05-10-12, 03:19 PM
| #1 | ||||
| نجم روايتي ومشرفة سابقةومصممه 
|  اسيرة البدر / للكاتبة لورينا ، مكتملة  .:. السلام عليكم ورحمة الله وبركاته .:. .:. قصتي .:. اسيرة البدر .:. للورينا .:. بالبدايه يمكن ما اتكون هناك احداث او قصة من الاساس بس مع مرور الحلقات راح اتبين الاحداث تدريجيا .. وبالنهاية اتمنى ان القصه تنال اعجابكم .:. .:. تحياتي .:. .:. اخر كتاباتي .:. قصتي .:. اسيرة البدر التعديل الأخير تم بواسطة لامارا ; 10-10-13 الساعة 12:27 PM | ||||
|  |
|
05-10-12, 03:22 PM
| #2 | ||||
| نجم روايتي ومشرفة سابقةومصممه
|  ]. :. الحلقة 1 .:. .:. في سكون الليل وظلمت الدار .. مافي غير الابجوره مفتوحه .. كان بدر منسدح على السرير وهو ماسك موبايله ويقرا مسج غريب اوصله من ثلاثة ايام .:. .:. انا حبيتك شلون لا تسال .:. .:. اسيرة البدر .:. .:. كان المسج من مجهول وماكو رقم يظهر بالموبايل .:. .:. زادت حيرة البدر وتم يقرا المسج كذا مره ليمن تعب واستسلم للنوم .:. .:. وباليوم التالي .:. .:. دخلت عليه الدار وكانت الساعة 8 الصبح .:. قربت من سريره وهمست : يالله قووم .:. كان هو خبر خير وبسامع نومه .. مو حاس بشي .:. وبعدها قامت وسحبت اللحاف منه وهي تضحك : بسك نووم يا الفيل ويالله قووم !! .:. وفجاه .:. سمعت صوت صرخه يايه من وراها : سلووه انتي شتسوين هني ؟؟ .:. التفتت لمصدر الصوت وكان ريل امها .:. قربت منه وسالته : خير عمي ؟؟ عسى ما سويت شي جايد ؟؟ رد بوبدر بعصبيه : متلصقه ببدر .. يعني داخله بدار ريال وتساليني اذا سويتي شي جايد !! ابتسمت سلوى : بس هالريال اللي قاعد تتكلم عنه هو ولدك يا عمي .. وانت ريل امي وانا اعتبر بدر مثل اخوي نايف بالضبط .. ولو سمحت يا عمي لا يروح فكرك بعيد بوبدر : بس الدين ما حلل هالشي .. وبيظل بدر غريب عليج .. ومو من حقج انج تدخلين داره وتنفردين فيه !! سلوى : بس يا عمي وبعدها قاطعها بوبدر وهو معصب : لا بس ولا شي ويالله جدامي اطلعي لدارج يالله !! .:. استغربت سلوى من موقف بوبدر العصبي .. واللي زاد استغرابها ان لما بوبدر يشوف اختها امنه تدخل الدار على بدر ما يعصب وما يقول شي .:. .:. طلعت سلوى من دار بدر رايحه لدارها .. واما عن بدر كان بسابع نومه مو داري بشي .:. .:. بدر طالب بالجامعه باخر سنه .. توفت امه بمرض لعين بعد ما انجبت بدر 23 سنه وغدير 19 سنه .:. .:. اما بالنسبه لسلوى عمرها 20 سنه .. خذت الشهاده الثانويه وتمت بالبيت .:. .:. نايف وامنه اخوان سلوى .. نايف 22 سنه واخذ الشهاده الثانويه واشتغل بالبنك .. وامنه 18 سنه بثانويه عامه تخصص فرنسي .:. .:. سلوى وامنه ونايف ابوهم طلق امهم وهالشي خله داليا اللي هي امهم تتزوج من بوبدر .. وكلهم هذول عايشين ابيت واحد بعد ما رفضوا سلوى وامنه ونايف انهم يعيشون مع ابوهم اللي تزوج وعايش مع مرته اليديده .:. .:. دخلت سلوى دارها وهي متضايقه من موقف بوبدر .. انسدحت على السرير وحطت راسها على المخده وشافت السقف .. وبعدها دخلت عليها امنه اختها اللي تشاركها بنفس الدار .:. قربت امنه من سلوى وهي تبتسم : شو حاصل لك انتي ؟؟ ضحكت سلوى : انتي ما تتعبين من كثر ما تسولفين معانا لبناني ؟؟ امنه : يا عيب الشوم .. في شخص بيمل من لغتوو ؟؟ سلوى : انتي شفيج ؟؟ ليكون عبالج انج لبنانيه ؟ امنه : ماي مام از ليبانون .. يعني انا بين الجنسيتين القطريه واللبنانيه سلوى : سلامتج حبيبتي انتي قطريه وامي هي اللبنانيه امنه : قطريه او لبنانيه ما بتفرء معي .. كلوو واحد سلوى : كلوو واحد او كلو بطيخ انتي قطريه ودمج قطري .:. وبعدها قامت من السرير بتطلع من الدار رايحه المطبخ تسويلها ريوق .. دخلت المطبخ وشافت غدير بنت بوبدر اتسويلها بيض وطماط وهي تغني بندماج .:. غدير ( وهي تقلب البيض بالطابي ) : انت منتا انسان اكثر .. قلبي مو من قلبك اصغر .. ومثل ما تشعر تاكد اني اشعر .. فيني منك فيك مني .. غصب عنك غصب عني .. التقينا والقى قسمه مقدر وبعدها قربت سلوى من غدير : هاا .. شعندها الحلوه اللي اتغني اغاني حب ؟؟ التفتت غدير لسلوى وضحكت : ماكو شي بس ما ادري شفيني مستطربه هاليومين وخصوصا ان اليوم ويك اند .:. وفجاه دخلت عليهم امنه .:. امنه ( وهي تلتفت يمين ويسار بالمطبخ ) : صبايا .. ما شفتوا الماما ؟؟ سكتت سلوى وردت غدير وهي تبتسم : شعندها اللبنانيه ؟؟ امنه : مافي شي بس بدي الماما .:. ضحكت غدير على طريقه امون وهي تسولف باللبناني وحست شلون امنه ميته بالكلام اللبناني .:. غدير ( وهي ليما الحين تضحك ) : الماما بالدار .:. وبعدها طلعت امنه من المطبخ ودخل بدر .:. بدر ( وهو يتثاوب ) : صباح الخير غدير & سلوى : صباح النور .:. وبعدها قعد بدر عالكرسي اللي بالمطبخ وحط راسه عالطاوله وغمض عيونه .:. شافته سلوى وضحكت عليه : بدور .. انت من صجك الحين تبي تعود تنام ؟؟ اعنبوو توك قايم ..والمشكله كنت اقومك من شويه وما تقوم رد بدر اللي ليما الحين مغمض عيونه : انا اصلا ما شبعت نوم وياي المطبخ شارد من الوالد .. يقوليبسك نوم ضحكت سلوى : مو قلتلك مساعه انك فيل ؟ .:. وفجاه دخل عليهم بوبدر .:. .:. ابتسمت غدير وما علقت سلوى بشي ومثل بدر دور الشاب النشيط .. كانت نظرات بوبدر لسلوى اللي استغربت من هالنظرات .:. بوبدر ( وهو يشوف سلوى ) : انا ابي نسكافيه ابتسمت غدير : انشالله يبه من عيوني رد بوبدر : تسلملي عيونج حبيبتي بس انا ابي سلوى اهي اللي تسويلي النسكافيه .:. ما استغربت سلوى من طلبه لان هو دوم يطلب منها هالشي .:. التفتت سلوى لبوبدر وابتسمت : انشالله عمي ***************ماما حياتي من شاني بلييز التلك يا امنه ما بينفع هلا .:. ما عجبها امنه هالكلام وقعدت اتحن على راس امها .:. امنه ( معانده ) : وانا اليت بدي اروح السينما !! داليا : شوو انتي ما بتفهمي ؟؟ التليك ما بينفع هلا .:. عصبت امنه بالقطري .. نست نفسها وقعدت تتكلم قطري .:. امنه : يعني شنو اللي ما بينفع الحين ؟ انا يا يمه ما قلت هلا يعني الحين .. انا قلت هلا يعني بالليل .. وبعدين اليوم اجازه وشنواللي ما بينفع ؟؟ ردت داليا : عمك بوبدر بدو ياخدني لبيت اهلوا ولهيدا السبب ما بينفع باليوم هيدا وبعدها قعدت امون تتذمر : وليكوون احنا هم لازم نروح معاكم ؟ داليا : هيدا الشي مفروغ منو اعتفس ويه امنه : شنو هيدا الشي مفروغ منو ؟؟ اسمعي يمه سواء مفروغ منو او متروس منو انا مو رايحه معاكم .. واذا تبين الصراحه انا وايد اتملل وانا هناك .. واذا تبين الصراحه اكثر صبيانهم قليلين ادب من قلب .. وخاصه فوازو .. هذاك اليوم يقولي عطيني بوسه ضحكت داليا : بس فواز عمرو 15 سنه .. هيدا الصبي صغير وانتي بل 18 سنه .. يعني بتفرء كتير امنه ( اللي ما عجبها الكلام ) : سلامتج يمه .. هو بالفعل عمره صغير بس ما شفتي تفكيره وعقليته الوصخه .:. وبالمطبخ .:. .:. قربت سلوى من بوبدر ومدت ايدها تعطيه فنجان النسكافيه .:. مد بوبدر ايده وهو يبتسم : تسلم ايدج يا سلوى ابتسمت سلوى بالمثل : الله يسلمك عمي وبعدها سال بدر : وانا يا سلوى ؟ مالي نصيب بالنسكافيه ؟ .:. توها سلوى تبي اترد عليه بس قاطعها بوبدر وهو يشوف بدر بعصبيه .:. بوبدر : من بدال ما اتفكر بالنسكافيه فكر بدراستك بالجامعه افودلك وابركلك يا فالح !! .:. استغربت سلوى من عصبيه بوبدر الفجائيه .. وهم نفس الشي لغدير اللي استغربت من هالموقف اللي كلش ما يستاهل هالعصبيه .:. .:. اما بالنسبه لبدر كان مستغرب ومو مستوعب تصرف ابوه .:. بدر ( وهو يطالع ابوه مستفهم ) : شالسالفه يبه ؟؟ انا شقلت الحين عشان اتشب فيني جذي مثل الجبريت ؟ كل هذا عشان النسكافيه بس ؟ .:. مارد عليه ابوه وكتفى بالنظرات العصبيه .:. .:. استغرب بدر اكثر من هالموقف الغريب وبعدها قام من الكرسي وطلع بره المطبخ وهو متضايق .. ما اهتم بوبدر وقعد يشرب النسكافيه .. اما عن سلوى وغدير اكتفوا بالصمت .:. .:. دخل داره وهو متضايق وهم متنرفز من موقف الوالد اللي ما فهم منه شي .. قط نفسه على السرير يبي يرجع يكمل نومه .. وتوه حاط راسه عالمخده الا بنغمة مسج موبايله .:. مسك الموبايل وفتح المسج وقراه : تدري من انا ؟؟ انا اللي بشوق انتظرك وبكل لحظه ابي قربك انا اللي بصدق احتاجك واشتاق لصدق احساسك انا اللي بصدق حبيتك حياتي انا سميتك عرفت من انا ؟؟ هذا انا اللي على ناسي بديتك اسيرت البدر .:. استغرب وهم ما فهم شي .. هذي ثاني مره توصله مسجات من اسيرت البدر وبدون رقم مكتوب .. ما عطى الامر اهميه وحط موبايله سايلنت ونام .:. *************** الوو .. هلا لولو سوري خيتوو مو شايفتك بالسينما اليوم لولوه ( صديقة امنه ) : وليش يعني ؟ انتي ما قلتي حق امج ؟؟ امنه : بلا التلا بس عنا مشوار اليوم لبيت عمو بوبدر لولوه : اممم .. السالفه جذي يعني ؟؟ يا خساره يا اموون كنت ابي اشوفج بالسينما اليوم امنه : خيرها بغيرها انشالله *************** .:. كان حاط ريل على ريل وبيده كوب النسكافيه ويشربه .:. بوبدر : على فكره ترى كلنا اليوم رايحين لبيت الوالد التفتت سلوى صوب بوبدر وسالت : وهم انا وامنه اختي رايحين ؟؟ بويدر : شي اكيد وبعدها قام بوبدر من الكرسي بيطلع بره المطبخ بس قبلها التفت لسلوى وقال بابتسامه : وعشان هالروحه ابيج اتسوين لنا كم اكله من ايدينج الحلوه ابتسمت سلوى : انشالله عمي .:. وبعدها طلع بره .:. استغربت غدير : ليش ابوي كله يطلب منج وما يطلب مني ؟ ليكون يحبج اكثر مني ؟ ضحكت سلوى : شدعوه يحب بنت مرته اكثر من بنته !! غدير : وليش لا .. كل شي جايز بالزمن هذا .:. وفجاه دخل نايف اخو سلوى المطبخ .:. نايف ( وهو يتمغط ) : انا يوعان ضحكت غدير وردت سلوى : الناس لما يدخلون يقولون السلام عليكم او صباح الخير وصباح النور وموانا يوعاان رد نايف اللي ليما الحين يتمغط : انزين شاسوي عاد انا يوعان .. ويالله وحده منكم اتشد حيلهاوتسويلي ريوق محترم .:. كانت غدير تضحك على اسلوبه اما سلوى ما عطته ويه وطلعت بره المطبخ .:. .:. وبعدها .:. نايف ( وهو يصوت ) : سلووه ياللي ما فيج خير وين رايحه ؟ تعالي سويلي ريوق .. انا ميت من اليوع قربت غدير منه وسالت بابتسامه : وانا وين رحت يعني ؟؟ رد نايف وهو يبتسم بالمثل : عيل سويلي بيض وطماط غدير : من عيوني *************** .:. على الساعه سبع بالليل كانوت كلهم مجتمعين في بيت والد بوبدر .:. .:. كانت سلوى وغدير قاعدين ضحك وسوالف مع لميا بنت عمة غدير .. اما عن امنه كانت لاصقه بامها وهي لايعه جبدها من فواز اللي بالدقيقه يغمز لها وعيونه بتطلع من كثرة القز .:. ارتفع ضغط امنه من حركات فواز المايعه وقالت بعصبيه : شوو ياا ؟؟ شايفتك بتبصبص عالصبايا ؟؟ وبعدها ما استحملت وقالت : او بالاحرى قاعد اتبصبص علي اناا !![/size] | ||||
|
| |
|
05-10-12, 03:39 PM
| #3 | ||||
| نجم روايتي ومشرفة سابقةومصممه
| :. الحلقة 2 .:. ارتفع ضغط امنه من حركات فواز المايعه وقالت بعصبيه : شوو ياا ؟؟ شايفتك بتبصبص عالصبايا ؟؟ وبعدها ما استحملت وقالت : او بالاحرى قاعد اتبصبص علي اناا !! تدخلت امها داليا بالوقت المناسب : شو هيدا الحكي يا امون ؟ ردت امنه بشمئزاز : يعني بذمتج ما اتشوفينه من مساعه يقز ويغمز ويسوي حركات ؟؟ وبعدها غمز فواز : الواحد ما يتغشمر يعني ؟؟ امنه : في فرق كبير بين الغشمره وقلت الادب فواز : تقصدين اتقولين اني قليلل ادب ؟ وفجاه تدخلت ام فواز وهي معصبه : هذا اللي ناقص بعد .. اتقولين عن ولدي قليلل ادب !! امنه ( بنفعال ) : تبين الصراحه يا خالتي وما تزعلين ؟؟ بهالتصرفات اللي يسويها ولدج اي نعم قليل ادب ام فواز : اعنبوو اي تصرفات اللي تتكلمين عنها ؟ الولد توه صغير ما كمل ال 15 سنه وانتي اتقولينعنه قليلل ادب ؟؟ هزت امنه راسها بعناد : اي نعم .. قليلل ادب .. وبعدين الشخص مو بعمره تحكمين عليه الا يتصرفاته وحركاته ولو كان عمره خمس سنين بعد !! .:. تنرفزت ام فواز من هالكلام وحاولت اتبط جبد امنه .:. ام فواز : معاج حق لما قلتي ان الشخص مو بعمره تحكمين عليه مثلج انتي الحين عمرج كبير وعقلج صغير ولسانج طويل والصراحه ما تستحين !! عصبت امنه من هالكلام : عقلي صغير والساني طويل وهم ما استحي ؟؟ هزت ام فواز راسها : اي نعم ما تستحين وفجاه تدخلت لميا بنت بوفواز : يمه وامون شفيكم ؟؟ صلوا على النبي وبعدها التفتت حق اخوها فواز وقالت بعصبيه : وانت شمقعدك مع الحريم ؟؟ ليش مو بالميلس مع الريايل ؟؟ ردت ام فواز : وانتي هم شفيج على الشيخ فواز ؟؟ هذا وهو اخوج وتقولينله جذي ؟ تليقفت امنه : امحق شيخ !! سالت ام فواز بعصبيه : خير انسه امنه !! شقلتي ؟؟ ردت امنه بعناد : قلت امحق .... وقاطعها فواز عشان يبتعد عن المشاكل : امحق مكيف هذا اللي بالبيت والتفت لامه يسال : اقول يمه ليش بيت يدي جذي حر ؟؟ *************** .:. اما بميلس الريايل شلون كانت تجري الامور !! كانوا الشباب مجتمعين .. بدر ونايف كانوا يلعبون ورقه .. بوبدر كان قاعد يسولف مع الوالد ومع اخوانه بوفواز .. بوخليفه .. بودانه .. عنده ثلاث اخوان من نفس الام .:. .:. اما عن باقي الشباب كانوا خليفه وخالد وهذول الاثنين اخوان .:. .:. خليفه عمره 25 سنه ومتخرج ويشتغل .. وخالد 22 سنه يدرس بالجامعه وشكله بيصيف فيها .:. .:. خليفه كان يشوف التليفزيون وخالد كان يهذر بالتليفون .:. قط الورقه الاخيره وقال : واخيرا فزت عليك انبطت جبد بدر : وانت يا نيوف كله اتفوز ؟ ما تعطيني فرصه للفوز كلش ؟؟ ضحك نايف : هذا هو لعب المحترفين ولا بلاش .:. وفجاه رن موبايل بدر نغمة المسج .:. مسك موبايله وقرا المسج : اسيرت البدر تسال يا ترى البدر شيسوي الحين ؟؟ .:. استغرب بدر من هالمسج وتسائل منو اتكون اسيرت البدر !! والمحير بالموضوع ان الرقم ما ابين وكان المسج واصله من مكان مجهول .:. .:. تعجب نايف من نظرات الاستفهام اللي بعيون بدر .. وما حب يكون متطفل لكنه ما استحمل هاللقافه وسال .:. نايف : بدور عسى ما شر ؟ شفيها عيونك شيرت عالموبايل ؟ منو دازلك مسج ؟؟ التفت له بدر اللي ليما الحين مستغرب من هالمسجات : ما شر بس هذي كيوتل دازتلي الفاتوره ضحك نايف : وانا اقول ليش عيونك شارت جذي ؟ اكييد فاتورتك جايده ؟؟ ابتسم بدر : تقريبا يالله عاد دوري .. ما تشبعين انتي من النت ؟؟ .:. كانت سلوى مندمجه مع النت اتشوف مواقع الحمام والطيور وما عبرت امنه اللي اتحن عليها عشان تطلع .:. تنرفزت امنه : تتصيمخين حظرتج ؟ يعني مو كفايه النت اللي عندنا بالبيت ؟؟ هم هني يايه وداخله النت ؟؟ قومي انا ابي الطابعه .. طابعتنا بالبيت ما تطبع .. قومي !! .:. وبعدها .:. .:. سكرت سلوى صفحات الانترنت وقامت من على الكرسي .:. سلوى : الحين وبعد ما خلصت شغلي تقدرين تستخدمين النت امنه ( بسخريه ) : امحق شغل *************** مسكينه دانه مهما اتسوي في نفسها هم مو حلوه وتخرع .. ماكو شي حلو فيها غير اسمها وصوتها والباقي الحمدلله والشكر لا اتعيبين على البنت يا نجلا .. ترى الله بعدين بيبليج نجلا : اللهم لا شماته .:. نجلا ونور خوات خليفه وخالد .. ابوهم هو بوخليفه اخو بوبدر .:. .:. نجلا 18 سنه بثانويه عامه .. ونور 20 سنه بالجامعه .:. .:. كانوا قاعدين بالصاله يحشون في بنت عمهم دانه وهي البنت الوحيده ما عندها لا خوات ولا حتى اخوان .:. .:. المسكينه كانت كلش مو حلوه وما تعرف اتعدل نفسها .. عمرها 20 سنه .. ما يابت مجموع يدخلها الجامعه فتمت بالبيت لين ما اتحصل على شغل .:. .:. كانت دانه قاعده بزاويه بروحها وتحس بالضيق .. كانت تدري ان نجلا ونور يتكلمون عنها .:. دانه ( بحزن باين على العيون ) : يمه انا ابي اروح البيت سالت ام دانه مستفهمه : ليش بعد ؟؟ شفيج ؟؟ دانه ( بضيق ) : ماكو شي بس حاسه نفسي تعبانه شوي .:. ومن صوب ثاني .:. نجلا ( وهي اتكلم نور بشويش ) : ابيه .. شوفي ملامح دانوه .. الظاهر حست ان احنا كنا نتكلم عنها !! ردت نور بدون اهتمام : ما اعتقد *************** .:. عالساعه 9 ونص بالليل في بيت والد بوبدر .:. .:. كانوا الشباب يتعشون بالميلس والحريم بالصاله .. طلع بوبدر من الميلس وقرب صوب الصاله ينادي سلوى .:. بوبدر ( وهو ياشر على سلوى ) : تعالي يا سلوى شويه قامت سلوى وقربت منه : هلا عمي .. بغيت شي ؟ ابتسم بوبدر : ابي اذوق الطبق اللي سويتيه سلوى : الطبق موجود عندكم بالميلس يا عمي ضحك بوبدر : اخاف خلصوه بالميلس وانا ما ادري عنه وبعدها مسك ايدها بحنيه : تسلم ايدج حبيبتي تضايقت سلوى من لمست ايده ليدها وحست بالخنقه وهم من نظراته اللي ابد ما عجبتها وما ارتاحت منها .. وبسرعه شلت ايدها من ايده وهي حاسه بالربكه .:. سلوى ( بتلعثم ) : ا الله الله يسلمك ع عمي .:. وبعدها رجع بوبدر الميلس ورجعت سلوى الصاله عشان تتعشى .:. غدير ( وهي تبلع اللقمه ) : ابوي شكان يبي منج ؟ ردت سلوى بضيق : طبق الباستا اللي سويته غدير ( تسال ) : مو كانه هالطبق عند الشباب بالميلس ؟؟ سلوى : اي بالميلس بس ابوج شكله مضيع ضحكت غدير : المسكين مو منه .. من اليوع *************** بعد ما تعشوا وخلصوا .:. .:. عالساعه 11 بالليل .:. .:. كان بوبدر يصوت على مرته داليا عشان يرجعون البيت .:. .:. وعند باب الصاله .:. سلوى : ما اوصيج عاد .. لازم تحظرين عيدميلادي يوم الخميس هذا انشالله اعتفس ويه دانه : ما اظن اني اقدر سلوى ( تسال ) : وليش ما اتظنين ؟ وبعدين مو على كيفج ولازم تحظرين .. صديقاتي كلهم بيحظرون وهم بنات عمج نجلا ونور ولميا حست دانه بالضيق : انا بطرش لج هدية عيدميلادج بس اني احظر صدقيني صعبه .. اسمحيلي يا سلوى استغربت سلوى : ومنو قالج اني ابي هديه ؟ انا ابيج انتي .. وبعدين ليش صعبه انج تحظرين ؟؟ .:. ما جاوبتها دانه وكانت شوي وبتصيح ... وحست سلوى ان بالسالفه شي بس ما حبت تضغط عليها اكثر .:. سلوى ( بابتسامه ) : على العموم براحتج حبيبتي .. بس صدقيني مكانج بيبين .:. حست دانه بالراحه ليش ان سلوى ما ضغطت عليها .. وبالوقت نفسه كانت تحس بالضيق والحزن لان سبب رفضها لحظور العيدميلاد هو عدم ثقتها بنفسها وخوفها من ان البنات يتمسخرون عليها ليش انها مو حلوه .:. .:. سلمت سلوى على دانه وبعدها ركبت سيارة بوبدر مع امها وغدير وامنه راجعين للبيت .:. *************** ممكن اعرف ليش رفضتي عزيمة بنت داليا ؟؟ .:. ما ردت دانه بشي واكتفت بالصمت الحزين .:. سالت امها مره ثانيه : ما تقولين لي ليش رفضتي عزيمة بنت داليا ؟؟ ردت دانه بضيق : بس جذي مالي خلق اعياد ميلاد ام دانه : وانتي اصلا من متى لج خلق شي ؟ من مساعه اتحنين تبين ترجعين البيت .. ممكن اعرف انتي ليش معقده عمرج جذي ؟ مو معناته اذا انتي كنتي مو حلوه ان الدنيا بتتوقف خلاص .. يعني خلي عنج هالعقد وعيشي حياتج وهم احمدي ربج .. غيرج اتحصلينه مشوه او فاقد له عين وانتي والحمدلله ما فيج شي !! .:. تضايقت دانه من هالكلام ومن الحقيقه اللي دوم تحاول تشرد منها وهي انها بنت مو حلوه .:. ردت على امها ودمعتها على خدها : شلون تبيني اعيش حياتي وغيري احسن مني بواايد ؟ ام دانه : لو قعدتي اتشوفين اللي احسن منج بتتعبين وايد وبعدها سالت دانه بنهيار : وشاسوي في اللي يتكلمون من وراي ويتشمتون فيني ؟ قوليلي شاسوي ؟؟ ام دانه : خلي ثقتج بنفسج كبيره وما عليج منهم وتجاهليهم دانه ( بسخريه ) : اي ثقه هذي اللي تتكلمين عنها يا يمه ؟ ثقة الجمال والجسم الرشيق ؟؟ عصبت ام دانه : انتي عبالج ان بس الجميلات اللي يكونون واثقين من نفسهم ؟ انتي هم لو كنتي تبين تثقين بنفسج جان سويتي هالشي من زمان .. بس الكلام معاج ما منه فايده ويالله البسي عباتج بنرجع البيت .:. ما استحملت الدانه اكثر وانزلت دموعها غصبا عنها .:. دانه ( تسال ) : يمه انتي ليش مو راضيه تفهميني ؟ ام دانه : انتي بالاول افهمي نفسج عشان اقدر انا افهمج .:. وبعدها راحت امها عنها وقعدت دانه تفكر بحزن بالكلام اللي انقال .:. .:. باليوم التالي .:. .:. في بيت بوبدر .:. .:. على الساعه 1 الظهر كانت امنه قاعده بالصاله وتتذمر .:. امنه ( وهي عافسه الوي ) : مستحييل .. ما اصدق ان باجر دوام ؟؟ كابوس مرير .. ما ابي اروح المدرسه باجر .. بسوي المستحيل عشان اغيب وبعدها قربت غدير من امنه تسال : شفيج قاعده وتتحلطمين ؟ ردت امنه بتذمر : يعني ما تدرين ان باجر دوام ؟ ضحكت غدير : امبله ادري .. بس مو انتي الوحيده اللي باجر عندها دوام وبعدها قامت امنه من الكرسي محبطه : انا مريضه .. بلاعيمي اتعورني .. وشكلي بغيب باجر غمزة غدير : يا العياره .. مريضه او تتميرضين ؟؟ امنه ( تسال ) : وليش اتمريض ؟ غدير : سمعتج مساعه اتقولين بسوي المستحييل عشان اتغيبين باجر .:. توهقت امنه وحبت اتغير السالفه .:. امنه ( تسال ) : اخوج بدور ليما الحين نايم ؟ غدير : اي ليما الحين نايم .. وشكله اذا قام بيعيش نفس كابوسج المرير امنه ( وهي تضحك ) : نسيت انه يكره الجامعه كره العمى .:. وفجاه .:. انتوا الثنتين اتحشون فيني ؟ شتقولون ؟؟ امنه : بسم الله الرحمن الرحيم .. بدور انت متى قمت ؟؟ بدر : توني قايم من شوي وبعدين شنو بدور ؟ ماكو احترام للاكبر منج ؟ ضحكت امنه : اوبس اوبس .. اسفين مسيو بدر .. اقصد الشيخ بدر بدر ( بغرور ) : عبالي بعد وبعدها تليقفت غدير : امون انتي من صجج ؟؟ شنو الشيخ بدر ؟ تبينه يشوف نفسه علينا اكثر من ما هو شايفها يعني ؟ .:. وفجاه .:. .:. نغمة موبايل البدر .:. فتح المسج وقرا المكتوب وبعدها قال بتذمر : هم هالبنت اللي امسميه نفسها اسيرتي !! انا شكلي بغير رقمي من هالسنداره | ||||
|
| |
|
05-10-12, 03:46 PM
| #4 | ||||
| نجم روايتي ومشرفة سابقةومصممه
| الحلقة 3 .:. فتح المسج وقرا المكتوب وبعدها قال بتذمر : هم هالبنت اللي امسميه نفسها اسيرتي !! انا شكلي بغير رقمي من هالسنداره وسالت امنه : شسالفه بدر ؟ ومنو هذي اسيرتك ؟؟ رد بدر وهو متنرفز من هالمسجات : سلامتج ماكو سالفه .:. وبعدها طلع من الصاله .:. استغربت امنه : اشفيه اخوج عصب جذي فجاه ؟ غدير ( وهي الثانيه مستغربه ) : والله ما ادري عنه .. صاير متقلب هاليومين *************** .:. طلع بدر وراح الحوش وباله مشغول يهالمسجات اليوميه اللي توصله من اسيرت البدر .. يبي يعرف من اتكون هالبنت اللي اتعرف اسمه ؟ والمشكله هو ماله سوالف بنات !! وهالشي اللي زاد من حيرته .:. .:. كان قاعد بكرسي موجود بالحوش .. رفع راسه وشاف سلوى واقفه عند قفص الحمام تعطيهم اكل .. ابتسم وقام قرب صوبها .:. بدر ( بابتسامه ) : شكلج وايد اتحبين الحمام ؟ تخرعت سلوى من هالصوت الفجائي اللي يه من وراها : بدر !! بدر : اي نعم هذا انا بدر .. شفيج تخرعتي ؟ ابتسمت سلوى : سلامتك بس كنت مندمجه مع الحمام وفجاه سمعت صوت من وراي وخفت ابتسم بدر بالمثل : ما جاوبتيني اتحبين الحمام ؟ ردت سلوى وهي ماسكه حمامه صغيره : شي اكيد احبه .. ما اتشوفني دوم عند قفص الحمام ؟ بدر : وما تملين منهم ؟ سلوى : بالعكس .. اتونس وانا معاهم .. ولو ما مريتهم يوم امل .:. وفجاه .:. السلام عليكم التفوا الاثنين لمصدر الصوت : وعليكم السلام .:. كانت واقفه جدامهم ومنزله راسها للارض .:. ما عرفها بدر بس انتبهت لها سلوى : الدانه ؟ ردت بصوت خفيف وهي ليما الحين منزله راسها : هلا سلوى استفهم بدر : منو الدانه ؟ ابتسمت سلوى : هذي الدانه بنت عمك جاسم .:. وبعدها قعد يدقق على ملامح الدانه اللي ما شاف منها شي .:. وسال : ليش يا الدانه منزله راسج ؟ .:. ارتبكت دانه لما سال بدر هالسؤال .. ما عرفت شلون اترد عليه واكتفت بالصمت وراسها كان يناظر الارض .:. .:. استغرب بدر وحست سلوى ان بالسالفه شي .. وقامت ومسكت ايد دانه عشان يدخلون الصاله .:. سلوى ( بابتسامه ) : تعالي يا دانه انسولف داخل ارفعت راسها بدون قصد : اوكي .:. طاحت عيونها بعيون بدر .. انصدم لما شافها كانت ابد مو حلوه بس حس بشعور الربكه وانحرجت دانه وقعدت اتلوم نفسها شلون ارفعت راسها بالغلط !! وبعدها دخلت الصاله مع سلوى وهي متضايقه من نظرات بدر اللي حستها نظرات شفقه .:. .:. كان بدر واقف بالحوش وما تحرك من مكانه .:. وكلم نفسه بتعجب : لكون الدانه بنت عمي جاسم الوحيده الا اني اول مره اشوفها من سنين طويله .. والحين لما شفتها جدامي انصدمت من شكلها .. بس انشالله مالاحظت الدهشه اللي بعيوني .. يمكن يكون موقف محرج بالنسبه لها .:. وبالصاله .:. سلوى ( تسال ) : تبينا نقعد بالصاله او انسولف بالدار ؟ ردت دانه وهي تلتفت يمين ويسار : الدار بتكون افضل ابتسمت سلوى : اللي تشوفينه .:. وتوها سلوى تبي تمشي الا امسك الدانه ايدها .:. التفتت سلوى تسال : خير يا دانه ؟ دانه ( تسال بضيق ) : في احد بيكون معانا بالدار ؟ سلوى : يمكن امون اختي لانها تشاركني بنفس الدار بس ليش ؟ دانه ( بتردد ) : عيل شرايج انتم بالصاله مو احسن ؟ استغربت سلوى : اللي يريحج .:. وبعدها سمعوا صوت بدر يسولف بالحوش مع نايف اللي توه راجع من بره .:. .:. وفجاه .:. ارتبكت دانه : ابيه .. اسمع اصوات ريايل .. منو هذول ؟ سلوى : هذا اكيد بدر يسولف مع اخوي نايف حست دانه بالخنقه : عيل شرايج نروح الدار ؟ او اقولج خل نروح الميلس احسن .. محد بيكون موجود هناك زاد استغراب سلوى وسالت : انتي يا دانه ليش اتخافين من الناس ؟ .:. انصدمت دانه من هالسؤال اللي كلش ما توقعته وحست ان دمعتها بتنزل على خدها .:. دانه ( بنبرة حزينه ) : انا انا مو اني اخاف من النااس .. بس انا .. انا .:. وسكتت فجاه واكتفت بالدموع .:. .:. تخرعت سلوى وما فهمت شي ومسكت ايدها ودخلتها الميلس وسكرت الباب .. كانت دانه قاعده عالكرسي وحاطه ايدينها على ويهها واما عن سلوى كانت مجابلتها .:. امسكت علبة الكلينكس ومدت ايدها لدانه : تفضلي يا الدانه .. امسحي دموعج وفهميني شسالفه ؟ .:. امسكت دانه علبة الكلينكس وارفعت راسها .:. دانه ( بحزن كبير ) : شتبين اتعرفين بالضبط ؟ ليش انا يايه بيتكم ؟ او ليش من شويه صحت ؟ سالت سلوى : والييت بيتنا هم سالفه ثانيه ؟ دانه ( بتردد ) : انا يايه عشان افتح لج قلبي واقولج عن اللي يدور بداخلي من حزن .. انا وايد ارتحت لج وحسيت انج ممكن تفهميني واتعرفين شنو هو سبب رفضي لدعوتج لعيد ميلادج .. لهسبب انا ابيج تسمعيني وتخففين عني وهم تساعديني .. انا يا سلوى محتاجه لشخص يفهمني واذا تبين الصراحه امي مو راضيه تفهمني .. فما لقيت غيرج انتي .:. وبعدها .:. .:. قامت سلوى من الكرسي وقربت من دانه وامسكت ايدها بحنيه .:. سلوى ( بابتسامه ) : تكلمني .. قولي اللي بقلبج وتاكدي اني مستحييل اخذلج .:. استانست دانه وارتاحت وايد من هالكلام .. وتطمنت لانها عرفت تختار الشخص المناسب عشان اتقوله كل شي .:. دانه : كنت متاكده انج انسانه طيبه وتتفهمين مشاعر الناس ومشاعري انا بالذات سلوى : تسلمين والله على هالكلام اللي احسه وايد بحقي .. والحين قوليلي انتي شفيج ؟ وليش عيونج ذبلانه بالحزن ؟ تنهدت دانه وبعدها قالت : مساعه سالتيني انتي ليش اتخافين من الناس ؟ كنت بجاوبج بس ما قدرت وانزلت ادموعي غصبا عني .. انا مو اني اخاف من الناس .. انا اخاف من كلام الناس وشماتتهم فيني .. وادري بتساليني أي شماته واي كلام ؟ يا سلوى انا ادري ان الناس يحشون فيني ويتمسخرون علي ليش اني مو حلوه .. وحتى كلمة مقبوله كبيره بحقي .. اذا بنات عمي يتمسخرون علي فشلون الغرب لو شافوني ؟ شبيقولون ؟ وللسبب هذا بس انا رفضت دعوتج لعيد ميلادج .. انا مهما اتعدل واسوي بنفسي هم اتم مو حلوه ومبهدله بنظر الناس .. ماكو شي حلو فيني غير اسمي ويقولون صوتي .. صج ان الحلو ما يكمل .. وانا وبكل صراحه كرهت الدنيا وهم نفسي .. امي اتقولي خلج واثقه من نفسج وانا اقول اثق بشنو يا حسره ؟ بجمالي الاخاذ او بجسمي الرشيق ؟ نظرات الناس صارت ما ترحم وكفايه اخر نظره كانت لي من بدر .. حسيته يقول بقلبه شنو هالجيكره ؟ حتى لما كنت بالاعداديه وهم الثانويه ما سلمت من السان البنات .. كنت اغار لما اشوف بنت حلوه تمشي بالساحه بكل ثقه جدامي .. وكنت انحرج لما اشوف نظرات الشماته في عيونهم .. عشان هالسبب انا معزوله عن العالم اللي ماهمه غير المظاهر .. يا سلوى انا ما عندي اخو او اخت عشان افضفض له اللي بقلبي .. وما عندي غيرج انتي اللي اعتبرج اختي .. قوليلي يا سلوى شاسوي ؟ شلون اتخلص من عقدتي ؟ انزلت دموع سلوى غصبا عنها : لهدرجه انتي مهمومه ومحد داري فيج ؟ .:. هزت دانه راسها بحزن .:. سلوى : بس يا الدانه انتي من حقج اتعيشين حياتج وخلي ثقتج بنفسج كبيره .. وحتى لو كنتي مو حلوه مو مهم .. المهم انج حلوه من داخلج دانه : هم انتي يا سلوى اتكررين نفس كلام امي .. بالله عليج قوليلي اي ثقه هذي اللي قاعده تتكلمين عنها ؟ سلوى : مو انتي قلتي ان الحلو ما يكمل ؟ الله سبحانه يعطينا اشيا وياخذ منا اشيا .. مثلج انتي عطاج الصوت العذب الحلو واخذ منج الجمال تضايقت دانه : ياليت الناس بس يسمعون صوتي وما يشوفوني كلش حست سلوى بالحزن: ليش يا الدانه ؟ ليش مصره اتعقدين نفسج بالطريقه هذي ؟ وبعدها سالت : مو تبيني اساعدج عشان تتخلصين من هالهم هذا ؟ .:. هزت دانه راسها ايجابيا .:. سلوى : ماكو غير انج تتشجعين وتحظرين عيدميلادي يوم الخميس واتواجهين البنات بكل ثقه قامت دانه من الكرسي مصدومه : مستحيييل !! ما قلت لي يا البدر ما تبي تتزوج ؟ ضحك البدر بصوت عالي : خوش نكته والله .. عيدها مره ثانيه تـكفى !! بدور اشفيك ؟؟ انا اسالك من صجي رد بدر : انا هم يا نيوف اكلمك من صجي نايف : شتقصد يعني ؟ ما تبي تتزوج ؟؟ بدر : لين تزوجت انت انشالله انا بفكر اتزوج ضحك نايف : هالنكته احلى من القبليه ممكن اتعيدها ؟ .:. وبعدها ضحك بدر .:. *************** سالت سلوى وهي تشوف الدانه بحزن : ليش مستحييل ؟ ماكو شي عندي اسمه مستحيل ..وتعوذي من ابليس وقولي تم وتعالي الحفله ردت دانه بضيق : ما اقدر يا سلوى .. والله العظيم ما اقدر سلوى ( باصرار ) : امبله يا دانه تقدرين بس انتي ما تبين اتحاولين .:. وبعدها ما ردت دانه وتمت بضيقتها ساكته .:. كررت سلوى : بتحظرين لعيدميلادي .. قولي تم .:. ترددت الدانه وايد اذا اترد على سلوى او تسكت بس اصرار سلوى اتعب الدانه واستسلمت للامر .:. دانه ( بتردد ) : تم *************** .:. كانت اتخاف اتغمض عيونها وتفتحها عشان ما اتمر الايام بسرعه ويقرب موعد العيدميلاد .. لكن وبدون ما اتحس بمرور الوقت والايام سمعت امها تسالها سؤال ما خطر على البال .:. ام دانه : عالساعه كم بتروحين حفلة بنت داليا ؟؟ انصدمت الدانه : اليوم الخميس !! ام دانه : وانا شقاعده اقولج من الصبح ؟؟ اي اليوم الخميس تضايقت دانه وحست بالخنقه : عالساعه 7 بالكثير لازم اكون هناك .:. حست الدانه ان هاليوم بيكون تعيس بقدر ما هو تعيس بنظرها الحين .. بس اهي اوعدت سلوى بالحظور .. يعني ما باليد حيله .:. *************** .:. كانت قاعده بدارها تتعدل حق عيدميلادها .. اما بالنسبه لامنه البست وخلصت وانزلت تحت .:. .:. وبعدها .:. طق الباب يسال : ممكن ادخل ؟ سمعت الصوت وعرفت من يكون : تفضل عمي .:. دخل بوبدر الدار وسكر الباب وراه .:. بوبدر ( وهو يشوف سلوى بانبهار ) : هذي سلوى اللي اشوفها الحين او القمر نازل من السما ؟ ضحكت سلوى : شدعوه عمي عاد ! قمر مره وحده ؟ قرب بوبدر منها : واحلى من القمر وقال بقلبه : واحلى من امج بعد .:. حست سلوى بقرب بوبدر منها وتضايقت وقامت من الكرسي .:. سلوى ( تسال ) : بغيت شي عمي ؟ قرب بوبدر خطوتين وقال : بلاها كلمة عمي ما استوعبت سلوى : شنوو ؟؟ .:. وفجاه .:. فتحت امنه الباب وبقوه : سلوه يالله تعالي تحت .. ساندرا وشيخه والجود اوصلوا *************** .:. كانوا صديقات سلوى .. ساندرا وشيخه والجود قاعدين بالميلس .. يمكن يكون اسم ساندرا غريب من بينهم .. ساندرا صديقه سلوى وهي لبنانيه مسيحيه .. وتعرفت عليها بالطياره وهم راجعين من لبنان .:. .:. كانت ساندرا اطل من دريشة الميلس للحوش .:. استغربت شيخه وسالت : اقول ساندرا شعندج اطلين بالحوش ؟ ردت ساندرا بدون ما تلتفت : هيدا البدر يا محلاه استفهمت شيخه : اي بدر ؟ تونا هلال ؟ .:. ما ردت ساندرا وتمت اتشوف البدر .:. ضحكت الجود : شيخوو يا الغبيه هي تقصد بدر ولد بوبدر ومو البدر اللي بالسما .:. وبعدها دخلت سلوى ومعاها امنه .:. سلوى ( بابتسامه ) : يا هلا والله بمن يانا .. توه ما نور البيت شيخه & الجود : بوجودج يا الغلا .:. الوحيده اللي ما ردت هي ساندرا .:. انتبهت لها امنه وسالت : ساندرا .. شو بتعملي عندك هونيك ؟ ردت شيخه من بدالها : قاعده اتشوف البدر حبيب القلب ضحكت امنه : يا هيدا البدر اللي مجننك هيدك وسالت سلوى : ليكون اتحبين بدر يا ساندرا ؟ التفتت ساندر لسلوى وقالت : ابحبوا اي .. بس لهلا ما بعرف شو نوع هيدا الحب .:. سكتت سلوى وما علقت بشي .. وبعد اقل من دقيقه دخلت غدير بنت بوبدر الميلس ومعاها بنات عمها لميا .. نجلا ونور .:. .:. سلمت سلوى عليهم وعرفتهم على صديقاتها .:. وبعدها سالت : عيل وين الدانه ؟ سالت غدير : وليش الدانه قالت بتيي ؟ سلوى : الدانه اكدت لي انها بتيي انشالله .:. ما توقعت غدير ان الدانه ممكن تحظر وخاصه انها منعزله عن الناس .. اما عن نجلا ونور تعجبوا لما دروا ان دانه بتحظر العيدميلاد .:. .:. وبالحوش .:. .:. توها داخله من باب الحوش الا بدر يطلع لها فجاه .. خافت وارتبكت وبسرعه حطت ايدها على ويهها .:. .:. تعجب بدر من تصرفها بس ما علق بشي .:. دانه ( وهي منزله راسها ) : اسمحلي يا ولد عمي طلعت ابويهك بدون ما اقصد سال بدر : انتي اللي اسمحيلي بس انتي منو من بنات عمي | ||||
|
| |
|
05-10-12, 03:51 PM
| #5 | ||||
| نجم روايتي ومشرفة سابقةومصممه
| الحلقة 4 .:. سال بدر : انتي اللي اسمحيلي بس من انتي من بنات عمي ؟ ردت الدانه بصوت خفيف : انا الدانه بنت عمك جاسم .:. انصدم للمره الثانيه .. هذي ثاني مره يشوفها وما يعرفها .. وحس نفسه بموقف سخيف .:. بدر : هلا والله بالدانه .. تفضلي حياج .. الكل قاعد ينتظرج بالميلس ابتسمت وهي مازلت منزله راسها : هلا فيك وزاد فضلك *************** بنات تعالوا شوفوا ماني مصدقه .. هذي الدانه بنت عمي جاسم يايه ما ستوعبت نور : الدانه الدانه ما غيرها ؟ ردت نجلا : اي نعم .. الدانه بلحمها وشحمها استفهمت ساندرا : ومنو هيدي الدانه اللي بتحكوا عنها ؟ وبعدها قاطعنهم سلوى : اتعرفين تسكتين انتي وياها ؟ كاهي الدانه قربت وابيكم كلكم تبتسمون لها .. فاهمين ؟؟ .:. استغربت ساندرا ليش كل هالاهتمام بالدانه !! لهدرجه يعني هي شخصيه مهمه ؟ او جميله مثلا ؟ ساندرا من النوع اللي يحب يكشخ ويتعدل واهم شي عندها ان الشخص يكون حلو عشان الناس تحترمه وهذا هو تفكيرها بالدنيا ومفهوم الجمال عندها .:. .:. وبعدها .:. .:. دخلت دانه الميلس بتردد كبير وهي حاسه بالخوف من نظرات البنات لها .:. .:. وفجاه .:. ضحكت ساندرا بستخفاف : هيدي هيا الدانه اللي بتحكوا عنها ؟ وبعدها سالت بوقاحه : شو هو الشي الحلو فيها ؟ بدي شي واحد بس حلو !! .:. حست الدانه بالعجز وما عرفت اترد او شتقول بالضبط .. اما عن سلوى عصبت على موقف ساندرا السخيف واللي ما كان له داعي كلش .:. سلوى ( بعصبيه ) : ساندرا !! ممكن تعتذرين عالكلام اللي قلتيه بحق الدانه ؟ استنكرت ساندرا هالطلب : وليش بالله ؟ شو عملت انا ؟ سلوى : انتي اتعرفين عدل شقلتي وماكو داعي اعييد .. يعني اعتذري للبنت يا ساندرا .:. وفجاه تدخلت دانه .:. دانه ( بصوت حزين ) : ماكو داعي تعتذر .. يمكن يكون هذا رايها فيني وانا احترمه .:. نجلا ونور كانوا يحشون بشويش .:. نجلا : ما اتشوفين دانوه شلون اتسوي نفسها طيبه ؟ نور : اي والله .. بس تبين الصراحه ؟ زين سوت فيها ساندرا .. والله محد قالها تتفلسف وتحظرالعيدميلاد وهي تعرف عدل انها مو قد هالعزايم .. واذا تبين الصراحه انا اتفشل منها والحين تفشلت زياده لما صديقات سلوى دروا ان هالجيكره بنت عمي .:. كانت دانه شوي وتصيح بس على قدر المستطاع كانت اتحاول تخفي دموعها وتتمالك نفسها .:. دانه ( تسال بابتسامه ) : ما عرفتيني على صديقاتج يا سلوى ؟ .:. ابتسمت سلوى وقامت عرفت الدانه على شيخه والجود .:. ابتسمت شيخه : هلا والله بدانه وكملت الجود : تشرفت بمعرفتج يا دانه .:. استانست الدانه وحست بالراحه وان الدنيا ليما الحين فيها ناس قلبهم ابيض وطيب .:. وبعدها التفتت سلوى لبنات عم الدانه : وهذول انتي عارفتهم .. غدير .. لميا .. نور ونجلا بنات عمامج وهم اتعرفين امون اختي .:. وفجاه .:. تنرفزت ساندرا : شو سلوى ! انسيتي اني موجوده هون ؟ ما بشوفك عرفتيني عالبنت !! .:. كانت سلوى متضايقه شوي من موقف ساندرا لدانه بس حبت تنسى السالفه وخاصه انها تعرف ساندرا عدل .. انسانه انانيه ومغروره وما همها غير الجمال الخارجي وبس .:. ردت سلوى : بالعكس ما نسيتج بس انتي اللي شكلج نسيتي انج اول وحده رحبتي بدانه باسلوبج المو حلو .:. ما عجبها ساندرا هالكلام وحست بالحقد على دانه المسكينه اللي مالها ذنب بشي .:. .:. وبعدها .:. سالت غدير متعمده : اقول دانه شلون اقتنعتي اتين العيدميلاد ؟ مع انج ما اتحبين تختلطين بالناس ؟ .:. تضايقت دانه من هالسؤال وحست ان غدير متعمده تساله بس كانت مجبره اترد عليه .:. دانه ( وهي تتذكر كلام سلوى عن الثقه ) : من اليوم ورايح بكون اجتماعيه انشالله .:. استغربت غدير من رد الدانه وهي اتعرف عدل ان دانه مستحييل اترد بثقه واستانست سلوى من هالرد اللي ما توقعته .:. سلوى ( بشويش ) : عفيه عليج يا دانه .. ابيج جذي قويه وما يهمج شي .:. ابتسمت دانه بس سرعان ما اختفت الابتسامه لما شافت ساندرا تقرب منها بكل غرور وثقه .:. ساندرا ( تسال وهي تلعب بشعرها ) : شفتي مس ليبانون بالتي في هاليومين ؟؟ اعتفس ويه دانه : لا ما شفتها ساندرا : عن جد بتجنن .. حتى انا اللي بشوف نفسي حلوا اكتيير بشوفها احلى مني بمليون مره دانه ( بضيق ) : طيب وانا شكو يعني بمس ليبانون ؟ .:. حست سلوى ان ساندرا بتغلط بشي وبسرعه غيرت السالفه .:. سلوى ( بابتسامه ) : ما تبون ترقصون يا بنات ؟؟ .:. ما حبت ساندرا تسكت هالمره وحبت اترجع السالفه عناد في سلوى لتغيرها الموضوع .:. ساندا ( بوقاحه ) : سلامتك يا دانا .. انا بس كونيت بادي اتشوفي الجمال واللي يستحقوا الاحترام ومو حي الله بنت بشعه ما بتعرف شي عن الاناقه والجمال انصدمت دانه : انتي شتقصدين بكلامج هذا ؟؟ منو تعنين فيه ؟ ساندا ( بابتسامه خبيثه ) : انتي دانه ( اشويه وتصيح ) : انا !! ساندا : اي انتي .. وفي احد بشع غيرك معنا هلا ؟؟ .:. وفجاه .:. صرخت سلوى : ساندرا !! بسج عااد !! اندرا ( بدون مبالاه ) : ما بظن اني غلطيت بشي سلوى : كل هذا الكلام وتقولين ما اتظنين ؟؟ .:. ما استحملت دانه كل هالاهانات وخاصه انها تفشلت جدام البنات والمشكله ما كانت عندها الجراءه الكامله عشان اترد على ساندرا .:. .:. وقفت ساندرا معصبه وكل صفات الغرور الزمتها بهالحظه .:. ساندرا : انتي شو فاكره حالك ؟ اصلا ما فيه وجه موأرنه بيني وبينيك .. وانت شوو ؟؟ بادي اشوف شي واحد حلو فيكي بس ما في وفجاه صرخت دانه مو مستحمله : بس خلاص كفايه .. بسج ما شبعتي اهانات ؟ ادري انج حلوه واتهبلين وقمر بعد .. هذا اللي تبين تسمعينه من الناس ؟ اكاهو سمعتيه مني .. شبعتي غرورج الحين ؟ بس هذا مو معناته انج اتغلطين علي واتزيدين بالغلط وانا اتم ساكته .. ادري عدل اني مو حلوه بس اتصور عندي شي انتي ما تملكينه .. الطيبه والتواضع وحب الناس ومو الانانيه والحقد والغرور وحب التملك .. بس اتوقع اني غلبتج بجمالي الداخلي .. والدلليل موقفج مني .. باين انج غيرانه مني .. انفجرت ساندرا من الضحك : انااا ابغاار منك انتي ؟ شو هيدي الفزورا الجديده ؟ بتسدئي ضجكتيني وانا ما بادي اضحك .. .:. وبعدها سكتت دانه وما قالت شي .. وتدخلت سلوى اللي كانت معصبه من موقف ساندرا .:. سلوى : ساندرا .. انتي شفيج ؟ شنو مشكلتج ؟ يعني ما كان له داعي انج تحرجين ضيفتي !! سالت ساندرا بدون مبالاه : وانا مو بضيفتك ولا شوو ؟ سلوى : اكيد ضيفتي .. وعلى عيني وراسي .. لكن دانه ما غلطت بشي .. انتي اللي غلطتي عليها وتماديتي بالغلط !! عصبت ساندرا : انا ما غلطيت ابشي !! سلوى ( باصرار ) : امبله غلطتي وكل هالبنات شاهدات على اللي صار توه كررت ساندرا : التلك انا ما غلطيت ابشي .:. وبعدها تدخلت نجلا بنت عم دانه .:. نجلا ( بخبث ) : هو انا صحيح بنت عمج يا الدانه .. بس اذا تبين الصراحه ساندرا ما اغلطت بشي .. يعني احنا الناس لما انشوف وحده حلوه انقول جدامها ومن وراها والله ان هالبنت قمر واتينن .. وهم نفس الشي عن البيت الجيكره .. انقول بسم الله الرحمن الرحيم .. اللهم لا شماته .. هالبنت مو حلوه كلش واتخرع .. الله يعينها على نفسها .. والله لا يبلينا بما ابتلت فيه ان شالله .. يعني ساندرا الصراحه ما اغلطت .. .:. بهاللحظه حست دانه ان السانها ثقل وما اقدرت اتقول شي .. وحست ان دموعها بتنزل غصب .. اذا نجلا بنت عمها اتقول هالكلام فشلون ساندرا !! حست سلوى بشعور الدانه وهم حست انها السبب بالشي اللي استوه لما الحت على الدانه انها تحظر لعيد ميلادها .:. .:. حطت الدانه ايدينها الثنتين على عيونها اللي انزلت ادموعها قبل ما تستأذن .. وبسرعه وبدون شعور اطلعت بره الميلس .:. *************** . كان بدر قاعد بداره ويتحلطم .. ليش ان البيت اليوم مليان بالبنات وما يقدر ياخذ راحته ويتنقل من مكان لمكان .:. وبعدها قال : ماكو غير داري .. اهي المكان الوحيد اللي برتاح فيه اليوم بدون ما احد يدخل علي ويلعوزني .:. وفجاه .:. .:. فتحت باب الدار وادخلت عليه وسكرت الباب بقوه واستندت عليه وهي ميته بجي .:. تخرع بدر المسكين : بسم الله الرحمن الرحيم .. اشصاير ؟؟ البنات اوصلوا لداري !! عيل انا وين اروح ؟ .:. ما ردتت عليه وكملت بجيها .:. استغرب بدر واستفهم : منو انتي ؟ وشسالفه ؟ وليش تبجين ؟ .:. وهم ما ردتت عليه وبجت اكثر من قبل .:. سال بدر بستهبال : في احد طقج ؟ تبيني اروح اطقه ؟ رفعت الدانه راسها معصبه : عن العبط وهذا مو وقت استهبالك الحين !! استغرب بدر : الدانه !! .:. ما ردتت عليه وامسحت ادموعها وفتحت باب الدار بتطلع .:. ناداها البدر : لحظه شويه .. تعالي وين رايحه ؟ وما قلتيلي ليش تبجين ؟ .:. وهم ما ردتت ومشت واهي حاسه بحزن كبير وشافتها سلوى .:. سلوى ( تسال ) : الدانه .. واخيرا لقيتج .. انتي وين رحتي ؟ ردتت دانه بهدوء : اكاني جدامج قربت سلوى يم دانه ومسكت ايدها مبتسمه : يالله تعالي انرد للبنات سحبت الدانه ايدها بقوه : اسمحيلي انا راده البيت !! تضايقت سلوى : ليش ؟ ليكون عشان سالفـ .. قاطعتها دانه بعصبيه : ايه .. عشان سالفة هالساندرا .. واذا انتي ترضين على نفسج انج تنهانين جدام اللي يسوا واللي ما يسوا فانا ما ارضى !! .:. وبسرعه مشت بدون ما تعطيها فرصه تتكلم او اتقول شي .. راده البيت .. سكتت سلوى وما قالت شي .. وبدر كان واقف بالممر وسمع كل شي .:. قرب بدر من سلوى وسال : عشان هالسبب كانت بنت عمي اتصيح ؟ .:. هزت سلوى راسها ايجابيا .:. سال بدر : اهو شصار بالضبط ؟ ومنو هالساندرا ؟ *************** .:. كانوا البنات قاعدين بالميلس وكل وحده اتسولف مع الثانيه متناسين الشي اللي صار .. كانت ساندرا تضحك ومستانسه متجاهله تماما الغلط اللي سوته .:. قربت نجلا من ساندرا تسال : انتي من وين يبتي كل هالثقه والجراءه اللي فيج ؟ الصراحه عجبتيني ساندرا وهي رافعه خشمها غرور : هيدا الشي مولود معاي .. وانتي لهلا ما شفتي شي نجلا : وهم في اشيا ثانيه مدفونه بداخلج وما طلعتيها ليما الحين ؟ ساندرا ( بغرور ) : we we نجلا ( اللي ما فهمت شي ) : شنو تقصدين بوي وي !! ضحكت ساندرا بمسخره : وليك ما بتعرفي فرانسي !! يعني yes بالانجليزي .. لا تؤلي ما بتعرفي انجليزي هلا ؟ ردتت نجلا من الفشيله : افكورس اعرف انجليزي .. يعني مو لهدرجه .. اما الفرنسي وشعرفني فيه !! صعب ومعقد .:. ومن صوب ثاني بالميلس كانت غدير اخت بدر اتسولف مع امنه اخت سلوى .:. غدير : امون روحي شوفي اختج سلووه وينها فيه ؟ صيفت من يوم اطلعت !! امنه : اكيد قاعده تقنع بنت عمج الدانه ترد للميلس غدير : ما اظن الدانه بترد بعد اللي سمعته من ساندرا امنه : الصراحه انا ما ادري شلون ساندرا تجرات وقالت هالحجي !! غدير : امبين ان هالساندرا ابنيه مغروره وشخصيتها قويه امنه : معاج حق !! انا ما ادري شلون سلوى مصادقتها !! كل وحده شخصيتها مختلفه عن الثانيه *************** وهذي الساندرا بالله عليها ما تستحي ؟ اشفاكره نفسها ! مارلين مونرو ؟ مالها حق اتغلط عالدانه بهالطريقه !! تنهدت سلوى : اللي صار صار وانا السبب استفهم بدر : شكو انتي السبب ؟؟ سلوى ( بضيق ) : انا اللي الحيت واصريت عليها عشان تحظر اليوم .. انا اللي حطيتها بهالموقف المحرج هذا .. انا السبب بدر : انتي مالج ذنب باللي صار .. الذنب ذنب هالمغروره اللي اسمها ساندرا .:. وبعدها .:. سمعوا صوت معصب ياي من وراهم : انتوا الاثنين شتسون مندعسين بالممرر !! والتفت على سلوى يسال : وانتي يا الشيخه .. اشله امخليه صديقاتج ومندعستلي بالممر سوالف مع الشيخ بدر !! .:. استغربوا الاثنين من موقف بوبدر المعصب عليهم وبدون سبب .:. سال بدر : عسى ما شر يبا ؟ وسالت سلوى : اشفيك عمي ؟ ليش شاب علينا ضو ؟ وشتقصد بكلمة مندعسين ؟ وبعدين انا ما خليت صديقاتي .. انا بس كنت اسولف مع بدر عن شغله .. واكاني راجعتلهم الحين سال بوبدر بستخفاف : وبالله عليج شنو هالشغله الخطييره الا ما اطلعت الا بهالوقت وبالممر يم غرفة بدور ؟؟ .:. تنرفزت سلوى على موقف بوبدر اللي ابد ما كان له داعي .:. وقالت لنفسها : انا مو مجبوره اني ارد عليه واهو مو ولي امري .. ماله حق علي .. وما دامه اخوي نايف موجود هو شدخله فيني !! .:. ما ردتت عليه ومشت من يمه رايحه للميلس .:. تنرفز بو بدر : انسه سلوى اعتقد اني سالتج سؤال ! ومو حلوه انج اطنشيني وتمشين .:. ما ردتت عليه وكملت مشيتها .:. بوبدر وهو ماسك اعصابه : انتي ما تسمعيني او تتصيمخين يعني ؟ اكلمج انا !! اوقفي .:. وهم ما ردتت .:. . حس بدر ان بيصير شي من هالعناد .:. صرخ بوبدر معصب : قلت لج اوقفي !! | ||||
|
| |
|
05-10-12, 07:58 PM
| #6 | ||||
| نجم روايتي ومشرفة سابقةومصممه
| الحلقة 5 .:. بو بدر وهو ماسك اعصابه : انتي ما تسمعيني او تتصيمخين يعني ؟ اكلمج انا !! اوقفي .:. وهم ما ردتت .:. .:. حس بدر ان بيصير شي من هالعناد .:. صرخ بو بدر معصب : قلت لج اوقفي !! .:. وبهالحظه اوقفت سلوى بس ما التفتت .:. وسالت ببرود تام : خير عمي بغيت شي ؟؟ مسك بو بدر اعصابه على كثر ما يقدر : سلامتج ما بغيت شي .:. وبعدها كملت مشيتها .:. وسال بدر مستفهم : عسى ما شر يبا ؟ التفت بو بدر على بدر معصب : وانت شكو ؟ ادخل دارك وانت ساكت .. ولا تتليقف باللي ما يخصك !! .:. استغرب بدر من موقف ابوه ودخل داره وهو مو فاهم شنو سبب هالعصبيه .:. *************** .:. دخلت الدانه البيت والحزن كان امبين من عيونها .. كانت امها قاعده بالصاله اتشوف تليفزيون واستغربت ييت الدانه بهالسرعه .:. ام دانه ( تسال ) : عسى ما شر ؟ ليش راجعه البيت هالحزه ؟ مو كانج طالعه من توه !! ابتسمت دانه متظاهره بالسعاده : حفلتها كانت بسيطه وتونا امخلصين .:. استغربت ام دانه والتفتت للساعه اتشوف الوقت .:. ام دانه : اشدعوه ؟ الساعه ثمان توه امبجر !! شنو هالحفله اللي بساعه بس !! ابتسمت دانه مره ثانيه : مو حفله يمه عيد ميلاد ام دانه : ما هو نفس الشي .. حفله او عيد ميلاد .. ما يمديكم اتسون كل شي بساعه !! .:. وبعدها اسكتت الدانه وما عرفت شتقول .:. سالت امها مستفهمه : انتي اتقصين علي ولا شنو ؟ يعني ما تبين اتقولين لي ليش راجعه امبجر ومخليه البنات ؟ توهقت دانه : ما ادري يمه .. بس حسيت ان راسي عورني وحبيت ارد البيت استغربت امها : توج اتقولين خلصتوا والحين اتقولين راسج يعورج !! .:. شافت الدانه امها بصمت .:. ام دانه ( تسال ) : اشفيج ساكته ؟ بما اني اعرفج عدل اكيد احد قط عليج كلمه او 2 وانتي كالعاده ما استحملتي وحبيتي تنحاشين من هالموقف عدل كلامي ؟؟ .:. شافت الدانه امها بنظرة حزن .. يعني اي عدل كلامج يا يمه .. تنهدت امها بدون ما اتقول شي وراحت عنها .:. *************** .:. مر اليوم بسرعه بنظر البنات اللي كانوا مستمتعين بيوم الميلاد .. ولكنه مر ببطئ بنظر الدانه اللي ما قدرت تنام الليل وهي اتفكر بالموقف اللي اسوته .:. *************** من صباح الله خير نغمة رنة المسج .. كان دايخ حده بس مسك الفون وفتح المسج وقرا المكتوب .:. || صباح الخير يا اغلى الناس .. يالله قوم .. بسك نووم .. ادري انك نايم || .:. وبعدها .:. قام بدر من سريره متنرفز : حسبي الله عليج من ابنيه .. قومتيني من النووم امبجر واليوم اليمعه !! *************** .:. كانت سلوى قاعده بدارها .. وفجاه رن موبايلها .. شافت رقم المتصل وكانت ساندرا .. وما كان لسلوى خلق انها اترد عالاتصال .:. امنه ( تسال ) : اشله ما اتردين عالفون ؟ سلوى : مالي خلق امنه : عالاقل شوفي منو اللي داقلج من صباح الله خير !! سلوى : هذي ساندرا امنه : اذا ساندرا عيل زين اتسوين انج ما اتردين استفهمت سلوى : وليش يعني ؟ امنه : من الموقف الحقير اللي سوته بالمسكينه دانه ولو انا اللي كنت بمكان الدانه جان مت بجي سلوى : بس اهيا سوت لها اهي وما سوت لي انا استغربت امنه : يعني انتي راضيه باللي سوته ؟ سلوى : لا طبعا .. بس انا اقولج يعني انها ما احرجتني انا عشان ما ارد عليها .. بس هذا مو معناته اني راضيه على موقفها .. راح اتصلها بعدين بس مو قبل ما اكلم الدانه واشوف شخبارها بعد اللي صار .. *************** .:. صارت الساعه 11الظهر .. توه بو بدر يبي يفتح باب غرفة بدر عشان يصحيه للصلاة كالعاده .. الا شافه فاتح باب الدار قبله .:. استغرب بو بدر : بدر قاعد بنفسه !! والله شي غريب !! ضحك بدر : لا يبه .. ماكو شي غريب ولا شي .. ومن يوم ورايح بقوم بنفسي ان شالله استغرب بو بدر مره ثانيه : سبحان مغير الاحوال ابتسم بدر وقال لنفسه : مو مني .. من هالبنت المزعجه اللي كل صباح الله خيير امأذيتني بمساجاتها المجهوله *************** .:. في بيت بو دانه .:. .:. كانت الدانه منسدحه عالسرير وكانت الساعه 12الظهر تقريبا .. حست نفسها انها ما نامت واييد من كثر التفكير بموقف امس .. ما نامت لين الساعه 4 الفير .:. .:. وتوها تبي اتقوم من السرير الا يرن موبايلها وكانت سلوى المتصله .. بالبدايه رن الموبايل ليمن سكر بنفسه وما كانت حابه اترد .. وبعدها رن للمره الثانيه وفتحت الخط .:. دانه ( بصوت هادي ) : هلا سلوى سلوى : اهلين دانووه شلونج ؟؟ دانه : بخير .. الله يسلمج .. انتي شلونج ؟؟ سلوى ( بضيق ) : انا متصله عشان اسالج عن اخبارج وخاصه بعد اللي صار امس فماله داعي تساليني عن اخباري لاني متضايقه من الموقف اللي .. قاطعتها دانه : حصل خير حبيبتي وانا ادري ان انتي مالج يد باللي صار وماكو داعي والله تتضايقين عشاني .. واذا على موقف امس اني هديتج ومشيت السموحه منج بس غصبا عني تضايقت من الشي اللي سمعته .. اما الحين انا بخيير والحمدلله حست سلوى بالراحه : متاكده من هالحجي ؟ يعني مو شاله بخاطرج علي او شي !! ابتسمت دانه : متاكده ابتسمت سلوى بالمثل : فديتج والله ريحتيني .. يعني صافي يا لبن !! دانه : صافي يا لبن *************** .:. عالساعه1 الظهر .. طلع بو بدر وبدر ونايف من المسيد .. بو بدر رجع البيت .. ونايف طلع مع ربعه .. اما بدر وده سيارته للوكاله لانها محتاجه لبعض التصليحات .:. .:. وهو بالطريج سمع رنة نغمة المسج اللي اعتاد دوم وكل يوم يسمعها .:. فتح المسج وقرا المكتوب : اعتقد ان الصلاة خلصت الحين .. انا يا البدر بغيت اطلب منك طلب .. اهو بصراحه طلب صغير وما بيتعبك بشي .. ابيك ما عليك امر اتمر مكتبة الفجر اللي بالمرخيه .. وتسال الهندي اللي قاعد هناك ان اكو ضرف ابيض صغير باسم البدر .. اخذه وافتحه وبعدها بقولك حق شنو !! على فكره انا مو قاعده استهبل معاك او استعبط .. السالفه جد واتمنى انك تقصد المكتبة الحين .. تعجب بدر من هالمسج : قومي انزين .. انا مينون اضيع وقتي مع وحده ما اعرف من اتـكون ! غير انها مسمية نفسها اسيرة البدر !! ماكو غير اني امسح هالمسج واطنش !! *************** .:. ابيت بو خليفه اخو بو بدر الكبير .. كانت نجلا اتسولف بالفون .. ونور تقرا مجلات .:. دخل عليهم خليفه يسال : نجلوه .. نوروه .. ما شفتوا امي ؟ .:. ولا وحده منهم ردتت .. نجلا كانت مندمجه بالسوالف .. ونور بالمجله .:. سال خليفه مره ثانيه : وصمخ يصمخكم انتوا الثنتين .. سالتكم ما شفتوا امي ؟ .:. اشرت نجلا بيدها بلا .. وهزت نوره راسها بلا .:. تنرفز خليفه : ما منكم فايده .:. وفجاه .:. خير خليفه يمه بغيتني بشي ؟ اسمعك تسال عني ؟ التفت خليفه على امه بابتسامه : هلا والله بالغاليه .. هلا والله ضجكت ام خليفه : اه منك يا العيار اكيد تبي شي !! ابتسم خليفه : تقريبا اسالت امه : خير يمه اشبغيت ؟ خليفه : مو اهني يمه .. تعالي الدار *************** .:. وصل بدر للوكاله .. وتوه نازل من سيارته الا نغمة رنة المسج .. تنرفز من كثرة هالمسجات اللي توصله .. وقبل ما يفتح المسج توقع انه من البنت السنداره .:. وبالفعل فتح المسج وقراه : بدر انت وينك ؟ ليش صيفت عالمكتبه ؟ وليش اصلا ما رحت ؟ انا توني متصله المكتبه وسالت الهندي لو شرفت بس قالي انك ما رحت والظرف بمكانه اهناك ما تحرك .. عفيه يا البدر عشاني روح المكتبه واخذ الظرف .:. وبعدها .:. تمسخر بدر : اروح المكتبه وعشانج ؟ ليش ان شالله ومن حظرتج ؟ ومن اتكونين بالنسبه لي عشان اتقولين عشاني !! والله ان بنات هاليومين حالتهم حاله .. فاضين وما عندهم سالفه .. وبعدين شنو يظمن لي انج ابنيه !! مو يمكن اتكونين ريال يستهبل !! .:. ومسح بدر المسج بدون ما يفتكر بشي .:. *************** انت شتقول ؟ مينون ؟ مو صاحي ؟ شارب شي ؟ يمه تكفين اسمعيني وهدي اعصابج شلون ؟ شلون يا خليفه تبيني اسمعك واهدي اعصابي بعد اللي سمعته منك من توه !! تبي تتزوج لي وحده ما عندها اصل ولا فصل !! وياليت لو خليجيه بعد .. لبنانيه وهم مسيحيه ؟ مو صاحي انت ؟ تبي تذبحنا ؟ برر خليفه : وشفيها اللبنانيه ؟ اكاهو عمي بو بدر متزوج لبنانيه !! واذا على انها مسيحيه ان شالله بخليها تسلم مع الايام ام خليفه : لا اتقارن داليا مرت عمك بهالبنت .. وانت عارف عدل ان عمك تزوج لبنانيه بعد ما ماتت مريم مرته القبليه .. وبعدين داليا تزوجت عمك واهي مطلقه وعندها عيال خليفه : شلون يعني ؟ تبيني اتزوج وحده قطريه وانتظر ليمن اتموت عشان اخطب ساندرا ؟ او تبين ساندرا تتزوج وبعدها تتطلق عشان اتزوجها !! ام خليفه : خلفوه لا تقعد تستضرف بدمك !! انا عن نفسي مو موافقه ولا راضيه عن هالزواج خليفه : بس انا احبها يمه .. والله العظيم احبها عصبت امه : حبتها القراده ان شالله قول اميين خليفه : مو زين ادعين عليها يمه .. والله مو زين ام خليفه : وهم خايف من دعواتي عليها وما خفت من ردتت فعلي انا ؟؟ خليفه : انا مو اني ما خفت .. بس قلت لنفسي لو انتوا اتحبوني وتبون راحتي اكيد بتوافقون ام خليفه : وراحتنا احنا انك تنسى هالفكره موليه تضايق خليفه : بس ليش يمه ؟ ليش ؟ انتي قابليها بالاول واعرفيها وبعدين احكمي وقرري ام خليفه : ما ابي اقابلها ولا حتي ابي اعرفها وبعدين حتى لو انا وافقت ابوك لو اتموت ما راح يوافق على هالشي !! فيستحسن انك اتشيل هالبنت من راسك .. واذا كنت تبي تذبح ابوك فاتحه بس بالموضوع !! .:. سكت خليفه وحس انه فقد الامل .. قربت منه امه ومسكت ايدينه بحنيه .:. ام خليفه : يا خليفه .. يا يمه .. انا لو ما احبك وما ابي مصلحتك جان ما قلتلك هالحجي .. وبعدين شنو يظمن لك ان هاللبنانيه مو لعابه !! يعني بالمره انسى السالفه يا يمه وانا ان شالله راح ادور لك على بنت الحلال اللي تسعدك واتحبك تنهد خليفه : بس انا ما ابي الا ساندرا !! وبعدين اهي مو لعابه وانا اعرفها من 4 شهور تقريبا !! ام خليفه ( تحاول تقنعه ) : واهي اسمها ساندرا بعد !! و 4 شهور مدة مو كافيه انك اتعرفها على حقيقتها .. والله يا خوفي امسويتلك سحر وانا ما ادري !! خليفه : لا اتخافين .. لا مسويتلي سحر ولا شي .. اصلا ساندرا مو مالت هالسوالف ام خلفيه : مالت او مو مالت .. انا قلتلك اخر كلامي !! لو تبي تذبح ابوك فاتحه بالموضوع وشوف !! .:. وبعدها طلعت امه من الدار .. وتم خليفه يفكر بكلام امه وهو متضايق .:. *************** .:. توه مخلص من الوكاله الا رن موبايله وكان الرقم لشخص غريب ورد عليه .:. بدر : الو المتصل : السلام عليكم بدر : وعليكم السلام .. منو ؟ المتصل : انا يبي يكلم واحد اسمه بدر بدر : انا بدر انت منو ؟ المتصل : انا رفيق مال مكتبه استفهم بدر : اي رفيق ؟ واي مكتبه ؟ المتصل : مال مكتبة فجر داخل مرخيه سكت بدر لثانيه وسال : خير ان شالله اكو شي ؟؟ المتصل : انت لازم الحين ايجي داخل مكتبه في سامان مال انت اهني استغرب بدر : سامان ؟؟ ليكون يقصد الظرف ؟ اشسالفتها هالبنت ؟؟ من صجها يعني ؟؟ امخليه الهندي يتصلي من المكتبه عشان هالظرف !! ماكو غير اني اروح المكتبه واشوف شنو اخرتها !! *************** .:. ابيت بو بدر .. امنه وغدير كانوا قاعدين يسولفون بالصاله مع داليا ام نايف .. اما عن سلوى كانت بالدار .. مر بو بدر من الصاله وما شاف سلوى معاهم فستنتج انها بالدار .:. .:. كانت سلوى قاعده اتمشط شعرها واتغني .:. .:. وفجاه .:. .:. دخل عليها بو بدر بدون ما يطق الباب وبسرعه سكر الباب وقفله !! تخرعت سلوى وقامت من الكرسي .:. سلوى ( بخوف ) : عمي !! انت شلون دخلت اهني وبدون حتى ما تطق الباب ! | ||||
|
| |
|
05-10-12, 08:00 PM
| #7 | ||||
| نجم روايتي ومشرفة سابقةومصممه
| الحلقة 6 .:. .:. كانت سلوى قاعده اتمشط شعرها واتغني .:. .:. وفجاه .:. .:. دخل عليها بو بدر بدون ما يطق الباب وبسرعه سكر الباب وقفله !! تخرعت سلوى وقامت من الكرسي .:. سلوى ( بخوف ) : عمي !! انت شلون دخلت اهني وبدون حتى ما تطق الباب !! ابتسم بو بدر : وشفيها يعني ؟؟ مو انا عمج ؟ سلوى : حتى لو امي .. المفروض تطق الباب قبل ما تدخل !! .:. وبعدها قرب بو بدر منها ومسك ايدها .. ارتبكت سلوى وحست بالخنقه والخوف .. وسحبت ايدها ورجعت خطوتين لورا .:. وسالت بخوف : عمي ممكن اعرف انت اشتبي مني الحين ؟؟ بو بدر ( بدون حاسيه ) : ابيج انتي !! انصدمت سلوى : شنوو !!! *************** .:. وصل بدر المكتبه وعلى طول توجه عند الهندي .:. بدر ( يسال ) : مو انت اللي توك متصلي !! اكو ظرف اهني باسم البدر ؟ .:. هز الهندي براسه ايجابيا وطلع الظرف الابيض من الدرج وعطاه البدر .. مد بدر بيده واخذ الظرف .:. وقبل ما يطلع سال : منو اللي عطاك هالظرف وقالك وصلني اياه ؟ الهندي : واحد بنيه استفسر بدر : وشلون شكلها هالبنيه ؟ الهندي : والله انا ما في معلوم .. ابنيه يحط غشوه على ويه مال اهيا .. بدر :ok مشكور .:. وبعدها .:. .:. طلع من المكتبه .. وركب سيارته .. وسم بسم الله وفتح الظرف يبي يشوف شنو بداخله .:. انصدم البدر وعيونه كانت ثابته عالظـرف : مفتاح سيارة مرسيدس !! *************** عمي انت شتقول ؟ شنو هالحجي هذا ؟ اشتقصد بكلمة ابيج انتي !! ابتسم بو بدر ببرود : اشفيج يا سلوى ؟ ليش متخرعه ؟ انا قلت ابيج انتي .. يعني ابيج بشغله !! .:. ما استوعبت سلوى كلامه المقصود .:. وسالت : يعني انت اشتبي الحين بالضبط ؟ شنو هالشغله اللي تبيها مني !! .:. سكت بو بدر وتمت عيونه اتشوف سلوى بابتسامه وصمت .:. .:. وبعدها .:. سالت سلوى : خير يا عمي ؟ اشفيك ساكت ؟؟ وليش اطالعني جذي ؟؟ اشبغيت مني ؟؟ ابتسم بو بدر : سلامتج حبيبتي ما بغيت شي .:. وبعدها فتح الباب وطلع بره الدار واستغربت سلوى من هالتصرفات الغير مفهومه !! وهم استغربت من نظراته المزعجه .:. *************** .:. كان قاعد يشوف مفتاح المرسيدس اللي بيده ومو فاهم شي .. وقعد يسال نفسه الف سؤال وسؤال .:. بدر : شسالفه ؟ اشياب مفتاح سيارة مرسيدس بالظرف ؟ ابي احد يفهمني شالسالفه ؟ انا ما ادري ليش احسها مكيده !! مافي غير اني ارد المفتاح للظرف وارجعه للمكتبه !! .:. وفجاه .:. .:. نغمة رنة المسج .:. فتح البدر المسج وقراه : ما تتصور شكثر انا مستانسه ليش انك واخيرا وبعد اقناع دام ساعه تقريبا رحت المكتبة وخذت الظرف .. اتوقع انك فتحته الحين وشفت اللي بداخله .. ما عليك الحين غير انك تمشي بسيارتك خطوتين بس .. ليمن برجز كنج وبتحصل بالموقف اللي امجابل المطعم مرسيدس بيضا مجابلتك .. بختصار بقولك تستاهل يا البدر وبالعافيه عليك السياره .. واخييرا نسيت اقولك هـابـي بـيـرثـدي تـو يـو يا الغالي .:. انصدم بدر وما استوعب شي !! هل اهو بحلم او حقيقه !! شنو هالشي اللي قاعد يصير ؟ ومنو هالبنت اللي اتعرف بيوم ميلاده قبل الكل ؟ وبالنهايه مقدمه له سيارة مرسيدس !! معقوله يا ناس هالشي !! مـعـقـولـه .:. .:. وبعدها حرك بسياره خطوتين يشوف المرسيدس هل اهي فعلا موجوده او لا !! وبالفعل حصلها واقفه جدامه .. صف سيارته الكروزر بالموقف ونزل وقرب من المرسيدس وفتحها وركبها وهو ليمن الحين مو مستوعب .:. .:. شاف اوراق بالكرسي اللي ابجنبه .. وكانت اوراق السياره ومكتوبه باسم الـبـدر .:. *************** الو الوين هلا امون .. شلونج ؟ امنه : بخير لولو .. انتي شلونج ؟ وشمسويه ؟ لولوة : زعلانه منج امنه ( تسال ) : افا !! ليش عاد ؟ ليكون عشان سالفة السينما لما ماما ما خلتني ؟ لولوة : تقريبا امنه : شلون يعني تقريبا ؟ لولوة : يعني ان من بعد سالفة السينما .. ما اشوفج دقيتي علي ولا حتى سالتني عني !! ضحكت امون : سوري لولو .. والله انشغلت بيوم ميلاد اختي .. وبعدين كلها يوم اللي ما كلمتج فيه ليش تزعلين ؟ لولوة : حتى لو نص يوم .. هم ابيج تتصلين وتسالين ابتسمت امنه : ان شالله .:. وبعدها سمعت امنه جرس الباب .:. امنه : اقول لولو فديتج .. بسكر منج الحين .. اكو احد يدق الجرس وماكو احد بالصاله غيري ومثل ما انتي عارفه ماما ما اتحب الخدم ومافي شغاله بالبيت لولوة :ok ما يخالف .. بس هاا .. مو تنسيت تتصلين امنه : ان شالله .:. وبعدها سكرت الفون وراحت للحوش .. بتفتح الباب بتشوف منو .:. .:. توها فاتحه الباب الا بواحد وسيم .. شعره اشقر .. واقف جدامها ويبتسم وبيده كيس لونه احمر .:. جوزيف : مرحبا تلعثم السان امنه : مربحتين !! اوبس اقصد مرحبتين ابتسم جوزيف : ميغسي .. انا جوزيف خيا لساندرا .. وجبيت هيدا الكيس من ساندرا بريزنت لسلوى امشان يوم ميلادها اللي كان بالامس .. وباردون عالتاخير .:. امون داخت وذابت من هالبناني الوسيم اللي واقف جدامها .. وفتحت حلجها مثل الهبله قاعده اتشوفه وتتامل فيه .:. ضحك جوزيف على ملامح ويهها المسبه : شو مالك ؟ حاصلك ايشي ؟ .:. ما ردت عليه وتمت اتبحلق فيه .. تخرع جوزيف عباله ان البنت استخفت او مينونه او فيها شي مو طبيعي .:. جوزيف ( يسال ) : ليه ما بتحكي ؟ التيلك هيدي بريزنت من ساندرا لسلوى من شان يوم ميلادها اللي كان بالامس .. يعني سي فو بليه اعطي سلوى هالكيس وانا ماشي هلا ابتسمت امنه بلا شعور : من عيوني ابتسم جوزيف بالمثل : تسلملي عويناتك .:. وبعدها مد ايده وعطاها الكيس .:. جوزيف : اوروفوار يا صبييا انا ماشي هلا تشققت امنه : سي يا وقالت بقلبها : سي يا على امل لقاء ثاني يا اللبناني الوسييم *************** .:. ليما الحين واقف ابمكانه .. قاعد بالمرسيدس ما يعرف شيسوي او شلون يتصرف ؟ شلون يودي سيارة المرسيدس البيت ؟ وحتى لو وداها شيقول للاهل ؟ .:. .:. وبعد تفكير طويل قرر انه يتصل لنايف .:. .:. كان نايف قاعد بالقهوه سوالف وضحك مع ربعه .. وشاف تليفونه الا ببدر متصله .:. نايف : هلا والله بالبدر بدر : اهلين نيوف .. انت وينك ؟ مشغول ؟ نايف : والله بالقهوه مع الربع .. لا مو مشغول .. وحتى لو مشغول افضي نفسي عشانك .. امر !! بدر : ما يامر عليك عدو بس بغيتك اتمرني المرخيه شويه .. بغيتك بشغله !! نايف ( يسال ) : عسى ما شر بدور ؟ اشصاير ؟؟ بدر : ما شر .. انت بس تعالي الحين واقولك نايف : على خير ان شالله .. عشر دقايق بالكثير واكون عندك *************** شو يعني ؟ ما بادك اياني !! مو انتي ما ابيج .. بالعكس انا احبج وهم ابيج .. بس امي يا ساندرا رافضه الفكره نهائيا !! عصبت ساندرا : وانت شنوو بادك بيماك ؟؟ ولا كانك اسمعيت ايشي منها !! خليفه : حدج يا ساندرا .. يعني مهما يكون هذي امي الغاليه .. فما اسمحلج انج اتغلطين عليها !! ساندرا : وانا شو اليت يعني ؟ هيدي الحئيئه وهيدي هي حياتك .. وانت اتئررها ومو ايماك !! خليفه : ادري انها حياتي وانا اللي اقررها .. بس حياتي مالها طعم ولا معنى لو امي مو راضيه علي سالت ساندرا : شو يعني ؟ افهم من حاكيك هيدا انك يا خليفه بتتركني ؟؟ خليفه ( بتردد ) : شكله جذي انصدمت ساندرا : شوو !! .:. سكت خليفه وما قال شي .:. ساندرا : خليفه .. شو مالك اسكتيت !! انت ابتتركني ؟ عن جد ابتتركني !! تنهد خليفه : يعني شنو تبيني اسوي اذا اهلي مو راضين ؟؟ ساندرا : هيدي ايمالك ومو اهلك خليفه : سلامتج حبيبتي .. امي بالنسبه لي اهي كل اهلي .:. تنرفزت ساندرا من هالكلام وتمنت الموت لام خليفه لانها السبب الرئيسي للرفض .:. *************** الله !! شهالمرسيدس الكشخه ؟؟ من وينلك ؟؟ ومتى شريتها ؟ ابي افهم شسالفه !! بدر : والله سالفه طويله يا امعود نايف : واكاني يمك الحين وكلي اذان صاغيه .:. وبعدها قعد البدر يقول السالفه لنايف من اولها ليمن اخرها .:. نايف ( يسال ) : وانت ليمن الحين ما عرفت منو هالبنت ؟؟ بدر : للاسف ليمن الحين .. بالبدايه ما كنت مهتم وكنت اطنش وامسح كل مسجاتها المجهوله اللي توصلني .. بس اليوم حسيت باهتمام مو طبيعي !! وميت ابي اعرف منو هالبنت اللي اتعرف عني كل شي ؟ ومتذكره ان اليوم اهو يوم ميلادي عن الكل ؟ واخرتها شوف شنو معطتني !! مرسيدس اخر موديل !! نايف ( يستفسر ) : امممم .. وشناوي اتسوي الحين ؟؟ وشبتقول للبيت ولعمي ؟؟ تنهد بدر : تعال معاي للبيت وشوف شبقولهم .. اركب الكروزر وانا بالمرسيدس وبعدها برجعك تاخذ سيارتك نايف : قاص علي اركب الكروزر وانت بالمرسيدس الكشخه ؟؟ لا يبا انا بالمرسيدس وانت بالكروزر او ماكو ضحك البدر : اللي اهو *************** .:. ابيت بو بدر كانت امنه منبطحه عالسرير واتغني بندماج كبير .:. امنه : بيدي ارجع بنت اصغيره على سطح الجيران .:. وفجاه .:. شعندها الكبيره !! تبي ترجع بنت اصغيره وعلى سطح الجيران ؟؟ امنه ( بشرود ) : الحب ما فهمت سلوى شي : الحب ؟؟ اشتقصدين بالحب ؟؟ امنه ( بشرود اكبر ) : ومن الحب ما قتل !! سلوى : شنو ومن الحب ما قتل ؟ انتي يا المينونه شقاعده اتخربطين ؟؟ امنه : اللبناني الوسيم سلوى ( ما تدري شسالفه ) : اي لبناني وسيم ؟ امون اشفيج انتي ؟ وشتقولين ؟؟ عصبت امنه : وانتي شكو يعني ؟ وليش هاللقافه ؟! وبعدين نسيت اقولج ترى وصلتج هديه من ساندرا من شويه بمناسبة عيدميلادج .. بتحصلينها بالكبت بالكيس الاحمر سلوى ( تسال ) : وليش ما قلتيلي ان ساندرا يات بيتنا اليوم ؟؟ امنه : ومنو قالج انها اهي اللي يات !! هذا اخوها جوزيف اهو اللي ياب الهديه سلوى : اهاا !! ليكون تقصدينه اهو باللبناني الوسيم ؟؟ امنه : مو شغلج وقلتلج عن اللقافه !! .:. وتوها امنه تبي تطلع بره الدار الا بسلوى تسال .:. سلوى : اموون .. ليكون انعجبتي بجوزيف اخو ساندرا !! ترى تحملي اطيحين بالحب !! هذول الناس ما يصلحون لنا .. مجرد فريند وبس .. فلا اتفكرين بمجرد التفكير انج اتحبين لبناني ومسيحي لمجرد انه وسيم !! .:. ما اهتمت امنه للكلام وطلعت بره الدار وهي اتفكر بجوزيف الوسيم .:. | ||||
|
| |
|
05-10-12, 08:03 PM
| #8 | ||||
| نجم روايتي ومشرفة سابقةومصممه
| .:. الحلقة 7 .:. .:. توهم واصلين البيت .. البدر ومعاه نايف .:. نايف ( يسال ) : قولي يا الحبيب اشناوي اتقولهم الحين ؟؟ بدر : تعال معاي بالصاله وبعدها يصير خيير .:. دخلوا الصاله وكانت داليا وغدير وامون وهم ساندرا قاعدين بالصاله ويسولفون .:. سال بدر : اشوفكم كلكم اهني !! عيل وين الوالد ؟؟ ابتسمت داليا : البابا بالدار بدر : اممم .:. وبعدها .:. سالت سلوى : خير بدور ؟؟ شعندك ؟؟ وانت نيوف اشفيك ؟؟ شكلكم انتوا الاثنين عندكم شي !! بدر : اممم .. والله اكو شي ابي اقولكم اياه بس اول شي الوالد لازم يكون موجود سلوى : ليش ؟ عسى ما شر ؟ ليكون امسوين شي جايد ؟؟ وسالت داليا بخوف : شو اللي عملتوه ؟؟ ضحك نايف : ولا شي يمه .. اشفيج متخرعه ؟ اشفيكم خايفين ؟؟ اهو شي يونس مو يخرع مثل ما انتوا متصورين !! وكمل بدر : ماكو شي .. اهو خير ان شالله بس انتظر الوالد يطلع من الدار .:. وفجاه .:. خير ان شالله ؟؟ التفت البدر لمصدر الصوت : هلا يبا .. توني اسال عنك بوبدر ( يسال ) : شسالفه ؟؟ بدر : خير ان شالله .. انت اول شي اقعد وشوف شسالفه .:. وبعدها قعد بو بدر يم سلوى اللي حست بالضيق من هالقعده الثقيله .:. بو بدر : كاهو جلست .. قول شعندك ؟؟ خلصنا ؟؟ تلعثم البدر : امم .. اهو .. في شي يعني .. اهو .. حلو .. يعني .. بس اهو .:. وبعدها سكت وما عرف شيقول او شلون يكمل كلامه !! كلهم استغربوا من البدر وحسوا ان بالسالفه شي .:. سال ابوه : اشفيك تتلعثم بالحجي ؟؟ شمسوي انت ؟؟ شمهبب ؟؟ بدر : والله اني ما سويت ولا هببت شي !! بو بدر : عيل اشعندك ؟ وليش متردد ؟؟ خلصنا يالله وقول اللي عندك وبسرعه !! تدخلت غدير : شوي شوي عليه يبه وان شالله بيقول شعنده !! .:. وبعدها .:. غمض البدر عيونه وقال بسرعه : انا ربحت سيارة مرسيدس بيضا من توه !! .:. كلهم اسكتوا لثانيه .:. .:. وبعدها .:. غدير ( مستانسه ) : من صجك بدوور ؟؟ متى ؟؟ وشلوون ؟؟ مـبـروك وقامت امون وقربت يمه وهي مستانسه : ونااسه .. شي حلووو لما اتفوز بشي كششششخه وابتسمت داليا : بتستاهل يا البدر وسالت سلوى : انت من وين ربحتها يا البدر ؟؟ وسال بو بدر نفس السؤال : ما قلتلنا من وين ربحت هالمرسيدس ؟؟ توهق بدر : من .. من الكوبونات اكييد استفهم ابوه : اي كوبونات هذي ؟؟ ابتسم بدر وهو ليما الحين متوهق : من كوبونات المطاعم .. والحمدلله اني انا الفاايز .. وناسه يباا .. موو ؟؟ سال ابوه سؤال ثاني : والسياره واوراقها معاك الحين ؟؟ بدر : اي معاي الحين .. ومكتوبه باسمي بعد .:. وبعدها سكت بو بدر وهو يتنهد وما علق بشي .. وابتسمت سلوى .:. سلوى : مبروك بدور .. تستاهل والله .. وبالعافيه عليك المرسيدس ابتسم البدر : الله يبارك فيج سلوه .:. وفجاه .:. عصب بو بدر : اعتقد اسمها سلوى ومو سلووه !! .:. كلهم استغربوا من هالموقف اللي ابد ماله داعي .. واولهم مرته داليا .:. داليا ( تسال ) : شنو مالك يا بو البدر ؟؟ هو بيمزح معها مو الا ايشي تانـي !! تضايق بو بدر : مافي شي .. سلامتج .:. وبعدها قام من الكرسي رايح الدار .. اما البقيه اللي بالصاله ما علقوا بشي واكتفوا بالصمت .. اما بالنسبه لسلوى كانت متضايقه من مواقف بو بدر المتكرره .. وحست ان بالامر شي .. وان اكو مصيبه بتصير بيوم من الايام .:. *************** :. ابيت بوفواز .:. .:. فواز كان قاعد يقز اخته لميا قز .. تضايقت لميا من هالتصرفات السخيفه .:. التفتت عليه بعصبيه : انت اشفيك مو صاحي ؟؟ شنو هالحركات المايعه اللي اتسويها ؟ هذا وعمرك 15 سنه واتسوي جذي !! عيل شلون لو 20 اشبتسوي !! رد بوقاحه : بنام معاج انصدمت لميا من هالحجي : فوازوه يا الوقح !! انت اشقاعد اتقول ؟؟ انا اختك !! ضحك فواز : ادري انج اختي واولا من غيرج .. يعني اجرب معاج الحب ولا اجرب مع غيرج !! ها شرايج يا لموي ؟؟ .:. وبعدها .. قامت لميا وقربت منه واهي امعصبه حدها وعطته كف حامي .:. لميا : انت انسان وقح وما تربيت عدل !! ابتسم فواز : يا حلو الكف اللي منج .. ويا حلوها اليد الناعمه اللي اكفختني عصبت لميا : انت شنو ؟ قولي انت شنوو ؟؟ انت متاكد انك اخوي ؟ انت اكيد مريض نفسيا !! انت يبيلك طبيب نفساني يعالجك من هالينون اللي فيك !! الصراحه ما تنلام امون بنت داليا ليمن العنت خيرك وقالت عنك انك مو متربي !! .:. ما اهتم فواز باللي اسمعه وعطاها بوسه بالهوا !! حست لميا بالينون من حركاته الحقيره .. واتعبت من كثر ما تتكلم واتزيد بالكلام وهو مو هامه شي !! فخلت له الصاله وراحت لدراها معصبه .:. *************** الحيوانه .. الحئيره .. ربي ياخدها ان شالله .. هياالسبب بكيل ايشي !! .:. جوزيف كان قاعد يشوف اخته ساندرا واهي معصبه وشابه ضو وقاعده اتسب وادعي وهو مو فاهم شي .:. وسال : شو ؟ شو ؟ شو حاصلك انتي ؟ ولشو هيدي العصبيه !! التفتت لجوزيف مقهوره : الحئيييره اللي بينحكي انها ايموه !! ما بادها اتزوجني لخليفه !! وشو السبب اني لبنانيه مسيحيه !! ضحك جوزيف : اليك طولي بالك خيتو .. راح خليفه بيجي غيرو ساندرا ( تسال ) : وبالله منو غيروو ؟؟ غمز جوزيف بابتسامه : هيدا اللي اسمو البدر !! ساندرا : انتا ما بتعرفوو للبدر !! هيدا الشاب للاسف شخصيتوا اويا وما بينلعب عليه !! بس ابحاول .. اي ابحاول معوو .. وبشوف شو بيطلع معي !! *************** .:. ابيت بوخليفه .:. .:. دخل خليفه على امه بالدار وكانت اتصلي .. انتظرها ليمن خلصت من الصلاة وقرب منها .:. ابتسمت امه : خير يمه .. بغيتني بشي ؟ خليفه : انا بس حبيت اقولج اني خلاص قطعت علاقتي بساندرا .. وهذا كله عشانج انتي يا يمه .. ابيج ترضين علي .:. استانست امه وهم ارتاحت من هالحجي وحست انها اعرفت اتربي ولدها البجر عدل .:. ام خليفه : فديتك يا يمه .. انا اصلا راضيه عليك دنيا واخره ان شالله .:. ابتسم خليفه وقام وباس امه على راسها .. ادمعت عيون امه سعاده لموقف ولدها .:. *************** .:. باليوم التالي .:. .:. كان السبت .. عالساعه 9 الصبح .. امنه كانت اتذاكر بالدار للامتحانات النهائيه .. اللي ما بقالها غير يومين بس .. كانت حاطه ابالها انها اتيب نسبة عاليه وتسافر تدرس بلبنان .:. .:. سلوى كانت نايمه بنفس الدار .. وقامت كذا مره من النوم بسبب نور الدار المزعج .. بس كملت نومها واهي تتذمر على امون عشان اتسكر الليتات وتروح اتذاكر بالميلس .. بس امون كانت امعانده لسبب انها ما اتعرف اتركز بالدراسه الا ابدارها .:. .:. اما بدار بوبدر .. كان بوبدر يتناقش مع مرته داليا بخصوص انه اتكون لسلوى دار خاصه فيها .:. داليا ( تسال ) : يعني انتا بتشوف هيك ؟ انا ابشوف انا مالو لزوم بالمرا !! بوبدر : امبله له لزوم .. سلوى الحين كبيره ومن حقها اتكون لها دار خاصه فيها .. وانا اقول بحول المكتب اللي فوق دار لها داليا : وشو بادك تعمول بالكوتيبات اللي هونيك ؟ بوبدر : الكتب مو مشكله .. واقدر احطهم باي مكان داليا : براحتك .. واللي اتشوفو .:. سلوى ما كانت تدري عن هالشي اللي قاعد يتخطط !! وما كانت تدري بالشي اللي مخبيه لها بوبدر .:. *************** البدر .. انت ليمن الحين نايم ؟؟ بغيتك ابشغله ؟؟ ما عليك امر ^^ قام بدر على صوت هالمسج وكان دايخ وراسه يعوره .. بس من اول ما شاف المسج وقراه فز من نومه بسرعه يبي يرد عالبنت ويقولها امري !! بس تذكر ان ما يعرف رقمها ولا شي عنها فسكت وهو مجابل الفون ينتظر المسج الثاني منها .:. .:. وبعدها بخمس دقايق تقريبا طرشت مسج ثاني .:. البدر ( وهو يقرا المسج ) : اممم .. ان شالله قمت من النوم ؟؟ انا بغيتك اتمر المكتبه .. نفس المكتبه .. اكو شي نسيت اعطيك اياه !! ابتسم بدر بلا شعور : شسالفه ؟؟ امس مرسيدس واليوم شنو ؟؟ اشتبي فيني هالبنت ؟؟ يعني معقوله اتحبني كل هالحب وانا ما ادري !! عندي شعور يحسسني اني اعرف هالبنت !! .:. عالساعه 4 تقريبا حرك بدر بسيارته للمكتبه بيشوف شنو هالشي اليديد اللي بتقدمه له البنت اللي ليمن الحين ما يعرف من اتـكون .:. .:. وبعد 6 دقايق تقريبا .:. .:. بالمكتبه .:. بدر ( يسال ) : اكو شي يديد باسم البدر ؟؟ .:. هز الهندي راسه ايجابيا .. وهم هالمره طلع له ظرف ابيض ومكتوب عليه البدر !! تعجب بدر وسالنفسه : ليكون سياره ثانيه ؟؟ .:. ولما مد ايده واخذ الظرف طلع من المكتبه وركب سيارته بيشوف شنو الموجود بالظرف هالمره !! .:. .:. وبعدها .:. البدر ( وهو مصدوم وهم مستغرب من هاللي يشوفه ) : شنو هذا !! هذا انا وانا ياهل !! صوري وانا ياهل .. تقريبا 6 سنوات .. بس شسالفه ؟؟ اشلون وصلت هالصور للبنت !! ابي افهم شلون ؟ هذا يفسر كل اسالتي بشي واحد بس !! هالبنت اكـيييد اتعرفني خيير المعرفه وانا هم نفس الشي !! بس منو اهي ؟؟ وليش اتسوي كل هالاشيا ؟؟ احس نفسي بتينن وميت ابي اعرف منو اهي !! منو *************** بس انا ما اشتكيت !! ولا طلبت اتكون لي دار بروحي !! وما عندي اي مشكله اني اكون مع امنه بنفس الدار تليقفت امنه : بس انا عندي مشاكل .. وبعدين اشفيج سلوه ؟؟ ليش متضايقه ؟؟ المفروض تستانسين ان بوبدر بيسويلج دار خاصه فيج والتفتت امنه لبوبدر مبتسمه : ما اتقول شي يا بوبدر ؟؟ ابتسم بوبدر وهو يشوف سلوى : اشفيج يا سلوى ؟؟ ليش مو مستانسه ؟؟ انا حسيت انج محتاجه لدار بنفسج واكاهي امنه اختج مستانسه ان كل وحده بتكون بدار .:. سكتت سلوى وما علقت بشي .:. سال بوبدر : ليش ساكته ؟؟ سلوى ( بضيق ) : ماكو شي بس انا مو متعوده اني انام بنفسي بالدار بوبدر : ان شالله بتتعودين على هالشي وبعدها سالت امنه : اشدعوه سلوه ؟؟ ياهل !! ليكون اتخافين تنامين بنفسج ؟؟ سلوى ( اتبرر ) : مو عن هالشي .. بس طول عمري وانا انام معاج بنفس الدار شمعنه الحين يعني ؟؟ انتي متضايقه مني لسمح الله او شي !! امنه : وليش اتضايق منج ؟؟ انا بس مستانسه لان من زمان كان خاطري بدار خاصه فيني وهذا اهو السبب تنهدت سلوى :ok اللي اتشوفينه انتي وبوبدر علق بوبدر : مو اللي احنا انشوفه .. اللي انتي اتشوفينه وترتاحين له .. بس انا افضل ان اتكون لج دار مستقله فيج .. وبخصص دار المكتب لج ان شالله .. ها اشقلتي ؟؟ سلوى ( بتررد ) : ان شالله استانس بوبدر من هالقرار : حلوو .. ومن باجر اتين معاي للمحل نختار لج سرير وكبت ومن هالشغلات الحلوه سلوى : ماله داعي لكل هذا يا عمي !! بوبدر ( اللي ما عجبه هالشي ) : اشلون يعني ماله داعي !! شلون عيل بتنامين ؟؟ وهدومج وين بتخلينها ؟؟ وبعدها تليقفت امنه من يديد : سلوه انتي ليش غبيه جذي ؟؟ اكو احد يحصل له شي يديد ويقول لا !! والله ان امرج غريب وعجيب !! .:. تضايقت سلوى وانبطت جبدها من لقافة امنه .. وبالوقت نفسه ابتسمت غصبا عنها يا بلفيت انها مستانسه .:. *************** .:. البدر كان ليمن الحين قاعد بسيارته امجابل المكتبه ومجموعة الصور كانت بيده .. وهو ليمن الحين xxxxx شلون هالصور كانت عندها !! كان يفكر بطريقه عشان يقدر يتوصل او يكلم هالبنت اللي يننته !! وبعد تفكيير قرر انه يكتب لها رساله لعلى وعسى تقبلها او اترد عليه بالفون ومن رقم امبين ومو من كمبيوتر !! نزل من السياره ودخل المكتبة وطلب من الهندي رسالة وقلم .. وبعدها لما استلم الرساله والقلم قعد يكتب الرساله .. وهو متردد وما يعرف شيكتب بالضبط او شلون يبدا ؟؟ ولما خلص عط الرساله للهندي بعد ما كتب عليها من الخلف اسيرة البدر .:. بدر : شوف رفيق .. انا ابيك اتخلي هالرساله عندك ولما اتيي البنت اللي على قولتك تلبس غشوه عطها هالرساله حلو ؟؟ هز الرفيق راسه || بان شالله || .:. ابتسم بدر وتمنى ان هالرساله توصل للبنت وباسرع وقت ممكن بس الخوف لو البنت ما شرفت للمكتبه من يديد وما عرفت شي عن هالرساله !! .:. | ||||
|
| |
|
05-10-12, 08:04 PM
| #9 | ||||
| نجم روايتي ومشرفة سابقةومصممه
| الحلقة 8 .:. بلييييز خليفه .. بليييز حياتي .. من شاااني .. بلييز خليفه : سوري ساندرا ما اقدر .. وانا قلت لامي اني خلاص قطعت علاقتي فيج نهائيا !! انقهرت ساندرا : التيلك من شااني .. بليييز خليفه : وانا قلتلج سوري .. والله العظيم ما اقدر !! .:. وبعدها .:. .:. سوت ساندرا نفسها ميته من الصياح .:. ساندرا : هيدي بتكون المره الاخييره اللي بشوفك فيييا .. امشاني حياتي بلييييز .:. سكت خليفه وما عرف شيقول وهو يسمعها اتصيح وهو ما يدري انها ادموع تماسيح .:. ساندرا ( اللي عايشه دور المسيجينه ) : خلييييفه بلييييز .. امشااااااني .:. تردد خليفه واييد وبالوقت نفسه عوره قلبه على ساندرا وهو يسمع بجيها المزيف بالفون وهو انسان طيب وما حط اباله ان ممكن هالانسانه اتكون خبيثه بيوم .:. خليفه ( بتردد كبير ) : ان شالله استانست ساندرا : عن جد حياتي ؟؟ عن جد ابشوفك ؟؟ ابحبك كتيير وميييغسييي وبعدها سال : العفو .. بس ابوين بنتقابل هالمره ؟؟ ومتى ؟؟ ساندرا : بالمول .. وعالساعه 7 بالليل .. شو رائياك ؟ خليفه ( وهو حاس بالضيق ) : على خير ان شالله *************** .:. ابيت بودانه .:. .:. كانت الدانه اتشوف تليفزيون مع امها .:. التفتت امها وسالت : انتي ما ناويته اتقدمين على شغل وتشتغلين يعني ؟ دانه ( تسال ) : ليش يمه ؟ انتي اتشوفيني عاله عليج يعني وانا معاج بالبيت ؟ ام دانه : انا ما قلت عاله .. بس مو حلوه يعني لا دراسه ولا شغل ولا حتى ريل !! تضايقت الدانه : ريل !! ام دانه : اي ريل سالت دانه بحزن : يمه انتي اشفيج ؟؟ لهدرجه تبين الفكه مني !! عصبت امها : انا ما قلت هالشي .. انتي ليش امعقده نفسج بهالشكل ؟؟ دانه : انا مو امعقده نفسي .. انتي اللي امعقدتني بكلامج انصدمت امها : انا اللي امعقدتج الحين يا الدانه ؟؟ انا !! نزلت دمعة الدانه : اي يمه انتي .. ليش احس انج ما اتحبيني مثل باقي الامهات !! ام دانه : مافي ام بهالدنيا ما اتحب عيالها .. واذا انا قسيت عليج بيوم هذا لاني احبج وابي مصلحتج بس انتي للاسف عنيده وهم راسج يابس ودوم حابسه نفسج بالدار !! .:. ما علقت الدانه بشي وانزلت ادموعها غصبا عنها .. وقامت وراحت لدارها .. اتعبت امها من كثر ما اتحاول معاها وبعدها اكتفت بالصمت .:. *************** .:. قعد البدر يدور بسيارته ناطر مسج او اي شي من هالبنت !! ناطر مسج يفسر له الصور اللي وصلته .. وثاني شي ناطر مسج الرساله لو وصلت لها .. كان قاعد وناطر على نار بس للاسف ما وصله شي .:. البدر ( يسال نفسه ) : يعني ليمن متى بنتظر ؟؟ *************** .:. عالساعه 6 المغرب كانت امون اتحن على امها تبي اتروح المول .. عشات تفتك من الدراسه .:. تعبت داليا من هالحنه :ok ابيكفي .. وجعتيلي راسي !! استانست امون : يعني بتوديني ؟؟ داليا : ايه .:. ما صدقت امون وبسرعه راحت الدار اتبدل .:. .:. وبعدها .:. سالت سلوى : ليش اتبدلين ؟ وين بتروحين ؟؟ امنه : مع الماما .. المول سلوى : وليش ما قلتوا لي ان شالله !! انا هم ابي ايي معاكم امنه : اكاهو قلتلج الحين .. واذا بتيين يالله بسرعه عشان ما نتاخر ***********:. تعب البدر من كثرة الدواره بالسكيك وقرر انه يعود للبيت .. وبعدها بشوي سمع نغمة المسج !! ما صدق عالله و وقف سيارته ابوسط الشارع .. والسياير اللي من حوله اتهرن له والناس اتسب وتشتم وهو مو مفتكر فيهم .:. وبسرعه فتح المسج وقراه : ادري انك تنتظرني .. وادري انك ميت تبي اتعرف من وينلي الصور .. وادري انك قاعد اتلوث بالشوارع وما تدري شتسوي !! تراني اقرا افكارك واحس فيك يا البدر .. اول شي اسمحلي اعتذر لك لاني صيفت عليك .. وثاني شي بخصوص الصور .. تراهم عندي من فتره ابعيده .. يا محلاك وانت ياهل .. والحين ما شالله عليك كبرت وصرت البدر .. فلا اتلومني لو حبيتك .. لاني بالفعل حبيتك !! وثالث واخر شي السموحه يا البدر لاني ما اقدر اجاوب على اسالتك بالرساله اللي بالمكتبه !! منو انتي ؟؟ واشتبين فيني ؟؟ وليش ما تتصلينلي !! كل اللي اقدر اقوله لك الحين .. ان كل شي ابوقته حلو .. وبخصوص الرساله .. انا لما دقيت المكتبه اسال لو انت مريت قالي الهندي ان اكو شي باسمي وخليت السايق يمر المكتبه .. عموما انا ابطلب منك طلب .. يمكن يكون سخيف بنظرك بس بالنسبه لي شي كبير .. حاول اتحبني .. عفيه يا البدر .. الحب من طرف واحد تراه مستحيل يعيش !! .:. وبعدها .:. سال البدر بعصبيه : قبل كل شي قوليلي منو انتي ؟ تراج بتيننيني ابهالحركات !! شنو اللي يمنع من انج اتقولينلي منو انتي ؟ شلون تطلبين مني احبج وانا ما اعرفج ولا حتى اعرف اسمج ؟؟ هالشي مستحيل يا بنت الناس .. صدقيني مستحيل !! .:. وفجاه .:. .:. احدهم طق جامة السيارة .. التفت البدر ولا الشرطي المحترم واقف وهو معصب .:. فتح بدر الجامه : هلا والله .. هلا .. حيالله من يانا .. هلا الشرطي ( يسال ) : ممكن اعرف انت شموقفك ابوسط الشارع !! انت اتعرف شسويت ؟؟ سويت لنا ازمة مرور مو طبيعيه .. التفت وراك وشوف حظرتك اشسويت !! توهق البدر وقعد يخربط : اسمحلي يا الشيخ .. بس السياره ما فيها بترول .. وقفت علي !! .:. وبعدها .:. شاف الشرطي علامة البترول : شايفني ياهل اتقص علي !! البترول عنك فل وانت اتقول ماكو بترول ! .:. توهق بدر اكثر من قبل وما عرف شيقول .:. الشرطي : اشوفك سكتت وما عرفت شتقول !! على العموم يعني عليك مخالفة سير ..تقدر اتحرك الحين وسجلت رقم سيارتك عفس بدر الويه : مشكور وما قصرت الشرطي : العفو .. ما سوينا شي .. كل يوم تعال .:. وبعدها حرك بسيارته متنرفز عالموقف اللي استوه من توه .:. وقال لنفسه : كله منج يا ابنيه !! *************** .:. وبالمول .:. .:. كانت ساندرا قاعده بالمطاعم .. وتنتظر خليفه على احر من الجمر .. وكانت بالدقيقه اتشوف ساعتها وخايفه انه ما يحظر .:. .:. وفجاه .:. السلام عليكم التفتت وراها : حبيبي انت اجيييت !! انا خوفيت انك ما تجي قعد خليفه مجابلها : وليش هالخوف ؟ مو انا قلتلج ان ان شالله بحظر واكاهو يت ابتسمت ساندرا : تسلملي يا الغالي ابتسم خليفه بالمثل : الله يسلمج يا ساندرا .:. ومن بعيد .. كانت داليا مع بناتها امنه وسلوى توهم داخلين المول .:. امنه ( بابتسامه ) : ماما انا بدخل مانجو .. لولو قالتلي ان عندهم شغلات نايس وكملت سلوى : وانا بروح المطاعم بشترلي ماي .. ميته من العطش داليا : ماشي .. بس مو اتصيفوو *************** ***.:. دخل البيت وهو متضايق .. وقط نفسه بالكرسي اللي بالصاله .:. شافته غدير واستفهمت : بدور اشفيك ؟ عسى ما شر ؟؟ رد بضيق : الشرطي اللي ما يفهم بالمرور عطاني مخالفة سير !! ضحكت غدير : ليكون بالمرسيدس ؟؟ توك ما تهنيت فيها تنرفز البدر : ممكن اعرف شاللي يضحك الحين ؟؟ اقولج الشرطي عطاني مخالفة سير وتضحكين ؟؟ عيل لو دعمت اشبتسوين ؟؟ غدير : اسمله عليك ان شالله .. انا كنت اتغشمر معاك بس الظاهر غشمرتي كانت ثقيله !! .:. وبعدها .:. تنهد بدر : ما علينا .. الموهم ماكو احد اهني ؟؟ وين الجماعه !! غدير : تقصد مرت ابوي وبناتها .. توهم طالعين من شويه رايحين للمول بدر ( يسال ) : وانتي ليش ما رحتي معاهم ؟ غدير : مالي خلق *************** .:. ومجددا بالمول .:. .:. كانت سلوى تنتظر الدور عشان تطلب غرشة ماي .. المول كان مزدحم واقبال كبير عالمطاعم .. كانت سلوى تلتفت يمين ويسار اتشوف المارين من الملل .:. .:. وفجاه .:. .:. طاحت عيونها على طاولة خليفه وساندرا وانصدمت من هاللي تشوفه .:. سلوى ( بتعجب كبير ) : هذي ساندرا رفيجتي .. وهذا خليفه ولد بوخليفه اخو بوبدر !! شلون وصلت ساندرا لخليفه ؟؟ والمشكله امجابلين وماسكين ايد بعض !! شسالفه ؟؟ .:. استغربت سلوى وما فهمت شي .. سوت نفسها ما اتشوفهم بس ما اقدرت ودفعها الفضول انها اتعرف اشبينهم ؟ فطلعت موبايلها من الشنطه واتصلت لساندرا .:. .:. كانت ساندرا اتسولف مع خليفه عن كذا شي وفجاه رن موبايلها وشافته .:. سال خليفه : منو متصلج ؟ ساندرا ( بابتسامه ) : هيدي سلوى .. ارفيئتي وبعدها ردتت عليها : اهلين سلوى سلوى : هلا ساندرا .. شلونج ؟ ساندرا : امنيحا .. نشكر الله .. انتي كيفيك ؟ سلوى : انا بخير والحمدلله .. ونسيت اشكرج عالبرزينت .. وايد عجبتني مجموعة العطور .. ميغسي حبيبتي ساندرا : دوغيا .. ولو .. ما عمليت ايشي .:. وبعدها .:. سالت سلوى : اقول ساندرا .. شتسوين مع خليفه بالمول ؟؟ .:. انصدمت ساندرا وتغيرت ملامح ويهها .:. ساندرا : شوو !! وانتي شو عرافيك بخليفه ؟؟ ما استوعب خليفه شي : ساندرا .. شسالفه !! .:. ما ردتت عليه وكملت سوالفها .:. ساندرا ( تسال ) : سلوى .. انتي واينيك هلا ؟ سلوى : امجابلتج عاليسار .:. التفتت ساندرا لليسار وشافت سلوى تبتسم لها من بعيد .. اشرت ساندرا على سلوى عشان اتقرب منها .:. ساندرا ( وهي اتاشر بيدها ) : شو ماليك سلوى ؟ تعي لهون سلوى ( بتردد ) : ما اقدر ساندرا .. معاج خليفه واستحي !! ضحكت ساندرا : التيليك تعي لهون .:. تردتت سلوى وايد اذا اتروح لهم او لا !! وبالنهايه وما دامها اهي اللي تليقفت واتصلت لساندرا قررت انها اتروح .. وقربت من طاولتهم بصمت .:. ابتسمت ساندرا : اهلا بسلوى انصدم خليفه وقام من الكرسي : سلوى بنت داليا !! استحت سلوى من هالموقف : هلا خليفه .:. كانت ساندرا منبطه جبدها من هالمعرفه ومو فاهمه شي !! .:. ساندرا ( تسال ) : انتي بتعرفي خليفه يا سلوى ؟؟ سالت سلوى بسؤال ثاني : انتي اتعرفين منو هذا ؟ ساندرا : اكييد بعرفو .. والا بئوليك شو هو السبب اللي امئعدني معو لهلا !! سلوى : هذا خليفه اخو نجلا ونور بنات بوخليفه اخو بوبدر ما استوعبت ساندرا : عن جد !! ما كينيت بعرف بهيدا الشي !! .:. وبعدها .:. علق خليفه : طلعتوا فريند عيل ؟؟ والتفت لساندرا بابتسامه : وانتي هم طلعتي شايفه خواتي نجلا ونور .:. وبعدها ابتسمت ساندرا .:. شافت سلوى ساعتها : السموحه منكم بس انا مجبوره اخليكم الحين .. ماما وامنه ينتظروني تحت ساندرا : اليك وصلي سلامي للماما وامون وابتسم خليفه : ومو تنسين اتوصلين لهم سلامي انا بعد سلوى : ان شالله *************** .:. وبمحل مانجو .:. .:. كانت امنه اتلف وتدور فيه وما عجبها شي من كلام لولو .:. .:. وفجاه .:. خبطها واحد بالغلط : باردون = اسف التفتت له امعصبه : انت شنو ؟؟ عمي !! ما اتشوف !! رفع راسه وقال : مو التيليك يا صبيا باردون انصدمت امنه وتفشلت : جوزيف !!* | ||||
|
| |
|
05-10-12, 08:05 PM
| #10 | ||||
| نجم روايتي ومشرفة سابقةومصممه
| الحلقة 9 .:. التفتت له امعصبه : انت شنو ؟؟ عمي !! ما اتشوف !! رفع راسه وقال : مو التيليك يا صبيا باردون انصدمت امنه وتفشلت : جوزيف !! استفهم جوزيف : منو انتي ؟ تكلمت امنه بصعوبه : انا .. انا .. انا .. امنه سال جوزيف : ومنو امنه ؟ امنه : انا امنه اخت سلوى جوزيف : ومنو هيدي سلوى !! امنه : سلوى رفيجة اختك ساندرا .:. وبعدها .:. ابتسم جوزيف : انتي الصبيا اللي كينتي بالباب بالامس ؟؟ تشققت امنه : اي انا جوزيف ( يسال ) : كيفيك ؟ امنيحا ؟ امنه : الحمدلله .. امنيحا جوزيف : انتي لحالك جايه للمول ؟ امنه : لا معاي امي وسلوى ابتسم جوزيف : وانا معي ساندرا امنه ( تسال ) : وينها ساندرا الحين ؟ جوزيف : مع ارفيئها استغربت امنه : رفيجها !! جوزيف : ايه .:. وبعدها اسكتت امنه .. واكتفت بالابتسامه .:. جوزيف : انا ماشي لهلا .. ونايس تو ميت يو للمره التانيه امنه ( بابتسامه ) : نايس تو ميت يو تو وقالت بقلبها : يا اللبناني الوسيم *************** قام خليفة من الكرسي : اسمحيلي ساندرا بس انا لازم امشي الحين تضايقت ساندرا : بس يا خليفه .... قاطعها : لا بس ولا شي .. ولا تنسين وعدج لي .. هاليوم بيكون اخر يوم اشوفج فيه .. كل شي انتهى من بينا يا ساندرا !! هذا اهو الواقع المرير ولازم ترضين فيه .:. حست ساندرا بالقهر وبالهزيمه ليش ان خليفه بيتخلا عنها وبكل بساطه بسبب امه اللي بنظرها كانت لعينه .. سكتت ساندرا وما حبت اتكون جدامه بنت ضعيفه .:. .:. وبعدها .:. خليفه : فمان الله يا ساندرا مثلت دور القويه : الله معك *************** .:. عالساعه 9 بالليل كانوا رادين من المول للبيت .. سلوى كانت اتفكر بالشي اللي شافته اليوم بين ساندرا وخليفه .. وامنه كانت دايخه بتفكيرها بجوزيف اخو ساندرا .. اللبناني الوسيم .:. .:. توهم داخلين البيت وشافوا البدر منسدح عالكرسي ونايم بثوبه ومو حاس بشي .:. استغربت امنه : هذا شمنيمه هني ؟؟ وضحكت سلوى : بدور لما يكون تعبان ما همه شي .. وينام باي مكان .:. وبعدها .:. قربت سلوى من البدر بشويش وهمست : يا الفيييل يا ابو النوم .. انت شمنيمك اهني ؟؟ .:. وفجاه .:. صرخ بوبدر يسال : شمنيم هالثور بالصاله ؟؟ وانتي يا سلوى شتسوين لاصقه فيه !! تخرعت سلوى : عمي اشفيك !! عسى ما شر !! خرعتني !! وسالت امنه : اشفيك معصب يا عمي ؟؟ البدر يمكن نام بالغلط واهو يشوف تليفزيون !! وبعدين ما فيها شي لو نام اهني رد وهو معصب : هالثور مو بروحه بالبيت عشان ينام اهني ويضيق علينا المكان !! ولا اهو نسى ان اكو بنات غير اخته بالبيت !! ما يستحي !! وبعدها سالت سلوى : تقصدني انا وامون بالبنات ؟؟ سبق وقلت لك البدر مثل اخونا يا عمي .:. ما اهتم بوبدر لكلام سلوى وقرب من بدر وهو معصب .:. بوبدر ( بصوت عالي ) : ما اتقوم يا الثور !! .:. ليما الحين نايم بسابع نومه وما سمع ابوه وهو معصب عليه .. تنرفز بوبدر لان الشيخ بدر ما يرد عليه .. وقام ابوه وضرب الكرسي بريوله وبقوه ليمن تحرك الكرسي لورا وطاح البدر منه .:. تخرعت سلوى : بدر !! وصرخت امنه : عمي اشفييك !! وسالت داليا : شو مالك متعصب عالبدر هييك !! .:. ما رد بوبدر عليهم وقام البدر وهو متخرع من النوم وكان ماسك راسه اللي خبط بالطاوله وتعور شويه .:. .:. سمعت غدير صرخت امنه وخبطت الكرسي وتخرعت ونزلت تحت اتشوف شسالفه .:. غدير ( تسال بخوف ) : اشفيكم ؟؟ اشصاير !! .:. وبعدها .:. قام البدر يسال وهو مو فاهم شي : شسالفه ؟؟ رد ابوه بعصبيه : نايم بالصاله ومنبطح وماخذ راحتك وتسال شسالفه !! تعجب البدر : وشنو يعني !! اشسويت انا !! عصب ابوه بزياده : ما عندك دار يعني عشان اتنام اهني !! عبالك البيت لك بنفسك عشان اتسوي فيه اللي تبيه !! بدر ( بضيق ) : بس انا كنت تعبان وبدون ما ادري نمت .. وبعدين انا شسويت عشان كل هذا ؟؟ بايق يعني او مسوي منكر !! كلها نومه يعني !! .:. ما استحمل بوبدر هالموقف ولو ما تعوذ من ابليس كان بيمد ايده عالبدر .:. مسك نفسه على كثر ما يقدر : اقول بدور انجب واذلف دارك احسن لك لا والله العظيم بتشوف مني شي ما شفته !! .:. ما يدري شيسوي !! هل يسكت او يرد على ابوه او شنو !! لكنه تعوذ من ابليس اهو الثاني وسكت رايح لداره وهو متضايق .. وبالوقت نفسه متنرفز على هالشي اللي ما يستاهل هالموقف .:. استغربت داليا وسالت : لشو هيدا كلوا ؟؟ عصب بوبدر : داليا .. انا مو ناقصج انتي الثانيه !! فيستحسن انج تسكتين !! .:. تعجبت داليا اشفيه بوبدر !! امنه وغدير هم كانوا متعجبين .. اما عن سلوى كانت في حيره من امرها .. وشكلها اعرفت شنو هو السبب .:. سلوى ( تسال نفسها بتعجب ) : ليكون بوبدر يحبني وانا ما ادري !! كل مواقفه القبليه اتبين وتثبت هالشي !! *************** .:. باليوم التالي .:. .:. قام بدر من النوم وهو حاس بالضيقه مو موقف امس .. توه يبي يقوم من السرير الا يتفاجا وهو يشوف ابوه قاعد بالكرسي مجابله !! تعجب واستنتجب اشيبي ابوه منه وليش اهو بالدار .:. سال البدر مستنتج : هلا يبه .. اذا ياي اتقومني للجامعه اكاني قام بنفسي بوبدر : انا مو ياي اقومك للجامعه .. انا ياي اقولك شي بيصير الليله ان شالله استفهم بدر : شي وبيصير الليله !! اللي اهو ؟؟ بوبدر : انا ناوي اخطب لك اليوم انصدم البدر : شنو !! ناوي تخطبلي !! بس انا ما قلتلك ابيك تخطبلي ومن الاساس ما قلت اني ابي اخطب !! بوبدر : ما كان يحتاي انك اتقولي .. انا مو ياي اخذ رايك .. انا بس ياي عشان اعطيك خبر يعني .. ان الليله بتشرف معاي عشان اخطب لك البنت قام البدر من السرير وهو متضايق : يبه انت اشفيك ؟؟ ليش تبي تخطبلي !! انا توني ما اشتغلت وما افكر بالخطوبه !! بوبدر : اعتقد انك باخر سنه بالجامعه وما باقي غير اسبوعين وبعدها تتخرج وتشتغل .. وبعديناشتنطر يعني ما تخطب !! عمرك 24 سنه مو ياهل سال بدر : ومنو هالبنت اللي ناوي تخطبها لي ؟؟ بوبدر : بنات عمامك 4 ما شالله بدر : تقصد انك اتقولي اني اختار وحده من بنات عمامي !! بوبدر : انا ما قلتلك اختار .. انا اخترت لك وخلصت تعجب بدر : شنو !! انت اخترت لي وخلصت !! لو تبي تخطب لي على الاقل من حقي اختار البنت اللي بتكون مرتي بيوم من الايام عصب بوبدر : اخليك تختار !! ليش بالله عشان تختار سلوى بنت داليا !! هيهات وحامظ على بوزك تاخذها فاهم !! انصدم بدر : سلوى !! ومنو قالك اني ابختار سلوى ؟؟ بوبدر : بدور هالحركات ما تمشي علي وانا ابوك .. ادريبك عدل حاط عيونك على سلوى ومن زمان .. ولسبب هذا اقولك انسى هالشي .. سلوى ما تصلح لك بدر : والله العظيم مو حاط عيوني على سلوى ولا على غيير سلوى !! بوبدر : تحلف او ما تحلف ما عاد يهم هالشي .. واليوم بتيي معاي لبيت عمك نخطبها لك .. فزهب حالك من الحين ومو تنسى .:. وبعدها .:. سال بدر : ومنو من بنات عمي اللي بتخطبها لي ؟؟ بوبدر : الدانه بنت عمك جاسم انصدم بدر وما استوعب : شنوووو !! الدانه الدانه ما غيرها !! بوبدر : اي نعم الدانه وشفيها يعني ؟؟ تضايق البدر : ما فيها شي بس انا ما افكر بالدانه ومستحيييل افكر فيها لو شنوو !! عصب ابوه : مو على كيفك .. واليوم بتشرف معاي لبيت عمك جاسم وبنخطبها لك وتخسي اتقول شي ما اقتنع البدر : لكن يا يبه انا ما ابيها .. اختار لي اي ابنيه غير الدانه .. نجلا او نور او لميا مثلا !! لكن الدانه ما ابيها !! ما ابيها !! بوبدر : وليش ان شالله ما تبيها ؟؟ هذي الدانه بنت عمك ومن لحمك ودمك .. شوف بدور ماكو غير الدانه وهي الانسب لك ولو شتسوي ما راح اغير رايي .. وعالساعه 7 بالليل زهب نفسك ومو تنسى .. فاهم ؟؟ .:. وبعدها طلع ابوه من الدار وهو متنرفز وهم معصب .. وتم البدر متضايق ومو مستوعب هالشي اللي اهو ما يبيه ومغصوب عليه .:. .:. وبعدها بدقيقه رنة نغمة المسج .:. فتح المسج وقراه وهو متضايق : يا البدر شلونك اليوم ؟؟ اشتقتلك .. اممم ادري بتقولي انك ما اشتقت لي لانك ما شفتني وهم ما اتعرفني .. عموما يالله قووم وراك جامعه .. واتمنى انك قايم قبل هالمسج .:. وبعدها .:. تنهد البدر : تسالين عني ؟؟ والله ان حالي ما يسر يا ابنيه .. الوالد بيخطب لي اليوم الدانه بنت عمي وانا الصراحه ما ابيها .. قوليلي شاسوي ؟؟ بس شلون بتقولين لي وانتي من الاساس مو سامعتني ومو داريه بشي ؟! *************** .:. ابيت ساندرا .:. استغربت ساندرا من طلب جوزيف : وانت شنو باداك برئم امنه ؟ ابتسم جوزيف : هايك .. بتعجبني هالصبيا ساندرا : بس امنه ما عاندها موبايل جوزيف ( يسال ) : وانتي كيف ابتحكي مع سلوى ؟ ساندرا : بحكي معها بالموبايل تعبها جوزيف : اممم .. طيب اعطيني رئم البيت ساندرا ( تسال ) : وشو بادك فيه ؟؟ جوزيف : بادي احكي مع امنه .. التليك بتعجبني هالصبيا وبعدها سالت ساندرا : انت بادك تلعب عالصبيا يا جوزيف ؟؟ غمز جوزيف بخبث : تئريبا *************** .:. ابيت بوبدر .:. .:. كان بوبدر ينادي سلوى .:. طلت سلوى من الدري تسال : هلا عمي بغيت شي ؟ اشر بوبدر : البسي وانزلي بسرعه استفهمت سلوى : ليش ؟ اشصاير ؟؟ بوبدر : مو انا قايلج امس بنروح المحل انشوفج لج اثاث للدار !! سكتت سلوى لثانيه وقالت : ان شالله عمي .. دقايق واكون جاهزه *************** | ||||
|
| |
 |
| أدوات الموضوع | |
| انواع عرض الموضوع | |
|
|
3Likes
العرض العادي
