته مع حنان ..اول مادخل البيت شاف الكل متوتر وخايفين
طلال وهو يبلع ريجه:شفيكم
كادي:ليول مادري وينها اختفت ...محد يعرف وين مكانها
جراح وهو يهز ريله:وين راحت وين
اريام بخوف:جراح لاتقول جذي صدقني انا حاسه انها بخير
طلال (يت والله يابها اتغدا فيها قبل ماتتعشى فيني ):لاتحاتون مافيها شي
جراح يرفع راسه:انت تعرف مكانها
طلال :أي توني شايفها لا بارك الله فيها مسودت الويه
جراح يقوم من مكانه ويروح صوب طلال:وينها ...تكلم وين ليال
طلال:جريح انا كنت غلطان يوم زوجتك القذره هذي
جراح يمسكه من قميصه ويهزه:وين ليال تكلم
طلال:شفتها مع واحد بالسياره
كادي واريام اشهقو
جراح ماقدر يوقف وقعد على الارض
طلال:ارفع راسك ياخوي هذي ماتستاهل هذي زباله
جراح ويدوب يتنفس:طلال انت متأكد انت الي شفتها ليال
طلال:جراح شفيك يعني ماعرفها حتى كانت لابسه ملابس بيت مو طلعه (ووصف لهم شكل بجامتها)
جراح بخوف :طلال...للمره الاخيره اسأل كانت متأكد انها ليال
طلال:أي ليال ...وكانت منسجمه معاه ...ومن شافتني اعتفست ...شوف ربك فضحها كانت طول هالسنتين تسوي نفسها شريفه بس على منو ربك يمهل ولا يهمل
اريام بصراخ:جذاب ...انت جذاب ...ليال مستحيل تسوي جذي ...انت جذاب
طلال:وليشي اجذب شنو مصلحتي اني اخرب بيتها هذا بدال ماتقولين انه الله فضها
كادي:طلال يمكن كانت مع اخوها ولد عمها...طلال احنه نعرف ليال عدل ..وعمرها ماخشت عنه شي ...اكيد انت غلطان
طلال:يعني اذا بتكلم بتقول لكم ترى انا اخون اخوكم
اريام:ما اصدق ...الي تقوله مايدخل العقل هذي مو سوالف ليال ...ليال تخاف من ربها
طلال:طل تخاف من ربها يبا هذا كله تمثيل عشان تصدقونها وتيخلالها الجو
كادي:جراح ماتتكلم ماتشوف هالمينون شي قول
جراح:شقول ..اذا اهو شايفها شقول...اذا اهي كانت مصره على الطلاق اليوم قبل باجر ...شقول
طلال:شفتو يعني كانت مستعيله عشان تتزوج الي تحبه
جراح بصراخ:خلااااص كافي ....مابي اسمع شي
اريام بصراخ:لا بتسمع بس مو من الجذاب ...جراح والله طلال يجذب ...ليال موجذي ليال ماتفارقني وكل طلعاتها معانه
كاادي:جريح حبيبي لاتضلمها مره ثانيه ...جريح والله ليال ماعندها هالخرابيط
جراح بصراخ:جب ما ابي اسمع شي

عند ليال وغرور
غرور اصفطت قبال الباب:ما شالله وصل قبلنا ..شكله ناطرج عشان يقولج لاتقولين حق احد ويرقع الموضوع ...بس مثل ماقلت لج مالعيج منه اهم شي صحتج
ليال: انشالله...وفتحت باب السياره ونزلت

داخل الفلا
جراح كان معصب حده والبنات كانو حوله يهدونه ويقنعونه بكلامهم اما طلال كان يزيد الطين بله ...تبطل باب الفلا ودخلت ليال وهيا تعبانه وبديها جيس الدوا
جراح رفع راسه من شاف لبسها غمض عينه بقوه:شرفتي
كادي مسكت ايده الانها عرفت انه جراح بسوي شي مو زين:جراح ولي سلمك
جراح يقاطعها ويصارخ:جب ولا كلمه...ويقوم بسرعه من مكانه ومسك ليال من شعرها ويسحبها لي القسم الثاني بالقوه
ليال تصارخ وتحاول تبعد عنه:آآي ...شعري ...جراح شفيك ...هد شعري
اريام وهيا تركض وراجراح:جراح عفيه خلها ...جراح عشان خاطري خلني انا اتفاهم معاها
جراح دز اريام بقوه وطاحت على الارض
صعد فوق ودخل الغرفه وحذفها على الفراش وقفل باب الغرفها ...وبسرعه بطل الحزام الي كان لابسه ...وقام يصارخ بشكل جنوني ويطقها
جراح:تخونيني يا ليال تخونيني...ليش تسوين جذي ليش
ليال كانت تصارخ:جراح حرام عليك بس..ذبحتيني
جراح:ياحيوانه ياقذره كنتي تحنين على الطلال عشان تتزوجين حبيبج ...والله اذبحج ..منو هذا منو الي فضلتيه علي تكلمي منوهذا
ليال وهيا تبجي:جراح بس كفايه ...ارحمني كفايه
جراح:ليش مارحمتيني...انتي جلبه والموت اشرف لج ...موتي ...موتي ...موتي ياوصخه ...والله ذاحج يعني ذابحج ..انا تخونيني ...تكلمي من وال...الي تكلمينه
ليال:والله ما اخونك ..والله ما خنتك ..حرام عليك لاتظلمني ..والله احبك
جراح يصارخ وهو دموعه على خده:لا تجذبين طلال شافج معاه...تكلمي منو هذا ...تخافين عليه تخافين اذبحه ومو خايفه لا اذبحج
ليال وهيا طايحه على ريله:والله ماختك ...وتصارخ بشكل هستيري...ماخنتك ...ماخنتك
جراح فقد كل صيطرته على اعصابه وبدا يطقها بكل مايملك من قوه ...وليال كانت تحاول تتهرب منه مره تحمي بالمخده ومره تحاول انها تنخش وار التسريحه لكن مافي فايده جراح كان يمسكها ويطقها ..كانت تحس بكل قطعه من جسمها انها تتقطع ..طاحت على الارض وستسلمت لضرباته القاسيه ماكنت تملك القوى هشان ادافع فيها عن نفسها ..زادت تعب فوق تعبها وبعد فتره من الطق جراح ابتعد عنها بعد ماشاف الدم ينزل من خشمها
جراح والدموع ماليه عينه:ذبحتيني ياليال ذبحتيني ...مسح دموعه وطلع بره الغرفه وقفل الباب عليها
كادي امسك ايده وهيا تبجي:جراح حرام عيلك بطل لها الباب
اريام:اكره كانت حقير انت حقير ...حسبي يالله ونعم الوكيل فيك ...الله ينتقم منك ياجراح ..الله يتنتقم منك
جراح بصراخ: سكتي لا اذبحج الحين
اريام وهيا تبجي :اذبحني ماتهمني انت مو رايل تدري شنو مو ريال...ودخلت غرفتها وقفلت الباب وراها
كادي:جراح بطل الباب وغلات امي عندك ابي اتطمن عليها...جراح ليال نعبانه وماتتحمل الطق ليش سويت فيها جذي حرام عليك
جراح عيونه صارت حمره من الحزن والدموع الي يحبسها بداخلها:خليها لين تموت
كادي:جراح خلها تشرح لك افهم منها...جراح مايصير تسمع من طلال بس ...واجهم أي واجهم وبجذي تعرف ..جراح
جراح يصراخ:ذلفي عن ويها ...لا ادفنج
بالسياره
ماقدر يتحمل اكثر النار شابه بقلبه طلع من البيت وماكان عارف وين يروح
جراح :عشان جذي كانت تقولي ابي اتطلق ....عشان جذي كانت تصدني .....من متى تعرفه ...انا ليش ماذبحتها وشربت من دمها ...كل الحريم زباله اهيا ومريم وغرور كلهم زباله ...كلهم خونه


فلا خالد بعد ثلاث ساعات
ليال كانت متسنده على الباب واريام وكادي بالجها الثانيه ..وكانو يبجون على حالة ليال وصوتها الي مبين فيه التعب
كادي:ليال لا تخافين احنه معاج
اريام:ليول وين كنتي




ليال تبجي وتحس انه الصداع القوي بدا يرجع لها :مو مهم ...وتبجي...ريوم كدوي والله ما اخونه ...والله احبه
اريام :ليول مايحتاج تحلفين احنه نعرفج عدل
ليال بدت تضعف اكثر وتحس الالم بكل قطعه من جسمها ...وبصوت مبحوح:ريوم دقي على محمد اخوي خليه أي ياخذني
كادي:لا ليال تكفين لاتروحين وتخلينا وخلي جراح يولي والله انا اكلم ابوي واخليه يتفاهم معاهم
اريام:ليول حبيبتي انا ماعندي رفيجات وانتي عارفه انتي رفيجتي واختي وحبيبتي
ليال بتعب:اريام حياتي انتهت بهالبيت ...كدوي انتي دقي ..الله يخليكم انا تعبانه جسمي يعورني
اريام:بس جراح قافل الباب
ليال:تصرفي ..وتبجي ...انا تعبانه ...تعبانه ابي ارتاح...يارب ...يارب انت عالم بحالي يارب ...خلصني من الدنيا الي مارحمتني الناس ماترحم بس انت غفور رحيم
البنات زاد بجيهم من ورا الباب
اريام:ليال لاتقولين جذي ...كل شي بينحل صدقيني
ليال :ااااخ ...انتي مو عارفه شي ...ريوم دقي على حمود
كادي :عطيني رقمه
ليال عطتها الرقم:قوليله اني تعبانه خل يلحق علي
كادي:اوكي...ودقت
محمد :نعم
كادي:محمد انا كادي اخت جراح
محمد :أي ياهلا ...خير امري
كادي تبجي:محمد ليال تعبانه وايد تعال بسرعه
محمد بخوف:شفيها
كادي:انت تعال الحين وبعدين تعرف كل شي
محمد:انتو بالبيت
كادي:أي ...الله يخليك لا طول
محمد :مسافت الطريج
كادي بعد ماسكرت من محمد:ليال كلمته قالي مسافة الطريج ..وتلتفت على اريام...مافي سبير للباب
اريام تمسح دموعها:مادري
كادي:بروح انادي السايق يكسر الباب...وراحت
اريام:ليول الحين نبطل الباب لاتخافين
ليال بدا الصداع يزيد عليها بس هالمره كان الالم بالجسم كله :ريوم حطي بالج على ملاك ..هذي بنتي لاتقسين عليها اذا فقدتيني بيوم شمي ريحتها ...وزادت بالبجي ...طلعيها كل يوم عوضيها عن كل شي لا تخلينها تبجي ..كل الي تبيه لاتخلين شي بخاطرها
اريام تقاطعها وهيا تبجي وتصارخ:بس لاتقولين جذي...ملاك محد بربيها غيرج ...محد بيحط باله عليها غيرج انتي امها وبتضلين امها مهما صار
ليال انفجرت من البجي:آآآآخ يا ملاك....آآآخ يايمه ...بروح عنج قبل ما اشوفج تكبرين ...بخليج وانتي بأمس الحاجه لي ...آآآآخ يا ملوكتي ..ماراح البسج الطرحه ومارا حاكون موجوده بعرسج
اريام:ليال ليش تقولين جذي...اكيد ابوي بحل الموضوع صدقيني لاتخافين ابوي وامي ماراح يسكتون عن الي صار ...خلي ايمانج بالله قوي
ليال:ونعم باالله ...بس كل شي له نهايه ...وانا نهايتي قربت
اريام:ليول صدقني جراح ماراح يطلقج جراح يحبج
ليال تذكرت الطريقه الوحشيه الي طقها فيها:ما ابي ...انا ما ابي ....خلاص خلوني ارتاح باجي ايامي ...ريوم انا كتفيت من ظلم الدنيا ومن ظلم اخوج...وزاد بجيها وهيا تتذكر شريط حياتها ...كانت تتذكر معاملت ابوها القاسيه لها من صغرها ومعاملته لها بعد الطلاق ...ومعاملت جراح لها وزواجه عليها وتتذكر قسوته بكل شي...صرخت بألعلى صوتهها ...رحموني خلاص رحموني ابي ارتاح ....ضلت تبجي وتشاهق لين حست بألم مسكت راسها وضغطت عليه بقوه...وبتعب ...ريوم بسرعه دقي على حمود
كادي يابت السايق :كسر الباب بسرعه
السايق كان يايب معاه درنفيز ومطرقه وبدا يكسر بالباب....وليال من الداخل بدت صارخ من الالم
اريام بخوف:امبييه شفيها...كسر الباب بسرعه
السايق:باقي شويه
ليال بصراخ وهيا ماسكه راسها:راسي ...ريوم بسرعه راسي ...قاعده اموت
كادي تصارخ:كسر الباب سوي أي شي
اريام تبجي:يارب ...يارب
السايق كسر الباب ...ومن فتحه دخلو البنات بسرعه وشافو ليال قاعده على الارض وماسكه راسها وتصارخ وايدها وويها كان مبقع من الطق ...اريام راحت وبسرعه لمتها
اريام:ليول حبيبتي شفيج
ليال تصارخ:بموت...بسرعه مو قادره اتحمل
كادي وهيا تبجي:ياربي شهاليوم ...ومسكت تليفونها ودقت على محمد
محمد:كاني تحب ...وسكت من سمع الصراخ زاد خوفه عليها...بسرعه بطلي الباب
كادي:كاني نازله ....ونزلت تحت افتحت الباب حق محمد
محمد تيبست عضامه من سمع صراخا :وينها
كادي:فوق
محمد ركض فوق ...واول مادخل الغرفه ماقدر يتحرك من فضاعت المنظر الي جدامه ويها وجسها الي كان واضح عليه علامات الطق كانت مثل المسلسلات الي يعرضونها مثل الخطوط الي على الجسم ...وفوقهذا كانت بحظن اريام وهيا ماسكاه راسها وتبجي وتصارخ من شدت الالم
محمد بصدمه:شفيها منو سوا فيها جذي...ولمها حيل ..ليال حبيبتي انا هني
ليال :حمود راسي ...الله يخليك ودني الطبيب ...راسي بموت
محمد دموعه بدت تنزل :شفيها شلي صار تكلمي
اريام تبجي:ودها المستشفى وبعدين تعرف كل شي
محمد شالها وبسرعه البرق كانت بسياره
اريام اركبت ورا معاها:كدوي دقي على ابوي بسرعه
كادي:اوكي اخذي تليفوني وطمنيني عليها
محمد تحرك بأصى سرعه ..طول الطريج كانت تصارخ لكن قبل مايوصلون رجعت ددم وغشت
اريام بصراخ:محمد ماتتحرك بسرعه
محمد وهو يبيجي:ليال تحملي قربنه ...وحط ريله على البانزين وزاد سرعته وبعد دقايق كان على باب المستشفى يصارخ من قمت راسه يبي نقاله ....دخلوها المستشفى ومن شافها الدكتور الي كشف عليها الصبح عرف انه حالتها تدهورت ...ودخلوها الطوارء وسكرو الباب ومنعو محمد من الدخول
محمد التفت على اريام وبعصبيه:قوليلي شلي صار
اريام قالت له كل شي :هذا كل الي صار ...حسبي الله ونعم الوكيل فيهم
محمد:انتي شتقولين ...هذي اختي مو بنت شوارع هذي تربيت ريايل مو تربيت شارع...ليال ماتطلع منها العيبه ...حسبي يالله ونعم الوكيل فيكم ..الله ينتقم منكم بهدلتو عيشتها...والله اذا صار بختي شي والله بذبحهم والله اذبحهم

عند ليال
الكتور:زهبو غرفة العمليات بسرعه
الدكتور الثاني ماسك الاوراق :البنت ماتحتاج عمليه المرض منتشر بجسمها كله
الدكتور :انت متأكد...الصبح كان الورم صغير وقلت لها نستأصله وكل شي ينتهي
الدكتور 2:التحاليل كلها تقول جذي ..انا افضل ننقلها العنايه المركزه
الدكتور:لازم انسوي العمليه يمكن تتحسن حالتها
الدكتور يهز راسه:صدقني ماتحتاج ..مافي امل
الدكتور :دام جذي بلغو اهلها ونقلوها العنايه فورا
انقلو ليال العنايه المركزه وكانت فاقده الوعي ..الدكتور طلب ومحمد لي غرفته واريام راحت معاه
الدكتور :تفضل استريح ليش واقف
محمد بخوف:دكتور ليش نقلتوها العنايه اختي شفيها
الدكتور :والله مادري من ابدي بس
محمد:دكتور انا طالب بكلية الطب وراح افهم واقدر الوضع
الدكتور بستغراب:أي سنه
محمد:دكتور اختي شفيها
الدكتور رق قلبه على محمد :انت ما لاحظت على اختك أي شي بالفتره الاخيره
محمد جسمه بدا يرجف:كانت تتشى من صداع ...ولمن سوينا لها تحاليل قالو نق حديد
الدكتور :بس..مالاحظت عليها شي
محمد:اهيا متزوجه وماتزورنا وايد ...كل كانت اتقوليه لي انها تصدع وايد
الدكتور :وريلها مالاحظ عليها شي ثاني
محمد وعصابه بدت تتلف:دكتور خلاص ابي اعرف اختي شفيها
اريام:دكتور انا حماتها وعلى طول معاها وصار لها فتره من تصدع ياترجع او ايغشى عليها ...وبسرعه تتعب
محمد من سمع الكلام الي قالته اريام بدت تزيد دقات قلبه والخوف صيطر عليه:يعني شنو ليال فيها ...ويلتفت على الدكتور
الدكتور :للاسف اختك معاها سرطان بالمخ
اريام شهقت من اسمعت وحطة ايدها على حلجها
محمد ماقدر يصلب طوله وقعد على الكرسي:دكتور ولي يرحم والدينك قولي التحاليل غلط ...قولي أي شي بس لاتقولي ليال بتروح منه ...انت ماتعرفها ليال صغيره وقلبها طيب
الدكتور قام من مكانه وراح مسك محمد:المرض مايعرف صغي ولا كبير ...اطلب لها الرحمه
محمد :يعني شنو ...انزين سولها عملية استأصال الورم...عطها جراعات كيماوي سوي أي شي
الدكتور:للاسف اختك حالتها متأخره جدا..الله يكون بعونها ويصبر قلبكم
اريام طاحت على اركبها وحطت ايها على ويها وبدت تبجي
محمد صرخ بأعلى صوته :لااااا ...دكتور قول غير هالكلام ...دكتور قول اختي مافيها شي
الدكتور:الله يكون بعونكم ويصبر قلبكم
محمد واريا مطلعو من الغرفه وهما يبجون بشكل جنوني

لندن
بشقة عادل
دانه:زاي ياربي متى يخف البرد ..تيمدنا
العنود:أي والله اشتقت حق صيف الكويت
عادل:الله يهداج قولي شتا الكويت مو صيف
فواز:على هالبرد لا والله اشتقنا حق الصيف ...ورن تليفون فواز....هلا حمود هلا بالعضيد
محمد وهو يبجي ويصارخ:فواز ...فواز تعال بسرعه
فواز بخوف:حمود شفيك شصاير
محمد:آآآآآخ ...فواز الله يخليك تعال بأول طياره ليال تعبانه وايد ...تعال بسرعه
فواز:شفيها تكلم ..حمود ليال شفيها
محمد:آآآآخ يا فواز اختنا بتروح اختنا قاعده تتعذب ...ختنا ماراح انشوفها
الكل تيمع حول فواز من شافو دموعه تزل:ياحمار لاتبجي تكلم ليال شفيها ..وين بتروح
محمد:فواز ليال بالعنايه ...تعبانه وايد تعال بسرعه ترى مالها غيرنا بالدنيا
فواز:العنايه ليش ...لاتقول سوت حادث
محمد بصراخ وبجي:ياريت ...ياريت كان حادث فواز...ليال فيها سرطان بالمخ ..تعرف شنو سرطان ...اااااخ ياليال
فواز ودموعه مثل الماي الجاري:حمود انت متأكد
محمد:المرض ماكل جسمها تعال بسرعه
فواز:شلون ...تكلم شلون صار فيها جذي ...وانت وينك عنها شلون مالاحظت من البدايه
محمد:لاني غبي ...غبي
فواز:انا اليوم بحجز وباجر اكون عندك...حمود امي شلونها
محمد:محد يدري بالخبر غيرك ...شلون اقولها اقول لها يما بنتج قاعده تموت وحنه مانقدر نسوي شي .....تعال بسرعه

بنفس الوقت اريام دقت على خالد وقالت له عن كل شي ومن البدايه وبعد ربع ساعه كان خالد بالمستشفى ...اريام اول ما شافت ابوها اركضت وطاحت بحظنه وهيا تبجي وتشاهق
خالد بضيق:بس يايبا ...يمكن الدكاتره يبالغون ..انا الحين اخذ اوراقها وطرشهم حق عادل عشان يعرضهم على المستشفيات
محمد ودموعه على خده :كافي الي يانا منكم ...زوجنها ولدكم وهيا ورده مفتحه ..ومن الضيم الي شافته منه صارت جثه هامده...انتو شنو ماتخافون من الله ...ماعندكم بنات ..ماتخافون على بناتكم ...انتو ماتحسون
خالد يحاول يهدي محمد:صل على النبي يامحمد هذي بنتنا ..والي صار امر من رب العالمين
محمد:تذبحونها وتقولون امر الله ...روح ..روح شوف ولدك شلون طاقها ...روح شوف جسمها شلون ذبلان من الالم النفسي والجسي ...حسبي الله ونعم الوكيل فيكم
طلع لهم الدكتور بعد ماسمع صراخ محمد العالي :محمد وقفتكم هني مالها داعي اهيا تحت تأثي المخدر وماراح تصحى الحين ...انا افضل انكم تردون البيت و
محمد يقاطعه:اخلي اختي بهال حاله ...انت تطلب المستحيل
خالد :دكتور ممكن اكلمك شوي
الدكتور :أي تفضل المكتب

لندن

عادل حجز اقرب رحله لهم وكانت بعد اربع ساعات ...فواز كان طول الوقت ماسك القرآن ويقرى ويدعي لها تقوم بسلامه وعينه مانشفت من الدموع ودانه والعنود كانو يزهبون اغراضهم بسرعه وهم كانو يبجون ..وكلمة ياشافي يامعافي على طول على لسانهم بخذو الاشياء الضروريه بس وكانت اغلبها اغراض عيال فواز ومن سكرو الجناط اتجهو للمطار بسرعه

بليال بالمسشفى

خالد كان قاعد يقرا قران وخلي محمد على يمينه واريام على يساره ...طبعا بعد كل الي صار خالد سكر جهازه ...وطلب من اريام تروح البيت لكنها رفضت
محمد يقوم من مكانه
خالد:محمد وين بتروح
محمدوعيونه مليانه دموع :بروح اشوفها
خالد:اذا صحت يبلغونه
محمد:ماني قادر ..ودموعه تنزل...ماني قادر ابي اشوفها...وراح حق الدكتور وطلب منه انه يدخل لكن ادكتور رفض وبحجت انها تعبانه وينطرون باجي التحاليل تطلع ...رج مكانه وهو يبجي مثل اليهال ..رفع ايده وهو يدعي لها
محمد:يارب اخذ عمري كله وعطها الصحه والعافيه ..يارب انت ارحم الراحمين ارحمها برحمتك الواسعه
بالعنايه
كانت نايمه على سرير المستشفى وماكانت حاسه بالحوالينها ...كفايه عيلها الاحساس بالظلم ...والغدر والذل كفايه قسوت الايام عليها ...كانت نايمه والاجهزه عليها اجهزه تحسب انفاسها ودقات قلبها ...هذا كان حاله بعد رحله من العذاب ماتهت بيوم لا من ابو قاسي ولا من زوج غدر فيها وقسى عليها ضلت على هالحاله لي ثاني يوم الصبح


بالسياره

جراح ضل طول اليل بره البيت ماقدر يرجع البيت بعد الي صار ....طول اليلي يفكر انه يطلقها لكن بداخله شي يمنعه ..شي يقوله انها مضلوه بس ليش طلال قال جذي ..اكيد في شي ...وكل ماتذكر كلامها لمن تقوله انا ما ابيك وابي اتزوج ابي اصير ام تبدا الفكار الشيطانيه ترجع له...تذكر الايام الاخيره الي قضوها مع بعض وتذكر احلى لحظات حياته الي كانت بالفندق ...صارت دموعه تنزل وهو يردد بقلبه(مو معقوله اكيد في شي غلط )


شركة غرور

وهيا تشتغل طرت على بالها ليال خذت تليفونها ودقت عليها
كادي:الووو
غرور تنعم صوتها:صباح الخير ليول
كادي:معاج كادي حمات ليال
غرور:اها...وين ليال
كادي:ليال بالمستشفى امس تعبت علينا ونقلوها هناك
غرور بخوف:شفيها
كادي:صداع قوي واخوها وداها
غرور:اوكي مشكوره
كادي:العفو بس منوا قولها
غرور:ارفيجتها ...باي ...وسكرت الخط وقامت طلعت من الشركه وعلى طول راحت المستشفى

بالمستشفى

صالح وسعود وصلو بعد ماعرفو بالي صار ...اما محمد وخالد واريام كانو على نفس حالتهم من امس ...صالح من الصدمه مانطق بحرف كل الي سواه مسك القران وبدا يقرى ..بعد فتره وصل فواز ومن شاف محمد حظنه وعلت اصواتهم بالبجي
محمد:آآآآخ يافواز ...اختنا ضاعت منه
فواز:حمود لاتقول جذي ..لاتقول جذي
محمد:المرض منتشر بجسمها كله
فواز:ربك قادر على كل شي
سعود يمسح ادموعه ويمسح على ظهر فواز ومحمد:ذكرو الله ودعولها اهيا محتاجه دعائكم...ماتدرون يمكن تصير معجزه وتتحسن
الناس التمت على صوت بجيهم وصراخم وصارت عيونهم ادمع لاشعوري من المن رالي جدامهم
اوصل غرور المستشفى ...وبينت ملامح الصدمه على خالد واريام
اريام:انتي شعندج هني
غرور:شللون ليال
خالد:من قالج انه احنه بالمستشفى
غرور:كادي قالت لي انها طاحت عليكم امس وانا عارفه انها هني
اريام بعصبيه:يايه تتشمتين فيها ...روحي روحي شبعي بحبيب القلب رديله الحين الساحه خلت لج
غرور:عمي شلونها الحين
خالد:تحت رحمة رب العالمين
غرور:انا كنت عارفه انها بتوصل لي هالحاله قلت لها نامي بالمستشفى بس مارضت
خالد بستغراب:انتي عن شنو تتكلمين
غرور:امس الصبح رحت البيت وشفتها تعبانه ويبتها المستشفى والدكتور طلب منها انها اتضل عندهم لكنها رفضت
اريام :لحظه لحظه...انتي امس كنتي معاه
غرور:أي ..عارف انج بتستغربين...بس من شفتها تصارخ وتتألم ماقدرت اشوفها بهالحاله واضل ساكته
اريام:يعني ليال كانت معاج طول الوقت
غرور:أي ...وانا الي وصلتها البيت
اريام:كانت لابسه بجامه
غرور بستغراب:اريام شفيج اقولج كانت معاي طول الوقت
خالد:ماشفتي طلال بطريج
غورو سكتت
خالد:تكلمي شفتو طلال
غرور:ليال شافته لمن نزلت الصيدليه
اريام :الحقير ...دام شافها بروحا ليش قال انها كانت مع واحد
غروربستغراب:واحد
خالد:اريام سكتي خل افهم السالفه عدل
غرور:عمي انا ابي افهم شلي صاير
اريام:طلال دخل البيت وحنه كنه حايسين اندور ليال ...وقال انه شافها مع واحد بالسياره تتضحق وختبصت من شافته
غرور مصدومه:هذا من صجه يهدم بيت اخوه عشان وحده

خالد وهو متنرفز:غرور ابي اعرف شلي صار بضبط
غرور:بعد ماطلعنه من المستشفى رحت آخذ دوا وقفنه عن صيدليه بالسالميه ...انا نزلت وضلت ليال بسياره ولمن رديت قالت لي انها شافت طلال معه وحده اسمها ...ما اتذكر بس كل الي قالته كان يعرفها قبل الزواج
اريام:حنان
غرور:ايوااا حنان
خالد مصوم ومعصب :لا اكيد هذا زر عقله حنان يعني احنه مانخلص من حنان ...انا شسويت بدنيتي الي عيالي طلعو جذي
اريام:بابا لازم نقول حق جراح
خالد بعصبيه:راح اقوله بس مو الحين ..خل اتطمن على ليال بالاول وبعدين

بالعنايه
افتحت عينها بتعب وصارت عيونها تحوم بالمكان
الدكتور ببتسامه:الحمدالله على السلامه
ليال بصوت يدوب يطلع:انا لي الحين عايشه
الدكتوره :بعيد الشر عنج ليش تقولين جذي
الدكتور :مافيج االا العافيه بس تعبتي شوي ونقلوج المستشفى
ليال :متى اموت
الدكتوره والدكتور يطالعون بعض بستغراب
الدكتور:ليال ليش تقولين جذي الاعمار بيد الله
الدكتوره :الحيات حلو وانتي بعدج صغيره ليش متشائمه
ليال:الحيات حلوه للي مرتاح فيها ...بس انا...وماكملت كلامها وبدت الدموع تاهذ مجراها
الدكتوره انكسر قلبها عليها ..مسحت دموعها:مافي احد مرتاح كل شخص بحياته مشاكل
ليال:ابي راتاح ..ابي اروح عند ارحم الراحمين ..تعبت من القلوب قاسيه الي عايشه بينهم
الدكتور:ليال اهلج من امس بره ..مارضو يتحركون ..وتقولين قلوب قاسيه
ليال:منو بره
الدكتور:اخوانج وعمامج..واختج وصديقتج الي كانت معاج امس
ليال ابتسمت ابحزن:القلوب القاسيه مو معاهم ...ريلي وابوي مو معاهم ...اهما سبب تعاستي بالدنيا ...دكتور ابي اشوف اخوي
الدكتور :الحين اناديه لج....وطلع بره
الدكتوره :ليال لاتفكرين بالي اذوج فكري بكل الي يحبونج وبكل الي ناطرينج بره...اخوانج واختج وصديقتج
ليال بتعب:هذي مو صديقتي ...هذا شريجتي ...رلي تزوجها علي عشان يحرق قلبي
الدكتوره بطلت عينها على وسعها..وحاولت تغير الموضوع:انزين اختج الي ماتشفت دمعتها من امس
ليال:هذي حماتي....مردها بتنساني ...دكتوره انا ماعندي شي يستاهل اعيش عشانه

خارج العنايه
انفتح باب العنايه وطلع الدكتور المشرف على حالت ليال الكل راح عنده
فواز :بشر
الدكتور:الحمدالله صحت تقدرون تشوفونها
صالح:شلونها الحين
الدكتور :الحمدالله...بس الي ابي اعرفه امس يتلي وكانت وعنوياتها مرتفعه...والورم صغير وكنه نقرد نستأصله وينتهي كل شي ...بس تفاجأت لمن يتني العصر..والمرض منتشر..وفوق هذا جسمها في علامات ضرب
اريام:حسبي الله ونعم الوكيل فيك ياطلال
محمد:دام كان الورم صغير ليش ماسويتو لها العمليه
الدكتور:ارفضت ..ووقعت الخروج على مسؤليتها
محمد :ليش يا ليال ليش
الدكتور:اختكم عايفه الدنيا ..الو مره تمر علي حاله جذي
فواز ودموعه تنزل:دكتور ابي اشوفها
الدكتور:تفضل ..بس بدون دموع حاول ترفع معنوياتها النفسيه مهمه جدا للحالات هذي
فواز:ان شالله
خالد:دكتور اقدر ادخل معاه
محمد :انا الي بدخل معاه ...بعد ماذبحتوها ياين تتشمتون فيها
صالح:محمد عيب وانا عمك بوجراح ماله ذنب
خالد:خلا الله يلوم الي يلومه ..بس الله الشاهد علي ليال وحده من بناتي مو جنتي
فواز ومحمد دخلو العنايه وهما يمسحون دموعهم ويحاولون انهم يتماسكون ..ومن قربوعند سرير الي نايمه عليه ليال حسو بخوف وانكسار شلون يشوفون اختهم على فراش الموت بعد ماكانت بينهم تسولف وتضحك بعد ماكانت ورده مفتحه صارت جسد ينتضر الموت بأي لحظه
فواز اول ماشافها ماقر يتمالك نفسه :قعد على الارض وهو منهار ويبجي
ومحمد ماكانت حالته احسنه منه :فواز قوم ..لاتشوفك جذي ...مانبي نزيد عليها...قوم ياخوي
فواز:شلون تبيني اسكت وانا اشوفها بهالحاله ....انا خليتها واقفه على ريولها وبتسامتها على ويها وارد اشوفها بهالحاله
محمد يمسح دموع فواز: عشان خاطر ليال...لاتخلي حالتها تسوء اكثر
فواز يقوم يوقف ويحاول يتماسك ويمسك ايد محمد ويمشون بخطوات بطيأه..ومن وصلو سريرها خذو نفس عميق قبل مايفتحون الستره ..وتبادلو نظرات الحزن...افتحو الستاره ..وشنو شافو ..شافو ليال امدده على السرير والاجهزا عليها ولونها شاحب من المرض
فواز راح صوبها بسرعه وحب راسها:الحمدالله على السلامه يالغاليه
محمد وقف بعيد وماقدر يقرب منها عشان لاتشوف دموعه الي مو راضيه توقف
ليال ببتسامه:الله يسلمك...ليش رديت
فواز:رديت عشان اخذج معاي...ويعض على شفايفه الي تحت وعيونه مليانه بالدموع...ماراح اخليج هني باخذج معاي لندن
ليال :تأخرت وايد يافواز...انا حياتي انتهم خلاص ..بصير شي ماضي وتترحمون عليه كل ماذكرتوني
فواز دموعه نزل:لاتقولين جذي ..الله يطول بعمرج ويعطيج الصحه والعافيه ...ليال انتي مافيج شي الورم بسيط وبعد العمليه بتصيرين احسن
ليال:فواز حبيبي...انا عارفه وحاسه انه اوقاتي بالدنيه قليله ..اسمعت صوت شهقه طلعت من محمد ولتفتت عليه ومن شافته يبجي مدت ايدها..وبتعب ...حمود تعال
محمد راح لها ومسك ايدها وقعد على ركبه وهو يبجي ويبوس ايدها
ليال ودموعها بدت تنزل:ليش تبجون انا بخير ...حمود لاتبجي
فواز وهو يبجي ويبوس راسها :سامحيني ليول اناغلطت يوم زوجتج ..وغلط لاني ما اخذتج معاي
ليال :لا تقول جذي انت كنت تبيلي الستر والراحه ...والواحد مايخذ اكثر من نصيبه بالدنيا ..والحمدالله على كل حال الله ستجاب دعائي وعجل في موتي
محمد وهو يبجي :لاتقولين جذي ..ليال حبيبتي مابي اسمع هالكلام
ليال ببتسامة حزن:حمود دير بالك على امي وحطها بعيونك ولاتخلونها تبجي قولو لها ليال ارتاحت بعد عذاب طويل قولو لها اذا تحبني تدعيلي برحمه حمود فواز امي بعيونكم ..ولاتبلغونها بخبر موتي مره وحده مهدو لها الطريج ...وآلاء حبيبتي ..لاتخلونها بحالها ...فواز اخذ آلاء وامي معاك ...لاتخلونهم بروحهم
فواز وهو يبجي:بس كافي ياليال كافي
محمد:ليال لاتقولين جذي انتي ماراح تموتين
ليال:الاعمار بيد الله ..وانا بكل ليله كنت اطلب من الله انه يعجب بموتي الاني تعبت من الدنيا الي ماشفت فيها الراحه ...حمود ابي اشوف عمي ..واريام ...نادوم ابي الكل حولي
محمد :انشالله...باس راسها وقام طلع
ليال :فواز قرب خدك
فواز قرب منها
ليال باسته على خده:يمكن تكون اخر بوسه ...فواز حللني
فوازوهو يبجي:لا تقولين جذي حبيتبي انتي ...وباس راسها
ليال:فواز انت وحمود اعظم اخوان بالدنيا ...فواز تذكر يوم كنا صغار ..لمن كنت اخرب شي ..كنتو تقولون حق امي انكم انتو الي خربتو ..عشان لا انطق من ابوي ..تذكر
فواز وهو يمسح دموعه :اذكر ..اذكر يا نظر عيني ..انتي اختي وحبيبت قلبي شلون ارضى انج تنطقين واسكت او ما ادافع عنج
ليال تبجي:فواز ..امس جراح طقني ذبحي من الطق..ياليتك كنت موجود ومنعته فواز جسمي يعورني وقلبي انملا هم وحزن ...انذليت وايد ونظلمت وايد والحين ربي بيرحمني وياخذني عنده
فواز:والله اكسرلج ايده
ليال:وابوي تقدر تكسر ايده...كل مارحت ابي اشوف امي ...طقني وطردني من البيت حتى امي حرمني من شوفتها ...فواز ليش اعيش بدنيا مارحمت انسانه كان كل هما انها تعيش بوسط اسرتها الصغيره وبين الناس الي يحبونها.. فواز الدنيا مافيها خير...حطت عينها بعين فواز وشافت دموعه اليم وراضيه توقف.....فواز اذا تحبني لاتبجي
فواز مسح دموعه وباسها على خدها:ها مسحت دموعي ..واذا انتي تحبيني لاتقولين هالكلام ابيج تصيرين قويه وتقاومين المرض ..وانا كلمت الدكتور وبيسون لج العمليه باجر وبتصيرين احسن انشالله(كان يقول لها جذي عشان يرفه من معنوياتها لكن الواقع شي ثاني )


فلا خالد
دخل جراح البيت وعينه وارمه وقلبه مكسور ..هناديمن شافته راحت له ولمته
هنادي بخوف:الحمدالله انك بخير
جراح رفع راسه بضيق:يما انت تعبان ...قلبي محروق ..ليال ...يما ليال
هنادي تقاطعه:يما صدقني اكيد اخوك غلطان ..ليال عاشت معاي ابيت واحد والزين يبين انه زين والشين يبين ..ليال ماكانت تخطي بره البيت الا وتستأذن مني ...وخواتك يكونون معاها عمرها ماطلعت بدونهم ...جراح يما لاتظلمها احنه ماصدقنا انكم رديتو حق بعض
جراح:يما طلال شافها
هنادي:يمكن مشبه عليها..او الي معاها واحد من اهلها يما اسمع منها ..لاتسمع من اخوك بس صدقني يما لو انا شاكه فيها وماعرفها عدل جان قلت لك خلها تولي بس انا متأكده انها مضلومه مثل ما انا متأكده انك ولدي
جراح رفع راسه :بروح اكلمها..لازم اعرف منها ...بس تهقين تسمعني ..يما امس ذبحتها طقيتها بشكل جنوني ما ادري شكثر الو قالي مر علي وانا اطقها ساعات سنين ..فقت اعصابي يما ..ماحسيت بشي ...يما احبها مابي اخسرها ...يما بروح اكلمها مو قادر اتحمل اكثر
هنادي:ليال مو هني
جراح بطل عينه على وسعها:وينها
هنادي بضيق:راحت بيت اهلها اخوها امس خذاها
جراحبصدمه:لا يما ...لاتقولين جذي اكيد زعلانه واذا رحت لها بترضى وترجع...صح اكيد ...اكيد بتقدر وضعي بعد الي سمعته من طلال ..زاكيد بتسامحني ...يما تعالي معاي
كادي وهيا يايه:انت شتبي فيها مو كفايه الي صار فيها من تحت راسك...خلاص لاتعذبها اكثر من جذي طلقها وخلها تعيش حياتها مرتاحه بدونك
جراح:مستحيل اطلقها
كادي:اكيد مستحيل لانك ماخذها خدامه حق بنتك...حرام عليك انت حرمتنا من اختنا حرمتنا من شوفتها كل يوم ..جراح والله البيت مايسوى بدونها كل زاويه فيها تذكرني فيها ..جراح ليش سوين جذي ..انا عارفه انك تحبها وعارفه انه الي صار ردت فعل طبيعيه بس ليش ما سألتها ليش ماعطيتها فرصه تتكلم ودافع عن نفسها
جراح:آآآخ ياكدوي والله ينيت زر عقلي ...بس ليش طلال قال جذي ..انتي فكري فيها طلال شمصلحته انه يقول جذي
كادي:مادري مادري ...كل الي اعرفه انه ليال ماتسوي جذي موع شانك لا عشان سمعتها قبل كل شي...وبعدين الي عنده سوالف وخرابيط ..ماتخلي تليفونها هدد بيدنا واي وحده ادق عليها عادي انرد احنه ...وتمد تليفونها ...هاك هذا تليفونها شوف المسجات والارقام الي عندها تأكد بنفسك
جراح:مايحتاج انا الحين بروح لها البيت ابي اتفاهم معاها

بالمستشفى
الكل كان واقف على راسها ودموعهم ماتوقف كانو يسمعون كل كلمه تقولها وقلبهم يتعصر من شدت الالم على حالتها
محمد وفواز كانو واقفين على راسها كل واحد منهم بجها واريا مواقفه يم محمد وماسكه ايدها ...وخالد واقف قبالها ويم خالد كان عمها صالح وبعدين سعود وغرور كانت واقفه عند اريام
ليال:ريوم الله يخليج ...حطي بالج على ملوكتي
اريام ودموعها على خذها :ملاك بعيوني
ليال:لاتخلنها تبجي ..ولاتخلين شي بخاطرها ...واذا تزوجتي لاتنسينها مري عليها كل يوم
خالد يمسح دموعه:حتى وانتي بهالحاله تحاتينها
ليال:عمي ملاك بنتي عاشن معاي اكثر من امها وابوها انا الي ربيتها ..انا الي تقولي ماما ...انا الي اعرف كل شي فيها بدون ماتتكلم او تطلب ...ملاكي بنتي الي مايبتها ...اذا فقدتوني شمو ريحتها تذكروني فيها ..الاني احبها لانها بنتي وربات ايدي ...حمود انتو بعد لاتخلونها بروحها هذي بنتي ...طلعها واشتر لها العاب مثل كل مره
محمد بقهر:هذي بنت الجلب جراح ...لو تموت اهيا وابوها جدامي ما ارحمهم انشالله يحترق قلبه عليها مثل ماحرق قلوبنا عليج
ليال ودموعها تنزل:حمود لاتدعي على بنتي ...جراح ابوها بالاسم بس ...هذي بنتي ...هذي بنت اختك ..اذا تحبني لاتخلونها
غرور تبجي:ليال سامحيني انا سبب كل الي صار فيج انا سبب تعاستج بالدنيا ..انا الي خربت حياتج
ليال:انتي كنتي جزء صغير من شغلات وايد ...جراح لو كان يحبني ..جان ماخذاج لو شنو صار ...جراح لو يحبني مايضلمني كل هالظلم ...شلون قلبه يطاوعه يتزوج علي ..شلون يقلبه يطاوعه انه يخليني كل هالمده ...شلون قلبه يطاوعه يطقني يكل وحشيه...جراح اناني ومايعرف الحب ولا يعرف يسامح..يبي كل شي له بروحه يبي الكل يخدمه ...يبي كل شي على مزاجه ..جراح حرق قلبي واذاني وايد ...عمي...الله يشهد علي اني ماخنته
خالد :عارف ياليال والله عارف
ليال:عمي قوله اني احبه ...قولوله اني ماخنته ...قولوله ليال كانت تبي تعيش معاك بهدوء ماكان ابي شي ثاني ..قولوله كنت ابي اشيل عياله بأحشائي ...قولوله اني ماحبيت بدنيا احد غيره ...قولوله انظلمت وايد واحترق قلبي وايد قولوله اني استانست معاه بأخر ايامي ...قولوله جسمي يعورني منالطق ...قولوه قلبي يعوني مثل الاهاناته وقسوته علي قوله ليال ماتبي غيرك ولا تفكر تعيش مع انسان بعدك لانها تحبك بس انت ماقدرت الحب ...عمي خالد عمي صالح فواز محمد ..بطلب منكم طلب ومابيكم تردوني
فوازوهو يبجي:عيوني لج ياليال
خالد:انتي تامرين ماتطلبين
ليال ودموعها تنزل:اذا مت صار وقت دفاني ...في ثين ما ابيهم يشاركون بدفاني ولا ابيهم يحظرون تشيع جنازتي ..الاول اهو ابوي ..لان عمره ماعرف قيمت الضنى ولا عمره حس فيني ..ما ابيه يدفيني لاني شخص مو مهم عنده..والثاني جراح ...اكثر انسان جراحني بالدنيا ..ما ابيه يحظر ولا تبلغونه ابموتي الا بعد وفاتي
صالح بضيق:بعد عمر طويل ياليال ..ان شالله تقومين بالسلامه
ليال ابتسمت بحزن:قولو حق جراح ليال من عرفتك وهيا تبجي وتتألم
غرور:ليال انا طرشت اوراقج المانيه وناطره الرد وجهزت كل شي ...انشالله بنروح هناك وبتتعالجين وبتصيرين احسن صدقيني
ليال:انا حاسه انه يومي قريب
اريام وهيا تبجي:لاتقوليني جذي انا مالي غيرج بالدنيا انتي اختي ورفيجتي انتي كل شي بنسبه لي ...ليال صدقيني بترجعين مثل الاول واحسن
الدكتور :بعد اذنكم لازم تخلونها ترتاح ..مايصير كلكم على راسها ...اذا ممكن تتفضلون بالاستراحه
خالد:يالله ريوم...وراح باس راس ليال
ليال:عمي سامحني ماقدرت ايب لك خالد
خالد طاحت دمعته على خدها:ان شالله تقومين بالسلامه وتيبين خالد وغير خالد..رد باسها ...يالله ريوم
اريام:بابا انا بضل عندها
خالد:خليها ترتاح الحين وبعدين ايبج ...غرور تعالي معاي ...يالله ريوم
اريام راحت باستها:راح ايلج العصر بس ابي اشوفج بره الغرفه هذي ابي اشوفج بأحسن حاله ...اوكي
ليال :تعالي ابي ابوسج...اريام قرب منها وليال باستها...ريوم لاتنسيني
اريام:انسى الدنيا ولا انساج
ليال بضيق:لاتقولين هالكلمه ماحبها هذا كلام جراح ودايما يتركني
اريام:انا غير ...وباستها ...اشوفج العصر
ليال:ريوم بوسيلي ملوكتي
اريام:انشالله ....وطلعت والكل طلع من الغرفه ماعدا فواز ومحمد الي رفضو يتركونها
بهالوقت رن تليفون محمد
فواز:انتش لون مدخل تليفونك العنايه
محمد :نسيت ..هذا ابوي ...ورد ...هلا يبا
احمد بعصبيه:انت وينك
محمد:عندي شغل بالمستشفى
احمد وهو يصارخ:اختك الجلب هوينها ريلها يدور عليها وين ذلفت ...والله بذبحها اذا شفتها ...وين طست
محمد يشوف ليال نايمه على الفراش بعصبيه وكانت اول مره يعصب على ابوه:مو شغلكيعني وايد حارق قلبك عليها
احمد:اكل تبي ياحمار جذي تكلم ابوك ...هين ياخر والله لربيكم ..انت والجلبه اختك بس خل اشوفها
محمد :ماتنلام ليال على طلبها دام انت ابوها وقلبك ميت ...عن اذنك ماني فاضي ...وسكر الخط
فواز:شيبي
محمد:مايبي شي ...وباس راس ليال ...ليول نامي شوي
ليال:مابي ابي اشوفكم ابي اسولف معاكم
فواز:انتي تعبانه رتاحي شوي
ليال :وجودكم معاي يريحني ...ومايندرى متى الله ياخذ امانته خلوني اشبع منكم لي اخر لحظه
فواز باسها على خدها ومسح دموعها :بس جم مره اقولج لاتقولين جذي
ليال :فواز انا راح اموت عن عيونكم بس ماراح اموت بقلوبكم وهذا اهم شي...دام اني عايشه بقلوبكم مابي شي بعد لاتنسوني بالدعاء ...وتذكرو انه عندكم اخت كانت تحبكم لي اخر نفس فيها
محمد يبجي :واحنه نحبج ووايد ..وايد...ويزيد البجي ...وفواز يبجي معاه
ليال :ليش تبجون انا برتاح ...انتو ماتبوني ارتاح...انا تعبت وابي ارتاح ...ولا ماتقدرون تعيشون بدوني
محمد زاد بالبجي:اكيد ما نقدر انتي اختنا وحبيت قلبنا شلون نعيش بدونج
ليال زاد بجيها من شافت اخوانها منهارين ويبجون :حمود اذا انت جذي تبجي عيل امي شنو بتقول حمود الله يخليكم حطو بالكم على أمي اهيا اكثر وحده بتتأثر بغيابي ...لاتخلونها تبجي ولا تخلونها تتضايق الان حزنها ودموعها تضايقني خلوها تدعيلي لي مت ...ونفجرت من البجي

الدكتور سمع صوت البجي وراح لهم بسرعه:انا قلت لكم اهيا تعبانه ولازم ترتاح لو سمحتو طلعو بره
ليال وهيا تبجي:دكتور خلهم ابي اخواني عندي اخاف اموت واهما مو عندي
الدكتور :ليال ذكري الله مايصير جذي انتي لازم ترتاحين

فلا خالد
دخل خالد ومعاه غرور واريام
هنادي:خالد انت بخير خوفتوني عليكم
خالد بحزن:وين عيالج
هنادي:جراح طالع وطلال فوق نايم وكادي مع ملاك بالغرفه
اريام من سمعت ملاك بدت تبجي ...ركضت
هنادي بخوف:شفيها
خالد :دقي على جراح بسرعه...وقبل مايكمل تبطل باب الفلا ودخل جراح...شرفت
جراح استغرب من وجود غرور :كنت ابيت ليال ومالقيتها ..مادري وين راحت
خالد بعصبيه:لاتيب اسمها على لسانك ...لااقشلعه من عرجه وحطه بيدك ...يصرخ بأعلى صوته..طلااااااال ...طلاااااااال
هنادي بخوف:خالد طلال نايم
خالد بصراخ:نامت عليه طوفه ياعلها نومه مابعدها قومه روحي نادي بسرعه
هنادي:انشالله ...وراحت ..وبعد شوي انزلت اهيا وطلال وجنى الي دق عليها طلال وقالها ترد عشان يرقع الموضوع
خالد اول ماشاف طلال عطاه اقوى طراق بحياته
هنادي وجنى اشهقو من الصدمه وطلال حط ايده على خده وهو مصدوم
خالد مسك طلال من بلوزته وكان يصارخ من قمت راسه:ليش سويت جذي ..تكلم ليش سويت جذي
طلال:يبا شسويت انا ماني فاهم
خالد يعطيه طراق ثاني:منت فاهم ذبحت اخوج ومرت اخوك عشان الق......عشان تغطي على خياسك ياخايس
طلال خاف :عن شنو تتكلم
خالد:تسوي نفسك ماتعرف ياجلب ..والله لربيك ياحيوان ...انا ربيتكم جذي انا تسون فيني جذي ...شنو قصر فيه عشان تضلمون بنت اناس ماتخافون من الله
جراح بخوف:يبا شلي صاير
خالد يلتفت على جراح وهو معصب:انت مااسمع صوتك ...انت اخر واحد يتكلم ...ويقط طلال على الارض ...تكلم قول حق اخوج وين شفت ليال ومع منو
طلال:يبا انا قلت كانت مع واحد
خالد فصخ عقاله وطقه على ظهره:لاتجذب ...قول الصج
جراح قام من مكانه وراح مسك طلال :تكلم مع منو كانت ..تكلم
غرور:كانت معاي
جراح التفت عليها وهو مصدوم
طلال:انتي جذابه ليال كانت قاعده برنج سلفر
غرور:روح شوفها بره
جراح يهز طلال بقوه:تكلم قول ...انت هدمت كل شي ...تكلم ليش سويت جذي ليش قلت جذي
طلال:ليش حارق قلبك انت ماتبيها طلقها وخلها تشوف حياتها مع غيرك وانت خلك مع غرور ليش تضلمها
خالد بصراخ:وانت ماضلمتها يوم اتهمتها عشان تغطي على خياسك ...انت ماضلمتها يوم فرقتها عن اخوك بعد ماتصالحو
طلال بستغراب:جراح وليال تصالحو
جراح بصراخ:ليش سويت جذي ليش خليتني اطقها انتم اخف انتي اذبحها ماخفت ...آآآخ ياليال انا شلون صدقتك شلون
غرور:جراح اهو سوا جذي عشان لاينفضح مو عشان السخافات الي قالها
طلال :انا ماعندي شي انفضح فيه
غرور:لاتجذب احنه شفناك مع رفيجتك وانتو نازلين من العماره
جنى بصدمه:أي رفيجه
غرور:حنان حبيبت قلبه
جراح صار مثل المينون مسك طلال من رقبته وبدا يخنقه
هنادي بصراخ:جراح ذبحته جراح خله انا اروح اكلمها ....جراح لاتذبح اخوك
خالد:خليه يذبحه مثل ماذبح بنت الناس ..هذا حرام يعيش...في واحد يسوي بأخوه جذي عشان الزباله ارفيجته
جراح فقد السيطره وخر ايده وبدا يطقه بشكل جنوني ...وهنادي تصارخ وتتوسل بجراح ....وجنى قاعده على الارض تبجي من الصدمه

عند اريام
كانت لامه ملاك وهيا ميتته من البجي
كادي :اريام ليش تبجين جذي
اريام:ما اقدر اعيش بدون ليال
كادي:ولا انا ..ولا حتى جراح
اريام:لاتيبين طاريه اهو السبب بكل شي
كادي:لاتقولين جذي ماشفتيه شلون كان يبجي توه جنه ياهل
اريام:الحين يبيها الحين شعقبه ..وسمعو صوت الصراخ العالي
كادي:امبيه شصاير
اريام بخوف :اكيد ليال فيها شي ..وقامت بسرعه وهيا شايله ملاك وطلعو من الغرفه وراحو الصالهونصدمو من المنضر الي جداهم ..جراح كان يطق طلال بقوه ...وهو ياصارخ من قمت راسه
جراح:حرام عليك ليش خلتني اطقها ..كله منك ليال بتعدت عني ..كله منك ...انا ما اقدر اعيش من غيرها ...انت ذبحني ياطلال ذبحتي
اريام نزلت ملاك وراحت اركضت ولمت جراح من ظهره وهيا تبجي:جراح ليال تعبانه بسببه ...آآآخ ياليال
جراح بتعد عن طلال ولم اريام وصارو يبجون مثل اليهال ..جراح مو عارف انه ليال بين الحيات والموت واريام ماتقدر تقوله الانها وعدت ليال
بالمستشفى
ليال كانت ماسكه ايد محمد وفواز ..وهيا تحس بالتعب يزيد عليها حست انها راح تودع اخوانها بالهلحظات هذي الان تعب شل جسمها كله ...نزلت دموعها ...زبصوت مخنوق
ليال:حمود فواز
محمد بخوف وهو يشوف لون ويها بديا يتغر:ليال شتحسين فيه
ليال :راح اتركم ...لاتنسوني ..وذكروني بالخير ودعولي...وتلاشت كلماتها وهيا تحاول تاخذ نفس وماكانت قادره
فواز بصراخ:دكتور ...دكتور الحق علينا
بعد دقايق الدكاتره كانو عند ليال وحاوليبعدون محمد وفواز الي قامو يبجون ويصارخون ...لكن ايدليال كانت ماسكتهم بقوه وكل مازاد التعب كانت ترخي ايدها لين ارتخت على الاخر وهدت ايدهم
الدكتور حط الاكسجين عليها وكانت عينها تحوم بين اخوانها وهيا ملينانه بالدموع ..جنها تودعهم ..وتقول هذا اخر القاء بينا ..ولاتنسوني ...غمضت عيونها وهيا تحمدربها وتشكره بقلبها وتستغفر وتنطق الشهادتين ..الجهاز صفر واعلن توقف قلب ليال واعلن رحيلها عن الدنيا ...اعلن رحيها من دنيا ما شافت فيها الراحت ..ارتاحت بطلتنا من هم الدنيا والظلم لي فيها وتركت اخوانها وكل الي يحبونها بحاله يرثى لها
محمد بعد ماسمع صوت الجهاز وبعد محاولات الدكاتره بأنعاشها بدون جدوى طاح عليها وهوا يصارخ ويبجي ...وفواز نفس الشي

فلا خالد
خالد طرد طلال من البيت ...وضل قاعد بالصاله وهو شايل هم وحزن كبير بقلبه ..كل ماطاحت عينه على جراح الي قاعد بزاويه وهو يمسح دموعه عشان لايشوفونه..كان يزيد الهم والحزن الي بقلبه
بهالوقت رن تليفونه ومن شاف الرقم رد بسرعه
خالد:هلا
سعود وهو يبجي:عظم الله اجرك عمي
خالد قام وقف من الصدمه :منو
سعود :ليال عطتك عمرها
خالد ملت الدموع بعينه وياخذ نفس عميق:لا اله الا الله ...لا اله الا الله ...انا لله وانا اليه راجعون
سعود :عمي الدفان العصر ..ولاتبلغ جراح
خالد ودموعه تنزل وعينه على جراح:ان شالله ...وصك التليفوون
هنادي بخوف:خالد شفيك منو الي توفى
خالد قام من مكانه وراح بدون ماينطق بكلمه

العصر بالمقبره
بعد ماصلو عليها وشيعو جنازتها حطوها بقبرها ..وبدو يقطون التراب على جسمها وروحها الي تعذبو بالدنيا ...كانو يقطون التراب ..ومحمد طايح على الارض يصارخ بشكل هستيري
محمد:لاتدفنونها ..اختي ما ماتت ...اختي تخاف من الظلمه...لاتدفنونها ...اختي ماتهنت بالدنيا بعدها صغيره ...ردوها ...خلوها تعيش حياتها...الله يخليكم لاتدفنونها
فواز كان لام محمد ويبجي:آآآخ ياليال ....آآآخ ياقلبي انتي ...رحتي بعز شبابج
محمد:فواز اختنا ماتت اختنا راحت ...فواز ماعندنا اخت غير آلاء...ليال راحت
خالد يلمهم ويبجي معاهم:ذكرو الله وطلبو لها الرحمه
محمد:عمي ولدك ذبح اختنا ...والله حرمام عليكم دخلناها بيتكم ورده فتحه وطلعتها جثه اختنا ماتت ...ماتت
خالد :دخلت بيتي ببتسامه ونطفت من ضلم عيالي
بعد الدفان راحو قعدو على قبرها وزاد بجيهم وصراخهم ..اليوم افقدو اختهم ..اليوم افقدو شمعه كانت مشتعله ونطفت ...فقدات الاخت صعب واذا كانت صغيره ومظلومه اصعب ...بنت ماتهنت بشبابها ولا تهنت بأيامها بسبب ظلم الناس وقسوتهم ..الواحد مو عارف متى يومه ليش يظلم ويقسى ليش مايسامح ويعيش حياته براحه ليش يشيل ذنوب غيره

بعد الدفان بفلا خالد
دخل خالد وهو بقمت الحزن وضيق
هنادي:خالد وين كنت ..انت شفيك اليوم شلي صاير
اريام يايه وكانت لابسه عشان تروح المستشفى:باب يالله ودني بروح مو قادره اقعد
خالد رفع راسه واخذ نفس عميق:قعدي وانا بوج
اريام بخوف :ليش
خالد عيونه مليانه دموع :وين بتروحين ...خلاص ...وسكت
اريام بصدمه:بابا شنو خلاص ..قوم ودني
خالد طاحت عينه على جراح الي قاعد وتضايق وايد:جراح
جراح التفت عليه
خالد:تعال وانا بوك
جراح قام من مكانه وراح عن ابوه :امرني يبا
اريام اطالع ابوها :بابا خل جراح عنك ودني الحين مو قادره اتحمل
هنادي:وين يوديج
خالد باس راس ولد وبدا يبجي:عظم الله اجرك وانا ابوك
جراح استغرب:منو
اريام قامت تصارخ وطق ويها:لآااااااا..بابا الله يخليك ودني لها ..بابا الله يخليك ودني بشوفها
جراح وجسمه يرجف:بمنو
خالد يبجي:ليال ..ليال عطتك عمرها
الخبر كان من الصاعقه هد كل حيله وكيانه ماقدر يصلب طوله طاح على ركبه وهو مصدوم :يبا انت شتقول
اريام تصارخ بشكل جنوني:بابا ودني ...يلال ما ماتت اهيا ناطرتني قوم ودني لها
خالد لم اريام حيل وهو يبجي:اطلبي لها الرحمه ليال راحت
جراح دموعه تنزل:يبا ..يبا ...يبا ليال شفيها ...اكيد انت تقولي جذي عشان تعاقبني ..يبا انا احبها ماقدر اعيش من غيرها
خالد تذكر كلام ليال بالمستشفى عن جراح..وترك اريام وهيا تبجي وراح قعد عند جراح:جراح يوم كانت عندك ماقدرتها ولا حترمتها الحين لمن توفت تقول ما اقدر اعيش بدونها ..وين كنت قبل ...انت مارحمتها ..لكن ارحم الراحمين استجاب دعائها واخذها ..انت خليت البنت تدعي على نفسها بكل ثانيه من كثر الهم والضلم الي شافته
هنادي ودموعها تنزل:خالد قولي انت تقول جذي عشان تحسس بذنب صح ...ليال مافيها شي ..زوهذا كله كلام بكلام
خالد يمسح دموعه:هنادي ليال كان فيها مرض الشين وحنه ماندري
جراح مسك ايد ابوه ويبوها ويترجاه:يبا تكفى قول انك اتجذب علي يبا والله ما اتحمل العيشه بدونها ...قولي انك قاعد تخوفني عشان ما اظلمها يبا ابي اشوفها ابي احظنها ابي اقول لها تسامحني يبا ودني لها ...اكيد اهيا عند اخوانها وانت تخوفني صح
خالد :آآآآخ ياجراح آآآخ لي فات الفوت ماينفع الصوت ...انا توني راد من دفانها ..دفتها بأيدي ..خليتها تحت التراب ويت
جراح صرخ صرخه هزت البيت كلها:لياااااااااال...يبولي ليال ...يبا يبي لي ليال
خالد:اطلب لها الرحمه وانا بوك
جراح طاح بحظن ابوه و صار يبجي مثل الياهل

بيت احمد
فواز لام امه الي كانت منهاره من سمعت الخبر...وآلاء كانت بحظن محمد ..البيت انملا بالصراخ والام على فقدانهم لي ليال ...اما ابوها من سمع الخبر من صالح وعرف انها ماكانت تبيه يشيع جنازتها طاح عليهم ونقلوه المستشفى

فلا خالد
جراح كان بغرفت ليال وكان ماسك مذكراتها ويبجي مثل الياهل ..فتح اخر صفحه فيها وبدا يقرا وهو يبجي
الصفحه بعنوان
عهدي مع الايام

الحمدالله على كل نعمه الله انعمها على ...صج لي قالو الله اذا حب العبد ابتلاه وانه كل ضيقه يمر فيها الانسان مردها بتفرج من رب العالمين
اليوم بديت صفحه يديده من حياتي ..رديت حق حبيب قلبي وقضينه اسعد لحظات بالفندق مع بعض ....الحمدالله اني وفيت بعهدي الي قطعته على نفسي...كنت كل يوم اقوم من النوم اخذ عهد يديد على نفسي وكان هذا الشي يعطيني امل وقوه ...كنت اعاهد نفسي ..اذا ماكنت حق جراح ما اقول لي غيره ...والحمدالله وفيت بعهدي الي قطعته على نفسي وعلى كل يوم يمر علي انتي لجراح وبس ...والحمدالله الله ماخيب رجاي ..جراح رجع لي وان شالله اسعده وما اخليه يحتاج غيري
احبك جروحي ...يا اغلا من روحي ...ياعهد اخذته على ايامي اني احبك وما اكون لي غيرك


صكر الكتاب وضمه لي صرده وهو يبجي ويصارخ ..وبعد فتره من البجي قام من مكانه وطلع من البيت وراح المقبره ...اول ماشاف قبرها طاح على قبرها وبدا يبجي ويصارخ
جراح:ليال حبيبتي سامحيني ...ليال انا اسف ...ليال احبج والله احبج ...ليال ردي لو يوم واحد ...ليش خليتيني ورحتي ليش تركتيني بروحي ...ليال والله ماعرفت الحب الا معاج والله محد اخذ مكانج حتى غرور كانت شي عابر بحياتي بس اني لا...ليش حرمتيني من شوفتج ..ليش رحتي وخليتي ...ليال انا طقيت طلال وعرف انه جذا ابوي طرده من البيت ومن الشركه..ليال ردي خل نكمل صفحتنا الي فتحناها مع بعض ..الله والله احبج لاتخليني ..اسف والله اسف...والله ماكنت اقصد اني ااذيج بس الغيره عمت عيني الاني احبج ...ليال الحيات مالها طعم بدونج ...شلون ادخل البيت وما اشوفج...شلون انام وانتي مو بالبيت...شلون تستمر حياتي وانتي مو فيها ...آآآآخ يا ليال...آآآآخ ياقلب جراح...قومي خلينا نرد البيت ...قومي خليني اعاهدج مثل ما عاهدتي ايامج ...ليال اعهدج مافي مره تدخل حياتي من بعدج ...ليال احبج والله شاهد على ...يارب مثل ما عجلت بموتها عجل بموتي ...مابي اعيش من بعدها ابي اندفن يمها ...ابي اكون معاها ...وحط راسه على قبرها وهو يبجي ويصارخ....حس ابأيد على ظهرها ...صوت مبحوح من كثر البجي
فواز:جراح قوم هذا مو مكانك بعد ماذبحت اختنا ياي تبجي على قبرها
جراح رفع راسه :فواز والله احبها والله انتو مو عارفين الي صار
فواز وهو يبجي:مافي داعي تبرر أي شي ليال راحت خلاص
جراح لم فواز وهو يبجي ويصارخ:احبها والله احبها والله ما اقدر اعيش بدونها
فواز:ولا احنه نقدر نعيش بدونها ...لكن ماباليد حيله الله اخذ امانته
جراح:يارب اخذني ...يارب مابي اعيش بدونها ..والله ما اقدر اعيش بدونها والله احبها ...والله ماتدخل حياتي مره من بعدها ..يارب انا مارحمتها ..انت ارحمها برحمتك الواسعه


رحلت ليال عن الدنيا وهيا حزينه وتركت وراها حزن كبير بقلوب كل الي يحبونها وحزن اكبر بقلب جراح الي مامداه يفرح برجعتهم لي بعض ..جراح خسر اكبر شي بنسبه له خسر انسانه ماعرف الحب والراحه الا معاها ..تزوج عليها ظلمها قسى عليها بسبب اتهام الناس انها مو زينه ...جراح انكسر قلبه بعد الي سواه اخوه ..صار مثل الياهل الي يدور على امه واذا مالقاها يبجي وينهار ..لكن بعد فوات الاوان لادموع تنفع ولا حزن ...ليش الانسان قاسي بطبعه ليش يضلم ويزيد بضلم وبعد مايموت او يخسرون الانسان الي قاطعوه وضلموه يتحسفون ويلومون انفسهم ...مافكرو انه الدنيا ايامها معدوده وان الكل بيرحل مثل مارحلت ليال وهيا مهمومه ...ليال بنت حبت ريلها واخلص بحبها له وعاهدت نفسها اذا ما كانه لي جراح ما راح تكون لي غيره


ما احلل أي شخص ينقل روايتي دون ذكر اسمي
اختكم
غدير حسن
@أحلاهم وأتحداهم@




************************النهايه******************


إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:05 PM



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.0

Ramdan √ BY: ! Omani ! © 2012