05-10-12, 08:29 PM
| #21 | ||||
| نجم روايتي ومشرفة سابقةومصممه 
|  .:. التكلمه .:. بدر ( وهو يقرا الرساله ) : البدر .. اممم .. والله ما ادري شاقول ؟؟ انا متفشله من نفسي ليش اني ما عرفت شاقدم لك هديه باليوم السعيد هذا !! الف مبروك يا الغالي التخرج والله انك تستاهل .. يا البدر انا بعد ما ترددت وايد قررت بنفسي اني اسوي شي غير عن كل الهدايا .. ما ادري اذا هالشي بيسعدك .. انا مستحيه اقولك بس والله ما ادري ليش يه هالشي ابالي !! تقدر اتقول ان هذي اهي هدية تخرجك مني انا .. اتمنى انك ما اتقول عني سخيفه .. على العموم انا ... .:. وبعدها تركت الدانه 4 سطور بالرساله .:. وكتبت بعدها : انا يا البدر ابشوفك بمكان عام .. هل انت اتشوف هالهديه غاليه بالنسبه لك ؟؟ مثل ما انا شفتها انها اغلى شي بحياتي .. اني اتجرا واشوفك ؟؟ انصدم البدر وما استوعب : هااا ؟؟؟ *************** الو غدير ؟ هلا .. منو معاي ؟ انا ساندرا غدير : هلا والله ساندرا .. شلونج ؟ ان شالله بخير ؟ ساندرا ( وهي متظاهره بالحزن ) : مو امنيحا بالمره غدير ( تسال ) : ليش ؟ عسى ما شر ؟ ساندرا : الشاب اللي كينيت ابحبو خطب غيري غدير : ومنو هذا ؟؟ وشكو اتقولينلي انا ؟ ساندرا ( بخبث ) : مو لان خليفه حبيبي تركني امشانك انصدمت غدير : ساندرا انتي اشقاعده اتخربطين ؟؟ ساندرا : هيدي الحئيئه ما استوعبت غدير : اي حقيقه هذي اللي انتي تتكلمين عنها ؟ ساندرا : حئيئة ان خليفه بحبني وانا ابحبو حست غدير بالخنقه : ساندرا انتي كذابه !! ساندرا : يا عيب الشوم .. يا عيب الشوم .. انا ما بكديب يا غدير سالت غدير : وشنو اهو الدلليل ؟ استفهمت ساندرا : الدلليل ؟؟ غدير : اي .. الدلليل وبعدها سكتت ساندرا شويه وقالت : اليوم الساعه 8 بالليل تاعي لمطعم شيليز وشوفي ابعينيك الدلليل تضايقت غدير : اشتقصدين ؟؟ ساندرا : التيلك تاعي المطعم وشوفي .:. حست غدير بالضيق الشديد .. وشافت ساعتها وكانت 6 المغرب .. يعني بعد ساعتين بس بتصير 8 .. وترددت وايد اذا اتروح شليز او تتعوذ من ابليس .:. *************** .:. وبنفس الوقت اتصلت ساندرا لخليفه .. كان خليفه ابداره وتضايق لما شاف رقم ساندرا .. ورد عليها بدون نفس .:. خليفه ( يسال ) : هلا ساندرا .. اشتبين متصله ؟؟ ساندرا : شو هايدا الاسلوب يا خليفه ؟ ليش بتحاكيني هايك ؟؟ خليفه : والله انتي اللي يبتي هالاسلوب لنفسج .. اعتقد اني قلتلج ان اللي بينا انتهى عدل ؟ ليش متصله الحين ؟ اشتبين ؟؟ ساندرا : ما بظن انوا انتهى سال خليفه : اشتقصدين ؟؟ ابتسمت ساندرا بخبث : بئصد غدير انصدم خليفه : وانتي شكو بغدير ؟؟ اشتبين منها ؟؟ ساندرا : بادي اشوفك هلا بمطعم شليز خليفه ( يسال ) : الحين شكو هذا بغدير ؟ ساندرا : التلاك بادي اشوفك هلا بمطعم شليز سال خليفه مره ثانيه : وانا سالتج شكو هذا بغدير ؟؟ ساندرا : لو ما شفتني بالمطعم هلا .. انا بتصل لغدير وبحكي معها على كل ايشي كان بايني وبيناك عصب خليفه : اتخسين اتسوين جذي .. انتي اشتبين مني ؟؟ ليش تبين ادمرين حياتي ؟ ساندرا : ما بادي ايشي غير اني اشوفك هلا بمطعم شليز وازا ما اجيت انا باحكي مع غدير عن كل ايشي !! تنهد خليفه : ومتى تبيني اييه ؟ ساندرا : التلاك هلا *************** .:. ليما الحين البدر بالمرسيدس .. مو مستوعب هاللي انكتب بالرساله .. واخيرا اسيرته تبي اتقابله ؟ واخيرا بيعرف من اهي ؟؟ استانس وتشقق وبالوقت نفسه ما استوعب هالشي .:. وبعدها كمل قراية الرساله : يا البدر .. لو تبي اتشوفني تعال باجر بمطعم البستان وانا بنتظرك هناك باسم البدر .. عالساعه 2 الظهر ولو ما تبي اتشوفني ماله داعي اترد علي او تعلق بشي .. انا ما ادري شاللي خلاني اسوي هالشي واتوصل للقرار هذا .. عموما انا اعتبرتها هدية مني بمناسبة تخرجك واتمنى انك تعتبرها مثل ما انا اعتبرتها استانس البدر : واحلى هديه بعد .. ومنو هالمينون اللي بيرفض هديه مثل هذي ؟؟ منو ؟؟ *************** لميا .. ممكن اقولج شي ؟ اعفست لميا الويه : خير ان شالله اشبغيت ؟ ابتسم فواز وغمز : احبج يا لمويا صرخت لميا معصبه : انجب واذلف بره !! سال فواز : ليش عاد لمويا ؟ انا شقلت لج الحين ؟ ها ؟ مسكت لميا اعصابها : انت تتمسخر بكلامك السخيف هذا .. وهم تسالني شسويت ؟؟ فواز : اي كلام هذا ؟؟ لميا : كلامك السخيف عن الحب والخرابيط استفهم فواز : اختي واحبج .. ما اعتقد فيها شي لميا : اي اكيد ما فيها شي .. بس مو ابتفكيرك المتخلف وبعدها سال فواز :ok ممكن ابوسج بوسة اخوه ؟؟ عصبت لميا اكثر ومسكت علبة الكلينكس وفلعتها على فواز : قلتلك انجبببب واذلف بره *************** انا شلون تجرات وقلت هالحجي للبدر ؟؟ معقوله بقابله باجر بمطعم البستان ؟؟ احس اني تسرعت بالشي هذا .. شلون بتكون ردة فعله لما يشوفني جدامه ويعرف ان اسيرة البدر اهي نفسها انا ؟؟ ما تتصور شكثر انا خايفه وافكر باللحظه هذي يا البدر .. انا ادري اني تسرعت بس ما باليد حيله .. حبي لك خلاني اسوي هالشي .. يا ترى هل في امل انك اتحبني مثل ما انا احبك يا البدر ؟؟ ^^ كانت الدانه تسال نفسها وهي ما تدري شلون تجرات وقالت للبدر هالشي .. كانت اتعد اللحظات القليله اللي بتجمعها معاه .. وكانت تتسائل لو بيحظر المطعم او بيطنش .:. *************** .:. دقت الساعه 8 .. كان خليفه متضايق وهو مجابل ساندرا بشليز .:. سال بضيق : خلصيني ساندرا .. اشتبين مني ؟ ابتسمت ساندرا ببرود : مو التلاك بلا هالاسلوب هايدا عصب خليفه : وباي اسلوب تبيني اكلمج ان شالله ؟ باسلوب حبني واحبك ؟؟ وانتي تدرين عدل اني يا بنت الناس خاطب !! تنرفزت ساندرا : ايه باعريف .. وهيدا كلوا من ايماك الحئييره انفجر خليفه من العصبيه : انجبي والزمي حدودج .. انتي الحقيره .. وانتي مو قاعده تتكلمين عن حيالله وحده .. هذي امي يا ساندرا .. امي .. اتعرفين شنو يعني امي ؟؟ ساندرا ( ببرود ) : وشو يعني ؟ مسك اعصابه على كثر ما يقدر : والله العظيم لو ما كنا ابمكان عام جان دست ابطنج .. ولو ما كنتي ابنيه جان ذبحتج .:. وفجاه .:. .:. رن موبايل ساندرا .. شافت الرقم وكانت غدير .:. ابتسمت ساندرا بخبث : عاندي الاك مفاجأه بتجنن يا خليفه .. يا حياتي انتا خليفه ( بغضب ) : ما ابي مفاجأتج .. خليها لج وبعدها قام من الكرسي متنرفز : انا الغلطان اللي طاوعتج ويت اهني ساندرا ( بابتسامه جليد ) : الاك طولي بالك وشوف خلفك استغرب خليفه : اشوف خلفي ؟؟ ساندرا : ايه .. شوف خلفك .. المسكينه غدير اتعبيت وهيا تتصلي عالموبايل .. التفت خلفك وشوف كيف بتبحس عنا متل المجنونا انصدم خلفيه : شنو ؟؟ افهم من كلامج ان هذي كانت مكيده منج يا الحقيره ؟؟ وبعدها اشرت ساندرا لغدير ببرود : غدورا حبيبتي تعي لاهون .:. وفجاه .:. .:. التفتت غدير لمصدر الصوت وشافت خطيبها قاعد مع ساندرا وهي تبتسم له وهم ماسكه ايده متعمده .. انصدمت وما استوعبت .. التفت خليفه لغدير وشاف صدمتها بعيونها اللي كانت اتشوف خليفه بالم .:. ادمعت عيون غدير : يا الحقير .:. وبسرعه طلعت بره شليز .. وتو خليفه يبي يلحقها الا بساندرا تمسك ايده .:. ساندرا ( تسال بسخريه ) : شو رائياك بالسبرايس ؟؟ ابعد خليفه ايده بقوه : حسبي الله عليج يا ابليسه .. انا يت لج شليز عشان ما ادمرين حياتي .. بس ما هقيتج خبيثه بتفكيرج هذا .. واعدتي غدير اهني عشان اتشوفني معاج يا الحقيره ؟؟ انتي بتصرفج الاحمق هذا تعتقدين اني برد لج ؟؟ والله انج مسكينه .. حسبي الله على الساعه اللي شفتج وحبيتج فيها .. انتي بنظري الحين نكره وما تسوين بيزه !! *************** .:. ركبت غدير السياره ودمعتها ليمن الحين على خدها .. مو مستوعبه اللي شافته .. هذا ابين ان الكلام اللي قالته لها ساندرا عدل .. بس ليش خطبها اهي اذا اهو يحب ساندرا ؟؟ كانت راده البيت وهي تسال نفسها الف سؤال .:. .:. طلع خليفه من شليز بعد ما ترك ساندرا وهو معصب .. قعد يدور غدير بالمواقف بس اكتشف انها ركبت السياره وراحت .. طلع موبايله واتصلها .. شافت غدير رقمه وحست بالضيق وبسرعه سكرت الخط .. حاول خليفه انه يتصلها مره ثانيه بس شاف موبايلها مغلق .:. تضايق خليفه : حسبي الله عليج يا ساندرا .. انتي السبب بكل هذا .. انا لازم اكلم غدير واشرح لها كل شي .. ماكو غير اني اروح لبيت عمي بوبدرالحين واكلمها *************** .:. اول ما وصلت غدير البيت ما استحملت هاللي شافته وكانت كاتمه الصيحه بالسياره وعلى طول راحت غرفتها وقطت نفسها عالسرير وصاحت بحرقه .:. غدير ( وهي تصيح ) : لو بالفعل هالاثنين كانوا يحبون بعض ليش خليفه خطبني انا ؟ اكيد عمي بوخليفه غاصبه علي مثل ما ابوي غصب البدر عالدانه !! *************** انت شفيك ما تفهم ؟ قلتلك اي اكلم شباب بس اطلع معاهم مستحييل .. افهم .:. وفجاه .:. عصبت نور : والله يا خوفي بعد هالمكالمات المغازلجيه تطلعين معاهم !! انتي اشفيج ما اتوبين ؟؟ قلتلج لو شفتج مره ثانيه اتكلمين شباب بقول لخليفه وخالد ردت نجلا بلا مبالاة : اقول نوروه لا اتعورين راسي واطلعي بره تعجبت نور : اقولج بقول لخليفه وخالد واتقولينلي اطلعي بره ؟ نجلا ( بتذمر ) : تراج اذيتيني .. اذا تبين اتقولين لهم قولي نور : باقولهم يا نجول وانا من صجي وبتشوفين !! طلعت نجلا السانها بسخريه : ok بشوف .:. عصبت نور وطلعت بره رايحه لخالد عشان اتقوله بما ان خليفه مو موجود بالبيت .. كانت من صجها بتقوله عشان يقدر اخوها يوقفها عند حدها .:. *************** .:. توه خليفه واصل بيت عمه بوبدر .. نزل من السياره .. وبدون ما يدق الجرس دخل الحوش وطق باب الصاله .. محد كان موجود بالصاله غير سلوى .. كانت اتشوف تليفزيون وسمعت الباب .:. سالت سلوى : منو ؟ رد خليفه : هذا انا خليفه ولد بوخليفه ارتبكت سلوى وتدودهت : هلا .. هلا خليفه .. هلا .:. وبسرعه راحت ولبست شيلتها وفتحت له الباب وهي ميته من الوناسه ليش ان خليفه اهني .:. سلوى ( بابتسامه ) : حيالله من يانا ابتسم خليفه بالمثل : الله يحيج .. تسلمين وبعدها سال : وين غدير ؟؟ انا ياي ابي اشوفها تضايقت سلوى : اعتقد ابدارها ابتسم خليفه وطلب : ممكن اتنادينها ما عليج امر ؟؟ ابتسمت سلوى بالغصب : ان شالله .:. وبعدها راحت اتناديها وقلبها يتقطع على هالحال .. الشخص اللي اتحبه ملج على بنت ريل امها .. كان الواقع مرير بالنسبه لها .. وكانت اتحس بالالم والحزن الرهيب .. طقت الباب على غدير اللي كانت منسدحه عالسرير .:. سلوى ( تسال من ورا الباب ) : موجوده يا غدير ؟ صرخت غدير بعصبيه : وشتبين انتي الثانيه ؟؟ استغربت سلوى : انا الثانيه ؟؟ See u | ||||
|  |
|
05-10-12, 08:31 PM
| #22 | ||||
| نجم روايتي ومشرفة سابقةومصممه
| .:. الحلقة 21 .:. .:. التكلمه .:. سلوى ( تسال من ورا الباب ) : موجوده يا غدير ؟ صرخت غدير بعصبيه : وشتبين انتي الثانيه ؟؟ استغربت سلوى : انا الثانيه ؟؟ غدير : اي نعم .. انتي الثانيه .. ورفيجتج هاللبنانيه الحقيره الاولى .. لعبت على عقل خليفه ليمن سحرته مثل ما انتي لعبتي بعقل ابوي وسحرتيه !! انصدمت سلوى من هاللي تسمعه : غدير .. انتي شقاعده اتقولين ؟؟ اشقاعده اتخربطين ؟؟ غدير : انا مو قاعده اخربط .. انا قاعده اقول الصج .. ومن يدري شكلج كنتي تدرين عن علاقة الحب اللي تربط خليفه بساندرا .. ما اقول غير حسبي الله عليكم كلكم تضايقت سلوى من هالكلام : غدير فتحي الباب خلينا نتفاهم صرخت غدير : مو فاتحته وما ابي اتفاهم معاج سلوى ( تحاول معاها ) : بس يا غدير كل الكلام اللي قلتيه عني غلط .. عفيه فتحي الباب خلينا نتفاهم عصبت غدير : احلفي عاد ؟؟ يعني الكلام اللي قلته انا عن ساندرا عدل ؟؟ وان اكو حب من بينهم ؟ ساندرا : مو انه عدل او مو عدل .. انتي بس فتحي باب الدار وخليني افهمج !! صرخت غدير مره ثانيه : قلتلج مو فاتحته .. وما ابي افهم شي منج .. ما هو كل شي واضح مثل الشمس سالت سلوى : وشاقول لخليفه اللي قاعد ينتظرج تحت ؟؟ استغربت غدير : خليفه تحت ؟ سلوى : اي .. وطلب مني اني اناديج .:. سكتت غدير للحظه وحست بالعصبيه الزايده لما عرفت ان خليفه اهني بالبيت .. وبسرعه فتحت باب دارها وطلعت بره متجاهله سلوى اللي كانت واقفه عند الدار .. وقربت غدير من الدري وطلت تحت بعصبيه .:. وصرخت متعمده اتسمعه : اقول سلوى .. قولي حق خليفه يرجع من المكان اللي ياله .. اكيد حبيبة القلب ساندرا تنتظره الحين بحراراه .:. تعجبت سلوى من موقف غدير بالطريقه هذي .. اما بالنسبه لخليفه الصوت المسموع كان عالي وسمعه وهم تضايق منه .. وبسرعه ركب الدري رايح لدارها وهو مو مستحمل هالكلام اللي سمعه الحين لانه يشوف نفسه مظلوم من هذا كله .. ركب الدري وشاف غدير ابويها وسلوى كانت هم امجابلته .:. سالت غدير بعصبيه : اشتبي ياي اهني ؟؟ ما اتقولي اشتبي ؟؟ تنرفز خليفه : انتي ليش اتكلميني جذي ؟؟ تمسخرت غدير : وشلون ان شالله تبيني اكلمك بعد اللي شفته من شويه يا روميو ؟؟ عصب خليفه : غدير بلا هالاسلوب هذا .. وبعدين انتي وايد مكبره السالفه استغربت غدير : انا امكبره السالفه ؟؟ شايفتك مع ابنيه غيري وبمطعم شليز ومندمجين بالسوالف والشيخه ساندرا كانت تبتسم لك وتقولي امكبره السالفه ؟؟ خليفه : اي نعم امكبره السالفه .. لان قبل كل شي ولو انتي بالفعل واثقه فيني جان سالتيني شسالفه ؟؟ وليش انا قاعد معاها .. جان عرفتي الاسباب قبل ما اتسوين هذا كله .. ومو انفعلتي بالطريقه هذي وسويتيها سالفه من ولا شي !! غدير : عيل شتسمي اندماجك معاها ؟؟ ها ؟؟ شتسميه ؟؟ ومن الاساس انت شكنت اتسوي معاها هناك ؟؟ شكنت اتسوي ؟؟ تنهد خليفه بضيق : سمعي يا غدير انا بقولج اللي بقوله وبعدها بمشي عنج واللي تبين اتسوينه سويه حلو ؟؟ انا كنت احب ساندرا من 4 شهور تقريبا .. وكلمت الوالده عشان تخطبها لي بس ارفضت هالشي وعصبت وهم زعلت علي وقالت لي انسى هالفكره موليا .. ساندرا مو منا ومو من اصلنا وهم لانها لبنانيه ومسيحيه .. حاولت مع امي وقلتلها بس انا هالبنت احبها وابيها وما ابي غيرها .. بس هم ماكو فايده ورفضت هالشي وقالتلي اني بذبج ابوي بالطريقه هذي .. وعشان امي الغاليه انا قررت اني ابتعد عن ساندرا للابد لان ماكو امل من بينا .. وبالفعل هديتها وما عاد شي يربطني فيها الحين .. ليمن امي يات بنفسها لي وقالتلي انا بخطب لك قلت لها انا ما عندي مانع بس منو هالبنت هذي ؟؟ قالتلي غدير بنت عمك بوبدر .. بنت طيبه وحبوبه واخلاقها عاليه .. انا بالبدايه سكت وبعدها شفت ان امي معاها حق فليش لا ؟؟ وانا ما كنت مغصوب على هالشي وقلت للوالده انا موافق وهذي غدير بنت عمي من لحمي ودمي والنعم فيها .. ومثل ما انتي شايفه ملجنا على بعض وكل شي كان تمام والحمدلله من بينا .. ليمن اتصلت لي هالساندرا اليوم وكانت اتهددني اني اذا ما شفتها بشليز اليوم راح اتقولج كل شي كان من بينا .. وانا ما حبيت انج تتضايقين من الماضي .. وللسبب هذا انا طاوعتها ورحت شليز وشفتها وما كنت حاط ابالي انها مكيده منها بس عشان اتخرب كل شي من بينا .. ومثل ما انتي شايفه الحين شكلها عرفت شلون تخرب علاقتنا والدلليل موقفج مني الحين .. بس ما سالتي نفسج هالسؤال ؟؟ لو انا ليما الحين ابي ساندرا ليش خطبتج انتي ؟؟ اعتقد ان الجواب بيكون عندج .. هذا انا يا غدير قلتلج كل شي ومو مستعد اقول اي شي ثاني .. واللي تبينه سويه وانا راد البيت الحين .:. وبسرعه مشى خليفه بدون ما يسمع شي راد للبيت .. ما علقت غدير وتمت ساكته تبي تستوعب هالكلام اللي سمعته .. وبعدها دخلت دارها متضايقه .. وتمت سلوى ابمكانها مصدومه من موقف رفيجتها ساندرا .:. سلوى ( تسال نفسها متعجبه ) : الحين معقوله يا ساندرا يطلع منج كل هذا ؟؟ *************** نجلوه .. نجلوه .. ما اتردين يا الحيوانه !! .:. تخرعت نجلا واهي تسمع صرخت خالد وهو يناديها معصب .. وشكت ان نور بالفعل قالتله شي عن المغازل بالتليفون .. كانت نجلا بالميلس وماسكه سماعة التليفون اتسولف مع واحد من الشباب .. ومن الخرعه بسرعه سكرت الخط وقطت التليفون وراها .:. دخل خالد الميلس معصب : انا اناديج ما تسمعين ؟ او تتصيمخين ؟؟ سالت بخوف : اشفيك ؟؟ اشصاير ؟؟ .:. قرب منها بعصبيه وعطاها كف قوي طيحها عالارض .:. انصدمت نجلا وارتجفت : انت اشفيك ؟؟ ليش مديت ايدك علي ؟؟ انا اشسويت ؟؟ سال بصرخه : منو هالحيوان اللي اتكلمينه بالتليفون ؟؟ او منو هذول الشباب اللي ما ينعدون عالاصابع اللي اتكلمينهم دوم ؟؟ قوليلي منو هذول ؟؟ .:. كانت نور واقفه امجابله خالد وهي ساكته .. طالعت نجلا اختها نور بحقد ليش انها قالت لخالد .:. سال خالد مره ثانيه : اشوفج انجبيتي ؟؟ ما اتقولينلي منو هذول ؟ سالت نجلا ببرود : منو قاص عليك وقايلك اني اكلم شباب ؟ انا ما عمري كلمت شباب فلا اتقول عني هالكلام !! عصب خالد : بس نور ما تكذب والتفت لنور يسال : ولا شرايج يا نور ؟ تنهدت نور : عدل .. وانا قلتلج يا نجلا وهم حذرتج لو شفتج مره ثانيه اتكلمين شباب بقول لخليفه وخالد بس انتي عبالج اني كنت اتمسخر معاج مثل ما انتي تمسخرتي معاي ما استحملت نجلا : انتي اخت ولا عدوه ؟ حتى لو كلمت مليون واحد انتي شكو اتفتنين ؟ هذا من بدال من تتسترين وتخافين علي اتقومين وتنشرين الخبر !! .:. وبعدها .:. مسك خالد نجلا من ايدها بقوه : هذا معناته انج اتكلمين شباب يا الحقيره ؟؟ صرخت نجلا مو مستحمله : اي نعم .. اكلم شباب ومليون واحد بعد .. ليش عندك مانع ؟ يعني حلال عليك وحرام علي انا ؟ .:. انصدم خالد من هالجراءه ومسك نجلا من شعرها ورضخها بالكرسي بقوه ليمن طاحت وفقدت الوعي .:. صرخت نور متخرعه : نجلا !! رد خالد وشراراه طالعه من عيونه : ابستين داهيه .:. وفجاه .:. دخلت ام خليفه تسال : اشفيكم ؟؟ اشصاير ؟؟ *************** .:. ابيت بوبدر .:. .:. ابدار غدير .. كانت اتفكر باللي صار من شويه وبالكلام اللي قالها خليفه .. كانت منسدحه عالسرير وموبايلها بيدها متردد هل تتصل لخليفه او تتناساه ! وبعدها حست بالضيق ورمت بالموبايل بعيد متناسيه كل شي .:. *************** .:. وبالمستشفى .:. .:. ام خليفه ويه خالد ونور انقلوا نجلا للمستشفى بعد ما طاحت عليهم بسبب خالد .:. صرخت ام خليفه اتصيح : لو صار بنجلا شي بتكون انت السبب يا خالد !! سال خالد متنرفز : يعني كنتي تبين اسكت على هالمسخره ؟؟ تبيني اسكت بعد الكلام الوقح اللي سمعته منها ؟؟ ام خليفه : انا ما قلتلك اسكت .. بس مو بالطريقه هذي ! انت ذبحت اختك خالد : ليمن الحين ما ذبحتها ام خليفه ( تسال ) : شتقصد يعني ؟؟ تبي تذبح اختك ؟؟ تنهد خالد : لا اتلوميني يا يمه باللي سويته فيها .. ارفعت لي ضغطي بالكلام المستفز والله .:. وبعدها .:. يه الطبيب يسال : ممكن اعرف شنو اللي صار بالضبط ؟؟ سالت ام خليفه بخوف : بشر يا دكتور .. شخبارها نجلا ؟ رد الطبيب : اهي بخير .. والحمدلله .. مجرد شق بسيط براسها وتخيط .. وتقدر تطلع معاكم الحين .. بس نجلا مصره ترفع قضية اعتداء بالضرب على اخوها خالد .. لسبب هذا سالت شنو اللي صار بالضبط ؟؟ انصدمت ام خليفه : شنو ؟ مينونه هذي ترفع قضيه على اخوها ؟ تمسخر خالد : هذي اللي كنتي ادافعين عنها يا يمه وتضايقت نور : انا السبب بكل شي .:. باليوم التالي .:. .:. قامت دانه من النوم من صباح الله خير وكل هذا عشان تستعد للمقابله اللي بتصير اليوم بمطعم البستان بالساعه 2 عالغدا .. كانت اتحس بالخوف والتردد بس ما ينفع هالشي الحين .. شافت ساعتها وكانت 7 الصبح .. يعني 7 ساعات بس وبعدها بتشوف الدانه البدر وهو امجابلها بالمطعم .:. الله يستر .. الله يستر ^^ هذا اللي قالته الدانه واهي اتشوف ساعتها بالدقيقه وترتجف .:. اما عن البدر هم نفس الحاله .. كان قايم من صباح الله خير وهو يشوف موبايله لعلى وعسى اسيرته طرشت له شي عن موعد اليوم .. كان يعد الدقايق اللي بتجمعه معاها وهو مستانس ومتشقق وما يدري ان اسيرته اهي الدانه بنت عمه .:. *************** بالبنك .:. .:. بشغل نايف كان قاعد ويتذمر ليش ان ليلى الموظفه اليديده ليما الحين ما يات الدوام وشغلها انحذف عليه .:. نايف ( وهو يشوف اوراق الشغل مستاء ) : لحول .. يعني هذي اولها ؟ توها هاليلى موظفه يديده ما كملت يومين بس وغايبه اليوم ؟ اعنبو اشهدلع هذا !! .:. وفجاه .:. اشفيك قاعد وتتحطلم علي يا نايف ؟ هاا ؟؟ انحرج نايف وصار ويها مثل الطماط : ها ؟ ضحكت ليلى : شنو ها ؟ انا سمعتك من شوي قاعد وتتحلطم علي ليش اني غايبه اليوم .. السموحه منك والله بس مسافة الطريج وايييد اخرتني .. والمشكله ان اكو حادث عطلني بس الحمدلله وصلت بالسلامه واكاني بالشغل الحين تفشل نايف من السانه : انتي اللي اسمحيلي .. وانا الساني شكله يبيله قص والله وبعدها سال بعبط : تبين اتقصينه ؟؟ ضحكت ليلي : اشدعوه ؟ ابتسم نايف : شنو شدعوه ؟ ترى انا من صجي تعجبت ليلى : يعني اقصه ؟ ضحك نايف : اي سالت ليلى بعبط :ok بس وينه المقص ؟ اشر نايف بيده : اكاهو يمج بالمكتب .:. وبعدها مسكت ليلى المقص واهي تضحك على هالعبط .:. ليلى : يالله اشوف وينه السانك ؟؟ تخرع نايف : هيه .. يالمينونه انتي من صجج ؟؟ انفجرت ليلى من الضحك : لا طبعا *************** .:. ابيت بوخليفه .:. .:. كانت نجلا منسدحه عالسرير بعد ما تخيط راسها بالمستشفى امس ومن بعدها رجعت البيت .. استغربت امها وعصبت من تفكيرها .:. ام خليفه : انتي مينونه ؟؟ انتي اشقاعده اتقولين ؟؟ انتي اكيد استخفيتي ؟؟ هذا اخوج مو حيالله واحد عشان ادخلينه السجن !! نجلا ( تسال بعصبيه ) : يعني تبيني وبعد اللي سواه امس اسكت عنه ؟ ام خليفه : غصبا عنج تسكتين .. هذا اخوج ما عجب نجلا هالكلام : يعني لو اخوي اتستر عليه ؟ ولو كان غريب اسجنه ؟ بالنسبه لي كلهم نفس الشي .. الغلطان غلطان سواء كان اخوي او غيره ام خليفه : وانتي عبالج لو سجنتي اخوج راح ترتاحين ؟؟ نجلا : اي ام خليفه : سلامتج حبيبتي .. وترا السالفه ليما الحين ما وصلت لخليفه وابوج .. ولو اشتكيتي على خالد وسجنتيه بتنفضحين جدام الخلق كله .. وهذيج الساعه ابوج اللي بيذبحج ومو خالد .. انتي عبالج ان اللي سويتيه هين ؟؟ اتكلمين شباب وتبينا نسكت ؟؟ انا اعترف ان خالد غلط لما عاملج بالطريقه هذي بس هم هذا اخوج ويبي مصلحتج وخايف عليج من انج تضيعين !! ومن صوب ثاني لا تنسين انج استفزيتيه بكلامج .:. وبعدها سكتت نجلا متردده لو تتنازل عن الشكوى .. كانت اتفكر بكلام امها بخوف وتردد .:. ام خليفه ( تسال ) : اشفيج سكتي ؟ ان شالله قاعده اتفكرين بالتفكير السليم !! وانا اقولج تعوذي من ابليس وشيلي هالشي من راسج .. مهما يكون هذا اخوج الكبير تنهدت نجلا وسالت : واذا تعرض لي مره ثانيه ؟ See u | ||||
|
| |
|
05-10-12, 08:34 PM
| #23 | ||||
| نجم روايتي ومشرفة سابقةومصممه
| .:. الحلقة 22 .:. .:. التكلمه .:. .:. وبعدها سكتت نجلا متردده لو تتنازل عن الشكوى .. كانت اتفكر بكلام امها بخوف وتردد .:. ام خليفه ( تسال ) : اشفيج سكتي ؟ ان شالله قاعده اتفكرين بالتفكير السليم !! وانا اقولج تعوذي من ابليس وشيلس هالشي من راسج .. مهما يكون هذا اخوج الكبير تنهدت نجلا وسالت : واذا تعرض لي مره ثانيه ؟ ام خليفه : انا اوعدج انه ما بيتعرض لج مره ثانيه بس بشرط .. انج تتركين عنج سوالف المغازل هذي .. فاهمه ؟ ما اقتنعت نجلا : فاهمه .. لكن والله يا يمه لو تعرض لي مره ثانيه بسجنه واكاني حلفت *************** ابيه .. ابيه .. الساعه 1 الحين ! وليما البس واطلع من البيت واروح المطعم بتصير الساعه 2 .. ما ادري ليش حاسه بارتباك مو طبيعي ورعشه بجسمي مخوفتني .. كل هذا لاني بشوف البدر بس !! انا ليمن الحين مستغربه من نفسي شلون تجرا وقلتله بشوفك ؟ ما اقول غير الله يستر ابستره ان شالله !! ^^ .:. كانت الدانه مثل المينونه مو مستوعبه شي .. اتلف وتدور بدارها متخرعه من دقت الساعه 2 .. كلها ساعه وحده بس تفصلها عن لقائها بالبدر .:. *************** .:. ابيت بوبدر .:. .:. ابدار امنه .:. طق اخوها نايف عليها باب الدار يسال : امون ممكن ادخل ؟ ابتسمت امنه : اكيد .:. دخل نايف دارها وقعد على الكرسي امجابلها .:. استنتجت امنه : اممم .. شكلك تبي اتقول شي ؟! ابتسم نايف : عليج نور .. ابكلمج بخصوص دراستج بلبنان سكتت امنه للحظه وسالت : انت كلمت ابوي قلت له شي ؟ .:. هز نايف راسه بلا .:. تضايقت امنه : ليش عاد ؟ ليش يا نايف ما كلمته ؟ نايف : ما دامي انا موافق اهو ماله شغل فيج استفهمت امنه : وشلون بطلع من قطر بدون موافقته ؟ مسك نايف ايدها بابتسامه : انا سالت وقالوا لي اي احد يقدر يطلعها من المطار .. بشرط يكون ابوها .. عمها او اخوها استانست امنه من هالخبر : عن جد هايدا الشي ؟؟ ابتسم نايف : ايه *************** .:. ابيت بوفواز .:. .:. كانت لميا اتراقب اخوها ومتعجبه من هالشي اللي يسويه .. كان منسدح بالميلس ويكلم نفسه كلام مو مفهوم .. كلام ميانين .:. لميا ( تسال ) : انت شتسوي يا المينون ؟ التفتت فواز بابتسامه : امثل دور الحبيب .. ليش تسالين ؟؟ استغربت لميا : اها استفهم فواز : ليش ؟؟ اكو شي ؟؟ لميا : سلامتك والله .. بس سمعتك اتخربط شويه بالكلام .. وتقول كلمات مو مفهومه .. كلمات غبيه مو عربيه ابتسم فواز : ماكو والله بس هذي لغتي الخاصه .. انا الفت مجموعه من الكلمات .. مثلا سيريا يعني عطيني بوسه .. كيارا بيرا يعني احبج .. سيسوكا يعني لميني .. ومن هالكلام هذا بطلت لميا عيونها متعجبه من هالينون : الحمدلله والشكر رد فواز : كريكاشتا بيخو را ما فهمت لميا شي : شنو يعني ؟؟ فواز : يعني الحمدلله والشكر عليج انتي عصبت لميا : انجب يا المتخلف .. والله صرت اشك ان اكو يني ساكن ابداخلك يتحكم فيك !! *************** .:. الساعه 2 بالضبط .:. .:. بمطعم البستان .. كانت الدانه قاعده بطاوله امجابله المنظره .. منتظره البدر على احر من الجمر .. كانت ترتجف من الروع والخوف ومن اللي ممكن يصير بعد شويه لما يكتشف البدر ان اسيرته اهي نفسها الدانه بنت عمه .. بشحمها ولحمها ومو بنت غيرها .. كانت متغشيه وهم حاطه ايدها على راسها .. كانت بالدقيقه اتشوف ساعتها وهم اتشوف المنظره اللي كانت تعكس الاشخاص اللي يدخلون المطعم .:. .:. وعالساعه 2 ودقيقتين .. شافته من المنظره .. كان توه داخل المطعم ويسال الجرسون عن الطاوله المحجوزه باسم البدر .. ولما اشر له الجرسون على الطاوله التفت البدر وشاف اسيرته قاعده تنتظره واتشوفه بالغشوه وهو متشوق ومتلهف يقرب منها ويكلمها ويسالها منو انتي ؟؟ كانت الدانه تتصب عرق من الخوف .. كانت اتفكر تشرد باللحظه هذي .. دقات قلبها تخفق بشده وجسمها يرتعش بطريقه مو طبيعيه .. كانت اتحس بالحراره بجسدها والخنقه بس ما باليد حيله .. هذا البدر واقف جدامها ويشوفها وعلى بعد 3 امتار بس !! .:. وبعدها .:. قرب البدر منها بابتسامه : هلا والله .:. خافت وارتبكت وحست ان بيغمى عليها وقامت من الكرسي متروعه واهي ماسكه غشوتها خايفه من انها تطيح بالغلط .:. تعجب البدر : اشفيج ؟؟ عسى ما شر ؟؟ ليش متخرعه ؟؟ ممكن تقعدين ابمكانج ؟؟ والله العظيم اني ما اخرع والله .:. ابتسمت الدانه من داخلها وقعدت على الكرسي واهي اتسمي بسم الله .:. ابتسم البدر : حلو وبعدها سال : انتي شسمج ؟؟ .:. سكتت وما علقت بشي .. كانت خايفه تتكلم وينكشف امرها بس بكلا الحالتين كان البدر بيكتشف من اهي باليوم هذا .:. سال البدر مره ثانيه : اشفيج ساكته ما اتردين ؟؟ انتي شسمج ؟؟ .:. وهم ماردتت .:. استغرب البدر :ok ممكن لو سمحتي اتشيلين الغشوه ؟؟ .:. من اسمعت هالطلب ارتجفت وارتبكت وحطت ايدها على الغشوه .. كان البدر متعجب من هالسلوك هذا .:. ما فهم البدر شي : اسيرتي اشفيج ؟؟ .:. استانست الدانه من كلمة اسيرتي وابتسمت .. وهزت راسها بلا ان سلامتك يا البدر ماكو شي .:. .:. وبعدها .:. .:. قرب الجرسون يسال شنو اهو الطلب ؟ التفت بدر على الدانه يسال : شنو تبين تطلبين ؟؟ .:. هزت راسها بلا .. ان ما ابي اطلب شي .. وباللحظه هذي زاد استغرابب البدر .. ليش انها ما تتكلم معاه .:. ابتسم بدر للجرسون : والله تونا ما استقرينا على طلب معين ابتسم الجرسون بالمثل : مو مشكله .:. كانت الدانه اتحس نفسها سخيفه باللي اتسويه بس هم حست نفسها مجبوره على هالشي .. كانت تتمنى تشرد باللحظه هذي .:. تامل البدر ويه الدانه اللي ما شاف منه شي : عفيه اسيرتي شيلي الغشوه شوي .:. كانت شويه وبتصيح .. ما كانت تبي اتشيل الغشوه بس ما باليد حيله .. حطت ايدها على غشوتها تبي اتشيلها واهي اتسمي بسم الله .. كان البدر متشوق ويراقب الموقف بلهفه وهو مو داري بشي ! ايدها كانت ترتجف والبدر شاف هالشي .:. .:. وفجاه .:. صرخت الدانه مو مستحمله : ما اقدر .. ما اقدر يا البدر اشيل الغشوه .. والله العظيم ما اقدر .. ايدي تجمدت ابمكانها مو راضيه اتشيلها !! .:. وبعدها .:. .:. التفتوا الناس عالدانه والبدر مستفهمين شسالفه ؟؟ شك البدر بالصوت اللي اسمعه وانه سامعه من قبل بس ما يتذكر ابوين .:. سال البدر مستغرب : شكو الحين ما تقدرين اتشيلينها ؟؟ وبعدين صوتج هذا يا ابنيه مو غريب علي بالمره .. ما عليج امر ممكن تتكلمين مره ثانيه ؟؟ وبعدها قال : واذا تبيني اشيل عنج الغشوه راح اشيلها ابنفسي لو ما تقدرين اتشيلينها مثل ما اتقولين !! انزلت ادموع الدانه من الخوف من اللي ممكن يصير الحين : ماكو داعي اتشيلها انا بنفسي بشيلها .:. وباللحظه هذي سمت الدانه بسم الله مره ثانيه وسحبت الغشوه من ويهها ليمن طاحت بيدها ورفعت راسها بشويش وشافت البدر بعيونه المتجمده المصدومه وكانت ادموعها اتبين بعيونها العسليه .. حاولت انها تبتسم له بس ما ابتسمت .:. قام البدر من الكرسي مصدوم مو مستوعب : الدانه !!! *************** الو هلا غدير تضايقت غدير من هالبرود : هلا خليفه سال خليفه : تبين شي ؟؟ غدير : انا .. انا متصلتلك عشان اعتذر .. انا اسفه سكت خليفه للحظه وسال : ومو متضايقه من اللي شفتيه بالمطعم ؟؟ اقصد انا وساندرا ؟؟ تنهدت غدير : بالبدايه اي تضايقت بس الحين وبعد ما شرحت لي كل شي انا نسيت السالفه ومتصلتلك الحين عشان اعتذر ابتسم خليفه : ماله داعي تتاسفين سالت غدير : يعني امسامحني ؟؟ خليفه : اكيد امسامج .. مو انتي مرتي حبيبتي استانست غدير : تسلملي والله يا عمري انته خليفه ( بابتسامه ) : الله يسلمج وبعدها سال : هاا .. الحين متى تبين السفر ؟؟ ابتسمت غدير : اللي اتشوفه .:. ما اندمت غدير ليمن اتصلت لخليفه واعتذرت لان هذا اهو التصرف السليم وخاصه ان خليفه ما غلط معاها بشي .:. *************** من الصدمه تجمد ابمكانه ما يعرف شيقول ومو مستوعب شي : شنو هذا ؟؟ انا ابي افهم شنو هذا اللي اشوفه جدامي الحين ؟؟ وينها اسيرتي ؟؟ وانتي يا الدانه اشيايبج اهني اهني ؟؟ ما علينا وقوليلي الحين شسالفه ؟؟ اعتقد اني مواعد اسيرتي اهني وانصدم واشوفج انتي امجابلتني ؟؟ هل انا امضيعه بالطاوله او شنو ؟؟ هل انتي قاعده تنتظرين احد او شنو ؟؟ ليش ما تتكلمين او اتعلقين بشي ؟؟ نزلت الدانه راسها بحزن : انا اسفه يا البدر استفهم بدر مو فاهم شي : اسفه على شنو ؟؟ دانه ( بضيق والم ) : انا اسفه ليش اني طول هالمده مثلت عليك دور شخصيتين !! انصدم البدر : اشتقصدين ؟؟ تنهدت الدانه : انا يا البدر حبيتك .. والله العظيم حبيتك .. وعشان هالسبب ابيك اتسامحني على كل شي سويته .. عفيه سامحني سال بدر : دانه انتي شقاعده اتقولين ؟؟ وشقاعده اتخربطين ؟؟ انا مو فاهم شي .. فهميني ؟؟ .:. وبعدها .:. ادمعت عيون الدانه : كنت دوم العب معاك وانا ياهل .. اذكر بيوم لما كنا بالروضه احد الاولاد طقني وقالي يا المرعبه اتخرعين وانت عصبت ويت وطقيته وهم دافعت عني .. انا من يومها حسيت اني ابأمان وانا معاك .. وكبر هالتفكير معاي ليمن ثبت براسي وحبيتك .. ودوم كنت احلم فيك واتخيلك جدامي بكل مكان .. كنت انتظر الساعات اللي تجمعني انا وياك باي مكان .. والصراحه ما قدرت اقولك يا البدر || انا احبك || يمكن شكلي منعني من هالشي .. من انك اتفشلني بيوم !! وانا ادري اني مو حلوه ومحد يحبني ويبيني .. هالشي اهو اللي منعني من اني اقولك || احبك || وقلت ماكو غير اني اطرشلك مسجات عن طريق اسيرة البدر اللي بالحقيقه اهي انا .. .:. وفجاه .:. صرخ البدر مو مستوعب : الدانه انتي شقاعده اتخربطين ؟؟ انتي اكيييد تتغشمرين ؟؟ قالت بالم : عفيه يا البدر لا تقاطعني وخلني اكمل وبعدها قول اللي تبي اتقوله .. وهذا اهو الحل الوحيد اللي يه ابالي ساعتها عشان احس بالحب ولو شويه .. طرشتلك مسجات من الكمبيوتر عشان الرقم ما ابين .. طرشتلك مسجات يا بلفيت اني اسيرتك عشان اتحبني مثل ما انا احبك بس للاسف شكلي فشلت بالشي هذا .. قدمت لك سيارة مرسيدس من نفسي وهالشي اسعدني ليش انه اسعدك انت الثاني .. حاولت اتقرب منك عن طريق المسجات ليمن يه اليوم اللي قالتلي امي ان اكو شخص خاطبج من ابوج .. انا عفست الدنيا وقلت لها مستحيل اتزوج وانا ما افكر بالزواج الحين .. لكن لما عرفت انك الخاطب مت من الوناسه ونفتحت نفسيتي للحياة وحسيت اني اسعد انسانه بالعالم كله .. ما استوعبت ان حبيبي البدر خاطبني انا من دون البنات !! ما تتصور شكثر تشققت من الوناسه ساعتها .. لكن رسالتك لي باليوم هذاك حطمت كل حلم سعيد فيني .. اصدمتني وخلتني ارجع للواقع المرير وهو ان منو انا اصلا عشان اصدق ان البدر اللي بالسما خاطبني انا ؟؟ ما توقعت ان عمي بوبدر غاصبك على هالشي .. ابد ما هقيت هالشي والله .. حسيت بالالم والانهيار وانا اقرا رسالتك .. قلبي الضعيف تقطع من هالشي .. حاولت اشقها بس للاسف ما قدرت لانها منك انت !! وهالسبب اهو اللي خلاني اكنسل الملجه بنفسي .. ليش اني مستحيل اخليك اتعيش بتعاسه بسببي انا وانت ما تبيني موليا . ومثل ما انت شايف الحين انا الدانه بنت عمك جاسم .. اكاني جدامك الحين وسو اللي تبي اتسويه .. اما بخصوص اسيرتك اهي نفسها البنت اللي امجابلتك الحين !! .:. وبعدها .:. تجمد البدر ابمكانه مو مستوعب : انتي يا الدانه خدعتيني .. ليش سويتي فيني جذي ؟؟ ليش يا الدانه لعبتي علي ؟ ليش ؟ انصدمت وسالت : انا ما لعبت عليك !! قولي متى لعبت عليك ؟؟ انا حبيتك يا البدر .. وقسم بالله حبيتك .. انا ما سويت شي غير اني حبيتك عصب البدر : امبله لعبتي علي .. مثلتي دور الشخصيتين .. الدانه واسيرتي !! لعبني ابمشاعري وتقولين ما سويتي شي ؟؟ حست الدانه بالضيق من هالكلام : والله يا البدر ما سويت شي .. انا ما لعبت ابمشاعرك .. انا من حبي لك سويت جذي .. كنت ابيك اتحبني .. بس ما هقيتك بتتهمني باللعب بالمشاعر !! تمسخر البدر : ومنو اتكونين اصلا عشان احبج ؟؟ والحمدلله اني عرفتج بعد ما يفوت الاوان !! وبالنسبه لسيارتج انا ما ابيها وبردها لج البيت سالمه .. ولو كنت ادري بساعتها انها منج والله ما قبلتها .:. انصدمت الدانه من هالكلام وما استوعبت ان البدر ممكن يقولها هالحجي بيوم !! شنو هالقسوه هذي يا البدر ؟؟ ليش اسلوبك تغير ومعاملتك قست بالطريقه هذي ؟؟ كانت اتحس بالالم بداخلها والحزن الكبير .. اول مره تنجرح من البدر .. اول مره يكلمها البدر جذي .. انزلت دموعها غصبا عنها ومو راضيه توقف .. وبعدها مدت الدانه ايدها للبدر وهي ماسكه رساله بيدها وكانت ترتجف .:. الدانه ( واهي اتصيح بنهيار ) : بعد هالكلام القوي اللي سمعته منك ما ابي منك غير شي واحد بس .. واتمنى انك ما اترده .. ابيك اتمد ايدك وتاخذ هالرساله وتقراها بالبيت .. انا .. انا .. ما هقيتك بتكون بالقسوه هذي بس هم .. هم .. احبك يا البدر .. اناا .. انا .. اسفه لو .. لو بالفعل لعبت ابمشاعرك مثل ما اتقول .. بس .. انا .. انااا .. .:. وفجاه .:. سكتت وما استحملت .. طاحت الرساله من ايدها عالطاوله واهي اتصيح بحرقه وبسرعه حطت ايدها على ويهها وطلعت بره المطعم متناسيه البدر اللي كان واقف متجمد ابمكانه والصدمه ليمن الحين املازمته .. شاف الرساله طايحه ومد ايده ومسكها .. وبعدها تنهد وطلع بره المطعم يتمنى انه يقوم من هالكابوس .:. .:. ركبت الدانه سيارتها .. وقالت للسايق واهي ميته من الصياح يرد البيت .. كانت تلعن شكلها القبيح وتلعن الساعه اللي طرشت للبدر مسجات باسم اسيرته .. وتلعن الساعه اللي قالت للبدر ابي اشوفك اليوم بمطعم البستان .. اما عن البدر .. اول ما طلع من المطعم ركب سيارته وهو متنرفز ومو مستعوب كل هذا .. كان يمشي بالمرسيدس على الشارع العام 190 وكل ماله يزيد بالسرعه وهو متناسي نفسه .:. البدر ( وهو منهار يكلم نفسه ) : انا .. انا شلون كلمت الدانه بالطريقه الحقيره هذي ؟؟ شلون ؟؟ حسبي الله علي .. والله اني حقير ونذل وما استاهل حبها .. انتي يا الدانه وبعد الكلام اللي قلتيه مكانج فوق بالسما وانا مجرد اسم بدر وبس والا انا مكاني تحت بالحظيظ بعد الكلام اللي سمعتج اياه من توه !! .:. كان يمشي بالسياره بسرعه جنونيه ليمن فقد السيطره على السكان وانقلب فجاه !! انصدمت السياره بعامود الاشاره .. تطاير الباب الخلفي بالهوا والتم البدر على السكان باقوى ما عنده .:. See u | ||||
|
| |
|
05-10-12, 08:51 PM
| #24 | ||||
| نجم روايتي ومشرفة سابقةومصممه
| "]].:. الحلقة 23 .:[/COLOR].[/color] .:. ابيت بوالدانه .:. .:. دخلت الدانه البيت واهي ميته من الصياح .. تشهق مثل الياهل .. شافتها امها وتخرعت .:. ام الدانه ( تسال بخوف ) : يما الدانه اشفيج ؟؟ اشصاير لج ؟؟ شافت الدانه امها بغضب : انتي وابوي السبب !! وانا اكرهكم .. اكرهكم ما افهمت امها شي : انتي شقاعده اتقولين ؟؟ قربت الدانه من امها تسال بالم : انتي ليش يبتيني اخرع واشبه الجياكر ؟؟ ما اتقولين لي شنو استفدتي الحين من هذا ؟؟ استغربت امها : دانه انتي اشفيج ؟؟ شصاير لج ؟؟ اكو شخص ضايقج او سوالج شي ؟؟ صاحت الدانه بنهيار : الناس دوم يضايقوني بكلامهم وانا انجب واسكت .. بس هالمره غير وكررت واهي اتصيح : هالمره غير .. هالمره غير يا يمه .. والله غير امسكت امها ايدها بحنيه وسالت : شلون يعني هالمره غير ؟؟ نزلت الدانه راسها بياس وسالت : يمه .. انتي اتعرفين ليش انا رفضت البدر ؟؟ ام دانه : مو على قولتج لانج استخرتي وما ... قاطعتها دانه : مو هذا السبب يمه استغربت امها : عيل ؟؟ *************** .:. ابيت بوبدر .:. صرخت سلوى واهي ماسكه سماعة التليفون تسمع الخبر : عميييييييييي .. يمااا .. اموون .. نااايف .. غدييير .. الحقوا علييي .. البدر امسوي حااادث واهو بالمستشفى الحييييييين !! .:. الكل تخرع من سمع الخبر .. لدرجة ان امنه طاحت وهي تركض من على الدري .:. سالت امنه واهي حاطه ايدها على ريولها اتعورها من الطيحه : شنو هاللي سمعناه يا سلوى ؟؟ وقرب بوبدر يسال : سلوى .. انتي شقاعده اتقولين ؟؟ انتي متاكده ؟؟ وتخرع نايف : شسالفه سلوى ؟؟ منو المتصل وقايلج هالخبر ؟؟ ادمعت عيون سلوى : اي متاكده وتوهم متصلين من المستشفى وقايلينلي ما استحملت غدير وصاحت : وباي مستشفى اهو الحين ؟ سلوى : اكيد بحمد .. قسم الطواري .:. وبعدها .:. صرخت غدير : عيل اشتنطرون ؟؟ بسرعه خلونا انروح له !! *************** انتي اشقاعده اتخربطين ؟؟ يمه .. انا مو قاعده اخربط .. هذي الحقيقه .. انا احب البدر وابيه .. ومثل ما قلتلج انا كنسلت الملجه بسبب رسالته .. بدر كان مغصوب علي يا يمه !! سالت امها مستفهمه : والرساله ليمن الحين عندج ؟؟ دانه ( تسال ) : وليش تسالين ؟؟ ام دانه : سلامتج بس مجرد سؤال .:. حست دانه ان امها تبي الرساله عشان اتوريها ابوها وعشان ابوها يعطيها لعمها بوبدر وبعدها بتبدا المشاكل .:. ردت دانه باسف : للاسف يمه .. انا شقيتها وقالت بقلبها : سامحيني يمه .. بس مهما يكون ما اقدر اعطيج الرساله .:. وفجاه رن تليفون البيت وراحت امها اتشيله .. كانت الدانه واقفه ابمكانها بالم وحسره .. وكانت كلمات البدر القاسيه مطبوعه ابفكرها .:. .:. وفجاه .:. صرخت ام الدانه متخرعه : متى ؟؟ وشلون ؟؟ التفتت الدانه تسال : شسالفه يمه ؟؟ اشصاير ؟؟ عسى ما شر ؟؟ شافتها امها بحزن : هذا عمج بوبدر .. متصلنا يقولنا ان البدر سوه حادث من توه واهو الحين بالمستشفى !! انصدمت الدانه وطاحت من طولها : البدر !! صرخت امها متخرعه : اشفيج يا الدانه ؟؟ اشفيج يا يمه ؟؟ *************** لعايله كلها تقريبا متجمعه بالمستشفى بعد ما سمعوا هالخبر .. غدير وامنه كانوا قاعدين على اعصابهم .. بوبدر الوحيد اللي كان ماسك اعصابه .. داليا كانت تنتظر رد الطبيب مع سلوى .. ونايف كان يدور يمين ويسار ناطر البدر يقوم بالسلامه .. بوخليفه وبوفواز كانوا واقفين مع ابوهم العود ينتظرون رد الطبيب .. اما بالنسبه لبودانه ليما الحين ما وصل له الخبر .. خالد وخليفه وفواز هم كانوا بالمستشفى بستثناء نجلا .. نور ولميا .:. .:. وبعد نصف ساعه تقريبا من الانتظار .:. ابتسم الطبيب يطمن : الحمدلله اهو بخير .. مجرد كسر باليد اليسار ورضوض بجسمه ان شالله تتعافى .. اما بالنسبه لراسه وجسمه الحمدلله والله احفظه من الشر .. لكنه يتم عندنا يومين عالاقل عشان نتطمن عليه اكثر .:. الكل ارتاح وتطمن من سمع هالخبر .. بوبدر تنهد وشكر ربه ومن الرغم من قساوته الا ان دمعه من عيونه انزلت .. غدير صاحت من السعاده وكان خليفه يهديها .. سلوى رفعت ايدها للسما تشكر الله .. امون ناقزت بالمستشفى مستانسه .. فواز غمز لامه وعطاها بوسه بالهوا .. نايف ابتسم وتحمد الله .. ما بقى احد الا واستانس من هالخبر .. *************** .:. بعد ما طاحت الدانه من سمعت خبر البدر تخرعت امها عليها ونقلتها لدارها وسمت بالرحمن عليهاوشربتها ماي .:. قامت الدانه من السرير متخرعه : البدر ! وينه البدر !! اشفيه البدر ؟؟ اهو بخير ؟؟ ابي اشوفه .. ابي اكلمه .. ابي اتطمن علييه وبعدها امسكت ايد امها تترجى : عفيه يمه خلينا انروح له المستشفى نتطمن عليه ام دانه ( اتحاول اتهديها ) : ان شالله انتي بالاول نامي وارتاحي وبعدها انروح له ونشوفه صرخت الدانه مصره : ما ابي انام ولا ابي ارتاح .. كل اللي ابيه اني اشوف البدر الحين واتطمن عليه ام دانه : بس يا دانه انتي تعبانه دانه : انا مو تعبانه انا بخير .. واذا ما وديتيني للبدر الحين بتعب عليج تنهدت امها : انتي ليش راسج يابس جذي ؟؟ عموما انتظري شويه بتصل لعمج بوبدر بتطمن عالبدر وبالمره اقول لابوج عنه .. نسيت اقوله من خرعتي عليج .:. وبعدها قامت امها وامسكت سماعة التليفون واتصلت لبوبدر تسال عن البدر وتطمن عليه .. ولما سكرت من بوبدر اتصلت لريلها وقالت له عن البدر .:. التفتت ام دانه للدانه بابتسامه : مجرد كسر باليد واهو الحين بخير .:. وبسرعه قامت الدانه وافتحت الكبت وطلعت لها ثياب عشان اتبدل .:. سالت امها : اشناويه اتسوين ؟؟ دانه : مثل ما اتشوفين ببدل ثيابي بروح المستشفى اشوف البدر *************** وبالمستشفى .:. .:. بدار البدر .:. نقزت امنه عالسرير مبتسمه : الحمدلله عالسلامة يا المتين عصبت داليا : شو هايدي الحركات يا امون ؟؟ ضحك البدر : معليش خليها .. يعنيانتي يا مرت أبوي ما اتعرفين حركات امون ؟؟ .:. وبعدها نقز فواز عالسرير يقلد امنه .. تنرفزت امون وقامت من السرير تتذمر .:. امنه : يا شين التقليد .:. وبسرعه قربت غدير من البدر ومسكت ايده مستانسه .:. غدير ( بابتسامه ) : ما تتصور شكثر كنت خايفه عليك يا البدر .. الحمدلله عالسلامه ابتسم البدر : الله يسلمج يا غدير وابتسمت سلوى : ما اتشوف شر يا البدر والحمدلله على السلامه وقال نايف بعبط : اه .. انا مو معور قلبي غير المرسيدس .. تكنسلت للاسف ضحك بدر وردت غدير : بالطقاق المرسيدس .. واهم شي ان البدر بخيير .:. وبعدها .:. .:. دخلت الدانه الدار ومعاها امها .. التفتت دانه لبدر .. شافها لثانيه وبسرعه نزل راسه .. سلمت دانه وامها عالموجودين .. وبعدها قعدت امجابله سريره .:. الدانه ( بابتسامه ) : الحمدلله على سلامتك يا ولد عمي رد وهو ما زال منزل راسه : الله يسلمج وكمل بقلبه : يا اسيرتي وسالت ام دانه : شلون صار الحادث يا البدر ؟؟ .:. تضايق بدر من هالسؤال وما رد .. وحست دانه انها السبب بالحادث .:. .:. وبعدها .:. ابتسم وقال : قضاء وقدر يا مرت عمي ابتسمت ام الدانه بالمثل : على العموم الحمدلله على سلامتك .. وما اتشوف شر بدر : الله يسلمج اه يا البدر .. ليش منزل عيونك ؟ ليش ما ترفعها واتشوفني بعيوني ؟؟ لهدرجه محتقر فكرة اني اسيرتك ؟ والله يا البدر ما هقيتك ^^ .:. كانت الدانه اتسولف بينها وبين نفسها وعيونها الحزينه اتشوف حبيبها بالم .:. .:. مر الوقت بسرعه والكل رد للبيت .. اما بدر تم بالمستشفى ليوم او يومين بالكثير .. ليمن تتحسن صحته بالكامل .:. .:. صارت الساعه 2 الفير والبدر ليما الحين ما غطت له عين .. كان يحاول ينام بس ما قدر .. يفكر باللي صار له اليوم من احداث .. مو راضي يستوعب ان اسيرة البدر اهي نفسها الدانه !! وبعد هالتفكير الطويل تذكر البدر الرساله !! الرساله اللي عطته اياها الدانه يوم كانوا بالمطعم .. حط ايده بمخبة ثوبه بيطلع الرساله لكنه توه مكتشف انه لابس ملابس المستشفى !! سال منقهر : ليكون رموا بالثوب وضاعت الرساله معاه ؟؟ .:. وبعدها .:. التفت يمين ويسار وشاف مجموعه من اشيائه اللي كانت بالسياره محطوطه عالكرسي اللي يم السرير ومعاهم الرساله .. ابتسم وتطمن ليش ان الرساله مثل ما هي ما انفتحت .. مد ايده ومسك الرساله وفتحها بيقراها .:. بدر ( وهو يقرا الرساله ) : ابي املك نظر عينك .. ابي املك نبض قلبك .. ابي لبسك .. وابي مشيك .. ابي نومك على كيفي .. ابي بالنوم تحلم بي وتحلم في .. ابي تصحى على شوقي .. ابي تفكيرك بعقلي .. وابي تنسى كل عقلك لي .. لاني صدق حبيتك .. وحبيتك .. وحبيتك .. وحبيتك .. واعيد احلف واقول اكثر لاني صدق حبيتك وحبيبتك وحبيتك .. دخيللك اطلب .. لا تستحي مني .. دخيل امك .. دخيل ابوك .. دخيل عيونك الثنتين .. دخيل اللي خلق فيك الجمال وامنه عندك .. تعال اطلب .. تبي قلبي .. تبي نبضي .. تبي روحي .. تبي دمي .. وربي كل شي يفداك .. تخيل 4 احرف .. ا .. ح .. ب .. ك .. عظيمه كلمة احبك .. حرام انطق بها لغيرك .. لاني موت حبيتك .. ابي املك ابيع الكل .. ابيك انت .. حياة وبس .. ابيك انت كل شي لي بالكون .. لاني بوح حبيتك .. ابي تفهم قبل ما اتعرف باني انسان .. قمة فرحته شوفك .. ابي تملك مشاعر شخص .. محتاج لحنانك انت .. ابي انسى هموم الامس .. ابي حزني يعود همس .. وتشفى كل جروحي لمس .. ابي لما انظر عيونك .. اشوف امي .. اشوف اهلي .. اشوف الكون بعيونك .. اشوف الناس .. واشوف الحب ايجي يمي .. انا يا البدر وربي يشهد علي اني حبيتك .. ونسيت اقولك مبروك عالتخرج بس عفيه طلبتك لو رفضتني بالمطعم وفشلتني ابيك تنسى هالكلام وتشق الرساله بالحال .:. .:. وبعدها طاحت الرساله من ايده وادمعت عينه .. قلبه عوره وحس بالضيق .:. سال نفسه بحزن :ليش قاعد يصير لي كل هذا ؟؟ ليش ؟؟ | ||||
|
| |
|
05-10-12, 08:54 PM
| #25 | ||||
| نجم روايتي ومشرفة سابقةومصممه
| .:. الحلقة 24 .:. .:. باليوم التالي .:. .:. ابيت ساندرا .:. .:. ماتت ساندرا من الضحك وبدون سبب .:. تعجب جوزيف من الضحكه : شو ساندرا ؟ شو في ؟ ساندرا ( بسخريه ) : ما عريفت انو هالمغرور عمل حادس ولساتو بالمستشفى ؟؟ استفهم جوزيف : المغرور ؟ ومنو هايدا المغرور ؟؟ ساندرا : هايدا اللي اسموا البدر .. عمل لو حادس سياره بالامس .. بس للاسف ما صار لو ايشي سال جوزيف : وانتي منو حكالك ؟؟ ساندرا : تلفنت لسلوى وحكت لي .. بس ما باعريف ليش ابحس انو سلوى ما بدها تحكي معي !! *************** اشفيج معصبه ؟؟ والله اكو مكالمه ياتني وعصبتني سالت امنه : ومن منو هالمكالمه ؟؟ سلوى : من ساندرا استفسرت امنه : ليش ؟؟ ليكون سبتج او شي ؟؟ سلوى : شكو اتسبني !! بس طلع منها تصرف ما عجبني بالمره امنه ( تسال ) : وشنو هالتصرف هذا ؟؟ سلوى : اللي اهو .. المهم انه انتهى .:. سلوى كانت تقصد موقف ساندرا بغدير .. عشان ادمر العلاقه من بين غدير وخليفه .. بس الحمدلله ان المياه ارجعت لمجاريها وما حققت ساندرا الخبيثه مبتغاها .:. *************** .:. بمكتبة الفجر .:. .:. المسكين محدين كان يحاتي .. ليش ان البدر والدانه ما بينوا من هذاك اليوم .. تذكر محدين انه مسجل رقم البدر .. ومسك موبايله واتصله بس موبايله كان مغلق والمسكين تخرع .. من بعد الحادث تسكر الموبايل وتناثرت اجزاءه بالشارع .:. *************** اه يا البدر .. يا حياتي يا البدر .. ياليت الحادث هذا صار لي انا ولا انت ^^ .:. مسكينه الدانه .. من اول ما ردت من المستشفى وشافت البدر ودموعها مو راضيه توقف .. ما ذاقت طعم النوم من امس .. اهو صحيح ان حالته بخير وما عليه شر لكن قلبها كان يتقطع كل ما تذكرت موقف المطعم .:. *************** .:. بشغل نايف بالبنك .. كان متوهق بالحسابات وعفس الدنيا .:. انتبهت له ليلى وسالت : اشفيك يا نايف ؟ رد وهو يتعبث بالكمبيوتر : انا ما ادري شسويت !! دخلت رقم بالغلط وعفست الدنيا .. الله يستر ضحكت ليلى : وليش تتعبث بشي انت ما اتعرفه ؟؟ رد وهو متوهق : وشدراني عاد انا !! اقولج دخلت رقم بالغلط .:. وبعدها .:. قربت منه وسالت : ولو اني يديده اهني .. بس هم قولي اشسويت بالحساب ؟ اشهببت ؟ مو يمكن اقدر اساعدك *************** .:. ابيت بوبدر .:. .:. غدير كانت اتسولف مع خليفه بالموبايل .:. انصدمت غدير : خليفه انت من صجك ؟؟ سال خليفه : اي من صجي .. بس اشفيج منصدمه ؟؟ غدير : ماكو .. بس ما توقعت ان بنسافر بهالسرعه استفهم خليفه : ليش ؟؟ ليكون تضايقتي ؟ ابتسمت غدير : بالعكس حبيبي .. شي حلو ان سفرتنا ان شالله بتكون باجر .:. وبعدها .:. ما استوعب خليفه وسال : شقلتي ؟؟ غدير : قلت لك شي حلو ان سفرتنا قاطعها خليفه : لا مو هذا .. انا اقصد الكلمه الثانيه استفهمت غدير : الكلمه الثانيه ؟؟ خليفه : ايه الثانيه .. قلتيلي حبيبي وبعدها سال : غدير .. انتي صج اتحبيني او تستلطفيني ؟؟ انحرجت غدير : خلفوه .. شنو هالسؤال السخيف هذا ؟؟ استفهم خليفه : سخيف ؟ بالله عليج شنو اهو الشي السخيف اللي فيه ؟؟ .:. ما عرفت شتقول وسكتت وهي منحرجه .:. ابتسم خليفه : والله شكلج استحيتي من هالسؤال .. عشان هالسبب قلتي عنه سخيف توهقت غدير : اهوو .. انت اشفيك ؟؟ ضحك خليفه : الحين انا اللي اشفيني ؟ او انتي اللي اشفيج ؟ ما كنت ادري انج بسرعه تستحين وهم دلوعه .. بس اتصدقين شي حلو هذا اللي فيج .:. وبعدها .:. غيرت السالفه وسالت : ما قلتلي بكره ان شالله الساعه كم طيارتنا ؟؟ ضحك خليفه مره ثانيه : يا حلوج وانتي مستحيه ومغيره السالفه .. طيارتنا الساعه 4 العصر ان شالله .. اول شي رايحين المانيا وبعدها فرنسا .. ها اشرايج ؟؟ ابتسمت غدير : تسالني عن رايي ؟؟ اكيد مستانسه خليفه : دوم هالوناسه ان شالله .. بس مو تنسين اتقولين حق عمي من الحين .. عشان ما ينصدم بكره غدير : ان شالله *************** .:. ومجددا بالبنك .:. قط نايف نفسه عالكرسي وهو متطمن : الحمدلله كل شي رد مثل ما كان والتفت لليلى بابتسامه : تسلمين يا ليلي انقذتيني .. ولو انه فشله والله .. انا من متى اشتغل بالبنك وما عرفت شلون ارد الحسابات وانتي عرفتي ابتسمت ليلي : الله يسلمك .. ولو ما سويت شي انا .. اما بخصوص الفشيله ترى طلعت معاي بالصدفه والا انا ما عرف شي بالحسابات ضحك نايف : سكتي يا معوده .. اهم شي ما عفستي الدنيا مثل ما انا سويت .:. وفجاه .:. انتوا قاعدين بقهوه او ابمكان عمل ؟؟ طول الوقت وانتوا اتسولفون !! ما صارت .. ترى والله ان ما سكتوا بعلم عليكم المدير .:. وبعدها .:. .:. التفوا الثنين لمصدر الصوت وطلعت وحده من الموظفات .:. استغرب نايف وسال : وانتي شكو فينا ؟ ليكون قاعده واتراقبينا ؟؟ ردت بسخريه : بالله شاراقب فيكم ؟؟ ومنو اتكونون اصلا ؟؟ روميو وجوليت ؟؟ انا بس ما ارضى بالغلط وتكلمت تعجب نايف : الغلط ؟ شتقصدين يا انسه بالغلط ؟ .:. ما ردت عليه وشافته بنظره ومشت .:. استغربت ليلى : اشفيها هذي ؟ مينونه ؟ رد نايف بلا مبالاه : ما عليج منها .. خليها اتولي *************** بسم الله الرحمن الرحيم .. خرعتني يا عمي .. الف مره قلت لك قبل ما تدخل طق الباب !! رد بوبدر بابتسامه : اسمحيلي حبيبتي .. نسيت .:. تضايقت سلوى وعفست الويه .:. سال بوبدر : سمعتي اخر خبر ؟؟ استفهمت سلوى : اللي اهو ؟ بوبدر : غدير بتسافر مع ريلها شهر العسل باجر ان شالله التفتت سلوى مصدومه : انت اشقاعد اتقول يا عمي ؟ شاف بوبدر ملامح سلوى المصدومه وسال مستفهم : ليش كل هالصدمه بعيونج ؟؟ حست بالضيق : سلامتك بس ما توقعتهم يسافرون بهالسرعه .. على العموم الله يوفقهم وان شالله يستانسون .:. وبسرعه لفت ويهها عن بوبدر لان ادموعها انزلت غصبا عنها .:. سلوى : ممكن اتخليني يا عمي ؟؟ انا ابي انام شويه تخرع بوبدر : عسى ما شر .. اشفيج ؟؟ شتحسين فيه ؟؟ مريضه ؟ ردت وهي ليما الحين لافه راسها : سلامتك والله بس حاسه اني ابي انام تنهد بوبدر : اللي اتشوفينه حبيبتي *************** شنو ؟؟ مينونه انتي ؟؟ مو صاحيه ؟؟ انتي اكيد استخفيتي !! ليش يمه ؟ ليش ؟ ترى كلها عملية تجميل .. وماكو شخص الحين ما سواها عصبت امها : وانتي شكو بهذول الاشخاص ؟ وثاني شي حرام اتغيرين من خلق الله دانه ( تحاول تقنع امها ) : اهو حرام لو كنت ابنيه طبيعيه .. بس انا يا يمه طبيعيه لكن .. قاطعتها امها بعصبيه اكبر : لكن شنو ها ؟ مرعبه ؟ اتخرعين ؟ جيكره ؟ بس هم اتظلين طبيعيه وحرام تلعبين ابنفسج !! دانه ( تترجى ) : يمه تكفين حسي فيني عاااد .. وما دام عندنا الخير ليش ما اسافر لبنان واعدل من شكلي ؟ الله يخليج يا يمه .. بلييز عاندت امها وتمت على موقفها : انا اقول ماله داعي وانسي السالفه موليا باست دانه ايد امها : عشاني يمه .. عشاني صرخت امها : انتي ما تفهمين ؟ قلتلج انسي السالفه موليا .:. حست الدانه ان الكلام مع امها ما منه فايده .. وان امها ما راح اتغير رايها لو شنو .:. تظاهرت الدانه بالقوه : شوفي يمه سواء رضيتي او ما رضيتي .. انا بسافر لبنان ان شالله وبسوي عملية التجميل .. واللي ابالي بسويه *************** .:. مر يومين وسافرت غدير مع خليفه وتمت المسكينه سلوى بحسرتها .. طلع البدر من المستشفى وطلع له كرت تليفون بدل فاقد على امل ان الدانه اطرش له مسج لكن ابد ما طرشت له ولا شي .. حس بالضيق ليش ان الدانه مو مفتكره فيه بعد اللي صار .. وهو ما يدري انها اتخطط لسفرة لبنان عشان عملية التجميل .. كان هم الدانه الوحيد الحين انها اتكون احلى من القمر عشان تقهر البدر وساندرا اللي تمسخرت عليها بيوم .:. *************** .:. وبالمطار .:. .:. كان جوزيف يودع اخته ساندرا اللي بتسافر فرنسا للدراسه .:. جوزيف : ما ابوصيكي اول ما بتوصلي فرنسا تلفنيلي ابتسمت ساندرا : من عيوني ابتسم جوزيف بالمثل : تسلملي عيوناتك .:. مشت بعدها بعد ما باست اخوها وكملت اجراءات السفر وركبت الطياره .. ما كانت اتفكر باللحظه هذي الا بالدراسه وبس .. متناسيه خليفه ومخليته وراها .:. *************** واو .. مو مصدقه يا سلوه .. مو مصدقه .. واخيرا بسافر لبنان باجر ان شالله ابتسمت سلوى : اتروحين واتردين بالسلامه ان شالله ابتسمت امنه بالمثل : وانتي هم بتوحشيني والله .:. كانت امنه مستانسه ومتشققه لهسفره .. كان حلم حياتها تدرس بلبنان وهي ليما الحين ما اتعرف شي عن المأساة اللي بتصير لها بيوم .:. *************** .:. بمكتبة الفجر .:. .:. كان البدر يدور بسيارته الكروزر وبالوقت نفسه قصد مكتبة الفجر عشان يسال عن الدانه لو مرت المكتبه .:. سال البدر بياس : انت متاكد يا محدين انها ما اتصلت وهم ما يات المكتبه ؟؟ محدين : اي انا اكيد .. بس انت ما يقول حق انا انت وينك كل هاي مده ؟ تنهد البدر بضيق : سلامتك يا محدين .. وتسلم .:. وبعدها طلع البدر من المكتبه وضيق بصدره .. ما كان يدري ليش يحس بهالشعور .. معقوله انا احب الدانه ؟ no way هذا اهو الكلام اللي قاله البدر لنفسه .:. See u | ||||
|
| |
|
05-10-12, 08:57 PM
| #26 | ||||
| نجم روايتي ومشرفة سابقةومصممه
| .:. الحلقة 25 .:. .:. كل شخص من ابطال القصه يشغله شي .. الدانه اتفكر بعمليات التجميل وهالشي صار همها الوحيد الحين .. البدر يفكر بالدانه وما يدري ليش ؟ وهالشي مخليه يحس بالضيق .. غدير وخليفه عايشين بعالم ثاني وهم بشهر العسل .. بوبدر تدور براسه الافكار الشيطانيه عشان يمتلك سلوى .. سلوى من يوم تزوجت غدير من حبيبها وهي حالتها حاله .. عايشه بعالم الحزن .. امنه متشققه من الوناسه ليش انها بتسافر لبنان .. نايف مشغول بشغله بالبنك .:. *************** .:. حان موعد سفر امنه .. داليا قاعده واتصيح ليش ان بنتها بتخليها وبتسافر .:. قربت امنه من امها وباستها : يمه تكفين عاد لا اتصيحين .. انا اوعدج اني راح اكلمج كل يوم ان شالله صاحت داليا زياده : كيف بادي انسى انك مو موجوده بالبيت ؟ كيف ؟ امنه : ماما عااد .. قلتلج بسج لا اتصيحين وان شالله بتصلج يوميا وسالت : الا اقول يمه .. وينها سلوى ؟ ما شفتها .. ابي اسلم عليها قبل ما اسافر داليا ( بحزن ) : بالدار .. ما باعريف شو مالها هاليومين !! .:. وبعدها .:. .:. دخل نايف ومعاه البدر وابوه .:. اشر نايف على امنه : يالله يا امون عجلي بالسلام عشان ما نتاخر عالمطار وابتسم البدر : اتروحين وتردين بالسلامه ان شالله وبالتوفيق بالدراسه ابتسم بوبدر بالمثل : بالتوفيق يا امنه ادمعت عيون امنه : تسلم يا البدر .. تسلم يا بوبدر .. والله انكم بتوحشوني كلكم مسك نايف ايد امنه : قلتلج يالله يا امون عشان ما نتاخر اسحبت امنه ايدها من نايف بقوه : لحظه يا نايف ! سلوى اختي انا ما شفتها وما سلمت عليها .:. كانت سلوى بدارها منسدحه عالسرير وحزينه كالعاده .:. دخلت عليها امون وصرخت : سلووه يا المتينه انتي وينج ؟؟ .:. تخرعت سلوى وبسرعه قامت من السرير .:. سلوى ( تسال متخرعه ) : خير ان شالله ؟ عسى ما شر ؟ اشفيج ؟ انقزت امون على السرير ولمت اختها : بعد اقل من دقيقه بس بروح المطار .. امس قايلتلج اني بسافر اليوم .. معقوله نسيتي ؟؟ والله انج بتوحشيني واييد ردت سلوى : لا فديتج ما نسيت بس تعبانه شويه باست امون اختها : ما اتشوفين شر حبيبتي .. انا لازم امشي الحين او بحصل صرخه من نيوف ابتسمت سلوى بالغصب : الله معاج حبيبتي *************** . من بعد سفر غدير لشهر العسل وامنه للدراسه فضى البيت على سلوى .. نايف تقريبا طول اليوم بره ونفس الشي بدر .. داليا دوم مشغوله وما تدري شيصير بالبيت .. ماكو غير بوبدر اللي متعمد يقعد 24 ساعه بالبيت عشان يستغل الفرصه ويختلي بسلوى .:. .:. وباليوم الاسود المشؤوم .:. .:. اليوم اللي ما اعتقد ان سلوى اندمت عليه .. محد كان موجود بالبيت .. ماكو غير سلوى وبوبدر .. كانت سلوى وكالعاده بالدار .. دخل بوبدر عليها وبدون ما يطق الباب .. تخرعت سلوى من فتحت الباب وكانت لابسه قميص نوم وماسكه موبايلها بيدها .. وبسرعه ركضت عند السرير وغطت نفسها بالفراش وطاح الموبايل عالسرير .:. سالت متخرعه : ليش يا عمي ما طقيت الباب ؟ انا شقايلتلك من قبل ؟؟ .:. كان بوبدر يشوف سلوى وعيونه الثنتين متجمده كالجليد عليها .. ناويه على شي اسود .:. تخرعت البنت من هالنظرات وسالت بخوف : ليش اطالعني جذي ؟ اكو شي ؟ رد وعيونه ليما الحين متجمده : ايه اكو اشيا مو بس شي استغربت وسالت بخوف : اللي اهو ؟ بوبدر ( بشوق ) : انتي ما افهمت شي : انا ؟ اشفيني انا ؟ .:. قرب بوبدر منها بخطوات خفيفه وعيونه ما التفتت لا يمين ولا يسار اتشوف سلوى المرتجفه ابمكانها مثل الديايه .:. بوبدر ( بجنون ) : يعني اشدعوه ما فهمتي قصدي ؟ انا اقصدج انتي .. ابيج انتي .. ابيج لي انا وبس .. تعبت وانا انطر .. مت وانا اصبر .. مليت من برودج وصدج الدايم لي .. بس الحين خلاص فرجت .. ماكو احد بالبيت غيري وغيرج بس .. هذا معناته انتي لي وانا لج .:. وبعدها .:. صرخت سلوى : انت شقاااعد اتقول ؟؟ والله ترى بلم عليك خلق الله !! ضحك بوبدر بثقه : صرخي من الحين ليما باجر محد بيسمعج .. عشان هالسبب كوني بنت مطيعه وسوي اللي اقولج عليه ارتجفت سلوى وتمت تترجى : حرام عليك يا عمي لا تسوي فيني شي .. انا سلوى ابمثابة بنتك غمز بوبدر بلا مبالاة : ادري انج سلوى بس ابمثابة حبيبتي ادمعت عيونها : خاف ربك باللي تقوله يا عمي .. والله العظيم حرام عليك .:. ما اهتم بوبدر للكلام وقرب منها اكثر ليمن مسك ايدها وبقوه .:. صرخت سلوى وهي اتحاول تبعد ايده : وخر عني .. وخر عني .. لا تلمسني !! عاند بوبدر : اقول انجبي احسن لج وبلا هالدلع هذا انصدمت سلوى من هاللهجه : صج انك ما تستحي .. انسان وقح بكل معنى الكلمه .. مو بس وقح الا وصخ وحقير بعد ضحك بوبدر يتمسخر : يا حلوج وانتي اتسبيني ومعصبه .:. وبعدها .:. .:. حاولت سلوى تبعد ايده من ايدها بس ما اقدرت .. قبضة ايده كانت قويه .. على كثر ما كانت تقدر اتحاول تبتعد عن هالمتوحش المفجوع طاحت عالارض بالغلط وضربته بريولها .. قامت بعدها وانتبهت على مقص اسود كان محطوط بالطاوله .. قربت منه بسرعه وامسكته بيدها .:. صرخت وهي اتصيح وموجها المقص لبوبدر : والله العظيم لو قربت مني يا الحقير بطعنك بالمقص ليما اتموت استهزء بوبدر : انتي اذبحي نمله بالاول عشان تذبحيني انا صرخت سلوى مره ثانيه : انجب .. وانا اتكلم من صجي .. لو قربت مني والله لا اذبحك .. فاهم ؟؟ تعجب بوبدر : والله وطلع لج السان يا بنت داليا !! سلوى ( بقهر ) : شي اكيد بيطلع لي السان مع الجلاب اللي مثلك انصدم من هالكلام : انا عمج .. زوج امج .. اتقولينلي جلب يا الجلبه ؟؟ سالت سلوى بعصبيه : ما شالله .. الحين بس تذكرت انك عمي زوج امي ؟؟ وليش ان شالله مو عاجبتك كلمة الجلب ؟؟ بوبدر : شي اكيد مو عاجبتني سلوى : عيل طق راسك بالطوفه .. ما اتهمني موليا .:. تعجب بوبدر وانصدم حده من هالاسلوب .. ما تصور ان سلوى ممكن تطلع قويه بيوم .:. بوبدر ( بعصبيه ) : والله انج ما تستحين سالت سلوى : الحين انا اللي ما استحي ؟؟ او انت اللي ما تستحي اللي تبي تعتدي علي ؟؟ هاا ؟؟ .:. ما استحمل بوبدر هالكلام وبسرعه نقز عليها مثل الاسد المفترس وما وعت سلوى الا بالمقص مطعون ابطنه والدم ينزف على ايدها وينسكب بالارض .. تخرعت من هالمشهد وما استوعبت انها اطعنته .. طاح المقص من ايدها بلا شعور .. ارفعت ايدها اتشوف الدم امغطي اليدين .. مشت بخطوات بطيئه للخلف وهي ترتجف .. بوبدر كان طايح عالارض وماسك بطنه وبقوه والدم غرق جسمه .. كان يصرخ بالم وروحه كانت تطلع من جسمه .. سلوى كانت اتشوفه بصمت .. مو مستوعبه اللي صار .. شلون طعنته ؟ انا شلون طعنته ؟؟ كانت تسال نفسها هالسؤال .. تلفتت يمين ويسار ما اتعرف شتسوي او شلون تتصرف !! رفع بوبدر راسه لسلوى بصعوبه : اياال الحقييره سلوى ( مو مستوعبه ) : انا اشسويييت ؟؟ اناا شلون سوييت جذي ؟؟ اناا اناا قتلتته !! سال بوبدر وهو حاس بالالم : ليش واقفه اطالعيني ؟ يعني انتي اتشوفينها خوش مسرحيه ؟ ما تتحركين يا الحقييره ؟ ما اتسوين شي ؟ انا قاعد امووت بسبتج .. حسبي الله عليج ان شالله .:. قلب سلوى الطيب اتقلب لقلب قاسي مثل صخر جلمود .. قربت من بوبدر ورفعت ريولها وداست على مكان الطعنه بقوه وببرود .:. وصرخت من القهر الكبير : موت .. انا ابيك اتموت .. عيشتني بهالبيت برعب وخوف .. 24 ساعه كنت تدخل علي الدار وتحاول انك تعتدي علي .. كنت دوم اقول لنفسي هذا عمي .. وان شالله بيعقل عن هالتفكير .. بس للاسف من بدال ما تعقل تيننت واستخفيت .. انا كبر بنتك غدير ما استحيت على ويهك اتسوي فيني هالسواة ؟ خاصه بعد ما شافتنا بنتك بيوم وشكت بشي من بينا ؟؟ وما فكرة بامي المسكينه اذا عرفت بشي ؟؟ بختصار انا الحين ابيك اتموت .. امنيتي بهاللحظه اني اشوفك تموت جدامي عشان نفسيتي تتغير للاحسن .. ما راح يعورني قلبي عليك وما راح اندم عاللي سويته فيك .. لانك بالفعل تستحق الذبح واعتقد ان الذبح فيك حلال *************** بس يا الدانه امج مو موافقه دانه : امي لو كانت اتحبني ما رفضت هالشي .. وتمنت لي الافضل بودانه : ماكو ام بالدنيا ما اتحب بنتها يا الدانه .. تذمرت دانه : يبه واللي يرحم والديك لا تكرر كلام امي بودانه ( يحاول يقنعها ) : بس هذا اهو الكلام العدل يا ابنيتي اصرت الدانه على موقفها : مهما تقول ما راح تقنعني .. انا بسافر لبنان بعد يومين ان شالله .:. وبعدها .:. مدت ايدها لابوها بابتسامه : ولو اتحبني وقع لي على ورقة الخروجيه لو سمحت تنهد ابوها : بس يا دانه امج قاطعته وهي ماسكه ايده : لا بس ولا شي .. عشاني يبه امسك الورقه و وقعها وريحني من هذا كله مد ابوها ايده بتردد : اللي اتشوفينه يا ابنيتي .. والله يعينا على عصبية امج *************** لفظ بوبدر انفاسه الاخيره : الله ياخذج يا الحقيره .:. ما ردت عليه وتمت ساكته اتشوفه بلا مبالاة .:. .:. وفجاه .:. سمعت سلوى صوت امها ينادي : واينك يا سلوى ؟ شو بتعملي طول هالوئت بالدار ؟ .:. ارتبكت وارتجفت وتمت ساكته ما تعرف شتقول !! او شلون اترد على امها .:. سالت امها مره ثانيه : اليك واينك يا سلوى ؟؟ .:. هم ما ردت وحاولت تخفي الجثه بس ما اقدرت تحركها وشكل الدم كان مقزز .:. .:. وفجاه .:. .:. دخلت امها عليها الدار بدون ما تنتبه لبوبدر المرمي بالارض .. تجمدت سلوى ابمكانها وارتجفت .:. داليا ( تسال ) : شو ماليك ما .. .:. وفجاه اسكتت متخرعه من الجثه اللي اتشوفها جدامها .. انصدمت وارتعبت .:. صرخت داليا مو مستوعبه : شو هايدا اللي ابشوفوا يا سلوى ؟ هايدا بوبدر المرمي بالارض او شوو ؟ .:. ما ردت سلوى وقعدت اتصيح .:. تخرعت داليا : شو ماليك بتبكي هلا ؟ شو اللي حصل هون ؟؟ .:. هم نفس الشي ما ردت وتمت اتصيح .:. قربت امها منها ومسكت ايدها بقوه وهزتها : ليش ما بتحكي ؟؟ وليش عم تبكي ؟؟ هاا ؟؟ شو اعملتي ببوبدر يا صبياا ؟؟ انطقت سلوى بصعوبه : اناا .. انااا .. اناا قتلته !! انصدمت داليا وسالت : شوو ؟؟ انتي شوو عم بتئولي ؟؟ .:. وبعدها .:. سال البدر من ورا باب الدار : سلوى ومرت ابوي اشفيكم اتصارخون ؟ انا توني داخل البيت وصراخكم واصل لبره !! عسى ما شر ؟؟ .:. تدودهت داليا وما عرفت شترد عليه .. وطاحت سلوى على ركبتها وهي اتصيح بصوت عالي .. تخرع البدر من سمع صوت الصياح وبسرعه دخل الدار بدون اذن .:. .:. وفجاه .:. .:. وقف ابمكانه متجمد وعيونه كانت اتناظر جثة ابوه المرميه والدم امغطيها من كل مكان .. حطت داليا ايدها على ويهها ما عندها تفسير للي صار .. ونزلت سلوى راسها وهي اتصيح .:. اشر البدر على ابوه بصدمه : شنو هاللي اشوفه هذا ؟؟ *************** .:. بالستي سنتر .:. .:. نايف كان قاعد مع ربعه بستار بكس ويسولفون .. اشر جمال رفيج نايف على بنت كانت تمشي وما كانت متغشيه .:. جمال ( وهو ياشر ) : نيوف وسلوم شوفوا هالبنت مو حلوه ؟؟ ضحك نايف بدون ما يرفع راسه : انت ما اتيوز عن سوالف القز ؟؟ والتفت سالم للبنت : اي والله حلوه ابتسم جمال : نيوف .. انت بس شوفها لثانيه ونزل راسك .:. وبعدها .:. .:. رفع نايف راسه عشان يشوف البنت .. وانصدم لما شافها وعرفها وبسرعه نزل راسه بدون ما يعلق بشي .:. سال جمال : ها نيوف ؟؟ شرايك بالبنت ؟؟ See u | ||||
|
| |
|
05-10-12, 08:58 PM
| #27 | ||||
| نجم روايتي ومشرفة سابقةومصممه
| .:. الحلقة 26 .:. .:. التكمله .:. .:. رفع نايف راسه عشان يشوف البنت .. وانصدم لما شافها وعرفها وبسرعه نزل راسه بدون ما يعلق بشي .:. سال جمال : ها نيوف ؟؟ شرايك بالبنت ؟؟ ابتسم نايف متظاهر بلا مبالاه : الله يستر عليها تعجب جمال : شنو الله يستر عليها ؟ اسالك شرايك فيها ؟ اتقولي الله يستر عليها ؟ نايف : شوف جمال انا ما احب سوالف البنات هذي .. مو عشان جذي قلت لك الله يستر عليها .. وبسك قز عااد انت عندك اخت استغرب جمال وسال : شكو هالصايعه باختي الحين ؟؟ عصب نايف وقام من الكرسي بلا شعور : ليلى مو صايعه فهمت ؟؟ .:. وبسرعه حط ايده على حلجه مستغرب شلون تكلم بلا شعور منه .:. .:. وبعدها .:. سال جمال مستفهم : ليلى !! منو ليلى ؟ انت اتعرف هالبنت يا نايف ؟ واستفهم سالم : ليكون اختك ؟ تنهد نايف بضيق : اي اعرفها .. لكنها مو اختي .. مجرد زميله معاي بالشغل .. بنت طيبه ومحترمه .. ما عليها اي كلام تاسف جمال : اسف يا معود ما كنت ادري ابتسم نايف بتصنع : حصل خير *************** كرر البدر نفس السؤال للمره الثالثه : اشفيكم ساكتين ؟ ليش ما تتحجون ؟ ما اتقولون لي شصاير ؟ اشفيه ابوي طايح بالارض والدم مغطيه ؟ اشفيه ؟ نطقت داليا بصعوبه : بياك مات يا البدر انصدم ورجع خطوتين لورا : انتي اشقاعده اتقولين ؟ .:. سكتت داليا واكتفت بالصمت .:. صرخ البدر : سالتج انتي اشقاعده اتقولين ؟؟ والتفت لسلوى يسال : وانتي حظرتج ليش ساكته ما تتحجين ؟ .:. ما استحملت داليا وطلعت برا الدار .. وتمت سلوى اتصيح بحسرتها .. استغرب البدر وما فهم شي .. يبي تفسير للشي اللي قاعد يصير .:. قرب من سلوى ومسكها من ايدها بقوه يسال : بسج صياح وقوليلي اشصار ؟؟ ما قدرت سلوى تنطق : اناا .. انااا سال بصرخه : انتي شنو ؟؟ طلعت الاحرف منها بصعوبه : اناا قتلته ما استوعب بدر : قتلتي منو ؟؟ صرخت سلوى بحسره : قتلت ابوك صعق البدر من هالخبر : شنوو !! *************** قام نايف من كرسي ستار بكس مصدوم : يمه انتي اشقاعده اتقولين ؟؟ داليا ( وهي اتصيح ): هايدا هوا الشي الل صار صرخ نايف يسال جدام الناس : وشلون اقتلته ؟ وليش ؟ .:. وفجاه .:. .:. كل من بستار بكس التفت له مستفهم شسالفه .:. سال جمال مستفهم : شسالفه نيوف ؟ اشفيك ؟ فضحتنا !! .:. وبعدها .:. .:. طاح الموبايل من ايد نايف بلا شعور مو مستوعب شي .. وبسرعه طلع من ستار بكس مستعيل .:. صوت عليه جمال يسال : هييه نيوف تعال وين رايح ؟ نسيت موبايلك *************** .:. ابيت بوبدر .:. .:. ابدار سلوى .:. البدر كان ماسك كتف سلوى ويهزه بقوه : ما اتقولينلي شلون وليش ذبحتي ابوي يا الحقيره ؟؟ سلوى ( وهي ميته بجي ) : اناا اناا كنت ادافع عن نفسي سال بعصبيه : ادافعين عن نفسج !! على شنوو ؟؟ سلوى ( وهي تشهق ) : عن شرفي .. ابوك كان يبي يعتدي على يا بدر صرخ البدر : كذاابه !! انتي انسانه كذاابه !! صرخت سلوى بالمثل : والله العظييم كان بيعتدي علي .. انا حذرته وقلتله لو قرب مني والله لا اطعنه بالمقص بس اهو عباله اني اتغشمر .. انا كنت ادافع عن شرفي وهذا من حقي .:. كانت داليا واقفه يم الباب وسمعت كل شي وانصدمت مو مستوعبه .:. قام البدر وهو يشوف سلوى بجفا : انا بتصل لمركز الشرطه الحين .. ولو فيج خير اثبتي برائتج هناك يا الكذابه وما اكون البدر ولد عبدالعزيز لو ما عدمتج *************** .:. ابلبنان .:. .:. ابيت اخو داليا ام نايف .. كانت امنه عايشه معاه هناك من اول ما وصلت لبنان .:. مسكت امنه صورة امها وباستها : فديت امي والله انها وحشتني ابتسم نزار خال امنه : لساتك باول المشوار امنه : مو هذا اهو يا خالي .. توني ما صار لي اسبوع واشتقت لهم والله نزار : هونيها وتهون يا امون .. وان شالله بتمر هيدي الايام بسرعه امنه ( بابتسامه ) : ان شالله *************** .:. دخل نايف البيت متخرع .. قعد يدور بالبيت يمين ويسار وما شاف احد .:. سال نفسه بتعجب : هذول وينهم ؟ ماكو احد بالبيت .. شسالفه ؟؟ .:. وبعدها مسك تليفون البيت واتصل لامه .:. *************** .:. بمركز الشرطه .: .:.داليا كانت واقفه برا .. اما عن سلوى والبدر كانوا بدار الضابط .:. رن موبايل داليا وبسرعه شلته : الو سال نايف مستعيل : يمه انتوا وينكم الحين ؟؟ داليا : نحنا بمركز الشرطه *************** اسالج وللمره العاشره ليش ذبحتي الريال ؟؟ ردت سلوى وهي ميته من البجي : حرام عليك يا حظرة الضابظ .. وانا اقولك وهم للمره العاشره انه كان بيعتدي علي .. وانا دفاعلا عن شرفي ذبحته .. وانا اعترفت برتكاب هالجريمه .. يعني هذا مو كافي ؟؟ عفس الضابظ ويها : لا طبعا مو كافي .. لان ماكو دلليل يثبت صحة هالكلام اللي تقولينه !! سلوى : بس انا اعترفت اني ذبحته وما كذبت الظابط : وشنو يثبت انج ما تكذبين ؟ وبعدين انا قلتلج ان هذا مو كافي سالت سلوى : عيل شنو الكافي ؟؟ الظابط : الدلليل سلوى : ومن وين ايب لك الدلليل ؟؟ انا ما عندي اي دلليل الظابط : بالحاله هذي احنا مظطرين ان نحبسج عندنا ليما موعد المحكمه .. عموما بكلا الحالتين راح تنحبسين لعترافج بالجريمه .:. سكتت سلوى وحست ان ما عندها كلام اتقوله اكثر .. اما عن البدر كان يشوفها بصمت وقلبه حاقد عليها بسبب موت ابوه .:. *************** شسالفه يا بوالدانه ؟ اشفيك متشتت ؟؟ اشصاير ؟ عسى ما شر ؟؟ رد وهو يفتح باب الدار بيطلع : اخوي بوبدر مات مقتول ما استوعبت ام الدانه الخبر : انت شقاعد اتقول ؟؟ .:. ما رد عليها وكان مستعيل .. وبسرعه دخلت الدانه الدار تسال بصدمه .:. دانه : شنو هذا الخبر اللي سمعته يا يمه ؟ صج عمي بوبدر مات مقتول ؟ ما استوعبت امها شي : والله يا الدانه انا بنفسي مو فاهمه شي استفهمت دانه : بس انا سمعت ابوي يقولج ان عمي بوبدر مات مقتول !! منو اللي قتله ؟؟ وليش ؟؟ ام دانه : والله اني نفسج ما ادري عن شي .. ماكو غير ننطر ونشوف *************** .:. بمركز الشرطه .:. سال نايف امه بقهر : شلون ؟ وليش قتلت سلوى بوبدر ؟؟ اشصار بالضبط ؟؟ .:. ما ردت امه وكانت اتصيح .:. سال نايف واعصابه تحترق : ما اتردين يمه ؟؟ ليش ساكته ؟؟ لا اتصيحين الحين وفهميني اشصار بالضبط ؟؟ .:. وفجاه .:. يعني مصر يا نايف انك اتعرف اشصار بالضبط ؟؟ التفت نايف لمصدر الصوت وشاف البدر : اكيد مصر .. مو هالبنت المقطوطه بالسجن اتكون اختي او شكلك نسيت ؟ تمسخر بدر : سلامتك الشيخ ما نسيت بس تناسيت تعجب نايف من اسلوب بدر بالنقاش : بدور انت ليش اتكلمني بالطريقه هذي ؟؟ رد عليه بجفا : اسمي البدر لو سمحت استغرب نايف : بدور او البدر .. ما اعتقد انها بتفرق بشي الحين وبعدها سال : انت اشفيك ؟؟ اشصاير لك ؟؟ رد بعصبيه : اختك المحترمه تقتل ابوي وبكل بساطه وتسالني اشفيني ؟؟ نايف : قبل ما اتعصب لازم تعرف الاسباب اللي خلت سلوى اتسوي جذي !! بدر ( يسال ) : اسباب شنو ؟ ان سلوى اقتلت ابوي عشانه كان بيعتدي عليها ؟؟ ما استوعب نايف : ابوك كان بيعتدي عليها ؟؟ بدر : والله هذا اللي تقوله اختك نايف ( يسال ) : وانت شرايك ؟ استفهم بدر : رايي بشنو ؟ نايف : باللي قالته .. مصدقها او لا ؟؟ بدر : طبها مو مصدقها .. هالشي ما يصدقه العقل نايف ( باستنكار ) : بس سلوى ما تكذب يا البدر بدر ( ثابت على رايه ) : تكذب او ما تكذب اعتقد هذي مشكلها .. بالنسبه لي انا مو مصدقها تنهد نايف : لو كنت انت ابمكان سلوى الحين كانت بتصدقك .:. سكت بدر وما رد عليه .. وتضايق نايف من موقف بدر القاسي .:. *************** ليش يا البدر صاير بالقسوه هذي ؟ ليش مو مصدقني ؟ انا قتلت ابوك دفاعلا عن شرفي .. واعتقد ان هذا من حقي ^^ .:. كانت سلوى بالزنزانه تكلم نفسها واتصيح .. كانت تتمنى تصحى من هالكابوس المرير .. حطت امها ايدها على القبضان ودمعتها على خدها وقلبها كان يحترق عليها .:. داليا ( تسال ) : شو اللي اعملتيه يا بنتي ؟ ما بسدأ انك انتي اتؤومي بعمل هايك شي ردت عليها وراسها يناظر الارض : انا كنت ادافع عن نفسي .. عن شرفي سالت امها بالم : اوليك شو الدلليل ؟؟ سلوى ( بضيق ) : ما عندي اي دلليل داليا : وشو العمل ؟ سلوى : ما ادري .. وما عندي كلام اقوله اكثر من اللي قلته غير الله كريم وربي علي شاهد .:. قلب داليا تقطع بهاللحظه وبالوقت نفسه كانت مصدقه بنتها بالشي اللي اتقوله .:. *************** .:. بالمانيا .:. .:. كانت غدير تتمشى مع خليفه مستانسه .. رن موبايلها وكان المتصل اخوها البدر .. ابتسمت وردت على المكالمه .:. .:. وفجاه .:. .:. طاح الموبايل من ايدها .. واستندت بنهيار على خليفه .:. تخرع خليفه : غدير حبيبتي شفيج ؟ منو المتصل ؟ .:. ما ردت عليه وتمت اتصيح .. تخرع خليفه اكثر ومسك موبايلها عشان يعرف شسالفه .:. سال خليفه : الو .. منو معاي ؟؟ بدر : هلا بولد عمي شلونك ؟؟ خليفه : اهلين بالبدر .. والله الحمدلله ماشي الحال .. انت اشحالك ؟ بدر ( بضيق ) : حالي ما اتسر العدو استفهم خليفه : خير ان شالله ؟ عسى ما شر ؟ اشفيك ؟ وشقلت لغدير من توك عشان تنهار ؟ تنهد بدر بالم : سلوى بنت داليا قتلت ابوي See u | ||||
|
| |
|
05-10-12, 08:59 PM
| #28 | ||||
| نجم روايتي ومشرفة سابقةومصممه
| .:. الحلقة 27 .:. .:. التكمله .:. استفهم خليفه : خير ان شالله ؟ عسى ما شر ؟ اشفيك ؟ وشقلت لغدير من توك عشان تنهار ؟ تنهد بدر بالم : سلوى بنت داليا قتلت ابوي انصدم خليفه وما استوعب : انت .. انت شقاعد اتخربط ؟ بدر : للاسف هذا اللي صار حس خليفه انه متخربط : انا مو فاهم شي .. ماكو غير اني احجز على اول طياره وارد قطر *************** .:. خبر موت بوبدر وسجن سلوى انتشر من بين الاهل .. الكل استنكر هالشي مو مستوعبين ان سلوى البنت الطيبه البريئه ممكن تقتل !! البدر وعمامه كانوا مقهورين وما كانوا بيرتاحون الا اذا اعدموا سلوى .. اما بالنسبه لغدير رجعت مع خليفه من شهر العسل الاشبه بالكابوس .. وحقدت على سلوى وتمنت لها الموت .. الدانه من عقدتها بشكلها ما اهتمت وتجاهلت كل شي وسافرت لبنان بالوقت المحدد .. محد كان واقف بصف سلوى غير امها داليا واخوها نايف .. لما وصل الخبر لابو سلوى عصب واستنكر ونسى ان عنده بنت اسمها سلوى *************** .:. بلبنان .:. .:. ابيت خال امنه .:. امنه كانت اتصيح بحرقه : ما اقدر استحمل .. انا لازم ارد قطر وباسرع وقت ممكن .. هذي اختي الوحيده ومالي غيرها قرب منها خالها يهديها : اليك طولي بالك يا امنه .. وان شالله الحق بيكون معها حطت امنه راسها على كتف خالها : عشاني يا خالي .. احجز لي على اول طياره رايحه لقطر .. الله يخليك تنهد نزار : اللي بتشوفي *************** .:. ابيت بوبدر .:. .:. كانت داليا بالصاله منهاره ونايف معاها .. دخل عليهم البدر معصب .:. بدر ( يسال ) : وانتوا لكم ويه ليمن الحين قاعدين بالبيت ؟ تعجب نايف : تطردنا يا البدر ؟ رد عليه بلا مبالاه : عاد افهمها مثل ما تفهمها استغرب نايف : افا يا البدر .. وربك ما هقيتها منك .. بس ما يخالف بنطلع ان شالله بس مو قبل ما احصل دلليل براءة اختي تمسخر بدر : اي براءه واللي يرحم والديك ؟ ما هو بكلا الحالتين بتكون مسجونه .:. سكت نايف متعجب من انقلاب البدر بهالطريقه .. يمكن يكون معاه حق لان المجني عليه اهو ابوه !! داليا كانت ساكته ومنهاره وما عرفت شتقول .. اما عن غدير كانت مع خليفه ابيت بوخليفه ساكنه معاهم هناك .:. *************** .:. بعد ما عفس نزار خال امنه مكاتب السفريات يدور حجز لاقرب سفره لقطر واخيرا حصلها مكان بالطياره اليوم الساعه 8 بالليل .:. لمت امنه خالها : تسلملي يا خالي ابتسم نزار : ولو .:. قعدت امنه المسكينه اتعد الساعات لين ما اتصير الساعه 8 وترد للوطن وهي ما اتعرف شي عن المأساة اللي بتصير .:. *************** .:. وبمكان ثاني بلبنان .:. .:. كانت الدانه اتسولف مع دكتور متخصص بمركز عمليات التجميل .:. رد الدكتور الكساندر بابتسامه : تكرم عينك ابتسمت الدانه بالمثل : يعطيك العافيه دكتور ما اتقصر والله الدكتور : ولو هيدا هو عملي كطبيب تجميل .:. وبعدها .:. سالت الدانه : ومتى ان شالله راح اتسوي لي العمليه ؟ الدكتور : هيدا الشي بيتطلب كثير دانه : مو مهم دكتور .. انت اطلب المبلغ اللي تبيه وانا ان شالله بدفع الدكتور : مو هيدا هو اصدي .. انا بئصد ان العمليه بتاخذ وئت كبير .. مو من اول عمليه بيضبط الشي .. يعني طولي بالك معي شوي دانه : انا بطول بالي وبسوي كل اللي اتقولي عليه بس مثل ما قلتلك .. ابي اكون انسانه ثانيه .. انسانه محد يتمسخر عليها بعد اليوم .. انسانه محد يضايقها بتعليقاته .. بختصار ابي اكون ابنيه جميله ابتسم الدكتور : مو التلك تكرم عينك .:. استانست الدانه وحست ان خلمها بانها اتكون جميله اخيرا بيتحقق بيوم وليله .. بس اهي ما تدري ان القدر امخبيلها اشيا كثيره .:. *************** .:. اتصال من جوزيف لساندرا بفرنسا .:. انت شنو عم بتئول يا جوزيف ؟ جوزيف : التلك بوبدر مات عا ايد سلوى ما استوعبت ساندرا الخبر : بس كيف ؟؟ سلوى ما بتعمول هايك !! جوزيف : ما بعرف سالت سندرا : والحق مع ايا طرف هلا ؟؟ جوزيف : امم .. من اللي اسمعتوا انوا مع بوبدر تنهدت ساندرا : مسكينه سلوى *************** .:. ابيت بوبدر .:. .:. بدار البدر .:. .:. كان منسدح عالسرير يسترجع كل الاحداث الماضيه .. تفكيره كان متشتت ما بين الدانه ومقتل ابوه .:. بدر ( يسال نفسه بحزن ) : يا ترى انتي شتسوين الحين يا الدانه ؟ وينج ما بينتي هاليومين ؟؟ دوم افكر اني اتصلج بس اكو سبب انا اجهله يمنعني من الاتصال !! .:. كان يفكر بعمق وهو ما يدري عن سفر الدانه وعن عمليات التجميل بشي .:. *************** عجلي يا امنه .. لساتك بالدار ؟؟ موعد الطياره بعد ساعه من هلا .:. كانت امنه تشرب ماي بالمطبخ .:. امنه : لحظه يا خالي .. انا بالمطبخ مو بالدار .. دقايق بس .:. وبعدها .:. .:. حطت امنه كوب الماي بالمغسله وتوها تبي تطلع بره الا بصوت انفجار بالمطبخ .. تخرعت وبسرعه التفت لمصدر الصوت والا بالغاز منفجر والنار شابه منه .. حاولت تطلع من المطبخ بس للاسف افشلت .:. صرخت امنه متخرعه : الحقني يا خالي .. النار من حولي بتحرقني .. الحق علي !! *************** .:. قرر البدر اخيرا انه يتصل للدانه .. مسك موبايله واتصلها .. استغرب لما شاف الرنه خارجيه .:. سال نفسه مستفهم : معقوله الدانه مسافره وبهالظروف ؟ واذا مسافره وين ؟ .:. بهالوقت كانت الدانه بالفندق .. تعجبت لما شافت رقم البدر متصل !! استانست بس ما حبت اترد عليه .. وسكرت الموبايل متعمده .:. تضايق البدر من هالحركه : اتسكرين ابويهي يا الدانه ؟؟ وبعدها تنهد : معاج حق يا بنت العم .. بعد اللي قلته لج بالمطعم هذاك اليوم ما تنلامين لو سكرتيه الحين .:. كانت تتمنى انها اترد عليه وتسمع صوته ولو ثانيه .. بس قالت لنفسها ان كل شي بوقته حلو .:. *************** .:. ومجددا بلبنان .:. .:. حاول نزار وعلى كثر ما يقدر انه يخترق النار عشان يساعد بنت اخته لكنه فشل .:. صرخت امنه وهي اتصيح : ما ابي اموت الحين .. توني صغيره ما تهنيت .. ليما الحين ما حققت حلمي وما كملت دراستي .. ليما الحين ما شفت سلوى ! ساعدني يا خالي .. الله يخليك ساعدني !! .:. فقد نزار الامل وكانت عيونه تناظر امنه ابوسط اللهب .. حست امنه بالخنقه وان جسدها الضعيف ذاب بوسط النار .. كانت اتلف وتدور بلا امل .. مو مستوعبه ولا مصدقه انها خلاص بتموت الحين .. المست النار بجسدها وتفحمت .. وخالها ساكن ابمكانه عاجر يسوي شي .:. .:. موته بشعه .. مأساة حقيقيه .. امنه تموت متفحمه !! قعدت داليا ادور بالبيت يمين ويسار مثل المينونه .. مو مستوعبه ان بنتها الدلوعه ماتت !! انهارت وانهار معاها نايف .. وانصدموا الاهل من هالموته البشعه .. اما بالنسبه للبدر تضايق وهم ما استوعب ان دلوعة البيت اختفت من الدنيا وللابد .. لولوة رفيجة امنه تاثرة واييد .:. .:. لحظات قاسيه .. لحظات صعبه قاعده اتمر مرور الجليد .. انشفت دموع سلوى وهي بالسجن تسمع خبر موت اختها الحبيبه .:. ضربت بيدها على القضبان بقوه وهي اتصيح : طلعوني من اهني .. ابي اشوف اختي امنه .. بسرعه طلعوني !! .:. محد رد عليها ومحد عبرها بكلمه .:. صرخت مره ثانيه وقلبها كان يحترق : قلت لكم طلعوني من اهني .. حرام عليكم .. ابي اشوف امنه .. ابي اشوفها .:. وبعدها تعبت وانهارت وطاحت على ركبتها .. وخبطت ايدها بالارض ودموعها مغرقه ويهها .:. *************** .:. بعد شهر من مرور المأساة .:. .:. بالبنك .:. .:. شافت ليلي ملامح نايف التعبانه وحست ان فيه شي .. ما حبت اتكون ملقوفه بس سالته اشفيه ؟ ليلى : عسى ما شر يا نايف ؟ انا حاسه ان فيك شي ؟ تنهد نايف باسى : والله ما اعرف شاقولج يا ليلى ابتسمت ليلى : قول اللي بتقوله .. افتح لي قلبك .. لا تتردد نايف : ابدا من وين ؟ وانتهي من وين ؟؟ سالت ليلى : انت مو واثق فيني يا نايف ؟؟ نايف : بالعكس منو قال هالكلام ؟؟ بس انا ما ابي اعور راسج ابمشاكلي ليلى : شدعوه يا نايف ؟ شنو هالكلام هذا ؟؟ اعتبرني منك وفيك ابتسم نايف : انا بالفعل اعتبرج مني وفيني .. احس بحساس غريب يقولي اني اعرفج من زمان ابتسمت ليلي بالمثل : نفس الشعور وبعدها سالت : والحين قولي شفيك ؟ ليش احسك تعبان ومهموم وحزين ؟؟ .:. قعد نايف يقولها كل شي .. من مقتل بوبدر ليما موت امنه .. انصدمت ليلى وحست ان الدنيا اتلف وتدور وما استوعبت شي .:. قامت من الكرسي تسال مصدومه : انت قلتلي ان ابوك اسمه سعود .. وامك لبنانيه واسمها داليا .. واختك سلوى المرميه بالسجن .. وامنه اللي تفحمت ابلبنان ؟؟ استغرب نايف صدمتها : ايه بس شفيج منصدمه ؟؟ اكو شي يا ليلى ؟؟ ردت ليلى ودمعتها على خدها : اي يا نايف اكو شي استفهم نايف : اللي اهو ؟؟ استغرب نايف صدمتها : ايه بس شفيج منصدمه ؟؟ اكو شي يا ليلى ؟؟ ردت ليلى ودمعتها على خدها : اي يا نايف اكو شي استفهم نايف : اللي اهو ؟؟ ليلى ( ودموعها تنزل ) : انا ابوي سعود تزوج امي ساره لما طلق امك وبعدها يابتني امي .. وانا بنت سعود الوحيده من ام ثانيه وبعدها سالت وهي اتصيح : هذا معناته اني اختك يا نايف .. عدل ؟؟ .:. انصدم نايف ظهور هالاخت الغير متوقعه .. واستغرب من محاسن الصدف اللي اجمعته بليلى بنفس المكان اللي يشتغل اهو فيه .:. ادمعت عينه بلا شعور : صج ان الدنيا صغيره يا ليلى .. طول هالمده وانا اشتغل معاج والحين بس اعرف انج اختي !! هذاك اليوم لما شفتج بالستي اسالوني ربعي هالبنت اختك ؟؟ قلتلهم لا ومجرد زميله .. وكان ابداخلي احساس وشعور يقولي انج اختي .. الله يسامحك يا يبه على اللي سويته فينا والله .:. ما استحملت ليلى وبسرعه قربت من اخوها نايف ولمته وهي اتصيح .. شي غريب ما انتبهنا على نفس الاسم والعايله من البدايه .:. .:. هذا اللي قالته ليلى لنايف بسعاده مو مصدقه ان طلعلها اخو اكبر منها من ام ثانيه .:. .:. الموظفه الملقوفه كانت اتراقبهم من بعيد .:. وسالت بتمسخر : اه يا روميو حبيب جوليت .. انتوا اشفيكم ما تستحون ؟؟ التفت لها نايف معصب : انتي شكوو ؟؟ وللمره الاخيره اقولج لا تتليقفين .. فاهمه ؟؟ عصبت الموظفه : احلف عااد !! تبيني اشوف الغلط واسكت عنه ؟؟ .:. وبعدها .:. .:. شل نايف ليلى ولمها بيدينه اعناد بالموظفه الملقوفه .:. نايف ( يسال بعناد ) : هذي حبيبني وانا حر فيها .. عندج مانع ؟؟ انقهرت الموظفه : اي عندي مانع .. والحين بقول للمدير عن منكركم هذا نايف ( بلا مبالاه ) : قوليله وشوفي منو اللي بيخسر بعدها .:. انقهرت الموظفه بزياده .. وسكرت الباب بقوه وطلعت بره المكتب وهي تتذمر .:. ضحكت ليلى : زين سويت فيها يا نايف والله انك قهرتها من قلب ابتسم نايف : ما عليج منها .. وقوليلي الحين عنج وعن ابوي وكل شي .. انا ابي اعرف عنج كل شي ابتسمت ليلى : ان شالله *************** سالت غدير بحزن : متى موعد محاكمة الحقيره يا البدر ؟ رد بدر بضيق : بعد يومين ان شالله استفهمت غدير : واشفيك جذي اتقولها بضيق ؟ ليكون قلبك معورك عليها ؟ تنهد بدر : الحين شكو هذا بذاك ؟ سالت غدير : وشنو تقصد بذاك ؟ بدر : سلامتج ماكو شي .:. اللي كان يقصده البدر اهو الدانه .. صار له الحين اكثر من شهر وما يعرف عنها شي .:. *************** بعد يومين بس موعد محاكمتها وليما الحين ما حصلوا دلليل لبرائتها .. كانت سلوى منسدحه بنهيار ورا القبضان .. فاقده الامل بالحياة .. بس هم ما كانت ندمانه عاللي سوته لكونها كانت ادافع عن شرفها .. خلال الشهر اللي طاف كانت امها ونايف يزورونها يخففون عليها .. اما عن البقيه محد كان مهتم لها .. ابوها للاسف لما سمع هالخبر تبرا منها .. وصديقاتها شيخه والجود نسوها .. اما عن الشي الغير متوقع اهو زيارة ليلى اختها لها بالسجن .:. ليلى ( وهي اتشوف سلوى ) : اهو شي سخيف اني اسالج عن حالج وانتي بهالحاله وبهالمكان هذا بس هم بسالج شلونج يا سلوى ؟ استغربت سلوى واستفهمت : منو انتي ؟ ابتسمت ليلى : انا اختج تضايقت سلوى : تكفين يا انتي .. لا اتذكريني باختي امنه .. انا ما عندي غيرها .. واذا انتي يايه عشان تتمسخرين علي لحالتي لو سمحتي ابتعدي مسكت ليلى ايد سلوى من ورا القبضان : والله العظيم انا اختج ما افهمت شي : انتي شقاعده اتخربطين ؟ وليش قاعده تحلفين ؟ ليلى : لاني بالفعل اختج تعجبت سلوى : شلون اختي وانا اختي ماتت ؟؟ ليلى : انتي نسيتي ان ابوج طلق امج وتزوج وحده ثانيه بعدها ؟ انصدمت سلوى : انتي اختي من ام ثانيه ؟ هزت ليلى راسها ايجابيا .. ما اعرفت سلوى شتقول ؟ هل تستانس او تزعل او شنو ؟ ماتت اختها امنه وطلعت لها اخت يديده .:. نزلت سلوى راسها بحزن : الله يسامحك يا يبه .. ما قلت لنا ان عندنا اخوان من ام ثانيه ابتسمت ليلى : ما يخالف يا سلوى .. واكاهو الحين عرفتي .. وانا بنت ابوج الوحيده من هالام وان شالله بوقف معاج للابد .. وحتى لو ابوي سعود تخلا عنج انا ما بسوي نفسه .. انتي اختي الوحيده الحين ومستحيل اتخلا عنج لو شنو .:. استانست سلوى من هالكلام وادمعت عيونها غصبا عنها .. تذكرت امنه وطيبتها معاها .. تذكرت ضحكاتها وسوالفها الحلوه .. تذكرت خفة دمها وشطانتها .. تذكرت اخر مره شافتها فيها قبل ما اتسافر لبنان .:. امسحت ليلى بيدها دموع اختها : لا تبجين يا سلوى .. وان شالله بتطلعين من اهني براءه ردت سلوى وهي اتصيح : بالنسبه لي ما عاد تفرق معاي .. سواء اعدموني او لا انا مالي امل بالدنيا .. ما عدت اهتم بشي ليلى : لا اتقولين هالكلام هذا .. ان شالله بتطلعين من اهني .. انا مصدقتج مثل ما نايف وامج امصدقينج ابتسمت سلوى : ما كنت ادري ان عندي اخت طيبه مثلج من بعد اختي امنه الله يرحمها ليلى : الله يرحمها ان شالله .. انا ادري اني ما بقدر اكون ابمكانها بس بسوي اللي اقدر عليه سلوى : تسلمين يا ليلى *************** يماا .. يماا .. الحقي يا يماا !! تعالي شوفي مصاخة فوازو يا يماا !! تخرعت ام فواز وسالت : عسى ما شر يا لميا ؟ اشفيج تصرخين ؟ شمسوي فواز ؟ لميا : الشيخ فواز يايب له بنات بو 22 سنه ومقعدهم بالميلس ضحك وسوالف يا يمااا !! انصدمت ام فواز : شنوو ؟؟ هالحمار امسوي بيتنا دعاره ؟؟ لميا : وهذا وابوي ما يدري عنه بعد ! اهو 15 سنه .. ولا حيا ولا مستحى لموت عمي بوبدر عصبت الام : الحمار .. الحين بوريج فيه .:. وبعدها .:. .:. راحت ام فواز الميلس وفتحت الباب بقوه وهي معصبه .. فواز كان قاعد يسولف مع بنتين .:. صرخت امه : شنو هالمصاخه هاا ؟؟ .:. تخرعوا البنات وقاموا .:. سال فواز : اشفيج يمه مو صاحيه ؟ خرعتي البنات .. الحمدلله انهم اجنبيات وما يفهمون شي ام فواز : وهم يايب لي اجنبيات البيت ؟ شهالمنكر هذا ؟؟ فواز : هذا مو منكر .. هذوله اجنبيات وعادي عندهم .. يعني لو سمحتي يمه لا تفشليناا عصبت امه : واحنا عرب ومو عادي عندنا .. وبعدين انت نسيت ان عمك توه متوفي ؟ عفس فواز ويهه : ما نسيت .. والله يرحمه .. بس هذا مو معناته ان الدنيا بتتوقف خلاص تعجبت امه من هالكلام : اعنبو استح على ويهك توه ميت من شهر بس !! .:. وبعدها .:. سالت مونيكا : what she say ? ابتسم فواز : نثق نثق ماي لوف عصبت ام فواز مره ثانيه : لوف في بطنك ان شالله .. شهالمسخره ؟؟ .:. تنرفز فواز على اسلوب امه .. وحسها من العصر الحجري .. ومسك مونيكا وسنيتا من ايدهم وطلعهم بره البيت .:. تنهدت ام فواز بضيق : الله يهديك ان شالله *************** :. مرت ايام عصيبه .. ايام اشبه بالكابوس .. مرت الايام لين ما يه موعد محاكمة سلوى .. الكل كان متواجد بالقاعه الكبيره .. البدر وغدير واهل بوبدر كانوا قاعدين صوب اليسار .. اما بالنسبه لداليا .. نايف وليلى هذوله بجهة اليمين .. اغلبية اللي بالقاعه كانوا ضد سلوى .. لهسبب كان الامل ببرائتها ضعيف .:. .:. كانت سلوى واقفه بجهة اليمين داخل القبضان الحديديه ودمعتها على خدها .:. سال القاضي للمره الثالثه : ما تبين تدافعين عن نفسج يا سلوى ؟ ردت بصوت خفيف : اعتقد ان كل اللي عندي قلته .:. وفجاه .:. صرخ نايف مقهور : سلوى !! قولي كل اللي بقلبج حتى لو عدتيه مليون مره .. عشانا يا سلوى .. عفيه قوليه رد القاضي : التزموا الهدوء بالقاعه واذا سمعت اي صوت ثاني بطلعكم كلكم بره التفت البدر لنايف متنرفز : استاذ نايف ممكن تسكت ؟ او بيطلعنا القاضي بسبتك انت .:. انقهر نايف من اسلوب بدر معاه بس تمالك نفسه وسكت عشان ما يختلق المشاكل .:. .:. وبعدها .:. سال القاضي للمره الرابعه : للمره الاخيره اسالج ما تبين تدافعين عن نفسج يا سلوى ؟ مع العلم ان الكلام اللي قلتيه بدار الضابط هذاك اليوم ما ينحسب لج اهني .:. شافت سلوى نظرات داليا ونايف اللي يقولون لها تكلمي ودافعي عن نفسج ولا تسكتين .:. تنهدت سلوى : ما يخالف .. انا راح اتكلم الحين .. عشان نايف وامي وليلى اختي وعشان الغاليه اللي نايمه بالقبر تمسخرت غدير : امحق كلام هذا اللي بتقولينه .:. سكتت سلوى وما ردت عليها .:. سال القاضي : مو قلنا مساعه التزموا الهدوء بالقاعه ؟؟ مسك خليفه ايد غدير بشويش : سكتي يا غدور وخلينا انشوف شبتقول .:. وبعدها .:. سالت سلوى : تبوني اقولكم البدايه ؟ او ليش قتلت بوبدر ؟ القاضي : اتصور البدايه بتكون افضل .. مو يمكن يكون فيه خيط لبرائتج شافت سلوى البدر وقالت : بوبدر كان دوم يعصب علي وعلى البدر لما يشوفني اسولف معاه .. وساعات يثور لمجرد ما انطق اسمه وسالت البدر : عدل يا بدر ؟ تدوده بدر : تقريبا والتفتت سلوى لغدير : بوبدر كان دوم يطلب مني اكلات معينه اسويها له ويفضلني انا على غدير .. واعتقد ان غدير حست وهم شافت هالشي هذا .. وحتى سالتني مره مو كان ابوي يحبج اكثر مني يا سلوى ؟ وقلت لها اشدعوه بيحب بنت مرته اكثر من بنته ؟ قالي لي كل شي معقول بالزمن هذا وبعدها سالت : عدل يا غدير ؟ توهقت غدير وما قدرت تكذب : ايه عدل والتفتت لبدر مره ثانيه وسالت : بعتقادك ليش يا البدر ابوك كان يعصب عليك وانا معاك ؟؟ ما عرف البدر شيقول : انا بنفسي متعجب منه !! التفتت سلوى لغدير وسالت : وانتي ياغدير ؟ بعتقادج ليش ابوج كان يفضلني عليج ؟ تضايقت غدير من هالسؤال : ليش ما سالتيه قبل ما تقتلينه ؟ وسالت بعصبيه : وبعدين انتي اشفيج قاعديه وتحققين معانا ؟؟ اعتقد انتي اللي يبيلج تحقيق ومو احنا !! ردت سلوى بالم : انا بس كنت ابي ابين لكم ان ابوكم كان يحبني ودوم يحاول يعتدي علي قامت غدير من على الكرسي بعصبيه : كذااابه !! رد القاضي : هذا اخر تحذير لكم .. لو سمعت صوت ايا كان منكم بطلعكم كلكم بره !! همس خليفه لغدير : امسكي اعصابج يا غدير .. اشفيج انتي ما تستحملين شي ؟؟ ردت غدير بشويش : ما اقدر يا خليفه .. هالانسانه قاهرتني والله .:. داليا .. نايف وليلى كانوا يراقبون الموقف بصمت .:. شاف القاضي سلوى وسال : هذا بس اللي تبين اتقولينه يا سلوى ؟ سلوى ( بتردد ) : اكو شي ليما الحين ما قلته .. يمكن ماله خص بالقضيه بس انا حابه اقوله .. لانه بقلبي وما اقدر اسكت عنه اكثر استفهم القاضي : اللي اهو ؟ .:. التفتت سلوى لخليفه وشافته بعيونه بالم .. استغرب خليفه من هالنظرات .:. سلوى ( بحزن ) : انا حبيت خليفه بيوم من الايام وكنت اتمناه يكون من نصيبي .:. انصدم خليفه وما استوعب هالكلام اللي انقال .. وتعجبت غدير من هاللي اسمعته وما استحملت .:. .:. وبعدها .:. قامت من الكرسي وهي مو مستحمله : انجبي يا الحقييره .. يا ام الريايل انجبي !!! مسك خليفه ايدها بقوه وقعدها : انتي اللي انجبي وقعدي ابمكانج See | ||||
|
| |
|
05-10-12, 09:00 PM
| #29 | ||||
| نجم روايتي ومشرفة سابقةومصممه
| .:. التكمله .:.. سلوى ( بحزن ) : انا حبيت خليفه بيوم من الايام وكنت اتمناه يكون من نصيبي .:. انصدم خليفه وما استوعب هالكلام اللي انقال .. وتعجبت عدير من هاللي اسمعته وما استحملت .:. .:. وبعدها .:. قامت من الكرسي وهي مو مستحمله : انجبي يا الحقييره .. يا ام الريايل انجبي !!! مسك خليفه ايدها بقوه وقعدها : انتي اللي انجبي وقعدي ابمكانج انصدمت غدير : انا اللي انجب يا خليفه ؟ انااا ؟؟ خليفه : اي انتي اشر القاضي عالباب معصب : بره .. رجاءا كلكم طلعوا بره قام البدر من الكرسي يتاسف : هذي اخر مره يا القاضي .. عفيه خلنا بالقاعه واوعدك ما راح تسمع منا اي صوت وشاف بدر اخته بنظره : وانتي يا غدور لو سمحتي يعني اسكتي تنهد القاضي : هذا اخر تحذير !! والتفت لسلوى : كملي يا سلوى كلامج ادمعت عيون سلوى وكملت : انا حبيت خليفه من زمان ولما شفته مع رفيجتي اللبنانيه ساندرا بيوم قلبي احترق وحسيت بالغيره .. ومن زود حبي له حالتي النفسيه تعبت لما خطب غدير .. واعتقد ان بوبدر لاحظ علي هالشي .. بالبدايه كان شاك اني احب البدر .. بس انا .. اناا وشافت خليفه بعيونه بالم كبير : انا احبك انت يا خليفه ما استحملت غدير وصرخت : قلتلج انجبي .. حسبي الله عليج !! .:. عصب القاضي واشر على غدير عشان تطلع من القاعه .. عصبت غدير وقامت من الكرسي وطلعت بنفسها .. تجمد خليفه ابمكانه مو مستوعب شي وكان يحس بالخنقه وقلبه يعوره .. حس بشعور غريب بصدره بس اكتمه .. صاحت داليا على حالة بنتها .. واستغرب نايف انه ما لاحظ شعور الحب بيوم على سلوى .:. .:. وبعدها .:. كملت سلوى وهي منكسره من داخلها : بوبدر كان دوم يتحرش فيني بس بطريقه مو مباشره ليمن يه اليوم اللي سوالي غرفة نوم خاصه فيني عشان ياخذ راحته بعيد عن اختي امنه الله يرحمها .. انا رفضت بشده لاني اعرف نواياه الخبيثه بس اهو اصر علي ليمن تعبت من اصراره و وافقت بعدها .. ولما تزوجت غدير وسافرت امنه لبنان وفضى البيت علينا استغل اهو الفرصه الثمينه ودخل علي داري وبدون ما يطق الباب كالعاده .. انا كنت ابدل ملابسي وموبايلي كان بيدي .. كنت اصور فيه فيديو اجرب الكاميرا اللي ....... .:. اسكتت فجاه .:. استفهم القاضي : كملي يا سلوى .. ليش سكتي ؟؟ حطت سلوى ايدها عالقبضان وصرخت : موبايلي !! وين موبايلي ؟؟ عطوني موبايلي !! استغرب القاضي : شكو الموبايل بالقضيه الحين ؟ سلوى ( بانفعال ) : انا كنت اصور فيديو بالموبايل .. ومن بعدها طاح الموبايل عالسرير .. واذا ما صور المشهد اكيد صور الصوت !! .:. ادمعت عيون داليا المسكينه من هالخبر السعيد .:. قام نايف من الكرسي يسال وانفتحت لاخته ابواب الامل : وين موبايلج يا سلوى ؟ طيران الحين بيبه لج القاضي : انا اقول تتوقف الجلسه ليما بكره ان شالله بعد ما نتاكد من صحة الكلام الموجود بالفيديو *************** .:. بعد عشر دقايق تقريبا من انتهاء اول جلسة محاكمه .:. .:. داخل القضبان الحديديه .:. قرب منها وسال بحزن : ليش ما قلتيلي انج اتحبيني يا سلوى ؟ من يدري ؟ مو يمكن كان بيكون نصيب من بينا ! ارفعت راسها وشافت حبيبها جدامها : خليفه !! وسالت بالم : انت شتسوي اهني ؟؟ لو شافتك غدير بتعفس علينا الدنيا رد خليفه : ما عليج منها وجاوبيني عاللي سالته ؟ تنهدت سلوى بضيق : الكلام مامنه فايده يا خليفه .. عفيه لا تقلب المواجع ما اقتنع وسال : وانتي شدراج انه مامنه فايده ؟ اذا انتي اتشوفينه بلا فايده مو يمكن انا اشوفه العكس !! دمعت عيون سلوى : شتبيني اقولك يا خليفه ؟ كل اللي عندي قلته بالمحكمه ونطقت بصعوبه : اناا اناا حبيتك .. وليما الحين احبك .. .:. ما عرف خليفه شيقول وحس بالربكه بجسمه .:. خليفه ( بتلعثم ) : والله انج خوش ابنيه يا سلوى .. بس مشكلتي انتي ما حبيتج وما فكرت فيج بيوم .. وانتي بدورج ما صارحتيني بحبج .. فلا اتلوميني الحين حاولت تتمالك نفسها عشان ما اتصيح : كل شي بالدنيا قسمه ونصيب *************** .:. ابيت بوبدر .:. .:. فتح نايف دار البدر بعد ما طق عليه الباب وبسرعه قرب يمه ورمى عليه موبايل سلوى .:. نايف ( وهو ياشر عالموبايل ) : تفضل شوف سواة ابوك المحترم !! .:. مد بدر ايده ومسك الموبايل وضغط على علامة play وشاف العجب .. معقوله ابوي يسوي جذي ؟ سال نفسه مصدوم : لو كنت انا ابمكان سلوى هل يحق لي اقتل ابوي ؟ .:. فيديو مشهد وصوره .. واخيرا دلليل براءة سلوى .:. نزل البدر راسه منحرج : شلون ما صدقتج من البدايه يا سلوى ؟ مد نايف ايده ومسك الموبايل : هالفيديو هذا الكل باجر بيشوفه بالمحكمه ان شالله .. عشان الكل يعرف من هو بوبدر ومن هي سلوى !! *************** ليش شرفت البيت ؟ تو الناس ! جان تميت معاها هناك !! قعد عالكرسي متنرفز : اسكتي يا غدير .. انا مو ناقصج عصبت غدير : اسكتني عشان انسانه حقيره ما تسوا ؟؟ مسك خليفه اعصابه على كثر ما يقدر: قلتلج اسكتي يا غدير ما ابي اعصب عليج ما قدرت غدير تسكت : وليش تبيني اسكت ؟؟ هاا ؟؟ لهدرجه استانست لما عرفت ان الشيخه سلوى اتحبك ؟ وبعدين تعال اهني ليكون مصدقها باللي قالته عن مقتا ابوي ؟ تراها اتعرف اتمثل وكذاابه فقد خليفه اعصابه : انتي اشفيج ؟ غبيه ؟ ما تفهمين ؟ الف مره قلتلج اسكتي .. ياليتني ما طاوعت امي وتزوجتج .. ما جنيت منج غير الحنه وعوار الراس .:. وبسرعه طلع بره الدار متنرفز .:. انصدمت غدير من كلامه : هذا شلون كلمني بهالطريقه ؟؟ شلون ؟؟ *************** .:. ابلبنان .:. .:. بمركز عمليات التجميل .. كانت تشوف نفسها مو مصدقه انها نفسها البنت القمر اللي بالمرايا .. بعد شهر كامل بالمستشفى بدون ما اتشوف نفسها بالمرايا .. واخيرا سمح لها الطبيب تلقي نظره على شكلها .. كانت تشوف المرايا وعيونها متجمده من السعاده .:. الدانه ( تسال نفسها بتعجب ) : معقوله هالبنت اللي اشوفها جدامي اهي انا ؟ ابتسم الطبيب : هايدي الدانه بنت جاسم اللي بتشوفيها ادامك يا صبيا صرخت دانه من الوناسه : اه يا ربي مو مصدقه .. ابي ارد الدوحه الحين .. ابي اهلي يشوفوني الحين .. ابي اشوف شلون نجلا ونور بيحشون فيني بعد اليوم .. ابي عيدميلاد سلوى ينعاد وبشوف هالساندرا شلون بتتمسخر علي ! ابي وابي وابي .. ابي ابتدي من يديد .. ابي ابتدي حياة يديده .:. كانت بطير من الوناسه .. حلم وتحقق .. البنت اللي كانت مو حلوه بيوم صارت قمر الحين .. هم وانزاح عنج يا الدانه .. وما بقى غير البدر الحين .:. *************** .:. باليوم التالي .:. .:. بالمحكمه .:. .:. الكل بطل عيونه على مشهد الفيديو اللي يشوفونه .. مو مستوعبين ان بوبدر يسوي جذي ويطلع صورته بهالبشاعه .. البدر كان شايف الفيديو من امس وكان مستحي من نفسه .. غدير انصدمت وكا كانت تبي اتصدق البشاعه اللي اتشوفها .. خليفه احتقر عمه بعد اللي شافه منه .. داليا انصدمت من قلب من عمايل ريلها المحترم .. ليلى عورها قلبها ليش ان سلوى كانت عايشه مع هالوحش البشري ومستحملته .. ابو بوبدر وعياله استنكروا هالشي مستحين ومتفشلين من هالسواة .:. حسبي الله عليك .. نزلت راسنا بالطين !! ^^ هذا اللي قاله ابو بوبدر وهو معصب رد بوخليفه عليه : تعوذ من ابليس يبه .. اهو ميت الحين وما تجوز عليه غير الرحمه تنهد ابو بوبدر بضيق : استغفر الله يا ربي .:. وبعدها .:. نطق القاضي اخر كلماته بالجلسه : حكمة المحكمة عالمتهمه سلوى سعود ... .:. سكت القاضي فجاه يدور باوراقه .. كانت لحظه صمت من الجميع .. منتظرين حكم المحكمه النهائي .. داليا ونايف وهم ليلى كانوا قاعدين على اعصابهم .. اما عن سلوى كانت شويه وتنفجر .. ترتجف من الخوف ومن اللي ممكن تسمعه الحين .:. كمل القاضي : حكمة المحكمة عالمتهمه سلوى سعود بالبراءه بسبب الدفاع عن الشرف طاحت سلوى على ركبتها : الحمدلله يا ربي .. الحمدلله امسكت داليا ايد بنتها وهي اتصيح من السعاده .. ادمعت عيون نايف بلا شعور منه .. وابتسمت ليلى لاختها .. تفشل البدر من نفسه وما عرف شيقول .. اما بالنسبه لغدير طلعت من القاعه مقهوره على حكم القاضي مع انها تدري ان ابوها اهو الغلطان .. اخوان بوبدر ما علقوا بشي واكتفوا بالصمت .:. قرب خليفه من سلوى بابتسامه : تستاهلين كل الخير يا سلوى ادمعت عيون سلوى سعاده : تسلم يا خليفه .. ما تتصور شكثر انا مستانسه الحين بعد ما فقدت الامل بالدنيا خليفه : ربج ما ينسى عبده يا سلوى .:. وبعدها قرب البدر منها وراسه كان يناظر الارض .. كان متفشل وماله عين يرفع راسه ويشوفها .. شافته سلوى وعرفت انه متحسف ليش انه ما صدقها من البدايه .:. بدر ( بندم ) : سامحيني يا سلوى ليش اني كذبتج .. انا اسف .. انا ادري ان كلمة اسف ما بتسوي شي بس انا بالفعل اسف .. غصبا عني انفعلت باول الايام لما شفت ابوي مرمي بالارض وجسمه غرقان بالم .. مثل ما انتي عارفه هذا ابوي ردت عليه : ارفع راسك يا البدر .. انا مسامحتك رفع راسه منحرج من نفسه : من طيب اصلج يا بنت داليا *************** .:. واخيرا مرت الايام على خير .. كانت ايام عصيبه .. كانت كابوس بالنسبه لسلوى .. بعد موت بوبدر وبعد ما طلعت براءه من السجن حست براحه نفسيه كبيره .. حست انها انولدت من يديد .. وحست ان الدنيا بتبشر بالخير .:. سلوى ( بينها وبين نفسها ) : مقتل بوبدر وموت الغاليه امنه ورحيل الحبيب خليفه مو معناته نهاية الدنيا ! *************** .:. توها نازله من الطياره واصله مطار الدوحه .. كانت اتشوف الناس من حولها بابتسامه .:. شافت السما وابتسمت : انا يايتك يا البدر انتي اشفيج ؟ ما تفهمين ؟ قلتلج لا اتشوفينهم ولا يشوفونج !! تضايقت ليلى : بس ليش يبه ؟؟ هذول نايف وسلوى اخواني .. ولا تنسى انهم عيالك !! شلون ما تبيني اشوفهم ؟ عصب بوليلى : وانتي من متى تسالين اذا عندج اخوان او لا عشان تهتمين لهم الحين ؟ وبعدين انا ما عندي عيال غيرج والناس ما ينادوني بونايف ينادوني بوليلى .. وزواجي من اللبنانيه داليا كانت غلطه ! ما عجبها الكلام : اسفه يبه .. بس كلامك هذا ابد مو مقنع !! شلون تتبرا من عيالك بهالسهوله ؟ الله ما يرضى بالشي هذا .. ما يجوز هالشي ما قتنع ابوها : اوهو .. لا تقعدين وتلقين لي محاظره الحين .. انا قلت ما ابيج اتكلمينهم او تشوفينهم .. او باتصرف معاج بتصرف ثاني .. فاهمه ؟؟ عصبت ليلى : لا مو فاهمه .. وهذوله اهلي .. قبل كنت ما اكلمهم لاني ما اعرفهم .. اما الحين تغير الوضع .. اسفه يبه بس هالمره انا ما بسمع كلامك .:. وبسرعه طلعت بره الدار متنرفزه بدون ما تعطي ابوها فرصه يتكلم او يقول شي .. عصب ابوها وحس ان اقناع هالبنت بيكون مستحيل .:. *************** .:. كان حابس نفسه بالدار .. حاس بالضيقه من المحاكمه وكل شي .:. دقت سلوى عليه الباب : ممكن ادخل يا البدر ؟ رد بشويش : اكيد يا سلوى .:. دخلت عليه الدار وكان منسدح على السرير وعلامات الضيق امبينه عليه .:. سالت سلوى : انت ليما الحين متضايق ؟ انسى يا البدر تراني نسيت ابتسم بدر وسال : قبل كل شي .. اقدر اقولج على سر يا سلوى ؟ ابتسمت سلوى بالمثل : اكييد *************** من عيوني حبيبي .. انت تامر امر صرخت تسال بعصبيه : منو حبيبج ؟ منو هذا الثور اللي تكلمينه ؟ انتي يا نجول ما اتوبين ؟ .:. تخرعت وبسرعه سكرت الخط .:. نجلا ( بشويش ) : سكتي .. سكتي لا يسمعج احد نور : شلون تبيني اسكت عاللي اتسوينه ها ؟ انتي نسيتي وعدج لنا ولخالد ؟ انج ما بتكلمين شباب بعد اليوم ؟ بررت نجلا : بس هذوله مو شباب .. هذي ابنيه اللي قاعد اكلمها الحين استفهمت نور : شلون ابنيه وسمعتج اتقولين له حبيبي ؟ اتقصين على منو انتي ؟ نجلا : والله العظيم ابنيه بس مسترجله حطت نور ايدها على راسها : الله ! ما صدقنا نفتك من الشباب اتقومين تقلبين عالبنات المسترجلات ؟ شنو هالمنكر هذا ؟ تنهدت نجلا : شاسوي فيكم ؟ انتوا السبب .. منعتوني من الشباب قلت لنفسي اجرب البنات !! عصبت نور : وانتي اتشوفين اللي اتسوينه عدل الحين ؟ نجلا ( بلا مبالاه ) : والله عدل او مو عدل على الاقل احسن من الشباب وعشان خالد ما يسوي لي سالفه طالعت نور نجلا بنظره : ما اقول غير الله يهديج ان شالله *************** .:. ابيت بوالدانه .:. صوت بودانه على ام دانه : شوفي وحده من الخدم خل تشوف منو بالباب يا ام الدانه ام دانه : ان شالله .:. وبعدها .:. .:. فتحت احدى الخادمات الباب والا بوحده قمر تدخل البيت .. دخلت الصاله وقربت من ام الدانه .:. شافتها ام دانه بابتسامه : هلا والله .. حيالله من يانا ابتسمت البنت : الله يحيج شكت ام الدانه بالصوت : منو انتي ؟ ضحكت البنت : شدعوه يمه ؟ ما عرفتيني ؟ انصدمت امها : الدانه !! *************** سالت سلوى متعجبه : معقوله الدانه بنت عمك جاسم اتحبك ؟ والله انها معوره قلبي يا البدر .. بس انت شلون جرحتها بكلامك ؟ رد بدر بحزن : اللي صار صار يا سلوى وانا ندمان عليه سلوى : انا من البدايه كنت شاكه ان فيك شي .. من سالفه المرسيدس اللي ما اقتنعت انك ربحتها .. بس ما حبيت اكون ملقوفه واسالك عن شي بدر : كنت مظطر اكذب عليكم .. لانه شي ما يتصدق .. بس تكفين يا سلوى خليه سر من بينا .. ما ابي اي شخص يعرف بالشي هذا ابتسمت له : من عيوني يا البدر .. سرك ابير *************** كانت امها اتشوفها ومو مستوعبه : مستحيل اتكونين الدانه ! انتي شسويتي بعمرج ؟ تغيرتي 180 درجه .. شي مو معقول بالمره سالت دانه : يعني صرت حلوه يمه ؟ ام دانه : انا اشوف ان القمر اللي بالسما نزل ابيتنا تشققت الدانه من الوناسه : اه يا يمه .. ما تتصورين شكثر كنت متشوقه اسمع هالكلمه ! انا القمر ؟ اه يا محلاها من كلمه .:. سعادتها كانت كبيره .. ما كانت اتفكر بشي الحين غير البدر .. كانت تبي اتشوف ملامح ويها لما اتقوله انا الدانه بنت عمك جاسم .:. *************** .:. ابيت بوفواز .:. دخل فواز على امه بالدار : يمه حبيبتي اقدر اطلب منج طلب ؟ ما عليج امر يعني .. يا الغاليه انتي اعفست امه الويه : الله يستر من طلباتك .. على العموم اطلب .. قول اشعندك ؟ فواز ( بتردد ) : بقولج بس توعديني انج ما تعصبين ؟ استفسرت امه : ليش ان شالله خايف من اني اعصب ؟ ليكون مصاخه وسخافه ومن هالقبيل ؟ رد فواز : حشى يمه .. لا هو بمصاخه ولا سخافه .. الا اهو حلال استفهمت امه : حلال ؟ ابتسم فواز : اي نعم حلال سالت امه مو فاهمه شي : انت شتقصد ؟ اشتبي اتقول بالضبط ؟ غمض فواز عيونه : يمه انا نويت اخطب على سنة الله ورسوله انصدمت امه : انت شتخربط ؟ مينون ؟ سال فواز : شكو الينون الحين بالخطبه ؟ ام فواز : بحالتك انت يعتبر ينون منك .. انت توك صغير .. عمرك 15 سنه بس وتبي تخطب ؟ انت اكيد استخفيت !! انحبطت امال فواز : افهم من كلامج انج ما راح تخطبينها لي يا يمه ؟؟ تعجبت امه : وهم حاط عيونك على وحده ؟ ومن هذي ؟ وكم عمرها ان شالله ؟ اذا انت 15 اهي كم ؟ 10 او اقل ؟ تشقق فواز من والوناسه : ليش تساليني يمه ؟ غيرتي رايج ؟ راح تخطبينها لي ؟ تذمرت امه وسالت مره ثانيه : فوازو لا تسندرني وقولي منو هالياهل تعيسة الحظ اللي حاط عيونك عليها ؟ رد فواز : مو ياهل يمه .. الا مره كبيره استغربت امه : ومنو اهي ؟ ابتسم فواز : داليا مرت عمي المرحوم بوبدر وسال يثقه : بتخطبينها لي يمه ؟ .:. انصدمت امه وما صدقت هالتخلف والتفكير المينون هذا !! ولدها فواز اكيد وصل لمرحله ينونيه كبيره .:. فلعت عليه امه علبة الكلينكس بصرخه : حسبي الله عليك من ولد .. انت شتقول وشتخربط ؟ ما فهم فواز سبب هالعصبيه : يمه اشفيج ؟؟ ليش معصبه ؟؟ هذا وحلال وتسوين جذي !! عيل لو حرام شبتسوين ؟؟ ام فواز : ما اقول غير مالت عليك وعلى عقلك يا المينون !! مره كبيره ام عيال .. تطلقت مره ومالت ريلها الثاني اللي اهو عمك .. والشي الاهم انها بالعده الحين .. والشي الاهم والاهم انك ما يجوز تخطب مرة عمك يا الثور اللي اهي كبر امك ! والله العظيم انك متخلف يا فواز !! *************** انا اسف يا نايف .. سامحني حط نايف ايده على كتف بدر : ماله داعي الاسف يا بدر احنا اخوان بدر : بس اسلوبي معاك كان جدا حقير ابتسم نايف : وانا نسيت كل شي وسامحتك من زمان نزل البدر راسه : والله اني مستحي منك يا نايف نايف : اقول ارفع راسك يا البدر .. وخلنا نبتدي من يديد رفع راسه وسال : تعتقد بنقدر نسى كل شي ونبتدي من يديد ؟ ابتسم نايف : شي اكيد *************** دخل فواز داره متذمر : هذا وابي اخطب داليا بالحلال والشيخه امي سوت لي سالفه انه تخلف مني وما يجوز هالشي .. عيل شبتسوي لو خطفت داليا وشردنا ؟؟ ^^ هالمينون كل اسبوع له تفكير ومزاج متقلب ومتخلف .. اليوم مثلا يحن على امه عشان يخطب داليا وبعد يومين بيخطب بنت الجيران *************** .:. بيوم صافي .. كانت تنتظره بالسياره .. كانت اتراقب البيت اتشوفه لو طلع وركب سيارته ؟ تبي تمشي بالسياره وراه .. تلحقه .. عشان اتصادفه بنفس المكان اللي بيقصده .:. .:. بعد نصف ساعه تقريبا من الانتظار .. طلع البدر من البيت وركب سيارته .:. ابتسمت الدانه من شافته من بعيد واشرت للسايق : الحق سيارة البدر .. بس تحمل يحس انك تلحقه رد السايق : ان شالله .:. لحقت الدانه بدر ليما وقف بسيارته عند سوق واقف .. نول من السياره وانزلت اهي وراه .. كان يتمشى بزوايا المحلات وتمت تتمشى وراه .. تقريبا اكثر من ربع ساعه وهو يدور بالسوق بنفسه بلا معنى او هدف .:. سالت دانه نفسها مستفهمه : شيسوي بدور من مساعه وهو يلف بالسوق ؟ تعبت من كثر ما ادور وراه ! اخاف يغازل وانا ما ادري .. والله ان اللي يشوفه وهو بنفسه يقول مغازلجي .. بس هم ما ظنتي .. البدر مو مال هالسوالف وخطرت ابالها فكره : اممم .. انا ليش ما امر من جدامه ؟ يا بلفيت دعمته وطاحت شنطتي .:. وبعدها قربت الدانه منه يا بلفيت كانت تتكلم بالموبايل وبدون ما تنتبه دعمته !! تفاجا البدر وتخربط من هالدعمه .:. .:. وبعدها .:. شاف الدانه بعيونها وتاسف : اسف يا انسه .. اسمحيلي الشيخه .. والله مو قاصد من اني ادعمج متعمد ابتسمت له : حصل خير الشيخ .. انت اللي اسمحلي .. انا كنت اتكلم بالموبايل ولهيت وقالت بقلبها : والله اني عياااره .:. وفجاه .:. .:. انصدم البدر من الصوت وتجمدت عيونه على ملامحها الجميله .:. سالت بابتسامه : اكو شي اخوي ؟ ليش اطالعني جذي ؟ تخربط وبسرعه نزل عيونه : سلامتج والله بس صوتج ذكرني بوحده اعرفها ولما شفتج طلعت غلطان .. مستحيل اتكونين انتي هي .. مجرد تشابه بالصوت .:. حست الدانه بالسعاده ليش ان بدر ليما الحين متذكر صوتها ومو ناسيه مثل ما كانت معتقده .:. نست الدانه نفسها : مثل ما قلت .. اكيد تشابه بالصوت .. لاني اول مره اشوفك يا البدر وبسرعه حطت ايدها على حلجها : ابيه !! انا شلون قلت البدر !! انصدم البدر وبحلق بعيونه : اشقلتي ؟؟ | ||||
|
| |
|
05-10-12, 09:02 PM
| #30 | ||||
| نجم روايتي ومشرفة سابقةومصممه
| .:. التكمله .:. .:. حست الدانه بالسعاده ليش ان بدر ليما الحين متذكر صوتها ومو ناسيه مثل ما كانت معتقده .:. نست الدانه نفسها : مثل ما قلت .. اكيد تشابه بالصوت .. لاني اول مره اشوفك يا البدر وبسرعه حطت ايدها على حلجها : ابيه !! انا شلون قلت البدر !! انصدم البدر وبحلق بعيونه : اشقلتي ؟؟ توهقت دانه وما عرفت شتقول : ما قلت شي انا .. شقلت ؟ بدر : امبله الشيخه قلتي اسمي .. والشي المحير بالسالفه لما قلتي انج اول مره اتشوفيني ! عيل من وين عرفتي اسمي ؟ ارتبكت دانه : يمكن تكون مجرد صدفه او زلة السان !! ما اقتنع البدر : مستحيل تكون مجرد صدفه او زلة السان مثل ما تقولين .. اشمعنى قلتي اسم البدر بالذات ؟ حست الدانه انها تبي تشرد : اناا .. انا لازم امشي الحين .:. وبسرعه مشت .. لكن البدر مسك ايدها بيوقفها .:. سالت بخوف : اشفيك يا انت ؟ هد ايدي مو جدام الناس عيب عليك .. ليش ماسكني بالطريقه هذي ؟ اصلا من سمح لك انك اتجيسني ؟ .:. حس بدر انه دفش باسلوبه هذا .. وبسرعه شل ايده منها واعتذر .:. بدر ( باسف ) : اسف .. نسيت نفسي .:. ومشى بعدها مخلي الدانه وراه .. وهو بهاللحظه كان يفكر بالدانه .. ليش ان هالبنت ذكرته وايد بالدانه .. وهو ما يدري انها نفسها اسيرته .. الدانه بنت عمه .:. .:. تمت دانه بمكانها وعيونها تناظر بدر ليما اختفى .. تنهدت بعدها ومشت راده السياره .. الحمدلله ان الموقف عدى على خير .. هذا اللي قالته الدانه .. ركبت السياره من بعدها راده البيت وهي تخطط للقاء الثاني اللي ممكن يجمعها بالبدر .:. *************** قلت لك طلقني !! اشفيج انتي ؟؟ مينونه ؟؟ مو صاحيه ؟؟ شاربه شي ؟؟ اطلقج عشان سالفه ما تسوى ؟؟ كل هذا عشان سلوى واللي قالته بالمحكمه ؟؟ غدير ( بعصبيه ) : اي نعم عشانها ! خليفه : اشفيج انتي ما تفهمين ؟ الف مره اقولج وللمره المليون ان ما بيني وبينها شي .. انتي ليش مو راضيه تصدقين ؟ ما اقتنعت غدير : مستحيل ما يكون بينكم شي .. انا شفت بعيني نظراتك لها واحنا بالمحكمه هذاك اليوم .. اشكره مهتم لها تنهد خليفه : والله العظيم ما بيني وبينها شي .. بليز افهمي يا غدير وارحميني عااد .. واذا على النظرات تراها من الصدمه على اللي قالته عن الحب وبس سالت غدير متنرفزه : وعاد انت شكلك ما صدقت على الله ان اكو بنت اتحبك عدل ؟ مسك خليفه اعصابه : غدير انجبي ولا تكلميني بهالطريقه .. شنو شايفتني ان شالله ؟ ابو البنات عشان ما اصدق عالله انهم يحبوني ؟؟ تذمرت غدير : ما ادري عنك .. اسال نفسك هالسؤال هذا ! وتذكر شلون كانت نظراتك لها .. على قولتك نظرات الصدمه ! والله يا خوفي تكون نظرات الحب وانا ما ادري !! انفجرت اعصاب خليفه : قلتلج انجبي !! بقره انتي ما تفهمين ؟ يعني تبين الواحد غصب يغلط عليج ؟ .:. وبسرعه طلع بره الدار بعد ما خبط بالبيبان بقوه .. عصبت غدير من قلب ورمت بالكاس اللي كان على الطاوله وانكسر وتناثر الزجاج بزوايا الدار .:. دخل خليفه على امه معصب : يمه وينج ؟؟ تخرعت امه وسالت : عسى ما شر ؟ اشفيك ؟ رد متشتت : يمه .. انا بطلق غدير انصدمت امه : شنو ؟ استخفيت انت ؟ *************** .:. توها راده البيت .. دخلت دارها وسكرت الباب وقطت بنفسها عالسرير .. كانت تفكر لو اطرش له مسج من موبايلها او تتجاهل .. بس حست ان هذا اهو الوقت المناسب للمسج .. مسكت موبايلها وكتبت له المسج .:. .:. توه البدر طالع من سوق واقف وراكب سيارته الا يسمع نغمة المسج .. مسك موبايله بيشوف منو اللي مطرش له وما استوعب لما شاف رقم الدانه .:. بدر ( بلهفه ) : ما اصدق انا ! واخيرا طرشتي شي يا الدانه ؟ .:. وبعدها .:. فتح المسج يقراه : هلا ولد عمي شلونك ؟ ان شالله تكون بخير ؟ اكيد انك تتسائل انا وين كنت ؟ وليش فجاه اختفيت ؟ الصراحه كانت عندي اسبابي .. انا بس حبيت اسالك لو كنت فاضي باجر عالساعه 7 بالليل ابيك اتمر بيتنا .. بغيتك بشغله ما عليك امر تشقق البدر من الوناسه : اكيد بمر يا الدانه .. وحتى لو ما كنت فاضي بفضي نفسي عشانج وكتب لها بمسج : من عيوني يا الدانه .. ان شالله باجر عالساعه 7 اكون عندج *************** .:. ابيت بوخليفه .:. سالت ام خليفه مو مقتنعه : اشدعوه بطلق غدير عشان سالفة سلوى ؟ يعني معقوله هالشي يا خليفه ؟ رد خليفه : هذا اللي اهي تبيه ومو انا ام خليفه : مستحيل غدير تفكر بالطريقه هذي !! خليفه : والله اذا مو مصدقتني روحي اساليها .. شكها ان بيني وبين سلوى شي اهو اللي خلاها تطلب الطلاق استفهمت امه : وليكون بينك وبين سلوى شي ؟ تنهد خليفه : يعني بالله عليج شنو بيكون بينا يا يمه ؟ لمجرد ان سلوى قالت بالمحكمه انها اتحبني معناته ان اكو شي من بينا ؟؟ ام خليفه : مو هذا هو المهم الحين .. المهم انك تنسى فكرة الطلاق موليا .. اعنبو توكم متزوجين من شهر بس .. واذا على غدير خلها علي انا تنهد بضيق : اللي تشوفينه يمه *************** .:. بهاللحظه كانت غدير رايحه لبيتها .. كانت تبي تشوف سلوى عشان تحقق معاها وتسوي سالفه من ولا شي .. ولما وصلت بسرعه نزلت من السياره ودخلت البيت رايحه لدار سلوى .:. فتحت عليها باب الدار بقوه : وينج يا ام الريايل ؟؟ تخرعت سلوى والتفتت لها : بسم الله الرحمن الرحيم .. خرعتيني يا غدير !! وسالت مستنكره : وشنو هذي ام الريايل ؟ هذي ثاني مره تقولينها لي .. عيب عليج .. والله العظيم عيب عليج تمسخرت غدير : يا سلام يا سلام على البنت الشريفه يا سلام .. انتي تعرفين العيب ؟ المره الاولى لعبتي على ابوي المسكين ليمن اغريتيه وحاول انه يعتدي عليج .. والحين قاعده وتلفين على خليفه عشان تخطفينه مني !! استنكرت سلوى هالكلام : كل الكلام اللي قلتيه باطل يا غدير ضحكت غدير بسخريه : سكتي ولا تسوين روحج مثاليه .. انتي من عمايلج حتى ابوج تبرا منج وقالت بجديه : شوفي يا بنت الناس .. هذا لو كنتب بالفعل بنت ناس .. انا يايه اقولج شي وارد البيت .. ابتعدي عن خليفه احسن لج تضايقت سلوى من هذا كله : تطمني حبيبتي ما بيني وبينه شي .. واذا على الكلام اللي قلته بالمحكمه اعتبريه شي من الماضي شافت غدير سلوى بحتقار : ودي اصدقج باللي تقولينه يا الحقيره بس للاسف ما اقدر ادمعت عيون سلوى : الله يسامحج يا غدير ردت غدير بقسوه : اكره دموع التماسيح قربت سلوى من غدير ومسكت ايدها بالم : ليش صار كل هذا ؟ كنا من احسن ما يكون .. عايله وحده متفاهمه كلن يحب الثاني .. وفجاه افترقنا لاسباب انا استنكرها ! اسحبت غدير ايدها بقوه : اذا انتي استنكرتيها فانا ما اقدر استنكرها .. انتي السبب الاول والاخير باللي صار واللي قاعد يصير .. لو ما اغريتي ابوي من البدايه ما كان بيصير كل هذا سلوى : للمره المليون اقولج انا ما اغريت ابوج .. اهو اللي دوم كان يتحرش فيني والله .. يعني ما شفتي الفيديو المسجل بالموبايل ؟ ما سمعتي الكلام اللي دار بينا ؟ ما كان دلليل كافي لج على ان ابوح اهو السبب ؟؟ .:. ما عرفت غدير شتقول وسكتت .:. استفهمت سلوى : ليش سكتي ؟ اشوف ردي .. قولي شي ! سالت غدير بلا مبالاه : وشتبيني اقولج بالله ؟ كل اللي عندي قلته ردت سلوى : قولي ان الحق معاي انا وانج ما تبين تقتنعين بالشي هذا .. قولي انج معصبه علي ليش اني احب خليفه ومو عشان مقتل ابوج .. قولي كل هذا ! ما اهتمت غدير : ما ابي اقول شي .. ومثل ما قلت لج كل اللي عندي قلته .. وللمره الاخيره اقولج ابتعدي عن خليفه احسن لج .:. وبعدها طلعت بره الدار راده البيت .. حست سلوى بالضيق الشديد .:. سالت نفسها بحزن كبير : ليش يا غدير مو راضيه تستوعبين ان انا مالي خص بشي وان القدر اهو السبب بكل شي ؟ *************** .:. عالساعه 2 الفير .:. .:. ابيت بوخليفه .:. .:. كان خالد رايح المطبخ عطشان بيشرب ماي .. واستغرب لما شاف ان باب المطبخ الخارجي مفتوح .. طلع منه ليما وصل الحوش .. مشى شويه وشاف ان باب البيت الحديد هم كان مفتوح .. تخرع وارتبك وحس ان اكو حرامي بالبيت .. مشى بخطوات خفيفه بزوايا الحوش ليمن سمع صوت شي يتحرك بالمخزن اللي بره ! مسك نعال بيده لوول يعني سلاح وسم بسم الله وبسرعه فتح باب المخزن ومد بيده سيده وهو ماسك النعال .:. صرخت نجلا متروعه من قلب : بسم الله الرحمن الرحيم .. ياك الموت يا تارك الصلاة انصدم خالد وهو يشوف نجلا : نجلوه ! انتي شتسوين عندج بالمخزن ؟ وشله بيبان البيت امشرعه ؟ نطقت وهي ترتجف : انا بس كنت انا .. صرخ معصب : انتي شنو ؟؟ .:. وفجاه .:. سمع خالد صوت من وراه يسال : عسى ما طولت عليج حبيبتي نجلا ؟؟ انصدم خالد وهو يشوف نجلا : نجلوه ! انتي شتسوين عندج بالمخزن ؟ وشله بيبان البيت امشرعه ؟ نطقت وهي ترتجف : انا بس كنت انا .. صرخ معصب : انتي شنو ؟؟ .:. وفجاه .:. سمع خالد صوت من وراه يسال : عسى ما طولت عليج حبيبتي نجلا ؟؟ *************** .:. ابدار خليفه .:. .:. كان خليفه منسدح على السرير ما ياله نوم .. اما عن غدير كانت قاعده على الكرسي امجابلته وهم ما ياها نوم .. كانت اتفكر تكلم خليفه وتعتذر منه .:. سالت مستفهمه : نمت يا خليفه ؟ رد وهو مغطي نفسه باللحاف : ليما الحين .:. وبعدها .:. قامت من الكرسي وقربت يمه .. قعدت على السرير بتردد .. كانت ناويه تعتذر له .:. مسكت ايده بشويش : انا اسفه حبيبي ما عبرها : بعد شنو ؟ تضايقت وسالت : يعني شنو الحين ؟ ما راح اتسامحني ؟ التفت صوبها وسال : مو انتي مساعه طلبتي الطلاق ؟ ردت متحسفه : غيرت رايي استفهم خليفه : وشاللي غير رايج ؟ غدير : حسيت ان السالفه ما تسوى ومساعه انا كنت معصبه ونسيت نفسي سال خليفه : افهم من كلامج انج عقلتي واهم شي واثقه فيني ؟ غدير : اكيد ما اقتنع خليفه : متاكده ؟ كررت غدير : اكيد سال خليفه يجيس النبض : يعني عادي عندج احب سلوى ؟ انصدمت وما استحملت : شنو ؟ اتحب سلوى ؟ هذا معناته ان شكي كان ابمحله .. انت تحب سلوى وهي تحبك ؟ تنهد خليفه ولف ويها عنها : اقول غدير .. تصبحين على خير *************** .:. ومجددا بالمخزن .:. التفت خالد وراه وشاف بنت ضخمه واقفه جدامه وما كانت فيها اي انوثه .. بختصار كانت مسترجله .:. التفت لنجلا وسال بعصبيه : انتي اتواعدين لج بنات مسترجلات بالبيت يا الحيوانه ؟ .:. وفجاه .:. تليقفت المسترجله : هيه انت .. لا اتغلط على حبيبتي لا اغلط عليك تعجب خالد وما قدر يمسك الضحكه : شنو قلتي ماما ؟ حطت المسترجله بيدها على كتف خالد بجديه : بلا هالمسخره هذي يا انت .. وترى انا اكلمك من صجي وما اتغشمر معاك تنرفز خالد وشل ايدها بقوه : وقسم بالله لو ما كنتي بنت جان طيرتج وعدمتج بيدي استفهمت المسترجله : بنت ؟ ليش انت تشوف ان اكو بنات اهني غير نجول ؟ شافها بحتقار : الحمدلله والشكر على نعمة العقل والله والتفت لنجلا بنظره : وانتي بسرعه انجلعي داخل ودواج عندي بعدين تليقفت المسترجله مره ثانيه : هيه انت .. انا شقلت لك ها ؟ شكلك نسيت ؟ للمره الثانيه اقولك لا اتغلط او اتفكر انك اتهدد حبيبتي .. فاهم ؟ مسك خالد اعصابه على كثر ما يقدر : اقول نجول قولي لها تسكت او والله بقوم البيت كله وبكبر السالفه .:. تخرعت نجلا وبسرعه قربت من المسترجله .:. مسكت ايدها بحنيه : ايمان حبيبتي .. انتي امشي الحين وانا ان شالله بكلمج بعدين .. بليز فديتج ما ابي مشاكل مع اهلي تنهدت ايمان : ان شالله حبيبتي من عيوني .. وكل هذا عشانج انتي بس .. ولو الود ودي اسطر اخوج والله .:. انصدم خالد من هالكلام .. اشكره عيني عينك اتقول جذي بلا حيا ولا مستحى .. والله ان الدنيا تدمرت للاسف وهالبنت قوية عين .. والمصيبه انها طالعه هالحزه من البيت واهلها مو دارين عنها بشي .:. .:. وبعدها .:. .:. مرت ايمان من يم خالد متعمده وطلعت من الباب الحديد راده لبيتها .:. سحب خالد نجلا من ايدها : انجلعي جدامي بسرعه ارتعشت بخوف : خالد لا تتهور وتسوي فيني شي .. انا حلفت لو مديت ايدك علي مره ثانيه بسجنك !! رماها عالكرسي معصب : انا ما ابي الطخ ايدي بوحده حيوانه مثلج .. بس والله يا نجلوه لو كررتي هالسواة مره ثانيه ما اتلومين الا نفسج ! وصرخ يسال : فاهمه ؟ ارتجفت ونطقت : اي فاهمه *************** سحبت منه اللحاف بعصبيه : شلون لك نفس تنام بعد الكلام اللي قلتلي اياه من توك ؟ اتحب سلوى وهي هم اتحبك ! وقاعدين انتوا الاثنين تلعبون من وراي ؟ وسالت بصرخه : ما اتقوم ؟ ما تتكلم ؟ ما تقول شي ؟ .:. وبعدها .:. قام من السرير امفاور : انا كنت اجيس نبضج بالثقه يا المتخلفه وللاسف طلعتي مو مالت ثقه تعجبت غدير وانصدمت : تقولي متخلفه يا خليفه ؟ طقت جبد خليفه : متخلفتين بعد مو متخلفه .. ولو سمحتي شيلي ايدج من مخدتي انا بنام بالصاله .. بلا عوار راس بلا بطيخ تضايقت غدير : بتنام بالصاله وبتخليني بنفسي ؟ ما اهتم خليفه : بلعنه انصدمت : بلعنه !! .:. ما رد عليها وسحب قشه عشان ينام بالصاله .. انقهرت غدير وحست ان خليفه قاعد يضيع منها تدريجيا وهي السبب .:. *************** .:. بالبنك .:. .:. بشغل نايف .:. .:. كان مخلص شغله وقاعد بالمكتب لا شغل ولا مشغله وكانت ليلى معاه .:. تنهدت ليلى : ملل حط نايف ايده على خده : مللين بعد مو بس ملل .:. وبعدها .:. اقترحت ليلى : اشرايك نطلع للكوفي نشرب لنا نسكافيه ؟ رد نايف : ما ينفع يا ليلى .. بيخصمون من راتبنا لو طلعنا الحين تذمرت وسالت : اشمعنى المدير العام يطلع ويدخل على كيفه ؟ نايف : من اسمه .. المدير العام سالت ليلى : وشنو يعني ؟ مو انسان حاله حالنا ؟ .:. وفجاه .:. انتوا الاثنين شتسون ؟ وليش هالسوالف ؟ خلصتوا شغلكم ؟ التفتت ليلى للصوت وارتبكت : المدير العام !! *************** يمه .. ترى بدر ولد عمي بيزورنا اليوم بالبيت ان شالله .. لو يه دخلوه الميلس وناديني استفهمت ام الدانه : وشعنده ولد عمج بيزورنا ؟ مو من عوايده دانه : انا اللي طلبت منه انه ايي سالت امها مستفسره : وليش ان شالله ؟ ليكون عشان يشوفج بعد العمليه ويتعجب ؟ ابتسمت دانه : عليج نور يمه .:. ساعات قليله بس تفصل الدانه عن لقائها بالبدر .. شبيقول بدر لما يشوفها ويكتشف انها نفسها البنت اللي شافها بسوق واقف امس ؟ شلون بتكون ردة فعله ؟ كل هذا بيبين لما تصير الساعه 7 بالليل .:. *************** اي نعم .. هذا انا المدير العام .. ممكن اعرف شتسون ؟ او شنو سبب هالسوالف هذي ؟ ترى واصلتني شكاوي عليكم من موظفه معانا بالبنك .:. سكتت ليلى .. وعرفت اهي ونايف منو هالموظفه اللي مشتكيه عليهم .. اهي نفسها البنت الملقوفه اللي دوم تتجسس عليهم .:. سال نايف مستفهم : ومنو هاللي مشتكيه علينا ؟ وعلى اي اساس تشكتي ؟؟ رد المدير : على اساس انكم قابلين المكتب لمسخره تعجب نايف : مسخره !! المدير العام : انت فاهمني يا نايف ما استحمل نايف هالكلام : اي نعم فاهمك .. وفاهمك عدل بعد .. بس انت غلطان واشر على ليلى : هالبنت اللي اتشوفني 24 ساعه معاها ضحك وسوالف اتكون اختي يا المدير ما استوعب المدير : اختك ؟؟ نايف : اي نعم اختي .. واذا حاب تتاكد شوف الاسم تنهد المدير : ماكو داعي اشوف شي .. والسموحه منكم .:. الموظفه الملقوفه كانت ورا باب المكتب وسمعت الكلام اللي دار .. انصدمت وبالوقت نفسه تفشلت ليش انها حطت نفسها بهالموقف المحرج .:. *************** .:. ابيت بوبدر .:. .:. مرت سلوى من دار بدر وسمعته يغني بصوت عالي وكان مشتط .. ضحكت سلوى ليش انه ما يعرف يغني .:. تليقفت ومن ورا الباب سالت : شعنده البدر مستطرب ؟ وقالت بقلبها بضيق : وهذا وته ابوك ميت وانا السبب رد بحماس : هلا سلوى .. تفضلي .. دخلي الدار فتحت سلوى باب الدار مستفهمه : اشفيك ؟ شكلك اليوم مستانس ؟ رد بابتسامه : بشوف اسيرتي اليوم عالساعه 7 بالليل ان شالله استفهمت سلوى : تقصد الدانه ؟ بدر : عليج نور سالت سلوى : وينها طول هالمده ؟ وين كانت مختفيه ؟ بدر : اعتقد انها كانت مسافره .. بس وين ما ادري والله سلوى ( تسال ) : اقولك شي بس ما تزعل مني ؟ بدر ( بابتسامه ) : هلا امري .. ان شالله ما ازعل سلوى ( بتردد ) : ما يامر عليك عدو بس .. سال مستفهم : بس شنو ؟ تنهدت سلوى : الصراحه الدانه بنت عمك جاسم ما تستحي استغرب بدر هالهجوم : شكو الحين ما تستحي ؟ مو من كم يوم بس كنتي تقولين عنها مسكينه لانها اتحبني .. والحين تقولين ما تستحي ؟ سلوى : اللي اقصده انها شلون سافرت بهالظروف الصعبه ؟ شي محير استنتج بدر : مو يمكن عندها اسبابها ! ما اقتنعت سلوى : مهما يكون السبب كان المفروض انها تحظر الجلسه وتنهدت بضيق كبير : انا اسفه اني ذكرتك بالجلسه ومقتل ابوك .. سامحني ابتسم بدر : مو مشكله *************** مستحيل .. مستحيل .. مستحيل .. ليش عاد يا ام فواز تقولين مستحيل ؟ طيعيني وصدقيني ان هالسفره بتخليه يصير ريال ما اقتنعت ام فواز وتمت على رايها : ريال يكون او بنت ما يهمني .. انا بس ما ابي ولدي يسافر عني .. مستحيل .. الصراحه ما اقدر .. اخاف عليه .. وبثم احاتيه بالثانيه حاول بوفواز يقنعها : بس هو ما بيكون بروحه .. بيكون مع مجموعه من شباب المعهد .. فماله داعي تخافين عليه وهم ما اقتنعت : حتى ولو .. انا قلبي مو متطمن .. وقلب الام دوم يكون على حق .. اذا بقطر وهو يسوي سوالف بطاله .. شلون لو سافر لندن ؟ والله بيتدمر ! تنهد بوفواز : ترى خوفج هذا هو اللي بيدمره ومو السفر تذمرت ام فواز : انت اشفيك ؟ ها ؟ ليش تبي الفكه من ولدك ؟ حاول فواز على كثر ما يقدر انه يفهمها : ما ابي الفكه منه يا مره .. رجاءا افهمي .. انا بس ابيه يعقل ويصير ريال !! عصبت ام فواز : انا قلت لك ما ابيه يسافر !! يعني ما ابيه يسافر .. وسبق اني قلت لك مستحيييل هالشي !! *************** .:. ابيت بوالدانه .:. .:. كانت الساعه 3 العصر .. يعني 4 ساعات بس وبيشرف البدر للبيت .. كانت فاتحه الكبت ومن الحين تدور شي تلبسه .. طلعت لها تنوره سودا وبلوزا بيضا مخططه بالاسود .. كانت راقيه وناعمه .:. .:. وبعدها .:. شافت نفسها بالمرايا بابتسامه : ما اعتقد اني محتاجه للمكياج .:. وانسدحت عالسرير مستانسه وتمنت من الله ان هالسعاده تدوم للابد .:. See u | ||||
|
| |
 |
| أدوات الموضوع | |
| انواع عرض الموضوع | |
|
|
3Likes
العرض العادي
