19-12-12, 08:48 AM
| #1 | |||||||||
| نجم روايتي ومشرفة سابقة وفراشة متالقة بعالم الازياء  
|  غربة روح الكاتبة / وجه النهار ، مكتملة  السلام عليكم ورحمة الله اسعد الله صباحكم بكل خير كيفكم زوار واعضاء روايتي حابه انقل لكم رواية رائعه من روايات الكاتبة الاماراتية وجه النهار اول رواية لها غربة روح قراءة ممتعة التعديل الأخير تم بواسطة درة الاحساء ; 09-10-13 الساعة 07:50 PM | |||||||||
|  |
|
19-12-12, 08:49 AM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  غربـــــــــة روح بقلم: وجه النهار صباح \ مساء الخييير اول شي حابه اقول ان هذي هيه اول قصه لي ..واتمنى ان القصه تنال على اعجابكم ..قصتي بعنوان غربه روووح ...تعرضت فالقصه لامور واقعيه لكن غلفتها بالخيال ....رومانسيه ...اكشن .....واتمنى من كل الاعضاء الي يدخلون القصه يعلقون ويعطوني ارائهم وانتقاداتهم لانها تهمني .... وهذا اول بااارت : ***غربة روح*** / البارت الاول اليوم الجمعه الكل مجتمع فبيتنا للغدى ....عمي بو سلطان ..وعمي بو علي ...اكيد احين مرتبشين فالميلس ...يلا بقوم انزل الصاله بسلم على بنات عمي ...الكل يقول اني معتزله ...واحب الوحده ...يمكن لاني احس اني غريبه بين الكل ....اندق الباب .. انا : هلا منو ؟ جمانه : انا... وينج انتي العرب يتريون تحت ؟ قلت : يلا الحين بنزل ... جمانه اختي اصغر عني بثلاث سنوات الحين خلصت ثالث ثانوي ....جميله وااااايد الكل يسميها لبنانيه لانها تشبه يدوه .خذت منها كل شي حتى الاسم ......(ام امي) هي من لبنان ....ما خذه كل شي منها الشعر الطويل الناعم لونه بني مايل للاشقر ..طويله عيونها وساع ...كل بنات العايله يغارن منها هب الا من جمالها الا من شي ثاني ...بعدين بتعرفون .... نزلت الصاله لقيت امي فديتها يالسه مع خالتي ام سلطان ...(اسميها خالتي بس هيه حرمه عمي الاهواخو زوج امي )....عاملني شرات جمانه ...وعندي اخوا اصغر عني بسنه ونص اسمه سهيل ...صحيح هو قاسي علينا وشديد وعصبي بس احبه ....سلمت على حرمه عمي بو سلطان ...طبعا حرمه عمي بو علي متوفيه من ثلاث سنوات وعندها على بس ....الله يرحمها وااايد احبها .... التفت على وراء جفت البنات يطالعني...ابتسمت ورحت صوبهن جمانه : واخيرا نزلتي ميره ضحكت وسلمت على ميسون بنت عمي بوسلطان واختها سلمى ... ميسون : شخبارج ميره ما بغيتي تنزلين ؟ انا : لا توني مخلصه صلاه .... سلمى : حرما انا : جمعا فديتج يلست على الكنبه ....ويلست اسولف مع البنات ....انا ما دخلت الجامعه ....خلصت الثانويه ويلست فالبيت ...ملل .. بس شو اسوي ....احين جمانه خلصت ...بنتسلى انا وهيه ..جمانه ظهرت من عند البنات ورحت صوب الميلس ....لازم اسلم على عمامي ...عمي بو علي وااايد يحبني على الرغم من الي صار قبل شهرين...بس انا جيه مرتاحه .....دشيت الميلس اكيد بلقالي هزبه من اخوي سهيل بس انا دايما ارد عليه بس ميره تتنافض ودمعتها تنزعل ....تخاف بسرعه ...انا قلت بستغل الفرصه وبسلم على عمي خصوصا ان الشباب ظهروا مع بعض ...شفتهم من الدريشه ....دقيت الباب ودخلت قلت : السلام عليكم عمي بو على : هلا بالشيوخ هويت عليه وحبيته على راسه : فديتك يا عمي عيل وينه عمي بوسلطان .. ابو علي : راحوا صوب المسبح ....بيلسون برع التفت على ابوي وابتسمت له : ابويه ما جفتك اليوم ابو سهيل : اكيد يا بوج انا اوعى الساعه 6 وانتي دوم متاخره ضحكت : حراااام عليك ابو علي : لا لا يا بو سهيل لا تغلط على الغاليه هذي جمانه .. ابو سهيل : محد مبزنها ومدلعنها غيرك ضحكت ...وبعدين استاذنت اخاف حد من الشباب يرجع ما فيني على المواقف المحرجه ما عدا انه وحشني موت وخاطري اجوفه ...على الاقل شفته من الدريشه ...فديته ...رحت صوب الباب ظهرت وسكرت الباب واول ما التفت برجع الفيلا تفاجأت وشهقت من الزيغه ... علـــــــــــــي جفتها جدامي تسكر الباب .....اموت كل ما اجوفها ...احس بطعنه فصدري ...احبها ...بس شو اسوي ....والله الايام الي مضت وااايد صعبه عليه ...حاولت اخفي لهفتي وشوقي واحاول اني ما احرجها ....خصوصا انها نزلت راسها ويالسه تتحجب .... قلت : شحالج جمانه ؟؟ جمانه : يسرك الحال ومن صوبكم؟؟ رديت وغلبت عليه احاسيسي صوبها : دامج بخيرانا بخير حسيت انها ارتبكت.....يلست اطالعها ما قادر اشل عليني عنها ...جمالها غير يلفت الانتباه ...سرحت فيها بس صوتها رجعني للواقع جمانه : ممكن انا : امري جمانه ابتسمت : شوي ابا اظهر انحرجت عثريتني مسكر عليها الدرب ابتعدت ومره من عدالي ...ريحه عطرها اسرتني ...يلست اراقبها لحد ما دخلت الفيلا ....اطمن عليها ودخلت الميلس على ابوي وعمي .... احبه حب نساني شي اسمه راحه البال وحبه عامل بقلبي عمايل مو طبيبعيه ميره استاذنت وتعلثت بتلفوني الي يرن ...طلعت غرفتي ...انا ما اظهر جدام عيال عمي ابو سلطان وابو علي ...لان ما يقربولي صح انا تربيت معاهم بس احس غير اذا ظهرت ...جمانه تظهر ....بس احيانا هب دوم ..نحاول نجنب انهم يجوفونا ..اخوي سهيل يهازب ...ما فيني على الصدعه ما عدا ان ميسون وسلمي يسلمن عليه وعادي ....بس يلا...انتبهت لتلفوني الي رن مره ثانيه ...هاذي ربيعتي ...فطيم يلست ارمس وياها ...وبعد ما سكرت وقفت عند الدريشه وجفت جمانه وعلي ...استغربت ....معقوله هاي جمانه ....هاذي اكيد تخبلت ...لو جافها سهيل بيسوي سالفه صح ابويه (زوج امي ) ما يقول شي ...بس سهيل هو المصيبه ...ارتحت لما جفتها راده صوب الفيلا ...يلست اراقب نظرات على الي ظلت تحرسها لحد ما دخلت الفيلا. عند المسبح سهيل شو فيه علي انسحب من اليلسه ...بس والله ما الومه انا اجوفه هالايام متغير ...بس شو اقول ...التفت على عمي بو سلطان بو سلطان : سهيل سهيل : هلا عمي بو سلطان : ما نويت تخطب وتعرس عنبوه ارتبكت ...وتذكرت كل شي : لا لا سلطان وهو يضحك : هههههههههههههه شياك اختبصت سهيل : لا ما شي ...بس انا شال هالموضوع من بالي ابو سلطان : لا تحريتك ..جفت سلطان بيعرس قلت يمكن تعزم سهيل : لا بعدني ..خلني جيه مرتاح اكذب على الكل منو قال اني مرتاح ....استاذنت : بروح اسلم على خالتي فصاله من زمان ما جفتها رحت صوب الصاله ..فتحت الباب وجفت جمانه وشكلها متغير ...متلخبطه وما دري شوفيها فقلتلها : وين كنتي ؟؟ جمانه وهي ترتجف: اه انا انا كنت فالمطبخ قلتلها : طوفي جدامي ... دخلت الصاله مع جمانه وسلمت على حرمه عمي بو سلطان ... ام سلطان : هلا سهيل شخبارك الغالي؟؟ سهيل : بخير دامج بخير التفت صوب بنات عمي ميسون وسلمى وسلمت عليهن ...وظهرت ...ورحت صوب المسبح ..لقيت سلطان يرمس فالتلفون وعمي مب موجود .. سلطان وهو ينهي المكالمه : يلا ارمسك بعدين التفت له : عيل وين عمي ؟ سلطان : رجع الميلس رحنا صوبهم قلت : يلا ... ميـــــــــــــــــــــره دقت الباب ودخلت جمانه جمانه : وينج انتي يسلمون عليج روحوا قلتلها :الله يسلمهم ان شاء الله جمانه : ابويه يباج حسيت بنفضه ما ادري ليش : ليش ؟ جمانه : وانا شدراني قمت من مكاني ....رحت صوب الصاله ....كانوا كلهم موجودين ...حسيت بربكه ..ما ادري ليش ..ابتسم ابويه ...وقال وهو ياشر عداله : تعالي ميره عدالي رحت صوبه ويلست عداله التفت على سهيل كان ويهه ما فيه اي تعبير .. ميره : هلا ابويه خير امرني ابويه :سمعي يا ميره انا بحسبت ابوج والي تبينه بيصير...اليوم عمج بو سلطان ياي يخطبج لولده سلطان ...وهم شارينج ...ويبونج وسلطان ما ينعاب والا شو رايك سهيل ؟؟تراه ربيعك سهيل : هيه ما ينعاب سليطين التفت صوب جمانه الي انسحبت من اليلسه ...حسيت بالاحراج يوم تقربت مني امي ولوت عليه ... امي : لا تستحين ميره فكري وردي علينا هزيت براسي وانسحبت وانا اسمع ضحكاتهم ...حسيت بالاحراج دخلت الغرفه ...وركضت صوب المرايه جفت ويهي صاير اشارات ..... قلبي كان يظرب بقو ..وينك يا بويه لو كنت معاي كنت بحس غير ...بس سلطان ليش فكر فيني لا يكون يوم شافني ذاك اليوم ....يلست اتذكر وانا منسدحه على الشبريه (( ....الكل كان ظاهر ورايحين العزبه ...الا انا ...يتني البشكاره_مارينا _ تقولي بابا سلطان تحت ...تحسبته عمي بو سلطان لبست شيلتي ونزلت ..وانا اركض على الدري ....كنت من زمان ما شفته ...وايد طيبين معايه ..نزلت وتفاجأت يوم جفت سلطان ...ما عرفت شو اسوي هب حلوه اتغشى ....ضحك يوم شافني سلطان : شحالج ميره؟؟ رديت عليه : بخير ومن صوبكم ؟؟ سلطان : بخير قمت بروح صوب المطبخ ...اقول لمارينا تيب قهوه ...بس هو زقر عليه سلطان : ميره وين رايحه ؟؟ رديت عليه : بقول للبشكاره تيب فواله سلطان : لا انا تقهويت شو يقص عليه اون متقهوي : بس ما اجوف ... قاطعني : تعالي يلسي بلاج واقفه ما ارتحت لنظراته ...انا ما انكر ان شكله حليو بس ما ادري ليش ما ارتاح له ... يلست غصبن عني وخذ راحته هو ويلس يرمس عن شغله فالشركه وكيف تعبان وكنت ارد عليه بس كنت وااايد منحرجه خفت اي سهيل اكيد بيذبحني ...بس الحمد الله استاذن سلطان وقبل لا يظهر سلطان : عاد خلينا نجوف هالويه الحلو لا تحرمينا بلعت ريجي هذا مصخها بس ما عطاني فرصه ارد عليه طلع وشغل سيارته وحركها ....دخلت البيت ورجعت على كمبيوتري ...)) رديت للواقع على صوت الباب فتحته وكانت امي وشكلها فرحانه وااايد امي يلست عدالي : ميره اباج تفكرين زين ابا اطمن عليج ...واجوفج مع ريال زين يسترج ويريحج ... كانها امي تقولي وافقي وحسيت هالشي من نظرات ابويه ...وحتى سهيل ...رجعت لامي وانا اسمعها تقول : فكري زين ...وردي عليه .. طلعت امي ويلست محتاره شو اسوي انا ما ارتاح لهالانسان معقوله حبني وتعلق فيني من ساعه ولا نص ساعه يلسها معاي ...ااااااااه شو اسوي الحين جمانه طلعت من الحمام وانا اسحب عمري ....انصدمت شو الي يصير ..ما فهمت شي حسيت راسي بينفجر من التفكير ..انسدحت على الكرفايه ويلست اصيح منهاره وانا اتذكر علي ....ما ادري ليش يا على بالي ..حسيت بنفضه وانا اسمع صوت ميره فتحت الباب : هلا والله بالعروس ميره كانت مرتبكه ومضايجه :سكتي جمانه ما اعرف شو ارد وبعدين انا ما اعرف سلطان وااايد رحت صوب التسريحه ويلست امشط شعري : فكري وردي ميره : انتي لو كنتي مكاني شو بتسوين ارتبكت وكانه حد صفعني : انا ...ميروه فكري انا شدخلني طلعت ميره من الغرفه حسيت اني دفشه ..يوم قلت جيه لميره بس والله الي فيني يكفيني محد يحس فيني .....شو اسوي فحياتي ...وحتى الي يحسون فيني انا ابتعدت عنهم ...بس ما كنت اتوقع النذاله توصل لهدرجه ...فريت كل الي كان على التسريحه ...وانهرت ...وانا اسمع غراش العطور يتكسرن .... فبيت بو علي علي رجعت البيت انا وابويه ...رحت ابدل ملابسي ...دوم انهزب من الوالد الله يطول بعمره ...لاني دايما البس بدلات وما البس كنادير يقولي عنبوه اجنبي ...بس والله متعود لا تلوموني خصوصا اني درست برع وبعدين رجعت البلاد ...ما بتخقق وايد الكل يقول اني انا اوسم شاب فالعايله ...بس ما فادتني هالوسامه بشي .....كل البنات يوم يجوفني فالسوق والا مكان هن الي يعاكسن االا هيه والي اختارها قلبي ما تكلف عمرها تصد صوبي ليش ؟؟ بس مهما صار احبها وقلبي تعلق فيها من ذاج اليوم اول ما رجعت من الخارج ...كنت رايح مع الوالد بيت عمي بو سهيل ....لانهم عازميني على العشا ...وبعد ما تعشينا ...طلعت ادوخ برع ...لان ابويه ما يحب يجوفني وانا ادوخ ...رحت صوب المسبح ...سمعت صوت ضحكتها الي جذبتني اكثر وخلت عندي فضول ...منو هاذي من بنات عمي ...تقربت اكثر وجفتها وياليتني ما جفتها .... | |||||||||
|
| |
|
19-12-12, 08:49 AM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثاني ((ذات الشــ ع ـر الاصفر )) جفتها ومن ذاج اليوم وهي فبالي وفقلبي ....جفتها وهي ترمس على التلفون ...تقربت اكثر لان المكان كله زراعه وحاولت ابعد الزراعه الي مغطيه على ويهي ...تقربت اكثر كانت لابسه بنطلون جنز وقميص اخضر كت ..يخرب بيت جسمها ...وهي ترمس فالتلفون طاحت الشيله الي على راسها وهني عرفتها منو ما يعرفها وهذا شعرها محد فالعايله جيه شعره الاهيه .....اكيد هاذي ..........(جمانه ) !!!! اذكرنا يوم صغاريه كنت اعايب على شعرها الاشقر واقولها يام كشه صفرا ...كانت تزعل وتصيح ههههههههههههههههههههههههه ههه حسيت بايدي وهي تحترق من الزقاره ...ااخ جفتها وهي تقوم تبي ترجع الفيلا ...ركضت صوب الميلس ..لا تجوفني اكيد بتصارخ ...وبتسوي سالفه وبيذبحني سهيل ...برجع الميلس احسن ..... رجعت للواقع ...يوم اندق الباب ودخل ابويه رحت وبسته على راسه ... ضحك : عن اللواته شو تبا ؟ رديت : هههههههههههههه لا والله ما فخاطري شي ... ابويه : ها على وين العزم اجوفك لابس لبس الانجليز؟؟ ابتسمت: والله ربيعي داق عليه تلفون ....بلاقيه فا المول ابويه : الله يحفظك وهالله هالله بالسواقه الزينه لاتسرع اشرت على عيوني : من عيوني يالغالي طلعت من البيت ابويه وااايد يراعيني ...مالي غيره وماله غيري فالدنيا ....والله لو يدري بالي اسويه جان ذبحني ...انا واثق اني ما اسوي شي غلط بس لو اقوله بيعارض .... ميره اووووووف ...والله احترت ...انزين ...ابويه ليمتى بيتم يصرف عليه ويراعيني ادري ان الخير وااايد بس انا اظل غريبه الابنت زوجته وااايد عليه رباني كل هالسنين ....وسهيل اخويه ربيع سلطان ...ويعرفه ويقول زين ...حتى امايه تقولي سلطان اوكيه ...وبعدين هو لو ما عيبته جان ما خطبني ....وانا مستحيل ارد ناس يعاملوني بكل طيبه واحترام ...بس ...بس قلبي هب مرتاح احس بضيجه .... جمانه فتحت عيوني ...على صوت مسج وصلني على تلفوني ...قمت من على الكرفايه اسحب عمري صوب الحمام ...تغسلت وتوضيت وصليت المغرب ...رحت وفجيت المسج ...حسيت برجفه فجسمي ونفضه غريبه فريت التلفون من الغيض وانكسر ويلست اصيح ...والله العظيم حقير ....اه شو اسوي ...شو اسوي ...كله مني انا الي صدقت كلامه بس ما توقعتها منك ...ظهرت من الغرفه لاني حسيت اني بختنق اذا يلست اكثر ...نزلت تحت ..وجفت سهيل وهو سرحان فالصاله ..بس التفت يو شافني : شو بلاج ؟؟ ارتبكت عافان الله دوم مبوز : لا ما شي ....انته شو فيك؟؟ سهيل صارخ : انتي ما تسكتين طول ارتجفت كنت بروح بس جفت امايه يايه من برع : بلاكم صريخ سهيل وااصل اخر الفله سكت ما عرفت شو اقول ..قام سهيل وهو معصب وظهر برع ....التفت صوبي امايه ...رفعت جتوفي ...ورحت عدالها ..يلست تتقهوي ... امايه : وينها ميروه ؟ قلت : ما اعرف اضني فغرفتها رفعت امايه ايدها ويلست تدعى لميروه ان الله يوفقها..ما اعرف كيف اوصف احساسي وانا اسمع امايه .. سهيل خلاص بموت من الضيجه طلعت من البيت وانا ما اجوف جدامي ...ما حس حد يحبني ..صح ان قاسي على خواتي بس لمصلحتهن...من زمان ما جفتها وهالشي هو الي مضايجني ...بس هيه انتهت من حياتي ...لا اصلا انا شو ابا فوحده مثلها ....بلقى الي احسن منها بميه مره ..بس الي اعيشه الحين الفراغ ....فراغ عاطفي ...انا بقول لامايه تخطبلي والي فيها فيها ...بس اخاف اتسرع واظلم البنت الي باخذها .....اووووووووووف . علــــــي رجعت البيت كنت هلكان وتعبان وحالتي حاله زين ان ابوي راقد والا كان بيسويلي سالفه ... حمدت ربي الف مره ودخلت الغرفه ...وفريت عمري على كرفايتي بنام وبرتاح بعد التعب وبعد باجر بنزل ويا ابوي الشركه ...اااه ميره دشت امايه غرفتي....كنت مرتبكه ...تمنيت الارض تنشق وتبلعني ...يلست عدالي امايه : هاه ميره شو قررتي ؟ رديت : الراي راي ابويه امايه فرحت وحضنتني ...هذا الي كنت اباه ....اجوف الفرحه على ويه امايه ...يكفي الي سوته جمانه والي صار فسهيل ..اي انا واوطي راسهم ...مستحيل ارضى كنت اجوف الهم بعيون امايه ...بغيت افرحها ...اول مره اجوف الفرحه بعيونها من بعد المصايب الي صارت ....ما بغيت اضايج بها خصوصا انها تحب سلطان .... ظهرت امايه : بروح ابشر ابوج ظهرت وحسيت بغصه يمكن لاني بفارق اهلي قريب ...ما دري يمكن كل بنت تحزن ..على اهلها على ايامها الي قضتهن معاهم ..على كل ركن فغرفتها ما حسيت الا بدموعي على ويهي ....دخلت جمانه و ويهها متغير شكلها صايحه اكيد لاني انا الي اونسها وهي الي تونسني ... تقربت مني : مبروووووووووووووك (صوتها يرجف ) حضنتها :الله يبارك فيج وعقبالج .. نزلت دمعتها على ايدي ....معقوله لهدرجه زعلانه جمانه حضنتها اكثر ...بس فجائه ابتعدت عني جمانه : بروح غرفتي انا تعبانه جمانه دخلت غرفتي بدون ما اتعشى ..بندت الليت ...ودخلت فسريري ..الايام تمر وانا لازم اتصرف ... الاسبوع الياي ملجه ميروه ...شو اسوي ...نزلن دموعي ما اقدر اقول لاي حد الي يصير لي ..ما اقدر حتى اقرب الناس لي وهي ميروه ما ااقدر اقولها ....مرت الايام الماضيه ميره من سوق لسوق مشغوله وحالتها لله .......اليوم سلطان بيي البيت عندنا عازمنه ابوي على العشا ...وبالمره بيتفقون على كل شي .....سمعت دق على الباب ميره بصوتها الناعم : جمانه رقدتي ؟؟ ما ادري ليش اشفقت عليها : لا تعالي دشت ميره وشغلت الليت وكانت كاشخه قلتلها وانا متفاجئه :بتروحون مكان وانا ما ادري ميروه وهي مستحيه : لا بس .... التفت لها : بس شو ؟ ميره : ابوي قالي انزل تحت فالميلس سلطان يبا يجوفني تفاجات وكان حد صفعني : بس انتو ما ملجتوا ؟؟؟ ميره : ادري بس يقول انه قبل الملجه لازم يجوفني ....لاني انا ما اظهر جدامهم على الاقل اعرف شكله رجعت اتلحف بالبطانيه : ميروه ؟ ميره : هلا صوتي يرتجف : انتي ولا مره جفتي سلطان ؟؟؟ ميره : لا ما جفته بس يوم كنا يهال ...بس مره .... قمت البطانيه بسرعه والتفت صوبها : شوه ؟ ميره نزلت راسها : محد كان فالبيت وهو يا وانا احسبه عمي سلطان فطلعت ...حسيت نظراته غير ...قعد شوي وراح .. كنت بسالها شو قال و شو صار بس الباب اندق وكانت امايه : ميره حبيبتي ابوج يباج فالميلس التفت عليه ميره وهي تسالني عن شكلها :شو رايج جمانه حلوه ؟ ضحكت والدموع فعيني : هيه حلوه طلعت من غرفتي راحت الميلس ...ميروه شكلها وووايد رقيق وهادي ..حليوه ...والله ابي اقولج بس اخاف ....امايه فرحانه وكل الي فالبيت فرحانين ....معقوله انا اخرب عليهم ..لا مستحيل ..ما اقدر ..غريبه سهيل وافق ان ميروه تنزل ..اكيد ابويه اصر بعدين الملجه الاسبوع الياي .... ميره كنت ارتجف وانا نازله ...ما اريد ...احس ببروده فجسمي ما كنت حاطه ميكب على ويهي ...بس متجحله وغلوس خفيف على شفايفي ...ولابسه بدله ...نزلت وقفت عند باب الميلس ...كنت برجع بس امايه شدت على ايدي .. امايه : يلا ميره دشي حبيبتي دخلت وانا منزله راسي .قلت السلام عليكم بس اضني محد سمعني صوتي خفيف ..حسيت بالاحراج ...بس ابويه قالي : تعالي ميره هنيه عدالي رحت صوب ابوي ويلست عداله ..قام ابوي ...لا نحن ما متفقين انهم يخلونا بروحنا ....ما عليه ...يلست اراقب ابويه لحد ما ظهر ....هو وامايه ....نزلت راسي حسيت بسلطان ياي صوبي غمضت عيوني بقو سلطان : شخبارج ميره ؟؟ رديت: بخير سلطان : بلاج مستحيه الاسبوع الياي بكون ريلج وجيه مستحيه مني شو ارد واقول ...نزلت راسي سلطان بعد ما ضحك : تعرفين انج قمر لا الاخ بدا يتغزل .....وينك يا سهيل ..خخخخخخخ ارتبكت لما تقرب اكثر وين يبا ....انا اعرف انه جريء بس هب لهدرجه ...ما ادري شو بلاني وقفت وقف سلطان : وين بتروحين بعدني ما شبعت من جوفتج ؟ اووه احين شو ارد : انا ... جفته يفتح علبه فيها عقد الماس رقيق: هذي لج التفت له واول مره عيني اتي فعينه ارتبكت اكثر يوم قال : عادي البسج ؟؟ تقرب سلطان اكثر .يبا يلبسني العقد ..قلت لا لازم اظهر ركضت صوب الباب ....كنت وااايد مستحيه ...وانا اسمع صوت ضحكته ... طلعت ورحت الفيلا ...دخلت لقيت امايه وابويه فالصاله ركضت صوب غرفتي ...شكله سلطان واايد رومنسي ....بوصف لكم سلطان .طويل وضعيف ...هب من جماله وااايد علي احلى منه بوااايد ....وحتى سهيل اخوي ....بس عنده كريزما وجاذبيه قويه .... دقت امايه الباب ودخلت وخلت العقد على التسريحه ويت صوبي ولوت عليه : الف مبروك رديت : الله يبارك فحياتج امايه : ها شو رايج بسلطان ؟ نزلت راسي استحيت ارد على امايه ضحكت امايه : هههههههههههههه الله يوفقج عقبال اختج واخوج قريب ان شاء الله سلطـــــــــــان رجعت البيت وانا متشقق من الفرحه ..هاذي البنت الي تعيبني الخجوله الهاديه ..فديتها والله ...جفت اختي ميسون يايه صوبي ميسون : مبروك سليطين عصبت عليها : اصغر عيالج ميسون : ههههههه صح كبرت وبتعرس شجيت الحلج : خخخخخخخخخخخخخ اعجبج انا ...وبعدين اغار انا جفتج عرستي قلت يلا ميسون : سلطان بقولك شي بس لا تعصب اوه هاذي احين بتنكد عليه : شوه؟؟ ميسون : ترا ميروه يتيمه هالله هالله فيها ..لاتعذبها انصدمت منها : ليش قالولج وحش ؟؟؟ ميسون وهي مرتبكه : لا بس غاضني اسلوبها : جب جب يوم ما تعرفين ترمسين لا تتكلمين فاهمه لا اعطيج الحين كف على ويهج ... قامت ميسون وهيه بتصيح ...برايها تموت بعد عيل هذا اسلوب ترمسني فيه ..دشت امايه وقمت لويت عليها ...وباركتلي .......... جفت مسج وصلني فتحت التلفون : خخخخخخخخخخخخخخخخخخ والله حاله امايه : ضحكنا وياك اداركت الموقف : لا ماشي واحد من الربع مطرش مسج ضحكني من الخاطر جمانه نزلت الصاله محد كان موجود من سافر ابويه البيت غير ...فديته والله وامايه محد شكلها طالعه عند حد من يرانا .... كنت برجع غرفتي بس سمعت تلفون البيت يرن ..رديت بس من الصدمه ما عرفت اقول شي وطاحت السماعه من ايدي | |||||||||
|
| |
|
19-12-12, 08:50 AM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث ((الانتــــــ ح ــــــــــــــــار البطيئ)) طاحت السماعه من ايدي وانا ما مصدقه الي اسمعه ....نزلت دموعي على ويهي ....حسيت ان ريولي ما قادره تشلني ...كنت ارتجف بشكل فضيع ...حسيت بايد على جتفي التفت وكانت ميره قعدت اصيح جني ياهل ميره وهي متروعه : شو صاير ... بلاج ؟؟؟ مارديت لاني ما قادره ارمس هزتني ميره وهي بتصيح : شو صاير ردي عليه ...جمـــــــاااااانه شو صاير؟؟ قلتلها بصوت متقطع : س......سهيل ارتبكت ميره ومسكتني من جتوفي : بلاه سهيل ؟ صرخت : مسوي حادث وفالمستشفى .... ميــــــــــره حسيت بصدمه ....بس منعت دموعي تنزل ...لازم اتصرف انا الاكبر فاخواني ...بسرعه مسكت السماعه واتصلت على بيت عمي بو سلطان الرقم مشغول ...دقيت على بيت عمي بو علي ....والحمد الله يرن ....قلبي يدق بسرعه ...يااارب يردون ...المشكله ابويه محد ...التفت وجفت جماانه تصييح...انتبهت وانا اسمع صوت علي ...ما قدرت امسك نفسي ...صحت ... بغيت ارمس بس ما قدرت ..فيه شي يمنعني ... عــــــــلي وعيت من الرقاد وخذت شور وقررت انزل اتمشى مع ربعي ....خصوصا ان ابويه اليوم معزوم على العشا ...نزلت وصلت عند باب الصاله ورن التلفون كنت بظهر ...بس في شي خلاني ارد وارفع السماعه : الو ياني صوت بنت تصيح ما فهمت شو تقول بس انتبهت انها قالت اسمي : منو معاي؟؟ ميره وهي تصيح : علي انا ميره الحق علينا حسيت من صوتها ان مصيبه مستويه: شو صـــــــااااااير ؟؟ ميره: سهيل مسوي حادث وهو الحين فمستشفى قلبي عورني وانا اسمع صوت صياح ميره وجمانه : خلاص اهدي الحين انا بروح المستشفى وبتصل اطمنكم لا تخبرين عموه ميره: ان شاء الله بس لا تتاخر دخيلك سكرت السماعه وطلعت ركض صوب السياره ...كنت وااايد مسرع واتصلت على سلطان عسب يلحقني ...ان شاء الله ما صار عليه شي ...وصلت المستشفى نزلت ورحت قسم الطواري وسالت عنه : لو سمحتي سهيل ..الـ .........موجود عندكم مسوي حادث قبل شوي الممرضه : نعم فالغرفه رقم 111 رحت صوب الغرفه وانا قلبي يدق ...خفت عليه ....فتحت الباب وانا ادعى ربي ان ما تكون اصابته خطيره طاحت عيني عليه وابتسمت وحمدت ربي ان جفته بخيير : سهيل سهيل : وحالك دريت ااااه ركضت صوبه : بلاك؟؟ سهيل : لا سليمه ...رض فايدي بس وجروح فويهي علي : ههههههه الله يغربل ابليسك خواتك داقت عليه يصيحن سهيل وهو يبتسم : والله ؟ قلت : هييه ...شو صااار فهمني ؟؟ سهيل وعلامات الحزن على ويهه : كنت مسرع وااايد قلت وانا اهازبه ...السنه هذا ثاني حادث ...: حراااام عليك الي تسويه فنفسك ...كل هذا عشاان .... قاطعني : دخيلك علي والله هب وقته .. طالعته ...اشفقت عليه ....خلا ايده على راسه يغطي على ويههه ...حسيته مضااايج ...احترمت هالشي وسكت ..طلعت عنه ورحت فالممر وجفت سلطان ياي صوبي .... سلطان : ها ان شالله بخير ؟؟؟ هزيت براسي ...دخل سلطان ..وانا يلست اتصل على بيت عمي ...ردت جماانه ..اول ما سمعت صوتها تلخبطت ...يلست اطاالع ارضيه المستشفى ...وانا افكر ...لين متى بظل احبج ..؟؟ جـــــمانه ركضت صوب التلفون اوانا امسح دموعي شليت السماعه وانا اسمع ميروه وهي تصيح رديت بكل خوف : الو .... سمعت صوت شخص بس ما رد عليه ..قلت وانا بصييح : الو ... علي : جمانه......... قاطعته : سهييل بخيير ؟؟ علي : اطمنو انا الحين عند سهيل وهو بخير بس ايده تعورت طمني عموه .. رديت وانا اصيح : علي لا تجذب عليه صدق سهيل بخير رد: والله العظيم انه بخير تبين تكلمينه ... قلت : هيه سمعت صوت علي وهو يقول : يا ريال ودره حرام عليك صوت هب غريب عليه ..سلطاان : والله قالولي حادث قلت الريال راح فيها طلع شرات القطو بسبع ارواح علي : سهيل خواتك يبن يرمسنك .... سهيـــــــل خذت تلفون علي ...ما ادري كيف اوصف احساسي ...انا وااايد جاسي على خواتي ومع ذلك يحبني : الو جمانه وهي تصيح : سهيل ما ادري كنت احس الدمعه بتنزل من عيني وانا اسمع صياحهن : هلا حبيبتي انا بخير لا تخافين جمانه : حبيبي شو صار؟؟ سمعت صدعه وبعدين ياني صوت ميره ميره : سهيل فديتك ... ضحكت : هلا والله بخير بس لا تصيحن عنبوه هالكثر تحبني قالت : كيف ما احبك وانته اخويه الوحييد سكت ما عرفت شو ارد عليييها .. ميره : سهيل احين بني صوبك فالمستشفى شو تبا من اغراضك ؟ ضحكت عليها ميروه دايما عاقله هب شرات جمانه ياهل : حبيبتي هاتولي ملابس .. ميره : ان شاء الله ... خذ علي السماعه من ايدي كنت احس بتعب .. قلت : روح ايبهن او خل سلطاان حسيت بتعب ....غفيت على السرير ... سلــــطان التفيت صوب علي : شو رايك بروح ايب بنات عمي وعموه وانته ايلس مع سهيل علي : خلاص اوكيه لا تتاخر انا بخبر ابويه بعد طلعت من الغرفه ركبت سيارتي ورحت صوب بيت قوم عمي ...بجوف ميره ...احييين اكييد عموه مسويه منااحه .. ميـــــــره دخلت امايه من باب الصاله ....جفت جمانه بعدها تصيح ...وركضت صوب امايه تحضنها وتصيح ..تروعت امايه ...رحت صوبها امايه : ميره شو صاير ابوكن شي صارله ؟ حاولت اهديها : لا امايه بس سهيل مسوي حادث والحمد الله بخير امايه : واي بسم الله عليه الغالي شو بلاه ؟ حست امايه متروعه: لا امايه توني مرمستنه يقول بخير احين بنروح صوبه بيمر علينا واحد من عيال عمي .. امايه : ميروه لا تجذبين سهيل بخير ؟ ضحكت: هيه والله انه بخيـــــــــــــــر امايه : عيل بلاها جمانه تصيح ؟؟ ابتسمت : ما تحيدينها جمانه دوم دمعتها على خدها ...امايه بروح ارتب له ملابس سلــــــــطان وصلت بيت عمي وهرنت ...ظهرن البنات وعموه ...ركبت عموه جدام ومسكتني من ايدي عموه :سلطان سهيل متعور قلتلها : لا ما فيه شي ...الا جروح بسيطه بس سيارته روحت ردت ميره فديتها : فدوا عن راسه طالعتها ...حسيتها انحرجت ....جفت جمانه تصيح من غير اي صوت ...رجعت جفت ميره ...كانت مستحيه ...رجعت عموه تسالني : انته شفته ؟؟ ضحكت: هيه عموه واحين بنوصل وبتيلسين معاه ...وبترمسينه يالس يغازل الممرضات ما فيه شي ميـــــــــــــره وصلنا المستشفى ودخلنا على سهيل واول ما شافته امايه صاحت .... سهيل : بلاج امايه انا بخير امايه: الحمد الله...الحمد الله .. لوت عليه امايه ...وقفت وراها ...يلست اطاالع سهييل ..ويهه فيه جرووح ... بس الحمد الله انه بخيير كنت ابا احضنه ...بس جمانه لوت علييه بقو وهي تصييح ...هالبنت رقيقه وضعيفه وااايد ...اول ما ابتعدت عنه ..ابتسمت وحبيته يلسنا وامايه اطمنت علييه ...الخوف من ابويه ..اكيد بيسوي مصيبه يوم يدري ان سهييل مسوي حادث ... التفت صوب جمانه شكلها واااااااااااايد تعبانه : جمانه بلاج حبيبتي ويهج شاحب ؟؟ جمانه : ااه بروح اشرب عصير وبرجع.. ظهرت جمانه ويلست اسولف مع سهيل اما علي وسلطان ...ظهروا عشان يخلونا على راحتنا ....جمانه تاخرت ...طلعت اجوفها بس سمعت صوت فالممر ...هذا سلطان يتكلم وشكله منفعل ...مع منو ...صوت بنت ...ياني فضول ....لازم اعرف شو يقول ...وقفت وانا اسمع ...وقلبي يدق بقو...... البارت الرابع ((الصـــــــ ذهول ــــــــــــــــــدمه )) شهقت من الكلام الي اسمعه ...حسيت دموعي تجمعت فعيني ...رجعت الغرفه وانا انتفض...ابا اهرب من الموقف ...ياليتني ما سمعت شي ...يااليتني ما طلعت من الغرفه ... .....حسيت بدوار فراسي كنت بطيح بس حد مسكني التفت... ....لقيته علي ...ابتعدت عنه علي وشكله منحرج : شوفيج ميره ؟؟ رديت وصوتي يرتجف : لا ما شي ابا ارجع البيت علي : خلاص انا برجعكم ... دخلت جمانه التفت صوبها وجفتها ماسكه العصير ...التفت صوبها علي علي : ها جمانه اوصلكن البيت ؟؟ التفت جمانه تبا ترد ....بس سهيل رد : هيه وصلهم احين بيون ربعي ما جفت شي جدامي تميت امشي فالممر وانا اتبع امايه وجمانه وكل افكاري فالي سمعته ...معقوله في ناس جيه ...ما قدرت اخفي دموعي الحمد الله اني متغشيه ..لا ما اقدر استحمل هالشي ...والله ما اقدر .....ركبنا السياره يلست اطالع علي رحمته واااايد . ..واشفقت عليه ..معقوله الي قاعد يصير ...رفعت راسي وانا اسمع الحوار الي بينه هو وامايه امايه : علي فديتك انته واااايد ويا سهيل اباك تنصحه ابتسم : ان شاء الله من عيوني يا خالتي امايه : الله يخليك لي يا الغالي والله ان معزتك من معزه سهيل طالعها بعد ما ابتسم : الله يطول بعمرج ....وهالشي هب غريب عليج ...وسهيل غالي على قلبي وان شاء الله ما يصير الا الي تبينه ...واذا على السرعه ان شاء الله انا بنصحه ولا يهمج ابا اوصل البيت بسرعه ...هب قادره استحمل ...ابا اصيح ....ابا اصرخ ...ابا ارتاح ...ما قدرت امسك دموعي ...هلت دموعي على ويهي ...خليت ايدي على شفايفي ابا اكتم صوتي بس هب قادره ... ..وصلت البيت دخلت الصاله وانا افكر واحس راسي بينفجر من التفكير واول ما وصلت على الدري حسيت ان كل الي جدامي صار ظلام في ظلام ...ما حسيت بريولي ...ابا اتمسك بشي بس الدنيا كلها تلف..اااه . جمانه ركبت السياره مع علي ....لاحظت ان ميره غير ...متغيره فيها شي هذا غير انها ...تصيح كنت اسمع شهقاتها بصوت خفيف ...وصوت نفسها المتقطع ...ليش ؟ ...خلاص نحن اطمنا على سهيل ..شو سبب هالدموع ...ميره واااايد وياي ...علاقتنا اكثر من روووعه ......وصلنا البيت ونزلنا دخلت ميره قبلي وتبعتها ....ابا اسئلها ليش تصييح ...ركضت وفتحت باب الصاله بسرعه .....بس جفتها تترنح وبطيح ومختل توازنها ...ركضت صوبها بغيت امسكها قبل لا اطيح على السيرميك ...مسكتها ...طحت على السرميك .....طاحت فوقي ... ارتطمت ايدي بقو على السرميك ...حسيت بالالم ...بس اهم شي ان ميره ما ظرب راسها على الارض... امايه وهي تركض صوبنا : شو صار ؟؟ قمت وانااحس بايدي الي تنزف : ميره ....ميره يلست اضربها على خدها وبدت تستعيد وعيها ...وتهذي بس ماشي من كلامها مفهوم ..حسيت بخوف امااايه وهيه تمسك ايد ميره قلت : لا تخافين امااايه اغماء يسيط طالعتني امايه : الله يستر ...هاليومين المصايب تنزل على راسنا من كل صوب ... ميره فتحت عيوني ...تلفت انا فغرفتي شو صار ..اذكر ان نحن كنا فالمستشفى ....طاحت عيني على جمانه كانت نايمه علي الكرسي عدال كرفايتي ...فديتها ...مسكتها من ايدها : جمانه جمانه وهي تتقرب مني : هلا حبيبتي روعتيني عليج قلتلها : ليش شو صار ؟ جمانه :اغمى عليج ... لفت انتباهي ايدها المجروحه خصوصا انها لابسه بجامه ..فيها بس علاقات .. : شو فيها ايدج ؟ ضحكت : لا بسيطه ما بغيتج اطيحين على الارض شهقت : طحت فوقج ؟ ابتسمت : هيه بس يلا خففي وزن ابتسمت : حبيبتي خلاص انا الحين اوكيه ...روحي رقدي فغرفتج طلعت جمانه من الغرفه بعد ما حبتني على خدي وعطتني كوب مااي ..ابا مااي بارد ..يطفي النار الي فقلبي ....كنت احس بالالم فجسمي كامل ...هذا غير الالم الي فقلبي ...حسيت بتعب غمضت عيوني ونمت ... ابا ارتاح ..ابا انسى كل شي..ياليتني انســــــــــــــــــــى جمانه طلعت من عند ميره وانا اسكر الباب حسيت بحركه فالصاله ...المكان ظلام فالليل تروعت ....كنت بصارخ بس انفتح الليت ابتسمت وركضت صوب ابويه وحضنته ..... ابويه : شو مسهرنج للحين ؟ رديت عليه : كنت عند ميروه .... ابويه : شخباركم بخير ؟؟ ما بغيت اخبره ان سهيل مسوي حادث الصباح رباح قلتله : بخير الحمد الله راح ابويه صوب غرفته وانا رحت غرفتي ....يلست افكر فميروه ...ميره قويه وما توقعت انها تنهار جيه ...بس اكيد في سالفه باجر بجوفها ....لازم اعرف شو سالفتها .. | |||||||||
|
| |
|
19-12-12, 08:53 AM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الــــــــــــــــرابع علي وعيت وانا احس بعمري متكسر ...اكيد راقد على الكرسي وسهيل على الكرفايه ...دخلت علينا الممرضه سهيل نايم الممرضه : لا الحمد الله اليوم بخير ....اعتقد انكم تقدرون تظهرون اليوم رديت عليها : بشرتيني والله ما اروم ارقد اكثر هنيه ضحكت الممرضه وعلى صوت ضحكتها ...وعا سهيل التفت صوبي وهو يبتسم : صباح الخير التفت عليه : صباح النور سهيل يلا رخصوك ظهرت الممرضه ...التفت سهيل وهو يغمز : يالس تغازل من الصبح عنبوه قول ولد عمي تعبان ومسوي حادث بسكت صوت ضحكاتكم شاله المستشفى ضحكت من الخاطر : هههههههههههههههههه والله انك لويت ...هيه امس فالليل يا ابويه وابو سلطان بس حضرتك نايم عنبوه ما تشبع رقاد سهيل :حشا عن تضربنا بعين يا ريال...بعدين انا تعبــــــــــــــــااااان ضحكت : اجر وعافيـــــــــــــــــــه ان شاء الله شكله حس اني بقوله شي ....قال : شو غندك ؟؟ طالعته وقلت : سهيل بسك من السرعه حرااام عليك كل مره تخوفنا عليك ...اذا المره نجيت ...ما ندري المره اليايه تنهد ..وابتعد عني بافكااره ...سكت ...انا عارف ان سهيل يعاني وااايد ...بس والله ما بايدي حيله ...غير اني انصحه سهيل التفت صوب علي وهو يسوق بسرعه : يا ريال لا تسرع فان الموت اسرع ضحك علي : سمعوا منو يرمس انته اكثر واحد يسرع معروف حتى ربعي يسالوني صاحب الرنج يخصك ؟ ضحكت عليه : ههههههههه لا والله ...اقول علي : هلا تبانا نمر على المطعم ناخذ شي ؟ سهيل : لا اشتقت لطبيخ امايه ...ابوي رجع ؟ علي : هيه امس فالليل الله يستر احين اكيد بيجلب الدنيا على راسي ابويه .....اووه ووالله ما متفيج لصدعه ...بس امايه بدافع ..خخخخخ الله يخليها لي ...حسيت بعلي يظربني على جتفي : يلاااااا سهيل وصلنا صرخت متويع : ااااخ يالحقير ايدي ضحك علي ونزل : يلا بعد الحين حزه غدا ....وانا ميت من اليوع نزلنا ....فتحت الباب وجفت ابويه وامايه فالصاله ...نزلت راسي لان ابويه يطالعني بنظرات عرفت انه بيسوي مصيبه ...بس الله ستر ودش علي فصخ ابوي...ما رمس ...حمدت ربي الف مره ان علي دخل توايهوا ورحت وايهت ابوي وبسته على راسه : حمد الله على السلامه ابويه : انته الي حمد الله على السلامه شو هذي ثالث سياره السنه ؟؟ امايه : بلاكم عليه خلوه برايه انا بشتريله السياره الي يباها ابويه التفت صوبها : هيه ترا محد غيرج مضيعنه ... طفرت : ابويه خلاص عاد تراها الا سياره ابويه ونبرته تغيرت : نفادها السياره وميه سياره غيرها بس انته وحيدي شايل اسمي وهذي حالتك كل شهر جيه تعبت انا وتعبت امك ... علي : صار خير عمي ...انا رمست وياه وان شاء الله ما يعيدها وعليه اذا سوى شي مره ثانيه تراني خبرت عليه ربعي فالمرور اذا جافوه مسرع سيده بيكلفشونه وبيفرونه فالسجن ... التفت صوب علي منصدم : شوه ؟ ضحك ابويه : زين سويت شو ام سهيل ما بتغدونا امايه : افا الحين بحط الغدا ...روح صوب غرفه الطعام... رحنا صوب غرفه الطعام ...تلومت من ابويه ...شو الي اسويه بعمري كل مره على هالحاله ...كم مره نجيت بس انا ما اضمن المره اليايه .. يلست اتذكر كلام علي ...ما جدب ...طالعته وقلت فخاطري ..الله يخليك لي يا اخوي الغالي جمانه نزلت صوب المطبخ ميته من اليوع ...جفت امايه تعابل ... امايه يوعانه متى بتتغدون ؟ امايه : سهيل وابوج وعلي فصاله الطعام بحطلهم غدى تفاجات : سهيل ظهر ؟؟ امايه : هيه علي فديته موصلنه وحلف عليه ابوج يتغدى عندنا رديت : عيل انا بخلي غدا لميره وبطلعه فوق امايه : شو الحين احسن اليوم ؟؟ رديت وانا اتنهد : والله يعني هب لين هناك قلت للخدامه تخلي الغدا ...وقفت فالمطبخ ...ميره ما تبى تخبرني..بس مصيرها تخبرني ... ميره قمت من الفراش ...صليت الظهر ...فتحت اول درج فالطاوله ...يلست ادور عن ادول ..راسي بينفجر من الالم ....طاح جوازي فايدي فتحته وجفت صورتي يلست اضحك ...سكرته ودخلت جمانه وهي والبشكاره الي يايبه غداي ابتسمت : انا ما جفت ابويه من رجع من السفر؟ جمانه : انا شفته امس فالليل ...الحين يالس يتغدى مع سهيل ..(تغيرت نبره صوتها ) و ...وعلي طالعتها وبتسمت : يلا نتغدى تغدينا ...جفت جمانه قامت تركض صوب الدريشه استغربت : شو فيج شو اطالعين ؟ ارتبكت : لا بس ابا اتاكد اذا علي راح بنروح نيلس مع ابويه وسهيل قلتلها : راح ؟ قالت : هيه الحين ركب سيارته وضحكت قلتلها : بلاج شو صاير ؟ قالت : علي ما يودر البناطلين والقمصان قلتلها : متعود بس لايقات عليه صراحه امس طالع رهيب ....حتى البنات الي فالمستشفى يجوفنه كنت ابا اجوف رده فعلها ...كان خاطري اجوف الغيره فعيونها بس قالت : ننزل ؟؟ قلتلها : يلا نزلت ابا اظهر من الاكتئاب الي انا فـــــــــــــيه سهيل ظهر علي ويلست مع ابويه وامايه ...حسيت امايه متغيره ..حتى ابويه لاحظ ابويه : بلاج ام سهيل اجوفج سرحانه ؟؟ امايه :ميره شوي تعبانه امس طاحت علينا حسيت بالم : بلاها ؟؟ امايه : ما ادري شكلها تروعت عليك التفتنا انا وابويه صوب الباب وجفت ميره داخله وياها جمانه الي ربعت صوبي تحضني ..سلمت عليهن ...وسلمت ميره على ابويه ... ابويه : ميره شحالج الحين امج روعتني عليج ؟؟ ميره : الحمد الله ابويه بخير قلتلها : والا هذا دلع بنات ...ملجتج بعد ثلاث ايام وسليطين فرحان ومتشقق وانتي تعبانه ميره ويها صار اصفر : لا انا الحين بخير التفت صوب جمانه الي ظهرت وراحت صوب المطبخ ما ادري شو تعابل ما عدا انها ما يخصها فالمطبخ ميره انسحبت من اليلسه كنت احس بصداع ...مريت عدال غرفه جمانه كنت اسمعها تصيح كنت بدخل بس شو بقولها ...شو بسوي ...نزلت دموعي وركضت صوب غرفتي سكرت الباب ...ويلست افكر كيف اظهر من هالمصيبه ...سمعت امايه تزقرني : ميره ابويه انتي بخير ؟؟ رديت : هيه امايه بنام سهيل دخلت غرفتي حسيت اني بختنق ...لهدرجه حياتي صارت...رخيصه بعيني ...من فارقتها وانا على هالحاله ...فتحت الكبت وظهرت صندوق عيناوي فيه عطور وساعه ...وفيه ميداليه فيها حرف n ضحكت ضحكه كلها الم وحسره دخلت الصنوق وخذيت الميداليه ...يلست اتاملها وتذكرها يوم عطتني الصندوق قلتلها : ليش معبله على عمرج حياتي؟ ردت علي بشقاوتها المعهوده : لا عذاب ولا شي بس على الله تعيبك ادري خقاق وما يعيبك العيب قلتلها اباها تحس بتانيب الضمير:انا ....حرام عليج !!! تقربت مني : يلا سهيل لا تزعل تحيدني جيه دفشه تقربت منها اعشقها ياناس : انزين ابا شي غير الهديه ؟ عصبت وضرتني على جتفي : تراك مصختها ..... ضحكت : فديتج يا حلاتج وانتي مستحيه قالتلي: لا تصدق عمرك وااايد يلا باي مسكتها من ايدها وسحبتها صوبي : جيه الدخول شرات الظهور عصبت وعضت على شفايفها : سهيل تعوذ من ابليس ....بروح باي وقبل لا تظهر... قالت : كل عام وانته بخير ظهرت ....وظهرت من حياتي ...لا هب هيه الي ظهرت انا الي طردتها...ما ادري ليش احس بعمري نذل ...نذل وعسب جيه ما احاتي عمري اسرع اتهور ..كاني ابا اذبح عمري من بعدها ....اااه ميره يلست على طاولتي بديت اكتب الورقه وانا انتفض ...ما اعرف شو اكتب وليش اكتب ...ما ادري ....هل الي اسويه صح والا خطا ...اكيد خطا بس ما جدامي غير هاذا الحل ...خلاص تعبت من التفكير لازم القى حل ...باجر ...باجر بتصرف .....الله يستر ..يارب ارحمني وجوف حالي .وسهل عليه الموقف ...يارب مالي فهالدنيا الا امايه احميها واحفظها ...يارب ..يا ارحم الرحمين .. | |||||||||
|
| |
|
19-12-12, 08:54 AM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البارت الخامس ((غرشــــــــــــــــــــو ب كله جاذبيه )) جمـــــــــــــــــانه دخلت على ميروه الي كانت نايمه على الطاوله ...استغربت ركضت صوبها : ميره ميره انتبهت على صوتي : شو فيج ؟ ضحكت : انتي الي شو فيج ...روحي نامي على سريرج ...سحبت ميروه الورقه الي جدامها..ودخلتها فالدرج ياني فضول .. .بس التفت صوبها : ميروه اجوفج تعبانه انا بروح اجوف خبيره التجميل عسب الملجه التفت ميروه وهزت راسها ...حسيتها تعبانه جنها ما نايمه قلتلها: خلاص انا بروح وبتفق معاها انتي ارتاحي طلعت من عندها ...ورحت الصالون ولفيت على السوق مع مارينا لان الدريول موصلني....... سهيل ايده مجبسه ..وابويه راد من السفر تعبان .... سهيــــل فتحت عيوني وانا مضايج من الضوء الي عليه ........قمت تعبان رحت صوب الحمام خذت شور ..كشخت وظهرت بس الجبس مضيع الكشخه ...نزلت الصاله لقيت امايه حبيتها على راسها : صباح الخيرررررر امايه : صباح النور تلفت مالقيت حد : عيل وين العايله الكريمه ؟ امايه : والله ابوك ظهر عنده شغل..ميره نايمه فديتها ...وجمانه راحت السوق غصبت وصرخت : شوه ؟؟؟ امايه : يالله بستر بلاك تزاعج قلت بعصبيه : منو موصلنها؟؟ امايه برود وهي تصب لي الجاي : الدريول ضربت بايدي على الطاوله : انا كم مره قايل ما يظهرن خواتي اروحهن من البيت ؟؟؟ امايه : بلاك تصارخ رايحه معاها الخدامه والدريول محد فاهمني : اووووووووووووه والله بتجوف اول ما ترجع اذا ما علمتها الادب طلعت وانا اسمع امايه تصارخ عليه ....خذت سويج سياره ابويه الجديمه وظهرت وانا مسرع ....اتصلت على جمانه ماترد ما عليه ...بكسر عظامها يوم ترد ..رحت صوب المكتب انا اشتغل مع ابويه فشركه المقاولات ...دخلت الشركه ...السكرتيره اطالع ايدي :بلاج انتي تطالعين ..وين ابويه ؟؟؟؟ ردت: داخل بس ... ما عطيتها سالفه..فصخت النظارت الشمسيه ودخلت حصلت ابويه مع عمي بو سلطان وسلطان ...التفتوا صوبي ...انحرجت لاني دخلت جيه :السلام عليكم ردوا : وعليكم السلام ابويه : ها سهيل يوم تكون بخير ما ادوم واليوم انته تعبان ياي من الصبح والله ما عرفنالك كنت مضايج وطفران رديت : ابويه ..اباك فسالفه... انا الحين برجع مكتبي طلعت ورحت مكتبي وطلبت جاي راسي بينطر من العصبيه ....رجعت ادق لــــــ جمانه بس ما ترد ..........ليش تطلع من غير لا تقول لي ..انا بوصلهاا ...واذا ما بوصلها امايه تروح ويااها ...هب جيه رايحه اروحها الســــــــــوق سلـــــــــــطان شو بلاه هذا ...عنبوه جنه حد صافعنا على ويها..امس ظاهر من المستشفى واليوم مداوم والله حاله ..ومن شهر ما مداوم ولا يوم .....التفت صوب عمي وقلت : عمي شو بانسبه للملجه ؟؟ عمي : خلاص على اتفاقنا بعد باجر بتكون اهليه بس نحن وعمك بو علي شو هالنكد : خلاص تم طلعت من عند عمــــــــــــــــــــــي ورحت صوب مكتبي ...جفت سهيل نازل مستعيــــــــــــــل ...شو بلاه هذا اليوم ...شكله وراه مصيبــــــــــــه جمـــــــــــــانه لفيت فالسوق ...لحد ماتكسرت ريلي دشيت صوب محل للفساتين ...للحين ما شرت ميروه باجر بيبها المحل بس بجوف التصاميم اليديده الموجوده...يلست اطالع من برع ...بس سمعت شاب ورايه ...يعاكس ..اخ ياكرهي لهالحركات الماصخه ...صدق ما فيهم ادب الشاب :سلام يا قمر لبسته ....دشيت المحل انا ومارينا تتبعني ....ظهرت يلست فالكوفي كنت وااايد تعبانه....انتبهت على الشاب بعده يلحقني .... تلفونه يرن وكانت النغمه : ومن جاف ذاك الزين ردد غرشوب كله جاذبيه مفنود مثله منوجد حد والعين سودا سولعيه نجمه شرات الطارق وابعد والضي كله بس ضيه وانا ما بين الجزر والمد ما دري حبيبه ولا خويه سلهم بعينه مايس القد والقلب اشر له وحيا قلت السلام ولا لفى رد واجب تردون التحيه حسيته قاصدني قمت بسرعه ...ركبت السياره ورجعت البيت ...ما فيني على الفضاايح ... ميــــــــــــــــــــــر ه شو الي يلست افكر فيه انا اكيد تخبلت ....انا بقول كل شي اليوم لبويه وامايه ...بس الخوف من سهيل ...خلاص انا بقول ما اباه ما ابا سلطان بس والله كبيره بعده الي سوته جمانه ما ينسى ..وبعد الي سواه سهيل اي الحين انا وازيد الطين بله ...الله يستر انا بقولهم اليوم والي فيها فيها ...سمعت صوت صريخ تحت هاذي جنها جمانه ...شو صاير ...رحت اربع الصوت كان من الصاله ...دخلت الصاله وانصدمت جنه حد صفعني....ارتجفت رحت بسرعه صوبهم .. جمـــــــــــــــــــــــ انه وقفت السياره عند مدخل البيت ....كنت بفتح الباب بس انفتح من برع ..التفت وجفت سهيل ...معصب واااايد مسكني من ايدي ودخلني البيت وهو يسحبني حسيت ايدي بتنجلع : اااي بلاك انته شو تخبلت ؟؟ فرني على الكنبه وصارخ وهو يصك على اسنانه : وييييييييين كنتي ؟؟؟ اول مره اجوف سهيل جيه تروعت بلعت ريجي : ف السسسسوق ما حسيت الا بكف على ويهي ....حسيت ويهي صار نار صرخت باعلى صوتي ....: اااه امايه حسيته عصب زياده ويلس يضربني ...حسيت بيغمي علي من الضرب...ما قدرت اكتم المي حطيت ايدي جدامي عسب اتلافا الضربات بس ما شي فايده ....اااه حسيته ابتعد عني وهو ينافخ رفعت راسي ...ايدي كانت تنزف غير ويهي الي احسه خلاص .....جفت ميروه وهي تصارخ عليه وتسحبه استغليت الفرصه ركضت صوب غرفتي ...قفلت علي الباب وتميت واقفه وراه وانا اصيح يلست بصعوبه ...بموت بموت .....ااه...بخبر عليه ابويه ...احس جسمي تكسر من الضرب ...صحت بصوت عالي ..غطيت ويهي بايدي الي ترتجف من الخوووف ..خفت انه يتبعني للغرفه ...طحت على الارض ويلست اصيـــــــــــــــــح | |||||||||
|
| |
|
19-12-12, 08:55 AM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| سهيــــــــــــــــــــــ ــــــــل ماحسيت بشي الا يوم سحبتني ميره .....وجفتها تركض صوب غرفتها...دزيت ميره على الارض وطلعت .....اذا يلست اكثــــــــر بذبحها كنت احس اني بموت بس الحين عقب ما ضربتها احس براحه ...ولا مخليه عمرها جنها ما مسويه شي ...سرعت بالسياره ...سرعت اكثر ...ما ادري وين اروح بس تلفوني ردني للواقع وهو يرن جفت علي يتصل بك ... ميـــــــــــــــــــــــ ـــــــــره حسيت اني بموت ...لاني سحبت سهيل بصعوبه ولا جان ذبح جمانه ...قمت وانا اصيح ...امايه شكلها محد والا سهيل ما تجرئ يسوي جيه ......رحت حجرت جمانه ...سمعت صوت صياحها قطع قلبي ..دقيت الباب ...بس ما فتحت : جمانه فتحي انا ميره سهيل راح خفت يوم ما ردت عليه دقيت الباب مره ثانيه وثالثه : جمانه ..جمانه واخيرا فتحت الباب شهقت يوم جفت ويهها ....كله كدمات ومحمر حتي ايد سهيل مبينه ...اول ما جافتني جمانه صاحت وحضنتني حسيتها ترتجف دخلتها الغرفه ....نومتها على الكرفايه ..ركضت ايب ثلج عسب ويهها قلتلها وانا اخلي الثلج على الجروح : انتي شو مسويه ؟؟ صاحت جمانه وهي تتالم :والله ما سيوت شي ميروه والله التفت على الباب يوم فتحته امايه وانصدمت يوم شافت جمانه ...ركضت صوبها وحضنتها وهي تسالني : ميره شو صار ؟؟؟ جمانه تصيح وتشهق : شفتي امايه سهيل شو سوى بويهي ...اااه بخبر عليــــــــــه ابويه ...يعلمه الادب ...اااه...امايه احس جسمي كله متكســـر... انصدمت امايه ولفت صوبي : سهيل ؟ صحت : هيه ...لو ما دخلت جان ذبحها امايه : هذا كله لانج رحتي السوق انصدمت معقوله سهيل مسوي جيه لان جمانه ظهرت اروحها ...لا حالته وااايد تازمت ...يعني لو قلت له انا الي فخاطري شو بيسوي بيذبحني ...ظهرت ورحت غرفتي قفلت الباب ويلست اصيح .......هالشي اكدلي انا لازم ارجع وافكر بالي كنت افكر فيه ...بس احاتي امايه من هالسالفه كلها ..خلاص امايه ما تتحمل صدمات ...شو اسوي ياربي شوه؟؟؟؟ عــــــــــــــــــــــلي البيت فااضي ...ابويه رايح راس الخيمه وانا اروحي فالبيت ...فتحت التلفزيون ....خليت على القناه الرياضيــــه ...يلست اتابع مباراه تنس ...روجيه فيدرر ...ورفايل نضال ...التفت على تلفوني الي يرن ربيعي محمد رديت عليه قلتله : هلا بو جاسم محمد : هلا والله بالغالي شحالك ؟؟ رديت : بخير دامك بخير محمد : ولد عمك سهيل ..... حسيت ان سهيل مسوي مصيبه : شو مسوي ؟ محمد :خطف من عدالنا مسرع ...كنت بوقفه بس اذا وقفته بينجلب بالسياره ..متصلك عسب تدخل وتكلمه ... علي : لا خلاص انا بتصرف مشكور عذبتك وياي محمد : لا عذابك راحه يلا فمان الله شو هذا تخبل ...الي يجوفه ما يقول امس عاطنه محاضره انا وعمي ....الله يهديه ما تفيد ويااه الرمسه دقيت على تلفونه رد عليه وشكله منرفز : الو صرخت : خفــــــــــــــــــــف الســـــــــــــــــــرعـ ــــــــــه سمعت ضربت البريك ....شكله انصدم: شدراك اني مسرع ؟؟؟ قلتله : مصادري الخاصه يلست اقلد صوته يوم قالي ((لا تسرع فان الموت اسرع )) ضحك بس بعده مضايج قلتله : بلاك في شي مزعلنك؟؟ رد سهيل : ابي اجوفك تعبان انا ...وايد تعبان حسيته مضايج قلتله تعال عندنا البيت ...ابويه محد رايح راس الخيمه ... سهيــــــــــــــــــــــ ـــل دخلت بيت عمي ...المكان فاضي الله يعينهم كيف عايشين جيه ...التفت صوب علي : مرحبا الساع قلتله: هلا والله خاشمته ....يلسني فالجلسه الي تحت ....قالي : قول شو من المصايب سويت ؟ رديت وانا متلوم : ما اعرف كيف سويت جيه ؟؟ علي شكله انفعل : شو سويت سهيل لا تخوفني ؟؟؟ قلتله بكل غصه : اول مره امد ايدي على خواتي طالعني وقال بصوت حاد : ميره ؟ قلتله وانا خايف من رده فعله : لا جمانـ... وقبل لا اكمل اسمها ما حسيت الا بعلي مسكني من كندورتي ويلس يصارخ عليه : شو سويت فيها رد ؟؟؟ قلتله : علي اهدى ...ودرني قام ايده من علي بالغصب ...ولف الصوب الثاني : شو سويتبها وكيف تتجرا تمد ايدك عليها ...هذي جماااااانه يا سهيل تعرف شو يعني جماااااااااااانه صارخت عليه : انته بعدك تحبها بعد الي سوته فيك ؟؟ ما حسيت الا ببكس على ويهي مسكت وين ضربني والتفيت وانا اصارخ : تضربني عشانها ؟ تضربني انا يا علي ؟؟؟؟؟ صارخ : على الاقل انا ما ظلمت بنات الناس وطلعت نذل و ودرتهن بعد ما ...... صرخت عليه : جب لا تكمل ...انته مالك حق تدخل فخصوصياتي رد عليه : عيل لا تدخل فيني فاااااااااااااااااااااهم ... علـــــــــــــــــــــــ ـــــي جفت سهيل وهو رايح صوب الباب بيظهر ...تلومت منه ...حسيت اني عصبت عليه وهو ياي يفضفض عندي زقرته : سهيل وقف التفت صوبي وهو مخلي ايده على فكه قلتله : عورتك ؟؟ قال : هيه احس فكي انكسر ...انساها علي .... كيف انساها ...كيف انساها..ياليتني اقدر ..غمضت عيني وانا اتذكر كل شي ابا انساها...ابا اشيلها من قلبي بس هب قادر ...هب قادر لفيت الصوب الثاني : وبعد ما ضربتها شو صار ؟ سهيل : تركتها وطلعت ..ما ادري حسيت اذا ما مسكتني ميره كنت ذبحتها ...انا خايف عليها رديت بانفعال : الحين خايف عليها بعد .... قاطعني : خلاص علي انته اتصل بيتنا ورمس اي حد واسال عن جمانه انا مالي ويهه ارمسهم كنت خايف اتصل ويقولون تعبانه ....بس جفت سهيل يحاتي رفعت السماعه ودقيت ميـــــــــــــــــــــــ ــــره طلعت من غرفه جمانه بعد ما اطمنت عليها ...يحليلها الله يعينها ...امايه ما خبرت ابوي خافت على سهيل ...لان ابويه ما يرضى على جمانه حتى جمانه ما تغدت اليوم معانا ...رحت صوب غرفتي بس تلفون البيت يرن شليت السماعه: الو علي : هلا ميره شحالج ؟؟ رديت وانا احس انه فيه شي غريب فعلي : بخير ... قاطعني : جمانه ؟؟ حسيته يعرف استهبلت : بخير حسيت اضايج: ميره سهيل عندي وخبرني كل شي قلتله : وليش ما يرمس لو تجوف جمانه شو صاير فيها علي وهو مضايج : بلاها ...قولي ميره اذا تعبانه جمانه الحين بوديها المستشفى سمعت سهيل يقول لعلي : بصفتك منو توديها علي وهو معصب : بصفتي ولد عمها وجب انته لاترمس ...ميره وينها الحين ؟؟ رديت : نايمه بعد ما هديتها....علي لا تخليه يرجع البيت لين ساعتين والا اقولك خله يبات عندك ..ما اطيق اجوفه اذا شفته بصفعه علي : لا انا قمت بالواجب يمد ايده على جمانه واسكت له خلاص ما رمت اكمل معاه ...حسيت بغصه ..علي وااايد طيب بس ....: باي انا بروح اجوف جمانه سهيــــــــــــــــــــــ ـــــل لف صوبي علي وقال :احمد ربك تراها احسن الحين كنت بظهر بعد ما حمدت ربي الف مره بس علي قال : تعال ايلس هنا محد وياي رديت : لا اخاف بعد تصفعنا عسب جمانوه صخيت يوم التفت علي صوبي وعيونها كلها شرار قلت : خلاص ياريال مابتغدينا علي : ما تستاهل الا سم يسمك قلتله : افا ما هجيتها منك علي : يلا انزين ...احين بحط البشكار ايب الغدا ميـــــــــــــــــــــــ ـــــره خلاص انا قررت باجر بسوي الي فبالي ...ماشي وقت ..الملجه خلاص ورى باااجر ..يعني لاوم اتصرف قبل ...ياااااااااارب ساعدني........... البارت السادس ((الهروب الكبير )) صليت الظهر ...خليت جوازي فشنطه ..حطيت الرساله على الطاوله دخلت غرفه جمانه كانت نايمه .....حبيتها وظهرت وانا امسح دمعتي ...نزلت حبيت امايه ورحت السوق عشان الفستان دخلت المحل ...اتصلت على فطيم ربيعتي : الو وينج انتي ؟ فطيم : وراج التفت صوبها وسلمت عليها...كنت انتفض ... فطيم : اذا احين تنتفضين بعدين شو بسوين ؟؟ قلتلها : انا خيفانه فطيم : ما اعرف شو اقولج ميروه بس انا بحاول اساعدج مسكت التلفون ودقيت على الدريول : كومار روح انا برجع مع بابا سهيل زين التفت صوب فطيم : راح فطيم : خلاص حسيت بنفضه بس لازم انا مجبوره اسوي جيه واذا ما سويت بنذبح ....فالحالتين بنذبح مالي حد فالدنيا ...حسيت بفطيم مسكت ايدي ...وقالت : يلا دريولنا يتريا برع رحت وركبت وياها....نزلت عند هالبيت الي ياما لعبت ويلست وسهرت ونمت فيها ..خفت انزل فطيم لاحضت وقالت : انزل معاج قلتلها :لا لازم اكون قويه...يلا باي ...برمسج على التلفون فطيم : عندج فلوس والا محتايه قلتلها : لا عندي .....لا تحاتين يلا نزلت ...تقربت اكثر من الباب ودقيت الجرس وانا انتفض ...ظهر شاب ..طالعته وابتسمت وانا انتفض شكله ما عرفني جمــــــــــانه قمت من النوم خذت شور وانا احس عظامي مكسره يلست افكر ...علي امس سال عني وتظارب مع سهيل عشاني ....هالكلام قالته ميروه ...يحبني ...انا متاكده من هالشي وقفت عند المنظره ارتب شكلي خليت بودره على ويهي ....اغطي على الكدمات عشان ابويه ما يلاحظ ...كنت ناويه اخبر ابويه بس عشان خاطر امايه ...ما هانت عليه ...بس والله لو سهيل اعتذر وحب ايدي ما اسامحه ....طلعت رحت صوب غرفه ميره ...ما لقيتها ... سهيل رجعت البيت على الفير بعد ما بت عند علي ....رقدت و وعيت رحت عند امايه الي كانت زعلانه مني .....استسمحت منها ..بس شكلها بعدها زعلانه ...الحمد الله ابويه ما درا عن الموضوع ...ولا بتكون كملت .....الحادث وجمانه ....... كنت بظهر بس رن تلفوني هذا علوه : هلا علي : هاه شو مسوي بعدك اليوم ؟؟ قلتله: ظالمني دوم انته علي: لا تكثر كلام ....انا عند الباب وابويه وسلطان وابوه بغيت اتمصخر عليه : مرحبا الساع والله بس شو المناسبه ؟؟ علي : صدق ما تستحي بس هب عشانك ياين عشان عمي يعلني افداه قلتله وانا اضحك : ههههههههههه مرحبا باشيوخ والله علي : جلب ويهك رحت صوب الميلس ويلست انا وابويه وعمامي ........ | |||||||||
|
| |
|
19-12-12, 08:56 AM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| ميره وقفت شكله نساني .........ما الومه قلتله : مانع لف ويهه عني : خير ؟؟؟؟؟؟؟؟؟؟ حسيت دموعي تتجمع فعيني : خالتي موجوده ضحك ضحكه استفزازيه: لا احين عرفتي ان لج خاله مسكت اعصابي : مانع بتخليني على الباب مانع : على الاقل انا يالس ارمسج لو كنت ....... خلاص نزلت دموعي على ويهي ويلست اشاهق ...سكت مانع بعدين قالي : دشي دخلت وانا احس بذل ...وقفت ونزلت راسي ...وقف عدالي وقال : محد فالبيت غيري ...امايه رايحه السوق ونوف معاها احين بيرجعون يلسي بيت خالتج (ورص على الكلمه ) هذا يلست وانا ااعض على شفايفي ...مانع روح ما ادري وين وانا يالسه ...جفت خالوه ونوف دشن البيت ...وقفت ... جمانه تاخرت ميره قلت بترياها فحجرتها ...دخلت طاحت عيني على ورقه على الطاوله شليتها وبديت اقرا .....انصدمت (ميره شردت )ليش ؟؟؟؟؟؟؟؟؟؟؟؟؟؟؟؟؟ ركضت صوب امايه وخبرتها الي مكتوب فالورقه وان ميروه تركت البيت ...انصدمت امايه ونزلت دموعها على ويهها : يا فضيحتي ...يا فضيحتي شو اسوي الحين يلست امايه على الكرسي وهي تقولي : جمانه ركضي هاتيلي ماي .. ركضت يبت ماي لامايه وانا بعدني منصدمه وما مصدقه الي فالورقه : امايه شو انسوي الحين ؟؟ امايه وهي تصيح : الله يستر...جمانه قلت وانا ارتجف : نعم قالت : ما تعرفينها وين راحت ؟؟؟ قلت : لا والله ما اعرف يمه شو نسوي قالتلي وهي تنتفض : روحي زقري ابوج .... قلتلها :لا حرام يمكن ترجع انا بتصلها مسكت التلفون دقيت بس مغلق امايه صارخت عليه : روحي زقري ابوج روحي ... ركضت صوب الميلس بعد ما لبست شيلتي ....دقيت الباب كنت مرتبكه ...فتحت الباب كل الي فالميلس التفتوا لي ........ جفت سهيل ياطلعني بنظره ...لبسته وقلت لبويه : ابويه امايه تباك ورحت سلمت على عمامي .... سهيل : شي صاير ؟؟ التفت صوبه : لا ماشي علي كان يطالعني ...بغيت اتحاشى نظراته ...سمعت سلطان: جمانه شحالج ؟؟ قلتله وانا بظهر : بخير ..... سهيل حسيت انه شي صاير خصوصا من ويه جمانه لانها خيفانه قمت وظهرت وراها ورحت صوب الفله ...سمعت امايه تصيح وابويه محتشر ...ركضت....اول ما فتحت الباب التفت ابوي وصرخ : جوف اختك شو مسويه ؟؟؟؟؟ التفت صوب جمانه : شو مسويه صرخ : لا بنتي ما مسويه شي هذي بنت امك التفت صوب امايه : ميره ؟؟؟ امايه تصيح : اختك ودرت البيت ..ما عرف وين راحت ما صدقت التفت صوب جمانه نزلت راسها وصاحت ...صرخ ابويه : انا مالي خص فيها ..احين شو بنقول لسلطان وابوه .بنفتضح ...هذي بتفضحنا وبتنزل راسنا جدام الناس كلهم ..ابا افهم ليش سوت جيه ...اكيد حد لعب بعقلها ... صرخت امايه : لا لاميره ما تسوي الغلط حسيت تفكيري انشل ...ركضت صوب غرفتي وطلعت المسدس ..بذبحها ...بذبحها ...... جمانه ما صدقت رمسه ابويه ....كنت احس انه انسان ثاني الي يرمس ابويه : انا مالي خص فيها التفت امايه وهي تصيح: لو كانت جمانه كنت بتقول نفس الرمسه صرخ ابويه : جمانه ما تسوي جيه .... ظهر ابويه وراح صوب الميلس شكله بيخبر عمامي خصوصا ان الكل باجر بيي على اساس الملجه ....ليش جيه سوت ...ابا افهم ..ليش ..انصدمت وانا اجوف سهيل ...نازل والمسدس بايده ...لا سهيل اكيد تخبل ....................صحت بصوت عالي .. سهيل رحت صوب الميلس ....سمعت سلطان يتشاتم ...حاس عمري بختنق ...وانا اسمعه يقول : شكلكم ما عرفتوا تربون بناتكم ما جفت جدامي ...حسيت اني بموت من الغيظ ما بقا غير هالحقير يرمس عن خواتي ...دخلت الميلس .....صوبت المسدس صوبه .......وحطيت صبعي على الزناد ........ علي انصدمت من رمسه عمي ..معقوله ميره تطلع من البيت .....ما واحيت استوعب الي صار ........سمعت سلطان يتشاتم ويسب ..عمي بو سلطان حاول يهديه ....دخل سهيل فايده مسدس وصوب على سلطان .....هذا اكيد تخبل ...كل الي فالميلس ما صدقوا حتى عمي بو سهيل ...وقف وما رمس صرخت عليه : سهيل تخبلت انته ؟؟؟ سهيل : سكت هالحقير الي عدالك قبل لا يرمس على خواتي سلطان : ما قلت شي غلط وجانك ريال ضرب يلا اجوف حسيت سهيل خلاص بيتخبل من رمسه سلطان ...خفت انه يذبحه ......وقفت جدام سلطان ...وصرخت : سهيل ذكر ربك انا بتصرف .. جفت سهيل يطالعني وهو ينتفض من العصبيه : قوم من جدامي علي قووووووووم عمي بو سهيل : سهيل لا تتهور ....سهيييييييييييييييييييل ابويه خاف عليه جفته وقف عدالي ويلس يتقرب من سهيل ....عمي بو سلطان ما تحرك من مكانه ......شكله مصدوم ....بس كلنا يبسنا فامكنا يوم سمعنا صرخه ........انسمعت فالبيت كامل......طاح المسدس ....من ايد سهيل ...ركضت وخذت المسدس ...اما عمي بو سلطان سحب سلطان من ايده وركب سيارته وروح ......وهو مسرع ....... ركض عمي بو سهيل صوب البيت....ورحت معاه ...اما سهيل ركب سيارته وسمعت صوت السياره وهو يطلع مسرع ..... جمانه طلع سهيل من عندنا ...يوم شافت امايه المسدس صارخت : اخوج بيذبحها .. قلتلها وانا اصيح : امايه اهدي ..... قالت :ميره راحت من بين ايدي قلتلها وانا اصيح: لا ان شاء الله بترجع قامت امايه بتروح الميلس بس فجأه طاحت جدام عيني ركضت صوبها وصرخت اول مره اجوف امايه جيه ....... دخل ابويه وعلي ....يلست اصيح واتكلم بس ما فهمولي .....حاولنا نوعي امايه بس ما قدرنا...قرر ابويه يوديها المستشفى ............رحت معاهم وعلي معانا ...ما جفت سهيل ولا حد من عمامي ........كنت اصيح على حال امايه وعلى حال ميره ...وسهيل الله يستر من الايام اليايه ...... ميره ربعت نوف صوبي وحضنتني .....سلمت عليها يلست اطالع خالوه الي مستغربه من وجودي ...رحت ابا اسلم عليها بس رفضت ....صحت مالي غير دموعي ...التفت صوبي وقالت : شو ميره سمعت من الناس ان باجر ملجتج عنبوه امج ما كلفت عمرها ادق عليه تلفون وتعزمني هب جنا خوات ؟؟ صحت : لا ما في ملجه ولا شي انا ...انا جفت نوف اطالعني مستغربه قلت : انا ما ابا سلطان شردت من البيت ويايه عندكم شهقت خالوه من رمستي ....صحت اكثر محد حاس فيني ...حضنتني نوف ...ويلست تهديني ...ما قالت ولا كلمه بس كنت احس انها راحمتني ...التفتنا صوب مانع يوم قال : ليش تشردين من بيتكم شوى مسويه ؟؟ حسيت انه شاك بخلاقي ..اكيد لو حد غيره بيشك بس هو يعرفني زين اني هب مالت هالحركات ..ما رديت الا بدموعي الي طاحت على ويهي صرخ : سمعي نحن ما نقصين مصايب الي يانا من اهلج يكفينا يلا يلا برع ما ابا اجوف ويهج هني فاهمه ...بعد بيقولون بعدين نحن شردناج .... التفت صوب خالتي : دخيلج خالوه ...دخيلج خلوني هني ...بيذبحوني لو رجعت دخيلج جفت نوف تصيح عدالي ... خالتي : تعالي ابا ارمسج داخل دخلت مع خالوه داخل ....خبرتها كل شي مانع هذا الي ناقص اخت سهيل اتم هني عندنا ولا بعد شارده والله حاله ...ياخوفي امايه تقول خلها ...هذيج الساعه ما بروم اقول شي التفت صوب نوف ..يلست اطالعها ...وااااااااااااااايد احبها ....اختي الوحيده ...جفتها تمسح دموعها قلتلها : دموعج غاليه يانوف .. طالعتني ابتسمت وحضنتني ...عرفت انها اتذكرت كل شي ...تذكرت اصلا هيه نست مستحيل ...اخ يا القهر ...بس ابا اعرف هذي ميره شو مسويه اكيد غلطت وخافت تنكشف والله يا اليوم الي اشمت فيك يا سهيل ....طلعت امايه و وراها ميره مخليه عمرها بريئه ...صدقت عاد انا هب عليه هالتمثيل ..شو بتكونين احسن من اخوج الحقير ...وقفت والتفت لـ امايه وقلت : امايه نحن ما مسؤلين عنها ترجع عند امها واهلها احسن امايه ردت : ميره بتبقى هنيه انصدمت جنه حد صفعني والهبله نوف فرحانه : لا وانا اقول ما بتيلس امايه : هذي بنت خالتك ومالها غيرنا عصبت : لا هذي ما تخصني ولا اعرفها ....اختج شو سوت يوم صار الي صار وقفت تتفرج صرخت امايه : عيب عليك هذي خالتك تقربت من نوف ...مسكتني من جتفي تهديني قلت : نوف خلت ايدها على اثمي ..سكت ...ما اقدر ارفض لها طلب ....ظهرت من البيت بعد ما ضربت بالباب ...... علي تعبت من الوقفه فالمستشفى رن تلفوني هذا ابويه : الو ابويه : هلا علي رديت :هلا ابويه ابويه : بعدكم فالمستشفي؟؟ قلت وانا انتهد : هيه ...عموه تعبانه بعدها ...شكلهم ما بيرخصونها ابويه : علي لا تودر عمك ...الله يستر .. رديت : لا توصي بقوله يرجع البيت يرتاح ابويه : ادور على سهيل من ظهر من البيت بس ما لقيته ولا حتى يرد على تلفونه رديت : والله نحن ناقصينه سهيل ...خلاص ابويه انا بروح اجوف عمي سكرت التلفون ورحت صوب عمي وجمانه الي من دخلنا المستشفى وهيه تصيح قلت : عمي بوصلك البيت روح ارتاح ..... عمي : جمانه يلا ابويه امج ما تحس فينا جمانه : لا انا ما بودر امايه ...(صاحت) كسرت خاطري وااايد ....دموعها غاليه عليه ... التفت صوب عمي : عمي بوصلك وبرجع انا عند جمانه روح عمي : وسهيل .؟؟ رديت : سهيل ريال ما ينخاف عليه ........ | |||||||||
|
| |
|
19-12-12, 08:57 AM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البارت السابع ((حديث اللـــــــــــــــــيل)) غلطة زماني يوم طعتك وحبيت .. صارت حياتي دون شوفك ممله اخلصت لك حبي وشوقي وداريت .. وصدقت قلبي فيك الله يشله جمـــــــــــــانه راح ابويه....يلست على الكرسي الي فالانتظار وشريط اليوم يمر فذاكرتي ....دمعت عيني ...ما قدرت امسك نفسي احاتي امايه واحاتي سهيل وابويه وميره ...ميره الي ما نعرف وين اراضيها .....ما حسيت الا بايد على جتفي التفت ...جفت علي ...قمت ايده عني هذا واايد مصخها قالي : لا تحاتين ...كل شي بينحل ما ادري ليش عصبني ونرفزني كلامه : كيف بينحل انته تستهبل...علي لا تقص عليه انا هب ياااهل عقد حواجبه ورد: جمانه لا ترفعين صوتج...ومنو قال اني يالس اقص عليـــــــــــج استحيت منه :سوري علي بس انا مضايجه ... قاطعني :كلنا نمر بنفس الشي .... رد وكمل : لا تحاتين ميره ...جمانه انا بحل الموضوع ...باجر بيلس معاكم كلكم وبحل السالفه رحت صوبه ومسكت ايده وانا هب مصدقه : صدق ...صدق علي بنحصل ميره علـــــــــــــــي كنت بتخبل يوم خلت ايدها على ايدي ...ما بغيتها تبتعد عني كنت بتقرب منها اكثر ...بس ...قامت ايدها وراحت شكلها استحت ...عطتني ظهرها ...تقربت منها وانا احس بنفضتها ...قلت: جمانه انتي واثقه فيني ؟؟ قالت وهي منزله راسها تحت : هيه مسكتها من جتوفها وخليتها تجابلني حسيت بموت من قربها : خلاص ما ابي اجوف الزعل فعيونج قربت ايدي من خدها ...امسح دمعتها ...بس ابتعدت عني ...حسيتها منحرجه : انا بروح اجوف امايه دخلت الغرفه وروحي معاها ...احبها ...بس ما تحس فيني ..التفت جفت الممرضه الي جايفنها يوم بت عند سهيل وحده حليوه ...تقربت منها ...وقلتلها : لو سمحتي ؟ ســـــــــهيل طلعت من البيت وانا ما مصدق الي يصير ...سقت السياره بسرعه ..وزدت السرعه اكثر ...الين ما وصلت البر وقفت السياره نزلت ويلست اصارخ بصوت عالي من الغيض لو جفتها بذبحها ...فريت عمري على الرمله البارده اتمنى انها تبرد النار الي شابه فقلبي .....بس خساره ما شي يبرد الي فقلبي غير اني اذبحها ...اكثر من ساعتين مرت وانا على نفس الحاله ...تلفوني يرن بس ما ابي اكلم حد ولا ارد على حد .......مر الوقت الوقت صار الفير ...رحت صوب السياره وشغلتها ...جفت تلفوني مكالمات من الكل ما همني شي غير المسج الي من عند علي ...((سهيل انا بحل الموضوع اوعدك وما بيتكمل اسبوع الا وميره فالبيت بس انته ارجع امك تعبانه )) سرحت بافكاري كأنه الله يعاقبني لاني غدرت فيها ....تذكرت ايام العزبه ...كنت على الدراجه عمري 18 سنه ثانويه عامه ...سمعتها تصارخ ...رجعت صوبها كانت معصبه قالت : سهيل وين الدراسه كل يوم مطيح فالعزبه ؟؟ قلتلها : اتسلى بلاج انتي جيه ضربتني وقالت : سهيل شد حيلك عشان خاطري ... فصخت نظارتي الشمسيه ونزلت من الدراجه تقربت منها ...ابتعدت عني ...بس مسكت ايدها وما حسيت الا وهي تجب غرشه البيبسي على ملابسي صارخت عليها وهي تربع : ماعليه ماعليه ركضت صوبها كنت ابا اجب عليها الي باقي فالغرشه ركضت مسكتها كانت تصارخ : سهيل دخيلك ودرني حرام عليك ...... شديتها بقو ..لصقت فيني تباني اودرها ...تعرف كيف تخليني اضعف : سهيل اهون عليك ؟ قلتلها وانا اجوف عيونها الي كلهن برائه : لا ماتهونين خلاص المره بسامحج قالتلي: ابا بيبسي ثانيه وحلاوه ومصاص وكافي خواشيق ضحكت عليها ياهل( 16 سنه) ما ادري كيف تعلقت فيها : قلتلها خلاص بشتريلج يلا روحي احين لفيت عنها بروح صوب الدراجه ...بس مره ثانيه جبت على البيبسي وركضت وهي تضحك ..فديتت ضحكتها ....احلى شي فيها شقاوتها ..وعنادها ... جمانه دخلت الغرفه ...عند امايه ابي ابتعد عن علي ...يلست اكثر من نص ساعه على الكرسي ظهري انكسر ..وين راح علي ...ياني فضول ...مسكت تلفوني ويلست ادق على ميره ...ما ترد ليش سوت جيه راسي بينفجر ...يلست اجوف امايه شكلها تعبانه ...بس سمعت صوت ضحك برع ...والصوت هب غريب هذا علي ...مع منو يضحك ...ظهرت وانصدمت من الي شفته علي رحت صوب الممرضه سولفت معاها ....ما كنت متفيج بس بغيتها ..ادبرلي سرير عشان جمانه تنام عليه ....تعرفون ما شي يصير الا بواسطه ...رحت وسولفت معاها وضحكت معاها ..وعدتني انها تيب سرير ...بس سمعت صوت باب يتسكر بسرعه ...استغربت رديت بسولف مع الممرضه بس ضحكت وقالت : شكلها المدام غيرانه عليك عقدت حواجبي : المدام ؟؟ غمزتلي : القمر الي كنت واقف معاها توها فتحت الباب وجافتنا وسكرته بعصبيه ما تعرفون كيف فرحت كنت ببوس الممرضه ..جمانه تغار ...ويقولون الي يحب يغار معقوله تحبني ...قلت بكمل الموضوع والسالفه على جمانه....دخلت الغرفه : جمانه الممرضه بتي لج سرير نامي عليه بدال الكرسي بينكسر ظهرج جمانه: ما ابا رفعت حواجبي مستغرب من رده فعلها مسكت ضحكتي : بلاج انا من ساعه اتحايل عليها ..عسب السرير وانتي تقولين ماتبين جمانه : خلاص انزين بنام ممكن تظهر بتخبلي هالبنت ...كنت متوقع انها تهازبني ...بس ما قالت شي ...اكيد انا اتوهم ...انكسر خاطري ...طلعت يلست برع على الكرسي طول الليل ....وتميت اطرش لـ سهيل مسجات هذا خبله ... تميت رايح راد بس اهم شي جمانه نايمه على سرير ومرتاحه ... سلـــــطان كسرت كل شي جدامي ما بقى شي ما كسرته ما بقت الا ميره تذلني ...لا وبعد حصلت على كف من ابويه ...اون انا غلطت على عمي وعلى سهيل ...........والله بيجوفون .....بعدهم ما يعرفون منو انا...منو سلطاااااان .. لا وبعد ابويه يباني اروح اتعذر منهم....ما عليه ما عليه جمانه وعيت من الرقاد ...جفت الممرضه الي امس علي يرمس معاها ....ابتسمت لي : لا اليوم الوالده بخير بس بعده المنوم ماثر عليها ساعه وبتصحى ان شاء الله رديت : ان شاء الله رحت صوب الحمام تغسلت ...جفت ويهي فالمنظره ...حليوه وايد ...تذكرت ميروه كل مره الصبح اول ما اوعى اروح عندها الغرفه ......ظهرت من الحمام (عزكم الله )....تقربت من امايه حبيتها على راسها ..... سمعت صوت : احم احم لفيت بعد ما عدلت شيلتي : هلا علي علي شكله واايد تعبان : ما بتتريجين ؟؟ قلت : ما اشتهي قالي : لا انا ما احب اتريج اروحي خلينا ننزل الكفتيريا نتريق ...ويوم بنرجع بتكون عموه وعت ما حبيت ارده شكله تعبان وحالته حاله : خلاص يلا رحنا صوب الاصنصير واول ما ركبنا كان فيه ثلاث شباب اشكالهم تخرع ...تروعت من الخاطر ...علي كان واقف عدالي...من خوفي تقربت منه ... علي حسيت بجمانه تتقرب مني اكثر واكثر ...حسيتها تتنتفض شكلها خيفانه من الشباب الي فالانصنصير ما دري كيف تجرئت ومسكت ايدها اهديها ..ايدها ناااعمه ..احس اني ماسك ايد بيبي ...ااه يا جمانه ...ليش تعذبيني ابا اعرف بس ليش ....اول ما انفتح الاصنصير وظهرنا شدت ايدها ....حشا ما بناكلج ...طلبت لنا اكل ورحنا وانا اطالعها وهي تفكر ...شكلها تحاتي ميره يلسنا على طاوله فالكفتيريا ...رفعت راسي جفت الممرضه غمزتلي ...(سولفت وياها طول الليل وخبرتها بسالفتي مع جمانه ) جفت جمانه التقت على ورا تجوف لمنو انا ابتسم قالتلي : عيبتك ؟؟ انصدمت من سؤالها كنت بصفعها كف : عيبتني ما عيبتني ما يخصج حسيت انها بارده ...رجعت تكمل اكلها ولا عليها مني ولا من عصبيتي ..كان خاطري اجب عليها كوب الجاي الي فايدي ........قهرتني ...حرقت اعصابي ...تبين الصدق محد يعيبني غيرج ...محد دخل مزاجي الا انتي ...ومحد يملك كل احاسيسي الا انتي بس خساره ...انج هب حاسه ...لا تخدع على عمرك يا علي هيه تحس فيك ...بس ما تبادلك المشاعر ولا بتبادلك ... جمانه حشا ما قلت شي ...بغا ياكلني ...ما اباك تتعلق فيني اكثر ...خلاص ...انته بنسبه لي ولد عمي وبس ......خلصت اكل التفت صوبه جفته معصب قلت : نرجع؟؟ قام من غير لا يرمس ...مشيت وراه لحد ما وصلنا الغرفه...جفت عمي بو علي ياي صوبنا رحت صوبه لويت عليه...عمي بو علي هو الي يدلعني ...احبه وااايد من يوم انا صغيره وانا متعلقه فيـــــــــــــــــــــــ ه عمي : صباح الخير جمانه ابتسمت : صباح النور عمي : ها شخبارها اليوم الوالده ؟؟ نزلت راسي : الحمد الله التفت عمي صوب علي : هاه علي شخبارك رد وهو مبين عليه انه مضاااايج : بخير دامك بخير جفت ابويه ياي صوبنا...رحت سلمت عليه ويلس يتخبرني عن امايه كنت بساله عن ميره بس جفته مضايج ...حتى سهيل ما يعرفون وينه ....من يوم ظهر امس ومحد يعرف عنه شي ...التفت صوب علي اكيد علي يعرف وينه ...بس هو تجاهلني ..عصبت منه ...لفيت ويهي ما ابا اجوووفه علي تقربت من ابوي وانا اجوفها تلوي على عمي ... قلت من غير لا اقصد : ااااااااخ التفت صوبي ابويه : علي بلاك ؟ قلت وانا نفذ صبري :احبها واباها يا بويه خاطري تكون لي انا بس التفت صوبي ابويه: علي البنت ما تباك عصبت وانا اجوفها اطالعني ببرائه ...جنها هب مسويه شي ...جنها هبه هيه سبب العذاب الي انا فيــــــــــــــــــه : لا تذكرني...دخيلك ابويه ... ابويه : لا بذكرك ليمتى بتم اعزب وتترياها لحد ما تعرس هيه ما قدرت استحمل فكره ان جمانه تكون لشخص ثاني ...شخص ثاني يدلعها...يتملكها ...تصير له ...وانااا ...لا لا ما اقدر استحمل هالشي ....شليت بعمري وظهرت ركبت سيارتي ورحت صوب بيتنا .....ضربت ايدي على السكان وانا اقول انساها ...او تناساها يا علي ..بس ...... ميره طلع مانع من البيت ....يلست اطالع خالوه قالت : ما عليج منه يلا تعالي ارتاحي فوق . قلت : بس....... قالت : لا بس ول شياته ...يلا طلعت مع خالتي كنت ميته من التعب..دخلتني غرفه عدال غرفه نوف ....وقالت حق نوف تيبلي بجامه لاني ما يايبه ملابس ... بعد ماظهرت خالوه ونوف فريت عباتي على الكرفااايه ...هل الي سويته صح ...والا ...لا ...ما اعرف كيف تجرئت وطلعت من البيت ...امااايه احيين بشو بتفكر ...شو بيتوقعون ...ارتجفت ...لبست البجامه يلست افكر شو صار عند اهلي ..طلعت تلفوني مخلينه مغلق خفت افتحه ..فريت التلفون ورحت صوب غرفه نوف ابا اهرب من افكاااري ...ما ابا احس بالخوف ...دقيت الباب ودخلت ابتسمت نوف كتبت فالورقه : ليش ودرتي بيتكم ؟ نزلت راسي وكنت بظهر ...هربت من الخوف والمشاكل للمشاكل ....بس مسكتني من ايدي ورجعت تكتب : انا اسفه قلتلها : لا لا تعتذرين ... نوف ما تتكلم .....كل شي فيها كامل حلوه ..ومشاغبه ..بس النطق ...سبحان الله ....الله يعينها ...انا ما الوم مانع على رده فعله الي صار ماسهل ...رجعت مسكت ايدي وكتبت : شخبار خالتي وجمانه والكل ؟؟ قلتلها: بخير طالعتها وانا بالي عند اهلي ...يااارب ساعدني... سهيل يلست الف فالشوارع...الجو بارد واايد ...مسكت التلفون واتصلت بـ علي سلاحي عنده ...ابا السلاح باي طريقه ....بس ما رد ....فريت التلفون ...ونزلت عند الدكان ابا اشتري زقاير ....راسي بينفجر اشتريت ورجعت بركب ...بس جفت بنت وفايدها كلب صغير ... تقربت مني وهيه اطالعني قلت : شخبارج ؟؟ قالت : بخيير ...جوف الكلب حلو .. طالعت البنت ورجعت بالذاكره للماضي حياتي صارت مجرد ذكريات ....... ((سمعت صوت صريخها ....حسيت روحي بتظهر مني .....طلعت ادورها .....بس هي دعمت فيني .........وهي تنتفض .......لميتها فحضني قلتلها : شو فيج ؟؟ قالتلي والدموع فعينها : كلب يركض ورايه جفت ولقيت الكلب باقي شويه وبيوصلنا ...فتحت عيوني وقلتلها بصوت عالي : ركضيييييييييييييييييييييي يي ركضنا انا وهيه ....والكلب ورانا ..بعدين قلتلها ..: وقفي وقفت وهي تلهث ...وصدت ورا وصرخت : بعده ورانا قلتلها : اذا تمينا نركض بيتم ورانا وقفي لصقت فيني خيفانه ...نسيت الكلب ويلست اطالعها ..قالتلي : سهيل هب وقتك...انا خيفانه وانته........... ضحكت ...تقرب من الكلب ..يلس يطالعنا ....ارتجفت ومسكت بايدي بقو ...طالعتها ...الخوف فعيونها .....التفت وانا اجوف الكلب وهو مروح ...يلسنا نضحك ......حتى ضحكتها ضحكت ياهل ..ما قدرت امسك نفسي تقربت منها وبستها على خدها ...ابتعدت وانا اجوف نظراتها الحايره قلتلها بهمس : احبج قالتلي : وانا بعد قلت وانا مشتاق اسمعها منها : وانتي شوه ؟ قالت : اخاف من الكلاب كنت بضربها على راسها بس شردت عني .......... )) مانع ظهرت من البيت وانا معصب ...رحت شقتي الي ما يدري عنها حد ...دخلت ويلست اتريا الربع كل مره نتجمع فالشقه....فتحت الثلاجه ولقيتها فاضيه ...دقيت تلفون على مايد الو مايد : هلا والله قلتله : مر الجمعيه وهات سامان انا مفلس ما عندي فلوس قال : فالك طيب احين بمر وبعدين بي الشقه انا والربع قلتله : اترياكم يلست على الكنبه وانا افكر شو سالفه ميره ....هذا اكيد قص عليها واحد من الشباب والا ما شردت ما اباها تتخالط مع نوف ...حبيبتي اخاف عليها ...اختي الوحيده ...انا ما اشتغل امايه هيه الي تصرف على البيت ...سمعت صوت الجرس رحت فتحت الباب... سهيل فكرت بحاله امايه .....وصلني مسج من عند علي (سهيل روح المستشفى امك فالغرفه 99) لفيت السياره ورجعت صوب المستشفى....دخلت ...رحت صوب الغرفه محد موجود عيل جمانه مودره امايه اروحها حبيتها على راسها ...وظهرت ...ما ابي اجوف حد من عيال عمي ولا حتى ابويه ...كلام امس بعده يتردد فاذني خلاص تعبت مريت على الدكتور وسالت عن حالتها قالي باجر بيظهرونها..طلعت من المستشفى وركبت سيارتي...شو بيسوي علي ...معقوله يعرف مكانها ...اااه يا لقهر ...ياليتها بين ايديه الحيــــــــــــن | |||||||||
|
| |
|
19-12-12, 08:58 AM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| البـــــــارت الثامن ((وانكشفت اسراري )) رجعت البيــــــــت ....خذت شــــور ...وطلعت البيت فاضـــي دخلت غرفة ميروه نزلت دمـــــــــعه من عيني ..ليش سوت جيه ما ادري .....رجعت غرفتي .يلست افـــــــــــكر فامي ...سهيل ...بروح اتصل عليه احسن ..مسكت تلفوني اتصل له ...رد .. : الو سهيل : وينج انتي مخليه امج فالمستشفى ويالسه فالبيت ؟؟ حسيت دموعي بتنزل على خدي : لا انا توني راجعه البيت ..تسبحت وبرجع عندها .. سهيل : ماشي اخبار عن ميره ؟ قلت : لا سكر التلفون فويهي ...شو يخصني انا ...احين ابا ارجع عــــند امايه...بس ابويه محد وما بظهر اروحي مع الدريول ما فينا على سهيل ....يلست اتريا ...... عـــــــــــلي بختنق من الحاله الي انا فيها ...كلام ابويه يتررد فاذني ...معقوله جمانه تكون لغيري....يلست فالصاله ..دخل عليه سهيل قمت بسرعه ورحت صوبه ........ قلتله وانا اشاتمه : وينك انته من امس ندور عليك ؟؟؟ سهيل يلس بعد ما سلم : خلني فحالي.... علي وين السلاح ؟؟ تذكرت اني ودرته فالسياره قلت وانا اجذب : ما عندي شي مسكني من قميصي : اقولك وين المسدس ؟؟؟ رديت وانا اسحب نفسي من بين ايديه : قلتلك نحن ارتبشنا بامك ...عسب جيه ما اذكر وين المسدس يمكن عند ابوك...انا ما يخصني فالسلاح طالعني هب مصدقني : ما عليه وقام بيظهر ...بس مسكته من جتفه انا حاس فيه...سهيل وااايد جريب مني ...ما ابي اجوفه بهالحال ...ادري انه يحاتي ميره...قلتله : اباك فموضوع ضروري ... قال : شو بعد بتظهر احسن من ولد عمك الثاني (سلطان ) رصيت عليه : سهيل الي يضرك يضرني ..... سهيل : اذا مثل ما تقول عطني المسدس صرخت عليه : ما عندي انته ما تفهم شد ايده من بين ايديه ...وطلع ... ...يلست افكر ...لازم اخفي المسدس عادي عنده يفتش البيت وسيارتي ....شو اسوي ...لازم اخليه فمكان ما يتوقعه ابدا ...وما يدور فيه .....ما شي غير ........ جــــــــــــــمانه يلست فالبيت سمعت الباب ...رحت اركض هذا اكيد سهيل والا ميره .....بس تفاجات يوم جفت علي .......عدلت فلبسي ..كنت لابسه قميص طويل مخطط ابيض واخضر ...وبنطلون ابيض ......نزلت راسي لان عيونه تراقب كل شي فيني ...تقرب مني بلعت ريجي ..هذا ما خذ راحته لان سهيل محد .... قال بهمس : ما بتقوليلي تفضل ؟ نزلت راسي وانا احس بنار فجسمي كله : محد فالبيت قال بنبره استهزاء : هههههههههه ليش على قولتج انا شرات اخوج ما قدرت استحمل : علي انته يالس تتكلم فشي مضى وراح تقرب مني وانا انتفض وهمس فاذني : بس انا احبج لفيت برجع غرفتي بس صرخ عليه : جماااااااااانه التفيت صوبه وشهقت ............ عــــــــلي مصختها ادري ...تقربت منها ....بعدت عني ولفت تبي تروح غرفتها...صرخت عليها : جمااااااااااااااااااااااا ااااااااااااااااااانه اول ما التفت شهقت ...احب اجوف الخوف فعيونها ..صوبت المسدس صوبها ...يلست تنتفض ...تقربت منها ...اكثر واكثر ...اول مره اكون جريب منها لهدرجه اعشق قربها ...نزلت دمعتها همست :خبلتي فيني بس هب لدرجه اني اذبحج ...اذبح عمري ولا اضرج بشي جفتها مستحيه مني ...اول مره : علي انا... رفعت ايدي امنعها انها ترمس : انا اباج ...... جفتها انصدمت من رمستيه فكملت : اباج تحفضين هالمسدس عندج شهقت : انا!!!!!!!!! قلتلها : هيه سهيل يدوره عندي وانا خايف عليه ....... قالت بخوف : وانا شو يخصني ؟؟ قلت : لانه ما بيفكر انه عندج ...عسب جيه اباج تاخذينه ... طالعتني ...شكلها خيفانه من سهيل ... قلتلها : تعرفين تستخدمينه ؟؟ خذت من ايدي...وصوبته صوبي : ههههههههههههههههههههه عصبت : ليش تضحك ؟؟ يلست اتأملها ...حتى وهيه معصبه قمـــــــــــــــر قلت: لانج ماسكه المسدس غلط وقفت وراها وخليت ايدي على ايدها ارويها كيف تمسك المسدس ...ما كنت منتبه اني وايد جريب منها ...لفت صوبي ..اول مره اجوف هالنظره فعينها .....مشاعر اجتاحتني ما اعرف اوصفها ...............جمالها غريب وملفت ...اسميني متعذب ومحد حاس فيني..ابتعدت عني وركضت وشلت المسدس ...... صرخت عليها : انا واثق فيج لا تخيبين ثقتي .. طلعت وانا اتذكر هاللحضات وياها ...جمانه مسيطره على كل شي فيني ...وابويه يباني اخذ غيرها ...ركبت السياره وطلعت ........ جــــــــــــمانه شو ياج جمانه ....انا ليش جيه احس ...لا هذا اكيد لانه وااايد تقرب مني ...ما يستحي ...بس بعده يحبني ......رحت صوب الدريشه شفته يركب السياره...ادري انه جنتل وسيم وااايد ..الكل يقول هالرمسه ...تذكرت ميسون يوم تقولي ميسون : يحظج والله يا جمانه احلى بنت فالعايله وبتاخذين اوسم شاب كيف بيطلعون عيالكم ؟؟ رديت بغصه :مشكوره هذا من ذوقج ميسون: بس شكله يحبج ؟ بس انا احب غيره ...ردت ميره : الله يوفقهم ان شاء الله رجعت للواقع على صوت الباب انتبهت للبشكاره الي دقت الباب : جمانه بابا تحت قلتلها :انزين احين بنزل .. يلست افكر وين اخلي المسدس ...علي وثق فيني ..يلست ادور مكان ....بعدين يا في بالي اخليه فصندوق المجوهرات واقفل الصندوق عليه ودخلت الصندوق فالكبت ..وقفلت عليه ونزلت لبويه مانع يلست مع ربعي فالشقه للفير ....راحوا كلهم بقيت اروحي ..قررت اني ارجع البيت ...دخلت البيت ...بيتنا صغير وعلى قدنا ....مشيت ورحت صوب غرفتي سمعت صوت صياح فغرفه نوف ...تروعت عليها فتحت الباب وانصدمت ...........هذي ميره تصيح ونوف حاضنتنها ما انتبهن عليه ....ما ابي نوف تختلط معاها ....سكرت الباب ورحت غرفتي ...كنت بنام بس قررت اني ارمسها ............ ميره خبرت نوف كل شي ...طلعت من عند نوف ...جفت غرفه مانع الليت مشغل فيها ..اكيد رجع ...دخلت غرفتي ....لبست بجامه حرير عطتني اياها نوف ....كيوت البجامه ..وعلى قياسي ..........سمعت صوت حد يدق الباب قلت هذي اكيد نوف ....فتحت الباب من غير لا اغطي شعري بس انصدمت يوم جفت مانع رجعت سكرت الباب فويهه ...فشيله ..شو اسوي الحين...لبست شيلتي...ورجعت فتحت الباب قالي بنبره حاده وهو يطالعني من ساسي لراسي : اباج فالصاله تعالي الله يستر شو يبا مني لا يكون بيطردني من البيت ...تبعته وانا افكر ....يلس على الكنبه قالي بنبره ما فيها اي مشاعر : انتي شو كنت تسوين فغرفه نوف ؟؟؟ قلت : انا ... قاطعني : ما ابي اسمع صوتج فهالبيت فاهمه يسد اني وافقت تيلسين بس ابد ما اباج تتكلمين مع نوف لاني اخاف على اختي من هالاشكال فاهمه ؟ سكت ويلست اصيح وانا احس بالذل ....مسكني من ايدي وشد عليها : فاهمه ؟؟؟ هزيت راسي ....هذا يتهمني بشرفي ...انا اشرف منه ومن عشره من امثاله ليش ما رديت عليه و وقفت عند حده ليش ...خطف من جدامي بعد ما فرني على الكنبه......صحت بالم ...ما اعرف شو اسوي ...انا ماالومه ....بس والله انا ما سويت شي غلط .....محد حاس بالي اعانيه ...اااه جمانه ما رجع سهيل البيت....يلست احاتيه ...الحمد الله رجعت امايه البيت ...بس هب هيه الاوليه ...كله تذكر ميره ...ابويه ما مهتم .....بس اليوم علي والعايله كلها بتجتمع عندنا فالبيت ......يالله يارب علي يقنع سهيل انه يرجع ....عمي بو سلطان ياي يستسمح من ابويه على الكلام الي قاله سلطان الحقير ....... يلست اراقب من الدريشه جفت علي واقف برع ....يرمس على التلفون ....ولابس نظاره شمسيه ....دخل عليه سهيل ....ركضت صوبه لويت عليه ويلست اصيح ...بس هو كان بارد قلتله : امايه تنشد عنك تبا....... قاطعني : سلمت عليها ...تعالي الميلس استغربت : ليش قوم عمي روحوا ؟ قال : عمي بو سلطان والحقير ولده راحوا بس باقي علي وعمي بو علي نزلت راسي : انا شو يخصني ؟؟؟ قال : علي قال يباج انتي وامايه تحت انصدمت: شوه ؟؟ طالعني بنظره : يلا تعالي نزلت الميلس .....انا وامايه الي كانت وايد تعبانه ...تحاتي ميره ... علي اول ما دخلت عموه قمت وسلمت عليها ...جفت جمانه وراها ...قلتلها : شحالج جمانه ؟؟ قالت : بخير حتى ما سالت عن حالي المهم..الله يعيني على الاعتراف الي بعترفه اليوم سهيل : انته جامعنا عشان اتم تطالع حسيت سهيل يقصدني وجمانه قلت : لا ...اولا سلطان ما يخصك فيه والا بتنفد عمرك وبتسوي بلوه من بلاويك بعدين محد بيسال عنك رد سهيل وهو معصب : انته ما يخصك قلت : لا يخصني وقف سهيل يبا يظهر بس عمي صارخ عليه : سهيل ايلس محلك يلس سهيل ...يلست اطالع ابويه ..اكيد الحين بينصدم مني ... تجرئت وقلت : انا اقدر اعرف وين ميره؟ التفتوا صوبي جفت جمانه تطالعني مستغربه فديتها سهيل وهو منفعل : كيف ؟؟ قلت : انا اشتغل فالمخابرات شهقوا كل الي فالميلس ومن بينهم ابويه ....الي قام من مكانه ...ابويه وااايد يخاف عليه ...ما كان يباني اشتغل شغله فيها خطر على حياتي عشان جيه خلاني ادرس فالخارج ...عسب اشتغل فالشركه ..كنت رافض ......حلمي اكون فالعسكريه ...بس نفذت رمست ابويه خصوصا بعد وفاه امايه ما حبيت اضايجه ... مانع طلعت ورحت غرفتي مضايج من الي صار .......تستاهل ما بشفق عليها ....ما يستاهلون الرحمه .....كنت اتوقعهم اهل وسند فالدنيا بعد وفاه ابويه بس الي صار انهم تخلو عنا ....بعد وفاه ابويه صرت انسان اتكالي ....ودرت شغلي ويلست فالبيت ...امايه متحمله مسؤليه كل شي ...اموت ميه مره يوم اجوف نوف ....... ميره سحبت عمري ورحت الغرفه....حضنت المخده احس بالوحده وينج يا مايه ...وين جمانه ...يلست اصيح سمعت اذان الفير ......قمت وصليت وادعيت ربي انه يساعدني ....انسدحت على الكرفايه ...يلست افكر باهلي ..ِوبالي صار بعد ما ظهرت ...يلست اطالع تلفوني ...مشتاقه لجمانه ...خاطري اسمع صوتها ..مسكت التلفون...بتصل لها وايدي تنتفض ...خيفانه بس فاخر لحضه تعايزت وفريت التلفون ...حاولت انام بس كلام مانع يرن فاذني ...ما اقدر استحمل هالرمسه ولا نظرات الاحتقار الي فعيونه ..... ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنــا مايوم في دنياي دام غربتي طالت متى وقت الرجوع كل عام امني احلامي بعام ان شكيت الحال محد لي سموع وان سكت الناس زادوني ملام طال صبري والزمن عيا يطوع والرجا باللي عيونه ماتنام | |||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
