آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-10-12, 07:25 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ///////////////////////////////////////////////// نوف كانت لابسة عبايتها بتطلع.. ام فيصل/على وين ان شاءالله؟ نوف بتعب لانها مانامت العصر تنتظر فيصل اللي طنشها لها الوقت... نوف/ولدك عازمني بره... ام فيصل/أي ولد فيهم؟ نوف/فيصل.. ام فيصل/هو مارد من المستشفى للحين؟؟ نوف/جاي بالطريق.... ام فيصل/انزين خله يدخل ياْكل له لقمة وبعدين طلعوا ماهي طايرة الطلعة.. نوف/انا ولدك اصلا اخر مرة اقبل منه عزومة!!!من الساعة اربع ونص شوفي صارت الساعة كم اللحين وهو كل شوي يقول لي خلاص نص ساعة وانا جاي لعن ابوها من مواعيد بس!!!لاخلاني انام ولاجايني اللحين الساعة ثمان ويبي يسولف بعد حضرته!!!! ام فيصل/اسم الله على ولدي من اخلاقك الشينة!!! نوف/يمه مانمت العصر حاسة راسي بينفجر !!! ام فيصل/وشفيها اذا يوم مانمتي بالله!!!واصلي ونامي الليل مرة وحدة بدل ها السهر وخربطة النوم؟ نوف/أي طبعا لان ولدك اللي مسويها فيني فاعاجبتك!! ام فيصل/زين يسوي فيك.... دق جوال نوف.. نوف بقهر/خله يقول لي بعد نص ساعة وقسم بالله بنام وبطنشه من شوي يقولي خلاص جاي نزلي...وردت على فيصل وهي معصبة حييييل نوف/هلا فيصل.. فيصل/يالله طلعي انا واقف بره انتظرك...وسكر بدون مايسمعها.. نوف/زين بعد انك بره لاني كنت بنام لو ماجيبت...وقامت عدلت لثامها.. نوف/تبين شي يمه؟ ام فيصل/انتبهي على اخوك وبس!!! نوف بقهر/بزر انتبه عليه!!!يمه انتي ناسية ان فيصل اكبر واحد فينا!!ودخل في الثلاثين!!ان شاءالله مفكرته بيبي!!! ام فيصل/بيظل ولدي حبيببي لو يجيب عشرة عيال!!! نوف طلعت بدون ماترد على امها وركبت السيارة جنب فيصل اللي مبين عليه اصلا انه تعبان.... نوف/السلام.... فيصل/. نوف/سلمت انا ورد السلام واجب!!!(مانامت واخلاقها تجارية حيييل) فيصل ناظرها بدون مايرد عليها.... وبعد مامشوا شوي..... فيصل/وين تبين نروح؟ نوف/بكيفك؟ فيصل/يعني لو كان بكيفي سالْتك؟ نوف/اوووف انت وين تبي تروح؟ فيصل/مطعم.. نوف/روح بيتزا هت... فيصل ناظرها بقوة/تستهبلين انتي؟ نوف/ليش؟ فيصل/اقولك ابي مكان مثل العالم والناس تقولين لي روح بيتزا هت!!! نوف/طيب روح كوبر شنندي... فيصل/وين؟ نوف/اطلع يمين اللحين...................................... ...... .............................................. ////////////////////////////////////////////// وضحى/لؤلؤة انا بروح عند البندري بنام هناك انا وليالي تجي معنا؟ لؤلؤة/لا مالي خلق.. وضحى/انتي كله مالك خلق؟ لؤلؤة/وانتي ماتجين تساْليني الا اذا توني قاعدة من النوم لو بنام!! وضحى/وانا متى الاقيك غير في ها الوقتين!!وبعدين تونا مقررين وقلت بعطيك خبر.. لؤلؤة/لا روحي انبسطي وفليها..انا بقوم اشرب كافي واصحصح وبكلم نوفوا اذا بعدها بره البيت بخليها تمرني ياتنام عندي ياانام عندها.. وضحى/طيب ياقلبي انا ماشية تبين شي.. لؤلؤة/لا حبيبتي مع السلامة..الله وياك..... وضحى ولؤلؤة كانوا مثل الاخوات هم صحيح بنات عم وساكنين مع بعض في نفس البيت بس كل وحدة في قسم بس طول يومهم مع بعض لانهم البنات الوحيدين في البيت بعد وصال اللي تزوجت وروان اخت وضحى كانت صغيرة ...كانوا يحبون بعض اكثر من أي ثنتين يمكن ها الشي ماكان يبين عليهم بس بيطلع في الاحداث الجاية........ //////////////////////////////// هند/صباح الخير... العنود/مساء الورد.. هند/حلوة ذي.. العنود/انا قمت من زمان.. هند/ادري من دق الحبيب.. العنود/ليش سمعتينا؟ هند/ليش انتي مفكرة انك تتكلمين بنعومة!!ترى كنتي تصارخين وكل الدنيا سامعتك.. العنود/ههههههه قولي والله!!! هند/بكيفك لاتصدقين... العنود/يعني سمعتي شقال؟ هند/سمعت من البداية الى سنغفورة... العنود/هههههههه هند/لاتعليق طبعا لين يصير كل شي.... العنود/ان شاءالله... هند/بقوم اسبح وبخلي السايق يطلعنا ناخذ لنا عشى ونتمشى شوي ونرجع شرايك؟ العنود/يالله انتظرك انا..بنزل عند خالتي واذا خلصتي انا بكون تحت.... هند/ماشي ياعم.... ///////////////////////////////////// في كوبر شنندي... فيصل/................ نوف/.............يعجبني ها المطعم... فيصل/ما احسه ذاك الزود؟ نوف/عندك بعد شيليز حلو... فيصل/اممم نوف/اقول فيصل انت شتبي تقول؟ فيصل/انتي اللي بتقولين مو انا؟؟ نوف/انا!!!شبقول؟ فيصل/ابي افهم انتي علاقتك بسلطان ليش كذا!!وش اللي صار بينكم ذاك اليوم في قطر؟ليش هو رفع يده عليك...؟ نوف تفاْجاْت منه ماتوقعته بيساْل عن هالشي خلاص/................... فيصل/تكلمي انا اسمعك... نوف/هو مايحترمني ودايما يحقرني ويذلني... فيصل/وهذا سبب يخليكم تتعاملون مع بعض كذا؟ نوف/وش تبيني اسوي له بالله!!! فيصل/انا ماتكلمت معه رغم ان عندي كلام وااجد بس قلت بشوفك انتي اول شتقولين؟ نوف/قلت لك هو مايحبني ليش الله اعلم اساله!!! فيصل/وليش مايحبك؟ نوف/مدري!!! فيصل/مافي شي اسمه مدري!!!!اكيد في اسباب.؟؟؟ نوف/قلت لك انا مدري يمكن هو عنده اسبابه انا يكفيني انه يعاملني بالطريقة ذي علشان اكرهه!!! فيصل/طيب ليش رفع يده عليك في قطر؟؟؟ نوف/علشان يرضيها ست الحسن والدلال!!! فيصل/مني هاذي؟؟؟ نوف/نانسي... فيصل/نانسي!!نانسي بنت خالتي!!! نوف/هي ماغيرها.. فيصل/وش علاقته بنانسي!!! نوف/يعني واحد يبي يرضي وحدة شبتكون علاقته فيها بالله!!!! فيصل/............ نوف/........... فيصل/نوف انتي متاْكدة ان بينهم شي ولا بس كذا من خيالك!! نوف/فيصل اذا مو مصدقني لاتساْلني!!!لاني مااحب اتعامل مع احد يشك فيني!!! فيصل/يانوف انا موقصدي اشكك في كلامك بس ابي اقول انتي متاكدة مو احد ناقل لك هالشي... نوف/بلى متاْكدة...اصلا هو كان يبيني اتقرب منها علشان امهد لهم شوفات مع بعض ويوم اني حقرت في نانسي قدامه صار يعاملني كذا!!! فيصل/معقولة علشان انتي ماحبيتيها ولا رضيتي انه يحبها بيعاملك كذا!!! نوف/فيصل ..نانسي ماتحبه ..انا اعرفها سمعتها في الجامعة كلها..مو لاني اكرها اقولك ها الكلام بس هي تكلم غيره ثلاثة!!ثلاثة يافيصل ..هي ماتبي غير فلوسه وفلوس ابوه وانت شفت بعينك في قطر....تركي مو مقصر عليهم أي نعم..بس هي تبي بنك خاص فيها قبل لاتطلب يجيها الشي وسلطان مسحور قدامها وعلى باله انها فعلا تحبه....بيجيه يوم وبيندم على انه ضيع وقته معها صدقني يافيصل وبنوتاجه في ذاك اليوم ثلاثتنا وبقولك وبذكرك,,,,اخوك باع اللي تحبه واشترى اللي بايعته... فيصل/..................... نوف/شوف فيصل انا بتكلم معك بكل صراحة لاني اعرفك زين اكثر من نفسي.....في وحدة من بنات عمي تحبه وتموت فيه ..بس ماراح اقولك اسمها....يوم جت تصارحه درت عن حبه لنانسي وانسحبت من حياته..رغم انها للحين تتنفس حبه,,,بس مدري ليش تحبه وهو مايستاهلها!!!! فيصل/مني؟؟(خاف انها تكون ليالي) نوف/ماقدر اقولك لانه وعد.. فيصل/يعني بنات عمتك منهم بيكونون غير هند لو ليالي لو مرح!!! نوف/خطاْ انا قلت بنت عمي مو بنت عمتي.... فيصل/المهم ماعلينا...هو ليش رفع يده عليك.... نوف/قلت لك علشان يرضيها... فيصل/كيف بالله!! نوف/كان طلال داق علي علشان اروح اخذ العشى وبعدين...................................... ...... .................................................. .............................................. فيصل/لا اذا كذا انا لازم اكلمه... نوف/تركي!!! فيصل/شيدخل تركي في السالفة!!! نوف/انت تقول بتكلمه؟ فيصل/بكلم اخوك سلطان مو تركي!!!انا مو مستعد اخسر صداقتي مع تركي علشان سلطان ونانسي يصطفلون ماهو رجال اذا ماعرف اذا كانت تحبه لو تخدعه!!!!! نوف/فيصل ابي اقول لك سر.. فيصل/قولي...اسمعك... نوف/............................طلال يوم عيد ميلادي عطاني هدية!! فيصل تذكر شكلها وهي واقفة مع طلال عند الباب.... فيصل/واخذتيها؟؟ نوف/أي.... فيصل/وشنو كانت!!! نوف/قبل لااقولك شنو كانت قولي عادي اني اخذتها منه!! فيصل/عادي طالما انه داخل البيت بنفسه وواقف معك في وسط البيت!! نوف/انت شعرفك انه كان واقف معي في وسط البيت!!! فيصل/ليش هو دخل غرفة نومك وعطاك اياها!!!!! نوف/لاطبعا... فيصل/خلاص معناته بيكون واقف معك في وسط البيت ....وهذا دليل على انه محترم وماطلب يقابلك بره البيت.... نوف/أي بس انا كلمته في نفس الليلة... فيصل/وقلتيله حبيبي ليش مكلف على نفسك؟ نوف/انا ماراح اقوله حبيبي حتى في اول ليلة زواجنا!!!! فيصل/تعجبيني......الا شنو جاب لك.... نوف/بلا لقافة مو معناته اني عطيتك وجه تساْلني عن كل شي!!!!!! فيصل/شوف اللي ماتستحي!!!! نوف/انت ماقلت لي شخبار البنت الصغيرونة اللي تحبها بعدها صغيرونة لو كبرت ههههههههه فيصل تنهد بضيق ونوف سكتت لانها حسته متضايق.. نوف/فيصل شفيك!!! فيصل قلبت معه يوم جابت له طاري العنود... فيصل/نرجع البيت!! نوف/انا قلت شي زعلك!!! فيصل وقف ومعناته انه مافي نقاش قومي نرجع البيت..... ///////////////////////////////////////////// ام خالد/اذا رجع خالد بكلمه عن هند.. ابو خالد/ولدك لاراح يقول عطوني اياها ولاراح يقول يسروها في حالها من متى واحنا فاتحين معه ها السيرة!!! ام خالد/لا هاالمرة بقوله اني ابي افرح فيه مع محمد خلاص لمتى بعد..طلال وماباقي عليه شي وياخذ نوف..لازم نفرح فيه قبل طلال... ابو خالد/الله يسمع منك....... ام خالد/وين بنلاقي احسن من هند بنت عمته!! ابو خالد/اهم شي هو يقتنع فيها مو احنا!!! /////////////////////////////////////////////// في السيارة.. هند/وين اللحين؟ العنود/بكيفك...مع اني افضل كنتاكي.. هند/قلبي وجهك قالت كنتاكي انا ها المطعم يعور بطني مااحبه.. العنود/اللحين كنتاكي يعور بطنك ياالعيارة!!!!يالله اكلينا على ذوقك هند/مالنا الا بيتزاهت.. العنود/الحمد لله على ذا اختيار... هند/مو احلى من كنتاكي!! العنود/لاوالله كنتاكي احلى ..انا وحدة مااقاوم المطافي حقته شي خيال.. هند/اقول ام سنغفورة ورى ماتتعلمين على الاكل الغربي من اللحين يوم انك بتروحين سنغفورة!!! العنود/تسخرين حضرتك......طيب بنشوف خلود وين بيوديك؟ هند/انتي وبعدين معك ليش حاشرته في النص!!!! العنود/ماحد قال لك تحرشي فيني تستاهلين... هند/بنخلص وبنروح الصيدلية ليالي موصيتني على اغراض تبيها... العنود/انا من يدك ذي ليدك ذي مااقول لا ابدا... /////////////////////////////////////// نوف/فيصل ممكن تمر بيت جدي ابي اخذ لؤلؤة بتنام عندي الليلة!! فيصل/...................... ومشى لين وصلوا بيت العامري... نوف/كان قلت لي انك بتمر علشان اخليها تطلع لاتوقفك.....ودقت على لؤلؤة علشان تطلع....... اخذوا لؤلؤة ووصلهم البيت ومادخل معهم قعد يلف بسيارته في الشوارع وهو يفكر في علاقته بالعنود واللي لازم انه يسويه علشان يرضيها..تركي يقول انها بزر واهم شي عندها الكلام الحلو,,,,,وهذا يعني انه لازم يغير اسلوبه معها علشان يكسبها يكفي فارق السن بينهم لازم يكسبها باشياء ثانية...ولقى نفسه يدق على بيت عمته,,,,, فيصل/الو... الخدامة/نعم.. فيصل/ماما عنود وينها؟ الخدامة/يطلع مع ماما هند يتعشى.. فيصل/وين راحوا يتعشون؟ الخدامة/يمكن راحوا كنتاكي لان ماما عنود كل تاكل كنتاكي.... فيصل قفل منها وقامت عيونه تناظر باللوحات يمكن يلاقي كنتاكي....... ///////////////////////////////////// لؤلؤة/انا ودي مرة وحدة الاقي فيصل يبتسم لو حتى يتكلم طبيعي؟؟ نوف/تدرين ان فيه شي!!!لازم اعرفه مو معقولة من سالته عنها انقلب مية وثمانين درجة!!! لؤلؤة/طيب يمكن مو منها من شي ثاني..... نوف/يمكن...بس لازم اعرف من شنو....المهم بقوم اسوي لنا كافي وباجي...بتقعدين هنا لو نصعد فوق(كانوا قاعدين في الحديقة اللي في الجهة الثانية من البيت) لؤلؤة/لا سوي الكافي وخلنا نشربه هنا وبعدين نركب.. نوف/ماشي................................ وقامت نوف وقعدت لؤلؤة تتاْمل في بيت عمها....بيت ابو فيصل ماكان اكبر بيت لان اكبر بيت كان بيت ابو وحيد لدرجة ان اكثر من نص الغرف مسكرة!!! بس بيت ابو فيصل كان شي خيال ذوووق مرة ..من كل النواحي الفنية الصبغ والسيراميك والالوان والفرش.....وهي تتامل لقت واحد واقف قدامها.. سلطان/ماشفتي جوالي!!! لؤلؤة ناظرته برعب ..لانها كانت سرحانة ولانه ماانتبه انها لابسة عباية يعني مو اخته!!! لؤلؤة/....................... سلطان/ماتسمعين!!!ولف عليها لاقها تناظره,, سلطان/لؤلؤة!!! سلطان/شلونك سلطان.. سلطان مشى/طيب...فكرتك نوف....وابتعد عن المشي..... لؤلؤة تضايقت منه..لمتى بيظل يعاملها كذا!!لمتى مابيشوفها قدامه!!يااخي حس فيني تراني مااتحمل منك ها الجفاء والصد حرام عليك انا احبك واموت فيك!!!!!!!! ///////////////////////////////////////////// وقف سيارته بعيد ونزل يمشي يمكن يلمحها..على التعب اللي كان ذابحه من وقفته طول اليوم الا انه حس بروحه منتعشة وهو حاس انه بيشوف العنود ظل يمشي ويمشي وهو يناظر بالناس اللي تمشي يمكن انها تكون بينهم..... ******بعد ماطلبوا عشاهم نزلت هند عند الصيدلية تاخذ اغراض ليالي ولعنود ظلت واقفة بره...ولفت انتباها شيبة قاعد بالشارع مبين عليه فقير لانه كان ماد يده ويطلب من الناس...دفعتها خطواتها وراحت لعنده,,,,, العنود/.................. الشيبة/عطيني من مال الله يابنيتي.. العنود/انا بنتك!!! الشيبة خاف انه يكون زعلها/يابنتي كلنا عيال ادم وحواء وكلنا من ها الارض وبنرجع لها.. العنود دمعت عينها حسته طيب وماكانت تتمنى له انه يقعد في ها المكان فتحت شنطتها وطلعت له المقسوم وعطته اياه,, الشيبة/عسى الله يفتحها عليك يابنتي مثل مافتحتيها علي... العنود/انا ماعندي ابو...انا يتيمة بس عندي خال رباني من صغري واحبه مثل ابوي..... الشيبة/الله يخليك له ويخليه لك ان شاءالله... العنود ماقدرت شكل الشيبة كان يكسر الخاطر وحست انها بتتقطع عليه وتذكرت انها ماعندها ابو في ها اللحظة بالذات...تسندت على الجدار اللي جنبه ومسحت دموعها بس تفاجاْت بكف قوي على خدها خلاها تصرخ من الالم,, العنود/اه....ورفعت راسها لقت شرار يتطاير من عيون فيصل.. العنود/فيصل!!!! فيصل/لاوالله!!!!شقاعدة تسوين هني!!!! العنود ماعرفت شتقول له لانها متفاجئة من وجوده... فيصل/طالعة من البيت ها الحزة علشان منو ها!!!!! العنود حطت يدها على فمها هذا شيقول شقاعد يفكر فيه...... ماردت عليه بس مشت باسرع مافيها لسيارة السايق تنتظر هند فيها.... الشيبة/ياولدي حرام عليك..البنت جاية تعطيني المقسوم ومبين عليها تعبانة انت تعرفها!!! فيصل ناظر بالشيبة بشر...بس وقف للحظات وهو يتامله..العنود شتبي في واحد مثله يافيصل علشان توقف معه وهو طرار!!اكيد بتكون جاية تعطيه...ليش استعجلت يافيصل ليش !!!مايفيد اللحين لو شتسوي..عمرك مافكرت مثل العالم والناس وفوق كل هذا تبيها تحبك على شنو بالله!!!وانتبه على الشيبة وهو يقول له حرام ياولدي لاتكسر بخاطر اليتامى وهي تقول انها يتيمة,,, فيصل هذا اللي ضايقه اكثر....العنود يتيمة..اي عارف انها يتيمة بس ليش توني احس فيها ياربي...شسويت يافيصل خربت السالفة قبل لاتبدي!!!!! ورجع سيارته وهو متضايق اكثر من قبل لاينزل منها ..تمنى انه مااتصل على بيت عمته ولاعرف انها جاية هناولا......لاتمنى انه رجع اصلا من امريكا وانحط في ها الموقف اللي مو عارف شلون بيطلع منه!!!!! بعد يومين كانوا كلهم متجمعين في البيت الكبير علشان خالد رغم انه وصل من الصباح الا انهم قعدوا لليل ..طبعا وكاالعادة دائما فيصل الوحيد اللي ماحضر والكل يعذره لانه مشغول لكن لو واحد غيره راح فيها من هذرة الجد عليه!!!!!! لؤلؤة/قرت عيني برجعة اخوي سالم,,, مرح/مو قرت عينك والهدايا اللي جابها لك بروحك خلنا نتقاسمها احسن!!! العنود/عليك سوالف يامرحوا مدري من وين تطلع!!!! الجازي/هذا الصدق وبالذات لؤلؤوا اخوانها يحبونها علشان ماعندهم الاهي وخالد من جهة وطلال من جهة ثانية مالت على حظي.... نوف/احم احم..خلاص تنسى ان طلال يعطيها ماعنده فلوس.. هند/خلوه يجمع مهر نوف مايقدر على مصاريفها!! نوف/مسؤل عنها يالله اخت بعد ليش يعطيها!!!انا اولى.. العنود/هههههههههههه لؤلؤة/الا اقول له,,, نوف/خايفة منك انا تهديني والله,,, لؤلؤة/بعدين مو تدقين وتقولين لؤلؤة حبيبتي ترى ها السوالف لازم تنقال قدام الجماعة تكفين لاتقولين له,, هند/بعد بعد افضحيها شتقول!! وضحى/وماخفي كان اعظم يانوف!!! نوف/ها بتقلبون علي.... روان دخلت عليهم/تصدقون.. الجازي/لاوالله مانصدق... العنود/لعن بو دارك خلي البنت تتكلم,,, روان/فيصل ولد عمي هنا...لاولابس ثوب وشماغ صاير يجنن... نوف/اه اخوي مشمغ ماقال لي!!!صاير وااجد يخبي علي بقوم اشوفه,,,وبعدين انتي روانوا ليش تغازلين اخوي قدامي مو عيب عليك!!! هند والعنود طالعوا في بعض من انطرى فيصل والعنود حطت يدها لاشعورياه تحسست خدها ..(طبعا هند عرفت السالفة) //////////////////////////////////////////////////////////////// يتبع | ||||
|  |
|
10-10-12, 07:26 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هند والعنود طالعوا في بعض من انطرى فيصل والعنود حطت يدها لاشعوريا تحسست خدها ..(طبعا هند عرفت السالفة) روان ببراْة /أي بس انا ماغازلته بس قلت انه صاير يجنن!! نوف/وهذا موغزل ؟؟ وضحى/اقول روان لاتحطين عقلك بعقل نوف تراها مفهية وماتدري شتقول... روان/أي بس الصدق ان فيصل صاير يجنن.. نوف/رجعت تقول لي يجنن اخوي هذا يابنت الناس ماابي احد يقول عنه يجنن,, العنود بقهر/من زينه عاد اخوك لو من زين اخلاقه!!! نوف/ول!!!شدعوة كاْنها طالعة من القلب ياعنيد!!! هند ماتبي تفتح مجال لااي نقاش لانها عارفة العنود عادي تنفعل وتقول/اقول نوف قومي والله يرحم والديك شوفي طلال وينه ابيه في موضوع .. نوف بلقافة/شنو الموضوع!!!! هند تجاريها/موضوع خاص.. نوف/اللي هو!!! هند/خاص بعد كيف اقولك عنه؟؟ نوف/ترى ذبحك على رقبتي الليلة اذا ماتكلمتي!!!! هند/هههه نوفوا انا بسالك سؤال.....انتي تحبين طلال؟ كل البنات كانوا يطالعون في نوف يبون يعرفون ردة فعلها,,,,, نوف بعد صمت دام ثواني/هو يحبني.....وهذا المهم,,, وضحى/شوف الحمارة احنا ساْلنك انتي عن شعورك مو اذا كان يحبك لو لا؟؟؟ نوف/مالكم شغل!!! هند/تكفين نويف لاتخبين علينا قولي... نوف/اول انتي قولي في احد ببالك!!! هند بثقة/لاطبعا ولابيكون في احد..انا مااؤمن بها السوالف البطالية الحب عندي ينولد بعد الزواج,,,, العنود كانت تناظر بهند في ها اللحظات..من وين تجيبين ثقتك ياهند!!!انتي غرقانة فيه وميتة تبين تشوفينه وتسلمين عليه وماتؤمنين بعد بها السوالف!!!عيني عليك باردة شلون تقدرين تقاومين مشاعرك واحاسيسك!!!!! //////////////////////////////////////////// كان معهم في المجلس ولاهو معهم يتكلم كلمتين او ثلاث بالغصب ويرجع يسكت ويسرح فيها من جديد....كيف اذا شافها اللحين شيسوي يعتذر لها!!!بس هو في حياته مااعتذر لااحد ولايدري شلون الاعتذار يصير بس شلون يكلمها بدون مايعتذر!!!بس لحظة يافيصل انت كيف بتشوفها!!!لايكون راحت البيت بس هني بتكون مصيبة وليد مو هنا شكلها راحت ولاعمتي ماسمعت صوتها من جيت !!اذا راحت بروح لها بيتهم ,,أي مافي غير ها الحل..... سعود/فيصل فيك شي؟ فيصل/لا ابدا بس .. سعود/شكلك تعبان..بترجع البيت..تبي اخاويك؟ فيصل لو يعطونه مليون مارجع/لالا قلت لك مافيني شي بس مشاكل المستشفى وبس!!! الجد/بصراحة يافيصل الثوب فيك رزة وينك عنه من زمان!! فيصل ابتسم نص ابتسامة بدون أي تعليق..اللي خلا جده يسكت ومايكمل كلامه,,,لانهم عارفين فيصل واسلوبه,,,, اما خالد كان سرحان بافكاره في هند وفي اخر مرة شافها متحجبة عنه بس بدون نقاب يمكن هند مافيها ذاك الجمال الصارخ العجيب كانت سمرة وعيونها بنية وطولها وجسمها متناسقين هذا الشي اللي يشوفه منها..بس كان في شي يخليه يفكر فيها...يمكن اسلوبها في الحكي..ويمكن كبرياْها وثقتها بنفسها يذكرونه فيه ويمكن,,, قطع عليه تفكيره طلال/ طلال/تبي تنام!!تعبت من القعدة من الصبح!! خالد/لا عادي.... طلال/حاس بفراغ لمحمد... خالد/اكيد....بس تعودت على غيابه من هناك.... طلال/انا منك اقوم اسلم على البنات وادخل انام اذا على جدي بيقعد لك لين الصبح على غير العادة وهو نومته من المغرب!!! خالد/لايسمعك اللحين ويسوي لك سالفة.. طلال/هذا الصدق....اقول قوم خلني اوديك تسلم على البنت ياخوي... خالد/ادل طريقي ياطلال مو مضيع البيت والله!!!!وليش تبي توديني للبنات؟ طلال/ها....علشان يتطمنون عليك... خالد/كل البنات يبون يتطمنون علي!!ليش توم كروز وانا مدري؟؟؟ طلال/أي توم كروز ياخوي انت شكلك ماتدري انك مذوب بنات الحارة كلهم!!!قوم بس قوم,,, خالد/طلال انت ودك تدخل تشوف نوف مو كذا!!! طلال ناظره بامتنان/طبعا... خالد/روح شوفها بدون ماتتحجج فيني؟ طلال/ماهي حلوة داخل طالع على الفاضي بدون أي حجة واهية!! خالد/معناته اثقل وثقل حالك عليها مثل ماهي مسوية لك!!! طلال/أي بس انا مقدر ياخوي...انا متعذب منها ومن حبها!!! خالد/ياسلام!!! طلال/وانت الله يهداك واقف عقبة في طريقنا يااخي تزوج وفكني خلني اشوف طريقي وين؟ خالد/اذا انا عقبة عمك اللي قال لك خلها تخلص جامعتها وتعال خذها شيطلع بالله وهي باقي لها سنة على ماتخلص!!!!! طلال/قول لنفسك يوم ان باقي سنة قوم خل ندخل نشوفها !!!! مشعل/شفيكم؟؟ طلال/لا بس اساله عن الاسواق والمجمعات اللي افتحوا هناك!! وحيد/اسمع هذا بعد طلال يسال عن المجمعات ليش بنت انت تساْل عن الاسواق!!! سعود/هو يبي يتطمن على مستقبل اختي في المدينة وبس!!! وحيد وخالد ومشعل وسعود/هههههههه خالد/في هاذي انا متاْكد ان طلال قبل نص الشهر يجيني يتسلف لان ماعنده ولاريال!!! وحيد/ليش كم بيعطونك المستشفى ياطلال!! طلال/تسعة الاف.... مشعل/ماتكفي نوف!!! طلال/اقول انت وياه ماهو لعبة اسم مرتي كل شي واحد يقوله ترى اغار عليها!!! سعود/الله يالنشمي..لا بصراحة مو خسارة اختي فيك ابدا.....ولا شرايك يافيصل!!! كان فيصل يسمعهم بدون أي تعليق بس جات عيونه في عيون طلال حس بحقد عليه وهو يتذكره واقف معاها وهم ملهوفين على بعض وهو والعنود مو قادرين يلاقون نقطة سلام ابدا!! فيصل بثقل/اهم شي يفكر انه يحطها في عيونه قبل الاسواق لانه لو ماحطها لايحلم انه بياخذها !!هاذي نوف مو لعبة!!! اسكتت المجموعة بعد رد فيصل وسعود حس بالذنب انه ساله عن رايه لانه تفشل من كلامه وهو علاقته حلوة فيهم خصوصا بعد مابين الضيق على طلال اللي توه كان يمزح وسكت مرة وحدة بعد كلام فيصل!!!! خالد حس في اخوه صحيح ان خالد ثقيل بس اسلوبه عمره ماكان جارح كذا مع أي احد بس فيصل هذا قاط الميانة مرة وحدة!!! خالد يهمس لطلال/اقول قوم ودني للبنات شكلي بدور لي وحدة على الطاير وبتزوجها علشان اعطيك نوف واحرق دمه!!! طلال ناظره وهو حاس انه مخنوق../ادخل انت انا ماابي اشوف لانوف ولاغيرها؟ خالد/اقول قوم بلا زعل بنات يالله!!!! طلال/خالد...ماابي اروح مكان خلني قاعد في مكاني احسن.. خالد/انا منك اقوم واوقف معها واسولف بعد وفي اهله خير يجي يقول شي!!! طلال/.................. خالد/يالله قوم انا تعبت ..... ////////////////////////////////////// في صالة ابو خالد..(العنود/هند/لؤلؤة/نوف) العنو وهند قاعدين جنب بعض ونوف ولؤلؤة جنب بعض وباقي البنات في غرفة وضحى والامهات في مجلس الحريم,,,,,, العنود/اقول حبيبتي مطولين واحنا كذا!!! هند/مافهمت عليك!!شلون يعني؟ العنود/يعني متى بنقوم نروح بيتنا؟ هند/ومن اللي ماسكك روحي بيتكم؟ العنود/انتظرك تشوفين خالد!!! هند/ياسلام!!وانتي شكو تنتظريني يمكن اني ماابي اشوفه ليش جازمة اني بشوفه؟ العنود/لانك ماراح تطلعين من هنا الا اذا شفتيه ولاتقولين غير ها الكلام انا اعرفك!!! هند/......لاتعليق بتاتا!!!! روان دخلت/بنات البسوا شيلاتكم خالد وطلال بيصعدون فوق.... العنود قامت تضحك وهي تناظر في نوف وهند ..خالد وطلال مرة وحدة عيوني بتكون على منو في ها الاربعة ..لالا مقدر صراحة يبيلي كاميرا ترصد الاجواء.. هند/لبسي شيلتك خالد بيدخل ماسمعتي! العنود بنحاسة/ومعه طلال ترى ماهو بروحه؟ هند تعدل نقابها/عارفة.. العنود/انا لو منك مالبس النقاب اتلثم او حتى افتح وجهي ماهي اول ولابتكون اخر مرة لنا مع بعض!!!! هند توها بتاخذ كلام العنود بجدو بتشيل النقاب لقت خالد قدامها واقف وحمدت ربها انها ماشالته من عليها لايبين ارتباكها.. خالد/السلام عليكم,,, البنات/وعليكم السلام,,,, العنود/هلا خالد شلونك,,,,حمد الله على سلامتك,, خالد/الله يسلمك.... نوف/شلونك خالد...حمد الله على السلامة خالد/هلا نوف الله يسلمك,,, طلال يهمس لخالد/انت شعرفك انها نوف!! خالد/لانها مشهورة في المنتديات العربية!!! طلال ضحك... لؤلؤة/ضحكوني معكم,,, طلال/انتي ليش مالبستي عباية مثلهم!! لؤلؤة/وليش البس!!! طلال/تواكبين الدرب ياكلكم تلبسون ياكلكم تشيلون!!! العنود/لا نبي نشيل ياطلال مانبي نلبس حرام عليكم الناس مووت واحنا بها العبي!!! طلال/مشكلتكم يابنت عمتي متخلفين!!! لؤلؤة/أي لان مرتك بكرة مابتلبس عباية صدقتك عاد ياخوي!!! طلال/لا بتلبس اذا جت لجدي.. خالد/يعني انت بس خايف من جدك؟ طلال بهمس لخالد/ومن فيصل!!! خالد بعصبية/خله يولي زين انت من صدقك ماخذ بكلامه للحين!!! طلال/مو بيدي ياخالد هذا كلمته تمشي على اكبر راس فيهم ورضاه مهم... لؤلؤة/اخوي منو اللي مزعلك...؟ طلال جات عيونه في عيون نوف وهي خافت انه يكون سلطان......وقامت تسب وتشتم فيه بداخلها... طلال/ولايهمك..... العنود/وشخبار رحلتك بعد ياخالد؟ خالد ينتظر هند تسلم عليه بس شكلها مطولة اصلا شكلها سرحانة وماهي معهم من دخلت وهي منزلة راسها!!!! طلال بعفوية/اقول لؤلؤة قومي جيبي لي عصير من داخل... لؤلؤة/طيب...قومي نوف... نوف قامت معها.. طلال/انا بنتظرك بره جيبيلي اياه مو تنسين!! لؤلؤة/هذا انا قايمة ياحظي شلون بنساه!!! وطلعوا ثنتينهم على المطبخ وطلال بره وخالد اخذها فرصة وقعد بعيد عنهم شوي.... خالد/هند شلونك؟ هند رفعت راسها بصدمة ماتوقعت انه يكلمها لانها مو قادرة تكلمه,,,,,,,,, شوي شوي وصارت عيونها في عيونه.... الله عليك ياعيون خالد صدق ان العيون السود ذباحة!!! هند/حمد الله على سلامتك... خالد/صار لي ساعة قاعد توك تذكرين!!! هند/ماكنت معكم.. خالد/مبين اللي ماخذ العقل يتهنى فيه!!!! العنود اخذت بعضها وقامت وطلعت مشت صوب ديوانية الرجاجيل بتشوف امها هناك مع جدها وخوالها لو لا..وبالمرة بتسولف مع خالها ابو فيصل من زمان ماشافته,,, وهي تمشي وقربت من الباب الخارجي لقت واحد طالع منه,,,,,وظلت تتاملها.....عين الله عليك حارس يافيصل على جمالك وشبابك,,بس ماراح انسى الكف اللي عطيتني ايه بدون سبب وتفكيرك الوصخ فيني!!! مشت على جنب علشان لاتضطر تكلمه ,,وهو لاشعوريا لف حس انها يمكن تكون هي وصدق احساسه وطلعت هي ولحق عليها قبل لاايدها تلمس الباب ومسكها من يدها.... العنود قامت تناظر بيده وهي ماسكة يدها.. فيصل انتبه ونزل يده,,, فيصل/شلونك يالعنود؟ العنود ناظرته بعيونها وصارت عيونهم هي اللي تتكلم,,,, عيون العنود/يامابرد قلبك افيصل وتساْل وكاْنك ماسويت شي؟ عيون فيصل/مو بيدي غصب عني ماقدر اشوفك ومااسال؟ عيون العنود/ودي اصدقك بس اعتذر اول؟؟؟ عيون فيصل/ هذا اصعب شي تطلبينه الاعتذار!!!انا موقده ابدا!!! عيون العنود/معناته ماراح يصير بينا حتى سلام يافيصل اذا مااعتذرت لي!!!لانك غلطت بحقي؟؟ عيون فيصل/والله اني مانمت الليل من رفعت يدي عليك!!ياليتها انقطعت قبل لاتنرفع على خدك الناعم وتجرحه,,, عيون العنود/طيب اعتذر وخلصني وريحني وقول لي ليش رفعت يدك علي وانا ماسويت شي يافيصل هو انت سمعت عني شي!!! عيون فيصل/حشى لله ماسمعت!! عيون العنود/كيف اجل تشك فيني وانا من لحمك ودمك!!! عيون فيصل/لاتعذبيني اكثر قلت لك ماقدر انام الليل من كثر مافكرت في ها الشي وندمت عليه!!! عيون العنود/هو انت تكرهني ياولد خالي ولا شسالفتك معي بالضبط!! عيون فيصل/اكرهك !!حرام عليك انتي ماتدرين شلون قلبي تحمل يبعد عنك اكثر من عشر سنين!!!ولا بتدرين بعد بللي يشيله قلبي لك ياشيخة البنات... عيون العنود/والله انك محيرني يافيصل ساعات احسك ملاك ومافي مثلك ومااصدق فيك أي شي ينقال عنك بالسوء..وساعات احسك الشر بعينه وتدور على المشاكل وين ماكانت,,,انت قول لي انت شنو بالضبط يافيصل!!!! عيون فيصل/انا اللي يعشق ترابك يالعنود...انا شايل بقلبه حبك وبيظل شايله علشان مايعرف عنه احد أي شي....انا اللي مستعد اشتري لك كل انواع السعادة والرضا بس ترضين عني..... عيون العنود/فيصل في عيونك شي غريب مو قادرة احدده!!!!ياترى شتقول عيونك!!! عيون فيصل/تقول اللي مو قادر ينطق فيه قلبي.. عيون العنود/احسها تقول شي غريب وتحسسني بشي مو طبيعي..احس فيها لهفة وحنان اول مرة اشوفهم ساكنين في عيونك بدل القسوة اللي تعودتها عليك!!!!! العنود تعبت من حكي العيون مع بعض ونزلت راسها وتنهد فيصل بقوة خلتها ترفع راسها مرة ثانية,,,,,, العنود ناظرت بفيصل وسيم لابعد حد شكله اجنبي من عيونه الزرقة الفاتحة وبشرته البيضة وشقارته بس ملامحه بالضبط تشبه محمد الا ان محمد في نظره الاجمل لانه اسمراني وهو تموت في السمارى ..بس فيصل عجيب مو طبيعي...هيبة ورزة يحسب لها الكل الف حساب..وباالثوب والشماغ صاير مسكت خقت عليه بس مابينت له ها الشي اصلا مو حلوة تجي وتقول له صاير تجنن لايجيها كف ثاني من حيث لاتعلم!!!!! العنود/ممكن ادخل!!! فيصل/بس ابي اتكلم معك؟ العنود/فيصل انا عمري ماكرهت احد في حياتي بس بظل كارهتك!!! فيصل/انتي عرضي فاهمة شنو يعني عرضي!!!يعني اذا شفتك واقفة مع واحد غريب اكيد بيجن جنوني!!! العنود/فيصل انت متاْكد كنت شايف الواحد الغريب على قولتك!!!!!يابابا هذا شيبة ومحتاج!!!كيف تفكيرك يوصل فيني لهدرجة ها!!!! فيصل/شسوي الشيطان ركبني وماتحملت اني اشوفك واقفة جنبه..وبعدين افرضي احد غيري شافك شبيقول؟ العنود/شبيقول بعد انا ذكرني بس اني يتيمة وماعندي احد وتسندت جنبه وقمت ابكي...هاذي ماهي جريمة يافيصل؟ فيصل متقطع عليها بس كان يرد ببرود وهدوء/أي بس هذا شارع يالعنود ماهو بيتك وبعدين لو انك مغطية وجهك كان معليش بس وجهك مفتوح والناس هنا مالها الا الحكي وانا ماابي احد يحكي فيك,,, العنود حست انها ظلمت فيصل يمكن هو صدق كان خايف عليها/يعني انت هذا كان رايك؟ فيصل/ليش انتي مفكرة ان في شي ثاني يعيني!!! العنود بزعل/مدري بس انا تقطعت ها اليومين اللي مروا علي كنت مفكرة اتصل فيك واسالك بس هند مارضت قالت هو اللي غلط وهو اللي لازم يقول ليش سوى كذا..... فيصل في نفسه(الله ياخذك ياهند كان اللحين روقت وانا اسمع صوتها في التلفون بس حسافة مدام ان امثالك موجودين في ها العالم !!!) العنود/على العموم اذا كذا كان تفكيرك معليش بس مرة ثانية لاترفع يدك على احد ترى ,,,,مدري بس احس اني انجرحت من ها الشي.... فيصل/انا شرحت لك موقفي....(طبعا بدون اعتذار) العنود/ماشي....انا مو زعلانة منك خلاص.... فيصل في نفسه(ياقلبي عليك انا اشهد ان قلبك قلب طفلة والله) فيصل/ماقلتيلي رايك في الثوب والشماغ!! العنود ناظرته مرة ثانية وهي مبتسمة...../ماراح اقولك,,,,,,,ومشت عنه لداخل المجلس وتركته بروحه,,,,,,, ///////////////////////////////////////// نرجع لعند هند وخالد اللي كانوا قاعدين في الصالة بروحهم,,,,, خالد/كيف الشغل... هند/تمام,,,,انت متى تداوم؟ خالد/بعد يومين. هند/ليش مافي راحة عاد؟ خالد/ماتكفي يومين راحة؟ هند/احسها لا..ماتكفي.. خالد/انتي مفكرة تظلي في الشغل علطول؟ هند/امم..ليش لا..ماني مفكرة اطلع منه.. خالد/حتى بعد ماتتزوجين وتجيبي عيال؟ هند طاري الزواج اربكها/واذا تزوجت يعني شبيصير!!!يعني ماعاد في ولامدرسة ولادكتورة ولاممرضة متزوجة وبعدها على الوظيفة!!! خالد/لا مو القصد كذا..بس يقولون الزواج يبيله تفرغ بتقدرين توفقين بين الاثنين؟ هند/مقدر احكم لك اللحين...المهم انت شخبار رحلتك ماتكلمت عنها؟ خالد/والله ماشي الحال ...طبعا مابتكون مية في المية وانت بروحك.... هند/دعيت لنا عند النبي؟ خالد حط عيونه في عيونها/شنو كنتي تبين ادعيلك عند النبي؟ هند بربكة/بالصحة وراحة البال والتوفيق,,, خالد/وبس!!! هند صدت عنه بعيونها/وبس.. خالد/طيب.... هند حست انها منحرجة من خالد اللي ولاعمرها كانت تتوقع ان مشاعرها بتتحرك ناحيته كذا...وقفت وجات بتطلع.. خالد/على وين؟ هند/بتركك ترتاح... خالد وقف وراها وحست بالنار في جسمها.. خالد/هند ممكن امرك بكرة في البنك نتكلم شوي؟ هند/.............. خالد/ممكن... هند/طيب دق علي قبل ذكرني علشان انظم وقتي....يالله تصبح على خير.. ومشت وهي يناظر فيها,,,,هند صعبة ورضاها مبين صعب ليش مدري!!!كل اللي اعرفه انها شايفة نفسها وواثقة من حالها بزيادة!!!!ياترى تسوى ثقتها في نفسها ولا لا ياخالد!!هذا اللي لازم اعرفه وبسرعة,,,,, ///////////////////////////////////////////// يوم ثاني في بيت ابو فيصل... نوف/يسعد صباحوا الحلو شو عم تساوي هون بمطبخنا!!! وصال/انتي مارحتي الجامعة اليوم؟ نوف/لا اليوم مطنشة ولله الحمد... وصال/وشنو المناسبة بالله؟ نوف/بمناسبة عودة ابن عمي خالد بالسلامة.. وصال/يخلف الله عليك هو يرجع وانتي تطنشين!!! نوف/مو لاني ظليت سهرانة معهم ومارديت الا الساعة وحدة ونص وجيت وكملت على النت ومانمت الا بعد صلاة الصبح كيف تبيني اقوم بالله!!!! وصال/قولي كذا من اول... نوف/انتي شتسوين؟ وصال/حلى.... نوف/لمين!!!!! وصال/والله لنا كلنا... نوف/والمناسبة؟ وصال/بمناسبة استلام فيصل الشغل...نغير جو اليوم بعد الغذى... نوف/ياسلام عليك افكار خطيرة حييييل طيب خليني اساعدك,,,, وصال/جيبي لي ثلاث بيضات... نوف/وهذا البيض وجبناه وغيره؟ وصال/طلعي الحليب..... /////////////////////////////////////// في البنك... هند/مااتصل شكله غير رايه!!! العنود/توها الساعة ماجت وحدة واحنا باقي لنا ساعتين وشوي على مانطلع من هنا ليش مستعجلة؟؟ هند/لا بس كنت اقول لو انه نسى؟ العنود/مااعتقد ينسى..وبعدين يمكن من التعب تلاقينه للحين ماقام من النوم!!! هند/طيب ليش قال لي يوم انه مو واثق بانه راح يجي!!! العنود/لاتقعدين تحنين مثل العجايز وانتظري اذا طلعتي من الدوام ومااتصل فيك بعدين نشوف شاالسالفة... هند/رايك كذا!! العنود/أي.. هند/طيب.... العنود/تدرين اني ظلمت فيصل ياهند؟ هند/وع...مالت عليه وعلى شكله,,انا ها الانسان بالذات مااطيقه ولا اواطنه بعيشة الله... العنود/حرام عليك كان خايف لايشوفني احد ويتكلم بسيرتي...(الله يرحم بحالك يوم انك صدقتي يالمسكينة!!!) هند/فيصل شيطان ماهو ادمي ودايم يطلع الحق معه ومنه وفيه!! العنود/انتوا ليش تظنون انه كذا!!انا اشوفه طيوب..هو صح عصبي واحيانا يتصرف تصرفات ماتتفسر بس بشكل عام احسه طيوب ويخاف علينا كلنا بس يمكن مايقدر يعبر عن مشاعره,,,, هند/شوي وتاْلفين فيه قصيدة!!! العنود/هههههههه والله..انفع اسوي قصيدة!!! هند/ماابي اطري الثاني لاني لو طريته بيدق علطول.. العنود/وعنادا فيك انا اللي بدق عليه...وطلعت جوالها ودقت على محمد.. هند/مالت عليه هذا الثاني بعد.... العنود بضحكة/هلا حبيبي... محمد/هلا قمري... العنود/شلونك... محمد/بخير.... العنود/وشمسوي.. محمد/والله انك واحشتني.. العنود/وانت اكثر.... محمد/شخبار خالد.. العنود/بخير... محمد/شخبار رحلته؟ العنود/انت ماتكلمه؟ محمد/بلى اكلمه كل يوم بس ابي اخذ العلوم منك.. العنود/والله ماقعدت معه واخذت علوم الرحلة كان مجرد سلام وبس.. محمد/وصاحبتك؟ العنود ناظرت بهند/شفيها!! محمد/بس قلت يمكن صار شي من هنا لو من هنا.. العنود/ليش يعني؟ محمد/انا قلت يمكن....ماعليك انتي شلونك... العنود/بخير.... محمد/حبيبي انا بخلص شغلي وبدق لك... العنود/ماشي انتظرك...باي... هند/روقتي يوم سمعتي صوته!! العنود/والله كنت ابي اقهرك بس!! هند/وشدعوة!! العنود/انا ادري عنك ماحد عاجبك,,لا فيصل لاخالد لامحمد منو اللي عاجبك بالله!!! هند/فيصل كذاب وانا مااحب اللي يلف ويدور!!! العنود/انتي ليش تقولين انه كذاب!! هند/لانه لاكان غيران عليك على قولته ولاهم يحزنون!!! العنود/شتقصدين؟؟؟ هند/مدري بس مو معقولة يجي ويقولك انا خفت عليك وانتي من عرضي وتروحي تصدقينه العذر ماهو مناسب للي سواه!!! العنود/................... هند/عنود انتي على نياتك,,والله اني ماحب احد يستغفلك وحركة فيصل مضايقتني مووت ...يعني انا ابي افهم انتي كنتي واقفة وتبكين بعد ليش يرفع يده عليك!!!وين قضية العرض اللي يتكلم عنها ها!!!!ياشيخة السالفة كلها ماهي داخلة في بالي؟؟ العنود/يعني فيصل يكذب!!! هند/فيصل مو بعيد عليه ولاشي!!!!وبعدين ليش انتي واثقة منه لهدرجة؟ العنود/انا مو واثقة منه بس يوم انه تكلم حسيت الصدق في عيونه... هند/هذا فيصل داهية...انتي نسيتي حركته اللي في قطر يوم تطيح شيلتك!!!!وهاذيك بعد خايف عليك لانك عرضه!!!!عنود انا ماابي اطلع مواقفه الشينة بس انتبهي على نفسك ولاتصدقين كل شي ينقال لك !!!!! العنود/هند...تعرفين ان كلامك خوفني!!! هند/انا ماابيك تخافين بس حبيبتي لاتسمحين لمين ماكان يلعب فيك ويتلاعب بمشاعرك بس لانك طيوبة قلب!!! العنود/هندوا انا احبك انا بدونك اضيع مدري شكنت بسوي بدونك.. هند/خلك من ها السوالف البايخة اللحين.. العنود/حبي لك واعجابي فيك ماهو بياخة يابايخة هند/هههههه قطع عليهم صوت جوال هند..... هند رفعت راسها للعنود.. العنود/خالد صح!!! هند/أي... العنود قربت من عند هند وجلست جنبها علشان تلقط لها كم كلمة...... هند/الو.. خالد/مرحبا.. هند/صباح الخير... خالد/صباح النور مبين اني توني قاعد!! هند/لا بس توقعت انك توك قاعد,,, خالد/شلونك.. هند/تمام...انت شلونك.. خالد/الحمد لله...فينا نطلع مع بعض اليوم؟ هند/.................... خالد/انا عازمك على الغذى لو مايضايقك... هند/مدري بس مااحسها حلوة.. خالد/هي كلها ساعة وبردك البنك مافيك تستاْذنين!! هند/المشكلة ماباقي غير ساعتين على طلعتي.. خالد/طيب استاْذني وين المشكلة؟ هند/.............. خالد/ماتبين تطلعين؟ هند/لا مو كذا بس.. خالد/فاهم ترددك بس انتي عارفة ان احنا بنقعد نتكلم وبس!!! هند/عارفة ان احنا بنتكلم,,,, خالد/تبين اكلم عمتي علشان تكونين مرتاحة,, هند/لالالا امي لا... خالد/ليش!!! هند/بتسوي لي فيها سين وجيم وانت عارف ها السوالف,, خالد/طيب والحل؟ هند/خلاص معليش انت متى بتجي؟ خالد/انا واقف تحت انتظرك؟ هند/تحت!!!طيب ليش ماكلمتني قبل لاتجي يمكن ماكنت بقدر اطلع معك!!! خالد/ماهي فارقة المشوار عندي.. هند/خلاص انا بستاْذن وبجيك ..باي.... هند/عنودوا دعواتك احس ان اليوم مابيعدي... العنود/وليش ها التشاؤم يعني!!! هند/مدري.. العنود/طبعا انتي ماراح تردين البنك خلاص.. هند/تتوقعين.. العنود/اكيد... هند/وكيف بعدين.. العنود/ماعليك انا بدبرها وبعطيك خبر.... هند/تسلمين حبيبتي اردها لك في الايام الجاية بما ان ولد الناس بيرجع بعد شهرفااكيد بتحتاجين لخدماتي,, العنود/هههه روحي بس لايذبحك خالد.... ///////////////////////////////////////////////// يتبــــــــع | ||||
|
| |
|
10-10-12, 07:27 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ///////////////////////////////////////////////// البندري/ليال ابي ثوبك الاخضر بلبسه في زواج بنت ...... ليالي/وكم تدفعين!!! وضحى/الله ياخذك انتي كل شي عندك بفلوس!!! ليالي/هي الدنيا كذا مصالح في مصالح.... وضحى/تدرون اني نعسانة... البندري/انتي اصلا ماتشيطرتي غير في النوم!!! وضحى/شدعوة ياماما!! ليالي/البابا يقول ان صديقه اللي هو خالي ابو فيصل يقول انه اذا محمد رد بيرتب الوضع وبيزوجهم علطول وبيسافرون,,,,يعني يبي لنا ثياب من اللحين قبل لانتورط بعدين!!! البندري/شدعوة انا اخت العروس ومادريت عن ها السالفة!!! وضحى/انا بعد اخت المعرس ومادريت ليه كذا مايصير!!!! ليالي/أي بس انا بنت ابو وحيد وابو وحيد صاحب ابو فيصل يعني الاخبار عندي اول باول.... وقطع عليهم مسج لجوال ليالي.... ليالي/..........رقم غريب بس شكله يعرفني..؟ البنردي/شيبي؟ ليالي/شوفي.. وعطتها الجوال......(مرحبا ليالي كيف حالك,,,وشخبار رحلة قطر ان شاءالله انبسطتي فيها ...ودي اخذ واعطي معك اكثر علشان اعرفك اكثر) وضحى/مين تتوقعين وحدة من البنات مسوية فينا مقلب!!! ليالي/او وحدة من بنات خالي..... البندري/معقولة طلعوا لهم رقم موبايلي وماقالوا لنا صدق مايستحون على وجيهم!!! وضحى/انا احس انها نوفوا راعية ها الحركات!!!! ليالي/او جويزي ذيك اخبل منها !!! البندري/طنشي يابنت بس طنشي...عمي شكله يبي يسويلي سالفة عاى المعهد!!! وضحى/ليش بعد!! البندري/انا ادري ساعة يقول وش لك بعوار الراس وساعة يقول منتي بحاجة تدرسين بمعه وساعة مدري شيقول... ليالي/وخالتي شتقول؟ البندري/امي اهم شي راي ابو فيصل.. وضحى/معناته حطي في بطنك بطيخ صيفي.. البنردي/المشكلة اني مااحب احد كل ماشافني قعد يهذر في نفس السالفة... ليالي/يابنت الناس اذا على ها السالفة كل الناس مو عاجبهم بس شنسوي خلاص خليك ريلاكس وعيشي حياتك مثل ماتبين بدون ماتشيلين هم لااحد علشان تضمنين الراحة... وضحى/درر درر بس ماتوصلين لااختك هند لاتحاولين... البندري/احس هند بتنخطب قريب.. ليالي/ليش!!! البندري/مدري احس.... وضحى/ومن متى انتي احاسيسك تصيب ياحظي!!! البندري/اقول سكتوا بس سكتوا انتوا ماحد يقول لكم شي عن تنبؤاته واحاسيسه؟ /////////////////////////////////////// طلعت ولقت سيارة خالد واقفة وهو داخلها وبدت في اول حيرة وين تقعد قدام ولا ورى!!!!! ظلت تمشي على اقل من مهلها وخالد يوم شافها فتح الباب ووقف عند بابه ماتحرك.... راحت لعند الباب اللي ورى من الجهة الثانية .. خالد/انا مو سواق علشان تقعدين ورى!!!! هند بدون ماتحط عيونها في عيونه/معليش كذا اريح لي.. خالد/بس.... هند/اقولك اريح لي!!!! خالد تنهد بضيق ودخل بدون مايقول ولاكلمة...وركبت هي بعد بدون ماتقول شي..هي حست ان حركتها ماهي حلوة كاْنها تحتقره بس هي بعد ماتحسها حلوة تجي وتقعد جنبه وكاْنها مو مصدقة خبر!!!!! خالد بعد مامشوا شوي/وين تبين تاْكلين؟ هند/عادي أي مكان... خالد/شنو على بالك تاْكلين؟ هند/مدري...يمكن ستيك....نروح ابل بيز؟ خالد/ليش لا؟ ورجع الصمت يلف السيارة مرة ثانية لين وصلوا المطعم.... //////////////////////////////////////////// نوف/وصال كلميني عن الزواج؟ وصال رفعت عينها بدهشة لنوف/تخبلتي انتي!!!!! نوف/لاموقصدي السوالف اللي في بالك قصدي كيف يعيشون المتزوجين شيسولفون فيه...كذا يعني؟ وصال/المتزوجين بشر يعني جايين من كوكب ثاني!!!اكيد بيعيشون مثل مااحنا عايشين...اللي بيفرق عن حياتك بعد ماتتزوجين ان في شخص في حياتك ياخذ اهتمامك بمعنى اخر يكون محور حياتك تنامين وتقعدين وتطلعين وتتكلمين كله بشوره وعلشانه ومنه وله,,,, نوف/كيف يعني!!! وصال/يعني انتي اللحين من اللي مسؤل عنك ابوك وامك واخوانك؟بكرة يجي ولد الحلال طلال ويصير هو اللي مسؤل عنك طلعاتك ودخلاتك لازم تكون بشوره نوف/وانتوا ماتفكرون الا في الطلعات ليش شقالوا لكم عني؟ وصال/ههههههه هذا علشان تخففين طلعاتك وتتعودين على حياة طلال لانه بيتوتي مو حق سهر وطلعات... نوف/ومافيني اغيره؟؟ وصال/ليشلا يمكن انتي تغيرينه ويمكن هو اللي يغيرك؟ نوف/لا ان شاءالله انا اللي اغيره مو هو اللي يغيرني؟ وصال/هههه شفتي ان هذا هو محور اهتمامك؟الا الصدق نوفوا كيف تتخيلين حياتك مع طلال؟ نوف/مدري بس احس ان احنا بنكون مثلكم هادئين وماعندنا مشاكل وماينسمع صوتنا!!! وصال/تتخيلين نفسك زوجةوام؟ نوف/زوجة نص ونص ام لاطبعا مستحيل ماتخيلت ولابتخيل انا بكبري اخاف بعد اروح اصير ام!!! وصال/أي بس طلال يبي عيال؟؟ نوف/يتزوج وحدة ثانية انا ماعندي عيال!!!! وصال/عطيني مليون علشان اصدق !!!!قالت تزوج غيري والله لو على جنازتك ماتقولينها!!!! نوف/خله يفكر فيها علشان اذبحه!!!! وصال/اللحين انتي اللي فتحتي الموضوع وقلتي خله يتزوج هو شيخصه بعد في الموضوع!!!! نوف/انا اقولها كذا بس مو معناتها جد.. وصال/الصدق الصدق تغارين عليه!!!! نوف/طبعا اغار عليه هذا زوج المستقبل... وصال/أي بكرة بيصير دكتور وبنات داخلين وبنات طالعين!!! نوف/لاعيوني حلوة ذي يعالج بنات!!!مافي اعرفهم انا البنات مافيها شي قالت اسنانها يالمؤنها!!كلش كلش بتسوي روحها تسوي تنظيف!!!! لاياحبيبي يعالج شباب وشياب بس بنات مرفوض تماما!!!! وصال/هههه الله يقطع سوالفك قومي شوفي الكيكة بس لاتحترق يالله... نوف/مو تقومين عاجبتني السوالف بشوف الكيكة وبرجع..... /////////////////////////////////////////////////// خالد/ماناوية تشيلين نقابك؟ هند/.................... خالد/كيف بتاكلين وهو عليك؟ هند/اذا وصل الاكل يصير خير!!! خالد/يعني بتشيلينه بس وقت الاكل!! هند/واحتمال مااشيله ارفعه بس!! خالد/خواتك مايغطون وجوهم على مااعتقد وساعات يتلثمون ليش انتي نقاب!!! هند/لان انا غير انا عاجبني شكلي كذا... خالد/واذا تزوجتي بتشيلينه!!!! هند ماردت عليه وظلوا يناظرون في بعض..... خالد/هند.... هند/نعم... خالد/قولي أي شي ليش ساكتة... هند قامت تناظره وهو حس بالحكي اللي في عيونها كانت عيوونها تتكلم اكثر من مايتكلم لسانها وكان يشوف فيها شي غريب مو متعوده من صد هند له وثقتها بنفسها الشي اللي شافه ريحه بس ليش مايدري يمكن لانه عيونها كانت غرقانة في عيونه وفي نفس الوقت كانت هادية ومركزة عليه هو وحده وبس...!!شاف فيها حنان وشاف فيها هدوء وشاف فيها صراحة وشاف فيها امان,,,,,, اما هي كانت متولعة بعيونه وكانت مشاعرها متفجرة كلها في نظراتها ...لاحسبت في يوم من الايام انها بتحب ولا تعشق وتتعذب مثل ماهي قاعدة تحس اللحين بس هي راضية وجود خالد بقربها في ها المكان معطيها راحة غريبة واحساس جميل ماراح يحس فيه غيرها وغير اللي يجرب الحب!!!! خالد في باله(ودي اعرف شتفكرين فيه وش تبين تقولين وموقادرة تصرحين فيه!!) هند في بالها(احبك بس مقدر اصرح فيها ياحبيبي) قطع عليهم صوت الجرسون جايب لهم طلبهم,,,,,, //////////////////////////////////////////////////////// العنود كانت تجهز اغراضها علشان تطلع وجاها مسج من محمد(بحرك هو بحري وجوك هو جوي...انت كلك مني ..احبك مو بيدي غصب عني) العنود دقت على محمد... محمد/هذا احلى شي انك ماتدزين مسجات تكلمين علطول وتخلين مباشر مع صوتك الحلو!!! العنود/شسويك فيك انا ماعرف اكتب مسجات مثلك؟ محمد/خليك كذا يكفيني اسمع صوتك.. العنود/مفكرة اروح جرير اخذ لي كتاب عن المسجات وكل خمس دقايق ادز لك واحد!!! محمد/هههه لاعيوني انا ابي منك من قلبك مو من كتاب!!! العنود/أي بس انا مااعرف.. محمد/خليك كذا ليش تبين تحرميني من ها الصوت!!!اذا صرتي تدزين مسجات قطعتي صوتك عني بعدين!!! العنود/ههه واي الاهم حمودي صوتي لو المسجات!!! محمد/مابرد عليك لانك عارفة بس تتعايرين!!! العنود/ابي اسمعها وين المشكلة!!! محمد/احبك... العنود/,,,,,,,,,,, محمد/امووت فيك...زين كذا.. العنود/اممم... محمد/حياتي انت واحشني مووت... العنود/انت بعد واحشني... محمد/شرايك ترسل لي صورتك؟ العنود/طبعا لا... محمد/بس انت واحشني شسوي؟ العنود/انتظر بعد ثلاثين يوم بنشوف بعض؟ محمد/هههه قليلة ها الثلاثين ؟ العنود/لا موقليلة بس كل يوم اقعد عد فيهم وبيمضون,,,,, محمد/ماراح يمضون الا من عمري انا.... العنود/أي بس انا عمرك... محمد/انت مو بس عمري انت حياتي انت الهوا اللي اتنفسه... العنود/حبيبي... محمد/قولها مرة ثانية ابي اسمعها؟ العنود/حبيبي... محمد/يابعد طوايفي والله..تعفين حياتي ان هاالكلمة تطلع منك خيال!!! العنود/شلون يعني!! محمد/يعني تتعبني.. العنود/يعني المفروض اني مااقولها علشان لاتتعب!! محمد/يعني المفروض تكونين بحضني في ها اللحظة اضمك وتضميني واسمعها منك وانتي في حضني!!! العنود/محمد الله يخليك لاتقول ها الحكي ترى يتعبني!!! العنود/انا اللي بتعبك اول مااشوفك؟ العنود/محمد خلاص انا بسكر!!! محمد/خلك معي لاتحرمني من صوتك مو كفاية محروم من شوفتك بعد تبي تحرمني من صوتك!!! العنود/لاتقول ها الحكي.... محمد/طيب ماراح اقول بس لاتسكرين خلني اروق على صوتك.... ///////////////////////////////////////////////////// المغرب في بيت ابو فيصل..كانوا متجمعين يشربون الشاي مع الحلى اللي سوته وصال ونوف(طبعا فيصل قهوة مو شاي)(للمعلومية فقط لعشاق فيصل هههه اقصد اللي مايواطنونه ههه).. ابو فيصل/ان شاءالله كل يوم عندنا ها الكيك الطيب والحلى الطيب... وصال/هذا بمناسبة استلام فيصل الوظيفة.ياعمي..... نوف/لاعيوني انا بالنسبة لي ابي عزومة في ارقى اماكن الرياض واذا تبي في جدة بعد ماعندي مانع!!! فيصل/مين اللي بيعزمك ان شاءالله!!! نوف/انت؟ فيصل/ليش انا للحين ماعزمتك؟ نوف/ان شاءالله تبي تلعب علي وتقول ان عشى البارح هو العزيمة!!!!!!لاعيوني لا..... ام فيصا/شيفكك منها اللحين ياوليدي,, فيصل/خلها انا ابي العب في اعصابها شوي... نوف/وليش بالله تبي تلعب في اعصابي؟ فيصل/كذا مزاج؟ نوف/قول شي يابو فيصل!!! ابو فيصل/انا خلوني اكل كيكي وانتوا تهاوشوا على راحتكم,,,,, نوف/اذا كلش عاجبتك سالفة الحلى يابو فيصل كل يوم وانت جاي مر سعد الدين وجيب لنا نحلي سوا,,,, سعود/ههه انتي ماتستحين؟ نوف/خليت الحيا لك ولمرتك؟ترى على فكرة الحيا قطاع ارزاق!!! سعود/عارفين انه قطاع ارزاق....فيصل بكرة السيارة توصل.. فيصل/طيب ليش تاْخروا!! سعود/علشان اللون اللي انت طالبه موجود في جدة بس... فيصل/واكيد بكرة بتوصل؟ سعود/أي بكرة الساعة عشرة الصباح تستلمها؟ فيصل/روح استلمها انت انا بكون في الدوام!! سعود/مافي مشكلة.... سلطان/وين باسل ماشفته اليوم؟ وصال/نايم.... سلطان/مامشى؟ وصال/دعواتك له... ام فيصل/علشان يكسر باقي غريضاتي اللي ماوصل لهم وهو يحبي... سعود/ههههه واذا مانزل قلتي وينه نزلوه ماشفته؟ ام فيصل/شسوي يمه مقدر اسلى عنه احبه مو بيدي ها الشيطون الصغير... نوف/طالع على عمته نوف بسرعة يدخلون القلب!! فيصل/لا مااتوقع طالع على عمه فيصل؟؟؟ابو فيصل/أي والله طالع على عمه فيصل.... نوف/عشتوا!!!! وش فيه بالله عمه فيصل؟ فيصل/في ذمتك يانوف مو نسخة عني وانا صغير!!! نوف/نسخة في الشكل مو في الطبايع والاخلاق!!! فيصل/وش فيها اخلاقي مو عاجبتك؟؟؟؟ نوف/لامافيها شي ابدا!!!تصدق حتى امس اقول اسم الله عليه اخوي الله يحرسه من كل عين بتحسده!!! فيصل/يوم تكلمني في الجامعة ولانسيت شصاريوم كلمتني؟؟؟؟(كانت تقصد شذى يوم تكلمه وهو فهمها طبعا) فيصل/هذا اللي ناقص بعد جيل اخر زمن!!!! ام فيصل/شتقولون انت واختك؟ نوف/اقول يمه ولدك امس مو طلع معي؟ ام فيصل/زين وبعدين؟ نوف/زين عالم جميل بس معليش بكمل سالفتي....فيصل يبي يتزوج!!!!!! كلهم حطوا صحونهم من عليهم وناظروا في فيصل اللي اختبص وجها مرة وحدة...طبعا هو ماقال لنوف هالشي بس هي كانت تبي تسوي فيه مقلب وترد كرامتها من تهزيئتها امس لها وحست ان في شي جايها بالطريق بس تصبر شوي.... ابو فيصل/هاذي الساعة المباركة ياوليدي.... ام فيصل/صدق يمه تبي تعرس... فيصل/هو انا كنت... ابو فيصل/بكرة امك تروح تختار لك عروس؟ نوف كملت باقي مصيبتها/لالالا مايحتاج اخوي خلاص اختار لنفسه وماباقي غير تخطبونها... سعود حس ان نوف متليقفة وكعادتها دائما/اقول نوف اذا مالك في السالفة قومي قلبي وجهك؟ نوف قامت تضحك وقامت لغرفتها ... ام فيصل/منهي يافيصل؟ فيصل بعده في ربكته/وحدة.. ابو فيصل/أي يعني من بنته؟ فيصل/وحدة من جماعتنا.. ام فيصل/نعرفها؟ونعرف اهلها؟ فيصل/أي نعرفها ونعرف اهلها... ام فيصل/طيب شسمها؟ فيصل/يمه كل شي بوقته حلو...وقت الللي بخطبها بقولك.. ابو فيصل/ومتى تبي تخطبها؟ فيصل/بس ارتب وضعي واستقر في المستشفى بعطيكم خبر.... ////////////////////////////////////// ليالي قاعدة في غرفتها..وتقص في شعرها(فنانة البنية تقص لروحها قصدي خاربة شعرها من كثر فنها هههه) وجاها مسج ثاني......(وحشتيني مووت) ليالي سرحت شوي مع المسج (ياترى مين بيكون اللي قاعد يتلاعب فيني نوف لو الجازي لو سمر بنت عمتي!!!!)وبعد ثواني جاها مسج (ماابيك تكلميني بس ابي تكون بينا مسجات موافقة؟) ليالي جتها نار بصدرها الا تبي تعرف وقالت جات من ربي مسجات مافيها شي خلني ارسل واشوف وقامت ارسلت لنفس الرقم(مين معي؟؟؟) وجاها الرد(ناس معجبة فيك) ليالي(مين معي؟؟) ***(ابي اسالك سؤال واحد وتجاوبيني عليه بصراحة؟؟) ليالي(مو قبل مااعرف مين معي؟؟؟) //****ابي اعرف في احد شاغل افكارك؟؟) ليالي(طيب انت منو؟؟؟) ***(قلت لك معجب ليش مو مصدقة) ليالي(انا مااحب ها الحركات بتقول منو معي ولا ماراح ارد عليك؟؟) ****(بتعرفين صدقيني بتعرفين ...على فكرة انا اعرف كل تفاصيل رحلة قطر واذا حابة تتاكدين سئليني عن أي شي وبقولك عنه ومو بس رحلة قطر انا اعرف عنك كل شي وعن حياتك وعيلتك؟) ليالي(وبعدين واذا عرفت عني شبتسوي يعيني؟؟) **(اقولك علشان لاتفكرين اني قاعد اضيع وقت !!!) /////////////////////////////// يتبـــــع | ||||
|
| |
|
10-10-12, 07:28 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| /////////////////////////////// في غرفة نوف كانت مشغلة لها اغنية تنتظر كلمة احبك للطقاقة العنود وقاعدة ترقص عليها وهي ترقص شافت فيصل قبال وجها وحست الدم وقف فيها.. نوف/فيصل!!!!! فيصل/........... نوف/ليش مادقيت الباب قبل لاتدخل!!!!(والله قوية ومو خايفة من شي!!!) فيصل/وحتى اذا دقيته بتسمعين وانتي مشغلة ها الاغاني؟ نوف/شتبي؟ فيصل قام يناظرها/جاي اشكرك... نوف حست بالخطر القادم لانها عارفة اسلوبه.. نوف/.............. فيصل/انا من جد تراني جاي اشكرك؟ نوف/على شنو؟ فيصل/لاني كنت ابي افتح ها الموضوع وكنت متردد حيل ومو عارف شقول وكنت مفكر اقعد معك الليلة واطلب مشورتك وانتي مشاءالله عليك فهمتيني بسرعة’.. نوف/انت تحكي جد لو تمزح؟ فيصل/لامن صدقي اتكلم ابي اتزوج... نوف/اللي قلت لي عنها؟ فيصل/أي.. نوف/شخبارها؟ فيصل وهو يستعرض صورة العنود امس/طيبة الحمد لله.. نوف/الا اقول اخوي هي حلوة؟ فيصل/موووت ..عذااب... نوف/احلى مني... فيصل/مافي مقارنة طبعا هاذي ملكة جمال العالم!!! نوف قلبت ملامح وجها مرة وحة/ليش بالله شنو شايفني قدامك!!!!! فيصل/هاذي الحقيقة..هي شيخة البنات ... نوف/لهدرجة انت مو شايف غيرها بالعالم!!! فيصل/اذا عرفتيها ماراح تلومين فيها؟ نوف/ومتى بتعرفني عليها؟ فيصل ضحك بوجها ومشى لعند الباب/انا اللي ابيك تعرفيني عليها؟وطلع من الغرفة.. نوف/الحمد لله شكله خرف الولد ماينلام فارقني عشر سنين ومو مصدق انه رد لي!!!!الله يشافيك يافيصل وان شاءالله تكتب اسمي في وصييتك علشان اورثك بعد ماتنفكش من ها الدنيا!!!! /////////////////////////////////////////////////// البندري والجازي قاعدين في غرفة العنود,,, العنود/يالله انك تحيهم.. الجازي/الله يسلمك والله.. البندري/صار لك ساعة وانتي تقولينها بسلايكون شكلك تبينا نقوم!!! العنود/افا عاد خواتي حبيبات قلبي يوم المنى اللي يقعدون بغرفتي!!!ابيكم تقومون شدعوة عاد؟؟؟ الجازي/تصدقين بندورة انا بعد حاستها تبينا نقوم مدري ليش!!! العنود بطفش/لانكم مصختوها من العصر وانتوا قاعدين بغرفتي مو ناقص الا اقهويكم علشان تكمل معي!!!!! البندري/وخير ياطير شعندك بالله؟ العنود/ابي اكلم؟؟؟ الجازي/منو؟؟ العنود/هند.. الجازي/وليش؟؟ العنود/ابيها بسالفة ضرورية.. الجازي/شنهي؟؟ العنود/مايخصك!!! الجازي/عن منو طيب؟؟؟ العنود/تحقيق هو!!! الجازي/لايكون عن عريس الغفلة!!! البندري فزت من مكانها/ليش دريتي عنودوا!!! العنود بخبالة/عن شنو؟؟ البندري تغمز بعيونها/عن مخطط خالي فيصل الله يخليه لنا.. العنود/لا..وشنو مخططه بالله!!! البندري والجازي ناظروا بعض/البندري/اذا مادريتي فخليها مفاجئة افضل!!! العنود/خلصوني ابي اكلم هند وبعدين تعالوا,,, الجازي انسدحت على السرير/كلميها كلميها مافي بينا غريب وهند اختنا مو غريبة عنا نعرفها وتعرفنا,,,,, العنود/اوووووف ياربي منكم...مسكت جوالها ودقت على هند اللي شالته علطول.. هند/وينك انتي بالله!!! العنود/موجودة.. هند/صح موجودة ؟؟كم مرة دقيت لك وعطيتيني بيزي!!! العنود/لاني ماكنت بروحي....شسويتي...؟؟ هند/اه ياقلبي... العنود/شفيك؟؟ هند/بموت.... العنود/من!!! هند/من منو يعني؟ منه فديته,,, العنود/بعد والله حركات.... هند/اه ياالعنود والله حاسة نفسي في حلم وبصحى وانا مرعوبة منه,, العنود/وليش ها التشاؤم بالله؟ هند/مدري... هند/واتفقتوا على شي ولا لسه!! خالد/قصدك طلعنا بهوشة.. العنود/بعد!!!هذا اللي كان قاصر حرام عليك ياهندوا ليش كذا!!! هند/والله انها احلى هوشة منه بعد عمري,,, العنود/مجنونة ماحد يشره عليك.... هند/هي مو هوشة هوشة هي اختلاف في الاراء ووجهات النظر بس والله انه عيار... العنود/مافهمت؟ هند/طول الوقت ودمه محروق على ها النقاب وكيف بتاكلين وهو عليك وكيف مدري شنو وخواتك يقطون عليهم اللثمة والسلام واحيانا مايغطون حتى وجيهم انتي ليش كذا!!!!! العنود/والله ماصدقت عاد.... هند/وفي النهاية مايبيني ارفعه بس كذا عيارة,,,,, العنود/شلون؟ هند/شفيك تتكلمين بالقطارة ماهي عوايدك بالعادة اسئلتك كلها مرة وحدة؟؟ العنود/خواتي معي في الغرفة!!!! هند/عشان كذا.... الجازي/ليش ان شاءالله وش تبون تقولون وماتبون نسمع!!! العنود/اقول حبيبتي مافي غير بكرة اخذ العلوم كلها منك اريح ها المغثة لو اذبح حالي ماراح يقومون!!! هند/طيب ماشي باي...... الجازي/انا ابي اعرف شها السالفة اللي ماتبينه نسمعها!! العنود/البنت وخصوصاياتها ماتبيكم تعرفون سوالفها؟ البندري/شكلها تعرف واحد هندوا؟ العنود/انتوا هذا بس تفكيركم؟ البندري/لاني حاسة انها بتنخطب ها الفترة مدري ليش.. العنود بفرح/حلفي بتنخطب!!! الجازي/مالت ثم مالت ثم مالت!!!ياخلاف انتي اللي معها طول الوقت تاخذين العلوم من ها الشينة هاذي؟؟ البندري رمت المخدة على الجازي/احترمي نفسك انا اختك الكبيرة شنو يعني ها الشينة انا ازين منك؟؟ الجازي/منو اللي لاعب عليك؟؟؟؟الحمد الله متاْكدة شفتي شكلك في المرايا؟؟؟؟ العنود/ياربي ياحبيبي استر علي وتلطف !!!مو معقولة انتوا مو خوات عدوان حشى لله؟؟؟ماتصبرون ماتتهاوشون يوم؟ دق جوال العنود.. الجازي/ردي بس على جوالك خلنا نرد براحتنا.. العنود احتاست كيف ترد على محمد وهم قاعدين وقاموا يناظروها ثنتينهم.. البندري/شسالفة!!!! الجازي فزت من مكانها وقفلت الباب/هذا اكيد حمود اختي ماتصير كذا الااذا هو اللي متصل!!! ورجعت قعدت جنبها /ردي حبيبتي وخليه سبيكر,, العنود/قومي قلبي وجهك..... طبعا نعومة العنود تحت شراسة الجازي اللي رفعت السماعة وخلته سبيكر والعنود انقلب وجها بكل الالوان وهي تسب في الجازي وفي محمد في نفس الوقت!!!! محمد/هلا والله بنظر العيون... البندري والجازي قاموا ياْشرون بيدهم وهم يهمسون (هاذي البداية) العنود/هلا فيك... محمد/اشتقت لك موووت والله... العنود/............. محمد/احبك..... العنود خلاص حست انها بتروح فيها.../شلونك؟ محمد/كعادتك دايما تتهربين من حبي! العنود/وش اتفقنا عليه!!! محمد/والله محد بيموت غيري؟ العنود/قربت رجعتك؟ محمد/حرام عليك باقي شهر بحاله وانتي تقولين قربت؟؟ العنود/اقول انا تراني مو بالبيت بعدين بدق لك. محمد/ناطرك حبيبي مو تتاخر علي..باي.... الجازي/احم احم وش هالسوالف ياعنيد؟ البندري/والله اني ماهقيتها منك ابد؟ العنود/قلبي وجهك انتي معها؟ البندري/......... الجازي/......... العنود/اقول بنات ..انتوا ماراح تعلمون امي اني اكلم محمد في التلفون صح؟ الجازي/وليش مانقولها بالله؟ البندري/خايفة يالمجرمة.؟ العنود/هي سالتني اذا كنت اكلمه لو لاوانا قلت لها لا؟ الجازي/ياسلام والمطلوب منه ان احنا نكذب علشان حضرتك؟ البندري/لا حشى مااكذب اللي يكذب يروح النار!!!!(مشاءالله عليك عيوني عليك باردة!!!!) الجازي/ماتبين نقول ماعندنا مانع بس مقابل مو بلاش؟؟ العنود/وشنو المقابل بالله!!!! الجازي/شنو الاتفاق اللي اتفقتوا عليه انتي ومحمد؟؟ العنود/بلا نحاسة علي!!! البندري/هذا شرطنا ولا ترى بنروح نعلم!!!!وبنزيد بهارات من عندنا؟؟ الجازي/ها اقوم!!! (دارين عنها على نياتها وبتقول كل شي بكلمة تهديد منهم!!!!) العنود/لاتكفون لاتقولون,,,امري لله شسوي بعد...... انا قايلة له لايقول لي كلام حب وغزل لاني مقدر عليه!! الجازي/اممم بس؟ العنود/أي والله.. الجازي/متاْكدة؟ العنود/وقسم بالله.. البندري/تدرون انا حاسة بس مو متاْكدة ..حاسة والله اعلم ان العنود هي الصغيرة والجازي هي الكبيرة!!!! ///////////////////////////////////////// تقلبت طول ليلها وماعرفت تنام كانت مشغولة بها المسجات واللي راسلهم وتلق قلبها فيهم وصارت تناظرهم كل شوي لاشعوريا... ياترى منو اللي راسلهم!!!معقولة وحدة من البنات مسوية فيني مقلب!!!ولا وحدة من بنات المعهد!!!!ولاواحد يعرفني؟؟؟معقولة واحد يعرفني جنيت انا من وين بيعرفني ياحسرة!!!!!!!!!! أي بس كل شي يعرفه عني وهذا يعني انه واحد قريب مرة ولا شعرفه اني رحت قطر؟طيب هو قال لي اساله أي شي عني وبيجاوب !!!رفعت راسها من على المخدة ومسكت جوالها,,,اذا هو رايق ويترايق معي انا بعد رايقة وبتريق معه!!!! دزت له مسج(شنو تعرف عني؟؟؟؟) انتظرت دقيقة وثنتين وثلاث وعشر وربع ساعة ونص ساعة وزعلت لانه طنشها تمنت انه يرسل لها أي شي ان شاءالله رسالة فاضية بس شكلها السالفة انتهت,,, وبعد مرور ساعة الاربع وصل لها مسج,,,(اسمك ليالي احمد السالم ابوك عندك شركة تجارية ومعظم صفقاته معه صاحبه اللي هو خالك ابو فيصل امك من عيال العامري عندك اخت اكبر منك تشتغل في بنك واخو وحيد واسمه وحيد يدرس في جامعة الملك سعود واخت اصغر منك تدرس وانتي تدرسين في معهد الامل تبين اتكلم اكثر ولاتاْكدتي فعلا اني اعرف كل شي!!) ابتسمت يوم قرت المسج لانه المعلومات هاذي أي وحدة من بنات خالها او بنات خالتها او عمتها بتكتبها شي طبيعي رجعت رسلت له مسج ثاني(لامو كفاية ابي عني انا وبس!!!) رجع لها مسج ثاني يقول(انا مااعرف كل شي عنك بالضبط بس كل اللي اعرفه انك حلوة وصابغة شعرك احمر عنابي وضحكتك جنان وطولك مميز هذا بالنسبةلااوصافك اللي شافتها عيني....اما عن بقية الاشياء اتمنى تعرفيني عليك اكثر) دق قلبها يوم قرت المسج كان الكلام عادي مافيه أي شي بس معقولة يكون واحد مو وحدة!!!!!اذا معقولة شبيقول عني وانا قاعدة اخذ واعطي معه في الكلام!!!!طيب لو وصل لاابوي هالشي وهو اللي عاطيني ثقته شبيقول!!!!رمت جوالها تحت مخدتها وحطت راسها على المخدة وغمضت عينها وحاولت تنام وتقلبت يمين وشمال ماقدرت احترق قلبها وهي تسمع صوت مسج جايها تبي تفتحه بس ماهي قادرة تبي تشيل الموضوع من بالها وصارت تقاوم نفسها واخيرا قررت انها تقراه بدون ماتعلق وفتحته(اذا نمتي فتصبحين على خير ياعسل بكرة بتطمن عليك ) ///////////////////////////////////////////////////// مو قادرة عيونه تنام ولاحتى تغمض...اليوم نوف سوت له اكبر جميل وفتحت موضوع الزواج اللي كان شايل هم كيف يفتحه مع اهله!!!يالله يافيصل هاذي الخطوة الاولى ومشت باقي تستلم السيارة بكرة وتنهي هالشهر على خير في المستشفى وتثبت بصمتك فيه والشهر الجاي بدايته تخطبها..... ولاعليك من جدك وتفاهته اذا قال مافي خطوبة ترى اهم شي الخطوبة قعدوا خمسة ستة شهور لين تفهمون بعضكم وتتفقون على كل شي بعدين حددوا موعد الزواج..بس يافيصل انت بتقدر تصبر عنها ستة شهور لين تتزوجها!!!وليش اصبر يعني خطيبتي يعني زوجتي....!!!!.اه يالعنود لو تدرين اني بسعدك وبخليك تعيشين اميرة كان شسويتي؟؟؟؟ عنود بتكونين من نصيبي يااحلى بنوتة في العالم..بتكونين من نصيبي ياطفلتي الصغيرة اللي ماراح تكبر في نظري ابدا..... اه يالعنود اه...دارات الايام وبتكونين من نصيبي,,,تذكرين يوم كنتي صغيرة وتجين العبك في المراجيح كنت احبك من واحنا صغار وكبر حبك في قلبي ماكنت ابي احد يتقرب منك ولايلمسك كنت احس بالغيرة عليك وانا بزر عمري عشر سنين كيف وانا في الثلاثين!!!وتذكر يوم شافها واقفة في الشارع ذاك اليوم وعطاها الكف ..هو ماكان غيران عليها مو لهدرجة تفكيره يغار من شيبة كبر جدها وطرار بعد!!!بس شي في داخله غلى كيف انها واقفة وفاتحة وجها!!!معناتها كل الشباب شافوها!!!اول مااخطبها لازم تغطي وجها بلا برقع بلا لثام بلا خرابيط!!!!خلاص تكون لي انا وحدي انا بس اللي لي حق اناظرها واتامل في جمالها أي انا بس....ومو بكيفها ترضى لو ترفض بتقبل بالوضع غصبا عنها لاني ماتعودت احد يقول لي لا ابدا مهما كان الثمن!!!!! //////////////////////////////////////////////// يتبــــــع | ||||
|
| |
|
10-10-12, 07:29 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ومضى شهر بحاله على العيلة بدون ماتصير احداث تذكر .... ***فيصل كان مشغول في عملياته بالمستشفى وماصار ينشاف ابدا حتى اهل بيته مايشوفونه ومافتح موضوع خطوبته لانه لسه ماصار عنده وقت يتكلم فيه بسبب ضغط العمليات!!! ***هند وخالد صارت العلاقة بينهم شبه رسمية في التلفون لازم خالد يحكيها ياخذ تفاصيل حياتها ويومياتها وهي تساله عن عمله ومخططاته!!!وانزاح بينهم حاجز الثقل والكبرياء واصاروا يتعاملون مع بعض بلهفة اكثر... *******نوف تنتظر خطوبة فيصل على احر من الجمر والاهم من هذا كله تنتظر ترسيم طلال في المستشفى لانه هالشهر بيترسم وبيصير الدكتور طلال وهي بتصير حرم الدكتور طلال!!! ***العنود بنفس اللهفة اللي ودعت محمد فيها بنفس اللهفة اللي استقبلته فيها وماخلت من تعليقات العيلة عليها سواء كان من خالها ابو فيصل لو من جدها لو من البنات!!!! ومضت يومين من رجعة محمد من جدة بدون ماتنطرى سالفة الخطوبة ولاجابو طاريها اصلا لامحمد ولااي احد ثاني وفيصل ماكلف على حاله يسلم على محمد يوم رجع بحجة انه مشغول مو مثلهم فاضي!!!!رغم ان قلبه كان متقطع على شوفة زوجة المستقبل بس قال يالله مشيها كلها كم يوم وتصير خطيبتك!!!! ليالي والمسجات حالة خاصة جدا!!!صارت ها المسجات جزء من حياتها كل يوم يوصلها مسج يتطمن عليها ويطمنها بكلام معسول وهي هايمة معه فوق السحاب..كانت ماترد عليه دايما بس تقول له اشياء عابرة يعني رجع ولد خالي من جدة,,بنطلع اليوم هاالسوق ..بكرة بنروح شاليه,,,اما عن نفسها ماكانت تتكلم رغم انه كان يلح عليها يعرف عنها أي شي بس ماكانت تستغني عن مسجاته ابدا لو مهما صار ولو تتضايق من أي شي كان هو متنفسها الوحيد!!!لدرجة انها استغربت من نفسها كيف انها تتعلق بمسجات من مجهول في خلال شهر بس!!وطبعا ماقالت لااعز الناس عندها وضحى والبندري ليش ماتدري!!!يمكن لانها عارفة ان هاالشي غلط!!!!! ///////////////////////// بعد مرور ثلاثة ايام على رجعة محمد ...كانت العنود ذيك الليلة في بيت العامري الكبير سهرانة مع وضحى ولؤلؤة والبندري... في غرفة لؤلؤة... وضحى/بنات بنات... العنود/اسم الله علي..؟؟انتي ماتدخلين بشويش ابدا لازم مرجوجة؟ البندري/عسى ماشر؟ وضحى/مني فيكم الجوعانة؟ لؤلؤة/ليش؟؟؟ وضحى/اخوي محمد حرقه الجوع وقاعد يطبخ والله اعلم باستا... البنات ناظروا في العنود وفقعوها ضحكة... العنود/ههههه بقوم اشوفه بس لايكون معه احد!!! وضحى/حرام عليك الساعة ثنتين اللحين منو بيكون قاعد لك!! العنود/يالله اجل خلونا ننزل بشويش لايحس فينا.. وضحى/يالله وراي.... ونزلوا تحت بشويش علشان مايحس فيهم محمد اللي كان عاطي الباب ضهره اصلا وواقف قبال الفرن يقطع البصل وهو يغني..(من بين الناس حبيتك من بين الناس ...وبكل احساس اغليتك وبكل احساس....حبك سرى بدمي..نساني كل همي...خلا حياتي غير...من بين كل الناس) طبعا البنات كانوا قعدوا عند طاولة الطعام اللي جنب الباب علشان لايشوفهم محمد والعنود ماسكة جوالها تصوره فيديو للذكرى وهي ميتة من الفرح,,, محمد/اللحين خلصنا من البصل يجي دور الطماطم,,, وراح للباستا وصفاها وخلاها على جنب وبدا يحمر البصل على النار والطماطم وحط فوقه الحشايش المقطعة.... محمد/اللحين الفطر والزيتون.......واللحين خلصت الصلصة ونحطها فوق الباستا.... وخلطهم مع بعض وحط فوقهم جبن الموزاريلا المبشور وصارت ريحة المطبخ كلها تجنن من ريحة الباستا,,,,,وحطها في صحن.. محمد/اللحين اطلع اجيب لي بيبسي من المطبخ اللي بره علشان تكمل الوليمة... وطلع من الباب الخارجي بحيث انه مايشوفهم (ادري اللحين بتقولون معقولة قعدوا نص ساعة وماحس فيهم!!!هم قاعدين في مقدمة المطبخ يعني لو جيت لعند الفرن تكون في مسافة بينك وبين الطاولة وباب المطبخ الخارجي جنب الفرن مو جنب الباب الاصلي المهم بتصدقون لو كيفكم!!!) طبعا اول ماطلع محمد قاموا البنات واخذوا الصحن....وهجوم عليه,, محمد رجع وهو يغني(هذا اللي شاطر فيه غني قبل لاتبكي ياعمي) محمد/ابي حبك معي يكبر...وابي اهواك انا اكثر..وابي اهديك انا دنياي.....وناظر بالطاولة اللي قدامه وهو عيونه مفتوحة على الاخر!!!!!!!! محمد/انتوا بشر ولا جن!!!!!!!!! وضحى/هههههههههههههه حلوة والله,, محمد قام يناظرهم وشاف قمره معهم وقام يبتسم بس الجوع ذابحه موقادر.... محمد/انتي معهم؟ العنود/تسلم ايدك شي عجيب والله.. محمد/بالعافية.. العنود/الله يعافيك... البندري/مدري ليش احسك كانك تقول سم الهاري!!! محمد/افا بس ليش عاد!!!!! لؤلؤة/هذا اللي تقوله ملامح وجهك ياولد عمي... محمد/كله اكلتوه ماشلتو لي شي!!!! العنود مدت لمحمد ملعقتها وهو تقرب منها وفتح فمه واكلته وهي ميتة من الفشيلة دايم يتقصد يحرجها بها الشكل هي كانت مادة الملعقة علشان ياخذها وياكل وهو حولها لحركة ثانية!!!! وضحى/شكلكم ماتستحون على وجهكم!!! محمد/انتوا ماشبعتوا ماتبون تقومون وتخلونه بروحنا!!!! البندري/هذا قدامنا واكلني وااْكلك!!من ورانا حضن وتبويس!!! العنود ناظرت اختها بمعني سكتي لااذبحك.. محمد/انتوا شعليكم مرتي حلالي الله يخليها لي.. البندري/بما ان اختي حبيبتي الجازي مو هنا فاانا بتكلم بدلها...ياباب اختي مو ببلاش مصدق حالك انت!!!!ادفع اول مهر بعدين قول مرتي حلالي!!!! العنود/يالله قومي كلمي وليد يجينا!! محمد/وين بتروحون!!! العنود/بنرد البيت.. محمد/خير بالله تردون البيت ليش ماتنامون هنا؟؟؟ العنود/لا عمي بكرة الصباح يجينا ومو حلوة مانكون موجودين هناك.... محمد/طيب انا بوصلكم,,,,,لاتكلمون وحيد,, العنود/لالالا انت تعبان اقعد ارتاح هو قايل دقو علي في أي وقت وباجيكم.. محمد/أي وقت مو الساعة ثنتين اللحين من زمان راحت عليه نومة مااعرفه اخوك انا!!!يالله انا بنطركم في السيارة..... البندري قامت/بروح اجيب اغراضي من فوق.. محمد/جيبي معك اغراض العنود بعد.. لؤلؤة/وليش ما العنود تروح تجيب اغراضها بنفسها ؟ محمد/لانها قاعدة تتعشى!!! وضحى/ماهي حجة والله ؟ محمد/بعدين هي ماتقدر على طلعة الدرج كل شوي تتعبها... البندري/يمه منك!!!جديدة هاذي شكلك عنودوا عجزتي واحنا ماندري!!!! وضحى ولؤلؤة والعنود/ههههههههه وراحوا البنات ثلاثهم علشان يخلون شوية جو للمعاريس الجدد بس لو كانوا الجازي لو نوف لو مرح يحلمون ثم يحلمون يخلوهم يتنفسون الهوا!!!!!!! محمد/صحة وعافية.. العنود/الله يعافيك...بصراحة شي خطير.. محمد/لا...عجبك؟ العنود/تجنن..معناته بكرة انت اللي بتطبخ!! محمد/ليش لا انتي تامرين امر يالغالية.. العنود/وش تعرف تسوي بعد! محمد/كل اللي تحبينه ونفسك فيه اتعلمه علشانك... العنود/فديتك انا... محمد/ماتبين تشوفين الثوب؟ العنود ابتسمت له/كل شي بوقته حلو محمد/بس انا ميت ابي اشوفه عليك؟ العنود/قريب بتشوفه علي ماباقي وقت.... محمد تقرب منها /يوم رجعت من جدة ماعطيتني بوسة السلامة!!!! العنود نزلت راسها/محمد الله يخليك لا.... محمد/اذا مو هنا في السيارة؟ العنود/حمودي لا..مايجوز؟ محمد/وعلشان حمودي هاذي بالذات بتكون وحدة هنا ووحدة في السيارة!!!! على مااستوعبت العنود الكلمة كان محمد من زمان تقرب منها وباسها على خدها!!! طاح وجها بالارض مرة وحدة.... العنود/محمد لا.... محمد/احبك ياروح محمد...... العنود/روح السيارة وبنجيك؟ محمد/لا ابي ابقى معك.... العنود/لا تصير عنيد يامحمد!! محمد/قلت لك.... البندري/ها اخذتوا راحتكم خلاص!!!يالله البيت محمد ناظر العنود بنظرة استسلام/يالله انطركم في السيارة..... طلع عنهم وبقوا البنات بروحهم... وضحى/ياتعترفين وتقولين شسويتوا يا ماراح تطلعين من البيت؟ العنود/يعني شسوينا بالله عليك!!!بس اكلته واكلني.... لؤلؤة/ياسلام وهاذي قليلة !!!المفروض تدفعين غرامة عليها,,,,,, العنود مسكت يد البندري/امشي بس حمود في السيارة ينتظر!!! لؤلؤة/الله حمود بعد؟؟؟؟ /////////////////////////////////////////////في السيارة... البنردي/اقول محمد اذا تزوجت اختي دير بالك عليها؟ محمد/واذا مادرت بالي عليها وش بتسوين فيني؟ البندري/ماراح اعطيك اياها!!! العنود/ترى اهلي يحبوني ويخافون علي فلازم تحط هالشي في بالك؟ محمد/مداك تشكيني لهم بعد!!!!حاضر نحطك في عيونه وش تبين بعد امري.... البندري/مانبي تحطها في عيونك بس نبي تخليها في قلبك!!!! محمد ناظر العنود اللي كانت جنبه ومسك يده/طيب اساْليها هي وين ساكنة اللحين؟ العنود لفت عليه لانها فهمت شيقصد..../اختي بس تبي توصيك علي!!! محمد/طيب قولي لها انتي وين ساكنة اللحين خلها تتاْكد!!! البندري/شكلها السالفة بتقلب قلة ادب خلاص مانبيك تسكنها غرنا راينا...اقول محمد متى بتشتري لي ثوب لملكتكم!!! محمد/اقول رجعي لذاك الموضوع افضل!!!! العنود/هههههههه وظلوا يسولفون لين وصلوا البيت ونزلت البندري والعنود بعدها يدها في يد محمد.. العنود/خلاص وصلنا البيت؟ محمد/ادري انتظر اختك تدخل.. العنود/وليش تنتظرها بعد!!!ها كاهي دخلت خلاص... محمد شد على يدها بقوة اكبر وتقرب منها وباسها .................................................. .............. العنود اخذت شنطتها وفتحت الباب... محمد/تصبح على خير حبيبي...... ///////////////////////////////////////////////////// بعد اسبوع من ها الاحداث..... في بيت ابو فيصل... فيصل/احم احم اقول نوف...خلنا ننزل تحت... نوف/تبي تنزل انزل انا مالي خلق... فيصل/اقولك قومي ابي اتكلم في موضوع خطوبتي!!!! نوف بفرح/قول والله!!!!قوم يالله ومسكت يده ونزلوا مع بعض لاام فيصل وابو فيصل وسعود اللي كانوا قاعدين في الصالة... ام فيصل/اللهم اجعله خير... نوف/يالله بسرعة انا متحمسة... فيصل بهمس/اركدي لااذبحك انتي افتحي الموضوع... نوف/طيب...احم احم...طبعا احنا فتحنا موضوع خطوبة فيصل من قبل واللحين بنكمله.. سعود/وانت يافيصل مالقيت الا هالمغثة تفتح لك هالمواضيع!!! نوف/والله لو ماكنت احبك واحب مرتك واحب ولدك وجبت لي لاب توب عجبني كان رديت عليك!!!! ابوفيصل/خلاص انت قررت تبي تخطب؟ فيصل/أي يبى.. ابوفيصل/هاذي الساعة المباركة ياوليدي عسى الله يتمم لك بفرح وخير ان شاءالله ونشوف عيالك حوالينا... فيصل/ان شاءالله.. ام فيصل/يمه انت ماقلت لي انت منو تبي نخطب لك؟ كل العيون كانت تناظر بفيصل في ها اللحظة وهو ابتسم لان حسهم متشوقين يعرفون...ونوف شاقة الحلق من الضحكة تبي تسمع الاسم يمكن تتشمت من هنا لو من هنا على اختياره ومرت لحظات ثقيلة قطعها فيصل... فيصل/العنود..ابي العنود بنت عمتي...... كل الابتسامات اللي كانت معلقة بوجوهم تلاشت مع ها الاسم!!!!!!واستغرب فيصل من عبوسهم حتى نوف اللي كانت شاقة الحلق مبين عليها الصدمة وكاْنها مستغربة الاسم!!!! فيصل/اقول لكم ابي العنود بنت عمتي؟ ام فيصل اخيرا قدرت تنطق/بس يافيصل العنود ... فيصل بخوف/شفيها العنود؟ نوف/العنود مخطوبة يافيصل!!!!! فيصل بعصبية/نعم؟؟؟؟؟مخطوبة!!!!لمين بالله!!!وليش ماحد قال لي؟؟؟؟؟ سعود/لانك ماقلت تبيها وماتوقعنا انك تاخذ العنود اصلا!!!!!! فيصل/تفسخ خطوبتها موشغلي هذا!!!!! ام فيصل/بس يافيصل؟؟ فيصل ناظر في ابوه اللي بان عليها الارتباك اول ماسمع اسمها ولانطق بكلمة فيصل/قول كلمة يابو فيصل ليش ساكت!!!!! ابوفيصل/انت فاجاْتني يافيصل.. فيصل/انا ابي اعرف منو هذا اللي بيستاهلها اكثر مني!!! ام فيصل/............ ابوفيصل/............ نوف/......... سعود/........... فيصل/تفسخ خطوبتها انا ولد خالها واولى فيها من الغريب!!!! سعود/بس يافيصل هي مخطوبة لولد خالها بعد؟ فيصل/أي ولد خال فيهم ماحد منهم خاطب!!!! //////////////////////////////////////////////////////////////// يتبــــــع | ||||
|
| |
|
10-10-12, 07:31 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سعود/بس يافيصل هي مخطوبة لولد خالها بعد؟ فيصل/أي ولد خال فيهم ماحد منهم خاطب!!!! ابوفيصل/محمد ولد عمك!!!! فيصل/....................... ام فيصل/انت يايمه اللله يهداك ماقلت لنا انك تبيها؟ فيصل/وانتوا ماقلتوا انها انخطبت!!!!! سعود/محمد كان المفروض يملك من وانت هناك بس اجلها علشان تكون موجود بينا!!!! فيصل بعد هاالكلمة مرعلى باله شي ثاني مر على باله ان محمد اجل الموضوع لجية فيصل علشان يقهره ويذله وكانه عارف ان فيصل يحبها مو عارف ليش فكر كذا يمكن لانه اناني ومايحب غير نفسه!!!!! ابو فيصل/وبعدين يافيصل كاْن العنود صغيرة عليك شوي!!! فيصل خلاص وصلت عنده لااخر شي من العصبية/لاوالله وان شاءالله تبيني اخذ لي وحدة اكبر مني بعد!!!! ابو فيصل/لا يبه موقصدي كذا بس اقول يعني دور لك وحدة اكبر منها شوي هاذي بزر مو رزة مابتريحك بتتعبك بطلباتها!!! فيصل/انا راضي بطلباتها!!!ابيها تكون بزر بكيفي عاجبني مو متضايق!!!! مرت لحظات ثقيلة على ابوفيصل وام فيصل وسعود ماعرفوا شيقولون فيها...اما نوف كانت حاطة يدها على فمها علشان لاينسمع صوتها وهي تبكي ومغمضة عيونها وسارحة بافكارها للمستقبل القريب!!!فيصل مايتنازل عن شي يبيه مستحيل!!!وهو حاطها في باله من زمان...العنود يافيصل العنود!!!طيب ليش ماقلت لي من اول ليش ماساْلتني كان اقولك انها مولك هي لغيرك !!!الله يستر من الجاي الله يستر!!!!!! فيصل قام من الصالة وطلع من البيت كله بدون مايقول أي شي والبيت قلب عزا من هدوءهم وسكونهم وكاْنهم ينتظرون القرار من فيصل!!!! /////////////////////////////////////////////////////// البندري/عنودة ليش مارحتي الدوام اليوم؟ العنود /حاسة اني تعبانة... البندري قعدت جنبها/خير فيك شي؟ العنود/لا بس ضايق خلقي وحاسة اني بنكتم,, البندري تقربت منها ولمتها في حضنها/اسم الله عليك ....... العنود قامت تبكي في حضن اختها... البندري/شفيك عنو حبيبتي؟ العنود/بندورة لاتخليني حاسة نفسي خايفة وضعيفة... البندري/خايفة من شنو؟ العنود/مدري.....من البارح ماقدرت انام.... البندري/تبين تروحين المستشفى؟ العنود/لا ابيك تظلين جنبي لاتروحين المعهد اليوم.. البندري/بس كذا معليش باخذ لي تهزيئة محترمة من المديرة بس علشانك بسوي نفسي ماسمعتها يالله ضحكي حبيبتي.. العنود/....... البندري/هند وينها؟ العنود/ماقدرت تاخذ اجازة بتحاول تستاْذن بدري وبتجيني... البندري/شنو رايك اروح اسوي لك شي دافي علشان يهديك ... العنود/لا ماابي.... ودخلت عليهم ام الوليد.. ام الوليد/ها قاعدين مو رايحين دوامتكم؟ العنود/لا... البندري/لا,,, ام الوليد/ليش شفيكم؟عنود شفيك تبكين يمه؟ البندري/تعبانة شوي يمه.. ام الوليد بخوف/تعبانة حبيبتي...وجت قعدت جنبها/شفيك يمه اسم الله عليك؟ العنود/يمه مافيني شي بس حاسة بشوية تعب وقلت مابروح اليوم بس انتي لاتشغلين بالك... ام الوليد/منو مضايقك يمه؟ العنود/يمه ماحد مضايقني... ام الوليد/بندورة انتي متزاعلة مع اختك؟ البندري/لايمه... العنود/يمه ماحد مزعلني ولامضايقني انا بس حسيت نفسي مخنوقة وقلت لها تقعد معي لاتروح المعهد اليوم وبس!!! ام الوليد/يمه لاتخبين علي انا امك اذا في شي مضايقك قولي لي؟ العنود رمت نفسها على امها وقعدت تبكي.... العنود من بين دموعها/يمه انتي تحبيني؟ ام الوليد بحنية ودموعها في عينها/شها الحكي ياعنودتي اكيد احبك انتي حبيبتي وبنيتي وبكري واول فرحتي في ها الدنيا شلون مااحبك؟ العنود/بنظل كلنا مع بعض مو يمه؟ ام الوليد ضمتها لصدرها وهي متحسفة عليها /اكيد يمه كلنا مع بعض بنكون ان شاءالله.. البندري ظلت مكانها واقفة ودموعها تنزل منها وهي تناظر باختها اللي تكبرها بسنة وحدة بس!!!عنود وضعها مايرضي ابدا يوم حلوة وعشرة ايام تعبانة!!!ليش كذا مايدرون...معقولة من مرضها لهدرجة ماْثر على نفسيتها!!!هم كان كل تفكيرهم من جمالها وطيبتها لو انها كانت اقل جمال واقل طيبة يمكن ماصارت حالتها كذا دايم دوخة وتعب وضيقة ماتنعرف اسبابها!!!! الله يسلمك يااختي ويخليك لنا العمر كله يااطيب واحلى انسانة في الدنيا قالتها بدموعها لانها وهي تناظر اختها ماقدرت تنطقها!!!!!! /////////////////////////////////////////////// خالد/على وين؟ محمد/مدري حاسس ان العمل لايحتمل اليوم؟ خالد/ليش عاد... محمد/ضيقة خلق والله.. خالد/مافي شي مريح ياولد الحلال.. محمد/انا لو شغال بالحكومة مو احسن لي من وجع هالراس!!!!على الاقل من الضهر وانا في البيت!!! خالد/.................. محمد/الا شخبار طلال صار لي يومين ادق عليه مايرد علي!!! خالد/خلاص طلال دكتور مايرد على احد ويشتغل في الشرقية شلون بعد وكل البنات الحلوين هناك!!! محمد/والله البنات الحلوين هنا مو هناك!!!!كم بيقعد هناك.... خالد/ثلاثة شهور وبعدين بينقلونه الرياض... محمد/الله يوفقه يستاهل طلول كل خير والله.... خالد/محمد انا خلاص قررت... محمد/قؤؤت شنو؟ خالد/هند... محمد/شفيها؟ خالد/انا وهي ما................................... //////////////////////////////////////////// لف بسيارته كل مكان وماهو عارف وين يروح حتى لتركي مو قادر يروح,,,مو عارف يفكر في شنو ولاشيسوي خلاص تفكيره كله وقف مرة وحدة,,,اكثر من عشر سنسن وهو يستعد لها اللحظة اللي يقول ابيها بالحلال وفي النهاية يقولون له انها لمحمد!!!!!!لاانسان تافه مايستاهلها لابيسعدها ولاحتى بيرضيها!!!!واللحين يافيصل خلاص انتهى كل شي راحت عنود منك بعد ماكنت تحلم فيها كل ليلة!!!ليه طيب انا اللي احبها وانا اللي استاهلها مو محمد!!!شفيه محمد علشان تاخذه وماتاخذني انا!!!انا افضل منه في التعليم والدراسة والتخصص والمنصب والراتب وكل شي!!!انا اللي بوفر لها حياة كريمة مو محمد!!!!انا اللي زارع حبها في قلبي مو محمد محمد..صرت اكرها واكره طاري اللي سرق مني عمري كله...سرق فرحتي في العنود...سرق حلمي وشبابي.....سرق الفرحة قبل تتم....ليش بس يصير فيني كذا ليش!!!!!! ///////////////////////// ظل الصمت مخيم عليهم لوقت طويل قطعته نوف بدموعها... نوف/اللحين شبيصير؟ ابو فيصل/............. نوف/شبيصير؟ سعود/لاحول ولاقوة الا بالله........لازم يقتنع انها موله ويشيلها من باله...... نوف/كان يقول انه يفكر في وحدة من قبل لايروح بس ماعمره طرى لي العنود ولا قال أي شي يخص هاالموضوع...... ابو فيصل كانت ضايقة فيه الدنيا لاهو قادر يتكلم ولاهو قادر يفكر اصلا....... ام فيصل بشهقة/بس لايسويها ويرجع يسافر!!!!!!!!!!!! ها الكلمة بالذات هي اللي خلت ابو فيصل يرفع راسه ابو فيصل/شقلتي يامرة!!!! ام فيصل/لاتخلي ولدي يروح انا ماصدقت انه رد لي يابو فيصل!!!!! نوف/يسافر!!!!!!!!!!!!معقولة يسافر بعد مااستقر هنا!!!!!!!! ورجعوا مرة ثانية في همهم وسكوتهم,,,,,,,,, ////////////////////////////////////////////// ام الوليد/قومي بندورة خل نطلع يوم انها نامت؟ البندري/لا يمه بقعد هنا لو اقعدت تلاقيني جنبها مو بعيدة!!! ام الوليد/طيب ...انا بنزل تحت اشوف اخوك راح الجامعة ولا لسه؟؟ وطلعت من الغرفة ولحقتها البندري وهي حابسة دموعها بس بمجرد قالت يمه ولفتها عليها امها صارت تبكي... ام الوليد/بندورة شفيك؟ البندري/يمه ليش العنود كذا تعبانة؟ ام الوليد/نصيبها يمه نصيبها.... البندري/يمه انا ماابيها تتعب ماتستاهل ابي التعب يكون فيني موفيها.. ام الوليد اخذت بنتها في حضنها وقامت تهديها..كانت متقطعة على العنود بس لازم تكون قدام عيالها قوية وماتهتز ... ام الوليد/يايمه مايصح ها الكلام خلك واثقة من رحمة الله... البندري/يمه انا احبها..هاذي غير كل الناس احنا موخوات احنا اكثر من ان احنا نكون خوات وساكنين في بيت واحد... ام الوليد/ ادعي لها يايمه الله يغير حالها ويسعدها في دنيتها... البندري/صرت افكر متى تاخذ محمد وترتاح عنده وتنبسط وتنسى تعبها ومرضها شوي..... ام الوليد/الله كريم يمه.... البندري وهي بعدها تشاهق من البكي/تدرين انها مافي يوم شحت علي شي من عندها ..اصلا كل اللي عندها لنا....عمرها مابخلت علينا بريال واحد حتى لو ماعندها تبيع عيونها ولانقول قاصرنا شي...يكفي طيبتها ...يمه انا ماابي ازعلها بشي ابدا ابدا ...... ام الوليد كانت تسمع ها الاسطوانة من البندري دايما اذا تعبت العنود لانها متعلقة فيها موووت وخلص بمجرد ماتتعب العنود صارت البندري تعيد نفس الكلام كل مرة فماصارت ترد عليها وتفضل انها تسكت.... /////////////////////////////////////////////////////// فيصل مارجع البيت الا اخر الليل مع انه طلع منه من الصباح ومثل ماطلع رجع على نفس وضعيتهم شكلهم ماتحركوا من مكانهم اصلا..وماتجراْ احد فيهم يتصل على جواله يساله وينك فيه لانهم حتى اذا اتصلوا بيلقونه خارج التغطية!!!!! قام يناظر بوجوهم ..ماتغير فيها شي بس سلطان اللي زاد عليهم اما الباقيين نفس العيون الحزينة والمكسورة وبعضهم الباكية..... قعد بهدوء ماتوقعوه منه..وقالوافي نفسهم خير.. ام فيصل/يمه احط لك شي تاكله؟ ناظرها بمعنى مافي شي يسوى اكل علشانه يمه..بس قال لها ببرود/لا... ابو فيصل/فيصل.....لاتزعل ياوليدي خيرها بغيرها؟ فيصل بنفس البرود/وليش ازعل كل شي قسمة ونصيب!!!! سعود/انت قلتها يافيصل كل شي قسمة ونصيب وماحد ياخذ الا نصيبه من ها الدنيا.. ام فيصل/يايمه بتلاقي اللي هي احسن منها.. ابو فيصل بدا الحماس عنده/وبعدين ياولدي انا ماابيها لك بتتعب معها يافيصل لو كانت بصحتها ماقلنا شي بس عنود مريضة وانت عارف كيف بتتعب معها وانت ماعندك اصلا وقت لها.... بس نوف كانت متحيرة من فيصل معقولة تنازل بها السهولة!!!لا اكيد السالفة وراها ان؟؟لايكون راح ذبح محمد علشانها!!!!!!! سلطان/ابوي معه حق بتتعب معها والسالفة ماتسوى في غيرها الدنيا ماخلت... فيصل/انتوا فهمتوني غلط على فكرة.. سعود اول من حس بالخوف/فهمناك غلط؟شلون يعني؟ فيصل/انا قصدي تبلغوا محمد ولد عمي ان كل شي قسمة ونصيب في ها الدنيا وان العنود من نصيبي ماهي من نصيبه!!!!!! فتحوا عيونهم من الدهشة مو مصدقين اللي يسمعونه ابو فيصل/فيصل انت شقاعد تقول؟ فيصل/اللي سمعتوه العنود مو من نصيب محمد لازم يقتنع بها الشي؟ ام فيصل/لا يايمه مايصير كذا هو قال يبيها قبلك كيف تاخذها انت؟ فيصل/مو مهم من اللي قال يبيها قبل لاني كنت ابيها من واحنا صغار اذا على ها السالفة يمه!!! سعود/فيصل انت عارف شبتسوي بعد ها السالفة!!!!! فيصل/ان شاءالله تقوم الحرب مايهمني شي!! ام فيصل/بس احنا يهمنا ياوليدي مو معقولة انك تاخذ زوجة ولد عمك وهو ناطرك تفرح معه!!!!! فيصل/ههه افرح معه عاد مرة وحدة!!لاقوية هاذي يمه؟ سلطان/طيب ومحمد؟ فيصل/يقتنع ان العنود ماهي نصيبه!!! نوف بقهر من اسلوب فيصل/ومنو ان شاءالله اللي ناوي يقنعه؟ فيصل ماعجبه انها ترد عليه بها الطريقة/ابو فيصل طبعا!!!! ابو فيصل رفع عيونه بعيون ولده اللي كان يتكلم بثقة عن هاالموضوع,, ابو فيصل/بس يافيصل؟ فيصل/بس شنو يبى!!!ياخذها محمد وانا ابيها!!!انت تشوفها تليق بفيصل العامري.....!!!!انا من زمان افكر فيها مو عشانه تشيطر وقال ابيها قبلي صارت ملك من املاكه؟ سعود/بس يافيصل ياخوي ملكتهم بتكون ها الايام!!! فيصل/قصدك ملكتنا انا والعنود..... سلطان/انت اللحين قررت يافيصل يمكن ان العنود ماتبيك وتبي محمد؟ رجع المكان يلفه الصمت من جديد... نوف في بالها(اول مرة تقول شي صح في حياتك ياسلطان العنود تبي محمد ماتبيك يافيصل ولاعمرها بتنظر ناحيتك بعد!!!) فيصل/مو بكيفها بتاخذني وراسها فوق رقبتها؟ نوف/وهاذي شلون تصير بالله!!! فيصل/ابو فيصل مو بيقنع محمد ان العنود مونصيبه!!بيتكفل باقناع العنود انها نصيبي!!!! ام فيصل/يمه شفيك اسم الله عليك ابوك شلون يروح يقول لها هاالكلام؟ فيصل/ماهي صعبة مو هو اللي وقف لعمتي من مات زوجها يتراولي له كلمة عليهم!!!!! نوف في باله(فيصل انت صاير شيطان ياخوي مو بشر!!معقولة تحبها لهدرجة اللي عاميتك عن كل شي!!!!) فيصل وقف/تصبحون على خير...وراح غرفته والكل صار يناظر بابو فيصل اللي ماتكلم بعد كلام فيصل بشي.... ابو فيصل/كل واحد يروح داره... نوف/بس يبه.. ابوفيصل/قلت كل واحد يروح داره...... كلهم قاموا على غرفهم الا ابو فيصل وام فيصل اللي كانوا يناظرون بعض بدون مايتكلمون وكل واحد في عيونه كلام .....مختلف حييل عن الثاني!!!! **سلطان رجع غرفته وهو يفكر في الايام الجاية وش راح يصير فيها...يمكن انه مايحب محمد حيل بس مايكرها ..الا هو يحب محمد..ماكانت بينهم أي خلافات ....وجودهم مع بعض مايسبب ازمات ومشاكل يعني كانوا ينطبقون على بعض مافي مشكلة....ياترى محمد كيف بيتقبل الموضوع !!!وش اللي راح يصير في الايام الجاية؟؟؟؟؟ ******نوف في غرفتها مابطلت دموع.....ياربي يافيصل شها المصيبة الل انزلت علينا من السماء ولا حاسبين لها حساب!!!!ليش العنود بالذات يافيصل ليش!!!ومحمد والعنود شبيصير فيهم لو عرفوا هاالشالفة!!!طيب ابو ي هل بيقتنع ولا بيطنش؟؟؟شبيصير ياربي شبيصير؟؟؟؟ولفت على جوالها لقت العالم كله متصل فيها..لؤلؤة ومرح والجازي ووضحى والبندري وليالي حتى العنود متصلة فيها اليوم؟؟؟؟كاْنهم حاسين بالمصيبة ..رمت جوالها على جنب وكملت بكيها وهي خايفة من اللي راح يصير.... ****في غرفة سعود...من اول مادخل الغرفة وهو سارح,,,,, وصال/يعطيك العافية حبيبي.. سعود/الله يعافيك... وصال/احط لك شي تاكله ولا اكلت؟ سعود/لا شبعان مابي شي؟وحط راسه بينام... وصال/كاْنك ماسالت اليوم عن ولي العهد وهذا مو من عوايدك؟ سعود/أي..صحيح..وينه؟ وصال/نايم..... سعود/طيب.... وصال/سعود في شي انا شاكة فيه؟ سعود/............. وصال/حبيبي شفيك شكلك تعبان؟ سعود/ لاولاشي ... وصال/طيب خلاص انا واثقة منه ماتبي تعرفه؟ سعود حط راسه على المخدة وتغطى كله/كل اللي اعرفه ان في مصيبة جايتنا؟ صعقتها الكلمة وحطت يدها على بطنها (كيف يقول هاالحكي!!!هو اللي يبيني احمل واجيب له بنت يوم حملت قال مصيبة!!!!!معقولة درى عن السالفة؟؟؟؟سعود انا بديت اخاف والله) وصال/سعود شفيك؟ سعود/نامي وادعي ان الله يفرجها علينا كلنا والصباح رباح... وصال/طيب مافيني اعرف اللحين شصاير؟؟؟ سعود/بكرة بتعرفين كل شي........ ///////////////////////////////////////////////// نوف راحت لعند فيصل غرفته لقت الباب مو مسكر كله معناته انه قاعد..... دخلت ولقته فاتح الاب توب ويناظره وهو سرحان...... دقت دقتين على الباب علشان ينتبه لها فيصل وفعلا رفع راسه وكانه انتبه من سرحانه.. نوف/ممكن ادخل؟ فيصل/أي بس انا بنام اللحين؟ نوف/أي بس بعدك مانمت ويمدينا ندردش شوي مع بعض؟ فيصل/خليها لوقت ثاني... نوف/لا الله يخليك انا محتاجة اتكلم معك... فيصل صفق باب الاب توب بقوة/تبين تلومين وتعاتبين تفضلي انا اسمعك بس للعلم فوق الخمس دقايق ماعندي!!!!! نوف/انا موجاية اعاتب والوم..انا جاية سالك شبيصير ياخوي اللحين؟ فيصل بنفاذ صبر/قلت لكم لازم يقتنع محمد انها مو نصيبه؟ نوف/طيب انت متاكد ان العنود تبيك؟ فيصل/وهاذي بعد قلت لكم انها بتاخذني غصبا عنها موبكيفها؟ نوف/بس يافيصل... فيصل/نوف انا شياطين الارض كلها قدام عيني اذا رقت انا بجيك اتكلم معك في ها الموضوع اللحين اذا تسمحين تخليني بروحي..... طلعت وهي متضايقة لاقدرت تعرف منه شي ولاتخليه يسمعها وراحت لغرفتها xxxxxة ماهي قادرة تنام ولاهي قادرة تفكر تبي تتكلم في السالفة بس لمنو اكيد مو لو وحدة من بنات العيلة!!!اول اسمين انطوا على بالها العنود ولؤلؤة..بس ماتقدر تفتح الموضوع معهم ثنتينهم...لقت نفسها ماسكة الجوال ودازة مسج لااختها لطيفة(اذا قاعدة وفيك تكلميني لاتبخلين علي ضروري ؟؟) بعد عشر دقايق بالضبط دقت لها لطيفة.. لطيفة/نوف شفيك حبيبتي خوفتيني ؟ نوف/لطيفة.... لطيفة/قولي شصاير ابو ي فيه شي؟ نوف/لا.. لطيفة/امي؟ نوف/ماحد فيه شي كلهم بخير... لطيفة/طيب شفيك انتي؟ نوف/لطيفة...وبدت تبكي... لطيفة/نوفوا شفيك؟ نوف/مشكلة كبيرة اليوم صارت في البيت؟ لطيفة/شصاير؟؟ نوف/فيصل يبي يتزوج؟؟ لطيفة/طيب وين المشكلة انتي موقلتيلي قبل انه فتح معك الموضوع من قبل؟ نوف/المصيبة في اللي يبيها؟ لطيفة/.اكيد يبي امريكية وقامت القيامة في البيت؟ نوف/ياليت يالطيفة ياليت؟ لطيفة حست ان الدم وقف بعروقها لهدرجة اللي اختارها فيصل ماتناسبهم ولا شسالفتها بالضبط؟ لطيفة/نوف....وقفتي قلبي قولي منهي؟ نوف/العنود اخوك يبي العنود بنت عمتي؟ لطيفة/العنود؟؟؟؟؟؟؟؟انتوا ماقلتوا له ان محمد يبيها؟؟؟؟؟ نوف/بلى عرف .....وقال ان محمد اللي لازم يقتنع انها مونصيبه!!!!!! لطيفة/شنو يعيني؟ نوف/يعني مصر عليها وبالقوة بعد حتى اذا هي ماتبيه؟ لطيفة/شها المصيبة ياربي؟؟؟وابوي شقال؟؟ نوف/ابوي كان معترض وفجاْة سكت وماقال شي؟؟؟تعرفين شمعناته؟ لطيفة/...... نوف/الخوف ان فيصل ياْثر على ابوي هني صحيح بتصير مصيبة؟؟ لطيفة/لاحول ولا وقوة الا بالله ...ليش يافيصل ليش ياخوي؟ //////////////////////////////////////////////////// اليوم الثاني تجمع الكل على طاولة الطعام..(ابو فيصل وام فيصل ونوف وسلطان) ابو فيصل/فيصل ماقعد؟ ام فيصل/ومنو قال لك ان فيصل بيت هنا من البارحة وهو طالع!!!! نوف/يبى.. ابو فيصل/لاتساليني عن شي يابنتي انا نفسي مو عارف................................ //////////////////////////////////////////// تركي/انت ماتقول لي جايبني من صبح الله شعندك؟ فيصل/احمد ربك اني مامريتك امس وانا في قمة عصبيتي؟ تركي/ليش شسالفتك؟ فيصل/يبون يسرقون مني حبيبتي!!! تركي/منو اللي يبي يسرقها!!! فيصل/محمد ولد عمي؟ تركي/كيف؟ فيصل/امس قلت لهم اني بخطبها وقالوا لي ان محمد خاطبها وينتظرني ارد علشان افرح معه!!! تركي/محمد!!!!!!!!!يعني طلع خاطب العنود!شها المصيبة؟ فيصل/شفت شلون...انا مو نايم من امس مو عارف شبيصير؟ تركي/............. ياساتر السالفة معقدة يافيصل ماهي سهلة!!! فيصل/انا ماراح اتنازل عنها مهما كان!!! تركي/ومحمد؟؟؟ فيصل/قلعته ...لازم يفهم ان العنود ملكي مو ملكه!!!! تركي/طيب واذا العنود اعترضت وقالت ابي محمد ماابي فيصل!!! فيصل/بعد مو بكيفها غصبا عنها بتاخذني؟ تركي/واذا العيلة كلها وقفت في وجهك ورفضت ها الطلب من اساسه!!!!!!!!لاتنسى انهم اجلوا ملكة محمد والعنود علشانك!!!!!! فيصل/ابو فيصل بيقتنع بالغصب انها لي واذا اقتنع ابو فيصل بيقنع ابوه وماعلي من الباقي اذا اهم اثنين في القضية اقتنعوا.... تركي/طيب واعمامها يمكن يقولون بنتنا مو لعبة في يدكم تزوجونها على كيفكم!!!! فيصل/عمها يحلم اني اقول ابيها ومايقول خذها وبدون شي بعد!!!!!يكفي اسم فيصل يهز المكان ولو مادخلت فيه!!!! تركي/مدري ليش احس السالفة اصعب من مجرد الكلام؟ فيصل/هي من ناحية صعبة فهي صعبة بس انا ماراح اتنازل عنها ابدا..تعرف شنو يعني ماراح اتنازل عنها ياتركي!!!ان شاءالله اخذها بالقوة واهاجر!!!!!! تركي/خلك من العصبية والقوة وفكر بعقل وش راح تسوي بدون قوة التملك اللي عندك... ///////////////////////////////////////////// البندري/صباح الخير يسعد صباحك ياحلو؟ العنود/صباح النور... البندري/كيفك الليوم... العنود/الحمد لله... البندري/مسوية لك فطور على كيف كيفك بيعجبك.. العنود/أي بس مالي نفس.... البندري/وانا ليش متعبة نفسي بالله,,,, العنود/طيب باخذ لي شور وبعدين يصير خير... البندري/انا بنزل تحت وانتي خلصي وبعدين تعالي لنا ... العنود/ماشي....... ////////////////////////////////// نوف/يمه وين ابو فيصل؟ ام فيصل اللي كان مبين عليها التعب والبكي/اخوك فيصل دق له وراح له؟ نوف/راح له المستشفى؟ ام فيصل/مدري وين يمه,,, نوف/طيب ماقال ليش؟ ام فيصل/يالله سترك يالله.... نوف/............... ام فيصل/ياربي عديها علينا هالمصيبة اللي انزلت فوق راسنا!!! نوف/يارب...يارب... //////////////////////////////////////////// ابوفيصل/شقلت ياولدي؟ فيصل/يبى انا مااحب اعيد كلامي مرتين؟ ابوفيصل/شلون يعني؟ فيصل/يعني العنود لي مو لمحمد!! ابوفيصل/بس يافيصل شلون اقولهم ولدي يبيها؟ فيصل/شلون يعني ماتعرف تقول لهم ولدي يبيها!!!! ابوفيصل/يافيصل افهمني انا اللي قايل لهم بزوجكم وبسوي وبسوي في عرسكم اروح اقولهم خلاص العنود مونصيبك يامحمد العنود لولدي!!!! فيصل بلامبالاة/العنود لفيصل..بالطيب بالغصب بتكون لفيصل.... ابوفيصل/............ فيصل/انا بسالك سؤال واحد يبى...منو افضل انا ولا محمد؟ ابوفيصل/اكيد انت يافيصل مايبيلها كلام. فيصل/ومنو اللي تتمنى سعادته اكثر انا لو محمد؟ ابوفيصل/انت طبعا انا ماصدقت متى ترجع وتقعد هنا يافيصل... فيصل/وانا سعادتي مع العنود وغير ها الكلام ماعندي!!!!!!! //////////////////////////////////////////// في مجلس العامري... ابوفيصل/السلام عليكم.. وعليكم السلام والرحمة..... الجدة/شلونك ياوليدي ابوفيصل/بخير يمه.......يبه انا ابيك بموضوع!!! كانت الجدة قاعدة مع لؤلؤة وروان ووضحى ويوم سمعوا كلام ابوفيصل طلعوا ...... الجد/عسى ماشر يابوفيصل؟ ابوفيصل/................... الجد/شفيك عسى عيالك مافيهم شي؟ ابوفيصل/فيصل يبي يتزوج... الجد/هاذي الساعة المباركة.. ابوفيصل/........... الجد/عسى بس مايبي وحدة من بلاد برة!!!! ابوفيصل/لايبى يبي وحدة منا وفينا!!! الجد/أي هذا السنع ....انت ليش مو فرحان؟ ابوفيصل/لانه يبي العنود يبه!!!!!!! الجد/منو؟؟؟؟؟؟؟؟؟؟؟العنود!!!!!!!!!! !! ابوفيصل/أي العنود... الجد/انت ماقلت له ان محمد يبيها!!!!!!! ابوفيصل/هو قال يبيها يوم قلت له ان محمد يبيها ماغير رايه مصر عليها.... الجد/جن !!!!لابالله انه جن!!!!! ابوفيصل/شسوي عجزت اقنع فيه ماهو طايعني يقول ماراح ياخذها غيري!!!! الجد/...............................شبتسوي مع محمد؟ ابوفيصل/يبى اسمح لي بس مقدر اسعد محمد على حساب فيصل ولدي؟ الجد/......................... ابوفيصل/محمد الله يسعده بغيرها بس ماقدر اقول لولدي لا!!!!! الجد/والعنود؟ ابوفيصل/مافيها ترد لي هالطلب وانا قايم فيها وفي اخوانها وامها من وفاة ابوهم؟؟؟؟ الجد/ياوليدي انت عارف شبتسوي؟ ابوفيصل/ان شاءالله تقوم الحرب ولدي ماحد يقول له لا ابدا وبياخذها يعني بياخذها حتى اذا انا رفضت! ///////////////////////////////////////////// وضحى/شسالفة عمي اليوم؟ لؤلؤة/ليش شفيه؟ وضحى/ماشفتيه يوم دخل كيف كان شكله حتى ماسلم علينا!!!واللحين دقوا على عمتي ام وحيد وابوك كاهم في الديواني كلهم في اجتماع مغلق مع جدتي؟ لؤلؤة/الله يستر من زمان ماصارت عندهم اجتماعات مغلقة!!!!طيب ابوك مو معهم؟ وضحى/ماشفته والله يدخل مدري اذا كان معهم لو لا؟ لؤلؤة/خل ندق على نوفوا نسالها......اكيد عندها خبر......ومسكت جوالها تدق على نوف.... لؤلؤة/جوالها مقفل....شرايك ندق على بيت عمي... وضحى/دقي ليش لا...... لؤلؤة دقت على بيت عمها وقالت لها الخدامة ان نوف نايمة.....(طبعا توصية من نوف لانها ماهي عارفة شتقول لهم لو دروا)/////// يتبع | ||||
|
| |
|
10-10-12, 07:32 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| //////////////////////////// في داخل الديوانية...... الجدة/شنو؟؟؟؟؟؟ ابوفيصل/اللي سمعتوه...... ام وحيد/انت تتكلم من جدك ياخوي لو تمزح؟ ابوفيصل/لاماامزح طبعا وهالمواضيع ينمزح فيها يام وحيد!!!! ابوخالد/بس يابو فيصل محمد يبيها كيف بتعطيها لولدك؟ ابوفيصل/لان ولدي يبيها فبياخذها انا مافرضتها على فيصل هو اللي اختارها بنفسه يابو خالد؟؟ الجدة/لا مستحيل شلون كذا لالالامايصير .... ابوفيصل/يمه خلاص انا اقنعت ابوي وهو اقتنع لاتقعدون تسون لي فيها سالفة وخلو ولدي ياخذها وباركوا له بدال هالكلام اللي مامنه فايدة.. ام وحيد بعصبية/انت من صدقك يابو فيصل نبارك له بعد!!!طيب ومحمد نعزيه يعني؟ ابو فيصل/ام وحيد ليش ها الكلام بس!!!!ماهي نصيبه بعد كل شي في الدنيا قسمة ونصيب... ام وحيد/العنود من نصيب محمد ولاتفرق بينهم ياخوي علشان ولدك ترى عمره مابيفرح معها لو كسر خاطرهم ثنينهم؟ ابو فيصل بنفس العصبية/لاتقعدين تدعين على ولدي ياام وحيد!!!!قلت لك ماهي نصيبه خلاص خلصنا.. ابو خالد/طيب العنود عرفت عن الموضوع؟؟شقالت؟ ابو فيصل/انا اللحين بقوم اروح لااختي ام الوليد وبقول لها عن الموضوع والعنود انا بكلمها بنفسي..... وطلع من الديوانية بدون مايكلم احد.... الجدة/مو معقولة..... ام وحيد/يبى انت راضي؟؟؟؟ الجد/شتبيني اسوي يعني هذا فيصل واذا بغى شي ياخذه..... ام وحيد/ومحمد!!!هذا ومحمد الغالي عندك يبى شلون لو كان واحد عادي؟ الجد جرحته الكلام هو فعلا كان يعز محمد حيل اكثر منهم كلهم بس فيصل شي ثاني فيصل توقف عنده كل الحواجز!!!!!! ام وحيد/انا مو راضية عن هالشي ابدا؟ ابو خالد/طيب واخوي ابو محمد ومحمد من بيبلغهم؟ ساد المكان صمت ثقيل ماقدر احد يفكه!!!! //////////////////////////////// البندري/خالي هلا والله حياك البت بيتك زارتنا البركة... ابو فيصل/بندورة وين امك؟ البندري/فوق... ابوفيصل/قولي لها تجيني المجلس بسرعة..... وراح المجلس بدون ماتقوله ادخل وسط دهشته من طريقته,,, البندري/غريبة اول مرة خالي يصير كذا مو عوايده اكيد فيه شي؟ راحت لاامها اتناديها وبالمرة لفت على غرفة العنود.... البندري/عنودوا اصحي في شي صاير؟ العنود/خليني انام بعدين قولي لي شنو؟ البندري/لامايصير قعدي علشان تسمعين!! العنود/بندورة؟ البندري/ترى الموضوع خطير ياعنود؟ العنود اول ماسمعت (خطير)فزت من مكانها... العنود/شصاير؟ البندري/تخرعتي مو؟مو مشكلة اللحين يطلع ابو فيصل وناخذ التقرير من امك... العنود/شساالفة؟ البندري/علمي علمك مدري شصاير؟ العنود/ويوم انك ماتدرين ليش صحيتيني وقلتي ان الموضوع خطير؟ البندري/علشان نتشارك مع بعض كل اللحظات مثل الدعايات اللي بالتلفزيون..... //////////////////////////// ام الوليد/حيا الله بوفيصل... ابوفيصل/شوفي انا جايك في موضوع وماابيك ترديني؟ ام الوليد/خير ان شاء الله ياخوي تراك اقلقتني؟ ابوفيصل/اول بنشدك انتي شرايك في فيصل ولدي؟ ام الوليد/فيصل!!!عداه العيب ياخوي شقول عنه فديته ماقدر اقول عنه شي وهو ولدي وحبيبي كل شي بقوله بيكون في صالحه اكيد؟ ابوفيصل/ومحمد ولد اخوي؟ ام الوليد/ومحمد بعد ولد اخوي وحبيبي وطول عمره جنبي عسى الله لايغير علينا... ام الوليد/ومنو فيهم تختارينه زوج للعنود؟ ام الوليد/ابو فيصل الله يهداك شقاعد تقول انت !!!الله يوفقها مع محمد والله اني تعبانة لتعبها.. ابو فيصل/انا اتكلم من جدي يام الوليد!!!منو تختارين زوج للعنود؟ ام الوليد/انت ليش تقول كذا؟ ابو فيصل/فيصل ولدي خاطب العنود وانا ابي اسمع رايك؟ ام الوليد بصدمة/خطبها!!!وتبي راي!!!انت عارف ان محمد يبيها وان احنا كنا ننتظر فيصل علشان الملكة؟ ابو فيصل/الوضع اللحين تغير يااختي اقولك ولدي يبيها.. ام الوليد بعتب/انت اكيد ماقلت لولدك ان محمد يبيها!!!الله يهداك بس ياخوي ؟ ابو فيصل/قلت له وهو قال انه مصر عليها مايبيها الا هي اقوله لا!!!!! ام الوليد/قال يبيها وهو يدري ان ولد عمه يبيها؟؟؟؟ ابو فيصل/ماعلينا من فيصل اللحين انا اتكلم عنك انتي شرايك؟ ام الوليد/ياخوي شتبيني اقول هذ1 مصير بنتي؟ ابو فيصل/ومنو بيصون بنتك غير فيصل ياام الوليد!!!!ولاتنسين اني انا اللي شلتك وشلتها وشلت اخوانها بعد ماتوفى ابوهم يااختي؟؟؟؟ ظلت تناظر بااخوها متحيرة من كلامه هو صدق يبي يعطي العنود لفيصل ومطنش محمد مرة وحدة؟؟؟؟وقاعد يذكرها بانه هو اللي قام فيها !!ليش يابو فيصل ليش ياخوي؟؟؟؟؟؟؟ ////////////////////////////////////////////// في غرفة العنود... العنود/تاخر خالي يابندورة صار له فوق الساعة ونص وهو قاعد مع امي؟ البندري/تتوقعين شيتكلمون عنه؟ العنود/مدري علمي علمك.... البندري/تدرين احس السالفة فيها تحديد عرسكم مدري ليش!!! العنود بفرح/تتوقعين!!!اي عشان كذا مطولين يمكن خالي هو اللي بيتكفل بالملكة علشان كذا هو جاي يشاور امي,,,,, ودق جوال العنود.... العنود/بندورة هاذي امي.. البندري اخذت الجوال منها/ها يمه,,,,,طيب,,وحدها؟ ... البندري/قومي خالي يبيك تحت؟شفتي اكيد علشان الملكة قال يبيك لوحدك تروحين لهم؟ العنود/ياربي خايفة بندورة احس خلاص السالفة صارت جد,,,,, البندوري/يالله بسرعة ولعلمك انا انتظر الاخبار هنا على احر من الجمر!!! العنود/يالله حبيبتي دعواتك لي.....وراحت طيران للمجلس تحت.... العنود/هلا بالغالي ..شلونك.... ابو فيصل/هلا حبيبتي تعالي.... ///////////////////////////////////////////////////// هند/يمه شفيك؟ ام وحيد/مافيني شي يمه .. هند/شلون مافيك شي وانتي تبكين؟ ام وحيد/يمه خليني بروحي.. هند قعدت جنب امها/شلون اخليك بروحكك يمه ؟يمه شفيك منو زعلك؟ ام وحيد/ماحد زعلني يمه خليني بروحي واذا وصل ابوك قولي له يجيني هنا.. هند/يمه,, ام وحيد/خلاص ياهند... هند يوم ان امها قالت خلاص فمعناته خلاص مافي كلام ,,قامت وتركتها بروحها,,, هند/ياترى شفيها امي راحت بيت جدي ويوم رجعت رجعت تبكي؟؟؟منو مزعلها ياترى؟؟؟بس لايكون احد في شي!!!!!! ////////////////////////////////////////////// فيصل/السلام عليكم,,,, ام فيصل/وعليكم السلام,,, نوف/................ فيصل قعد جنب امه/شلونك يمه ام فيصل/انت عارف ليش تسال.. فيصل تنهد.. نوف كانت ميتة نار من فيصل ماهي طايقته وطايقة موقفه وحالفة ماتكلمه اذا ماتخلى عن موقفه.....بس كسرها تنهده وتاْلمت لشوفته زعلان ومكسور... فيصل يكلم امه/يمه انتي ماتبيني سعادتي؟ ام فيصل/ابيها يمه واشتريها بعمري بس موعلى حساب غيرك؟ فيصل/وانا سعادتي يمه ماراح تكون مع غير العنود ام فيصل/يمه انتوا تكلمون بعض!!! فيصل /لا يمه .. ام فيصل/شلون تقول ان سعادتك ماراح تكون الامعها؟؟ فيصل رجع يتنهد من جديد وبصوت اقوى اللي خلا نوف تناظر فيه/يمه انا من قبل لااروح وانا افكر اني ابيها تكون زوجتي يعني من اكثر من عشر سنين وانا حاط في بالي انها لي كيف تبين اتنازل عنها كيف!!!! ام فيصل/بس يايمه انت ماقلت لنا انك تبيها ومحمد خطبها وهي وافقت شلون نقول لهم خلاص انتوا مو لبعض شلون!!!! فيصل/انتي لاتشغلين بالك بها السالفة.... ام فيصل/شلون مااشغل بالي يايمه وانت بهاالشي بتخرب العلاقة اللي بينا!!!يايمه العيلة اللحين كلها بتتزاعل من هاالسالفة؟ فيصل/اللي يبي يزعل يزعل عن العنود ماراح اتنازل !!!ياتاخذني ياتموت!!!!! ام فيصل/يايمه شلي صار لك بس....افرض انها ماتبيك وتبي محمد بتقدر تعيش معها على ها الاساس!!!!! فيصل وهو متضايق من هاالفكرة/علشان اذبحها لو فكرت في غيري... نوف كانت تناظره وهي ساكتة رغم انها حلفت ماتكلمه بس حست بشفقة تجاه مشاعره....هو قال لها انه يبي وحدة من زمان وان حاطها في باله يعني فيصل معشعشة فكرة العنود عنده وهاالشي هو اللي مصعب الشي كله هو كان يفكر فيها بصمت وكله ثقة انها راح تكون له ويوم قال يبيها انصدم باللي حوله ....ياه يافيصل والله مالومك ياخوي ولاالوم اللي بتسوي المشكلة انت تعلقت في وهم يافيصل وعلشان نصحى وتصحى منه راح تكون مصيبة وفراق بين العيلة!!!!!! //////////////////////////////////// العنود فتحت عينها على وسعهم وهي تناظر في خالها...هو من صدقه هاالكلام ولايبي يسوي فيها مقلب كعادته دايما معها!!! ضحكت في وجها على انها عرفت المقلب بس ملامحه كانت معصبة حيل وهو اللي عمره ماكان كذا وهو معهم ....لفت تناظر في امها لقتها صادة عيونها بعيد وشاحبة وكانها بتبكي!!!معقولة خالي يتكلم جد!!!! تجراْت وكلمته/خالي انت شتقول؟ ابو فيصل بصوت ثابت/اقول انك بتكونين لفيصل مو لمحمد وانا وامك اتفقنا على هاالشي؟ العنود بصعوبة/اتفقتوا!!!!شلون يعني اتفقتوا!!!!وليش بكون لفيصل من الاساس؟؟؟ ابو فيصل/لان فيصل يبيك... العنود/............... ابو فيصل/وين بتلقين ازين من فيصل ياعنودي؟ العنود بعدها تحت تاثير الصدمة/........... ابو فيصل/هو مستعد يسوي اللي تبينها..انتي بس تامرين.... العنود/خالي انت شقاعد تقول؟انا لمحمد مو لفيصل؟ ابو فيصل بعصبية/قلت لك انسي موضوع محمد اللحين وخلينا في فيصل.. العنود/بس يا خالي.. ابو فيصل /من غير بس ياعنود بتكونين لفيصل يعني بتكونين له غصب لو طيب؟ العنود بانفعال/مو على كيفك انا ماابي ولدك... وفي ها اللحظة دق جرس الباب..... ابوفيصل/لا !!!عيدي شقلتي ياعنود ماسمعتك؟ العنود وباصرار/ماابي فيصل مو غصب السالفة.... ابو فيصل/لا غصب السالفة!!!انتي ناسية من اللي اكلك وشربك وعلمك وسكنك في بيته بعد!!!انا يالعنود ....انا اللي ربيتك انتي واخوانك ولبستكم وعلمتكم وراويتكم الدنيا كلها جاية اللحين تقولين لي ماابي ولدك!!!على الاقل اخذيه وردي جميلي فيكم؟ كانت هاالصدمة اكبر عندها من صدمة الخطوبة ..بس في ها اللحظة عرفت زعل امها اكيد سمعت من ها الكلام كثير... العنود بدت تبكي/تعايرنا ياخالي!!!!!!! ابو فيصل وبقوة/اعايرك واطردك من البيت بعد!!!!انتي منو علشان ترادديني؟ العنود/اطردنا من البيت ولااخذ فيصل رفع يده وجاها كف خلاها تبكي من المه ومن الشخص اللي طلع منه في نفس اللحظة اللي انفتح فيها باب المجلس ودخل فيصل ووقفت ام العنود بعد هاالكف..... العنود/تبكي.... فيصل/شصاير؟؟؟؟ ابو فيصل/الظاهر اني ماربيتك عدل يالعنود..... العنود/ماراح تمشي حياتي مثل ماانت تبي ياخالي.... ابو فيصل/وبعدك فيك حيل تتكلمين!!السالفة انتهت خلاص مافيها جدال..... ام الوليد انتبهت على فيصل اللي كان يناظر في العنود وبس وهي بدون عباية ولاشيلة ولابسة بنطلون جينز مع قميص ابيض ورابطة لها ايشارب في رقبتها وردي وكان شعرها طايح على كتوفها ويدها على خدها من كف خالها والدموع مالية وجها.. ام الوليد/عنود روحي غرفتك؟ العنود/وشنو بيصير؟ ام الوليد باصرار/قلت لك روحي غرفتك.... مشت العنود وهي بعدها تبكي وكانت تناظر بالارض وماانتبهت على فيصل الا يوم صارت في حضنه لانه كان واقف عند الباب ..رفعت عينها له ولقت فيها شي غريب..كانه اعتذار كانه اسف..ماتقدر تحدد شنو... العنود/انت ليش جاي هنا علشان تكمل اللي بداه ابوك؟ فيصل/عنود انا... العنود/انت شنو؟ فيصل/انا ماكنت ابي الامور تتطور لها المستوى وماتوقعتها اصلا......(كان يتكلم عن الكف) العنود صارت تضرب على صدر فيصل وهي تبكي/روح يافيصل مانبيك...روح ..ارجع اللبلد اللي جيت منه..مالك مكان هنا يافيصل....مالك مكان.... مع كل ضربة كانت تضربه في صدره كان يتقطع عليها وعلى دموعها ووده يذبح ابوه ليش يرفع يده عليها وناسي انه هو سبب دموعها....!!!!!!!!!! ام الوليد بصوت عالي/عنود روحي فوق!!! العنود ناظرته بنظرة اخير قبل لاتمشي وقالت له بصوت يسمعه هو بس/اكرهك يافيصل اكرهك واتمنى لك الموت!!!!ومشت بسرعة لايجيها منه بعد شي على الطاير!!!!! اما هو ماكان همه مع الكلام اللي قالته كان كل تفكيره ليش خليتني اشوفها ياربي ليش!!!علشان يزيد عذابي!!علشان اتعلق فيها اكثر واكثر!!!لاوبدون عباية بعد!!!!!الله يالعنود شقد انتي ملاك...ويلوموني ليش ابيك ومصر عليك!!!!اكيد ماهم شايفين اللي انا شايفه ..شفتك بالعباية واسرتيني..كيف اللحين بدون شي ذكرتيني بعيد ميلاد نوف والحلاوة اللي كنتي فيها.. انا اشهد انك موبشر!!!!!!! ////////////////////////////////////////////// ابو محمد/شلون يعني ماله نصيب فيها!!!! الجد/خلاص ماله نصيب فيها!!!! ابو محمد/بس يبه هي تبيه واختي موافقة ...شلي صار؟ الجد/مافي شي فوق القدر ياولدي... ابو محمد/أي قدر هذا اللي بيكسر خاطر ولدي يبه!!!شلي صار فهموني ياجماعة!!!! كان ابو خالد ساكت والجدة شوي ودمعتها تطيح,,,,, الجد/لاحول ولاقوة الابالهه العلي العظبم..ياولدي انت تفهم علشان لاتصعبها على ولدك محمد؟ ابو محمد بعصبية/طيب قولي ليش يبه..خلني اقتنع با الاول علشان اشوف شلون اقنعه!!! الجد/فيصل............. ابو محمد/شفيه فيصل يبى؟ الجد/............ ابو محمد/شفيه فيصل؟وشيدخل فيصل بين العنود ومحمد؟ الجد/لان فيصل هو اللي بياخذ العنود ياولدي مو محمد..... ///////////////////////////////////////////////////////// البندري/مابغيتي تجيني ياعمري كل هذا تتفقون على الملكة!!!!واسكتت اول ماشافت العنود,,,, البندري/عنود شفيك شصار!!!!! العنود رمت نفسها على البندري وقامت تبكي بهستيريا مو طبيعية... البندري بخوف/عنود شفيك؟؟؟؟؟ العنود من بين شهقاتها/خالي ..خالي بو فيصل..مو هو...مستحيل..... البندري/شفيه خالي؟؟؟ العنود/انا مو لمحمد يابندورة انا مو لمحمد؟؟؟انا صرت سلعة يبيعون ويشترون فيها بكيفهم... البندري/مو لمحمد !!!شلون يعني!!!هدي وتكلمي خلني افهم عليك.... العنود/انا خلاص ضعت يابندورة ضعت....مستحيل اخذه ماابيه,,,,, البندري/محمد شسوى يالعنود ليش ماتبينه!!!! العنود/معقولة يكون راضي باللي صار!!!لو ماقالوا له اصلا!!!!! البندري/عنود لاتجننيني !!قولي شصار؟؟؟؟ العنود رمت نفسها على السرير وهي تبكي اكثر من قبل.... الجازي دخلت عليهم../انتوا شفيكم ماحد ينام منكم!!!!!شفيها العنود؟ البندري/انا موفاهمة شي ابدا!!!!! الجازي/عنود شفيك؟؟؟ العنود/انا اكرهه ...... الجازي/شسوى؟؟؟ البندري/منو؟ الجازي/محمد.... العنود/انا بطلع من هاالبيت ماقدر اعيش غيه اكثر من كذا؟؟؟؟؟ الجازي/قولي لي شسوى وانا اروح اهاوشه؟؟؟لايكون بس ماتمادى معك؟؟؟ العنود/ياليت ياالجازي ياليت كنت ضمنت اني له ومابيفرقني عنه احد!!!!! البندري والجازي يناظرون في بعض.... البندري قامت بتطلع من الغرفة/الجازي/وين رايحة؟ البندري/بروح اشوف امي وافهم منها السالفة؟ ////////////////////////////////// كانت ماسكة جوالها وتبي تدق على لؤلؤة...صديقتها الوحيدة اللي بتفهمها في ها اللحظات بس شلون تقول لها!!!!هي اذا ماتكلمت معها تحس نفسها بتنفجر ...لازم تكلمها...يصير اللي يصير,,, دقت على رقمها بااصابع مرتعشة... لؤلؤة/وينك يادبة كله نوم؟؟؟كم مرة دقيت عليك الجوال مقفل وانتي نايمة ؟؟؟ نوف/........... لؤلؤة/نوفوا ابوك شفيه جانا اليوم البيت وهو متغير والكل لاحظ ها الشي وبعدين صار اجتماع مغلق وجت عمتي ام وحيد وابوي واللحين دور عمي ابو محمد... نوف/لؤلؤة معك احد في الغرفة؟ لؤلؤة/لا...ليش؟؟ نوف/لؤلؤة انا تعبانة حاسة نفسي بختنق مو قادرة... لؤلؤة بخوف/شفيك شصاير؟ نوف قامت تبكي ...... لؤلؤة/نوفوا وقفتي قلبي حسبي الله على ابليسك قولي شصاير؟ نوف/الفرحة كلها ماراح تكتمل يالؤلؤة... لؤلؤة راح تفكيرها لطلال اخوها/لا يانوف لا!!!!!انتي عارفة انه يبيك وعايش على ها الشي لاتحطمينه لو شنو صار؟؟؟قولي لا..خليهم يذبحونك اذا يبون بس طلال لا...لاتكسرين بخاطره يانوف....تعرفين انه كل يوم يدق من الشرقية بس علشان يسالني عنك شنو اخبارك وشسويتي في يومك...نوف طلال يحبك لاتتركينه؟ نوف/لؤلؤة انا وين وانتي وين؟؟؟انا ببيع كل شي علشان طلال ماحد منهم يهمني لو فكروا في ها الموضوع.....!!! لؤلؤة/أي فرحة اجل اللي ماراح تكتمل؟ نوف/فرحة محمد والعنود؟ لؤلؤة/ليش؟؟؟؟؟؟؟؟؟؟؟؟ نوف بتنهيدة قد الدنيا/فيصل.........والله عجزنا فيه يالؤلؤة.... لؤلؤة/شفيه فيصل؟؟؟؟وشيجيب ها الموضوع لذاك الموضوع ياروحي؟؟ نوف/فيصل يبي العنود يالؤلؤة؟؟؟؟ لؤلؤة/؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نوف/شفتي المصيبة اللي وقعت فوق راسنا يالؤلؤة شفتي؟؟؟؟؟؟؟؟؟؟؟؟؟ لؤلؤة/فيصل؟؟؟؟؟ليش هو مايدري عن محمد؟؟؟؟؟ نوف/بلى عرف بس مصر عليها يبيها...... لؤلؤة/ومحمد؟؟؟؟؟ نوف/لاتساليني عن شي يالؤلؤة؟؟؟انا ابي احد اتكلم معه مو قادرة احس اني بنفجر....... لؤلؤة/فيصل ليش عاد؟؟؟؟ليش يسوي كذا ؟؟؟؟ نوف/................ لؤلؤة/شبيصير اللحين؟؟؟؟؟؟ نوف/مدري كل اللي اعرفه اني تعبانة مووت ومو قادرة اتكلم.....ولاحتى افكر,,,,,, لؤلؤة/محمد يحبها يانوف تعرفين شنو معنى يحبها!!!!!محمد اذا قالوا له العنود ماهي نصيبك شبيصير فيه؟؟؟؟؟؟ نوف/وانا بعد محمد وابي سعادته بس انا مالي حييل على فيصل يالؤلؤة لاتلوميني؟ لؤلؤة/انا مالومك يانوف بس شلون بيقدر ياخذها وهي نصيب غيره شلون؟؟؟؟؟؟؟ نوف/لبيتنا مهجور مافيه احد تتكلمين معه ولاحتى تسالينه ابوي من طلع من البيت راح عندكم وبعدها راحوا عند عمتي يقنعونها وامي مريضة موقادرة تتحرك من ها السالفة ولطيفة ملازمتها وسعود كل هم الدنيا على راسه ومو عارف شيقول لمرته وفيصل مو عاطي احد مجال يتكلم........... لؤلة/قلبي معك يانوف بس انا مو قادرة اتصور الوضع شلون كذا يافيصل شلون؟؟؟؟؟هذا ولد عمك حسبة اخوك؟؟؟؟؟طيب والعنود هي متعلقة في محمد شلون تاخذ فيصل؟؟؟؟؟؟؟؟؟؟؟؟؟؟؟؟ ///////////////////////////////////////////// كان لابس بيطلع بعد يوم كامل من النوم والتهرب من العالم كله واولهم اللي كانت نايمة جنبه... حط يده على الباب بيفتحه بس كانت يد ناعمة فوق كتفه تمنعه من الطلعة..... ناظرها بخوف انها تكون عرفت شي.... وصال بحنان/وين؟؟؟؟ سعود بتهرب/بنزل تحت شوي... وصال/سعود ....شفيك؟ سعود/شبيكون فيني...ولا شي... وصال/انت نايم من البارح ياسعود وماقمت الا قبل نص ساعة؟؟؟؟وهاذي اول مرة تسويها..شفيك؟ سعود/تعبان من الشغل قلت اريح اليوم وراحت علي نومة..هاذي كل السالفة.. وصال/ماتبي تاكل لك شي لافطرت ولاتغذيت ولاتعشيت.....!!! سعود/بنزل اشوف شصار في ....... وصال/سعود انت مخبي علي شي صح؟؟ سعود/....................... وصال/اذا كانت سالفة عائلية انا مااجبرك تقولها تظل البيوت اسرار...بس لو حاب نتشارك همومنا ترى انا جنبك حبيبي خليني اشيل عنك شوية من همك وتعبك..... حس انه لو قعد شوي بس بينفجر قدامها مثل بزر صغير وبيبكي...طول عمرها مغرقته بحنانه وحبها واحترامها.....شيقول لها اخوي بياخذ زوجة اخوك وابوي اللي هو عمك شكله بيوافق!!!!!!!!!!! اخذها في حضنه وباسها على جبينها.... سعود/عسى الله لايحرمني منك يالغالية .. وصال/ولايحرمني منك ولامن اهلك يابعد طوايفي... سعود/وصال انتي تحبيني؟ وصال/غريب سؤالك كيف يعني احبك؟؟؟؟توك تسال ها السؤال ياسعود وكانك مو عارف اجابته!!!! سعود/ابي اتاكد؟ وصال/طبعا احبك حبيبي انت شاك بها الشي!!! سعود/وماراح تتركيني في يوم من الايام!! وصال/ليش تقول ها الكلام حبيبي؟ سعود/انا خايف ياوصال...... وصال/خايف من شنو؟ سعود/........................ ابتعد عنها ومسك الباب وطلع بدون مايتكلم بكلمة وتركها وسط حيرتها وتساؤلاتها!!!!! ///////////////////////////////////////////////////////// في قسم بو محمد.... اول ماسمعت الكلام اللي قاله ابو محمد طاحت على الكنبة من صدمتها.... ام محمد بذهول/بو محمد انت شقاعد تقول؟؟؟ ابو محمد اللي كان مبين عليه التعب والضعف/اللي سمعتيه لاتخليني اعيد مرة ثانية..... وضحى ومشعل كانوا يناظرون في بعض وكل واحد عيونه مفتوحة من الدهشة بس مو قادر يقول شي....... ام محمد/ياخذها فيصل؟؟؟؟؟؟؟؟وولدي محمد؟؟؟؟ ابو محمد/؟؟؟؟؟؟؟؟؟؟؟؟؟؟؟؟ ام محمد/طيب وابوك شقال؟؟؟؟ ابو محمد/اه... وضحى/وافق!!!!!!جدي وافق ان فيصل ياخذها وهو عارف ان محمد يبيها؟؟؟؟؟ ناظرها ابوها وهو لاحول عنده ولاقوة...... ام محمد/وولدي شبيصير فيه اللحين؟؟؟؟؟؟؟ماابيه يعرف لاتقولون له.... مشعل/عمتي شقالت يبى؟؟؟ ابو محمد/اذا جدك اقتنع فتاكد ان عمتك ماراح تقدر على عمك ابو فيصل!!!! وضحى/والعنود!!!!!!!يبى عنود تبي محمد؟؟؟؟انتوا ماتدرون عن سوالفهم,,,اقصد ماتدرون عن الكلام اللي .....يبى شلون مايصير؟؟؟ ابو محمد/؟؟؟؟؟؟؟؟؟؟؟ ام محمد/محمد وينه؟؟؟؟؟ريكون عرف وصار فيه شي؟؟؟؟؟؟ مشعل/لايمه ماعرف هو اليوم طالع مع ربعه يتعشون وتلاقينه جاي بالطريق...... ام محمد/ليش يافيصل ليش ؟؟؟؟ مشعل/ليش ياعمي مو ليش يافيصل يايمه؟؟؟؟عمي المفروض يقول لا..مو عشانه ولده عادي عنده السالفة!!!!!!!!!!!!! ام محمد/استغفر الله العظيم...ياربي ليش كذا..ليش تبي تكسر بخاطر ولدي وهو متعلق فيها ويبيها ليش!!!!!!! //////////////////////////////////////////////// ام الوليد/يمه عنود افتحي الباب؟ عنود كانت قاعدة بدارها ومسوية لها جنازة داخل من البكي والنوح ...... البندري كانت تبكي/عنود افتحي حبيبتي مايصير كذا ماراح ينحل الموضوع؟ العنود وهي تشاهق/مابفتح زين..ماراح افتح... الوليد/يابنت الناس افتحي خلنا نتفاهم...يخسي فيصلوا يلمس منك شعرة وانا موجود.... امه ناظرته بنظرة تقول سد حلقك يالبزر بس مانطقت بشي علشان تهدي العنود مو تزيدها... الجازي/فتحي حبيبتي تعرفين ان احنا مانقوى على زعلك..... البندري/تبين اكلم هند تجيك؟ العنود/ماابي احد...انامولعبة ورحوا قولوا لخالي ها الكلام..... البندري/طيب انتي فتحي ..ماحد يقدر ياخذك وانتي مو موافقة.... ام الوليد/يمه فتحي لاتعورين بقلبي.... العنود/يمه ماراح ياخذني فيصل صح؟؟؟ ام الوليد/يايمه لاتعورين قلبي وفتحي الباب خلينا نتفاهم!!! العنود/ماراح افتح الا اذا بيجي محمد وبنملك!!!! ام الوليد/يمه فتحي لاتجننيني يكفيني اللي فيني!!!! الوليد راح طيران وجاب عدته علشان يكسر الباب.... العنود بترجي/لا ياوليد ماابي اطلع ماابي فيصل ياخذني....... البندري/عنود ماحد بياخذك غصبا عنك وين قاعدين حنا!!!! الجازي/انتي بمجرد تقولين للشيخ ماابيه ..ووقفت لان امها كانت تناظرها... الجازي بصوت واطي/يمه ليش تناظريني؟ ام الوليد بصوت واطي/لان العنود بتاخذ فيصل؟ ناظروها ثلاثتهم مذهولين وعليهم الف علامة تعجب!!!! الوليد/شلون يعني يمه؟؟ ام الوليد/افتح الباب وانت ساكت؟؟؟ البندري/ومحمد؟؟؟؟؟؟ ام الوليد/افتح الباب ياوليد خلني اتطمن على اختك!!!! الوليد واصل شغله مستغرب من امه والبندري والجازي يقررون في امهم اللي كانت مطنشتهم وهي تفكر في مستقبل العنود!!!!!!!!!!!! ///////////////////////////////////////////////// يتبــــع | ||||
|
| |
|
10-10-12, 07:32 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قاعدة في غرفتها xxxxxة ليش قطع مسجاته ها اليومين....اشتاقت لسؤاله عنها وعن لهفته وعن دلعها وصدها له اذا قال لها تكلمي عن نفسك.....ياترى وش اللي شاغله عني وليش صار له يومين مايرسل!!!!!خلني ادز له مسج اشوف شفيه....وتوها بتدز له مسج انفتح الباب وجاها اعصار يبكي... مرح/ليالوا قومي بتقوم الحرب في العيلة؟؟؟ ليالي/خير شصاير؟؟؟ مرح/فيصل الحقير... ليالي/شفيه !!!شمسوي!!!! مرح/يبي العنود؟ ليالي/منو؟؟؟؟العنود العنود ماغيرها!!!!! مرح/اي العنود ماغيرها؟ ليالي/ليش بالله؟؟؟ مرح/كذا لعانة وحقارة !!!!! ليالي/؟؟؟؟؟؟؟؟؟؟ مرح/والمشكلة ان حتى جدي اقتنع انها تناسب فيصل ماتناسب محمد؟؟؟؟ ليالي/والعنود ومحمد شنو رايهم؟؟؟؟ مرح/مدري الاتصال مفقود عند عمتي ام الوليد يقولون خالي ابو فيصل هو اللي راح يقنعها وماحد راح لها بعدين بس محمد يقولون معزو وللحين مارد وامه ماتبي تقول له خايفة عليه...شفتي فيصل وحقارته يوم انه درى ان محمد يبيها قال انا بعد ابيها!!!! ////////////////////////////////// دخل البيت وهو متونس كعادته ويغني... محمد/الا قاعدين ومتجمعين بعد!!!السلام عليكم... مشعل ووضحى/وعليكم السلام... ابو محمد وام محمد/.................... محمد يوم ان امه ماردت عليه ولاابوه حس ان فيهم شي وقعد جنب امه.... محمد/شفيها الغالية؟؟؟ ام محمد/مافيني شي يمه.. محمد/علي انا يمه..على ولدك ياام محمد؟ ام محمد/يمه قلت لك مافيني شي لاتشغل بالك...قوم روح نام ارتاح... محمد/انام!!!ليش تبيني انام انتي بالعادة تقولين اقعد سولف لي وش سويت ووين رحت!!! ابو محمد/محمد يبى... محمد/نعم يبى... ابو محمد/يبى انت تعرف ان كل شي في الدنيا قسمة ونصيب.... محمد/........... ابو محمد/وان مافي انسان في ها الدنيا ياخذ الا نصيبه....واللي كاتبه له رب العالمين مهما سوى ومهما قال ومهما حط في باله,,,,, محمد/ونعم بالله....مافي شك يبى... ابو محمد/يبى....انت صحيح كنت تبي العنود وهي كانت تبيك.....بس ماانتوا نصيب بعض يامحمد.... محمد/شنو!!!!!!!! يعني شنو يبى ماهي نصيبي؟؟؟؟ ابو محمد/اقول لك يايبى كل شي قسمة ونصيب وهذا نصيبكم,,,,انت وهي؟ محمد/بس هي موافقة يبى وعمتي بعد موافقة وكلكم موافقين!!!!!شنو صار؟؟؟؟؟؟ ابو محمد/............... ام محمد/............. مشعل باندفاع/فيصل..... محمد/فيصل...شفيه؟؟؟ مشعل/هو اللي مايبيكم تاخذون بعض؟ ابو محمد/مشعل ..هدي يبى.... محمد/شسا الفة يبى؟فيصل شفيه وشيخصه بها السالفة؟؟وليش انا ماراح اخذ العنود وانتوا تقولون لي خذها وسافروا!!!!!!! ام محمد/يمه محمد...ولد عمك فيصل يبيها ؟؟؟؟ محمد/يبي منو؟؟؟؟ ابو محمد/يبي العنود... محمد/العنود لي يبى..مو لفيصل..... مشعل/روح قول لولد عمك ها الحكي!!!! محمد/؟شصاير؟؟؟؟؟ ام محمد/هذا اللي صاير يمه هو قال ابيها وابوه ماصدق خبر انه يقول يبي يتزوج قال حاضر على امرك خذها ليش لا!!!!! ابو محمد/.................. محمد/وانا!!!!!!!!!!!!!عمي وعدني انه بيعطيني اياها؟؟؟؟؟؟؟؟؟؟؟؟؟؟؟وبعدي ن هي تبيني انا متاكد انها تبيني؟؟؟؟؟سالتوها وقالت ماتبيني؟؟؟؟؟؟؟؟ ابو محمد/عمك راح لاامها البيت واكيد انه بيقنعها بانها تاخذ انها تاخذ ولده!!!!!!!! محمد/مستحيل وانا....................ماراح ياخذها مستحيل العنود لي مو لمحمد................... ابو محمد/يبى ماعليك الله بيوفقك بغيرها.. محمد وقف وهو مو في وعيه ودموعه بدت تنزل/العنود لي انا اللي ابيها مو فيصل!!!!وطلع من البيت......؟؟؟؟؟ /////////////////////////////////////////////// سعود نزل لقى لطيفة وامه اللي كانت تعبانة وسلطان ونوف قاعدين حولها.... سعود/يمه...شلونك اللحين؟ ام فيصل/شبيكون لوني بعد وابوك اليوم مدري شسوى مع اهله؟ سعود/هو للحين مارد؟ لطيفة/فيصل رد المغرب ودق عليه وبعدين راح له وماندري وينهم كل ماندق لاابوي مايرد وفيصل مطنشنا كاالعادة!!! سعود/لاحول ولاقوة الا بالله!!!! سلطان/خلاص السالفة صارت اكيدة فيصل بياخذ العنود!!!! ام فيصل/يمه لاتفاول علينا؟؟؟ سلطان/يمه فيصل دخل بالسالفة وابوي ماراح لهم الا لانه اقتنع بكلام فيصل!!!لانكذب على نفسنا اللي جاينا اللحين بنتحمله كلنا منك يافيصل؟ ام فيصل/.............. لطيفة/................ سعود............. /نوف/............. سعود /اه...اذا صار ها الشي..شلون بتكون علاقتنا ببيت عمي!!!!!!!!ومرتي وصال يمه شبتسوي؟ ام فيصل/والله مدري يايمه لاتسالني؟ نوف/وصال!!!!!!!!تصدقون انا مافكرت في موقفها؟الله يستر..انا احبها وماابيها تزعل منا احنا مالينا شغل!!!!!!! سعود/اه....... وفي ها اللحظات دخل فيصل وابوه..... ابو فيصل/السلام عليكم.... /////////وعليكم السلام والرحمة///////// فيصل ماكلف على نفسه يسلم قعد قبال امه ومسك الجريدة وماكان الدنيا قايمة وقاعدة!! قال ببرود/يمه شلونك اللحين؟ ام فيصل/الحمد لله......قالتها بغصة وحسرة.... ابو فيصل/متجمعين على الخير ان شاءالله.... سعود/ننتظرك يبى.... ابو فيصل/وليش تنتظروني؟ لطيفة/نبي نعرف شصار يبى.... ابو فيصل بضحة/لالا تطمنو خير ان شاءالله... ام فيصل/يعني شنو؟؟؟؟؟ فيصل/يعني شنو يمه؟؟؟يعني العنود ماراح تاخذ غيري.................. ابو فيصل/يالله عاد يبيلكم تشدون حيلكم انا ناوي اسوي زواج لفيصل ماصار ولا استوى....... كانت الصدمة باينة على وجوهم كلهم من برود ابو فيصل ولامبالته وماكان بايع ولد اخوه برخيص علشان سعادة ولده اللي ماهي مضمونة!!!!!!!!! نوف/يعني شلون؟؟؟؟؟؟؟؟ ابو فيصل/لاتحاتين يبى لو تبين الثوب من لبنان رقبتي سدادة ولايهمك كم مرة بنسوي عرس احنا!!!!!! كانت كلمات ابوها مثل اللي قاعد يهينها ومو حاس فيها وفيهم كلهم!!!ليش يبى ليش بس سويت كذا!!! قامت من الصالة وهي تداري دموعها وكلهم يناظرونها اول المنسحبين من المواجهة وقامت بدون ماتقول اللي في خاطرها!!!!!!! سلطان/يمه قومي ارتاحي في غرفتك؟ ام فيصل/أي راحة يمه أي راحة؟؟؟الراحة بعيدة عني........ ابو فيصل /انتي شفيك يامرة مو مرتاحة؟ ام فيصل/فيصل يمه الله يوفقك.. فيصل قاطعها/يمه تكلمنا في الموضوع خلاص...ابي تباركين لي زواجي مو تكدرين نفسك!!! ام فيصل/بس يايمه... فيصل/يمه انتي مو تبيني ارد هنا واقعد معكم!!!!خليني اسوي اللي يريحني هنا!!!!!!!! ام فيصل اسكتت وكان فيصل يهددها بسفره في كل لحظة علشان تغض النظر عن الكلام في ها الموضوع........اخذت بعضها وراحت لدارها... لطيفة/العنود درت؟ ابو فيصل/أي يابنيتي انا قلت لها؟؟ لطيفة/وش قالت يبى؟ ابو فيصل/شبتقول يعني بتقول على امرك ياخالي... لطيفة ماهي مصدقة كلام ابوها لانها عارفة ان العنود ماتبي فيصل تبي محمد بس شلون تكذبه!!!!!اسكتت مرة وحدة... لطيفة/سلطان قوم وصلني البيت... ابو فيصل/نامي هنا الليلة يبى؟ لطيفة/لا يبى ماعليه بس غازي اليوم في الشرقية وبيرجع اخر الليل ماهي حلوة يرد وانا نايمة هنا وبعدين انا هنا من الصبح وتاركة نور عند عمتي وماراح ترضى تنام عندهم.... ابو فيصل/كان جبتيها معك والله انها وحشتني...بكرة من الصبح تجين انتي معها.. لطيفة قامت /ان شاءالله تصبحون على خير..... وقام معها سلطان..... ابو فيصل/يالله انا بعد بقوم اريح لي شوي...تصبحون على خير..... فيصل وسعود/وانت من اهله..... سعود انتظر لين يروح ابوه وناظر في فيصل اللي كان حاس انه يبي يتكلم معه....... نوف نزلت تبي تعلنها حرب مع فيصل بس وقفت يوم سمعت سعود وفيصل يتكلمون ووقفت تسمع كلامهم... سعود/فيصل... فيصل/نعم... سعود/ليش سويت كذا!!! فيصل/شسويت؟؟؟ابي اتزوج ولا مو من حقي؟ سعود/من قال انه مو من حقك ياخوي بس العنود؟؟؟ فيصل/أي مافي الا العنود !!مادخل بالي الا العنود؟؟؟ سعود/انا ابي اسالك هي السالفة عناد؟؟؟ فيصل/عناد في منو انت بعد!!!! سعود/مدري بس ليش هي بالذات؟؟؟ فيصل/لانها هي بالذات اللي ابيها؟؟؟ سعود/انت مافكرت فينا يوم قلت ابيها وهي لمحمد؟؟؟؟مافكرت فيني انا ومرتي شممكن يكون بينا بعد ها الموقف!!!!!انت بتاخذ اللي المفروض تكون زوجة اخوها؟؟؟فكرت في ها الشي يافيصل؟ فيصل/اذا مرتك تحبك ياسعود بتبيع كل العالم علشانك وعلشان سعادتكم؟؟؟؟؟ سعود/بس ياخوي... فيصل بانفعال/انا ماحد حاس فيني كلكم قاعدين وحاطين في بالكم اني انا اللي هادم فرحة ها الاثنين اللي هم لايقين على بعض بس لمجرد ان فكرة انهم لبعض معششة في بالكم!!!!!!انا ياسعود كنت ابيها من وانا هناك تعرف شقد انصدمت يوم اني عرفت ان في احد ثاني يبيها؟؟؟معناته ان حلمي فيها كله وهم وسراب !!!!معناته ان انا كنت احلم واحلم وحلمي مالازم يتم؟؟؟انا عارف انها صعبة عليكم كلكم حتى علي صعبة ؟؟؟وش اصعب من انك تاخذ زوجة كانت تفكر في غيرك ياسعود؟؟؟؟؟؟؟وش اصعب من انك تدري انها بتاخذك غصبا عنها خوفا من ابوك بس واجبارا منه لها!!!!!!!!انا عاجز ياخوي كنت انتظر الفرصة تجي لعندي وافاتحها بها الموضوع بس ماصار نصيب ولا حالفني الحظ اني اقولها وانصدمت يوم قلتوا انها لمحمد بس ياخوي انا مقدر اتركه ياخذها وانا اناظر!! !مقدر افهمني ياسعود مقدراخلي حلمي يروح مني وانا اللي صار لي فوق العشر سنين انتظر اللحظة اللي تجمعني فيها...سعود انا بقولك على شي ماقلته لااحد ولااراح اقول لغيرك انت وتركي حتى العنود يمكن مابتعرفه سعود انا احب العنود اعشقها انا هيمان فيها..كانت معي في امريكا عشر سنين بضحكتها وبصورها وهي صغيرة وبصوتها وبسوالفها وبنعومتها شقولك ياسعود شقولك جرب تعيش متغرب عشر سنسن انت وطيفها وخيالها !!!واذا جيت تاخذها وتملكها يقولون لك لا هي لغيرك ماهي لك؟؟؟؟؟؟؟؟؟؟؟؟؟؟؟؟؟؟؟؟؟ كانت متسندة على درابزين الدرج وتسمع حوارهم ومع اعترافات فيصل اقعدت وزاد بكيها كانت جاية تلومه وتعاتبه على اللي صار بس مشاعره اكبر من انها تلومه مثل الكل....الحب هو اللي معذب فيصل ومخليه يتصرف كذا..صحيح كلامه كله صحيح هو كان يفكر فيها ويقول لها صحيح ان عمره ماقال لها انها العنود بس كان يقول انه يفكر في وحدة ومن زمان.....................الله يلوم اللي يلومك يافيصل والله اني حاسة فيك وعارفة ان هاالشي صعب عليك يفرقونك عن انسانة تحبها وماتدري عنك بس محمد ؟؟؟محمد تعلق فيها ياخوي تعلق فيها؟؟؟؟؟؟؟الله يستر عليك يالعنود ويطلعك من ها السالفة ويريح بالك!!!!!!!!!!!!!!!!!!!! ///////////////////////////////////////////// بعد مافتح الوليد الباب دخلوا لها وحاولوا يهدونها وهي في عالم ثاني من البكي............كل اللي صار في كوم والكف اللي عطاها اياه خالها والكلام اللي قاله في كوم ثاني...........هذا اللي كان متعب نفسيتها اكثر ..خالها ابو فيصل اللي طول عمره ابو لهم كيف يقول لهم ها الكلام!!!!!!!!! البنردي/خلاص حبيبتي ها.... العنود ناظرتها ببرود/شنو يعني خلاص؟ الجازي/يعني ارتاحي اللحين وبكرة بنتكلم في الموضوع؟ قطع عليهم صوت جرس الباب .. ام الوليد/يالله سترك من اللي جاينا بنص الليل؟ الوليد/انا بروح افتحه؟ ام الوليد/لايمه لاتروح بروحك؟ الوليد/يمه انا رجال مو بعدني بزر! ام الوليد/لا ماتروح بروحك يمه... الجازي/خلاص انا بنزل معه افتح الباب ..قوم ياحظي... البندري دزت كتف العنو/شفت جويزي عن عشرة رجال مو اخوك هاالنعوم!!!!!كانت تبي تفرفش الجو عند العنود بس لاحياة لمن تنادي!!!!!!!! يتبــــع | ||||
|
| |
|
10-10-12, 07:34 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البندري دزت كتف العنو/شفت جويزي عن عشرة رجال مو اخوك هاالنعوم!!!!!كانت تبي تفرفش الجو عند العنود بس لاحياة لمن تنادي!!!!!!!! نزل الوليد مع القائد العام اللي مايهاب شي جويزي.... الوليد/منو؟ محمد بصوت ضعيف/انا ياالوليد افتح ..انا محمد.. الوليد وجويزي ناظروا في بعض لان اخر انسان تمنوا شوفته محمد وكيف بيواجهونه!!! الجازي ركبت الدرج بسرعة لانها نزلت بدون عباية..والوليد فتح الباب لمحمد.... الوليد/حياك تفضل.. محمد ظل واقف مكانه... الوليد/محمد شفيك ادخل؟ محمد/لا انا مو جاي ادخل..انا بس جاي اسمعها من عمتي؟ الوليد تنهد وتسند على الباب كان يحب محمد اكثر واحد من عيال خاله وعمه ويوم قال انه يبي العنود ماوسعت فرحته شي بس اللحين فيصل الحقير بيخرب كل شي وامه وموافقته؟؟؟؟ الوليد/محمد عنود تعبانة؟؟ رفع راسه وكان متوقع انه يسمع ها الشي.. محمد/شفيها؟؟؟ الوليد/انت عارف انها ماتبي فيصل تبيك انت!!! محمد/اللي انا ابي اعرفه ليش عمتي وافقت علي من الاساس طالما انها بتغير رايها؟؟؟؟ الوليد/اذا عرفت يامحمد تعال قول لي كلنا xxxxxين ولاهي راضية تقول لنا اصلا العنود ماتدري ان امي وافقت خلاص!!!!! الجازي/منو تتوقعون جاي؟؟؟ البندري وام الوليد/منو؟ الجازي وكانت عيونها على العنود مباشرة/محمد ولد خالي؟؟؟؟؟؟ رفعت راسها بصدمة.....لايامحمد لا الله يخليك مو هذا وقت نتقابل فيه انا مالي شغل بعدين انت لازم .... ام الوليد/انا بنزل اشوفه..... ونزلت تحت... ام الوليد/محمد حياك يمه تفضل ليش واقف عند الباب..!!! محمد سكت وماتكلم بس كان يناظرها بحزن,,,وهي فهمت على نظرات العتب اللي في عيونه بس سوت الوضع طبيعي.. ام الوليد/بتظل واقف عند الباب؟ محمد/ليش ياعمتيظ ام الوليد/كل شي قسمة ونصيب ياولدي؟؟ محمد/بس انتي قلتيلي انها بتكون نصيبك وكنتي موافقة ومباركة زواجنا...!!!! ام الوليد/الوضع تغير يامحمد.. محمد/علشان فيصل ولا علشان ابوه؟؟؟؟ ام الوليد/محمد ابوه يكون عمك...؟؟؟ محمد/؟؟؟؟؟؟؟؟؟؟؟؟؟؟؟؟؟؟؟من ها اللحظة ياعمتي لاهو عمي ولا انا ولد اخوه!!!!! ام الوليد/لايامحمد مو هذا العشم فيك انت اعقل من انك تقول ها الكلام !!!العنود وماصارت نصيبك ماراح تحارب اهلك علشانها لاتزعلني منك؟؟؟؟ محمد/طيب هو عرف انها لي ومع ذلك اصر عليها وعلى الحرب اللي بتكون بيناولا هو كذا عشمك فيه!!!!!!!!!ولا لازم انا اللي اكون مضحي واتنازل عنها !!!!!!!!! ام الوليد/محمد انت تعرف اني احبك وادري انها بتكون سعيدة معك اكثر من سعادتها مع فيصل بس انت ماتدري يايمه كيف وضعي وش اللي .....ما كانت تبي تكمل كلامها وولدها يسمع ماكانت تبيهم يستصغرون خالهم ابو فيصل اللي طول عمره لهم اكثر من اب..... محمد فهم عليها وفهم ان عمه جبرها ويمكن بعد قام يعيايرها لانها صارت عنده رنة ها اليومين اذا السالفة فيها ام الوليد!!!! محمد/عمتي انا ابي اشوفها؟؟ ام الوليد/لا يايمه خلاص العنود صارت لغيرك شيلها من بالك؟ الوليد من سمع ها الشي ثارت حميته على محمد وقال تشوفها لو ذبحتي تكون الليلة ولاتطلع زعلان ياالغالي وراح طيران لغرفة العنود.... البندري/بسم الله الرحمان وليدوه انت مابتتعلم تدق الباب يابابا احنا بنات متى بتستوعب ان عندنا اسرار خاصة!!! الوليد طنشها ومسك العنود من يدها وقومها وسط دهشتهم كلهم... العنود/وليد شفيك وين بتاخذني؟؟ الوليد وهو يمشيها معه/محمد يبي يشوفك؟ العنود/لا لا يالوليد مقدر اشوفه!!!!! سحبها معه بدون مايسمع اعتراضها.. البندري/وليدوه خلها تلبس عبايتها لا تذبحك امي!!!!!!! نزلوا ولاحياة لمن تنادي يالبندري!!!!!!!!!!!! ///////////////////////////////////////////////////////// سعود/وصال قعدي ابي اتكلم معك في موضوع... وصال/خير .. سعود/قعدي ليش واقفة... وصال/تبيني اقعد جنبك ولاقبالك؟؟؟كانت تبيه يضحك بس حست انها ضايقته زيادة بها الكلمة ..قعدت جنبه وحطت يدها على كتفه... وصال/قول ياولد عمي انا اسمعك!!! سعود في باله كان يقول... (ولد عمي!!!!من زمان ماقالتها بالعادة حبيبي ولا سعود ولا بو باسل ليش اليوم تقولي ولد عمي وكانها تبي تجرحني فيها على موقف ابوي!!!!!!!!!) سعود/تعرفين الموضوع اللي مضايقني شنو؟ وصال/الله يجعله خيران شاءالله؟ سعود/فيصل يبي يتزوج... وصال/اله يهداك بس ياسعود اللحين الخبر الحلو هذا يبيله احتفال مو زعل ونكد وضيقة خلق!!!!هذا فيصل الغالي ويوم السعد اللي قال بيتزوج على الاقل مرته تسوي لنا جو في البيت تصير عندي جارة ازورها وتزورني!!!!!سكتت يوم شافته ساكت ومتضايق... وصال بهدوء/سعود شفيك....عسى بس فيصل مايبي امريكية وعمي قال لا وصارت سالفة!!!! سعود بعد تنهيدة وقفت قلب وصال/ياليت.... وصال بخوف/ليش!!!!!!!!شسا الفة؟؟؟؟؟؟ سعود/مدري شقولك ياوصال!!!! وصال/سعود قول لاتطيح قلبي الله يخليك!!!!! سعود ناظر في عيونها وهو عارف انها مابتتحمل الصدمة/وصال.....طيب اسالي بيتكم انا مقدر اقولك... وصال/اسال بيتنا!!!!لا انا ابي اعرف منك انت مو من بيتنا؟؟؟؟؟؟ سعود/............ وصال/سعود قلت لك ابي اعرف منك انت مو من غيرك يالله قول ولاتوقف قلبي!!!! سعود/..................يبي العنود بنت عمتي!!!!!!!!!!!!!! /////////////////////////////////////////////////////// وقفت عند نص الدرج وهي تشوفه داير ضهره بيطلع من البيت وهو مكسور...نادته بصوت مبحوح وماتوقعت انه يسمعها.. العنود/محمد.... محمد لف عليها بس مارفع راسه يشوفها كان حاسس من صوتها انها تعبانة وماهو قادر يشوفها.... نزلت الدرج بشويش وام الوليد متضايقة من الوليد لانه ناداها تشوف محمد هي ماتبي تكسر بخاطرهم اكثر بس هي ماتقدر على ابو فيصل!!!!!! وصلت لعنده وهاذي اول مرة تسويها وتنزل بدون عباية وتضرب في كل المبادى عرض الحايط.....!!!! العنود/محمد...وصارت تبكي... محمد رفع راسه لها وهو بعد يبكي...... العنود/انا ماابيه!!!!صدقني ماابيه.... محمد/............... العنود/محمد خلنا نروح الشرقية ونتزوج ولا علينا من خالي!!!!! محمد فتح عينه على وسعها (ليش الشرقية بالذات يالعنود ليش تحرقين قلبي اكثر وتذكريني بقربنا من بعض هناك!!!) ام الوليد/عنود روحي غرفتك؟؟؟ العنود/صدقني ماابيه.... محمد/بس هو يبيك......قالها وهو متقطع... العنود/وانا!!!!مو مهم راي؟؟؟؟ محمد/وامك تبيه!!!!!!!! العنود/انا مالي شغل في امي !!!!!انا ماراح اخذ فيصل لو يكون اخر واحد بالدنيا....انا اخاف منه يامحمد كيف تبيني اعيش عمري كله معه!!!!! محمد/........................... العنود/محمد قول شي لاتظل كذا لاتتخلى عني الله يخليك؟ محمد/شتبيني اسوي وامك وجدك متفقين خلاص!!!! العنود لفت على امها/يمه ..مو صحيح انتي مااتفقتي معهم وبعتيني بها السهولة!!!!!يمه قولي شي... ام الوليد كانت تناظر بمحمد بعتب معناته ان الزيارة انتهت يامحمد ومحمد فهمها مسك يد العنود بقوة.... محمد/الله يوفقك في حياتك...وتاكدي اني بظل احبك لحظة في حياتي وماراح انساك ...واذا احتجتي أي شي اعتبريني اخوك وسندك وموجود جنبك علطول......... بنفس القوة اللي مسك يدها فيها بنفس القوة اللي تركها فيها وطلع...... العنود قامت تبكي وراحت غرفتها...... الوليد/يمه انتي شلون تقولين لهم انك تبين فيصل؟ ام الوليد بعصبية/يتراواللي ان الواحد تكون غيرته على اخته ومايخليها تنزل بدون عباية!!!!!! الوليد بنفس العصبية/ياسلام !!!!يعني فيصل يشوفها بدون عباية ومحمد لا!!!!! ام الوليد/اولا فيصل ماكان عارف انها في المجلس!!!!!! الوليد/لا تدافعين عنه الشغالة قالت له ان العنود وامها في المجلس مع ابوه يعني هو عارف انها ماراح تقعد مع ابوه بعباية!!!!!!!!ومع ذلك دخل وحلال عليه شافها ماقلتي شي؟؟؟؟؟؟؟؟ ام الوليد/ولنفترض...خلاص فيصل بيصير زوجها يعني حلال عليه يشوفها بس محمد لا!!!!!!!!!! الوليد/ماراح تاخذ فيصل انا ماابيه ها الحقير........ ///////////////////////////////////////////////////////// وصال/شنو؟؟؟؟؟؟؟؟؟؟؟؟؟؟ سعود/................... وصال/فيصل يبي العنود وعمي خطبها له!!!!!!!!!! سعود/................. وصال/واخوي عرف عن ها الشي؟؟؟؟؟ سعود/مدري ؟؟ وصال/اخوي يبيها ياسعود....هو متعلق فيها بجنون...عارف شنو يعني!!!!!!بعدين شفيه اخوي علشان انهم يعطونها فيصل ويردون اخوي!!!!!!!!!! سعود/........................ وصال سالت دموعها على خدودها حارين بدون ماتتكلم وقطع عليه صوت باسل يبكي.....وقامت غرفته وقفلت وراها الباب وكانها تقدم له بداية علاقتهم في الايام الجاية كيف بتكون؟؟؟؟؟؟؟؟؟؟؟؟؟؟؟ ///////////////////////////////////////////////// على اليوم الثاني كانت العيلة كلها عرفت عن خطوبة فيصل للعنود وموافقة الجد وابو فيصل وام الوليد وظل تحديد الملكة بس!!!!!!!!!! في بيت ام فيصل..... كانوا كلهم متجمعين في الصالة (ابو فيصل وام فيصل وسلطان ونوف ولطيفة) كان الصمت مخيم عليهم كلهم.... لطيفة/اللحين شنو؟ ابو فيصل بصوت عادي/والله مدري ..انتظر فيصل يحدد الملكة..... الشغالة..../بابا هذا ماما ام وحيد يجي... ابو فيصل/روحي دخليها هاذي اختي شبلاك انتي ماتفهمين؟؟؟؟ راحت تنادي ام وحيد وكلهم عرفوا ان السالفة مابتعدي..... دخلت ام وحيد بكبرياها المعروف واللي ورثته هند... ام وحيد/السلام عليكم... /////وعليكم السلام....... نوف ولطيفة راحوا يبوسوا عمتهم ....وسلطان قام يسلم عليها ... ام فيصل/حيا الله ام وحيد تو مانور البيت... ام وحيد/الله يسلمك ياام فيصل..... ابو فيصل/وين ابو وحيد عنا صار لي يومين مااشوفه!!!! ام وحيد بحدة/لانك لاهي مع ولدك فيصل!!!!!!!!!! ابو وحيد صديق ابو فيصل من زمان ....وبينهم صفقات مشتركة...... ابو فيصل/شتقصدين؟؟؟ ام وحيد/انت فاهم علي؟؟؟؟؟ ام فيصل/يمه روحوا غرفكم... ام وحيد/ليش خليهم قاعدين........مجرد عتاب بيني وبين ابوهم؟ ابو فيصل/وان شاءالله ليش جاية تعاتبيني؟ ام وحيد/تعاير اختك انك قمت فيها يابو فيصل؟ ام فيصل/انا صدق قمت فيها من وفاة زوجها!!! ام وحيد/كلنا قادرين نقوم فيها بس ماظنينا في لحظة انك بتعايرها بقومتك لها ياخوي؟ ابو فيصل/انا ماعايرتها هي اضرتني اقول لها ها الكلام!!!! ام وحيد/لانها قالت لك ماابي ولدك لبنتي انا عطيت محمد كلمة ومااقدر ارده!!!!! كانت ام الوليد اتصلت امس لااختها ام وحيد تشتكيلها من كلام ابو فيصل اللي جرحها فيه وكيف انه هددها بيروح يخطبها من عمها اللي اكيد بيوافق وبتعميه فلوس فيصل وابوه!!!!! ابو فيصل/انا اقول اللي ابيه ماحد يردني؟ ام وحيد/انا ابي اعرف فيصل مالاقى الا العنود!!!!!!!اصغر منه وماتناسبه وبعدين عرف انها لولد عمه بعد ليش يصر عليها!!!!!! ام فيصل/والله اني عجزت اقنعه ياام وحيد بس ماطاعني !!!!!! ام وحيد/انا عارفة ها الشي ..كلنا عارفين ها الشي يام فيصل وماحد فينا يلومك...وناظرت في اخوها...نلومك انت ياخوي كيف تطيعه بتفرقتنا!!!! ابو فيصل/فيصل مافرق احد فينا؟؟؟اللي يبي يفترق بكيفه!!!! ام وحيد/هذا كله ومايبي يفرق بينا!!!!تعرف ان محمد من البارح مارجع للبيت!!!!! ابو فيصل/مصيره يرجع لعقله ويفهم ان كل شي مثل ماقال فيصل؟ ام وحيد عصبت/من زين فيصل لو من زين حكيه عاد!!!وليش مافهم هو ان العنود ماهي من نصيبه بالله!!!!! ابو فيصل/انتي في بيتي فلا ترفعين صوتك علي!!!!!!!! ام وحيد/شفت ان ولدك بيفرقنا!!!!!! لطيفة/يبى...عمتي....هدوا.... ام وحيد/سمعي كلام ابوك يالطيفة!!! ابو فيصل/اذا انتي جاية تلومين فاانا ماابي اسمع!!! ام وحيد/وش اللي تبي تسمعه!!!! ابو فيصل/ابيك تباركين لفيصل وتصلين على النبي وتغنين مو ترفعين صوتك بالحكي؟ ام وحيد/واذا قلت لك تحلم ابارك له؟ ابو فيصل بعصبية/معناته بيتي يتعذرك ولاتدخلينه مرة ثانية!!! نوف/لا يبى لا.............. ام وحيد قامت بنفس الكبرياء/طيب يابو فيصل انا بطلع من بيتك بس بلغ ولدك فيصل ان العنود ماتبيه ومابتريحه ولابترتاح معه.. ابو فيصل/اقول طلعي برة من بيتي... وقفوا عياله ومرته بعد ها الكلمة,,, لطيفة/لايبى لا.. سلطان/عمتي قعدي الله يخليك خلنا نتفاهم... ام وحيد/لايمه ابوك مايبي يتفاهم..... نوف/عمتي علشاني الله يخليك.... مشت ام وحيد وطلعت بكرامتها قبل لاتسمع كلمة وحدة من ابو فيصل.... نوف/....تبكي.....يبى ليش....هاذي عمتي؟؟؟؟ لطيفة/ماكنت تقدر تمسك نفسك شوي يبى...انت عارف ان الموضوع ماهو سهل علينا كلنا.... ابو فيصل/روحوا غرفكم.... سلطان/يبى... ابو فيصل/روحوا غرفكم,,,ماابي اعيدها مرة ثانية.... قاموا وهم عارفين ان ابوهم متضايق لانه حس بغلطه هو يعز ام وحيد حييل لا وفوق هذا كله زوجة اعز اصحابه كيف بتكون الايام الجاية بينهم بعد ماطردها من بيته!!!!!!!!!! من قاموا عياله وهو يناظر في مرته اللي ماتكلمت ولاكلمة....ام فيصل طول عمره يسمع شورها وكلمتها وماعصاها الا في مرتين بس في حياته!!!يوم انها عارضت دراسة فيصل في امريكا ويوم انها قالت لاتخطب العنود لفيصل وتكسر بخاطر محمد والعنود!!!!!!!! ابو فيصل بحنية/قولي شي يام فيصل.... ام فيصل بعد ماتنهدت وكانها حست انها موجودة/هذا اول الخير يابو فيصل...وبتشوف الايام الجاية شبيصير فيها!!!!! ابو فيصل/؟؟؟؟؟؟؟؟؟؟ ام فيصل/ماراح يجينا الا الهم ووجع القلب بعد ماكنا مرتاحين....كنا عيلة وحدة وعلى قلب واحد بنتفرق علشان عرس ياعبد العزيز!!!!!!!!عمرك شفت عرس يفرق مايجمع بين الاهل!!!!!!! ابو فيصل/...................... ///////////////////////////////////////////// كانوا البنات كلهم متجمعين عند العنود يواسونها...(بنات ام وحيد ولؤلؤة ) لؤلؤة/ترى وضعك ياالعنود احسن من وضع محمد اللي من البارح مارد البيت ولاهو راضي يرد على موبايله!!!!!!! سكتوا البنات وصارت شهقات العنود هي اللي تحكي بينهم... هند/استغفر الله العظيم.....شها المصيبة ياربي.... ليالي/الله يعين خالي.... لؤلؤة/عمي طول الليل مانام ولاقال ولاكلمة...سكوته مخوفنا كلنا..... البندري/جدي ماتكلم في الموضوع؟ لؤلؤة/بعد ماقال لعمي سكت مرة وحدة ولاقال شي.. مرح/وماسال عن محمد!!!!هذا ياعزم يحبه بعد شنطلع احنا ياترى بيعتنا بريال عنده؟؟؟ لؤلؤة/تصدقين ظل طول الليل في ديوانيته كاْن ينتظر احد يطمنه عليه بس تعرفين جدي عزيز نفس مايتكلم عن مشاعره.... العنود/لؤلؤة....وصال مادرت؟؟ هند/كيف مادرت وهي معهم في البيت؟ لؤلؤة/لا مااتوقع انها درت لانها امس العصر يوم كلمت البيت وضحى تقول انها ماتدري لانها تقول ان سعود متضايق ومهموم بس ماتدري من شنو فماجبنا لها سيرة قلنا تدري منهم احسن من تدري منا.... الجازي/خالي غريب....لو هي كانت لولده بيرضى تروح لولد اخوه؟ هند/طبعا لا..... العنود/اكرهه...احقد عليه.....لاتطالعوني كذا انا مااتكلم عن فيصل انا اتكلم عن خالي؟؟؟ ليالي/بس ياالعنود فيصل هو اللي خطبك وخالي مسير لرغبته!!! العنود/موصحيح ياليالي خالي لو قال لا..ووقف في وجهه ماراح يتجرا يفتح الموضوع واقرب الناس رافضة الفكرة بس هو ماشاف أي اعتراض منه على أي اساس ياخذ في خاطره ويتراجع عن الموضوع!!!! مرح/انا بروح اشوف خالتي تحت...ونزلت.... الجازي/شبيصير ياترى في الايام الجاية!!!!!!! دق جوال لؤلؤة........ لؤلؤة/هاذي نوف........ تعلقت فيها كل العيون وكانها تبي تعرف من نوف وش اللي صاير هناك...... لؤلؤة/هلا فيك ياقلبي كيفك....شكلك تبكين!!!!شفيك؟...وينك انتي......لا تعالي بيت عمتي ام الوليد احنا كلنا مع العنود.....شها الحكي اكيد تبيك.........ورفعت راسها للعنود تسالها....تقول لك نوف عادي تجي شفتي السخافة ياالعنود صارت تاخذ اذن بعد قبل لاتجينا!!! العنود/قولي لها ماني ناقصة بياخة وخل تجي بلا ها الدلع!!!!! لؤلؤة/سمعتي.....يالله ننتظرك........ لؤلؤة/صوتها مو عاجبني احس ان في مستجدات في الموضوع! ليالي/الله يسامحك ياخالي على اللي سويته.. البندري/طيب مرته شرايها في الموضوع؟ لؤلؤة/اكيد ماهي موافقة ليش انتي كنتي مفكرة الكل ببيع ولاهامه شي!!!! الجازي/نوف قالت لك؟ لؤلؤة/أي قالت ان امها مرضت من ها السالفة وصارت ياتترجى عمي ياتترجى فيصل بس لاحياة لمن تنادي؟ العنود/تتوقعون خالتي اذا راحت له بتجيب خبر؟ ليالي/امي للحين مارجعت من خالي؟ هند/لا.... دق جوال لؤلؤة.... لؤلؤة/انا بنزل لنوف وبجيبها هنا وبالمرة بشوف اذا عمتي وصلت ولا لا؟ //////////////////////////////////////////////////// وصال/ابي اروح عند اهلي........ سعود/تقدر توصلني ولا اكلم مشيعل يجيني؟ سعود/ليش تقولينها كذا؟ وصال/ولاشي........ سعود تقرب منها ومسك يدها/حبيبي ليش تتهرب مني انا مالي شغل ... تركت يدها من يده وابتعدت عنه... وصال/انا مااتهرب منك ... سعود/ونومتك البارح في غرفة باسل وانا انتظرك هذا مو تهرب؟ وصال/غفت عيني وانا انيمه.... سعود/طيب لبسي عبايتك وانا باخذ باسل معي بننتظرك تحت.. وصال/لا.....اذا بتنتظرني اانتظرني في السيارة!!! سعود/براحتك.بننتظرك في السيارة...... //////////////////////////////////////////دخلت نوف البيت وكانت حاسة بالضيق هي حتى ماقالت لاامها وابوها انها بتجي بس قالت للطيفة...... شافت مرح قبالها بالصالة وحمدت ربها دخلتها لهم بتكون اريح مدام ان في وحدة من صاحباتها هنا بس وين لؤلؤة انا داقة عليها بتشوف بعدين بس يالله مرح فيها الخير..... نوف/هلا ........... مرح رفعت راسها وناظرت بنوف من فوق لتحت الشي اللي خلا نوف تستغرب من حركة مرح.... مرح/مضيعة في العنوان!!!!!!!قالتها بسخرية... نوف/خير...ماسمعت؟ مرح/مو مشكلة اسمعك مرة ثانية.....مضيعة في العنوان؟؟؟ نوف/............ مرح/والله قواة عين.بس تدرين ماتنلامين مدام انك بنت ابو فيصل!!!!!!!!!بعد كل اللي سويتونه وبعد جاية بيت خالتي وكاْنك اميرة!!!!!!!!! جت كلمات مرح مثل الملح على جروح نوف..هذا اخر كلام تمنت تسمعه ومن اخر ناس توقعتهم يلومونها على اللي صار!!!!! لؤلؤة بحدة/ مرح انتي شتقولين؟. مرح/اقول الحق....بعد اللي سووه جاية وعادي الموضوع عندها.... نوف ماكانت تبي تبكي وتبين ضعفها لانها ماتحب تبكي قدام أي احد بس غصبا عنها نزلوا دموعها هاذي مرح صديقتها من صغرها وتقول لها كذا!!اجل ابشري بسود الايام يانوف!!!!!! نوف/انا مالي شغل في اللي صار!!!!!!! لؤلؤة/وانتي بعد قاعدة تبررين لها امشي بس البنات ينطرونا فوق؟ نوف بدت تبكي وحطت يدها على فمهابعد ماقالت مرح مرح/اذا كذا انا بظل قاعدة هنا انتظر امي لاني مااحب اقعد مع ناس منافقين!!!!!!!!!!!! لؤلؤة/مرح!!!!!!! نوف/انا مظلومة !!وقسم بالله مالي شغل في اللي صار ليش تبونا نفترق علشان هذا الموضوع!!!! لؤلؤة/نوف لاتصيرين حساسة كذا.....هي ماتقصد...هي بس متضايقة.. مرح/لا اقصد..خل تروح لاابوها واخوها وتكمل معهم هنا مالها مكان عندنا اصلا هي ماصدقت على الله فيصل يقول يبي العنود علشان تاخذها لااخوها لانها انانية وماتبي سعادة محمد ومو غريبة بعد تكون هي اللي دخلتها في راس فيصل...!!!!!!! طلعت وهي تركض وماهي شايفة اللي قدامها ولاحتى صوت لؤلؤة من وراها اثر فيها...... ////////////////////////////////////////////////// فيصل/السلام عليكم.... وعليكم السلام والرحمة.... قعد وكل شي حاول يكون طبيعي قدامه على عكس مايخفي من مشاعره... فيصل/شلونك يمه.. ام فيصل/الحمد لله ياوليدي... فيصل/ترى خالتي بتجيك الليلة؟ ام فيصل/أي يمه دقت لي قبل شوي وقالت لي....تبي احط لك شي تاكله؟ فيصل/لايمه خليها للعشى مرة وحدة.. لطيفة/انت ماتداوم الخميس صح؟ فيصل/لامااداوم....الا وين نويف مااشوفها قاعدة معكم؟ ام فيصل/في غرفتها.. لطيفة/لايمه راحت بيت عمتيظ ابو فيصل/ومنو اللي رخص لها الروحة بالله؟ لطيفة/يبى انتو كنتوا متضايقين وهي سالتني وقلت لها روحي غيري جو؟ فيصل/يعني راحت تشوف مرتي..زين ناخذ العلوم منها...الا انتوا ليش كنتوا متضايقين؟ ام فيصل وكانها تبي تقول من قبل لايسال/عمتك ام وحيد جت هنا وابوك طردها من البيت؟ فيصل بلوم/يبى.... ابو فيصل/انت ماسمعتها شتقول يافيصل؟؟ فيصل/هذا مايعطيك أي حق انك تروح تطردها من البيت!!!!!!!!يبى انت ليش تسوي كذا امس وموقفك مع العنود اليوم ومع عمتي بكرة مع منو بالله!!!!!! سلطان استغرب حكي فيصل مع ابوه بها الطريقة وسكوت ابوه عنه وكانه مقتنع بكل كلمة يقولها وقال في نفسه لو انا ذبحني من زمان!!!!!!!! ابو فيصل/يافيصل يايبى.... فيصل/لاتفكر اني سكت عن موقفك مع العنود بكيفيلا...بس لاني محكم عقلي لكن عهد علي انها اذا صارت مرتي ماحد يكلمها بكلمة وحدة ولا بيدفع الثمن غالي!!!!!!!!! ام فيصل/ليش شسوى ابوك للعنود بعد!!! فيصل/خل يقولك لاصرتوا بروحكم مالي خلق اتذكر واضيق خلقي...... ومسك سماعة التلفون يدق على نوف... /////////////////////////////////////////////// يتبـــــع | ||||
|
| |
|
10-10-12, 07:34 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هند/طلعت وين راحت؟ لؤلؤةبحزن/زعلت من كلام مرح ومشت مارضت توقف لي.... العنود/مرح بعد ليش تقول ها الكلام....كلنا عارفين ان نوف مالها شغل؟؟ ليالي/هاذي البنت مجنونة !!!!!!منو قال لها بالله تتصرف من كيفها!!!!!!!! هند/الله ياخذك يامرح على طوالة ها اللسان اللي انتي فيها!!!!!!!!!!! البندري/جويزي روحي شوفيها خل تجي هنا مايصير نسكت عنها؟؟؟ الجازي/طيب....... لؤلؤة كانت ماسكة جوالها وتدق على نوف اللي كانت مطنشة......... لؤلؤة/اوووف ياربي.......... العنود/هي جاية مع السايق؟ لؤلؤة/أي بس مدري اذا كان مشى ولا ينتظرها؟ البندري/نوف مسكينة.....هي مالها شغل وجاية تواسينا طلعت مكسورة... /////////////////////////////////////// طلعت بدموعها مو شايفة اللي قدامها كانت تبكي من قلبهاعلى اللي صار..هاذي بدايتها يابنت عبد العزيز هاذي بدايتها!!!!!!!!اذا ربعي صدق مايبون يسمعوني واشكيهم لمنو افضفض عن اللي في قلبي!!!!!!!!!!!ماعندي غيرك ياطلال...بس لا...يمكن انه ماعرف عن السالفة كيف ادق عليه.....ورجع جوالها يدق وطلعته علشان تقفله بس شافت فيصل اللي متصل وحن قلبها..هي عارفة انه غلطان بس في نفس الوقت دارية انه متعذب من حبه للعنود وماحد فاهمه!!!!!! نوف وهي تبكي/فيصل!!!! فيصل بخوف/نوف.انتي تبكين؟ نوف/مايبوني يافيصل مايبوني!!!! فيصل/منو اللي مايبيك؟ نوف/تبكي............ فيصل/انتي وينك؟ نوف/بالشارع... فيصل/بالشارع؟وين السايق؟ نوف/انا مادقيت عليه يجيني... فيصل/طيب انتي وينك؟ نوف/قريب من بيت عمتي. فيصل/خلاص انا جايك اللحين نوف/لاتتاخر........... طلعت تتمشى في الحديقة وهي متضايقة كل الاحداث اللي قاعدين يمرون فيها وكاْنها فيلم سينما وهو مطنشها من يومين!والله انها احتاجت له واشتاقت لرسايله وللهفته عليها.... قعدت على الكراسي ودزت له مسج(انا تعبانة حيل) وهو كانه ماصدق خبر علطول دز لها(سلامتك ياقلبي شفيك؟) هي(ظروفنا ماهي حلوة ابدا) هو(عارف بس لازم تتقبلون الوضع) هي(شلون عارف؟) هو(انا موقلت لك اني عارف عنكم كل شي؟) هي(الوضع لايطاق ابدا وانا تعبانة مووت ابي اتكلم مع أي طرف مال شغل بالقضية وافضفض له) هو(تكلمي ياعمري انا اسمعك) هي(مدري شقول) هو(طيب انا بدق عليك وقولي اللي تبينه كله وانا بسمعك) ماانتظرها ترد عليه اتصل فيها علطول وهي ماصدقت انه رجع يراسلها تهورت اول ماشافت اتصاله وردت عليه ليالي/انت ليش قطعتني ها اليومين وماصرت تراسلني؟ تركي/والله اني كنت مشغول.... ليالي/انا تعبانة مووت ....مخنوقة من الجو.... تركي/عارف انه صعب بس فيصل يبيها ومحمد ماله نصيب.. ليالي/فيصل حقير خرب كل شي وبعدين انت منو قال لك انها تبيه!! تركي/لهدرجة هي رافضته مية في المية؟؟؟؟؟؟؟؟؟؟ ليالي/هي رافضته وهاذي مافيها خلاف بس الطريقة الي خلا ابوه يتكلم فيها جرحتها!!!!!!!اذا كان يبي يذلهم على وقفت ابوه معهم طول ها السنين يذلهم بكيفه مايحتاج انه يخطب علشان يذلها بها الطريقة!!!!!!!! تركي/يمكن انها فهمت غلط انا مااتوقع انه راح وقال لاابوه تعال قول ها الكلام علشان اذلها!!!!!!!!!!!فيصل مو لها الحركات ابدا يمكن ابوه ذلهم علشان يضغط عليهم يوافقوا بس فيصل ماله شغل في ها القضية؟؟ ليتالي/انا متضايقة امي راحت بيت خالي بو فيصل ورجعت زعلانة وقاعدة مع خالتي ولاهي راضية تقول لنا شصار!!!!!!!وعنود ماعندها غير البكي ومحمد مارجع البيت وماحد عارف وينه حتى خالد صاحبه!!!!!!!!!!!!!!شسوي ياربي؟؟ تركي/حبيبي انت مالك شغل انت لاتشيل هم شي ابدا!!!!!!! لياتلي/تبيني اتخلى عنهم في ها الظروف واعيش حياتي واقول انا مالي شغل عنود صاحبة القضية وخل تشيل همها بروحها!!!!!! تركي/انا كنت اقصد انك ماتشغل بالك باللي صار وبللي راح يصير...هذا مو في يدكم هذا في يد الكبار ومهماقلتوا وسويتوا اللحين بيظل الموضوع حرب شخصية بينهم....فهمتي علي؟ ليالي/أي........انا اسفة اني ضايقتك بمشاكلي....... تركي/من زمان وانا انتظر اني اسمع ها الصوت!! ليالي/..................... تركي/انا معجب فيك بدرجة ماتتصورينها؟ ليالي/..............شكرا لانك سمعتني...يالله مع السلامة... تركي/طيب وانا مالي وقت تسمعيني؟ ليالي/...اه... تركي/ابي اسمع صوتك كل يوم؟ ليالي/مدري.......... تركي/لاتقولين شي اذا دقيت عليك ردي وبس!!!!!! ليالي/انا مضطرة اسكر بنت خالتي تناديني.باي..... ///////////////////////////////////////////////////////// فيصل/حابة نروح مكان محدد؟ نوف/أي مكان غير البيت؟ فيصل كمل طريقه لين وصلوا للملكة,,,,ونزلوا......وراحوا ستار بكس.... فيصل/من اخذتك وانتي مابطلتي بكي؟؟؟ نوف وهي تشاهق من بين دموعها/ تصور يافيصل حتى ربعي مايبوني!!!!!!! فيصل/معناته ماهم ربع اذا تخلوا عنك لها السبب؟ نوف/ماتصورتها تقول ها الحكي او حتى تفكر ان لي علاقة بالموضوع؟؟؟؟؟؟ فيصل/طيب هذا رايهم كلهم؟ نوف/على الاقل رايها هي لحد اللحين لان لؤلؤة والعنود رايهم غير كذا!!! فيصل/نوف.عندك اللي يبيك لاتذلني نفسك علشان ناس ماتسوى؟ نوف/اقولك ربعي؟؟؟ فيصل/بعدين لاتنسين موقف ابوي مع عمتي يمكن ها الشي خلاها تتضايق اكثر واكثر!!!!!!!!!!!!!!!!!!!! نوف/حتى ولو انا مالي شغل يافيصل مالي شغل!!!!!!!!ليش اخذ ذنب غيري لمجرد اني اخت ولابنت؟؟؟؟؟ فيصل/خلاص هدي انا مااحب اشوفك زعلانة.وراسك الغالي بتجيك وبتعتذر لك بعد!!!! نوف/لايافيصل الله يخليك لاتتكلم معها ولا مع غيرها يكفي الهم اللي احنا عايشين فيه؟؟؟؟؟؟ فيصل/انا مانزل مستواي لحشرة مثلها!!!!!!!!بس مثل ماقلت لك هي اللي بتجيك وبتبوس راسك علشان ترضين عنها!!!!!!!!ويالله سكتي جوالك هذا اللي من اخذتك وهو ماسكت لحظة؟؟ نوف/هاذي لؤلؤة اكيد قاعدة تحاتيني؟؟ فيصل/اكيد اخوها موصيها عليك!!! نوف ابتسمت لطاري طلال....... نوف/تدري مدام انك جبت طاري اخوها برد عليها...................هلا لؤلؤة.. لؤلؤة/وينك يادبة خوفتيني عليك؟ نوف/........... لؤلؤة/انتي بخير نوفوا؟؟؟ نوف/أي بخير.... لؤلؤة/رجعتي البيت؟ نوف/لا لسه..... لؤلؤة/انتي وينك فيه..ليش ماوقفتي يوم ناديتك؟ نوف/تبيني اوقف علشان اسمع اكثر واضايق نفسي اكثر...... لؤلؤة/نوف بلا سخافة لاتاخذين بكلامها وبعدين كل البنات هنا وينتظرونك وتضايقوا يوم عرفوا انك مشيتي وبيصفون حسابهم معها لاتشيلين هم.... نوف/ماتهمني.اصلا انا مو مستعدة اناقش ناس ماتوثق فيني؟؟؟؟ لؤلؤة/نوف شفيك انتي عارفة ان احنا واثقين ان مالك شغل في القضية حالك حالنا لاتخلين كلامها ياْثر على علاقتنا.... نوف/لؤلؤة انا احبكم وانتي تعرفين ها الشي....واحب العنود وعارفة انها بتكون سعيدة مع ............سكتت يوم شافت عيون فيصل تناظرها بحدة.....انا عارفة انها ماراح تتقبل اخوي بها السهولة بس انا مالي شغل يالؤلؤة,,,,لاتفكرين ان ابوي قاعد يسمع كلامي لو ان حكي صار له عنده مكان!في ها الموضوع ماهو قاعد يسمع لااحد فينا!!!!!! لؤلؤة/والله عارفين ها الشي .........امسكي عنود تبي تكلمك......... نوف/عنود .لاما اقدر ماابي اكلمها احس...... قبل لاتكمل كلامها كان فيصل ساحب الجوال منها وحطه سبيكر جنبه,,,,,,,,,,,, العنود بصوت ضعيف وباكي/نوفوا... نوف/.......... العنود/لاتصيرين سخيفة.عمر ها السوالف مابتفرقنا.. نوفصارت تبكي/عنود انا اسفة بس والله ماقدر ت اسوي شي.......... العنود/شوفي خمس دقايق وابي اكلمك باي....... تلاقو نظرات فيصل ونوف وكل منهم عند نفس السؤال ياترى شتبي العنود؟؟؟؟؟؟؟؟ ////////////////////////////// العنود/انا بروح غرفة الوليد وبرجع.. هند فهمت انها تبي تكلم احد وماتبي خواتها يسمعون فماعلقت... البندري/شتبين منه؟ العنود/..... الجازي/أي بس وليدوا مو هنا طلع!!!! العنود/معليش.......وطلعت من الغرفة...... راحت غرفة وليد وقعدت على فراشه واتصلت في نوف.... اول مادقت فيصل حطه سبيكر رغم ان نوف كانت رافضة وتحججت له بانه بينهم سوالف بنات مالازم يسمعها بس فيصل ماحد يقول له لا!!!!! نوف/هلا.... العنود/اهلين فيك....بعدك زعلانة؟ نوف/يوم سمعت صوتك راح الزعل..!! العنود/تسلمين... نوف/شفيك....بعدك زعلانة ومتضايقة؟ العنود/اه....اكذب عليك اذا قلت لك اني احاول اتعايش مع الجو يانوف!!!! نوف/........عنود صدقيني كلنا عارضنا فيصل بس هو مارضى واصر عليك؟ العنود بدت تبكي/موضوع فيصل هذا شي ثاني يانوف...... نوف/ليش شسالفة؟ العنود/خالي يانوف خالي...!!!هذا اللي كنت عادته ابو دنيا .... نوف/ابوي!!!!! العنود صارت تبكي اكثر/طول عمري احبه واغليه يانوف والله يشهد علي....انا وخواني مانحمل في قلبنا له الا كل حب وتقدير واحترام........بس يانوف...هو جرحني ..... نوف/................. العنود/يعايرني بانه لبسني واكلني وشربني وعلمني طول ها السنين!!!!يعيرني انه سكنني في بيته يانوف!!!!!ليش...ابي افهم ليش؟؟؟؟والله ان كلامه جرحني ومو قادرة افكر في شي غيره... انا يقول لي اخذي فيصل وردي جميلي فيك وفي اهلك!!!!!ليش هو مستقل بولده يعني !!!فيصل زينة الشباب وكل البنات يبونه صرت اشك انه غاصب فيصل علي مو فيصل اللي اختارني!!!! نوف/لا يالعنود لاتزعلين من كلامه هو اكيد مايقصد؟ العنود/مايقصد!!!!!!!يقولي اكلتك وشربتك وعلمتك وسكنتك بيتي وتقولين لي مايقصد!!!!!!!!!لهدرجة انا ماافهم ولا مااستوعب يانوف!!!!!!!!!انا ووليد قررنا نروح نسكن عند خالتي ام وحيد ونطلع من بيته وتنتهي السالفة كلها على خير... نوف/ماراح تنتهي بالعكس بتكبريها في راس ابوي زيادة!!!!!!! العنود/انا يانوف اللي عمره ماحد رفع يده علي واللي هو اصلا كان يهاوش اللي يصارخ علي ومايرضى احد يقرب صوبي..يقوم هو بنفسه ويرفع يده علي!!!!!!!! نوف/ابوي!!!!!! العنود/أي ابوك.....كانت كبيرة عندي يوم ان فيصل رفع يده علي قبل كم يوم وصرت شايلتها في بالي (هني نوف صارت عيونها بعيون فيصل وتاْكدت ان فيصل التقى بالعنود) بس يوم خالي رفع يده علي صار كف فيصل عندي مثل العسل مو غريب وهو اللي بعيد عني طول ها الفترة يرفع يده علي اذا خالي وابوي صارت اهانتي عنده سهلة!!!! نوف/عنود انا ماابيك تتضايقين من ابوي بس صدقيني والله وجلال الله..ابوي صاير مايسمع كلمة احد في البيت!!!لو كان في يدي شي كان من زمان قلته وسويته صدقيني!!!والله ان سعود ولطيفة طول اليوم يتكلمون معه بس ماهو راضي يسمع لااحد..حتى امي مسكينة تقول اخر شي بنتفرق كلنا من تهور ابوك؟؟؟ العنود/انا ماالومك ولا الومهم انا عارفة انتوا مالكم شغل..... نوف/حبيبتي انتي ..والله اني مو عارفة شقول لك.. العنود/نوف.......فيصل؟ نوف وهي تناظر فيصل/شفيه!!!! العنود بتنهيدة حارة حرقت قلب فيصل/امانة تجاوبيني؟ نوف/امانة.... العنود/هو خطبني لو خالي اجبره علي؟؟؟ نوف/لا هو اللي قال ابيها ويوم عرف انك لمحمد بعد قال ابيها!!! العنود/طيب ليش؟ نوف/انا ماكلمه ولا كنت سالته ها السؤال لك؟ العنود/طيب كلميه علشاني الليلة واساليه ليش؟ فيصل اشر لنوف انها تقول انها ماتقدر تكلمه وان العنود تكلمه بنفسه افضل...... نوف/لاانا مقدر اكلمه بعد اللي صار..كلميه انتي واساليه بنفسك لايفكرني اتبلى في الحكي؟ العنود/جنيتي انتي اكلمه!!! نوف/شفيها بتسالينه بس ليش هو سوى كذا؟؟ العنود/واذا عرف خالي يجي ويسوي لي مصيبة ثانية!!!!!!!! نوف/فيصل مايتكلم لااحد عن حياته احنا حتى المستشفى ماندري كيف وضعه ولا مع منو يشتغل!!هذا انسي مايقول شي لااحد.... العنود/مستحيل انتي تعرفين اني مو ...مدري انا ماعمري كلمت احد شبيقول اذا كلمته تبيها من الله تدق علي..يكفي اللي صار ذيك الليلة وتفكيره الاسود فيني انا مو ناقصة كف ثاني يجيني منه بعد!!! نوف/عنود شسالفة ذيك الليلة؟ فيصل ناظرها بمعنى مالك شغل بس بعد ماقالت الكلمة!!!!! العنود/اه......انا ابي اقعد مع نفسي واربط الاحداث كلها ببعضها اللي جمعتني مع فيصل يمكن اوصل لنتيجة بدون مااساله؟ نوف/يمكن؟ العنود/طيب حبيبتي بخليك وبروح لهم مايصير تاركتهم وهم ضيوفي...سلمي على لطيفة وخالتي.... نوف وهي تناظر في فيصل وهو سرحان مع صوتها/وعريس الغفلة ماسلم عليه!!!! رفع فيصل عيونه لها.. العنود/توك تقولي متهاوشة معه وماتكلمينه اللحين تبين تسلمين عليه؟؟؟؟ نوف بضحكة/لا بس قصدي اتصيد في الماء العكر يمكن اعرف شصار في ذيك الليله... العنود/ماتجوزين عن سوالفك...يالله انك ترد لنا طلال بعد يومين وتعقلها!!! نوف/مر الاسبوع بسرعة؟ العنود/عليك وعليه بس!!!احنا مر علينا عادي....يالله باي.... ////////////////////////////////////////////// كان قاعد وعيونه غرقانة بدموعه مايدري وين هو ولاكيف وصل هنا..كل اللي يعرفه انه شافها وهي ملايانة دموع ورافضة فيصل...بس القدر اه منك يالقدر!!!!!كيف تبي تبعدها عني بعد ماكانت ساكنة روحي!!!!!!!!!كيف تبي تاخذ مني اعز انسانة سكنت قلبي ووجداني!!!!!!ضحكنا مع بعض وسولفنا مع بعض وسهرنا مع بعض واكلنا مع بعض وحضنا بعض وبسته وضميته لصدري وصارت انفاسي وانفاسها وحدة كيف بتكون لغيري ياربي كيف!!!!!!!!!!!!!!! خالد/كذا يامحمد من امس وانا الف الشوارع عليك وادورك!!!!!!!!!! محمد ظل مكانه ماتحرك حتى مالف على خالد... خالد قعد جنبه/شفيك يامحمد هاذي قسمتكم ونصيبكم!!! محمد/هي قسمتي ونصيبي!!!!!! خالد/شيلها من بالك خلاص صارت له؟ محمد/هي ماتبيه ياخالد انا رحت لها البيت وقالت لي انها ماتبيه؟ خالد/كلنا عارفين انها ماتبيه حتى هو عارف انها ماتبيه بس شتقول يامحمد...قول الحمد لله على كل حال.... محمد صار يبكي/انا حبيتها ياخالد حبيتها...انت اكثر واحد تدري فيني وتدري عن مشاعري ناحيتها....ياربي ليش ياخذونها مني ليش!!!!!!! خالد/محمد خلاص...هدي...ادعي لها بالتوفيق في حياتها......وانت شوف حياتك.. محمد/شلون تبيني انساها ياخالد شلون؟ خالد/على الاقل فكر في امك اللي ذابحة نفسها في البيت تبي تسمع عنك خبر!!!!!!!فكر في ابوك اللي مو داري شصار فيك؟محمد امك وابوك مالهم في الدنيا غيرك حتى اخوانك ينطرون جيتك وانا وعدتهم اني بشوفك وماراح ارد الا معك...امك قالت لي لاترد بدونه انا قلبي متقطع عليه ابي اشوفه.....محمد انا ماخبري انك انا ني وماتفكر غير في نفسك وبس!!!!!!! محمد/انا مو انا ني ياخالد بس ماني قادر اروح واشوف أي احد و... خالد/لازم تروح ...لازم تواجه الكل...وتحسم الموضوع...هم مايبونك انت بعد ماتبيهم يامحمد؟ محمد/لا ياخالد انا ابيها!!!! خالد/يامحمد خلاص..مايصير تقول ها الحكي.. محمد/انا الغلطان لو اني ماانتظرت رجعته وملكت كان هي اللحين مرتي ومايقدر ياخذها مني؟ خالد/ماتدري يمكن انها تكون مرتك ويكون ارتباطكم ببعض اكثر ولحظتها لو قال يبيها هني بتكون فعلا لحظة موتكم اثنينكم قول الحمد لله ان الامور كانت على مكالمات وبس!!!! محمد/مشاعري ناحيتها مو بالمكالمات والشوفات ياخالد مشاعري اكبر من انها تنوصف لو تنقال!!!!!!! خالد/عارف والله عارف يامحمد بس هذا النصيب وماحد فينا يعترض على النصيب؟؟اللحين قوم روح شوف امك وابوك وبعدين بنتكلم في ها الموضوع؟ ///////////////////////////////////////////////////// وضحى/وصال شسالفة؟؟؟هاذي خامس مرة يدق لك سعود وماتردين عليه؟ وصال/شتبيني اقول له زين ماسوى عمي!!!! ام محمد/يمه وصال..... وصال/على الاقل احترم وجودي في بيتهم وان اللي كانوا يبونها المفروض تكون لااخوي!!!!!! وضحى/................ وصال/انا قررت ماارجع البيت .... ام محمد/لايمه هذا مو حكي....بعدين سعود ماله شغل وكلنا نعرفه وندري انه ماله ذنب في اللي صار؟ وصال/يمه خليني اقعد هنا كم يوم مالي خلق اروح هناك صايرة مو طايقة ريحة ذاك البيت وحاسة نفسي مخنوقة هناك!!!! باسل/بابا... وصال/ابوك مو هنا.. باسل/بابا.... وصال/مشعل قوم اطلع معه شوي احسه متضايق... مشعل/طيب...تعال..... باسل ركض لعند خاله...وحمله مشعل وظل واقف.... وصال/خلاص اطلع... مشعل/باقي المصرف انا مفلس وماعندي ولا ريال!!!! ام محمد/استحي على وجهك عاد ؟؟؟هذا شبياخذ له بالله؟؟؟ مشعل/انتي ماتعرفينه يمه هذا ولد عز ماياخذ الا جلكسي وبايسن وليز الكبير وفيررواروشيه... وضحى/صدقتك عاد على سالفة البايسن قول لي مو له!!!! وصال/روح خذ من شنطتي ... مشعل/انا بمد يدي وللي بيطلع بيطلع مو شغلي اذا طلعت ميتين لو خمس مية؟؟ وضحى/يالنصاب!!!معناته تضاعف الكمية لي ولك؟؟؟ يتبـــــع | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
