06-09-12, 03:11 AM
| #11 | ||||
| نجم روايتي 
|  راحت سحر للغرفة .. ومن الهبال اللي نط عليها اليوم ... ربطت شعرها على قسمين ( قرنين ^_^ ) وربطت بندانة على راسها ترفع بها الخصل اللي ممكن تطيح على وجهها.. ولبست بنطلون أبيض قديم عندها مع تي شيرت اصفر وقفازات تحمي يدينها خخخخخ ... كان شكلها تحفة مع تسريحة الشعر طلعت كأنها طفلة كبيرة... وقفت عند باب غرفة المكتبة والمكنسة بيدها :... ايااااااام ريدددددي !! ( أنا جاهزة ) رفعت امها عيونها وشافت شكل بنتها ... وين الأناقة !! : ههههههههههههههههههه وش ناوية عليه.. سحر :... ههههههههه لوك خاص للشغل والغبار... تأملت رفوف المكتبة الواسعة .. يوووه يبي لها شغل ايام على بال ما ينتهون منها.. كتب من كل الأنواع .. علمية ثقافية اقتصادية وغيرهـاا ... قررت تخلي الرفوف العالية بالأخير ... وبدت تكنس الأرضية أول شي ..،، ومسرع ما تعبت .. بعد نص ساعة من الكنس بدا حيلها ينهد ... لاحظتها امها :... ما أمدانا نتعب يا سحر !! رفعت سحر راسها بعزيمة :... لا لا من قال اني تعبت .. بس باخذ راحة شوي.. امها : مازال قدامك شغل واجد .. سحر وهي ترفع عيونها للرفوف المليااانة كتب .. شكلها مهيب : أقول ماذر !!.. نقدر نخلص هذا اليوم ...؟ امها بنبرة ماكرة :... مع وحدة مثلك ما أظن .. يبي لنا أسبوع عالأقل .. فتحت عيونها كأنها سبة :... ليش وش فيني أنا ؟! امها :.. تشتغلين على أقل من مهلك .. لو اشتغل لحالي اكيد بنتهي أسرع.. انقهرت سحر.. ليش دايم يقللون من امكانياتها ويقولون عنها دلوعة ما تنفع :.... وش ذا الكلام .. طبعا أقدر اخلص الشغل... امها :... هذاك بعد نص ساعة من الكنس قلتي تعبت .. هذا وكلها مكنسة تحركينها يمين ويسار !! رمت سحر المكنسة وتخوصرت باصرار :.. كأن هذا تحدي يا ام خالد !... وانتي تعرفين ماحب أحد يتحداني.. امها وهي تفتح كرتون جديد وتدخل فيه كومة كتب ثانية :... مو تحدي بس انا اعرفك خبز يديني ... سحر فكرت بسرعة خارقة وقررت بلحظتها.. قرار متهور مثل عادتها متسرعة بقراراتها :.. طيب يا ام خالد ... خلي الشغل علي كله ونشوف مين يكسب التحدي.. امها : اتركك على راحتك عشان يكسر ابوك راسك !!! سحر بقهر :... ليش مستصغريني ؟!!!... انا اعرف واذا احتجت شي بسألك.. وبعدين ابوي ما يقدر علي ، وغير هذا هو مسافر.. ومو راجع الا بكرة .. امها : هههههههههه يعني اخليك لحالك .. سحر : ايه .. خليني وانا بخلص الشغل كامل وبتشوفينه عشرة على عشرة ... وخلال يومين بخلصه بدل الأسبوع اللي مستكثرينه ! عقب ما انتهت ام خالد من الكرتون قامت واقفة :... بخليك على راحتك.. نشوف تقدرين تخلصين هذا لحالك ولا ... سحر :... يمه تراااني مو بيان تكلميني بهالأسلوب .. وتعامليني كأني ماعرف شي .. امها : ههههههههههههههههههههههه ولا تزعلين يمه ... تبين تتحملين الشغل كامل تحمليه .. يعني ما اتدخل ؟! سحر : لا لا تدخلين .. انا بمشي الأمور كلها على طريقتي .. امها وهي تمشي طالعه :.. خلاص اجل المكتبة تحت يدك الحين... انا اعرف انك ذكية وتفهمين وتقدرين تتصرفين ابتسمت سحر :... أدري مو شي جديد.. امها وهي طالعه : ههههههههههههههه ورينا همتك ... انا بروح أرتاح .. سحر وهي تمسك المكنسة من جديد.. وبربششة : ..تيك يور تاااايم .. وقفت تتأمل الحوسة والغبار اللي بكل مكان .. تحتاج لهمة كبيرة لازم تغير نظرتهم وخاصة نظرة الدكتور.. لازم تعلمه انها مو دلوعة وبس .. لازم تعلمه انها دلوعة بس يعتمد عليها .. كانت تعبانة لأنها قايمة من الصبح .. كنست نص المكتبة وعقبها وقفت وقررت تكمل بكرة .. الموضوع مو كنس ومسح غبار وبس... الموضوع حتى بهالكتب الكثيرة اللي يبي لها راس صاحي ! طلعت من المكتبة على الساعة 9 بالليل وحالتها صعبة .. شعرها مشعث والغبار سبب لها حالة من العطاس .. شكلها صدق وهقت نفسها .. شلون بتخلص هذا كله لازم تلقى من يساعدهـا .. وهي رايحة لغرفتها بتغير ملابسها ،، شافت خالد يطلع الدرج وهو ماسك البالطو الأبيض على كتفه .. أول ما طاحت عيونه عليها وعلى شكلها ماااات ضحك : ههههههههههههههههههههههههه ههههههه جنية !! ناظرته بطرف عينها بصمت من غير لا ترد .. خالد : هههههههههههههههههه من وين طلعتي ؟!... وش هالتسريحة الغريبة .. وش صاير انهبلتي ؟! سحر وهي داخله غرفتها :... مالك شغل.. فيني ... خالد :.... ليش شعرك صاير أبيض ؟! سحر تستهبـل :.. لوك جديد ... مو حلو ؟! خالد :... صايره تروعين .. سحر :... أحلللى من وجهك النكدي .. فتح عيونه : .. أنا وجهي نكدي ! سحر : ... ايه ... صايرة هواية عندك انك ترفع ضغطي... ( وهي تمسك وكرة الباب ).. تبي شي باخذ دش وبنام .. خالد وهو يقلد حركة عيونها ورموشها :... لا ماااابي شي... عساك تنفعين نفسك بالأول .. سحر سكرت الباب بصمت من غير لا ترد :... أوريك قريب بعلمك اني أحسن منك ..... يالدب !! قبل لا تنام دقت على مشاعل.. بس ما ردت عليها !! أفففف هالبومة هذي متى بتتعدل ؟!.. دخلت الحمام تاخذ دش ،،... قبل لا تنام وتفكر وش بتسوي بكرة.. من بكرة وهي طالعه من الجامعة مرت على بيت عمهـا ودقت على مشاعل .. مشاعل كانت توها بتستعد للنوم لأنها بدورها تعبانة وتوها جاية من الجامعة : الوو هلا سحور.. سحر : مشاعل اطلعي انا عند بابكم .. مشاعل استغربت : أطلع وين اروح !!.. وين بتاخذيني ..؟ سحر : تعااالي أبيك في شي في بيتنا .. مشاعل : هذا وقته في القوايل سويحر !!... خليها بالليل .. سحر : مافي بالليل .. الحين انزلي كلمي خالتي وتعالي أبيك بشي ضروووووري.. مشاعل : علميني أول وش عندك .. سحر ما علمتها لأنها عارفه لو بتقولها بتسكر الخط بوجهها... تعرفها مشاعل كسولة وخصوصا هالوقت : مسويه لك مفاجئة خاصة .. استاااانست مشاعل ينلعب عليها بسهولة أحيانا :... أي نوع من المفاجئات ؟! سحر : أحلى مفاجئة لأحلى مشاعل بالسعودية ... شي يحبه قلبك .. فزت مشاعل من السرير وقعدت بعد ما كانت منسدحة :... يا ويلي لااا تقولييين خالد ..!! هزت سحر راسها ساخرة .. وقررت تستخدم اسم اخوها ، يعتبر سلاح فعال مع مشاعل : ... خااالد جزء من المفاجئة !.. مشاعل بوناسة :... مع اني أحس ان فيه إن بالموضوع .. بس ما دام دكتووور حياتي في السالفة أكيد بجي .. دقايق بس اروح اقول لشادن تقول لأمي واجي لك.. خمس دقايق.. سحر : أووكي... خمس دقايق مو أكثر.. انا تحت بالسيارة.. بعد دقااايق طلعت مشاعل وركبت السيارة وهي مبسوطة ، لها فترة ما راحت لبيت عمها وما شافت ذاك الوجه .. الوجه الجاااد بس الحلوووو ..!! أول ما وصلوا طلعتها سحر لغرفتها .. ورمت عليها ملابس تنفع للشغل .. مشاعل بلمت وهي تناظر :... وش ذا الملابس ؟! سحر وهي ماخذه ملابسها للحمام بتغير : البسيها... بسرعة من غير أسئلة .. ودخلت الحمام وضربت بالباب .. ومشاعل بدت تفوور وش عندها هذي ليش جايبتني هنا !!.. والله لو ما يكوون فيها خالـد لأعفس عليها الدنيـا .. لبست البنطلون الأسود والتي شيرت الملوون ألوان فاقعه .. وناظرت نفسها بالمراية كأنها مهرج مع هالألوان اللي مو من ستايلها أبد ... طلعت سحر من الحمام بنفس ستايل أمس .. شعرها مربوط قرنين وبندانة تلف راسها.. مشاعل من شافتها مااااتت ضحك ... طالعتها سحر باستغراب :.. لهالدرجة شكلي يضحك .. كل من شافني قام يضحك ليييش ؟!! مشاعل :... مع احترامي يا سحر بس شكلك ...... ( مالقت كلمة وكملت ضحك ) سحر : والله اني حلوة بس محد يقدر... خذي هذي اربطي بها راسك .. ناظرت مشاعل البندانة اللي مدتها لها .. خذتها وربطتها وهي تقول : مع ان شعري قصير بس بلبسها عشان يكمل الستايل .. شعر مشاعل قصير يشبه البوي لكنه أطول بشوي ... وهذا ستايل دايم خاص فيها يميزها .. سحر : تعالي معي.. طلعوا من الغرفة ودخلوا المكتبة ... مشاعل من شافت العفسة والحوووسة شهقت : سووويحر وش ناوية عليه !!.. سحر بطرف عينها بابتسامة شقية :... محتاجة مساعدتك .. مشاعل : تستهبلين علي ولا تستهبلين !!... لا تقولين انك جايبتني هنا عشان هذا.. سحر : بالضبط ..!! مشاعل بقهر تربعت عالأرض وتكتفت باعتررراض :... ماني مشتغلة ماني شغالتك جايبتني هنا عشان الرعب هذا ..!! سحر : ههههههههههههههه رعب !! مشاعل وهي تطالع فوق ويمين ويسار .. المكتبة كبيرة وش ناويه عليه هذي الخبلة :... وبعدين وش طاري عليك من متى انتي تتكرمين وتقدمين هالنوع من الخدمات ؟ سحر :.. هالمرة غير ... هالغرفة هذي من زماان ودي أدخلها واليوم جتني الفرصة .. هذا غير اني فاضيه ما عندي شغل اسويه قلت اشغل نفسي هاليومين اضيع وقتي بهالمكان .. مشاعل : وليش مدخلتني بخططك الغبية هذي ..؟ سحر :.. أبي أخلص هالشغل بيومين او بالكثير ثلاث اربع ايام... أبي أعلم خالد منهي سحر ! فزززت مشاعل : ..وش دخل خالد ؟! سحر : يعني ما تدرين انه معتبرني طفلة ما تقدر تنفع نفسها وغيرها بشي ... قلت فرصة اتحداه.. خله يعرف مو الدكاترة هم اللي يقدرون يصيرون شي بالدنيا ... مشاعل غمضت عيونها وهي تبتسم :... كلامه درر درر هالدكتووووور .. سحر بشرانية وقهر :... انتي معي ولا معه ؟!!!!! مشاعل :.... طبعا معه وللأبــد... سحر : أمحق فزعة ... قومي هزي طولك اشوف وخذي المكنسة واكنسي ذاك المكااان .. وانا بكنس هذا .. قامت مشاعل تتحلطم ، لو رفضت سحر مو مخليتها .. خذت المكنسة وجرتها بكسل على الأرض .. سحر نفخت : شدددي حيــلك يالبومة .. مشاعل بعصبية : ... بتنطمين ولا أعطيك بوكس معتبر يسكتك .. ضحكت سحر بينها وبين نفسها ... فرصة ترد الدين لمشاعل.. فرصة اليوم تجننها مثل ماهي كل يوم مطلعه الشيب براسها بلا مبالاتها !!.. :×:×:×:×:×:×:×:×:×:×: بهذاك الحــي الفقير .. وقفت سيارة تركي قدام البقالة وضرب بوري لأبو سالم .. طلع ابو سالم الكبير بالسن وقفل بقالته .. ركب سيارة تركي وهي يسلم : السلام عليكم يا ولدي .. تركي وهو يدق بأصابعه على الدركسون بشكل يبين انه متوتر : وعليكم السلام.. عقب ما سكر الباب حرك السيارة طالع من الحي .. ابو سالم : للحين مصر عاللي تبيه يا ولدي ... للحين تبي تقابله وانا ابوك ؟ تركي بنبرة جامدة :... ضروري أقابله .. وكان لازم هالخطوة أسويها من زمان ... ابو سالم هز راسه :... ما تبي تقولي ليش تبي تسوي كل هذا .. علمني وانا ابوك .. تركي بنبرة جامدة وهو يطالع بالمراية الجانبية للسيارة : ... الأحسن لك انك ما تدري عن شي... هز ابو سالم راسه ... تركي متغير !!.. مو تركي اللي قبل ثلاث اربع سنين... من رجع من سفرته وهو متغير بشكل جذري ... ابو سالم حب يقطع الصمت بينهم يوم طال :... شخباره ابوك يا ولدي ؟؟.. من زمان ما شفته .. تركي بنفس الجمود : ... على حاله مثل ماهو .... بس اللي يريح ان حالته استقرت عقب ما دخل المستشفى قبل كم يوم.. ابو سالم : الحمدلله ... والحين طلع للبيت ؟ تركي :... ايه طلع أمس .. ابو سالم : الحمدلله ... عقب ثلث ساعة صاروا قريب من المكان اللي يبونه .. التفت ابو سالم له :... ما قلت لي يا ولدي ليش تبي تقابله هو بالذات ؟! تركي :....................... مارد عليه .. وابو سالم هز راسه .. صاير ما ينفهم له .. وصلوا لبنايــة أنيقة من 6 طوابق تقريبا ... دخل تركي مواقف السيارات ووقف سيارته في باركنغ خالي .. فجأة قبل لا ينزلون ،، رفع تركي يده لشعره المرتب بأناقة .. وعفسه وحاااسه بحركات سريعة غيرت من هيئته العامة ... فتح الأزرار الأمامية لقميصه بحيث يطلع شكله أقل أناقة .. وبعدها فتح الدرج اللي جنبه وطلع علكة وأكلها.. وصار يمضغها بطريقة فوضوية ... وأبو سالم يراقبه بصمـت ،،،.. عقب ما ألقى تركي نظرة أخيرة على شكله بالمراية ،، ابتسم برضى ابتسامة غريبة ! والتفت لأبو سالم :... تفضل عمي أنزل .. ***************** لحد هنا وانتهى الجزء الثاني ما زلنا للحين في خضم التعريف بالشخصيات ،، لكننا بنفس الوقت على مشارف بداية الأحداث الحقيقية من ( لا تبكي ) أتمنى يعجبكم .. | ||||
|
|
06-09-12, 03:13 AM
| #12 | ||||
| نجم روايتي
| الجــــــزء 3 ... نـزل تركي من سيارته بخطوات واثقة ،، ما يثنيه عن هالخطوة أي شي ،،ما يرده عن نواياه أي رادع !!.. وقف جنب باب سيارته يطالع في هالبناية الأنيقة ،، اللي واجهتها زجااج عاكس من أولها لآخرها معطي البناية بكاملها أناقة وفن معماري ماله مثيل ... التفت لابو سالم يشوف وينه ،، شافه واقف بدوره جنب بابه والنظرة الوقورة بعيونه ... هز له تركي راسه بمعنى خلنا نتحرك... وفعلا مشى ابو سالم للبوابة وتركي جنبه ، وكل اللي كان يشوفه تركي بهاللحظات هو نظرة ابوه العاجز مرسومة قدامه وراسخه في باله.. نظرته يوم رجع من السفر طيرااان بعد ما سمع عن نكسة أبوه الصحية ، ومنها اكتشف اللي كان مخفي عنه من صغره .. اللي يشوف تركي وهو يمشي مع ابو سالم بيقول ان هذا ولده .. ولأن تركي كان لابس ملابس أقل من عادية بعيد عن اناقته المعتادة ،، كان شكله وهيئته من هيئة ابو سالم .. طلعوا الدرجات العشر اللي تسبق البوابة الزجاجية الكهربائية .. وقبل لا يدخلون مسك تركي ذراع ابو سالم يوقفه ،، مسكة قوية وكأنه يبي يقوله شي.. ابو سالم باستغراب : نعم يا ولدي فيك شي... تبينا نرجع ؟! وكأن ابو سالم يتمنى هالشي فعلا .. مو مرتاااح لنوايا تركي أبد .. تركي ابتسم ببرود :.... تذكر بس يا عمي.. اسمي وليد...وانا ولد اخوك ...لا تطري تركي على لسانك .. هز ابو سالم راسه وكنه فاهم : أدري وانا ابوك قلت لي وحرصتني ... انت وليد ابتسم تركي برضى :... أعتمد عليك يا عمي لا تخذلني .. هز ابو سالم راسه يطمنه بصمت .. ودخل البوابة اللي انفتحت اتوماتيكي وتركي وراه .. راحوا للرسبشن وابو سالم سأل عن مكتب المدير العام وين يكون ؟!.. وعقب ما عرفوا انه بالطابق السادس والأخير راحوا للمصاعد اللي بدورها فاخرة وفارهه ... دخل تركي المصعد وراء ابو سالم .. والثاني يذكر ربه ويسبحه ويستغفره بأسلوب هو تعود عليه لما يكون بحالة انتظار لشيء .. وصلوا للطابق الأخير ،، طلع تركي وأول ما طلع ابو سالم وراه مسك يده .. ابو سالم ما استغرب هالتصرف من تركي لأن الأخير يبي يكمل التمثيلية على أكمل وجه ..! راحوا لمكتب سكرتير المدير .. دق ابو سالم الباب ودخل بهدوء ، والسكرتير أول ماشافهم استغرب واستنكر دخول مثل هالأشكال .. السكرتير :.. نعم أقدر أخدمكم ؟؟ ابو سالم بوقار :.. الله يحفظك نبي المدير... السكرتير وكأنه يبي يصرفهم : .. المدير مشغول الحين ما يقدر يقابل احد ... معكم معه موعد ولا شيء ؟؟ ابو سالم والسبحة بيده وبنبرة وقورة : .. لا وانا ابوك ما عندنا موعد ... بس نبيه ضروري أنا ابيه ضروري.. السكرتير طالع تركي الصامت ورجع للشايب :... قلت لك يا عم ما اقدر مشغول واذا ما معكم موعد ما اقدر ادخلكم.. ابو سالم : انت روح قوله وان شالله ما يخالف... السكرتير :... آآآآآآسف ما اقدر ... ابو سالم :... يا ولدي ما يضر لو دخلت عليه دقيقة وقلت له .. مهيب خربانة الدنيا... ارحم الشيبة هذي انا جاي من بعيد ومو كل مرة أقدر اجي هنا .. السكرتير ومبين على وجهه الرفض القااااااطع :... ودي يا عمي بس هذا هو النظام ... تنهد ابو سالم والتفت لتركي الساكت ..لاحظ بوجهه ملامح عدم رضى ... هز راسه ورجع للسكرتير الشاب :... يا ولدي طيب دخلني انا اكلمه ما اظن يرفض رجال شايب مثلي... قله اني محتاج لعونه وكرمه ... جلسوا يمكن عشر دقايق ربع ساعة بحالة جدااال ... تركي وابو سالم مو راضين يطلعون قبل لا يشوفون المدير.. والسكرتير واضح انه من النوع العنيد ... فجأة انفتح باب مكتب السكرتير ودخل منه شااب أنيق بيده مجموعة أوراق ... أول ما شافه السكرتير ناداه :.. أستـاذ محمـد !! وقف محمد اللي كان يبي يدخل مكتب عمه المدير ،، واللي هو يشتغل هنا بصفة نائب المدير العام والذراع اليمين لأبو خالد ... محمد باستغراب : نعم ؟... في مشكلة ؟ السكرتير :... هالعم هذا يبي يدخل على ابو خالد... وما معه موعد ! طالع محمد في العم ابو سالم .. وبعدها رفع عينه لتركي ، شاف نظرة غريبة بعيونه بس ما اهتم لها :... هلا يا عم تبي أي خدمة ؟؟ ابو سالم استبشر خير بوجه محمد : .. ايه يابووك الله يحفظك أبي المدير .. محمد بلطف : .. تبي منه شيء واعدك المدير بشيء ؟!.. ابو سالم : لا والله .. بس سمعت عنه وعن أفضاله وسُمعته قلت ما رح أخسر لو جيت ورجيت عونه .. ان شاءلله ما يردني وانا ابوك.. ودي أدخل عليه .. يمكن هيئة ابو سالم الوقورة واللي تبعث عالارتياح فـ النفس خلت محمد يبتسم ويهز راسه :.. خلاص مو مشكلة يا عم .. انا بدخل عليه الحين وانت اجلس هنا انتظر شوي .. وأول ما اطلع تدخل عليه ... ابو سالم ابتسم : الله يرضى عليك ما تقصر يا ولدي .. قبل لا يمشي محمد ،، شي وقفـه وخلاه يوقف ويلتفت لتركي بملامح متسائلة :.... اعرفك من قبل ؟؟؟؟ ما توقع تركي السؤال هذا... بس ابتسم :... ما أظن... أول مرة اشوفك .. هز محمد راسه وأشر لهم يجلسون عالكنبات الجلدية الموجودة ينتظرون لما يطلع .. خمس دقايق وطلع محمد وهو يبتسم لابو سالم : تفضل يا عم المدير ينتظرك .. قلت له عنك وقال خله يدخل راضي يشوفك.. ابو سالم وهو يتعنز على ركبه ويقوم ببطء وضعف سببه له الزمن والسنين ...راح للباب وتركي يمشي وراه ... أول ما دخلوا قرب محمد من مكتب السكرتير : هالشايب أول مرة يجي هنا ؟؟ السكرتير : ايه اول مرة يجي ... محمد :.. وولده اللي معه ؟... ماكان معنا بالشركة يشتغل بقسم من الأقسام ولا شي ؟؟؟.. ما مر وجهه عليك ؟؟ السكرتير مبين أنه أول مرة يشوف وجه تركي : ... لا ما أعتقد .. بعدين استاذ محمد ما شفت شكله .. وش يجيب اللي مثله يشتغل معنا ... أظن انت مشبه عليه ... محمد هز راسه ،، كثير ناس يمرون عليه بالشركة .. ناس طالعين داخلين احتماال يكون مشبه !!.. دخل ابو سالم المكتب المكيف الوااااسع الأنيق .. كان المكتب صالة كبيرة بدورها ... تركي كان ماسك يد ابو سالم ويمشي معه ببطء ويعينه ..راحت عيونه لآخر المكتب وين ما كان المدير ومكتبه متربعين ... أول ما شاف المدير ابو خالد ، ابو سالم ابتسم لوجهه الوقور ،، ووقف احترام لشيبته :... حيااك تفضل.. قال لي الاستاذ محمد عنك تبي تشوفني ... وصله تركي للكرسي وعينه ما فارقت وجه ابو خالد... ابو خالد وهو يأشر للكرسي الوثير : تفضل يا عم ارتاح... ( عقب ما جلس ابو سالم )... ها امر يا عم اقدر اساعدك بشي..؟ ابو سالم : نادني ابو سالم وانا ابوك ... ( وهو يحرك سبحته بين اصابعه بوقار ).. من غير ما اطول عليك يا ولدي.. انا جاي اليوم لك واتمنى منك تساعدني ... ولدي هذا ( وهوي يأشر على وجه تركي ) رجاني اجي معه هنا وأطلب منك تساعده .. التفت ابو خالد لتركي الجالس بالكرسي الثاني .. شافه منزل عيونه للأرض وكأنه ما يبي يطالع بعيونه .. ابو خالد ابتسم :.. أساعده ؟؟... اساعده بوشو ؟.. تبي مني خدمة معينة يا......... سكت وكأنه يبي يعرف الاسم ...ابو سالم سكت ما قدر يقوله ، لأن واحد مثله ما يقدر يكذب بسهولة ربه بقلبه... لاحظ تركي تردده وكمل عنه بسرعه بصوت شبه منخفض :... اسمي وليد الله يسلمك... ابو خالد : .. ونعم الاسامي يا وليد... أمر قول تبي مني شي خدمة معينة...؟ رفع تركي عينه لأبو سالم يبيه يتكلم .. وابو سالم التفت لأبو خالد :... يا ولدي .. هالولد يبي يشتغل وما يبي يشتغل الا عندك .. ضحك ابو خالد وكأنه مستغرب :... ما يبي يشتغل الا عندي ..؟ ليش سامع عني شي غير الناس...؟ ابو سالم :.. سامع عنك السمعة الطيبة ويبي يشتغل عندك .. ياليت ما ترده ... ضحك ابو خالد بخفة وكأنه ما يدري وش يقول ... تركي هيئته هو وأبو سالم ما يهيأ لأي وظيفة ممكن تشملها هالشركة الكبيرة ... ابو سالم لاحظ تردد المدير :... ياابوي لا تخاف... ترا هالولد يعجبك.. لا يغرك شيبتي وفقري اللي انا عليه ، ترا هالولد ذكي تربيتي ويعتمد عليه... لو تبي تسأل عنه اسألني انا ... ما شاء الله عليه من صغره يعتمد عليه ويعرف يتصرف.... ابو خالد ابتسم ورفع كتوفه : ... يا عم مو هو ولدك وما بيطلع منك عنه الا الكلام الزين...... قاطعه تركي بأدب يوم لاحظ تردد ابو سالم من جديد :... لا يا عمي ..انا مو ولده.... انا ولد اخوه وهو يصير عمي ... انا يتيم ومالي غير هالعم الله يخلي لي اياه ويطولي بعمره... ابو خالد ابتسم يوم لاحظ طريقته بالكلام.. طريقة مؤدبة تلفت الانتباه وتجذب :.... طيب يا وليد .. شكلك مصر وفيك طاقة للشغل ما نلقاها بكل أحد ....قلي وش هي مؤهلاتك ؟ سكت تركي وابو سالم سكت ... بس بعد ثواني ابتسم تركي ورفع راسه :... بتستغرب... بس انا مالي مؤهلات !!! استغرب ابو خالد وبان على وجهه :.. ولا شهادة ؟! تركي :... ولا حتى شهادة ....! ابو خالد ابتسم لكن ابتسامة استغراب دهشة :..على هالكلام ...ما اقدر اقدم لك شي... مالك حتى اوراق خاصة...؟؟ تركي :... ولا ورقة.... انا انقطعت عن الدراسة من وانا صغير ظروف اهلي ما كانت تسمح اكمل دراسة ... ابو خالد : .. طيب كم عمرك يا وليد ؟ تركي :.. عمري 27 سنة .. ابو خالد تعجـب وش يقدر يقدم لمثل هالناس .. التفت لأبو سالم :.. يا عم... اذا ما عندكم له اوراق ما اقدر اقدم لكم شي... لا شهادة لا مؤهلات لا شي....! ابو سالم بنبرة راجية :... يا ولدي انت الله منعم عليك.. ما أظن صعبة عليك تعطيه لو وظيفة صغيرة... احنا ما نطلب منك شي عظيم لا ..! وظيفة صغيرة يمشي فيها حاله... والأوراق انتوا طلعوا له أوراق ... هو قال لكم كل اللي عنده وانتوا طلعوا له اوراق ما اظن صعبة... ولا اقولك ما نبي اوراق ما يحتاج اهم شي الوظيفة .. وانا قلت لك هو ذكي صدقني بتكتشف بيوم انه غير كل الناس... واذا هو بيصير شي فتراه بيصير شي على يدك... انت عطه فرصة وشوف وش يقدر يسوي ... انحرج ابو خالد من هالكلام... وأخيرا قال بعد ما التفت لتركي الصاد بعيونه تحت :... أوكي انا بشوف موضوعه تعال بكرة ولا بعده ووقتها يكون خير... بس ما اوعدك بوظيفة كبيرة ...اذا بنعطيك وظيفة بتكون من هالوظايف الصغيرة اللي راتبها قليل... من غير أوراق ولا أي شي.. تركي ابتسم بجانبية .. ما يتمنى أكثر من كذا .. ابو سالم ابتسم : واحنا راضين مانبي منك شي انتوا اكيد اهل للثقة ... يعني اتطمن يابوي..؟ ابتسم ابو خالد بعد ما طالع بوجه تركي الصاد عنه :... تطمن يا عم ومالك الا طيبة الخاطر... ووليد ان شالله يومين وهو معنا ما اظنك تكذب ... مبين عليه ما شاء الله له نظرة ثاقبة وذكي واضح من عيونه... اكيد بيفيدنا بيوم ولا لا يا وليد ؟!.. رفع تركي عيونه وابتسم بثقة :... ان شاءلله ... واوعدك ما تندم .. قام ابو سالم اخيرا وابو خالد وقف معه :.. خلاص انا اكلم الموظف المسؤول واعطيه خبر... تركي فجأة :... اتمنى بأسرع وقت... بكرة انا بجي لك مرة ثانية... ضحك ابو خالد ، واضح عليه متحمس مرة للشغل ... تبون الصراحة انعجب فيه وبحماسه الواضح بعيونه .. لاحظ بعيونه تصميم غريب جذب انتباهه .. وهذا شي حلو يدوره بالموظف اللي يشتغل له .. ابو خالد :... شكلك متحمس وانا ابوك... خلاص ولا أردك تعال بكرة شغلتك بتكون جاهزة ... ابو سالم ابتسم :... الله يعافيك ويرضى عليك ما تقصر... ابو خالد :... الله يسلمك .. التفت تركي لابو سالم مبتسم : يلله عمي خلنا نطلع... ما قصرت معي اليوم دومك راعي واجب .. مسك يد ابو سالم ومشى معه ببطء لين وصل للباب وطلعوا .. رجع ابو خالد لمكتبه وهو يضحك ،.. شاب بهالزمن ماله مؤهلات !! بس روح الحماس والتصميم في عيونه لفتت نظره ! أول ما طلعوا من باب الشركة ووصلوا للسيارة .. تقدم تركي لابو سالم قبل لا يركب السيارة وباس راسه : .. تسلم يا عمي ما قصرت ... مارح أنساها لك.. تنهد أبو سالم وابتسم بحنية :... ولو انك ما علمتني ليش تبي هالشغلة وانت ما شالله سنين دارس برا.. بس الله يصلحك انتبه لنفسك.. تركي دخل يديه بجيوب الجينز ورفع عينه للشمس اللي كانت مايله وقريب بتغرب : ... هالأيام أحس اني انسان ثاني... بس ما تغيرت الا اني أبي اتغير... ما يمشي حاله بهالزمن الا الوحوش .. الوحوش اللي تدوس على غيرها وما تشوف وراها.. ما يمشي حاله بهالزمن الا الانسان اللي يطلع فوق على اكتاف غيره .. ( نزل عينه لابو سالم وابتسم ابتسامة.. ماكرة !! ).. ولا لا يا عمي ؟؟؟؟ ابو سالم وكلامه خوفه :... والله كلامك يخوفني يا تركي ... انا اخالفك الدنيا للحين فيها خير .. واللي صار لأبوك مقدر ومكتوب .. تركي وهو يلف ويفتح باب السيارة بيركب :... وانا لازم استفيد من أخطاء ابوي ...الطيبة بهالزمن ما عاد تنفع ابد !!! | ||||
|
|
|
06-09-12, 03:15 AM
| #13 | ||||
| نجم روايتي
| ×؛×؛×؛×؛×؛×؛×؛×؛×؛×؛× دخلت مشاعل البيت وهي متكسسرة رايحة فيها .. تتحسب على سحر بصووت عااالي كل اللي في البيت سمع تحاسيبها .. كانت شادن بالصالة ومعها الجريدة تتصفحها .. وسماعة التلفون بيدها وتضحك وهي تسمع صوت اختها يلعلع بقهر.. شادن : هههههههههههههه وش صاير .. تعجبني سحر صراحة ما يعرفلك غيرها .. مشاعل : مالت عليك وعليها ... وش هالقهر انا رايحه عشانه ، وقاعدة اشتغل طول النهار عشانه .. وبالنهاية ما اشوفه .. شادن : ههههههههههههههه منهو ؟؟ مشاعل :.. مالك شغل... انا بروح انام ..حسبي الله على عدوها ما نمت العصر وأنهكتني بالشغل .. شادن :... وش هالشغل..؟ مشاعل : شغل من خبالها ماله فايدة .. انا بعرف وش بتستفيد من هالشغل.. عليها طواري احيانا ما ادري من وين تجيبها !! شادن :... يا حلوها هالبنت تحب تجرب تحب تسوي اشياء بيومها مو مثلك صايره لها الضد تماااااااما !! مشاعل وهي تحك راسها وذراعها وظهرها ،، جسمها صاير يحكها بالكامل من الغبار :.. آآححح .. آآححح يبي لي حمام دافي .. شادن : هههههههههههههههههه روحي قبل لا تنهارين علينا ... بتروحين لها بكرة بعد ؟؟ مشاعل : ايه ..توعدتني وهددتني باقي لنا شغل كثثثييير اليوم ولا خلصنا حتى الربع !!..بطلع معها بكرة من الجامعة ع البيت .. شادن : ... ههههههههههههههه ما أدري وش بيطلع منكم انتوا الثنتين .. روحي تصبحين على خير .. عارفه بتدخلين غرفتك الحين وتغطين بنومة طويلة .. مشاعل وهي تركض للدرج : ايه وهذي يبي لها كلام... جسمي يعورني وظهري متكسر... عيوني بتقفل وما يريحني غير النوم.. لكنها فجأة وقفت مكانها يوم تذكرت هيئة اختها وهي تدخل .. الجريدة مفتوحة قدامها والتلفون اللاسكلي بيدها .. عقدت حواجبها ورجعت طلت براسها من وراء العامود الروماني .. مشاعل : تعالي ... ترا انا كل يوم يطلع مليون ألف سؤال براسي .. وانا اشوف تعلقك بالجرايد يزيد.. نزلت شادن السماعة عالطاولة :... وين العيب لو تعلقت فيها ..؟ مشاعل : مو عيب بس مو من طبعك !! شادن :.. الواحد يتغير .. ومسألة اني اقرا جرايد او أهتم لها ماهي مشكلة...... لمحت مشاعل نظرة غريبة بعيون شادن كانت تشوفها دايم لما تنتظر اتصال معين بالتلفون ..!! مشاعل :... ما اتصل فيك للحين ؟؟ شادن وكأن هالموضوع سبب لها وجع :... لا للحين.... يمكن مشغول .. مشاعل :... وش يشغله ... ما وعدك انه يتصل عليك ؟... شادن وهي تتنهد : ... الا.... مشاعل :... يمكن اتصل على محمد ... شادن : سألته بس قال ما جا منه اتصال... مشاعل : ... طيب دقي على بندر... يمكن متصل على بندر .. تعرفين عمر وبندر علاقتهم قوية مع بعض... شادن وهي تحط يديها تحت خدودها وترجع لصفحات الجريدة بملل :.. وش صار عليه !!... لا يكون فيه شي..! مشاعل :... كم مرة قلت لك عمر رجال ويقدر يعتمد على نفسه خوفك هذا عليه وكأنه طفل صغير بيتعبك صدقيني .. ما ردت شادن وقلبت صفحة الجريدة .. تتأمل بالمقالات والأخبار المحلية.. شادن بإحباط :... أكبر غلط... ان ابوي خلاه يطلع من البيت .. عمر يتيم وين يقدر يروح... ماله الا ابوي... مشاعل : بس رجال والحين استقل بنفسه ... شادن : .. وأنـا ؟؟؟ مشاعل طفشت من تشاؤم اختها الدايم وقلقها الزايد عليه اللي مافيه فايدة أبد ... وتنهدت وبصووت عااالي :.. ياااا حبي لي بس لو كل النااااس مثلي كان ما شفنا تشاؤم وحزن ودموع ... فيه مثل يقول طنش تعش تنتعش ... ( ضحكت شادن وكملت مشاعل )... بس وين اللي يشوفني ،، سحر هالأيام صايرة تخطو خطاي تعالي شوفيها شلون تضحك .. شادن بسخرية :.. سحر لو تسوي زيك تضيع ... ما تشوفينها عكسك بكل شي... مشاعل ملت من النقاش .. : انتي وش يفهمك انتي ... محد يفهم انا وش كثر اخلي الدنيا تبتسم.. واللي يدوس لي على طرف أدوس خشمه .. شادن : ههههههههههههههههههههههه طلعت نزعة المضاربة ... بندر من علمك كاراتيه ودخلك نادي خاص وانتي صايرة تروعين .. صرت حتى اخاف لا ادخل معك بمشكلة ، اطلع منها بعدين بعيون زرقاء .. مشاعل : خخخخخخخخخ رمز القوة والأنوثة أنا ... انا مشاعل انا ... خخخخخخ وطلعت الدرج تتحمم وتستعد للنوم وشادن تحت تضحك ... من بكرة بعد الجامعة .. طلعوا سحر ومشاعل لبيت ابو خالد يكملون الشغل اللي بدوه أمس ... بعد ما بدلوا ملابسهم بملابس الشغل دخلوا المكتبة اللي كااانت في حالة فووضى ... كانوا بادين صح لكن لما زاد الشغل ووصلوا للنص حسوا انهم تورطوا .. نص الكتب نزلوها عالأرض والباقي لازالت مصفوفة بالأرفف.. مشاعل :.. سحر شكلك توهقتي ووهقتيني معك... المكتبة معد صار لها موطى قدم .. كيف بنكمل ؟؟ سحر وهي تمسح عرق جبينها بذراعها وتتأمل الفوضى العارمة :... لحظة لحظة مشمش... شرايك نشيلهم عن نص الغرفة ونحطهم فوق بعض نوسع شوي المكان .. مشاعل : ... انا انكسر ظهري من شيلهم تبيني ارفعهم مرة ثانية ... سحر تأففت ،، كانت تقدر تروح تسأل امها بس ما تبي تسأل احد تبي تعتمد على نفسها ...هي الحين بتحدي مع نفسها قبل لا تكون بتحدي مع احد ... سرحـت تفكر بالوضع المعقد .. ومادرت الا مشاعل متربعة عالأرض وتاخذ وحدة من الكتب وهي تقول :... اقول بلا شغل بلا هم .. لنا ساعة نشتغل الحين خلينا ناخذ راحة .. ابتسمت سحر وتربعت معها .. وخذت لها كتاب تتصفحه ... مشاعل صادقه هي ليش ما خذه الشغل بجدية ،، مو هي ماخذه الدعوة من الأول سعة صدر وتضييع وقت ... انقلب الجو للضحك والتعليق وخصوصا ان كل وحدة خذت كتاااب ما تفهم فيه شي... يا كتاب مخصوص لإدارة الأعمال .. ولا كتاب يتعلق بتطوير النفس والتجارة ... سمعت سحر صوت اختها الصغيرة "بيان" تناديها .. هالأخت ام الـ 5 سنين اللي تموت فيها وكأنها روحها الثانية ومصدر أنس لها بالبيت .. سحر وهي جالسة من غير لا تقوم :.. هلا بيوووونه انا هنا تعالي.. طلت بيان عليهم من الباب وعروسة بين يدينها .. بنوتة بريئة صغيرة بيضا البشرة ووردية الشفايف... بيان بنعومة جذابة : .. سحر ! مشاااعل عدوة بيان اللدودة .. ليش انها دايما تحارشها :.. هلا بيوونة حوبي تعالي.. بيان سفهتها ما ردت :.. سحر وش تسوين ؟؟ سحر : ... تعالي قاعدة ارتب المكتبة .. تشتغلين معنا ؟؟ مشاعل :.. كان تقبرها هالكتب .. خلي هالبزر على جنب .. بيان عصبت :.. ماااالت عليك.. مشاعل ضحكت .. تستااانس اذا تنرفزت بيان وطلعت منها تعليقات طفولية :... مااالت علي وعليك.. بيان تكلم اختها : ... سحر .. تعالي انا مليت لحالي... ماما مو هنا وخالد مو هنا... سحر رحمتها : يا عمري... وبابا ما جا..؟ بيان :... لا.... سحر : خلااص شوي واجي لك ... ما تبين تنامين؟؟ بيان :... مابي... طلعت بيان ،، وشوي قامت سحر واقفة :... بروح عندها شوي شكلها تبي تنام وما تبي تكون لحالها... مشاعل : تونا الساعة 5 العصر بدري عالنوم ... سحر : ما ادري يمكن ما نامت امس بالليل... بروح لها وانتي انتظري وكملي لين اجي ... راحت سحر تشوف اختها الصغيرة .. ومشاعل من التعب باعتها وانسدحت عالأرض وسط التراب والغبار لأنها اصلا هي كلها غبار... صارت تناظر بالسقف العااالي وتفكر بأشياء كثيرة غير مترابطة مثل أي احد يجي له فترة سكون ويفكر بأشياء باللحظة التالية ينساها ... ولأنها كانت راقدة لمحت بعيونها مجموعة كتب اشكالها غريبة مو كأنها كتب في أعلى رف من الرفوف ... جالها فضووول عجيب قامت تشوف وشو ... تلفتت حولها تدورعلى شي تطلع عليه .. مالقت غير انها تحط كتب فوق بعضها وتطلع ... جمعت لها كم واحد عريض وصفتهم فوق بعض ... الرف الأعلى للحين مليان كتب لأنهم ما قدروا يوصلون له ... طلعت وهي تحاول تتوازن ،، وبحذر وعلى أطراف أصابعها مدت يدها تحاول تسحب وحدة من هالكتب ... احساس قالها فيه شي بيهمها هناك ... اختل توزانها لكنها تداركت وضعها وتوازنت وهي تبسط يدينها وكأنها طير يبي يطير... بعزم وتهور عضت على شفتها السفلية ومدت يدها من جديد... بس الكتب الكثيرة تحتها ما تحملت ثقلها واختل توازنها وطاحت على جنبها وسط سحااابة غباار كثيفة.... بدخلة سحر.. مشاعل وهي تمسك ذراعها اليسار : آآآآآخ... آآي ذراعي ... سحر مارح أساااااامحـك يا سححححححر ( بصوت عالي ) وما كانت تدري ان سحر فيه .. سحر: وش قاعدة تسوين يا هبلة .. بعدين انا وش دخلني احد يطلع على الكتب بهالشكل صدق مهبولة ومجنونة !!!! مشاعل :... وجع يوجع عدوك بدل لا تجين وتشوفين شخباري تعاتبيني .. سحر وهي تقرب وتتجاوز كومة الكتب المتناثرة بحذر :... محد قالك اطلعي كذا... بعدين وش تبين الرفوف اللي فوق يبي لنا سلم أو كرسي نطلع عليه .. لا انا ولا انتي طويلين كفاية .. مشاعل :... مالت عليك آخر مرة أصدقك واجي أفزع ... ما خذيت من هالشغلة الا التكسر والطيحات .. سحر : ههههههههههههههههههههه شرايك انادي خالد ينزلهم .. اتوقع كذا بترضين ؟؟؟ ما ردت مشاعل .. كبرياءها ما يسمح ولو ان عيونها تفضحها وتقول ولو بشكل صامت ... لو خاااالد بآخر الدنيا أروح له مشي... ولو خالد يعني موتي أموت عشانه ... سحر تنهدت وبطريقة درامية :.... يا ربي على هالحب اللي مو راضي ينتهي نهاية حلوة .. قامت مشاعل واقفه وهي تفرك ذراعها :... اللي يسمعك يقول اني ام 40 سنة ولي عشرين سنة احب ... توني ام 19 سنة والحياة قدامي والفرص قدامي كثيرة .. وخالد ما دامه قريب مني وقدام عيني مافي خوف .. سحر وهي تنحني تجمع الكتب اللي أعاقت الحركة :... ما اقدر اتخيل خالد يطيح منك ... خخخخخخخخخ مشاعل بثقة وهي تلم قبضتين يديها بحركة من حركات الكاراتيه : ... بتشوفين ان ما طاح تحت يديني ... بتذكرين كلامي في يوم ... سحر وهي تضحك وتمزح : ههههههه يا خوفي على كل هذا يطيح من وحدة غيرك ... مشاعل وهي تلكم بيديها الهوا وتمثل :... لو تطلع وحدة ثانية بطريقي أكسر خشمها بيديني هذي... بتندم انها عرفت خالد هذا .. جمعت سحر باقي الكتب المتناثرة بسبب مشاعل وحطتهم بجهة لحالها .. ومشاعل راحت تشوف المسجل الموجود بالمكتبة وكان لافت نظرها من أمس ... اكتشفت انه استريو لكن استريو مصغر ،، فتحته تشوف اذا كان صالح أو لا... واستانست يوم اكتشفت انه للحين يشتغل ... مشاعل : سحوووور !! سحر وهي تتصفح بعض الكتب ومعطيتها ظهرها : وت ؟؟... وش عندك؟؟ مشاعل : تبين نخلي الجو أحلى واكثر حماس....؟ بدل الكآبة هذي ... عالساعة 9 بالليل .. دخل خالد كالعادة والبالطو الأبيض بيده راجع من دوامه ... لمح امه جالسة تقرا بالصالة ، لأن امه بطبعها مثقفة ... سلم عليها وسأل عن أخبارها .. وقبل لا يجلس عالكنب سمع دوشة غريبة جاية من فوق ... صوت اغاني عاااالية وكأنها جاية من استريو .. التفت لأمه مستغرب : وش هالدوشة ؟؟ امه تبتسم وهي تقرا :... هذي اختك أكيد.. خالد : ..سحر؟؟ امه : ايه... خالد :... وش عندها عرس ؟؟؟؟؟؟؟؟؟ وقبل لا ينتظر الجواب راح للدرج وطلع فوق ... توقع ان الصوت من غرفتها لكنه يوم راح لقا بابه مفتوح والغرفة مظلمة ومافيها أحد .. التفتت يمين ولمح باب المكتبة مفتوح والصوت يزداد ارتفاع كل ما قرب .. كان يسمع صوت اليسا ... ارجع للشوق ياللي انتا ناسيني وفايتني لليلي للشوق اسهر .. أسهر وتنام وتصحيني .. انا ألبي بنار وانتا اللي كاويني وسئيني مرار وهواك يأدر يحلي الأيــاام ... الظاهر ان الصوت محطوط على أعلى شي ... كان يسمع ضحك اخته استغرب هالخبلة تضحك مع مين ... وقف عالباب ،، وبلم مستغرب وهو يشوف مشاعل المطفوقة واقفة على كرسي وبيدها قلـم تقولون مايكروفون .. وتغني مع الأغنية وسحر جالسة عالأرض تضحك وتغني وهي تشوف مشاعل ترقص بمياعة مع الأغنية تستهبل ... تأمل خالد الحوسة والفوضى اللي هم فيها ورجع لاخته وشافهم يغنون مو حاسين فيه ... مشاعل رفعت القلم(الميكروفون) لفمها وهي تأشر على سحر وتقلد حركات اليسا خخخخ : يا شغلني عليك .. وحشتني عينيك .. وانا ياما الحب ناداني .. ياما ياما شكيت من البعد وآسيت ،، ولا ليلة ارتحت ثواني...... رفعت عينها بالصدفة وشافت (خالد واقف عالباب والبالطو بيده ويناظرها مستغرب ).. ردة فعلها الوحيدة انها ابتسمت له وكملت غنى وهي تناظره ..: حبك ياما ياما .. ياما ناداني ... ولا ليلة ريحني ثواني ... ارجع تاااني ارجع تاني .. ارجع يا حبيييييبي وواسيييييني .. سحر شافت مشاعل تناظر احد وهي تغني ، رفعت عينها وشافت اخوها خالد عالباب منزل راسه ويهزه ... وبعدها لف واختفى .... انصدمت سحر وسمعت ضحكة مشااااعل العاااالية ... ناظرتها مبلمة ومشاعل تصاااارخ وتكمل لعله يسمعها : قدري ومكتوب عنك محتوب.. وحتبآى العمر معايا... يا أعز حبيب وحتبآى قريب... وغرااااامك وحدوو هوااااياااااااااا ههههههههههههههههههههههههه هههههههههه ( غرقت بالضحك ).. قامت سحر بسرعة وقصرت على الصوت وقربت من مشاعل الميتة ضحك : مشاااعل ... سويتيها يا حمارة ؟؟؟ مشاعل : ههههههههههههههههه يا حبي له وتقولون ابعدي عنه ... ما شفتيه شلون استحى .. سحر ضحكت ساخرة :.. يا حليلك خالد يستحي ؟؟... ومنك بعد ؟؟ ما شفتيه شلون قاعد يهز راسه من هبالك المجنون !! مشاعل : وش اسوي من شفته واقف يطالع ما قدرت امسك نفسي الكلمات قامت تطلع مني من غير شعوور ! | ||||
|
|
|
06-09-12, 03:16 AM
| #14 | ||||
| نجم روايتي
| سحر : برووح اشوفه اخاف عصب... مشاعل : وليش يعصب !!.. هو يلاقي احد يحبه اصلا ... ما ردت سحر كانت قد ركضت برا المكتبة تبي تروح تشوف وين راح ... شافت باب غرفته مردود مو مسكر والنور مفتوح .. راحت هناك وفتحت الباب وطلت براسها ،، شافته يحط البالطو الأبيض على مسند الكرسي ويفك أزرار ثوبه .. ابتسمت :... خالد..! مارد عليها ... دخل الحمام يغسل يدينه وطلع ينشفهم بالمنشفة .. سحر وابتسامتها تزيد :.. يا دكتور ... التفت عليها بملامح عادية ،، وكأن اللي صار قبل شوي ما أثر عليه أبد :.. هلا ... سحر :... زعلان ؟؟ استغـرب : ..زعلان ؟؟.... ليش أزعل ؟ سحر : ما ادري طلعت من غير كلمة ... وناديتك الحين ما رديت .. خالد : تعرفيني ما ازعل ،، انا بجهة والزعل بجهة ... وبعدين بنت عمك هذي انا عارفها وعارف حركاتها ومتعود عليها .. مافي شي جديد هي هي نفسها ما تغيرت .. سحر : طيب ليش ما تعطيها وجه ؟؟ خالد باستغراب : .. أعطيها وجه ؟.. سحر : ايه البنت متعلقه فيك عطها اهتمام ولو شوي .. حرام عليك.. خالد هز راسه وهو يطلع اغراض جيوبه ويحطها عالطاولة : .. مشاعل صغيرة للحين والشي اللي تجري وراه كبير عليها .. انا مو مستعد ادخل معها بطريق ماله نهاية... سحر استغربت :.. طريق ماله نهاية ؟؟... خالد وهو يرفع عينه لاخته ويكمل :... هذا غير اني انا وهي مختلفين لا يمكن نتفق مع بعض... والبنات اللي من نوعها ما يعجبوني ابد .. سحر :...لكن مشاعل غير عن الكل .. خالد :.. سحر انا تعبان ابي ارتاح ... نظرتك لها كبنت عم تختلف عني انا كـ شاب .. ممكن الحين تخليني ، ابي انااااام اليوم كان تعععب بالمستشفى سحر تفهمت وطلعت من الغرفة وسكرت الباب بهدوء .. رجعت لمشاعل وهي تغصب ابتسامة ... استقبلتها مشاعل بلهفة : هاااا سحووور ما قالك شي عني ؟؟؟؟ سحر تأملت وجه مشاعل الملهوف وتذكرت كلام اخوها :.. لا ما قال شي اصلا دخل غرفته وسكر الباب ويوم دقيته عليه كان صوته تعبان واضح انه يبي ينام .. مشاعل : يعني ما زعل ؟؟؟؟ سحر بابتسامة : لا ما زعل اعرف صوت خالد اذا كان زعلان ... بس انتي خفي عليه شوي ،، اخاف تزيدين العيار ويزيد هو عناد ... مشاعل : لا تخافين مارح أخليه الا لما يحس فيني ويعرف اني روحه الثانية سحر ضحكت : .. أتمنى ... مشاعل سحبت البندانة اللي كانت رابطتها مثل العصابة على جبينها : انا تعبت اليوم بكرة بجي ونكمل الشغل عالاخير .. انا جيتي كلها عشان اخووك واخيرا شفته ياااا حلوه مع هالبالطو الأبيض سحر تضحك :... مجنونة انتي هو حتى ما ابتسم لك وفرحانة .. مشاعل :... يبتسم ما يبتسم شي راجع له اهم شي انا.. يلله بروح اغير ملابسي وبرجع البيت .. سحر : يسلمووو شعولة عالمساعدة .. بكرة ان شاءلله نكمل لازم ننتهي .. مشاعل : ابشرررررررررررري.. وركضت لغرفة سحر تغير عشان ترجع للبيت .. وسحر قفلت أنوار المكتبة وهي تضحك وسكرت الباب وتبعتهـا.. ×؛×؛×؛×؛×؛×؛×؛× على الصبح الساعة 9 صحت سحر كالعادة عشان الجامعة .. عقب ما خذت دش ولبست واستعدت دخلت عليها بيان وعروسة من عرايسها بين يديها ... سحر وهي تربط شعرها فوق ذيل الحصان وترتب قصتها على جبينها واللي معطيتها رونق خاص : ..هلا بيونة صباح الخير... راحت بيان ونطت على سرير سحر وجلست فيه :... بتروحين ؟؟ سحر : ايه بروح الجامعة .. ودك تجين معي..؟ بيان :...مابي أشوف مشاعل .. سحر : هههههههههههههه بيونة مشاعل تمزح معك عشانها تحبك.. بيان : تقهرررررني... قربت سحر من اختها الصغيرة الحلوة ومدت يدها : تعاااالي ننزل ناكل بيان :... وخااالد ما يكلمني ليش؟؟ سحر استغربت : ما يكلمك ؟.. ليش ؟؟ بيان :.. ما ادري بس يروح وهو شايل هذاك الأبيض ويرجع وهو شايل هذاك الأبيض.. ما يجلس ما يلعب معي ... سحر ابتسمت بحب لهالصغيرة البريئة :... حبي بيونه خالد دكتور .. والدكتور لازم يروح المستشفى كل يوم .. خلينا ننزل نفطر انا وياك .. نطت بيان قدامها بنشاط وركضت للباب .. وسحر شالت شنطتها وعبايتها ولحقت اختها ... نزلوا الدرج وهم يتحارشون ويضحكون.. سمعت سحر صوت ابوها بالصالة يكلم أحد .. وبيان من سمعت صوته ركضت بفرح قدام سحر : باباااااااااااااااااا.... دخلت سحر وهي تبتسم وتسمع ابوها يرحب في بيان : هلاا بروووح أبوهاا ... ما كانت تدري بالشخص الثاني اللي جالس بالصالة عند ابوها .. جمدت خطواتها بعد ما التقت عيونهم للحظة ومرت ثانية ونظراتهم متعلقة ببعض .. بان عليها التغيير وهمست من غير شعور بارتباك : .. محمـد ..!! ناظرها للحظة ونزل عينه عنها ،، وتراااجعت لوراء بسرعة وهي تشد قبضتها على حزام شنطتها ... نظراته لها غريبة دايم تخلق شعور ونفضة بأوصالها ... ليش نظرته دايم كذا لها ... ياليت يفصح ويريحنـي.. سمعت صوت ابوها يوقضها من سرحانها :.. سحر عمري محمد ولد عمك عندي ... همست تكلم نفسها :.. أدري ...ليش دايم تأثر فيني يا محمد ..!! راحت لغرفة الطعام وحطت اغراضها على وحدة من الكراسي وهي تتنهد بتعب... دايم شوفته تخلق فيها تعب غريب .. وهدة حيل غريبة .. جلست على وحدة من الكراسي الخالية وتفكيرها كله هناك بالصالة عنده... كل يوم نظراته تزداد غرابة ، مو لاقيه تفسير،، بدت تاكل وطلت عليها بيان وهي تجلس بكرسي جنبها .. ابتسمت لها سحر :... تبين اسوي لك ساندويش..؟ بيان بدلال :... أبي مررربى ... ضحكت سحر : هههههههه ابشري يا ام مربى ... كل يوم مربي ما ودك تغيرين.. بيان :... لا أبي مربى أحب المربى... خذت سحر توست محمص ودهنت فيه المربى اللي تعشقه بيان وخذت توست ثاني وغطته .. ومدته لها :... سمي بالله وكلي.... صبت لها حليب وحطته قدام بيان ،، وبدت هي تاكل فطورها المعتاد وهي تسمع سوالف اختها الصغيرة اللي ما تنتهي .. يوم قربت تنتهي دخل ابوها عليهم وهو يبتسم :.... صباح الخير.. سحر وهي ترد الابتسامة :.. صباح النور ( شافته ياخذ كوب قهوته المعتاد وهو واقف شكله بيمشي .. وسألته ).. محمد ولد عمي طلع ؟؟؟ ابوها :... ايه سبقني للشركة ... سحر بفضول :.. ليش جاي عندنا من الصبح ..؟ ابوها :... انا بغيته ... بشغلة بسيطة.. هزت راسها وقامت واقفة بعد ما سحبت منديل من الكرتون قدامها ومسحت يديها وفمها ... عطت اختها المشغولة بالأكل بووسة طويييلة قووووية فعصت فيها خدها .. بيان بطفش :.. اففف وخررري... سحر بعدت وهي تضحك :.. هههههههههههه ياربي على هالخدود ... يلله بيونة انا بروح تبين شي؟ بيان :.. أبي كتكات.. سحر : هههههههه معروف هالطلب ابشري وانا جاية بجيب لك معي كتكات... آوامر ثانية آنسة بيان ؟ بيان :.... لا بس كتكات .. سحر : كويس تعرفين الذوق وما تتطلبين كثير... ( ابتسمت لأبوها ).. وانت فاذر تبي كتكات مثلها ؟؟ ابوها : هههههههههههه ما نخالف ... سحر : هههههههههه بجيب لك أبو ريالين خخخخخ ابوها : لا مابي ذاك الكبير تعرفين ماحب الحلا الكثير.. سحر :.. انا كريمة وانت تستاهل ... ابوها :.. هههههههههههه طالعه على ابوك .. لبست سحر عبايتها بسرعة وعجلة وقبل لا تطلع تذكرت شي .. والتفتت لأبوها : .. صح نسيت اقولك شي.. ابوها وهو يشرب قهوته وواقف للحين :... خير ؟ سحر : .. محضره لك مفاجأة بتعرف اني سحورة الخطييييرة .. مو أي سحــر !! ابوها :.. وش هالمفاجأة من أي نوع ؟؟ سحر :...بعدين بتشووف .. بتعرف اني خطيرة ما مثلي أحد ..خخخخخ وطلعت بسرعة وابوها يضحك من وراها .. دعمت بأمها اللي كانت جاية بتدخل :... هاااه شفيك تركضين ؟.. سحر وهي تلف الطرحة على راسها تكلمت بسررعة :... رجلك أخرني ..روحي حاسبيه .. ( وركضت بسرعة ) فتح ابوها عيونه وضحك ،، دايم هالبنت تحب تحارش ... دخلت امها غرفة الطعام وهي عارفه ان بنتها خراطة وهي اللي مأخره نفسها بنفسها ببطئها ..وأخذها للوقت على راحتهـا.. دخـل تركي بسيارته الأقل من عادية واللي استأجرها من يومين بدل سيارته الأنيقة باركنغ السيارات الموجود بأسفل الشركة .. نزل وهو يلعب بمفتاحه بأصبعه ويغني ومزاجه هالمرة رايق على غير العادة .. اليووم بيشوف وش صار على موضوعه عقب ما جا مع ابو سالـم،، ابتسم وهو يوقف من جديد تحت البناية ويرفع راسه يناظرها من فوق لتحـت... انقلبت الابتسامة الخفيفة لابتسامة غريبة ورفع حاجب واحد وهو يحك دقنه ... وفجأة نطق يكلم نفسه بنفس الابتسامة :... بــدت أيااامك يا تركي !! كمل طريقه ودخـل من الباب اللي انفتح أتوماتيك .. وخطواته الواثقة تهز الأرض من تحتـه... ******************** الى هنـآ وانتهى الجـــــزء أكرموووني بردودكم ،،أتمنـى الجزء يعجبكم .. تحياتي للجميع ,’ | ||||
|
|
|
06-09-12, 03:18 AM
| #15 | ||||
| نجم روايتي
| الجـــــزء 4 ... _______________________ في بيت ابو محمد كان وقت العشاء ،، نزلت مشاعل وهي منشرحة ما تدري ليه.. يمكن شوفة خالد انعشت فيها شي.. ماشافت بالسفرة غير امها وابوها بس البقية مو موجودين.. مشاعل : وينهم الباقين ؟.. وينها شادن ؟؟ ابوها وهو يهز راسه متضايق :.. شادن الله يصلحها من شافتني داخل طلعت فوق ..! عفست مشاعل فمها من تصرف اختها ،، اللي كل ما شافت ابوها تجاهلته وتركته.. لمتى يعني ؟؟ مشاعل : طيب اروح اناديها ؟؟ امها : خليها على راحتها ، خذت عشاها وطلعت فوق .. ابوها : الله يصلحها .. خليها انا عارف انها بالأخير بترضى وانا عاذرها .. مشاعل ما ارتاحت تعشت بسرعة وطلعت فوق تشوف وش سالفتها هالبنت .. راحت لغرفتها ما لقتها فعرفت بشكل مباشر وين موجودة .. التفتت لباب هذيك الغرفة اللي كانت بيوم شاغرة من عمر ... عمر الانسان اللي بالنسبة لمشاعل أخ ،، لكنه بالنسبة لـ شادن شي كبير وكبير مرة،، وقفت مشاعل عند الباب اللي كان شبه مسكر وطلت من الفتحة تشوف وش قاعدة تسوي .. شافت شادن لابسه بجامتها وجالسه على سريره الوثير... ومنزله راسها للأرض وشعرها يغطي الجهتين .. واضح انها بحالة تفكير لكن لأن شعرها مغطي ملامح وجهها ما عرفت مشاعل وش ممكن تشيل هالملامح .. قررت أخيرا تدخل تشوف وش سالفتها .. فتحت الباب بشكل اكبر ودخلت وشادن حست مباشرة بدخول احد رفعت راسها .. واستغربت مشاعل وهي تشوف عيون شادن تلمع .. خااااافت عليها هذي وش قصتها .. مشاعل : شدون وشفيك صايرة غريبة ؟؟ ابتسمت شادن : مافيني شي .. ليش شايفة شي.. مشاعل : مو علي .. وبعدين تعالي شفيها عيونك ..؟ شادن تنهدت واعترفت :... قاعدة أبكي... يمكن البكي يريحني .. مشاعل فهمت عليها : .. اظنك مكبره الموضوع.. لمتى بتتجاهلين ابوي..؟ سكتت شادن ما ردت .. ومشاعل كملت : ابوي ما سوى اللي سواه الا لمصلحتك .. شادن رفعت راسها وعيونها تلمع من جديد.. وبانفعال :.. لو ما طلب اللي طلبه من عمر .. كان انا مع عمر الحين وجنبه .. ما كان له لازم يصعب الامور عليه كذا... مشاعل :.. طيب انتي من وشو خايفه ؟؟.. شادن من غير شعور نزلت دموعها : .. انا خايفه على عمر خايفه عليه ليش ما تفهموني..!! مشاعل استغربت : خايفه عليه !!!!؟.. ابي افهم انتي من وشو خايفه ؟ عمر رجااال يا شادن طاف مرحلة المراهقة من سنين .. تغير ماعاد صار مراهق يجيب المشاكل مثل أول .. شادن بحزن : مهما قلت لك مارح تفهميني .. سكتت مشاعل شوي .. بس اخيرا سألت والشــك بصوتها :.. شادن انتي تعرفين عن عمر شي احنا ما نعرفه ؟؟ رفعت شادن راسها بسرعة وهي تداري عيونها بعيد : . هاه؟.. وش بعرف يعني يا مشاعل ؟... انا حتى لي شهور ما شفته من ذاك اليوم وانتي عارفه... مشاعل : طيب هو اكيد بيرجع مارح يتركك وانتي عارفه... ما يقدر يتركك ومصيركم بتجتمعون مع بعض.. شادن بخوف :.. انا خايفه ما ادري ليه... انا مابي شي من عمر مابي أصعب عليه الأمور اكثر من ماهي صعبة.. مشاعل تأففت :.. شادن ابوي ما سوى اللي سواه الا لأنك غالية ويبي يتطمن عليك معه .. كل اللي طلبه ابوي منه انه يكون مستعد يستقبلك بحياته .. وطلب منه ياخذ الوقت اللي يبيه .. ابوي حتى ما استعجله ابدا بالعكس قاله ياخذ وقته بالكامل حتى لو كانت سنة سنتين ثلاث ..! شادن مو عاجبها هالكلام .. دارت بوجهها بعيد عن مشاعل بضيق .. ومشاعل هزت راسها ولفت للباب وقبل لا تطلع رجعت تناظر بأختها .. مشاعل : انتي عارفه انه الحين بالجبيل .. يمكن بوجوده بعيد احسن لك وله .. عشان يهيأ نفسه وانتي بعد خلي عنك الأفكار والظنون والخوف تراها ما تجيب غير التعب.. نصيحة خذيها مني.. شادن ببرود :.. انا مو مثلك اقدر اتجاهل اللي يصير حولي.. ولا تطلبين مني هالشي لأني ما اقدر.. ( بتصميم ).. أنا قررت اروح له بنفسي اذا كان ما يقدر يجي ويشوفني .. مشاعل : ومين بياخذك لـ هناك ؟ شادن : بقول لمحمد أو بندر.. مشاعل : تراك مكبره الأمور يا شادن.. عمر اكيد بخير ولو هو مو بخير كان اكيد بيجينا خبر من عمته هناك .. ولا؟؟؟؟ ارتخت كتوف شادن وكأن هالكلام بدا يقنعها :... يمكـن..! لكن مشاعل ما قدرت تشوف في عيون شادن الراحة .. بالعكس كل مالها تشوف القلق يزيد بعيونها وكأنها تعرف عنه شي وما تبي تفصح عنه .. مشاعل : انا بروح انخمد لمتى بتجلسين هنا ؟؟ شادن : اظن اني بنام هنا اليوم .. مشاعل : بيزيدك تعب وتفكير.. روحي لغرفتك اريح لك.. شادن بضيق : خليني على راحتي انا حرة .. اعرف وش اللي بيريحني.. هزت مشاعل راسها واضح ان شادن ما تحب النقاش بهالموضوع ما تحب احد يملي عليها وش المفروض تسوي.. طلعت من الغرفة وتركت شادن وراها .. اللي من تسكر الباب رمت راسها على الوسادة اللي تشيل ريحته .. دمعت عيونها وهي تتذكر ذاك اليوم .. يوم ما كانت واقفة وراه تبي تروعه وهو لحظتها كان ماسك التلفون يكلـم .. سمعته يقول كلام غريب.. كانت تسمع اسماء غريبة يقولها ويتفق على مواعيد في نص الليل... همسـت تكلم نفسها وهي تغمض عيونها :.. ياليت اللي سمعته يكون حلـم..!!! ×:×:×:×:×:×:×:×:×:×:×:×:× من بكرة .. سحر ومشاعل اجتمعوا وقرروا اليوم يكون نهاية الشغل ،، لأنهم تعبوا ويبون ينتهون وخذوا وعد انهم ما يطلعون من المكتبة الا هم منتهين للأخير .. الفوضى والحوسة بدت تقل تدريجيا بعد ما أنهوا جزء كبير من الشغل.. بيـان الصغيرة كانت جالسة على كرسي تحرك رجليها لورا وقدام وتغني بصوتها الطفولي وهي تلعب بعروستها مرة ،، وترفع عينها لسحر ومشاعل تراقبهم يشتغلون مرة ... دخلت خدامة وبيدها صينية فيها كاسات عصير والثلج البارد يطفح على سطحه .. مشاعل من شافتها نطت من الكرسي اللي كانت واقفه عليه تنظف الرف .. وراحت لها ركض وخذت لها كاس وهي ميتة عطشش مشاعل : ثااااانكيوووووووووو...!! راحت الخدامة بعد ما حطت الصينية وهي تضحك على حركات هالبنت الغريبة !!... بيان نزلت من كرسيها وراحت للصينية تبي تاخذ لها الكاس الثالث الموجود .. بس مشاعل بنذالة من شافتها تمد يدها ، مدت يدها بسرعة ورفعت الكاس فوق وهي ترفع حواجبها باستمرار :... مو لك .. بيان انقهرت :.. انتي خذتي حقك يا دبه .. مشاعل :.. انتي يالأميرة متربعة على كرسي وشاطرة تلعبين .. مرتاحة وشو له تشربين بعد ..!! بيان : .. بتجيبينه ولا ألكمك .. مشاعل : عشتوووو !!.. ورينا وش تقدرين تسوين ... بيان لفت لـ سحر تستنجدها :.. سحررر شوفيها الغبية !! سحر وهي واقفة على كرسي وترتب صفة كتب بالرف : مشمش لا تفتحين خناقة جديدة .. ترا بتكرهك أكثر من ماهي حاقده عليك.. مشاعل بابتسامة لبيان : عاد أنا احبها أموووت فيها .. بيان : .. وعع انا ما احبك .. انتي وحدة غبية مجنونة.. تحسبون مشاعل انقهرت .. بالعكس ضحكت وهي ترفع كاس بيان بتشرب منه :.. غبية مجنونة هههههههههههههه... بيان وعينها عالكاس : عطيني كاسي.. مشاعل : من قال انه كاسك .. ( وهي تلف الكاس يمين ويسار ببرود ) .. ما اشوف انه انكتب عليه اسمك .. بيان طنقرررت خلاص : .. سحرررررررررر... جت سحر بسرعة وسحبت من مشاعل الكاس :.. خلي عنك الطقاق .. ( عطت الكاس اختها بابتسامة ).. الا هالبنت لا تضايقينها.. ابتسمت بيان وناظرت مشاعل نظرة .. ومشاعل تراقبها : استانستي الحين .. ؟ يلله روحي اشربيه والا باخذه واشربه .. بغرور راحت بيان وجلست مكانها لكنها ما طولت طلعت عنهم.. ومشاعل رجعت مع سحر يكملون الشغل .. شالت سحر الكرسي وغيرت مكانه عشان توصل للرف اللي كانت مشاعل تبي توصله أمس بس ما قدرت .. طلعت فوقه وسحبت كومة كتب ومدتها لمشاعل تاخذها .. عقب ما نزلوها كلها،، تربعت مشاعل عالأرض بترتاااااح وتاخذ نفس .. نزلت سحر من الكرسي وهي تضحك : ههههههههه يله هاااااانــت ما بقى شي .. وراحت للصينية تاخذ كاس العصير يبرد على قلبها ،، أما مشاعل بدت تقلب في الكتب وتدور الشي اللي كان لافت نظرهـا أمس..!!.. شافته أخيرا وبسرعة وحمااااس غريب فتحته ... واكتشفت إنه ألبووم صور !!... فتحت عيونها وهي تشوف صور قديمة .. بدت تتفرج وهي تقلب صفحة وصفحتين وثلاث .. وابتسمت لا إراديا يوم طاحت عينها على صورته .. سحر شرقـت يوم سمعت صرخة مشاعل : .. واااااقلبــاااااااااااااا ااه ..!! حطت يدها على فمها لا يسيل العصير .. كحت وهي تلتفت لمشاعل تشوف وش سالفتها .. شافتها ماسكه الألبوم وملزقه عيونها فيه .. وتتمتم بكلماااات ما تنسمع تكلم نفسها .. سحر : .. جعل قلبك العاااااافية قولي آمين .. شفيك تصارخين !!!؟ مشاعل : .. ما أذكر ان دكتور حياتي كان بهالبراءة وهو صغير .. سحر استغربت : .. وهو صغير ؟؟... وش قاعدة تشوفين ؟؟؟؟؟ طلعت مشاعل الصورة من مكانها ورفعتها فوق وهي تبتسم :.. وين هالصورة من زماااان .. مين يصدق ان هذا دكتووور حياتي ؟؟؟؟؟ حطت سحر الكاس فـ الصينية وراحت بسرعة تشوف .. مسكت الصورة وتأملتها :... هذا خالد ؟؟؟؟؟؟؟؟؟؟ مشاعل : أخوك ما تعرفينه ؟؟.. نفس العيون آآآآه يالعيووون .. سحر بنظرة جانبية ساخرة : .. لا تبالغين .. الا كتلة من الشحم ..!!.. طاااالع كوووورة بلوووونة موب ولد.. عصبت مشااااعل وسحبت الصورة منها :.. لا تغلطين على دكتور حياتي لا أغلط عليك..!.. موب شحم بس خدود .. راااحت الخدود واحلو اكثر .. ولاااا شوفي شوفي.. سحر :.. من وين طلعتيها ؟؟ وين لقيتيها يا سوسة ! أشرت مشاعل عالألبوم :.. من هنـا.. من أمس وانا جاذبني شي لهاللألبوم .. كأني عارفه اني بلاقي هالصورة ههههههههههااااي.. انحنت سحر وخذت الألبوم اللي ما تذكر انها شافته بيوم .. اما مشاعل صارت تغني على الأطلال وهي تتأمل هالصورة ، ومادامها لقت هذي الصورة لدكتور حياتها على قولها .. ماتبي شي ثاني .. صارت سحر تمشي ببطء وهي تقلب صفحات الألبوم .. سطح الغلاف السميك والأسود مليان غبار .. بس الصور داخله قديمة من سنين طويلة .. شافت لها صور وهي صغيرة .. مع خالد مرة .. ومع ابوها وامها مرة .. وصور متفردة لكل واحد فيهم مرة .. وبعد شافت صور لأبوها في بعض رحلات العمل اللي كان يسويها .. شافت لها صورة وحدة مع اخوها خالد وعيال عمها مجتمعين.. هي ومشاعل وشادن وخالد ومحمد وبندر وابوها وعمها بصورة وحدة عند البحر ..!! اذا ما خانتها ذاكرتها هالصورة التقطوها لما راحوا لجدة مرة من المرات ... ركزت بصورتها تتأمل نفسها ،.. واضح انها ما كانت تتجاوز الـ 5 سنين وقتها.. يعني قبل لا يستلم ابوها شغله الدبلوماسي بـ سنة وحدة بس..!! ابتسمت على هالصور .. ذكرياااات حلوة ما كنت أدري ان ابوي يحتفظ فيها... شافت صور عدة لرجال مع ابوها واضح انهم أصدقاء له .. بصعوووبة تذكر بعض الوجوه .. لا شعوري ضحكت وهي تتأمل صورة صورة .. مشاعل حطت صورة خالد الصغير بجيبها مو مستعدة تتخلى عنهـا.. وقربت من سحر تتفرج معهـا.. بعض الصور كانت لأطفال ما تعرفهم ولا تذكرهم ،، اولاد وبنـات ورجال لها ذكريات ضبابية معهم .. اصدقاء لوالدها وأبناء أصدقاء والدهـا... ما تدري وش جاهـا هاللحظة .. صور متفرقة بدت تشوفها بعيونهـا.. ما قدرت تميز هي وش قاعدة تشوف لأن الذكريااات كانت قديمة ومن سنين وهي وقتها ما تجاوزت حتى الـ 6 سنين... حست بمشاعل تسحب منها الألبوم وتحطه على جنب : .. أشوفك اندمجتي يلله الساعة 9 الحين لازم نخلص انا تعبت واذا ما خلصنا اليوم انا انسحب .. ابتسمت سحر وهزت راسها .. كملوا تنظيف الأرفف ورتبوها من جديد .. وما جت الساعة 10 الا هم منتهين ... رجعوا كل الكتب مكانها ونظموها بشكل أفضل من أول ما عدا الألبوم خلته سحر برا تبي تقضي وقت وهي تتفرج عليه .. صارت المكتبة مثال للنظام والترتيب... عقب ما انتهوا تنهدوا وهم يتأملون شغلهم الخطير .. مشاعل : وربي أنا خطيرة .. سحر بسخرية :.. بدت تنسـب كل الشغل لها..!!! مشاعل : بلغي تحياتي لعمووو .. وقولي له هالشغل لعيونك .. سحر : ومن قالك اني بقوله انك مشتغله .. مشاعل انصدمت : ليش ان شالله... بتقولين ان هذا كله انتي مسويته .. سحر بغرور وهي تقلب عيونها فوق : .. اممممم... شي من هالكلام... مشاعل : .. وربي لو تسوينها اني........... ضحكت سحر وقاطعتها : هههههههههههههه لا تخافين انا مو منافقة ولئيمة لهالدرجة.. طلعوا من الغرفة يغيرون ويغسلون .. ولبست مشاعل عبايتها وحطت الصورة بجيبها لا تنساها .. وقبل لا ينزلون الدرج التفتت لغرفة خالد شافت بابه مردود ومظلمة .. مشاعل :.. ما بعد رجع..!! سحر ابتسمت على هالاهتمام الشديييييد بـ خالد :.. دكتوور اخوي ظروفه محد يتوقعها .. كملوا طريقهم تحت وفزز قلب مشاعل يوم سمعت ضحكة خالد وصوته .. غطت وجهها من غير لا توقف وسحر وراها .. شافوا خالد جالس عالكنب وبيان جالسة عالأرض عنده .. وأمه بعد كانت موجودة .. ام خالد :.. هاا سحر خلصتوا ؟؟ سحر طالعت خالد بنظرة فخر :.. اييه افااا عليك .. هو انا قد قلت كلمة وما كنت قدها ؟ ام خالد : .. الله يعاافي مشاعل .. مشاعل : يعاافيك ويبقيك خالتي.. كل يوم كل يوم تعالوا وقولوا لي.. ترا مافي مشكلة استانس انا اذا جيت هنا .. قالت هالكلام تبي تشوف ردة فعل خالد اذا كان بيفهمها .. وفعلا خالد ما تطوف عليه حركات مشاعل رفع عينه يناظرها.. ام خالد :.. ما قصرتي انتي وسحر.. وفرتوا علي التعب.. مشاعل : تعبك راحة يا ام "خالد".. ام خالد :.. ليش ما تجلسين تتعشين معنا..؟ مشاعل : لا مشكوورة انا تأخرت بتذبحني امي .. فرصة ثانية ان شاءلله انا بلزق فيكم ماني تاركتكم.. ام خالد : ههههههههههههههههه يا حبي لك من بنت.. مشاعل :.. يله تصبحون على خير .. مع السلامة خالتي.. ام خالد :.. مع السلامة .. قبل لا تتحرك التفتت لخالد :.. مع السلامة خالد.. أشر خالد لها بيده وراسه بهدوء : .. مع السلامة .... وانتبهي بالطريق.. ابتسمت وياليته شاف ابتسامتها .. أخر شي طالعت في بيان اللي كانت جالسه ع الأرض ومعطيتها ظهرها :.. مع السلامة بيونة.. ما ردت بيان عليها سفهتها ، حتى انها ما التفتت لها.. بعذرها مشاعل مجننتها ،، أخيرا سحبتها سحر من يدها ولو سحر ما سحبتها كان مشاعل مستحيل تتحرك من مكانها وهي تشوف خالد قدامها جالس... ودعتها سحر ورجعت داخل ،، كانت امها قد طلعت فوق .. شافت خالد بعد واقف وواضح عليه انه يبي يطلع فوق.. سحر : اشوف بيان راضيه عليك اليوم .. جالسه معك ؟؟ ابتسم خالد لأخته الصغيرة :.. مالها الا أنـا.. ولا لا بيان.. بيان :.. كل يوم اجلس معي.. ضحك خالد بس ضحكته كانت خاملة .. واضح انه تعبان من الشغل .. سحر : .. بتروح تنوم ؟؟ خالد وهو يفرك رقبته :.. لك لي حل ثاني ؟؟ سحر :.. لو سامع كلامي من البداية ما شفت هالتعب.. تحرك لها خالد بهدوء ووقف قدامها .. فجأة مسك شعرها ومطه بخفة .. مسكت سحر راسها :..آآآي..شفييك!!. خالد : لمتى بنقعد نعيد هالكلام..؟... سحر بعنـاد : ليييييييييييييييييين بكرررررررررررة .. خالد : .. الظااااهر لازم نعرسك عشان تحطين طاقتك العاطفية هذي فيه.. عشان افتك انا من هالدلال والدلع ويبتلش فيك واحد غيري... ما تدري ليش جت صورة محـمد في بالها... هي تعرف ان محمد ما يحب الدلع ولا الدلال ، ودوم تصرفاته مع خواته تدل على هالشي... ردت بنبرة حزينة دلوعة طفوولية دوم كانت تأثر في خالد :.. ليش مليت مني؟؟.. مو انت اللي كنت دايم تراعيني .. ترك خالد شعرها ،، ورفع وجهها له بخفة ورقة :.. لازم تستحمليني حياتي ماعاد صارت ملكي..!! نزلت عيونها ماقدرت تمنع لمعة الدموع .. صاير هالموضوع يسبب لها حساسية بعد ما كانت تنعم بمراعاة خالد لها ، وبعد ماكان لها الام والأب... والفرحة اللي ما تقدر تعبر عنها يوم عرفت انها بترجع للسعودية وخصوصا لـ خالد بعد فترة طويلة من الغربة ..!! لاحظ خالد دموعها : .. فيه شي يبكي الحين ؟؟.. غلطت انا بشي..؟ سحر : لا بس تعرف اني ما تعودت عليك بهالشكل .. وبموت من القهر.. كل ما شفتك لازم اطلع اللي في قلبي بوجهك.. سمعت ضحكته الخاملة ، بس مارفعت عينها له .. دايم تفكر انها خسرت هالأخو اللي عن مليون اخو بالدنيا .. الانسان اللي كان مراعيها دايم وعمرها ما فقدت لشي يوم تكون معه .. خالد :.. سحر..! ماردت عليه وما تبي حتى تحط عينها بعينه .. بتذرف دمووع أكيد!! هي كانت كاتمه هالسالفة بقلبها من فترة طويلة،، وكل ما شافته تفرغ اللي فيها عن طريق التنغيز بالسالفة والنقرة معه .. خالد من جديد :.. سحر..! تراني انا نفسي خالد ما تغيرت .. أجل يوم تعرسين وتروحين وش بتسوين ؟؟.. بتقولين أبي خالد..!! سحر :.. ويضايقك هالشي اذا قلت أبي خالد..؟؟؟ ابتسم والتفت لبيـان شافها تناظرهم بصمـت :.. ما يضايق بالعكس بس انتي عارفه ظروفي الحين ما اقدر ارجع مثل ما كنت... كلامه عورها.. هي بدت تحس صدق انه صعب يرجع مثل ما كان .. هو بين خيارين ، يضحي بشغله والأيام اللي قضاها دراسة وتعب عشان اموره العائلية والاجتماعية .. ولا يضحي براحته واموره الاجتماعية عشان حلمه اللي وصله اخيرا.. سحر :.. وانا وش ذنبي ؟؟ ابتسم وهو يضرب راسها بمرح وخفة من غير قوة :.. ما يكفيك اني موجود .. تشوفيني كل يوم هذي مو نعمة ؟؟؟ سحر بقهر وهي تحط عينها بعينه : ...صرت شايف نفسك بقوة وتتغلى خالد : ههههههههههههه امممم تقدرين تقولين... ( وانقلـب فجأة للمـرح الغير متوقع ومسك ذراعها ودفهـا عنه ).. يلله عااااااد اشوفك عشتي الدووور اندمجتي فـ الرومنسية بقوة .. سحر طااارت بعيد من دفته وهي مصدومة ،، خصوصا انها ما توقعته ينقلب كذا ، ناظرته مبهوتة شافته رايح مااشي وهو يضحك ويهز راسه .. سحر طنقرت :.. وش قصتك تستهبل علي ؟؟ خالد وهو رايح :.. هههههههه انا ادري عنك .. !! اشوفك صدقتي عمرك .. سحر : تعااال انت تعااااااااااااااال... ركضت تلحقه وهو وقف في نص الدرج والضحك في وجهه :.. هااااا تبين شي ؟؟ سحر بقهر :.. وش سالفتك قبل شوي ؟؟ وانا اللي فرحت حسبتك حسيت فيني .. خالد : ههههههههههه وانتي ما صدقتي نزلتي دموع التماسيح .. تبين الصدق يا سحر انتي ممثلة بارعة عشتي الدور من أوله لآخره .. انقهرت من قلب : ماخذني نكتة ويا هالوجه !!! خالد : هههههههههههه من يومك نكتة يعني ما تدرين .. حز في خاطرها ومن غير ما ترد بكلمة .. طلعت الدرجات ومرت من قدامه وهو واقف يراقبها .. مسك يدها قبل لا تبعـد،، حاولت تسحب يدها من قبضته بس ما قدرت .. سحر من غير لا تلتفت له :.. اتركني..فكني خالد وهو يناظر فوق :.. اممممم مابي .. سحبت يدها بقوة بس ما قدرت بالعكس هي اللي تعورت :.. اتركني روح دور لك نكتة غيري.. خالد رجع يضحك ضحكته الخاملة : هههههههههههههه وش كنتي تنتظرين مني ؟.. اضمك مثلا..؟ سحر : وعع من قال اني محتاجتك اصلا ..( عطته بوكس خفيف في بطنه) كانت كفيله انها تفلت يدها منه .. وركضت فوق .. وهو مسك بطنه وتوعدهـا.. دخلـت سحر غرفتها وضربت بالباب .. وبدت تفرغ عصبيتها بصوت عااالي :.. من قاااااالك اني احتاجك اصلا .. لا تشوف نفسك كثير .. مالت عليه شايفني نكتة يلعب علي بكل مرة .. شاطر بس يخليني اذرف دموع متى ما يبي.. وصارت ترجف رجل السرير برجلها ، ومرة ترجف الجدار ومرة الكرسي يمكن تطفي نارها .. خالد وصل لباب غرفته وهو يسمع صراخها وكلامها الغير مترابط واسمـه ينسب وينشتم بصوتها .. ماقدر غير يبتسم وضحكته الخفيفة تفلت منه كل لحظة .. همس يكلم نفسه وهو يعلق البالطو الأبيض : .. مشكلتها تصدق الكلام بسرعة .. هههههههه بتلقيني جنبك لو تبين..!! | ||||
|
|
|
06-09-12, 03:20 AM
| #16 | ||||
| نجم روايتي
| :×:×:×:×:××:×:×:×:×:×:×: صبـاح جديد ،،.. طلع تركي من فلته وهو في قمة عصبيته والتأثر واضح بعيونه من اللي حصل مع أبوه قبل لحظـات.. أول ما ركب ضرب بقبضة يده الدركسون بكل قوة ملكها .. كانت دمعته ما بعد جفت بعيونه .. مسك راسه وصورة ابوه بذهنه مو راضية تفارقه .. صوت انفاسه المضغوطة والسريعة من العصبية كانت عالية ومسموعة .. من غير تراجع دخل المفتاح في مكانه وشغل السيارة ،، وحرك سيارته بسرعة خارقة .. سحب منديل من كرتون جنبه ومسح بها دمعته وهو يتمتم بعصبيـة : ما اقدر يبه .. انا مارح يوقفني شي الحين.... وصل للشركة وبتهور دخل سيارته في باركنغ خالي بين سيارتين موقوفتين كان ممكن سيارته تحك فيهم بسبب طريقته المتهورة بالوقوف .. بس هو مااهر وللحين قادر يتحكم في أعصابه .. لكنه ما يدري لمتى بيقدر يسيطر عليها .. نزل ووقف شوي من غير ما يخطي أي خطوة .. طالع بصورته المنعكسة على نافذة السيارة وتذكر ابوه قبل شوي في البيت... هو طلب من أمه ما تقوله لكن امه ما تقدر تخبي شي .. من عرف أبوه عن نواياه حاول يوقفه رغم ان ابوه بسبب اللي صار له يواجه صعوبة بالكلام.. لكن تركي يقدر يفهمه متى ما يبي .. وطالما كان له ذراع يمين وعون .. تطمن على حاله وهيئته ونسى سالفة أبوه لأنه مارح يستفيد شي لو أطال التفكير ،،.. ابوه ما ضره الا ذاك القلب الطيب لأبعد الحدود .. ولو بيمشي مثله بيضيع... سامحني يبه !!.. " بس هالمرة ولأول مرة !.. ما أقدر أطيعك ..!" .. زفز زفرة طويلة وتحرك للبوابة الكبيرة .. رسم ابتسامة للموظف الجالس بالريسبشن وهو يمر من قدامه ،.. اليوم أول يوم له بوظيفته الجديدة عقب ما اخذ التأكيد من ابو خالد انه يقدر يشتغل معه........ طلع بالمصعد للدور الاخير وهو كل شوي يلتفت للمراية الموجودة بالمصعد .. يطالع نفسه ووجهه ،،.. ضحك وقال بهمس يكلم صوورته :... أغبيااااااء ..!!! أغبياااء يا تركي لا تفكر بيوم انك تتراجع .. بهاللحظة انفتح باب المصعد وكان تركي معطيه ظهره .. شاف بالمراية محمد واقف يطالعه والتقت عيونهم بنظرة طويلة ،، واضح على محمد انه مستغرب من الابتسامة على وجه تركي ، وكأنه كان يضحك مع نفسه !!!!! مرت ثواني وتركي ما تزحزح حتى انه ما استدار.. يطالع في عيون محمد مباشرة بنظرة حاادة واثقة غريبة استغرب منها الأخير .. أخيرا حس تركي انه زودها ،،.. نزل عينه للأرض يرجع لهيئة الشاب المسكين .. واستدار بكامل جسمه لمحمد .. تركي : مساء الخير..!! استاذ محمد اذا ما خانتني ذاكرتي.. محمد تأمله من فوق لتحت ،، ورجع لعيونه :.. لا ما خانتك ايه نعم انا استاذ محمد.... هز تركي راسه وهو يصد بعيونه بعيد ويتحرك طالع من المصعد : ما شاء الله شاب صغير مثلك قليل ما نشوفه يشيل منصب نائب مدير عام .. تصدق يا استاذ اظن اني باخذك لي مثال وقدوة ..!! ابتسم محمد على خفيف وتحرك داخل للمصعد :.. مو غرور بس الله يوفقك .. وقبل لا يقفل المصعد انتبه محمد لنفس النظرة الغريبة اللي شافها لما جا تركي مع ابو سالم .. ضغط بسرعة على زر فتح المصعد وسؤاال مفاجئ طرى في باله :. اقول يا.... تراني ما عرفت اسمك للحين تركي ابتسم وبدون تردد :... يقولون عني وليـد... ضاقت عيون محمد وهو يتفحص وجه تركي :.. متأكد اني ما شفتك من قبل ..؟؟ وجهك مو غريب.. ابتسم تركي بجانبية وهو يتأمل الموظفين اللي يمرون من جنبه : ما أظن بالنسبة لي هذا اول تعارف.. هز محمد راسه وابتسامة تركي الجانبية الغريبة علقت براسه ما يدري ليش !! قطع عليه تركي :.. أظن اني تأخرت عالمدير.. ومابي أأخرك شكل عندك شغل هز له محمد راسه ايجاب وشال اصبعه عن الزر ،، ومباشرة انغلق الباب وتركي واقف مكانه يضحك بسره ويكلم نفسه بصوت واطي : محمـد بن عبداللطيـف !!... نفسس النظرة ما تغيرت !!! اخذ نَفَس يجدد فيه روحه وكمل طريقه لمكتب المدير وهو يوزع ابتسامات حلوة لكل أحد يمر فيه .. دق الباب على المدير .. وسمع صوته يسمح له بالدخول ،، دخل بابتسامة حلوة عشان يستلم أول مهمة شغل له ... :/:/:/:/:/:/:/:/:/:/:/:/ في طريق رجعتهم من الجامعة ،، كانت مشاعل راكبه مع سحر السيارة الفارهه .. وتوهم طالعين من بوابة الجامعة اللي معروف عنها مزحومة في وقت الخرووج .. نزلت سحر الغطا وخلت الحجاب على راسها،، بحكم ان السيارة مظللة ومعتمة.. سحر : .. ما أحب هالنظرات من بعض البنات .. !! مشاعل ضحكت : ههههههههههه وش عليك يشوفونك شي ووحدة شايفه نفسها.. هالهندي ينزل ويفتح لك الباب انتي يالرقيقة مالك حيل حتى تفتحينه بنفسك.. سحر :.. لا تبدين مصخرة لأنزلك في وسط الشارع الحين.. اللي مو عاجبه يطق راسه بالجدار .. بدل لا يذكرون الله افف منهم..!! مشاعل : الجامعة هنا حبيبتي مو مثل المدارس والناس اللي درستي معهم برا .. تحملي حووببي بتشوفين ناس من كل الأشكال والأنواع .. أجلللللل ليييش سموهــا جامعـــة !!!! سحر : لا تبدين فلسفة اعرف هالكلام كله ترا هذي ثاني سنة لي اذا نسيتي ... الموهم وين تبينا نرووح !! في بالي مكان كنت أبي اخذ ابوي معي بس مشغول مو فاضي.. فرصة اخذك معي واشوف رايك.. مشاعل تحمست :.. تاخذين رايي بوشو؟؟ سحر : كنت اقرا مجلة امس وشفت دعاية سااااعة الماااس واحجار كريمة تهبببببل ،،.. قلت لأبوي عنها وانتي عارفه ابوي يحب يلعب بأعصابي.. مشاعل : هههههههه يعجبني عمي انا أحييه وبشدة سحر بنظرة حارقة : مشيعل لا تتحديني .. ترا اروح له الحين الشركة وأخليه يجي معي .. مشاعل : ههههههههه تسوينها والله .. يلله خلينا نروح بس بشرط تختارين لي معك وتشترين لي هدية سحر : بصفتك وشو بالضبط عشان اشتري لك هدية؟؟! مشاعل : بصفتي حبيبتك يا حلوة .. سحر : ههههههههه وش أبي في بومة شاطرة في النوم والكسل بس.. مشاعل : محد مقدر هالبومة ابد ابد .. خلينا نروح لمحلك الغبي هذا لأني نعست وتعبانة وأبي انااااااااااااام.. تنهدت سحر بطفشش من هالمخلوقة : ..هااا بدينـا دقت الساعة دقت !!! راحوا للمحل وسألت سحر عن الساعة اللي شافتها بالمجلة .. طلعوها لها وكاانت روعة مثل الصورة داخله مزاجها بالمرة مع الأحجار الملونة .. قررت تشتريها بس لازم لها طلعة مع ابوها ،، مشاعل : تبين الصراحة حلوة مرة.. بس أنا متأكدة انها بتطلع على يدي أحلى .. سحر فهمت التنغيز : لا تحاااولين ماني مخليتها لك .. برطمت مشاعل : لا تتحديني اشتريها قبلك .. حست سحر بنبرة التهديد والتفتت لها بسرعة : لا يكون معك الكريديت كارد وانا مدري.. اللي اعرفه انك حافية منتفة ومن غير عمي ما تسوين شي خخخخخخخ داست مشاعل على رجل سحر اللي شهقت وكتمت صوتها :.. مشيعل طيييب اوريك .. في البيت مو هنـا.. مشاعل : نشوف انا ولا انتي سويحر .. الحين خلينا نطلع شفتيها وخلصتي وانا تعبانة التفتت سحر للموظف وطلبت منه يحجزها لأنها قريب بتجي تاخذهـا ،، وطلعوا من المحل وأول ما ركبوا السيارة طلعت سحر جوالها ودقت على ابوها .. مشاعل انتبهت : .. بدت دلوعة ابوها بدت .. بتلعبين في عقل عمي بكم كلمة !!! ابتسمت سحر لها بشقاوة : .. فاهمتني طول عمرك .. شوفي الحين ان ما سحبت منه الموافقة ماكون سحور الخطيرة.. امس ما عطاني كلمة واضحة بس اليوم بتشوفين ... مشاعل : ياااااااااااااااااارب يرفض .. يارب تطيحين على وجهك.. سحر : يالحسووووووووووووووود !!! جاها صوته : هلا فـ بنتي .. سحر بمرح : هايوو ! كتمت مشاعل ضحكتها .. وراقبتها بصمت .. ابو خالد : حياااا الله هالصوت .. سحر : الله يحييك ويبقيك ويطول بعمرك .. هاو ار يو ؟؟ ابو خالد : بخير يا مال الخير.. سحر : بدون ما اطول عليك .. ابي توفي بوعدك ..!! فتح ابوها عيونه ما يذكر انه عطاها وعود .. وهي التفتت لمشاعل بنظرة ماكرة : ..هااا سكت !! بتنسحب الحين .. افاااا !! سمعت ضحكته :.. أي وعد وأي بطيخ !! سحر : لالالا .. امباسيبل !! رفع ابوها حواجبه : امباسيبل ؟؟.... سحر : .. لو سمحت وعد الحر دين عليه .. ابوها : الله يصلحك أي وعد .. تراني شباب للحين ما خرفت ما عطيتك وعود ابد ابد.. ابوها عنيد ويعرف يقلب اللعبة .. دايم يكشف نواياها وألاعيبها والظااهر انه فاهمها ،، سحر قررت ( الهجوم أفضل وسيلة للدفاع خخخخ ): اففف .. وبعدين يابو خالد ؟.. ما تبي تعترف ؟؟ ابوها وهو كاتم الضحكة : أعترف؟؟.. اعترف بوشو وانا ابوك ؟ سحر : نسيت الوعد ؟؟ ابوها : أي وعد .. سحر : هذاااااك الوعد .. ابوها : ايه زين أي وعد ؟.. سحر : ياربي !!!!... قول ما تبي تعترف وبس.. ابوها :.. ما أذكر ! التفتت سحر لمشاعل والقهر بعيونها .. ومشاعل كانت ميتة ضحك لأن سحر كانت حاطة على السبيكر تبي تعلم مشاعل انها تقدر ... مشاعل بصوت عالي :.. لا تصدقها عمي تراها أكبر لعّااااابه .. ضحك يوم سمع صوت بنت اخوه :.. هذي مشاعل ..؟ مشاعل : ايه اناااا مشاعل .. شخبارك ابو خالد ؟ ابو خالد : بخير شخباره ابوك ؟ مشاعل : بخير .. ( قلبت الخطة ) .. عمي ؟.. عندي لك طلب وعارفه اني مثل بنتك سحر صح ولا انا غلطانة ؟ فتحت سحر عيونها وكأنها عرفت نوايا مشاعل .. ابو خالد : ايه اكيد ..آمري يالغالية .. مشاعل : طلبت من ابوي يشتري لي وحدة من الساعات وقال لي انه بيشتريها لي بس هو مشغول هاليومين .. وانا خايفة انها تخلص مدتها وما يمديني اشتريها وترووح علي خصوصا ان عليها طلباااات كثير.. بققت سحر عيونها بمشاعل وهي تسمع ضحكة ابوها : ههههههه بس ؟ غالية والطلب رخيص !! مشاعل :.. فدييييييييت شنباتك والله .. ابو خالد : ههههههههههههههههههههههههه ههههههه.. صرخت سحر بغييييييض واعتراااض : لاااااااااااا ما يصير... فاذر وش هالكلام ترا دمعتي بعيوني الحين .. ابوها :.. وش اللي ما يصير ..انتي ما قلتي وش تبين .. ما فهمت منك شي للحين .. سحر بصوت فيه الصيحة : .. نسيت وش قلت لك أمس.. نسيت صورة المجلة اللي عطيتك وقلت لك أبيها.. بتعطيها مشيعل الحين مشاعل همست لها : قلت لك انتي مووو قدي ابد .. خخخخخ ابوها : .. اتاري تلمحين للساعة حقت امس .. وشو له اللف والدوران ..قولي ابيها سحر بزعل : قلت لك امس اني ابيها بس ما عطيتني جواب واضح .. انااااا زعلــت خلاص لا تكلمني .. مشاعل همست لها :.. وانت الدلع سلاحك الوحيد .. مااااالت عليك ماطلعتي علي استخدم الدهاء والذكاااااء سحر بقهر : اقول انصفطي يالبومة لأرميك مع الشباك .. قطططططع !! سمعـت ابوها : امتحانات الميد ترم بدت صح ولا انا غلطان ؟؟ سحر : ايه .. باقي لي مادة بكرة وأخلصها .. ابوها :.. ابي نفس نتيجة السنة الماضية .. وقتها اروح واشتري لك اللي تبين .. سحر فـزت : والله؟؟... ابشششر لا تخاف ما ينخاف علي.. ابو خالد : أبي على الأقل 4 من 5 .. وغيرها ما أبي.. سحر ابتسمت بمكر: انا اعتبرها مضمونة .. بس مشاعل لا ترجي منها شي هذي ما تاخذ فوق الـ 3 من 5 .. كسووووولة .. مشاااعل تورطت هي مستحيل تاخذ هالنتيجة .. شافت سحر تناظرها بسخرية وهي ترفع حواجبها.. قلبتها سحر لصالحها من جديد مثل ما قلبتها مشاعل قبل شوي.. ابو خالد : افاااا .. لا ما يصير كذا .. مشاعل تستعطفه : عمممي وش اسوي هذي قدراتي .. ابو خالد : شدوا حيلكم .. و 4 من 5 مابي غيرها سحر : يسلمممم قلبك .. يلله تبي شي بسكر .. ابو خالد : سلامتكم .. قفلت الجوال وهي تضحك بدهاااء على مشااعل الساكتة .. سحر : انا لو احد يقلب الأوراق علي.. أقلب الطاولة كلها عليه .. مشاعل : عرفتي تمسكيني من يدي اللي تعورني .. سحر : هههههههههههههه شدي حيلك انا مقدما كاسبه التحدي.. مشاعل بعد لحظات تفكير : وانا ليش مقلقه نفسي ع الفاضي ... نسيتي اخوي محمد ؟؟؟ فزت سحر من اسمـه والتفتت لها :.. شفيه محمد ؟؟ مشاعل : مو هو نائب المدير العااام ما شاء الله عليه اخووي نااااجح وأكيد يقدر يشتريها لي.. سحر : لهالدرجة تحبيني .. وتبين تقلديني بكل شي..؟؟ مشاعل بابتسامة هبلة :.. أحبتس اموت في ترابتس وش اسوي ! وصلوا لبيت أبو محمـد ووقفت سيارتهم قدام الباب،، بنفس اللحظة وصلت سيارة محمـد ووقفت قدامهم .. أول ما شافته مشاعل ركضت له تناديه ، وسحر حطت يدها على قلبها وهي تشوفه ينزل مبتسم والنظارة الشمسية على عيونه .. فتحت الشباك شوي عشان تقدر تسمعهم .. مشاعل : حبيبي اخوي حمووود ..!! قرب محمد بعد مارفع عينه لسيارة سحر لحظة : هلا مشاعل ؟توك جاية ؟ مشاعل : ايه .. المهم حبيبي سحر قااااهرتني رافعة لي ضغطي خربت سمعتي عندي عمي .. ( نزلت دموع التماسيح ) فتحت سحر عيونها وفمها .. وهي تسمع مبهوتة .. مشاعل : يرضيك ياخوي كذا تروح لعمي وتقول له اني وحدة فاشلة بومة ما انفع لشي وفاشلة بدراستي.. ابتسم محمد ورفع عينه ثانية للسيارة : وليش تقول عنك كذا !!!! مشاعل : حااااقدة علي .. غيرانة مني ليش ان عمي كان بيشتري لي هدية وهو طنشها .. محمد : وش هالهدية ؟؟ مشاعل : سااااااعة ألمااااااصصص << بالمصري !! محمد بنظرة خبيرة ما تفوت عليه حركات مشاعل : ومن متى انتي تهتمين بالسااعات والألماصص << يقلدها !! يووووه كشفني !! محمد ما تفوت عليه حركاتي : .. عجبتني وقلت ابيها وش الحل الحين عمي ما رح يشتريها لي اذا ما جبت معدل عالي بالامتحانات .. محمد : وانا ما اقدر أخالفه .. مشاعل طنقرت : .. انا اختك يالدب..افزع معي!! محمد فاهم حركاتهم : كملي لعبتك مع سحر .. لا تدخلوني بالسالفة .. اذا ماجابها لك عمي انا ماني جايبها.. وراح وفتح باب البيت والتفت لمشاعل : تعاالي ادخلي لمتى بتوقفين بالشارع ..؟ عطت مشاعل سحر نظرة رغم ان الشباك مظلل ولحقت اخوها داخل... اما سحر كانت منزله راسها للأرض ما تفكر الا بمحمـد... حتى انه دخل للبيت من غير أي كلمة بينهم أو سلام ... وتصرف ولا كأنها موجودة،، أووه سحر وشو سلامه وش تبينه يسوي يعني يجي ويدق عليك الشباك ويقول .. " هلا سحر شخبارك ".. رفعت عينها للسواق الهندي بتقوله تحرك .. بس انتبهت انه قاعد يطالعها بالمرايه وكأنه مستغرب من تعابير وجهها الحزينة المكتئبة... عصبت عليه سحر : وش قاعد تناظر بلا في عيونك.. كم مرة قلت لك لا تطالع عيونك خلها قدااام .. الهندي : ليش انتي زعلان ؟ سحر .. ما بقى الا انت تنتبه ! : لا تتليقف .. واطلع للبيت بسرعة .. هز راسه وحرك السيارة ،، ما تدري ليش هالسواق ما تبلعه ابد .. عيوونه زايغه وتوعدته ان كرر حركته مرة ثانية ان تطيره على الطيارة لبلده على طول.. وصلت للبيت وهي تعبانة ..كل ما شافت هالانسان اللي اسمه " محمد ".. تظل تفكر فيه وبصعوبة تنساه ،، شافت بيان جالسه لحالها تلعب ابتسمت لها بحنية من غير لا تقول شي .. وكملت طريقها لفوق وهي تفكر بحيرة.. هي تعودت ان محمد انسان كتوم وما يحب يصرح ، رغم غروره وثقته الكبيرة بنفسه على حسب كلام مشاعل .. ما تبي تأمل نفسها وتقنعها انه يكن لها مشاعر وهو الى الحين ما صرح أو على الأقل وضح لها ولو شوي.. للحين هي متماسكة ومجبره نفسها تتقبل انها بالنسبة لمحمد ما تتعدى بنت عم ..،، رمت شنطتها بإهمال ع الأرض وسحبت المطاط اللي يمسك شعرها .. ونثرته بعشوائية على كتفها تريح راسها ،،.. طاحت عينها عالألبوم اللي اخذته امس من المكتبة .. شالته بين يديها تتأمل غلافه الأسود.. كانت قد نظفت غلافه من الغبار اللي كان عليه بالأمس ورجع لونه للسواد النقي... فتحته من جدبد وطاحت عيونها على صورة خالد .. ابتسمت ما غلطت مشاعل يوم قالت عنه قمة بالبراءة .. كانت صورته بعمر 4 سنين تقريبا وكان مليان مربرب .. وخدوده أحلى شي فيه .. لكن الحين اعتدل ، خدوده خفت وظلـت غمازاته اللي هي مصدر السحر على قولة مشاعل ،، سكرت الألبوم بملل مالها خلق !! ، تبي تجلس عليه جلسة بس الحين هي وراها امتحان بكرة ولازم تنام لها كم ساعة تريح فيها.. ع العشاء وعقب ما خلصت مذاكرة .. نزلت وانضمت لابوها وامها وخالد وبيان عالسفرة .. وأول ما جلست التفت لها ابوها مبتسم .. ابو خالد : وش هالسنع اللي نازل عليك ؟؟ رفعت عينها عن صحنها وشافت خالد مبتسم لها .. صدت لأبوها مو مستوعبة والهبلة ناااسيه انها مشتغلة ومقطعه عمرها بالشغل : .. وشو ؟؟؟ ضحك خالد :.. كل هذا تواضع !.. ابو خالد : ههههههههه دخلت المكتبة قبل شوي قالت لي عنها امك ان لك كم يوم تعدلين فيها تبين ترضيني .. ابتسمت بنعومة أخيرا :.. ليش هو انت زعلان اصلا ؟؟ ابو خالد ضحك من صراحتها : يعني مو عشاني .. سحر بغرور تحب تحارش : لا مو عشانك .. خالد : البنت صررييييييييحة مرة .. وجهك مغسوووول..!! حطت عينها بعين خالد وبكل شموخ : .. هذا كله عشان خالد أولا وأخيرا استغرب خالد ورفع حواجبه : عشاني ؟؟ سحر : لا يكبر راسك يا دكتور ما اقصد عشان سواد عيونك .. اقصد بس عشان تعرف اني مثلك أقدر اسوي أي شي.. واللي براسي بسويه مهما كان صعب ،، ضحك خالد : هههههههههههه انتي وحدة هبلة تدرين ولا ما تدرين ؟.. مستوعبة انك وحدة خفيفة تطيرها كلمة وكلمتين ..؟ سحر : اهم شي انك بتغير رايك فيني .. خالد : ومن قال اني بغير رايي... اللي اعرفه ان مشاعل كانت معك .. وانا اجزم انها هي اللي شالت كل الشغل وانتي كنتي متفرجة !! سحر انفجعت وبتسرع بدت تحلف وتقسم : .. والله والله انه انااااا قمت بنصه اذا ماكان ثلاث ارباعه .. اصلا مشاعل وش ترجي منها هذي اذا ما دفيتها دف ولا مارح تنفعك بشي.... قاطعها خالد بضحكة .. صدق في كلامه هالبنت تطيرها الكلمة وتصدق وتنفعل بسرعة .. خالد : اووكي ولا تزعلين ..بصدقك هالمرة .. سحر بنظرة شرية : غصب تصدقني مو على كيفك .. ( التفتت لأبوها ) ايه وقبل لا انسى ابي مكافأة عالكرف اللي سويته .. لا تخليني اندم .. ضحك ابوها .. وتهدد بعد !! خالد : قوية وجه !! سحر : لا تدخل انا وفاذري نصلح .. هااا قلبي ابوي انت ابي شي يسوى تعبي .. ابو خالد : وش تبين ؟؟ الساعة ووعدناك فيها بعد ما تخلصين امتحانات الميد ترم .. وش تبين غيره لا تصيرين طماعه عاد.. سحر ورمت الكلمات جزافا : امممممم .. نبي رحلة بهالربيع مثلا !! ابو خالد : هالربيع ؟؟؟؟ سحر وهي تطالع اخوها : ايه ع الأقل السيد الدكتور خالد يريح أعصابه شوي.. ابو خالد : ما اقدر اعطيك كلمة الحين ... بعدين يصير خير... سحر : أصلااا مادام الساعة وضامنتها ما يهمني غيرها .. خخخخخخ انسى انسى السالفة تراها طلعت في مخي فجأة وقلتها .. وكملت اكلها وهي تهز راسها تدندن بألحان مختلفة.. وخالد كل شوي يرفع عينه لها ويهز راسه يضحك على جنونها الغريب.. | ||||
|
|
|
06-09-12, 03:22 AM
| #17 | ||||
| نجم روايتي
| في بيت ابو محـمد ،، بعد الفطور طلعت مشاعل فوق بعد ما خلصت أكل ، كانت ما بعد غيرت ملابسها عشان الجامعة.. مرت من جنب غرفة عمر وهي عارفه ان شادن نايمة هناك لأن لها كم يوم تنام بهالغرفة .. طلت عليها بهدوء شافتها مثل ما توقعت نااايمة بالسرير بكل سلاااام .. كلمت نفسها : هذي مو مرتاحة الا لما يوصلها خبر عن عمر !!.. سكرت الباب بهدووء ورااحت للتلفوون الموجود بالصالة العلوية .. شووق غريب اجتاحها لـ بندر.. رغم انه ما يتركها بحالها في العادة بس ما تدري يمكن اشتاقت لأسلوبه معها.. مسكت التلفووون ودقت وهي ناوية ترميه بكم كلمة تهزأه فيها ... وبعد ثواااني جااها صوووته ملياااان نووووم : .. همممممم ؟؟ مييين؟ مشاعل بصوت عاالي : بندوووووووووره !! بندر بنعاااااااس : بندوره في عيونك .. يا ام الشر ..! مشاعل : يوه ام الشر... أي مس يو برذر وينك عنا ؟؟ بندر بصوت نعساان واضح انه ماله خلق للكلام : تمس لك العافية يا مال الازعاج !!.. شتبين الحين مني ؟؟ مشاعل برطمـت : انت نايم ؟؟؟؟ بندر : صوتي وش يقولك ؟.. مشاعل : يقول انك تحبني ومشتاق لي.. بندر تنهـد : صبررر جمييييل والله المستعان... عطيني عطيني الزبدة بسرعة .. مشاعل : الزبدة بالثلاجة .. خخخخخخخ بندر : ياشين السرج على البقر.. مشاعل : ههههههههههههههههه عارفه عارفه اني ثقيلة دم... طالعه عليك ياخوي.. بندر وهو يتنهـد : مشاعل تبين شي معين ولا خليني اسكر تراااني تعباااان.. مشاعل خااافت : تعبان؟؟ ليش شفيك ؟ واذا كنت تعبان ليش ما ترجع للبيت .. بندر : مافيه شي كبير.. كلها نزلة برد وتروح .. مشاعل : واذا كانت نزلة برد!!.. لا تجلس لحالك هناك محد داري عنك .. ارجع للبيت واذا خفيت روح للمزرعة محد ماسكك .. بندر : قلت لك مافي شي شوي وأخف... تبين شي الحين ولا خليني انام يا ام الازعاج والشوشرة .. مشاعل : ههههههههههههه متى بشووفك ؟.. قاااطعنـا يا كافي.. بندر : ما قطعت توني جاي للبيت قبل يومين .. مشاعل : متى جيت ؟.. ما شفتك !! بندر : جيت الصبح كنتي بالجامعه .. مشاعل : وليش ما انتظرتني ولا ما اشتقت لوجهي الحلوووووو بندر طفشش من ثرثرتها : ..كافانا الشر... يلله تراني طولتها معك وهي قصيرة شكل ما عندك سالفة.. مع السلامة يامال الازعاج .. وطخخخ قفل بوجهها... نزلت السمااااعة وهي تبتسم عليه ضربت راسها يوم تذكرت.. يووه هي داقة بتسأله عن عمر اذا كان اتصل عليه بس السوالف خذتها ونست تسأله ... هههههههههه صدق من قال عنك غريب أطوار..!!!!" بنـدوره ".. كانت نشيطة على غير العادة .. وقررت تسحب عالجامعة هاليووم .. همست لنفسها حراام يروح كل هالنشاط على الجامعة .. ههههههههه ما قلت لكم وحدة مسفلة بالدنيا ما تبي تضيع اللحظات الحلوة بالنسبة لها بـ هم مثل الجامعة.. وش بتسووين يا مشاعل وش بتسوين؟؟ .. بتدقين على سحر وتقولين لها تجيك وتسحب عالجامعه مثلك .. ضحكت بسخرية : مستحيل اللي اعرفه ان عندها امتحان اليوووم .. يلاااااا ما يضر بعد شوي روحي ازعجي شااادن مادام عندها أوف !!.. الشي الوحيد اللي قضت فيه مشاعل الساعات الأربع لين جت الساعة 12 ونص .. هو الأكل ...!!.. تربعت عند التلفزيون وكل شوي ماخذه لها شبس ولا كاكاو .. كانت تاكل تضيع الوقت وهي تنتقل من قناة لقناة .. أخيرا حسـت بخموول وهي متمددة عالكنبة ، رجل طايحة عالارض ورجل فوق الكنبة .. وهي تاكل بالشبس ما درت الا بوسادة تهووي على وجهها بقووة ... تناثر الشبس عليها ومسكت خشمها وهي معصبة .. شادن : هههههههههههههههههههه جزاك يالكسولة .. !!.. وش مجلسك يا عمتي مشاعل ؟.. ما وراك امتحان اليوم ؟ مشاعل وهي تفرك خشمها : آآآخ اردها لك يا حقيرة ... الا عندي بس مالي خلق اروح.. شادن : والمذاكرة اللي ذاكرتيها أمس ليش ذاكرتيها.. ضحكت مشاعل بسخرية على نفسها : وتسمينها مذاكرة .. مذاكرتي كانت خرابيط ..أمشي فيها حالي بس.. شادن : وش هاللامبالاة اللي انتي عليها.. تبين تاخذين صفرررر في المادة..؟؟ مشاعل : لا تخافين بيكون فيه امتحان ثاني للي ما حضروا .. شادن : وليش دايم تأجلين امورك للفرصة الثانية .. انجزيها من أول فرصة وريحي نفسك وبالك.. مشاعل : .. لا تخافين علي ما ينخاف علي انا مشااااااعل.. شادن تقلدها : أناا مشااااااعل ... تبيني اروح اقول لأبوي .. ولا أقول لمحمـد!! مشاعل : محمد مارح يقول شي كل اللي بيقوله خلوها تتحمل النتايج .. شادن : اصلا انتي مااا منك أمل .. مشاعل : تراها مو مشكلة يا شادن ..راسي اليوم مقفل مالي خلق تفكير.. عشان كذا ما رحت.. شادن وهي ترمي عليها الوسادة وتروح : أعذاااار واهية .. تركتها وراحت للمطبخ وبهاللحظة دق الجرس ، وبعد ثواني دخلت سحر وشكلها مفوووله على مشاعل .. من شافتها مشاعل طاحت من الكنبة من الخرعة وفحطت رككضضض للدرج .. سحر معصبة : عارفــه بغلطتك يعني ؟؟؟؟؟؟؟ مشاعل وهي واقفة فوق : بسم الله علي سكنهم مساكنهم ..!! سحر : وقسم انك وحدة ما عندك دم.. ليش ما جيتي اليوم ..؟ مشاعل : وش دخلك صايرة امي وانا مدري.. سحر : يعني ما حضرتي الامتحان ؟؟ مشاعل : لا ما حضرته .. لا تعلييييق لو سمحتي لأنك مهما قلتي بيرتفع ضغطك فعشان صحتك لا تفتحين محضر معي.. رمت سحر نفسها عالكنبة : مو قلتي لي امس انك بتطلعين معي... قاعدة انتظرك عند البوابة ساعة وأدق على جوالك ما تردين .. والله على بالي صاير فيك شي .. ليش ما اتصلتي عالأقل وقلتي لي انك ما حضرتي.. مشاعل حست بتأنيب الضمير : يوووه والله راح عن بالي... وجوالي مو معي حاطته بغرفتي وناسيته .. سوووري بنت عمووو جت شادن وهي تضحك : سحووورة الحلوة شفيها معصبة .. يعني ماعرفتي بنت عمك للحين،، سحر : والله لو مو انتي موجودة واختها كان ما حبيتها وقطعت صداقتها من زمان ... أي لوف يو شادن !! شادن ابتسمت : أي لوف يو تو سحوورة .. ومشاعل فوق تسمعهم .. نزلت الدرج تتصنع البرود : ما شاء الله وش سالفة أي لوف يو ؟؟.. لا تحشون فيني ولا ترا ماني محللتكم .. سحر : بنت عمي وأحبها يعني تغارين .. يلله انقلعي فوووق مابي اشوف رقعة هالوجه .. مشاعل : لا تغلطين... وبعدييين انا اسففة .. نسيت سامحيني مارح أعيدها .. رجعـوا لجو الضحك والمرح .. الجو اللي ينسيك هموم الدنيـا.. كانت سحر تضحك وتسولف ، جو من المقالب بينها هي وشادن وبين مشاعل ... بدون ما تدري ان الجرح جاي بالطريق... ودمعتهـا بتنزل اليوم ،، وهم جالسين رن جرس التلفووون .. نطت مشاعل عشان ترد : الوووو ....: ..سلام يا مال الازعاج .. تهلل وجهها وضحكت : ..بندوووووووووووووره ..!!! التفتت سحر بعد ما سمعت اسم بندر وابتسمت .. بندر : .. بندوره !.. لو ما شلتي هالاسم من لسانك بعرف انا كيف أشيله .. مشاعل : وش اسوي أحبه .. شخبارك الحين أحسن ؟؟ بندر : الحمدلله احسن ... مشاعل : صوتك مبين تعبان للحين ..! بندر : لا مافيني شي.. شوي وأطيب تمام..... تغديتوا ؟؟؟ مشاعل : لا ما بعد .. ساعة ولا ساعتين عالغدا.. ليش السؤال ؟؟ << تستغبي بندر : أظن قصدي واضح .. يامال الازعاج .. مشاعل : هههههههه افهم من كلامك انك جاي بتتغدا معنا.. بندر : .. يقولونه .. مشاعل : تبيني أطبخ لك ؟؟ بندر : مابعد بعت حياتي... أبي اعيش انا مشاعل انقهرت رغم هدوءه بالكلام وأسلوبه الغريب في التعليقات وغرابته الا انه يعرف يحرق دمها :.. يا حظك تاكل من يدي.. بندر : كليه انتي .. المهم انا جاي بالطريق حاولوا تبكرون بالغدا.. مشاعل : ياسلااام وتعطي اوامر.. انت من متى تعيش هنا اصلا عشان تعطي أوامر.. بندر : عن القرقة ،، وتراني بجيب مشاعل معي.. صررخــت مشاعل باعترااااض وحننننق : ما قلت لك يالدب غيّر اسمها ؟؟؟... وش معنى اخترت لها اسمي هالقبيحة هذي.. بندر بطريقة مستفزة ما يستخدمها الا مع مشاعل : وش اسوي أحبك ولازم اسمك دايم على لساني .. مشاعل : .. مو عشان سواد عيوني .. مالك حق تعطي هالقبيحة اسمي .. انا حلوة وهي لا... بندر : عاد هي في عيوني أحلى وأحلى.. الموهم مشاعل بتجي معي تعرفيني ما اقدر اروح واجي من غيرها مشاعل : جعلهاااا الموووووووووووووووت ان شاءلله تدوسها سيارة .. سمعت ضحكته اللي مسرع سيطر عليها .. والتفتت لـ سحر والقهر كل القهر بعيونها : سحوور وش اسوي مع هذا الحين .. بيجيب مشاعل الكريهه معه !! بندر : سحر الحلوة عندك ؟.. من زمان عنها !! مشاعل بخبث : طلع عرق اللطافة الحين .. بندر ما اهتم لنبرتها : سلمي لي عليها .. التفتت لسحر : يسلم عليك .. سحر : يسلمه من الشر .. قولي له حتى انا واحشتني مشاعل وياليت يجيبها معه سمعها بندر وابتسم : تستاهل نجيب مشاعل عشانها.. خلاص نص ساعة بالكثير وانا عند البيت.. مشاعل بقهر : أخر تحذير مشاعل القبيحة حقتك لا تجيبها .. بندر : ماني جايبها عشانك .. يلله يامال الازعاج !! سكر الخط بوجهها للمرة الثانية .. التفتت لسحر اللي كانت تضحك : ههههههههههههههه مو اقولك اخوك هذا فلة ووناسة مافي مثلها .. مشاعل بخوف : يااربي وش اسوي الحين .. ماني متغديه معه ما دامه بيجيب ذاك المخلوق الكريه !! سحر : ههههههههههههههههه عاد انا ودي اشوفها .. اذكر انها كانت صغيرة اكيد كبرت !.. مشاعل مجرد تذكرها لشكلها تحوم كبدها : وعععععععع وع وع .. ما ادري شلون بندوره متحملها.. سحر : النفس وما تحب .. كل واحد له ميول خاصة غير عن الثاني ما تقدرين تغيرينه.. ظلوا يسولفون عن بندر ،، وسحر ما تقدر الا تبتسم لما تسولف عن هالشخص بالذات ،، غرابة شخصيته وأطواره تجذب الشخص له ... سحر : كان ودي أكلمه واسلم عليه !!.. وحشني والله .. مشاعل : الحين يجي وسلمي عليه مثل ما تبين .. ياربي عالحب اللي بينكم !!! سحر فارت : يا حمارة متى بتعقلين وتتركين عنك هالتعليقات.. مشاعل : وانا ما كذبت... علاقتك معه حتى انها احسن من علاقتي انا .. يصير ملك اللطاااافة معك أما أنا طز فيني سحر : هههههههههههههههههه عشاني عكسك .. تبينه يحبك ويكون لطيف معك... حبي مشاعل وعزيها عشان يتغير ههههههههههههههههههههه.. مشاعل : في أحلامه .. بخليه يغير اسمها .. خرب اسمي هالدب ماني ساكته له!! سحر : بس بجـد مو تحسين ان بندر يعطي جو .. على انه ما يضحك لذيك الدرجة بس ولو مجرد وجوده يعطي جو.. قامت مشاعل واقفة : غريب أطوار وبس !!...بروح اقول لشادن عن بندر .. تشوف سالفة هالغدا اللي يبيه بدري.. راحت ،، وسحر سندت ظهرها للكنبة وهي تبتسم .. لبست عباتها وانتظرت مشاعل ترجع عشان تقولها انها بتطلع للبيت .. بهاللحظة حست بدخول أحد للصالة .. واحساسها ما خانها يوم قالها إنه محمـد ،، التفتت ببطء والرهبة نزلت في قلبها وتبعثرت دقاته بطريقة غريبة .. صدت عنه كأنها ما تشوفه بس هو ما يفوت عليه ارتباكها ... ناداها :.. سحر !! اسمها بلسانـه كان له اثر قوي التفتت له من غير شعور : ..نعم ؟؟ ما تدري هي كانت تتخيل ولا صدق شافت بعيونه شي غريب دافي غير عن العادة ،،.. وكان بيتكلم ويقول شي ،، بس قطعـت عليهم مشاعل وهي تنزل الدرج ركض : .. سحــر ؟ سحر صدت عن محمد بسرعة وهي تحاول تسيطر على هالمشاعر اللي ما رحمتها واكتسحتها بكل قوة : .....هلا.. مشاعل : شرايك تتغدين عندنا ؟.. مادام بندر بيجـي.. ! بدون سبب معروف حست سحر بجو التوتر : لا فرصة ثانية .. وجودي ماله داعي .. مشاعل ببراءة ما حكمت كلامها وما انتبهت اصلا ان محمد كان واقف : .. عن الدلع توك تقولين بندر واحشك وتبين تسلمين عليه.. وهو بعد واضح انه يبي يسلم.. خلك كلها ربع ساعة بالكثير ويجي .. سحر توترت من وجود محمد بالأساس : .. خليها بكرة مشاعل .. حاولت مشاعل تقنع فيها .. لكن سحر كان قلبها متبعثر من الرهبة.. وكانت تحس بنظرات محمد مسلّطة عليها رغم انها حتى ما التفتت له .. كانت تحس بنظراته حارة تلسعها مثل شرار النار.. حست بتغيّره من صمته الطويل ووقوفه .. جاهم صوت محمد اخيرا.. جاف : .. خليها تروح مادامها تبي تروح .. التفتت مشاعل وشافته .. وماعرفت وش تقول .. سحر بعد انلجم لسانها .. محمد : الوقت وقت غدا وراحة .. وهي عارفه ان وجودها الحين بيزيدني انا وبندر احراج .. نزلت سحر راسها للأرض .. بدا بكلماته الباردة الجارحة.. كمـل محمد : وانا أظن انها تعرف الذوق .. هالوقت مو وقت زيارات ولا لا يا سحر.. والمفروض مو أي كلمة تقولها مشاعل تنجرين وراها .. مشاعل : محمد وش قاعد تقول ؟؟.. وش فيها يعني لو تغدت معنا ؟.. وبعدين بندر بنفسه اتصل وقال انه يبي يسلم عليها.. من قالت مشاعل هالكلام ، لمحت سحر بزاوية عينها الغرقانة بالدموع محمد يتحرك مو مهتم لأي مدى كانت كلماته جارحة .. ولأي مدى سحر حست انها غير مرغوبة بكلماته .. وهو ماشي للدرج : عالعموم هالوقت وقت راحة وبندر يقدر ينتظر لوقت ثاني... وجودكم انتي وياها مع بعض يسبب الازعاج للبيت كله .. انا ما اقول لا تجي بس المفر.................. قاطعته سحر وصوتها مخنوق :.. قولي لا تجين واختصر الطريق ليش هالمحاضرة الطويلة العريضة..!!؟ صوتها المخنوق خلاه يوقف ويلتفت يحاول يبرر : انا ما قلت لا تجين انا بس اقول.................. قاطعته من جديد وصوتها يعلى : لا تبرر ،، كلامك واضح .. تبي تطلعني غلطانة وواضح انك ما تبيني اجي صح... قول انك ما تبي تشوفني هنا يا محمد .. قول ترا تصرفاتك واضحة... مشاعل توترت حدها مسكت ذراع سحر تحاول تهديها : شفيك سحوور انفجرتي هدي... كانت حاطه عينها بعين محمـد ومحمد بعد كان يطالعها ... أخيرا فجّرهـا وقااال :... تبين تفهمينها افهميها بالطريقة اللي تعجبك .. انا مو مجبور أشرح وأبرر.. كلامي واضح واذا تبين تفهمينه بطريقة ثانية انتي حرة.. بهاللحظة مثل الصاعقة نزلت بقلبها الصغير... غرقت عيونها أكثر وهي تشوف بعيون محمـد العصبيـة ،، هذا شفيه فجأة انقلب ؟؟.. أول ما دخل كان هادي ووديع شفيه الحين .... كتمت صوتها مو مستعدة تبين له أكثر انها متأثرة .. سحبت يدها من يد مشاعل ومشت بسرعة للباب مو مهتمة لنداءات مشاعل لها .. مشـت لباب الشارع وهي تدور في شنطتها عن مناديل تبي تمسح دموعها لأن وجهها بالكامل تبلل ... ما انتبهت للشخص اللي دخل ولأنها ناسية اللي حولها بسبب الجرح النازف داخلها صدم كتفها بكتفه وطاح غطاها عن وجهها واللي كان بهاللحظة المفروض يغطي تعابير الالم في ملامحها ... رفعت عينها شافته بندر .. اللي تغير وجهه واستغرب من اللي يشوفه !! بندر : سحر ؟؟... شفيك عسى ما شر ؟؟ ماعرفت وش ترد عليه ، غطت وجهها بسرعة تبي تخبي دموعها عنه بس بندر انتبه لها وخلص ولاحظ كل تعابير الالم في وجهها .. سحر : مافيني شي.. أسفة بندر أشوفك بيوم ثاني .. وفتحت الباب وطلعت بسرعة تاركته وراها مستغرب ... دخل جوااا وشاف مشاعل واقفة هناك وواضح انها متضايقة .. قرب منها لين صار وراها من غير لا تحس فيه .. انحنى عند أذنها وهمس : ..سلام يا مال الازعاج !! فزت مرتاعة والتفتت : ..بندووره !!.. بندر : متى بتشيلين هالـ بندوره من لسانك .. مشاعل : لين تغير اسم ذيك اللي ما تتسمى .. بندر " 24 سنة " : المسألة مسألة عناد .. اوكي انا ماعندي مشكلة بندوره مو بذاك السوء.... تلّفت بالصالة ما شاف احد .. بندر : توني شفت سحر ؟.. شفيها شكلها متضايقة ؟؟ لا يكون انتي مضايقتها اعرفك... مشاعل ابتسمت : مو شي كبير لا تشغل بااالك ... سحر حساسة تعرفها هي بس طلعت تبيك انت ومحمد تاخذون راحتكم .. هز بندر راسه بصمت ما علّق وسأل : ..محمـد موجود ؟ مشاعل : ايه توه جاي... هز راسه من جديد وكأن فيه شي قاعد يدور بذهنه :.. وينه أجل ؟؟ مشاعل : دخل وطلع فوق .. بندر : طيب وين الغدا ؟ ضحكت بسخرية عليه : هههههههههههاي شكلك مسكين ما ذقت اكل البيت من مدة.. ياخي وش حادك جالس هناك .. عطاها نظرة باردة ومارد على سؤالها اللي تكرره باليوم عشرين مرة .. تركها وراح فوق وهو يقول : بروح أغير..وقولي لأمي اني بتغدا هنا اليوم.. مشاعل : قلت لها يا بندوووره أول ما دقيت .. لا توصي حريص سمعته يكلم نفسه وهو يوصل فوق : بندوره في عيونك يامال الازعاج.. ضحكت ضحكتها وهي ترووح للكنب ،، تحبه إذا قام يرمي تعليقات يكلم نفسه ..!!... بس بلحظـة ،، اختفت ابتسامتها يوم تذكرت الحال اللي طلعت عليه سحر قبل شوي ... سحر في السيارة جالسة بجمود ودمعتها متعلقة بخدهـا.. مسحت دموعها وأجبرت نفسها توقف عن ذرفها .. بدت تفكر وتحسب هي وش غلطت فيه بالضبط عشان يعاملها محمد بهالتجاهل وهالأسلوب .. تفكر يمكـن تلاقي جواب،، عن تغير حاله فجأة وأسلوبه الجافي معهـا،،، نظراته الدافية أحيانا تقلب موازينها وتغفر له كل شي.. لكن فجأة وبدون سابق انذار تلاقيه انلقب وأفعاله تكـذب نظراته ... غمضت عيونها والسيارة توقف قدام باب البيت .. تسأل نفسها وتدور له أعذار .... إيـه .. أحبـك للأسـف وكـل ما فيني اختلـف شي مني لـك يبيـك وشي ما يرضى يجيـك شي لعيونك وقــف ! وشي في وجهك عصـف .. للأســـــف ..!! لا متى أستحمـلك ..؟؟ كم سـؤال ما لقـى عندك جـواب ومن غبائــي.... اســـألك!! ******************************* الى هنـآ وانتهـى الجزء الـ 4 ابي رايكم باالشخصيات ؟؟ وانطباعاتكم وتوقعاتكم عن الجـاي.. أشوفكم قريــب ،، مع جزء جديد وخيووط جديدة تحياتي لكم | ||||
|
|
|
06-09-12, 03:25 AM
| #18 | ||||
| نجم روايتي
| الجــــــزء الـ 5 ... __________________ كانت نايمة على السرير من غير غطى .. وعبايتها طايحة على الارض بفوضوية ،، ما صحاها ونبهها من نومها الا رنين الساعة .. فتحت عيونها وهي تكشر من ألم راسها الخفيف اللي حست فيه .. كانت عقب ما رجعت من بيت عمها والحزن يملا نفسها رمت نفسها عالسرير ،، وانتشلها النوووم من الحزن لـعالم ثاني،،، غسلت وغيرت ملابس الجامعة ورسمت البسمة على وجهها وهي تطالع عمرها بالمراية ،، " لا تكبرررين الموضوع يا سحر يمكن هو كان متضايق اصلا او شي بالشغل كان مزعجه ،،، لاااااا تشيلين بخاااطرك خلك قوية ..!!" تغيرت نفسيتها يوم قالت هالكلام بصوت عالي.. وطلعت عشان تنزل وهي تنزل الدرج سمعت صوت خالد .. وصوت ،، ......بندر؟؟؟؟ نزلت وهي تنادي : ..خالد ؟؟؟ جاها صوته من مكان معين بالصالة : صباااااح الليل.. قالوا لي نايمة من متى انتي تنامين لهالوقت ؟؟.. قبل لا ترد سمعت بندر يتحلطم :.. هذي اللي خلتني اجيب مشاعل وزلبتنـي !!.. كتمت ضحكتها وما حبت تطلع عليهم لأنها بلا حجاب ،، ولأن الصالة مكشوفة وهم موجودين بزاوية من زواياها .. وقفت وراء جدار كان جزء من الديكور ما يسمح لهم يشوفونها وتكتفت :.. أتغلى..(تمزح) بندر بسخرية : .. اخترتي الشخص الغلط عشان تتغلين عليه.. سحر : وش هالاسلوب !!.. ما تعرف تتعامل بأسلوب حلو مع البنات بندر : ربي خالقني غبي دبشة مع الجنس اللطيف.. وتصدقين كذا أريح بلا بنات بلا هم بلا وجع راس ضحكت وحطت يدها على فمها تكتمها .. بندر : ما تبين تشوفين حبيبتي مشاعل؟؟ سحر : ليش ما جبتها معك..؟ بندر :.. كبرت ماعادها مثل اول.. صارت تتعبني..تعالي شوفيها تذكرت محـمد وكلامه والموقف كله ،، ونغزهـا قلبها : .. لا إنت جبها لبيتنا واشوفها ... بندر : لا تعالي زوريها لا تخافين ما تاكل.. وديعة وهاادية .. احتارت في كلامها ، ما تبي تقول بـجي تخاف يصير أي صدامات ثانية مع محمد :.. مو لازم خلاص.. بندر :.. دلعك ما يمشي علي..( التفت لخالد ).. خالد انت شلون متحملها ؟؟؟ خالد : ومن قال اني متحملها .. التطنيش ياخووك تراه يجيب نتيجة معها انتصبت بوقوفها من سمعتهم ينغزون فيها بالكلام .. ماعرفت وش ترد وش تقول ..!! وكانت بتمشي وتروح لولا انها سمعت بندر يتكلم بعد ما قام واقف :.. انا بطلع .. وانتي يالحلوة انا عارف انك واقفة هناك.. خالد :.. الحلوة؟؟.. ههههههههه خلك بحدودك لأعفس شعرك بندر ابتسم له بهبـل :.. وانت تنكر يعني ان اختك حلوة ؟؟ خالد :.. لها اسم يالغبي.. سحر واقفة هناك مالها الا تبتسم.. بندر هذا تحبه ،، تعـزه ،، لكن تحبه كأخ قبل كل شي لدرجة انها تنسى احيانا انه ولد عمها .. اعتـادت على تعامله اللطيف معها والكلافة اللي يطيحها بكل طفولية وبراءة ... بندر : تبين تشوفينها تعالي ولا برجعها للمزرعة .. أهل البيت مو طايقين وجودها وشوي ويكفخوني ويطردوني انا وياها .. خالد : هههههههههه وش تبيهم يسوون يعني .. سحر ابتسمت : مصر يعني .. خلاص بكرة بجي.. بندر : لأن مافي غيرك انتي وشادن فاهمينها ومقدرينها ..يلله سلام خالد وقف معه وسأله : .. بترجع للمزرعة ؟؟ بندر : ما ادري.. بجلس يومين بالبيت،، وبعدين تراها مو بعيدة ليش انتوا خايفين ومكبرين الموضوع.. كل السالفة اني مرتاح هنـاك .. يلله سلام بروح للبيت اخاف مشاعل ذبحت مشاعل الحين !! شوي وسمعت سحر ضحكهم والباب ينفتح ويتسكر شكلهم طلعوا !!.. طلعت من ورا الجدار وهي تضحك .. مشاعل وش تسوي الحين أكيد مطنقره ومقومـه حرب ..!! ××××××××××××× من بكرة .. اختارت سحر وقت المغرب عشان تطلع لبيت عمها.. الوقت اللي تكون متأكدة فيه ان محمد مو موجود وبشغله .. طبعا اتصلت على مشاعل تعطيها خبر انها جاية ،، ومشاعل وقتها كانت متنرفزة ومعصبة من برود بندر المستفز معها ومخلوقه الكريه اللي اسمه مشاعل ..!! وصلت لـ فلـة عمهـا الأنيقة ودقت الجرس.. كانت تتحرى مشاعل تفتح لها الباب لكن اللي فتح لها الباب هو بندر مبتسم ومخلوقه المحبوب معلق على رقبته .. شهقت سحر من غير شعور :.. وشو هذاااا ؟؟؟ سمعت ضحكته :.. هذي مشاعل ..!! بلمت لحظة وهي تتأملها ، ماكانت بهالحجم يوم شافتها آخر مرة ، دخلت بخطوات حذرة وهي تشوفه يتراجع عنها وثعباااان طويل عريض نايم متمدد على كتفه بكل راحة وسلام .. سحر : مسمومة يا بندر؟؟ بندر وهو يمسح على جلدها :.. لا مو مسمومة تطمني .. جاهم صراااخ مشاعل من مكان :.. سحرررررر .. بالله وين وجه الشبه بين هالكريهه واناااااا ؟؟.. راحت سحر لها بسرعة ومشاعل تتحلطم :.. كبرت صارت ترووع !!.. صرت اخاف على نفسي لا تزحف وتدخل علي الغرفة وانا نايمة !! سمعوا ضحكة بندر .. والتفتوا شافوه منحني للأرض وينزل مشاعل عن كتفه للأرض .. وأول ما حطها صارت تتلوى وتزحف كان شكلها مخيف لأنها من النووع العريض الكبير والطويل - أطول من مترين - !! مشاعل بخوف : يا مااااامي !!.. سحر !! ضحكت سحر وهي تتأمل الثعبان .. كان هااادي سااكن وواضح ان بندر متعود وعارف كيف يتعامل معها.. جلست على درجات المدخل الرخاميـة الباردة ، وحطت يديها تحت خدها وهي تتأمل بندر كيف يداعب هالحيوان .. ومشاعل جلست جنبها مالها حيلة .. مشاعل : .. بندر ؟ كان متربع عالأرض عند الثعبان مثل الطفل ومعطيهم ظهره .. رد بهدوء : .. نعم ؟؟ مشاعل : ما قلنا لك لا تربي حيوانات .. بس اختر لك شي حلو ينبلع مو ثعبااان اللهم يا كافي... قبل لا يرد سمعت سحر ترد بنعومة وهي تتأمل راس الثعبان اللي طلع على كتف بندر : بالعكس شي حلو هالهواية.. ويدل على احساس بندر المرهف .. لفت مشاعل راسها على سحر بملامح ساخرة :.. تكلمت ام الاحساس !! لأنك مو عايشة معه ومتحمله هواياته الغريبة هذي.. احنا اللي بناكلها وانا أولهم .. سحر :.. انتي لو تفكرين شوي وتنسين خوفك هذا بتكتشفين انها متعة غير ولها طعم... عفست مشاعل فمها مو عاجبها الكلام .. وتكتفت وهي ترجع تناظر في بندر والثعبان اللي استقر على رقبته : الله يستر وش بيطلع لنا بالأخير.. سحر ضحكت : ههههههههههههه وربي انتي خوافه .. ولا مافي شي يخوف الثعبان مربى ويألف بندر يعني مافي خوف.. شافوا بندر يقوم واقف ويمشي لهم وهو شايل الثعبان على كتفه .. مشاعل من شافته صـرخت صررخة هـزت البيت وفحطت لداخل وغبارها وراها .. سحر حطت يدها على فمها ميته ضحك .. وبندر تحلطم وهو متسمر مكانه من صرخة أخته المدويّـة : .. جبـانة ! ونزل عينه لسحر وسأل يتتريق : بتنحاشين انتي بعد..؟؟ سحر بثقة :.. ليش شفتني ركضت ورحت ؟؟ بندر :.. يعني ما تخافين مثلها لو قرب منك ؟؟ سحر توترت بس ما بينت :.. لا ما اخاف.. مادامك مربيه ووديع على قولك اجل ما يخوف .. كانت بينهم مسافة خطوات وهي جالسة على الدرجة الثالثة تراقبه .. حط الثعبان عالأرض وعطاه اشارة غريبة ما فهمتها سحر في البداية .. لكنها استوعبت يوم شااااافت الثعبان يزحف لها .. بغت تنط من مكانها لأنها كانت حركة غير متوقعة ..! لاحظها بندر وعلّق :.. وتقووول ما اخاف !!! سحر ثبتت على كلمتها : .. ايه ما اخاف.. استجمعت شجاعتها وهي تراقب هالمخلوق يزحف ،، ويستقر ويسكن عند رجولها .. رفعت عينها لبندر والتردد والتوتر مبين عليها .. ابتسم يشجعها : المسيـه ..!.. ما يضر .. مـدت يدها ببطء بتلامس جلده الأصفر المنقط !.. وبعد جهد وشجاعة متمسكة فيها قدرت تلمس بأطراف أصابعها المرتجفة جلده الأملس...وبدا توترها يتلاشى شوي شوي .. جوو من السكون والهدووء عم لدقيقة من غير لا تزحزح عينها عن جلده وطوله المهيب .. قطع هالجو صوت بندر المفاااجئ :.. بوووو ! فزت من مكانها مرتاعة شافت بندر يضحك .. وياهو يحرج بضحكه !! سحر وهي متمسكة بشجاعتها :.. ما خفت ..!! بندر : اعجبك ؟؟ سحر : .....ما يخوف مثل ما قالت مشاعل.... من قالت مشاعل التفتت ورا تدورها .. وراها ذي راحت وخلتني لحاالي؟! .. من جدها خايفة كل هالخوف .. نادتها توقعت انها قريب من الباب وبتسمعها : مشاااااعل ...! ما جاها رد .. رجعت تناظر بالثعبان الهااادي عند رجولها من غير حراك...، سمعت بندر يسأل من غير لا يرفع عينه لها ،، كان يتأمل حيوانه مثلها :.. شي ضايقك امس ؟؟؟ استغربت سؤاله ورفعت عينها تناظره : أمس ؟؟؟ بندر : ايه امس .. يوم جيت أنا وإنتي طلعتي ... سحر ارتبكت : ما صار شي كنت شوي تعبانة فقررت اروح البيت هز راسه : اهااا بس مشاعل لمحت لي بكلام غير... انقهرت من مشاعل .. هالمجنونة وش ناوية عليه عشان تعلم بندر عن شي !!.. سحر تنكر : لا لا مافي شي قلت لك كنت تعبانة وشفت ان الوقت وقت راحة فقلت اكون راعية ذوق واطلع وارجع بوقت ثاني .. من غير لا يرد أو يعلق شافته يعطي اشارة ثانية للثعبان بنفس اللحظة اللي انفتح فيها باب الشارع ... التفتوا ثنينهم للباب وشافوا محمـد واقف يناظرهم ويده عالباب .. سكره بهدووء وسحر على طووول نزلت عينها للأرض.. يدها بدت ترتجف هذا وش جابه .. انا ما جيت هالوقت الا اني مابي يصير صدام بيني وبينه ... وينك يا مشااعل يا حماااارة رحتي وخليتيني لحالي مع اخوك !!! رجع وجهها يحمر وهي تتذكر موقف أمس ،، سمعت بندر :.. هلا محمـد ..!!.. جاي بدري.. ما سمعت غير صوته لأنها منزله عيونه للأرض وتفكر تدخل داخل بهاللحظة وتتركهم.... رد محمـد :.. جاي أبي أوراق مهمـة.. دقيت قبل دقايق وردت علي مشاعل وقلت لها تنزلها من غرفتي .. عشان كذا مشاعل طوّلـت .. وماردت عليها يوم نادتها..!!.. سمعته يسأل بنبرة ماتدري وش وراها :.ليش جالسين بهالوقت برا لحالكم ؟؟ بندر رد بعفوية :..مالنا الا هالمكان ما دام مشاعل ممنوع عليها تدخل البيت .. وهالحلوة تبي تشوفها وما اقدر اقول لا... ما تدري هي تتوهم ولا حست بلسعات نظراته :.. لحالكم؟؟؟ بندر بنفس العفوية : ومن متى انا وسحر نعامل بعض برسمية ؟!! هي تعرفني التحفظ والرسمية ماهي من طبعي.. رفعت عينها لبندرمن غيرما تطالع في محمد : بروح اشوف مشاعل ..!! وقامت وتركتهم .. بندر نزل يده يداعب جلد مشاعل ، ومحمد واقف وراه من غيركلام يطالع في الباب اللي اختفت منه سحر... أخيرا كان بيدخل داخل بس بندر وقفه يوم نـاداه :.. محمـد ؟ وقـف محمد مكانه من غير لا يلتفت .. وبندر كمـل بهدووء النسيم :.. لا تزودهـا معها ..!! رفع محمد حواجبه مستغرب :.. أزودها ؟؟.. وش تقصد يا بندر..؟ بندر بهدووء :.. انت اخوي على عيني وراسي لكن تعاملك مع سحر ما يعجبني ..!! محمد بنفس هـدوء أخوه : ليش هو أنا غلطت ..؟ بندر وهو منزل راسه يداعب حبيبته : انت عارف نفسك اذا غلطت .. بس خف عليها واعذرها .. انت عارف ان حياتها كلها ضاعت برا وش تبيها تطلع ؟؟... مارح تطلع مثل ما تبي انت.. استدار محمد وهو معقد حواجبه : انت وش قاعد تخربط ؟؟ رفع بندر راسه وكمل :.. انت فاهمني وعارف وش اقصد .. تعاملك معها بذاك الشكل مارح يفيدك بشي.. البنت عايشة برا سنين عمرها مارح تطلع مثل اختك مشاعل ولا اختك شادن .. وتربية عمي لها غير تربية ابوي لخواتك... وبعدين البنت اخلاقها عالية حتى لو كان تحررها وتفتحها ما يرضيك ..!! سكت بندر وهو يلمس راس مشاعل .. والتفت له محمد :.. هي شكت لك ؟؟؟ بندر شال ثعبانه وقام واقف وهو يكمل : من غير ما تشكي .. محمد ببرود : لا يروح فكرك بعيد.. ما تعني لي هي ذاك الشي اللي انت متصوره .. ابتسم بندر عليه وهز راسه من عناد أخوه .. وتمتم : ودي أصدقك..!! فتح محمد فمه بيتكلم ويرد ... بس طلـعت بهاللحظة مشاعل وهي تلهث وبيدها ملف أوراق ، واضح انها كانت تركض :.. هذا الملف؟؟؟ تعبت وانا ادور أي ملف تقصده ومالقيت واحد لونه اصفر الا هو... صد لها محمـد وقرب منها : الا هذا... مشكورة مشاعل : جيت أركض أخاف تعطيني تهزيئة... محمد : لا يكون عفستي باقي الأوراق بس..؟ مشاعل : لا لا لا تخاف رجعتهم كلهم مثل ما كانوا .. اخذ الملف منها ورجع طلع من غير لا يقول شي لبندر.. ومن تسكر الباب وراه التفتت مشاعل لبندر شافته يتبسم ويبوس راس حبيبته :.. مارح تدخل ؟؟.. والا بتعشش برا عشان مشيعل القبيحة هذي... ابتسم بوجهها :.. روحي جيبي قفصها.. شوفيه عند الملحق.. مشاعل : وع ما بقى الا هي .. أخدم هالكريهه هذي... بندر : ما طلعتي عالحلوة بنت عمك.... وينها سحر ؟؟ مشاعل : مادري دخلت قبل شوي ناديتها ما ردت.. هز بندر راسه ونزل ثعبانه من جديد عالأرض .. تقززت مشاعل وتراجعت ورا الباب وماطلع غير راسها .. بندر : .. اذا على محمد قولي لها محمد راح ..! مشاعل : وش رايك تدخل وخلها القبيحة برا مارح تمووت... ابتسم على خوفها وفعلا ترك مشاعل حبيبته متلوية على نفسها لحالها والظاهر انها نايمة .. ودخل قدام مشاعل ، ومن دخل ضربت مشاعل بالباب وقفلته بالمفتاااح .. وحطت المفتاح بجيبها .. بندر صد لها مستغرب : وش قاعدة تسوين يا مال الازعاج ؟؟ مشاعل : عشان اضمن ما تطلع من وراي وتدخلها !!.. هز راسه ومشى عنها وهو يضحك :.. هبلـــة !! مشاعل عصبت عليه .. مايكفي مجنني بحيواناته بعد بيسبني :.. وش قلللــت ؟؟؟؟ من عصبيتها التفت عليها ، الا هي ناطه عليه ولوت ذراعه على رقبته بتبدا ضربات الكراتيه اللي هي تعلمتها .. بندر استسلم في البداية بين يديها ووجهه كان للأرض : .. وش قاعدة تسوين ؟؟ صدق لا قالوا الكلب اللي يعض يد صاحبه.. ماكمل يوم قاطعته وهي محترررقه :.. انا كلب !!يا بندوره يا.. بندر ما قاومها حتى ،، ومخليها لاويه ذراعه على رقبته ومنكسه وجهه للأرض : .. مشاعل اتركيني لأقلبك الحين تراني مستسلم بالعافية .. مشاعل وودها تكسر رقبته بين يدينها :.. ترا لو ما شفت حل لمشيعل القبيحة ان تنام اليوم بالمستشفى ورقبتك مكسورة .. هالحركات مو على بندر وهو اللي اخذ الحزام الأسود في الثانوية.. وهو اللي علم مشاعل عليها بعد .. بندر : الظاهر نسيتي وش معنى الحزام الأسود اللي عندي فوق !!.. وخري بالعافية قبل لا تسفحين للمريخ .. مشاعل ما خافت ولا حرك فيها شعره .. زادت من قبضتها عليه ، لكن بلمحة بصر شافت بندر يختفي من يديها بحركة سريعة ويمسك يدها ويلويها ورا ظهرها .. مشاعل : آي يا دفشششششش وخررررر... بندر : أكسرها لك ؟؟ تصدقين فيني رغبة أقسم هالعظمة نصين .. مشااعل خاافت :.. يا شرررررررير.. بندر :.. شرير وانتي كنت تبين تكسرين رقبتي .. مشاعل : سححححححححرر.. شافت بندر يلف يده على خصرها ويرفعها وكأنه بيطيحها عالأرض .. وما تسمع غير صراخ مشاعل تترجاه.. سحر من بعيد كانت تناظر وتضحك ضحك مو طبيعي... كأنهم أطفاااااال صدق بمضاربهم هذا... ولا مشاعل هالخبلة حاطة راسها براس بندر..ومصدقة نفسها انها بتقدر عليه.. رماها عالكنبة ومشى معطيها ظهره :.. هببببببببببببله .. عقب ما طلع بندر فوق .. سحر راحت لمشاعل وهي تضحك :.. حشاااا مصـارعة حرة انتي وياه مب كراتيه ... الله لا يبارك فيه ما دامه خلاكم تتضاربون كذا.. مشاعل وهي تتنفس مقهورة : وانا على بالي انه مو مثل اول .. على بالي صرت اقوى منه سحر : هههههههه اقوى منه بأي منطق ... انتي البنت وهو الرجال لا تنسين هالقاعدة.. مشاعل بحنق : يا سلااام !! وليش البنت هي اللي لازم تكون ضعيفة والرجال هو الأقوى.. سحر : خلقة ربك بعد وش بتقولين .. مشاعل : خلقة ربي ايه .. لكن الوحدة بعد تحاول تكون اقوى .. هذا انا قوية ولو كان واحد غير بندر كنت بقدر عليه وبطيحه بدمه في الأرض... بـس هذا بندر الأول عالمدرسة!!! سحر : كويس ما نسيتي انه الأول عالمدرسة.. عشان تتذكرين وما تتهورين مرة ثانية ..كويس بعد ما كسر رقبتك .. مشاعل ابتسمت : ماااا يهون عليه يكسر رقبتي .. (مسكت ذراعها اللي انلوت).. هالدفششش ذا ما يعارف للرقة ما يعرف يتعامل مع الجنس اللطيف ..الله يعين زوجته عليه.. سحر : ههههههههههههه جزاك ما جاااك.. مشاعل " تقلدها تتهزا" : "جزاك ما جاك" !!.. ترا بطلع حرتي الحين فيك .. بطيحين من أول ضربة عارفتك يا ام الرقة خخخخ.. سحر : تتريقيـن .. !!.. مشاعل : ههههههههههه ايه أتتريق على الاقل انا قوية مو مثلك ضعيفة .. صدة وحدة من محمد الا دموعك نازلة.. انقهرت سحر : ماااالك شغل فيني .. أبكي ما أبكي انا حرة.. ونطت عليها تبي ضرااابه .. وحالتهم كاانت حااالــة ..،، | ||||
|
|
|
06-09-12, 03:28 AM
| #19 | ||||
| نجم روايتي
| ............................. بعــد يوميــن،، مثـل عادتـه تركي ،، لما يحـس بالضيق يلاقي نفسه يتجه بسيارته لذاك الحـي القديم .. يوم وصل اللفة اللي تدخل عالحي وقف سيارته المستأجرة البسيطة عندها من غير لا يدخل فيها .. ودخل يمشي برجوله عالأرصفة البسيطة وهو يتلفت يتأمل حوله .. المحلات الصغيرة البسيطة ،، والأولاد اللي تلعب هنا وهناك بأبسط الاشياء اللي تتوفر لهم .. لدرجة توصل انهم يلعبون بعلب البيبسي والمشروبات الفارغة .. تمر عليه ناس في وجهها الطيبة رغم فقرها ،، لكن في نفس الوقت تمر فيه وجوه تسد النفس وكأن فقرها عقاب من ربها .. عـالم غريب يا تركي .. مستوعب انك كنت بتصير مثلهم يوم انهار ابوك قبل 12 سنة !!.. وقتها ما كنت تدري وش فيه ولا تدري عن السبب اللي خلاه بذاك الشكل وذاك التعب .. كنت تظن انها وعكة صحية مثل أي رجال عنده السكر وممكن تلم فيه أي طيحة .. جااااك الجواب متأخر يا تركي ..!!.. متأخر عقب وشو ؟ عقب ما عاش ابوك انواع الحزن والدموع لسنيييين.. وانت وقتها مالك حيلة ما تدري وش فيه ،، انقطعت أفكاره وهو يدخل باب بقالة ابو سالم .. من شافه ابو سالم ابتسم ابتسامة تشرح الصدر : هلا ولدي ... تركي : شخبارك عمي ؟؟؟ ابو سالم : بخير ..انت عساك بخير ؟؟ هز له تركي راسه ايجاب وهو يتلفت بالبقالة دلالة انه بخير... ابو سالم : تبي شي ؟ تركي :.. مو شي معين ..كنت قريب من هنا ومدري وش اللي خلاني أجي أمرك.. مادامني جيت باخذ لي شي.. وتحرك رايح للثلاجة من بين الرفوف الضيقة والغيير مرتبة بالشكل المطلوب بسبب ضيق المسـاحة .. فتح الثلاجة العتيقة وتأمل محتوياتها سمع ابو سالم يقول من وراه : يا ولدي فيه واحد اليوم سأل عنك .. جمدت يد تركي الممدودة لداخل الثلاجة ،، وبسرعة التفت وهو مو مستوعب : احد سأل عني ؟؟؟؟ ابو سالم وهو يرتب بيده المرتعشة بعض البضايع البسيطة على طاولته : ايه يابوك جا هنا الصبح وسأل عنك.. تركي مستغرب : جا لك هنـا البقالة ؟؟؟ ابو سالم : ايه دخل علي وسلّم وقال وين تركي ... احتـار تركي منهو هالشخص اللي جا يسأل عنه ، وعارف انه يجي لهالمكان : وما قالك منهو ؟؟ ابو سالم :... يقول ان اسمـه "ثامر".. ابتسم تركي وهو يزفر دلالة على ارتياحه .. صد للثلاجة وسحب له اللي طاحت يده عليه ورجع لابو سالم :.. ما قالك وش يبي ؟؟؟ ابو سالم : لا وانا ابوك ما قال.. كل اللي قاله اذا شفتك اقولك ان واحد اسمه ثامر سأل عنك .. هز تركي راسه ودفع على اللي خذاه خمسين ريال مع ان اللي خذاه ما يساوي ريال !!... بس ما معه فكة ، مثل ما قلت واحد مثله ما يشيل الا الفئات الكبيرة من الفلوس وقليل دخوله لمثل هالبقالات البسيطة،،، وبينما هو ينتظر ابو سالم يرجع له الباقي.. ولأنه كان معطي مدخل البقالة ظهره .. سمع ابو سالم يهتف فجأة : ايه هذا هو وانا ابوووك ... صد تركي لورا مستغرب شاف ثامر اللي قال عليه واقف عند المدخل ويطالعه وشكله منقهر :.. وينك يا رجال ؟؟؟ وينك مختفي...؟ صد تركي لأبو سالم واخذ منه الباقي : هلا ثامر ..! وجا بيطلع لكن ثامر سد عليه الطريق وما تزحزح من المدخل .. تركي : جاي تدورني وش عندك ؟؟؟ ثامر : من الصبح وانا احوس عليك .. اتصل فيك ومغلق جهازك وش السالفة.. وش سالفتك ؟؟ مارد تركي على سؤاله .. وكل اللي قاله : ثامر ابعد عن طريقي .. هذاني قدامك ومافيني الا العافية.. ثامر : عطني جواب واضح وينك مختفي من الصبح.. وليش ما ترد.. تنهد تركي وهو ينتظر ثامر الواقف قدامه بقوة عشان يبعد.. ومن غير نفس : قلتها بنفسك جوالي مقفل.. وانا مقفله من يومين وماعندي نية افتحه .. زين؟؟؟؟؟؟؟؟ ودفـه عند طريقه وطلع .. وقف ثامر مكانه لحظة مو مستوعب شفيه هالآدمي وراه متغير كذا... لحقه هروولة .. ثامر : تركـي..!! لكن تركي ما رد عليه مو مستعد لأسئلته وتحقيقاته .. وصل لسيارته " الخرابة " ، وثامر من شافها وقف مصدوم ،، لكنه انفجر بالضحك من غير ارادته .. من سمع تركي ضحكته جمد مكانه وهو يكتم غيضه .. ثامر والضحكة بصوته :.. وين سيارتك الكشخة يابو الكشيخ ؟؟ وش صاير بالدنيا من وين جبت هالخرابة ؟؟.. انت تركي ولد عمي ولا أنا مضيع ومشبه عليك !!!!؟؟ لا اكيد أنا مشبه مو معقول انت تركي ... التفت له تركي نص التفاته من فوق كتفه ،..ومن طرف خشمه قال : تنكيتك البايخ وخفة دمك هذي خلها لك ... ولا عاد اشوفك تدورني فاهم يا ثامر خلني في حالي،، فتح باب سيارته وركب من غير لا يعير نداءات ثامر أي اهتمام .. حرك السيارة وشخط بها بعييييد عن المكان .. والثاني تسمر مكااانه وعيونه تتابع غبار السيارة اللي اختفت ..!! تمتم يكلم نفسه : .. هذا تركي ولا شبحـه !!! ماني تاركك قبل لا اعرف سالفتك.. ركب سيارته الأنيقة هو بعد وعلى طول ومن غير تضييع وقت لحـق طيف سيارة تركـي..،،، +++++++++++++++ طلعـت سحر من غرفة بيان بعد ما تركتها نااايمة هناك بسلاام .. ونزلت تحت وابتسمت يوم شافت ابوها جاالس وامها بعد ..، شافت الساعة وهي تعلق : غريبة ابو خالد جاي بدري ؟؟.. الساعة 8 ونص وش المناسبة.. كان لابس نظارة القراءة وبيده كتاب وفنجال القهوة بيده الثانية .. رد عليها من غير لا يناظرها :.. الشغل اليوم ماكان ذاك الزود.. وبعدين ولد عمك محمد طلب مني أطلع وهو بيهتم بكل شي .. ما شاء الله تعرفينه اتطمن اذا حطيت الشغل بين يديه .. جتها رغبة جامحة تسأل عنه : فاذر دايم استغرب.. محمد صغير هو حتى ما وصل 26 سنة كيف تخليه يشيل كل هالمسؤولية ما تخاف.. ابتسم ومو أول مرة ينسأل هالسؤال .. كثير ناس بشغله يجونه ويسألونه هالسؤال بعد ما ينتبهون ان نائب المدير هو شاب صغير بالسن ،، نزل نظارة القراءة على طرف خشمه وطالع في بنته :.. ولد عمك ما شاءالله عيني عليه باردة يبرد القلب بشغله .. طول ماهو جنبي انا متطمن .. وصغر سنه ماهو عائق مادام عنده شخصية القيادة والحزم بالشغل.. صرت اشوفه بعدين بيصير أحسن مني وانا ابوك.. سحر بغروور : ايه اكيد.. اذا طلع شي فعشانه طلع على يدك ولا هو وشلون تعلم ووصل للي وصله الا منك.. ابو خالد : لا بالعكس من استلم محمد شغله وهو عارف وشلون يمشيه.. انا بس في البداية كنت اتابعه من بعيد لبعيد لين هو بنفسه قدر يثبت نفسه الله يرضى عليه ويحفظه .. همست لنفسها وهي تمسك الكنترول " آمين ".. بس لو يفتح لي قلبه بيصير كل العالم بعيووني .. ابتسمت وهي تتمدد عالكنبة " مهما سويت بظل احبك وبتظل بعيوني غير "... حطت على فلم وجلست تتابعه وهي متمددة.. ومن وراها ابوها وامها يسولفون مع بعض،، مثل العادة نص السوالف عن المقابلات الاجتماعية والاجتماعات بحكم وضعهم الاجتماعي السابق والحالي .. وعن الشغل بالشركة وامورها .. سحر ما تهتم لهالكلاام وخصوصا الاجتماعات والمقابلات اللي احيانا تنجبر تحضرها ،،وهي مندمجة في قمة أحداث الفلم وإثارته ، كان ابوها يسولف من وراها لأمها،، ابو خالد :..ما شاء الله عليه من اول ايامه له بالشغل وهو متحمس وجاد .. عجبني هالولد .. ام خالد : قلت لي انه ظروفه صعبة ولا هو وش جابه عندك .. ابو خالد : جابته ظروفه على حسب كلامه ..قال لي انه محتاج الوظيفة مهما كانت .. وانا ما هان علي أرده عطيته اللي يناسب وضعه ولو ان الراتب مهو ذاك الزود.. وان شاءلله ينفعنا بدل لا يضر.. ام خالد ابتسمت : من كلامك عنه باين انه يبي ينفع نفسه.. والله يعطيك على قد نيتك سديت حاجته يابو خالد ماهي غريبة عليك ابو خالد : لو واحد غيره وبحالته كان اعتذرت له .. بس هذا بالذات من طاحت عيني عليه ماقدرت غير أوافق.. وجديته من أول يوم عجبتني حتى اني قلت له انت مارح تخليني أندم... ام خالد : انت ابخص بهالأمور وموظفينك ...الا ما قلت وش عطيته..؟؟ ابو خالد : ما لقيت له غير مراسل ،، ما توقعته يرضى فيها بس اعجبته ورضى فيها بشكل ما تصورته .. ام خالد : الله يعينه مادامه يبي ينفع نفسه..تبي عصير اقوولهم يجبونه لك ؟؟؟ قطعت عليهم سحر بشهقتها .. التفت لها ابوها شافها حاطه يدها على فمها وعيونها متجمدة عالتلفزيون .. انتبه للمشهد وضحك :.. وش تبين بهالمشاهد الدموية ؟؟؟ سحر :.. تمثيييييييله يجنن يعوور القلب.. ابوها : سكريه لا تشوفين الكوابيس بالليل.. سحر : يبه عندي امنية !!... مد يده من جديد للكتاب جنبه وفتحه يكمل قراءه وهو يقول : .. وش هالأمنية ؟؟ سحر بكل حالمية :.. أبي أروح لهوليووود !!.. أبي أصير نجممة .. عقد حواجبه بشكل مضحك ورفع راسه لها :.. أول تقولين ابي ارقص باليه .. الحين تبين تصيرين في هوليوود.. سحر : .. ايه أبي امشي عالبساااط الأاحمر وانا البس من هالفساتين الروعة.. أبي اقاااابل جوورج .. انقلب وجهه بشـكل كوميدي : جورج ؟؟لا تقولين ولـد كلوني ..!؟ ضحككت من قلبها وهي تلتفت له :.. هههههه برااافوو عليك ايه هو وش رايك فيه مو حلووو ؟؟ وهو ينزل راسه للكتاب وبكل بساطة : أنا احلى منه وانا ابوووك... سحر : هههههههههههههههه في المشمش !!.. رفع راسه لها مسوي معصب :.. وش معنى كلامك .. سحر وهي ترجع للتفزيون رمت كلمتها بكل صراحة :.. يعنـي في المشمش هو أحلى .. ابوها : ههههههههههههه صريحة .. سحر : شرايك مو اقتراح حلو نروح الصيف الجاي لهوليوود .. ابوها : وش نبي فيهم ؟؟؟؟.. سحر : انا ابيهممم.. يمكن تلاقي لك وحدة من هالحسناوات الشقراوات .. اممممم شرايك في...... في...... وقبل لا تكمـل قاطعتها أمها "الشابة" :.. أفكارك خربانة وبتخربين ابوك بعد ؟؟؟؟ سحر : هههههههههههههه ماذر ليش الغيرة انتي بعد حلوة البسي فستان وامشي عالبساط الأحمر ترا شي حلوو.. ابوها وبدا يجاريها في أفكارهـا :.. ههههههه وانا البس البدلة ونمشي مع بعض .. سحر ماتت ضحك وهي تتخيل امها وابوها يمشون عالبساط الأحمر وذراع كل واحد بذراع الثاني ... وهي وراهم لابسه فستان أحمر حرير فاتن ويجي ولـد كلووني على قولة ابوها وتشبك ذراعها في ذرااعه ..!!! ماااتت وهي تتخيل : ياااااربي بمووووت.. صدوا لها امها وابوها شافوها تضحك مع نفسها .. ابوها : قلنا كذبة وصدقتها .. سحر : ههههههههههههه والله لو يصير هاللي في بالي بطييييير.. ابوها وهو يهز راسه عليها وعلى احلااامها الكبيرة والبعيييدة المدى : الله يستـر عليك هذا اللي اقوله بس.. رجعت تتابع الفلم وهي مبتسمة من هالخيالات اللي براسها .. مر الوقت وصارت لحالها بالصالة ،، داهمها تعب فجأة من غير لا تدري ومسرررع ما خذاها النوم وهي متمددة مثل طفلـة عالكنبة .. ما وعـت الا على يد تلمس كتفها بحنية .. فتحت رموشها وطاحت عيونها على وجهه .. شافته يراقب ملامح وجهها بقلق ويرفع يـده لجبينها .. خالد : مريضة ؟؟.. سحر بنعاااس .. وياااحلاته اذا شافته يهتم فيها .. كذبـت :.. ايه عظامي تعورني ما اقدر اتحرك... خالد وهو يفحص حرارتها بيده الخبيرة :.. اممممم .. حرارتك طبيعية .. وش ماكله اليوم ؟؟ سحر : مو ماكله حاجه غريبة .. ولا شي... خالد : قوومي اشوف شكلك مرهقة.. ما تنامين بالليل انتي..؟؟ سحر بلحظة قررت تكمل التمثيلية يمكن تسترعي اهتمامه اللي قلّ.. وبدلال وهي مغمضة عيونها :.. الا انام بس اليووم مدري شفيني .. خااالد خلني ابي انااام يديني ورجليني ما اقدر احركهم احس اني بمووووت عقد خالد حواجبه وخاف لا تكون فيها حمى داخلية .. حط يده من جديد على جبينها لاحظ انها باردة ومو متعرقة .. انتبـه انها مغمضة عيونها وتبتسـم .. توقع انها تحلم ولا تشوف شي ، ما درى انها تبتسم عليه ..! هزها من جديد بهدووء : .. سحر... ماردت عليه وهي تنقلب عالجهة الثانية وتعطيه ظهرها .. ناداها وهو يلفها من كتفها :.. سحر .. افتحي عيونك اشوف .. تحركت وفتحت عيونها بصعوبة "مزيفـة" تدعيها .. وقالت كنها بدت تهلوس :.. امي ؟؟ عقد حواجبـه : امي ؟؟...قومي اشوووف قومي جالسه خليني اعرف وش فيك .. سحر :.. مافيني شي خالد بس ابي انوووم.. خالد : تحسين في برد ؟؟؟ سحر بعفوية : ..لا... بس تعب.. خالد : قومي الحين نامي وخذي فيتامينات شكلك مرهقة .. واذا حسيتي لين بكرة انك تعبانة تعالي قولي لي... سحر وصلت لحد الطفووولة بالدلال :.. خالد اقولك ما قدر اتحرك .. خالد فهم تلميحها : ما تبين تطلعين فوق يعني..؟ سفهته ما تبي تبين انها بوعيها ويكشف لعبتها .. ورجعت لدوختها المزعوووومة وغمضت عيونها .. ولأنها تظل طفلة بعينه مهما كبرت ومهما سوت ..ويااا كثر ما أتعبته ومهما حاول يتجاهل يلاقي نفسه جنبها اذا احتاجت... ما حست نفسها الا بين يدينه طالع فيها فوق .. وما قدرت غير تضحك لأن اللعبة مشت عليه.. سمع ضحكتها الخافتة وعلّق وهو ماشي من غير لا ينزل عينه لها :.. ولو اني شاك فيك بس بصدقك .. وبكرة بشووف حالتك اذا انتي تعبانة وفيك شي .. ماردت عليه لأنها اذا ردت عليه بتفضح نفسها صدق.. حطها بسريرها ، وكملت وهي تمسك راسها :.. خالد راسي يعورني ..!! رجع يشك فيها هذي تلعب ولا صدق تعبانة!! .. خاف لا تكون صدق تعباانة وحط يده على جبينها للمرة الأخيرة : انتي متأكدة انك تحسين بتعب؟؟؟ سحر وهي تتنههههد وبكلمات ثقيلة أتـقنتـها :.. اقولك ماحس بنفسي ..راسي ثقيل ..واطرافي متعبتني .. ( ودخلت في همهمه وهلوسة مصطنعة ) شاف ساعة معصمه لاحظ ان الوقت متأخر :.. نامي الحين وبكرة اذا استمر التعب قولي لي... ولا اقولك انا بمرك الصبح واشوف اذا تحسنتي... ومن غير لا يسمع لها رد .. قام من السرير طلع ، وسكر الباب بهدوء وراه عقب ما طفى أنوار غرفتها المتلألئـة... من تسكر الباب وسبحت الغرفة في ظلااام الا من ضوء القمر المتسلل من البلكوون ،، مسكت سحر المخدة بقبضتها وهي تكركـر ضحك ... ودفنت وجهها بالوسادة لا يطلع لضحكها صوووت.. عقب ما هدت رجعت تتمدد على ظهرها وهي تناظر بالسقف... وش سويتي سحر معقولة انطلت عليه اللعبة ... بس والله شكله صدق اني تعبانة،، بتكملين تمثيلية التعب ما دامك لاحظتي انه رجع خالد الأولي ؟؟!... هههههههه شكله والله صدّق والدليل انه بيمرني الصباااح... اجل ما دام كذا لا تداومين بكرة .. هي كلها الا مرات قليلة مع خالد هذا...،، اقتنعـت بالفكرة وغمضت عيونها مستانسة ان اللعبة مشت على خالد اللي دايم يمشّي ألاعيبه وتعليقاته عليها..،، وما كانت تدري ان تمثيليتها هذي سرقت النوووم من عيونه بهالليلة... | ||||
|
|
|
06-09-12, 03:29 AM
| #20 | ||||
| نجم روايتي
| ..×..×..×..×.. صحـت الصبح وفتحت عيونها وهي تتثاوب .. ناظرت الساعة بكسل شافتها تعدت وقت المحااضرة .. تذكرت قرارها أمس انها تغيب عن الجامعة بدعوى انها تعبانة .. تذكرت وعلى طول التفتت للباب شافته مسكر .. معقولة خالد جا يشوفها وما حست فيه ؟؟.. شكله ما جا مثل ما قال .. ويمكن كشف لعبتها .. !!. نزلت من السرير الواااسع اللي يشيل ثلاثة بدل واحد... وطالعت نفسها بالمراية ، ومن جنون فيها بدت تصنع تعابير مضحكة في وجهها .. تعبير دايخ .. تعبير سكران .. تعبير أهبل .. تعبير تعبااان مثل ما سوت مع خالد أمس ،، بالأخير ضحكـت على نفسها وهي تمسك مشط شعرها وتمشطه... تركت المشط من يدها فجأة.. ومشت للباب وشعرها حول وجهها ببراءة مالها مثيل ،، فتحته بحذر وطلت على غرفته .. شافتها مفتوحة ومظلمة .. غريبة اذا كان جا يشوفني اكيد بيصحيني ؟؟ معقوووولة كشفني وقرر يطنششش.. يسوووييييها خووويلد هذا اذا عرف بيعطيني اكبر طـاااااف... سكرت الباب وعقب ما غسلت ، رجعت تطلع من الغرفة.. وهي تنزل الدرج شافت امها لابسه بأناقتها المعتادة وواضح انها بتطلع .. كانت بتقول صباح الخير بس امها فاجأتها لما انتبهت لها : سلامات سحر شفيك ؟؟؟.. بلمت سحر وهي توقف بالدرج : ..هااا...!! واستوعبت مباشرة ان خالد اكيد قال لأمه .. وبسرعة تداركت نفسها ومسكت راسها : .. اييه ولا شي يمه بس احس بتعب..آخ راسي .. امها : شفيك وش صاير لك برد ؟؟ سحر : مدري يمه ماعرف وش فيني .. امها : خوفتيني عليك يوم شفت خالد طالع من غرفتك الصبح ،، ويقول انك تحسين بتعب من امس.. سكتت وهي تناظر امها ،، يعني خالد صدق جا يشوفها ... يااا عمرري يا خوووي أتااريك خايف علي صدق .. امها : شخبارك الحين ؟؟ سحر ابتسمت : لا الحين احسن .. احسن بكثييير.. امها : انا بطلع لمشوار تبين تجين معي ؟؟ سحر : لا روحي بسلامتك يمه انا بجلس ارتاح.. امها : بسلامتك أجل... طلعت امها أما هي صفقت بيديها تضحك على هالخطة اللي انرسمت صدفة من غير تخطيط مسبق ونفذتها باللحظة التالية... يوم بدت تمثل على خالد أمس كانت تتوقع انه باللحظة اللي بعدها بيسحبها من شعرها وهو كاشفها وكاشف نواياها ... بس ما درت انها بتوصل لـ هنا... رجع زمانك وزمااان عزك يا سحررر ،،، بعد دقاايق دق تلفون البيـت وراحت ركض وردت بمرررح :... الووووو... وصلها صوته بشـك : سحر..؟؟؟ فتحت عيونها وخفضت صوتها :.. خالد... خالد : ايه خالد..!.. من كنتي تتوقعين ؟؟ سحر وهي تتنهد وكنها تتوجع :.. ابد كنت احسبك وحدة من البنات.. خالد ما علق وسأل مباشرة :.. كيفك الحين ؟ سحر :.. احسن.. خالد : يعني ما يحتاج دكتوور ؟؟ ابتسمـت : وش له الدكتوور ؟.. انت وش تصير ؟ خالد :.. اقصد مستشفى وفحوصات يا ذكية.. سحر خاافت هذا شفيه مكبرها :.. لا لا ابد ما توصل مستشفى... انا الحين احسن.. سمعته يتنهد وكنه تعبااان .. سألته : شفيك مشغوول ؟؟ خالد : يعني .. ومواعيد ومرضى اليوم أكثر من العادة.. الله يعين سحر ابتسمت :.. خالد... مارد عليها وكأنه انشغل بشي قدامه ..كان بالواقع يقرا تقرير حالة أحد المرضى اللي له معاه موعد اليووم.. نادته من جديد : خاااااالد....! خالد وهو مشغول : .. همممممم ؟؟ سحر ما تدري ليش حست بتأنيب الضمير :.. أنا آسفة.... خالد وهو يكتب :.. على ..؟؟؟ على ؟؟ماعرفت وش تقوول ،، ومن صوته المتغير زااااد تأنيب الضمير عندها :.. آسفة اذا كنت خوفتك علي... تعرف طبعي انت وتعرف اني أكبر الأمور حتى لو كانت صغيرة .. آسفة اذا كنت ازعجتك .. سألها وهي ما تدري شلون تعابير وجهه هاللحظة :.. وش تقصدين ؟؟ صررفت الموضووع : عالعموم لا تفكر فيني ولا تقلق حالك .. انا كويسة الحين وخلك بشغلك ومرضاك.. خالد بنبرة غريبة ما فهمت لها : ادري انك بخير باين من صوتك.. امي عندك ؟؟ سحر : لا امي طلعت .. خالد : يعني لحالك الحين ..؟ سحر : ايه اكيد مع بيان.. خالد : خلاص اجل... اذا حسيتي بتعب ثاني أو هيأ لك دلعك اللي ما ينتهي هذا انك تعبانة دقي علي... استغربت نبرته وكلامه الأخير... معقووولة يكون فهمها ؟؟؟؟ ردت باقتضاب وهي تبتسم :.. لا تخاف... سكر الخط بعد هالكلمة قبل لا تسكره هي ،،.ياااااا ويلك يا سحووور كلامه الأخير ما يبشر بخيير !!!معقولة كشف اللعبة وجاراني فيها ؟؟؟؟؟ لالالالاخالد ما عنده وقت يجاريني هو اذا كشفني بيقولها في وجهي..،، خذت السالفة مقلب من البداية ومسكت ريموت الكنترول وهي متمددة بنفس الكنبة اللي نامت فيها البارحة ، رن التلفوون الموجود عالطاولة قريب من راسها من جديد .. ابتسمت وهي في بالها انه خااالد ،، وبفوضوية ولأنها كانت ببجامة النوم قامت جالسه والشعر معفووس وحالتها حالة أبعدت خصل الشعراللي عند فمهاوخشمها وردت : الووو... ....: السلام عليكم.. صباح الخير.. عقدت سحر حواجبها .. نبرة ؟مو غريبة !!:وعليكم السلام صباح النوور.. ....: بيت ابو خالد ..؟ سحر : ايه نعم بيت ابو خالد.. ....: ابو خالد موجود ؟؟ سحر : لا مو موجود طلع للشغل من وقت سكت شوي وبعدها قال :.. غريبة !! انعفس وجهها مستغربة .. "غريبة !؟"..: وش الغريب بالموضوع ؟؟ ....: هو قالي اذا ما لقيتني بالشركة بتلاقيني بالبيت... ( وهو يبي ينهي المكالمة بسرعة ).. طيب خلاص .. اذا ما غلطت فهو نفسه اللي دق ذااك الصبـح .. سألته بسرعة : ..مين اقوله ؟؟ ولعاشر مرة يتجاهل سؤالها :.. مشكوورة .. وقبل لا يسكر .. نادتـه : ..تعاااااال انـت ..!!! استغرب من نبرتها وطريقتها : ..إنت..؟!! سحر وفيها حرة من ذاك اليوم :.. هذي عاشر مرة اسألك من انت وما ترد !!.. لا يكون مضيع اسمك وانت ما تدري..!! ... ( تمالك أعصابه) :.. واذا كنت مضيعه عندك أي مشكلة ؟!! سحر .. ياا وقاحته : ..انت شلون تتكلم معي بهالطريقة ؟؟ انت ما تدري مين انا !! ...( حست بصوته السخرية وهو يقول ).. :لاوالله ما ادري يا برينسس ديانا ... انا مشغول الحين ومابي اضيع وقتي في نقرة أطفال !! رفعت حواجبها وبوجهها الدهشة والحيرة : أطفال!!!!! ( مو مستوعبة) .. انت تشتغل مع ابو خالد ؟؟؟ سفهها مارد على سؤالها :.... مع السلامة .. قفل الخط بوجهها والنار شبت في راسها ... نبرته كانت غيـر ودودة أبد أبد أبد .. حطت السماعة مكانها وهي تحاول تتأكد اذا كان هو نفسه اللي اتصل ذاك الصبح... نفس النبرة اذا ما خانتها ذاكرتها .. المشكلة وشلون بتسأل ابوها عنه اذا هو ما عطاها اسمه ..!! حساافة هالصوت الحلو يكون بوقاحة مثله !!.. بالشركـة .. قفل تركي جواله بعد ما انتهى من المكالمة وهو يتمتم بعصبية :.. ناقصتني انتي بعد...ما يكفيني أبوووك !! كان واقف بمكتب الاستاذ محمد ومحمد بهالوقت ماكان موجود .. تأفف بضيق وهو يدخل جواله بجيب جينزه العادي ويطالـع بهالورقتين اللي في يده... هذي آخرتهـااا يا تركي وكل هالدراسة والماجستير وبدايتك لـ تحضيرات الدكتوراه ،، وبالنهاية ماسك هالأوراق الغبية وتنجر مراسل من مكان لمكـان ..!! دخل محمد بهاللحظة وشاف وجه تركي المنعفس واضح انه منزعج !! قرب لمكتبه وبكل حضور جلس بكرسيه العريض ورا المكتب .. ابتسم له تركي يغير فيها ملامحه المنزعجة... محمد : عسى ما شر وليـد !!.. الشغل مو ماشي معك ؟؟ تركي : لا الشغل ماشي لا تشيل هم.. محمد : جاي عندي بالمكتب وش عندك ؟؟ تبيني بشي ؟ رفع تركي عيونه لفوق لحظة يجمع همته .. وابتسم وهو يدّعي دور الغبي مع انه فاااهم كـل شي :.. لا يا استاذ بس المدير ابو خالد ما حضر للحين وانا ابي استفسر منه بخصوص هالورقتين .. فـ جيت عندك عقد محمد حواجبه ومد يده : عطني اياهم اشوف .. عطاه تركي الورقتين ودخل يديه بجيوبه ينتظر محمد يقرر قرار بسالفتهم .. محمد بعد نظرة سريعة وخبيرة : وين المشكلة ؟؟.. انت ما عرفت اصول الشغل للحين ؟؟؟ تركي ضحك في خاطره على عمره... آخر عمرك يا تركي تطلع بمنظر الغبي !!... ابتسم من جديد : الا ابو خالد ما قصر معي بس لأن الورقتين هذي غير الأوراق اللي أسلمهم بالعادة.. وابو خالد مو موجود وما حبيت اتهور واسوي شي غلط... تعرف بعد باب رزقي ومابي أضيعه .. هز محمد راسه وهو يحس بغرابة في هالانسان اللي واقف قدامه :.. لا لاتشيل هم .. انت سو مثل ما علموك بالضبط .. مافي شي بيتغير .. ابتسم تركي وهز راسه ايجاب :.. أجل مشكور... أخذ الورقتين وطلع .. وأول ما سكر الباب تغيرت الابتسامة الودودة من لحظات لـ ابتسامة تضادها تماما بالمعنى .. وهمس يكلم محمـد لكن بينه وبين نفسه :.. صدق غبي !!..ما تعجبني نظرته المتذاكية .. الايام بينا ومثل ما طلعت لهالمنصب بنفسي بنزلك تحت ... تحـت..... إنت وعمـك !!.... ارتسمت ابتسامة جانبية ما تطمن اللي يشوفها .. فيها معاني غريبة .. مكر .. دهاء..وذكاء فوق الذكاء ..!! عدل ياقة قميصه ومشى في الممر الطوويل والموظفين اللي يمرون منه يطالعونه باستغراب ... هالموظف الجديد على انه جديد ووظيفته من اقل الوظايف منزلة الا انه ما ينشاف مع الموظفين ومبتعد عنهم ماكون أي علاقات معهم ...اذا شافوه ، فـ هم يشوفونه قريب أبو خالد ومعه ..!!! نزل للبهوو وطلع برا الشركة ..مشى لسيارته ويوم وصلها وقبل لا يفتحها سمع احد يضرب بوري سيارة .. التفت يدور مصدر الصوت .. وطلعت عيونه من مكانها دهشة يوم شاف ثامر جالس في وحدة من السيارات ويأشر له بيده وهو يضحك .. تلفت حوله بسرعة والغضب اشتعل بنفسه ... رمى الورقتين بعصبية على كبوت سيارته وراح لهالولد اللي مو راضي يحل عنه ... نزل ثامر وهو مبتسم : ماااا بغيت تطلع .. انتظرك من زمـااان.. لكن ثامر انصدم يوم قرب منه تركي وبقبضة حديدية قوية مسك ذراعه وسحبه بعيد : انـت ما تفهم ؟؟؟؟ ثامر مستغرب :.. انت خليتني افهم يا تركي الله يهديك ؟؟.. انا جايك ابيك تفهمني .. تركي بغضـب : وهو انا ناديتك عشان افهمك ؟؟ وش جابك انا ما دقيت عليك ولا اتصلت ليش ملاحقنـي .. ثامر : ملاحقك ياخوي قلقان عليك.. وعمي اللي هو ابوك طلب مني اشوف وش سالفتك.. تركي بعصبية : ابوي عارف كل شي عني ليش بيقولك يعني ... الحين اقلب وجهك ولا عاد اشوفك هنا .. ولا تنطق باسمي فاهم .. ثامـر مـو مستوعــب شي :.. تركي وش السالفة..؟؟؟؟ تركي وهو يشد على اسنانه وكلماته والنار بعيونه : ثامر ابعد عن هالمكان بالطيب لأطيرك بطريقتي.. هز ثامر راسه وقرر يقصر الشر لأن تركي طالعه له قرون الشيطان الحين ، وممكن يذبحه : اووكي خلاص فهمت بروح... بس عطني وقت معين ابي اشوفك.. لأني ماني تاركك قبل لا اعرف وش فيك وحياتك هاليومين اللي متغيره.. كان شكلهم يلفت النظر.. لأن ثامر ما تغيب عن العين أناقته ووقفتـه وحضوره اللي تقول انه ولد ناس وعز .. على عكس تركي اللي كان لبسه عادي وعملي .. وجود هالاثنين ووقفتهم مع بعض تثير الغرابة بحد ذاتهـا !! تنفس تركي وزفر ، وهز راسه وهو يطالع في مدخل الشركة الخالي :.. اووككي ياللزقة خلاص روح الحين .. ساعتين وبلاقيك في الكوفي حقنا .. بس اخلص شغلي واجي لك هناك.. ارتحت الحين ياللزقه .. ثامر ابتسم : .. لا ما ارتحت الا لما تقول كل شي... تركي : انت تبيني اذبحك ولا وش سالفتك ؟؟؟؟ ثامر : هههههههههه .. ياخي اضحك وين ضحكتك راحت.. تركي : مزاجي ماهو مزاجك .. وش عليك عايش بعز اهلك ومنت شايل هم.. مو احنا اللي عايشين بعز غيرنا .. ثامر ابتسم : افا يا تركي افا ... احنا أهل وعزنا واحد.. تركي : خلاص خلاص لا تطولها الحين رووح لأطيرك.. راح ثامر لسيارته وما تزحزح تركي من مكانه الا لما اختفت سيارة ولد عمه ... رجع هو لسيارته وهو يزفر نيران الغضب اللي بدت تنخمد عقب ما راح ثامر .. اخذ الورقتين المنثورتين على كبوت سيارته .. وركب بدوره وراح يشوف شغله ... | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
6Likes
العرض العادي
