[ عِفُـتّ طَـآريه ] روآيـه كويتيه وآقعيـة < عجييبـه ! مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية [ عِفُـتّ طَـآريه ] روآيـه كويتيه وآقعيـة < عجييبـه ! قراء ممتعة لكم جميعاً.........

[لامارا]

السلام عليكم ورحمة الله وبركاته

[ عفت طاريه ]
" بصراحه القصه مو انا الي كاتبتها بس آخر القصة انشالله اقولكم منو كاتبها !
واتمنى محد ينقلها لين اخلصها عشان يكتب اسم الكاتب وما ينظلم الي كتبها ومايروح تعب الي كتبها ! "

:::::::::::::::::::::::::::::::::::::::


(( وهذي كلمت الكاتب .. ))

بسم الله الرحمن الرحيم
القصة الي برويها لكم قصة واقعية, والاحداث الي فيها اغلبها حقيقة والباقي من وحي الخيال .

[لامارا]

البارت الاول

انا حبيت انقل لكم قصتي للأستفاده منها ، وعشان اوجه نصيحه لكل العشاق المجبلين على الحب ..
ام فهد ( حصه ، اهي ام بطلتنا بالقصه عمرها 45 بيضه طويله ، ممملوحه شخصيتها قوية لكنها ضعيفة جدام عيالها وماتقدر ترد لهم طلب ، وراح تتعرفون عليها اكثر من خلال القصة ) : حور يما حور قوومي وراج دووام .
حور ( تتثاوب ) : انشالله يما يالله بقووم .
ام فهد : يالله انا بقعد حسين وبنطرج تحت .
( طلعت ام فهد وقامت حور دخلت الحمام تغسل وتنزل )
على طاولة الاكل قاعدين فهد وحسين وام فهد ..
اولا فهد ( عمره 27 طوله متوسط ابيض على امه ، جسمه زين مملوح ويشابه امه واايد ، شخصيته ثقيل ومحترم ويساعد ابوه بالشركه )
ثانيا حسين ( عمره 17 سنه جسمه رياضي حنطاوي يدرس بأخر سنه بالثانوية ، فاصل حبوب وواايد متعلق بحور ومايرضى عليها )
( حور تنزل على الدريّ[ السلم ] لابسه سكيني اسود وبلوزه سوده سادية ولامه شعرها )
ام فهد ( تطالع حور ) : ليش يايمه جذي ؟
حور ( تقعد عى الطاولة ومسغربه ) : شفيج يما ؟
ام فهد : مو قلتلج لبسي شي حلو وشعرج فليه وحطي لو شوي مكياج .
فهد ( يطالع امه ) : يما شتبي بهالخرابيط لمن تتزوج تسوي الي تبيه ؟
حسين ( يتحجى بصوت وااطي ) : هذا ويهي اذا تزوجت
حور : حسينو ؟
حسين : هلا ؟
حور : جب .
( شوي وقاموا كل وااحد لدوامه ، وحور بسيارتها – طوارق – تسمع اغنية اصاله خذني لك وتفكر بالشخص الي مافي يوم غاب عن عينها ولا تفكيرها ، الشخص الي تمنت بس منه ابتسامه ، الشخص الي رفضت الريايل عشاانه )

بمصافط كلية الهندسه
( حور تصفط سيارتها ولمحت واهيا تصفط نااصر ، .. ناصر الي سرق قلبها ولا رده لها .. ، حور قامت تيي صوبه )
حور : صباح الخير .
ناصر : صباح الخيرات
حور ( مبتسمه ) : شلونك ؟
ناصر ( لف ويها ومشى ) : بخير
( حزت حركة ناصر بخاطرها ، ووقفت شوي بمكانها وبعيدن تحركت راحت للوبي الكلية )
ماعرفناكم بحور وناصر
حور ( بيضه طويله على امها حلو وااايد وابتسامتها ساحره واحلى مافيها عيونها ورموشها كثاف وحلوين عمره 19 سنه بكلية الهندسه سنه ثانيه ، ساكنه الشاميه ، بس مشكلتها ماتهتم لنفسها لا باللبس ولا الشعر ولا شي )
ناصر ( عمره 21 سنه حنطاوي ، بسنه ثالثه هندسه فتنس عيونه زرق ومملوح وامه اسبانيا ، ثقيل شوي )

- بلوبي الكلية -
حور ( تحط كتبها بحركة سريعه ) : قوووه
مريم ( رفيجه حور ومن عمرها طولها زين سمره شوي طيبة وتحب حور وسنه ثانيه ) : ويعه شفيج ؟
حور ( معصبه ) : مافيني شي . بس الغبي خرب موودي من الصبح .
ناصر ( وقف جدامها ) : منو لي خرب موودج اخت حور ؟؟
حور ( وقفت جدامه و ارتبكت ) : هاا لا ماكو شي بس اكو وااحد ماخلاني اسفط يالله بالغصب .
ناصر : اها اوكيه اذا كلمج مرة ثانية قوليلي ( وخلها وراح )
حور ( تحاجي مريم ): شفتيه ايينن فديييته
مريم : عشتوا مو توه كان غبي
حور : ياليت ينقطع لساني قبل لا اقول عنه جذي .
( ضحكوا شوي وبعدها راحوو لمحاضراتهم )

- بمدرسة حسين -

حسين بالصف وحااس بملل من حصة الفيزياء ..
( يدخل خالد رفيج حسين ويحاجي الاستاذ عشان يبي حسين بشغله ، خالد رفيج حسين من الروضه وما يتفارقون كلش، شوي وطلعوا راحو حمام المختبرات عشان يدخنون )
حسين : خلوود بعد جم يوم عيد ميلادي .
خالد ( يخزه ) : كل عام وانت بخير .. هدية مااكو
حسين : ههههه اعرفك بخيل من يومك .، انا اقصد ان السيارة بعد جم يوم بتيي .
خالد : اييي صح الله يعطيك خيرها ويكافيك شرها يالحب .
حسين : بعد جبدي والله .
خالد : عااد احلا مطعم بالكويت راح تعزمني فيه .
حسين : يااحيواان انا بكمل 18 انت اعزمني مو انا .
(قبل لا يكمل خالد كلامه يدخل الناظر ومعاه الاخصاائي ، وياخذهم مكتبه )

* تم البـآرت واتمنى تعطوني رايكم بالبداية *

[لامارا]

- البارت الثاني -

حسين ( بمكتب الناظر ومعاه خالد والاخصائي ) : استاذ والله اول مرة وماراح اعيدها ...
الناظر : مو اول مره تسوونها ، وبعدين انتوا لكمــ مشاكل وااايد بالمدرسه .
الاخصائي ( فرحان من قلب ) : ياحضر الناظر ، لاتسمع لهم كلمه دوول ولاد صايعه مطلعين عين المدرسين ، الكل بيشتكي منهم .
خالد ( يخز الأخصائي، وبصوت واطي ) : وقريب بطلع عينكــ .
الناظر( يكلم الأخصائي ) : استاذ عبدالسميع اخذ هالطالبين وعط كل وااحد فيهم استدعاء ولي امر .
( بغرفة الأخصائي ) ؛ يالله كل وااحد فيكوو ياخذ الورقه ويوقع على الاستلامــ .
خالد : اقول استاذ شلون سيارتكــ المكسيمه الحمرا ؟؟
الاخصائي : ليه بتسأل عنها ؟
خالد : لا اقول يعني لو ماتعطينا الاستدعاء تكون سيارتك بخيير ؟
حسين ( يساسر خالد ) : يبا خل يولي خل ناخذ الاستدعاء ونطلع مو ناقصين مشاكل .
( خذوا حسين وخالد اوراق الاستدعاء وطلعوا كل واحد لصفه )

شركة بوفهد
بوفهد : ها يبا فهد وصلت السكرتيرة اليديده ؟
فهد : اي الحين را اييبونها للمكتب .
( دقايق ووصلت السكرتيره على مكتب المدير ) : السلام عليكم .
فهد وابوه : وعليكم السلام .
منيره ( حلوه ومومتزوجه ومو محجبه طويله حنطاويه ) : انا السكرتيره اليديده .
( فهد من شافها مانزل عينها عنها يمكن انعجب فيها او شاف شي فيها يجذبه لها )
بوفهد : هلا يبا فيج وحياج الله بالشركه بينا ، سمعيني يابنيتي انتي الحين كاتمة اسرار الشركه واسرار مديرها ، ولازم تكونين قد هالمسؤوليه ؟
منيرة : اكيد طال عمرك ، وانشاللــه بكون عند حسن ظنكــ .
بوفهد : يبا فهد خذها لمكتبها .
( خذا فهد منيرة لمكتبها ) : هذا مكتبج اليديد يم مكتب المدير .
منيرة : مشكور .
فهد ( ويها صار احمر ) : العفو ، بس ماتبين شي بعد ؟
منيرة ( بأستغراب ) : سلامتكــ .
فهد : مم ، يعني ماتبين تعرفين وين مكتبي مثلا ؟
منيرة ( تبتسم ) : هههه مشكور ، انشالله مع الوقت اعرفه .
فهد ( بقلبه) : شفيني انا انثولت .
( وخلاها وراح مكتبه ) ....

كلية الهندسه
حور ( واقفه بالممر تنطر مريم تطلع من الكلاس ، مر ناصر من وراها ومعاه ربعه )
ناصر ( كاتم ضحكته ) : خووش بلووزه اليوم حوور .
حور ( لفت ويها عليه واهيا مستحيه ) : مشكوور من ذووقكــ .
ناصر ( ضحكــ اهوا وربعه ) : ههههههه اوكيه ، باي .
حور ( ابتسمة بأبتسامه حلوه وهم مستغربه من ضحكه ) بايات .
مريم ( ييت بسرعه ولمت حور من ظهرها ) : امبيييه انتي شفيييج ؟
حور ( تحاول تفلت نفسها ) : انتي الي شفيج فضحتينااا ؟ وخري عني .






مريم ( بصوت واطي ) : ماراح اوخر عنج ، وبعدين شفيج متنحه على ناصر .
حور ( بثقه ) : هاها ، قلت لج راح يلتفت لي على يوم ، توى ياا وقالي ان بلوزتي حلوه .
مريم : نعم !! انزين لمن قالج شنو كان اسلوبه ، يعني شنو ردة فعله .
حور ( مستغربة من سؤال مريم < الصراحه سؤال غبي ) : شنو هالسؤال الغبي ، كان يضحك لمن قالي ؟
مريم ( وخرت عن حور وطالعتها ) : حور كان يتمسخر عليج ؟
حور ( مو مستوعبه ) : ليش يتمسخر ؟؟
مريم : حور بلوزتج مشقوقه من ورى شوي واهوا تمسخر عليج وضحك ربعه بعد .( شالت حور كتبها وقاامت تمشي للمصافط بسرعه وعيونها حمر ومدمعه )
مريم ( تلحقها ) : حوور حبيبتي شوي شوي مااقدر الحقج لابسه كعب تكفيين شوي .
( حور قامت تسرع خطواتها للسيارة بدون اي اهتمام لكلام مريم ، وكانت طول الطريج تبجي مو قادرة تسيطر على دموعها .)

بيت بوفهد
حسين ( منسدح بالصاله ويشوف التلفزيون وينطر حور توصل ) .
حور ( تدخل ولابسه نظارات عشان محد ينتبه لعيونها ) : سلام .
حسين : وعليكم ، غريييبه حوور اخير لبستي النظارات الي يبتهم لج والله عبالي كلش مادريتي عنهم ؟
حور ( مالها نفس ) : تبيني اقطها يعني ؟
حسين : لا يبا انا ماصدقت اشوفج لابستها ، المهم ابيج بموضوع ؟
حور : خير شبغت ؟
حسين ( منزل راسه ومسوي روحه مستحي ) : المدرسه معطيني استدعاء ولي امر وما ادخل المدرسه الا مع ولي امري ..
حور : والمطلوب ؟
حسين : تروحين معااي .
حور ( اطالعه ومالها نفس ) : وليش مو ابوي او فهود يروح؟
حسين ( يطالعها بنظارات بريئه ) : تكفين حوحو ، ابوي او فهد اذا عرفوا بيأجلون ييبت السيارة لي اخر السنه بلييييز وانتي ادرى .
حور : اووف خلااص عطني الورقه وانا اتصرف .
حسين ( متشقق من الفرحه ) : فديييتج انا .
حور ( ابتسمت ، وبعدها صعدت غرفتها ووقفت جدام المنظره وقامت تشووف بلوزتها وشكلها ) : معقووله انا وصلت لي هالدرجه اني البس شي تاالف ، ممم يمكن لأهتيت بنفسي يبتفت لي او يحبني ‘ لالا جذي بيحب شكلي ماراح يحب قلبي وشخصتي ، بس ياحور الشكل هم يساعد على الحب ، مم ياااااربي تعبت متى يحس بس
( شوي قطت روحها على السرير ونااامت نومة عمييقه )

تم البارت الثاني .

* اتمنى يعجبكم البآرت وعطوني توقعاتكم *

[لامارا]

- البارت الثالث -

ام فهد ( تقعد حور ) : يماا حوور قعدي قعدي بسرعهــ
حور ( مو قادرة تبطل عيونها ) : يما بعدين تكفين بناام .
ام فهد : وييعه قوومي ياينج خطاب ؟
حور ( من الصدمه فتحت عيونها على الاخر ) : شنوو ، متى وليش وحق منو ؟
ام فهد : بسم الله ، خطاب ياين لج بعد شنو , والولد ياي مع امه بيشوفج .
حور ( مو مستوعبه ) : لحظه يما شلووون متى اتفقتوا ؟
( تدخل عليهم فاطمة اخت حور وماعاها ولدها حمد ، فاطمة عمرها 24 متزوجه عندها ولد واحد اسمه حمد عمره سنتين ، فاطمه حلوه على امها طيوبها وتعرف تتصرف بالامور بسرعه وماتشتغل .. ربة بيت .. ، حمد ولدها بيض شعره طويل مرتب وشطيوون )
فاطمه : السلام عليكمــ
حور وام فهد : وعليكم السلام .
حمد : ماما حووو
حور ( تقوم من فراشها ) : تعااال حياااتي ( وباسته )
ام فهد : يما فاطمه مثلما فهمتج سنيعها مابي اتفشل جدام النااس .
فاطمه : انشالله يما .
( طلعت ام فهد وخلت حور وفاطمه بروحهــم بالغرفة ، حور غلست وردت عند فاطمه بالغرفه )
حور ( متضايقه ) : فطووم مو معقووله الي تسويه امي اي زمن احنا ؟
فاطمه : حبيبتي حوور ، الريال ولد نااس وماينعااف وكل البنات يبوونه ، ومو كل مرة بييج نصيب ؟
حور : شقصدج ؟

فاطمه : مو قصدي شي ، قومي الحين معاي عشان اعدلج والبسج وتنزلين مابقى شي .
( حور ماكان عندها عذر ترفض الريال وخاصه بعد ماسمعت كلام فاطمه عنه ، وهم ماتقدر ترفضه وتقول حق اهلها عن حلم ماتدري اذا بيتحقق ولا لأ ، فسلمت نفسها لله – سبحانه – وماقررت شنو راح تسوي )

-بالصـــاله -

( بالصاله كانوا قاعدين ام فهد ، وام سالم ( ام سالم خالة حور ) وام علي ام المعرس واخته وروود )
ام فهد : حيالله من يانا .
ام علي : الله يحيج يا أم فهد ، شلونكم شخباركم
ام فهد : والله كل شي تمام .
( ظلوا شوي يسولفوون ، وبعدها نزلت حور عليهم وكان مبين على ويهاا الضيقه والحزن بس كانت تبتسم بصعوبه للموجودين )
ام علي : تباارك الرحمن تهبليين قمر والله .
ام فهد : ياحياتي تسلمين ماتقصرين .
ام سالم ( تساسر حور ) : يما شفيج ضحكي شوي لا بوزيين بويه الناس .

( شوي وأستأذنوا عشان يخلون علي يقعد مع حور ويتكلم معاها ، قعدوا حور وعلي بالصاله بروحهم جدااام بعض وكانت حور منزله رااسها من الحيااا )

علي ( طوله عاادي ، اسمر ، جسمه مرتب ، عمره 27 تو متخرج من امريكا كان يدرس هندسا كيميائيا ) : شلونج حوور .
حور ( منزله رااسها ) : بخير حمدالله ، انت شلونكــ .
علي : انا حمداللهــ زين دام انتي بخير ، وين تدرسين حور .
حور : هندسه سنه ثانية .
علي : انا مهندس وانتي بعد مشالله .
حور : ايي
علي : حور شوفي انا ......
حور ( بقلبها ) : انتا عمري ودنيتي وكلي انتا الي خذيت قلبي وعمري ، انتا الي سحرني كل شي فييكـــ ، انتا بختصار قمرهم كلهم .

علي : عرفتي وعشان جذي .....
حور( بقلبها ) : اي عشان جذي ماقدر ما افكر فييك ...
علي : وابي اقوولج ......
حور( بقلبها ) : انا الي ابي اقوولكــ اني احبك ( نااصر والله احبكــ ) .
علي : حووور ؟
حور : .............
علي : حووور انتي معاااي
حوور : ..... هلا . اي معاك .
( طعبا حور ما سمعت ولا كلمه من عليــ وكان تفكيرها بناصر وكانت متخيله ان اهوا الي ياي يخطبها ) .

( بعد ماراحوا الناس صعدت حور غرفتها ، وقعدت على السرير بدون اي تعبير بوييهاا ، بهدووء خذت التليفون ودقت على ...؟؟ )
حور ( بهدوء ) : الو .
مريم : الوو هلا حوور .
حور ( بهدووء ) : انا انخطبت .
مريم ( صرخت ) : نـــــــعـــــــم ؟ انتي من صجج ؟
حور : ايي تو الحين اهل الريال راايحيين .
مريم ( تضايقت ) : مشكورة حوور ، لهدرجه انا مو مهمه عندج عشان تخشيين عني هالسالفه .
حور : والله مادري قمت من النوم سيده بويه الريال .
مريم : ويييعه لايكون نزلتي للريال بكشتج والله جان يموت .
حور : ماالت ، لا حبيبتي نزلت له مثل القمر .
مريم : انزين ، واهوا حلوو .
حور : ماركزت فيه .
( وقامت حور تقول مواصفات علي لمريم ، وتقولها عن احساسها تجااهه )
مريم : مممم ، على جذي مالج عذر .
حور ( قامت ادمع ) : هذا الي يقهرني مالي عذر مريم مالي عذر ( وقامت تبجي ..
مريم : اي خلاص بعد شتبين ، تبين نااصر الي تمسخر عليج ولا الي حتى مافكر يلتفت لج ، وهذا خووش ريال لا تضيعينه من اييدج .
( قاموا يسوولفوون وبعدها سكرته منها، وبعدها حذفت نفسها على السرير وقامت تبجي مثل اليهال )


ثاني يوم بمدرسة حسين

حور( قاعده بمكتب المدير ويمها حسين ) : انا اوعدكــ انها اخر مره يوسويها واذا عادها استخدم اسلوب الطق معااه .
حسين ( طلعت عيونه براا ويخز حور ويساسرها ) : شنو طق شفييج استخفيتي .
حور ( ما اعطته اهتمام ) : ها شنو قلت ياحضرة المدير ؟
الناظر : اخت حور حسين من الطلبه المتفوقين دراسيا بس مشاكله واايد مع المدرسين والطلبه ، وانا مابي افصله عشان لايتأثر درااسيا .
حور : انا فاهمه الوضع والي انت تشووفه منااسب سووه .
( بعد طوول كلام واافق الناظر يدخل حسين المدرسه ) : يالله حسين روح صفكــ الحين .
حسين ( يبتسم ابتسامه غبية ) : استاذ انا ماايبت كتبي ؟
الناظر : يعني ماراح ادااوم .
حور : ممكن اليوم مايداوم لان ماايب الكتب ولا حضر للموااد .
الناظر : براحتكمــ انا حبيت يداووم عشان لايتأثر .
حور : لا ماعليه بيعوضهم انشاللهــ ( وقاموا حور وحسين طلعوا وراحوا البيت )


- شركة بوفهد -
فهد ( بمكتب منيرة ) : السلام عليكمــ
منيرة ( وقفت ): وعليكم السلام استاذ فهد .
فهد ( بلع رييجه ) : منيرة انا ريال صريح وسيدة ولا عندي يمين او يسار .
منيرة ( نزلت راسها ) : والنعم فيكــ استاذ فهد .
فهد ( خذا نفس عميق ) : ممم منيرة انتي مرتبطه ؟
منيرة ( قلب ويههــا طماطهــ ) : أنا.......؟؟


- بالبيت -
ام فهد ( متضايقه ) : والله مادري ليش جذي ابوج سواا ؟
فاطمه : يما من صجج انتي ، لازم يسوي جذي ولا تبين حور تتعقد ولا مو هامتج حوور ؟؟
ام فهد : لا اكييد تهمني هاذي بنيتي وابي لها الحياة الكريمه ، بس انا متفشله من الحريم على حركة ابووج ، يعني يقدر يسوي اي شي غير هالحركه .
فاطمه ( تاكل حب ) : يما لاتتفشلين ولاشي اهما الي غلطوا ليش من البداية ماتحجوا ؟
( بهلحظه دخلت حور مع حسين الصاله ) : السلام عليكم .
فاطمه وحصه : وعليكم السلام .
حصه ( وقفت ) : يماا حوور تعالي بغرفتي بحااجيج .
( حسين قعد يم فاطمه وقام ياكل حب مع فطوم ، حور تغمز حق فاطمه يعني شفيها ، فاطمه تحرك جتوفها يعني مادري ، حور غيرت ملابسها وراحت لغرفة امها )
ام فهد : تعالي يما قعدي يمي .
حور : كا قعدت قولي شفيج متضايقه ؟
ام فهد : يما تعرفين ان الزواج قسمه ونصيب ، ومحد ياخذ غير حقه .
حور ( تضايقت لمن تذكرت سيرة الزواج ) : ادري يما بس ليش هالحجي الحين ؟
ام فهد : يما دقت ام المعرس وقالت : ........ ، وابوج رفض المعرس وقاله ماكو نصيب .

( حووور تشققت من الفرحه ) : يماا من صجج هذا الخبر حلووو ، والله مايظلم عبااده ، انتوا كنتوا بتغصبووني على هالزوااج وانا مابيه .
ام فهد : والله مادري ليش حظج جذي .
حور ( وقفت جدام الباب ) : لا تحاتين بييني الي احسن منه.

( تم البارت الثالث )

[لامارا]

- البارت الرابع –

( طلعت حور من غرفة امها وراحت غرفتها ، وقعدت على السرير، وقامت تفكر بعلي .. تفكر بحالته وهم يمكن كسر خاطرها .. بس يمعت قوها ودقت على مريم )
حور ( تصرااخ ) : مريوووووووووووووووم
مريم : اح ويعه ويعه ، شفييج تصارخين .
حور : مالت عليج ، اصارخ من الونااسه طبعا .
مريم : عسا دووم بس ليش .
حور : ابوي فصخ الخطووبه .
مريم : شنووو ، لايكون تهورتي وقلتي عن ناصر ؟؟






حور : لا يبا مو هبله انا بس طلع الولد عقيم .
مريم : امبيييه عقيم ، شلون دريتي وابوج سوا لمن درى عن كل هذا ؟
حور : بالتليفون ماينفع تعالي مريني خل نروح ستار بكس الافنيوو واقولج .
مريم : ممم مع اني مالي خلق بس يالله .
( سكرت حور التليفون من مريم ، وقامت تلبس ونزلت الصاله تنطرها ، بعد نص ساعهــ يت مريم وخذتها وراحوا ... وبالطريج ؟؟ )
مريم : حوور شفيج ساكتهــ .
حور : شقول مثلا ؟
مريم : اي شي
حور : شلونج (:
مريم : اقول سكتي احسن .
حور ( تتعبث بالسيديات ) : ماعندج سيدي اصاله اليديد .
مريم : بلى دقيقه خل اطلعهــ

( طلعت مريم السيدي وشغلته وكانت اغنية اصاله " لاتخاف من الزمان " )

لا تخاف من الزمان ..
الزمان ماله امان ..
خف من اللي كل امانك في ايديهوتامنه ..
لو حبيبك ما وفالك .. لو حبيبك فيك خان ..
وايش ترجي من زمانك .. النتيجة باينة ..
نكتشف مر الحقيقة .. بعد ما يفوت الاوان ..
قلت لك لاتندفع له ..
قلت حبي صاينه ..
وين هاللي صان حبك .. ما اشوفه يوم بان ..
قلبك اللي هوا قلبك .. لا تحسبك ضامنه ..
لا تتعذر باحتياجك ..
كلناناقص حنان ..
كلنا طفل يتمنى اي شخصٍ يحضنه ..
نبني الدنيا وحنا .. نوقفبنفس المكان ..
للأسف ينقص وفانا .. مع مرور الازمنه ..

ناصر وربعه قاعدين بالديوانيه يسولفون بس ناصر قاعد مع جاسم بروحهم .
جاسم : ناصر الله يهديكــ ترى مو حلوه الحركه الي سويتها بحوور كلش .
ناصر ( ابتسم ) : يامعود خل تولي خل تحس اني مابيها ...،
جاسم ( تضايق ) : اهــيا للحين تحبكــ
ناصر : ولييهــ باجر ، مادري شلون بفتك منها ، والحركه الي سويتها ذاك اليوم عشان ابيها تحس وتبتعد عني تكرهني أي شي . بس خل تفج .







جاسم ( زادت ضيقته ) : ماعليه مهما يكون هاذي بنت جيرانه وزميلتك ومايصير تسوي جذي وماعرفك بهالطريقه تعامل الناس .
ناصر ( اختفت ابتسامته ) : ادري جرحتها بس ابيها تفهم اني مابيها .
جاسم ( ولد جيران حوة ورفيج ناصر ، طويل مجسم برونزي له سكسوكه وحنجه حلو وابتسامته بريئة وشخصيته قويه ومرحه ومايرضى بالغلط .. اهوا احلى من نااصر بواايد ومتيم بحوور بس مو حااسهــ فيه يدرس هندسه مع ناصر عمره 21 سنه ، وصوته وااايد وااايد حلوو )

وكالة السيارات
بوفهد ( يضحكــ ) : والله وصرت ريال ياحسين وبناخذلك سيارة .
حسين : يبا انا طوول عمري ريال .
فهد ( حب يطفرهه ) : لا يبا اهوا اول ربع ريال والحين نص ريال ولمن يتزوج يصير ريال كامل .
حسين ( يضحكــ ) : أي عدل يعني للحين انا وفهد مو ريايل هههههه .
( ضكوا وبعدها اختاروا السيارة الي يبيها " افلانش " وسجلوا السيارة وبعد اسبوع يستلمها )

الافنيوز

مرييم ( تحاول تقنعها ) : شقلتي ؟
حور ( مو مقتنعه ) : لا انسي هالسالفه ماراح اسوييها لو شنو وبعدين انا ما ارضى على ناصر يتبهذل .






مريم ( تكم على نفسها ) : والله مالت علي الي ابي اساعدج خليج ورااه لين تموتين من القهر ، انا قلت لج مثل ما فشلج افشله وانتي مابي مابي كييفج .
حور ( صرخت ) : امبيه الساعه جم ؟
مريم : الساعه ست ونص لييش ؟
حور : امبيه باجر عيد ميلاد حسسون .
مريم : والمعنى شتبين ؟؟
حور : ماشريت شي له فشله ؟
مريم : وييي صج ، ممم احنا فيها خل نروح " دير اند دير " واشتري له قميص .

حور : وهم ابي نظارة " راي بان " وساعهــ
مريم ( وقفت ) : يالله عيل خل نمشي .

بحفلة عيد ميلاد حسين

( حديقة بيتهم زحمه فيها ربع حسين وجاسم ولد جيرانهم واخوه فهد وشباب يحتفلون بميلاده وامه وحور وفاطمه ينطروون يروحون الشباب عشان يحتفلون فيه )
حور : ويع متى يروحون نبي نحتفل بحسين .
فاطمه : أي والله عاد انا مكشخه حمد ومسنعته اليوم .
ام فهد ( تدخل عليهم الغرفه ) : انتوا شتسوون عند الدريشه ؟
فاطمه : يما نشووفهم من الدريشه ملينا واحنا ننطر .
حور : يما متى يروحون ؟






ام فهد : انا بغلت حسين يحط العشا على التسع ، يعني بالكثير عشر يمشوون .
حور ( اطالع ساعتها ) : وييه الساعه 8 باقي ساعتين حده ملل .
فاطمه : يما حموودي وينهــ .
ام فهد : خليت الخدامه تنومه ساعه عشان لمن ايي حسين يكون صاحي .
فاطمه ( واهيا تطالع من الدريشه ) : مشكورة يما ، حورو هذا مو جاسم ولد جيرانه ؟
حور : بلى اهوا بس متغير ، مع اني ما انتبه له بالكليه .
فاطمه : قصدج محلوو مو متغير .
ام فهد ( قاعدة على السرير ) : ويعه وهذا انتي متزوجه تقولين هالحجي ، اهوو يالله تعالي معاي نرتب الاغراض قبل لا ايي ..
فاطمه ( لحقت امها ) : انشالله يايتج .

حور ( تطالع جاسم ) : والله صاير حلوو ، بس مو احلى من نااصر






( جاسم انتبه لها من الدريشه جان يبتسم لها ابتسامه حلوه ، حور خاافت جان توخر عن الدريشه ونزلت بسرعه عند امها، وجاسم لمن شافها راحت تضايق حييل .. )

الساعه 10
البيت كان ظلمه لمن دخل حسين ... فجأة ؟
فجأة شبت حور شمعه وقامت غني : غنوا لحبيبي وقدمووله التهاني في عيد ميلاده عساها 100 عااام ..
( جا اييها حسين ويلمها وبسها على خدها .. )
حسين : فدييتج اختي القمر انا .
حور ( تستعبط ) : مايبت لكــ هدية حسين نسييت .
حسين ( يخزها بالظلمه ) : قلبي ويهج زيين حساافه البووسه فيج .
حور : مالت عليك
( شغلوا الضوو ، وقاموا يغنون ويصورون معاه وكان الكل مستانس )
حور : امسك هذييلي الهدايا انشالله يعجبوونكـــ
حسين : ما اضمن لج يعجبووني بس خل اشوفهم بالاول ..
حور ( تخزه ) : رووح موووت ..
فاطمه : حسون هاذي هديتكــ ( عبارة عن عطوور ) وهم هاذي لك بس مو مني ؟
حسين ( مستغرب ) : من منو عييل ؟
فاطمه ( تششييل حمد وتحطه بويه حسين ) : من هالبطل .
حسين ( ياخذه ) : فديييته ماراح اششيلها من السيارة ( يقصد الميداليه ) .
حسين ( قام يطالع امه ) : وحصوص شياابت ليي .
ام فهد : والله ماعرف انا حطيت لك مبلغ بالبنك وانت تصرف فيه .
( قام حسين باس رااس امه ، وبعدها سولفو شوي ومن ثم اخذ الهدايا وصعد غرفته ) ..


بغرفة حسين ...

( ادق رنة المسج لفون حسين .. والمسج كان من رقم غرييب ، والي كان مكتوب فيه
" كل عاام وانت بخييير وعقباااال 1000 سنه ، وانشالله كل سنه جدام عيوني واحتفل فيك حتى لو من بعييد " ، وقام حسين دق على الرقم لقااه مغلق ، بس ما اهتم واايد للمسج لأن متأكد ان دقه من خالد )

ام فهد ( بغرفتها قااعده تقرى قرأن ، دخل عليها فهد ) : هلا يما تعآل .
فهد ( باس راسها ) : تقبل الله ..
ام فهد ( منا ومنك ) : منا ومنك ، يما شفيك عسا ماشر ؟
فهد ( ماعرف يلف ولا يدور ) : انا ابي اتزوج ...!!
ام فهد ( تعجبت ) : من صجكــ يما شعداا مابدا ، مو كنت رافض الزواج ..
فهد : والحين فكرت وابي اتزوج ... شقلتي .
ام فهد : هاذي الساعه المباركه .. الحمدالله الي شفتك كبرت وتبي عرووس ، انزين من باجر انا وخالتك هدى ندور لك وحده .
فهد ( متردد ) : لااالا يما العروس موجوده .
ام فهد ( تضحك ) : هههه ومنو الي خذت قلب وليدي وعقله ؟
فهد : وحده تشتغل عندنا بالشركه .
ام فهد : والله مادري شقولك .
فهد : يما يعني ماراح تخطبينها لي .
ام فهد( سرحت شوي ) : واهي شنو وظيفتها بالضبط بالشركه .
فهد : سكرتيرة ابوي .
ام فهد : خلاص يما انت روح ارتاح وانا اتصرف ..






فهد ( استغرب من رد امه الغريب ، وقام باس راسها وطلع ) : يالله تصبحين على خير .
ام فهد : وانت من اهــلهــ .
( خلها وراح لغرفته )

غرفة حوور

حور ( قاعده على الابتوب ، وتحاجي شخص مجهول بالمسن ، ويكلمها من سنتين بس اهيا ماتعرف عنه أي شي ولا حتى اسمه ، ولكن كل اسرار حور عنده ووااايد مرتااحه لهــ وتعتبره فرند بس )

حور :
وبس اليوم كان عيد ميلاد حسون اخوي ..







نور عيني :
الله يخليكم لبعض ..

حور :
وانت شنو سويت ؟؟

نور عيني :
رحت اتسوق شوي ، وتدرين البنات طق مطاقق علي حتى والله خفت على عمري ...

حور :
ههههههههه ، روووح موووت احسن ,,,

نور عيني :
المهم شسويتي بالكليه .؟

حور :
والله كل شي تمام .. بس احس بضيقه لمن ادخل الكلية ..

نور عيني :
افا ليييش ... اذا احد من الدكاتره مضايقيينج قوليلي اييهم بسرعه واعضهم لج ..

حوور :
خخخخخ ، اكيد خوو انتا مصاص دمااء ..

نور عيني :
صج عااد شفيج ، مو انا صديقج الصدووق ؟؟

حور :
لوووول ، أي احسن صديق عندي الي حتى اسمه ماعرفه ؟؟

نور عيني :
اسمي نور عيني ..

حوور :
انتا مليق اقوى شي .

نور عيني :

هههههههه مقبوله منج
حوور :
يالله بخليك عشان بشووف مسلسل خالتي قمااشه .

نور عيني :

كااااااااك حور مو من صجج سنتين من عرفتج ، وانتي تشوفينه ، بذمتج جم مره شفتيه مامليتي منه ؟؟

حور :
خخخخ ، شسوي احب شخصية حياة الفهد بالمسلسل وما اقدر ما اتابعه .

نور عيني :
الله يدوم هالمحبه < بط ، بس الوقت منأخر ماوراج دوام باجر ؟

حور :

لووول امييين < بط ، لا ماراح اداوم عندي محاضرة وحده وباجر الخميس ..

نور عيني :
ممم عيل حتى انا ماراح اداووم ..

حور :
كلا تقلدني مادري ليش ؟

نور عيني :
كيييفي ..انزين ممكن اهديج شي قبل لاتفصلين ؟



حور:
أي ممكن ؟

نور عيني :
والله اني ما اتمنى في حياتي الا شي اني املك كل هالدنيا بايديا
ما اسمعك في يومتنطق كان ودي
قبل لا تحلم احقق قبل لا تحكي اقول قبل لا تشكي همومك لك اجي كليحلول
وليت كل هالكون بايدي لاجل احقق كل ما تبي
ادري امنياتي هي مجرد امنياتلو اني املكها حياتي كنت ابهديك الحياة
بس اشوف الإبتسامه ما تفارق دنيتك يالليكل ايامي تضحك لما المح بسمتك
انت يا عزي وذلي واجمل اجمل ما حصل لي ويش اقدم لكسواي
وارمي ايامي تحت اطهر خطاك ياللي كل ايام عمري قبل ما احبك خطا
اي قهروالله قهر اني ما اقدر حتى اقدر اوصل حدود السما لاجل اهدي لك قمر
ودي ودي واللهودي بس مافي ايديني شي
اتمنى ان تحوز هذه المشاركة على رضا اذواقكم ..
الالبوم شدني حيل ..

حور :
ترى ويهي قلب طماطهـــــ
ومشكووور واااايد


.......
( سولفوا شوي وبعدها فصل وراحت تتابع خالتي قمااشه )


ثاني يوم الساعه 10 الصبح

ام فهد ( اقعد حور ) : حور يما قومي يالله ..
حور ( نايمه ) : همممم
ام فهد : قووومي خلصي ابيج بشغل ..
حور : بعدين
ام فهد ( تشييل الفرااش عنها وتسحبها للحمام وتغسل ويها ، ويبتها على الكرسي الي بغرفة حوور ) قوووومي خالتج وساره ياين ..
حور(من سمعت طاري ساره فزت ) : يماا من صجج ساروو المليقه بتيي ..
اام فهد ( اطقها على خدها برقه ) : عييب تقولين عنها الحجي ، هاذي بنت خالتج .
حور : ويييع يما شتبيي تيي .
ام فهد ( كالعاده ماتحب توضح الامور ) : انا بنزل تحت تعالي وراي ولبسي شي سنع .
( حوور دخلت الحمام " تكرمون " غسلت ولمت شعرها ولبست لبس رياضي وحطت عطر "غووتشي " ونزلت عند امها ، عطتها امها عصير كوكتيل وساندوج جبن وزعتر )






حور : انزين يما وين بنروح ؟ وليش خالتي وسااروووه معانا ؟؟
ام فهد : سمعي اذا يوو مو تكشرين بويه ساره " عيب " ، سولفي معاها عااادي .
حور : انزين فهمت بس وين بنروح ، وسارو مستحيل ابلعها .
ام فهد : عندنا شغل وبعدين عدلي الفاظج شنو سارووه ..
( دقايق ووصلت هدى " ام سالم " خالة حور واخت ام فهد ومعاها بنتها " ساره " ، سلمو على بعض ، وحور سلمت على ساره بأبتسامه صفره ، شوي ركبوا السياره )
اول شي نبي نقول اوصاف ساره " بنت خالة حور " ( عمرها 21 سنه مغروره ، جمالها عاااادي بس مهتمه بنفسها وااايد سمره شوي ، طويله ، كل سوالفها عن ولدها واهل زوجها وخدامتها ، تفكيرها تافه ، وحور ماتحبها كلش او موقادره تبلعها .. )
ثاني شي اوصاف خالة حور ( ام سالم العمر 47 قصيرة شوي ، متبتبة .. عندها اربع عيال اول واحد سالم تزوج وعنده بنت وولد ، ساره 21 سنه ، فهاد 18 سنه ، نوره 11 سنه )
بالسيارة
ام فهد : يما سارة شلون ولدج انشالله بخير ؟
ساره ( تلعب بشعرها ) : بخير خالتي حمداللــه
ام فهد : عسا دووم .
ساره : تسلمين يالغاليه ( تلتفت على حور ) ، حور امبيه شنو هاللبس الي انتي لابستهــ
حور ( تبي تتكلم ) : ايي بس ـــــ
ساره : ادري ادري بس انتي بنت سالم الــ (....) يعني لازم شي ارقى من جذي .
حور ( تضيع السالفه ) : ياحليله ولدج سيف اينن .
ساره : وييي ذكرتني فييه فدييته ، عاد تدرين مأذيني اهل ريلي بس يطقوونه ويخلونه يبجي وخدامتي ثووله ماتفهم وبااارده وانا حالتي حاله .
حور ( بدون أي تعبير تبتسم ابتسامه صفره )
ساره ( تكمل ) : بس تدرين شنو الحلو ، اني قعدت على " الكووشهــ " وكان عمري ماتعدى الــ20 ، واساسا حلاة البنت تدخل صاله العرس وعمرها مايتعدى الــ20 ، ويي ومع اني يووني خطاب واايد مهندسين ودكاتره وطيارين بس ماخذيت الا عسكري ولد عمري .. وانتي ادرى
حور ( عصبت ، وتبي تقهرها ) : ايي صح حلوه البنت تدخل قبل ال20 بس شفايدة تدخل وتظل طوول عمرها عند بوفانيله وسرواال ,, وييع ماحب جذي ..
ساره ( ارتفعت اعصابها وكملت ) : عااد تدرين حوور نفنوف عرسي للحين يسألوني عنه مع انه مر عليه سنتين بس للحين يسألوني ..
حور ( تبي تقهرها ) : ايي صح ذووق خالتي ايين كاان .
ساره ( عصبت ) : لا حبيبتي منو قال ان النفنوف ذوق امي كان ذوقي وبس .
حور ( ماتبي تكمل معاها ) : اها اوكيه .
ام سالم ( تكلم ام فهد بصوت واطي ) : عسا ما قلتي لبو فهد انه بنييه ..؟
ام فهد : لا مثل ماقلتيلي .. حتى حور ماتدري .
ام سالم : زين ماتسوين .

( نص ساعه ووصلوا الشركه )
حور : يماااا ليش ياين شركة ابوي وليش ماقلتيلي ؟؟
ام فهد : بعدين اقولج ..
حور ( تتحلطم ) : كل شي بعدين جني مو بنتج .
ام سالم : يما قريب بتعرفون يالله تعالوا .

بمكتب سكرتيرة المدير
منيرة : تفضلوا .. اقدر اخدمكم ؟
ام سالم : مشالله تبارك الرحمن تهبليين .
منيره ( استحت ) : تسلمين خالتي .
ام فهد : يما شسمج ؟
منيرة : اسمي منيرة .
ام سالم : اقصد شسم ابوج عايلتج ؟
منيرة : ليش خالتي ؟
ام سالم : لاني كأني شايفتج ..
منيرة : اسمي منيرة مشعل الـــ ( .... )
ام فهد : والنعم .
منيرة : بحالكم ..
ام سالم ( تمسك رقبتها ) : يما عطشانه ماعندج شي نشربه ؟
منيرة : من عيوني دقايق .. الو يبي اربعه عصير .
ام فهد : وهذا جسمج مايتغير .
منيرة ( حست بخووف ) : ايي خالتي بس لييش .
حور ( تضحك بقلبها وبصوت وااطي ) : فهمت ليش ياين بس لمنو بالضبط الله اعلم ..
( مرت 10 دقايق من الاستجوااب ومنيرة بقمه خوافها ، دخل مر فهد على مكتب السكرتيره ولمن شاف امه وخالته انصدم وانحاش بدون لأحد ينتبه ، وحور متملله ومتفشله من تصرف ام وخالتها ، قامت دزت مسج لأبوها )

تم البارت الرابع

[لامارا]

- البارت الخامس –

ابو فهد ( يطلع من مكتبه لمكتب السكرتيره ) : هلا وغلا
ام فهد ( توهقت ) : ههههلا فييك ..
بوفهد ( يأشر على الحريم ) : هاذي مرتي ام فهد ، وذييج حبيبتي حور ، وهاذي اخت مرتي ام سالم وبنتها ساره .
منيرة ( من الخوف وقفت مرة ثانيه ) : انا اسفه مادريت انكــم تصيرون للمدير .
ام سالم : لا عادي احنا الي ما بلغناج .
( خذا بوفهد الحريم لمكتبه ، وقام يحاجيهم ويستفسر عن سبب ييتهم ، ام فهد ماكانت تبي تعلمه عن شي قبل لا يتأكدون من البنت ، بس حوور قالت عن كل شي ,, وكــالعاده ساره لازم تتفلسف جدام الناس فقامت بررت سبب وجودهم وليش ما قالوله ،بو فهد تضايق بالاول عشان فهد مافتحه بالموضوع ، لكن ام فهد بررت ان اهيا قالت لايفتح الموضوع لأحد لين يشوفون البنت ويعرفوونها )

بمكتب السكرتيره ..

فهد ( بصوت واطي ) : بسس بسسس .
منيرة : هلا استاذ فهد ؟
فهد : امي وينها .
منيره ( تضحك على شكله ) : عند المدير ، اناديها لك ؟
فهد : لا يبا ، بس شقالولج ، فاتحوج بموضوع ؟؟
منيرة ( وقف قلبها ، جان تاخذ الملف وتطلع ) : انا مستعيله باااي .
فهد ( بقلبه ) : فديييييتج


بعد 3 شهوور ...
حور ( ماسكه جنطتها ومعاها فاطمه اختها توهم راجعين من الصالون ، قعدوا على القنفه ) : سوووماا سوووومااا ؟؟
سوما ( خدامتهم تركض ) : نعم ماما ؟
حور : وين امي ؟
سوما : راحت مع سستر ..
حور ( تتأفأف ) : يعني وين بتروح هالحزه ؟
فاطمه ( ماسكه تليفونها ) : اكييد راح تتأكد من التجهيزات بالفندق ..
حور : سوما وين حطيتووا نفنوفي لما يا من المصبغه ؟
سوما : بغرفه مال انتي .
حور ( وقفت ) : انا بروح البس يالله اخليج .
فاطمه ( ادق على ام زوجها ) : هلا خالتي .
خالتها : .........
فاطمه : ايي تونا راجعين من الصالون ..
خالتهااا : ........
فاطمه : حمودي شلونه ؟
خالتها : ........
فاطمه : امانه خلي الخدامه ادير بالها عليه .
خالتها :..........
فاطمه : تسلم عيونج ، لا تتأخرين علينا انتي والبنات .
خالتها :.........
فاطمه : يالله مع السلامه ( سكرت التليفوون ، وراحت الغرفة تبدل ملابسها)

بعد ساعهـــ
( تدخل ام فهد وماعاها ثوبها على غرفة حوور ، وكانت حور لابسه نفنوفها ومتسنعه ) : ويييي تباركــ الرحمن هاذي بنتي ؟
حور ( استحت ) : ايي ، ليش شاكهــ ؟
ام فهد ( من صدمه من حلاة حور اليوم ) : لا مو شاكه بس قمر تبارك الرحمن .. تهبلين والله .
حور ( كانت لابسه نفنوف لونه وردي باربي حلوو وااايد كان قصير وناعم وكانت طالعه قمر بهالعرس وغصب اذا شفتها ماتشيل عينك عنها، وصااارت كانها باربي ) : طوول عمري قمر بس انتوا ما تنتبهوون ..
ام فهد ( تضحك ) : هههه أي صح ، المهم انا بروح البس وانتي خلصي ونزلي الصاله نطرينيي ..
حور : بس اتبخر والبس عباتي وانزل .
( ام فهد تطلع من الغرفه وتدعي بقلبها ان الليله اييها نصييبها ، وحور تتبخر وتتعطر ونزلت عند فاطمه )
فاطمه ( تشوف حور تنزل من الدري ): مشالله تهبلين اليوووم ..
حور ( بثقهــ ) : ادري مايحتاج تقولين ..
فاطمه ( لابسه نفنوف بصلي بأحمر فخم وااايد ، ومسويه تسريحه كبيره رافعه شعرها فيها ، وميك اب خفيف ) : حور مسكي جنطتي خل البس عباتي ..
حور ( خذت الجنطه ) : ومعرسنا ويينه ؟
فاطمه ( واهيا تلبس العباة ) : مادري والله بس اكيد الحين بيزفونه .
حور : خل ادق على حسينووا .
حور( تعطي فاطمه جنطتها ) : الو حسون وينكم ؟
حسين :......
حور : وابوي وينه ؟
حسين : .......
حور : خلاص اوك خل فونك يمك عشان اذا يت العروس ادق عليكم تييبون فهد .
حسين : .....
حور: باااااي ..( وسكرت الخط )
فاطمه : شقال ؟
حور : يقول ابوي بصاله الريايل مع عمي ، وفهد شوي وبيكون بالصاله ، وانتي دقيتي على المصورة ؟
فاطمه : تقول شوي وتكون بالفندق .


بقاعة العرس
ام فهد ( عند مكان الحلويات ) : مدام هاذا تقدموونه لمن اييون الضيوف قبل لا يدخلون الباب الرئيسي وحطي معاهم البخوور والعطوور .
مسوؤلة الحلويات : اوكي مدام لاتحاتين ..


( فاطمه وحور مع المصوره لاهين يبون يصوروون )
المصوره : ايوواا حبايبي ادووني وشكوا النحيه ديي .. ايوااا
حور : صورني بروحي ..
المصوره : اوكي ، بصي لأيدي ، اييه القمر ده ...
حور : ثينكس ، فطوم تعالي صوري معااي .
ساره ( اطالعهم ) : يالله خلصوا بصوور ، اووف
حور (تكلم فاطمه بصوت وااطي ) : شتبي هااذي الدعله وييع ، اقووولج صبري ..حبيبتي ساااره تعالي معااي خل نصور مع بعض .
ساره ( مستغربه ) : اووكي .
المصوره: امسكوا ايدين بعض بحركه رقيقه ..( وصورتهم ، وبعدها يوو بنات عمانها وامي وخالتها وصورو كلهم )


بصالة الريايل
حسين ( قاعد يسلم على الريايل الي يو يباركون ) : الله يبارك فيكم والفال لكم .
خالد : صاير زقرت يالجلب اليوم .
حسين : جب .
حسين ( ياله مسج مكتوب فيه " الف مبرووك انشاللهــ ، والفال لك ياقلبي " ): خااالد يازفت متى بتبطل هالحركات .
خالد ( يشرب عصير ومستغرب ) : شفييك سويت انا .
حسين : متى بتبطل هالحركات ( وعطاهــ الفون يشووف المسج )
خالد : والله مادري عنه .
حسين ( ماله خلق يناقش ) : خلاص انا اعرف بطريقتي .



بقاعة العرس
مريم ( تساسر حور ) : لايكون هاذي ساروو بنت خالتج .
حور ( تضحك ) : للأسف ايي .
مريم : ليش جذي صايره جيكره اليوم ؟
حور ( تخز مريم ) : واساسا من متى كانت حلوه ، صجج تعالي توني صورت معاها .
مريم : أي شي ، لييش ؟
حور : عشان اذا شافوا الصور يقارنون بيني وبينها ،واخليها تسكت شوي .
مريم : مو هينه يالمهندسه .


بعد ساعهـــ
( حور وفاطمه يرقصون شوي وبعدها يردون يقعدوون وبعدها يردون يرقصوون )
ام فهد ( واقفه مع الحريم ) : أي والله كبر وزوجنااه ، والفال لعيالكم .
حور ( تييي لأمها ) : يما خالتي تبييي ...؟
وحده من الحريم : مشالله هاذي حوور بنتج ؟
ام فهد ( تمسك حور ) : أي بنتي .
المرأة : أي كبرنا مشالله ( وتطالعها من فوق لي تحت )
حور ( تبتسم ابتسامه صفره ) : مشكورة ، المهم يما خالتي تبييج بسرعه .

( حطوا اغنية سامري ومحد يبي يرقص عليها )
حور ( بسرعه عند امها ) : يما عطيني ثووبج .
ام فهد : شتبين فيه ؟
حور : بسرعه اببيه .
( وخذت الثوب وصعدت البست بروحها وقامت ترقص سامري ، ومرة يمين ومرة يسار وكان شكلها واهيا ترقص بروحها على البست شي من الخيال مثل السندريلآ ، وشوي ويتيمعوون الكل حولها ويصفقوون لها ، اما حور كانت ترقص واهيا بعالم ثاني عالم تفكر فيه بناصر تفكر يكون اهــوا المعرس واهيا العروس ، وكانت مريم تصفق لــهــا ومنصدمه بنفس الوقت ان حور ترقص سامري )
حور ( بعد مانزلت من البست ) : وااي ويهي قلب احمر لمن انتبهت ان الكل حووليـــ .
اوراد ( بنت عم حور مليانه شوي وبيضه وحبوبه حييل وراقيه بكل شي من لبسها ليه اسلوبها اهي اكبر من حور بسنه ) : تهبلين حورو وكدتي العذال اليوم " تقصد ساره " .
حور ( تهز جتوفها وتشوف ساره ) : بكيد العذال انا من يومي ايوااا اااه .


بعد ساعه
تدخل العروس " منيرة " على اغنية راشد الماجد ( شكلها كان كيوت نااعم حييل ، وبعدها بشوي دخل المعرس مع ابوه واخوه حسين ، وقاموا حور وفاطمه يرقصوون جداامهــ ، وقعد ( المعرس ) يم العرووس , وحور تاخذ حسين وترقص معاااه وتضحك وحييل مستانسه .

العروسين بالفندق

فهد ( مستحي وموعارف يتصرف ) : انتي ... انتتييي واايد حلوه .
منيرة ( منزله راسه وخايفه ) : .......
فهد : خااايفه ؟
منيرة : ........
فهد : منيرة انا وااايد عصبي بس حنون وحبيت اقولج من الحين .
منيرة ( بدت تنزل دموعها < عرووس ) : .........

فهد ( توهق ) : لا موو وااايد عصبي وااايد بس شويه .
منيرة ( وقفت ، عشان تبي تبدل ملابسها ) :....
فهد : وليين انا قلتلج عصبي تبين تنحااشين ، لو اقولج انا وحش شتسوين تحذفين عمرج من الدريشه .
منيرة ( تضحك ) : لا بس بغير ملابس عشان نروح المطار .
فهد ( يطق ع رااسهــ ) : ايييه نسيييت صح صح .

بعد جم يوم

حور ( تكلم مريم بالتليفون ) : أي والله مكانه مبين بالبيت .
مريم :...................
حور : الله يرجعه بالسلامه ، المهم مريموو انا قررت ؟
مريم : ....................
حور : ماعاد فيني صبر ، بقول لناصر عن كل شي اني احبه وماقدر اعيش بدوونه ..
مريم :...................
حور : ايي مينونه ، ومحد له شي عندي .
مريم :....... !!
حور : بتشووفين ..

تم البارت الخامس

[لامارا]

\\

- البارت السادس –


حسين ( يدخن بغرفتهــ ) : ايي خلود باجر بكون بالموعد ...
خالد : .......
حسين : لايمعود اذا بس حس بشي بيدوس بطني !!
خالد :..............
حسين : ادري مو مسوين شي غلط بس انت عارف ابوي .
خالد : ........
حسين : لا هالمرة انا متفائل .
خالد ........،.........
حسين : أي وقعنا ، لا الفلوس اخر همي . ( سكر الخط من خالد ، وفتح الدرايش وحط عطوور عشان تغطي على الريحــه ، ودخلت حور )
حور ( تدخل وتعفس ويها من الريحه ) : ويييع شنو لريحه وين قاعد انت ؟
حسين ( متربع على السرير ويلعب باللاب توب ) : شتبين انتي مو عاجبج الريحه طلعي .
حور : حسينووو لا ادخن ثاني مرة ولا وربي اعلم امي وابوي بعد .
حسين ( رفع رااسهــ وابتسم ابتسامه بلها ) : حبيبتي حورو ماتسوينها صح ؟
حور : بلى ، شنو الي بيمنعني ؟
حسين ( وقف ويحط اييده على شفايفه ) : اممم الي يمنعج ، اللملابس الي تييبها لج امي وتخشينهم ، وتتعذرين انهم ضاعوا عشان ماتلبسينهم .
حور : وييع ويييع صج مليق ، ماتسويها ؟
حسين : اسويها خو علي وعلى اعدائي .
حور : انزين ماراح اعلم .
حسين ( قعد جدامها ) : أي عفية على الشاطرة ، المهم شتبين يايه غرفتي .
حور : ابي اسألك سؤال بما انك ريال .
حسين : سألي الي تبين .
حور : شنو الي يخلي الصبي يخضع للبنت ؟
حسين ( استغرب من سؤالها ومن جرأة السؤال ) : ليش تسألين هالسؤال ، حووروو لايكون ......؟
حور ( توهقت ) : لالابس رفيجتي تكتب قصه وقالت لنا سألوا اكثر عدد من الريايل هالسؤال .
حسين : اممم ، سمعي الي يجذب الريال للبنت طيبة قلبها شموخها برائتها حنانها .
حور ( بتردد ) : والجمال واللبس ؟
حسين : الجمال عامل مساعد ، بس مو سبب للجذب ، شفايدة بنت حلوه مووت ولا اسلوب ولا حنان ولا برأة .
حور : وااي حسستني ريال عمره مليون سنه الي يتحجى مو صبي عمره 18 سنه .
( حور قامت من جدامه وراحت تبي تطلع بس قبل لا تطلع ) حسين : حور حبيبتي انتي احلى بنت شفتها بحياتي وزوجتي ابيها مثلج ، خلج وااثقه من نفسج .
حور ( دمعت عينها ) : ادري مايحتاج تقول .

( حور بغرفتها ، وتفكر بكلام حسين الي قاله ): معقوله يبي زوجته مثلي ، معقوله اكو ريال مايهتم لشكل البنت ولبسها ، وييع ليش ناصر مو مثل حسين والله اخاف اصير بنظر الناس ملقووفه وقاطه روحي عليه ..( شوي وشبكت بالمسنجر )
نور عيني :
غريبة حالتج اليوم ساكته ؟
حور :

نور عيني :
مثل شنو فاقده ، انا اييبه لج والله .
حور :
تسلم ، اخوي فهد من الاشياء الي فاقدتها ..، اااخ تعرف لمن تكون تعبان وماتلقى احد تتحجى له ، لمن تحس انك بدنيا غير هالدنيا ، لمن تركض سنين وبالاخر تلقى انك تركض ورى وهم ، انا تعبانه والله .
نور عيني :
اوووله حور شدعوه كل هذا ، شفيج شصاير لايكون ناصر مزعلج ..
حور :
لا ناصر مازعلني ، بس يضايقني بدون قصد ( وقامت تقوله عن مشاعرها تجاه ناصر )

نور عيني :
حور ترى اكو ناس ثانية تحبج بس انتي ما تحسين ؟
حور :
ماقمت اميز بين الي يقول الصج والي يجذب ، وعلى طاري حسون اليوم قالي انه يبي زوجته مثلي ..
نور عيني :
تصدقين انج دعله الحين حسون يقولج هالحجي وانتي متضايقه ، المهم انا بدز لج رابط وانا اغني سمعي صوتي واحكمي عليه " لان يهمني راييج "
حور :
سلييحط ، دز خل نسمع ...
( دز لها الرابط وكان عبارة عن اغنية عبدالله رويشد – مافي احد مرتاح - ، الاغنية كان بمثابة المفاجأة الي انفجرت بوييه حور ، كانت تسمع الاغنية ومومصدقه من الصدمه ، كان طول هالسنتين يحاجيها واهيا مو حاسه وما انتبهت له ، يدزلها واهيا ماترد ،، قامت بسرعه وسكرت الللاب وحذفت عمرها على السرير )





حور ( عيونها تروح يمين ويسار ) : انا لازم اتصرف لازم بأسرع وقت ( وظلت تفكر لي غلب عليها النوم ) .

ثاني يوم بالسيارة
حور ( تسوق وتحاجي عمرها ) : معقوله يكون اهوا ، معقوله انا ما نتبهت ولا فكرت عدل عشان جذي يعرف بعض الشغلات ولمن اسأله يغير الموضوع ، امبيه كل اسراري عنده ، انزين ليش خش عني شنو يبي مني، يااربي رااسي بينفجر ,

بمدرسة حسين
احمد ( طالب بمدرسة حسين ، اهو حبوب وطيب ومؤدب وشاطر .. بس مو مضبوط شوي ): قوه حسين ,,
حسين ( يتغشمر ) : هلا بالحب هلا بالطيب .
احمد ( استحى ) : هلا فيك شلونك ؟
خالد ( مو بالعه ) : يالله نمشي .
حسين ( يطق خالد على راسه ) : الولد يايي وانت تقول نمشي ؟
احمد : انا بس ابي اقولك ، ان ماعليه يوم طاحوا عليكم بالحمام ادخنون ,
حسين : اووووله شخباري هالسالفه من 3 شهور تقريبا .
احمد : هههه توني لقيت فرصه اقولك ، يالله انا اخليكم .
حسين ( بصوت جااد ) : وقف ؟
احمد ( وقف قلبه ) : ههلا ؟
حسين : شدراك انهم مسكونا بالحمامات ، انا وخالد مابلغنا احد ومومعقوله يكون استاذ عبدالسميع او لناظر قالوا لك ؟
خالد : شقصدك حسينووو لايكون اهوا ...
حسين: اهو الي بلغ علينا بالحمامات ، ولا مومعقوله الناظر والاخصائي بعد اييون مع بعض وعند حمامات مختبرات الفيزيا الي محد اييها ..؟ ، احمد ليش سويت جذي .
خالد ( عصب وبيطقه ) : تبييني ادووس بطنك الحين .؟
احمد : والله ماكان قصدي ، بس مابي حسين يدخن ..
حسين : يالله خالد نمشي ، واحمد لي حجي ثاني معاك ..( وخلوه وراحوا )
احمد ( يبتسم وبقلبه ) : هذا الي ابيه ههه .

نهاية الدوام بكلية الهندسه
حور ( واقفه جدام ناصر ، وكان مبين من عيونها انها جاده بكلامها ) : الي سمعته صارلي سنتين وانا احاول ابين لك ، وانت مومهتم او تسوي روحك مو مهتم .
ناصر : نعم ، انا احبج انتي .. شايفه شكلج انتي .
حور ( عيونها طلعت برا ) : وليش ماتحبني اذا فيني شي قولي مو تحقر ؟
ناصر : لبسج شكلج اسلوبج كل شي كل شي ... وانا ماحب البنت الي تركض ورى الصبي .
حور( دمعت ) : ومعنى كلامكــ
ناصر ( تنهد ) : ماراح احبج ودوري غيري.
حور ( قامت تعض شفايفها ، وويها صار احمر وبعدها لفت ظهرها تبي تروح ) .
ناصر : سمعي .
حور ( التفت له بدون أي كلمه ) .
ناصر : احبج بشرط .
حور :............
ناصر : تعدلين عمرج نفسج ، وتلبسين نفس البانت الي تشوفهم عينج بالكلية ، وتغير اسلوبج ، وماتييني انا لمن ابيج انا اييج غيره مابي اشووفج ..شقلتي ؟
حور : مو انا الي اخضع لأشكالك .
( تركته وقامت تركض لسيراتها وقامت تحس بدووخه ، قبل لاتركب السيارة في قمة البجي )

انت ايه مش كفايه عليك تجرحني حرام عليك
انت ايه انت ليه دموعي حبيبي تهونعليك
طب وليه انا راضيه انك تجرحني وروحي فيك

طب وليه يعني ايه راضيةبعذابي بين ايديك
لو كان ده حب ياويلي منه
لوكان ده ذنبي مااتوب عنه
لوكان نصيبي اعيش ف جراح حاعيش في جراح
مش حرام
مش حرام انك تخدعني ف حبي ليك
مش حرام الغرام وسنين حياتي وعشقي ليك
ضاع قوام ولا كان لعبة ف حياتكبتداويك
ضاع قوام الحنان وحضن قلبي واملي فيك
لو كان ده حب ياويلي منه
لوكان ده ذنبي مااتوب عنه
لو كان نصيبي اعيش ف جراح حاعيش في جراح
لوكان ده حب ياويلي منه
لوكان ده ذنبي مااتوب عنه لو كان نصيبي اعيش ف جراح حاعيشفي جراح
لو كان ده حب ياويلي منه
لوكان ده ذنبي مااتوب عنه
لو كاننصيبي اعيش ف جراح حاعيش في جراح

حور ( يم سيارتها في قمة البجي مو حاسه بشي غير الدووخه ، قامت تسمع صوت يناديها ، حوور حوور ، التفتت بصعووبه لقتجاسم ولد جيرانهم )
حور : نعم ؟
جاسم ( كان لابس قميص سماوي وشورت بيج ، ومضبط شعره ) : شفيج تبجين ؟
حور ( بصعوبه ) : مو شغلك ..
جاسم : لا شغلي ونص ، قولي شفيج ولا وربي اروح ادوس ببطن الزفت نااصر واطقه لين يقول شسوا لج .
حور ( اطالعه بنظره ) : انت ليش سويت جذي ؟
جاسم ( اختبص ) : شنو سويت انا ؟
حور : نور عيني ؟
جاسم ( يطالعها بنظرات تعجب واستغراب ) :........
حور : لا اطالعني جذي انت الي كنت تحاجيني طول هالفترة ولمن دزيت الاغنية عرفتك لان صووتك مميز والكل عارف ، ومو بعيدة تكون انت وناصر متفقين علي .؟
جاسم : لا حور انتي فاهمه غلط ؟
حور ( ركبت سيارتها بسرعه ، ومارضت تسمع شي من أي احد ، ركبت سيارتها وحركت للبيت ... وطول الطريق كانت تبجي ومنهااره وماعاد عندها اعصاب ... )

في بيت بو فهد
( تدخل حور تبجي وشكلها كان يلفت لان الميك اب الي حاطته للمرة الاولى ساح من كثر البجي ، تركض لغرفتها بدون لا تعطي اهتمام لأمها الي تناديها ، صعدت غرفتها قفلت الباب عليها وقامت تبجي بحسره وبصعوبه )
ام فهد (خاايفه بسبب شكل بنتها ) : يماا شفييج ، حبيبتي نور ردي علي ، يايما فتحي الباب ، يما والله وقفتي قلبي حرام عليج ، انزين ردي علي ، استغفر الله يما حوور ردي ...

الساعه 7 باليل
ام فهد ( مختبصه من الساعه 3 لان حور ادخلت غرفتها وحالتها حاله ومارضت تفتح لها ، وكان قاعد يمها حسين ومعصب من تصرف حور )
حسين ( معصب ) : يماا شفيج جان كسرتي الباب عليها ، خل نعرف شفيها مو مو تتركينها للحين ..
( حسين اخذ امه وصعدووا عند غرفة حور وقاموا يحاجونها ماترد عليهم ، حسين رجع شوي وركض يطق الباب بجسمه ، اول وثاني وثالث مرة رابع مرة فتح معاهم الباب ، دخلوا لقوا حور طايحها على الارض بملابسها وويها اصفر وبدون حركه )
ام فهد ( تركض لها ) يمااا حووور اااه يمااا شفيييج يمااا ( وتبجي )
حسين ( يحرك ايد حور ويطقها على جتوفها ) : حور حبيبتي تحركي تكفين حور .
ام فهد : اااه بنتي رااحت مني اااه ااه ااه ااه ، يما حور ردي علي تكفين يايما ,, اااه ااه اه اه اه اه ..
حسين ( عيونه امتليت دموع ) : الو السلام عليكم ، اخوي عندنا بنت مادري شفيها ماتتحرك نبي اسعاف الله يخليك ( ويات الاسعاف وخذو حوور للمتشفى )






تم البارت السادس

[لامارا]

\\

البارت السابع

بالمستشفى

( ام فهد وحسين برا عند الملاحظه ينطرون الدكتور يطلع ، ام فهد اعصابها منهاره وخايفه على بنتها ، وحسين كان كل تفكيره السبب الي وصل حوور لي هالدرجه )
بوفهد ( ياااهم المستشفى ) : شفيها حور شصار ؟
ام فهد وحسين :................
بوفهد ( محمق ) : اكلم طووفه انا ، حسين شفيها .
حسين : يبا هدي اعصابك مافيها شي انشاللهــ
بوفهد ( يكلم ام فهد ) : البنت ماخذتها الاسعاف من البيت وتقولولي مافيها شي ، ام فهد تحجي .
ام فهد ( وعيونها مليانه دموع ) : ماادري والله يت البيت تبجي وصعد غرفتها على طول ، ومابطلت لي الباب وماشفتها الا لمن كسر حسين عليها الباب .
بوفهد ( يقعد على الكرسي ) : استغفر الله ، والدكتور وينه .
حسين : عند حور بالملاحظهــ
الدكتور ( يطلع من الغرفه ) : السلام عليكم .
الكل : وعليكم السلام .
بوفهد : شفيها البنت .
الدكتور : والله ياخوي البنت تعرضت لصدمه عصبيه ، وهالصدمه سبب لها هبوط بالدورة الدموية .
بوفهد : وشلونها الحين ؟
الدكتور : لا الحمدالله جسديا مافيها شي بسس ؟
حسين : بس شنو دكتور ..
الدكتور : بس للأسف هالصدمه افقدتها القدرة على النطق مؤقتا بسبب الصدمه .
ام فهد ( انهارت من البجي ) : اااه يما حووور اااه يبنيتي اااه اه اه اه .
حسين : شنووووووو ؟
بوفهد : شتقول دكتور ، من صجك انت والحل شنو ؟
الدكتور : ياجماعه علاجها نفسي اكثر من عضوي ، يعني لازم ترتاح نفسيا وتساعدونها تسترد نطقها !!
بوفهد : انا مستعد اسفرها لأي بلد بس ترد تتحجى .
الدكتور : السفر ماراح يفيد ، نصيحه مني حاولوا تعرفون سبب الزعل وحاولوا تبعدون عنها الزعل لين تتشافى انشاللهــ ، يالله عن اذنكم .
( ظلت ام فهد تبجي وبوفهد راح يحاول يقنع الدكتور يسرفها برا للعلاج ، وبعد ساعه اخذ حسين امه لحور بالغرفه عشان تشوفها )


بيت بو جاسم
جاسم ( مرتبك ومو عارف يتصرف ، ويكلم امه ) : يما قبل شوي كانت اكو اسعاف يم بيت جارنا بوفهد .
ام جاسم : ويي صج وليش ماقلتلي .؟
جاسم : انتي كنتي طالعه وتوني اتذكر .
ام جاسم : لازم ادق على ام فهد اشوف شفيهم عسا مو صايرلهم شي .
جاسم ( قلبه مع حوور ) : أي لازم ادقين عليهم ، تتطمينين
ام جاسم ( اخذت التليفون ودقت على ام فهد ) : الووو ، هلا ام فهد ، عسا ماشر جاسم يقول قبل شوي عندكم الاسعاف ؟
ام فهد:..........
ام جاسم ( دقت على صدرها ) : ويييي ، ليش شفيها ..شصار لها .
ام فهد : ...............
ام جاسم : لاحول ولا قوة الا بالله .
ام فهد :...............
جاسم ( يأشر لامه يبي يعرف شصار )
ام جاسم : يالله ماعليه الله يقومها بالسلامه ، وترد مثل اول .
ام فهد :........
ام جاسم : اللهم اميين ، يالله مع السلامه ( وسكرت الخط ) .
جاسم ( نط جدامها ) : ها يما شفيها حور ؟؟

الساعه 12 بالليل
حسين ( بغرفة حور ويفتش بتليفونها ) : لازم القى رقم هالجلب ، اكييد حوور تحب ، وصار لها شي .
( وظل حسين يدور ويدور بالتليفون وغيره ، والاجابة كانت " مالقى أي شي لان حور ماكانت تعرف رقم ناصر وماقدرت توصل له "... بس رغم هذا كله للحين حسين شاك ان السالفه فيها حب ، وخاصه بعد سؤال حور عن جذب الريال للمرأة )

بالمستشفى ..
جاسم ( يحاول يدخل المستشفى بس السسترات مانعينه ) : الي داخل اختي لازم اشوفها وتوني راد من السفر .
السستر : ممنوع ياخويا ده جناح حريم ..، والزيارة ممنوعه دلوأتي .
جاسم ( يطلع من بوكهــ 30 دينار ، وحطهم بيد السستر ) : تكفين والي يخليج والله ماراح اسوي شي بشوفها وبطلع .
السستر ( متردده ) : بسس يااابيه .
جاسم : وربي دقايق بس ..
السستر : اوكي بس بسرعه الله يخليك .
جاسم انشالله ..
( دخل جاسم غرفة حور ، وشافها مثل الملاك نايمه على السرير ، قرب منها وحاس ان اهوا السبب بألي صاار )
جاسم ( ماسك اييد حور ) : حور تكفين سامحني انا ماسويت هالشي الا من حبي لج ، اذا ناصر خلاج انا ابيج وشاريج حور انا احبج واعشقج تكفين عطني فرصه ..
حور ( تلف ويها عليه ودموعها بدت تنزل ) :...........
جاسم ( يبتسم ) : والله احبج وابيج ، والزفت نااصر والله لأوريج فيه ما اهده ..
حور ( تسحب اييدها عن جاسم ) :.......
جاسم ( انصدم من الحركه ) : ليش حور لهدرجه ماتبيني وتحبين ناصر ..
حور (قامت تبجي حيييل ) :....ممم..مم..اا...
السستر ( تفتح الباب ) : الله يخليك امشي دوأتي .
جاسم ( يطالع حور ) : ماراح اهدج ، الا اذا قلتي مابيكـــ ( وطلع وراح )
حور ( قام يزيد بجاها ) :....ممم ...اا,,مم
السستر : هوا عملك حاجه اطلب له الشرطه ..
حور ( تأشر بأصبعها ، لأ ) :.....
السستر : طب هدي شويا ارتاحي ، الدكتور وصا ليكي بالراحه .


ثاني يوم الصبح
مريم ( تدخل بسرعه على حور واهيا تبجي ) : اااه حوور حبيبيتي ااه شصار لج .
حور ( تفتح عيونها ) :..........
مريم ( تلمها ) : يابعد هلي كلهم والله ماتستاهلين الي صارلج !!
حور ( تأشر الساعه جم ) :........
مريم : سبع وربع ، ادري مبجر بس والله ماصدقت ييا الصبح وييتج ركض .
حور ( تحرك اييدها منو الي قالج ) :..............؟
مريم : خالتي ام فهد دقيت عليج امس لين خاب ثاني ماتردين جان اق على خالتي وقالتلي .. ، كل هالمصيبه من الزفت ناصر صح ؟
حور ( تأشر ايي ) :.......
مريم ( تطيعها تليفونها ) : كتبي كل شي صااار ابي اعرف بالتفصييل .
حور ( قامت تبجي ) :.......
مريم ( عصبت ) : والله اذا نزلت دمعه زياادة لأروح لناصر واكسر راسه بالكلية ، ويالله مسكي كتبي كل شي ..






حور ( مسحت دموعها وفرحت ان عندها رفيجه مثل مريم < دووم هالصحبه ، قامت تكتب حور كل شي .. )
مريم ( بعد ماقرت الحجي ) : وتعتقدين جاسم متفق مع ناصر .
حور ( بالاشارة ) : لا
( دقايق ووصل المطعم ، قامت مريم وحاسبته ، طبعا لاتشوفون شكل حوور من صدمه تصرف مريم )
مريم : بسم الله لا تخزييني جذي ، وانا يايه بالطريق طلبت لج تريووقه .. عشان ناكل مع بعض .
حور ( تضحك ) :....
مريم : فدييت الضحكه وصاحبتها ، أي جذي ضحكي يبا .
(توهم بياكلون تدخل عليهم السستر )
السستر : بسم الله انتي من امتا هنا ؟
مريم : من الشروق .
السستر : واكل كمان ، يأختي ممنوع .
مريم : مو ممنوع انشالله ، البنت لازم ترم عضمها < تتحجى مصري
حور ( بالاشاره ) : ماعليه خليها .
السستر : الي انتي عيازاه .
( شوي وستأذنت مريم من حور عشان تروح للكلية ، عندها محاضرة مهمه وطبعا هاذي جذبه لانها كانت تبي تقابل نااصر وتحاجييه )

الساعه 10 الصبح
ام فهد ( لامه بنتها ): والله ماتستاهلين الي صارلج يايما .
ابوفهد : شلون بنيتي الحين انشالله تمام ؟
حور ( بألأشاره ) : زينه .
بوفهد : دووم انشالله ، والدكتور طمنا ان باجر الصبح تطلعين انشالله .
ام فهد : والنطق شلون ؟
بوفهد ( ماحب يذكر حور بشي ولا يبي يضغط عليها بشي ) : كل شي مع الايام انشالله .

بكلية الهندسه
مريم ( متنرفزه ورايحه صوب ناصر ) : ناصر تعال ابيك ؟
ناصر ( يااا لها ) : نعم امري .
مريم : حور بالمستشفى ؟
ناصر : أي حوور ؟
مريم : لا تستهبل حوور ، اكو وحده اسمها حور بالكلية غيرها .
ناصر : اييي ، ماتشوف شر .
مريم : حور فقدت النطق ياحجي ؟
ناصر( عيونه طلعت برا ) : شنوو ، ليش .
مريم : بسبة حجيك الي مثل السم ، ومن الصدمه القويه الي سببتها لها .
ناصر : وانا شكو ، اهيا سألتني وجاوبتها .
مريم : كنت تقدر تقولها بألف طريقه وطريقه مو جذي ؟
ناصر ( ماله خلق ) : والمطلوب ؟
مريم : تروح تكلمها تقولها أي شي انك كنت معصب أي شي ؟
ناصر : اسف ، انا ماقلت هالحجي عشان اسحبه .
مريم : اقووولك فقدت النطق بسببك ، واهلها شاكين فيها ؟
ناصر : هههه وصار فيها عاهه وتبيني احاجيها ؟
مريم : انت شنو من بشر ، مو كافي الي سويته فيها ؟
ناصر : ماسويت شي ، وانا مشغول يالله عن اذنج ..( وتركها وراح )
ظلت مريم مكانها ماتعرف تتصرف ، بس الي عرفته انه انسان اناني وماعنده احاسيس ولا مشااعر )

تم البارت السابع

[لامارا]

\\

- البارت التاسع –

ببيت جاسم
( يدخل البيت وماكان فيه احد يصعد غرفته ، وقبل لايبدل ملابسه ولا يسوي أي شي دق على مريم )

جاسم ( صوته كان تعبان) : الو مريم حور يوينها ؟
مريم ( مخترعه ) : بسم الله شفي صوتكــ
جاسم : عطيني حور ..
مريم ( خافت وعطتها السماعه ) : اخذي يبيج جاسم ..
حور ( بالأشاره ) : شيبي ؟؟
مريم : مادري ، الو جاسم حور معاك
جاسم : حووور انا احبج وابييج لو شيصير ماراح اهدج مرة ثاانيه تفهمييين ..
حور ( تبتسم وقلبها يرقع ) :...........
جاسم : سمعتيني حور ؟
حور ( عطت السماعه لمريم وبالاشارة ) : قوليله أي سمعتكــ .
مريم ( خذت التليفون ، يت تبي تتكلم جان تسمعه ) :........
جاسم : اليوم طقيت ناصر وتهاوشت معاه عشانج ، حور عطيني فرصه .. موقصدي الي سويته والله .
مريم ( بأنفعال ) : كفوو عليك بردة قلبي بناصر .
جاسم : بسم الله ، من وين طلعتي ، لايكون انتي الي صارلج ساعه معاي ؟
مريم : لا مو انا بس سمعتك لمن تقول طقيت ناصر ..
( كلمها جاسم وبعدها سكر الخط وراح يبي يغير ملابسه ، ويسبح وغسل ويرتاح شوي ، ولما خلص نزل المطبخ يبي يدور له شي ياكله ، لقى " هند بنت اخته نوريه" كانوا ياينهم زوارة ونامو عندهم " هند عمره 16 بــ صف 11 بتروح لـ12 سمره طولها عادي مناسب لسناه جماله حلو متحجبه " ، دخل جاسم المطبخ لقاها تبجي ، بدون أي صوت )
جاسم : هند شفيج يبا ليش تبجين ؟
هند ( انتبهت ان دخل ) : ها لا ماكو شي مو قاعده ابجي .
جاسم : افا تخشين علي وانا خالج الي تحبينه ؟
هند : صدقني خالي مافيني شي ، انتا سلامات شفيك ؟
جاسم ( توهق ) : مافيني شي يبا بس شباب اذيهــ صارت مشكله والحين انتهت .
هند : يالله حمدالله على سلامتك ، انا بروح انا بنام ، تصبح على خير .
جاسم : وانتي من اهل الخير ..
( وخلته واطلعت ، وظل جاسم يحووس بالمطبخ يدور شي ياكله )

بيت بوفهد
حسين ( عند امه وفاطمه ) : يما متى يرجع فهد ؟
ام فهد : باجر العصر انشاللهــ .
حسين : وعرف الي صار لحوور ؟
ام فهد : لا يما مابغيت اكدر عليه وحور انشالله فترة وتتحجى .. ، وانت بعد من باجر امسك كتابك عشان مابقى شي على الفاينل كلها شهر وتخلص المدرسه وابي نسبة حلوه ..
حسين : انشالله .
( باس راسها وراح لغرفته ، لقى مسج " احبك لو ماتحبني <3 " ، تنرفز حسين من هالشغله ، وقام يدق على الرقم مغلق ، وبعدها من التعب حط راسه ونام .. )
فاطمه : يما تتوقيعن شنو الي صار بحور وصلها لي هالدرجه ؟
ام فهد : والله مادري ، ابوج قال لاحد يضغط عليها ، خلها تتحجى بروحها ؟
فاطمه : بس يما مايصير ، يعني على الاقل نعرف يمكن صايرلها شي جايد شلون نعرف ؟ على الاقل لو عرفنا نساعدها ؟
ام فهد : ماادري اذا شفتي ابوج كلميه ؟
فاطمه : يالله عيل تصبحين على خير ؟
ام فهد : ونتي من اهله ، بس لاتنسين باجر الحريم بييونا وفهد بيي بعد ، يعني يمكن ايون واايد نااس خلي كل شي جاهز ؟
فاطمه : انشالله ، باي .


بالمطار ..
فهد ومنيرة راجعين من اسبانيا ، ومنيرة كانت واايد مرتاحه ، س فهد مو مرتاح لان اخر جم يوم ماكلموه اهله ، ولا استقبلوه بالمطاار اليوم ..
منيره : غريبه محد ياينا المطار اليوم ؟
فهد : يمكن مشغولين يالله ماعليه ، تدرين اكثر شخص مشتاقله منو ؟
منيره : بتقولي حور صح .
فهد : لا ؟؟
منيره : عيل منو ؟
فهد : الشغل .
منيره : ويي الله يستر حياتنا بتصير كلها شغل شكلها ؟

( دخلوا منيرة وفههد البيت لقوا حور قاعده بالصاله بروحها كانت ام فهد وفاطمه بالمطبخ وحسين بغرفته )
فهد ( يروح لحور ) : حبيبتي حوور ..
حور :............
فهد : شدعوه حتى حمدالله على السلامه ماكو ..
حور ( قامت ادمع ) :........
منيره : حبيبتي شفيج ؟
حور : ................
فهد ( يمسكها من جتوفها ) :تحجي زين شفيج ساكته ؟
حور (بالاشارة ) : مو قادرة ؟
فهد ( ماي بارد وانك عليه ) : يعني شنو مو قادرة ..
حور ( قام يزيد بجاها ) :............
ام فهد وفاطمه( يطلعون بسرعه من المطبخ ) : هلا هلا بالمعاريس يما شلونكم ( ويسلمون عليهم) ..
فهد : يما شفيها حور ..
ام فهد : مافيها شي انشالله ، انتوا صعدوا ارتاحوا ، وبعدين يصير خير ..
( فهد مارضى يصعد قبل لايعرف السالفه رغم ان منيرة حاولت تقنعه يصعد ،، سمع السالفه فهد ، وزعل فهد ان محد حط له قدر وعلمه بالسالفه بس حسين فهمه ان مايبون يخربون عليه شهر العسل ، وطول ما اهما يتكلمون حور كانت تبجي )
فهد : وابوي وينه ؟
ام فهد : عنده شغل وبيي ..
.............................
بكليه الهندسه
هيا ( تصارخ ) : مو سالفه هاذي حور ، السالفه صايره من اسبوعين وتوني ادري ..
مريم : وطي صووتج احنا بالكلية ..
حور( بالاشارة ) : انا اسفه والله .
هيا ( معصبه وويها احمر ) : اسفج مقبوله ، بس زيتونه زوجة بباي الي يمج لو تعتذر لي يوم الدين مو مسامحتها ..
حور ( انفجرت من الضحك ) :............
مريم : انا مرت بباي ، يا بومبا ؟
هيا : ماراح ارد عليج .
مريم : عشتوا لا ردي علي تفكين ، واسف ماراح اعتذر ، يالله بعد خلصنا الاختبار خل نروح ميس الغانم وناكل كباب عراقي " قصدها تحر هيا ..
هيا : وبالله انا بنت البطهــ السوده شنو ماكو تعالي معانا ؟
حور ( تيي تلم هيا وتسحبها من ايدها ) :.........
هيا : عشانج حور ولا ماكنت بروح معاكم ..
مريم ( بصوت وااطي ): يصير خير ..
( قاموا يمشوون شوي صادفوا ناصر واقف يطالعهم ..)
حور ( واقفه اطالعه ) :.........
مريم : يالله حور خل نمشي ..
هيا ( بصوت واطي ) : نطروا شوفوا شو بسوي فيه ، مريم عطيني الكوفي الي معاج .
حور ( طلعت عيونها برا ) :......
مريم : اخذي ، والي تسويينه انا معاج ..
( خذت هيا الكوفي وقامت تمشي ، ووصلت صوب ناصر وسوت روحها بطيح وكتت عليه كل القهوه غرقته وسط نظر الكل )
ناصر : انتي عميا ماتشوفين ؟
هيا ( تتمسكن ) : والله مادريت اسفه ..
ناصر : شسوي بكلمه اسفه ؟؟
هيا : بعد شسوي ..
مريم ( طبعا مغشي عليها من الضحك على شكل هيا وناصر ) :كااااااااااااااااااااااك

اللكل : حصل خير نااصر هاذي بنت لا تزفها ,
ناصر : خذا بعضه وطلع ..
هيا ( تيي حور ) : ها شرايج ؟
حور ( تنزل راسها يمين ويسار وتضحك ) :.......
مريم : فدييتج والله عن سبعين ريال ..
............................

بمدرسة حسين





احمد ( يكلم حسين بروحهم ) : حسين انا ابي اقولك ..
حسين : قول اسمعك ..
احمد : ابي اقولك ان ماعندي ربع وابي اصير من ربعك اذا ممكن ..
حسين ( يحط راس احمد تحت اباطه ويفرك راسه) : ومنو الغبي الي قالك انك مو رفيجي ..
احمد ( طار من الوناسه ) : صج ؟
حسين : عمري قلت شي جذب ، أي يبا صج ، يالله تعال معاي عند ربعي ..
( قام يمشي حسين واحمد عند ربعهم وصل مسج لتليفون حسين ، طبعا حسين ماخذ فونه " احبك والله لا يخليني منك " ، حسين طنش المسج ومافكر فيه )

.............................

بمطعم " ميس الغانم "
( البنات طلبوا وينطرون الطلب )
مريم : الحساب علي هالمره ؟
هيا : لا وربي علي هالمره على سلامت حوور ..
مريم : لا مايصير انا ..
هيا : جبي ، انا يعني انا ..
...: قوه
حور ( تلتفت تلقاه جاسم ) : .....
مريم : هيا تعالي معاي الحمام بعدل شكلي ..
هيا: روحي مالي خلق ..
مريم ( تسحبها من ملابسها ) : تعااالي ..
جاسم ( قعد جدام حور ) : قووه ..
حور ( بالاشاره ) : زينــه .
جاسم : دووم ، حور للمره الالف انا احبج وابيج لا تهديني ..
حور :............
جاسم : الغلط راكبني من راسي لي ساسي ، بس والله مابغيت اخرب حياتج مع الي تحبين ..
حور :..........
جاسم : تعالي نعيش انا معاج احلى قصة حب بالدنيا .. ( ومسكــ ايدها )
حور ( سحبت ايدها وشالت اغرضها وركضت بعيد ) :.......
جاسم ( مو متوقع هالحركه من حور ):....
( رجعت مريم وهيا للطاولة مالقوا لا جاسم ولا حوور )
مريم : وين راحوا ؟
هيا : اكيد اخذها جاسم وراحوا يتمشون ..
مريم : لا قلبي ناغزني .، امشي لسيارتي ..
( وراحوا للسيارة لقوا حور قاعده بروحها تبجي بحرقه )
مريم : حوور هدي ..خلاص رااح ..
حور :............................

تم البارت التاسع