آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-01-13, 07:18 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  صحت من أفكارها على صوت رسالة الجوال إلي كانت من ناصر "جهزي نفسك باكر بنروح المزرعة . . رجعت حطت راسها عال مخدة بخوف مزرعة ؟ يعني عنود يعني حرق الدم يعني بيظلون يحرقون دمها طول الوقت ويتشمتون فيني يعني الي ما راح يتشمت فيني راح يطالعني بتسأول ليش خطب عليك ؟ ردت قامت قعدت وهي تحس ان ها اليلة ما راح يجيها نوم ... ناصر كان قاعد مع ربعه في الاستراحة و أصوتهم العالية والتلفزيون إلي اغلبهم قاعدين عليه وصل حده كان قاعد يتفرج عليهم وهو حط يده على خده بملل طالع خالد إلي من يوم ما قعد وهو مشتغل رسايل ووجه مكشر ونواف إلي كان يلعب ورقة وخاف عليه انه يجهد نفسه به الضحك انتبه لدخلة جاسم ولد عمه إلي كان شكله معصب و إلي صار له أسبوع واصل من السفر دار بعيونه كأنه يدور له على احد الين ما طحت عيونه عليه وعلق بضيق "ناصر تعال أبيك . استغرب طريقته في الكلام لان جاسم دايم محترم وما يتعامل مع احد به الأسلوب قام بتكاسل وخرج ورآه وطلع سيجارة وولعها وهو ينفذها في الهواء ورفع حاجب لجاسم يبيه يتكلم .طالعه جاسم بعصبية وعلق "أنت شنو ما عندك إحساس ! ماشي وتسوي إلي تبي ولا تحشم احد ! انصدم من طريقة الحوار إلي بينهم ورعى إن جاسم معصب وعلق بهدؤ "جاسم في قرار في مجلس الإدارة ما عجبك تبيني أغيره ؟ جاسم إلي فتح عيونه الاثنين بعصبية "أقول لا تستفزني أكثر ترى والله يدوب النفس متحملتك !! طالعه بحذر وهز راسه بعدم الفهم وعلق "ليش آنا وش سويت! طالعه جاسم إلي هدا صوته عشان محد يسمع "شلون تتزوج عليها وهي مالها شهر ليش عشانها يتيمة وماوراها احد يحاسبك ! ناصر إلي لمعت عيونه بغضب وشد شفايفه بقسوة وطالع ولد عمه بحاجب مرفوع وتكلم بصوت يشبه الهمس ومن تحت أسنانه "ومن عينك وكيل عليها ؟ طالعه جاسم بغضب عمره مشافه في جاسم "آنا بس بفهم عمي يوم انه يوفق على زواج العائلة يعطيك مكرمة ثنتين ماش الله لا وعشان تذبحون اليتيمة أكثر ما هي مذبوحة يزوجك صديقتها !! سكت وحس إن جاسم وراه شي أصلاً من إلي مشتكي له . حاول يتمالك أعصابه ويرد بهدوء وهو راخي عيونه في الأرض " اعتقد إن موضوع زواجي ما يهمك في شي في شي ثاني تبي تقوله ؟ طالعه جاسم بحقد وعلق بصوت يشبه الفحيح "أنت ليش تكرها ليش تتعمد تأذيها طول الوقت ؟ طالعه وحس انه ما يقدر يمسك نفسه الحين خلاص " و أنت وش عليك ليش شايل همها وش دارك بالي بيني وبينها أصلاً !! طالعه جاسم بنفس الحقد "قلي أنت من كان ما يدري عنكم! يوم خطبت وقاموا الناس يباركون لعمي كان أهون علي إني أموت ولا أشوفها بذاك المنظر وتمت يومين تون في فراشها وتنادي باسمك وآنا كنت اسمعها وكنت احلف أمي ما تقول لأحد بلي تسمعه منها و... "لحظة لحظة ممكن اعرف آنت وش دورك في هل مسلسل ؟ استوقفه ناصر وهو رافع إيده في وجه جاسم . علق جاسم بابتسامة سخرية ممزوجة بمرارة "آنا كومبارس في مسلسل كم . طالعه نصر وتكلم بجدية "جاسم اسمعني أنت تعرفني آنا ماني حقير ولا لعبت ببنت عمي وو... ."هذا كله مو حقارة. أنت اكبر واعقل منها وأكثر واحد عارف إن عمي مستحيل يزوجك إيها ليش تلعب فيها ؟ والاهم من ذا كله أنت حسبلك ما كنت أشوف رسايل خالد وهو خايف عليها مني بس المشكلة إن خالد معرف يوصي منو ولا عرف يخاف من منو ... ناصر محس بنفسه إلا وهو ماسك ياقة ثوب جاسم بيدينه الاثنين وعلق بصوت مبحوح " لا تتكلم و أنت منت فاهم شي ..أنت.أنت متعرف .. ومنتبه إلا ليد جاسم إلي مسكت ياقته ودفعه عنه وعلق بصوت شبه عالي " صحيح آنا ما عرف وش صار بينكم بس هذا ما يسمح لك انك تنتقم منها به الشكل يا الرخمة هذه حرمة .نسيت كلامك لي ما يحط راسه براس الحرمة غير الرخمة نسيت ! وقف مدهوش وعيونه تلمع بغضب شلون جاسم يمد إيده علي و يقولي آنا "يا رخمه" محس بنفسه إلا وهو معطي جاسم طراق رمه عل الأرض وانتبه للشباب إلي خرجوا من الاستراحة و أعطى نظرة نفور لجاسم . ومشى لداخل الاستراحة واخذ جواله و شماغه ومشى تحت نظرات صامته من الشباب إلي كانوا مصدومين من تصرفه وطبعاً من يقدر يسأل ناصر وش صار ....... جلس وهو يحاول يدق على جوال ناصر إلي كان مقفل وحتى جوال جاسم ما يرد وش بلاهم هل اثنين طالع خالد إلي دخل وراح غرفته ولا حتى اهتم بالي صار بين ناصر وجاسم "نواف قوم يومة جيب لي القران خاني أقراء شوي قبل ما أنام ... تكلمت عمته موضي بابتسامة وهي مستلقية على سريره وكان قاعد على كرسي يم السرير . قام نواف وجاب له القران وستأذن وراح غرفته ..دخل غرفته وبدل ثوبه ولبس بيجامته وجلس ع السرير وهو يتنفس بصعوبة .خلص معاد اقدر أتحمل أي جهد .يعني بتم أتعذب طول عمري . انتبه للجوال إلي ران رنه وقفل التفت وراه على مهل واخذ جواله ولقى رقم غريب لا.. لحظة هذا الرقم أنا اعرفه هذا رقم وحدة من بنات عمي حمد بس جوالي معاد يطلع الاسماء...بس وش عندها متصلة لا يكون عمي صاير له شي .... لا مستحيل لو صاير له شي ما تديني رنة أكيد متصلة بالغلط حتى لو فيه شي ما يدقون علي عادة يدقون على ناصر ولا عمي فيصل .رمى الجوال من يده واخذ علبة علاجه لأنه خاف انه تجيله الأزمة وهو لحاله واخذ حبه وحطها تحت لسانه وقام على مهله ودخل في فراشه وتغطى باللحاف وانتبه للجوال إلي رجع يرن بس الحين حس بالخوف فعلاً .. مسك جواله ورد بحذر "نعم .... تردد المتصل بعدين تكلم بتردد "نواف ....ابتسم لما سمع اسمه على لسان صاحبة الصوت إلي كانت في يوم تعني له شي "هلا منال ... سمع سكوتها في الطرف الثاني وترددها ..لكنه رجع وسأل "عسى ما شر صاير شي ؟ "لا ..امبلى ...اقصد ... استغرب نواف ترددها أكيد في شي شايد إلي متصلة الحين "منال وش فيك ؟ "ما فيني شي نواف آنا آسفة أنسى إني اتصلت عليك .. "لحظة لحظة شنوا أنسى ما أنسى قولي إلي أنتي متصلة عشانه ..... "لا بس كنت بطمن على عمتي آنا عارفة إن حنا مقصرين فيها من لم تزوجت عذاري وو....... سكت نواف وعقد حواجبه بتفكير ها الحين في هالحزة تتصل تطمن . فجاء سمع قفلة التلفون وهز راسه وكأنه مو فاهم شي و لا حتى فكر انه يرجع يتصل باكر لا تقبلوا في المزرعة يشوف وش سالفتها .أما الحين آنا ما فيني شدة آبي أنام أحس إني بموت من التعب | ||||
|  |
|
17-01-13, 07:20 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  عذاري كانت جالسة تتقلب في فراشها وكل شوي ترد تطالع الساعة.ما بقى شي عن الفجر وناصر ما ادري وش فيه تأخر يا رب بس ما يكون صاير معه شي .وللمرة الألف تمسك جوالها وترجع ترميه ع السرير .يا ربي وبعدين مع ها الرجل .ورجعت مسكت جوالها واتصلت خلص معاد فيها كرامه .....سمعت الجوال يرن الين ما فصل وتوترت أعصابها أكثر على اقل إذا شاف رقمها بيرد على طول ليش مارد وهو قايل إن ورانا مشاور بكرى .استوعبت فجاء إنه عنده رقم ثاني دايم أمه تتصل عليه إذا مارد على هذا الرقم وفتحت جوالها وبدأت تدوره في الأسماء إلا سمعت المفتاح ينحط في الباب وينفتح ارتحت عذاري نفسين وهي تسمع فتحة الباب وبسرعة سوت نفسها نايمة عشان لا يشوف إنها مهتمة فيه .... دخل غرفة النوم وقعد ع السرير وهو عارف إن عذاري صاحية لأنها توها اتصلت عليه .أحنى نفسه وهو يتكي على رجله وحط إيدينه على راسه بتفكير .كلام جاسم جاء في الصميم سقى الله أيام ما كان اهو إلي يئنبه على تصرفاته الحين آنا إلي اتئنب و آنا إلي ينقالي هذا صح وهذا خطاء. الله يا دنيا ما تبقين على حال ناصر إلي يهبونه الرجال اليوم اقلهم والي كان طول عمره غشمرتنا آنا وعيال عمي يطقني ويعلمني شلون أتعمل مع زوجتي .بس اهو وش بينه وبينها .كلهم يبونها وكلهم يحبونها كلهم يبون يذبحوني عشنها .حس فيها وهي تحط يدها على ظهره وسألت بهمس "وش فيك ؟ فكر انه ما صار بينهم أي تقارب من شهرين تقريباً وهي ممتنعة عنه وكأنها تعاقبه علي سواه وفكر إن الناس كلها تفكر انه ظالمها بس محد يدري هي وش تسوي فيه. حس فيها قامت قعدت وقربت يمه ورجعت تتكلم بنفس الصوت المتعب "ناصر و.... " ما فيني شي . قالها وهو يطالعها ولاحظ الاستفهام إلي أنرسم على وجهها من كلمته وكمل في نفسه خلاص معاد يمديني أتحمل هذا كله معاد اقدر أتحمل أشوفك قربي ولا أقربك وامنع نفسي من حقي فيك ..طالعته عذاري وهي عاقدة حواجبها المرسومة .ورجع يسأل نفسه نفس السؤال وش بينك وبين جاسم وزفر وتنهد بقسوة وعلق وهو يحاول نظره عنه ويطالع في الفراغ "عذاري شلون علاقتك بمها بنت عمي خالد ؟ طالعته عذاري وهي تميل راسه باستفهام وعلقت بهدوء "ليش ها السؤال وش دخله فيك ولا . رفعت حاجب غضب وكملت "ليكون بتتزوجها هي بعد خو أنت الحين صرت ... "لما سئلك سوئل تردين على قده . علق وهو مثل الصنم إلي ما يتحرك من مكنه وهو يحس نفسه مثل البركان إلي بينفجر . علقت بعصبية "شوف عاد....آآآه.... خاف والتفت له بلهفة ولقها حط إيدها على بطنها وهي تبتسم بتوتر عقد حواجبه وعلق "وش فيك ؟ طالعته عذاري وهي تبتسم ومسكت إيده إلي كان مكتفها على صدره وحطتها على بطنها .عقد حواجبه لحركتها لكنه انتبه للحركة الصادرة من بطنها وفتح عيونه بصدمة وهو مو مصدق إلي يصير وسمع ضحكة عذاري علي ردة فعله لكنه كان عنده فضول انه يحس بحركته أكثر وقرب منها أكثر وهو يحوط بطنها بيده وحس فيه يرفسه وكأنه يعاقبه على تصرفاته مع أمه وابتسم بحنان وهو يقرب إذنه من بطنه وكأنه يبي يسمع حركته أكثر وهو يضحك و عذاري تبتسم وكأنهم ما كانوا يتهوشون رفع راسه وسألها بلهفة "ما تحسين انه بداء يرفس بدري أنتي الحين في أخار الرابع مكنه بدري ؟ . انتبه لنضرت الشوق إلي كانت في عيونها وهي تتكلم بلهفة أكثر منه "ما ادري هذي أول مرة أحس بهذا الشي! ناصر ..كلمه .ترى يسمعك . طالعه بتردد وهو مبتسم وعلق "وش أقوله! ضحكت عذاري وبانت أسنانها وعلقت بحنان "أي شي أنت أبوه . طالعها وضحك على حالهم المتناقض بس فكر انه اشتق لها وشوفة ابتسامتها خلته يحن لها منتبه لنفسه انه كان قاعد يطالعها بشوق ولهفة خلها ترخي راسها بحيا أعجبه وانتبه لحمالة القميص الأخضر إلي كانت طايحة عن كتفها مسكها ورفعها برقة وحس فيها توترت طالع القميص إلي أول مرة يشوفها ما كان يستر أكثر ما يكشف وريحة عطرها إلي ما تعطيه مجال يتنفس والي خلته يهمس بدون ما يحس بنفسه "تعالي هني .... عذاري إلي نعاس كان ذابحها تحس إن في شي كان قاعد يصحيها دارت بعيونه و ما لقت ناصر يمها وطالعت الساعة إلي تجاوزت الساعة وحدة الظهر وقامت وقعدت من الصدمة إنها نايمة له الحزة وسمعت مصدر الصوت كان في صوت طفل يبكي برا ضيقت عيونه منو إلي بيجينا هل حزه قامت بسرعة ودخلت الحمام وتوضت ..لما انتهت من الصلاة راحت بسرعة تطلع لها لبس يسترها يمكن هذا خالد وطلعت لها بلوزة وجينز بسرعة وطالعت في شعرها إلي كان غجري بعد حمام البارح بس كان مرتب وما يعيبها شي و أخار خطوة حطت عطرها ..توجهت بخطوات سريعة لخارج الغرفة انصدمت لما لقت مشاعل المتوترة وولدها إلي كان ينام بتعب في حضنه ولما شفتها كانت بتوقف لكن عذاري أشارت لها بالجلوس وراحت تسلم عليه بود ..خذت من يدها مشاري وجلست مقابله لها وسألت باهتمام " خير وش فيه ؟ علقت مشاعل "ما ادري صحني من النوم وهو يبكي وحتى عمي و أمي إلي دايم تعرف له نزلوا المزرعة من الصبح ما عرفت شسوي سامحيني إذا أزعجتكم . عذاري أعطتها نظرة تأنيب وعلقت وهي عاقدة حواجبه "سكتي بالله وش هل حكي . مسكت مشاري وحطت إيدها فوق جابينه وعقدت حواجبها لأنها حست إن درجة حرارته حيل مرتفعة قامت وهو بحضنها تدور بشنتطها عن ميزان حرارة ودورت عن خافض حرارة في شنطتها وطلعته ,ردت قعدت معه وشافت ناصر إلي كان يئنب مشاعل وهو توه خارج من الحمام عشان يفرش السجادة ويصلي "آنا بس بفهم زوجك هذا وش دوره في الحياة ؟ ردت مشاعل بسخط من أسلوبه "يا ناصر قلت لك مسافر .. "أي مسافر أربع وعشرين ساعة أنتي حتى في ولدتك ما حضر غير ثاني يوم لكن الشرهة مي عليه الشرهة عليك أنتي يا الغبية . طالعته مشاعل بعصبية وعلقت "ليش آنا وش سويت ؟ "أنتي لو انك حرمة سنعة كان عرفتي له و عرفتي تجلسينه في البيت لكن ما قول غير مالت عليك ... عذاري ضيقت عيونها باستغراب لطريقة الكلام إلي كانت تدور بينهم لكنها ما حبت تدٌخل هذه أمور عائلية. لكنها سمعت الرد إلي أخرسها هي قبله "طبعاً ومن غيرك يعرف للحريم مشا لله صاحب أكثر تجارب في العائلة قولي عاد أروح اسأل مين من حريمك عشان تعلمني ؟ سكت وأعطه نظرة حادة وكأنه تنهي الموضوع والتفت لعذاري إلي كأنه أول مرة يشوفها وصلا .عذاري إلي قاست درجة حرارة مشاري وأعطته خافض وطلعت لبس من شنطته إلي كانت عند باب الملحق ونيمته على سريرها هذا كله والاثنين ما انتبهوا له. و أخيراً حست مشاعل وسألت "عذاري وين مشاري ؟ ابتسمت لها وجاوبتها "نيمته بعد معطيته خافض .ابتسمت لها بامتنان وعلقت مشاعل وهي تشتكي لها " بالله يا عذاري وش رايك بالي يسويه فيني كل ما جيت اشتكي له يقلي هل حكي يعني الوحدة لما تبي تشتكي لأخوها تبي يوقف معاها مو يعايرها رايح جاي . قالت كلمتها وألقت نضرة غضب لناصر إلي كان بعد ما قضى من صلاته . ابتسمت لها عذاري وعلقت بهدوء "لا حبيبتي لا تزعلين نفسك ولا شي بس هو توه صاحي من النوم ومعصب إن الصلاة راحت عليه وهم بعد جوعان وبعد معصب لأنه عارف إنهم كلهم نزلوا المزرعة من الصبح وهو قاعد وتعرفين أخوك مثل الصغار ما يبي شي يروح عليه .. وضحكت هي ومشاعل وطالعت ناصر إلي كان توه قضى من صلاته وابتسم وهو رافع حاجب وكان مرخي عيونه في الأرض وكأنه يفكر . انتبهت لمشاعل إلي كانت تسأل "عذاري من وين لك الخافض والميزان .علقت عذاري بجدية "تعرفين عشان الروضة لازم أحطه في شنطتي أربع وعشرين ساعة تعرفين لو طفل يشرب ماي بارد ممكن على طول ترتفع درجة حرارته ساعات لو يلعب ويركض . "بس هذه مي مسؤوليتك ؟ علقت عذاري بتفكير "اعرف لكن أحس إن ما سويت كذا يئنبني ضميري ... " عذاري من إلي جاب لك الوظيفة ؟ .سألها ناصر إلي كان مثل ما هو مرخي راسه وعلقت بهدوء حذر "جاسم ولد عمي . رفع راسه وهو على نفس هدوءه المميت وعلق "قلت لي جاسم ها ؟. إلا ليش جبها لك يعني وش معنى أنتي ! سكتت عذاري و حست وراء سوائله معنى وعلقت بحذر "هو ما جبها لي آنا . انتبهت انه رفع عيونه بلهفة يبيها تكمل . "هو جبها لمرت اخوي خالد ورفُضتها لما شفتها رفضتها كلمت خالد يكلمه لي آنا وبعدين .. توظفت سكت وأرخى راسه وكأنه هدى. واجفلو الاثنين لما سمعوا مشاعل تكلمه "يلا قوم ودني لخالتي . عذاري إلي شدت على أسنانها بعصبية ولاحظته يطلعها وعلق "تروحين معانا ؟ "لا ما يمديني بجهز شنطتي وشنطتك وبسوي لنا غدا .. علق وهو يدخل الغرفة عشان يلبس ثوبه "لا لا تسوين آنا بجيب معي . وخرج وهو لابس وشايل مشاري بحذر وخرجوا من الغرفة و عذاري كانت مظهره ابتسامة مغتصبة الين مخرجو وكشرت ملامحها وهي تجر رجلها لغرفة النوم عشان ترتب أغراضها... كان قاعد يسوق السيارة وهو يفكر بالي صار بينه وبين جاسم البارح وفكر يسأل عذاري ولا راح يخرب الجو الهادي إلي بينهم دار بعيونه على عذاري إلي كانت مرتاحة في مكانها طالعها بحب وطالع بطنها المنتفخ ومسح عليها بحنان استغربه في نفسها لكن استوعب إلي سواه وكان بيسحب إيده لكنه وقف لما شاف نظرات عذاري المستغربة وعلقت بصوت ناعس "وش فيك ؟ طالعها وضيق عيونه وعلق بتكاسل "أنتي نايمة ؟ علقت عذاري "غفيت بس .ابتسم وعلق "وآنا أقول وش عندها ساكتة . حس فيها تبتسم من تحت غطوتها وعلقت وهي تضحك "إلي يسمعك يقول ما اسكت أربع وعشرين ساعة أهذر! طلعها بابتسامة بينت أسنانه وكأنه يأكد الكلام وسمع صوت ضحكتها الرنانة وما يدري ليش جاها إحساس انه ما يبي هل مشوار يخلص أول مرة يحس إنهم رجعوا مثل أول و فجاء سمع صوت جواله يرن في جيبه وكأنه ينهي ها الجو كله وخمن المتصل من غير ما يشوف وطالع الجوال وهو متردد ويشوف عذاري بطرف عيونه وسمع تعليقها إلي خله يشد على شفايفه "رد عليها آنا عارفة إنها هي إلي قاعدة تتصل من الصبح . سكت وحس انه ما يقدر يرد ويقهرها حط جواله صامت ورده في جيبه لكن الجو إلي كان بينهم توتر ووصلوا المزرعة وانتبه لعممه وأبوه وعمته كانوا كلهم مجتمعين في الحديقة ودار بعيونه يدور جاسم وما لقه وتنفس بارتياح وفكر انه لو شافه ما راح يدري وش يسوي وعلق وهو يشوف عذاري تنزل "عذاري سلمي وادخلي لا تقعدين معاهم .طلعته عذاري وعلقت بتسأول "ليش ما في احد أغطي عنه ؟علق وهو يطفي السيارة "ما تدرين يمكن يجي جاسم ولا واحد من الصغار . أومأت عذاري براسها ولما تحرك بينزل رد وكأنه تذكر شي.وتردد في البداية لكنه رجع وقال "ولا تسوين مشاكل مع عنود آنا عارفة إنها تستفزك بس معالي ماشي لها عدو هال سفرة على خير . سكتت عذاري وطالعته بصمت وعلقت وهي تستعد للخروج "لاحظت إن عنود تهمك كثير.. أكثر مني ..أيام ما كنت أهمك.... ونزلت وهو يطالعها بصدمة .............. نواف قعد يطالع منال بنت عمه بنظرة عدم تصديق من الكلام إلي كانت تقوله وكانت تصد بوجهها عنه من حرجها منه نواف جر الكرسي إلي كان قريب من الطاولة وقعد يطلعها بعجز كرهه في نفسه وعلق "منال أنتي جميلة وكلاً يتمناك ليش رابط نفسك فيني للحين ل.... "و أنت ما عندك غير هال حكي ياخي إكرم انتظري ها السنين وروح سوي هل عملية إلي ما في أسهل منها أللحين أنت عندك أمل غيرك ما عنده . جاوبها نواف واهو على نفس هدوه "وافرضي إني مت في العملية يعني أنتي حسب لك هذه عملية سهلة ؟ منال إلي استنفذت كل طاقتها تهالكت على الكرسي بتعب من كثر النقاش معه وعلقت وهي تحط إيدها على راسها بإرهاق شديد "مهي سهلة وبعدين لا تنسى عمتي الجازية الله يرحمها سوتها وأبوي الحين يبي يسويها نواف ما عرفتك جبان !! ..طلعها نواف وملامحه ما تغيرت وعلق ببرود " يعني لو سويت العملية تتزوجيني ؟ .منال إلي رفعت عينها بلهفة وحب وعلقت "يعني تبي ت..... رفع إيده يوقفها عن الكلام وعلق "راح أسويها بشرط . طالعته منال بلهفة وكأنه عنده قدرة إنها تلبي له كل شروطه وابتسم نصف ابتسامة وعلق "تقدرين تخلين عنود تترك ناصر ؟ منال إلي كانت قاعدة تطالع نواف بصدمة وهي مي مستوعبة كلامه و أخيراً قدرت تلقى صوتها وردت "نواف وش فيك تبيني أدمر حياة أختي عشان ترضى انك تسوي العملية ! طالعها نواف إلي تغيرت ملامحه للقسوة وعلق "و أختك إلي دمرت حياة أختي أختك أخذت شي ما يخصها ! سكتت منال و حست إن معه حق وعلقت " نواف صدقني ما راح اقدر أقنعها والله عنود قوية ومتحكمة بكل البيت.. طلعها نواف باستهزاء وعلق بسخرية "خلص لما تسير شخصيتك قوية هذا إذا صارت يمكن تلقيني ميت وقتها على كذا إلي بينا انتهى هني والتفت وكان بيخرج لكن منال كانت أسرع منه وراحت ووقفت بينه وبين الباب وعلقت ودموعه على وشك النزول "لا نواف أرجوك لا تذبحني في بعادك مرة ثانية خلص خلص بسوي إلي تبي بس تكفى لا تتركني . لاحظت ملامح نواف الراضية وعلق وهو يحط إيده على راسها "هذه منال إلي آنا اعرفها .. دفعها برفق عن الباب وخرج . لحقته منال بعيون مليانه من مرار الحب والفراق وفكرت انه ممكن تبيع الدنيا عشانه ولا يصير له شي خرجت من المطبخ واتجهت لغرفة الضيوف إلي كانوا مجتمعين فيها كل الحريم ولفتتها عذاري إلي كانت لبسه فستان اخضر من الشمواه وكان أمبير ولفتتها بطنها المنتفخة عضت شفايفها من شدة جمالها وفكرت إن عنود مالها مع عذاري أي فرصة خصوصاً إن عنود كانت بأجمل حالتها ومع هذا كانت لا تقرن بعذاري انتبهت لعذاري إلي كانت تحيها بأدب ولا كأنه شي صار بينها وبين عنود وفكرت إن عذاري تحرج الجميع بأدبها انتبهت لصوت ناصر إلي كان ينادي على عذاري . وعنود إلي كانت تاركتها في غرفتها تتعدل ما تدري شلون سمعت صوته ونزلت تجري بخفة حست بجو الصمت إلي خيم على غرفة ولاحظت عذاري إلي كانت ماسكة فنجان قهوتها وتبتسم حست بتأنيب الضمير وفكرت إن كلام نواف صح صحت على صوت عمتها موضي إلي عصبت من تصرف عنود وهي تكلم عذاري " قومي روحي شوفي رجلك وش يبي ؟ بنات ها الأيام معاد فيهم وفاء و لا عاد يستحون التفتت تطالع مرت أخوها إلي كانت تضحك ولا عليها من احد . منال تضايقت من تصرفات أمها و أختها وقامت بدون ما تحس تنادي على عنود "عنود تعالي هني . انتبهت لامه إلي وقفت تمنعاها وعلقت "وش فيك على أختك خليها تروح تسلم على خطيبها من البارح ما يرد عليها وطالعت عذاري بنص عين وكأنها تقصده به الكلام ... عذاري ... إلي كانت تحس نفسها مثل القنبلة إلي راح تنفجر في أي لحظة وما تدري شلون ابتسامتها ما غابت عن وجهها وش هل وقاحة , يا الله و شلون الناس تتغير به الشكل .بس هذه وش تسوي مع مشعل يا ترى ضمها ولا لثمها ولا شنو و شلون كان لقهم يا ربي والله إني أحس إني بموت كل شوي تمنع نفسها إنها تقوم وتروح تشوف وش يصير لكن كرامتها منعته ... .عنود إلي راحت تجري لما شافت ناصر وأخذته من إيده وحاولت تجره عشان يقدرون يجلسون في مكان هادي لكن ناصر إلي كان واقف وما تحرك وبالعكس كان بادي عليه الاستياء من تصرفاتها وعلقت بدلع "نصوري وش فيك ؟ طالعها وهو رافع حاجب وكأنه في شي ما عجبه وعلقت بخوف "وش فيه ؟ طالعه وعلق بعصبية مكبوتة "لما تناديني لا تصغرين في اسمي تفهمين ولا لا ؟ وبعدين وين عذاري آنا اعتقد ...... " يوووه يا ناصر أنت وشفيك في واحد يقابل خطيبته به الأسلوب وبعدين اشفيها لو دلعتك آنا خطيبتك وكله كم شهر وأصير زوجتك لا تزيدها عاد . طلعها بعدم الفهم ومشى وتركها. ما تدري ليش تحسه متغير من يوم ما عرف إنها حامل لا يكون بس بيدور عذر ويتركني عشانها سمعت صوت ضحكة عذاري الي كانت تضحك لشي احد قالها وكأنها تقول آنا هني وشفت إلي صار التفتت وشافت عذاري إلي كانت مقابلة للباب وطالعت في ملامحها سبحان الله عذاري وش فيها أكثر مني بس بفهم وين الجمال إلي يقولون عنه استغفرا لله بس لكن هين يا عذاري لاخلي طلاقك الثاني على إيدي صحت من تفكيرها على صوت منال إلي حطت إيدها على كتفه وقالت لها " تعالي أبيك ؟.... ... فتحت عنود عيونها مصدومة من أختها وكلامها وفكرت إن منال طول عمرها شخصيتها ضعيفة وأي احد يقدر يأثر عليها وعلقت بانفعال "نواف ما لقيتي احد تحبينه غير نواف طالعتها أختها بعصبية وكأنها تقولها لا تغلطين . لكن عنود كملت بدون مراعاة لمشاعر أختها "ما لقيتي غير ها تعبان ولا بعد فوق علته يتشرط أقول هذا لو يحبك ما يقول هل حكي "ويحب أخته بعد ويبيها تعيش سعيدة طلعي مثل ما دخلتي . قطعتها منال بانفعال .لكن عنود كرهت كلمة أختها وحبت تقولها الحقيقة إلي بين عذاري وناصر "سمعي عاد آنا ما دخلت وخربت على احد عذاري وناصر ما يطيقون بعض وهو بنفسه قالي إن عذاري ولدت راح يطلقها يعني آنا ما أخذت مكان احد تفهمين أولا . طالعتها منال بصدمة من هل حكي و علقت " والحب القديم إلي بينهم ؟ طلعتها عنود وهي تضحك أي حب الله يخليك ناصر ما يحب احد غير أمه وأبوه ." طلعتها منال وهي رافعه حواجبها .علقت وهي فاهمة نظرة أختها "راح اعرف شلون أخليه يحبني ............ ناصر إلي كان قاعد مع أعمامه وأبوه وعيالهم والي كان قاعد وماسك الجلسة على راسه جاسم ومن غيره يقدر يضحك الناس كلهم .دايم ناصر كان يضحك له ويحب علومه لكن هال مرة أول مرة يحس انه كارهه وسمعه وهو يعلق ويطلع فيه ويبتسم بخبث "ياخي اعرف واحد هوايته الزواج كل شوي.. سمع ضحك الجميع عليه لأنهم كلهم فهموا قصده ,ناصر إلي ابتسم بتهكم وهو يسمع تعليق واحد من عيال عمه الصغار "ناصر منت ناوي على الثالثة طالعه وابتسم وعلق وهو يطلع جاسم "لا حبيبي آنا أللحين ناوي أزوج جاسم ونواف . رد سمع ضحكهم وهو يحاول انه يتبسم لكن نظرات جاسم استفزته قام عشان يدخن سيجارته برا طلعها بنفاذ صبر وولعها وهو حطها بين شفايفه ونفثه في الهواء بعصبية و فكر " آنا لابد إني اترك عنود بأي شكل من الأشكال خلص معاد أتحملها ولا أتحمل أسلوبها ما ادري ليش ذكرتني بشوق! مسح شعره بإيده وهو يتذكر كلام عذاري ما يدري ليش حس ان كلامها طلع من قهر عذاري تفكر ان عمري ما حبيتها ولا عمري شفتها شي مهم في حياتي .ابتسم بسخرية وهو يفكر انها ذكية في كل شي إلا معه تكون مي واثقة في نفسها .انتبه للي وقف يمه بهدوء ويطلع إلي يطلعه ما يدري ليش تنرفز من أسلوبه علق من غير ما يلتفت "أنت وش تبي ؟ سمع ضحكته قبل ما يعلق "تعرف وش آبي . ما يدري شلون مسك أعصابه وعلق بنفس الهدوء "لا معرف قول وفكني تراك أزعجتنا . جاسم الي تقدم خطوة قدام وعلق "أبيها! طالعه بنظرة حادة "مني ذي إلي تبيها ؟ طلعه جاسم بشبه ابتسامة "عــــــــــــــذاري .... ........ عذاري إلي قامت بتنام وراحت ودخلت غرفة البنات لكن لما شافت عنود استوعبت إنها لازم تنام في غرفة ناصر مع إنها كرهت الفكرة ( قال شنو ؟ خايف على عنود .. عادي لها !مفروض يقولها هي تعدي لي آنا الحامل مو أهي صحت من أفكارها على صوت مها " عذاري وش فيك واقفة تعالي قعدي طلعتها عذاري واستحت إنها مي منتبه لنفسها وعلقت وهي تبتسم "لا بـــروح أنــــام في غرفتــــــــــي. وشدت على كلمتها الأخيرة ولاحظت عنود إلي زفرت أنفسها بغيض ابتسمت لهم عذاري ومشت بهدوء لغرفة ناصر . وبالفعل لقت أغراضها موجودة في الغرفة أكيد ناصر مطلعها . راحت للشنطة وطلعت لها قميص نوم قصير ورتبت للغرفة وطلعت شرشف للسرير كانت جايبته معها وعطرت الغرفة واستعدت للنوم بعد ما تأكدت من نظافة الغرفة واستلقت على فرشها وهي تحس نفسها متهالكة من التعب ما تدري ليش تحس إن اليوم كان جداً طويل وغفت من شدة التعب ... ما تدري وش اللي خلها تقوم غصب انتبهت لناصر إلي كان واقف عند الباب وأزرار الثوب مفتوحة وشعره كان مشعث وكان في جرح في وجه انصدمت عذاري من هال منظر قامت من فوق سريرها بسرعة وراحت وقفت عنده وهي تطلع وجهه المكشر إلي أول مرة في حياتها تحس انه يخوفها عذاري بدون ما تدري حطت إيدها على الجرح إلي في وجهه والي كان ينزف .وبحركة سريعة منه شال إيدها بقسوة وعلق بضيق مكبوت "روحي عن دربي . انصدمت عذاري من لهجته معها و تجاهلت كلامه وعلقت " من إلي سوا فيك كذا ؟ طلعها بعيون يطير منها الشرر وقرب منها وهو يمسك يدها ويشدها بقسوة "لا تتكلمين صوتك يزعجني خلص ما عاد أبيك . اتسعت عيون عذاري بألم ورجعت على وراء وهي تمنع دموعها من السقوط .حتى ما قدرت تسأل وش صار لان كبريائها منعها وما تدري شلون طلع صوتها طبيعي وهي تعلق "على ما أعتقد أنت إلي غصبتني ارجع لك مرة ثانية ولا حتى آنا ما أبيك وما انتبهت إلى ليده إلي طاحت على وجهها بصفعة يمكن سمعها كل البيت وسمعته يتكلم من تحت أسنانه وهو يرجع يمسك إيدها بقسوة من جديد "والله بسماه إن سمعتك قلتي هال الكلمة مرة ثانية و........ "عــــــــذاري .. اجفلو الاثنين لما سمعوا صوت عمتها موضي تنادي . عذاري إلي ابتعدت وراحت غيرت ولا بست لها جلابية ساترة وخرجت من الغرفة و اتجهت لغرفة عمتها موضي وهي تمنع دموع عينها من الانهيار على اقل عشان ما احد يشوفها .... ناصر الي دخل الحمام عشان يخذ دوش ماي بارد ممكن يقدر يطفي النار إلي مشتعلة في جسمه "يبي عذاري ها؟ ايي قول بين على حقيقتك يا النذل يا ليتني ذبحته عشان ارتاح منه, قال يبيها آنا ماني مصدق نفسي جاسم يتجرءا علي !! جاسم خايف على عذاري مني من يحبها ويخاف عليه كثري يمكن إخوانها ما يحبونها كثر ما أحبها !!!!!!!!!!!!!!! رفع حواجبه بصدمة أحبها معقول للحين ؟؟ طبعاً ولا وش يفسر ها النفسية إلي آنا فيها لا لا لا آنا كرامتي أهم منها آنا انهنت قدام الرجال وبعدني أفكر فيها !! يعني سنين البعد إلي كانت بيني وبينها كنت مرتاح فيها ؟ لا ارتحت في بعدها .وفي قربها عذاب الصد والجفاء . زفر أنفاسه بضيق من تناقض حاله خرج من الحمام إلي ما سوى فيها شي بالعكس خله يعصب أكثر ...لبس ثيابه والمنشفة بعدها على راسه وطلع سيجارة ودخنه بتعب ونصدم من إلي كانت واقفة قدامه وعلقت "يعل إيده الكسر إن شاالله إل......... "أنتي شلون تسمحين لنفسك تدخلين الغرفة من غير ما تستأذنين ؟ عنود إلي ارتبكت من طريقته في الكلام وعلقت بجراء " حبيبي وش فيك آنا خطيبتك وو...... "قلتيها خطيبتي مو زوجتي طلعي الحين ماني خلقك " أنت وشفيك إلي يشوف سوتك الحين يقول بتموت من الغيرة ... ناصر إلي ضيق عيونه بتسأول وطلعها " شلون عرفتي بلي صار ؟ لاحظ ارتباك العنود إلي علقت بسرعة "آه كل البيت يدري ... ناصر رفع حاجبه بسخرية وعلق "يدرون بشنو ؟ومن إلي قال ؟ أصلاً لو احد درى بالي قاله كان أنطرد من البيت ! عنود إلي ارتبكت ورفعت حواجبها وعلقت بثقة "أصواتكم كانت عالية وآنا سمعتكم .. طالعها وابتسم وعلق "هذا أخار حكي عندك ؟ .ما دري ليش أحس إن ورك شي كبير وشي شايد بعد بس شنو ؟ شاف توتره وتردده لكنه هز راسه وكأنه يشيل هالا فكار واستطرد وهو يطالعها بدون نفس " طلعي الحين لا تجي عذاري وتشوفك . انتبه لوجهها إلي تغير وحواجبها إلي ارتفعت بعصبية " خايف على مشاعرها نسيت وش سوت فيك ؟ سكت وفكر وش هال كره معقول عذاري كانت عمياء له الدرجة "وينها إلي حارق نفسك عشانها دايم تتركك وتمشي وآنا إلي أكون موجودة لكن أنت ما تبي تشوف احد غيرها! قالت كلمتها واتجهت للباب بخطوات سريعة لكنه استوقفها "عذاري وش سوت لك عشان تكرهينها هال كره ؟ وقفت عنود والتفتت له على مهل وعلقت بحقد صدمه "هي خذتك مني آنا.كنت احبك قبلها وكنت دايم أقلها ها الشي. لكنها ذبحتني لما لقيتها في حضنك وتتعاتبون عتب عشاق !!! لا والي كان يقهر اكثر كانت تقول ناصر ما يطالعني انا يطلعك انتي لأنكم انتو الاثنين في نفس المستوى ما كان يقهرني غير انها مسوية اليتيمة الي تكسر الخاطر والي ...... شال راسه علي الجهة الثانية وهو يحس ان قلبه يتقطع من هال كلام الي سمعه يعني الكلام الي قالته له ذاك اليوم وهم في الحديقة صحيح اصلاً عذاري عمرها ما كذبت في شي بس ...... . "بس لا تخاف آنا الحين اعرف انك تكرهها ومعاد تبيها وإذا على ولدك آنا أربيه لك يكفيني انه ولدك ... حس إن عنود قامت تخربط بالكلام والتفت ونصدم لما شاف عذاري واقفة عل باب وعنود تطالعها وعلى فمها طرف ابتسامة.......... | ||||
|
| |
|
17-01-13, 07:22 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نزلت المطبخبعد ما سمعت النقاش الجاري بين عذاري وناصر وشافت وجه عذاري الي خلها تعصب وتقوم تدور له على شي تبي تشتغل فيه قبل لا ينفجر راسها من كثر التفكير عذاري وناصر بيجننوني .وانتبهت لجاسم إلي كانت أزرار الثوب مفتوحة ورقبته مجروحة وشفايفه نازل منه دم كانت حالته يرثى له انصدمت موضي من هال منظر وراحت له بلهفة "جسوم وش فيك ومن إلي مسوي فيك .. .. "نــــــــــــاصر . موضي إلي انصدمت و حست إنها ما هي بفهمة شي وعلقت بتعجب "و ليش سوى فيك كذا ؟! "عشانه المدلل هني عشان عمره محد قاله لا. عشانه ناصر !! . مدير الشركة وكبير العائلة ويخذ إلي يبي والي اخذ مني عذاري ..موضي إلي جلست على اقرب كرسي من هول الكلام إلي سمعته وانتبهت للباب إلي كان مفتوح وقامت بسرعة و قفلته , خافت احد يسمعه ويسمع كلامه إلي ممكن ينهي ويفرق هل عائلة أو ممكن انه ينهيه هو ويطرده من العائلة ويحرمه من كل حق له . ما تدري ليش في لحظة حست إن الماضي رجع وقعدت تطالعه بعيونها ..... "خلص يا حمد قلنا لك هذه بنت عمك لأخوك جاسم أنت ليش منت راضي تفهم ! حمد إلي كان واقف والشر بعيونه وعلق "" أصلاً هذه خطيبتي وكانت مسمية لي آنا .ترى كل إلي غبته سنة ليش أبوي يعطيها جاسم وهي لي ؟ ليش !وش معنى جاسم ؟ هو مو مهتم فيها ولاشي أصلاً هو ما يبيها ولا يحبها آنا أبيها آنا أحبها محد راح يحبها كثري ويسعدها ..موضي إلي خافت إن أبوها وإخوانها يسمعون كلامه وهي تتلفت خايفة احد يدخل ويسمعهم .تكلمت بصوت يشبه الهمس "خلص خلص اسكت لا يسمعك أبوي ولا جاسم حرام عليك عاد ما لقيت غير جاسم إلي يقطع في نفسه عشان يريحكم إلي يستكثر حتى الضحك على نفسه عشان انتو تضحكون و يوم يتزوج بدل ما تبرك له تقول هل حكي . طلع فيها حمد والصدمة بعيونه وجلس على فراشه من الصدمة ووجه إلي صار شاحب وعلق بصوت شبه مسموع "يعني خلص هي صارت حليلة اخوي ؟ !! . سكت ورخى راسه عال ارض بحقد خافت منها موضي وشافته وهو يقوم بسرعة من فوق السرير وكأنه بيرتكب جريمة ولحقته وهي تحاول تمنعه عن الباب "حمد تعوذ من إبليس واقضب أرضك . ...حمد إلي كان ماشي مثل النمر إلي يبي يهجم على فريسته وعينه تلمع من الشرر واتجه لغرفة أخوه إلي كانت خارج البيت وراح دق الباب مثل المجنون وصرخ بصوت مبحوح من القهر "جـــــــــــــــاسم افتح البــــــــــــــاب افتحه ولا بكسره , موضي إلي كانت خايفة احد يسمع وكل شوي تلتفت وتطلع البيت وعيونها كله دموع "خلص خلص حرام عليك أنت تبي تذبح أبوي ؟ و فجاء انفتح الباب وطلت الهنوف مرت أخوها جاسم من وراء الباب وهي لابسه حجابه وتكلمت بضيق "وش تبي يا حمد ؟ جاسم موهني مسافر مع عمي . حمد إلي تغيرت ملامح وجهه بلهفة وقرب من الباب "ما لقيتي غير اخوي يا الهنوف ما... ."آنا ما خنتك ولا أخطيت بحقك آنا طول عمري احب جاسم وعمري ما حملتك أي مشاعر غير الاخوة ... "بس آنا ابيك يا الهنوف . "حمد وش ها ألحكي إلي أنت قاعد تقوله آنا توقعتك جاي وجايب معك هداية لأخوك إلي الله ارزقه بولد والي كل همه تجي وتشوفه لكنه ما درى إن أخوه جاي وجايب شره معه روح الله يسامحك منت حمد إلي آنا اعرفه روح و آنا بعتبر إن ما صار شي بس تكفى لاتئذي جاسم لأنه لو عرف انك تبيني راح يتركني لك .وآنا بصراحة مأبيك أبي زوجي . قفلت باب الغرفة وهو يسمع صوت طفل يبكي .....وقف مكانه مثل الصنم وهو يطالع في الفراغ ..موضي إلي انصدمت من تصرفات أخوها ودموعها العزيزة قامت تطيح بدون خجل وتكلمت "خلص يا حمد ما عاد استحيت تقولها بالفم المليان مو حرام عليك تكسر خاطر اخوك الي يعد الساعة عشان تجي . تكلم حمد إلي كان كأنه في عالم ثاني "معقول هذه الهنوف ! الصغير إلي يبكي مفروض يكون ولدي مو ولد جاسم .. ليش دايم كل شي لازم يكون لجاسم أبوي يحبه وأمي وانتو كلكم بس آنا اكرهه من يوم شفت ابوي رسلني أمريكا عشان اخلص دراستي عرفت إن وراه سالفة من يوم ما شافني وان أتودد للهنوف وهو متغيرة معاملته معي عرفت انه يبيها لجاسم المدلل وعرفت إنها تبيه بس سويت نفسي ما أشوف وقلت مستحيل جاسم اخوي يسويها . ماهقيت انه يخيب ظنوني كنت اعرف إني ماني مثل جاسم الناجح إلي يحترمونه أبوي و امي بس لما شفتها اهتمت فيني حسيت نفسي إني ممكن أكون مثله وحاولت إني أنجح عشان ألقى مبرر لاهتمامها وما أكون صغير في عين نفسي "بسك يا خوي "لا مو خــــلص بعدني ما خلـــصت !! شهقت عنود وهي تطلع فيصل إلي كان واقف وراهم ومكتف إيده على صدره .. أول مرة في حياتها تشوفه مكسور ومو قادر يرد ... "حيا الله حمد تو ما تبرك البيت ! التفتوا كلهم لخالد إلي جاء ووجه متهلل من الفرحة واخذ حمد بالأحضان والتفت لموضي وباسها على راسها استغربت موضي منه "مبروك عمي بو مبارك يوم سمع انك جيت ومعك الشهادة قال هديته مني يأخذ بنتي يلا وش عليك الشهادة والعروس في يوم واحد. حمد إلي رجع على وراء من الصدمة والتفت لموضي إلي كنت مثله ما تدري عن شي ونصدم لما لقى أخوه جاسم واقف قدامه انتظر يشوف نظرات خوف , ندم ,أي شي من إلي في باله لكن بالعكس لقى نظرة شوق ولهفة وما نتبه لجاسم إلي قرب منه وضمه بحنان "شلونك يا اخوي ؟ طلعه حمد بإستحقار ودفعه عنه وتكلم بفحيح يشبه فحيح الحية "منت بخوي . "لا حمد لا تخرب حياته لا تخرب حياة أخوك ولا تخرب حياتي لا تحسبني بذم سواه جاسم .... "عمتي وش فيك آنا جاسم !!!!!! انصدمت موضي وهي تشوف جاسم جالس عند رجلها انصدمت لما شافت شيلتها طايحة على إيدها طالعت حولها ودموعها في عينها قامت من فوق كرسيها وهي تحس بالشيب كسرها طاحت دموعها مكسورة . ونصدمت لما شافت نفسها في مرية المغسلة . شافت التجعيد إلي غطت وجهها شافت انتظار السنين إلي ذبحها . وتذكرت إن حياتها راحت عليها وهي بدون عيال راحت وهي تنتظر و تحتري بس هل لحين اكتشفت إنها كانت تنتظر حلم اكتشفت إنها ضيعت عمرها وهي عايشه في الخيل . "عمتي بسم الله عليك وش فيك ؟ طلعته بعيون مليانه بدمع مكسور وعلقت بصوت مبحوح "مبي و آنا عمتك غير حوبة حمد.. أجهشت بالبكاء لأنه بعد ستين سنة استوعبت وضعها وشافت جاسم وهو يسلم على إيدها والدموع في عيونه "خلص يا عمتي بتركه في حاله بس خلص لا تسوين في نفسك كذا عشانه ..موضي إلي حست نفسها تبي تموت من القهر ورفعت عيونها للسماء وهي تطلب العون من الله , شافت نواف داخل وهو مصدوم من هال منظر أومأت راسها بالإيجاب وكأنها تقوله أنت إلي تشبهني يا نواف طالعته ومدت له إيدها وجاء بلهفة ومسك إيدها "يومه نواف سوي العملية ولا تضيع سنينك يومه تزوج وجيب عيال ولا تحرم نفسك من كلمة يوبآ . نواف إلي أنصدم من عمته موضي إلي ما يبكيها شي شلون تبكي بحرقة وحتى جاسم يبكي معها وهال كلام إلي تقوله وش مناسبته "وش فيك يا عمة وش صار عشان ذا كله ! والتفت لجاسم بتسأول لكنه استغرب أكثر من نظرة الثاني إلي كان كأنه عنده شي يخفيه "ودني غرفتي يومه أبي أنام .... ألا يا عـــــــمـري الفــــاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلـــــــــطة ما ارتـكـبـنـاهـا..... | ||||
|
| |
|
17-01-13, 07:24 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (البــــــــــارت الثامـــــــــــــــــــن ) آعٍيـشُ لُِــڪ قٌـصـهـ وُآرٍدِدِڪ آهـــآت لُِوُ مآت قٌرٍبَڪ مـآ تمـوُت آمنيآتـي لُِڪ حٍقٌ تبَعٍـدِ عٍـن عٍيوُنـي مسآفُـآت وُلُِي حٍقٌ آحٍفُـظً صوُرٍتـڪ وُسـطُ ذَآتـي طُفُـلُِ فُقٌـدِ صبَـرٍهـ وُغطُتـهـ آلُِصـوُآت يوُم آلُِهـوُﮯ آحٍلُِﮯ قٌـدِرٍ فُـي حٍيآتـي عٍطُيتنـي شُـيءٍ عٍـلُِـﮯ وُدِڪ آثـبَـآت فُرٍحٍهـ فُي وُصلُِڪ بَآلُِهـوُﮯ قٌلُِـت يآتـي وُآنآ عٍطُيتـڪ نظًـرٍة آلُِحٍـبَ بَسڪـآت أحٍسبَـڪ تفُهــم نظًرٍتـي مـعٍ سڪآتـي قعد يطالع عمته الي كانت نايمة في فراشه وكأنها مريضة وحزن على هال منظر عمره ما شاف عمته به الحال عمره ما شافها مكسورة استغرب انكسرها وتسأل وش الي خلاها تنفجر اكيد من ذا الخبيث جاسم بداها مع ناصر وكملها مع عمتي خاني اروح افهم منه السالفة طلع الدرج بخطوات حذرة وهو خايف على نفسه من الاجهاد ووقف على راس الدرج عشان يخذ نفس وحط ايده على قلبه وهو مو عاجبه حاله فكر بالكلام الي قاله لمنال واستحقر نفسه شلون اطلب منها هالطلب اول مرة احس اني افكر مثل الانذال انا وش دخلني فيها مثل ما هذه اختي هذيك بعد بنت عمي و اكيد ناصر ما بيظلم عذاري. خاني اروح اعتذر لها ولا ليش اروح ارسلها مسج على شان لا انحرج اكثر فتح الجوال وكتب "انا اسف منال علي صار اليوم انا عارف انك منصدمة مني كثر ماني منصدم من نفسي ارجوك سامحني و انا على وعدي راح اسوي العملية من دون أي شرط انا اسفة مرة ثانية ارجوك سامحيني .. ارسل المسج وهو لازال متكي على اول الدرج تنفس بصوت عالي ورفع راسه ونصدم في مها بنت عمه خالد الي كانت مبتسمة وهي تطالعه استغرب ابتسامتها ورد لها الابتسامة ووخر على يم عشان تمر واستغرب انها لازالت واقفة وعلقت بمرح "شنو مافي شلونك شخبرك ؟ نواف الي ابتسم ورخى راسه لانه يعرفها الله يهديها شوي هالبنت عليها حركات ما تعجب احد وعلق بهدوء وهو يطالعها "شلونك مهوي ؟ "الله يسلمك ؟.... نواف ؟ طألعها بتسأول ورفع حاجب وهو مبتسم وعلق "شنو ؟ "ليش كل ما تتعب اكثر تصير وسيم وتزيد حلا ضحك نواف وهو مو قادر يعلي صوته من التعب وهو يشير لها انها تمشي عشان يطلع. كانت تطلعه وهي تضحك لكن نظرة عيونها فيها شي غريب وردت علقت "تبيني اساعدك ؟ طالعها وحس انه انقهر من كلمتها لكنه رد ابتسم وعلق "بتشيليني مثلاً "لو اقدر اشيلك كان شلتك طالعها وهو يبسم بسخرية وعلق "خلص مرة ثانية لا تعرضين خدماتك لمجرد انك تعبين فراغ وبس ! لاني لو احتجت مساعدة ما راح اطلبها منك و اللحين ممكن توخرين عن طريقي . "نواف انا ما قصدت شي ليش زعلت ؟ هز راسه وهو مبتسم بعلامة الرضى وكأنه يكذبها و اشار لها تبتعد وابتعدت بصمت ونفس مكسورة وقف عند الغرفة وهو يسمع جاسم يتكلم بالجوال واتسعت عيونه بصدمة وهو يسمع الكلام .. وقفت ولا كأنها سمعت شي وهي مكتفه إيدينها على صدرها وهي واقفة على باب الغرفة. نقلت عيونها بين عنود إلي كانت تبتسم وناصر إلي ملامحه كانت مكشرة وتكلمت بهدوء "خلصتي ولا بعد لأننا نبي نام ؟ طالعتها عنود من فوق لين تحت وخرجت ودفعتها بكتفه .عذاري إلي شدت على شفايفها من غيظها دخلت وقفلت باب الغرفة وهي لازلت مكتفة إيدها و هي تطلع بالفراغ وتفكر وش دار بينهم أكيد قالها عالي صار وقاعد يشكي لها همومه انتبهت لناصر إلي وقف وهو يطلعها بسخرية وعلق "غريبة ما طلبتي الطلاق هال مرة ولا رحتي نمتي عند عمتي موضي ! طالعته عذاري بكره ما تدري ليش تحس إنها ودها تذبحه وعلقت بهدوء مستفز "ماش الله أشوف ألمود متعدل من خرجت من عندك "طبعاً بيتعدل وحدة تدور إلي يرضيني مو مثل إلي مكشرة أربع وعشرين ساعة في وجهي . عذاري إلي استفزها كلامه وعلقت بصوت شبه عالي "أقول لا تدور الحجج عشان تبرر لنفسك قول انك ما تبيني وخلص "اهاا الحين بتقولين خلص طلقني حتى آنا معاد أبيك . عذاري إلي قربت منه والشرر يطير من عينها "اهاا قول انك قاعد تسوي هال حركات عشان تبيني اطلب الطلاق ! طيب أشريك في إلي تنكد عليك عيشتك آنت ويها وتقعد على قلبك وما تقدر تطلقني تعرف ليش ؟ طلع فيها وهو يشغل سيجارة ورفع حواجبه وكأنه يقوله ليش. عذاري إلي استفزها شكله وكملت وهي تستفزه "عشان خاطر إخواني والله مخليكم تنبسطون واشمت الناس فيني وأطلق مرة ثانية .. عذاري إلي لاحظت انه ابتسم أكثر وكأنها قالت شي يضحك بدل ما تستفزه هو قاعد يستفزها بأسلوبها راحت عذاري وقربت منه بعصبية وسحبت السيجارة من شفايفه وأخذت العلبة والولاعة وفتحت الشباك ورمتها تحت نظرة اندهاش من ناصر بالفعل لأنها أول مرة تسوي هال حركات معه لكنه مشت عنه وهي تعلق "تبي تشرب سجاير مرة ثانية اشربها عندها مو عندي عشان يكتمل الشعور بالراحة معها .. تركته وراحت تخذ لها حمام وهي تحس إنها بتنفجر حست بألم في بطنها خلها تعض على شفايفها و حست برفس ولدها في بطنها وتذكرت كلام عمتها موضي عن النفسية وش تأثيرها في الحمل خافت على نفسها ولامت ناصرو العنود في إلي إهي فيه و حست إنها مي قادرة توقف أكثر حست بالألم يذبحها راحت سحبت ملابسها بصعوبة وما تدري شلون لبستها وخرجت وهي حتى ما نشفت شعرها وجلست عل سرير وهي تحس بالغثيان رخت راسها على إيدها وهي تحس بالإعياء انتبهت لناصر إلي جلس قربها ومعه المنشفة وقرب منه والخوف في وجهه "عذاري وشفيك ؟ عذاري إلي شالت راسه على يم وعلقت بصوت مبحوح "لا تخاف ولدك ما فيه شي . شافته يرفع حواجبه بعصبية وهو يقرب أكثر وحط المنشفة على شعرها عشان يجفف لها شعرها و عذاري تحاول تبتعد عنه لكنه أصر وعلقت بضيق " وخر مأبيك تقرب مني "ماني تركك شوفي وجهك شلون اصفر أكيد انك ما كلتي شي طول النهار. حست فيه تردد وسكت لكنه رجع وكمل وهو يجفف شعرها بإيده الثنيتين "وإذا عال كلام إلي قالته عنود ترى ولا شي منه صح .. عذاري إلي تحس إنها بيغمى عليها لكنها استوعبت إن ناصر ولأول مرة في حياته قاعد يبرر وسمعته يتكلم بس ما شافت غير شفايفه تتحرك. من التعب إلي كان أقوى منها حست نفسها تغرق في الظلام وهي تسمع صوته يعلى ..... | ||||
|
| |
|
17-01-13, 07:27 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جاسم إلي كان قاعد على فراشه وهو يكلم الجوال . " أي عنود وش تبين "وش أبي ؟آنت تبي تذبحني أنت عارف آنا وش أبي "سمعني عاد خن نهدي العب شوي "ليش وش صار ؟ التفت ناحية الشباك بملل وهو يتنهد "ما صار شي بس خن نهدي العب الين ما تولد عذاري "شنو شنو يا روميو زمانك مو هذه أساساً كانت فكرتك الحين جاي تقولي هدي اللعب ولا لتكون خايف عليها بعد أنت الثاني ناصر يقول نتزوج بعد ما تولد و.... "أقول ليكون سوى فيها شي ها المجنون والله إن صار لها شي "ما صار لها ولا شي لا تخاف بالعكس قالت لي بكل برود طلعي نبي نام . جاسم إلي جن جنونه وما يدري ليش حس انه مو قادر يتحمل هذولا شلون نفرقهم "جاسم ..... أجفل لما سمع صوتها ورد بتعب من كثر التفكير "شنو . سمعها تزفر أنفاسها بهدوء وهي تسأل "قولي عاد أنت تحبها صدق ولا بس تبي تنكد على ناصر ؟ ضحك جاسم بسخرية وعلق باستفزاز "نفس السوائل أرده لك ؟حس بعصبيتها وهي ترد "وش قصدك يعني آنا أغار منها ؟ ضحك جاسم وعلق بتكاسل "أكيد تغارين ولا ناصر له سنتين بالضبط منفصل عن زوجتها ليه ما خلتي عمي يخطبه لك في هال فترة الحين بس يوم طاح في يد هل الفقيرة المسكينة عجبك !! "جاسم أقول لا نعيب في بعض ترى حنا الاثنين دفنينه سوا أنت تبي عذاري و آنا أبي ناصر. مسح ذقنه بإيده وهو يبتسم على ذكأها وعلق وهو مبتسم " صراحة اشك إن إبليس نفسه يقدر فيك. يلا يا العنود روحي نامي وآنا بعد بنام . قفل السماعة وهو تايه في هواجسه حس بالحركة الي يم الباب والتفت ونصدم لما لقى نواف واقف ومكتف إيده على صدره ومتكي على الباب ويطلعه بنظرات صقر يبي ينقض على فريسته .... ناصر ما يدري ليش ولأول مرة في حياته مو عارف شلون يتصرف .كان ماسك عذاري في حضنه وهو يحاول يغسل لها وجهه بالماي إلي كانت عذاري حطته يمها ع سرير "حبيبتي .. حبيبتي . حس فيها تتأوه بألم .وفكر إنها أكيد أرهقت من المشاور وعدم الأكل والتعب النفسي إلي اهو متسبب فيه .أساساً ماني شاطر غير في أذيتها .مددها ع السرير وغطاها . وقام يدور في الغرفة على عصير أو شي تأكله وما لقى فتح باب واستوعب انه للحين لفة المنشفة وقاعد من غير بلوزة غير بسرعة وطلع من الغرفة ونزل المطبخ على عجل وفتح الثلاجة واخذ منها عصير وفواكه وطلع بلهفة ولقاها لازلت مغمضة عيونها بوهن ,فتح علبة العصير وهو قاعد يمها ع سرير ورفعها على صدره وهو يقرب العصير من فمها ويكلمها "حبيبتي قومي شربي العصير حبيبتي ... فتحت عيونها بجهد وهي تحاول تطالعه بثبات وتمتمت بصوت هادي "حبيبتك ! شربها العصير وهو عاقد حواجبه من التوتر والخوف إلي اهو فيه .شربت شوي من العصير ورفضت تشرب الباقي لكنه أصر وخلها تخلصه كله .شافها تحاول تبتعد عنه ورضخ لرغبتها وابتعد بسرعة عنها .رجعت تمددت بإعياء واضح لكن وجهها الحين أحسن ورد اللون فيه . غطاها وقام طف النور ووقف يطلعها وهي تدخل في النوم بسرعة فكر انه عمره ما خاف في حياته كثر هال مرة ما يدري ليش خاف ؟ هو خاف انه يفقدها ! أو خاف انه يفقد عقله لا فقدها أو انه يفقد نفسه بعدها . معقول هي تسوي فيني كل هذا .فرضنا إنها بالفعل تركتني و آنا ما وريتها يوم واحد زين كله مغثة في مغثة جالس احسبها على الماضي إلي ما حسبتني عليه رخى عيونه ع الأرض بضيق وهو يتنهد بتعب .راح للباب وقفله بهدوء واتجه لسرير وتمدد يمها وهو يطالعها بتردد ومسح على شعرها وتنهد بضيق ومسك إيدها وغمض عيونه من كثر الارهاق والتعب ونام ... ..... عذاري انصدمت لما لقت وجهها قريب من وجه ناصر إلي كان مستغرق في النوم والي كان حتى في نومه قاسي لاحظت حاجبه المرفوع وشفايفه المشدودة وكأنه يتألم . تذكرت إنها اغمى عليه البارح ولوت شفايفه بحرج .وتذكرت ناصر لما يصحها وشربها العصير.حست إنها شافت لهفة عاشق بعيونه .هزت راسها وكأنها تمنع هالا فكار و قامت من فوق السرير بحذر عشان ما تزعجه وقفت قدام المرايا تمشط شعرها وهي تطالعه وفكرت انها للحين معرفت للحين شلون تصنفه؟ كانت تعتقد في يوم إنها تفهمه لكن الحين تحس إنها ما عادت تعرف شي كملت زينتها وألقت نظرة استحسان لمظهرها وخرجت من الغرفة بهدوء واتجهت لغرفة عمتها موضي إلي ما لقتها في فراشها مع إن الوقت بدري نزلت للمطبخ وسمعت سوالفهم من الحديقة وراحت وطلت براسها ولقت كل عممها ولمحها عمها خالد ونداها "يبى عذاري تعالي فتحي لي نفسي للفطور . ابتسمت له وراحت وجلست وهي تسمع مدحه لها وهي ترد عليها بابتسامة خجولة . ورد عمها علق "إلا أقول و آنا عمك وين رجلك ؟ "آنا هني . . أجفلت عذاري لما سمعت صوته ورآها والتفتت له وشافته مبتسم وجاء وجلس يمه وطالعها وكأنه خايف احد ينتبه له ,ومد إيده ورفع الشيلة فوق راسها .عذاري حست إنها توترت من حركته وسوت نفسها انها عادي . لاحظت سكوت أعمامها وإعجابهم المخفي بناصر. ناصر إلي خاف لما صحا وما لقى عذاري وخاف إنها تعبت أكثر ونزل يدورها ولقها عند عممها تفطر وتبتسم لهم وشعرها يطيره الهوا خاف احد يشوفها به المنظر تفتنه و حس سوئل عمه خالد استفزاز له لأنه لما شافه سأل . ,والتفت لعممه إلي كانوا يكلمونه وشد انتبه عمته موضي إلي ما كانت على عادته بالعكس الحزن كان مغرق عيونه وتنهيداتها الحزينة تشهد تكلم بخوف مخفي "علام الزين ملتاع . طالعته وهي تبتسم وفيصل وخالد يضحكون عليها .علق فيصل "شفت يا خالد أهم شي الثقة بالنفس من يوم ما قال الزين التفتت له تخيلي لو إنها كان يحكي عذاري طلعته موضي وابتسمت وعلقت "آنا عارفة انه قاعد يكلمني لأنه رفع صوته ولو انه يبي يكلم زوجته كان ما سمعنه . ,ضحكوا كلهم على فطنة عمته بس هم يبي يعرف وش فيها معقول سمعتنا آنا و عذاري ولاحظت وجه عذاري ...الله يكسر ....استغفرا لله بس . طالع عذاري إلي كانت في دنيا ثانية وطالع خدها بتأنيب ضمير ولاحظ إنها كانت ما تآكل رفع حاجب غضب وهو يقرب الأكل منها وانتبه لإجفالها وكأنه تقوله وش في ؟ قرب راسه وهو منتبه لانشغال أعمامه مع بعض وهمس "تبين أكلك بيدي يعني . طلعته عذاري وهي رافعة حواجبها باستعلاء عصب أكثر من عدم مبلاتها ورفع حاجب غضب وهو يتكلم بصوت أهدى من قبل "عذاري لا تعصبيني وكلي ولا قسم بالله بأكلك بيدي و ماني مستحي من احد .. طلعته عذاري بنظرة تحدي وكتفت إيدينها وابتسمت طرف ابتسامة وكأنها تتحده ناصر إلي تنرفز أكثر ومسك قطعة خبز ودخلها في فمها بعصبية وشافها وهي تنفجر ضحك ودموعها تلمع بعيونها "صباح العشق . التفتوا الاثنين لمها بنت عمهم خالد وابتسمت لها عذاري وناصر شال راسه بعصبية ونصدم لما التقت عينه بعين عمه حمد إلي كان ساكت ويطالعه بصمت اهو و عذاري وعلق وهو يطلع عذاري إلي كانت تكلمها مها بهمس "إلا أقول يا عذاري وش ناوية تسمين ولدك إنا شاالله ؟ ناصر إلي فتح عيونها الثنيتين بعصبية وفهم كلمة عمه إلي أثرت غيضه ورخى عيونها وهو ينتظر رد عذاري "والله يا عمي أبوه وجده إلي راح يسمونه . ناصر رفع راسه والتقت عينه بعين عمه بعتاب وسمع اعتراض مها "نعم نعم أنتي تحملين وتتعبين و يجي ناصر وعمي فيصل هم إلي يسمون خير إنا شاالله !! عذاري من كل عقلك تتكلمين ولا ناصر مسح مخك ؟ ابتسمت عذاري وما علقت وردت عمتها موضي وكأنها ترمي الكلام على احد "هذا كلام الحريم السنعات إلي أهم شي عندها احترام زوجها مو مثل بنات هل الوقت لاحيا ولا سنع .. قالت كلمتها وألقت نظرتها على أخوها حمد إلي كان مضيق عيونه وكأنه يفكر في كلامها ومها الي ردت تعترض "لا لا ماني قادرة اصدق عذاري صاحبة أقوى مبادئ في العائلة والي دايم كانت تناصرني تصير كذا ؟ طلعها أبوها وهو يضحك على كلامها "نشوف لا تزوجتي وش يصير؟ "علق فيصل "أي والله ...... ناصر ما كان عاجبه هل الجو كله ولازال يفكر بكلمة عمه ليش قالها هو وش شاف عشان يقول هال حكي ؟ "متى ناوي تحدد زواجك ؟ فاق ناصر على هل الكلمة وهو يسمعه من عمه حمد وانتبه لنظرات الجميع إلي كانت مركزة و استرق نظرة لعذاري إلي كانت راخية عيونها بالأرض وشاده شفايفها ... نواف إلي كان قاعد في بيت الشعر بروحه و محد انتبه له تذكر النقاش الحاد إلي صار بينه وبين جاسم الي اجهده وأرهقه ... "أنت ما تستحي ؟ ما فيك غيرة ؟ ترضني أتكلم مع مها من وراء ظهرك ؟ طالعه جاسم إلي في البداية بتوتر لكن بعدين رفع حاجبه وقام يتكلم مع نواف بسخرية كعادته "أقول أستريح شوف من يكلمني إلي مسك منال وقالها خلي أختك تترك رجل أختي ونتزوج . نواف إلي ضيق عيونه بعصبية فكر انه طاح من عين نفسه و انه صار مثله مثل جاسم وما يصير حتى يتكلم عليه ونصدم من منال انها قالت كل شي "ها أشوفك سكت ! بعدين بدل ما تشكرني إني قاعد أفكر في أختك وبريحها من ناصر وعذابه تقوم تقولي هال ألحق .. "لا تجيب طاري أختي على لسانك تفهم ولا .. "نواف ....... أجفل نواف لما سمع صوت ناصر إلي كان داخل وشكله معصب "أنت نمت هني ؟ طلعه نواف بشرود "تقريباً .!. طالعه ناصر إلي قعد قريب منه باستغراب "شلون تقريباً .ولا يكون تعبان ؟؟ .. طالعه نواف وهو شايف نظرات الخوف واللهفة في عيونه ورد عليه وهو يهز راسه بلا براسه وسأله "أنت وشفيك ؟ وش إلي قالب وجهك ؟ ناصر إلي تنهد وشال راسه على يم . فكر نواف انه ما بيتكلم كالعادة وشال راسها على يم "حددنا الملكة بعد اسبوعين والزواج عقبها بأسبوع .... نواف إلي اتسعت عيونه من الدهشة وهو يلتفت لناصر "حددتوا أنت و من ؟ هال مواضيع أنت إلي تقرر فيها لوحدك ! طالعه ناصر باستغراب وعلق "آنت منت زعلان إني بتزوج على أختك ؟ ضحك نواف باستهزاء وهو يعلق "آنا عارف من أول انك منت قليل شيمة بس ليه ما قلت لي إن عمي طلب منك تزوج بنته ؟ لاحظ توتر ناصر وهو يرفع حاجب "نواف هد صوتك لأحد يسمعك وبعدين آنت من قال لك ؟ سكت نواف وهز راسه بعدم مباله وتذكر عذاري والتفت له "إلا عذاري عرفت ؟ ناصر إلي شال راسه على يم وكأنه متضايق "حددنا وهي قاعدة ...نواف وش رأيك تأخذها وترجعون آنا خايف عليها . بس المشكلة انهم قررو انهم يسافرون لهم كم يوم في مكة و الطايف كل ابوهم ... "حتى آنا أبي ارجع .المزرعة ما عادت المزارعة و الوناسة إلي كنا نلقها هني اختفت بس تصدق هذا احسن شي قالوه خنا نعمر بعدين نرد . طالعه ناصر بعين يملها الهم وأيده بإيماء من راسه .. | ||||
|
| |
|
17-01-13, 05:44 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وقفت عذاري وهي تجهز شنطة سفرها هي وناصر وفكرت في كلام عمها وتذكرت كلام خالد لم كان يقول عمي حمد يتعمد يخلينا نحس بالنقص .طالعها ناصر وحس انها ساهية ومي معه علق وهو توه اخذ حمام عشان يحرم "خلصتي و لا بعد . طالعته عذاري بنفس الشرود وهزت راسه بالإيجاب وراحت قعدت ع السرير علق وهو منتهي من لابس حرامه "خلص عذاري احرمتي ؟ هزت راسه بالإيجاب وقامت عشان تلبس عباتها .وعلقت "أي نسيت نواف وعمتي موضي . خرجت من الغرفة بسرعة وراحت لعمتها الي كانت شغالتها مجهزة لها كل اغراضها بس شيكت ان كل الاغراض موجودة و اخذت ادوية عمتها وحطتها في شنطتها لان عمتها دايم تنسى .واتصلت على نواف عشان تذكره بعلاجه .. "ها نواف ناقصك شي تبي شي ؟ ... "لا بس قولي لمشعل عنده حزام عشان اثبت فيه الاحرام .... "طيب اصبر شوية . ردت غرفته و اعطت التليفون ناصر... توزعوا في السيارات وطلع معهم في سيارتهم عمها فيصل وعمتها لطيفة وعمتها موضي اما نواف طلع مع عيال عمه الصغار عشان ما يسرعون وناصر الي كان يشيك ع السيارات ويعدهم وهو يضحك وشافته عند سارة عمها حمد وعضت شفايفها من الغيرة فكرت اكيد ان عنود علقت عشان كذا عمها حمد وعنود . راح عند سيارة نواف وعلق "وش عندك ما تقوم تعد معي ضحك نواف وهو يعلق "انا الجهد الي عندي بخليه للعمرة . ضحك ناصر وهو رايح يركب سيارته وقعد وهو يشيك علي موجودين بالسيارة "ابوي ؟ تجاهله ابوه ورد عليه بابتسامة ابتسم ناصر ورد كمل "يوما ؟ " موجوده . ضحك وطالع ابوه وعلق "خلك مثل امي دمك خفيف. ورد كمل ... "عمتي موضي ؟ "ها يوما ؟ طالع عذاري وهو يحس ب الحواجز الكبيرة الي بينهم لكنه علق بمرح مصطنع وهو عارف انها ما راح ترد "عذاري ؟ " وراك . ابتسم اكثر وعلق "عذاري من الحين ما فيك حيل عيل ما في عمرة . ضحكت بصوت مسموع وسمعت عمتها موضي تعلق وهي رافضة "عذاري انا ابد ماني راضيه على العمرة انتي الحين تعبانة مو وقته بعدين لا ولدتي يطلعك ناصر ما يقصر . ما ردت وهي تفكر انها محتاجة هال عمرة كثير عشان تشتكي لربها . علقت عمتها لطيفة "ويه يا موضي انتي عاد لا تكبرين المواضيع تذكرين انا و ام خالد الله يرحمها يوم سوينا العمرة وحنا في الشهر التاسع ... عذاري الي رفعت حواجبها باستغراب وضحكت بسخرية عمري ما سمعت احد يترحم عليها انتبهت لناصر الي كان يحاول انه يشوفها من المراية الامامية . شالت راسها على يم وحاولت انها تنام ... كانوا يطوفون وهو كان محوط كتف عذاري بيده طالعته عذاري وهو يمشي ورافع ايده يدعي ربه رفعت ايده ودعت "يـــــــــــــــارب طلبتك خله يحبني مثل ما حبه وما يتزوج علي يارب طولي عمره هو و اخواني يـــــــــــارب و لا تختبرني فيهم يـــــــارب اصلح لي ولدي الي في بطني واجعله قرة عيني . ناصر الي كان رافع ايده ويحمد ربه الي جمعه فيها وتوسله انه يخليها معه و لا يفقدها ابد . وقفت عنود تطالعهم بعد مانتهت وهي تشوف ناصر يشرب ماي ويشرب عذاري ويغسل لها وجهها ويسلم على راسها كان الي يشوفهم يقول في قمة سعادتهم عضت شفايفها من غيضها وفكرت بس اش يبي فيها وش شاف فيه عشان ذا كله لكن هو قالها بنفسه هو ما يبي منه غير عيال احسن انا مآبي اجيب عيال خليها هي اصلاً ما تعرف تتعامل مع الرجال ... وقفت مها تطالع نفس المنظر وفكرت ليش ناصر خطب على عذاري بعد شهر من زوجهم وش معنى عنود صديقتها اكيد عذاري سوت شي شايد ولا ما يعقبها ناصر هال عقاب الصعب بس كأنه خطب عنود وردت العلاقة بينهم و تحسف اموت واعرف وش صار بينهم. لافتها نواف الي كان ماسك اخوها مشعل الي من ابوها الي كان عمره سبع سنين وكان يكلمه بمحبة واضحة تمنت انها تكون مكان اخوها عشان بس تلفت اهتمام هال شخص الي ظل سنين حلمها ولازال رفعت عينها للسماء وهي تدعي ان الله يجمعها فيه في يوم . راحت وقربت وهي تمسك يد ناصر وعلقت "ها مشمش شلون العمرة ؟ طالعها الصغير بتعب .وعلق وهو منهك "تعبت كثير معاد بسوي عمرة مرة ثانية . ضحكوا هي ونواف وعلق نواف "ليه غيرت كلامك ؟ مو توك تقول نبي نجي دايم ؟ "أي نجي نصلي لكن عمرة .هز راسه بلا .ردو ضحكوا .. منال واقفة بعيد تطالعهم حست نفسه تبي تموت حرة بس فكرت ان مها مستحيل تحط عينها على نواف .بس ليتني اروح ووقف معه مثلها بس اخاف ملامة اهلي ام هي عادي عمي ما يقولها شي ... ناصر الي حجز شقتين شي للرجال وشي للحريم لكنه وقف وتذكر عذاري وفكر انه ما عنده استعداد ينام بمكان وهي بمكان وحجز له جناح بروحهم .وصلوا للشقة وكل من صار يدور له سرير ويحجز الاماكن الافضل لنفسه وللي يخصه ام موضي تروح تنام عند اخوانها وعيالهم تستريح عندهم وقفت هي تخذ الشي الزايد كالمعتاد لكنها سمعت ناصر يناديها وقامت بثقل وهي حاطه ايده على بطنها من التعب ووصلت للباب وكلمته بهمس "هلا . طالعها ناصر الي بعده ما حل احرامه وعلق بعجل "جيبي اغراضك و الحقني استغربت وهي تلم اغراضها وتلحقه بتفكير طلعت في راسها الف فكرة وفكرة وانتبهت انه مشى لآخر الممر ووقف عند غرفة وفتحها ودخل. وقفت عذاري وراه حست انها مي مستوعبة بعدين فهمت انه اخذلها جناح بروحهم ووقفت عذاري وهي تحس بالامتنان له بشكل كبير ووقفت وهي تحاول تمنع دموعها اما ناصر الي دخل عشان يحل احرمه و لا كأنه سوى شي لحقته وفي شي كان يقولها لازم يسوي كذا انتم بعدكم معاريس و انتي ما رحتي شهر عسل . بس كان في شي بداخلها حسسها بالامتنان والمعزة.دخلت وراه وشافته وهو لابس بيجامته استعداد للنوم وطلع سيجارته ودخنها بشراهة ولم شافها قام عشان يبي يخرج من الغرفة عشان لا تضيقها السيجارة لكنها علقت بصوت مبحوح ارهقه التعب "وين رايح ؟ رفع حاجبه باستغراب واضح وخرج السيجارة من فمه و اشار عليها .انه بيخرج يكملها برا عذاري الي دخلت عشان تتشطف ولبست لها قميص خفيف وقصير وتعطرت وخرجت تدوره و لقته قاعد في الصالة راحت جلست يمه و تقصدت تلصق كتفه بكتفه وطالعه بنظرة ما فهمتها وعلقت "شكرا . طالعها وهو رافع حاجب "على شنو ؟ "على .....كل شي. قامت بسرعة من كثر الاحراج لكنه مسك ايدها ولفها نحيته وضمها بشدة خلتها تأن في حضنه ...... صحى وهو يحس انه يبي يكسر الجوال التفت لعذاري الي كانت نايمة يمه انتبه لجوالها الي كان يرن يمها ولا حست فيه وقام وسحبه وشاف منو يتصل وشاف رقم نواف . رد عليه بصوت شبه نايم "ها نواف ... "وش ذا النوم كسرنا جولاتكم نبيكم تيجون تكلون ,بعدين ناموا .... "يا شيخ لا قمنا نأكل ... "وين لاقمتوا تعرف الساعة كم الحين ؟.... "كم ؟... "وحدة اليل يا نايم قوم وقوم عذاري خليها تآكل لها شي مو زين عليها تنام بدون اكل . قام وجلس بصدمة وهو يطلع الساعة وقام عشان يصلي .عذاري الي صحت وهي تحس ان الجوع صحها قامت وشافت ناصر مو يمها قامت وصلت وهي مفجوعة من نومها ودورته و ما لقته وشافت جواله موجود وفكرت انه يمكن طلع يدخن .فكرت انها مي قادرة تتحمل الجوع لأنهم نايمن من الظهر . فكرت ليه ما تلبس وتروح عندهم لكنها انتبهت لناصر الي فك الباب ودخل وكان معه اكل عذاري الي تنهدت بارتياح وعلقت "زين انك جيت كنت شوي وبموت من الجوع . قرب الطاولة وهو يبتسم وعلق "يخسا الجوع . ابتسمت له عذاري وعلقت وهي تفك الاكل "مريت عليهم ؟ علق ببال مشغول "كلهم نفس حالتنا ناموا على طول بس صحوا العشاء مو مثلنا . ضحكت عذاري بهدوء وعلقت "من جد مادري الي يشوفنا يقول ما نام . هز راسه وهو يضحك,وبدو بالأكل وهم يسولفون . عنود الي كانت تغلي وهي قاعدة مع بنات عمها وكل شوي تتصل على ناصر و ما يرد عليها .مسوي لي فيها معريس واخذين لي فيها شقة بروحهم حتى الاكل ما يجون يكلون معنا هين ان اعلمك يا عذاري .ان ما خليتك تسقطين هال ولد الي كل العايلة طايرة فيه ما اكون عنود ..انتبهت لعذاري الي دخلت ورحبوا فيها عمتها موضي ولطيفه ومها والله يا عذاري وصرتي شي والناس تعطيك وجه اول محد كان يحاكيك غير عمتي موضي انتبهت انها كانت تتكلم "والله تعبت شوي عشان كذا ما حسيت بنفسي و انا نايمة . علقت عمتها لطيفة باهتمام "كليتي حبيبتي ؟ "أي الحمد الله ناصر جابلي . "أي زين اقول موضي ما تحسين بطنها نازلة ؟ "لا ويه اسم عليه انتي بس موسوسة ولا تفولين عليها "علقت عذاري بخوف "حتى ناصر يقول ان......... عنود كانت تحس انها تبي تموت من كثر القهر عذاري .عذاري عاد صارت العايلة تهتم فيها الله يرحم ايام ما كانت مثل الخدامة تدور بينا والله وتحقق حلمك يا سندريلا و تزوجتي الامير والله وتحققت لك احلام الطفولة هين انا اعلمك ...... منال الي كان ذابحها الخوف على نواف ومي عارف تطمن عليه من منو ؟ شافت مشعل داخل ونادته بدون محد يحس فيها "مشعل حبيبي تعال . جاء يمها بطاعة وعلقت وهي تعطي عصير وتعلق "كليت حبيبي ؟ طالعها الصغير وهز راسه وردت سألته "حبيبي من في من العيال ؟ "كلهم موجودين . علقت بتردد " اها طيب .نواف نايم ؟ "لا صاحي . ومشى يبي يكمل لعب لكنها مسكته "حبيبي روح ناده وقوله كلم عمتي موضي . راح الصغير وهو مكره وعينه علي يلعبون .ووقفت تنتظره على نار وشافته وهو رد بعجل ومسكته وعلقت بلهفة "وينه ؟ "هني (علق نواف وهو يبتسم بتعب ). تركت الصغير وهي تحس بالإحراج وفكرت ليتها كانت مثل اختها العنود فيها شوية جراءة عشان تقدر تملكه علقت بتردد وهي تحس ان خدودها حمر من الحيا "شلونك ؟ نواف الي كان التعب واضح في وجهه بس محتفظ بابتسامته الحلوة "حمدالله ما فيني شي ليش الكل يسألني هالسوأل اليوم ؟ علقت وهي تتلفت ورخت راسها من الحيا "ما ينلامون كلاهم يغلونك . طالعها نواف وضحك نص ضحكة ومشى .. دايم يتعبها ويمشي ولا يلتفت وراه دايم يقول ويمشي .. رخت راسها بألم ودخلت .. نواف الي ما كان عاجبه هال وضع الي اهو ومنال فيه .دخل وانتبه لجاسم الي كان يكلم سعود ولد عمه ويضحك ويطالع ناصر الي كان مو معطيه اهتمام..جاء وجلس قرب ناصر وعلق وهو يطالع جاسم بدون نفس وعلق "علومك يا رجل ؟ ناصر الي هز راسه بالإيجاب "تعبان وودي ارجع انام ابتسم نواف والتفت لعمه حمد وفكر انه مستحيل يعطيه منال . وهي بعد مصعبة المواضيع عليه مي راضية تقتنع انهم ما يناسبون بعض التفت لعبدا لله الي كان لها فترة عند خولاه .الي جاء ورمى نفسه في حضنه ابتسم له نواف وضمه بشدة وانتبه لأخوه الي كان يطالعه بنظرة شفقة يعرفها علق عمه خالد "عقبل ما شوف عيالك يا نواف. نواف حس ان هال كلمة ان قالت في وقتها ورد وهو يطالع عمه حمد "ومن ذي الي بترضى بي . علق عمه خالد بجدية وتأنيب "ومن يصح له ترتبط فيك وترفض غير المهبولة يكفيك عقلك وحكمتك و انا عمك . نواف الي طالع عمه خالد بتركيز وشافه جاد وفكر في مها الي دايم يشوف منها الاهتمام الزايد والحرص وفكر بجدية فيها لكن منال ؟ ... | ||||
|
| |
|
17-01-13, 05:46 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سافروا ثاني يوم ع الطايف .وكانوا طالعين وعمتها موضي ولطيفة كانوا يطبخون وعمهم خالد وناصر يشون . التفتت لعنود الي كانت عينها مع ناصر وفكرت لو النظرات تسرق كان سرقته بنظرتها وفكرت انها ما تقدر تنافسها و اكيد ناصر بيميل لها تذكرت كلامه عقب الهوشة لم قالها وحدة طول الوقت تضحك بوجهي مو مثلك . بالفعل وش يبي فيني حتى اني طول الوقت رافضته وطول الوقت اذكره بالي بينا وهو مهما قرب احس في قلبه حقد ما يروح و هال اهتمام كله عشاني حامل تنهدت بألم و حوطت بطنها بحماية وانتبهت للي جلست يمها وحطت ايدها على كتفها التفتت لمها الي كانت تبتسم لها بحنان وعلقت "وش فيك ؟ كانت ودها تشارك همها مع احد ودها تبكي وتريح نفسها لكنها خافت اذا اكثر اثنين وثقت فيهم بحياتي خانوني مع بعض شلون اثق في البعيد .طالعتها بتأمل وعلقت بابتسامة "ما فيني شي . طالعتها مها بتشكيك وعلقت "شنو بزر انا عندك عشان تضحكين علي ! ضحكت عذاري وعلقت بصدق "الي فيني واضح . طالعته مها وهي تلقي نظرة على عنود وناصر وتأملتها لحظة . وعلقت بتردد "ليش ؟ عذاري كانت تطالعه بابتسامة وهي تعرف وش تقصد وعلقت بغباء مصطنع "شنو ليش ؟ طالعتها مها بنغزة وعلقت بجدية " ابي اعرف ليه ؟ طالعته عذاري وشافت مها بعيونها مسحت حزن وندمت ع السؤال وشافت دمعة من عيونها طاحت ومسحتها بسرعة وابتسمت وهي تعلق بصوت مبحوح "علمي علمك . طالعتها مها بقهر عليها والتفت تطالعهم الاثنين بحقد .وشافت عذاري النظرة الي كانت تشبه الرصاص وعلقت بخوف على ناصر " ناصر وفي بس السنين خوانة . طالعتها مها بقهر وعلقت "وتبررين له بعد يا صبر الارض عليك ..ناصر الي كان واقف ومشغول بلي معه انتبه للمكان الي كانوا واقفين عنده رغم انه رفضه لكن أعمامه اصروا .حس المكان خطير لأنه بمرتفع واي واحد يجي يوقف ويطالع ممكن يطيح كان طول الوقت يتلفت بتوتر ويطرد الصغار عن المكان .نادهم عشان يجون يكلون ووزع الاكل ع الصغار ونادى على وحدة من البنات عشان تجي تخذ الاكل وافتكر عذاري وتوصى بصحنها .وقبل ما يروح يوديه التفت للمكان وكأنه يأمنه ونصدم من الي شافها واقفة ومكتفة ايدها على صدرها وحتى الغطا شايلته عن وجهه وشاف عنود واقفة بمسافة بسيطة وحس نفسه وكأنه بفيلم و توقع ان عنود ممكن ترمي عذاري .ما نتبه لنفسه إلا وهو يسحب عذاري على وراء بخوف و انتبه لصدمتها لم التقت عيونهم بعض والتفت لعنود الي مشت بسرعة حس انه بدا فعلاً يخاف من عنود ومسك عذاري وجرها على يم وعلق بغضب مكبوت " شنو تبين ترمين نفسك ! ؟ طالعته عذاري بغضب "ليش شايفني ما خاف ربي ! طالعها وانتبه انها كانت تبكي صحيح وجهها ما يبين عليه لكن صوتها يفضحها علق بتسأول " ليش تتمشن و انتي كاشفة وجهك ؟ شالت راسها على يم وتغطت بسرعة . اعطها الصحن وعلق بضيق "خذي كلي .طالعته عذاري وعلقت برجاء استغربه فيها "ابي ماي . قام بعجل يدور لها على ماي بارد و بسرعة جاب لها شربت منها شوي وخلتها و اخذها منه عشان هو بعد يشرب وعلق "ذقتي الاكل هزت راسه و اعطته الصحن عشان يكل. رفضه وهو يطالع في المنظر وعلق بتوتر " منو له نفس يكل به المكان والله اني على اعصابي بس خايف احد تزل رجله . التفت لعذاري الي كانت تطالعه بابتسامة واضحة في عيونها ونظرة كأنها نظرة ...حب !!!.وكأنها استحت انه انتبه لها وشالت راسها على طول .معقول هال نظرة الي شفتها .... عنود الي قعدت تطالعهم بحقد وفكرت بالفكرة المجنونة الي كانت بتسويها .وابتسمت على جننها يعني كنت بموتها وانهي حياتي على حسابها في طرق اسهل بكثير من هال جنان الي افكر فيه .. موضي الي كانت ساهية بهواجسها وفكرت بحياتها الي ضاعت عشان خاطر اخوانها .والتفتت لنواف الي كان قاعد بهدؤ يشبه هدؤوها بالماضي . جاسم الي وقف عشان يبي يدخن وانتبه لعذاري وناصر الي كانوا يتكلمون . ابتسم وهو يشوف عذاري الي كانت متلثمة وناصر الي كان يتكلم معها بقسوة استغرب ها الانثى مخلوقة من شنو يعني فوق ماهو خاطب عليها والي في نفسه بين عليها حتى مو قادر يتحكم في نظراته قدام الناس وش ها الكره وهي ليه قاعدة معه للحين .انتبه لأبوه الي وقف يمه وعلق وهو يطالعهم " الستر يابوك تبي الناس تأكل وجه اخوانها لو تطلقت مرة ثانية الستر يخليها تتحمله . انصدم جاسم من ابوه الي كان دايم يقراء افكاره .وعلق بقهر "يوبا والله لو يطلقاها لأخذها . ابوه الي تغيرت ملامحه وكشر "وش تقول يا ولد انت صاحي للي قاعد تقوله يعني الهوشة الي صارت ذاك اليوم .. انتبه ناصر لصوت عمه خالد الي كان يصرخ على ولده وراح بسرعة وحس ان الناس بدت تطالعهم وعلق وهو يرد عمه عن ولده "عمي الناس تطالعنا وش فيك . جاسم الي كان كأنه يردد ابوه . علق لم شاف ناصر بغضب "وش عندك جاي انت بعد . ناصر الي تجهله ومسك عمه وهو يتوسله يقعد وقام خالد مع نواف وهو يحاولن يهدون عمهم وجاسم الي زاد العيار وهني خالد ما تحامل ومسك جاسم ودفعه وعلق بصوت جهوري "ولــــــــــــد اســـــــــكت و لا تــــــــحاكي ابـــــــــوك بصوت عالي . "انت مالك شغل انت لو فيك خير ما كان تــــــــــــخلي اختك مع ها الـــــــــــــرخمة . خالد وناصر الي طار الشرر من عيونهم والتفتوا له سوا علق خالد بصوت راخي "منو الي ما في خير ؟ خاف ناصر من ردة فعل الي يعرف وش وراها ومسك خالد وعلق "خلك من ذا البزر وتعوذ من ابليس "ما بزر غيرك.ورد طلع خالد بتحدي وكمل . أي رخمه الي ما خلي اختك مع واحد مثل هذا. واشر على ناصر. وما يسوي سوتك غير الي مرخص اخته .خالد الي انفجر لكن ناصر رده ومنتبه إلا لنواف الي عطى جاسم طراق خله يطيح ع الارض ناصر وخالد كانوا يطالعون نواف, بصدمة نواف الي كان يتنفس بصوت مسموع وحط ايده على قلبه وعلق من تحت اسنانه "محد رخــــمه غيرك شــــــــــف اختك كاشفة وجهها وما ظل واحد ما غزلها لو فيــــــــــــك خير روح سنـــــــــــعها.. ناصر الي قام يتلفت وخاف ان عمه سمع كلام نواف و اطمئن لم شاف عمها مع ابوه الي ابعده عن الهوشة راح نواف عند فرشة الرجال وجاب مفتاح جاسم وجواله ورمه عليه وعلق بغضب " اذلف عن وجهي انقلع قابل الشركة بدل منت قاعد لنا . علق جاسم بغضب "على كيفك ان.. "أي على كيفي . و اذا ما رحت ترى راح اقول لعمي على الي صار ذاك اليوم .جاسم الي طالعهم بحقد واخذ مفتحه وجواله ومشى وهو يطالعهم بتهديد .ناصر الي نصدم وش ذا الشي الي خاف منه جاسم ومشى والتفت لنواف الي واضح انه كان مجهد وشاف خالد الي طلع سيجارة وقام يدخنها بشراهة وقفوا الثلاثة ساكتين وعلق نواف وهو يطالع خالد الي كان بينفجر "خلص خالد ما عليك منه و انت بعد يا ناصر.ناصر حس انها نسى اهانة جاسم بعد موقف خالد ونواف بس كل الي يحسه الحين ان قلبه مملي حقد و مو عارف شلون يخرجه ... كانوا قاعدين الرجال يشربون الشاي و اصوات ضحكهم ماليه المكان وكانت عمتهم موضي معهم . وعند الحريم عذاري الي كانت قاعدة و متكية ع الجدار الي وراها وكانت قاعدة مع منال ومها وكانوا يسولفون بروحهم وكانوا تاركين باقي الحريم علقت مها بمرح " بنات خاطري اتنكس و شرايكم نشغل اغاني ونرقص طالعتها عذاري وهي مبتسمة "والله انا مادري متى اخار مرة رقصت يمكن على ايام الثانوي ؟ انصدموا مها ومنال وقاموا يضحكون بصوت عالي .طالعتهم عذاري وهي مقهورة وتسكتهم وهم يتغشمرون عليها قامت مها وشغلت الايباد وحطت لهم اغاني وقاموا يرقصون و عذاري تطالعهم وهي تضحك لان مها كانت تتغشمر وهي ترقص و عذاري كانت تضحك وهي حاطة ايدها على بطنها وتقولهم خلص سكتوا .راحت مها وقومت منال الي كنت بطبعها خجولة وما تحب ترقص كثير لكنها جارت مها. عذاري انتبهت لجواهر مرت خالد الي حست ان الجو مو رايق لها اشارت لها تجي تقعد معهم جات وعلقت بابتسامة "ليه ما ناديتوني من اول . علقت "تونا شغلنها قومي رقصي نزلي الي في راسك . قامت وهي تنغزها بيدها وتعلق وهي تضحك "بقوم احسن من الي ما تقدر تقوم. ضحكت عذاري بصوت عالي وهي تمسح دموعها من الضحك . انتبهت لجوالها الي ران برسالة فتحتها ونصدمت "هدي صوتك ضحكك واصل لعندي " عذاري حطت ايدها على فمها من الصدمة وهي تحاول تخفي ضحكها وردت له "مشا لله شلون سمعتني " ناصر الي كان قاعد عند الرجال ويحس انه يبي ينام طلع له حجة عشان يرسل لها ونصدم انها ضبطت معه وقام يضحك باستمتاع ورد علق "بسم الله علي هدي صوتك وخلص .بس ليت هال ضحك عندي.. ابتسمت عذاري غصب عليها وحست انها ردت مثل اول لم كان يغازلها وتحمر خدودها ... خلت الجوال يمها وما كانت تبي ترد لكنها .. مسكت الجوال وحبت تشاكسه وردت ...ناصر الي كان رامي الجوال واستغرب لم جاته رسالة وضحك لما قراء المكتوب "طيب ضحكني و لا ما تقدر ؟ ابتسم وطالع الي حوله عشان لاحد ينتبه له .. عذاري الي كانوا بنات عمها يبونها ترقص بالقوة وهي ترفض انها تقوم لكن جواهر جرتها بالقوة وهي تحلفها ترقص وقفت عذاري ورقصت بثقل وهي تضحك وبنات عمها يرقصونها وشافت نظرات الاعجاب في عيونهم وسمعت مها تعلق "اخص وش ذا الرقص يا ليتني ناصر. ضحكوا كل بنات عمها وضربته عذاري بحيا على ايدها و وخرت وهي تتثاوب وعلقت بكسل " ابي روح انام. سمعت الرفض منهم لكنها اصرت وقامت اخذت عبتها و اغراضها ولم وصلت للشقة الي كانت بنفس الدور .فتحت الباب ودخلت انتبهت لليد الي تمنعها من قفلة الباب وحست ان قلبها طاح وهي تشوف ناصر يطالعها بابتسامة غريبة وهو داخل علقت عذاري بأنفاس متقطعة من الخوف "واي زاغ قلبي ما سمعتك و انت ماشي وراي . علق وهو يرمي الجوال على المقعد "اسم الله عليك . طالعته عذاري وحست انه في شي وعلقت وهي ماشية وراه لغرفة النوم "وش فيك ؟ طالعها باستغراب وعلق "ما فيني شي . عذاري حست انهم موهم طبيعين اهو و اخوانها اليوم .قامت فصخت عباتها ودخلت شطفت وجهها وجسمها ولبست قميص نوم .خرجت ولقت ناصر الي كان مستلقى ع السرير وهو حط يده على راسه وكأنه يفكر طالعت في لابتوبه وفكرت زمان عنه وطالعت في ناصر الي كان ساهي . " عادي استخدم لابتوبك . طالعه وكأنه توه استوعب انها هني وشافها جميلة بشكل لا يحتمل وطالع خدودها الي كانت محمرة وشاف جسمها الي امتلاء مع الحمل اكثر وهال قميص العنابي الي كان يظهر بياض بشرتها وصفاءها وشفايفها الحمراء من الله. هز راسه بلا .شافها ابتسمت بخبث وعلقت "شكرا . طالعها وابتسم وشافها وهي تجيب اللاب توب وتقعد بعكسه ع السرير .قعدت وهي تدندن بصوت راخي .وفكر وهو يطالعها بجاسم الي تحول عدو من يوم اخذها من متى يحبها ويبيها من متى ؟ انتبه لها وهي تمسك اصبع رجله اكيد انها مي منتبه وهي مركزة في الي معها قام جلس وقرب منها وعلق وشاف اجفالها " اتركي الي في يدك وكلمني . عذاري الي انصدمت من ها القرب المفاجئ وشمت عطره القريب وغمضت عيونها بإنكار لمشاعرها الي كانت تشتعل تبي قربه سمعته يعلق وهو يقرب منها "رقصك حلو . فتحت عينها بصدمة وهي تطالعه وفكرت . شلون شافني ؟ "الباب كان مفتوح وشفتك . كان يتكلم وهو عاقد حواجبه بشدة وفكرت حتى وحنا به القرب قاسي رخت راسها بحيا وحست فيه يضمها بتملك وهو يشم شعرها وعلق بهمس "كل شي فيك غير .. طلعوا ثاني يوم من بدري لأنه كان اخار يوم لهم وبيسافرون الي يوم الي بعده . كانوا قاعدين بمنتزه كان في ملاهي وفي جلسات . علق نواف بهدوء "ليه ما نروح نلعب في الملاهي مع الصغار . طالعوا عيال عمه وضحكوا . و ايده عمه خالد وهو يقوم . "أي والله و انت صادق هذه رحلة ولازم ننبسط فيها . علق فيصل باستغراب "من جدك انت . "أي والله من جدي انا من اليوم قاعد ومقهور وتراني بروح العب بالسيارات زمان عنه .ضحكوا العايلة وهم مصدومين وهم يشوفون عمهم الي راح من جده ولحقه نواف هو يقوم ناصر بقوة .وراحو كلهم معاد حمد .. عذاري الي كانوا قاعدين وقدامهم لعبه السيارات و انصدمت وهي تشوف أعممها وعيالهم قاموا يلعبون . وقامت تضحك .وقالت للبنات وقاموا البنات وهم يطالعون و محد فيهم مستوعب وجاء خالد ونادى جواهر "جواهر . "هلا "جيبي عبادي خني العبه معي . علقت عمته موضي وهي قايمة "من جدكم انتو بتلعبون مثل البزران . "تبينا نقعد عاقلين لمتى يعني خلصت السفرة وحنا عاقلين . ضحكوا كلهم .وقامت عذاري وهي تدور ناصر.الي كان ميت من الضحك وهو يصدم سيارة نواف خافت على نواف الي كان شكله متحمس كثير .علقت عذاري بغيض "ليش هم يلعبون وحنا لا . علقت منال وهي تضحك "من جد قهر .طالعتهم عمتهم موضي بصدمة "حتى انتو تبون تلعبون . علقت مها وهي مكشرة "ليش حنا مالنا حق وهم لهم حق.علقت عمتهم موضي "اقطع و اخس انتي ويها هذا الي ناقص والله .. ضحكت عذاري على وجيه بنات عمها الي كانوا مقهورين ..انتبهت لعنود الي صار لها ساعة تضبط مكايجها .راحت ناحية الرجال وعلقت بدلع "ناصر حتى انا ابي العب ..عذاري مانتبهت لنفسها انها وقفت و تبي تشوف ناصر وش بيقول..انتبهت لعمتها الي قامت وهي مصدومة وعلقت "الله اكبر عليك يا عنود هذا اخار ما توصلتي له .. ناصر الي كان مصدوم من الطلب الغريب ومعرف اش يقول و هو يطالع عيال عمه بحرج . سمع عمته الي كانت تهوشها ورجعت وهي معصبة.عنود الي حست نفسها بتنفجر وراحت لعمتها "عمتي وش في ليش تصارخين علي قدام الناس . "انتي لك عين تردديني يا بنت ذلفي عن وجهي لكسر هال عصى على راسك. مشت عنود وراحت عند ابوها ما تبي تشوف انتصار عذاري عليها .عذاري الي عصبت زيادة لأنها رفعت صوتها على عمتها وحست مزاجها تعكر .حست نفسها مي قادرة تقعد من كثر العصبية و اول مرة ما تحاول تمسك نفسها قدامهم تغطت وقامت لأنها لو قعدت وسمعت مرت عمها حمد تتكلم ما راح تقدر تمسك لسانها .علقت جواهر الي لحقتها بهمس "وين بتروحين ؟ "بقعد برا ماني خلقهم . خرجت وهي خايفة عمتها تسألها .وتنفست بارتياح لأنها ما سألتها .وبعدت عن مكان الحريم وما حست باللي كان يناديها .وقعدت على كرسي قريب وهي تتنفس بتعب .و انصدمت بناصر الي كان وراها وهو عاقد حواجبه بعصبية وعلق "صار لي ساعة اناديك . شالت راسها على يم وحست انها تكرهه ورد علق "وش فيك ؟ اصلاٌ وش الي جايبك هنا ؟ عذاري الي حست نفسها تبي تنفجر من اسلوبه وعلقت بغضب "مالك شغل فيني .اصلاُ انت ويها تبون تذبحوني بس منتو عارفين شلون .. ناصر الي عصب من طريقة كلامها وقرب منها وهو عاقد حواجبه بشكل مخيف "ليش ترفعين صوتك علي شفتني جبتها وجلستها يمي . "انت سكت يعني ما عندك مانع . "عذاري لا تجنني وش تبيني اسوي والناس كلها تطالعني .. "لا تسوي شي اهم شي ارضيها. هي عشان ابوها في كل من يهبها ويحسب لها الف حساب .لكن انا الي كل من يدعس علي برجله و مواري سند تستحون منه . ناصر الي ضيقه كلامها وفكر انه بالفعل صحيح لو عمه جاسم موجود ما كان تجرءا عمه حمد يطلب هال طلب جلس يمها وفتح قارورة الماي الي معه وشرب منها وحس في عذاري الي كانت تبكي يمه حوط كتفها بيدها وقرب الماي منها وهي تشيل راسها لكنه شربها بالقوة وسلم على راسها وعلق وهو يقرب منها "ما عاش من يستقلك يا بنت جاسم . عذاري الي بكت اكثر وحست انها مي قادرة تستحمل كل الي فيها . علقت بتوسل "ردني الفندق تكفى . طالعها ناصر وهو يلوي شفايفه و ما عجبه الكلام وعلق وهو بجد مقهور "يعني هم يستانسون و انتي تقعدين هناك بروحك لا ماني موديك تبين اخذك لفه بالسيارة ولا اوديك السوق ما عندي مشكلة بعدين انا مرتبط بابوي و امي وعمتي . سكتت عذاري وفكرت بكلامه انه على حق .وانتبهت له لم قام وقومها معه .وراحوا للسيارة وعلق وهو يفتح لها الباب "بنروح نراضي عذاري . عذاري الي ابتسمت من بين دموعها .وهي تشوفه يفتح لها باب السيارة و يروح ويقعد في مكانه وعلق "ها وين تبين اوديك ولا اقولك ماني سألك بوديك على كيفي .... عنود الي كانت تبي تموت من الحرة وهي قاعدة تشوف الي صار قدامها وحست انها تبي تنجن وش يبي فيها ذي الكئيبة الي بس ساكته على شنو للحين قاعدة معه .هين يا عذاري والله لا علمك . ناصر و عذاري الي راحوا يتسوقون .وناصر كان جدا رايق اشتروا اشياء كثيرة وعلق وهو طالع السيارة "ها رضينا . سكتت عذاري وشالت راسها على يم .ضحك وهو يطالعها وعلق " يالله ذا كله وما رضيتي .. "شكرا. . طالعها وعقد حواجبه وعلق "شكرا مطلع عمتي انا . عذاري الي ضحكت من قلبها وهم هو بعد ضحك وهو يهز راسه بعدم رضى . وعلى صوت المسجل . قعدت عذاري ووجهها مختلف وكانت واضح السعادة في وجهها وكان كلهم يطالعونها بنظرة حسد معادا عمتها موضي وجواهر .كانوا فرحانين لها .وشافت الكره في عيون عنود و امها لكنها ماهتمت لهم وكانت تتغشمر وتضحك مع عمتها لطيفة وموضي وباقي البنات ... وقف عشان يغير ملابسه وهو يحس انه مجهد من الي صار اليوم .تثوب وهو يلبس بلوزة البيجامه الي كانت بأزرار وانتبه لعذاري الي خرجت من الحمام بقميص اسود طويل كان شكلها جدا مغري ومثير وابتسم من غير ما يحس بنفسه وقربت منه وهي تبتسم له وقفلت له ازرار البلوزة وعلقت وهو يدرسها من فوق لتحت "شكرا علي الخرجة الجميلة اليوم . ناصر الي قرب منها اكثر وهو يحوط خصرها بيده وعلق وهي تشوف نظرته الي تعرف وش وراها "بس . علقت "وش تبي اكثر . علق وهو يهمس في اذنها "ابيك ... .كانوا ثاني يوم في طريقهم للشرقية وكان ناصر طول الطريق يطالع عذاري في المراية ويمنع ابتسامته و عذاري تشيل راسها وتضحك .سمع امه تعلق "خسارة كان خليتونا نقعد كم يوم بعد والله استانسنا . علق ناصر الي كان لازال يطالع المراية "صادقة يومة استانسنا من قلب . ضحكت عذاري لأنها عرفت مقصد كلمه .وهو كان يطالعها وكأنه ينتظرها تفهم . علق ابوه بجدية "نقعد اكثر من كذا يضيع حلالنا و اصلآ هذا حدها يومين ان قعدنا اكثر تهوشنا . ضحكوا .وعلقت موضي "والله انك صادق يا خوي هذا حدها ..... ردو المزارعة بعد المشاور الطويل على العصر .وقفت وهي تطالع لها لبس عشان تنام شوي واستغربت لم سمعت صوت ناس تبارك لبعض وتيبب فتحت باب الغرفة وهي تطالع عشان تعرف وش في .... ناصر الي صدمه عمه بالخبر قدام الجميع وحس ان عمه كأنه يغصبه على كل شي كتم غيضه في نفسه وهز راسه وهو يسمع شروط عمه الي كانت غريبة الملكة الاسبوع الجاي .الزواج بعد ثلاثة اسابيع. تحط لها بيت بروحه . هني وقف ورفع راسه وعلق بكلام ما ينرجع فيه " مثلها مثل عذاري تسكن في بيت اهلي . طالعه عمه الي كان الكلام ما عجبه وعلق بهدوء "شنو ؟ . علق ناصر بأدب مع عمه "سمعتني يا عمي .ضحك عمه بسخرية وهو يعلق "و انت مفكر هاشي سهل ؟ لم تبعدهم عن بعض ترتاح هال كلام عشانك مو عشاني صدقني يولدي راح يتعبونك . علق بنفس سخرية عمه "لا تخاف انا عارف اوقف كل وحدة عند حدها بعدين ان كثروها الوالدة تسعدني فيهم ضحكوا عيال عمه و اعمامه وشاف عمه كأنه ما عجبه الهرج لكنه قام وهو يستأذن "اتفقنا اناشالله الله يتمم على خير يلا اسمحولي بروح ارتاح شوي .. خرج وهو ينفث سيجارته بعصبية وفكر في السعادة الي كان عايشها مع عذاري في هل الكم يوم راح تنقلب عليه الحين نكد لازم اكلم عمتي موضي تكلماها ولنواف . | ||||
|
| |
|
17-01-13, 06:02 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (البـــــــــــــارت التـــــــــــــاســـــع ) لَوِ حًبّتُ الَنٌجَمِهِ نٌهِرٌ .. وِطٌاحًتُ عَلَى صِدُرٌهِ سًنٌا أِنٌ مِرٌتُ الَغّيّمِة قَهِرٌ .. وِانٌ هِبّتُ الَنٌسًمِة قَهِرٌ وِالَى رٌمِى طٌفُلٍَ حًجَرٌ .. عَكرٌ مِوِاعَيّدُ الَهِوِى انٌتُيّ وِانٌا نٌجَمِهِ وِنٌهِرٌ .. وِطٌالَتُ مِشّاوِيّرٌ الَسًهِرٌ بّيّنٌك وِبّيّنٌيّ الَغّيّمِ .... وِالَشّمِسً .. وِاغّصِانٌ الَشّجَرٌ .. وِحًكيّ الَعَوِاذٌلَ وِالَحًذٌرٌ خالد الي خرج من المجلس تحت انظار عممه المشفقين عليه معاد عمه حمد الي ما هتم اتجه لغرفة عذاري الي كانت شكلها للحين ما عرفت علقت لم شافت وجهه "عسى ماشر ؟ "ماشر ..دريتي ؟ طالعته عذاري وهزت راسها ببرود "أي دريت . "من الي علمك ؟ شالت راسها وكأنها ماتبي تقوله . لكن خالد الي كان يدوب ماسك نفسه ورد علق بعصبية "وش هالبرود عذاري انتو وش بينكم عشان يصير ذا كله . عذاري الي كانت تمثل الصمود والبرود قهرها كلامه وعلقت بأنفعال "خـــــــــــالد الي انفعل اكثر وشدها من كتفها وصار يهزه بغضب . "انا احس اني بنهبل انتي وش سويتي الي من اول شهر يخطب عليك اكيد انك مسوية شي كايد ؟ عذاري اللي طاحت دموعها "خــــــــــالد "انتي وشفيك عشان الرجال يعفونك الاول تركك بعد ثلاث شهور وهذا .. عذاري الي خلصت نفسها منه وقعدت ع السرير وقامت تبكي وعلقت "معرف والله معرف !! ليش ؟ انا مثلي مثلك ابي انجن بس ابي عارف ليش ؟ "يعني اذا انتي ماعرفتي بالله عليك مين الي بيعرف الصغير والكبير صارو يستصغرونا انا ونواف ام بنظرة ولا بكلمة كسرتي ظهري ياعذاري انا من كثر همي اخاف انام ومعاد اقوم "ارفق بحالي يا خوي لا تصير انت والدنيا علي خالد الي كأنه فاق من كلمتها وطالعها بحزن عاجز وقعد يمها بسكوت هو يفكر وهي تبكي سمع كل شي وهو وقف ورا الباب وهو مكتف ايده على صدره بهم وتنهد بحزن على حالهم وحط ايد على قلبه الي اشتد عليه الالم اليوم كثير مشى من عند الغرفة وهو يحس بالعطش واتجه للمطبخ و انصدم لم لقى منال توزع العصير بالكاست وهي في قمة سعادتها ورفع حاجب استغراب وعلق " شلون تفرحون وانتو مخربين حياة غيركم هذا قمة السعادة عندكم ؟ منال الي انصدمت بنواف وانكب منها العصير من التوتر وما عرفت وش تقول لكن نواف ظل يطلعها وهو ينتظر منها اجابة وعلى عيونه نظرة شدة اول مرة تشوفها اول مرة في حياتها تخاف منه انتبهت لعنود الي دخلت وانتبهت لنواف وعلقت بسخرية "ها وش عنده هالمرة يبي يتركك .خلي اصلن من يبي مريض مثله .منال الي علقت بشدة "عنود نواف الي ابتسم بنفس السخرية وعلق وهو يقاطع منال . "والله معك حق بس هم بعد من يبي وحده تخلي ابوها يخطب لها الرجال مثل ما سويتي مع ناصر شاف نظرة الخوف الي حلت على وجه الثنتين ورد كمل كلامه "عموما انا بعد انخطبت بس مو منال خطبتني مها . واعطهم نظرة استحقار وخرج . عــــــــــــــــذاري إلي كانت تحس إن بينها وبين الجنون شعرة كانت قاعدة فوق سريرها وتفرك إيدينها بتوتر وهي تفكر في كلام خالد عضت على شفايفها وهي تفكر و شلون تمنع ها الزواج وما تخليه يتم انتبهت لباب الغرفة إلي انفتح وشالت راسها لأنها ما تبي تشوفه انصدمت لما شافت نواف جاء وقعد عندها ع السرير وشافت ناصر واقف وراه وحتى عمتها موضي جات وسمعت عمتها موضي وهي تتكلم بسعادة مصطنعة "سمعتي يا عذاري إن نواف حدد موعد عشان يسوي العملية سكتت عذاري وطالعت نواف إلي كان اهو الثاني يتعمد الابتسامة وفكرت انه درى بموضوع الزواج عشان كذا قرر انه يشغله بعمليته طالعت ناصر إلي كان واقف أخار الغرفة وعينه ما نزلها من عليها . سمعت نواف يقول خلص خلينا نرجع عشان يمديني أل......... عذاري حست إنها بدت تفهم حست إن ناصر يبي يصرفها عشان يأخذ راحته مع عنود صرت على أسنانها بحقد وهي تطالعه وسمعت كلمة نواف إلي فوقتها "عاد و آنا أخوك لازم أخذك معي أنتي وعمتي موضي عش...... "متى موعد العملية نواف ؟ سكت نواف وطالعها بتسأول " بعد ما تحددت لازم أروح أول وبعدين يحددون ... سكتت عذاري وهي تطالع في ناصر إلي كان يطالعها وهو ساهي. طالعته ووجهت كلامها لنواف "طيب ليه نروح و أنت ما حددت شي ! شافت نواف وعمتها تلا خبطوا وتكلمت عمتها بتردد " يا بنتي وش يقعدنا خنا نروح ما تدرين لو قرروها ب... "إذا قرروها ناصر يجيبني ماعتقاد إن ناصر يخليك تسوي العملية وهو بعيد عنك !! . طالعته من وراء نواف وسمعت عمته تتحلطم وهي تخرج من الغرفة ولحقها ناصر . أما نواف استغل خروجهم وتكلم وهو معصب "أنتي وشفيك صايرة قليلة فهم ؟ طالعته عذاري بعيون يطير منها الشرر "يعني الحين بدل منت جاي تأزرني جاي تبي تخذني معك بالقوة يعني هي تدلل على أبوها ويسوي لها إلي تبي و آنا اخوي أهم شي عنده خاطر زوجي "عذاري قصري الشر وامشي معي وش يقعدك تبين تقهرين نفسك وبس! وبعدين إذا مشت عمتي موضي ما في احد راح يكون واقف معك بتقهرين نفسك أكثر الأسبوع ذا كله بيكون مكايدة لك "قلت لك ماني رايحة والله مخليهم يفرحون علي . انتبهوا لناصر إلي دخل وقفل الباب وراه وسكت نواف و أعطى عذاري نظرة إنها ما تتكلم .تكلم نواف وهو يلتفت لناصر وهو يجلس عال مقعد القريب منهم "والله شكلنا .... "نبي نقعد .تدخلت عذاري وهي تطالع في ناصر . ..................... صحت ثاني يوم وطالعت وجهها الي كان مورم من كثر البكي وطالعت بطنها المنتفخة والي كانت كثير نازله خافت وحوطت بطنها بيدها وتذكرت الي صار البارح وعضت على شفايفه بألم وتذكرت اخار ليله لها مع ناصر قبل ما يجون كيف كانوا كانت تحسب ان علاقتهم ردت مثل قبل تنهدت بألم وراحت ووقفت يم الشبك وطالعتهم وشافته وهو قاعد بينهم مثل الامير بشموخه. حست بألم في بطنها وحطت ايدها مكان الالم وهي تتأوه وراحت تبي جلس ع السرير وما قدرت وردت وقفت ودموعها ملت عيونها من الالم وحست ان الالم بداء يخف لكنها ظلت واقفة وهي تتأوه . | ||||
|
| |
|
17-01-13, 06:11 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ناصـــــــــــــر كان قاعد وهو ماسك فنجان الشاي ويطالع أمه إلي كانت تقعد وترد تقوم وهي تتحلطم "هذا وقته تحدد زواجك مرتك تعبانة ومي خلق لوية ومشاكل .. ناصر إلي رفع حاجب سخرية وهو يطلع أمه وعلق بتكاسل "الحين عاد حلت في عينك وقمتي تهوشيني عشانها مو هذي إلي سحرتني و... "بسك عاد يا ناصر آنا أول ما كنت عرفها زين أو مكنت أحاول إني اعرفها لكن الحين كسرت خاطري بالي تسوي فيها . طالعها بذهول وعلق "ماش الله ومن متى هال محبة طاحت عليكم "والله ترى الناس كلت وجهي من تصرفاتك الطايشة يعني ماشينا لك انك تزوجتها ولا وديتها شهر عسل قلت طيب ماشيت لك تتركها وتسافر من ثاني أسبوع قلنا ما عليه ,رجعت خاطب قلنا ما يخالف . لكن انك في أول إجازة معها تقوم تتزوج عليها وش ذا الهرج يا ناصر الله ما يرضى حرام مو زين عليك إلي تسوي فيها هذه حرمة ومكسورة وو "يومه والله محد..... يحبها كثري نطق هال كلمة في قلبه.. وهو يحس انه كاره نفسه على هال شعور إلي يخليه يتلا خبط كل ما يشوفها . رفع راسه وطالع في ملامح أمه إلي غطها التسأول وكملت شرب شاي وهي تطالعه بعين تشكيك . حس انه شم ريحة عطرها ونصدم فيها لم دخلت وطالعته وكأنها تقوله ويش فيه؟ طالعه بعيون ضيقة ورد طالع في أمه وخاف إنها تقولها شي وسمع أمه تتكلم باهتمام "عسى ما شر ؟ ناصر قالي انك تعبتي ؟ طالعها وهي تصب القهوة لها ولامه و هي تتكلم بابتسامة "تعرفين المشوار... "وحرق الدم إلي يسونه بعض الناس فيك . قطعتها أمه إلي كانت تطالعه بضيق. تنهد بملل وهو يفكر باتفاقهم إلي جاء في وقت غير مناسب . رد طالع في بطنها إلي كانت منتفخة وتشوق انه يشوف ولده ويلاعبه ابتسم على هالا فكار إلي اختفت مع فتحة الباب ودخلت عنود وهي تبتسم له ابتسامة إغراء كانت لابسة فستان توب احمر قصير ولمه شعرها بإهمال .فكر إنها تبذل الكثير عشان ترضيها وطالعها وهي تبوس راس أمه وتسترضيها وطالع عذاري إلي كانت ملامحها مثل مهي مختلف فيها و شي لاحظ البرود فيها ولاحظ الحماس في عنود وهي تعلق "حبيبي ليه ما قلت لي انك بتحدد الحين شسوي ... لاحظ عذاري إلي صبت القهوة لها ولامه والي كانت لابسة فستان حمل لونه ابيض كان لايق عليها وعلى شعرها المتموج "ناصر صار لي ساعة أناديك ! اتسعت عينه بذهول وهو يطالعهم الثلاثة وانتبه لعذاري إلي أعطت عنود نظرة سخرية وابتسمت ... علق بحرج "اعذريني ما سمعتك وش قلتي ؟ "لا بس كنت أقول شلون بتصرف الحين ؟ طالعها وأومأ براسه " الله يعين.. ...انتبه لعذاري إلي تعدته ومشت وما انتبه لنفسه إلا لما مسك إيدها "وين رايحة ؟ طالعته باستغراب وعلقت بتردد من حركته إلي خلتها تجفل "بروح اشوف عمتي قبل تمشي . قام وهو عاقد حواجبه بتسأول "تمشي ! ليه ! هزت كتوفها بالنفي .هز راسه ومشى ولحقته بهدوء .......... العــــــــــنود إلي وقفت تطالع إلي صار وهي مثل الصنم وانتبهت إن عمتها تنديها لكنها حقرتها وراحت وراهم وهي تغلي من الغيرة وودها إنها ... لحظة ليش ماسوي شي ينهي زواجهم ذا كله ؟ انتبهت لعذاري إلي كانت محوطة بطنها بيدها وكأنها تحميها .ابتسمت على هال فكرة وهي رايحة لغرفتها ووقفت وهي تطالع من الشباك وشافت ناصر وهو خارج من البيت و رايح لبيت الشعر وتنهدت بصوت عالي وهي تتبعه بنظرها وفكرت إن عذاري بالفعل سحبت ناصر لها انتبهت انه وقف والتفت وكأنه ينتظر شي والتفت و كمل دربه و عذاري تلاحقه على مهل .بموت واعرف ليش لحد الآن ما طلقها بعد كل إلي سوينها يعني من زينها عشان يتماسك فيها لو انه تحبه أقول ممكن لكنها كرهته وما تبيه أكيد إن ناصر ما طلقها مستحي من إخوانها .بس خلص آنا الـــــــــــــيوم بحط النقــــــــــــط على الحـــــــــــروف !!!!! .......... جاسم إلي كان واقف قدام المزرعة بعد ما كلم مها وقالت له انهم وصلوا وهو يفكر بعد ما رجع نفسه فكر انه بالفعل قاعد يئذي عذاري بتصرفاته .انتبه للمطر إلي قام ينزل على قزاز السيارة .نزل من السيارة وهو حط إيده فوق راسه ودخل حديقة المزرعة الي كانت مفتوحة وصل للمطبخ الي كان اقرب شي قدامه دخل ونصدم بالجميلة الي كانت معطيته ظهرها وكانت ساهية في افكارها وكانت تحظر صينية القهوة .وين وين شايفها. بس دقيقة بنت أعمامي كلهم اكشف عليهم هذه مرة خالد لا لا ماعتقد ليش واقفة في المطبخ لا يكون .................. عـــــــــــــــذاري.......... ... وقف مذهول من جمالها الاسر وهو يتراجع عن ندمه وفكر انه يمشي بالموضوع عشان يقدر يخذها من ناصر...لحظة انا مستوعب للي قاعد اسويه والله ناصر هال مرة اكيد انه يذبحني .بس كان في شي في راسه يقوله يا ليت ناصر يجي ويشوف كان صارت علوم .ابتسم .و.انتبه لعنود الي دخلت المطبخ وعيونها تقول الي بتسويه وشافته وابتسمت وكأنها قرت افكاره وعلقت بصوت عالي "يا ليت ناصر يجي ويشوف هال منظر .التفتت عذاري لعنود وطالعتها باستغراب وبعدين التفتت لجاسم الي لما شافتها شاف الخوف بعيونه ودورت شي تتستر فيه وما لقت غير انه تنزل تحت الطاولة ما يدري ليش جاسم استفزه منظرها وهي به الشكل وكان يبي يخرج لكن عنود وقفته وهي تسأله "جاسم شلون نجيب ناصر يجي يشوف زوجته السنعة وش قاعدة تسوي معك ؟ جاسم الي كان واقف على باب المطبخ ابتسم على هال فكرة ودخل وعلق "والله ما دري انتي ام الحلول بس دوري كــــــــــــــــــذبة فيها نفرقــــــــــــــــــهم للمرة الثانية بس هال مرة ثابتة. علقت عنود وهي تتجه لمكان عذاري ووقفت قدامها وهي تعلق "أي صدق هال مرة خلـــــــــــــــــــص وهال مرة بالذات ناصر ما راح يصدق أي شي وراح يطــــــــــــــلقك وتفكيني منــــــــــــــك واحتمال بعد يخذ ولــــــــــــــــــــــد ك مع اني اكـــــــــــــــره اني اربي ولدك بس راح اسوي أي شي يغيضــــــــــــــك . ابتسم جاسم وعلق "دقـــــــــــــــــي على نــــــــــاصر خلـــــــي يــــــــــــ...... "ليش تبيها تتصل علي ؟!!!!!!!. انصدمو الاثنين لما شافوا ناصر الي كان يحمل الشر بعيونه وعلقت عنود الي كانت خايفة في البداية بس بعدين رفعت حاجب سخرية "عشان تجــــــي وتشـــــــــــوف عــــــــــــــــــــــــ ذاري وش قاعــــــــــــــدة تســــــــــــــوي من وراك !!! ناصر الي كان يتكلم بكل هدوء رد وسأل وهو رافع حاجب تشكيك "عــــــــــــــــذاري ؟ "أي شوفها منخشة تحت الطاولة لما شافتني خافت اني اعلمك..... . جاسم الي كان يطالع فيه بنظرة انتصار . ناصر الي كان يبي يذبح الواقفين كلهم بما فيهم عذاري ما كان منتبه لعنود والي كانت تقوله. بس انتبه لابتسامة جاسم المنتصرة وما يدري من وين جاته ذيك القوة الي خلت جاسم يطيح غشيان.... وقف ناصر وهو يتنفس بصوت عالي وكان يبي يكمل وما خله يوعي غير اصوات عذاري وعنود الي كانوا يصرخون بصوت عالي انتبه لعذاري الي وقفت يمه تطالع جاسم بنظرات خوف استفزته هال نظرات وحس انه بالفعل بينهم شي راح وكان يبي يكمل على جاسم لكن عمته موضي الي دخلت ويد خالد الي مسكته وانتبه لأعمامه الي دخلوا المطبخ كل هاشي خله يفوق ويعصب اكثر وانتبه لعمه حمد الي كان يصرخ عليه "والله ان صار في ولد عمك شي ما راح نسامحك.. ناصر الي استفزته هال كلمة وهني ثار "لا تسامــــــحوني وانشالله يــــــــــــــموت عشان ما تسامحوني .... سمع صمت الجميع الي الكل استغربه لأنه اول مرة يتصرف به الطريقة انتبه لنواف وخالد الي كانوا يسحبونه عشان يخرج تذكر ان عذاري كانت واقفة و فجاء اختفت لكنه ما تمكن ان يدورها لأنهم سحبوه لبر . | ||||
|
| |
|
17-01-13, 06:12 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جاسم الي صحى وطمنه الطبيب انها رضه و بتروح كان جالس في بيت الشعر وأعمامه حوله وكان راخي راسه وكان خايف من المواجهة مع ناصر . انتبه لعمه حمد الي كان يسأل وهو عاقد حواجبه من العصبية "انتو وش بينكم انتو الاثنين كل حزه وحنا نفكك بينكم ؟ دخل ناصر الي كان الشر بعيونه وطالعه وكل المجلس كان يطالعه بنظرة انتقاد طالعه عمه بعصبية وعلق "و انت من سمح لك تدخل هني؟ ناصر ثار اكثر والتفت لعمه بعصبية وهو رافع يده " لو سمــــــــــحت يا عــــــــــمي لعد تكلمني به الاسلوب انا ماني بزر ... "نــــــــــــــــاصر انت شلون تكلم عمك كذا ؟ طالع في ابوه ورد وهو بنفس عصبيته "يبى منت شايف شلون يطردني وهو حتى ما سمعني ولا حتى سأل جاسم وش سوى ! هني دخلت عمتهم موضي وخروا له اخوانه خالد وفيصل وجلست وهي تطالع جاسم بعصبية هني جاسم حس ان المواقف كله انقلب عليه وتكلم بسرعة "انا انا يا عم انا الي اخطيت بحق ناصر وعساه يسامحني . ناصر الي رفع حاجب سخرية ولكنه كأنه تذكر شي وسكت استغرب جاسم سكوت ناصر الي كان المفروض يعلم بكل الي شافه ليه ساكت ؟ سمع ابوه يكلمه "قوم حب راس ولد عمك انا قلت مو ناصر الي تطلع منه الشينة ما تطلع الشينة غير .... "خلص يا عمي ما صار شي وآنا سامحته من غير لا يحب راسي . والتفت لعمه حمد الي كان لازال عقد حواجبه وراح وحب راسه وهو مرغم وجلس قدامه وعلق "العذر و السموحة منك يا عم تكفى سامحني . عمه الي كان لازال عقد حواجبه صد راسه للجهة الثانية وعلق وهو يطالع للجهة الثانية "اصلاً انت مهو انت من يوم ما تزوجت ؟ .موضي الي قامت من مكانه بعصبية وهي تكلم اخوها حمد "حدك هني يا حمد وش عندك على هال يتيمة ولا عشان ابوها مو في يرد عنها خلاص . البنت ما شفنا منها قصور من يوم ما خذها ناصر بالعكس ناصر اهو الي مقصر وبدل ما تهوشونها و ترمون كل شي عليها هوشوا ذا العاقل الي من خذها زال عقله ولا ها المزيونة يخطب عليها من اول شهر مو حرام اخوانها الاثنين بيموتون من الحرة و شايلين في قلوبهم . وكله كوم ومعاملاتك لعيال اخوك كوم ثاني . ترى هالي يصير كله ظلم يا حمد وش بلاك وش صار لعقلك من يوم ما خطب بنتك عنود انت مختلف . حمد الي عصب وقام وقف "اصلاً هال بنت شر مثل امه من يوم م اكبرت وهي مشاكلها كثيرة حتى اخونها مختلفين علي . فيصل الي عصب وقام وعينه يطير منه الشرر "أي قول انك للحين شايله عليهم عشان امهم . حمد الي كشر اكثر وكشر بعصبية . خالد الي استوعب ان ناصر وجاسم موجودين وقام سكت اخوانه. موضي الي خرجت من المجلس وملامحها غير راضية .. . حس ان راسه كان بينفجر من كثر الي صار اليوم .دخل غرفته وهو يفكر في كلام عمه لأبوه و ليش عمي خالد خلهم يسكتون انا كنت لاحظ ان عمي متحامل على عيال عمي جاسم وما يحبهم بالذات........ لحظة وين أغراضها وين شنطتها ؟ وين ثيابها ؟ هذه وين راحت ! "عــــــــــــذاري ؟ "عـــــــــــذاري .... جاته امه الي طلعت من غرفته وهي عاقدة حواجبها "ليش تصرخ ؟ رد بعصبية وتوتر "وين عذاري ؟ ليكون تعبت ؟ علقت امه بنفس الأسلوب راحت مع نواف وموضي رجعوا الخبر .ناصر الي اتسعت عينه من العصبية وراح اتجه للغرفة وطلع مفتاح السيارة وخذا غترته ومشى بسرعة جنونية وهو يفكر شلون تمشي وما تشاورني هذه شكلها جنت وقعدت طلع السيارة وهو يحاول يتصل على نواف وما كان يمسك معه الخط زفر انفاسه بغضب .وانتبه لجاسم الي كان بعده جالس في المجلس لحاله وراح له بعد ما تأكد ان مافي احد من أعمامه موجود .دخل والشرر يطير من عينه وشاف جاسم الي قعد وابتسم بسخرية. ناصر الي كان وده يذبحه لأنه بس شاف عذاري .راح وشد من ياقة ثوبه وعلق بعصبية "شفت انا مشيت الموضوع قدامهم لكن والله انت قليل فيك الذبح .... "على هونك اشفيك فجاء صرت تحبها ...... "اكرها احبها شي ما يخصك انت وش تبي فيها ؟ "اسالها تقولك .... ناصر الي شد على ياقتها اكثر وهو عارف ان جاسم يكذب عليه وانه ما بينه ومابين عذاري شي علق من تحت اسنانه " ما حلت في عينك إلا لم اخذتها . ابتسم جاسم بلؤم .ناصر الي حس انه يبي يموت من سواته رجع على وراء عشان لا يضربه من جديد وعلق "والله ان شفتك في الشركه الي انا فيها ما يصير فيك شي طيب اذلف امسك الشركة الي في الرياض .. "على كيفك .... "أي على كيفي دامك وصلت لزوجتي والله ما يردني شي عنك اللحين العن ابليس وابعد عني وعن كل شي يخصني . خرج من غير لا يلتفت وراه وطلع سيارته ومشى فيها بسرعة . عذاري الي كانت مصدومة من احداث اليوم و انصدمت اكثر لما عرفت منو سبب دمار ماضيها .عـــــــــــنود. و جاسم !!! وش يبي مني اصلاً و ليش هال حقد متغلل في نفوسهم خنا من ذا كله بس انا مفهمت هم وش الي سوه بالضبط و ليش يبون يفرقون بيني وبين ناصر مرة ثاني... طرااااخ .. التفتت للباب الي انفتح بقوة وشافت ناصر الي كان واقف وحواجبه معقودة عند الباب انصدمت منه وفكرت وش الي جايبه الحين دخل وقفل باب الغرفة بهدوء وعلق بصوت عالي من الغضب "ممكن اعرف شلون تمشين وما تســــــــــتأذنين ؟ سكتت عذاري وفتحت عينها باستغراب وهي تطالعه وعلقت "مو انت اليوم قايلي .... "أي قلت قبل ما تصير هال مصيبة ..... "ناصر لو تبي تتكلم هادي صوتك لو سمحت انا ما عرف اتكلم مع احد وهو يصارخ وبعدين لو بتتكلم في الي صار اليوم انا مآبي و انا عارفة مسبقاً انت وش بتقول "لا بتقولين وش صار بالتفصيل و.... "يعني لو قلت الي صار انت بتصدقني ! طالعها وهو مضيق عيونه وزفر انفاسه بضيق و علق " جربيني يمكن .. "ما يحتاج اجربك انت كل الناس عندك صادقين لكن انا لا .. عض عل شفايفه و راح وجلس على طرف السرير . عذاري الي كانت تعبانة من الي صار وتذكرت عنود وجاسم و شلون كانوا يقهرونه بالكلام وتذكرت انه بتفرقها عن ناصر و تاخذ منه ولدها رغم ان هال كلام الي يسمعه يضحك لكن عذاري الي جمعت احداث اليوم كله ما نتبهت إلا لما سالت دموعه حارة على وجهها شهقت غصب عليها وهي راخية راسه حست انها اليوم مكسورة ويتيمة .ما نتبهت إلا ليد ناصر الي انحطت فوق راسها وهو يقرب راسه منه وعلق بصوت هادي "الحين ليش تبكين انا ما قلت شي " بعد كل الي صار و ليش تبكين .. .سكت وهو يحس بالعجر اما هي كانت تحس بالإعياء بكل جسمها وطالعته وعلقت بجمود "انا تعبانة و ابي انام . هز راسه بتفهم وساعدها عشان تقدر تستلقي وغطاها وهو قايم عشان يطفي النور "وين تبي تنام ؟ سكت وهو بالفعل مو عارف وين يروح ينام. يروح البيت الي له فترة ما تنظف واصلاً ماله خلق انه يسوق.. "ناصر سريري كبير ويكفي . التفت له وهو يفكر في الموضوع انام هني وعلق "مرت خالد هني ؟ . طالعته عذاري و اجبت بالنفي وربتت ع الفراغ الي يمها .طالعه وهو يحس انه لمستها على الفراش مثل المغنطيس الي جذبه وراح واستلقى يمها وانتبه لعيونها الي كانت مثل الوردة الي توها بللها المطر ما يدري ليش دايم عيونها تأثر فيه سمعها وهي تعلق "بتنام بثيابك ؟ ناصر الي النعاس بداء يثقل جفونه مع برودة المكيف وقرب عذاري ............ | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
