رواية انت قدري / للكاتبة لولة الحلوة ، مكتملة

[وردة الزيزفون]

صباح الخير ال روايتي الكرام .......اليوم جبت لكم رواية سعودية كنت متابعتها مع كاتبتها ...رواية جميلة جدا تحمل الكثير الاحداث والمواجع ...لكن العبرة في النهاية وان شاء الله راح تعجبكم ... هالرواية لها معزة كبيرة بقلبي لانو بعد انتهاء الكاتبة منها نزل خبر في نفس الاسبوع انو الكاتبة تعرضت لحادث وتوفت مع زوجها الله يرحمهم ويجعل مثواهم الجنة ... اتمنى التفاعل معاي فيها ولاتبخلون علي بردودكم الحلوة



[أنت قدري))
أعزائي رواد منتداي المفضل.....
أضع بين أيديكم روايتي الأولى ..... وأنا أثق كل الثقة إني سوف أجد فيكم القارئ والناقد والمتفاعل مع أحداثها
فلا تبخلوا على بالردود



عندما تعصف بنا رياح الواقع لنسقط على صخور الأحقاد وتبنى من حولنا أسوار شائكة من شر لا يمكن الخروج منا إلا بزلزال لحب يجعل الأرض التي بنيت عليها تبتلعها وتنبت بدلا منها زهور الود الوردية تكون ((أنت قدري))


رواية اختلطت بها مشاعر لإنسانه وجدت نفسها تدفع ثمنا لماضي ليس لها منه شيء سوي اسمها وعائلة لا تعرفها....
روايتي لا تشبه الواقع إلا بحب يشبه بعضة في كل مكان وزمان منذ ولادة الإنسان ...ووجود المشاعر
.
.
.
.
.
.
.
صبية في غاية الجمال ذات شعر اسود طويل ناعم به لمعة توحي بحياته ورونقه ...عيون واسعة ورموش طويلة دقيقة الأنف مكتظة الشفتين عمرها 21 سنه في السنة الثالثة في جامعة واشنطن قسم إدارة الأعمال تسكن مع والدها المهاجر قبل ولادتها إلي الولايات المتحدة الأمريكية ...
وفي بيت العائلة يكن معها جدتها مريم والدة أبوها أختها الكبرى سلمى27 سنه وأخوها عادل 19سنه
أما والدتها فقد توفت أثناء ولدتها لأخر العنقووود عادل
ولوجود الجدة في البيت الأسرة تحافظ علي اللغة العربية واللهجة السعودية وممنوع منعا باتا أي كلمه باللغة الانجليزية.............
علشان الجدة تفهم........


في صالة الأكل لفيلا عبد الله التاجر ورجل الأعمال الذي بني نفسه بنفسه من الصفر
الجدة :وين مستعجل افطر ياوليدي تقل ملحوق يا دافع البلا
عادل: ابي الحق ع الكلية يا الغالية أنا تأخرت
الجد: طيب كاسة حليب ما هي بمأخرتك تعوذ من إبليس وقعد
عادل : علشان خاطرك هااا (وشرب الحليب بسرعة) أح أح أكلت فمي الله يهداك ياجدة ما قلتي حاره
الجد: تركد الدنيا ما هي طايرة
ابو عادل : اتركيه يمه هذا إذا ترك طبعة يموت ....دايم ينام إلي أخر الوقت بعدين يروح يسابق زوله مدري متى يتعدل ويعرف قيمة الوقت
عادل: يالله مع السلامة ......... ولا تحشون فيني
الجدة: ولد !!! هههههههههههههههه
أبو عادل : فمان الله يبه ....( بصوت عالي ) لا تسرع خل بالك من الطريق
أنزلت مها من فوق وهي تربط شعرها على فوق وما مرت على السفرة وبنظره عابرة قالت : صباح الخير ياحبي ( ترسل بوسة لهم )
ابو عادل : وشفيك انتي بعد تعالي افطري
مها وهي مستعجلة : بالجامعة ... بالجامعة ... مع السلامة تأخرت
ركبت سيارتها .. ومرت أخذت صديقاتها...هدى (الكويتية ) و أمل ( البحرينية)
مغتربات للدراسة
مها تحب العرب وتحس بالانتماء لهم غير صديقاتها الأجنبيات اللي كلامها معهم قليل جدا لدرجة ان اللي ما يعرفها ما يظن انها من ولادتها موجودة في أمريكا وما شافت السعودية ولا مره

أمل: طافكم امس مستر جو تخانق مع جون وطرده برى المحاضره
هدى : ويييي ليتني بقيت ودي اشوف جوزيفووووه يتهزأ
أمل : حلمي.. حبيبتي ألا اهو اللي مسح بكرامة جون القاع ولا هز له اشعره
مها: وجون قعد ساكت معقوله ماقال شيء
امل: امبلا ...بس قوة شخصية جو وصوته العالي خلا جون ينجب ولا كلمه وطلع مثل الكلب
يمااااااااااااااااه انا بمكاني مت
مها: والله مدري على وش جوزيفوووه شايف نفسه
هدى: لو اني بمكان جون هي خاربه خاربه بالكتاب اصكه على خشمه اكسره له ..ولا مسخرة الطلبة وعقاب الكلية علي بلاش
مها : يا كررررهي .... كله استاذ ماجستير وشايف نفسه يحسب نفسة دكتور هو ونظارته كنه ارجوز
أمل : والله انه محترم مدري ليش تكرهونه
هدى : أمانه... وتسألين اشو جربي ماتعرفين سؤال من أسألته السخيفة وشوفي ليش اكرهه
أمل: عاد أنتي يا مها شاطره ومو سبب تكرهينه علشانه
مها : شايف نفسه مغروور على ايش مدري
أمل : بالعكس عاد مهتم فيج (وتنط هدى )
هدى : وكلا يطالعج ........... ويسأل عنج ........ وير أز مها ... وير أز مها ......ههههههههههه
مها : زين .. زين ....... انزلوا وصلنا لا يقول قيراوت مها
الجميع :هههههههههههههههههههههههه� �ههههههه

في البيت
عبد الله : ها يمه توصين على شيء
الجدة : سلامتك يمه ........ ماتشوف شر
سلم على راسها وطلع
الجدة قعدت تستغفر ربها وهي تفكر وتقول في قرارة نفسها ... آه يا أمريكا كلك ماتعوضين قلبي عن بيتي الشعبي اللي بقريتي...... يالله خمس وعشرين سنه مرت ... ولا شميت ريحة ترابك ...ولا شفت وجه من اوجيه اهلي .. ما غير هالوجيه الباردة اللي ماهم العوض بناسي وأهلي بس الله يجازيك يا أحمد يوم انك .. ( وتنقطع افكارها بصوت سلمى بنت ولدها الكبيره )
سلمى :صباح الخير يا وجه الخير
الجده : هلا يمه متى جيتى هنا .. ماشفتك
سلمى : من وقت وانا هنا بس انتي ماانتي هنا
الجدة ( بحزن) : لا تواخذيني ياوليدي
سلمى (بخبث) : وانتي وش تفكرين فية ؟؟؟ وين سرحانة عسى ماهو مع سمث شايب جيرانا ههههههههه
الجده (وهي تحرك عصاها لتخويف سلمى ): بنت!!!
سلمى : ههههههههههه والله ياجدووده اللي يشوفك يقول عاشقه
الجده : اقول ترى اقوم عليك .. واخلى خالد مايشوف منك الا زراق ..مار احترمي نفسك
سلمى : لالا خلاص تعوذي من بليس ( وهي تمسك طرف العصا المرفوع )
الجدة: أعوذ بالله منك يا إبليس .... اقعدي افطري
سلمى : طبعا ابي اقعد كني امس ماني متعشية
الجدة : زين سمي ... بس
سلمى (وهي تمد يدها تبتاكل ): وين ربعك ؟؟
الجدة : اليوم صاحية رايقة .. وشو ربعي بعد
سلمى : هههههههههههههه اقصد ابوي وعادل ومهوش
الجدة: اهاااا راحوا دواماتهم .... الا انتي ماعندك دوام ؟؟؟
سلمى : اقوم ... يعني ماافطر
الجدة: لا... اقعدي انا بس اسعلك ( اسألك )
سلمى : يوووووو جدوووده ولا كنها عاشت بامريكا 25 سنه قولي (أي اسك يوي)
الجدة: ايه .. ايه ماعندك دوام ولا اخليهم يسوون لنا قهوه وتغثيني وتقهوين معى
سلمى : بعد...أغثك ماهو أونسك واسولف عليك واقصدلك امدحي شوي والا والله العظيم اطلع لي شغل من تحت الارض واروح
الجدة: تدرين ياسلمى ان ونستي بالدنيا انتم ياوليدي ..( قامت الجده واقفة وعيون سلمى اتابعها ) اجل ابي اقولهم يسوون لنا قهوه بعد ما تفطرين مشان (علشان) تقرين لي من هالقصيد اللي يرد الروح
سلمى : من اعيوني ...ياعيوني بس افطر اصير لك قصيده
الجدة : ياقصيدة عمري انت
سلمى :هه كذا الكلام لاتخليني اصير شاعرة الحين
الجدة : هههههههههههههههههههه لا لا ما يحتاج بس افطري وقري لي ولا انتم ياقوم يس ونو وش فهمكم بالشعر
سلمى : ردينا يامريم ترى اهون




في الجامعة
دخلن البنات القاعة .. مع باقي زملائهم ينتظرون الأستاذ جوزيف دخل طالب اسمه سام ... ونادى مها خارج القاعة ...... مها أول ما شافته غطت وجهها بأيدها وضحكت وقالت : اووووه نسيت كتاب الخبل هذا وش اقول
هدى: خليه يولي يامعوده الحين ايي اليني الناثي وينسيك نفسك
مها : مااقدر اطنشه ابي اطلع اتفاهم معاه قبل يجي جوزيفوووه
أمل : لا تتأخرين ترى هذاك ماينقال عنه
مها : لا بدري
طلعت مها وباقي على المحاضرة خمس دقايق
(أعزائي القراء الكلام مترجم باللغة العربية الفصحى )
سام : اهلا ميمي
مها : مرحبا سام
سام : اين انت لم ارك منذ اسبوع
مها: انا لا انني لم اتغيب يوم واحد
سام : على العموم اريد الكتاب الذي بحوزتك إذا كنت قد انتهيتي من قراءته
مها : أسفه نسيته اليوم ولكن سأحضره غدا
سام : ولكن لا تنسيه غدا
مها : اوكيه حبي
سام (الابتسامة تملا وجهه) : انا حبيبك هههههههه اذا متى نتزوج يا جميلة
في هذة اللحظة مر الأستاذ جوزيف الي القاعة .. وشافته مها
مها( وهي منشغلة بدخول الأستاذ وما تدري وش تقول) تبلع ريقها وتقول: بعد المحاضرة يا سام قد دخل الآن الأستاذ
سام (بصوت عالي): بعد المحاضرة إما الكتاب أو الزواج ههههههههههههه


استاذ جوزيف : صباح الخير
الجميع : صباح الخير أستاذ (بأصوات منخفضة ومتفرقة )
دخلت مها في هذه اللحظة
مها: ممكن ان ادخل
الاستاذ جوزيف :لا
مها : ولكن انا جئت قبل مجيأك حتي انظر هذه اغرضي على الكرسي وخرجت لشأن ما!!
استاذ جوزيف : لا ابقي في الخارج لما هو اهم ... فموعد زواجك اهم من المحاضره
الجميع:هههههههههههههههههه� �
مها ( وعيونها مليانه غضب ) :احترم نفسك!!!!
استاذ جوزيف ( بغضب): ابقي على احترامك واخرجي
مها (للحين محرجة من زملائها وبقمة زعلها) : أنت سخيف
استاذ جوزيف وبصوته العميق اللي يدل على رجوله مفعمه وبرود وغيرمبالاه بغضب مها:لا تتكلمي بهذه الطريقة ياانسة وإلا تحضري ايا من محاضرتي بعد اليوم
مها : ومن قال لك اني سوف احضر ( وبالعربي قالت: هه مسكين ) على فكره هذي لزمه عند مها
التفت الاستاذ جوزيف لباقي الطلبه اللي بدى الهمس بينهم والتعليقات من تحت لتحت وقال بصوت عالي : من اراد منكم ان يتبعها فاليتفضل ( واشر بيده على الباب)
قامت هدى وأمل على طول وطلعواا برى
هدى : وايضا نحن لن نحضر محاضراتك


في الممر بالجامعة


مها تبكي بحرقة
هدى : افا عليج الحين ليش تيجين خليه يولي يامعوده انسي السالفه
امل: مهوش والله ماعندج سالفه تراه اهو اللي اكل تبن
مها: هه هه ( تشاهق ) ماهمني هو هه هه بس تفشلت قدام الكلاس
هدى : حلفى والله اهو اللي تفشل وطاح ويهه بعد يالله يالله فكيها
أمل : يا لله عاد لا تقلبينها ادراما نبي ننسى خلينا نتونس شوفي حتى إحنا طلعنا ولا راح نحضر محاضراته اليهودي
مها : وانتم وش ذنبكم معاي
هدى: أول شيء انتي مو غلطانة علشان يكون لج ذنب .. وثاني شي الصديج وقت البجي هههههههه
الجميع : ههههههههههههههههههه

سام جاء لما شاف مها وشلتها

أمل شافته من بعيد مقبل عليهم وقالت وهي تلوي بوزها: ياكم الغثيث
التفتو عليه
هدى : كش !!!
سام : مرحبا ياجميلات ( مترجم )
هدى (بالعربي قالت لا هلا ولا مرحبا) وقالت من تحت ضرسها:ههههههه هاي
أمل: مالت على ام(ن) يابتك عساها ماتكثر منكم
مها صدت الجهة الثانية علشان ما يشوف وجهها ويعرف انها بكت
سام: ماذا حدث ميمي؟ لماذا تذهبي بوجهك الجهة الأخرى؟ هل حدث مني ما يغضبك؟
أمل : مها متعبه قليلا تستطيع التحدث إليها مره آخري
هدى: آه سام بخصوص الكتاب انا سأحضره لك غدا هذا وعد مني
سام : لا لا الكتاب ليس مهما الاهم جميلتي هل هي بخير ؟؟
أمل (ياعلك الموت) : انها بخير ولكن متضايقة قليلا
سام : من الذي تجرأ على مضايقتها؟؟
هدى تكلم أمل: يعني لو قلتي له اللي صار مو أحسن ها...... مالت الخبله
أمل : وش أسووي الله يأخذه لزقه
هدى : هيه سام اذهب أنت الآن لدينا بعض الأمور يجب أن نقضيها
سام وكأنه فهم : هااااه اوكيه أتمني أن أراك دائما بخير يا جميلتي
هدى : ويي قطيعة مابغى
في هذى اللحظة مر الاستاذ جوزيف من جنب البنات ولا اهتم او التفت لهم
هدى : مصيبة صابت هالزول
مها: هدى خليه يولي
أمل: اخاف يفهم تراه يني
هدى : يفهم تبن في ويهه ولد الحرم
هنا التفت وعطاها نظره خلتها تغوص بملابسها وحست انه فهم لكنه ماتكلم بس عطاها هالنظره وكمل طريقه
أمل: يمااااااااااااااه والله فهم ... اقسم بالله فهم
هدى : سكتي آنا كليت تبن اقسم بالله بغيت ابجي
مها : يفهم منين اليهودي بس اسكتي انتي وياها
أمل : بيه روحي انت ماشفتي اعيونه جان ماقلتي جذي
هدى : لا يكون عربي وإحنا طايحين له مسبة
مها: ما أعتقد لا شكله يقول لا ولهجته أمريكي أمريكي ..يعني لو من ربعنا كان زلق بحرف بكلمه وانتوا خبره عاد وتلقطونه لا لا عربي مستحييييييييييييييييل
أمل وهدى: يمكن


في البيت
سلمى قاعدة تقهوى مع جدتها وتقرأ لها شعر ( اللي تعلمت قرأت العربي واجادته علشان خاطر جدتها بس)
سلمى ويقول الشاعر :
آه مـن دمع ٍ على خدي سفـح ** من فراق اللي على غيري شحيح
من فراقـه بالحشا قلبـي لفـح ** ساكن ٍ وسط الحشا حبه صحيح
من ربا صنعـا إلى غربـي رفـح ** ما سكن وسط الحشا غيره مليح
ان تعمدت الخطا عنـده صفـح ** خابـر ٍ قلبـي من اسبابه جريح
فـي غباب الحب انا قلبي طفـح ** هايـم ٍ ببحورهـا مـا يستريح
ريـح خلـّي مع هوى الغربي نفح ** مـن جـنان الخلد ريحه فيه ريح

الجدة: ريح..... صح لسانك ولاهان قايلها هذا الكلام اللي يرد الروح احس اني ليا سمعته ارجع ديرتي وسرحت الجدة(ودي ارجع اشم ترابهاقبل لا أموت واندفن هناك مليت من الغربه احس اعظامي جمدت منها ) وبكت

سلمى : جدوودة ... وبعدين معاك كل ماقريت لك هالشعر سويتي كذا ترى والله احرم ومعاد اقرى لك ولا كلمه
( وتقرب لها وتحضنها)
الجدة : خلاص يمه بس انه ماهو بيدي غصب عني
سلمى(ابعدت شوي علشان تشوف وجه جدتها) : اجل خلاص ماعاد نبيه هالشعر ولانجيب طاريه
الجدة: لا ياوليدي انت علشان مولودين هنا مانتم عارفين قيمته هذا هو سلوتي وهذي ياوليدي عبره وتروح (وتمسح دموعها بكفها) وتضحك وتقول بصوت واطي والله اني قويه والا ماصبرت كذا
سلمي :الله لا يحرمني من هالضحكة جدووده
الجدة تلتفت لها منتبهه
سلمى :ابي منك وعد انك ماتبكين قدامي ترى اتحطم
الجده: ما اقدر تتحطمين ولا بكيفك ( وتضحك)
سلمى: اجل ماتشوفين اللي يقرا لك وخليها اعناد ها ( وتبعد عن جدتها وتدير ظهرها)
الجدة: (تضرب ضربات خفيفه على ظهر سلمي لين ناظرتها)وقالت: ماتشوفين شر عندي ابو عادل الله لا يحرمني منه يقرا لي ويهيجن بعد (نوع من انوع الفن الشعبي السعودي)
سلمى : كذا زعلت( مدت بوزها تسوي زعلانه)
الجدة : سلومه ياعمري تدرين مااقدر على زعلك انت الغالية وانا امزح معاك تري انت الخير والبركه
سلمى : (وهى تبوسخدود جدتها ) ياعسى عيني ماتبكيك يالغالية
الجدة : عاد يالله اقري لي يوم انا تراضينا
سلمي وهي تحط يدها على راسها) ياويلييييييييي


بعد الظهر
رجعت مها للبيت ... وكان باين عليها إن نفسيتها ما هي رايقه من اللي صار بالكلية الصبح مها حساسة حيل وكل شي يبين علي وجهها حتى لو أن له فتره إلي أن يتصلح
لقت أبوها وسلمى قاعدين ينتظرونها هي وعادل يوصلون علشان متعودين يتغدون مع بعض يوم الاثنين والخميس لأنهم ما عندهم محاضرات متأخرة في هذي الأيام
مها: السلام عليكم
الجميع : وعليكم السلام
أبو عادل:يالله يبه مها.. بدلي بسرعه على مايوصل عادل ترى انا اليوم ...........(قاطعته مها)
مها: لا بابا تغدوا انتم انا ما ابي حاسه تعبانه
تدخل الجدة اللي كانت تصلي داخل غرفتها : مها وش ماتبين هي ترى كلها يومين اللي نجتمعهم علي الغدا ( تقرب الجدة اللي لاحظت وجه مها وتناظر فيها من قريب )وقالت : مهاااا وشبها اعيونك انتي باكيه
مها بتفاجئ:هه
مها تصد بسرعه عنها: لا ياحياتي وش باكيه ومنهو اللي يتجرا يبكيني اصلا
يقوم ابوها ويلف مها له لكنها تنزل عيونها تحت وقال : مها ناظريني
مها :يوووه انتم وشفيكم انا طبيعيه مافيني شيء بس نعسانه وابي انام علشان كذا يمكن عيوني تعبانه شوي
الجدة: وانا غشيمه عنك لا والله باكيه وباكيه
سلمى : اعترفي تراهم صااادوه ..... صاااااوده
مها : ترى مو وقتك ... وقتك ( بنفس الاسلوب)
ابو عادل: ياجماعة خلوها مصيرها قايله
مها : يالله عن اذنكم ( وطلعت وهي تقول في نفسها وشأقول بابا اني اتهزات وطاح وجهي ... اللي ماني قايلة)
الجدة: بنتي وانا اعرفها فيها شي
سلمى : اقلبتها دراما مريم بنت فرج تان تتتا
الجدة : وجعااا .. اليوم صايره طبينتي
ضحك الجميع ... لكن الجدة بقت مشغوله بحال مها

************************************************** ******
رجع جوزيف الي شقته المتواضعة اللي يشاركه فيها زميله وكان باين عليه انه متضايق

صديق جوزيف : يوسف وش بلاك خشتك مقلوبه



(((يوسف أو جزيف مثل ماكل الطلاب والطالبات يعرفونه بالجامعة هو طالب سعودي في مرحلة الدكتوراه عمره 30 سنه
طويل اسمر وهذا السمار يوحي بأنه يوناني أو ايطالي شارب خفيف شوي عيونه واسعة وهي تميزه مررره لأنه جميله ورموشها كثيفة وطويلة أما حواجبه كثيفة بس مرتبة انفه طويل بجمال شفايفه رقيقة لونها غامق من التدخين ...جسمه رياضي اكتاف عريضة شعره كثيف وناعم الي آخر رقبته
له هيبة في مشيته ولا يبتسم إلا نادرا يتكلم بلهجات عديدة ويجيدها وخصوصا الامريكيه أصدقاءه
خارج الجامعة وماله علاقات داخل الجامعة إلا مع الدكاترة الكبار بحكم الدراسة )))
يوسف: مافيه شئ..
محمد(هو أسم صديق يوسف في الشقة):لالالالاه..صدقتك أنا مره
يوسف : أقول محمد تراني تعبان مالي نفس أتكلم في شئ
محمد:وأنا وش ذنبي منتظرك من اليوم نبي نتغدى ... وجاي شكلك يقطع الخلف
يوسف: تغدى انت انا مالي نفس (يتكلم وهو متجه لغرفته)
محمد: تعال هيييي ياولد .....ولا حياة لمن تنادي وسيتغدي محمد لوحده مره أخرى لعنت الله عليك ياجو
(يطل يوسف براسه من باب الغرفه) يوسف: صحيني الساعة ست
محمد: والله لأخليك نومت أهل الكهف الحين انتظرك والغدى يبرد و آخر حلقه تبي تنام ....شوف اللي بيصحيك عاد .... وش قالوا لك ميري ابوك انا
يوسف : أقول بلا سخافة وأشوف اللي ما يصحيني
محمد : ايه ايه خير انشا الله انت بس نام
يوسف: محميد سوها وشف
(محمدوهو يأكل لحاله ويتحلطم): كل يوم والثاني متهاوش مع هالطلبة المساكين وجاي معصب ...امحق أستاذ


يوسف دخل غرفته وفي سريره قاعد يدخن ويفكر بالموقف .... يكلم نفسه : وش فيه أنا عصبت عل البنت كذا و أنا وش دخلني أ ذا قالت لسام يا حبي وإلا باللي ما قالت أوووووف استغفر الله يا ربي ..... أنا بكره أبي أقولها تدخل المحاضرة و........لا لا وش أقولها تدخل خلها تتأدب أصلن هي دلوعة وسخيفة أووووووووووووووف أقول أنام أحسن علشان الحق أجيب الكتب اللي ناقصة لي ( قال أخر كلمتين وهو يطفى السجاره ويغطي راسه علشان ينام )

( رفع الغطى عن راسه وقال بصوت عالي): محيميد ياويلك إذا ماصحيتني

محمد مازال يأكل يبوس رجل الدجاجة ويحطه هلى راسه : الحمد لله والشكر

لكن يوسف ما قدر ينام كان يتقلب في فراشه للساعة ست المغرب وقام ولبس ولف في المكاتب القريبة من مكانه ولا لقى الكتب اللي يبيها

وما رجع للبيت إلا في ساعة متأخرة .... وكان قد تعشى مع صديق له عازمه

يوسف: مساء الخير
محمد : قول صباح الخير انت عارف الساعة كم الحين ؟؟؟
يوسف : وانت ليه صاحي للحين
محمد :ما جاني نوم يا وليدي لين اتطمن عليك هههههههه موهو أنا على اسم ابوك عاد لازم أعيش الدور
يوسف : تصدق مالقيت الكتب
محمد : تبي تدور بكره بعد
يوسف: والله مادري وين اروح انا دورت تقربيا كل المكتبات
محمد: وش بتسوي الحين
يوسف : ابي الف بكره باقي مكتبتين ثلاث ماجيتها ولو اني متأكد ماني بلاقي لكن على الله




في بيت عبدالله الجاسر

صحت مها في وقت متاخر
انزلت الصاله مالقت احد راحت افتحت التلفزيون وقعدة ... المحت الخادمه ونادتها
إليزا ... إليزا
إليزا: نأم (يعني تتكلم عربي مكسر)
مها : اريد ان ااكل انا جائعة جدا ((مترجم))
إليز :من ايوني مس مها
مها: من ايوني هههههههههه هذى اللي خربتا جدتي
طلعت الجده من غرفتها : انتي صحيتي
مها :هااا جدوده أنت للحين صاحية( وهي تسلم على رأس جدتها) وانا اقول هالنور منين
الجده : اجويعانه يمه
مها : شوي
الجدة : قلتي لهم يسوون لك شى
مها: ايه يا حياتي
تركت الجده مها تأكل وهي تناظرها وتقول في نفسها( ايه يا مهيه والله كبرتي وصرتي تخبين عني مشاكلك وانا اللي ربيتك من انتي بالهاد) وتقطع افكارها مها
مها: جدوووده شاركيني .كولي معاي
الجده : عليك بالعافيه يمه
بعد ما خلصت مها من الاكل قامت الجدة وقربة منها ومسحت على سعرها ... وهي تقول بحنان ها يمه قولي لجدتك حبيبتك وش كان مزعلك اليوم
مها بخجل : والله ياجدووده مافي شي يستاهل
الجدة : عاد ابي اعرف وإلا كبرتي علي
مها : ما عاش اللي يكبر عليك (وحكت لجدتها اللي حصل بالتفصيل)
الجده بأنفعال: وش هذا هو يبي يدرسكم والا يطفشكم والله لاعلم ابوك عليه علشان يأدبه ولد ابليس
مها: اهااا علشان كذا ماكنت ابي اقولك انا مابي بابا يتدخل هذا شي ما يستاهل
الجده : اجل يبكيك وتقولين مايستاهل والله اني معلمه ابوك معلمته
مها: لا ياجدووده تري ازعل عليك وماعاد انا بقايله لك شي... امانه وعديني ماتعلمين بابا
الجدة: خلص
مها:قولي وعد
الجدة:قلت خلص بس شوفي الفلم لا يطوفك

اكتفى بهذا القدر من الاحداث

ابي رايكم بصراحه واذا الاحداث ماعجبتكم اتنمى تبليغي باي طريقة علشان انسحب بكرامتي


اختكم لوله الحلوه

[تماضر]

شـكــ وبارك الله فيك ـــرا لك ... لك مني أجمل تحية .

[عطر انفاسي]

شـكــ وبارك الله فيك ـــرا لك ... لك مني أجمل تحية .

[وردة الزيزفون]

البارت الثاني من انت قدري

مها : جدتي وانشغلت .....جدوده ما ابغي مشاكل
الجدة: ما هنا مشاكل انشا الله
مها: وبابا
الجدة: ماني قايلتلة شئ ......((وفي نفسها تقول بعلمه علشان يربيه))
الجدة مريم ما تتحمل على عيال ولدها أي شئ لأنهم تربوا بحضنها أيتام بدون أم وصارت لهم الأم والجدة والمربية والصديقة علشان كذا تحس فيهم جدا
مها : الحمد لله
في ساعة متأخره من الليل وصل عبدالله((ابوعادل)) بعد عشاء عمل طويل ويوم مرهق دخل البيت وماكان شايف امه اللي جالسه تنتظره وقام يفك الكرافته سمع صوت من ورآه
((ورآك تأخرت كذا))
التفت بسرعة علشان يلقاها أمه اللي ما قدرت تنام من حرتها على الموقف اللي قلته لها بنت ولدها
عبدالله :ها يمه وش مسهرك للحين فيك شئ
الجدة : قول السلام بالأول
عبدالله : السلام عليكم ((ويسلم على رأسها)) بس خرعتيني وشفيك انت حاسة بشئ
الجدة: أنا مابي شئ بس مهيه هي اللي بها
عبدالله: مها وش بها .......وراح يركض على الدرج يبي يشوف مها وش فيها
الجدة : تعال.... تعال انا اعلمك وش بها ياعبيد
عبدالله وهو ينزل يمه البنت بها شي
الجدة : اقعد وانا اسولفلك ...((وقالت اللي قلته لها مها كله ....ووصفت حاله مها لما تفشلت وبالغت بالوصف علشان تثير غضب عبدالله))
كذا ياعبد الله يسوي بنتك والله غير تأدبه وتعلمه قدره اليهودي
عبدالله وهو يتنهد بعمق كأنه انزاح من صدره هم : الله يهداك يالغاليه انا قلت صاير لها شئ كبير
الجده : وشهو ...الله لايهداه اليهودي وشلون مهو شئ كبير اجل ابنيه ايتيمه تفشل وتنطرد كذا وتقول مهوشي كبير افا ياعبيد
عبدالله: يمه علامك حاطه على الرجال من جلست وانتي اليهودي اليهودي يمكن بنتك غلطانه وانت على اولك صدقتيها
الجده:مها ما تكذب وأنت داري ولاتداني اللي يكذب بعد والرجال يهودي ويهودي بعد
عبدالله: من قال
الجدة : انا اقول للي يسوي كذا ما يعرف الاسلام
اجل ما يعرف قصة الاعمي اللي جاء للرسول عليه الصلاة والسلام مشان(علشان) يعلمه وعبس الرسول صلى الله عليه وسلم والاعمى ما شافة قام ربك نزل سوره كامله مشان كذا هذي اخلاق المسلمين ما يعرف هو كذا وبعد مها يتيمه مايخاف الله فيها
عبدالله : ههههههههههههههههههههه وهو منين يعرف أنها يتيمة على قولك وبعدين يايمه مها مهب يتيمة وأنت على رأسها والله لو أمها حيه ماسوت اسواتك سهرانه تأكلين بنفسك وهي نايمه
وصحتك على قدك وبعدين هي تستاهل اجل تتأخر عن المحاضرة وهي ما تعرف الأمريكان عندهم الوقت من ذهب ما هو مثلنا يالعرب كل شئ عادي
الجدة : وهذا اللي قدرت عليه أنا قلت عبيد والله لايسوي ويسوي وصار هذا ردك افاااا حسافة اسهوراني والله اللي مالك سند يا مهيه (( وبكت الجدة))
عبدالله : اويلاه عليك يالغاليه تري الدنيا ماتجي كذا وانا علشان خاطرك اب اروح بكره واتفاهم معاه ((وقام وسلم على راسها))
الجدة : وش تتفاهم معه هذا يبغي من يكسر راسه
يضحك عبدالله من بساطة امه وحبها لعياله:حاضر يالغاليه اكسر راسه ولعن خير خيره
الجدة : اشوف
عبدالله: والحين تصبحين على خير تراني مره تعبان ((وطلع عبد الله لغرفته وبنص الدرج التفت لامه)) : اقول يمه ماتبين تنامين والا تبين تروحين معاي بكره للجامعة تتفاهمين مع الاستاذ بنفسك
الجدة:والله ودي ...بس اقول لاتدري مها تراني حلفت لها مااعلمك
يضحك عبد الله بصوت عالي : وانت قاضبه العلم عاد ولا قلتي لي شي
الجدة تبتسم : اقول رح رح بس نام اظن ماوراك خير
عبدالله : تصبحين على خير
الجدة : منه وأخير




في غرفت مها


الساعة ثلاثة ونص الفجر مها تكتب مذكراتها في دفتر خاص بها
لما جت تكتب الموقف وقفت تتذكر حست انه ظلمها وخلا الطلبة والطالبات تضحك عليها على الرغم إن موقفها ما يستاهل
قالت وهي معصبه : والله لاوريك يا جوزيفوه و ماراح يهدي بالي إلا لما اردلك الصاع صاعين ..اجل أنا مها اللي الكل يحترمها اصير مصخره كذا والله لا خليك تندم
وردت لقلمها تقلبه يمين ويسار بغضب وأخير اكتبت الموقف وبين قوسين كتبت ((العبرة في من يضحك أخيرا)) طبعا الكتابة كانت بالانجليزية لان مها ما تعرف تكتب ولاتقرا عربي هي بس تتكلم عربي ولا حاولت تتعلمه لأنها مو حاسه انها محتاجه له




في الصباح


راح الكل إلي عمله بعد الفطور
وقبل لا يمشي عبد الله أغمزت له أمه قال لها: والله واني مانى ناسي بسوي اللي تبين
سلمى ومها لاحظوا وقاموا يناظرون لبعض سلمى مدت شفتها السفلي وارفعت اكتافها يعني ماأدري
اما مها قلبه قام يدق بسرعه خافت جدتها علمت ابوها بشي وبقت تتنتظر ماطلعت الا اخر وحده
لين فضت الصاله
قالت لجدتها : ها مرايم لا يكون قلتي لولدك شئ عني
الجدة : افااا عليك سرك بير ((( وقالت في نفسها بير(ن) طافح طلع اللى فيه كله ههههههه ))
مها : اشوا طمنتيني خفت قلتي له شي
الجدة : لاااااااه افا عليك (( من أمس العلم عنده))
سلمت مها على راس جدتها وطلعت





في الشركة المصرفية التي تعمل فيا سلمي



عند الباب
السكيورتي: انسه سلمى المدير يريدك حالا
سلمي: ماذا اين هو الان
السكيورتي: في غرفة الاجتماعات
دخلت سلمى على المدير اللي كان معصب مررررررره
سلمي: صباح الخير
المدير : لماذا تأخرتي
سلمي : لم أتأخر انظر إلي ساعتك من فضلك
المدير: هل راجعتي الحسابات لهذا العام
سلمي :توم لم ينتهي منها
المدير وهو يصرخ: ولم لم تراجعيها انت ايتها المهمله لقد اختلس توم مبلغ مليون دولار
سلمى : توم......ولكنه رجل محترم يعمل معنا منذ ثلاث سنوات لم نراى منه شئ لالالا
المدير : وتدافعين عنه ايضا من يدري ربما انت مشتركه معه
سلمي بحزم: ارجوك كن محترم عندما تتحدث الي انا لست بحاجة الي مالك حتى اسرق
لا تنسى ان ابي ثري
المدير بارتباك: أنت مسولة أيضا فأنت قد اهملتي عملك ولم تراجعي حسابات الشركة
سلمى : لا تلقي علي باللوم فأنا أراجع الحسابات عند انتهاء السنة المالية وهو لم يحن إلي الآن
المدير: لا تبرير
سلمي: ولكن أين توم
المدير: هرب الوغد وسأحملك المسؤولية أمام النيابة
سلمي:مستر وليم المراجعات الشهرية ليست مهنتي أنا أراجع عند التغفيل فقط وللمرة الأخيرة أحذرك من إلقاء التهم علي وإلا ستندم............وطلعت من مكتبه زعلانه مررررررره
المدير: لا عذر عندي الكل مسئول



داخل مكتب سلمي


سلمي تتصل بخطيبها خالد
سلمي : ألو خالد ألحقني
خالد: وش فيك ليه صوتك كذا
سلمي :مدري مدري ماني فاهمه شي
خالد: طيب أنت وين
سلمي : بالعمل
خالد : لا تتحركين مسافة الطريق وانا عندك
وبعد نص ساعة سلمى عاشتها بصعوبة ....دخل عليها خالد شاب في الثلاثينات من عمره طويل قمحي اللون يلبس نظاره وله شارب وعوارض شعره اسود وخفيف شوي باين عليه انه إنسان عملي خالد هو مدير واحد من احد فروع اكبر مصانع لصناعة مواد التجميل والفرع الرئيسي وله فروع بالسعودية والدول العربية تعرف على سلمي بعشاء عمل واعجب فيها عرف إنها عربيه من اسمها لكن ماتوقع تكون سعوديه ولما عرف حبها أكثر وهي بادلته نفس الإحساس لأنه إنسان محترم ورقي وذكي
ومن ناحيته هو ما خلى الأمر يطول على طول خطبها ووافقت وصار يتردد على بيتهم كثير لأنه يحس فية انه ما فارق أهله وكأنه في بيتهم


أول ما شافته سلمي تعلقت فية وصارت تبكي
خالد : سلمي وش فيه قولي تراني على أعصابي
سلمي: خالد أنا متهمه بسرقة
خالد: ايش ....... وش ذا الهبال تكلمي عدل
سلمي : أقعدت تقول لخالد كل اللي صار وكانت قاعدة على الكرسي اللي جنب المكتب وخالد مقابلها يسمع باهتمام وبعد مانتهت من الكلام
خالد وهو يمد لها كاس المويه علشان تشرب: أقول اشربي بس وتري الدنيا ما هي فوضه اصلان من الواضح ان وليم من المفاجأة انشل تفكره ويبي أي احد يحمله المسؤولية علشان يطلع هو منها
لكن أنا له
سلمي: وش بتسوي لا يكون بتقول لبابا أنا بخليه أخر حل
خالد : لا إنشالله ما احنا بمحتاجين لعمي الأمر بسيط
بعد ما تدخل خالد وانتهاء التحقيقات اثبتوا إن سلمى بريئة ولا لها دخل بالموضوع واضطر المدير للاعتذار لها أمام الجميع طبعا هذا طلب خالد
لكن بدأت مشكله جديدة



في الجامعة


في نفس اليوم اللي صارت فيه مشكلة سلمى اللي أبو عادل ما دري فيها كان رايح للكلية علشان يقابل جو وقابل عميد الكلية وقاله على شدة الأستاذ جوزيف اللي يتضايقون منها الطلبة وان بنته من المتضررين من هذه الشد اللي مالها داعي في بعض الأوقات طلب العميد جو ليتناقش معه إرضاء لرجل المال والأعمال المعروف
وهم قاعدين يشربون القهوة دخل الأستاذ جو
جوزيف: صباح الخير دكتور لقد طلبتني هل استطيع أن أخدمك
التفت عبد الله للصوت ...و فجاءه تجمعت بعيونه نظرات الدهشة اللي خلته ينطق اسم : محمد!!!!!!
هنا كان العميد يلوم جوزيف على الشدة اللي يعامل فيها الطلبة وخلتهم يشتكون
لكن عبد الله غاص بتقاسيم وجه جوزيف اللي خلته يرجع بذاكرته خمس وعشرين سنه ورى
الي الماضي اللي كان هارب منه من خوفه على أمه وزوجته وبنته الصغيرة سلمى إنهم يفقدونه
سافر بالذاكرة إلي هذاك الموقف
عبدالله ومحمد وسالم عيال عم شباب تتراوح أعمارهم مابين العشرين والخمس والعشرين سنه طالعين رحلة قنص
محمد: الله على الحظ محلا هالصيده يا أبوالعبد
عبدالله :هههههههههههه قول ماشاالله ترى انت مثل امك عينك حاره
محمد : وش لك بأمي اصلا اللي ماعنده عيون يحسدك هب
عبدالله : والله ومات الطير يوم ولد حصه حط عينه عليه
سالم : ولاتنسى عيني معاه هههههههههههههههههه
عبدالله : بل عز الله ماني بخير واتعبي راح بلاش ابو يوسف تكفي قل ماشالله تري العين حق
محمد: شوف وحنا معه من الصبح وهالتعب حتي ضب ماصدنا ههههههههههههههههههههه
عبدالله : هذا اللي يبيني ازعل
محمد :تزعل ولا ما تزعل ياعليك حظ من يوم يومك ما أخط طيرك
سالم:ياشيخ لايقلبها صحيح ويزعل تراه على اجريف انا رايح الم الاغراض ماتبونا نروح لنا ثلاث ايام
عبدالله وهو قاعد يضحك يوجه الشوزن الفاضي لمحمد : يالله قول ماشالله ولا ارميك بمكانك
يسحب لسان الشوزن ورا وتطلع منه طلقه لراس محمد ويطيح بين ايديهم ومن هول الموقف سالم اغمي عليه

العميد: دكتور..دكتور
ابو عادل: هااا نعم (( ويهز راسه كأنه يصحي نفسه ويجيبها من ذاك المكان وعيونه فيا سراب دموع جامده))
العميد: يبدو انك مشغول بأمر ما ولم تنتبه ان الاستاذ جوزيف هنا
عبدالله وعيونه طايره في يوسف وقبل السلام : هل انت عربي
يوسف بثقته المعهوده : لا
عبدالله (بالعربي): مايصير
يوسف: نعم ....ماذا
ابو عادل: سبحان الله....لا ...لا يهم أنا والد الطالبة مها عبدالله واتيت لمناقشة ما حدث منها بالأمس
جوزيف ببرود: إذا كانت قد أرسلتك لتخويفي فأنا لا أخاف من احد ولو كان له معرفة بالرئيس الأمريكي وليس العميد وأنا لم اخطأ فابنتك من لا يلقي اهتماما بالمحاضرات ووقتها وكانت خارج القاعة تمازح احدهم
عبدالله وبصوت منزعج : أنا اعرف ابنتي جيدا وأخلاقها لا يشك بها أيها الأستاذ
جوزيف : لم اقل انها قليلة ادب ولكن كانت المحاضرة آخر اهتماماتها وطلبت اليها ان تكمل مابدأت به وكان اهم
عبدالله وما كان يعرف السالفة بالضبط وكان خايف ان بنته تكون غلطانة فعلان وهو ما يسمح بالغلط وكا متردد بكلامه : لكن لا تحرجها أمام زملائها
جوزيف : وماذا افعل اصفق لها
العميد: جوزيف كان عليك أن تنقضي عن بعض توافه الطلبة وأنت تعرف أنهم في سن يحبون فيه المرح وعدم الالتزام وتبتعد عن الشدة التي ربما تجعل الجميع ينفر منك أنا الآن اطلب إليك إن تسمح لها بدخول باقي محاضراتك
جوزيف: لأجلك فقط
عبدالله :وإذا طلبت إليها الحضور لا تخبرها بحضوري الي هنا لأنها لا تعرف إنني اعلم بالموضوع
ولا أريدها إن تعرف ربما كانت مخطئه على حد قولك فتكررها تحب انني لااسمح بالخطاء
جوزيف أعجبه كلام عبدالله لأنه أول مره يشوف رجل من كبار التجار ويهتم بالعلم ولا يسمح بالخطاء
جوزيف: سأرسل عليها ولن ادعوها بنفسي
وقبل يطلع عبدالله شكر العميد وقال في نفسه وهو يصافح يوسف ((سبحان الله الي ذي الدلرجة يكون الشبه الله يرحمك يا محمد))

الي اللقاء واتمني تشدكم الاحداث وتابعون الباقي

اختكـــــــــــــم
لوله

[جرح الذات]

الله يعطيك الف عافيه زيزفونه ع الروايه المشوقه

والله يرحم الكاتبه ويرزقها الجنه يارب

بانتظارك يالغلا الله لا يحرمنا تميزك الدائم

[lala905]

تأثرت جداً بوفاة الكاتبة وزوجها... أسكنهما الله جنته وان لله وانا اليه راجعون...
أنما بداية جميلة سأتابعها... شكراً وردة الزيزفون

[lostlove_forever]

[type=644317]رواية جميلة جدا واتمنى انك تكمليها واتمنالك التوفيق شـكــ وبارك الله فيك ـــرا لك ... لك مني أجمل تحية . [/type]

[وردة الزيزفون]

صباح الخيرات على الجميع مشكورة على كل الي تواجدو بالرواية واتمنى تعجبكم ..........الاحداث لحد الان ماابتدت لانها بأول البارتات لما ترجع عايلة مها للسعودية بتصير مفاجعات غير متوقعة والاحداث الحقيقية بتكون هناك .... دقايق وينزل البارتات

[وردة الزيزفون]

البارت الثالث
أنت قدري

العميد :جو لماذا كذبت!!!
يوسف(متفاجئ):كذبت في ماذا؟
العميد: عندما سألك الدكتور عبدالله هل أنت عربي قلت له لا
يوسف:ههههه لأنني ببساطة لو قلت له أني عربي لن أتخلص منه سيقول أنت عربي وتعامل ابنتي العربية بهذا الشكل ومن هذا القبيل فأحببت أن اقطع عليه سبل التفاهم بغير لغة العلم والمصلحة التي أريد لأبنته
العميد: كل يوم يزيد إعجابي بك أكثر
يوسف:شكرا ....ولان هل تسمح لي لدي محاضره
العميد: لا شكرا
وطلع يوسف وأرسل طالب لمها يقول لها أن الأستاذ جو سمح لك حضور المحاضرات
مها: سمح لي ...........ليه وش الحكاية
هدى: من صجه هذا لا لا لا أكيد مقلب
أمل : وليش مقلب يمكن صج
مها : كنك ما تعرفين جزيفوووف هو عمره طرد أحد وثاني يوم سمح له يحضر كذا بدون مقدمات
ليه وش صاير بالدنيا هه مسكينة قومي بس نفطر أحسن
أمل : وليش ما نجرب
مها : والله تبين تجربين طيحة الوجه روحي وحتى لو صحيح أنا ما أروح ليه وين كرامتي
هدى : لو صج والله لتحضرين غصبن عن ابوج هذا مستقبل يماما مو لعب وحمدى ربج بعد
مها : مسكينة قولي والله
أمل : أقول أروح أتأكد
هدى :إيه أنت مال طيحة ويه روحي روحي
مها : هي يالخبله ما عليك منها تراه مقلب من ذا البارد (وسحبتها من يدها) تعالي نفطر بس
أمل: قولتج
مها: أي والله امشي بس

في البيت


رجع ابو عادل وصورت يوسف ما بين عيونه ما فارقته
والشبه الشديد اللي بينه وبين محمد ولد عمه
كانت الجدة مريم تنتظر جية عبدالله وهو ما أنتبه لها
الجدة : هيه ولد ............عبد الله
أبو عادل: هلا يمه ما شفتك (وسلم على رأسها)
الجدة : هااا رحت للجامعة
أبو عادل : وتفاهمت مع الأستاذ اقصد تهاوشت معاه وكسرت ادماغه وقال انه ما عاد يعيدها
الجدة: اجل انا عندك ورع يومك تكلمني كذا يالله قل وش صار
يتنهد أبو عادل بعمق: سويت اللى يسرك وقال انه خلاص يخلي مها تحضر محاضراته
الجدة: ويتسامح منها قدام خويتها
أبو عادل : يمااااااااه وش يتسامح منها ترى ان جينا للحق بنتك غلطانة تخلي محاضراتها وتروح تمازح الناس بعد كثر خيره اللي سمح لها تحضر محاضراته
الجدة: ما لها فنه كان تسامح منها
أبو عادل : ويحب راسها بعد ....والله حاله
وترك الصالة وطلع




في مطعم قريب من شركة سلمى

سلمى: يا خالد هذا موضوع منتهين منه
خالد: سلمى كفاية اللي حصل لك اليوم وقبل وبعدين وش أنتي محتاجة من هالوظيفه هذا أبوك من اكبر تجار العالم وان جيتي عندي أنا عندي اللي يستر علينا صحيح انه ما هو مستوى أبوك بس يسترنا إن شاء الله
سلمى : وش هالمفهوم المتخلف ؟؟ أنا عمر الفلوس ما همتني المسألة أكبر من كذا
خالد : وش أكبر يا متحضرة
سلمى : كياني ودراستي كذا تضيع بسهوله لا لا لا
خالد : كيانك ببيتك وتربية عيالك ...وكثير من البنات درسوا وقعدوا في البيت واكتفوا ببيتهم وعيالهم
سلمى: وين ما في احد بأمريكا قاعد وما يشتغل إلا العجايز والطايحين بعد أخاف عادني عجوز وأنا ما ادري
خالد : البنات في السعودية نصهم ما يشتغلون لاه وفي منهم ما عندهم شهادات بعد
سلمى : هيه ...صباح الخير ..ومن قال لك إني أبي أروح للسعودية أو حتى أفكر
خالد : لا والله أخاف بس تبيني أعيش طول عمري هنا مسيرك بتعيشين معاي هناك
سلمى : واترك أهلي وتغرب لا لا مستحيل وليه طيب
خالد : علشاني .......... هذا امطلعتني من الموضوع كلش
سلمى : أنت على عيني وراسي لكن ....
خالد بعصبية ك لكن ايش هي فيه لكن
سلمي انحرجت جدا من الناس اللي حولها وقعدة تتلفت يمين وشمال
خالد : سلمى الظاهر انا اخر شي تفكرين برضاه ........... سكت شوي ........تنهد بعمق وناظر فوق ورد ناظرها ......اسمعي يابنت الناس اذا تفهمين انا يااما الاول بهتمامك أو لا
سلمي ومسكت يده تقصد تقعده : خالد الأمور ما تنحل كذا اقعد انتفاهم
قرب خالد من وجهها وهو مازال واقف : سلمى تحبيني
سلمى : ............................
صك اسنانه على بعض بدون لايفتح فمه واخذ نفس عميق وهز راسه بعدم الرضا : الظاهر كنت غلطان بحساباتي عن أذنك وترك المكان ومشى
سلمى اتبعت زوله بنظراتها وكان التعبير الوحيد اللي جاء منها الصمت والحسره


في الجامعة

البنات بعد الفطور بالكافيتيريا منتهى الونا سه والضحك
فجاءه مها سرحانة ((اصلن هذا الطالب بالذات ما يعرف غير اسمي ليه يوم انه يسوي في مقلب ..يمكن صحيح جوزيف مرسل لي)
هدى : هيييييييييييييييي ........مهااااا وين رحتي
مها : الله يأخذ ذا الوجه كنه صوت رجال ما في انوثه
هدى : انزين يالانثى وين سرحانه لا يكوووون مع النمر ههههههههههههه
مها : نمر بعينك ...حتى بسه ماحصل لا مو فيه جدتي تعبانه واحاتيها على قولك

هنا وصل فهد شاب كويتي
فهد : الحلوين ليش مطنشين المحاضرات
هدى بلقافه لا مطرودين ههههههههه
أمل : لا مطرودين ولا شئ (( وتضرب هدى بالشنطه )) بس قلنا نريح من المحاضرات ملينا من جوها
مها تلتفت لامل وهدى: وليش تبررون له (وتلتفت لفهد) وانت وش عليك
فهد: علي ينيه اسمها مها وعيونها تذبح
مها : فهيدان احترم نفسك ما ني رايقتلك
فهد و هو يشد الكرسي ويجلس : مهوش امانه وش فيكم
هدى : وشدعوه يا حافظ ماكو غير مها بالمكان
فهد : لا وانت وأمل ... بس وش صاير
مها : غريبه يا ربي نجلس هنا
فهد : إيه انتو دوافير ما اخبركم تنحاشون من المحاضرات
أمل : قل أعوذ برب الفلق ( وتكش عليه ) ياخي قلنا لك ملينا مايصير مو بشر
مها : الحين قومو لازم تكون بالمحاضره لانتأخر بعد المبن بعيد
فهد: افااااا كشت
هدى: أنا مو كشت تبي اقعد ترى المحاضرة مو مهمة
شدتها مها : لا مهمه قومي
بالطريق للمحاضرة / مها تكلم هدى : يالخبله أثقلي ما هو طايحه على الولد كذا ترى يملك
هدى : ما اقدر انا من أشوفه أتكهرب والله لو يسألني أي شئ اكر له الاكو والماكو بس انتبهوا وقفوني
أمل : أي فالحة
مها : حبيبتي أصولها انك تثقلين عليه علشان هو اللي يلحقك
وكانت تتكلم وهي ملتفتة لهدى وما انتبهت إلا وهي
اصطدمت بشي عريض وطويل كان صدر يوسف اللي كان يمشي عكس اتجاهها أرفعت رأسها علشان تشوف الشخص اللي أصدمت فيه وجت عيونها بعيون لثانيه حست بعطره ملأ إرجاء صدرها ثانيه لكن مرت طويلة فصلت فيها ملامح وجهه الاسمر وعيونه و النظرة الحارة اللي أحرقت وجهها وصدرها وباقي جسمه اللي انرسمت في عيونه
أبعدت عنه وحست أنها لحظه بحساس غريب كان ودها هذي الثانية ما تخلص ولا تعرف تفسير للي صار لكنها مشت بسرعة كأنها تداري هذي الأمنية الغريبة في عيونها ولما أبعدت التفتت له تلقائيا لكن لقته ماشي ولا حتى التفت
أمل : يماااااااااااا شفتي شلون يخزج
مها : وش قصده
هدى : يعني ليش ما حضرتي المحاضرة
أمل : صج يخوف
مها وهي تحاول تسيطر على مشاعرها : لايخوف ولاشي اصلن اقل من عادي
هدى: أي أي اقل من عادل امبين عليك يوم مشيتي ..........اصلن بغيتي تطيحين
مها : امشي امشي يا أم فهد تسوي روحها فاهمه
دخلوا المحاضره لكن مها ولا انتبهت لكلمه منها من ادخلت المحاضره وهي تفكر بنظرات يوسف لها وش كان يقصد فيها
لما اطلعو من المحاضره
أمل : مها شكلج مو معانا كلش وين كنتي
مها : وش مو معاكم اصلن كنت مركزه بعد
هدى : كذااااااااابه اصلن كنتي ترسمين دوائر انا اشوفك بس اخ لو اعرف بعلم النفس جان اعرف وش تفكرين فيه يالكذااااااابه
أمل : هدى بلا مسخره (أمل تبي تغير الموضوع حست بمها تكذب) تعالوا نروح للمكتبة قبل البيت نبي نشتري الكتب اللي قال عليها الدكتور
مها : مالي خالق خليها بالليل
هدى: حتى أنا آبي أروح اخمد وراي غسيل وش كثر
أمل: كيفكم
وصلتهم مها لبيتهم بالسياره
أمل : نشوفج الساعة سبع ها لا تنسين
مها وهي تقط لها بوسه بالهوى : حاضر


نهاية البارت

[وردة الزيزفون]

البارت الرابع
أنت قدري


في بيت عبدالله ( الساعة الخامسة مساءا)
يجلس عبدالله (أبو عادل) والجدة مريم ...عبدالله يراقب أعماله من خلال شاشة اللابتوب
والجدة مريم تشرب القهوه وتابع مسلسل بدوي على قناة mbc
ترك عبدالله اللابتوب وحط أيدينه وراى راسه وقعد يفكر وطول على هذى الحاله وكانت الجدة منتبهة
الجدة : عبيد..... (وهي تقصر على صوت التلفزيون)

الجدة: وشبك وش اللي أخذ من شغلك
أبو عادل : يمه ما تصدقين لو أقولك أن الأستاذ اللي يدرس مها يشبه من
الجدة : يشبه من شين الحلايا ..انشاالله ...لايكون يشبه وليد توفيق وإلا حسين فهمي
أبو عادل: ههههههههههههههه والله ما أنت بسهله وتعرفين ذول بعد
الجدة: هااا وش تحسب ما اعرف وأنا كل يومي ما غير مقابله هالتلفزيون اعرفهم واحد واحد
بس أتركك من ربعي وقلي من يشبه شين الوصايف
عبدالله يتغير لون وجههة وتختفي ابتسامته ويسرح شوي وبعد صمت ماطول : ايه .....يمه ماتصدقين يشبه محمد الجاسر نسخه كأنه هو
الجدة وهي مرتعبة من الاسم : محمد الله يرحمه وش اللي ذكرك به
ابو عادل : والله يمه كنه هو طوله سمار خشمه عيونه ماخلا منه شي حتى بعمر ذاك والله تقولين نافض اكفنه وجاء
الجدة: تعوذ من ابليس وش يجيب والد اليهود لمحمد حنا العرب لو تقول سبحان الله أوجيهنا حاره ماهي مثلهم اللي واحدهم تقل مغسل بفلجه(ثلج) يوم ولادته ويظل وجهه بارد طول عمره
ابو عادل: لالالا... يمه هذا غير أقولك محمد مأخطيته كنه امس مفارقني
ويعم الصمت شوي وتروح ذاكرت عبدالله هناااااك
بعد ما كان عبدالله مضرب المثل بالعائلة يصير قاتل
هناك محمد غارق بدمه وسالم مغمى عليه
عبدالله : بصعوبه شلاهم وحطهم بالسياره وطاير من الصحراء البعيده لأقرب مستشفي ياطول المسافه على قلب عبدالله اللي حتي الطريق مايشوفه وكان يبكي بحرقه وهو يناظر لجثة محمد وعنده امل انه تصير معجزه ويطلع حي وصل للمستشفي وعم الازعاج جريمة قتل
الدكتور : بلغوا الشرطة
عبدالله : انت الحين شوفه يمكن حي يااخي وبعدين بلغ
الدكتور يناظر بعبدالله وكنه يقول وعندك امل بعد: لا يا اخ الرجال ميت
يدخل عبدالله على محمد وكانه مجنون : ليه تموت ليه ليته انا ليته انا والله ماكان قصدى والله ماكان قصدي ( وكان يهز الجثه بعنف كأنه يبي يصحيه ) محمد انا وش سويت ياربي
وشلون اقابل عمي .... وش اقول ليوسف وحصه انا ذبحت ابوكم آه
ليه كذا ليه
واغمي على عبدالله ولا فاق الا بعد فتره يسمع صوت سالم من بين دموعه : ايه هذا كل اللي صار
الضابط : يعني كان متعمد
سالم : ما أدري انا كنت بعيد لكن عبدالله كان شبه زعلان
الضابط : طيب ... طيب
كان عبد الله على السرير الثاني ماتفصل بينهم الا الستاره وسمع الحوار كان مثل الحلم ظن ان سالم راح يقول ان عبدالله ماكان متعمد ولكن تفاجاء بالكلام اللى شله وخلا دموع الدهشة تتحجر بعينه وتخليه يسترجع اللي صار دخل عليه الضابط
وكان يسال الدكتور: يقدر يتكلم
الدكتور: ممكن
الضابط: عبدالله ...عبدالله ....دكتور ليه ما يرد
جاء الدكتور فحص عليه وبعد شوي قال : عبدالله مصاب بصدمه عصبيه ممكن تخلوه وتستكملون التحقيق بكره
الضابط: خلاص عريف عبد العزيز خلك معه وخبرني بأي شي جديد
وفجاءه يتهجم على غرفة عبد الله شاب عمره عشرين سنه
الشاب : والله ...لأذبحك ودم أخوي مايروح هدر
يمسكه الضابط: تعوذ من إبليس وإذا كان لك حق تأخذه لك الدولة وما يضيع
والدنيا ماهي بفوضه ولا غابه
جاء من وراهم صوت قوي وعالي لرجل كبير: أحمد!!!
التفت الجميع الي الصوت رجل في الستين من عمره لحيته يغالب فيها البياض السواد طويل ضخم الاكتاف رغم عمره
(كان هذا أبو محمد)
ابو محمد:عبدالله ما يجيه اثقل من اهدومه ... عبد الله ما يجي منه الشين
احمد: هذا ذبح محمد ذبح اخوي والله لذبحه
ابو محمد : اعقب !!!! وانا واقف بعد
الضابط : الصبر زين ياجماعة وحقكم مايضيع
ابو محمد بحزم: مالنا حق ....ولو لنا حقوق انا متنازل عنها والله يعوضني بولدي خير
الضابط: الله يجله في موازين أعمالك ويعوضك خير
أحمد: ومحمد يروح كذا .... مثل الكلب ماله دية والله ما يبرد ناري غير أشوف أمه تبكيه مثل ما
أنبكى محمد
ابو محمد: كان هذا قولك ما انت ولدي ولا انا ابوك انا برئ منك ليوم الدين
احمد: لا يبه لاتقول كذا ....تري اموت ... نار يبه نار تاكل صدري آه...آه .. يامحمد ويطيح احمد وهو ماسك ثوب ابوه يبكي
ابو محمد : قم ياولدي لاتبكي الرجال مايبكي ودم عبدالله ما يبرد دم محمد هذا ولدي وهذا ولد اخوي
(ويلتفت لعبد الله اللي بين واعي وبين غير واعي وعيونه تلف بين الحاضرين ودموعه ملت مخدته والأصوات كثير من حوله كأنه يحلم ما هو قادر يميز الشى الوحيد اللي في باله صورة محمد والرصاصه بين عيونه)
ابو محمد يكمل كلامه: اسمع يا عبدالله ...ان كتب لك ربي عقل ..وجيت .. لا اشوفك بعيني
انا عفيت عنك لكن ماأقدر اشوفك علي قاع (ن)محمد تحتها منك وتري ياولد لو محمد بمكانك كان هذا قولي له
وقال احمد بغضب ومن تحت ضرسه : والله والله ياعبيد لاتذوقها ان شفتك مار دام ابوي عطاك كلمه مشان تحيا لك عمر(ن) ثاني اكتبه الله لك لاأشوفك ....لا اشوفك

الجدة: عبدالله ...عبدالله
ابوعادل : يتنهد بعمق ........نعم
الجدة : وشبك صار لي فتره وانا اناديك وين رحت
ابوعادل : تذكرت إني كنت جبان وما واجهت الموقف واثبت براتي من دم محمد وانت وام عادل الله يرحمها السبب
الجدة : الله يا عبيد ... تبي أشوف احمد يتهددك وأنت وحيدي وما لك ذكر بالدنيا وأخليه يذبحك وهذا انت صرت الله يحفظك ابو عادل اللي الكل يعملك الف حساب
ابو عادل : لكن بيني وبين نفسي جبان يمه جبان
الجدة : وليه جبان يعني اما يذبحونك ولا تصير جبان والله يومها لوانك حالف لاحمد بكل دين ماصدقك وكن عيني تشوف دمك دارج مير تعوذ من ابليس ولا تجيب هالطواري مشان عادل وخواته ترى مالهم غيرك
ابو عادل : آه لو يدري عادل وخواته ان ابوهم جبان ...يمه انا حتى صلاه ماصليت معاهم على محمد وهو اعز من نفسي علي وتدمع عيون عبدالله
الجده : اقول تعوذ من ابليس واللى فات فات ..هذا كله من اجزيف الله يلعنه حتى طاريه شره

هنا دخلت مها وعادل مع بعض: السلام عليكم
ابو عادل مارد لانه للحين متأثر باللي كان يقول
الجدة : هلا وغلا بالاثنين وعليكم السلام
عادل :بابا وش فيك انت تعبان
ابو عادل : يتنهد بعمق أي والله شكلي مزكوم
مها : ما تشوف شر أسوي لك ليمون بالنعناع
ابو عادل : لا بابا أنا شربت أسبرين وانشالله أصير كويس
عادل : اطلب دكتور بابا
ابو عادل: ياحبك للاكشن وش دكتور على زكمه
الجميع :هههههههههههه
مها : عن اذنكم ابي اروح انا وزميلاتي للمكتبه اجيب شوية كتب محتاجتها
ابو عادل : لاتتأخرين عن الساعه تسع وانتبهي وانت تسوقين ولا تنسين اننا عرب
مها : هههههههه من ركبت سيارة وتعلمت السياقه وانت هذي تعاليمك حافظتها والله حافظتها أي تعاليم ثانيه يا باشا
ابو عادل : يالله روحي ولا يكثر هرجك
سلمت مها على راس ابوها وجدتها وستاذنت
اما عادل هون عن مشواره لما شاف حالة ابوه مااعجبته قعد معاهم يبي يتطمن على ابوه
ابو عادل : وانت ما وراك شي
عادل : الا ...الجدار
ابو عادل : عديل شوف شغلك انا مافيني شى
عادل : اصلن ماني رايح لمكان كنت ابي اجلس معاكم
ابو عادل : عادل!!!
الجدة : عبيد خله يجلس معانا تراه امونسنا
عادل : يابعد قلبي يامرايم انت اللي فاهمتني
ابو عادل : انا طالع تبون شئ
عادل : افاااا اذا دخلت الشياطين ذهبت الملائكه
ابو عادل :ههههههههه عندي شغل ياشيطان مير انت شوف وش عندك وروح

في المكتبة

مكتبه كبيره جدا لوحات ( الرجاء عدم الإزعاج )على الطاولات وبالممرات والهدوء يعم المكان وناس كثير بالمكتبة تفرقة مها وزميلاتها كل وحدة على رف بعد ما شافوا عناوين الكتب بالفهرس وهم متفقين كل وحده تشتري كتابين ويتبادلونهم على فكره مها تقدر تشتري كل الكتب لكن محترمه الاتفاق مع صديقاتها وكمان هي ما تحب تبين أنها أحسن منهم في شي
كانت مها عند احد الرفوف أول ما امتدت يدها على الكتاب كان واقف ورآها شخص طويل امتدت يده على الكتاب اللي جنب كتابها وكان ظهر مها تقريبا ملتصق بجسمه ولما كان هو أطول وأضخم منها فحتوي جسمها الناعم ورائحة عطره ملاءة صدرها التفتت الي وجهه وهي تنزل راسها من تحت يده علشان تطلع من سيطرت جسمه ولما التقت عيونها بعيونه كان جزيف هذا الصدف الغريبه خلته يقول
: اوه العروس..... لماذا لم تحضري المحاضره اليوم الم تصلك رسالتي
مها كانت مرتبكه مرررره تحس للحين يحرارة جسمه على ظهرها وانفاسها متلخبطه : مها : هييييي جو
يوسف: الاستاذ جوزيف
صوت بعيد من الحضور : اش ...اش
مها : عن إذنك
أكلتها عيون يوسف إلي أن أجلست بمكانها والغريب رغم أنها ما التفتت وهي تمشى إلا أنها كانت حاسة بكذا
أمل : وش فيج ويهج اصفر
مها: جوزيف
أمل :هييييييي ..وينه وينه
مها: هناك عند الرف اللي جيت منه شوفيه شوفيه ...واشرت عليه بطرف عينها التفتت امل وهي تقول: وش قالك
صوت مره ثانيه من الحضور : اششششششش
مها بصوت واطي : بعدين بعدين
هدى اكتبت لمها : وش قالك
مها كتبت لها : لا اعرف أن اقرأ عربي اكتبي بالانجليزي
هدي : بفففففف هههههههه وكل هلسان الطويل وماتعرفين تقرين عربي
صوت :اششششششششش
أكتبت هدي : ماذا قال لك
مها أكتبت : لماذا لم تحضري المحاضرة
أمل :هيييه ايل صج
مها أكتبت: نتحدث في الموضوع خارج المكتبة
قعد يوسف بالطاوله اللي مقابله لهم وكان مقابل مها بالضبط اللي كانت تقرأ الكتاب علشان تتاكد انه اللي طالبه الدكتور أول مارفعت عينها التقت بعيونه حست برعشه بجسمه كله وقلبها كان يدق بسرعه ونزلت راسها بسرعه كانت طاولتهم بعيده عنه ولا كان يسمع الكلام اللي كانوا يقولون
هدي اكتبت لمها : ماذا بك
مها: جوزيف
هدي: أين هو
مها : انه مقابل لنا
هدى رفعت عينها علشان تشوفة على طول نزلت راسهه وهي تهمس : ويييي هذا يخزج كنه حاقد
أمل : امشوا نطلع ونيي بعد ساعه كود انه ذلف جذي مارح نركز في شي
مها يالله قوموا
طلعوا وعند الباب مها التفتت له لقت عينه بالكتاب وماكان يطالع لهم
مها : هذا وش فيه
هدي : وش قالج بالضبط
مها: قال العروس ... وليه ماحضرتي المحاضرة
هدى : وش قصده بالعروس
مها : وانا وش عرفني .. حتى بالمحاضرة قال تحددين موعد عرسك
أمل : أنت معرسة وإحنا ما ندري هههههههه
مها: شوف الغبية امشى امشى
راحوا يلفون بالسياره علشان يضيعون الوقت
هدي : ترى انا دخت من الف تعالوا نروح حق حنين الماجد بشقة عمتها ناس يهبلون انا رحت لهم قبل هالمره وستانست
أمل : جذي بدون احم ولا دستور نروح بدون موعد لالا انا ما اروح
هدى : بسيطه ( ودقت على حنين بسرعه)
هدي : الو قوه حنين
حنين : هلا هداوي وينج يالقاطعة
هدي : كاني بين الكتب ...المهم انت وين
حنين : بالشقة يعني وين باكون
هدي : يعني مو طالعه مكان
حنين : لا ليش ماتين نستانس حتى عمتي وزوجها مو هني
هدي : انا معاي امل ومها
حنين : حياكم الله تعالوا
هدي: بس مانطول ورانا شغل
حنين : يبه لاحقين علي الشغل تعالوا بنستانس
هدى تسد السماعه بيدها : ها وش رايكم
مها : كيفكم
امل : خلاص
هدي: ياين وهالله الله بالقهوه الزينه
حنين : حاضرين ست هدي ..لاتطولون انطركم ها
مها : انت مشكله ما لك حل ... وين بيتها
عطتها هدى العنوان وراحوا للعمارة اللي فيها شقتها
مها لما وصلوا : شقتها أي دور
هدى وهى تطلع الدرج السابع
أمل :بل تبين نطلع الدرج لسابع
مها : ما أنتي بصاحية
هدى : بس الاسنسير مرات يوقف خربان
امل : اقول دشي بس
دخلوا وقبل لايسكر الاسنسير دخل معاهم شخص أول ما شافته امل شهقت طالعوا البنات له وكان الاسنسير قفل
كان جوزيف أو يوسف وللصدفه كانت شقته مع محمد بنفس العماره بالدور الخامس
في بيت عبدالله
سلمى تو اقعدت من النوم وكانت عيونها منفوخه من كثر مابكت
قعدت على الكرس الهزاز بالدور الثاي سرحانه
تقول في نفسها
يا ربي أحبه ولا اقدر أعيش من غيره لكن مو فاهمني وأول مره يوقف كذا عند مشكلة وتنزل دموعها وهي تتخيل حياتها بدون خالد حياه بدون حياه شئ لايطاق
ومن جهه ثانيه حياه بدون ضحكة عادل وعيون مها وتهريج وحنان جدتها وشدة وحكمة ابوها ياااااه حياه بلا روح
ماهي قادره تتخيل حياتها بدون كل اللي تحب لا مهو بس تحب هي تعشقهم
في هذي اللحظة دق تلفونها برساله افتحتها بتكاسل

المعت الفرحة بعيونها وهي تقرأ الرساله كانت من خالد من الحبيب
(( احبك أكثر ... وعندما افارقك افارق الحياه
احبك اكثر وعندما افارقك افارق كل جميل
عيونك بسحرها ابتسامتك ولؤلؤها قلبك بصفاءه
وكانت الرساله على نغمات اغنيت الجسمي
بصبر على فرقاكم مهما تمر سنين
أتخيل أمحياكم ياحبيبين العين
سبحان من أنشاكم وكملك بالزين
قلب العنا يهواكم ياناس ياناسين
افرح انا بلقياكم وانتوا علي قاسين
ابكي على لاماكم وايام مرت وين
القلب يبغي رضاكم مجروح به جرحين
جرح الجفا وفرقاكم وجرحن نزيفه الحين

بكت سلمي لما قرأت الرساله تحبه بس مو فاهمها
كان عادل طالع وشافها
عادل : سلمى وش بك
ناظرت سلمي في وجهه بدون كلام لكن هذا الشئ خلاها تبكي اكثر
جاب لها عادل مويه ومناديل :سوسو حياتي وش صاير وش بكم
سلمي : انا تعبانه شوي
عادل :سلمي ترى أنا ما ني بزر تضحكين علي بكم كلمه انا رجال تقدرين تعتمدين علي
ويجلس على اركبه ويمسك حنكها علشان يحط أعيونه بعيونها : عندك شك اني رجال ويعتمد علية
تبتسم سلمى وتهز رأسها يعني لا
عادل :اجل قولي وش فيك أنت تبكي هنا ... وأبوي تحت متضايف وحتى باين عليه باكي وش فيكم انا ولدكم ولا لاقيني ليه ما تقولون لي وش بكم
سلمى: بابا وشفيه بابا
عادل : مادري العلم عندك وش يبكيك
سلمي: ما قالك شئ وشفيه
عادل : اذا انت اللي اسمك حرمه مو راضيه تقولين لي شى تبين هو يقول لي شئ
سلمى: حبيبي عادل انا بيني وبين خالد سوء تفاهم وتتنهد بعمق ويمكن نترك بعض
عادل : ليه .... خالد ما في منه رجال ونعم وش له تتركينه
سلمى : مشكله ووعدك إذا ما أنحلة أقولك
عادل : انا ما ودي اتدخل بينكم ..لكن فكري الف مره قبل تضيعين خالد من ايدك تراه ماينعوض
سلمى : مو هذى المشكله
عادل: المشكله عند شخص مثل خالد تهون .... فكري زين
سلمى : ياحبيبي ياعادل والله كبرت
عادل: طيب بابا يدري باللي بينك وبين خالد علشان كذا متضايق
سلمى: لا ولا ابيك تقوله ... يمكن بابا عنده مشكله بالشغل علشان كذا متضايف
عادل : طيب لك ما تبين .... لكن اذا ضاقت عليك تري ما ك غير بابا تري مر عليه من الزمن كثير ويقدر يعطيك الحل اللي يريحك
سلمى : تبتسم راضيه عن كلام عادل : ياحبيبي يعادل الله يخليكم لي
وقامت تاخذ لها شور ..لعل الماء مثل ما يغسل دموعها يغسل همومها
في العماره اللى تسكنها حنين

طلع الاسنسير بالبنات اللي كأنهم شايفين جني لزقوا بزاويه مبعدين عن يوسف وكانت مها هي اللي بالزاويه وامل وهدى لازقين فيها
فجاءه وقف الاسنسير بالدور الثاني
هدى : يماااااا ه شكله خرب ... انا قايله لكم الدري احسن
امل : وبعدين
مها وهي تدز هم : ابعدوا عني خنقتوني
يوسف كان معطيهم ظهره متعود على هذي الحاله
هدى : وهذا غرانديزر وش يابه معانا
امل : يمكن ساكن بنفس العماره
هدى :ويمكن لاحقنا
مها : لا لا ما أعتقد حنا لفينا كثير وبعدين هذا ماهو بسلوبه
هدي : موت ياللي يعرفون الاساليب
مها : انثبري
هدي: عاب زوله شوفي شطوله إحنا عنده جنا الأقزام السبعة
امل : مستر جوزيف
هدى : هيييييه وش تبين فيه يالهبله
امل : مالج شغل
التفت لها وقال : نعم
امل : انت من سكان هذه العماره
يوسف :......................
مها : احسن يالملقوفه
هدي : سكنتي جهنم انت وياه وش لج فيه
امل : مستر جوزيف ... ارجوك اذا كنت من سكان هذه العماره فنادي احد ليفتح الاسنسير لانستطيع ان نتأخر
يوسف : ...................................
مها : العن أم الغرور هذا اللي يخلي الواحد وده يتفل بوجهه
هدى : كش
امل : يازفت .... الله ياخذ هالزول ولا يرد يعني اني
التفت لها وعطاها نظره بطرف عينه خلاها اتدنق
مها : يمال عيونك البط
هدى : العن يومه وش طول رمشه
مها : هههههههههههههههههه الحين ينعمي
لفت انتباهه أول مره يسمع صوت ضحكتها كانت فاتنة جدا والتفت بطرف عينه لكنها انتبهت له وسكتت وهو بسرعة التفت للباب
هدي: هب ياعيونه الله يعين زوجته مايحتاج يعصب عليها بس يطالع لها من ذول نظراته تخنس
كان يبتسم على تعليقاتهم ويقول في نفسه( الله لو اتعرفون اني سعودي وش يصير بحالكم)
تحركت مها للباب وضربت بيدينها الاثنين على الباب وهي تقول :/ هيااااا ساعدونا
فجاءه مسك يوسف ايدها بقوه وقال: سيتحرك الان لاتزعجي السكان هو دائما هكذا
مها توقف الدم بجسمها وحست ان قلبها في معصم يدها تحت قبضته وهو جالس يضعط عليه حست كانه يبي يطله من بين اصابعها
بلعت ريقها وناظرت له وقالت بالعربي : طيب اترك ايدي
يوسف نسى نفسه وترك يدها ..... وبعدين حس انه سوى شي غلط ولتفت سرعه
جهت الباب
مها من االمفاجاه ما لا حظت انها كانت تتكلم عربي وانه فهم
تحرك في هذى الاثناء الاسنسير
هدي : اشوي
امل : منت الله ولا خلقه
مها : كانت مو معاهم بعالم ثاني
نزل بالدور الخامس بدون لايلتف لهم وانزلوا البنات معاه خافو ا يسكر الاسنسير عليهم مره ثانيه
هو دخل شقه 15 والبنات اطلعو الدرج ركض لكن مها لاحظت انه فتح الشقه بمفتاحة ولا دق الجرس يعني له ماهو زاير
وصلوا الي شقة حنين صديقة هدى كانت ساكنه مع عمتها وزوجها اللي كان يحضر الدكتوراه لكن ماكان في الشقة احد الا حنين
حنين : تو ماتبارك البيت
هدي : الله يسلمج بس اسنسيركم نشف ريقنا
حنين سلمت على البنات وهي تضحك : سواها فيكم احنا متعودين عليه بس مايطول
امل : ديما جذي
حنين : لا مرات وصاحب العماره قال بيصلحة من سنه ماشفنا شئ
الجميع ههههههههههههههههههههههههه ه
امل : اصلن حسينا انه وقف سنه من ثقل دم جوزيفوه
حنين : من جوزيفوه هذا؟
مها : استاذنا بالجامعه صدفه كان معانا بالاسنسير
هدى : لكن شنو شايف نفسه
حنين وهي قاعده تصب قهوه لهم : مااخبر في اجانب بالعماره يمكن ياي زياره حق احد اهني
مها : لالا انا شفته يفتح الشقه بمفتاح طلعه من جيبه من بين مجموعة مفاتيح
حنين : أي شقة ( وهي تقدم صحن الحلا اللي هي امسويته )
امل : اظن الشقه 15 بالدور الخامس
حنين : شقه15 بالدور الخــــــــــــــــــــــ ــامس ( وتحك راسها علشان تتذكر) أي أي هذي شقة شباب سعوديين
الجميع بتفاجئ : سعوديين
حنين : أي متاكده حتي صاحب العماره يبي يطلعهم لان كلها عوائل عرب ومعترضين على سكنهم
أمل : أنت متا كده
حنين : شلون شكله أنا كني لمحتهم كذا مره طالعين او داخلين لعماره
مها بسرعه طويل واسمر وشعره كثيف.....
جين تكمل ... وأكتافه عريضة وعيونه واسعة وله رمش طويل وكثير أي أي هذا يوسف
مها : يوسف ايش ياشيخة اقولك .... وتتوقف عن الكلام فجاءه: أي والله جوزيف يعني يوسف
هدى : هييييييييه
امل : قلتي منو منو
حنين : انا ماعرفه بس زوج عمتي دايم يسلم عليه وكذا مره يناديهم باساميهم ويقول لهذا يوسف
اما الثاني ابيضاني واقصر منه شوي واسمه محمد .. لكن احس انهم محترمين عمري ماشفت منهم أي شي
هدي : والله اللي أكلنا تبن
حنين : أي ليش
أمل: أولا ما ندري انه عربي ولا باين عليه اصلن كل اللي واضح انه أجنبي يعني إذا ما كان أبريطاني يكون يوناني ...لكن عربي هذا آخر شي نتوقعه أو حتى مو بالبال
هدي : علشان كذا طايحين له مسبه لا والله شبعنانه مسبه
أمل : زين ليش ماكان يرد
حنين : لانه محترم
مها: لا وانت الصادقه لانه تافه ويبي يعرف وش نقول
هدى : خلونا من ليش ما يرد الحين وش العمل
امل : نعلمه اننا عرفنا انه عربي
مها : بعينه لا والله أنظل على ما إحنا عليه لين ينفجر ويعترف ألحاله وانا اوريكم فيه
أمل : أنا عن نفسي خوافة وما راح أتكلم ولا كلمه
حنين : والله لعبه حلوه ليتني معاكم

في بيت عبدالله الله الجاسر
الساعه عشره مساءا

اخذت مها شور ولبست قميص واسع مريح لونه روز عليه رسمت شفايف بارزه وكبيره شوي ومكتوب عليه (قبلني) وكانت فاتحه شعرها على طول ظهرها كأنها جايه من مدينه الاحلام
أنزلت ولقت عادل جالس بالصالة
مها : مساء الخير دودي
عادل وهو يضحك : وش دودي ذي اسمي عادل االجاسر لو سمحتي أنا رجال عمري عشرين سنه
مها تبوس خدوده : العمر كله يا دودي
عادل : ها مهوش رايقه اليوم
مها: انا كل يوم رايقه عمرك شفتني مكشره
عادل: انشاالله دوم ...لكن أول أمس ماكنتي كذا
مها :آآآآه ... ذاك اليوم..ههههههههههههههه
عادل: ضحكينا معاك
مها: تصدق عادل في استاذ غبي عندنا بالجامعه مخبي على الناس انه سعودي واليوم عرفت ...ياني بسوي فيه عمايل
عادل : كيف يعني
مها : هو عمره ماتكلم ولا كلمه عربي والا له اصدقاء غير الدكاتره وشايف روحه لا وانا ورفيجاتي ......حلوه رفيجاتي هذي كلمه كويتيه ...ماعلينا بالطالعة والنازله نسب فيه لاعنين ابو اخرينه وهو ساكت يسوي روحه مايفهم ماادري ليه ... لكن بعد ماعرفت راح اظل اسوي حالي مااعرف واستهبل عليه
عادل : وليه كذا عاد ..... وانت وش دخلك فيه .. انت طالبه وهو استاذ وش علاقتك فيه
مها : ماتدري شفت ذيك المره لما كنت متضايقه تري كان هو اللي طاردني من المحاضره بدون سبب عاد انا ابي ارد له الموقف واخلي العرب كلهم يعرفون انه سعودي

ابو عادل كان واقف سمع كلام مها ماكان قصده يتنصت لكن موقفه مع يوسف والشبه اللي بينه وبين محمد اثار فضوله
دخل على عياله
مها بارتباك : هلا بابا ...من متى وانت هنا
ابو عادل : ليه في شي
مها بنفس الحاله: لالا بس ما حسيت فيك
ابو عادل: ويضايقك وجودي ...ترى اروح
عادل: ماعاش ولاكان اللى يتضايق من وجود احلا ابو بالدنيا
ابو عادل : منهو السعودي اللي طاردك يرى المحاضره
مها تبلع ريقها :....ها ... انا ..منهو
ابو عادل : اللي تبين تردين له الموقف
مها بقمة الاحراج : بابا موقف مايستاهل اصلن هو ارسل علي مره ثانيه وقال احضري لانه حس اني ما سويت شي يستاهل الطرد
ابو عادل تأكد انه جوزيف : طيب ليه ماقلتي لي
مها : بابا الامر مو شي كبير
دخل ابو عادل مكتبه ولا رد عليها
عادل : شكله زعل منك
مها : الله ياخذني ... الله ياخذني ...شسوي الحين عدول
عادل : انتظري شوي .. وروحي له لما يهدأ وشرحي له الموقف ترى بابا يحب الصدق وبسرعه تكسبينه اذا صدقتي
مها : قولك ما....
عادل : ما ايش ... انت سوي اللي اقولك ولا راح تندمين

ابوعادل داخل المكتب كان يفكر ((ليه انكر نفسه ... معقوله هو ... يااااااه الدنيا صغيره ... ليه مهو معقول ... محمد الله يرحمه كان عنده ولد اسمه يوسف وكان عمره خمس سنين يعني بعمر جو الحين .. والشبه اللي بينهم....))
ويقطع افكاره صوت طرقات مها على الباب
ابوعادل:ادخل
مها : بابا ...انا اسفه
ابو عادل: على ايش
مها حكت لابوها الموقف اللي صار من الاستاذ كامل
ابوعادل بزعل : انا طول عمري امربيكم على احترام المواعيد وقيمة الوقت واحترام الآخرين وانت ماطبقتي شي منهم اولا: طلعتي من المحاضره تكلمين زميلك
مها تقاطع: قبلها بابا بخمس دقايق
ابوعادل : لا تقاطعيني لو سمحتي هذا مهو من اداب الكلام
مها تدنق راسها : اسفه بابا
ابو عادل : وما احبك ترددين الاسف لانه يقلل من قيمه الشخص ... مها انت موبيبي علشان اعيد تربيتك من جديد انا زعلان عليك علشان ماتغاضيتي عن غلط الاستاذ ورديتي علية بسلوب سيئ كان بامكانك تسكتين وتطلعين بهدوء يعني وش بيصير اذا سويتي كذا الحين وش بيقول عنك ....اكيد بيقول قليلة ادب
مها بكت : لا بابا انا بنتك مو قليلة ادب لكن هو نرفزني وخلاني ارد
ابو عادل كسرت خاطره مها لكن مابين لها حب انها تتعلم من خطاها شئ
مها : بابا انت زعلان مني
ابو عادل : اذا وعدتيني انك تكونين مثل ما احبك ماازعل منك
مها : باباااا انا مثل ما تحب اكون اكون بابااا
جت تبي تطلع
نادها ابوعادل وهو فاتح اذراعاته لها وجت وصارت بحضنه وقالت : بابا اول مره تزعل مني
ابو عادل : لا يابابا انا عتبان عليك انا ودي اشوفكم ناس ينضرب فيكم المثل بكل شى
مها انشالله بابا ( سلمت على راس ابوها ): تصبح على خير بابا
ابو عادل : وش اسم الاستاذ
مها : يوسف بابا
ابو عادل : والعائله
مها: لا بابا ما أعرف
ابو عادل : اوكيه لا تنامين لين تتعشين
مها : لا بابا مالي نفس
ابو عادل : اها .... انا هنا ازعل
مها : لالا كل شي ولا زعلك
ابو عادل : نادي سلمي وجدتك
مها: حاضر بابا
وبعد العشاء دخلت مها علشان تنام ... بعد ماحاول ابوها يمازحها وينسيها الموقف
مسكت قلمها .. وكتبت مذكراتها وكتبت فيها اللي صار اليوم وآخر الصفحه اكتبت
العبره في من يضحك اخيرا
نهاية البارت