19-12-12, 08:59 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  البارت التاسع ((قسوهـ رجل )) علي نزلت راسي من نظرات العتب الي على ويه ابويه ....كملت : عمي افتح انته بلاغ وانا بظمن ان الموضوع يتم سري ...بس لازم نفتح بلاغ ..عشان ما..... قام عمي معصب : وسمعتنا واسمنا فالسوق ...وبين الناس انا ما ببلغ..ولا تهمني ميره رجعت والا لا ...شو تبا الناس تقول ... التفت صوب سهيل اباه يقول ...طالعني وقال : انته ناوي تفضحنا عموه : سهيل هذي اختك ولازم نعرف وينها سهيل : لا هذي هب اختي ولو جفتها بذبحها التفت ابويه صوبي : انزين ما تقدر تتصرف بدون بلاغ قلت : اقدر بس ... جمانه منفعله : بس شوه ؟؟ قلت وانا اتفداها فخاطري : يمكن اطول ..اخذ فتره طويله...وجيه ما بنعرف وين راحت ...والمهمه جيه بتصيـــــــــــــر اصعب سهيل : خلاص عيل انته جوف شغلك واذا عرفت مكانها قولي جفت جمانه اطالع سهيل بنظرات خوف ...وعموه بعد ..التفت صوب عمي : خلاص علي انته جوف الموضوع بس ما نبا حد يعرف قلت : خلاص تم يا عمي التفت وجفت نظرات ابويه ...ادري انها صدمه له ...ابويه يعرف عني كل صغيره وكبيره الا هذي السالفه ....نزلت راسي ...اعرف ان الي اسويه هب غلط واني اتخذ قرارتي دايما بروحي ...بس ولو كان لازم ابويه يدري ... اول ما طلعت من بيت قوم عمــــي ...ركبت السياره ...ركب عدالي ابويه ...ارتبكت ...لفيت صوبه ...قلت : ابويه سامحني بس طالعني ومسك ايدي وقال : انسى الموضوع خلاص قلت : يعني انته هب زعلان ؟؟ طالعني وقال وهو يظربني على جتفي : حد يزعل وهو يجوف ولده يسوي شي كبير ويخدم دولته ...انا فخور فيك مسكت ايد ابويه وحبيته ...وبعدين حبيته على راسه دزني وقال : بس عاااد الي يسمعك يقول انا شايب والا يدك هب ابوك .. ضحكت : من كثر ما احبك يا الغالي قال : تراهن الا جم سنه بيني وبينك ضحكت ...وحركت السياره ...وقلت : عاش بو الشباب والله ...بس يا خوفي تعرس ؟؟ طالعني وقال : لا اطمن لا تخاف .. سكت وضحكت على ابويه ..انا متعود على اسلوبه ...وهالشي مخلينا مرتاااحين ... جمانه حسيت انه في اشياء واايد فحياة علي ما اعرفها ..شخصيته قويه..حتى جدام سهيل اخويه ...سهيل الي ما نقدر نرمس يوم يكون موجود ...بس احس بنار فقلبي اذا علي خبر سهيل عن مكان ميره ...اكيد سهيل بيذبحها ...لا لا انا مستحيل اسكت ...لازم اقول لعلي ...لازم اقوله والا ميره بتروح من بين ايدينا ....طلعت من غرفتي ورحت صوب غرفه امايه ...دقيت الباب ودشيت...لقيتها يالسه على سيادتها تصلي ...وقفت اطالعها ...الله يخليج لي يا امايه ...انا بدونها اضيع ...ادري انها تحاتي ميره وكلنا نحاتيها ..بس الي سوته كبير ...هب قادرين نستوعبـــــه .. ميره فتحت عيوني على صوت الباب ...جفت خالتي ... خالوه : يلا ميره تعالي تريجي قلتلها :ان شاء الله قمت وتغسلت رتبت شكلي وشعري ....لبست شيلتي ونزلت ...جفت نوف يالسه كانها ملاك . قلت : صباح الخير ابتسمت نوف...ويها يشع من البرائه والنور ...بادلتها الابتسامه ويلست عدالها حمدت ربي ان مانع ما موجود ..ما ابا اجوفه بعد الي صار البارحه ...نفضت الافكار الي فراسي وبديت اتريق ....بس التفتنا كلنا على صوته الخشن : صباح الخير ارتجفت .. هذا مانع ...تذكرت الكلام الي قاله لي ... ...كنت ابا اقوم بس خفت خالوه تلاحظ خالوه : صباح النور الغالي تعال تريق تعال يلس مانع عدال خالوه ..كنت انا مجابلتنه ..جفت نظراته الحاده وهو يطالعني ...الكره طالع من عيونه ...تمنيت الارض تنشق وتبلعني .....نزلت راسي ...ما ابي اجوفه حقير ...التفت يوم خالوه زقرتني : ميره ابويه صبي جاهي لمانع جفت الدله عدالي هالي ناقص بعد ايلس اخدمه ...قمت وصبيت الجاهي ...يلس يطالعني بنظرات حاده ما اعرف كيف افسرها قلت : تفضل جفت نوف تمسك ايد مانع ...وبعدين كتبت على ورقه ..اول ما جاف الورقه يلس يطالعني بغيض ...عيونه كانت شرار ...انا شو دخلني ...حسيت بخوف من نظراته...انا كيف بستمر وياهم ...كيف بتحمل كل هالكره ...والله ما اقدر ... خالوه : شو تبا نوف ؟؟ طالعني بنظرات احتقار : تباني اوصل ميره السوق تشتري لها اغراض انصدمت ....عشان جيه يطالعني انا امس قلت لنوف اني ناقصتني اغراض قلت بسرعه : مشكور ما ابا شي خالوه : يالله بستر ..امس تقولين تبين اغراض قلتلها وانا اطالعه فعينه : ما ابا شي وقمت من اليلسه وانا اداري دموعي ...فكل مكان احس بالغربه ..هالشعور بيذبحني .......شعور مر ...ما اتمناه لعدو ولا حبيب ...تحس عمرك ولا شي ...ما تحس بحد يحبك ...يهتم فيك ...تحس انك دخيل عليهم ...حتى اهلي كان عندي نفس الشعور ...انا غريبه بينهم .....فريت عمري على السرير ...تنهدت بالم ...خاطري اصفعه على ويهه هالمغرور سهيل دخلت غرفتي وانا احلف انه محد بيذبحها غيري ...فريت عمري على الكرفايه ....يلست افكر ...قمت ويلست اطالع عمري فالمرايه ...جفت ميداليت حبيبتي مخلايه على الطاوله ...مسكت الميداليه ...بستها وشميت ريحتها ...كل شي يذكرني فيها...رحت وخليت مفتاح غرفتي فالميداليه ويلست اتذكر (( ابوها : سهيل ما اوصيك هذي عيوني... رديت وانا اضحك:لا تخاف عليها ...خلني عاد ادش حراااام موقفني ساعه ضحك: مبرووووووووك يالغالي حبيته على راسه : الله يبارك فيك دخلت...جفتها .....حسيت عمري ملكت الدنيا ..كانت قمر ...لابسه فستان وردي...تقربت منها وقلت : مبرووووووووووووووك قالت : مبروك عليك قلت : عنبوه مثلي انج مستحيه عاد دوم انتي جيه عافانا الله ردت : سهيل يوز عن سوالفك والا بتعايز احين ...ولا اقولك بزقر ابويه مسكتها من ايدها ورصيت عليها : لا دخيلج ساعه يوصيني عليج برع جفت ابتسامتها ...تقربت منها ...بعدت عني ...تقربت...بعدت: عنبوه انا ريلج الحين قالت : حامض على بوزك للعرس ما بتاخذ مني شي قلت: انزين بوسه قالت : ليك الواو بوس الواو خل الواو يصح لما بست الواو شلت صار الواو بح قلت: عفانا الله ماخذ ياهل انا يلست تغايضني : ابويه ..ابويه قلتلها : صخي ما عليه بتجوفين با بوسج قبل العرس قالت وهي تاشر على راسي : احلم قلتلها : لا تغايضين بعدج ما تعرفيني دخل ابوها ...ضحكت هيه ...عصبت ..اذا شفتوا الحراره اكيد 100 بس ما عليه مرت الايام وستوت سالفه الكلب ...وذاك اليوم بستها ولميتها فحضني بعد ....ويلست اغايضها اسبوع كامل بعدين زعلت ...ههههههههههههه)) فديتها مشتاق لها موت ياترى اشتاقتلي والا تكرهني عقب الي سويته فيها .......ابدا ما توقعت هالشي مني ...انا ما اعرف كيف تصرفت هالتصرف ...لو الزمن يرجع لورى واقدر امحي الي صار ...ياليت اقدر ...ياليتني اجوفها مره ثاااانيه ..بس اقولها اني ندمت ...ياليــــــــــــت ميره بعد اصرار من خالوه ونوف ...اقتنعت اروح السوق ...لبست عباتي ونزلت ...لقيت مانع يالس فالصاله وشكله مضايج : ابا اعرف انتي كيف جيه اقتحمتي حياتنا ؟؟ نزلت راسي مسكت دموعي لا يطيحن جدامه كفايه الي صار امس ...لفيت وعطيته الظهر ...تقرب مني وقال : ادريبج هب هينه اذا قدرتي تقصين على نوف وامايه انا لا صدق انه حقير : انا .. بس سكت يوم جفت نوف يات صوبنا وهي تبتسم ...طلع مانع وركبنا السياره...ركبت والسياره وانا احس اني مقهوره وادعي ربي ان الوقت يمر بسرعه ...ما ابا اجتمع وياه فنفس المكان .. ميسون يالسه فالبيت على كرفايتي .....افكر ...معقوله ميره تسوي جيه هاذي انا ما سويتها...ما عادى اني انجبرت على اشياء واااايد ...محد فالبيت غيري انا وسلمى ....ابويه وامايه رايحين دبي معزومين على عرس ...وسلطان طول يومه برع ...دشت عليه سلمى سلمي : ميسون من اسبوعين مسافر هزاع عنبوه ما دق عليج ارتبكت وااايد ونزلت راسي سلمى حست بهالشي : ميسون لايكون انتي وهزاع متزاعلين صحت ما قدرت استحمل اكثر : هيه تقربت مني سلمى ولمتني : شو صاير هو الحين وين؟ رديت : هو سافر ورجع من اسبوع بس انا ما رضيت ارد البيت سلمى وهي منفعله : ليش ؟؟ حسيت بالقهر : جاسي عليه وايد سلمى : معقوله ما سال عنج اسبوع عطيتها تلفوني : جوفي فتحي المسجات فتحت سلمى المسجات : ((ميسون ردي البيت احسلج ولا تسوين مشاكل )) ((ميسون عن الحركات ورجعي البيت لا اي بيتكم واسحبج سحاب)) ((والله يا ميسون هذي اخر مره اطرش مسج اليوم اذا رديت من الدوام وما لقيتج فالبيت بقلب الدنيا على راسج )) سلمى : والله انه سبال هالهزاع ...من يوم جفته اول مره وانا ما اطيجه حضنتها كنت وااايد خيفانه : اخاف اي هنيه سلمى عصبت : ليش ما عندج اهل انتي ؟؟ ابا افهم ليش ما تخبرين سلطان وابويه عليه رديت وانا اكتم اهاتي: ما يقدرون عليه محد محد يقدر عليه ... سلمى : الله يهديه ابويه ..يوم قلتليه ما ابيه جبرج عليه ميسون : خلاص سلمى خلاص قامت سلمى ....وطلعت حسيتها وايد تضايجت ...هيه الوحيده الي اخبرها الي يصير فيني ...حتى امايه ما تعرف...ياليتني اقدر اهرب ...بس للاسف ما اقدر ...ابا ارتاح من هالزواج ...ياليتني اقدر اوقف فويهه واقول ما ابيك ...طلقني ...ياليت ميره فالسياره كانوا ساكتين ....يلست اطالع من الدريشه ......بس التفت على صوت مانع : تغشي وانتي فالسوق عن يجوفنا حد من اهلج فاهمه ؟؟؟؟؟ حسيته وايد قاسي : ان شاء الله نزلنا السوق نوف مسكتني من ايدي ..... يلست اتشرى ويوم وصلت صوب الحساب كنت بطلع فلوس مانع بعصبيه :دخلي فلوسج شو ما شايفه ريال جدامج نزلت راسي...دفع هوه ما ابا منه من عند حد ..اول ما نوصل البيت بعطيه فلوسه ...طوول عمري عزيزه نفس ...ما ابا من واحد مثله شي ...كتمت غيضي ونويت اول ما ارجع البيت ارجع له فلوسه ...حسيت بايد نوف وهي تمسك ايدي ..طالعتها ...اباا اصيح ...ابا ادفن راسي فحضن حد واصيح يوم كامل ...ابا اصيح لحد ما يوقفن دموعي ...ابا اصيح لحد ما ارتاح بس الظاهر فحياتي كلها ما برتاح ...الشقى يتبعني من مكان لثاني .... سهيل دخلت البيت لقيت امايه سلمت عليها : شحالج امايه ؟ قالت : هلا سهيل يلست عدالها وخذت لي كوب شاي ...حسيت انها تبا تقول شي ... قلت : بلاج امايه فيه شي ؟؟ قالتلي : سهيل روح بيت عمك بوسلطان وصل هالبطاقه قمت معصب : شوه انا اطيح بيتهم بعد الي صار امايه : بلاك انته ؟؟انتوا ماسلمتوا على بعض وطاح الحطب صارخت : انا مستحيل انسى الي صار امايه : اقولك بتسير والا بزعل عليك هذا عمك وعياله سكت ما عرفت شو ارد على امايه كملت : وبعدين سلطان محد ابوك مطرشنه بوظبي عنده شغل ما بغيت ارد امايه : خلاص احين بروح وينهن البطايق قالتلي : على المكتبه الي عدالك خذت البطايق وظهرت ....ركبت سيارتي ...شغلت اغاني عراقيه حزينه ...احب هالاغاني بالهم رضيت وما رضى الهم بيه رحمي بحالي يا دنيا رحمي بحالي يا دنيا اغلى حباب ما وافوني ما شفت الفرح بعيوني اول ما دخلت بيت عمي ...جفت ميسون فالحديقه ...ابتسمت ونزلت من زمان ما جفتها ....ما تنجاف من عرست تقربت منها : مساء الخير قامت ميسون : هلا سهيل شخبارك ؟؟ ابتسمت : بخير شحالج انتي من عرستي ما تنجافين حسيتها استحت ونزلت راسها : تفضل قلتلها : لا ما فيني هذيلا البطايق من عند امايه خذت البطايق ...التفت بقو على صوت السياره الي وقفت فالحديقه .... ميسون وقف قلبي يوم جفت هزاع موقف سيارته ...تميت اضرب ويهي يالفضيحه ...حسيت عمري بموت من الخوف ...تقربت من سهيل خيفانه .... هزاع سلم على سهيل وتقرب مني ومسك ايدي : يلا هاتي عباتج بنروح شديت ايدي وقلت : ما ابا اروح صك على اسنانه : ميسون تعوذي من بليس ...ويلا سهيل تم يطالعنا .... شدني بقو : اقولج يلا سهيل حس ان فيه مشكله تقربت منه ...من الخوف مسكت ايده : سهيل دخيلك قوله ما ابا اروح سهيل : هزاع روح الحين وارجع يوم يرجع عمي والا سلطان تفاهم معاهم هزاع وهو يصارخ : ما يخصك بيني انا وحرمتي فاهم .. وشدني من ايدي بيسحبني صوب السياره ...بس صرخت : ااااااااخ ما حسيت الا بسهيل ماسك هزاع وبيتضارب وياه ..شهقت وانا اجوفهم ...ما ابا تصير مشكله بسببي ... مسكت سهيل : دخيلك سهيل ودره بس سهيل ما ودره ...حسيت بالخوف صرخت : سهيييييييييييييل يلس يطالعني وعيونه كلها شرار ...ابتعد هزاع وطلع .......يلست اصيح . .انهرت ...تقرب مني سهيل : شو صاير ميسون ؟؟؟ ما قدرت اتكلم ...يلست اصيح غطيت ويهي بايدي ....ركضت صوب غرفتي ...سهيل تم يطالعني بس انا رحت ...طالعت من الدريشه وجفته يركب سيارته بيروح ...رن تلفوني...دق قلبي بقو | |||||||||
|  |
|
19-12-12, 08:59 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| البارت العاشر (( وكان اللقاء )) ميره اول ما دشيت البيت لقيت خالوه :ها ابويه اشتريتي الي تبينه...حسيت انها حنونه عليه ...وهالشي مريحني ...ومعامله نوف لي ...بس مانع هو المصيبه قلتلها وانا ابتسم : هيه اشتريت دخل مانع : امايه انا بروح عند ربعي تامرين بحايه ..؟؟ خالتي : سلامتك الغالي بس هالله هالله بعمرك ولا تسرع مانع وهو بيظهر : ان شاء الله زقرته وانا خيفانــــه :مانع رجع وهو رافع حاجبه : خير؟؟؟ تقربت صوبه وظهرت فلوس من بوكي : تفضل ضحك بسخريه : ايه لا تتحسبينا فقرا ..الحمد الله الخير وااايد والا محد عنده فلوس غيرج اانتي واهلج ...واخوج السبال.. انصدمت من كلامه ...كنت برد عليه بس سمعت صوت طبقت الباب بقو.......نزلت دمعه من عيني خالوه: ميره لا تزعلين من مانع تراه ماخذ على خاطره من ذيج السالفه ..وهذا اسلوبه مع الكل رديت : لا خالوه مانع يعامل نوف اوكيه وطيب معاها الا انا كل ما يجوفني يسمعني كلام مثل السم ..وطلعت غرفتي ....يلست اصيح ...جفت تلفوني ...ابا اكلم جمانه .بس ما اقدر ...يلست اصيح سمعت اذان المغرب قمت اتوضى واصلي ...يلست ادعي ربي لامايه وابويه واخواني .......وان الله يساعدني على مانع وتصرفات الي تقهرني .. ميسون رحت صوب التلفون....جفت هزاع يتصل ...رديت ...ما ادري كيف يبت الجرئه ورديت عليه :الو هزاع : هاه ما تبين اتين صح؟؟ صحت : هزاع ....... قاطعني: سمعي انا خلاص ما بجبرج على شي بس ابا ارمسج عادي شكيت فكلامه : تكلمني؟؟ هزاع وهو معصب : هيه عايبنج حالنا جيه... قلت : خلاص انزين تكلم قال وهو منفعل : ابا اجوفج قلتله : محد فالبيت لا ابويه ولا سلطان قال وهو راص على ضروسه : بعدني ريلج ما اعتقد يبالنا محرم ...تعالي والا ولد عمج السبال بعده عندكم ؟؟ قلت :لا ولا تقول عنه سبال هزاع : ادافعين عنه بعد (كنت بتكلم بس سكت يوم قال ) ..يلا انا رجعت عند بابكم خفت وااايد ...رحت بجوف سلمى ...بس لقيتها راقده ...انا كيف طعت انه يرجع ...شو بسوي الحين اذا ما نزلت بيطلع فوق عادي عنده .......نزلت وانا انتفض هزاع : ريل ميسون عمره 28 ....وسيم ...اسمر ....بس وااايد قاسي ...ميسون تقول انه بلا عواطف ...ابوها غصبها عليه لانه عنده مركز ...وفلوس ....و معارف ....ودايما مسافر ميره دخلت غرفه نوف لقيتها مخلصه صلاه ...حضنتها واااااااايد احبها .... قلت : مشكوره ساعدتيني فالاختيار ابتسمت وكتبت فورقه : هذا واجبي فتحت كبتها ....طاحت عيني على فستان روووعه ....واااايد عندها البسه كتبت : لا تزعلين من مانع قلتلها وانا اجذب : لا ما زعلت التفت صوب الباب يوم انفتح كان مانع مبتسم بس يوم جافني ماتت الابتسامه...شو الي خلاني ادش غرفه نوف ..هو محذرني ...ارتجفت وانا اسمع صوته مانع : نوف امايه تباج تحت...ما ادري اضني تباج تساعدينها فالعشى مسكتني من ايدي ...مانع محذرني من اني ايلس معاها ..حسيته خاطره يصفعني ...تم واقف عند الباب ...استحيت امر من جدامه ...خليت نوف صوبه وانا الصوب الثاني ...عسب ما امر من جدامه ...حسيت يطالعني بغيض ...نزلت وياهم المطبخ خالوه : ميروه شو منزلنج المطبخ انتي ضيفتنا قلتلها وانا ابتسم : لا خالوه بساعدكم لو اني ما اعرف اطبخ خالوه :هههههههههههههه مصيرج تتعلمين ....نوف مانع يبا معكرونه بالبشميل هزت نوف راسها وهي تضحك ....وراحت بتسويها ما شاء الله عليها تعرف تطبخ ...وسوت معكرونه رهيبه على العشاء ميره : تسلم ايدج نوف تعرفين تطبخين ما اشاء الله عليج اباج تعلميني ضحك مانع ضحكه استفزتني : لا ميره بنت العز ...وبنت الفلوس ...والاكل من المطاعم تطبخ حسيت بالاحراج ...نزلت راسي ..ما بغيت اصيح هذا مصخها ولازم اخلي له حد ...مااقدر استحمل اكثر من جيه ...اصلا هو يستغل سكوتي على كلامه الجاااارح ...خلاص احس قلبي يحترق من كل كلمه يقولها ... قام مانع من على الطاوله ... خالوه : مانع وين رايح ؟؟ مانع : الا هنيه برمس ربيعي على التلفون قلت بستغل الوقت بروح غرفته بخلي الفلوس على الطاوله او في مخبا واحد من كناديره انا ادري انهم محتايين ...وحالتهم صعبه...ما ابا اثقل عيهم ..اصلا هوه حتى ما يساعد خالوه فشي ..طول يومه فالبيت والا طالع عند ربعه ...المسؤليه كلها على خالوه المسكينـــــه ... سهيل (فسيارته وبعد ما ظهر من بيت عمه ) اتصلت بعلي الو علي : هلا شحالك ولد العم حاولت اطيحه فالكلام : بخير ...طلبتك قول تم علي : اذا اقدر على الشي حاضرين ابتسمت : من جهه تقدر فانته تقدر علي : قول انزين غمضت عيني وقلت : انا ما اعرف ايلس بلا سلاح علي : والمطلوب ؟ قلت : علي لا تيلس تستهبل ...ابا السلاح انا متاكد انه عندك وانته قلت تم سكت علي قلت :دخيلك علي ... اوعدك اني ما اسوي شي هب زين اوعدك... قال : اكيد ؟؟ قلت : افا كلام ريايل طال عمرك قال وهو متردد: عند جمانه انفعلت : شوه ؟؟ قال : سهيل لاتخليني اندم حسيت بنار فقلبي هذا متى جاف جمانه : خلاص انا بروح اخذه بروح وبخذ سلاحي من جمانه ..وبعدين بتفاهم وياها وبعلمها الادب ...هالبنت دوم ما تسمع الرمســـــه جمانه كنت عند امايه فالغرفه ....يلست اهديها ....تفكر فميروه ...طلعت بعد ما نامت سمعت تلفون البيت شليت السماعه : الو علي: هلا شخبارج جمانه ؟؟ قلت : بخير علي : اقول ترا سهيل بيي ياخذ المسدس عطيه انصدمت : انته تتمصخر ؟؟ علي وشكله عصب : ليش يالس اضحك وياج انا انحرجت علي متغير : خلاص انزين علي : يلا فمالله علي تغير وااايد ماكنت متوقعه فحياته يرمسني جيه ...انا شو سويت شكله زعلان من يوم كنا فالمستشفى .....شو اسوي ياربي ....غصب احبه ... لفيت جفت سهيل وشكله معصب : وين السلاح .؟ دخلت الغرفه من غير لا اتكلم وعطيته اياه مسكني من ايدي بقو ...ولفها ورا ظهري صرخت..بس هو ما اهتم مثل كل مره ..قال وهو منرفز : وانتي متى عطاج اياه علي ؟؟ قلتله وانا اصارخ : ودرني آآآآآآآآآآآآآآآآآآخ فرني على الكرفايه ...ظهر من الغرفه ...لميت شعري الي تناثر ويلست اصيح ما ادري من علي ولا من سهيل والا من حياتي كلها ....... ميسون نزلت ...رحت صوب الحديقه ...وجفته نزل ..ما بند سيارته ...ويا صوبي حسيته ناوي على الشر .....كنت بشل تنورتي وبركض ...لفيت بس مسكني هزاع بصوته الرجولي : وين رايحه ؟؟ ميسون : ما بروح مكان ....قول شو تبا ؟؟ هزاع : يعني ما ناويه ترجعين البيت قلت : لا ........ ما حسيت الا وهو يشلني ...تميت اصارخ بس محد فالبيت ..كنت اصيح ...وايد معذبني صرخت : نزلني احسن لك هزاع وهو معصب : عيل انا تهينيني جدام ولد عمج كنت اباه ينزلني باي طريقه : ولد عمي احسن منك ماحسيت الا وهو يفرني فالسياره فالسيت الوراني وقفل الباب ...حاولت افتحه بس ما قدرت لانه ركب جدام ...يلست اضربه فجتفه صرخت : هزاع رجعني البيت حراااااااااااااام عليك الي تسويه فيني صرخ : جب جب ما ابي اسمع صوتج ... تجدمت ...ومسكته من ايده : دخيلك انا ما اباك انته ما تفهم قالي : الي ما يباني مره ما اباه مليون مره بس لو تموتين ما بطلقج ...تبين تطلقين عشان تاخذين واحد من عيال عمج صحت من الخاطر هذا شو يقول ....قلتله : انته نذل شغل السياره ...يبا يحرك ...بس لف صوبي ومسكني من فكي ويلس يتكلم وهو صاك على اسنانه : اذا ما سكتي بذبحج اليوم خفت منه يسويها عادي يذبحني ...فرني بقو صوب السيت ...صحت بصوت خفيف ...ساق بسرعه ...غطيت على ويهي ....ما ابا اعيش وياه ....... سهيل يالس افكر بميروه ...ميره مستحيل تسوي شي غلط ...انا واثق فيها بعدين هيه هاديه وما لها معارف ...يعني وين بتروح ...شغل عقلك يا سهيل ...شغل عقلك ..مع منوه تيلس ميره...تثق ميره ...اكيد حد قريب منا ...اكيييييييييد .ضربت بريك ما في الا عند والله بقلب الدنيا على راسهم وبرويهم ....عيل يخشون اختي عندهم ...رحت صوب بيتهم ودقيت الباب ....وصلت بيت خالوه ....اكيد عندهم ...ميره ما تعرف غيرهم ...نزلت وانا ما جوف جدامي ...حسيت راسي بينفجر من التفكير انفتح الباب وجفت خالتي الي ارتبكت يوم جافتني ....... ميره قمنا من العشى ...نوف راحت غرفتها ...رحت صوب غرفه مانع فتحتها ودخلت بخلي الفلوس ....سمعت صوت الجرس ....... ارتبكت وانا اسمع صوت صريخ ....هذا صوت سهيل حسيتني بطيح من الخوف ...ركضت وقفلت الباب ويلست اصيح...بيذبحني ... سهيل صرخت : سمعي انا متاكد انها عندكم ؟؟ خالتي وهي مرتبكه : قلتلك لا ما عندنا.... ما عطيتها سالفه...ودرتها عند الباب ودخلت صرخت خالوه : وين رايح ؟ قلتلها : بتااااااااااكد صرخت عليه : انته ما تستــــــــــــحي ودرتها وركضت افتح الغرف....فتحت اول غرفه جدامي .....وانصدمت يوم جفتها ..هذي ميره ...رفعت المسدس صوبها .....بس التفت صوبي ..انصدمت صدمه عمري ....جفت شريط حياتي يمر جدامي ....ما قدرت اتكلم .. نزلت المسدس همست :نوف جفتها تنتفض يوم جافتني كانها ما مصدقه خصوصا اني مصوب المسدس ....نزلت المسدس ...حسيت انها خيفانه ...معقوله خيفانه مني ....انا سهيل ...مت وانا اجوف دموعها على خدها .. للحين أحبها ولا ني قادر انساها صورتها دايم في بالي ماتفارقني كل شي حولي يذكرني بذكرها خلتني في كل شي ذكره يذكرني كانت لقلبي اهيا الدنيا ومعناها كانت من عيوني تقراني وتفهمني لا مالقيت الي بين الناس يسواها كلهم على راسي لاكن هي تسحرني أحياناً تطري علي وأقول مقساها وأحياناً ماتطري علي وألقى الشوق جنني كل يوم أقول اني منها اليوم بنساها وأكذب على روحي بالنسيان لاكني .. مانع تخبلت يوم جفت سهيل عن غرفه نوف ...شو يبا منها ....ما يكفي الي صار ...ما يكفي ودرها بعد ما حبته وتعلقت فيه ......رحت صوب بذبحه ....جفته يدخل الغرفه ....ركضت صوب الغرفه دخلت وجفت نوف بين ايدين سهيل بغيت اتخبل صرخت وانا اضربه على جتفه : انته شو تسوي هنيه يا الحقير جفت دموعه التفت صوب نوف وجفتها فاقده الوعي ...بغيت اتخبل ...شليتها من بين احضانه ...بذبحه بس هب وقته طلعت ...طلعت من الغرفه جافتني امايه ...صرخت باعلى صوتها : نوووووووووووف رحت المستشفى كله من ميره ...والا نحن ما جفنا رقعه ويهه هالسهيل من سنه .....دخلوها الغرفه ....ما خلوني ادخل كنت بموت وانا اتذكر كم تعذبت نوف فالمستشفيات بعد وفاه ابويه .....فقدت النطق من الصدمه ...كانت ويا ابويه فالسياره يوم صار لهم الحادث ...كانت متعلقه فابويه بشكل كبير ...رحل ابويه وبقت هيه فحاله صدمه.. وزادت حالتها يوم الحقير طلقها قبل العرس بشهرين ..عشان ما بترمس يعني تخلى عنها .......ما تحملت الصدمه انعزلت وصارت نوف ثانيه ....والله اذا ياها شي بشرب من دمه ...جفت دموع امايه ...طلع الدكتور ربعت صوبه الدكتور : انتو اهل المريضه ؟؟؟ رديت وانا على اعصابي : هيه طمنى دكتور ؟؟ الدكتور : والله البنت فيها انهيار عصبي شهقت امايه :وي بسم الله على بنتي الدكتور : لا ماشي خوف ان شاء الله .....بس تيلس اليوم عندنا راح الدكتور ...رفعت شعري الي علي يبهتي بعصبيه ...... امايه : مانع انته تعبان روح البيت ...ميره اروحها صرخت : لو ماكانت هيه موجوده ما صارت هالمشاكل ولا جفنا نوف بهالحاله ....انا اليوم بتصرف امايه : مانع لا تتهور قلتلها : لا تحاتين .........انا بروح البيت واذا صار اي شي دقي على تلفوني امايه : ان شاء الله رحت صوب غرفه نوف وجفتها وهي طايحه على السرير والوايرات فكل مكان...حسيت قلبي تقطع ....ما قدرت استحمل طلعت .....نوف كانت ملاك تنشر البسمه فكل مكان ....قتلها ....الحقير .والله بصيحه دم على الي سواه فيها وهذي اخته شراته ......بشلها من بيتنا وبفرها برع .......والله بنتقم... احس بنار فقلبي ..ما بتهدى الا وانا منتقم منهم ...فقلبي كره صوبهم ...ما اقدر اسامحهم على الي صاااار ما اقدر البارت الحادي عشر (( دمار اللقاء الـ ع ـاصف )) فتح الباب وسحبني من غير لا يهتم بوناتي والمي ...صحت وانا احس بذل الله يسامحك يا بويه ...حسيت انه بيغمى علي من التعب ... هزاع وهو يهدد: يلا تحركي واذا ما تحركتي بشلج صحت : ودرني يالحقير ما حسيت الا بكف على ويهي ...طحت على الارض وسحبني ويوم وصل عند الدري شلني ...ما حسيت الا وهو يفرني على الكرفايه ..... صرخت : انته هب ريال لو ريال ما تقربت من بنت ما تبيك تقرب مني وشدني صوبه : انا بعلمج اذا انا ريال والا لا خفت منه ...رجعت على ورى وانا خيفانه منه ...يوم يكون جيه يصير وحش...ما اعرف كيف اتصرف وياه ...قلبي يدق بقو ....خوف منه هوه ...الشخص الي لازم يمدني بالامان .......احس بالذل كل ما اكون وياااه ..اكرهه سهيل أخلفت في وعدي والله ماودي كل الظروف ضدي في عالمٍ مجهول غلطه وأنا المسؤول لاتبتعد غاضب من حقك تعاتب حقك علي واجب كل مشكله بحلول غلطه وأنا المسؤول احنا بشر نخطي بس ناخذ ونعطي هالزعله لاتبطي ولانتظار مملول غلطه وأنا المسؤول لو مالغلا ماجيت عل العذر يكفيك آمر تدلل قول باللي تبي أرضيك غلطه وأنا المسؤول ما قدرت اتحمل نظره العتب واللوم الي فعيون نوف ...يوم جفتها جدامي حسيت اني واقف جدام حوريه ....ما ستحملت يوم جافتني طاحت ...وراها طاوله خفت اطيح على راسها شديتها وحضنتها...كانت فحضني .وشعرها متناثر عليه ..ملامح ويها البريئه الي تزورني كل ليله ...مشاعري تلخبطت ...نسيت حتى انا ليش ياي ...حسيت اني حقير ونذل ..طلعت بعد ما سحبها مانع من جدامي ...وحسيته يسحب روحي مني ...ركبت سيارتي وسرعت اكثر عن اي مره اسرع حسيتني بطير ...ما حسيت الا بدموعي على ويهي ...ما عرفت وين اروح ما حسيت الا بسيارتي توقف عند بيت علي نزلت فتحت الصاله ركض صوبي علي وهو يصارخ : شو صاير سهيل ؟؟بلاك جيه ارمس انهرت وقلت : جفتها صرخ شكله تحسبها ميره : منوه ...رد رد سهيل لا تخليني جيه قلت وقلبي يتقطع : نوف...نووووووووف يا علي وطحت على ركبتي ....لوى عليه علي وقال : اهدا سهيل الريال ما تنزل دموعه عيب عليك...ما ابا اجوفك جيه ...سهيييل .. علي يحليلك ياسهيل حالته حاله .......قلتله : قوم غرفتي ارتاح قوم ساعدته وصلته للغرفه وطاح على الشبريه ونام الله يلعن الحب و سنينه....بعده يحبها بس ليش طلقها عشان ما قدرت ترمس وبعدين هو كان صغير ..19 سنه وهي 18 يعني كان متهور ....سرحت تذكرت جمانه ...انا ليش صارخت عليها اليوم ليش ....احس بتانيب الضمير .......مهما كاان هذي جمانه ...بس والله تعبت ...ما تحس فيني ابدا ...الكل حس الا هيـــــــــــــــــــــــ ـه متى بتحس بس ..متى ؟؟ ميسون حسيت بثقل عليه ...التفت جفت ايد هزاع...قمت شوي شوي كنت اصيح ...منهاره بس حاولت اكتم عبراتي وصوتي اذا وعا ما بيرحمني ...رحت صوب الكبت ...فتحته ....خذت اول جلابيه طاحت فايدي ...خذتها عشان استر جسمي فيها...لبست الجلابيه ولفيت جسمي بعباتي وطلعت وانا احاول ما اسوي صوت واول ما فتحت الباب سمعت صوت ...... ميره سمعت صوت الضرابه الي برع ...هذا سهيل اخوي ....بيذبحني ...يلست اصيح وانا فغرفه مانع ...كنت وااايد خيفانه ركضت صوب الشبريه تلحفت وانا اصيح ...وما حسيت الا وانا نايمه من كثر الصايح ....سمعت صوت الباب يندق كانه بينكسر هذا سهيل ارتجفت اكثر ......بس اطمنت يوم سمعت صوت مانع....ركضت فتحت الباب ...كنت بلا شيله ...ويهي كله دموع ..اول ما جفته حسيت فيه شي ...مضايج قلت : سهيل....... بس ما كملت الكلمه الا وهو ماسك ايدي بقو وقال : اخوج الحقير ما كفاه الي سواه باختي من قبل ياي يكمل اليوم شهقت : نوف ؟؟ قالي وحسيت صوته فيه حزن : اختي طاحت وهي الحين فالمستشفى طاحت دموعي وقبل لا اسئله اي شي قال وهو يصارخ : وكله بسبتج انتي لو اخوج ما شك انج هنيه ما كان شرف ولا راوانا شيفته الكريمه بغيت ارد : بس...... صرخ : جب ولا كلمه انتي مالج قعده فهالبيت لمي ملابسج خفت وايد: دخيلك مانع انا مالي ذنب والله يشهد ان نوف شرات جمانه سكر على اذنه وقال : بلا كلام فاضي يلا انا مستحيل اخلي اختي تعاني شرات قبل انهرت ...بس ما رحمني ولا حتى صد صوبي دخلت غرفتي...فريت عمري على الكرفايه اصيح وين اروح ...وين ....اذا رجعت البيت بيجتلوني ...وين ايلس ....خفت وايد حسيت اني مالي سند فالدنيا ...احس برعشه فجسمي كامل ...صحت وصحت ...بس محد يهتم ...مانع من اول يوم دخلت بيتهم وهو يبا يظهرني منه ..ذلني ...اول مره فحياتي انذل .....الله يرحمك يا ابويه ..جفت تلفوني عدالي كنت بفتحه وبتصل على جمانه بس ما اقدر ...سهيل شاك اني هني ... ونوف حالتها حاله ...ما قدرت استحمل الاهانات لميت ملابسي ...من الكبت بس انفتح الباب بدفاشه لصقت فالكبت متروعه يمكن يكون سهيل ...لصقت فالكبت وسكرت عيوني وانا اشاهق ...حسيت بشخص قريب مني ...حسيت بايده على خدي .....مسح دموعي ...وبعدين ابتعد ...فتحت عيني وانصدمت .......... | |||||||||
|
| |
|
19-12-12, 09:00 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| ميسون يبست عند الباب وانا اسمع صوت حركه على الكرفايه ...لفيت جفت هزاع يتجلب ....تنفست براحه فتحت الباب وظهرت واول ما خليت ريلي برع الغرفه طاحن دموعي ...ليش يعاملني جيه احسه دايما يتعمد يجرحني ويهيني ...انا ما اقدر اعيش وياه بعد الي سواه فيني اليوم ...ما اقدر ....رحت صوب التلفون يلست على الكرسي ومسكت التلفون ........الو ياني صوت سلطان : الو هلا ميسون ما قدرت امسك نفسي ...صحت صحت بصوت عالي شرات الياهل حسيت من صوتي يمكن يوعا هزاع ..... سلطان : ميسون شو صاير ابويه وامايه فيهم شي ؟؟ قلت : لا سلطان : لا تخبلين فيني ميسون تكلمي انزين انتي وين ؟؟؟؟ شهقت بصوت عالي : فبيتي دخيلك سلطان مر عليه البيت وشلني ما ابي ايلس ما ابي (وصحت ) سلطان معصب : والله لو هزاع مسوي شي بدفنه انا احين بي صوبج سهيل وعيت وانا احس جسمي مكسر ....ياليتني ما وعيت لان صورتها يات في بالي على طول .....انفتح الباب وجفت علي داش : مساء الخير ...الساعه 12 الحين قمت بسرعه : امايه بتحاتيني علي : لا تخاف دقيت عليهم قوم ننزل نتعشى ابويه تحت يتريانا قلت : ما اشتهي خلى ايده على جتفي : يلا سهيل ودر عنك هالتفكير ما حبيت ارده : يلا الحين بنزل ..... نزلت وجفت عمي ...اذا جفت عمي غصبن عني ابتسم ...رحت صوبه سلمت عليه قالي : هاه سهيل شخبارك ؟؟ رديت : بخير يلس يعازم عليه اني اكل ....علي تم ايطالعني بنص عين قلتله : شو فيك ؟ قال : اغار ضحكت انا وعمي : هههههههههههههه التفت صوب عمي : عمي متى رجعت من راس الخيمه ؟؟ عمي : الا اليوم التفتنا صوب علي وهو يقول : يا خوفي متزوج من ورانا طالعت عمي وهو يقول : اذا متزوج انت ياعلي بتكون اول واحد تعرف استغربت : ليش عاد ؟؟ عمي ونظرات الاستهزاء على ويهه: ليش ما دريت انه يشتغل فالمخابرات ضحكت من الخاطر :هههههههههههههههههههه علي : خلاص ابويه ذليتني عاد ضحك عمي : ههههههههه بسكم من الاكل عنبوه الواحد كبر الدرام الله يعين البنات الي بياخذنكم علي : الي تحصل واحد شراتي تحمد ربها صبح ومسا يلست اتمصخر: ليش عاد ؟؟؟ علي وهو يمثل انه معصب : شو ليش عاد ...ما شاء الله وسامه اخلاق فلوس مركز عمي يقاطعه : ولا تنسى بعد يشتغل فالمخابرات هنيه ما قدرت استحمل وانا اجوف تعابير ويهه علي : ههههههههههههههههه علي وهو معصب : وانته بس تضحك ؟؟؟ رديت : شو تباني اسوي ..... ضحكت بس انا من داخل انزف ....قلبي ينزف من جفتها ....بعدها تجذبني ...وتلخبط كياني كل ما اجوفها ...من وعيت على الدنيا وانا احسها هيه الي بتصير حليلتي ...يلست افكر ...انا سبب الي صار بين العايلتين تذكرت (( رجعت البيت ...الكل كان يالس فالصاله ....وقفت وقلت: انا طلقت نوف الكل : شوه ؟ قلت : انا ما اقدر اعيش معاها وهيه على هذي الحاله امايه : حرام عليك شو سويت بالبنت ...ابوها توفى من شهر وانته اطلقها ....حرام ...يا فضيحتي فاختي ....انته شو من الناس ما تحس؟؟؟ ميره وهي تصارخ : ما توقعتك جيه نذل جمانه طلعت غرفتها وهيه تصيح ........ ابويه : انته اكيد يا تمزح يا استخفيت رديت وانا اصارخ : لا لا امزح ولا استخفيت وانا حر ما ابيها خلاص طلعت من البيت وما رديت اسبوع ....وعرفت من جمانه ان نوف دخلوها المستشفى اسبوع كامل يوم درت ...وخالوه تشاتمت مع امايه ....وقالتلها ان لاهم يعرفونا ولا نحن نعرفهم ..العايله كلها لامتني بما فيهم عمي بو علي وعلي بنفسه ......)) رديت للواقع يوم قال عمي : سهيل وين سرحان ؟؟؟ قلت وانا منزل راس : لا ما شي ميسون يلست فالصاله وانا انتفض ...فاي لحضه بيقوم هزاع ....المكان هادي ما فيه صوت الا صوت ريلي الي تضرب فالارض وانا اهزها من التوتر ..... سمعت تلفوني ...حسيت بانه شرات النور الي من بعد الظلام يوم جفت (سلطان ) يتصل بك ركضت صوب الباب وظهرت ....... تنفست براحه وركبت السياره ....واول ما جفت سلطان دفنت راسي فصدره وقعدت اصيح سلطان وهو متوتر ويمسح على راسي :شو صار ميسون خبريني ؟ ما قدرت اتكلم غير بكلمه وحده : تحرك حرك السياره ....وانا دموعي تنزل ما اقدر اوقفها .... واول ما وصلنا بيتنا ... نزلت من السياره وانا اركض ... دخلت البيت ... جافتني سلمى وقامت سلمى : ميسون ادورج انتي وينج يلست اطالعها ...لفيت عباتي على نفسي بقو ...روحت صوب غرفتي ...قفلت الباب ....على عمري ...سمعت سلطان وسلمى يدقون الباب سلطان : ميسون شو صاير رمسي ؟؟؟ سلمى وهي تصيح على حالي : ميسون دخيلج فتحي الباب ...ميسون فريت العباه ...ودخلت الحمام ...يلست فالبانيو وشغلت الماي على نفسي ...ويلست اصيح ...كنت بملابسي ...كنت انتفض ما عدا ان الماي حار .....يلست اتذكر كل الي صار وكيف ضربني واهاني ...يلست اطالع اثار مسكه ايده على زندي .....حسيت بالقهر والالم ....كنت ابا اغسل بالماي الالم بس الالم ما ينغسل ....الالم فالقلب ....... هزاع وعيت من الرقاد ....وانا احس براحه غريبه ....ارتاح يوم اجوفها متعذبه .....خليت ايدي مكانها ...بس انصدمت يوم ما جفتها عدالي ....فزيت من على الكرفايه ...وقفت بنص الغرفه ...جفت الكبت مفتوح ....ركضت بلا عقل ...هذي اكيد راحت بيتهم ...وصلت عند باب الغرفه....طالعت الساعه ..كانت 1 فالليل ...خبلتبي ميسون ... ...وين بتروح باجر بروح بسحبها من بيتهم جدام اخوها وابوها بعد ميره فتحت عيني وجفت مانع عاطني ظهره...ليش تقرب مني ومسح دموعي يستهزء فيني قلت وصوتي يرتجف : يلا انا جاهزه مشى صوب الباب وقال : يلا اترياج تحت طلعت وانا اسحب شنطتي ....ما اقدر ايلس اكثر من جيه فهالمكان ....خصوصا ان مانع رافض وجودي ....بس يوم لمس خدي حسيت بشي غريب...ماكانت لمسه دفشه...حسيته راحمني ....نزلت مريت عدال غرفه نوف المكان معفوس ..يحليلها ..ما قدرت ادخل ...طلعت من البيت جفت مانع واقف عند سيارته يدوخ......ضربت بالشنطه بالارض عشان ينتبه ...لف وركب ......ركبت ورى ...لف صوبي مانع بعصبيه : دريول ابوج انا ؟ ما قدرت استحمل حسيتني ضعيفه قال بعصبيه : تعالي ركبي جدام ما حبيت اتجادل وياه رحت وركبت ...سندت راسي على الكرسي ويلست افكر ....مرت خمس دقايق اصلا هذا وين رايح...وقف فالشارع معقوله يفرني هنيه ....بس جفته نزل ودخل كارفر ...يلست اطالع الرايح والراد ....وين بروح الحين هذا من ركبنا وهو ساكت ........رجع شايل اكياس فايده .... تجاهلته ..ركب جدام ...وحرك السياره قلت بصوت خفيف : وين بتوديني الحين ؟؟ سكت ما رد عليه رديت قلت : وين بنروح ؟؟ التفت صوبي واول مره اجوف ملامحه زين كان مبين عليه الحزن ..والهم .. : ارض الله واسعه عصبت من رده وتنرفزت .......قلتله : ابي اجوف نوف ؟؟؟ مرت خمس دقايق وما رد بعدين قال: اليوم هيه تعبانه حسيت قلبي عورني عليها .......ويلست افكر فيها ...هيه وسهيل ......ما حسيت الا بايد مانع على ايدي ..حسيت بكهربه فجسمي كامل ...شكله حس اني انتفضت فقام ايده بسرعه : يلا نزلي وين انزل ...حسيتني شرات الهبله ....تبعته ...جفته يدخل عماره التفت صوبي : بلاج خايفه ؟؟؟ ما رديت نزلت راسي جفته يفتح شقه دخل ...تميت واقفه برع ...ظهر قال : انتي ما تفهمين دشي!! قلت : انا ما ادخل مكان ما اعرفه قال : لا عيل تشردين من بيتكم عادي انقهرت منه لفيت ويهي الصوب الثاني ما ابي اجوفه رد وهو معصب : اذا ما بدشين انا بروح ويلسي فالشارع عاندت وما دخلت ...طلع من الشقه وقفل الباب ......نزل من الدري .....واختفى من جدامي ....... | |||||||||
|
| |
|
19-12-12, 09:01 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثاني عشر ((لن اتخلى عنهآآآآ )) طلعت من الحمام (عزكم الله ) بعد ما خذت شور .....كنت احس اني مجززه من نفسي ...سمعت الباب يندق..شو اقول لسلطان احين اذا قلتله ان هزاع يضربني بيسوي مشكله وهزاع ما بيرحمه .......اخاف عليه ...اخوي الوحيد ...جفت الساعه كانت 1 فالليل ظهرت وجفت سلطان واقف ...نزلت راسي دخل الغرفه سكر الباب ...مسكني من ايدي برقه ويلسني على الكرسي سلطان: حبيبتي ما بتخبريني شو صاير؟؟ لفيت ويهي الصوب الثاني مسح سلطان على شعري الي كله ماي : شوه تكلمي ؟؟ قلت : ماشي انا زعلانه من هزاع سلطان ما مصدقني : بس الي حسيته شي ثاني ........غلط عليج فشي ؟؟؟ رديت بسرعه وانا متوتره : لا لا ما غلط عليه بس انا حساسه انته تعرف ها الشي سلطان : بس ......... قاطعته : خلاص سلطان ها الي صاير طالعني بنظره وبعدين قال : بعدج بتقولين ...اذا هب اليوم ...باجر ...واذا هب باجر ترا الايام يايه طلع من الغرفه ...حضنت المخده وصحت .... .....رن تلفوني ...... ميره اول ما راح مانع حسيت بنفضه فجسمي ...والخوف بدا يتسلل لقلبي ...ركضت ابي الحقه ...بس صدمت بشخص ....رفعت راسي وانا اقول سوري بس انصدمت يوم جفت مانع ........ ما عرفت شو اقول سكت ونزلن دموعي مانع بلهجه جافه : يلا تعالي وراي لحقته...فتح باب الشقه ...دخلت ...يلست اطالعها ..الشقه وااايد جديمه قال وهو يطنز : ادري هب قد المقام بس يلا طالعته بنظرات عتب : وخالوه ونوف؟ قال بلهجه قاسيه : انسيهن كنت برد عليه بس سكت يوم جفته طلع من الشقه وقال : بروح ايب اغراضج يلست ادور فالشقه ...عباره عن غرفتين وصاله ومطبخ ..المكان كشره ..وريحه زقاير وحالته حاله شكله يلس هنيه مع ربعه .......رجعت الصاله ...جفت مانع دخل .. قلت : شقه منوه ؟؟؟ قال : ما يخصج انحرجت وسكت ... قال :دخلي هالاغراض فالثلاجه ...وتعشي الساعه 1 الحين راح صوب الباب وقبل لا يظهر زقرني ...حسيته حنون ...وقلبه طيب ...بس يحاول يكون جاااسي ... مانع : ميره تعالي رحت صوبه : قالي قفلي الباب من المفتاح ومن فوق ويلس يرويني ...يلست اطالعه ...هو صح اسمر بس وسيم .... لف صوبي وقال وهو ياشر لي بتحذير : لا تفجين الباب لاي حد الا انا فاااااااااهمه!!! هزيت راسي بخوف .... يبا يروح بس ما ادري قلبي انقبض وقلت ............ مانع ما قدرت اطردها من البيت..... وين بتروح...ولو هذي بنت خالتي عرضي وشرفي ....هالافكار يلست افكر فيها وانا اعلمها كيف تقفل الباب صديت صوبها جفتها اطالعني وبعدين نزلت راسها ...ضحكت فخاطري ......كنت بظهر بس زقرتني الله يصبرني عليها قلت : خير ؟؟ قالت بصوت واطي وهي متردده : بتودرني بروحي ؟؟ عطيتها نظره ورفعت حاجبي : عيل ابات عندج!!!!!!!!!! ماكنت قاصد احرجها ...جفت ويهها صار الوان رديت وقلت : عندج تلفون اذا احتيتي شي دقيلي اندوج رقمي .... خذت الرقم ...من ملامحها كنت احس انها خيفانه ...يلست اركز فملامحها .....تذكرت سهيل وطلعت لاني اذا يلست اكثر بذبحها ........ ميسون كان خاطري اكسر التلفون ..هذا اكيد هزاع ......وما خاب ضني يوم جفت اسمه على الشاشه ...سكرت فويهه ...وبعدين اغلقت التلفون ..... بغيت ارقد ...احس بتعب فضيع بعد الي صار لي اليوم ...بس سمعت صوت برع ...خفت من الخاطر وركضت اقفل باب غرفتي ...حسيت قلبي بيظهر من مكانه ...بس سمعت صوت امايه وابويه .....شكلهم رجعوا من دبي ....ارتحت وخذت نفس ....كان خاطري اظهرواخلي راسي فصدر امايه واحكيلها بس ما اقدر ....رحت وفريت عمري على كرفايتي ابا ارتاح خلاص ما ابا افكر ...الله يستر من الايام اليايه ........ سهيل رجعت البيت على الساعه 2 بعد ما سهرت مع عمي وعلي ....كانوا يحاولون يخلوني اضحك ......دخلت غرفتي وفريت عمري على الكرفايه ....ويلست اتذكر ((كنت واقف مع مانع عند باب بيتنا ....مانع يتريا نوف تنزل بيوصلها البيت جفتها وهي نازله قلتلها : عنبوه منقعتنه فالشمس ساعه ؟؟ نوف : يالله الا من خمس دقايق مانع : يلا ما بقى شي وافتك وبعدين ياي دورك يا استاذ سهيل ضحكت ...نوف وهي معصبه : مانع حراااااااااااااااام عليك مانع : لا فديتج لا تزعلين امزح وياج نوف شرات اليهال : ما ابا ما ابا زعلت انا خلاص تقرب منها مانع وحضنها ...كنت بتخبل حتى من مانع اغار .... ولا يوم ابتعد عنها ...راحت هيه مره ثانيه ولوت عليه هنيه ما قدرت اسكت يلست انافخ مانع : بلاك جيه معصب؟؟؟ سهيل : لا سلامتك بس حرمتي فاحضانك تباني اصفق ضحكت نوف : خخخخخخخخخخخ سير يلا انا ومانع على كيفنا قلتلها: لا لاتخلين ارويج ويهي الثاني مانع اونه معصب : ايه لا تغلط على اختي والا باجل موعد العرس مسكت ايده : لا دخيلك ما صدقنا نحن اول مره احس بنوف وهيه مستحيه....بس اخ لو ما كان مانع عدالي كنت سويت بلاوي .......))) رقدت وانا اتذكر طيفها ....وما ابي شي ثاني مانع طلعت من عندها ورحت بيتنا...ملامحها الخوف الي بعيونها ...ادل انها بريئه بس ليش شارده عن اهلها اذا كانت ما مسويه شي غلط ....حتى يوم رفضت تركب جدام ...ويوم رفضت تدخل الشقه ....ما ادري ليش يوم سمعتها تصيح بعد ما طردتها ما هانت عليه ...وكيف يبت الجرئه وتقربت منها ومسحت دموعها ....بس هذي تظل اخت الحقير الي خلى اختي على هالحال ....وبعدين كل الي تسويه جدامي والحيا والمستحى مخليا عمرها شريفه ...كله تمثيل ...شرات اخوها والله لو دروا عنهم في هوليود....عطوهم اوسكار .... | |||||||||
|
| |
|
19-12-12, 09:02 AM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| ميسون وعيت الصبح ...قمت وخذت شور وصليت ...كنت بظهر بس طاحت عيني على تلفوني ..رحت صوبه وفتحته ...لقيت مسج فتحته ((سكرتي تلفونج على بالج بودرج ...سمعي باجر بيي بيتكم وبخذج ما ابي مشاكل فاهمه ...والا انتي تعرفين هزاع صح )) عصبت منه ...فريت التلفون ورحت صوب غرفه سلطان دقيت الباب ودخلت سلطان : امايه والله حرام عليج عندي اجاآآآآآآآآآآزه..... وماابي ريوق ...... واذا على الصلاه صليت ضحكت عليه شكلها امايه غاثتنه : انا ميسون قوم لف الصوب الثاني وتلحف : ميسوووون ابا ارقد ...دخيلج قلتله : انزين ارقد بس لا تيب طاري لبويه وامايه عن الي صار امس نقز على الشبريه : ليش انتي خيفانه ؟؟ اداركت الموقف : لا ...بس انا كنت غلطانه سلطان شكله ما صدقني : والمطلوب؟؟ قلت : لا تخبر امايه ولا ابويه وانا اليوم برجع بيتي مسكني من ايدي: ميسون اذا هب مرتاحه هذا بيتج ضحكت وانا اكتم حزني : لا مرتاحه بس تعرفني دلوعه قالي : على كيفج بس اذا احتيتي شي عطيني الو ضحكت عليه : يلا كمل رقادك قال : وانتو خليتوا فيها رقاد ورجع تلحف ...ادري سلطان فيه وايد سلبيات بس وااايد يحبنا انا وسلمى .....ظهرت من الغرفه ورحت غرفه الطعام سلمت على ابويه وامايه وسلمى امايه : ميسون هزاع متى بيرجع؟؟ يلست سلمى اطالعني...اعرفها ما اطيق هزاااع ...ولا هو يطيقها قلت بخوف : اليوم نزلت راسي جفت سلمى قامت وهي معصبه ...تريقت وطلعت غرفتي ...طرشت له مسج ((اترياك اليوم ...ما ابا تسوي مشاكل مع اهلي انا قلتلهم انك اليوم راجع من السفر )) اول ما طرشت المسج ...يلست على الكرفايه ...دشت سلمى وشكلها معصبه مني ... قالت : انتي مينونه ؟؟!!! قلت :سلمى خليني فحالي الي فيني يكفيني ... لفينا انا وهيه على التلفون ....وصل مسج اكيد من عنده فتحت المسج ((تامرين امر يا حبي ....اصلا انا ما اصبر عنج ...بمر عليج بعد نص ساعه )) يالس يغايض الحقير....يلست اطالع سلمى تقربت مني : خلاص خلاص انزين لا تضايجين دخيلج .... قلتلها : بيمر بعد نص ساعه سلمى : انزين قومي تعدلي وكشخي ضحكت : اتعدله السبال ...ما ابا اتعدل سلمى : ميسون عن المصاخه صح انا ما ادانيه ولا اطيقه بس يلا خليني اتسلا ركضت سلمى صوب الكبت وطلعتلي بدله كشخه ....يلست اطالعها يحظج ياسلمى مرتاااحه ما تحاتيين شي..ااااه... ميره وعيت الصبح رحت تريقت ....يلست اكلم عمري : شو هالشقه الكشره بيلس انظفها بعدين بخذ شور ...... فتحت كل درايش الشقه لان ريحتها كلها زقاير ....نظفت المكان وكنسته ...غسلت الصحون الي موجوده فالمغسله ...شكلها مخلايه من شهر ....يلست انظف اكثر من ساعتين ...رحت صوب الغرفه وفتحت شنطتي طلعت عطري يلست ارش فالمكان ...شو ها بختنق من ريحه الزقاير ...دخلت وخذت شور على السريع ولبست كندوره ...يمكن اي مانع ما بظهر ببنطلون وقميص مانع ما ياني رقاد طول الليل احاتي نوف.......على الفير قمت صليت ورحت صوب المستشفى..دخلت نوف كانت نايمه وامايه تقرا عليها قران ...بست امايه على راسها امايه : مانع ابويه شو يابك من احين جان رقدت وارتحت قلت : ما اقدر اخليكم امايه : ميره وين؟؟ عطيتها ظهري : لا تحاتينها ميره بعيد عنا بس فمكان امن مسكتني من ايدي : مانع حرام عليك شو سويت بالبنت؟؟ قلتلها : عنبوه امايه ما شي ثقه...خلاص اصلا اذا يلست عندنا في خطر عليها وعلينا امايه : بس.... قاطعتها : لا بس ولا شياته يلا انا بروح عند الدكتور بجوفه ......... طلعت رحت عند الدكتور ...وبعدين رحت صوب الشقه ...دقيت الجرس ويلست اتريا بس ما انفتح الباب ...بديت اخاف دقيت مره ثانيه وثالثه ........... | |||||||||
|
| |
|
19-12-12, 09:03 AM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث عشر ((صرخــــــه ظلم )) ميسون يلست اطالع عمري فالمرايا .....كاني متعدله فالصالون ...ما شاء الله عليج يا سلمى...ما عدا انها ما تهتم بعمرها ...ولا تخلي المكياج على ويهااا ... التفت وانا اسمع سلمى تقول : هاه شو رايج ؟؟ قلتلها : تسلم ايدج ........ قالت : هيه طالعه ما شاء الله عليج قمر ضحكت :وايد تبالغبن قالت : لا والله ...لو ما اعجب فيج هزاع ما خطبج قلت فخاطري (ياليته ما جافني ولا جفته ) رجعت للماضي ..(( كنت راجعه من المدرسه فالباص ...سلمى غايبه ...اول ما وقف الباص انتبهت على السياره الي تتبع الباص ..نزلت عند بوابه البيت بدخل ...تحرك الباص وحسيت بالسياره تتقرب مني ...خفت ..كنت بركض ...بس لابسه كعب ...حد قالي اخالف ....اووف .....سمعت صوته ...ما ادري كيف كنت غبيه ولفيت ...طاحت عيني فعينه ...لفيت بسرعه وانا ادعي على عمري ...شو الي سويته .. قال برومنسيه : ما بتاخذين الرقم ؟؟؟ ما ادري شو الي خلاني الف ...واروح صوب باب سيارته ...واطالعه عيني عينك ...فصخ نظارته ...خذت منه الورقه الي فيها الرقم .. وقلت وانا اطرها : انته ما فيك ادب ترقم بنات الناس ...!!!!! فريت الاوراق عليه ...ودخلت البيت وقلبي يدق بقو ...شو الي سويته انا اكيد هبله ...اذا خبر عليه ابويه ...ياااربي شو اسوي ...شو اسوي الحييين ...)) رجعت للواقع على صوت سلمى سلمى : اذكره يوم يتبع الباص يوم نرجع من المدرسه عسب يجوفج ... قلتلها : دخيلج لا تذكريني ضحكنا انا وهيه صدق ان شر البليه ما يضحك ...سكتنا يوم سمعنا حد يدق الباب ميره ظهرت من الحمام (عزكم الله ) ...ومشطت شعري ...سمعت صوت الجرس ...خفت اظهر ...تميت انتفض ...بس لما تكرر اكثر من مره ...رحت وطالعت من العين السحريه ...جفت مانع ارتحت فتحت الباب ولصقت بالباب يوم صارخ عليه شو بلاه هذا ... مانع كنت بتخبل يوم تاخرت وما فتحت الباب ....شو سالفتها هذي ...خفت ...مهما صار هذي امانه عندي ...يلست ادق الباب فجأه فتحت الباب ولا جنها مسويه شي صارخت : انتي ما تسمعين الجرس؟؟؟؟؟ قالت وهي لاصقه بالباب من الخوف : خفت افتح الباب قلت بستهزاء : عيل ما خفتي تشردين من بيت اهلج؟؟!! نزلت راسها دخلت وضربت بالباب بقو عسب اسكره ...تفاجات من منظر الشقه ...نظيفه وريحتها حلوه ....صج تفتح النفس اني ايلس فيها ....كنت ميت من اليوع ..... التفت جفتها بعدها واقفه ومنزله راسها قلتلها : شو ان شاء الله مرتاحه ؟؟ قالت بصوت واطي ..:مشكور مانع ما قصرت رحت ويلست على الكنبه ...يات صوبي : ماآآنع قلتلها من غير نفس : خير ؟؟ قالت : نوف شخبارها ؟؟ قلتلها: دام ويه النحس اخوج محد تراها بخير... شكلها اضايجت من رمستي ...برايها انا ما قلت شي غلط ...عمري ما بسامحه ..وهيه تظل اخته قالتلي : تبا ريوق ؟؟ يالله حست فيني قلت: شو مسويه ؟؟ حستها انحرجت: انا ما اعرف اطبخ شي عصير فالثلاجه وسندويج وجبن بسويلك قلتلها باستهزاء : عنبوه ما تعرفين تسوين بيض ؟؟؟ قالت بصوت خفيف : لا كنت ميت ومن اليوع ..يعني لازم اكل ...قلتلها : تعالي بنعلمج دخلنا انا وهيه المطبخ ............... ميسون اندق الباب ....التفت انا وسلمى..مسكت ايدها ....دش ابويه ابويه : ميسون حبيبتي هزاع تحت يلا نزلي حسيت بخوف ...بس نزلت ...اول ما دخلت الميلس كان هزاع يالس مع امايه........قام ويا صوبي لوى عليه بعد يعرف يمثل هزاع بنظره كلها خبث : مشتاقلج هزاع يلس وايد يطالعني ...اول مره يجوفني متعدله هالكثر من عرسنا .....تم ساكت وراص على ايدي نزلت راسي قال : يلا نروح كنت ابا اتهرب باي طريقه : بروح ايب عباتي طلعت يبت العباه ونزلت ....ركبنا السياره وكان هادي وساكت غريبه .... بعدين قال : ابا افهم انتي كيف تظهرين من البيت من دون لا تاخذين اذني ؟؟؟؟!!!! قلت فخاطري بدا الحين : اناا .....انا التفت صوبي وقال: انتي شو ناويه تخبلين فيني؟؟؟ ليش يرمسني جيه عصبت : ليش انته نسيت شو سويت امس ؟ قال وهو منرفز : شو سويت ما سويت شي غلط!!!! عصبت منه لفيت ويهي الصوب الثاني رجع وقال : اذا اهلج ما علموج الادب ترااني بعلمج ما رمت استحمل رمسته حسيت اني بصيح بس فأخر لحضه مسكت دموعي......... وقف السياره ونزلنا ...كنت امشي بسرعه بروح غرفتي وبقفل على عمري الباب .....طلعت على الدري وانا اركض كنت احسبه يركض ورايه جني في فيلم رعب ........... هزاع مسكتها من ايدها ...صرخت قلت وانا اقربها مني : وين رايحه ؟؟ قالت وهي تصيح : ودرني هزاع حراآآآآآآآآآم علــــيك ما ادري ليش تستفزني .....سحبتها صوب غرفتها وفريتها داخل وقفلت الباب عليها من برع ....سمعتها تصارخ وتصيح ...رحت صوب غرفتي وسكرت الباب ......ما ابا اسمع صوتها ...فريت عمري على الكرفايه ونمت وانا ناوي احبسها فالغرفه وما اظهرها طول ...عسب ما تظهر من البيت الا جيه من غير شوري ..... ميسون يلست اصيح من الخاطر ...ليش جيه ابا افهم ....طحت على الارض ويلست اصيح ...ساح المكياج وتلخبط على ويهي الجحال ....كنت انتفض من الخوف ما اعرف على شو ناوي هزاع ....ما اعرف ليش يكرهني .....كل مره يقول احبج بس كل افعاله تثبت العكس.....وانا بعد ما ادانيــــه ..فريت كل الي على التسريحه على الارض ...صرخت اباه يطلعني ...شنطتي ..شنطتي فيها التلفون ...دورتها ما لقيته ...فريت عمري على الارض ..اكيد طاحت مني على الدري...اوووف ميره يلست اراقبه وهو يسوي البيض ...ملامحه غير ...كان كله معصب ومنرفز ....اليوم احس ويهه غير قطع تفكيري يوم قال : هاه شو رايج بالبيض؟؟ ابتسمت : سهل بسوي غير اليوم طالعني ما فهمت نظرته قلت : ما بتوديني ازور نوف؟؟؟!! حسيته عصب وصك على اسنانه: انا ما قلتلج انسيها خلاآآآآآآآص سكت ...ورحت اخلي الجبن والسندويجات فـصحن وباقي الاشياء ....مانع تقرب وخلا البيض ...وانا خليت العصير ......كنت بشل الصحن بس مانع شله قبلي وصرخ : تعالي اذا تبين تاكلين!!! انا استحي منه ....شو اسوي ....بس رحت ويلست اكل مانع هالبنت غريبه بشكل ...من المستحى ما رايمه تاكل........بس ابا اعرف سالفتها وقلت بغامر : ميره صدت صوبي قلت : انتي ليش ظهرتي من بيت اهلج؟؟؟ ما كملت رمستي الا وميره قايمه وراحت غرفتها وقفلت على عمرها الباب ....هذا ياكد شكوكي اكيد مسويه شي غلط ...عصبت وايد منها طلعت وضربت بالباب هذي اخر مره ايها البيت ...مره ثانيه بيي وبعطيها اغراض البيت من عند الباب ولا حتى بدخل ....انا شو ابا فيها ...وحده قليله ادب .........ركبت سيارتي ورحت فالمستشفى .....ابا اطمن على نوف ...وبعدين بتفاهم ويا سهيييل ميسون مر يوم كامل كنت اوعى وارجع انام ....ما كلت شي ....جسمي ينتفض ....سحبت عمري على طول الغرفه ....طحت عند الباب ويلست ادق بس كنت احس ان دقاتي ما مسموعه .....محد يسمعني ....دورت على تلفون او اي شي ما لقيت حتى ما اعرف الساعه جم ...رحت صوب الدريشه فتحتها جفت سياره هزاع تحت يعني فالبيت ....يلست اضرب على اليدار لان غرفته عدال غرفتي ..وطحت وما حسيت الا بهزاع عدالي ..ما ادري شكلي اهاذي ....جفته يضربني برقه على ويهي واسمع اسمي يتكرر : ميسوووون ...ميسووووون | |||||||||
|
| |
|
19-12-12, 09:04 AM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| ميره من ظهر مانع ذاك اليوم ما رجع ولا جفته ....خفت على نوف ...لا يكون صار فيها شي ....رحت صوب تلفوني تميت اطالعه ...مسكته ...رجعت فريته على الكرفايه ....مسكته مره ثانيه ونويت افتحته ....اول مره افتحه بعد الي صار .....كنت خيفانه وانتفض .....فريت التلفون وانا خيفااانه هزاع بغيت اتخبل يوم دخلت الغرفه وجفتها طايحه على الارض....ركضت صوبها وكل ما اتقرب تزيد ضربات قلبي .....شعرها كان مغطي ويها ...رفعته بايدي وانصدمت يوم جفت ويها .... ...كان الكحال سايح على ويها ...هذا غير ان ويها اصفر ...تميت اضربها على ويها برقه اباها توعى ان مستحيل اسامح نفسي اذا صار لها اي شي ...فتحت عيونها الي تذبحني ...اطمنت ...مسكتها من خصرها وقومتها ....مشيت لحد الحمام ( عزكم الله ) ...فتحت المغسله وبديت امسح على ويها بالماي البارد ....فتحت عينها وشكلها ما عارفه شي ....تمت اطالعني وبعدين صاحت....جنها ياهل.....حضنتها اهديها قلت : خلاص حبيبي انا وياج حسيت انها بطيح ....وجسمها ينتفض شليتها لحد الكرفايه .....خليتها على الكرفايه ويلست امسح الماي من على ويها بس دموعها كانت تبلل ايدي كل ما مسحت .... قلتلها بصوت مخنوق : ميسون حبيبتي كلميني انتي بخير ؟؟؟ ميسون لفت ويها الصوب الثاني ....قمت من مكاني ركض صوب المطبخ ولقيت البشكاره صرخت عليها : هاتي عصير ليمون فغرفه مدام ميسون وطلعت بسرعه للغرفه وانا اتنفس بقو ...دخلت ...تمت اطالعني ...يلست على طرف الكرفايه : خوفتيني عليج قالت وصوتها يرجف وهي تستهزء: خوفتيني؟؟ كانت بتكلم بس دخلت الشغاله وعطتني العصير قلتلها : روحي سوي عشا زين راحت الشغاله ....لفيت صوبها : شربي العصير جسمج ينتفض قامت ويلست على الكرفايه ...عطيتها العصير ....حستها ما قادره تشرب من كثر النفضه الي فجسمها ...تقربت منها مسكت الكوب ويلست اشربها ما قدرت ترفض....لانها ضعيفه....يلست سرحان بجمالها ...هذي الي تخبلت عليها يا هزاع ...وقلت بخليها فعيوني ...شو سويت غير اني اهنتها ....قربت الكوب من شفايفها...بس بعدت الكوب عنها...تقربت منها وكنت حاس انها بترفضني: ميسون ...ننزل نتعشى شكلج تعبانه ردت وصوتها يرتجف : اكيد بتعب لانك قريب مني روح خلني فحالي (صاحت ) قمت وحسيت بالغيض من ردها ...وقلت وانا اجوف عيونها الذبلانه .......... نوف فتحت عيني شويه شوي ....جفت امايه عدالي ....مسكت ايدها امايه : الحمد الله على السلامه يالغاليه روعتيني عليج ابتسمت ....بس للحضه تذكرت سهيل .......الي ما جفته من فتره ...وكنت اتحاول اتناساه ....ما ابي يكون له محل في ذاكرتي ...ياليتني فقدت الذاكره ولا فقده النطق ....ساعتها بمحيه من حياتي ....دمعت عيني وانا اتذكر كلام الغزل ....ووعوده لي ...مزحه وياي ....ضحكي معاه ...ما رمت استحمل صرخت باعلى صوتي : اكرهـــــــــــــــــــــ ـــــــــــــــــــك ونزلن دموعي على ويهي ...امايه انصدمت وتمت اطالعني ....انا رجعت اتكلم ...اكيد انا احلم ...حسيت بالم فراسي غريب.....طحت على الكرفايه ومسكت راسي وقعدت اون من الالم ........ مانع دخلت الغرفه وانا اسمع صوت ونات نوف ....التفت لمايه وجفتها تصيح ...ربعت صوبها وانا اصرخ : امايه شو صار ؟؟؟ امايه : البشاره يا مانع نوف رجعت تتكلم .... تميت اطالع نوف الي تتالم ....وركضت صوب مكتب الدكتور ......اول ما دخل الدكتور عليها طردنا برع ... يلست اترقب احس الدقيقه ...ساعه ...ما قدرت اصبر ....جفت امايه تصيح وتدعى .....كانت دموعي بتخوني وبتنزل ...انا اكثر واحد شهد على عذاب نوف ....بعد وفاه ابوي الي كان يعنيلها الهوى الي تتنفسه ....انهارت ...وزادها الحقير يوم طلقها .... اذا كان الي صار من قبل ما بايدي شي اغيره ....بس الحين لا ....لازم اوقفك عند حد وما تكون شرات الشيطان الي يظلم على حياتها ....ويسلب النور منها ...جفت الدكتور طلع قلت وانا ارفع شعري عن يبهتي : بشر دكتور ؟؟ الدكتور : الظاهر الصدمه الكبيره الي صارت لها ....اثرت عليها ...والحمد الله استعاده النطق لفيت لمايه الي جفت الفرحه بعيونها ...واخيرا ...اول مره نفرح بعد وفاه ابويه ....ركضت صوب غرفه نوف ........فتحت الباب ...تقربت منها وحبيتها على راسها وعاهدت عمري اني ما اسمح لا لسهيل ولا لغيره انا يظرها ....جفت امايه داشه ... قلت وانا اضحك : الحمد الله يا امايه الحمد الله لوت عليه امايه : الحمد الله يا مانع هزاع وقبل لا اقول اي شي طلعت من غرفتها.ما اروم استحمل العتب الي فعيونها ......رحت صوب غرفتي ...بس ما قدرت ايلس ...فكره تيبني وفكره توديني .....نزلت الطابق التحتي جفت الشغاله مجهزه العشا ...طلعت صوب غرفتها كنت بفتحه وبدش ...بس شي منعني ...يمكن رفضها لي ...دقيت الباب ....مره ومرتين وما فتحت خفت صار عليها شي ...فتحت الباب وارتحت يوم سمعت صوت الماي فالحمام( عزكم الله ) ....يلست على الكرفايه اترياها ...طلعت وشكلها ما تتوقع اني اكون موجود ...حسيتها انحرجت كانت طالعه بروب الحمام ...نزلت عيني ...وقلتلها : عشا تعالي تعشي ردت وهي رايحه صوب التسريحه : ممكن تظهر ابا ابدل ملابسي وبعدين بنزل حسيت خناجر بصدري لهدرجه كارهتني : خلاص اترياج طلعت وانا احس بالقهر .........ونزلت اترياها ........... ميسون ظهر هزاع ويلست اصيح ...اول مره ارمسه بهنبره....صح يمكن اكون غبيه اني احاتي مشاعره ...بس ما اعرف ليش حسيت بغصه ...فتحت الكبت وطلعت لي جلابيه حمرا ....ورتبت شعري ......رفعته ...وخليت له مقبض ...جفت عمري فالمرايه ...خدودي كانت حمرا من كثر الصايح ....نزلت ....وانا خيفانه ....اخاف منه ...لانه باي لحضه يتغير وينجلب حاله ........جفته يالس يترياني ....رحت ويلست وبديت اكل ...ما طالعته ...ما ابي اضعف جدامه ..... سهيل ابا ابعد صورتها عن بالي ..........كرفت عمري فالدوام ...ما عدا اني اصطبح بويه سلطان بس ما عليه ....ابا انساها ....كنت اظهر الصبح على الشركه وما ارجع الا العصر ...ارقد وبعدها اروح النادي....وارجع البيت انام مره ثانيه ....نزلت الصاله قلت وانا احاول ارسم ابتسامه على ويهي : مساء الخـــــــــــــــــــــي ر امايه : مساء النور والسرور.... قلت : عيل وين ابويه وجمانه؟؟ امايه : ابوك فالميلس مع عمك بو علي ...وجمانه فالحديقه عقدت حيايي : من متى عمي هنيه ؟؟ امايه: قبل شوي ....وعلي معاه .. اكيد دق على تلفوني بس مخلنه صامت ....سرحت شوي...وقمت بروح لهم الميلس التفت على صوت امايه : ابويه سهيل بتروح جيه!!! طالعت عمري كنت لابس قميص ابيض ....وشورت جيشي ... ضحكت وقلت : عادي الا عمي كنت بروح بس نادتني امايه : سهيل ابتسمت : آآآمري طال عمرج قالت وهي متردده : اسال علي عن ميره ؟؟ اضايجت يوم سمعت اسمها ......ابا انساها هذي بعد ....طلعت من غير لا ارد على امايه بس رحمتها ...صوتها يدل انها كانت تصيح ....دخلت الميلس وسلمت عليهم وانا ادق الباب : السلام عليكم الكل : وعليكم السلام يلست عدال علي....سولفنا ....كنت متردد اساله او لا قلت : علي بغيتكك برع شوي علي عقد حياته مستغرب وبعدين قال : يلا قمنا ....وقفنا برع عند باب الميلس قلت له : ما عرفت شي عن ميره ؟؟ قال : لا للحين ما صار شي ....بس ان شاء الله قريب كنت بكمل بس جفت سياره دخلت من المدخل .....وتعكر مزاجي ....اووف هذا وقته ...!!!!!!!!!!!!!!!!!!!!!!!!!!!! | |||||||||
|
| |
|
19-12-12, 09:05 AM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| البارت الرابع عشر ((اني اغ ـرق ...اغ ـرق ...اغ ـرق)) سلطان يلست اصرخ : انا ما ابا اروح ابويه : اقولك بتروح ...حرمه عمك ظاهره من المستشفى وما رحنا نجوفها ...يلا روح اللبس .. نافخت ورحت غصبا عني .....دخلت غرفتي ...طلعت لي كندوره المانيه لونها بني ...تغترت بغتره حمرا ...وتعطرت او بالاحرى سبحت عمري بالعطر ..انا شو دخلني اروح واسلم عليهم نزلت ورحنا صوب بيت عمي كلنا ....دخلنا بيتهم . ..جفت علي وسهيل برع ..... نزلنا ...ويلسوا يتوايهون ....اكرهم...احس بغصه كل ما اجوفهم .... لفيت صوب سهيل : شحالك ولد العم؟؟ قال من طرف خشمه: بخير اما علي يا ولوى عليه ...اونه عاد طيب والاحسن فينا...... وطبعا سلمى مطيحه وتسولف ويا علي ...انا مجابلنها فالبيت طول اليوم ما تسولف وياي ..خاطري اصفعها ...بس مسكت عمري ...دخلنا الميلس وامايه وسلمى راحن صوب الحريم ........... جمانه طلعت من غرفتي ...ورحت الصاله ...وفرحت يوم جفت امايه وعموه ام سلطان ....وسلمى ...مشتاقه اسولف مع بنت تفهمني شرات ما كنت اسولف مع ميروه ...... سلمى : جمانه شخبارج ؟؟ قلتلها : بخير الحمد الله سمعنا صوت الباب يندق .... هود ..هود امايه : هدا تعال علي تفضل دخل علي وسلم على امايه ....شكلها امايه تبا تساله عن ميروه لاني جفتها مسكته من ايده ودخلت معاه الصاله الثانيه ...وعقب ربع ساعه ظهروا ...على كان بيظهر بس سلمى زقرته : هاه علوه اسرار من ورانا؟؟ يا علي ويلس عدال سلمى : علوه اصغر عيالج انا ؟؟ سلمى ضربته على جتفه : لا وانته الصادق انا بنتك علي : الله يغربل ابليسج ابا اعرف لسانج الطويل هذا من وين يايبتنه ؟؟ ضحكت : ايه لا تحاول تضيعني انته عارف انا ليش زاقرتنك ؟؟ علي يستهبل : لا ما اعرف قولي سلمى : هاردلك هاردلك علي : يا حبج للمغايض ...انزين دريت ان العين خسر من الوحده قامت سلمى ادور على عمرها وتقول : طبيعي اعشق الوحده ...ترا عشقه غلا واعجاب ...ومن يقدر يعاتبني اذا من قلت انا عاشق ..وحبه يجري بدمي .....هيه يلا عاااشواااااا وكملت وقام علي ايول ....يلست اطالعهم ....ضحكت على خبالهم ....طلعت من الصاله وهم كانوا محتشرين ورحت صوب المسبح......جفت علي ظاهر ورايح صوب الميلس ...شكله خلص مغايض مع سلمى ..سمعت صوت وراي ...الصوت هب غريب ..... سلطان : جمانه التفيت صوبه ...دق قلبي بقو وانا اجوف عيونه الي تراقبني ...بس بينت اني قويه : هذا انته يا الحـ........... مسكني من ايدي : لا تسبين قلتله : انته ما تستحي على ويهك بعد كل الي سويته بعدك اتي بيتنا!!!!!! سلطان بنبره تغيضني وتقهرني ... :انا ما سويت اي شي غلط ؟؟؟ كرهته وكرة نبره صوته : ما سويت شي غلط ...قلتلي انك تحبني وخليتني اتعلق فيك واحبك وبعدين رحت تخطب اختي انته شوه ؟؟؟؟؟؟ سلطان تقرب مني...لصقت فاليدار ومرر صبعه على ويهي وقال بصوت اقرب للهمس : وبعدني احبج حسيت برجفه فجسمي ...حاولت اقاومه ...دزيته : اسمع اذا قصيت عليه من قبل فالحين لا والف لا .... سلطان وهو معصب : جمانه لا تعلين صوتج عليه ضحكت : ليش منو انته عشان ما اعلي صوتي عليك انته مجرد حقير وانتهازي انته اصلا هب ريال شدني بقو ...تمسكت فيه متروووعه ... قال وهو يتقرب مني : بعدج تحبيني ؟؟ حسيت قلبي بيوقف ...ما اقدر ارفع راسي واجوفه ...قلت وانا ارتجف : سلطاااان قال وه يتقرب مني اكثر : عيونه .....اآآآآآآمري قلت ودموعي نزلت على ويهي : ليش سويت فيني جيه ؟؟؟ شهقت ...قال : بس ....اتسلى ما قدرت استحمل صرخت عليه وانا اضربه ....: حقيييييييييييييييييييير حسيت فيه وهو يمسكني باقوى ما عنده ....خفت ...الا ارتعبت ......فرني صوب المسبح ....صرخت ...يلست اترجاه يطلعني بس ما شي فايده بديت اغرق ...كل الويوه زارتني ويه امايه ابويه ميروه...علي ...سهيل ...ويهه هو وهو يقولي احبج ....ورفضي علي ....كله لحضه احسها سنه ...حسيت ان الاكسجين خلص ...حاول اقاوم بس ما اقدر لاني مكسوره من داخلي ...حاولت مره ثانيه بس ما شي فايده كل ما حاولت اطلع ...ارجع انزل اكثر واكثر...والمكان صار ظلام علي دخلت الميلس وما جفت سلطان خفت انه تظارب مع سهيل رحت يلست عدال سهيل : وين ولد عمك؟؟ سهيل وهو منرفز : اونه راعي اصول راح بيسلم على امايه قلتله : عيل انا الحين ظاهر ما جفته قال سهيل: وانا شدراني ؟ قلتله : عيل وين ابويه وعمامي؟؟ سهيل : من ظهرت ظهروا راحوا صوب يارنا بو بدر...ظاهر من المستشفى علي : وليش ما رحت وياهم ؟ سهيل وشكله عصب: وانته مسوي تحقيق ؟؟ سكتنا انا وسهيل يوم سمعنا صوت صريخ ...وكانه حد يستغيث ....حسيت قلبي وقف ...ويات فبالي جمانه ...... | |||||||||
|
| |
|
19-12-12, 09:05 AM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| ميسون قمت من على العشا ....كلت لحد ما شبعت ...رفعت عيني جفت هزاع ما اكل ...شكله كان يطالعني بس...قمت ...مريت من عداله..مسكني من ايدي هزاع : ميسون انا....... نفضت ايدي من ايده : خلني اروح غرفتي هزاع : ميسون ابا افتح صفحه يديده وياج ...انااسف على الي صار تفاجات من كلامه نزلت راسي ...تقرب مني....لصق فيني ابتعدت قال : انا ما ابي اضايقج ...وانتي عطيني فرصه ..اخر فرصه قلتله :على شرط قالي : انتي تامرين قلت وانا مغمضه عيوني : تنام فغرفتك ...وما تتقرب مني ..ولا تمد ايدك عليه .. حسيته انصدم ...سكت ..خطفت عنه بس وقفت يوم قال : موافق بس لين متى بنستمر على هذي الحاله ؟؟؟؟ قلت وانا انتفض : شهر توقعته يرفض بس قال : خلاص الي تبينه بيصير حسيت براحه من كلامه ورجعت قلت : واذا اخلفت فالشرط ....بروح بيت اهلي ...واتريا ورقتي قالي : خلاص اوكيه ... رحت صوب غرفتي ..دخلت وانا مرتاحه ....يلست افكر .....غريبه وافق ...بس شكلها خطتي بتنجح ...اما خليت تنقض الشرط ...وبعدين بطلق منك وبفتك ....برتاح من الهم .....فتحت شعري وانسدحت على الكرفااااايه ...التفت وانا اسمع تلفوني يرن........ علي ظهرنا نربع انا وسهيل لفيت صوب سهيل : الصوت من صوب المسبح ركض سهيل وركضت وراه ....وصلنا المسبح وجفنا سلطان يعفد ....وبنت فالمسبح ....ما عرفتها بس من ملابسها...حسيتها جمانه ...سهيل وقف مصدوم ...وانا بعد ظهرها سلطان بصعوبه وشلها بين ايديه وكان يتنفس بصعوبه .....حسيت بالموت وانا اجوفها بين ايدين سلطان ........... سلطان وهو يصارخ : بعدكم واقفييييييييين حد يشغل سيارته!!!!! بسرررررررررررررررعه ركضت صوب سيارتي وجفت الحريم ظاهرات على صوت سلطان ....ركضت ومية فكره فبالي ...اذا فقدتها ...بتخبل ...قربت السياره من المسبح ...جفت سهيل شالنها وهي فاقده الوعي ...فتحت الباب الوراني وصرخت : يلا ركبهااااااااااا جفت عمتي ام سهيل تصيح ركب سهيل : حرك يلااااااا بسررررعه علي حركنا ونحن نجوف سلطان الي يلس ياخذ نفس بصعوبه وسلمى تصيح عداله سهيل يلست اتريا برع الغرفه ...يالله شو سوينا نحن ...من وين هالمصايب ...التفيت صوب علي ....شكله وايد يحاتي ... لفيت صوبه: بسك من هز ريلك لف الصوب الثاني اول مره اجوف علي جيه : سهيل تروم تسكت سكت ..اصلا اروحي احاتي ...طلع الدكتور ورحنا صوبه الدكتور : والله مش عارف شو اقول بس الحمد الله لحقنا عليها فاللحضه الاخيره انصدمت : شخبارها الحين دكتور ؟؟؟؟ الدكتور : الحمد الله ...نسبه الاكسجين وايد انخفضت بس احين خلينا لها اكسجين ...وان شاء الله اذا عدت اربعه وعشرين ساعه بتكون اوكيه ..... جفت علي راح من عدالي ....شكله يبا ييلس اروحه ....دخلت عليها الغرفه ...ما ادري اول مره احس بمعزه جمانه ....تقربت منها ..حبيتها على راسها ....حسيت بتلفوني الي يهتز : الو ابويه : هلا سهيل طمني على جمانه؟؟؟ قلت وانا اجوف جمانه الي طايحه على السرير ما تعرف حد : بخير ابويه : امك محتشره هنيه قلت لبويه : اطمنوا ... بغيت اسال عن سلطان سوا فينا معروف لا يمكن انساه كبر فعيني : شخبار سلطان ؟؟ ابويه : والله هنه ...نفسه ضايج عليه ...بس الحمد الله قلت : اذا يبا اي المستشفى بيي اشله ابويه : لا ابويه ما يبا ...بس يسال عن جمانه قلت : لا طمنهم .... سكرت التلفون ...وطلعت...حسيت بايد على جتفي : علي علي وشكله حالته حاله : شخبارها ؟؟ قلتله : الحمد الله قلت : يلا نروح ماشي فايده من يلستنا ........ علي وصلت سهيل البيت .....ونزلت جفت الكل يالسين فالميلس ......اول ما دخل سهيل راح صوب سلطان وشكره ولوى عليه ....يلست اطالع سلمى ...الي كانت اطالعني وفعيونها اساله ....نزلت راسي ... ابويه : علي يلا بنروح الوقت تاخر ... هزيت راسي وطلعت وانا اسمع سهيل يطمن عمي وحرمته..... ركبت السياره ويلست اطالع صوب المسبح ...واتذكر كل الي صار ..خليت راسي على السكان....والتفت يوم فتح ابويه الباب ابويه : انزل استغربت شو بلاه ابوي : شو صاير؟؟ قال : انزل الحين نزلت من السياره...ويلست اطالع ابويه وهو يركب مكاني ...التفت : روح اركب الصوب الثاني انا بسوق سكر الباب .....ورحت ركبت الصوب الثاني .....طول الطريق وانا بالي عندها ....يلست اتذكر ((بعد ما خطبت جمانه باسبوعين ....كنت فرحان من الخاطر ....وكنا فبيت قوم عمي بو سهيل..........وبالتحديد فالميلس انا وبويه ...وعمي وسهيل ...اندق الباب ودخلت جمانه وهي مرتبكه : السلام عليكم حسيت سهيل تضايج منها ردينا كلنا : وعليكم السلام ابويه : ها جمانه شكلج تبين تقولين شي؟؟ جمانه بخوف : ما بتردني يا عمي ؟ عمي بو سهيل وهو معصب :جمانه روحي غرفتج ابويه :بلاك على البنت ....قولي جمانه جمانه وهي تنتفض :انا .....انا ابا افسخ الخطوبه قام سهيل وهو يصارخ: جمااااااااااااااااااااااا اااااااااااانه انصدمت من رمستها ....ما قدرت استحمل قمت من مكاني ورحت صوبها وكل الي فالميلس يطالعوني : يا بنت العم الي تبينه بيصير كل الي فالميلس شهقوا من رده فعلي ...الكل يعرف اني اموت فيها ........ سهيل : علي انته .... رفعت ايدي وقلت : خلوها على راحتها جفت الدموع فعيونها ...ظهرت من جدامي ......)) انفتح الباب ... ابويه: انزل وصلنا نزلت من السياره ....يلست اطالع ابويه ابويه : ما عليها شر ان شاء الله حضنت ابويه ........وبعدين طلعت غرفتي ..هب قادر انام ...الحمد الله يوم ظهرها سلطان واالا ........لا ما ابا افكر فشي ثاني خلااااااااص ميسون رفعت التلفون ...تذكرت ان هزاع هداني اياه ...نفضت هالافكار ....سلموه تتصل قلت و انا فرحانه : هلا والله سلموه سلمى : هلا ميسون شخبارج ؟؟ قلتلها : بخير الله يسلمج شخبارج انتي ؟؟صوتج متغير قالت : سكتي ميسون للحين انتفض من الزيغه قلتلها : شوة صار خوفتيني ؟؟ سلمى : رحنا اليوم بيت عمي بو سهيل قلتلها : انزين وشو صار ؟؟؟ سلمى : جمانه قلت وانا متروعه : بلاها ؟؟!!!!!!!!! قالت : غرقت فالمسبح بس الحمد الله سلطان لحقها على اخر لحضه شهقت من الخوف : وشخبارها الحين ؟؟؟ قالت : الحمد الله ودوها المستشفى ....اول مره اجوفها جيه فقدت الوعي قلت وانا زعلانه على جمانه: والله يحليلها ما تستاهل اندق الباب والتفت جفت هزاع يوم جافني ارمس فالتلفون ظهر ... سلموه : شكلج مشغوله هزاع عندج بسكر ما ادري ليش انحرجت : يلا باي سكرت التلفون ..يلست متردده اروح اجوفه او لا ....يلست اكثر من ربع ساعه بعدين قلت لا ما بروح ...بخليه جيه ..لازم ما اعطيه سالفه عسب يتأدب........ | |||||||||
|
| |
|
19-12-12, 09:06 AM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| البارت الخامس عشر ((دهاء انثى )) مانع وقفت السياره عند باب البيت ....التفت صوب نوف وامايه قلت : بينور البيت يا نوفه نوف ضحكت : ههههههه منور بوجودك يالغالي نزلنا ...حسيت البيت كله فرح .....رحت مع نوف غرفتها وامايه راحت صوب غرفتها تعبانه دخلنا الغرفه ويلست نوف اطالع غرفتها جنها مودرتنها من شهر قلت :ههههههه والله انج سالفه اطالعين الغرفه جنه من شهر ما دخلتيها!!!!! نوف وهي تتامل : يالله يا مانع ....هالغرفه شهدت وايد من حياتي طالعتها وقلت : انسي كل شي نوف طالعتني : صعب يلست على التسريحه ....تمت تدور فالغرفه ...رحت صوبها...مسكتها وحضنتها....قلت : انسي يا نوف ...انسي كل شي ضحكت : احبك ماانع .. ابتسمت ...قلت :فديت اختي الغاليه اناااا قالت وهيه ترفع راسها واطالعني : بروح اجوف ميروه غريبه ما يتني قلت : وين رايحه ؟؟؟؟؟؟؟؟...ميره محد شهقت : سهيل سوا فيها شي ؟؟؟!!!! قلتلها : لا ولا تسالين عنها مره ثانيه شو يانا منها هيه واخوها قالت : حرام عليك ميره مظلومه لفيت صوبها ابا افهم واعرف كل شي عن ميره : شو صاير فحياتها ابا افهم ؟؟؟معقوله بنت تشرد عن اهلها وما تكون ....!!!!!!!!!!!!!!!!!!! قاطعتني نوف : حرام عليكم كلكم ظالمينها انفعلت : انزين خبريني انتي ؟؟!! قالت : ميره امنتني وما اقدر اخبرك تقربت منها : وهذا ياكد شكوكي ظهرت من عند نوف ...ركبت سيارتي ورحت صوب الشقه ميره مليت من اليلسه ....اروحي بين اربع يدران ....ما جفت حد مشتاقه لنوف ...حتى مانع ما قام اي من ذاك اليوم ...اندق الجرس ...ركضت صوب الباب هذا اكيد مانع .... فتحت الباب وانا مبتسمه : صباح الخير ما رد عليه ودخل وشكله معصب ....عفانا الله شو فيه هذا من الصبح التفت صوبي وقال وجنه شاك : ما رمستي اهلج ؟؟ قلت : لا قال : اها ...محتايه شي ؟؟ قلت : لا سلامتك ...ما زرتني من ذاك اليوم ...ان شاء الله نوف بخير تقرب مني وقال وهو يهمس بس معصب : قلتلج انسي نوف وظهر ....صحت هذا شو فيه عليه ....شو سويت انا عشان يعاملني جيه ......... سهيل وعيت الصبح ونزلت الصاله .... امايه : هلا سهيل زين وعيت اباك توصلني المستشفى قلتلها : ان شاء الله ...بتريق وبنسير امايه : ابوك راح الشركه .... قلت : امايه ما اتصلتي تطمنين على سلطان ؟؟؟ قالت : هيه والله توني متصله بخير الحمد الله قلت : يلا عيل قومي تزهبي طلعت صوب سيارتي اشغلها ....جفت سياره تدخل فالبيت ...ونزل شخص هب غريب عليه ......استغربت دخوله....يا صوبي وشكله معصب .... قلت : مانع!!!!!!!!!!!!!!!!!!!! ما كملت كلامي الا وانا احس ببكس على ويهي مانع وهو ماسكني من قميصي : اذا اذيت اختي مره ثانيه بجتلك ظهر وانا خليت ايدي على خشمي الي ينزف .......هذا اكيد تخبل ....... جمانه فتحت عيني بصعوبه ....وين انا ....شو صار ...حسيت بضيجه ...التفت عدالي ما جفت حد ....الاكسجين على ويهي ...يعني انا فالمستشفى ...تذكرت كل شي ....سلطان ...دمعت عيني...خساره الحب الي حبيته ....غمضت عيني .....ورجعت فتحتها يوم سمعت صوت الباب ...اول ما جفت امايه صحت ...يلست تحبني ...التفت صوب سهيل وهو ماسك ايدي ... امايه وهي تصيح : الحمد الله على السلامه الغاليه لا اتعبين عمرج لا ترمسين سهيل تقرب مني : جمانه شو صار وكيف غرقتي فالمسبح؟؟ امايه : سهيل خلها الحين الحمد الله سلطان لحقها وطلعها فاللحظه الاخيره فتحت عيني ...سلطان هو الي طلعني من المسبح ...ظهر جدامهم بانه شهم ...والله بتجوف يا سلطان...نزلن دموعي وانا اتذكر كيف فرني فالمسبح ...وكيف قص عليه وخلاني احبه ..حبيته وبعدني احبه ...غبيه هزاع وعيت الصبح ...خذت شور ....رحت صوب صاله الطعام ...مستعيل بروح الشركه ....يلست اصب لي عصير .....ريحه دهن العود ...خلتني ارفع راسي ...جفت ميسون ...كاشخه ...نزلت عيني ما ابي اضعف ميسون بصوت كله دلع : صباح الخير حبيبي انصدمت من رمستها هاذي على شو ناويه : صباح النور ضحكت : ليش ما كليت شي هب زين تظهر من البيت جيه بطلت عيوني اطالعها ....بس ما عطتني فرصه ...تقربت مني ....كان خاطري اتقرب منها...والمها فحضني ...جفتها وهي تاخذ التوست ...وتخلي عليه جبن وعسل ...وعطتني اياها يلست اطالعها .. ميسون تعمدت تخلي ايدها على ايدي ...بس انا تجاهلت وخذت التوست...كليت من غير لا ارفع عيني ...ومن زود ما انا مرتبك ....طلعت من غير لا اخذ الشنطه الدبلوماسيه مالتي ...رجعت وانا لابس النظاره الشمسيه ....جفت ميسون ما سكتنها تقربت منها ...ضحكت ...وضحكتها تغريني ... تقربت باخذ الشنطه ...بس هيه لصقت فيني : وين كان عقلك؟؟؟ تجاهلت سؤالها وخذيت الشنطه وطلعت | |||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
