آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-10-12, 06:50 PM
| #151 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|   بيت ابو عبدلله متمدده على سريرها ووجهها فالمخده ...تبكي بمراره والم وحزن .... ضعفت وقالت له احبك ....بس بعد ايش ياغزل حبيتيه متأخر ... تحملي ياغزل هذا عقابك على الي سويتيه...بعد الوجع تجي البسمه ... سمعت باب غرفتها ينفتح ...عصبت صرخت وهي تكتم دموعها فالمخده بصوت مخنوق : اطلعي بره بااجلس لوحدي .... ماسمعت صوت توقعت انها خرجت ... كملت بكى على المخده وهي تفرغ كل الوجع الي حاسه فيه ... حست بحركه على راسها ... لفت معصبه بتهاوش توقعت الخدامه .... بس اول ماطاحت عينها عليه تجمدت بمكانها ... كان احمد جالس جنبها ووجهه قريب من وجهها توقفت عن التنفس ...مصدومه بوجوده ..وجنبها كمان توقعت انو مشى بعد ماكلمته ...مو يطلع لها غرفتها حتى دخل بدون استئذان سمعها تبكي .....وشافها وهي بهالحاله........ رفع يده ومسك وجهها واصابعه على خدها تمسح الدموع النازله من عينها برقه وحنان كبير .... غزل بصوت مخنوق: ليش جيت هنـ ـا احمد: اشششش لا تتكلمين ...اهدئي ... سكتت وهي تتامل وجهه ..تعلقت عينها بعينه كان يطالعها بحب تمنت طول عمرها تلقى هالنظره من انسان تحبه ... كانت متامله بحب طارق لكن عمره مااحتواها بهالحنان والحب ..... احمد باامل يبي يصدق كلمتها : غزل ...تحبيني نزلت دموعها وكانها شاهد على صدق مشاعرها .... تحبه وتبيه ....الماضي هو الي مبعدها عنه ... احمد: جاوبيني ياغزل ... غزل صدت عنه : ماقدر اجاوبك ..احنا بنتطـ ــلق ايش فايده اجابتي احمد مسك وجهها وخلاها تطالعه مباشرتا: اجابتك تهمني قولي الي تحسينه غزل : انت ايش شايف .... احمد: مو مهم ايش شايف المهم انتي ...ابا اسمعها منك ...غزل انتي تحبيني غزل : احمد ...احنا لازم نتطلق انت تستاهل بنت احسن مني ... انا مااستاهل تحبني وتضحي عشاني ...انا حقيره و....... احمد سكتها وحط يده على فمها: بس لا تكملين .... انتي عندي تسوين كل بنات الكون لاتقولين عن نفسك كذا غزل بعدت يده: ذي الحقيقه انت انسان وفي وطيب وحنون تستاهل بنت تكون لك وماعرفت قبلك احد تستاهل تاخذ ملاك مو وحده مثلي احمد بحب: وانتي ملاك بالنسبه لي ...مافي انسان مايغلط بحياته كلنا بشر لاتحملين نفسك شئ اني مالك علاقه فيه ....هذا مقدر ومكتوب غزل بكت وهي تتكلم وتطلع الي بقلبها ..تبي تكشف كل شئ وتكون صادقه احمد يستاهل منها اعتذار ويستاهل يعرف كل شئ صار معها .. غزل : احمد انا كنت احبه بس هو عمره ماحبني ... حاول يغتصبني بس هربت منه وقتها عرفت انه عمره ماحبني وكان يتسلى بمشاعري ... احمد بجمود: من هو .... غزل: طارق ...والي صدمني انو يصير صديق عبدلله ... حتى هو ماكان يدري اني اخت عبدلله.... تركته بعد الي صار وغيرت رقمي وقطعت كل تواصل معاه ..كنت ابي اخرجه من حياتي ومن قلبي ... تقدمت لي وقتها وانا ووافقت اتزوجك كنت ابي ابدا معاك حياه جديده بس هو ضل يلاحقني وقدر يجيب رقمي ..كان يبي ينتقم مني لاني تركته انا ماكنت ابيه كنت ابي انساه ويتركني..بس هو ماتركني بحالي وقلبي ماكان بيدي ...كنت لسه احبه ومتامله ... بس يوم صرت على ذمتك تغير الوضع حاولت ابعد عنه وقلت له انا على ذمت انسان ثاني ... صار يهددني انه بيفضحني وبيكذب وبيشوه سمعتي بس عشان ينتقم ... سكتت مو قادره تكمل كلامها ...حست نفسها راح تنهار لو كملت مسكها احمد يشجعها عشان تتكلم ...كلامها غير كثير اشياء اولها ان غزل ماكانت تخونه باارادتها ...بس كانت تحت تهديد... لازم يعرف كل الي صار ... احمد: كملي ياغزل ...قوليلي كل شئ صار ... تنهدت غزل وهي تاخذ نفس : رنيم كانت تدري عن كل شئ حاولت تساعدني وكلمت طارق وقالت له ابعد عنها بس هو كان عنيد كل مااغير رقمي يجيبه ولما خرجت معك وكنا نتعشى ومبسوطين اكيد لاحظت لما رن جوالي وتغير مزاجي ... احمد: ايوا متذكر ...طلبتي مني ارجعك البيت غزل: كان هو الي يتصل متقصد يخرب حياتي ويقهرني اتصل وقال لي لو ماسمعتي كلامي ماحتكوني بخير ... خفت من تهديده قال لي انو بينشر صور لي مع اني ماتصور ولا عمري عطيته صورتي بس قال انو صورني وانا مادري ومالاحظت خفت كثير ..اول شئ ابويا خفت يصير له شئ لو صارت فضيحه ماراح يتحمل ....خفت على سمعه اهلي ... والادهى انو قال راح اروح لزوجك كمان واخرب حياتك .... قلت له قول ايش تبا وانا حسويه بس سيبني بحالي الله يستر عليك احمد يسمع وهو مو مصدق ...كل هذا يصير وهو مايدري ... غزل: قال لي تعالي الساعه 8 اليل شقتي وهناك اقولك ايش ابا منك ... كنت عارفه مكان شقته مره رحتها يوم عيد ميلادي كان جايب هديه وقال فالشقه موجوده واصر علي رحت هناك وانا متردده وبهذاك اليوم حاول يغتصبني وانا شردت منه ودفعته وهو عصب وحلف ينتقم مني على الي سويته ..... "تنهدت وهي تتكلم كانت كل شوي تمسح دموعها وتكمل واحمد يطالعها مو سهل عليها تفتح سجلات الماضي وبالاخص لزوجها .... " غزل: لما رحت لقيته جالس ومنتظرني ...جلست عند رجله وانا ابكي .. قلت له ابويا تعبان وماراح يتحمل صدمه واخويا كمان امي حامل وانا متزوجه ...اعطيني الصور الي تبا حسويه... تبى فلوس مستعده .. لكن هو جلس يضحك وقال مو محتاج فلوس صرت اترجاه قلت له انا وحده متملكه وراح اتزوج لا تذلني وخليني اعيش حياتي انا ماضريتك بشئ ايش تبا وانا اسويه بس هو كان سافل طالع فيا وقال انتي عارفه انا ايش ابا ...... تشنجت اعصاب احمد وهو يسمع منها ...وفهم ايش المطلوب حاول يتمالك اعصابه: كملي ....كلامك ... غزل : كان ...كان يبي ......... خلاص مااقدر اكمل اعفيني يااحمد سكت احمد : خلاص فهمت ايش يبي ...كملي ايش صار ... غزل وهي تمسح وجهها بتعب الموضوع موسهل عليها : انا فهمت ايش يبا ومن وقتها قررت اتطلق منك ..ماكان عندي حل خفت ابلغ الهيئه ويفضحني طارق وماكنت عارفه ايش اسوي وقفت وقلت له سوي الي تبغاه ..وانا ميته من جوا ...خلاص ماعاد شئ يهمني بحياتي .... قرب مني وهو مبسوط كان حاسس بالانتصار وانو نفذ انتقامه ... كنت راح اكون بدون شرف ووحده حقيره بس بااخر لحظه جا عبدلله .... انا خفت...وارتحت بنفس الوقت انو ربي انقذني بااخر لحظه قلت راح انذبح اليوم ... استغرب طارق خوفي كان ناوي يخليني له ولصديقه .. قلت له عبدلله اخوي انصدم يوم درى ..لعن خيري وهو مقهور ماكان يدري اني اخت صديقه خباني فالدولاب لحد ماطلع عبدلله بعدها طلب مني اخرج وانو مايبي مني أي شئ ... مو عشاني بس عشان صداقته لاخوي حس انو خاين لعبدلله والا انا ماكنت اعني له أي شئ ... تنهد احمد براحه ..رغم قهره لكن ارتاح انها ماكانت تبي تخونه كان كل هدفها تنقذ سمعتها وخوفها على ابوها ...صح غلطت بس حاولت تصلح غلطها لكن تصرفها مااسعفها... وهذا الشئ هون عليه ....... كملت غزل وهي تحس براحه انها قالت له كل شئ بصراحه : خرجت سليمه وماصار لي شئ لكن شئ بداخلي انكسر ...حسيت نفسي رخيصه والي قتلني اني لسه كنت احبه ...ومجروحه ... مجرد اني رحت شقته من بعد ما صرت بذمتك خيانه بنظري ... قررت اتطلق منك وحاولت اكرهك فيني خفت اتزوجك...... وانا قلبي لسه ماصفى ...عشان كذا ما كنت ابي اظلمك معي .. ماكنت ابي اكون على ذمتك وقلبي مع انسان ثاني ماابي اكون خاينه انا كنت ابي اتطلق واجلس ببيت اهلي مابي حب ولا ابي زواج وصارحتك يومها وانا ابكي لاني خيبت ظنك ... ويوم حسيت اني تجاوزت الي عشته ... وعرفتك مع الايام والمشاكل الي صارت لي حبيتك ....حبيتك لطيبك وحنانك واخلاقك وشهامتك حبيت اهتمامك وحبك ووفائك ...حبيت احمد الانسان واحمد الاخ واحمد الزوج ... .بس قلت لازم ابعد عنك انا تاخرت انت تستاهل الي احسن مني ضمها احمد وهو مرتاح ...كلماتها بلسم يطيب جروحه ... حس براحه من زمان ماكان حاسس فيها ...صح الحقيقه قهرته بس ارتاح بمصارحتها غزل تحبه ...وكل الي سوته كان من دون ارادتها بعد اعترافها هذا كبرت بعينه ....كل انسان يغلط والي يعترف بغلطه يكون شجاع والاهم انها ندمانه وتعاقبت كثير وتالمت كثير .... احمد : انا احبك غزل تبكي : وانا احبــ ــــك بعدها وطار وجهه مقابل لوجهها : خلينا نبدا من جديد .... اعطي نفسك فرصه وانا كمان راح اعطي نفسي فرصه .. غزل : بس انا مااستاهلك ... احمد: لا تقولين كذا انتي مو رخيصه انتي اثمن كنز عندي .... انا ابيك مهما كنتي ومهما صرتي ...ابي غزالتي لي .. حبيبتي انا وام عيالي بالمستقبل ....احبك ومابي غيرك ياغزل "رفع راسها وهو يشوف انفها احمر ومبتسمه بخجل " يعني خلاص مافي طلاق ومافي فراق ... بنعيش سوا وبتكونين لي للابد غزل بخجل: ان شاء الله قرب من وجهها وطبع قبله دافئه عميقه على شفايفها تجاوبت معه وجهها مثل الطماطم ...ابتسم وهو يشوف خجلها غرست نفسها بحضنه تخبي وجهها بصدره بعد قبلته لها.... وهي متعلقه برقبته لاول مره تتكلم براحه وسعاده من قلبها : احبك ومابي غيرك .... من يقول اني لغيرك .gif) انا لك ماني لغيرك انا متعلق مصيري ياحبيبي غي مصيرك ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************  النمســــــــــــــــــا فيينا ....شقه سامر الجوء هدوؤ جدا ...الاثنين يغطون في نوم عميق .. كانت سهرتهم صباحي صحت قريب الظهر وهي تحس جسمها مكسر وعيونها منفخه... نامت متأخر وكانت نومتها على الارض هي وسامر بعد الحوار الي دار بينهم وجلسه الاعتراف معاه .......... وقفت شافت نفسها لسه بملابسها تبع امس وعلى نفس جلستها وسامر نايم فالجهه الثانيه بشكل فوضوي شعره منفوش وحاله امه حاله ..... حركت جسمها وهي تدلك رقبتها حاسه بتشنج بسبب طريقه نومها الغلط شافت الساعه توقعت تكون 9 الصباح بس لما شافتها 2 طلعت عيونها على قدام صرخت تصحي سامر ... بشاير بصوت عالي : ســــــــــــــــــــــــ ــامر صحى سامر على صوت صرختها مفجوع ..حسب في حريق او شئ خطير وقف وعيونه مزغلله وشكله نكتــــــــــه : بســـــــم الله ...خير .....خير اشبك .....اشفيــــــــــه ... بشاير : الساعه 2 ظهر ... تحولت علامات الفجعه لغضب شديد ركض وسحبها من اذنها بقوه وهو معصب منها خلعت قلبه بصراخها ... بشاير :اااااااااااي اذني ياحماررر سامر: فجعتيني كنتي بتجيبين لي سكته قلبيه بخبالتك ...هذا اسلوب تصحين في الواااحد ياغبيه بشاير توجعت : اااي طيب سيب خلااااااااص اسفه الصلاه فاتتنا عشان كدا صرخت الوقت فات ... سامر شاف الساعه وهو لسه شاد على اذنها : يووووه الساعه ثنين فاتنا الصبح والظهر كمان استغفر الله بشايرحست اذنها بتنقطع من مسكته : طيب اذني وجعتها ...سيبهااااا سابها سامر: والله لو عدتيها ماراح افلتك وبعاقبك اشد بشاير تفرك اذنها مكان قرصته : انت متوحش سامر: اقوووول يادلوعه انتي يالله قدامي روحي توضي وصلي وخلينا نطلب غدا معدتي توجعني من الجوع بشاير: طيب نتغدا ونخرج نكمل تمشيه اوكي سامر : طيب من عيوني خلينا نصلي اول ..... صلو الاثنين الفرضيين الي فاتتهم كل واحد منهم اخذ شاور سريع تغدو بمطعم قريب من الشقه بعد الحاح من بشاير بعدها رجعو مع بعض الشقه يبدلون ويجهزون وهم مستعدين للخروج لاكمال رحلتهم الجميله والتمتع بسحر فيينا الخلابه ................. ®راما الدلوعـــ ♥ــــه® يتبع | ||||
|  |
|
06-10-12, 06:53 PM
| #152 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  «غراند أوتيل» نايم بعمق ووده لو مايصحى من النوم ... يمكن كوابسه بالمنام تكون احسن من الواقع ... بس صحى على صوت الجرس ..كان تعبان ويبي يرتاح طول اليل ما نام يفكر ... الوسوسه ماخلته يرتاح حتى بنومه ...كله منك يابشاير .. كان نايم على الكنبه ماحس بنفسه لما غفى ..شاف الساعه تشير لـ3 ظهرا ... نام كثير لكن مو حاسس براحه ابدا ... وقف بكسل راح للباب شاف الموظف واقف ومعه الشنط تذكر انو بعض اغراضه ماوصلت ...اخذها منه وشكره ... سكر الباب وراح ياخذ شاور ويبدل صلى الصلوات الي فاتته ندمان انه ماانتبه وحط المنبه كان مافتته الصلاه ... خرج بعد صلاه العصر مباشرا اخذ تاكسي متوجهه لعنوان شقه سامر ماراح يقدر يصبر ومايشوفها اكثر ...لازم يشوفها ويرجعها له نار الغيره ونار الشوق احرقته ...مافي بقلبه وعقله الا بشاير .... راح ترجع ولو اضطر يسحبها من شعرها لكن ماتضل مع ولد خالتها ............. وصل للعنوان الي فالورقه ...شاف عماره كبيره مقسمه شقق نزل ودفع لراعي التاكسي وقف يتفرج وهو لابس نظاره شمسيه كبيره بشاير بااحد الغرف فيها ... جلس حوالي الساعه بره ...تامل المنطقه الي ساكنتها الان ... حبيبتي هنا قريبه مني وبوحده من دي الشقق جالسه ....ااه يابشاير متردد وحاسس بشعور غريب ...خايف ومتلهف بنفس الوقت ... حاول يتجرء تقدم خطوه بيدخل ... بيروح لها بس وقفه خروج بعض الاشخاص من العماره ... وقف على جنب بعيد عن الزحام ... تجمد مكانه ............لمعه عينه بلهفه وشوق هذي هي ... من بين كل الي يمشون .....كانت ماشيه هذي حبيبتي ... نفس نظراتها ..مبتسمه بااشراق وحيويه ... وشعرها يطير تحاول تعدله بعفويه خلف اذنها هذي بشاير .... متغيره كثير ...........لابسه محتشم ... صح مو متحجبه وجزء من شعرها طالع بس مختلفه كثير عن قبل ......... معقوله هذي بشاير .... ابتسم وهو يشوفها تحاول تبعد عن الزحام ... لكن بسرعه اختفت ابتسامته وهو يشوف سامر ماسك يدها ويمشي معها .... كانو يسولفون سوا ويضحكون ...ماسكه يده وكانه حبيبها ... وهو شاد عليها وكانها ورقه خايف تطير منه ... نار الغيره حرقت قلبه ...وهو يشوفها مع رجل غيره عض شفايفه بقهر ...كيف تتجرء وتسوي كذا.. حتى لو ولد خالتها كيف تمسك يده بدي الطريقه اصلا كيف جالسه معه بشقه وحده .... كان يناقض نفسه هوكان ساكن بنفس القصر معها ولما مرضت جلس بغرفتها وهو داواها بنفسه ولما ضاعو بالرحله كانت معه ونامت بين يديه ........ليش يحلل لنفسه كل شئ فيها ....وكانها ملكه وحده ومايرضى تكون مع غيره مع ان مافي فرق بين ولد العم وولد الخال الغلط هو الغلط مهما كان ولمين ماكان.... حبه لها المتملك وغيرته قاتلته ......لازم يتزوجها لازم .... ماراح يتحمل هالوضع قلبه تعبان ....يحبها ...يبيها ..يبيها بكل مافيها وقتها مستحيل يخلي مخلوق يشوفها او يقرب منها .. مخه عاجز عن الاستيعاب ............طالع سامر بحقد وكره شديد وكانه ند له في حبه لبشاير كان بوده يروح ويسحبها من شعرها بدون مايلتفت لولد خالتها بس قرر يصبر ويشوف وين رايحه ... لازم يستميلها ومايكون جاف اسلوبه هو سبب كل الي يعانيه ... كفايه هو الغلطان وهو الي ضيعها لازم يرضيها ويعتذر منها ... متاكد انها مستحيل تكون واطيه وتغلط ... بس وجودها مع ولد خالتها قاهرهه ........مهما كان الثمن بتكونين لي ... مشى وراهم كانو يتمشون وهم يضحكون بمرح واياديهم مشتبكه وهو وراهم بكل خطوه .........مو حاسين بااي شئ حولهم .... طلعو وهم يكملون تجولهم يتعرفون على معالم هذه المدينه الساحره برحله سياحيه شامله لكل الاماكن بما ان سامر وعدها يعرفها كل شئ في فيينا .... نزلو وكملو مشئ على رجولهم وهم يصورون وقفو في اكثر من مكان وهم يشوف النصب والتماثيل فالساحات والنسيم العليل يداعبهم في جو خيالي .... بشاير غمضت عينها وهي تستشعر احساس جميل يداعبها : ياسلام الجو حلو والله و المكان هنا جونان ...الله يسعدك ياقلبي سامر: امين يارب ويسعدك ...واليله راح نروح السينما سوا شفت اعلان لفيلم مره خطير ونفسي اشوفو بشاير تحمست: حلوو خلاص فاليل السينما بس دحين خلينا نروح ملاهي او منتزه ابا صخب واصوات ورجه نفسي العب شوي واتحرك ... سامر: ههههههههههههه تصدقين كنت بقولك خلينا نروح حتى انا نفسي اروح ملاهي لي سنوات عنها بشاير : اجل خلينا نروح .... توجهو لمدينه العاب بفيينا ...كانت كبيره وجميله مزدحمه بالناس واصوات الاطفال مبسوطين ويلعبون .... المكان كان رائع ويحسس الانسان بالبهجه ورغبه بالرجوع للطفوله .... كان اياد لاحقهم واستغرب جيتهم للملاهي ... بس لما شاف انفعالات بشاير عرف انها ذي رغبتها ...ابتسم لجنانها ... بكل حالتك تأسرينني ... بفرحه نقزت وهي تخلع القبعه تبعثر شعرها على اكتافها رمت القبعه على سامر وحطت نظارتها فالشنطه مع اله التصوير .... ركضت لشباك التذاكر وهي تاشر لسامر وتضحك ... لحقها وهو يضحك على جنانها بس قبل تتوجه للالعاب اشترو غزل البنات وهم يتجولون بالمكان يكتشفون كل زاويه فيه ... بشاير تتلذذ بغزل البنات الي معها: يمممممم من زمان مافليتها كذا تصدق سامر: لازم الانسان ياخذ اجازه من الحياه ويعطي مجال لراحته النفسيه والاستجمام ... حلوانك ريحتي نفسك بهذي الرحله وغيرتي جو بشاير بحزن تحاول تخفيه لكن لمعه عينها فضحتها قدام سامر وهي مو داريه : صح كلامك والله احس اني احسن كثير ...كنت محتاجه للتغير بقوه ونفسي اغير حتى تفكيري وقلبي.... مسك كتفها : بتقدرين ...انتي حاولي وبتنجحين بشاير تنهدت: ان شاء الله سامر : يالله خلينا نلعب شوفي ايش رايك بيت الرعب اول بعدها القطار والله متحمس لي زمان مالعبت ههههههههههه احس رجعت مراهق بشاير:ههههههههههه واحنا لسى صغار في اكبر منا يلعبون يالله ندخل ... كان الدخول لبيت الرعب في عربات مثل القطار جلسو بمقدمته جنب بعض اياد لحقهم وجلس بعيد بس كان يشوف الي قدام .... بدت العبه ودخلو لبيت الرعب المظلم ..تمسكت بشاير بسامر ... سامر ضحك عليها:هههههههههه ياخوافه لسه ماشفنا شئ بشاير: مااحب الظلام بدت الاصوات المرعبه تطلع وانوار واشباح بشاير ترتجف بخوف بس تحاول ماتبين .........طلع لهم عفريت من جهه بشاير صرخت بخوف :وووووووااااااااااااااااا� �اااااااااااااااااااااااا اااااااااااااااااااااااي سامر:هههههههههههههههههههه� �هههههههههههههههههههههههه هههههههه بشاير حضنتو بخوف : ززفت لا تضحك عليا والله يخوف انا ايش الي خلاني ادخل هنا ابا بابا سامر مات ضحك:ههههههههههههههههههههه� � يابنت كلها لعب لا تخافي حس بشئ لمس راسه رفع راسه شاف هيكل زي الشيطان ... صار وجهه ازرق من الخوف بس سكت ماحب يبين خواف قدامها .... كل هذا واياد مراقبهم ...كانت اصوات صرخات وضحك سامر .. منظرها وهي تحضنه كل ماشافت شئ يخوف .... حركاتهم الي من وجهه نظره مصخره وقله حيا ...... <مقهور > هذا الشعور الي يحسه بعد 10 دقايق خرجو اخيرا للنور وانتهت العبه ... نزلت بشاير وهي دايخه وتحس بغثيان ومعها سامر... . بشاير : اااه احس معدتي توجعني مره والله مره يخوف ليتنا مادخلنا هنا في لعب احلى منها سامر:هههههههههههههههههههه� � والله انك خوافه انا ماخفت منها بشاير بنص عين : ايوا ايوا ماخفت وجهك كان ازرق من الخوف يابكاش سامر:هههههههههههههههههههه� �ههه لا وربي ماخفت فجأه ضمته بشاير بقوه وهي عاقده يدها حولين رقبته ... استغرب سامر حركتها مسكها... بشاير بامتنان : انا مبسوطه ياسامر ... ماعرف ايش كنت راح اسوي لو ماكنت موجود معايا في دي الفتره احس اني مرتاحه .... لمها وصار يمسح على شعرها بحنان: ولو انتي اختي وحبيبتي وبنت خالتي .. وبتلقيني جنبك دووم كل مااحتجتيني بعدت عنه وهي مبتسمه : الله لا يحرمني منك ياقلبي ..... "رفعت نفسها وباست خده بطفوله" ودي بوسه عشانك سامر حمر وجهه بخجل :شكرا سمعت صوت وراها : ياسلام على الحب ...ليش وقفتو؟؟ كملو احضان وبوسات عادي مافيها شئ العرض كان حلو .......................... تجمدت مكانها ...الصوت مو غريب عليها ....... هذا اياد ....انا متأكده عرفته من صوته ....بس ايش جابه هنا كيف عرف مكانها ....؟؟ لفت وشافته واقف قدامها مسكت يد سامر لا شعوريا وشدت عليها ... اياد وهو يصفق : كملي ست بشاير .... بشاير تلعثمت: انت ايش جابك هنا ....وليش لاحقني اياد سوى نفسه مو مهتم وهو يشتعل بداخله: ولا شئ جيت اتطمن على بنت عمي المصون واعتذر منها ومنها اتمشى واغير جو ..... بس باين انه ماله داعي .... بلعت ريقها وهي تشوفه لمها سامر له وشد على يدها عشان ماتضعف وهو ظل ساكت يشوف الوضع بدون تدخل ..... فاهم كل شئ ... بشاير خبرته عن اياد وعن سالفتها معه ... بشاير بقهر:و اعتذارك مرفوض ممكن تروح وتخليني بحالي ... اياد: اصلا انا اسحب اعتذاري الي حتى ما قدمته لك لانك ما تستاهلينه .... وخليك كملي صياعتك والمسخره مع ولد خالتك اصلا انتي تعودتي ماتجلسين بدون رجال بـ.............................. ماحس الا وكف انطبع على خده ..... صدى صوته عبى المكان ولفت الانظار من قوته .... رفع عيونه وهو مو مستوعب ....شافها واقفه وهي ترتجف .... صفعته كف ماتحملت كلامه عليها .... بشاير بكره : انت طول عمرك حقير وبتظل حقير رد عليها بقهر:انتي الحقيره ...مو متربيه صايعه وضايعه ولعابه ... كملي لعبك ومسخرتك وكل مره مع واحد.. سليهم اصلا دا الي تعرفينه بشاير حست كلامه طعنات تقطع فيها ...صرخت ودمعتها مخنوقه :احتـــــــــرم نفســــــــــك ...انت تجاوزت حدودك انا حره بحياتي مالك شغل فيني مو مثلك الي يجي يحاسبني اياد عصب : الا احاسبك واكسر راسك "مسك يدها وسحبها بقوه " الكف هذا ماراح اسكت عنه وبتدفعين ثمنه .... بشاير : اترررك يدي ياحيـــــــــــــــــــوا اان سحبها بقوه وسط الجموع الي تراقب الهواشه وهي تحاول تفلت منه ..... تحرك سامر ومسك بشاير فكها منه ... سامر بهدوء : انت تجاوزت حدودك ...سيبها في حالها كفايه الي سويته والي قلته تيسر وارجع من مكان ماجيت اياد بسخريه: ليش مين انت عشان تقول هالكلام ... لو بروح رجلها على رجلي ....انا ولد عمها ولو ابي اذبحها ماتتدخل يا ..... سامربقوه وهو ناوي يقلبها مضاربه من شاف اياد ماعجبه : وانا ولد خالتها ... ولو فيك خير سوي لها شئ ...سكت لك بس مو معناته راضي بكلامك اياد بتهديد: لا تدخل بيني وبينها ... خليك بره انا وبنت عمي نتصافى بشاير فلتت من يده: وانا مــــابي اتفاهم معـــــــــاك على أي شئ انقلع عن وجهــــــي ولا توقف في طريقي اياد بسخريه لاذعه: اسيبك عشان تكملي مصخرتك مع ولد خالتك ... بوس وحضن مابقى الا تكملونها وتـ............... عصب سامر ولكمه بقوه على وجهه من قوه الكمه طاح على الارض : نجـــــــــــس وتفكيرك وســــــخ ...روح للمكان الي جيــــــــــــت منه يانجــــــس ... اياد وقف بصعوبه الدم سال من فمه وقف بوجه سامر ورد الكمه له ... بدت مضاربه بينهم والناس متجمعه تتفرج ... بشاير وقفت بينهم : بـــــــــــــس خلااااااااااااص كفـــــــــــايه اياد بعد وهو يتنفس بقوه وشعره منفوش : بشاير لي انت تفهـــــــــــم خليك بعيد عنها .... سامر مسح فمه : بتبعد غصب عنك ماراح اخليك تجرحها كفايه الي سويته فيهاا اياد بعصبيه: بنت عمــــــــــي والسالفه بيني وبينها تبيني اشوفها فالته وطالعه نازله وتحضن وتبوس ولد خالتها واسكت ... لا وتنام بشقته كمان شايفني ديو.... ماعندي نخوه وغيره ..... سامر بقوه: اذا هي بنت عمك انا تصير اختــــــــي وماارضى عليها "ابتسم بسخريه" و قبل تكون بنت خالتي يا مريض ... تصير اختي تعرف يعني ايش اختي ... بس مخك وتفكيرك نجس مثلك .... اياد سكت وهو يشوف الثقه بعيون سامر....طالع بشاير شافها منزله راسها تكلم بصدمه : بشاير ...صدق الي يقوله بشاير رفعت راسها طالعته بحقد مقهوره من كلامه: سامر اخوي بالرضاعه .... وجلستي معه وببيته حلال اما وقفتي ومسكتي ليدك انت هي الي حرام يا ولد عمي اياد بندم :بس .... انا ....ما كنت اعرف سامر :بشاير يالله نرجع الشقه ..... تمسكت بشاير بيده : يالله مشو بعيد عنه وقفو تاكسي راجعين للشقه ....بدون حتى الالتفات له ... اما اياد ظل واقف مكانه مصدوووم.... طلع اخوها ... ضيعها للمره الثانيه ...اساء الظن فيها ....وتكلم بالشين عنها يعني كل افكاره ...كل كلامه ....وكل الي سواه كان غلط وماله أي اساس ... بغباء مافكر حتى ...ابوها مستحيل يكون غبي ويخليها مع شخص مو محرم لها ايام بعيده عنه وبشقه غريب .... كان في امل يصالحها بس بعد الي قاله مستحيل تسامحه ...مستحيل شكك بعفتها وبطهارتها ...شكك بااخلاقها ورمى عليها كلام زي السم فالاخير غلبته بكلامها ...وبينت له صغر عقله .... جلستها مع ولد خالتها حلال .. والي يبغاه ويتمناه هو الحرام ... هو اخوها ...ومحرمها ...وانا ولد عمها واحبها مشى خارج من الحديقه ...مو عارف وين يروح هو جا عشانها ...لكن شكله راح يرجع بخف حنين حماقته سبب فشله وخسارته ..................... مسكين يااياد ®راما الدلوعـــ ♥ــــه® فالطريق للشقه ... السياره تمشى في هدؤء ...راسها على كتف سامر ... انقلبت رحلتها الجميله لكابوس فضيع .... الي صار اليوم قلب كيانها فوق تحت رجعه اياد وظهوره بحياتها رجع الحزن لقلبها ... نزلت دمعه من عينها: شفت الي سواه فيني ياسامر .. ضمها وهو حزين عليها ...بكت على صدره بقهر ووجع : ليش يسوي فيا كذا . .وليش انا لسه انا احبه لييييش سامر مسح دموعها : اهدي ياقلبي ..لا تبكين والله مايستاهل دموعك وزعلك هو الخسران مو انتي ....هو الي فرط فيك بشاير بكت بحرقه: يشك فيني ...يعاملني وكاني وحده حقيره ... ليش حبيته ليش مو قادره اكرهه انا تعبت سامربهدوء وحكمه : هدي وامسحي دموعك ..هو كمان مبين يحبك وغاير عليك ...والي سواه من غيرته عليك مو عارف كيف يقهرك مثل ماهو منقهر منك بشاير بعدت وهي تتكلم باامل: يعني هو يحبني .... ابتسم سامر على شكلها : مو بس يحبك من عيونه باين عشقه لك وغيرته اكبر دليل على كذا ...تلقينه دحين مصدوم بعد ماعرف انك اختي بشاير بحقد: احسن يستاهل سامر : اذا تبين نصيحتي ..انسيه يابشاير ...ماراح يجيك منه الا وجع القلب بشاير بالم : لو اقدر كنت طلعته من قلبي من بعد اخر كلام لي فاايطاليا بس ماقدر ..الحب مافيه كرامه ولا فيه تراجع ولا في اختيار ... مو بيدي اكرهه ...حتى لو انا ابغى اكرهه ... اليوم يوم شفته رغم كل الكلام الي قاله لي بس فرحت... حسيته مهتم ولسه يفكر فيني وجا عشاني ... سامر شاف الحب والالم بنظراتها : ياقلبي عليك يابشاير ... طيب اذا انتي تحبينه ارجعي له ...ولا تعذبين نفسك بشاير: مجروحه منه ماقدر ارجع كذا بعد الي سواه فيني سامر بتفكير : امممم طيب انا عندي فكره ... راح تخليك ترتاحين وتاخذين حقك بنفس الوقت .... بشاير: ايش هي ؟؟ سامر.......................................... .... ............................. يا قو عينه يكلمني برسميه نسا ما بيني وبينه ... يمر يمي ويطالعني بنفسيه وعني يسحب ايدينه ... وانا إلي كنت اظن انه يموت ولا ابتعد عنه ... طلع ابن الجفا خاين وراح وصد في حينه ... اه يا ويليه من إلي راح انا اسوي .. قسم لسهره ليله اه يا ويله .... كسر فيني وعكر صفوي وجوي ... وانا توي بناديله اه يا ويله ... وعد ما راح اعديها يكحلها انا اعميها ... وانا هو ناوي يتأسف بلا اسف بلا نيله ... وعد مني لحر قلبه واتعبه وصلوه الحجي عني ... ابيه يتوب ويندم يحترق قلبه مثل ما هو مجنني ... تعبت اقدر اوضاعه ولكن شانت اطباعه ... انا عايش على اعصابي وهو مرتاح ومتهني ... ************************************************** ************************************* Яąṁά●̮̮̃•̃ả๔ĐĽǿǿ3ά << ************************************************** ************************************* يتبع | ||||
|
| |
|
06-10-12, 06:57 PM
| #153 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اشتقت لك يـآ أخي . . . أريد أرتمي بين أحضانك واسكب الدمع غزيرا وأنهل من حنانك فمن لي غيرك أيها الغالي ومن بقي لي سواك أيها الاخ الحنون . .  شقــــــــــــــه رغــــــــــــــــد جالسه على اعصابها ...من لحظه خروج فارس وهي بحاله ترقب .... تاملت شكلها فالمرايه ...كانت عيونها تلمع بسعاده وخوف.... راح تشوف نايف بعد كل هالفتره .....ياترى كيف صار شكله ...ت غير او على نفس حاله ..الدقايق تمر وكأنها سنين ... دخلت غرفتها ...كانت خاليه تماما من كل اغراضها مافي الا الاغراض الموجوده اساسا فالشقه ... تاملت شكلها فالمرايه ..وجهها منور وابتسامتها ماليه وجهها بدت تتلمس بشرتها الان حست فعلا انها تخلصت من عقده كونها نايف .... الان تقدر ترجع رغد ....لان نايف رجع ....رجع وراح تحس بالامان رجع وشعور الخوف زال عنها ..... راح تواجه الكل وهي ضامنه وجوده بجانبها ... راح تخبره كل الي سووه فيها .....مستحيل تخليه يتخلى عنها ... شالت الطرحه وخلعت عبايتها فلتت شعرها الي طال وبدت تحركه بخفه كانت لابسه بنطلون جينز وبلوزه لونها بني بااكمام طويله فتحت ازارير البلوزه وهي تتامل اثر الجرح والرصاصه بجسمها... مررت يدها عليه ماكانت تحس بااي الم ..بس نفسها تمحي الاثر الموجود وتمحي كل اثر سئ ممكن يذكرها بالماضي ... غطت جسمها وزررت بلوزتها بدت تتلمس شعرها ... حاسه بشعور غريب يداهمها التفتت جهه السرير .. شافت الرساله الي خلتها لفارس كانت مرميه عالارض اخذتها وضمتها لقلبها .... حاسه براحه انها رجعت كانت راح تخسر فرصه انها تقابل اخوها للابد .... تذكرت شكل فارس اول مادخلت الغرفه ..... كان جالس هنا ...... انصدمت بوجوده بشقتها وبغرفتها كمان ... رجعت من المطار بجنون بدون ماتفكر بالعواقب ... حست برغبه لرجوعها حتى مااكترثت لسفرها ولا لاغراضها ... دافع مجنون اجبرها ترجع ... رساله فارس لها غيرت كل المفاهيم وكل الخطط ... رجعت عشانه ... دخلت لقت صاحب العماره طلبت منه المفتاح وانها رجعت وهو ماعارض خبرها انو الشقه لسه مثل ماتركتها ومحد اجرها والعمال ماسوو شئ غير اللتنظيف... رجعت وهي ضايعه تماما ...دخلت وانصدمت ان المكان خالي سمعت صوت غريب صادر من الغرفه توجهت لها بسرعه بخوف وتردد تقدمت شافته هو ... جالس و راسه على رجله ويبكي...! ماتوقعت انها تشوفه بغرفتها حست انها بحلم من احلام الخيال يبكي ..........ينادي بااسمها ....عشانها.. لا شعوريا نطقت بااسمه .... اعترافه لها بحبه حسسها بنشوه عارمه لكن لحظه احتضانه لها محسستها بتأنيب الضمير وخجل قاتل ... تمادت كثير بااحتضانها له .....ولو طال يمكن تمادو اكثر الحب مو حرام لكن تصرفها وتصرفه فتح باب ... ممكن يوصلهم لاشياء لا تحمد عقباها لو سيطرت على نفسها ...كان افضل .. مو عشان عيب او عادات وتقاليد ... او لاي سبب متعلق بخجلها او قله حبها لفارسها .................... ابدا السبب فقط هو رضى ربها .... كيف تجرأت ومافكرت فيه ماتبي ربي يزعل منها ...تبي تضل طاهره نقيه امامه وامام اهلها والاهم امام فارسها ... تبي كل شئ يكون حلال بينهم .. ااااه يافارس ليتك تكون حلالي وانا حلالك مااتركك ولا لحظه وحده... اااه يافارس احبك والله يشهد علي.... أي احبك ...هذا قلبي مو بيدي اتحكم فيه استغفر الله العظيم من كل ذنب عظيم..يارب سامحني انت تدري اني احبه ومابي اعصيك .. يارب اجمعني معه بالحلال ....وابعدنا عن الحرام ....ابيه حلالي حمرت خدودها متذكره ضمته لها اكيد لو مااتصال نايف كان تمادو اكثر حمدت ربها انو اتصل ... ماكانت راح تنبسط لو تمادت معه بهذا الشكل كانت راح تستحقر نفسها ..ويمكن تطيح من عينه "انا غبيه كيف خليته يضمني ..الحين يفكرني وحده رخيصه استغفر الله ...لا هو مستحيل يفكر بكذا هو يعرف بتربيني يدري اني احبه ومن حبي له سويت كذا ياربي ايش اسوي الحين ....." بدت تفكر وهي متوتره وتلوم بنفسها ...ومرات تجيب مبررات قررت تنسى حاليا وماتفكر الا بنايف ...نايف وبس "خلاص يابنت اهدى اخوك جاي وبالطريق ...لازم ماافكر الا بلحظه شوفتي له ياه يانايف مشتاقه لك موووت ...." ®راما الدلوعـــ ♥ــــه® شقــــــــــه نايـــــــــــف جالس ومتمدد على الكنبه ...نادر نايم بالغرفه اما هو مجافيه النوم طول يومه يفكر بكلام فارس ..وبكلام طارق عن اهله ... يفكر بعمه وبعيال عمه واخر لقاء جمعه معهم ...... يفكر بالماضي والحاضر ... اتصل على طارق لكن جواله مقفل عاد الاتصال اكثر من مره استغرب كان ناوي يزور بيت عمه بس مستحي منهم وماعنده الا رقم طارق وطارق مايرد عليه .......... جا بباله فارس ...حاسس بفضول غريب من اول ماتعرف عليه .... كلامه عن الشخص الي ممكن يساعده .... مو متحمل الانتظار اكثر من كذا لازم يشوفه ويرتاح من كل التخيلات .... بس بكره بعيد ...بعيــــــــــــــد... تذكر كلام فارس له..... حس بصداع فضيع ... الماضي يلاحقه لكن صور بدون تفاصيل مجرد تخيلات غريبه اشخاص غرباء ..وكلام غريب يدور براسه مسبب له الم ... كلام طارق له كرهه بالماضي وحاسس في كلامه غموض كبير لكن لازم يعرف كل شئ صار بالتفصيل ... مين ياترى الشخص الي بقابله ...مين يكون ؟؟ معقوله يكون طرف الخيط ؟ معقوله اتذكر كل شئ لو سمعته .؟ ومن فين يعرفي اساسا ...؟؟ ووينه من قبل ؟ معقوله يخبرني عن الماضي... يعرفني ويعرف كل شئ صار بفتره غيابي ...يعرف ايش صار لاختي ........ اهلي .... اكيد في سر ...وسر كبيروا راح اعرفه ... بس ليش كلام فارس كان غامض ...طلبه الغريب ... بالحرف الواحد طلبه ينسى أي شئ عرفه عن اهله .. وهو عارف ان طارق حكى له ....ليش يبني انسى كل الي عرفته ولا افكر بااي كلام انقال لي.............اكيد في انا في الموضوع... مصيري اعرف كل شئ ... حاسس بتوتر ..وفضول ..وشوق .... الشخص الي بيقابله بيكون طوق النجاه ... راح يعرف كل شئ منه ويرتاح ................... خرج نادر من الغرفه وهو يتثاوب : مساء الخير ... نايف : مساء النور ....صح النوم نادر بكسل: صح بدنك حبيبي ...اشبك جالس لحالك زي الجني كان جيت نمت وريحت جسمك شوي نايف بقلق : مافيني نوم يانادر ...النوم مجافيني جلس جنبه على الكنبه : سمي بالرحمن ...انا عارف انك قلقان وتفكر ... بس غلط الي تسويه خلي كل الامور تمشى مثل ماهي ... لا تحاول تستبق الاحداث ماتدري ولا تقدر تتوقع يمكن الشئ هذا الي تسعى له بيكون شئ بيوجعك اكثر .... حاول تعيش يومك وتوكل على الله .... نايف: لا اله الا الله ...بس ماني قادر ارتاح ...لازم اشوفه واعرف كل شئ. نادر : طيب ولد عمك حكالك كل شئ ايش تبي تعرف اكثر ؟ نايف بضياع: مادري بس حاسس انو في اشياء ثانيه ... طارق ماحكلى كل شئ انا ابي اعرف كل شئ بالتفصيل ومن شخص حيادي ...انا مادري كيف كانت علاقتي مع عيال عمي قبل ...... نادر بشك: يعني انت مو متأكد من كلامه ؟! نايف: لا ..........مو كذا بس انا ابي اتذكر ويوم حكى لي ماحسيت اني تذكرت شئ حتى كلامه كان وكانه يحكي لي قصه مو يخبرني عن الماضي الي كنت غايب عنه ومو متذكره ..... كلامه وجعني وماقال لي المصايب الي صارت ماقال لي أي شئ ثاني أي شئ ................ تنهد نادر: مادري ايش اقولك ......يالله وش نقول .... الله يقدم لك الخير وان شاء الله الي بتقابله بيريحك وبيجاوبك على شئ تبي تعرفه نايف من قلب: ياارب والله تعبت وكاني عايش بكابوس ...الله يعين بس رن الجرس بشكل متواصل ...وقف بتكاسل بيشوف من جاي اما نادر دخلب دوره المياه يغسل وجهه فتح نايف الباب وتفاجأ بالقادم ... كان فـــــــــــــــــــــــا رس ... ماله ساعه مكلمه بالجوال والان واقف عند باب بيته ! نايف:فـــــــــارس....هلا حياك الله .. فارس دخل بحرج حاسس وقته غلط : الله يحييك ...اسف على الازعاج الحمدلله مالخبطت فالشقه ...اخذت عنوانك من المكتب نايف دخله الشقه وهو متفاجأ بمجيئه : لا افا البيت بيتك تفضل فارس: انا مستعجل وابيك تلبس وتخرج معي بسرعه ... نايف استغرب : خير ان شاء الله ؟ عسى ماشر ؟ فارس: مافي الا الخير ان شاء الله بس بكره ملكه اختي وماراح اقدر اوديك للشخص الي اتفقت معك تقابله .. عشان كدا لازم تقابله اليوم ادا ماعندك مانع طبعا نايف فكر : والله ماعندي شئ وعادي اشوفه اليوم او بكره ماتفرق عندي ومبروووك ملكه اختك وماتعلمنا فارس تنهد براحه وهو شايل هم القاء : كل شئ صار بسرعه .... المهم خلينا بموضوعك هو الاهم بما انك فاضي حلوو اجل يالله تعال معي وزي مااتفقنا ..... وكانك ماسمعت أي كلام قبل ... نايف: ان شاء الله ..................... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ ايطـــــــــــاليــــــــ ـــــــا السيـــــــــــاره كانت تمشى بااقصى سرعه متوجهه للمستشفى جاك يستعجل راعي التاكسي ... واسما تتألم وهي ماسكه بطنها ودموعها تجري على خدها ... مسكها جاك وهو يحاول يخفف عنها : تحملي اسما هلا بنوصل ... اسما بالم: ااااااااااااااااه بموووت بطننننننننني جاك حس نفسه صحصح تمام وبكامل عقله من الخوف الي حاسه وهو شايفها تتالم ويحس كانه هو الي يتألم : اصبري وتحملي شوي الله يخليكي مسكت بطنها بقوه وهي تحس شئ عند رجولها صرخت لما عرفت: ااااااااااااااااااااااااا ااااااه ابي سعوووود مافهم جاك شئ شافها تنقبض على نفسها وتبكي ... وجهها شاحب تماما صرخ يستعجل السائق: بسررررررعه ايها السيد المراه تكاد تموووت استعجل من فضلك رجاءا خلال عشر دقايق وصلو المستشفى نزل جاك و طلب نقاله ودخلوها عالطوارئ بسرعه.... كانت حالتها حرجه جدا .... انتظر جاك بره وهو قلقان ...وجهها كان ازرق وشاحب جدا تتألم وحالتها يرثى لها ... خاف تفقد الجنين فااي لحظه ...وجهها ماكان يبشر بالخير ابدا ... حملها خطير وتعرضت لضغط جدا عالي وهم عارفين بمرضها وحالتها الصحيه وهذا سبب خوفه ............ اتصل على سعود تمنى انه يكون صحى ويرد عليه لكن مالقى أي رد ضل واقف ينتظر خروج الطبيب يطمنه عن حالتها وحاله الجنين وهو يدعي من كل قلبه انها تعدي على خير من دون ماتفقده................................ ®راما الدلوعـــ ♥ــــه® احـــدى افخم المطاعم في رومــــــــا عزمها تتعشى معه اليله ....كانت عزيمه غريبه ومو معروف مناسبها طلب منها تلبس وتتجهز وانه عازمها عالعشى بره ........... احتارت ايش ممكن تلبس ..حست المكان الي بيوديها عليه مختلف ولازم تكون متشيكه ... بعد عناء اختارت بنطلون ابيض وبلوزه وردي عليها جاكيت ابيض طويل للركبه لبست حجاب فيه الونين الابيض والوردي ... اما وجهها ماحطت فيه أي شئ بس قلوس وردي ووكحل اسود داخل عينها .... حاولت تكون طبيعيه جدا نزلت وطلعت معاه السياره وهم متوجهين للمطعم ... كان هادى جدا وماتكلم معها ..... كاشخ ...لابس بدله رسميه وشكله اصغر من عمره ب10 سنوات ..... متردده وفضول قاتل متملكها تبي تعرف سبب العزيمه ... نزلو من السياره ...تاملت المطعم الي جايبها عليه ... شكله راقي جدا فتح لها الشوفير الباب نزلت ونزل هو من الباب الثاني ووقفت وهو وقف جنبها ... ابو بشاير : تفضلي ...اليوم المطعم كلو على حسابنا ... بلعت ريقها بخوف دخلت وشافت المكان خالي تماما ..... فعلا ماكان فيه ولا احد غيرهم ... كان المكان كلو ورد احمر وشموع موزعه بشكل خلاب ... وكانها وحده خارجه مع زوجها في ليله رومنسيه ... والجرسونات بلبس موحد واقفين لاستقبالهم .... حست باارتباك وخوف ....طالعت اخو زوجها ... كان مبتسم وهادى جدا هي الوحيده الي حاسه بالتوتر ... مشت جنبه جلسو الاثنين على طاوله متقابلين كانت مجهزه خصيصا لهم ... اشار ابو بشاير للجارسون ...وعدل جلسته عالكرسي ... جا وطلب له عصير واصر عليها تطلب ....طلبت مثله ...... جلسو عشر دقائق كل واحد فيهم بس يطالع الثاني في صمت ... تكلمت باارتباك مو قادره تخفي شعورها: الله يهديك يا بو بشاير ... كلفت على نفسك بهيدي العزيمه .... ابو بشاير : افا عليكي ...لا كلفت ولا شئ .... ام اياد نزلت نظرها ليدها : طيب فيك تقلي شو مناسبه هالعزيمه لا تقلي هيك اجينا لنتعشى ونرجع عالبيت؟ بحس عندك حكي وبدك تقولو ... ابو بشاير "بجديه": بصراحه ...ايوا ..في موضوع كنت ابا اتكلم معاك فيه ومتردد ..بس لازم اتكلم ام اياد دق قلبها .خافت يكون صار شئ لولدها : احكي ..صار شئ لابني ؟؟ ابو بشاير: لا اياد ماله علاقه بالموضوع الي بقولو لك ... لا تخافي ولا تتوتري كل خير ان شاء الله ... ام اياد ارتاحت .: الحمدلله ....لكان شو هوا الموضوع الي جبتني منشانو ؟ ابو بشاير بصراحه : بصراحه الموضوع يخصني ...ويخصك ... ام اياد بترقب ...: وشو هوا ابو بشاير : بصراحه ...انا ابى اتقدم لك واتزوجك على سنه الله ورسوله ... تقبلي تتزوجيني يا روز ... ام اياد شرقت بالعصير اول مانطق بكلامه : شووووووووو ابو بشاير مد لها كاسه المويه : بسم الله عليك ...اشربي مويه وهدي اعصابك شوي اخذت منه الكاسه شربت مويه وهي تحاول توازن نفسها وتستعيد انفاسها : ابراهيم انتا بتمزح ما ...قول انك بتمزح ابو بشاير تكلم بجديه: لا ماامزح ...انا فعلا ابى اتزوجك ...واتمنى انك توافقي ام اياد انفعلت : بس اتزوج ...انا ...وبهالعمر ابو بشاير : وايش فيها ...من حقك تعيشي حياتك وانتي لسه صغيره ليش تضلي بدون زواج حست بصداع وهي مو مصدقه الي تسمعه حاسه انها تتحلم مسكت راسها بين يديها : انتا فاجأتني كتير ..........زواج وهلا ...وانت ! ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ يتبع | ||||
|
| |
|
06-10-12, 07:00 PM
| #154 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  المسجــــــــــــد اذن المؤذن الاذان لصلاه المغرب ...تجمعو الناس من كل مكان تركو كل مشاغلهم وكل ملهياتهم لاداء فريضه الصلاه .... صورة الحق دعاهم ولبو النداء دخل من بوابه المسجد ..شاف المكان مزدحم والكل يركض بيلحق الصلاه اطفال ..شباب ...وكبار فالسن ...سعوديين ..اجانب ...متجمعين بمكان واحد كلهم جو لهدف واحد فقط ...الاتصال مع رب العباد ...... نسيان الدنيا ومافيها ......لحظه صفاء ..احساس بالروحانيه ... بعيد عن كل مافي الدنيا وهمومها ...بعيد عن كل البشر ... بدا الامام يقيم الصلاه .. الله اكبر الله اكبر اشهد ان لا اله الا الله اشهد ان محمد رسول الله حي على الصلاه حي على الفلاح قد قامت الصلاه قد قامت الصلاه الله اكبر الله اكبر لا اله الا الله بدا الناس بالاصطفاف في صفوف وسد الفراغات بينهم .. مشى بهدوء وعلى استحياء ..له فتره طويله ما دخل المسجد .... صلاته فالبيت دائما ...والله اعلم بالصلاه .....خجلان يدخل مع الجماعه خجلان من ربه ...ضيع كثير والحين رجع ....وماله وجه .... كبر الامام وبدا في الركعه الاولى ..بدات الصلاه وهو واقف خجلان حتى يوقف معهم حاسس بشعور خانق مو عارف يفسره ... مر رجال شايب ماسك عصى كان يهرول بيلحق الركعه قبل تخلص شافه واقف مكانه والناس كبرت وبدا الامام يقرأء الفاتحه سحبه من يده ووقفه بجانبه فالصف... الشايب : الصلاه قامت ياولدي الحق الركعه كبر الرجل الشايب ودخل فالصلاه ...التفت له وهو مستغرب .. رجل كبير فالسن وبيده عصى كلف على نفسه وجا للمسجد بالرغم انه لو صلى فالبيت معذورحالته تعبانه بس قطع المسافه عشان يصلي مع الجماعه ويكسب اجرها... وهو الشباب بقوته وصحته ..متكاسل يصحى ويجي يصلي فالمسجد متكاسل حتى وهو بالسياره يوقف ويصلي بااقرب مسجد .... غير الذنوب الي ارتكبها بحياته ... غصب عنه يحس بالخجل من ربه ....ماسوى شئ زين بحياته .... ولا حتى بالبشر الي معاه ماسوى فيهم خير ..... رفع يده وكبر ودخل معهم في الصلاه قرأ الامام الفاتحه بعدها مقطع من سوره مر على ايه ("قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور ارحيم") نزلت دموعه غصب عنه ..هو مو بس اسرف هو زودها ... اسرف بحق نفسه واذى اقرب الناس له ... كله بسبب تهوره وبعده عن ربه وعصيانه لقى جزاه فالدنيا قبل الاخره ... اكبر خطيئه سواها كانت بحق اقرب انسانه لقلبه حبيبته والانسانه الي عمرها مااذته بااي شئ بالعكس هو الي اذاها وسبب لها جرح ماراح تنساه بحياتها .. لو كرهته معها كل الحق لانه مايستاهل محبتها ...... غير خالته الي ماتت قهر وحسره بسبب سواياه دمر حياتهم بسبب تهوره تعذب وعذبهم وهذي نتيجه الي زرعه .............. بااخر سجده سجدها حس برغبه شديده فالبكاء والخضوع وطلب الرحمه والغفران من ارحم الراحمين من ربه الي مايغفل عنه وابتلاه بكل هذا والي داري بوجع قلبه والي حاسه ... بكى بالم وحزن وقهر وهو يتمنى كل الصار ماصار ... بكى بحسره على عمره وحياته الي عاشها والصياعه الي كان فيها ..... بكى وهو يتمنى بدمعه يمحى كل خطيئه سواها بحياته ... بكى وبكى وبكى .... خلصت الصلاه والامام سلم والمصلين وهو لازال على نفس وضعيته ... يبكي وهو يطلب بكل جوارحه العفو من رب العباد ..... قرب منه الشايب شافه ساجد مو راضي يتحرك ... كان بوضع ماحد يشوف وجهه ولا ايش يسوي ...بكاءه كان صامت ... الشايب : ياولدي قوم اشبك ... عبدلله .................................................. ..... الشايب قرب منه شافه مو راضي يتحرك انفجع حسبه مات وقف ونادى الامام الي جا وهو مفجوع ....... الشايب : ياشيخ الولد هادا صلى جنبى ومن لما سجد مارفع راسو ؟ ؟ مدري ايش قصتو والله خفت انو ميت وانا مو داري عنو .... قرب الامام وهو يهز عبدلله : ياولدي ارفع راسك ...انت بخير رفع راسه وكانت الدموع مغطيه وجهه ووجهه احمر تماما كان يبكي اول ماجات عينه بعين الامام وكان الامام شيخ كبير وباين عليه الوقار والنور بوجهه ... طاحت عينه بعين الامام ...... بكى بصوت اعلى وهو مخنوق .... حس انو ولا شئ امام هذولا الناس ....نكره الامام: بسم الله عليك ياولدي ...اهدى وتعوذ من ابليس ... ضل يبكي كطفل صغيرمو قادر يوقف بكى ويهدى ......... مسكه الامام وطلب من واحد من المصلين الجالسين يجيب كوب مويه خلاه يشرب شوي ... مسح وجهه و بدى يسمي عليه ويقرى عليه المعوذات وايات من القران الكريم ...... كان ساكن والامام جالس جنبه ويقرى سكن تماما وهدأ ...... الامام : ها كيف تحس دحين ياولدي .... عبدلله بتعب: احسن مشكور ياشيخ ... الامام: قولي ياولدي اشبك وايش خلاك تبكي بدي الطريقه ... احد مات لاقدر الله او تعبان عندك ؟؟ نزل راسه بااسى ...ايش يقول للامام ....يقول له انا السبب بموت خالتي او يقول له اغتصبت بنت خالتي ...او يقول انها حامل بسبب واجهضت بسببه ...مو عارف يقول ايش والا ايش الي سواه يخجل كيف يقدر يقوله او حتى يعترف فيه لنفسه ... عبدلله تنهد: اااه ياشيخ ياليت احد مات عندي ماكان شفتني بهذا الشكل بس انا سويت اشياء بحياتي استحي حتى افكر فيها .. ومدري ربي بيسامحني عليها او لا ... الامام: احكيلي ايش مضايقك وفضفض لا تكتم بقلبك بعدين راح تنفجر عبدلله بالم: مالي وجه اتكلم ياشيخ ...مالي وجه لو قلت لك راح تستحقرني واطيح من عينك الي سويته كبير .... الامام تنهد : شوف ياولدي ...مافي انسان كامل ومايغلط كلنا بشر ونغلط ونذني ونسوي اشياء كثير بحياتنا محد معصوم ومحد منزه عن الغلط ومهما سويت بحياتك منت اكثر من الي قتل تسعه وتسعين نفس ..... سبحان الله تاب وربي تاب عليه ....ليش تقول عن نفسك كدا ليش اليأس... عبدلله: والله تعبان ياشيخ ...تعبان مادري اطلب السماح عن ايش او ايش الامام: تعرف ياولدي ان الي ربي يبتليه ويستغفر ويتوب ربي يأجره وتنقلب سيئاته حسنات ....ربي يحبك وابتلاك وندمك ودموعك هذي دليل على صدقك والله غفور رحيم نزلت دموعه بااسى : والي سوا خطايا بحق الناس ... ربي مابيسامحني وهم ماسامحوني بحياتهم ....انا دمرت حياة ناس ياشيخ دمرتهم الامام: اذا ربي رضى عن انسان ارضى الناس عنه .... انت توب واستغفر ربك وادعي للناس الي اذيتهم وربي لو سامحك صدقني بيخليهم يسامحونك لا تقنط من رحمه الله ... الله سبحانه وتعالى قال قل ياعبادي الذين اسرفو على انفسهم لا تقنطو من رحمه الله ....الله رحيم بعباده انت توب توبه صادقه من قلبك ... ارجع لربك والتوبه والندم على الذنب عدم الرجعه له بااذن الله ربه يغفر لك ...مهما سويت .... مسح دموعه وهو يتنفس من قلبه : والله ندمان ياشيخ ندمان قد شعر راسي وربي جازاني وشفت نتيجه غلطي بس ابي ربي يسامحني على الي سويته بحياتي ويسامحوني الي غلطت عليهم بعدها ارتاح ومابى أي شئ من الدنيا مسك الامام كتفه : الله يهديك ويشرح صدرك ياولدي ... سمي بالله وصلي ركعتين وحاول تكون قريب من الله والله مايترك عبده .... وانا موجود ياولدي واسمعك وبكون جنبك .... ابتسم عبدلله براحه: مشكور ياشيخ الله يخليك ويسعدك ريحتني بكلامك الامام: ولو ياولدي انا كنت مثلك قبل وحاسس بالي تحسه ... يالله قوم صلي واقرى جزء من القران صدقني بتحس براحه نفسيه من زمان ماحسيت فيها .... وقف وكبر صلى ركعتين بكى فيها بكل خضوع وخشوع دعى من صميم قلبه ربي يتوب عليه ويسامحه على كل شئ سواه بحياته بحق نفسه وبحق الناس ... انا العبـد الذي كسب الذنوبـــا وصدته الأماني أن يتوبــــــــا أنا العبـد الـذي أضحـى حزينـــاً على زلاته قلقاً كئيـبــــــــــا أنا العبد الذي سطـرت علـيـــه صحائف لم يخف فيها الرقيـبــــا أنا العبد المسيــئ عصـيـت سراً فما لي الآن لا أبدي النحيـبـــا أنا العبـد الذي كسب الذنوبـــا وصدته الأماني أن يتوبــــــــا أنا العبـد الـذي أضحـى حزينـــاً على زلاته قلقاً كئيـبــــــــــا أنا العبد المفرط ضــاع عـمـــري فلم أرع الشبيبة والمشـيـبـــــا أنا العبـد الغريـق بلج بحــــــــرٍ أصيـح لربما ألقــى مجيبـــــــــا أنا العبـد الذي كسب الذنوبـــا وصدته الأماني أن يتوبــــــــا أنا العبـد الـذي أضحـى حزينـــاً على زلاته قلقاً كئيـبــــــــــا أنا العبد السقيـم مـن الخطـايــا وقد أقبلت ألتمـــس الطبيـبــا أنا العبد الشريد ظلمت نفسي وقد وافيت بابكـم منيـبــــــــا أنا العبـد الذي كسب الذنوبـــا وصدته الأماني أن يتوبــــــــا أنا العبـد الـذي أضحـى حزينـــاً على زلاته قلقاً كئيـبــــــــــا كلمات: جمال الدين الصرصري جلس لحد اذان العشا فالمسجد صلى وخرج لكن مارجع لبيته هالمره ..................... في اشياء لازم يسويها اول ....................... ملاحظه مهمه ......... 1."قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور ارحيم" هذه الآية الكريمة دعوة لجميع العصاة من الكفرة و غيرهم إلى التوبة و الإنابة و إخبار بأن الله تبارك و تعالى يغفر الذنوب جميعا لمن تاب منها و رجع عنها و إن كانت مهما كانت و إن كثرت و كانت مثل زبد البحر. قوله: "إن الله يغفر الذنوب جميعا...." الخ الآية، لما نهاهم عن القنوط أخبرهم بما يدفع ذلك و يرفعه و يجعل الرخاء مكان القنوط. فائدة: روى الطبراني من طريق الشعبي عن بشير بن شكل أنه قال: سمعت ابن مسعود يقول: إن أعظم آية في كتاب الله:"الله لا إله إلا هو الحي القيوم". و إن أجمع آية في القرآن بخير و شر:"إن الله يأمر بالعدل و الإحسان". و إن أكثر آية في القرآن فرحا في سورة الزمر:"قل يا عبادي الذين أسرفوا على أنفسهم لا تقنطوا من رحمة الله". و إن أشد آية في كتاب الله تفويضا:"و من يتق الله يجعل له مخرجا و يرزقه من حيث لا يحتسب" .ابن كثير(4/64). و أعلم أن هذه الآية أرجأ آية في كتاب الله سبحانه لاشتمالها على أعظم بشارة، فإنه أولا: أضاف العباد إلى نفسه لقصد تشريفهم و مزيد تبشيرهم. ثم وصفهم بالاسراف في المعاصي و الاستكثار من الذنوب، فالنهي عن القنوط للمذنبين غير المسرفين من باب أولى، و بفحوى الخطاب. ثم جاء بما لا يبقى بعده شك و لا يتخالج القلب عند سماعه ظن فقال:"إن الله يغفر الذنوب" فـالألف و اللام قد صيرت الجمع الذي دخلت عليه للجنس الذي يستلزم استغراق أفراده، [فهو في قوة: إن الله يغفر كل ذنب كائنا ما كان]، إلا ما أخرجه النص القرآني و هو الشرك:"إن الله لا يغفر أن يشرك به و يغفر ما دون ذلك لمن يشاء". ثم لم يكتف بما أخبر عباده به من مغفر كل ذنب، بل أكد ذلك بقوله:"جميعا" فيا لها من بشارة ترتاح لها قلوب المؤمنين المحسنين ظنهم بربهم الصادقين في رجائه الخالعين لثياب القنوط الرافدين لسوؤ الظن بمن لا يتعاظمه ذنب و لا يبخل بمغفرته و رحمته على عباده المتوجهين إليه في طلب العفو، الملتجئين به في مغفرة ذنوبهم و ما أحسن ما علل سبحانه هذا الكلام قائلا إنه هو الغفور الرحيم، أي: كثير المغفرة و الرحمة عظيمهما بليغهما واسعهما، فمن أبى هذا الفضل العظيم و العطاء الجسيم، و ظن أن تقنيط عباد الله و تيئيسهم من رحمته أولى بهم مما بشرهم الله به، فقد ركب أعظم الشطط و غلط أكبر الغلط، فإن التبشير و عدم التقنيط الذي جاءت به مواعيد الله في كتابه العزيز الذي سلكه رسوله صلى الله عليه و سلم كما صح عنه من قوله:"يسروا و لا تعسروا، و بشروا و لا تنفروا"اهـ. من تفسير الشوكاني. تنبيه: من فقه الآية: أولا: سعة رحمة الله عز و جل و عظيم لطفه. ثانيا: قبول الله التوبة من جميع الذنوب. ثالثا: تحريم القنوط من رحمة الله. رابعا: إثبات الغفور و الرحيم اسمين لله عز و جل. الله يرحمنا برحمته يارب ............. ************************************************** *********************************** Яąṁά●̮̮̃•̃ả๔ĐĽǿǿ3ά << ************************************************** *********************************** تركي فالاستراحه مع شلته ...كان فالها ويضحك والمكان مليان بنات ورقص وشرب ........ مناظر تقشعر لها الابدان ..... معه اصحابه الحفله اليله على شرف العريس الجديد "تركي" احتفاليه بمناسبه زواجه ببنت اكبر رجل اعمال فالمنطقه ................. ربى تضحك : هههههههههههه مو مصدقه تركي انت تمزح اكيد مو لايييق عليك تكون عريس بالمره تركي ولع سجارته :ههههههههههههههههههه ادري والله اصلا مو حاسس اني عريس انا كل ليله عريس زياد ضحك بصوت عالي : والله انك خطير وسويتها ياابن الايش وباتخذ بنت سعود .. .كنت اظنك تمزح معي ذاك اليوم تركي رفع حاجبه: انا تركي لسه ماعرفتني قول وفعل زياد رفع كاسه : كفووووو والله ابو زياد بس هااا لا تنسانا من خيرك يالحبيب اول ماتخاذ المزه وتصير نسيب سعود الـ........ ترى احنا اصحابك تركي: افاااا عليك كل ليله جمعتكم وكل شئ علي بيكون يابو تركي ...... نورهان مسكت تركي من كتفه ووجهها دخل فيه : يعني خلااص حتبطل وماحنشوفك ياحلو تركي قبص خدها بلطف : لا حياتي ماحبطل وحتشوفيني كل ليله اذا مو حتى فالنهار نورهان بدلع ماصخ: بس حتتزوج وتنشغل وتنسانا خلاص لف لها تركي وهو ماسك يدها : مو تركي الي ينسى اصحابه وحبايبه يانونو حتزوج صح بس راح اضل تركي الي تعرفونه .... رفع زياد كاسته وهو سكران وبقمه لذته : يالله نشرب نخب عريسنا الجديد ربى باابتسامته خبيثه وهي تمرر اصابعها على وجهه بحقاره: واليله حتكمل السهره معانا والا بتروح تستعد للملكه بكره ياعريس غمز لها بحقاره: لا حياتي حسهر معاكي انتي اليله زي مااتفقنا .... وهم في قمه الذه والمجون نساء وشراب ورقص والشيطان سيد هذه الحلقه فجور وفسوق وناس منغمسه في الملذات المحرمه ... دون خوف او احساس بالذنب دخل تركي الغرفه ومعه ربى كان سكران تماما وهي الي تسحبه معها بدت تفك ازرار بلوزته وهو يضحك بهستيريه ... تركي:هههههههههههههههههههه� �هههههه ههههههههههههههههههههههههه ههههه ههههههههههههههههههههه انا عــــ ريس ...بكــره بصير عريــس امــ ـــل ههههههههههههههههه ربى ضحكت وهي تجلسه عالسرير وفسخه الجزمه :ياقلبي بكره بتصير عريس امل بس اليله انت عريسي انا وبس تركي فتح يدينه لها وهو مو واعي لاي شئ متعود على الاجواء يسكر ويلعب ويسوي مابدى له ..... ولما يصحى يعتبر الوضع طبيعي ولا يحرك منه شعره وحده ! انعدام الشعور ..موت الضمير ...كان هذا الي عايشه ... فتح يدينه لها جلست جنبه وهي تغرس راسها بصدره وتهمس بكلمات الحب والعشق الفاحش ...المزيفه ... انفتح باب الغرفه فجأه ...........مافي الا ناس تركض واصوات صراخ وخوف يعم المكان ......... زياد وهو يلهث : اخرجوووو بسررررعه الهيئه هنااااااااااا ربى وقفت وهي تستر نفسها :ايييييييييييش ... تركي مو حاس بشئ ضحك بصوت عالي :هههههههههههههههههههههههه� �هههههههههههههههههههههه هزته ربى تحاول تصحيه الخطر يحدق بهم وهو سكران ومو واعي للمصيبه: اصحى ياااهبل الهيئه هناااااااااا تركي دفها وبدا يضحك مو واعي لشئ كثر من الشراب :ههههههههههههههههههههه الهيئه هههههههههههههههههه خرجت من الغرفه في محاوله للفرار بنفسها اتنقضت عليهم هيئه الامر بالمعروف والنهي عن المنكر وهي مترصده لهم في مستنقعهم الموحل بالرذيله .... كان موواعي لاي شئ يسمع اصوات الصراخ ويشوف الناس تركض صرخت ربى اول ماشافت رجال الهيئه بوجهها وحاولت تهرب لكن المكان كان محاصر انتهى امرهم جميعا لقسم الشرطه ................................. في قضيه لن تكون سهله .............وخصوصا تركي ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ يتبع  | ||||
|
| |
|
06-10-12, 07:01 PM
| #155 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  شقه رغـــــــــــد بدت تمشى بتوتر رايحه جايه فالشقه ...فارس تأخر عليها حاسه بخوف والي ينتظرها مخوفها اكثر واكثر مرت ساعه الا ربع من وقت خروجه من عندها ...ليش تأخر عليها كذا ... الله يستر ومايكون صاير شئ كبير .... سمعت صوت الجرس حق الباب ... زادت دقات قلبها ....اكيد هم وصلو ... حست بخوف وتوتر ...نايف على بعد خطوات منها بس .. لبست عبايتها وطرحتها وهي ترتعش بخوف .....الله يستر الله يستر .... فتحت باب الشقه ... كان فارس واقف بوجهها وخلفه في شخص منزل راسه اشار لها فارس انها تدخل الغرفه وهو ساكت ....لازم يمهد لنايف الموضوع ..... دخلت بسرعه بدون ماتشوف وجهه كان واقف ومنزل راسه ماشافها حتى ..... دخله فارس الشقه وهو يرحب فيه : تفضل يا نايف البيت بيتك ... دخل وهو مستحي لمح طيف امرأه هي من فتح لهم الباب ... استغرب ونزل راسه بسرعه وهو مستحي : تسلم يالغالي .. .بس شكلي جيت بوقت غلط فارس: لا ابدا انت جيت بالوقت المناسب ...الشخص الي بتقابله موجود هنا وراح يخرج ويكلمك بنفسه ...هدي نفسك تنهد وهو يحاول يتمالك نفسه ...حاسس دقات قلبه وصلت مليون ..... فارس: اجلس ارتاح عالكنبه ...دقيقه واجيك ... جلس نايف وهو يهيئ نفسه للقاء ... دخل فارس الغرفه شاف رغد واقفه قدام المرايه .. كلمها وهو يحاول يهديها ويخليها تتماسك ... فارس: اهدي يارغد ...شوفيه اخوك بره ومتوتر اكثر منك حاولي تكونين هادئه وتعالي شوفيه ... رغد بخوف: خايفه يافارس فارس بحنان: لا تخافين انا معاك ومابيصير الا الخير كوني واثقه فيني بس رغد بلعت ريقها : طيب فارس فتح الباب وهو يأشر لها : يالله تعالي تقدمت خطوات للامام خارجه من الغرفه وفارس امامها .. .شافت طيف اخوها جالس على الكنبه عكس اتجاه الغرفه .. .بدت تمشي ببطى .... مسك فارس يدها وسحبها ...متأكد لو خلاها راح تجمد مكانها وماراح تكمل . .الخوف مسيطر عليها تماما .. وقف فارس وبجانبه رغد امام نايف مباشرتا .... فارس: هذا الشخص الي بيقابلك يانايف .... رفع نايف راسه وطاحت عينه على رغد ............. وقف فجأه ...كانت عينه مفتوحه عالاخر .... شبهه الخالق الناطق ...........وكانه واقف امام المرايه ... رفعهت نظرها واشتبكت نظراتها معه .... كان نايف نفسه بشحمه ولحمه .... لكن ضعف اكتر ولحيته بدايه تطلع ... وقف الاثنان يطالعون بعض ......مجرد نظرات كل واحد يحاول يستوعب ................ انسحب فارس للمطبخ ... لازم يعطي مجال للاخوه ياخذون راحتهم بعد غياب طويل .... نزلت دموع رغد على خدها نطقت بصعوبه : نــ ـــايف ... كان ساكت ومتجمد بمكانه : ............................ رغد مسكت يده حستها بارده تماما: نايــ ـــف انا رغد ..... سكت مبهوت وهو يشوفها ....ملمس يدها على يده ... يحاول يشيل يده من يدها بس مو قادر ....كل اعضاءه توقفت عن الحركه حس بصداع فضيع يهاجمه في هذي الحظه .. .مو قادر حتى يتكلم او يسوي أي شئ ... صور واصوات مزعجه تهاجمه .. مو قادر يتحمل .. :نايف جيب لي حلاوه ..... :مابتوديني السووق يادوب :نايف شيل اختك وديها المدرسه :تحبها صح ...... :انا رغد انا رغد انا رغد انا رغد انا رغد ........... ضمته رغد وهي تبكي مو مصدقه ........ هذا نايف اخوي بشحمه ولحمه ....نفس ريحته ...نفس طوله ....نفس نظراته هذا نايف اخوي وحبيبي واهلي .... رجع لي ......رجع لي بكت وهي تضمه بقوه: وين كنت يانايف وين رحت وخليتنا يااخوي حست بجموده فجأه ارتخى تماما وحست بثق على اكتافها ..... رفعت راسها شافته ماسك راسه ووجهه احمر تماما انفجعت مسكته وهزته: نايف اشبك ...نايف كلها ثواني وهو ساقط على الارض جثه هامده ....................... صرخت برعب وهي تشوفه غائب عن الوعي : نــــــــــــــــــــــــ ـــــــــــــــــــــــــ ــــــــايف ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ ربما لم تكن حياتي كما خططت لها وربما كانت كذلك بل ربما كانت أفضل من ذلك لكنني متأكدة أنها ليست أسوأ من ذلك . . يارب... نسألك أن تجعل القرآن العظيم ربيع قلوبنا ، ونور صدورنا ، وجلاء همنا ، وذهاب حزننا .. اللهم ... اجعل القرآن شافعا لنا الى الجنة ، وشاهدا لنا لا علينا يوم القيامة . يا ستا ر العيوب... استر عيوبنا يا غفار الذنوب ... اغفر ذنوبنا يا مفرج الكروب.. فرج كروبنا يا علام الغيوب .... تول أمرنا يارب بك استجير ومن يجير سوا فارحم ضعيفا يحتمى بحماك يا رب قد أذنبت فاغفر زلتى أنت المجيب لكل من ناداك اللهم.. فرج فيه كروبنا ، ويسر فيه أحوالنا ، واستر فيه عوراتنا . اللهم أمين يا رب العالمين انتهى الفصـــــــــل الثاني من البــــــــــــــــــارت التاسع والاربعون توقعاتــــــكم .... اتمنى يكون وصل لقلوبكم قبل عقولكم ...واثر فيكم يارب ^^ <راما اف ام مرات حب ومرات كره ومرات رومنسيه ومرات حزن ومرات عبر .gif) الحمدلله انتهى الفصل جدا كان طويل واحداثه كثير كان نفسي انزله كامل بوقت واحد دون تجزءه لكن انا عايشه جو امتحانات واحاول ابذل جهدي ..... شكرا لصبركم وانتظاركم ..... حبيت ماانسى أي فرد من افراد الروايه طبعا بااستثناء كم شخصيه ماذكرتهم هم <رنا اشواق فيصل يزن> لانو الحياه تكون احيانا رخاء واحيانا شده مو كل يوم نعيش احداث بعض الايام روتينيه وهذا واقعنا .... ماحبيت اكتب عنهم شئ لمجرد ذكرهم او <الحشو > لكن بالبارت القادم راح اشمل الجميع بااذن الله .... يارب يكون جميل وعجبكم طوله واحداثه وزي مادايم اقول ... لا تستعجلو ...الاحداث ليست كما يبدو لها ... الروايه مصيرها تنتهي يستمر عدها التنازلي ووداعكم لها .... كلها 4 فصول وتنتهي البارت القادم اجمل بعون الله ... انتظروني بالفصل الاخير من البارت التاسع والاربعون الجمعه او السبت دعاء لاهل سوريا اللهم إنا نسألك و نتوسل إليك بأسمائك الحسنى و بأنك أنت الله الذي لا إله إلا أنت وحدك لا شريك لك نسألك اللهم أن تصلي و تسلم و تبارك على سيدنا محمد و على آله وصحبه وسلم تسليماً كثيراً ونسألك يا الله يا غياث المستغيثين ويا أمان الخائفين أن تغيث أهل سوريا اللهم أغث أهل سوريا .. اللهم أغث أهل سوريا.. اللهم أغث أهل سوريا اللهم .. اكشف عنهم الكرب.. اللهم عجّل بالفـرج.. اللهم ألف بين قلوبهم .. اللهم وحد كلمتهم على الحق يارب العالمين ... يا ذا الجلال والإكرام.. يا حي يا قيوم ياودود يا ودود... يا ذا العرش المجيد... يا مبدئ يا معيد...يا فعالا لما يريد... نسألك بنور وجهك الذي ملأ أركان عرشك ونسألك بقدرتك التي قدرت بها على جميع خلقك.. نسألك اللهم أن ترحم أهل سوريا .. اللهم مدهم بممدك .. اللهم ظللهم بالغمام اللهم وظللهم بملائكتك ورحمتك .. اللهم وظللهم بعفوك وعنايتك .. اللهم اشدد ازرهم ..واربط على قلوبهم ...اللهم وأنزل عليهم دفئا وسلاما وأمنا وأمانا.. اللهم وأنزل عليهم صبراً وثبت أقدامهم وانصرهم على القوم الظالمين .. اللهم اجعل فى قلوبهم نورا وفى سمعهم نورا من فوقهم نورا ومن تحتهم نورا وعن يمينهم نورا وعن شمالهم نورا.. يالله يالله يالله ياقوي ياعزيز ياناصر المستضعفين ياولي المؤمنين نسألك برحمتك وعفوك وكرمك وجودك وإحسانك أن تتقبل شهدائهم وأن تشفي مرضاهم اللهم ارحم الأمهات الثكالى والزوجات الأرامل والشيوخ الركع والأطفال اليتامى من لهم إلا أنت .. من ناصرهم إلا أنت .. من رحيمهم إلا أنت .. من وكيلهم إلا أنت .. اللهم اضرب الظالمين بالظالمين اللهم شتت شملهم وفرق جمعهم اللهم مزقهم كل ممزق اللهم أحصهم عددا و اقتلهم بددا ولا تغادر منهم أحدا اللهم وألق الرعب في قلوبهم اللهم وأخرج المسلمين من بينهم سالمين غانمين منصورين إنك على كل شئ قدير و بالاجابة جدير اللهم هاهم أهل سوريا قد خرجوا طالبين نصرتك وعونك ومددك وفرجك وعفوك اللهم لا تخيب لهم رجاء اللهم لا تقفل أبوابك دونهم اللهم كن لهم ولاتكن عليهم برحتمك وجودك وكرمك ياأرحم الراحمين اللهم هذا الدعاء ومنك الإجابة وهذا الجهد وعليك التكلان ولاحول ولاقوة لنا ولهم إلا بك اللهم صل على محمد عدد ماذكره الذاكرون وغفل عن ذكره الغافلون وصل على محمد عدد خلقك ورضا نفسك وزنة عرشك ومدادكلماتك واجعل لنا بالصلاة عليه من كل هم وغم فرجاً ومخرجاً يارب العالين اللهم آمين اللهم آمين اللهم آمين .................................................. ....................... قبلاتي لكم........راما الدلوعه لا اله الا الله محمد رسول الله سبحانك اللهم وبحمدك اشهد ان لا اله الا انت استغفرك واتوب اليك | ||||
|
| |
|
06-10-12, 07:06 PM
| #156 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مساء ..صباح ..الحنين .. كيفكم جميعا يارب الكل بخير ؟؟؟  ليالي الانس في فيينا......! البــــــــــــــــــــار ت التاسع والاربعـــــــــــــــ49ــ ــــــون (الفصل الاخير) كنــــــــــــدا الفنــــــــــــدق كانت الرحله متعبه وطويله للاثنين .. اضطرو من وصولهم يروحون لاقرب فندق يرتاحون فيه ...... بندر شايل هم الاقامه والدراسه ...مايعرف الاماكن تماما في كندا زارها اكثر من مره لهذا السبب اختارها بين الدول ... لكن زياراته كانت مقتصره للاستجمام فقط والاقامه الدائمه تختلف عن الرحله السياحيه .... بدت رنيم ترتب اغراضهم وبندر يساعدها ... كانو شايلين اغراض كثيره قررو يقضو ذا الاسبوع فالفندق رغم غلائه لكن مافي حل ثاني لحد مايلقون شقه مناسبه ...... خرج بندر راجع للمطار طلع ناسي شنطه اما رنيم ضلت تكمل ترتيب ... تذكرت غزل كانت مقرره ترسل لها رساله اول ماتوصل ... مسكت الجوال خرجت شريحتها القديمه كانت جايبه شريحه جديده بعد وصولهم اخذ لها بندر واخذ لنفسه .. كتبت رساله على السريع خافت تتصل ويكون الوقت مو مناسب عندهم ... بنفس الوقت ماكانت مستعده نفسيا تتكلم معها بالصوت ...... كانت هذي رسالتها ... السلام عليكم ورحمه الله وبركاته كيفك ياغزاله وحشتيني ياقلبي سامحيني لاني ماكلمتك ولا زرتك فالفتره الاخيره واعذريني انا مو زعلانه منك انتي ماسويتي لي شئ مالك ذنب بالي صار ...هذا قضاء وقدر مكتوب والله يجازي الي كان السبب الغلط من الي اذاني مو منك انا كنت مجروحه من الي صار لي ووفاة امي اثرت عليا وماقدرت اكلم أي شخص له علاقه فيه.......... غلطت يوم حملتك ذنب غيرك انا اسفه ياعمري طمنيني عنك وكيف احوالك مع زوجك ان شاء الله تمام ومرتاحه انا قبل شوي وصلت للفندق راح نستقر هنا بااذن الله بس بندر لسه مالقى شقه نجلس فيها حبيت اطمنك ...واتطمن عليك ...راح اقدم اوراقي واكمل فالجامعه لا تشيلين همي ياقلبي واكيد راح اتصل عليك بس القى فرصه صديقتك واختك رنيم كانت بتكتب بنت خالتك .......لكن قررت تكتب اختك كذا اوحى لها عقلها الباطن ....حتى ماتجرءت تكتب اسمه ... تحس انها ماتقدر ...قلبها ينزف للذكرى فقط ....كيف بذكر اسمه ... صورته وهو واقف فالمطار ماانمحت ولا لحظه من بالها ..... دموعه وهو يطالعها وكانه يقول لها لا تتركيني ...قسوتها وتجاهلها له رغم انه غزل مالها علاقه في أي شئ لكن تحاول تتناسى انها اختك لهذا الانسان بااي وسيله .... حتى تكون صادقه مع نفسها ومع غزل ... ارسلت الرساله ورجعت تكمل ترتيب حست بتعب وظهرها بدا يألمها سمعت الجرس يرن وقفت بتكاسل عرفت انو بندر راجع ... فتحت له الباب دخل وبيده الشنطه الي نسيها ... حطها فالصاله ودخل الغرفه وهي لحقته ... رمى نفسه على السرير غرس وجهه فالمخده وهو يتنهد حس بتعب ورغبه فالنوم لاسبوع كامل.... بندر تنهد : ااااااااااااااه تعبان مرره ظهري يوجعني تمددت رنيم جنبه : وانا كمان مررره تعبانه نفسي احد يسويلي مساج ويدلك رجلي بمويه وملح .... بندر بصدق وهو يحرك يده بكسل : والله قلتيها مسااااج وتدليك .... ياسلااااااااام والله محتاجه بقوه فتحت رنيم عينها لفت وجهها جهته : اذا تبى اقوم اسويلك اكل تاكل ...ومساج ترتاح شوي بندر: لا مالي نفس اكل شئ ابا انااام بس دحين وانتي ارتاحي ... رجعت عدلت نفسها وغمضت عينها : الي يريحك ... التفت جهتها كانت لسه ماخلعت حجابها ومعطفها ابتسم وهو يشوف شكلها مغمضه مثل الاطفال ويدينها تحت رقبتها ...: مبسوطه يارنيم فتحت عينها جات عينها فعينه شافته مبتسم لها ابتسمت تلقائيا : مرره مبسوطه يابندر ...تعرف انو ذا كان حلمي بندر بجديه : ادري ..بس ماكنت مقتنع انك تسافري تكملي بره .... "بحنان" بس من اليوم ورايح كل شئ تتمنينه بحققه لك ياقلبي كفايه اني حرمتك من اشياء كثيرة تمنيتيها ...ظلمتك وقسيت عليك كثير .... حطت يدها على شفايفه : خلاص لا تكمل ...انا نسيت يابندر وانت لازم تنسى الي فات مات ...خلينا ننسى كل شئ صار فالماضي ... مابي اتذكر أي شئ فيه ابي اطوي كل دفاتره ..... بندر بندم : والله ندمان على كل شئ قبل ... ماراح اخلي شئ حاز بخاطرك بعد اليوم ياقلبي .... لمعت عينها بسعاده كبيره رمت نفسها بحضنه دمعت عينها كانت دمعه حزينه لكن سعيده بنفس الوقت ...: وانا متأكده يابندر ....ماراح ابكي وانت جنبي ابدا يااخوي ضمها بحنان حس فيها وبدموعها لكن سكت .... حب يخليها تطلع كل الي بقلبها ماخفت عليه دموعها فالطياره ... ماخفى عليه وجود عبدلله فالمطار ولا نظراتهم لبعض ... عارف بعشقه لها.... وبحبها له مهما انكرت.... نظرة الحب باينه ودموعهم ..نظرات الالم والجرح... كانت دليل الحب .... لو ماحبها له ماكانت انجرحت منه بهذا الشكل .... الجرح من الحبيب قاتل ...وصعب نسيانه يمكن يقتل أي شعور تجاه الشخص بسبب الالم الي يطغى على العاطفه ... لكن فضل السكوت ....كان مستعد يقبل بكل شئ تطلبه رنيم حتى لو طلبت تكون مع عبدلله من جديد ....رغم معارضته بعد الي صار كان مستعد يدعس على قلبه ويقبل عشانها ...كافيه الي عانته لحد الان ... لكن في قراره نفسه عارف جروح رنيم اعمق من انه عبدلله يداويها ... ....الزمن كفيل انو ينسيها وينسيه .... ويداوي جروح الاثنين ... الانسان الي تسبب بهذه الجروح مايقدر على علاجها ...مايقدر ... ضمها ويحس انفاسها تهدأ وتنتظم تدريجيا .... ضمته وهي تحس بالامان بحضنه ....مرتاحه وودها ماتقوم ... سعيده لكن حزينه حست انو الفرحه مقتوله... تمنت يصير كل ذا من دون التضحيه الي صارت ... من دون ماتمر بكل الالم الي مرت فيه .... بوجود امها جنبها ...وجود غزل ..وكل حبايبها ... لكن ماتقول الا الحمدلله ...لكن امر حكمه ..ويمكن الي صار تكفير ذنوب كل شئ بااجره ..وربي عوضها الان رغم كل الالم لسه في امل تلقى الفرح بيوم بوجود اخوها والحياه امامها والاهم ....... مستقبلها الي لازم تركز عليه فقط دراستها الان هي حياتها ..... بندر ابتسم : جهزي نفسك بكره راح نروح للجامعه نقدم اوراقك وانا كمان بااقدم اوراقي اكمل ماجستير... رنيم .................................................. ......... بندر يفكر: لازم كمان ابدا ادور شقه نستقر فيها مستحيل نظل فالفندق كثير بعدها ادبر موضوع الوظيفه راتب تقاعد الوالد الله يرحمه ماراح يكفينا ... رنيم:......................................... .... ................ بندر استغرب سكوتها : اشبك ساكته ....رنوم بعدها بشويش عن حضنه شافها مغمضه عينها وداخله في سبات عميق .... ابتسم بحنان شكلها وكأنها طفله باين عليها التعب ماسمعت ولا شئ من الي قاله لها ... نامت بدون ماتحس ..... باس جبينها وعدل سدحتها على السرير بشكل مريح خلع جزمتها وجواربها وحجابها والمعطف الثقيل الي لابسته غطاها بالبطانيه وطفى المبه عشان ترتاح .....وخرج حس النوم طار من عينه صح تعبان بس الساعه الي تمدد فيها ريحته شوي ..... خرج يكمل اجراءات اقامتهم وهو شايل هم الشقه ... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ المستشـــــــــــــــــفى غرفة هديـــل دخل طلال الغرفه وهو مرتبك ...خبره الدكتور انها نايمه تحت تاثير البنج حس براحه من كلام الدكتور الاهم انها بخير وحالتها مستقره اهم شى بباله الان هو انو يتطمن عليها .....والباقي ينحل..... كانت ممدده على السرير عليها شرشف ابيض راسها ملفوف بشاش ابيض ووجهها يميل للصفار .... قرب منها وهو يشوفها نايمه بسكون جلس جنبها وحط يدو على يدها كانت يدها باره جدا وكانها خرجت من حرب ... تامل وجهها ..عيونها ...انفها ...شفايفها مرت مشاهد الاحداث قبل بضع ساعات... تهجم طارق عليها ....صرخاتها ...منظرها بين يديه .... ملابسها الي مزعها .....كيف تجرء ونظر لها وهي بهذي الحاله ...... عض شفايفه بقهر حتى طلع الدم منها ودموعه متحجره بعينه غمضها وهو يشتعل من داخل ....مو قادر يتخيل ....كانت بين يديه لمس وجهها ...عيونها ....انفها ...شفايفها ... لمس تؤام روحه ...اذاها ...تجرء وقرب منها ...... يده النجسه كانت على جسمها ... ارتعش غصب عنه شال يده من عليها وصد .....مو قادر يطالعها ... حاسس بالم يجتاحه والمشهد ينعاد في راسه وكأنه شريط تسجيل يعذبه .... حس بملمس يد على يده ....تشدها ...فتح عينه و رجع نظره عليها كانت مفتحه عينها ....متمسكه بيده وكل الم الدنيا مرسوم بوجهها ..... هديل بتعب: طــ ــــ ـــلال ... تكلم وحاول قد مايقدر يتناسى كل شئ ....صحتها بالدنيا كلها .... طلال باارتباك: حبيبتي ...انا جنبك ...انتي بخير ..في شئ يوجعك شدت على يده وغمضت عينها والراحه ارتسمت على وجهها همست بكلمات غير مفهومه ....مافهم منها الا كلمه وحده ... الحمدلله سكت الاثنين .... هديل مغمضه عينها ...دموعها تنزل على خدها لا اراديا خرجت من الموت ... مو الموت بحد ذاته لكن الشعور الي عاشته اشبه بصراع من اجل النجاه ...... صراع لانقاذ شرفها وعفتها وصيانتها لزوجها ... ضد حيوان شهواني انتزع من قلبه معنى الاخوه... والشرف... والنخوه وكل معنى سامي .... من اجل لذه ورغبه عابره اعتدى على ملك اخيه .... بدون اي احساس بالذنب او الخوف من اله يراقبه في السر والعلن .... نجت بااعجوبه ....لكن الموقف الي تعرضت له لايمكن ينمحى من ذاكرتها ....مالمسها ... لكن كانت بين يديه ...شافها ...كشف سترها .... لولا لطف ربي فيها كان وقع المحظور و صار الي ماراح تتحمله ولا يتحمله اي انسان .... تحرش ومحاوله اعتداء جنسي من حموها .."اخو زوجها" زوجها لحقها بالوقت المناسب ...في اخر لحظه ... لكن شافها في منظرشنيع ... يقشعر بدنها كل ماتذكرت كيف كان يلمسها بيديه كيف كان قريب منها ...ريحة انفاسه الي خنقتها ... القرف والاشمأزاز الي حسته وهو يوزع قبلاته على وجهها ... صراخها وهمساته ..رجاءها وبكاءها ...وضحكاته ولمساته نفسها تستبدل جلدها ....حاسه بنجاسه ...اقسى شعور يمر فيه المرء..... غمضت عينها ولازالت يدها شاده على يد زوجها خايفه يبتعد عنها ويرجع الشيطان حاسه بوجوده بالامان ...ماتبيه يبتعد خطوه وحده عنها هو نجاتها ودرعها الحامي .... اما طلال.....شادد على يدها وضاغط على شفايفه بحقد مافي كلام يقدر يقوله ...خاف يقول شئ ويضايقها خايف ينفجر ... حاسس بخوفها ...مسكتها ليده تدل على خوفها ... اخوه سبب لها رعب كبير ...كان ممكن تفقد عقلها لو تمكن من لمسـ...... ماقدر يكمل الكلمه ... الكلمه بحد ذاتها تذبحه ....بطبيعه اي رجل شرقي مسلم ...زوج غيور ... كيف والانسان الي حاول يتعدى على زوجته يكون اقرب شخص له ... اخوه لحمه ودمه ... شاف دموعها الي نزلت بغزاره على خديها ...ماتحمل قلبه منظرها مد يده يمسح دمعتها بحنان ..... هديل حست بيده على وجهها : طـ ـلال طلال : عيون طلال ...امري هديل : لا تتركني ...انا خــ ـــايفه قرب ولمحها لحضنه يخبيها بين ضلوعه وهو يمسح على شعرها : لا تخافي ياقلبي انا جنبك مستحيل اتركك زادت دموعها اكثر وهي تتمسسك فيه بقوه : خلينا نرجع ايطاليا مابى اضل هنا طلال الله يخليك تنهد من قلب : بنرجع ...لا تخافين والله مايضيع حقك وانا عايش ... سكتت او مافتح الموضوع ...وهو احترم سكوتها ضل يمسح على شعرها ويحتضن يدها كل شوي يرفعها ويبوسها ..... الي مرو فيه موترهم ومافي اي كلام ممكن يقولونه ....الكلام يجرح مافي الا الصمت ويكونون جنب بعض كل واحد يساند الثاني .... اندق الباب...بعد طلال عنها وجلس على الكرسي جنبها ... دخل ابو طارق وام طارق .... سلمو بهدوء ..ردو عليهم السلام بهدوء اكبر كان الجو يعمه "الغرابه" .............. ابو طارق بلع ريقه ومبين عليه التوتر : الحمدلله على سلامتك يابنتي .... هديل ببرود: الله يسـ ــلمك قربت ام طارق من السرير كانت عيونها على هديل ... شافت الشاش الملفوف على راسها والتعب المرسوم على محياها ماتعرف تعزي نفسها بولدها ..والا تحزن على هذي المسكينه ... هديل ساكته وتطالعهم بجمود ووجهها خالي من اي انفعال ..... تنحى طلال بعيد وهو يفسح مجال لامه تجلس جنب هديل ووقف جنب ابوه ... جلست ام طارق مسكت يدها بحنان ودمعتها بعينها : سلامتك يا ام عبد العزيز خوفتينا عليك يابنتي ... استجابت ليد هذي الام الدافئه ...محتاجه لام توقف بجنبها بمحنتها .. .حتى لو كانت ام الشخص الي تسبب بااذاها يكفي انها ام نفس الشخص الي تعشقه وماشافت منها الا كل طيب هديل بصوت مخنوق : الله يسلـ ـمك من كل شر يـمه نزلت دموع ام طارق وهي تسمع كلمه "يمه" منها حتى بعد الي صار لها تناديها "يمه" بعد الي سواه ولدها فيها ............وقبله ولدها الثاني ...... عظيمه هذي المرأه ...والاعظم كبر قلبها ... ضمتها لصدرها وبكت ...: اااه ياهديل ااااااااه هديل ضمتها وهي تحس الي ضامتها امها مو ام زوجها : يمه لا تتركيني احميني ...خليه بعيد عني بكت هديل بحضنها ...ماتعرف تواسي نفسها والا ايش تسوي بالضبط محتاجه تبكي ...محتاجه تتكلم ...حتى لو كان الكلام لهذي الانسانه ........ خرج طلال من الغرفه وخرج ابوه ....زي ماتوقع ماحست حتى بخروجه حس انها محتاجه تجلس مع امه لحالهم ...لازم تتكلم وترتاح ... تطلع كل الي بقلبها....محتاجه لامها وامها مو جنبها ..... بوجوده ماراح تتكلم لكن مع امه بحسبه امها ...... راح تتكلم ..... ®راما الدلوعـــ ♥ــــه® بجانب استراحه النســـــــــــاء ... تركت امها تتطمن على هديل وفضلت تخليها تتنفس ... حست انها محتاجه فتره قبل تزورها محتاجه ترتاح ... ترتاح من كل المصايب ....تعبت وتعب كل من بالبيت ... متى تحس انها عايشه بااسرة طبيعيه ...متى ؟! ضلت واقفه مع نواف تنتظرهم وكل هموم الدنيا على راسها ماكأنها عروس قبل كم يوم ملكتها ...ماتهنت ولا بيوم المصايب انهكتها واتعبتها ..... شافت طلال وابوها جايين بااتجاهها ركضت لهم ... مرام بلهفه: ها طمنوني كيفها هديل .... طلال : تطمني الحمدلله بخير اصابتها سطحيه وخيطولها الجرح الدكتور يقول تقدر تخرج بااي وقت مرام تنهدت براحه : الحمدلله ..الله يطمنك يارب ...طيب طارق ؟؟ ندمت انها جابت اسم طارق اول ماشافت وجه طلال انقلب وتصلب تكلم ابوها بشئ من الحزن والحرقه على ولده : اخوك حالته خطيره ادعي بس يعيش ويعدي مرحله الخطر همس والكل سمع الي قاله : الله لا يرده .......... تحرك نواف بيرد وهو مو عاجبه الوضع بس يد مرام وقفته مشي طلال من قدامهم وهو مو طايق اسم طارق خرج من الجناح بااكمله وهو ناوي يسوي اجراءات السفر يبي يرجع ايطاليا جو المملكه لاول مره يخنقه ويكتم انفاسه .............................. ابو طارق : لا تلومونه ...الي صار مو قليل من حقه يعصب ومحد يقدر يلومه على الي سواه نواف : بس يبه .... ابو طارق بمنطقيه من ورى قلبه : انتو كلكم عيالي ومافي احد احسن من الثاني وطارق غلط وغلطته مو بسيطه ...الي سواه ماينسكت عنه اذى اثنين من عيالي اخوه ومرت اخوه وتعدى على شرع الله والله قلبي يتقطع وانا شايفه بين الحياة والموت مو بيدي ولدي وقطعه مني لكن ماقدر اقول شئ الا الله يشفيه ويهديه يمكن ابتلاء من الله وعقاب له..... نزل نواف راسه ... مافي شئ يقدر يقوله : وكيف حالته الحين ...؟ ابو طارق: خطيره واحتمال يصيبه شلل هذا طبعا اذا عاش ... شهقت مرام وحطت يدها على فمها .. نزلت دموعها وهي تتخيل لو انشل طارق صح ماكان اخ زين لها لكن ماتتمنى تشوفه بهذا الحال .... ضمها نواف وهو يشوف ردة فعلها مو هاين عليه يضل اخوه ومايتمنى له الا الخير بالنسبه له العالم بجهه واخوانه واهله بجهه ثانيه .... حتى لو كانو غلطانين ... ابو طارق تنهد وهو يجلس على الكرسي : نواف وصل اختك البيت وروحو ارتاحو بنرجع انا وامك بعدين مرام بصوت مخنوق : ماابغى اروح بجلس ابو طارق تنهد : يابنتي جلستك مامنها اي فايده ايش بتسوين لو جلستي هنا روحي ارتاحي وانتبهي لاخوانك ... طارق فالعنايه والدكاتره قالو لا تنتظرو شئ اذا صار شئ هم بيخبرونا مرام بعناد : بااجلس مع امي ... سكتو وهم مو راضين عن كلامها عنيده ومستحيل تغير رئيها ابدا ..... رن جوالها شافت المتصل .........خــــــــــالد ........... ردت وهي تحاول تكون طبيعيه : هلا خالد خالد : هلا مرام انتو بااي جناح ؟؟؟؟ .................................................. ......... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ يتــــــــــــــــ .gif) ــــــــــــبع | ||||
|
| |
|
06-10-12, 07:16 PM
| #157 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ايطاليـــــــــــــــا شقه سعــــود متمدد بنفس المكان الي تركه فيه جاك ... نايم بعمق ومو حاسس بااي شئ حوليه ...لاول مره يشرب بحياته ... اثر فيه الشراب بشكل سلبي .... زوجته تصارع الالام والتعب وهو مايدي عنها .... رن جواله اكثر من سته مرات وكان المتصل ام زوجته .... اتصلت على جوال اسما ومالقيت رد ...حست بقلق قلب الام مايخيب ...حاسه انو في شئ مو طبيعي صار ...اسما مو بخير تتألم وتعبانه وهذا الي مخوفها ... ضلت تتصل على جواله حس بصداع فضيع براسه من رنين الجوال المتكرر المزعج حاول يصحى ويقفله حاسس بصداع بيفجر راسه وخمول وكسل بجسمه يمنعه من الجلوس ... زاد رنين الجوال جلس بصعوبه شاف الجوال مرمي جنبه رفعه وهو ناوي يقفل ... شاف المتصل ....عمتي رد وهو يمسح وجهه بتعب كان باين بصوته انو مو طبيعي : الوووو ام اسما: الوووو سعوود ياولدي كيفك وكيف اسما سكت وهو حاسس بتعب وارهاق من نومته الغير مريحه : بخير ياعمه كيفك انتي ام اسما بقلق : انا بخير بس قلقانه اتصل على اسما ماترد واتصل عليك اكثر من 13 مره وماترد خير ياولدي صاير لكم شئ ؟؟؟ مسح وجهه بتوتر حس انو صحصح شوي : لا تخافي كل شئ تمام ياعمه تطمني .. ام اسما : الحمدلله سعود باارتباك : اعتذر منك بقفل واتصل عليك شوي ام اسما: طيب ياولدي في امان الله سعود: مع السلامه قفل منه ووقف وهو يتكي على الجدار حاسس بدوخه وخمول فضيع لعن الساعه الي فكر فيها يشرب مشى للغرفه وهو ينادي .... سعود: اسمااااا ...اسماااااااااااا لكن ماكان في اي رد ..دخل الغرفه ومالقاها توقع تكون عند الجيران مو متذكر الي صار امس ... بس توقع انو جا متأخر ونام وهي ماتدري عنه... حرك يده بكسل وهو مو طايق الجلسه دخل دوره المياه وسكر الباب المكان هادئ جدا دخل تحت الدش شغل المويه وكانت بارده ارتعش من برودتها الي نشطته والمويه تنزل على راسه وهو يحاول يفوق ويصحصح اكثر كمل شاور وخرج بدل ملابسه بسرعه ودخل المطبخ سوى قهوه على السريع الصداع الي حاس فيه بيفجر راسه ...... جلس ساعتين وهو يشرب القهوه ويفكر بليله امس ..... سمع جواله يرن توقع انها اسما تبي تتطمن عليه وتتأكد انه صحى بس تفاجأ ان المتصل كان جاك ! رد عليه بهدوء : هلااا جااك جاك بعصبيه:ولك لا هلا ولا مسهلا فيك يااجدب هلا فئت وئت يااستاز سعود بكير والله كان كملت ! انفجع من هجومه المفاجئ عليه : خير اشبك ؟؟؟ ايش صار ؟؟؟ جاك انفجر فيه: مرررتك حالتها خطيره والجنين كمان وانت بكل رواق بتحكي شو في ؟؟؟؟ تعال شوف شو صاير الها وقف وطاح فنجال القهوه من يده : انت اشقاعد تقووول ؟؟؟ جاك : امبارح شربت و سكرت يااستاز ومرتك تعبت وانا جبتا عالمستشفى الـ ........ اذا بيهمك تعا وشوف حالتها .... قفل فوجهه وهو متنرفز زعل على حال اسما الي مااستقرت حالتها حتى الان وزوجها مادرى عنها .... اما سعود جلس خمس دقايق يحاول يستوعب الي سمعه اسما........... فالمستشفى ! متى ... تعبت ....امس .....جاك ......وهو كان سكران ! بدا يتذكر كل شئ صار امس ....سهره واتصالاتها وهو مطنش ... شربه ضرب يده على الطاوله بقهر ... انا حماااااااااار خرج من البيت حتى بدون مايقفل الباب متوجهه للمستشفى ...... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ شقـــــــــة رغـــــــــد حست بجموده فجأه ارتخى تماما وحست بثقل على اكتافها ..... رفعت راسها شافته ماسك راسه ووجهه احمر تماما انفجعت مسكته وهزته: نايف اشبك ...نايف كلها ثواني وهو ساقط على الارض جثه هامده ....................... صرخت برعب وهي تشوفه غائب عن الوعي : نــــــــــــــــــــــــ ـــــــــــــــــــــــــ ــــــــايف كان غائب تماما عن الوعي حاولت تصحيه ودموعها مغرقه وجهها : نــــــــــــــــايف ركض فارس للصاله اول ماسمع صرختها ... شافها ماسكه اخوها وتبكي : اهى اهى ناااااايف اصحى نااااااااااايف .... جلس فارس جنبها وهو يشوفه : رغد ايش صار ؟؟!! اشفيه ؟؟!! بكت بصوت عالي ماصدقت تشوف اخوها فجأه يصير كذا : فااااارس الحقني مو راضي يصحـــى اهى اهى ... حاول يحركه وهو مفجوع : ناااااايف ...نااايف شهقت رغد وهي منهاره كان شكله جثه بارده مايتحرك : مـــات مـــات ... تاكد فارس انو ينبض مجرد اغماء ...صرخ بوجهها وهو يشوفها منهاره : اسسسكتي ما مات ...مغمى عليه بس ما مات ....لا تخافين بكت وهي متيبسه مكانها ... لمها فارس وهو يطمنها : رغد هدي والله عايش ماصار له شئ بس اغمى عليه مررت يدها على وجهه ماتقدر تسوي شئ ... بكت وراسها على كتف فارس ربت على راسها حاسس بشعورها ماصدقت تشوف اخوها خايفه تفقدو من جديد ... طلع جواله واتصل على الاسعاف..... خلال ربع ساعه تم نقل نايف للمستشفى ورغد وفارس معاه ... كانت نفس المستشفى الي متواجد فيها طـــــــــــارق ... لحظه دخول نايف للطوارى خرج فارس ومعه رغد لمدخل المستشفى يكملون اوراقه ...دخل خالد وقتها وصادفهم ... خالد استغرب وجوده ومعه بنت متغطيه: فارس ! خير ان شاء الله سلامات عندكم احد مريض ؟ فارس التفت وتفاجأ برجعه خالد : هلا خالد الحمدلله على السلامه متى رجعت من المانيا ؟ خالد : رجعت اليوم من السفر مالي كثير .... بس غريبه بكره ملكه اختك وانت هنا خير ان شاء الله ؟ فارس: لا تخاف بس نايف تعب ونقلناه المستشفى واخته معي ... انت وش جابك المستشفى عسى ماشر ..؟ خالد تنهد وهو مرتبك: والله مدري انا وش ىالسالفه رحت ازور مرام وعرفت انها فالمستشفى وكل اهلها كمان .... سكت فارس مايبى رغد تفهم ...وتعرف ان المقصود عمها وعياله عشان ماترتبك بنفس الوقت حس بقلق ...ليش كلهم بالمستشفى ... اكيد صار شئ ... خالد : المهم انا بروح اشوف السالفه وانت طمني على نايف فارس : لا تخاف وانت كمان طمني وش صاير مشى وهو يأشر له بالايجاب ..... استغربت رغد من وجود خالد وماقدرت تسمع شئ من كلامه مع فارس طنشت ومااهتمت للموضوع اهم شئ تتطمن على نايف ........ جلست مع فارس بجانب غرفه العنايه المركزيه الي يتواجد فيها نايف ... جاب لها فارس كوب قهوه دافيه تروق اخذتها منه باامتنان .... مرت ساعات وهم ينتظرون ...حست بتعب ورغبه فالنوم .... مانامت من زمان والصبح راح يطلع ومافي أي خبر عن اخوها ... نام فارس وهو جالس كان مرهق...حتى وهو تعبان كان وسيم ابتسمت بخجل لنفكيرها ..... بنفس الوقت حست بااحراج شكل فارس تعبان وملكة اخته بكره وهي مسهرته بسبب مشاكلها .. كفايه انو ساعدها وجاب لها اخوها ...انتظرها ...وساندها ...ماتركها وضل معها فالمستشفى بيتطمن عليه ... وقفت وتوجهت للكرسي الي جالس عليه .. مررت اصابعها على شعرها هزته بشويش : فارس ..فارس فارس بدون مايفتح عينه : امممم ابتسمت وهي تشوفه يلف عنها ..نايم بعمق : فارس حبيبي ...فروسي ابتسم وهو يسمع صوتها ...حس انو يحلم : امممم خليني انام شوي ... مررت يدها على كتفه : فارس انا رغد ..اصحى فتح عينه بصعوبه ..شافها واقفه بطرحتها السودا ووجهها المبتسم بخجل وكانه حلم من الاحلام الورديه وقف وهو يستوعب انو فالمستشفى .... مسح وجهه وعينه تكلم بصوت مبحوح نعسان ذوبها : اسف راحت عليا نومه ...ايش صار ؟؟ رغد برقه : ماصار شئ ...بس روح البيت وارتاح شكلك تعبان وسهرت كثير انا راح اجلس انتظر فارس بجمود: مااراح اترركك لحالك .... رغد عقدت حواجبها : فارس لا تعقدها ...بكره ملكة اختك ولازم ترتاح وراك تعب ومابقى شئ اساسا عالصبح روح عشاني ... فارس بعناد: لااا ماراح اروح لين اتطمن ... عضت شفايفها : عنييد ... ذاب على حركتها : ويمووت فيك العنيد ... لفت وجهها عنه وهي خجلانه ..حست بملمس يد على يدها تسحبها ... لفت وجهها والتقت نظراتها الوالهانه بنظراته .... فارس بحب : تعرفين انك طالعه عذاب ... ضحكت بخجل: ههههههههههه أي عذاب ...وجهي تعبان واصفر وحاله امو حاله ومافيه أي شئ بالعكس يخوف شكلي "حولت عينها بااستهبال" ضحك من قلب وهو يشوفها تحول عيونها : ههههههههههه وربي وهو كذا وانتي ذابحتني ... "قرب من وجهها وهمس بحراره ": اجل لو تكشختي ايش بيصير فيني ... لفت وجهها عنه ماتبى تكون خفيفه ..بدلع : عياااار ... ابتسم وصار يدندن مو راضي يترك يدها رغم انها معطيته ظهرها : عيااار كانو يسموني ...كلهم يعرفوني مالي انا والحب .... "مسك وجهها ولفه وخلاها تواجهه من جديد ..كمل غنى " : مادار في بالي الخالي اتعلق بغالي واضيع في الدرب...وش صار ....لي هالقلب "سكت وتكلم بعشق "..: قوليلي وش صار يارغد ... نزلت رغد عينها كملت بدلع : حب وعشق....وووانحب ... همس بااذنها فارس وهو شاد على يدها .: وانا ادري انه صار قرب اكثر منها حس بدقات قلبها الي مثل الطبول ... تمالك نفسه بااخر لحظه وبعد ... لفت عنه وجلست بالكرسي القريب منه ونظرها للارض ... مبتسمه بخجل وماتبى تطالع فيه ... ابتسم وجلس وهو عارف رسالته وصلت لها ...وهذا الي مفرحها .. كان نفسو يضمها ويقبلها ويصرخ .. يقول ياعالم هذي الانسانه الي احبــــــــــــها ... ورب البيت اعشقــــــــــــــها ... لكن شئ بداخله منعه من هذا التصرف المجنون في اروقه المستشفى ... احترم انو اخوها بالغرفه الي جنب ... واحترم انها حبيبته ...الانسانه الي يحبها بصدق تذكر انها ماصارت حلاله ....مايبي الشئ بينهم يكون حرام يبيها تكون له بكل كيانها بكل جزء فيها ... تكون شريكة حياته ..... ماراح يسوي هالشئ ويحسسها انها ....مجرد عشيقه هي اغلى واثمن كنز عندو ويخاف عليها وعلى سمعتها اكثر من أي شئ ... خرج الدكتور من الغرفه في هذي الحظه ركضت له ومعها فارس .. رغد بخوف: دكتور طمني اش صار لنايف .... الدكتور سكت لبرهه: تطمنو المريض بخير عملنا الو اشعه نشوف سبب الاغماء اكتشفنا وجود كتله غريبه في راسه ... رغد شهقت : كتله ... هز الطبيب راسه بالايجاب ... فقدت رغد توازنها بس مسكها فارس وهو يمدها بالقوه .... تكلم وهو خايف : طيب وضح لنا يادكتور .... الدكتور: الكتله لها فتره توقعنا انو خلاص ...فات الاوان لكن الحمدلله انها ماسببت له عمى او شلل لاقدر الله خلال الفتره الماضيه لان مااكتشناها بوقت ابكر من كذا ....احنا استأصلناها والحمدلله نجحت العمليه رغم صعوبتها لكن اضطرينا نسويها لصحه المريض .. تنهدت رغد براحه : يعني نايف بخير ...راح يصحى ... الدكتورابتسم : بااذن الله راح يصحى .... عندي كذا سؤال بيخص حالة المريض ممكن تتفضلو معاي المكتب ... فارس : اكيد دخلو المكتب ...رغد مرتاحه جزءيا كلام الدكتور مريح جلست وفارس جالس جنبها ...و بدا الدكتور يتكلم ... الدكتور: اولا انتي ايش قرابتك للمريض ؟ رغد ارتبكت : انا اخته .."اشرت على فارس " وذا من جماعتنا كمان هز الدكتور راسه بالايجاب : طيب ...المريض تعرض لحادث قبل فتره صح ؟ رغد بصراحه : ماادري كان مفقود الفتره الماضيه وكنا نظن انه ميت اليوم الي اكتشفنا انو عايش وفاقد الذاكره ... ماندري ايش صار معاه قبل .... الدكتور سكت وخلع النظاره : فهمت ...مبين انو تعرض لحادثه وتعرض لضربه شديده بالراس كل ماحاول يتذكر يحس بالالام والكتله كانت سبب كمان من اسباب الالم الي يحس فيه .... فارس بقلق: طيب كمل يادكتور ... الدكتور : حاليا حالته الصحيه كويسه ...المشكله فالذاكر .. رجوع الذاكره ماراح يكون سهل ابدا وراح يعاني من الالم الصداع لو ضغطتو عليه بالرغم انه فقدها في ضروف واحتمال يكون فقدان ذاكره مؤقت والا كان راح ينسى حتى النطق والاحرف .. فقدانه للذاكره بسبب موقف وبسبب الحادثه الي صارت معه فالماضي .... رغد عقدت حواجبها : وايش الحل عشان يرجع يتذكر كل شئ ... الدكتور : لازم يراجع دكتور نفسي ...وممكن يحتاج لجلسات كهرباء لكن الدور الالكبر راح يكون لكم انتو عائلته ... حاولو تذكرونه بمواقف من الماضي وتحرضون الذاكره عنده بهذي الطريقه احتمال يسترجع ولو جزء بسيط من الذكريات اذا مو كلها ... الاهم انكم ماتتركونه بهذي المرحله ابتسمت رغد بتفاؤل : ان شاء الله يادكتور ...واكيد ماراح نتركه متى راح يخرج من العنايه الدكتور : اول مانحس انو حالته استقرت راح يخرج بااذن الله رغد برجاء : طيب تسمح لنا بزيارته الله يخليك دكتور .. الدكتور: مو مشكله لكن تكون قصيره وماتدخلون بوقت واحد المريض تعبان دوبه خرج من عمليه صعبه رغد فرحت: ان شاء الله دكتور ....مشكور وماقصرت الدكتور : العفو ولو واجبي ... وقفت ووقف فارس خرجو متوجهين للغرفه الموجود فيها ... بلعت رغد ريقها بخوف سمت بالرحمن ودخلت ...... ظل فارس بره ينتظرها .. رن جواله بهذي الحظه وكان المتصل ابوه .... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ يتــــــــــــــــ ـــــــــــــــبع | ||||
|
| |
|
06-10-12, 07:21 PM
| #158 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  النمســــــــــــــا شقه ســــــامر صبـــــــاح يوم جديـــــــــد صحى بدري عكس اليوم الماضي خلص الوكيند.. وهم الان في بدايه دوام الاسبوع للجامعه ..شاف بشاير لسه نايمه فالغرفه والبطانيه فجهه وهي بجهه ثانيه ابتسم اخذ البطانيه وغطاها ... امس مانامت طول اليل سهر معاها وهم يخططون للي ناويين يسوونه بااياد ماارتاحت لين ماخبرها بالفكره الي براسه حتى نامت بهدوء .... دخل دورة المياه اخذ شاور سريع حلق دقنه وفرش اسنانه... خرج ينشف شعره حاسس بنشاط وحماس لهذا اليوم ... لبس بنطلون جينز نيلي باهت عليه تيشيرت ابيض لاكوست وجزمه بيضاء لاكوست ...ذوقه مختلف بااختيار ملابسه لكن مقتنع فيه ... صلى الفجر ووقف قدام المرايه يمشط شعره .. صحت بشاير على صوت القربعه شافته واقف ويعدل السبايكي فالمرايه وهو يدندن بروقان ... سامر بروقان : يااكثر {انسان} في دنياي حبيته والي يخليك {لاامك } لا تخليني ماغير {قلبك} تمنيته وداريته وماغير {حبك} لعب في حسبه سنيتي بشاير رفعت راسها وهي منزعجه من صوته الفضيع تكلمت بصوت مبحوح و نايم : ايش دا الازعاج من صبح ربنا .... كمل وهو مطنشها صار يطق رقبه بااستهبال بيرفع ضغطها : يفضحني {الشوق} مهما عنك خبيته تضمك ضلوع {صدري} قبل يديني انت اكثر {انسان} في دنياي حبيته وانت اكثر الي {اخاف} يخليني بشاير رفعت البطانيه عن وجهها : اووووف من الحيوان الي كدب عليك وقال لك صوتك حلو؟؟؟... يالله صباح خير على دا النشاز وربي الكبيسي لو سمعك يعتزل الفن من اساسو .. سامر برواق : يالطيف منك انتي محطمه الاجيال الصراحه انا لو رحت arabidol صدقيني كونت راح اغلب كارمن بس انا مااحب دي البرامج السخيفه وماتستهويني بشاير ضحكت بتريقه :هههههههههههه خف علينا بس يا فنان العرب انتا اقول بس ماراح احطمك حقولك برافو برافو برافووو سامر رفع حواجبه: ها ها ها ماتضحك انتي اول شئ صبحي قولي صباح الخير كذا الناس تسوي مو تريقه على الريق ... بشاير تمغطت بكسل : صباح الخير ...صح قولي انتا ايش مصحيك بدري كدا حتى العصافير ماصحيت لسه ... سامر رفع العطر وبدا يبخ بكثافه وكأنه رايح عرس: اقول ماني عطالي بطالي زي حالة بعض ناس ورايا جامعه ودوام ودراسه بشاير برجه: بس بس خلصت العطر الناس بخه بختين مو العلبه كلها تبخها رمى عليها سامر الدب الي على التسريحه : اقول بلا فلسفه قومي صلي الفجر اذن وخلصت الصلاه والناس صحيت نزلت بشاير راسها بكسل ..استحت تقول ماعلي صلاه : طيب دحين اقوم اطلب فطور احس معدتي توجعني من الجوع سامر بحماس : طيب وانتي استعجلي نسيتي ايش قلنا امس بشاير نطت بهباله باست خده : يووووووووو صح دقايق بس سمووور ماراح اتاخر ياقلبي اموواح سامر:هههههههههههههههههههه� �هه هبله قامت بنشاط اول ماتذكرت اتفاقها امس معاه ركضت لدوره المياه غسلت وجهها وفرشت اسنانها وسامر سبقها للصاله طلب فطور وجلس فالمطبخ يشرب كوب نسكافيه ويقراء الجريده ... اخذت شاور سريع دهنت جسمها بلوشن برائحه الفانيلا ... خرجت طلعت لها فستان بنفسجي رايق بااكمام طويله فيه قصه عند الياقه وحزام ابيض قصير لتحت الركبه بشوي لبسته كان مرسوم على جسمها الرشيق طالعه فيه ملكان .... طلعت صندل ابيض بكعب عالي .... قبل تلبس تذكرت ...عاهدت نفسها تتغير ... تلبس محتشم وماترجع لبشاير القديمه نزلت الصندل وبدت تدور بين ملابسها على لبس ساتر ... مالقت ملابس ساتره لكن حصلت هيلا هوب لبسته وهي مقرره تطلع مع سامر بااقرب وقت تشتري ملابس جديده ... لان ملابسها ماتنفع تخرج بها بعد اليوم... استشورت شعرها وخلته منسدل براحه على اكتافها لبست ساعه وحلق لولو ...ماحطت ميك اب بوجهها بس كحل اسود داخل العين وقلوس وردي ابتسمت برضى عن شكلها ... رفعت العطر تبى تتعطر تذكرت كلام سامر ... لو شم أي شخص فيها العطر تعتبر زانيه نزلت العطر برضى تام ... ابتسمت لشكلها ..تعشق نفسها بشكل لا يصدق .. بدت تسوي حركات تستعرض فيها و توزع قبلاتها فالجو ... خرجت من الغرفه شافت سامر جالس يقرء الجريده ويشرب النسكافيه جلست جنبه وهي مبتسمه رفع نظره وهو يتأمل شكلها ...ابتسم برضى وصب لها كوب نسكافيه ....اخذته وبدت تشرب وهي ساكته ... سامر: اليوم راح اعرفك على اصحابي فالجامعه بعدها راح اوديك لاكاديميه الموسيقى واعرفك على قروبي ...راح تحبيهم اكيد بشاير بحماس: والله مرررره متحمسه ...طيب هم مو معك فالجامعه ؟؟؟ سامر: الا في اثنين معايا بنفس الجامعه والباقين لا ...تقريبا سبعه اكثر شئ نجلس مع بعض بنتين وحده كويتيه ووحده سوريه واربع اولاد اثنين سعوديين وواحد اماراتي وواحد الماني وواحد فرنسي...وفي غيرهم بس احنا اكتر شئ مع بعض بشاير تلخبطت من كلامه : ماشاء الله ...ههههه مشكلين من كل القارات كيف تتفاهمون بالله ... سامر: عادي اصلا نتكلم بالانجليزي فالكلاس وبره الكلاس ...بس اذا ضلينا كلنا عرب نهرج عربي عادي ... بشاير نزلت كوبها : حلووو يعني زينا فالجامعه ...كويس انكم تتكلمون انجليزي لاني ماعرف اهرج لغتهم هنا ... سامر تذكر: صح معاك فلوس ... بشاير: معايا بس بالدولار ...خلاص اول ماتخرج من الجامعه بحولها للعمله المحليه هنا سامر ارتاح: كويس "حط يده بجيبه خرج المحفظه حقته طلع مبلغ بعمله "اليورو" وحطه بيدها " :خذي ذي صرفي نفسك لين تحولين العمله ... بشاير بااعتراض : بس ... سامر حسم الموضوع : بدون بسبسه خلاص خذيها ادري عندك خير مو محتاجه بس مو حلوه تخرجين ومامعاك شئ دحين... بشاير اخذتها : طيب ... وقف بعد ماانهى كوبه : يالله اجل مشينا تأخرت على المحاضره.. لبست المعطف الاابيض على فستانها وقبعه بنفس الون وخرجت معاه متوجهين للجامعه .... بدون مايحسون بالانظار الي تلاحقهم ... ®راما الدلوعـــ ♥ــــه® فييــــــــــــنا غراند اوتيل صحى في وقت مبكر رغم سهره طوال اليل النوم مجافيه كل افكاره وعقله مع بشاير ... صلى الفجر وجلس يفطر برواق وهو يفكر بطريقه مناسبه يعتذر فيها لها ويرجعها .. مهمته مو سهله ابدا انبنى بينهم حاجز وفجوه كبيـــره صعب يكسب رضاها ويرجع المياه لمجاريها ... بعد كل الي صار ... رن جواله شاف المتصل على طول رد : اهلا فرانك فرانك : سيدي لقد خرجت الانسه من الشقه برفقه الفتى الذي يسكن معها وقف اول ماسمع انها خرجت : واين هي الان ؟؟ فرانك : انها بجامعة الـ........... اياد : حسنا فرانك احسنت صنعا الحق بها وراقب تحركاتها وانتبه ان لا تراك لدي بعض الاعمال سأتصل بك لتخبرني اين تذهب .. فرانك : حسنا سيدي كما تأمر ... قفل منه وهو مرتبك ...خرجت بدري اليوم ! وللجامعه ؟ غريبه ...ايش وداها هناك ...يمكن بتغير جو بتشوف الجامعه الي يدرس فيها ولد خالتها ...معقوله .....! بدل ملابسه وخرج من الاوتيل ..احتار ايش يسوي ... بهذا الوقت يروح لها الان او يأجل المواجهه بينهم .... توجه لاقرب محل لبيع الورود ... عجبته اشكال الورود ...شاف وردة الجوري الي تحبها بشاير .. اياد : سيدي لطفا اريد ان تنسق لي باقه جميله من الجوري .. الرجل : كما تحب سيدي ... اياد " لازم اشوفها اليوم ومااضيع الوقت ...كفايه الايام الي ضاعت راح اعتذر منها واطلب رضاها ... ان شاء الله ترضى ... بس لازم اجيب لها هديه ...ياترى ايش ممكن يكسر الحواجز بيننا ...ايش ... ابغى شئ ينسيها الزعل ...ااه يابشاير والله ندمان ... بسبب هبالتي وغبائي وتهوري زعلتك وخسرتك .. وانتي ضليتي طاهره وصادقه ...غلبتيني ... لكن مستحيل استسلم ...راح ارجعك لي ...انتي تؤامي ..." اخذ باقه الورد ودفع ثمنها ...خرج من المحل وهو يفكر ينفذ الي يدور بباله ... توجه لمحل مجوهرات لفتت نظره الخواتم .. كان شكلها حلو ورايق يتناسب مع ذوقه .. شاف دبله الماس ناعمه جدا ..عجبته وتخيلها بيد بشاير ..... ابتسم من قلبه سأل صاحب المحل عن سعرها مثل ماتوقع غاليه ...والغالي للغاليه ...... اشتراها وغلف العلبه .... ابتسم وهو متفاءل ...راح يصالحها ويعترف لها بعشقه ... ويلبسها الدبله وتكون من وقتها ....ملك اياد وبس .... خرج من المحل اتصل على فرانك ...ت أكد انها لازالت فالجامعه مرتاح انها ماتفكر باانسان غيره ... قلبها ملكه وقلبه ملكها .... وخلي العذال يموتون ... اياد "احبك يانبض اياد .... بترجعين لي .....وانا بحطك بعيوني واقفل عليك .....انتظريني يابشاير .......مافي انسان يشاركني فيك ...تضلين بدون حب ولا تحبين غيري.... انتي لي ...لي وبس ..." ®راما الدلوعـــ ♥ــــه® الجــــــــــــــامعه ... دخل سامر ويده متشابكه بيدها تتأمل نظرات الاعجاب من كل مكان تمشي بثقه وسعاده وهو يهمس لها ...تضحك على استهباله وتريقته كل ماشاف شئ يعلق وصوت ضحكتها الصاخبه يعلى .. الرائي لحركاتهم يتكهن انه يغازلها ... ويجي بباله فكر بعيد عن الواقع...... سامر : دحين اعرفك على اصحابي اتوقع تحبينهم بس انتي عاد خفي وابتسمي بطلي غرور ... طالعته رفعت حواجبها: ليش انتا ايش شايفني !... لذي الدرجه انا مغروره وشايفه نفسي! ترى عادي اهرج واضحك مع الكل بس الي مايعجبوني مااعطيهم وجه .. سامر بنص عين: اجل بااتطمن حتى لو ماعجبوك جامليهم عشاني.. بشاير : يصير خير ... دخل معها للكافيتيريا ....تقدمو من احدى الطاولات... ارتفعت الانظار عليهم ..حست الكل بياكلونها بعيونهم .... سامر عارفينه لكن هي الغريبه ..!! الكل يطالع فالحسناء الي تمشي معاه... فتاه غريبه لاول مره يشوفونها ...! ومتمسكه بيده بطريقه حميمه ....! سامرابتسم اول ماوصل للطاوله كان مافيها الا بنت وحده وشابين : السلام عليكم .. الكل : وعليكم السلام ورحمة الله مها "الكويتيه" : هلا سامر شلونك ؟؟ سامر : بخير مهاوي انتي شلونج ؟ شخبارج ؟ الظاهر ماداومت ميري نص القروب ماجا اليوم غريبه ... مها : ميري امها يات من سوريا تزورها عشان جذي ماداومت اما الباجين مادري عنهم يمكن متاخرين وشوي بييون ... سامر: اها ... كانت نظرات محمد مسلطه على بشاير من اول ماجات تكلم بفضول : ماعرفتنا سامر من الحلوه الي معاك ...لايكون خطيبتك ! ضحك سامر من قلب : هههههههههههههههه لا بنت خالتي .. محمد ببرود : اها سامر : نسيت اعرفكم هذي بشاير بنت خالتي ..بشاير ذولا قروبي ... بشاير بخجل: اهلين .. وقفت مها وسلمت عليها بموده : هلا فيج حبيبتي بشاير ..نورتي فيينا يالغلا بشاير ابتسمت : هلا فيكي ياعسل ..منورة بوجودك فديتك خالد بااعجاب: هلا والله بشاير ..اسمك حلو مثلك ياقمر ... ماشاء الله تبارك الرحمن ... بشاير بخجل : عيونك الحلوه ... خالد بااعجاب واضح : كم عمرك ماشاء الله شكلك صغيره .. بشاير بمجامله : هههههه مو صغيره بعد كم شهر ادخل الواحد والعشرين سنه ... خالد تفاجأ : ماشاء الله موب مبين عليك 21 سنه ... تدرسين بالجامعه والا مادخلتيها ؟ سامر بهبال : ههههههههه هو تحقيق ..اكيد تدرس بالجامعه بس مو هنا باايطاليا دراستها "بفخر" موسيقى محترفه بنت خالتي فالعزف عالبيانو يالبى قلبها ... خالد جا بباله انه بينهم شئ ابتسم وحب يحرجهم : ههههههههه الله يهنيكم ومتى ناوين تخطبون ان شاء الله ...؟؟ بشاير طالعت بسامر وسامر طالع فيها.. فجأه انفجرو الاثنين بالضحك وسط اندهاش الكل ... ههههههههههههههههههههههههه ههههههههههههه خالد + مها + محمد : ؟!!!!؟!!!!؟!!! مها: سلامات ! رفع محمد حواجبه بااستغراب بدون مايعلق ........ خالد بااستغراب اكبر : وشو له كل هالضحك ؟؟؟ سامر مسح دموعه وهو لسه يضحك ..تخيل لو فعلا يتزوج بشاير ... مايتخيل تكون زوجته ...بيكونون مثل البس والفار ... سامر: هههههههههههه الله يسلمك بشاير مو بس تصير بنت خالتي ...ت كون اختي بالرضاعه كمان كيف اتزوجها يافالح ! مها : اهاااااااااا قول جذي من البدايه يا بن الحلال .. خالد : اما ! اخوها.... "طالع بشايرابتسم وغمز" : اجل معناته في امل نحاول احنا ... سامر بااستهبال : حدددددك عاد تتكلم واخوها هنا يالي ماتستحي .. احشمني طيب وانا قدامك خالد + بشاير:ههههههههههههههههههه� �هههههههههه مها: والله وايد حبيتج يابشاير ...دخلتي قلبي من شفتج ... بشاير بخجل : تسلمين حبيبتي وانا كمان مرره حبيتك خالد رمش ببراءه : وانا بعد حبيتك ماحبيتيني ؟؟؟ بشاير: هههههههههههههههههههههه الا حبيتك زي سموور مها: هههههههههههههه حلوه سمور ... سامر رفع حاجبه : اصغر عيالك سمور ! خالد : احمد ربك دلعتك هالغزال يالضب .... "يتميلح " شوشو ...عادي انا بعد قولي خلود وربي بتكون عسل من لسانك سامر: ههههههههههههههههههه حلوه خلود اقول تلايط بس خويلد وكثيره عليك بشاير: هههههههههههه جلست وهي خجلانه حست انها دخلت معهم بسرعه خالد دمه خفيف حبت لهجته القصيميه واسلوبه القريب من القلب وصارت تتكلم معاه بحريه .. لكن هدوء محمد موترها ...بطبيعتها عفويه .... اما مها مبتسمه وتسولف معها وكأنها تعرف من سنوات .... وقف سامر وهو يشوف الساعه : المحاضرة بعد خمس دقايق ... يالله مها ..خالد بنتأخر ترى يادوب نلحق عالكلاس ... تمسكت بشاير بيده همست : بتروح وتخليني لحالي ... ترى ماعرف احد هنا والله اخاف سامر بنفس الهمس : لا تخافي مابياكلنك ترى !! كلها محاضرة وحده وارجع اجلسي هنا مع محمد ماعنده اليوم محاضرات سولفي معه وضيعي وقت على مااخلص واجيك طالعت في محمد ...حست انو ثقيل دم ...وماينبلع الوحيد الي ماتكلمت معاه كلمه وحده من تعرفت عليهم .... مضطره تجلس معه ماتعرف احد هنا : طيب لا تتاخر بااستناك ... سامر : ماني متأخر يالله سلام .... مشو لمحاضراتهم وهي عدلت جلستها ... كان محمد هادى يقرأ بكتاب بدون مايتكلم او يقول أي شئ ....... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** ************************************ يتـــــــــــــــــــــــ ـــ .gif) ــــــــــــــــــبع | ||||
|
| |
|
06-10-12, 07:25 PM
| #160 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الشرقيـــــــــه مركز الشرطـــــــــــه ..... دخل ابو فارس وكذا شخص من اولياء امور الشباب الموقوفين ... خرجو اثنين من الشباب وكأنهم ماسوو شئ ....وراهم ظهر ساندهم اما الباقين ضلو محبوسين ... ابو فارس حاسس بوجع براسه ...ماله فتره خارج من ازمه مرضيه ... الي سمعه كلام يشيب الراس .. كلها ساعات والمفترض تكون ملكه بنته على هذا الانسان المسجون ...! والمشكله بقضيه ..اداب شئ مخزي ...ولده على قد دشرته ماحطه بمثل هالموقف ... مادخله مراكز الشرطه بقضايا قذره مثل ماسواها تركي ...ولد اخت زوجته وزوج المستقبل لبنته الوحيده.. تكلم مع الضابط ...خبره بالفاجعه .... انهم مسكوه في خلوه غير شرعيه مع بنت ...! فوق كل هذا بااستراحه كلها دعاره وقذاره ......! رقص وبنات وخمر ومخدرات ومفسده ...! وكان في حاله سكر ....سكران ولا داري عن شئ.... كيف كان بيسلم بنته لانسان مثل هذا ؟؟ كيف كان بيأمنها معاه ... ماتصور انو بيكون بهذي الحقاره والدناءه ... كان شايفه رجال اول ماطلب يد امل رغم انها مراهقه ومتهوره ... تجاهل كل عيوبه ...لكن انو يسوي كل هذا ... وباليوم الي يسبق ملكته كبيره .............. عرف الان انو انسان لايمكن يثق فيه ................ صدمه عنيفه ....اتصال المركز عليه بااخر اليل ... ولد اخت زوجتك تم القبض عليه ......! من فجعته اتصل على فارس ...طلب منه يلحقه على المركز بدون مايفهمه التفاصيل ....بس فهمه انو في مصيبه صايره ... جلس عالكرسي والسبحه بيده والضابط قدامه : حظره الضابط ...انا عم تركي الــ...... وش مسوي بالضبط فهمني ... الضابط بهدوء: والله مادري وش اقولك ...مسكناه بخلوه غير شرعيه مع بنت كان سكران ولا داري عن شئ ... ابو فارس مسك الطاوله وضغط عليها حاول يكون طبيعي : طيب ايش بيصير عليه وعلى الي معاه ؟ الضابط : القاضي راح يحكم عليهم ..قضيتهم مو سهله لقينا بالاستراحه كميات مو قليله مخدرات وحشيش هذا غير .... انت واعي يابو فارس وعارف ....راح ينحكم عليه مثل ماجا فالشرع ينجلد ثمانين جلده وينسجن ..والسجن حسب مايحكم له القاضي ... وهذي اول مره ينمسك راح يكون الحكم مخفف عليه ... سكت ابو فارس : طيب اقدر اشوفه ...... الضابط : أي تقدر دقايق راح اخلي واحد من العساكر يوديك تشوفه ... خرج بو فارس مع العسكري شاف بوجهه فارس كان توه وصل اخذه على جنب وهو يفهمه السالفه كانت ردة فعله في حاله صدمه وخوف .... اول ماسمع من ابوه عصب ودمه فار ....وده لو تركي قدامه عشان يشرب من دمه .... دخلو لغرفه التوقيف كان تركي ورى اسوار السجن نادى العسكري عليه : تركي الـ........... كان جالس بعد ماصحى حس بخوف وقلق ورط نفسه وخرب كل شئ كان مخطط له بسبب غباءه ... .وقف اول ماسمع اسمه ... ركض لمقدمه السجن ....شاف ابو فارس بطوله وفارس ولده واقف بجنبه ارتبك وهو مو عارف وش يقول ... فارس بعصبيه : تفوووو عليك ياحيوان ...هذي اخرتها ... تدخلنا مراكز بااخر اليل ..تسوي لنا فضايح يامسود الوجه ..... بليله ملكتك تسوي كذا يانجس انت كيف كنت بتاخذ امل كيييف تركي سكت مالو وجه يتكلم حاول يتودد تكلم بضعف : انا حمار كلب حيوان خسيس ..قول الي تقوله استاهل كل كلمه تقولها والله غلطه ماكنت واعي للي اسويه ............. ابو فارس بهدوء : موضوع الملكه راح يتلغي ... واحد مثلك مااتشرف ياخذ بنتي الوحيده ....مكانك هنا .. تركي : عمي الله يخليك اسمعني ... ابو فارس بحزم : لا تقول عمي ....خلاص هي كلمه انا قلتها .. اقدر اطلعك من السجن لكن ماراح اسويها ...تستاهل ماجاك ... تركي برجاء تمسك بقضبان السجن: عمي تكفى سامحني والله ندمان .. انا احب امل وابيها تكفى لا تتركني جذي ... فارس صرخ بوجهه : تخسى الا انت ...بعد الفضيحه الي سويتها مستحيل تلمس شعره من راسها ياكلب ... نزلت دموع تركي مايبي يضل بالسجن ومافي الا ابو فارس يخرجه : انا مالي ذنب واحد من اصحابي عزمني ... فارس ووده يدخل يصفقه كم كف يبرد قلبه : انكتم ولا تكذب ياحيوان لو مالك ذنب ايش وداك هناك وقتها هاااا وبخلوه غير شرعيه بعد وتقول مالي ذنب ....ياقو عينك .. المفروض تكون وقتها بالبيت ...بكره ملكتك تركي نزل على الارض : والله ماكنت ابي اروح واحد قال لي تعال نحتفل بكره ملكتك ...تكفى خرجني من هني عمي ابوس رجلك ... بعد ابو فارس وهو مشمأز من المنظر مانطق ولا بكلمه .... تركي برجاء : عمي تكفى خرجني من هني مابي اضل بالسجن الله يخليك مابي اضل هني ... فارس ضحك بسخريه : خليك تتعفن هنا ولسه ماجربت الجلد روح فايزه ... نزلت دموع تركي صرخ بخوف : لاااااااا الله يخليك لا تخليني والله ماسويت شئ خرجووني من هني ... خرج ابو فارس بدون مايكلمه وهو يسمع رجاءه وبكائه لحقه فارس خارجين من المركز .... ركب سيارته بهدوء حاول فارس يخليه يجلس وهو يسوق خاف يكون تعبان بعد خروجهم لكن اكد له انه بخير ومافيه شئ ... جلس بمكان السائق وفارس بجنبه .... فارس بهدوء : يبه بتخليه بالسجن ...؟ بكره الملكه وش بنسوي ؟؟ ابو فارس: خليه ياخذ جزاه ويتربى ...مااعطي بنتي واحد مثله..... ارتاح فارس لكلام ابوه : طيب وش بنقول لخالتي ... والله لو درت بتجيها جلطه ولدها وحيدها ... ابو فارس بحزم: السجن مابيذبحه ...خليه يتعلم من غلطه وياخذ جزاه كلها كم شهر ويخرج رجال ...الدلع الي مدلعته اياه امه مافاده وزين انو ماتمت الملكه والا كان صارت علوم ..... فارس: الحمدلله ...ربي رايد لها بواحد احسن منه انا من البدايه ماكنت راضي تاخذه مدري شلون رضيت فيه يبه ابو فارس: نصيب ...امك كانت تبيه لبنتها ووقتها امل عصبتني وافقت عليه وكنت متأمل انو كبر وصار رجال بس شكلي غلطت عقله اصغر من عقلها هي بزر ماينشره عليها بس الشر عليه هو الي بطول الباب ... فارس بااستغراب: ليش يبه ...امل وش مسويه ؟؟؟ ابو فارس بهدوء : ماسوت شئ ....خلاص قفل على السالفه مافي ملكه ولا شئ بس انت لا تتكلم الحين .... انا راح اكلم امك وهي بتخبر ام تركي ...وسالفه المعازيم انا بتكفل فيها ... فارس بااحترام : انت تامر يبه ........ توجهو للبيت وكل واحد شايل هم ..كيف بيكون الخبر لام تركي ولام فارس والاهم كيف بيكون وقع الخبر على ...........امل .......... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** *********************************** كنـــــــــــدا فانكوفر الجــــامعه (سيمون فراسير) ..... تمشي بممرات الحرم الجامعي بعد ما وصلها فهد ... كان مصر يضل معها بما انو اول يوم لها فالجامعه لكنها رفضت ... فضلت تعتمد على نفسها ...كل اوراقها خلصها لها اخوها ... مستواها العالي ساعد في قبولها فالجامعه وبدا مشوارها تحقيق حلمها في الجامعه بعد بضع سنوات راح تتخرج دكتوره في طب جراحه المخ والاعصاب ... حلمها منذ الطفوله ...راح تبذل قصارى جهدها وتثبت جدارتها ... اتصلت برغد اكثر من عشرين مره لكن مالقت منها اي رد ... حست بقلق عليها لكن حاولت تتجاهل نداء قلبها .. رغد قويه وتقدر تدبر امورها ... في هذي الايام لازم تركز اكثر على الدراسه اول ماتستقر احوالها تشوف سالفه رغد ... حاسه بشتات وضياع بهذا المكان ... مو عارفه ولا احد ولا ارتاحت تجلس تتكلم رغم انو اكثر من شاب من المبتعثين الخليج عرضو عليها المساعده لكن مارتاحت ضلت تمشى لحد مااستقر بها الامر للكافيتيريا طلعت الكتب الي اشترتهم وبدت تتصفح وتشوف المناهج الي راح تدرسها ... اول سنه معظم الي راح تدرسه عن الغه لازم تتقن الانجليزيه وهي خلفيتها كويسه وحست الموضوع ماراح يكون معقد تحتاج تتعب على نفسها شوي لبست نظارتها متجاهله النظرات المسلطه عليها...لانها بااختصار محجبــــــــــــــــه بدت تتصفح وتقراء حتى اندمجت مع الجو وانصرفت الانظار عنها ... سرحت شوي ..فهد بدوامه الان ... امس تعبو فالنقل سهرت لوقت متأخر وهي ترتب اغراضها ولسه ماخلصت ,,الشقه غريبه عليها تختلف عن بيتهم فالمملكه .. جوها بارد وغريب....لكن راح تتعود عليها ... راح تبدا مشوارها في بلاد الغربه ... ماحست بغربه كبيره ..كثير سعودين ساكنين بنفس المنطقه الي هم فيها والجامعه مليانه مبتعثين عرب ... وهذا مريحها ووجود فهد جنبها مريحها اكثر ..... تثاوبت وهي نفسها تنام ...تعبانه وكسل وخمول يجتاحها .... التفتت تشوف الناس الجالسين كان كل واحد منشغل بااموره الخاصه ... وقفت وهي تشوف بجدولها ...عندها محاضره ولازم تروح هذا اول كلاس لها من دخلت الجامعه .... مشت للمبنى الي مكتوب فالجدول اخذت ربع ساعه حتى وصلت . .دخلت وكان المكان نصف ممتلى لسه مابدت المحاضره احتارت فين تجلس ...شافت بنت محجبه جالسه في احد الزوايا ... راحت جنبها ابتسمت وهي تشوفها محجبه زيها ... افنان: ممكن اجلس جنبك ؟؟ رنيم رفعت راسها ارتبكت ..بس لما شافت افنان انفرجت اساريرها : اكيد تفضلي اجلسي ... جلست افنان وهي تشكرها باامتنان : شكرا .... سكتو الثنتين وكل وحده ترتب اغراضها ..بهدوء تكلمت رنيم بفضول : انتي سعوديه ؟؟؟ افنان : ايوا ..وانتي ؟؟؟ رنيم باابتسامه سعاده ...وكأنها تكلم اختها ... الغربه تخلي الانسان يحس اي شخص من بلده وكأنه اخوه ...: وانا كمان سعوديه ...اسمي رنيم الـ........ من جده افنان صافحتها وبادلتها الابتسامه : اهلين يا رنيم تشرفنا والله انا من الشرقيه اسمي افنان الـ.......... رنيم : هلا والله افنان والنعم هههههه تصدقين انتي اول وحده اكلمها ... هذا اول يوم لي فالجامعه امس وصلت من السفر اخويا كمل اوراقي وداومت اليوم افنان بتعجب : تصدقين ...حتى انا دا اول يوم ولا اعرف ولا احد حسيت نفسي ضايعه فدي الجامعه شكلي يحزن وانا امشي زي التايهين ... رنيم : هههههه شكلنا كلنا فالهوا سوى ....لو مو بندر جابني كان جلست ابكي .... دحين اخويا يدور شقه مو عارف ولا مكان هههههههههه افنان : اما وكيف حتسوو طيب ؟ رنيم هزت كتفها : مدري والله ...هوا فكر الشغله سهله فكر بكل شئ الجامعه وقدم لي وحتى هوا قدم اوراقه بيكمل الماجستير وكدا وهوا معايا هنا دوبو وصلني الكلاس بس الشغله الوحيده الي تعبتنا موضوع الشقه دي الي مالقيناها افنان بصدمه: لسه جالسين في فندق ؟؟؟ كنت اعتقد جالسين عند احد من اقاربكم اما كدا مره صعبه ... رنيم : ايواا ومره مو مرتاحين ...اساسا مانعرف احد هنا ... بندر يقول بيدور اليوم وبيسأل الطلاب هنا المبتعثين اكيد في احد عندو خلفيه وان اضطرينا احتمال مالنا الا سكن الجامعه بس بندر مو راضي مره يقول مستحيل اخليك بسكن وانا بسكن ... افنان جا ببالها فهد : ياحياتي انا .....طيب انا حكلم فهد اكيد يعرف ... احنا على طول جينا للشقه فهد يشتغل هنا اساسا واكيد يعرف رنيم بااحراج : لا مابى اتعبك مشكوره ياقلبي افنان بزعل : افا اي تعب ...السالفه سهله وفهود ماحيقصر لا تزعليني منك رنيم باامتنان : والله تسوي فينا معروف ماراح انساه افنان : ولو مافيها شئ ..خلاص اليوم بعد الجامعه حكلمو اديني رقمك اتصل عليكي واقولك ايش يصير معايا ... طلعت رنيم جوالها واعطتها الرقم وهي مبسوطه ... افنان باابتسامه : والله مره فرحانه اني اتعرفت عليك يارنيم رنيم : وانا كمان ياقلبي وان شاء الله نكون صاحبات دائما .... افنان : ان شاء الله ............... ************************************************** ************************************ Яąṁά●̮̮̃•̃ả๔ĐĽǿǿ3ά << ************************************************** *********************************** يتــــــــــــــــــــ .gif) ــــــــــــــبع  | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
