أبوي جبرني فيك و كسر عنادي بس ما دريت إنك صرت كل هلي و ناسي

[تماضر]

:: البارت الاول ::




في إحدى بيوت البحرين تمشي على السلم بكل انسياب و صدى صوت كعبها يملى ارجاء البيت

وصلت لطابق الارضي باست راس امها و ابوها

ريناد : صباح الخير
ام ريناد بحنان : هلا ببنيتي تعالي تفطري ويانا
ريناد : لا يمة شبعان و مالي نفس اكل
"ام ريناد تعرف بنتها ما تحب تاكل اذا توها صاحية من النوم "
ام ريناد : براحتك حبيبتي
سعود : احم احم نحن هنا كل هذا خوف على ريناد
ريناد بدلع و هي تبوس راس امها و بابتسامة : قول ما شالله لا تحسدنا بعيونك الحارة
ام ريناد : هههههههههههه يا حبكم حق الهواش
سعود و ريناد : ههههههههههه
ريناد : يلا مع السلامة بروح المدرسة

طبعا استغربتو ان ابو ريناد ما نطق بكلمة وحدة هذا طبيعته ما يحب يتكلم كثير و وايد جاف مع عيالهم ما يبادلهم الاحساس مثل امهم و كلمتهم وحدة و ما يثنيها اذا قال شيء يتنفذ يعني يتنفذ

راح اعرفكم على الشخصيات

ريناد: من ناحية الشكل ما شاءالله ملاك عيونها واسعين و عسلين و رموشها طوال و خشمها صغير يناسب ويها و فهما بعد صغير و بيضا و ملامحها ملامح طفلة صغيرة ناعمة
من ناحية الصفاة فتاة عنيدة و ما تتنازل عن الشي الي تبغيه و مغرورة و شايفة نفسها قوية الشخصية

سعود: وسيم لابعد درجة خقاق مطيح نص بنات المملكة عليه شكل يطيح الطير من السما

ام سعود : ام طيبة حنونة و تخاف على عيالها

ابو سعود : تم التعريف عليه من قبل

وصلت ريناد المدرسة و تمشي بغرور و عيون البنات تراقبها و كلها حسد و غيرة جافت من بعيد توام روحها ابتسمت و راحت لها

ريناد : شخبارك يا القاطعة
سارة بزعل ممزوج بدلع : الحين انا القاطعة او انتي لا تتصلين و لا كان عندك بنت عم تسالين عنها

و كملو سوالفهم .....

سارة : بنت متوسطة الجمال و حركاتها عفوية و تحب ريناد كثير و متعلقين ببعض
وصلت ريناد هلكانة من المدرسة على طول صعدت غرفتها و حطت راسها و نامت

صار وقت الغدى تجمعت العائلة على السفرة باستثناء ريناد

ام ريناد : سعود ليش اختك ما يت تتغدى

سعود : شافيتها اول ما وصلت من المدرسة صعدت لغرفتها و كالعادة الحين تلاقينها نايمة و ما تبي غدى

ابو سعود: خلوها على راحتها

ام ريناد : ما يصير لا تفطرت ولا تتغدى بروح اناديها

سعود: لا تعبين نفسج يمة استريحي مكانج انا باروح اناديها

صعد سعود للطابق الثاني و توجه لغرفة ريناد
سعود بصوت عالي و هو يضرب باب غرفتها: ريناد ,رينادو قومي امي ملزمة عليج انج تيين تتغدين

ريناد بانزعاج من سعود:و الي يعافيك سعود روح عني حدي تعبانة لا تعبني ازيد

سعود حب يعاندها و ينرفزها : قلت لج قومي و اسمعي كلام امي و ما بتحرك من هني الا و اني قايمة

ريناد باستسلام و لان مزاجها زفت فما حبت تعانده : اف اف منك يا سعود الحين بنزل لعندكم

نزلت ريناد و تغدت و بعدها صعدت مباشرة الي غرفتها و قعدت تراجع و هي متعكر مزاجها و خذت لها قيلولة و بعد دقيقتن رن جوالها

شافت المتصل سارة

ردت عليها بملل : هلا سارة

سارة : اهلين بالغالية

ريناد على كلمت الغاليه: هههه قولي شنو عندج بسرعة

سارة برجا: ريناد بليز ابيج تتطلعين وياي نروح الستي حدي متضايقة و انا مجابلة الكتب 24 ساعة

ريناد بحماس : أي والله تسوين فيني خير بس المشكلة من بودينا

سارة : مو صعبة قولي حق سعود يودينا

ريناد : اوكي بروح اكلمه و برد عليج خبر

سارة : اوكي لا تتاخرين

قفلت من سارة و طارت لعند سعود

ريناد: سعود بليز والله متضايقة من مجابل الحيطان 24 ساعة و هالكتب المملة

سعود كسرت خاطره ابتسم لها : اوكي راح اوديكم بس قبل شوي كنت اترجاج علشان تنزلين بس ما كان لج مزاج و الحين حق الهياتة مستانسة

ريناد : مشكور يا احسن و احلى و اجمل اخو في الدنيا بس امساعة كنت متضايقة شوي و الحين فرفشت

ابتسم سعود على عيارة اخته و اتجه لسيارته


رنيم راحت بسرعة لغرفتها و خبرت سارة و ركبت السيارة متجهين لستي

في الستي ....

سارة و ريناد يدورون لهم طاوله فاضية

.......


مشعل ياشر على ريناد: فيصل شوف هالملاك الي تمشي بالله عليك مو صاروووووخ

فيصل ابتسم بسخرية : مو انا الي تهز كياني بنت

مشعل : خلك على حالك انا رايح لهم

اتجه مشعل لطاولة ريناد و سارة

مشعل : هلا بالحلوة "و قام يصفر "مو بس حلوة الا ملاك

سارة ابتسمت اما ريناد فورا عصبت

ريناد: هي انت بتسكت و الا الم الناس عليك

مشعل ابتسم : اسكت .. ما اقدر اشوف كل هالجمال و اسكت

فيصل لاحض ان المشكلة قاعدة تكبر اتجه لمكان الهوشة

فيصل: مشعل وش تبي فيهم خلهم يطسون
ريناد بعصبية : رجاءاا يا ما ادري وش اسمك لا تدخل نفسك في السالفة و الا بيجيك الدور

فيصل ابتسم ابتسامة غرور : مبين عليج انج ما عرفتي من تكلمين و تبيني اعلمج شلون تحترمين الي واقف قدامج

ريناد بتحدي : اذا انت ريال علمني عل قولتك"و ضحكت ضحكت استهزاء" بس للاسف مبين ما فيك ذرة رجولة

فيصل نرفزه كلامها بس ما بين: افا عليج ما طلبتي شي بس تبيني اعلمج من اكون حاضرين راح اعلمج و الايام بينا

ضحكت ريناد: لا انت و لاعشرة من امثالك " و بعدها سحبت يد سارة و مشت "

فيصل :عمره 22 سنة متوضف في شركة ابوه و لها اسمها في المملكة
من ناحية الشكل: عيونه عسليين وساع و خشمه سله سيف و فمه مرسوم رسم يعني بكل عام يطيح الطير من السما
اما من ناحية الصفاة : عنيد و راسه يابس _ما يحب احد يتحكم فيه او يفرض رايه عليه ـ مغرور _


مشعل : من ناحية الشكل شكله عادي
من ناحية الصفاة : مغازلجي و يحب البنات و اذا حط شخص في باله يجيبه يعني يجيبه

نهاية البارت ....






توقعاتكم:
؟؟؟؟؟؟؟؟؟؟؟؟؟؟؟؟
شنو تفسرون ابتسامة سارة لمشعل؟؟
هل فيصل راح يسوي شي لريناد ؟؟
و شنو تتوقعون راح يسوي لها ؟؟؟

انتضر ردودكم

[دلع الكويت]

اختيار موفق ورواية جميله عزيزتي

واصلي نقلج ونتمنى منج إكمال نقل الروايه لنهايتها

وديـــ ...

" دلع الكويت "

[فيتامين سي]

ياهلا يالغاليه بدايه مشوقه وأظن فيصل حط ريناد براسه
وراح تنجبرعلى الزواج منه
تابعي النقل يعطيك العافيه

[زهرة الصبار]

شكرا قموره على النقل شكلها بتاخد العقل

[Andalus]

كمليها بسرعة علشان نتفاعل مع تصاعد الاحداث موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

[تماضر]

[size="6"]

	بسم الله الرحمن الرحيم ربما عجزت روحي ان تلقاكي وعجزت عيني ان تراكي ولكن لم يعجز قلبي ان ينساكي. اذا العين لم تراكي فالقلب لن ينساكي . احبك موت.... لا تسأليني ما الدليل ارايت رصاصه تسأل القتيل . ربما يبيع الانسان شيئا قد شراه لكن لا يبيع قلباً قد هواه . لا تسأليني عن الندى فلن يكون ارق من صوتك ولا تسأليني عن وطني فقد اقمته بين يديك ولا تسألني عن اسمي فقد نسيته عندما احببتك. كنت انوي ان احفر اسمك على قلبي ولكنني خشيت ان تزعجك دقات قلبي. أن يأست يوما من حبك وفكرت في الانتحار فلن اشنق نفسي او اطلق على نفسي النار ولن القي نفسي من ناطحة سحاب لاني اعرف وباختصار ان عينيكي اسرع وسيله للانتحار. لا ثقه لدي الا عينيكي فعيناكي ارض لا تخون فدعيني انظر اليهما دعيني اعرف من اكون. لماذا لماذا طريقنا طويل مليء بالاشواك لماذا بين يدي ويديك سرب من الاسلاك لماذا حين اكون انا هنا تكوني انتي هناك. لو كان لي قلبان لعشت بواحد وابقيت قلبا في هواك يتعذب. انا احبك حاولي ان تساعديني فإن من بدأ المآسي ينهيها وإن من فتح الابواب يغلقها وإن من اشعل النيران يطفيها :-):-):-):-) سحبت ريناد يد سارة و اتجهت لخارج الستي ريناد و هي تلتقط انفاسها من الغضب و العصبية و تضغط على ازرار الجوال بسرعة عشان تتصل لسعود .. رد سعود على اتصال ريناد ريناد" بدون مقدمات و عضبية و مباشرة قالت له":سعود تعال لي الستي ابي ارجع البيت سعود: اف لما قطعت نصف الطريج تبين ترجعين ريناد بعصبية اكثر : سعود بسرعة تعال لي و الله ما تدري شنو راح اسوي سعود يعرف اخته لما تعصب ما تدري شنو تقول : طيب دقايق و انا عندج ريناد بعد ما سكرت منه وجهت نضرها لسارة و هي بقمة عصبيتها و لو كان فيه مجال ان تضربها كان ضربتها من زمان : سارة شنو افسر الي سويتيه قبل شوي سارة ببرود ينرفز : وش سويت !! ريناد لما شافت سارة و عدم اهتمامها كانت صدق ودها تكفخها و تراويها شغلها زين بس مسكت نفسها و هدت اعصابها و من بين اسنانها : و تسالين شنو سويتي ابتسمتي له و كانه جالس يمدح فيج "وقالت بعصبية اكثر و صوتها ارتفع"انتي غبية غبية شلون تبتسمين له و كأن ما صار شيء و ع.. سارة قاطعتها :ريناد قصري حسج احنا بمكان عام ريناد حست ع روحها و اخجلت من نفساهة و قعدت تناضر يمين و يسار تتاكد ان محد سمعها و لاحض عصبيتها و بعدها بثواني سعود وصل ركبت سارة و ريناد السيارة .. سعود: وعليكم السلام حتى سلام ما سلمتو اكيد صاير شيء جايد ريناد و سارة: لا رد سعود : انا قاعد اكلم الجدران شنو فيكم ويهكم ما يبشر بالخير سارة ما قدرت تسكت اكثر : اسال اختك المصونة شنو سوت و لمت الناس علينا ريناد عطت سارة نضرة ارعبتها ريناد و سارة جلسو يتاهوشون و يتحلطمون على بعض .،. و سعود مسكين مثل الاطرش في الزفة و يناضرهم و هو موب فاهم شيء .... بعد مشوار طويل بالنسبة لسعود وصل سارة لبيتهم و بعدها اتجه لبيتهم بعد مرور اسبوعين على ابطالنا ريناد كملت المدرسة و حصلت مجموع يسمح بدخولها للجامعة بس كانت دايما تفكر بفيصل موب حبا فيه لالالا هي خايفة من تهديده لها و حاسه انه مصيبة راح تصير و قلبها ناغزها سارة نفس حال ريناد كملت المدرسة و حصلت مجموع يسمح بدخولها للجامعة بس الي شاغلها شيء غير عن ريناد الي هو " مشعل "بس ما كانت تتوقع انها تشوفه مرة ثانية او انها تلتقي وياه " يا ترى راح تشوفه او لا" فيصل كان يرن كلام ريناد باذونة و شلون هزئته تهزيئة محترمة قدام الناس و فوق كل هذا تحدته و شككته برجولته و هذا الشي يكره مهما كان هو ريال و ما يحب احد يشككه برجولته و كل مرة يتذكر موقفها و تصرفها و انه تحدته كلما يجن جنونه " وش ناوي عليه يا فيصل " مشعل طايح مغازل في بنات خلق الله و يقول حق الاولى يحبها و الثانية ما يقدر يعش بدونها و هذا روتين حياته بس لما يتذكر موقفه مع ريناد و يتذكر كيف كانت تعصب يبتسم غصبن عنه و هو ما يدري شنو السبب عند سارة كانت تتمشى على البحر " للمعلومة بيت سارة يكون جنب البحر و على طول اذا تضايقت و حبت تفكر بهدوء تروح له " و بالها مشغول مو معاها كانت طول الفترة الي مضت تفكر بمشعل سارة في نفسها: رغم انه موب ذاك الجمال الي ينشهد فيه الا انه اجتاح قلبي و دخله بسهولة و انا ياما كنت اقول انه ما في احد بيدخل قلبي بسهولة لان مواصفات الي حاطتها في بالي كانت مو بسهولة تتلاقى و كنت اترك اصدقائي عشان انهم يحبون و الحين الي يشوفني و يدري بحالي يستعجب اني احب بعدها تراجعت عن كلامها انها مستحيل تحبة و مستحيل تجوفه مره ثانية و تمت تفكر كملت مسيرتها على البحر و المياه تداعب رجلها فجأة .... اصطدمت بواحد و من قوة الصدمة بغت تطيح بس هو كان المنقذ لها و مسكها رفعت راسها و ناضرت فيه بطلت عيونها على كبرهم و وقفت جامدة في مكانها و... "خلوها للبارت القادم " عند فيصل بجناحة و بتحديد بغرفة نومة الكبيرة و الفخمة كان فيصل يطلب المعلومات من مدير اعمالة وائل و هو ناوي ينفذ الي براسه .... بعد ما لبس الملابس الرسمية و رفع شعره عن جبينه بجل فكانت ملامح ويهه بارزة و مبينه و كان جنان .. نزل لطابق الارضي و كانت العايلة متجمعة على السفرة و الي كانت مكونة من العديد من الاصناف المنوعة الموجودة على طاولة كبيرة فخمة تسع ل 10 اشخاص .. باس راس امه و ابوه و جلس جنب اخته جنى جنى بدلع ممزوج بزعل لايق عليها : و انا مالي بوسة فيصل : هههه كل شيء و لا زعل جنتي " وباسها في خدها" الحين رضيتي جنى بإبتسامة : شلون تبيني ما ارضى دامها منك تسوى الدنيا و ما فيها فيصل"ابتسم لها" ام فيصل: الله يخليكم لبعض ابو فيصل : يلا عن أذنكم باروح الشغل و انت يا فيصل اتغدى و اتوجه لشغلك ع طول فيصل بكل احترام : على امرك يا الغالي اتوجه ابو فيصل لشغله و اتبعه فيصل ابو فيصل : انسان طيب حنون على عيالة و ما يرد لهم طلب يغطي الون الابيض شعره مع قليل من اللون الاسود عمره 60 سنة ام فيصل : ام طيبة حنونة مثل كل الامهات عمرها 54 سنه جنى : بنوتة حلوة و طيبة و على نياتها عمرها 19 سنة نفس عمر ريناد بس وقفت دراستها من كملت الثانوية لكرها الشديد لدراسة طبعا ابو فيصل عارض بس في النهاية وافق بشرط انها تجلس مدة في البيت و بعدين يدخلونها في احدث الجامعات على حسابهم عند ريناد صحت من النوم و تحس بصداع قوي براسها قامت بكسل من السرير و توجهت للحمام " اكرمكم الله" تاخذ شور طويل ينعشها و يرد لها نشاطها و يريح اعصابها بعد ما كملت لبست بنطلون جينز سكيني و بلوزة ناعمة باللون الاحمر الي ابرز بياض بشرتها و اخذت سجادتها و صلت الصلوات الواجبة الي فاتتها و بعد ما كملتهم صلت ركعتين تريح نفسها و قلبها الي ناغزها و موراضي يهدا و تحس بمصيبة نازلة عليها ريناد في قلبها و هي ترفع يدها لربها و تنجرف ع خدها الدموع : اللهم اني اطعتك في احب الاشياء اليك و هو التوحيد و لم اعصك في ابغض الاشياء اليك و هو الكفر فاغفرلي ما بينهما يا من اليهي مفري امني من ما فزعت من اليك الاهي اني استنجد بك فلا تردني خائبا و اقبل دعوتي اليك بصدق نيتي و احفضني من كل عسير و يسر لي كل ماهو عسير و يسير فانك ان الله الذي لا اله الا هو بعد ما خلصت دعائها حست براحة الي كانت محتاجتنها من زمان عند جنى رن جوال جنى رفعت الجوال و لما شافت الرقم ابتسمت و بانت غماواتها ردت على الجوال جنى ؛ الو ....: هلا والله هلا بروحي هلا بقلبي جنى ما زالت مبتسمة و بخجل عفوي : اهلين محمد وحشتيني وايد محمد : و انتي اكثر يا قلبي؛ جنى جنى: عيونها محمد: احبج جنى:و انا بعد محمد: انتي شنو جنى بخجل : احبك محمد : عمري انتي ابي اطلب منج طلب بس امانة لا ترديني جنى : انت تآمر موب تطلب محمد بخبث و مكر: فديتج والله بس اليوم ابي اجوفج ضروري والله مشتاق لج حسي فيني جنى : لو الشي بيدي ما فوت دقيقة وحدة من حياتي بدونك بس مثل ما تدري تركت الجامعة و اهلي يبونها حجة علشان ما اطلع و راح يعايروني و انت قدر ضروفي الي امر فيها و لما اروح الجامعة انشالله هناك راح تشوفني كل يوم محمد :طيب الحين بسكر سكر محمد من جنى و هي بقمة فرحها تعريف شخصية محمد : و مآ آدرآك مآمحمد آنسآن حقير بمعنى الكلمة لو آصف حقآرته من و بغضه و سوآد قلبه مآ كملت آنسان مآ يحب الخير لغيرة هه لآ تستغربون آذا لنفسه مآ يحب آلخير شنو بيكون توقعكم غير كذا يلعب على بنات الناس بشرفهم و اعراضهم و يسلي نفسه بهم و على ما آعتقد الا متاكدة انه هذا الشي من هواياته و للاسف جنى كانت ضحية من ضحياته الي اعتبرها لعبة و جنى بكل سذاجة صدقته و حبته و الله اعلم بالجاي بداية تعرفه على جنى : كانت تتمخطر بكل انوثة و غنج بالمول و العباية الافته للانتباه خلت كل الاعين عيليها و جمالها زاد الطين بله قربو منها مجموعة من الشباب و عاكسوها و ماخلت كلماتهم من الكلام المعسول و الغزل و كان يصير كل هذا تحت انضار " محمد " قرب محمد لمكان الشباب و ابعدهم عنها و بحكم عضلاته البارزة و هبيته الطاغية خافو الشباب يتمشكلون وياه و تكبر السالفة فقررو الانسحاب وجه نضره لجنى و بابتسامة نصر اما جنى ناضرت له و كلها خوف و اشكرته على موقفه حب محمد ان يستغل الموقف لصالحة و اعطاها رقمة و جنى لما جافت موقفه معاها و شجاعته ما ترددت انها تاخذة و تتصل فيه و مع مرور الوقت كبرت علاقتهم و زاد حبها لمحمد و تعلقت فيه لوقتنا هذا [/size

]

[تماضر]

	البارت الثالث لا تَحسَبي أني أُحبُّكِ مثلما تتصوَّرينَ مَشاعري فوقَ الورقْ أنا شاعرٌ في كلِّ شيءٍ إنما عندَ الكتابةِ عن هوانا .. أحتَرِقْ لا تَحسَبي أن الكتابةَ عن هوانا عَبَّرَتْ هي ليسَ إلا بعضَ دُخَّانٍ قَلقْ إن المشاعرَ لا تُقاسُ بنظرةٍ أو لمسةٍ أو ما بهِ يومًا لسانٌ قد نَطَقْ فرقٌ كبيرٌ بينَ ما نُخفي ونُعلِنُ في العواطفِ ، والعواصفِ ، والأرَقْ حتى السكوتُ حبيبتي لغَةٌ تُعبِّرُ في الهوى فإذا سَكتْنا .. فاعلمي أنَّا على وَشْكِ الغرقْ أنا كلُّ ما سطَّرتُهُ مِن فِتنَةٍ هو ليسَ إلا ذَرَّةً مِن وَحيِ كَونٍ في جَوانحِنا خُلِقْ *** كلُ الحساباتِ التي في العشقِ تُفرَضُ دائمًا.. حِيَلٌ تُقالُ وما لهُنَّ أساسْ قد نَستطيعُ تتبُّعَ الزلزالِ ، نرصدُ قوَّتَهْ لكننا لا نَستطيعُ بأيِّ حالٍ نَرصدُ الإحساسْ نبضُ القلوبِ ، حنينُها ، أشواقُنا ، آلامُنا ... شيءٌ مُحالٌ في الوجودِ يُقاسْ فقلوبُنا مثلُ اللآلئِ مُنيتي وعلى القلوبِ تُخَيَّرُ الحُراسْ فهناكَ قلبٌ مِن حَجرْ وهناكَ قلبٌ قِطعةٌ مِن ماسْ إيَّاكِ أن تتصوَّري أن القلوبَ تَشابهَتْ إلا إذا .. يومًا تَشابَهَ شكلُ كلِّ الناسْ فالعمرُ يُحسَبُ بالسنينِ حبيبَتي لكننا في العشقِ نَحسُبُ حُرقَةَ الأنفاسْ عند سارة اصطدمت بواحد و من قوة الصدمة بغت تطيح بس هو كان المنقذ لها و مسكها رفعت راسها و ناضرت فيه بطلت عيونها على كبرهم و وقفت جامدة في مكانها الشخص : اسفه اختي سارة بعدها بحالة صدمة ابد موب قادرة تسوعب" هذا الي دوم كنت افكر فيه ليل و نهار و مستبعدة اني اجوفه و الحين الاقيه جدامي مشعل كان يركض و هو متناسي الموقف الي صار له مع سارة و فجأة وقف "هذي موب الي تهاوشنا معاها الا هي" ركض متوجه عندها بعد ما شافها واقفة و ما تحركت من لما راح من عندها اطلق تنهيدة براحة مشعل: لو سمحتي سارة فزت لما سمعت صوته لفت علشان تناضره من لما شافته تجمدت اكثر و هامت و تمت معلقة و اتناضرة عيونه " عيونه فيها سر يجذبني تخليني اتعلق فيها كلما اناضرها ما ودي اشيل عيني" :...... مشعل:مضيعة شيء في ويهي سارة : هاأإ ..... بغيت شيء مشعل بجرأة : ما بغيت شيء .. بس بغيتج انتي سارة وهي تاشر على نفسها و ماهي فاهمة شيء : بغيت انا مشعل:و في احد اكلمه غيرج انتي سارة بثقل:نعم.. شنو بغيت مني مشعل بمكر و هو يخفي الخبث الي داخله :اذا قلت لج من لما جفتج في المول و انتي موب راضية تطلعين من هني "يأشر على راسه" سارة :انا موب فاهمة شيء .. و الحين انا راح امشي ابتعت خطوات عنه .... بس استبقها و وقف قدامها .. قبل ما تبعد عنه .. و يهدم كل شيء بناه: لحضة .. انا احبج .. الا متيم فيج سارة ما خلت معالم و يهها من الصدمة : هاأإ مشعل : الي سمعته .. و لا تفكريني من هذول الشباب الي يعتبرون البنية جكارة متى ما انتهو منها داسو عليها سارة بتفكير : بس... مشعل قاطعها : لا بس و لا شيء انتي اخذي كرتي و ما راح اجبرج انج تتصلين ... فكري و راح تلقين كل حرف قلته لج انا صادق فيه سارة اخذت الكارت : انا الحين مضطرة امشي مشت سارة و هو فرحان بأول خطوة سواها و هي استغلال سارة لصالحة لما رجعت البيت اتصلت لريناد الي كانت زعلانة مني بسبب هواشنا اخر مرة في الستي و راضيتها باسلوبي كنت فرحانة حيل و هذا الشي الي خلاني اتصل فيها في بيت ابو سعود ام سعود: هذي بنيتي شلون ترميها جذي و هي بعدها صغيرة انا ما اقدر اسلمها لشاب و هي بهالعمر .. انت ما تعرف ريناد شنو بالنسبة لي.. هي عيوني المركبة .. تعرف يعني شنو.. هذي ضناي .. حملتها في بطني 9 شهور و ربيتها و سهرت عليها و كبرتها .. و كنت كل يوم اشوفها تكبر جدام عيني و اتمنيت اشوفها بفستان العرس .. كان ودي اشوفها بالفستان الابيض و ازفها في عرسها .. و الحين راح تزوجها بهاذي الضريقة و انتهينا ابو سعود: مثل ماهي بنتج هي بنتي .. و انا ادرى بمصلحتها .. و عطيت الريال كلمة و ماراح اتراجع عنها .. و الزواج راح يكون بعد اسبوعين .. بس عقد زواج .. و الريال مستعيل و ما يقدر يأجل اكثر من جذي .. و اسبوعين اعتقد مدة كافية ان نفسيتها تتعدل و تتقبل هذا الزواج تعلى صوتها و زاد بكائها و دموعها تنحرف على خدها حسرة على ضناها . سمعت صوت صراخ امي و عرفت انها كانت تبكي من طريفة صياحها و شهقاتها .. قمت مفزوعة من محلي .. متجه لمكان الصراخ.. و انا قلبي طاح في بطني .. و كلما اقرب من الصوت تزيد دقات قلبي .. بس شفت امي منهارة على الارض و تبكي بحرقة قلب ..و ابوي يناضرها ببرود .. حسيت ان لساني انشل .. مصدومة من الي شفته حطيت يدي على قلبي .. و نزل سعود وراي ..ما كان حاله احسن من حالي بس ما منع نفسه من السؤال سعود : يبا .. يما.. شصاير اصواتكم وصلت لفوق ابو سعود وجه نضره لريناد الي واقفة محلها من اول ما نزلت ؛جهزي اغراضج يا بنت .. بعد اسبوعين راح يكون زواجج ريناد:... ابو سعود:يا بنيتي الريال راعي منصب .. و انا لو ما كنت متأكد من اخلاقه ما كنت وافقت من الاساس عليه ريناد"في هاللحضة الدم في عروقي وقف .. و مخي موب قادر يتوعب الي قاله ابوي .. و قلبي زادت دقاته .. حاولت اتماسك اكثر لكن اختل توازني و اغمى علي تخلخلت رائحة المعقمات و الادوية انفي .. كنت اسمع صوت رتيب دخل لمسامع اذني .. هذ الصوت هو الي شادني للواقع ..و بتدريج بديت اميز الصوت .. فتحت عيني بشويش .. دخل النور في عيني .. يكسر الضلام الرهيب من حولي .. كل شيء كان ابيض في ابيض .. لمحت امي الي كانت تبكي .. غمضت عيني مرة ثانية .. استرجع الاحداث الي صارت لي .. و شلون وصلت لهذا المكان و ليش .. عرفت الواقع المر الي اعيشة .. تمنيت اني ما صحيت و ارجع لعالم الغيبات .. و لا قلبي يتقطع مليون مرة .. فتحت عيني بقوة .. و صرخت باعلى صوتي .. و دموعي تنزل بغزارة .. و امي تهدي فيني .. و ابد ما كنت استجيب لها .. اعتلى صوتي اكثر و اكثر .. نادت امي الممرضات .. الي عطوني ابرة حادة دخلت داخل جسمي .. و بدأ مفعولها يسري بعروقي .. و رجعت لعالم الغيبات عند سارة رجعت من البيت و انا ما كنت مصدق الي صار لي حسيت نفسي بحلم ما ودي اصحي منه ناضرت رقمه الي عطاني ايا.. جتني رغبة اني اتصله و اسمع صوته .. مع اني كنت معاه من اشوي .. بس ما شبعت منه .. ما عرفت الي اسويه صح او لا .. رفعت جوالي .. كانت الاصوات و الافكار تتزاحك و تتصارع جواتي .. في صوت يقول اتصلي و الصوت الثاني يقول خلج ثيقلة و لا تتصلين .. تجاهلت كل الاصوات .. و رفعت الجوال.. و ضغط رقمة .. رن الجوال و بعدها جاني الصوت مشعل : الو .. سارة بارتباك : امم مشعل .. انا سارة مشعل بابتسامة مكر : اهلين سارونه ما امداج من شوي كنت معاج سارة بخجل و قالت بصوت يا دوب ينسمع :شاسوي اشتقت لك مشعل : و الله انا اكثر يا قلبي ما تدرين شكثر فرحت باتصالج لي بس انشالله ما تكون اخر منه سارة : لا تخاف ما راح تكون اخر مرة اندمجت سارة معاه بالسوالف و هو يسالها عن ريناد باسلوب غير مباشر و بسياسة سكر مشعل من سارة و الافكار الشيطانية كلها تتراقص في مخه و ما يخلا من تفكيره الشين : صحيح كان رفيجي من عمر بس الحين الكره المتعشعش له داخل قلبي ما ينوصف السبب ريناد .. ما ادري هل هو حب تملك فيني او اي شيء ثاني .. بس الشي الي اعرفه انه ما ابيه يخاذها .. في اول مره احس بحساس حلو و صادق اتجاه بنية بجي و بياخذه .. انا متأكدة انها مجبورة من كلام سارة عنها و ابد موب متقبلة هذا الزواج و نفسيتها زفت .. و هذا الزواج من البداية مبني على خطئ .. هذا الشي راح يسهل الوصول لشي الي ابغيه .. راح اخلي سارة تنقل لي كل الشي عن ريناد .. اصلا هي صارت متيمة فيني.. و راح تبوس التراب الي امشي عليه.. و انا اعرف تأثيري على هذا النوع من البنات .. و انا باسلوبي السياسي و الغير مباشر و بغبائها راح اعرف كل تحركات ريناد لين انفذ الشي الي في بالي .. ان ما خليتج تفكرين فيني ليل نهار ما اكون انا مشعل.. عند ريناد مر اسبوعين كغمضة عين .. اتغيرت احوالي .. صرت ما اعرف نفسي.. صرت دايما معتزلة نفسي بغرفتي ..و مكتسية فراشي .. و دموعي الي ما تفارق خدي..موب انا ريناد الي ما تفارق ويها الابتسامة .. و مليئة بالنشاط ..صار وجهي شاحب و تحت عيوني سواد ..قمت ادعي ليل نهار ان الله ياخذني و يريحني ... اه يا يوبا شسويت فينا حولت حياتي لجحيم .. عرفت اني رخيصة .. و بعتني بارخص .. رميتني رميت الجلاب .. انا ما بنيت حياتي على هذا الاساس .. كنت طول عمري اناضر نفسي بفخر ..و ابني و ارتب حياتي على .. بس طلع كل هذا حلم .. انتم عودتوني اني اتخذ قراراتي بنفسي طول عمر محد يتحكم فيني .. و في الموضوع الوحيد الي المفروض اكون انا صاحبة القرار لم شاورتوني فيه ..و سلموني لواحد زفت .. حتى نضرة شرعية ما في .. انا حتى اسمه ما اعرفه .. ما اعرف و لا شيء عنه .. بس ما راح اسمح له يتغلب علي و ايأس .. و لا راح افقد الامل بالطلاق ..راح اطفش عيشته.. راح اوقفهىعند حده من البداية عشان ما يتمادى معاي و اقوله اني مجبورة عليه .... لين ما يطلقني و اعيش حياتي حرة .. و ارجع ريناد المدلله الي محد يقيدها .. و محد يرد لها طلب ..و اثبت لابوي ان القرار الي اختذه غلط.. غسلت وجهي ..لبست فستان اخذر مزخرف من الصدر باللون الفيروزي و الازرق الغامق يوصل لنص الركبة .. و كعب علي باللون الفيروزي .. و اكسوارات مناسبة للفستان .. سويت حق شعري ويفي خفيف .. و طلعت مية على مية .. نزلت من الدرج بشموخي المعتاد و انا كلي اصرار على الي بسويه في عريس الغفلة ..وصلت لطابق الارضي .. و هاذي اول مرة انزل بعد ما اغمى علي .. كنت طوال الفترة الي مضت حابسة نفسي بغرفتي و مالي مزاج اتكلم مع احد ..ناضرتني امي .. الي بين انها فرحت و رتسمت على ويها البسمة .. ما تعرفون شكثر فرحتني ابتسامتها و ردت لي الروح .. رديت لها الابتسامة , لاحضت امي التغير الي واضح من وجهي و تصرفاتي .. و هذا خلاها تفكر اني اقتنعت بالي كاتبة لي ربي .. و اتقبلت الامر الواقع..اه يا يمة لو تدرين .. و من سابع المستحيلات اتقبل هذا الزواج سارة : صار كل يومها مشعل .. ليلها و نهارها .. تصبح و تمسي عليه .. و ما تقدر تخبي ادق الاشياء عنه .. و تحس انها مسحورة فيه .. قلبتني فوق تحت .. اتمنى ان يكن لي نفس الشعور الي اكنه له .. عند جنى : الي كانت تبني احلامها مع محمد .. مو اقل حال من سارة الا اكثر .. محمد يسحرها بكلامه المعسول و الانثى تقودها عاطفتها قبل عقلها .. رقيقة في مشاعرها و صادقة ..و تضيع ايامها و سنينها مع واحد حقير .. يتللذذ و يتفنن بتمثيله الموهوب.. و بكلامة الجياش الكاذب .. يجعل قلب جنى الطاهر العفيف يتوغل و يتلوث بقذارته و نجاستة ..مسكينة يا جنى ..تتوقع كل الناس نفس قلبها الطيب النضيف...ابد ما يخطر في بالها و لو 1بالمئة انه محمد يكذب عليها و هو اقرب الناس لها .. حسيت روحي بدوامة .. الافكار تروح و تجي و الخوف مسيطر علي .. طول اليوم ما هدأ لي بال.. بس كنت اقوي روحي بكلماتي المعتادة و ازيد من اصراري .. ناداني ابوي ابو سعود :ريناد .. ريناد ريناد : نعم يوبا ابو سعود : مسكي فستانج و هذا طقم الماس ريناد بسخرية : هه ليش الفستان ما دام ما في حفلة ابو سعود: ريلج يبي يجوفج بكامل زينتج ناضرته ببرود .. ركزت على كلمة ريلج.. شكثر اكرها هذي الكلمة .. ما اقدر امسك نفسي خفت الدموع تنزل جدام ابوي .. خذيت الفستان و الطقم : طيب و ركبت فوق متجه لغرفتي ..ناضرت الفستان ..كان راقي بمعنى الكلمة.. وهذا اقل ما ينقال عنه ..كان واضح عليه الفخامة .. اندهشت من ذوقه الراقي ..هه والله و طلعت ذويق .. رميت الفستان ع السرير بهمال جات اللحضة الحاسمة .. لحضة موتي .. المفروض اي وحدة محلي تكون فرحانة و سعيدة بزواجها .. الا انا .. احسه يوم موتي.. ناضرت الفستان الابيض الي علي و تمنيت ان يكون الكفن .. صحيح كنت بقمة الجمال و الروعة .. بس كله ما يهمني .. الي يهمني شئ واحد .. احصل على ورقة طلاقي < وايد تحلمين يا ريناد رفع بو سعود سماعة التيلفون و اتصل ع فيصل فيصل بصوته الرجولي : اهلين فيك بو سعود بو سعود رد له التحية :هلا فيك ياولدي .. البنت جاهزة .. و انتو بعدكم ما وصلتو.. فصيل : لا تحاتي يا بو سعود مسافة الطريج و انا عندك بو سعود: يلا ياولدي عجل فيصل: ولا يهمك عمي اتصل فيصل على الشيخ .. و اخذ 2 شواهد.. وصل فيصل لبيت بوسعود.. و رحب بفيصل ترحيب حار .. فيصل : السلام عليكم عمي بو سعود: و عليكم السلام يا وليدي فيصل : يلا يا بو سعود الشواهد و جبناهم .. و الشيخ الحين بيوصل .. بو سعود وصى فيصل ع ريناد عند ريناد و الدموع تنهمر على خدها الناعم .. و ام سعود نفس حال بنتها .. وصل الشيخ و وقع فيصل .. و بقى توقيع ريناد .. بو سعود ينادي ع ريناد:ريناد .. يلا مو باقى الا توقيعج ريناد مسكت القلم و ضلت تناضر العقد .. جافت اسمه و توقيعه .. في داخلي صوت يصرخ .. اتمنى يصير اي شيء بس ما يصير هذا الزواج.. سالت دموعي على خدي بغزارة .. ناضرت ابوي بنضرات كلها ترجي يمكن يحن قلبه و يلغي هذا الزواج .. بس كان يناضرني ببرود .. ولا هامته ادموعي .. عرفت انه ما في امل يرجع عن قراره .. وجهت نضري لامي و جفت عيونها الحمرة الي كانت تبين انها كانت تبكي و تناضرني بنضرات كلها انكسار .. .. لكن ما باليد حيلة حكم القوي على الضعيف.. مسكت القلم و وقعت .. ابو سعود : يلا يا بنيتي زوجج ينتضرج ام سعود: زوجتها غصبن عنها و وافقنا..بس الحين خلني اشبع من شوفتها خلني اشبع من شوفتها ابو سعود : ربع ساعة و انتي جاهزة يا ريناد ريناد بضعف و بصوت كله انكسار: طيب ودعت بنتها و هي كلها خوف على بنتها .. مسك ابو سعود يد ريناد بعد ما لبست طرحتها ... مشت معاه و هي منزلة راسها .. ابو سعود: اخذ يا فيصل حرمتك و هي امانة برقبتك فيصل: ريناد بعيوني يا بو سعود ريناد:"مو غريب على هالصوت سامعتة من قبل .. الله يستر بس " مسك فيصل يد ريناد الناعم .. ر ريناد :" لما مسك يدي حست باشمأزاز فورا باعدت يده عني " ركبت معاه السيارة و انا ملتزمة الصمت و هو نفس الحالة ما سالني و لا سولف معاي هذا الشي خلاني ارتاح مبدئيا ناضرت له لثواني و باعدت عيني .. بس بعدين رجعت ناضرته.. كان شكله مألوف بالنسبة لي .. حاولت اتذكر وين شفته .. هذا هو.. ريناد باندهاش: هذا انت فيصل بابتسامة سخرية : ههههه اي انا عند مشعل: ودي الحين اروح لفيصل و اتوطى ببطنه الكلب .. الحين هذي الي معاه.. من المفروض تكون معاي انا.. استغفر الله ربي .. انا شقاعد اقول.. انا ما ابي اضر رفيج عمري .. بس في حب جواتي اقوى من حب فيصل.. ما ادري .. حتى لو كانت انانية انا الحين هدفي ريناد .. ريناد و بس .. نهاية البارت

انتضروني
راح يصير اكشن...

توقعاتكم

مشعل و استغلاله لسارة هل راح يأثر على زواج فيصل؟
جنى و محمد؟
سارة ؟
و فيصل و ريناد ؟!

[kawthoura]

yeslamooooooooooooooooooooooooooooooo 7ayati

[تماضر]

المشاركة الأصلية كتبت بواسطة دلع الكويت

اختيار موفق ورواية جميله عزيزتي

واصلي نقلج ونتمنى منج إكمال نقل الروايه لنهايتها

وديـــ ...

" دلع الكويت "

شكرا لك حبيبتي و الحمد لله اعجبتك الرواية
و كل يومين و سانزل بارت ان شاء الله

[تماضر]

المشاركة الأصلية كتبت بواسطة فيتامين سي

ياهلا يالغاليه بدايه مشوقه وأظن فيصل حط ريناد براسه
وراح تنجبرعلى الزواج منه
تابعي النقل يعطيك العافيه

شكرا لك حبيبتي و الحمد لله اعجبتك الرواية