أما كلام يثلج الصدر ولا اصّ ترى كلامك يجرح الله يعافيك / بقلم أوجاع قلبي

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله و بركاته .. أما كلام يثلج الصدر ولا اصّ ترى كلامك يجرح الله يعافيك .. رواية تعالج المشاكل الجتماعية بطريقة بسيطة وتقول الكاتبة روايتي حبيت انزلها لا أحلل من ينسبها لنفسه الكاتبة/أوجاع قلبي نبدأ معكم الفصل الأول

[لامارا]

البــارت الأول ..


الصبح ..

طلبت فطور .. فرحان و مسرور أخيراً تزوجت .. أمس كانت أحلى لليله بعمري .. و إن شاء الله الجاي أحلى ..

جلست قدامي على الطاولة .. بعد ما أخذت شور .. دققت ببشرتها لونها مو واحد .. فيها بياض مو طبيعي على وردي .. بلعت ريقي الجاف قلت بغصة وغباء .. / خوله وش فيها بشرتك ..!!

..

رفعت عيوني له أحاول استوعب اللي قاله لي .. خبيت يديني بـ أكمام بلوزتي الواسعة .. لكن تذكرت اللي برقبتي ووجهي وش اللي يخبية عن عيونه ..
..

قلت و أنا ما أني متصور الجرح اللي جرحتها .. / فيك بهاق
..!!
..
ناظرته و شفايفي ترتجف .. ما استحملت نظراته المتفحصة .. حطيت يدي على وجهي .. / لا تناظر ..

دخلت لـ الغرفة ..
أجر خيبتي ورأي .. أي زوج هذا جرحني بصباحيتي زواجنا .. دموعي خذت مجراها على خدودي ..
..

سندت جسمي على عكازي .. طلعت متوجه لـ ...
ما كنت متصور أنها كذا تكرهني .. ما جاء على بالي ولا واحد بالمية أنها حاقدة علي لهـ الدرجة .. ما أني متصور اللي كنت أشوفه قدام عيوني .. الصدمة الجمتني ولا قدرت ابرر لها اللي قلته .. طلعت اهرب من هـ الموقف الغير متوقع ..
ابد أمس ما لاحظت أن فيها شي .. أمس غير كانت نفس الملاك .. بس اليوم أرعبني اللي بجسمها .. ولا قدرت امسك لساني عن سؤالها ..



رجعت بـ أفكاري لـ قبل سنتين ..


دخلت لغرفتي .. ومعها بنت أختي الكبيرة .. صغيره عمرها خمس سنين ..
... / متعب ودنا للسوق .. أنا و شوق ..
ناظرتها بحدة .. / وين زوجك ؟!!.
... / بـ الإستراحه مو جاي بـ ينام هناك .. قالت تكسر خاطري .. تكفى ما بقى شي على العيد ..

متعب قلت انهي النقاش .. / مالي خلق والعيد بقي له أسبوعين .. و فوق كل ذا راسي مصدع
.. اطلعي برى بنام ..

طلعت تجر خيبتها .. حطيت ذراعي على وجهي بنام مرهق وتعبان من الشغل .. أدور الراحة بهـ الساعات القليلة..
ماجات دقائق الا الباب ارتطم بالجدار ..
فزيت بخرعة .. ناظرت اللي أزعجني وحرمني لذة النوم ..


جاني صوتها الغضبان .. / مــتــعــب ..
خواتي الثنتين و راها .. اللي مبتسمة و اللي جايه شماتة
..
قمت احترام لها و أنا عارف وش اللي جايبها .. / لبيه .. قلت بغصة بحلقي .. من الكلمة .. يمه ..

خزنه بـ أمر .. / خذ خواتك لسوق .. ما أنت شايفهن يتيمات و مسكينات .. ورك قلبك حجر منت عارف أن ما بقى على العيد شي ..

رفعت يدي لشعري الناعم يصل لأخر رقبتي .. تمتمت بغبن .. / محدن مسكين ألا أنا .. بصوت واضح .. يالله بالحقكم لسيارة ..
طلعت بدون لا أغير بجامتي .. ولا التفيت لهم اسمع جوابهم .. هرولت لسيارتي اختلي بنفسي .. من الهم اللي بقلبي ..
حطيت راسي على دركسون السياره بتعب .. سمعت الباب يتسكر .. رفعت راسي ألا أشوفهم بالسيارة ..
قلت بدون نفس .. / وين تبون ..
أنطقت الصغيرة .. / سوق الـ.....

ناظرتها من المرايا بقهر كأنها تتعمد تقهرني ..
/ المكان بعيد اختاروا سوق أقريب ..
أختي الكبيرة / أغراضنا كلها هناك ..
بزمجرة و قهر ../ الأسواق كلها مثل ألشي بس انتو تبغن اتعب زيادة على تعبي اففف منكم ..هم على القلب ..
توجهت للمكان المطلوب ..

السيارة تضج بـ سوالفهم السخيفة بنظري .. و أصواتهم المرتفعة ..

مسرع بالسواقة بس أبي أوصلهم و أنام لين يجون ..
فركت عيون النعاس ذبحني .. طولت على صوت المسجل .. عشان يطير النوم عني .. طلعت الشريط .. مديت يدي أدور على شريطي المفضل ..

أصــوات متفاوتة .. / متعب انتبه ..
../ ابعد عنــها ...


فجاءه ما حسيت ألا بـ ........




انتهى البارت

[لامارا]

البارت الثاني ..

فتحت عيوني والألم ذبحني بكل مفاصلي و عظامي .. ما قدرت أتحرك .. دارت عيوني على المكان اللي أنا فيه .. ريحة معقمات و منظفات .. عقد حواجبي غمضت عيوني .. أتذكر وش اللي صار ..

صرخت .. / السـيـــــارة ..
لفيت أدورهم .. شــــوق نـــــوره !!.. مالقيت جواب لا صد صوتي .. التفت دقيت الجرس .. جاتني النيرس ..

سالتها عنهم قالت ما تعرف شي .. وراحت ..



حركت راسي يمين ويسار أحاول أنسى صورت الحادث ..

... ...


دخلت علي وعباتها على رأسها .. ناظرتها بحب سحبت نفسي .. بعدل جسمي بحيث أكون شبه جالس ..

خزنه بخوف .. / ويـــــن بناتي !! ..
حز بخاطري أنها ما أسالت عن حالي ../ أن شاء الله طيبات ..
خزنه جلست على الكرسي بتعب ../ ما أني مطئمنه.. قلبي نغزني ..

دخل الدكتور يتطمئن عليّ ..
الدكتور ماسك دفتر الملاحظات ../ أن شاء الله طيب ..
قلت و أنا خايف من رده ../ اللي معي بالحادث وش .. بلعت ريقي .. صار لهم ..
الدكتور نزل رأسه بحزن ../ الله يرحمهم يطلبونكم الحل ..

ما أتمالكت نفسي من الصدمة .. يرن بـأذني كلامه ..
طلع يشوف شغله ..
التفت لامي .. شفتها جامدة على الكرسي .. ولا طلع منها ولا صوت ..
خفت من سكوتها المفاجأ ../ يمه ..

بعد ثواني أنطقت بألم بقلبها ../ حسبي ربي عليك ذبحت بناتي ..

صدمه كلامها لي .. بحزن على فراقهم و كلامها لي .. لو يمر دهر يا متعب ما راح تتغير أمك أو بالأصح مرت أبوك ..
حليب اللي رضعته ما يشفع لي عندها !!
بـ ألم حاد ../ مقدر ومكتوب ..

وقفت بطولها ../ أنت اللي ذبحتهم .. الله يا خذك ..

طلعت خفت عليها وين ناويه تروح .. حاولت أقوم لكن الم مو طبيعي برجلي ذبحني ..

أخذت جوالي من الطاولة .. دقيت على رقمها لكن ما ترد ..
طلبت كرسي بروح أدور عليها .. ضغطت على نفسي وعلى التعب اللي بجسمي ..
بعد نص ساعة لقيتها بالكراسي جالسه ..

قربت عندها مسكت كفها ../ واللي يرحم والديك لا تعذبيني ..
ناظرتني بكره وعيونها ما فيها دموع ../ أنت السبب ليـــه تكرهني حرمتني من فلذات كبدي .. الله يحرمك من صحتك ..

دعائها صم أذني .. من قوة الدعاء تركت يدها .. ما أني عارف ليه تحملني موتهم .. ليتني مت قبل لا اسمع كلامها الجارح .. ولا أكون بهـ الموقف ..

..

طول أيام العزاء كنت بالمستشفى ..

ما زارتني ولا خطر ببالها أنها تجيني كنت اخذ أخبارها من
دانه بنت بنتها ..

يوم طلعت من المستشفى .. ما كلمتني ولا شفتها .. حابسه روحها بغرفتها ..

ضربت الباب .. جاني صوتها المبحوح ../ تفضل ..
دخلت جالسه بسكينه على سجادتها ولابسه جلال صلاتها ..

دنقت بصعوبه من رجلي و حبية رأسها .. / كيفك اليوم ..؟
شفتها تستغفر بـ أصابعها .. أرفعت رأسها لي .. بجفاء ../ تبي شي !! ..
جلست على سريرها ../ لا حبيت تطمئن عليك ..
قالت وهي تناظرني ../ بخير دمك بعيد .. وش تبي !!

نزلت رأسها .. تخفي دموعها ..
فاهم حلتها النفسية واللي مرت عليه مو شوي .. بنتين بيوم واحد يروحون منها ..

أحاول الين قلبها عليّ ../ ما أبي ألا رضاك يالغالية ..

خزنه أرفعت رأسها لي ../ ما أني اللي جبتك عشان تطلب مني الرضا ..

ابتسمت بالغصب ../ مين اللي قال كذا .. طلعت على الدنيا و أنا بحضنك يا تاج راسي ..

.. ..

رجعت لأرض الواقع ..


دخلت الصالة .. كلها ريحة بخور و عود .. جالسه ومعها دانه يتقهون ..

بصوت غاضـب ../ يــمـه زوجتني وحده مريـضــه ..
ناظرتني ببرود قاتل ../ طول صوتك ما أسمعك ..

هديت شوي .. تقدمت لها .. حبيت رأسها كأعتذار .. جلست جنبها ../ ليه تزوجيني هـ البنت ..

خزنه ../ كنت محتريتك تجي بس ما ظنيت تجي بهـ السرعة
.. البنت وصفتها لك ولا رفضتها .. وقلت لك أنها بيضاء ..

حطيت راسي بين كفييني بـ ألم و صدمه لحد الحين ما استوعبتها ../ بهـــاق يمه بهــاق عاد .!!.

خزنه تشرب من فنجالها ../ احمد ربك غيرك يتمنى ظفر حرمه ..

تنهدت قبل لا انفجر بـ غيضي .. طلعت بسرعة ..
الكلام معها راح يتعبني زياده ..

.. / خال متعب ..

طلعت مطنش دانه .. ركبت سيارتي .. مدري وين أروح بس المهم بهـ لحظ ما أبي أشوفها ..
و أتعب ناظري بـ اللي فيها ..

الغلط كله مني عطيت أمي الخيط و المخيط بزواجي .. بدون أدنى اهتمام .. ما طلبت أشوفها لان بعائلتنا عيب الواحد يشوف زوجته قبل الزواج ..

أبوها زوج عمتي لكنها هي من أم ثانيه .. أمي أمدحتها لي بـ أخلاقها .. و بدون أدنى اهتمام بالموضوع و لا كأنه يعنيني ما عرضت أي شي ..

وتم كل شي على ما يرام ألا اليوم فرحتي انقلبت تعاسة من اللي شفته فيها ..

×× ××

خوله
..
مسحت دموعي اللي مثل الشلال .. ما كنت أظنه كذا قاسي عليّ .. وش ذنبي أذا أنا مريضه ..

جالسه على لحم بطني من أمس سد نفسي عن الأكل من كلامه الجارح ..
كل ما امسح دموعي ترجع وتنزل ..جرحني وصعبه هـ الجرح يتداوى .. أول لقاء بيننا انتهى بكلمه منه و هـ الكلمة جرحتني حـــيل ..


ناظرت وجهي بالمرايا .. على خدي بهاق و رقبتي بهاق .. لون بشرتي سمرا .. تحسست وجهي بيدي .. المرض غلب عليّ ودمر حياتي .. المدرسة وتركتها بسبته من نظرات البنات ..
لو ما كان فيني شي كان عشت سعيدا ..

خذت كريم من التسريحة .. حطيته بوجهي حاولت اخفي البهاق لكن ما في فائدة ..

جلست بقلة حيله وحزن .. وش أسوي وش اللي يخفيه عن عيونه وارتاح ..
امتلأت عيوني بالدموع .. ناظرت وجهي بالمرايا ..

وجهي حمر من كثر البكي .. و عيوني تورمت ..

سمعت صوت الباب .. ركضت للحمام اهرب منه .. وامسح اللي بوجهي ولو بكيفي مسحت هـ البهاق و ياليته يختفي ..

×× ××

دانه ..

جالسه وقبالي الأب توب .. أتصفح فيه من الطفش ..

أنا دانه بنت شوق الله يرحمها .. عندي أخت صغيره عمرها سبع سنين .. بعد ما ماتت أمي بكم شهر جينا وعشنا عند جدتي .. بعيد عن أبوي و زوجته ..
أمي تعبت بعد ما جابتني .. بعد ما تعالجت بعد سنوات جابت الجوري ..
يقولون عني حلوه .. عيوني وساع لونها اسود .. بشرتي بيضاء .. متوسطة الطوال .. شعري لنص ظهري اسود متموج ..
.. عمري 24 سنه .. متزوجة صلاح عمره 29 سنه ..

كسر خاطري خالي وش ذنبه ياخذ وحده مريضه هو مو ناقصة شي .. مال و جمال .. لكن الحق ينقال زوجته حلوه كثـــير ..


عدلت جلستي ../ هلا جده ..
جدتي خزنه ../ دقي على متعب شوفيه وينه ؟.
دانه ../ استحي يمكن هو عند زوجته ..
جدتي بـ اصرار ../ لا عادي دقي ..

×× ××

متعب ..

دخلت و ألإرهاق ذبحني .. درت بالسيارة لين مليت ما لقيت حل ألا ارجع لها .. الهروب من الواقع مو حل ..
راسي مصدع أحس انه بينفجر بأي لحظه ..
انسدحت على الكنبه .. ناديتها ../ خـوله ..
كررت اسمها كم مره ..

شفتها تمشي لي بهدوء .. غمضت عيوني ما أبي اجرحها بكلمه .. اللي جاها اليوم الصبح كافي ..
أشرت على راسي ..
بتعب ../ تعالي همزي راسي ..
أنطقت بخجل ../ بجيب لك حبت بندول ..
مسكت يدها الناعمة ../ همزيه و يروح الصداع ..
جلست عند راسي وبدت تهمزه .. ما حسيت بنفسي ألا و أنا ....

×× ××

خوله ..
سمعته يناديني و أنا بالحمام .. الله يكرمكم .. ما حبيت أطنشه يمكن انه يبيني أسوي له شي ..

ارتبكت لما قال لي أهمز رأسه .. حاولت أروح لكن محاولتي فشلت ..
حطيت يديني بشعره الناعم .. بدية أدلك رأسه ..

شفته نائم بسلام .. جيت بروح لكن ..


شفته يفز أول ما سمع صوت الجوال ..

×× ××


فتحت عيوني بسرعة .. دورت على الجوال .. أخذته من الطاولة .. جوا ببالي خفت أنهم صاير لهم شي .. بدون لا أشوف الرقم ..
رديت بخوف ../ هلا ..
جاني صوتها القلق ../ هلا متعب وينك فيه ..

بخوف من نبرتها ../ بالفندق .. صاير شي لكم ؟؟.
خزنه ../ ما في شي بس حبيت تطمئن عليكم ..

سكرت الجوال .. أنسدحت وغمضت عيوني ..
أمرها عجيب مره تحبني و مره تكرهني والله صرت ما افهمها ..
بعد ما توفوا خواتي الله يرحمهم .. صايره تخاف على الكل من السيارة ..

×× ××

قمت عنه ..
جاني صوته ../ رتبي أغراضك بروح البيت ..
../ طيب ..

دخلت للغرفة .. وربي قهر ما جلسنا شي ولا حسيت أني متزوجة .. مثل البنات .. لا طلعت ولا رحت مكان .. اففف يا الزواج ..
رتبت أغراضي اللي ما طلعوا من الشنطة .. آآه دايم فرحتي يتيمة ..
قالوا بتتزوجين و بتشوفين السعادة لكن هه السعادة وين و أنا وين ..

رتبت أغراضه ..

جلست أناظر يدي .. البهاق كثــير فيها .. جاني بـ ثالث ثنوي فجاءه .. وتركت الدراسة .. رحت للمستشفيات لكن بدون فائدة ..


../ خلصتي ..
رفعت ناظري له ../ أية ..
التفت متوجه للباب .. / أجل يالله ..
.. لبست عباتي و مشيت وره ..

ركبنا السيارة .. الهدوء يضج بالسيارة .. ما كلمته و لا هو كلمني بكلمة..

×× ××

متعب ..

وقفت على مول بطريقي .. بدون لا أناظرها ../ انزلي ..
ما حبيت اكسر خاطرها .. ما مشيتها ولا وديتها مطعم واليوم صباحيتها .. نزلنا ..
دخلنا الـ مول ..

لفت انتباهي شي فيها .. اسود × اسود .. كلها ما يبين شي فيها ألا ....

مسكت زندها بغضب نظرتها ../ غطي عيونك .. و متكحله بعد ..

×× ××

خوله ..

استغربت نزولنا بـ مول بس ما علقت .. هـ الإنسان غريب ..
ما حسيت ألا وهو يمسك زندي .. بحلقت عيوني فيه ..
تكلم بين أسنانه ../ ما تسمعين ..
نزلت غطوتي على عيوني .. و أنا ناسيه أمرها ..
سمعته يتمتم ../ شي تغطينه وشي لا .. تغطين عيبك عن الناس .. و الزين مبينته ..

بغصة بقلبي ../ رجاءً لا تغلط .. نسيت انزل الغطوا
..
شي بقلبي فرح و لو أنها فرحه يتيمة و مو وقتها .. مدحني و بنفس اللحظة ذمني .. الحزن طغى على ملامحي ..
..

بصوت شبه هامس .. يتبعه كلمات جارحة .. ../ كان نسيتي تلبسين قفازات ..
..

كرهت كلامه القاسي لي وحنا تونا ما صار لنا مع بعض يومين وهذا كلامه .. الله يستر من اللي جاي ..
سحبني من يدي .. مشاني و كأني رجل آلي بدون شعور مني هو يتحكم فيني ..
نسيت والله نسيت أغطيها .. بس هو مو راضي يفهم ..
.. ما حطيت الكحل بعيوني وش أسوي أذا الكحل من ربي ..
أصلن من زين النفسيه عشان اتكشخ له ..

دخلنا محل ..

..

متعب ..

نار شبت بصدر .. عيونها فتنه ما شاء الله .. ناظرت الرجاجيل .. يناظرونها ولا كأني موجود ..
سحبتها عن عيونهم .. هـ البنت ملكي ولا اسمح لأي احد يناظرها ..

أشرت بـ أصبعي السبابة على الملابس ../ شوفي لك شي يعجبك ..

..

عيوني مليانة دموع ما أني شايفة شي .. ولا طايقه هـ السوق بكبره ..

..

ما سمعت منها جواب ..
../ بسرعة يالله ترى اكره ما عندي هـ الأسواق ..

..

حتى بالكلام ما يعرف يجامل .. و ينافخ عليّ بعد .. سد نفس عن السوق ..
../ ما أبي شي ربي يعطيك الله عافيه ..

..

افففف الكلام معها ضايع .. خل ينفعها عنادها ..
دورت بين الملابس شي حلو .. شفت فستان .. قصير مورد بألوان مختلفة .. اخترت مقاس سمول .. هي جلد على لحم ..
و أظن هذا مقاسها .. حاسبت وهي وري مثل ظلي ..
بدون لا أسالها عن رأيها فيه ..

..

مشينا للسيارة ..
أظن أن اللي بالكيس لبنت أخته .. لان على كلام مرت أبوي .. هو ما عنده خوأت كلهم متوفيات الله يرحمهم ..

..

×× ××

دانه ..

سكرت الجوال .. الله يعيني عليه .. لبست عباتي .. و وداعة جدتي و الجوري .. طلعت ..

../ السلام ..

التفت يمي مبتسم ../ وعليكم السلام.. كيف كان يومك ؟!
باسني من فوق النقاب .. حرك السيارة .. همس بـ أذني ..

../ اشتقت لك ..
ببرود ../ تسلم ..
ناظرت ساعة السيارة .. خمس ونص .. بعد سبع ساعات ينقلب وحش ..
تاففت من ريحة الزقاير ..
../ صلاح افتح الشباك انكتمت ..
نفث الدخان على وجهي .. صديت بقرف و قحيت ../ الله يقرفك ..
استنشق ريحة الدخان ببرود ../ بالعكس الريحه تجيب العافيه ..
../ افتح الشباك ..
فتحها بعد اصرار مني .. خفت على جنيني لا يصبه شي من الريحه ..

نزلنا للشقة ..

أنصدمت من الشقة ..
محيوسه فوق تحت ../ صلاح حرام عليك .. الحين كيف أرتبها لوحدي .. نزلت عباتي .. كلها يومين اللي تركتك فيها ..
صلاح ../ ارتب معك ولا يهمك ..
عقدة حواجبي ../ لا الله يخليك ما أبي مساعدتك ..

لو ساعدني يحوس ما يرتب ..
رحت أبدل و لبست بجامه .. وبدية أنظف ..
تحت نظراته ..

..

صلاح ..

ضميتها من ظهرها بشوق و وله ../ كبر بطنك ..

..
ما أني متحملته ../ ابعد ما تشوفني أنظف ..
..

أبعدت بانصياع لأمرها .. جلست و أنا أتابع خطواتها ..
لنا سنه متزوجين .. هي بنت عمي .. ما صار بيننا قصة حب ولا غرام ..

عايش بالديرة وهي بالدمام ولا قد شفتها .. ما كانوا يجون لديره كثير .. عشان كذا ما اذكرها وهي صغيره ..
اشتغلت بالدمام بعد ما كنت موظف بمنطقه قريبه عند ديرتي ..
موظف حكومي ..
أمي شافتها و خطبتها لي بدون علمي ..
بس عشاني عايش لحالي وافقت ..

ما كملت ألا المتوسطة و بعد بالدف طلعت منها اكره ما عندي المدرسة
..
تقهرني لما تبعد عني و أنا مشتاق لها .. البلا لو انه وحام كان هانت لكن هي تحسسني أنها ما تبي قربي ..

×× ××

فياض ..

سحبت شنطتي .. البيت هادي لكن سيارة الوالد موجوده .. كان ودي أجي أمس لكن مالقيت حجز ألا اليوم ..
زواج خوله وما حضرته ..

سمعت صوت بكاء جاي من غرفة أبوي ..
و أنا مستغرب خوله و عند زوجها و هالصوت صوت بكي بنت .. فتحت الباب و أنا ادعي أن اللي ببالي ما أشوفه ..
شفت شي شلني من الحركة .. انقطع الأكسجين من حولي .. دقات قلبي تضرب بقوه و قسوة .. بلعت ريقي الجاف ..

..
..........


سبحان الله وبحمده سبحان الله العظيم .. استغفر الله .. سبحان الله .. الله اكبر .. لا اله ألا الله محمد رسول الله ..

انتهى البارت

[لامارا]

السلام عليكم ..
قراءه ممتعه ..

البارت الثالث ..


صلاح ..

دورت على المفتاح بمداليت المفاتيح اللي معي لكن ماحصلته ..
التفت لها ../ دانه شفتي مفتاح الدولاب ..
مندمجه تتابع الـ تي في .. حاطه البوب كورن بحضنها .. هزت راسها بـ لا ..

قمت ادور بجيوب ثوبي .. مستغرب وين راح .. دايم يكون بالمداليه مع الفاتيح .. وما ضاع الا هو ..
دورت تحت الخداديات ..
لاحظت ابتسامتها لي .. شكيت انها هي اللي ماخذته .. مسكتها من يدها بقوه ../ وين المفتاح ..

..

دانه ..

ابتسمت على شكله حايس الدنيا عشان شي ما يسوا ..
بحلقت عيوني عليه ..قلت ببراءه ../ مدري عنه .. لا تتبل عليَ ..

..

تركتها .. مسكت راسي الوجع ذابحني .. مايداوي هالوجع الا اللي بالدولاب ..
دخلت المطبخ .. حاولت اكسر الدولاب .. كسرته بعد عدت محاولات ..
اخذت قاروره و اخذت ثلج .. جلست مقابلها ..

..

ناظرته بقهر قلت بتهديد ../ يا ويلك ان جيت عندي .. اكفني من شرك ..

..

صبيت كوب مديته لها باغاضه ../ جربي طعمه .. و ما راح تندمين ..

..

شقهت من كلامه انسانه مريض و غبي ../ احترم حالك .. لا تتعد حدودك ..

رحت للغرفه ادور فيها الامان قبل لا يمسكني ..

..

صلاح ..


شربت كم كاس احاول اتهرب من افكاري اللي جابت لي الصداااع ..
../ آآآآه ليتي ارتاح و اريح ..
..

قمت متوجه لها .. جالسه على السرير و ضامه رجولها و دافنه وجهها بين يديها ..
بضعف ../ دانه ..

..

رفعت راسي له .. كرهت طاري اسمي على لسانه وهو بهالحاله ..
ليتني اقدر اهرب من حياته اللي كلها جحيم بـ جحيم .. لكن الباب مقفله بالمفتاح ولا اقدر اطلع ..

..

حطيت راسي على المخده ../ تعبان تعبان يا دانه ..

..

ماهتميت لكلامه ../ اطلع برتاااح ..
حطيت يدي على بطني بخوف انه يجيه شي ..

..

حز بخاطري انها ما تبيني ../ لا تقسين عليَ مثلهم ..
..

وقفت ابتعد عنه ../ عدل نفسك ثم اصير معك طيبه ..

..

مسكتها من يدها امنعها تطلع .. همست لها بوجع ../ يمكن ايامي معدوده .. يبون حقهم مني .. بياخذون بـ ثارهم ..

..


ماني فاهمه شي من كلامه .. قاعد يلخبط فوق راسي .. طلعت ما اهتميت لكلامه .. مو بعقله ولا هو عارف وش يقول ..


×× ××


فياض ..

قربت اشوفها .. نظارتي مو معي و يمكن اني اتوهم .. لكن الصوت !! .. بعدت عني بسرعه ..
مسكتها من يدها ../ وش تسوين هنا ؟؟
حسيت برجفتها بين يدي .. خذتها معي لسيارتي
.. ابعدها عن ابوي .. قبل لا يصير شي ما هو بالحسبان ..

وقفت بمكان شبه خالي .. التفيت لها ../ ميييين انتي تكلمي ..؟؟؟
لاصقه جسمها على الباب ../ ودني لبيتنا ..
هزيتها من يدها ../ تكلمي ؟؟
ماسمعت الا بكيها .. انهبلت من وين ابوي جايبها ..

../ وين بيتكم ؟؟

..

برعب و خوف .. وش يبي فيني ..؟؟
.. مسكت عروة الباب لكن ما انفتح مسكره بقفل اطفال ..
وش ناوي عليه ؟؟!..

..

بغضب ../ لا تحاولين تطلعين لانك راح تتعبين .. وش جابك لبيتنا ؟؟..

..

بخوف ../ رجال شايب خذاني معه ..

..

ابوي خذها .. رجع لحركاته ما تاب يبي يفضحنا بين الله و خلقه ..

لو رجعتها لبيتها راح تفضح ابوي وتصير سمعتنا بين الناس ..

حركت السياره ..


×× ××


متعب ..


دخلنا البيت وهي ولا كانها معي .. ما كلمتها ولا اهتميت لوجودها .. دخلت الصاله وهي وراي .. سلمت على امي ..
وبعدي خوله ..
خزنه باستغراب ../ جايين بدري ..
../ تعرفيني محب انام بعيد عنكم .. جات جوري بحضني .. سالت امي مستغراب .. وين دانه ..
خزنه ../ راحت لـ بيتها ..
كل ثانيه اسرق النظر لها اشوفها وش تسوي .. فاتحه فمها وتناظر الصاله .. ضحكت على شكلها ..

..

خوله ..

صالتهم فخمه و تلفت الانتباه بفخامتها ..
التفت له مستغربه من صوت ضحكته .. ناظرته .. مافي شي يضحك ..

..

متعب ..

../ وين مفهيه وربي شكلك تحفه .. اول مره تشوفين صاله .؟؟

..

خوله ..


احراج .. حسبي ربي عليه احرجني .. حمر وجهي من الفشيله .. ناظرت خالته تناظرني .. نزلت عيوني متفشله و مقهوره منه ..
آه منه ماراح يخليني لوحدي ..


متعب مد الفنجال لي ../ قومي صبي لي ..
عطيته نظره و قمت .. مسكت دلة القهوه ..
توجهت له وعيوني ما طاحت من عيونه .. صبيت له .. مليت الفنجال لين اخره ..

..

جلست الجوري جنبي ..

نظراتها قهرتني .. مسوي فيها القويه .. حسيت بشي حار على يدي .. انفلت الفنجال بدون قصد مني .. نفضت يدي اللي حمرت من حرارت القهوه ..

..

ابعدت عنه خطوتين .. ببرود ../ سوري ..
خالتي ../ انتبهي مره ثانيه ..

..


متعب ..


عقدت حواجبي و بغضب ../ سوري هااه .. اذلفي جيبي لي مرهم .. نفخت على يدي اخفف الالم ..

..

خوله ..


قمت والابتسامه شاقه وجههي .. / تعالي يا حلوه .. مديت يدي لـ البنت الصغيره ..
جات معي ..
توجهت للمطبخ ..

..


متعب ..


قهرتني ابتسامتها .. اكيد انها متعمده ..
../ عن اذنك يمه ..

قمت متوجه لها .. و الشر بعيوني ..


×× ××


فياض ..


وقفت السياره .. لبست نظارتي الطبيه .. بغضب ../ انزلي وانتي ساكته ..

..


التفت اشوف المكان .. المكان ماني عارفته و لا باي حي ..
../ بروح لبيتنا الله يخليك لا تسوي لي شي ..

سحبني بقوه و دخلني العماره .. عارضته لكن بدون فائده .. ضربته لكن هو اقوى مني ولا افلتني ..

دخلني للشقه .. انجنيت وش يبي يسوي فيني ..
مسكت الابجوره بتهديد ../ ان قربت عندي والله لا اقتلك ..


سحبت من يدها الابجوره .. ارجعت على وراه .. لحظت لون عيونها بني فاتح .. اعرف هالعيون مو غريبه عليَ ..

رفعت نقابها بتاكد من اللي ببالي ..صرخت وانا ادقق بوجهها ..



../ وعــــود ؟!!.


×× ××



صلاح ..

سويت كوب شاي لي .. نايمه ماحبيت اصحيها وازعجها بطلباتي .. ناظرتها واقفه قدام باب المطبخ .. ببجامتها الناعمه .. شعرها على وجهها .. تتثاوب بنعاس ..
../ صباح الخير ياكيس النوم ..

..


دانه ..

صحيت و انا اسمع حوسه بالمطبخ .. رفعت شعري عن وجههي .. ببرود ووجهي مايتفسر
../ ثواني و الفطور جاهز ..
حط بكوبه ملعقة سكر ../ مابي شي راح اتاخر على الدوام ..
باسني على خدي ..

..

صلاح ..


طلعت مفتاح الباب ../ انتبهي لنفسك .. ان دقيت عليك ردي ..
هزت راسها بالاجابه ..
طلعت و سكرت الباب بالمفتاح قفلتين لو فيه ثالثه كان قفلته
..

..

دانه ..

ماشوف الدرب من النوم .. هالمشهد دايم يتكرر مدري لييه كل هالخوف و الحذر ..
حطيت راسي على المخده .. ونمت بعمق ..

..

×× ××


خوله ..

اخذت الكريم حق الحروق من الشغاله ..

مد يده لي المحمره .. يده كبيره مقارنه بيدي الصغيره ..
حطيت له الكريم ..

..


نظرتها بغضب ../ ان عدتيها ماراح يصير لك خييير .. قلت اقهرها .. والا تبيني اصير مثلك مشوه ..

..


خوله ..


مالت عليه مغرور على وش من زين حلايا هالوجهه ..
قلت اردها له .. البادي اظلم.. ناظرته من فوق لتحت ..
/ عدال يالمغرور مدري على وش !؟ .. يا ولد الخدامه .. ببرود .. من طق الباب سمع الجواب ..

..

جن اجنوني كل ولا احد يطري لي هالسالفه ..
قربت عندها بعصبيه و غضب .. تكلمت بين اسناني وانا امسك ذراعها لاحظت انها ألتمت على حالها جبانه بس لسانهاااا يبي له قص .. قلت بغضب ../ ترحمي على حالك ..


..



لا اله الا الله محمد رسول الله .. لا حول ولا قوة الا بالله العلي العظيم .. سبحان الله وبحمده سبحان الله العظيم .. سبحان الله .. الله اكبر .. الحمدلله .. استغفر الله واتوب اليه ..


انتهى البارت ...

[لامارا]

السلام عليكم ورحمة الله وبركاته ..

قراءه ممتعه .. البارت الرابع ..


فياض 27 سنه ..




../ وعــــود ؟!!.

رفعت راسها من اسمعت كلامي .. قلت اتاكد ../ اسمك وعود ؟!..


..


نظرته بخوف .. رجعت النقاب على و جههي .. وش عرفه باسمي ..

..


قلت بصراخ وانا اشد على يدها ../ تكــــلـمـي ..

..


ارتجفت من شدة الرجفه لساني ثقل ما قدرت انطق .. هزيت راسي له بسرعه بالايجابه ..

..


تصلبت بمكاني .. طلعت وعود .. مسكت راسي من هول الصدمه ..


مسكتها من اكتافها ../ وش جايبك بيتناا هااااه ..

..


مين يطلع هالانسان ؟؟.. دموعي ماوقفت ../ قلت لك الرجال خذاني ..

..


../ رجال امك وينه عنك ؟؟..

..


وعود 23 سنه ..

عيونه حمره من الغضب .. ترك يدي .. وش عرفه فيني و برجال امي ؟؟ .. ركضت للغرفه .. جيت بسكر الباب لكن هو اسرع مني ..

..



×× ××


صلاح 29 سنه ..

دقيت عليها لكن ماردت .. ذبحني الشك لييييه ماترد وش عندها ؟؟ .. رجعت ادق .. جاني صوتها النعسان ..

../ هلا ..
بغبن ../ وينك عن الجــوال ..
دانه ../ نايمه .. بغيت شي ..
سكرت بوجهها قبل لا انفجر عليها .. عارف نفسي ماراح امسك لساني عن سبها .. حطيت راسي على الطاوله .. لين متى بضل اوسوس .. ذبحني الشك .. رفعت راسي ../ رحمتك ياكريم ..

..


دانه 24 سنه ..

صحيت على صوت الجوال .. طار عن النوم .. متعجرف انسان بلا اخلاق .. مايراعي مشاعري همه نــفــسـه ..

رحت للحمام .. الله يكرمكم .. وبعدها دخلت المطبخ اجهز له الغداء ..




×× ××


متعب 29 سنه ..

قربت عندها بعصبيه و غضب .. تكلمت بين اسناني وانا امسك ذراعها لاحظت انها اتالمت على حالها جبانه بس لسانهاااا يبي له قص .. قلت بقهر ../ ترحمي على حالك ..


طاح العكاز .. مسكتها بيدي الثنتين باحكام من اكتافها ..
../ قد الكلام اللي قلتيه ؟!.
ابعدت جسمها عني .. قربت عندها .. التصقت على الجدار .. العرق صب منها .. وجهها حمر من الخوف ..
خوله ترتجف بين يدي ../ لا تحاول تمد يدك ..

..


خوله 25 سنه ..

الشغاله طلعت ومعها الجوري ..

مصطنعه القوه .. و الرجفه افضحتني بين يديه ..
بلعت ريقي ../ متعب لا تتتماد معي ..
ضغط على اكتافي اكثر .. بصمت بالعشر انها راح تنقطع بين يديه من الالم اللي جاني ..
صرخت بالم ../ آآآآآي ..


../ متعب اترك البنت ..



×× ××



لحقتها قبل لا تسكر الباب .. لمت عباتها على جسمها الضعيف تستر نفسها عني .. بصوت مبحوح من البكي ../ حراااام عليك انت ما عندك خواتك .. ارحم ضعفي .. والله انا مخطوبه .. و زواج قريب .. خاف من ربك .. زووج امي حسبي ربي عليه خلاني اروح مع الشايب غصب عني ..


بكل كلمه تقولها سكين حاده تطعن صدري فيها ..
قلت بصوت غاضب ../ ليه ما منعتيه .. ليكون مسكك ؟؟..
خايف من جوابها ..

جاني صوتها الصادق ../ لا والله .. الله يخليك ارحمني و دني لبيتنا ..

لفيت جسمي عنها متفشل منها لو تعرفني من ابوي ../ لا تخافين مني .. امشي بوديك بيتكم ..

طلعت من الشقه ..


..


وعود ..

اخذت من المطبخ سكين ادافع عن نفسي منه .. خايفه يسوي لي شي ..

..


وصلتها بيت جدتها مثل ما تبي .. بدون لا اقول لها شي ولا جاء لساني على لسانها ..

اول ماشفتها دخلت حركت السياره ..

..


×× ××


صلاح ..

جالسه عند طاولة الاكل .. بستها من خدها الاحمر ..
جلست جنبها ../ كيف حالك ؟
دانه وهي مكشره وبدون نفس ../ الحمدلله ..

رفعت كم ثوبي بابداء اكل ../ شكله اقشر هاللي ببطنك ..

رفعت راسها لي .. وضحت لها ../ دايم مكشره و لا لك خلق لناس ..

..


دانه ..

على كيفه وين شفت الناس عشان مايكون لي خلق لهم ..

الا مالي خلق له .. مديت له الملعقه ../ تفضل ..

صلاح ../ مابيها اكل بيدي احسن ..

مد يده لي كلها رز و لبن ..

لاعت كبدي من طريقة اكله .. ياكل بيديه الثنتين يد يقطع فيها الدجاجه ويد ياكل فيها .. خوص النعمه لبن على سلطه على مرق كلها مع الرز بوقت واحد ..

قمت وانا ساده فمي بيدي رحت للمغسله .. استفرغت .. الله يكرمكم ..

بعد ماهديت طلعت له ..

صلاح ناظرني ../ مو قلت لك اقشر ..
لفيت عنه متوجه للمطبخ .. مسكني بيده اليمين .. تلطخت يدي باكله ..
بقهر من حركته ../ صلاااح ابعد ..
صلاح ببرود ../ وين رايحه .. الاكل مايحلى الا معك ..

جلست مغلوب على امري .. وانا امسح يدي بالمنديل ..
رجع ياكل بيده اليمين بدون لا ينظفها .. حاولت اني ما انظره ..

..


قلت و بفمي الاكل ../ ابوك دق عليّ يسال عنك ..

ناظرتني ../ طمئنته عليك وبكره بيجي .. رفعت حاجبي .. بيجي بدون لا احد يعزمه ..
بس يالله عشانك ماشفتيه من مد خليته يجي ..

..


دانه ..
سكت مالي خلق اتجادل معه بالكلام .. ممنوع ابوك يجيك الا بالشهر مره .. و جارات مافيه تتعرفين عليهم ..
و جدتك لحن قلبي عليك و ديتك لها ..

هذا كان كلامه اول زواجنا .. عارضت و زعلت لكن بدون فائده ..


ببرود ../ لا والله كثر الله خيرك يالحنون ..
../ كانه مو عاجبك كلامي !؟..
بقهر مكتوم و استهزاء ../ لا افا عليك كلامك اوامر ..
قام يغسل .. شلت الاكل للمطبخ ..


..


صلاح ..

ما اطيق ابوها انسان شايف نفسه على الفاضي ..
جلست على كنبه منفرده ..

..


دانه ..

جلست بعيد عنه .. تاملته .. طويل عريض .. له سكسوكه .. اسمر عيونه وساع لونها اسود .. شعره قصير لونه اسود .. له غميزات .. مملوح ..

دايم وحيد ماعنده اخوياه لا برى الدوام ولا داخله .. نفسه بخشمه ولا احد يحبه .. متعب مايحبه و لا جدتي لا
يحترم لا كبير و لا صغير ..


مايطلع كثيير من البيت لادوامه ومن الدوام للبيت ..
.. عايشه بسجن ممنوع عليّ كل شي الا اللي هو يبيه ..

..

×× ××



متعب ..

تركتها استجابه لامي همست لها بعصبيه ../ الوعد فوق ..
ماحبيت امي تعرف وش اللي صار بيننا ..

../ اطلعي فوق ..

..


خوله ..


قربت عند خالتي .. دمعت عيوني بحبث .. ضميتها ودموعي تنزل ../ آآآه يا خاله ..
خزنه بتاثر ../ حسبي الله عليك .. تبكي البنت وهي توها عروس ..
مسحت على شعري بحنان .. رفعت راسي لها ../ ضربني يمه وانا ماسويت له شي ...
قلت لها يمه عشان تحن عليّ ..

..


متعب ..

بغضب .. سحبتها جهتي ../ اكسري الشر يابنت الناس وانقلعي لغرفتك ..

الدموع ماليه وجهها .. وشعرها مبهذل ومتناثر حولها ..

..


خوله ..

شفت الشر بعيونه .. خفت اني اموت بين يديه ..
بتمثيل وخوف ../ يمه الحقيني ..
سحبتني خالتي من يديه .. طلعتني من المطبخ ..
تناظرني بشفقه و خوف .. ضمتني لصدرها بخوف ../ عساه ما اوجعك ..

بخبث زاد بكاي .. رفعت راسي لها .. وانا اشوفه جاينا ../ الا يمه ..

..


متعب ..
سحبتها من يدها هزيتها بقوه.. مصختها مره ../ وش ناويه عليه الليله ؟؟..

..


خوله ..

حالف اليوم يقطع يدي .. ضربته من صدره والوجع ذابحني .. نزلت عيوني .. عيونه تخوف حمره وفاتحها بوسعها ..
خالته خزنه ../ اتركها ..

تركني ..

طلعت .. الحمدلله خالته جات بالوقت المناسب والا وش يفكني من غضبه عليّ ..
ماقلت الا اللي قلته الا من حر مافي قلبي .. يقط عليّ كلام مثل السم و يبيني اسكت ..

فتحت باب جناح .. شفت فيه اشناطنا .. دخلته وسكرت الباب ..

..


متعب ..

ضربت الباب لين ارتطم بالجدار ..
طلعت من البيت بكبره .. وش حدها تدافع عن الزفته خوله ..
لحد الحين تكرهني ولا هي معتبرتني ولدها .. ركبت سيارتي قبل لا اتهور و اطلع لها و اذبحها بين يدي ..

..


×× ××


قبل تسعه و عشرين سنه ..
جالسه عند ارجوله ..بترجي وقهر ../ طلقها تكفى مستعده ازوجك شيخة البنات والله اخطبها لك بكره ..
دزها عنه بكره ../ ماتزوجتها عشان اطلقها .. وابشرك هي حامل ..

تلطم خدودها وبنتها جنبها و الرضيعه تبكي و كانها حاسه بامها .. حولها تبكي بقهر وحرقه بصدرها ../ ياشماتت العذال فيك يا خزنه .. آآآآه هذا جزاتي صبرت عليك سنين واخرها تتزوج عليّ خدامه .. هانت عليك العشره ..
طلع تاركها تندب حظها ..

..


بعد تسع شهور ..

توفت امه بعد ما اولادته ..
حط الطفل بين يديها ببرود قال ../ اهتمي فيه واعتبريه ولدك .. رضعيه مع نوره ..

ناظرته بقهر .. حطت الطفل على الارض بقلب قاسي ../ ولد الخدامه ماني مستعده اربيه ..

بعصبه ../ ان مارضعتيه اعتبري نفسك طالق بالثلاث ..
جرحها بكلامه .. يطلقها عشان ولد الخدامه ..
غضبن عليها رضعته خايفه من الطلاق والناس ما ترحم ..


.... ....


بعدها ب سنتين ..

بالمستشفى ..

ابو متعب ../ وصيتي لك متعب حطيه بعيونك .. سند لك يا خزنه و لبناتي هالولد من بعد عيني .. لا اوصيك عليه .. وعلى بناتك اهتمي فيهم ..

خزنه و الدموع بعيونها ../ ان شاءالله ان شاءالله .. هم بعيوني .. الله يطول بعمرك و يخليك لنا ..

بعدها باسبوعين توفى الله يرحمه ..


×× ××



مسكتها من شعرها البني الطويل ..
../ مع مين جايه يا مسودة الوجه .. فضحتينا حسبي الله عليك ..


..



انتهى البارت ..

[لامارا]

السلام عليكم و رحمة الله و بركاته ....


اليوم البارت طويل واتمنى انكم ما تحرموني من توقعاتكم ..
قراهء ممتعه ..
البارت الخامس ..


الساعه عشر بالليل ..

ابعدت عنه .. دخلت الحمام اتروش .. ياليت يكون على طول حنون معي .. لكن البلا لسانه و شخصيته اللي ترفع الضغظ ..

الحمدلله جاء ابوي ولا تمشكل مع صلاح والا وش يفكني من الجدال اللي يصير بينهم ..

نشفت شعري بالفوطه .. دخل بعدي للحمام .. خليت شعري مفتوح بطوله يجف .. اخذت لي لحاف خفيف اتدفه فيه من برد التكيف .. طلعت للصاله جلست قدام الـ tv ..


حط يده على بطني ../ كيف البيبي معك ..
بنغزه ../ متعبني مثل ما انت متعبني ..
صلاح ../ افا يا ذا العلم .. بستنكار .. متعبك ؟؟ اطلب أي شي تبين اراضيك فيه ..

ابتسمت استغليت الفرصه ../ ابي السوق و ابي احضر العزيمه حقت حرمة خالي متعب ..
صلاح ../ ابشر جاك اللي طلبتيه ..

ماني مصدق ../ من جدك ..

صلاح بجديه ../ ايوه .. بكره العصر بخذك للسوق ..
بفرح بست خده ../ تسلم ..

..


صلاح ..

فرحت لفرحها .. لها اكثر من شهر ما طلبتني اوديها مكان .. ولما طلبتني ما حبيت اردها و اكسحها ..


×× ××


مسكتها من شعرها البني الطويل ..
../ مع مين جايه يا مسودة الوجه .. فضحتينا حسبي الله عليك ..

..


اوجعتني من شدها لشعري ../ جده تكفين اتركي شعري ..
جدتي بعصبيه ../ عمك يقول انك رايحه مع واحدن تعرفينه .. الله ياخذك دامنك فضحتينا ..

دزتني على الجدار بكل قوتها .. رفعت راسي .. مسكت خشمي نزف دم .. جاتني ضربه مو طبيعيه على ظهري بعصاتها .. لفيت لها و دموعي تنزل ../ آآآآي ..
بقهر و غبن ../ الله يالـ... كذاب طلعت من البيت لبيتك ..
عساه يشوفها باعز الناس له .. مسكت يدها .. كيف تشكين فيني وانتي اللي مربيتني ..؟؟

جدتي بعصبيه ../ وين كنتي اجل لك ساعه برى البيت ؟؟.
وخرت يدي عنها ..
مسحت دموعي .. بكذبه ../ كنت بالبيت وش يطلعني منه ؟؟ .. لكن هو ما شافني وامي طالعه للزواج .. قلت له يوديني لكنه رفض و جيتك بتكسي ..

جدتي بحنيه عليّ ../ حسبي الله عليه شيشني عليك ..

ضمتني لها بحنان .. تحسبت عليه من اعماق قلبي ..


×× ××


خوله ..

رتبت اغراضي و اغراضه ..
طفشانه حدي .. نزلت تحت بعد ما تاكدت ان سيارته مو فيه ..
سالت الشغاله عن خالتي وقالت انها نايمه .. طلعت لجناحي ..
شدني من يدي .. لفيت اشوف مين اللي وقفني .. سحبني لجهته .. قرب وجهه لوجهي .. وجهه مسود .. تحت عيونه هالات سوداء .. معقد حواجبه ومكشر وجهه .. بلعت ريقي الجاف ..

..


متعب ..

مرهق و تعبان .. حاط شماغي على كتفي و مشمر اكمام ثوبي .. بصوت مرهق ../ الا امي يا خوله .. لا تدخلينا بيننا و الا بيكون لي تصرف ثاني معك ..

ناظرتني .. تركت يدها .. لفيت عنها قبل لا يصير شي مو من صالحها ..
صوتها الشبه متردد ../ لا تظن ان ضعيفه .. تراني عن عشر رجاجيل

عطيها ظهري باستهزاء ../ واضحه القوه ..

وقفت قدامي حطت يدها على خصرها ../ وش قصدك ؟؟

سحبت يدها من خصرها استفزتني حركتها .. حطيت يدي على فمها قربت منها بوحشيه ../ اسكتي لا تطلعيني من طوري .. تراني ماسك اعصابي عنك ..

..


خوله ..

احترق جسمي من قربه .. انفاسه حاره .. انقطع الاكسجين عني ما قدرت اتنفس .. بردت اطرافي وتجمدت عن الحركه ..
../ الا امي خط احمر بحياتي و لا احبك تتعدينه ..
تركني و نزل تحت ..

تنهدت برتياح .. هويت على وجهي المحمر ..
..


متعب ..

عدت لها كلامي يمكن انها تفهم و تطيعني .. فتحت الباب بهدواء .. نايمه و جنبها الجوري .. جلست على الكرسي اللي عند سريرها .. ناظرت ساعتي الجلد البنيه .. الساعه 2ونص .. هذا وقت قومتها لصلاة الليل ..


ارفعت عنها الحاف ../ متعب !!
رفعت راسي لها ../ يمه .. نزلت راسي .. قربت عندها .. زعلانه عليّ ؟؟.. مابيك تنامين وانتي زعلانه مني ..
خزنه ../ ماني زعلانه ..
حبيت يدها و راسها ../ مارضى عليك يالغاليه .. ولا ابيك تتتكدرين عشاني ..
ابتسمت لي براضى ../ الله يرضى عليك ..


×× ××


صلاح ..

مسكت يدها السوداء .. كلها سوداء مايوضح شي منها ..
مسكت الاكياس عنها .. طلعنا قبل لا يكثرون الناس بالسوق ..

..

دانه ..

الحمدلله خلاني اشتري كل شي على ذوقي ولا علق بالاغراض اللي شريتها ..

..


صلاح ..

جاني اتصال من الوالد ../ هلا يبه شلونك ؟...
../ علامك معصب ؟؟ دقات قلبي زادت .. وش يبي منك محمد ؟؟.. لاحول كم مره قلت لك ما سويت له شي .. سكت اسمعه .. يبه لا تعطيه رقمي .. بتصريفه .. خلاااص بكلمه .. فمان الله ..

مشيت مسرع للبيت .. وصل لابوي التـ... .. اشوه انه ما قاله عن السالفه ..

..


دانه ..

وش قاله عمي عشان يقلبه كذا .. الله يستر من تغيره المفاجاء ..

دخلنا الشقه ..

مسك يدي ../ لا تصدقين أي احد يلعب بعقلك ويقولك شي عني ..
لفيت له وانا ما طلعت عباتي بشك ../ ليه مسوي شي ؟؟ ..

..


صلاح ..

جلست قلت كلام غير مقنع ../ الله مكثر الحساد اللي يحبون يفرقون بين الاحباب ..

..



دانه ..

احباب !! شكله غلطان أي محبه بيننا .. هذي اللي يتكلم عنها ..

..


صلاح ..

ماني عارف كيف اوصل لها اللي يدور ببالي بدون لا اوضح لها أي شي عن الخطر اللي يداهمني ..
../ انتي نفذي وبس ..

..


دانه ..
هزيت راسي له .. قمت اطلع عباتي .. كلامه مو مفهوم ولا هو راضي يفهمني .. خليته على راحته مصيره يفضفض لي .. وانا بطبعي ماني فضوليه ..


×× ××



فياض ..

../ يبه وش اللي حدك على بنات الناس لين متى وانت بهالحاله .. قلت اصحيه من غفوته .. عندك بنت خاف عليها لا يجيها شي ..
مقدر اصرخ ولا اعصب عليه هذا ابوي الغالي .. لكن هو حطمني مالقى الا ....

مسكت يده ../ يبه هذا ديّن مو لعبه .. كانك ودك بالعرس بخطب لك ..

ابوي وجهه اسود من كلامي له .. بندم وحسره .. حط راسه بين كفينه ../ مادريت انها .. قال وكانها غصه ببلعومه .. خطيبتك !! .. والا والله ماخذتها ماكنت بوعي ..

قلت اخفف عنه والا جمره تغلي بقلبي من اللي صار لكني كاتمها ../ احنا عيال اليوم يالغالي ..

×× ××


خوله ..

بعد مرور يومين .. بهاليومين اللي مروا تجنبت التقي بمتعب لوحدنا ..
اليوم خالتي خزنه مسويه عزيمه بمناسبة زواجي من متعب .. ناظرت شكلي بالمرايه .. ابتسمت ابتسامة رضى على شكلي ..

نزلت وانا اقراء آية الكرسي و المعوذات ارقي نفسي ..

ناظرت الحريم .. الحمدلله مو كثير الحريم .. سلمت عليهم .. جلست عند خالتي .. جاتني دانه سولفت معها .. جذبتني بنت بآخر الصاله وشكلها مره مغروره و شايفه نفسها .. سالت دانه عنها ..

..


دانه ..

ناظرتها ../ هذي رونق ..
خوله ../ ما هضمتها شكلها مغروره لما جيت اسلم عليها رفعه خشمها ..
باستنكار من كلامها ../ حراام عليك .. وربي عسل ..
ارفعت اكتافها ../ هذا اللي شفته .. متزوجه ؟؟..
ناظرت رونق بحزن ../ لا ياحرام مطلقه ..

..


خوله ..

باستغراب ../ كل هالجمال و مطلقه ..
دانه ../ مسحوره سحر تفريق .. اشرت لها تجي ..
نزلت يدها ../ ليه ناديتيها ..
دانه ../ اقولك البنت تنحط على الجرح يبراء ..

جات و وراها ولد صغير و شكله ولدها لانه يشبها ..

لبسها عادي جداَ تنوره سوداء و بلوزه نيليه منقطه باسود و فلات اسود الله يكرمكم .. شعرها احمر وشكله محناء .. يلمع و كثييف لين كتفها .. دققت بملامحها لما وصلت عندنا .. عيونها لونها عسلي .. بيضاء بشرتها .. شفايفها مليانه بالون الوردي ..
اهدابها كثيفه .. بمعنى الكلمه حلوه ..

..


دانه ..

جلست بنعومه ../ كيفك وكيف البيبي ؟؟
دانه ../ كويسه .. والبيبي الحمدلله طيب ..

مسحت على شعر ناصر ../ بوسني .. قربت خدي لشفايفه ..
باسني و تخبا ورا رونق ..

رونق ../ نصور عيب انت رجال لا تتخبا .. دفن راسه بحضنها .. ناظرت خوله .. شلونك يا عروس ..
خوله برسميه ../ تمام .. كيف حالك ؟؟
رونق ../ الحمدلله .. منتي ناويه تسافرين شهر عسل ..

..


خوله ..

وين العسل دام اولها تجريح .. بثقه عكس اللي بداخلي ..
../ ان شاء الله ..
سولفت مع دانه وانا ارد بالقطاره .. ظلمت البنت من جد مثل ما قالت دانه البنت عسل ..

..


دانه ..
الشغاله ../ بابا صلاح يبي انتا ..
باستغراب قمت معها ../ عن اذنكم .. رحت معها .. واقف قدام باب المطبخ اللي يودي للحوش .. طلعت له .. هلا صلاح ..
التفت يمين و يسار ..سحبني معه لداخل المطبخ .. صلاح بغيره ../ ما تستحين طالعه كذا .. ناظرني من فوق لتحت ..
بتبرير ../ مافي احد ..
صلاح ../ مافي احد !! والسواق وش ؟؟ لو انه مار وشافك ؟؟ .. البسي عبايتك يالله ..
../ تو الناس .. قلت لي اجلس لين العزيمه تخلص ..
صلاح ../ آسف اسحب كلامي ..
يبي الزله عليّ عشان ينكد عليّ و شكلها هذي هوايته .. بدون لا اعارضه .. وخرت عنه ..
لاني لو عارضت بيسوي مشكله واللي ما يدري يدري ..

..


صلاح ..

ابتسمت وانا اشوفها رايحه .. عجبني شكلها و لبسها ..
جمره حار تكوي قلبي لو انه شافها احد .. والله لا اذبحه بيدي الثنتين .. حلالي ولا احب احد يشاركني فيه ..

×× ××



الساعه الحادية عشر فالليل ..

رونق ..

../ عطي اخوك لابارك الله فيك من بنت ..
بقهر ../ مابقى لي شي من الضمان .. قبل امس عطيته ..

ابوي بتهديد ../ عطيه والا والله لا ادق على عساف ياخذك معه ..

ارتجفت بخرعه و رعب من طاري اسمه .. ركضت لجوال ابوي بدون وعي .. خذته من على الشاحن ..
مديته له ويدي ترتجف وقلبي يدق بقوه ../ دق عليه ..

اخوي باحراج و حزن على حالي ../ رونق خلاص مابي شي ..
سحبني معه و انا كاني جماد ما تحركت ولا تكلمت
دخلني للغرفه .. باسني على راسي .. قال باسف ../ آسف ..
بصوت مبحوح يالله طلع مني ../ تبي فلوس ؟؟..
اخوي ../ لا خلاص ..
قمت و فتحت شنطتي و مديت له مبلغ .. اخذها بعد ما حلفت عليه وطلع ..

طحت على السرير وكاني جثه مافيها روح .. دموعي متحجره مي راضي تنزل و تريحني .. محد راضي يفهم اني محب طاريه وكانهم فيهم صمم ولا يسمعون كلامي ..
وش اللي يحده يذكره قدامي .. ليييه يحب يعذبني مو كفايه العذاب اللي انا فيه .. خذت بوكي ..

مديته له ..
بتعب ../ اخذ الفلوس اللي فيه بس .. جلست عند رجوله .. حركت راسي يمين و يسار .. بحزن .. لا تذكره قدامي ..

حطيت البوك بحضنه ..
ابوي بنزعاج من حالي ../ يا بنت الحلال اخذي بنتك ..

خذتني امي معها لغرفتي .. سدحتني على سريري .. حطت يدها على راسي .. قراءة عليّ .. لين هديت ونمت ..


×× ××


متعب ..

دخلت الجناح بعد يوم طويل و تعب .. طفيت النور .. انسدحت على السرير ..
شغلت النور .. جلست على كرسي التسريحه .. تطلع اكسسوارتها .. تاملتها ..

ناظرتها من المرايه ..

سمرا بشرتها لكن السمار الحلو .. بشرتها صافيه لكن فيها بهاق .. خدودها دايم حمرا .. حواجبها مرسومه ..
عيونها فيها لمعه ولونها اسود و اهدابها كثيفه مكحله من الله .. سبحان اللي خلقها .. شعرها اسود لنص ظهرها ناعم ..
طويله و نحيفه ..

..


خوله ..

انتبهت له يناظر فيني .. قمت اغير لبسي .. ناظرته وقف قدامي .. تعلقت عيوني بعيونه .. نزلت راسي من نظراته الغريبه ..

..


متعب ..

حطيت يدي على دقنها .. رفعت راسها لي ..
همست لها ../ يا زينك هاديه و مسالمه .. تكونين احلى بكثير ..
ناظرتني .. ابتسمت لها بروقان ..

..


خوله ..

علامات استفهام فوق راسي .. متغير وش عنده ؟؟ .. صاير حنون بزياده ولسانه صاير ينقط عسل ..

سكت وانا احتري منه تبرير لتصرفاته ..
مسح على شعري .. غمضت عيوني .. ماحبيت ارسم له صوره بداخلي وبعدين اندم ..


..


متعب ..
بستها على خدها .. لفيت عنها مابي اضعف قدامها و تستغل هالشي لصالحها ..
سمعت جوالي يدق ../ هلا .. عقدة حواجبي .. عساف !! .. سكت اسمعه .. الشرطه ليه ؟؟ .. جايك ..
بدون لا اكلمها طلعت من الجناح ..

..


خوله ..


ماسمعت ولا شي من المكالمه .. استغربت طلوعه ..
لحقدته لكن ماحصلته .. طلعت لجناحي ..
دخلت ابدل ملابسي .. وبالي مشغول فيه ..


×× ××


جاء ومعه كاس !! .. سحبت الكاس منه وكبيته على الارض بقهر منه ../ ان كنت تبي تشرب اطلع من الشقه .. وعندي لا عاد تشرب ..

..


صلاح ..

بقهر مكتوم ../ كبيتي النعمه ..




انتهى البارت ..

.. دمتوا بحفظ الرحمن ..

سبحان الله وبحمده سبحان الله العظيم .. لا حول ولا قوة الا بالله ..

[لامارا]

السلام عليكم ورحمة الله وبركاته ..

لا تلهيكم الروايه عن الصلاة ..

البارت السادس ..


متعب ..

دخلت مركز الشرطه .. اللي اشتغل فيه .. سالت عن عساف .. توجهت له ..

اخذته معي لمكتبي .. جلست على الكرسي ..
../ وش سويت ؟؟
جلس قدامي .. ناظرني ببرود ../ كان معي كيس مخدرات بالغلط بسيارتي ..
ناظرته بغضب ../ لا تظن اني بتساهل معك عشانك ولد عمي .. سكت ثم قلت بهدواء .. وين كنت رايح ؟؟..
عساف واقف قدامي ../ لديره بسلم على الوالد و محمد ..

..

عساف ..

ببرود ../ كم اقضيها سنه على هالكيس .. ناظرته بحبث و غضب مكتوم .. الا بسالك صلاح وين بيته ؟؟
متعب ../ وش تبي بالرجال ؟؟..
بغضب ../ بيننا ديّن .. جلست ببرود ..
..

متعب ..

بغصب و قرف منه ../ قم وقف .. شكلك تعديت حدودك .. لو لا الشايب و الا و الله لا خليك تعفن بالسجن ..
بستغراب ../ ديّن !! وش هو ؟؟


×× ××



جاء ومعه كاس !! .. سحبت الكاس منه وكبيته على الارض بقهر منه ../ ان كنت تبي تشرب اطلع من الشقه .. وعندي لا عاد تشرب ..

..

صلاح ..

بقهر مكتوم ../ كبيتي النعمه ..
اخذت منها الكاس بغضب .. من امس وانا كاتم غيضي عنها .. من يوم طلعت لي وهي بدون عبايه ..

ناظرت الكاس .. مسكتها من رقبتها من ورى قربت الكاس من خشمها بغضب ../ شمي شمي فيه ريحه و الا ؟؟

..

دانه ..
ماسك رقبتي بيده الضخمه .. قرب الكاس من خشمي .. شميته لكن مافي ريحه !!.. بصوت مبحوح والم ../ لا ..
تركني .. ناظرت الارض ..

شبه جالسه على الارض .. مررت اصابعي على الارض .. باستغراب ../ ماء !!..

قمت منحرجه منه .. نظفت الارض .. جالس على الكنبه ..
مغمض عيونه .. ساند راسه على طرف الكنبه .. قربت عنده .. جيت بابوسه اعتذر على اللي صار .. وقفني بيده ../ ابعدي عني لا يجيك شي مني ..
..

رجعت خفت من تهديده ../ آسفه ..
../ جيبي حبوبي ..
جبتها له مع كاس ماء .. جلست بعيد عنه .. اخذ نص ساعه يتقلب بهالكنبه لين نام .. غطيته بالحاف ..

..

صلاح ..

من لما ابوي قالي عن محمد .. و انا بس اوسوس خايف عليها اكثر من نفسي مابغى احد يضرها بشي ولا حتى بكلمه ..
مابغي اضرها معي و لاني حاب ابعدها عني ..

راسي بينفجر من كثر ما تجيني افكار تخوفني عليها اكثر .. طلبت منها تجيب لي حبوبي حقت النوم ابي انام ..



×× ××


فياض ..

طالع من البيت من امس مالي وجهه اجلس مع ابوي بنفس المكان ..
كل ما تذكرت هو وش كان ناوي عليه .. ودي الارض تنشق و تبلعني .. مصيبه فوق راسي آآه ليتني ما عرفتها ولا كانت موجوده هذيك الليله بالبيت ..

.. يدق ولا رديت عليه .. ما ابي اسمع منه ولا شي ولا ابيه يبرري لي كافي اللي جاءه منه ..

يوم قلت له يالله طلع مني الكلام .. آآآآه ياقوها على قلبي ..
يا ليته ما شافها ولا هي شافته .. مابقى شي على الزواج ..

حطيت راسي على الدركسون و ضغطت عليه بهم ..
تنهدت بحزن على حالي ..
حركت السياره طالع من الدوام .. متوجه للبيت لو كان بودي ما اجيه .. لكنه احرق الجوال ..


×× ××


..

عساف ..
وقفت قبل لا اقضي الليله بالسجن ../ ديّن يا ولد العم ..
متعب ../ ليكون سالفة ..
قاطعته بقهر ../ ايه سالفة نجوى والا تظن اني ناسيها ..
لو يمر عليها دهر ماني ناسيها ..

..

متعب ..

بحاول الين قلبه ../ يا رجال السالفه مضى عليها سنين .. و الرجال صلح غلطته ..
عساف بقهر ../ بعد ايش بعد ما حبين خشوم و صارت سمعتنا بين الناس ..

متعب سكت ثم قلت ../ لا تتعرض له .. و فكنا من شرك ..
هز راسه يسكتني ..

خلصت قضيته على السريع و طلع منها مثل الشعره من العجين ..


×× ××


خوله ..

انطق الباب .. قمت بكسل افتح ..
الشغاله ../ بابا انت تحت بالمجلس ..
فتحت عيوني على وسعها ../ ابوي !!
نزلت اركض على الدرج .. الله يستر وش جاي يبي ..
واقفه قدام الباب .. ناظرني مشى لي .. مو قادر يصلب طوله يترنح بمشيته .. و يدندن بكلام مو مفهوم ..

ضمني بيديه .. سديت خشمي من ريحته ..
ابعدت عنه بخوف ملاء قلبي .. مد يده لي ../ عطيني فلوس ..
../ ماعندي شي و لاني عاطيتك عشان تشرب السم ..
حسيت بشي حار على خدي ../
لا قلت شي ما تقولين لا انقلعي اطلبي من زوجك ..

رحت اجيب له فلوس قبل لا يفضحني قدام متعب و اهله ..

عطيته الفلوس من شفته طلع رحت لجناحي .. مشيت على راس اصابعي .. دخلت بهدواء .. جلست على السرير ..

../ وين كنتي ..
التفت له بخرعه ..
بتوتر ../ كنت بالمطبخ .. اشرب ماء ..

..

متعب ..

توني داخل .. مستغرب منها .. وين كانت ..

مررت يدي على خدها الاحمر ../ وش فيه خدك .. ضربه ؟؟
حركت راسها لي بـ لا ..

قربتها عندي مسكت يدها بحنان .. ناظرتها بوله كلها على بغضها اغرتني ../ لا تحرميني من حق الشرعي ..
نزلت راسها بخجل ../ ماني مانعتك ..
ابتسمت لها ..


×× ××


رونق ..

طلعت عبايتي و انسدحت على السرير بتعب .. جايه من الشيخ .. تعبت اليوم من القراءه .. باجبار من ابوي كل ثلاث ايام اروح له .. لو بكيفي ما رحت له ..
الله يجزاءها خير اللي سحرتنا لانها سوات خير لي .. ارتحت منه ومن العذاب اللي كنت عايشه فيه معه ..

دخلت امي تدهني بالزيت المقري فيه ..
امي انسانه حنونه و طيبه .. هي اللي تعبت معي بمرضي .. دمعت عيوني بحزن على حالي بالقراءه اتعب كثير..

نمت يمكن اني انساه .. وامحيه من حياتي ..


×× ××


جالسين يتقهون .. حبيت راسها ../ كيفك عساك بخير و بعافيه ؟.

../ لا تظن اني ناسيه من تكون يا ولد الخدامه ..
بلعت ريقي .. العرق يصب مني .. وش قلبها عليّ وش الذنب اللي اقترفته عشان تهيني قدامها ..

ناظرت خوله بغضب عطيتها نظره .. ناظرت امي .. جلس عندها ../ وش صاير ؟؟

..

خوله ..

استغربت من جملت خالتي لمتعب ..
من حط عيونه بعيوني .. بسرعه ناظرت للفراغ عيونه تخوف .. ثم رجعت ناظرت فيه ببرود .. ما ينفع فيه الا كذا بتغداء فيه قبل لا يتعشى فيني ..
حطيت رجل على رجل بشماته ..
خالتي ../ الشين الاغبار جاي لبيتي ..


×× ××


وعود ..

طلعت للمجلس .. قبل لا ادخل لا حظت طرف ثوب ابيض .. جدتي تسولف معه ..
ناظرته من على جنب لكنه ما يوضح وجهه .. رجعت خطوتين وقفني صوت جدتي ..
../ وعود تعالي ..
دخلت متردده .. جدتي اشرت على اللي جالس ../ سلمي على خطيبك ..
ناظرت له و انا من اول ما شفته و لا اعرفه .. صدمه هو نفس الشخص اللي خذاني معه .. طلعت بسرعه .. هو نفس والله هو .. مسكت راسي ../ وش هالمصيبه طلع خطيبي ..


×× ××


متعب ..

التفت لامي احتريها تكمل كلامها ..
امي ../ خالك جاء ..
عقدت حواجبي ../ مين سالم ؟؟
امي ../ كومار عسى مافي كومار ..
صدمه ../ ليه جاي .. وش قال لك ؟؟
امي ../ يبغاك ..
بتهرب ../ مابيني و بينه كلام ..
امي بغضب ../ هالاشكال مابيها تدخل بيتي ..
قلت امتص غضبها ../ ابشر من عيوني ..
ما يعصبها كثر سالفتي ما تبي تتذكر خيانة ابوي معها ولا تجريحه لها ..


×× ××


قمت مفزوع .. لفيت ادورها .../ دانـــــــــــه ..

..


دانه ..
شغلت الـtv .. مندمجه مع الفلم .. ضميت رجولي لصدري ..
جيت عند بسرعه .. بخوف .. وجهه احمر وعيونه حمرا .. والعرق مالي وجهه ../ صلاح وش صار لك ..

ضمني لصدره بحنان يهذري بتعب ../ ما ابيهم يحرموني منك .. آآآه مالي ذنب باللي صار لها .. هي السبب ..

ناظرته ../ وش سالفتك تكلم كل يوم بهالحال .. ابعدت عنه ..

انسدح و حط ذراعه على عيونه .. سحبت يده ../ تكلم حراام عليك تعذبني معك .. مين هي ؟؟


×× ××


عساف ..

جلست ببرود .. رميت الظرف بحضنه ../ ابي رونق ترجع معي ..

فتح الظرف .. تهلل وجهه بفرح ../ الحين اجيبها لك بلبسها ..
طلع ..


×× ××


متعب ..

الساعه الحادية عشر ..

دخلت للشقه .. سكرت الباب ../ السلام ..
بصوتها الناعم الرقيق ../ هلا فيك وعليكم السلام ..


ضميتها بشوق .. همست لها بصوت هادي ../ اشتقت لك كثييير ..






انتهى البارت ..

خوله متعب .. دانه صلاح .. وعود فياض .. رونق عساف .. ألقاكم مع ابطالي ..

[لامارا]

السلام عليكم و رحمة الله و بركاته ..

قراءه ممتعه

..

البارت السابع ..


رونق ..


وقفت بقهر ../ مابي ارجع معه ..
سحبني من شعري ../ ترجعين معه و انتي ما تشوفين الدرب ..
بالم ../ ترميني بالنار وانا بنتك ..
ابوي ../ اخذيه قبل لا ازوجك الشايب .. ترك شعري ..
مسكت يده بترجي و انكسار .. قلت و انا مقتنعه بكلامي ../ الشايب اهون عندي ..

ابوي ابتسم ../ لكن عساف دفع اكثر ..

بحزن على حالي و كاني سلعه عنده ../ ان كنت ما تبيني ارجع مره ثاني عندك .. بالم و قهر .. زوجني الشايب ..


×× ××


فياض ..


الجده ضربت يد بيد ../ وخزياه فشلتني هاللي ماتستحي ..
مسحت وجهي بتوتر من ردت فعلها المتوقعه ..
وقفت الجده ../ بروح اشوفها .. طلعت لها ..

سمعت صوتها العالي يملا اركان البيت الصغير .. ما حبيت احرجها و احرج نفسي .. طلعت قبل لا يصير شي مو بالحسبان .. صوتها كل ماله يعلى ..


×× ××


وعود ..


../ خليه يطلع .. ما بيني و بينه كلام .. رجلي تهتز من التوتر .. دقات قلبي سريعه .. كل ما تذكرت ابوه وش كان ناوي عليه .. كرهي له يزيد ..

جدتي بعصبيه ../ ما تستحين قصري حسك لا يسمعك فشلتني ..

بقهر عليت صوتي ابيه يسمعني ../ مابيه و لا عاد يدخل البيت .. الله ياخذه و ياخذ ابوه الـ ....

ناظرت جدتي بقهر و ظلم ../ يمه ابوه كان ناوي .. بلعت ريقي .. خناجر بصدري تطعنه كل ما تذكرته .. آآآآي ..

الم من راسي اوجعني كثييير .. رفعت عيوني اشوف مين الشخص ..
صرخت بخرعه ../ لا ابعـــ ...


×× ××


متعب ..


بستها على خدها .. وضميتها لي اكثر .. لاجيت لها انسى همومي و مشاكلي ..

ابعدت عني ../ العشاء جاهز تفضل ..

رحت معها لغرفة الطعام .. مرتبه الطاوله و مزينتها بورود الجوري الحمراء ..
جلس على الكرسي .. مادت لي صحني بعد ما حطت فيه الاكل ../ تسلمين ..
قالت برقه و نعومه ../ ربي يسلمك ..

انتبهت لها ../ ورود علامك ما تاكلين ..


..


ورود ..


بكذب ../ ما فيني شي بس شوي تعبانه و دايخه ..
متعب ترك الملعقه بشك ../ ليكون ما انتظمتي على الحبوب ..
بصدق ../ الا منتظمه ..


..


متعب ..


بدون لا اراعي مشاعرها ../ لا تنسين انه هالزواج فتره و يعدي .. فلا تغلطين .. لانه محد راح يندم كثرك ..

رجعت اكل ببرود ..

وقفت عن الاكل من جملتها المفاجاه

بتردد واضح ../ كيف زوجتك حلوه ..

ابتسمت بخبث بداء شغل الغيره ../ تبين الصدق .. هزت راسها بايوه .. ببرود و صدق .. هي احلى ..

وجهها انقلب علبة الوان .. قلت اهدي من الوضع و قبل لا تنفجر عليّ ../ انتي فيك اشياء حلوه وهي بعد ..
غمزت لها .. لا تخافين مكانك بالقلب محفوظ ..

بسرعه ترضى و بسرعه تزعل و هذا اللي يعجبني فيها ..


..


ورود ..

كل شي متصنعته عشان شي واحد .. مابي اكون لوحدي بيوم من الايام ..

لولا الظروف ما كنت معه بنفس المكان .. حطيت يدي على خدي .. زفرت بشوق .. كان غير محد مثله بحنانه و طيبته و قلبه الكبير .. فرقنا الفقر .. يارب ترجع ايامه ..

ناداني ../ ورود !!
بسرحان ../ هلا مسفر ..


×× ××


صلاح ..


ببرود حطيت الخداديه على وجهي ../ اصص خليني انام ..


..


دانه ..

سحبت الخداديه عنه احر ما عندي ابرد ما عنده .. بغضب ../ ميين هي ؟؟ رد عليّ ..

..


صلاح ..

../ انسي اللي قلته و كانك ما سمعتي شي ..
.. هزتني من كتفي .. باصرار ../ تكلم ..
وقفت انهي النقاش .. مسكت طرف اذنها ../
هذي لا تسمع مني أي شي اقوله .. لا تدققين بكلامي .. كان كلام لا راح و لا جــاء .. ضربت راسها على الخفيف بطرف اصابعي ..

اسمعي الكلام .. ولا تعورين راسي بـكثرة بربرتك ..


..


دانه ..


../ يعني ما انت ناوي تقولي وش سالفتك ..


..


صلاح ..


رفعت جوالي ..
اشرت لها تسكت ../ هلا مين معي .. طيب طيب جاااي بالطريق .. طلعت بسرعه .. سمعتها تناديني .. كلها ساعه و جاي ..

طلعت المفتاح من الباب .. سكرت الباب بدون لا اتاكد انه تسكر عدل .. فكري كله مع اللي دق عليّ .. ركبت سيارتي مستعجل ..


×× ××


خوله ..

خالتي مو بالبيت و متعب ما جاء من امس .. طفشانه لحالي ..
دخلت للمطبخ اصلح لي شي اكله ..
غليت ماء حاره للمعكرونه .. بعد ما انطبخت مسكت القدر بشخلها ..

بحركه سريعه .. انفلت من يدي .. و انكب الماء الحار على يدي ..

صرخت بالم ../ آآآآي ..




ركضت الخدامه تجيب عبايتي ../ ماما يالله مستشفى ..


لبستني عباتي و انا ابكي من الالم .. ركبت السياره .. وهي تهوي على يدي المحروقه ..

و صلنا للمستشفى و انا اقاوم الالم ..


×× ××


فياض ..


سديت فمها بيدي قبل لا تفضح ابوي .. ناظرت الجده ../
الملكه بتكون بكره ان شاء الله ..
جدتها بعصبيه ../ ابعد عن بنتي .. و الا شايفها يتيمه ما وراها سند يحميها منك ..

ابعدت يدي عنها .. خبت نفسها تحت الحاف ..


..


وعود ..

دموعي تنزل بغزاره على وجهي و الخوف اكل قلبي .. سترت نفسي عن عيونه المتفحصه ..

بصوت مرتجف و كانه احد خانقني ../ نجوم السماء اقرب لك يا ولد ابوك ..


..


فياض ..

تقدمت بربيها على كلامها .. مسكت يدي الجده تمنعني عن اللي ناوي عليه ..

طلعتني بره معها ../ هالبنت مالها جلسه عندك ..
الجده ../ اترك هاليتيمه و خلاها ترتاح من شرك ..
و الا ناوي تعيد اللي سواه ابوك ببنتي .. مو لان ابوك يقرب لامها اخليك على راحتك .. بعصبيه .. اصحى البنت ما تحللك الا بعقد ..

بقهر احاول اقنعها ../ لنا كم شهر مخطوبين و كل شي جاهز ليه ناجل العرس اكثر ؟؟.. عليت صوتي اسمعها .. الملكه بتكون بكره .. وفهمي هاللي راسها يابس ..


×× ××


خوله ..

دخلت البيت .. ما شوف الدرب من كثر التعب .. الحرق من الدرجه الاولى .. الحمدلله .. لكن الالم ذبحني ..

طلعت لجناحي .. منسدح على السرير وشكله سرحان بشي لانه ما انتبه لي ..

سلمت بتعب ../ السلام ..


..


متعب ..

انهبلت من سمعت اسم مسفر على لسانها .. مدري وش جاب طاريه .. الحمدلله مسكت نفسي ولا سويت لها شي .. مو حب فيها لكنها وصيه .. سمعت صوتها .. ناظرتها بغضب ..

جات و جابها الله براسي شر و بفرغه فيها ..
وقفت قدامها بغضب و الشر مالي وجههي ../
ويـــن كنتي يا مدام .. و الا لاغاب القط العب يافار ..


..


خوله ..

تاففت بصوت مسموع .. و النهايه معه .. شكلي ماني خالصه اليوم ..

صرخ بغضب ../ وين كنتي هاااه ..

رفعت يدي الملفوفه بشاش قدام وجهه .. باستهزاء ../
بالمستشفى بعيد عنك .. التفت عنه ..


..


متعب ..

قربتها عندي ../ لكن من حقوقي انك تستاذنين مني لو ان فيك الموت ..


..


ناظرت ياقة ثوبه الابيض .. بقهر و غبن ..
هذا وش اللي على ثوبك ../ قبل لا تسالني اسال حالك و انتبه على تصرفاتك المراهقه ..

حطيت يدي على ياقة ثوبه ../ وش هذا ؟؟ بوسه !!..

..


انخطف لون وجهي من كلمتها .. خبيتها بباطن يدي .. انسدحت ببرود عكس النار اللي بداخلي ..
توعدت بداخلي على ورود ..

../ رد عليّ والا ما انت قادر من سواد وجهك .. قبل لا تخاف من الناس خاف من ربك ..


..


هجمت عليها بالضرب و ماني مراعي انها تعبانه و توها جايه من المستشفى ..

طاحت على الارض ../ هذا كله من طول لسانك ..

صدري ينزل و يصعد و انفاسي سريعه .. طلعت قبل لا اكمل عليها ..


×× ××


عساف ..

فار دمي من كلامه ../ وش هالكلام يا ابو رونق .. شكلك تبي زود .. فتحت بوكي و مديته له كل اللي فيه ..

اخذهم و عد الفلوس بحماس و فرح ../ فوق خشمها ترجع معك ..
ابتسمت ببرود على تعبيرات وجهه و كلامه ..
../ بدق على الشيخ يجي يملك لنا ..
../ دق و انا ابوك ..


×× ××


صلاح ..


اتفاجات بالباب مردود .. بلعت ريقي الجاف .. متاكد اني مسكره وش اللي فتحه ..


دورتها بعيوني .. طاحت عيوني عليها .. ناظرتها .. ضامه نفسها بزاويه .. و دافنه راسها بين رجولها .. و صوت بكاها عالي ..


قربت عندها و كل جسمي يرتجف من الخوف .. رفعت راسها بيدي المرتجفه ارعبني شكلها ../ آآ وش صاير لك ..

جلست على ركبتي قدامها .. ما جاوبتني غير بشهقات ..

وجهها مايل للسواد كثيير .. وشاحب جدا ..
عيونها حمره من كثر البكي .. و خشمها احمر .. شعرها محيوس و مفتوح بطوله .. دموعها ماليه وجهها ..


ناظرت جسمها بيجامتها بحاله يرثى لها .. شفايفها تنزف دم .. بين رجولها دم كثير ..


بضيق و خوف .. هزيتها بقوه و دقات قلبي احسها بتوقف من منظرها ../ تــــكــلــمي ..

زادت شهقاتها ..



سبحان الله و بحمده سبحان الله العظيم ..

انتهى البارت ..

[لامارا]

السلام عليكم و رحمة الله و بركاته

البارت الثامن ..


خوله ..


وقفت بتعب و الالم بكل جسمي .. مسحت دموعي بظهر يدي .. سندت جسمي على الجدار .. طاحت عيوني على عكاسه .. اخذتها .. نزلت على الدرج ..


جالس على الكنبه .. رفعت العكاس بيدي السليمه ناويه اقضي على حياته بـ .... دموعي نزلت و كانها تعاندني ..


..


متعب ..


مشيت وانا اعرج .. رجلي تالمني .. عكاسي بالغرفه ..
رميت ثوبي بسلة الغسيل .. جلست على الكنبه ..

حسيت بحركه وراي .. التفت .. عيونها مليانه دموع و وجهها مصفر من التعب .. مسكت العصاء قبل لا تضربني فيها ..
قربت عندها .. هزيتها من اكتافها ..


../ انجنيتي !!


×× ××


عساف ..


متاجه للسياره .. ما عرفتها الا من ناصر .. ولدي ..

ركبت جنبي بهدواء بدون لا تتكلم معي ولا حتى سلمت عليّ.. و بحضنها ولدها .. حركت السياره .. بعد ما حط اغراضها اخوها بالدبه ..


..


رونق ..


دقات قلبي طبول .. ما نظرته و لاني حابه اشوفه .. الحمدلله الشايب اهون عندي من عساف ..

ريحة السياره مو غريبه عليّ .. حسيت بضيق و كتمه .. التفت اشوفه او بالاصح اسرق النظر له ..


شهقت بخوف ../ آآآآآآه ..


×× ××


فياض ..

سمعت صوتها الخفيف يخرق مسامعي ../ موافقه ..
ابتسمت بفرح و سرور ..

بعد ما طلع المملك و الشهود .. طلبت من جدتها تناديها لي ..


دخلت المجلس بهدواء .. وهي تجر ارجولها ..

ناظرتها من فوق لتحت متغطيه من راسها لرجولها .. و لا كاني زوجها .. كشرت .. كنت متخيل انها تدخل عليّ لابسه
فستان و متكشخه لي .. مديت يدي بسلم عليها ..


..


وعود ..


جلست مغصوبه من جدتي .. لو بكيفي اطرده من البيت و انساه الا امحيه من ذاكرتي و لا كانه مر بحياتي ..
ناظرت يده الممدوده لي .. تجاهلتها و جلست ..

../ اظن انك سمعت شرطي من جدتي .. بيت ابوك ماني جايته لو على قص ارقبتي .. و شغلي ما اظن انك بتمنعني عنه ..


..


بهدواء و انصياع لكلامها ../ حق من حقوقك ..

بلعت ريقي .. سالفة ابوي ما ودي انها تذكرني فيها .. آآآآه ليته ما حطني بهالموقف و لا طعني .. بهالشي الكبير ..

ناظرت عيونها البنيه بتحدي ..
مصيرها تجي عندي و شغلها تنساه .. ولا كانه طلبت مني شي ..


وقفت ../ الزواج بعد شهر جهزي نفسك .. طلعت و انا اتمتم .. اللهم اني استودعتك اياها ودائعك التي لا تضيع
..

سمعت الاذان .. توجهت للمسجد اللي عند بيتهم .. شمرت اكمامي .. و انا اردد الاذان مع الامام ..


×× ××


رونق ..


ضربت الباب بخوف ../ نزلني ما ابييييييييك ..

..


عساف ..


اخترعت من الصوت اللي جاء فجاءه بعد الهدواء .. التفت لها .. ناصر قدامها واقف و يبكي .. ضربت الباب كم مره بقوه .. و تحاول تفتحه ..

مسكت يدها المرتجفه وسط يدي .. اوقفها من انفعالها المفاجاء ..


اضربتني من كتفي .. شدت ثوبي بقوه .. وهي تصيح بشده مؤلمه ..

سفطت السياره على جنب لا تسوي لنا حادث هالمجنونه ..

ناصر تكور على نفسه و دفن وجهه بين ارجوله بخوف من صوتها ..
مسكتها من معصمها اهديها من ثورتها الجنونيه ..


قلت بتحذير ../ ماله داعي هالحركات السخيفه .. قلت اخوفها .. و الا نزلتك بهالمكان ..


×× ××


متعب ..


قربت عندها .. هزيتها من اكتافها ..

../ انجنيتي !!

خوله هزت راسها بعدم استيعاب و غضب ../ ايه انجنيت ..
سحبت منها العصا ..
ناظرتني وجهها مليان دموع ../ تخـــوني ..

مسكت راسي بتعب .. الحين هذي مين اللي يفهمها .. جلست ببرود .. الكلام معها ما يجيب نتيجه وهي بهالحاله ..


مسكت الريموت اقلب بالـ tv .. سحبت مني الريموت و رمته على الارض .. انكسر نصين ..

مسحت دموعها اللي بوجهها .. بطرف يدها .. الناعمه ..
../ تخوني ؟؟!

ناظرت وجهها بتدقيق .. و باهتمام ../ وجهك !! ..


سكت احرق دمها .. ناظرتها ناظرتني تترقب اكمل كلامي .. مصفر !! .. ولا كانك عروس .. ناظرتها ببرود ..


...


خوله ..


خفت من كلمته ( وجهك ) .. بلعت الغصه و سكت خفت انه يقول شي عن البهاق .. حطيت يدي على وجهي ..
طلعت لغرفتي قبل يرمي عليّ كلام جارح ..

نقطت ضعفي البهاق .. اصير ضعيفه قدام أي احد يقول لي شي عنه .. و لا اقدر اواجهه .. ما عندي ثقه بنفسي .. المرض هزني الا كسرني من الداخل ..


...


انسدحت بارتياح .. ما قلت كلامي الا ابيها تنسى موضوعي ولا تجلس تعاتبني ..

زفرت بارتياح .. لفيت للجهه الثانيه .. ونمت ..


×× ××


صلاح ..

هزيتها بقوه ../ ردي عليّ ..
مسكت بطنها بالم شديد ../ آآآآآي بطنــ آآ ـي الجنيـ آآآـ ..

طاحت بحضني مثل الريشه .. حركتها بيدي المرتجفه .. بخوف ../ دانــــه ..


شلتها بين يدي .. سترت جسمها بشرشف ..
مشيت متوجه للمستشفى .. و قلبي يدق طبول من الخوف عليها .. راسي بينفجر من التفكير .. مين اللي تعداء عليها بالضرب ؟؟! .. حراره سرت بجسمي لو انه اللي تهجم عليها .....

حركت راسي يمين و يسار احاول اطرد هالافكار من راسي ..


×× ××


رونق ..


التفت اشوف المكان .. بيوت مهجوره ..
مرعب المكان ما فيه أي ضواء و لا فيه سيارات .. قشعريره سرت بجسمي .. اول ما تخيلت اني انزل بهالمكان ..


صرخت بهستيريه ../ لاااااا ..

حط يده على فمي .. احس احد يخنقني من رقبتي ..


..


عساف


سديت فمها بيدي .. حاولت تبعد يدي لكني ماسكها بيدي الثنتين بعصبيه و تعب ../ خلااااص ..

حركت السياره .. هداءت شوي الا من البكاء ..


..


صدري ضايق و لاني متحمله الجلسه معه .. ضميت ولدي على صدري ابي احس بالامان ..
و بخوف منه ..

مسكت عروت الباب .. عشان قبل لا يسوي لي شي ..
انقذ نفسي منه وولدي ..


..


مسحت جبهتي بارهاق .. رميت شماغي وعقالي بالمرتبه الثانيه باهمال .. مسكت خط الديره ..


×× ××


اليوم الثاني .. بالمستشفى .. المغرب ..


صلاح ..


قلت للدكتوره ان دانه كانت تغسل الدرج و ازلقت و طاحت منه ..


مسكت راسي من الصدمه .. و انا اسمع صوتها اللي يدل على تعبها و ارهاقها .. دموعها تنزل على خدودها الحمره .. كل كلمه تقولها تجرحني فيها ..

نزلت عيوني مالي عين اناظرها بعد كل اللي صار لها ..


..


دانه ..


رفعت شعري عن و جهي بيدي اللي فيها المغذي ..

../ من طلعت دخلت الغرفه .. و فجاءه حسيت بحركه بالشقه .. ظنيتك جيت و استغربت جيتك بهالسرعه ..


شفت حرمتين طوال و عراض .. و متغطيات بكامل جسمهم ..

تهجموا عليّ بالضرب .. غطيت وجهي ابكي .. ما قدرت احمي نفسي منهم .. صارخت ابي احد ينقذني من بين يديهم لكن ما فيه احد .. كل مالهم يزيدون الضرب على بطني و كانهم يبونه يطيح .. حطيت يدي على بطني .. حركت راسي يمين و يسار ..
مدري وش سبب هذا كله ..

لكن قبل يطلعون قالوا لي .. هذا درس لزوجك عشان ما يلعب ببنات الناس !! ..

ناظرته ابيه يعطني أي تبرير من اللي جاني امس ..


×× ××


محمد ..


سكرت جوالي مبتسم خطتي انجحت و هذا اللي ابيه ..

وطيت على الزقاره .. و دعستها برجلي .. .. فرشت اسناني .. و رشيت عليّ عطر .. لاني عارف الغالي ما يحب يشم ريحت الدخان فيني ..

حبيت راسه باحترام و جلست قباله ..


.. مسكت يده بحنان ما يطلع هـ الحنان الا له ../ كيف حالك اليوم يالغالي عساك ما تشكي باس ..

تهلل و جهه بفرح من سمع صوتي ../ بخير الحمدلله ..

سكت ثواني ثم قال .. وشلونها اختك .. عمتك اليوم ما جات تشوفها ..

بعصبيه من ذكرها ../ عساها بقريح .. قلت محاول اكتم غيضي .. كيف صحتك يا تاج راسي .. عساها بخير و عافيه ..
ابوي ../ لا الحمدلله طيب ..


سكت دقائق ثم قلت ..



بدون تردد ../ ابي رونق ..




انتهى البارت

[لامارا]

السلام عليكم و رحمة الله و بركاته ..


البارت التاسع ..


محمد ..


وقفت بغضب ..
../ ما رجعها .. بغضب .. كيف يرجعها .. اشرت على نفسي .. و انا ..

ابوي بحزم ../ خاف ربك البنت زوجة اخوك ..

طلعت اسابق الريح .. متوجه لبيت يبعد عن بيتنا كم بيت ..


×× ××


متعب ..


صحيت بعد ما نمت ساعتين .. دورتها بالجناح .. ناظرتها بتمعن .. و اقفه قدام التسريحه .. وبيدها الملفوفه بشاش فيها كريم ماسكته بطرف اصابعها .. و بيدها السليمه تحط على وجهها من الكريم و رقبتها .. تقدمت سحبت يدها من وجهها .. ارتجفت يدها طاح الكريم بين رجولي .. ابتسمت لها همست لها

بنبره غريبه و بحنان .. / زعلانه !؟..


..


خوله ..


مسحت دموعي .. كلامه جارح و مثل السم يوصل لـ اذني ..
ما يفهم اني انسانه ولي احاسيس و مشاعر احس مثل ما هو يحس ..

مسكت الكريم فتحته و حطيت منه على وجهي بسرعه و كاني ابي امحي هالبهاق من وجهي ..
التفت له و يدي ترتجف و سط يده السمراء العريضه ..
يستعبط و الا وش سالفته !! يسالني بكل برود ..
زعلانه !! ..


ترك يدي الملفوف و طلع ..

دخل و بيده شي ..


..


متعب ..


مسكت يدها المحروقه .. / الحرق ما يتغطى ؟! ..
فتحت الشاش .. انصدمت من الحرق جلدها مسلوخ بشكل مخيف ..
فتحت علبة العسل و حطيته على يدها بكل خذر و خوف اني آلمها بدون ما اقصد ..


..


خوله ..


عيوني ما طاحت منه استغربت هالحنان اللي نزل فجاءه ..

وش عنده ؟؟. اكيد يبيني انسى خيانته لي و جرحه اللي من اول زواجي منه و هو ينزف ..

باس يدي السليمه بعذوبه .. / يا جعل اللي فيك باللي يكرهونك ..
من اعماق قلبي وانا اقصده .. / امين ..


×× ××


دانه ..


منسدحه على السرير اليوم العصر طلعت من المستشفى ..
من طلعنا من المستشفى وهو مطنش سوالي له ولا جاوبني .. سكت عنه مالي خلق اتجادل معه و انا تعبانه ..

حط الاكل قدامي .. قال بصوت منخفض و بحنان ../ اكليه كله عساه عافيه ..
ناظرت الطاوله .. بيض مسلوق و كاس حليب و نواشف و اجبان ..
رفعت راسي له ..

عطاني ظهره .. طلع قميصه باستعجال .. طاحت عيوني على ظهره .. بسرعه ناظرت اي شي قدامي ماعدا ظهره المشوه ..


بلعت غصتي .. اكره ما عليّ اناظر ظهره .. ارتجفت شفايفي بخوف من منظر ظهره .. لييه ما راح الحمام ؟؟!..

ليه يعذبني و انا اناظر ظهره المشوه ..

اتحاشى اناظره لكن عيوني و كانها تعاندني تناظر بظهره ..
غمضت عيوني بيدي ..

حسيت بيده تنزل يدي.. بصوت حنون ../ فيك شي ؟ تحسين بآلم ...

ما فتحت عيوني اناظره ../ لا بس بـ انام ..
شلت الصينيه و حطيتها بالجهه الثانيه .. غطيت و جهي بالحاف و انسدحت .. تجمعت الدموع بعيوني ..
من ظهره و من اللي صار لي نفسيتي دمار ..


..


صلاح ..


رفعت عنها الحاف .. ضميتها لصدري العريان ..
.. / تنامي و انتي متضايقه .. فضفضي لي ..
رفعت راسها لي .. / البس قميصك ..


قمت بهدواء عارف قد ايش هي تكره تشوف ظهري .. لبسته و جلست عندها ..

تناظرني بنظرات غريبه حزن و الا خوف ماني عارف افسرها .. ولا انطقت بولا كلمه من لما طلعت من المستشفى .. ما تكلمت معي الا كلمه ورد غطاها ..

خايف من سكوتها لا ياثر عليها .. مابيها تكتم ثم تنفجر ..


قطعت طرف من الخبز ووكلتها .. ليتها تصارخ و تنفجر فيني ..
ولا تجلس كذا ساكته .. و قلبي محروق عليها .. دموعها بعيونها متحجره ..

بس تريحني من تانيب الضمير ..

طاحت دمعه متمرده من عيونها .. بعدت الخبزه عن فمها ..
نطقت اخيراَ .. حطت يدها على بطنها ../ وينه ماحس بحركته .. وين راح !؟.. يعني صدق كلام الدكتوره سقطته !! ..

ليتها ظلت ساكته مهي راضي تنساه ولا تعذبني بكلامها .. كيف تنساه وهو قطعه منها ..

قلت بحزن على حالها ../ اللي اخذه يرزقنا غيره ان شاء الله ..


×× ××


ورود ..

جالسه قدم الـtv .. اتابع فلم رعب .. ارتعشت اطرافي .. وقفت بسرعه .. طفيت ال tv .. تعوذت من الشيطان .. رحت اتاكد ان الباب مقفول باحكام ..

جلس على الكنبه .. / لا اله الا الله ..


ابتسمت على ذكراه .. الله يفك اسره عاجلاً غير اجل ..
على اني تزوجت لكن و الله ما نسيته .. كيف انساه و هو وسط قلبي ساكن ..

تزوجت متعب من خمس شهور بعد ما خلصت عدة طلاقي من مسفر ..

مجبوره عليه لاني لو ما تزوجته راح اسكن بالشارع .. مسفر وصى متعب عليَ .. و متعب طلبني لزواج كان ودي ارفض و احافظ على حبي لمسفر لكنه صدمني بطلاقه لي و تخليه عني بسهوله ..
اكره نفسي لما اتذكره و انا ما احل له لكن وش ذنب قلبي تعلق بحبه ..


×× ××


جلست بالصاله بعد ما رتبت اغراضي بغرفتي مع ولدي ..

سمعت اصوات عاليه جايه من الحوش سحبت جلالي اشوف وش اللي صاير ؟؟..
طليت من الشباك المطل للحوش .. عساف ماسك محمد من ياقة ثوبه و يهزه ..

..


عساف ..


طلعت من البيت لكن وقفني صوت محمد .. دخلني للحوش ..


محمد هزني .. / ليه رجعتها وش تبي فيهاا ؟؟
ناظرته و الغيره شبت بصدري .. عطيته بقس يصحيه من خباله هالخبل ..
مسكني من ياقة ثوبي .. بكل قوتي رميته على الارض و انا اهجم عليه بالضرب ..


التفت لصوتها الباكي يترجاني اتركه .. واقفه عند الباب و بيدها ناصر ماسكته .. اكملت جايه تدافع عن الحبيب ..

سحبته و طلعته من بيتي قبل لا ارتكب فيه جريمه و يضيع عمري بالسجن ..


رميته على كبوت سيارتي .. / انقلع لا بارك الله فيك ..
حررته من بين يدي .. وهو يتوعد فيني ..


سكرت الباب بغضب و انا حالف اخلص عليها هالليله .. اول ما شافتني رجعت اركضت داخل البيت و ناصر معها ..

مسكتها من كتفها قبل لا تدخل الغرفه .. غرزت اظافري بكتفها .. قلت بغيره و حقد عليها .. / وش بينك و بين محمد ؟!..
هزت راسها و دموعها على وشك انها تنزل .. / و الله مابينا شي ..
ناظرتها و عيوني حمرا .. / والله ما يردني عن ذبحك شي لو سمعت بس ان بينكم شي ..
تركتها قبل لا يصير لها شي بين يدي .. دخلت و سكرت الباب ..

جلست على الارض .. مسكت راسي .. جاي يتهجم عليَ و يطالب اني اطلق مرتي بكل قوات عين .. وش هالجنون اللي ركب راسه ..
يبيني اهدم حياتي لاجله ..


×× ××


متعب ..

العسكري .. / طال عمرك اللي مسكناهم بالاستراحه المشبوه برى ..
رفعت راسي وانا ماسك اوراق قضيه بيدي .. /
دخلهم ..


دخلوا حوالي ثمانيه او سبعه .. لكن مو هنا المشكله .. وقفت قربت عند ثالث واحد .. ادعي الله انه ما يكون هو و عيوني تخوني او انه يشبهه ..

امرت العسكري انه يطلعهم و يخليه ..


ضمني بين يده .. تاففت من ريحته الخايسه .. ابعدته عني بقرف .. هذا اللي ما حسبت حسابه ابو المدام يطلع صايع كملت ..

وهو يترنح و يالله يتوازن بوقفته .. /
افا و هذا و انا عمك ..


×× ××


نجوى ..


جالسه بزاويه ضامه نفسي و دموعي على وجهي ..
صارخت بقهر و ظيم وقفت ضربت الباب الخشبي البني بقوه .. / ابي اطلع فكوا الباب .. صرخت و صوتي انبح من الصراخ .. باطـــلــــع ..


جاني صوت ابوي .. / نجوى يا بوك ..
بلهفه و حزن .. / يبه بطلع تكفى الله يخليك .. و الله بنجن و انا بين اربع جدران ..
ابوي بضعف .. / يا بوك محمد طلع و معه المفتاح لا جاء بخليه يفتح الباب لك ان شاء الله .. بلحق على الصلاه ..


جلست بحسره على حالي .. ركضت لدولابي .. فتشت عن جوالي بين ملابسي ..

دقيت على الرقم الوحيد المخزن بالجوال ..
احتريته يرد بكل قلق و خوف انه ما يرد ..



انتهى البارت ..