آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-10-12, 01:30 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ـــــــــــــــــــــــــ ــــــــــــ صفحه ~ خيار صعب .. وإختيار أصعب .. ماذا أفعل ؟ وأين أذهب ..؟ سكرت الكتاب بعد ماخلصت الكلمات براسها وانتظرت ساره ! واخيرا ساره : هآآي الين ..! ألين : هااااي !! ساره : ايوا شصاير ؟ ألين : فهد ولد عمي يبيني ! ساره بفرحه : جدددددددد ؟ ألين استغربت : ايه , ليه مستانسه ؟ ساره بفرحه : يمكن هذا فارس الاحـلآاااام !! ألين : لا لا مستحيل فهد يكون فارس الاحلام , اصلا شكله مو شكل فارس احلام ! ساره عصبت : أنا وش قلت لك ذيك المره ؟ مو قلت لك مانقدر نحدد شكل الفارس ! ألين : بس فهد مستحيل مستحيل ! ساره جلست جنبها وقالت بهدوء : ألين يمكن ربي يبي يعوض عليك من الي سووه لك هالتيوس طلال ودآنيال ! ألين بدفاع عنهم : ماسووا لي شي ! ساره ميّلت فمها : دآنيال مايبي أي مستقبل يجمعك معاه ألين تذكرت وتقرفت : اييه صح (وتذكرت طلال ) وطلال سوا لي شي اليوم , رحت عند عيال همجيين ولا ساعدني , قال حق العيال انه مايعرفني ! ساره ميّلت راسها : شفتي كيف ! اثنينهم مانفعوك ! يمكن هذا درس لك ان فارس الاحلام مو شرط يجي بالشكل الي تبينه , وفارس الاحلام مايحتآج تبحثين عنه , هو الي يبحث عنك ويجي لك , مثل فهد ! ألين : بس فهد ؟ مستحيل مستحيل ! ساره بطفش : أعند منك ماشفت ! ـــــــــــــــــــــــــ ــــــــــــــ صفحه ~ في هذا الصبآح شعرت بإشتياق لـ أحد الرجال هل هو طلال ؟ أم دانيال ؟ رآحت المدرسه ودخلت الفصل ! فارس : هلااااااا بو الشباب وينك امس ماشفنآك ألين : لا ابد كنت تعبان فارس : سلامات ماتشوف شر رآمي : كمآن جاي متأخر ؟ لك شو صاير بالدنيي ! ألين بإبتسامه : رآحت علي نومه ! نور : ترى باقي 10 دقايق وتبدأ الحصه الاولى , انت دائما تجي قبل الحصه الاولى بـ نص ساعه ! ألين ابتسمت : اوكي , شنو الي فاتني امس ! فارس : انا جهزت لك كل شي امس ! نور : واذا تبي شرح دروس انا موجود ! ألين استغربت : شفيكم ع الاهتمام الزآيد ؟! رآمي بلهجه خليجيه متكسره : من الخبر الي انتشر بالسكول , قالوا انو جاتك نوبه عصبيه مشان الي سواه حلمود فيك ! فارس حط يده ع كتف الين وقال بإبتسامه : مبرووك , فصلوه مره ثانيه ! ألين : هه .. احسن يستاهل ! ..... طيب عن اذنكم بروح وبجي ! راحت .............. طبعا المكآن السري ! دخلت بس ماشافت احد موجود ! ظلت واقفه تنتظر أي احد ! بس مافي احد جاء وقفت قدآم البلكونه ! وسمعت صوت من الدرج يقول : توّ الناس التفتت على الصوت ! وكان .................. طلال : جالس انتظر من نص ساعه ! ألين ابتسمت : اسفه جيت متأخر ! طلال قآم يكابر : طيب طيب , انا بس حبيت اعتذر على تصرف امس ! ألين قربت منه : مو غريبه عليك , دائما نذل ! بعّدت عنه و وقفت عند البلكونه ! طلال مشى بخطى بطيئه و وقف ورا ظهرها وهو يتأملها وباله اخذه بعييييييييييييييد , رفع يده ..... بعدين فجأه نزلهم و راح وقف جنبها طلال بلع ريقه : ألين ! التفتت عليه : همم ؟ طلال نآظرها بعيونها بعدين نزل عينه وقال : ابي اشوفك بنت (ورجع ناظرها بعيونها) ألين : مافهمت ! طلال توهق وتكلم بسرعه : يعني تعرفين الشعر الطويل والفساتين وحركات البنات الغبيه الثانيه ! ألين ابتسمت : ليه ؟ طلال توهق : لا , بس كذا , يعني يمكن (بلع ريقه) تدرين بنت تصيرين احلى , عرفتي كيف ؟ ألين : هههههه طيب شفيك مستحي ! طلال حس على روحه : لاآآآ , مو مستحي , انا رجّال مو بنت ! ألين : ههههههههههه , عجبتني رجّال حيل عجبتني ! طلال ابتسم برقه لاول مره بحياته : جد ! ألين بآدلته الابتسامه ~ حست على روحها : يلا طلال اتأخرنا ع الفصل ! طلال بقلبه : الله يـآخذ الفصل الـ#*&؟!#$% طلعوا من المكآن السري ودخلوا الفصل وكآن دانيال موجود ! شافهم داخلين و وجيهم متغيره ! واتوقع ان طلال اعترف بحبه .. جلسوا بمكآنهم وهم جنب بعض من بدآية السنه ! بس اليوم كآن غير ! أحاسيسهم مشاعرهم غير ! طول الوقت يتبادلون ابتسامات جانبيه وحركات غريبه ! وكأنهم مجانين ! وألين معاها حق مين الغبيه الي ماتخق على طلال ~> إهداء لوحده اعرفها هع ! مرت الحصص ... ومرت التصرفات الغريبه ! والشكوك الي براس دآنيال ..!!! وبدأ وقت البريك ! و يب يب يب ... رآحت المكآن السري راحت عند البلكونه وحست الهواء غير النسيم غير الدنيا والحياه غير ! معقوله تغيرت مشاعرها بهالسرعه ! قالت بقلبها : يمّه , شسوى فيني هالولد ؟! سمعت صوت الباب ينفتح بس هالمره ماكان طلال كان دانيال ! كان غامض ومتغيّر وهي واقفه ومستغربه شفيه ! قرب منها بهدوء ..... قرب منها كثييييير لحد انها انحبست بزاويه وهو لما الحين يقرب منها لفّت وجهها عنه وغمضت عينها ودفته بهدوء وهي تستنجد وقالت بهدوء : طلآآآل فجأأأه بعّد عنها وابتسم ! ألين فتحت عينها ونزلت يدها وقالت بدفاع : دآنيال شفيك انجنيت ؟ دآنيال : بس كنت ابي اتأكد مين تحبين ! واهم شي انك انتي تأكدتي ! ألين بهبال : انا احب مين ! دآنيال ابتسم : قلتي طلال , انتي تحبينه ! ألين ناظرت الارض وهي مستغربه ! دآنيال : ع العموم , من اليوم ورايح لاتخافين مني , ماراح اقرب منك وراح تكونين صديقي محمد وبس , ولا تأذين طلال تراه صديقي ألين ناظرته وتوها تبي تهز راسها بـ اوكي ! بس دآنيال طلع وتركها جلست ع الارض , وتسندت ع الجدار , وظلت تطالع السماء من البلكونه بعد لحظــآت .. دخل طلال .. التفتت عليه وارتبكت .. طلال جلس جنبها وظل ساكت ! وهي ظلت ساكته ..!! كانت لحظات هادئه ..!! مريحه , لـ كلا الطرفين .!! بس دآخلهم اصوات تصرخ .. اصوات تتكلم !! بس طلال قطع الهدوء وقال : أحبك وبـآسها على خدها ..  ألين جمدت مكآنها واتفاجأت .. وطلال من بعد الي سواه ظل جالس مكآنه ومسك راس ألين وميّله على كتفه .. ولف ذراعه حولها .. قال : أحبك حييييييييل ألين حست ان كل خليه بجسمها تهتز .. ماذوّبها إلا مد اليـآء @_@ .!! ألين بصعوبه وتردد : بـ ـس بس في مشـ ـكـ ـله !! طلال غمض عينه بألم : تكفين لاتخربين علي هاللحظه (كمل بِ بحة صوته) خلي المشآكل بعدين الي فيني مكفيني .. ألين جاتها الصيحه وكان ودها تقوم وتحظنه وتخفف عنه بس عيب ----> .gif) ألين بهدوء وبتردد حطت راسها ع صدره وكان اجمل احساس حست فيه ! الحين عرفت مين فارس احلامها فارس احلامها كان طلال ×*×(( انتهـــــــــــت الروآيـــــــــــه )) ×*× أتمنى عجبتكم روايتي =) ,تم الانتهاء في سنة 2010 خخخخخخخخ أمزح ! انتظروني بالجزء الخامس ..!! توقعآتكم ! ورآيكم بالشخصيآآآآآآآآآآآت | ||||
|  |
|
19-10-12, 01:33 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول – الجزء الخامس كان فيصل جالس مع اخوه (ابو ألين) .! في البيت ويسولفون عن ألين .. وفيصل متوهق طول الوقت ! لانه يعرف ان ألين ماتبي فهد ! وتبي فارس احلامها ع قولتها ! رجعت البيت .. بعد قضـآء وقت شاعري بالمدرسه ..! تتمشى بالبيت وتخطي كل خطوه ..! بـ إبتسآمه .. وكأنها ترقص على انغآم موسيقى هادئه قطع افكارها صوت ابوها الاب من بعيد : فيصصل سمعت صوت الباااب ؟؟؟ كـانت ماخذه راحتها بالحركه وسوت شوية ازعآج لول الاب : فيصصل سمعت الصوت ؟ في احد دخل البيت فيصل : أي صوت ؟ مافي صوت انت تتخيل وبقلبه : الله ياخذ بليسك يا الين , حسابي معك بعدين ألين تسحبت و راحت غرفتها وسكرت الباب وتسندت عليه ! ماهمهـآ ولا شي بعد الي صار اليوم خل يصير الي يصير ويروح الي يروح اليوم هي انسانه جديده ..!! --------------------> الام منصدمه : انت انجنييييت ؟ الاب بعصبيه : انا ابي الستر حق بنتي الام: بنتك مستوره مادامك موجود ! بعدين هي لسى صغيره على الزواج عمرها 17 سنه الاب : على قولتك , كنت متزوج بهذا العمر الام عصبت : قبل غير عن الحين , وانا موراضيه ان بنتي تبدأ بهالمشوار الاب بتطنيش : شـ علي منك ! الام : شفيك متغير من طلع لنا هالفهد ؟ الاب : اوهووو مافيني شي , قلت لك ابيها تتزوج , واصلا انتي ماتهتمين فيها الام : كان لازمني دورك في البيت , كافي اني مرشده طلابيه بالمدرسه ونص الشغل على راسي الاب بسخريه : مرشده طلابيه , صيري مرشده لبنتك بالاول الام: المهم , مابي بنتي تتزوج خلها تكمل دراستها الاب : أي دراااسه ؟ حتى الدراسه مافلحت فيها! الاب قام عن الام وراح لـ بنته ! دخل الغرفه دون استئذان الاب : سمعي , بكره نظرتك الشرعيه على ولد عمك ألين : .......................... الاب : اليييييييييييين , اكلمك ! الين التفتت عليه : نعم ؟ الاب : اتجهزي بكره وطلع من الغرفه ألين بقلبها : ليه اناقش واقول لآ يبـآ ما ابيه , اصلا انا عارفه مستقبلي , مستحيل يخل التوازن واصير مع فهد , انا متأكده اني مع طلال وبس .. فتحت يدهـآ وناظرت الرقم ..~ وتذكرت الموقف -----------------> ع البيت .. وألين توها بتمشي بس طلال جاها طلال : محمد ! ألين التفتت : هلا ! طلال ابتسم وفتح يدها وطلع قلمه وكتب رقمه ! وناظرها بعيونها : اذا احتجتي أي شي قولي لي ! ألين ناظرت الارض بخجل وهزت راسها بـ أي <------------------- حظنت يدهـآ وهي تتذكر هالموقف .. ألين غمضت عينها : وهـــ على طلالالال صفحه ~ واخيرا لقد عرفتك يافارسي انت لست دانيال انت طلال طلال فقط طلال أحبك ـــــــــــــــــــــــــ ـــــــــــــــــــــــ في السيـآره طلال : غريبه ماخذني من المدرسه , شصـآير بالدنيا ! الاب : مو صـآير شي , بس قلنا نغير الروتين ! طلال : اممم , اجل سليمآن في البيت الاب : ايه وصلته قبلك (كمل كلامك بـ استغراب) شـ الزحمه ؟ طلال : دائما بهالوقت زحمه الاب : لا لا زحمه مو طبيعيه ! طلال : يمكن عرس الاب : هههه ش العرس الي بـالظهر , عقبال عرسك ياولدي طلال التفت على ابوه : بتخطب لي ؟ الاب ناظره وكأنه مسوي جريمه : مستحيييييل طلال باهتمام : وليه مستحيل ان شاء الله ؟ الاب : خل تتخرج وتتوظف وتكوّن نفسك وبعدين تفكر بالزوآج طلال التفت ع الشباك بتطنيش وهو مو مقتنع كان كل تفكيره [ ألين ن ن ] ـــــــــــــــــــــــــ ــــــــــــ في بيت العم منعم ~ منعم يكلم اخوه بالتلفون : الله يبشرك بالخير .... ههه الله يسلمك ... يلا فمان الله .... مع السلامه فهد نقز على ابوه : ها يبا بششر الاب منعم ابتسم : مبرووك ياولدي بكره النظره الشرعيه فهد بفرحه : شكرررررا يباااااا (وباس راسه) منال عدلت نظارتها وابتسمت : مبروك يا اخوي فهد : يبارك في حياتك عقبالك منال هزت راسها بـ أي بأسى فهد : يلا عآد منوله ! النصيب بيجيك ان شاء الله , وبعدين انتي توك صغيره .. منال : 31 سنه صغيره ؟ فهد توهق : ايه (حب يضيع السالفه) الللاه اجل بكره النظره , انا قايل ان يوم الخميس يوم حظظي راح لغرفته شاف خدآمتهم فهد : ميسااارو انا بكره في زواج يا ميسارو ميسارو تضحك كأنها هبله : مبروك مبروك فهد : ونااااااااااسه يمااااه يمااااااه ميسارو : بالمطبخ راح لها بسرعه فهد : يمه يمه بكره نظرتي الشـ.. اقصد بكره النظره الشرعيه الام ابتسمت : مبروك ياولدي , بس اثقل شوي ترى انت رجّال , اجل شـ خليت حق الين ؟ -------------------> ألين تناظر الارض : ما ابيه الام : الين حبيبتي , مابتتزوجينه بس بتملكون إلمن تخلصين دراستك ألين : ما ابيه الام التفتت على ساره : قولي لك كلمه ساره ابتسمت : الين حبيبتي ..... قاطعتها الين : ما ابيه ساره : طيب خل اتكلم ...... ألين كأنها بالعه مسجل : ما أبيه الام : يا الين يابنتي ....... ألين : ما أبيه ساره التفتت ع الام : رفعت الرايه البيضا الام : حتى انا , مافي الا ابوها يتكلم معاها ! بعد ماجاء الاب الاب : ألين يابنتي ياحبيتي انتي ...... ألين : ما أبيه بعد محاولات الابو .. . . . . . . . . . . ألين : ان شاء الله يبا اقنعها بطريقته ! بدت هالة الحزن تتكون عند ألين بس بالعكس عند دآنيال اليوم كان يوم سعده وفرحته الام : سـ أشتاق إليك يا صغـ.. أقصد يآ داني دآنيال والفرح باين على وجهه : حسنا حسنا حسنا هيا إلى اللقاء الام التفتت ع الاب : سـ أشتاق إليك ياعزيزي الاب : وانا ايضا يا اليزابيث لورا تاكل الايس كريم : باي بابا باي داني الاب : ماتبين تحظنيني ؟ لورا ابتسمت وحظنت ابوها راحت لـ دآنيال وحظنته الام : هيا يالورا بعد ماطلعوا الاب : ماراح يرجعون إلا بعد 5 سنين دآنيال التفت على ابوه وهو مبتسم الاب استغرب وقال لدانيال بتوضيح اكثر : بعد 5 سنين !! دآنيال هز راسه بـ أي وقال بفرح : ادرري الاب : هههههههههههه ـــــــــــــــــــــــــ ـــــــــــ يوم الخميس المغرب الكوافيره ماسكه شعر الين : شعرك مره قصير , وش اسوي لك فيه بالله ! الام : مو مشكله سوي أي شي ع ذوقك الكوافيره : اوكي بعد المحاوله الكوافيره : هذ الي طلع معي الام : شيء احسن من لاشيء المكيآج كان خفيف وبسيط وتسريحة شعرها بعد امها كانت متدخله بكل شي بشعرها ومكياجها واكسسواراتها وفستانها و و و بعد ماخلصوا ألين واقفه قدآم المرايه الام بإبتسامه : ها شرايك ؟ ألين : امم حلو , اصلا انا كذا ولا كذا لابسه العبايه الام : نععععععععععم ؟ ألين رفعت حاجبها مثل طلال : ليه تبيني ادخل عليه كذا ؟ الام : افف منك طيب ع راحتك بعد ماوصلوا اهل فهد وبعد المباركات و الخ ! الام : يـلآ الين قومي للمجلس ألين لبست عباتها وحجابها بإحكام وكأنها طالعه الام ابتسمت : لاتفشلينا قدامهم مو كذا فتحت عباتها وخلتها مفتوحه والحجاب طيحته على اكتافها ألين : ماماااااااا هذي بس نظره شرعيه يمكن بعدها مايصير شي الام : امبلا بيصير , تفائلوا بالخير تجدوه ألين : انا عارفه ان مابيصير شي , حتى مافي مستقبل الام صرخت بحده : الييييييين ألين ناظرت ع جنب وعينها دمعت الام : لاتبكين , اوووف , انا رايحه و برجع لك , وابي اشوفك شايله هالتكشر من وجهك راحت الام والين على طول اتصلت على طلال طلال بصوت كله نوم : الو ألين : الو طلال استغرب : مين معاي ! ألين : مين يعني ؟ طلال : أليـــــــ.. (تنحنح) اقصد محمد ! ألين ابتسمت : ايه محمد طلال : حمدي ربك انه انتي , لو ان واحد من الربع كان طلعت من الجوال وذبحته ألين : ليه ؟ طلال : جلستيني من النوم , وانا النوم حياتي وحياتي النوم , بس مادامها منك يلا سامحتك , الزبده آمري ؟ ألين : انا متضايقه ولازم اطلع لاهلي وانا مبتسمه , لان عندنا مناسبه , شسوي ؟ طلال : يعني تبيني اخليك مروقه ! ألين : اممم اذا تقدر ! طلال : هههه طيب (تنحنح وبدأ يغني) حبك قتلني محمد ياعيوني ياحمودي لا آكل ولا اشرب ودموعي فوق خدودي ألين ماقدرت تمسك ضحكتها : ههههههههههههههههههههه طلال اتفشل : هيييه هيييييه لييه تضحكين ؟ ألين : لايسمعك ماجد المهندس . بينتحر هههههههههههههه طلال : ايي هين , سمعينا صوتك يلا ألين غنت بنعومه : حبيبي آسف ازعجتك حلو صوتك قبل لاتنآم سمعته وانشرح صدري كأني شفتك بعيني طلال : ...................... ألين : وينك ؟ طلال : انا معاي عذر لاني توني جالس من النوم ! عشان كذا صوتي غير ألن : ههههههه طيب طيب يالعذر ! طلال ابتسم : روقتي ؟ ألين بـ هيام : ايه .. طلال : احبك ألين فرحت : هه شكرا فتحت الام الباب الام بعصبيه : اليييين يلا قومي خذت منها الجوال وسكرت المكالمه ألين وقفت : اوكي دخلت المجلس وشافت ابوها وعمها منعم وعمها فيصل و و فهد ألين راحت سلمت ع عمامها وابوها فهد عطاها باقة ورد وسلم عليها وسأل عن اخبارها بدأت السوالف ومرت لحظات وقاموا الرجّال عشان يخلونهم ياخذون راحتهم هدوء مافي صوت اممم حتى الحين افف متى بيتكلم آآآآآآآآآآآآآآآآآآآآآآآ~> صرخت بداخلها فهد : ألين ألين بنفسها : واخيرا فهد : الين ! ألين : نعم ؟ فهد : ينعم بحالك , شخبارك ؟ ألين تنهدت : ماشي الحال فهد كان مستحي وطول الوقت يناظر الارض يستحي من البنات اما هي الوضع عندها ايزي لان متعوده ع الاولاد وشافوها 1000 مره رفع راسه بصعوبه وناظرها وتفاجأ انها جالسه بطريقه شبابيه وماخذه راحتها ولا كأنها بالنظره الشرعيه ولا ذرة حيا فهد ارتاح وخذ راحته وجلس يناظر فيها : من متى شعرك كذا ؟ ألين بحده : من زمان فهد حب يغير الموضوع : ماتبين تسأليني أي شيء ؟ ألين : مثل شنو ؟ كل شي اعرفه عنك ! فهد : انتي مغصوبه علي ! ألين ناظرته وهي متفاجأه وبعدين نزلت عينها ع الارض وقالت : تقريبا كااانت صفعه قوويه على وجه فهد اتحطمت احلامه ! معقوله حبه الاول والاخير ألين مغصوبه عليه وش معنى هالكلام ؟ معقوله الين ماتحبه ولا تبيه ؟ حس بتحطيم وخيبة امل كل احلامه ومخططاته المستقبليه بائت بالفشل اذا اتخلى عنها مابيقدر يعيش من دونها وهو مؤمن ان الحب يجي بعد الزواج مو قبله فهد بصعوبه : يعني ماتبين مستقبل يجمعنا ألين : للاسف لا فهد : بس انا ابي ألين التفتت عليه : هاه ؟ فهد بحده : انا ابي هالمستقبل لاني مابقدر اعيش من دونك يا الين الين : انت تفهم ؟ قلت لك ما احبك ولا ابيك ! واصلا ابي اكمل دراستي ولا ابي ابدأ بطريق الزواج والملكه والخرابيط كلها فهد : معقوله انتي تقولين هالكلام ؟ وين احلامك وهيامك الي عن الزواج ألين : رااح ,, انحرق ,, طااار ,, اعتبره اختفى فهد : يعني ماتبيني ؟ ألين : لا فهد : هه , اصلا انتي لي انا وبس ! مابتقدرين تغيرين وجهة نظري ألين : امبلا اقدر فهد : يلا سوي الي تقدرين عليه ألين راحت له وبكل صعووبه عطته كف على وجهه راح راسه للجهه الثانيه من قوة الكف التفت عليها وناظرها بعيونها فجأأه دخل العم منعم الفري منعم : لا لا ياحلوين , واقفين قدآم بعض وتناظرون بعض ! توكم بالنظره الشرعيه لاتتهورون فهد بقلبه : الحمدلله انه فهم كذا ! منعم : امك تبغاك يا الين راحت الين عند الحريم كانوا ينتظرون قرار فهد يبغا الين أي ولا لا اصلا مستحيل يوافق من بعد الي سوت له الين كانت جالسه بثقه وكانها مسويه انجاز بعد لحظات لولوولولولللويش لولوولوولولولوووويش ألين وقفت وهي مصدومه وقالت لامها : شنووووو ؟؟ امها حظنتها ولا شعوريا قامت تبكي : مبروك يابنتي , مبروك ! صدمه صرررخة من الاعمآق كيف , لييه يوآفق هو عرف اني مآبغآآه ! شلوون بيعيش معاي , وانا مآحبه منآل ناظرت ألين من بعيد وحست على ملامح وجهـها رآحت لهآ منآل : ألين .. ألين :........... منآل : ألين !! ألين تركت النآس والجمآعه ورآحت تركض لغرفتها تصيح منآل جمدت محلهآ قلبهآ فيه سؤآل يطرح نفسه معقوول ؟ معقوول ألين تكون مغصووبه على أخوي ؟ ألين دخلت غرفتهآ بعد صفعة بآب قويه هزت البيت خصوصا بعد الهدوء الي صار لما تركتهم تفآجأوا كلهم من الصوت قفلت ع حآلهآ الباب وقعدت ع الارض بجلسه طفوليه , يآئسه تبكي لكن من يسمع رآحت الام تركض لبنتها وهي حآسه ان بنتهآ تتقطع الام ضربت الباب وهي تسمع صوت بكآ ألين الام : ألين يمآ فتحي البآب ألين بين شهقآتهآ : انتووووا شلوووون اهلي وتبوون تعيشوني مع وآحد مآ ابغآآه مآآآآآآآآآآآآآبيه لكن الفشله لما الام سمعت صوت خطوآت ورآهآ التفتت وشافت المفاجأه ام فهد : شصاير ؟ عسى الين مافيها شي ؟ ردّ ع ام فهد صوت ألين العآلي وشهقآت الصيآح ألين بصوت متقطع من الشهقآت : مااابييه مابيي فهد مااحبه مابغااااه لا تغصبوووني عليه مارااح اعيش معه حيآه سعيده مآرآح يرتآآح مابييه ام ألين : أ.... ام فهد : خلآص , مآيحتآج تكملين فهمت ام الين : لا يا ام فهد لاتفهمين غلط , البنت ذكرت شي زآعجها , انا راح اقنعها لاتشيلون هم ام فهد : بس يـ... قاطعتها ام الين : خلي الموضوع علي , وخلينا مستانسين بهاليوم نزلت ام فهد بعد ما اقتنعت ام الين قربت جنب الباب وقالت بصوت سمعته الين : حسابي معاك بعدين ! وراحت بين دموعها وبكـآئها الي يقطع القلب فتحت كتابها صفحه ~ خلل !!!! هناك خلل وعطل حدث في حياتي ماذا سيحدث ؟ الى اين سـ أذهب ! اليوم انا نصف متزوجه سـ ابدأ مشوار الزواج سـ اتزوج زواج تقليدي بحت يا الهــــــــــــــي مالذي سيحدث ؟ هل سـ انتهي بهذا الطريق ! اريد فارسي , اريد فارسي اريد طلال سكرت كتابها وهي تبكي : ابي طلال .. ـــــــــــــــــــــــــ ـــــــ | ||||
|
| |
|
19-10-12, 01:34 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــ صفحه ~ اليوم السبت سـ اذهب للمدرسه بعد 10 دقائق ربما سـ اكمل دراستي هناك ربما سـ يكون اخر يوم من يدري ؟ من يدري غير الوقت والقدر ! سـ انتظر وأرى مرّ عليها فيصل كالعاده اول ماركبت السياره فيصل : صباح الخير ألين : صبـآح النور فيصل ابتسم : تتذكرين اول يوم رحتي فيه المدرسه ؟ كنتي خايفه حتى لما ركبتي السياره , شوفي روحك كيف تغيرتي الحين ! ألين ابتسمت وهي مستغربه : أي اتذكر , بس شـ جاب طاري هالكلام ؟ فيصل استغرب : الين شفيك ؟ الين : انت الي شفيك ؟ فيصل ابتسم بألم : هذا اخر يوم لك بالمدرسه ! الين اتفاجأت : شنووو ؟ فيصل : ايوا يا الين انا خلاص ما اقدر اكمل , راح اسحب ملفاتك من الحين , وراح تكملين بـ مدرسة بنات ألين : حتى اختبارات السستم الاول مابختبرها فيصل : لا ألين : كيف بروح مدرسة بنات ؟ لازم اعطيهم دليل اني درست السستم الاول ؟ ولا بعيده ! فيصل : لا ماراح تعيدينه بـ زوّر لك , شـ ورانا بعد ! رآحت المدرسه ونزل معاها فيصل تماما مثل اول يوم صـآر لها 3 شهور تقريبا بالمدرسه والحين حان وقت المغادره دخلت الاداره بس هالمره مو متوتره ومو خايفه بالعكس ودها تظل .......... شافت ناصر وابتسمت له استغرب شنو تسوي هنا ! فيصل : انا ابي اطلع ولدي من المدرسه ! المدير : افااا , ليه ؟ محمد طالب ممتاز ومعاملتنا له طيبه ! شنو السبب !؟ فيصل توهق : شوية ظروف اجبرتنا المدير : تغيير مكان السكن فيصل : بالضبط المدير : اليوم راح نخسر طالب عزيز علينا فيصل ابتسم بفخر لـ الين الي كونت لها اسم وشخصيه في هالمده القصيره ~> :| بعد الاجرائات المدير عطى فيصل : وهذي كل الملفات , من الحين محمد مو طالب بالمدرسه ! فيصل : يـلآ محمد بنطلع ألين : ابي اظل فيصل قالها بصوت بس هي سمعته : ألييين ألين : بس اليوم المدير : خله على راحته فيصل : والله ما اقدر , عندي موعد بـ وقت الهده , انا بنتظرك هنآ , روح سلم ع الربع وتعال ألين : اوكي مرّ ناصر بالصدفه المدير : ناصر خذ محمد معاك لفصله ,وذكروا الايام الخوالي ههه ناصر : ههه يـلآ يا محمد راح معـآها تماما مثل اول يوم كانت فيها الصيحه كيف بتقدر تفارق هالمدرسه صح انها فتره قصيره بس اثرت في شخصيتها وفي تحركاتها وتصرفاتها والاهم من كل هذا غيرت في شعورها واحساسها دخلت الفصل مع ناصر ناصر : عيـآآآل , ترى هذا اخر يوم لمحمد فارس : افااااااااا , ليه ؟ ألين : بنغير مكان سكننا ولازم انتقل وووانقل مدرستي معاي فارس : تعودنآآ عليك ألين : معليش , كل شي لازم ينتهي نـآصر : يـلآ انا بروح ألين ابتسمت : حتى انا رآآحت بس ويييييييييييييين ؟؟؟ :'( المكآآن السري رآآآآحت وهي ترررركض كــآآنت تدري انهم هنآآآك أصدقااائها ... راااحت للمكـآن وفتحت البـآآآآآآآآآآآآب وشـآفت طلال ودآنيال واقفين !! ألين شفايفها ترتجف وتدري ان هاليوم لآزم يجي ولازم تودعهم ! ألين : السلام دآنيال : وعليكم السـلآم طلال ناظر الارض وهو ساكت ........ ألين : هذا اخر يوم لي , جيت اودعكم واروح ! دآنيال حاول يلطف الجو : شدعوه تودعنآآ , اكيد بنشوف بعض ألين : هه مستحيل , بتشوفوني الين مو محمد , خلاص محمد بيموت ! دآنيال ناظر الارض وسكت ..! دآنيال رفع راسه : بتظل معنا طول اليوم ؟ ألين : لآ , عمي ينتظرني طلال رفع راسه فجأه ع الين .. يعني شوي وتمشي نآظر الارض بنكسـآر دآنيال حس على صاحبه دآنيال مد يده لـ ألين : يلا مع السـلآمه , كنت نعم الصديق يامحمد , وانا اسف اذا اذيتك بشي ألين سلمت عليه وابتسمت له : خلاص انا نسيت كل شي دآنيال ابتسم لها وطلع من المكـآن ألين حست قلبها يألمها وجاتها الصيحه شلون ؟ شلون تفارق حبيبها وتروح مع واحد مغصوبه عليه لحظظظه >< طلال مايدري , ألين ماقالت له , هذي مشكله اكبر طلال اخيرا بدا يتكلم : يعني شـ اقول ؟ اقول باي ومع السلامه ! ألين : لا مو شـ.... قاطعها بشوية عصبيه : المفروض ماتطلعين لازم تضلين هنا .. ألين : طلال بس اسمعني شوي ... طلال عصّب وكأنه طفل : لا لا مايصير مايصير(هدأ فجأه وناظرها ) يعني تروحين وتخليني ؟ ألين جاتها الصيحه : طلال ... (دمعت) والله اني احبك و (ما تحملت وانهارت من البكـآ ) طلال حظنها بقوه وعيونه مدمعه ألين بين شهقاتها : انا جد احبك طلال بهدوء : وانا اموت فيك ألين : انا احتاجك طلال : وانا ماقدر اعيش من دونك ألين بكت اكثر , حتى كلامه يخترقها طلال : محد بياخذك غيري , وبتشوفين ! ألين بكت اكثر : انا بـ اتزوج طلال مسح ع ظهرها : معليش معلـ..(سكت فجأه وحاول يسترجع الي سمعه) شنو قلتي ؟ ألين : يوم الخميس صارت نظرتي الشرعيه و ولد عمي وافق طلال مسك اكتافها وبعّدها عن حظنه : رفعي راسك ! ألين رفعت راسها بصعوبه ! طلال : النظره الشرعيه ماتصير الا بموافقة العروس ! ألين : ايه طلال : معناها انك وافقتي ! ألين : بابا هو الي ...... طلال قاطعها بحده : يعني وافقتي ؟ ألين : بس بابا هو الـ...... قاطعها مره ثانيه : بس انتي وافقتي ؟؟ ألين صرخت : انا مغصووووبه عليييه !! ليه محد يفهمني ! حتى انت ؟ قآمت عنه وراحت عند البلكونه رآح وقف جنبها طلال : يعني شلون ؟ خلاص بـ نفترق ! ألين رفعت اكتافها بـ استفهام طلال : بس انا ماقدر اعيش من دونك ! ألين : مادري مادري شسوي هالـفهد مسوّد عيشتي طلال بقلبه : فهد ؟ لايكوووون !!!! طلال : يقرب لك ! ألين : احنا عيال عم ! طلال : فهد منعم الـ ........ ألين ناظرته بصدمه : شـ عرفك فيه ! طلال بصدمه : هذا الي ماخذذك ؟ ألين : ايه ! طلال جاته الضحكه : معقوله ! ههه , فهد ؟؟؟ واليييييين ؟ههه جد الدنيا صغيره !, استغفرالله , ههه , ههههههههههههههههههههههههه هههه وفجأه فجر من الضحك ولا قدر يمسك ضحكته أليين : طلااال شفيك ؟ طلال : فهد هذا اغبى انسان بحياتي , واحد مطفوق وعقله ع قده مع انه اكبر مني , خلاص انا بـ ادبرها ألين : مابتقدر طلال : انا اعرفه اكثر منك ألين : انا ضرربته طلال اتفاجأ : شنوو ؟ ألين : لما خلونا بالنظره الشرعيه لحالنا قلت له مابيك وضربته كف , ولما رحنا عند الحريم جاتني موافقته ! طلال : بطططله زوجتي بطله ! ألين حست بـ امل بهالكلمه وابتسمت طلال : خلاص خلي كل هذا علي ! ألين : جد ؟ تخلصني منه ! طلال حرك حاجب واحد : افا عليك انا طلال اخلصك منه ومن ابوه بعد ! ألين : هيييه عمي ! طلال : هههه , المهم الحين روحي البيت و ونتواصل بـ الجوال ألين ابتسمت : اوووكي !! طلعت من المكآآن السري تركض كأنه طفله راحت فصلها عشان تشوفه للمره الاخيره ! أول مادخلت الطلاب : سبرآآآآآآآآآآآآآآآآآيس ألين : هههههههه فارس وقف يمها : شرايك بالمفاجأه ألين : يارربي ع المعجبين , اجل اذا انشهرت كيف ! طلال دخل الفصل وراها ! رآمي : لك وين كنتوا نور : يـا شباااب وين نظارتي فارس : ههههههه حزر فزر وين ! نور : الموضوع مافيه مزح , ما اشوف عدل دونها ! رآمي : انا بعرف انها عند فرج ماهيك فرج ! فرج فز : والله ماهيب عندي (عدّل الطاقيه الي ع راسه) تكفون لا تسوون لي شي ! فارس راح عند فرج ودخل يده بـ الدرج وطلع النظاره فارس : وهذي شنو ياحلو ؟؟؟ فرج انصدم : والله .. بس ... كيف .. انا كل الفصل : هههههههههههههههههه فارس : شفيك نمزح معك روقهـآ فرج بصعوبه : هه..ههه..هههه ألين بصعوبه اكثر : يلا انا لازم اروح الحين ! فارس ابتسم : والله مادري شقولك , كنتي .. أأأقصد كنت خوش واحد ! رآمي : ولك الرجآل مابيموت , بس محمد انت جد جد جد جد (تحولت نظرته الى نظره مجهوله) كنت (بصعوبه) خوش واحد ألين : هههههههه أوكي نور اخيرا بعد مالبس نظارته : قضينآ وقت حلو لاينسي , وان شاء الله نشوف بعض بالمستقبل القريب , سواء كنت كذا ولا كذا الين استغربت من الالغآز دآنيال : يلا مع السلامه محمد وانتبه ع نفسك وعلى البنت الي تحبها (يقصد طلال) ألين : هههه عاد لاتفضحنآ ألين بتطلع من الفصل بس شافت طلال واقف عند الباب ومتكتف ألين بتمويه : يلا انا بطلع ! طلال : مين بيجلس جنبي باقي ايام السنه ! ألين التفتت ع دآني : هذا دانيال موجود ! دآنيال : هههه مستحيل , انا جربت جلست جنبه بـ اول ثانوي بس طول الوقت ضحك × ضحك ألين : ههههههههه طلال : يلا روح بحفظ الرحمن ! طلعت الين بعد ما القت نظره اخيره على الفصل وعلى الطلاب لـــــــــحظظظظه ! فرج : لحظه ! ألين رفعت حاجبها : فرج ؟ آمر ! فرج : بس كنت بقولك اني معجب بشخصيتك من اول ماجيت المدرسه ! ألين : معقوله انت جالس تكلمني بحرريه دون خوف ؟ ! فرج زلّ لسانه : اذا انتي البنت وتأقلمتي مع الفصل اجل انا ما اتقلم ! ألين فتحت عينها : شـ .. شنو ؟ مين قال فرج سكت ألين : مين قالك ؟ فرج : اصلا انا من زمآن ادري من لما صارت سالفتك مع حلمود ألين : كييييييف ؟ فرج : لما صارت سالفتك مع حلمود كانوا طلال ودانيال جالسين مع نور وفارس وقالوا لهم الموضوع وقالوا لهم عن حقيقتك , ورامي سمع بالغلط , واتفقوا كلهم ان ماينشرون السالفه ولا يتكلمون عنها , بس ماكانوا يدرون اني سمعتهم ! ومن ذاك اليوم وانا مستغرب منك , انتي بنت واكيد لاقيتي صعوبه اكثر مني , بس مع كذا اتأقلمتي وصرتي اجتماعيه , انتي نقطة تحول بحياتي (رمى الطاقيه الي ع راسه) انا راح اكون انسان جديد ألين : انا فخوره فيك  , والحين بطلع يلا مع السلامهفرج : مع السلامه وهي تمشي .. بتروح الاداره لحظــــــــــــــه ناصر : لحظه ! ألين ابتسمت : ناااصر ! ناصر : بس حبيت اودعك , صحيح ان الوقت الي قضيناه قصير بس بكون ناكر جميـ..... ألين : انا الي بكون ناكر جميل لو ماسلمت عليك قبل ما اطلع ناصر : هههه صح ! المهم مكآنك بيظل موجود بالمدرسه ألين ابتسمت : شكرا ناصر : فمان الله ظلت تمشي ومرت ع الساحه الكبيره ! وشافت شلة حلمود جالسين مع بعض كانوا هربانين من الحصه حلمود من بعيد : هييييييه انت ! ألين التفتت يمين ويسار : انا ؟ حلمد : ايه وقف ! جا لها حلمود ! حلمود بهمجيه تخفي مشاعره وأسـآه : هيه انت اسمع , مو تزعل عشان السالفه ! ترى افرك خشتك بالقآع , خلاص انا سامحتك وانت سامحتني والي بيننا راح و ..... قاطعته الين : انت اسف ! حلمود كشّر وجهه : تخسي الا انت اعتذر عشـآنك (غيّر نبرته و وجهه) ايه ايه انا اسف ! ألين : ههههههههه طيب خلاص بلا مقدمات , يـلآ مع السلامه والله يوفقك حلمود ابتسم : اشررب حليب ألين : هههه ان شاء الله سي يآ رآحت الاداره وشافت عمها فيصل وقف : يلا مشينا .... مشينــآآ مشيـــنـآ صفحه ~ مشينآ وتماشينآ غادرت مدرستي وسـ أنتظر الغد بمفاجآته (( انتهـــــــــــــــــــــ ـــى الفصل الاول )) انتظرووووني بالفصل الثاااني والجديد توقعآآتكم ورآيكم بالشخصيات | ||||
|
| |
|
19-10-12, 01:37 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني – الجزء الاول كثـير من الاحدآث حصلت ماقبل هذا الجزء مرّت لن أقـولها ولن اسردهـآ هـآهي الين قبلي خطّـــت لولولولولولولولولولولويش لولوولولولوولولولوولولولو ولولوولويش صفحه ~ فرحه سعاده ابتسامات وغمزات هنا وهناك ------------> ألين بإبتسامه كبيره وفي قـآعه اكبر مليانه ناس يشاركونهآ فرحتهـآ وفرحتهم الزواج بعد سنه ونصف لما العروسه تخلص دراستها والحين بس مملكين ع بعض واحلى ايام خطوبه 3> مشت ألين ... والكل ابتسم لها كانت بـ خطووبة :- فيصــــل & ســآره -_- ش حسبالكم ؟ ابتسمت وهي ترحب بالضيوف اهلها (اهل فيصل) واهل صاحبتها , افضل واغلى صديقه الي وقفت معها بالسراء والضراء <-------------- تكملة الصفحه ~ كان يوما جميلا قضيت أمتع الاوقات رأيت صديقتي تعيش حلمي قبلي لقد عاشته مع اخي وابي وعمي فيصل الذي وعدني بأن يرعاها ولا يتخلى عنها ---------------> ب نفس يوم الخطوبه شافت اهل عمها منعم وطبعا صارت شوية مشاكل من ذاك اليوم وشوية مشادات كلاميه خلت الوضع الي بين الين وفهد متوتر وامتد الخلاف الى الاهل وصار الوضع مره متوتر بس المفاجأه ان رغما عن ألين (انخطبت خطبه رسميه من فهد) يعني فهد الحين زوجهـآ لانهم مملكين على بعض بس ينتظرون هالتوتر يزول عشان يحددون يوم الزواج بس ما تسائلتوا شنو سبب التوتر والمشاكل الي قعد تصير ؟ طبعا طبعا طبعا وبـ أول حرف من كلمة طــــبعا عرفنا انه طبعا طـــلال .gif) صـآر موقف بين فهد وطلال وهو سبب كل هالمشااااكل خل نذكر لكم الموقف ------------> وجهـا لـ وجه .. طلال : ابي اكلمك بموضوع فهد ابتسم : آمر طلال ناظر الارض : ادري الي بقوله مابيخطر على بالك , وبتقول وش هالقدر ! بس لازم تعرف فهد استغرب : شنو ؟ طلال ناظره : انا اعرف الين بنت عمك , واحبها وتحبني فهد بنظره غريبه : ش عرفك فيها ؟ طلال : مو مهم شعرفني فيها وكيف و وين , المهم اني احبها وتحبني وانا من جد ابيها فهد : هه , طيب ؟ شنو الي تبي توصله من كلآمك ؟ طلال ارتبك : انا ادري اذا قلت لك خلها بـ حال سبيلها ماراح تقتنع , بس البنت ماتبيك , ومع الايام بتعرف هالشي .. فهد بضحكه تنرفز : هههههههههههههههههههههه , طلال شكلك ماعرفتني زين , انا ما اتخلى عن الشي بسرعه , وخصوصا لما يكون يخص حياتي , وألين ( نطقها بـ بطئ ) ح ي ا ت ي طلال شدد قبضة يده من العصبيه بس ابتسم : ع العموم هذاني قلت لك , يلا فمان الله قـآم طلال بس مايأس طلال بنفسه : انا اوريك والله ماخليك يافهد منعم <---------------------- وهذا كل الي صـآر نرجع لـ الين ونكمل معها صفحتها صفحه ~ وهذا كل ماحدث قبل اسبوعين لقد رأيت الفرحه ترتسم على وجوه احبتي والآن اعتذر يافارسي سـ اذهب لمدرستي بعد قليل ثاني اسبوع لي في المدرسه مدرسة البنات >_> ـــــــــــــــــــــــــ ـــــــــــــ دخلت من باب المدرسه وفصخت حجابها وعدلت شعرهـآ وشالت الشنطه ع كتفهـآ و مشــت دخلت المدرسه خلوا الين تقول لكم وجهة نظرها مدرستي غريبه ومتقلبة الطباع انها مملكة الانوثه والجمال وأحيانا مملكة الوحوش والادغال مملكة الصداقه والإعانه واحيانا مملكة الكره والخيانه مملكة الحب والوفاء واحيانا مملكة البغض والعداء دخلت ألين المدرسه ومثـل كل يوم ومثل كل اسبـوع نفس النظرآت , نفس الكلآم المرمي ابدآ مايتغير ومنه :- 1- شعرها , الين معروفه انها بنت بمعنى الكلمه غريبه قصته كذا ؟ ((واصلا قصتها طولت شوي)) 2- شتسوي هنا ؟ مو يقولون امس صار لها حادث ؟ (بالاساس امس كانت غايبه بس الاشاعات ماترحم) 3- شفيها مكشره كذا , شوفي شوفي كيف تحرك حاجبها , شوفي كيف تمشي كأنها ولد ! والمشكله الاكبـر ان ألين كآنت هادئه وغامضه والحين اكثر غموض وهدوء لان من عاشر قومـآ 40 يوما صار منهم وهي للاسف , من دآخل بعدهـآ ... محمد حسبت مع الايام بتتعود بس الي تشوفه انه مع الايام والاسابيع الوضع يزاد سوء متى بتطلع من هالمدرسه وتفتك شافت صاحبتها سحر الي خانتها وقطعتها من غير أي سبب سحر ناظرتها ب طرف عين ومستغربه من شكل الين الجديد ! خصوصا انهم كانوا صاحبات وهي تعرفها زين الين انتبهت كيف سحر تطالعها ومدت لها لسانها سحر بققت عينها لاخر درجه وقالت بقلبها : هذي مو اليييييييييين راحت فصلها بطفش دخلت زمزم : يووه مو يقولون انك متي ؟ ألين : ايوا مت , وطلعت من القبر ! يعني غبت يوم واحد معنآهآ ميته ؟ زمزم : وانتي من متى تتكلمين ؟ ع العموم امس جات طالبه جديده وجلست مكانك اسمها ريما ألين : مو على كيفها خل تشوف لها مكان غيره ! زمزم رفعت اكتافها : تفاهمي معها دخلت ساره ساره : السلام بنات ! ألين : وعليكم السلام أهــلآ بالمخطوبين جلست يمها ساره : لما الحين متضايقه عشان هالعيـآل ؟ الين : كله من فيصل هو قالي ارجعي المدرسه من جد انه .......... قاطعتها ساره : هييييه هييه , اشوف نسيتي نفسك ! تراه زوجي ما ارضا عليه الين : لا والله ؟ حتى انتي .......... قاطعتها ساره مره ثانيه : انا مرت عمك , ولازم تحترميني الين : هههههههههههه دخلت بنت شعرها ناعم كثيف صابغته بني فاتح ومسويه بف ورافعته بطريقه عشوائيه بس مطلعها حلوه واساور فاقعه بيدهـآ ومطقمتهم مع الاكسسوارات والجزمه اهم شي طبعا البنت : هاي بنات what's up ؟ ألين رفعت حاجبها : مين ذي ؟ ساره : هذي ريما الين : الي اخذت مكاني ؟ وانتي يامرت عمي المصون جالسه يمي المفروض تدافعين عن ممتلكاتي الشخصيه ساره : لالا تكفين لاتفتحين لها سيرة ان تغير مكانها , بتفتح لك موضوع طويل عريض كله مصطلحات غير مفهومه خلينا نرجع ورا ونخليها هي لحالها قدام الين : ليه ؟ ساره : هالبنت تثرثر طول الوقت ودائما تغني اجنبي وصدعت راسي , تعالي ارجعي معي نجلس ورا الين : لا انا عاجبني هالمكان ساره : كيفك ظلي يمها , انا برجع ورا (بالمقعد الي خلفهم ع طول) ريما : مين انتي ياكيوته ؟ يلا قلبو قومي هذا مكاني انا ! الين : هذا مكاني بالاصل , جلسي مكان ساره ريما تكتفت : ايوووووا , انتي الين ماغيرك , الـ crazy girl هاه ؟ اوكي اوكي بخليك ع راحتك لاني ديموقراطيه وروحي رياضيه ولا اتأثر بتغيير مكان , بس هذا ما يدل ع ضعف شخصيتي , لا يا حبيبتي لا , انا ادافع عن حقوقي الين : طيب قعدي قعدي بس ---> مين يقول كذا =P ؟ ريما اول ماجلست : اسمعي لازم تعرفين كل شروطي ولا لا تجلسين جنبي الين : افف بدينآآآآآ تفضلي ريما : ماتحطين ولا شي ع طاولتي من اغراضك , لا pen ولا برايه , ولا حتى part صغير من كتابك , ولما تنسين كتابك ماراح احط my book بالنص , وبما ان مكاننا سبيشآآل جنب الجدار وجنب الباب , محد يفتح الـ door غيرك , ومو كل شوي تقولين لي بعّدي شوي ابي اطلع , ابيك تنقزين من فوق طاولتك ok ؟ الين : حاظر في شي ثاني ؟ ريما : امممممم بقى شي واحد , بس I don’t think so بتوافقين عليه ! الين : شنو هو ؟ ريما : اعطيك my money وتشترين لي فسحتي الين رفعت راسها وضحكت بصوت عاالي : ههههههههههاااااااااي مستحيل , هذا في بيت ابوك بس ريما انصدمت من الين وبس تخزهــا ألين صـارت زي حالة ريمآ وهي تتسائل بنفسها : سويت شي خطأ ؟ ريمـآ : oh my god اسمحيلي بس يعني من جد oh my gaaad وين الانوثه ليه كذا تصرفآتك ؟ مع انك مره cute وشكلك ظريف اسمحيلي بقول هالكلمه صراحه انتي (كملت كأنها .. امممم حليمه بولند خخ) هـمجيــــآه الين اشرت ع نفسها : انا (كملت بنفس طريقتها) همجيآه ؟ ريما : يب يب , طريقة كلامك وجلستك , باللهي احد يتربع ع الكرسي مرره مو شي الين انتبهت ع روحها وجلست عدل وعدلت من شكلها ريما : المهم تعرفين مايلي سايرس ؟ (قالت بحماس) ولا جاستن بيبر (قالت بحمااااس ) اوه اووه سيلينا ؟ اكيد تعرفينها صح ؟ ألين : ممكن تاكلين تـ..... (سكتت شوي) ممكن تسكتين ؟ ريما : افف طيب بعد نص ثانيه بالضبط ريما : تصدقين اخوي دائما يقولي هالجمله ممكن تسكتين وممكن تسكيتن ! مدري كيف يطلب مني السكوت وهو اصلا بيصير صحفي ألين بعصبيه : اشششششش خلالالالاص سكتتتتتي اففف ريما : طيب طيب ... بعد ثانيه ريما : في موقف صـ.... ألين نقزت من فوق طاولتها بعصبيه وطلعت وصفعت الباب وراها خلاص طفشششششت بتروح المكان السـ... لحظه لحظه الين بقلبها : انا هبله وين رايحه ؟ هذي مدرسة البنات افف قطعت افكارهـآ صوت ساره بحده : أليييييييييييييين ألين التفتت بعصبيه : شنوو بعد ؟ انسة كيوت ريمآ قامت تبكي خليهـآ تبكي احسن صراحه الوضـ... قاطعتها ساره بعصبيه : شنوو الي بشنطتك ؟؟؟ ألين انصدمت ... لآيكون سآره شافته ـــــــــــــــــــــــــ ــــــــــــــ في مدرسة الاولاد بالفصل فارس : المفروض الحين يدخل محمد ويجلس شوي وبعدين يروح ! نور : وين يروح ؟ فارس : مادري , دائما يروح مكان يطوّل فيه ولا يرجع الا مع الحلوين الي ورا نور التفت ورا وشاف طلال ودانيال جالسين وطفشانين نور عدّل راسه مثل ماكان نور : اييه ذكرت فارس التفت ع نور : انت متغير ! احس قبل كنت لحالك اما الحين انفتحت ع المجتمع , انا لازم اكتب عنك مقال في جريدتي المستقبليه نور : هههه , انا كنت دائما احاول اتقرب منكم , بس الكل ماخذ عني فكره اني معقد , الحمدلله ان هالفكره تغيرت ! نرجع لـ طلال ودانيال بالخلف دآنيال : كلمت فهد ؟ طلال : أي دآنيال : شقال ؟ طلال : لا دآنيال استغرب : شنو لا , ممكن توضح ؟ طلال : لا دآنيال : فيك شي طلال : أي دآنيال : طلال وجع تكللم مثل الناااس طلال : أي كلمته , وقال انه مابيخلي الين ويبيها , هالفهد حمار راسه عنيد , اعند من سليمان اخوي دآنيال : اصلا هو مع الايام بيطفش , اكيد الين بتجننه طلال : والله انا الي طفشت من حياتي والين مجننتني دون شي (اتذكر) ان شاء الله ماتكون نست الي اليوم دانيال : شنو ؟! طلال: بتعرف ! فرج دخل الفصل وطبعـآ من راحت الين وهو ع قولته انسان جديد شاق الضحكه ومبتسم ومستانس فرج : هــآي قايز فارس : هـلآ بك زووود حيو الشباب اقلط هـلآ هـلآ (كلم نور بصوت بس هو يسمعه) والله لو يسمعونه شلة حلمود يذبحونه نور استغرب: ليه ؟ فارس : هالشله مايحبون العيال الي يقولون هاي وسوري ومدري وشو , يحسونهم خكريين ويبون يمحونهم من الوجود نور : وانت شعرفك ؟ فارس : مو قلت لك صحفي ؟ نور : ههههههههههه ـــــــــــــــــــــــــ ــــ | ||||
|
| |
|
19-10-12, 01:42 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــــ في مدرسة البنات ساره : اتكلممممممممي ألين : ساره ماينفع نتكلم هنا خل نروح المكـآ... ( سكتت وكملت ) خل نروح مكآن لحالنا نتفاهم فيه ساره : وهالموضوع فيه تفاهم ؟ جايبه لي القماش وملابس عيال يعني ناويه تطلعين وانتي ع ذمة رجآل ؟ لما هنا وبس ! واكيد السالفه فيها فارس الاحلام طلال ألين بدفاع : اصلا الفكره كانت فكرتي وهو قال لي لآ , بس انا الي اصريت عليه و ..... قاطعتها ساره : تكلمينه ؟؟ لما الحين ؟؟ ألين سكتت ساره مسكت راسهـآ : يااااااا اللله , هذي مشششكله اكبــــــر المعلمه قاطعتها : ساره والين , انا عليكم ادخلوا الفصل دخلـوا ! وبعد شرح الدرس ........ المعلمه : وكذا يتكون الجنين البشري في رحم امه , شرايكم بالدرس ! رانيا : صراحه ........... يلوع الجبد ! ريما : من جد ewwwwwwwww .. ساره : بالعكس , هذا جزء من حياتنا وسنة الحيآه , وكلنا تكوننا بهذي الطريقه ... رانيا : اقول ساروه بلا تفلسف المعلمه عصبت : بسس خلاص كأني عطيتكم راحتكم ريما : استآذه ممكن طلب ؟ المعلمه : خذوووا الادب من ريما وأدبها شوفوا حتى طلباتها باحترام (ابتسمت لـ ريما ) تفضلي ريما : ابله ممكن تغيرين من ملابسك وستايلك ؟ عشان تصير لنا نفس نشارك ونركز معك طول الحصه ! البنآت : هههههههههههههه رانيا : مثل صراحتك ياريمـآ ماشفت ولا بشوف المعلمه حاولت ترقع الموضوع : يعني كيف مافهمت قصدك ؟! ريما : اممم يعني انتي شرحك حلو واسلوبك مره شيق بس لازم تكشخين عشان تفتحين نفسيآتنا المعلمه توهقت : الجزء الاول من كلآمك اسعدني اما الباقي ان شاء الله كم ريومه عندي ! رانيا : إلا اقول ابله ! المعلمه بتأفف : نعم يـآ رانيا ؟ رانيا : عندك عيال ؟! المعلمه : طبعـآ عندي ماشفتيني السنه الي قبلها كنت حامل ؟ رانيا : لالا ابله اقصدك شباب المعلمه ب براءه : لـــيه ؟ رانيا بسخريه : عشان الين تصادقهم ! يعني باللهي ابله اكيد عشان (غمزت) لايفوتنا القطار (( بس عشان احطكم بالصوره ألين & ريمـآ قدآم جنب بعض اول شي وراهم على طول رانيا & ساره وهالعامود كلللله جنب الجدار الي فيه الباب)) ألين عصبت والفتت عليهـا : يـآغبيييه حاسبي ع كلامك رانيا بدفاشه : لاااا تكفين علميييييني (وشمختها بالقلم دون قصد) شمختها = مررت راس القلم بقوه على جبتها مما ادى الى ظهور جرح على شكل خط ---> مأثره علي المدرسه ألين : آآآآهــ .. ساره توجه كلامها لرانيا : يا هبللللللللله شوفي شسويتي رانيا : أ أأأ ماكنت اقصد (رقعت) بعدين ليه قالت لي غبيه ريما : oh my gad , gave me some power please المعلمه : خلالالاص بنات بلا ازعآج , رانيا انتبهي لتصرفاتك , والين انتبهي لكلآمك (ما اهتمت للموقف وكملت حسبآلها اذا سوت مقارنه بتنفع) على طاري عيال , ايوا عندي شباب كبار ماشاء الله عليهم ورافعين راسي بالشهادات والدرجات ياريت تصيرون نصهم ! بعد ماخلصت الابله كلآمها الاغلبيه ساكت ومتأملهـا بعد هدوء مضى ! هديل : ابله حلوين ؟ المعلمه : مو كأن الساااالفه مصخت ؟! رانيا : ابله ممكن تجيبين صورهم ؟ طيب كم اعمارهم ؟ ومتى ناويه تزوجينهم وشنو صفات زوجة الابن الي تبينهـآ ؟ المعلمه : مطفوقه ع الزواج يارانيا البنات : هههههههههههههههههه خلصت الحصـه , وسـرعآن ماخلصت جميع الحصص ورن الجرس يعلن العوده الى المنـآزل خـآرج المدرسه البنات واقفين كل وحده تروح سيارتها \ باصها وكانت الساحه الخارجيه (الي بالشارع طبعـا) كلها سيارات ساره وهي تمشي اتجـآه باصها : إلا اقول أليــن ........ ساره التفتت يمين يسار : الين ؟؟ الييين ؟؟ إلا فجأأأأأه دون سابق انذار جـآء الصوت المعروف ! صوت راشد الماجد الي يغرد من سيارة الشبآب ساره تأملت السياره الي جات وقالت بأسى : لاآآآآآآآ , اتمنى الي ف بالي مو صحيح في السياره المكشوفه بالمقعد الامامي رامي : زوّد السسسسرعه اسرع اسرع ! فاارس : مجنون انت ؟! اصدم بالعسل بعدين (يقصد البنات) صغّر ع الصوت وربي ما اركز بالمقعد الخلفي ألين (بشكل محمد) : ههههههههه اما وناسه من جد , غازلوهم تكفون طلال : غازليهم انتي ألين بقلبها : والله فكره ألين : فرووس تكفى وقف لي جنب هالبنآت الي جنب الشجره فارس : كم حمود عندي قربت السياره والكل جلس وضبّط نفسه فارس صفّر : كيف الحــال ياصبايا ؟! بنت1 : استغفرالله مايستحي بنت2 : يارررربي بصيييييييح اول مره بحياتي بنت3 : هههههاااااااااااي تمام بشوفتك تفضل ويانا ألين ماقدرت تمسك نفسها وكتمت ضحكتها ب كتف طلال طلال : قومي لاتفشلينا و ورينا شطارتك مع بنات جنسك ألين فيها الضحكه : ماقدر هههه طلال : ترى بنات حالهم حالك يلالا ألين : اوكي! وهي بالسياره ألين غمزت لهم : توصيلـــه ياحلـوين ؟! بنت باحتقار : عندنا من يوصلنـآ بعدين فجأه فجرررررت ضضضحك ولا قدرت تتحمل ساره شافتها من بعيد وقربت يمها : يـآ هيييييييييه ساره وقفت يم السياره وكلمت الين : ياغبييييه يا الين فتحي عيونك وعقلك وشوفي قمة السفاله الي تسوينها استحي على وجهك ألين ابتسمت : ساره حياتي انتي مو بالوسط والله وناسه ساره عصبت : غباااااااااااء اكررررررررهك مالت على كل من غيرك , الخيانه طعمها مر وخصوصا لما تكون من صديق وغالي ع القلب عطت السياره ظهرها وقدّر الله ان تمر نسمه هواء طيحت الغطاء من وجهها رجعتها زي ماكانت وراحت لباصها قبل لا تتأخر عليه أمـآ الين ما اثر فيها الكلام ! تدرون ليه ؟! لان الانسان لما احد ينتقده بنفس الاسلوب دائما يتعود عليه , فَ لازم يجيه انسان ينصحه بطريقه اخرى لها الهدف نفسه مو بأسلوب صراخ وتهزيء ولو كانت المشكله كبيره نرجع لمحور حديثنا بعد اليوم الوناسه ولبعض الشخصيات كان يوم كئيب من كلا الطرفين (مدرسة الاولاد والبنات) الكل رجع البيت تعبانين يبون بس سرير ينسدحون فيه مثل احساس أي طالب لما يدخل البيت يبي غرفه بارده وسرير 3> دخلت غرفتها وانسدحت ع سريرها بـ راحه فكرت بأحلامها الي ماتحققت و وعد طلال لها انه بيفكها من هالفهد و .... قطع افكارها رنة الجوال ردت ألين : هلا وغـلآ ويامرحبـآ ! ...... : غريبه من متى هالرواقه ؟؟ ألين عقدت حاجبها : لحظه شوي (نزلت الجوال وشافت المتصل وعرفته) ألين بحده : نعععععم ؟ فهد : ههههه اوكي هذي احلى ألين : لان بصراحه هذا قدرك فهد : آآخخ يا الين والله ان كل كلمه منك مثل العسل ألين عصبت : خير ان شاء الله ؟ مين انت عشان تكلمني كذا ّ فهد : خطيبك , حبيبك أو بالاصح (نطقها بـ بطيء) ز و ج ك ألين : تخسي الا انت تصير زوجي , والله مايشرفني ! فهد : ليه سبب الكره ؟ عمري سويت لك شي ضايقك ! ألين : ايه فهد : شنو ؟ ألين : تبيني بالغصب وهذا اكيد شي يضايق .. فهد بهدوء : الين حبيبتي , الحب يجي بعد الزواج مو قبله ألين : يااااااااااربي , أكرهك فهد والله أكرهك خلاص ما ابيك خلني اعيش حياتي فهد : بسألك سؤال وبعدها بسكر ألين : شنو هو ؟ عشان افتك منك فهد : عمرك شفتي شخص وكرهتيه من كل قلبك , وبعدين مع الايام حسيتي ان مشاعرك تغيرت وصرتي تحبينه وتموتين فيه ؟ ألين بـ سخريه : هه لآ مستحيـ....(سكتت واتذكرت طلال , كانت تكرهه من البدايه والحين تحبه ) ايه صح صار لي هالموقف (نست روحها وقالت) وهالشخص هو ...... قاطعها فهد بـ ابتسامه : اناااا , كرهتيني من البدايه بس مع الايام بتحبيني , حتى انتي اعترفتي وقلتي "ايه صح صار لي هالموقف" ألين : لاآآآآآآآآآآآ مو انت مو انت ! فهد ضحك : ههههه يا حليل الي يستحون ع العموم اخليك لان خدودك الحمرا قمت اشوفها قدآمي ألين كرهت هالشعور الغبي : لا لا والله العظظظظيم مو انت فهد : هههههه يلا باي يالمستحيه فديتك باي وسكر ألين انقهرت منه حسباله ان انا ميته فيه ؟ آآآآآآآآآآآآآآآآآآآآآآآآآ آآآآآآآ ~> صرخة عصبيه مسكت آيفونها ورفعت يدها بترميه ع الارض من كثر العصبيه بس رن الجوال مره ثانيه ردت ألين : فههههههههد انت ماتفهم ؟؟؟ قلت لك ما ابيك ابعد عني ....... : ..................................... ألين بعصبيه : انت تفهم ولا لا ؟ طلال بنظره بريئه : انا طلال ألين استرخت وعدلت من شكلها وشعرها : سوري طلال والله ماكان قصدي , حسبالي فهد ! طلال : طيب , شخبااارك مع ثاني اسبوع ؟ ألين : اممم طفش مثل الي قبله , اشتقت لمدرستي ! طلال : حتى مدرستك اشتاقت لك ! ألين : مادري كيف بكمل فيها ! طلال : بتكملين فيها ولا كأن صاير شي , المهم , فهد ماقال لك شي ! ألين : قال لي شي ؟؟! مثل شنووو ؟؟؟ طلال : انه مايبيك ويبي ينهي الي بينكم ؟ ألين : لا , بالعكس زآد عن قبل ! طلال : الله ياخذه ويفكني منه ألين تنهدت : أجل انا شـ اقول ! طلال : الله يعين الجميع !! يـلآ انا استأذن , تامرين ع شي ؟ ألين : سلامتك طلال بهدوء : أحبك ألين بخجل : شكرا ! طلال : شنو شكرا ؟؟ ألين : ليه مو حلوه ؟ طلال : طبعا مو حلوه , اقولك أحبك وتقولين لي شكرا ؟؟ ألين : انا في مره قرأت موضوع بمنتدى اسمه الرجال يحبون كلمة شكرا مثل ما النساء يحبون كلمة أحبك طلال : انا مو من هالرجال , اصلا انقهر لما تقولين لي شكرا ألين : طيب انا الحين بقولك احبك وانت قولي شكرا طيب ؟ وشوفني اني ما انقهر , يلا بقول (غيّرت نبرت صوتها) طلال (ابتسمت بصدق) انا احبك , انا جد احبك ! طلال : ..................... وانا اموت فيك !! ألين انحرجت , فارسها رومنسسسسسي ! طلال : أيّ احلى ؟ شكرا ولا الي قلتها ! ألين : طبعا الي قلتها طلال : اوكي الحين انا استأذن ,................. أحبك ألين : وانا اموت فيك طلال : يلا باي ألين : سي يا سكرت ألين من طلآل .. وهي مرتآحه !! دقآيق , واتصلت سآره ألين استغربت وردت ألين : مردك لي يا سارونه سآره : ألين مو وقته افتحي لي البآب , محد يرد ع الجرس وعمك مشآ ألين : اووف طيب طيب الحين نآزله طلعت من الغرفه ونزلت من الدرج وراحت بسرعه فتحت الباب ساره : يعني تدرين ان الجو عندنا ماشاء الله , مخليتني برا بهالشكل ليه ؟ ألين : مادري , حسبالي الخدآمه ولا ماما وبابا موجودين ! مادري عنهم ! ساره : ماتدرين وين اهلك ؟ ألين : لا , لي يومين ماشفتهم , المهم غريبه جايه عندي ! ساره : عمك قال لي الين لحالها واهلها مسافرين روحي عندها (اتذكرت الموقف) ولا مو حبا فيك ترى نفسي عافتك ! ألين : آآمممم صراحه ماكنت ادري انهم مسافرين المهم يـلآ حيآك بعد قضـآء وقت مليء بالكلام القاسي من ساره ورمي الكلام الجارح الي صراحه تستاهله الين بس مثل ماقلنا ياحبذا لو كان اسلوب النصيحه غير بعد فتره راحت ساره ورحلت معها الدقائق ورحل معها يوم كامل واتى اليوم التالي وها نحن نترقبه ونستعد له جلست مثل كل صباح وراحت المدرسه بس هاليوم كـان غير ... كان اليييييم =( أول مادخلت المدرسه كانت مرتاحه ومستانسه بس في شيء غريب كل مجموعة بنات يتكلمون فيها بينهم ! فيه سر ؟ شصاـآير ؟ رانيا مشت جنب الين وعطتها نظرة احتقار : هذي ساره اجل كيف صاحباتها ؟ سـآره ؟ وشفيهـآ ساره (ألين تساءلت) دخلت الفصل وشافت ساره ع طاولتها تبكي وريمـآ جنبهـآ تهديها ألين بعّدت ريما وجلست جنب ساره ألين : ساره صديقتي شفيك ؟ ساره بقرف : بعدّي عنييييييي ياخاااينه يااللي وعدتيني واخلفتي ياللي خربتي فرحتي وسمعتي ألين اتفاجأت : الله ياخذ روحي قبل لا اخونك واخرب فرحتك خبريني شصاير ؟ ساره صرخت وهي تبكي : كذذذذذذابه كذااااابه , بعدّي عني الكلام الي جاني كفاااااني , لاتقربين مني كل قربك كـآن هم ب هم ألين دمعت عينها : والله خوفتيني عليك خلينا نتفاهم تكفين ساره صرخت بهستيريه : انتي ماتفهمين قلت لك بعدّي عني بعدددددددددي (فجأه قامت تبكي بقووووه وتضرب بروحهآ ) بعدوها عنننني ابي اموووت وافتك من هالدنيآآآآ ريما : ساااره اهدددي بلييييييزز ساره على نفس حالتها دخلوا بعض الطالبات والمستخدمات بعد ما انتشر جو الخوف والذعر بس بعد شنو ! بعد ما اغمى عليها ألين كانت بتروح بس ريما منعتها ! ريما : مثلك يا الين مايروح لوحده مثل ساره , صراحه طحتي من عيني ألين انصدمت وحاولت تتدارك نفسها و تتكلم بدفاع بس قاطعتها ريمـآ : انا صحيح واضح اني دلوعه ومغروره وشايفه نفسي ونص كلامي مصطلحات انجليزيه واحب الاغاني الاجنبيه واحيانا بعض النفوس الشينه تقول عني كلام يجيب لي الشبهه بس مع كذا ديني وسمعتي واهلي اهم شي من الدنيـا كلها , اتمنى انك تبدين نقطة تحول بحيآتك قبل لاتروحين لربك وانتي كلك ذنوب ومعاصي تركتهـآ وراحت ! ألين ......... ش أقولكم عن ألين ! مو فآآآآآآهمه شييييييييء صديقتها رمت عليها كلام ونفس الشي مع ريمـآ وهي ابدا مو مستوعبه الكلام كل وحده ترمي الغااااااز ! والين الي تآكلهـآ خلـص اليوم الكئيب والالغآز للاسف لما الحين ... ما انحلت في البيت (وطبعا لحالها الاهل مو هنا) ألين جالسه على مكتبتها وحاطه جوالها ع الطاوله (سبيكر) وجالسه تكلم طلال من نص ساعه طلال : اقول ألين بس شوي بروح اشرب ماي ألين : اوكي . . . . . . . . . طلال : رجعت ألين : ماشاء الله سريع طلال : افا عليك , المهم تتذكر الجزئيه الي اخذناها بالفيزياء ألين : أي جزئيه ؟ طلال : ااخخ كيف اذكرك فيه ! هو بنفس اليوم الي دخلت الفصل بالغلط وكان الاستاذ وراك والموجّه قدامك ألين : ههههههههههههههههه يوم لاينسى , ايوا اتذكرها كنا ماخذين الدرس................ وجلسوا يتكلمون ويكملون الاسئله الناقصه . . . ألين : اقول طلال انت حاط سبيكر ؟ طلال : شلون احط سبيكر وسليمآنو رايح وجاي بالغرفه ؟ ألين : وانت جالس تقول اسمي عادي ؟ طلال : انا قايل له الين اسم ولد ألين : هههههههه طيب ! ام طلال : طلال , مين تكلم ؟ طلال : خطيبتي ألين خافت وقالت بصوت صغير : طلال يلا بسكر !! ام طلال بتطنيش : انزين وين مفتاح سيارة ابوك ؟ طلال : مادري ام طلال : بس سليمان قال انه عندك طلال : وانتوا أي شي يقوله سليمان تصدقونه ؟؟ (بدأ يعصب) اجل لو قالك سليمان اني متزوج بالسر دون ماتدرون وساكن مع زوجتي بشقه بتصدقونه بعد ؟! ام طلال : اوهو عليك ياطلال , قول انك ماتدري وخلاص (وطلعت) طلال يكلم الين : الو وينك ؟ ألين : طيّحت قلبييييي طلال : بسم الله عليه ألين : خفت من امك طلال : مابتاكلك ههه , اقول الين شرايك تجي معنا انا ودانيال بنذاكر في بيتنا , مادام اهلك مو موجودين ألين : لاآآآآ مستحيل طلال : ليه ؟ ألين : اخااف منكم طلال : لاياشيخ ! يعني مدرسه مليانه اولاد ماخفت منهم ألين : ماكانوا يدرون اني بنت ! طلال : سمعي , لو كنا بنسوي لك شي كان سويناه من زمآن , بس تدرين معزتك عندنا ألين : امم طيب بفكر طلال : مخطوبه بتفكرين ؟ ألين : شفيك ع طاري الخطبه والزواج ؟ طلال : صار كل تفكيري هالايام , المهم تجين ؟! ألين : اوكي شـ ورانا ! طلال : خلاص اليوم المغرب ألين : اوكي ! . . . تتوقعون شنو بيصيــر ؟! هل بيسون لهـآ شيء ؟! شسـآلفة ساره ؟! شرايكم بالشخصيات الجديده ! ريما , رانيا واخيرا لو كنتوا بموقف ألين الي مع فهد (بالجوال) خخخ وش كنتوا بتسوون ؟! توقعــــآتكم – جربــت الحب | ||||
|
| |
|
19-10-12, 01:44 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفصل الثاني – الجزء الثاني صفحه ~ الاختيار الصائب يبقى صائباً والاختيارات الخاطئه تبقى خائبه تقلب الموازين أحيـآناً و ربّ ضرة نـآفعه تجهزت عشان تروح تذاكر معاهم وشكلها طبعا بيكون (محمد) رن جوالها بنغمة الرسائل وكانت الرساله من فهد وتقول : (( أحتآجك هنا ب قربي يالغلا تكفين حيـآتي من بعدك يا قلبي حزينه انتي الهواء الي اتنفسه انتي الاوكسجين ريحيني وقولي تبين قلبي ولا ماتبينه ؟ )) كشرت لما شافت الرساله وارسلت له : (( أمنيتي انك من حيآتي تحلّ وخير الكلام ماقل ودلّ )) وطلعت من البيت ...... وإلى بيت طلال ! في بيت طلال :- دآنيال و طلال بالمجلس يذاكرون والارض كلها كتب واقلام و اوراق ( بما ان الاختبارات النهائيه قربت ) سليمان دخل المجلس سليمآن : طلال !! دآنيال : مايبي يلعب بلاي ستيشن سليمآن : أيّ بلاي ستشين انت الثاني ؟؟ , ترى حتى انا وراي اختبارات طلال : اجل شـ تبي ؟ سليمآن : صديقك ألين جاء دآنيال التفت على طلال : اليييييييين ؟ طلال ابتسم : اييه بس قلت يذاكر ويانا ! دآنيال : حسبي الله عليك طلال يوجه كلامه لـ سليمان : يـلآ خله يدخل سليمان : يـلآ الين تفضل الين من ورا الباب : قلت لك اسمي محمد مو الين سليمآن بتطنيش : طيب طيب محمد (وقال بقلبه : والله انه مو صاحي) الين دخلت المجلس بـ توتر وخوف ألين مرتبكه : السلام عليكم دآنيال : وعليكم السلام طلال ظل يطالعها دآنيال بصوت بس طلال الي سمعه : نزل عينك طلال حس على روحه ونزل عينه طلال : تفضل تفضل حياك ألين بقلبها : خيير ؟ اجي اجلس يمهم ! انا غبيه شـ سويت بنفسي جلست معهم ع الارض وحطت كتبها وقالت (وهي تطالع الارض والكتب) بـ نشاط وحيويه تخفي خوفها وربكتها وتوترها الين : هاه وين وصلتوا ؟ طلال ظل يرفع عيونه عليها شوي شوي وقال بقلبه : ليه جات محمد ؟ بدأو يكملون الحلول والاسئله وطلال يحاول لـ اقصى حد انه مايعير الين أي اهتمام ويعاملها كأنها (( محمد )) بعد 20 دقيقه تقريبا ألين : يارربي كان مفروض احل اول بـ اول مو اراكم! شـ سويت بـ روحي ؟ طلال التفت عليها : شكرا دآنيال : اوهووو ألين استغربت على ايش شكرا ؟ بعدين استوعبت لما قالت (شـ سويت بـ روحي ؟ ) وضحكت لا اراديا على براءة تفكيره ~> ايه هين . . . وع وع وع وع وع وع وعععععععععععععععع ~> جوال طلال يرن بالغرفه "النغمه مسجله بصوته =P" سليمآن كان جالس يذاكر بالغرفه نفسها >< سليمآن : ياالله , الواحد مايعرف يذاكر , واذا جبنا نسبة 70% قالوا لنا ليه , وياريت النغمه تشجع !! راح للجوال ورفعه وشاف (النشبه) ردّ ع الجوال وكأنه حقه سليمآن : نعم ؟؟ فهد : هلا طلال سليمآن : انا سليمان فهد : طيب وين طلال ؟ سليمآن : شـ تبي منه ؟ فهد بألم وهو يتذكر موضوع الين : ابيه بموضوع ضروري سليمآن : اممم بس هو يذاكر مع ربعه بالمجلس فهد : ربعه ؟ في احد غير دانيال ! سليمآن : أي واحد اسمه الين فهد : ........................... سليمآن اتذكر كلام الين (اسمي محمد) : اتوقع ان اسمه محمد ماهو ب الين طوط طوط طوط طوط سليمآن : الووو الوووو , اوهوو بالطقاق , هالمكالمه خسفت من نسبتي 15% , خل اروح اذاكر احسن . . بالمجلس دآنيال : بـ كذا حلينا كل الاسئله (وابتسم) ألين تنهدت : اخيرا طلال : تستاهلون , عشان هالمره تتابعون مع الاستاذ ومو دائما ناقعين بالمكان السري دآنيال : انت اخر من يتكلم , مادري مين ناقع فيه غيرك وغير (سكت لانه مايبي يحرجها) طلال بجديه : شقصدك ؟ دآنيال : لالا ماقصدي شيء طلال : ايه ايه ضيّع السالفه الين : شفيكم كأنكم بزران ؟ والله سليمآن مايسوي هالحركات طرآآآآآآآآآآخ :| ~> صفعة الباب . . مين الشخص الي دخل ! . . . معقوله يكووووون ؟؟ . . ـــــــــــــــــــــــــ ـــــــــــــــ ريما : بابا بليييزز , لازم تصير مناسبه عشان اسوي لي فستآن ؟! الاب بجديه : انتي شفتي دولابك ؟! ريما : بابا اخر فستان , بليز اخر مره ..... قاطعها الاب : شفتي دولابك أي ولا لا ؟! فارس : انا شفته ! ريما : بس بابا ... (سكتت والتفتت على فارس ) فتحت دولابي ؟! فارس : هاه ؟! والله ماكان قصدي بس أأأأأ , كنت بكتب عن ظاهرة منتشره عند البنات ! ريما بحده وبنبره باكيه : باباااااااااا شفت بعييييييينك اعتراف فارس ! يعني لما متى يتدخل بشؤوني الخاصه ؟! الاب : خلينا نبدأ بالمواضيع بالترتيب , اول شيء موضوع الفستان ريما تنهدت : طيب ! هذا فستان حق مايلي سايرس لبسته بحفل AMA الاب : ومين سايروس ذي ؟ فارس بصوت اقرب للهمس : هذي الي تطلع ب mbc3 شوفوا ميين هيرجع , هانا مونتاناااا ريما : لا لا لا هذا المسلسل ما احبه , انا اقصد الممثله الاب : يا بابا ش لك بالغرب وتفكيرهم وفساتينهم ريما : باباااااا والله الفستان يجنن انا من شفته قلت إلا البسه , مافيها زود عني ! الاب : مو كأنك قايله نفس الكلام مع كل فساتينك ؟َ! , والمشكله كلهم تفصيل , تبين قماش معين وموديل معين والوان معينه ريما : طبعا طبعا بابا لانه ذوقي والله الفستان يجننن بليز بابا الاب اتنهد : وانا مالي غيركم , بس وينه هالفستان الي ميته عليه ؟ ريما جابت الايبآد حقها https://media.sawfnews.com/images/Hol...Nov2010_PR.jpg فارس : والله ماعندك ذوق ريما : سمعني سكوتك (وجهت كلامها لابوها) شوف بابا الفستان مره ناعم من قدام شكله عادي وكيوت ومن ورا فيونكه كبيره مع ذيل طويل فارس : سسسهله , خذي مناديل الحمام ولفيها على نفسك ريما : اقول لاتلعب بالنار فارس : يعني تهددين ؟! ريما : ايوووا وماسكه عليك شيء فارس شكك بنفسه : امم اختي الحبيبه ريما ممكن اكلمك على جنب (وجه كلامه لابوه) عن اذنك يبا بعّدوا عن ابوهم ! فارس : ايه شعندك ؟! ريما : شكلك ناسي انك جاي تغازل بمدرستي فارس بقق عينه : جد هذي مدرستك ؟ مو انتي بالمدرسه الاهليه بس قلتي لابوي انك ...... (سسكت وقال ) اهاااااا بعدين نقلتي ! ريما تقلده : اهااااااا صح عليييك (غيرت نبرتها) المهم ان ماوريتك ما اكون ريومه ! اجل تفتح دلاوبي هاه ؟! فارس : افا بس افا وين العشره الي قضيناها مع بعض من واحنا صغار ليمن كبرنا افا بس يا اختي ماتوقعتها منك ! ريما : ايوا ايوا كثر منها ! تذكرت تفاصيل ذاك اليوم ! وتفاصيل اليوم الي بعده ! لما انتشر الخبر بالمدرسه ان ساره (المخطوبه) واقفه جنب سيارة شباب وتكلم شاب بكل جرائه وقال لها : ساره حياتي انتي مو بالوسط والله وناسه والمصيبه لمن ساره ردت عليه وقالت : غباااااااااااء اكررررررررهك مالت على كل من غيرك , الخيانه طعمها مر وخصوصا لما تكون من صديق وغالي ع القلب انتشر خبرها بالمدرسه وهي للاسف ماتقدر تدافع عن نفسها وتقول ان الي كلمتها هي صديقتها الين ! لانها بتفضحها خل نشوف حالة ساره ! ساره اتغيرت حالتها 180 درجه من بعد ذاك اليوم ! الكلام القاسي الي ينرمي عليهـآ ونظرات البنات الي كلها احتقار مسكينه ساره رضت بفضيحة نفسها على ستر صاحبة العمر جالسه بغرفتها ومتكوره على نفسها كرهت الحياه كرهت نفسها وكرهت صاحبتها وخصوصا بعد .... اخر مكالمه مع فيصل الي ماترك لها فرصه بالكلام عشان تدافع عن نفسها وقال لها انهم بينفصلون قريب لانه مايبي يعيش مع انسانه بهالمستوى ـــــــــــــــــــــــــ ــــــــــــــــــــ كآن متفأجأ من المنظر والاشخاص الي قدآمه والاشخاص الي قدآمه متفاجئين منه ايضـآ كان يتنفس بقوه و واضحه حركة صدره معقوله ؟ ألين ؟ حبيبتي ؟ زوجتـــــــــي ؟ مع شباب ؟ ألين,طلال,دانيال الكل متفاجأ وعارف شنو بيصير اكيد ! أكيد الحين فهد بـ يسحبها ويطقها !! . . . هدوء . . . . . . فهد : ألين . . . . ألين : ؟؟ . . . فهد : تعالي ابي اكلمك . . . طلال : لأ , مابتطلع , اذا بتسوي لها شيء ماتطلع . . . فهد بحده : ألين تعالي طلعت معاه وركبت السياره و وداها البيت راحت بسرعه لغرفتها وفهد لحقها جلست ع سريرها فهد : شنو الي بينك وبين طلال ؟ ألين : بيننا شي مابتفهمه فهد : تحبون بعض ! ألين : اكثر من أي شخصين فهد : .......................... ألين : .............................. فهد : لو كنتي مكاني شـ بتسوين ؟ ألين : بـ طلقك , وبخليكم تعيشون حياتكم فهد : ألين بقولك شي يخص طلال , وبتتفاجئين ألين ما اهتمت : اصلا مايهمني أي شي تقوله فهد ابتسم : هه , انتي ماتعرفينه , طلال محد يعرفه غيري اهو وهالغبي دانيال ألين : لا تتكلم عنهم بهالشكل , ما ارضى عليهم فهد بحده : ألين (كمّل بهدوء) طلال واحد كذاب , غدار , خاين صدقيني انتي ماتعرفينه , انا اعرفه من سنين ألين : فهد اطلع برا البيت فهد : انا ادري ان ولا عمرك سمعتي لي كلمه , بس هالمره انصحك تسمعين (قال بـ بطيء) ط ـلآ ل و آ حـ ـد كـ ـذ آ آ ب ألين وقفت وقال بعصبيه : محد كذاب غيرك ! فهد ابتسم بسخريه : هه , والله انك مسكينه , لو على قولته يحبك كان جا لك لما باب البيت و طلبك من اهلك ألين : اصلا هو كلمك , وهذي خطوه كبيره ! فهد ضحك بسخريه : ومين قالك انه كلمني ؟ ألين : طلال ! طلال قال لي فهد : ولا كلمني ولا شيء ألين ناظرت الارض بـ انكسار بس ماحبت توضح لـ فهد فهد : انا متأكد ان دانيال قالك عن حالة النذاله السخيفه وكيف ان طلال ينقلب فجأه ويعصب ! ألين رفعت راسها بسرعه : أي بس هو كان يمـزح لان..... فهد : يكذبون , طلال مريض نفسي واحد خبل ومو صاحي , ودانيال يبي يغطي عليه , يبون ياخذون منك شي وانتي تعرفينه ! ألين هزت راسها بـ نفي : مستحييل فهد : انا اعرفهم من سنين , اعرفهم اكثر منك ألين جلست ع السرير بـ انكسار وضعف وفكرت بكلام داني واكشتفت انه مو منطقي وأكيد طلب طلال الغريب ان الين تجي معهم للبيت كان اول خطوه ! دمعت عينها ! لانها حبت طلال بـ صدق فهد جلس يمها : مسكينه يا الين , حبيبك طلع واحد كذاب , ومريض نفسي , الحين انتي لحالك , محد وياك ألين التفتت للامل الوحيد نعم .... التفتت لـ فهد وقالت بـ ضعف ! ألين : حتى انت ؟ فهد ابتسم : حتى انا ألين استغربت وكملت بتردد : بتتركني ؟! فهد هز راسه بـ ايجاب وقال بسخريه : ايه بتركك . . . . . . . . . انتي طالق . . . . طلع وتركها أصلا هو يدري انها ما تحبه وتكرهه كره الموت ويدري انها بتفرح لما يطلقها بس تعمد وطلقها بـ وقت تكون فيه محتاجه لاحد يطلقها بـ حالة الصدمه الحزن الاسف الندم والاهم من كل هذا الضعف والذل والانكسار انسدحت ع السرير وبكت بكت بعمق لا ام لا اب لا حبيب لاصديق لافهد ( ع الاقل ) كانت وحيده وحيده نرجع لـ فهد هو جد يحب الين بس بعد الموقف الي شافها فيه , تغيرت مشاعره بس مو للكره رجع للبيت ودخل وكان باين على وجهه الضيق الاب منعم : فهود ؟ عسى ماشر شفيك ؟ فهد اشكره : يبا انا طلقت الين الاب بـ برود وسخريه : طلقتها ؟ ليه ؟ مو هذي الي ماخذه عقلك وخابنا عليها ؟ فهد : كان قلبي حاكمني اكثر من عقلي الاب وقف قدآم ولده وحط يده على كتفه وقال : انت متأكد يا ولدي ؟ متأكد الي سويته شي صح ؟ فهد : متأكد 100% اصلا لو تدرون عن الشي الي سوته بتقولون لي طلقها الاب هز راسه : انا عرفت اربي , بس اخوي عبود ماعرف , خيرها بغيرها ياولدي , واهم شي انك سويت الشي الصح فهد ابتسم وحمد ربه ان ابوه من النوع السهل بالتعامل فهد : يبا تكفى انت قول لامي , ولا تخليها تفتح معاي الموضوع , لانها بتفتح لي تحقيق كامل الاب : اوكي خلها علي راح غرفته ورسل رساله لـ الين ـــــــــــــــــــــــــ ــــــــــ | ||||
|
| |
|
19-10-12, 01:46 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــــــــــ طلال منسدح على سريره وخايف على الين ! اذا صار لها شي راح يكون هو السبب ! (بدأ راسه يصدع) طلال بـألم : سليمااان , سليمااان جيب لي حبّه بسررعه معقوله ؟ معقوله يكون كلام فهد صح ؟ ـــــــــــــــــــــــــ ـــــــ صفحه ~ اليوم ؟ ماذا يسعني الحديث عن اليوم او اتكلم ؟ اليوم هو يوم الفراق والالم يوم الاسى والندم اليوم طبع الحزن على قلبي وختم حتى لساني لا يستطيع وصفه وتلعثم قطع افكارها رنة الجوال (رساله جديده) فتحتها بسرعه حسبتها من طلال بس طلعت رسالة فهد ( كل الي بيننا راح وانتهى , وكل الاشياء الي صارت بيننا لازم ننساها , وانا بـستر عليك , بس مو لسواد عيونك , انا راح اخذ حقي منك , راح انتقم منك , واحرق قلبك مثل ماحرقتي لي قلبي طول هالسنين ...... مع السلامه للابد ) وراحت عند كتابها وكملت كلامها وهي تبكي حتى الاوراق تبللت تكملة الصفحه ~ الآن الضياع عليّ خيّم اقسم لكم بـ ربي و اقسم ان الآن الضياع عليّ خيّم ـــــــــــــــــــــــــ ــــــــ في اجواء مدينة لندن الثلوج والبياض بـ كل مكان ولكن ليست داخل القلوب .... شخصين مستانسين وفرحانين طالعين يغيرون جو تتوقعون مين ؟ ام واب ــو ألين وايضا عائلة ثانيه ام دانيال (اليزابيث) و بنتها (لورا) كانت اليزابيث مع نساء بنفس عمرها اليزابيث : نعم بالطبع املك منزلي الخاص في الظهران ريتشل : حقا ؟ مع زوجك ايضا ؟ اليزابيث : نعم نعم , ومع ابني داني وابنتي لورا فيبي : نريد ان نرى داني ؟ لماذا لاتحضرينه معك ؟ لقد وعدتيني المره السابقه اليزابيث انحرجت : لا اعرف , انه يرفض المجيء الى هنا بشده فيبي رفعت اكتافها بـ استفهام كأنها تقول ع راحتكم ولورا مع البنات الصغار يقيمون حفلة عاديه ولابسين فساتين اميرات ديزني منوفشه وملونه ماندي مفتحه عيونها : حقــــــــــا ؟؟ لورا : نعم نعم لدي جميع دمى باربي وملحقاتها آكيلا بـ براءه : هل لديك مجموعة المطبخ ايضا لورا : جميعها , ابي احضر لي المجموعه بـ اكملها ماندي : هل لديك دراجه ؟ لورا : نعم لدي واحده زهرية اللون آكيلا : وانا ايضا ولكن اخي كسرها لورا : اخي داني لا يتجرأ على لمس اغراضي الخاصه , فـ انا الملكه بالمنزل ماندي : لورا , انتي تعيشين حياه مذهله لورا : بالطبع , وايضا مصروفي اليومي اممم 100 يورو ~> ايه هين ! ماندي وآكيلا : وآآآآآآآآآآآآآآآو | ||||
|
| |
|
19-10-12, 01:47 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في شقة فيصل جالس ع الكنبه ويتابع الفلم صراحه ........ ماكان يتابعه متسند ع الكنب وماسك صحن الفوشار وياكل بـ طفش اما ساره كانت تتابعه ومتأثره وداخله جو فيصل : والله ان الفلم قديم , صار له سنين ! ساره : اششششش , خل اسمع فيصل: مادري شـ تحبين بالافلام المصريه (( انا بحبك يا شفيقه )) ساره دمعت : اعترَف لهاااا فيصل بصوت صغير : شسوي ؟ دموعها نزلت و عطاها منديل ساره مدت يدها بتمسك العلبه سحبهــــآ من يدهـآ وحظنهــــآآآ ... أأإإأ عفـوا ... طـآح ع الكنبه ! ماكان في احد جنبه ! بس كان خيـآل ساره يلاحقه حتى بالشقه ! اتذكر الكلام الي وصلّه وهو من داخل مو مقتنع ! و واثق منهـآ ...! اتذكر اخر كلمه قالتها له : فيصل لاتتهور خلنا نتفاهم , بس لازم انت تكون واثق فيني وتجيني من نفسك ............ أحبك ! فيصل بقلبه : والله واثق فيك واي كلمه منك بصدقهـآ , بس سـآلفتك يا ساره حيل أليييمه ! راح باله لِ الين وفـكر فيهـآ ! لحالها بالبيت لها مده طويله , وأيـآم الاختبارات بدأت ~ إيــوا ! وأيـآم الاختبارات بدأت ~ راحت المدرسه اختبرت الماده الي ذاكروها مع بعض ! وجآتها بعض الاسئله الي حددوها مع بعض هي و طلال ودانيال كانت تتألم بـ كل لحظه تكتب فيها الاجابه ! هذا لما طلال طلّع الناتج ~ وهذا لما دانيال ماعرف يحله وانا ساعدته ~ وهذا قبل لايجي فهد ... وهذا وهذا وهذا ...........~ حلّت كل الاختبار و واثقه ان اجوبتها صح ! طلعت من الاختبــار ومشت بالسـآحه ! وشـآفت ساره جالسه مع ريمـآ كانوا جالسين يضحكون ! ريمـآ الي رقعت الموضوع للبنات وقالت ان الولد يقرب لساره وعصبت عليه ليش انه اخذ سيارة ابوه ! وقالت لهم ساره بنت خلوقه ومخطوبه وانتوا تعرفونها مستحيل تسوي كذا ! قوت العلاقه بين ساره وريمـآ اكثر ! تلآقت عيون الصـآحبـآت ~ ألين بقلبهآ : هل بتتركني ساره مثل ماتركتني سحر ؟! ساره بقلبهآ : ألين سوت لي المشكله وريما الي حلتهـآ ومع كذا ما اشوفها ندمآنه ! مشت ألين وضربت بالغلط ب رآنيا الي كانت تشرب الماي وانكب عليها ! رآنيا شهقت وهي تشوف مريولها الي كله ماي , رفعت راسها للسماء وقالت : جعلللللللك المرض والعمى والسرطان (ناظرتها بعيونها ) قولي آآميــ.... (سكتت وابتسمت ) أليين ! يـآ حيـآ الله يا الين ألين : معليش رانيا ماكان قصدي ! رانيا ب ابتسامه خبيثه : تصدقين اكتشفت شي ب اسمك ! ألين بطفش : وربي مو مروقه ! رانيا : طبعا مو مروقه لانك ولد ! ألين فزّ قلبهآ : ششنو ؟! رآنيا : دائما نعرف الاسم المؤنث من 3 علامات , أول علامه الهاء مثل ساره والثانيه الالف مثل رانيا او ريما والثالثه مثل هدى وندى , بس قولي لي انتي وين تصنيفك ؟! ألين بنفسها : من جدها ولا تستهبل ؟! ظلت الين ساكته ... . . . . ...... : من الاسماء الي مالها عـلآمه تأنيث ! ألين التفتت للي انقذتهـآ ساره : مثل امل ولا هديل (التفتت على ريما كأنها تقولها قولي شيء ) ريما توهقت : أأإأإ ولآ أليين ! رانيا : والين ماتعرف تدافع عن نفسهـآ ؟! ألين : من النهايه شتبين !؟ رانيا ابتسمت : لا ابد سلآمتك , بس حبيت اقولك (غمزت لها ) توصيـله ؟! ألين مافهمت قصدهـآ : لآ شكـ.... (سكتت وهي مصدومه , ورفعت عينها لرانيا الي ميته ضضضحك) يَ الله شاللي قآعد يصير ؟! اتذكرت لما كانت بالسياره ألين غمزت لهم : توصيلـــه ياحلـوين ؟! بنت باحتقار : عندنا من يوصلنـآ ألين سوت روحها مو فاهمه : ر..رآ.. رآنيآ مافهمت قصدك ! ش قصدك بـ توصيله !؟ رانيا : اقصد ............ عندنا من يوصلنآ ألين سوت روحها مو فاهمه : مو فاهمتك ؟! رانيا بحده : ألييين بلآ استهبـآل , يعني نفس الملامح والشعر وخصوصا نفس الـــ...(قربت جنب الين ورفعت قذلتهـآ) نفس هالجرح الي سويته لك بالقلم دون قصد , بس سبحان الله كنت مسويته لسبب ! ألييييين انصصدمت ! خلصت مشكلة ساره من هنا وبدأت مشكلة ألين من جد الدنيـآ دوّاره ! راحت رانيا وتركتهـآ بكل بـسـآطه تركتهـآ بعد ماعرفت بالسر الكبير ! ألين ظلت واقفه مصدومه ماتدري وين تروح ! حست بـ يد على كتفهـآ ! التفتت وشـآفتها سـآره ! مـآ أحــلى الصدآقه =) جلست معهـآ وتفاهموا مع بعض وساره قالت ل الين بكل شيء صار مع فيصل والين وعدتها انها تحل هالمشكله وتكلم فيصل بنفسها رجعـت البيت وهي مرتـآحه ! عـلآقتها بـ ساره رجعت ! وسمعة سـآره تحسنت ! بـآقي لها هم رآنيا وهم طـلال ! الي ماكلمهـآ من بعد ذآك اليوم والسبب ....... مجهول ! . . رفعت آيفونهـآ وكلمت عمهـآ فيصل بصوت مهموم : الو ألين : هـلآ فصول كيف الحآل فيصل : تبن ........ وانتي ؟ ألين : حـآلي آهـ .. حالتي ماتنوصف لعنبـو كـتآب(ن) كتبته ضيعني بمتآهآت الدنيآ فيصل : ابدآآآ مو الييييين انتي جد حالتك اسوأ من حالتي ألين : مادام كذا قولي شفيك ؟! فيصل مايبي يصدمها بصاحبتها : سلآمتك , مشكله بالشغل ألين : اييه علينآ ؟! قصدك على ساره والكلام الي طلع عليها ! فيصل وكأنه لقى الي يتكلم معه : تصدقيييين يا الين ! يعني معقوله حبيبتي الي حبيتها من كل قلبي تخونني ! ألين : ومن قال انها خانتك ؟! فيصل : انا شـآيفها بعيووني , كنت ابي ارجعها البيت وشفتهـآ ألين : ههههههههههههههههههه فيصل : مافي شيء يضضحك الله لايصدمك بغالي ! ألين "جابها ع الجرح" : فصـول هذي آنآ , انا الي كلمت ساره كنت مع طلال وفارس ورامي فيصل : الين مو لازم تتحملين المسؤوليه خلاص انا قررت انفصل عن ساره ألين : فصول اقسم لك بالله انه انااا , حتى كنا بسيارة كشف وكنا واقفين جنب الشجره وكنت لابسه جنز وبلوزا سودا ومستعده اقولك كل الموقف بتفاصيله , وبعدين المفروض تكون واثق من ساره ! فيصل : ججد يا الييييييييين ؟! احلفي انها انتي الين ابتسمت : والله والله يافيصل صدقني والله انا , الحين ارجع لساره وفرح قلبها والله هي ب هم مايعلم فيه غير الله ! فيصل : ششششكرا يا الونة حيآآآآتي فديتك يالغلالا احبك الين : هههههه ماخليت شي لساره فيصل : ساره لها كللللي هي تامر بس يلا يلا فمان الله وراي مرأه ادلعها واكلمها الين : هههههههههه اوكي سيا فيصل : باي ارتآحت ... وارتآح ضميرهـآ معـآهـآ =) مضضى الوقت سريع بـآقي 3 ايام ع الامتحانات وألين ...... لآ من جديد وزي كل يوم والروتين الممل اخبار طلال انقطعت عنها , والعكس صحيح بس اليوم في شي مختلف ! مو مختلف لـ الين ولا لـ طلال مختلف لكم ! في حقائق كثير راح تنكشف ! قبل لا اقولها , خليكم تكتشفونها بأنفسكم ! دآنيال وطلآل جالسين يذاكرون دانيال : طلال ! طلال يناظر الاوراق الي بيده : همم ؟ دانيال : شخبار الين ؟ طلال ترك الاوراق لا اراديا ورفع نظره لـ دانيال دانيال : شفيك ؟ طلال نزل عينه للارض وقال : ما ادري , سكر الموضوع دانيال : لا ماراح اسكره , فهد صار له يد بالموضوع , ولازم تدافع عن الي تحبها وتاخذها منه طلال رفع نظره لـ دانيال : شلون ادافع عنها وهي زوجته ؟ شلون اخذها منه وهو ماخذها قبلي ؟ بـ أي حق ؟ مين انا ؟ دانيال : انت ماتدري عن شي ! اصلا ما استفسرت منها ولا سألتها عن الي صار بعد الموقف , طلقها , ضربها , علم اهلها , صار لها حادث , انت قطعتها وطبيعي اذا قطعتها بتقطعك طلال حط يده ع راسه : مادري مادري , باقي 3 ايام خلني اخلصهم على خير دانيال : يعني الاختبارات اهم من ...... قاطعه طلال وهو شاد ع راسه : دانياال خلاص تكفى راسي بينفجر من هالفيزياااء دانيال بألم : طيب (نادى) سليمـآآآن جيب حبوب باندول لـ اخوك حقيقه (1) طلال انسان سليم ومافيه أي شيء الي كان يبيه ذيك المره والحين , هي بس (حبوب باندول) >_> بعد فتره زمنيه طلع دانيال وراح بيتهم وطلال فكر في كلام صاحبه وقرر يتصل على الين ضغط ع السماعه الخضرا بصعوبه وتردد . . . طووط . . طووط . . طـوو ( ألو ) ألين : الو طلال : ................... ألين : طلال ؟ طلال : هـ .. هـلا الين ألين بـ نبره باكيه : ليه ياطلال ؟ ليه ؟ طلال ب ألم وبصوت هادئ : انا اسف ألين : ..... طلال : الين , انا جد اسف , وكلمة اسف ما اقولها لـ احد ابدا , وهذي المره الثانيه اقولها لك (ضيّع السالفه) شخبارك ؟ (وبصعوبه) وشـصار على فهد ؟ ألين : فهد طلقني طلال انصدم ! ماتوقع ابدا ان فهد يطلق الين الا اذا كان ناوي على شيء ؟ طلال بتردد : وانتي مو فرحانه ؟ ألين : بعد ماطلقني اكتشفت ان محد احسن منه , وهو الوحيد الي يخاف علي و ..... قاطعها طلال بهدوء : واناااااا ؟؟ انا وين رحت ؟ ألين : خلاص ياطلال , فهد قال لي عن كل شيء طلال عقد حواجبه : كل شيء ؟ (كمل بسخريه) شـ قال ؟ ألين بتردد : انت تعرف , ومو لازم اقول طلال : والله مادري , غردي لي بـكلام فهد ألين : قال لي عن الي فيك , انك مريض (وكملت بصعوبه) مريض نفـ ـسي , الحاله الي قال عنها دانيال من المرض , وهالكلام كله معناه ان فيك انفصام بالشخصيه (تنهدت وكـ انها سوت انجاز وكملت) وانك كذاب وخاين و (سكتت ولا قدرت تكمل) طلال : ........................... ألين : طلال وينك ؟ طلال : كل هالكلام كذذب ألين استغربت : كذب ؟ طلال : والله ان كل هالكلام كذب حقيقه (2) فهد كذآب , وكلامه كذب طلال : وأصلا فهد هو المريض النفسي وهو الكذاب والخاين , وانا ودانيال مصاحبينه شفقه , لانه واحد مريض ومسكين حقيقه (3) كل الكلام الي كان موجه لـ طلال هو منطبق على فهد ألين مستغربه : معقووله ؟ طلال : هذا الي صـآر , اهم شي الحين اني عرفت اخبارك , وعرفتي اخباري , شدي حيلك بـ3 ايام (ابتسم) و وعد ان محد بياخذك غيري قولي امين ألين ابتسمت : آمين طلال : يـلآ باي ألين : سي يو ـــــــــــــــــــــــــ ـــــــــــ بـ ليلة اخر يوم من الاختبارات عند شقة فيصل وبعد فتره من تحسن الاوضاع بين فيصل وساره واقفه عند باب الحمام ساره : فيصل والله ماتسوى علي , ابوي موصلني لما باب الشقه , بس ابي افهم هالدرس وبـ امشي فيصل معبي البانيو ماي دافي ومسترخي ع الاخر فيصل : مشغول ساره : فيصل بلا نذاله قوووم فيصل : طيب اقدر افهمك وانا كذا ساره : اوهووو (استسلمت ) طيب الدرس يقول اذا كان المجهول x يسـاوي و p تساوي 34 و .. .... قاطعها فيصل وهو يغني : عــمررك سمعت بـ طير ويحب سجـآنه ساره بعصبيه : فيييييييييصل فيصل : طيب طيب دقايق وطالع , افف خربتي علي استراحتي ساره : خلاص حضرتك اجلس وريّح عمرك , وانا بشوف لي زوج من الشارع يجي يعلمني الدرس اوكيه ؟ فيصل سكت ....... بعدين قال : اممم يعني اجلس احسن ! ساره وهي تضرب البااب : آآآآآآآآآآآه لو انك قدامي , افتح الباب , افتحه اشووف الحين ! فيصل فتح الباب و شسمه شسمه في السيـآره الاب : شفيهـآ ساره اتأخرت ماصارت مسأله قصيره ؟ بعد 5 دقايق ركبت السياره وما تكلمت وملابسها مبلله ب ماي =$ الاب : شرح لك المسأله ؟ ساره : ………….. الاب : سااااره ؟ ساره : هـ هـلآ يبا ؟ الاب : شرح لك المسأله ؟ ساره : هـ ـآه , اي ـه ايـ ـه شرحـ ـهـآ يبـآ (بتردد) يبا ممكن تطفي التكييف الاب مستغرب : حـآظر , وهذا التكييف وطفينـآه ـــــــــــــــــــــــــ ــــ في المدرسه وبـآخر يوم من الاختبـآرآآآآت والجو البارد كل بنت بجـآكيتها واكسسواراتها الشتويه والارض البيضـآء الملسـآء مو من الثلوج ولا من نقاء القلوب بل من اوراق الكتب واوراق المراجعات واوراق تتكور وتنرمي هنا وهناك ولعب وهبال ألين تصرخ من قلب : وناااااااااااااااسسسسسه خلصنآآآ الاختبارااااات سآره : اوووف مابغيــنآآآآآآآ ألين : ساااره انتي مستوعبه انه خلصنآ ؟؟! الرياضيات والكيمياء والفيزياء وكل كل شي خلصنآآه خلالالالاص ريما تسوي نفسها متحمسه : ايوا ايوا خلصنآه (غيرت نبرتها) اصحي يا ماما بيجي الفصل الدراسي الثاني وبنختبر مره ثانيه ألين : المهم خلصنآ نصف الطريييق خلصنآ نصف الطريييق خلصنآ نصف الطريييق خلصنآ نصف الطريييق [ بـعد سنـــه ونـــصف ] ابطـآلنـآ تخرجـوا من الثـآنويه ! . . ألين : أهم شي يالكبيــــر عرسك بعد 10 أيـــآم فيصل : بس ..... ألين : بس شـنو ؟! فيصـل : أبـوك بعده مارجـع ! الين تمثل الوناسه : هاهاي اصلا مايهمني , خلهم مستانسين , واصلا مو مسآمحتهم ! فيصل : بس مانسـآك يا الين , كل شهر يرسل لي مصروفك ومصروف البيت بحسـآبي , لو غيره كان ما اهتموا ! ألين : ............. فيصل يضيع السالفه : وانتي بعد يالكبيـره تخرجتي خخ , عاد ساره من باركت لها ع الشهاده وقطعت ماتكلمني , تقول مابتشوفني الا يوم العرس عشان تشتاق لي ألين ذكرت هالسالفه كانت تبي تسويها لـ زوجها ويمكن تطولهـآ لـ شهر ماتكلمه ولا تشوفه عشان يشتاق لها ! ماتوقعت ان صديقها عمها وصديقتها صاحبتها بيتزوجون قبلها (( القدر )) . . . بعد 10 ايام تحديدا بالعرس .. قاعة افراح كبيره اجتمعوا فيها الاهالي والاحباب وكان الكل مستانس و واضح انها علاقة زواج ناجحه خصوصا ان الطرفيين يحبون بعض , وهذا شي يفرق كانت في طفله بالعرس عمرها 9 سنوات مالها علاقه بالروايه بس حبيت اوضح وجهة نظرها عشان نعرف ان المظاهر خداعه الطفله في قلبها : الّآآآآه , اتمنى اصير وحده كبيره مثلهم ابي اصير بنت كبيره البس فساتين حلوه واسوي شعري حلو واكون امشي كـ اني ملكه (غمضت عينها بقوه وفتحتها) مثل هذيك البنت بالضبط اكيد اهلها يحبونها يوووه , شوفها واهي تضحك وتمشي ومستانسه وآآآو شعرها طوويل وجاي على اكتافها وعيونهآ (ضحكت بوجه الطفله) الاآآآآآآه , ناظرتني وضحكت صدق انها طيبه , انا ابي اصير مثلها لما اكبر طيبه وحلوه وعروسه وكبيره انا ابي اكون مثلها ابي اكون اميره مثلها وكانت الاميره بـ كل بساطه ألين بقلبها : ليه الكل يطالع ؟ لهذا الحد شكلي ملفت للنظر ؟ ملابسي وعاديه وحالتي وتكسر الخاطر وامي وابوي ومو موجودين ومطلقه ومفضوحه الله يستر اذا عرفوا بمدرسة الاولاد ولا لا (شافت الطفله الصغيره وابتسمت لها) شفيها هذي ؟ حتى الاطفال يناظرون ؟ معقوله فيني شي خطأ ؟ ليه يطالعوني ؟ على ايش يحسدوني ؟ استغفرالله ربي العلي العظيم بروح الحمام اشوف شكلي لايكون فيه شي خطأ . . . خلص العرس على خير ! بـ حزن وضيق الين وبفرحة فيصل وساره . . . رجعت البيت ودخلت غرفتها تروشت عشان تهدي اعصابها راحت للمرايه وشافت شعرها الي صار طويل رجع تقريبا نفس اول واطول لما اكتـآفهآ رجعت انثـى مثل قبل ! التجربه الي فاتت علمتهـآ اشياء كثيره ! انهـآ تحب نفسهـآ اكثر وتهتم بنفسهـآ اكثر لبست لها بجامه منزليه انثويه ناعمه ونزلت للصاله تشرب لها شي أول مانزلت سمعت صوت الباب ينفتح التفتت بسرعه وشافت طـ طــ طـــــ طــــبعااا امها وابوها >_> ألين بقهر وحرقه : بدري , بدري عليكم , روحوا كملوا وناستكم , يلا روحوا ام الين : كنا طالعين نغير جو , بس بعدين عجبتنا القعده ابو الين : وشفيك تصرخين كـ ان احنا نشتغل عندك ؟ ألين : أحلف يبـآ , اسمح لي اني اكلمك بهالاسلوب تصدق انكم مخليني لحـآلي بالبيت كل من مشا جنبه ترحم على حالي وانكسر خاطره ابو الين : احنا تركنا الخدامـ(عقد حواجبه واتذكر وجّه كلامه لـ زوجته) اوووه وديناها بيت اختك ههههههههه , الظاهر خرفت وقمت انسى ام الين : ايوا في بيت اختي , وبعدين ليه البيت مزبله ؟ ألين : امي وابوي على عيني وعلى راسي , بس انا بنتكم , ولي حق برقبتكم , ليه تتركوني ولا تسألون عني ابو الين : ياصبر ايوب على بلواه , رحنا نغير جو تفهمين انتي ؟ ألين : تصدق عاد اني تخرجت من الثانوي وقدمت على جامعه ؟ تصدق اني توني راجعه من عرس اخوك فيصل ؟ تصدق اني تطلقت من فهد ؟ ابو الين : بالطقآق الي يطق فيصل وفهد وابوه , ولا واحد منكم همني ! ألين : يباااا شفيك متغير ؟ ابو الين : اوهو انتي الثانيه , يـلآ مالي خلق بروح انام ام الين عطت الين طاف ولحقت الابو شفيهم ؟ مو هذولي الي ميتين فيني ؟ ياترى ؟ شنو هي الحقيقه الرابعه ؟ . . . انتهى الفصل الثـــــــــــاني ~ انتظرونا بالفصل الثالث والجديد راح تكون فيه عدة اشياء • حياة الين النهائيه مع فهد او طلال او ولا احد ؟ • تفسير تغير تصرف ام واب الين فجأه ؟ • انتقـآم فهد • المشاكل الي بتصير وراح تصير اكيد • دآنيال وايش بيصير له والكثير الكثير انتظروني . . . توقعـآتكم – جربـت الحـب | ||||
|
| |
|
19-10-12, 01:51 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المقدمه :- . كـل طفـل يعيش على هذا الكوكب ! يتسـآءل دومـآ ! كيف سـأكون عندمـآ أكبر ؟! هل سيتغير شكلي ؟ او مكان عيشتي ؟ هل سأصبح كبيرا مثلهم ؟! ام سأختلف كثيرا عنهم ؟! بمـآ فيهم انتي .. نعم انتي يـآقارئـة الروايه ~ والآن مـآذا ؟! لقد كبرنـــآ =) ولم يتغير شيء ! بل بقينـآ كمـآ نحن لم نتغير ! كل يوم نرى انفسنآ بالمرآه ولا وجود لمقارنه بإختلافات الامس بل الناس الذين يعيشون حولنـآ هم من يحددون الاختلآفآت وهكـــذآ تمضي الأيــآم كل يوم نكبر ونكبر ونكبر ! ولكن دون شعـــور مننـــآ وتمضـــــي السنيـــــــــن =) . . بعد 4 سنوات . . الآن عمرها 22 سنه دخلت التخصص الي تبيه (هندسة ديكور) في جامعة الملك فيصل شعرها طوّل لما نص ظهرها ومدرج تغيرت , نضجت , كبرت مثل كل البنات لما تصيـر أعمارهم بالعشرينآآت =) . . طلال عمره 22 أيضا , اكبر من الين بـ 5 شهور صار جسمه عريض مثل أي رجّال >< برزت ملامح وجهه وهو الحين موظف ارامكو وعايش حيآته . . دانيال عمره 22 سنه هو نائب المدير بـ شركة ابوه له مكانه بالشركه وشايلها شيل ! وطبعا اسم الشركه بـ اسم بو دانيال و دانيال . . فيصل & ساره فيصل 25 سنه ساره 22 سنه صارت عندهم بنوته صغيره اسمها (سدن) وعمرها سنتين فيصل شغله ماتغير بس اخذ له ترقيه كبيره ساره توظفت في المجال الي تبيه (سكرتاريه طبيه) وكل واحد منهم يكمل مستقبله وحياته الاسريه . . فهد صار مدير شركة ابوه بعد ما ابوه (منعم) اتوفى  والحين هو مستانس ولما الحين مانسى الانتقام . . سليمان بـ ثالث ثانوي صار كبير , وملامحه تشبه طلال كثير بس الفرق ان سليمان جسمه نحيف و طلال جسمه معضل . . لورا عمرها 16 سنه باقي لهم سنه وحده ويرجعون من لندن (( تتذكرون الاتفاق 5 سنين في لندن )) لورا تغيرت وحلوّت واختربت >< بما انها كبرت بـ بريطانيا . . فارس نفس العمر 22 حقق حلمه ودخل مجال الصحافه وقام يكتب مقالاته بالجرايد . . اخت فارس التوأم (( ريما )) حققت حلمها و وظيفتها : ادارة اعمال وهي سكرتيره في مكتب المدير بـ شركة ( دانيال) . . الحقيقه (4) :- ام واب ـــو ألين ! صاروا يحبونها ويموتون فيها ويبون يعوضونها عن كل شيء لانهم ندموا ندم فظيع .. وسبب تقصيرهم بالسنوات الي فاتت واهمالهم كان السبب للاسف حسد من الناس واعمال شيطانيه بس الحين تعالجوا من هالشيء وصاروا مؤمنين بالله , وبيعوضون الين عن كل شي . . بالنسبه للعلاقات بين الاشخاص طلال & الين انقطعوا عن بعض كليــآ 4 سنين وكل واحد مو عارف ولا شي عن الثاني طلال & داني ماتغيروآ , اصحـآب بكل ماتعنيه الكلمه ساره & فيصل كبر حبهم خصوصا بعد اول بيبي ناصر , رامي , فرج , نور ........ الكل عايش حياته وتقريبا , بدأو بتحقيق أحلامهم بس في شخص ! حلمه الحقيقي لما الحين ماتحقق وهو.......... أقصد وهي ألين ! . . الفصل الثالث – الجزء الاول ألين جلست ع الكنبه وهي متفاجأه ومصدومه وقالت : طلال ؟؟؟ (ابتسمت) خطبنــــــــي ؟؟؟ الاب وهو مبتسم : ايه , يبيك على سنة الله ورسوله كل خليه بجسمها اهتزت وقلبها ينبض ينبض وسرعت دقاته ! واخيرا !!!!! اخيييييييييييييييرررررررا خلاص بتصير مع طلال في بيت واحد بيتحقق حلمها ! بس فجأأأأه دخل فهد خخخ امزح فهد مادخل , المهم نكمل الاب : الولد زين ومتوظف وله راتب وماشاء الله سيرته معروفه انسان كامل والكامل وجهه كانت مستانسه حيل ولا تدري تصرخ ولا تبكي ولا تضحك راحت غرفتها بسرعه دخلت وسكرت الباب وهي تتنفس بسرعه ومو عارفه كيف تعبر عن فرحتهـآ نزلت ع الارض وسجدت سجود شكر سجدت لـ ربهـــــآ الي حقق لها امنيتهــآ 4 سنين عن بعد الحبيب 4 سنين ندم من الذنوب 4 سنين قوّت علاقتها بالله (وربي مايرجع احد خايب سبحآنه ) سجدت قدآم الخــآلق البصـــير الي ستر ذنوبهــــآ وهي كل يوم تتمادى وتتمـــآدى إلا ان فـآقت من وعيهــــآ سجدت لربهـآ ولا شعوريـآ بكت ! ايوا بكت من الخجـــــــل قدآم الي اكبر منهـآ =) بكاء ... بكـــآء .. ودموع فرح حقـآ العفـو الرحيم =) كانت تبكي بقوهـ ومع كذآ من داخل طايره من الفرحه دخلت امها الام : الين يمه شفيك ؟ ألين تبكي مع ابتسامه : يمه انا مستانسه , انا بقمة الفرح (انهارت ع الارض فجأه وهي تبكي) الام راحت لها وحظنتها وقالت : خلاص يا الين مافي شيء يبكي بالموضوع , شوفيني انخطبت من ابوك وعمري 17 ولا بكيت , انتي شفيك ؟ خايفه من شي يمّه ؟ فيك شي ؟ ألين وهي تبكي : انا تعبت يا يمه تعبت الام : بسم الله عليك من التعب , راح تبدئين حياه جديده ابديهـآ بفرح مو ب بكا . . صفحه ~ انه الوميض انه ذاك الوميض الزهري الذي يشع في بيت الحزن والكآبه جاء لـ يحييني اشعر بـ قبساته بعد سنين من التعب والالم أتى الوميض الزهري ألا وهو (الامل) اتى ليعطيني نفحات من تفاؤله وسعادته وسيرحل بعد ان يشحنني بـ طاقته الجباره الآن انا متفائله , سعيده , انظر بكل صدق وامل للمستقبل الله حقق رغبتي رغم اني ارتكبت الكثير من المعاصي الخلو مع الغرباء , خيانة زوجي السابق وانا على ذمته , عدم احترامي لـ والديّ , كذبي على الجميع , تأخير صلاواتي و واجباتي الدينيه وبعد كل هذا , ربي حقق لي رغبتي وا خجـــلاه , واندمـــآه انا حقـآ سـ اتقرب من ربي , ومن ديني , سـ أبدأ الحياه الجديده سكرت كتابها وهي مبتسمه وتحمد ربها طق طق طق طق ~> الباب ألين : مين ؟ ساره : انا ساره ألين بفرحه : ساااااااااااااره ساره دخلت وقالت بفرحه : الييييييييييييييييييين الييين راحت لها وحظنتها وقامت تبكي مره ثانيه ساره : مبرووك مبروووك , جاء الفارس واخيرا الين بكت ساره مسحت ع ظهرها : الين خلاص سكتي , ترى بتنزلين عند فصول وتسلمين عليه , لايشوفك كذا ويخترع تراه حبيبي اخاف عليه ! الين ضحكت نزلوا تحت وراحوا للصاله فيصل : هـــــلآآآآآ بو الشبااااااااااب ألين ضحكت : ههههههه هلا فيك ! فيصل : اذا بتصيحين وخري عني , ترى ابد ما احب الصيآح ألين ابتسمت : ما بصيح , بس ابي اقولك شكرا , لان كل الفضل يعود لله ثم انت , صدقني لولاك كان انا ميته من زمان فيصل ابتسم من قلب : شدعوه ؟ كم الـون عندنا ! والله يوفق من جمع راسين بالحلال ! ألين تمزح : اكيد تقصدني لما جمعتك انت وساره فيصل بتطفير : ايه ايه صح , ماشاء الله عليك عبقريه (تكلم بصدق) تصدقين الين , حتى بعد ماتزوجت وانتي سارقه الاضواء في بيتي , واكبر دليل سدن , ساره ماسمتها سدن الا عشانك ألين عقدت حواجبها : وش دخل سدن بـ الين ؟ فيصل : تقول ان اسم سدن فيه حروف اسمها وحروف اسمك ألين : اممم ايوا صح , اول حرف من اسمها , واخر حرف من اسمي , والله انها ذكيه فيصل : المفروض يكون اسمها سفن عشان انا ادخل بالسالفه ! لان الحرف الي بالوسط دآل ؟ حرف مين ؟ ألين جاء في بالها دانيال وضحكت فيصل : شفيك تضحكين !؟ ألين : لا ولاشيء خل نروح لـ دآنيال ونشوف حياته صـآر انسان جمميل وخصوصا مع ملامحه الغربيه الافته للانتباه وكل ما يكبر , يصير ملفت للنظر اكثر وكثير ناس طلبوه يمثل بمسلسل او بـ اعلان بس هو يرفض ويرفض ! كان جالس بمكتب المدير وياخذ ويعطي بالمعاملات وزحمة الاوراق رن جواله ! و ردّ : الو ؟ السلام عليكم ! ........ : دآني ؟ دانيال استغرب : مين معاي ؟ الام : داني صغيري كيف حالك ؟ (كملت بـ نبره حزينه) لقد اشتقت إليك حقا دانيال ابتسم مجامله : مرحبا امي , انا بخير الام : لقد دخلت في غيبوبه لمدة سنه ونصف , بعد ان فعلت الكثير من الامور السيئه , لقد انبني ضميري حقا , واريد الفصح عما بداخلي وبدء حياه جديده دانيال بسخريه : ليس من الغريب عليك يا امي , سبق وقلت لك انك ام سيئه الام بكت : ارجوك سامحني واخبر اباك , كدت اموت بالغيبوبه ولكني منحت حياه جديده دانيال عصب : ماذا تريديني ان اخبره ؟ هل اقول له بخياناتك المستمره ؟ ام بـ تربيتك السيئه لـ لورا , اوه ماذا حدث لـ لورا ؟ اظن انها حامل الآن ! الام شهقت : ارجــــوك لاتقل هذا , ارجوك سامحني يا بني , اقسم اني لن اكرر اعمالي السيئه بعد الآن دانيال : لقد فات الأوان , اطلبي السماح من ابي يمكن استغربتوا ان الام ماحفظت ولا كلمه عربيه طول هالسنين مع انها متزوجه واحد سعودي ! والسبب لانها دائما تسافر , وسفراتها دائما تستمر لـ سنوات ومع كذا تسمع كلامهم وتفهم بعض الكلمات بس تكره اللغه العربيه ولا تكلم عياله الا بالـe سكر السماعه بوجهها بـ قرف وحاول يتناسى موضوعها لان اصلا ما يهمه عنده اشياء اهم تووت --> الصوت صادر من الجهآز الي ع المكتب ريما : عذرا استاذ دانيال , استاذ طلال برا ويبغا منـ.... قاطعها دانيال وهو مبتسم : يتفضل يتفضل دخل طلال وكانوا اثنينهم مشخصين غتره وعقال وحركات =p طلال : هــــــلآآآآآآآآآ وسلموا سلام شبابي ~> لاتطالعون =p طلال وهو مبتسم : بارك لي ! دانيال : مبرووك ! بس على شنو ! طلال : طلبت يد الين من اهلها دانيال ابتسم : واللللللله ؟؟ له له له يبيلها عزيمه هذي ! طلال : إلا يبيلهــآ عزآيم , ما اكون طلال ولد ابوي ان ماخليت المملكه تسمع بهالخبر دانيال : وطبعـآ انا اول الحاضرين طلال : أي افا عليك ! انت قبل العروسه اصلا دانيال : اتحدآآك طلال ناظره بعيونه : و ب اقبل التحدي وبتششوف (غيّر نظرته) لا طبعا , اكيد الين قبلك دانيال : ههههههههههه من لقى احبابه نسى اصحابه ! طلال : هههههه شفت الدنيا كيف ! دانيال : ومتى الملكه ؟ طلال : بعد بكره ! دانيال : والين تدري ان ملكتها بعد بكره ؟ طلال بـ برود : لا ! دانيال : لاياشيخ ؟ لازم تعطونها خبر طلال بـ برود : مو على كيفها تحدد , انا صبرت كثير دانيال : محد صبر كثرها طلال : اشوفك واقف معاها ؟ شرايك انت تروح تخطبها وانا اظل عزابي ؟ دانيال سكت ...... وبعدها قال : تصدق انك دخلت الفكره براسي ؟ طلال : لا والله ! قوم قوم اطلع برا من مكتبي ! دانيال : ههههههههههه امزح معآك , وبعدين هذا مكتبي انت اطلع طلال : ههههههه يـلآ بطلع . سي يو على قولة الين دانيال : الله معاك ـــــــــــــــــــــــــ ــــــــــــــــــــــ | ||||
|
| |
|
19-10-12, 01:52 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــــــــــــــــــــــ انتشر خبر ملكة الين والكل استعد لها ! وصل الخبر لــــــــ......... فهد : هههههههههههههههههه , تو الناس ! توه يخطبها ؟! منال : يمكن مابعد كوّن نفسه ! فهد : ههههههه منول تركي عنك هالسوالف , هذا دليل ان طلال بزر وجاهل وغبي , اجل اذا اهو من جد يحبها , يخليها تنتظر 4 سنين ليه ؟ منال : انت ماتدري عن ظروفه فهد ابتسم : امبلا ادري , انقبل في ارامكو من 3 سنين , وارامكو ماشاء الله رواتبهم عاليه , يعني المفروض متزوجها من زمان منال : لاتتطنز على خلق الله , وقلت لك يمكن عنده ظروف فهد عصّب : لآ حلفي عاد ؟! شرايك تربيني من اول وجديد ! منال توهقت : بس انا ماقلت الا الحق فهد : جــــب ولا كلمه ! مابقى الا العوآنس نزلت راسهـآ للارض بإنكسار عمرهـــآ 31 ولمـآ الحــين ماجآهآ نصيب ! ـــــــــــــــــــــــــ ــــــــــــ في اليوم الموعود ! ألين لبست فستانها الناعم و وقفت قدآم المرايه حطت لها كنبه وجلست تتأمل نفسها بـ لحظه من هاليوم راح تكون جنبه ! انفتح باب الغرفه ساره : اليين يـلآ تعالي نزلت مع ساره في مجلس الحريم وجلست الين معهم ! في مجلس الرجال كان الشيخ موجود وبعض من اهل طلال وبعض من اهل الين الشيخ بعد ما انتهى : بس باقي نسمع موافقة البنيه الاب : فيصل , خل البنت توقع هنا (وعطاه الورقه) فيصل راح عند الباب فيصل : سااره سااره ساره جات بهمس : هــلآ ؟ فيصل : جيبي الين نبي نسمع موافقتها ساره : اوكي لحظه راحت ورجعت مع الين ! الين : هلا عمي ؟ فيصل : موافقه تتزوجين طلال ولا لا ؟ الين متفاجأه : لا والله ؟ هذا سؤال ينسأل ! ساره : ياغبيه جاوبي ايه ولا لا فيصل : يمكن غيرتي رايك ؟؟ الين علت صوتها بعصبيه : اكيييييد ابيه طبعا الصوت وصل عند الرجال لانها كانت جنب الباب فيصل : الحمدلله مو بس انا سمعت الموافقه الكل سمع , طيب وقعي هني (وعطاها ورقه) الين وقعت : وهذااا توقيع (حطت القلم وناظرت عمها بعيون بريئه) متى اشوفه ؟ فيصل : هههههههه ركدي يابنت ساره : الين يالفضيحه صيري ثقيله راح فيصل للرجال وبعد لحظات قامت التبريكات بمجلس الرجال وقامت الهلايل في مجلس الحريم طلال اتحمس : احم احم عمي , ابي اشوف زوجتي (توهق من جرائته وقال بترقيع ) يعني لو سمحت الاب بتفهم : من حقك , من حقك طلال قرص دانيال الي جالس جنبه : راح اشوفها راح اشوفها دانيال : اقعد يارجّال والله فضحتنا , صدق انكم مطفوقين انت وياها طلال التفت عليه : لو سمحت لاتغلط على زوجتي (سكت شوي وطالع الارض ... ورفع نظره مره ثانيه على دانيال) انا متزوج ؟ دانيال : لا ابد , جايين نتقهوى ونمشي فيصل بصوت صغير : يلا يامعرس , عروستك تنتظر طلال ناظر فيصل بـ براءه وهو مو مستوعب بيشوف الين وقال : صدددق ؟ فيصل انكسر خاطره على طلال وناظر الارض دانيال بصوت ماسمعه فيصل : شف الرجّال رحمك , قوم لاتفشلنا طلال : زين زين قام وهو متوتر له 4 سنين ماشافها والاكبر من كذا ان هو دائما يشوفها (محمد) عمره ماشافها الين البنت ! وهذا شي خلاه يرتبك اكثر ! ام الين : يوووه , امداهم كتبوا الكتاب , بيشوفها على طول فيصل : اييه مو قادر يصبر , يلا تراه واقف برا ام الين : وين اوديهم ؟ مافي مكان فاضي الا الملحق الي برا فيصل : دبري عمرك ! ام الين : خلاص وده الملحق ملاحظه : الملحق كان جزء برا البيت كأنه مجلس صغير ألين مستانسه : ب يشوووفني ؟؟ ساره معصبه : ب يشووفها ؟؟ ألين : ياررربي ونااسه ساره معصبه : لا فصول , قول له مو الحين , امداهم مملكين , حتى الرجّال والحريم ماطلعوا , اجلها فيصل اجلها ! ألين عصبت : انتي هيه هيه , مين انتي عشان تتكلمين وتتخذين عني قرارات ؟ ساره : وللمره المليون انا مرت عمك ألين : ترى لولاي كان ماصرتي مرت عمي فيصل : مو كأنك تغلطين على زوجتي ؟ ألين بدلع : ياررربي خلاص وخروا عني ! وين المرايه طلال بيشوفني ! ساره : حمدلله والشكر بعد ربع ساعه ! ألين : خلصت ! ساره : مابغيتي ! ألين : مالك شغل ! فيصل جاء : يلا اخرتينا وفشلتينا مع هالطلال ألين عصبت واشرت بأصبعها السبابه : لو سمحت لاتغلط عليه فيصل نزّل يدها : والله مادري شـ قايل له ! امشي امشي الله يستر عليك راحت معاه وهي متحمسه وكأنها بتجلس مع صاحبتها لما وصلوا عند الباب جاها شعور الخوف والخجل وشعور كل بنت بهالموقف فيصل بسخريه : يـلآ دخلي ألين مدت شفايفها : استحي فيصل : لا والله ؟ اقول دخلي خلصيني لا ادخلك بالغصب ألين : فييييصل والله استحي , مابي ادخل (تذكرت) ياررربي مدري كيف قبل لا ادخل كنت متحمسه من جد ما استحي ! فيصل ميّل راسه ولا عرف شيسوي فيصل : خلاص انا بخليه يطلع لك ويدخلك معاه ألين : لاآآآآ , يعني كحلتها ؟ ! فيصل : انتي متسببه اليوم ! مو عاجبك لا كذا ولا كذا ! ترى بتركك وبروح ألين : لا خلاص اسفه بس ............. (تنهدت وقالت بصعوبه) خلاص دخلني فيصل استعد وحط قبضته ع الباب : اوكي ألين حطت يدها على يده : لا لا لا خلاص مابي ادخل فيصل اتنهد : الين (سكت ولا عرف شيقول) .......... (اتذكر) اتذكري اول مادخلتي مدرسة الاولاد ؟ كيف كان شعورك ؟ كنتي خايفه , بس قاومتي خوفك ودخلتي ألين : هالمره غير ! اتذكرت لما كانت تجلس مع طلال لحالهم بالمكان السري ماكانت خايفه ومستحيه لهذي الدرجه ؟ شالفرق ؟ الفرق ان حلاة اللقاءات الي كذا تكون بخوف وخجل حلاتها تكون بــــــــــــ الحـــــــــــــــــلال ! فيصل : ترى طلال كمّل نص ساعه وهو جالس لحاله ألين تنهدت : خلاص بدخل فيصل لحق ع الفرصه وفتح الباب بسرعه وحط يده ورا ظهرها وقام يدفها بخفيف وهي قلبها ينبض ينبض ...... لما دخلت طلع وسكر الباب ألين كانت واقفه وتطالع الارض ألين بقلبها : احنا حاطين هالسجاده بالملحق ؟؟ اوف الين رفعي راسك لاتطالعين الارض , شنو بيقول عنك (بدت ترفع راسها شوي وشافت رجوله واطراف الكنب وكان جالس بنهاية المجلس) طيب بس باقي شوي ...(اتفاجأت) يااااااررررربي ؟ راااسي عللللللق ؟؟؟ ماهو راضي ينرفع ؟؟ ظلت طول المده بس تطالع رجوله وجزمته الله يكرمكم لما الرجّال زهق وشافت رجوله وهي توقف وتتقدم ألين بقلبها : ياغبيييييييييييه ياغبيييييييييييه ياهبللللله (شافته يقرب منها) رفعييييي راااااااااااااااااسك . . . . هدوء . . . صمت . . . ألين بقلبها : اممممم والحين اشوف ثوبه >< كان قدامها (( بالضبط )) شافت يده تقرب جنب وجهها ألين بقلبها : شنو بيسووي ؟ مسك ذقنها ورفع راسها تدريجيا ألين بقلبها تقول تدريجيا وهو يرفع راسها : لاآآآآآآآآآآآ آآآآ (الى ان صار صوتها خفيف "بقلبها طبعا لول") هاللحظه ! هي التقاء العيون بعد 4 سنوات ! بـ ايامها ولياليها , بـ ساعاتها وشهورها ! طلال ناظر عيونها : سبحان الله ألين استحت ونزلت راسها للارض مره ثانيه قرب يده من وجهها بس التفتت للجهه الثانيه قرب يده مره ثالثه ألين بصوت صغير جدا : لآ آ آ طلال بنفس هدوءها : لـــيـه ؟ ألين غمضت عينها ونطقت بصوت خفيف : استحي طلال : ههههههه ـــــــــــــــــــــــــ ــــ طبعا الرجال والحريم طلعوا من زمـان بس ظل دانيال ينتظر طلال لانهم جايين مع بعض دانيال بالمجلس جالس مع فيصل وكل واحد ساكت ومنحرج وخصوصا ان مافي ميانه ابدا دانيال بقلبه : ساعه ونص ! افف شقعد يسسسوي ؟ اخييييييييييرا ! دخل طلال فيصل : لوولوولولوويش ! طلال : هههههههههههههههههه , طولت واجد ؟ دانيال بحقد : لا ابد , ساعه ونص بس ! طلال استغرب وعقد حواجبه : جد ؟؟ توقعتها 5 دقايق دانيال بحقد : لآ , وبعدين قلت لك جايين نتقهوى ونمشي ! رن جوال ~ فيصل رفع جواله : هذي المدآم , يلا انا استأذن وطلع دانيال من قلب : الله يفشلك زين ؟ الله يفشلك ! طلال رفع حواجبه : انت شتبي ! واحد وجالس مع زوجته دانيال ابتسم : يا الخبل ! لايكون سويت لها شي ؟! طلال : والله كيفي اسوي الي اسوي , المهم يلا قوم اتأخرنا دانيال : الحمدلله انك حسيت ع التاخير طلال : يلا يلا مشينا ـــــــــــــــــــــــــ ــــــــــــ الين دافنه وجهها بالمخده ألين : يما مابي مابي خلاص خلوني لحالي ام الين جلست ع السرير : الين حبيبتي , انا بس ابي اعرف ! يعني ماسوا لك شي ؟ ألين دفنت وجهها اكثر : يمممممماه , يعني من جدك بيسوي لي شي ؟ ام الين بخوف : اكيد ؟؟ ألين رفعت راسها وطالعت امها : والله ماسوا لي شي ,اصلا مستحييل يسوي لي ! ام الين ارتاحت : طيب ليه مرتبكه كذا الين دفنت وجهها بالمخده : اول مره اشوفه , يعني لما شفتي ابوي ما استحيتي ؟؟ ام الين ضحكت على براءة التفكير , وهي خايفه حسبالها شي ثاني : ههههههههههههههه ألين : خليني لحالي ام الين هههههههههههههههههه طيب طلعت وتركتها الين رفعت راسها من المخده ! وخذت كتاب مذكراتها صفحه ~ لاجدآل بأن اليوم ... هو اجمل يوم لقد اخذني بأحظانه وامطرني بـ قـ:$ـلاته اليوم التقيت بـ فارسي اليوم هو اللقاء الحقيقي سكرت كتابها وهي لما الحين خجلآنه حييييييل كل ماتتذكر الي صار تجيها حالة خق غريبه ~> !! ـــــــــــــــــــــــــ ــــ في بيت طلال سليمان ضرب ظهر اخوه : شـ عليك شـ عليك , اخوي ذيييب ! طلال : مو تصدق روحك , ترى ابقى اخوك الكبير ابو طلال بـ ترييقه : الا اقول يالاخو الكبير , بلاك ماقدرت تصبر ! من كتبوا الكتاب نقزت على طول بتشوفها , والله فشلتنا قدام الرجاجيل طلال : يبا كيفي كيفي , زوجتي وكيفي , ليه الكل يقولي هالكلام ! خلاص انا من ذيك اللحظه متزوج واسوي الي ابي ام طلال بصوت صغير : الله يستر بس طلال : شـقصدك ؟ ام طلال : اكيد هالجلسه مو لله طلال بطفش : لاحووووول , ترى انا كبرت واعرف مصلحة نفسي ومصلحة زوجتي , يعني مستحيل اسوي لها شي , مادري شالتفكير السعودي الي عليكم ! سليمان دخل جو : حتى لو بيسوي لها شي ! بيسوي لها بـ ملحق طلال ناظره بحقد : اقول ....... لاتلعب بالنار سليمان ناظر السقف بتطنيش ـــــــــــــــــــــــــ ـ في لندن ! كانوا بحديقة الحي الي هم فيه وفيه بحيره يجتمع حولها البط والاطفال لورا بحده ضربت ع الطاوله : امـــــــــي, مستحيل ! الام : لقد صحيت من الغيبوبه توا , ولا اضمن هل سيحدث هذا مرة اخرى ! يجب انت تعودي ادراجك الى الوطن لورا : لا لا لا , اريد البقاء هنا الام بحده : لورا , لقد حجزت التذاكر , وسـ تعودين بعد يومين لا اكثر ولا اقل ... انتهت المناقشه لورا فتحت فمها : ولكن هذه حياتي , انا اقرر ما افعله بحياتي واين سـ اعيش !! الام بحده : انتهت المناقشه لورا بغضب : آآآآآآآآآآآآ (وقامت من الطاوله وهي معصبه) وكانت تتحلطم : متى يصير عمري 18 واسوي اي شي ف بالي وافتتتتتتك كانت لابسه شورت جنز قصير وبلوزا بيضه لاحظتها صاحبتها ماندي : لوراا لوورا لورا طنشت ماندي : لوراااا لورا التفتت بقوه : ماذا ؟ ماندي : مابك ؟ هل قالت لك شيئا ؟ لورا بغضب : نعم .. سأعود الى الوطن الفاشل ماندي : رغما عنك ؟؟؟؟؟ لورا : رغم عني !! ماندي : يا للجفاء ! ولكننا نريدك ان تبقي يا لورا لورا : وانا كذلك , ولكن امي حجزت لي بعد يومان ماندي : يا الهي لورا : لا اعرف ماذا افعل , ولكني قطعا لا اريد الذهاب ماندي نزلت راسها بـ حزن رفعت راسها فجأه وقالت : لدي فكره !! لورا بـ أمل : ماذا ؟؟ ماندي بـ خبث : تعالي معي ! راحوا مع بعض وراح البارت وياهم =p توقعاتكم ؟ شرآيكم بالقفزه بالفتره الزمنيه ؟ هل تفاجئتوا يوم قريتوها (4سنين) ؟! اممم ايش تتوقعون تسوي ماندي ؟؟ اذا امكن مواقف اعجبتكم بالبارت واخرى تفاجئتوا يوم قريتوهآ وبس =) جــــربت الحــــب | ||||
|
| |
|
| أدوات الموضوع | |
| انواع عرض الموضوع | |
|
|
9Likes
العرض العادي
