13-10-12, 11:33 AM
| #11 | ||||
| نجم روايتي ومشرفة سابقةومصممه 
|  عبيرطول الطريق تفكر في خالد هو صح حلو بس باين عليه من النوع البارد الثقيل ما تدري ليش تفكر فيه معقوله حطت في بالها انوو ممكن يكون زوج لها حاولت تطرد هالافكار خصوصا انو على حد علمها ما بعد صار شي اكيد ::::::::::::::::::::::: العزوف تفكر في سعود ما ودها تشوفه قدام عيونها تحس انها اشتاقت له ومن زمان عنها وان نظراتها بتفضحها زي ما فضحها لسانها قدام البنات عشان كذا قررت ما تركب معاه زي العاده ::::::::::::::::::::: لينا ودها تقول لسعود عن العزوف ووش قالت ودها تفهمه الصح عشان ما يفهم تصرفات العزوف وصدها له بشكل غلط وشايله هم في قلبها لانوو تحس انو من واجبها انها توضح لهم خصوصا انها تعتبر الوحيده الي تعرف مشاعر العزوف وسعود على حقيقتها وبشكل واضح :::::::::::::::::::::: فدوى مستغربه ومستنكره انوو امها وافقت بس مرره مبسوطه ما تنكر اعجابها طلال لفت نظرها كشاب وسيم وطيب وبعد عشان اخواته دايم يمدحونه ::::::::::::::::::::::::: رنا منقهره لانوو عادل ما جا معاهم ما تدري ليش تبي تشوفه بعد ودها تسمع صوته ولا تعرف أي شي عنه """""""""""""""""""""" خلود تفكر وشلون ترد لشعولي حركة الريموت << يا ملحها بزره """"""""""""""""""""""""" العزوف ما تحب جو الرطوبه وما بغت تنزل طلال: يعني جايبينك عشان تجلسين بالسياره العزوف: طلال خلاص يكفي اني اشوف البحر من هنا موب لازم انزل شغل المكيف وخلني هنا طلال: الشرهه موب عليك على الي يطلعك يللا رنا نزلوا وراحوا مشعل وتركي مع بعض تركي : خلينا ننادي خلود تجلس معانا مشعل: غريبه انت قلتها قبلي تركي : ليش كنت بتناديها يعني مشعل:ليش احنا عندنا وناسه غيرها تركي : شف النذل مشعل: لا تنسى انها توها عبدتنا تركي : خخخخخخ ايه صح طلال وقف مع خالد يسولفون وعبير ورنا وفدوى مع بعض على جنب اما سعود ما خلا لينا تروح معاهم وفي السياره لينا: ابي اروح للعزوف سعود : طيب شوي مب طايره لينا: طيب ليش مو راضي تخليني اروح سعود : انا اخوك وادرى بك ابي اعرف وش فيك وما فيه روحه لمن تقولين لينا : ياخي قلت لك ما فيني شي سعود : الا فيه لينا جت بتروح عنه بس سعود مسك يدها بقوه سعود : وين رايحه قلت لك ما فيه لينا خلاص شوي تصيح ياخي قلت لك وخر عني وبدت تخربط انتم كلكم ما تفهمون هذي العزوف بنت عمي انا احبها بس هي حرام صاحت بس انا ما قدرت تحسبني نمت وقعدت تصيح سعود : خلاص لينا هدي اعصابك وفهميني وش صاير انا والله مو قصدي اصيحك بس ابي افهم وش صاير عشان اساعدك ووسكتوا كذا خمس دقايق لينا وبعد ما هدت شوي قالت لسعود عن كل الي صار سعود وبعصبيه: انا بافهم بنت عمك ذي وشلون تفكر يعني معقوله انا تحسبني كذا لينا : لا انت ناسي انك قلت لي بتساعد لا تعصب سعود : وشلون ما اعصب عليها وهي تفكيرها غبي لهالدرجه لينا : لامو غبي انا لو مكانها بافكر بنفس الشي سعود : صدق بنات ناقصات عقل ودين لينا ضحكت سعود : واخيرن ضحكتي ليش وش يضحك لينا : لا بس شكلك يضحك كل ما تقول هالجمله تحس انك صدق تعاني من البنات سعود : ههههههههه الله يرجك حتى وانتي يقالك تصيحين ومسويه مآساة تعلقين لينا : امشي بس خلينا ننزل ونزلوااااااااا راحت لينا مع باقي البنات """"""""""""""""""" تركي : اقول مشعل موب مشتهي ديو مشعل: الا والله ومعاي 5 ريال من امس مدري وش اسوي فيها خلود ساكته ما تدري هم على وش ناوين تركي : اقول مشعل يا بعد البقاله هناااك مشوار نروح لها مشعل: ايه والله مره بعيده ويناظرون خلود خلود فهمت السالفه وجت بتروح عنهم مشعل: تراك لسه عبدتنا خوذي هذي 5 روحي جيبي فيها كلها ديو خلود انقهرت الحين هي يقالها بترد حركته وهو يزود عليها بس راحت وسكتت """"""""""""""""""""""""" جالس لحاله يتامل في البحر و يفكر وشلون يفهمها عن وجهة نظره وموب عارف شلون التفت لجهة البنات ولقاهم 4 بس استغرب انوو وحده ناقصه ويوم دقق عرف انها العزوف لان عبايتها معروفه على اطرافها زهري التفت للجهه الثانيه ولقاها جالسه لحالها في مكان ما يشوفونها الباقيين قال يمكنها جالسه لحالها ومتضايقه من امس وكذا راح لها كانت هي معطيته ظهرها وواقفه تتفرج عالبحر سعود : ادري ان جيتي غلط بس يا عزوف لازم تفهمين انا مابيك تتكلمين ابي منك بس تسمعين سعود : العزوف انا عمري ما فكرت فيك عشانك بس بنت عمي لا والله ولا فكرت فيك عشان شي سعود : انا بس حبيتك ومو بكيفي اني حبيتك سعود : انا مدري ليش انتي كنتي تعامليني كذا ومع ذلك ما عمري فكرت انوو كره قلت عايدي كل البنات يتثيقلون ويتغلون وسكت شوي وبعدين كمل سعود : بس لينا امس قالت لي عن الي صار وبصراحه ...... ولسه جاي بيكمل الا البنت قامت من مكانها وقامت وخلته سعودوش فيها ذي شكلها ما اعجبها كلامي ويناظرها راحت مع جهه ثانيه وقاعده تكلم حرمه كبيره شوي سعود في نفسه وش فيها ذي ومن هالحرمه ما اخبر معانا حريم ويوم رفع عيونه يناظر لعيونه اكتشف انو لون عيون البنت عسلي موب اخضر مثل العزوف سعود انحرج من الموقف البايخ يعني الي كنت قاعد ابربر عليها واخربط في الاخير مب هي العزوف اجل العزوف وينها؟ واخذ جواله ودق على لينا لينا : هلا والله سعود : العزوف وينها لينا في السياره سعود : باللهي ووش مجلسها في السياره لينا: ما تحب الرطوبه سعود : والله من الدلع والمصاخه بس من جد بنات لينا : ههههههه يكفي عاد كفايه حقد علينا سعود : اقول بس باي وراح جلس مع طلال وخالد وطول الوقت ساكت متفشل من الموقف البايخ الي صار له ::::::::::::::: العزوف كانت جالسه بالسياره ومشغله الام بي 3 حقها وتسمع ميوزك ولا داريه عن أي شي حولها يوم جا عالساعه 6 كذا وجوا بيطلعون مشعل: اوكيه البقاله بعيده بس خلود ما بعد جت ليش؟ تركي : مدري لا يكون ضاعت مشعل : لا ان شاء الله تركي : والله بيهاوشونا هواش مشعل: اقول سوي نفسك ما تدري عنها بس تركي : اختي وشلون اسوي مدري عنها مشعل: انت سوي نفسك ما تدري وانا باروح ادورها تركي : الحين بيركبون السياره مشعل راح يركض ولا اهتم له خالد وفدوى وعبير راحواا وباقي سعود وطلال طلال: تركي وين مشعل وخلود تركي : مدري طلال: وشلون ما تدري وين راحوا له تركي : البقاله ويأشر لها طلال: يا سلام هماني قايلكم لا تتعدون هالمنطقه انا وش اسوي فيكم بس تركي: دق على جوال مشعل طلال يدق على جوال مشعل ولا يمكن الاتصال به طلال: ياربي وش هالوهقه من جد غلطان الي يطلع مع بزران اركب انت بس ركب تركي ولا قال شي وطلال راح يدور عليهم """""""""""""""""""""""""""""""""""" في سيارة سعووود وبعد ما ركب تركي سعود : خلود كانت جايه معانا ولا؟ لينا : ايه سعود: ترووك وين خلود؟ تركي : هاه مدري سعود : شلون ما تدري ويلتفت على ورا ما لقى طلال بسيارته سعود : وطلال وينه تركي : راح يدورها سعود : لحوول يعني مطولين احنا هنا لينا: يعني شلون الحين خربت مخططاتي مانا بمارين على مطعم ناكل شي سعود : البنت ضايعه وتقولين مخططات اصص بس دق سعود على طلال وقال طلال انوو قاعد يدورها وان شاء الله بيلقاها واكيد انها راحت مع مشعل منا ولا منا """""""""""""""""""""""""""" بعيد وعند خلووود خلود بنفسها: ياربي الحين انا وش اسوي وحست ان دموعها خلاص بتنزل ما تدري وينهم فيه لا مابي اصييح مابي موب مشعلووه الي يصيحني والله لاعلم عليهم ابوي واقول انهم مشغليني عندهم وبسبتهم ضعت.. ورجعت عادت الكلمه.. اعلم ابوي ونزلت دموعها خلاص هذا ان رجعت لاهلي اصلن وقعدت على كرسي تصيح وتشاهق :::::::::::::::::::::::: على فرشة كانت جنب مكان خلود شادن : شوفي هالبنت حرام ياربي قاعده تصيح شكلها مضيعه اهلها ..امشي نروح نسئلها يمكن تعرف رقمهم وندق عليهم ولا شي ميس ومركزه نظرها على جوالها : لا واحنا وش دخلنا فيها بنت الناس يقعدون يقولون بعدين انتم الي ماخذين بنتنا شادن: بس حرام شوفي شكلها ميس الي رفعت عيونها من جوالها وناظرت: هذي البنت موب غريب علي شكلها.. شايفتها بس مدري وين شادن: لا بالله ميس: ايه اذكر شفتها مره وانا راجعه من بيت ناهد في بيت جيراننا تلعب او شي زي كذا شادن : يعني من اهل جيراننا ؟ ميس: ايه الظاهر لان اهلهم جايين من الرياض شادن : لا يكثر قومي نروح لها ام ميس : وين رايحين؟ ميس: شوي يا ماما بنتمشى وقامواا """"""""""""""""""""" | ||||
|  |
|
13-10-12, 11:34 AM
| #12 | ||||
| نجم روايتي ومشرفة سابقةومصممه
| في سيارة خالد كان ما بقي الا شوي ويوصلون البيت طول الطريق فدوى تسولف مع عبير وخالد قاعد مستمع ويدقق بكل كلمه تقولها عبير يبي يفهم هي وش تفكر فيه وش الي ما تفكر فيه لانها بتكون زوجته عن قريب وهو اصلن ما تاكد من مواقفتها لسه بس عارف انوو أي شي بتقوله امها هو الي بيصير وفعلن على انه هو ما وده بعبير بس ما رفضها ولا فكر حتى اما عبير كانت متوقعه انو خالد مثل طلال بس استغربت يوم شافت منه العكس تماما علاقته باخته الوحيده مو زي علاقة طلال اخوها بهم يعني فدوى ما تمزح وتضحك مع اخوها عايدي وعلاقتهم شبه رسميه هذا وهم اخوااان فسرتها بان خالد من النوع الثقيل او شي زي كذا ::::::::::::::::::::::::::::: ميس برقه : حبيبتي وين اهلك؟ خلود خافت منهم : هناك ميس: تيب وش تسوين هنا؟ خلود : اشوف البحر ميس : طيب حبيبتي لا تخافين مني اناا باوديك عندهم خلود ما تدري ليش حست بلهجتها بامان شوي : اوكي خذتها ميس وشادن ومشوااا شوي يشوفون """""""""""""""""""""""" تعب من كثر ما يدور عليها معقوله تكون ضاعت لا مستحيل وشلون لازم تكون هنا ولا هنا ولو ضاعت باصير انا السبب شافها من بعيد ماشيه ومعاها بنتين راح لها وهو يركض مشعل : خلوود وينك امشي يللا بنروح خلود بعصبيه : مابي اروح معاك وخر عني مشعل : خلود تعالي بسرعه ترا بيروحون للبيت عننا خلود : مابي يعني مابي ولا تكلمني شادن: حبيبتي روحي مع اخوك خلود شوي وتصيح : موب اخوي وما اعرفه ميس تساسر شادن: وش الوهقه الحين ما تبي تروح لاهلها شادن : مدري عنها وش نسوي بها الحين """"""""""""""""""""""""""" طلال الي قاعد يدورهم صار له الحين نص ساعه ياربي وين راحت ذا البنت باروح اشوف هناك ما بقي الا هذيك الجهه ومستحيل تكون بعدت اكثر من كذا راااح طلال ولقاهم بعيد طلال الي ما صدق لقاها بعد ...صعبه عمه بيقول انتم ضيعتوها وغير كذا بتنكد عليهم سفرتهم ولا اخوه ما عليه خوف مشعل يقدر يدبر عمره بتكسي ويدل بيت عمته: خلوووود خلود علطول سحبت يدها الي كانت متشبكه بيد ميس وراحت تركض له وهي تصيييح طلال كان ناوي يهاوشها يوم شافها كذا رحمها : خلاص حبيبتي بس علميني وش صاير ليش رحتي وبعدتي خلود : موب انا مشعل وتركي قالوا لي طلال: بس خلاص هدي شوي انا اوريك فيهم مشيعل اذلف قدامي عالسياره بسرعه مشعل : ما سويت شي طلال: خلوده مين هذولي الي معاك خلود : مدري ما اعرفهم قالوا بنوديك لاهلك طلال: اوكيه يللا روحي قولي لهم شكرا وتعالي خلود ماسكه فيه : لا اخاف تروح وتخليني طلال: لا ما عليك باوقف هنا بسرعه يللا :::::::::::::::::::::::::: راحت خلووود ومن بعيد قالت لهم شكرا وراحت ميس: شدووون شفتيه شادن : مييين ميس: هذا اخوهم الكبير الظاهر شادن: ايه ميس : يا بردك ملك جمال وتقولين بس ايه شادن: طيب ولا صار حلو يعني اول واحد ولا اخر واحد حلوو ميس: وين هذا غييير يجنن شادن: اقول خلك من شغل الخرابيط وامشي بس نرجع لا تهاوشني امي ميس: اوكيه يلا وهم ماشين ميس:بس لازم نزور للجيران عاد حرام القطيعه شادن : تو ما طلعت صلة الرحم عندك ما شاء الله ميس: من زمان وانا ما احب اقطع احد شادن : باييين ميس: ليش وش شايفه علي شادن : بالله من متى ما رحتي بيت خوالي ميس: من مده شادن : كل مره نروح لهم ما تفكرين تجين ميس: وييه عااد من زينهم ما فيهم حلو يستاهل اروح عشانه شادن استحي على وجهك انتي متى تعقلين مييس بحالمية: لحد ما القى فارس احلامي شادن: وان شاء الله قريب جيراننا الي تو هو هدفك الجديد مييس: ايه الا اذا شادن تقاطع الا اذا ايش ميس: اذا لقيت احلا منه شادن: خخخخخخخخخ والله انك مهويه امشي بس """""""""""""""""""""""""""""" العزوووف الي كانت مره معصبه ما تحب يكون وضع زي كذا احد ضايع وهي تستنى ولا تدري وشي القصه كل ما كلمها احد تصرخ عليه رنا:يوه ورانا واقفين كذا الحين ما بعد لقوها العزوف بصراخ : وانا وش دراني عاد قالوا لك اعلم الغيب انا رنا : ما سئلتك عشان تجاوبين العزووف : اجل سئلتي مين.؟ الجني مثلا رنا : ايه اكلم روحي بكيفي العزووف : مجنونه اللهم عافنا رنا: احترمي نفسك عاد العزووف : محترمتها من قبل ما اعرفك وشوي جاهم مشعل فتح الباب الي قدام واقف برا يكلمهم مشعل: لقيناها العزووف : لا جانا الثاني مو انت كنت ضايع معاها مشعل: لا كنت ادورها العزووف : اركب وانت ساكت بس مالي خلق اسمع صوتك مشعل يعاند :لا مانيب راكب وش عندك؟ وقبل ما يكمل قاطعه طلال الي كان جاي من وراه اركب بس يالبثر وشغلك عندي بعدييين مشعل: ليش وش سويت طلال: قلت لك اركب وبس مشعل: ركب وسكت وخلود راحت وركبت مع سعووود """"""""""""""""""""""""""" سعووود ما اهتم بالانتظار اصلن لينا ما خلته يحس بالوقت طول الوقت تقرقر فوق راسه جت خلود وركبت معااااهم سعوود: الحمد الله على السلامه ما ردت خلود وتركي ما قالها ولا شي """"""""""""""""""""""""""""""""""""" أول ما وصلوا سعود وطلال راحوا البنات ورقوا فوق ويوم جوا مشعل وتركي بيدخلون طلال: على وين يابابا انت وهو مشعل: واللهي دايخ ابي اروح انوم تركي : انا امي تبغاني في شغلات هامه طلال: عن التصريف ويكلم خلود الي ماسكها بيده : مو انتي تقولين هم السبب خلود : ايه طلال: خلاص انا وياك نعاقبهم موب لازم تقولين لماما وبابا تركي : علطول تصدقها وانت ما تدري وش القصه طلال: ما يهمني بس خلود مب كاذبه ولا تقاطع .. هاه خلود وش تبين عقابهم خلود تطالعهم بحقد: ابي اشوف دموعهم طلال ضحك على طريقتها وهي تقول الكلمه بحقد : ابشري من عيوني خلود ورجعت كملت : فلكه طلال: خخخخخخخخخخخخخخخ ولا يهمك فلكه اصبري انادي سعود من الخيمه وانت وياه خلكم تتحركون ولا ما تطلعون معانا شهر لاخليكم تخيسون وانت عارف يا مشيعل ما عاد فيه سواق مثل اول بيسافر اخر الشهر وشوف عاد من يوديك ومن يجيبك تركي: انا اروح معاه بسواقنا طلال: ايه اطلع معاه هذا ان سمحت له يطلع من البيت وشوف مين بيخاويك يا تروك مشعل وتركي ساكتين طلال: سعوووووود سعود : نعم طلال: تعال نبيك شوي سعود : وش عندكم طلال: لا بس هالاثنين مضيعين خلوده اليوم ولازم يتعاقبون سعود : وانا في الخدمه خخخخخخخخ مشعل: شف النذل سعود : نعم وشي مشعل: اقول سلامتك بس سعود : ايه طلال: سعود تكفا شوف البيت الي قدامنا الي يعمر لسه رح لمه وجيب لنا لي ولا أي شي نجلدهم به فلكه سعوود : اووه وناسه من زمان عن الفلكه خخخخخ وراح سعووود وجاب لهم وجا """"""""""""""""""""""""""""""""""""" عند البناااااات في غرفة فدوى رنا: لا فاتكم انتم ما شفتوا ابو تيشيرت اصفر يمووت من الضحك فدوى : هههههههههههه لا تقولي لاسمر هذاك رنا: الا هوووو ما غيره مسوي فيها انا معذب الاناااقه ويناظر البحر مسوي رومنسي فدوى : الله يرجك ياهووو وشلون قزيتيه رنا : تستهبلين انتي هو الي ما غير يترزز في وجهي فدوى: هههههههههههههه لينا: وانتم هذي شغلتكم بس تحشون في فلان وعلان عبير: خليهم ياهووو بعد شبابنا مسوين ثقه وكل واحد شايف نفسه ملك جمال لينا : حرام عاد فيه والله ناس ملكين جمال عبير: فيه وفيه بس اكره شي لمن يجي واحد شين ومسوي نفسه انا الي واااو لينا : خخخخخخخخ حلوه انا الي واااو العزوف سحبت نفسها وطلعت لغرفتهم لانها فاضيه وما فيها احد وهي تبي تقعد لحالها شوي """""""""""""""""""""""""""""""""""""""""""""" """" """ في بيت جيران العمه وبالتحديد عند ميس وشادن في غرفة ميس ميس : شادن شادن قاعده عالنت ومهيب لمها ميس: شديييين اكلمك ردي علي شادن: نعم ميس: ياختي طفش اليوم شادن: ياختي انتي ما تشبعين هذانا طلعنا ورحنا وشفنا البحر ميس: عندي فكره ودي انفذها شادن : الله يستر من افكارك بس ميس: جزاتي ادور لك الوناسه شادن: وشي ميس: ابي اعزم جيراننا واهلهم عندنا اليوم شادن: فاضينا احنا ومتى نجهز ويمكنهم مرتبطين وكذا والحين الساعه 7 ميس: لا ما عليك انتي بس ما لقيتي الا رجا اصلن اول ما تدق عليها امي بتحلف عليها نجي عندهم وهذا الي انا ابيه شادن : او او لهالدرجه ماخذه عنها فكره غلط ميس: لا فكره غلط ولا شي بس اغلب الحريم كذا وبالذات الي بيوتهم قصور مثل جيراننا شادن : لا بالله عطيهم عييين ميس: والله بيتهم يجنن مالت علينا بس شادن : حرام عليك بيتنا والله كشخه ميس: بس ما يتقارن ببيت رجا شادن : وانتي وش فيك كذا الرسول كان دايم يقول ناظروا للي اقل منكم عشان تحسون بالنعمه الي انتم فيها ميس: باروح اكلم امي شادن : عالاقل يوم ذكرت اسم الرسول قولي صلى الله عليه وسلم ميس طلعت من الغرفه ولا عبرتها حتى """""""""""""""""""""""""""""""""""" طلال ماسك مشعل ومثبته وسعود ماسك تركي ومخلين خلود تطقهم عشان بعد ما تعورهم مرره مشعل: حرام عليك خلووود شوي شوي خلووود ساكته وتطق من كل قلبهااا وومب فاضيه حتى تتكلم تركي : خلوود حرام عليك انا اخوك نسيت يوم اجيب لك حلاو معاي كل يوم من المدرسه خلوود لفت عنه وراحت لمشعل مشعل: هيي انت حرام عليك بديتي فيني خلود : خلاص طلال: وشي الي خلاص توك ما طقيتيهم زين خلود : لا بس خلاااص مشعل: مسويه طيبه تبيني اقول انك ازين مني لا بتطقيناا تركي : طقيه هو انا مالي دخل خلود عصبت منه وطقته طقه مشعل خلاص عيونه شوي وتدمع مشعل ساكت ما يبي يصيح طلال وسعود رحموه وفكوهم خلاص وخلوود راحت قالت لطلال شكراااااا طلال: ولو العفو بنت عمي أي شي ثاني تعالي لنا وراحوا للخيمه خلود : اوكي ودخلت داخل مشعل : الحين وشلون بننتقم منها تركي : ناوي تنتقم انت ووجهك مشعل: ايه بس بدون ما تدري انه احنا تركي : لا خلاص كافينا الي فينا مشعل: انت كافيك بس انا لا """""""""""""""""""""""""""""" ام طلال كانت قاعده بالصاله الي فوق مع بو طلال بس وتقهويه ابو طلال: كلمتي عبير بالموضوع ام طلال: لا والله ما فاتحتها بس ودي اقولها عشان تحاسب بتصرفاتها شوي ابو طلال: ايه خليها تتسنع ام طلال: وهي سنعه ولا عندك شك ابو طلال: سنعه ما قلنا شي بس ان جلست مع هالبنات اكيد بتتهيبل ام طلال: ايه والله انك صاادق """"""""""""""""""""""""""" | ||||
|
| |
|
13-10-12, 11:35 AM
| #13 | ||||
| نجم روايتي ومشرفة سابقةومصممه
| عند البنات عبير حست بضيقة اختها وكانت مقرره انها بتروح لها وتشوف وش فيها لان العزوف مب على بعضها هالايام بس ما كانت تبي تروح وراها علطول عشان محد يشك من البنات فدوى : اقوول وش عندكم مخططات اليوم لينا : انا عندي مخطط انما اية يجنن فدوى : لا تكون زي مخططاتك الأوليه اذا زيهم من الحين مرفوضه لينا : لا والله أصلن خططي تحلمين تحصلين مثلها رنا : تيب قولي خلينا نشوف لينا : اذا ناموا كلهم نتسحب ونروح للمسبح الي برا نسبح فيه رنا : وليش ما نسبح العصر وهم دارين وش معنى وهم نايمين لينا : ياغبيه مالها طعم احلا كذا نتوزى ومدري ايش فدوى : خخخخخخخخخخخخخخخ الله يرجك بس انا عندي فلم هندي خولنا نشوفه اليوم لينا : لا وين ما احبه 4 ساعات واخرتها بيموتون وشهوله نتابع فدوى :خخخخخخخخخخخخخخخخ بس وناسه لينا : لا لااااااا وييين ما احب الافلام الهنديه عبير: عن اذنكم باروح شوي وطلعت وراحت للصاله وهي ماره من الصاله نادتها امها ام طلال: عبير تعالي شوي ابيك عبير: ان شاء الله يمه تقدمت و سلمت على ابوها وحبت راسه وجلست ام طلال: يا بنيتي انتي كبرتي وماله داعي المقدمات انا باقولك علطول عبير ساكته لانها شبه عارفه الي بينقال ام طلال: خطبتك عمتك لولدها وانا ابوك موافقين وش رايك عبير بصوت يالله ينسمع : عادي ام طلال: خلاص خلاص ههههههه لا تموتين علينا قومي روحي للمكان الي كنتي بتروحين له قامت عبير وراحت ام طلال: الا ما راح توديني اليوم لصديقتي الي قلت لك عنها بو طلال: لا والله ما اقدر بو خالد اليوم عازمنا وعازمن ربعه ام طلال: يللا اجل خيرها بغيرها """""""""""""""""""""""""""" العزوف جالسه لحالها بغرفتها وفجأه رن جوال عبير استغربت انوو موب معاها في الصاله شافت الرقم ضحكت وردت العزوف: تو ما سئلتوا عن والله ولا ناسينا ولا انتم لمنا هدى : خليني اسلم اول العزوف : طيب يللا نعيد هدى ما استوعبت : كيف العزوف : 1 2 3 العزوف : الوو هدى: خخخخخخخخخخ السلام عليكم العزوف : هلا والله وعليكم السلام والرحمه هدى : والله يا عزييف اني كل ما جيت بادق اقول اكيد موب فاضين وعند اهلهم بس تو صراحه ما قدرت اشتقت لكم مره ولقيت نفسي قاعده ادق رقم عبير العزوف : شف شف وبكل وقاحه وما تقول اددق رقم عزووف هدى : هههههههه وكاني اذا دقيت بتردين العزوف : وليش ما ارد هدى : العزوف سؤال وبكل صراحه العزوف : وشي هدى : جوالك وينه العزوف : ايه ما قلتي لي اخبار خالتي هدى: هههههه عاشت المصرفه.. ابد بخير العزوف : دووم ياربي هدى : دام فضلك والحين عطيني عبووره العزوف : هذي هي جت خووذي عبير: هلااااا والله هدى: اهليين وينك يالقاطعه عبير: ياعمري والله موجوده بس عاد تعرفين هدى : وش مسويه ووش علومك ومتى راجعين والله الرياض من دونكم ما تسوى عبير :تسلمين يا بعدهم والله فاتك ياليتك معانا اليوم رحنا للبحر بس ايش ونااسه هدى : ليه وش سويتي وكالعاده ابي بالتفصيل الممل عبير نست يوم شافت عزوف تضحك انها جايه تواسيها: ان شاء الله بس اصبري باطلع عزيييف العزوف : خير ان شاء الله باطلع بكرامتي عبير: زين انها جت منك هههههههه وقعدت تقولها عن كل الي صار من اول يوم وصلوا الين ما قالت لها امها تو هدى: ياهوو ما اقدر والله كبروا البناااات عبير: احم احم وش قالوا لك اجل طول عمرنا بنظل صغار هدى : حلو؟ عبير: واللهي تبن الصدق هدى: ايه اجل عبير: وش دخلك انتي انا الي باخذه ولا انتي هدى: هههههه من الحين تغارين عليه الله يعينه اجل عبير: خخخخخخخخخ ام هدى الي كانت جنبها : من تكلمين هدى : اكلم عبير بنت خالتي ام هدى: امها جنبها هدى: عبير امك عندك عبير : لاوالله بعيده هدى: تقول بعيده يمه ام هدى: هاتي ابارك لها خطبتها ولو اني كان ودي بها لفصييل بس عاد كل ما قلت له اعرس قال موب الحين هدى : ما شاء الله يعني داريه ولا علمتيني عبير الي معاهم ولا تدري وش القصه : وشي هدى : امي داريه عن خطبتك ولا قالت لي شي عبير: هههههه بعد هم ثنتين خواات اذا ما قالوا لبعض كل شي لمين بيقولون هدى: صدقتي خوذي كلمي امي """"""""""""""""""""""""""""""""" ميس: يمه ام ميس: نعم وش تبين ميس: دقي على خاله رجا قولي لها تجي عندنا ام ميس: ياختي مانيب فاضيه والبيت محيوس وصعبه اعزمهم وابحل بهم ميس: تكفيين يمه الله يعافيك اصلن تدرين انوو خالتي رجا بتقولنا تعالوا لي ام ميس: ولازم نروح نضيق عليهم وعندهم اهلهم ميس: لا ضيق ولا شي بيتهم من كبره لو ينحط فيه 50 الف نفر ما امتلى ولا ضاق ام ميس: عيب عليك وش هالكلام قولي ما شاء الله ميس ببراءه : لا مو قصدي كذا بس اهلها جايين من الرياض والي اعرفه عندهم بنات وجمعه وفله ودنا نوسع صدرنا شوي ام ميس رحمتها وقررت تدق وفعلن العمه رجا اصرت يجون يتعشون عندهم ام ميس: يللا قومي وقولي لاختك عالساعه 8 كذا بنطلع لهم ميس: مشكووره يا احلا ام بالدنيا وراحت تلبس """""""""""""""""""""""""""""" بعد ما صكرت هدى قعدت تسولف مع امها عن عبير وخطبتها لخالد وقالت لها امها كل شي انو ان شاء الله بيحطون العرس قبل الصيف وفي اجازة العيد والا على دخلة فيصل فيصل : السلام عليكم ام فيصل : ياهلاا والله وعليكم السلام تو ما انورت الدار فيصل: النور نورك يمه فيصل : الا مين هاللي بتعرس اخيرن بنفتك من هدووو هدى: ليش ان شاء الله جالستن عله على قلبك انا فيصل : هههههه لا مو قصدي بس ابي لك الخير والتوفيق هدى : وما راح اتوفق الا ان تزوجت لا تطمن هذي عبير بنت خالتي فيصل تغير وجهه وبانت ملامحه غير شوي وكل الي قدر يقوله : ايه اجل انا بارقى انوم من الصبح في الدوام وتو امه وهدى بيقولون له اقعد وزي كذا بس كان هو طالع خلاص :::::::::::::::::::::::::::::::::::::: | ||||
|
| |
|
13-10-12, 11:37 AM
| #14 | ||||
| نجم روايتي ومشرفة سابقةومصممه
| في بيت العمه رجا الرجال كانوا كلهم جالسين بالخيمه لانوو بيجون اصدقاء بو خالد اما الشباب فجالسين بالملحق ما طلعوا اليوم مالهم خلق وبعدين ملحق العمه رجا يعتبر شبه استراحه فيه خيمه وحديقه كبيره وملعب كوره وطاولة بلياردو ومسبح وكل شي والحريم كانوا مجتمعين بالصاله الي تحت العمه رجا : تراني اليوم مناديه جيراننا على العشا وهي فرصه تتعرفون عليهم حبوبين وطيبين ام خلود : هم من اهل الشرقيه العمه رجا : لا والله نفس حالتنا جايين فيذا عشان شغل ابوهم هي مريم وبناتها ثنتين ميس وشادن وعندها ولد واحد متزوج عبد الملك يعني بس هي بتجي وبنياتها وحدتن كبر رنا او اكبر بشوي الي هي ميس والثانيه كبر لينا و توها تدرس الظاهر ام سعود : يحليلهم كويس اجل بناتنا يلقون احد يسولفون معاه ام طلال : على كذا باروح اقولهم يلبسون لا يجون الناس وهم ما تجهزوا وقامت تقولهم وهي بعد تلبس """"""""""""""""""""""""""""""""""" قاعده لحالها وما تدري وش تسوي طفشت وما ودها تروح تجلس مع اهلها هي خلاص تعودت على كذا دقت على رقم بدر بس جواله مقفل يئست وقررت تنزل تحت ام فيصل : هلا ببنيتي تعالي اقربي لمي هدى: ياعيني عالمحبه ام فيصل : ما صدقنا هيفااء تنزل وتجلس عندنا هيفاء : راحت وحبت راسها وجلست عند امها هدى وهي تضحك: لا لا على كذا ما اقدر انا وبعدين اذا حضرت الشياطين وقامت هيفاء ولا عبرتها حتى ....قاعده بس تطالع في التي في ام فيصل : هاو اجلسي بس خلي العائله تجتمع ولو يوم هذا وانتم ياعيالي 4 نادر ما نشوفكم مع بعض بالذات مهند مير ما يجلس في هالبيت هدى: هههههههه تصدقين ما شفته من 4 ايام ام فيصل : لا انا شايفته امس وهو طالع لغرفته جا وسلم علي هدى : ولا هاوشتيه ولا شي ام فيصل : هالولد ما تقدرين عليه لسانه يقطر عسل ودي اهوشه بس ما قدرت هدى الي لسه واقفه : يلا اجل انا طالعه وراحت رقت فوق هي اصلن تبي تشوف فيصل وش فيه """""""""""""""""""""""""""""""""""""""""""""" ميس وشادن وامهم داخلين لبيت العمه رجا.. وسعود وطلا ل كانوا واقفين برا بس بشكل ميس وشادن يشوفونهم وهم ما ينتبهون لهم ميس: شوفي هذا الي هناك شادن : ايه هذا اخو البنت ميس: شوفي الي جنبه بس شادن بمزح : هيي انتي عاالاقل اثبتي على واحد ميس: احلا واصغر ما اقدر شدوون يهبل شادن: صدق انك خفيفففففه ادخلي بس ترا امي دخلت """""""""""""""""""""""""""""""""""""""""""" خلود طفشانه ولا جلست مع الحريم وقاعده بالصاله الي تحت تشوف التي في خلود من الملل مسكت التلفون وقعدت تدق تسولف مع خوياتها كالعاده مشعل وتركي فوق في غرفة عادل يلعبون بلاي ستيشن مشعل: تصدق اشتقت لخلود تركي : نعــم هيي خيير مشعل يصرف: لا يا غبي قصدي اشتقت اهبل فيها تركي : بس ما نقدر الحين أي كلمه بتصيح وتروح لطلال ولا سعود مشعل: عادي نهبل فيها بدون ما تدري انه احنا تركي : ترا بيصدقونها حتى لو ما عندها دليل مشعل: تدري عندي فكره تركي : وشي مشعل: رح بس جيب كاميرتكم ذيك الي وريتني اياها بس بدون محد ينتبه لك تركي: لا عادي امي تحت مع الحريم وخلود تحت وراحوا يصورون خلود وهي ما تدري """""""""""""""""""""""""""""""""""""""""""""" """" """ في المجلس الكبير في بيت العمه رجا كانوا الحريم جالسين على جهه ومعاهم ام عبد الملك والبنات على الطرف الثاني ميس: يعني انتي الحين يا عبير ورنا والعزوف اخوات ما عندكم اخوان رنا: الا مشعل وطلال ميس: كبار رنا : طلال بس كبير ميس: وخلود لينا: وش عرفك بخلود وقعدت ميس تقولهم السالفه كلها لينا : يعني انتي وشادن كنتوا فيه اليوم قهر ما كنا نعرفكم شادن: هههههه يللا خيرها بغيرها لينا : لا خلود بنت عمي عبد الرحمن هي وتركي وشوق وكلهم صغار هي اكبرهم ميس: يعني ما عندها اخوان اجل مين الي كان معاها؟ العزوف: اخوي طلال شادن : ولينا انتي وحيده؟ لينا : لا عندي اخوي اكبر مني سعود شادن : اهاا لينا : وانتم شادن: ما فيه الا انا وميس واخوي كبير متزوج اسمه عبد الملك لينا : يعني انتي يا شادن معاي بالمتوسط وميس كبر رنا شادن : ايه ميس في 2 ثنوي بس انا السنه الجايه اول ثنوي وانتي 3 متوسط لينا : يا حركككات يالكبيره خلاص بتودعين ايام المتوسط شادن: تصدقين عاد ما ودي لينا: ليش شادن: مابي اروح الثنوي ما عندهم هبال زي المتوسط لينا: جد والله شادن: ايه غصبن عليك تكبرين وتثقلين لينا : ههههههههه انا مهما كبرت مانيب ثاقله شادن: ههههههههههههه موب بكيفك لينا: لا تتحدين شادن: هههههه بلا هبال بس ميس تكلم عبير: انتي تخرجتي صح؟ عبير: ايه الحمد الله ميس: ووين سويتي حفل تخرجك؟ عبير: سويت حفلين واحد في بيتنا والثاني مع خوياتي بالمدرسه ميس: في نفس المدرسه ولا بقاعه احتفالات عبير: لا بقاعة احتفالات ميس : ايه احنا مدرستنا حفل تخرجهم مره فخم كل وحده تدفع على 6,000 عبير: ليش وش بتسوون كرنفال ههه ميس: لااا يجيبون لنا طقاقه صح ....السنه الي فاتت جايبين لهم نديبه وماخذين افخم قصر بالشرقيه وحاطين 4 بوفيهات كبار عبير: والوحده كم لها من دعوه ميس: امم تقريبا 10 واذا تبين زياده تشترين عبير: ادفع 6 الاف وانادي بس 10 والله مالها داعي ميس الي تتكلم من طرف خشمها: بس فخــم ميس: انتم مطولين هنا العزوف الي مره منقهره من هالبنت ولا عجبها شكلها وما ارتاحت لها اصلن : ليه جالسين على قلبك؟ ميس : وش فيك انت فاهمتني غلط انا قصدي لو بتجلسون اكثر نقدر نطلع مع بعض العزوف : لا بنمشي بكره ميس في نفسها مقهوره : ليش اجلسوا شوي بعد العزوف : والله ابوي واخوي عندهم اشغال ميس: اهااا """""""""""""""""""""""""""""""""""""""" هدى الي كانت راقيه فوق تشوف فيصل وش فيه دقت عليه الباب كذا مره بس ما رد عليها قالت تخليه يرتاح شوي وترجع له فيصل في غرفته يسمع دق الباب بس ماله خلق يكلم احد لسه مصدوم ومو عارف ليش.. هو عمره ما توقع انها بتروح لغيره اصلا كان يشوفها صغيره شوي ويبغالها كم سنه لين ما تتزوج فيصل: يعني معقوله عبير خلاص ما راح تكون لي لا لا مستحيـــل بس انا سامعهم باذاني يقولونه والله مدري وحط راسه عالسرير وقفل عيونه ووقف عن التفكير الي اتعبه ولا لقى جواب """""""""""""""""""""""""""""""""""""""""""""" " عند البناااااااااات شادن : لينا وريني جوالك باشوف اذا فيه بلوتوثات حلوه لينا : اوكيه وعطيني حقك نسوي تبادل هههه شادن : اوكيه شادن قعدت تقلب ولقت حافظه مكتوب عليها العائله شادن :عادي افتح حق العائله لينا : ولو خوذي راحتك شادن قاعده تناظر مقطع لسعود وهو يرقص غربي شادن : واو حركه من هذا لينا : هذا سعود اخوي ميس الي اول ما لقطت الكلمه سحبت الجوال من يد اختها وقعدت تتفرج ميس: معليش ترا انا بعد بشوفه لينا: وش دعوه عاد عايدي العزوف والشرر طاير من عيونها : عن اذنكم انا طالعه لغرفتي لينا : وييين العزوف سفهتها ومشت """""""""""""""""""""""""""""""""""""""""""""" "" هيفااء بعد مارقت لغرفتها لحالها هيفاء : وينك ياقلبي ليش مقفل جوالك بدر: يهمك يعني لو قفلته هيفاء : وكيف ما يهمني بدر: هيفاء لو سمحتي يكفي هيفاء : بدر شفيك بدر : ما فيني شي هيفاء : لا انت متغير علي بدر : والله ما فيني شي هيفاء : وين رحت اليوم بدر: وين باروح يعني في الاستراحه مع الشباب هيفاء : اها بدر :............................. هيفاء:............................. بدر : هيووفه هيفاء : عيونها بدر: يكفي حرام عليك هيفاء : شسويت لك بدر : والله محد معذبني الا انتي هيفاء : هههههه اذا انا سبب عذابك اجل ما استاهل اعيش بدر : بسم الله عليك ياعمري جعله فيني ولا فيك هيفاء : هههههه بدر بعد سكوت دام شوي : هيفاااء هيفاء : هلا عمري بدر : ودي اشوفك هيفاء: بدر انت عارف اني ما اقدر بدر : قولي لاهلك باروح سوق ولا شي هيفاء : مدري مدري ما اقدر بدر: وبعدين معاااك كل شي ما تقدرين عليه وانتي لو تطلبين لبن العصفور جبته لك هيفااء: نشوووف على حسب بدر : ايه خليك كذا ولا تعذبيني اكثر هيفااء: اييه هههه هيفاااء كانت فاتحه باب الغرفه شوي ما توقعت احد يمر من عند غرفتهااا لان البيت كان شبه فاضي امها وابوها ناموا خلاص وهدى بغرفتها وفيصل بعد مهند دخل عليها فجأه : من تكلمين هيفاء الي مره ارتبكت وصكرت الخط علطول: وحده خويتي مهند:وليش قفلتي الخط هيفاء : مدري انت خوفتني مهند : طيب هاتي الجوال اشوف اخر رقم وادق هيفاااء ارتبكت مره وخلاااص ما عاد تدري وش تسوي هيفاء خافت لو ما عطته يسوي لها مشكله وكانت مخزنه اسم بدر ( بدور ) وتعرف اخوها ما يكلم بنات ابد وعطته الجوال مهند مسك الجوال اول ما شاف ان الرقم اسم بنت ما دق وعطاها الجوال مهند: لا عاد تكلمين خلق الله بالليل مره ثانيه عندك العصريه كلها وطلع هيفاء وكان احد شال هم كبير من على قلبها : ان شاء الله """""""""""""""""""""""""""""""""""" هدى بغرفتها ما هان عليها اخوها تحس فيه شي مو معقوله طلعته كذا قامت من مكانها وراحت له ودقت الباب ومحد رد بعد هدى: فيصل فيـصل فيصل سمعها وكان روق شوي : نعــم هدى : افتح الباب شوي فيصل : وش تبين هدى : افتح طيب ولا بتخليني واقفه عند الباب قام فيصل وفتح لها ووقف يناظرها هدى تحاول تلطف الجو: وبعد ما راح تقولي تفضلي يعني لازم اعزم نفسي بنفسي هه فيصل : لا وش دعوه الغرفه غرفتك هدى: فيصل انت عارف انا ليش هنا وما يحتاج مقدمات فيصل يستلكع: ليش يعني هدى: يعني ما تدري فيصل : لا والله علميني هدى: وش فيك اليوم طلعت كذا فجأه اول ما دريت اننا نتكلم عن عرس عبير فيصل : لا ولا شي بس انا اصلن كنت طالع هدى : يعني اكيد ما فيك شي فيصل : لا ابد هدى : طاايب انا باروح انوم وراحت تطلع بس وهي لسه واقفه عند الباب فيصل : هدى هدى لفت وجهها وهي ماسكه الباب : نعم فيصل : عبير هدى : وش فيها فيصل : انا ابيها هدى واقفه مكانها وتناظر فيه ومو مصدقه وهو جالس ويناظر فيها قعدوا على هالحاله يجي 10 دقايق هدى: وليش ما قلت من اول فيصل : مدري هدى : وشلون ما تدري فيصل: يعني مدري هدى الي بدت تعصب : يا سلام توك تجي تقول ابيها والبنت خلاص راحت يعني لو انك قايل وش بيضرك كان عالاقل خطبناها لك وتزوجها متى ما بغيت يعني حتى ما يمديك تعتذر باشغالك ولا شي بس كذا ساكت بصراحه تستاهل انها راحت لغيرك فيصل : نبيها لنا عون صارت فرعون الشرهه مو عليك عللي يفتح لك قلبه واخذ مفتاح سيارته وطلع هدى: ياعيني وانت بعد تقهر يعني جالس طول هالمده ما قلت شي وقعدت تانديه فيصل فيصل وين رايح انا مو قصدي بس انت تقهر بعد فيصل : خلاص انا اقهر مع السلامه هدى وهي تطلع وراه فيصل طيب وين بتروح فيصل : باروح اتمشى شوي هدى: فيصل اصبر طيب فيصل طلع وخلاها هدى راحت لغرفتها رجولها تجرها ولا هي مو عارفه حتى تمشي والافكار في راسها متضاربه فيه تشابك في الافكاار هو يبيها بس هو ما قال هي راحت عليه هذا كل الي كان في راسها وصلت لغرفتهااا رمت نفسها على سريرها مثل ما ترمي الكوره ما تدري ليش بدت تصيح وكأنها بدت تستوعب الوضع الي هي فيه عبير وفيصل نسخه منها هي وطلال بس بفرق واحد انوو عبير اصلن مو مهته بفيصل عكس طلال الي يبيها وشاريها وما عمرها وضحت حتى انها تبيه معقوله نفس الي صار لفيصل يصير لها هذا هو الشي الي كان دايم مخليها حزينه مسكت البطانيه وغطت وجهها وقعدت تبكي بصمت :::::::::::::::::::::::::::::::::::::::::::::::::: :::::::::::::::::::::::::: بعد 10 أيام من الأحداث الآنفة الذكر على الساعه 10 الصباح وفي بيت بو طلال ام طلال تكلم اختها: يا وخيتي حاسه ان فيك شي ام فيصل : لا والله ما فيني شي ام طلال: صوتك تعبان ام فيصل:هههه بتتتعبيني غصبن عني يا فوزيه ام طلال : والله مدري عنك ودي اشوف هالبنات ما بعد قامن الله يهديهن ام فيصل : ابد عندنا وعندتس خير هدى وهييف ما يفكرن يقومن ام طلال: انا ابيهن يقومن يساعدنني تعرفين الشغاله راحت والسواق معاها ام فيصل : ارسلك مليكا خليها عندك ياوخيتي ام طلال: لا والله ما يحتاج من كبر البيت انا وبنياتي نكفي وعندي عبير الله يخليها لي هي اللي شادتن حيلها ام فيصل : ازين لها تتعود وهي على وجه زواج الا ما شريتوا لها شي الدراسه جايه ويمكن ما تقدرون تطلعون بايام الدراسه كثير وتعرفين الترم الاول ما يمديه بادي الا ورمضان جاي وزحمة الاسواق ما تنطاق برمضان ام طلال: من وين لي بس لو جت علي لاجهزها جهاز ملكات بس المهر ما بعد جا بيجي بعد الشبكه والشبكه ما بعد تحددت بس قريبه ام فيصل حست بضيق اختها: اقول انا باعطي عبير حفالتها وخليها تشتري شي واذا على الطلعه انا بامركم اليوم انا وهدى وهيفاء بسواقنا نروح للسوق ام طلال : الله يجزاتس خير محد حاس بي غيرتس ام فيصل : وهم الاخوات لمين يا فوزيه ام طلال بحزن وكانها تذكرت شي ضيق على صدرها : صدقتي ام فيصل : اجل اخليك باروح اشوف وش نسوي غدا ام طلال: وانا بعد باقوم بنياتي """"""""""""""""""""""""""""""""""" راحت ام طلال تقوم البنااات لقت رنا جالسه على السرير وتفكر وعبير والعزوف نايمات ام طلال: هاو رنا قايمه ورا ما علمتيني ترا افطرنا وخلصنا رنا : مابي فطور يمه ام طلال: رجعتي للدايت رنا: لا بابدا الدايت على بداية الدراسه معاد بقي الا كم يوم ام طلال: وش فيك متضايقه رنا : يمه طفشت ام طلال: وش بيدنا بعد لو فيه سواق كان وديتكم لاي شي وانتي عارفتني ما يهون علي اشوفكم كذا رنا: قولي لطلال ام طلال: طيب اقولك شي يفرحك رنا تحمست : قولي يمه تكفين تكفين ام طلال: خالتك بتمر علينا اليوم هي وبناتها وبنروح السوق رنا فرحانه بس: يمه هيفاء بتجي معانا ام طلال: مدري عنها رنا: موب فاضيتلها تجي تقول هذا حلو وذا زين وانا عارفه اني من الحين مانيب شاريه شي ومابي انقهر ام طلال: والله انك بعد ...احنا رايحين ننبسط موب شرط نشتري وبعدين اذا رحنا بنروح نشتري لعبير شي لعرسها وكذا تتجهز به وانتي ان لقيتي لك شنطه حلوه للمدرسه سعرها زين ابشري رنا: والله يمه العزوف : يووه ازعجتونا حتى انا ابي شنطه جديده ام طلال: انتي عندك حق العام العزوف : لا والله وش معنى رنا جديده وانا اخذ حق العام ام طلال: مدرستكم جديده يعني مين بيدري ان شنطكم قديمه العزوف : دام مدرستنا جديده حتى هي وشهو له يشترى لها رنا:عزييف انا شنطتي شاريتها على موضه يعني الحين راحت موضتها انتي شنطتك عايدي تمشي ما فيها شي قديم تهبل العزوف : الحين تهبل ولا اول ما شريتها كلن قال حلوه الى انتي على قولتك مو ستايل اشوى ان البنات يجوني من جميع انحاء المدرسه واقصاها وادناها يسئلوني من وين شاريتها واقولهم مو من هنا من برا رنا: خلاص اجل لا تشترين عشان يعجبون فيك بنات المدرسه الجديده ام طلال: ههه يحليلكم بس عاد هالله هالله بالدراسه رنوو انتي ثالث ثنوي مرحله يبيلها جد العزوف : وانا بعد ثانــي علمــي ام طلال: وانتي بعد ابيكم تطلعون عالمات وباحثات في المستقبل رنا : اخس يمه تعرفين عالمات وباحثات ام طلال: تتطنزين علي يابنت عبد العزيز هذي عقوبتي في عزيف يوم ما شريتها لها الشنطه العزوف تقوم وتحب راس امها: شفتي يمه انك ظالمتني ام طلال: المهم روحي غسلي انتي وصلي كانك ما صليتي الفجر ويللا على شغل البيت العزوف : بس مالي دخل انا علي امس المطبخ وقبله اليوم علي التنظيف بس ام طلال: الجدول هو نفسه معلق على الثلاجه في المطبخ العزوف : بس ذيك المره بدلت مع رنا يوم كانت تعبانه ونظفت المطبخ مرتين ولا خذته عني ام طلال: عاد مالي شغل فيكم تفاهموا رنا: اقووول بس شعولي وينه ام طلال: نايم من يومين في بيت عمك ما طاع يجي رنا: انا اقول ما شفته من زمان """""""""""""""""""""""""""""""""""""""""""""" "" | ||||
|
| |
|
13-10-12, 11:38 AM
| #15 | ||||
| نجم روايتي ومشرفة سابقةومصممه
| في بيت العم عبد الله سعود وليناجالسين بالصاله لحالهم وابوهم في الشغل وامهم نايمه سعود قاعد يفكر لينا تحرك يدها بشكل دائري قدامه بس ما انتبه، لينا :هيي انت سعود : هاه لينا: وش تفكر فيه بالله سعود : افكر متى اخلص دراستي واتوظف عشان اتزوج لينا: موب لازم تكمل دراستك وضيفتك ان شاء الله مضمونه لو بغيت تزوج الحين سعود : لا وين ما يصلح لازم ابني نفسي اول لينا : ايه اها سعود : الا من اول ما رجعنا للشرقيه ما قلتي باروح بيت عمي ولا شي لينا : بس كانوا معنا وطولنا مع بعض لازم نبعد شوي عشان نشتاق سعود يعدل جلسته : لا لا لا ليناا تقول هالكلام اكيد فيه شي صاير لينا : ابد بس هالعزوف مدري وش بلاها قلبت علي اخر الايام اكلمها ترد عليه بايه او لا ومن اول ما رجعنا دقيت عليها مرتين صرفتني تقول ارتب البيت سعود : يحليلها والله سنعه تعرفين بعد معاد عندهم شغاله لينا : بس تقولي بارجع ادق بعدين ولا تدق قويه المشكله اقولها انتي زعلانه مني تقول لا عايدي سعود : هي طبعها كتومه نسيتي يومنا صغار يوم نروح للاستراحه ويجي واحد من اهل ابوي من بعيد ويتطاق معاها ويهزأها بس ما علمت احد وهي شوي وتصيح ونقولها وش فيك ولا ترد لينا : وانا انسى انت ما صدقت على الله خبر انها قالت انه مضايقها رحت له وجلدته جلد حتى طلال وهو اخوها هو اللي يوقفك سعود : خخخخخخخخخخخخ محد قاله يحتك ببناتنا لينا: والله لو انها انا ما جبت خبري سعود : وش دعوه عاد انتي اختي وانتي الحب كله لينا : بدا الفقش موب انتم عندكم الكلام الحلو زي السلام عليكم وتلعبون علينا بكلمتين سعود : اقول بس منتيب وجه احد يدلعك قومي روحي جيبي لي شي اكله بسرعه لينا: ايه الحمد الله كذا احس انك اخوي الصدقي خخخخخخخخخ وقامت سعود : خخخخخخخخخخخخخخخخخخخخخخخخخ خ بعد ما راحت لينا رن جوال سعود بس شافه رقم غريب طنشه لانه ماله خلق """"""""""""""""""""""""""""""""""""""""" دخل فيصل الصاله وهدى وهيفاء جالسات هدى تستناه يسلم عليها من ذاك الموقف وهو ما يكلمها حتى هدى: وعليكم السلام والرحمه فيصل جلس : هيفاء وين امي هيفاء: فوق ام فيصل وهي نازله مع الدرج : هلا والله بفيصل هلا والله بعمر امه ما صار هذا شغل من عرفناك وانت تشتغل ما تجي الا اخر النهار وتعبان فيصل : وش اسوي بعد تعرفين ولدك بزنس مان ام فيصل : ههههه يحليلك بس مهما كبرت بتظل بعيوني صغير فيصل : هذا طبعكم عاد يالامهات وش نسوي به ام فيصل : يللا بنات روحوا البسوا ترا بنطلع للسوق هيفااء : ماابي اروح ام فيصل : بيجون بنات خالتك بنروح نجهز لعبير فيصل اول ما سمع اسمها وطاري جهازها حس بانقباضه في قلبه واخذ الريموت وقعد يغير بالقنوات حاول يسفه الموضوع بس ماش ما يقدر اذانه تشده وده يسمع أي شي عنها حتى لو فيه زواجها هيفااء في بالها من حبي لهم يعني يحليلها مامي على بالها تسوي لي اغراء:ومن وين لها عبير جاها مهرها ام فيصل : وجع ان شاء الله وش شايفه بنت اختي عشان تقولين من وين لها لا ما بعد جاها مهرها هيفاء : انا والله تعبانه وما فيني حيل ام فيصل : بس يابنيتي من زمان ما شافوك بيقولون ما تبينا وانتي على هالحال كل ما نروح نادر ما تجين هيفااء: مامي ما اقدر ام فيصل : ترا معاد بقي شي عالدراسه تعالي يمكن تلاقين لك شي هيفاء: رايحه امس وباروح في الليل مع هيام فيصل : ايوووه تروحين مع مين ياماما هيفاء حست انها غلطت المفروض فيصل ما يدري انها تطلع مع خوياتها ولا بيقلب عليها الدنيا بس هو كان حاط انتباهه وصاب كل تركيزه على التي في وشلون سمعهم:ايه باناديها واروح مع مامي ونشوفها هناك ام فيصل : ايه هذي بنيتي السنعه فيصل : ايه اشوى علبالي بتطلعين معاها هيفاء ياربي وش هالوهقه: يللا انا طالعه ابدل هدى مدت يدها لاختها : خذيني معاك وراحوا مع بعض """"""""""""""""""""""""""" في بيت ام طلال وفي الصاله ام طلال: يا بنااات يللا ابيكم جاهزات رنا : يامامي بدري تو الناس ام طلال: بس ولو اختي الي بتجي تاخذنا ابيكم جاهزات قبل ب4 ساعات ان شاء الله هو موب سواقنا تطقونه عند الباب براحتكم العزوف طالعه من الغرفه: يمه ما شفتي عبايتي ام طلال: وان شاء الله ما بعد لقيتيها العزوف : والله مدري وينها ام طلال: اهم شي خلصتي شغل البيت العزوف : ايه خلصته ام طلال: روحي دوري بغرفة الكوي يمكن عبير غسلتها وكوتها العزوف : باروح اشوف عبير كانت لابسه عبايتها من زمان وجالسه بالغرفه مالها خلق تسمع صيحة اهلها ام طلال: وين عبير رنا : بالغرفه ام طلال: جاهزه رنا: ايه اول وحده ام طلال: هذي السنعه موب هالعزوف توها تدور عبايتها العزوف تصارخ من غرفة الكوي: لقيتهاااااااا في الدولاب يمه ام طلال: خخخخ جبنا سيرة القط وما كملت رنا : ههههههههههههههه عبير طلعت من الغرفه وجت جلست معاها عبير: يمه وين شعولي الدوب له وحشه رنا : على كثر قلقه فقدناه ما نقدر نبعد عنه العزوف : الله لا يفرقنا عن بعض ولا يبعد عنا غالي رنا : امداك جيتي يالجنيه وتقطين فجأه بعد العزوف : كيفي امي وخواتي واقط براحتي ام طلال: دقوا عليه خلي سواق عمك يجيب وليدي للسوق معانا ينبسط شوي رنا اللي فتحت جوالها: ما عندي رصيد عبير: ولا انا العزوف : والان ياتي دور المنقذه في الحالات الصعبه العزووووف بنت عبد العزيز دقيقه اروح اجيب موبايلي الرصيد قاعد على قلبي عبير: شوفيه هنا على الطاوله الحمد الله حتى جوالها ما تدري وينه رنا : يمه شوفي بنتك الدبه خليها تحول لنا ام طلال: عزييف دامك ما تصرفين عطيهم شوي يستفيدون العزوووف: هي هي عاد وش علبالكم حاتم الطائي انا روحوا دوروا احد ثاني اشحتوا منه رنا : يمه شوفيها خير العزوف : هههههههههههه خلاص خلاص لا تصيحين باعطيك ان شاء لله بس خل ادق اصصص رد وفتحت على السبيكر ( المايك) العزوف : مشعل ترا امي تقول بنروح السوق تبي تجي حياك الله مشعل : أي سوق العزوف : يامامي أي سوق ام طلال: صحارى مشعل: وعع يمه مابي ام طلال: عاد مالك الا هو وجب عفشك معاك بترجع تنوم عندنا الليله مشعل : طيب ان شاء الله باقول لخالتي جواهر """"""""""""""""""""""""""""""""""""" | ||||
|
| |
|
13-10-12, 11:39 AM
| #16 | ||||
| نجم روايتي ومشرفة سابقةومصممه
| مشعل كان طالع يكلم برا وفي غرفة الالعاب انواع الصراااخ البلاي ستيشن شغال ومحد يلعب فيه وتركي يطق شوقي ويخليها تلاحقه وخلود ماسكه التليفون وتصارخ عشان صديقتها موب قادره تسمع صوتها شوقي باعلى صوت : واااااااااااااااااااااااا ااااااااااااااااااااااااا ااا ام خلو د جت من الصاله بسرعه : هو بنيتي وش فيها شوقي وهي تشاهق وتصيح : مام شوفي تروك ما اقدر امسكه يتقني وينحاس تركي كالعاده : نصابه ما سويت لها شي هي الي تلاحقني تقول نبي نلعب هبسه ام خلود مسكت شوقي وضمتها وتهديها": خلاص بس وتطق مشعل على خفيف اجل هبسه هاه يالهيس اصلن ياعمري هي ما تعرف وشي الحبشه ثاني مره بتنصب نصب صح ياحسرتي على عيالي موب فالحين في شي ابد وراحت مشعل : والله امك زاحفه وناسه تركي : عشانها اصغر من امك ولا امك بعد عليها حركات تذكر يوم تخلينا نسوق في البر وتعطينا مفتاح السياره مشعل: بس ركبت معانا تركي : اهم شي خلتنا نسوق وابواننا كانوا معيين مشعل : ايه والله ذكريااات تركي : هههههههه مشعل: ترا امي واهلي بيروحون لصحارى وبنروح كلنا معاهم تركي : والله ونااسه هناك في محل العاب عندهم اشرطة قيم بوي خطيره خلود سمعت طاري قيم بوي: ويين يا تركي مشعل: انتي وش دخلك كلمي خويتك بس خلود : محد كلمك انت يبو خشم كنه زحليقة نمل مشعل: اوووه لا لا وتركي يكمل له : غبااار غبااار مشعل: ذكرتيني بايام الطفوله وزحليقات النمل تركي : هههههههه مشكله اختي طلعت ولا شي في عالم الموضه مشعل: اص انتي بس ووجهك هذا الي كنه علامة ممنوع الدخول خلود : طيب عند امي والله باروح اقولها بتطلعون ولحالكم ومانتيب قايلين لها عشان تعيي عليكم خلود اللي لسه ماسكه السماعه: هند اكلمك بعدين باي وصطراع ذبت السماعه وراحت تركض لامها اللي جالسه باالصاله الي فوق ومشعل وتركي وراها ويصارخون : نصااابه والله نصااابه وخلود وهي تلهث واقفه قدام امها : يمه ترا هم بي تركي: يمه ما عليك منها ام خلود صرخت عليهم : بــــــــــــس واحد بس يقولي الي تبونه ام خلود : مشعل وش القصه مشعل: بس امي دقت تقول بيروحون السوق وتعالوا معانا خلود : يمه يمه الله يعافيك ابي اروح هند تقول فيه محلات فيها شنط واغراض مدرسه تجنن ام خلود : بس انتي شريتي الى قبل خلود : لا لا يمه هذي اشياء جديده غير ام خلود : لا ما فيه خلود : يمـــه والله غير نروح ونشوف واذا طلعت نفسها مانيب شاريه ام خلود : لا والله نروح عشان بس نشوف تركي : يمه وش ذا بتخلص الصيفيه خلنطلع شوي نوسع صدورنا ام خلود : تراني امك وش هالاسلوب تركي : اسف يمه ام خلود نشوف شوقي وش تقول تركي : لاااااااااا خلود : الصغييييره ام خلود : شوقي نروح سوق شوقي هزت راسها بدلع يعني ايه ام خلود : بسرعه روحوا البسوا وخلود رتبي غرفة الالعاب خلود : يمه هم الي حايسين ام خلود : رتبي الي انتي حستي والي شوق حاسته والباقي على الشغاله خلود : وليش العيال ما يرتبون ام خلود : رجال وش يرتبون بعد خلود زعلت وراحت تلبس وهي في بالها ما راح ترتب اصلن """""""""""""""""""""""""""""""""""""""" في السوق وبعد ما الكل كانوا هناك وتقسموا طبعن هيفاء راحت تتمشى لحالها وقالت لامها باروح مع هيام وهي اصلن ما واعدتها العزوف ورنا راحوا مع بعض وعبير وهدى مع امهاتهم يدورون وام خلود جالسه فوق مع شوق والشغاله بطاوله عند المطاعم وخلود وتركي ومشعل يدوجون بالملاهي ومحلات الالعاب وطبعن خلود كان لازم تمشي معاهم لان امهم قالت لهم ما تخلون خلود لحالها خلود : ابي اروح العب في هذيك اللعبه مشعل : ما فيه خلود :ابي اروح يعني باروح مشعل: ناويه تضيعين مثل يوم عند البحر خلود : انطم ما ضيعني الا انت تركي : فشلتونا ترا الناس تناظرنا مشعل: واحد وبنت عمه هم وش دخلهم خلود : ايه والله لقافة ناس تركي : غريبه خلود ومشعل متفقين على شي مشعل: ما سمعت بالمثل الي يقول انا واخوي على ولد عمي وانا وولد عمي على الغريب تركي : وش يعني مشعل: هذا مثل ناس كبار في المتوسط انت شعرفك فيه تركي: قل والله تراني كبير الرجال موب بعمره خلود :هههههههههه اسكت بس ابتداائي مشعل: اووه صح خلود الحين اول متوسط خلود : ايه مشعل باستهزاء: ما شاء الله خلود : المهم لا تضيعون السالفه باروح العب مشعل يأشر : وين هذيك اللعبه خلود : ايه مشعل: تركي روح اشتري الشريط هذاك تركي : لا باروح مع اختي مشعل بطنازه: انا باروح معاها بتضيع يعني تركي: لا والله ما فيه انت رح اشتري الشريط مشعل ويلعب بدقنه : ازين لا تشتري بس تعال قول مشعل ولد عمي تشوف تركي : اف منك تيب هات الفلوس مشعل: اشتريه بفلوسك يا تنح نسيت بوكي تركي : تيب بس باخذهم منك بعدين مشعل : ان شاء الله وراح هو وخلود للعبه مشعل: شاريه تكت خلود : لا باروح من هناك اشتري استني هنا انا باروح اشتري راح وطلع بوكه واشترى تذكرتين له ولها ورجع خلود : ناسي بوكك هاه مشعل: انطمي وخذي بس خلود : انت بتركب معاي مشعل : اجل اخليك لحالك ناقص تضيعين بعد خلود ببرائه: ايه تيب وركبوا مع بعض """"""""""""""""""""""""""""""""""" عالساعه 10 وبعد ما تعبوا الحريم من الدوران ام طلال: عبير ادخلي انتي هالمحلات الي هنا انتي وهدى وانا وخالتك بنجلس هنا هدى : تعالي هذا المحل دايم يجيبون حاجات حلوه عبير : يلا قدام دخلوا قعدوا يتفرجون هدى : عبير تعالي شوفي عبير: حلو والله هالفستان بس كم سعره هدى: 650 ريال عبير: معقوله اللبناني راعي المحل: هيدي الجهه كلها عاملين عليها تخفيضات عبير: اها تيب فيه منه مقاسات اللبناني : ايه عبير: ابي اكبر من هذا بشوي اللبناني : تكرم عينك وياشر على الكراسي : تفضلوا وراح يجيبه ام طلال دقت على جوال رنا: هاه شريتوا رنا : ايه شريت شنطه يامامي تجنن من nike ام طلال : ايه زين روحوا للمطاعم تلاقون عمتكم جواهر اجلسوا عندها رنا : تيب """""""""""""""""""""""""""""" بعد ما شرت عبير طلعت لامها وخالتها ام طلال: ابشرتس يا وخيتي معاهم كيس ام فيصل : الحمد الله ام طلال : وريني يا عبير وش شريتي عبير طلعت لافستان عشان توريهم ام فيصل : والله يهبل وش زينه بكم هدى : 650 عليه تخفيض ام طلال: بس موب كانه صغير شوي عبير: يمممه وش شايفتني عاد موب دبه لهذيك الدرجه وبعدين انا ناحفه هالايام مع كرف البيت هدى : ايه والله جسمك محلو عن اول ام طلال: يللا نروح للمطاعم فوق عند جواهر والبنات نتعشى ام فيصل : يللا وراحوا تعشوا وبعد ما تعشوا رجع الكل لبيته """""""""""""""""""""""""""""""""""""" ام فيصل واختها وبناتهم في السياره واقفين عند بيت ام طلال بينزلونهم ام طلال ما تقدر تشوف زين بدون نظارتها والسياره مظلله: مشعل سيارة طلال موجوده مشعل : ايه يمه هدى التفت قعدت تتامل في السياره وتشوف الاشياء الي هو معلقها على المرايه الي قدام رجع لها حزنها الي في قلبها بس سكتت ام طلال: مع السلامه يا ام فيصل ام فيصل : في امان الكريم ونزلوا ولقوا ابو طلال وطلال جالسين بالصاله يتابعون الجزيره دخلوا البنات وامهم وسلموا ابو طلال: شعولي وينك يالجاحد مشعل: في بيت عمي ابو طلال: ايه ما تبينا مشعل : وانا لي غنى عنكم يبه بس عاد باروح انبسط شوي وارجع ابو طلال: وريني وش شريتوا رناعلطول: يبه شريت شنطه تجنن وطلعتها ابو طلال: والله حلوه سبورت تستاهلين العزوف تساسر عبير: وش عنده ابوي اليوم مروق عبير: تعرفين ابوي مزاجي العزوف : ايه صح صدقتي رنا : بابا ابغى اشحن جوالي ابو طلال: ان شاء الله عبير:وانا بعد يبه ابو طلال : ومشعل والعزوف بعد بكره باشتري لكم كلكم بطاقات طلال: يبه شرايك ابيع اسهم صافولا ابو طلال: لا خلها الظاهر انها بترتفع بيع حقة الجماعي خلاص ما اعتقد ترتفع اكثر من كذا طلال: ان شاء الله بكره بابيعهم ابو طلال : يللا ياعيالي باروح انام ام طلال قوميني بكره الصبح عندي مشوار ام طلال: ابشر من عيوني ام طلال : عبير روحي قيسي الفستان العزوف : وانا باجي معاك رنا : وانا باروح انوم عبير: اوكيه عبير في الغرفه قاعده تلبس الفستان عبير: العزوف تعالي صكي السحاب عيا لا ينصك العزوف جت تحاول بس ما قدرت عبير: اصبري بامسكه العزوف : يللا بقووه عبير: خلاص خلاص لا ينقطع ما فيه امل العزوف : فيه ترجيع عبير: مدري تخفيضات بس باحاول باقوله بس تبديل مقاس العزوف : روحي قولي لامي اجل بدلت عبير وراحت للصاله وقالت لامها طلال: خلاص انا اوديك بكره تردينه عبير: شكرا الله يعافيك رن التلفون وقامت عبير ترد عبير: الو لينا: هلا والله عبير اهلين لينا : كيفك عبير: تمام وانتي لينا: بخير وينها العزوف عبير : دقيقه اناديها راحت نادتها عبير: لينا عالخط العزوف : قولي لها مشغوله عبير: بس انتي فاضيه ما عندك شي العزوف : بانوم دايخه تعبانه عبير: تيب تيب لا تنافخين وقالت لللينا انها مشغوله لينا : تيب شوكرن وصكت لينا: لا عاد هذي زودتها انا باروح لها واواجهها والاقي لها حل """"""""""""""""""""""""""""""""""" | ||||
|
| |
|
13-10-12, 11:40 AM
| #17 | ||||
| نجم روايتي ومشرفة سابقةومصممه
| بكره الضحى وفي مكتب بو سعود بو طلال: والله يخوي مدري وش اقولك ابو سعود : افا يا ابو طلال قول ابو طلال: انت عارف ظروفي ابو سعود : وانا مستعد اعطيك الي تبي ابو طلال: انا مو جاي اخذ منك لا ابدن بس تخبر بيت ابوي القديم الكبير ابو سعود : ايه من زمان عنه ابو طلال: ادري احنا ما بعناه لاننا موب بحاجه لفلوس ابو سعود : صح ابو طلال: والحين انا ابي حقي منه ابو سعود : بس كذا ان شاء الله باقول لعبد الرحمن ونشوف كم يطلع للكل منه ابو طلال: ما تقصر ياخوي وانا عارف انك انت الي دايم بهالامور عشان كذا جيتك علطول ابو سعود : ابد خل كل شي علي وانا اخوك ابو طلال: الله يعافيك والحين استأذن باروح ابو سعود : وين ما تقهويت ابو طلال: لا مره ثانيه في بيتك ان شاء الله ابو سعود : يللا اجل هلا """"""""""""""""""""""""" في البيت ام طلال مقومه البنات كلهم من 10 وقاعدين يغلسون الحووش وينظفون الشبابيك وشغل كرف صدقي العزوف : مامي تعبت انا باروح ارتاح ام طلال: روحي بس نظفي غرفة العيال وعن الدلع العزوف : مامي والله معاد اقدر ام طلاال: رنا روحي معاها عاونيها رنا: موب كفايه الي عندي ام طلال: حاشا لله موب بنات انتن زبدات من كبر هالبيت الحين الله يرحم ايام زمان نكرف كرف مهوب طبيعي وما عمرنا تشكينا العزوف : خلاص خلاص بدا الموال يللا رنا تعالي رنا : روحي وانا بالحقك وعالساعه 12 كلهم جالسين والغدا جاهز ومخلصين الشغل كله حطوا الغدا وجلسوا كلهم يتغذون بعد الغداء وهم يشربون الشاهي عبير: طلال يللا نروح الحين طلال: معليش عبير بس مواعد واحد خليها بعدين ابو طلال: وين بتروحين له عبير: باروح لصحارى ابدل ابو طلال: يفتحون الحين ام طلال: ههه يحليلك يا عبد العزيز خبرك عتيق الحين ايه يفتحون ابو طلال: خلاص انا اوديكم وعلى الطريق نشتري لكم بطاقات العزوف : باروح معاكم رنا : وانا بعد ابو طلال: يللا لكم 5 دقايق راح منها الحين 5 ثواني بسرعه العزوف : ههههههههههه يللا وراحو البنات يلبسون بعد ما لبسوا ركبوا السياره عبير قدام والعزوف ورا ابوها ورنا ورا عبير اول ما طلعوا من الحاره كان فيه بقاله رنا : يبه هنا يبيعون بطاقات ابو طلال وقف ونزل يجيب لهم راح وجاب لهم ورجع رنا : شوكرن يبه العزوف: مشكور دادي عبير: الحمد الله واخيرن جتني الله يعافيك ابوي ابو طلال: بنات تبون تشوفون مدرستكم الجديده العزوف : ايه رنا : لا وش حادنا عالقرف من الحين ابو طلال: رنا عيب وش هالكلام رنا : لا ما اقصد يعني بس تعرف الدراسه وثالث يعني لازم اشد حيلي ابو طلال: عاد ابيك من الاوائل على الرياض العزوف وعبير فقعوا ضحك: ههههههههههههههههههههههه العزوف : يبه لو انا كان قلنا ممكن بس هذي العام راسبه في مادتين وهي ثاني ادبي رنا : انطمي انت بس يا نيرد( نيرد = دافوره) العزوف : ذكااء فهامه موب مثلك ابو طلال: لا انا واثق في بنتي ولو بغت قدرت تجيبها هي بس مطنشه ولا من ناحية الذكاء فهي ادهى منك ياعزييف رنا: ايه اسمعوا الكلام الصح كلام ابوي حبيبي فجأه عبير صرخت صرخه قوييييييييييييييه وهي رافعه يدها وتأشر: يبااااااااااااااااااااااا اااه و صوت ارتطام قوي يغطى المكان في ثواني السيارات تجمعت والناس ملتمه وطالبين الاسعاف وينتظرون :::::::::::::::::::::::::::::::::::::::::::::::::: ::::::::::::: الساعه 4 العصر في بيت ابو طلال ام طلال قاعده في الصاله ومو عارفه تجلس رايحه وراجعه وتدور ابو طلال والبنات تأخروا وهي موب عارفه عنهم خبر وتدق على الجوالات ومقفله تناظر ساعتها شوي وتناظر الباب تستنى احد يدخل اخر شي استلسمت ودقت على طلال الي كان وقتها طالع في شغل ام طلال: هلا طلال طلال: هلا يمه ام طلال: ياوليدي ابوك وخواتك طالعين من متى ولا بعد رجعوا وادق على جوالاتهم ومقفله طلال حس انه في شي صاير بس ما حب يخوف امه وهي اصلن باين عليها الخوف : خلاص انتي لا تشيلين هم اكيد البنات اقلقوا ابوي وخلوه يتأخر وما تدرين يمكن جوالاتهم ما فيها شحن انتي خلي كل شي علي وما عليك كل شي بيصير بخير ام طلال: ان شاء الله يارب في امان الله طلال: في امان الكريم صك طلال الخط وهو مو عارف وش يسوي دق على الجوالات وبعد مقفله فكر يروح يدورهم بس وين يدورهم فيه """""""""""""""""""""""""""""""""""""""""""""" """" " تفتح عيونها ببطء تحاول تتفح عيونها قامت حست بالم بسيط في يدها التفت عليها لقتها مجبره انا وينني فيه سالت نفسها هالسؤال حاولت تتذكر شاللي صاير ما درت الا بفتحة الباب ودخلت عليها ممرضة تذكرت صراخ اخواتها تذكرت الحادث الممرضه : ايوه كويس انتي في قومي رنا: وين اخواتي وابوي الممرضه وماسكه معاها سجل وقلم : انتي لازم يعطي معلومات رنا بعصبيه: اقولك وين ابوي واخواتي بسرعه الممرضه : كلو موجود كويس انتي بس كلام نمبر قريب انتي عشان فيه سوي كول رنا استلسمت يوم قالتها اللمرضه كلو كويس وعطتها رقم طلال راحت الممرضه بتعطي الرقم للمسؤولين وتركت رنا لحالها رنا تفكر وتناظر حواليها الحمد الله ما جاها شي بس يدها مكسوره يعني الحمد الله اكيد ابوي واخواتي ما فيهم الا شي بسيط """""""""""""""""""""""""""""""""""""""" رن جوال طلال اخذه ورد طلال: الو وينك سعود : هلا هذاني جاني وش فيك طلال طلال: لا ما فيني شي ان جيت علمتك سعود : طيب هذاني داخل دخل سعود وصك الخط وجلس على الكرسي الي مقابل مكتب طلال سعود : وش فيك خير شكلك موب طبيعي طلال: مدري امي دقت تقول ابوي واخواتي طالعين من زمان ولا رجعوا وجوالاتهم مقفله ياخوفي صاير فيهم شي سعود : وما دورتهم طلال: وين ادورهم فيه مالي الا اني اصبر موب اكيد ان فيهم شي ان شاء الله ما فيهم الا العافيه سعود : بس ولو وقبل ما يكمل سعود كلامه رن جوال طلال مره ثانيه طلال الله يستر رقم غريب طلال: الو المتصل: الأخ طلال عبد العزيز محمد طلال: ايه نعم المتصل : لو سمحت ممكن حضورك ضروري لمستشفى الحمادي طلال بخوف: ليه وش صاير فيه احد صار له شي المتصل : انت تعال وتعرف كل شي طلال وهو يقوم : طيب يللا جاي وصك الخط سعود : على وين طلال طلال: المستشفى داقين يقولون تعال انا حاسني قلبي شي صاير سعود : وين بتروح خذني معاك وطلعوا مع بعض دخلوا المستشفى وسئلوا الاستعلامات ودلوهم على الدكتور الدكتور: طلال عبد العزيز طلال: ايه نعم الدكتور : ياخوك خليك مؤمن بقضاء الله قدره طلال ساكت وينتظره يكمله الدكتور: عظم الله اجرك في ابوك طلال يناظر في الدكتور ومو مستوعب كلامه حط يده على كتف سعود الي كان واقف معاه حس نفسه بيطيح من قوة الصدمه نزل نظره للأرض وبدت دموعه تنهمر ما قدر يوقفها سعود : طيب واللي كانوا معاه الدكتور: اصابات خفيفه وان شاء الله انهم بخير سعود : طلال طلال اخذ شماغه وتلطم ما يقدر يمنع دموعه وصعبه في نفس الوقت رجال يبكي قدام خلق الله سعود كان في موقف صعب ما يبي يضعف ما يبي ينهار وهو يشوفه ولد عمه كذا قدامه سعود : طلال خل ايمانك بالله قوي طلال: سعود ابوي ما مات صح شكلهم مخربطين اصلن ابوي كان معانا اليوم يتغدى ويسولف ويضحك ما فيه شي سعود : طلال كلنا بنموت وهذا شي لازم نتقبله طلال: لا اكيد تشابه اسمااء وراح عن سعود للكاونتر الي قدام طلال: انتم متأكدين عبد العزيز محمد اللموظف اللي بالكاونتر مو عارف كيف يتصرف وساكت انهار طلال وطاح على الارض جاثي على ركبتيه وهو يبكي : لا لا مو عبد العزيز عبد الرحمن هو غلط سعود والدمعه بعينه يسحبه ويقومه: خلاص يا طلال هذا امر ربك .. فكر باخواتك واهللك الحين مالهم الا الله ثم انت اذا انت سويت كذا هم شو بيصير حالهم طلال: بس يا سعود ما اقدر ما اقدر هذا ابوي سعود : لا تقدر وانت قدها وقدود يا طلال طلال: واخواتي وينهم الحين سعود : اخواتك بخير لا تشيل هم انت واحمد ربك على كل حال اخذ ابوك بس بقي اخواتك طلال: امشي بسئلهم عن خواتي راح طلال يسئلهم وسعود اخذ جواله وعلم ابوه بالخبر اللي انصدم وبدوره علم باقي اخوانه عشان يتخذون باقي الاجرائات """""""""""""""""""""""""""""""""""""""""""""" """" """"""" مرت أيام العزاء الثلاث كئيبه وحزينه على الكل ام طلال اللي يشوفها يقول جسد بلا روح كانت ما تكلم احد الا كلمه ورد غطاها رنا وعبير ما جاهم شي الا كسور ورضوض بسيطه اما العزوف العزوف كانت من جهة الحادث وهي اللي تأثرت اكثر شي طلال حاول يكون قوي بكل ما يقدر اما مشعل ما كان مصدق الخبر كان لسه عنده يقين انوو ابوه مسافر وبيرجع في يوم من الايام بكى يوم شافهم يبكون وصااح بس ما اقتنع داخليا انو ابوه مات وماله رجعه عبير ورنا جالسين بغرفتهم وساكتين عبير تقرا قران ورنا تبكي كلما تذكرت الحادث وتسكت شوي رنا: عبير وشلون... تذكرين عبير ابوي كان قاعد وكنا مارين من الاشاره بس هو اللي كان السبب قاطع الاشاره ومخالف وبسبته صار الحادث عبير: رنا استغفري ربك كل شي صار بامر الله ومحد هو السبب رنا وهي تصيح: بس عبير حرام عبير: رنا هذا اعتراض على القضاء والقدر ما يجوز كلامك هذا رنا: يعني وشلون عبير: يارنا حتى الولد الي صدمنا مات خلاص الله يرحمه رنا : عبير ما اقدر ابوي هذا ابوي عبير: تصيح وضامها اختها خلاص يارنا تكفين رنا: والله ما اقدر شفيك ما تفهمين عبير: احمدي ربك احنا ماجانا شي شرايك بحال العزوف فقدت ابوها وتشوهت رنا: مسكينه اختي عبير: ادعي ربك يطلعها من اللي هي فيه رنا: الصدمه شديده عليها عبير: بس الدكاتره يقولون ما فيها أي خلل عضوي هي بس من صدمتها ما تتكلم رنا وهي تمسح دموعها: ان شاء الله ترجع مثل اول عبير: وازين بعد بس هي محتاجه كم عمليه تجميل رنا صياحها زاد: بعد هي كانت من جهة الحادث واللي جاها مو شويه عبير: خلاص رنا تكفين خليك اقوى من كذا عالاقل عشان امي رنا وهي تبكي: وامي امي معاد صارت مثل اول عبير: بس الحياة تدور يارنا وان شاء الله كلنا حياتنا بتتغير رنا: بس عبير: ولا بس الحين قومي مسحي دموعك وامشي نطلع برا في الصاله امي وخالتي جواهر هناك وبعد شوي بنروح للعزوف بالمستشفى رنا: ان شاء الله عبير: رنا تكفين خليك قويه مابي العزوف ولا امي يشوفونك كذا ترا ماراح ينفعهم بيزيدهم بالي هم فيه رنا هزت راسها دليل على موافقتها """"""""""""""""""""""""""""""""""""""" | ||||
|
| |
|
13-10-12, 11:41 AM
| #18 | ||||
| نجم روايتي ومشرفة سابقةومصممه
| في بيت ابو سعود العمه رجا كانت نايمه عندهم لانها جت الرياض عشان العزا لينا : يمه يللا تأخرنا باروح للعزوف ام سعود : يللا هذاني اصبري بس البس عبايتي لينا : وعمتي رجا وبنتها ام سعود : صح النوم راحوا من زمان الحين بيرجعون لينا : يمه واحنا من بيودينا ام سعود : سعود بيودينا لينا : ووينه سعود ام سعود : الحين بينزل سعود وهو نازل من الدرج : هذاني جيت وطلعوا سعود الشخص الوحيد الي ما كان مبين عليه أي نوع من انواع الحزن طول ايام العزااء كلهم استغربوا منه هالشي كانوا متوقعين ينهار يبكي عالاقل ينزل دمعه بس سعود ما سوا أي شي من هالاشياء كانت ملامح وجهه قاسيه خاليه من أي تعبير يمكن كان يبي يكون قوي قدام طلال عشان ولد عمه ما يضعف خصوصا انه صار الحين مسؤول عن امه واخواته الثلاث واخوه وقف سعود بسيارته قدام باب المستشفى ونزلت ام سعود ولينا معاها """""""""""""""""""""""" في المستشفى كانت هدى جايه هي وامها وهم داخلين صادفوا طلال ام فيصل بنظرها الضعيف: هدى موب هذا طلال ..؟ هدى وهي ما تدري وينها فيه من زمان ما شافت طلال وجها لوجه : ايه يمه ام فيصل : باروح اسلم عليه وراحت تسلم وهدى واقفه وراها على جنب شوي ام فيصل : عظم الله اجرك ياوليدي طلال: تجرنا واجرك ياخالتي ام فيصل : شخبارك طلال: الحمد الله بخير ام فيصل : عسا ما احد داخل طلال: الا فيه عمتي رجا وبنتها ام فيصل : اجل يللا عن اذنك وهي جايه بتدخل طلعت العمه رجا وفدوى ام فيصل : هلا رجا وسلمت عليها فدوى يوم شافت طلال ما رفعت عينها عنه حتى وهو حزين وسيم هدى كانت مراقبه طلال مره اعجبها موقفه وثباته كانت متوقعه انه بيصير اضعف من كذا وفي نفس الوقت ما عجبتها نظرات فدوى لطلال وبعدين تداركت الأمر هدى بنفسها : ياربي انا شقاعده افكر فيه الناس بعزا وابوهم ميت وانا تفكيري كذا ياربي ما اسخفني سلمت على رجا وبنتها وخلت امها معاهم تستفسر عن حالهم وسحبت نفسها ودخلت """"""""""""""""""""""""""""""""" العزوف الناس تدخل عليها وتطلع وهي من وقت الحادث ما نطقت بحرف امها واخواتها خايفين عليها حاول المستحيل يبونها تتكلم ما تكلمت تشوف الناس وودها لو تطردهم ودها لو تقولهم وخروا عني وجهها مربط كله بشاش حتى مو عارفه وش بيصير شكلها كل الي تعرفه انها تشوهت وابوها مات دخلت ام فيصل وسلمت على اختها وبناتها ام طلال وبعيد عن مسمع العزوف والدمعه بعيونها: يا اختي مدري شفيها هالبنت ما نطقت بحرف ام فيصل : استهدي بالله انتم سألتوا الدكتور ام طلال: يقول ما فيه اي مشاكل عضويه ام فيصل : تلاقين نفسيتها تعبانه مره وحده تتشوه وابوها يروح اصبري وادعي ربك والله كريم ام طلال: وهذاني صابره وما اودي اصيح قدامها ام فيصل : زين تسوين ياوخيتي """""""""""""""""""""""""""""""""""" يوم الجمعه اخر يوم بالصيف بكرا الناس كلها بتروح المدارس وبتبدا سنه دراسيه جديده كانت الساعه تشير الى الرابعه عصرا دخل بيته وهو مره تعبان ياربي وش هالناس حتى يوم الجمعه مخلينه يشتغل استغرب في نفسه ما سمع ازعاج قال يمكن مرته وعياله طالعين بيت اهل مرته او شي رمى بنفسه على اول كنبه في الصاله وحاول يرتاح لقى مجموعة جرايد على الطاوله الصغيره اللي كانت في النص فتح جريدة الجزيره وهو يقلب فيها لفت نظره خبر نعي قراه مره مرتين ثلاث حمود يكلم نفسه بصوت عالي شوي: ياربي مو معقول: عبدالعزيز محمد واللي كاتبين النعي اخوان الفقيد عبد الرحمن وعبد الله وهو قاعد يناظر بالجريده انتبه ان الجريده قديمه شوي لها يومين تقريبا حمود : يعني الحين معقول هو ! ما فيه حل الا اني اتأكد ودق على ارقام الجوال اللي كانت مدونه بالنعي للتعزيه حمود : بادق على ولده واعزيه واشوف واتأكد """"""""""""""""""""""""""""""""" هدى كانت جالسه مع امها ومتضايقه رجل خالتها مات وبنات خالتها في حاله ما يعلم فيها الا الله هدى: يمه اليوم باروح بيت خالتي ما اقدر اخلي البنات وهم في حاله زي كذا ام فيصل : يابنيتي العزوف مرقده ورنا وعبير كل يوم رايحين لاختهم ما يجون الا متى وين تروحين وتثقلين عليهم هدى: خلاص يمه حطيني معاهم بالمستشفى ام فيصل : طيب ان شاء الله هيفااء كانت نازله من فوق نزلت وجلست : يمه طفشانه ابي اطلع ام فيصل بعصبيه : وين تطلعين له هيفااء: أي مكان طفشت واليوم الجمعه وبكره بنداوم ام فيصل : ما تستحين على وجهك انتي رجل خالتك متوفي وبناتها حالتهم حاله وانتي تقولين باطلع قومي اذلفي عن وجهي بس هيفااء: اووه واحنا شعلينا من الناس ام فيصل : هدوو وخري اختك عن وجهي لاثور فيها هيفااء : خلاص رايحه وراحت فووق دخلت هيفااء غرفتها وهي مره منقهره جلست شوي تفكر وهي حاقده على خالتها وبناتها بسبتهم ما طلعت اليوم وهي طفشانه سمعت رنة جوالها كانت رنة خاصه لبدر ابتسمت وراحت ترد """"""""""""""""""""""""""" في بيت بو سعود الحريم كانوا قاعدين بالصاله وكلما تذكروا المرحوم قعدت رجا تصيح رجا عمتهم اللي كان الكل يتوقع تكون ثابته هي اللي انهارت عليهم واغمي عليها اول ما سمعت الخبر واول ما قامت اخذت اغراضها وعيالها وجت مع رجلها للرياض عشان تكون متواجده بعزا اخوها نزلت لينا من فوق وهي متضايقه ام سعود : هلا لينا تعالي اقعدي لينا: طيب رجا: وش هااللبس عليك يا ليين ما تستحين انتي لينا : ليه وش فيه بنطلون عادي وتيشيرت رجا : لا يا شريفه وشلون ترضين على بنتك تلبس هاللبس يعني البنطلون لحاله ما نبيه لا بال مثل هاللي لابسته ضيق ام سعود : خلاص لينا روحي غيري لينا قامت وهي متضايقه اكثر وهي راقيه فووق صادفت سعود سعود : وش فيك لينا تبكين لينا : من القهر سعود : سلامات وش اللي قاهرك لينا : ووش الي ما يقهرني عمي وراح وبنت عمي الله اعلم بحالها وفوق كذاا عمتي رجا عندنا وشكلها مو ناويه تروح للشرقيه وعلى كل صغيره وكبيره هالعمه مستقعده لي سعود وبحزن: خلاص طيب لا تبكين وشوفي غيرك عالاقل موب انتي اللي فقدتي ابوك ولا تشوهتي بحادث لينا : ياليتها كانت انا ولا العزوف وقعدت تصيح سعود : ياعيني كل هذا محبه ترا اغار لينا ابتسمت سعود ايه خليك كذا وابتسمي انا وين الاقها منه منك ولا من طلال ولا من مين كل الدنيا محزنين ويبكون وانا احاول ارفع معنوياتهم لينا : قلبك قاسي ما فيه احساس سعود : انا يالينا تقولين عني كذا بالعكس ما تدرين انا وشلون متأثر عمي والله يرحمه كان زي ابوي والعزوف وانتي عارف وش العزوف بالنسبه لي لينا : ادري يا اخوي سعود : والحين لا يكثر بس انا طالع لينا : تروح وترد بالسلامه لا تسرع وانت تسوق سعود : لا توصين حريص في امان الله """""""""""""""""""""""""""""""""""""""" طلال كان قاعد في صالة بيتهم يستنى سعود لانه مواعده بيجيه وفجأه رن جواله """""""""""""""""""""""""""""""""" طلال كان قاعد وفجأه رن جواله اخذه ورد حمود : السلام عليكم طلال: وعليكم السلام حمود: طلال عبد العزيز؟ طلال: ايه انا طلال من معاي حمود بنفسه وولد طلال اكيد هم : عظم الله اجرك بابوك طلال: اجرنا واجرك يا اخوي حمود : يا ولدي حبيت اقبلك ضروري في موضوع باتكلم فيه معاك طلال: وليه ما تقوله الحين حمود : لا ما يجي انت عطني عنوانك وانا باكون موجود بالوقت اللي فيه طلال: طيب اليوم انا شبه فاضي تقدر تمرني حمود : اليوم اليوم """""""""""""""""""""""""""""""""""""""""""""" "" رنا وعبيرعالمغرب كذا كانوا جالسين بغرفتهم رنا : عبير بكره الدراسه عبير: واذا صار يعني رنا : مو قادره اداوم مراح اروح عبير: احمدي ربك انتي قادره وان شاء الله ربي بيوفقك العزوف هي اللي بتروح عليها السنه رنا: ما اقدر يا عبير مستحيل اداوم انا شكلي باجلس في البيت بس عبير : رنااا رنا: ... عبير نزلت دمعه من عيونها: رنا انا ما ودي اذكرك بشي ولا ودي اشوفك تبكين رنا قلبها انقبض من سمعت عبير تتكلم كذا عبير: انتي عارفه ابوي قبل لا يصير الحادث وش اخر كلامه ووش كان يقول رنا صاحت خلاص : ادري ادري بس صعب علي مرره صعب عبير: ما فيه شي صعب رنا: بس بكره مراح اداوم من اول يوم عبير: براحتك يالغلااا بس ما بي اسمع منك طاري جلسة البيت رنا : ان شاء الله """""""""""""""""""""""""""""""""""""""""""""" """" """"""""""" | ||||
|
| |
|
13-10-12, 11:42 AM
| #19 | ||||
| نجم روايتي ومشرفة سابقةومصممه
| كان الوقت العشاااء رجع طلال للبيت وهو ما يدري وينه فيه ما يدري اللي سمعه صدق ولا كذب اللي انقال له صح ولا غلط يبي احد يثبت له وما فيه احد يقدر يبين له حقيقة الأمور اكثر من امه بس وين هي طلال: يمه يمه رنا طلعت من غرفتها: لا تتعب حالك وينبح صوتك امي عند العزوف ما رجعت وشكلها بتنوم عندها بعد طلال: لا مراح تنوم انا بدق عليها وباخليها ترجع ضروري """""""""""""""""""""""""""""""""""""""""""""" """" """"""""""""" حمود في بيته يفكر هل اللي سواه صح بروحته لطلال ومراح لواحد من اخوان عبد العزيز وفهمه بس طلال الحين رجال اذكره من 20 سنه اخر مره شفتهم فيها كان ولد بو 3 سنين بس الحين غير بس ولو اخاف يفهمني غلط ولا يقول وش يبي هذا عقب كل هالسنين والله انا مدري وش موقعي ما اقدر اتخلى عنهم عقب وفااة ابوهم وفي نفس الوقت ما عندي مبرر لغيابي طول هالسنين اااخ الله يرحمك بس يمه """""""""""""""""""""""""""""""""""""""""""""" """" """""""""""""""""""" ام طلال ما قعدت عند العزوف رجعت لبيتها عالساعه 10 كذاا طلال: يمه وين رايحه ام طلال: يا وليدي تعبانه باروح انوم طلال: يمه فيه موضوع ضروري لازم اكلمك فبه ام طلال: ما يتأجل. يا ولدي الصباح رباح طلال: لا يمه مراح اقدر انوم الا لمن اقول لك ام طلال وهي تجلس: وهذي جلسه وش عندك طلال: يمه انتي تعرفين واحد اسمه حمود علي ام طلال تناظره باستغرااب وتعيد من وراه: حمود علي طلال: ايه يمه حمود علي ام طلال: وانت وش عرفك به طلال قال لامه عن كل اللي صار ام طلال تمسح دمعتها: ايه حمود يصير اخوي طلال: بس شلون يمه مستحيل ام طلال: لا يا وليدي حمود اخوي بس من ابوي جدك الله يرحمه كان متزوج ام حمود قبل ما ياخذ جدتك اللي هي امي انا وخالتك ام حمود كانت مره شريه وهذا اللي خلا جدك يطلقها وياخذ امي وبعد وفاة ابوي ومن حوالي تقريبن 20 سنه بدت ام حمود تزن على راسه وتكرهه فينا وياما سببت بينا مشاكل بسبة الورث ورث جدك الله يرحمه ومن عقبها قلت الزيارات بيننا وصرنا اخوان صح بس ما نعرف بعض طلال: وليش ما قلتي لي ورا ما علمتينا عالاقل ام طلال: وش اقولكم عندكم خال قاطع طلال: بس يمه احس غلط انك تسكتين ويجيني واحد ويقولي كذا انا انحطيت في موقف لا احسد عليه ام طلال: يا ولدي هذا اللي صار اذكر اخر مره شفت اخوي فيها كانت رايحه انا وابوك الله يرحمه نزورهم في بيتهم بعد وفاة ابوي بفتره و قعدت ام حمود تزن على راسه وتحاول تحط المشاكل بيننا لدرجة وصلت بها طردتنا من بيتها ومن عقبها ابوك معاد نادى لخالك لا لافراحنا ولا لاحزانا ومعاد ندري عنهم شي طلال: والحين وش المطلوب هو منه وليش طلع لنا بحياتنا فجاه وش يبي ام طلال: يا ولدي يمكن قصده خير ويبي يوقف معانا طلال: وانا وش يدريني عنه هو وش يبي ام طلال: في النهايه اخوان لبعضها طلال ما اقتنع بالامر نهائي بس شيسوي امه قدامه وتقوله كذا طلال بصيغة استهزائيه قريبه للسخريه من الوضع : طيب انا طالع انوم وانتي علمي باقي عيالك عن خالهم الجديد """"""""""""""""""""""""""""""" قاعده تتأمل شكلها بالمرايه يالله قد ايش تغيرت صح جمالها لسه باقي بس الاثار اللي على وجهها مسببة لها الضيق تتأمل الجرح العميق اللي كان بادي من تحت عينها اليمين الى اخر ذقنها كان اقوى شي وكان واضح بقووه تتذكر كلمات امها واللي دايم يكررونه الناس اشوى فك الله عينها تفكر بحالها ووش بتسوي عاشت حياتها طول الفتره من يوم الحادث الى لاحين وهي بحالة شبه انطوائيه حتى لسانه تحس ثقيل وما تقدر تقول كلمه اهلها ما قصروا معاها ويلبون لها كل طلباتها بس شتسوي ما تقدر تحس نفسها في موقف صعب يا الله كيف عدت السنه بسرعه والحين احنا باخر اسبوع للدراسه في الامتحانات النهائيه للفصل الدراسي 2 رنا كانت جنب العزوف على سريرها وتذاكر كانت شاده حيلها يمعنى الكلمه تبي تحقق احلام ابوها فيها وتكون من الاوائل دخلت عبير الغرفه عبير: رنوو تبين اسوي لك شي تبين شي رنا: لا مابي شي بس اطلعي عني والله امتحان صعب وابي اذاكر زين عبير: متأكده رنا : ايه عبير تحاول تسوي اغراء: ترا فيه بيبسي رنا: خخخ طيب هاتي لي علبه عبير: تيب بعد شوي عبير: العزوووف ما تبين شي العزوف هزت راسها بالنفي عبير: اكيييد رنا: يووه بدت الموال خلاص وجيبي علبتين بيبسي متاكده عزووفه تبي عزووف ابتسمت عبير: ترانا معزومين اول اربعاء في استراحه خالي حمود مسوين حفل نجاح عزوف بان على وجهها الضيق عبير: مالي دخل عزييف بتروحين غصب عنك العزوف لفت بووجهها عبير: خلاص لا تكلمين احد موب لازم بس تعالي معانا واجلسي وانبسطي رنا: عزييف ما ينفع معاها كذا عبير: اجل شلون رنا رمت الكتاب: شوفي عزووف ان ما قلتي ايه بتروحين معانا ترا والله ماذاكر وتراني حلفت العزوف قامت وشالت الكتاب وردته لرنا عبير: ياعيني ههههه عرفتي لها من جد خلاص اجل دامها شالته بتروح العزوف ابتسمت """"""""""""""""""""""""""""""""" بدر : يا هيفااء من جد يكفيني هيفااء: خلاص ياعمري انا قايله لامي بطلع انا وخوياتي بعد الامتحانات وان شاء الله باشوفك بدر: وانا باقعد استنى هيفااء: اللي خلاك تصبر سنتين يصبرك هالفتره بدر بحقد ما بين الا بقلبه: اكيد يصبرني ياعمري وانا من لي غيرك هيفاء: ههه تسلم لي """"""""""""""""""""""""""" ام سعود : لينا ترانا بنمشي للشرقيه ثاني اسبوع بالصيفيه عشان عرس خالد لينا : يووه لا تذكريني بالعرس ام سعود: وليش لينا: بس فستاني ما بعد خلص ام سعود : ان شاء الله بيخلص لينا: اخاف ما تزبطه هي بعد تقهر سوته اول مره وخربته وهذي الاعاده ام سعود : لا ان شاء الله بيصير زين سعود وهو نازل من الدرجه: عادي يالينا اصلن حتى لو تلبسين خيشه بتظلين قمر لينا: ادري بس عاد سعود: شوفي بنتك هالمغروره يمه بكل ثقه تقول ادري لينا: ههههههههه مو قصدي بس طلعت عفويه سعود : ههه ياعمري يالعفويه :::::::::::::::::::::::::::::::::::::::::::::: فجر يوم الاربعاء اخر ايام الدراسه وفي بيت ام فيصل هيفاء كانت تكلمه الفجر وقالت له عن كل شي كعادتها بدر : خلاص اجل انا سيارتي لكزس 430 هيفاء : وش لونها بدر : اسود ومكتمه هيفا : واللوحه بدر : ب د ر * * * هيفاء : واوخطييره بدر : انا كان ودي بـ ه ي ف * * * بس ما حصلتها هيفاء : ههههههههههه يللا اجل باروح اتجهز معاد بقي شي على 6 بدر : كل هذا عشان تكشخين لي هيفاء : لا انا طول عمري كشخه بدر : ولا يعني موب عشاني هيفاء : يووه والله تاخرت عن اذنك بدر : خخخخخخخ اذنك معاك بايوو """"""""""""""""""""""""""""""""""""""""""" يوم الاربعاء اخر يوم بالامتحانات الصبح وفي بيت ابو طلال كلهم قاعدين يفطرون ام طلال: طلال ترا اليوم بنروح استراحة خالك حمود طلال: ومتى ناوين تطلعون ام طلال: العصر كذا طلال: احد يروح بهالشموس خلوها المغرب ام طلال: لا عشان بنروح نرتب للحفل وكذا يعني بنروح قبل الناس طلال: ايووه رنا: اقول بس ادعوا لي اجيب نسبه مشعل: اصص انتي بس يالدافوره نسبتك كامله الترم الاول والشهري 99 ومدري كم وتبينا ندعي انا اللي عساي انجح كلهم ضحكوا على اسلوبه وهو يتكلم عبير: بس ولو كل شي بدون توفيق من الله ما يتم بخير ام طلال: ونعم بالله ترا بكره بنروح المشغل اخر بروفه وناخذ الفساتين عبير: ان شاء الله يمه :::::::::::::::::::::::::::::::::::::::::::::::::: :::::::::::::: هيفاء كانت مواصله ومن 4 الفجر وهي تتعدل وتزين اليوم بتشوف حبيب القلب نزلت لصاله تحت وفعدت على الكرسي مهند: خير انتي وين رايحه بهالشكل هيفاء : سؤال ذكي يعني وين بروح اكيد المدرسه مهند : ما خلصتي يوم الاثنين هيفاء: الا خلصت واليوم الشهادات ومسوين حفل بالمدرسه وبتاخر هناك مهند : اوكيه دامه حفل بس خففي من هالخرابيط وتغطي زين وانتي طالعه هيفاء حقرته رن جوالها وطلعت برا تكلم هيفاء: انا باطلع الحين ام فيصل : ومن يوديك هيفاء: باروح مع السواق والشغاله من يوديني بعد فيصل : انا طالع الحين باخذك معاي واروح لشغلي واذا خلصت جيتك هيفاء بارتباك : لا لا انت خلك مرتاح بامر على خويتي لاني فيصل : طيب بس انتبهي لنفسك هيفاء: ان شاء الله كان الاتصال انقطع فرجعت دقت على بدر هيفاء: الو بدر: اهلين هيفاء: صباح الخير بدر: صباح النور والسرور واخيرا باشووفك من متى وان استنى هاليوم هيفاء: بدر انا خايفه يعني لازم اطلع معاك شوفني من بعيد ما يجي بدر: لا هيووفه هي مو طلعه بس عشان نقعد لحالنا شوي هيفاء: تيب انا الحين طالعه للمدرسه وقلت لاهلي باتاخر الين 11 او 12 تعال كذا 9 بدر: ان شاء الله يللا ما اطول عليك هيفاء: باي """""""""""""""""""""""""""""""""" رنا دخلت مدرستها وحالتها حاله اليوم اخر امتحانتها ولازم يكون ختامها مسك اول ما دخلت فكت عبايتها وراحت تدور لها مكان تجلس فيه نهى: رنا تعالي اجلسي معانا رنا استحت من طلبها وراحت جلست معاهم نهى : شوفي رنا هذي الاوراق انا سمعت انها هامه وجايه كذا مره باسئلة الرئاسه رنا تناظر: ايه هذي ذاكرتها بس ما توقعتها هامه نهى: لا والله انا ركزت عليهم اكثر شي رنا: هاتي اشوفهم قبل ما ادخل واتوهق نهى: خوذي رنا: يعطيك العافيه رنا اول ما دخلت مدرستها كرهت نفسها وكرهت حياتها شافت المبنى القديم المتواضع وجا في بالها علطول مبنى مدرستها الفخم اللي كانت تدرس فيها مرت في باالها مليون مقارنه طول السنه كانت حاطه في راسها ما تصادق ولا بنت بس مستحيل يخلونها البنات جوها وكلموها وحاولوا يتعرفون عليها في البدايه صدتهم وبعدين لمن شافت منهم كل الخير حبتهم واستحقرت حركاتهااا الاوليه :::::::::::::::::::::::::::::::::::::::::::::::::: :: طلعت هيفاء وقعدت تدور بين السيارات لقت السياره موقفه عند الزاويه مشت لحد ما وصلت هناك بدر يكلم سلطان : شكلها هذي الي جت كانها رخمه تدور بين السيارات سلطان :خخخخخخخخخ والله منتب هين ابد بدر : عشان لمن اقولك باجيبها اجيبها قربت هيفاء من عند الشباك وفتح بدر الشباك وهيفاء واقفه برا بدر : اوكيه اكلمك بعدين ياحياتي سلطان : وش عندك تتغزل فيني تغزل في الغزاله الي عندك بدر : اصلا من يومي وانا اموت فيك هيفاء عصبت خير بعد يكلم غيرها قدامها وهي الي مغامره وجايه عشانه وجت بتروح بدر : باي باي تعالي هيفاء هيفاء : وقفت وسكتت بدر : تعالي اركبي شوي هيفاء : مابي خلها تنفعك بدر : اركبي طيب نتفاهم هيفاء حست شكلها غلط ويجيب الشبهه كذا بالشارع راحت وركبت جنبه بدر : افتشي عادي السياره مظلله هيفاء : لا والله وانت بدر : عادي زوجك مستقبلا هيفاء من العصبيه ما حاسبت على كلامها : تيب يا زوجي المستقبلي تسمح تقول مين كنت تكلم تو بدر : زوجتي الثانيه هيفاء : تطقه بشنطة المدرسه وبدر ميت ضحك عليها بدر : لا يا قلبي هذي الوالده هيفاء ارتاحت : اها حرك بدر السياره ومشى هيفاء بخوف: على وين بدر : شوي شوي هدي اعصابك مو انتي قلتي لاهلك 12 هيفاء : ايه صح بدر : خلاص بنروح نتمشى شوي و2 1ارجعك للمدرسه هيفاء: 2 1بالظبط؟ بدر : 12 حكم ما عليك انتي بس هيفاء : اوكيه بس تمشيه عالسريع بدر : طيب احنا ليش طالعين اصلا مو عشان اشوفك هيفاء : ايه بدر : وهالغطا الي مال امه داعي ليش هيفاء نزلت غطاها وكشفت عن وجهها بدر:.............. هيفاء : وش فيك ساكت بدر : بصراحه كنت اتوقعك حليوه بس مو بهالجمال هيفاء انحرجت وسكتت بدر : اموت عللي يستحون انا :::::::::::::::::::::::::::::::::::::::::::::::::: :::::::::::::::::::::::::::::::::::::: ________________________________________ | ||||
|
| |
|
13-10-12, 11:59 AM
| #20 | ||||
| نجم روايتي ومشرفة سابقةومصممه
| رجعت رنا للبيت وهي مبسوطه ومن الفرحه ودها تنط واخيرن خلاص خلصت سنين الدراسه والتعب وراحت ركض لغرفتها ولاخواتها : بناات امشوا نسوي حفله نرقص نستهبل نسوي أي شي عبير: اركدي ياهووو ازعجتينا رنا: مابي ياختي فرحانه ومو مصدقه اني خلصت عبير: ولا صار يعني رنا: يووه وش تبين انتي خل اروح لمشعل استهبل عليه هههه عبير: لا تتعبين نفسك راح لبيت عمي رنا: يالهي ذا الولد موب كنه ولدنا ولد عمي عبد الرحمن الظاهر عبير: هههههه وش يسوي هنا بعد محد لمه وبعدين بيروحون مدري وش بيحضرون حفل للنجاح وزي كذا رنا: ومو رايح معانا للاستراحه..؟ عبير: الا بيجي بس في الليل رنا: تيب يللا قوموا نلبس عشان نروح من الحين للاستراحه عبير: الساعه 11 رنا: ايه مابي اقعد كذا ما اقدر فيني طاقه فيني نشاط عبير: خخخخخخخخ ما لقيتي الا طلال يوديك الحين يقول المغرب رنا: تيب امشي نقوله يودينا نتغدى في مطعم بمناسبة نجاحي عبير: اممم رنا: لا وتفكرين بعد... قومي بس عزيف وما عليك منه انا بادق عليه واول ما يرجع ياخذنا ويطلعنا نتغدى برا عبير: هههه اوك """"""""""""""""""""""""" طول ماكانوا ماشين بالسياره وهم سوالف وضحك وفجأه وقف بدر سيارته عند عماره هيفاء: ليش وقفت بدر:بس تذكرت اوراق هامه وبانزل اخذها هيفاء: تيب لا تتأخر بدر:لا ما عليك بس خمس دقائق وجا بينزل نزل وهو ماسك الباب: يللا انزلي هيفاء: لا باقعد هنا بدر : لا وين مجنون انا اخليك لحالك هيفاء بقلق: وين اجي بدر: انزلي بس شوي واستنيني برا هيفاء باستسلام : اوكيه نزل بدر وهيفاء ودخلوا للعماره وقف بدر شوي عند الريسبشن بياخذ منهم مفتاح الشقه وهيفاء واقفه بعيد شوي وتناظر بالارض كانت خايفه لان الساعه صارت 11 وزياده وهي لسه ما رجعت للمدرسه وفجأه شافت رجال بلحية واقف يكلم بدر اللي باين الارتباك على وجهه وطلع بطاقته ما درت بنفسها الا ويد تسحبهاا هيفاء برعب: خير التفت لقتها وحده حرمه هيفاء : نعم ليه ماسكتني كذا الحرمه: امشي معاي وتعرفين كل شي بعدين هيفاء: لا مابي وين انا باروح لاهلي الحرمه تجرها : امشي وبس هيفاء شوي وتصيح: لو سمحتي وخري عني انتي ما يحق لك تمسكيني كذا الحرمه اللي وصلتها لبرا : اركبي السياره هيفاء: قلتلك مابي الحرمه: اركبي بسرعه ودفتها بخفيف ركبت هيفاء السياره غصب عنها لانها ما قدرت تقاوم وهي خايفه وميته رعب ولا تدري وش القصه ما كانت مركزه بأي شي ولا تدري عن أي شي غمضت عيونها وقفلت تفكيرهاا وانتظرت مصيرها المجهول :::::::::::::::::::::::::::::::::::::::::::::::::: ::::: في بيت العم عبد الرحمن العيال كلهم جاعوا وطلبت لهم ام تركي وجبات من هرفي وقاعدين ياكلون تركي: خلود شوي شوي على البرجر ترا موب طاير مشعل:................................. تركي: مشعل وش فيك اضحك خل نفشلها مشعل يكمل اكله وهو ساكت تركي رجع يكمل ذب عليها ويضحك علباله انه كذا بيطلع مشعل من اللي هو فيه ما يدري ليه مشعل من اول ما جاهم كان مبسوط شوي عايدي بس من يوم ما سمع عن حفل النجاح اللي بيروح له تركي مع ابوه تضايق دخل العم عبد الرحمن البيت عبد الرحمن: اووه مشعل عندنا مشعل: هلا عمي عبد الرحمن : اجل بتروح معانا العصر للحفل مشعل: لا باروح استراحة خالي عبد الرحمن : روح معانا مراح نطول وبعدين نحطك باستراحة خالك مشعل بضيق باين على وجهه: لا مابي عبد الرحمن تذكر ان كل العيال بيجون مع ابائهم وحز في خاطره هالشي تمنى ان اخوه يكون موجود ولا يشوف مشعل بهالحاله عبد الرحمن : مشعل اذا خلصت اكلك تعالي بالمكتب ابيك ضروري مشعل: ان شاء الله """""""""""""""""""""""""""""""""""""""""""""" " رنا: الو هلا طلال طلال: اهلين مبرووك خلصتي رنا: ايه الحمد الله وعقبال النتايج بعد اسبوع طلال: ماشاء الله عقبال العزوف ان شاء الله رنا: امين المهم ما ودك نحتفل بهذي المناسبه طلال: الا ولووو رنا: خلاص انت تعال وطلعنا نتغدى برا طلال: الحين احلمي رنا: تكفى طلال لانوو العصر بنروح للاستراحه طلال: وين ما اقدر اقل شي على 2 كذا وماني طالع بهالشمس رنا: تكفى عشاني موب كل يوم باخلص مدرسه طلال: هههه طيب بس انتي اللي تدفعين رنا: تيب يعني تبي تعجزني ولا يهمك انا ادفع طلال: ومن وين لك يالحسره رنا: ما عليك انا ادبر طلال: ههه نشوف بس اجهزوا على 2 رنا: ان شاء الله """"""""""""""""""""""""""""""""""""""""""" | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
العرض العادي
