آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-03-12, 03:05 PM
| #11 | ||||
| نجم روايتي 
|  رواااية شدتني لها كثير وخاصة تألمت ان كاتبتها توفت بحادث مع زوجها أسأل الله أن يرحمهما رحمة واسعة ويغفر لهما ويجعنا معها بجناته ومن قال آآآآمييين زيزفوتني توقعي بمحله انك أصبت باختيارك للرواية كل الشكر لكِ لاتحرمينا منتظرينك !!! ودي لكِ | ||||
|  |
|
10-03-12, 07:12 PM
| #12 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته انا جيت زيزفونه ياهلا وألف مرحب حيا الله الحامل والمحمول إسمك مثل المغناطيس يجذبني لاشفته أعرف إن فيه شيء يستحق المتابعه ودائما ماتخيبين ظني بإنتقائك الراقي للروايات اللي تتابعينها او اللي تنقليها والدليل عهدي مع الأيام الرائعه لولا النهايه المأساويه والله خنقتني العبره لنهاية ليال زيزفونه الله يستر هذاي الروايه من بدايتها حزنت لوفاة الكاتبه هي وزوجها الله يرحمهم ويغفر لهم وأتمنى إن نهاية الروايه ماتكون حزينه الأحداث مشوقه رغم إنها في بدايتها ومن مقدمة الكاتبه والأحداث أتوقع إن مها راح تقع ضحية الإنتقام يمكن يوسف يتزوجها للإنتقام منها لقتل أبوها لأبوه لكن تجري الرياح بما لاتشتهي السفن راح يحبها في الآخروحبه هو اللي راح يوقف إنتقامه وتعذيبه لها وأعتقد أهل يوسف راح يكون لهم دور في الإنتقام من مها ولا راح يعجبهم تهاون يوسف معها او حبه لها يمكن هذا التوقع صح أو خطأ أو يمكن بدري عليه لكن هذا ماخطر لي من قراءة الأجزاء السابقه منتظرين بقية الأحداث زيزفونه | ||||||||
|
| |
|
11-03-12, 12:19 AM
| #13 | |||||
| نجم روايتي وأميرة حزب روايتى للفكر الحر وفراشة الروايات المنقولة 
| اقتباس:
هلا وغلا ياعسل جد اسعدني كلامك من ذوقك والله ......اي والله الله يرحمهم صدمة كبيرة كانت لي لاني كنت اعلق معاها وترد علينا بكل احترام ورقي الله يرحمها و العوض بعيالهم ...الرواية رهيبة جدا لانو في نقاط بعدين بتصير في الاحداث بدعت الكاتبة في وصفها لدرجة كبيرة وبتشوفي هالشي من خلال متابعتك للرواية | |||||
|
| |
|
11-03-12, 12:26 AM
| #14 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
وعليكم السلام ورحمة الله وبركاته .......هلا فتوما منورة ياقلبي ...... لاتخافي الرواية نهايتها بتعجبك بس الاحداث فيها قوية جدا وتحرق الاعصاب ........ابدعت الكاتبة الله يرحمها في هالرواية وربك ماكتب لها تنزل مولودتها الثانية .......... مها صح بتكون ضحية للانتقام بس بتتفاجئي من السبب ومن صاحب الانتقام وانتقامهم بيكون موجع يشيب الراس وفي احداث مستحيل تخطر على البال .........اتعب وانا اقول الكاتبة عندها قدرة عجيبة في قلب موازين الاحداث وتغيير التوقعات ........ انا مااخترت هالرواية الا لانها مميزة في كل شي فيها و ماهي روتينية الاحداث وسهلة التوقعات تابعي وشوفي ولا تخافي النهاية بتعجبك لانو اغلب الروايات الي حاطتهم ببالي واخترت اني انزلهم كلهم نهاياتهم حلوة الا عهدي مع الايام بس لاني حبيت ليال الله يرحمها وتوجعت للظلم الي عاشته بسبب تخلف اهلها والمجتمع وبسبب ظلم زوجها منورة فتوما بطلتك وتوقعاتك | |||||
|
| |
|
11-03-12, 12:30 AM
| #15 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت الخامس انت قدري هذا صباح يوم جديد ... كانت مها وهدى يتمشون في الجامعه ... وامل كانت غايبه لانها تعبانه شافهم فهد ومعاه عبد الرحمن وسام وقربوا منهم فهد : هاي هدى : هلا فهد شلونك عبد الرحمن : شلونكم مها : .................... فهد : مها قوه مها: هلا ... هدي انا بمشي ها ... اشوفك بالمحاضره عبد الرحمن : وين مها ؟؟؟ ويمسك كتف مها وهي وقفت وابعدت ايده وتنهدت بعمق فهد : اروح فدوه لعيونج موحلوه وانتى امكشره مها اتركتهم ومشت سام : اوه لقد ذهبت هدى : هي مها .... وتلتفت للشباب : انا ياجماعه باي فهد : بايج معاج عبدالرحمن : هذي وش فيها فهد : لاتحاول طوفه مو قلب ما تعطي ويه مو ليه هدى : مها ليش ماوقفتي مها : ما احب فهد ومسخرته هدى : مها اتهقين فهد يحبج يوسف كان واقف مع دكتور سايمون يتكلمون لما هدى قالت هذي الجمله طالع لهم على الرغم من الازعاج اللي كان بالمكان الاانه سمع الجمله كويس هدي: مرحبا دكتور سايمون الدكتور : مرحبا هدي : لم اجد الكتاب الذي تكلمت عنه في المحاضره السابقة الدكتور : كيف ولكنه متوفر بالاسواق يوسف كان يناظر بمها الي كانت واقفه ساكته تنا ظر للجه البعيده عنهم كانها ماهي منتبهه دكتور سايمون : وانت ياآنسه مها : ماذا انا الدكتور : هل وجدتي الكتاب مها : الكتاب موجود في مكتبه ابي الخاصه ولكنه بطبعة قديمه جدا دكتور سايمون : وماذا يعمل والدك مها : رجل اعمال وحاصل على شهادة الدكتوراه في ادارة الاعمال دكتور سايمون:أوه .. من هو والدك ربما اكون اعرفه مها : دكتور عبدالله الجاسر التفت يوسف للاسم وقال الدكتورسايمون: نعم نعم اعرفه دكتور عبدالله الجاسر كنا من نفس الدفعه ولولا اتجاهه للتجاره لكان من احسن المدرسين بالجامعه لقد طلب اكثر من مره ليدرس هنا وكنه رفض لانشغاله باعماله والتفت الكتور سايمون جهة يوسف وكمل : انه سعودي ايضا يا جو ربما تعرفه ارتبك يوسف ورد: لا للاسف ... عن اذنك دكتور لدي بعض الاعمال لم انهها مها وهي اتابعه بعيونها : خاف لانعرف انه سعودي ... وهرب هدى : اثره قطو وانا على بالي اسد هههههههههههههههه مها : عن اذنك دكتور الدكتور : حسننا وتحياتي الي والدك بعد الظهر في شقة يوسف دخل يوسف .. ولا كان في احد رمي الاشياء اللي بيده على طاوله في الصاله ودخل يبدل ملابسه وهو قدام المغسله لما حط المويه على وجهه ناظر في وجهه بالمرآه وقال: يعني وش يكون لو تعرف اني سعودي هز راسه وتأفف وكمل غسيل وجهه ودخل غرفته وجاب الجوال ودق على اهله بالسعوديه يوسف : الو أم يوسف : هلا...هلا والله بالرقم وراعيه يوسف : هلابك يالغاليه ..كيف حالك .. وكيف حال حصه ام يوسف : كلنا بخير وما نسأل الا عنك .... تراك طولت يبه يوسف :قريب يالغاليه .. هانت أم يوسف : أي متي انا ابفرح بك واشوف اعيالك على حياة عيني يوسف : الله يطول عمرك ... انشالله يمه ... وبعدين انت كفايه عليك حصة وعيالها ام يوسف : لا حصه ولا عيالها مثلك ومثل ضناك عندي يوسف : هههههههههههههههه لا تسمعك وتزعل ما نخلص ام يوسف : خلها تزعل انت ما مثلك احد يوسف : عمي احمد وين ام يوسف : ما شفته من طلع .........لا لا هذا هو خذ كلمه العم احمد : هلا هلا بالغالي ولد الغالي يوسف : هلا بك عمي... كيف حالك عساك بخير العم احمد : انا بخير بس شف لي من هالحمر اللي عندك لي وحده اجدد شبابي عليها يوسف : هههههههههههههههه للحين قلبك خضر ياعمي العم احمد : هذا اللي يبني ازعل عليه هو انت شايفني شايب ياولد اصلن انا اشب منك اقول يا شايب انت لا تكون امسويها ومتزوج وماتبغي ترجع اشوفك طولت يوسف : اكيد ههههههههههههههههههههههه يوسف : ها عمي بشرني عنك العم احمد : والله ماغير انا وامك انتهاوش يوم وانتراضي الثاني حياه اندافعها الى ان تجيب الامريكيه اللي اغسل كبدي فيها عن امك وعن السعوديات كلهن ههههههههههههه يوسف : اصلن امي مافي احسن منها ... لاتبطر على النعمه العم احمد : شف شف ما يعطي على امه يوسف : ها عمي اتوصي على شي العم احمد : انت مطول علشان رجع ترى اشتقناك يوسف : هانت مابقى شي ... المهم سلم لي على حصه وعيالها وعلي محمد وابراهيم ويالله فمان الله العم احمد : فمان الكريم يبه العم احمد وهو يسكر الخط : ام يوسف هذا كل ماتصل هاالولد سويتي مناحنه كنه ميت ماهو براجع ام يوسف : فال الله ولا فاك يااحمد ... هذا يوسف وش انا صابره عليك وعلى غير الا علشان اشوف يوسف رجال ويعزني العم احمد : اقول لا تبربرين واجد ترى ان جينا للحق انا اللي مضيوم والا واحد باول شبابه يزوجونه ارمله لا وعندها بزران بعد ام يوسف : ليه ما رفضة يااخي وفاكني العم احمد : هااا ارفض ... احسب وراك خير انت وجهك ومالقيت غير الغثي الله يسامح ابوي بس ام يوسف تتنهد بعمق: يوالله الله يسامح عمي اللي غصبني عليك العم احمد : اووووف وجهك يجيب المرض ... كل يوم على هالموال ... ومن قالك تقبلين ام يوسف : لاااه ياحمد واترك اعيالي ....ليه انت ناسي ان عمي خيرني اما الزواج منك او ياخذ العيال العم احمد: استغفر الله ياشين هالحياه انا رايح انخمد احسن احمد كان يكلم يوسف كويس علشان هو انسان جبان وطماع جبان لانه يعرف شخصية يوسف القويه وحبه الشديد لامه واخته وطماع علشان يوسف دايم يرسل له افلوس وكل اللي يطلب وهو من زمان عاطل عن العمل ومعتمد علي يوسف وحمل يوسف فوق طاقته من صغره وانجبر يوسف من كان بالثانوي انه يشتغل ويدرس في نفس الوقت علشان يوفر احتياجات امه واخته ويرضي طمع عمه اللي ماينتهي علشان كذا صارة شخصية يوسف عمليه جدا وقويه بنفس الوقت وكان متفوق بدراسته جدا وحصل علي البعثات اللي فيها كمل مرحلة الباكلوريوس والماجستير والحين في نهاية مرحلة الكتوراه في تخصص نادر ويوسف مميز ومحبوب لدي جميع العائلة . . . يوم الاثنين الأول بعد ماعرفت مها الجنسية الحقيقية ليوسف .... كانت جالسه في سريرها بدري عن موعدها تقلب في راسها فكرة الانتقام منه وكلامها مع ابوها وتوبيخه لها جاء في بالها شخصية يوسف ليه طول هالمده مابان عليه انه عربي وليه عامل كذا ومرت قدام عينها مواقفه معاها ونظراته وش سبب هالحقد اللي يناظرها فيه وليه من دون كل الطالبات هو وش فكرته عنها .... اقطعت افكارها وهي تتافف وتردد العبره في من يضحك اخيرا أخذت لها شور ولبست بنطلون جنز ... وبلوزه بربع كم لونها ابيض عليها جهة القلب مجسم صغير لقلب مكتوب عليه (قلبي ينبض بحبك)صدر البلوزه واسع باين منها طول رقبتها وجمال نحرها اللي علقت عليها سلسال من الذهب الابيض مكتوب داخله اسمها بالياباني .. كان شاريته من اليابان لما راحت في احد الاجازات وفي يدها ساعه بيضاء من شانيل بمينا سوداء تحاكي رقه يدها الصغيره واصابها الناعمه ذات الاظافرمتوسطة الطول وعليها طلاء شفاف وكانت اول مره تفك شعرها الحريري اللي يوصل لنهاية خصرها وقذله طويله شوي لحد عينها تبعدها بدلع وحطة مسكار خفيف علي الرموش الطويله الكثيفه وبلشر وردي وقلوس وردي اظهر جمال شفايفها الي كأنها ورده جوريه مغروسه في وجه ابيض بيضاوي ممتلاء طلعة من غرفتها بعد ماحطة من عطرها اللميز وهي تطالع للكتاب اللي في ايدها كأنها تتفقده وسمعة صوت تصفيرارفعة عينها في وجهها ابتسامه على حركات عادل اللي ماتتغير :ها عجبتك عدول عادل: اقري على نفسك قربت لعادل ومسكت خده : انت تشوفني حلوه علشاني اختك بس ...لكن في اللي احلا منى بكثير عادل : مااعتقد ... بس قولي يارب مها : يارب عادل : يعطيني ربي نص جمالك وربع اخلاقك وعشر تواضعك وخمس حنانك مها : بس كذا والله انك قنوع .... يارب يعطيك اللي تهدي سرك وتملا عينك وتستاهلك وتصونك قول امين ياعادل ياولد امي وابوي عادل : ههههههههههههههه كنك جدتي مها: هههههههههههههههههههههههه انزلت مها ومامرت افطرت لانها كانت مستعجله وهي تمشي ناحية الباب ناظرت لابوها وجدتها مها: صباح الخير الجدة : صباح الخير دايم مستعجله ابوعادل : لاتسرعين ولا ... مهاتهزراسها بابتسامه : حافظه حافظه ...باي مرت على هدى وامل كالعاده واتفقوا يفطرون بعد محاضرة جوزيف أو يوسف لانها بدري بعد ما وصلوا القاعه جلسوا بالنص خمس دقايق ودخل الاستاذ يوسف مثل كل مره انسان جذاب بغاية الاناقة والوسامه لابس بنطلون اسود وقميص ابض مخطط باسود شعره طريل الي نهاية رقبته مرجعة ورا القاعه عم الهدوء فيها يوسف : صباح الخير جميعا بعض الاصوات الخافته : صباح الخير يوسف يبدأالمحاضرة: كنا قد تكلمنا في المحاضره السابقه عن المناقصات وقد اطلقنا عليها تعريف بانها معاملات ماليه بين عدة مؤسسات بنفس النشاط التجاري لتقديم السعر الانسب للبدء في مشروع ما وقد عددنا انواعها .. من يذكر لنا بعض الانواع ارتفعة ايادي بعض الطلبه للاجابه وعيون يوسف تلف بينهم الي ان لمحتها كانت كأنها وردة جوريه حمراء في صحراء قاحله أو كأنها قطرة ماء معلقة بين الارض والسماء شي عجيب ايه من ايات الله في الجمال مميزه الي حد كبير كأنه مايشوف غيرها اكلها بعيونه لدرجة انها انحرجت من همس الحضور تدارك يوسف نفسه وقال : انسه مها التفت الجميع لها بسرعه وهي وقفت يوسف: اذكري بعض انواع المناقصات مها وكانت تتكلم بالعربي : اسفه ما حضرت المحاضره اللي فاتت يوسف من الارتباك اعاد السوال وكأنه ماسمع ردها أو ما فهم علت صوتها : انت طردتني المحاضره الي فاتت ولا لحقت انقل من احد عصب يوسف وقال لها بالانجليزي: انسه مها تحدثي الانجليزيه حتي يفهم زملائك ارفعة مها اكتافها وقالت : يكفي انت فاهم اللي اقول يوسف تركها ولتفت لطالب ثاني وكرر عليه نفس السؤال عدد الطالب انواع المناقصات وهي واقفه للحين تلعب بخصلت شعرها من الاسفل التفت لها وبحزم قال : هل تستطيعين تعدادها مره اخرى انحرجت مها من نظرات زملائها وخاصه العرب وهو يكلمها كذا وبدون وعي عددت اثنين منهم يوسف : شكر ا اجلسي اكمل ياجورج مها هنا حست بخنقه بغت تبكي من تجاهله لها وان معرفتها انه عربي مااثرت فيه مثل ماكانت متوقعه ردة فعله بتكون كذا وبعد ما اخلصت المحاضره لم يوسف اوراقه من على الطاوله وقبل لا يطلع اخذ نفس طويل وعض اسنانه علي بعض بدون لايفتح شفايفه عن بعض وضاقت عيونه شوي وحرك راسه ببط وناظرها (( يعني حركة واحد حاقد)) طلع امل : الله ياخذج احرجتيه مها: كنت متعمده اسامه شاب مصري ... قرب من مها وقال بفضول : هو انتي اكلمتي عربي ليه مها : استعبط اسامه : بتستعبطي اودام جو ايه الجراءه دي مها : وايه اللقافه ديه اسامه يتلفت وراه وحوله : بتؤل ايه دي مها : ماعطلكش هدى حاطه يدها على فمها : كخخخخخخ بعد ساعة من المحاضره امل : يبه مو يوعانين مها : انا محترقه معدتي هدي : من فعل ايدج والا هذا وقته اتسوين جذي امل : اقول بنظل واقفين جذي ابي اكل لاكلكم فجاءه وبين ازعاج الاصوات بالمكان صوت ينادي : انسه مها التفتوا للصوت اللي هم عارفينه زين كان يوسف واقف بالشمس اللي كانت اموضحه كل ملامحه اللي محفوره في وجه اسمر كانه تمثال يوناني في غاية الروعه قربت له اما باقي زميلاتها بقوا في مكانهم حفظا لخصوصية الموقف ولما وقفت قدامه ارفعت عيونها له لانه كان اطول منها وكانت حاسه ان قلبها يبي يطلع من كثر ما دق حتى ان حركت انفاسها المتصاعده حركة القلب اللي على بلوزتها وكانهه هو اللي ينبض وفيه حياه يوسف بهدوء : القاعة ليست المكان المناسب لا ستعراض كم اللغات التى نعرف فلا تكرري ما حدث ان كنتى لاتودين باحراجك مره آخرى امام زملائك مها كانت تناظره بدون ولا كلمه وكانت تغلي من داخل ضاعت منها كل الكلمات كانت تبي رد قوي يحرجه لكنها ضيعت الحروف من منظر نظرته الحاده اللي مركزه على وجهها كانه يبي يرسمه وقبل لا يمشي حط اصبعه السبابه والوسطى علي خدها وضرب عليه بخفة ثلاث مرات وهو يقول : انت لست ندا لي ولا تنسي انك طالبه وانا الاستاذ وقبل لا ترد كان داير ظهره وماشي كم خطوه في مكان ثاني بعيد عن الجامعة ... في الشركة اللي تعمل فيها سلمى كانت سلمى مركزه بالاوراق اللي بين ايدها ومنزله راسها وشعرها البني القصير مغطي وجهها وكان واقف يتاملها لابسه بلوزه تركواز باكمام قصيرة وصدرها فتحته واسعه تعلق في رقبتها البيضاء سلسال اسود في اخره طياره صغيره الي نهايه ايد صغيره شديدة البياض واصابع ناعمه ممسكه في نهايتها قلم وكانت تكتب بعض الارقام كان واقف من مده لكن هي ما حست فيه لما قال بصوت اقرب للهمس : وحشتيني رفعت راسها .. بهدوء علشان تستوعب الموقف وتشوف انها ماتتخيل وان مصدر الصوت حقيقه و اللي خلا عيونها تتملاء دموع وشفايفها المرتجفه تردد بهمس : خالد مد ايده علشان يحضن يدها الصغيره وهي مدت كفها الصغيره كانها غرقانه في بحر من الهموم وايده المنقذ الوحيد لها .... ماترددت ابد علشان تحس بدفا يد خالد اللي احضنت يدها وذابة بين الحلم والحقيقه وعيونه اللي تاهت بعيونها وهي تسأله : وينك رد بصوت اقرب للحلم من الحقيقه : اتنفسك مع انفاسي وانام على صورتك واحلم انك معي سلمي : يابختك كنت قادر تنام وانا ماتجرأت اسويها خايفه من كابوس بعدك مد يده الثانيه ومسح بابهامه دمعتها وباقي يده محتضنه خدها : ليه ما رديتي على رسايلي سلمى : لاني مت من بعدك خالد وهو يشدها يقربها له علشان يصيرون اقرب : الحين انا اللي حاس بالحياه سلمي : خالد لاتخليني مره ثانيه خالد ببتسامه تملا وجهه وتخلي عيونه تشرق : تحبيني سلمى : لا طفت الابتسامه وحلت محلها نظرت حزن وترجي تقول : ليه سلمي : اكثر من الحب انت الحياه وانا بدونك اموت خالد يشرق وجهه مره ثانيه : وانا اموت فيك سلمي : خالد خالد : ياروح خالد سلمى : لا تجرب فيني فراقك .. ممكن ما تلقاني عايشه المره الثانيه حط خالد يده على شفايفها : انا ولا انتي ياحياتي ابعدت يده برقه : احبك يبتسم ويقول : بالانجليزي سلمى : خــــالد خالد: ياويل قلب خالد وش مصبرني للحين ... الحين اروح لعمي لازم يزوجني اليوم سلمي : هههههههههههههه خالد وهو يسمع اجراس ضحكت سلمى اللي يموت فيها : ايوه هذا هو اللي باقي علي... الامتزوج اليوم متزوج ...ويشدها من يدها لخارج المكتب سلمي بدلع: اوراقى ياخالد ... شغلى خلني اجمعهم خالد: وينه هذول ... ( ويلم الاوراق بشكل فوضوي داخل ملف) اهااااه... اهااااه وين احطه سلمي : مو كذا .... موكذا خالد : امشى ... امشي احمدى ربك اني لميتهم سلمي : طيب .. طيب شنطتي خالد : وينها ... ذى .. خوذيها طلعت سلمى والدنيا ماهي سايعتها من فرحتها برجعت حبيبها .. حتى ما فكرت وش قرار خالد يبقى معاها وإلا شوقه جابه وبس بالكافيتيريا بالجامعة مها الدنيا صاكه فيها هدى : مها هونيها يابنت الحلال .. ترى راح ولا ياء استاذ مثل باقي الاساتذه اللي مروا علينا امل: ياجماعة ليش احنا امكبرين المسأل ومسوينه سالفتنا خلينا نعدي هالسنه بخير ترى مصيره ذالف مها : اللي ذابحني انه عارف اني عارفه انه عربي وكان يكلمني بالانجليزي حتي خارج المحاضره هدي: لا والله تبين يقولك امانه لاتعلمين احد .. تكفين يامهيه انا بعرض ابوج اقول ابلعي العافيه هذا جوزيف فجاءه قامت مها وتركت الكافتيريا وراحت بسرعه حتى ماأخذت اغراضها أمل بصوت عالي: مها .... وين الناس اللي بالمكان التفتوا لمها وامل تناديها هدي : هذي وين راحت مها بسرعه وبدون تفكير راحت لمكتب يوسف وفتحت الباب بدون لاتدق .... وكان هو على المكتب قدامه اللابتوب ورفع راسه مع فتحة الباب وقال وعيونه مفتوحه على اخرها : مها!!!!!! عيونها جت بعيونه قربت من المكتب كنها تتحرك بريموت بدون عقل حطت ايديها الاثنين علي المكتب وضاقت عيونها من الغضب وانفاسا متصاعده من الجري والزعل وانتثر شعرها الحريري علي اطراف ايديها قربت وهو مازال بهول المنظر كل الافكار جت في عقله عن سببب اقتحامها المكتب بهذي الطريقه لكن انقطعت الافكار لما تكلمت: انت ليش منكر انك عربي ضحك بصوت عالي ورجع ظهره وراء علي الكرسي وقعد يتمرجح بشويش علي الكرسي وحط طرف القلم بفمه وهو يتاملها وهي مازالت علي وضعها وقال : وانت وش يهمك اذا كنت عربي ولااااااااا ياباني حتي قال كذا وهو يناظر بنظره غربيه بالسلسال اللي في صدرها وقفت مها بشهقه وحطت يدها على السلسال كمل يوسف : انت ليه جايه هنا مها هنا كأنها تصحي من غيبوبه : انا .... انا ... انا كنت جايه ابي اقول قاطعها وبنظره خبيثه لها : كنت جايه تقولين انك تحبيني؟؟؟ مها وهي متفاجاءه من كلمته: حبك وجع !!!! وطلعت تركض من الاحراج على نغمات ضحكته العاليه وانزلت من مكتب يوسف ماتشوف شي كل شي يلف الناس الكراس الجدران ماهي عارفة وين تروح .. وقفت عن بوابه المبني اللي فيه غرفة يوسف ماسكه الجدار كل اللي يدور في تفكيرها انا ليه سويت كذا ... انا ليه رحت له ودموعها مثل النار تحرق خدها شافها فهد من بعيد وقرب لها فهد : مها وش فيج عسي ماشر ماصدقت ان احد كلمها كان تحط ايدها على كتفه .. هنا عرف فهد انها تعبانه حيل ومشاها لداخل المبني وجلسها على كرسى وجلس جنبها وهي تبكي بحرقه اما فهد فاستغل الموقف وطبق المثل اللي يقول (مصائب قوم (ن) عند قوم (ن) فوائدو) حط يده على كتفها وقرب منها وهي ماهي حاسه بالدنيا حاطه ايديها على وجهها وهي قريبه من فهد كنها بحضنه وهو ماتكلم ولا كلمه نزل يوسف بالاسنسير وشاف هالمنظر قرب منهم وقال : سيد فهد اريدك فهد في نفسه ( وهذا وقتك انت ويهك) : وكيه استاذ مها لما اسمعت صوت يوسف بغت ترجع اللي في بطنها ارفعت عيونها اللي صارت حمرا وقالت : فهد اقعد يوسف ناظرها بستهزاء وهو رافع واحد من حواجبه : هه!!! مشي بعيد عنها وفهد اتبعه وترك مها وكان يوسف يكلمه وراح فهد خارج المبني شكل يوسف كلفه بشي وقرب من مها اللي كانت واقفه علشان تهرب من وجهه لما تحركت اسرع مسكها من عضدها وقال: ليه مشاعرك رخيصه لذي الدرجه لفت عليه ورفعت يدها علشان تعطيه كف لكنه هو تدارك الموقف ومسك يدها وعيونه ولعت من الغضب وقال : انا يوسف ماهو فهد أوغيره يركض وراك يتمني كلمه فاهمه ونفض يدها ورجع من المكان اللي جا ء منه الناس شافت الموقف اللي صار لكن ماحد فهم وهي واقفه كانها فاقده الذاكره الاكلمات يوسف وهالاعتقاد الخاطئ عنها من بعيد هدي وامل يدورون عليها لمحتها هدي هدي: كاهي كاهي شوفي واقفه هناك قربوا منها بسرعه هدي : هييي وش فيج مها امل : وش صار ليش تبجين ؟؟؟ وين رحتي مها : اتركوني امانه ... ابي اروح البيت هدي : ما نتركج جذي .. انا راده معاج مها : بعد عمري هدي خليني علي راحتي ما ني قادره اتكلم امل : هدي تركيها على راحتها هدي : انزين اسوق عنج يمكن ماتقدرين مها : لا لا اقدر اقدر اتركوني امانه هدي تربت علي كتف مها : اذا هديتي كلميني امانه مشت مها بدون ولا كلمه اما هدي وامل بقوا في مكانهم موفاهمين أي شي قربت منهم بنت اسمها جين الكل يعرف انها ماتحب مها من كانوا بالمدرسه مع بعض وجين ودها الكل مثلها هدي : امشي امشي هذي مووقتها كلش جين : مرحبا امل : مرحبا ... جين ... وعن اذنك لدينا محاضرات جين : قفي الا تحبين ان تعرفين ماذا حدث لمها هدى :وما ادراك انت جين : الكل يتحدث امل : هدى تعرفينها ما تحب مها شحقه تسالينها ؟ هدي : ابي اعرف وش عندها جين : ها اذهب هدى : تكلمي ماذا يقولون جين : الجميع يقول ان صديقتكم رااها الاستاذ جو مع فهد بوضع مخل بالادب وتشاجر معهما هدي قام قلبها يدق بسرعه : هااااا فهد ؟؟؟ امل صرخت على هدي: انت واقفه للحين تسمعين لتبن هذي انت تعرفين حقدها على مها وتعرفين اخلاق مها بعد هدى تتكلم مع نفسها بصوت عالي: انا كنت ملاحظه انه يحبها بس كنت اكذب نفسي امل : وسوستلج الحيوانه هذي والله ان عدتي اللي قاعده تقولين او حتي فكرتي فيه اخر شي بينا هدي : بس شمعنا فهد بذات امل: في خطأ بالموضوع.... باجر او بعد ه مها تداوم وتقولج الصج هدي بحرقه : ومن يقول انها راح تقولج الصج امل : هدي!!!! انت للحين عندج شك بمها انت اكيد تبين تخسريني؟؟؟ واذا مها اسمعت كلامج بتخسرينها بعد هدى بغضب: ومايهمني .. امل بحزن : ماتوقعت علاقتنا رخيصه لهذي الدرجه تبيعينا بلحطه مشت امل وخلتها واقفه كنها مخدره مابين عيونها الا فهد اللي اصدقت اظنونها فيه وطلع فعلا يحب مها وقلبها بيتقطع نهاية البارت | ||||
|
| |
|
11-03-12, 12:35 AM
| #16 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت السادس انت قدري احسن يوم مر على سلمى وهي راجعه البيت وضحكتها مشرقة على وجهها واللي ما شافوها من اسبوع الجدة : هاا ... وش حلاتك كذا سلمى : جدوده حياتي انا اليوم فرحانه ... فرحانه ( وتبوس خدود جدتها ) الجدة : دوم انشالله .... وش صاير سلمى : هاااا .... هههههههه سر حياتي سر الجدة : افا ااا ... سر على انا سلمى وهي محرجه من جدتها : يووو ..عاد جدوده لا تحرجيني الجدة: سلماااااا .. الموضوع به خالد ( وتغمز لها ) سلمى والابتسامه تملا وجهها : يووو عاد الجدة : هههههههههه الله يهنيكم يا وليدي دخلت في هذى اللحظة مها ولا سلمت على جدتها وسلمى الموجودين قدامها بالصاله ... وطلعت لغرفتها اللى بالدور الثاني وتجاهلت استغراب جدتها ونداءء سلمى سلمى : هذي وش فيها كنها ما تشوف جدتها والقلق يملاء قلبها : يمكن مستعجله ياوليدي سلمى : مستعجله ايش ... يعني ما تقول السلام الجدة : ..................................... سلمى : ابغي اطلع اشوفها وش صار فيها الجدة : ريحي حالك الحين تنزل مشان تتغدى وشوفي وش بها دخل ابو عادل في هالوقت من خارج البيت واتجه لامه ولسلمي : السلام عليكم ( وهو يسلم على راس امه) الجميع : وعليكم السلام ابوعادل : وين الباقي سلمى : مها فوق .. وعادل على وصول ابو عادل : طيب .. انا اروح ابدل ملابسي واصلي وقولي لهم يحطون الغدا لاني جوعان وتعبان ... وابغي انام ساعتين العصر لازم ارجع للمكتب سلمي : ماننتظر عادل ؟؟ ابو عادل : تقولين على وصول !!!! يعني ما اخلص الاهو واصل .. يالله استعجلي سلمى: حاضر بابا دخل عادل في هذى الاثناء عادل : السلام عليكم الجميع ك وعليكم السلام ابو عادل : هذا عادل وصل يالله حطي الغدى وزهمي اختك نفذت سلمى اوامر ابوها ... وعادل طلع يبدل ملابسه سلمي وهي تجلس عند جدتها : اتصل على مها تنزل الجدة : اعوذ بالله من هالزمن بنت بعز شبابك متعاجزه ترقين هالدرجات وتزهمين اختك سلمي : جدوده هذا فايدة التطور ... ريح نفسك واتعب قرشك الجدة : يالله يالله تعبيه وازهمي مها سلمى وهي تدق على مها : حاضرين للحلوين اما مها كانت متجاهله صوت الموبايل وصوت كل شي حولها وداخله بملابسها تحت الدش تبي تنسي لكن الموقف يتكرر قدامها سلمى : الظاهر نامت ما ترد الجدة : العادة تنام بدون غدا تغدى الجميع ... وكان باين علي سلمي انها غير كل اليومين اللى طافت وكان ابوها سعيد فيها .. وعادل مستمتع بالجلسه وتعليقات سلمى اللي كانت تنعش فيها الجو .. ومع قلق الجدة على مها الا انها حاولت قد ماتقدر تجاري الجو اما مها كانت بعالم ثاني ... شعرها مبلول ولابسه بجامه خفيفه .. مالها نفس حتى تنشف شعرها جالسه على الارض وحاطه راسها على السرير جبل من الهم التفكيرعلى صدرها كيف تقدر تروح للجامعه مره ثانيه .. وتشوفه بعد ذاك الموقف بكت كثير وصدع راسها وغفت عينها على هالوضع فى شقة يوسف كان الامر مايختلف كثير عن اللي عند مها يوسف قاعد على السفره مع محمد وهو سرحان يحرك بالملعقه يمين وشمال محمد : هييي انت جالس ترسم لوحه يوسف : هممم محمد : لاااه الرجال ماهو بالدنيا ... وين رحت يوسف : ولا شي محمد :وش ولاشي ذي.... شكلك مهموم يوسف: افكر برسالة الدكتوراه ... ماودي تطول تعرف عمي رجال كبير ودي اريحه وامي اتعبت من فراقي وانا بعد تعبت من الغربه محمد: يوسف انا اعرف انك قوي وش ذا الكلام انت حاس بشي يوسف وهو يرجع ظهره وراسه وراء : حاس اني غريـــــــــــــــب محمد : وانا ماني اخوك يوسف : انت الخير والبركه ... تغدا تغدا .. لاتشيل همي انا اعقدك ماهو كلي عقد مثل ماتقول محمد : شوف ياعقد انت ... والله ما احط بفمي شي الا انت تاكل قبلي يبتسم يوسف وبتنهيده عميقه :ابي اكل ابى اكل محمد : تسد النفس عقد يضحك يوسف من غير نفس في شقة هدى وامل الساعة التاسعة مساءا امل تكلم شادن زميلتهم بالشقه وهي ماسكه التلفون: اوووف ماترد وش صار لها ياربي شادن ((بحرينيه )) : يمكن نايمه وش فيج مكبره الموضوع امل : لا انا حاسني قلبي فيها شي شادن : ويييي انت لا تحاتين اصلن مها قويه امل :انت ما شفتيها شلون منهاره مادري وشنو قالها التبن هذاك شادن : ياخبر بفلوس باجر يصير ببلاش نطري حق باجر وبتعرفين انت شحقه محرقه عمرج جذي نامي ويصير خير ان شالله كانت هدى قاعده ساكته بدون تعليق تقرأ كتاب على الكنبه تناظر لها شادن: وانتي مبتنامين هدى : لا شادن : كيفج هدى تجلس لحالها بعد مادخلوا شادن وامل ينامون بنهيده عميقه : صج انا وش فيني افكر جذي معقوله مها تمثل على انها ماتحب فهد والصج انها تحبه .. لكن مها عمرها ما ..( تهز راسها تبعد الافكار عنها)... الله يلعن ابو فهد لابو اللي يحبه انا ليش جذي وجلست تبكي اطلعت امل فجاءه وشافتها لكن ما قربت لها ولا اسالتها امل وهي تدخل افراشها : هدى تبجي شادن : ليش امل : ما سالتها شادن : استغفر الله .. والله عين ماصلت على النبي وش فيكم جذي امل : خليها تحس شادن : شنو تحس فيه امل : اقول نامي احسن شادن : الله يهديكم امل : نامي يمه نامي وريحي راسج وفي نفس الوقت في بيت ابو عادل سلمي طلعت علشان تشوف اختها اللي مانزلت من الظهر سلمي وهي تدق الباب: مها .... مها تدق الباب مره ثانيه : مها انت نايمه للحين مها بصوت تعبان مره : ماابغي اتغدي سلمي: افتحي الباب ... أي غدا الحين الساعه تسع ... تدق الباب مره ثانيه ... مها افتحي الباب مها قامت بكسل وافتحت الباب وعلى طول ردت ونامت سلمي تتبعها : ليه شكلك كذا مها : امممم سلمي ابغي ارقد الله يخليك بردانه مره سلمي وهي تلمس جبين مها : انت حرارتك مرتفعه مره مها بصوت تعبان: لاتكبرين الموضوع ايدك اللي بارده سلمي : وش ايدي شوفي شكلك ... انا بتصل على الدكتور مها : والله مافي شي لا تكبرين الموضوع الله يخليك .... اوووف سلمي اتصلت على دكتور العائله بدون لا تلقي لمها وترجيها اهتمام بعد نص ساعه كان الدكتور موجود ومعاه الجدة وسلمى في غرفت مها الدكتور بعد مافحص على مها : انها اعراض برد .. وارهاق .. ساعطيها بعض المسكنات والمضاد الحيوي وتترتاح سجل الدكتور مجموعة ادويه واعطاها لسلمي وهو يقول : تستمر على هذه الادويه لمدة اسبوع مع االراحه والتغذيه الجيده وستكون بخير سلمى : شكرا دكتور الجدة : وش قال سلمي : يقول برد اطلعت سلمى مع الدكتور للباب ... وصادف بو عادل داخل للبيت ابوعادل بتفاجاء من وجود الدكتور : دكتور توم!!!! التفت على سلمي وكمل : امى فيها شي؟؟؟ سلمي : لا بابا مها عندها شوي برد ابوعادل بعد ماتطمن : اووه اسف دكتور .. كيف حالك الدكتور : بخير ابو عادل : كيف حال ابنتي الدكتور : انها مصابه باعراض برد والتهاب في الشعيبات الهوائيه وستكون بخير فقط اذا تناولت الدواء بانتظام .. ابو عادل : اوه حسنا .. شكرا لك على اية حال طلع الدكتور لخار ج البيت وابو عادل طلع فوق يشوف مها ابو عادل :سلامات مها وهي تعدل من وضعها بتعب : الله يسلمك بابا ابو عادل : عاد البيت ماله طعم بدون حسك .. يالله قومي بسرعه علشان ينور البيت مها تبتسم بتعب : انت النور كله بابا الجدة : ابغي اخليهم يسون لك شي تاكلينه مها بترجي: لا جدوده مابغي الجدة : وش مابغي الاتاكلين مشان العلاج يمه دخل عادل عليهم وهو يبتسم لمها : ها مهاتي الظاهر انا اللي عطيتها عين اليوم ابو عادل :جانا المزعج عادل: الله يسامحك بابا اصلن انا اهدئ واحد بامريكا ابو عادل : يالله يالمزعج نطلع علشان مهاوي ترتاح عادل : للحين موعارف قدري بس يالله يالله تضحك مها وهي باين عليها التعب مره فضت عليها الغرفه ... وعم الهدوء وهاجمتها الافكار وتذكرت الموقف الكريه وهي تقول في نفسها ياربي منين استوحي هالفكره عني في هذا الوقت كان جوالها يدق ناظرت بالشاشه لقتها امل حطت الجوال صامت مالها نفس تتكلم ولا كلمه ولا تتذكر شي يكفي افكارها هي ماهي ناقصه بعد احد يكلمها عن الجامعه في الجامعة هدى لوحدها بعيد عن امل ومها غايبه طبعا لانها تعبانه هدى تناظر جوالها وتشاور نفسها : ها اتصل لا لا اكيد درت ..ها لا لا .. اوووف ياربي انجلينا طالبه امريكيه تعرف هدى وصديقاتها: اووه هدى لماذا انت لوحدك رايت امل هناك هدى : اهلا انجلينا اعرف انها هناك انجلينا : ايزعجك ان اجلس معك هدى : وانا لاقيه..... اقعدي ... انجلينا : ماذا قلتي؟؟؟ هدي: تفضلي انجلينا : اين مها ؟؟ هدى : لم تحضر اليوم انجلينا : لماذا تشاجرت مع جو؟ هدى : لم اكن حاضره الموقف>>>> تبي تصرفها انجلينا : انا حضرت ولكن كانت تتكلم بالعربي ولم افهم هدى متفاجاءه : حضرتي!!!! انجلينا : نعم ولكن كانا يتكلما العربي ولم افهم شئ هدى : وفهد؟؟ انجلينا : فهد ماذا؟؟ هدى : الطالب الذي كان معها؟؟ انجلينا : اعرف فهد لكنه حضر متا خرا انا رايت مها عندما نزلت من مكتب جو تبكي ولم يكن معها احد ووقفت عند البوابه ولم اشاء الاقتراب منها لاني لااحب التدخل في شوؤن الغير وبعد برهه اتي فهد وساعدها على الجلوس وجلس معها ولكنها لم تعره اهتماما وكانت متعبه هدى : لم يكن معها منذ البدايه ؟؟ انجلينا : لا وعندما خرج الاستاذ جو راها تبكي ارسل فهد وكلمها بغضب وحاولت ضربه هدي:هيييه !!!! انجلينا : لكنه امسك يدها وكان يكلمها بحده وذهب ثم اتيتم انتم هدى بغضب : يعني جين تكذب انجلينا: ماذا قالت ؟؟ قالت هدى الكلام اللي قالته جين لانجلينا انجلينا باندهاش : لما قالت هذا انها تكذب فقد كان فهد يجلس مع مها امام الجميع وايضا لم يتكلما فقد كانت تبكي هدي : عن اذنك انجلينا انجلينا ترف اكتافها بستغراب : باي!! في مكتب يوسف على باب مكتب يوسف قرعات متردده يوسف: ادخل تردد من الطارق يوسف بصوت مرتفع : ادخل يفتح الباب بتردد وتطل براسها يوسف : ادخلي هدي : صباح الخير استاذ يوسف : تفضيلي صباح الخير ماذا تريدين هدي تتكلم بالعربي بتردد هي عارفه انه فاهمها لكن كنها مسويه شي غلط: استاذ انا يايه ... يوسف : هاا ياهدى هدى : استاذ انا اسفه على كل اللي طاف اولا .. وثانيا ..ابيك تخف على مها لانها انسانه حساسه ولاهي قد انك تتحداها لانها خسرانه خسرانه يوسف : هى اللي ارسلتك؟؟ هدي : اقسم بالله ولاتدري يوسف : اخبرك تدرسين ادارة اعمال ماهو حقوق هدى : بس حرام انت حاط عليها يوسف : انا ياهدى هذا من اولها دفاعك هجوم هدى ( وهي تحاول تعرف الموقف اللي صار امس) : لكن كلامك لها قاسي امس ولا ينطبق عليها ابد اصلن مها... يوسف : دلوعه وعنيده وشايفه حالها هي صحيح حل و؟؟؟(يتنحنح ) اقصد شاطره بس احترام الاخرين شي مهم وخصوصا لما يكون استاذ او اب او اكبر منا عموما هدي: صدقني هي متربيه عدل ومحترمه يوسف يقاطعها : على العموم اعجبني حبك لها ودفاعك عنها لكن من الواجب الانسان لما يكون ندمان يجي يعتذر هو ماهو يبعث سفير المسائل ماهي محتاجه وانا قابل اعتذارك عن نفسك بس. .. لكن هي هدى تقاطعه : اصلن انا يايه علشانها اهي اولا يوسف : هدى انا مشغول وايد على قولتكم ابغى اكمل اللي بديت فيه وصدقيني وقوليلها انا عندى اللي اهم منها بكثير ولا اشكلت علي شي اوكيه هدى :استاذ الله يخليك افهم اهي ما تدري اني يايه حتي اهي غايبه اليوم يوسف ( بخباثه ) : طيب طيب وصل اللي تبين تقولين ما تشوف شر هدى : انت فهمت غلط يوسف : تفضلي ياانسه انني مشغول ((بالانجليزي )) اطلعت هدى وهي تقول في نفسها ( من عذر مها تكرهك الله ياخذك ) في بيت ابوعادل بعد اربع ايام سلمى : بابا .... بابا طلع ابو عادل من مكتبه على صوت سلمى اللي كانت تنادي من فوق : وش فيه سلمى : ناظر بنتك ماهي براضيه تاكل ولا تاخذ الدوا.. انتهت .. وجدتي اتعبت معها طلع ابوعادل لفوق وتكمل سلمى : بابا ما نزلت حرارتها للحين ابو عادل : اعوذ بالله منك يابليس ما تبغى تكبر هالمها وصل ابوعادل لغرفة مها اللي اول ما شافت ابوها غطت راسها وهي تبتسم قرب منها وكشف غطاها عن راسها وجلس جنبها بالسرير ولمس جبينها وقال:انت للحين حرارتك مرتفعة ليه انت عنيده مها : بابا ماحب الدواء ابو عادل : مهاااااا تبغين تزعليني منك .. ترى مايصير كل يوم والثاني وانا واقف على راسك علشان تكلين اوتاخذين دواك انت كبرتي مايصير كذا مها : بابا الالفلونزا تاخذ وقتها وتروح مهو بالازم الدوا ابو عادل : يالله يالله بلا دلع وشربي الدواء مها تاخذ الدواء غصب : يخ وتشرب كوب المويه كله علشان يروح طعمه من فمها ابو عادل : ههههههههه تذكريني لما كان عندك ست سنين كنت تسوين كذا بعد يقوم ويسلم علي راسها وخدودها : ها بابا تاكلين ولا اجلس ااكلك مها :لا مايحتاج باأكل الجدة : شوف وانا من الصبح مقابلتك واترجاك ولا طعتي ... خلاص زعلت ابوعادل : هههههههههه ياويلك زعلتي امي مها : ما عاش (تكح ) من يزعلك يالغاليه الجدة : ايه ايه طابت علومك مها : انا علشان خاطرك ابغى اكل كل الاكل هذا الجده : اشوف ... انا ابغي اروح انام وتعلمني سلمى الصبح ان ما اكلتي مها : تصبحين على خير يالغلا حست مها بالدفء العائلي اللي نساها شوي الجامعه ويوسف وطاريه اكلت مها وكانت سلمى تراقبها بحنان سلمى : على فكره امل صاحبتك اتصلت على البيت وسالت عنك مها قلبها دق بقوه لما اسمعت اسم امل وتغير لون وجهها ماتبغي حتى ذكري شي في الجامعه سلمى : وش فيك مها تغير لونك كذا مها تسرع بالاكل : وش فيني مافيني شي سلمي : مادري بس حسيت لونك تغير مها وهي مرتبكه : يمكن ( تكح ) من التعب سلمي : يمكن .... وتسكت شوي .. مها مها : همم سلمي: تعرفين ماهو اسلوبي اضغط عليك علشان تقولين لي شى بس ترا انا اختك واكبر منك اذا فيه شي ممكن افيدك مها : حياتي سلمى صبعا لكن اقسم لك ما في شي سلمى : مها مااخبرك تكذبين مها : واكذب ليه سلمي : على العموم مثل ماقلت لك .. انا الحين ابغي انام وفكري باللي قلت لك كويس مها : انشا الله ان شالله سلمى : تصبحين على خير مها : وانت من اهله صكت الباب سلمى اول ماطلعت مها : اووووووووووف الله لايسامحك يايوسف حتى الكذب تعلمته من عرفتك اليوم الخامس من غياب مها بعد محاضرة يوسف كانت امل آخر من خرج من القاعه وقبل توصل للباب يوسف : انسه امل لفت امل بجسمها كله : نعم يوسف : كيف حالك امل باستغراب : بخير يوسف بتردد: اين مها لماذا لا اراها معك امل : لا اعلم عنها شى لا ترد على اتصالتي .... ولكن لماذا تسأل يوسف : لا شي ولكنها طالبه مجتهده والغياب يؤثر على مستواها امل بخبث : مستواها يوسف بحزم : ماذا تقصدين امل : لاشي طلع يوسف من القاعه وترك امل اللي بسرعه طلعت تلفونها امل : يووو تلفوني للحين صامت .. خليني اشوف المكالمات اللي فاتت لقت مكالمات لمها ورساله منها (( عندما تستيقظين من النوم كلميني)) دقت علي معا على طول : مها بصوت نعسان : الو امل : صباح الخير ياكسلانه مها : هلا والله امل .. وينك امس دقيت عليك امل : الحمد لله على السلامه اولا ... ولهت عليج وايد ثانيا .. وكنت نايمه ثالثا مها :ههههههههههههههه..طيب كيف حالك امل : تمام انت وين هالغياب مها : تعبانه والله يا امل المهم اخباركم؟؟؟ ....و وين الخاينه هدى ما لقيت الا اتصالاتك امل برتباك : والله مادري المهم في شي صار يهمك مها : عن هدى ؟؟ امل : لا عن يوسف مها : مات امل : ههههههههههه حرام عليك لا لا سال عنك مها قلبها قام يدق بسرعة وارتجفت : وش يبي مني ذا امل : هههههههههههههههههه يقول الغياب ياثر على مستواك مها : لا والله .. السخيف .. بس خليه يولي عطيني هدى امل : هدى ..ها مها : وش فيك أي هدى .. امل : صراحة مدري وش اقولج مها بسرعة وخوف : امل هدى فيها شي امل : هديئ اعصابج تراها ماتستاهل منج جذي مها بنفس اللوعه : امل هدى وينها امل : انا ما اكلمها من اسبوع مها : ليه وش صاير؟؟ وقالت لها امل على اللي صار من هدى وموقفها من كلام جين مها : اووووف خوفتيني عليها احسب صار لها شي امل : يعني مر عليك الكلام وما اثر مها : انا عاذرتها تدرين وش كثر هي تحب فهيدان .. وجين كنها تدري جت على الوتر تدرين لو قايلتلها جين الكلام ذاك وجايبه سيرت أي واحد الا فهد كان هدى اكلتها تبن امل تقاطعها : لالا موعذر حبيبتي اهي تعرفج زين وتعرف التبنه جين وش حقه تصدق مها : اقول مو على هدى انا ماارضي امل : الحين وانا زعلانه علشانج جذي ردج يالخبله مها : انت ماتعرفين هدي وحبها لفهد امل : ياحياتي يامها والله الجامع من غيرج ولا شي مها : يو كل الناس تقول نفس الكلام مدري وش اسوي ياربي امل : امش يالغرور مها : هههههههههههههه باي الحين اشوفك بكره موووووووه امل : باي يالمغروره هههههههه ............................................ قررت مها ان تنسي وتبدا من جديد وماراح تحط نفسها في مواجهه مع هذا الشخص الكريه تبغى ترجع تضحك من قلبها كفايه اللي صار لها في الكم يوم اللي فاتت لما حطت نفسها في مواجهه معه ومن جهه ثايه شيطان فكرها يقول (( وين التحدي والعبره في من يضحك اخرا نسيتي ))هزت راسها بقوه كنها تلغى هذى الافكار تقول لنفسها انا ماصدقت بابا يرضى اصلن لما يعرف بيزعل وترجع لها لافكار الشيطانيه (( اصلن انت جبانه )) مها : اوووووف اقوم اخذ شور احسن البست تنوره سودا تحت ركبتها وبلوزه بيج باكمام قصيره ورفعت شعره بشكل مرتب وحطة مسكار وقلوس وبلشر مشمشى وحطة العطر المميز لها وطلعت وعند شقة امل وهدى امل : صباح الخير ( سلمت عليها ) الحمد لله على السلامه مها : الله يسلمك كيف حالك ؟\ امل : تمام .. حبيبتي مشتاقه لج حيل .. صراحه الجامعه مالها طعم بدونج مها : تسلمي ياعمري امل : يالله امشي ليه واقفه مها : ليه وهدى ؟؟ امل : لا لا طلعت امبجر مها : وراه .. (ليه) امل : مادري عنها مها : للحين ماتكلمون مع بعض الله يهداكم وصلوا للجامعة وكانت مها عيونها تدور تدور هدى ولا لقتها امل : هيه ... انت المحاضره مها ارتبكت وبان عليها انها ماودها تحضر هالمحاضره امل : انطنش؟؟ مها : لا وليه ويمكن انشوف هدى هناك وصلو القاعة وشافوا هدى قاعده لوحدها وأول ما شافتهم ابعدت وجهها الجهه الثانيه لكن مها جلست بجنبها مها تدفعها بكتفها : ما في هلا ولا مرحبا ولا الحمدلله على السلامه ولا اشتقنا مثلا هدى : ......................... مها وهي تلف وجه هدي عليها : السلام لله تبتسم هدى غصب .. مها طيوبه وتحب صديقاتها لانها تعدهم مثل خواتها واكثر قامت هدى وسلمت عليها وقالت لهابصوت واطي: امل قالت لج شي مها تهز راسها وتغمض بعيونها: كل شي هدي: هييييييييييييه دخل الاستاذ جوزيف حط الاوراق اللي بيده علي الطاوله اللي خاصه فيه رفع راسه وقال : صباح الخير اصوات متفرقه منخفضه : صباح الخير جت عيونها بعيونه وابتسم ابتسامه فيها سخريه طول المحاضره مها على اعصابها وكانت تلهي نفسها بالكتابه ولا ارفعت عينها له وكانت تردد بينها وبين نفسها ((انا جايه ادرس)) مرات ودها تطلع من القاعه ومرات تقول لنفسها لا يابنت خلك قويه لكن الاحساس الاقوى انها ماهي طايقه تسمع صوته اما هو فكان ينتهز كل فرصه ينشغل فيها الطلبه عنه ويسترق بعض اللحظات علشان يتامل هذا الحسن الرباني اللي كان يجبره رغم انه مايحب هالتصرفات انه يدقق في ملامحها الي ان حفظها ودايم مايدري وش سبب هالشعور وصوت في داخله يقول (اكره دلعك وعنادك لكن شي غصب عني يخليني ادورك وابي اشوفك ..ايش هو؟؟ حب .. ؟؟؟؟ لا لا وانا فاضي لكذا ايش ؟؟ ايش ) كان يشرح وده يسمع صوته بنفس الاحساس اللي ماهو عارف يفسره قام يسال الطالبه والطالبات عن المحاضره وكان نصيبها سؤال ارفعت عيونها وجت بعيونه حس انه مشتاق لها مررررره وكان صوتها يشعل هالاحساس فيه ولا انتبه اذا كان اجابتها صح او لا ولسان حاله يقول (( وبعدين يايوسف)) انتبه لما انتهت من الاجابه قالها : اجلسي شكرا انتهت اطول محاضره مرت على مها واقصر محاضره مرت على يوسف حس ان ما وده تنتهي اطلعت مها بسرعه وهي تسحب هدى وقفت هي وياها قريب من القاعه مها : الحين تقولين لي ليه زعلانه هدي : مافي شي مها : الله هدي : مها انا اسفه قرب يوسف منهم واول ماشافته هدى سكتت وقامت تناظره مها لاشعوريا التفتت علشان تشوف اللي شغل هدي وسكتها اول ما شافته صار قريب منهم سكتت ولفت وجهها باتجاهه يوسف : انسه مها مها : .......... يوسف : من فضلك ابلغي والدك انني اريد مقابلته مها وهي متفاجاءه: والدي وماذا تريد منه يوسف ببرود : لايعنيك ابلغيه فقط مها بغضب وتكلمت بالعربي: انا ما ادخل بابا في السخافات اللي تحصل لي يوسف يرفع حواجبه بخبث : وهل انت خائفه مها : هه مسكين هدى ترقع الموقف : مو مسألت خوف بس مافي داعي يوسف : اريده في شي خاص بي مها : خاص!!!! ناظرت فيه من فوق الي تحت وبعدين اخذت ورقه من دفترها وكتبت فيها رقم جوال ابوها واسمه : رتب امورك لوحدك انا لاشأن لي يوسف يقرا بصوت مرتفع : عبدالله الجاسر .... اممم شكرا مشت مها مع هدي وهو واقف بدون لا ترد عليه هدى : وش يبي في ابوج مها : انت وش اخبارك >>>> تغير الموضوع هدي : اتهقين بيخطبج !! مها ضربت هدى بالكتاب : استغفر الله هدي : اتهقين يبي وظيفه ؟؟؟ ههههههه مها : وين امل .. ابي اروح هذي ماينسولف معها هدي بسرعه احضنت مها : مها سامحتيني مها وهي تشد شعرهدي: اكيد يالخبله هدى : يالله نراضي امل انا وايد مشتاقه لها مها: يالله هدي : بعد علشان تقول توقعاتهاعن جو هههههههههههه مها: هذي كيف اتفاهم معاها ههههههههههههههههههههههه كان منظرهم فرحانيين ببعض ويحبون بعض حيل زهذا الشي سبب لتقرب الكثير لهم اتمني تشدكم الاحداث لانتظار البارت القادم | ||||
|
| |
|
11-03-12, 05:19 AM
| #17 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته بارت رائع رغم إن الأحداث مازالت في بدايتها أمل وهدى ومها أعجبتني الصداقه اللي بينهن هدى رغم موقفها الأخير والشك في مها إلا إنها حاولت تساعدها وتكلم يوسف أمل حبها لمها خلاها واثقه فيها وما تشك فيها وفي أخلاقها ولأنها عارفه صديقتها من حلال عشرتها معها لكن هدى عمتها الغيره مها طيبه ومتسامحه وحبها لصديقتها خلاها تسامحها على شكها في أخلاقها وطيب إنها شالت فكرة الإنتقام من يوسف من راسها فهد أكرهه إستغلالي وأظن إنه مستعد يسوي أي شيء لو ضر غيره مادام فيه مصلحه له الله يستر على مها منه خالد &سلمى سلمى مثل مها طيبه وعلى نياتها ويمكن تضحي بساعدتها في سبيل إنها ماتبعد عن أهلها أما خالد ما أدري ليش ما إرتحت له عندى إحساس إنه يضحك على سلمى ويأخذها على قد عقلها لما يتزوجها ويحطها قدام الأمر الواقع هوحتى لما سألته هل راح يبقى هنا مارد عليها وضيع الموضوع يوسف ماهو السر ورى طلبه مقابلة أبو مها هل هو لما عرف من مها عن أبوها ومكتبته حب يسأله عن الكتب اللي دور عليها ومالقاها أو حاب يستفيد منه في مجال تخصصه لأنه قال لمها شيء خاص به واضح حبه لمها اللي ما هو معترف به لأنه أخذ فكره غلط عن مها أحمد & أم يوسف ضحية الأهل اللي أجبروهم على الزواج لكن أحمد ماعجبني لأنه أناني وإستغلالي لو يعرف يوسف عن معاملته لأمه راح يكرهه بدل مايحترمه الجده & وأبو عادل عايشينا لغربه مجبرين هل يجي يوم ويرجعون للوطن والا راح يعيشوا طول عمرهم في الغربه زيزفونه منتظرينك يالغاليه | ||||||||
|
| |
|
11-03-12, 03:03 PM
| #18 | ||||
| نجم روايتي
| ي هلا بزيزفونتي ... الفصلين مررررة ممتع وكثير احداث شوقتنا للفصول الجاية تعجبني صداقة مها وأمل وهدى لبعض ربي لايفرقكم يوسف ... اتصاله لابو عادل هل هو للتعارف اكثر حتى يتقلاب من عائلة مها أو بباله شيء ثاني مو عارفين وهل هو يعرف بموت ابوه ومن اللي قتله والا لاء؟؟ خالد وسلمى ... شخصيتين عمليين بحياتهم وعايشين الحياة بالطول وبعرض لكن ارتباطهم ببعض خلاهم رومانسيين حييييل ويتصادمون ببعض أفكارهم مع بعض ومافكرو من اللي راح يتنازل هل راح يستمر خالد بالعيش بأمريكا أم سلمى توافق العيش بالسعودية ؟؟؟ كل الشكر لك على تواصلك يالغالية منتظرينك الليلة .. | ||||
|
| |
|
11-03-12, 08:24 PM
| #19 | |||||||||||
| نجم روايتي  
|  اقتباس:
السلام عليكم ورحمة الله وبركاته الله يرحم الكاتبه وزوجهاا ويغفر لهم يااااارب .... نفس أحساسي لمن كنت أقراء رواية تحفة فنيه الثانيه ونفس الحماس والأنتظار مع الكاتبه .. وفاجعة خبر موتهااا كانت أكبر من حدود الأستعاب الله يرحم جميع مووتى المسلمين والمسلمااات ياارب أهلين وردة ...  شدني ردك هذاا جداٌ ووحمسني ع الرواية كثير  أن شاء الله لي عووودة   | |||||||||||
|
| |
|
11-03-12, 09:05 PM
| #20 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
فتوما جد تفاعلك يسعدني ويحمسني هذا والاحداث الحقيقية ماابتدت ......واعتقد الجاي راح يفاجئك كثير | |||||
|
| |
|
| أدوات الموضوع | |
| انواع عرض الموضوع | |
|
|
7Likes
.png)
العرض العادي
