آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-11-12, 05:09 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أنوثة خيالية بالرغم من الملابس الرجالية / بقلم عقد اللؤلؤ - مكتملة
التعديل الأخير تم بواسطة درة الاحساء ; 09-10-13 الساعة 07:24 PM | |||||||||||||
|  |
|
12-11-12, 05:16 PM
| #2 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
12-11-12, 05:19 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| <<<<<<<<<<<<<<<<<<<<<<<<<<<<<<<<<<<< الجزءالاول <<<<<<<<<<<<<<<<<<<<<<<<<<<<<<<<<<< اوف طفش شكلي بطلع اتمشى بالمزرعه بدال القعده الممله هذي ... طلعت (عبير) فوق للغرف وطلعت من شنطتها كيس فيه ملابس بيضاء وسكرت الباب تبدل ملابسها ... كان الشباب جالسين في المزرعه .. وائل وخالد وعبدالله واحمد وسعود .. احمد: الجو اليوم روعه سعود : فعلا الواحد وده بس يطالع في السماء والنجوم عبدالله : هههه الاخ سعود عشقان والا ايش ههههه سعود : وليه ماحد يطالع في النجوم الا العشقان ..؟! خالد : واذا عشقان ايش فيها الحب شي حلو .." يطالع في وائل بنص عين " والا انا غلطان يا وائل ..؟؟ وائل "بدون ما يطالع فيهم" : مو كل شي حلو تقولون عنه حب ..الحب ممكن يكون عذاب مو بس راحه وشي جميل .. احمد : اوه ايش الكلام الكبير هذا .. خالد : يعني الحين نبغى ناخذ منك الخبره والتجارب وفي الاخير تعقدها . سعود : شكله بيخلينا نكره الحب وابو الحب الكل : ههههههههههههههههههههههه عبدالله : والله شكل الاخ قدامنا يحطمنا .. ومع الحبيبه مبسوط . سعود : افا يا وائل ما هقيتها منك خالد : لها الدرجه تكرهنا ليه ليه ابغى اعرف لييييييييه هههههه الكل : ههههههههههههههههههه وائل : الله كل هذا في قلوبكم وساكتين هههههه طيب حبوا مين ردكم .. ترى انا اكبر منكم بسنتين بس .. احمد : لسى ما انولدت البنت اللي تطيحنا خخخخ صح شباب ..؟! ههههههههههههه وائل : والله اني حاس انها بتتفركش هالخطوبه ..من كثر ما تعلقون .. ترى كلها شوفه لا راحت ولا جت ... خالد : ايه هذا انت قلتها..اهم شي فيه بنت بالسالفه سعود : اخ خالد يعني تتوقع شوفه بتكون بين مين ومين يعني ... اكيد بنت يا دلخ ... الكل : ههههههههههههه وائل : ترى للمعلوميه الخطوبه هذي تقليديه يعني لا كنت احبها ولا شي بس اختيار الاهل والعادات . عبدالله : ايششش يعني انت مغصوب على اختي ..؟؟ وائل : هذا اللي فهمته من كلامي ..الله يخلف على اولادي اذا هذا خالهم ههههههه الكل : ههههههههههههههههههه عبدالله : الا اضمن الذكاء والدهاء فيهم .. سعود : يعني علماء على طول ههههههههه ههههههههههههههههههههههههه ههه خالد "وقف" : قوموا يا شباب نتمشى شوي بالمزرعه قبل لا يطلعون ابهاتنا يقولون لنا يالله نوم.. الكل : ابهاتنا ههههههههههههههههههههههه "وقفوا كلهم وراحوا يتمشون بالمزرعه بعد ما شغلوا اللمبات اللي حوالين سور المزرعه " """"""""""""""""""""""""""""""" نجوى : وين عبير ؟ سمر : ما ادري عنها وين اختفت وفاء : يمكن نامت نجوى : يمكن سمر : نفسي اعرف وش فيها عبير احس فيها شي وفاء : شي زي ايش نجوى"تحط يدها على صدرها" : لا يكون متزاعلات... سمر : لا مين يزعل من عبير ..انتي عارفتها .مسالمه ما تحب تزعل مع احد ولا احد يزعل منها .. وفاء : ايه هي القلب الطيب بيننا .. نجوى" تنزل يدها من صدرها " : ايه اشوا ..ترى خوفتيني لا تكونوا متزاعلات لانها طيبه وبريئه .بس فعلا احسها ما صارت تتكلم وتجلس معانا مثل اول .. سمر : أي والله اشتقت للقعده معاها .. بس من لما سافروا قبل سنتين للشرقيه عشان سعود يدخل جامعه البترول والمعادن تغيرت صارت انطوائيه بزياده .. نجوى : ترى ما تغيرت كثير انا جلست معاها لما رحنا لهم قبل يومين كان هي نفسها عبير اللي من سنتين . وفاء : اجل الدعوه كلها تغييرات مزاجيه .. كل وحده يجي لها وقت ما تحب تسولف ولا تتكلم ... صح بنات سمر , نجوى : معاك حق .. " جات عندهم شيماء .. خطيبة وائل .. هي حلوه بس سمينه شوي وما تعرف ترتب كلام ولا عندها لباقه ولا اتكيت عفشه .. وهي نوعا ما كانت موافقه على وائل ...بس تطنيش وائل لها وكمان عدم موافقته على الملكه في الصيف ..خلاها تتضايق منها وترجع تفكر في ولد جيرانهم السوري كمال " شيماء : سلامو بنات .. البنات : هلا بالعروس ... شيماء : وش عروسه يا حضي لي سنه من لما سوينا الشوفه ما جد جديد .. وفاء : مستعجله الاخت على الزواج ههههههه... شيماء : لا مو مستعجله ولا شي "وتناظر سمر " بس اخوك وائل شايف نفسه كل ما كلمه عبدالله يقول باقي مو مستعد ... نجوى : طيب يمكن جد لسى ما هيأ نفسه للزواج . شيماء : ايش بيسوي يعني زواج وقصر وفستان وشقه وانتهينا . سمر : شيماء من جدك انتي هذا زواج مو لعبه .. شيماء : اللي مو قد الزواج لا يربط بنات الناس ""وطالعت في سمر من فوق لتحت .. وقامت " عن اذنكم . بروح اشوف لي مكان انبسط منه بدال السالفه هذي اللي تغث الواحد . "البنات يطالعون في شيماء حتى اختفت من قدامهم" نجوى "تطالع سمر بحنان" : سمر لا تزعلين من نجوى تراها طيبه بس احيانا الله يهديها مدري وش يصير فيها .. سمر "تحاول تبتسم " : لا عادي وهي قبل ما تكون اختك هي بنت عمي و راح تكون زوجة اخوي " بصوت واطي هذا اذا زواجهم تم .. الله يعينك يا وئل عليها" """"""""""""""""""""""""""""""""""" ....الشباب يتمشوا في المزرعه .... عبدالله"وهو يمسك شجرة الليمون" : ماشاء الله الشجر مليان فواكه. وائل : أي ماشاء الله من زمان ما جيت هالمزرعه ... احمد : انا تقريبا كل مره في الشهر أأجرها للشباب .. بعد موافقه جدي طبعا .. سعود : تأجرها بفلوس والا ببلاش ؟! احمد : لا طبعا بفلوس .. تفكرني غبي .. خالد : والله فكرة على الاقل يكسب يستفيد .. بدال ماهي فاضيه .. سعود : احسب بس ..لان في الشرقيه مزرعه زي كذا ويوم واحد صعب تاخدها بالف ريال ..غير لو انك تبغى المسبح زاد عليك 500 وغير لو تبغى مسبح الحريم كمان 500 .. وائل : والله انك صادق ..غير الذبايح والشاي والقهوه .. خالد : وبعدين مزرعه جدي جدا فخمه يعني كل شي سواه من اغلى شي واحلى شي ..مو تمشيه حال عبدالله : أي والله تعب فيها بس يقول دامها لنا واحنا اللي بنجلس فيها تستاهل التعب والخساير .. الكل : فعلا ما قصر الله يعطيه العافيه .. " سعود كانه لمح شي يمشي بعيد .." سعود : شباب تشوفون شي هناك .."ويأشر على جهة اليمين" "الكل يطالع مكان ما اشر لهم " خالد : أي والله بس مو متأكد . عبدالله "يعدل نظارته" : اتوقع انه رجال والا العامل او الحارس .. احمد "ياشر لهم بيده يالله" : تعالوا نشوف مين ... وائل : يا شباب بلا خوف ودلع بيكون العامل او الحارس زي ما قال عبدالله لان المزرعه فيها سور محد غريب اكيد .. سعود : مافيها شي لو تاكدنا ... احمد : اصلا جدي يوصي العمال ما يدخلون المزرعه واحنا فيه ..اجل كيف الحين والحريم معانا...يالله نروح نشوف .. " اتجهوا الشباب كلهم للمكان اللي لمحوا فيه الرجال " """""""""""""""""""""""" عبير كانت تتمشى بالمرزعه وهي لابسه بدي ابيض وبنطلون ابيض وبوت ابيض مخطط بزهري ولا بسه فوقه ثوب رجالي تبع اخوها سعود ... هذا الثوب كان موجود في الكيس اللي طلعته من شنطتها .... الثوب كان لاخوها بس ضيقته على قدها وسوت له خصر وعلى جسمها المتناسق طالعه خطيره مرره ... وشماغ بكتل على الاطراف ..وداقه اللطمه على وجهها ... عبير من لما راحت الشرقيه صارت انطوائيه شوي .. تحب تقعد لحالها ..وتفكر دائما ليه الاولاد يطلعون وينبسطون والبنات جالسات في البيت ففكرت في هذا الشي من باب التسليه انها تلبس لبس رجالي .. وتجرب تعيش حياة الاولاد ... تحب المغامرات ..بس محد يعرف انها تسوي هالشي مخليته سر بينها وبين صديقتها اللي بالشرقيه (ريم ).. كانت تمشي بالمزرعه وهي مكتفه يدها وتطالع في المرزعه بدون تركيز ...وفجأة سمعت صوت جاي من وراها اصوات شباب وخطواتهم كل مالها تقرب منها .. خافت مرره لا يكون احد بيختطفها والا شي بس تذكرت ان المزرعه فيها سور يعني اكيد اللي تسمعهم من اقاربها ...تصنمت مكانها ولفت شوي شوي وهي تدعي في قلبها ان ربي يستر عليها .. وما يطلع اللي ببالها صدق ...لانها ما ودها احد يكشفها ... طاح قلبها في رجلها لما شافت اخوها سعود ومعاه اولاد اعمامها .. هي عرفتهم لان لمبات السور موضحه اشكالهم و لانهم خمسه وكل واحد يميزه شي عن الثاني ... عبدالله لابس نظارة ودب شوي بس طويل .. احمد طوله وجسمه وسط يحب يلبس الثوب ويشمر اكمامه لفوق ...خالد طول بعرض و شعره طويل يوصل لحد الكتف ومو ناعم مره .. وائل جسمه متناسق معضل وقاص كبوريا ومن نعومه شعره دائما على وجهه . اخوها سعود طويل ونحيف شعره سبايكي .. الشباب باصوات متفاوته "هي يالاخو وقف مين انت" "تعال وقف" "انت ليه فيه يجي هنا هاه هههههههه" عبير مصدومه "مفتحه عيونها وترجف" : ياربي وين اروح لو اهرب بيجروا وراي وبيكشفوني ولو اجلس اممم مدري اسوي نفسي واحد من العمال او مدري ..ياربي ايش البلوه هذي ..صدق غبيه ..ايش مطلعني الحين ..جالسه تفكر وهي ترجف ...ومشبكه يدينها في بعض ... قربوا منها الشباب وهي واقفه مصنمه ولا حركه حتى ما ترمش ..منتظرة العقاب .. احمد : خير يابو الشباب مين انت ؟!!! خالد : من وين جاي .. وين رايح ؟؟!!! عبير "تبلع ريقها بصعوبه ": .............. "الشباب يقربون منها اكثر وابتعدوا عن اللمبات وصار المكان مظلم نوعا ما" سعود : وش فيه اطرم هذا والا مايسمع ههههههه عبدالله : هههههههه يمكن .. خلونا نجرب الاشارة نكلمه ههههههه الكل : ههههههههههه وائل : اصلا لو ما يسمعنا كان ما وقف ولف علينا لما نادينا عليه . احمد : ايش هالذكاء يا وائل .. خالد "طالع في عبير وبعدين في الشباب ": قسم الرجال يخوف وقف ولا عاد تحرك ولا تكلم .. احمد : لايكون جني ههههههههههههه.. عبدالله : ليش لا ممكن .... خالد "بدا يخاف " : يا زينك وانت ساكت .. وقفوا قريب منها وهي تطالع فيهم ما تدري وش تسوي تحس انه بيغمى عليها من الخوف والربكه .. عبدالله : مين الاخ ؟! سعود : وليه متلطم فك اللطمه خلنا نشوف وجهك ؟! عبير "تذكرت اللطمه ورفعت يدها بدون ما تحس على اللطمه وعدلتها بدون ولا كلمه " : ........... وائل "لمح بريق ساعه وخاتم انعكس على يدها من اللمبات البعيده واحتمال محد انتبه الا هو بسبب بعده شوي عنهم " خالد : وبعدين ... ما بتتكلم وائل "بدا يشك فيها وحاول يركز فيها اكثر في جسمها وحذيانها .. بوت مخطط بزهري .. جسمها جسم بنت ... واضحه ملامح الانوثه فيها حتى ربكتها .. ورجفة يدها " احمد "قرب منها " : بتتكلم والا تشوف شي ما قد شفته بحياتك ..هذي مزرعه خاصة مو من هب ودب دخلها ..فاهم عبير "مرتبكه ودمعت عينها.. وبصوت خافت " : أ أ أنأ ... وائل " وربي انها بنت ..بس ايش تسوي هنا .. ياساتر لو كانت احد من بنات عمي .. والا يمكن ضايعه والا ... مدري بس لازم اتصرف ... لازم الشباب ما يكشفوها ... احنا مو ناقصين .. لو طلعت فعلا من بنات العايله ..راحت وطي بينهم " عبير : أأأأ وائل"بصوت رافع " : يوسف ... يا هلا هلا والله فيك ..وينك يا شيخ ..."قرب من عبير ... " عبير"تطالع فيه مو فاهمه السالفه"... وائل "صار قدام عبير واخذها بالحضن بس حضن خفيف .. بس قدر يشم ريحه عطرها الانثوي الهادي .. خلاه يتاكد انها فعلا بنت " : وينك يا شيخ من زمان قلت بتمرنا المرزعه عسى بس ما ضيعت .. الشباب "؟؟؟؟؟؟؟" عبير "عينها في عينه وهي كلها دموع" : أ أ...... وائل "غمز لها وعض على شفاته يعني اسكتي .. ولف عند يكلم الشباب " : يا شباب هذا يوسف صديقي قلت له يمرنا المزرعه نتعشا مع بعض ..بش شكله ضيع الطريق توه وصل ... احمد : هذا صديقك يعني ..!! خالد : وش فيه كذا مصنم ما يتكلم ..... عبدالله : شكلنا خوفناه ...احنا نفكره جني وهي يمكن يفكرنا جن ..هههههههههه سعود :هههههههه حصل خير طيب عرفنا عليه .. وائل "يطالع عبير .. ويحط يده على ظهرها" : بعدين اعرفكم عليه ..معليش شباب استاذن انا ويوسف عنده موضوع مهم يبغاني فيه .. عبير "تطالع فيه وهي خايفه" : ... الشباب : اوكي مو مشكله احنا بنرجع نجلس في بيت الشعر ..مع السلامه .. وائل " يطالعهم وهم راجعين بيت الشعر .. والابتسامه اللي على وجهه حفت .. ونزل يده من على ظهرها.. وتنفس بصوت مسموع " : مع السلامه وشوي واجيكم .. لف وائل على عبير .. وعبير طالعت فيه ونزلت عيونها ...مع ان الظلام مسيطر شوي على المكان بس كان فيه ملبات من بعيد عاكسه ضوء خفيف عليهم .. وخاصة اذا الشخص جلس في الظلام شوي يصير يشوف الاشياء بشكل اوضح .. وائل "مركز في عيونها يحاول يعرف مين هي " : مين انتي ؟؟!! عبير " وهي تطالع تحت .. وبكت بصوت مكتوم " وائل "ما زال يطالع فيها " : ليه البكى الحين ..قولي لي انتي من المزرعه والا من وين ؟؟!! عبير "وهي تبكي " : لا مـ ن الـ شرقييـ ـيه .. وائل "يحاول يستوعب ": كيييف ... عبير "بصوت عالي بدون بكاء " : الشرقييييييه ...ما تسمع .. وائل "بتعجب" : الشرقيه ؟!! عبير "بصوت عالي " : ايوا وائل "انفجر يضحك" ههههههههههههه: الشرقيه هههههههههه .."يحاول يسمك نفسه" لا انا اقصد ههههههههههه انتي من بنات العايله يعني من بنات عمي والا من ههههههههههههه برا المزرعه ..ههههههه عبير "تناظر فيه وهو يضحك .. انقهرت منه ...ياربي فعلا انا غبيه ..واضحه ايش يقصد وش دخل الشرقيه الحين .. " وائل "يناظر فيها ينتظر اجابتها ": وت عبير : من المزرعه ... وائل : من بنات عمي ؟! عبير "مشت من عنده تبي ترجع قسم الحريم" : على العموم شكرا لك . وائل "يمسك بيدها بسرعه .. ": وين رايحه من جدك انتي ! عبير "طالعت في يده وهي ماسكه يدها .. وخافت منه ": ايش تبغى مني اتركني .. وائل " حس ببرودة يدها اللي تدل على الخوف والارتباك .. سحب يده ": انا اسف بس صعبه ترجعين الحين انتي عارف قسم الرجال جنب قسم الحريم والشباب كلهم هناك الحين .. عبير : لا هما قالوا بيدخلون بيت الشعر ..محد بينتبه لي .. وائل "قرب منها .. بالرغم انه حس بارتباكتها بس طنش" : عندي فكره افضل ... ممكن تسمعيني .. عبير "تطالع في عيونه اللي مركزه عليها وباستسلام": قول الفكرة وش عندك ..بس ترى لو ما عجبتني ما راح تجبرني على شي .. | ||||
|
| |
|
12-11-12, 05:20 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عبير "تطالع في عيونه اللي مركزه عليها وباستسلام": قول الفكرة وش عندك ..بس ترى لو ما عجبتني ما راح تجبرني على شي .. وترى انتبه احنا بمزرعه يعني لو اصيح اجمع عليك امة لا اله الا الله ..ترى لحد الحين ما تعرف مين عبير .. وائل "ابتسم من كلامها ": ماشي بس تعالي معي "ومد يده لها "تعالي لا تخافين ..بنروح سيارتي " ومسك يدها بالرغم من انها ما مدت يدها له"..... عبير"سحبت يدها بقوه وبصوت رافع وهي معصبه" : ايششش سيارتك .. ما توقعتك نذل يا وائل لها الدرجه .. وائل "تفاجأ من كلامها وقف يطالع فيها..مصدوم من اللي قالته .. قرب منها اكثر وضيق عينه وعض على شفاته وقبض على يده بقوه .. وتكلم من بين اسنانه" :سمر دائما تخلي عبايه احتياط بسيارتي "وطالع فيه من فوق لتحت " عشان تلبسينها بدال لبس الشبهه اللي عليك هذا .. وتقدري ترجعي وانت متطمنه على انك عبير مو يوسف "قالها بسخريه"... عبير "بلعت ريقها وخاصة انه قرب منها مره حتى ان صدره تقريبا بدا يلصق في صدرها ..بقوه تحاول تغطي على ارتباكها ": ط ط طيب جيبها ليه انا اجي معاك .. وائل "بعد من عندها على الرغم من انه كان يضحك في داخله " : اوكي بتنتظريني هنا في الظلام لوحدك ..براحتك ..بس لو شافوك الشباب مره ثانيه ايش بتسوي بتكشفي نفسك قدامهم ..؟؟!! عبير "طنشته وراحت تمشي على جنب السور اللي كل لمبات" وائل "يطالع فيها وهي تمشي ومركز على جسمها وكيف خطواتها ثابته ورزينه وكلها غنج ودلع .. مصيبه والله لو شافوها بنت 100% .. وخاصة اخوها سعود بيقطعها قطع " : تعال يوسف انتظر .. عبير "وقفت تطالعه ": وش تبغى .. وائل "كان يركض وصل عندها .. ورفع صوته ": انا كل ما كلمتك قلتي وش تبغى ...يعني ايش ابغى..... ترى انتي اللي محتاجتني . وقف قدامها ومع اللمبات صار شكله واضح لها وهي واضحه له .. وائل "وش هالعيون والرموش ..ماشاء الله ..وهالنعومه في الشكل" عبير "يا ويلي عضلاته واضحه خاصة مع التيشرت الاسود العلاقي والبنطلون البرمودا البيج .. حتى ملامحه وشعره مرره خطير ... استغفر الله بس مابي اطالع .. نزلت عيونها " .. عبير : وائل وائل "باهتمام" : ها .... عبير "بكت بقوه ": استر علي يا وائل تكفى انا بنت عمك .. وائل "تفاجأ من ردة فعلها .. ورحمها مرره .. وبصوت كله حنان": عبير انا والله ما ابغى منك شي ..ولما شفتك مع الشباب خفت عليك لما ميزت انك بنت ..خفت لو تكوني اختي او احد من بنات عمي وكنت بتصرف زي ما سويت معاك او مع غيرك.. وانا ما ابغى منك شي الا توصلين لقسم الحريم بدون فضايح ..خلي طلعتنا تعدي على خير يا بنت عمي اللي جايه.. " ويغمز لها بابتسامه " من الشرقيه .. عبير "انحرجت منه وما قدرت تمسك نفسها " : هههههه وائل "جالس يطالعها وهو مبتسم " عبير "انحرجت منه ومن نظراته .. وفي نفسها .. وش فيه مرة جرئ ..ما يستحي " : طيب .... نروح ..... سيارتك .....؟!! وائل "كانه توه صحي من نظراته لها " : ها ... ايه ايه يالله مشينا .. """""""""""""""""""""" ..الشباب برا بيت الشعر فرشوا لهم فرشه وجالسين يسولفون ... سعود : وين شارد يا عبدالله... عبدالله :ها.....ا ا ... لا ولا شي ... خالد : اكيد يفكر في يوسف .. صح احمد : يوسف الابكم هههههههههه.... عبدالله : هههههه لا ... انتو كاشفيني كذا على طول يبغالكم تغيير ...لازم اشوف لي ناس ما يكشفوني هههههه... سعود : لو تغير في اليوم ميه واحد مصيرك ترجع لنا . احمد : وانا اشهد .. عبدالله : انطموا بس ..."يطلع الجوال من جيب بدلته" بكلم وائل .. خالد : وش تبي فيه خله مع صاحبه شوي ...ترى ماله نص ساعه معاه .. عبدالله : بس .. خالد : لابس ولا بساس ...هههههه .. اذا تاخر ساعه ساعتين كلمه .. عبدالله"يقفل الجوال ويرجعه في جيبه" : خلاص ماشي ... سعود : شباب ودكم في شاهي على الفحم .. احمد : أي والله تسوي خير فينا .... خالد : يالله بقوم اشب الحطب سعود "يحط يده على رجل عبدالله": يالله يا عبدالله قوم نتسلى نسوي شاهي وفشار خلنا ننبسط ..وانسى وائل شوي .. عبدالله "بدأ يطنش وائل " : معاكم حق يالله نقوم نسوي لنا شي مع الشاهي ... احمد : ايه عبدالله هو والجوع اعداء .. الكل : هههههههههههههههههههه """""""""""""""""""""""""" وفاء "دخلت على نجوى وسمر تركض": شفتوا عبير ؟ نجوى , وسمر : لا .. وفاء "بخوف": طيب ايش اسوي ؟ نجوى , وسمر بداو يشكون ان في الموضوع شي سمر "بارتباك ": ايش فيه ايش صاير خبرينا .. وفاء : خالتي ام سعود تبغى بنتها عبير .. والكل دور عليها ما حصلها .. نجوى : ليه خايفه عليها وين بتروح يعني .. عبير بنت عاقله اكيد تتمشى في المزرعه والا شي .. وفاء : خلاص بروح اشوف اش صارعند الحريم .. نجوى , سمر : جايين معاكي "وطلعوا مع وفاء لعند الحريم" """"""""""""""""""""" وائل "يمشي متجهه الى سيارته ..وهو مبتسم ..كل ما مسع صوت عبير .. غريبه والله هذي البنت " عبير "وجع ولا يلتفت يشوفني وانا خايفه من الحشرات اللي في كل مكان تطير علي وتيجي على ملابسي .. يممممه " : وائل انتظر ... يمممممه ... وعععععع وش هالحشره ... اوف ...اآي .. وائل ...وائل "بكت " وائل .. وائل "لف عليها لما حس انها بكت وهو يضحك" : هاه .. وش عندك ..ترى صجيتيني كل ما مشيتي شوي تكلمتي ...صدق حريم ما يحبون يسكتون ..هههههه عبير "والعبرة خانقتها ": ايه اتريق ما عليك انت ..ليه ما خليتنا نمشي على السور مو افضل من اننا ماشين من وسط المزرعه ..مابقي ضفدع ولا صرصور الا انا داعسه عليه .. ولا فراشه ولا حشرات طايرة الا جت على وجهي .. وائل "انفجر يضحك": ههههههههههه الله يقطع ابليسك ... عبير "حطت يدها على خصرها .. ومعصبه ": ليه تضحك حضرتك .. وائل "يحاول انه ما يضحك": عليك بكششش ..اولا المرزعه مافيها لا ضفادع ولا صراصير ...ثانيا وهذا الاهم الحشرات الطايرة تيجي عليك لانك مشغله كشاف جوالك ...ومعروف انها تحب النور وتتجمع عليه .. عبير "بصوت يحزن" :بس اذا طفيته ما اشوف .. واخاف من الظلام . وائل "قرب منها وحس فيها.. وبصوت كله رجوله" : طيب ..طفيه وهاتي يدك عشان لا تخافين ونوصل اسرع .. عبير "طفت الجوال " : امممم ..."صعبه امسك يده ... فكري يا عبير ...امممم...وبصوت واطي كله خجل".. ممكن امسك بالتيشرت تبعك بدل يدك ... وائل "طالع فيها شوي ..وباستسلام .. طالع في التيشرت تبعه وطلعه من تحت البنطلون وشده على جنب " : تمسكي مضبوط اوكي . عبير "بصوت كله حماس" : اوكي وائل "يضحك على حماسها " : شكلك تحبين المغامره .. عبير "بنفس الحماس ": يسسس اكيد احبه .."وضحكت ضحكه خفيفه " بس وائل انتبه لضحكتها وابتسم وهو يمشي .. """"""""""""""""""" عند الحريم في المزرعه .. ام سعود : وينها وين راحت وين اختفت .... ام عبدالله : تعوذي من الشيطان يا بنت الحلال ...اكيد هي هنا والا هنا وين بتروح يعني .. ام وائل : يا ام سعود الله يهداك تخافين على عبير؟! .. عبير بنت عاقله ومستحيل تسوي شي غلط ..هي اكيد قريب بس يمكن ضاعت .. ام خالد : ايه ترى انتو من زمان ما جيتوا المزرعه وترى تغيرت كثير عن اول كل شي فيها تغير حتى احنا صرنا نضيع فيها ماشاء الله لا قوة الا بالله . الجده دخلت مع شيماء اللي كانت معاها في غرفتها تعطيها علاجها. الجده : انا يا ام سعود بنفسي لو تاخرت نص ساعه ثانيه بطلع ادورها ...لا تبكين ولا شي ... شيماء"بتكبر" :استغفر الله ... وين راحت هالغبيه ... ام عبدالله "تطالع بنتها بعصبيه" : شيماء مو وقته هالكلام ...مو شايفه حاله عمتك .. شيماء "لفت وجهها عنهم وتطالع التلفزيون .. بدن اهتمام " نجوى , سمر , وفاء : يارب عدي اليوم على خير .. """""""""""""""""""" وائل "يتنفس بصعوبه .." : وصلنا السيارة اوف تعبت وانتي ؟ "لف على عبير بعد ما فكت التيشرت .. وشافها تعدل الشماغ واللطمه عشان لا يشوفها وائل .. بس هو كان يطالع فيها وهي لسى ما رجعت الشماغ على فمها وخشمها وتترك عيونها بس ..." عبير "انتبهت لوائل يطالعها ": هييييي انت ليه تطالع ولسى ما خلصت ..."ولفت وعطته ظهرها"... وائل "ابتسم .. والله انك غبيه ..بنت بجمالك وجسمك هذا تعرضين نفسك لكذا ليش ...نفسي افهم ": اقول ما طحنا في جمالك يا اخت عبير .."وهو يتجه لسيارته من باب السواق "كنت ابسالك تبغين مويه ..."دخل سيارته وجلس يدور على مويه " ..ايه لقيتها اشوا فيه وحده احتياط "وفتحها وشرب من نفس القاروره"... عبير بعد ما عدلت شماغها لفت عليه شافته يشرب جوا السيارة "والله ميته عطش .. دقدت على القزاز من جهة الراكب اللي جنب السواق .. واشرت له يعني ابغى مويه هاتها "... وائل "نزل من السيارة بخفه وبحركه سريعه ..لفتت انتباه عبير ..ولف لعندها وقرب منها وهو يشرب من القارورة .. بعدها من فمه .. وقف قدامها ": تفضلي اشربي .. عبير "تطالع فيه وتطالع في القارورة .. هو لسى ماد يده لها بالقارورة ... ": امممم .. أ أ ...ما عندك كاسه والا قارورة جديده . وائل "استغرب منها ..بس بعدين ضحك ..": اوه متقرفه تشربين من بعدي ... "وحك راسه بخجل" : والله يالله لقيت هذي القارورة ..اسف ما كنت ادري انك ما تحبين تشربين من ... عبير "قاطعته .. عطشانه مرره " : لا ما عليك هاتي بدبر نفسي .. "اخذت القارورة .. ولفت تعطيه ظهرها عشان لا يشوفها وهي تشيل الشماغ من على فمها .. وائل فهم حركتها وراح فتح شنطة السيارة ..عشان يدور عباية سمر .." وائل "يطالع في عبير وهي مو منتبهه له .. وهي تشرب من نفس القارورة اللي شرب منها .. حس باحساس حلو .. ابتسم من قلب .. واتجه لها بالكيس اللي فيه العبايه " وائل : امسكي هذي العبايه .. عبير "عدلت شماغها وقفلت المويه.. ومدت يدها ": الحمدلله لقيتها ..."طالعت في وائل وعينها في عينه" مشكور ما قصرت .."واخذت الكيس ومدت يدها الثانيه له بقارورة المويه " اسفه تعبتك معاي .. وائل "يناظر القارورة ولسى فيه مويه شوي .. وابتسم لها " : احنا بالخدمه باي وقت .. جت بتلبس العبايه فوق الثوب .. وائل : من جدك انتي بتلبسينها فوق الثوب تبغينهم يكشفوك لو دخلتي واحد شافك ايش بيقول .. عبير "كانها تفكر بكلامه ": اممم ... صح ..شكلي بفصخ الثوب افضل ..وابقى بالبنطلون ..افضل كذا .. وائل "كتف يدينه وميل جسمه شو عليها ..ويطالعها بنص عين .. وهو مبتسم " : ما تبين تيشرت والا بنطلون ..ترى شنطتي بالسيارة لسى ما نزلتها .. عبير "ارتبكت من حركته " : لا مشكور ... اصلا لبست الثوب فوق البنطلون والبدي اللي كنت لابسته ...يعني مو محتاجه شي .. وائل : هههههههههههههه "احرجتها حرام عليك يا وئل وش تسوي بالبنت .. بس احسن تستاهل عشان ثاني مرة لا تسوي حركتها الغبيه هذي .." عبير "تطالع في وائل اللي مسرح فيها": هيييي ...ممكن تبعد شوي عشان افصخ الثوب ..عيب تشوفني بالبنطلون .. وائل "ابتسم .. قرب منها .. وقرب اكثر .. وهي من خوفها رجعت على ورى ولصقت بسيارته .. وهو يقرب مع انه حس بربكتها وخوفها ...بس طنش ومد يده لوجهها .. عبير غمضت عيونها من الخوف .."عبير : "شكله بيضربني والا ايش بيسوي يا ويلي " وائل " بضحكه كلها مكر": هههههههه شوفي حشرة كانت قريبه من وجهك شلتها بس ..لا تخافين "ما احلى ريحة عطرها .. وربي تذوب الواحد غصب عنه ..يحاول يخلي صوته جهوري وعادي "بسرعه خلصي خلينا ننهي الفلم الهندي تبعك هذا ..."وهو معطيها ظهره وبيبتعد عنها عشان تلبس على راحتها" بسررعه يا بنت الشرقيه .. عبير : ههههههههههههههههههههههه وائل "عجبتها الكلمه ..ابتسم بقوه ...وكان وده يشوفها بدون شماغ ولا ثوب ..بس حرام البنت وثقت فيني وهي بنت عمي لازم اخاف عليها ..جلس بعيد ينتظرها ..واخذ جواله يدق على الشباب " """"""""""""""""""""""""" عند النار مجتمعين الشباب ... سعود : جوالك يا عبدالله .....عبدالله جوالك .. عبدالله "يغسل الفناجيل حقت الشاهي": شوف مين اذا تعرفه رد انت ... سعود : هذا ............. وائل ....الو وائل : سلام سعود : وعليكم السلام .. انا سعود عبدالله مشغول .. وينك يا شيخ وائل "ارتبك تذكر عبير اخته ..لف للجهه اللي هي فيه ورجع يكلم سعود" : ها.... أأأ .. ايه انا بخير وكل شي تمام.. سعود : شكل يوسف اخذك منا هاه ..ترى عبدالله اللي قال بيغيرنا مو انت والا عجبتك الفكرة واخذتها انت ...ههههههههه وائل : لا حشى والله ما احد ياخذني منكم .. بس يوسف عنده مشكله او ظرف وحب بس يفضفض ...انا جايكم بعد شوي .. سعود : انت رحت بالسيارة والا مشي والا كيف ما سمعنا صوت سيارتك .. وائل "يبعد الجوال عن اذنه .. ياربي وش اقول له ذا.. احس اني مو على بعضي وانا اكلمه واخته معاي .. رجع الجوال على اذنه " : اقول سعود وين عبدالله ليه مارد على جواله .. سعود : عبدالله كان يغسل الفناجيل ...يالله تعال الحق الشاهي على الفحم يحبه قلبك ... وائل : ان شاء الله جاي ...يالله باي """"""""""""""" عبير "تطالع يمين ويسار تدور على وائل من ورى سيارته .. وشافته جالس بعيد .. ونور شاشة جواله توضح مكانه بالضبط ..": انا خلصت .."شكله ما سمعني .. بصوت اعلى": انا خلللصت ... وائل "انتبه لصوتها ولف بسرعه ... وشافها تاشر له .. وقام بسرعه متجهه ناحيتها وهو يدخل جواله في جيب بنطلونه ..": خلصتي .. "عبير لبست عبايه سمر اللي على الكتف ومعاها طرحه بدون غطوه وهذا خلاها تسوي الغطوة على شكل لثمه .. والعبايه مخصرة نوعا ما وماسكه على الجسم .. وائل يطالع فيها ..ياربي هالبنت كل شي عليها حلو ..بالثوب تخبل والحين بالعبايه تطيح الطير من السماء " عبير "انحرجت وهو يطالع فيها من فوق لتحت ": مشينا .. وائل "انتبه لنفسه " : ايه اطلعي السيارة .."وراح متجهه للسيارة " عبير"تلف عليه مستغربه": سيارة ليه .. وائل "وهو يشغل السيارة وشغل لمبة السيارة من جوا وفتح قزاز الراكب اللي جنبه ..لان عبير كانت واقفه هناك .. وبكلام كله اوامر.. وعبير تطالعه من قزاز السيارة اللي فتحه": انتي اركبي ورى وخليك نايمه واذا طلعت بوقف السيارة قريب من قسم الحريم وبترك السيارة مو مضمنه وانا بشوف الوقت المناسب وبعطيك رنه او بكلمك ... عبير "لمحت الجديه في كلامه..هزت راسها بالموافقه..وقفت ظهرها .. وقفت شوي مكانها بدون ما تتكلم ولا تتحرك ...وائل يراقبها .. وش فيها ذي وقفت مكانها ..طلع من السيارة وطالع فيها لقيها مرفعه عبايتها .. لحد صدرها ومنزله راسها تدور جوالها في جيوب بنطلونها الابيض الماسك على جسمها ... وائل ..يحاول يبلع ريقه ما قدر نشف فمه من اللي شافه ..وعبير مو منتبهه .. رجع بسرعه للسيارة .. وقفل الباب بقوه ...عبير انتبهت له واشرت بيدها يعني انتظر شوي ...لانها ما درت انه نزل من السيارة ....وائل مركز يطالع قدام ولا يبغى يلتفت جهتها ... " عبير "تدخل راسها من القزاز.. وبتردد" : وائل .... امممممم .. دق على جوالي ما حصلته .. وائل "هذي البنت وش تبغى تسوي فيني اليوم .. وربي صرت اخاف عيها مني ...لا لا يا وائل انت دقيت الصدر وقلت بتنقذها كمل جميلك ..اعوذ بالله من الشيطان الرجيم.. " عبير "بدلع بس مو متقصده شي ": وائل دق علــ ............. وائل "قاطعها .. مو قادر حتى اسمي يا محلاه من فمها ": كم رقمك؟ عبير : بس بشرط وائل : شرط .... ايش الشرط عبير : .......... وائل "ما يبغى يطالع فيها عشان لا يتعلق فيها ...بس لما ما ردت عليه لف عليها لقيها ... ترمش بعيونها وتفرك عيونها بيدها .. حتى منظرها بهالشكل العفوي خل شكلها جذاب .. " عبير "وهي تفرك عيونها": ايه .... الشرط انك تمسح رقمي بعد ما اوصل عند الحريم .... وائل "جالس يطالع فيها .. وربي عليها رموش يا طولها ماشاء الله ...يحق لها تتاذى عينها .. وابتسم من شكلها " : اقول حافظة رقمك والا لا ... عبير "بالقوة تفتح عينها": ايه ايه ... اممممم ... 050امممم 3 امممم... وكملت الرقم وائل يسجل رقم رقم وهو مبتسم لانها تجلس تتذكر كم الرقم ... عبير : لا تضحك ... يعني انت حافظ رقمك ... وائل "يطلع من السيارة وهو حاط الجوال على السبيكر .. عشان يشوف وين جوالها.. طالعها ": ايه حافظه انا رقمي مميز .. عبير :بنشوف المميز الحين ..هاه.. دق ؟؟؟ وائل : ايه توه .. وبعيد شوي عنهم في الظلام بالارض كان الجوال ونغمتها ... حبيتك من قلبي وما انسى ايامك ..نار الشوق كاويني وانت اللي تشفي بالي عبير: هذا هو ...يسسس " وراحت تاخذ الجوال بسرعه "... وائل "ضحك على ردة فعلها": الحمدلله اوك.. شوفي رقمي عندك عبير "ماسكه جوالها": ايه خلاص سيفته .. وائل "بابتسامه تدوخ": سيفتيه !!... يالله ما راح اتشرط مثلك اقول امسحيه بعد ما اوصلك .. عبير "انحرجت": لابس عشان لا الخبط .."طالعت فيه وهو لسى مبتسم"يوه منك يالله اطلع .. "فتحت الباب الخلفي للسيارة وركبت وفي يدها الكيس اللي كان فيه العبابه حطت الثوب والشماغ داخلهم ..رمت الكيس بلا اهتمام تحت المقعده..وحطت راسها على المقعده عشان محد يشوفها.. فتح البوابه .. ودخل السيارة ..وهو متجهه جهة قسم الرجال والحريم .. وقلبه ما كان اسرع من قلب عبير .. " عبير "تبكي": وائـ ــل خــــ ـايفــ ـه وائل "يحاول يتكلم بدون ما يحرك شفايفه لانه بيمر من قدام بيت الشعر اللي جالسين فيه الاولاد": لا تخافين عبير ما بيصير الا كل خير .. الشباب ... هييييي ... وااااااااااو .... وائل جاء ... وائل جاء.... | ||||
|
| |
|
12-11-12, 05:48 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| <<<<<<<<<<<<<<<<<<<<<<<<<<<<<<<<<<<< الجزء الثاني <<<<<<<<<<<<<<<<<<<<<<<<<<<<<<<<<<< الشباب ... هييييي ... واو .... وائل جاء ... وائل جاء.... عبير سمعت اصواتهم وقف قلبها وزادت في البكاء ..... وائل"حس فيها " :اطمني محد جاء عند السيارة الكل جالس ..وانا بوقفها الحين وبنزل ادخلهم جوا بيت الشعر ...بس اسمعي لا تنزلين الا لما ادق عليك...اتفقنا... عبير "بصوت من بين البكاء": ان شاء الله... نزل وائل ويحاول يكون طبيعي..اخذ شهيق وزفير بقوه وكذا مرره .. ...ورسم ابتسامه على وجهه ودخل وهو نافخ صدره .. وائل :السلام عليكم شباب... الكل : وعليكم السلام عبدالله : اخيرا ما بغيت تيجي .. وائل "وهو يجلس ": لا تكبر السالفه انت... بس صديقي وجاء عندي فيها شي .. خالد : لا مافيها شي بس غريب امره وضعه ... وائل : لا غريب ولا شي ..يعني لازم اقول وش فيه عشان ترتاحون. سعود"يمد فنجال الشاهي لوائل " : اقلقتنا فيه شي يا وائل ... وائل "اخذ الفنجال ..و طالع في سعود .. تذكر عبير اخته اللي في سيارته ..يارب عدي الليله على خير ":الرجال كان يبكي ..وما كان قادر يتكلم عشان لا تضحكون عليه .. الكل : يؤؤؤ السالفه كذا ..يحق له وائل "تنفس ان موضوع صديقه انتهى على خير ": شباب خلونا ندخل داخل بيت الشعر "وقف ".. عشان نلعب بلوت .. الكل "وقف بدون تردد ": يالله ....مو مشكله ندخل اصلا الجو بدا يبرد ... وائل "الحمدلله يارب سهلها .." : يالله دخلنا .. دخلوا الشباب بيت الشعر .. وائل استاذن منهم يروح يطلب لهم فرش وبطاطين من عند الحريم ... قرب من سيارته ... وشاف الوضع تمام ...دق على عبير .. عبير "بصوت واطي خجول ": ايوا... وائل .. وائل "غصب عنه مسك على قلبه لما سمع صوتها": عبير .. الامور تمام اطلعي من السيارة بسرعه .. عبير "بنفس نغمة الصوت": يعني اروح على طول قسم الحريم مافيه احد .. وائل "وهو يضع يده على جبهته ويفرك بقوه عليها ..من شدة عذوبة صوتها الخجول الممزوج بخوف ":ايه ايه ... روحي لقسم الحريم وقولي لهم اذا شافوك كنتي بالمزرعه تتمشين ..لانهم الظاهر سالوا الشباب عنك ...وخليك طبيعيه "ويلف يناظرها وهي تنزل من السيارة وماسكه الجوال على اذنها.. بعد شوي عن السيارة عشان تاخذ راحتها "ولا ترتبكين ولا شي ..انتي فعلا كنت تتمشين في المزرعه صح " ضحك "... عبير "وهي ترتب عبايتها ولفت شافت وائل يطالعها من بعيد شوي " : ايه صح احلى تمشيه "وضحكت " .. وائل الف الف الف شكر. وائل " ياربي يا هالصوت ": العفو بس مو الحين تشكريني اذا دخلتي داخل.. وكل الامور تمام لازم تكلميني وقتها اشكريني ..باي عبير : طيب ...يالله باي دخلت عبير بسرعه قسم الحريم وعلى وجهها واضح البكى من لما بكت في سيارة وائل .. الكل : عبير .. عبير ... عبير ... وين كنتي .. ام سعود : عبير حبيبتي وين كنتي ؟!! "عبير بس شافت امها انطلقت عندها وهي تبكي في حضنها .." ام سعود "تبكي " : وين اختفيتي يا بنتي ... عبير : خرجت اتمشى في المزرعه وضعت شوي ويالله اني قدرت ارجع .. "بكت بقوه " نجوى : الحمدلله خوفتينا عليك ام عبدالله :أي والله الحمدلله الكل: الحمدلله الجده : تعالي يا عبير تعالي في حضن جدتك بسم الله عليك شكله جاك خوف وانتي لوحدك بهالليل . عبير قامت راحت لجدتها وهي تبكي في حضنها ..وجلست الجده تسمي عليها وتقرا عليها حتى وهديت. شيماء : ليه بزر هي حتى وتخاف .. وترى المزرعه مسورة كلها يعني مستحيل تضيع مردها ترجع ...اوف مناحه على الفاضي .. وفاء : شيماء مو وقته خلاص .. ام خالد : يا بنات خذوا عبير معاكم الغرفه وخلوها ترتاح .." وبصوت واطي "خلوها تنسى اللي صار لها اضحكوا معاها واسهروا وتفرجوا على التلفزيون وسوا أي هبال في راسكم ..انبسطوا يا بناتي اليوم بس متجمعين وبعده كل واحد يروح بيته .. البنات .. يا سلام ان شاء الله عمتي .. هدى , وفاء , سمر .. اخذوا عبير للغرفه وجلسوا يسولفون ويضحكون ويستهبلون حتى وتضحك عبير وتنسى اللي صار لها .. ومحد قدر يسالها عن شي لان دخلتها عليهم وهي تبكي تكفي .. """""""""""""""" وائل عند الشباب " وينها هاذي ما كلمت ولا سالت ياربي انا جالس على نار وهي لها ساعه او اكثر من لما دخلت لا حس ولا خبر ..يارب استر عليها ..ان شاء الله ما يكونوا سوا لها شي ..برسل لها مسج بس ايش اكتب لها فيه اخاف احد يشوف جوالها وتصير سالفه ..اممم احسن شي ارسل لها مسج فاضي ..اذا هي ذكيه بتعرف انها نسيت تطمني عليها ..ذكيه ..ههههه .. الا غبيه هذيك البنت ..بس يا زينها زيناه ..ويا زين الجلسه معاها وسواليفها .. وارسل لها المسج ..وهو يتذكر كل شي صار معاه هو وعبير في المزرعه ..ههههه" ...................................... عبير وهي تضحك من سواليف البنات وهبالهم جاء لها مسج ..فتحت جوالها لقيت رساله فاضيه من نقطه [ . ].... .. "في نفسها ..يؤؤؤؤ نسيت اطمن وائل .. ابو نقطه .هههه" البنات ..خير ست عبير ضحكينا معاك لا يكون جاك مسج فيه نكته قولي لنا تكفين .. عبير "مرتبكه": لا وين لا نكته ولا شي ...بس دقيقه بروح اشوف ماما واجي .. البنات : براحتك .. طلعت عبير من عندهم وكتبت له >اسفه تاخرت عليك ..الحمدلله الامور كلها تمام ..< وائل "مسرح مبتسم يتذكر عبير وحركاتها وجسمها وعيونها وكل شي فيها .. وبعدين طالع في سعود وهو يلعب بلوت .. اممم ..لا هي احلى من سعود ..بس الظاهر نفس طول الوجه .اممم يمكن ..هي فمها اتوقع صغير ..وفيها غمازات .. يؤؤ فديت غمازاتها .." قطع عليه حبل افكارة صوت مسج ..وكل واحد من الشباب يناظر جواله ..وائل " يضحك بصوت مرتفع " : هههه ارتاحوا هذا لي .. امحق من خلق مين بيرسل لكم مسجات اخر الليل هاه ..هههههه. خالد : ليه ان شاء الله بس انت لك مسج واحنا لا .."يطالع في عبدالله" عبدالله ارسل لي مسج بسرعه هههههه.... عبدالله : اقول العب العب خل اخسر عليك نص ريال وانت في وجهي 24 ساعه .. سعود : انا ايه ممكن لاني بالشرقيه بس انت يا خالد على طول مع عبدالله واحمد.. خالد : لا بالله احمد تراه اخوي يعني غصب علي اشوف 24 ساعه . احمد: لا تفرح خلنا بس نتخرج من الثانوي وما راح تشوف وجهي مره ثانيه .. وائل "يقرأ المسج باهتمام مره واثنين وثلاثه ..ولا هو مع الشباب ": طيب كل شي تمام بس ليه ما قالت لي ايش قالت لهم ..اممم ارسل مسج ثاني ..يالله بارسل ..اذا ردت ردت واذا لا خلاص .. >ما قلتي لي ايش قلتي لهم < عبير وصلها المسج ..ردت > قلت ضعت في المرزعه ويالله عرفت ارجع < وائل ابتسم لما شاف المسج ... > مو قلت لك لا تقولين لهم انك ضعتي وخليك هاديه < عبير ... >كيف اكون هاديه ..!! ..انا سويت مناحه في حضن امي وجدتي ..حتى جدتي صارت تقرا علي تقول يمكن صار لي شي من الخوف لوحدها بالليل < وائل " يا ليتني بدال امك او جدتك ."اممم ..احس اني ابغى اكلمها ..لا وين تكلمها يا وائل انجنيت ..وش فيها بس اطمن عليها .. واسمع صوتها ...مو قبل شوي كانت عندي وبين يدي ..وابتسم .. وتذكر لما حس انها بنت وقرب منها وقال هذا يوسف صديقي ..وحضنتها قدام كل الشباب وقدام اخوها..هههههه .. بتيجي على مكالمه ..ارسل مسج لها > ممكن اكلمك عشان اطمن عليك في كلمتين .. ترى تعبت وانا اقرا واكتب .. اطلعي في مكان مافيه احد .. واعطيني رنه عشان ارجع اكلمك.. وربي ما راح اطول .< عبير " يؤؤؤ يبغى يكلم ...اممممم ... قال تعب وهو يقرا ويكتب ..هههههه": بنات عن اذنكم دقيقه .... وطلعت عبير على السطح قالت افضل مكان ممكن تكلم فيه ... وعطت وائل رنه ...اللي اول ما سمع الرنه قام بسرعه..وراح لسيارته وجلس فيها مكان السواق ...وشغل السيارة وفتح المكيف وشغل المسجل على اغنيه .. وائل " يتنفس بسرعه ..مدري ايش فيني مرتبك ومبسوطه وخايف ..ومتشوق اسمع صوتها ..مع اني كلمت شيماء بس ما صار لي زي ما يصير لي الحين ...اخذ نفس طويل ومسك الجوال وضغط على اسم ورد .." : الو عبير السلام عليكم... عبير " بخجل وبصوت واطي خل صوتها يدوخ ": هلا وعليكم السلام . وائل : كيفك ؟ عبير : بخير الله يسلمك انت كيفك؟ وائل :انا ..اآه .. افكر فيك عبير" مرتبكه ":أ أ أ ..ليه ؟ وائل "ضرب جبهته ": اقصد افكر في فيك وفي اللي صار لنا اليوم ..مغامره ولا بالاحلام .. عبير " تضحك": ايه ..وانا بعد .. وائل : وشو اللي انتي بعد .. عبير " بخجل ": افكر في اللي صار لنا مع بعض . وائل " يا زينها مع بعض من فمها ": عبير قولي لي الصدق الحريم قالوا لك شي ..احد ضايقك ..احد حس بشي .. عبير : لا محد ضايقني ولا قالوا لي شي ...بس وائل : بس ايش..!!! عبير " ونبرة الحزن في صوتها": شيماء بنت خالتي مدري ليه تكرهني .. وائل "متفاجأ ": تكرهك ليه ؟ ايش سوت لك ؟ عبير : جلست تقط كلام من قبل ما اجي حتى البنات يقولون لي قالت"وهي تقلد صوت شيماء ". الله اعلم هي وين ومع مين .. وائل "ياربي شكلي غلط تشتكي خطيبتي لي وانا اكلمها مدري تبغى تشوف انا مع مين والا كيف ": ما عليك اهم شي خليك واثقه من نفسك بس .. عبير " بتريقه": الله يعين زوجها عليها يارب تعرس قريب ونفتك منها .. وائل "وش فيها هالبنت تتكلم عن خطيبتي كذا ":................ عبير " بضحك ": اذا عندك واحد من اصحابك غثيث وتكره دله على شيماء يتزوجها هههههههههه.... وائل " شكلها ما تدري اني متكلم عليها وشايفين بعض من سنه .. لا ما اتوقع ما تدري الكل يعرف .. بس ليه تتكلم كذا ":......... عبير : وائل شكلك مشغول وانا كمان مشغوله ...بس حبيت اقول لك الف الف شكر على اللي سويته يا ولد العم ..والله يستر عليك دنيا واخره .. وائل " يا قلب ولد العم انتي " : ولا يهمك العفو ما صار الا كل خير ..يالله توصين شي ... عبير : ايه.. وائل : آمري .. عبير : احذف رقمي من جوالك طيب ... وائل يضحك : عبير بحذفه مع اني صرت حافظه والله.. ترى انا احفظ بسرعه الارقام ..المهم بس سؤال ممكن تجاوبيني بصدق .. عبير : قول .. وائل " بصوت كله خباثه": ايش سميتيني في جوالك ؟ عبير " تضحك بقوه ": لا مستحيل اقول .. وائل " خق مع ضحكتها اول مره يسمعها تضحك بهالشكل ...لا والله بتقولين ...لا ادخل الحين عليكم واشوف بنفسي بجوالك .. عبير " بضحك ": اصلا اتحداك تلاقيني رحت مكان ما تعرفه .. وائل "يطفي السيارة وينزل منها " : ايش قلتي تتحديني ترى انا محد يتحداني فاهمه يا " ويضحك " يا بنت الشرقيه هههههه.. عبير " انحرجت لما قال بنت الشرقيه.. وقالت بعصبيه ورفعت صوتها ": ايه اتحداك ..اذا انت رجال تعال دورني وين انا .. وائل وهو يبتعد عن سيارته ويقرب من قسم الحريم ..سمع صوتها فوق السطح .." ضحك ضحكه النصر " ولف على طول من ورى قسم الحريم وطلع من السلم اللي يوصل للسطح غير الدرج اللي طلعت منه عبير من جوا البيت للسطح ... وائل : انتي تحديتيني صح ..طالعي وراك يا بنت العم ... عبير "تطالع يمين ويسار ..ولفت وراها ..و شهقت بصوت عالي ...": وائل ..خلاص اسفه ما بتحداك مرة ثانيه ..انزل ..انزل ..." تحاول تلم شعرها اللي كان طاير مع الهواء على وجهها.. وما تدري ايش تسوي " وائل " يقرب منها ومركز عليها بنظراته .. ويطالع في بجامتها السماويه القطنيه اللي كمها قصير وبرمودا .. وشعرها البني الحرير اللي فيه خصلات عسلي ..وقاصته شلال ...قرب منها اكثر": عبير" مغمضه عيونها من الاحراج ومنزله راسها " : وائل تكفى ابعد . وائل " ايش هالجمال والانوثه ياليت اقدر اخذها بحضني مثل ما سويت قبل .. ودي اشم ريحه عطرها ..بلع ريقه ..وابتسم بخبث وقرب من اذنها وقال بصوت رجولي واطي ": هاه يا عبير طلعت رجال والا مو رجال .. عبير " وهي منزله راسها ومغطيه وجهها بوحده من يدها ويدها الثانيه ماسكه الجوال لما كانت تكلم وائل " : ايه ايه .. وربي رجال.. بس بس .. ترى كنت امزح.." وطالعت فيه بوحده من عيونها من بين اصابع يدها اللي على وجهها .. ولقيته يطالع فيها ومد يده ومسك يدها الثانيه على جوالها ... وائل " بصوت واطي ": فكي الجوال .. عبير يا ستسلام فكت الجوال لانه اصلا كان حاط يده على يدها .. فعجبه الوضع ..وثبت كفها على الجوال ..وحاولت تسحب يدها من يده بس ما فك يدها .. وقرب الجوال منه .. وجلس يضغط على ازرار الجوال باصبعها .. عبير :أأأي ... عورت اصبعي ... تبغى الجوال خذه وريحني .. وائل " يطالعها بنظرات قويه": ما ابغى اوسخ يدي بجوالك ..."بتريقه "مو كان مرمي هناك عند الضفادع والصراصير .. عبير "تطالع فيه بقوه وبخوف "... جد وائل .. وائل "طالع في عيونها وقرب منها اكثر .. واخذ نفس قوي ...وشم ريحة عطرها ": امزح معاك يا "في نفسه قلب وائل " وائل" نزل راسه يشوف اسمه ايش في الجوال ":ايشششش ..مسميتني نقطه .. عبير " بخجل ": مو قلت لك مابي اقول .. طالع فيها وهو مبلم وهي طالعت فيه .. وفجأة انفجروا يضحكون ههههههههههههههههههههههههه هههه انتبه وائل لنفسه انه لاصق فيها من شدة الضحك .. وحس انه ضعيف ومو قادر يمنع نفسه منها ....وهو يطالع فيها وهي تضحك.. وقفوا من الضحك ..وطالعوا ..في عيون بعض..ورجعت ملامح وائل تصير جاده ..هالشي كان كفيل بان عبير تخاف من تغيير نظراته السريعه.. حس وائل بخوفها ...وارتبك.. وقبل لا يتهور ...بسرعه ... رجع يدها مع الجوال وائل " وقف ":انا ماشي ..تصبحين على خير ... عبير " بتعجب ": وانت بخير "واخذت نفس وهي تشوفه نازل من السلم اللي طلع منه .. نزل وائل على طول وراح لسيارته وجلس على المقعده وسند راسه على الدركسون وهو يفكر في عبير واللي صار معاها .. رفع راسه وانتبه لقارورة المويه ..وتذكر ان عبير اخر من شرب منها وانها شربت من بعده ...ابتسم ...واخذ القارورة وقربها من فمه وتذكر عبير لما شافها فوق السطح بدون لا عبايه ولا شي ..وبدا يشرب المويه شوي شوي ..كانها تسقى بذرة عبير في عقل وائل ..اللي الله اعلم الى وين بتوصل جذورها او اوراقها ... صحي من الحلم الجميل وافكارة .. وائل " انا خايف تكون اخذت عني فكره بطاله لاني تماديت معاها ..بس ايش اسوي وربي انسى نفسي اذا شفتها ...برسل لها مسج .. >عبير انا اسف لو تعديت حدودي معاك بس كل شي صار غصب عني حتى طلعتي للسطح مدري ليه طلعت لك ..بس اللي ابيك تفهمينه اني مو راعي بنات ومكالمات .. وكل شي صار .. بالصدفه وربي شاهد علي ..نسيت اقول لك اني سميتك بجوالي ورد ..واوعدك اني احذفه الحين ..بس ما اوعدك اني انسى رقمك من عقلي ...اتمنى تحذفي كل المسجات والمكالمات ..والله يستر عليك < وصل المسج لعبير " قراته .. ابتسمت ...وشالت فكرة انها ترد عليه بعد ما تذكرت نظراته الجديه لها فوق السطح.. ...مسحت المسجات كلها والمكالمات وكل شي يخص وائل ..ونامت على سريرها لعل وعسى تقدر تنام " """"""""""""""""""""""""""""""""""""" اليوم الثاني في الصباح الساعه 11 صحيوا الكل وافطروا .. وجالسين يسولفون ... عند الرجال ... ابو سعود : يا سعود روح انت واحد من الشباب وجيبوا لنا خروف عشان نذبحه للغداء ... سعود : ابشر يبا .. عبدالله قم معاي ساعدني .. عبدالله"بكسل وفيه النوم " : يوه يا سعود اللي يسمعك يقول بتجيبه من السوق ترى هو في اخر المزرعه ..لما توصل عند الغنم قول للعامل يطلعها لك في السيارة وانتهينا .. سعود : افا .. تردني يا عبدالله ..هذا وانا اخترتك انت عشان تونسني في الطريق .. عبدالله "بملل ": اقول بلا طريق بلا بطيخ ..."وسحب المخده ونام" لاحد يصحيني الا اذا جهز الغداء .. ابو خالد : يا شباب ما صارت كلها خروف وتزعلون من بعض ..خلاص انا بروح اجيبه .. ابو وائل : لا والله ما تقوم وهالشباب هنا وش يسون لا يكون بنات على غفله واحنا ما ندري ... ابو عبدالله : لا افا عليك الحين بيجيبون الخروف وهما اللي بيذبحونه .. احمد : اوه متوصين فينا شكلكم .. خالد : الطلعه هذي شكله طلعه تعليميه لنا .. ابو سعود : ايه البر للرجال الكل : هههههههههههههههههههههه سعود"واقف " : يالله خلصونا مين بيجي معي .. بسرعه دام السالفه فيها ذبح خلونا نخلص ونفتك .. وائل "وقف ": انا جاي معاك يا سعود ...يالله سعود : كفو والله يا وائل ..توكلنا على الله الجد : يا سعود وائل .. اذا وصلتوا عند الغنم قولوا للعامل يعطيكم الخروف اللي وصيته امس ينتبه له ... والله يعطيكم العافيه يا اولادي .. سعود , وائل : ابشر يا بوي ..الله يعافيك ... """"""""""""""""""""""""""" ...عند الحريم ... الجده : اقول يا ام وائل .. وش قلتم في ولد جيرانكم اللي خطب سمر. سمر بس سمعت السالفه .. وقفت وطلعت برا .. ولحقتها نجوى "" ام وائل "تطالع في سمر وبعدين في الجده": والله يا امي البنت مو موافقه تبغى تكمل دراستها .. الجده : الله يرزقها بولد الحلال اللي يسعدها .. ام عبدالله : ادعي لكل البنات يا امي ههههههه ام سعود : أي والله الوحده ايش تنتظر غير انها تشوف بناتها متزوجات ومبسوطات.. ام وائل " تطالع في ام شيماء اللي هي ام عبدالله ": مو بس البنات حتى الاولاد لازم يكونوا مبسوطين وماخذين العروس عن اقتناع ... "وفاء حست ان الموضوع راح يكبر شوي بما ان السالفه فيها شيماء وائل .. بدون ما تتكلم وقفت ومدت يدها لعبير ..وعبير ما رفضت على طول مدت يدها وقفت وطلعوا برا يلحقون سمر ونجوى.. واما شيماء كانت لسى نايمه لانها تحب النوم " ام خالد " تحاول تنهي الموضوع": الله يسعدهم كلهم يارب الاولاد والبنات ..الا ما قلتوا لي ايش الغداء احنا بنطبخ والا الرجال...؟! """"""""""""" وائل , سعود في السياره متجهين الى اخر المزرعه ياخذون الخروف..ومروا بالمكان اللي لقيوا فيه عبير امس بالليل .. وائل "ابتسم لما شاف المكان وتذكر كل اللحظات معاها ..وتذكر كيف حضنها قدام الشباب كلهم.. ابتسم .. وبدون ما يحس ":اآه يا قلبي ... سعود"لف عليه وشافه كيف سرحان ومبتسم ": ههههههه يابو الشباب وين وصلت ..." وضربه على رجله " نحن هنا .. وائل " انتبه ان سعود جنبه ..انحرج بس حاول يخف ارتباكه":ها ولا شي ... سعود : علينا ولا شي ..سرحان ومبتسم و "يقلد صوته " اه ياقلبي .. وائل " متفاجا ان صوته كان عالي ": والله !!! ... سمعتني .. سعود : ههههههههههه اللي ماخذ عقلك ...اكيد شيماء .. وائل " تغيرت ملامح وجهه ": لا مو شيماء ...سوق سوق وانت ساكت .. سعود " حس ان مزاجه قلب بس جاب سيرة شيماء ": خير وائل فيه شي ..متضايق من شي .. وائل " يناظر الجهه الثانيه ما يبغى سعود يلاحظ الحزن والضيق في عيونه ".................. سعود " تاكد ان في الموضوع شي ": وائل ..اناعارف اني بعيد عنكم من فتره من لما رحنا الشرقيه ..ويمكن نختلف انا وانت في اشياء كثيرة ..ومحنا اصدقاء يعني اسرارنا مو عند بعض ...بس صدقني راح افهمك .. ولو احتجت مشورة او خبره تراني موجود " وحب يمزح عشان يضحك وائل ويطلعه من الضيق اللي هو فيه ".... ترى لا يغرك سكوتي ..وبيني وبينك تراني مطيح نص بنات الشرقيه .. ولو تروح تشوف المستشفيات تلاقي نص البنات في الذبحه الصدريه ونصهم في قسم الربو ... وائل " ابتسم من سوالف سعود ": ليه ربو ..؟؟ سعود : لاني كنت اتعطر من محلات ابو خمسه ريال ..ومدري ايش يصير بس اقرب من البنت الاقي ازمه الربو جتها وعلى طول المستشفى ..ياخي تعرف ايش السبب هههههههه... وائل :هههههههههههههههههه سعود : اكثر رقم دقيت عليه في حياتي .. تعرف ايش هو .. وائل : ايش .. سعود : رقم الهلال الاحمر 997 ههههههههههه وائل : هههههههههههههه سعود : ايه ياخي اضحك ..وش ماخذ من الزعل غير الغم والهم ... يالله وصلنا .."وقف السيارة .. ونزل منها ..واشر على وائل ينزل. وائل " فتح باب السيارة ونزل رجل ورجل باقي في السيارة ": يا سعود ابوي يقول قول للعامل يجيب الخروف ماله داعي ننزل احنا. سعود" يحك يده اليمين في الشمال بطريقه شريره وهو يضحك ": نيهاهاهاها ... لا انا ابي اصيد الخروف بنفسي ..هذي هوايتي أوه ...من زمان عنها ..... وائل : هههههههههههههه ليه هو سمك تصيده " نزل من السيارة وقفل الباب " .. بس تصدق فكره ماهي شينه ..." اشر للعامل يجي عندهم .. جاء العامل يركض "... سليم بابا كبير يقول امس فيه خروف خليه على جنب .. وينه هدا خروف ؟؟؟ سليم "يأشر لهم على الخروف ": هدا كروف بابا كبير يقول بكره....انا امسكه لك بس اجيب هبل دكيكه .. وائل : لا خلاص احنا بنمسكه روح انت كمل شغلك . " سعود يطالع وائل .. وائل يطالع سعود ..بنظرات كلها ضحك وتحدي ....مع بعض بصوت واحد ...هجوم" ودخلوا بين الغنم .. وهم يضحكون يطارونها ...دوخوا الغنم وداخوا معاها ههههههههه" """""""""""" ..البنات جالسات فوق فرشه قدام قسم الحريم ... نجوى : بلا دلع يا سمر خلاص الموضوع انتهى .. سمر " بزعل ": كنت افكرة انتهى ..بس شكله ما انتهى الا بالنسبه لي انا ... وفاء : وربي انك حساسه زياده عن اللزوم ..جدتي كانت تسال بس . نجوى : ايه عادي انت بنت ولدها ما تقصد شي .. سمر : انا مو زعلانه من جدتي لا والله ...بس سيرتهم تضايقني . عبير " مو فاهمه شي " وفاء : بكره يجيك اللي احسن منه ..وترى على فكره الكل ما كان راضي مرره عن هالخطوبه . سمر : ليه ؟ وفاء : لانهم ما يقربون لنا ولا نعرف عنهم شي الا انهم جيرانكم ..ترى هذا زواج مو لعبه يعني ما تدرين ايش اصلهم وفصلهم . سمر : كلنا اولاد تسعه مافيه فرق بيننا .. "شيماء توها صحيت من النوم وطلعت عند البنات وفي يدها سندوتش بالجبنه .. وكاسه شاي ..وجلست تسمع في ايش يسولفون " وفاء : ايه بس العرق دساس .. شيماء " وهي مو فاهمه السالفه ": والله يا زين عرق السوريين .. على الاقل الوحده يجي لها اولاد بيض وعيون حلوه وشعر بني ناعم. نجوى " فهمت اختها ..انها تقصد كمال ولد جيرانهم لانها قالت لها مره انها تحبه .." : ليه وش فيهم السعوديين مو ماليين عينك . عبير " مو فاهمه شي بس ساكته تسمع ولا مهتمه " سمر " طالعت فيها بكرهه .. واللي سمعها يقول اخي ميت فيها ما تدري انه مغصوب عليها ": فكونا من هالسالفه الله يسعدكم . شيماء " وهي تاكل ": أي والله بلاش سيرة شباب السعوديه اللي تسد النفس . نجوى "بصوت واطي ما سمعها الا وفاء ": ايه ماشاء الله انسدت نفسك خخخخخخخخخ وفاء : ههههههههههههههههههههههه. سمر " ابتسمت لهم.. وقفت.. وقفوا معاها وفاء ونجوى..خايفات عليها ": بنات معليش ابغى اتمشي لوحدي .." وفاء ونجوى طالعوا في بعض وطالعوا فيها " سمر "تطالعهم بضحكه .. لانها شافت في عيونهم الخوف عليها ": ههههه لا تخافون بس بتمشي ." وبمرح مصطنع "...وارتاح من وجيهكم شوي من امس وانتو في وجهي .. الكل : ههههههههههههههههههههه وفاء : لا كذا اطمنا عليك يالله انقلعي ...ههههههههههه الكل :ههههههههههههههههههههه عبير " طالعت في سمر وهي رايحه ": سمر ما تبغي تلبسي عبايه ..عشان تاخذين راحتك .. سمر " كانها توها تستوعب ": أي والله وانا بعد طالعه كذا ..هههههه.. مشكورة عبير انك نبهتيني مو مثل البقر هذولا "تأشر على نجوى وفاء " سمر " تنادي الشغالة ": دالي .دالي دالي : نأم سمر :جيبي عبايتي من فوق ..وقولي لماما اني بخير بس بطلع اتمشى بالمزرعه شوي ... دالي :تيب . شيماء" تطالع عبير ": في أي صف يا عبير ؟ عبير : ثالث ثانوي .. زي سمر .. شيماء : اها ..اجل اختي نجوى اصغر منك بسنه .. عبير : ايه بس وش فيك نسيتي انا بأي سنه.. صح اننا نقلنا الشرقيه من سنتين بس نجيكم في الصيف كل سنه ... وترى انا بنت عمك.. شيماء : والله اللي بعيد عن العين بعيد عن القلب ... نجوى " تأشر لعبير ..بحركه يدها على شيماء يعني ما عليك من كلامها ": اقول بنات ودكم في فصفص وشاهي .. الكل : أي والله ياليت ... دالي : سمر خد ابايا.. ومدام تقول اذا انت يروه المزرأه جيب نأنأء//سمر خذي العبايه ..ومدام تقول اذا انتي بتروحي المزرعه جيبي نعناع//... سمر " وهي تلبس العبايه ": طيب ..طيب وطلعت سمر من عند البنات وجلست تتمشي في المزرعه بين الشجر .. """""""""""""""""""""""""""""""" ابو سعود : وين سعود وائل تأخروا .. عبدالله : ما تعرفهم يومهم بسنه هذولا يا عمي ... ابو خالد : خالد دق عليهم شوفهم ..الساعه صارت 12 ونص ..ولسى وراكم ذبح وطبخ ...متى بنتغدا.. الجد : أي والله دق عليهم لاننا على المغرب بنرجع البيت ما نبي نتاخر ... ابو عبدالله : يبا وش عندك مستعجل تونا امس جينا ..اذا ما عندك شغل ضروري خلنا نجلس اليوم بعد .. الجد : لا عندي اشغال ..اذا ودكم تجلسون انتم اجلسوا بس انا باخذ مرتي والشغاله وبرجع البيت ... ابو عبدالله : لا يبا معاك دامك انت وامي مو معانا وش نبي بالجلسه. الجد " ابتسم ".. احمد " وقف يطالع لبعيد ": اخيرا شرفوا سعود وائل ... الكل : الحمدلله اخيرا .. عبدالله : اشوا اني ما دقيت عشان لا يخسروني .. خالد : يا البخيييل هههههههههههههه الكل : هههههههههههههههههههههه """"""""""""""""""""""""""""""" سمر كانت جالسه تقطع نعناع ..وسمعت صوت السيارة كل ماله يقرب .. وطالعت وشافت السيارة جايه مسرعه من جنبها مع انها بعيده عن مسار السيارة بس حوض النعناع قريب من الجدار ومسار السيارة ...خافت وقفت بسرعه ولصقت بالجدار ..وهي ماسكه طرحتها اللي رمتها على راسها باهمال لانها ما توقعت يكون فيه احد ... ومن شده ربكتها طاحت الطرحه وحاولت تعدلها بسرعه ...بس كانت تطيح زياده وشعرها مع الهواء صار يطلع اكثر .. سعود و وائل .. انتبهوا لها وهي توقف واضح انها خايفه من طريقه لصقها في الجدار ومسكها للطرحه .. وائل " يارب تكون عبير.. بس ..بس .. شعرها ..لا لا ...هذي سمر شعرها الاحمر اكبر دليل ": سعود وقف .... سعود " ضرب بريك وقف بسرعه .. وبخوف..لف على وائل ": وش فيه ..وش فيه يا وئل .. وائل " لف على سعود وطالع في شكله وهو خايف ": وش فيك خايف هههههههه ..بس بشوف سمر واجي ... سعود " بعصبيه ": الله يقطع ابليسك خوفتني ... وتوها سمر جت ببالك يعني .. وائل " يأشر على سمر ": هي هناك دقيقه بشوفها .." ونزل من السيارة ". سعود " كيف عرف انها اخته ...انا لو هي عبير ..ما عرفتها .. وائل " يقرب من سمر ": سمر.. وش فيك هنا وليه لوحدك . سمر " تطالع في وائل بخوف وهي تبلع ريقها .. ومتفاجأة ": وائل انت اللي كنت تسوق اللي يقطع ابليسك ..خوفتني " وبكت ". وائل " يقرب منها وهو يضحك": ههههه يا خوافه .. لا مو انا هذا سعود اللي كان يسوق ...بس انتي ايش تسوين هنا لوحدك .." ويطالع في النعناع اللي بيدها " كنتي تقطفين نعناع. سمر " تمسح دموعها ": ولا شي طلعت اتمشى ..وبعدين قالت لي ماما اجيب لهم نعناع .. وائل : طيب خلاص يكفي النعناع هذا تعالي معانا نرجعك لقسمكم. سمر : لا .. ابغى اتمشى ..تكفى وائل خلني .. وائل " باصرار وهو يسحب يدها ": لا ممنوع .. واصلا يا بنت الحلال احد يطلع يتمشى في هالظهيره شمس تفقع الراس.. " وبصوت كله حنان " وانا ما ابغى اختي حبيبتي تتعب .. سمر"باستسلام ": طيب " وغطت وجهها بالطرحه ورمتها بطريقه بسيطه على راسها ". سعود " يطالع في وائل وهو راجع للسيارة ومعاه سمر.. ابتسم ": هلا والله .. وائل " فتح الباب الخلفي لها وركبت ..ورجع ركب هو قدام جنب سعود ": توكل على الله ... سعود " مبتسم": انت تامر آمر . وائل " يطالع فيه ": اقول امش امش وبلا كثرة كلام " الحين انا غرت عليها وهو بس ابتسم لاختي اجل لو عرف ايش صار بيني وبين اخته عبير وش بتكون رده فعله ..يالله كل شي صار بالصدفه مالي دخل فيه ولاني مخطط له .. بس احلى صدفه بحياتي ..وابتسم ابتسامه قويه ".. وقفت السيارة ونزلت سمر بسرعه ودخلت قسم الحريم .. ونظرات سعود تلاحقها .. وائل : سعود تعال ساعدني ننزل الخروف .. سعود : ها ... ايه جاي جاي ... ودخلوا على الشباب في بيت الشعر ... سعود , وائل" العرق وريحه الغنم تفوح منهم " : السلام عليكم . الكل : وعليكم السلام ... احمد " يقرب منهم ": عسى بس على التاخير جبتوا جمل .. الكل : ههههههههههه سعود : لا خروف باقي ما ترقى وصار جمل هع هع هع الكل : ههههههههههههههههههه احمد " يحط يده على خشمه ": اف اف اف وش هالريحه ...نمتوا انتو في حظيرة الغنم ..اف اف وش هالريحه .. وائل " يشم نفسه .. ويطالع في سعود ": كله من سعود ابو المغامرات .. سعود : هههههههههههههه ..وربي فاتكم" وجلس هو و وائل" ..ههههه" وحكى لهم ايش سوا مع الغنم.. والكل ضحك عليهم " الجد : روحوا يا اولادي تروشوا وبعدين تعالوا .. وائل : حتى انت يا بوي ...ههههههههههههه عبدالله : ترى مافيه الا حمام واحد حق الترويش ...اللي يسبق .. سعود" وقف بسرعه واتجه لجهة الحمامات.. وهو يضحك" انا اول. وائل " معصب ": المفروض انا قبلك لان فكرة مطاردة الغنم فكرتك .. ابو خالد : لا تتهاوشون فيه عند الحريم حمام ترويش ..واحد هنا واحد هنا وخلصوا في نفس الوقت .. سعود : انا هنا سبقت .باي " وراح يتروش ". وائل " انحرج من اقتراح عمه .. فسكت ": خلاص بنتظرة امري لله .. الجد : روح كلم امك والا اختك وقول لهم يسون لك طريق تدخل حمام الترويش .. وائل " باحراج ": لا ماله داعي يا بوي ..راح ابلشهم والخبط قعدتهم .. الجد : اللي موجودين كلهم زوجات اعمامك .. والبنات عندهم الدور الثاني .." ومد يده وضربه على قفاه بشويش ..وبضحكه " وانت بعد لا تنام في الحمام تروش بسرعه واطلع .. وائل " باحراج وباستسلام ": ان شاء الله يابوي ... | ||||
|
| |
|
12-11-12, 05:52 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| >>>>>>>>>>>>>>>>>>>>>>>>>>>>>>>>>>>> الجزء الثالث >>>>>>>>>>>>>>>>>>>>>>>>>>>>>>>>>>>> سمر "وهي ماسكه جوالها ومبعدته شوي من فمها .. وبصوت عالي": بنات اطلعوا فوق الغرف عشان وائل يبغي يستعمل حمام الترويش .. وفاء" وهي طالعه من الدرج ": البنات فوق كلهم ما عدا عبير في المطبخ عندك كلميها انتي يا سمر ..انا طالعه اخبر البنات .. وائل " سمع رد وفاء على اخته .. وقلبه صار يدق بقوه لما سمع اسم عبير وكان نفسه يشوفها ...ومافيه فرصه احلى من كذا .. على طول بدون ما يسمع رد اخته ":انا جاي .. باي .. وراح ركض لقسم الحريم .. يمكن يلحق يشوف عبير قبل ما تخبرها سمر ... سمر : الو .. وائل ... وين راح هذا ...يوه عبير .."وجلست تنادي عليها " عبير ...عبير ... عبير" في المطبخ جالسه على طاولة الطعام وتلعب في جوالها .. ولابسه بدي زهري وبنطلون كحلي .. ولامه شعرها على جنب ..وشكلها مره ناعم ..تطالع سمر ": سمر وش فيك .. سمر : تعالي فوق عند الغرف عشان وائل بيستخدم حمام الترويش . عبير" وقفت لما سمعت اسمه ": ها ..ايه طيييب .. طلعوا من المطبخ واتجهوا للدرج ... .................................................. .... وائل "دخل عند الحريم ..وماسك بيده منشفته وملابسه النظيفة.. سلم على جدته ..وسلم على زوجات اعمامه من بعيد .. ": كيفكم كلكم بخير ... اللكل : بخير انت كيفك ؟ وائل " وعينه على جهة المطبخ ": الحمدلله بخير ... ام وائل : وائل ادخل يمه بسرعه الحمام لا تتاخر على جدك وابوك واعمامك ... صوت عبير وسمر جاي من جهة المطبخ ... وائل مركز عينه على المقسم اللي يطلع فوق وكمان نفس المقسم هذا يودي على دورات المياه والمطبخ .. ...وتحرك بسرعه عشان يصادفها .... وائل : انا رايح الحمام عن اذنكم .." يتكلم وهو ماشي .. وشوي الا يصدم في شي كان يتمناه او بمعنى اصح ما توقع ..حتى لو تمناه انه بيصير " ... عبير "وهي في حضنه.. ومغمضه " : اه ..... وائل "كانه ما صدق اللي صار ..كان وده بشوفه وصار له اللي اكبر من الشوفه.. عبير في حضنه .. ما تحرك ولا سوا شي الا بالعكس حاول يفرد صدره لعبير ..وهو مبتسم ": بسم الله عليك ."قالها بدون ما ينتبه" . عبير "طالعت فيه وتلاقت عيونهم في بعض ..وبحركه سريعه ..قدرت تبعد عن حضنه ..وطلعت تجري للدرج وعيونها كلها دموع ..وائل لف يراقبها وهي طالعه من الدرج ..ما انتبه الا لما سمع صوت اخته سمرتقول له ..." سمر : يؤؤؤه ...وائل فتح عيونك وش فيك ...تنحنح ...على الاقل ياخي .." وبعدين ضحكت " هههههههههههههه ..شكلكم كان تحفه . وائل " طالع في اخته وهي تضحك .. وكتم ابتسامته ..والفرح اللي في قلبه ..وببرود": خير ان شاء الله وش فيه يضحك .. سمر " وهي تضحك ": اشكالكم توحفه ياليتني صورتكم هههههه وائل : الشرهه على اللي يعتمد عليك " مع انه كان وده يحضنها من فرحته على اللي صار بينه وبين عبير ".. سمر : انت ما عطيتني فرصه اقول لك انتظر شوي وبعدين تعال.. يعني السبب مو مني منك .. وائل : يالله مناك يالله ...وخليك قريبه لما اطلب المنشفه وملابسي اعطيني ..فاهمه " ويمد لها بملابسه والمنشفه " سمر" ترفع يدها ": لا حبيبي ما بنتظرك .. عندك علاقه جوا علقها واخدم نفسك بنفسك .. انا بطلع اشوف عبير المسكينه كم ضلع تكسر فيها ههههه..سي يو " وطلعت فوق وتركته يطالع فيها " وائل " بمشيها لك يا سمر هالمره عشان خاطر عبير.. ابتسم بقوه ..وه فديتها وفديت عيونها .. ياربي وين اروح انا ودي ارقص .. اركد يا وائل ..وش فيك جنيت .. تكلم نفسك .. وربي عذاب هالعبير من جد "... ام وائل : وائل ابوك يسال عنك يقول كل هذا ترويش ...؟؟ وائل " ركض للحمام ": قولي له جاي جاي كله من سمر اخرتني الله يهديها ...وفي نفسه " وعبير الله يسعدها " ههههههههه.. .......................................... عبير دخلت الغرفه الفاضيه اللي مافيها بنات وجلست تبكي لوحدها من الموقف اللي صار لها مع وائل .. وهي حاطه يدها على قلبها ..وهديت شوي من الاحراج .. وتذكرت شكلها وهي في حضنه ..وجلست تبتسم .." ياه وربي وائل مرره حلوه .. ابتسامته وعيونه .. وسكسوكته .. هذا ثاني مره اكون بحضنه ..امس واليوم يا ترى لو جلسنا لبكره بيصير فيه واحد ثالث ..جلست تضحك على تفكيرها ": هههههههههه سمر " تدق باب الغرفه ": عبير انتي هنا ..ممكن ادخل .. عبير " تمسح دموعها .. وتكتم ضحكتها ..وخلت نفسها طبيعيه ": تعالي يا سمر .. سمر " وهي تجلس جنبها على السرير ": اسفه على اللي صار .. عبير : حصل خير . سمر : طيب ليه البكا الحين .. عبير " ترفع كتوفها ": مدري ...ههههههههههه سمر : ههههههههههههه .. يالله اجل خلينا نروح للبنات في الغرفه الثانيه .. عبير : روحي انتي انا بجلس شوي حتى يهدا وجهي من البكا .. سمر: براحتك ..يالله باي " وقفت وكانت بتطلع " عبير : سمر "تطالع في سمر بترجي " لا تقولين لاحد على اللي صار . سمر : هههههه طيب ولا يهمك ان شاء الله ما يفلت لساني ... وطلعت سمر وراحت للبنات ..وعبير تفكر في وائل ..اللي بدا ياخذ حيز كبير من افكارها واحلامها في خلال يومين فقط .. طلعها من سرحانها ..رنة جوالها ... حبيتك من قلبي وما انسى ايامك ...>>>>أخي سعود يتصل بك عبير : هلا سعود . سعود : عبير اطلعي انتي والبنات فوق السطح وشوفونا واحنا نذبح الخروف ...بسرعه الحين عبير: لا وع وش نشوف .. في نفس الوقت .. وائل دخل على الشباب بالمنشفه على كتفه وكان لابس بنطلون ابيض مع تيشرت اصفر ..وكاب ابيض ..وراح يلبس البوت الاصفر ..وصار شكله ..كشششخه موت ..وسمع سعود وهو يكلم.. وقرب منه .. سعود : عبير ...طيب انتي ما تحبين قولي للبنات اللي تبغى تشوف تشوف " ويطالع في وائل " وخاصة حبيبة قلب وائل ..ههههه وائل " فتح عيونه واشر له باذبحك .. وقرب من سعود كثير لاصق فيه ..وبمزح حاط يده على رقبته .. صار يسمع صوت عبير في الجوال وعجبه الوضع .. وما فك سعود وجالس يسمع اللي يقولونه لبعض " عبير : حبيبة قلب وائل ؟؟ وش تقصد .. سعود " وهو مخنوق من وائل ": ايه لازم تكون حبيبته مو خطيبته. عبير" متفاجأه ": خطيبته ؟؟!!... سعود مين خطيبت مين ؟ وائل " سمع ايش قالت عبير وتأكد انها ما تعرف انه خاطب شيماء" سعود : اقول بلا هذرة فاضيه ..قولي للبنات وبس .."وقفل الخط.. ولف على وائل ..اللي كان مو منتبهه لسعود انه خلص المكالمه..وعلى طول مسك يده وسدحه على الارض وثبته ..ورفع حواجبه له ": نيهاها.. تفكر لان عندك عضلات محد يقدر عليك. وائل " مفتح عيونه يطالع في سعود مو مستوعب اللي صار له ..تفكيره في عبير ورده فعلها خلت جسمه كله يطيح .. مو قادر لا يفكر ولا يستوعب" احمد : اقول انت وياه تعالوا يبغونكم تشوفون الذبح على اصوله ..بدال اللعب هذا ... سعود "وهو مثبت وائل وجالس على بطنه ": قول اني انا الفايز يالله بسررعه ..لا تضيع وقت ... وائل " بدون تفكير ": انت الفايز قوم فكني وبس .. سعود" فك وائل وتلاشت الابتسامه اللي على وجهه ": وائل فيك شي ترى كنت امزح وربي ... وائل "ابتسم .. ولا حب يضايقه ": لا والله مو زعلان بس بعد الدوش انا اسطل لازم انام وشكلي بجيت ادوخ .." ضربه على كتفه .. وبابتسامه " يالله قوم نلحقهم لا يجينا شي الحين .. سعود" ابتسم بارتياح ": يالله ... .................................................. ... عبير دخلت في الغرفه الثانيه عند البنات .. وهي تفكر في كلام سعود ...وقفت قدامهم والكل يطالعها ..وتذكرت وش قال لها عبير : ايوا صح بنات ..امممم ... سعود يقول انهم بيذبحون الخروف الحين اللي يبغى يشوفهم يطلع فوق السطح ... بس تلبس عبايه وتتنقب .. الكل : واو وناسه يالله فوق ... وبسرعه لبسوا عباياتهم .. وعبير لما شافتهم كذا .. انجبرت تطلع معاهم ...وهما طالعين في الدرج ... مسكت سمر .. عبير " وهي ماسكه يد سمر": سمر ممكن شوي ... سمر : نعم عبير .. .. عبير" تطالع فوق وتتاكد ان كل البنات طلعوا ومحد يسمعهم ": امممم ... وائل خاطب ؟ سمر" وعلامة التعجب على وجهها ":ايه ... ليه ما تدرين ... شيماء .. عبير "واضح على وجهها صدمة الخبر": شيماء ..!!! من متى؟ سمر : من سنه تقريبا صار بينهم النظرة الشرعيه ..بس ..بس لسى ما لبسوا الدبل ولا كتبوا العقد ولا شي .. عبير "بصوت يحزن": وانا اخر من يعلم ما كأني بنت عمكم.. سمر" تاثرت من شكل عبير ": لا يا عبير لا تقولين هالكلام ..انتي بنت عمنا واختنا كمان .. وترى دائما نجيب سيرة شيماء وائل ..ما علقتي ولا سالتي ..فكرنا انك تعرفين .. الا انتي ليه تسالين الحين بالذات" وتطالع فيهها بنص عين ..تقصد انها بعد ما صدمت فيه تفكر في وائل ..." عبير " وكانها فهمت من نظرات سمر ايش تقصد": لا يروح فكرك بعيد ..بس سعود لما كلمني وقال لي قولي لحبيبة قلب وائل تطلع تشوفه وانا استغربت بعدين قال خطيبته " وبحزن" للاسف ما اعرف مين هي. سمر: خلاص عبير حصل خير ..في الملكه والزواج اول وحده تدري انتي ..وهذا وعد مني ... نجوى" من اعلى السطح " : سمر عبير وش تسون بسرعه قبل لا يذبحونه تعالوا شوفوا ... عبير وسمر طالعوا في بعض وطلعوا يلحقون الذبح ... .................................................. ....................... خالد يطالع فوق السطح وشاف البنات ...ويدق عبدالله خالد : عبدالله شوف البنات فوق السطح .. عبدالله " يطالع جهة قسم الحريم فوق السطح .. يا ترى وفاء اي وحده ..": ايييه شفتهم .. احمد " انتبه لخالد وعبدالله وين يطالعون ولف يشوف ..وعرف انهم يقصدون البنات ..وضحك بصوت عالي ": هههههه البنات رازات نفسهن فوق يتفرجن ..الحين بس يشوفون الدم وذبح الرقبه بيهربون..هههههههه وبتقولون احمد قال هههههههه الجد والاعمام : هههههههههه الجد : مين اللي قال لهم اننا بنذبح . ابو عبدالله : أي والله جيت بناتنا فوق السطح مو صدفه . وائل " يطالع في سعود .. وبكل مكر ": هذا.. يا بوي ... سعود خخخخخ. سعود" انحرج ...ويطالع في وائل وياشر على رقبته ..يعني بذبحك ..وضحك ضحكه بارده ": ههه ههه ههه بس ...بس عبير كانت موصيتني اقول لها عشان تبغى تشوف الخروف .. ابو سعود " بتعجب": عبير ..تبغة تشوف الخروف !! .. اصلا كل عيد اضحى وهي مسويه لنا مناحه عشان الذبح ما تبغى تشوف الدم ..صرنا في الاخير ما نصحيها تعيد الا اذا ذبحنا وخلصنا .. الكل : هههههههههههههههه الجد " وهو يحد السكين": انت مدلع عبير مرره يا بو سعود ... وائل " مستمتع ومركز مع عمه ..دام السالفه فيها عبير" ابو سعود: بنت يا يبا لازم تدلع ...اما الاولاد مافيه دلللع .." واخذ السكين من يد الجد ولف بسرعه على الاولاد .." والحين بنشوف مين الرجال فيكم اللي بيذبح هالخروف .. الشباب " كل واحد يطالع في الثاني .. هم متعودين يساعدون ابوانهم في العيد بس كلهم مجتمعين اعمامهم والشباب ..والبنات فوق السطح ..خلت للمكان رهبه ..ولو غلط الواحد راح يتفشل من الكل ...عشان كذا كانوا مترددين .. " ............................................... ............... البنات فوق السطح ................. شيماء : وش ساعه واقفين ..ليه مافيه احد يذبح ويخلصنا .. وفاء " تدق شيماء بشويش على كتفها": علينا هالكلام قولي ابغى اشوف وائل وفكينا من الرموز هههههه شيماء: اقول مالت عليك ... وائل صح تشوفيه فيه عضلات بس ترى منفوخه على الفاضي خخخخخخخ سمر" تضايقت من شيماء اللي دائم تتريق على اخوها وتقلل من شانه .. لفت على عبير ..": البنت هذي ما تستحي وربي .. عبير" انتبهت لصوت سمر الواطي .. وهي اساسا كانت متضايقه من كلامها ":ما عليك منها تتكلم كله في الهواء. سمر" تطالع في اخوها وائل ": اتمنى تجرب هالعضلات بس تجربها ضرب وترفس وكف على وجهها عشان تشوف هي منفوخه على الفاضي والا على المليان . عبير" بدون شعور منها .. فرطت ضحك على كلام سمر":ههههههههههههه سمر" ضحكت من ضحك عبير وتذكرت كلامها ":ههههههه الثنتين : ههههههههههههههههههههههههه هههههههههه نجوى " تطالع فيهم مو فاهمه شي ": يالوسخات قولوا لي على ايش تضحكون " وتضربهم على كتفهم "قولي انتي وياها تكلمي .. وكل ما ضربت عبير و سمر ضحكوا اكثر ..لحد ما وصل صوت ضحكم عند الرجال .. وائل "بصوت واطي ": هذي اختي سمر الله لا يفشلنا ضحكها واصل لاخر الدنيا .. سعود" بنفس الصوت الواطي": ومن سمعك حتى اختي عبير معاها اميز ضحكتها من الف ضحكه .. وائل وسعود طالعوا في بعض وبلا شعور ضكحوا .. ههههههههههههههههههههههههه ههههههههههههههههههه الكل يطالع فيهم ومو عارف على ايش يضحكون .. وائل " مبسوط انه قدر يعرف أي وحده فيهم عبير ..مع انه ميز شيماء الدبا خطيبته .. بس ما اهتم الا لعبير بس .. وكل شوي يطالع فيها .." سعود"دق قلبه لما سمع اسم سمر ... ام الشعر الاحمر وربي شكلها من شعرها وضحكتها روعه ...يارب تجي صدفه واشوفها ..." .............فوق السطح .......... شيماء " تأشر على سعود وائل ": شوفي بالله المهبله مثل اخواتهم اللي عندنا يضحكون لوحدهم محد فاهم شي ... نجوى " بتريقه": وتقول ما يهمها وائل وهي طايحه فيه قز من الصبح.. شيماء " تضربها على ظهرها": يا بنت انا اختك الكبيرة لا تتكلمين معاي كذا ..فاهمه .. نجوى : أأأي ..طيب ..فهمنا ...بس لا تضربين.. عبير وسمر وفاء يطالعون بعض مستغربين حركات شيماء.. عند الشباب مسك ابو سعود الخروف وابو عبدالله ذبح بالسكين والباقين يطالعون فيهم ... البنات بس شافوا المنظر ...أأأأأأه ... وهربوا ولا وحده بقيت فوق السطح ... الكل " سمعوا صياحهم .. ولفوا يشوفونهم ..ما لقيوا ولا بنت فوق السطح ":هههههههههههههههههههههههه هههههههههههه احمد: هههههههه مو قلت لكم ....ياليتني كنت متحدي احد على مليون ريال .. الكل : ههههههههههههههههههههههههه خلصوا الرجلا من الذبيحه .. ودخلوها للحريم عشان يطبخوها للغداء لان الوقت صار الساعه 1 ونص ... البنات في المطبخ يسون السلطات ..والحريم يسون الكبسه .. والشغالات يغسلون الصحون يعني الكل في المطبخ ما عدا الجده ..اللي راحت عند اولادها في قسم الرجال ...اللي كانوا يشربون شاهي على بال ما يجهز الغداء ... الجد" شاف الجد داخله .. وعدل جلسته ": يا هلا ياهلا والله بمريم. مريم الجده .." وياشر لها تيجي تجلس جنبه "... الجده " بخجل وهي متجهه تجلس جنبه ": الله يبقيك يابو محمد..السلام عليكم .. الكل : وعليكم السلام ... جلست الجده جنب الجد .. وقاموا اولادها واحفاها يسلمون على راسها .. وجلسوا يسولفون عن ايام اول ..والمواقف المضحكه ..حتى جاء وقت الغداء ...ورن جوال ابو عبدالله ... ابو عبدالله : هلا شيماء .. "الشباب طالعوا في وائل ..اللي زفر بس سمع اسمها ونزل راسه " ابو عبدالله : طيب الحين برسل عبدالله.." قفل الخط" ابو عبدالله " يطالع في ولده": عبدالله قوم كلم اختك تقول الغداء جاهز خذه من عند قسم الحريم ... عبدالله "وقف": ان شاء الله يبا..."طالع في وائل كان وده يقول له تعال معاي وفرصه يشوف شيماء ..بس شافه منزل راسه ويطقطق على جواله ..وماحب يزعجه". رجع عبدالله ومعاه السفر ورماها على خالد وسعود ... عبدالله : يالله جهزوا السفر ..حتى و نجيب باقي الغداء انا وائل من قسم الحريم ... وائل "رفع راسه بسرعه لما سمع اسمه ..": ليه وش باقي تجيب صحن الرز وخلصنا ماله داعي اجي زيادة عدد "ونزل راسه ورجع يطالع في الجوال " عبدالله " معصب ": اقول قم ساعدني .. قال صحن رز قال ...الحريم مسوين سلطات وحلى وفاكهه وايدامات كل هذا انا بجيبه لحالي ..قم يالله.. ابو وائل : قوم يا ولدي قوم ساعد عبدالله... وائل "ماحب يرجع كلمه ابوه ..قام وهو ماله نفس ..واتجهه لقسم الحريم ورى عبدالله وهو ساكت ... عبدالله " وقف ياخذ صحن الرز من شيماء ": ترى خطيبك معاي ..هههههه... ضبطي كشتك لا يشوفك وينحاش ... شيماء "بصوت رافع":مالت عليك وعليه ..."عطت عبدالله الصحن وطنشت وائل ورجعت المطبخ " عبدالله "يمر من قدام وائل اللي واقف بملل متكي على الجدار ومكتف يدينه": لا بالله جايبك تسرح هنا .. وائل " اللي سمع كلام شيماء ..وتضايق ان هالكلام يطلع من خطيبته .. ويفكر في عبير اللي ملكت قلبه وتفكيره ..": خلاص انت من الاوامر ترى عطيتك وجه بزياده .. طنشه عبدالله وراح يودي الصحن لقسم الرجال ..على جيه سعود لعند وائل .. وائل "يطالع سعود وهو يقرب منه ":خير وش جابك حتى انت ما سلمت من عبدالله ههههه سعود: يخسى قال عبدالله قال ...لا لا ..اختي دقت علي قالت تعال خذ صينية الحلى ... سمعت عبدالله يصارخ قالت انه معصب وخافت يخرب حلاها والا يطيحه ههههههههه وائل "بس سمع سيرة عبير ...ابتسم .. وتغيرت ملامحه وصفي وجهه بعد اللي سمعه من شيماء": أي والله صادقه عبدالله معصب علينا كله ذا عشان بينقص كيلو من الروحه والرده ههههههههه.. عبير"واقفه عند الباب .. ما كانت تدري ان وائل متكي على الجدار اللي قريب من الباب ..بصوت رافع": شيماء اخوك راح...لاني دقيت على سعود يجي ياخذ حلاي .. وائل " فز قلبه لان سمع صوتها وعرف انها ممكن تطلع تدور على سعود لان الباب قدامه وسعود معطي الباب ظهره .. وبدا يلمح الصينيه تظهر ويدها ماسكه الصينيه ..وقلب وائل يدق بسرعه..واخيرا طلعت كلها .. قدام الباب ..وائل يحاول يلقط كل ملامحها ولبسها بدون ما ينزل عينه عنها ... عبير" انصدمت لما شافت وائل ":واي ..." ورجعت للداخل عند الباب ..وهي حاطه يدها على صدرها .." سعود" انتبه للصوت .. وما لمحها الا وهي راجعه لعند الباب ": عبير.. عبير..."راح يلحقها وصل لعند الباب ولقيها ..تتنفس بقوه ..وحاطه يدها على صدرها ويدها الثانيه ماسكه الصينيه ومنكستها والحلى على وشك انه يطيح على الارض ...سعود مسك الصينيه قبل لا تنكب ..وضحك من شكلها ...": بسم الله عليك وش فيك " ويطالع في وائل ..اللي كان يطالع فيه " ههههههه حصل خير هذا وائل ولد عمي ..وش فيك كانك شفتي وحش " ويطالع في وائل ويغمز له"ترا ماهو شين لها الدرجه مزيون طالع علي هههههههههههههههه.. .. عبير"تضحك على تعليق اخوها ..وتقول لنفسها اوه يا سعود ما تدري اني قد شفته و قد حسيت بحضنه .. بارتباك لما حست على نفسها ":هههههه... طيب ما علينا... وهذي الصينيه انتبه لها يا حبيبي ..وبالعافيه على قلوبكم .. سعود"ياخذ الصينيه ..الله يعافيك يالغلا .. "وذاق من طرف الصينيه باصبعه " الله ..صدق الحلى من الحلى .. عبير" ضحكت .. وبكل ثقه ":اكيييد وائل" ما شال عينه عن سعود وهو يكلم عبير .. ويحس انه يشوفها..ويشوف حركات فمها وهو يسمع صوتها ..ويشوف غمازاتها الصغيره اللي معطيه لضحكتها جمال وجاذبيه .. ويسمع دقات قلبها الخايفه من الروعه.. شعور حلو اول مره يحس فيه .. وكلمة حبيبي اللي قالتها لسعود حركت مشاعره بقوه كانها قالتها له " سعود"يكلم عبير": خلاص والا باقي شي اخذه معاي .. عبير: لا عيوني خلا....ص " وتقطع سمر كلامها بصوتها الرافع" سمر "وهي شايله صحن كبير فيه الايدامات ": وخروا طرريق اللي قدامي يوخر ..." وجمدت مكانها لما شافت سعود في وجهها وعبير لفت عليها وهي تقول سمر انتظري" .... سمر"صنمت مكانها": .............. سعود"واو ايش هالجمال ..هذي سمر والله كبرت ..واحلوت ..وتذكر نفسه ونزل راسه ..وبابتسامه ": انا رايح .وهذا وائل هنا . وائل " سمع اسمه وقرب من سعود ..": فيه شي .. سعود"باحراج": الظاهر اختك معاها صحون لك ... وائل" يمد يده وياخذ قطعه من الحلى ": امممممم ..يمي يمي لذيذ وربي ... سعود: ايه شغل عبير ما تلعب ...بس ترى بعلمها انك خربت شكل الحلى باصابعك ..."وائل يبغى يضرب سعود بس سعود هرب منه وهو يضحك .." وائل "قرب من الباب .. ونزل راسه ...وتنحنح ": يا ولد ... سمر : انا بنت مو ولد .. وائل " رفع راسه لها وهو مبتسم":واحلى بنت بعد .. سمر" تمد له بالصحون": الله الاخ مروق على الاخر ..ان شاء الله دوم.. وائل"ياخذ الصحون من عندها ": تسلمي يا اختي العزيزه"وغمز لها" وش رايك بسعود ... سمر"مرتبكه": ها وائل : هههههههههههههههههههههه سمر "عرفت ان وائل حب يحرجها ...سحبت الكاب من على راسه": طيب اوريك ..تضحك علي هاه..ما بعطيك الكاب عقاب لك ..."لما سحبت الكاب شعره جاء على وجهه وعيونه ..وصار وائل ينفخ بفمه على شعره ويحركه يمين ويسار عشان يوخره من على عيونه وسمر رجعت سحبت شعره كله على قدام وهو يضحك على رده فعل اخته .." في هالوقت عبير معاها الفاكهه وبتروح تحطه جنب الباب حتى يجي احد من الشباب ياخذه ..ولمحت وائل وشعره على وجهه وهو يضحك وحركه راسه بس هو مو منتبه لها عبير " صنمت من منظره ..وقلبها دق بقوه ..وغصب عنها ابتسمت من شكله .. " وائل" لمح عبير من بين شعره اللي على عيونه .. وحس فيها انها ابتسمت ..تفكرني ما اشوفها .. فديتها وفديت نظراتها ..." عبير " حط يدها على فمها لما حست ان وائل يطالع جهتها بس مو متاكده .. رجعت على ورى .. وهي تقطع نفسها وتلومها ليه صنمت تطالع فيه..." سمر : يالله روح تاخرت على الرجال الايدام برد ... وائل"والبسمه ماليه وجهه خاصة بعد ما شاف عبير : من عيوني . وراح يودي الصحون... ورجع بسرعه ياخذ الفاكهه لانه توقع يشوف عبير ...بس ما طلع له الا شغالة عمه" سلينا " ولما سالها وين البنات قالت انهم يتغدون برا على الفراش اللي قدام قسم الحريم. رجع وائل للرجال ..وبدأ يتغدون وجدتهم كانت معاهم ... واول شي اكله وائل الحلى وخلص صحنه ..وبعدين بدا بالكبسه ..طبعا ما سلم من تعليق الشباب بس هو كان يرد عليهم ببرود...الجو حار وابي شي بارد.. وائل كان يعرف كيف يتحكم في مشاعره وما يخلي احد يلقط عليه شي ..وخاصة انه خاطب ..يخليه تحت المجهر ..ونادرا ما يسلم من تعليقات الشباب عليه .. | ||||
|
| |
|
12-11-12, 05:53 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| خلصوا الرجال من الغداء وشالوا السفر ..جالسين يشربون شاهي.. الجده"توقف بصعوبه": احمد ياولدي ساعدني اروح عند امهاتك.. الجد : وين بدري خليك معنا .. الجده : بروح اخذ علاجي .. اولادها: طيب واحد من الشباب يجيب علاجك وخليك معانا يا يماه. احمد يقوم يمسك بيد جدته... الجده :ما عليه انا بروح اخذه وابغى انام لي شوي في غرفتي .. يالله يا ولدي مشينا.. احمد :يالله يا جده انتي تامرين امر ...ولو ..كم مريم عندنا ... الكل :هههههههههههه الجده : أي والله وانا كم احمد عندي .. احمد "يطالع على الشباب بتكبر وهو رافع خشمه .. ويمسح حواجبه ..ويعدل ياقة ثوبه...فرحان من مدح جدته له " الشباب ضحكوا من شكله وحركاته : ههههههههههههههههههههه """""""""""""""""""""""""""" ..........قسم الحريم.......... الامهات...طلعوا يريحون في غرفهم شوي قبل صلاة العصر ... اما البنات مسويات دائرة وحاطين في النص فصفص وشاهي ..وجالسين يسولفون ... قطع عليهم سواليفهم ..صوت الجده اللي واضح انه بعيد عنهم شوي . قامت نجوى وفاء بسرعه لجهة الصوت يفكرونها لوحدها عشان يساعدونها تدخل ترتاح في غرفتها ... نجوى , وفاء :امي انا بساعدك ..انا ..انا احمد "وقف يطالع في البنتين اللي جايات بسرعه وحده اخته بس الثانيه هي اللي لفتت انتباهه...هذي نجوى ...؟!" نجوى "تو تنتبه ان احمد فيه .. وهي على نفس سرعتها ..لفت ورجعت للبنات ..بدون أي تعبيرات على وجهها ولا شي .." وفاء , واحمد طالعوا في نجوى وهي راجعه ولا كانها سوت شي وطالعوا في بعض ..و: ههههههههههههههههههههههههه ههههه الجده "ما قدرت تمسك نفسها هي كمان من شكل نجوى ": ههههههههههههه الله يصلحها نجوى متى بتكبر ... وفاء"وهي تضحك":هههههه هاتي يدك يا امي .. احمد"وده يشوف نجوى مره ثانيه": انا بوصل امي لغرفتها. الجده : لا انت ولا انتي خلاص وصلت ..بس من القعده ارجولي يبست ...فقلت لـ احمد يساعدني .. وفاء "وهي تمسك يد جدتها ": ما عليه بمسكك ..عشان نتمشى مع بعض ... ومشيوا راجعين لقسم الحريم ... واحمد رجع قسم الرجال وهو يتذكر شكل نجوى ويضحك شوي ويبتسم شوي ... نجوى من لما رجعت عند البنات بعد موقفها المحرج قدام احمد ..ما تكلمت ولا قالت شي جلست في الركن ومكتفه يدها وساكته ... دخلت وفاء والجده .. وطالعوا فيها وابتسموا...وكملوا طريقهم لغرفة الجده .. نجوى " اشوا وفاء ما علقت يا حبي لهالبنت مؤدبه ما تحب تحرج احد ".. وفاء تطمنت على جدتها انها اخذت العلاج وطلعت من غرفتها بعد ما لبستها بالبطانيه ..وتاكدت انها مو محتاجه شي ... وفاء طلعت عند البنات وهي مسرعه وتقلد حركه نجوى ... وبعدين تلف وترجع مكانها ..وهي فاطسه ضحك ...هههههههههه البنات : يطالعون فيها مو فاهمين شي .. مو فاهم الا نجوى .. اللي الكل طالع فيها وهي جالسه بالركن وعيونها بدت تدمع وهي تضحك على تقليد وفاء لها ... وقالت لهم وفاء الموقف اللي صار...والكل ضحك على شكلها.. نجوى"بصوت عالي": يا حماره وانا اقول البنت طيبه ما تبغى تحرج احد ما تكلمت قبل شوي ...ههههههههههه اشوف فيك يوم يا وفاء ... الكل : هههههههههههههههههههه ................ وقت صلاة العصر قام الكل في قسم الرجال وطلعوا برا المزرعه متجهين الى المسجد القريب من المزرعه .. لان مزرعتهم بين مزارع كثيرة .. فجمعوا فلوس وبنوا مسجد ينفع المزارع كلها .. اما في قسم الحريم صحيوا الامهات والجده عشان يصلون ..والبنات ينتظرونهم يخلصون الصلاة لانهم قد سبقوهم وصلوا ...وما فصخوا العبايات يبغون يتمشون في المزرعه لان الشمس صارت خفيفه و الجو طالع مرره حلو ... نجوى: اوف متى يخلصون بتروح علينا العصريه واحنا ننتظر . وفاء : اما بتروح ...ترى توه اذن يمديك ... نجوى: ابغى اشوف كل شي في المزرعه .. شيماء : اللي يسمعك يقول اول مره تجيها ..احنا نجي كل سنه مره او مرتين ..يعني حافظينها صمم.. نجوى : يا ذكيه جدي ضبط المزرعه وغير فيها اشياء كثيرة ..عبدالله قالي ان فيه مسبح وفيه ملعب كرة طائرة وملعب تنس .. هاه يا ست شيماء تدرين والا ما تدرين ... الكل : والله ...احلفي ...من متى .. نجوى " بتكبر ": تراكم من غيري ما تعرفون شي .. سمر: عدال يا نجوى كرم ... الكل : هههههههههههههه... شيماء " تطالع عبير.. وبقهر": ليه حاطه مكياج على وجهك واحنا بالمزرعه..ترى ما يحتاج تضبطي محد غريب .. عبير" مستغربه ..وتحط يدها على وجهها": مكياج؟! .. وين المكياج..والله ما حطيت شي من امس لما كنا بالبيت ... سمر"تطالع عبير": بسم الله عليك ماشاء الله مع الشمس كانك حاطه مكياج..سمي على نفسك بعض الناس ما يذكرون الله"تقصد شيماء " وفاء ونجوى : بسم الله ماشاء الله ... شيماء "بدون نفس": ماشاء الله ..بس كنت ابغى اوضح لها اننا هنا مو اغراب ..كلنا اهل ماله داعي الرسميات والكشخه ..وبعدين هذي طلعة مزرعه... وفاء :بس ايش طلعه مزرعه ....مرفهه ...هههههه عبير"طنشت كلام شيماء.. مع انها تغلي من جواء ..الله يعين وائل عليك":ايه جدي الله يعطيه العافيه ما قصر ..مسوي مزرعه خمس نجوم .ههههههه سمر ونجوى : أي والله صادقه ... شيماء " عطتهم ظهرها وهي رايحه عند المزارع": انا ما بنتظر احد اللي يبغى يجي يجي ...ايش يصلون هذولا التراويح ... وفاء "تطالع في البنات ": والله جد تاخروا ...انا بروح مع شيماء ..باي " وراحت تلحق شيماء ". سمر : دقيقه بروح اكلم امي اننا بنسبقهم ..."مسكتها نجوى قبل لا تروح " نجوى : لا تطلعين انتي بنادي الشغاله تقول لهم ..اخاف تطلعين ما تنزلين مثلهم شكل اللي يطلع فوق مفقود خخخخخخخخخخخخخ عبير وسمر : ههههههههههههههههههههههههه ه كلموا الشغاله تخبرهم عن مكانهم ...وطلعوا يلحقون شيماء وفاء .. ..................... طلعوا الرجال من المسجد ... واجتمعوا الشباب عند سياراتهم اللي برا المزرعه مع شباب المزارع اللي جنبهم يسولفون .. اما الجد والاعمام ...فرجعوا لبيت الشعر وهم في طريقهم لقيوا البنات لسى ما ابتعدوا كثير ... الجد "حاط كفه فوق عيونه ": هذولاك اللي هناك البنات والا الامهات .. الاعمام " باصوات مختلفه ": اتوقع البنات ..لالالا البنات ..شوفهم كيف صغيرات ونحفانات ... ابو عبدالله :وهذيك السمينه بينهم بنتي شيماء ..ههههههههه " ابو عبدالله ما عنده مشكله ان يتريق على بناته ..وخاصة ان مافهي الا ابوه واخوانه ..". ابو وائل "تذكر كلام وائل لما قال له ان عمك يبغى يملك في الصيف .. ورد وائل عليه انه لسى مو مستعد للزواج الحين ..ومو متحمس له اصلا .. وزفر زفره طويله ..وهو يطالع في شيماء ..وبصوت واطي ": الله يكتب لك اللي فيه الخير يا ولدي يا وائل . الجد " يطالع في ابو سعود ": اقول بنتك عبير هذي قاطعه من لما جيتوا من الشرقيه اول امس ما قالت بسلم على جدي واعمامي .. ابو سعود : لا لا يبا الا عبير ..بس اكيد انحرجت تناديك والشباب كلهم موجودين ..بس الحين اناديها ..." بصوت عالي " عبير.. عبير .. عبير... تعالي سلمي على جدك .. البنات يلفون على جهة الصوت ... وتروح عبير لهم بعد ما رمت الطرحه على وجهها عشان لا تصادف احد من اولاد عمها .. ابو سعود" يكلم عبير": شيلي الغطاء عن وجهك مافيه احد.. الاولاد باقي برا يسولفون عند السيارات.. عبير"شالت الطرحه من على وجهها ... وبصوت خجول ": السلام عليكم .. الكل : وعليكم السلام .. عبير" قربت من جدها.. وسلمت في خده وفي راسه ..وفي يده ": كيف حالك يا جدو؟ الجد" مبتسم ": بخير يا بنيتي كيفك انتي .؟؟... وين ما تسالين عن جدك ..والا الشرقيه غيرتك علينا .. عبير" بخجل ..وبابتسامه ": انا بخير يا جدو... والله انت على بالي يا جدو على طول بس مدري متى الوقت المناسب والا كان جيتك من امس .. الجد : جدو هاه... وتقولين الشرقيه ما غيرتك ...انا قلت لكم لا تقولون لي جدو وش فيها لو قلتم يابوي ...اما جدو حقت اللبنانيين ما احبها ... ابو خالد : هههههه حلوه حقت اللبنانيين ... والله انك خطير يا يبه تعرف اللبنانييين ..ههههههههه الكل : ههههههههههههههههههههه في نفس الوقت عند الشباب .. خالد " يدور على جواله في جيب بنطلونه ما حصله ": يوه وين جوالي لا يكون ضاع علي الحين ... احمد : جوالك ..اممممم.. وين شفته ...ايه ايه في شباك دورات المياة من برا لما كنا عند المسبح نفطر الصبح ... خالد " بضيق ": بروح اجيبه واجي .. الشباب : اوكي ننتظرك ..." ودخل خالد المزرعه متجهه لقسم الرجال يدور على جواله ".. الاعمام : والحين بس السلام على جدك واحنا ما اشتقتي لنا والا نسيتينا ... عبير"كانها توها تستوعب ..وجهها احمر ": يوه اسفه ..انسى نفسي ولا انساكم " وقربت تسلم على ابو عبدالله ..ابو وائل ..ابو خالد" خالد " قرب من اعمامه اللي كانوا معطينه ظهرهم ...ولمح بينهم عبير اللي كانت الطرحه مرميه على كتفها ..ومبتسمه ابتسامه تدوخ..وقف يطالع فيها وهي تسلم على اعمامها .. وهو مو مستوعب اللي يشوفه ...هذي عبير انا متأكد انها عبير والدليل الغمازات اللي فيها .. والله انها مزيونه بقوه ..بس تذكر "منال " لالا يا خالد ..منال وبس ..يوه فديت منال واهل منال..وابتسم .. وبعدين تنحنح ": احم احم ..انا جيت فيه احد عندكم ... ابو خالد " لف على ولده ": ايه ايه انتظر شوي .." ولف ياشر على عبير " يالله يا بنتي الحقي خواتك الشباب جايين شكلهم .. عبير" وهي تركض جهة البنات ": ان شاء الله ..باي ابو سعود "لما تاكد ان عبير وصلت عند البنات": تعال يا خالد مافيه احد . ودخلوا كلهم بيت الشعر ...بس خالد جلس يدور على جواله لحد ما لقيه... خالد "دخل بيت الشعر يكلم اعمامه وجده": يالله انا بروح للشباب برا .. توصون شي ... الجد: ايه لا تتاخرون بعد ساعه تقريبا بنمشي للبيت ... خالد : ابشر يابوي ..شي ثاني .. الجد: دام الجوال بيدك كلم اختك عشان يرجعون بدري ولا ياخرونا ..توهم راحوا يتمشون في المزرعه .. خالد" مطلع جواله ..": ان شاء الله بكلمها الحين ...يالله مع السلامه "وطلع من بيت الشعر .. وطلع جواله يدق على وفاء .." ..... عند البنات.... وفاء "يدق جوالها وتطلعه من جيب بنطلونها ": هذا خالد ... هلا خالد .. خالد: ابوي يقول لا تطولون وارجعوا القسم لاننا بعد ساعه راح نرجع البيت ... وفاء" بطفش ": ليييييه ...بدري باقي ما انبسطنا ... خالد: انا ما كلمت اشاورك ...انا كلمت اعطيك خبر وبس ..عشان لا تعطلونا ...ولو جدي ما قال لي اكلمك كان ما فكرت فيكم ... وفاء "بزعل":طيب ..بنرجع ربع ساعه او نص ساعه بالكثير وراجعين القسم . خالد : اوكي يالله باي ... وفاء : باي .. وفاء "بزعل ": يقولون بعد ساعه بنرجع البيت ..يالله يا بنات بسرعه خلونا نتمشى لازم نرجع بعد نص ساعه بالكثير .. نجوى : يوه اغراضنا ما رتبناها .يبغالنا ساعه على بال ما نرتبها. سمر : أي والله صادقه ... عبير"بفرح": انا شنطتي مرتبه ما يحتاج ..لو الحين يقولون يالله ماعندي مشكله ..." وترفع حواجبها ..عشان تغيضهم .." ههههه سمر : والله انك منتي بسهله ... من وين صرتي مرتبه ... عبير : انا مرتبه من يوم يومي ..الحمدلله ... شيماء : البركه في الشغاله حبيبتي ..مو شطاره .. عبير " وتحاول تبقى زي ماهي مبتسمه ": حتى لو كانت الشغاله ..اهم شي انها مرتبه شنطتي ..مو مثلكم هههههههههه الكل : يؤؤ الله يعيننا اذا رجعنا .. وفاء : بسرعه يا بنات بنوصل هناك عند الملعب ونرجع ... الكل : يالله... عبير " شافت المكان اللي وصلت لعنده امس بالليل لما شافوها الشباب ..وتذكرت وائل وحضنه لها .. وتذكرت كلامه وحركاته وكانها تشوفه قدامها ...ابتسمت من قلبها ..وحمر وجهها ...وهي تطالع في المكان اللي مسك يدها فيه لما كانت تبغى ترجع عند الحريم وهو مسكها وقال لها صعب تدخلين كذا بالثوب ..هالمره من شدة الابتسامه وضحت حتى اسنانها " نجوى "تطالع في عبير": خير ان شاء الله ...ضحكينا معاك.. "الكل يطالع في عبير ...ولاحظوا ابتسامتها وحمرة وجهها " عبير" حاولت تبعد وجهها عن البنات": ولا شي تذكرت شي ..موقف وضحكت .... صار شي ... شيماء " بتنرفز": لا عادي خذي راحتك ...الحمدلله والشكر .. كملوا البنات تمشيتهم ...وصلوا للملعب ... ورجعوا بسرعه لقسم الحريم عشان يتجهزون لرجعة البيت ... .................................................. ........ الشباب شغلوا سياراتهم ...وكلموا امهاتهم يطلعون الشنط والاغراض .. مع الشغالات ..على بال ما يجهزون ... ونزلوا الشغالات " كل بيت من الاعمام عنده شغاله " والشباب يرتبوها في السيارات .... وائل " وهو يسكر باب شنطة السيارة ": خلصنا باقي نركب وخلاص .... الجد "معصب": وين الحريم هذولا ...قلنا بعد ساعه مو ساعتين ...غربت الشمس ... ابو عبدالله : الحين طالعين يا يبا لا تعصب عندك الضغط .." وشاف الحريم طالعات من قسمهم " شوفهم طلعوا بس شكلهم يسكرون باب قسم الحريم .. نجوى "ماسكه يد جدتها وتمشي بشويش " سمر "تمشي وهي ماسكه جوالها تطقطق فيه " عبير" شايله شنطتها في يد وفي اليد الثانيه كيس بنفسجي قماش كشخه حطت عباية سمر اللي عطاها وائل امس .. تبغى ترجعها لوائل او على الاقل ترميها في سيارتهم ..لانها خايفه يصير شي وسمر تحتاجها وتصير سالفه لها اول ومالها اخر ... كانت تمشي وتطالع في الكيس ..وتفكر كيف تسوي ..بس بعدين" زفرت بقوه وبصوت واطي" يالله على حسب الظروف واشوف كيف الوضع عند السيارات .." شيماء , وفاء " يتكلمون مع بعض .. الامهات بعد البنات والجده ونجوى اخر شي ... الشباب لما حسوا ان الحريم قربوا من السيارات ..كل واحد طلع سيارته .. عشان لا يضايقون البنات ... وصلت عبير اول وحده ..وجلست تطالع يمين ويسار تدور سيارتهم ..ولفة انتباهها سيارة وائل .. اللي ركبتها امس .. كانت اقرب سيارة لباب المزرعه ..وباقي السيارات موقفه قدام سيارة وائل ..وما كانت تدري ان وائل او أي احد من الشباب موجود.. تفكرهم لسى ببيت الشعر عند اعمامها وجدها .. عبير" فكرت تفتح شنطة السيارة وترمي الكيس فيها خاصة انها لفت تشوف سمر لقيتها بعيده عنها ومشغوله بجوالها .. قربت من سيارة وائل ..ولما مدت يدها تفتح الشنطه ..رفعت راسها لقدام ...وشافت وائل داخل السيارة ويطالعها من المرايه..." وائل " مين هذي اللي وقفت عند شنطة السيارة .. يكون سمر بس لا سمر ما تسوي لثمه تلبس نقاب .. شكلها غلطانه ..ركز في المرايا اكثر وشاف البنت تطالع فيه ..هذي العيون اعرفها ...عبير ..اي والله عبير ..فتح باب السيارة بسرعه واتجه لها عند شنطة السيارة.. وطالع فيه بدون ما يتكلم ..اي والله عبير ...يا ويل قلبي ..":شكلك غلطانه في السيارة ..سيارتكم هناك " واشر على مكان سيارتهم". عبير " تجمدت من شكله وهو لابس تيشرت اسود بدون اكمام وبنطلون جينز .. وكل شوي يرفع شعره من على وجهه ...بالقوه قدرت تفتح فمها وبصوت واطي ": خذ العبايا حقت سمر.." ورمتها عليه ..ومشت بسرعه من جنبه ".. وائل " يطالع فيها ويطالع في شنطتها اللي في يده ..وهي شكلها ملخبطه ..بدال ما تعطيه الكيس اعطته شنطتها .. لف عليها بسرعه ..وابتسم": عبير ..عبير ... هذي شنطتك ..الظاهر العابايه في الكيس.. عبير " وقفت لما سمعت كلامه ..ورفعت يدها تشوف هل فعلا الكيس معاها .. ولما تاكدت انها لخبطت ..احمر وجهها ..وخبطت جبهتها ": يوه ...الله يلعنك يا شيطان " ولفت بسرعه مدت يدها تاخذ شنطتها..وما حست انها لمست يد وائل .. والكيس رمته على الارض .. وراحت بسرعه لسيارتهم".. وائل " لما شافها تمد يدها تاخذ الشنطه حاول يلمس يدها .. وفعلا لمس اطراف اصابعها ..اللي اول مره يلمس يد بنت بحياته ... حس انه ملك الكون كله ... لف بسرعه شاف اخته سمر واقفه تطالع يمين ويسار واضح انها تتاكد من السيارة ...نزل بسرعه للارض ..واخذ الكيس ..ومافيه وقت يحطه ورى لان اخته بتنتبه له ...فتح باب السواق ورمى الكيس فيه ...ورجع يأشر لسمر ... اللي بس شافت اخوها راحت لعنده بسرعه وركبت ورى .. وطلع وائل السيارة لما شاف ..شيماء وفاء جايات ... وائل " يحاول انه ما يطالع في شيماء.. اللي راح تمر من جنب السيارة عشان تروح سيارتهم ..": سمر وين امي وزوجات اعمامي وجدتي .. سمر" بدون ما ترفع راسها ..وهي تطقطق في جوالها ": جايين جايين ورانا ... وائل"تنفس بقوه .. وطالع في سيارة سعود .. ولمح سعود نزل من سيارته وفتح القزاز حق السيارة اللي ورى جهة عبير ومدخل راسه لعندها ..وجالس يسولف معاها شوي يضحك وشوي يمد يده ويضربها في راسها .. وشوي يشوف عبير تمد يدها اللي طلعت من القزاز وكانت بتضرب سعود بس انه بعد عنها وضربت يدها في السيارة .. اوه سلامة يدك عبورتي ...سعود يا حمار لا تسوي فيها كذا صدق ما يعرف انها ناعمه ...ويشوف سعود وهو يضحك بقوه...وائل بلا شعور ضرب له بوري ..سعود لف يطالع وائل ...لازم اريحها من سعود الغلس ...سعود يأشر لوائل ..بيده يعني ايش تبغى .. وائل ياشر له تعال ... سمر " رفعت راسها لما شافت وليد ضرب البوري ..ولمحت سعود جاي لعندهم ..وجلست تطالع فيه وهو يكلم وائل " سعود " واقف عند قزاز وائل ": هاه بغيت شي ... وائل " ما يدري ايش يقول له ": ا ا .... ايه ايه ... كلم جدي واعمامي ينزلون الحريم ركبوا ... سعود" يطالعه من فوق لتحت ": بالله مناديني عشان كذا.. وليه انت ما تدق .. والا على راسك ريشه ... وائل : شفتك نازل من سيارتك قلت اكيد فاضي تبي شغل هههههه سعود " رافع واحد من حواجبه": وائل وش عندك قول ." وهو يتكلم طالع ورى وشاف سمر تطالع فيه ..وانحرج ..بس فرح بنفس الوقت ... رجع طالع في وائل ": ابشر ...بكلمهم الحين انت تامر امر .."طلع جواله وبعد عن السيارة وراج عند بوابة المزرعه.." وائل " لمح سعود وهو يطالع في سمر..وكمان طالع في المرايا وشاف سمر تطالع في سعود": ايه خلك كذا عشان كللنا نحبك .. سمر " تفاجات من كلمه اخوها وطالعت في المرايا شافته يطالع فيها ..انحرجت ونزلت راسها ...وانتبهت للكيس اللي فيه ثوب وشماغ عبير.. فتحت الكيس .. بتعجب " : وائل ... وائل "بلا اهتمام": هممممم.. سمر : انت جبت معاك ثوب وشماغ ؟ وليه راميهم في الكيش كذا "طلعت الشماغ واستغربت من شكله ابو كتل ..": غريبه من متى عندك هالشماغ اول مره اشوفه .. وائل "لف بسرعه يطالع فيها ": ايشششش ..اها ...الشماغ ... وكانت سمر بتطلع الثوب... بس وائل نزل بسرعه من السيارة ..وفتح الباب اللي عند سمر ..وسحب الكيس والشماغ من يدها .. وائل : هذا ثوب وشماغ صاحبي شكله نسيه عندي ..هاتي بحطه بالشنطه .. سمر "بتعجب ": من متى واحنا جايين المزرعه ما كان موجود هنا؟ وائل : هو تحقيق يعني .."وقفل الباب.. ياربي انا كيف راح من بالي ..ورجع لشنطة السيارة وفتحها ولف يطالع في سيارة سعود .. لو فيه فرصه يروح لعبير يعطيها الكيس ..بس شاف الوضع مرره صعب .. الحريم بالسيارات ..والجد وابوه واعمامه جايين ..ففضل انه يخلي الكيس بشنطة السيارة .. بس خاف الشغاله تدخله مع اغراضهم ..ففتح شنطته ودخل الكيس مع ملابسه اللي بس ضغط على الكيس شوي عشان يسكر الشنطه طلعت ريحه عطر عبير الهاديه ..غمض عيونه وسحب اكبر هواء لصدرة من ريحة العطر ..وابتسم ..ان فيه شي من ريحتها معاه ...سكر باب شنطة السيارة ..ورجع جلس مكانه وهو يناظر في سيارة سعود... الكل ركب سيارته هو وزوجته واولاده ..والجده والجد مع ولدهم الكبير محمد في سيارة وائل ... متجهين الى بيوتهم ... في الجزء الرابع ان شاء الله ...تبدأ احداث روايتنا من بيوت الاخوان ابو وائل ..وابو سعود..وابو خالد .. وابو عبدالله واحداث جديده ... انتظروني قريبا | ||||
|
| |
|
12-11-12, 05:58 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| >>>>>>>>>>>>>>>>>>>>>>>>>>>>>>>>>> الجزء الرابع <<<<<<<<<<<<<<<<<<<<<<<<<<<<<<<<<< الاخوان محمد"ابو وائل".. وصالح"ابو سعود".. وسلطان"ابو عبدالله".. وسالم "ابو خالد".. بانين لهم اربع فلل جنب بعض كل فله لها حوشها ومدخلها الخاص ...والجد والجده ساكنين عند ولدهم الكبير محمد "ابو وائل"..وكلهم يشتغلون في شركة ابوهم الكبيره ..وماشاء الله بينهم تفاهم وحب..وائل متوظف بالشركه من لما تخرج ..وخالد وعبدالله يتدربون فيها لما يكونوا فاضيين ...اما ابو سعود بما انه سافر الشرقيه من سنتين فتح له فرع صغير للشركه هناك ولده سعود يتدرب عنده .. وشوي شوي صار لها اسمها وبدات تكبر .. بس سفره للشرقيه ما خلاة ينسى ابوه وامه و اخوانه اللي يزورهم كل شهر مره لوحده ..ومع زوجته وسعود وعبير ..في الاعياد والاجازات ...ترتيب البيوت كالاتي : <>ابو وائل <>ابو خالد<>ابو سعود <>ابو عبدالله<> وصلت السيارات البيت مع بعض من المزرعه على الساعه 8 العشاء ..ونزلوا الاباء و الحريم لبيوتهم ..وتركوا الشغالات ينزلوا الشنط والاغراض .. والاولاد يدخلوا السيارت في الكراج الكبير...اللي كانوا مسوينه قدام الفلل الاربع وبانيين..غرفه بدورة مياه لحارس الفلل والكراج .. وائل "ما رضي يخلي الشغاله تطلع شنطته ..هو طلعها بنفسه..دخل غرفته وسكر الباب ..وطلع كيس عبير ":اه ..يا عبير ..وش سويتي فيني في يومين ..غريبه ..!! منتي قدامي في الاعياد والاجازات وقبل ما اخطب شيماء ...ايش صار الحين ..ليه قلبتي كياني ..ما صرت افكر الا فيك .. نسيت شيماء واهل شيماء .. اتوقع نسيتيني حتى اسمي ... ما صرت اقول الا اسمك ... المشكله وضعي ما يسمح ان حبك يستمر معاي ..انا خطبت ..وصعب اترك بنت عمي عشان اخذ بنت عمي الثاني ...لو ابوي وافق عمي ما بيوافق جدي ما بيوافق ..اه ..المشكله صرت اغار عليها حتى من اخوها اذا كلمها ..كيف لو بكره تقدم لها احد وخطبها ...ما اتوقع اني راح اخلي هالشي يصير..ليه يا وائل ..ترى انت ولد عمها ..مو ابوها ولا اخوها .. "رمى نفسه على السرير وسحب ثوب عبير والشماغ وضمها لصدره .. وجلس يشم ريحة عطرها فيه ..لحد ما غمضت عينه ونام وهو يفكر فيها ..ومصير حبه لها.." .................................................. ........ .................بيت صالح "ابو سعود"............................ عبير دخلت غرفتها وطلعت جوالها وشافت مسج من ريم صديقتها اللي في الشرقيه ... > عبير وينك ما عاد كلمتي ..اول ما تفضين كلميني لان ما عندي رصيد يا بخيله < عبير"تزفر بقوه ..وبضيقه ": كل مره تقول ما عندها رصيد ..المشكله اذا كلمتني ما تكفيها ساعه تتكلم وتقول علي بخيله .. ودي اقول لها عن اللي صار لي مع وائل بس مدري ليه متردده اقول لها ..لانها اكيد بتسمعني كلام يهز البدن مثل كل مره وتقول عشان مصلحتك.. يالله بكلمها يمكن محتاجه شي ... عبير "دقت على ريم ": الو.. ريم :الو عبير يالقاطعه يالبخيله وينك يا حماره... عبير " استغفر الله ..بدينا ": هلا ريم ..بس كنت مشغوله شوي .. ريم : في ايش مشغوله ..قولي لي .. عبير"بطفش ": رحنا المزرعه مع اعمامي ..من امس نمنا ليله ورجعنا .. ريم "بطريقه استفزازيه":ايه بنات عمك ملكات جمال مو مثلك ..عسى بس محد شافك من اولاد عمك.. لا يفضحك في الرياض .. عبير : يفضحنى ..؟؟!!! ليه ؟؟ ريم : لانك مدري على مين طالعه كلهم حلوين حتى الاولاد الا انتي ... وبعد الغمازات اللي في وجهك استغفر الله ..حتى اخوك سعود اجمل منك ... عبير" والعبرة خانقتها": لا تتكلمين معاي كذا يا ريم...قد نبهتك اكثر من مره ..تراني بشر ما اتحمل ... ريم : انا صديقتك اقولك في وجهك والا تبغيني اضحك عليك .. عبير "بحزن": ايه صديقتي بس مو كله مره تقولين لي كذا ..مره تقولين ياليت امك جابتك ولد مو بنت ملامحك ملامح ولد .. ومره تقولين جسمي مو حلو ..ومره غمازاتي ...ايش اسوي بنفسي ربي خالقني كذا ..."نزلت دمعه من عيونها " ريم "بكل مكر": عادي حبيبتي كل ساقط وله لاقط .. ما تشوفين اولاد اعمامك محد خطبك ...تصير مو مشكله .. عبير " وهي ماسكه بكوتها" : ريم اكلمك بعدين ..تونا راجعين من المزرعه وتعبانه ..مع السلامه " قفلت ..ورمت نفسها على السرير ...وجلست تبكي بقوه .. وهي تفكر في كلام ريم " ريم 18 سنه ...بنت عندها حالة نفسيه ..لانها لما شافت عبير اول مره لفتت انتباهها وانتباه بنات المدرسه الثانويه بسبب نعومتها وجمالها .. اللي كل المدرسه كانت تسال مين البنت الجديده اللي جت المدرسه .. وعبير بما انها بنت جديده ما كانت تعرف البنات ولا اخلاقهم ..فقبلت بصداقة ريم ..اللي استغلت طيبة عبير وان ما عندها احد في الشرقيه تقول له على اسرارها ..صارت ريم تعرف كل شي عنها ...حتى انها ورتهم صور لكل اعمامها واولادهم وبناتهم.. وهذا الشي خل ريم تستغل عبير ..وتعوض النقص اللي فيها ..بأنها تزعزع ثقة عبير بنفسها .وللاسف هي نجحت في هالشي ...وعبير اللي صارت تصدق ريم وتسمع كلامها ... ام سعود" فتحت باب غرفة عبير.. وشافت عبير تبكي وخافت عليها ..وبخوف":عبير حبيبتي وش فيك ..." تجلس جنب بنتها على السرير.." عبير" ترفع راسها وتحضن امها ..وتبكي بقوه": ماما.اه ..ماما.. ام سعود: بسم الله عليك يا بنتي وش فيك ..تعبانه ..؟؟ تكلمي يا بنتي .. عبير " ما قدرت تتكلم ..وجلست تبكي على صدر امها ".. ام سعود" حست ان بنتها متضايقه وتبغى تبكي عشان ترتاح فسابتها تبكي على صدرها وهي تمسح على شعرها وتقرا عليها ..حتى وهديت عبير شوي"... عبير "تطالع في امها وهي تمسح دموعها":ماما متى بنرجع للشرقيه.؟ ام سعود" ابتسمت لها": هذا اللي مزعلك يعني ..ابوك يقول بكره ان شاء الله بعد صلاة الجمعه ..هاه انبسطتي .. عبير :ان شاء الله .." وبعدت عن امها وحطت راسها على المخده وغمضت عيونها ".. ام سعود: لا تنامين يا بنتي تعشي اول وبعدين نامي ... عبير " مغمضه عيونها": ماما مالي نفس اتعشى بنام واي وقت اصحى فيه باكل أي شي .. ام سعود" باستسلام ": على راحتك ..." غطتها مضبوط باللحاف ..وهمست في اذنها بصوت دافي وكله حنان" نوم العافيه حبيبتي .. وفكري في شي حلو ونامي ...تصبحين على خير.. عبير " ابتسمت وهي مازالت مغمضه عيونها": وانتي بخير ماما.. "..طلعت ام سعود من غرفة عبير بعد ما سكرت النور وشغلت المكيف .. وعبير تفكر في كلام امها انها تفكر في شي حلو .. وتذكرت غصب عنها وائل ..ابتسمت ..ونامت ".. .................................. في بيت ابو وائل ..وفي الصاله ..الجد والجده وام وائل وابو وائل .. الجد : يا محمد "ابو وائل "... ابو وائل : هلا يبا بغيت شي ... الجد : اخوك صالح " ابو سعود"يقول انه ماشي للشرقيه بكرة بعد صلاة الجمعه .. ودي انه يجي يتعشا معانا اليوم .. الجده : أي والله ليته يجي ... ابو وائل "يطالع في ساعته": ابشر يا يبا ..بس ليتك تكلمت من قبل كذا الساعه 9 وربع ..اخاف انهم تعشوا والا شي ..." طلع جواله بسرعه من جيبه" بكلمه وان شاء الله انهم باقي ما تعشوا .. ام وائل : يا بو وائل استخدم تلفون البيت ..ريح اذنك من الجوال ..بعدين يجيك الصداع مثل كل مره .. ابو وائل : بس دقيقتين مو مطول .. الو ابو سعود ابو سعود: هلا ابو وائل ... ابو وائل : لا يكون تتعشون ... ابو سعود : لا والله باقي ما تعشينا ... بغيت شي ..حياك تعشا معنا ونتكلم ... ابو وائل : لا انت اللي بتجي عندنا تتعشا انت والاهل .." يطالع في ابوه وامه وهو مبتسم "تراها عزيمه من ابو محمد وام محمد شخصيا ههههههه... ابو سعود :ههههههه اذا على كذا مقدر ارفض العزيمه ..جاييين .. ابو وائل : ننتظركم مع السلامه .." وقفل الجوال ..وطالع في ابوه وامه.. وابتسم ".. هاه مبسوطين الحين.. الجد والجده : الله يرضى عليك ياولدي... ابو وائل : آمييين ...." يطالع في ام وائل " وين وائل ؟! ام وائل : مدري من يوم جينا ما شفته ..يمكن عند احد من اولاد عمه. ابو وائل : بكلمه اشوف وينه " وطلع جواله ".. ام وائل : لا لا بالجوال لا ..خلاص انا بدق عليه من تلفون البيت .. ابو وائل "باستسلام": طيب كلميه وقولي له يجي يكلمني عشان اوصيه يجيب عشاء من المطعم .. ام وائل : ان شاء الله " دقت على جوال وائل ... وتنتظر يرد عليها" وائل " سمع نغمة جواله ..وفز من النوم وهو مرتبش وعيونه حمرا ...ويدور على جواله يمين ويسار .. لحد ما ركز ان جواله باقي في بنطلونه ..طلعه بسرعه .. ورد بصوت ثقيل ": الو ام وائل " مستغربه من صوته ..وبشك ": وائل ...!! كنت نايم ؟!! والا وينك ... وائل " يتنفس بقوه ويمسح على وجهه بيده ويرجع يجلس على سريرة بهدوء..وبكسل ": ايه يمه كنت نايم ..انا بغرفتي ..نمت ما حسيت بنفسي ... ام وائل : بسم الله عليك .. خلاص قفل بطلع عندك ... وائل : طيب .." رمى الجوال على المخده ..ورجع بجسمه على السرير ورجع غمض عيونه ومد يدينه الثنتين بكسل .. ولمست يده اليمين كتل شماغ لا شعوريا سحب الشماغ ويطالع فيه ..يحاول يتذكر..وفجأة فتح عيونه ... وائل : هذا شماغ عبير .."ويطالع في الثوب" ..ثوب عبير" وتذكر " امي ..امي ..جايه الحين ...وين اودي الثوب ... ام وائل "تدق باب الغرفه ": وائل .. وائل " بسرعه ياخذ الشماغ والثوب ويحطهم تحت لحاف السرير .. وقف ".. أاأ ...أدخلي يمه... ام وائل " فتحت الباب وتطالع فيه وهو واقف ومرتبك ": وش فيك يمه بسم الله عليك ... وائل : لا لالا ما ا ما فيني شي .. ام وائل " تقرب منه وتحط يدها على صدرة ..وحست بدقات قلبه السريعه ": هذا كله ومافيك شي " ابتسمت له" شكلك كنت غاط بالنوم وانا فجعتك..اسفه ياولدي كنت احسبك عند اولاد عمك ..بسم الله عليك .. وائل "يسحب يد امه من على صدره .. ويبوسها على يدها ": لا يمه عادي فديتك ...آمري وش بغيتي ... ام وائل : الله يرضى عليك ياوائل ....ايه ...ابوك عزم عمك صالح "ابو سعود" على العشاء لانه بيسافر بكره بعد صلاة الجمعه ...وكان يبغاك تمرله بالصاله عشان يقول لك تجيب عشاء من المطعم ... وائل" فرح لما عرف انهم جايين عندهم": ايه تامرون امر ..بس اخذ دش سريع واغير ملابسي وانزل له .. ام وائل :مافيه وقت يا ولدي دش وتغيير ..ملابسك نظيفه ومافيه وقت الساعه 9 نص ..روح جيب العشاء واذا رجعت خذ لك دش وغير ..على بال ما نجهز العشاء..هاه وش قلت ... وائل"باستسلام ": طيب طيب يمه ..."واخذ مفتاح سيارته ..ولف ياخذ الجوال من على السرير ...تذكر شماغ عبير والثوب اللي تحت اللحاف ..لف لامه ": يمه ..أ أ أ ..اسبقيني شوي وجاي .. ام وائل : طيب ..بس لا تتاخر ..ابوك ينتظرك ... وائل : ابشري ما بتاخر ..." طالع في امه وهي تسكر باب الغرفه ..ولف بسرعه اخذ الشماغ والثوب ..ودور على الكيس ..ودخل الثوب والشماغ فيه بسرعه وفتح باب الدولاب عشان يحط الكيس فيه ..بس وقف شوي يطالع في الكيس ..وبلا شعور ...فتحه وطلع الشماغ ..وضمه بقوه لعند وجهه وهو مغمض عينه ويشم بقوه ..حتى حس ان رئته بتنفجر من كثر ماهو ساحب نفس ..زفر زفره طويله ...بعدها ضحك على حركته .." :ياربي انا ايش قاعد اسوي ..وربي لو احد يشوفني يقول مهبول .." رجع الشماغ ورمى الكيس في الدولاب .. وطلع من الغرفه ..ونزل جري من الدرج وراح لابوه بالصاله ..اللي وصاه على عشاء ...وانطلق بسرعه للمطعم بحماس ..دام السالفه فيها عبير ... ............................ ام سعود : ايه ما عندي مانع ..بس ..عبير نايمه .. ابو سعود : صحيها ... ام سعود"ماحبت تقول له انها كانت تبكي عشان لا يقلق عليها": امم ..ايه بصحيها ..."لو تيجي احسن لها يمكن تغير جو مع سمر..مع اني اتوقع من الحين انها بترفض بس بحاول معاها "... ام سعود" في غرفه عبير ": عبير ...عبير "وتحك لها شعرها"عبير يا بنتي يالله قومي ...يالله ..عمك محمد عازمنا على العشاء ...قومي يابنتي ... عبير "بكسل": همممممممم.... ام سعود : يالله يا بنتي ..تعالي معانا عند عمك ..وشوفي سمر وانبسطوا مع بعض .. عبير :.................. سعود كان لابس ثوب اسود ..بعد ما اخذ له دش معتبر..ومتعطر بافخم عطر ... .. شعره سبايكي...كان شكله جذاب ... مر من قدام غرفة عبير ..وشاف امه جالسه على طرف سرير عبير النايمه ... سعود"يدق باب غرفة عبير بخفه .. عشان امه تنتبة له..لفت امه عليه..وبصوت واطي ": يمه ..وش فيكم بطلتوا تروحوا عند عمي ؟!... ام سعود: لا ما بطلنا بس اختك نامت وجالسه اصحي فيها ..مو راضيه تصحى .. سعود"قرب لعند سرير عبير": خلاص يمه روحي انتي تجهزي وشوفي ابوي .. .وانا بصحيها ... ترى تاخرنا عليهم .. ام سعود: طيب ..انا بروح اتجهز..."وطلعت من الغرفه ".. سعود"جلس مكان ما امه كانت جالسه ": عبير..عبير.. عبير : همممممممممم... سعود:يالله قومي بنطلع ... عبير"بدت تفتح عيونها شوي شوي ..وهي تلف تطالع وين جالس سعود.. وبصوت كل نوم ":وين نطلع ... سعود "يضحك": هههههه والله كنت عارف بس بقول لك بنطلع بتصحين هههه.. عبير"وهي تفرك عيونها.. وتثاوب ..تطالع فيه": يا كذاب ..اوف منك ليه تصحيني ..."ولفت طالعت في الساعه 10 "..اكيد العشاء قلت لكم ما ابغى عشاء "ورجعت نامت "... سعود: هو عشاء بس مو هنا ...عند عمي محمد.. عبير"دق قلبها ..بقوه ..وفتحت عيونها ..ورجعت جلست ": بجد ..بنروح لعمي الحين ؟!..والا لعبة من الاعيبك ... سعود"بثقه ": والله بجد..حتى شوفي شياكتي "وقف وجلس يدور على نفسه " هاه وش رايك .. عبير" ابتسمت ": والله كشششخه خطيرة ... "وقفت عند الدولاب تطالع في ملابسها " يوه ماعندي لبس حلو ..ما اخذت الا كم بدله ولبستها كلها في المزرعه ..ولسى الشغاله ما غسلتها.. اوف.. سعود: ياربي على دلع البنات ...ترى مو زواج.. عشاء ..وترى بس احنا محد من اعمامي بيجي ... عبير : والله ...بس احنا " وابتسمت ".... سعود"ابتسم لما ابتسمت .": ايه بس احنا يعني لا تتعبين نفسك في التكشيخ ..."وطالع في دولابها ...ومسك بدله " امممممم هالبنطلون الاورنجي والبلوزة السكري روعه عليك البسيها "وغمز لها "يالله ننتظرك في الصاله لا تتأخرين ... عبير "ابتسمت لاخوها ": ان شاء الله ما بتأخر.. "وبسرعه اخذت اللبس اللي اختارة سعود ..وبحماس خصلت بسرعه " ..................................... وصلوا ابو سعود وام سعود لعند بيت ابو وائل ...الرجال بمجلس الرجال ..والحريم مجلس الحريم ... ........بمجلس الحريم ......... الجده .. ام سعود ..ام وائل ...عبير ..سمر سمر..بعد ما صبت القهوه لهم وزعت التمر ...طالعت في عبير ..اللي كان واضح من شكلها انها تبغى تنام او كانت نايمه ... سمر : عبير تعالي معاي المطيخ اوريك الحلى اللي سويته للعشاء . عبير"وقفت وراحت معاها ..المطبخ بدون ولا كلمه "... سمر "في المطبخ ..تاخذ جوالها وتدق على وائل ..وتكلم عبير": وش فيك يا عبير ..شكلك كسلان مرره .. عبير"بكسل وتتمطط ": اه كنت نايمه ..ولسى ما صحصحت ... سمر :الحين اسوي لك كوب نسكافه وبتصحــــ ... " رد وائل عليها " الو ..وائل .. عبير "تطالع فيها وهي مفتحه عيونها " سمر : هاه قول لي قربت توصل والا لا ... عشر دقايق ...عشان اقطع الحلى ..خايفه اقطعه ويذوب وانت لسى ما وصلت ...اها..يالله ننتظرك ... لا لا لا تودي العشاء المقلط ... دخل العشاء المطبخ واحنا بنطلعه ...ايه عندي عبير بنت عمي بتساعدني والشغاله ...ايه بنقدر ..يالله بسرعه لا تعطلني بروح اقطع الحلى ..يالله باي ... سمر "تطالع في عبير ": هاه صحصحتي والا اسوي لك نسكافيه .. عبير"بارتباك": لا لا مافيه دداعي ...شوي وبصحصح ... سمر"طلعت صينية الحلى من الثلاجه ..وقربت من عبير ": هاه ايش رايك ... عبير :واو ماشاء الله شكله روعه ..هذا تشيز كيك بالفراوله صح .. سمر"بفخر": اييييييه .. بس انا احب بالتوت ...بس هذا طلبات الشيخ وائل يقول ما يحب الا الفراوله ... عبير"تحاول تبعد صورة وائل من بالها ": هما كذا الاولاد الله يعين عليهم ...يحبون يتشرطون.." تبغى تضيع السالفه" الا ايش بتعشونا اليوم... سمر : مشويات منوعه مع سلطات منوعه جاهزة ..هاه ...عجبك والا ودك بشي ثاني .. عبير :ههههههههه الا عجبني ونص ... سمر : اشوا ..احسب بس ...ههههههههههه ....................... وائل " وصل البيت وهو يفكر في عبير ..من لما قالت له سمر انها بتساعدها في المطبخ ..شال نص اكياس العشاء ودخل البيت ...وقف بالصاله .. " وائل" بصوت رافع ": يماه ...يماه ...سمرر... ام وائل " تطلع من مجلس الحريم ": هلا يمه ... "تطالع في اكياس العشاء اللي بيده ":دخل الاكياس في المقلط .. وائل "ينزل الاكياس في الارض بالصاله ": هذي اوامر الست سمر اني ما اوديها الملقط .. اول شي ترتبها في المطبخ ... ام وائل : طيب ..خلاص يا ولدي ..خلها هنا وبقول للشغاله تدخلها المطبخ ..عشان بنت عمك مع سمر ..."تنادي الشغاله" دالي ..دالي. وائل : وانا بطلع اخذ لي دش سريع ..عشر دقايق وبنزل .."وهو طالع من الدرج يركض لفوق .."يماه .. باقي فيه الاكياس والعصيرات في السيارة قولي للشغاله تجيبهم .. ام وائل : طيب طيب ..بس روح انت لا تتاخر عن ابوك ...ويبلشنا بصياحه.... اخذت الشغاله العشاء للمطبخ .. وسمر وعبير رتبو المشويات في صحون ..وكل شي تمام التمام .. وصاروا يودون العشاء للمقلط .. ........................ ........................ وائل انتهى من الدوش واللبس ...لبس ثوب اصفر.. وسرح شعره على ورى وحط عليه جل..وتعطر..ونزل بسرعه متجهه لقسم الرجال .. وسلم عليهم ..وجلس جنب سعود ... وائل "يحط يده على رجل سعود ": ايش علومك يا سعود.. وحشتنا يا رجال ..ايش هالكشخه كلها .. سعود : اللي يسمعك يقول توني جاي من الشرقيه مو من امس في وجيهه بعض ..ههههههه وائل :هههههههههه ...تصدق اني بديت اصدق ... سعود" بتعجب ": وشو ... وائل : انك مطيح نص بنات الشرقيه ..هههههههههههههههه سعود : ههههههههههههههه دق جوال وائل ... سمر يتصل بك ... وائل : نعم سمر ... سعود".. غصب عنه ابتسم لما سمع اسم سمر ..."... سمر : وائل تعال شوف السفره ناقصها شي ... وائل "وقف ": يالله جااي ...باي" استاذن من سعود .. وراح للمقلط " ...................................... وائل" دخل المقلط .. طالع في السفر ":...حلو حلو.. تمام ..بس وين العصيرات .. والمويه ؟! سمر : ايه الحين بتجيبه دالي ..."دخلت دالي المقلط ..وحطت العصيرات ..والمويه على السفر "..خلاص دالي روحي المطبخ سوي شاهي ... دالي"تكلم سمر" : أبير تأول باكي الملاعك [ عبير تقول باقي الملاعق] .. وائل " حاط يده على خصره.. ويطالع سمر ": وش باقي ما نسيتي ان شاء الله ... سمر: يوووه ..دقيقه ..دقيقه .... الملاعق ..."ركضت عند باب المقلط ..ولقيت عبير جايه بالملاعق لها ".. مشكوووووره يا احلى عبوووره انقذتيني .."رجعت للسفره بتوزع الملاعق "... وائل "سمع سمر وعرف ان عبير هي اللي جابت الملاعق ": هات ..هات... انا بوزعها ... اطلعي من المقلط ..تاخرنا على الرجاجيل .. سمر"عطته الملاعق .. وطلعت من باب المقلط اللي جهة المطبخ ..وقفلته ..." وائل "مسك الملاعق وتحسسها بشويش ..كانه يلمس باقي اثار يد عبير عليها ..حس على نفسه ": انا وش قاعد اسوي .. "وبسرعه وزع الملاعق على السفره..وطالع في السفره بابتسامه ورفع حواجبه .." ...فريي نااايس .. "...واتجه لباب المقلط الثاني اللي جهة مجلس الرجال .. وقال لابوه العشاء جاهز .. وقاموا على العشاء".. ................................. عبير تسوي الشاهي ... سمر "تطالع في عبير وهي تسال الشغاله وين السكر والشاهي ": عبير ايش قاعده تسوين ... عبير"بلا اهتمام": بسوي الشاي ... سمر" باحراج ": لالا ..يؤؤ ..كيف تسوينه وانا والشغاله موجودين ..اتركي عنك بس انا بسويه ..مع اني ما اعرف للشاهي هذا بالمرره هههههههه عبير : بلا دلع ..وش فيها لو سويته ..بيت عمي وانا حره اسوي اللي ابغاه ...وبعدين اسمه شاي مو شااهي ...تعلمي الرقه .. سمر"باستسلام": دامك مصررره ..بكيفك ...بس اقول سوي برادين " وتكت على كلمه " شاااي واحد حالي وواحد مر عشان جدي ... عبير: ان شاء الله ... سمر"بنذاله": وسوي كمان براد ثاني للحريم ... عبير : ان شاء الله .. سمر "تبغى ترفع ضغط عبير ":ولا تنسين النعناع و الـ... عبير " اخذت اقرب وقايه من عند الفرن .. ورمتها على سمر ": اسكتي والا اطلعي برا ....وجعععع.. سمر :هههههههههههههههههههههههه� � .................................... تعشوا الرجال .. وطلعوا يغسلون عند المغاسل.. ورجعوا للمجلس ..ما عدا وائل وابوه ... ابو وائل " يكلم ولده بصوت واطي شوي ": شوف اهلك في المطبخ قول وين العوده والشاهي ..بسرعه يبه ... وائل :ابشر يبه .. اغسل يدي وبقول لهم .... ...ودخل ابو وائل المجلس ووائل راح للمطبخ ... سمر طلعت من المطبخ تجيب المبخره والعوده ..وعبير كانت بالمطبخ ترتب فناجيل الشاي ... وائل " قرب من المطبخ ولا يسمع فيه أي صوت ..غير صوت الفناجيل ..تطمن ان مافيه احد .. ودخل وهو مستعجل ": سمر بسرعه العوده والشـــ ...ـــأهـــ عبير" لفت بسرعه تطالعه.. وهي مفجووعه ..": بسم الله ..أأ وائل "وقف مذهول من شكل عبير.. وبلا شعور ..ابتسم لها .." عبير"لما حست ان شكلهم غلط ..صارت تنادي بصوت عااالي ": سمرر ...سمرر .. وائل "انتبه وقتها لنفسه ... ورفع كفه لها ": اسف ..اسف ..كنت افكر سمر اللي بالمطبخ ... وطلع جنب باب المطبخ ..وهو يفك ازرار ثوبه من عند الرقبه .. شوفته لعبير بأناقتها وانوثتها كانت كفيله انها تلخبط كيانه..مسح على وجهه وهو مبتسم ...على جية سمر وبيدها المبخره والعوده .... سمر"تطالع في وائل .. وبخوف ": وائل فيك شي ... وائل " توه يتسوعب ان اخته قدامه ": هااا ..لا لا سمر "بخوف": وائل وجهك احمر ..وفاتح ازرار ثوبك ..حاسس بدوخه والا شي .." بعصبيه "وائل تكلم... وائل " حس ان مافيه مفر الا يقول لها لانه اكيد عبير بتقول لها ولو كذب عليها خايف يشكوون ": لا انا بخير ... بس دخلت معصب المطبخ افكرك فيه .. وما لقيت الا عبير ..وشكلي خوفتها وهي خوفتني .." وابتسم ".. اشكالنا تضحك ..ههههههههه . سمر " تضربه على كتفه ": الله يهديك خوفتني عليك والله ...وبعدين شكلك يقول صار شي اكبر من كذا " وبنص عين" اعترف وش صار... وائل "رجعت ملامح وجهه للجديه": وش بيصير يعني ..اقول روحي بسرعه جيبي العوده والشاهي ... سمر: دقيقه بس احط لك الفحم في المبخره ..." ودخلت المطبخ و وائل ينتظرها عند الباب ..وبصوت عاالي " عبير خلصتي الشاهي .. عبير " ولسى واضح الربكه فيها والاحراج" : ايه خلصت.. سمر " تطالع فيها وهي تضحك ": ههههههههه وربي شكلك انتي ووائل تووحفه ... كل هذا عشان شفتوا بعض ...ههههههههه وائل " بعد ما سمع كلام اخته .. وبصوت عالي ": سمر يا زينك وانتي ساكته ...وبسرعه هات المبخره سنه وانتي تحطين الفحم .. سمر" طلعت وعطته المبخره ": امسك ودها وارجع خذ الشاي .. وائل اخذ المبخره ..وبخر الرجاجيل ..ورجع ياخذ الشاهي .. وائل " من عند الباب.. بصوت رافع ": سمر ...الشاهي سمر " بصوت عالي من داخل المطبخ ": هذي عبير تاخرت وهي تسويه دقيقه ... وائل " ابتسم لما سمع اسم عبير ": عسى ما نسيتوا تسوون شاهي مر لجدي ..؟! سمر: لا ما نسينا قلت لعبير وسوته ..بس لا عاد تقول شاهي قول شاي لا تعصب علينا عبير خخخخخخخخخخ عبير" ضربتها على راسها.. وبصوت واطي ": يا فضيحه اسكتي ... سمر " ماسكه على راسها ": أأأي ... وائل " لما سمع سمر تتالم عرف ان عبير ضربتها.. ضحك بدون صوت ..": طيب ..هاه خلص الشاهي ...أأأ ..اقصد " يقلد صوت سمر "الشاي... سمر وعبير طالعوا في بعض ...هههههههههههههههههه وائل " ابتسم لما سمع صوت ضحكهم ": اعيد النكته .. سمر " طلعت عطته الشاهي ": تفضل ... تآمر على شي ثاني يا اخي العزيز ... وائل : لا سلامتك ... والله يعطيكم العافيه كلكم ... سمر" لفت على عبير ": ترى يقصدك ..قولي الله يعافيك .. عبير" تاشر لسمر ..بذبحك ...".. سمر : ههههههههههههه وائل " يغمز لاخته يعني ايش قالت "... سمر " تاشر على رقبتها ..": بتذبحني ... سمر وائل : ههههههههههههههههههههههههه هههه .................................................. ............. رجع ابو سعود هو واهله لبيتهم ..والجد والجده راحوا للجناح تبعهم .. واجتمع ابو وائل واهله في الصاله ... سمر " راحت عند ابوها وسلمت على راسه ": يعطيك العافيه يا بابا على العشاء.. ابو وائل : بالعافيه ..بس حتى انتو ما قصرتوا ...الحلى والشاهي كانت من افضل مايكون... سمر " بفرح": احم احم ..بالعافيه يا بابا ...والله تعبنا بس عااد انتو تستاهلون ... وائل : اللي يسمعك يقول سويتي ذبيحه .. سمر" تفرك عيونها .. وتسوي انها تبكي": بابا كلمه لا يتريق علي... ام وائل : حرام عليك يا وائل البنت ما قعدت من يوم قال ابوك اننا بنعزم عمك ..وهي واقفه في المطبخ وسوت الحلى ورتبت الفاكهه ..وبعدين هي وعبير تساعدوا في العشاء .. وائل :اوووه دام الوالده تدافع عنك .. اجل بسكت احسن لي... الكل :ههههههههههههههههههه ابو وائل " يكلم سمر": قومي سوي لنا مثل الشاهي اللي سويتيه بعد العشاء ..بصراحه كان مضبووط ويعدل الراس... سمر " تطالع في ابوها وتطالع في وائل ..وبعدين رجعت تطالع في ابوها ": بلااش يا بابا الشاهي يسهرك ..روح ارتاح.. وائل "بسخريه ": اسموووه شااي مو شاااهي ... سمر" تفتح عيونها له يعني اسكت " ام وائل " فهمت بنتها ": سمر مافيها شي لو قلتي لابوك ان عبير اللي سوت الشاهي .. حتى انتي بتتعلمين وبتضبطينه ان شاء الله... سمر"نزلت راسها ..وبخجل ": ادري اصلا كنت بقول ان عبير اللي صلحت الشاي .." وائل ابتسم لما قالت شاي " .. بس كان قصدي بكره اسوي الشاي مثل ما شفت عبير تسويه ..واشوف بابا بيعرف الفرق بين اللي سويته واللي سوته عبير ... ام وائل : حصل خير يا بنتي ... ابو وائل , وائل : ههههههههههههههههههه سمر" معصبه" : وش يضحكم ... ابو وائل : اصلا كنت اعرف انه مو انتي اللي سويتي الشاهي .. سمر "فاتحه فمها .": هااااااااااااااا..." مو فاهمه "... سمر " تطالع في وائل بعصبيه ": انت قلت له صح ..هاااه ... ام وائل: من وين بيدري وائل ان عبير اللي سوته ...الله يهديك بس.. سمر" بخبث": الا يدري ... اقوووول والا ما اقوووول .. وائل " يحاول يكون متماسك ..ورجع ظهره على الكنب بثبات": قولي ..ما همني .... سمر " حست انها مو حلوه تقول لان اللي صار كان صدفه ..لفت عند ابوها": كيف عرفت يا بابا قول لي بسررعه ...والحين ........ وائل : ههههههه الصراحه عمي صالح ماشاء الله عليه ميز شاهي بنته ...اووووه .." خلى صوته ركيك " اقصد الشاي .. سمر :أجل انكشفت ...ههههههههه وائل : ومع مرتبة الشرف الاولى هههههه الكل :هههههههههههههههههههههههه� � ام وائل : والله ما كان ودي الا ارتاحت عبير ..مو حلوه جايه ضيفه ونعزمهم وهي واقفه بالمطبخ ... سمر : اصلا انا ما خليتها ..بس هي اصرت ..ولما قالت بيت عمي اسوي اللي يعجبني ..قلت براحتك... ابو وائل : دامها قالت كذا .. أي والله بيت عمها بيتها .. سمر : وخفت كمان اصر انها ما تسوي الشاي ..وبعدين تزعل ..زي لما زعلت في المزرعه ... وائل " بس سمع سيرة المزرعه وبخصوص عبير ...ارتبك ..وتغير وجهه ..خاف لا يكون عبير قالت لاحد عن اللي صار بينهم .. فجلس يطالع في سمر باهتمام ".. ام وائل : متى زعلت ...انتي زعلتيها ؟! سمر : لا مو انا .. زعلت لما عرفت ان وائل خاطب شيماء وهي ما تدري .. وائل "غمض عيونه و تنفس بهدوووء.. الحمدلله مو شي يخص لما كنت معاها ..فتح عينه ...يعني فعلا ما كانت تدري ...بس ليه زعلت ..يكون عبير حاسه بشي تجاهي مثل ما انا حاس... والا .." سمر : تقول ليه انا مو بنت عمكم ..ما تعلموني ..لانها تقول من لما رحت الشرقيه صرتوا ما تعلموني باي شي بينكم ..وكاني غريبه .. ام وائل : معقول ما تدري ... عبير حساسه من يوم هي صغيرة .. سمر : لا وبعد شيماء ...أ أأ " وحطت يدها على فمها.. وطالعت في وائل " أأأ ولا شي . وائل " يطالعها بوجه مستفسر ":وش فيها شيماء ..قولي .. ام وائل " تطالع في سمر يعني اذا شي مو زين لا تقولين ".. سمر "باستسلام ": بقول واللي يصير يصير .. قالت لها اللي بعيد عن العين بعيد عن القلب .. وتاثرت عبير مرره بس ما حبت انها تخرب القعده ..بلعت غصتها وسكتت ... ابو وائل : اجل اوصيكم كلكم من الحين عبير اذا دخلت هنا بيتي تعتبر نفسها في بيتها ..وما ابغى احد يضايقها او يسمعها كلام يغث ..وتسوي اللي تبغاه ..فاهمين .. سمر وام وائل : ان شاء الله ... وائل " تضايق شوي من سيرة شيماء .. وقف ":انا بطلع توصون شي؟ ام وائل : وين رايح يا وائل ... وائل " يلعب بمفتاح السيارة اللي بيده ": والله يا ام وائل بروح عند الشباب ... ابو وائل : مين الشباب ..اولاد عمك فيه ...؟ وائل : يعني انا صغير لازم اولاد عمي معاي ...!!!.. على العموم عشان تطمنوا ..ايه كلهم سبقونا في الكوفي شوب ...وسعود ينتظرني امر عليه .. ام وائل : يا ولدي مافيها شي نطمن عليك .. ابو وائل : والله هالزمن كل شي يخووف ... واذا اولاد عمك معاك بتطمن عليك اكثر .." ووقف رايح غرفته "..يالله بروح انام ولا تتاخر يا وائل بكره جمعه ..يالله تصبحون على خير ... الكل : وانت من اهل الخير ... ام وائل "تلف على وائل ": سمعت ابوك بكرة جمعه لا تتاخر .."ووقفت راحت وراه للغرفه "..يالله تصبحون على خير .. سمر لا تتاخرين ..نامي بدري احسن لك ..بدخل اشوف علاج ابوكم ..."وراحت الغرفه ".... سمر" تطالع وائل ": بتروح وتخليني لوحدي .. وائل "يطالع فيها وكتف يده ": ليه ودك تجين معاي عند الشباب .!! سمر"بملل": والله طفشاانه يا وائل ..اجلس نسولف مع بعض ... وائل "دق جواله": ...هذا سعود ..اكيد ينتظرني برا ...باي"وهو طالع ".. سمر "وكان الفكرة توها جت على بالها ..ونطت عنده بسرعه قبل لا يطلع ":.وائل ..وائل ... وائل : وش تبغين قلت لك بطلع ...ما تفهمين ... سمر"بدلع ": وائل حبيبي مو هذا سعود ولد عمي اللي يدق عليك ..تكفى وائل ودني عند عبير بنت عمي بكرة بيسافرون.. وائل " يفكر في كلامها ": طيب مو يمكن نايمه ..؟! سمر : دقيقه اكلمها " وبسرعه اخذت الجوال من على الطاوله ..ودقت عليها ".... وائل "ماد يده يبغى يقول لها انتظري ..بس لقيها تكلم عبير ..ولا عطته فرصه يرد عليها ولا هي مهتمه فيه ..رجع يكلم سعود ".. الوو ..سعود خمس دقايق وبطلع ..اووكي ... سمر : ايه جايه الحين يالله افتحي لي الباب.." وقفلت جوالها ..وركضت لفوق " البس عبايتي واجي ... وائل : بسررعه انا برا في الحوش.. لو تاخرتي دقيقتين ..بروح واخليك .." ضحك على شكلها وحماسها ".... ................................... عبير طلعت حوشهم ..وجالسه تنتظر سمر .. سمر وصلت ودقت باب الحوش .. عبير" تفتح الباب ": هلااااا سموره .... سمر: هلااااا عبووره...كيفك وايش اخبارك ..؟ عبير : تمام ..ادخلي بس ادخلي ..ما بسالك كيف حالك توي كنت عندكم واعرف حالك .هههههههههههه سمر :هههههههههههههه وائل"سمع الكلام اللي بينهم .. ولمح على طرف الباب شعر عبير يطير مع الهواء .. وحركات يدها ..لف بسرعه ما يبغى يشوفها" : سمر ادخلي داخل وتكلموا على راحتكم ..وقفلوا الباب ... سمر : طيب .. يالله مع السلامه ...."وقفلت الباب "... وائل وهو يطالع في باب حوش عمه صالح" ابو سعود" .. فكر في عبير وكيف تعلق فيها .. الموضوع صار بطريق الصدفه والمساعده ..والموضوع كبر بيننا ...وانا خاطب بنت عمي ..اللي هي نفسها بنت عمها ..وشيماء مالها ذنب اني اخونها بالحب ..آآآه ..الحب اللي المفروض يكون لها .. " لف رايح لعند الكراج ..وفتح سيارته بالريموت من بعيد " لازم انساها ...اصلا كل الاحاسيس اللي جواتي تجاهها لازم تتحول ..لازم ..بالقوه بالغصب لازم...هالوضع مو مريحني ابد ..مع انه "ابتسم .." مع انه حلو ... "يحاول يقنع نفسه " بس مع شيماء احلى ..اصلا انا ما عطيت لنفسي فرصه اني احب شيماء ... " وبدون تردد..مسك جواله .. وبحث عن الرقم اللي فكر فيه " إيه ..هذا هو ..." ..وركب السيارة وسكر الباب بقوه ..."....الووو ..!! | ||||
|
| |
|
12-11-12, 05:59 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| >>>>>>>>>>>>>>>>>>>>>>>>>>>> الجزء الخامس <<<<<<<<<<<<<<<<<<<<<<<<<<<< وائل " ركب سماعة البلوتوث على اذنه ..ودق الرقم وشغل السياره": الو ...عبدالله ..وينك ...؟! عبدالله"بتعجب": حلوه وينك ..احنا ننتظرك انت وسعود من ساعه واخرتها وينك... وائل "توه يتذكر انه نسي سعود": اوه ..وش هالنسوه ... عبدالله "مستفهم ":وش نسيت ؟ سعود كان جالس بسيارته ينتظر وائل ... ولكن موضوع عبير كان شاغل بال وائل اللي ما انتبه لسعود ... سعود "نزل من سيارته ..متجهه الى سيارة وائل ولمحه يكلم ..": افا شكل الرجال نسيني ..."قرب من سيارة وائل اللي مو منتبه له اصلا.. دق القزاز ..وائل انتبه له فتح له القزاز ...وسعود بوجهه متعجب ": على وين الاخ ..؟ وائل "ابتسم له ": معليش يا سعود ..فكرتك سبقتني عند الشباب "تذكر عبدالله معاه على الخط "عبدالله خلاص سعود معاي ..لما اوصل عندكم اكلمك ...باي وائل "اشر على سعود يمعنى ": يالله اركب ... سعود: وربي انت فيك شي ..ما تشوفني مشغل سيارتي من اكثر من نص ساعه انتظرك ..؟!! وفي الاخير تقول اركب ... وائل "بنفاذة صبر مافيه يتكلم مع احد او يتناقش ": يعني كيف بتركب والا كل واحد يروح بسيارته ... سعود" عصب من حركته ": لا بروح بسيارتي .. "وطالعه بنظره ملامه ": اشوفك هناك .. وائل "فهم نظرته .. وحاول يكون طبيعي ..لانه مو رايق يناقش احد": على خير .... وائل يطالع في سعود اللي راجع لسيارته ..وحس بتانيب الضمير كيف كسر بخاطره كذا ..بس صدقني يا سعود اللي جالس اسويه افضل لي ولكم و..و..لعبير .... لازم انهي الموضوع اليوم ..بدون أي تاثير من احد ...انتبه لسعود اللي حرك سيارته ...ولحقه بسرعه ..متوجهين للشباب .... .................................................. .. بيت ابو سعود...عبير وسمر.. عبير : هههههههههههههههههههههه سمر : اضحكي اضحكي .. وش عليك .. مو انتي اللي ابوك ضحك عليك ..وطياح وجهك ... عبير :ههههههههه تستاهلين عشان ثاني مره تقولين الصدق ... سمر : ترى كنت بقول بس قلت بجرب اسوي اليوم الثاني الشاي واشوف بيميز والا لا ... عبير : ترى اسهل شي الشاي .. من زمان وانا اسويه لـ بابا وسعود..عشان كذا ميزه بابا بسرعه فديتتته .. سمر : يالله قومي سوي لي شاي ... عبير :انا اصلا كاشفتك قولي علميني ترى عادي مو شي كبير ..ومافيه لا سر ولا شي .. سمر"ترمي خداديه على عبير ": اقول ترا ذليتينا بهالشاي ..ما ابغى. عبير"راحت جنب سمر وحضنتها": ما عاش من يذلك والله ..."وقفت " يالله تعالي معاي المطبخ .. سمر " بفرح": يالله ............. .............................................. ..................عند الشباب .................. وائل وسعود دخلوا عند الشباب ..سلموا وجلسوا .. وائل كان واضح عليه انه مسرح ويفكر... عبدالله : وائل ...وين وصلت .. وائل " طالع في عبدالله وبدون ما يرد عليه ... ايه يا وائل ..لازم تبدا بالخطوة الاولى ..راح تكون صعبه عليك بالبدايه ..بس اكيد ما راح تكون اصعب من انك لو استمريت بهالوضع ..." عبدالله "يحرك يده قدام وجهه وائل ": هييييييييي...وين سرحت ..؟! وائل "كانه تاكد من اللي يبغى يسويه .. وبسرعه وقف ": عبدالله تعال معاي شوي... عبدالله" متفاجأ ": خير ان شاء الله ...عن اذنكم شباب .. طلعوا برا الكوفي شوب ... وائل "يطالع في عبدالله .. وهو مشبك يدينه واضح انه مرتبك ...".. عبدالله "بخوف": وائل ...فيه شي ...أحد صار له شي ؟؟؟ تكلم ..تبغى شي ... وائل : لا لا ..محد صار له شي ..بس ...بس عبدالله "بنفاذة صبر": قول ياخي تراك خوفتني .... وائل "اخذ نفس ": عبدالله الصراحه ..انا ...ابغى ...اكلم شيماء ..لان ودي نسوي ملكه في اقرب وقت .. عبدالله " تغيرت ملامحه المشدوده ..الى ملامح هادئه ... وبعدين ضحك ": ههههههههههههههه .. كل هذا وطلعت السالفه فيها ملكه .. وائل "مرتبك . ويحك راسه ": بصراحه ما كنت ادري كيف افاتحك في الموضوع .. عبدالله : اي ياخوي ما عليك وترى احنا موافقين عليك من زمان بس سالفه الملكه المفروض الكبار يتكلمون فيها ..مو احنا ولا شيماء .. وائل : ايه اكيد بعطيهم خبر ..بس ودي استشير شيماء اذا ودها ..والا عندها راي ثاني .."طالع فيه بنظرات ترجي " كلمها الحين .. عبدالله "بتردد": امممم... اوكي ...بس مو تطول ...تسال عن الملكه وبس .. وائل " ابتسم .. وياشر على عينه ": من هالعين قبل هالعين ... عبدالله : ايه تو الكلام الزين يطلع ..ههههههههههههههه وائل " بخجل ..": كلم بسرعه ... عبدالله دق على جوال شيماء ..وردت عليه ... شيماء : هلا عبدالله .. عبدالله : هلا فيك ..كيف حالك ..؟! شيماء : تمام ..لا يكون متصل تقول انك ما راح تجيب لي وجبه من هرفي .. عبدالله :لا بجيب لك .. بس مدري يمكن لما تسمعين صوت وائل تغيرين رايك ...ههههههههههه شيماء " بتعجب ": وشو ؟! عبدالله "بصوت جدي ": شيماء ..وائل عندي الحين ويبغى يكلمك .. شيماء "بارتباك ": وليه يكلمني ..واحنا لسى ما ملكنا .. عبدالله : هذا هو الموضوع اللي يبغى يكلمك فيه .." خذي وائل معاك ".. وائل " اخذ الجوال من يد عبدالله ..وهو مرتبك ..يكلم شيماء قدام اخوها .. موقف محرج بس وائل كان مصر يسوي اللي حس انه قرار سليم ": السلام عليكم ..كيفك شيماء ..؟ شيماء " بتوتر ": وعليكم السلام ...بخير ...كيفك ؟ وائل "حس ان طيف عبير بدا يدخل خياله وهو يسمع صوت شيماء ويقارن بين اصواتهم ..بس اصراره على نسيان عبير .. خلاه يتكلم بسرعه.. عشان يمحي أي ذكرى لصوت عبير في عقله ": شيماء ..انا ودي نسوي الملكه في اقرب فرصه ..اذا انتي موافقه عشان اكلم ابوي ..ونحدد موعد الملكه .. ايش رايك .. شيماء " بدت تكون طبيعيه .. وخف الارتباك ": مو احنا من اول نقول نبغى ملكه انت اللي مو راضي ..كلم ابوي وان شاء الله ما يصير الا كل خير .. وائل "حس بجفاء شيماء ..بس كمل بكل هدوء ": بس انا حبيت اخذ رايك انا ابغى الملكه الخميس الجاي ..عندك مانع ..؟! ..يمديك تتجهزين في اسبوع ..؟! عبدالله "يطالع في وائل .. مستغرب انه مستعجل على الملكه ".. شيماء : السالفه كلها ملكه فستان وانتهينا ...يعني يمدي ... وائل "طالع في عبدالله وابتسم ": خير ان شاء الله ..بكرة بكلم ابوي.. يالله تصبحين على خير .. شيماء "مطنشه وائل ": هات عبدالله ... وائل "يعطي عبدالله الجوال ..وابتسم ": تبغى تكلمك ... عبدالله : هلا شيماء ...هاه نقول مبروك .. شيماء "بدفاشه ": بلا مبروك بلا خرابيط ..اذا ابوي كلمني وقتها يصير خير ...المهم لا تنسى تجيب لي وجبه من هرفي ..طيب.. عبدالله : طيب طيب ..يالله باي ... وائل " كان مسرح ويفكر في اللي سواه ...وقطع سرحانه عبدالله لما حط يده على كتفه .. طالع في عبدالله .. ابتسموا لبعض ...و رجعوا لعند الشباب .... ............................................. ...............عبير وسمر يطالعون فلم ....................... عبير "بتردد": سمر ممكن اسالك سؤال واذا تضايقتي من السؤال اتخيلي اني ما سالتك ... سمر" وهي تاكل بطاطس وتناظر التلفزيون ": اسالي ..الله يعينني عليك .. عبير : ايش سالفه ولد جيرانكم اللي خطبك ... سمر " طالعت في عبير ورمت البطاطس على الطاوله ..وزفرت زفره طويله ": اوف ..وبعدين هالسالفه ما بتنتهي ... عبير"بندم ": خلاص سمر ..انا اسفه ..ما ابغى اعرف ..بس لا تزعلين ... سمر "حست انها عصبت على عبير ..وهي مالها ذنب ": اسفه عبير ..بس ..سيرتهم ترفع ضغطي .... عبير: خلاص مو مشكله لا تقولين .. " وحاولت تبتسم " اصب لك شاي .. سمر: عبير لا تزعلين مني ..بس تدرين" وبحماس" بقول لك بس خلينا نطلع غرفتك ايش رايك ... عبير "متعجبه": وليه بغرفتي ..؟! سمر "تغمز لها ":هههههه لان فيها سوالف بنات ما ينفع هنا بالصاله ..اخاف احد يسمعنا .. عبير : هههههههه يالله قومي نطلع قبل لا يجي اخوك ... وطلعوا غرفة عبير .. وحكت سمر لعبير سالفتها مع ولد جيرانهم .. { طبعا بيت ابو وائل ... وبيت ابو عبدالله ...هما اللي كان عندهم جيران ..بمعنى البيت جنب البيت ..فله ابو وائل ..جنبهم بيت ابو سمير..وفله ابو عبدالله السوريين ...اما فلل اخوانه ابو سعود وابو خالد ..فللهم بالوسط ..فعلاقتهم بالجيران هذولا علاقة جيره سطحيه فقط ...} سمر " وكانها تتذكر ": اسمه سمير .. كنت اشوفه دائما وانا رايحه المدرسه ..كان كشخه وشكله حلو ..قدر يلفت انتباهي .و" بخجل" قدر يخليني احبه ... صرت كل يوم اشوفه وما انبسط الا اذا شفته ... عبير " تسمع باهتمام بدون ما تقاطعها .. ".. سمر : تجرأ يوم وارسل لي رساله مع اخته الصغيره .. " ضحكت بسخريه" يقول احبك وخرابيط فاضيه ... لحد ما تعلقت فيه .. وارسلت له رساله انه اذا يبغاني يدخل البيت من الباب ..وان أي رساله ثانيه منه راح اخبر بابا او وائل .. وبعدها حسيت اني ما صرت اشوفه كثير لما اروح المدرسه ... وفي يوم جاني وائل ..وقال ان سمير كلمني انه وده يخطبك.. بس يبغى يعرف اذا انتي موافقه والا لا ...طبعا قلت له مدري اللي تشوفونه ..ومن هالكلام ..وانا باطير من الفرحه ... عبير " مفتحه عيونها مو مصدقه اللي تسمعه ": يوه كل هذا يصير وانا ما ادري ..!! ........كملي كملي سمر : طبعا من بعد ما كلم وائل ..وائل سال عنه في كل مكان ..لانه قال اذا تقدم رسمي نعرف ايش نرد عليهم يا موافقين يا لا ... بس انا كنت اقول له لا تدقق ..وهما جيراننا من خمس سنين ما شفنا منهم الا كل خير ...بس وائل ما كان مرتاح له ..خاصه بعد ما خطبني منه ولا عاد سال .. وانا كل يوم انتظره يجي .. ويتقدم رسمي هو واهله..وقتها جاتنا خالتي وقالت سمعنا ان سمير خطب سمر ..تخيلي في الحي اللي جنبنا انتشر الخبر ..وقتها كل العايله عرفت ..بس وينه وين اهله محد جاء ...تخيلي بعدين عرفنا انه اساسا خاطب بنت خالته .. وهو قبل كذا كان متزوج وحده خليجيه بس انفصلوا ومعاه ولد ..بس هو مع امه ... عبير " تمسك على راسها ": ول ول ول ..كل هذا يطلع منه .. سمر : ايه وقتها احنا عرفنا انه ما يناسبنا.. بس ..ما قلنا لاحد ..والمشكله ما رجعوا جونا حتى نعطيهم رفضنا في وجيههم عشان الناس تعرف اني انا رفضتهم ..مو مثل الحين البعض يفكرونه هو اللي رفضني .." ودمعت عيونها " وانه تركني عشان فيه عيب او اخلاقي مو تمام او ... عبير " تقاطعها ": بس بس ..ليه يقولون عند كذا ...صدق ناس فاضيه ...اتركيك من كلام الناس وربي لو تسمعين لهم بتتعبين طول حياتك"ما تدري ليه تذكرت صاحبتها ريم " اللي بيشوه صورتك وانتي مظلومه ربي راح ينتقم منهم .. سمر: الحمدلله على كل حال .. عشان كذا صرت ما اعطي احد فرصه يضحك علي حتى لو بنظره ..اطنشش على طول .. ولا اخلي واحد ما يستاهل يلعب بقلبي ومشاعري ... عبير" تذكرت وائل .. وقربت من سمر وحضنتها ": ان شاء الله ربي يرزقك بالزوج اللي يحبك ويقدرك ... سمر " ترفع يدها للسماء ": آمييييييين ...ومن قال .. عبير وسمر :هههههههههههههههههههههههه� �هههههههههه .................................................. .................... وائل طلع من عند الشباب ..لوحده لانه وده يفكر شوي بدون ازعاج الشباب ..طبعا بعد ما وصى على عبدالله ما يخبر احد من الشباب عن اللي سواه لحد ما الكبار يتفاهمون ... وائل "في السيارة وصل البيت ..طالع في بيت عمه صالح ابو سعود .. تذكر عبير .. واول مره شافها ..وتذكر ": يوه الكيس عندي ...وبكره مسافرين ...لازم اعطيها ... جتني فكره بس ان شاء الله تتم على خير ... نزل بسرعه من السيارة ..قبل لا يجي سعود او احد من اولاد عمه .. طلع الكيس من الدولاب ..وقف شوي وافكارة تتضارب مع بعض ..مره يبغى يطلعها ويشمها ويحضنها لاخر مره ..وجزء منه يقول له يثبت على ما فكر فيه ..ويبعد عبير واي شي يربطه بعبير.. اختار الخيار الثاني ..وقاوم فتحه للكيس ..وبسرعه دق على اخته سمر بالجوال ..تطلع من بيت عمها ... عبير وسمر في الحوش ... سمر : يالله عبير اشوفك على خير ..مسافرين بكره صح .. عبير : ايه ان شاء الله بعد صلاة الجمعه .. يدق جوال سمر >>> وائل يتصل بك .. سمر : هذا وائل اكيد عند الباب ..يالله مع السلامه .. "سلموا على بعض ومشوا لحد بوابة الحوش وفتحت لها عبير الباب ..وتلاقي سمر وائل ينتظرها عند الباب وفي يده كيس ... عبير : مع السلامه سمر .. لا تقطعيني بيننا جوال " استغربت ان سمر تطالع في وائل ولا ترد عليها ...وسمعتها تقول اها طيب طيب " عبير " متعجبه ": سمر ! وش فيه ... سمر "ماسكه الكيس ": هذا وائل يقول هذا كيس سعود نسيه في سيارته من لما كانوا في المزرعه .. " لفت تسمع وائل ايش يقول .. ورجعت طالعت في عبير" ويقول طالعي انتي في الكيس كل ثيابه سعود موجوده ؟! عبير " مدت يدها وهي ترتجف تشوف الكيس ..لانها حست انه مو غريب عليها . فتحت الكيس وشافت ثوبها والشماغ .. شهقت ": أأأأ ...يؤؤؤ.. سمر : وش فيك تشهقين ؟! عبير "حاولت تغطي على ارتباكها ": لا ولا شي .ايه ايه هذي اغراض سعود ... سمر"بلا اهتمام": يالله مع السلامه عبورة ...وتوصلون بالسلامه .. عبير : مع السلامه ... الله يسلمك .. قفلت عبير البوابه وهي تطالع في الكيس ..مو مصدقه ان وائل تجرأ وسوا اللي سواه..لو سعود شاف الموقف وش كان بيصير ... حطت يدها على قلبها ...اوف ..هم وانزاح ...وهي واقفه سمعت سمر وائل يتكلمون ... سمر "بخبث": وائل ...كفايه قز في عبير ..تراك اخذت راحتك مرره هاليومين ... وائل " وبلا أي تعابير في وجهه ": اقز .. ما باقي الا اقز وحده بزر مثلك .." وهو متجهه للبيت .." انا ما في بالي غير شيماء.. شيماء وبس .." وكان هالكلام يقوله لقلبه وعقله قبل اخته "... سمر : غرريبه من متى تذكر سيرة شيماء .." ومشيت وراه للبيت ".. عبير "دمعت عيونها لما سمعته يقول لسمر انها بزر مثلها ...وسمعت اسم شيماء ": بزر يا وائل ...يا حسافه على الاوقات اللي اشغلت نفسي افكر فيك ..اتاري نظراته لي وحركاته كانت تسليه وما يفكر الا بشيماء ...من اليوم مالك في قلبي مكان يا وائل ... .................................................. .................... .................................................. .................... بيت ابو وائل ... في صباح يوم الجمعه .. دخلت ام وائل غرفة وائل ..عشان تصحيه للفطور وبعدها يتجهز لصلاة الجمعه ..لقيته صاحي وجالس على اللاب توب تبعه ..واضح عليه الارهاق والتعب ... ام وائل " بتعجب ": وائل ..من متى صاحي .. وائل " زفر بتعب ": مدري وش فيني ما جاني نوم ..قلت اجلس على النت اخلص شغلي ... عشان اسلمه لجدي بكرة في الشركه ..له فترة يسألني عنه ... ام وائل "وحاسه ان في ولدها شي ": الله يقويك ..بس مو هذا اللي مسهرك ..."وبصوت دافي وحنون "وائل حبيبي وش فيك .. وائل " ترك اللاب توب .. وقف عند امه ..مسك يدها وجلسها على طرف السرير وجلس جنبها ..": يممه ..انا .." ومسح على وجهه وشعره ...بارتباك وهو منزل راسه " ..سويت شي امس ومدري اللي سويته صح والا غلط .. ام وائل " تضرب على صدرها بخوف": يارب استر ..وش سويت ...قول لي ...فهمني ... وائل " يهدي امه ": يممه لا تخافين بقول لك .. انا قررت املك على شيماء بنت عمي ..وامس كلمتها بعد موافقه اخوها عبدالله ..وهي ما عندها مانع .." ويركز في وجهه امه ..يبغى يشوف ردة فعلها "... ام وائل "تنفخ الهواء من فمها ": اوف ..بس كذا " وتضربه على كتفه بشويش " خوفتني الله يقطع ابليسك ..." وابتسمت له .. بكل حب "..عشان كذا ما نمت ..؟! وائل " بخجل ": لأني قلت لها ابغى الملكه الخميس الجاي .. ام وائل : هههههههه مستعجل يا وائل ... وائل "بارتباك": وش رايك يممه ..اللي سويته صح والا غلط .. ام وائل "ابتسمت له ": لا يا ولدي مو غلط ..هي خطيبتك ..ومافيها شي لو طلبت تصير خطبتكم رسمي ... وائل "بارتياح ": اجل كلمي ابوي وقولي له يكلم جدي واعمامي ..ويقول لهم ان الملكه الخميس الجاي ... ام وائل : انت مستعجل مرره .... بعدين ما بيمديهم اسبوع يجهزون للملكة .. وائل : شيماء تقول يمديهم كلها فستان وانتهينا ... ام وائل " باستسلام ": دام انت وشيماء متفقين .. على بركة الله ..بقول لابوك والله يقدم اللي فيه الخير ...." وطلعت من غرفة وائل".. وائل " حط راسه على المخده .. وهو يفكر في ردة فعل ابوه..وش راح تكون ...".. ...................................... في غرفة ام وائل ..وابو وائل ... ابو وائل "يطالع في ام وائل ":ومين اللي اقنعه يملك ..احنا لنا سنه نقنع فيه ويجي فجأة يقول يبغى ملكه ... ولا بعد الاسبوع الجاي ... ام وائل : والله حتى انا استغربت بس الولد شكله مو نايم طول الليل ..يفكر في الموضوع وخاصة انه "ضحكت " ..كلم شيماء امس واخذ رايها وهي موافقه .... ابو وائل "مو مصدق ": معقول وائل كلمها ...اخيرا اعطى البنت شوية وجهه..."يطالع في ام وائل " ..انتي ايش رايك ..موافقه على الملكه الاسبوع الجاي ... ام وائل " ابتسمت ": اتمنى هاليوم من زمان ...اني اشوف وائل وسمر وهم متزوجين ومرتاحين ... ابو وائل "ابتسم ": أي والله صدقتي... .. سمر تدق باب غرفة ابوها وامها تناديهم للفطور ..... على الفطور ....[ الجد والجده ام وائل ابو وائل وائل وسمر ] ... وائل " من نظراتي ابوي اقدر اخمن اني امي قالت له عن الملكه " ابو وائل " وهو ياكل بدون ما يطالع في وائل ": وائل ...سمعنا انك تبغى تملك على شيماء .." وطالع في ام وائل ..وبعدين على وائل اللي اللقمه وقفت في بلعومه ..".... الجد : والله..... زين زين الله يسمعنا الاخبار الحلوه...اخيرا قررت .. سمر " ما انبسطت مره ": حلو ومتى بتكون الملكه ... ام وائل : وائل يبغاها الخميس الجاي ... سمر : ايشششش ..ليه كذا ما يمدينا نسوي شي .. الجده : أي والله عين العقل ..خلاص وائل كبر مافيها شي لو صار كل شي بسرعه .. ام وائل : كل شي في السوق وشو اللي ما يمديك .. سمر : هذي ملكه اخوي كيف يعني اخذ شي من السوق ..ابغى عند مصمم ...وشي مميز ... وائل " ببرود ": ما يحتاج مميز وفشخره ..الملكه راح تكون عائليه واخوالنا واخوالها ..وانتهينا ...بس بغيتك يا يبه تكلم اعمامي انت وتقنع عمي سلطان "ابو عبدالله ".. ابو وائل : خلاص ان شاء الله بكلم اخواني نجتمع بعد صلاة المغرب ... وائل : يبه خلها بعد صلاة الجمعه عشان عمي صالح "ابو سعود" يكون موجود قبل ما يسافر الشرقيه .. الجد : إي والله صادق وائل... صالح مسافر بعد الصلاة ..لو اخرناه نص ساعه على بال ما يتم العلم ..ونتفق على الملكه ..وبعدين يتسهل للشرقيه ... ابو وائل " وقف ": خلاص صار ان شاء الله اكلمه برا قبل ما نروح للصلاة واقول له يمرنا بعد الصلاة مع اخواني .. الجد" وقف ": الله يسهل يارب ويكتب مافيه الخير ..." ويطالع في ام وائل "..يا منيرة جهزوا لنا قهوه وشاهي ..وحطوها في مجلس الرجال حتى ونصلي الجمعه ... ام وائل : ابشر يا يبه " من احترامها لابو زوجها تقول له يبه "... الجد وابو وائل وائل ..راحوا يتجهزون لصلاة الجمعه ... وسمر وامها ..راحوا للمطبخ ..يجهزون الضيافه للرجال ... ................................................. عبير"كانت تجهز شنطتها .. ورن جوالها .. وابتمست ": هلا سمر ..ترى باقي ما اشتقت لك هههههههههه.. سمر: عبير الحقي الحقي ..وائل بيملك على شيماء الاسبوع الجاي. عبير" اختفت الابتسامه من على وجهها ":شوي شوي علي ... عن جد ...؟!..ما سمعت احد تكلم عن الملكه ولا شي .. سمر"مبسوطه ": ايه ..توهم تكلموا ابوي وائل وجدي بالموضوع على الفطور ...بس انا عند وعدي انك اول وحده تدري بملكه وزواج وائل ...ههههههههه عبير : مشكوره يا سمر ..والله يتمم على خير يارب .. سمر: يالله مقدر اطول معاك بروح اشوف ماما ..لان اعمامي بيمرونا بعد صلاة الجمعه ..باي عبير : باي .." تضايقت شوي من الخبر وما تدري ليه ؟! " "اصلا ليه اهتم ملك والا طلق والا راح والا جاء .. ليته يشبع منها الدبا ...استغفر الله انا وش قاعده اقول ...شكلي كذبت الكذبه وصدقت ..ان وائل ممكن يفكر فيني ...طلع بس مثل ما قال اللي سواه معاي راح يسويه مع أي وحده راح تسوي مثل هبالتي ههههه..اخلص ترتيب شنطتي احسن لي ... .................................................. ............. بعد صلاة الجمعه اجتمعوا في بيت ابو وائل .. وتكلم الجد عن موضوع ملكة شيماء و وائل .. ...وابو عبدالله وافق على الملكه تكون الاسبوع الجاي.. والكل فرح لهم ..وقام وائل يسلم على عمه سلطان ابو عبدالله وسلم على ابوه وجده واعمامه ...والشباب الكل قام يبارك له ..وما سلم من تعليقاتهم ... .................................................. . في بيت ابو سعود .. سعود " عند باب الفله حقتهم ": يمه..عبير ..يالله ..انا وابوي في السيارة ننتظركم .. ام سعود " نازله من الدرج وهي لابسه عبايتها ": يالله يا ولدي جاهزين .. سعود : احنا بالسيارة ... نزلت عبير من الدرج ...وطلعت هي وامها والشغاله من الفله ... بعد ما سكروا اللمبات وقفلوا محبس الغاز ...راحوا للسيارة ... اللي كان فيها سعود وابو سعود ... الشباب كلهم واقفين برا مع عمهم صالح ولده سعود .. ما عدا وائل .. ...................................... الجد : محمد وين ولدك وائل ؟! ابو وائل : اظنه برا مع الشباب يودع عمه صالح .. سمر : لا يا بابا وائل طلع فوق في غرفته ... الجد : سمر بسرعه ناديه ..في اوراق مهمه نسيت اعطيها لعمك صالح ...بسرعه خليه ينزل عندي ويجي في المكتب ..."واتجه الجد ولحقه ابو وائل يشوفون الاوراق اللي بيعطونها ابو سعود "... وائل في غرفته .. اول مره عمي صالح يسافر ولا اكون مع الشباب ..كل هذا منك يا عبير ..لاني ابغى انساك ... سمر " تفتح الباب بسرعه ": وائل ..وائل .. وائل "فز ..وهو مفجوع ": وجعععع ..ما تعرفين تدقين الباب .. سمر" قربت منه وتدفه لبرا الغرفه عشان ينزل تحت ": بعدين بدقه بس جدو يبغاك تعطي عمي صالح قبل لا يسافر اوراق.. بسرعه ينتظرك في المكتب .. وائل "ابتسم ..قال ايش قال انساها ": امري لله ..بس جيبي نظارتي الشمسيه اللي على الكمدينه ..والحقيني فيها .. اخذت الاوراق من جده وابوه ..وطلع لعمه صالح بعد ما لبس النظارة الشمسيه .. وشافهم قد سلموا على اولاد عمه ..وتوهم محركين السيارة ... وائل "يركض ويأشر للسعود ": سعود ..سعود ..عمي صالح ..وقفوا ... الشباب سمعوا صوت وائل ..ورجعوا وقفوا سعود حتى وصل لهم وائل .. نزل سعود من السيارة ..وهو يطالع في وائل ..وهو يركض عندهم وهو ماسك ملف في يده ... سعود : اخيرا ..طلعت نسلم عليك ..ما بغيت ياخي ليه التغلي هذا .. وائل "وقف قدام سعود وهو ياخذ نفس من الركض ": هيه هيه هيه .. .بس بس بس ..جدي ..وابوي .. سعود " يحرك يده فوق وتحت ": هدي هدي خذ نفس وبعدين تكلم ..وربي انك طيحت سمعة المعضلين ..توك ركضت مسافه مترين وانقطع نفسك ...ههههههه الشباب : ههههههههههههههههههههههههه هههههه وائل "ابتسم ..وصار ياخذ شهيق وزفير بشكل سريع ": نقطنا بسكاتك يالله ..اذا صارت عضلاتك مثل عضلاتي وقتها تكلم " ولف طالع في السيارة .. اصلا ابغى اكلم عمي صالح .." وبلا شعور منه طالع في عبير اللي عرفها من اللثمه اللي مسويتها ..وكانت تطالع فيه ..بس نظارته الشمسيه ما توضح هو اساسا وين يطالع ..." لا يا عبير لا تطالعين فيني ملكتي الاسبوع الجاي ..لا تفكرين فيني ولابفكر فيك اللي بيننا غلط غلط .."... سعود"يضربه على كتفه ": روح كلم ابوي طيب من الجهه الثانيه والا تبغاه ينزل لحضرتك .. وائل " توه استوعب ": ايه صح ...." ولف على جهة عمه ..وعطاه الاوراق ...وقال له اللي قاله جده وابوه ...شكره ابو سعود ..وائل قرب من عمه وهو جالس في السيارة جنب السواق وسلم على راسه .. وائل " لف على زوجة عمه" عمتي بدريه توصلون بالسلامه ان شاء الله .."لاحظ نظرة عبير له اول ما سمعته يكلم امها .. شمقت له ..ورجعت لفت وجهها الجهه الثانيه .. طنش حركتها "... ام سعود : الله يسلمك يا وائل ..نشوفكم ان شاء الله الاسبوع الجاي " وضحكت " يا عريس ... وائل " وهو يحط يده في جيب ثوبه ..وبابتسامه باهته ": ان شاء الله. سعود " ركب السيارة ..أشر لوائل والشباب بيده ": يالله نشوفكم على خير .. الشباب ..: مع السلامه وتوصلون بالسلامه ...وحرك سعود السيارة متجهه الى الشرقيه ... الكل رجع بيته ..عشان الغداء ..ما عدا وائل اللي وقف يطالع سيارة عمه صالح ..وهي تختفي من قدام عيونه ..ويتمنى ان عبير تختفي من تفكيره .. ويرجع مثل اول ..لا عبير ولا غيرها بحياته .. .................................................. ........ كان الكل مشغول بترتيبات الملكة .. اول ملكه راح تتم في العائلة ..فالكل متحمس ... في بيت ابو خالد "سالم " ... وفاء "بفرحه ": وأخيرا .. وأخيرا ... احمد يدخل من البيت على صياح اخته وفاء ... احمد" بتعجب ": وشو اللي أخيرا ...بشري عساك بتتزوجين ونفتك منك .. وفاء " تضربه على ظهره ": تفتك مني هاه .. خلاص ما بقول لك ... خالد "يضحك عليهم ": ايه عاقبيه لا تقولين له الخبر .. عشان يتعلم يتكلم بادب ... احمد "لف لعند خالد ..وجلس جنبه ": اجل انت خطبت .. خالد : ههههههه حتى انا تبي تفتك مني ..ههههههههههه وفاء : هههههه مدري ليه احس احمد احيانا يكرهنا لاننا اكبر منه .. احمد"بلا اهتمام ": اقول انت وهي لا تفكرون اني منتظركم ..مو عشانكم اكبر مني خلاص .. ترى وقت ما ابغى اتزوج بتزوج ..ولا فكرت فيكم ...وخاصة انت "ياشر على خالد " يالعزابي .. خالد : اوف اوف ..الاخ معصب من جد .. وفاء : لا وبعد شكله يحب ... "تغمز له " ..مين تعيسة ..أاأ ...اقصد سعيدة الحظ ... احمد" يطالع فيهم بزعل ": اقوم اطلع غرفتي ابرك لي من الجلسه معاكم .." وراح متجهه للدرج ".. وفاء " حزنت على شكله ..وتاشر على خالد تقول باقول له مسكين ".. خالد "ابتسم ..وحرك راسه انه موافق ..." وفاء " تلف وتطالع في احمد وهو يمشي ومنزل راسه ": احمد .. احمد" حط يده على الدربزان ... ومنزل راسه ..": نعم ! وفاء" بفرح ": عمتي نورة جايه هي وعمر وشوق ..يوم الثلاثاء ..يعني بكره ... احمد" لف عليها ..وبان على وجهه الفرح ": والله .. مين قال لك ..ومتى بالضبط بالضبط موعد وصولهم .. خالد وفاء: ههههههههههه كل هذا حب ... احمد"رجع جلس معاهم ": أي والله اشتقت لعمر مرره .. وفاء: بس عمر ..طيب بعلم عمتي نوره اذا جت ... خالد : اخاف بس مشتاق لشوق واحنا ما ندري ... احمد"بخباثه": وليه لا ..يمكن كبرت واحلوت عن اول ... وفاء:اقول ترى البنت عمرها 10 سنوات يعني ركز ركز في فارق السن بينكم ..."وتطالع في خالد "..خالد كلمه فهمه لا يفشلنا مع عمتى وبنتها ... خالد:هههه صدقتي انتي ..ترى بس يمزح ... احمد :ههههههههههههههههههه ... يا زينها وفاء وهي ام المبادئ والقيم .. وفاء" ترمي الخداديه على احمد": مالت عليك ... خالد , احمد : ههههههههههههههههههههههههه ههه ......................................... يوم الثلاثاء الساعه 6 المغرب .. وصلت عمتهم نوره ولدها عمر وبنتها شوق من الامارات ... جابهم خالد واحمد من المطار ..وصلوا لبيت ابو وائل لان ابوها وامها عنده فحبت تسلم عليهم اول ... دخلت نورة واولادها في الصاله اللي كان جالس فيها امها وابوها واخوها محمد "ابو وائل".. وسلمت عليهم.. فرحوا بجيتها .. اما سمر لانها تتغطى عن "عمر " كانت بالمطبخ تساعد امها في تجهيز القهوه والحلى لعمتها ...وعشان كذا دخل خالد واحمد مع عمتهم .. وجلسوا مع بعض .... ام وائل "دخلت عليهم في الصاله ..وهي شايله القهوه والحلى": حيا الله نورة ..الحمدلله على السلامه ... نوره " قامت تسلم على ام وائل ": الله يحييك يا منيره ...الله يسلمك .. ام وائل :كيفك يا عمر ..وكيفك يا شوق؟ عمر وشوق : بخيرالله يسلمك ... ام وائل"تطالع في خالد واحمد": منوريننا اليوم ...حياكم الله ..والله يعطيكم العافيه انكم جبتم عمتكم ..بدل وائل .. عمر : أي والله يا خالتي توقعت وائل اللي بيجي يستقبلنا بالمطار .. خالد : افا ..يعني احنا ما تبغانا ..."طالع في احمد" شفت ايش يقول عمر عننا وانت ابلشتنا بالنطيط من يوم عرفت انهم جايين ... احمد"يطالع عمر بحزن": ما كنت ادري انه بيطلع خاين ... عمر : هههههههههه خاين مرة وحده ..لا والله ماقصدي ..بالعكس جيتكم على العين والراس والله اني فرحت لما شفتكم وخاصة " وغمز لاحمد " انت ... نوره : لا تزعل يا خالد ..ترى بس تقدر تقول تعودنا ان وائل يجيبنا الا كل اولاد اخواني اعتبرهم اولادي ..وربي معزتكم البنات والاولاد وعمر وشوق ..وحده .. احمد"يطالع في خالد ": ركزت معاها قالت البنات قبل الاولاد .. نوره : والله يا احمد ..طيييييييب .. زعلت منك .. احمد : لا لا الا زعلك يا ست الكل " وقام سلم على راسها " هاه رضيتي ... نوره : ههههههههههه اجلس ..اجلس ..رضيت ..." ولفت تطالع في ابو وائل ".. الا جد وين وائل ما شفناه ..والا بيتخبى ليوم الخميس ..هههههههههههههههههههههه الكل : ههههههههههههههههههههههههه هههههههههههههه ابو وائل : ههههه .. والله وائل بالشركه ..وعنده شغل كثير .. ضغط نفسه بالشغل يبغى يخلص شغل بكرة الاربعاء اليوم عشان يرتاح بكره .. وما يداوم .. عمر : اوهو ...بدينا اجازات من قبل الملكه ..الله يعينك يا خالي بعد ما يتزوج ايش بيسوي ...هههههههههههه الجده : خلاص حرام عليكم كلتوا الولد وهو مو موجود... " وتسحب شعر خالد اللي كان جالس جنبها " وانت ما بتحلق هالشجرة اللي فوق راسك ... احمد , وعمر : ههههههههههههههههههههه شجره خخخخخخ خالد" يطالع في احمد وعمر بنص عين ..ورجع كلم جدته ": يا امي الله يخيك لنا يارب "وباس يدها " ... نفسي افهم ليه ما تحبين شعري ..و وائل ما تكلمينه لما كان شعره طويل ..والا تبغين هو يمشي على الموضه وانا لا ... الجده : رجعتوا تتكلموا عن وائل الضعيف .. بعدين وائل شعره ناعم ومرتب مو مثلك اجعد ... احمد و عمر " منتهين من الضحك ": ههههههههههههههههه خالد : قولي انك تحبينه اكثر مني ..افا ما هقيتها منك يا مريم ... الجد : وهي صادقه جدتك .. لو جيتني الشركه بدون ما تلبس شماغ راح اطردك من الشركه ... ابو وائل : هههههههه يا يبه مو لها الدرجه ..هي فترة وتعدي ...شوف وائل على ما سوينا فيه ما قص شعره الا بعد ما تخرج واقتنع هو بنفسه ... نوره : الا يا محمد على طاري وائل ... تقول عنده ضغط بالشغل ..ليه ما اعطيتوه انتم اجازة ..وخليتوا الولد يرتب لملكته ..ويشوف وش ناقصه ... ابو وائل : والله كلمناه ..وابوي قال له من الجمعه اللي راحت من لما عرفنا قراره انه يبي الملكه هالاسبوع ..بس هو رفض يقول بس يوم الاربعاء باستاذن بدري ..وخلاص ماله داعي الاجازة ... نوره : غريبه ... بس يالله ...الله يسعدهم يارب .. ابو وائل :آمييين ... خالد " وقف ": هاه يا عمتي تجين تنامين عندنا .. نوره : ان شاء الله مره ثانيه اليوم ابغى اجلس مع امي وابوي هنا ببيت اخوي محمد .... خالد " يأشر لاحمد يقوم ": يالله نستاذن ونخليكم تاخذون راحتكم مع بعض .." وقف احمد معاه ..وحتى عمر وقف معاهم "... ابو وائل :: وين جالسين تعشوا معانا .. خالد : لا مره ثانيه ..مع السلامه .. احمد : مع السلامه .. الكل : مع السلامه ...... عمر : يمه انا بطلع معاهم شوي .... نوره : طيب روح ...بس جوالك اذا مغلق افتحه ... عمر ابشري ...يالله باي .." وطلع يلحق احمد وخالد ".... ام وائل : سمر ....يا سمر ..تعالي سلمي على عمتك ... سمر " جايه ركض ": اخيرا ...واو ...عمتو.... نوره : ههههههههه ..هلا حبيبتي ... سمر : وحشتيني وحشتيني كثير ..طولتوا هالمره علينا... نوره :ان شاء الله المره الجايه نطلع في خطوبتك ... سمر " انحرجت ": عمتو ..خلاص .بلا احراج ... الكل : هههههههههههههههههههههههه ................................. ............................ ................. وائل على مكتبه ............ وائل جالس على كرسيه الدوار ... ومرجع ظهره على ورى ..ومتكي راسه على الكرسي .. ويطالع السقف ... ويفكر في اللي صار واللي بيصير ... يحس سقف المكتب من كثر ما يطالعه صورة عبير بكل حركاتها وتصرفاتها ...مره وهي تضحك وهي تبكي وهي مرتبكه وهي خجلانه ..حتى وهي معصبه .. .. لا لا لا ..لازم انساها ... وما راح ينسيني عبير الا اني اتزوج وانشغل بوحده ثانيه غيرها ... يعني قراري صحيح .. يالله لو ما اخذ حسنه من هالملكه الا اني ابسطت جدي وجدتي وامي وابوي وعمي "سلطان" وعمتي هيا "ام عبدالله " .. الله وحده يعلم كيف مر علي هالاسبوع .. اشتغلت شغل ولا مره سويتها بحياتي .بس عشان لا يجي فرصه وافكر فيك ...المشكله انا امنع نفس من التفكير فيها بس غصب علي ...وربي غصببب ...يارب ساعدني .... رن الاسبيكر تبع السكرتير : أستاذ وائل ..؟! .. أستاذ وائل ؟! .. وائل" انتبه للسبيكر ": ............. نعم ماجد ..؟ ماجد : أستاذ وائل ...الشيخ محمد ..معاي على الخط يقول انه جوالك مقفل ..وحاب يكلمك ... احول المكالمه ؟! وائل " يطالع في جواله ": ايه ايه حولها بسرعه .... وائل : هلا يبه ..... ايه يبه ..توي اطالع في جوالي الظاهر الشحن خلص وانا مو منتبه ...والله ...!!...عمتي وصلت الحمدلله على سلامتها ..ايه اكييد جاي على العشاء ...خلصت كل الشغل ...الله يعافيك ...طيب ايش تبغون عشاء ...يعني المطعم بيوصله للبيت ..حلو حلو ..ان شاء الله ما بتاخر ...فمان الله ... وائل " بفرح ..": عمتي جات .. يالله كيف اشتقت لها ..و عمر جاء "وهديت ضحكه الفرح لابتسامه " ..اخو عبير من الرضاعه ..يقدر يشوفها ويجلس معاها ويسلم عليها ولا احد يقول له شي ...وبعد بكره " واختفت الابتسامه " ملكتي ......ياربي حتى سيرة عمتي دخلت عبير بالسالفه ....لالا اقول الحق العشاء ابرك لي ..." اخذ جواله " يالله باشحنه بالسياره .."ونظارته الشمسيه علقها في جيب ثوبه ..واخذ مفتاح سيارته..طلع من مكتبه .. ومر على مكتب السكرتير "...ماجد نظم الاوراق ..الله يعينك انا طالع ... مع السلامه ماجد : ان شاء الله استاذ وائل ..الله يعافيك ...فمان الله ... ................................. سمر تكلم عبير ... سمر : ترى اتفقنا انا ونجوى وفاء نلبس مثل بعض .. .. موافقه تلبسين مثلنا ؟ عبير " بتردد": مدري فاجاتوني .. انا اخذت فستان ...بس ممكن اخذ واحد ثاني معاكم مو مشكله ... سمر" بفرح ": اييه كذا ...نبغى كلنا نصير مثل الأخوات لابسات مثل بعض ...بتصير اشكالنا روعه ... عبير : بس المشكله المقاس ... سمر : لا مشكله ولا شي ...كلمت عمتي تجي معاي انا وفاء بكره نختار الفستان و ........ عبير : وشو..باقي ما شريتوا ..توقعت انكم شريتوا لكم وباقي انا ...ترى الملكه بعد بكره مافيه وقت ... سمر " تحك راسها ": وش اسوي مو ذنبي يبلشونا في اسبوع ..بس ما عليك ..اسمعيني ..انا مخططه لكل شي ... عبير : اتحفينا يا ذكيه ... سمر : شوفي احنا قررنا نشتري فستان هادي وناعم ..وانتي عارفه الملكه عائليه ..فاحسن شي ناخذ من ماركه معروفه يكون عندها فروع عندناوعندكم بالشرقيه ..وناخذ نفس الفستان وانتي تكوني مرتاحه من ناحيه المقاسات وغيره ... عبير : اذا على الماركات اعرف مقاسي ..بس برضه اخاف اتورط..بس فكرتك حلوه ... سمر: ايه بس لازم تكوني بالسوق في الوقت اللي احنا بنطلع للسوق عشان نعرف نختار مع بعض ... عبير : ايه ما عليك ..سعود بيوديني اذا السالفه فيها ملكه وائل ...الا تعالي هنا انتي قلتي انتي وفاء ونجوى ما راح تيجي .. سمر .: يوه اسكتي نجوى محتاسه حوس ..قالت خذوا اللي تاخذونه حتى لو جلابيه هههههههه..تعبت مع شيماء مره هالاسبوع ... عبير : حتى شيماء المفروض تكون مريحه هالاسبوع عشان لا تصير مرهقه وقت الملكه ... سمر : وين مريحه مسكينه كل يوم بالسوق ...بس تستاهل ..هي اللي وافقت على جنان وائل ... عبير " مو فاهمه ": كيف يعني ... سمر : اخوي الحبيب كلمها الاسبوع اللي راح قبل لا يكلم ابوي وشاورها اذا عادي لو صارت الملكه الخميس ..قالت ايه ... عبير " اوه طلع يحبها ..": الله ..الله ..اذا كذا اجل تستاهل التعب .. سمر : والله حتى وائل هالاسبوع ما نشوفه كرف كرف في الشغل غير عن كل مره ... بصراحه مدري كيف بتكون اشكالهم يوم الملكه .. عبير " جاتها ضيقه ما تدري من ايش ": سمر حبيبتي ماما تناديني ..بكرة كلميني قبل لا تطلعون السوق ..عشان انا اطلع برضه ..اوك..باي .. سمر : باي باي ... عبير " غمضت عيونها .. وحركت يدها على رقبتها ..تحس انها مخنوقه ...طلعت غبيه غبيه ...يحبها ويموت فيها ... المفروض انساه ..بس مو قادره حتى وهو بعيد حبه يكبر يوم عن يوم ... يوم الخميس اه من يوم الخميس ...هل باقدر اشوفه جالس جنب شيماء وهي بكامل زينتها ..ويمسك يدها .يؤؤؤ ..يا عبير ..وائل مو لك خلاص .." :.. يارب ساعدني انساه .."ونزلت دمعه حاره بحرارة قلب عبير على ضياع وائل منها ".......... .................................................. .................... ........بيت ابو وائل ........ بعد ما خلصوا العشاء ...مع عمتهم نوره وبنتها شوق ...ما عدا عمر اللي عزمه خالد لمطعم مع احمد وعبدالله و وائل ...عمر وافق عشان سمر تاخذ راحتها ... سمر "بصوت واطي ": عمتي عندك شي بكره والا فاضيه .. نوره : بكره قصدي بروح لشيماء اشوف تجهيزها للملكه ... واذا ناقصها شي ..ليه وش بغيتي ... سمر " وهي ماده بوزها ": خلاص خلاص ما ابغى شي .. نوره " ابتمست لها " : بس اذا حبيبتي سمر تبغى شي بشوفها الاول .. سمر " انبسطت ": الله يسعدك يا عمتو... شوفي نبغاك تجين معانا بكره نشوف لما فستان للملكه ... نوره : لحظه لحظه ... مين انتو ؟! سمر : انا ونجوى وعبير وفاء ... نوره " تحط يدها على راسها ": كلكم ما شريتوا لسى ...وش منتظرين .. سمر : كفايه تهزئ يا ناس كفايه ....قبل شوي عبير وانتي الحين . نوره : وليه عبير تهزئك وهي مثلك ما شرت .. سمر : الا شرت بس انا اصريت عليها تاخذ واحد ثاني مثلنا ..عشان نطقم ... نوره : طيب والمطلوب مني ايش ؟! سمر : حكيت لها كيف راح يشترون الفستان وعبير في الشرقيه مع بعض .. نوره " باستسلام ": امر لله نروح الصباح .. وبعد الظهر اروح لشيماء ... سمر : الله ليه الصباح ..خليها في العصر .. نوره : قلت الصباح والا دوروا غير ... سمر: اوف امري لله وش نسوي الصباح الصباح .. وائل : السلام عليكم " ومتجه لعند عمته وهو فاتح يدينه ".. هلا هلا هلا والله ...حيا الله الغاليه .." يسلم عليها ".. الحمدلله على السلامه ...توها نورت الرياض ... نوره : الله يسلمك .. " تسوي نفسها زعلانه ".. لي اكثر من ست ساعات واصله وتوك تتذكر عمتك ... وائل "بحنان ": عمتي لا تدلعين علينا ..تعرفين اني ما ارضى على زعلك ..والله لو مو الشغل كان انا استقبلتكم ..وبعدين خالد صار كريم فجأة ..وعزمنا ..وما حبينا نكسر مجاديفه نبغاه يصير كريم على طول ... نوره : ههههههههههههه الا شكله كره الكرم منكم ...وين عمر ؟ وائل : برا يقول يبغى ينام عند احمد ..بس قلت له يكلمك انتي ويستاذن منك ...انا مالي دخل .. نوره : الله يسعدك يا وائل ..ويتمم ملكتك على خير . وائل " ابتسم ..وحاول يغير سيرة الملكه ..ولف على سمر ":.. خير سموره وش عندك مسرحه ... سمر " طالعت ببرود في وائل وبعدين في عمتها ": بروح ارسل مسج لوفاء وعبير ... وائل "برضه عبير ...": وش مسجاته في هالوقت ... سمر : اسال عمتو ..عليها اوقات ..بس يالله الشكوى لغير الله مذله ... نوره :ههههههههههههههههههههه سمر : بعد ما ارسل المسجات ..بروح انام .." طالعت في وائل " والله شكل ملكتك هذي يا وائل عقاب لنا كلنا .... وائل " فتح عيونه في اخته وسرح في كلمتها ...ملكتي عقاب لكم كلكم .."...عمتي وش تقصد ... نوره: هههههههههههههه طلبت مني اروح معاها السوق قلت اذا تبغيني اجي في الصباح ..وهي مو عاجبها الصباح تبغى تنام هههه وائل " ابتسم على جنب .. وكلمتها ترن في اذنه ": هههه بكلم عمر يدخل يكلمك .... .................................................. ..... ................اليوم الاربعاء في الصباح ............................... طلعوا سمر وفاء وعمتهم نوره السوق بالتاكسي ..بعد موافقة وائل اللي كان رافض فكرة التاكسي بس عمته اجبرته وخاصة الكل مشغول ..وهي متعوده في الامارات تسوي كل شي بنفسها ... وعبير وسعود في الشرقيه ..طلعوا للسوق ... واتفقوا يروحون محلات معينه عشان ما يضيعوا وقت .. دخلوا المول ...والى المحل...وعجبهم فستان روعه اتفقوا عليه ...وكلموا عبير تشوفه في نفس الفرع تبعهم في الشرقيه .. سمر : يختي كيف مو فيه فستان لونه تفاحي ..فيه تل وقصير . ..اممم ..تقريبا على الركبه ...معاه حزام ذهبي .. عبير" حايسه في المحل مع سعود ": يوه ..وينه مافيه ...سعود تشوف فستان فيه المواصفات .. سعود"يدور معاها ": هذا ... عبير ": لا لا تفاحي وقصير .... سعود : اقول يمكن ما تعرف توصف ..هات اكلم عمتي ... سمر " سمعت سعود ": قولي لاخوك مالت عليه ..ليه ما اعرف اوصف بزر ... عبير : هههههههههههههههههههه ...سعود سمعتك ... سمر" تقلد صوتها ": سعود سمعتك ... خلي الفتنه بين اولاد العم .. عبير" مو قادره تمسك ضحكتها اكثر ..حاطه يدها على فمها من فوق اللثمه ": اوه ههههههههه اخ ههههههه اخ يا بطني ... سعود: يا بنت ترى احنا في السوق مو بالبيت ...وبعدين خلصونا ..ترى ابوي يقول بنمشي للرياض المغرب ... عبير " كاتمه ضحكتها ..وتمسح دموعها اللي نزلت من كثرة الضحك ": طيب ايش اسوي ما عرفت أي فستان تقصد ... سعود : اممممممم ..كلميها مكالمه فيديو ... عبير ..: أي والله فكره .. سمر سمعتي كلميني فيديو ... سمر : ايه سمعته ...بس للاسف انا اخذت جوالي اللي بدون كاميرا ...حق المدرسه ... عبير " تطالع في سعود ": الجوال اللي معاها بدون كاميرا ... سعود : طيب عمتي والا وفاء ..محد عنده معقول ؟!... سمر "سمعته وردت على عبير " : الا الا عمتي معاها ...بسرعه كلموا على جوالها ...باي ... عبير " اعطت جوالها سعود عشان..يسوي الاعدادات تبع مكالمه الفيديو ... ودق على عمته " نوره "دق جوالها ": غريبه مكالمه فيديو من عبير ...!! شكلها ملخبطه ..." نوره كانت بعيده عن سمر لما كلمت عبير عشان كذا مو فاهمه ليه عبير كلمتها ..."... سمر: ردي ردي .والا ...هات انا بكلم ....." حبت تستقبل عبير عبر المكالمه بحركه حلوه .. ضغطت على تشغيل المكالمه .. وفتحت الغطوه بسرعه ..ارسلت بوسه لعبير .." ..امواح عبوره وحشتيني ... سعود " انفجع وهو يشوف الشفايف على الشاشه او ما بدات المكالمه ... بس سمع صوتها .. رمى الجوال على عبير ..": امسكي شوفي هالمهبوله .... عبير " مستغربه ..ليه قال كذا عن سمر ..بس نسيت لان ..اول ما اخذت الجوال ...لقيت سمر توريها الفستان ..اللي اختاروه ...فانشغلت بالتدوير على الفستان بالمحل ..لحد ما حصلته ...حاسبوا فيه وطلعت هي وسعود...وفي السياره راجعين البيت ... عبير " تطالع في جوالها وهو يرن ..": هذي ريم ؟! .. وش عندها .. الو ...هلا ريم ... سعود " كان مسرح يفكر في سمر ..من لما شاف بوستها وشفايفها في الجوال ...بس انتبه لاخته وهي تكلم ريم ...وحاول يركز وش تقول اخته ...لانه ما كان يرتاح لريم ابد ..خاصة بعد ما جت مره البيت عندهم وكانت تتعمد ان سعود يشوفها ...بدون عبايه ... وبدون عبير ما تدري ...".. عبير " بضيق ": ليه وربي حركه حلو نلبس مثل بعض ... هذي اول مناسبه في العائله ... ايه عندي لبس ثاني ....مدري بفكر .. يا ريم قلت لك بفكر ايش بالبس ..باي .. سعود " حس ان اخته متاضيقه .. وكانه فهم وش قالت لها ريم ": خير عبير ... ليه متضايقه ... عبير " بحزن ": ولا شي .... سعود " حط يده على رس اخته ": تخبين على سعود .. عبير " بكت "........... سعود "خاف عليها وقف على جنب ": عبير وش فيك ..فيك شي ...ريم قالت لك شي ... عبير" حست نفسها بنتفجر من ريم وكلامها ..": تعبت وربي تعبت .. سعود "بخوف ": خير وش فيك ..." وقرب منها وشدها لصدره "..عبير انا اخوك تكملي وش مضايقك ... عبير" حست بامان وهي بحضن اخوها ..وخاصه ان له فتره ماصار يجلس معاها مثل اول ..لما كانوا بالرياض ": ريم .. سعود : وش فيها ريم ...؟! عبير" تكملت وقالت لاخوها عن ريم وش تقول عنها وانها تنتقدها في كل شي وتقول انها مو حلوه .. وانها تقول ان سعود احلى منها ..وكل الكلام اللي قالته ... عبير " وهي تبكي " : واخر شي .. قبل شوي ...تقول ما ينفع تلبسون مثل بعض ...بتصيرين كانك شغاله بينهم ...والا ولد لابس فستان ...لا تطقمين معاهم ..هما جميلات ينفع لهم أي شي بس انتي لا ... سعود" طول ماهو يسمع لاخته وهو حاس ان لو ريم قدامه اقل شي ممكن يسويه يضربها لحد ما يطلع الحره اللي بقلبه ..من قهره على اخته ...":... عبير ...نوصل البيت ونتكلم بهالموضوع ...اوكي.. عبير"باستسلام .. هزت راسها ..ومسحت دموعها ..وسرحت بالطريق " سعود " كان معصب لدرجه كبيره .. بس ما حب انه يوضح لعبير غضبه ..عشان لا تتاثر وتحس انها غبيه اللي تصدق كلام ريم .. ويزيد من شعورها بعدم الثقه بالنفس .."... وصلوا البيت ... وراحت عبير تركض لغرفتها ... .. ام سعود " انتبهت لهم وهم داخلين ..وبان الخوف في عيونها لما شافت عبير تركض لغرفتها ...".. بس سعود اشر لها بيده يعني مافيه شي يخوف ...ولحق عبير لغرفتها .."... عبير" جلست على السرير .. ورمت كيس الفستان جنبها ..." سعود" دخل وراها .. وجلس على كرسي التسريحه .": عبير.. انا اخوك ... واكبر منك ...بتسمعين كلامي والا لا .. عبير " تطالع فيه ..": اكيد يا سعود ... سعود" بجديه ..":.. حلو ...اجل متفقين .. اسمعي ..." عبير تطالعه باهتمام ".. بالمختصر المفيد ..لازم تقطعين علاقتك بريم ... " عبير طالعت فيه ..وفتحت فمهت ..وكانها متعجبه .. وكمل سعود" لا تردين الحين ..فكري اول ...ليه ريم تقول دائما عنك كذا ..وهل فعلا كل شي قالته ريم صح ...!! انتي فكري يا عبير عندك عقل .. "وقف .. مسك يدها وقفها قدام المرايا " طالعي في نفسك .. معقول ما تشوفين نفسك جميله .." وابتسم لها بحب الاخ الكبير ".. شوفي عيونك ..حلو والا لا ...؟! .. فمك ... خدودك وغمازاتك أخ بس ...والله تطيح الطير من السماء " قالها بطريقه مضحكه..عشان تضحك .. وفرح لما شافها تضحك ... ورجع لفها عليه وصار وجهها مقابله لوجهه ..مع اختلاف طول سعود "...عبير مو معنى انها صديقتك اصدقها في كل شي ..ومو معناه انك ما عرفتي تختاري الصديقه تكوني غلطانه ..لا ..كل شي يصير للواحد لازم يتسفيد منه ..مو يخليه يتحطم لا بالعكس يخليه يشغل عقله ويعرف الصح من الخطأ... اوكي مو مشكله ..نشاور اصداقائنا ...بس مو معناه اللي يقولونه هو الصح ...اخذ الصح واخذ اللي يناسبني من كلامهم ..والباقي ارميه بالبحر ... اذا هم لهم عقل يفكرون فيه وعين يشوفون بها ...وانا مثلهم وانتي مثلهم ..لك عقل تفكرين فيه وعين تشوفين بيهم .. عبير" كانها اول مره تستوعب ايش صاير لها مع ريم .. وفعلا ريم كانت تحطم فيها وفي ثقتها بنفسها ...ابتسمت لاخوها وهزت راسها بمعنى انها اقتنعت بكلامه "... سعود : لو حبيتي تتكلمي مع احد او تشاوري احد ...او تفضفضي ..انا صديقك ...وباسمعك ...اتفقنا .. عبير " ابتسمت ": اتفقنا ... سعود : فدييت الغمازات ..هههههههه .. لا لا لازم اقدم اعتراض للعائله .. عبير: اعتراض شو .. سعود" حط يده على خصره ..ومد شفايفه ": ليه انتي عندك غمازات وانا لا ... عبير : ههههههههههههههههه سعود: لو عندي غمازاتك كان طيحت النص الثاني من بنات الشرقيه ...أخ بس" عض على شفايفه " ..على هالحظ... عبير :هههههههههههه سعود " ارتاح لما حس ان اخته فهمت وش كان يبغى يوصل لها ..": طيب ...يالله خذي الفستان وخليني اشوفه عليك .. عبير " اختفت ابتسامتها ": سعود ... وش رايك بالحركه اللي بنسويها اننا نلبس مثل بعض ... حلوه والا لا ...؟ سعود : انتي قولي ايش رايك بالحركه ..مبسوطه انكم بتلبسون مثل بعض ..!!؟؟؟ .... عبير" بحماس": ايه كثير مبسوطه ومتحمسه .. وخاصة ان اول مره نسويها نلبس مثل بعض ..وكمان ما نسيوني وكلموني من الرياض ..واحس اول مره ابغى اسافر للرياض بسرعه .. سعود : هذا انتي جاوبتي على نفسك ...يالله انتظرك بالصاله مع امي .. لا تتاخرين علينا .. ترى بنمشي على الرياض اول ابوي ما يرجع من الشركه ...بسرعه خلصي ..." وطلع وترك عبير لوحدها ...اللي اخذت الكيس بكل حماس .. ولبست الفستان ..." وبكذا يكونوا البنات خلصوا من فساتينهم ....وابو سعود واهله وصلوا الرياض الساعه 11 بالليل .... والكل نام بدري حتى الشباب ما طلعوا يسهرون لان بكره وراهم شغل من الصباح .. اتمنى يعجبكم هالجزء .... وعطوني توقعاتكم ... | ||||
|
| |
|
12-11-12, 06:07 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| <<<<<<<<<<<<<<<<<<<<<<<<<<<< الجزء السادس <<<<<<<<<<<<<<<<<<<<<<<<<<<< ............ يوم الخميس "" الملكه "".......................... شيماء" تكلم وفاء " : هلا وفاء ...يالله ننتظرك في سيارة عبدالله اطلعي ... وفاء : يالله البس عبايتي وجايه .. " اخذت عبايتها ..ومرت على امها .. وراحت لها في غرفتها..." ..ماما ... دقت عليه شيماء تقول رايحين الحين المشغل ...توصين شي ... ام خالد : سلامتك يمه ...بس انتبهي لنفسك ولبنت عمك ... عندك فلوس والا اعطيك ... وفاء : لا يا ماما مافيه داعي للفلوس كل اللي بسويه استشوار بس .. لاننا متفقين نتصلح بالبيت ..بس شيماء اللي عند الكوافيره ... ام خالد : براحتكم يا حبيبتي ...يالله روحي لا تتاخرين ..الا مين بيوديكم للمشغل ؟... وفاء " احمر وجهها ": أ أأأ ..عبدالله ..شيماء تقول عبدالله ..." وبارتباك " تاخرت عليهم ..يالله مع السلامه " وطلعت من غرفة امها "... ام خالد "لاحظت ارتباك بنتها ": مع السلامه يا بنتي " وطالعت في بنتها وهي تختفي من قدام عيونها .. ورفعت يدها للسماء "....يارب اذا كان عبدالله فيه خير لبنتي اجعله من نصيبها ...ياارب .. .................................................. .. في سيارة عبدالله ... شيماء جالسه قدام ...وينتظرون وفاء اللي جت تمشي للسياره ..وهي عينها بالارض ..من شدة خجلها من عبدالله ولانها اول مره تركب معاه .... عبدالله ... يطالع في وفاء وهي تقرب من السياره ولاحظ انها تطالع في الارض .. ابتسم ..."اكثر ما يحلي البنت الخجل .. بس وفاء كل شي فيها حلو .. طولها ...واممم...طالع في يدها اللي كانت مكشوفه .. وبياضها ...طالع في شنطتها الماركه ..وكمان شياكتها ... آه يا وفاء لو تدرين ايش يصير فيني لما اشوفك او اسمع باسمك "......"انتبه لقفلة باب السياره ".... وفاء "ركبت ورا شيماء ..و بصوت واطي ": السلام عليكم .... شيماء " بسرعه": وعليكم السلام ...هلا وفاء.. عبدالله " حس ان صوته مو راضي يطلع لما سمع صوتها ..فتح فمه وسكره ..بدون ما يرد عليها .." شيماء " انتبهت لاخوها انه ما رد السلام ..فتوقعت انه ما سمعها ": عبدالله ترى وفاء سلمت ...! عبدالله" شال نظارته الطبيه من على وجهه .. وحاول يكون طبيعي ": وعليكم السلام ..معليش ما سمعتك ..." واخذ النظارة الشمسيه الطبيه ..ولبسها ..." : هاه شيماء نمشي خلاص ... شيماء : ايه يالله .. وفاء " يووه فشله انتي يا شيماء ..احرجتيني معاه ...بس معقوله ما سمعني ...انا حسيت انه لف علي لما قفلت الباب .. وصوتي ما كان واطي لها الدرجه ... والا حب يحرجني ..او يمكن يكرهني ...اووف ما ابغى افكر ...بس ..بس ..شكله حلوو لما لبس النظاره ..وواضح ان دقنه مو مرتبه ولسى ما حلق للملكه ... انا ايش دخلني اطالع فيه ...استغفر الله .."... شيماء : عبدالله ترى لسى ما افطرت جيب لنا شي ناكله .... عبدالله : وليه ما افطرتي بالبيت والا اخذتي لك شي معاك ...يا شيماء وربي مشغوولين ... مو ناقصني تعطيل. .. شيماء : يعني يرضيك في يوم ملكتي اكون جيعااانه ... عبدالله :هههههههههه يعني بتذلينا عشان الملكه ... وفاء " يووه لا تضحك يا عبدالله ..قسم تدووخ ".... شيماء : ما عاش اللي يذلك ...بس " عصبت " ابغى اكللل ... عبدالله "باستسلام " : طيب ايش تبغين ...آمري ... شيماء" بفرح ": اممممم ..مدري ..وفاء ايش رايك ... وفاء" انفجعت ان شيماء تسالها وتبغاها تتكلم قدام عبدالله .. ولا ردت عليها "... شيماء" لفت راسها لورا ": وفاء ... وفاء ...ليه ما تردين ..وش تبغين فطور .. وفاء" ياربي هالشيماء غبيه والا تستغبي ...أأشر لها بعيوني اسكتي ما تسكت ... "... عبدالله : يالله وش تبغين ..." وطالع في المرايا وشاف وفاء وهي تطالع شيماء بنظرات قهر ... ابتسم ..شكلها منحرجه مني .." شيماء : وفاء .. ترى حتى انتي بتاكلين معاي ..وش تبغين .. وفاء " بقهر ... وبصوت واطي ": ما ابغى شي .. شيماء : وشو ما تبغين شي ..ترى لو وصلنا المشغل وشفتيني افطر لا تجين تاكلين معي ..اعرفك ما تصبرين اذا شفتي الاكل ... وفاء " بعصبيه.. وبلا شعور ..مدت يدها بين المقعدتين ..وقرصت شيماء في يدها "... شيماء : أأأأأأأأأأي ..." ولفت عليها وهي ماسكع مكان القرصه ": يالمفتريه اليوم ملكتي لو بقعت بتشوفين شي ما قد شفتيه ...باختلص في ملكتك ... عبدالله " انتبه لحركه وفاء ..": ههههههههههههههههههه وفاء " من الاحراج .. ضغطت نفسها في المقعده ..وحطيت يدها على وجهها .. هين يا شيماء انا اوريك ..." عبدالله " وهو باقي مبتسم ": شيماء تبغون فطور من كودو ..؟! شيماء : كودو كودو ..امرنا لله.. عبدالله : احسب حساب شخصين ؟! شيماء : ايه شخصين .. عشان وفاء ترضى علينا شكلنا زعلناها .. نزل عبدالله يجيب الطلب من كودو ..ووقتها انفجرت فيها وفاء تضربها وتخاصمها ...وتسبها ...وشيماء ..ميته ضحك عليها ... رجع عبدالله السياره ...ورجعت وفاء لهدوئها ... وصلوا المشغل .. ونزلت شيماء وهي ماسكه كيس الفطور .. ...طبعا ما اخذت الفستان معاها ..بس اكسسوارات الشعر .. اللي كانت حاطتها في كيس عندها قدام ...ونسيت تنزلها من السيارة ... نزلت هي ووفاء ...وعند باب المشغل .. وفاء " بتعجب ": شيماء وين اكسسواراتك ... في شنطتك ؟؟!!! شيماء " شهقت ": بالسيارة نسيتها ...بسرعه بسرعه الحقي عبدالله يوقف ... وفاء" لا شعوريا .. انطلقت تلحق سيارة عبدالله ...وتاشر له يوقف " عبدالله" كان توه ماشي وانتبه ان فيه وحده تاشر ..بس ما توقع انها تاشر له .. ولما ركز في المرايا في شنطتها ..هذي تشبهه شنطة وفاء ..ورجع ريوس بسرعه لها ".. وفاء " لما حست بحركتها الغلط .. وانها تسرعت انها سمعت كلام شيماء ... فكرت ترجع تاخذ الفطور من شيماء وتخليها تجيب الكيس بس لفت لقيت شيماء دخلت المشغل ..ومافيه الا هي قدام سيارة عبدالله اللي فتح القزاز لها ..."... عبدالله "بخوف .. فصخ نظارته ": فيه شي ...!!! ... وفاء " مرتبكه .. ومو قادره تطالع فيه .. وغصب عنها ...قربت من القزاز ": بس ...بس شيماء نسيت اكسسواراتها ... عبدالله " زفر ": اوووف مافيني ارجع البيت ...الله يهديها هالبنت .. وفاء " لما شافته معصب ":لا لا الاكسسوارات تقول هي بالكيس .." وتاشر على المقعده اللي جنب السواق مكان شيماء " هناااا .. عبدالله " رجعت ملامحه طبيعيه ": هناااا " ونزل بجسمه يدور للكيس مكان شيماء " .." ابتسم .. وغمز لها ..كانت حركه عفويه ".. لقيته ... وفاء " وقفت مكانها وجمدت من ابتسامته وغمزته لها ".. عبدالله " يمد بالكيس لها " :.. تفضلي ... " وطالع في عيونها ..وتذكر لما قالت شيماء اننا زعلناها "...وفاء .. وفاء " كانت بتمد يدها تاخذ الكيس ":... نعم ... عبدالله " رجع سحب الكيس لعنده ..": وفاء اتمنى ما تزعلين مني او من شيماء ...ترى كلنا عيال عم ..وماله داعي تنحرجين مني ..انتي تامرين امر واحنا علينا نلبي بس ...فاهمه ... وفاء " مبلمه فيه ..وهي ماده يدها في الهواء ".... عبدالله " حس انها ما ردت من الاحراج .. وضحك ..لما شاف يدها لسى معلقه .. رجع الكيس ليدها ..": ههههه يالله روحي الحقي شيماء واي وقت تخلصون كلموني ...اووكي بيبي ... وفاء " رمشت بعيونها بسرعه ... بيبي ... يوووووه منه ..هزت راسها موافقه .. ودخلت تجري للمشغل ..."... عبدالله : هههههههههههههههه ...أخ بس .. ياليتني قلت لها اني باجي اخطبك بعد ملكه وائل ... مو مشكله بشوف واحنا راجعين اذا فيه فرصه خبرتها ... ............................................... عبير ... راحت عند سمر في العصر...عشان يشوفون لبس بعض ويسوون مكياج ..." عبير وسمر صاروا قريبات من بعض اكثر من اول ..وما احد يدري ليه ..يمكن قلوبهم المتعلق باخوان بعض لها دور بالموضوع ...الله اعلم ".... عبير " لبست اللبس الثاني اللي شرته قبل ما يتفقون يلبسون مثل بعض ..كان لونه فيروزي ..بدون سيور ..ماسك على الجسم ..وفيه فتحه من تحت على جنب واصله للركبه ..وذيل صغير .. ...": هذا هو اللبس اللي كنت بالبسه ..."دارت حلو نفسها ....وسبلت عيونها " ..ايش رايك ...حلووو ..؟! سمر " تصفر ": وااااااااو ...خطير الصراحه ...... عبير : تصدقين دخلت المحل كذا مره ..وما لفت انتباهي له الا سعود ... سمر" فرحت لما سمعت اسم سعود ": والله سعود عنده ذووق في اللبس ... عبير : ايه ماشاء الله عليه عنده ذوق في اختيار لبس الحريم ...حتى امي فساتينها وجلابياتها سعود يختار لها ..وهي يعجبها ذوقه .. سمر " بخجل .. ولفت على التسريحه ": أجل الله يعين اللي بتاخذه ..بيبهذلها لو ما عجبه لبسها ههههههههههه عبير : هههههه لا مو لها الدرجه صح عنده ذوق ..بس مو مزاجي ولا شايف نفسه ...بس " وتشوفها بنص عين " الحلو يشوف كل شي حلو ...والا انا غلطانه ... سمر " طالعت فيها من مرايه التسريحه ..": فكينا اللي يعافيك من سيرة اخووك...." لفت عليها " اليوم سيرة وائل وبس ...مو هو العريس ... عبير " ارتبكت ....": بروح افصخ اللبس هذا ...وبالبس التفاحي .. " تطالع في الفستانين ".. سمر ... وين فستاني ووين فستانك ...؟؟!! .. يووه تلخبطنا ...والمقاسات نفس الشي ..ههههههههه ..يالله حليها .. سمر " قربت منها وسحبت واحد من الفساتين ": انا فستاني الحزام تبعه زودت عليه فيونكه ذهبي ..." وشافت الفستان الثاني ".. ايوووا .....هذا ...." توريها الفيونكه ".. شو رايك بذوقي ... عبير : الحركه مرره حلووه... يالله سماح هالمره تختلفين عنا لانك اخت العريس ... سمر : هههههههههه قال اختلاف قال ..مطقمين كل شي حتى الاحذيه والاكسسوارات ..جات على الفيونكه اللي ممكن يشوفوها وممكن لا .... عبير ... راحت غيرت لبسها ولبست فستانها التفاحي ...وسمر لبست فستانها هي كمان ...وجالسين يعملون المكياج ..ويرتبون شعرهم ....ودخلت عليهم عمتهم نوره ... نوره : ماشاء الله خلصتوا ... طالعاات اميرات وربي ...ههههههه سمر : ليه تضحكين يا عمتي ... نوره : كانكم توأم ... عبير : هههه مو لها الدرجه ...سمر احلى مني بكثير .. سمر" تقلد صوتها ": سمر احلى مني بكثير ... يالله مناك بس.. صدق مفتريه عشان يقولون لا انتي احلى من سمر بكثير ... عبير: لا اقصد انو.... نوره : خلاص انتي وهي ..قلنا كلكم حلووات .. والا تدرون ..محد حلو هنا الا انا .. عبير , وسمر : ههههههههههههههههه ................. وائل ..توه جاي من عند الحلاق ... كان معدل سكسوكته ..خفف الشنب كثير وباقي السكسوكه مرتبه ومحدده بشكل متقن وحلوو ...طالع بهاللوك وسيم بزياده.. كان طالع من الدرج رايح لغرفته ..عشان يتروش ويستعد للملكه ...لان اعمامه قالوا لازم يكون على المغرب جاهز .. وائل " مر من جنب غرفة سمر اللي كانت مفتوحه ..وسمع صوت عمته وضحك ..قال في نفسه ..خليني افاجأهم باللوك الجديد .. .. بدون لا يدق الباب ... دخل بسرعه ويدور وهو مغمض ورافع راسه لفوق "..تراااتراااا ..." ورفع وحده من حواجبه ".. وش رايكم .. سمر . وعمتهم نوره " متفاجأيين .. من دخلته عليهم ..وتفاجأوا اكثر من اللوك الجديد ... " نوره : بسم الله عليك ماشاء الله تبارك الله ...قمر وربي قمر ... سمر : وش هالحركاات .. وربي لايقه عليك مرره الحركه ... وائل " ما كان يطالع فيهم ..كان يطالع في الدولاب ..اللي لمح انه تسكر .."... بسم الله ..بسم الله ..." يأشر على الدولاب" انا متأكد اني شفت باب الدولاب انفتح واتقفل ... سمر " تطالع في الدولاب ..وتذكرت عبير ..بس عمتها سبقتها ..." نوره " بتعجب ..": وين البنت ...وين عبير ... سمر : ههههههههههههههههه شكلها هي اللي دخلت في الدولاب .. وائل " مو فاهم شي .. الا اسم عبير ": ..اي بنت ... احد كان عندكم هنا ...؟! سمر " راحت للدولاب فتحته شوي ..." هههههههههههه ..هاه عبير كيف الجو عندك ... نوره : ايه هذي عبير كانت معانا ..بس مسكينه شفناك ونسينا انها معانا ..." لفت تطالع في سمر وهي ميته ضحك على باب الدولا ب "ههههههههههه افتحي للبنت مسكينه لا يخرب مكياجها وائل " ما وده يطلع ..انبسط لما شاف سمر وعمته يعلقون على عبير ..."... نوره : بغيت شي يا وائل .. وائل " انتبه لعمته ": لا لا سلامتك عمتي .. وقولي لعبير اني اسف ماكنت ادري انها هنا ..سلام ."".وطلع من الغرفه وراح غرفته ..." نوره : اطلعي عبير راح وائل ... عبير " طلعت من الدولاب حرااانه ووجهها احمر ..": اوريك يا سمر تضحكين علي ..هااه .. وربي تشوفين ما راح افوتها لك ... سمر :ههههههههههههه أوووه يا بطني ههههههههههههههه.. نوره : ههههههههه معليش يا عبير والله حتى انا نسيت انك موجوده ..معليش وائل فجعنا وبعدين فاجأنا ...كان مسوي لوك جديد ..ايه على فكره يقول قولي لعبير اني اسف ماكنت ادري انها موجوده .. عبير" انحرجت من عمتها ... ومن كثير احراجها ..طالعت في سمر اللي لسى تضحك عليها .. وطاحت عليها ضرب ": باقي تضحكين انتي ووجهك ..اما وريتك .." تضربها "... سمر : ههههههههه..أأأأأأي ..ههههههههه ..عورتيني ....خخخخخخ نوره : الحمدلله والشكر يالبنات ..يالله عيدوا مكياجكم لانه تخرب ..انا بروح لبيت اخوي سلطان " ابو عبدالله " ...مع السلامه .. "طلعت نوره ..وتركت عبير وسمر يدبرون نفسهم ...بعد ما خربت شعورهم ومكياجهم .." وائل " بكل عصبيه رمى مفاتيحه ونظارته الشمسيه .. على السرير ..ورمى جسمه جنبها وحط راسه على المخده ..وكان حاسس انه تايهه...": يعني متى بتفكني هالعبير ..حتى بيوم ملكتي الاقيها باجمل صورة قدامي ..." غمضت عيونه وهو يتذكر شكلها وهي تطالعه مفجوعه وحط يدها على فمها وطالعت في سمر وعمتي نوره ومحد منتبهه لها ..ولفت مرتبكه وراحت على الدولاب وشعرها يطير مع كل حركه تسويها ودخلت بسرعه في الدولاب وسكرت عليها ..".. كان شريط شوفة عبير يمر قدامه ببطء... اللون التفاحي يعجبني واحبه ..وشكله عليها مرره رووعه اللبس ..هي وسمر لابسات مثل بعض ...مدري ليه احس ودي يصير شي وما تتم الملكه ..وائل ..لا انتبه وش تبغى يصير و كل الناس اللي حولك فرحانين لك ... بس ..بس ..عبير ... لا وش عبير بزر توها بثالث ثانوي ...تفكيرها نفس اختك سمر اللي تطفش منها ساعات .. " وجلس على السرير "... خلاااص خلااااص تفكير فيها ..تعبت وربي تعبت .... قلبي من جهه وعقلي من جهه.. " دق باب غرفته ....وائل ..وائل " وائل "بصوت رافع ": ادخل ... ام وائل "مبتسمه وواضح الفرحه في عيونها ": هاه يا ولدي اجيب لك شي تاكله .." وطالعت في حلاقته الجديده ".. ماشاء الله تبارك الله .. ايش الحلاوة هذي يا عريس ... وائل " ابتسم لابتسامة امه ..وحط يده على دقنه ": ...ايش رايك يمه حلوه ..مناسبتني ...؟! ام وائل :كل شي عليك حلو ..الله يسعدكم يارب ويوفقكم ... وائل :آميييين .. ام وائل : اجيب لك شي تاكله ... وائل "حط يده على بطنه ": أي والله يمه ...ذكرتيني بالاكل وصرت جيعان ..ما اكلت شي من الصباح ... ام وائل : ايه جيت اناديك على الغداء لقيتك طلعت ... وائل : ايه اولاد عمي حجزوا لي عند حلاق عرسان على حسابهم ." وابتسم " هديه ملكتي ...وذبحني الحلاق تنظيف بشره وبخار ومدري وشو ... ام وائل : هههههههههههه..والله ما قصروا اولاد عمك ... وائل : أي والله ما قصروا ..وحتى عمر ولد عمتي معاهم ... حسيت انهم اخواني مو اولاد عمي ... ام وائل : الله يسعدكم كلكم ... وما تفترقون ابد .. وائل " سلم على راس امه ": آمين يارب .. ولا يحرمني منك يالغاليه ... ام وائل " مسحت دموعها اللي نزلت غصب عنها ..بدون ما ينتبه لها وائل ": بروح اجيب لك الاكل ... وائل : لا تتعبين نفسك يا امي قولي للشغاله تطلعه ..والا سمر ..يحطونه عند الباب ..وانتي ارتاحي ... ام وائل : ان شاء الله ... وائل : مشكورة يا ست الكل ... ......................... في المشغل .......... انتهت شيماء .. .. وجلست هي ووفاء ينتظرون عبدالله في غرفة الانتظار .... شيماء : وفاء ..ابغى اقول لك شي... وفاء : يا ويلك تقولين جيعاانه ..بسك اكل خلي الفستان يتقفل عليك .. شيماء" زعلت ": وجععع ..اذكري الله ...لا يجيني عين منك ... وفاء :ههههههههه ما بيحسدك الا انا ... شيماء : هذا وانا باقول لك خبر يخصك ..."فركت اصابع يدها في بعض " مووووتي حره ماني قايله ... وفاء " بلا اهتمام ": هههههههه لا تقولي ..مو مهم .. شيماء : او تدرين الا بقول لك وبكذا اكون انتقمت منك صدق... وفاء" موفاهمه شي .. وتطالع فيها ..".... شيماء " بمكر وخبث .. وضحكه ": اخوووي عبدالله ... يبغى يخطبك رسمي من عمي سالم بعد ملكتنا ... وفاء " مفتحه عيونها ...ووجهها احمر "........ شيماء "عجبها شكل وفاء وهي منحرجه ..وحبت تكمل عليها ..لانها مقهورة منها ":يقول انه يحببببببببك مرررررررررره .. ويموووت على الارض اللي تمشين عليها ...ويقول انك انتي الوحيده اللي ملكت قلبه وعقله و.......... وفاء " ضربت شيماء ": خلاااااااص هييييييييي وين احنا ...." وحاولت تبلع ريقها .. وتهدي من دقات قلبها ...وطالعت في شيماء": عرفتي تنرفزيني ... يالله قولي وش تبغين وخلصيني .. شيماء"ببرود" : وش فيك ..انا ما قلت شي غلط ... وربي كل كلمه قلتها لك صدق..." وتحولت ملامحها لجد " ... وفاء ...انا قلت لك الموضوع وابغاه يكون سر بيني وبينك...لاننا كنا متفقين ما نكلمك الا بعد ملكتي انا و وائل .. وطبعا بيكلمون عمي على طوول... بس انا جربت الخطبه "وزفرت بقووه ".. اشوف لو الوحده عندها خبر قبل بوقت ...يعني قبل لا يكلمها ابوها بالموضوع ...يكون افضل ...تكون فكرت في كل شي ...وعرفت ايش تقول لابوها ...لانها " وطالعت في وفاء بعيون حزينه "... اذا وصل الموضوع للاب ..معناه انتي مالك رأي ...لانه ولد اخوه ..ودائما يقولون ولد العم لبنت العم ...بس هذا الكلام غلط ...مو شرط اللي كان يصير قبل 50 سنه نستمر احنا نسويه ...ومو شرط أي ولد عم يطلع يحب بنت عمه ....وكمان مو شرط البنت تحب ولد عمها ... وفاء " تسمع لشيماء ..وتحس انها تتكلم من قلب حزين ...": شيماء انتي مجبورة على وائل ؟! شيماء " تطالع وفاء بنظرات خوف ": هااا ...لأ لأ ...مو مجبوره من قال ..." حاولت تغير الموضوع ".. خلينا فيك انتي وعبدالله الحين ...انا خلاص شوفيني ملكتي اليوم ...بس اهم شي انتي ..."حطت يدها على يد وفاء "وفاء اوعديني تفكرين مضبوط ....هذا زواج مو لعبه ..." وابتسمت لها "... وربي ما راح الاقي لاخوي عبدالله احسن منك ...بس ما ابغاك توافقي لانه ولد عمك ...ابغاك توافقين عليه وانتي تحبينه وتبغينه . .. دق جوالها >>>>>>>>>>> عبدالله يتصل بك ... شيماء : هلا عبدالله ..طيب طالعين ...." تطالع في وفاء" عبدالله جاء " وغمزت لها "... ما يمنع انك تطالعين فيه في السيارة وتحاولين تحبينه ...تراني لا اسمع لا ارى لا اتكلم ..."جت بتمشي ..شافت وفاء ما تحركت ..." وفاء ...يالله.. وفاء" مسرحه ..وبخجل ": لا ما باجي معكم ...بكلم احمد والا خالد يجي ياخذني ... شيماء : من جدك انتي ...اقول قومي ... وفاء " باحراج ..ووجهها الاحمر ": وربي مقدر يا شيماء ...مقدر .... مقدر اطلع سيارته ... شيماء " تضحك على خجلها : ههههه وربي انك تحفه انا معاك ...يالله بلا دلع ... وفاء "باستسلام ": طيب بطلع بس بشرط لا تكلميني ...لحد ما نوصل البيت .... شيماء : ههههههه ..اصلا خلاص خليته يسمع صوتك .. اهم شي يتاكد انك منتي بكماء... وفاء " متنرفزه منها ": يؤؤؤؤ منك ...الله يعين وائل عليك .. شيماء " بس سمعت اسمه ..تضايقت ..": امشي امشي .. وطلعوا من المشغل ... وركبوا سيارة عبدالله .... اللي كان واضح انه حلق دقنه ورتب شنبه ... شيماء : الله الله ...ايش هالحركات .. وربي شكلك خطيير ..." تحاول ترفع صوتها عشان وفاء تنتبه له "... عبدالله : تسلمي والله .... " وحب يغير الموضوع لانه انحرج من مدح اخته له بوجود وفاء " التكييف كذا حلو ..والا اخفضه شوي ..؟! شيماء : لا تمام كذا ... وفاء " من غير شعور ..طالعت في عبدالله وهو يسوق ويكلم شيماء .وكيف يبتسم ...وتخيلته كزوج ...يؤؤؤ ..احراج ...بس ..بس ...شيماء قالت لي لازم اتاكد من مشاعري ..بدون ضغط ..." ولفت تطالع في المقعده اللي قدامها واللي شيماء جالسه عليها ".. مدري ليه حسيت من كلام شيماء ..ان ما كان لها رأي بزواجها من وائل ؟! ... لا مستحيل ...وين عايشين احنا ...مين اللي صار يتزوج غصب عنه ...محد ...الاهل صاروا مثقفين وعارفين ان أي زواج بالغصب مصيرة الفشل ..."لفت وجهها للقزاز ..وتكت عليه " فعلا هذي حياة مو لعبه ..ابد مو لعبه ......" رجعت للواقع ...وبدأت تسمع لسواليف عبدالله ...اللي واضح انه تنرفز من كثرة اسئله شيماء ... اللي جالسه تسال وتسال عن كل شي ...وواضح انها كان عند كلمتها لما قالت بخليك تسمعين كل سواليفه ...." عبدالله : استغفر الله ..ما تعرفين تسكتين ...بقي شوي لوائل ... شيماء : ماالت عليك ...هذا جزاتي اني اسولف لك ... عبدالله : ترى براسي الف شغله وشغله وانتي ما خليتيني اركز .. شيماء : ليه وش عندك ؟! عبدالله : رجعنااا ..لاحول ولا قوة الا بالله ... شيماء . وفاء: هههههههههههه عبدالله " بخباثه ": سالتيني عن كل شي الا وائل ..ماسالتيني عنه . شيماء :.......................... عبدالله : وربي صار يخقق من جد ...سوا لوك جديد ..طالع جنتل مان ... شيماء : .............. عبدالله : ههههههههههههههههه..ايوا كذا ..ليت من زمان جبت سيرة وائل عشان تسكتين ... وفاء "ما قدرت تكتم ضحكها ":هههههههه عبدالله " سمع ضحكة وفاء المكتومه .... يوووه فديت ضحكتك والله .." شيماء " تفكر في وائل .. يا ترى كيف بيكون شعوري لو شفت وائل ... هل بيكون مثل ما قال عبدالله ...اشوفه يخقق ..هل ممكن يتحرك قلبي لو شفته ...الله اعلم ..."... ومشت السيارة متجهه للبيت ...تحمل ثلاثه قلوب حيرانه ... .................................................. ........................... ....... الرجال في منزل العم سالم " ابو خالد "...... كان في استقبال الضيوف ... الجد ..ابو وائل ...ابو عبدالله ..ابو خالد ..ابو سعود ...وبعدين المعرس " وائل ".. عبدالله ..خالد..سعود..احمد ..عمر .... وائل .... كان لابس ثوب اصفر بتطريز بني على الاكمام والياقه وعلى الجيوب ...بدون بشت ..وغتره صفراء ...وكان مسويها كوبرا ..وعقال.. وساع بنيه سويسريه ...ولابس شراب وكندره لونها بني ...وطالع شكله وسيم بزياده ..وجذاب ... دخل المأذون .. واستقبلوه بكل ترحاب ..وجلس في صدر مجلس الرجال .." طبعا لانها عائليه مجلس الرجال تبع العم ابو خالد كان يكفي ومناسب لعدد الرجال " المأذون ..يطلب من ابو العروسه .. والعريس... والشهود .. انهم يجلسون عن يمينه وعن يساره ... وفتح كتاب عقد الانكحه ... وبدا يكتب ويسجل .. و وائل " يطالع في كل كلمه يكتبها الماذون ...وكل كلمه يقولها ...وتأكد ان اللي يصير حقيقه ومو حلم او كابوس " ...تنفس بصوت مسموع ...جعل الكل في المجلس يضحك من شكله اللي الكل توقع انها من التوتر المعتاد للعريس الذي يصاحب الملكه او الزواج ... ولكن شخص واحد فقط شعر بان وائل مو مرتاح لاتمام العقد ... سعود " وقف بسرعه ..واتجهه لوائل ...ومسك يده ووقفه ...وتوجهه للمأذون " دقيقه لو سمحت يا شيخ ... الكل : استغرب من سعود وحركته ..حتى وائل ... سعود "سحب وائل ..لخارج مجلس الرجال ..عند المغاسل .. وكلمه بكل حب اخوي وهو ماسك بيده " .. وائل فيك شي ...ودك تقول شي ... وائل "لسى مصدوم من حركه سعود ": لا ...سعود وش فيه ... سعود "ما زال ماسك بيد وائل وضغط علي يده بقوه ..": وائل لو تبغى تقول لي شي قوله ... انا بسمعك وبافهمك ..وان شاء الله اقدر اساعدك ... اهم شي سعادتك يا وائل ... وائل " يطالع في يده اللي حس بضغط سعود عليها .. وحس انه فاهمه ..وكان وده ياخذه في حضنه ويبكي عليها ويقول له انا ما احب الا اختك عبير ...تكفى فكني من هالموقف ...".......... سعود " ما زال الاصرار في عيونه ": وائل ..لسى فيه وقت اذا انت ... وائل " لا مستحيل اسويها ..ابوي وامي .. مستحيل انزل راسك يبه ..مستحيييل ..ابتسم لسعود بصعوبه .. وقاطعه ": سعود ... اطمن ..انا بخير ... " وجلس يطالع في عيون سعود اللي حس انه فاهم كل اللي صار له "... والله انا بخير ...بس مرتبك شوي ..." ابتسم " اذا صرت في نفس موقفي هذا راح يصير لك نفس الشي ... سعود" ما ارتاح كثير بس دام وائل ماحب يتكلم خلاص ": متاكد وائل ... وائل " مبتسم ": ايه متاكد ... سعود : يالله ندخل ..والله يعينني على اللي بيجيني من جدي واعمامي على حركتي هذي ..هههههههههههه وائل : هههههههههههههههه .. ما عليم برقعها لك ..يالله ندخل عند الرجاجيل .. " دخلوا على الرجاجيل ..اللي جلسوا يطالعون في وائل وسعود ..وخاصة سعود اللي سحب وائل ...بس وائل طمنهم ان سعود كان يبغى يقول له الدعاء ويقرا ويسمي ... وطالع وائل في سعود وغمز له ...اللي الثاني رد عليه بغمزه ارتياح ...انه ما احرجه قدام الرجاجيل ..." كتبوا الكتاب واخذ عبدالله الكتاب للحريم ..عشان شيماء توقع ... اخذته ..عمته نوره من يده من عند البوابه..وطلعت لشيماء .. في غرفتها ..اللي بس شافت الكتاب اللي توقع فيه .. نوره : يالله يا شيماء وقعي ... شيماء " تطالع في الكتاب ... وهي تشوف توقيع وائل وابوها ": وقع وائل ...يعني لازم اوقع انا كمان ... نوره " مستغربه من اللي قالته شيماء ": ايه حبيبتي لازم العريس يوقع ...يالله وقعي انتي ... شيماء " انحرجت ان عمتها سمعتها وهي تقول كذا ..ومستغربه كيف طلع صوتها ... وبلا أي كلمه ...اخذت القلم بسرعه ووقعت ..ودمعت عيونها .." نوره " تزغرد ": كلوووليش ...الف الف مبرووو....." تطالع في شيماء والدموع في عيونها "... لا لا ليه الدموع .... شيماء : عمتي ...." وزادت الدموع ..". نوره "تحط الكتاب على التسريحه .. وتاخذ منديل بسرعه .." لا لا يا شيماء ..لا تبكين ...بتخربين مكياجك ..دقيقه اعدله لك ..." ابتسمت لها " عادي ترى ممكن الوحده تبكي يوم ملكتها لان مشاعرنا تختلف كل يوم ..وانا قد مريت بهالشي واعرف ايش تحسين فيه ... بس تطمني انك اخذتي افضل الرجال ..وائل مافيه منه اثنين ... شيماء " اخذت نفس ..": خلااص يا عمتي انا بضبط مكياجي ..روحي رجعي الكتاب للي عطاك ... نوره : ايه عبدالله ينتظرني عند البوابه ...يالله مبروووك ..." وطلعت ".. شيماء " سرحت في نفسها في التسريحه ".:يارب عدي الليله على خير ...متى ينتهي هذا كله ...اوووف .." ورجعت تضبط مكياجها وهي متضايقه .."... .................................. .................................. دخل عبدالله ..مجلس الرجال ... بيده الكتاب ... وائل " يطالع في ملامح عبدالله اللي كانت طبيعيه ...لو جت منها يكون افضل ...بس شكلها وقعت ".... عبدالله " اعطي الماذون الكتاب ..وراح لابوه " الف مبروك يبه .. وائل " غمض عيونه بقوه لما سمع المباركه .. يعني تم الموضوع ..قرب عبدالله منه .. وبارك له " الله يبارك فيه يا عبدالله وعقبالك ... بعدها راح وائل سلم على عمه سلطان ...وعلى جده وابوه ..وعلى اعمامه ..والكل سلم عليه وبارك ...ولما جاء دور سعود ... وائل "بس شاف سعود قدامه اللي كان واضح عليه انه منحرج من اللي سواه .. ابتسم له "... سعود " منحرج منه " مبروك يا وائل ..." وقرب منه اذنه " اسف شكلي فهمتك غلط .. وائل " بس سمع كلمه سعود ... ضمه لصدره ...وحضنه ...لا والله ما فهمتي غلط انتي الوحيد اللي فهمتني صح ...رد عليه باذنه وهو حاضنه ": لا ما عليك ..بس لا تعودها مع غيري ههههه سعود " هو كمان كان حاضنه ...": هههههه اول مره حدسي يخيب ...شكله ما ينفع حدسي الا مع عبير .. وائل " بس سمع اسم عبير.. محد فاهمني الا انت يا سعود ..زاد في ضم سعود ... وسعود حس عليه ...بس ما توقع عشان عبير ..." ههههههه عمر " قرب منهم وهما حاضنين بعض ": يالله ..ياخي فك العريس الناس واقفه تنتظر عناقكم الاخوي هذا يخلص ... احمد " ياشر على يده ": اقص يدي اذا اخوي ... الا عناق حميمي .. وائل , وسعود " بعدوا عن بعض "ههههههههههههههه وائل " وهو حاط يده على كتف سعود ": هذا اخوي الصغير مافيها شي اذا ضميته .. سعود" فرح لما سمع وائل ..وحس ان فعلا وائل مثل اخوه الكبير ..":..يالله مبروك مره ثانيه ..." وابتعد عشان اللي وراه بيسلموا على وائل ...بس راح وهو مرتاح من كلام وائل ...وان اللي سواه ما اثر عليه .."... ..................................... عند الحريم ... كان عدد الحريم المدعوات كثيرات بالنسبه لعدد الرجال ...ففتحوا مجلس الحريم ومجلس الرجال ..وصار البيت كله حريم ... في الطابق الاسفل ...وصوت الدي جي .. مالي المكان ..والبنات رقص وسواليف ... والعمات في استقبال الضيوف و الترحيب ...والشغالات للضيافه.. ... بعد العشاء ..... والكل ينتظر زفه العروس شيماء ...طلعوا البنات " وفاء وعبير وسمر ونجوى "..عند شيماء عشان تستعد للزفه .... " دخلوا البنات ورا بعض للغرفه وهما لابسات نفس الفستان .. وكان المكياج كل وحده اختارت اللي يناسبها او اللون اللي تحبه ....وطالعه اشكالهم مميزه وحلوه جدا جدا ... وفاء " تركت شعرها الاسود مفتوح لانه طويل واصل لاخر ظهرها ومن قدام على جنب. ..وهي نحيفه وطويله .. ومكياجها كان لحمي ... ".. عبير" شعرها الواصل لنص ظهرها ولونه البني الغامق مع خصل عسلي ...وقاصته شلال ..من قدام خلته مفروق من النص .. وطايح شعرها على كتفها ..ومكياجها زهري ... ..".. سمر "شعرها الاحمر ..اللي يتعدى اكتافها ....مجعدته.. ومسويه مكياج احمر .. ..." نجوى " قاصه شعرها فراوله قصير مرره ... وشعرها على طبيعته اسود .. ومكياجها اورنجي .." شيماء" كانت جالسه على كرسي التسريحه بس شافت البنات داخلات عليها ارتبكت" : لا تقولون الزفه .... وفاء : ايه ايه الزفه يالله استعدي .... شيماء" مرتبكه ": الحريم كثيرين ..؟! سمر : لا مو مره كلهم تعرفيهم ... نجوى : شيماء مافيه شي يوترك ترى الزفه مضبطينها وكل شي تمام ... عبير : انتي بس امشي بشويش ..عشان الزفه تكون حلوه والناس تشوفك مضبوط ... شيماء : أأأ ...و...وائل بيدخل الحين والا بعدين ... سمر : بيدخل الحين معاك ..وقت ما تجهزين قولي لي عشان اكلمه .. عبير" حاولت تنسى وائل ..وتفكر في شيماء بنت عمها ..على الرغم من انها جافه معاها ..بس شيماء كانت مره مرتبكه ومحتاجه الكل معاها .."... نجوى " تطالع في شيماء ...": خلاص انزل تحت عند صاحبه الدي جي عشان اقول لها متى تشغل الزفه ...؟! شيماء " اخذت نفس ": ايه ايه خلاص روحي ..." ولفت على عبير " عبير عطيني مسكتي ..." وعطتها عبير مسكتها ... ولفت على سمر ".. سمر خليك جنبي لو مسك الكعب في فستاني او يمكن اطيح تمسكيني ..لانك الوحيده اللي بتكون بدون عبايه ..طيب ..." سمر : طيب ... نجوى وفاء وعبير ..لبسوا العبايات .. ونجوى وفاء عندهم نقابات ..وعبير لثمه .. سمر " تطالع فيهم وهما لابسات العبايه ": يوه ..اشوا انه اخوي " وبتكبر " مالي خلق يخرب مكياجي وشعري .... وفاء : نشوف فيك يوم يا سمر ... عبير : وانتي الصادقه...يعني اذا تزوجوا اخواننا بتكشفين عليهم ..؟! بتلبسين العبايه غصب عنك ... نجوى : يالله بنزل ..." ولفت على شيماء ".. لا ترتبكين ..هذا وائل زينه الشباب عين السيح ... شيماء" ضربتها على راسها ": روحي يالله ...قال عين السيح قال .. البنات : ههههههههههههههههههههههههه هههههههههههههه. سمر " تكلم وائل ": هلا والله يالمعرس ..وينك ..تعال عند البوابه راح تستقبلك امي وعمتي نوره ...بسرعه ... عبير " تطالع في شيماء ..وتحس انها مقهوره منها ان وائل بيشوفها بعد شوي ..وبتصير زوجته ...بس تعوذت من الشيطان ... وائل لازم انساه ..ماصار لي ولا بيصير...وعشان لا يعذبها ضميرها ..مسكت شيماء وضمتها لصدرها بقوه ...": الف الف مبروك يا شيماء ...والله اني احبك ..واتمنى لك السعاده .. شيماء" مستغربه من حركه عبير .. ابتسمت لها ": الله يبارك فيك يا عبير وعقبالك .. عبير " بعدت عن شيماء وطالعت في عيونها ": حبيت اكون اول وحده تهنيك ... يا احلى عروس... شيماء " حست بالفرح من حركه عبير ... وحست ان عبير كانها اختها ": ... مشكورة عبير ..تصدقين خففتي التوتر عني ...ههههه عبير : هههههههههههه " وبعدت من قدامها ..وحطت يدها على صدرها وفكرت في وائل وحست انه ما صار يعني لها شي ..لانه هو الحين لشيماء وبس ...وشيماء اختي وانا احبها ...فرحت لهالشعور اللي جاء لها ...فعلا مافيه احلى من الاخوه ...".. بدا صوت الزفه يعلى ... وشيماء نازله من الدرج بشويش ... .............................. وائل " واقف في اخر الدرج ينتظرها تنزل ...وجنبه امه وعمته نوره ... شيماء ... كانت لابسه فستان ليلكي .. قصته من تحت الصدر وهالشي وضح جسمها انحف ...وله ذيل طويل شوي ...وكل الفستان فصوص ...ولابسه شال عليه لانه علاقي ...مسويه شعرها فلو على جنب .وحاطه ورد ليلكي على جنب ...ومكياجها كان ثقيل نوعا ما ...ومسكتها ورد طبيعي ملون ...كانت حلوه ..بس تكشيرتها قللت من جاذبيتها ... وائل " يطالع في شيماء وهي نازله .. سرح فيها شوي ...ولفت انتباهه شكل سمر ..وهي تاشر له من ورا شيماء.. وتضحك له ..وهو ضحك لها ":هههههههه .." يطالع في عمته نوره " وش طلع سمر الهبله مع شيماء.... نوره : ههههههههههه لازم وحده تكون مع العروس عشان لا تطيح وتساعدها ... وائل : اها .."... ورجع لف لشيماء ..لقيها قربت توصل ... وتلاقت عيونهم في بعض ... دق قلبه ...وابتسم ابتسامه ظهرت اسنانه ... قرب من الدرج اكثر ..ومد يده لها ...":... هاتي يدك.. شيماء " انحرجت من حركته ..مدت يدها له ..ما حبت تحرجه قدام الحريم ":...مشكور ... وائل " شبك يده بيدها .. وقفوا شوي يطالعون في بعض .."... ام وائل "تاشر لهم على مجلس الحريم ": على مجلس الحريم يا ولدي ... .. وائل " لف على امه ": أأأ ايه ايه ان شاء الله ... سمر " قربت من اخوها وتعلقت فيه حتى وصلت لاذنه ": اقول امش بشوييييييييش ...وش فيك طاير ... وائل " ضحك على كلام اخته ": طيب طيب... مشيوا لمجلس الحريم ..وهما مشبكين يدهم في بعض ...لحد ما وصلوا للكوشه ....وجلسوا عليها ... وائل " ابتسامته ما فارقت شفايفه ...طالع في شيماء ..قرب منها ": مبروك يا شيماء ... شيماء" نزلت راسها .. وبدون ولا ابتسامه ": الله يبارك فيك ... وائل " يطالع في اللي قريبين منه ...جدتي ..امي ..وعمتي هيا "ام عبدالله "..عمتي سعاد"ام خالد " ..عمتي بدريه "ام سعود " ..عمتي نوره....سمر ...خالتي ام سعد وخالتي ام بدر ...والباقيات متغطيات مو قادر اميز منهم أي احد ...ولا ابغى اميز احد ...وخاصة عبير...اتمنى ما اشوفها ...كفايه شفتها في الصباح ...انتبه لهم جايين يسلمون عليه ويباركون ..وقف لجدته وعماته وخالاته...وشيماء سوت نفس الشي ...وقفت لهم .."... وبعدين لبسوا الدبل ...وائل ..لمس يد شيماء وهو يلبسها الدبل .. تذكر عبير ...لمى لمس يدها ...ما يدري ليه حس بشعور حلو لما تذكر لمسته لعبير وما حس مع يد شيماء باي شي ... ...نجوى كانت قريبه من اختها تشوف لو تبغى شي .. او تقول لها شي ... ...عبير وفاء ...كانوا جالسات بين الحريم بس قريبين شوي من كراسي العرسان ...وفاء كانت تعرف تزغرد ... وفاء " تدق عبير اللي جنبها ":... اسمعيني بعد شوي بزغرد .. عبير : من جدك انتي ...عادي و وائل هنا .. وفاء "بلا هتمام ": ليه وش عرفه فيني ...كلنا متغطيات ... عبير " كانت بترد عليها بس وفاء سبقتها ".... وفاء : كللللللوللللللللللللللللل للش.... عبير " حطت يدها على اذنها وهي ميته ضحك على وفاء ":...هههههههه أي يا اذني هههههههههههه... وائل " غصب عنه لف على جهة الزغروده .. ولمح حركه عبير ..ولثمتها ...وعرفها ...هي هي عبير ... سمر " واقفه جنب اخوها ..لما سمعت الزغروده ": هههه عاشوا يا وفاء ....هههههههههه... وائل " على الرغم من صوت الدي جي والربكه والدوشه بس ميز ايش قالت اخته ..وتاكد مليون بالميه ان عبير اللي جنبها ...".. سمر " قربت قدام اخوها ..وقف قدامه ونزلت لعنده ...":.. هاه يابو الشباب مرتاح .."غمزت له .. وهي مبتسمه ".. مبسوط ...؟! وائل " وهو يطالع في سمر ..يقدر يلمح عبير ..لو رفع عينه شوي بس ...ما قدر يقاوم رغبته ..طالع فيها ..وكانه يترجاها اليوم بس تخف عليه ...رجع طالع في سمر ..وابتسم ": ايه مرتاح يا اختي العزيزه .... سمر : عادي قول تبغى تقعدون لوحدكم ... وائل "بلا اهتمام ": بعدين بعدين .... عبير " ما كانت تحاول تطالع في وائل مركزه على شيماء ..وش هاللوك الجديد يا وائل كله عشان شيماء ... يالله ما علينا ..انتبهت لشوق بنت عمتها تقرب منها .."... شوق " تحاول تركز في العيون ": اممممممممممم ...انتي عبير ؟! عبير" تطالع فيها ": ايه شوق حبيبتي ..وش فيه .. شوق : هذا جوالك ...؟؟ " مدت جوال عبير لها "... عبير " تاخذ الجوال": . ايه ايه جوالي ...ليه دق ؟ شوق " جلست جنب عبير ...طبعا كانت كاشفه عمرها 10 سنوات ما تغطت ": ايه اظن ...شوفي ..فيه مكالمات ...! عبير " مشغوله بجوالها"... ولكن هناك عين لم تكن مشغوله من وقت ما عرفتها ...بالرغم من وجود شيماء واهله والحريم المكتسيات بالسواد ومركزين عليهم .. هذا" وائل "....ايه هي عبير ..هذا جوالها ...اعرف شكله ..عبير كفايه تكفين ...كفايه عذاب ...ولسى ما خلص كلمته وهو يكلم نفسه .... عبير " وقفت بسرعه ..بتطلع تكلم برا عن صوت الدي جي ... بس كانت شوق جالسه على عبايتها ... وعبير مو منتبهه مركزه مع الجوال ...انفتحت عبايتها من قدام وضح جسمها والفستان عليها وكمان بانت ارجوالها لحد الركبه ...والكعب الذهبي ... وقفت فجأه وعبايتها مسحوبه على ورا ...وتطالع مين ساحبها ..لقيت شوق جالسه ومو منتبهه وجالسه تصفق ومنسجمه مع الطق اللي من الدي جي ... عبير " ضربت شوق بخفه على كتفها .. وترفع صوتها عشان صوت الدي جي": قومي شوق شوق قومي عبايتي تحتك ... شوق " انتبهت لعبير ..وقفت ورجعت تصفق " وائل " للاسف شاف كل هالموقف ...اللي صار قدامه ... وشوفته لتفاصيل جسم عبير .. خلاه يعرق اكثر ..ويحك جبهته ..ويتنفس ببطء... ونزل راسه وهو يهزه يمين ويسار .....حرام عليك يا عبير ..حرام عليك .... نجوى "لفت من عند شيماء وراحت عند سمر اللي قريبه من وائل ": شيماء تقول جيبوا التورته ..والعصير ... سمر : ايه طيب .. انتي خليك عند شيماء وبجيبها انا وعبير وفاء .. وائل " كان وده يقول لاخته الا عبير ...تكفين يا سمر الا عبير لا تقرب مني ...اليوم ملكتي ...تذكر شيماء ..وطالع فيها ": احس ان حتى شيماء مو مبسوطه ...ما شفت منها ولا ابتسامه الا اللي بالدرج وبس ... """"""""""""""""""""""""""""" ...................... سمر ...راحت نادت وفاء ..ولقيت عبير بالصاله تكلم ...وراحوا المطبخ ... عشان التورته ..والعصير ..حقت العرسان .. سمر :... انا وفاء بنشيل التورته ...وانتي يا عبير جيبي العصير .. عبير " بعلت ريقها وارتبكت ...ما تبغى تقرب من وائل ": أأأأ العصير انا لألألأ .... " بترجي "خلي الشغاله تجيبه ياسمر..اخاف ينكب علي ... .. سمر" وهي شايله التورته هي وفاء ": لا والله ما تدخل الشغاله ..ليه اخوي يتيم .. ما عنده بنات عم مثل خواته ... عبير" باستسلام " : طيب .. دخلوا سمر ..وفاء"بالعبايه" لمجلس الحريم ...شايلين التورته طولها نص متر ...عليها صورة شيماء في نص التورته والنص الثاني صورة وائل..كانت هديه من عمتهم نوره ..هي والعصير اللي دخلت عبير"بالعبايه" ...وهي ماسكه كاسه كبيره مرره فيها عصير طبقات ومعاها مصاصتين ..كبار ملصق فيها قلبين لونهم احمر...الكل يطالع فيهم وهما داخلين ومتجهين لعند وائل وشيماء ...على موسيقى هاديه ... قربوا سمر وفاء وضعوا التورته على الطاوله اللي قدام وائل وشيماء ...وسمر بسرعه حطت عليها الشموع اللي مثل نجوم الليل ...في الاربع اطراف ..وشغلتها ...والكل زغرد وصفق ...ومشغول بالتورته ... الا " وائل " ..طالع في عبير ..اللي كانت شايله كاسه العصير الكبيره ...وانتبه ان عبير طالعت فيه وبعدت عيونها بسرعه .. "ولفت عبير تسأل عمتها نوره ..وين تحط الكاسه ."!! .. نوره " قربت طاوله صغيره نوعا ما وحطتها قدام وائل ..واشرت لها ": تعالي عبير هنا حطيها ... عبير" طالعت في الطاوله اللي قريبه من وائل لدرجه ركبته شوي وتدق فيها ": أأأأأأ..." ما تحركت ..ولا نزلت العصير.. وائل " يطالع فيها شوي ويطالع في عمته ...ويطالع في قرب الطاوله منه ... فكر انه يبعدها عنه لانه حس ان عبير ما تبغى تقرب لانها قريبه منه واضح انها مرتبكه .. ...بس بطل يبعدها ولف وجهه عنها وطالع في شيماء .... عبير" ...يؤؤؤ..محد راضي يسمعني ...ما يشوفون الكاسه يا كبرها في يدي ...اخيرا لف على شيماء ....بسرعه بحطها على الطاوله ...بس قربت من الطاوله ..وحطتها ...لف وائل عليها .." وائل " يطالع فيها وهي راكعه تحط الكاسه الكبيره وبسبب كبرها كان لازم تحطها بشويش ...ارتبكت لما حست ان وائل لف عليها ... وائل " طالع في لثمتها وشاف رموشها الطويله والكثيرة ..واضح ان مكياجها زهري...مد يده للكاسه عشان يثبتها معاها .."... سمر" انتبهت لحوسه عبير لفت بسرعه لعندها وساعدتها "... عبير " بعصبيه ..": بدري ... وائل " سمع عبير ... فعلا البنت مرتبكه مني ... الله يا عبير نسيتي وائل ...ابتسم .. وعض على شفايفه .. وقف لما شاف شيماء وقفت عشان يقطعون التورته ويشربون العصير...."... عبير " بعد ما حطت العصير على الطاوله ...بقيت واقفه جنب سمر ومكتفه يدينها..قريبه نوعا ما من وائل ": ياربي ريحه عطره مرره قويه بس حلوه ...حتى واضح ريحه العوده فيه ... وساعته فضيعه مرره ...حتى ثوبه كشخه ... لما خفف شنبه وضحت حدود شفايفه اكثر..نفس شفايف سمر ...يؤؤؤ ..وش وصلني لشفايفه ...انتبهت لوائل .. يطالع في سمر ويقول شوفوا لنا مكان نجلس مع بعض ...ولاحظت انه طالع فيها ...نزلت عيونها ..وطلعت للصاله ... وائل وشيماء ..دخلوا غرفه نوعا ما صغيره فيها كنب متصل ...دخلت معاهم سمر وام وائل وعمتهم نوره وام عبدالله ...لحد ما جلسوهم ...طلعوا كلهم وقفلوا الباب عليهم ..وبقيوا لوحدهم ... وائل " لف يطالع في شيماء .. حلوه بس ...بس .. لا مو بس ايه حلوه وتجننن ": مبروك يا شيماء .. شيماء " طالعت فيه ..وابتسمت ": الله يبارك فيك ...بس ترى ما سمعت منك الا مبروك مبروك ...ههههههه وائل " تفاجأ من ردها ..وضحك ": ههههههه ... طيب ..كيف حالك؟ شيماء" وهي تطالع فيه بدون خجل ": تعبانه مو مصدقه متى تخلص هالملكه ... وائل " حس ان شيماء .. ما عندها مجامله ...": سلامتك والله من التعب ...تحبي اتركك ترتاحين ... شيماء " طاح الشال من على كتفها ..وارتبكت وصارت ترجع الشال ": اأأ ...بـ براحتك ..." احتاست بالشال " وائل " قرب منها وعدل لها الشال على كتفها .. حتى ان يده جت على ظهرها العاري ..ابتسم لها ": اسف ما قصدي .. المسك ..مع انه " غمز لها " صرتي حلالي ...وزوجتي ...بس .. ما احب استعجل الامور ..احب اخذ كل شي حبه حبه .." ابتسم لها.. وبعد يده عنها بعد ما ضبط لها الشال "... شيماء " تطالع فيه وعيونها مفتحه .. وبارتباك وجديه ": لا تقول لي هالكلام مره ثانيه ..ما احب اتكلم في هالامور .. وائل " طالعها باستغراب ": أي امور ...اذا قلت انك زوجتي ..ما تحبين اقولها ... شيماء"منزله راسها .." :وائل انا انا تعبانه وابغى اطلع غرفتي ..ممكن .. وائل " طالع فيها ..": طيب ..طيب...بخليك ترتاحين .."وقف ..وطالع فيها وهي جالسه و لسى منزله راسها ولا وقفت " وائل : ما راح تودعيني ... شيماء "طالعت فيه ..وقفت وهي متاضيقه ":مع السلامه .. وائل " طالع في عيونها ..وابتسم لها ..وضمها لصدره .. وغمض عيونه...وكانه يقول لها ..شيماء تكفين نسيني عبير ..تكفين نسيني حضنها وريحتها ..وذكرياتها ..خليني ابدا معاك كل شي حلو بعيد عن عبير ..تكفين يا شيماء ساعديني ..":... راح اشتاق لك ... شيماء " كانت في حضن وائل ..مو مستوعبه اللي سواه ..ولا حتى بادلته الضم ..وبصوت واطي ": قلت لك تعبانه فكني ... وائل " فكها بسرعه ..وهو يطالع في عيونها ": شيماء انا .. شيماء "زفرت بقوه ": قلت تعبانه تفهم والا ما تفهم ... وائل " انصدم ...":يمكن اعصابك تعبانه اليوم ...اشوفك وقت ثاني ....مع السلامه ... وائل "طلع من بيت عمه وقف في الحوش ..فكك ازرار ثوبه من فوق ... لا مو معقول ..وش اللي قاعد يصير ...انا بحلم والا بعلم ...شيماء ..شكلها ..شكلها مو طايقه تطالع في وجهي ..ولا هي متقبله أي شي مني ...حتى ما حاولت تجاملني ...يمكن صدق تعبانه ..بس ..حتى لو تعبانه هذي ملكه مره بالعمر ...ليه .".ومر على باله شكلها وهي جنبه في الكوشه "..ما كانت حتى تطالع فيني ..ولا تبتسم ..لالا ان شاء الله اني غلطان ..يمكن انا صرت حساس زياده عن اللزوم ...." فتح البوابه ..وطلع ..وشاف اولاد عمه واقفين عند سياراتهم ومشغلين مسجل السيارات على اغاني ...ويرقصون ويستهبلون ...بس شافوا وائل طلع زادوا في الرقص ..وضربوا بواري ... وائل "ابتسم من رقصهم وحركاتهم ... يالله بانبسط مع الشباب ولاحقين على شيماء..وقرب منهم وائل ...ولف غترته على وجهه وتلطم ..وصار يرقص رقص واحد محترف .. والكل سوا نفس حركته تلطموا ..ويصفقون ويصفرون ...وعمر جاء قدامه ..وصاروا يرقصون مع بعض ....والكل فرحان بملكة وائل وشيماء ..ما عدا وائل وشيماء !!!..... | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
