عند نايف اللي وجه مسدسه على العصابه
نايف – كل واحد يرمي اللي بيده ويرفع يدينه فوق بسرعه .... في هاللحظه يوصل تركي والجنود معاه ... نايف حس بالربكه من الدخول يحسب انهم من العصابه .. واستغل هالشي واحد منهم 00اللي اطلق المسدس 00 وانطلقت منها رصاصه استقرت بكتف تركي .. اللي توجه وحط نفسه درع بشري 00 يحمي فيه نايف بعد ماانتبهه لحركة المجرم 00 واللي كان بيعمله في نايف نايف – لاااااااااااااااااااااااا اا ترررررررررررررركي تركي اللي اغمى عليه .... والجنود اللي حاصروا المجرمين وقيدوهم نايف – بسرعه دقوا على الاسعاااااااااااااااااف بسررررررررررررررعه
بعد شوي اختفت كل الآصوات واصبح المكان هدؤ ... سمعت حد يقتحم غرفتها 00خافت 00 بس انصدمت من اللي اقتحم غرفتها عيشه تصيح وتبكي وتولول ونوف اللي قمزت واقفه ومرتاعه نوف – عيشه شفيك ليش تبكين عيشه وهي تبكي – مازن مازن ياست نوف مكاش لحد دلوئتي نوف – بسم الله عليك بسم الله عليك يمكن مشغول عيشه – لاياست هآنم دا دئيلي الساعه تمانيه وئلي بنت ياعيشه كهزي العشاء يابنت وكهزت العشاء ولحد دلوئتي مكاش دنا خايفه ياستي خايفه انتي بتعرفي دحنا في غربه ومانعرفش ناس كتير ( وهي تولول وتبكي ) نوف – ياستار استر ياستار استر اللهم احفظه اللهم احفظه تعالي تعالي نخبر مشعل يتصرف توجهوا على جناح مشعل 00ونوف تطق الباب وهي خايفه ومنقهره في نفس الوقت انها ذلت عمرها لهالانسان هالمره اللي فتح الباب ريتا هي تعرك عيونها- نعم ماذا تريدون نوف وهي مفوله من اللي قاعد تشوفه بقميص النوم ولاالميكاب الكامل ولاالشعر السايح – صحي مشعل بسرعه ريتا وهي تمسك الباب بحيث مايشوفون اللي خلفه وهي واقفه عليه ومتسنده – وماذا تريدين منه نوف بقهر- ابيه بسرعه تلحلحي وصحيه ريتاوهي تبتسم بسخريه – هه أتريدنني ان اصحيه ليرى تفهاتك اغربي عن وجهي ( وهي ترقع بالباب ) نوف اللي فولت من حركتها عيشه بضعف – خلاص ياست هآنم خلاص مش لازم دنا خايفه يزعل مني سي مشعل نوف – روحي هناك بس بيقوم يعني بيقوم وتوريني هالحماره كيف ترقع الباب بوجهي ... تطق الباب باأقوى ماعندها خلت اللي ماارتج يرتج مشعل بعصبيه وهو يفتح الباب – خيـــــــــــرررررررررررر رررر نوف اللي تلعثمت من عصبيته 000 وعيشه اللي اتخبت خلف نوف تستحمي فيها نوف – ا اااا ا اااا مشعل – خير انتي وياها تصحوني عشان تقولين اا ااا ااااااااا نوف بقهر – لا مازن مارجع لسه وعيشه خايفه عليه وتبكي تقول من الساعه ثمانيه وهي تنتظره مشعل بصدمه – شنهووووو مجاء لسه عيشه اللي طلعت من ورى ظهر نوف وهي تبكي – يا سعات الباشا دا مكاش لدلوئتي وانا خايفه عليه دنا مليش غيركم دا انتم اهلي وانا خايفه على مازن المسكين مكاش لحد دلوئتي مشعل – طيب دقيتي عليه جوال عيشه – ايوه بس مايردش مشعل بسرعه يدخل يغير ملابسه ويطلع ونوف تلحقه نوف – مشعل مشعل لف وجهه لها وهويحرك وجهه ( يعني خير ) نوف – طمنا اول ماتلقاه ..... كانت ناويه تقول انتبهه لنفسك بس حست نفسها مايستاهلها على انه ولد عمها بس اللي سواه فيها موشوي
ريتا اللي طلعت لعيشه ونوف 00 في الصاله وهي تسب وتشتم نوف – هيه هيه هيه ياانتي اسمعي قسم بالله لوماذلفتي من قدام وجهي لتشوفين شي عمرك ماشفتيه ريتا – هل تحدثيني انا .. ايتها القرويه نوف – مصدقه عمرك يالله يالله اذلفي من قدامي بسرعه عيشه وهي تخبط على يد نوف – هدي هدي مايصحش العصبيه ياست هانم نوف – ماتشوفينها ياعيشه مصدقه عمرها ذي ريتا تقترب من نوف تبي تضربها بس نوف باغتتها بالكف ريتا وهي تمسك خدها – ساتندمين صدقيني ساتندمين على فعلتك ايتها البلهاء الغبيه نوف – اعلى مافي خيلك اركبيه واللي ماتطولينه بذراعك واصليه برجولك واذلفي من قدامي لااقلب عليك اليوم عاليها واطيها ريتا طلعت من عندهم وهي معصبه 00 وناويه ماتعدي اليوم على خير نوف اللي ظلت طول الوقت رايحه راده ... رايحه راده ... وفي قرارة نفسها متأكده انها اليوم بتنضرب بتنضرب لمحاله
في السياره حمود وخالد ومعهم منال اللي قابعه ورى ... وهي تقرص يدينها .. ومقطعتها تقريص من الحديث اللي يصير بين اخوها وخالد ... وهي ماهي مصدقه انها طلعت من البيت اللي ذاقت فيه العنا والويل خالد – حمود شفيك اقولك شقتي موجوده ليه تعارض وتمانع انهبلت انت حمود – خالد افهم علي مااقدر وبعدين انت تحتاج شقتك لاتنسى اصحابك اللي يجون لك كل شهر وتضّيفهم فيها خالد – وانا قلت لا يعني لا شقتي موجوده وبلا نقاش الله يخليك حمود – مدام كذا اجل اصبر علي لين ادور لنا شقة طيبه تضفناوبنخليلك الشقه خالد اللي مصدق يرضى – الشقه وراعيها تحت امرك ومتى مابغيت هي موجوده
الساعه صارت الرابعه صباحا بتوقيت النمسا ومشعل لحد الحين لاهو ولا مازن بينوا عيشه – نعمل ايه ياست هانم نوف وهي خايفه – ان شاءالله خير يارب ان شاءالله خير
بعد فتره مشعل يدخل وهو باين من شكله تعبان بالحيل نوف وعيشه بسرعه يتراكضون نوف – وش صار مشعل يناظرهم ويركز نظره على عيشه – خلاص روحي ياعيشه هو في الملحق وصل عيشه – فين حصلته ياسعات البيه مشعل – سيارته متعطله وجواله مسروق نوف – الحمدالله الحمدالله لك يارب خلاص روحي لمازن ياعيشه عيشه – فوتكو بعافيه وسمحوني على الازعاك نوف – حصل خير ياعيشه اهم شي اطمنا عليه
مشعل طلع الدرج ونوف جلست في الصاله طار النوم من راسها
بعد فتره 00 مثل الاعصار نازل عليها مشعل 00 وعرفت السبب وخافت مشعل معصب وعينه في عينها وهو يتوجه إلها – ليش ضربتي ريتا نوف – تستاهل مشعل – احلفي ياشيخه نوف – قاعده تسبني اسكتلها تخسي مشعل يقترب منها ويلف يدها بقوه ويحط ضهرها خلف صدره ومقرب منها وهو يهمس ... مشعل - ليش مديتي يدك عليها نوف – أي عورتني فكني مشعل – قبل لاتقولين ليش ضربتيها مااني فاكك نوف وهي تتألم – قلتلك تسبني وتقولي قرويه مشعل وهو يعض على شفته من العصبيه – ليه موانتي قرويه نوف عشان تقهره – شرف لي اني اكون قرويه عسل على قلبي بس هم احسن مني بكثير مشعل وهو مقرب من اذنها – امممممم اجل عسل على قلبك نوف وهي معصبه – ايه .. ورجاء فكني يدي تعورني مشعل فجأها ابوسته القويه على شفايفهااللي ألجمتها ,, بعدين دزهاعلى الارض ومسح شفايفه بتقزز مشعل – وووووع ( وراح وخلاها )
يناظر الشباك اللي في غرفتها بس مشافها مايدري ليه مايبي يروح من هالمكان وحاسس فيه بالآمآن 00 جلس وهو يتذكر أمل اللي ماغابت عنه دقيقه وحده 00 ضحكها 00 سوالفها معاه 00همسها 00 ريحة عطرها 00 يتذكر كل شي وكأن هاللي صار بس البارح مكان صار عليه وقت وفتره وسنين رفضت تدمل هالجرح اللي ينزف منه عبدالعزيز – لازم اسوي اللي نسيت اسويه عشانك ياأمل لازم جلس على الكرسي وهويحس بالحنين 00 معقوله ياامل حبك كبر فيني مثل الوليد الصغير اللي يكبر في كنف امه 00 مقرك في قلبي ياأمل مقرك في قلبي ولحد يستحل هالمكان 00 مخصص بس لك مخصص بس لك .. وموتك مايبعدك عني ... اذا رحتي عن الحيآه تراك استقريتي بقلبي
عند الطوارئ نايف ولبسه العسكري كله غرقان دم وهو منلجم ولايرمش ولاينطق بحرف عيونه متوجهه بس لباب العمليات لهالباب اللي دخلوا فيه تركي خلف – ياطويل العمر موزين اللي تسويه في نفسك إن شاءالله بيصير بخير لاتنسى انه كم مره انصاب نايف وفي قلبه ودموعه على خده ( الخوف كل الخوف تصير فيه عاهه مثل الآصابات اللي قلت عنها ياخلف ,, الخوف كل الخوف تصير فيه عاهه مثل الآصابات اللي قلت عنها ياخلف آآآآآآآآآآآآه ياتركي انا سبب اللي انت فيه انا سبب اللي انت فيه خلف – ياطويل العمر لازم نبلغ آهله نايف واللي كنه صعق – آهله خلف – ايه اهله لازم يدرون عنه نايف – اصبر شوي ياخلف ماابي اروعهم ومثلك عارف مافيه رجال عندهم كيف باانصاص الليالي نسحب حريم للمستشفى خلف – ليه ووالد تركي وينه نايف وهو يسرح بتفكيره – والد تركي يطلبك البيحه ميت له سنه خلف – إن لله وإن إليه راجعون سامحني ياطويل العمر 00 مثلك عارف مالي فتره من تعينت 00 ومااعرف شي الله يرحمه يارب رحمة واسعه نايف – آيييييييه عزالله من خّلف ممات ياخلف .. عزالله من خّلف ممات ... العم علي كان من اكبر المحاربين لااهل المخدرات ... رباني انا وتركي وزرع فينا محبة الوطن ... والدفاع عنها ... ومن أول ماتخرجنا خذانا بايدينا وسجلنا في الكليه العسكريه .. تصدق ياخلف لوأقولك عمرهم ماحسسوني باليتم ... كان العم علي ابوي .. وتركي الله يحفظه أخوي .. هه راح وياخوفي تركي يلحقه ( وهو يشهق من الذنب والنار اللي تسعر في صدره )
لحد الان مصعوقه لا والصدمه صدمتين لا ماابي ابكي انا عمري ماكنت سلبيه بهالشكل لا انا مو مو مو ( وانخرطت في دوآمة بكا كل ماتذكرت اللي سواه فيها وكلمة الوووووع اللي موقادره تنساها والآهانه تحرق قلبها وروحها قبل تذبحها ,,, طلع الصبح وصار الظهر ... وهي ميته بكا ... وتحس نار الآهانه بتذبحها رفعت راسي وانا مقرره مااكون ضعيفه ابد .. هه كم مره قلت هالكلمه ... كم مره قلت ماابي اكون ضعيفه واضعف ... ليه اضعف لييييييييييييه ,, والله مااجلسلك دقيقه وحده يامشعل والله مااجلس دقيقه وحده ,, عشان ماعندي آهل ( واقوم اشهق ) مافيه حد يوصل حجم آحساسي .. انا انهنت .. انهنت .. باابشع صوره 00 انا انقتل جواي احساس انثى 00 انا ناقصه ناقصه 00 وياليت نقصي في أي شي الا نقص الكرآمه 00 شي يذبح شي يذبح دخلت الحمام 00 وجلست في المروش بملابسي 00 وفكيته علي 00وكل ماتذكرت اللي سواه فيني 00 مسحت شفايفي لين صار الدم يخرج منها00 وحسيت اني قطعت الجلد 00 ولحد الان امسح واشهق 00 انا انطعنت 00 انطعنت 00 باابشع صوره سمعت الباب يدق .. ماابي ارد على احد وحسيت حد دخل الغرفه واللي عرف اني بالحمام وطق علي ماابي ارد على احد ماااابي عيشه – ياست هآنم ياست هآنم حاولت اضبط صوتي – نعم نعم ياعيشه ( وامسح دموعي اللي مثل المطر) عيشه – سعات الباشا هو والمزغوته اللي متتسماش بينتزروك عل الغداء نوف بصراخ – ماابي قوليلهم ماابي ماابي شي ماابي شي عيشه بخوف – حازر حازر بس ماتزعليش يامدام طلعت عيشه وهي تدعي على المزغوته على قولتها اللي خربت شهر العسل على المسكينه نوف
نزلت تحت وخبرتهم مشعل – وليش ماتبي حضرتها عيشه – مااعرفش يابيه اظاهر وربنا يعلم انها تعبانه مشعل – مايهمني وروحي قوليلها مشعل يقول لازم تنزلين ماابي تموت وابتلش فيها ورانا من وراها مصلحه عيشه بلقافه – مصلحة ايه ياسعات البيه مشعل بصراخ – وانتي شايخصك اذلفي وقوليلها اللي قلتلك عليه عيشه بخوف وهي تركض – حاضر حاضر ماتزعلش يابيه
خبرت نوف بكل اللي حصل 00 اللي كانت طالعه وتمشط شعرها00 وعيونها متورمه من البكاء عيشه – لوماخزه يامدام انتي مالك كنتي بتعيطي نوف – لا عيوني تعورني روحي ياعيشه وخبريه ماراح انزل واعلى مابخيله يركبه يبي يضرب راسه بالجدار بااي شي يصطفل هذا اللي ناقص انزله عيشه وتضرب صدرها – يالهوي ليه الكلام دا ياست هانم نوف وهي تحط روج جلدي يخفي آثار التشققات اللي تسببت فيها شفايفها وتحط كحل يخفي آثار التورم .... هنا عيشه فتحت فمها.. ومطت عيونها.. وسبهت في نوف ,, اول مره من عرفت نوف تحط مكياج ... ويتغير شكلها 360 درجه على مقياس رختر وهي منصدمه أي جمال موجع تملك 00 إذا سببت فتنه لها كيف مشعل ماانفتن بهالحوريه اللي طالعه من عالم ثاني .. معقوله مو رجل نوف وتلف رقبتها ... بتشوف شكلها على جنب .. ناظرت اللي متنحه فيها – وش فيك عيشه عيشه لحد الآن متنحه ومش مستوعبه اللي ينقال لها نوف وتأشر بيدها قدام عيشه – هيه هيه عيشه وش فيك عيشه آخيرا انتبهت – هاه نع نعم ياستي نوف وهي تدهن يدها وساقها وعيشه طارت معها – روحي قوليله اللي قلتلك عليه خليه يزرط جعله سم يارب عيشه متنحه نوف – عيشــــــــــــه عيشه – هاه آيه آيه هاائوله هاائوله ياست هانم امال الجمال دا ائدامه وئاعد بيبص في المزوعه ( وتتكلم وهي تنزل مع الدرج )
عيشه خبرت مشعل وعصب ووقف – اظاهر يبيلها سطارين يصحصحونها عشان تعرف تعاند مشعل مره ثانيه طلع الدرج بااقوى ماعنده .. وهو معصب ويسب .. والدرج يصعده ثلاث درجات .. من القهر .. وقف عند الباب وتنح .. لا بل انصدم
طلع الدكتور من غرفة العمليات ووجهه ماله لون .. وخلف رفع رأسه وشافه بسرعه ركض للمسجد ينادي نايف .. نايف اللي كان طالع من المسجد ويمشي في الممر خلف – الحق الحق ياطويل العمر الدكتور طلع نايف وخلف يركضون بكل قوتهم لين وقفوا عند الدكتور نايف – تكفى بشرني عنه يادكتور
( الجزء التاسع .. الفصل الثاني )
فتحت الباب بهدؤ وانا خايفه يهجم علي 00 ويضربني 00 حيلة الله اقوى 00 الجوع كافر 00 بس ماعليه بأخذ اكل واخبيه عندي 00 نزلت مع الدرج 00 وأنا اسمع آصوات هوش وصراخ 00 تقربت من الصوت 00 وفجأه انذهلت 00 لا قولوا انطرمت سمعته يتكلم بعصبيه وينفخ – وانا شايخصني انا قايلك بعاقبها بطريقتي ... تجيك وتترجآك 00لا وتبوس رجلك بعد 00عشان تكتب البيت بإسمك .. ابي اعرف ليه مستعجل ,, سالم اللي يكلمه بالجوآل ويصرخ – لانك ياترآب طولت 00 هه هذا وانا شاد إبك الظهر 00 حتى ولاعلمت حد من اخوانك 00لاني دائم اقول على كثر ماتعاندني وتتعبني بتصرفآتك 00 بس وقت الشده ألقاك مشعل – اسمعني يايبه هي كلمه من الثنتين المعفنه اللي عندي يإما برسلها عليك طيآره 00وأفعل فيها ماتريد 00 ولاخلني أدبها لك بطريقتي 00 مثل ماامها زي ماتقولون نهبت صالح 00 هاذي موبعيده ناهبة العجوز خلآص انقتلت 00 خلآص انذبحت ابشع ذبحه 00 لييييه لييييييييه ليييييييييييييه انا شاسويت 00 ياربي شاسويت 00 معاد أبي اسمع وانذبح اكثر 00 معاد ابي اسمع 00 معاد ابي اسمع 000سديت آذاني علشان امنع إهانته لي00 نسيت الجوع وكل شي 00 كل اللي استغرب منه كيف رجلي قادتني لباب غرفتي 00ومدري كيف صعدت السلم 00وكيف وصلت الباب00عشان آطيح ويغمى علي 00 وخلاص ودعت الدنيا 00 ايه ودعت الدنيا بعد ماخيم علي السوآد
طلع بعد ماخبر عبدالله بخروجه 00 وهو يناظر الفله حقته 00 اللي باعها ورفض يسكن فيها 00 بعد مصار اللي صار 00 لحبيبته وروحه وقلبه 00 يناظر الفله ودمعته حدور 00 كيف مايبكي 00 وهالفله أكبر شاهد على موت حبيبة عمره عبدالعزيز جلس على الكرسي اللي مقابل حديقة بيتهم 00 وهو يسترجع شريط آحدآث موتها الماسأوي 00 بعد فتره من الانغمآر الروحي في المآضي فوقه 00 مرور بنت خليجيه طبق الآصل من صاحبة الشباك خلاص سماها ( صاحبة الشبآك ) ابتسم من تسميته لها 00 بس فجأه خاف انها تكون ذيك البنت اللي هجمت عليه 00 كشر ونفض ثوبه 00 وقام متوجهه للمشوار اللي جآي علشانه مخصوص وهو يستغفر 00 من الذنب اللي يحسه يطبق على صدره 00
اسمع دق يروع 00 افتح عيوني 00 اتأكد 00 لا الباب فعلا يدق بقوه والجرس ماوقف 00 فزيت مرتاعه وخايفه 00 وركضت للصاله 00 وشفت حمود يناظرني ومرتاع 00 ناظرنا بعض بخوف 00 وركض حمود يفتح الباب 00انصدمنا بقوه صباح وهي تصيح وانهارت على البآب – الحقـــــــــــوا ابوكم الحقووووووووه حمود وهو مرتاع ومنصدم – وش فيه ابوي احكي وش فيه جيت اركض وانا مااحس بجسمي – الله يخليك عمتي وش فيه ابوي وهي ماينسمع منها حرف 00 ماغير تبكي حمود بصرخه – تكلممممممممممي وش فيه ابوي صباح بصياح وكل اللي فهمناه منها – ف ي الم س ت ش فى وشكله يودّع حمود – ايششششششششششش انهرت – لااااااااااااااااااااااا الله يخليك لاتكذبين حمود بسرعه يركض يبدل ملابسه 00 انا رجليني ماتشيليني 00 والله مااقدر اقوم كيف اجيب عبآيتي 00 ناظرني حمود وركض للغرفه 00 جاب عبايتي 00لبستها وانا ارجف 00 وبسرعه طار فينا حمود للمستشفى
محمد بعصبيه – هذا اللي ناقص يابنت امي وابوي ابومحمد بعصبيه – محمــــــــــــد بس عبير – اسمعني يامحمد انا مااطلب اذنك اوشورك انا اقولك من الباب القول لاأكثر الامر والنهي بيد ابوي ( وهي تبوس يد ابوها ) الله يخليه لي انا مااقولك ياولد امي وابوي وانا متشفقه على الروحه 00 يعلم الله اللي خلقك وخلقني 00 اني محدوده 00 ولامآشبرت فتر برى الرياض اذا بومحمد سمحلي يأمرني أمر اروح 00 وإذا رفض عيني اليمنى واليسرى لحاف وغطا 00 امره على قص رقبتي ابومحمد – سمعت عقل اختك 00 ياليتك اخذ منه لوشوي ( وهو يوقف ) - اسمعيني يابنتي بإذن الله مايعوقك بشر بتروحين 00 لجل ترفعين راس ابوك 00 واسمعيني يابنتي مااختاروك الا لكفأتك 00 والله كتبلك هالروحه مانرد فيها القدر خير صار ولاشر محمد معصب – حرآم عليك ياابوي كيف توآفق ابو محمد – عقب شوري مالك كلمه يامحمد هذولي بنآتي انا آمرهن وانهيهن خلك بعيد احسنلك محمد طلع وهو يصفق وراه الباب بقوه
في المستشفى يركضون وحمود رجله ماتشيله 00 ومنال تركض بلا هوآده تركض وبس 00 وتحس نفسها مذبوحه 00 مهما كان ناوي يسوي فيها 00 يظل الاب والام وكل شي لها 00 هي ماتعرف امها 00 ولالحقت عليها وقفوا عند الدكتور حمود – الله يخليك يادكتور ابوي كيفه الدكتور – ابوك الحمدالله بخير 00 لحقنا عليه اظاهر مكثر جرعه في الشراب منال بسرعه خرت ساجده شكر لله سبحآنه حمود وهو ذابحه حآلتهم – دكتور الله يخليك ابي اشوفه الدكتور – خلاص ادخل له بس لاتطول عنده حمود – شكرن يادكتور صباح اللي دوبها وصلت إلهم وهو بإين عليهاالتعب من الدرج – آآآه ليه رحتوا وخليتوني حمود مطنشها ولاعطاها وجه دخل على ابوه 00 وهو يشوف الاجهزه عليه 00 دمع من منظر ابوه 00 وشكله والآبر المغزوزه في جسمه 00 ماتحمل المنظرمهما صار يظل إبوه
في جده 00 وصل الوزير( محمد ) هو وآهله وحتى بدريه ونوره وسالم وطلآل شافت دلال ام تركي وخالته هند وبنتها مشاعل 00 وهي ودها تذبحهم 00 وبنتها المنزويه على نفسها هناك قابعه تبكي جلسوا وكل حد يهدي حآلة الثاني 00 طبعا والمستشفى انقلب راس على عقب 00بمجرد دخول الوزير عليهم 00 والصحآفه ماليه المستشفى 00 وكل حد يبي يستشف خبر يكتب بكره عنه 00 ساره اللي زاد غرورها اكثر واكثر 00 ( وللاسف هذا حآل الكثير من مجتمعاتنا ,, الله يصلح الحآل بس هذا تخلف وربي )
في المستشفى فتحت عيونها 00 وهي مستغربه هي وين 00 ماهي ذاكره شي 00 مسكت راسها وهي تحس باآلم 00 فجأه ردتلها كل ذكرياتها 00اسمعت عندها صوت بكأ ودموع تناظر تلقاها عيشه 00 ابتسمت 00 عيشه انتبهت إلها عيشه – الحمدالله على سلامتك ياست هآنم نوف بتعب – الله يسلمك عيشه وهي تدمع – الحمدالله ربنا ستر 00 واللهي الباشا خاف عليك كتير نوف في بالها ( هه وليه مايخاف والبيت مكتوب بإسمي 00 بس وقف التفكير عندي مجرد ماتذكرت00 اني لومت من يورثني غيره 00ازداد رعبي 00 وكل يوم يزداد اكثر وآكثر من هالحقير ) دخل عليهم 00 وطاحت عينها في عينه مشعل بغموض وهو ماشال عينه 00 صمت وهو يناظرها 00 اخذ فتره 00 بعدين على قولتهم ( سكت دهرآ ونطق كفرآ ) مشعل – يعني بتسوين نفسك تتدلعين وتتميرضين 00 عشان مااعاقبك عيشه انطرمت 00 فيه حد يعاقب مريضه بهالشكل عيشه – ياسعات البيه الست هآنم مكلتش من الصباح مشعل وهو معصب من تدخلها – انتي حد خذك محامي عشان تتكلمين 00 اذلفي ودقي على مازن خليه يضفك من هنا 00 انا مدري كيف متحمل لسانك نوف اللي نطقت وهي تمسك يد عيشه وهي تترجأ – الله يخليك عيشه خليك عندي عيشه تناظر مشعل مشعل بعصبيه – ليه بتجيك القطوه تاكلك 00 اخلصي اخلصي بسرعه ترى ورانا طياره 00 ترى مليت من شوفتك اللي اقرفتني 00 ابي ارد لاهلي ولربعي نوف اللي كرامتها ماتسمحلها تسمع مثل هالشي وتسكت 00 فكت الغذايه اللي بيدها مع نزف الدم 00 الآلم الداخلي اشد واعبر00 من اللي الآلم الخارجي 00 وقفت على رجلها وهي تاخذ منديل تمسح فيها الدم 00 وتلبس عبايتها وتناظره نوف بعصبيه – إذا انت ماتبيني مره 00 انا ماابيك الف 00 وإذا انت عايفني مره تراني عايفتك الفين مره 00 كل هذا صار مع ذهول مشعل وعيشه اللي يناظرونها مشعل بعصبيه – يامجنونه شاسويتي نوف بقهر – انت قلتها مافيني شي وقاعده اتدلع طلعت وخلتهم
وآخيرا فاق من الغيبوبه واول حد طلبه خلود ام تركي وخالته اللي عصبوا من طلبه 00 ومشاعل اللي عرفت حجم حبه لها 00 كيف بتقدر تاخذه 00 دخلت له خلود وهي تدمع 00 وماهي مصدقه اللي تشوفه 00 تركي كله ابر واجهزه والاكسجين حوله 00 واجهزة نبضات القلب اللي ضعيفه جدآ اقتربت منه 00 مسكت يده 00 وضمتها وهي تدمع 00 فتح عينه بصعوبه وحاول يبتسم إلها – خ لللللود خلود وهي ماسكه الدموع والبكيه – الحمدالله على سلامتك ياروح وقلب خلود تركي بضعف – سامحيني ياخلود خلود حطت يدها على فمه على خفيف – لاتقول كذا يانظر خلود تركي اللي يحاول يؤخر يدها وبضعف تكلم – انتي تحبيني ياخلود ! خلود وسالت الدمعه – اكيد احبك مافيها سؤال يانظر عيني تركي بضعف ووهن – على كذا بتسامحيني على اللي سويته فيك خلود وهي تدمع – يعلم الله من انربط اسمي بإسمك ماشفت شي يكدرني منك ياتركي تركي – مصيرك بتعرفين 00 مصيرك بتعرفين 00 ( وهو يغمض عينه ) بصعوبه تكلم – خلي نايف يجيني ابيه خلود – إن شاءالله جت بتطلع 00 مسك يدها وباسها 00 ابتسم إلها ( وكل هذا وهو مغمض عينه )
طلع معصب وراها وهو يسب ويلعن 00 مايعجبه عجب لقاها واقفه تنتظرهم 00 ناظرها وناظرته بعصبيه 00 ولوكانت ناظرتهم تذبح 00 كان يمديهم ذبحوا بعض وقف عند السياره وفتحها 00 ركب وهو معصب 00 ينتظرهم يركبون ركبت نوف ورى 00 جنب عيشه مشعل بعصبيه – لاسواق ابوك انتي وياها هآآآآآآآآآآآآه نوف – مايخصك فيني 00 ولايخصني فيك 00 خلك بعيد عني احسن لك كل اللي سمعته بثورته انه نزل 00 وقرع بالباب بقوه 00 خلتهم يتقامزن ويصرخن نوف – مجنون هذا بس اللي ماتوقعته انه فتح الباب اللي بجهتها 00 مسكها بعضدها وشدها 00 لين خلاها توقف وهي تصرخ من الريعه 00 اخذ عقلها نوف – هييييييييييه وش تسوي كل اللي يسويه بصمت 00 فتح الباب الآمامي ودزها فيه 00 وناظرها نظره 00 لوتموت ماتفتح فمها عقب مافتحته 00قرع بابها بقوه 00 واجلست تسمي اسمعت قرعته لبابه بقوه 00 شغل السياره 00 وطار فيهم 00 وهي مغمضه عيونها وخايفه من سرعته المجنونه
في غرفتها حبست عمرها 00 هي موبعآدتها تدمع ولاتضعف 00 بس هذا غآلي هذا محمد 00 نظر عينها 00 كيف قالت له هالكلام 00 ليه عصب من الموضوع 00 لومقنعها بوجهة نظره 00 تركت الشغل لعيونه 00 بس فرض الرأي بهالشكل 00 والاستعباد اللي تحس فيه من طريقة رفضه 00 خلتها تصمم اكثر واكثر طق الباب عليها 00 ماتبي حد يدخل عليها00 هي تعرف نفسها بس تقعد شوي بعدين ترضى من نفسها بغصب عنها – مين ام محمد – انا يمه عبير تقوم تفتح الباب باست راسها – حياك يمه ام محمد بضعف – علامتس يمه وش بلاتس وراتس تزعلين اخوتس بهالشكل عبير – يمه محمد الله يهديه نسى من الكبير وقلل إحترامه علي لوقايلي بطريقه زينه والله لااخضع للي يقوله ام محمد وهي تدخل وتجلس على كرسي – زين وين فيه هالمؤتمر اللي تقولين عنه عبير – في جده ام محمد – الحمدالله اللي بالسعوديه بس 00 ان كان بالعناد الله يعينا عليتس ياامي وماخربتس بالدلع غير الشيبه الله يصلحه عبير بزعل ودلع ربآني – ايه كذا تفرقين بينا يمه الدلع للولد وحنا يابناتس بنات البطه ام محمد توقف وتضمها – آآه من هاللسان اللي يعرف ينطق ضحكوا كلهم 00 وحست عبير بعدها بالراحه عقب كلامه مع امها
عند منال اللي تشوف عايض ولد اخت ام سالم 00 وهي ترجف من نظراته 00 هالعايض خطبها مئة مره تكرهه ماتدانيه هو وسنونه الصفراء 00 وحمود اللي واقف لهم بالمرصاد عشان مايقربون من اخته صباح وكأنها بكلامها تستعطفهم وتحضهم على الرده 00 على ان حمود متعبها 00 بس هي ماتحب الخلأ ( المقصود ان مايكون حولها ناس ) – لقيته ابوكم طايح في المجلس بعد ماربعه شربوا البلوه اللي يشفطونها 00 وصرخت مدري شاسوي 00 دقيت على عايض يلحقني 00 وركضت على غرفتك ياحمود وطلعت نوتتك ودقيت على اول حد شفته بالنوته 00 وكلمت خويك 00 سألته ويالله علمني بالعنوان 00 لانه راقد 00 وعطيت عايض العنوان عقب مالاسعاف شالت ابوكم منال وهي تزداد بكا عقب اللي سمعته عن حآلة ابوها عقبهم حمود وهو يوقف – الحمدالله على كل حآل اهم شي ان ابوي بخير صباح وهي ترجف – ايوالله اهم شي يكون بخير
وصلوا البيت 00 وهي ميته قهر اففففف حسبي الله ونعم الوكيل 00 نزلت معصبه 00 وقرعت بالباب عساه الكسر سمعته يقول – كسرتي بابي يالحيوآنه ايييييييه موانتي اللي بتدفعين بجيبك لحد الآن انهان 00 وإلى بكره 00 وبعد كل هذا انا مدري شاسوي 00 ابي اروح الرياض وآكلم خالي يجيني 00 ماراح اقعد دقيقه وحده 00 هذا موبعيده بكره يذبحني هو وإبوه 00( مسحت دموعي ) وانا اطيح على السرير 00 معقوله فيه عم كذا 00 معقوله 00 تدرون اني سمعت كلامهم المره اللي راحت هو والحيوان 00وهذي المره 00 فيه ناس قلوبهم قويه بهالشكل 00 كيف تهون عليه بنت اخوه اللي حساب بنته يسوي فيها كذا 00 بس انا مااعرف أي بيت يبون 00 جدتي عمرها ماكلمتني عن بيت 00 يعني معقوله جدتي كاتبه البيت بإسمي 00 جدتي كانت تعايرني وتهاوشني 00 مع اني متأكده ان جدتي تحبني 00 الهنوف تعلمني تقول كل الجدات زي جدتك 00 وجدتي قالت لجدة الهنوف انها تحبني واللي تسويه غصب عنها ماتبي تعلقني فيها 00 مع إني عمري ماشلت عليها ابد 00 من حب ابوي لها احبها 00 حتى عمتي دلال احبها ابوي كان يسولفلي عن قصصهم وحكايته معها 00 بس ليه تكرهني عمتي بعد 00 وعمي ليه بعد يكرهني 00 انا ماابي البيت ماابي شي بس مايتكلمون علي بهالشكل ويكسروني سمعت صوته – ليش منسدحه الاخت مسحت دموعي ماابيه يشوف ضعفي 00 رفعت عيوني ومازلت على سدحتي وناظرته ولاابي اكلمه 00صديت بوجهي عنه مشعل – قومي بسرعه طيارتنا بعد اربع ساعات ( وجاء بيطلع ) ورد لف راسه علي – وايه جهزي اغراضي بشنطتي ( وطلع ) ناظرته وهو طالع 00 ودعيت عليه 00 اخذت فتره بعدين 00 استغفرت عشان خاطر امه المسكينه
وقف امام المستشفى وناظر اللوحه الكبيره 00 قوى قلبه 00وسمى بالله 00وهو يدخل ويتوجه على مكانها المعتاد 00 وهو عارف ومتأكد عن ردات الفعل اللي بتصير قدامه بل متيقن انهايمكن تنهار00 وتنتكس حآلتها مره ثانيه يتذكر اخر زياره 00له عندها00 كيف سبته 00 وكيف كانت تضربه 00 ومشخت وجهه00 وكيف انهارت عليهم 00 لين طردوه 00 وقالوله يجي مره ثانيه يمكن تكون تقبلت الصدمه شافها جالسه في حديقة المستشفى 00 باين انها هادئه 00 وهي صامته 00 وتنظر إلى بعيد 00 ولم يستقر نظرها على شي وقف خلفها مباشره وهو ياخذ زفير00 هواء ممزوج بآهه موجعه جدا 00 سمى بالله للمره الثانيه وهو يقول بصوت منخفض والقلق ذابحه – طمنيني عن حآلك عرفت نبرة صوته 00 بل ميزته 00 كيف تنساه وتنسى صوته – شكلك جاي تتطمن على المجنونه على قولك هو- لا مو بهالصوره بس باين انك هادئه عن اخر مره لفت راسها عليه وركزت نظرها – متى اخر مره شفتك ؟ هو – مدري تغير مزاجها – تدري حرقت قلبي الله يحرق قلبك دنيا واخره غمض عيونه باآلم – تكفين كافي دعاوي 00 والله مالي ذنب باللي صار00 كفايه الاحساس بالذنب اللي اشيله بقلبي هي – تدري هي مو بس صديقتي 00هي كل شي لي بهالدنيا 00انت ذبحتها ذبحتها ( وهي تبكي ) تدري ماتت قدامي 00 تستنجد فيني ولااقدر اسوي لها شي عبدالعزيز باألم – كافي كافي الله يخليك كافي ريهام باالم – لاذوق ذوق ربع اللي عانته منك 00 مدري كيف حبتك عقب كل اللي تسويه فيها 00 ماتت وهي تنطق اسمك عبدالعزيز غمض عينه – ريهام انا ريهام – اشششششش ( وهي ترد لها نوبة الجنون ) اسكت تراها تسمعنا تلتفت يمين يسار 00 بسرعه تركض 00( شفها00 شفها) وقفت ومسكت الفراغ اموله الله يخليك خليك هنا انا احبك هو مايحبك هو ذبحك ايه ذبحك 00 نزلت دموعه 00 وهو يشوف حالة صديقة عمرها 00 من مايعرف امل ومايحبها سرح بخياله لبعيد امل وهي توزع حلويات على الاطفال اللي تلقاهم بالشارع عبدالعزيز – يووووه حبيبتي ماطفشتي امل وهي تبتسم وبسمتها بينت احلى سنون ابدع الخالق فيها وبعيون بريئه ماتعرف الحزن بعد ماعرفته ولكن بمعرفتها بعبدالعزيز 00 خلاص ودعت الحزن اللي كان يطبق عليها – اسمع عزوزي ( كانت هي الوحيده اللي تدلعه كذا [ وليـاء ] في اخر اسم الدلع المقصود بها تملكيه ) .. انا انحرمت من طفوله حلوه ومدلعه 00 زين بس هالمساكين ابيهم يتدلعون كفايه ضيم الشارع والتشرد اللي يعيشونه عبدالعزيز – الله على قلبك وش كثر كبير ويوسع الدنيا هي باابتسامه – اممممممم مواكثر من قلبك ياعزوزي
غصب عنها ترتب ملابسه وهي معصبه وميته قهر 00 مكانت تبي تدخل غرفته وكانت تبي عيشه هي اللي ترتبهم له 00 بس لئيم وكأنه عرف تفكيرها 00 وسمح لعيشه ومازن يطلعون زياره لااحد اصدقائهم 00 وهي ترتب وتشيل وتحط 00 تسألت في نفسها وينهي زوجته 00معقوله متهاوشين آآآآآه الآلم كل ماله يزيد ويكبر 00آلم نفسي وفجوه بصدرها كل مالها تزيد غبن 00 الله لايوفقك 00 كل مااتذكر كلامهم عني بذيك الوحشيه ابي ابكي واموت قهر 00 خلاص فاض كل شي فيني 00 كرامه معاد فيه كرامه 00 كلي مشبعه إهانات وقهر وإحسآس عآرم بالذل والوحشيه شفته بطرف عيني واقف يناظرني عند باب الغرفه 00 ودي افقع عيونه 00اففففف فيني قهرررررر سمعته بتأفف 00 احسن جعل بعد مايعجبك عجب 00 انا عارفه انه بتأفف الباشا عشان طريقة ترتيبي لشنطته 00 بس انا متعمده اسوي فيهم كذا فجأه وقف جنبي وناظرني 00 نزل عيونه للشنطه 00 بعدين قلبها بكل مافيها وهو يتكلم بعصبيه – عيدي الترتيب من جديد مت قهر والله مت قهر لي – هذا ترتيبي موعاجبك رتبهم انت هو بعصبيه – مابقى الاالشيخ مشعل يرتب شنطه 00 تراني مااخذتك الا لهشي واردى 00 هيييييييه حسي على دمك تراني مشعل حفيد سرور الضآحي يا حفيدة انا مت قهر وربي مابسكتلك 00 قطعت كلامه – حفيدة الباكستانيه والنعم والله ,,, الله سبحآنه إذا هو إله قال في كتابه { وجعلناكم شعوبا وقبائل لتتعارفوا إن اكرمكم عند الله اتقاكم } وياشيخ مشعل ( اقولها بطنازه ) إذا انا لهدرجه افشل طلقني ضحك وقهقه وهو يمسك بطنه وبتجه على السرير ويجلس ويسند نفسه ويمد رجوله ويتكلم بعنجهيه – بعيد عن خشمك ناخذ اللي نبي وبعدين من دون ماتطلبين بقول ضفي وجهك تراك طالق مت قهر وشت الشنطه برجلي وانا بالزور ماسكه نفسي ومتجهه على الباب 00 قرعته بااقوى شي عندي 00 بس ماامدني اوصل باب غرفتي إلا للي جرني لغرفته وحذفني فيها وهو يهدد وعرق رقبته باين من العصبيه – تراك لحد الان ماعرفتيني ( وهو يرفع اصبعه ) والله ان ماسويتي اللي قلت لك عليه لينقلب عليك هاليوم اسود فاااااااااااااااااااااااا اااااااااااهمه
رديت للفندق وانا تعباااااااااااااان ومحطم نفسيا 00 موتك ياأمل كسر كل شي حلو بحيآتي وحيآة المسكينه اللي شهدت بشاعة موتك ياربي دخيلك يارب 00 والله موقاصد اني اذبحها 00 فيه حد يذبح 00 قلبه 00 وروحه 00وعمره 00وكل شي حلو في حيآته 00 آآآآآآآآآه ياأمل آآآآآآآآآآآه
توجهت عند الباب 00 بس فجأه انفتح وانصدمت صدمة عمري
فتح الباب وهو سكران ويغني 00 حط عينه بعيني – اخ خخخخيرا جييييتي يييي ريتا وهو يتوجه صوبي 00 رجفت من شكله ومنظره 00 وشكل لبسه اللي متبهذل 00 وازارير قميصه اللي مفتوحه لين البطن 00 وريحته اللي بدت تهفني 00 وانا ابعد ابعد 00 ابي انحاش وابعد هو وفي عز سكرته – وينننننن ررررحتتتتتتتت ي ( وهويحرك يده ويترنح ) دوورت علييييييكي ( فجأه طاح ) هالني منظره وشكله 00 خفت منه ومن شكله 00بس ليكون مات00 بسرعه توجهت عنده اساعده 00 بس شهقت لما مسك يدي بقوه 00 وجلدي كش 00 ارتعبت بقوووه 00 وقف على حيله بمساعدة يدي 00 وسحبني معه لين السرير 00 خفت إلا قولوا ارتعبت ليش جارني معه بقوه وضاغط علي يدي 00 وموديني للسرير 00 وهو يمشي وكأنه إنسان صاحي 00 حذفني على السرير 00 وبدأ يفتح الباقي من ازرة قميصه وعينه بعيني 00 بسرعه عرفت شايبي فيني 00 وقمزت من السرير ابي انحاش واطلع 00 بس الحيوان عرف تفكيري 00 وقفل الباب قفلتين وحذف المفتاح ورى الكنبه 00 مت خوف ورعب 00 هو سكران 00 ولاصاحي ويمثل علي 00 انكمشت على نفسي وهو يقترب مني 00مالي مفر والحيآه صارت في عيني سوداء00 واللحظه اللي بتقتلني من الوريد للوريد صارت
طلع من العنآيه المركزه 00 وهو يبكي وينتحب 00 كلهم يناظرونه مرتاعين نايف – رااااااااااااااااح تركي راااااااااااااااااااااح راح راح وهو يجلس ويمسك رأسه وينتحب 00 ويضرب رأسه 00 والظباط كلهم التموا عليه 00 وهم يؤاسونه لانهم عارفين حجم الاخوه اللي بينهم ام تركي اغمى عليها 00 والباقين ينتحبون باآلم 00 خلود اللي لحد الان في صدمه بسرعه ركضت لغرفته 00 لانها إلى الان مومصدقه 00 شافتها دلال وبسرعه مسكتها 00 خلود وهي تصرخ – فكييييييييييييني فكيني يمه صدقيني تركي ممات تركي ماراح تركي يحبني ويحب عيآله ماراح يتركنا يمه كذب كذب كذب صدقيني كذب دلال تضمها وتبكي – خلاص يايمه راح راح استودعيه الله
تحرك راسها يمين ويسار00 حلم مزعج غريب اللي صارلها 00 فجأه تفتح عيونها وهي تستكشف المكان اللي هي فيه 00 يعني موحلم 00 يعني واقع وواقع مر يذبحها 00 يجري في دمها 00 وش بيصير فيها وبحيآتها 00 هو لو مستعد يتقبلها ماراح تمانع تعيش معه 00 بس هو لامتقبلها 00 ولاحتى هي متقبلته 00 رفعت راسها 00 وشافته جالس سرحان 00 بسرعه خذت الروب اللي على السرير ولبسته وهي جالسه لقته مبلل 00 دليل انه حقه وتوه طالع من الحمام 00 وبعدين وقفت انتبه لها ووقف وناظرني بعمق – ليه استغليتيني ناظرته بوجع وألم وسكت ماقلت حرف واحد ناظر فيني وببشاعه عاد كلمته – ليه استغليتي اني سكران وسويتي اللي براسك دمعت وانا ادافع عن نفسي – انت اللي ليه سويت فيني كذا؟؟ هو – ليش مادفعتي عن نفسك 00 ولا عشاني في غمرة السكر استغلتيني عشان تضمنين مشعل يكون لك انا بقهر ووجع يشلع عروق قلبي قهروآلم لحياتي - خلاااااااااااااااااص خاف الله فيني بس اسكت ااااسكـــــــــــــــــــ ت اسكت اسكت (وانا اضرب رآسي وعبرتي لين حلقي ) مسحت دموعي 00 وتركت المكان بكبره وكرهه يزيد بقلبي اكثر واكثر
دنيا – هههههههههههههههههه حرام عليك حمودي محمد – يالبى اللي قالت حمودي ياشيخه الدنيا راضيه علي اليوم دنيا – صدق انك بكاش 00تصدق حمودي اني طفشانه محمد – له له له معاش الطفش اللي يكدر حبيبتي دنيا – والله صديقتي مسافره 00 افففففف الجامعه رحمه اول مره ادري محمد – طيب شرايك نطلع دنيا – لاماأبي اطلع مكان حآسه بملل فضيع واول مره مايكون لي نفس اطلع محمد اللي شاف اخته دخلت عليه – خلاص اكلمك بعدين دنيا- ليه عندك حد محمد – ايه اختي عندي دنيا – يالله باااااااااااااي محمد – باي ناظرها بقهر – نعم شاتبين عبير – ابي اكلمك محمد – ماعندي وقت اكلمك عبير عصبت – محمد شوف اول شي قدر اني اختك الكبيره 00 ثاني شي موأنت اللي تآمرني وتنهآني ابوي وافق وانت مايخصك فيني محمد بعصبيه – اجل ليه جايه غرفتي وتبين تكلميني وخليتيني اقطع اللي اكلمه عبير بهدؤ وهي تجلس – محمد انا ماابي اروح الا وانت راضي علي محمد – عبير خلاص انا معاد يخصني فيك واللي تبين تسوينه سويه عبير وهي توقف – اخر كلام عندك هذا محمد – ايه وخذي الباب وراك عبير ناظرته بنص عين – تطردني يامحمد ع العموم الله يسامحك طلعت 00 ومحمد ندم على اللي قاله لها 00 مهما كان هاذي تظل عبير اخته الغآليه
امشط شعري وابكي 00 وكل ماتذكرت اللي صار لي عزت علي نفسي 00 المفروض مايسوي فيني كذا 00 هواللي غصبني 00 هووش بيضره بكره يطلقني ويعيش حيآته 00 بس انا من لي من لي سمعت دق على الباب 00 ماابي اشوف حد ولااسمع حد 00 دق الباب مره ثآنيه واقتحم المكان عشان اشيط غيض وقهر وعيني في عينه هو - روحي سويلي فطور بسرعه بقهر وانا اتكتف واشدد على الكلمه – ماابي مسك يدي بقوه ونزلهم وهو يشيط قهر – انا مااطلب منك انا آمرك ويالله امشي مت قهر منه – وينهي زوجتك تسويلك وبعدين عيشه وينهي هو بعصبيه – مره ثانيه لتجيبين طآري زوجتي على لسآنك انا بعصبيه – من زينها اجيب طآري لها 00 وينهي عيشه ابيها هو – عيشه ومازن راحوا لقريتهم خلاص انا بصدمه – ايششششششششششش هو- اللي سمعتيه ويالله انقلعي سويلي فطور تراني ميت جوع
دخل الشركه المحظوره عنده من عقب موتها 00 بس لازم يوقف على رجله 00 كافيه تلاعب بالاسعار وبأموال الشركه 00 هومعطئ المسؤليه لموظفين كفئ 00 بس المفروض الشخص مايمن حلاله بيد الغرب 00 الكل ارتعب من حضوره بينهم 00 هم عارفين حجم عصبيته 00 وهيبته للي مايطغي عليها أي حد 00 وهم عارفين انه بيقلب عليهم الشركه اليم فوق تحت 00 وهذا حآله من ماتت اللي بس تقدر تسيطر عليه 00 اويلجأون إلها عقب معاقبة أي حد فيهم 00 بس هالحين عارفين ان اللي كانوا يلجأون إلها ماتت ومعاد لها وجود
في جده الكل مصدوم من موتة تركي المفأجاه 00 طلب الوزير ينقلونه لمكه يصلون عليه صلاة العصر في الحرم المكي الشريف 00 مع توافد الامراء والوزراء للصلاه عليه ام تركي لحد الان في صدمة موتة ولدها الوحيد اللي ماجابت غيره على الدنيا 00 وسمر اللي رفضت تشوف حد اويدخل حد يعزيها فيه لانها في الصدمه 00 يظل الغآلي اللي رباها على الشيم والمرؤه والصفات الحسنه لين خلت كل اللي حولها يحبونها 00 هي تحب خلود ولاقد كرهتها بس امها كانت تسبها وتكرهها ليه ماتعرف اما خلود اللي تضم اطفالها وهي بجناحها هي وتركي وتشهق وتبكي واطفالها موعارفين السآلفه 00 ودلال ونوره معها 00 اما بدريه جلست في فندق بتعزيهم وبترجع اليوم هي وسالم زياد – ماما ليش تبكين يزيد – ماما انتي تعبانه خلود وهي تنتحب ونوره تهديها ودلال تاخذ الاطفال منها دلال – ماما شوي تعبانه يزيد – اكلم بابا يجي وهنا ارتفع صوت نحيب خلود وبكأ الجميع لبكاها حتى زياد ويزيد خايفين على امهم
حطيت الفطور قدامه 00 وانا اضرب الصحون بقهر 00 سم هاري يارب كارهته وكارهه شوفه 00 دقيقه وحده ماابي اجلسها مع هالشخص 00 الي هآني وهآن كرامتي ناظرني بنص عين 00 وناظرته بنظرات ناريه ترسل شرار هو بغيض – شوي شوي على عيونك انا وانا كارهه لهالصوت – مايخصك فيني ترك الخبزه اللي بيده ووقف وهو يمسك شعري – مره ثانيه احكي مثل الناس فااااااااااااااااهمه انا بألم – افففففففففف خلاص فكني هو بعصبيه – بعد تتاففين ( وهو يزيد بقبضة شعري ) ويدزني ويطرحني على الارض – يالله انقلعـــــــــــــــي ماابي اشوف وجهك انا وبإنكسار والملم جلابيتي اللي طارت من قوة دزته لي 00 واوقف على حيلي وانا منكسره وكرامتي منداسه 00 الله لايوفقه 00 حسبي الله ونعم الوكيل فيك 00 حسبي الله ونعم الوكيل
عبير عند مي وهي منقهره من محمد – والله العظيم اخوك يقهر مي – هدي عبوره شفيك عبير – يبط الكبد مصدق عمره مي – تدرين وبقرارة نفسك انتي اكثر واحد تحبينه يعني لتلفين يمين ويسار فجأه ام محمد تدخل عليهم وخاطرها شين عبير تناظر فيها – يمه وش فيك ليش وجهك ملفوع كذا ام محمد – تركي رجل خلود مات عبير ومي انصدموا – مااااااااااااااااات ام محمد – ايه الله يرحمه يارب ويتجاوز عنه وابوكم خذى اقرب رحله لجده بيروح يعزيهم وانا بروح معه عبير ومي – لاحول ولاقوة الابالله عبير – مسكينه ياخلود آطيب وحده من عآئلتهم ام محمد – ايوالله خلود غير عن الكل عبير – ومتى مات يمه وش سبب موته ام محمد – مات قبل الظهر ,,, ومات هو مصوب في كتفه ويقولون حايشه القب الرصاصه اضعفت دقآت القلب وآثرت عليه مي وعبير – إن لله وإن إليه راجعون
منال تغسل الموآعين 00 سمعت صوت التلفون دق 00 بسرعه تركض تكلم حمود – الو منال – هلا حمود حمود – منال جهزي شي ينوكل بيجي معي ضيف منال – حمود تعرف انا مخلصين الغدآء وماباقي شي على العصر حمود – سوي اللي تقدرين عليه بسرعه منال – طيب سكت السمآعه وهي مستغربه 00 وش قصة اللي مع حمود 00 هي وحمود كانوا يتغدون وجاه إتصال وكل اللي عرفته من هالاتصال انه منصدم من موت شخص بسرعه ترك اللي بيده وفز سألته – مين مات قال بسرعه – واحد ماتعرفينه ( وطلع وخلاها وهالحين جايب ضيف معه ) استغربت 00 وتوجههت للمطبخ تسوي اللي تقدر عليه
في الغرفه وتبكي وتبكي وتبكي 00 ومن هاليوم لين اخر عمرها بتبكي 00 عزت عليها نفسها 00 واللي سواه فيها الخسيس النذل 00 مسحت دموعي 00 إلى متى الضعف يتملكني 00 إلى متى وهو الحيوان المسيطر علي 00 مابسكتلك يامشيعلوه صدقني دخلت الحمآم تتحمم 00 كل ماتذكرت لمسه لها 00كرهت نفسها 00 وكرهت شعور الذل اللي تعيشه 00 قطعت جلدها تقطيع 00 لين حست الدم بيصب وبتنزف 00 لبست روبها وطلعت توجههت على التسريحه وبدأت تدهن يدينها00وجهها 00 وتوجههت على الدلاوب تلبس ملابسها بس وقفها صوت ارتطام قوي بالارض 00 خلاها تشهق من الخوف
فتح الباب – حياك حياك بومحمد هو بعلامات حزن – لله يحيك حمود حمود – بعد إذنك ياخالد نسيت جوالي في السياره بروح اجيبه وارد البيت بيتك خالد بكآبه وهو يرجع راسه ويتسند على الكنبه بحزن – خذ راحتك
توجههت على التسريحه ادهن يديني وجههي 00 وتوجههت على الدلاوب البس ملابسي بس وقفني صوت ارتطام قوي بالارض 00 خلاني اشهق من الخوف ارتبكت من الخوف وماادري شاسوي 00 سمعت صوت آنين وهالصوت موغريب علي طلعت بروبها تركض وشافته فعلا هو ودمه ينزف 00 بسرعه تحركت لجناحها تجيبله مناديل 00 وهي ناسيه امر اللبس من خوفها ورجفتها من الدم 00 اصلا هي تكره منظر الدم من منظر دم امها وابوها اللي مستحيل تنساه 00 جلست تمسحه وهو طايح على الارض ويئن من الآلم وعاض شفته والتحفه مكسوره جنبه بعد مامسحت الدم اللي فيه 00 حاولت توقفه بس استصعبت هالامر 00 وآنينه كل ماله يزيد 00 خافت وهي ماتعرف حد بهالبلد لايصير فيه شي 00 المشكله حتى ماتعرف رقم عيشه ولاحتى مازن 00 تذكرت جواله بسرعه طلعته من جيب جاكيته وصارت تدور في الآرقام بسرعه 00 لقت رقم مازن بسرعه دقت بس الجوال مقفول خافت 00 دورت على رقم عيشه بس مالقت حد بهالاسم وصارت تدمع نوف بخوف وهي تهزه – مشعل مشعل وماتسمع إلا صوت الآنين 00 حاولت ترفعه مره ثانيه بس هم بنيته وطووله يقابله ضعف بنيتها وقصرها 00 مافيه حل غير اكلم عمتي بدريه تتصرف بس رحمها ربي لما سمعت صوته – انقلعي هاتي بندول يخفف الوجع ماعليه مايهم لوزفها آول مره من خذته ترضى بزفته اهم شي يظل بخير 00 طارت على غرفتها وجابت بندول ومويه وتعطيه حآول يرفع رآسه بس راسه يعوره من ارتطامه بالارض على الرخام – افففف يابقره ساعديني هي باإستسلام رفعت راسه وتحس ببلل وشي حار سندت راسه على يدها الثانيه وهي تناظر منظر الدم بيدها الاولى وشهقت هو بعصبيه – ياتبن وش فيه هي بضعف – يصب من راسك دم هو ويبلع الحبه من دون مويه 00ويرفع راسه 00وجسمه ويعطيها ظهره قايم لجناحه وهو ماسك راسه 00 ويعرج من رجله اللي ضاغط عليها 00والدم ينزف وبعصبيه – ليش واقفه تعالي شوفي شغلك ناظرت نفسها ولبسها وإستحت من منظرها00 بس ركضت له لايصير فيه شي
طلعت من الغرفه بعد ماصلت بس شافت ظهر حمود 00 ومشت ناحيته وهي تدور على الكنب وتواجهه اللي مرخي راسه وحاط الشماغ على وجهه منال – حمودوه وين ضيفك رفع رأسه وتفأجا بمنظرها 00 وبنظرته خلاها تشهق وتناظره ثواني عشان تستوعب نفسها وعطت رجليها الريح تسابقه لحد الآن في الصدمه من هالحوريه اللي وقفت في وجهه 00 وحركت شي بقلبه رغم الحزن اللي يعتريه 00 ومصحاه من موجة التفكير والآنخراط في اللي تو شافه غير حمود اللي قال – ماعليه طولت عليك بس محمد كلمني وانخرطنا في السوآلف وايه تراه رايح يعزي إيه بعرف ليه مارحت للعزاء خالد اللي بربرة حمود زي مايقول في عقله طلعته من الثوره – مالقيت حجز غير بكره حمود – الله يعين ويرحمه صحيح ماشفته غير مره وحده في بيتكم بس ونعم النسب خالد – الله يرحمه حمود وهو يتوجه للمطبخ – ثواني بخلي اختي تحط لك الغداء
يسب ويخانق ويهاوش ذا وذاك 00 وهم تعبوا منه عبدالعزيز وبالانجليزي وهو يضرب بيده على الطاوله ويوقف – ومتى هالاجتماع الموظف اللي واقف في وقفته مثل العسكري قدام قائد سريه – الاسبوع القادم عبدالعزيز – وليه المكتب اللي بجده ماخبروني الموظف بخوف – لااعلم عبدالعزيز ويجلس ويحاول يهدئ – خلاص رح من قدامي الموظف – حاضر
خلصت من رجله بعد مالفت عليه بشاش 00 وتقدمت ناحية راسه اللي ماسك المناديل عليها هو بعصبيه ومتخذ وضعية الجلوس في انسداحته على السرير ويناظر رجله اللي لافه عليها – مالفيتي عليها زين لفي عليها مضبوط نوف بقهر منه وهي خامس مره تلف وتفتح – تعبت وانت مايعجبك عجب مشعل بعصبيه – لاتعالي عطيني كف احسن نوف بتعب منه – اسمع انا اخر مره بلف عجبك كان بها ماعجبك تصرف ردت تلف رجله وتسمعه طنقرته منها بعدين وكأنه انتبهه على شي – وش هاللبس هه ( ويبتسم بسخريه ) محآولة إغراء فاشله إذلفي استري نفسك وتعالي لفي زين دموعها خلاص نزلت 00 الحقير بنظرها فشلها 00 حذفت اللي بيدها00 وكأنها بحركتها تعلن التمرد 000تفلت عليه – تفو عليك احسن جعل رجلك للكسر بعد حوبتي ماتعدتك ( وهي مستانسه لانه مستحيل يمسكها ) عصب إلا طنقر القرويه بنظره تتفل عليه تناسا الوجع والآلم وهو ويوقف بعصبيه وهي اطلقت رجليها للريح 00 بس تعثرت وطاحت عند الباب 00 وقدر يمسكها عشان يأدبها بطريقته الخاصه
صلوا عليه جموع المصلين بالحرم المكي الشريف ليودعوه المقبره ( ليعتبر كل من سولت له نفسه إن اسهل طريقه للقضاء عليهم هو تقديم الروح الغآليه للوطن 00 وليتذكر الفئه الآخرى الموت الذي هو مآلنا ومصيرنا , وليعتبروا أولوا الآلباب ) هناك نحيب نايف يسمع وكأن من اودعوه التراب 00 اخوه وهو بالفعل اخوه دنيويا وبإذن الله في الجنه اخرويا 00 يراه ويتمنى من كان هو في مكانه 00 هو من كان يبحث عن الشهآده رفض الآرتباط الملّح من أمه العجوز حتى يتسنى له الشهآده ولكن القدر يآبى وهو ويقول كلمته والوصيه التي الان تثقل كآهله
فكها من حضنه وهو يسمع شهيقها المكتوم بعد مااخذ اللي يبي – يالله انقلعي
ورفع اصبعه مره ثانيه – هذا العقاب الجديد كل ماطلع صوتك ولا سويتي اللي سويتيه مابعقابك إلا كذا عشان تعرفين من يكون مشعل قامت وهي تحس بالآهانه في صدرها وهي تلملم نفسها – الله يحرك مثل ماحرتيني وقهرتني 00 الله لايوفقك وهي تعلن التمرد عقب ماتخلصت من أحضانه 00توجهت للحمام مره ثانيه عشان تجلس على المروش وهي تنتحب وتبكي وتلطم خدودها للمره الثانيه يسوي اللي يبي وهي ماتقدر عليه
في اليوم الثاني العصر اقتحم عليها الغرفه – طسي تحركي جهزي شنطتك لاتفوتني الرحله مثل المره اللي راحت هي اللي ماشافته من بعد اللي صار سكرت الكتاب اللي تقراه – فيه شي ثاني بعد هوبإستغراب – لا نوف – اجل ليش واقف هو بعصبيه ويقترب منها – شكلك تبين اللي صار امس يستوي اليوم هي وتصرخ في وجهه – لاااااااااااااا وخلاص انا اللي بطلع هو بسخريه من خوفها – خليك انا اللي بطلع بس مره ثانيه لسانك إذا لعلع والله وإللي خلق مشعل لاتشوفين شي ماشفتيه هي بهدؤ وإستسلام – طيب
وآخيرا رد بعد ماضبّط وضع عبدالله وخلص وضع الفيلا الجديده اللي اشتراها هناك وخلى امر تصرفها تحت يد عبدالله ناظر يمين يسار وين آهله 00 استغرب اكيد صاير شي 00 بسرعه دق على امه لانه صعب الحصول على ابوه وجواله دايم بيد مرافقه الشخصي سعود خبرته امه الخبر اللي انصعق منه وهو يسب ويصرخ ليه ماخبروه 00 وخصوصا تركي صديقه وقريب منه 00 خبر مدير اعماله يجهزون الطياره الخاصه فيه بيتوجهه لجده
ركبوا الطياره وهو معصب لانها ضاعت في المطار وجلس يسبها00 ويخانقها اخخخخ مالت عليك 00 من زين هالوجهه معطيني تذكار بالمطار وكأنه يقول حرام تركبين الطياره بدون زفه محترمه هو بعصبيه – اذلفي اركبي هناك انا بتمرد – هالحين انت ماعندك بالقاموس غير اذلفي وانقلعي ناظرني بنص عين ويرسل شرار بينفجر في أي لحظه – تدرين لواني موبالطياره كان علمتك اللي قلتيه صح سكت غصب عني وجلست00 والقهر بيذبحني من اللي شايف نفسه بجنبي
وااااااااااااااااااه بموت فشيله 00 معقوله هذا خالد 00 اللي اشوفه كل يوم كل يوم في الصوره 00 وااااااااااااو ماتخيلته بالواقع والطبيعه بهالحلا 00 واااااااااااااااااااااااه ياحظ اللي بتتزوجه بتتصبح في احلا وجهه في الدنيا ياااااااااااااااااااااااا اي عذااااااااب معقوله يكون هالانسان ولد وزير ياربي فيه تواضع موطبيعي 00 ليه اشوف كاسيه حزن يعور معقوله ميت عنده حد 00 والله قطعلي قلبي واااااااااااااااااااو معقوله ولد الوزير أكل من يدي ( قمت اناقز بونآسه ) والله من قدي 00 يابختي وااااااااااااااااو
في المطار راشد ينتظرهم وآخيرا وصلوا مابغوا 00 شافه مشعل وبسرعه توجهه له 00 وخلى المسكينه تحآول تلحقه 00 وتجاريه في مشيه سلموا على بعض ووقفت نوف ورى مشعل راشد – هلآ حياك يابنت العم وشلونك نوف اللي استانست بترحيب راشد – الله يحيك بخير انت شلونك مشعل وياخذه بيده ويسولف معه 00 وهو يخلي راشد بدوره يستحس من حركة مشعل وعرف ان مشعل اكيد ضآيم بنت عمه 00 صرف النظر وسكت عن هالامر وجلس يسولف مع مشعل نوف اللي حست بإهانه جديده بس هاذي اشد وآقوى هاذي قدام حد 00 قبل بينها وبينه 00 تذكرت عيشه وهي تمشي 00 تمنت لوودعتها على الآقل 00 تنآظره وهو معطيها ظهره ويمشي وهي خلفهم 00 دعت عليه بكل دعآوي الكون كله 00 خسيس بعدهم عنه عشان ماترتبط فيهم وفجأه 00 هي لوتعرف بهالسرعه بتوعهم كان خذت رقم جوآل عيشه 00 تذكرت ان جوآلها ماهو دولي 00 بس ولو لومعها تصرفت لوتكلمها بالكبينه 00 مهما كان مستحيل تقدر تنساها 00 بس اللي مستغربه منه 00 وينهي زوجته 00 وشصار بينهم ركبوا السياره وهم ينتظرونها تركب00 ويسولفون 00 فتحت الباب وركبت وهي تدمع على حالها
دق على جوال خالد خالد – هلا عبدالعزيز عبدالعزيز – انت وينك فيه خالد – عند حمود عبدالعزيز بإستغراب – وليش مارحت جده خالد – حجزي بكره انت دريت عبدالعزيز وهو معصب – ايه ليه ماتبون تخبروني خالد – والله ابوي اللي رفض ماصدق على الله تروح تدير شغلك هناك عبدالعزيز – اتركنا من هالموضوع بتروح معي هالحين خالد – ايه بس وينك فيه انت عبدالعزيز – في القصر تعآل بسرعه تراني بمشي بعد نص ساعه خالد – على خير هالحين جاي عبدالعزيز – لاتطول
وصلوا قصر سالم ووقفت السياره لين عند بوآبة القصر 00 انزلوا راشد ومشعل 00 وبدريه وريم ودنيا اللي طلعوا لهم مشعل ضحك لما شاف اللي طارت في حضنه وتضمه بقوه 00 والكل يضحكون من هالمنظر 00 نوف اللي وقفت عند باب السياره تناظرهم 00 الكل مويمها يسلمون على مشعل وناسينها 00 بعدين كلهم دخلوا وخلوها 00 لفت ظهرها تمسح دموعها حست بحد مسك كتفها 00 لفت راسها شافت بدريه وجنبها ريم وانبسطت وجلست تضمهم 00 وتسلم عليهم وهي مبسوطه 00 وكأنها ملكت الكون كله
تشم ريحة ملابسه وتبكي وهي منهاره 00 ودلال ونوره يحاولون يهدونها 00 اما ساره اللي رجعت مع ابوها لما عرفت بوصول مشعل 00 وغير انها ماتحب اجواء الحزن على قولتها خلود وهي منهاره – يمه رااااااااااااح راح الغالي والله راح دلال ونوره اللي يبكون من بكيها ودلال تحاول تهدي فيها – خلاص يمه اهدي هاذا امر الله مانرده اهدي يايمه خلاص خلود وهي تلطم خدودها – كيف اعيش من دونه هاذا كل شي لي يايمه ماقد زعلني بكلمه ويداريني حتى لما امه تهاوش ولاتقول لي شي هو اللي يؤاسيني ويقول امي من لها غيري وكأنها تستفهم وهي تشهق – يمه هو راح امه من لها دلال – لها رب افضل منه خلاص يايمه اهدي اهدي نوره – لاحول ولاقوة الابالله ( إن لله وإن إليه راجعون )
حابس نفسه في غرفته ويبكي 00 امه المسكينه تدق عليه الباب ولاراضي يفتح لها ام نايف – نايف يايمه يرضيك وقفتي وانا عجيز عند الباب مسكته مع يده اللي تعوره 00 فز يفتح إلها الباب وهي تشوف حاله ومنظره اللي يعور القلب 00 وشكله المبهدل نايف وهو يضم يد امها ويبوسها – راح الغالي يايمه راح رااااااااااااح ام نايف وهي تبكي لبكاه – ياابوي يانايف الله يرضالي عليك خاف ربك مايجوز اللي تسويه التغضب ربي علينا يايمه نايف – من لي بعده من لي يايمه ام نايف – لك اللي احسن منه ومني يايمه
جالسين في الصاله 00 وتسمعه يحكيلهم قصص حياته عنتر بن شداد 00 ومتفيزر في صدر الصاله والكل ملتم حوله 00 وتناظر اللي جنبه واللي وراها وهم يضحكون وعيونهم بتطير فيه 00 اصلا ولا وحده فيهم سلمت عليها عشان تخرب مودهم بس لعانه تكلمت – عمتي مين اللي مات الكل هدئ كأنهم تذكروا الحزن ( وللاسف هاذا حالنا واللي انحط في التراب لسه ماجف ) بدريه بحزن – تركي الله يرحمه رجال خلود بنت عمتك انا والكل – الله يرحمه وفيه ثنتين اشوف في عيونهم قهر 00اللي قطعت سالفتهم 00 مع اللي مسنترين يبحلقون فيه 00 هو وهو يقوم – اووووووووووه تعبان إلا اقول وين ابوي مع دخول ابوه وهو يناظرنا واحد واحد لين استقرت عيونه علي 00 بعدين بسرعه استقرت عيونه على مشعل 00 اتجهه لنا يسلم علينا سالم قدامها بيبين طيب 00 عشان تتنازل عن البيت لااكثر ولااقل بعد السلام – مشعل تعال ابيك في المكتب مشعل بهدؤ مدروس – إن شاءالله
جالسين في الصاله على التلفزيون منال وتسوي نفسها مو مهتمه – اقول حمود حمود وهو مركز على البرنامج – ايه منال – مين الضيف اللي جانا اليوم حمود ولسه مركز – خالد منال بوناسه وهي تسمع اسمه – ومين ميت عندهم حمود وهو يلف وجهه لها – وش دراك ان ميت عندهم حد منال بخوف – انت قلت يوم على الغداء يوم جاك الاتصال حمود وهو يرد يركز في الشاشه – اييييييه تركي الله يرحمه نسيبهم رجال اختهم منال بحزن لحالهم – الله يرحمه يارب
في الصاله جالسين كلهم 00 وساره ودنيا يسولفون مع بعضهم بدريه – عسى انبسطتي في النمسا نوف – الحمدالله عمتي ريم – واااااااااااو النمسا عذااااااااااب رشود خذني لها تجنن راشد بغيضها – رشود وش رشود هاذي جديد ريم بدلع – ادلعك بيبي دنيا اللي قطت معهم – ايه تستاهلون الدلع وتتدلعون في النمسا بس في ناس مايستاهلونه ( وتركز نظراتها على نوف ) ساره بقهر – ايوالله صادقه النمسا تستاهل حد يوم يروح لها يصير متنظف موقرو يروحون لها مايعرفون شي نوف اللي ابلعت غصتها 00 والكل فهم تلميحاتهم بدريه بأمر – دنيا روحي انتي وساره فوق دنيا وهي توقف وتمسك يد ساره – صادقه مامي الجو هنا مره يخنق طلعوا فوق وهم يضحكون بدريه – ماعليك منهم يمه تراهم مهبل هالثنتين نوف تبتسم مجامله – ماعليه عمتي ( طلعوا من المكتب ووجيهم متجهمه وباهته وكأنها مصدومه ) مشعل – انا بروح انام ( وطلع فوق ) بدريه – روحي يمه لجناحكم قومي ياريم خذي نوف لفوق ريم وهي توقف مما اجبر نوف على الوقوف – إن شاءالله خالتي
عند الرجال المعزين وعبدالعزيز ونايف وخالد وولد عم تركي الوحيد القريب من عائلته وراكان ياخذون العزا في تركي 00 بعد ماخلصوا المعزين وانتهوا خالد هو يهمس لعبدالعزيز – نبي نشوف خلود ونعزيها عبدالعزيز اللي بهيبته وقف – اسمحولنا ياجماعة الخير نبي نعزي اختنا حد يشوف لنا درب راكان المحترم الوحيد – تفضلوا الله يحيكم
وصلوا جناح مشعل 00 ونوف قلبها طبول 00 ماتبي قربه 00 تبي غرفتها القديمه بس كيف تقول كذا قدام ريم الواقفه جنبها واللي وصلوا الجناح اللي كان مفتوح وهم يشوفون مشعل اللي طلع من القسم الثاني ويناظرهم 00 وعينه فيها وعينها فيه ريم – شكلك يامشيعل تبي حبيبة القلب تطلعلك عاد خذيت فيك حسنه وطلعتها لك مشعل وهو يضحك من كلام ريم 00 ونوف تنرفزت منها ومن ضحكه اللي في قرارة نفسها متاكده انه إستهزاء فيها مشعل – لا لوكان كلامك صحيح كان خذيتها من بينكم (وهويناظرفي نوف يشوف ردة فعلها ) نوف بغيض وتبتسم من بين اسنانها – تصدق شعور متبادل ريم اللي طاحت على بطنها ضحك – تصدقون احب اشوف المتزوجين حديثا اشوف كيف يتعاملون مع بعضهم ههههههههههههههه هههههههههههههههههههههههه تصدقون موتوني ضحك مشعل اللي من بين اسنانه يتكلم – ريم اطلعي وخذي الباب وراك ( وعينه في نوف ) وانتي تعالي ابيك ريم – لاحضرة الدكتور مشعل زعل خلاص يبه ماتشوف شر وتهمس لنوف – خذي حذرك تراه عصبي إذا صارت اصابات خبريني انا ورشود نقوم بالمطلوب نوف ابتسمت مجامله وعينها في عينه
وقفت عند باب الغرفه 00 وهي تناظره بنص عين ناظرها بنص عين – ليه واقفه انا مااعيد الكلمه مرتين ادخلي وصكي الباب وراك نوف تدخل وتصك الباب معها وتوقف مكانها – نعم مشعل بعصبيه – نعم الله عليك 00 تعالي كفخيني احسن نوف – وش تبي مشعل ويتوجه لها ويجرها مع يدها 00 وهي تصرخ – آآآآآآي عورتني مشعل بعصبيه – تستاهلين ياتبن عشان لما اتكلم ماتراددين نوف بإستسلام – طيب خلاص وش تبي مشعل وهو يتركها ويتوجه على السرير00 وينسدح نص جالس – العجوز لما كتبتلك البيت وش قالت نوف بعصبيه – اول شي اسمها جدتك وعيب تقول عنها عج................ ماامدها تكمل غير اللي انطلق عليها مثل الصاروخ 00 وهو يجر شعرها ويصرخ – انا إلى متى وافهم فيك قلت لك مابقى غيرك يعلمني العيب ( وهويزيد اكثر ونوف تتألم اكثر ) نوف باألم – آآآآآآآآآآآآآآآي فكني الله يخليك شعري تقطع ( وهي تدمع ) فكها 00 ودزها على السرير وهو يصرخ – انا سألت سؤال العجوز لما كتبت البيت وش قالت لك نوف اللي طايحه على السرير وتتألم وتفرك مكان الضربه اللي بيدها – ماقالت شي اصلا انا مادريت انها كتبت البيت بإسمي مشعل بعصبيه وهو يجلس على الكنبه – آآآآآآآآآآه ياقهري قهراه ( وهو يحط عينه في عينها ) وهالعجوز بتدبسني فيك سنه كامله نوف اللي انصعقت من كلمته ومافهمت شي – كيف مشعل وهو يمسح على وجهه – يعني ياهآنم العجوز حاطه وصايه ان البيت ماتقدرين تتصرفين فيه غير عقب سنه ( فك وجهه وناظرها ) يعني بالفصيح بقابل خشتك ولبسك القروي اللي من عرفتك وانتي بهالجلابيه اللي جابتلي القرف سنه سنه كامله نوف دمعت وماقدرت تخبي الدمعه – من حلاة اللي بكشخ له مشعل وقف وهو ماط عينه – عيدي وش قلتي نوف اللي ترجف – هآآآآآآآآآآه ماقلت شي
في الجناح ساره تضحك – ههههههههههههههههههه ههههههههههههههههه احسن قهرناها دنياميته ضحك – ههههههههههههههههههه اصكتي ياوجهها اللي ضرب إشارات مرور ههههههههههههههه هههههههههههههههههههههه ساره – هههههههههههههه ههههههههههههههههههههههههه يافرحتي بإهانتها فرحاه دنيا – ماااااااااااااااااااالت عليها وجه البومه ساره وهي تهدئ من موجة الضحك العآرمه وهي تركز – آآآآآآآآه يادنيا كيف اقدر اتزوج مشعل كيييييييييف دنيا – اصبري مصيرنا نلاقي حل لفرقاها ساره – ايوالله تكفييييييييييييين نفسي لاعت من وجهها دنيا – هه هذا وانتي بعيد عنا كيف انا اللي بقابلها اربع وعشرين ساعه لا ومالها اهل بعد تروح تضف وجهها عندهم غير بتقعد هنيا ( وهي تأشر على بلعومها )
في جده عبدالعزيز وخالد عند خلود من بعد ماعزوها عبدالعزيز – ماعليه يالغآليه هذا العزاء وإنتهى وإن شاءالله ناخذك عندنا خلود وهي تدمع - لابحد في بيتي بيت الغالي دلال – وي وقردي وشلك فيهم امشي ربي خلصك من هالعائله القرف نوره – ايوالله صادقه امي خلود زادت بكي – بس الله يخليكم ارحموني ( وقامت عنهم ) عبدالعزيز وقف وهو يصرخ – يمه نوره بس اسكتـــــــــــــوا ارحموا اللي ماجف قبره ( وطلع لاحق اخته ) خالد وهو يناظرهم – بكل صراحه تراكم غلطانين تراها مسكينه المفروض ماتقولون مثل هالكلام نوره – وحنا صادقين يعني عاجبك جلستي هنا وتاركه بيتي وعيالي خالد – ماحد قالك إجلسي ارجعي للرياض نوره اللي تناظر امها – لاامي تبيني اجلس دلال – ايه ابيها تجلس عاجبك جلستي انا بعد وبيت هالخلق خانقني ابي لي حد يوسع صدري يضحكني موبكي واختك مشاءالله ماتقصر دميعتها على خدها ماتجف جابتلي إكتئاب حاد خالد وهو يهز رأسه – لاحول ولاقوة إلا بالله بس دلال وهي تناظره – علامك تهز رأسك رح بس رح تراك عورت راسي خالد – بروح كيد ولافيه حد يجيب الهم والوجع لراسه ( وطلع وخلاهم مصدومات من كلامه )
رتبت الجناح وخلصت واخذتلها حمام دافئ لبست وخلصت 00 وهي تنتظرهم ينادونها على العشاء 00 شفيهم 00 اخذت جلالها وبرقعهاولبستهم ونزلت شافتهم ملتمين على طآولة الطعام وساره معهم وجالسه ورى دنيا اللي جنب مشعل نوف – السلام عليكم محد عطاها وجه اصلا 00 ناظرت حد يعزمها بس ماش عزمت نفسها وجلست مقابله لمشعل اللي بحلق فيها لما شافها بالبرقع وجلس يناظرها وهي تناظره وساكته 00 وسمعت ضحك 00التفتت شافت دنيا وساره اللي فاكها غشوتها وتاكل عادي 00 ماتدري هالبنت كيف ماتستحي 00 ريم اللي دخلت عليهم بنقابها ومعها طلال ولدها يعرك عيونه 00 ودنيا وراها ريم – هلا نوف جيتي رحت لجناحكم دقيت مااحد يفتح اعذريني طلعت اصحي اللي تشوفينهم نوف – لا عادي بس وينهي عمتي بدريه وعمي ريم – كلهم معزومين عند صديق عمي وحتى طلال طالع وياهم نوف – ايييييه ريم – واااااااااااااو نوف يهبل البرقع عليك 00 عيونك فيه عذاب مشعل اللي ترك الملعقه بقوه وهي تطلع صوت – الحمدالله ريم – كمل علامك مشعل مشعل بتجهم – ناس شفتهم سدوا نفسي وماسمعوا الا كركرة الثنتين يتمسخرون فيها مشعل – إذا جت امي بلغوها اني باسهر مع الشباب دنيا بتحر نوف – صراحه ماالومك تروح وتتونس عند الشباب فيه ناس يسدون النفس ودي اطلع واشم هواء عن مقابلهم مشعل وهو فاهم لها – قرقري مع اللي جنبك ويضيع الوقت دنيا بعياره – المشكله وجيهم بوجهي كل وقت طلع مشعل ولااعار كلامها أي اهميه
حمود وهو يتكي – ايه واخر علومك مشعل اللي مقابله وهو يقلب في جواله – مثل ماانت شايف حمود ويسوي نفسه خايف – بكل صراحه اشوفك مبسوط ومستانس لا ومتنت بعد مشعل اللي ترك الجوال من يده وهو يناظر جسمه – من صدقك حمود يضحك – لا من عمي مشعل – حمودوه انا موفاضيلك قول الصدق انا متنت حمود – شوي موكثير مشعل – ايييييييه اشوى حمود – طيب انبسطت هناك مشعل يرد لجواله – يعني اكثر حد ونسني هناك ريتا حمود بصدمه – ايشششششششششش ماطلقتها مشعل – لا رديتها لعصمتي ابيها تونسني ( وهو يضحك لماتذكرها ) وتغيض وحده دبلت كبدي حمود – حرام عليك مشعل مشعل – تطمن المهبوله الثانيه يوم شافت حلاها هجت كل يوم تبكي على راسي من شافتها كل يوم وتسأل احلى انا ولاهي وكل يوم اقول انتي انتي انتي لين رآسي عورني من تكرار سؤالها عاد اخر يوم قلت لا هي عشان تصكت عني هجت ولاادري وين ارضها حمود وماط عينه – من صدقك مشعل وهو مركز عيونه على الجوال – ايه شفيك انت حمود وياخذ الجوال من يده – مشيعلوه تراك سندرت راسي قر الله يصلحك قلي هي ساكنه معكم في فلتك اللي هناك مشعل وياخذ الجوال من يده مره ثانيه ويركز نظره فيه – ايييييييييه حمود بعصبيه – وقدام بنت عمك المسكينه مشعل – ايه وش فيها حمود بعصبيه – فيها ياللي مافيها حرام عليك حريت كبد وحده توها في الحياه الزوجيه مشعل وهو لسه مركز على الجوال ويكتب – انت مصدق ان هالبلوه بتهتم ولاتقول شي مالت عليها بس هالقرويه حمود – حرام عليك ,, بعدين انت شاقاعد تسووي انت وهالجوال بيدك مشعل – وحده ناشبتلي إلا ترسل رسايل مع اني تارك هالسوالف بس عجزوا يفهمون ,, اقولهم يوم صار لي اللي صار قبل سنتين وانا تائب بس عجزوا يفهمون حمود – مالهم لائم والله واحد طاق الكشخه ولبس جديد وسياره جديده وساعه جديده وكل يوم في التحليه ولاالعليا ماخليت شبر فيها وهم مايصدقون على الله مشعل – اصكت عاد شف نوافوه ومحيميد وسعيدان حمود – من زين ذوليك اصلا ان ناظرنا وتمعنا شفنا محيميد على قولك املح شوي شوي اما الباقين وجه البومه من يناظرهم عاد انت كلن يبي منك نظره مشعل ويطيح على بطنه – ههههههههههههه هههههههههههههههههههههه حرام عليك حمود – وانا صادق عاد خويلد تقطعوا عنده هه من يقدر يطول ولد وزير وهو خبر خير مشاءالله عليه رجال سنع مشعل بنص عين – شكلك تعاير هآه حمود – وش اعاير فيه وانا صادق حمود عاقل ورزين ومايحب هالسوالف اصلا كل اسبوع يغير رقم جواله وهم مدري كيف يجيبون رقمه مشعل – انا بعد تركت هذا كله حمود – والله ماايندرى عنك
مي – افففففففففف طفش ومحمد مدري ليش كل مادخلت عليه لقيته جواله بإذنه مايتعب هاذا عبير اللي تقرأ كتاب في الصاله طلعت ناظرتها – صادقه امممممم اكيد اخوك يغازل مي بصدمه – شنهـــــــــــــو عبير- استنتاج كبير اصلا هو متغير علينا صاير عصبي وشكاك اعرفي ان اللي دائم يشك عنده شي مسويه غلط في حياته هم اصحاب الافكار السوداء هم اللي يشكون في أي انثى تصير امامهم عقولهم تجيبهم وتوديهم شك مي وهي تجلس – صادقه وربي ياعبير وحده من صديقاتي تقول اخوها ذابحهم شك ودائم يراقبهم وذبحهم وحبس حريتهم وتدرين شاطلع في النهايه اكبر مغازلجي في الرياض عبير – ماقلتلك ( وهي توقف ) بطلع اجهز شنطتي مي – خلاص بتسافرين بكره لجده عبير- ايه خلاص الاجتماع قدموه مدري ليه يقولون التاجر الكبيرصاحب الشركه الآمريكيه رد من امريكا وطلب يعجلون بالاجتماع مي – وااااااااااااااااي من يكون تتوقعين يكون آمريكي ولا عربي عبير – اكبر همي شدراني عنه يالله تصبحين على خير مي – وانتي من آهله
عند دنيا وساره اللي جالسين في الصآله اللي فوق 00 بتفرجون على فيلم وساره اللي بتنام عندهم عشان اهلها بجده وابوها سافر للاجتماع اللي مقره بمراكش المغربيه لوزراء العرب ساره – مشتاقه لمامي دنيا توطي على الصوت – ماقالوا متى بيردون ساره – لا دنيا – وخلود بتحد هناك ساره بعدم مبالآه – مدري عنها ,, الا اقول مشعل متى يرد دنيا – مدري اكيد على وجه الفجر ساره اللي راسمه خطه محكمه عشان تشوفه – آه دنيا تتثاوب – اقول ساره امشي ننام خلاص عيوني بتسكر ساره توقف – يالله امشي
نوف اللي في جناح مشعل 00 ومن اليوم تتنتظر متى يطلعون عن الصاله عشان تروح لجناحها القديم 00 بسرعه تسللت له وهي خايفه 00 بس انصدمت انه مقفل نوف – اففففففففففف لااااااااا قهر ورجعت لجناح مشعل وهي متأكده انها بتسمع مسبه 00 وهوش وصراخ 00من مشعل 00 جلست على الكنبه في صآلة الجناح وهي مطنقره وميته قهر من حياتها رجعت مره ثانيه تشيل كل اللي بالشنطه 00 تدور على رقم خالها 00 بس ماله وجود 00 وفجأه من دون سابق انذار بكت قهر وغبن من حياتها عند هالناس 00 انتحبت عند شنطتها وهي كارهه هالحياه بكل مافيها 00 جلست تدعي على خالها اللي عمره مافكر فيها 00 هذا وهو دائم يقول انتي بنتي 00 انتي بنتي 00 وامج موصيتني عليج 00 طلع يخرط عليها 00 انتحبت بشده ومن كثر مابكت نامت جنب شنطتها وهي موحآسه من التعب
نواف – لاياشيخ احلف مشعل – قد خرطت عليك عشان احلف يالله ضف وجهك من يوم شفتني وانت احلف احلف نواف – معاد نعرف صدقك من كذبك مشعل – عاد صدقت كان بها ماصدقت شي راجعلك سعيد وهو يصك جواله ويتأفف – اففففففففف حمود – انت بعد شفيك سعيد – ادق على حميد ياما مشغول ولايعطيني مشغول التيس مشعل – وانت شاتبي فيه سعيد – بعرف ليه مجاء وغير اني ابيه يقولي نتيجة المباراه كم حمود – وليه انت ماتابعتها سعيد – لا امي تعبت شوي وخذيتها للمستشفى ورديتها للبيت وهاذي جلستي عندكم مشعل – سلامتها إن شاءالله سعيد – الله يسلمك مشعل وهو ويوقف – يالله شباب عن إذنكم برد انام والله تعبااااااااان الطياره دوخت راسي حمود بضحكه خبيثه – ايه صادق النوم زين وراحه مشعل اللي فهم قصده – يالله عاد انت بعد ضف وجهك ورح لااختك المسكينه ماغير مطيح في الاستراحه قبل اختك عندها حد هالحين هي لوحدها حمود فز مرتاع – ايوالله صادق مع السلامه ياشباب مشعل يناظرهم – وانتم نواف – لاحنا بنسهر شوي ماورانا شي ( وهو يبتسم ) ويمكن ننام هنا مشعل – بكيفكم اجل بس اهم شي قولوا للحارس لايسكر عليكم الباب ويروح عند الحراس اللي جنب الاستراحه تراهم يلتمون هناك سعيد – لااطمن باكلمه
كل شوي تفتح الباب توايق ومرات تنزل تحت 00 ومره من المرات صادفتها بدريه سالتها 00 وقالت اشرب مويه خلاص بتنزل تحت تنتظره 000 خافت يجي وماتشوفه 00 وتخرب خطتها نزلت تحت وجلست على الكنبه اللي في الصآله 00 وفي الظلام بس نور خفيف هو اللي موجود اخيرا انفتح الباب وهو يدندن ويغني 00 واخيرا شافته وابتسمت ووقفت بسرعه وهي تتقن الخطه مضبوط وتسوي نفسها خايفه – ميين مين اللي جاء مشعل اللي سمع له صوت حد يسأل من – انا من فيه ساره وهي تتقن الخطه مضبوط – مين مشعل مشعل اللي شغل اللمبات اللي بجنبه وشاف ساره وانصدم من لبسها 00 بسرعه طفئ اللمبات وهي تضحك ضحكه خبيثه مشعل بخوف انها احرجها – انا اسف ساره اللي مستانسه – لاانا اللي اسفه الغلط مني بس كنت خايفه والي اعرفه ان دنيا قالتلي ان كلكم رجعتوا مشعل – حصل خير بس ليش جالسه هنا لوحدك وينهي دنيا عنك ساره – بكل صراحه دنيا نايمه بس انا حلمت لي حلم خوفني ونزلت تحت اشرب مويه وجلست مكاني مشعل – حصل خير اجل لاتسهرين ارجعي نامي ( وهو يطلع فوق ) ساره اللي وقفته – مشعل مشعل اللي مالف راسه وظل يناظر قدام – هلآ ساره – آسفه خوفتك مشعل ابتسم – وهم انا اسف خوفتك يالله تصبحين على خير ساره الي تنهدت من ابتسامته اللي بينت على النور وغمازاته اللي وضحت – وإنت من آهله يارب ( طلع وخلاها 00 وهو ناقد على لبسها اللي لابسته 00 ونازله ابيجامتها 00 كيف ماخافت ان حد يشوفها من إخوانه 00 هز رأسه وطلع جناحه ) فتح الباب عشان ينصدم من المنظر اللي قدامه 00 وطنقر من القرويه اللي نايمه على الارض 00 لاوبجنب شنطتها بعد خايفه حد يسرقها دائم يتفشل منها ومن منظرها 00 دائم تفشله عند اخوانه 00 وصار يعقد مقارنات بينها وبين حريم اخوانه 00 المشكله انه هو الوحيد بالذات من بين اخوانه 00 المهتم في الموضه وخطوطها 00 وماتوقع في يوم انه بيتزوجله وحده شعرها دائم لافته كعكع 00 ولاتحط شي على وجهها00 واللي قاهره اكثر جلابيتها اللي حفظها صم من كثر ماتلبسها 00 هزها برجله وهو واقف – هييييييه هيه انتي قومي نوف لاحياة لمن تنادي – هيييييييييييه قومي فشلتيني الله يفشلك انتي وهالجلابيه والله لااحرقها بس اصبري ( وهو يرد لذاكرته بجامة ساره الحرير الورديه وشعرها الاسود الحريرالمدرج ) مات قهر اكثر وآكثر وهو يزيد بضرب رجله 00 اللي خلاها تقمز واقفه وهي تحك شعرها – همممممم شافيك مشعل بعصبيه – اشفيني قولي اشامفيني انا بعرف متى بترحمينا من هالجلابيه المعفنه نوف بخوف – انت شافيك خلاص خلاص بغيرها مشعل بعصبيه – وبحرق فيها عشان اضمن ماتردين لها وبعدين ليش نايمه عندي انقلعي لجناحك نوف بحزن – والله العظيم مقفول مشعل – اسمعي هي هالليله ومن عقبها لو اشوفك هنا قصيت رقبتك نوف بقهر – طيب مشعل – وهالحين اذلفي انقلعي ونامي هناك في الصاله ويويلك يويلك لوجيتي الغرفه هنا نوف بضعف – إن شاءالله خذت لها مخده ولحاف من السرير شافها وعصب – هييييييييه رديهم مكانهم انقلعي للمخزن وخذي لك مخده مناك يالله نوف بقهر وغبن وظلم راحت من دون صوت 00 وقف في الغرفه ينتظرها تطلع خذت المخده واللحاف وتمشي وهي ماسكه غصب عنها الدمعه هو بعصبيه – عجلي بسرعه على قشر بيض تمشين هي ولاردت عليه طلعت وخلته 00 عشان يقابلها صوت ارتطام الباب بقوه وهو يسب ويخانق 00 كشت على الباب وهي ميته قهر 00 وتفلت عليه بعد 00 توجهت على الكنبه 00 وهي تسوي المخده واللحاف وتضبطهم 00 حطت راسها وخذ يانومه 00 ولاكأنها قبل شوي كانت بتبكي 00 كل شي حطته ورى ظهرها
الظهر في مطار الملك خالد وقفت مع ابوها تنتظر رحلتها مع ان مديرة قسمها واقفه مع المندوب ومدير الشركه اللي تشتغل فيها ,, مديرة قسمها مغربيه بس تتكلم سعودي تمآم ومع ذلك اخلاقها زفت والسبب لكل هذا مدير الشركه اللي متزوجها في السر 00 طقت كبدها لين نادوا على الرحله 00 ودعت ابوها اللي صدمها لما قال ابو محمد – على فكره يابوك كلمت عبدالعزيز الله يحفظه وهو بيحجزلك فندق هناك عشان ترد عليه بنرفزه – حرام عليك يبه البعثه كلها حاجزيلها ابو محمد – يابوك وانتي موأي حد كيف استأمنك مع مديرتك المفصخه عبير بزعل – ولو يايبه بتفشلني معه 00 ماأبي قوله شكرن هالعائله بالذات ماابي منها شي سعيد بزعل – ولو عيب يايبه وعلى فكره هو صاحب الشركه اللي بتتعاقدون معها وترى الشركه شركته هي اللي بدورها انصدمت – شنهو ابو محمد – اللي سمعتيه ياالله روحي ياابوك لاتفوتك الرحله هي وبغصه وهي تزفر – فمان الله يالغآلي ( باست يده ) ومشت بإتجاه الطياره
من يوم صحت 00 وهي تنتظره يصحى وميته قهر وجوع ولاحتى غسلت 00 والحمام جوه عنده 00لو علاقتها زينه في دنيا كان راحت لها بس دنيا ماتطيقها00 سمعت طق خفيف على الباب 00 راحت صوبه 00 لقتها الخدامه تقول الغداء هي بتفكير – مالي غير اصحيه توجههت للغرفه 00 وهي تفتح الباب بهدؤ ومالفحها غير الثلج والصقيع اللي عنده وشوي شوي تمشي 00 على آطراف اصابعها 00 شافته نائم والمكيفات كلها مشغله 00 بسرعه جمدت 00 وقامت ترجف قربت منه وهو نائم على بطنه 00 ومدخل يدينه تحت الوساده 00 والوساده الثانيه بجنبه 00 سمت بالله وقرأت الآدعيه عشان تقدر تصحيه بصوت واطئ ويرجف خوف وبرد – م مممم شعل ماتحرك وردت تصحيه مره ثانيه بصوت واطئ – مشعل مشعل مشعل – همم نوف بخوف – الغداء مشعل ومغمض عيونه – زين فجأه رفع رأسه بسرعه وهو يناظرها وعيونه حمراء – وش قلتي نوف اللي ردت ورى خطوه من فزته السريعه – ال الغداء مشعل وهو يجلس – طيب فهمنا فيه شي ثاني ( وهو يحط عينه في عينها) نوف – لا ( وبتردد ) اب اب ابي الحمام مشعل وهو يرد ينسدح – زين انقلعي وإذا خلصتي صحيني نوف بذل – طيب
منال اللي مسويه حلويات والقهوه وهي تغلفهم 00 دخل عليها حمود حمود – شاتسوين منال وهي مشغوله – شوف عينك ألف الحلا حمود وهو يقرب – هالله الله والله يافديت اختي بس موكأنك رايحه للصبوحه وابوتس السكران منال – حمودوه موكأنه ابوك وجالس تسبه حمود – ماقلت شي تراه يسكر ماجبت شي من عندي الله يصلحه بس منال وهي تخلص – آمين ,, يالله خذ ودهم للسياره بلبس عبآيتي والحقك حمود وهو يبتسم ويأشر على خشمه – على هالخشم وصاحبه
طلعت من الحمآم وكان نفسها تتحمم بس هالهمجي المعقد 00 توجهت لشنطتها تسحب لها تنوره وبلوزه عشان مايصارخ عليها وعلى جلابيتها 00 توجهت للحمام تلبسهم بسرعه 00 وهي تتوجه له تصحيه مره ثانيه عشان يفز وهو يسب ويشتم 00 كشت عليه مالت عليك 00 صدق مالت 00 ( وهي تتنهد ) موحيآه اللي جالسه تعيشها تبي تهج من هالانسان اللي لاطايقته ولاطايقها 00 تكره وهو يكرها 00 ومافيه شي يدل على تقبلهم لبعض 00 زفرت باآلم وهي تلعن السآعه اللي عرفته فيها00 وتترحم على جدتها اللي ورطتها بهالبيت اللي تحسبها نفعته فيها 00 بس متدري انها ضرتها توجهت على التسريحه 00 وهي تلبس برقعها وجلالها 00 قبل يطلع ويسب ويهاوش وهي خلاص مومتحمله كلمه وحده
وآخيرا وصلت الطيآره 00 وهي منطقره وتسب وتصارخ وتهآوش 00 من حركات مديرة قسمها العوجى اللي آثارت انتباه كل الرجال اللي في الطياره 00 بلبسها الماصخ 00 وضحكتها الرنآنه 00 لو تدري ماركبت جنبها 00 وهي تمشي عشان تشوف ذاك الواقف بهيبته وفخامته الطآغيه يناظرها 00 عشان تكره حيآتها 00 وتنقهر من حركة ابوها اللي مال امها داعي
آخر 10 مشاركات
03-09-12, 02:51 PM
2Likes
.png)
العرض العادي
