آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-10-12, 07:53 AM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ///////////////////////////////////////////// مر اسبوع على العنود وفيصل بدون مايصير بينهم حتى اتصال...فيصل كان تعبان نفسيا لانه ظلمها وكل مايتذكر ان الصورة كانت لاابوها الله يرحمه وانها كانت تكلمه عن فيصل وانه بيكون الاب البديل يرجع يتعب اكثر من قبل!!!!بس شيسوي تهوره هو اللي وصله لها المواصيل ,,,,اما العنود كانت حالتها مو افضل من حالة فيصل لانها من الليلة اللي شافت صورها واعتراف نوف لها بان فيصل يحبها وقال انه بيحارب الدنيا علشانها وهي موو في دنيا ابدا!!!!تصرفات فيصل بتوصلها للجنون لانها مو معقولة تكون تصرفات عاشق...وتذكرت ليلة الملكة وكيف كان رقيق ورمونسي والليلة الثانية يوم جاها البيت وكيف انها ظلت طول الوقت بحضنه وووين ماتلف وجهها تنحرق بانفاسه الحارةةةةة!!!بس ليه يافيصل تعذبني اذا كنت تحبني ليه؟؟؟؟؟؟؟ *****نفس الاسبوع اللي مر على العنود مر على سلطان بزعل وتعب...اخر شي تصوره انها كانت تلعب عليه!!!!!!!ليه ولشنو مايدري؟؟؟كل اللي يعرفه انه تعلق فيها وانها كانت انذل من ان واحد مثله يعرفها وحتى لو كانت بنت خالته!!!!صادقة نوف يوم كانت تتكلم عنها بالشر هذي حيوانة وماتستاهل غير الموت والله؟؟؟زين يانوف...شكرا يالغالية لانك انقذتيني من استعاجلي بالارتباط فيها رسمي....... *******وبعد مر ها الاسبوع ثقيل على طلال اللي كان كل يوم يتصل في نوف علشان يتسامح منها ويعتذر وفي بعض الاحيان يبكيّّ!!! نوف كانت ترفعه اذا اتصل بس ماتتكلم معه كلمة وحدة حتى الو ماتقوله!!!!وكان هذا بكبره تعذيب نفسي لطلال؟؟؟كل يوم كان يسمعها قصيدة او اغنية اللي يطلع معه....وهي تظل تسمع وهي مبسوطة انه قاعد يتعذب علشانها على الاقل يذوق مرارة الموقف اللي حطها فيه!!!صحيح يحن قلبها وتفكر ترد عليه بس عهد عاهدته نفسها انها ماتتكلم معه ولاكلمة وحدة الا اذا شاءالقدر وصار زوجها في يوم من الايام!!!!!!! //////////////////////////////////////////// في بيت ال معمر... ام الوليد/عنود يمه؟ العنود/نعم يمه... ام الوليد/روحي جهزي اغراضك.. البندري/ليه؟؟ ام الوليد/ياشين اللقافة وانتي شيخصك بالله؟ العنود/ليه يمه؟ ام الوليد/............. البندري/يمه شصاير؟ ام الوليد/يمه قومي شوي ابي اتكلم مع العنود بروحنا البندري/طيب,,,,وفي بالها انا في غرفتك يالعنود تعالي طيران وقولي لي!!!! العنود/يمه شفيك شصاير؟ ام الوليد/يمه هذا فيصل دق علي يقول عنده مؤتمر في لبنان ويبيك تكونين معه؟ العنود/؟؟؟؟؟؟؟؟؟؟ ام الوليد/.................. العنود/يمه من صدقك انتي ؟؟؟احنا ماتزوجنا بس ملكنا كيف اروح معه لبنان!!!!!! ام الوليد/يمه...كلها يومين وبعدين ماحد راح يعرف انتي مو رايحة شهر كلها يومين؟؟(كلام فيصل طبعا) العنود/أي بس يمه... ام الوليد/لا بس ولاشي...فيصل رجال عاقل وعارف العيب....ليه بعد ها الخوف؟ العنود/تبيني اسافر معه بروحنا واحنا مابعد تزوجنا وتقولين لي ليه ها الخوف؟؟ ام الوليد/يمه هذا فيصل ماهو بزر!!! العنود/..........لايمه انا مورايحة استحيظام الوليد/قلت له انك ماراح ترضين قال لي انا بمرها الساعة سبع وتكون اغراضها جاهزة علشان الطائرة بتقلع تسع ونص!!! العنود/شنو يعني الزامي!!!!! ام الوليد/يايمه انا مالي شور عليه انتي عارفة فيصل عنيد واللي يبيه يسويه....قومي جهزي اغراضك..وبعدين لاتخافين انا موصيته عليك وقلت له يدير باله عليك....... العنود/............. ام الوليد/يايمه كلها يومين وانتي هنا شفيك..... العنود/................................... اخذها فيصل من البيت على الوقت تماما وتوجهوا للمطار وطول الطريق وهم ساكتين ماتكلموا مع بعض كلمة وحدة حتى بعد ماوصلوا لبنان ولين دخلوا الفندق وهم على ها الحال.... العنود اخذت لها حمام سريع واكلت لها سندويش على الطاير لانها ماكلت شيولبست بيجامتها الستانية البنفسجية وخلت شعرها يطيح على كتوفها مثل مايحبه فيصل......وقعدت بالفراش تنتظره وهي ميتة خوف لانه احتمال ينام جنبها بما ان الغرفة مشتركة!!!!! فيصل بعد ماركب من فوق وخلص اجراءت الاقامة واستفسر عن كم شغلة ركب واخذ له حمام سريع بعد ولبس بيجامته الكحلية ودخل في الفراش بس كانت بينهم مسافة وظلوا ساكتين فترة.... العنود ماتبيه تكلمه بس ميتة في نفسها تقول اذا ظلت ماتكلمه يومين وظلت ساكتة عنه بتموت لانها مو متعودة تعيش كذا!!!! مسكت جوالها وصارت تحوس فيه... العنود/متى بيتقعد للمؤتمر؟ فيصل صارت عيونه عليها وريحة عطرها داخلة مزاجه!!!!! فيصل برقة خوفت العنود/وليه تسالين؟ العنود/علشان اوقت لك المنبه... فيصل تقرب منها وشال الجوال من يدها وتلامست اصابعهم ببعض وسرت فيهم نار مدفونة....رمى الجوال بعيد بعد ماقفله وصاروا قبال بعض مباشرة مايفصل بينهم الاصوت تنفسهم الحارررررررررر!!!!!!! العنود/ليه رميته؟ فيصل/لاني ماابي شي يزعجنا!!!! العنود/وكيف بتقعد للمؤتمر!!!ماتخاف تتاخر؟؟ فيصل/ومن قال لك ان في مؤتمر من الاساس!!!! فتحت عينها على وسعها وصارت تجنن وهي مدهوشة!!! العنود/شنو يعني مافي مؤتمر!!!انت تكذب علي يافيصل؟؟؟؟؟ فيصل تقرب منها اكثر/أي مافي مؤتمر انا اكذب عليك...... العنود بصوت شبه باكي/وليه جايبني هنا!!!!!! فيصل دفعة وحدة اخذها في حضنهوضمها بقوة وكانه خايف انها تبعد عنه.... صار يهمس لها باذنها/لاني احبك بجنون ياعنودي بجنون؟؟؟؟؟انا اعشقك انا هايم فيك ياعمري.....عنود لاتتركيني الله يخليك فيصل بدونك يضيع ويموت وينتهي!!!!!!!!!تقرب من وجها اكثر وكانه يشوفها لااول مرة وصار يناظرها بنظرات رغبة اندفنت في صدره من زمان /////////////////////////////////////////////// ابو فيصل/ياهلا وسهلا فيك ياخوي تو مانور البيت.. ابو خالد/البيت منور بااهله ياخوي.. ابو فيصل/كم صار لك مادخلت بيتي يابو خالد؟ ابو خالد/خل عنك اللوم يابو فيصل واسمعني.... ابو فيصل/خير ان شاءالله... ابو خالد/انا جاي اخذ امانتنا اللي عندكم؟ ابو فيصل/أي امانة؟؟ ابو خالد/جاي اخذ نوف لطلال..... ابو فيصل/ومن قال ان انا بعطي نوف لطلال؟؟؟؟؟ نوف كانت واقفة برة المجلس تسمع هي والعنود ووصال وامها واول ماقال ابوها ها الكلمة لفت عليهم وهي مصدومة!!!!!!!! ابو خالد/.............ابو فيصصل البنت لطلال من صغرهم؟؟؟وهذي وصية الوالد الله يرحمه ولاانت ناسي؟ ابو فيصل/انا مانسيت بس انت ترضى تاخذها ببلاش ؟ ابو خالد/مافهمت عليك ياخوي.... ابو فيصل/انا مااعطيك نوف لطلال الا اذا عطيتني لؤلؤة لسلطان؟ها شقلت؟؟؟ ////////////////////////////////////////////// /////////////////////////////////////////////// /////////////////////////////////////////////// هند/السلام عليكم.. خالد/وعليكم السلام والرحمة....تفضلي استلمي عيالك المجانين وخليني ارتاح!!! هند/اسم الله عليهم عيالي ماهم مجانين!! خالد/انا ابي افهم انا ماخذ الاجازة حق نقعد مع بعضنا ولاعلشان اقابل عيالك؟؟ هند/وانا شسوي لك يوم انهم ماعطوني اجازة!!!! خالد/لانك مااصريتي عليها؟؟؟ هند/طيب وانت ليه مضايق نفسك اللحين هذا انا رجعت اللحين؟ خالد/انا بدخل انام ابي اقعد المغرب الاقي عيالك مطرودين من البيت ابي اشوف جو رومنسي فاهمة علي ياهند؟؟؟جو ايام زمان قبل لايجون ؟؟ هند تقربت منه/ليه حنيت لاايام الدلع!!!! خالد مسك يدها/وفي احد مايحن لاها الايام ياعمري..... هند/طيب روح نام ومابتقعد الا وانت ...تدري شلون بخليلها لك مفاجاْة!!!!! ***هند وخالد تزوجوا بعد ملكة فيصل والعنود بااربعة شهور وعندهم سارة سنيتن ونص وعبد الرحمان سنة ونص قمة في الجنون والشقاوة!!! وطبعا خالد انقطعت علاقته تقريبا بمحمد لانه كان زعلان عليه من البداية انه طلع من البيبت وماعطاه خبر ويوم نقل شغله بعد ماعطاه خبر ..وانحصرت علاقته بسعود وسلطان وطلال وفيصل اللي تقربوا من بعضهم علشان حريمهم وطلعاتهم مع بعض,,, ***لؤلؤة/سلطان تكفى خلنا نسافر معهم ماليزيا تكفى؟؟ سلطان/حبيبي شفيك انت احنا بنسافر شهر عسل يعني المفروض مانشوف احد نعرفه ونعتل فيه.. لؤلؤة/حرام عليك.. سلطان/بعدين احنا معاريس وهم معاريس ان شاءالله مفكرين تتزاورون وتطلعون مع بعض انتي ونوف!!! لؤلؤة/لاياباب انا ابي شهر عسل تظلين فيه جنبي علطول مايفرقنا عن بعض شي شهر كامل!!!! لؤلؤة/بس شهر ماتبي يفرقنا شي؟؟ سلطان/لاحبيبي ابي العمر كله معك ومايفرقني عنك شي؟ *****وفي جهة ثانية كانوا اثنين بعد مخطوبين اعتقد انكم عرفتوهم... طلال/حبيبي انا ابي افهم ليه كل ها الكتالوجات اللي قدامك؟ نوف/ماتشوفني قاعدة اختار باقي اغراض العرس؟ طلال/لؤلة خلصت كل شي حتى شهر العسل حجزوه واحنا للحين في العرس؟ نوف/طلال وبعدين انا ابي اسوي كل شي برواق... طلال/على امرك يام عبد الرحمان وهذي سكتة... نوف/شنو شنو؟؟يعني شنو ياام عبد الرحمان؟ طلال/شفيه بعد!!! نوف/من قال لك اني بسمي ولدي عبد الرحمان؟؟؟؟ طلال/مايبلها كلام بسميه على اسم ابوي.... نوف/حبيبي...انا ماراح اسمي غير ضاري!!! طلال/وع...وش ها الاسم ذا بعد..ضاري عاد لامو حلو ماابيه؟ نوف/مو بكيفك انا ابيه؟ طلال/وانا ماابيه... نوف سكرت المجلة اللي كانت تتفرج فيها/متاكد ماتبيه.؟ طلال مسوي انه واثق من حاله/أي طبعا ..وشو ذا ضاري ماابيه؟ نوف/وانا اقول ماعندي غير ولد بسميه ضاري تبي اهلا وسهلا ماتبي بكيفك!!! طلال ناظرها بحب ولمها لصدره/لاابي..ضاري ضاري..وش اسوي يعني ..امري لله؟ نوف/حبيبي يوم انك ماراح ترفض ليه ها العناد كله ها؟؟ *******العنود/فيصل خلني اقوم.. فيصل حاضنها بقوة /مستحيل.. العنود/حرام عليك ماتسمع صوتها تبكي؟ فيصل/خليها تبكي اصلا بنتك مزعجة وطول يومها تبكي وش الجديد بالله!!!! العنود/حبيبي مايصير هاذي ورد فيصل...بنت فيصل تبكي ..كيف تجي ذي بالله!!!! فيصل/وانا شلي مدوخني غير انها وردي وحياتي.. العنود/ها..تراني اغار..انت قلت ماراح تحبها اكثر مني؟ فيصل/وانا شسوي فيها اذا كل ماجا لها تصير تشبهك اكثر واكثر...مقدر اخون مشاعري لك غير معها!! العنود/طيب حبيبي بروح اشوفها وبجي.. فيصل/لا خليك انتي هنا انا بنزلها عند امي وبجيك طيران مو تتحركين!!! العنود بترجي/لا فيصل حرام عليك فشلة مو كليلة تنزلها عند خالتي!!!!!ةلاحياة لمن تنادي يالعنود لان فيصل قال طيران يعني مايسمعك!!!! هذي حياة العنود وفيصل كانت رومنسية للغاية والله تممها عليهم ببنت مثل القمر جت بعد معاناة طويلة للعنود في الحمل والتعب والمرض وسموها ورد...وكانوا هي وبنتها اغلى هدية تلقاها فيصل في حياته وحلف طول ماهو عايش يكرس حياته بس لسعادتهم ورضاهم!!!! *****محمد انتقل هو وعائلته لجدة وصارت الاخبار تجيهم من عند وصال اللي كانت تزورهم كل شهرين او ثلاثة..... ظل فترة طويلة يحلم بان العنود ترجع ويكمل معها باقي حياته وخصوصا انه ماكون أي علاقة صادقة بعد ماتركه خالد رفيق حياته ودربه....وبعد اجبار من اهله وامه وابوه تزوج...وحدة من جدة..وماطول معها كثير وطلقها ورجع تزوج اللحين مرتين!!!!ومايدري هل بيقدرون ينسونه العنود ولالا؟ *******اتوقع انكم تتسالاون عن ليالي وتركي وهل تم بينهم ارتباط بعد رفض ابو وحيد الاولي ولالا؟ ابوها ظل على رايه ورفض تركي..وبعد فترة زوجها لواحد من عيال التجار اللي يعرفهم..وليالي كانت تعبانة معه وماقدر تكمل حياتها تطلقت منه وسط اعتراضات الكل بس سعادتها كانت عند ابوها اهم من أي شي المشكلة انها موقادرة تصارح ابوها وتقوله انا احب تركي وابيه!!! تركي بعد ماظل سنة رايح جاي على بيت ابو وحيد امه زوجته وحدة من بنات عيلتهم..وماعاش معها تركي غير بالاسم بس..كان ارتباطه مع ليالي يفوق كل وصف حتى وهي متزوجة كانت بينهم اتصالات ويلتقون مع بعض وظل كذا مو قادر يعيش مع مرته وليالي موجودة في حياته لين تدخل فيصل في المشكلة من جديد وقدر يقنع ابو وحيد.... ووافق بس بشرط انه يطلق زوجته وياخذها وكانه نسى ان بنته مظلقة!!!! وبالفعل بعد عذاب اربع سنوات قدروا يلتقون بالحلال ويتزوجونوماكان في اسعد منهم بعد ها الارتباط ..حتى فيصل ماوصل لمستوى سعادتهم.... //////////////////////////////////// سعود ووصال الله عطاهم عبد العزيز وعبد الله ونور...وكانت حياتهم هادئة والعلاقات بدت ترجع طبيعية مع ابو فيصل بعد ها العيال اللي شرفوا بيته وصاروا جزء منه ومايقدر يفتح عينه يوم ومايشوفهم يلعبون حواليه... /////////////////////////// اخر همسة..... هي شخصيات ربما تكون خيالية وربما تكون واقعية...لانعرف منها غير اسمائها وبعض من صفاتها واشكالها لكننا عشنا معها فترة طويلة نعاني اذا عانت ونحزن اذا حزنت ونبكي حين تبكي ونفرح لسعادتها وفرحها..... نبض قلمي..ازداد عطاء ونبضا ونزفا حين اصبحتم جزء منه تقراون وتستمتعون وتعلقون وتنتقدون... فلكم مني ايها الاحبة كل الشكر والعرفان لحسن متابعتكم لي اينما كنتم ومتى ماقراْتم .. وسيكون لي عظيم الفخر والشرف ان تتابعوا معي نزف قلمي الجديد(متلثمة بشماغك حبيبي) ولكن ساترككم قليلا لتاخذوا جزء من الراحة وساطل عليكم في موعد جديد...... ملح الحياة, | ||||
|  |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
