آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-12, 04:39 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  آلبآرت العاشر فهد ترك مكانهم وكله غضب وطلع برا البيت اما فيصل فضل يهدي ناديا اللي رجعت دموعها تنزل مثل المطر فيصل .. : خلاص اووص لآ يصير فيك شئ ناديا بين دموعها : الله يسمع منك ويصير فيني شئ يريحني فيصل بحده : ناديا وش هالكلام ! تركت فيصل من دون م ترد عليه وراحت لغرفتها بكل سسسرعه سكرت الباب بقوه وقفلت على نفسها ~ جوري اخترعت من صوت الباب قامت يم الغرفه وطقت الباب جوري : ناديا ’’ هنوف ’’ منى مين اللي دخلت قولي وش فيك اتفحي الباب ناديا بصوت مجروح : اتركيني مو وقتك جوري : ناديا ايش فيك خوفتيني عليك احكي ناديا : جوري قلت لك خليني بروووحي راحت الجوري من الباب وهي خخايفه على ناديا ~ اما فهد فوقف قدام واحد من المطاعم وم نزل ضل بسيارته كان يفكر وهو معصب ! على اللي صار اليوم . ~ فيصل كان بقمه غضبه من فهد وكان بقمه خوفه على ناديا دخل جوا م لقى احد حسب الكل طالع ما كان يعرف بوجود جوري اللي كانت قاعده بالمطبخ اللي فوق بعد م نومت سلطان .. حست بحركه بالبيت طلت من بعيد شاف فيصل اللي متوجه لغرفه ناديا عرفت ان كانت فيه مشكله بين ناديا وفيصل وانه جاي يراضيها نزلت على اطراف اصابعها لتحت على شان م يلاحظ وجودها وياخ راحته دخلت غرفه اللي نايم فيها سلطان وجلست عنده وشغلت التلفزيون واندمجت مع المسلسل فيصل طق الباب على ناديا ناديا : قلت لك روحي م ابي احد ! فيصل بانزعاج : ناديا افتحي الباب ناديا : فيصل روح ما ابي احاكي احد ولا اشوف احد اذا هديت جيتك انا بنفسي ! فيصل : قلت لك اتفحي الباب ولا بكسره ! قامت بقل حيله وهي عارفه انه بيسويه فتحت له الباب فيصل تفاجئ بشكلها خشمها الاحمر وخدودها المليانه دموع وجفونها المنتفخه من كثر الصياح دخل عندها وسكر الباب سحبها على الصوفا وجلسها يمه فيصل وهو حاط يده على كتف ناديا : كل هالصيآح على شان فهد هو معصبه وطلع حرته فينا شوي ويجيك يعتذر ! اضحكت باستهزاء ناديا : من جدك .. ؟ !! فهد يعتذر ومني انا ! وحتى لو كان معصب وطلع حرته فينا ما راح يعتذر وبيصر على موقفه ويمكن يوقف بطريق زواجنا بعد فيصل : محد يقدر يوقف بطريق زواجنا دام انا ابيك وانتي تبيني ! ناديا بدآت الدموع ترجع لها : آن شاء الله فيصل : لا حول ولا قوه الا بالله الحين ليش الدموع ناديا مسحت دموعها : ولا شئ . فيصل : اوعديني انك م عاد تبكين وانا موجود ناديا : وععد ! لمها لصدره بكل قوته .. ارتجفت منه ! استوعبت انها هي وياها مع بعضهم بغرفه مسكره لحالهم ! بعدت عنه بتوتر وراحت يم الباب مسكها من معصمها فيصل : وش فيك ؟ توك وش زينك مسرع تغيرتي ناديا :ابي ابدل ملابسي فيصل : طيب بس تذكري الوعد ناديا بابتسامه : م نسيته =)) فيصل قرب منها وباسها ع خدها حمر وجهها وسكرت الباب بسرعه اول م طلع ~ فهد قرر اخيرآ انه ينزل للمطعم طلب له اكل واتصل بعبد العزيز يجي فورآ ودله على المكان دقائق ووصل عبدالعزيز فهد : اخيرآ جيت عبدالعزيز : وش السالفه منت طبيعي فهد : اولآ مبروك العروس وافقت =)) عبدالعزيز بابتسامه : الله يبارك فيك .. وان شاء الله هاليومين بنجي انا والاهل نخطبها بشكل رسمي فهد : ان شاءالله عبدالعزيز: طيب انت وش فيك الحين ؟ فهد : ( قاله سالفه ناديا وفيصل ) عبدالعزيز : طيب وين الغلط بالموضوع ليش معصب فهد : تستهبل هم زوجين على الورق باي حق يطلعون عبدالعزيز : فهد اهدا شوي انت قلتها ( زوجين ) على الورق ولا مو ع الورق اهم شئ انهم متزوجين وما سوو شئ حرام فهد : طلعت العن منهم .. لا تحلم تطلع مع اختي وانتم بس متملكين عبدالعزيز : ههههههه لا تخاف م راح اطلع معه الا بعد الزواج .. نسوي اللي يرضيك ولا اخسر رفيق عمري ! فهد : ليت هالفيصل مثلك عبدالعزيز : لا تحلم م بتلاقي مثلي فهد : هههههههههه ان شاء الله م القي مثلك ~ ناديا بدلت ملابسه على طول نامت طلت عليها جوري وغطتها زين وسكرت الباب وهي متاكده ان فيصل راضاها ولا م تركت الباب مفتوح ونامت ~ اليوم الثاني كانت ناديا تمشط شعرها سمعت جوالها يررن مدت يدها للجوال وخذته ناديا : آلو فيصل : هلا وغلا .. كيف النفسيه اليوم ؟ ناديا : هلا بيك تماااام فيصل : دووم ’ على فكره ترا م بقي على العطله الا 3 اسابيع ناديا : طيب ! فيصل : وش طيب م تبين نسوي زواج اخذك معاي لبيت جديد لحالنا انا وانتي ! ناديا ارتجفت من فكره انهم ببيت لحالهم : تتونا بدري ! فيصل : ايش بدري ؟ قبل الملكه قلتي لي انتظر لين اتخرج والحين تقولين بدري ناديا : فيصل طيب خلها بعد العيد فيصل : لا مو على كيفك انتظرت طوال هالمدى على شان تقولين خلها بعد العيد ومن اليوم بروح انا وامي نحجز القصر بيكون بعد نهايه الاختبارت ناديا : طيب انا م جهزت فيصل : كلها ملابس تقدرين تخلصينهم باسبوع واحد ! ناديا : فيصل ! فيصل : انا قلت لك خلاص مليت وانا انتظر بعد الاختبارات راح يككون الزواج ~ بعد 4 اسابيع .. وافقت ناديا اخيرآ على طلب فيصل وتملكت منى على عبدالعزيز ووافقت الهنوف على فهد بس ما تملكت عليه للحين .. بيوم النتائج .. ناديا .. نجججججحت مو مصدقه تخرجت ’( الهنوف : الف مبروك ي روحي تستاهلين ولله فيصل بيفرح بهالخبر ناديا : الله يبارك فيك .. وانتي م اخذتي نتيجتك الهنوف بدخل : اخذها ناديا : اوكي لا تطولين رجعت الهنوف لناديا بصراخ فجر اذنها الهنوف : نوووووودي نجحححححححت ناديا : مبرووووك تخرجنا ثنتيناتنا الهنوف : الله يبارك فيك يلا امشي برجع للبيت ناديا : يلا رجعو للبيت والكل فرح لهم وسوو حفله لبناتهم وطبعا منى نجت وصارت باخر سنه ثانوي و جوري صار باول ثانوي وفيصل لقى حجز بعد اسبوعين بقصر فخخم بيوم الزواج ( يوم الفاجعه لناديا ولفيصل ) .. ولا اقول خلوها بالبارت الجاي توقعاتكم | ||||
|  |
|
29-12-12, 04:56 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الحآدي عشر .. بيوم آلزوآج .. ناديآ اللي كانت خايفه احساس طبيعي لـ آي بنت بيوم زواجها لكن بنفس آلـوقت كانت فرحآنه انها بتتزوج الانسان الوحيد اللي حبته من كل قلبها .. مشاعره الخوف والسعاده .. الحب والتوتر كانت مخلوطه بهالناديا .. كانت لآبسه فستان ابيض كعاده اي عروسه عاري من الظهر وتوب من الصدر ضيق على الجسم لين ركبتها منفوخ .. كان عليه دانتيل ورد باللون السكري وكرستال منثور بشكل عشوائي حاطه ميك اب سنبل مع روج وردي فاتح وبلآشر مشمشي ومسويه شعرها شينيون مع غره ريترو كان شكلها بقمه الجمال وبقمه الانوثه .. قبل كم ساعه وتحديدآ الساعه 3 العصر الكل راح للقصر طبعا الحريم بس .. اما فيصل فكان في قمه سعادته كانت سعادته بهاللحضات م تنعطى لحد اليوم بيعيش مع حبيبه عمره تحت سقف واحد ويبدآء حياته معاها الساعه 6 المغرب جاء زوج خاله فيصل اللي هو ابو دلآل ببيت ابو فيصل رحب فيه ابو فيصل وكان يحسبه جاي يبارك لفيصل لكنه تفاجئ بغضبه ابو دلال : ابي فيصل الحين ابو فيصل : وش تبي فيه وش السالفه ابو دلال : آنا ابي فيصل بموضوع ناده لي اذا م عليك امر ابو فيصل : ان شاء الله راح ابو فيصل ونادا فيصل وتركهم لحالهم احترآمآ للخصوصيه فيصل وواضح عليه السعاده : هلا الله حيه .. ابو دلال بنظره استهزاء : مستانس على ان اليوم عرسك فيصل : طبعأ فيه احد بيوم زواجه م يستانس ابو دلال : واذا م استمر هالزواج فيصل : وش تقصد لا تتكلم بالرموز ابو دلال : قصدي على اللي سويته امس انت م تخاف ربك بنات الناس لعبه عندك الحين تروج تطلق ناديا وتصلح غلطتك فيصل : هههه تستهبل انت اطلقها بيوم زواجي انت اللي خاف ربك وش اللي اصلح غلطتي وش مسوي انا ابو دلال بحده : ولله لفضحك عند الله وخلقه واعلمهم بعملتك اللي تسود الوجه لاعب على بنتي ومسوي فيها اللي م يتسوى قبل زواج بيومين فيصل : بنتك تكذب مسويه المصيبه تتبلى علي انا ابو دلال بحده اكبر: انا حذرتك قدامك خيارين يا سمعتك وسمعت زوجتك او تتزوج دلال وتطلق ناديا فيصل : انا م راح اطلق ناديا وبنتك بتزوجها بعد زواجي من ناديا ابو دلال : ما تاخذ على بنتي مره ! تطلق ناديا وتتزوج دلال ولا الموضوع بيوصل لآبوك وللعائله كلها وان سويت اللي اقولك عليه محد بيعرف وبيكون سر بيننا فيصل حس ان هوم الدنيا تدور حوله حس بسواد الدنيا وكان العالم م يسوى شئ وحياته بلا ثمن تجمعت دموعه بعينه .. دموع الرجل ! اصعب شئ على الرجل تنزل دموعه ! لكن م ينلآم الانسانه اللي حبها اللي عشقها وعد الثواني على شان يعيش معاها يحبها بكل م فيها فيصل بهم : اليوم بيكون الموضوع خالص ! ابو دلال بفرح : كنت عارف انك بتختار الصح وان شاء الله م تندم لف عنه فيصل وهو وده يذبحه ! على اللي سواه فيه بعد ساعه اللي كان فيها فيصل متدمر وجالس بغرفته حالته ميئوس منها ابو فيصل دخل على فيصل .. : يلا ي فيصل تاخرنا على الزواج وش بيقولون االناس عنا فيصل آآآآه بس وانا وش كاسر ظهري الا هالناس اللي بيحرموني من اغلى شئ بحياتي ولله لو ما خايف على صحه ابوي وعلى سمعه ناديا كان م وفقت على عرض هالحقير ابو الحقيره فيصل : امر يبا هذا انا قمت راحو للقصر اللي كان فيها فهد وهو كارهه هالزواج بعد مشكلته مع فيصل صار موعد دخول فيصل على ناديا اللي كانت متوتره جدآ لما خبروها ان فيصل بيدخل عندها شوي وتشوف الباب ينفتح ! ناديا زادت ضربات قلبها دخل بكل هيبته يخفي وراه مصايب يمكن تموت ناديا قرب منها وهو مبهور من شكلها متحسر على انه بيكون سبب في كسر قلبها .. اصعب شئ تكسر قلب انسان متيم فيه .. لكن تجري الرياح بما لا تشتهي السفن قرب منها وخطواته تزلزل ناديا من التوتر والخوف قبلها في جبينها وعينه كلها حب لمها لصدره وكانه يودعها صار يقبلها بكل مكان بوجهها ! فيصل : ناديا لو صار اي شئ تآكدي اني احبك والضروف هي اللي حدتني ناديا : وش بيصير ! اليوم يوم زواجنا محد يقدر يبعدني عنك فيصل لو تدرين وش صاير كان م قلتي هالكلام : بس حاب اقولك يعني لو صار م صار ناديا : م راح اتخلى عنك وانت م راح تتخلى عني صح ! انت اللي قلت لي قلت مستحيل اتخلى عنك فيصل بقله حيله ضمها مره ثانيه كان حابه يشبع منها كانت بتنكسر ضلوعها من قوه ضمته ناديا اللي حمر وجهها : وش فيك فيصل : ناديا انتي طالق ! ناديا ضحكت وكانه قايل نكته : هههههههه مين اللي طالق فيصل حزن على حالتها اللي من بدايتها حزنته : اللي سمعتيه وانا احبك واموت فيك وراح تضلين هنا " واشر على قلبه " ناديا والدموع تجمعت بعيونها : ليش قلتها ليش قلت هالكلمه دامني بقلبك ليش طلقتني وانت تحبني روح عني اكرررهك ليتني م عرفتك فيصل طلع من دون م يرد عليها اما هي فضلت تبكي وكان ميت لها احد وصل الخبر للكل طبعآ عصب ابو فهد وفهد وناصر وام فهد من طريقه فيصل وزاد كره فهد لفيصل اضعاف وتحسست العلاقه بين ابو فهد وابو فيصل وترك ابو فهد الخُبر ورجع للرياض تارك شغله واخوه بسبب حركه فيصل صار الكل يحكي بناديا وفي ان فيها شئ ولا م طلقها بيوم زواجها اما ناديا فدخلت للمستشفى على طول بعد م رجعو للرياض بسبب عدم اكلها الكافي ليعطي الطاقه لجسمها .. وفيصل اصر على موقفه وان هالشئ خاص فيه وبينه وبين ناديا واصر على اهله يروحو يخطبون دلال وفعلا راحت الهنوف مغصوبه من امها وام فيصل لبيت ابو دلال وخطبوهم توقعاتكم .. | ||||
|
| |
|
29-12-12, 04:58 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني عشر كانت على فراشها كالعاده كئيبه وحزينه من بععد سالفه فيصل دخل عليها من غير م يطق الباب حتى فهد : ياما حذرتك منه ! لكن م كنتي تشوفين قدامك الا فيصل حتى الغلط اللي يسويه بعينك صح ناديا : فهد اتركني لحالي ممكن فهد : هذا ابوي وعمي علاقتهم انهدمت مع بعضهم بسببك وانا فسخت خطبتي من الهنوف بسبتك ناديا : انا اللي وقفت بين علاقه ابوي وعمي انا اللي فسخت خطبتك من الهنوف ! مشكله كانت بيني وبين فيصل وخلصت تدخلون نفسكم فيها ليش ! فهد : تدرين م يملي وجهك غير التراب الحين اانا فسخت خطبتي وابووي قطع علاقته فيهم على شانك وتقولين ليش تدخلون نفسكم ناديا : هذا انت قلتها انتم اللي سويتو كذا على شاني مو بسبتي فوفر مشاكل بعدين لاني مو رايقه لك طلع فهد من الغرفه وهو بقمه غضبه من طريقه كلام ناديا معاه ~ بعد طلاق ناديا من فيصل باسبوعين طبعا ناديا بالعده .. كان اليوم زواج فيصل ودلال اللي شرط فيه فيصل يكون ملكه وبس لا اكثر يعني لا طق ولا تلبس الفستان الابيض ولا حتى حضور مجرد م توقع على الدفتر ياخذها هو مو بحاله زواج ولا عرس كانت نفسيته متدمره ! اما عند دلال اللي نجحت خطتها ومشتها على ابوها واخوانها واخذت فيصل قبل م تاخذه ناديا اخذها وراح للشقه اللي ككان حاجزها له ولناديا وم راح لفندق مثل اي معاريس دخلت للغرفه وغيرت لبسها لبست فستان لنص الفخذ لونه احمر الناري وحطت روج احمر صارخ وفكت شعرها على طبيعته وحطت ميك اب مثقل جدآ فتحت قفل باب الغرفه وهي مستعده انه يقرب منها اما فيصل دخل وطالعها باستحقار ونزل شماغه واسترخى على الفراش ولا كان فيه احد واقف عند الباب انقهرت من حركته .. وطفت الانوار وانسدحت جنبه قام وسحب شرشف ومخدته وراح للصوفا ونام عليها وهي مشتعله من الغيره .. _ ضل حال ناديا بهالكائبه 3 سنوات وفيصل ودلال زوجين على الورق كان مخلص لها طوال هالفتره ولما عرفت ناديا بزواج فيصل من دلال زاد حزنها وكائبتها .. لكن بدئت شوي شوي تطلع من هذا الجو حتى حس ابوها انها بخير وم عاد تهتم لفيصل .. بيوم من الايام .. دخل ابو ناديا على ناديا بطريقه دخلت الشك بقلب ناديا جلس جنبها ابو فهد : انا م راح اقولك غير ان ابو خالد صاحبي ولده اسمخ خالد محامي وخطبك مني وانا وافقت وملكتك بعد اسبوعين والزواج بعد شهر من الحين ضلت تناضر له بصدمه كبيره .. معقوله ابوها يرميها هالرميه !! ناديا : لآ بابا اانا م ابيه ابو فهد : انا مو جاي على شان اشاورك انا جاي اعطيك خبر لا اكثر فشلتينا ونزلتي روسنا بالارض الناس تحكي ومطلعين الف سالفه على سبب طلاقك بيوم زواجك ! طلع من الغرفه بكل عصبيته تراكها في دوامه البكاء من جديد ~ نرجع لحياه ناديا وخالد صحت من ذاكرتها وعيونها ملايانه بالدموع ذكريات حنين لفيصل وفضول كبير يتملكها تبي تعرف ليش طلقها وهي متآكده انه يحبها ! خالد : ي هووووووه وين رحتي ناديا بتشتت : هلا خالد : صار لي ساعه احاكيك تبين اكل ناديا : لا شكرآ ! خالد : وفرتي ! م ردت عليه لان ذاكرتها للحين مشغوله بانسان واحد م فارق مخيلتها من اكثر من 3 سنوات ! خالد بخوف : ناديا ايش فيك ناديا بعالم ثاني : .......... قرب منها وهو خايف على شكلها م كلت من لما ركبا الطياره اول م حست انها قريبه مره منه بعدت بكل سرعتها م تبي بعد فيصل احد يقرب منها .. وكانت م تبيه يقرب منها بليله زواجهم بس كانت تبي ترد حركه فيصل هو ودلال تحسبهم تزوجو مثل اي زوجين لكنها م كانت تعرف انهم مجرد زوجين ع الورق من 3 سنين خالد : بنطلع بعد نص ساعه جهزي حالك هزت راسها بدون اي كلمه مر شهر العسل وناديا معملتها زفت بمعنى الكلمه لخالد اللي ياخذ حقوقه بدون م يلقي بال اذا هي موافقه او لا يفرض نفسه عليها وهي تحاول تقاومه لكن بدون اي فائده في احد فلل الرياض الفاخره خالد : ناديا جهزي شنطتي بكرا بسافر للبحرين ناديا : طيب ! خالد : لا اجي الا وانتي مجهزتها ناديا : قلت لك طيب تذكرت ان م بين البحرين والخبر الا جسر مشتاقه للخبر وللي فيها ناديا وهي تحاول تمهد الموضوع لخالد : اقول خلووودي لف عليها بكل سرعته من يوم تزوجو م قالت له كلمه تفتح النفس والحين خلودي خالد : ي عيونه ناديا وهي تلعب بشعرها : تسلم عنونك عادي اروح معك للبحرين يعني شهر عسل صغنون ثاني لنا خالد مستغرب جدآ من طريقتها : يوم المنى في احد يحصله القمر تروح معاه ويقول لا ! ناديا : وبعدها تمشيني بالشرقيه صححح خالد : اي صح ! يلا اطلعي جهزي شنطتي وشنطتك بكرا بنسافر بالسيارا ~ منى تملكت على عبدالعزيز واخذها من دون زواج لانه سافر لبعثه في المانيا من سنتين وهي عايشه مع عبدالعزيز بقمه سعادتها .. / نهايه البارت توقعاتكم | ||||
|
| |
|
29-12-12, 05:04 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث عشر .. _ 13 _ رجع للبيت تقريبآ الساعه 11:30 شافها بغرفه النوم منسدحه على السرير قرب منها كانت غرقانه بنومها طلع من الغرفه بعد م ترك قبله حانيه على جبينها جلس على الصوفا اللي جنب الغرفه وهو يبتسم على كلمتها له اليوم كان يراوده حديث نفسه !! معقوله ناديا تتحبني ؟ ضل يفكر باخر كلمه قالها ؟ تحبني ! ليش لا _ ان شاء الله راح اعيشها اجمل ايام حياتها =)) ~ فيصل .. طول عمري وانا كارهها حتى قبل الزواج !! البنت اللي ترمي حالها على الرجل مستحيل تملآ عينه من لما عرفتها وهي تحاول ترمي نفسها علي ! .. انا م حبيت ولا راح احب غير انسانه وحده شلت كل تفكيري من 3 سنوات ! ولله م خنتك ولا تركتك عبث ولا كنت حاسبك مجرد لعبه اتسلى فيها مثل م قال عمي وفهد ! ضليت مخلص لك وراح اضل طوال عمري ولآ رح اقرب من هاللي اسمها دلال مثل م متي قهر بيوم زواجي على دلال حتى انا تمنيت اني اكون مكان عريسك اللي تزوجتيه قبل فتره ! انا م ادري ليش تزوجتيه برغم اني اعرف انك تحبيني للحين لكن متآكد ان الضروف هي اللي اجبرتك على زواجك منه مثل م اجبرتني على فرآقك ! قاطعت عليه تفكيره صوتها المزعج بالنسبه لفيصل دلال بمياعه : فصوولي حبيبي مالي مزاج اطبخ ! قوم جيب لنا اكل من برا ولا اقولك نطلع انا وانت نروح لمطعم فيصل ناظر لها بطرف عينه : م طلعت معاك من 3 سنين ع شان اطلع معك الحين .. مو شغلي اذا طبختي او لا اذا بتطبخين اطبخي لنفسك انتي تعرفين اني م اكل شئ من يدك ! دلال وهي تتصنع الزعل : كل هذا على شانها ربي مو كاتب لكم تتمون مع بعضكم السالفه لها 3 سنوات م راح تنساها وبعدين انا زوجتك واولى بانك تفكر فيها وام عيالك مستقبلآ فيصل بغضب : انا ااقرف اذا جاء اصبعي على اصبعك اقرف من اسمك من صوتك شلون تبين تكونين ام عيالي وانا اقرف حتى اقرب منك ! اللي سويتيه ي دلال من 3 سنين م ينغفر !! م يغفره الا شئ واحد دلال : وهو ... ؟ فيصل : يرجع كل شئ مثل م كان دلال بغبآء : شلون م فهمت ! فيصل : ترجع ناديا زوجتي .. وتكونين انتي بنت خالتي لا اكثر و لا اقل وطبعآ هالشئ مستحيل دام ابوك للحين مصدق كذبك وافترائك علي !!!!!!! دلال تركته ودموعها تنزل مثل المطر زاد حقدها على ناديا اللي م رضت تفارقهم من يوم السالفه هي تحب فيصل من كل قلبها ! لكن مثل م قال فيصل اللي سوته مستحيل ينغفر ~ ناديا صحت الصباح على صوته ويده تهز كتفها بهدوء فتحت عينها وصحصحت شوي شوي خالد : صبآح الخير ناديا : صبآح النور خالد : يلا قومي ع شان تصلين ونفطر ونروح للبحرين ناديا وهي تشوف الساعه : لآآ خالد توونا بدري ّ!! خالد : انا لازم اكون هناك قبل اذان العصر ناديا : اي بس توونا الشمس للحين م طلعت حتى توه يقيم الفجر ! خالد : الطريق طويل وبعدين انا مو لحالي انتي بتكونين معاي يعني لازم القي شقه مآمن عليها ناديا : وليش شقه !! ناخذ لنا فندق خالد : الفنادق ماهي امان ! بدور على شقه نظيفه وتكون المنطقه اللي فيها امان ناديا بملل : خلاص اوكي قامت وخذت منشفه ولقنز كحلي وتيشيرت اسود ودخلت لدوره المياه " الله يكرمكم " توضت ولبست اللقنز والتيشيرت ولبست عليه فلآت سوداء ورفعت شعرها ذيل حصان حطت كحل خفيف وقلوس اكتفت بكذا ! وطلعت لغرفه الطعام ... ~ الهنوف كرهت دلال وخالتها مليون مره وحقدت على فيصل اخوها بعد اللي سواه بناديا وهي م تدرين ان فيصل كان مجبور .. حقدت على اخوها لانها حست انها بدآت تميل شوي شوي لفهد لحد يوم الزواج اللي صار فيه المشكله وفسخ الخطبه منها =(( كانت راحمه مره حال ناديا وحاولت تتصل فيها لكنها م كانت ترد عليها ~ منى بعد اللي صار بين ناديا وفيصل بسنه خذااها عبدالعزيز للبعثه معاه لـ ألمانيا طبعا سوو حفله بسيطه وهذا اللي ارضى فهد اللي كان رافض انه ياخذها وهم م سوو زواج او حفله عبدالعزيز حنون لدرجه م تتصور مع منى اللي تخجل منه احيانى بسبب حنانه عبد العزيز : تصصدقين منى .. كانت فيه بنت جيرانا اسمها نجلآ كنت بخطبها قبل م اخطبك كنت دايم اشوفها اذا طلعت من البيت الاقيها تناظرني من الشبآك منى رمت عليه المخده : روح تزوجها طيب !! عبدالعزيز : ههههه احب اللي يغارون !!! بس ترى البنت جد ححلوه منى اللي فعلآ عصب : قلت لك دامها عاجبتك روح تزوجها !! محد مانعك قامت تبي تدخل الغرفه بس عبد العزيز اسرع منها سحبها لعنده على الصوفا عبدالعزيز : آلآ فيه احد مانعني هو انتي .. مقدر افكر باي احد دامك جنبي منى وهي تضربه على كتفه : اجل لا تتكلم عنها =\ عبد العزيز : طيب عادي اتكلم عن سارا منى : اووووووف عبدالعزيز عبدالعزيز : ههههههههههه وش فيك سارا اختي مسرع نسيتي اساميهم منى : لآ تفكر تحاكيني عبدالعزيز وهو يضمها : م تقدرين منى : ابي انام بعد عني ~ نهايه البارت توقعاتكم .. | ||||
|
| |
|
29-12-12, 05:06 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| آلبآرت آلرآبع عشر _ 14 _ استعدت لرحلتهم مع بعض للبحرين وبععدها على الشرقيه اخذت اللبس اللي تحتاجه معاها وحطت لخالد الملآبس اللي هي شافتها مناسبه ويحتاجها لبست بنطلون جينز مع تيشيرت نيلي وشوز فلآت بآللون النيلي ربطت شعرها ذيل حصان ولفت الطرحه ولبست عبايتها ونقابها نزلت من الدرج وهي معها الشنط نزلتهم بصعوبه كبيره !! وصلت لسيآرآ وهي هلكآآآنه ركبت وانفاسها تتسارع لف عليها بكل برود .. خالد : وش فيك !! لآ يككون هونتي ع السفره ناديا : لآ م هونت ولو هونت م جيت ركبت معك ! بس شيله الشنط تعبتني شوي خالد : تتعودين عادي ناديا انقهرت منه ومن بروده : خالد خالد: هلا ناديا : ابي اروح عند اهلي بسلم عليهم قبل م اروح خالد : لا ناديا : ليش لسا معانا وقت من زمان م شفتهم بخآطري آشوفهم =(( خالد : قلت لك لا لا تجآدليني اذا رجعنا يمككن اوديك لهم بس م اوعدك قلت يمكن ناديآ ماتت قهر منه وش فيه آليوم علي تغير 180 درجه !! سكتت ودموعها على وشك تنزل لآكن كانت مآسكه نفسها ~ نرجع قبل 5 ساعات لما رجع للبيت خالد لقاها نايمه كان بيتصل على اهلها ويقول لهم انهم بيسافرون طبعآ م اتصل لان الوقت كان متآخر اكتفى برساله لفهد خبره فيها انهم رح يسافرون بعد 5 ثواني رد فهد على مسج خالد .. قال له فاضي ابي اتصل عليك اتصل خالد على فهد بدون م يرد على المسج خالد : آلوو فهد : آلو هلا خالد شلونك وشلون ناديآ خالد : الحمدلله بالف خير انت وشلون وشلون عمي وعمتي فهد : الحمدلله كلنا بخير الا ع وين مسافرين توكم راجعين من السفر خالد : عندي قضيه بالبحرين لازم اخلصها وقلت اخذ ناديا معاي نتمشى بعد م اخلص القضيه فهد : الله يعينك شغله المحامي ماهي سهله خالد : وش نسوي الله يككون بالعون بس واخذتهم السوالف وسالفه تسحب سالفه لين وصلو لموضوع فيصل ! فهد : انتبه منه تراه ماهو سهل لو شم خبر ان ناديا قريب منه ممكن م عاد تشوفها خالد : الدنيا فووضه ! وش بينه وبين ناديا على شان يسوي كل هذا فهد : فيصل كان متملك على ناديا كان يحبها وتحبه وبالزور طلقها خالد : ناديا كانت متملكه !!! وليش طلقها فهد وهو يحاول يرقع الموضوع : لان فيصل ماهو صاحي خالد : شلون مو صاحي ؟ فهد : يعني راعي مخدرات وبنات ! خالد : اعوذ بالله زين انكم فكيتوها منه !! فهد : على العموم حرص على ناديا م تطلع الا وانت معاها ولا تجيب لها اي موضوع عن فيصل سو روحك م تعرف خالد : ان شاء الله مشككور من غيرك م ادري وش كنت بسوي فهد : م سويت الا واجبي توصلون بالسلآمه .. خالد : الله يسلمك وسكر فهد تارك خالد بنار وده يذبح فيها فيصل .. بس طبعآ فهد م خبر خالد انو فيصل يسكن بالخبر مجرد قاله انه قريب منهم ~ بعد وقت طويل بالسيارا قربو يوصلون للدمام اللي من شافت ناديا البحر نطت من مكانها وحشها هالبحر اللي يمتد للخبر =(( وكملو الطريق لحد م دخلو للخبر وفتحت فيها ناديا الشبآك تناضر الشوارع وجمال هذي المدينه ناديا : خالد خالد : خير ناديا : طلبتك خالد : وش ععندك ناديا : ابي انزل عند كورنيش الخبر ! خالد : مو الحين اذا خلصت شغلي بالبحرين رجعنا للخبر وضلينا فيها الوقت اللي تبينه ناديآ : م ينفع الحين خالد : لآ .. ناديا : آوكي ننتظر =(( دخل لجسر البحرين وانضارها تتجه لشآطئ نصف القمر وهي تتذكر كلام فيصل لها من 3 سنين لما قال لها ان رح يآخذها للبحرين في اقرب فرصه =(( تمنت اللي جنبها م يكون خالد .. تمنته فيصل تنمته يوفي بوعده لها انه رح يوديها للبحرين ! بدآت دموعها تنهمر على خدها مثل المطر وهي تتذكر يوم زواجهم تتذكر اليوم اللي بتصير فيه مع حبيبها تذكرت اخر كلمه قاله لها .. انتي طالق =(( بدآت شهقاتها تتعالى واللي لآحظها خالد خالد بلهجه واضح عليه الخوف : ناديآ .. وش فيك ؟ ناديا : لا ولا شئ كمل الطريق تعبانه وابي ارتاح سكت لانه يعرف م رح يقدر يعرف ايش فيها وهم بالسيارا ~ دلآل اللي انجرت من فيصل كثير ! لكن جرحه منها كان اقوى واكبر اللي جرب ينحرم من حبيبه رح يعرف الجرح اللي جوآ فيصل قد ايش عمقه دلآل كانت تبكي كل يوم على حالها 3 سنين واحنا نمثل ع الناس اننا متهنين وهو اصلآ م قرب مني حتى ايدي م لمسها الا ااذا كان يبي يمد يده علي آبدآ حيآتنآ مو حيآه آزوآج ولو كآن حب من طرف واحد !! وهالناديآ .. 3 سنوات م قدر ينساهاا !! آبي آعرف ايش فيها زود عني ع شآن يكرهني كل هالكره ويعشقها كل هالعشق .. آمآ فيصل اللي اقسم انه م يقرب من وحده غير ناديا ولا يدخل احد قلبه بعد ناديا ضل محافظ على قسمه 3 سنوات .. ضل وفي لها 3 سنوات حبه لها م نقص آبد كان مشتاق لها مشتاق يشوف عيونها مشتاق يضمها مشتاق يسولف معاها =(( ~ الهنوف .. انخطبت اكثر من مره لكنها رفضت مازالت متمسكه ببصيص امل ان فهد يرجع لها مره ثانيه !! في البدآيه حست انه انجذاب لا اكثر لكن هالانجذآب تحول لتفكير وهالتفكير تحول لحب وهالحب صآر عشق !! حتى فهد م ننكر ان الهنوف اخذت جزى من تفكيره طوال هالسنوات !لكن كان يكذب على نفسه بانه مجرد اعجآب م وصل للحب ~ وصلو للبحرين اخذو لهم شقه مرتبه بعماره فخمه نوعآ مآ اخذ له دش وبدل ملآبسه لبس ثوب وشمآغ وتعطر التفت عليها لقاها جالسه على الفراش بعد م نزلت عبايتها طبعآ وخشمه كان احمر من البكي خالد : ترى م نسيت اليوم ايش سويتي ! ناديا بخوف : ايش سويت !! خاد بابتسامه : اللي سويته واحنا بالجسر فجآئه انفجرتي صيآح انا مضطر آطلع الحين قفلي ع نفسك ولا تفتحين لحد ولما ارجع اتفاهم معاك على اللي صار ناديا والحزن واضح على ملامحها : آن شآء الله متى بترجع ؟ خالد : ولله م اعرف يمكن على المغرب ناديا : اوكي وراحت وراه وقفلت الباب ورجعت ورمت نفسها ع الفراش ونامت ~ نهايه البارت توقعاككم نآديآ & خالد نآديآ & فيصل فيصل & دلآل الهنوف & فهد منى & عبدالعزيز | ||||
|
| |
|
29-12-12, 05:09 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البآرت الخآمس عشر _ 15 _ الساعه 11:30 ليلآ وتحديدآ بالبحرين .. دخل للشقه كانت ظلآم شغل الانوار يبحث عن ضجه ولو صغير ع شان يعرف وين مكانهاا دخل لغرفه النوم شافه غرقانه بنومها واثار البكي للحين بوجهها لحفها زين واخذ له بيجآمه ودخل لدوره المياه " الله يكرمكم " خذ له دش سريع وهو ميت تععب لانه ضغط على نفسه بانه يخلص كل عمله اليوم على شان يتمشى مع ناديا وفعلآ خلص كل شغغله بوقت قياسي بس باقي المحكمه وتحددت بعد 3 شهور وموكله متساهل مره معه ومتعاون جدآ طلعت من دوره المياه وتوجه للفراش وغط بسبات عميق ~ فيصل كان منسدح على الصوفا بغرفه النوم ومغمض عيونه ويغني بهمس م ينسمع ودلآل كانت جالسه ع الفراش تناضر بدون ملل مستحيل تمل من وجهه بعد فتره قطع عليهم الهدوء صوت جوال فيصل رد بدون تردد فيصل : هلا بالغاليه هلا بنضر عيني هلا بامي ام فيصل بصوت باكي : فيصل آلحقني ي يمه =(( فيصل قام من على الصوفا وقلبه يدق بكل سرعته : يمه انتي تبكين !! شفيه شصاير ! ام فيصل : ابوك طاح علينا تعال احنا بمستشفى آلـ ***** فيصل : يمه ابوي وش فيه م طلع لكم الدوكتور ؟ ام فيصل : صار لهم ساعه وهم بغرفه العمليات لحقني ي ولدي فيصل : خلآص خلاص انا جاي الحين سكر السماعات من امه وطيراان على غرفه الملابس لبس ثوب واخذ شماغه وعقاله وطلع بكل سرعته تارك دلال تصرخ وتنادي باسمه لانها خافت على شكله المرعوب لكن فيصل كان في حاله م يقدر يتناقش فيها مع اي احد ~ دلآل كانت بتموت من الخوف على فيصل كان شكله مرعوب جد وكله كوم وصرخته بالتلفون ككوم وبينها وبين نفسها : لا يكون ابوه فيه شئ او خالتي فيها شئ او يمكن الهنوف !! لالا ان شاءء الله م فيهم الا العافيه مو عشان شئ عشان فيصل لا اكثر ولا اقل .. خلني بكلم امي بعطيها نشره اخبار اليوم ~ في المستشفى كانت الهنوف تبكي دمم على ابوها م تعرف وش وضعه قاعده على نار وحاله امها مو احسن منها وابو فيصل فجآه طاح عليهم واتصلو على السواق وراحو للمستشفى في وسط االدموع والصياح وصل لعندهم فيصل وانفاسه تتسارع : هاه بشروني م طلع الدوكتور الهنوف زاد صيآحها اما ام فيصل توجهت له وصوتها رايح من البكي : لا ي يمه للحين م طلع ولله خايفه على ابوك فيصل : ان شاء الله ما فيه الا كل خير آلآ هو شلون طاح ام فيصل خبرته كل شئ فيصل : الله يعين ويقومه لنا بالسلامه ام فيصل + الهنوف : آمــــين بعد لحظآت .. طلع الدوكتور توجهو له بكل سرعتهم ومشاعره يكتسيها الخوف فيصل :هاه طمني ي دوكتور الدوكتور ( مصري ) : حضرتك ابنه فيصل : اي انا ولده الدوكتور يهز راسه باسآ : آلبقيه بحياتك في هذي اللحظه ام فيصل جلست على الارض وصرخت صرآخ توقعو الكل انها ماتت بعد هالصراخ بكت بكل م فيها والهنوف م كانت احسن من امها جلست عن امها وكملت الصياح معاها اما فيصل دمعت عينه ومسك حاله يكفي منظر امه واخته م يبي يزيد عليهم بالعكس يبي يمدهم بالقووه فيصل وهو يشيل امه : انا لله وانا اليه راجعون الله يرحمه برحمته ويسكنه الفردوس الاعلى قومي يمه م راح ينفع الصياح م يبي غير الدعاء امه وهي تستند على يده : راح الغالي راح ابوك ي فيصل الهنوف بصوتها الباكي : يمه فيصل معاه حق احنا م لازم نبكي لازم ندعي له اذا نحبه جد الله يرحمه =(( وصل خبر وفاته لكل العائله طبعآ ابو فهد نفسيته تاثرت وصارت بمعنى الكلمه زفت !ّ! اما فهد ولا كان عمه ميت هو زعل من داخله لكن م بين لآحد ابد م كان قدام الناس زعلان ولا كان فرحان كانت ملامحه يكتسيها الجمود ! راحو كلهم للخُبر يوقفون بعزا عمهم الا ناديا الوحيده اللي م عرفت بالموضوع ابو فهد : فهد ي ولدي اتصل على ناديا خلها تحضر عزا عمها فهد : لا ولله م رح اتصل لين يخلص العزا م ابيه تجي وتشوف هالكلب هنا ابو فهد بغضب : هذا عزا عمها ولازم توقف فيه .. ناصر اتصل عليها وقلها تجي باقرب وقت ناصر : على امرك يبآ قام ناصر من المجلس واتصل على ناديا وخبرها انهارت اكيد وحلفت انه م تغرب الشمس الا وهي ببيت عمها خبرت خالد وم ترد على طول قالها تلم اغراضه واغراضها ويروحون للخبر القريبه جدآ جدآ من البحرين لمت اغراضه بكل سرعه وطلعت معاه وصلو لبيت عمهم .. جت بتنزل لكن وقفها صوت خالد .. : خذي شنطتك اما شنطتي خليهااا تبين تباتين عند اهلك ناديا : اي ابي انام عندهم خالد : طيب انزلي وبكرآ انا بجي اعزيهم بعمك برجع للبحرين لاني امس خلصت شغلي بعشوائيه واليوم برتب كل شئ ناديا : مشكوور خالد تروح وترد بالسلآمه خالد بابتسامه : العفو الله يسلمك يلآ الحين انزلي خذت شنطتها ووقفت قدام الباب ضربت الجرس ردت عليها الخدامه نورما : ممين ناديا : انا ناديا افتحي لفت علي خالد واشرت له بمعنى روح وحرك سيارته وراح انتظرت ينفتح لها الباب كانت الشغاله نورما طالعه للمزرعه تبي تفتح الباب لكن فيصل وقفها فيصل : على وين نوورما : مدام ناديا برآ فيصل بقق عيونه : مين!! نورما : مدام ناديا هيا كلام افتح انا ناديا فيصل : خلاص ادخلي انا افتح نورما : اوكي ودخلت راح فيصل وخطواته تتسارع بشكل كبير م هو مصدق فتح الباب والتقت عيونهم ببعض حست انها انشلت عن الحركه حست انها انقلبت صنم واقفه بمكانها بس تبي تناضر عيونه فيصل م كان احسن م نناديا اللي تشبثت عينه بعينها اشتاق لعيونها فيصل : ناديا !! خفق قلبها بطريقه اكبر بصوت متقطع : عظم الله اجرك وسحبت شنطتها ودخلت بكل سرعتها وعينها ملايانه دموع نهايه البارت تووقعاتكم | ||||
|
| |
|
29-12-12, 05:11 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البآرت السآدس عشر _ 16 _ سحبت شنطتها وعينها غرقانه بالدموع دخلت للبيت ولمحتها الهنوف اللي م ترددت في انها تسلم عليها تسلم على صاحبه عمرها اللي فرقهم مشاكل عائلتهم .. ركضت لعندها ولمتها وبادلتها ناديا الحضن نفسه وحشتها 3 سنوات .. راحت لها الجوري وام فهد وسلمو عليها سـلآم حار وراحت عند ام فيصل وحبت راسها وايدها وواستها .. الجوري .. : ناديا بتنامين هنا ! ناديا : آي هاليومين بس بايام العزااء الهنوف : زين نودي تعالي معاي فوق بدلي ملابسك وارتاحي قآمت معاها ناديا وراحت للغرفه ورتبت ملابسها وخذت لها دوش سريع ولبست بيجامه وخذت شرشف الصلآه ونزلت تحت دخلت بالصاله وخذتهم السوالف مع بعضهم الهنوف : ناديا تعالي نروح للمطبخ نسوي لنا شئ ناكله ناديا : يلآ قمنا .. راححو للمطبخ وخذولهم اكل خفيف وجلسو على الكراسي بالمطبخ وكانت موجوده الشغاله نورما .. توجهت لندايآ نورما : مدام ناديآ انتا ليش من زمان ما يجي كم سنه ما يجي هنا بابا فيصل واجد زعلان عشان انتا روح ناديا اسكتت ونزلت راسها بالارض وعينها امتلت دموع الهنوف : نورما روحي شوفي شغلك .. ما لك دخل بهالامور ناديا بصوت متقطع : خلينا نطلع للمزرعه ابي اشم هواء الهنوف بقله حيله : يـلآ امشي لفت شرشف الصلآه على روحها وطلعت مه الهنوف جلسو بالمزرعه ~ فهد حلف انه م يجلس ببيت موجود فيه فيصل وحلف على ابوه واخوه ناصر م ينامون في بيت عمهم استأجرو لهم شقه وكانو بيآخذون ام فهد والجوري لكن ام فهد اصرت انها تبقى مع ام فيصل .. ~ فيصل كان متضايق ححيل على ابوه ومتضايق على اللي صار اليوم لما التقت عينه بعينها حس كل جروحه انفتحت بشكل اكبر .. مازال يحبها !! ولآخر نفس بععمره راح لبيته بعد م اتصل على دلال وقالها تتجهز بيوديها لبيت اهلها لانه بيبقى ببيت ابوه وداها لبيت اهلها ورجع لبيت اهله وهو داخل سمع صوت وقفه شله عن الحركه رفع عينه ضل يناضرها لمده طويله حتى انتبهت عليه الهنوف تقدم لهم قامت ناديا على طول لاكن وقفها صوته فيصل : ناديا ناديا : ......... فيصل : الهنوف تركينا لحالنا شوي دخلت الهنوف وهي خايفه على ناديا لا يقولها كلام يجرحها فيه .. ناديا : نععم وش تبي !! فيصل : اسمعيني ي ناديا ناديا : م فيه كلام ينسمع بعد اللي سويته وان م آحل لك انا على ذمه واحد ثاني فيصل بصدمه : تزوجتي ي ناديا !!! ناديا : اي تزوجت من واحد يحبني ومستحيل يتركني ويخاف علي فيصل : من اللي تزوجتيه ناديا : م يخصك لو كنت محسوب علي تعالي تكلم اما الان لو انتحر ما ابيك حتى تسال فيصل : انا م يخصني ! انا ي ناديا الحين صرت ماني محسوب عليك !!! انا ي ناديا !!!!!!!!! ناديا : اي انت انت اللي تركتني بيوم زواجنا انت اللي تزوجت من بنت خالتك بعد اسبوع من طلاقنا ! فيصل : اسمعيني وبتعرفين السالفه انا م تركتك لاني م احبك بالعكس انا م تخليت عن حبك يوم واحد ناديا : ما ابي اسمع شئ ما عاد اصدقك .. الثقه اذا راحت صعبه ححيل ترد مره ثانيه فيصل : صعبه لكنها مو مستحيله ارجوك خليني ابرر موقفي ناديا : ما ابي اسمع منك شئ يكفي اللي صار منك على الاقل خلي لك ذكرى بسيطه بقلبي دخلت تاركته في غضب كبير توجهت لغرفتها على طول ممن غيرم تكلم احد وقفلت على روحها ونامت .. ~~ بعد مرور ايام العزاء رجعو اهل ناديا للرياض اما ناديا للآن موجده ببيت عمها خالد اتصل ع ناديا : انا وصلت للخُبر جهزي حالك ناديا : لآ خالد خلني يومين بعد ! خالد : لآ ما فيه خلصت ايام العزاء نص ساعه والقاك برا ناديا : ما ابي مقدر اخي بنت عمي بهالوضع خالد : ماشي انا جاي لبيت عمك سكر بوجهها وكمل بسرعه هائله لين وصل لبيت عمها دق الجرس وفتح له فيصل خالد : السلآم عليكم فيصل : وعليكم السلام .. امر بغيت شئ خالد : ابي زوجتي فيصل :م عندنا احد متزوج بهالبيت !!!!! خالد : زوجتي عنك ناديا !! فيصل رفع حاجبه : انت زوج ناديا !! خالد : اي ولو سمحت نادها ابي اكلمها فيصل دخل وقال للهنوف تقول حق ناديا ان خالد يبيها بالمزرعه طلعت له ناديا وهي لافه شرشف صلآه ناديا : ههلا خالد : لآ هلا ولا مرحبااا قدامي يلآ ع السيارا ناديا : لآ خالد م ابي ابي اضل كم يوم خالد بصرأأخ : قلت لك امشي ناديآ بعناد : قلت لك لآآ ضربها كف طيحها على الارض وسطت ترقب من فيصل اللي م تحمل من لما مد يده على ناديا وراح متوجه لهم وكله غضب ...... ضربها كف طيحها على الارض وسطت ترقب من فيصل اللي م تحمل من لما مد يده على ناديا وراح متوجه لهم وكله غضب .... ؛! فيصل : تمد يدك عليها مره ثانيه وربي لكسرها لك !! خالد : ومن انت على شان تكسر يدي فيصل : انا اللي بيربيك الحين وهجم عليه وصارو يتبادلون الضرب .. وسط صرآخ ناديا ودموعها واخيرآ وقفت بينهم وهدوآلآثنين خالد : اللي تدافع عنها ذي زوجتي واعتقد انك منت محرم لهــآ !! على شآن توقف بيننا فيصل : بنت عمي واوقف باللي يمس شعره منها فاهم خالد : ناديا اقصري الشر وامشي معاي الان ناديا م كانت تبي تسبب مشاكل اكثر .. : طيب فيصل : لا ولله م رح تطلعين من هالبيت بعد اللي سواه .. والحين يا استاذ بتطلقها خالد : طلآق م رح اطلق وناديا بتمشي معاي الحين فيصل حط ناديا وراء ظهره .. : ما رح تروح معك لمحل .. ويلآ ي ناديا روحي ادخلي جوآآ . ناديا : راحت بخطوات متسارعه وسط صراخ خالد يأمرها انها ترجع فيصل : لآ تصرخ ولا تتعب نفسك شفت ان البنت م تبيك خالد : تبي او لآ هذا شئ م يخصك وناديا الحين بتطلع فيصل : يلآ طلعها .. فيك خير ادخل بيتي اتوقع هذي يُعاقب عليها القانون تدخل بيت ناس وتتهجم على اللي فيه خالد : مو انت اللي تعلمني بالقانون فــآهم وناديآ بآخذها بالقانون ي الفاهم طلع من البيت وقلبه بينفجر من الغضب !! اماا فيصل كان ما بين نار الغضب والسعاده انو ناديآ عندهم وللحين عنده امل بانها تكون له .. اما ناديآ فدخلت لغرفتها ودموعها ما وقفت من البكي !! ما تبي خالد بس مو بهالطريقه !! مهماا كان م شافت منه الا كل خير وم تبي تجرحه باي شكل ~~ مٌنى .. عرفت بموت عمها وحزنت كثير ومع كل هالحزن كانت نوامه بشكل ماهو طبيعي عبدالعزيز كان واقف معاها وحريص على ان وضعها م يتآزم اكثر وكان معاها خير معين , منى كانت حرارتها مرتفعه وكانت تنام وتصحى بطنها كان يآلمها وتستفرغ من اي شئ .. في عز نومها تقوم ركض للحمام " اكرمكم الله " راح وراها عبدالعزيز اللي كان خآيف عليها من موت عمها وحالتها من سيئ الى اسوآ .. عبدالعزيز : منى البسي عباتك لازم روح المستشفى الوضع م ينسكت عليه !! منى خذت عبايتها ونزلت معاها بدون م تعارضه لانها كانت بجدد تعبانه في احد المستشفيات الامانيه .. و بعد نص ساعه من اجرآ كل التحاليل .. الدوكتوره .. : هـل انت زوجها .. ( اذا تكلمت بالفصحى يعني اتكلم انقلش ) عبدالعزيز : نعم ما بيها .؟ الدوكتوره : الحراره سببها بروده الاجواء .. اما الاستفراغ فإن سببه الحمل .. عبدالعزيز : حآمل !! بـآي شهر ؟ الدوكتوره : بالشهر الثاني .. اعتني بها جيدآ .. عبدالعزيز الفرحه ماهي سايعته راح على طول متوجه لعند منى وضمها بكل ما فيه منى : خير عبدالعزيز انا ايش فيني ؟ عبدالعزيز : انتي حامل !! بيصير عندنا بيبي لازم اخبر اهلي واهلك منى بفرح : الحمدلله =)) لالا مو الحين خلها بعد فتره عبدالعزيز م ناقشها من الفرح اللي يغمره باللحظه .. اخذها ورجعو لشقتهم .. ~ بعد 3 اسابيع من اللي صار بين خالد وفيصل .. كلم فيصل ناديآ انه بيرفع قضيه طلاق لها وبعد محآولات اقناع وافقت لانها كانت تبي الطلاق لكن ما تبيه بالمحاكم او بالهواش والطق ! ى شآن ناديآ م تتذى طبعآ خالد م خبر لآ فهد ولا ابوه .. عل بيوم من آلآيآم .. وتحديدآ آلسآعه 9 بالليل في فلتهم الضخمه .. رن موبايل فيصل واول م شاف الرقم كشر !!! .. فيصل : آلو دلال : هلا فصصولي متى ترد تاخذني صآر لآبوك شهر من توفى وانت تاركني ولا سالت عني !! فيصل : مشغول !! دلال : مشغول بإيش .. فيصل : عندنا ضيوف دلال : ضيوف !! بس كلمت عمتي اكثر من مره م قالت لي ان عندها ضيوف فيصل : عندنا ناديآ !! دلال بغضب كبير : ناديوه عندكم وانت وش لك فيها تاركني انا زوجتك ورايح تراكض وراها فيصل بغضب اكبر : اسمها ناديآ .. مو ناديوه !! وانتي زوجتي على الورق يعني لو جبتك بالبيت م رح يتغير شئ .. وسكر بوجهها من غير م يعطيها فرصه انها تتكلم بعد 10 دقايق ... دق الباب توجهت له نورما كالعاده .. رجعت نورما لفيصل نورما : بآبآ .. في رجال يبي انتآ فيصل : مين َ؟ نورما : م فيه معلوم !! فيصل : طيب .. قام متوجه للباب .. ~ ناديآ وهي تسولف مع الهنوف ناديآ : وبس .. هذي سالفتي معاه انا م احبها ولا حبيته بيوم لكنه هو يحبني وحرام اجرحه وانا جربت انجرح من شخص احبه .. ولا ابي غيري يجرب هالاحساس .. الهنوف : يعني انتي مجبوره على خالد من ابوك ناديا : آي ="( الهنوف : الله يسامحك ي عمي .. طيب م تحددت المحكمه .؟ ناديآ : آلآ بعد شهر من الان ! الهنوف : الله يعينك .. وصدقيني فيصل للحين يحبك ويموت فيك ولو م يحبك م سوى كذا على اتفه موضوع يبي يطلقك من خالد ناديآ : بس اللي سواه م ينغفر ! =(( خلآ الناس تحكي عني وعن شرفي كانو يقولون طلقها بيوم زواجها اكيد فيها شئ !! الهنوف بقله حيله : آنآ اسفه ي ناديا ولله حاولت اصلح الموضوع لكن م قدرت وزعلت من فيصل لمده طويله م حاكيته ادري انك زعلانه مني ولا طايقه تشوفيني لكن م بيدي شئ ناديآ : لا تقولين كذا .. عمر م زعلت منك انتي رفيقه عمري .. واللي سواه فيصل انتي م كان لك ذنب فيه !! .. الهنوف وهي تضمها :آلله يخليلي آيآك .. ~ فيصل توجه للباب .. واول م طلع استغرب م كان متوقع انه بيجي وتحديدآ بهالوقت .. فيصل : نعم وش بغيت .. خالد : ابي اكلم ناديآ كلمتين فيصل : لآ بعد اللي سويته مستحيل تشوفها خالد : قلت لك كلمتين وهالكلمتين رح تكون قدامك .. فيصل استغرب من طريقته وراح ينادي ناديآ .. لفت شرشف الصلآه ونزلت تحت ,, خالد : ناديآ قولي لي ايه ولا لا .. انتي تبيني . ؟ ناديآ : خالد انا .. قطعها : قلت لك قولي ايه او لا بدون تبرير ناديآ وعينها امتلت بالدموع : لآ .. خالد : آنتي مجبوره علي ؟ ناديآ : آي خالد : طيب لك اللي تبينه .. لكن صدقيني حبيتك بكل م فيني .. قرب من عندها وضمها بكل قوته .. وسط نيران الغيره من فيصل بعد عنها .. خالد : انتي طآلق .. وبكرآ ورقتك بتوصلك .. ناديآ .. عرفت انها اجرحته وكانت تبكي بدال الدموع دم .. مو على شان طلاقها على شانها تسببت في جرح لآنسان يحبها .. اما فيصل فكانت الدنيآ م هي سايعته .. من الفرحه وخالد اللي طلع وهو زعلان لكن عرف ان اللي سواه صح ... ~ دلال انجنت من لما عرفت ان ناديا موجوده عندهم .. خبرت امها ولازالت تتحلف فيها .. غضب كبير تملكها وعلى طول لبست عبايتها وطلعت مع السواق متوجه لبيت ابو فيصل .... نهايه البارت .. توقعاتكم | ||||
|
| |
|
10-01-13, 02:46 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| آلبارت السابع عشر _ 17 _ ناديآ قفلت على نفسها الباب وارتمت على السرير وضلت تبكي .. م تبي يصير كذآ م حبته لكن كانت تقدر تكمل حيآتهآ معااه !! تحس بنار حسره مشتعله بصدرها كانت ما تبي هالشئ يصير على شآن م تحس انها صارت لعبه عند فيصصل يوم يبيها ويوم رآميه !! .. دموعها تسيل مثل الشلآل على خدها لكن سرعان م جفت دموعها وملامحها اكتساها الخوف !! صرخت بصوت خايف ... : فــــــــــــــــــهد !!! جلست على الصوفآ وهي ترجف من الخوف وبينها وبين حالها : لو عرف اني تطلقت من خالد بسبب فيصل وش بيسوي وش بيسوي بفيصل .. آنــــآ لآزم آحل الموضوع ولا يقرب فهد من فيصل !!!!! ~ دخلت للبيت بصرآخ يفجر الاذن !! دلال : وينها اللي تبي تآخذ مني زوجي الهنوف بحقد : مو آلاول يكون لك بعد يسرقونه منك ! دلال : انتي انكتمي ولا اسمع حسك آيه اكيد بتدافعين عن بنت عمك اللي م يندرا وش مسويه على شان فيصل يطلقها بيوم زواجهم الهنوف : بلآش تمثيل مو علي انا حركاتك .. فيصل قالي كل شئ دلال بخوف : وش قالك !! الهنوف : قالي سبب زواجه منك وسبب طلاقه لناديآ وانكم زوجين على الورق ! دلال حست انو انكب عليها مويه بارده : وين فيصل الهنوف : تعتقدين اني كنت بسامحه على اللي سواه ببنت عمي انا ما سامحته الا لما اعترف لي على كل شئ دلال بجمود : وين فيصل !!! الهنوف تبي تقهرها : عند ناديآ دلال فاضت غضب وطلعت بسرعه متوجه لغرفه فيصل لقتها فاضيه توجهت لغرفه الهنوف ولقتها فاضيه وفتحت غرفه لاكنها كانت مقفله وعرفت ان ناديآ وفيصل موجودين فيها صارت تطق الباب بجنون وبقوه كبيره فتحت ناديا بهلع ما استوعبت ملامح اللي قدامه الا وهي بالارض من الكف نزلت عليها دلال ضرب وفي هذي اللحظه كان فيصل يتحمم الهنوف راحت ركض لما سمعت صوت صراخ ناديآ حاولت تسحب دلال لاكنها م قدرت على طول توجهت للحمام " اكرمكم الله " طقت عليه بقوه لبست فيصل ملابسه بشكل سريع طلع للهنوف الهنوف بخوف : فيصل لحق على ناديا دلال جت وصارت تضربها البنت بتموت من الطق راح يركض لمكان الصراخ كانت ام فيصل بينهم وتحاول تسحب دلال لكنها ما قدرت جاء فيصل وسحب دلال من ذراعها ومن غير م يتكلم او يعطي دلال فرصه انها تتكلم عطاها كف ترك علامه كبيره بخده ومسكها من شعرها وبصراخ يوقف القلب فيصل : من انتي على شان تتجرئين على البيت باللي فيه دلال بين دموعها : هي جايه مو على شان عمي جايه على شانك !! تبي تاخذك مني فيصل بنظره قرف : اعتذري لها دلال : نعم !!! فيصل : اعتذري لها لا ورب البيت ترجعين لبيت اهلك للآبد !! دلال خافت من تهديده وبصعوبه انطقتها : آنا اسسفه ! ناديآ اللي جآلسه بالارض وجنبها الهنوف وشعرها محوس وعلى رقبتها اثار الضرب ناديآ : الله لا يسامحك لآ دنيا ولا اخره !! < دخلت للغرفه ودخلت وراها الهنوف وام فيصل ~ خالد حط رآسه على الداريكسون وكله حزن وتفكير بنآديآ !! قاطع عليه كل هذا صوت جوآله رفع الجوال وكان المتصل فهد !!!! .. خالد : لا يكون عرف !! اكيد بيزعل مني !!!!!! خالد : آلو فهد : هلا خالد خالد : هلا فيك فهد : شلونك وشلون نآديآ خالد بقمه استغرابه ( آكيد م عرف ): آنـــــآ بخير بس ناديآ .. فهد بخوف : وش فيها ناديا صآير لها شئ خالد : لا هي بخير .. احنا تطلقنا فهد بغضب : ايش طلقتها !!!!!!!! وينها الحين خالد : ببيت عمك فهد : عند فيصل ! خالد : مين فيصل فهد : ولد عمها .. لو انك تبي تطلقها كان جبتها عندنا وطلقتها ليش تخليها عنده ولله لو صار اللي ببالي لا تلوم الا نفسك خالد بغضب اكبر : اقول لا تهددني شوف ولد عمك وش سوا هو اللي تسبب بطلاقي من ناديآ وقفل الخط بوجه فهد اللي تحلف بفيصل وبناديآ .. هذا جزء من البارت السابع عشر ادري انه قصير .. لكن انا حبيت اعمل لكم مفاجآه وانزل بارت ولو قصير وان شاء الله السبت بارت طويل جدآ | ||||
|
| |
|
11-01-13, 07:11 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع عشر .. الفصل الثاني .. _17 _ دخلت للغرفه ومسحت دموعها م تبي تضعف قدام مرت عمها وبنت عمها !! ام فيصل تقدمت لها وضمتها وبصوت حاني : م عليه ي يمه فيصل بيخذ لك حقك ودلال اللي سوته غلط والغلط راكبها من ساسها لراسها انا هالوقت اضعف من اي وقت مر عمك م صار له شهر من توفى وانتي توك تطلقتي م يصير تطلعين لفيصل او تكلمينه او اي احد مو محرم لك انتي بعده م يجوز ي بنتي هزت براسها ودموعها بعيونها .. الهنوف بحزن : ولله م رح اسكت لها واخذ لك حقك ام فيصل : يلا اطلعي ي الهنوف خلي ناديآ ترتاح الهنوف : لا انا بنام عندها اليوم ناديا ابتسمت بصعوبه للهنوف ام فيصل : ماشي لكن لا تسهرينها الهنوف : تآمرين امر يلآ وانتي بعد روحي ارتاحي راحت ام فيصل لغرفته .. توجهت ناديآ لباب الغرفه لكن وقفت بوجهها الهنوف الهنوف : على وين ناديآ : ما ابي اضل بالغرفه ابي انزل للصاله الهنوف : نروح انا وانتي ناديآ : اوكي يلا اخذت شرشف صلاتها ونزلت مع الهنوف للصاله ~ فهد سكر السماعه من خالد وهو يشتعل نيران من فيصل توجه على طول لآبوه فهد : قاله كل السالف ابو فهد امتلآ بالغضب : اتصل على ناديآ الحين فهد م تردد واتصل على جوال ناديآ اللي كانت تاركته فوق وهي نزلت بالصاله فهد : يبآآ م ترد ابو فهد : اي اكيد م رح ترد بعد اللي سوته .. اسمعني من بكرآ تروح للخبر تسحبها من شعره لهنا فهد بابتسامه فرح : على امرك فيصل سحب دلال لغرفته وصار يصرخ عليها ويمد يده عليها صارت تبكي بدآل الدموع دمم فجآء فيصل وقف عن ضربها وبينه وبين نفسه ( هذا مو انا مو فيصل اللي قلبه قاسي ! ) جلست على الارض وهي تبكي بشده نزل مستواها وضمها بقوووه .. وهمس بأذنها : انا اسف ! دلال توقفت دموعها وصار بعالم ثاني فرحت بشده لانه ضمها اول مره يقرب منها ويقول لها كلمه تطيب خاطرها .. فكها وطلع وهو يقول بينه وبين نفسه ( مو حب مجرد شفقه ان شاء الله م اشفق عليها مره ثانيه وتتعلق فيني اكثر ! وتحسبني حبيتها !! م بعد ناديأ حُب !!! ) مر من الصاله وسمع صوت بكائها اللي اثر بقلبه زيآآآآآده .. ~ ناديآ : ماسكه نفسي قدام خالتي م ابي اضعف قدامها يكفيها اللي فيها بس اللي صار شئ يقهر ولا احد يرضى بهالشئ الهنوف : م عليه فيصل بياخذلك حقك وانا باخذه لك لا تضايقين عمرك ناديآ ضحكت باستهزاء : فيصل بيآخذ حقي !! انتي عن ايش تتكلمين وعن مين اصلآ تتكلمين فيصل اللي كنت اعرفه قبل 3 سنوات تبخر الحب اللي كان يحبني اياه رآح مع الهواء هذا اللي بياخذ حقي لو يبي ياخذ حقي كان خذاه من الناس اللي تكلمت عني وعن شرفي كان م خلاني اوطي راس اهلي كان م عيشني باقسى تجربه بحياتي .. رب العالمين م رح ينساني ! هو اللي بياخذ لي حقي ولا يجي فيصل ويزيد علي بعد اللي صار اليوم مع خالد ومع دلال .. خليني سآكته بس !! الهنوف سكتت م تدري وش تقول .. لكن تكلم صوت فيصل الرجولي : خذيت لك حقك ي ناديآ وروحي شوفيه بعينك وانا فيصل نفسه اللي قبل 3 سنوات وحبي لك باقي بقلبي م نقص ابدددد ومو بس انتي عشتي اقسى تجربه حتى انا عشت نفس هالتجربه منك !! كان غصب عني اللي سويته قبل 3 سنوات على شانك وعلى شاني وعلى ابوي ! لو عرفتي السبب كان عذرتيني ولا شلتي بقلبك علي .. وبتعرفين الحقيقه عن قريب مشى متوجه للمزرعه تارك ناديا في نهر جديد من الدموع .......... منى كانت تناضر لبطنها م كان منفوخ ابد لكن كانت تحاول تشوف ملامح ابنها او بنتها او مجرد انها تحس بوجوده هذا يكفيها حطت يدها على بطنها وابتسمت بسعاده وبهاللحظه دخل عبدالعزيز وابتسمع على منظرها قرب منها وطبع قبله حانيه على خدها عبدالعزيز : للحين م خبرتي اهلك ..؟ مُنى : لا بخبر ناديآ وهي تخبرهم عبد العزيز : لآ خبر امك اول لازم تعرف منك مٌنى : من عيوني ( واشرت على عينها ) عبدالعزيز : تسلم عيونك ي بعد هلي =)) ........... قصه جديده تُضاف لروايتي .. عبير ذات الـ 21 سنه من اب سعودي وام روسيه عينها الخضراء .. ورموشها الكثيفه وبياضها الناصع وعينها الكبيره وفمها الصغير .. كانت فتنه .. امها وابوها متوفيين .. واخوها عبدالكريم يدرس في ايطآليآ هما وحيدين ابويهم زوج عبير فِـــراآس من ام واب سعوديين عينها العسليه كبيره جدآ بشرته مو سمراء ولا بيضاء عاديه خشمه جميل وفمه اجمل له سكسوكه .. بآختصار هو التالي فتنه =)) كانو يتمشون بشوارع دُبي فراس اخذ عبير العنيده بحجه العمل بمعنى اخر خذاها بالغصب .. وهم يتمشون بشوارع دبي مسكها من يدها وصار يمشي معاها لكن سحبت يدها منه بقوه عبير : تدري اني اكرهك ولا اطيقك تلمسني فلآ تحاول تقرب مني مره ثانيه فراس قرب وجهه من وجهها : لو فهمتي الموضوع م رح تلوميني صار لنا 6 شهور متزوجين وحياتنا جحيم من بعد شهر العسل عبير : مو من بعد شهر العسل من بعد اللي سويته .. شففتك بعيوني محد قالي .. محد لي بعد اخوي عبدالكريم وما ابي ازعجه بوقت دراسته م ادري شلون انعميت على قلبي وحبيتك ووافقت عليك !!!! فراس ضغط على يدها ثمني كلامك لا اربيك قدام العالم وسحبها وصارت تمشي وراه وهي ودها تذبحه من اللي سوااه نهايه البارت توقعاتكم | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
