آخر 10 مشاركات
جيمري بطلة عودة مهند في العشق الاسود و توفانا تترك .. توبا من حفل اليونيسف مع زوجها (الكاتـب : noormohannad - آخر مشاركة : راما الف - مشاركات : 8 - المشاهدات : 179 - الوقت: 10:28 AM - التاريخ: 19-12-14)           »          سيدة الغابة "الجزء الثالث من سلسلة لعنة البوفارديا" بقلم: هدوء الروح (الكاتـب : هدوء الروح - آخر مشاركة : نوال. - مشاركات : 126 - المشاهدات : 3528 - الوقت: 10:26 AM - التاريخ: 19-12-14)           »          في قلب الشاعر*مميزة* (الكاتـب : blue me - آخر مشاركة : facemoon - مشاركات : 2222 - المشاهدات : 58010 - الوقت: 10:25 AM - التاريخ: 19-12-14)           »          حصريا بتاريخ 18\12\2014:"خالد"في محل ورد_بيرجو تحصد جائزة افضل ممثلة من جامعة Haliç (الكاتـب : ola mohammad - آخر مشاركة : ريموه - مشاركات : 2 - المشاهدات : 24 - الوقت: 10:24 AM - التاريخ: 19-12-14)           »          655- اللقاء بعد اليأس - Frances Creighon - د.م (حصري على روايتي) (الكاتـب : Gege86 - آخر مشاركة : زهرة هديل - مشاركات : 362 - المشاهدات : 16347 - الوقت: 10:23 AM - التاريخ: 19-12-14)           »          رافاييل (50) للكاتبة: ساندرا مارتون (الجزء الأول من سلسلة الأخوة أورسيني) .. كاملة.. (الكاتـب : Gege86 - آخر مشاركة : غصن جنة - مشاركات : 6048 - المشاهدات : 308229 - الوقت: 10:22 AM - التاريخ: 19-12-14)           »          رواية الورده العاشقه " مميزة " و " مكتملة " (الكاتـب : sapphire - آخر مشاركة : Wared - مشاركات : 2224 - المشاهدات : 66821 - الوقت: 10:21 AM - التاريخ: 19-12-14)           »          آنابيلا...ستيفانو (116) للكاتبة: Jennie Lucas (ج7 من سلسلة دماء سيئة) *كاملة* (الكاتـب : Gege86 - آخر مشاركة : منى صبري - مشاركات : 1264 - المشاهدات : 52014 - الوقت: 10:20 AM - التاريخ: 19-12-14)           »          تحت وصاية افكاري (2) *مميزة* ... سلسلة نفوس تائهه (الكاتـب : حنان - آخر مشاركة : سما نور 1 - مشاركات : 3800 - المشاهدات : 131459 - الوقت: 10:19 AM - التاريخ: 19-12-14)           »          360- القبلة الاخيرة - روزماري هاموند -م.د (الكاتـب : Gege86 - آخر مشاركة : passionate lady - مشاركات : 967 - المشاهدات : 35286 - الوقت: 10:19 AM - التاريخ: 19-12-14)



العودة   شبكة روايتي الثقافية > قسم الروايات > منتدى الروايات والقصص المنقولة > القصص والروايات الطويلة المكتملة

Like Tree53Likes

إضافة رد
 
LinkBack أدوات الموضوع انواع عرض الموضوع


الحلقة 33 .:.

عن جد يا ساندرا ؟؟
ساندرا : ايه .. بضل بقطر لتو ويكس بالكتير وبعدها بعود لفرانسا
ابتسم جوزيف : يااه .. والله اني اشتئت لك كتييير .. وطفشت وانا لحالي هون
وسال بعدها : وايا يوم بيكون الحجز ؟؟
ساندرا : بكرا عالساعه 8 بالليل
استانس اخوها :Woow .. بهيدي السرعه .. منتضرك بكرا بالمطار بس هاا مو تصيفي ok ؟؟
ابتسمت ساندر :ok
***************

.:. ابيت بوخليفه .:.

كانت نجلا بدارها وما تبي تطلع للصاله .. كانت تتحاشه تشوف خالد بعد الموقف اللي صار الفير .. لسبب معين كانت خايفه منه .. حست نور ان اكو سالفه وان نجلا مخبيه شي .:.
طقت عليها باب الدار تسال : نجول افتحي الباب .. ليش قافلته ؟؟
سالت نجلا بدون نفس : اشتبين ؟؟
استغربت نور : نجول اشفيج ؟ شنو اشتبين ؟ فتحي الباب ابي اكلمج
تذمرت نجلا : اوهو .. انا مو ناقصه عوار راس .. وبعدين انا تعبانه .. ابي انام
سالت نور مستفهمه : عوار راس من شنو ؟ وشنو هالشي اللي امتعبج ؟
عصبت نجلا : انتي ليش ملقوفه جذي ؟ قلتلج تعبانه ابي انام .. يعني انتي ما تتعبين بالله ؟
تنرفزت نور من هالاسلوب : بلعنه .. انا الغلطانه اللي اسال عنج
***************

.:. الساعه 7 بالليل .:.

.:. وبالميعاد كان واقف بسيارته يم باب بيت عمه بوالدانه .. نزل من السياره .. شاف باب الحوش الصغير مفتوح ودخل منه .. مشى ليمن وصل لباب الصاله الرئيسي .:.

.:. سمعت ام الدانه ان اكو احد يطق الباب واستنتجت انه البدر .. قربت من الباب وفتحته وبالفعل شافت بدر .:.

.:. وبعدها .:.
ابتسم البدر في ويه مرت عمه : السلام عليكم
ابتسمت له بالمثل : وعليكم السلام .. هلا بالبدر .. هلا والله .. تفضل بالميلس .. ودقايق بس واناديلك ابنيتي الدانه
بدر : تسلمين

.:. كان يمشي رايح للميلس ودقات قلبه تتسارع بالخفقان .. هل هو حب وعشق بالدانه ؟ اهو بنفسه ما يدري ومستغرب من نفسه .:.

.:. اما بالنسبه للدانه كانت بالدار ومستعده كليا للقاء الحبيب .:.
شافت ساعتها مستفهمه : الحين 7 وخمس .. وينه بدر ليما الحين ما يه ؟

.:. وفجاه .:.
دخلت عليها امها بدون ما تطق الباب: اكاهو البدر بالميلس يا دانه

***************

.:. كان بدر قاعد بالميلس ينتظر دانه على نار .. ما كان يدري ليش يحس بهالشعور الغريب ! اشكره استلطف الدانه بعد كل الاحداث اللي صارت بس اهو يكابر ويكاابر هالشي لنفسه .. شاف ساعته وكانت 7 وعشر .. هذا معناته ان اسيرته بتدخل الميلس وباي لحظه .. كانت عيونه عالباب تترقب دخول الاسيره .:.

.:. وبعدها .:.

.:. دخلت الدانه الميلس والشي الغريب انها كانت متغشيه .. شافها البدر وابتسم وبدت دقات قلبه تتسارع بالخفقان مره ثانيه .. شنو هالشعور الغبي اللي احسه ؟؟

^^

هذا اللي ساله البدر لنفسه
شافها مستفهم : شلونج يا دانه ؟ ان شالله بخير ؟
وسال مستغرب : بس ليش حاطه الغشوه على ويهج الحين ؟
وتنهد بضيق : اممم .. اذا عشان الكلام القاسي اللي قلته لج بالمطعم هذاك اليوم فانا اسف .. والله اني ما كنت اقصد شي .. ماكو داعي اتخشين ويهج عني يا بنت عمي
ونطق بتردد : انتي بالنسبه لي جميله .. وما عليج من البقيه

.:. وبعدها .:.
انزلت ادموع الدانه من تحت الغشوه : بعد شنو يا بدر ؟ بعد شنو تقولي هالكلام هذا ؟ ها ؟ بعد شنو ؟

.:. هالصوت هذا انا امس سامعه والله .. كان يكلم نفسه بتعجب من محاسن الصدف بالصوت .. هذا نفس صوت البنت الجميله اللي شافها امس .:.
سال مستفهم : ليش تساليني بعد شنو ؟ انا ادري ان كلمة اسف ما تسوي شي .. بس انا والله اسف
حست دانه بالحزن : انا اللي اسفه يا البدر .. سامحني الله يخليك
ما فهم شي : ليش تتاسفين ؟ وعلى شنو اسامحج ؟
ردت دانه بتردد : ابيك اتسامحني ليش اني .. ليش اني ........
وشلت الغشوه من ويها وشافته بعيونه : ليش اني شفتك امس بسوق واقف وما قلتلك هذي انا الدانه بنت عمك
قام البدر من الكرسي مصدوم : مستحييل هذا اللي قاعد يصير ؟ انتي شقاعده اتسوين فيني يا ابنيه ها ؟ ليش قاعده تلعبين علي ؟
قامت الدانه اهي الثانيه من الكرسي وقربت يمه : انا مو قاعده اسوي فيك شي ولا لعبت عليك .. انا بس سويت عملية تجميل عشانك انت يا البدر .. ليش انك بيوم جرحتني برفضك وحطمتني والله
صرخ معصب : انجبي ولا تقربين صوبي فاهمه ؟ انتي انسانه منافقه وكذابه !! لعبتي علي 3 شخصيات .. اسيرة البدر والدانه بنت عمي والحين انتي !! اشباقي بعد شي تبين اتسوينه وما سويتيه ؟ ها ؟ منو اهي الشخصيه الرابعه اللي ليما الحين ما طلعت !!
حبست الدمعه بعيونها : انا ما لعبت عليك دور الثلاث شخصيات مثل ما تقول .. اسيرة البدر والدانه وانا اهي نفس البنت وانت عارف هالشي
رد بدر بلا مبالاة : هالشي ما عاد يهمني يا الدانه
وسال بضيق : شكله ما عندج شي تقولينه عدل ؟ انتي قلتيلي ايي بيتكم عشان انصدم فيج عدل ؟
نزلت راسها بحزن : عدل
تنهد وحس بالم بصدره : ما عاد يهم هالشي وانا بمشي الحين

.:. وبالفعل ما عبرها ومشي من يمها متجاهلها تماما .. حاولت تتمالك نفسها وما اتصيح لانها تعبت من الصياح بس للاسف ما قدرت .. اهو صحيح ان عمليات التجميل غيرت من شكلها الخارجي بس ما قدرت اتغير من شخصيتها وطيبتها المعتاده .:.

ادمعت عيون الدانه بالم : شنو بعد اللي اقدر اسويه لك يا البدر وما سويته ؟ الظاهر ان ماكو نصيب من بينا والله مو كاتب لنا ان انكون لبعض !
***************

.:. ارجعت ساندرا من فرنسا وكان جوزيف بالمطار يستقبلها .. وانتشر خبر ان الدانه سوت عملية تجميل بالعايله الكريمه كلها .:.

تلصقت نجلا بامها تترجى : يمه ابوس اريولج يا يمه خليني اسوي عملية تجميل .. بلييييز
تعجبت امها : وليش بالله انتي اشفيج ان شالله ؟
نجلا : احس خشمي مو سيده .. العضمه اللي بالنص مخربه وابي اعدله
عصبت امها : نجول عن الدلع هذا .. انتي بس شفتي الدانه بنت عمج وتبين اتقلدينها
حاولت نجلا تقنع امها : عفيه يا يمه خليني اسوي العمليه .. شوفي الدانه الحماره شلون صارت احلى مني بوايييد بعد ما كنت انا احلى منها .. بذمتج يعني مو قهر ؟؟
صرخت امها : اقول نجول انجبي احسن لج وعن هالانانيه .. الدانه كان لها عذرها لما سوت العمليه بس انتي الحمدلله والشكر له حلوه وما فيج شي
تذمرت نجلا : ادري اني حلوه بس هم ابي اكون احلى .. فشنو اللي يمنع من هالشي ؟؟
تعبت امها منها : تراج اذيتيني والله ! سوي اللي بتسوينه ما علي منج انا

.:. لما شافت نجلا ان امها شبه وافقت تراجعت عن قرارها .:.

نجلا ( بتردد ) : امممممم بس انا اخاف من التخدير .. ياما صارت اخطاء طبيه بسبب هالنوع من العمليات التجميليه
ما عرفت لها امها : والله ما ينعرف لج .. عيل اشتبين بالضبط ؟
ما عرفت نجلا شتقول : ما ادري
***************

.:. ابيت بوبدر .:.
.:. بدر كان حابس نفسه بالدار .. متضايق .. متالم وحزين .. كان يحس بنكسار كبير .. اهو يدري وهم متاكده ان قلبه مع اسيرته بس كان يكابر .:.
دخلت عليه سلوى تسال : ادري اني دخلت بس ممكن ادخل ؟
ابتسم بحزن : اكيد
شافت الحزن بعيونه واستنتجت : اعتقد ان كل هالحزن اللي اشوفه بعيونك سببه الدانه
تنهد بضيق : ليش الدانه سوت عملية تجميل يا سلوى ؟ ليش ؟
سلوى : اعتقد عشانك
سال بدر مستفهم : عشاني او عشان الناس ؟
سلوى : اممم والله ما ادري .. بس اتوقع ومن بعد كلامك القاسي لها تعقدت من شك

.:. وفجاه .:.
قاطعها البدر بنكسار : خلاص يا سلوى .. لو سمحتي سكري السالفه
سال سلوى : ليش يا بدر ؟ ليكون ضايقتك بشي ؟
ابتسم بدر : بالعكس والله ما ضايقتيني بس انا ابي انسى كل شي وابي انسى الدانه بالذات
استفهمت سلوى : انت تحب الدانه يا البدر ؟
شافها بالم : انا ما احبها .. انا يا سلوى اموت فيها
***************

.:. ابيت بوخليفه .:.

.:. اكثر من اسبوع وخليفه ما يكلم غدير وما يعبرها بكلمه .. بيوم ما قدرت غدير تستحمل فيه هالوضع البارد هذا .. قربت من خليفه وشافته بابتسامه .:.
غدير ( تسال ) : ليما الحين متضايق مني حبيبي ؟
رد بلا مبالاه : متضايق او مستانس مو مهم بالنسبه لي
غدير : اذا مو مهم بالنسبه لك هو مهم بالنسبه لي انا
ومسكت ايده تسال : اقدر اقولك شي يا خليفه ؟
سال مستفهم : شنو بعد ؟
ابتسمت بسعاده : انا حامل حبيبي
ما استوعب وبحلق بعيونه : شقلتي ؟؟
ضحكت على ملامحه : قلتلك انا حامل حبيبي
مسكها بيدينه وهو بيطير من الوناسه : هذا معناته انا بصير ابو ! بيكون عندي ولد بيقولي يبه !
استانست غدير لوناسته : اي اكيد ان شالله .. ويمكن تكون بنت وتقولك يبه

.:. ابتسم خليفه وباسها على راسها .. استانست غدير وحست ان حياتها مع خليفه بتبدا من يديد على اساس الحب والتفاهم .:.

***************
برديس likes this.

].:. مر شهر .. 2 .. 3 .. 4 شهور ومحد يدري عن الثاني .. لا البدر يعرف شي عن دانه ولا اهي تعرف شي عنه .. قلبها كان يتقطع مشتاقتله .. مشتاقه لشوفته ولصوته .. مشتاقه اطرش له مسجات مثل قبل .. لكن عزة نفسها منعتها من هالشي .. مع انها كانت يوميا اتفكر فيه واتصيح بحرقه .:. .:. بالنسبه للبدر .. كان بنفس الحاله .. طلعاته من البيت قلت بكثير وصار ما يطلع وايد .. واغلبية اوقاته بالدار .. اتحصلونه حابس نفسه بالدار وبالدقيقه يقرا مسجات اسيرته القديمه .. يتذكر اللي فات .. يتذكر وقلبه يتالم يبي يشوف الدانه .. يبي يسمع صوتها .. يبي يعرف اي شي عنها .. بس للاسف هو ما زال يكابر .. متظاهر ان مو هامه شي .:. .:. بيوم ما استحملت فيه الدانه اكثر .. كانت منهاره وميته من البجي .. مسكت موبايلها ودقت على خدمة الاغاني واختارت الاغنيه المعينه وبسرعه طرشتها كامله على موبايل البدر .:. .:. كان بدر بداره .. منسدح عالسرير ومتضايق .. رن موبايله اللي كان يمه .. مسك الموبايل وشاف الرقم .:. .:. وفجاه .:. قام البدر من سريره مو مصدق : هذا رقم الدانه !! وبسرعه وبدون تفكير رد على المكالمه : هلا والله بالد .:. سكت فجاه لما سمع صوت موسيقى .. كانت اغنيه .. وتم يسمع الاغنيه .:. || وش مسوي مع غيري .. وش الدنيا في قربه قول .. يا روحي انته متهني وله بشوفته مشغول ؟ شمسوي مع غيري .. وش الدنيا في قربه قول .. يا روحي انته متهني وله بشوفته مشغول ؟ انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. رجعت اسال غصب عني جبرني الشوق واعذرني انا ما اقدر على قلبي عجزت القى الوفا كحدود .. رجعت اسال غصب عني جبرني الشوق واعذرني انا ما اقدر على قلبي عجزت القى الوفا كحدود .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. امانه ان جيت في بالك تطمن قلبي عن حالك على الذكرى انا عايش كيف انساك مو معقول !! امانه ان جيت في بالك تطمن قلبي عن حالك على الذكرى انا عايش كيف انساك مو معقول !! انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. حسبت اني بعد فرقاك راح اهوى غصب وانساك لقيت الحب مع غيرك امل من اوله مقتول .. حسبت اني بعد فرقاك راح اهوى غصب وانساك لقيت الحب مع غيرك امل من اوله مقتول .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول .. انا مازلت افكر فيك واموت بحبك وطاريك ولكن هذي اطباعي اخبي الحزن بي ما اقول || .:. خلصت الاغنيه وطاح الموبايل بلا شعور من ايده .. ما استوعب ان ادموعه قاعده تنزل من عيونه بلا توقف .:. سال نفسه بسخريه : والله حاله .. انا ادمع عشان ابنيه ؟ وكرر وهو حاس بالم : الحين اناا ادمع عشان ابنيه ؟؟ مسك اكلنكس ومسح ادموعه : شعور غبي هذا اللي احسه .. اكيد مرحله وبتعدى على خير وبنسى كل شي ان شالله .:. انزلت ادموعه مره ثانيه .:. تعجب وعصب على نفسه :اشفيني انا ؟ مو صاحي ؟ اكيد مينون .. ليش قاعد ادمع الحين ؟ ليش ؟ شنو هالشعور المتخلف هذا !! .:. هذا مو شعور متخلف يا البدر .. هذا شعور الحب بس انت للاسف اتكابر ومو راضي تقتنع فيه .:. *************** .:. بيوم من الايام .:. .:. كان نايف مستانس ورد من شغله امبجر .. وبسرعه راح لدار سلوى .:. نايف ( من ورا الباب ) : سلاوي ممكن اتفضل ؟ ابتسمت سلوى : اكيد .. تفضل .:. وبعدها .:. دخل عليها مستانس : سلوى ابي اقولج شي ومستعيل ! استفهمت سلوى سبب هالعيله : هلا .. امر .. شعندك مستانس ؟ نايف ( بابتسامه ) : شفت الدانه بنت جاسم بالبنك اليوم .. يايه اتقدم لها على وظيفه ما افهمت سلوى شي : ok وشكو هذا بسعادتك الحين ؟ نايف : من مده مو طويله كنت افكر اخطب والصراحه لما شفت الدانه انبهرت بجمالها .. ما شالله قمر نازل من السما .. وحسيت انها ممكن تكون الزوجه المناسبه لي انصدمت سلوى من هالخبر : نيوف انت من صجك ؟؟ استغرب نايف : اي من صجي .. اشفيج منصدمه ؟ سلوى : سلامتك بس ...... استفهم نايف : بس شنو ؟ .:. توها سلوى تبي تقوله ان البدر يحب الدانه بس قاطعها بدر بالوقت المناسب .:. بدر : هلا .. شفت الباب مفتوح ونايف معاج فقلت لنفسي اسلم عليكم وسال بابتسامه : اشلونكم ؟ ابتسمت سلوى : بخير وسال نايف متحمس : سمعت اخر خبر يا البدر ؟ استفهم بدر : اللي اهو ؟ ابتسم نايف : انا بخطب الدانه بنت عمك جاسم ان شالله .:. حس بدر ان قلبه بيوقف من الصدمه .. ورجع خطوتين لورا .. استغرب نايف وهو يشوف ملامح ويه البدر المتغيره من هالخبر .. وعرفت سلوى سبب هالصدمه اللي بعيون البدر .:. سال نايف وهو مو فاهم شي : بدور اشفيك ؟ عسى ما شر ؟ حس البدر ان الدنيا تلف فيه : سلامتك يا نايف .. ما فيني شي .. انا بس حسيت بالتعب شوي .. الظاهر من امس .. حسيت نفسي ما نمت عدل ابتسم نايف : ما تشوف شر يا البدر وسال : بس ما قلت لي شرايك بالدانه ؟؟ نطق البدر بضيق كبير : والنعم والله .. زين ما اخترت يا نايف .. الدانه بنت عمي خوش بنت وتستاهل كل خير والله .:. استانس نايف من هالمدح بس بالوقت نفسه حس ان البدر مو طبيعي بعد ما سمع هالخبر هذا .. ابتسم البدر غصبا عنه عشان ما يحسس نايف ان اكو شي .. وحست سلوى بضيقة البدر المسكين بس ما حبت تقول لنايف شي .:. .:. ما استحمل البدر اكثر وطلع من دار سلوى راد لداره .. قامت سلوى ولحقته .. وحس نايف ان في السالفه شي .. ما استحمل هالفضول وقام لحق بدر وسلوى .:. .:. وبعدها .:. .:. قعد البدر على الكرسي بداره وكانت سلوى امجابلته .. اما عن نايف كان بره الدار وسمع كل شي دار بينهم .:. سالت سلوى : ليش يا بدر ؟ ليش ؟ ليش ما قلت لنايف انك اتحب الدانه ؟ ليش ؟ وليش ما قلت له انها نفسها اسيرة البدر ؟ تضايق بدر : لو سمحتي يا سلوى غيري السالفه !! قربت منه مستفهمه : وليش بالله اغير السالفه ؟ انت ليش جبان جذي ؟ ليش ما اتقوله انك تبي الدانه من زمان ؟ تضايق بدر اكثر : انا مو جبان ولا شي .. بس مالي الحق من اني اقول شي الحين .. وللمره الثانيه اقولج غيري السالفه تنهدت سلوى : براحتك يا البدر .:. انصدم نايف من كل هذا اللي سمعه وما استوعب ان بدر يحب الدانه .. وبالوقت نفسه انصدم لما اكتشف ان الدانه اهي نفسها اسيرة البدر .:. تنهد نايف : السالفه جذي عيل !! *************** .:. باليوم التالي .:. .:. بالبنك .:. .:. توها الدانه مستلمه شغلها .. مر نايف من مكتبها وابتسم .:. سالت مستفهمه : هلا نايف .. شلونك ؟ نايف : بخير الله يسلمج .. انتي شلونج ؟ دانه : انا الحمدلله بخير .. عايشه بهالدنيا .:. وبعدها .:. سال نايف بتردد : اقدر اطلب منج طلب يا الدانه ؟ استفهمت : اكيد .. بس شنو اهو ؟ نايف : اممم .. اقدر اشوفج اليوم بمطعم منت ؟ ما افهمت شي : بمطعم منت ؟ ليش يعني ؟ وسالت مستفهمه : في شي يا نايف ؟ نايف : الصراحه اي .. ابي اقولج شي .. واعتقد ان العمل مو مكان مناسب للسوالف ابتسمت دانه : خلاص عيل .. ما يصير خاطرك الا طيب وسالت : بس عالساعه كم اكون هناك ؟ رد نايف : اليوم ان شالله عالساعه 4 .. انتي بس روحي هناك وانا بحجز طاوله باسم نايف دانه : على خير ان شالله *************** يمه .. صج ابوي يبيني اسافر لندن وانتي الشيخه مو راضيه ؟ امه : ولا بوافق حتى سال باحباط : ليش يمه ؟ ليش مناحسه ان شالله ؟ ام فواز : انت بقطر ومتخلف ومتدمر تبيني اخليك تسافر عشان تتخلف وتتدمر اكثر ؟ باس فواز راس امه : انتي بس خليني اسافر وانا اوعدج اني ما بتخلف ولا اتدمر ما اقتنعت امه : انسى .. ماكو سفر حاول فواز يقنعها : بليييز يمه بلييز عصبت عليه : فوازو لا تسندرني .. انا قلتلك ماكو سفر وقول ان شالله تحلطم فواز : بالحاله هذي بتخلف عنااد ما اهتمت امه : معليش .. تخلف بقطر ولا انك تتخلف بدار الغربه *************** ومجددا بالبنك .:. .:. كانت ساندرا رايحه البنك عشان اتحول اليورو لريال .. دخلت وشافت المكان مزدحم وفجاه طاحت عيونها على موظفه جميله كانت قاعده بروحها .. وبما ان ساندرا تبي تتخلص من الزحمه راحت عندها .:. ساندرا ( تسال ) : مرحبا .. انا بادي احول المصاري اللي معي لمصاري قطريه ارفعت الموظفه راسها وانصدمت : ساندر !! تعجبت ساندرا وسالت : اهلا .. ابتعرفيني ؟ ابتسمت الموظفه بثقه : اشدعوه ساندرا ما عرفتيني ؟ ساندرا : امم باردون حبيبتي .. تخزي العين انتي عن جد قمر بس ما بضن اني اعرفتك ! وسالت مستفهمه : منو انتي ؟ شافت الموظفه ساندرا بنظره : انا الدانه بنت جاسم التوقيع : ابي املك نظر عينك .. ابي املك نبض قلبك .. ابي لبسك .. وابي مشيك .. ابي نومك على كيفي .. ابي بالنوم تحلم بي وتحلم في .. ابي تصحى على شوقي .. ابي تفكيرك بعقلي .. وابي تنسى كل عقلك لي .. لاني صدق حبيتك .. وحبيتك .. وحبيتك .. وحبيتك .. واعيد احلف واقول اكثر لاني صدق حبيتك وحبيبتك وحبيتك .. دخيللك اطلب .. لا تستحي مني .. دخيل امك .. دخيل ابوك .. دخيل عيونك الثنتين .. دخيل اللي خلق فيك الجمال وامنه عندك .. تعال اطلب .. تبي قلبي .. تبي نبضي .. تبي روحي .. تبي دمي .. وربي كل شي يفداك .. تخيل 4 احرف .. ا .. ح .. ب .. ك .. عظيمه كلمة احبك .. حرام انطق بها لغيرك .. لاني موت حبيتك .. ابي املك ابيع الكل .. ابيك انت .. حياة وبس .. ابيك انت كل شي لي بالكون .. لاني بوح حبيتك .. ابي تفهم قبل ما اتعرف باني انسان .. قمة فرحته شوفك .. ابي تملك مشاعر شخص .. محتاج لحنانك انت .. ابي انسى هموم الامس .. ابي حزني يعود همس .. وتشفى كل جروحي لمس .. ابي لما انظر عيونك .. اشوف امي .. اشوف اهلي .. اشوف الكون بعيونك .. اشوف الناس .. واشوف الحب ايجي يمي[/hide]
برديس likes this.


محتوى مخفي


برديس and اربيلا like this.

تمت بحمد الله.......

رواية.......

أسيرة البدر.....
برديس likes this.

رااااااااااااااااااااااااااااااااااااااااااااااااا ااااااااائعه

الحمدلله والصلاة والسلام على رسول الله وعلى آله وصحبه أجمعين

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:29 AM



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.0

Ramdan √ BY: ! Omani ! © 2012