22-10-12, 07:00 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الــ ج ــــزأ الـــرابــع عــشـر في بيت ابو مشاري ام فارس: ياوليدي قل لزوجتك تجهز تأخرنا فارس: من قالك انها راح تروح اصلا تنثبر بيتها ام فارس: حرام ياوليدي كلنا معزومين خلها تنبسط معانا فارس: عمرها مانبسطت يكفي راحت لاختها السفاحه اليوم احلى فسحه شجون: كانت طالعه من غرفتها سمعت نقاشهم استغفرت ربها وخلتها بقلبها وراحت لغرفة شعاع ************************ في بيت غلاب مشاعل: لبست فستان ساتان حليبي ماسك على جسمها وناعم سوت تسريحه ناعمه ومكياج ثقلته شوي علشان تخفي ارهاقها حاولت تتصنع الفرح علشان أهلها مايلاحظون شي غلاب: دخل وشاف لبسها وشم ريحة عطرها الفايحه اعجبته بس مابين دخل وتكشخ وتعطر كل شوي تحلو بعيونه أكثر بس كبريائه يمنعه يصرح لها مهما كان هذي أخت فارس مشاعل: تطالعه من تحت لتحت تقول سبحان الله مع انه حيل وسيم وجذاب بس للأسف مظهر بدون جوهر نزلت تحت بدون ماتكلمه ام غلاب: كانت تروح وتجي وتجهز كل شي مشاعل: فيه شي اساعدك عليه يمه تعبتي اليوم وانت رافضه اساعدك او ادخل للمطبخ ام غلاب: باستامه تزين وجهها الأسمر النحيل ماتتصوري فرحتي اليوم يابنتي لواوصفك من اليوم لبكره ماوصفها يالله لك الحمد يالله لك الحمد مشاعل: باستها مع راسها جعلها دوم يارب هالفرحه ام غلاب: تسلمي يابنتي يووه يجون اهلك وانا لسه مابخرت مشاعل: ايش رايك انا ابخر عاد مافيها تعب ولاريحه شينه على قولتك هههههههههههههه ام غلاب: فديتك والله ايه اللبخور يناسبك مشاعل: راحت ووسوت البخور وتلف فيه البيت سبحان الله على قدر كرهي لغلاب على قدر حبي لأمه يمكن امي وهي أمي مادلعتني زيها دايم انت رحيم يارب جاني غلاب بلوه بعمري بس عوضتني بأمه شكلها هي الي راح تحلي حياتي وهي سرحانه بأفكارها الا الصوت الي تكرهه غلاب: بصيغة امر جافه تعالي بخريني مشاعل: اختفت ابتسامتها وتغير وجهها وقربت تبخره غلاب: يلاحظ كل علامات وجهها تبخر وخلص بعدين طالعها بتهديد ياويلك لو حاولتي تتمسكني عند أهلك صدقيني ماراح يخسر ويندم غيرك اول كان يبي فارس يعرف ويلاحظ على أخته الحزن بس الحين مايدري ليه يخاف يخسرها ليله نامت بحضنه ليه تمسك فيها بسرعه هو نفسه مايعرف ليه !!! مشاعل: بدون ماتطالعه أخذت المبخره وراحت غلاب: سحبها مع ذراعها بقوة شكلك غبيه او تستغبين كم مرة اقووووولك اذا صرت اكلمك لاتروحي وتخليني حتى اسمح لك تروحي مشاعل: طالعته بحزن طيب أي اوامر ثانيه غلاب: سمع صوت جرس البيت الحين روحي عني مشاعل: راحت منه تحجر دموعها بس غصب طلعة كم دمعه ركضت للمغسله تمسح دموعها خافت تخرب مكياجها بسرعه راحت لغرفته وعدلته ام غلاب: ياهلا والله اسفرت وانورت ام فارس: منور فيك ياقلبي ام غلاب :هذا بس انتم وين قرايبكم ام فارس:بيت عمنا ابو سلطان بالطريق وبنتنا نوال الحين تجي كانت ورانا ام غلاب: الله يحيهم ام فارس: ليتك ماكلفتي على حالك ياأم غلاب ام غلاب: مافيه كلافه ولاشي هذا يوم سعدي والله مشاعل: عدلت مكياجها ونزلت لأهلها ومتشوقه لهم موووووووت ام فارس: هلااااا والله يابنيتي مشاعل: ضمت أمها بقوووة وبكت ام فارس: تحجر دمعتها افاا يابنتي ليه الدموع مشاعل: مشتاقه لكم يمه ام فارس: يمه مسحي دموعك الحين تجي خالتك تظنك متضايقه او ماحبتي ولدها مشاعل: تمسح دموعها وتقول بقلبها وأنا مابلاني غير ولدها ام فارس: يالله يمه سلمي على اخوانك قبل مايجيهم الضيوف مشاعل: راحت مجلس الرجال أخذت نفس عميق قبل ماتدخل تدعي ربها إنها تكون متماسكه وماتحسس غلاب بضعفها وماتضيق صدر أمها وأبوها ابو مشاري: هلا والله ببنتي بنوري وسعدي وضمها على صدره بحرارة وحنان مشاعل: خلاص شوي وتنفجر بس ماسكه حالها راحت تسلم على فارس لأنه جنب ابوها فارس :سلم عليها بهدوء مبروك مشاعل بشريني عنك مشاعل: حقد العالم كله بنظراتها ماعلي الحمدلله فارس: استغرب من نظراتها قال الحمدلله والشكر لسه حاقده علي علشان سلطانها صدق الحريم خاينات ومياعرفون يوفون لرجالهم غلاب واضح طاير فيها وهي لسه حاقده علي علشان سلطانها بدال ماتشكر لي اني بعدتها عن الي مايعرف قيمتها تطالعني كذا مشاعل :راحت تسلم على مشاري مشاري: ضمها بقووووووووة مشاعل: كأنها تدور حنان وضمت مشاري حسستتها بالأمان تمنيت انها ماتبعد عن حضنه مشاري :ورفع وجهها وطالع بعيونها مشاعل: تتهرب من نظراته وطاحت دمعه غصب عنها مشاري: تغير وجهه وطالعها وسألها بخوف ايش فيك حبيتي ميشو صاير شي مشاعل: بسرعه رفعت عيونها لغلاب الي واقف جنب مشاري وشافت نظرات التهديد لها مشاري: لف عليه غلاب وقال بحزم صاير شي فيه شي مضايق أختي غلاب: لاتعليق مشاعل: تداركت الموضوع لاياخوي بس من شوقي لكم مرة ولهت عليكم مشاري: يطالع فيها مو مقتنع فارس: تعرف دلع هالبنات وخصوصا مشاعل دلعها مشاري بزيادة الله يعين غلاب عليها وناظر بغلاب وابتسم غلاب: يمثل الطيبة علشان يبعد شك مشاري دلعها بلسم على قلبي ودلعها مزود حلاها ابو مشاري: الله يهنيكم ببعض ياوليدي مشاري: مسك وجه اخته بين يديه امنتك الله مايضايقك شي وانا حي وماتقولينه لي تراك اغلى علي من عيوني مشاعل: خلاص شوي وتنفجر تمنت ترتمي بحضنه وتقوله كل شي جرا لها مسكت نفسها الله لايحرمني منك ياخوي وغلاب محافظ علي زي عيونه عن اذنكم تأخرت على خالتي وأمي جلسو كلهم يسولفون الا مشاري مومرتاح نظرات أخته تقول انها مومبسوطه يعرف ميشو زين وين نظرات المرح والدلع الي بعيونها ليه اختفت معقوله بس كل هذا شوق وتوها مو متعوده عليه تنهد وقال بقلبه الله يستر بس مشاعل: راحت فوق لغرفتها لمكان آلامها حاولت تمسك هالدموع الي كل شوي تطلع وحده ماتبغى تبكي ويبان أثر بكاها على عيونها تذكرت موقف مشاري كلهم ماحسو فيني الا هو فديت طيبة قلبه وحنانه بس باب غرفتها يطق ارتبكت أكيد غلاب راح الله يعيني عليه فتحت بشويش وكلها خوف الا بوجيه تحبها مووت غلا: نعلقت برقبتها اشتقت لك يالدوبااااااااااااااااااا اااااااا مشاعل: تضمها أكثر وانا اكثر سحر: فكيها ذبحتيها غلا: خليني اشبع منها كنت قلقانه عليها وطول الليل مانمت سحر: تكذب عليك نامت عندي وازعجتني بشخيرها غلا: وهي لسه ضامتها ياختي من زود القلق ربي رحمني ونومني سحر: طيب خلاص ابسلم عليها غلا: وهي تبعد معجبتني ريحة عطرها ابغاها تلصق فيني سحر: ضمتها بكل نعومه مبروك حبيتي مشاعل: الله يبارك فيك جت تبي تدخلهم الا غلا داخله قبل ماتقول غلا: ول ول ايش هالرومانسيه غرفة لومها مووف حركات مع الابيض طالعه تجنن مشاعل: تتصنع الابتسامه ايه حلوة تقول بقلبها توني انتبه للونها اشوفها اسود سحر: وهي تناظرها باعجاب ماشاءالله عليه ذويق مشاعل: شكله غلا: تغمز لها فديت الثقل ياعالم قالت شكله الا ذويق ويجنن صح متى تسافرون مشاعل: ماتوقع نسافر غلا: افا ليه مشاعل: حرام نخلي أمه وتقول بقلبه قصدي مابي ارو ح انا عنها سحر: فديتك وفديت رحمتك غلا: عاد من جد خالتك قشطه نفسي احط عليها عسل وابلعها ماشاءالله عليها تجنن سحر: يالله نزلنا عيب نتأخر الحين بيت ابو سلطان يجون مشاعل: تضايقت لجيتهم بس ماقالت شي غلا: نزلت وسيدا للمطبخ تساعد ام غلاب ام غلاب: ياقلبي ارتاحي غلا: انتي الي ارتاحي ياخاله ابجيب الشاي والقهوه طلبتك ارتاحي ام غلاب: لاعيب انتم ضيوفنا سحر: وهي داخله لاضيوف ولاشي صرنا أهل ام غلاب: بس مارتاح اعزمكم واخليكم تشتغلون حتى بنتي مشاعل فديتها تعبت تترجاني اجلس رفضت لانها لسه عروس غلا: هذاك قلتيها عروس بس احنا عزابيه ماورانا شي سحر: الله يخليك خاله اطلعي واجلسي معاهم ثواني ونجيبهم ام غلاب: فديتكم الله يرزقكم الزوج الصالح ويهنيكم بحياتكم وطلعت وخلتهم غلا: ياختي تعبت المح لها عزابيه واتنيشم عندها ابيها تخطبني بس ماش شكلي ماعجبتها عيونها عليك سحر: ههههههههه غبيه لمين تخطبك ماعندها غير ولد غلا: دبر ياكثر الشباب ولد اخوها اختها أي احد مزيون سحر: اقول بطلي هذره زايده وخلينا نودي الاغراض ماكأنها الاسبوع الي فات رافضه اثنين غلا: رفضتهم وندمت وتبتسم سحر: الحمد لله اعرف هياطك كان اصدقك غلا: والحمد لله انك بنت عمي علشان القى احط اهايط عنده سحر: هههههههههههههههه مجنونه هالبنت قداااااامي تأخرنا ******************* في جده دانه: حبيبي مابي ارجع اليوم خلنا نجلس زياده سلطان: حبيتي دوامي راح يبدا السبت لازم ارتاح في البيت قبل الدوام دانه: اممم اجل خلنا نتغداء بمطعم قبل رحلتنا سلطان: من عيوني ايش وراح يلبس ثوبه دانه: بابتسامة دلع بس حبيبي مو أي مطعم ابغى مطعم راقي سلطان: طالعها ومسك نفسه هذاك ساكنه بفندق راقي غريبه علي اغديك بمعطم راقي دانه: لابس ياروحي خفت تظني ارضى بأي مطعم انا دانه بنت ناصر ماتتقبل أي شي سلطان: بدون نفس طيب تجهزي والبسي ويصير خير دانه: لبست برمودا ضيق ولبست عباة كتف مخصره ومطرزة وطلعت سلطان: هيه وين انتي رايحه وين عباتك؟ دانه: بعصبيه والي تشوفها أيش تسميها سلطان: اسميها فستان مزخرف مو عباة ستر وحشيمه روحي غيرها البسي الي جيتي فيها دانه: هذيك لبست علشان المطار وعارفه انك متعصب بعاداتك قلت امشيها بس الحين بالله عليك تبيني اروح لارقى مطاعم جده بعباة تقليديه سلطان: تكتف ومن متى صار اسم العباة الساتره عباة تقليديه ؟؟؟!!! دانه: يوووه سلطان لاتقلبها خطبه دينيه يالله مشينا سلطان: دانه اظن كلامي واضح روحي بدلي هالفستان الي عليك واحتشمي زي الناس دانه: يووه صاير ماتنطاق سلطان تصيد علي الحبه بس تدور علي زله علشان تخانقني سلطان: دانه اقصري الشر وغيري هالعبايه دانه: جلست على الكنبه اصلا مابي اطلع خلاص سلطان: راح تطلعين بسرعه بدلي قالها بصيغة تهديد دانه: إإإإإإإإف وراحت وبدلت ملابسها سلطان: نزل بدون مايكلمها وراح لسيارته دانه: ركبت وسكرت الباب بقوة وكل شوي تتأفف سلطان: بقلبه زين دانه الحين تشوفي وقف عند مطعم شعبي متواضع يالله وصلنا دانه: تطالع ايش هذا سلطان: افا دنو ماتعرفي تقري ارفعي راسك فوق وكلمه كلمه نقرا سوا (م ط ع م) نشبكها تصير مطعم دانه: من جدك سلطان!!! سلطان: ايوه انتي لابسه عباة تقليديه على قولتك وانا ابوديك مطعم تقليدي لو انك لابستها حشمه وقناعه كان حشمتك ووديتك ارقى مطعم الحين يداك اوكتا وفوك نفخ دانه: اشبع لحالك انا مابي انزل سلطان: اجل سكري الباب عليك واخلي المكيف شغال زين ابروح آكل وارجع دانه: إإإإإإإإإإإإإف ايش هالحاله ياربي سلطان: نزل من السياره وسكر الباب وهي مبتسم خلي دلعك ينفعك أكل وملا بطنه ورجع دانه: ماردت سلامه سلطان: دنو تراني سلمت دانه: وانا سمعت سلطان: براحتك بس ترا رد السلام واجب دانه: عارفه انه واجب سلطان: فديت الي عارفه بس المهم اطلبي ايش تبين غداء دانه: مابي شي سلطان: براحتك ووصلو للفندق دانه" دخلت ورمت عباتها وجلست بزعل على الكنبه سلطان: جلس جنبها دنو العناد والدلع الزايد مايصلح مع الزوج فرقي بين حياتك عند زوجك وعند أهلك دانة: انت اصلا ماتحبني سلطان: ليه قررتي اني ماحبك دانة: تصرفاتك تدل انك ماتحبني سلطان: حلو وصلنا مربط الفرس الحين عرفت ليه تعامليني كذا اتاريك ماحبتيني دانه: لا انا احبك سلطان: بس تصرفاتك وتاففك من وضعي ومقارنة حياتك معاي مع حياتك مع أهلك تدل انك ماتحبيني دانه غلط اننا نتصرف مع الي قدامنا بكل قسوة وبعدين نرمي الغلط عليهم ونقول هم ماحبونا انتي تقربتي مني حسستني بحنانك عندها الوم نفسي لو قسيت عليك بس تعاملني بعناد وبدون نفس وتبغيني اصير عبد بين ايدينك ينفذ بدون نقاش تراني رجال يادانه ولي كرامتي بس حاشمك لانك عروس وبنت خالي ولأني استحقر الانسان الي يعامل أي مرآة بقسوة بس للصبر حدود قلبي والله اعاملك كذا من وراء قلبي مارباني أمي وابوي على القسوة مع خواتي صدقيني كل ماتتقربي مني راح اتقرب منك أكثر بس ان بعدتي لاترمي اللوم علي يالله مشينا موعد طيارتنا قرب وراح اشتري لك غداء بالمطار دانه: مابي سلطان: خلاص دنو اتفقنا نبطل دلع اوك دانه: ابتسمت اوك ********************** | ||||
|  |
|
22-10-12, 07:01 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  في غرفة مشاعل مشاعل: تحممت وبدلت ملابسها لبست روب وردي ناعم وجلست تحط لوشن على جسمها قدام المرايه غريب: وقف وراها مشاعل: رفعت عيونها فيه شي غلاب: تمثيلك البايخ ماله داعي مشاعل: نزلت عيونها تكمل تدهنها مامثلت ولاشي غلاب: والدموع والتمسكن وحركات الدلع ايش تسمينه مشاعل: قامت ولفت عليه حرام الوحده تشتاق لأهلها غلاب: طالعها من فوق لتحت وراح لسريره بدون مايرد عليها مشاعل: استغربت منه انها رفعت صوتها ولاقال لها شي تنهدت براحه ان هالليله مرت بسلام خلصت تدهنها ترددت تروح لسريرها او لا ماتبي قربه بس تخاف ماتنام جنبه يحطها سالفه جلست تلعي نفسها شوي حتى حست انه نام راحت للسريروبشويش ترفع رجولها على السرير حتى ماتصحيه ونامت على جنبها بكل هدوء ونامت طرف السرير وسكرت نور الابجورة الي فوق راسها تنهدت براحه ان الليله راح تعدي على خير بس فرحتها ماكملت لأنها حست بجسم غلاب يقرب لها سكرت عيونها تكره قربه بس مابيدها حيل ولاقوة غلاب: همس بإذنها مرة ثايه لاترفعي صوتك علي وو...... مشاعل: كل مايقرب اكثر تقزز اكثر منه بس ماتقدر تقول شي ************************ في جناح فارس فارس : دخل لجناحه وماشاف شجون قال فكه من شوفة وجهها الي يجيب الهم والغم ودخل لغرفته وغير ملابسه جلس شوي على سريره حاول ينام ماجاه النوم طلع برا غرفته شغل التفلزيون وجلس يقلب بالقنوات شجون: دخلت للجناح فارس: رفع عيونها لها واشمئز يوم شافها بالتنورة الوسيعه والبلوزة الي اوسع منها الف مرة وشعرها الي موراضي يطول او يبان جماله طالع بساعته وابتسم بتريقه بدري شجون: بهدوء وببرود يرفع ضغط الي قدامها تراني ماطلعت برا كنت جوا عند أختك شعاع او صح قصدي شعاع أخت مشاري (( كلامها دقه عليه انه مايعترف بأخته )) فارس: طارت شياطينه كلها يوم سمع ردها قام وهو معصب بيني وبين أهلي مالك شغل اعترف باختي ماعترف اهين احب مالك شغل بحياتي كلها فاهمه يأخت السفاحه وبنت الجرار شجون : قمة البرود الي يخليك لهم وراحت وخلته فارس: هذي تبي تجلطني ببرودها بس والله لأهينها وأنزل دمعتها وابرد قلبي الي هي حرته فتح باب غرفتها بقوة ودخل عليها شجون: كانت فاتحه ازارير بلوزتها تبي تبدل ملابسها بسرعه مسكت بلوزتها وجلست تسكر ازاريرها فارس: بتريقه مسويه نفسك الشريفه الي مالمسك رجال ماكأن الف رجال لامسك زي أختك المسجونة شجون: طعنها جرحها ذبحها بكلامه بس ماعودت نفسها تبكي أو تنهار حاولت تتمساك وتقهره ببرودها تعرف ان احسن وسيلة تقهر الي قدامك احقره ببرودك وحكمتك طالعت فيه بكل كبرياء وشموخ لاتتوقعني راح ابرر لك اني بريئه او شريفه تعرف ليه لانك ماتهمني بس لو كان الي قدامي سارق قلبي وعقلي كان بررت له برائتي وشرفي وأهم ماعلي ربي انه يشهد على برائتي اما أنت ماتهمني ابد فارس: خلاااااااااااص ولع مرررررررة وقرب لها وشدها مع بلوزتها وجلس يطالعها وهو يفووور من العصبيه شجون : حاطه عيونها بعيونه بكل ثقه وبدون خوف مع إنها واثقه مليون بالميه انه ضاربها ضاربها مع ذلك ماخافت ولانزلت عيونها للأرض فارس : توقعها تخاف ترتبك ترتجف بين يديه بس تفاجأ بنت قويه وعيونها ثابته ماكسرها بنظراته عيون كلها جمال وقوة وجرأة ووغموض توه ينتبه لجمال عيونها المخفي عند قبح شكلها فتنته عيونها هذي نفس العيون الي فتنتي من تحت النقاب وجننتني تراخت يدينه بس مايبغى ينسحب خسران قال وهو يرص أسنانه معاهد نفسي اني ماضرب بنت لاتحديني ياشجون اضربك شجون: استغربت رده واستغربت انه يقول اسمها بفمه ماردت ولاعلقت بس سكتت فارس: ترك بلوزتها بقوة وطلع وصفق بالباب راح لغرفته وهو وجهه محمر من زود ماهو معصب ليه يافارس ليه تكسرك اجمل بنت ماقدرت تكسرك تجي اقبح بنت شفتها تكسرك مادري قوتها او ثقتها او عيونها او نظراتها هي الي كسرتني لا لا اكيد اليوم فيني شي انا مرهق مو مركز ابد بس والله لأذلك ياشجووون واجبر أمي تخطب لي اليوم قبل بكرة ابغاك تنكسرين وانتي توك عروس تجيك ضرة واجمل ضرة تكسر غروروك وشموخك والمشكله مادري على ايش مغرورة وواثقه من حالها لو غيرها كان راسها بالارض ماترفعه ابد والله لاغديك واعشيك اهانات حتى تكرهين اليوم الي جيتي فيه لبيتنا وخربتي حياتي يابشع بنت شفتها بحياتي ******************* في بيت شقة سلطان سلطان: من المغرب وصلنا يمه بس من العشاء وانا ادق عليكم ماتردون ام سلطان: وهي تفسخ شيلتها ايه ياروحي كنا معزومين عند أم غلاب مسويه عزيمه لمشاعل وغلاب ومكلفه حالها مرة سلطان: كأنه صبت عليه مويه حارة تدارك نفسه اهاا ماشاءالله وكيف مشاعل ام سلطان: ماشاءالله ماعليها مبسوطه مررة الله يسعدهم يارب سلطان:بدون نفس اللهم آمين سولف شوي مع أمه بس ماطول وسكر السماعه دانه :جلست وهي تناظر بأظافرها ماشاءالله تسأل عنها سلطان: كان سرحان ايه أمي تقول معزومين عند ام غلاب والحمد لله تقول مبسوطين مرة دانه: بعصبيه وانت ايش دخلك مبسوطين مو مبسوطين ايش دخلك فيهم سلطان: اوووووووه دانه مو فاضي لشكوك وغيرتك الي مالها داعي وراح لغرفته دانه: جت مسرعه حلوة مالها داعي ان ماغرت على زوجي منوا غار عليه ان ماغرت على زوجي الي عجز ينسى خطيبته الاولى وانا ضحيت بكل خطابي لعيونه منو أغار عليه سلطان: حبيتي منو قالك اني مانسيتها البنت تزوجت الله يسعدها دانية: تزوجت بس لسه ببالك موقادر ابد تنساها ياسلطان سلطان: معقوله مانساها وان معاي القمر مادام معاي القمر مالي ومال النجوم دانيه: قالت بتريقه صدقتك وراحت لسريرها وسحبت لحافها طفي النور لو سمحت ابنام سلطان: جلس جنبها وحط يده على كفتها حبيتي دانيه: سلطاااااااان سكرررر النور مابغى اتكلم بليز سلطان: بضيقه من تصرفاتها اوك تصبحي على خير يوم جاء يبي يطلع دانة: بكره راح يرجعون اهلي من سفرتهم راح نستقبلهم بالمطار سلطان: بضيقه ان شاءالله وطلع في الصاله يقلب بالتلفزيون حتى النوم جافاه من كثر ماهو متضايق **************************** في مكتب صلاح صلاح : خلاص حبيتي رولا صدقيني مو بيدي حبك ماراح شي يمحيه بس اصبري علي فترة واعترف لأهلي انك زوجتي ماتزوجتها الا علشان ارضي امي وابوي بس انتي ام ولدي وراس مالي العنود: معاها كاسة العصير تبي تفتح باب مكتبه انصدمت وهي تسمع كلامه حست بالدنيا تدور فيها انكب العصير بالصحن وركضت فيه للمطبخ حطته عند الشغالة وركضت لغرفتها جلست على السرير معقوووووولة صلاح مايحبني معقوله متزوج غيري لا وعنده وله منها يعني متزوجها من زماااااااااان وماحبني بس تزوجني ينتقم من مشاري لا بعد يكذب عليها يقولها متزوجها علشان أهلي وأهله مايبوني وانا الي تركت مشاري لعيونه آآآآآآآآآآآآآآخ يالقهر أأأأأأخ ياحرة قلبي صارت تبكي بقوووة صلاح:دخل عليها العنود: بسرعه راحت للحمام علشان مايشوف دموعها صلاح : جلس على السرير يقلب بعض الاوراق وين العصير يالعنود ساعه وانا انتظرك العنود : طلعت وعيونها منتفخه من الدموع صلاح : وقف ايش فيك متعبك شي العنود: بدون ماتطالع وجهه لابس قمت من النوم ورجعت بطني مرة ذابحني صلاح : اوديك للمستشفى العنود: لامايحتاج ودني لأهلي لاهنت صلاح: خلاص البسي ملابسك وان تبغي اجلسي عندهم حتى تطيبي اصلا عندي سفرة بعد اسبوع لندن العنود: رفعت عيونها له وتحجرت دموعها بعيونها صلاح: استغرب نظراتها ايش فيك العنود: اسافر معاك مو قادرة استغني عنك صلاح صلاح: تلعثم لا ياقلبي لاتروحي ولاشي وانتي تعبانه كذا انا كلها اسبوع وراجع العنود: قالت بقلبها اكيد مشتاق لها وتبغى تراضيها ياحرة قلبك يالعنود الزوج الي حبتيه واخترتيه خانك وماصار يحبك الا بس يتسلى فيك صلاح: يالله العنود مشينا وراي شغل العنود: وهي تركب السيارة تتذكر خوف مشاري عليها اذا تعبت ودلاله لها وسهره لراحتها تنهدت بضيق وصارت دموعها تجري وتحاول تكتم بكائها علشان مايلاحظ شي حمدت ربها انها وصلت بسرعه دخلت بيتهم وهو ماكلف نفسه ينزل ويوصي أهلها عليها زي ماكان يسوي مشاري ام سلطان: بسم الله عليك يمه ايش فيك العنود: تعبانه يمه بطني يألمني ام سلطان: ياقلب أمك انتي وجلست تضمها بعد الحين يوصل اخوك وزجته راح يتفاجأ اذا شافك كذا العنود: تمسح دموعها طلبتك يمه ابروح لغرفتي ولاتنكدي على سلطان بتعبي انا شويه اشرب اعشاب واخف سلطانة: شافت أختها وهي طالعه فوق بسم الله عليك العنود وضمتها ودخلتها غرفتها العنود: انسدحت على سريرها ودموعها على خدها كل شوي تمسحها سلطانة: معقولة كل هذا تعب عضوي يالعنود خابرتك اقوى من كذا العنود: خابرتني بس الحين تغيرت سلطانة: حطت يدها على وجه العنود ولفتها عليها الي متعبك هذا يالعنود موهذا تاشر على قلب العنود العنود: ضمتها اختها حرق قلبي ياسلطانة حرقه وتبكي بقوة سلطانة: بسم الله عليك ياختي منو الي حرق قلبك الي يحرق قلبه العنود: صلاااااااااح طلع متزوج قبلي ياسلطانة وعنده ولد منها وراح يسافر لها سلطانة: تفاجأت وعصبت قولي لأخوي وأبوي والله مايخلونها له العنود: لا سلطانة لاتقولي لهم شي سلطانة: ليه تضعفي او تخافي منه مو من حقه يغشك العنود: خلااااص سلطانة سكري على الموضوع وأنا راح اتصرف الحين مابي اخرب على سلطان فرحته ممكن تطلعي علشان البس يوم طلعت سلطانة بدت دموع العنود تزيد استاهل انا غشيت مشاري قبل والحين جاء احب الناس لي يغشني آهـ يالعنود دمرتي مستقبلك وحياتك بيدك تحملي الي يجيك الحين وأنا اقول ليه مشاعره باردة معاي اتاري فيه وحده بحياته مشغلة كل تفكيره الله يذكرك بالخير يامشاري كنت صادق وواضح معاي وعطيتني كل شي اتمناه بس انا رميتك انهيت سعادتي بيدي لازم اجيب لصلاح ولد يشغله عنها يمكنه يحبها علشان ولده **************************** انتهى هذا الجزا فارس راح يتروزج اولا؟ العنود وصلاح هل راح تجيب له ولد تشغله عن رولا ام لا؟ من هي رولا وايش دورها بحياة صلاح؟؟؟ *************************** حكمة اعجبتني: أراد رجل أن يطلق زوجته ، فقيل له : ما يسوؤك منها ؟ قال : العاقل لا يهتك ستر زوجته . فلما طلقها قيل له : لِمَ طلّقتها ؟ قال ما لي و للكلام فيمن صارت أجنبية ____________ ربي اغفرلي وولملسمين والمسلمات الاحياء منهم والأموات | ||||
|
| |
|
22-10-12, 07:09 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــ ج ـــزأ الــ خ ـــامس عــشــر في شغل فارس محمد: شنو فيك سرحان يافارس فارس: ياخي مقهور طالب من أمي تخطب لي وهي كل شوي تتحجج لي بحجه واضح إنها تصرفني محمد: قام من مكتبه وجلس قدام فارس والله انك غريب اول موراضي تتزوج والحين يوم تزوجت تخطب هههههههه مايعرف لك فارس: بعصبيه منو قالك اني متزوج اصلا ياخي لاتحوم كبدي بس ابوي جايب لي بلوة بيتنا وتقول تزوجت هذي بلوووة تفهم كيف بلوووة الله يفكنا منها عاجل غير آجل محمد: طيب هدي لاتعصب كل هذا كره لها ايش سوت الممسكينة فارس: ياخي لاترفع ضغطي أنت الثاني كل الي بالبيت يدافعون عنها المشكله مسويه بريئه وهي لابسه جلد ثعبان أعرف انا هالاشكال هذي قسم كرهت ارجع لبيتنا كرهتني بكل شي حولي حتى تخيل صرت عصبي واتنرفز من أي شي محمد: ماشاءالله والا اول هادي ورايق لي كم لي معاك وماعرفك الاحمش وبسرعه تعصب فارس: سكت ومارد ويفكر بحل محمد: امممم طيب والي يقولك عنده لك بنوته تصلح لك وتشبع غرورك فارس: موفاضي لمزحك محمد: والله أتكلم جد بس تراماضمن موافقتها بنت شايفه حالها مو بالسهل توافق عليك وخصوصا رجال متزوج فارس: ماعليك بس كيف عرفتها محمد: افا عليك بنت عمي ودلوعة ابوها فارس: طيب ايش رايك تمهد لي الطريق واتقدم لها محمد: عادي ابكلم عمي بس ماتوقع يوافق عليك وأنت متزوج حتى هي تقدمو لها كثير وترفض تدور أي عيب علشان ترفضه فارس: شكلها حلوة مرة محمد: ايه جونان فارس: بغيره وانت ايش عرفك محمد: ههههههههههههه بدينا نغار لسه ماوافقت عليك فارس: ولو بنت عمك المفروض تحشمها هي وابوها محمد: ضربه مع كتفه لايروح بالك بعيد اختي من الرضاعه فارس: ارتاح طيب حلو ايش رايك تعزمني وتخليها تشوفني اكيد راح تقتنع محمد: اوخص يالواثق فارس: بلاخرابيط اتكلم جد متأكد اذا شافتني راح توافق علي محمد: سكت يفكر شوي والا اقولك خير البر عاجله الحين ادق على عمي اقوله انا ابمر آخذ دلال فارس: الله واسمها دلال ايش الدلع هذا محمد: عاد تعرف ليه ابستعجل اشوف طيحت وجهك بعد ماتشوفك وترفضك وناسه ههههههههههههههههههه فارس: تقبل التحدي محمد: اقبل يالله تجهز ابدق على عمي والساعه 11 نروح ناخذها من جامعتها فارس: طيب عطني وقت طلع من عمله وراح للحلاق ووراح للبيت ولبس احلى ثيابه وشخص ورجع لدوامه قبل 11 محمد: اكشخ ياعريس كل هذا علشان تكسب التحدي فارس: كل هذا علشان اكسب دلول محمد: هههههههههههه خطير من الحين دلعها يالله مشينا وقفو عند الجامعه ينتظرونها ارسلها محمد بجوالها انتظرك برا دلال: كانت مليانة شوي وبيضاء ومو طويله شعرها قصير وناعم بس خفيف تهتم بنفسها بزيادة مفرطه حطت غطاء شفاف وطلعت بعبايه مزخرفه جت تبي تفتح الباب القدام بس انتبهت انه فيه شاب وسيم قدام راحت وراء محمد محمد: آسف دلول بس كنت ابوصل صديقي على دربي ومريتك دلال: بنعومه عاتي فارس: ماعجبه لبسها للعبايه وعطرها الفايح بس قال مو مشكله انا اغيرها بعدين تعمد يسولف مع محمد ويلف ماكأنها فيه دلال: كانت تشوف نصف وجهه لان فارس يكلم محمد ويلف يناظره فيبان نصف وجهه شافت واحد وسيم حد الإثارة خشم مثل سلة السيف وجه ابيض نحيف شعره طويل طالع من تحت شماغه واضح ابتسامته جذابه ماقدرت ترفع عيونها عنه ضحكه ثقته ابتسامته اثارتها فارس: خلاص نزلني هنا محمد: متقن التمثيل لا ياخوي ابوصلك لبيتك فارس: ماعليك مابيك تلف الرياض وتتعب الي معاك مشوار مع السلامه وراح عنهم ونزل دلال: كانت تتابعه وشافت جسمه يوم نزل خلاص عيونها مو قادرة تشيلها عنه فارس: مر من عند شباكها وابعد عنهم دلال: مقهوورة يوم نزل هالدقايق الي جلست معاه ماكفتها تشبع عيونها من جماله فارس: متعمد مايطول معاهم عارف كل مايقل الشي كل مايحلوو ويكون له طعم غيررر محمد: يالله دلول تعالي قدام دلال: ضاقت يوم نزل حرام يتعب كذا خله يركب معانا محمد: ماتعرفين فويرس راسه يابس دلال: واسمه فارس كمان جد فارس احلام أي بنت قالت هالكلمة بقلبها محمد" حس ان دلال مفهيه مو معاه ابد اشر بيده قدام عيونها هيه دلول اكلمك دلال: لبيه ايش بغيت محمد: ايش رايك اليوم الاربعاء نطلع لمخيم وننبسط دلال: وناسه محمد: صح ليت فويرس يرضى يطلع معانا خابره يحب البر دلال: ياليت محمد: ايش دلال: تداركت الموقف قصدي عاتي قوله محمد: ابتسم ولف الجهه الثانيه موسهل يافويرس ياسارق قلوب العذارى ******************** في بريطانيا رولا: اهلين حبيبي صلاح: اهلين حياتي اشتقت لك موووووت انتي وباسل رولا: بعتاب واضح اشتئت لنا الا نسيتنا ومو معبرنا اصلا صلاح: مسكها مع كتوفها حبيتي انا شرحت لك ظروفي رولا: اوك حبيبي الحين لازم تأكل شي وترتاح الى متى راح تجلس عنا صلاح: اسبوع رولا: بس اسبوع صلاح: حياتي شغلي ماحصل لي اخذ اجازة غير اسبوع واحد بس رولا: شغلك او الست المصون صلاح: حبيتي بطلي غيره مالها داعي ايش جابك لها انتي غيرر وهي غير رولا: وهي تدخل داخل البيت بحزن اكيد هي غير وانا غير هي بنت بلدك وانا لبنانيه هي مسلمه زيك وانا نصرانيه صلاح: ضمها مع ظهرها واحلى لبنانيه شفتها بحياتي واحلى حب حبيته وام ولدي ومستحيل احب اكثر منها رولا: من البك تئول هيك حبيبي صلاح: اكيد من البي ياكلي يادنيتي انتي رولا: ابتسمت يالله ابروح اجهز لك غداك صلاح: بنظرات شوق انتي غداي تراني مررررررة مشتاق لك شالها بين يديه قال بحنان الحمد لله بسولي نايم مقدر شوق ابوه لإمه رولا: حطت راسها على صدره وابتسمت وإمَّه مشتائة كتير لبيًّه ********************** في ملحق ابو مشاري مشاري: اجل مصمم تسافر ياسر ياسر: ايه دورة جيتني ماراح افوتها مشاري: كم راح تجلس ببريطانيا سنيتن ويمكن اكثر مشاري: الله ياظالم راح نشتاق لك مرة ياسر: شد حيلك وتزوج وتعال شهر عسل مشاري: الله لايقولها ان تزوجت انت انا تزوجت ياسر: ماتوقع راح اتزوج غير الي ببالي مشاري: الله يعينك خلك عايش بحلمك حتى تكبر وتسكن بدار المسنين لا ولد ولاتلد ياسر: ابتسم عادي نطلب غرفه وحده انا وياك هههههههههههههههه مشاري: الله لايقولها غاثني الحين وانا بشبابي اقابلك ان شيبت لا ان شاءالله ياسر: ههههههههههههههه الله ياخذ ابليسك يالله استأذن الحين مشاري: قام ومسكه تراك اخو ماجابته أمي الله يرحمها والله انك اقرب لي من اخوي فارس ياسر: جعل عيني ماتبكيك قل آمين مشاري: آمين عاد لاتقطع بلإجازات تعال زرنا ياسر: ان شاءالله ان سمحت لي ظروفي **************************** في البر فارس: لبس بلوزة ناريه وفوقها جاكيت فخم اسود وكاب اسود ونظارة شمسه فخمه وهو جسمه خيٌّال يعني طوله 170 ووزنه 60 ابيض ومراسمه حلوة وسيم مرة اثير: منو هذا الي مع محمد يجنن دلال: مسويه نفسها ماهتمت صديقه فارس نجلاء: جد فارس جسمه جسم خيٌال مانقصه الا فرس يتدرب عليه دلال: عاد ماشوفه ذاك الدرجه اثير: من جدك الولد يجنن موووت عذاب دلال: اجل لايفوتك يقول محمد انه لسه متزوج ويدور زوجه ثانيه اثير: لو معاه عشر حريم راضيه فيه نجلاء: ليه المسكينه راح يتزوج عليها دلال: قولي هو المسكين ضحى بس علشان يستر عليها اثير: كيف؟؟؟ دلال: تخبرون البنت الي قتلت رجال كبير البنات بحماس ايوه دلال: زوجة هالي تقولون عنه مزيون أختها اثير: بشهقه استغفرالله كيف تزوجها ولطخ سمعته فيهم دلال: مسكين ابوه اجبره عليها لأنها تقرب لزوجته الأولى نجلاء: بعض الآباء ابد مابقلوبهم رحمه والا فيه ابو بكامل قواه العقليه يزوج ولده بنت زي كذا اثير: لاوسعت ان أختها كانت راعية بلاوي دلال: مسكين متحمل كل شي لأنه بار بأبوه اثير: فديته شكله حنون وبار بأبوه والله لو يتقدم لي لأقبله وانا مغمضه دلال: ليه؟؟؟؟ اثير: انتي توك تقولي إنه متزوجها علشان ابوه شكل زواجهم حبر على ورق بس يعني لو يتزوجوني راح يتعبرني المنقذ لحياة البؤس الي هو فيها وراح يحبني وانا من قدي كل هالجمال يحبني أنا بكره يكون ابو عيالي وجيب عيال زي جاذبيته دلال: ابتسمت براحه وسكتت بس كلام اثير ريحها كثيرر اثير: شوفو كيف يسوق الدباب بمهاره يوووه والله يجنن فارس: حاس انه يطالعون فيه بس مسوي ماهمه محمد: دق جوالها هيه دلول تعالي فارس ابعد دلال: قربت له خير ايش تبغى الحين يجي رفيقك وانا عندك محمد: ماعليك راح يبعد يبي ياخذ لفه طويله ويجي متهور الولد دلال: ماشاءالله عليه بس يسوق الدباب بمهاره محمد: اكيد البنات سألوك عنه دلال: تسوي مو مهتمه ايوه ادوخوني عنده محمد: اجل اخطب له وحده منهم دلال: ضحكت بدلع محمد: جد دلول الولد مدوخني ومستعجل يبي يتزوج ترا حتى زوجته مالمسها المسكين يبي زوجه دلال: تحرك قلبها له تيب ابسألهم وارد عليك راحت لأثير ونجلاء وسألتهم نجلاء: صح يجنن بس ماراح اتزوجه وهو متزوج وانا لسه بنت اثير: الا اتزوجه لو معاه عشر حريم يكفي اذا ضقت اطالع وجهه وانسى الكون من حولي دلال: اجل اقوله موافقه اثير: مسويه مستحيه ان وافق أمي وابوي دلال: قرصت خدها فديت الخجوله بس راحت لمحمد ترا اثير موافقه عليه محمد: شكرا دلول بس انتي ايش رايك فيه دلال:دق قلبها مجرد تخيلها معاه لا ايش ابغى فيه محمد: بالعكس احسكم لايقين لبعض مرررة هو حلو وانتي حلوة وكلكم شايفين حالكم ههههههههههههههه دلال: بدلع اتزوج واحد متزوج محمد: ماحاول يقنعها براحتك (( الحمد لله راح يطيح وجهك يافويرس)) دلال: رجعت وجلست تفكر لو أقبله ارتاح من خطبة ولد خالتي الي اخوتني أمي فيه وارتاح من وليد ((( خويها تكلمه لها سنتين ونصف ))) بس مشكله ان فارس متزوج واثير تبغاه اوه ايش دخلني فيه انا بس من جد مشغل بالي مرة ماعمري شفت رجال جذاب زيه مع اني شفت كثير وقابلت كثير بس ماعمري شفت زي وسامته وجاذبيته فارس: رجع ونزل من الدباب محمد: اثير وافقت عليك فارس: وايش دخلني بأثير انا ابغى دلال محمد: دلال تقول متزوج مابغاه يعني طاح وجهك ياللاخو وخسرت التحدي قال راح افتنها قال ههههههههههههههههه فارس: بدون مايضحك كلمها قلها فارس مايبغى غيرك محمد: من جدك انت فارس: بجديه بكلامه ايه من جدي أجل امزح دق وشوف ايش ترد عليك هي بس كبريائها مانعها تتزوجني محمد: ابوك يالواثق واتجهز لطيحة وجهك مرة ثانيه فارس: اقول دق ولايكثر ولد بندر مافيه بنت تقدر تطيح وجهه محمد: طيب طيب ياولد بندر نشوف واثوقك وين يوديك دق جوال دلال الو دلول الرجال قلت له عن أثير بس هو مصمم يقول ابي بنت عمك دلال: مسويه انها مافرحت بس انا مابغاه محمد: عاد هو مصمم ويقول ابخطبها من أبوها شكلك سرقتي قلبه وعقله ههههههههههههههههههههه دلال: حمرت وسكرت بدون ماترد محمد: روح اخطبها وتجهز للطرده ههههههههههههههههه فارس: هي ماردت يوم قلت لها كذا سكرت بسرعه صح محمد: بسم الله ايش عرفك فارس: حركات البنات انا اعرف فيها بكره راح اكلم ابوها وجهز هدية زواجنا محمد: تبطي عظم هههههههههههههههههههه لاتحلم كثير صدقني دلول ماراح تقبلك فارس: راح تشوف من يضحك على الثاني بالنهايه يالله تأخرت ابرجع للبيت قبل ماتظلم الدنيا محمد: اجلس يالدوب تعشاء معانا فارس: لا الي ابيه سويته ايش ابي اقابل خشتك اذا تزوجت دلولتي راح تشبع مني محمد: ههههههههههههههههههههه واثق اقولك لاتحلم كثيررر فارس: لبس نظارته الشمسيه واشر بيده ومشى محمد: مجنون ومغرور وواثق نشوف آخرة ثقته ************************* في بيت غلاب ام غلاب: تطق غرفة غلاب مشاعل: فتحت الباب صباح الخير خالتي وباستها مع راسها ام غلاب: صباح الخير يابنتي لفت ورا وشالة صينيه مشاعل: انحرجت مرة وشالتها عنها ليه تكلفي على نفسك ياعمري ام غلاب:والله موكلافه ولاشي من زمان اطبخ لولدي ايش الفرق يوم جت بنتي الا انبسط اكثر مشاعل: حطت الصحن وضمتها الله يقدرني اسعدك طول عمرك يمه ام غلاب: ابتسمت بحنان جعلني اشوف السعادة ترفرف حولك انتي وغلاب ولايحرمني اشيل ولدكم بيدني احمد ربي انه عيشني علشان اشوف زوجة ولدي واتمنى يطول بعمري اشوف عياله مشاعل: مع انها تكره غلاب وتكره تحمل منه بطفل بس تمنت هالحظة علشان تفرح قلب الأم هالمسكينه اللهم آمين ياخاله ام غلاب: عن اذنك مشاعل: دخلت لجناحهم وحطت الفطور على الطاولة وراحت تصحي غلاب غلاب: هاه ايش بغيتي مشاعل: امك جايبه فطورنا لحد عندنا تخيل ياغلاب قسم غصت بهدومي غلاب: اقول روحي عني بس مزعجتني علشان كذا مشاعل: قهرها اسلوبه غلاب قوم كلك شي حرام متعبه حالها علشانا غلاب: ياليل ماطولك أنا بإجازة خليني اتهنى فيها لو سمحتي مشاعل: بحنان الله يخليك غلاب: رمى لحافه اوووف طيب ابعدي خليني اقوم مشاعل: ابتسمت بفرح غلاب: رفع عيونه لها وشاف ابتسامتها مابتسم وراح للحمام ( اكرمكم الله ) ليه انفتن فيها مع اني اول ماشفتها ابد ماعجبتني طلع من الحمام وجلس على الطاولة ويناظرها وهي تأكل بهدوء وسرحانه سبحان الله مو جميله تبهرني بس جذابة يمكن ملامحها الناعمه نعومتها رقتها هدوئها يجذبني مادري مادري ايش فيك ياغلاب اول ماشفتها اقول هذي الي ادوخنا فيها سلطان ويتلصق بفارس علشانها ومن يومه صغير ماله سالفه غيرها تفاجات يوم شفتها كنت راسم انها جميله زي جمال أخوها بس الحين ايش فيك ياغلاب تغيرت وكأنك انجذبت لأخت فارس المغرور الي طول عمره يعايرك بأمك الهنديه لامستحيل قام معصب مشاعل: تفآجأت ايش فيك بسم الله عليك غلاب: اوووووووف تراك ازعجتيني خليني براحتي يابنت الناس اخذ شماغه وطلع مشاعل: حطت خبزتها تنهدت بضيق الله يعين ماقدرت افهمه ساعات اشوف بعيونه حنان ويهمس بأذني ارق الكلمات وبسرعه ينقلب مزاجه واحسه يكره الارض الي امشي فوقها الله يعين الى متى راح اصبر على تقلب مزاجه الى متى اتحمل بس لازم اعود نفسي عليه مستحيل اخرب فرحة أمه فيني واضح إنها كانت وحيده وفرحت بوحده تونس وحدتها ابصبر يمكن ربي يجازيني على صبري بتغير طبعه بس ماحبه عادي فيه زوجات تصبر على زوجها وهم مابينهم حب ام غلاب: قامت من الكنبه راحت له افطرت ياقلب أمك غلاب: اووف انتي الثانيه غثوتني تراكم وطلع وخلاها مشاعل: كانت شايله الفطور منزلته تحت شافته كيف يتكلم على أمه وشافت انكسار أمه كرهته من قلبها مستحيل هذا يكون بيوم أب لولدي مستحيل ******************* | ||||
|
| |
|
22-10-12, 07:10 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد اسبوع في سيارة فارس فارس: كان مشغل الأغاني ويتراقص معها ويدخن دق جواله ناظر الرقم وسكر المسجل بسرعه هلا والله حياك ابو دلال: هلا يافارس كيفك فارس: ابشرك بخير انت بشرني عنك ياعم ابو دلال: بخير ياربي لك الحمد مابي اطول عليك بس بالنسبة لموضوعنا الي كلمتني عنه ننتظركم انت وابوك حياكم حددو اليوم الي تبون وتعالو فارس: مو مصدق طيب مشكور ياعم ابكلم ابوي وارد لك ابو دلال: الله يحييكم بأي وقت فارس: سكر السماعه وطار من الفرحه دق على محمد هلا يالثور محمد: وجع ثور يرفسك خير هههههههههههههههه فارس: لاني كسبت التحدي وبسرعه جهز هدية زواجنا أنا ودلول محمد: عارف قبلك فارس: جد انك ثور وليه ماعلمتني محمد: كيفي المهم حقوقي وينها فارس: أي حقوق محمد: انا الي ذكرتها لك فارس: ولايهمك يابو سليمان اطلب وتدلل محمد: ابي ايفون او امممممم تاب او اممممم فارس: اقول انقلع ولايكثر ابهدي لك جوال الكشاف ويخب عليك بعد ههههههههههههههههه محمد: نذل ماستغربها منك ههههههههههههههههه فارس: سكر السماعه من محمد وهو طاير من الفرحه وصل لبيتهم ودخل وهو يصفر ومبسوط مو من عوايده ام فارس: هلا بقلبي اشوفك مبسوط ياروح أمك عساها دوم الفرحه فارس: قرب منها ومسك يدها امووواح على أحلى أم ام فارس: ضحكت لا وليدي فيه شي فارس: مسكها وجلسها على الكنبه وتلفت يتأكد مافيه أحد يمه عندي لك خبر بمليووون ريال ام فارس: بفرح خير ياقلبي قول فارس: باتسامه كبيره خطبت ام فارس: اختفت ابتسامتها وتغير وجهها فارس: عقد حواجبه ايش فيك يمه تغير وجهك كذا ام فارس: لابس فاجئتني فارس: عاد ايش رايك مو احلى مفاجئه ام فارس: بس زوجتك لها بس معاك 3 اسابيع ماكأنك استعجلت شوي حرام ياوليدي أخاف الناس يتكلمون عليها واخاف ربي يبلاني ويحر قلبونا بمشاعل فارس: قام وهو معصب حتى أنتي يمه صرتي زيهم كلكم تناظرون لها وترحومنها وانا مافيه أحد يهتم ولايحرص علي ام فارس: خافت على ولدها لا ياقلب أمك انا احرص عليك واهتم فيك وانت صدق ماسويت غلط هذا من حقك >> تقول كذا من ورا قلبها بس من حبها لولدها فارس: فديت امي ياعالم ام فارس: بس أخاف ابوك يعارض فارس: وليه يعارض انا ابجره لبيت دعاره يعني ابوديه لبنت ناس حسب ونسب ويخطب لي بنتهم على سنة الله ورسوله ابحصن نفسي يمه تراني تعبت ام فارس: ياروح أمك فديت وليدي لو غيره كان يروح يدشر ولا همه أحد >>> ماتعرف ان ولدها ماقصر بالدشاره قبل فارس: باسها مع خدها تربية هيا ام فارس اول مانخطبها تشوفيها وان شاءالله راح تعجبك ام فارس: مع اني واثقه مافيه بنت زي جمالك انت حتى خواتك ماوصلو جمالك فارس: بكل ثقه عارف يمه بس شي عن شي يفرق ماراح تكون اقبح من العله الي فوق ام فارس: ربي يسعدك ويسخر لك ابوك فارس: عاد انتي ساعديني عليه ام فارس: من عيوني ياروحي انتي فارس: يالله عن اذنك ياحلى أم ابروح اتحمم وابدل واريح واحلم احلام ورديه مع عروستي الجديده ام فارس: الله يديم السعاده عليك ياعيوني انت فارس: طلع الدرج ويلف يناظر غرفة شعاع وقف شوي وراح لجناحه شجون:كانت ترتب الجناح وشكلها حووسه مرة رافع قميصها وطالع نصف ساقها وعليها قميص وووووسيع وشعرها منفوش ومغبر فارس: تقزز من شكلها وغير وجهه شجون: آسفه حرصت اخلص تنظيفه قبل ماتجي تعرف الغبار الي جاء الفجر حاس الجناح مرة فارس: بتقزز كملي شغلك عادي ماتفرق شكلك حوسه يمكن ارحم من شكلك وانت متكشخه شجون: ببرود ابتسمت فارس: بعصبيه قلت ش يضحكك تراني مامدحك شكلك سمعك ماش يبي لك تكشفي شجون: لا سامعه كلامك زين لاتخاف فارس: وده يجلدها فيه وحده بكامل قواها العقليه يسبها زوجا وتبتسم خاربها تتحطم تبكي بس تبتسم ماعمري شفت شجون: هذاك قلتها زوجها يحطمها يعني تهتم برايه بس انت مو زوجي ولاتعني لي شي علشان كذا تسبني تمدحني كلها سوا مايهموني فارس: هذا احسن شي فيك انك ماتحملي دايم احلامك على قدك متزوجك لي 3 اسابيع وماحلمتي اني راح اكون زوجك الفعلي لانك عارفك ان هذا من رابع المستحيلات شجون: وهي تكمل مسح هذا الي مريحني اني ضامنه انك زوج صوري بس قدام الناس علشان كذا مرتاحه بحياتي رفعت عيونها له انا ممتمنه لك كثيرر فارس: تنرفز من برودها بس مايبي يعصب قدامها ويفرحها دخل غرفته وسكر بابه بقووة شجون: يوم راح ابتسمت فارس: يلف بالغرفه والله راح تجلطني هالبنت ببرودها بس عارف انها تسوي هالحركات وتثقل نفسها علشان تجذبني لها والا هي خاقه عندي يشوف نفسه بالمرايه كذابه مو معقوله انها ماتبيني اقرب لها متأكد مليون بالميه انها تمووت وتكون زوجتي ونكون بغرفه وحده ماحد يقاومني اجمل منها تلصقو فيني وهي ماحركت شعره فيها مستحيل اووووووووه والله انك غبي يافارس من هي شجون علشان تفكر انتع جبتها او لا طقطاق يطق راسها عمري ماعجبتها خربت مزاجي الله يخرب حياتها كلها ابشوف وجهك يابنت سعد اذا عرفتي اني خطبت ومو أي بنت دلال بنت منصور اووووه متى تجي لي دلول وتريحني من العله الي عندي وربي اتمنى اشوف الغيره بعيونها والراس الي رافعته مادري على ايش اتمنى اشوفها توطيه قدام عيوني *********************** في بيت ابو سلطان سلطان: شاف سلطانة ودانيه منسجمات بالسواليف لف على العنود وحط يده على رقبتها يحضنها ايش فيك العنود وجهك موعاجبني ابد العنود: تحاول تخبي ضيقها لاياخوي مافيني شي سلطان: ابتسم يمكن ولي عهد صلاح يبي يجي ومخبيه عنا العنود: تضايقت اكثر لا مافيه شي سلطان: صح وينه صلاح ماشفته تراني مجهز للنسيب احلى هديه العنود: مسافر لشغل سلطان: اها قولي كذا من زمان قولي ان شوقك ذابحك عليه وغمز لها ولف يكمل سواليفه مع زوجته وأخته العنود: تقول بقلبها ليت الشوق الي ذابحني مو القهر وخيبة الأمل ********************** في بريطانيا ياسر: بعد ماراتاح يوم بشقته طلع يتمشى ببريطانيا كان لابس جاكيت طويل رمادي وطربوش صوف نفس اللون طالع الجاكيت مناسب مع طوله وعرضه وهو يلف مر من جنب حديقة اطفال شاف ولد حلوو يلعب لحالها جلس جنبه يلعب معاه بس استغرب انه سمع صوت يعرفه من بعيد باسل باسل رفع راسه جهة الصوت الا يتفاجا بصلاح معاه بنت كاشفه وواضح انها مو سعوديه صلاح: يوم قرب ايش هالصدفه الحلووووة وحضنه ياسر: بدون مايتحرك يطالع صلاح باستغراب رولا: حبيبي تعرفه صلاح: ايوه ياروحي صديقي الدكتور ياسر رولا: مدت يدا تشرفنا ياسر: بدون مايناظرها ولا طلع يدينه من جيبه لانه حرام يصافحها قالها حياك أختي رولا: استغربت من تصرفه وانقهرت صلاح: حبيتي روحي خوذي بسولي ولعبيه هناك رولا: اوك بس لاتتأخر قلبي صلاح: يوم شافها ابعدت ليه جرحتها ياسر: تعرف اني مستحيل تلمس يدي يد وحده مو محرم لي بس ممكن تعلمني من هذي صلاح: شوفة عينك زوجتي وولدي ياسر: وهو يحاول يمسك نفسه متزوج ومسوي انك متعذب لفراق بنت زوجة مشاري صلاح: بعصبيه ياسر حدك لاتسميها زوجة مشاري تراها الحين زوجتي أنا ياسر: يطالعه من فوق لتحت ماشاءالله غيوور صلاح: يطالعه باستغراب ياسر ايش فيك تقط كلام كبير ياسر: خربت حياة انسان وانت كنت متزوج وعندك ولد ومتهني هربت حياة انسان وانت تمثل قدامنا انك معاني ومتعذب ايش القلب الي جواتك قلب كله سواد صلاح: هيه ياسر حدك عاد لاتهني على كيفك تراني اعرف ارد عليك لو كنت صديقي ياسر: مايشرفني اكون صديق لانسان قلبه كله حقد وغيره انسان يبني سعادته على تعاسة غيره بس يكون بعلمك تراك تعبت نفسك على الفاضي لأن مشاري ماجاب خبرك انت وبنت عمه عايش حياته مبسوط او الظاهر انه ارتاح من هم الزواج صلاح: تراني ماسك نفسي مابي اغلط عليك واخسرك ياسر ياسر: قلت لك مايشرفني يكون انسان زيك صديق لي عن اذنك ماشغلك عن حبية قلبك ولف يبي يرجع صلاح: وهو يشوفه يبعد اصلا انت عمرك ماحبيتني كصديق ماصادقتني الا علشان خاطر مشاري بس وانا بعد الي مايبني مابيه ياسر: يسمعه ومطنشه يكمل مشيه لشقته وصل العمارة الي فيها شقته وهو مقهوور من تصرف صلاح فتح باب الشقه وفسخ البالطو حقه ورمى نفسه على الكنبه وسرح قبل اربع سنين ياسر: في المطار جالس ينتظر تاكس يشوف شابين واقفين قريب منه واحد طويل وابيض وعريض والثاني متلزم واشباهه مو ملفته بس يدخل القلب بدون استئذان مشاري: ابتسم له شكلك توك تجي لبريطانيا زينا ياسر: ايوه مشاري: انا مشاري بندر وهذا صديقي صلاح فؤاد ياسر: انا ياسر عبدالكريم مشاري: تشرفنا صلاح: بدون نفس صافحه واشر لتاكس يالله مشاري وقف لنا تاكس مشاري: تعال ياسر معانا ياسر: لاشكرا مشاري: ليه تعرف احد هنا وتنتظره ياسر: بإبتسامه لا انا غريب هنا ماعرف أحد مشاري: اجل تعال معانا حلفت عليك ترا ياسر: ركب وهو منحرج يحس ان صلاح مو متقبله مشاري: حط يده على فخذه الا قلي وين استاجرت ياسر: ابتسمت ماستاجرت قلت ادور شقه اذا وصلت مشاري:احنا جهزنا كل شي قبل مانسافر وانت الحين راح تلف ووتعب ويالله تلقى واحنا شباب مافيها شي لو سكنت معانا ياسر: لامشكور مشاري: ايش فيها انت دافع دافع ادفع معانا ونتونس سوا أحسن من انك تجلس لحالك لانك صراحه دخلت قلبي من اول ماشفتك ياسر: سبحان الله القلوب عن بعضها مشاري: قرب لصلاح لانه كان جالس قدام شفت صلاح جانا خوي ثالث راح نتونس أكثر صلاح: مارد ياسر: شاف وجهه بالمرايه الجنبيه انه ابد مايبي بس انحرج من مشاري الي طول الطريق يسولف معاه قطع أفكار ياسر صوت جرس باب شقته راح وفتح الباب شاف رجال كبير بالسن يمكن بالستين ومعاه حافظتين الرجال: حياك ياوليدي ياسر: هلا والله حياك تفضل الرجال: زتد فضلك ودخل أكيد مستغرب من أنا معاك راشد ابو صالح ساكن انا وبنتي بالشق هالي قدام شقتك جاي معاها علشان تكمل دراستة طب الاطفال هنا ياسر: ابتسم ماشاءالله الله يخليك لها راشد: يوم شفتك فرحت انك رجال واضح عليك الصلاح ساكن قدام شقتنا تعرف أخاف على بنتي بس ايش دراستك او تشتغل ياسر: انا طبيب قلب بس جيت أخد البرفسور هنا واصير استشاري ان شاءالله كلها سنتين وارجع راشد: بنتي باقي لها يمكن قريب منك سنه ونصف كذا وجبت لك غداء تاكله اعرف طبخ المطاعم يتعب المعده ياسر: ليه كلفت على نفسك يابو صالح راشد: لاكلافه ولاشي وان احتجت شي ترانا جاهزين تعرف احنا غرب هنا ولازن نصير اهل نساعد بعضنا ببلاد الغربه ياسر: صادق والله راشد: أخليك ترتاح بس حبيتا تعرف عليك ياسر: ماشربت معي القهوه راشد: الجايات أكثر وطلع وراح لشقته هيفاء: هاه يبه عطيته الأكل راشد: ايه وشكل ابن حلال وزيك يكمل دراسة الطب بس سبحان الله تحسينه رجال والنعم فيه هيفاء: الحمد لله ماسكن قدام شقتنا الا رجال كفو راشد: صادقه يابنتي ياسر: سكر الباب بعدراشد سبحان الله وجهه مو غريب علي كأني اعرفه بس ليه مارتحت له مع انه واضح طيبته بس يوم شفته ابد مادخل قلبي مسك راسه وجهه مو غريب علي ابد وين شفته مادري ****************************** في بيت ابو مشاري فارس: هاه وش قلت يبه ابو مشاري: بعصبيه من جدك يافارس تتزوج على البنت وهي ماكلمت شهر فارس: وهو معصب اكيد من جدي الي أوله شرط آخره نور يبه نسيت ايش شرطت عليك قبل ماتزوجها ام فارس: يوم شافت عصبية فارس رحمته بندر لاتضغط عليه هو صادق كان شارط عليك ابو مشاري: ممكن تسكتين يا هيا لو انها وحدة من بناتك كان ماقلتي كذا أنا مارفضت زواجه بس يكسر البنت وهي لسه عروس حرام عليكم لو أختك يافارس ترضاها لو مشاعل يا أم فارس ترضينها عليها افهمو ياعالم خلو بقلوبكم شوية رحمة فارس: عصب يبه أي رحمة تتكلم عنها ترحم بنت الناس وتخلي ولدك الي انحرم يفرح زي الناس تزوجه اقبح بنت واشين نسب لأنك راحمها تضحي بسعادة ولدك لعيون بنت غريبه صوتهم كان عالي والكل يسمعه اولهم شجون الي كلمات فارس تطعنه من الوريد للوريد ومشاري كان يسمع بس ماحب يتدخل وزي ابوه راحم شجون كثيرررر ابو مشاري: طيب انا مامنعك بس ماراح اروح معاك فارس: يبه تتخلى عني يبه انا وقفت معاك والحين انت تتخلى عني ايش يكون موقفي قدام الناس وأنا رايح اخطبها لحالي كأن مالي أهل ابو مشاري: افهمني يافارس شجون بمثابة بنتي والي يجرحها ويضايقها يضايقني انا مواعد نفسي مايمسها شي وانا حي ومواعد أختها بعد فارس هذي وحيده بالدنيا حرام نعاملها كذا شجون: وماراح يمسني شر ان رحت مع فارس ياعم كلهم استغربو دخولها وردها لفو عليها شجون: بكل هدوء فارس معاه حق ياعم وماطلب حرام يبغى زوجه بشرع الله وهو ماتزوجني الا فزعه منه علشان يطلعني من الي أنا فيه وماقصر ومن حقه يعيش حياته ابو مشاري: كبرت بعيونه مرة ورحمها أكثر انا ماعارضت يابنتي بس اقوله يصبر مو زينه بحقك يتزوج عليك بدري ايش يقولو الناس عنك الي يمسك يابنتي يمسني انتي بمثابة بنتي والحين أنا وصي عليك شجون: ياعم ماعندي أي مشكلة ولاتخاف علي عمر كلام الناس ماهزني ناظرت بفارس مبروك يافارس مقدما والله يسعدك ويهنيك ام فارس: كسرت خاطرها ورحمتها وهي تشوف بعيونها حزن تحاول تخبيه فارس: حتى هو فشل من تصرفها نزل راسه الله يبارك فيك شجون: آسفة إني تدخلت بكلام اسري بينكم بس كان صوتكم ونقاشكم واصل لآخر البيت يوم سمعته يخصني تدخلت عن اذنكم وطلعت لغرفتها مشاري: كان يسمع ردها وهو بالغرفه الثانيه وكبرت بعيونه مرة معقولة فيه بنت بالعمر تحمل كل هالحكمه والعقل سبحان من خلقها ابو مشاري: ناظر بفارس وامه بكل فخر شفتو هذي البنت الي عارضتوني اني انقذها هذي البنت الي لمتوني لأني دخلتها بيتي وراح تشوفون منها اكثر ... جاء يبي يطلع حط يده على كتف فارس لاتفرط فيها ياوليدي تراك راح تفرط بالماسه صعب تلقى مثلها طلع وخلاهم ********************** انتهى هذا الجزأ زوااااج دلال وفارس ياسر يعرف وين شاف راشد ؟؟؟ وليه مادخل قلبه؟؟؟ هل راح تكون احداث بين هيفاء وياسر؟؟؟ انتظررررررررر ردوكم على احر من الجمر لاتبخلوني فيها علي ولاتتاخرن فيها ************************* فائدة: الرافعي . علمتني الحياة: أن الحب والوفاء وجهان لعملة نادرة إسمها الصديق. علمتني الحياة: أن من شغل بعيوب الناس كثرة عيوبه وهو لا يدري. علمتني الحياة:أن الصدق والصراحة خط مستقيم بين نقطتين هما أنا والعالم. علمتني الحياة:أن من كان قلبه يحمل الحب الحقيقي والصدق مع النفس لا تلقيه الأيام بين يدي المخادعين. علمتني الحياة:أن الكلمة الطيبة تغلق باب الكره وتفتح باب الود. | ||||
|
| |
|
22-10-12, 04:53 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــ ج ــزأ الــســادس عــشـــر في غرفة فارس: فارس :معبي البانيو مويه ومبسووووط والماء يصب فوق راسه له ساعه تحت الدش سرحان بشكل دلال ويتخيل صدمة شجون يوم تشوفها سكر المويه ولبس روب الحمام وطلع تنشف وعطر جسمه ولبس ثوب ريتشي سكري جديد وشماغ جديد كان محدد سكسوته وراسمه زين كل شوي وهو يعدل بشماغه بعد شوي عن المرايه والله ماحد قدك ياولد يندر من جد خطيرررر مالوم دلول يوم وافقت علي اجنن مررة رش عطررر اللور وكثر وفتح الباب تمنى تقابله شجون بس مالقاها فيه قال ايه يارب تكون تحت عند أمي علشان اغيظها وهو يسكر باب جناحهم الا يسمع صوتها عند شعاع انقهر مايقدر يدخل غرفة شعاع او يقرب صوبها نزل تحت وشاف أمه لابسه ومتكشخه ام فارس: كانت جالسه وبحضنها عبايتها تنتظر ولدها وسرحانه انتبهت من سرحانها على ريحة عطر ولدها فزت من مكانها تف تف بسم الله عليك الله يحفظك من عيون حسادك قريت وردك يمه فارس: بكل ثقه وهو يعدل الكبك حقه ايه ماعليك يمه هاهـ عجبتك ام فارس: من حينك زين بدون كشخه كيف عاد وأنت كاشخ فارس: يمه ابيك تشوفينها لي زين وتدققين فيها تراني ماشفتها ابوها يبي يتعرف عليكم قبل بعدين اشوفها ام فارس: تغير وجهها ان شاءالله ياوليدي فارس: ايش فيك يمه تغير وجهك ؟!؟! ام فارس: مادري رحمت هالمسيكينه الي فوق فارس: فكينا منها لاتخربين جوي بطاريها تراني ماصدقت انزل ولا اشوف وجهها علشان مايخرب جوي >>> ماكأنه يترقب شوفتها ام فارس: ربك يعين فارس: المهم وين ابوي ام فارس: مادري انا لبست ونزلت فارس: يناظر الساعه ياليل نبي نتأخر على الناس كذا ابو مشاري: خير تراهم مو طايرين لايحترق رزك بس فارس: يبه ترا هذولا ناس عووايل انت يمكن تعودت على ناس غيرهم حنا نحدد معاهم الموعد علشان ناخذ بنتهم منهم ونفكهم منها ومن عارها ابو مشاري: ناظره بعصبيه مافيه روحه روح لحالك علشان مرة ثانيه تحشم بنات الناس فارس: يبه خلاص اسحب كلمتي الله يهديك ابو مشاري : ايه هذاني ابسحب كلمتي اني ابروح معك وابجلس واشوف هالنا س الي فرحان فيهم يعطو نك او لا ؟؟؟ ام فارس: استهدي بالله يابندر ترا الولد ماكان قصده ابو مشاري: جتنا هذي الثانيه الي تبي تجلطني تدافعين عنه وانتي تشوفينه يسب الضعيفه الي ماقالت له شي وماعمره اسأت له فارس: بعصبيه انت اصلا ماتحبني وتبي تحرجني قدام الناس بس يوم الناس الي مايشرفون وانت مهتم تزوجني لهم يوم اخترت طريق سعادتي وقفت بدربي ليه لو إنه مشاري ماسويت كذا ابو مشاري: ايه ماحبك لتصرفاتك لتعاملك السيء مع خواتك وزجتك حتى ولد عمك ماخليته متى ماصرت رجال كفو زي مشاري يومها تعال لومني ليه اعاملك كذا فارس: طيب هالزواج من هالبنت الي فوق مابيه وزي ماتخيلت عني يوم خطوبتي انا ابتخلى عنها وارميها عند ابوها ونشوف ايش يسوي فيها ابو مشاري: رفع يده أعلى مابخيلك اركبه البنت مستغنيه عنك وراح للمقلط فارس: فسخ شماغه ورماه من القهر شفتي يمه شفتي ابوي مايحبني ام فارس: انت الله يهديك اغلطت على شجون وتعرف يكره الي يرمي عليها كلام فارس: الله ياخذها ويفكني منها يااااااارب ام فارس: خلاص لايسمعك انا ابروح له وانت لاتخرب الي ابسويه راحت عند ابو مشاري وجلست عند ركبه اطلبك يابندر وماترد لي طلبي لاتخلي ولدي بموفق مثل هذا ابو مشاري: كان معصب لف عنها وتنهد بضيق وقال لا اله الا الله ام فارس : دمعت عينها عارفه مالي غلا زي المرحومه بس اجبر بخاطري هالمرة تراك تجرح قلبي ان جرحت وليدي ابو مشاري: باسها مع جبينها لك كل الغلا يام فارس وقف ومسكها مع يدها ووقفها وحضنها دموعك مابي اشوفها كم مرة اقولك ام فارس: الله يخليك لي ابو مشاري: طلع قبلها وبدون مايناظر فارس وربي مارحت الا لخاطر الغاليه أمك بس وطلع قبلهم فارس: ناظر أمه وباسها مع راسها فديتك ياأحن أم ام فارس: وهي مبسوطة لان اثبت بندر إنه يحبها يالله مشينا قبل يغير رايه **************************** في بيت ابو عبدالرحمن غلا: شفتي فويرس اليوم يبي يروح يخطب سحر: من جدك نوال: ايه صادقه خالتي وابوي وامي راحو يخطبون له سحر: غريبه عمي ابو مشاري يرضى يخطب له نوال: فديتها شجون هي الي قالت له سحر: رفعت حواجبها مستغربه معقوله وحده تقنع اهل زوجها يخطبون له غلا: بلاها موحاسه إنه زوجها ماغير يعشيها ويغديها تحطيم سحر: عدلت جلستها لو تهتم بشكلها شوي يمكن تحرك شعوره نوال: بحكمه اصلا تحسيها مهمله نفسها بعنايه ماتبيه يحس فيها سبحان الله أحسها مو متقلبته ابد اصلا يبان الوحده الي تحب زوجها وتكابر والي جد ماتبيه غلا: فديت أمي الي تعرف الناس بدون مايتكلمون سحر: صح خاله كيف تفرقين ؟؟؟ نوال : سحر يقولون العيون هي تتكلم تفضح الي جوا القلب سحر: ارتبكت وابعدت عيونها عن نوال نوال: ابتسمت وسكتت غلا: تحك راسها الله يستر مافضحتيني يمه نوال: لاأنتي مريحه الي عندك احمد ربي مافيه احد حاط عينه عليك كان جننتيه وربي افكر بالي بعدين راح يتزوجك ايش راح تسوين فيه غلا: صدقيني يمه انه راح يصير اسعد الناس من يحصل له غلا بنت محمد تتزوجه سحر: الا الله يعينه غلا: تبي تقهرها الا يقولون حمتو مشتاق لسحورته وملاكها قرررب سحر: اووووف تعرفين مابيه طاريه وجعل هلملاك يتأخر أكثر غلا: ايه وبكره بعد ماتجيبن درزن عياله منه انتي الي تركضين وراه وتخويني حمتو سوا حمتو شال ياقلبي ياحمتو ياعيني ياحمتو سحر: ممكن تسكتين غلا: بكل برود لا سحر: طيب مو لازم تسكتي غلا: التفت على أمها اول مرة اقولها لا وتسوي مؤدبه ومااا ..... تبي تقول ماتطقني الا تجيها مخدة على راسها غلا ههههههههههههههههه وربي اقول سحر ماتصبر سحر: ماتت ضحك عليها نوال: تضحك معاهم وتدعي بقلبها الله لايبعد عنك هالابستامه ياسحر زي مابعدت عن مشاعل ************************** في بيت ابو دلال ام فارس: تنتظر خروج دلال عليها ام دلال: الا ماقلتي لي ايش ترجعون له أي قبيله ام فارس: غريبه ماقالوكم فارس ام دلال: الا قالنا بس ابيها منك أنت ام فارس/ احنا نرجع للقبيله ..... ام دلال: والنعم طيب كم راتب فارس ام فارس: استغربت من أسألتها راتبه 6 الآف ام دلال: ول ول ام فارس: ايه الحمد لله كثير وهو لسه صغير ام دلال: لا موقصدي كثير قصدي ستة ايش تسوي كل شي صار غالي ام فارس: بضيقه البركه من الله لا بقل المال ولا بكثرته ام دلال: بس تراه معلق زوجته يعني زواج صوري والا بنتي ماتصير ثانيه الحين كأنها الاولى بحياته ام فارس: ياروحي هو ماخذها الا من بره لأبوهـ رحمها وحب يستر عليها ام دلال: بس الحال ماراح يطول اول ماتنحل مشكلتها يطلقها ام فارس: انقهرت بس ماحبت ترد عليها الا وين العروس ماشفناها ام دلال: دقايق وتجي ميري ميري ميري: سمي مدام ام دلال: نادي مس دلال ميري: اوك مدام دلال: كانت لابسه فستان عنابي توب ماسك على جشمها وقصير تحت الركبه بس فيه فتحه على الجنب طويله شعرها ناعم بس قليل وقصير مسويه بف ورافعته دخلت على أم فارس ام فارس: بسم الله عليك الله يحفظك دلال: قربت وصافحت ام فارس ام فارس: كانت منزلة راسها تنتظرها تبوسها بس صرفت الموضوع وجلست في المجلس ابو دلال : البنت شرطها تسكن ببيت مستقل ابو مشاري ساكت مارد فارس: مايحب أي بنت تتشرط عليه بس مضطر يسكت ويطيعها الي تبغاه يصير راح استأجر لها شقه ابو دلال: خلاص اجل مابقى الا تشوفها فارس: متحمس يشوفها على خير ابو مشاري: بكل هدوء وقف الله يتمم عليهم بخير انا الحين استأذن ابو دلال: بدري يابو مشاري ابو مشاري: بحزن يخفيه بدري من عمرك عن اذنكم ابو دلال: لف على فارس كأن ابوك مو راضي عن هالزواج فارس: لاياعم بالعكس فرحان اننا راح ناسبكم بس ابوي تعبان شوي وطبعه هادي بعدين ياعم انا الي راح اتزوج مو دلال ابو دلال: الله يسعدكم بس ماوصيك عليها تراها جوهرة ومارزقني ربي بغيرها من البنات وماجبت اخوانها لانهم مسافرين يدرسون للخارج بس شاورتهم وراضين بس اكرر وصيتك هي حطها بعيونك فارس: بقلبه ياكثر قرر هالشايب لاتهم ياعم دلال بعيوني ابو دلال: شويات واناديها عن اذنك فارس: اخيرا طلع مابغى يسكت سمع صوت كعبها يقرب رفع عيونه شاف بنت بيضاء دبدوبه شوي مملوحه بس بيضاء قربت وجلست قدامه جنب ابوها عجبته وابتسم كيفك دلال دلال: بدلع الحمد لله فارس: دوم الله لايغيرها عليك دلال: رفعت عيونها له وقالت بدلع اكبر وانت كيفك فارس: ابتسم ابتسامه ذوبت دلال الحمد لله ماعلي ابو دلال: يالله يابنتي نمشي وراح ودخلها ورجع لفارس فارس: خلاص ياعم انا بكره ابسوي التحاليل وانتم لاتتأخرون علشان ابي الزواج بعد شهر ابو دلال: على خير ان شاءالله يوم طلع راح لدلال وكانت جالسه بحضن أمها ماشاءالله دلولتي سرقتي قلب الولد دلال: تعدلت بجلستها وبكل دلع اكيد بنت بابا وماما والكل ينجنون من زيني ام دلال: فديت دلوعتي بس لفت على ابو دلال حتى أمه شكلها عجبتها دلوتي حيل ابو دلال: جلس جنب دلال مالومهم أحد يشوف دولولت ابوها وماتعجبه دلال: بدلع حضنت ابوها فديت بابا ياعالم ***************** ام فارس: طالعه مع ابو فارس وخلت فارس يشوف دلال لحاله فارس: ركب السيارة مبسوط ويتذكر شكلها صح موجميله ذاك الدرجه بس احلى مليون مرة من الشيفه الي عندي على الأقل احس بأنوثتها طاغيه موزي شجون مافيه أي معالم انوثه ايه ياشجون ابشوف وجهك يوم تشوفينها ومافيه وجه مقارنه بينك وبيها الا وسكت شوي الا بعيونك الاذبحتني وهدوئك الي تفقعين فيه مرارتي ونظراتك الي اتمنى افسرها وقوتك الي تقهرني وثقتك بنفسك الي راح اهزها بيوم بس كل هذا راح يروح يوم تشوفين دلال ************************* بيت اهل صلاح صلاح: دخل توه راجع من السفر ام صلاح: اهلين ياقلبي اشتقنا لك صلاح: باسها اهلين ياروحي كيفك بشريني عنك ام صلاح: الحمد لله ماعلي صلاح: وين البنات؟ ام صلاح: اختك ياقلبي تعبانه شوي ونايمه اما زوجتك هي الله يهديها من سفرتك واحنا مانشوفها اما عند أهلها او في غرفتها لاحس ولاخبر صلاح عصب وطلع غرفته فتح الباب بدون مايطق العنود: كانت ترتب غرفتها فرحة يوم شافته لأنها مشتاقه له صح جارحها وطاعنها بقلبها بس ماتنكر شوقها له الي ذابحها شافته وهو كاشخ ببدلته وساطع فيها غصب عنها ابتسمت بفرح وراحت تسلم عليه تنتظر منه يضمها يبوسها يحسسه بشوقه لها زي ماهي مشتاقه له بس للاسف سلم عليها ببرود صلاح: بعد ماسلم جلس على الكنبة العنود: جلست جبنه عسى ماشر حبيبي لايكون تعبان من السفر صلاح: طالعها بنظرة عتاب ليه سويتي كذا العنود ؟؟؟ العنود: ايش مسويه !!! صلاح: امي تقول من سفرتي ابد ماتشوفك ياعند أهلك يافوق بغرفتك العنود: صلاح مارحت عند أهلي الا يوم سافرت كنت تعبانه وانت تذكر انك وديتني لأهلي وانا تعبانه واخوي سلطان توه جايه وبعدها ملازمه عند أهلك بس ترا أمك مو متقبلتني حتى أختك تغيرت حيل علي ماكانها صديقتي الي قبل صلاح: خلاص حصل خير مو مشكله عن اذنك ابقوم انام تعبان مرة مو فاضي تستقبليني بشكاوي يالعنود يالله تصبحي على خير العنود: تلاقي خير تنهدت بضيق من بروده معاها قد ايش تحبه وقد ايش هو بارد معاها صح مايهينها ويحترمها بس ماتحس بحبه لها تناظره وهو نايم سبحان الله كأن الله يذوقني تصرفاتي مع مشاري حطت راسها على الكنبه الله يذكر بالخير يامشاري كانت ايام ولا اروع كنت احس اني معاه كالأميرة بس خلاص كل شي انتهى ولازم احافظ على صلاح وماكون شماته لبيت عمي ********************* | ||||
|
| |
|
22-10-12, 04:54 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في بيت ابو مشاري فارس: دخل يدور على أمه مالقاها قال اكيد بغرفتها راح لغرفتها ولقاها توها مغيره ملابسها هاهـ يمه بشريني عجبتك اولا؟؟؟ ام فارس/ ابتسمت بحان البنت ماشاءالله عليها حليوه وبيضاء ودبودبه بس ماتقارن بجمالك >>> ماعلمته بكلام ام دلال ماتبي تخرب على ولدها فرحته فارس: اهم شي انها حليوه نادرا تلقين جمال طبيعي يمه بالزمن كله صناعي أم فارس: شرطو عليك شي فارس: شرطو بيت مستقل ام فارس: حطت يدها على صدرها يعني تبعد عني ياضناي فارس: ابدور شقه قريبه منكم لاتخافين مافيه قوة بالعالم تبعدني عنك يمه ام فارس: وماشرطو شي ثاني >>> خايفه شارطين عليه طلاق شجون اول ماتنحل مشكلتها فارس: عقد حواجبه لا ليه قالو لك شي ام فارس: لا ماقالو بس ترا ياوليدي لبسها لك عليه فارس: ماعليك يمه خليها تجي عندي وأنا اعدلها شجون: طلعت من غرفة شعاع وراحت للجناحهم شمت ريحة عطر فارس وشافت باب غرفته مفتوح لقتها حوووسه والأغراض مرميه ترددت ترتبها اولا بس قالت مومعقوله تظل حوسه كذا دخلت تمسحها وترتب الأغراض فارس: دخل وهو مبسوط حاط شماغه على كتفع بس عليه طاقيته وباين طول شعره من تحت الطاقيه اختفت ابتسامته يوم شاف شجون جو الغرفه شجون: مانتبهت لدخوله لأنها تمسح وتكنس فارس: عصب مرة وجاها مندفع هيه أنتي شجون: ببراءة سكرت المكنسه ايش بغيت !؟!؟ فارس: ايش تسوين شجون: شوفة عينك امسح وانظف هالحوسه فارس: قرب منها وشدها مع يدها مو محذرك من أول ليله ماتقربين غرفتي والا شفتيني خطبت خططتي تسوين لي سحر يصرفني عن دلولتي اعرف اشكال هالعوايل ماهرين بصرف والعطف شجون: عصبت مرة وشوي تنفجر بوجهه غمضت عيونها واستغفرت كم مرة علشان ماتنفجر تفرحه عليها فارس: يوم شافها مسكره عيونها فرح أنه اثر فيها تأكد انها ياراح تعصب او تبكي بين ايدينه وهذا الي يتمناهـ يتمنى يشوف دموعها وانسكارها لو مرة شجون: خيبت كل آماله فتحت عيونها بإبتسامه بارده دايم اقولك انك تحلم كثيررر وتعطي لنفسك أهميه مين انت علشان ابيع ديني واسحرك فارس: قرب لها شوفي ياشجون مهما كابرتي عارف ومتأكد انك تموتي غيره وتحترقي جواتك شجون: معقوله فارس ولد بندر يسوي كل هذا علشان يحرك غيرة شجون الي معتبرها صفر على الشمال فارس: ترك يدها بقوة اصلا ماهمتيني ولاحركتي فيني شعره من انتي علشان اتمنى تتحرك غيرتك علي شجون: ببرود هدي ترا العصبيه راح تضرك ياعريس وطلعت وخلته فارس: الله ياخذك ويفكني منك اكرهها ياعالم اكرهها مادري كيف تقدر تخليني افقد اعصابي وانا فشلت الف مرة اني اخليها تعصب اتمنى اشوفك ياشجون تبكين عند رجولي والله ياكبريائك لاكسره واحطمه ان كنت ولد ابوي بس اصبري علي وراح تشوفي شي مايخطر ببالك ... ************************** في استراحة الشباب الكل تفرق مابقى غير غلاب وفارس غلاب: اجل سويتها يابطل والله انك كفو كل شي تبيه تسويه فارس: بغرور ايه مايعصى علي شي لا ومحمد يقول ماتقدر تجيبها متحديني قلت اجيبها وانا ولد ابوي اصلا انا فارس مافيه بنت ترفضني وضحك ضحكة عجب وتكبر غلاب: ابتسم وبقلبه يغلي راح اشوفك يوم تتحسر يافارس وجعل هاليوم قريب اكره غروروك وكرهت أختك بسببك بس انا غلاب ان مانتقم منك بأختك ماكون ولد الهنديه الي حاقرها اجل ايش راح تسوي بالبنت الي عندك فارس: قصدك الي دبسني فيها ابوي غلاب: ايه فارس: فرحان وانا اتشفى فيها علشان تعرف اني فارس الي مو سهل تمثل عليه وبعده اذا سمح لي ابوي اشوتها واطلقها وافتك منها وترجع لمكانها بس يارب ابوها يموت ومايكون لابوي عذر يخليها عندنا غلاب: والله انك رجال حمش تعجبني يابطل فارس: بس تعرف غلاب بما انك نسيبي وصرت منا وفينا موزي أي واحد من ربعي فيه شي مضيق صدري وابغى افضفض لك غلاب: يظها شخصية الحنون هاه/ قلي ياخوك سرك ببير فارس: ياخي هاليله الي عندي غاثنتي وفاقعه مرارتي تخيل اسرتها عايبه وشايفه نفسها علي ومسويه البنت القوي هالي مايكسرها شي غلاب: من جدك وربي كنت اختيلها ضعيفه ماتقدر ترفع عيونها بعين أي أحد الي زيها المفروض يعيش حياته وعيونه تحت بالأرض فارس: قلتها المفروض بس شين وقوة عين احط عيني بعينها ابي اكسر عينها تطالعني بكل شموخ وكبرياء غلاب: طيب انت تبي تكسرها؟؟؟ فارس: منى عيني اني اكسر خشمها منى عيني اشوفها تبكي قدامي لو مرة ياخوي فيني كره لها مو طبيعي ابي انتقم منها خربت حياتي ومابردت كبدي بالعكس معيشها بدلع ودلال مشكله قلبي رهيف مايعرف يقسى غلاب: بقلبه ماظنتي قلبك ضعيف ابتسم بمكر يمكنك ماقربتها فارس: اعوووووذ بالله اقربها ليه انا بايع نفسي مالقيت اقرب الا من هالاشكال اتمنى اليوم الي اشوتها واطردها من بيتنا تقولي ماقربتها غلاب: اجل هذا الي مخليها قووويه فارس: بالعكس المراه ان ماقربتها تكسرها وتحطمها لأنك تحسسها انه غير مرغوب فيها غلاب: بالعكس اكثر كسر للمراه تاخذ منها الي تبيه بس بدون ماتحسسها انك منفتن فيها يعني تحسسها انك الي سويته لتطرب نفسك او مجرد انتقام وكسر ببس فارس: حط عيونه بعيون غلاب وعقد حواجبه تقول هالكلام كأنك مجرب !!! غلاب: ابتسم بكل ثقه كيف مجرب ياشاطر انا ماعمري سويت شي حرام وماتزوجت الا قمر كوني مشاعل تتخيل هالعنبره راح اسوي فيها كذا فارس: تنهد براحه اشوا وربي لو احس انك مسوي فيها قدر شعره ماتلوم غير نفسك غلاب: اولا احنا مو صغار نهدد بعض يافارس ثانيا انا احب مشاعل ومستحيل اجرحها ثالثا انا شفتك ضايق ونصحتك يعني مو كذا يكون جزاي اواسيك وتقلبها علي فارس: اعذرني ياخوك بس هالغثيثه قالبه مزاجي فوق تحت صرت عصبي وماتحمل أي كلمه من أحد متى اتزوج واستقر وارتاح غلاب: متضايق من كلام فارس له قبل شوي عموما الله يسعدك عن اذنك فارس:يطالعه غلاب يوم وقف وهو جالس ومتركي لايكون بخاطرك شي بعد كلامي لك قبل شوي اشوف وجهك قلب وقمت غلاب: حنا اخوان مانزعل من بعض بس مواعد مشاعل وأمي اتعشاء معهم فارس: يوم راح شكله زعل بس بالطقاق خله يعرف ان وراء مشاعل رجال مو مقطوعه من شجره غلاب: ركب سيارته وتنهد بضيق ان مادهورت حياتك يافارس ماكون غلاب والا مصدق انك تجرح بنات الناس وانت واخواتك حاط لكم حصانه مغرور وراح تظل مغرور طول عمرك بس اول تقهرني ماعندي شي انتقم منك فيه بس الحين ياغبي تحت ايديني أختك ابرد حرتي منك فيها فارس: ركب سيارته ويفكر بكلام غلاب دخل للبيت مالقى احد بالصاله دخل لجناحه شاف نور شجون مفتوح راح لغرفتها شجون : جالسة على طرف السرير وفاتحة القرآن فارس: دخل بدون مايطق الباب شجون: تكره دخوله او الكلام معاه تعرف ان كلامه زي السكاكين على قلبها فارس: استعدي بكره الصباح بدري راح اخذك للمستشفى شجون: استغربت ليه ؟؟؟ فارس: مجرد تحاليل روتينه ابشوف سر شحوبك وهزلك ونتطمن عليك اخاف انك مريضه واحنا مانعرف شكلك ناقصك فتيامينات لازم يصرفونها لك يالله عن اذنك ابروح أنام شجون: عقدت حواجبها يوم طلع استغربت معقوله مهتم فيني فارس ولد بندر مهتم بشجون ماتدخل العقل مو مرتاحه ابد ومابي اروح معاه بس ماقدر ارفض اخاف نيته زينه ويبي يفتخ معاي صفحه جديد هوانا ارفض بس قلبي ناغزني ماقرا بعيونه الخوف او الاهتمام اقرا بعيونه شي ثاني تعوذت من ابليس لازم احسن الظن فيه بس الله يستر ********************** في بريطانيا ياسر: قايم الصبح بدري تحمم ولبس اول يوم له بالجامعه طلع بسرعه خاف يتأخر ابو صالح: طالع من شقته ومعاه بنت محجبه حجاب ساتر ومنزله عيونها صبحك الله بالخير ياسر ياسر: وهو صاد علشان البنت صبحك الله بالرضا والعافيه ابو صالح: وهو ينزل الدرج ايش اسم جامعتك؟؟؟ ياسر: وهو ينزل مو هاضمه ابد ومايحب كثر أسألته جامعة اوكسفورد ابو صالح: سبحان الله نفس جامعة بنتي ياسر: مارد هيفاء: سحبت يد ابوها وهمست له يبه شكله ماله خلق يتكلم لاتضايقه ابو صالح: بهمس احسه شايف حاله هيفاء: كيفه الله يستر عليه اخذو باص وياسر متضايق انه هالبنت معاه مايبي يحتك بأحد ابو صالح:: ودع بنته انتبهي لنفسك والساعه خمس نفس الموعد ابجيك هيفاء: لها ست شهور هنا ومصادقه ناس ياسر: ماصادق أحد راح وجلس على أحد الطاولات حتى تبدا المحاضرة هيفاء: راح تدور صديقاتها نورة وبشرى نورة: هاي هوفا جينا اليوم قبلك هيفاء : لاتفرحي دايم تتأخري بشرى: بنات فيه واحد كويتي خلوق وطويب امس خدمني بالمكتبه حقت الجماعه تروحون تسلمون عليه نورة: يالله هيفاء: آسفه ماقدر بشرى: بلا ثقل دم هيفاء لاتصافحينه بس نسلم ونسولف بس وربي انسان خلوق هيفاء: مابي احتك مع أي ولد نورة وبشرى براحتك شوي ونجيك هيفاء: كانت جالسه على الكرسي لحالها وتراقب الي الطلاب الي حاضن حبيتها ويتمشون سوا والي يسولف مع حبيته وموداري عن العالم والي جالس ومتكي ويتابع بنظراته أي بنت تمر ويرمي كلام ويضحكون وباين انهم خليجين من لهجتهم طاحت عينها على فارس الي جالس وفاتح الايفون وقرا فيه باين انه يقرأ قرآن من خشوعه ومو حاس بالي حوله ابتسمت بإعجاب سبحان من خلق وفرق ناس مشغلتهم دنياهم ومعاصيهم عن ربهم وناس مشغلين انفسهم بقراءة القران وذكر الرجمن عن المعاصي الله يثبته مستحيل يكون واحد ملتزم زيه متكبر بس شكل ابوي مافهم عليه ************************ في المستشفى شجون: سوت التحاليل قالت للمرضه ممكن اخذ رقم جوالك واتطمن الممرضه : اوك يامدام تفضلي شجون: ماحبت تسالها الحين وهو معاها فارس خاقت الممرضه تعلم فارس ,,,, بس لو سمحتي لايعرف زوجي اني اخذت الرقم الممرضه : اتطمني يامدام شجون: عن اذنك وطلعت مع فارس ********************************* في بيت ابو مشاري فارس : بكره راح اعزمكم على استراحه بمناسبة خطوبتي ورجعت صديقي غريب من كندا شجون: رفعت عيونها فز خاطرها يوم سمعت بإسم غريب معقولة هو غريب الي اعرفه لا يمكن غيره بس تشابه أسماء لاغير ابو مشاري: هذا الي اليتيم صح شجون: وجعها قلبها وتتابع رد فارس بشوق هي خلاص متزوجة وماراح تفكر بغير زوجها ومقتنعه وعارفه ان مجرد تفكيرها بشخص غير زوجها حرام بس حتى لو كان زواجها صوري بس برضو تعرف حرمة تفكيرها بغير زوجها بس تتمنى تطمن عليه وتعرف ايش صار هذا غررريب الي وقف معاها بطفولتها تناظر لفارس وتنتظر رده فارس :ايوه بس ماشاء الله عليه الحين مهندس معماري وكان ساكن بجدة بس نقل للرياض علشان زوجته الناس الي ربوها ساكنين هنا شجون: تخفي ابتسامتها فرحت انه حقق حلمه وصار مهندس وفرحت أكثر انها وتزوج صح كانت تموت فيه وزواجه لازم يحرك غيرتها وخصوصا انها تزوجت فارس وقسى عليها وأهانها يعني ماشبع الحب عندها محسسها بالنقص بس تغالب الشيطان وتضغط على قلبها وتفرح لغريب لأنها عارفه انه حرام تفكر فيه مجرد تفكير ركبت السيارة ومو معاهم تفكر بغريب تغير شكلك او لا لسه عيونك حادة ونظرات القوة والحزم فيها مايذلك يتم ولاحزن ولاتعذيب عمك جاسم؟؟ .... لسه ملتزم او لا؟؟ اكيد لسه ملتزم هو الي شجعني التزم واترك مايغضب ربي تحس ان المسافه طولت متشوقه تشوفه مع إنها عمرها ماهتمت بشوفة رجال او حرك قلبها رجال غيره متشوقه تشوف زوجته اكيد مبسوطة معاه كيف ماتنبسط وانا اذكر حنانه وطيبته يارب ان ربي رزقه ولد ومايظل غريب بدنياه سبحان الله هذي حال الدنيا تجمع وتفرق وووو............... & & & غريب الي انتظرت شجون كم سنه لرجوعه هل تغير او لا ؟؟؟؟؟؟ ليه فارس أخذ شجون للتحاليل ؟؟؟ فارس هل راح ينفذ خطة غلاب او راح يخرب مخططه؟؟؟ لو فارس نفذ مخططه هل راح يكسر شجون زي غلاب ماكسر مشاعل؟؟؟ هل راح يتحمل قربها وهو يتقزز منها؟؟؟ او يمكن يصير شي يمنع فارس من تنفيذ مخططه ؟؟ ان صار شي ايش هالشي الي راح يمنعه؟؟؟ اترقب توقعاتكم على أحر من الجمر وراح نعرف كل هالتساؤلات يوم الاربعاء بعون الله بس ارجو الرد بسرعه لان هالجزا فيه تساؤلات كثير ماقدر انزل الجزا السابع عشر حتى اشوف اجابتكم انترذظروني يوم الاربعاء بعون الله بس ان ما حصل لكم وقت وتردون علي راح ااجلها ليوم الجمعه لان اجابتكم وتوقعاتكم تهمني فائدة: - وقال ابن الجوزي: (رأيت أكثر الناس لا يتمالكون من إفشاء سرهم، فإذا ظهر، عاتبوا من أخبروا به. فوا عجبًا! كيف ضاقوا بحبسه ذرعًا، ثم لاموا من أفشاه؟!) . دمتم بود سبحان الله وبحمده وسبحان الله العظيم | ||||
|
| |
|
22-10-12, 05:00 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــ ج ــزأ الــســابــع عــشــر في سيارة فارس شجون: كانت حيل مبسووطه اليوم راح تشوف غريب وزوجته تتمنى تعرف له عيال او لا بس ماتقدر تسأل فارس تحس الطريق طوووويل من زود حماسها بس مستغربه كيف غريب يصادق واحد زي فارس ايش جاب لجاب يمكن مصادقه بنية اصلاحه اعرفه يحب ينصح غيره زي استاذه محمد بس متى نوصل احس كأننا طولنا ,,,, فارس :طول الطريق ساكت ويفكر ينفذ خطته او لا خايف من عواقب الي راح يسويه لو عرفت دلال ايش راح تسوي اممم ايش راح يعرفها لا لا مستحيل انفذ خطتي اخاف من االعواقب وصلو بدون مايحسون كل واحد سارح بعالمه شجون سارحه بعالم البرائه والقلب الطيب وفارس بعالمه الخاص الي يناسب طبيعته غلا: قربت من سيارتهم اخيرا وصلوت مابغيتو تجون شجون: ليه الكل جاء ؟؟؟ >>> ماتبي تحدد غريب وأهله غلا: ايه شجون: حتى الضيوف؟؟؟ غلا: لا لسه ماوصلو فارس: وهو ينزل أغراضهم لأن شجون مسويه شاهي وقهوة وبعض الشغلات اصلا مو أكيد يجون شجون: بدون ماتحس بنفسها خساره ليه!!! فارس: مستغرب من حماسها وانت ايش دخلك؟!؟! شجون:لابس حبينا يجينا ضويف ونتعرف عليهم فارس: ابتسامة تريقه ماخفتي يسألونك عن أهلك الي الكل عارف قصتهم تعرفي لو احد غيرك سكر على نفسه غرفته وماطلع من بيته ابد غلا: ودها تذبح خالها يالله شوشو البنات ينتظرونا داخل ومسكت يدها شجون: وقفت شوي وهي ماسكه يد غلا لفت و طالعت بفارس بكل ثقة .... ترا الواثق من نفسه مايهمه من أهله كثر مايهمه هو مين ياكثر الي يكون ولد حسب ونسب ووويوطي براس اهله لأرض بتصرفاته وطياشته صدقني العبره في الشخص نفسه مو بأهله فارس: حاس انها تدق بكلامها عليه لأنها عارفه قصته مع أختها طالعها بتهديد غلا: يوم شافت نظراتهم كل واحد يناظر الثاني بحقد وتهديد يالله شوشو تأخرنا يوم ابعدو مجنونة انتي بغى ياكلك أكل شجون: ماهمني ولاهز فيني شعره غلا: وقفت شجون حياتي لاتستهيني بخالي تراه مو سهل شجون: قلت لك ماخاف الا من الي خلقني بس من هو علشان يخوفني غلا: طيب هدي مشينا فارس: دخل لمخيم الرجال وهو فاير من كلامها غلاب: ايش فيك ياخوي وجهك ابد ماعجبني فارس: يفتح ازارير ثوبه راح تجلطني هالغثيثه راح تموتني غلاب: بقلبه >>> ليتها تجلطك وتفكنا منك ,,,, قلت لك نفذ الي اقولك عليه وشوف كيف راح تنكسر البنات مشاعل: جالسه بهدوء ماتسولف كثير غلا: احس الزواج غيرك ميشو وكبرك مية سنه وراء سلطانه: يمكنها حامل مشاعل/ ابتسمت مجامله دانة: بكل دلع انا سلتان رافض احمل الحين يقول خلينا ننبسط اخاف الحمل يتعبك ياروحي أنتي وقلبي مايتحمل اشوفك تعبانة غلا: صدت بهمس وياملغك بعد سلطانه: فديت حنانه بس مشاعل: تغير وجهها بس كانت ساكته بدون تعليق سحر: حبت تغير الموضوع صدق بنات ماتحسون ان شجون تغيرت شوي وحلوت وشعرها طال شوي غلا: تسحب خصله من شعر شجون شعرك وصل نصف رقبتك فيه تقدم وشحوبك كأنه خف شجون: ابتسمت عاد اليوم الصباح رحت للمستشفى مسويه تحاليل يقول فارس ابتطمن سبب شحوبك ايش >>> هي متعمدة تبي تشوف ردة فعل البنات كيف تبي تتأكد من شكوكها في فارس سحر وغلا يناظرون بعض بفرح اخيرا فيه تقدم بعلاقتهم مشاعل: انصدمت وخافت حاسه تصرف فارس فيه شي ثاني بس ماحبت تقول شي تخوف شجون مع انها عارفه ان شجون ذكيه بس كيف مشت عليها حيلة فارس يارب ان ظني مو فيه محله يارب ماتمر شجون بنفس الموقف الي انا انحطيت فيها شجون: يوم شافت ردة فعل البنات ارتاحت شوي بس يوم شافت وجه مشاعل تغير ولاعلقت خافت .... دانة: ماشاءالله عليك مشاعل ماتروحي وتجي الا بروشك معاك مشاعل: عقدت حواجبها من تقصدي دانة: بتريقه قسدي ام زوجك مشاعل: آآآهأأ قصدك ماروح واجي الا تاج راسي معاي فيه إنسان يكرمه ربي ويمزه بتاج ويطلع ويخليه بالبيت ومايخاف عليه يجي شي دانة: الجمها رد مشاعل وتغير وجهها 180 درجة غلا: خلاص عجزت تمسك ضحكتها وهي تشوف وجه دانه كيف تقلب سلطانه: تناظر مشاعل بإعجاب سحر: نفسها تنط بحضن مشاعل وتبوسها شجون: التفت على مشاعل كفو يابنت بندر كفو فعلا خالتك تحط على الراس طيبه وحبوبه مرة سحر: ايه فديتها غلا: ترفع يدينها يارب يرزقني ربي بخاله زيها سلطان: كان طالع يغسل يدينه خيمة البنات كانت جنب مكان المويه سمع كلام زوجته ورد مشاعل القوي عليها ابتسم وراح ماكأنه سمع شي دخل الا وجه غلاب الكريه بوجهه غلاب: صد بعصبيه ياليل هذا لازم يرز نفسه بكل اجتماع موتزوج خلاص المفروض يفكنا فارس: تعرف حب ابوي له مو شبيه مشاري لازم يحبه غلاب: حتى اخوك مشاري يموت فيه شكل اخوك لسه زوجته لها غلا بقلبه فارس: عصب تخسى الخاينه تحرك بقلب أخوي شعره غلاب: قسم موطايقه لو غلا ميشو ماجيت وهو فيه فارس: أنت القادم وهو المتأخر سلطان: حاس انهم يتكلمون فيه بس ماهموه يسولف ويضحك مع عبدالرحمن ومشاري وماهتم فيهم غلاب: مو مرتاح وهو يشوف وجه سلطان مبسوط كذا خاف انه شاف مشاعل طلع من الخيمة ودق عليها مشاعل: شافت رقمه وطلعت عن البنات هلا غلاب: بدون مايقولها هلا شوفي ياويلك تطلعي من الخيمة الا للضرورة طلعات ودخلات مابي وان طلعتي تحشمي زين حتى نقابك لاتفتحيه فاهمه مشاعل: رصت على أسنانها ومن قالك طلعت اصلا جالسه بمكاني وبدون ماتوصيني متحشمة غلاب: لاتكثري الكلام يابنتي سوي الي اقولك وآخر مرة نطلع معهم وسكر السماعه وهو معصب مجرد تخيله ان سلطان يشوف مشاعل ينرفزه ابعد وولع زيقارة علشان يهدأ مشاعل: رجعت للبنات وهي تحاول تخبي ضيقتها البنات: كان يسولفون ملاحظو عليها شي بس شجون لاحظتها بس ماحبت تسألها وتضايقها غلا: ايش صار على ياسرك يامهاوي مها: بحزن سافر الله يساعده وانا نقلت لمستوصف الحي غلا: ليه كل هذا علشانه مها: خلاص ابشيله من راسي تعرفي ولد خالتي متقدم لي وأمي تبيه لانه ولد أختها سحر: لاتجاملي أحد ماعجبك أحد لاتوافقي غلا: عشنا وشفتا من الي يتكلم الي غصبت نفسها على حمتو علشان أمها سحر: ماأنكر اني غصبت نفسي لعيون أمي بس حالتي تفرق عن مها سلطانه: وبكيف تفرق ؟؟؟ سحر: امي تخاف على عيالها يعني زوجها مايخاف ربه ومهددها بعيالها وتعرفون أمي مالها اخوان يحمونها غير جدي الله يقومه بالسلامه ومايعرف شي الحين بفراشه طايح وخالاتي حريم مثلها مايقدرون على المحاكم او مواجهة ابو حمد دانه: يعني انتي مغسوبه عليه الله يعينك عاد بكرة ملاكك سحر: بكل شموخ ماحد غصبني انا وافقت من نفسي حتى أمي ماغصبتني بس سعادة امي فوق كل شي دانة: ياروحي ماما وبابا جنونهم يسعدوني غلا: بعصبيه ترا سحر عندها أم عن الف أم وابوي لو يعرف كان فركش الخطوبه كلها جنونه احد يزعل سحر يمكن أحد يزعلني اهون عليه من يزعلها لفت على سحر بعدين ياروحي سحورة لاتقولي كل شي قدام الغرب دانة: بزعل انا غريبه ؟!؟! غلا: بكل ثقه ايه الي كل شوي تقط كلمة غريبه انتي سويتي نفسك غريبه سلطانة: غلا غلا: اعذريني سلطانه بس زوجة اخوك تقط كلام ماله داعي ابد دانة: سوري مادام وجودي يضايقكم مابي اجلس وقامت عند الحريم غلا: اخيرا فهمت سلطانه: غلا خلاص تراها زوجة اخوي غلا: خلاص حقك علي بس ياليتك تقولين لها تحشم الي قدامها مشاعل: خلاص غلو غلا: حطت يدها على فمها خلاص سكت شجون: شكل الضيوف ماراح يجون غلا: ايش فيك مهتمه فيهم؟!؟! شجون: يمكن لاني عارفه انه يتميم هو وزوجته تعاطفت معاه سحر: برقه ياروحي هم غلا: فديت الناعمه بس يابخت حمتو فيك شكله راح يطيح ولاحد يسمي عليه سحر: خلاص لاتفكيرني فيه مشاعل: مسكت يدها شوفي قلبي سحورة لازم تأقلمي نفسك من الحين عليه مادامك رضيتي فيه لازم تتقبلينه حرام بكره يشوفك ويحس انك مو متقبلته سحر: مين قالكم راح اشوفه ويشوفني !!! شجون: اكيد راح يطلب سحر: وانا ماراح اوافق غلا: ياسلام على كيفك ؟؟؟ سحر: ايوه على كيفي وماحد يقدر يجبرني مابي اشوفه الا يوم الزواج بس غلا: واثقه الاخت لانها تعرف دمعتين منها يحلف ابوي ان مايشوفها حمتو الا بعد شهر من زواجهم البنات هههههههههههههههههه شجون: احلى شي يكون لك سند بدنياك سحر: ايه والله لولا ربي ثم عمي مادري ايش راح يصير بحالي غلا: ياسلام بس عمك سحر: ضمتها وبنت عمي وولد عمي وزوجة عمي قسم انهم اهلي مو بس بالرضاعه الا اهلي جد ام واب واخو جد الله يخليهم لي بس غلا: فديت عمرك بس فكيني ماحب احد يضمني سحر: دفتها مالت عليك وعلى الي يضمك غلا: الحمد لله والشكر تميل على نفسها سحر : هههههههههه دوبا سلطانه: بنات صوت سيارة غلا: نطت تطل ايه شكلهم الضيوف شجون: صار قلبها يدق طبول من الفرح جد ايش عرفك غلا: لأنه رجال ومراة ومعاهم طفل صغير شجون: قامت اجل يالله نستقبلها موزينه يدخلون واحنا مو قدامها وراحت قبلهم غلا: تحك شعرها والله وراء هالبنت سر بس ايش هو مادري سحر: مسويه كونان يالله بس قدامي شجون: دخلت تنتظر المراه الي كانت متستره زين ابتسمت أكيد هذي زوجة غريب مو أي زوجة أكيد يحرصها على الحشمة والستر الحمد لله مازلت ياغريب متمسك بدينك الله يثبتك يارب زوجة غريب: فسخت عباتها ومنحرجه منهم كانت مراه بالعشرين من عمرها يمكن 25 طويله وعريضه بس مو سمينه وسمراء وشعرها مو ناعم بس يشوفها الواحد يرتاح لها شجون: استقبلتها بكل ترحيب وبابتسامه عريضه زوجة غريب: ارتاحت لها حيل بعد ماسلمت عليهم جلست بخجل لانها ماتعرفهم شجون: جلست قريبه منها تسولف معاها زوجة غريب: يوم شافتهم خلصو من السلام وجلس الكل يسولف لفت على شجون ايش اسمك شجون: بابتسامه اسمي شجون زوجة غريب: ابتسمت لها لايق لك اسمك فرح او بسمة لأني من دخلت وانتي مبتسمه ماشاءالله عليك شجون: تكتم حزنها أختي اسمها فرح وانا تعودت على اسمي شجون >>> بقلبها لأنها انسب اسم لي ويني ووين الفرح زوجة غريب: الله يبعد عنك الحزن ويجعل أيامك كلها فرح ياقلبي شجون: تنهدت آمين وانتي ايش اسمك ؟؟؟ زوجة غريب :اسمي مريم أم عبدالله شجون: تبيني اقولك مريم او ام عبدالله مريم: كلها واحد بس احب عبودي واحب ينادوني فيه بس انتي ناديني مريم ام فارس: شافتهم منسجمات اجل عن اذنكم ابروح اصلي الكل قام يصلي شجون ومريم صلو وراحو يتمشون سوا غلا: شكل شجون عجبتها الضيفه مشاعل: ياعمري هي خليها تنبسط سحر/ الله يديم عليها سحر: تحك شعرها بس قسم احس فيه شي غريب اهتمام شجون مو طبيعي سحر: مسكت يدها اقول خلي شعرك طلعتي قشرته وبلا لقافه مسويه البنت الذكيه اليوم غلا: ياختي ابحس اني مهمه واكتشف شي غامض لو مرة بحياتي سحر: شدتها مع يدها اقول فكينا بس عبدالله: جاء يركض بحضن أمه وهي جالسة مع شجون شجون: وهـ ياقلبي هو تعال حبيبي سلم مريم: سلم على خالتووو شجون: مو مصدقه انه تشوف ولد غريب ابتسمت بحنان له الله يخليه لكم يارب مريم: تنهدت بحزن ويهدي ابوه لنا شجون: استغربت آمين مريم: سبحان الله تتمنين تستقرين وتفرحين خصوصا زي حالتي مقطوعه من شجرة يوم خطبني غريب فرحت اني ابكون اسرة اعطيها كل الحنان الي انحرمت منه طول عمري بس ماتخيلت الزواج كذا شجون: لـــــيــــــــه؟؟؟ مريم: غريب من اسمه غريب طبايعه غريبه و مزاجه متقلب تحسي ان اليتم اثر عليه مرة تحسينه كاره الي حوله مافيه ثقه بأي مرة كأنه مصدوم من امه وابوه الي رموه ساعات احسه ينتقم مني فيهم احيانا اقدره انه يتيم بس اقو لا أنا يتيمه بس ماسويت زيه مانكر انه كريم معانا يعني لو اطلبه الف يعطني الفين عمره مامنعني من المال بس بخيل علينا بعواطفه ومشاعره ساعات أفكر اقول يمكنه كانت له علاقة غراكيه قبل وسرقت قلبه ومابقى لي أي مشاعر او يمكن علاقته الحين هو سبب جمود مشاعره نحوي يقلى معاهم شي مو معاي شجون: مصدومه من كل كلمة تقولها مريم عجزت حتى ترد مريم: مرتاحه لشجون ومكتومه من غريب فرحت ان فيه انسانه تفضفض لها وربي اتمنى يتزوج علي 3 ولايسافر برا ويخوني ويسوي علاقات غراميه هنا يظني ماعرف وأنا اعرف كل شي بس متحمله كل شي علشان عبودي وماأنكر حبي له شجون: خلاص الدنيا تلف فيها غريب يخوون غريب!!!!!!!!!!! مريم: سامحيني كنت اكره زوجك قبل زواجك منه لانه يشجعه ويسافر معاه احيانا بس الحمد لله يوم تزوجك احسه تغير شجون: خلاص مكتومه وتتمنى تنفجر صدت ونزلت راسها مريم: آسفه جرحتك بزوجك بدون مادري شجون: لاياختي عادي بس الحمدلله ترا فارس تغير >>> تعذر لزوجها قدام مريم مريم: يعني مايضربك ولايهينك شجون: الحمد لله مامد يده علي ابد مريم: انا تعبت نفسيتي لانه يضربني اذا عصب قدام ولده مايهمني لو لحالي انا وياه بس اخاف ولدنا تتعقد نفسيته فكرت كم مرة انفصل بس وين اروح لا أهل ولاشي الي ربوني كبرو بالسن مابيهم يبلشون فيني انا وولدي شجون: حطت يدها على كتف مريم شوفي ياختي الشكوى للناس ماعمرها فادت أحد ... طقي باب ربك آخر الليل وراح تشوفي فرج ربك لاتستعجلي بالفرج بس لحي على ربك بالدعاء واعرفي ان ربي كريم مايرد عبده بعد ماوقف عند بابه مريم: ونعم بالله انا بس كنت مكتومه لانه مجبرني اجي هنا بس يوم شفتك ارتحت لك وفضفضت لك شجون: مالومك غالبا احنا بحاجه نفضفض لأحد نوثق فيه بس خلي شكواك لربك احسن لك ولاتتكلمي بعيوب زوجك عند أحد ياروحي تعرفي لازم نستر على مسلم عاد كيف لو كان زوجي مريم: انحرجت انا نسيت نفسي شجون: حبيتي انا مالومك انا انفجر احيانا وارتاح لوحده وافضفض لها بس ابغى ربي يسرع بتفريج همك وكربك وثقتي بربي كبيره مريم: ونعم بالله دانة: سلتان حياتي ابي ارجع سلطان: لسه ماتعشينا وسهرنا ايش فيك دانة: سلتان تعبانه مو قادرة اجلس سطان: كان يكلمها جوال وهو يلف عند الحاجز الي بينهم رد عليها بسم الله عليك قلبي شويات واقرب السيارة لك مشاعل: كانت تبي تروح لقسم الحريم الا تسمع كلامه كتمت بقلبها واستغفرت ربها وراحت وكل شوي تتخيل أي شي حلو بغلاب علشان ماتفكر مجرد تفكير بسلطان بس للأسف مو لاقيه بس يوم طاحت عيونها بعيون خالتها نست كل شي ام غلاب: قامت وجلست جنبها يابنتي بسم الله عليك وجهك ماعجبني تحسين بشي مشاعل: مسكت يدها وباستها لا يمه فديت قلبك مافيني شي ام غلاب: والله قلبي ناغزني احس لبسك خفيف وأخاف يجيك شي وقامت مشاعل: وين ياخاله ام غلاب: شويات راحت وجت معاها جاكيت مشاعل: ابتسمت ياعمري كلفتي على حالك ام غلاب: خايفه انك ماتلبسين أخذت لي ولك جاكيت احتياط مشاعل: ماحبت تكسر خاطرها قامت ولبسته وطاحت عيونها على البنات وابتسمت يوم شافت غلا رافعه يدينها للسماء يعني يارب ارزقني خاله زيها ام سلطان تراقب مشاعل وخالتها وهي ساكته ماعلقت مشاعل: لبست الجاكيت وباست خالتها مع راسها ربي لايحرمني منك يارب ام فارس: تراني صرت أغار يام غلاب الظاهر بنتي تحبك أكثر مني ام غلاب: انا وولدي نحبها مرة ولانستغني عنها نحمد ربنا الي رزقنا فيها ملت علينا البيت فديتها ام سلطان تناظر بالعنود وساكتين العنود: تقول بقلبها يابختك يامشاعل كنت زيك ورفست النعمه برجولي ام سلطان: وليدي واضح من شكله مانساها وهي لاهيه وسعيده ومبسوطه بحياتها ايه الله يسعدهم غلا: قربت تهمس لسحر ماتلاحظين العنود متغيره حتى شكلها وبياضها موزي اول سحر: يمكنها حامل ووتوحم غلا: حكت راسها ماظنيت احس فيه شي ثاني سحر: لا اليوم كونان جد ماخليت أحد ماراقبتيه مصدقة انك ذكيه او ايش غلا: انا ذكيه بس انتم مو مقدرين مواهبي *********************** في برياطانيا : ياسر: تعرف على صديق اسمه هزاع حبه كثير واقترح عليه يسكن معاه يونسون بعض بغربتهم هزاع: من يوم جيت لشقتك وابو راشد هذا مهتم فينا حيل ياحليله هو وبنته مايقصرون كل يوم يرسلون شي ياسر: بدون مبالاة ايه ماقصر بس أنا ابحلف عليه مايرسل هزاع:ياخي لاتقطع رزقنا خلهم يرسلون ياسر: لا كذا انحرج مرة هزاع: عاد تعرف بنته تعجبني ماشاءالله عليه خجولة موزي غيرها ياسر: ايه الله يثبتها هزاع: عاد هي زيك طب بس شكل قسمك غير يعني ماتشوفها ياسر: هي طب اطفال وانا طبيب قلب عندنا مادتين نشترك فيها بس هزاع: ليتني احول اجل من الصيدله للطب وخصوصا طب اطفال ياسر: ليه؟ هزاع: شخصيتها تعجبني ياسر: ليه ماتخطبها وتكملو سوا هنا هزاع: ليت ابوها يوافق ياسر: ليه ماتجرب !!! هزاع: مادري اخاف اجرب وانصدم لانها احس مهتمه فيك مرة ياسر: فيني أنا ؟؟؟ هزاع: ايه اذا شافتك يتغير وجهها وتحمر ياسر: وانت تدقق بوجهها خاف ربك هزاع: غصب عني ياخوي ياسر: مافيه غصب اذا اغواك الشيطان كثر من الاستغار وتعوذ منه وراح تنزل عيونك عنها شوي الا يرن التلفون هزاع: السلام عليكم الحمد لله وانت كيفك بشرني عنك ,,,, ايه ان شاءالله راح اقوله ماقصرت والله مع السلامة ياسر: من هذا؟؟؟؟ هزاع: ابن الحلال عند طاريه ابو راشد عازمنا عنده الليه يقول فيه ناس من السعوديه ساكنين مناطق قريبه منا وبما انه اليوم اجازة جاين عنده ومسوي عزيمه يبينا نحضرها ياسر: يكره هالشخص بشكل خيالي بس مايبي يبن لهزاع روح انا مابي اروح هزاع: افا ليه؟؟؟ ياسر: عندي بحث ابكمله هزاع: اخاف يزعل منك ابو راشد ياسر: ان سأل عني قله كذا وماعليك ان شاءالله ماراح يزعل هزاع: براحتك اجل ابروح اتحمم واتجهز مابي اتأخر عليهم يمكن محتاج شي ياسر: كفو يوم طلع هزاع من شقته تنهد بضيق وحط كتابه على الطاوله ربي لاتجعل في قلبي غلا لمؤمن بس ماطيق شوفته وأحس بكتمة بصدري اذا سولف معاي اوحتى ابتسم بوجهي ليه مادري ........!!! استغفرالله يارب يارب لاتواخذني *********************** في البر الكل تفرق شجون: واقفه تنتظر فارس وتتمنى أحد يركب معاهم بس للاسف ماحد يبي يركب معاه الكل ينتظر مشاري العنود: كانت واقفه تنتظر ابوها لأن سلطان راح سمعت البنات جنبها يتكلمون غلا: هالدحمي مايغير هالطبع يجلس شوي ويفرك لشعاع واحنا نبلش بروحنا مشاعل: عارف فيه فارس ومشاري غلا: اذبحني اركب مع فويرس لو ادقها رجليه ارحم علي من ركوبي مع النار المشتعله فارس سحر: صادقه مشاعل: يالله مع السلامه غلاب هناك مسكت يد خالتها وراحو سوا غلا: ياعمري ياخالي مشاري لو يركبنا فوق راسها مايتضايق ماعنده غير الابتسامه بعدين ياختي يلف فيني هنا وهناك مايقول لا عادي نشتري من كفي ننزل بقالة عادي مرة عنده العنود: وهو تسمع كلامهم وتشوفه قرب سيارته منهم تتخيل ايامها معاه وتتحسر على لحظات حلوة ضاعت منها تذكرت كلامه لها آخر مرة ونظرات الكره لها ياترى لسه كارهني والا قلبك طيب يامشاري ماتعرف تكره أحد سمعت صوته يضحك ويعلق على غلا وحرك سيارته مانتبهت الا على صوت بوري سيارة ابوها شجون: آخر وحدة راحت لأن فارس متعمد يتأخر عليها وقف سيارته وضرب لها بوري يعني تعالي مايبي يقرب سيارته لها ويحسسها انها أميرة يبيها تمشي مشت مسافه وركبت معاه السلام عليكم فارس: بدون نفس وعليكم السلام وشغل المسجل بأغاني شجون: ممكن تسكره فارس: ناظرها باستحقار سيارتي وانا حر فيها ماتبين انزلي شجون: استغفرت وسكتت هي اصلا متضايقه لأنها مصدومه من غريب وحقيقته المرة وتغيره الي ضيق صدرها حيل تقول بقلبها سبحان مقلب القلوب ربي ثبت قلبي على دينك فارس: وقف فجاه وسكر المسجل هاه ابو عبدالله تبيني اساعدك غريب: ماتقصر شجون: صاده ماتبي حتى تشوفه كارهته وكرهت ايام تذكرته فيها ... تشم ريحة دخانه الي وصلت لها وصوت مسجل سيارته الي تهز السيارة من اغانيه وكل شوي تستغفر حاسه انها مخنوقه موطايقه شي فارس: مابغت سيارة غريب معاه شي لانها مغرزة شي بسيط طق يدينه ونفض ثوبه وركب بس كل شوي يسمع تنهدات الضيقه من شجون حس انها متضايقه حيل بس مستغرب ايش فيها اول مرة يشوفها قال بقلبه بالطقاق جعلها من هذا وأكثر شغل المسجل بأغاني ديسكو وصار يتراقص معاها شجون: خلاااااص فايره وضايقه من كل شي بس مابيدها حيله *********************************** اللهم اغفر لمواتنا وموتى جميع المسلمين | ||||
|
| |
|
22-10-12, 05:06 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــ ج ـــزأ الــثــامــن عـــشر في جناح فارس شجون: كانت جالسه على السرير تقرا كتيب مفيد علشان تبعد تفكيرها وصدمتها بغريب كانت لابسه بيجامة ساتان ازاريرها من قدام فزت يوم شافت فارس داخل بس هدت لأنها تعرف دخوله يرمي عليها كم كلمة ويطلع تعمدت تهمشه وتسمر تقرا بكاتبها بدون ماتشوفه فارس: جواته مضطرب مو اول مرة يقرب من مراة بس هدوليك بحرام اول مرة يقرب من مراة تكون حلاله بس ليه مرتبك مايدري شجون: حست يمشي بشويش موزي عادته يجيها مندفع يخانقها ويطلع رفعت عيونها له بس استغربت كان هادي ويقرب منها بهدوء ونظراته تحمل شي ثاني تكره هالنظرررات ترعبها فارس: كل شوي يقرب جهتها شجون: قامت عن السرير ولصقت بالجدار نظراتها خوفتها فارس: قرب منها مابقى الا شبر بينه وبينها طالع بعيونها يدور نظرات التحدي والثقه الي فيها بس مالقى غير نظرات خوف حط يدينه على يدينها من فوق بس حس برجفتها بلع ريقه فتح ازارير بلوزتها بهدوء شجون: خلاص تحس الدنيا ظلمت الدنيا بعيونها تبي تتكلم مو قادرة ريقها نشف فارس: يوم حس ان زادت رجفتها شك فيها انها ماتبي تنفضح تقزز منها بس يوم جاء يبي يبعد عنها ناظر عيونها الي عجزت يقاوم جمالها قرب منها أكثر شجون: يالله تكلمت فارس مو زواجانا زواج .صـ..... فارس: ماخلاها تكمل كلامها لانه سكتها بقلبله وسكر النور الي وراء ظهرها وحوطها بيدينه وشالها على السرير شجون: كارهه قربه هي اصلا تركه قرب الرجال بس ماتقدر تقول شي وهي عارفه انه من حقه شرعا ************************* في بريطانيا في محاضرة تجمع ياسر مع هيفاء الدكتور: طلب منهم يسون مجموعات علشان يسون دراسة عن حالة معينه وراح يقدم خلال اسبوع حدد اسماء مجموعات وصارت هيفاء وياسر بنفس المجموعة مجموعة ياسر حدود مكان يجتمعون فيه كانو خمس بنات خمس شباب ياسر: يقول بقلبه اكره مابوظيفتي الاختلاط الشباب الباقين مبسوطين وكل واحد حاط عينه على وحده ياسر: جلس على طاولة تجمعهم وكان ساكت ينتظرهم يبدون بس كانو ضحك وسوالف مع بعض وهيفاء تضحك مع البنات الي جنبها ماتحتك بالشباب وياسر كان متكتف ينتظرهم يخلصون نيفين: ليه هذا معقد ساكت وكأنه طفشان هيفاء: ناظرت ياسر ولفت عليها مايحب يحتك بالبنات شكله متضايق ماعجبه الوضع نيفين: مغرور هيفاء: لابس ثقيل وعاقل نيفين: يع ماحب الشباب الي كده لفت على الشباب تشاركهم ضحكهم بس قطع ضحكهم كلام ياسر ياسر: وهو مدخل يدينه ببالطوه اقول راح تبدون والا اقوم عماد: خلينا نفلها يابو الشباب قدامنا اسبوع ريما: ايه صح ماورانا شي ياسر: قام اجل انا اعتذر منكم مابي اجلس مع ناس مايقدرون قيمة الوقت سلام هيفاء: ضاقت ماتبيه يغير ماصدقت يوم كان بفرقتها قامت لحقته صح متعودة تكلم الشباب بس بصورة رسميه بس تهاب ياسر ماعمرها كلمته بس تجرات تناديه ياسر ممكن شوي ياسر: استغرب مين تناديه لف يوم شافها هيفاء استغرب أكثر وقف وعيونه بعيد بغيتي شي ياختي هيفاء: انقهرت من كلمة أختي قالت بخجل لاتغير نبغاك معانا نستفيد من خبرتك وانا عارفه انك متميز ماشاءالله عليك ياسر: وهو يناظر الي يجون ويروحون مايبي يحط عيونه بعيونها آسف ياختي ماحب اضيع وقتي مع ناس مستهترين هيفاء: عطني فرصه واقنعهم وان ماقتنعو انا ابغير معاك بعد ياسر: ماعجبه كلامها رفع كتفه براحتك يالله عن إذنك هيفاء: تنهدت براحه يوم راح نيفين: جت لها ايش قلتي له ياهبلا تتوهقين تكلمينه شوفي كيف يتهرب مايبي يتكلم مع أحد هيفاء: قسم يديني ترجف نيفين: مسكت يدينها بقووة ترجف هيفاء: سبحان الله له هيبته ياسر: وهو يمشي وسرحان بكلام هيفاء وضايق من تصرفها صح ماسوت شي غلط والبنت تكلمني بخجل بس ماحب احتك بأي بنت تعجبني البنت الخجولة الي ماتحتك بأي رجال مهما كان بس هيفاء معذورة مجالها طب محتكه محتكه برجال ايه متى تخلص هالبعثه وارجع لديرتي اشتقت لها ولاهلها ولذكرياتها الحلوة والحزينة ******************************* في غرفة شجون فارس: قام بسرعه ونزل من السرير وراح لغرفته ودخل دورة المياه وفتح الدش على راسه حس بإحساس غريب اول مرة يحسه ابتسم ابسامة عريضة اول مرة يحس إنها مبسوووط حيل لام نفسه معقولة ماحد لمسها قبلي وانأ طول الوقت كنت ظالمها كيف قدرت تحمي نفسها كل هالمدة من ابو سكير وأخت داشرة يمكن لأن شكلها موحلو ماحد متقبلها بس الي يبغى حرام مايشترط هز راسه الي ببلته المويه قال فكري مررة مشوش شجون: قاميه قبل فارس و اخذت ملابس وفتحت الدش تقلل من ارتجافها كانت ترجف وتصب عرق مع ان الدنيا مرة بررد حاسه بضيقه موطبيعه تأحرت في الحمام تدعي ربها يطلع يوم سمعت صوت باب غرفتها ينفتح ويتسكر عرفت إنه طلع طلعت من دورة المياه جلست تمشط شعرها وتنهدت بضيق قالت ربي اشرح لي صدري تفكر بالي صار كأنها بحلم مو مصدقة حتى الحين الي صار لها اشبكت بين التحاليل والي صار قبل شوي معقولة فارس تغير وصار يميل لي ويهتم فيني لا مو معقولة لو كل اهتم فيني فارس مستحيل يسويها طيب ليه وداني للمستشفى وبعدها جاني غرفتي حطت الفرشه على الطاولة مسكت راسها مو قادرة افكر ابد ناظرت ساعتها الحمدلله اكيد الحين المستوصف فتح مستوصف أهلي بسرعه يداومون راحت لسريرها ودقت رقم الممرضه دق مرة ماردت دقت ثانيه بعد ماردت جلست ربع ساعه وأخيرا ردت عليها فارس: جالس يشرب نسكافه بعد ماخذ له شاور كان مبسوط مرة ليه مايعرف مستغرب من هالشعور الي جاه المفروض يتقزز منها ليه استلطفها ليه حس بالمتعه معاها مايعرف السبب انا عارف اني ماسويت معاها كذا مو لأنها فتنتني او حب بس ليه حسيت الحين بالشعور هذا ليه اتمنى اروح اشوفها مرة ثانيه بس عارف لو شفتها ثانيه راح اكرهها مجرد شوفتي وجهها ينرفزني وهو يشرب نسكافه ويفكر بالي صار ومبسوط الا الباب ينفتح بقوة استغرب من فتحه عليه كذاا بدون استئذان رفع عيونه الا شجون ماتووووقع دخولها غرفته بيوم لا والشرر يتطاير من عيونها بكل برود عقد حواجبه قال خير شكلك نسيتي نفسك لاتمونين وتدخلي بدون استئذان شجون: تناظره والشررر يطلع من عيونها قربت منه وهي ضاغطه على أسنانها التحليل الي أخدته لي علشان ايش ؟؟؟؟؟؟؟ فارس: بدون مبالات اخذ كوبه وحط رجل على رجل قال مالك شغل شجون: قربت منه أكثر محلل لي تتأكد فيني ايدز او امراض معديه صح او لا؟؟؟ فارس: ناظرها باحتقار و رد ببرود ايه صح وخير ياطير من حقي اتأكد انا مابعت نفسي أقرب من مراة ماعرف مريضة أو لا اخاف فيك تبليني بمرض وابلش بعمري شجون: عقدت حواجبها مادامك مو واثق فيني ليه تقربني ؟!؟! فارس: وقف قدامها إبتسم ابتسامة سخريه لايخطر ببالك إني قربتك حب فيك او فتنه ويأشر بيده من فوق لتحت عليها مافيك شي يجذب وأنتي عارفه كذا زين بس ماقربتك الا علشان اكسر كبريائك وشموخك وأخليك تعرفي قدرك عندي اتمتع فيك واشوتك متى مابي مو غيري تمتعو بأختك ورموها بعد ماملو منها انا ابتمع فيك بحلال وبعدها اشوتك من حيث ماجيتي طالعها بتحدي ماجابتها أمها الي تتحدى فارس ياشجووون شجون: طعنها جرحها قتلها ...... حست الدم يفور جواتها نذل ووطي حقيررررررررر فارس: كان يراقب ملامح وجهها الي تغير وهو يحس بالنصر شجون:: نذل حقير ووووووووووووووووواطي فارس: ماتوقع ردها عصب من كلماتها وانفعل وضربها مع وجهها بقوة شجون: طاحت على السرير من قوة الضربة فارس: يشوفها وهي طايحه على السريرو ندم لأنه ضربها وهو معاهد نفسه مايمد يده على بنت ابد شجون: قامت بشموخ وقفت بوجهه وخدها محمر ودم طرف شفايفها من قوة الضربة طالعته من فوق لتحت باستحقار وشموخ وكبرياء وهي تمسح الدم الى على شفايفها بيدها راح تندم صدقني راح تندم وراح تعض اصابعك من الندم بعد وأشرت على قلبها وهذا القلب والله الي رفع سبع ونزل مثلهن ماراح بيوم يحبك او يسامحك أبد وطلعت فارس: استغرب من نظرات التحدي بعيونها رمى تفسه على الكنبة بضيقه اول مرة يخاف من تهديد عمره ماهزه تهديد أي انسان ليه شجون تقلب موزاينه ثقتها بنفسها تذبحه كأنها تقولي راح يجي يوم راح تحبني وتترجاني احبك وراح تندم غريبه هالبنت ثقتها بنفسها قويه لو مايبقى غيرها ماحبيتها مسك راسه بس ليه نظراتها قدام عيوني ليه كلامها هزني وخوفني ؟!؟!؟ شجون: سكرت غرفتها ماتعودت تبكي قدام أحد جلست آخر الغرفة على الأرض حاولت تتماسك حاولت تمنع دموعها لاتضعفي شجون أنتي اكبر من انه ينزل دموعك بس هو طعني جرحني بأعز واثمن شي املكه حطت راسها بين رجولها استسلمت لدموعها الي انزلت بكثرة جلست تبكي بكاء سنة بساعة تبكي صدمتها من ان ثقتها بغريب تغيرت وتبكي جرح فارس لها الي راح يظل يدمي بقلبها حتى تموت تبكي ابو ذلها وحطها عند رجال يذلها ويعاملها كأنها جاريه مشتريها بماله يبه خليتنا كأننا جواري نباع ونشترا تعبت يبه بسببك انحرمت من السعادة بسببك انجرحت بسببك انهنت بسببك آآآآآآآآهـ يبه فيه أحديسوي كذا ببنته تعبت والله تعبت مو قادرة أتحمل وربي فوق طاقتي خلاااااااااص تعبت تحاول تهدا ماقدرت ساعتين وهي تبكي بدون راحه كل حرتها وحزنها طلعته فارس: يدور بغرفتها وكلام ونظرات وتهديد شجون مازالت ترن بإذنه طلع من غرفته يبغى يكلمها بس يوم قرب من عند الباب سمع بكاها الي قطع قلبه رجع حط يدينه على إذنه ورجع بسرعه لغرفته غريب يافارس مو كنت تتمنى تشوف دمعتها وتسمع بكاها ليه الحين ضعفت بس هذا مو بكاء هذا نحيب وحده ثكلى وحدة فقدت اعز شي تملكه جلس على الأرض وتهديدها له مازال يرن بإذنه اختلط بصوت بكاها حس انه مخنوووق تمنى انه ماسوى كذا فيها عارف شخصية شجون مابكت كذا الا لأنها حيل موجعه مسك راسه ليتني ماسويت فيها كذا .... >>>> ((( بس سبق السيف العدل يافارس ))) *********************** اليوم ملكة سحر على حمد حمد: سهر طول الليل مع ربعه بأحد شاليهات الرياض مع حنين احد صديقاته الي خطتت عليه ليه يلعب عليها ويوعدها بالزواج والحين يخونها ويتزوج غيرها خططت تنتقم منه بيوم ملاكه لأنه عرفت من احد اصدقائه انه كذاب ماغصبه ابوه ولاشي على سحر هو يحبها من صغره ودايم يردد مستحيل اتزوج وحدة متعرف عليها من جوال بس العب عليهم وارميهم بعدين طول بالسهرة وربعه طلبو منه يودع العزوبيه جابو بنات رقص وشرب حتى الساعة 8 الصبح بعدها حمد من زود ماثمل نام ماحس بنفسه ******************** في بيت ابو عبدالرحمن ابو عبدالرحمن : مستعد لملاك بنت أخوه وهو ابد مو مرتاح سحر: ضيقه بصدرها توسع بلد بس ماحبت تظهر لعمها وعبدالرحمن غلا: يالله يالدوبا تجهزي سحر: وهي تقلب بالتلفزيون حطت على توم وجيري وقربت مكسرات وتتابع وتاكل غلا: شوفوا لي تبي تجلطني يوم ملاكها لاجهزت ولاشي تشوف البس والفار الي يتلاحقون ومطنشه العالم قربت من التفلزيون وسكرته ياختي بدري على المراكض راح تركضين انتي وحمتو بحوشنا لاتخافين بس خلي عنك شغل البزران توم وجيري وقومي تجهزي غلا: بكل برود طيب ليش كل هذا غلا: تستعبطي او ايش العصر ملكتك وبالليل ابوي مسوي حفلة علشانك وأكيد العاشق الولهان راح يطلب يشوفك سحر: اقول فكيني بس ماراح انزله لو يموت غلا: جلست جنبها على طرف سريرها بطلي عناد سحورة وقومي البسي أخذت صحت المكسرات وابعدته عنها لاتبلعين منه الحين تغصين وابلش أنا سحر: وانتي ايش دخلك؟؟؟ غلا: أخاف تغصين بحمصه او فستقه بعدين يقولون لازم نخلي غلو فدا بدال سحر بعدين ابلش بحمتو وانحرم من فارس أحلامي سحر:: بتريقه هه ضحكتيني غلا: ايه لاتضحكين وفري توزيه ابتساماتك الليله وتهز بحواجبها سحر: خلااااااااص غلو طلبتك خليني لحالي ارجوووك غلا: حست ان سحر متضايقه مرة رحمتها بس مابيدها شي طلعت وتركتها لحالها سحر: رمت المجلة على السرير ونزلت دموعها يارب ماحبه وماطيقه ياربي فرج همي تذكرت حبيها الي حبته من صغرها حلم مستحيل يتحقق تخيلت لو إنه هو كان تكون من أسعد بنت بالعالم الحين تنهدت بضيق بس خساااارة حبيت انسان مستحيل بيوم يكون زوجي *********************** في بيت ابو مشاري فارس: نزل وهو متضايق مرة أهله يسولفون وهو مو معاهم ابد ابو مشاري: فارس فارس فارس: سم يبه ابو مشاري: عدوك السم ياوليدي روح عند نسيبنا ابو عبدالرحمن ساعده اخوك مشاري من الصبح عنده فارس: فكني يبه تعرف ان عبدالرحمن مايطيقني وماعندي استعداد اتحمل قط كلامه ابو مشاري: أنت وعبدالرحمن تتصرفون زي الأطفال عيب عليكم ام فارس: فارس ماغلط بس عبدالرحمن الله يهديه مزودها تراه ابومشاري: وأنتي الله يهديك بس تبررين له أي تصرف هو دايم مايغلط وغيره راكبهم الغلط من راسهم لساسهم ام فارس: تأخرت شجون مو رايحه فارس: ارتبك من ذكر اسمها هاهـ ... مادري ابو مشاري: زوجتك وماتدري عنها والله حالة فارس: بعصبيه كم مرة قلت لكم موزوجتي زواج صوري راح تجي دلال واعرف كل شي عنها ولايهمك يبه وقتها لومني لو ماعرفت عن دلال شي ابو مشاري: قسم النقاش معاك عقيم شجون: السلام عليكم فارس: فز يوم سمع صوتها وارتبك بس حاول يخلي نفسه عادي ابو مشاري: هلا وغلا ببنتي شجون شجون: بهدوء هلافيك زود ياعم ونزلت تبوسه مع راسه وراحت باست راس خالتها ام فارس: يوووه لسه ماتجهزتي شجون: وهي تحاول تخفي الكدمة الي بوجهها من ضربة فارس ماتوقع كأني مصدعه ام فارس: بس مايصير يابنتي أخاف سحر تزعل منك شجون: ماتقدر تروح وخدها مزرق والله انها غاليه بس راح اعتذر منها اذا حسيت بخاطرها شي راح اروح فارس: رحمها مرة خاف ان وجهها مبين عليه الكدمه يبغى يتأكد بس هي مخفيته بجلالها ومو قادر يحط عيونه بعيونها ام فارس: لاهنتي قربي القهوة لعمك شجون: قامت تقرب علشان تقهوي عمها وفارس تحرك جلالها ابو مشاري: عقد حواجبه ايش الكدمه الي بخدك شجون فارس: ارتبك من زراق خدها ومن سؤال ابوه وبلع ريقه شجون: بدون أي ارتباك علشان مايشكون فيها زلت رجلي وطحت على طرف الطاولة ابو مشاري: لف يناظر فارس وحس إنه مرتبك لف ناظر عيون شجون الي مارفعتها لأحد متأكده وأنا عمك شجون: تستغفرربها جواتها إنها كذبت ايوه متأكده يالغالي ام فارس: قامت وشافت خدها بسم الله عليك يابنتي دقيقه اجيب لك مرهم يهديه شوي شجون: ماله داعي ياخالة دهنته فارس: حس بتأنيب ضمير قوي يتمنى ترفع عيونها تناظره يبغى يتأكد ويقرا ايش بعيونها نادها شجون شجون: بدون ماترفع عيونهاله ســـم فارس: عدوك السم ان كان يألمك اوديك المستشفى شجون: سكتت ثواني وعيونها على الفنجال الي بيدها قالت بقلبها جرحك مايداويه اكبر مستشفى ناظرته بعتاب بهدوء مشكور ماقصرت فارس: تضايق من نظرة الكره الي بعيونها اول مرة تناظره كذا شررر الحقد والكره يطلع من عيونها ماتحمل عن اذنكم ابروح لبيت ابو عبدالرحمن اساعدهم ابو مشاري: سبحان من يغير ولايتغير من الصبح اقعنك ومو راضي ايش غير رايك الحين فارس: يبه لاتخليني اهون ابو مشاري: لاخلاص قمت معاك بس أمك من يوديها فارس: تجهزي يمه وأمرك وان غيرتي رايك شجون تعالي معاها شجون: وهي تجمع البيالات ماردت ماكأنها تسمعه فارس: بعصيه هيه تراني أكلمك شجون: طالعته من فوق لتحت وأنا اسمعك ابو مشاري: حس بالشرر الي تطلع من عيونهم حب يتدارك الموقف مشينا فارس خلهم براحتهم فارس: ركب سيارته معصب على جرأتها معاه زين ياشجون ان ماقهرتك اكثر >>> كل هذا واخينا بالله بنظره لسه ماقهرها ****************** في بيت ابو سلطان دانة: جايه عندهم وجايبه لبسها معاها تبي سلطانة تمكيجها العنود: توها داخله متكشخه ومبسوطه سلطانه: ماشاءالله من الحين متكشخه العنود: ايه علشان يشوفني صلوحي سلطانه: قربت منها بهمس ليه طلق هذيك العنود: ارجوك لاتحاولي تذكريني فيها احاول انساها وانتي تذكريني سلطانه: بقلبها مو هذي أختي الي اول عزتها فووق ومها سوا لها مشاري ماترضى عليه بسرعه سبحان من يغير ولايتغير دانة: وهي تناظر اظافرها تتوقعون مشاعل تجي الليلة سلطانة تناظر العنود العنود: ابتسمت عارفه ان دانة تغار حيل من مشاعل أكيد علاقتهم قويه ببعض دانة: بس ياريت ماتجيب خالتها ام سلطان: وهي جايه لهم وليه يابنتي ماتجيب خالتها دانة: وهي تميل بس تفشل ذيك الهنديه ام سلطان: ام غلاب والنعم فيها سلطانة: عمر ماصارت الجنسيه عيب اهم شي اخلاقها وطيبة قلبها بعدين دنو تكفين لاتقطين كلام عليهم تراني انحرج معاهم مرة دانة: قامت وحطت يدها على خصرها ياسلام انا اقط تنحرجين هم يقطون عادي حتى يوم قمت بالبر ماجيتني تراني أخذت بخاطر عليك هذاك اليوم سلطانة: ماقمت لأنهم ماغلطو يدافعون عن انفسهم دانة: وهي تاخذ شنطتها مو لازم احرجك ولاشي انا مابي اروح وراحت للمجلس تقول لسلطان مشينا سلطان: ليه مو كنتي راح تروحي دانة: سلتان مابي يالله مشينا ابو سلطان: ماعجبه الوضع بس ساكت مايحب يتدخل بولده سلطان: بدون نفس يالله راح وسلم على أمه وطلع ام سلطان: ليش ماربطتي لسانك شفتي كيف زعلتي زوجة اخوك؟؟؟ العنود: يمه اختي ماجرحتها ترا هي بدت وكلام سلطانه بمحله ابو سلطان: وهو يدخل للصاله ماقول الا الله يخلف على ولدي بس عز الله ماخترتي له ياأم سلطان ابو سلطان: هذاك اخترت له بنت اخوك الي ارمته وتزوجت غيره بسرعه لولا الله ثم انا مالحقت عليه وزوجته كان ولدك متعقد الحين ابو سلطان: ليته متعقد من الزواج احسن من تجيه زوجه تجيب له عقد العالم نعن ابليس دخلت ماحشمتني ولاشي تامر ولدي وتنهى بكيفها بنت اخوك ماعندها حشسمه لا لزوج ولا ابو زوج ولاغيره ماقول الا الله يعوض وليدي خير بس سلطان: معصب بشقتهم ممكن افهم ليه سويتي كذا ليه دخلتي وكأني سواق عندك وربي خوفي من تكبير المسأله والا كان قايل لك كم كلمة ومصغرك بينهم دانة: وهي تبكي قلت لك سالفتي مع أختك ولاهميتك ايه ماتهتم لجروحي وتهتهم لهم بس سلطان: بعذرها انتي تقطين كلام ماله داعي دانة: وانت ايش عرفك ايه كل شي تقوله لك أختك تحرضك علي وانا مسكينه على نياتي واسكت سلطان: قسم ماقالت لي شي بس أنا سمعت بنفسي هذا كلام تقولينه عن ام غلاب دانة: ايه قلي كذا من زمان انت بصفهم لاني جرحت مشاعل حبية قلبك سلطان: يووووووه دانة من جد انك تطفشين والكلام معك عقيم أخذ مفتاحه وجاء يبي يطلع دانة: وووين؟؟؟ لايكون تبي تروح لعزيمتهم سلطان: بعصبيه ايه عندك مانع ؟؟؟ دانة: واناأجل ابروح لأهلي سلطان: مافيه روحة وطلع وخلاها دانة: جلست تبكي وراحت تدق على أمها سلطان: حطه على الصامت عارف ان أمها نشبه مصمم انه يأدبهم طنش كل مكالاماتهم بس جاه اتصال من أمه ام سلطان: سلطان ابيك ياوليدي الحين سلطان: سمي يمه دخل على أمه وباسها مع راسها ام سلطان: دخلته لغرفتها وسكرت عليه يمه سلطان مابي اتدخل فيك بس زوجة اخوي دقت علي تشكي لي منك سلطان: وأنا ايش سويت يمه!!! ام سلطان: حطيتها بيتك وطلعت وخليتها سلطان: نرفزتني يمه مو قادر اتحمل دلعها تعبت يمه وانا اداريها عليها تصرفات وكلام مايتحمله أحد ام سلطان: أنت مشاعل لسه ببالك ومو متقبلها صدقني دنو لو حست بحبك لها كان تغير طباعها لعيونك سلطان: يمه مشاعل عذر لدانه بس والا عمري ماحسست دانه بحبي لمشاعل اصلا حبي لمشاعل قصة وانتهت من يوم تزوج كل واحد منا بس قصة حبنا حجة لدانه تعتذر فيها قدامكم ام سلطان: مسكت يده طلبتك يمه لاتزعلها ان زعلت زعلت أمها وان زعلت أمها تضايق اخوي ومابي مشكله بيني وبين أخوك سلطان: يمه الى متى اصبر وتنازل تعبت يمه من تصرفاتها ام سلطان: براحتك مابي اضغط عليك سلطان: قرب لها وباسها مه يدها وراسها لعيونك يالغاليه اسوي أي شي بس مابي اشوف نظرة الحزن بعيونك ام سلطان: الله لايحرمني منك ياوليدي سلطان: طلع وراح لدانه علشان أمه ابو سلطان: دخل ووجهه متغير ناظرها بعتاب والله راح يجيك يوم تندمين على تصرفاتك مع ولدك تراك تذلين ولدك على حساب رضاء اخوك وزوجته ام سلطان: ماعليك يابو سلطان بكره دانه راح تتغير واذكرك بس لسه فديتها صغيره وطايشه ابو سلطان: تراها بعمر مشاعل وشوفي مشاعل كيف حاشمه ام زوجها حشيمتها لأم زوجها واصله للكل ام سلطان: ايه قلي انك بس تبي ترفع من شان بنت اخوك على حساب بنت اخوي ابو سلطان: صدق تفكير حريم ام سلطان: بكره تحمل دنو وتتغير واذكركم كلكم ابو سلطان: ماظنتي انتي تبين تذكريني راح انا اذكرك وراح تشوفين وطلع وخلاها ******************************** في بيت ابو مشاري شجون: يوم طلعو راحت لغرفتها شافت السرير كرهت نفسها حست إنها تبي ترجع الي بطنها ركضت للحمام ورجعت كل الي فيه غسلت وجهها بقوووة وتدعي ربها إنها تنسى طلعت وهي تعبانه من شد ترجعيها كل الي ببطنها صدت ماتبي تشوف السرير راحت للسرير وسحبت المفرش وحطته بكييس زبالة كبير وربطته علشان ترميه جلست على كرسي التسريحه وشافت نفسها بالمرايه توها تلاحظ إن شعرهالا طال وصل آخر رقبتها ماطال مرة بسوتغير وصار احلى وصار يلمع وبانت نعموته فتحت درج التسريحه وطلعت المقص وصارت تقص فيه عشوائي زي ماكنت تشوه نفسها عند أبوها كانت تقص وانفاسها تطلع وتنزل ودموعها تنزل على خدها وهي تتذكر كل لحظة ذل بحضن فارس مازالت تتألم وبقوووة يوم خلصت وشافت شعرها تغير ارتاحت مسحت دموعها وراحت تغسل وجهها وقفت لازم ترجعي قويه زي ماكنتي ياشجون لاتضعفي تبي ماتفكر طلعت لشعاع شعاع: ادخلي ياشجون شجون: حاولت تتصنع الإبتسامه دايم ذكيه وتعرفين الي وراء الباب شعاع:بإبتسامة صافيه كل واحد له طقه خاصه شجون: تشوف إبتسامتها تحس إن العالم بخير إذا شافت شعاع تحس براحه مو طبيعيه معاها شعاع: حطت يدها على خد شجون اوووف ايش الزراق الي بخدك شجون: وهي تبتسم أختك في الله حولا تمشي ماشافت الي تحتها طحت على طرف الطاولة وآآى ياخدي راح فيها شعاع: ابتسمت بسم الله عليك علشان كذا مارحتي لملاك سحورة شجون: ايوه بس انتي ليه ماتروحي !؟!؟ شعاع: بألم ماقدر شجون: مسكت يدها فيه كثير زي حالتك بس يرحون ويطلعون مايحبسون حالهم شعاع: صادقه بس أنا احب اجلس بغرفتي شجون: تتنمى تعرف ايش سبب اعاقتها بس ماعندها جرأة عارفه فيها ألم كبير بعيونها مو ألم الاعاقه بس ايش هو ماتعرف!!! شعاع:تناظر بشجون وهي تسولف وهي متأكد هان الي بخدها مو طيحه وتدعي ربها ان فارس مامد يده عليها تبتسم وتسولف مع شجون وهي عارفه ان شجون اليوم فيها حزن العالم كلها بس تحاول تتصنع الضحكه والفرحه بقلبها ربي يعينك ياشجون كل وحده تعرف عن الثانيه بس ماتبي تحرج الي قدامها ********************************** في بريطانيا ياسر: كان يمشي مستعجل يبي يرجع للبيت هيفاء: ماتعرف كيف تندايه منجرجة حيل دكتور ياسر دكتور ياسر ياسر: سمعت صوتها واعرف إنها هي لف وهو منزل عيونها على الأرض ويده جو جاكيته الجلد الأسود هيفاء: تراني قلت للمجمعتنا واقتنعو بكلامي ويبونك انت رائيس المجموعه ياسر: انا مابي اكون رائيس ولاشي انا ابي نجمتع ننجز عملنا احنا نبي دراسه وجد مو سفر ترفيه ومضيعة وقت هيفاء: قلبه يدق طبول من الفرحه مو مصجقه انها واقفه معاه وتكلمه تعجبها شخصيته وحزمه وعيونه الي مايحطها بعيونها ردت بخجل صادق بس تعرف علشان تمشي السفينه لازم ربان لها ياسر: خلو ربان غيري اهم شي ننجز شغلنا بأسبوعين الوقت مو من صالحنا هيفاء: ارجوك لاتفشلني معاهم انا قلت لهم راح يكون الدكتور ياسر رئيسنا لتميزك بمجال الطب وخبرتك مابي ارجع مخذولة ياسر: ماحب يحرجها وهي تترجاه ماعندك مشكله بلغيهم بكره الساعه 9 اول اجتماع لنا علشان نقسم البحث بينا يالله تأخرت عن اذنك هيفاء: تناظر طوله وعرضه ومشية الثقه الي يمشيها واببتسمت ريما: تأشر يدها عند عيونها هيه تراه راح هيفاء: بخجل تحاول انهم مايلاحظون ايه الحمد لله وافق نيفين: شايف نفسه حيل مادري على ايش كلنا دكاتره ملبينا فرق ولا اشوفه اوسم مافيا لجامعه علشان يشوف نفسه كذا هيفاء: بس ارجلهم واعقلهم نيفين: ياشيخه تلقين الشباب الي كذا يسوي مطوع وعاقل وفي النوادي الليله الله اعلم ايش يسوي هيفاء: بعصبيه خافي ربك لاتظلمين الرجال اصلا ماله طلعات كثير من بيته للجامعه وان طلع طلع مع خويه ورجع ريما: ياعيني البنت تراقبهم الحب عذاااااااااااااب هيفاء: يوووه منكم أي حب واي خرابيط بس حبيتا دافع عنه مسكين نيفين: انتي المكسينه الي تدافعي عن انسان مادرا عنك هيفاء: من واجبي كمسلمه ادافع عن عرض اخوي المسلم ريما: سحبتها مع يدها اقول بطلي محاضرات ويالله نفطر **************************** في مجلس ابو عبدالرحمن كل شي جهز حتى الشيخ على وشك يوصل جاء بس ينتظرون حمد مابين ابو عبدالرحمن : عصب وراح لابو حمد ماصارت يابو حمد متى ولدك يجي على الشيخ نصف ساعه وجاي واحنا تفقنا انكم تحضرون بعد صلاة العصر كل الضيوف اجتمعو وراح يجلسون عندي للعشاء والعريس مابين كأنه مغصوب على بنت اخوي غصب ان كنت غاصبه ترا ماحللك ولاسامحك بنت اخوي كم خاطب جاها ورفضته بس هي وافقت على ولدك هالمرة ابوحمد: لا يابوعبدالرحمن الولد يبيها من يومها صغيرة الله يهديك ابو عبدالرحمن: طيب دق عليه ابو حمد: دقيت مارد انا خايف بولدي شي يابوعبدالرحمن الله يستر ابوعبدالرحمن: سألت أمه ابو حمد: أمه ماتعرف عنه شي ابو عبدالرحمن: هات جوالك أنا ادق عليه دق مرة مرتين ثلاث أخيرا رد حمد: رد وهو لسه مافاق من سكره ابو عبدالرحمن: وينك ياحمد الله يهداك تأخرت على الملاك حمد: أي ملاك ياخي فكنا مصحينا ومزعجني علشان تفاهات ابو عبدالرحمن: عصب أي تفاهات تسمي ملاكك على بنت أخوي تفاهات ليش خطبتها والا مانت برجال يغصبك ابوك وماتعرف تقول لا حمد: لأنه لسه مافاق وسمع الي يصارخ عليه ايه مابيها ولابي اسمع صوتك لا انت ولاهي ورمى جواله بعيد جنبه بدون مايسكره ونام ثانيه حنين: كانت تراقب الوضع وتضحك ابشوف كيف تصرف ياحمودي ولبست عباتها وطلعت ابو عبدالرحمن : دخل معصب على ابو حمد ورحمة ان الرجال بالمجلس وابوحمد مع ابو مشاري ومشاري وفارس وعبدالرحمن يشتغلون بالمحلق وتقولي مو مغصوب عليه وتغشني ياسعد بس مو الشرهه عليك الشرهه علي الي كنت ابزوجه بنت أخوي الي أمانه برقبتي لواحد مو كفو لا هو ولا ابوه ابو مشاري: تفاجا افا يامحمد مو عادتك هدي الله يهديك عبدالرحمن: ايش السالفه ؟؟؟ ابو حمد: حس ان ولده وهققه معاهم وسكت مارد ابو عبدالرحمن: الي تشوفونه قدامكم غاصب ولده على بنت أخوي يمكن طمعان بورثها من ابوها والله ان قلبي مو مرتاح بس سحر وافقت عليه ماحبيت اجبرها على شي ماتبيه فارس: عصب يالنذل انت وولدك ابو حمد: عن الغلط انا ماغصبته والله هو الي كان حابها من يومها صغيرة وأمها فيه واسالوها ابو عبدالرحمن : دق على أمها قالها تلبس عباتها وتجيهم للمحلق ام سحر: سكرت الجوال وهي خايفه مرة الله يستر نوال: ايش فيه ياأختي ام سحر: ابو عبدالرحمن مناديني لهم قلبي ناغزيني اكيد فيه شي موزين نوال: الله لايقوله تفائلي خير ام سحر: ماتوقع يجي خير من حمد وولده بس وربي والي خلقني ان كان فيه شي راح يضر بنتي ماراح ارجع له لو ياخذ مني عيالي الاربع كلهم نوال: هدي هدي الله يهديك يالله ابروح معاك ام سحر: مشينا تمشي وهي تدعي ربها مافيه شي يضر بنتها سحر ابو عبدالرحمن: معصب وهذي ليه تأخرت بعد ام سحر: هاهـ يابوعبدالرحمن طمني ابو عبدالرحمن: بعصبيه أي خير ياأم سحر زوجك وولده راح يحطمون بنتك ولده مايبى بنتك وتوه يفطن ويرفضها بلسانه قايل لي تو مابيها ام سحر: ماشالتها رجولها وجلست بمكانها تبكي حسبي الله عليك ياحمد انت وولدك حسبي الله عليك حمد: بلش بعمره ويدعي على ولده بقلبه على الموقف الي حطه فيها مشاري: رحم ام سحر مرة عبدالرحمن: ام سحر تكون امه بالرضاعه راضع مع اخو سحر الي كان كبره ومات بالحادث مع ابوه قرب منها هدي يمه ام سحر: كيف اهدي ياعبدالرحمن حطمو بنتي يوم ملاكها ايش راح يقولون الناس عنها آهـ بس ياحر قلبي عليها ابو عبدالرحمن: لف على ابو حمد آسف بس بيتي يتعذر واحد أهان بنت أخوي ابو حمد: طلع معصب ومتضايق من ولده ابو عبدالرحمن: بألم الحين جلست سنين اداريها واراعي مشاعرها اخاف تتحطم او تنجرح ويجي واحد حقير ويذلها ومتى يوم ملاكها الحين ايش راح يقولن الناس يقولون اكيد شايف منها شي وعافها آآآآآآآآخ مو قادر اتصور ابد مو قادر ابو مشاري: اول مرة يشوف محمد منهار وضعيف اذكر الله وانا عمك نوال: قربت منه تعوذ من ابليس يابوعبدالرحمن عبدالرحمن: والله ماخليه خلني اشوفه وانتقم منه مشاري: عبدالرحمن الامور ماتنحل كذا عبدالرحمن: كيف تنحل بالله عليك فارس: انا عندي حل ينقذ الموقف كلهم لفو عليه ايش هو عجلنا فيه ^ ^ ^ ^ انتهى هذا الجزا ايش الـــــــ ح ــــــــل الي جابه فارس ؟!؟!؟ معقولة فارس يسوي مرة خير بعمره ويقترح اقتراح ينقذ سحر؟!؟! او مايجي من فارس شي حلو ابد.....!!! انتظر توقعاتكم وردودكم على أحر من الجمر فائدة: أعلم أنه " ما تحلى المتحلون بشيء أحسن عليهم من عظم مهابة الله في صدورهم " دمتم لي بود اختكم هموووسة اللهم اغفرللمسلمين والمسلمات والحياء منهم والأموات | ||||
|
| |
|
22-10-12, 05:13 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــ ج ــزأ الـتــاسـع عــشــر ابو عبدالرحمن: بألم الحين جلست سنين اداريها واراعي مشاعرها اخاف تتحطم او تنجرح ويجي واحد حقير ويذلها ومتى يوم ملاكها الحين ايش راح يقولن الناس يقولون اكيد شايف منها شي وعافها آآآآآآآآخ مو قادر اتصور ابد مو قادر ابو مشاري: اول مرة يشوف محمد منهار وضعيف اذكر الله وانا عمك نوال: قربت منه تعوذ من ابليس يابوعبدالرحمن عبدالرحمن: والله ماخليه خلني اشوفه وانتقم منه مشاري: عبدالرحمن الامور ماتنحل كذا عبدالرحمن: كيف تنحل بالله عليك فارس: انا عندي حل ينقذ الموقف كلهم لفو عليه ايش هو عجلنا فيه فارس: نملك سحر للمشاري ويادار مادخلك شر أهم شي الليله تصير فيه ملكه كل الناس ماراح يقولون عن سحر شي وهم شايفنها تملكت على زين الشباب مشاري الكل راح يظن ان العيب من حمد مو من سحر بس عمها حب يستر عليه عبدالرحمن: عجبه الراي مع انه مايطيق فارس صحيح وهو هذا الي صار أختي سحر ماعليها عيب العيب من الخسيس النذل وماراح تلقى سحر احسن من مشاري وهو ماراح يلقى احسن من أختي سحر مشاري: تضايق من الحل ايش تخربط يافارس وايش تقول انت الدعوة مو لعبة يبغى لها تحليل وموافقة سحر حتى فارس : التحليل حقك لسه موجود مع ابوي يوم تحلل لشجون نعرضه أي مستوصف اهلي ونشوف تتطابق تحليلاتكم او لا هذي محلولة مشاري: أي محلولة انت تعرف اني تزوجت قبل وماجاني عيال ومو مستعد اظلم سحر معاي ابو مشاري: ياوليدي العيال قسمه من ربك يعني سحر تضمن انها راح يجيها عيال من حمد مشاري: طول عمري اشوف لسحر طفلتي المدللة وربي اعدها زي اختي مشاعل عبدالرحمن: بس عمرها ماكانت أختك وترا الطفلة كبرت والتفاحة ماتظل تفاحة صغيرة يجيها يوم وتنضج مشاري: محرج ومقهور منهم فكرة الزواج ابد مادخلت مزاجه بس مايبغى يجرح محمد ببنت اخوه وكأنه راميها عليهم وهو يعرف حساسية محمد لاي موضوع يتعلق بسحر تمنى يقوم يتوطى ببطن فارس الي اقترح هالاقتراح الكل سكت وينتظرون رد ابو عبدالرحمن بس فاجأهم كلام ام سحر ام سحر: والله يابو عبدالرحمن كنت احرص من بنتي مني وأنت اعرف بمصلحتها وانت ابوها والله ربها بس انا لو الف الدنيا كلها مالقى كفو يحافظ على بنتي مثل مشاري مشاري: انحرج من كلامها وسكت مارد ابو عبدالرحمن: وقف الوقت يباغتنا لازم الحين تروح ياعبدالرحمن بتحاليل سحر ومشاري للمستوصف ..... فيه واحد اعرفه راح ينجز لك الشغلة وانا ابددق على الشيخ اخليه يتأخر شوي مشاري: وقف ولحق بمحمد يابو عبدالرحمن لازم تشاور سحر ابو عبدالرحمن: ماعليك انت بس تطمن وانا وربي منى عيني من زمان انك لها بس ربي ماكتب الا يصير الحين مشاري: اخفى ضيقته والا كأن السماء انطبقت على الأرض ابو عبدالرحمن: وانتي يا أم سحر روحي لسحر ومهدي لها الموضوع وانا ابروح اتطمن عليها بعدك ام سحر: راحت لبنتها بس ماقدرت تقول لها شي منحرجه منها هي عارفه ان سحر ماقبلت بحمد الا علشانها كيف الحين تصدمها كل ماتجي تتكلم تتراجع ضمتها على صدرها وصارت تبكي سحر: تفاجأت ببكاء امها يمه قلبي ايش فيك ياروحي امها: مادري يابنتي فرحانه انك كبرتي وراح تتزوجي الله يرحمه وينه يشوف بنته عروسه سحر: ضمت أمها وطلعت كل بكاها الي كاتمته بصدرها أمها: بعدت عنها ومسكت وجه سحر بيدينها عارفه ياروح أمك انك ماتبينه وانك ضحيتي علشان اخوانك مايتشتتون ويضيعون بدون أب سحر: خبت عن أمها وهي تمسح دموعها لاياروحي مقتنعه فيه وماكتب ربي لي شي الا اكيد فيه خير لي والحب مايجي الا بعد الزواج أمها: بس سحر: ايش يمه أمها: تبي تقولها الي صار بس مو قادرة عارفة بنتها تبي تنصدم موسهلة يتركها خطيبها يوم ملاكها مافيه شي ياروحي حاولت تقولها ماقدرت آخر شي طلعت وماقالت شي قالت يمكن عمها اقوى مني انا موقفي صعب سحر: يوم طلعت أمها طلعت كل بكاها آآخ يمه لو تعرفين الضيقه الي فيني لو وزعت على بلد كفت ربي فرج همي وكربي ربي ان كنت تعلم اني ماسويت هذا الا برا بأمي فيسر لي الخير وين ماكان ابو عبدالرحمن: طلع غرفة سحر الي كانت جالسه لحالها وواضح الضيقة عليها وعرف من عيونها الصغار الحلوات انها كانت تبكي تمنى يشيل همومها عنها مالامها عارف الموقف مو سهل عليها واحد يرميها يوم ملاكها وتروح لثاني ابد الموقف مو سهل بس قال بقلبه الحمد لله ربي عوضها بمشاري اخير واحسن منه بس شكلها كانت معلقه احلامها بحمد علشان كذا منصدمه قرب منها بحنان سحورة سحر: وقفت سم يا عم ابو عبدالرحمن: ماحب يعيد السالفة الحين يحطمها أكثر مسكها مع يدها سحر يابنتي انتي واثقه فيني وكان يظن ان أمها قالت لها سحر: كل الثقه ياعم محمد: واثقه اني ابي مصلحتك سحر:مو بس تبي مصلحتي الا تقدم مصلحتي على مصلحتك انت وبيتك وعيالك محمد: ارتاح لكلامها وحضنها ومسح على راسها وهو يتقطع جواته صدقيني يابنتي ماراح اسوي الا الشي الي ضامن فيه انه بمصلحتك سحر: والله ياعم ماعمري فكرت الا بكذا كم لي ماعمري حسيت بغربة وانا بينكم والله ياعم ماراح القى واحد يحب مصلحتي اكثر منك محمد: ابتسم بحنان ومسك وجهها بين ايدينه راح تلقي زوجك ان شاءالله سحر: غمضت عيونها بحزن ماضن ياعم ماضن محمد: ثقي بربك ثم بزوجك ترا زوجك كفو مو أي رجال وماعمري شفت مثل حنانه ولا رجولته ولاشهامته سبحان الله كنت من زمان اتمناه لك وجاء اليوم الي راح املكه لك سحر: استغربت من كلام عمها ماعمره مدح حمد قدامها بالعكس كانت تحس انه مايبيه ايش غير رايه الحين ابتسمت من وراء قلبها يوم طلع عمها رمت نفسها على السرير ياحسرة ياعمي ماتعرف انه الرجال الي تقول عنه رجال اكبر مغازلنجي والرجولة وين وهو ين آآآآآآآآآخ بس ربي يعين ماتعرف ياعم تحت ابتسامتي مخبيه نار تحرق قلبي من حسرة وألم تقطعني بس كل هذا لعيونك يمه كل شي لأجل سعادتك أنتي واخواني تهون *********************** في ملحق ابو عبدالرحمن مشاري: كان جالس وينتظر عبدالرحمن ويدعي ربه انه يطلع التحليل مو متطابق وينجي من السالفة بدون مايجرح احد زي مانجى من زواجه بشجون هو مايعيب لاشجون ولاسحر بس كره الحريم بعد صدمته بالعنود عبدالرحمن" دخل مسرع ووجهه محمر هاهـ تأخرت عليكم محمد: لا ماتأخرت بس عجل ايش صار مشاري: يناظر بعبدالرحمن بنظرت أمل عبدالرحمن: نادي الشيخ يبه على بركة الله ويستهبل كلوووووش الكل فرحاااااااااااااااااااان الا مشاري مشاري: غمه على قلبه بس قال بقلبه رضيت بقضائك وقدرك يارب ماكتبت كذا الا خير لي ولها بس يارب اقدر اسعد الوردة الطريه طفلتي المدللـه تصير زوجتي سبحان الله مقدر ومكتوب ماتزوج الا وحدة كانت متعلقه بواحد قبلي الله يعيني بس ****************** في صالة الحريم العنود: دق جوالها هلا قلبي صلاح: بدون نفس روحي لبيت أهلك اليوم العنود: خافت ليه صلاح: طالعين انا وربعي وابنام معاهم برا العنود: بس صلاح: بدون بس يالعنود يالله انا مشغول مع السلامة سكر منها قسم نشبه ولصقه اووف العنود: سكرت بحزن وجلست بمكانها واختفت كل فرحتها ام سحر: فرحانة ان سحر راح تتزوج مشاري العنود: ا تحاول تنسى كلام صلاح سألت ايش السالفه ماشوف اهل العريس ؟!؟! غلا: تأشر على خوالها والي قدامك ايش هم العنود: عقدت حواجبها هذولاعيال عمي بندر ايش دخلهم مشاعل: وهي تدق بالكلام ايوه عيال عمك بندر هم أهل زوج سحورة العنود: استغربت أكثر كيف مشاعل: معادلة موصعبة ابو عبدالرحمن في آخر لحظة رفض حمد لأنه قلبه مارتاح له وطلبها ابوي لمشاري وابوعبدالرحمن فرح قال من حيني ابغاها لك ((( طبعا اتفقو يقولن كذا قدام الناس علشان ماتتشوه سمعة سحر ))) العنود: تفاجأت بالخبر وتغير وجهها وحست كأن السماء انطبقت عليها ومو قادرة تتنفس سلطانة: ايش فيك فضحتينا الضيقة واضحة بوجهك من زمان ماحبتيه ليه الحين تضايقتي العنود: تحاول انها تخفي ضيقها لا ليه اتضايق عادي الله يوفقهم لو ابغاه ماتركته سلطانه: ايه صح بس يكون افضل لو مثلتي احسن شوفي غلا ومشاعل يطالعونك ويتبادلون الابتسامات ********************* في غرفة سحر ابو عبدالرحمن: رفض ان عبدالرحمن يروح بالدفتر قال انا ابوديه لها طق باب غرفتها سحر: فتحت له وهي تمثل الفرحه ابو عبدالرحمن: فرح انها مبسوطه وارتاح خاطره وقعي هنا يابنتي سحر: عيونها غرقت بالدموع ويدها ترجف ابو عبدالرحمن: سما عليها سحر: وقعت وكأنها توقع يوم موتها ابو عبدالرحمن: سكر الكتاب وضمها له بحنان الله يوفقك ويسعدك معاه سحر: طلعت كل بكاها الي مخبيته ابو عبدالرحمن: افااا يابنتي غيرك يفرح وانتي تبكين سحر: شدته وتبكي أكثر نوال وغلا وامها سمعو بكاها طلعو فوق بسرعه رحمة ان مجلس الحريم بعيد ام سحر: بسم الله عليك ايش فيك يابنتي ابوعبدالرحمن: يالله ابعد منها علشان أمها تضمها يابنتي ان كنتي ماتبغينه والله لاطلقك منه اهم شي عندي سعادتك نوال: تضايقت من كلامه مهما كان مشاري أخوها وتهمها مصلحته افا عليك محمد أي بنت يجيها كذا وترا الزواج مو لعبه محمد: حس بنظرات العتاب من نوال له ومالامها اخوها جميله فوق الراس وحتى هي جميلها مايسناها عاملة سحر كأنها بنتها نوال: انزل انت رجع الدفتر للشيخ واحنا نجلس عندها محمد" طيب دخل عند الرجال وسلم الدفتر للشيخ الشيخ التفت على البركة الله يوفقكم يارب مشاري: مو مصدق خلاص سحورة صارت زوجتي زوجتي انا سبحان الله قطع سرحانه ابوه وهو يقرب منه علشان يحضنه ويبارك له والكل قام يبارك له محمد: وهو مبسوط تفضل على العشاء نوال: يالله سحورة مو نازلة تشوفي العريس وتجلسي معاه سحر: مابغى ماراح انزل لا للعريس ولا لأهله غلا: يمه خلاص تراها من الصبح رافضة مو شي جديد نوال: ماقدرت تلومها لأن صدمتها موبسيطه يتركها واحد ويجي الثاني يحن عليها وياخذها >>> الكل يظن ا ن ام سحر معلمتها السالفة ******************* تحت بمجلس الحريم الكل تفرق وراحت العنود مع أهلها بس قالت لهم نزلوني ببيتي لأنها كانت متضايقه حيل وتبيت اخذ راحتها بغرفتها مشاري: ودعهم وجاء يبي يمشي مسكه محمد محمد: اعذرنا يامشاري بس الي جاء سحر اليوم مو سهل مشاري: مالمتها والله وترا الشوفه عندي مو مهمه اصلا اعرفها فديتها من يومها صغيرة محمد: والله يامشاري موقفك ماراح انساه ابد مشاري: ماله داعي هالكلام مابينا شكر وماسويت الا الواجب والكسبان الي يفوز بسحر هي بحد ذاتها مكسب لاي رجال بالدنيا محمد: فرح بكلامه ووتطمن ان مشاري مو مجبور عليها او يجامله مشاري: مهرها راح يكون بحسابها بكره ان شاءالله محمد: مسك يده ماراح تدفع الا مية ريال لانه الشرع اوجب علينا المهر وجهازها علي هدية مني لكم مشاري: افا عليك يابوعبدالرحمن سحر غاليه علي وأنا ابدفع لها مهرها وأنت اهدي لها الي تبيه بس ماراح يرتاح خاطري اسوق مهر لبنت عمي وسحر ماعطيها مهر ماراح ارضاها عليها ابد محمد: زادت فرحته حط يده على كتف مشاري والله انك رجال كفو وربي فرحتي ماتنوصف بأنك انت زوج بينت أخوي الي كانت أمانه برقبتي الحين بس ارتحت اني ابطلعها من أمانتي لرجال راح يحرص عليها أكثر مني مشاري: الله يقدرني وأسعدها وجاء يبي يركب سيارته الا فارس يطق كتفه فارس: مبرروك ياعريس مع اني ماشوفك حيل مبسووط مشاري: طالعه وسكت فارس: ياخوي لاتكبرها ان كنت مو مقتنع فيها فتره بس وطلقها أهم شي انك سترت على البنت انا مالومك ماحد يتحمل سحر ودلعها وانت عاقل وكبير وفرق بينكم بالعمر عبدالرحمن: كان طالع يبي غرض من سيارته وسمع كلامهم جاء يبي يتدخل بس احترام لخاله مشاري سكت وظل واقف بعيد عنهم يسمع نقاشهم مشاري: طالعه بنظرة عتاب ايش تخربط يافارس تظن بنات الناس لعبه بعدين ترا سحر صارت زوجتي وماسمح بأي كلمة فيها فارس: ابتسم ياخوي لاتعصب انا ماسبيتها بس كلنا يعرف دلع سحر اليم احد يتحمله بس مشاري: عصب أكثر فاااااارس قلت أي كلمة يجرح سحر دلعها لي ومالأحد خص في بعدين انا مبسوط انها صارت زوجتي ماشتكيت لك ومشكور على الفكرة الحلوة ياخوي عن اذنك ركب سيارته وواطلق تنهدية ضيق كاتمة صدره ياالله ايش الي يصير وربي مو مصدق أنا زوج سحر مومعقولة عمري مانظرت لها نظرة حب طول عمري انظر لها سحورة الطفلة اليتمية البريئة كيف الحين ابتقبلها كزوجة ماتوقع راح أحبها حب زواج وهي حساسة أخاف تلاحظ علي بعدين حتى هي أكيد كانت متعلقة بحمد حب من يومهم صغار بس هو خذلها يالله انا ابتلاني ربي إني ماتزوج الا وحدة حبت من قبل انصدمت من العنود العاقلة كيف راح تكون صدمتي من سحر الطايشة الله يسامحك يافارس حطيتني بموقف لا أحسد عليه فارس: ابتسم الحمد لله انك مبسوط جعلها دوم ياخوي جاء يبي يركب سيارته الا عبدالرحمن بوجهه واضح انه معصب ياليل ايش فيهم اليوم علي بدال مايشكروني كل واحد ناط فيني عبدالرحمن: ان سمعتك تجيب سيرة أختي بلسانك ماراح يصير لك طيب فارس: نظارة بتريقه يعني ايش راح تسوي يالبطل عبدالرحمن: أنا انذرتك وبس فارس: ماراح اجيب سيرتها لأنها صارت زوجة اخوي والا انت ماهميتني بعدين احمد ربك اني انقذتها من موقف لاتحسد عليها بدال ماتشكريني جيت تخانقني ودور أي عذر عبدالرحمن: اصلا لو ماكنت مقترح خالي مشاري ماوفقت بس ماراح نلقى احسن من خالي والشكر لله ثم لخالي مشاري انت مالك شكر عندي فارس: عصب وأنا مانتظر شكر واحد زيك ماعنده تقدير او احترام لخاله وركب سيارته وهو معصب دخل للبيت وهو فاير من تعامل عبدالرحمن الي ينرفزه دخل لجناحه وشاف شجون طالعه من المطبخ حقهم معاها شاهي لاحظ شعرها هيه هيه انتي ايش مسويه بنفسك شجون: بدون اهتمام مشت ماردت عليه سحبها مع يدها وطاح الشاهي منها فارس: شاف الكوب المنكسر وشافها تنزل تشيله وشاف شعرها كيف خرب مسكها مع يدها ووقفها قدامها وهو راص اسنانه يعني تظني يوم اقربك فاتنتي ورحت تخربين شكلك ابشرك ترا طال شعرك او ماطال ماتغير فيك شي الشين يظل شين لو ايش ماسوى وانا اكررها عليك ماقربت الا اكسرك شجون: عيونها على الكاسه المكسورة بدون أي رد فارس: انقهر من تطنيشها له ترك يدها بقوة ودخل غرفته وسكر الباب بعصبيه ^ ^ | ||||
|
| |
|
22-10-12, 05:17 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في غرفة العنود العنود: كانت مخنوووقة مرة وطول الطريق ماتكلمت منصدمة من ملاك سحر لمشاري الى هالحين مو مستوعبه رمت نفسها على الكنبة تتذكر كل دلال مشاري لها معقولة كل هالدلال راح يروح لسحر آآآآه بس هزت راسها انا ايش جالسة افكر فيه اخون صلاح بتفكيري ماحست الا باب الغرفة ينفتح استغربت صلاح قايل موجاي صلاح: استغرب انها فيه العنود: وقفت مو قلت انك راح تنام هناك صلاح: ماعجبنا المكلن ورجعنا خير ياطير العنود: سكتت هي اصلا مقهورة ومكتومه اليوم صلاح: دخل وفسخ وجلس يفسخ شرابه علشان يتحمم ويبدل ملابسه طالعها شافها سرحانه وواضح الحزن بعيونها هيه ايش فيك العنود: تتصنع الابتسامة مافيه شي حبيبي صلاح: جهزتي لي الحمام العنود: دقايق اجهزه صلاح: جالسه هنا سرحانه بأفكارك ومخليه الي وصيتك عليه العنود: ااااااااااه لاتخليها سالفة صلاح: طالعها باستهزاء يعني مشاري ملك قلبتي حالك علينا مادامك تبغيه ليه طلبتي الطلاق منه العنود: تفاجات انه عرف وكف عرف ماتدري ردت بارتباك ايش هالاوهام منو قال اصلا اني متضايقه لاتضايقت ولاشي الا فرحانه له الله يرزقه ومن زمان حاسه انه يحبها وهذا ربي حققت امنيته وأخذها صلاح: انا ماتوهم ياهانم طالعي وجهك بالمرايه وشوفي كيف الحزن باين عليه شكل الخيانة تمشي بعروقك العنود: عصبت بس مسكت نفسها ابروح اجهز حمامك احسن لي من اني اسمع هالخرابيط صلاح: منعها مشكورة مابي منك شي اانا ابجهزه بنفسي وراح وخلاها العنود: ياربي انا ايش سويت معقولة واضح علي ايه انت المسؤال ياصلاح لو عاملتني بحب زي ماكنت احلم كان ماضقت كذا ولاحنيت على ايام مشاري الله يسعدك ربي يامشاري تستاهل كل خير عمرك ماضايقتني ولا اهنتني مع قساوتي معاك كنت متصبر علي يارب سحر تسعدك وتعوضك الي حرمتك منه ونزلت دمعتها ومسحتها بسرعه ******************** في بيت ابو مشاري مشاري: وصل للبيت وهو ضايق مرة طالع فوق شاف انوار شعاع مفتوحه فرح انها لسه صاحيه طلع لغرفتها وطق بابها شعاع: بفرحه وبابتسامة ادخل بسرعه مشاري: اهلين وسهلين ووجه مبتسم ومبسوط مجرد مايشوفها ينسى كل شي شعاع: وهي تحرك كرسيها صوبه ياهلا مليون بعريسنا مشاري: يالله ماسرع مانتشر الخبر شعاع: نشروه بالعربيه والصحف المحليه ههههههههههههههههه مشاري: قرب يبوسها مع راسها شعاع: سحبته وحضنته ونزلت دموعها تمنيت اقوم واحضنك تنميت ارقص بزواجك زي مارقصت بزواجك الأول وكنت تشجعني وتبتسم لي مشاري: ضاق يوم سمع كلامها تألم وحس بقلبه الم ماينوصف مسك دمتعته لاتنزل بعد عنها راح تطيبين وترجعين تمشين بعون ربي وراح تشوفي شعاع: ابتسمت بحزن ومسحت دمعتها مخبيه شي تحس فيه من زمان عن أهلها كلهم ماتبي تضيق صدورهم حاولت تغير الموضوع وربي طرت من الفرحه يوم سمعت احلى خبر بعمري مشاري: جاملها ماحب يظهر انه مو مقتنع بالزواج هذا ابد يارب اقدر اسعدها ياشعاع تحملت أمانة كبيرة سحر نسمة رقيقة صعب تنجرح شعاع: مسكت يده ماخبي عنك سحر دلوعه حيل بس رقيقة وحنونة حيل صح يمكن تتعب معاها شوي لأن عمها دلعها مرة بس اهم شي قلبها ابيض سحر مرة حنونة وطيبه وصدقني راح تسعدك ان شاءالله مشاري: ابعد عن شعاع وجلس طرف السرير بس اخاف هي مو متقبلتني اخاف متعلقه بحمد شعاع: بحكمتها والله البنت الي اشوفها وقت خطبتها ماحس انها مخطوبة لواحد تحبه بالعكس احسها ابد مو متقبلته مشاري: اجل ليه قبلته شعاع: يمكن علشان أمها مشاري: تنهد براحة وابتسم وقام وباسها مع راسها اخليك ترتاحين الحين السهر والجلسة الطويلة تضرك قرب كرسيها وساعدها تجلس على سريرها شعاع: لاتدلعني كذا متعودة اقوم من نفسي مشاري: ان مادلعتك منو ادلع شعاع: وفر دلعك لست الحسن والدلال سحورة مشاري : ابتسم تصبحي على خير شعاع: مسكت يده اخبار فارس عساه مبسوط مشاري: طالع عيونها وشاف نظرات الشوق لاخوها فارس تغير وجهه وضاق لان فارس ماهمته وهي تتعذب كل يوم من شوقها له رفع يدها وباسها قال ببرود ماعليه ولاتشغلي بالك بأحد شعاع: بحزن مو أي أحد هذا اخوي مشاري: حتى لو كان أخوك الي مايسأل عنك لا تسألي عنه شعاع: غمضت عيونها بحزن وسكتت مشاري: رحمها بس مابيده شي سكر النور وطلع شعاع: يوم سكر الباب بكت بهدوء اشتقت لك يافارس خوفي أموت وعيوني ماشافت عيونك تذكرت ايامهم أول سهراتهم ضحكهم حنت لأيامها اول بس الي انكسر ماراح يتصلح ابد ************************* في غرفة سحر سحر: تحممت ولبست بيجامة وردية ناعمه حيل جففت شعرها جلست على طرف سريرها تفكر خلاااص صرت زوجة حمد اكره شخصين عندي حمد وفارس صرت زوجة واحد منهم ربي صبرني عليه وسخره لي طالعت دولابها وراحت له فتحت درج الي يحمل كل ذكرياتها الحلوة طلعت الصندوق وجلست على الكنبة وفتحته طلعت هداياه هذا يوم دخلت اول ابتدائي جاب لها دبدوب صغير وهذا يوم صارت الطالبة المثالية وهذي هدايا العيد كل واحد احلى من الثاني وهذي هدية تخرجي من الابتدائي حلق لؤلؤ وهذي يوم اتخرج من المتوسط تنهدت بضيق ووجع خلاص لازم انسى كل شي منك انت مو من نصيبي والحين انا في ذمة رجال غيرك لازم اتخلص من هداياك واعطيها غلا ورسايلي الي كنت اكتبها لك ومارسلها بس اخليها عندي ذكرى راح احرقها كلها غلا: شافتها مرتبكه حست انها متضايقه قالت بقلبها ياعمري مالومها حبت تلطلف الجو اشوف عروستنا ماجاها النوم كل هذا فرح بالمعرس سحر: اما ,,, وربي ماحسيت فيه متى حبيته اصلا علشان افرح فيه غلا: تضايقت علشان مشاري خالها الغالي احمدي ربك اصلا انك صرتي من نصيبه سحر: طالعتها ليه ماخذتيه انتي غلا: استغربت من ردها حست انها ماعرفت ان مشاري هو زوجها بس قالت يمكنها تستعبط ابتأكد وياروطتي لو سحر ماعرفت ايش راح يكون موقفي ليت ربي محلل كان تزوجته وماشاورتك سحر: لامحلل عادي تطلقني وتتزوجنه وتفكيني منه غلا: بلا سماجة واستعباط فيه وحدة تاخذ خالها سحر: لفت عليها متفاجاه متى حمد صار خالك لايكون اكتشفتو انه خالك من الرضاع غلا: أي حمد انتي مجنونة متى عرفته حتى يصير خالي سحر: عقدت حواجبها موفاهمه شي من الي يصير حولها أجل منو غيره انا صرت زوجة حمد وانتي تقولي ان زوجي خالك غلا: لا موحمد زوجك حمد ماجاء للملاك اصلا سحر: بعصبيه اجل الي ملكوني عليه مين تكلمي ؟!؟ غلا: وانتي وقعتي وانتي مغمضة سحر: من ضيقتي مانتبهت وعيوني كلها دموع ماشوف شي شخطت شخطين اهم شي اني وقعت واصلا كنت متاكدة انه حمد بعدين يوم حمد ماجاء ليه تزوجوني بدون ماتشاوروني انا لعبة بين ايديكم وزوادت عصبيتها وارتفع صوتها غلا: قربت منها وضمتها طلبتك لاتفضحينا وتصحين أبوي وربي لو يعرف يضيق سحر: بعدت عنها يضيق وانا مو من حقي اضيق ليه لأني مالي ابو مو من حقي اشاور معقولة عمي محمد الي حبيته زي ابوي يسوي فيني كذا يزوجوني بدون مايشاورني علشان ماينفضح عند الناس وجلست تبكي غلا: جلست عند رجولها وربي ابوي ماله دخل ياسحر هو قال لأمك قولي لها وكلنا ظينناك عرفتي ووافقتي بعدين وربي خالي مافيه مثله وكل بنت تتمناه سحر: هدات عن البكاء طالعتها خالك من خالك لايكون فارس بس اطلع من بلوة لبلوة ثانيه غلا: اكيد لا سحر: بدا قلبها يدق بسرعه أجل مين غلا: وهي خايفه مالي غير خالين ان ماكان فارس اكيد خالي مشاري سحر: فتحت عيونها مو مصدقة الي تسمع جفت دموعها انخرس لسانها غلا: خافت عليها سحر سحورة سحير قلبي ردي علي سحر: لااااااااااارد غلا: سحررررررررررر ردي علي ايش فيك وربي ماراح تندمي خالي مشاري كل بنت تتمناه قسم سحر: بهدوء انا احلم غلا او ايش غلا: انجنت البنت الله يخلف علينا لاماتحلمي سحر: طيب اقرصيني غلا: خافت عليها سحر ايش فيك وجهك تغير لونه ردي علي وربي خوفتني عليك سحر: طالعتها بهدوء مافيني شي بس ممكن تتركني لوحدي ارتاح غلا: سحورة ابنام جنبك الليله ماقدر اخليك لوحدك وضعك صعب مرة سحر: بهدوووء غلا ممكن تركتيني الحين غلا: حست ان سحر بحاجة تبكي لوحدها طلعت وخلتها وهي تدعي ربها انها تهداء لوحدها سمعت تسكيرة سحر للمفتاح قالت الله يستر الله يسامحك ياأم سحر والله لو يعرف ابوي انه تضيق عليه الدنيا ياروحي ياسحر مو مستعبه ابد ان خالي مشاري صار زوجها بس وربي يجنن بس مادري ليه البنات ماعندهم ذوق بكرة تعيش معاه وتحبه ان شاءالله سحر: قفلت الباب مرتين وتسندت على الباب وغمضت عيونها بقووووة مو مصدقة انا زوجي مشاري لا أكيد انا أحلم بعدت عن الباب ولفت كم لفة وطاحت على سريرها لك الشكر ياربي كنت اعتبر زواجي منه من سابع المستحيلات بس ماعلى ربي شي مستحيل دعيتك انك توفقني مع زوج يرعاني ويحافظ علي زي صفات مشاري ورزقتني بمشاري نفسه قامت من سريرها وسجدت سجود الشكر وطولت بسجودها راحت لصندوقها وفتحته وباست كل هدية منه كنت ابرميه وكأني ارمي قلبي آآآآآآه يامشاري كنت حلم الطفولة وكبرت مع هالحلم كل ماشوفك احاول اهدي هالحب الي يكبر جواتي بس ماقدر كنت الوم العنود لانها ماقدرت النعمه الي بين يدينيها يارب اقدر اسعده يارب وانسيه حبه للعنود عارفه انك تحبها حيل بس انا احبك مووووت قلبي مو بيدي **************************** في صالة محمد غلا: يمه ابقولك شي مانومني البارح نوال: خير ياقلبي غلا: بحزن البارح كنت مع سحر نوال: ايه وبعدين غلا: كانت متضايقه حيل نوال: وليه طيب لايكون علشانها ملكت على مشاري غلا: يمه مالومها تراها ماعرفت الا مني نوال: تفاجأت وليه أمها ماقالت لها غلا: لا الله يهديها ماقالت لها شي قسم البنت ضاقت وقالت ليه ماشاورتوني والا لأني يتيمه ماتشاوروني نوال: ضاقت حيل خلاص حبيتي غلو بس لايعرف ابوك بالي صار غلا: أكيد ماراح اقوله بس اكيد راح يعرف من وجهها نوال: وهي تجهز الفطور تحمد ربها وتبوس يدها ان مشاري صار زوجها وتخلصت من حمد منو يحصل له واحد زي مشاري غلا: يمه صح خالي مافيه زيه بس احنا نقول كذا لانه خالي وانتي اخوك بس لاتنسي فرق العمر الي بينهم غير كذا كان متزوج وسحر صغيرة وماتزوجت من حقها تتزوج واحد صغير وماتزوج وبعدين لاتنسي خالي عقيم نوال: أقول لايكثر واحد متزوج وكبير ويخاف ربه افضل الف مرة من واحد صغير ومايخاف ربه خلينا منطقيين ياغلا لو انها متزوجه فارس قبل ماياخذ شحون افضل لها او مشاري وهو مطلق على قولتك غلا: أكيد خالي مشاري مافيه مثله اثنين نوال: هذاك قلتي سكري على الموضوع ابوك نزل محمد: صباح الخير نوال وغلا : صباح النور عبدالرحمن : صباح الخير يمه نوال: صبحك الله بالسرور ياقلبي محمد: غريبه ليه سحر مانزلت مو عادتها غلا: بارتباك اكيد سهرانه وراحت عليها نومة محمد: ابقوم اناديها ((مارتاح قلبه يبغى يتطمن عليها)) غلا: خلك يبه انا ابقوم اناديها بقلبها يارب تمثل انها ماضاقت لو قدام ابوي الي رباك ودلعك ياسحر جت تبي تقوم الا تجي سحر سحر: بوجه مشرق ومبسوط صبحكم الله بالخير محمد: هلا وغلا بنورنا صبحك الله بالسرور يارب نوال وغلا: ارتاحو يوم شافو وجهها مبسوط غلا: دايم حنونة سحر ماتبغى تظهر ضيقها عند ابوي فديتها وفديت حنانها أكيد فرغت كل بكاها البارح ياروحي هي محمد: مبسوط وهو يشوف سحر منور وجهها وتسولف وتضحك دوم هالانبساطه يابنتي عبدالرحمن:صح يالعروسه ليه ماخليتي خالي يشوفك سحر: مو مصدقة ان خاله هو زوجها استحت وحمرت خدودها وماردت نوال: ارتاحت يوم شافت خجلها حست انها ماتمثل لو تمثل مستحيل تخجل كذا خلاص عبدالرحمن لاحقين على بعض وخل اخوي يتشوق اكثر عبدالرحمن: اوما يتشوق حافظها من يومها صغيرة نوال: بس سحورة كبرت وحلوت اكثرر سحر: خلاص مو متحمله استحت مرة عن اذنكم محمد: افا مافطرتي سحر: والله كنت شبعانه ياعم بس قلت مافوت جمعتكم محمد: عليك بالعافيه يوم راحت ماتعرف تربط لسانك الا تحرجها عبدالرحمن: ابشوف هي متقبله خالي او بس قبلته مضطرة بس شكل البنت تموت فيه مو بس متقبلته محمد: احشم بنت عمك ياولد عن اذنكم نوال: يوم طلع زوجها الا تضايق ابوك عبدالرحمن: ماقلت شي غلط بس تعرفين حساسيته من سحر وربي اشك يحبها اكثر منا نوال: مابعد غلا الظنا شي وانا أمك بس سحر يتيمه ورباها معاكم انا وربي احبها زيكم غلا: قامت وباست أمها مع خدها فديت حنان ماما بس وانا اقول خالي مشاري منو عليها شكل أمكم كتلة حنان نوال: تنهدت بضيق ايه والله الله يرحمها كانت أم رائعة بحنانها ورحمتها واهتمامها بس حتى ابوي فديته تراه حنون مرة غلا: اجل اكيد جدي يموت فيها عبدالرحمن: ماتشوفينه يموت بشجون بس علشانها بنت اختها نوال: بس تراه ماقصر مع خالتي ام فارس ويحبها ولها قدرها بس يمكن لأن أمي كانت حكيمه بتربيتها وتعاملها وهو ينقهر من دلال ام فارس لفارس بس تراه يحبها وهي يشهد ربي إنها حبيبه وبنت حلال وقلبها طيب عبدالرحمن: طيبه بس ليتها تحنن قلب ولدها الحجر الي ماخاف ربه لا بأخته ولا بزوجته نوال: حبيبي ليتك تخف على فارس شوي تراه يظل خالك والوضع بينكم ابد مايعجبني انا اشوفه انه عادي هو مستعد يكلمك بس انت دايم تصده عبدالرحمن: مستحيل اتكلم واسولف مع واحد هاجر أخته كم سنة يمه انتم ماتحسون بالي تحس فيه خالتي شعاع وامتلت عيونه دموع كم مرة ادخل عليها فجأة اشوفها تطل عليه من الشباك وهي تبكي وأول ماتشوفني تمسح دموعها علشان ماتحسس احد انها حزينه يمه أخوك مارحم إعاقتها ويزيد عليها ألم فوق ألم نوال: ياروحي لاتتوقع ان فارس يكرهها يمكن انه هو بعد مشتاق لها بس فيه شي يمنعه يكلمها عبدالرحمن: ارجوك يمه لاتعذرين لاقسى شخص عرفته بحياتي نوال: كان اقرب الناس لك عبدالرحمن: قلتيها كان عن اذنك باسها مع راسها وأخذ شماغه وطلع نوال: الله يهيدك ويصلح بينكم بس غلا: يمه معقولة سحر كانت تمثل فرحها علشان ماتضايق ابوك نوال:يمكن بس احس فرحها طالع من قلبها مو تمثيل شفتي خجلها يوم تكلم عنه مو معقولة بنت مجبورة تخجل كذا من طاري خطيبها غلا: اجل عن اذنك ابروح اشوفها هالبنت راح تجنني بغموضها نوال: لو انك ماتقولي كل شي عنها كان أمنتك على أسرارها بس انتي ماتبعلي شي بفمك كل شي يدخل مع انذانك يطلع من فمك غلا: ايش اسوي يمه شكل عندي تهريب من ناحية الفم نوال: ههههههههههههه مجنونة قسم غلا:وماعرف اخبي شي ابد يالله ماماتي ابروح اشوف سحورة وتطمن عليها هي تمثل او يمكن جد خاقه مع خالي من زمان ومخبيه عاد والله لو جد من زمان تحبه ومخبيه عني طول هالفتره لاوريها نوال: ابتسمت ماتوقع انها راح تحب مشاري ايش جاب عمرها لعمره بس يمكن يوم ملك عليها انبسطت لأن سحر عاقله وتفكر بعقلها وتعرف طيبة وحنان ورجولة مشاري غلا: رفعت حواجبها يارب كلامك بمحله ماتكون مقنعه نفسها غصب راحت لغرفة سحر سحر: مبسوطة وحاطة رجل على رجل وفاتحه النت وتقلب بالأزياء تعال غلا شوفي هالفستان مو يجنن غلا: وقفت وراها اااااااوه خيال موس يجنن سحر: ابتسمت بفرح وانا اقول كذا بعد دقيقة اوريك الثاني غلا: لفت كرسي سحر الدوار وخلتها مقابله لها حطت يدها على جبهة سحر سحورة عليك حرارة من سهر البارح والا الصدمة مأثرة فيك سحر: ضحكت لا الحمد لله لا حرارة ولاشي غلا: ابد موطبيعيه انتي سحر: ابتسمت ليه غلا: اجل دقيقه اقرا عليك تف تف اللهم سكنهم مساكنهم سحر: ههههههههههههههه مجنونة ايش تسوين غلا: ياختي جننتني انتي وحيرتني سحر: وهي تضحك مبسوطه ليه ؟؟؟ غلا: ظنيتك راح تنصدمي لانك ماعرفتي عن ملاكك على خالي مشاري وظنيت حركة حمد راح تجرجك وتحطمك بس اشوف ماشاءالله بنت قويه ولا على بالها قسم شوي اشك ان فارس احلامك الي تكتبي عنه هو خالي مشاري بس انا متأكدة انه مستحيل لانك طفلة وهو كبير عنك سحر: لفت كرسيها وقابلت الجهاز كل الي صار مقدر ومكتوب وأكيد ربي ماقدر هالشي الا خير لي غلا: باستها مع راسها فديت الحكيمه بس تصدقي نفس كلام أمي بعد سحر: ابتسمت وسكتت قالت بقلبها ماتعرفي ياغلا ان مشاري هو حلم الطفولة حلم ماظنيته يتحقق بس ربي سبحانه حقق حلم مستحيل يصيرررر *************************** في بيت ابو مشاري شجون: من يصدق سحورة تتزوج مشاري مشاعل: ايه سبحان الله ماحطيتها ببالي ابد شجون: أجل ماكلمها ولاشي مشاعل: شكله مايبي يحرجها فديته غلا: البنت خشتها من هنا لهنا وخالي المسكين يخاف يحرجها شجون: ابتسمت الله يوفقهم ويسعدهم لايقين لبعض غلا: ليه خربتي شعرك شوشو ماصدقنا يزين شجون: كنت ابعدله وخرب الشكوى لله فارس: يسمع ردها وساكت ويقول بقلبه تعرف تكذب بعد مشاعل: حبت تصرف الموضوع شجون حلاها فيها شجون: وربي مشتاقه لأختي ودي اطلب عمي يوديني لها غلا: وانا ابي ازورها معاك من زمان اتمنى ازورها مشاعل: وأنا بعد شجون: فرررحت حيل يوم طلبو يزورن أختها حتى فرح راح تفرح فيكم حيل فارس: أي زيارة واي خرابيط انتي وياها بلافضايح بلاهم تراها بالسجن مو بالمستشفى سجن تعرفون كلمة شجن وانتم من بيت عايله محترمه تبون تفضحونا عند الناس يعني شجون: حست بسكاكين تطعنها سكتت ماردت ام فارس: الله يهديك مافيها شي يحسسونها أحد عندها فارس: اصلا ياست مشاعل غلاب لو يعرف راح يحش رجولك حش تراه ولد عايله محترمه ومايحب يحتك بناس فيهم شبهه شجون: خلاااااااص مو قاجرة تتحمل بس مثبرة نفسها علشان ماتفرحه عليها غلا: مشاعل بحكم زوج بس أنا ابوي وامي متأكده ماراح يرفضون وماحد له دخل فيني فارس: عصب تطولين لسانك علي يابنت غلا: قامت الحمدلله اني بحكم احن ابو واحن اخو شجون: مشكورات يابنات بس خلوها مرة ثانيه عن اذنكم ابروح اسأل عمي فارس: أخذ كوب الشاهي يكمل قهوته ويقرا الجريده غلا: بهمس يقهرررر ويرفع الضغط كيف شجون متحملته والله مالوم اخوي يوم هجره كم سنه مشاعل: بحزن الله يسامحه ويهديه بس *********************** في السجن فرح: وهي ضامه أختها اشتقت لك شجون تأخرتي علي حيل شجون: والله أنا اكثرررر بس اعذريني ياروحي غصب عني مو بيدي استحي اطلب عمي كل شوي فرح: جلستها جنبها صادقه ياروحي هاهـ عساك مبسوطه شجون: احمد ربي على كل حال احسن من عيتش برعب ابوي فرح: هه ابوي الي يحمل بس اسم الابوه شجون: الله يهديه حتى ماعرف أي خبر عنه فرح: بقهر مابي اعرف أي شي عنه شجون: بس يظل ابونا فرح: تبي تغير السالفه كيفك انتي وزوجك شجون: تغير وجهها وهي تتذكر ذاك اليوم وكلامه لها بعد الي صار الحمد لله فرح: لفت وجه شجون لاتتهربي من نظراتي طالعيني صاير شي لك شجون: تتصنع الابتسامه ابد ماصار شي فرح: ناظرت شعرها تخبي عني شجون اعرفك ماتقصي شعرك كذا الا اذا ضقتي حيل حالة نفسيه لازمتك من يومك صغيره حزنك تفرغينه بشعرك عاتبتك كم مرة هاوشتك بس بعدين عرفت انه تصرف لا اردي منك شجون: وعيونها على الارض ربي ابتلانا يبي يشوف نصبر اولا بس الله يلهمنا الصبر ياختي فرح: عارفه ماتحبي تشتكي الا لربك ومابي اضغط عليك شجون واخرب اجرك بس تأكدي ربي قريب وماتضيق حتى تنفرج شجون: رفعت عيونها لأختها املي بربي كبير ومتأكده راح يجي يوم ويفرجون عنك ونرجع نعيش سوا فرح بعيدين عن ابونا وعن فارس وغيره عمي ابو مشاري ماراح يقصر معانا وراح اكمل دراستي واتوظف ونعيش سوا فرح: ناظرتها بحزن دايم ادعي ياشجون ان كان موتي خيرا لي يارب امتني وان كانت حياتي خيرا لي يارب احيني نزلت عيونها تمنع دمعتها بس ياشجون انا اموووت في اليوم الف مرة كل ماتذكر الماضي الاسود حقي ابي ارتاح تعبت ياشجون تعبت شجون: ضمتها سلامتك من التعب يافرح ليتني اقدر اشيله عنك وتعيشي بسعادة طول عمرك فرح: ضمت خصر أختها النحيل يكفي ماشفتي من عذاب اتمنى اشوفك سعيده قبل يوم قصاصي شجون: ابعدت عنها يارب نسعد انا وياك يااااااااارب ************************** العايله كلها قررت تسافر للشرقيه عبدالرحمن: لازم شعاع تسافري معانا شعاع: ياليتك تعفيني عبدالرحمن عبدالرحمن: مستحيل والله لو ماتسافري لاجلس معا ك انا ماصدقت انقل عملي للرياض الا علشان كل يوم اجيك وتبغيني اسافر واخليك بعدين لو ماسافرتي راح تحرمين أمك من السفرة تعرفين ماترضى تسافر وتخليك شعاع: بحزن تعرف ان السفر يرهقني عبدالرحمن: انا وياك راح نروح بطيارة وصديقي ماقصر حجز لنا شقة دور ارضي علشان حالتك شعاع: وانت قايله عني يالي ماتستحي عبدالرحمن: هو أقرب صديق لي دايم يشوفني اكلمك قالي لايكون بس عشقان وتكلم بنات من ورانا قلت الله لايقوله هذي نور عيني خالتي عاد كل ماتدقين مخزن رقمك نور العين يضحك ويقول نور عينك دقت شعاع: هههههههههههه فديتك بس من جد احرجتني عنده عبدالرحمن: ماعليك هو بحسبة اخوي واقرب صديق لي شعاع: الله يخليكم لبعض عبدالرحمن: هاه مارديتي علي راح تروحين او لا شعاع: اسوي كل شي لعيونك عبدالرحمن: فديتك بس الله لايحرمني منك ********************** في بيت ابو حمد حمد: يبه حرام عليكم كيف طارت مني انتظرها سنه وتطير كذا سند: من خمالك يالخبل طيرتها بالعبك واستهتارك قوية أمها علي الحين وصار وراء ظهر تستقوي علي فيه كله منك طلعت من البيت واستاجر لها الغثيث مشاري بيت جنب أهلها وماهتمت فيني ماقدر اهددها بعيالها وهي ماجبت مني الا عيال لو بنت كان هددتها فيني كله من وراء راسك حمد: يبه وش دخلني بمشاكلك انت وأمها ابي سحر ترجع لي يبيه ارجوووك سوي أي شي ورجعها لي سند: انطم واسكت ولك وجه تتكلم بعد ماسودت وجهي عندهم قسم صعت بهدومي حمد: يبه كنت نايم وموحاس بالي اقوله سند: قل كنت سكران وماحس بنفسي اعترف بخمالك ام حمد: بسم الله على وليدي لاتظلمه أنت وحرمتك بنتها لاراحت ولاجت لاتحرق دمك علشانها ياوليدي حمد: بحزن يمه ابيها والله ابيها سند: طس عني بس اخويتني وانت تعيد نفس السالفه حمد: طلع وهو ضايق حرك سيارته وقرب من بيت ابو مشاري ويطالع ببيتهم انم انتقمت منكم ماكون حمد ولد سند وراح تشوفون لو مو اليوم بكره لو مو بكره لو بعد سنين بس والله لاحرق قلوبكم زي ماحرقتو قلبي وهذا وعد من حمد لكم ^ ^ ^ ^ كيف راح ينتقم حمد من عائلة ابو مشاري؟؟؟ ايش راح يكون بالسفرة من أحداث ومافاجآآآآآت ؟؟؟ شعاع واول خروج لها من البيت بعد اربع سنوات هل راح تقابلها مفاجآة غير متوقعه هناك اولا ..؟؟؟ انتظر توقعاتكم على أحر من الجمررر & & & فائدة: أعلم أنه ما أخرج الله عبداً من ذل المعاصي إلى عز التقوى إلا : أغناه الله بلا مال .. وأعزه بلا عشيره .. وآنسه بلا بشر .. تقبلو خالص تحيات اختكم ومحبتكم دوما وابد همس ((( أمي هي روحي ))) | ||||
|
| |
 |
| أدوات الموضوع | |
| انواع عرض الموضوع | |
|
|
17Likes
العرض العادي
