من حب عفوي إلى حب جنوني / للكاتبة عقد اللؤلؤ المكنون 1 ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية من حب عفوي إلى حب جنوني للكاتبة عقد اللؤلؤ المكنون 1 كلمة الكاتبة •.♥.•° ღ♥ღ رواية من حب عفوي الى حب جنوني •.♥.•° ღ♥ღ بعد ان لاقت روايتي الاولى "أنوثة خياليه بالرغم من الملابس الرجاليه" رابط الرواية https://www.rewity.com/vb/t217051.html إعجاب الاغلبيه ولله الحمد .. غامرت بكتابة رواية أخرى .. أتمنى أن تحوز على رضاكم ...تابعوني واستمتعوا ... ولا تستعجلوا أحداثها .. هذه الروايه انا كتبها " عقد اللؤلؤ " او "عقد اللؤلؤ المكنون 1" .. اللي يبغى ينقلها ينقلها ولكن بحفظ الحقوق وذكر اسمي عليها .... روايتنا تحكي عن أصحاب شقتين منفصلتين في الدور الثاني من عمارة سكنيه .. وهما جيران من أكثر من 20 سنه ... عن حرمتين ( مزنه . منيرة) توفوا أزواجهم وتركوا لهم أطفال .. جمعوا حزنهم على بعض وصاروا مثل الأخوات.. وتعاونوا الثنتين بتربية أطفالهم ..اللي عاشوا مع بعض كأنهم أخوان بالرغم من فارق العمر بينهم .. كبروا وكبرت معاهم مسؤوليتهم ومشاكلهم ... وتغلبهم برغم المصاعب على ظروفهم القاسية فهم فعلا أبطال... ويحق لهم يكونوا أبطال .. وأيضا أبطال روايتي هذه .. عائلة أبو بتال .. بتال 19 سنه ... سميرة 32 سنه .. أم بتال مزنه أرمله ... عائلة أبو روضه ... روضة 24 سنه.. أم روضه منيرة ..أرمله ..

[لامارا]

>>>>>>>>>>>>>>>>
>>>>>>>>>>>>>>>>>>>>

الجزء الاول

>>>>>>>>>>>>>>>>>
>>>>>>>>>>>>>>>>>>>

ركب بتال سيارته وفي يده نتيجة الثانوية العامة متجه إلى بيته...
(بتال .. شاب حليو ... نحيف وطويل .. يعتبر ابيض .. ملامحه هاديه .. عيونه سوداء .. من ناحيه دقنه وشنبه فهو كل شهر بلوك جديد ... حنوون جدا .. أمه من خوفها عليه أخرته سنه عن الدراسة .. طالب مجتهد .. )

في شقة أم بتال ..

سميرة "وهي تجلس بالقهوة": .. تفضلي روضه ..
روضه :.. بلا رسميات يا سميرة .. تعالي اجلسي وبس ودي أتكلم مع احد ...
سميرة "بقلق": خير روضه ايش فيه ...
روضه "بحماس":.. سمعتي عن رجيم اللبن والتمر ...ودي أسويه يقولون ينحف أكثر من 6 كيلو بالأسبوع ..
سميرة "بلا اهتمام": وبعدين ..!!!
روضه : سميرة .. تراني متحمسة للرجيم فلا تحطميني ...
سميرة "بملل .. ورجعت تتكي بظهرها":.. وايش المطلوب مني ...
روضه "بحماس": ..اسألي زميلاتك في البنك... و ابحثي في النت..هل فعلا اللي يقولون عنه صحيح ...

"روضه تعاني من سمنه وزنها فوق الـ 118 كيلو ... زادت حالتها لما توفى أبوها وهي بعمر9 سنوات .. صارت تاكل ليل ونهار .. وهالشي سبب لها لخبطة في الهرمونات .. اللي زودت الشعر في جسمها وخاصة وجهها ... واصيبت بالسكر .. قصيرة وهالشي خلاها توضح انها سمينه مره ... شعرها اسود ناعم وكثير.. بس مافيه لا قصه ولا غره ولا شي طوله واحد من جبهتها لحد نص ظهرها .. ملابسها دائما جلابيات او قميص بيت .. لما تكون رايقه مافيه احلى منها ومن خفة دمها .. ولما تعصب ما تعرف احد "

سميرة : يا روضه ريحي راسك من الرجيم جسمك كذا خلاص ارضي فيه كم رجيم سويتي ولا نحفتي بس تتعبين على الفاضي ..
روضه "بزعل": لان محد يشجعني ...

دق جرس الباب بشكل سريع ...
ام بتال "بصوت رافع": .. افتحوا الباب هذا أكيد بتال .."وبفرح".. انا اعرفه اذا نجح ما يفتح بالمفتااح ...
سميرة تفتح الباب بسرعه ... ويدخل بتال
بتال "بصوت راافع":نجحححت باركوووا لي ... 98
سميرة "بفرح واضح":مبرووووك ياخوي مبروووك ..."وسلمت عليه .. وعيونها تدمع"
ام بتال "تمد يدها الثنتين له": ... الله يفرح قلبك مثل ما فرحتني ... مبروووك يا وليدي ... مبرووووك ...
بتال "يبعد عن سميرة ويروح لحضن امه": .. الله يبارك فيك يالغاليه ... كل هذا بفضل دعاك ورضاك علي ....
ام بتال : والله وكبرت يا بتال ...
بتال : الله لا يحرمنا منك .."ويبوس يدها"..

لف بتال على روضه ..اللي رجعت الطرحه على راسها بإهمال ...
روضه "بدون تعابير على وجهها" : مبروك يا بتال ..
بتال "قرب منها وسلم عليها": الله يبارك فيك ... بس ليه بدون نفس ..
سميرة "ضحكت": كالعاده رجيم جديد ...
بتال "جلس جنبها ... وهو يضحك": ومين هالمره اللي قال لك عن الرجيم ...
روضه " بزعل ": ايه اتريق انت واختك ..."وقفت"يالله بروح مع السلامة ...
ام بتال "تطالع في سميرة وبتال بزعل": روضه لا تزعلين منهم بس يمزحون معاك ..
روضه "تتصنع الابتسامة": لا خالتي مافيه زعل بس امي موصيتني ما اتاخر عليها .."رمت الطرحه على وجهها " باي ..
بتال "وقف معاها":وانا جاي معاك عشان ابشر خالتي منيرة إني نجحت ...
سبقته روضه وفتحت باب الشقه ورايحه لشقتهم اللي مقابله لشقة ام بتال ....
سميرة "تمسك بتال قبل لا يلحق روضه": كم مرة قلت لك لاعاد تسلم على روضة في وجهها .. ما يجوز ماهي أختك .."ضربته على راسه".. هييي ولد خلك مؤدب عندهم ولا تتاخر ..فاهم
بتال "بعصبيه": طيب طيب ما راح اتاخر ...اوووف

روضه لسى واقفه عند باب شقتهم ... لما سمعت صوت بتال طاح منها المفتاح ونزلت بصعوبة تأخذه ...
بتال "سحب المفتاح من يدها":ساعه على بال ما تفتحي الباب ...
روضه "بتعب": ا ا ارتاح شوي ...
بتال "وهو يدخل الشقه قبلها": ليه جايه من فرنسا .."وضحك .. وبصوت عالي "..خاالتي منيرة ...خالتي ..
دخلت روضه وراه و طلعت ام روضه من المطبخ ...
ام روضه : هلا هلا ولدي بتال ...هاه بشر يمه نجحت ...
بتال "بابتسامه عريضة": اكيد يا خاله ..."وقرب منها يسلم عليها"
ام روضه : مبروك مبروك يا بتال .الله يوفقك يارب ..."ومسكته من يده ودخلته الصاله ... ولفت على روضه اللي كانت متكيه على باب المطبخ " ... روضه جيبي الغداء عشان يتغداء معانا بتال ...
بتال " يجلس وهويطالع الساعه": .. يا خاله الساعه 12 .. تتغدون الحين ...؟!
ام روضه "وهي تجلس جنبه": ايه يا ولدي مين ننتظر ... مافيه احد يروح دوام ولا شي .. "وبحزن"وابو روضه الله يرحمه من لما مات تغيرت أمورنا ...

روضه .. وعلامات الحزن بدت على وجهها ...
بتال "حس انه السبب في حزنهم لما ذكرهم بابو روضه ... وحب يخفف الجو شوي":.. الله يرحمه يا خاله ..."وبضحكه"..بس انا سالت لان معقوول روضه بتنتظر لحد الساعه 9 وقت العشاء ..
اتوقع بيجيها انهيار عصبي ..."وضحك"..
روضه "رفعت وحده من حواجبها ... وفكت يدها اللي كانت متكتفه او اقصد شبه متكتفه لان سمنتها تمنعها ..وهي ماده بوزها شبرين": مااالت عليك يا قلم الرصاص .."وكشت عليه بيدها .. ودخلت المطبخ تخرج الغداء"..
ام روضه "بابتسامه": ..الله يهديها ما تصبر عن الاكل ... واذا جاعت تشين حتى اخلاقها ..
بتال : اسف والله يا خالتي ترى بس احب امزح معاها ..تعرفي اني روضه مثل اختي سميرة ...
ام روضه : ايه ادري يا بتال ..انت لما انولدت عمر روضه تقريبا كان ست او خمس سنوات ... وكانت تتمنى يجي لها اخ لما كانت تشوف سميرة تقول اخوي الصغير.. بس بعدين اقتنعت ان مالها اخوان .. "وضحكت"وقسمناك بينهم وصرت يوم اخو سميرة ويوم اخو روضه ..
بتال : وانا اقول وش فيني يوم أحب سميرة ويوم أحب روضه ..هههههههه

روضه دخلت بالغداء وهي متاففه وماده بوزها .... حطته على الطاوله وجلست على طووول أخذت الملعقة ... وبدأت تاكل ..
بتال "يطالع فيها ":بسم الله علينا ...طيب اعزمينا يا ست روضه ....
روضه "وهي تاكل بخراشه": اللي يبي يجي .. ما تشوفون ما عندكم عين ...."ورجعت تاكل "
ام روضه "متعوده على بنتها ... لفت على بتال": قوم يمه تغداء معانا ....
بتال : اخاف روضه تاكلني ...
روضه "طالعته بنظرات قويه .. وفمها مليان اكل"...
بتال "يمثل الخوف": شكلي بطلع بكرامتي احسن لي ...."و وقف"
ام روضه "وقفت معاه": بلا هبال تعال اجلس معانا وكل لقمتين وروح ...
بتال ... وهو ماشي مر على الطاولة ..وشم ريحة الاكل ...اخذ نفس ...
بتال : الله ..رووووعه ريحة الاكل ....
ام روضه "تطالع في بنتها": قومي جيبي صحن واعطي بتال شوي ياكله في بيتهم ....
روضه "وهي ما تطالع في امها": .. مافيه ... خلص ... كله حطيته هنا ...
بتال "وهو عارف روضه وتفكيرها": .. ما عليك يا خاله ..انا بروح اخذ لي من المطبخ ..."وراح للمطبخ "...
روضه رفعت راسها تشوفه وهو رايح للمطبخ ... وامها بتساؤل راحت ورى بتال ... وقامت بسرعه روضه تلحقهم للمطيخ ...
وشهقت لما شافت بتال ...وهو ماسك صحن فيه رز ودجاج ...
بتال "ماسك الصحن .. ويلف على روضه وهو يحرك حواجبه بسرعه ..": مشكورة اختي روضه ... باخذ الصحن وبرجعه لكم بكره ...
ام روضه .. تطالع في بنتها بنظرات ..وكانها تقول لها فشلتينا ...
روضه "تطالعهم بحرج":... لا بتال ..هذا لي ..ترى والله ما اصبر للعشاء ... بنقنق عليه بعد ساعتين ...
بتال "فتح عيونه ... وهو رافع اصبعه الاثنين": ساعتين ..!!!
روضه "تبلع ريقها":اقصد بعد ثلاث او اربع ساعات ..."وعصبت" وبعدين انت وش دخلك فيني ..."قربت منه تاخذ الصحن .. بس امها مسكتها "
ام روضه "تطالع في بنتها بعصبيه":روضه .. وش صار لك يا بنتي ...الاكل برا بالصاله وبتاخذين هالصحن من الولد يالله روحي خلصي اكلك ...
بتال "يطلع لها لسانه":... يا دبا ... ما يكفيك اللي بالصحن هناك ... ارحمي حالك ..كفايه سمنه وسكر وش باقي تبغين اكثر...
روضه "بعصبيه": مالكم دخل فيني .... خلوني على راحتي ..."وطلعت من المطبخ ... وراحت على الطاوله .. مكست الملعقة وصارت تاكل بسرعه.. وهي شادة نفسها ومعصبة"..
ام روضه "بلا اهتمام":روح روح يمه ... كله بالعافيه ...
بتال "بتردد":اخاف يوجعني بطني نفسها فيه ...
ام روضه "بسخريه": وايش اللي روضه ما نفسها فيه ...
بتال "ابتسم":اذا على كذا ... مشكورة يا خالتي ... يالله انا بطلع .. توصي شي ...."وهو طالع من المطبخ متجه لباب الشقه"
ام روضه : سلامتك يا ولدي ... بس قول لامك تكلمني لان تلفوننا استقبال ما سددنا الفاتورة ....
بتال : تامرين امر ...مع السلامه "وطلع من الشقه".
ام روضه "تقفل الباب ... وابتمست ": الله يسعدك يا بتال ويوفقك يارب ..."تذكرت روضه .. أخذت نفس دليل قلة الحيله"... الله يهديك يا روضه ...
دخلت ام روضه للصاله وجلست مقابل لبنتها اللي تقريبا اكلت اكثر من نص الصحن وهي مو حاسه ...
ام روضه : خلاص خلاص يا بنتي ... لا تكثرين الله يهديك ...
روضه : مو قلت لكم اذا انا معصبة لا تكلموني ...خلوني اهدا اول ..
ام روضه : لا يا بنتي ما بخليك ... عندي تتكلمين افضل من انك تسكتين وتطلعين حرتك بالاكل ...
روضه "وزادت في سرعة اكلها"
ام روضه : يا بنتي ايش صار لك ... ليه ما تقولين لي ...
روضه "تذكرت ان سميرة ما شجعتها على الرجيم ":..محد يحبني ولا احد يساعدني ...
ام روضه : ايش عندك يا بنتي تكلمي ...
روضه : ابغى اكل ... وبس...
ام روضه "بحزن": اللي يريحك يا بنتي ...

.......................................

في شقة ام بتال ..

سميرة بغيض مكتووم تطالع في بتال اللي جالس ياكل من اكل ام روضه .....
بتال "يطالع في سميره .. واختفت ابتسامته": .....وليه ما تضحكين ... بس فاتك شكل روضه على الطبيعه والا كان متي ضحك ..
سميره : بتال ... انت ما صرت صغير... كم مرة قلت لك لا تكلم روضه كذا ... انت عارف اللي فيها مرض .فلا تتشمت فيها ..
بتال : أي مرض واي خرابيط ..هي بس لو تمسك فمها ويدها ..ما بتمتن ... شوفيها كانها فيل ...
سميره "بعصبيه": بتال لا تقول كذا عنها ...
بتال : وش فيك معصبة علي ... ترى روضة مثل اختي ما اتريق عليها ترى اقول لها هالكلام في وجهها عادي ..
سميرة "بضحكة استهزاء": .. ماشاء الله عليك ... اختك هاه ... اجل المفروض اول واحد يوقف معاها انت ..."وكانها تذكرت شي"... تعال هنا ... كم مرة قلت لك لا عاد تسلم عليها في خدها ... ما يجوووز انت مو اخوها ...
بتال :أوووه هووو ... رجعنا ...انا مثل اخوها ...
سميره "باصرار":لا ...منت اخوها ....
بتال "بملل": وش فيك انتي قلبتي علي مرة وحده محاضرات ومواعظ... مو انتي قلتي لي قبل سنتين ما اسلم عليها الا في المناسبات وبس ..."وكتف يده" .. فهميني الحين ايش تغير...
سميره "بنفاذة صبر":.. اللي تغير ان انت كبرت ...
بتال : حتى هي كبرت وانتي ... وامي .. وخالتي منيرة ..و
سميرة "تقاطعه":بس بس ... بتال اللي اقصده انك .. انك .. انك صرت رجااال ... يعني كلها سنتين ثلاث .. وتتزوج ...
بتال "ابتسم":.. والله ...وناسه ..
سميره "ضحكت بتعب":.. قولي لي الحين وصلت المعلومه اللي ابيك تفهمها والا لا ...
بتال "يرمش بعينه": فهمت فهمت ... تبون تفرحون فيني ... بس قولي لي مين البنت ...انتو حاطين عينكم على مين ...عشان بس "وغمز لها" اهييء نفسي...
سميرة "سميرة فتحت عيونها فيه وسحبت شعرها":... يا ناس بيهبل بي هالولد .."وقامت من عنده وهي معصبة من تناحته "
بتال "طالع فيها ببرود": الحمدلله والشكر ...."ورجع ياكل وهو يتذكر شكل روضه لما شافته ماسك الصحن "...يقطع ابليسها اكوله بشكل..هههههه

........................

في العصر ... خرجت ام روضه من غرفتها وهي لابسه عبايتها .. وراحت للصاله ..و وقفت لما شافت روضه جالسه قدام التلفزيون وماسكه كيس بطاطس كبير وعلى الطاوله قدامها اثنين ببسي وصحن كبير مكسرات ...
ام روضه "تحط يدهل على راسها": ول ول وش تسوين يا بنتي ...
روضه " وهي تاكل بحماس .. وعيونها مركزة على التلفزيون": ..اتابع الفلم ...
ام روضه : ليه منتي جايه معاي عند ام خالد؟! ...
روضه "بسرعه": لا ..
ام روضه : ليش .. اذا على الفلم بينعاد اكثر من مره ... "وبصوت حنون"قومي يمه اطلعي معي شوفي الناس غيري جو بدال حبسة البيت هذي ...
روضه : رحت لسميرة الصباح .. وغيرت جو ... عادي يمه روحي لا تتاخرين عليهم ..
ام روضه :.. وانتي ايش بتسوين ...
روضه : ولا شي بتسلى بالتلفزيون حتى ترجعين ..."وتطالع في امها" الا متى بترجعين ؟
ام روضه "وقفت": مدري على حسب مزنه "ام بتال" متى ما قالت يالله قلت يالله ...
روضه "برجاء":يمه تكفيني مري السوبر ماركت .. نفسي في حليب بالشوكولاته ... تكفيييين ...
ام روضه "سوت نفسها ما سمعتها ": مع السلامه ..."وطلعت من البيت وهي تفكر في بنتها اللي بس همها اكل ونوم"...

تقابلت ام روضه وام بتال وسميرة عند باب العمارة وراحوا لجارتهم ام خالد في فلتها الجديده ..

ام خالد كانت ساكنه معاهم في العمارة وهي مديرة مدرسه ... جمعت فلوسها على فلوس زوجها وبنو لهم فله متوسطة الحجم ولكن فخمه قريب من عمارة ام بتال وام روضه .. لانهم تعودوا على الجيران وعلى الحي ..فما حبوا ينقلون منها ....
ام خالد .. تزوجت متأخره بعد الـ 35 سنه ...وجلسة فترة تحاول الإنجاب لحد ربي ما رزقها بالتوأم خالد .. وخالده وعمرهم سنه

في فلة ام خالد ....

ترحب ام خالد بالجيران اللي اجتمعوا عندها .. يباركون لها في فلتها الجديده ..
ام خالد : الله يحييكم كلكم ومشكورين على جيتكم ...
ام روضه "لفت عليها" : حتى روضه تسلم عليك ..
ام خالد : الله يسلمك ويسلمها.. "وخفضت صوتها حتى صار الكلام بينهم" وينها روضه ماجت معاك ...؟!!
ام روضه "بحزن": انتي تعرفي حالتها ما رضت تطلع ...
ام خالد : اه الله يعينها .. بس المفروض ...ما تحبس نفسها ..
ام روضه : والله قلت لها بس ما باليد حيله ...
ام خالد : ما دورت لها وظيفه ..
ام روضه : من وين يا حسره ... انتي تعرفي هي ما اخذت الا اول جامعه وبعدين فصلت منها بعد ما البنات صاروا يعلقون عليها عشان وزنها ...
ام خالد "وبصوت واطي ":اقول ام روضه .. بعد ما يروحون الحريم ابيك بموضوع ..

شقة ام روضه ...
دق باب الشقه وراحت روضه بكسل تفتح الباب وهي متملله وماسكه بيدها ايس كريم ....فتحت الباب ...ودخل بتال ...
بتال : سلام روضه ... أهلي عندكم ..؟!
روضه "وهي تاكل الايس كريم.. هزت راسها بلا"
بتال : طيب وينهم ؟؟
روضه "وهي تاكل الايس كريم ":ام خالد ...
بتال "مل منها .. ":اقول انتي ما تعرفي توقفي شوي عن الاكل وتكلميني مثل الناس ...
روضه "تهز راسها بلا"..
بتال "عصب":.. انا اوريك يا لا ..."وسحب الايس كريم من يدها .. وهرب لداخل الشقه ".. احلمي اعطيك ...
روضه "بلمت فيه شوي": بتالووه.."وراحت تركض وراه بصعوبة .. ونسيت باب الشقه مفتوح".. يالدب بيذوب ...هاتيه ...

بتال يضحك .. وهو يهرب بالايس كريم ...وجالس يدور حوالين الصاله والمطبخ .. وروضه تركض وراه .. وقف ..جلس ياكل من الايس كريم عشان يغيضها ...
بتال : امممممممم احلى ايس كريم ذقته بحياتي ....
روضه "ونفسها منقطع من الركض .. وبقهر ": عساك بالمغص يارب ....
بتال "يضحك بقوه ..": . يعجبني استسلامك ...
روضه "شمقت له .. وجلست باستسلام على الكنب بالصاله":..
بتال "قرب منها ": . وتعجبني نظراتك ..
روضه "كتفت يدها .. ورفت يدها لشعرها تعدله":
بتال "اكل اخر ملعقة من الايس كريم.. وجلس جنبها":ويعجبني شعرك ...
روضه "طالعت في الايس كريم شافته مخلص .. وانقهرت ": نقطنا بسكاتك ...
بتال"ضحك" : وربي تعجبيني لما تعصبين ..."وطالعها بنظرات مركزة"
روضه " ركزت في التلفزيون .. تضيع السالفه":ا ا ا .. اهلك عند ام خالد جارتنا...

في فلة ام خالد ... وبعد ما راحوا كل الحريم ... وباقي بس ام روضه وام بتال وسميرة ..
ام روضه "بقلق": خير يا ام خالد .. وش الموضوع اللي بغيتيني فيه ...!!!
ام خالد "ابتسمت": الخير بوجهك ...انا عندي عريس لبنتك روضه ..
ام روضه "تهلل وجهها": عريس ... مين يا ام خالد ...
ام خالد : ابوي ....
ام بتال :.. ابوك ؟! ..
ام خالد : ايه ابوي ... تعرفون محتاج احد يساعده ويونسه في البيت بدال الشغالات ...
سميرة "بزعل":.. بس هو اكبر من ابوها ... وهي لسى في العشرينيات ..
ام خالد : بس روضه حالتها صعبة .. مين بيتزوجها وهي بالشكل هذا ..الحين الشباب ما يبغون الا جسم عارضات ازياء ..
ام روضه "وكان الصدمة .. خلتها تسكت"
ام بتال : بس ولو روضه صغيرة على ابوك ...
ام خالد "وكانه ما عجبها كلام ام بتال وبنتها... لفت على ام روضه":... اسمعيني يا منيرة .. روضه اذا ما تزوجت ابوي يمكن ما تتزوج طول عمرها ... خليها تجرب الزواج ولو مره بحياتها ..."وحطت يدها على رجل ام روضه".. فكري انتي وبنتك وردوا لي خبر ...
ام روضه "ابتسمت لها بصعوبه .. و وقفت":الله يكتب مافيه الخير.."وطلعت من فلتهم حتى ما انتبهت لام بتال اللي تكلمها تنتظرها هي وسميرة"..

في شقة ام روضه ...
بتال .. يطالع في روضه وهو لاف جسمه عليها ....
روضه : يالاخو ترى مضيع .. التلفزيون الجهة الثانيه مو بوجهي ...
بتال "ضحك": .. انتي احلى من التلفزيون ...
روضه " رمت الريموت وعدلت جلستها ولفت وجهها لوجهه": .. انت وش عندك من لما جيت وانت مطيح الميانه ...
بتال "نزل عينه وبعدين رفعها لشعرها.": انتي ليه مره تلبسين طرحه على شعرك اذا شفتيني ومرات لا ...
روضه "بلا اهتمام": .. كذا مزاج ...
بتال : طيب انا احسك مثل سميرة اختي ...
روضه : طيب ..وبعدين ...
بتال : يعني ليه ما سلم عليك ولا احضنك ولا اقرب منك ...
روضه "فتحت عيونها ": .. هييييي هيييي .. ايش تقول انت "فركت جبينها .. وتنفست بقوه"...بتال .. انت الحين بتروح الجامعه يعني كبير المفروض تفهم ....انا مو اختك ...
بتال : بس احس انك اختي واحبك .. واذا جاء يوم ما شفتك فيه اشتاق لك ..."دمعت عيونه" .. تصدقين.. ما ابغى اسافر ادرس برا اذا تذكرتكم ..
روضه "بلعت ريقها .. وحزنت عليه": .. حتى انا يا بتال اعتبرك مثل اخوي ... بس المشكله انت مو اخوي .. ولا بيننا رضاعه ...
بتال : بس احنا تربينا مع بعض ...
روضه "ابتسمت": ايه .."وضربته على راسه"الله يهديك ليتك قدمت خمس سنوات عشان نصير أخوان بالرضاعه ...
بتال : ما بيدي شي ....

دخلت ام روضه الشقه ويدها على قلبها لما شافت الباب مفتوح ...ام بتال وسميرة دخلوا وراها .. وهما يمشون شوي شوي .. خايفين لا يكون صار لروضه شي ...
ام روضه "بخوف":الله يستر لا يكون بنتي صار لها شي ...
سميرة "ترجف خوف": لا يكون فيه حرامي معاه مسدس ..
ام بتال : فال الله ولا فالك ... اسكتي الحين ...

مشوا يتسحبون لحد ما دخلوا على روضه وبتال وهما يضحكون .. وجالسين جنب بعض ....فتحوا عيونهم لما شافوهم داخلين بدون ولا صوت ولا حركه ...
وقفت روضه وبتال ...
روضه "حطت يدها على صدرها": بسم الله علي ... من وين جيتوا مالكم صوت ...
سميرة "تمشي بشويش وتجلس على اقرب كنبه وترمي نفسها بقوه": اشواا لا حرامي ولا شي ....
بتال "مستغرب": حرامي ؟!!
ام روضه "بنظرة عتاب": ليه باب الشقه مفتوح ..؟!

روضه وبتال طالعوا في بعض ... وضحكوا .... وقالوا لهم سالفة الايس كريم ...
ام بتال "بعصبيه": انت يا بتال ما تبطل من حركاتك هذي ...
بتال "بلا اهتمام ":مع روضه ... نو ما راح ابطل ...
سميرة "مقهوة من اخوها لانه ما يفهم لما تقول له ما يجوز يجلس معاها ": .. بتال وبعدين عن الاستهبال ...تراك كبرت ..."و وقفت ونزلت طرحتها من على راسها وعطتها روضه ".. شكلك نسيتي تلبسيها ...
روضه : كله من الايس كريم ...
بتال "فطس ضحك ": هالبنت تنسى نفسها لما تشوف الاكل ....
ام بتال "وقفت ": يالله بروح انا ...يالله يا بتال ..."وقف بتال" ..
ام روضه : اجلسوا تعشوا معانا ....
بتال ..رجع يجلس دليل موافقته على انه يجلس للعشاء ... ولكنه رجع يوقف لما اخته سميرة عطته نظرة قويه بمعنى قوم ..
سميرة : يمه انا بجلس شوي مع روضه .. وبعدين الحقكم ..
ام بتال" وهي طالعه ": طيب بس لا تتاخرين ....
وطلعت هي وبتال و وراهم ام روضه توصلهم للباب ... في هالوقت سميرة سحبت روضه لغرفتها وقفلوا الباب ...
روضه "وعيونها كلها تساؤلات": خير سميرة وش فيك .. شكل عندك شي ... "ابتسمت" .. شكلك جايبه لي رجيم حلو ...
سميرة : لا وش رجيمه ..."جلست على حافة السرير وابتسمت": انتي تعتبريني اختك ...؟! صح والا لا ...
روضه "بملل": وش فيك انتي واخوك اليوم ...؟! ... شكلكم ناوين تقلبوا علي ...
سميرة "باهتمام": بتال ...ليه ايش قال لك ...
روضه "وهي تجلس جنبها على حافة السرير": يقول انتي اختي ولا اعتبرك الا اختي ..ومدري وشو ...
سميرة : المهم ... روضه انتي تعرفي بتال الحين بيدخل الجامعه .. وترى هو متعود عليك كثير .. وما بينكم حدود ...وهالشي ما يصير يا روضه ..فاهمتني ...
روضه "تحاول تفهم": .. بس بتال مثل اخوي .. وبعدين انا اكبر منه بخمس سنوات ..."حمر وجهها دليل الضيق" .. واي حدود تقصدين مو موجوده ...
سميرة : روضه انا اكبر منك ومنه بعد وفاهمه هالدنيا كيف ... بس الحق حق .. وانتي مثل اختي لا لا مو مثل انتي اختي .. بس بتال لا مو اخوك ...
روضه : بس انا ما عمري قربت منه ترى انتي فاهمه غلط ...
سميرة : ادري ان انتي وهو متربين وفاهمين .. بس بالنهايه منتو أخوان .. يعني يجوز لك تتزوجيه ..
روضه "فتحت عيونها فيها": .لا بالله أنتي ماكله شي ... ايش أكلتكم ام خالد .. "وضحكت".. شر البلية ما يضحك ..
سميرة : انا قلت اللي عندي ...واتوقع انتي كبيرة لدرجة فاهمه ايش اقصد ."وقفت .. وسحبت طرحتها من على شعر روضه".. وعلى طاري الزواج ... ترى جالك عريس"وغمزت لها" من طرف ام خالد ...
روضه "اختفت ابتسامتها ...ووقفت ":احلفي .... صدق ... مين ..
سميرة "وهي تضبط عبايتها": اكيد خالتي بتقول لك ... يالله باي "طلعت من الغرفة وسكرت الباب وراها"

روضه مو مصدقة اللي سمعته أخيرا احد فكر فيها وبيخطبها .. ابتسمت وهي ضامه يدها لصدرها .. جلست والافكار تدور فيها من كل مكان ... "مين هذا اللي فكر يخطبني .. يا ترى قد شافني ومثلا أعجب فيني .. آه يا سميرة وقفتي قلبي ".. رجعت الى كلام سمير في بداية جلستهم عن بتال.."ياترى ايش اللي خلى سميرة تقول هالكلام .. انا اعرف سميرة دقيقة الملاحظة من الدرجه الاولى .. قالت يجوز اتزوجه .. اتزوج بتال !!.. مستحيل".. ضحكت لما تخيلت الموقف .. بس فيه شي خلاها توقف ضحكتها .. وكانها اول مره تركز في بتال .."بتال تغير كثير فعلا .. صار اطول مني وعنده شنب .. نظراته صارت دقيقة .. صوته خشن بزيادة صوت رجولي .." .. بلعت بصعوبه .."كأني اول مرة الاحظ انه فعلا كبر .. يااه يالدنيا تمر بسرعه بدون محد يلاحظ .. وين بتال اللي كنت اشيله وادافع عنه واخاف عليه ..واحــ ـ ـ ـبـ ـ ـ ـه "..دقات قلبها بدات تزيد .. لفت راسها يمين ويسار تبعد الافكار عنها .."مثل اخوي مثل اخوي...احبه مثل اخوي .." قطع عليها تفكيرها ..
...: روضه يالله يا بنتي العشاء ..
روضه "بصوت عالي": طيب طيب يا امي ...الله يسامحك يا سميرة ايش سويتي فيني ..

في شقة ام بتال ...

ام بتال وسميرة وبتال على العشاء ...
بتال "مفتح عيونه": .. انخطبت .. لابو ام خالد ...
ام بتال : ايه طلبتها اليوم من امها قدامنا ...
سميرة "تلاحظ ردة فعل بتال "...
بتال "بعصبيه": .. من جدكم انتو .. هذا كبر ابوها وعاجز ..
ام بتال : كل بنت ونصيبها ...
بتال : لا لا حرام والله تدفن حياتها مع شايب ...
سميرة "ركزت عيونها على بتال": .. وليه لها الدرجه متضايق ..
بتال : بالله هالشي ما يزعل .. بنت في العشرين تاخذ شايب في الثمانينيات ..
سميرة : بس وضع روضه مختلف .. سمنتها خلت الخطاب ما يجون لها ..
بتال : سمنتها ما لها دخل في نصيبها .. واكبر دليل انتي ...
سميرة "بحزن": تعايرني لاني ما تزوجت لحد الحين ..."وقفت" ترى انا اختك مو روضه ...
بتال "وقف وبعصبيه": انتي اختي وروضه اختي ... وزواجها من هالشايب ما راح يتم يعني ما راح يتم ..
سميرة "طالعت فيه بقهر ... وراحت لغرفتها تركض"..
ام بتال :.. سميرة سميرة .... "طالعت في بتال" ... ليه تقول لاختك هالكلام الزواج قسمة ونصيب ولحد الحين ما جاء نصيبها ..
بتال "حط يده على وجهه": .. اعوذ بالله من الشيطان ..يمه ما كنت اقصد اجرحها ... بس والله سميرة وروضه مثل عيوني الثنتين ... مستحيل افرق بينهم ...
ام بتال : يمه سميرة تحملت كثير .. فلا تزيد عليها ... من لما توفى ابوك .. وهي تشتغل وتساعدني في مصروف البيت .. حتى انها دخلت معهد حاسب عشان تتوظف بسرعه وتركت الطب عشانا ...وانت تدري من لما كان عمرها 15 سنه وهي يخطبوها كثير بس رفضت عشانك وعشاني... ولا انتبهت لنفسها الا وهي تعدت الثلاثين ... وسبحان الله ولا عاد شفنا لا خطاب ولا غيرهم ...
بتال "تضايق من نفسه ": .. يمه قلت لك ما اقصد ... "وقف".. بروح اشوفها ..."ولف رايح لغرفتها "
ام بتال "ابتسمت": الله يرضى عليك يا ولدي ..

في شقة ام روضه ....وعلى العشاء .. ام روضه تطالع في روضه اللي ما اكلت الا شوي وطول الوقت سرحانه ..
ام روضه "باستغراب": روضه ... وش فيك ما تاكلين ...
روضه : هاه ... هذا انا اكل يمه ...
ام روضه : لا لا .. انتي فيك شي ..
روضه : مالي نفس يمه للاكل ...
ام روضه "بخوف": خير يمه تعبانه ..؟! فيك شي ؟! السكر ملخبط معاك ...
روضه "ابتسمت": لا لا يمه والله انا بخير ... بس ودي اخفف اكل من اليوم ورايح ... "وفي نفسها .. عشان فستان العرس يضبط علي "..
ام روضه "بتعجب": تخففين ..!!! ...
روضه "يا ويلي لا تكشفني اني اعرف عن سالفة العريس": .. ا أ أيه يمه مو انتي دائما تقولي لي اخفف اكل ... خلاص باسمع نصيحتك اليوم وبلاش رجيم وخرابيط ...
ام روضه : يالله عسى بس دوم ...مو بس اليوم تتحمسي وبكرة تخربيها ...
روضه : لا ما عليك عندي حماس هالمره ..."وقفت " الحمدلله شبعت .."وراحت غرفتها وهي تهرب من عيون امها اللي كلها تعجب"

في شقة ابو بتال .... وفي غرفة سميرة ...
بتال دق الباب ودخل على سميرة اللي كانت تبكي بقهر على عمرها اللي ضاع وهي تضحي ولا احد مهتم فيها ....جلس بتال على كرسي مكتب الكمبيوتر ... ولف عليها .. وبصوت كله حنان ...
بتال : سميرة انا اسف .. والله ما كان قصدي اجرحك ..
سميرة "زادت في بكائها"
بتال "بحزن": خلاص سميرة .. انتي اختي الكبيرة ..ما احب اشوفك تبكين ...
سميرة "وهي تبكي": .. ايه انا حرام علي البكاء والاحترام والحب ... لاني الكبيرة .. بس اراعيكم ولا تراعوني ... اهتم فيكم ولا تهتمون فيني ...انت وروضه تعتبروني الاخت الكبيرة اللي كانها ملاك .. الواجب عليها تعلمكم وتفهمكم .. وكأن ما عندي مشاعر ولا احاسيس ولا اهتمامات .. حتى لو حبيت اتكلم قلتم الاخت الكبيره .. ما يحتاج تتكلمي ... طيب حتى انا ابغى يكون عندي اخت كبيرة تهتم فيني ... مثل ما انت وروضه تهتموا ببعض ...حتى انك تهتم فيها اكثر مني مع انها اكبر منك ..."ورجعت تبكي" ..
بتال "زفر": .. سميرة وش هالكلام .. بالعكس انتي القدوة واحنا نحبك ونستشيرك لانك ماشاء الله فاهمه الحياة وذكيه ... اما انا وروضه "وضحك"الله يخلف علينا ماشين على البركه ... وترى روضه اعزها مثل معزتك ..
سميرة "هديت شوي ": .. بس هي مو اختنا ...
بتال "ابتسم ": لو انتي مو معتبرتها اختك كان ما جمعتيها معي في كلامك اول مرة ...
سميرة "نزلت راسها منحرجه .. انه كشفها " : ايش اسوي غصب عني احبها واعتبرها اختي ... من لما كنا صغار واحنا مع بعض ..
بتال : شفتي مشاعرك تجاهها ..هي نفسها مشاعري تجاهها ...
سميرة : اجل ليه ما تبغاها تتزوج ...
بتال : هالشخص لو تقدم لك راح يكون موقفي هو نفسه معاك مستحيل اوافق تتزوجي برجال شايب ... يا سميرة انتي وروضه خواتي وما ابغى لكم الا كل خير ...
سميرة : بس انت كذا تخليني اغار منها ...
بتال "ضحك": .. والله شكلي باسحب مسمى الاخت الكبيرة منك ...
سميرة "بتريقه": لا بالله ..وباي صفه...
بتال : بصفة اني بصير وكيل عليكم ...
سميرة "ابتسمت": والله وكبرت يا بتال ...
بتال "ضحك .. ويمسح على شنبه باصابعه": .. توك تلاحظين ...
"وقف .. ومد يده لها" يالله تعالي خلصي عشاك.. بلا دلع ...

...................

...................

مر يومين وروضه فرحانه بسالفة الخطوبة .. مع ان امها ما فاتحتها بالموضوع بس هالشي خلاها تتحمس تنقص وزنها .. وفعلا نقصت 2 كيلو ...
... دق تلفون ام روضه في صباح يوم الاربعاء...
روضه "بملل": الوو ..
....: الوو .. روضه !؟
روضه : ايه مين معي ...
....: ام خالد ..جارتكم ..
روضه "بلعت ريقها ..":..هـ هلا يا ام خالد كيفك وكيف خالد وخالده ؟!
ام روضه سمعتها وعرفت انها ام خالد .. وجت تركض
ام خالد : بخير الله يسلمك .. كيفك انتي ..
روضه "وتطالع في امها وهي تجلس جنبها": الحمدلله ..
ام روضه : هات السماعه ..."وسحبتها منها ".. حيا الله ام خالد ..
ام خالد : هلا ام روضه .. شخباركم ..؟!
ام روضه "تاشر لبنتها تروح غرفتها": الحمدلله ..
ام خالد : هاه يام روضه ما رديتوا علينا ...
روضه قامت راحت غرفتها .. ووقفت ورا الباب تسمع مكالمة امها مع ام خالد ..
ام روضه "لما تاكدت ان روضه راحت": يا ام خالد تعرفي هذا زواج .. اعطي بنتي فرصة تفكر ...
ام خالد : السالفه ما يبي لها كل هالوقت .. ترى احنا مستعجلين على الزواج ..
ام روضه : والله يا ام خالد يمكن مافيه نصيب ..
روضه .. وقف قلبها وهي تسمع امها .. "معقول امي ترفض زواجي ولا تخبرني .."

في شقة ام بتال ...

دخل بتال شقتهم .. وسميرة وقفت لما شافته داخل ... وعلامات الحزن على وجهه ...
سميرة "رافعه حواجبها": .. بتال ايش صار ؟!
بتال "رمى المفاتيح على الطاوله .. ورمى نفسه على الكنب ": .. السفر يوم السبت ..
سميرة "بفرح": .. الف الف مبرووك ...واخيرا ..
بتال "ابتسم مجامله": الله يبارك فيك ...
سميرة "جلست جنبه ":وليه كذا تقولها بدون نفس ..
بتال "نزل عيونه":لا ولا شي ... بس بفقدكم ..."دمعت عيونه"..
سميرة "تاثرت بكلام اخوها ودموعه":.. بتاال .. لا تخليني ابكي .. "حطت يدها على كتفه "..... انا من زمان انتظر اليوم اللي بتسافر فيه وترجع لنا افضل مهندس بالمملكه ...
بتال "مسح دموعه بسرعه":وين امي ...
سميرة : عند الجيران ...ام محمد اللي فوق ...
بتال "وقف" : .. بروح عند خالتي منيره "ام روضه"... "طالع فيها " تسمحين لي ..؟!
سميرة "انحرجت":.. انا ما منعتك تزورهم ...بــ ــ ـس..
بتال "لاحظ احراجها.. فقاطعها وهو يضحك ": طيب طيب ..اا رايح توصيني شي ...
سميرة "راحت غرفتها":.. سلامتك ..
ضحك بتال .. واخذ المفاتيح وراح لشقة ام روضه .......

روضه طلعت على امها بعد ما قفلت ام خالد .. ولما وصلت عند امها وفتحت فمها ...
روضه "منقهره": .. يمه انــ ــتــ ـــي ...
دق جرس الشقه ... زفرت روضه بقوه وراحت تفتح الباب وهي معصبة ومنقهره من امها اللي في نظرها تحرمها من الزواج .. فتحت الباب ولقيت بتال في وجهها ...
بتال "كان متكي على الباب .. وملامحه هاديه .. عكس شخصيته المرحه.. طالع في روضه بنظرات مركزة ": كيفك روضه ...
روضه "وهي لسى معصبه": هلا ... تبغى تدخل ادخل امي بالصاله ..."وراحت وتركته واقف عند الباب .. مستغرب منها "..

دخل بتال ... عندهم بالصاله ... وشاف روضه مكتفة يدها وجالسه بزعل .. وام روضه بضحكه مصطنعه ...
ام روضه : هلا بولدي بتال .. حياك ادخل ...
بتال "طالع فيها": الله يبقيك .."قرب منها وباس راسها .. ولف على روضه ".. وش فيك ياروضه منتي طبيعيه ...
روضه "وهي مادة بوزها": .. مافيه شي .. "وقامت راحت المطبخ "
بتال : وش فيها يا خاله ..؟!
ام روضه : مافيها شي ... "تغير الموضوع".. ايش اخبار امك وسميرة ...
بتال "رجعت ملامحه حزينه":كلهم بخير بس انا يا خاله اللي مو بخير ...
ام روضه : بسم الله عليك وش فيك ...
بتال : مسافر يوم السبت ..
روضه "رجعت عندهم وبيدها صحن مكسرات وببسي ":... ايشش بتسافر يوم السبت ؟! ...
بتال : ايه ..."وابتسم".. لا الحين انتي روضه مافيك شي ...
ام روضه "تطالع في بنتها": .. الله يهديك وين اللي بتخففين ....
روضه"بعصبيه" : انتي تدرين ليه ...
بتال : روضه عيب عليك لا تردين على خالتي كذا ..."لف لام روضه" .. المهم يا خاله حبيت اعطيكم خبر .. وبرضه فرصة لو محتاجين شي هاليومين قبل اسافر تقولون لي ...."و وقف"..
ام روضه : سلامتك يا ولدي ... وتروح وترجع لنا بالسلامه يارب. .. اجلس وين رايح ..
بتال : عندي كذا شغله بخلصها ... "وكانه تذكر شي ".. أ أ خاله .. ممكن اطلب منك طلب ؟!..
ام روضه : خير اطلب يا بتال ...
بتال "بحرج": لا توافقين على خطبة روضه اللي من طرف ام خالد ...
ام روضه "تطالع في بتال وفي ردة فعل روضه .. بارتباك"...
روضه "فتحت عيونها":.. حتى انت ... حتى انت يا بتال ...." ورمت الصحن ... ووقفت ...."
ام روضه وبتال ... يطالعون فيها مستغربين ردة فعلها ...
روضه "معصبة": .. ليه كلكم واقفين ضد خطوبتي ... ليه ما تبغوني اتزوج "بدأت دموعها تنزل"... ليه مستكثرين علي افرح ... "وتاشر على نفسها" .. انا اللي باتزوج وانا اللي اوافق او ارفض مو انتو اللي تقرروا ... كلموني استشيروني طيب .. حسسوني اني انسانه .. حرام عليكم ..حرام عليكم ..."وجلست وهي حاطة يدها على وجهها وتبكي"..
ام روضه : يا بنتي أ ..
روضه "بقهر": لا احد يكلمني مابغي اسمع شي .."ووقفت بتروح غرفتها .. بس بتال مسك يدها"
بتال "وهو ماسك يدها": انتظري ابغى اتكلم معاك ...
روضه "بعصبيه": قلت ما ابغـــ ـــى .."وبخوف".. اتركني ...
بتال "مفتح عيونه بعصبيه وراص على اسنانه": قلت لك باتكلم معاك ..
روضه استسلمت له وجلست لانها اول مرة تخاف منه وتشوف عصبيته ... وجلس بتال جنبها ... اما ام روضه راحت لغرفتها والدموع في عينها من حال بنتها ...
بتال "حاول يكون هادي": ..انتي فاهمه الموضوع غلط ...
روضه "طالعت فيه بنص عين .. وهي معصبة":.. ايش يعني محد خطبني ...؟!
بتال "ابتسم من عصبيتها": .. لا لا انخطبتي ... بس انتي تدرين مين خطبك ..."وشافها ساكتة دليل انها مو عارفه" .. طيب .. انا اقول لك ... يصير ابو ام خالد ..."روضه وكانها مو مستوعبه".. ايه .. ايه ابوها الشايب العاجز اللي أحيانا ما يتذكر حتى بنته ..
روضه "والصدمة واضحه عليها": هاااه.. من جدك...
بتال "بكل ثقه": .. وجد الجد ... هاه ايش رأيك فيه ..؟!
روضه " طالعت فيه ودمعت عيونها .."
بتال : الحين ليه تبكين ..."وضحك لها بغمزه"..لها الدرجه مستعجله على الزواج ..
روضه "حمر وجهها وهي تبكي .. ووقفت بسرعه رايحه لغرفتها "
بتال "ضحك يطالعها وهي رايحه .. بس غصب عنه رجع لحزنه لما تذكر سفره... وقف .. وبصوت عالي ":... خالتي منيرة انا طااالع ...

،

قراءة ممتعه للجميع ..... تحياتي

[لامارا]

>>>>>>>>>>>>>>>>>>>>>>>>>>>>>>>>>>>>
الجزء الثاني
>>>>>>>>>>>>>>>>>>>>>>>>>>>>>>>>>>

طلع بتال من العمارة بعد ما كلم صديق الطفولة والمراهقة "يزيد".. كان ماشي وتفكيره مشغول بأمه واخته سميرة وروضه وامها ... اللي صار لسميرة وروضه .. البنات صاروا ضعيفات وحساسات .. كيف راح يتركهم بدون ما يكون فيه رجال يوقف معاهم ...
قطع عليه حبل أفكاره ..صوت سيارة "يزيد" تفحط بقوه وراه ...
بتال "لف عليه بسرعة": الله يقطع إبليسك خوفتني...
يزيد "يأشر له من الشباك": اركب اركب بسرعه ...
بتال "ركب وسكر الباب": خير وش عندك بسرعه ... لا يكون ماخذ السيارة كالعاده بدون استئذان ...
يزيد "يضحك": يس .. كالعاده ...
بتال "تضايق": .. يؤ يزيد من جدك الحين ما راح نتهنا في طلعنا .. راح يعاقبك أبوك مثل المرة الاخيره ..
يزيد : .. معليك انت .. بتمر بتمر .. والعقاب بناخذه وننتهي ... بس مستحيل اسمع صوتك متضايق .. واجلس بالبيت ...
بتال : صدق لا قالوا الصديق وقت الضيق ...
يزيد : خير بتال وش فيك ..
بتال "مسرح بالطريق": .. بسافر يوم السبت ...
يزيد "لف وجهه عليه ": من جدك ... جت الموافقه يعني ...
بتال : ايه .... "وزفر "...ايه جت ..
يزيد : طيب المفروض تفرح .. بس وجهك ما يتفسر الصراحه .. "لما طول ما رد عليه "..تحب اوقف في مكان ..
بتال :ايه ياليت ..
يزيد بدون ما يكثر كلام اتجه لمكانهم المعتاد على كورنيش جده .. لانه عارف بتال ما يسكت الا اذا الموضوع كبير ...

.....................

في شقة ام روضه ... روضه وامها بالصاله ..

روضه رجعت لعادتها القديمة في الأكل .. كل شوي وهي ماكله شي او شاربة شي ... تحس بالضياع اذا ما دخلت المطبخ كل ساعة ...
روضه "تقلب القنوات بملل وبسرعه "..
ام روضه " وهي تقطع الملوخية": ..انتي الحين ليش ما توقفين على أي قناة .. ترى ادوشتي راسي ...
روضه : مافيه شي حلو كلها مللللله ..
ام روضه "تطالع في التلفزيون": طيب شوفي هالتمارين الرياضية يمكن تنفعك .. او تتعلمي منها شي ...
روضه "بملل": يؤ.. يمه ما ابغى اشوف التمارين اصلا هي كلام فاضي ..
ام روضه : لا مو كلام فاضي لو كلام فاضي كان ما شفتيهم بهالنحف ..
روضه "بيأس": انا كذا جسمي كذا مافيه امل انحف ... شكلها وراثه .. مو ابوي الله يرحمه كان متين .. ليتني طلعت لك ..
ام روضه : الله يرحمه .. الله اعلم يا بنتي .. بس لو تبتعدين عن المقليات والرز والمكرونه .. وتمشين شوي بتنحفين ...
روضه "بملل": .. يمه الوراثه مالها علاج ...
ام روضه : الله يعين ..."وتطالع التلفزيون".. .. ايوا خليه الشيخ المغامسي ..
روضه تركت القناة لامها تتابع وراحت للمطبخ ....

على الكورنيش ..................
يزيد : طيب ....!! ايش الجديد ؟!
بتال : كيف ايش الجديد ...ما اقدر اتركهم وهما كذا ..
يزيد : يعني الحين اذا ما سافرت بيتغير حالهم ...
بتال "بحزن": أول مرة أشوف سميرة وروضه كذا ... كنت أفكرهم قويات ما يهزهم شي .. كنت بسافر وانا مطمن عليهم .. بس للاسف طلعوا مهشمات من جوا بس كل وحده تمثل القوه قدام الثانيه وقدامنا ..
يزيد "ابتسم": أمنيتي أشوف روضه وهي جديه ... العاده بس تريقه ..
بتال : لو شفتها وهي تبكي ما عرفتها ... مو روضه اللي تضحك وتمزح ..حتى "ضحك باستهزاء" تتريق على جسمها .. ولا عمرها زعلت من أي احد يعلق على جسمها .. بس طلعت غلطان .. البنت مرة حساسه .. وفي لحظة قوتها انهارت ..."طالع فيه " كيف أسافر واتركهم ..
يزيد : طيب أمك وخالتك منيرة ..؟!
بتال "زفر بقوه": اتوقع من اللي صار لهم في حياتهم صارت سالفة بناتهم شي عادي ...
يزيد "حط يده على كتفه": .. صل على النبي .. والله يكتب اللي فيه الخير ... اهم شي الحين تفكر في دراستك وسفرتك ... مع اني بفقدك ... "بحزن".. بس يالله..ايش وراي انتظرك اربع سنوات ...
بتال "لف عليه وشاف الحزن في عيونه ": .. لسى أبوك رافض موضوع دراستك ...
يزيد "ضحك باستهزاء": يقول ما قدر يحكمني وانا قدامه .. فكيف بيقدر يحكمني وانا بعيد عنه ...
بتال : يا يزيد قدر انك الولد الوحيد له .. وابوك ماشاء الله تاجر ..
يزيد : تاجر .."ويضحك".. تاجر ايه .. بس للأسف ما نعرفه ولا يعرفنا ... تزوج ثنتين فوق امي عشان يمشي شغله بس... ما يدري عنا ... تصدق ان خواتي الثلاث اللي اكبر مني لما تزوجوا ما كان له دور الا انه حضر الزواج مثلة مثل أي شخص ثاني ...
بتال : بس انه مو مقصر عليكم ....
يزيد : صح مو مقصر في الفلوس.. بس حرام عليه معيشنا ايتام وهو موجود ... والله ان هويدا ..."اخته".. ما تعرفه .. تخيل قبل شهرين جاب لها عريس في مثل عمره ... شايب يا بتال شااايب ...
بتال : وش سالفة هالشياب ..ما يبغون الا بنات صغار ...
يزيد : ليه فيه ضحيه مثل اختي ...؟!
بتال :ايه ... روضه جالها عريس شايب .. وقومت الدنيا وقعدتها ...
يزيد "ضحك":.. اجل ايش رأيك انا تزوجني روضه وأنا أزوجك أختي ..
بتال "ضحك" : ياليت الأمور بهالسهوله ....ياليت ..."وقف".. قوم قوم ودي اروح للسوق .. اذا ما بعطلك ...
يزيد "وقف بسرعه": افااا قال تعطلني قال ... يالله مشينا ..انت تامر امر ..

..........................يوم الجمعه
روضه لابسه عبايتها ....
روضه " بصوت عالي ":يماااه ... يماااه ......
ام روضه "تصفق بيدها دليل انها تصلي العشاء"..
روضه : انا رايحه عند سميرة .. "وطلعت من الشقة "...


....... في شقة ام بتال ... يدق الجرس ...
ام بتال : .. مين اللي بيجي الحين ...؟!
سميرة "بلا اهتمام .. وهي رايحه تفتح الباب": هذي روضه يمه انا كلمتها تيجي .. "فتحت الباب .. وابتسمت لها".. يا هلا بروضه ..
روضه "ابتسمت": هلا فيك سمورة .. "تتلفت يمين ويسار".. بتال وصل ..؟!
سميرة : لا لسى .. ادخلي .."دخلت روضه وقفلت وراها الباب"..
روضه "تسلم على راس ام بتال": كيفك يا خاله ...؟!
ام بتال "ابتسمت": بخير يا بنتي جعلك بخير... الا وين امك ...؟
روضه "تفصخ عبايتها":تصلي العشاء ..."تجلس وتلف على سميرة " .. خير وش عنده بتال يبغانا ...
سميرة : علمي علمك .. والله مدري ... بس يقول جمعه حلوه قبل لا يسافر ..."وبان الحزن على وجهها".. بنفقده .."دمعت عيونها"
روضه : يا سميرة الله يهديك ... ماله داعي هالحزن "وتاشر على ام بتال اللي تاثرت من كلام بنتها".. الله يهديك ... "وبصوت واطي" خالتي ترى اللي فيها مكفيها لا تزيدين عليها ...
سميرة "مسحت دموعها بسرعه ":..

فتح بتال باب الشقه وهو يحمل اكياس بيده.. وأول شي لمحه وهو داخل
بتال : السلاأأأم عليــ....."شاف سميرة تمسح دموعها".. سميرة وش فيك ... "وراح يجلس جنبها وصار جالس بين سميرة وروضه ... وبخوف".. ايش صار لك ليه تبكين ..؟!
سميرة "ابتمست من بين دموعها": ولا شي يا بتال .. "ما حبت تزعله " .. هذي روضه دقتني في عيوني ...
بتال .. لف على روضه وهو رافع حاجب ومنزل الثاني .. ولمح وجه روضه وهي مفتحه عيونها ...
بتال : حاسبي عيونك لا تطلع فيني ... ايش سويتي بسميرة ..
روضه "بتريقه":.. عجبتني عينها بغيت اكلها ..
بتال "عدل جلسته ولف جهتها": خير وش قلتي ... "ويحط يده على بطنها "..تبغي تفهميني ان هالكرش فاضي ..
روضه "انحرجت من حركته .. وضربته على يده ودفته بقوه من كتفه":.. وخر يالله وخر اقلب وجهك .. "وشافته جالس على عبايتها".. قووووم قوووم وكسر بتالووه عباتي ..."ودفته بقوه خلته يوقف "..
بتال "ماسك كتفه ..": هب عليك يا هالدبا .. وش هالايد معاك .. حشا مضارب قولف ..."ويضحك"
روضه "بزعل .. تطالع في ام بتال": خاااله شوفيه ...
ام بتال : بتال خلاص يمه ... تراك بهذلت البنت ..
سميرة "مو عاجبها اللي صار بينهم":.. بتال ... وش عندك تقول تجمعوا ...
بتال "يطالع فيهم وحده وحده":.. ناقص خالتي منبرة ... "ولف على روضه".. وينها خالتي ليه ما جت معاك ..؟!
روضه : لما جيت كانت تصلي .. وتعرف امي بتجهز العشاء عشان تاخذ علاجها ...
سميرة "بقلق": خير بتال ترى قلقتني ..؟!
بتال : لا تقلقي ولا شي ..."ورجع ياخذ الاكياس اللي جابها ..و وقف يطالع فيهم ".. .. أأأأ ..انتو عارفين اني مسافر بكرة .."وبحزن".. والعيد بعد شهرين وما اقدر اخذ اجازة الا بعد سنه فــ ..
ام بتال وسميرة وروضه الكل دمعت عيونهم بس يمسحون دموعهم بسرعه ...
بتال "يحاول ما يبكي": .. لا تبكون .."اخذ الكيس الاول وراح لامه .".. هذا لك يالغاليه ... افتحيه وشوفيه ..
ام بتال "تمسح دموعها بالحجاب اللي عليها":.. الله يرضى عليك يا ولدي .. "فتحت الكيس وكانت جلابية للعيد فخمه"..
بتال : عجبتك يمه ...
ام بتال : اكيد يمه الله يوفقك ويسعدك ..
بتال باس يد امه وراح لاخته سميرة وعطاها الكيس .. وطلب منها تفتحه ...كان عبارة عن بلوزة حمراء وتنورة بيضاء من ماركه معروفه ...
سميرة "بفرح": .. مشكووور ياخوي عسى ربي لا يحرمني منك ...
ولف على روضه وطالعها بنص عين وهو مبتسم ..
بتال : بصراحه احترت ايش اخذ لاختي الشقيه روضه الدبدوبه ... بس اتمنى تعجبك .."عطاها الكيس" .. تفضلي ..
روضه "تمسح دموعها": .. تسلم يا بتال ..."فتحت الكيس .. وكان عبارة عن جلابيه حلوه باللون الزهري والاصفر "... واااو خطيررة ... بس الوانها .امممممم..
بتال "قاطعها": .. الوانها حلوه وتناسبك وتناسب عمرك ... بلاش الالوان القاتمه اللي تلبسيها ... البسي شي فاتح الوان مفرحه عشان نفسيتك ..."ولف على سميرة" هالكلام لك انتي كمان يا سميرة .. الاسود هذا ما ابغى اشوفه فوقكم فاهمين ...
ام بتال : عسى بس ما نسيت خالتك منيرة...
بتال : افا يمه انسى روحي ولا انساها ... "اعطى الكيس .. لروضه".. هذا لخالتي منيرة ... وبكرة بمر اسلم عليها قبل لا اسافر .. طيب.. خبريها لا تنسين ...
روضه : باقول لها بس.. كلفت على نفسك وتذكرتنا انا وامي "وبكت"..
بتال : لا ياروضه ما ابغى اشوف الدموع .. انتي وخالتي اهلي .. والله لو ان عندي فلوس كان ما تركتكم تحتاجون احد ...
روضه "تبكي بقوه" : انا اصلا ما اعرف غيركم بهالدنيا..حتى أخوالي ما سألوا عنا من لما توفى ابوي .. "قامت سميرة وحضنتها .. وجلسوا يبكون ".. والله احبكم والله احبكم ...
سميرة "تحضنها بقوه":حتى احنا والله نحبك وما نعتبرك الا مثل اختي ...
بتال جلس على ركبه قدام سميرة وروضه وحضنهم وما قدر يمنع دموعه اللي نزلت غصب عنه .. وخلت امه تبكي معاهم ....
ام بتال "قربت منهم وهي تحاول تسحبهم ": قوموا يا اولادي الله يصلحكم .."سحبت بتال ".. قوم يا ولدي الله يصلح بالك يارب ...
بتال "يمسح دموعه ... ويطالع في روضه.. ويبتسم ": .. كله من هالدبا ...."ياشر على عيونه".. عاجبك عاجبك شكلي كذا ..
روضه "طالعت فيه .. وهي تبعد عن حضن سميرة": .. الا تخوف عيونك حمراء ...
بتال : ايه شفتي ما تجين انتي الا بالعين الحمراء ...
ضحك بتال .. وضحكت روضه .. سميرة مسحت دموعها وابتسمت ...

..............................في صباح يوم السبت ....................

في شقة ام بتال ........ام بتال طلعت من غرفتها للصاله ولقيت بتال جالس لوحده ...
ام بتال "بتعجب": بتال ..؟! انت ما نمت ..؟!
بتال "بتعب": .. ما جاني نوم يمه ..."وياشر على الكنبه جنبه " تعالي يمه اجلسي ...
ام بتال "جلست جنبه" : سم يا ولدي ...
بتال : يمه ما تحتاجون شي ... انتي ما ناقصك شي ...
ام بتال "ابتمست": لا يا ولدي ما ناقصنا شي ولا نبغى شي ... وانت ما قصرت جبت كل شي والبيت ملياان ...
بتال : يمه هو ان شاء الله تيجي مكافأة البعثه .. بس يمكن تتاخر شوي ... بس اول ما تيجي راح ارسلها لكم ... طبعا عن طريق صديقي يزيد .. وهو بيوصلها لكم ...
ام بتال : يا ولدي معاش سميرة يكفينا .. انت خلي المكافأة لك ...
بتال : ما عليك يمه انا بدور لي شغل هناك ... يعني مثل كل الطلاب ادرس واشتغل ...
ام بتال : الله يسهل لك يا ولدي ... الا متى بيجي يزيد ...
بتال "يطالع الساعه في الجدار": يمكن بعد ساعه ونص لان طيارتي الساعه 2 الظهر ...
ام بتال : تروح وترجع بالسلامة يا ولدي ..
بتال "وقف": بقوم اخذ لي دش واتجهز للسفر ..
ام بتال : ايه يا ولدي لا تخلي يزيد ينتظرك ...

...............................
سميرة في شغلها في البنك ....
سميرة "تكلم في التلفون":.. ايه يمه قولي له يمرني في البنك .. لازم أشوفه واسلم عليه قبل يسافر ..مو تنسين يمه ... يالله يالغاليه ..مع السلامه .."قفلت السماعه وسرحت شوي "..
فاطمه "زميلتها في الشغل": .. خير سميرة .. مين اللي بيسافر ..؟!
سميرة "بحزن": اخوي بتال ... مسافر يدرس برا ...
فاطمه : يروح ويرجع بالسلامه .. طيب ليه زعلانه كذا ..
سميرة : الله يسلمك ... مدري ليه زعلانه مع اني كنت اتمنى هالشي من لما كان صغير .. كنت اتمنى يكمل تعليمه ويتخصص تخصص حلو ونادر .. كنت اتمنى يكون له مكانه حلوه في المجتمع ...
فاطمه : طيب حلو كل اللي فكرتي فيه .. ايش تغير الحين ..
سميرة : خايفه عليه ...
فاطمه : لا تخافين ..طبيعي الواحد يجي له دقات في بداية حياته بس يتعلم منها .. وبعدين لا تخليه يجي يشوف الحزن على وجهك .. عشان يسافر وهو مطمن عليكم ..."وتطالع في لبسها "... وخاصة انك اليوم جايه كششخه ..
سميرة "بفرح": .. ايه هذا التايور جايبه لي بتال امس ..شيك صح
فاطمه "تضحك": ... شيك والا كاش ...
سميرة "بلمت شوي .. وبعدين ضحكت ": .. والله تأثير البنك واضح علينا ...ههههههههههه



........................................
في شقة ام روضه ...
ام روضه " على الفطور": يالله يا روضه تعالي ...
روضه "بصوت عالي من المطبخ": طيب يمااه ..بس البيض يستوي وباجي على طول ...

دق جرس الباب ...
روضه "تركض بصعوبه":.. انا انا بفتح ...
ام روضه : شوي شوي يمه .. ومن بالبيت اصلا الا انتي اللي بتفتحين ...
روضه "متجهه لباب الشقه.. بفرح": .. اكيد هذا بتال ....
فتحت الباب وبس شافت بتال وبيده شنطة السفر "ولابس بنطلون جنز ازرق .. وتيشرت ابيض وكاب ابيض ..ونظارة شمسيه.. وحالق شنبه ودقنه " ...دمعت عيونها ...غصب عنها ..
بتال "يشيل النظارة": لا لا ليه الدموع ... انا الحين جاي وابيك تشوفين الكشخه واللوك الجديد.. رجعتي تبكين ...
روضه "تمسح دموعها":.. معليش غصب عني ...
بتال "قرب منها .. ومسح دموعها ": .. لا عاد اشوف هالعيون تبكي ... فاهمه ..
روضه "هزت راسها بايه"
بتال : وين خالتي ..."ترك الشنطه عند باب الشقه ..ودخل الى الصاله وشوي يلف على روضه اللي كانت تمشي وراه ".. اشم ... اشم ريحة حريق او ...
روضه "قاطعته بصوت عالي": .. البيض ..."وراحت ركض للمطبخ "...
بتال "بصوت عالي": تبين مساعده يا روضه ..
ام روضه : تعال تعال يا بتال يا ولدي ... وخلي روضه ...
بتال "دخل الصاله وسلم عليها برسها": ... كيفك يا خاله ..."وجلس"
ام روضه "بحزن": بخير يا ولدي ...هاه مسافر ..؟!
بتال : ايه يا خاله وجاي اسلم عليك ..
ام روضه : الله يسلمك من كل شر يا بتال ... وتسلم على الجلابيه اللي جبتها لي ...
بتال "ابتسم": .. بالعافيه يا خالتي ... وانتي مقدارك ذهب مو بس جلابيه ...
روضه "..دخلت عليهم ...": ... يالله تتعوض ما لك نصيب في البيض ..
بتال "ضحك": .. ما عليك كل شي يتعوض .. اهم شي انتي لا تزعلين على البيض ..."و وقف" .. يالله ما اقدر اتاخر اكثر من كذا ...
روضه : دقيقه .. "وراحت لغرفتها .. شوي ورجعت بيدها علبه.. وبتال يطالع فيها باستغراب... قربت منه وهي منزله راسها ".. تفضل هذي هديه بسيطه .. بس عشان تتذكرني ..أاأأ اقصد تتذكرنا انا وامي ...
بتال " ابتسم .. واخذ العلبه": .. اكيد بتذكركم ولا راح انساكم ...
"لف على ام روضه.. سلم عليها " .. نشوفك على خير يا خاله ...
ام روضه "دمعت عيونها": تروح وترجع بالسلامه يا ولدي يا بتال .. انتبه لنفسك ...
بتال : ان شاء الله يا خاله .. "لف على روضه ".. توصليني للباب ..!
روضه "بفرح": اكيد ...
ومشيوا مع بعض لعند الباب .. وبتال يوصيها على امها .. وعلى نفسها .. وهي توصيه ينتبه لدراسته ..
بتال "مد يده لها ": اشوفك على خير ..
روضه "مدت يدها له": .. وانت بخير ... اذا وصلت كلمنا ..أو أو يعني وص على سميرة تخبرنا انك وصلت ...
بتال : . شوفي الساعه اممم تقريبا 12 تكوني عند اهلي .. عشان اذا كلمت اسمع صوتك ... لو عندي ساعه كان علمتك كم بالضبط بس ...
روضه "تقاطعه ": افتح العلبة ... وشوف ...
بتال "يطالعها بنص عين ": الحين افتحها ؟؟!!! ..."وفتح العلبه .. وشاف ساعه حلوه بجلد اسود ".. واااو روعه .. فعلا كانت ناقصتني ...
"طلعها من العلبه ... وحط الساعه على معصمه .. مد يده لروضه".. قفليها لي ..
روضه "تضحك": .. تبغى تتدلع لاخر لحطة يعني ..."قفلت الساعه"
بتال "يغمز لها":ما ادلع انا الا عند اللي يحبوني واحبهم ..."طالع في الساعه"... مشكورة روضه ...راح اشتاق لك ...
روضه "بنظرات حزينه": .. وانا كمان .. انتبه لنفسك ..
ام روضه " .. كانت تشوف كل اللي صار بينهم ...بدون ما ينتبهون لها ": ... يالله يا روضه لا تاخرين بتال ...
بتال "ارتبك": لا لا عادي يا خاله ... يالله اشوفكم على خير "واشر على الساعه بيده ".. ومشكورين على الساعه ..."اخذ شنطته ..وفتح الباب وطلع "..
ام روضه "تطالع بنتها اللي مسرحه بالباب": ... روضه ... روضه .. يالله يا بنتي تعالي نفطر ...
روضه "بارتباك": ط طيب يمه ..جاايه ...

............................في السيارة بتال و يزيد ...

بتال : مر على البنك ابغى اسلم على سميرة ...
يزيد : انت تامر امر ... كم بتال عندنا ...
بتال "يضحك": شكلي بكنسل السفر اليوم ..جاني دلع من الكل عمري ما شفته ...
يزيد : لا تصدق عمرك يالمهم ...
بتال "يطالع في ساعته":.. حتى جاني هديه من روضه ... "ابتسم " تخيل ...حتى هي اللي لبستني ...
يزيد "يعض على شفاته":.. اومااا ... جد ... وريني ....
بتال "يمد يده عشان يشوفها": .. ايش رايك ...؟!
يزيد : ما عليها حليووه ... والله بيكون عندك شي من ريحة الحبايب..
بتال "يضحك بقووه": .. والله انك مهوي من جد ...
يزيد : علينا هالكلام ... ليه تفكر اني ما الاحظ انك تحبها ..
بتال "وهو رافع حاجبه": .. لا نبيه الصراحه ... اكيد احبها ... بس مثل اختي ...
يزيد : بس هي مو اختك ...
بتال "طنشه"... "وياشر على شارع ":.. هنا الفرع اللي باخر الشارع هذا ...
................

روضه في غرفتها ... ونايمه على سريرها ... "آه .. يا روضه سافر بتال اللي كنتي كل يوم لازم تسمعي منه كلمه عن .. "وتطالع في بطنها ..." عن السمنه والمتن .. بس والله صرت استحي منه ...
"..... ابتسمت ...."والله كبر هالسنتين بشكل واضح .. صار اطول مني .. والشنب عليه معطيته اكبر من عمره ... بس طالع حلو.... " ....ضربت راسها ..." وش قاعده اقول انا ... "... جلست وهي تبعد شعرها من على وجهها ......."... اقوم اسوي لي بيض بدال اللي احترق ازين لي ....

................في البنك

سميرة "وهي حاضنه بتال":.. توصل بالسلامة ياخوي ...لا تقطعنا ..
بتال "متاثر":.. سمورة ماراح انساكم .. واكيد بكلمكم كل فترة والثانيه ...
سميرة "تبكي بقوه ..."
بتال : اجل خلاص ماني مسافر ...دامك ما بتسكتي ...
سميرة "بعدت عنه وهي تمسح دموعها ": لا لا خلاص ... بسكت بسكت ....
مرت بنت من جنبهم بعبايه مخصرة وكاشفة وجهها ومرت من جنبهم ... طالعت فيهم باستغراب وراحت ...
بتال "يطالع فيها .. ويبغى يغير جو سميرة":... امووووت انا بالمخصر والحركاات ... يا ارض احفظي ما عليكي...
سميرة "ضربته على راسه ":. ما تبطل انت من هالحركاات ... يا ويلك اذا سافرت تقعد تقز في بنات خلق الله فاهم ...
بتال "ضحك بقوه ":... أي نصائح اخرى ...
سميرة "ابتسمت ":.. بنشتاق لك ... وكلم اذا وصلت ...
بتال " يسمع صوت بوري":.. هذا يزيد يستعجلني ... يالله "سلم عليها "... مع السلامه .. وانتبهي لنفسك ولامي ولروضه وخالتي
سميرة : كلهم في عيوني .... "تطالعه وهو طالع "ودعتك الله ...
"ودمعت عيونها غصب عنها "...

...............

...............

وصل بتال لندن ... وكلم امة واخته وطمنهم انه وصل بالسلامة .. وللاسف روضه ما كلمته .. لانها نست الوقت ... فنامت بعد ما اكلت لها وجبه دسمه ...



......................................


بعد شهر...وعلى قرب شهر رمضان ... انتهت فترة مهمه بالنسبه لبتال ... بانه قدر يسيطر على خوفه على اهله .. وخاصة بعد ما تطمن ان الامور ماشيه مثل ماكان موجود واحسن ... هذا الشي خلاه يبدا بالاهتمام بدراسته ومستقبله ...

............... في شقة ام روضه .. وفي ليلة رمضان ...

روضه "تلبس عبايتها ": يمه بسرعه ..
ام روضه "تطلع من غرفتها": طيب طيب يا بنتي .. وش فيك مستعجله ...
روضه : اخاف ما نلحق اليوم على اتصال بتال ... لي "وترفع اثنين من اصابعها" اسبوعيين ما سمعت صوته ... "تمسك يد امها".. يالله يالله بسرعه يمه ...
ام روضه "وهي تحاول تجاري سرعة روضه": .. شوي شوي يا بنتي ... الله يهديك ..
روضه "ابتسمت .. وهي تفكر في بتال "...

................ شقة ام بتال ...دق الجرس وفتحت سميرة لروضه وامها ...
سميرة : يا حيا الله خالتي منيرة ..."تسلم عليها"..
ام روضه : الله يسلمك يا بنتي ... وشهر مبارك ...
سميرة : علينا وعليكم يارب ...
روضه "من ورى امها ": ..هاه بتال كلم ...؟!
سميرة "تضحك": .. سلمي اول ...ايه يكلم امي الحين في مجلس الحريم ...ادخلو ..
دخلت روضه تسابق امها ... و دخلت مجلس الحريم وراحت تجلس بسرعه جنب ام بتال ....
ام بتال"تطالع فيها وهي مبتسمه " : .. والله كلنا بخير يا بتال ... ايه روضه جت .. لا خالتك ما جت ...
روضه "تاشر لام بتال": .. امي جات يا خاله في الصاله مع سميرة ...
ام بتال : أها ... ايه ايه جت خالتك منيرة ... كلم روضه الحين هي جنبي .. وبعدها بتكلم خالتك ... مع السلامة ... "تعطي السماعه لروضه ... و وقفت"... كلميه حتى اسلم على امك وبتجي تكلمه ..
روضه "هزت راسه بمعنى طيب .. مسكت السماعه ":.. الو ..؟!
بتال : الووو روضه ... كيفك ..؟ شهر مبارك
روضه "بحزن": الحمدلله ..... علينا وعليك ... كيفك بتال ؟! وكيف دراستك ؟
بتال : كلوو تمام ... هاه بشري كم كيلو زايده "ويضحك"...
روضه "ضحكت ":.. امممم يمكن اثنين كيلو ...
بتال : افا .. اجل ما زعلتي على سفري كثير...ولا فقدتيني ..

روضه : حرام عليك لا تقول كذا وربي فقدتك مووت ... بس ...
دخلت ام بتال معاها ام روضه ...
ام بتال : يالله يا روضه خلي امك تكلم ...
روضه "ابتسمت ":... يالله بتال انتبة لنفسك .. وخذ امي معاك ..
بتال : ..اوكي روضه .. عطيني خالتي ..

..................................... في لندن
بتال "من كبينه في الشارع .. يضحك ":أن شاء الله.. مع السلامة يا خاله منيرة ..."قفل السماعه.... واختفت ابتسامته"..

آآآه اول مرة يمر رمضان وانا مو معاكم .. والله اشتقت لكم .. "دمعت عيونه .. مسحها بسرعه وكانه تذكر شي ".. .. يزيد لازم اكلم يزيد ..."تذكر لما ودعه بالمطار .. وقال له أي وقت تحس انك متضايق كلمني على طول "... يدق الأرقام وهو مبتسم ...ورفعت السماعه ...
بتال "بحماس ": الووو يزيد ... الوو .. الصوت يقطع ...
يزيد :كلم كلم من تلفون البيت ... انتظرك ... تسمعني ...
بتال "بصعوبه يجمع الكلام": أأأ ايه ايه سمعتك ... باي ..."قفل .. ورجع يدق مرة ثانيه على تلفون البيت"

بيت ابو يزيد ...
ابو يزيد ...(تاجر كبير.. متزوج على ام يزيد .. عنده اربع بنات و ولد .. كان يبغى باي طريقه ولده يمسك شغله بس يزيد .. كان مقهور من اهماله لهم ..مع انه معطيهم فلوس تكفيهم وزياده ..زوج ثلاث من بناته ... وباقي يزيد .. و هويدا )
يزيد عمره 20 سنه ...( كان يتأخر في الدراسه ويرسب عشان لا يمسك أي شي يخص تجارة ابوه... شاب طويل وجسمه ممتلئ نوعا ما.. ابيض و شعره ناعم وطويل .. فيه كم كبير بداخله من القهر واحساسه بالظلم .. انسجم مع بتال لانهم حساسين جدا وفاقدين ابائهم وهم المسؤولين عن غيرهم).....
هويدا عمرها 16 سنه ..(تعتبر دلوعه يزيد .. ولا تعرف ابوها كثير... تعتمد على الشغالات بكل شي .. بنت عز ... شعرها دائما صابغته بني فاتح .. تسويه مجعد يناسب وجهها الطفولي ذو الملامح الهاديه .. وجذابه )..

دق تلفون بيت ابو يزيد ...
هويدا "بملل .. ودلع ":.. ألوو...
بتال "بحماس":... اموت بالدلع انا ... زيود اخبارك يالحبيب ...
هويدا "فتحه فمها": هاه ..
بتال "ارتبك":.. أأأ هذا ... هذا مو بيت ابو يزيد ...؟!
فتح يزيد بسرعه باب الفله ... ودخل يفحط على صالة التلفون ... وبصوت عالي ...
يزيد : سكري سكري التلفون بتال الحين بيدق ....
هويدا "بلا اهتمام ..": .. خذ...."عطته السماعه ... وراحت تمشي بدلع وغنج .."
يزيد "بحماس":.. الووو ... بتال يا هلا بخوي ....
بتال : يزيد ؟!
يزيد : ايه معاك معاك ... شهر مبارك ...
بتال "ابتسم": علينا وعليك ... والله اني متضايق يا يزيد اول مره يدخل رمضان وانا مو معاك ولا مع اهلي ...
يزيد "حب يخفف عنه":..اصلا حتى لو جيت ما راح اكون معاك ... "جلس وحط رجل على رجل ".. انا الحين التاجر يزيد ولد ابو يزيد ...
بتال : لاااا "وضحك"... في شهر صرت تاجر....وكيف قدر ابوك يقنعك ..؟!
يزيد : والله .."بحزن"... غيابك يا بتال هو اللي خلاني اشغل نفسي بشي ثاني ...
بتال : لا تزيد علي الجرح ..
يزيد : ايه انا اسم على مسمى ازيد في كل شي ...
بتال , يزيد : "ضحكوا .."

من ورى الباب كانت "هويدا"تسمع لمكالمه اخوها .. " يعني هذا بتال ... وااي ما توقعت ان صوته حلو .."...تذكرت شكله ..." بس خسارة مو موجود... سمعت من يزيد انه سافر... يالله مو مشكله.. بدال بتال فيه عشرة " ... رجعت شعرها على ورى .. وطلعت تركض لغرفتها وهي مساكه الجوال بيدها .... وتبحث في الارقاام ..

..............................في شقة ام بتال .....

الكل مجتمع بعد ما كلموا بتال ... تذكروه ودعوا له بالتوفيق ...
ام بتال "تطالع في ام روضه": .. يا منيره .. ما ودك تجين معانا بعد بكره نروح ناخذ عمره ...؟!
روضه : تبغون تاخذون عمره الحين في اول رمضان ؟!
سميرة : ايه افضل الحين في اول رمضان قبل الزحمه ...
ام روضه : والله ودي يا مزنه كم لي ما أخذت عمره ....
روضه : يمااه نسيتي ان ثالث يوم رمضان عندي مراجعه في المستشفى عشان السكر ... يالله قدر بتال يقدم الموعد ...
سميرة : أي مراجعه انتي تعبانه ...
روضه : لا مو تعب بس هذا فحص شامل للجسم كله عشان يشوفوا تاثير السكر على الجسم .. بس بتال بالقوه قدر يقدم الوقت لرمضان الا كان بعد عيد الحج ...
ام روضه : .. أي والله صديقه يزيد ما قصر ... معليش والله نسيت يا بنتي ...
ام بتال : خسارة اجل ما تقدروا تجون معانا ...
سميرة "تفكر":.. طيب ايش رايكم نروح ونرجع في نفس اليوم ... مو بعيده مكه عن جده ...
ام بتال : بس والله ودنا نشوف الحرم ونشبع فيه ونصلي لنا التروايح هناك ... وترى انا وخالتك مافينا شدة نروح ونرجع في نفس اليوم ..
والا ايش رأيك يا منيره ...
ام روضه "بحزن": والله كان نفسي اجي معاكم بس ... خير ان شاء الله ... نروح مرة ثانيه انا وروضه ...
روضه "حست بحزن امها ": .. يمه خلاص ما عليك .. بنروح وانا براجع بعدين ...
ام روضه : لا والله يا بنتي اهم شي صحتك ...
ام بتال : خلاص خلاص يا منيرة ... بنروح ونرجع في نفس اليوم .. وامرنا لله ...
سميرة : أي والله احلى حتى انا ما اقدر اخذ الا يومين بس اجازة ...
ام بتال : وتوك تكلمتي ...
سميرة "ضحكت": ايش اسوي ما حبيت اخرب عليكم ...
روضه : اجل انا خربت عليكم ..."ضحكت "...
ام بتال : اجل خلاص نروح بعد بكرا في الفجر ...
روضه : بس انا ما باجي معاكم ...
ام روضه : ليش..
روضه : ما يصلح ابذل مجهود قبل الفحص ..
سميرة "بنص عين": .. ومن الدكتور اللي قال لك ..
روضه "بحرج": أأأ سمعت ....
ام بتال : تعالي وبنعطيك عربيه للطواف والسعي...
روضه "بعصبيه": ... لا والله ما اصدقكم قبل سنتين يوم رحت خليتوني امشي ... وما عطيتوني عربيه ...بس بتال رحمني واخذ لي عربيه ..."ترفع اصبع السبابه" .تووبه اروح معاكم ..
الكل ... ضحك عليها ...
روضه : ايه اضحكوا ... امي وخالتي بعربيه وانا لازم امشي ... قال انحف قال ...
سميرة "تحاول تمسك ضحكها":.. ط طيب .. بوعدك اني اخذ لك عربيه ..
روضه "وقفت":لا والله ما اجي معاكم... دامكم بتروحون وترجعون في نفس اليوم ... خلا ص بانتظركم ...
ام بتال : امرنا لله ..
ام روضه : والله مو مرتاحه نروح ونخليك بس ... يالله استودعناك ربي ..
سميرة "وقفت جنب روضه ": والله بنفتقدك يا دبا في سفرتنا ...
روضه "بغرور": ادري ادري اني مهمه ...بس يالله استحملوا هالمره ...
سميره "ضربتها على كتفها ":مااالت ...
روضه ..." ضحكت "...: الا ما قلتوا لي ... خبرتوا بتال ...
سميرة : ايه قلت له اول ما رديت عليه ...
روضه "باهتمام": وش قال ...؟!
سميرة : ما قال شي .. قال استخيروا والله يسهل لكم ...
روضه :أها ...
سميرة : وش فيك واقفه اجلسي ...
روضه : لا لا بروح ... عندي ملابس بغسلها ...
سميرة "رافعه حاجب ومبتسمه": اكييييد ملابس ...!!! والا فيه اكله دسمه تبغي تقضي عليها ...
ام روضه "وقفت": .. والله انه فيه غسيل ...بس اتوقع ما راح تغسل الا بعد ما تاكل اللي بالثلاجه ...
روضه : يممممااه ...بكرة بصوم ...لازم اكل ... وبعدين الرسول اللهم صلي وسلم عليه قال "تسحروا فإن في السحور بركه"...
سميرة : سحور يعني قبل الفجر .. مو الحين ...
روضه : والله عاد كل واحد وقدرة تحمله ...
ام بتال : خلاص يا سميرة اتركي البنت ... روضه روحها حلوه وهذا اهم شي ...
روضه "ابتسمت":الله يخليك لنا يا خالتي ... ولا يحرمنا منك ...
ام روضه : امشي امشي يا بنتي الله يصلحك ... ما راح تعرفي مصلحتك الا اذا كبرتي بكرة ومحد جنبك ...
روضه "تحضن امها": يمممه انتي الخير والبركه ... غرتي من خالتي لاني مدحتها ولا مدحتك ..."تسلم عليها".. وهذي بوسه اموواح
ام روضه : لا ما اغير من مزنه هي اختي ... بس انا خايفه عليك يا بنتي ...
ام بتال : امك معاها حق يا روضه ...

روضه ابتسمت .. بلا اهتمام للكلام للي سمعته ..
... وللاسف اخشى ان لا تستيقظ "روضه " من اهمالها الا بعد فوات الاوان ...

،

قراءة ممتعه للجميع ....

[لامارا]

<<<<<<<<<<<<<<<<<
<<<<<<<<<<<<<<<<

الجزء الثالث
<<<<<<<<<<<<<<<<<<<
<<<<<<<<<<<<<<

......................... في لندن

بتال ..في شقة صغيرة معاه اثنين من الإمارات و واحد من الكويت .... نايم على سريرة ويفكر في جده وأهله و صاحبه ...
"يآآآه قد ايش الغربه صعبه .. وخاصة ان رمضان يجي ولا تشوف اهلك ... يا ربي كيف اجل لو جاء العيد .. " .. مسح على وجه بقوه ومررها على شعره ..." ما ادري ايش بيصير فيني ..."..قطع عليه أفكاره ..
حمد :بتال اشدعوه يخوي .."جلس على طرف السرير" ... وش هالحزن مخيم عليك اليوم ...
بتال "جلس بكسل": .. الغربه صعبه والله صعبه يا حمد ..
حمد : بتتعود بتتعود ... كلنا صار لنا نفسك بس عدينا هالمرحله ..
بتال "هز راسه ": صادق ... لازم اتعود ...
حمد "حط يده على كتفه ": يالله قوم توضاء شوي ويأذن ..
بتال "بحزن": اول يوم في رمضان بدون اهلي ...
حمد : .. تعوذ من الشيطان .. ويالله قوم .. واذا تبغى اهلك كلمهم وارتاح .."وقف" .. يالله انا بسبقك لا تتأخر علينا ..احمد و راشد ينتظرونا ...

.............................................

ثاني أيام رمضان والساعة 2 الظهر... وأم بتال وأم روضه وسميرة في شقة أم روضه .. تجهزوا للعمرة ... ولابسات العبايات... استأجروا تاكسي وهو ينتظرهم برا العمارة ...

أم روضه "توصي بنتها": .. ولا تفتحي الباب لأحد..
روضه "بملل": طااايب ...طااايب ...
ام روضه : ولا تنامي وفيه شي على النار ...
روضه "بملل": يمااه خلاص من أمس وأنتي توصي علي ... كلها 12 ساعة وأنتي عندي إن شاء الله ..
سميرة : المشكلة لك سوابق أخت روضه ...
روضه "بحرج": .. هذيك المرة اعتمدت على أمي بس هالمره لا ما عليكم ما بنام ...
ام بتال : ولو سبحان الله احتجتي لنا وإلا شي .. رقم جوال سميرة تعرفيه ...
روضه "زفرت بقوه": إيه اعرفه
سميرة : أنتي كاتبته عندك وإلا اكتبه لك ..؟!
روضه ..."سحبت شعرها"..: ...تراكم جننتوني ... ايش رأيكم اخذ عباتي وأجي معاكم ...
ام روضه : خلاص خلاص بس انتبهي يا بنتي ..."وقربت منها تسلم عليها "..
روضه .. سلمت على أمها وخالتها مزنه وسميرة ....
وسميرة وهي وطالعه ...
سميرة : امسكي ..."عطتها مفتاح "...هذا مفتاح شقتنا خليهم معاك ..
روضه : وش ابغى بمفتاح شقتكم .. لا لا ماله داعي ...
سميرة : يمكن نتأخر شوي ... وبعدين فرصه كلمي بتال ...
روضه "بفرح": .. والله بيكلم اليوم ...
سميرة : ايه .. اخذ له تلفون في الشقه مع الشباب .. وعطانا رقمه .. بتلاقيه في دفتر الأرقام .. جنب التلفون ...
ام بتال "وهي نازله الدرج":.. يالله يا سميرة ..
سميرة "تلف على امها ":.. طيب جايه يا امي ..."ورجعت تلف على روضه"... فهمتي ... ولا تنسين بعد تسوين لنا السحور اكيد بنرجع هلكانين تعب وجوع .."تتغطى "... يالله مع السلامه
روضه :أأأ ط طيب باي وقت اكلم بتال ..؟!
سميرة "وهي طالعه ": .. من الساعه 8 الى 10... باي ..
روضه : مع السلامة ..."ترفع صوتها عشان يسمعوها".. وكلموني اذا وصلتوا الحرم ...

قفلت الباب .. وهي مبتسمه ... أخيرا لوحدي بالبيت .. لا إزعاج ولا شي .. اممممم ايش بسوي فطور ايش بسوي ... كل اللي امي منعتني منها ... اولها السمبوسه باقليها بالزيت مو حلوة في الفرن .."متجهه للمطبخ .. وهي تفكر".. وكمان لقمة القاضي ..وقطايف ... و "دخلت المطبخ.." .. بس اول اشوف فيه مقادير والا لا ... فتحت الثلاجه ... وتفاجأة ..."وااااااااااااااااااااو. . من وين جاء هالاكل كله .." ..طلعت امها مسويه لها قطايف وسمبوسه جاهزة وسندوتشات بالدجاج .. وشوربه.. وحلى .. ومدخلتها الثلاجه .. وما علي روضه الا تسخنها وبس ..."دمعت عيونها "يا قلبي يممه .. وربي انك الوحيده اللي تحس فيني ...عساني ما ابكيك يارب ...

وراحت تركض لعند التلفون .. ودقت على جوال سميرة ..
سميرة "في التاكسي ورى بين امها ومنيرة": الوو .. هلا روضه ...
روضه : هلا سميرة ...
سميرة : مسرع اشتقتي لي ..."وتضحك"..
روضه "بسخريه": ايه مرره ....بعدين لاتضحكين يسمعك راعي التكسي .. ويجي يخطبك .. شكله حلو ..صح..؟!
سميرة : و ينه و وين الحلاة ... "توطي صوتها "شايب اقرع مجعد ..لابس نظارات .... "رفعت صوتها"..هاه ايش رايك..
روضه : اموووت بالملامح القويه .."وضحكت من قلب"...
سميرة : يالوسخه ... تعالي قولي لي وش عندك متصله ...؟!
روضه : ابي اكلم امي عطيني هي ...
سميرة "عطت ام روضه الجوال ":.... خالتي .. روضه تبي تكلمك ..
ام روضه : هاه روضه .. خير يا بنتي ...
روضه : انتي الخير كله .. يممااه ليه سويتي كذا ...
ام روضه "ابتسمت": أجل فتحتي الثلاجه ... اعرفك بنتي ..
روضه "بحرج": هذا انتي قلتيها تعرفيني ... ايه فتحتها وعجبتني الطبخاات .. عساني ما انحرم منك يارب .. والله يخليك لي ...
ام روضه : هالمرة اخر مرة اقول لك فيها كلي ولا تاكلين .. صرتي كبيرة وتعرفي مصلحتك ...
روضه : ايه يممه ما عليك بسوي بعد اسبوع رجيم ... عشان العيد ..
ام روضه "بدون تصديق": ان شاء الله يممه ... خلاص يمه مقدر اطول معاك اكثر من كذا ... يالله توصي شي ...
روضه : سلامتك ... وادعي لي يمه بالحرم انحف ...
ام روضه "ضحكت":طيب ابشري ... يالله مع السلامه ...
روضه : مع السلامه ....

قفلت روضه من امها وهي مبسووطه تحس كل شي تمنته اليوم تسهل .. رجعت ظهرها لورا .. وغمضت عيونها "ايش تسوي يا روضه.. ايش تسوي ..اهاا.. بروح انام لي شوي ... لسى كثير على العصر ..." .. و وقفت بكسل وراحت لغرفتها ...

................................

في التاكسي .....
لاحظوا على صاحب التاكسي انه مرتبك ويطالع يمين ويسار ...ويهدي السرعه ومره يزيد السرعه ...
سميرة " ... تقدمت شوي لحد ما قربت منه ":.. ياعم خير وش فيه ..؟!
صاحب التاكسي "بارتباك" :.. ولا شي ولا شي تطمنوا ...
سميرة : اذا فيه مشكله بالتاكسي .. بننزل وناخذ تاكسي ثاني ...
صاحب التاكسي "عصب": .. اقول ريحيني من هذرتك الزايده .. اسكتي مثل اللي معك .. وارجعي ورى يالله ... ماني ناقصك ..
سميرة "عصبت منه .. ورجعت ورى ":... طيب وهذاني رجعت .. ورني ايش بتسوي ...
ام بتال : خير وش فيه يا سميرة ...؟!
سميرة : وش عرفني يمه عصب علي ...
ام روضه : .. ما عليك يا بنتي بعض الرجال ما يحبون احد يكلمهم وهم مشغولين ..وشوفي الطريق زحمه بعد ...
ام بتال : أي والله .. اول مرة اشوف الخط السريع بهالشكل .. كأن كل اهل جده رايحين مكه ...
سميرة "وبالها مشغول ":.. بس لو في السيارة شي المفروض يوقف او يخبرنا اويطلب احد يساعدنا ... الشرطه يا كثرها على الطريق...
ام بتال : الله يوصلنا بالسلامة يارب ..."رفعت صوتها ".. اقول يمدينا نصلي العصر في الحرم ...
صاحب التاكسي :...قولي ان شاء الله ... بس اسكتوا عني شوي تراكم توتروني ...
ام بتال : طيب طيب .. بنسكت ..
سميرة : وش فيه هذا بس ينافخ علينا ... كانه بيودينا ببلاش ...
ام بتال "تدقها في كتفها ":.. اسكتي خلاص ... ادعي واستغفري حتى نوصل ...

...............................

روضه .. صحيت من النوم .. توضت وصلت العصر ...وبكل حمااس راحت للمطبخ .. وطلعت كل الصواني من الثلاجه .. وبدات تسوي لها فطور ملكي على قولها ... ما حست بالوقت الا لما اذن للمغرب ... وبسرعه اخذت اللي قدرت عليه في صحن كبير ... .. ومعاه عصير ...وراحت تركض للصاله ... جلست وأخذت الريموت وحط على قناة القران .. وبدأت تفطر ...
روضه "مركزة على التلفزيون":... وين بلاقي ثلاث حريم ثلاث حريم .. وحده متينه وثنتين نحاف .."امها وسميرة نحاف .. وام بتال سمينه "... ايوا ايوا هذولا..."اخذت قطعه من القطايف" ... باقي يطوفون الكسلانات ..."وتضحك " ... لا لا مو هما .. لا بسات نقاب هذولا .."تشرب عصير".. ومحد لبس منهم نقاب لانه ما يجوز في العمره .. ".تشرب شوربه "... يمكن في السعي ... ايه اكيد .. او يمكن خلصوا العمره وجالسات في التوسعه..."تاخذ سمبوسه"... بس ليه جوال سميرة خارج التغطيه ... معقول مافيه ارسال في الحرم ...!!! غريبه ...!!! ..."طالعت في الساعه ".. يؤؤ الساعه 7 باقي ساعه على موعد مكالمة بتال .... بروح أصلي ...


صلت المغرب ... ورجعت تكمل باقي فطورها ... وهي تراقب الساعه ... خلصت من الاكل ورجعت ظهرها على ورى وتكت وهي حاطة يدها على بطنها .."أه يا بطني ... بانفجر .... الله يسعدك يا امي اكلك لذيذ لا يقاوم "... طالعت في الساعه ..." 8 الا ربع باقي ربع ساعه يا دوب ارجع الاكل للمطبخ .. واروح لشقة خالتي ام بتال ...".. تضرب على ارجولها بشكل خفيف تشجع نفسها .."يالله يالله يا روضه قومي .. تحركي "..وقامت بكسل واللي خلاها تقوم تفكيرها في بتال .. عشان لا ينشغل باله على امه واخته .. تركت الصحون في المطبخ بشكل مو مرتب ... وراحت للغرفه أخذت عباتها .. وهي طالعه من غرفتها ...

رن التلفون ... تطالع فيه بكسل .. "والله ما ارد ... بروح اكلم بتال .. وارجع انام ".. تتثاوب ...رن التلفون مرة ثانيه .." .. بلا تلفون بلا هم "... وطلعت من شقتهم بعد ما اخذت مفتاح شقة ام بتال .. وراحت للشقة وفتحت الباب .. حست بشعور غريب ... " أول مرة ادخل الشقه وهي فاضيه ...".. دخلت وسكرت الباب .. وفصخت عباتها .." يووه جد تخوف .."طالعت في الساعه .." .. يالله ما علينا ...صارت 8 وخمس ...اممم اكلمه وإلا انتظره ...لا لا بكلمه وربي تعباانه ودايخه نوم ..."........... راحت لمجلس الحريم ... شغلت اللمبات .. وجلست جنب التلفون .. وفتحت دفتر الأرقام ... دورت لرقم بتال .. وحصلته بأول صفحه .. وابتسمت .. وهي تقرا اللي مكتوب ...

"روضوه يا دوبا .. هذا رقم بتال طيب... سلمي لنا عليه كثير السلام ... قولي سميرة وامك يسلمون عليك .. وحتى خالتي منيرة .. ادري فيها تمووت فيه .. روضوه لا تطولين معاه وتخسرينا ... ترى انتي اللي بتدفعين الفاتورة ... لا والله روضه فداك فلوس الدنيا كلها ..شوفي ترى بدعي ربي لك بالحرم انك تصيرين أحلى وحده ويصير جسمك مثل ملكات الجمال .. "

روضه "تضحك ..مع كله كلمة قرتها ":.. الله يسعدك يا سمورة .. محد يعرفني في الدنيا مثلك ...اووه نسيت بتال ... يالله بدق عليه ...

دقت الرقم وهي حاسة بفرحه كبير جواتها ... جاها الرد ...
: ألوو ..
روضه "ارتبكت" : .. أأ السلام عليكم ... بتال موجود ..
: مين انتي ؟!
روضه "فتحت عيونها ": وش عليك مين انا ... "بعصبيه"... بتال فيه وإلا لا ..؟!
: "يضحك بقوه" ... والله اشتقت لعصبيتك يا دبدوبه ...
روضه "تحاول تستوعب": ... بـ بتال ..؟!
بتال : ايه .."يقلدها"..بـ بتال ..."ضحك".. يا حيا الله هالصوت .. كيفك روضه ...؟!
روضه : الله يسلمك ... بس ليه كذا تلعب بأعصابي ...
بتال "ضحك": ... بصراحة .. والله ما عرفت صوتك أول ما سمعتك ...
روضه : للأحسن وإلا ...؟!
بتال : لا طبعا .. للأحسن ... بالله كم كيلو نقصتي ...شكلك ما تأكلين في رمضان شي ... مسويه رجيم
روضه "تتذكر فطورها ... وبحرج":..أ ايه ما أكل خففت...
بتال : ترى أنتي روضه الدبدوبه ما راح تتغيري لو تجلسي سنه ما تأكلي ..."وضحك "...
روضه "بلا اهتمام":.. خلك مني الحين ... أنت كيف رمضان معاك ؟!
بتال "بحزن واضح في صوته ":... والله صعب .. قد ما توقعته صعب طلع أصعب .... تخيلي رمضان يمر بدون ما تجتمعي مع اهلك .. والله بيني وبينك .. ماني متخيل كيف راح تمر علي أيام العيد ... إذا رمضان ما تحملت كيف العيد ...
روضه "حزنت عليه": ما عليك تهون ... متى راح يعطوك إجازة .؟!
بتال : لسنه كاملة ما اقدر اطلب إجازة ... أنتي عارفه عشان ترتيب الجدول والمحاضرات ..
روضه : الله يوفقك يارب ...
بتال : .. أهلي راحوا يأخذون عمره ..؟!
روضه : ايه ومعاهم امي ...وكلهم يسلمون عليك ..
بتال "بنذاله ": وانتي ليه ما رحتي معاهم ..."ضحك" ..عندك عذر ..
روضه "انحرجت": .. لااااا .. عشان بكرة مراجعتي في المستشفى .." بعصبيه تغطي حرجها " .. مو انت اللي سويت لي الموعد ..
بتال "وهو كاتم ضحكته ": .. طيب ليه معصبه ... انا قلت شي غلط ..
روضه : لا ...
بتال :.."ضحك بقوه"... والله انك تحفه ... يا بنت انا مثل أخوك ...
روضه "بعصبيه" : وانا وش قلت يعني أنت خالي ...
بتال : طيب ما علينا ... انتي لوحدك في بيتنا ...
روضه : أكيد لوحدي ...
بتال "رجع صوته الجدي": .. انتبهي لنفسك طيب ....
روضه : طيب ... وانت كمان انتبه لنفسك ...
بتال : ان شاء الله ... لو عندك في الشقة دي اس ال ... كان تكلمنا مع بعض صوت وصورة ...
روضه "فاتحه فمها.. مو فاهمه شي ":.. هاه ... ايه ايه صح ...
بتال "ضحك بقووه": ... اقول يا ويلك اجي بعد سنه ما الاقيك اخذتي دورة كمبيوتر ...انت فاضيه في البيت روحي استفيدي ...
روضه "بملل":.. طيب .. طيب... باقي شي تبغى توصي عليه ... ترى ما ابغى اطول على تلفونكم ... سميرة متوعدتني لو جت الفاتورة مرتفعه ...
بتال : اها .. اجل خوف من سميرة هاه...
روضه : أي والله .. من وين يا حسرة اجيب لها فلوس لو طلبتني ...
بتال "بحزم": روضه ... اذا محتاجه شي تكلمي لا يردك الا لسانك ... فيه عندكم صديقي يزيد ما راح يقصر معاكم ...
روضه "ضربت جبهتها": .. لا لا وين راح تفكيرك ... ترى امزح ..
بتال :تمزحين هاه .. المهم رقم يزيد عند سميرة ... انتو كلموه وهو يتصرف ... تراه مثل اخوي ...
روضه "ضحكت":.. كل الناس مثل اختك ومثل اخوك ...
بتال : تتريقين هاه يالدبا ...
روضه : يالله بتال ..طولت ... توصي شي ...
بتال : لا سلامتك ... بس لا تقطعوني طيب. .. وقولي لامي وسميرة يكلموني بكرة ..
روضه : طيب يا بتال ... يالله مع السلامه ...
بتال : مع السلامه ..

قفلت من بتال .. رجعت ظهرها لورى .. وميلت راسها .. ابتسمت وغمضت عيونها ... وبدون ما تحس نااامت ..

فجاة وهي غاطة بالنوم دق تلفون بيت ام بتال ... فتحت عيونها مفجوعه ... تلفت يمين يسار تحاول تستوعب هي وين ... لحد ما تذكرت انها في شقة ام بتال .. طالعت الساعه لقيتها الساعه 10 ونص ... شافت التلفون ما زال يدق ... لمت عباتها وطرحتها ولبستها بسرعه بشكل مهمل وقفلت اللمبات وطلعت من الشقه وهي مربوشه ..
دخلت شقتهم وهي متصربعه ... فكت الغطوه ... قفلت الباب .. وجلست وراه في الارض .. مددت ارجولها .. وهي تتنفس بشكل سريع ... حطت يدها على صدرها .. وهي تبلع ريقها ... " بسم الله .. بسم الله ... كيف نمت ما حسيت بنفسي ... كل هالوقت ... صدق غبيه"... ضحكت بقوه .. "انا الحين ليه خفت وتصربعت .. والله لو احد شافني بيقول حراميه "..رجعت تضحك بشكل اقوى .... وتمسح دموعها اللي نزلت من كثرة الضحك ....
اللي خلاها توقف عن الضحك ... رنة تلفون شقتهم .. "يوووه وش فيها هالتلفونات .. مسويه لي رعب ..." .. توقف بصعوبه بسبب زيادة زونها وعباتها عليها وطرحتها مرميه على كتفها .... و بخطوات ثقيله رايحه للصاله...والتلفون ما زال يرن..".. اذا جت امي لازم اقول لها شتري لي جوال .. وتوبه ارد على التلفون بعد كذا ..".. وصلت عند التلفون وجلست على الكنبه ....ومسكت السماعه ..."الوو .."
:... هذا منزل مزنه عبد الرحمن ..؟!
روضه "بملل": .. لا الرقم غلط ... "قفلت السماع على طووول ".. اخرتها طلع غلطان .."حكت راسها بكسل .. وجت بتوقف .. "

>>>> التلفون يرن <<<<

روضه "رجعت جلست":.. يعني وبعدين مع هالتلفونات اليوم .."رفعت السماعه".. نعم ..؟!
: يا اختي انا اسف بس هذا منزل مــ....
روضه "بعصبيه": وبعدين معاك .. قلنا الرقم غلط ...
"وبسرعه قبل لا تقفل": يا اختي معاك مستشفى النور بمكه .. "رجعت السماعه لاذنها " ...وانا ابغى اوصل لحد يعرف مزنه عبد الرحمن او .. سميرة سعود ... او .. منيرة سالم ..؟!
روضه "هديت ملامح وجهها .. وتحولت من العصبيه الى الخوف .. ": .. مـ مـ مســ ـ ــتشـ ـ ـ ـفى ...!! .."فتحت عيونها وكانها مو مستوعبه "..
: ايه تــ....
روضه "قاطعته بسرعه وكانها توها تستوعب": ايه ايه .. ايش فيهم .. ايش صار لهم .."وقفت .. وهي تصارخ .. وتحرك يدها بكل اتجاه".. وين امي وخالتي وسميرة ...عطني اياهم ابغي اكلمهم ..
: يا اختي صلى على النبي .. اذا فيه رجال بالبيت اقدر اتفاهم معاه ..لو سمحتي عطيني هو ..
روضه "وهي تشد على جبهتها.. وبعصبيه ":.. مافيه احد مافيه .. قولي وش صار لهم ...تكلم ...
: صار لهم حادث ..
روضه "مفتحه عيونهااا": ايششش ..!!
: اذا تقدري تعالي انتي على المستشفى مع اني افضل شخص كبير معاك ...

رمت روضه السماعه على الأرض وهي تحاول تستوعب اللي سمعته .. وقفت لدقيقه بدون لاحركه ولا رمش ولا نفس كأنها دهر ... وبعدها تحركت لباب الشقه بشكل هستيري وسريع وهي تصرخ باعلى صوتها .."يمااااااه ... يمااااااه"..وفتحت الباب وطلعت للدرج وهي تصارخ وتبكي ..."الحقووووني امي بالمستشفى .. يا ناااس .. " ... تطالع بالادوار اللي فوق وهي ماسكه الدربزان بنظرات تائهه ومليانه دموع .."وييينكم ؟؟!!!" ... وبصوت أعلى "خالتي ام محمد .. خالتي ام ثامر .."وبدا صوتها يضعف ..وهي تجلس بشويش على الارض ".. خديجه .. كوثر.. الحقوووني امي بالمستشفى هي وخالتي مزنه وسميرة "... بكت بقووووه .."آآآآآه"

نزل ابو محمد يركض و وراه ولده محمد وهم لابسين ثياب الحر .. ابو محمد كمل نزوله عندها أما محمد لما شافها بدون غطاء وقف بأعلى الدرج ..
ابو محمد "بارتباك وخوف":.. خير يا بنتي وش فيك ؟
روضه"تحاول تتماسك ": المستشفى ... المستشفى كلموني يقولون امي وخالتي مزنه صار عليهم حادث .. "تبكي بقوه".. الله يخليك ودني لهم ابغى اشوفهم ...

محمد وهو واقف باعلى الدرج سمع ايش قالت روضه لابوه وطلع ركض يخبر أمه وخواته ...

ابو محمد "يحاول يفهم منها .. وهو يرجع الطرحه على راسها": وين بأي مستشفى .. ومتى صار هالكلام..
روضه "تمسك طرحتها على شعرها":أأ اليوم.. راحوا ياخذون عمره .. و و واحد كلمني وقال لي هم في مستشفى النور ..
ابو محمد : بمكه هاه ؟!
روضه "تهز راسها ": ايه ..."تمسح دموعها".. ابغى اروح لهم يا عمي ..

نزلت ام محمد وبنتها خديجه وهما لابسات عبيهم بشكل سريع بعد ما قال لهم محمد اللي سمعه من روضه وهي تخبر ابوه.. روضه بس شافتهم .. زادت بكاء وهي تنادي على امها ...
ووقفتها ام محمد بمساعده خديجه بنتها واخذتها في حضنها ودخلتها شقتها ..بما انها الأقرب ..
ابو محمد "يكلم بنته قبل لاتدخل شقة ام روضه":خديجه .. خلوكم هنا بشقتهم ..بروح اغير ملابسي.. ونروح مع البنت نشوف الوضع كيف بالمستشفى ..
خديجه : طيب يا يبه .. بس انا وامي راح نجي معاكم ..
ابو محمد "هز راسه بالموافقه ":الله يجيب العواقب سليمه يا بنتي .."وطلع الدرج متجهه لشقته وهو يردد".. الله يستر .. الله يستر ..

.................................................. ...


في مستشفى النور بمكه .....
صاحب التاكسي .. اعطى كل اللي يعرفه من معلومات عن ام بتال وسميرة وام روضه للشرطه.. وترك عنوانه ورقم تلفونه وراح لبيته ...

..................... في لندن ...
دخل حمد على بتال اللي لسى نايم ..
حمد"وهو يطالع في ساعته":..بتال ... بتال يالله قوم تأخرنا ... بتاااال...
بتال "بكسل":همممممم...
حمد : يالله قوم يامعود .. بنتاخر على المحاضرات ...
بتال "يشيل البطانيه من عليه بكسل": طيب ..طيب .."جلس".. يعني بالله صايمين وبرد حرام عليهم مايعطونا إجازة ..
حمد "يضحك":.. بالله في لندن ويعطوك اجازة عشانك صايم..؟! ههههههه..وانت مداوم بس من شهرين..؟! والله انك عجيب ياخي .. "طالعه بنظرات جديه".. هاه صحيت خلاص ...؟
بتال"بكسل" : ايه .. ايه ... خلاص روحوا وانا بلحقكم ..


..............................في مستشفى النور
دخلت روضه ومعاها ام محمد وابو محمد ومحمد وخديجه .. وفي الاستقبال ...
ابو محمد "يلف على بنته خديجه.. وبصوت واطي ":خذي روضه وامك واجلسوا في انتظار النساء ...
خديجه : يبه روضه رافضه تروح تقول تبغى تعرف امها بأي غرفه ..؟!
محمد خلاص يبه خلهم واقفين نسأل عن رقم الغرفه وانتهيناا ..
ابو محمد "باستسلام": امري لله .. "وقرب من موظف الاستقبال ".. لو سمحت جانا اتصال منكم ان فيه ثلاث حريم موجودات عندكم ..مدري صار عليهم حادث والا ايش بالضبط يا ولدي ..
الموظف :طيب ممكن تعطيني اسمائهم ..؟
روضه "تقدمت بسرعه":منيرة سالم وسميرة سعود ومزنه عبدالرحمن ؟
الموظف "طالع شوي بالكمبيوتر قدامه .. وطالع فيهم مستفهم": وانتو ايش تقربون لهم ؟
روضه : امي .. امي هذي مع جيراننا ..
الموظف :خير خير ان شاء الله .. دقايق بس "اخذ سماعه التلفون تكلم شوي بصوت واطي .. وقفل .. وطالع فيهم وابتسم".. دقايق وجاي الدكتور ..


................................ لندن
طلع بتال من المحاضرة بعد ما لبس جكيته الاسود الطويل .. ومشى بملل على اول كرسي صادفه في حديقة الجامعة ...لحقه حمد وجلس جنبه ..
حمد "يطالع فيه": بتال وش فيك ياخوي .. شكلك اليوم متغير ... وين حماسك ونشاطك ..؟!
بتال "يحك راسه":والله مدري ايش فيني اليوم أحس إني ... إني "وياشر على صدره.."..إني مكتوووووم ..
حمد "بخوف":انت تعبان ..؟! تبي اوديك المستشفى .."وقف وهو ساحب يد بتال معاه"..قوم قوم معاي..
بتال "بملل": ياحمد وين اقوم معاك ..!!...فكني الله يرحم والديك "سحب يده"اتركني بحالي ..
حمد: طيب .. بتركك الحين بس إذا رجعنا للشقه ماني بتاركك فاهم .. يالله باي .."ولف رايح عن بتال"...
بتال "يطالع فيه وهو ماشي ويبعد عنه": وينك يا يزيد وينك ... وربي فاقدك...

.....................................

في مستشفى النور ..

ابو محمد "يطالع في الدكتور بحزن":أيششششش ؟؟!!! .. أيشش تقول يا دكتور ...
الدكتور : مثل ما قلت لك .. توفين جميعا الثلاث نساء ..
ابو محمد "يهز راسه":.. لا حول ولا قوة الا بالله ... إنا لله وإنا اليه راجعون ...
روضه انتبهت لشكل ابو محمد قربت منهم بدون ما ينتبهوا لها .. وهي تراقب بتركيز...
محمد : كيف يا دكتور ايش صار لهم .. حادث ؟
الدكتور : حادث سير.. نزلوا من التاكسي لما تعطل فيهم وهم يقطعون الشارع فيه شاحنه تحمل حديد تسوق بسرعه شوي عاليه .. ما انتبهت لهم .. صدمتهم بقوه ... وفارقوا الحياة كلهم قبل يوصلوا الى المستشفى ...
روضه " تدخل بين الدكتور وابو محمد بشكل سريع وتصرخ بقووه ":... لاآآآآآ..أيش تقووول ... مأأأأأتووو ... لا أكيد غلطان..."تبكي بقووه"..غلطان ...
ام محمد "قربت منها وتمسكها هي وبنتها ":.. بسم الله عليك يا بنتي .. وش فيك .. مين اللي ماتوو...
روضه"الدموع تنزل على خدودها بدون صوت .. وسحبت الغطوه من على وجهها .. وتتنفس بصعووبه":.. أمي ... أمي ... وينها ابغاها ..."طاحت على ركبتها".. تكفوون جيبوا لي امي ... يماااااه "وبصوت اعلى".. يمااااه لا تتركيني ... يمااااه ماعندي غيرك..
خديجه " تبكي معاها":.. روضه قومي خلاص ... تعوذي من الشيطان..
وام محمد تبكي وتقرا عليها .. لحد ما سكتت روضه وغمضت عينها وطاحت عليهم .. وراحت في غيبوبة ...

.................................................. .....................

....................في لندن
بتال يكلم بالتلفون ...
بتال : لا ... انا برسل لك من فلوسي ...
يزيد : بلا عبط ياخي فلوسك لك راح تحتاجها ..انا بعطيهم من عندي.. وبعدين نتفاهم انا وانت ...
بتال : بعدين ... أي بعدين الله يرحم والديك.."بتريقه".. تفكر اني برجع مليونير ..؟!!
يزيد : ايه بترجع مليونير ... انت بس اهتم بدراستك .. تخصصك جدا حلو..ويحتاجه اغلب الشركات وأولها شركتنا ...
بتال "بملل": ايه .. ايه طيب ...
يزيد : وليه تقول كذا من غير نفس...
بتال : ياخي متضايق حدي ... ودي اكلم أهلي...
يزيد : طيب كلمهم اذا بترتاح ..ايش المانع ؟!
بتال : اولا انا أمس كلمت روضه قالت انهم في مكه يأخذون عمره .. يعني اكيد الحين تعبانين ونايمين ..
يزيد : اجل اصبر لليل.. وانت بعد صوتك ترى مرره .. واسمح لي يغث .."وضحك"..
بتال: تضحك انت ووجهك ...
يزيد"يضحك اكثر": والله تقول جالس اسحب منك الكلام سحب ..مع انك انت اللي متصل وانت اللي تبغى تسولف .. لا يكون امس مسوي شي والا شارب شي .. اعترف بسرعه ...
بتال "يضحك بدون نفس":الله يقطع ابليسك وش بكون شارب هاه .. لا اطمن اللي في بالك ماصار ولا راح يصير ...
يزيد : كفوو والله اعرفك بس قلت انبهك ...
بتال : المهم الحين روح شوف اذا وصلتك الحواله ..ووديها لامي سلمها في يدها ..
يزيد : عنيد ما ينفع معاك ..."وباستسلام"..ابشر من عيوني اسملها لامك يد بيد ...
بتال : هذا العشم فيك والله يا يزيد ..

..................................


في المستشفى ...
وبالتحديد في غرفة الملاحظه ... وروضه فاقده الوعي ونايمه على السرير والمغذي في يدها .. وبالكراسي اللي قريبه من السرير جالسه ام محمد وبنتها خديجه .. دخلت الممرضه تشوف ضغطها والسكر ..وتتابع حالتها ...
ام محمد : سستر وش عندها روضه ؟
الممرضه : كيبوبة سوكر ..
خديجه : غيبوبة سكر .. يعني فيه خطر على حياتها ..؟!"الممرضه ما فهمتها ".. يعني فيه مشكله كبير بعدين...
الممرضه : لا مافيه موشكله بس لازم سوكر متابعه كل سويه ...
ام محمد : طيب متى تقوم ... يعني متى تصحى ؟
الممرضه "بملل":الهين يجي الدكتور يكلم انته .."وطلعت وتركتهم في حيرتهم وخوفهم على روضه "..

خديجه "طالعت في الساعه ... وجابت اقرب قارة مويه ...":.. امي خذي اشربي ترى قرب أذان الفجر...
ام محمد "أخذت المويه وشربت وعطتها بنتها ":.. الحمدلله..اشربي حتى انتي يا بنتي ما أكلتي شي من الفطور ...
خديجه "شربت شوي":.. والله يا امي اللي صار لنا اليوم يخلي الواحد تنسد نفسه عن الأكل وكل شي بالدنيا .."طالعت في روضه".. وهذي اللي مالها احد بهالدنيا بعد امها ايش راح يصير فيها .."ودمعت عيونها ".. يا امي اغلى شي بالدنيا الأم والأب وهي فقدتهم .."بكت بقوووه"...
ام محمد "تأثرت من بنتها":الله يعين على هذي الدنيا .....وربك ما يخلي عباده يا بنتي... الله يعين


الله أكبر .. الله أكبر
...................................

الساعه 3 ظهرا .. يزيد في مكتبه ومعاه السكرتير ...............

يزيد:أول ماتجيك حواله على حسابي عطني خبر على طوول ..
ريان "السكرتير":طال عمرك .. بأي حساب ..؟! .. وكم الحواله ؟!
يزيد : بحسابي الشخصي اللي ببنك الرياض .. والحواله 4 الآف..
ريان "كتب الملاحظات":ان شاء الله ... بخبرك بأي جديد... عن إذنك ..."وطلع من المكتب"

يزيد : ولسى بانتظر بتال يرسل حواله ومدري وشو ... ليه ما أعطيهم اليوم أكيد محتاجين لهم شهر كامل ما جاهم شي .. وخاصة مع رمضان فيه اشياء كثيرة يحتاجونها ...ماني منتظرك يا بتال واللي تبغى تسويه سويه .."" ضحك .. واخذ مفتاح السيارة .. وطلع من المكتب بعد ما لبس نظارته الشمسيه .. "

وصل يزيد .. عمارة بتال ... ولاحظ ناس مجتمعه وفرش ع الأرض و كراسي بلاستيك بيضاء .. ما اهتم للموضوع .. وطلع للشقه .. جلس أكثر من ربع ساعة وهو يدق عليهم جرس الباب وأكيد ما احد فتح له ... نزل ..
وتفاجأ بمجموعه رجال جايين .. وجلسوا على الكراسي ... وكأنه فهم من اشكالهم وسلامهم على بعض انه عزاء ..شكله كان غلط داخل بينهم .. صف مع المعزيه وعزا اللي واقفين .. ولف راجع لسيارته ..إلا ويسمع احد يناديه ...

: يزيد ... يزيد ...
يزيد "لف على الصوت":هلا ..؟!!
:.. ماعرفتني ..؟!... انا محمد .. جار بتال .. مو أنت يزيد .. صديقه ؟
يزيد "فصخ نظارته الشمسيه ... وابتسم ":اييييه .. عرفتك ياحمود .. ايش أخبارك ؟!
محمد"ابتسم من اسم حمود":بخير الله يسلمك .. وانت ايش إخبارك .. وايش أخبار بتال ... بشر متى بيوصل .؟!
يزيد :وين ... وين يوصل ؟
محمد : بتال مو جاي يحضر العزاء..؟!ونعزيه ؟!
يزيد "مفتح عيونه": أأأي عزا ... عزاء مين .."وبصوت اعلى "..تعزيه في مين انت ...
محمد "متفاجئ من رده":اجل انت ليش جاي هنا ؟
يزيد : كنت ابغى اعطي خالتي ام بتال فلوس الحواله اللي مرسلها لهم بتال .."قرب منه".. قول لي مين ماات ... تكلم .
محمد "بحزن": الله يرحمها ... خالتي ام بتال وبنتها وخالتي ام روضه .. توفوا امس في حادث في مكه ..
يزيد "مفتح عيونه فيه .. ويلف يطالع في المعزيين ويرجع يطالع في محمد ... "يحاول يستوعب اللي سمعه " ..طاحت نظارته من يده من شدة الرجفة اللي صابته":لا لاحول ولاقوه الا بالله ..
محمد"مسكه يسنده ... وسحب اقرب كرسي وجلسه عليه ":أي والله لاحول ولاقوة الا بالله .. هونها ياخوي .. والله ماكنت ادري انه ماعندك خبر...
يزيد "يحاول يمسك دموعه .. بس نزلت غصب عنه ": متى ..متى توفوا ؟!
محمد : امس .. امس اتصلوا على روضه .. وطلبوا احد يجيهم .. ووديناها انا وابوي وامي واختي .. وهناك عرفنا ..وصلينا عليهم صلاة الظهر . وتونا راجعين من المقبرة ..
يزيد"يحط كفوفه على وجهه": يالله حتى دفنهم مالحقته .."وتذكر بتال ".. و وبتال ..عرف .. احد خبره ...
محمد: عني انا ما اعرف احد اعطاه خبر..اصلا محد يعرف رقمه والا كيف يوصله .. وروضه من امس بالمستشفى ماصحيت حتى تخبرنا كيف نقدر نوصل له ... وحتى انت رحت من بالي والا كان دورت لرقمك واتصلت عليك من امس..
يزيد " يوقف بصعوبه":.. خير .. خير ان شاء الله .. انا بكلمه ...
محمد"وهو يساعده يوقف":يزيد اجلس شوي انت مو قادر توقف كيف بتسوق الحين ..

يزيد .. اشر لمحمد انه لايهتم .. ومشى بخطوات ثقيله لحد ماركب السيارة .. حرك السيارة وهو مو عارف وين رايح ..وقف على جنب عند مدخل الحي اللي ساكن فيه بتال ..وقف سيارته غصب عنه.."تكي بيده على باب السيارة واصابعه تلعب في شعره .. " ..وتذكر بتال كيف كان يكلمه امس وهو متضايق .".. نزلت دموعه .."يااه يا بتال الظاهر كنت حاس ان فيه شي .. إنا لله وإنا اليه راجعون .. كيف راح اقول لك هالخبر.. كيييف ...بس لازم يعرف ..."قبض على الدركسون بقوووه ".. يارب ساعدني .." مسك جواله .. ورقم شقة بتال بلندن على شاشه الجوال ....

طق ..طق...طق..

"ضرب قوي على كبوت سيارته .. وبصوت همجي"... خيييير ايش عنده ابو الشباب واقف هنا ..؟!

،

قرأه ممتعه للجميع ..

[لامارا]

<<<<<<<<<<<<<<<<<<
<<<<<<<<<<<<<<<<<<
الجزء الرابع
<<<<<<<<<<<<<<<<
<<<<<<<<<<<<<<<<<<<<

طق ..طق...طق..

"ضرب قوي على كبوت سيارته .. وبصوت همجي"... خيييير ايش عنده ابو الشباب واقف هنا ..؟!

يزيد "والفجعه واضحه على وجهه": .. بسم الله ..."فتح قزاز سيارته .. وبعصبيه ".. نعم يالاخو فيه شي ..
:ألحين انا اسألك والا انت تسالني ... "قرب منه .. وهو مركز في ملامحه ولاحظ انفه احمر وعيونه حمراء دليل انه كان يبكي".. لحظه .. انت ... انت ... صديق بتال ..؟! ... الا صح صديقه ...
يزيد "ضاغط ع الجوال بقوه":.. ايه انا صديقه انت مين .. وبأي حق تضرب على سيارتي بهالشكل ...
: انا سند ...

"سند عايش في نفس الحي مع بتال ... اصدقاء دراسه .. درسوا مع بعض الابتدائي والمتوسط وما كمل معاه الثانوي عشان يشتغل ويصرف على جدته واخته .. سند ولد شهم ويحب الخير مع انه انسان غير منظم لا باوقاته ولا بشكله.. طويل ونحيف واسمر يحب يلبس الثوب الابيض والشماغ مرمي على كتفه ..دايم تشوفه يمشي وهو ماسك طرف ثوبه ورافعه بيد .. ويلعب بالمسبحة بيده الثانيه "..

يزيد "وصبرة بدا ينفذ ":.. طيب ..؟! والمطلوب يا سند ... انزل اضرب لك سلام والا ايش ..!!
سند "بلا اهتمام": عشان بتال بس ..ماني براد عليك والا كان شفت شي عمرك ما شفته .."ولف يأشر على البيت اللي وراه"..هذا بيتي وانت ساد علي باب الكراج ..
يزيد "بحرج": .. أأ سف .. معليه ماكنت مركز .. "كان بيحرك السيارة "
سند : والله منت ماشي الا لما تشرب فنجال قهوة .. حياك اقلط .. صديق بتال صديقنا ...
يزيد"ابتسم" : لا مشكور ما تقصر ... ماني فاضي ..
سند : على راحتك ... بس ما قلت لي متى جآآي ؟!
يزيد "بحيرة": والله مدري .."يأشر على الجوال "..رقم شقته على شاشة جوالي لي ساعه ماني عارف كيف اقول له ...
سند "لاحظ حيرته" سحب الجوال من يد يزيد .. وضغط على مكالمة وهو لاف من قدام السيارة بيركب جنبه و طلع السيارة ..سكر الباب و"يزيد " فاتح فمه ومستغرب ...
سند : الوووو ...بتال موجود ..ممكن اكلمه لو سمحت ..."ويأشر ليزيد بيده على أساس يرفع قزاز السيارة ".. الو اخ بتال ... عندنا الوالدة مزنه في المستشفى .. راح تسوي عمليه المرارة ونحتاج توقيع ولي الأمر..
يزيد "هديت ملامحه .. والتزم الصمت والإنصات"
سند : ادري انك بلندن .. بس لازم تيجي .. لا أختك ما ينفع .. هذا اللي موكل فيه باقي الامور مو من اختصاصي ..حبيت أبلغك بأمر من الدكتور .. على راحتك ... مع السلامة ...أووووف ما بغيت اقفل منه ...
يزيد"باهتمام" : هاه ايش قال ..؟؟!
سند"حك راسه" : مدري حسيته ما اقتنع .. يمكن يكلمك..ولــ....

"جوال يزيد" بتال يتصل بك <<<<<<<<

يزيد "بعيون مفتحه ": هذا بتال .. "وطالع في سند" .. ايش اقول له الحين ..
سند : لا تقول له شي كأنك ما تدري الا منه وقول له انك بتروح تشوفها وبعدين تعطيه خبر ..لازم ما يدري إلا إذا وصل هنا وإحنا جنبه.. الخبر مو سهل عليه بالغربة لوحده..
يزيد"فهم على سند ..واخذ نفس قوي .. وتنحنح.. ورد على الجوال":.. هلاااا بتااال ...
...................................

روضه بالمستشفى والدكتور يكشف عليها ..هي مازلت في غيبوبة..

ام محمد: هاه يا دكتور بشر كيفها الحين .؟!
الدكتور : وضعها مطمن ..
ام محمد : الحمدلله .. بس ليش ما صحيت ...ليكون السكر لسى مرتفع عندها ..؟!
الدكتور : لا بالعكس السكر عندها في أحسن مستوياته .. بس الظاهر انها تعرضت لصدمه نفسيه خلتها تختار النوم كهروب من الواقع ...
ام محمد "بحزن": إي والله ربي يعينها على ما أصابها .. طيب ايش الحل معاها كيف نصحيهاا ..
الدكتور : راح نحولها لدكتورة نفسيه عشان تعرف تتصرف معاها .. عن اذنكم .."وطلع من الغرفه"...

...........................

الساعه 8 مساء .. في شركة ابو يزيد .. في مكتب نائب المدير ..

يزيد "يتكلم بالتلفون": ابغى الحجز في اقرب فرصه .. دبرها من عندك .... ايه شخص واحد فقط ... أمه وأخته توفوا ولا لحق على دفنهم ولازم يرجع .. انا ادري ان فيه شركات طيران كثيرة بس انا ابغى شركتكم .. مشكوور .. ما تقصر .. "قفل السماعة"...

السكرتير"ريان" يدق الباب بخفه ودخل.. بيده ملف "أستاذ يزيد .. هذا ملف لـ....."
يزيد "على نفس وضعيته من لما سكر السماعه": ريان .. الملف مهم والا يتأجل لبكرة ..؟!
ريان : هذا ملف الخطه التسويقية للسنة الجايه .. يعني تقدر تشوفه وقت ثاني إذا تحب ..
يزيد "هز رأسه بموافقة "... فطلع ريان بهدوء وسكر الباب على يزيد .. اللي سند رأسه على المكتب .. وهو يفكر ببتال .. طالع في جواله بتردد .. ومسكه وكلم .....الوو ... هلا بتال ... كيفك ؟!
بتال "بتوتر": هلا يزيد .. هاه بشر كيف امي ..؟!
يزيد : انا رحت لها المستشفى بس ماقدرت ادخل عندهاا انت تعرف لازم أوقات الزيارة .. المهم أنـــ
بتال "بعصبيه": ايش ذا الكلام يا يزيد .. حتى اختي ما ترد علي لا على البيت ولا على جوالها ..ايش صاير ..
يزيد"بربكه": بتال .. بتال اسمعني خلك من هالكلام كله .. ان شاء الله بكرة تيجي وتطمن بنفسك عليهم .. انا بحاول ادبر لك حجز .. وان شاء الله نلاقي ..
بتال "يقاطعه": كيف كيف اجي وماجت الموافقة على الإجازة و ..
يزيد "قاطعه":.. بتال اسمعني تعال انت وبنشوف بعدين الأوضاع كيف ..
بتال : بس ...
يزيد : الحين انا مشغوول لا تتصل علي .. وقت ما يجيني رقم الحجز بكلمك ..يالله مع السلامه .."قفل السماعه قبل لايسمع رده" ..."معليش يا بتال سامحني "

.............................

في المستشفى ...
روضه تفتح عينها شوي شوي .. وتحرك راسها يمين ويسار بشكل بطيء ..
خديجه "انتبهت لها .. ووقفت بسرعه وقربت منها": .. روضه ..روضه .. تسمعيني حبيبتي ..
روضه "بتعب":.. آآآه ..
خديجه : رووضه .. انا خديجة سامعتني ...
روضه "تطالع فيها بصعوبه":..خديجه ..؟! .."تحاول تركز حوالينها.."..وين انااا ..؟!
خديجه "بفرح" : روضه ..روضه تسمعيني ... انتي بالمستشفى ..
روضه "تحاول تجلس وتساعدها خديجه بوضع المخده ورى ظهرها ":.. مـ ـ ـسـ ـتشـفـ ـى .."ضيقت بصرها .. تحاول تسترجع اللي صار .. فتحت عينها ..وشهقت .... ورفعت يدها بسرعة لفمها " .. أمي .. أمي .."تجمعت الدموع بعينها .. ورفعت يدها الثانيه لصدرها ".. صدق امـــ ــ ــي مــاتـ ـ ـت .."طالعت بخديجه .. ودموعها تنزل بقوه"..
خديجه "دمعت عينها..وهزت رأسها ..":ادعي لها يا روضه ادعي لها ..
روضه : يعني خلاص صرت يتيمه .. لا اب ولا أم "تبكي بقووه" آآآآه يا يمه لمين تركتيني بهالدنيا ... آآآآه يمممه... ليتني جيت معاكم مكه يا ليتني .... آآآآه ...ياليتني سمعت كلامك ..آآه.. ياليتني حققت لك امنيتك فيني انك تشوفيني احسن البناات...آآآآآه .."قربت منها خديجه وحضنتها"..نار نار في قلبي يا خديجه ..
خديجه : اذكري الله .. قولي إنا لله وإنا إليه راجعون..
روضه "مع دموعها": إنا لله وإنا إليه راجعون.

استمرت روضه تخرج من صدرها الآآآآآه بعد الآآآآه على فراق والدتها .. وما كان من خديجه الا البكاء معاها ومؤزرتها...
.........................

"يزيد" .. يدخل فلتهم .. وهو رامي الشماغ على كتفه .. ويمشي ببطء .. وهو يفكر في اليوم هذا قد ايش فيه من صدمات وتعب .. جلس على أول كنبه صادفته في الصاله الواسعه اللي تتوسط فلتهم الكبيره ..نزلت "هويدا" وهي مركبه السماعات في إذنها ومركزه على جوالها وتضحك وتهز أكتافها.. من صوت كعبها .. طالعها "يزيد" ابتسم من شكلها..
هويدا "بالصدفه رفعت عينها وشافته يطالعها ويبتسم.. سحبت السماعات من اذنها .. ونطت عنده":.. هلاااا اخوي .."مدت يدها تصافحه".. كيفك ؟ شو اخبارك ؟..من زمان عنك ..
يزيد "مد يده لها صافحها": الحمدلله بخير..
هويدا : وليه تقولها كذا بتعب ..؟!
يزيد : صار اليوم موضوع تعبني شوي ..
هويد "بلا اهتمام":.. اهااا ... "مسكت جوالها .. تتصفحه "
يزيد "يطالع فيها يبغى يشوف هي مهتمه تسمعه والا بس كالعاده مايهمها شي ولو فضفض لها ما يلاقي رد يريحه": تحبي تعرفي ايش متعبني ...؟!
هويدا "طالعته ":.. بصراحه لا .. لان سوالف الشغل ما تهمني ..اهم شي عندي الفلوس وبس ...
يزيد "ابتسم على خفيف": خلاص على راحتك بلاش .. فعلا ليش اتعب نفسك بامور ماتهمك ..

جوال يزيد >>>>>>***** يتصل بك

يزيد "بتعجب":.. مين هذا رقمه غريبه ..."ضغط السماعه" الوو..؟! .. مين معي ؟!.. سند ؟!
سند : إيه سند يا يزيد .. صديق بتال في الحي ..
يزيد : ايه عرفتك .. هلا سند .. بس مستغرب من وين جبت رقمي الخاص ..؟!
سند"ضحك": لما أخذت جوالك وكلمت بتال .. عطيت جوالي رنه .. عشان لو بغيتك ...
يزيد"بملل": .. والحين فيه شي داق عشانه ؟!
سند : ايه بغيتك تمر على بكرة اذا انت اللي بتجيب بتال من المطار ..
يزيد : وليه امر عليك .. ؟!
سند : ولو يا يزيد بتال هذا اخو ..وهو في وقت صعب لازم الكل يكون معاه .. وحتى انت اخس منه ولا تزعل مني .. لازمكم رجال قوي مثلي يعني ...
يزيد"يحاول يمسك اعصابه": .. خير ..خير . اذا ما نسيت اتصلت عليك ..
سند : اقول لا تنسى سمعتني .. يالله مع السلامه .."قفل الخط"
يزيد "يطالع في الجوال بتعجب": اشتغل عند ابوك انا ..."رمى الجوال على الطاوله".. استغفر الله ..وش هالاشكال ... الله يعينك يا بتال ...
هويدا "طالعت مستفسرة": مين سند ؟! .. اول مره اسمع هالاسم "وضحكت" ..
يزيد : هذا صديق بتال في الحي .. تعرفت عليه اليوم ..
هويداء "بلا اهتمام": اهااا ..
يزيد : هويدا ...تدرين ان ... ا ن ام بتال واخته صار لهم حادث وتوفوا ... وانا قلقان على بتال ...
هويدا "تسمرت عينها شوي في الارض .. واخذت نفس عميق .. وطالعت في يزيد وابتمست": عادي وليه القلق .. اغلب الناس ماعندهم امهات وعايشين ... ريح راسك وراح يعيش وينساهم ..
يزيد "طالعها باستغراب": يعني الموضوع عادي عندك ..؟!
هويدا "وقفت ": انا بروح السوق .. اوكي ...باااي "واخذت جوالها وطلعت تركض لغرفتها .. تلبس عبايتها "

...........................

اليوم التالي في العصر بالمستشفى ... الدكتور عندها بالغرفه ..

روضه "بعصبيه" :.. خلاص من المغذي ابغى أصوم ..بس السستر مارضيت تفكها ..
الدكتور : وليه الزعل حتى لو شلنا المغذي فاتك اليوم خلاص ..
روضه "انقهرت من برود الدكتور": انا مو تعبانه .. اكتب لي خروج اليوم ...
الدكتور : انتي ما فقتي الا الصباح من الغيبوبه .. افضل تبقي يوم ثاني ...
خديجه : روضه خلاص الدكتور ادرى بحالتك ..
روضه : لا بطلع انا بخير ..
الدكتور : الساعه 11 بالليل بمر مرة ثانيه لو السكر عندك أستقر .."طالع فيها وابتسم ".. راح نقول لك مع السلامه ..ماشي ..
روضه "باستسلام":ماشي ..

...طلع الدكتور من عندها ... وام محمد دخلت شايله معاها سلة فيها أكل وقهوه ...

ام محمد "بس شافت روضه صاحيه .. ": ياربي اسعد هالوجه ... "وقربت منها تحضنها ..".. كيفك يا بنتي عساك بخير .."ودمعت عينها "...
روضه "حست بحضنها.. وبكت":.. هلا خالتي ..عساني ما انحرم منك .."وبكوا الثنتين بحضن بعض "..
خديجه "حبت تخفف من الموقف ":.. الله لنا ... محد طالع فيني ... لا سلم علي ولا سالني عن حالي ولا حضني ..."سوت نفسها زعلانه"..
روضه "طالعت فيها وهي تمسح دموعها .. وابتسمت":انتي اختي يا خدوج اللي ما جابتها أمي .."بصوت واطي" الله يرحمك يمه ..
ام محمد "تطالعها بحب": ايه يا بنتي .. ادعي لها .. عسى ربي يصبرك ويجبر مصابك ...والحمدلله على كل حال قولوا الحمدلله
الكل : الحمدلله ...الحمدلله
ام محمد : خديجه .. أخوك ينتظرك برا .. روحي وانا بجلس عندها اليوم ...
خديجه : طيب يمه .. بس اشوف معاك سلة جبتي لكم فطور ؟!
ام محمد : ايه يا بنتي جبت لي فطور.. وبقيت لكم بالبيت .. اذا وصلتي سخنيه ..
روضه "بحزن": يالله تعبتكم معآآآي ...
خديجه : أي تعب انتي الثانيه .. "لفت تاخذ عبايتها".. يالله اشوفكم على خير ..
ام محمد , روضه : مع السلامه ...

....................................
يزيد ... أنتهى من فطوره .. ولبس وطلع لسيارته بالكراج ..

>>>>>>> ***** يتصل بك <<<<<<<<

يزيد : مو غريب هالرقم ... ألووو ...
سند : هلا يزيد ... يالله ياخي تاخرناا ...
يزيد : تأخرنا .. على ايش ؟!
سند : على بتال .. متى بتحرك للمطار..
يزيد : اهااا ..أ أ اناا .. مشيت ...
سند "بتعجب": مشيت متى ؟! .. ليه ما افطرت بالبيت ..؟!
يزيد : الا فطرت بالبيت ...
سند : وانا صليت المغرب في المسجد اللي جنبكم ..وجالس انتظرك عند باب فلتكم بسيارتي .. ماشفت احد طلع ..
يزيد"مفتح عيونه":.. انت عند باب فلتنا ..؟!... "يضحك بحرج ".. صدتني اجل .. والله بالسيارة ماحركت ...
سند "ابتسم": يالله انتظرك.."وقفل"
يزيد : لا والله البلشه ... الحمدلله والشكر .. "شغل سيارته اللكزسس السوداء آخر موديل .. وفتح باب الكراج بالريموت.. وطلع من بوابة الفله وشاف سيارة هايلكس غماره صوت محركها واصله لعنده وهي بعيده وكل ماقربت صوتها صار اقوى .. ونزل منها "سند" بنفس هيئته المعتاده ثوب وشماغ على كتفه ومسبحه بيده.. قرب من سيارة "يزيد"..."
سند : سلام ... كيفك ؟
يزيد : هلا ...
سند : هاه نروح بسيارتك والا سيارتي ...؟!
يزيد "يطالع في سيارته وبعدين فيه.. ابتسم.. بس لاحظ الجد على ملامحه ..":.. أطلع معاي ...
سند : يالله دقيقه اضمن سيارتي واجيك ..."ركض على سيارته "
يزيد"بسخريه":الله واكبر اللي يسمعك يقول شبح احد بيسرقها "وضحك"..
سند "طلع السيارة ": يالله مشينااا للمطاار
...............................

...............................

.....المطار ...

وقف يزيد سيارته في المواقف ونزل هو وسند ..
سند"وقف عند السيارة":.. يزيد .. روح انت استقبله وانا بنتظرك هنا ..
يزيد "لف عليه ويناظرة": الحين كل هالبلشه وأخرتها بتنتظر هنا ..
سند : لو شافنا مع بعض راح يحس فيه شي .. خليه لحد ما يوصل للسيارة ووقتها نشوف كيف وضعه ...
يزيد "بنفاذة صبر":.. براحتك ... انا رايح .. ..
سند "تكى على السيارة .. وطلع مسواك من جيبه ": الله يصبرك يا بتال ..
.............

"يزيد" ... قابل بتال بالاحضآآن .. وما خفي على "بتال" دمعه في عين "يزيد" .. اخذ شنطته ومشوا مع بعض بدون كلام

سند "وقف وهو يشوف .. بتال لابس بنطلون اسود ..مع تيشرت اخضر.. يمشي بتوتر ساحب شنطته وراه ....متماسك مع يزيد..ويتكلمون بصوت واطي ...وقف "بتال" وهو يشوف سند "..
سند "ابتسم له وقرب يسلم عليه": هلا والله ببتال .. الحمدلله على السلامه..
بتال "يطالع يزيد": ايش جاب سند معاك ؟!
يزيد"ارتبك":أأ....
سند "قاطعه": يالله يا بتال اطلع السيارة "وسحبه من يده وفتح باب السيارة اللي ورا .. وطلعه فيها وسكر الباب"..
"يزيد "لف عشان يطلع السيارة يسوقها .. بس "سند" مشي وراه ومسكه قبل يطلع ... وبصوت واطي .."سند": هات مفتاح السيارة واجلس جنب بتال ..
يزيد :وشو اللي هات المفتاح .. ايش فيك انت ...ايش فيه ...
سند"سحب المفتاح من يده .. وطلعه السيارة غصب ... ولف رجع يطلع مكان السواق.. طالع في المرايا اللي قدامه ابتسم لهم":...يالله حي بتال .. نورت جده ...
بتال "بتعجب": ايش فيكم ... ايش جمعكم على بعض ...غريبه ؟!
سند : ما قصر الأستاذ يزيد شغلني عنده سواقه الخااص ..
بتال : احلى يا يزيد سواق وحركات ..أشوف فعلا صرت رجل أعمال ...
يزيد "ابتسم بحرج": والله شنسوي بعد .. متطلباات الحياه ...
سند : هاه طال عمرك نحرك ..خلاص ..
يزيد : ايه يا سند توكل على الله ..
" هالمره كانت نظرات يزيد لسند نظرات غير .. حس انه فعلا رجل يعتمد عليه وخدوم.. عنده قوة ملاحظه وتحكم في الأمور .. ما يعرف يرتب كلمات ويجملها .. اللي في قلبه يقوله .. "

...............................

بتال ... لاحظ الشرود على يزيد.. بس ما اهتم ..لان تفكيره كان مع امه ... ركز شوي بالطريق ... وسأل باستفهام .." سند .. وين رايحين "...
سند "سكت شوي.. وتلاقت عينه بيزيد في المرايا ": انت وين تبغانا نروح ..؟ّ
بتال : كيف وين بنروح ..احنا بالخط السريع.. انت رايح لمكه ..؟!
سند : ايه ما حصلت امك الا مستشفى النور .. يسوي لها العمليه ..
بتال : هي يعني تعبت بعد العمره ؟!
يزيد : ما أخذت عمره ..
بتال : كيف ما أحذت عمره وانا مكلم روضه تقول راحوا .."رفع صوته" لا تجننوني انتو .. ايش الموضوع ..
سند : لا تعصب ولا شي ... انا بقول لك ... امك لا عندها عمليه ولا شي بس تعبت بعد العمره .. ونقلوها المستشفى ..
بتال "مفتح عينه": ايييييش ... وكيفها الحين .؟
سند : ادع لها يا بتال .. هي بالعنايه المركزة ...
يزيد "فتح فمه وقفله .. وماعرف بايش يرد .. صعب الكلام اللي قاله ..بس لاحظ ان بتال بلع ريقه بصعوبه وسند جسمه وتاهت نظراته بالطريق ... ورجع طالع في عين"سند" بالمرايا و لاحظ نظراته فيها حزن عميق ويخبيه .. خلف شخصيته المستهتره.. "

................... وصلوا المستشفى و الساعه12 ليلا ...

في الاستقبال حضر الدكتور.. وسألوا عن الدكتور اللي تابع الحالات وقت الحادث ... وسألوه عن الحادث ....
............................................

"ام محمد" تساعد روضه في لبس عباتها .. بعد ما كتب لها الدكتور خروج بإصرار منها ... وفجأة ... دق الباب بشكل سريع ..تسابقت نظراتهم للباب وفتح الباب .. وظهر منه "بتال" بعيون حمراء تايهه وكلها دمووع .. وفم يرجف .. وصدره يرتفع ويهبط بشكل سريع... استقرت عينه على "روضه" .. ركض لعند سريرهاا .. وقف يطالع فيها .. وانفجر يبكي .. وهبط على ركبته ومسك طرف السرير وسند راسه على السرير .. وصار يبكي بقوووه .. فقد أمه القلب الحنون وفقد أخته عينه اللي يشوف الدنيا فيها امه الثانيه وفقد أم روضه الاهتمام والحب أمه الثالثه ... روضه حطت يدها على راسه وصار تمسح على شعره وهي تبكي أكثر منه ... هذولا الاثنين فقدوا شي مستحيل يتعوض وخاصة ان خسارتهم وحده ... وقفت "ام محمد" تصبرهم بعد ما شافتهم انهاروا الاثنين قدامهاا ..
أما "يزيد" لما شاف ان بتال رايح عند "روضه" ... فضل يروح مع "سند" برا المستشفى ... وحصله معطيه ظهره ..قرب "يزيد" منه وحط يده على كتفه .. تفاجأ لما لف "سند" مفجوع والدموع على خده ..
يزيد"باهتمام": سند .. ايش فيك ؟!
سند "يمسح دموعه .. ويطالع تحت ": لا تشغل بالك مافيه شي ..
يزيد : يعني ما تثق فيني تعطيني أسرارك ؟!
سند "يكتم البكاء": .. موقف بتال ذكرني بنفسي لما خبروني بوفاة امي وابوي واخوي الصغير .. "نزلت دموعه" .. محد حس فيني ولا احد راعى اني طفل عمره 13 سنه .. قالوا لي في وجهي .. ورموني ببيت جدتي انا وأختي الصغيرة ..وانتهى الموضوع بالنسبه لهم .. وما دروا ايش الضياع اللي حسيته والا كيف كنت أنام والا أذاكر ..والا .."ماقدر يكمل وحط يده على وجهه"..
يزيد "قرب منه وحضنه .. وصار يبكي سند على كتفه".. يزيد .. دمعت عيونه على سند ..وحزن عليه .. وعرف قد ايش الدنيا هي اللي ربته وكل اللي سواه معاه ولقافته كانت من شده حرصه على بتال لا يتأثر مثل ما تأثر هو ..مع ان فارق السن بينهم مختلف.. بس هذا ما منعه انه يساعد باللي يقدر عليه ..."أبتسم وهو حاضنه" يا زين اللقافه اذا كانت بهالشكل ..

..............في مواقف السيارات في المستشفى........

ركبت "روضه" مع "ام محمد" سيارتهم مع ولدها محمد .. وهي تطالع في "بتال" وهو يمشي بخطوات ثقيله "ويزيد" حاط يده على ظهر بتال .. ويمشون متجهين لسيارة يزيد و"سند" منتظرهم بداخلها ....
اتجهت السيارتين لجده .. الى شققهم الا مايعرفون غيرها ...

.................................................. ............

طلعت "روضه" درج العمارة ودمعتها على خدها ... كيف بتدخل شقتهم وامها مو معاها ...وصلوا لعند باب الشقه وحصلت ابو محمد واقف ومعاه رجال ثاني .. بس شافوهم .. ابو محمد أشر للرجال على روضه وقال : هذي بنت منيرة سالم .."طالع في روضه"هذا أبو ركان كان يسأل عنكم ..
أبو ركان : أحسن الله عزاك ...
روضه : جزاك الله خير ... "طالعت في ابو محمد"..خير يا عمي ايش فيه ؟! ومين هذا ؟...
ابو محمد : ما عليك يا بنيتي ...بعدين أخبرك ..."طالع وراها وشاف بتال ويزيد وسند طالعين من الدرج".. ادخلي شقتك يا بنتي الشباب طالعين ..
روضه "لفت وطالعت في بتال.. وحزنت عليه.. ":طيب طيب يا عمي ..."دخلت شقتهم ومعاها ام محمد وقفلوا الباب"

ابو راكان قرب من بتال وسلم عليه وعزاه ... وأستأذن ونزل من العماره ...

يزيد : يابومحمد .. هذا مو ابو راكان..
ابو محمد : تعرفه ؟!
يزيد : أكيد اعرفه .. كنت اشوفه بين كل فترة وفترة عند الوالد .. أيش عنده جآي هنا ..
ابو محمد : خلونا الحين ندخل الشقه وبعدن نتكلم...
سند "طالع في بتال اللي مسرح ولاهو معاهم":.. بتال عندك.. مفتاح الشقه ..
بتال "والدموع متجمعه بعينه":.. لآ .. وش معرفني اني برجع مابلاقي احد يفتح لي الباب ...

شوي فتح باب شقة ام روضه ...روضه نادت ابو محمد وعطته مفتاح شقة ام بتال ... فتحوا باب الشقه ودخلوا كلهم ...

يزيد"يطالع في ابو محمد": خير ياعمي ايش عنده ابو راكان ..؟!
سند : لها الدرجه شاغل بالك ..
يزيد : لاني اعرف مايجي من ورا عبدالله سالم خير ...
بتال "يطالعهم بدون كلام .. وتاثير صدمة خبر الوفاة لسى مسيطر عليه"
سند : مين عبدالله سالم هو نفسه ابو راكان ؟
يزيد : ايه هو ..
ابو محمد : خلو موضوع ابو راكان الحين .."طالع في بتال " .. بتال وانا عمك .. بكرة آخر يوم عزا.. واهل الحي والأقارب يبغون يشوفونك ويعزونك.. وترى بيجون بعد الظهر والعصر .. وان شاء الله بعد المغرب ينتهي العزا ..وأسأل الله ان يصبرك انت وروضه .. والعبد المؤمن مبتلى .. فالحمدلله على كل حال ..
يزيد"طالع في بتال .. وحط يده على كتفه": .. بتال قوم الحين ارتاح .. واذا قرب الفجر صحيتك عشان تتسحر ..
ابو محمد : وسحوركم علينا ...
سند : معليش يابو محمد ... بس والله جدتي سوت السحور وبروح أخذه من عندها .. وبالمره اجيب شنطة بتال من السيارة ..
يزيد: ماقصرت ياعم انت واهلك ..جزاكم الله خير..
ابو محمد : على راحتكم ..واذا احتجتم شي شقتي فوق .."وقف .. وراح لباب الشقه".. مع السلامه
سند : ... مع السلامه يابو محمد..................... بتال محتاج شي ناقصك شي ..
بتال ".. هز راسه بلا ..ووقف بثقل .. وراح لغرفته"..
سند : يالله انا رايح بيتنا اشوف ايش ناقص جدتي واختي و اجيب السحور .. وقبل لا انسى " رمى له مفتاح سيارته".. خذ ...
يزيد "مسك المفتاح ": .. كيف بتروح لبيتكم ؟!
سند : باخذ تاكسي واجيبها ..
يزيد "رمى له المفتاح مره ثانيه ": امسك وقف السيارة عند فلتنا .. وخذ سيارتك ..
سند : بس ...
يزيد : لا بس ولا بسباس ..
سند : مشكور ما تقصر "وطلع من الشقه"

يزيد .. سرح شوي في سند وكيف تغيرت نظرته له من امس لليوم .. فعلا الرجال الحقيقي يبان في المواقف الصعبه ...
لمح "بتال" يطلع من غرفته ويروح غرفه ثانيه .. ويسمع صوت فتح دواليب وأدراج .. ويطلع بتال من هذي الغرفه ويدخل غرفه ثانيه ... ويسمع نفس الأصوات وفجأة هدي المكان بشكل مخيف ولا طلع بتال.. حس "يزيد" ان الوضع مايطمن .. وقف ومشي بخطوات شبه سريعه وراح للغرفه ... شاف بتال جالس على طرف السرير وحاضن صورة ويبكي بألم وبدون صوت .. خمن بلا شك انها صورة لامه واخته... نزلت دمعه من عين يزيد مسحها على طول ...وبتردد "بـ بتال ".................
بتال "ضم الصورة ومن شدة ضمته تكرمشت الصورة بيده.. وبصوت باكي ": مشتاق لهم .. نفسي اكلمهم او أشوفهم لمره وحده بس ..
يزيد "قرب منه وجلس جنبه": اصبر يخوي وادعي لهم ..
بتال "قاطعه": انا السبب .. ليش رحت ادرس برا .. ايش استفدت ..بايش نفعتني دراستي وانا فقدت أغلى ثلاث أشخاص على قلبي ..
يزيد : بتال لا تقول كذا هذا مقدر ومكتوب .. اذا انت رجال وسويت كذا .. أجل روضه ايش بتسوي .. المفروض انت تقويها مو تنهار ..
بتال "وكأنه توه يتذكرها":.. روضه ... روضه "وقف .. وطلع من الغرفه ومتجهه لباب الشقه".. روضه....
يزيد "مشي وراه بسرعه":بتال ... بتال وين رايح..؟! "مسكه من يده"...بتال على وين..
بتال : روضه .. ابغى روضه ... ابغى اشوفها ..
يزيد : بتال .. روضه الحين بشقتها والوقت متاخر وام محمد عندها ... وانت شفتها بالمستشفى ...
بتال : أختي ابغى أشوفها هي اللي بتنسيني ألآمي ..
يزيد : خلاص .. خلاص بكرة شوفها .. طيب .. تعال"ومشي معاه لغرفته " ..انت ارتاح وحاول تنام ... وراح اجيب لك حبتين بندول تريح راسك ...ماشي ..."وصله للسرير"
بتال "على طول حط راسه على المخده": الله يرحمك يا امي انتي وسميره .." وغمضت عينه غصب عنه .. وناااام"

..............................................

اليوم الثاني ....................
وقف "بتال" في عزاء أمه وأخته وأم روضه .. وكان واقف معاه صديق الطفوله "يزيد" .. وصديقه الجديد "سند" .. وجارهم "ابو محمد"و ولده"محمد".. كل الجيران أدوا واجب العزاء .. والغريب اللي كان حاضر هو "أبو راكان" ..

...................

انتهى العزاء .. والكل رجع بيته ماعدا بتال واللي معاه جلسوا شوي لوحدهم امام مدخل العماره .. بعد ما لاحظوا ان بتال يتهرب من الطلوع لشقتهم..
بتال"يطالع في ابو محمد": يا عم .. ليه ما انتظرتموني بدفنهم .. استعجلتم .. كان ودي "تغيرت نبرة صوته" أودعهم الوداع الأخير ..
ابو محمد : يا ولدي يا بتال .. الدكاترة ما سمحوا لروضه تشوفهم لأنهم ... لأنهم كانوا.. الله يرحمهم .. ام محمد يالله تعرفت عليهم ... الحادث كان قوي .. الله يهديه السايق كان مستعجل ومسرع ...
بتال "بصوت حزين": الله يرحمهم...
يزيد : ايه وابو محمد يقول ان السايق بالحجز .. اذا تبغى دية والا شي..
بتال " قاطعه ": وش بتنفعني الديه فيه ...
سند : هذا شرع الله يا بتال ..
بتال : لا ما ابغى شي منه بتنازل ...مفيه شي بيعوضني عنهم .. والحمدلله على كل حال ...

كلهم .. لفوا يطالعون في الاصوات اللي جايه من داخل العماره وبدأت تقرب منهم و تطلع من بوابة العمارة .. وتفاجأوا .. لما شافوا "ابو راكان"يطلع و يسحب شنطه .. و وراه حرمه لابسه عبايتها وتمشي وراه بدون تركيز ..........

قراءة ممتعه للجميع .... تحياتي

[لامارا]

<<<<<<<<<<<<<<<<<
<<<<<<<<<<<<<<<<<<<
الجزء الخامس
<<<<<<<<<<<<<<<<<<
<<<<<<<<<<<<<<<<<<

كلهم .. لفوا يطالعون في الأصوات اللي جايه من داخل العماره وبدأت تطلع من بوابة العمارة .. وتفاجئوا .. لما شافوا "ابو راكان" يسحب شنطه .. و وراه حرمه ..
"بتال" ميز الحرمة اللي وقفت و طالعته وشاف دموعها من نقابها ... بتال "بصوت مرتفع" .. روضه.. !!! " طالع في ابو محمد .. وباستغراب"...يا عم اش يسوي ابو راكان هذا هنااا .. ليه مأخذ روضه معاه ...؟!
ابو محمد : يا ولدي اتركها هذا خالها ..جاي ياخذها تعيش عنده ...
بتال "مفتح عيونه": .. خالهااا ؟! ... من وين طلع ان شاء الله ... "ومشي معصب لحد ما وصل لعند روضه ومسك يدها ".. وقفي ... وين رايحه ...تعالي هنااا ...
روضه "من بين دموعها": لا يا بتال لازم اروح هذا خالي ..
بتال : وانا اخوك..
ابو راكان : .. لا ..
بتال "طالعه بنص عين":.. نعم ؟!
ابو راكان "يمشي باتجاه بخطوات ثابته ": لا ...منت باخوها .."وقرب منه وسحب يد روضه من يده".. يا ليت تلزم حدودك ؟

يزيد "عصب .. وكان بيمشي يدافع عن بتال ... بس "سند" مسكه واشر له يهدا ... ويترك بتال يتصرف لوحده ...

بتال"معصب" : انت آخر واحد يعلمني حدودي .. وانا اخوها غصب عنك...
ابو راكان "هديت ملامحه .. ولف على روضه وبشك": انتو بينكم رضاعه ؟
روضه "بحزن": لا .. بس تربينا سوا.. وهو فعلا مثل اخوي ..
بتال : سمعت باذنك ..
ابو راكان : ما علينا من هالكلام كله .. يالله مشينا يا روضه ... "وراح لسيارته "...
بتال "لف على روضه": .. روضه لا تسمعين كلامه خليك معاي .. روضه انا محتاجك جنبي ...
روضه "زادت بالبكاء": مقدر يا بتال ..مقدر أعيش لوحدي .. وهذا خالي وملزوم فيني ..سامحني .."ومشت تلحق خالها عند سيارته "..
بتال "يطالعها وهي تبتعد عنه ..ورفع صوته": . روضه .. ماراح اتركك .. وعد راح ارجعك لبيتك .. وتعيشين معي .. غصب عن اللي يرضى واللي مايرضى ...
روضه "لفت طالعته بنظره وداع .. غمضت عينها ...فتحت باب السيارة وطلعت جنب خالها .. اللي كان مبتسم بسخريه من كلام بتال "..........

"ابو محمد" ما تحمل يشوفهم كذا مفرقين ومشتتين .. استأذن من "يزيد" و"سند" .. وطلع شقته ... وهو يشوف "بتال" واقف بحزن يتابع سيارة خال روضه وهي تبتعد اكثر فاكثر ...

سند "يكلم يزيد بصوت واطي":.. هالرجال ما ارتحت له ..؟!
يزيد "والقهر معبي وجهه": تقصد ابو راكان ...صح
سند : ايه .. ماعنده أسلوب مره ..ما كأنه رجل اعمال .. المشكله يعرف ايش صار لبتال ويكلمه بهالطريقه ...
يزيد : رجل متكبر ..يفكر محد عنده فلوس الا هو ..."مشى لعند بتال .. وحط يده على كتفه" .. ما عليك منه يا بتال .. تعال نطلع شقتكم عشان نرتاح وناكل لنا شي .. أنت ما ارتحت ولا افطرت الا تمر من المغرب ...
بتال "نزل راسه للأرض.. وبصوت كله تعب": انا مرتاح كذا .. ابنتظر صلاة العشاء والتراويح ..."لف عليهم".. وانتو ماقصرتوا واقفين معاي من امس روحوا بيوتكم وشوفوا اشغالكم ..مابي أأخركم معاي ...
يزيد و سند"كانوا بيتكلمون بس قاطعم بتال بسرعه"
بتال "ابتسم لهم": لا تخافون علي ابغى اجلس لوحدي شوي ..
يزيد : طيب على راحتك بس كلمني اليوم طيب ..
سند : محتاج شي قبل لا نروح ....؟!
بتال "وهو ماشي لداخل العماره":لا تشغلون بالكم فيني .. مع السلامه...
يزيد "لحق بتال بعيونه": موعاجبني وضعه..بس ما باليد حيله ..."لف على سند".. يالله تعالي معاي اوصلك ..
سند : لا ماعليك بروح مشي ..
يزيد "وباله مشغول مع بتال":طيب على راحتك ... يالله فمان الله ..
سند : مع السلامه ..

...............................................


........ في بيت سند ..."بيت قديم "معاه جدته واخته "فاطمه" عمرها 17 سنه ..بنت سمراء ولكن جميله شعرها اسود بلمعه حمراء ..جدتها كانت تحني شعرها واهتمت فيها فشعرها طويل وغزير .. شخصيتها متردده تتبع أي احد يعوضها عن النقص المادي اللي عايشه فيه .........

فاطمه جالسه بغرفتها ومقفله بالمفتاح و تكلم بجوالها .. اللي محد يدري عنه ...

الجده "تدق باب غرفتها": يا بنتي يافطوم .. يالله تعالي كلي معاي سويت عشاء ...
فاطمه "توطي صوتها ":خلاص بعدين اكلمك هويدا .. باي .."رفعت صوتها" يالله ياجده جايه جايه ....
الجده : يالله انتظرك بالصاله ..."مشت للمطبخ طلعت صينيه العشاء وجلست تنتظر فطوم ... وسمعت صوت باب المدخل يفتح.. لفت وابتسمت ..".. يا حيا الله سند ...ولد حلال ..
سند "وتوه يدخل الصاله .. ابتسم لما سمع صوت جدته.. وضحك": ايش عرفك انه انا يمكن احد غيري ..
الجده : يعني مين بيفح بالمفتاح غيرك ... يالله يا ولدي سم بالله وتعال كل ..
سند : بغسل يدي وآجي ..."قام لعند المغسله اللي قريبه من غرفة فطوم .. وسمع ضحك قوي ".. بسم الله وش فيها هالبنت تضحك لوحدهااا ..."قرب من باب غرفتها ودق بقوه".. فطوووووم ... وش عندك هاه ..
فطوم "فزت من سريرها وخبت الجوال في دولابها بعد ما قفلته .. وركضت تفتح الباب .. لانها تعرف اخوها لو مافتحت بيكسر الباب ":هـ هلا هلا .. سند ... متى جيت ؟!
سند : وش فيك تضحكين ضحكينا معاك..
فطوم "تبلع ريقها .. وبارتباك":بالله سمعتني اضحك ... اأأ . تذكرت شي وضحكت.. ما علينا "تغير الموضوع".. عسى بس خلصتوا العشاء عليه ..
سند"طنش بمزاجه" : اذا تبغين العشاء يالله تعالي الصاله ...
فطوم : ايه ايه جايه وراك ..

"وطلعت هي وسند لعند جدتهم ... وجلسوا معاها يتعشون.. لاحظوا ان سند له يومين متغير هادي وطول الوقت مسرح ..من لما سمع بخبر وفاة اهل بتال "
الجده : سند يا ولدي .. كيف بتال اليوم ؟
سند : الله يكون بعونه يا جده ... الخبر صدمه بقوه ...
فطوم : اذا هو رجال وصار فيه كذا .. اجل روضه كيف المكسينه .. مالها احد ...
الجده : والله حالها وقت العزاء يبكي الحجر .. بس ربك يا بنتي ما يترك احد..
سند : اجل انتو ماعرفتوا ايش صار لروضه ؟
الجده : خير ايش صار لها ؟
سند : جاء خالها واخذها معاه لبيته ..
فطوم : والله طلع لها خال .. كويس ..
الجده : أي والله فرحت لها .. بدال ما تعيش لوحدها ..
سند : ومو أي خال ... رجال مبسوووط وغني .. بس للاسف بتال تعب اكثر لما راحت ..
فطوم : ليه ؟!
سند : وشو اللي ليه .. يعتبر روضه زي اخته ... حتى اليوم وهي رايحه يقول والله لارجعك تعيشين معي ... وخالها جلس يضحك عليه باستهزاء ...
الجده : ليه يضحك خالها ؟
فطوم : يعني ياجده بالله من أولى فيها خالها والا ولد جيرانها .. اكيد خالها ...بس وضع بتال خلانا نسكت ...
الجده : طيب يمكن بتال قصده يتزوجها ...
سند : وشوووو ... يتزوجها ... لا لا ...هو يعتبرها مثل اخته ...
الجده : هو .. اجل كيف يقول بيرجعها بيتها ... ما راح احد يرضى الا اذا تزوجها ..
سند : والله هالدنيا محد مرتاح فيها ...الله يعين بس ...

.........................................
روضه في سيارة خالها .. ساكته ماعدا شهقات تطلع منها غصب ودموعها على خدها ... انتبه لها خالها
ابو راكان : لنا اكثر من نص ساعه من لما مشينا ما سكتي ..متى بتوقفين ...؟!
روضه "زادت شهقاتها": ..
ابو راكان : اشوفك كنت مقتنعه تجين وبس قابلتي ولد جيرانكم قليل الادب ذاك ... زاد بكاك ؟!... ايش بينكم ؟!
روضه "بعصبيه": بتال مو قليل ادب ...لا تقول عنه كذا ....
ابو راكان "بابتسامه سخريه":وليه عصبتي ... اشوفكم ماخذين على بعض .. وعادي عندك يمسك يدك ويكلمك ... هذا قدامنا اجل من ورانا ..ايش تسوون ؟!
روضه "بصدمه": انت ايش تقول ...؟! ... مو ناقصه تعقيدات وتخلف ..."وبعصبيه"... ماتعرف كيف عاشت اختك .. كيف بتعرف انا كيف عشت ...
ابو راكان : ومن قال اني ما اعرف عن امك شي ؟ انا عبدالله سالم ما فيه شي ما اعرفه ..
روضه : وليش ماقد شفتك ...؟! ولا عمرك سالت عن امي .. اللي هي اختك ..
ابو راكان : كذا بمزاجي ... بس كنت اعرف انها مبسووطه ومومحتاجه شي ..
روضه "باستغراب": كذاااااب ..
ابو راكان : احترمي نفسك يا بنت ... شكل يبغالك تربيه من اول وجديد ...انا كذااب ياللي ما تستحين ...
روضه : لانك لو صادق كان عرفت اننا عايشين على الضمان انا وامي .. وماعندنا أي دخل ثاني يكفي مصروفنا ...
ابو راكان : والضمان مو فلوس... خلاص ... مو لازم تعيشون فوق الريح ... عيشوا مثل ما ابوك كان معيشكم قبل يموت ...
روضه "فتحت فمها تدافع .. بس حست ان الكلام معاه مايفيد": خلاص ..تكفى قفل الموضوع ...لو سمحت
ابو راكان : ايه عدلي اسلوبك معاي .. من اليوم ورايح انا المسؤول عنك .. وولي امرك ..فهمتي ...
روضه "قبضت بيدها بقوه ... والقهر ياكل في نفسها .. من اللي سمعته من خالها "
....................
.................... فلة ابو يزيد ...................

دخل يزيد البيت بعد ما صلى صلاة التراويح وباله مشغول مع بتال .. مشى طالع لغرفته ... وحصل باب غرفة اخته "هويدا"مفتوح ..ولمحها جالسه على سريرها الابيض الكبير المموج فيه اللون الاورنجي والاخضر .. وغرفتها الواسعه وتسريحتها اللي تضم اكبر مجموعه من العطورات الغاليه والجديده.. ويتوسط الغرفه غرفه اخرى لخزانة ملابسها وجزمها... وفاتحه اللابتوب ..قرب من الباب وضرب عليه بخفه: "ممكن ادخل"..
هويدا "رفعت راسها بخوف .. وحطيت يدها على قلبها ": يزيد... أوووف فجعتني ....
يزيد "ماشي لعندها ": بسم الله عليك من الفجعه ... اش عندك مندمجه معاه ...
هويدا"بدلع": ... كنت اشوف فلم ومندمجه معاه ...
يزيد "يحاول يطالع في اللاب ويقرب منها": وينه خليني اشوف معاك ...
هويد "بسرعه سكرت اللاب": .. انا ماعمري تلقفت بشي يخصك ... فلو سمحت بلا لقافه .."وابتسمت".. ايش عندك جاي لغرفتي ..؟!
يزيد "ابتسم": قوويه محد ياخذ منك لا حق ولا باطل ... ما بغيت شي بس حاس بملل .و...بالي مشغول ببتال ...تصدقين انه ا...
هويدا"قاطعته": ياربي يا هالبتال وش فيك معطيه اكبر من حجمه ؟! خلاص شوف لك صديق ثاني .. سيرته تجيب الضغط ...
يزيد "تضايق.. بس حس فعلا ان اخته مالها دخل في اشياء ما تخصها .. وقف وطلع من الغرفه وصل للباب .. ولف عليها": الفلوس اللي طلبتيها تبغينها الحين ؟!
هويدا "رجعت فتحت اللاب .. وبدون ما تطالعه": حولها على حسابي .....ولا تنسى زي المره اللي فاتت...
يزيد .. طنشها لان هذا اسلوبها من يوم هي صغيره ما عندها تحمل للمسؤوليه ولا عندها احترام لاحد بسبب اللي صار بين امها وابوها وهي صغيرة وتركتها للشغالات ..اتجه لغرفته .. سحب جواله من جيب الثوب ورمى الشماغ على السرير وجلس على طرفه ... حرك جواله وظهر له رقم شقة بتال وبدون تردد ضغط على مكالمه .... بعد كذا رنه ...اخيرا ...
بتال "بصوت ثقيل": ألو ...؟!
يزيد : السلام عليكم ... كنت نايم ؟!
بتال : هلا .. مين معي ؟!
يزيد : بتال اش فيك انا يزيد ... ماشفت رقمي ..
بتال : هلا يزيد ... لا والله ماشفت الكاشف ..
يزيد : بتال ازعجتك ؟!
بتال "بكسل": كنت نايم في الصاله على الكنب وانفجعت لما سمعت صوت التلفون ..
يزيد: اسف بس بغيت اطمن عليك ..كيفك الحين؟ ان شاء الله هديت وصرت احسن ..؟!
بتال "بعصبيه": ليه قالوا لك جنيت ..
يزيد : وليش معصب ..
بتال: مو معصب ولا شي .. خلاص اتركوني بحالي ..كل شوي تكلموني كأني بزر عندكم ..
يزيد : بتال شكل اعصابك تعبانه .. خلاص روح الحين واكلمك وقت ثاني ...
بتال : لا تكلمني .. اذا بغيتك انا كلمتك ... مع السلامه ..."وقفل الخط"
يزيد "يطالع في الجوال باستغراب": بسم الله وش فيه الرجال حمق وعصب ..."رجع جسمه على ورى وحط يده على راسه يسوي مساج لجبهته ".. يعني وبعدين مع بتال هذا احس اني مخنوق ودي اتكلم مع احد ... لا وبعد "هويدا" تقول شوفلك صديق جديد "ضحك" تفكر اني مثلها كل يوم وحده ما تدري ايش يعني صداقه .."جمد شوي .. وكانه تذكر شي.. رفع جسمه واخذ الجوال وراح يدور للرقم في مكالمات مستلمه .. لحد ما حصله .. ابتسم وضغط على مكالمه ".. الو ...سند؟!
سند : هلا يزيد ...
يزيد: اخبارك سند ؟! وين الناس
سند : الحمدلله ... موجود .. خير فيه شي ؟!
يزيد "بتردد": لا ... بس ..بس بتال ما يرد علي وانا كنت ... يعني .. انت مشغول ؟!
سند : كنت بجدتي في المستشفى وراجع البيت ... تبغاني امرك .؟!
يزيد "بفرح": لا انا باجي عندك ونطلع سوا ..نص ساعه ..
سند : خلاص ... صار ... مع السلامه
يزيد : مع السلامه ..."وبفرح وقف وقفل ازرار ثوبه وسحب شماغه وطلع .."
........................................
روضه .. وخالها ابو راكان وصلوا للبيت ... دخلت روضه بيت خالها وهي تنقل بصرها في كل زاويه منه ..كان فله مو بيت .. وقفت لما وقف خالها امام درج دائري يتوسط الفله وكنب ايطالي على يمين الدرج وعلى يسارة طاولة طعام طويله وفخمه فيها 12 كرسي .. وتحف ممليه المكان يمين ويسار .. وحتى الثريا الكبيرة اللي نازله من اعلى الدور الثالث للدور الاول على الدرج .. كانت اول مره بحياتها تشوف ثريا بهالكبر...
لف ابو راكان لها :"الحين بعرفك على زوجتي واولادي".. وما خفي عنه الانبهار على وجهها من البيت ........ابتسم "عجبك البيت"
روضه "انحرجت .. هذا كل شوي يبتسم مدري سخريه والا صدق .. وحاولت ما ترد عليه .. بس قالت في نفسها ... بيت!.. هذا قصر مو بيت ...شكله يضحك علي لانه عارف وين كنت عايشه " كتفت يدها وعطته ظهرها ".. بالطقاق ماني راده عليه .. ":.......................
ابو راكان "ما انتظرها ترد.. قرب من الجدار وضغط على السماعه .. اللي توصل لكل غرف الفله ".: راكان ...تعال انت ولمياء ... "قفل وطالع في روضه ... واشر لها ... على الصاله".. تفضلي ...
روضه "مشت وراه .. وجلست بعبايتها والطرحه على راسها .. وشوي الا سمعت صوت خطوات نازله من الدرج ... تذكر لما قال خالها راكان.. لفت على خالها": ولدك راكان نازل ...؟! كم عمره ؟!
ابو راكان "ابتسم":ايه نازل .. مو كبير .. بس في عمرك ...؟!
روضه "تفاجاة ولا انتهى كلامه الا راكان ولمياه واقفين قدامها .. تسمرت شوي تطالع فيهم ولا وقفت .. ولا قدرت حتى تغطي وجهها ":
(( "راكان" عمره 25 سنه .. خلص الدكتوراة العامه قبل سنه ... ويشتغل في مستشفى حكومي وعنده عياده خاصة ... شاب ذكي وطموح يحب الدراسه .. طويل وعريض .. دراسته برا اثرت في شخصيته منفتح .. يحلق شنبه ودقنه .. يلبس بناطيل ما يعترف بالثوب الا في المناسبات .. شعره طويل ورابطه ورى ..))

((" لمياء " لسى متخرجه من الثانويه 18 سنه ... بنت عمليه جدا .. تحب الاستقلاليه ..سريعة البديهه وذكيه.. جمالها عربي .. شعرها اسود طويل لحد اخر ظهرها ناعم ..عيونها سود واسعه .. جذابه ...طولها وسط .. وجسمها حلوو))

لمياء .. وراكان .. وقفوا شوي يطالعون "روضه".. يمكن انصدموا من شكلها ومتنها .. ولكن تداركت لمياء الموقف ...وقربت منها وجلست جمبها .. وباستها :"يا هلا والله ... كيفك "
روضه "بحرج":الحمدلله ...
راكان "راح يجلس جمب ابوه ": اهلا يا .. يا .."ويطالع في ابوه .. ناسي اسمها"....
ابو راكان : روضه ...
راكان "ابتسم ":.. اهلا يا روضه .. نورتي البيت ...
روضه "بحرج.. وتحاول تلف وتغطي وجهها ":اهلا فيك ..."وفي نفسها .. " ياربي حتى هذا ضحكته مثل ابوه .."
ابو راكان : وين امكم ؟!
راكان "سند ظهره .. ورفع يينه الثنتين": لا تسالني انا عن احد... انا لي نفسي وبس ...

ابو راكان : خير ان شاء الله .."حس ان روضه .. متوتره .. ومو عارف من ايش بالضبط"... روضه .. جهزنا لك غرفه فوق قريبه من لمياء ... تقدري تروحي ترتاحي فيها ... لحد وقت السحور ..
روضه "وقفت بربكه.. وتطالع في لمياء": وين ... وين اروح ...؟!
لمياء "ضحكت عليها ":.. تعالي بوصلك ...

"روضه "في نفسها ... وش عندهم هذولا بس يضحكون .. مشيت وراها لفوق ... وصلتها لغرفتها ... وعلى طول راحت وتركتها .. روضه تطالع في الغرفه .. اكبر من غرفتها الاولى .. وفيها دورة مياه ..و وسط الغرفه فيه سرير وعلى جنب دولاب ملابس كبير وتسريحه .. واللون الخشبي المحروق مسيطر على الغرفه... واضح انها غرفة ضيوف .. "مشت لكرسي التسريحه وجلست .. وتكت على حافة التسريحه وحطت يدها على خدها ..."..وتذكرت غرفتها القديمه قد ايش كانت تحبها مع انه فرق بين الغرفتين .. سرحت تفكر في اللي صار لها هذا كله في خلال اربع ايام قلبت حياتها فوق تحت .. فقدت اللي فقدته .. وبعديت عن اللي بعدت .. وتعرفت على اقرباء ما كانت تعرفهم ولا توقعت بوجودهم .. وسكنت ببيت ماعمرها ماحلمت تعيش فيه... "وقفت .. عشان تفصخ عباتها .. واستغربت وجود شنطتها عند الباب .. ما حست على اللي وصلها .. من شدة سرحانها ... تنهدت بعمق .."الله يرحمك يا امي "....

...........................................

بتال .... جالس بشقتهم ونايم على الكنبه .. وسارح في فكره وتخيلاته والي صار في حياته .. فقد اهله .. وفقد "روضه"... نزلت دموعه غصب عنه .. مايدري ليه ... "حتى انتي يا روضه تركتيني ... "وعصب" يصير خير يابو راكان ..اما خليتك تعترف اني اخوها غصب عنك ".. وضرب الطاوله اللي تتوسط الصاله برجله وطاحت على جنب وانكسرت.. "إما كسرت خشمك يالمتكبر"

.....................................

.....................................
سند و يزيد .. في كوفي شوب ... وقدام كل واحد كوب قهوه ..

يزيد : تقول كنت بالمستشفى.... سلامات وش فيها جدتك ؟..
سند : لا ابد بس وديتها مراجعه عشان حبوب الضغط والسكر ...
يزيد "يبعد الكوب عن فمه": أي مستشفى تراجع فيه؟! ..
سند : وين يعني الحكومي ...تصدق لي شهر من لما اخذ الموعد ..
يزيد"يرجع الكوب على الطاوله" : ليه تتعب نفسك مع الحكومي .. يازين الخاص في أسرع وقت يصرفون لك .. لا مراجعات ولا هم ..
سند :ايه هذا اللي معاه فلوس ... بس اللي على قده ماعنده الا الحكومي..
يزيد "بحرج": لا ما اقصد يا سند ... لاني أتعامل مع الخاص انا .. لا تفهمني غلط ..
سند : عادي يا شيخ .."اخذ كوبه وشرب وهو مسرح"..
يزيد "لاحظ سرحانه ... وحب يغير الموضوع":سند ..انت وين تشتغل ..؟!
سند "ابتسم": غير اني كنت سواقك الخاص لمدة يوم .."وبجد".. ابيع في سوق الخضار عند واحد من معارف جدتي ...
يزيد "ابتسم لما قال سواقك .. وبتعجب": في سوق الخضار ..؟!..
سند : ايه .."ويتفحص ملامح يزيد".. لا يكون ما تتشرف تقعد مع واحد يشتغل صبي في محل خضار ...؟!
يزيد : الشغل مو عيب ... بس انصدمت ...
سند : احسب بس ... اذا على الصدمات انصدم مو مشكله "وضحك "..
يزيد "ضحك عليه": قسم انك رهيييب.. "طالع فيه واستغرب كيف بدا يحس انه هالشخص قريب من قلبه .. وفكر بسرعه ".. سند ... ايش رأيك تشتغل عندنا بالشركه ...؟!
سند "طالع فيه": .. من جدك... وايش بتشغلني عندك بشهادة المتوسط ؟!
يزيد "فتح فمه": عندك المتوسط بس ..
سند "سند ظهره وطلع مسبحته من جيبه .. وبتريقه":.. بسافر بعد شهر اجيب دكتوراه في زراعة الخضار ... ايه متوسط عندك مانع" وبضحكه".. هاه صدمتك مره ثانيه ...
يزيد "ابتسم": اسمع ... اذا انت موافق .. عطني فرصه كم يوم أشوف ايش يناسبك .. وبرد منك .. ايش رايك ..
سند "وعلامات الرضا على وجهه":..حتى لو ماقدرت .. موقفك هذا تشكر عليه ...
يزيد : .. خير ان شاء الله ..."وهالمره .. حس انه مستحيل يفرط بهالشخص .. يحمل هالقلب الابيض "

...............................................
اليوم الثاني في فلة ابو راكان ......................

روضه في الغرفه ... دق الباب ... "ادخل"
انفتح الباب ودخل منه .. حرمه في الأربعين من عمرها تقريبا ... شعرها اسود وقاصته كاريه .. واضح عليها الاهتمام بنفسها ... جسمها متناسق وطويله ... لابسه فستان ماسك لنص الساق لونه ازرق مع كعب .. نظرات متفاجئه من الطرفين ... وسكوت كسره ترحيب الحرمه فيها ...." ياهلا والله بروضه .. انا ام راكان "نوره" قربت منها تسلم عليها"..
روضه : يا هلا فيك ...
ام راكان : اعذريني ماقدرت امس اشوفك كنت مشغوله شوي ..
روضه : لا عادي ...
ام راكان : ان شاء الله عجبتك الغرفه ...؟!
روضه "دارت ببصرها بشكل سريع في الغرفه": أكيد عجبتني ...
ام راكان : يالله الحمدلله .. "طالعت في لبسها".. نص ساعه والفطور بيجهز .. لاتقولين مو مشتهيه مثل على السحور .. لازم تنزلين تفطرين معانا ... اذا بتتجهزي و تغيري لبسك عشان لا تتاخري علينا ...خالك مايحب اللي يتاخر...
روضه "طالعت في لبسها.. وبحرج": ط طيب ..
ام راكان "ابتسمت": يالله استأذن ..."وبس لفت ... اختفت الابتسامة ..وطلعت وهي منصدمه ... وبدون شعور .. راحت لغرفته بنتها لمياء .....دقت الباب .. وقبل ماتسمع بنتها تأذن لها .. فتحت ودخلت .. وبدون أي مقدماات "..
ام راكان : لميااااء .. شفتي البنت ..؟!
لمياء "على التسريحه ..تحط مناكير ..نطت من مكانها .. ": بسم الله ... ماما ايش فيك ... واي بنت تتكلمين عنها ..؟!
ام راكان :روضه ..شفتيهااا ..
لمياء : ايه شفتها ..."ورجعت تحط مناكير"....
ام راكان : ما اصدق انها بتعيش معانا ..
لمياء : ليه مو مصدقه ... بابا لما كلمنا كلنا عن موضوعها .. وافقتي على طول ..
ام راكان : ايه وافقت يوم عرفت ان عمرها 25 قلت بسن زواج وبنزوجها ونرتاح ..بس ..
لمياء "بنظرات اهتمام":بس ... بس ايش ياماما ؟!
ام راكان : شفتي جسمها وشكلها مين بيتزوجها هذي ..
لمياء "ضحكت .. ومشت لعند امها ": يعني فشلت مخططاتك يا ام راكان ... وماراح تصعب عليك "روضه" راح تلاقي لها حل "وغمزت لها" انتي ام راكان ..
ام راكان "رفعت حواجبها وابتسمت": راح الاقي لها حل ..

وبعد نص ساعه...............وعلى طاولة الطعام ابو راكان وام راكان وراكان ولمياء ....وقبل نزول روضه ... دار بينهم هذا الحديث ...
ابو راكان "حس ان زوجته مو على طبيعتها شارده وتفكر وبتوتر": نورة ايش فيك .؟!
ام راكان "بدون ما تطالع فيه":بعدين نتكلم يا عبدالله ..
ابو راكان : دام السالفه فيها يا عبدالله مو ابو راكان الله يستر .."وضحك .. وضحكت لمياء وراكان.."
راكان : يبه بغيتك في موضوع بعد الفطور ..
ابو راكان : خير ان شاء الله ... بعد الفطور نروح المكتب نشرب الشاي هناك ونتكلم ..
لمياء : الله الله يابو راكان يالمهم الكل اخذ معاك موعد بعد العشاء الا انا "وضحكت..." لنا الله ...
ابو راكان : انا وقتي كله لك انتي بالذات .. وباقي نجلس مع بعض نتكلم بخصوص الجامعه ...
ام راكان "بعصبيه":هذي ليه مانزلت ..وش تنتظر ...

روضه في الغرفه ..محتارة ايش تلبس خاصة بعد ماشافت زوجة خالها كيف لابسه .. وتذكرت لبس لمياء بنطلون جينز ازرق مع بدي احمر وجاكيت ابيض.. ولبس راكان بنطلون زيتي وتيشرت بيج .. طولت وهي تناظر في ملابسها اللي بالشنطه .. أخذت معاها ثلاث جلبيات حلوه .. والباقي اقمصة بيت عاديه او اقل من عاديه .. : الحين كلهم كاشخين .. شكله عشاني بس اليوم ... يمكن بكرة لبسهم يكون عادي لبس البيت ... والله احترت ايش البس ... دارت بوجهها شوي وشافت عباتها راميتها على كرسي التسريحه ... خلاص بالبس العبايه اليوم وبكرة يحلها ربي ...

لبستها مع الطرحه ... ونزلت بسرعه من الدرج .. الكل تفاجأ لما وصلت لهم .. ما كان لخطواتها صوت... لما لمحت راكان جالس ترددت تدخل والا تطلع والا تتغطى ..نزلت راسها وبصوت واطي : السلام عليكم ..
الكل : وعليكم السلام ..
ابو راكان : يا هلا بروضه .. تعالي اجلسي جنب لمياء ..
لمياء "تطالع في ارجولها": انتي ايش لابسه جزمه .. مره مالك صوت لما تمشي ...؟!
روضه "تطالع في رجلها الحافيه.. وبحرج": ا أ ..انـــا...
لمياء "حست انها احرجتها بدون قصد.. ومحد كان منتبه لها ":.. روضه.."ووقفت تسحب لها الكرسي جنبها تعالي ...اجلسي ... وابتسمت لها ابتسامة اعتذار"
روضه "ابتسمت.. ومشيت تجلس": مشكورة لمياء ..."ولما جلست رفعت عينها اللي اصطدمت براكان .. اللي نزل عينه بلا اهتمام .. حست بالحرج .. ولكن لمياء بدت تقرب لها من الاكل ..وهي ما قدرت تاكل الا شي بسيط ..على غير عادتها ...
انتهى "ابو راكان" من الاكل ووقف.. "وراكان" انتبه لابوه .. ووقف معاه .. هالشي خلا يبتسم لولده .. ويقول "خلني اغسل بالأول"..
راكان "ضحك": يبه بانتظرك في المكتب .."وطلع للمغاسل"
روضه "تطالع في خالها .. وهو خارج من صالة الطعام ": خالي .. ممكن اكلم شوي ..
لمياء "ضحكت": خلني اصير سكرتيرك يا بابا .. عشان انظم لك المواعيد ..
روضه ما فهمت ايش تقصد .. وام راكان اشرت لبنتها ..انها تسكت مو وقته ...
ابو راكان : تعالي يا روضه .. "مشى رايح للمكتب ومشيت وراه .. ووقفته في نص الصاله .. "
روضه "بصوت منخفض":خالي.."وقف خالها ولف يطالع فيها" ...خالي انا اخر مره انزل اشارككم الاكل ..
ابو راكان "باستغراب": ليش .. احد زعلك ؟!
روضه "بحرج": خالي .. انا منحرجه من راكان .. هو ولد خالي ولازم اتغطى عنه .. ما يصلح نجلس على طاوله وحده ..
ابو راكان "ضحك بسخريه": .. الله واكبر ياللي يصلح وما يصلح وولد جيرانكم .. يصلح والا مايصلح تكشفين عليه ؟!هاه
روضه "تفاجأة": اذا تقصد بتال فبتال غير ... تربيت معاه من يوم انا صغيره مثل الأخوان ...
ابو راكان : بلا كلام فاضي ... ما بنغير حياتنا عشانك .. اذا عجبك عجبك مو عاجبك طقي براسك في الجدار ...
روضه "بقهر": خالي افهمني ....
ابو راكان "لف ماشي": انتهى الكلام .. معاك ...

راكان اللي غسل يده .. ورايح للمكتب..غصب عنه وقف وسمع الكلام اللي صار بينهم.. حس بقهر لروضه غصب عنه ..."الحين انا طالعت فيها حتى تقول كذا .. شكلها ماقد شافت نفسها في المرايا .. هذي لو خلصت كل بنات العالم مابقي الا هي مافكرت اطالعها ..صدق بناتنا شايفات انفسهن ملكات جمال .. اجل كيف لو شافوا البياض والشقار الاوروبي .. اتوقع بينتحروا كلهم ".. زفر بقوه .. وسبق ابوه للمكتب ...
ابو راكان "دخل وطالع في ولده وابتسم": خير يا دكتور راكان ... ايش عندك..
راكان "متضايق ": قبل لا اكلمك بخصوص موضوعي..يبه سمعت روضه ايش كانت تقول لك ... وغصب عني سمعتكم ...ترى والله يا يبه لا شفتها ولا كلمتها ولا حتى فكرت اني اطالعها ... واقسم بالله العظيم...
ابو راكان"قاطعه" : ادري .. ماله داعي تحلف .. بس لازم نتحملها ونتحمل افكارها واسلوبها هي جايه لمكان غريب عليها في كل شي والمكان والناس حتى انا غريب عنها ماتعرفني ... ماعليه استحملها ..
راكان : عشانك يبه بس نتحملها ..."زفر بقوه"... المهم كنت ابغى اكلمك بخصوص عيادتي الخاصه ...قررت اقفلها ...
ابو راكان : تقفلها ؟! ليش ..؟! مكانها مو مناسب ..؟!
راكان : لا بالعكس ... بس انا افكر اسافر اكمل دكتوراة تخصص ..
ابو راكان "سكت شوي": .. ...... واي تخصص بتكمل ؟!
راكان : لسى ما قررت بشكل نهائي بس يا طب اطفال يا صدريه ..
ابو راكان: هالموضوع اجله شوي ... عندي مشروع طبي بدخله ومحتاج مشورتك فيه ..."ووقف .. "بروح اشوف امك ايش عندها هي بعد.."ومشى قبل لا يسمع تعليق راكان .."

ام راكان بجناحها .. وجالسه في الصاله الصغير للجناح فيها كرسيين ويتوسطها طاوله صغيره ...دخل ابو راكان ولما شافها ابتسم ... وجلس جنبها..."خير يا نورة وش عندك".
ام راكان "بوجه جامد":لمتى بتجلس بنت اختك عندنا ..؟!
ابو راكان"بتعجب": لمتى ..؟!... لحد ما يجي نصيبها وتتزوج..
ام راكان : وتتوقع هاليوم بيجي قريب ؟!
ابو راكان"بتوتر": نورة ايش عندك...؟!...ايش تبغين توصلين له ...لا تنسين انها بنت اختي ..."ركز نظرته فيها "...انتي كنت موافقه على جيتها ايش اللي غير رأيك...؟!
ام راكان : بصراحه يا عبدالله .. لما قلت لي عمرها قلت سنها مناسب جدا للزواج وكلها فترة يا تتزوج يا نشوف لها عريس من هنا او هنا وتكون سويت واجبك قدام الناس وبرضه ارتحنا منها ...بس.."وسكتت .. وهي تفرك جبهتها .. "
ابو راكان : كملي ... بس ..... ايش .!
ام راكان "منزله راسها ": انت تدري ايش ابغى اقول ...
ابو راكان : لا قولي انا ما ادري عن شي ...
ام راكان : لا تدري ان مستحيل احد يتزوجها وهي كذا ...بهالشكل والمتن ...
ابو راكان : مستحيل عاااد ...
ام اكان : ايه مستحيل احد يقبل يتزوجها الا اذا فيه عيب .. والا يبغى يتزوج شغاله عنده بالبيت ... اما تكون زوجته ويفخر فيها قدام الكل مستحييييل ...
ابو راكان "ابتسم ": هذا شي سابق لاوانه ... بعدين نتكلم في الموضوع ....
ام راكان : بس ياعبدالله الــ...
ابو راكان "يقاطعها": خليك من هالموضوع الحين ... "ووقف وسحبها لعنده".. قولي لي هالحلاوة كلها من وين ...
ام راكان "ضحكت": يؤه يا عبود .. ما تكبر انت ....
ابو راكان : الا انا اكبر بس انتي تصغرين .. فديت هالضحكه ..

.........................................

في فلة ابو يزيد ... دخل يزيد الفله وجلس في الصاله .. معاه شنطة العمل ... وضعها على الطاوله وجاء بيفتحها ... بس سمع فتحة باب الفله ... ودخلت هويدا اللي ما انتبهت لآخوها ... وهي لابسه عبايه مزخرفه بالفصوص ومفتوحه من قدام ولابسه فستان مشجر احمر على ابيض واسود .. قصير للركبه .. وكعب احمر وشنطه حمراء ومكيااج سهره حاطته على وجهها ...مشت وهي حامله كيس هدايا بيدها ...
يزيد "يطالع فيها بنظرات حاده": هويدا... وين كنتي ؟!
هويدا "قفزت مكانها من الفجعه":بسم الله ... يزيد انت هنا ..
يزيد : لا هناك ... جاوبي وين كنتي ...؟!
هويدا "بكل ثقه": كنت في السوق ...
يزيد "قرب منها وهو يطالع لبسها ..": كنتي في السوق بهذا الشكل ..؟!... "وطالع في الساعه" والساعه 2 في الليل ورمضان .. ما تخافين من ربك انتي ؟!
هويدا "بتلعثم":أا ... انا اصلا كنت عند صديقتي .. وبعدين مريت السوق وما نزلت اصلا بس مريت اخذ لبس العيد من عند الخياطه ..
يزيد : ووينه لبس العيد .."ويطالع في الهديه اللي بيدها".. وهالكيس ايش فيه ..؟!
هويدا "بعصبيه": يوووووه ... تحقيق هو .. مالك دخل فيني فاهم ."ومشيت تركض لغرفتها"...
يزيد : استغفر الله العلي العظيم ...مدري ايش اسوي معاك يا هويدا .. لا لين يجي معاك ولا شده وتثمر فيك...ليتك يا يبه تيجي تشوف بنتك اللي كنت سبب في ضياعها ..

.................................................. ..................

هذه الاحداث كانت في خلال كم ايام معدوده.. وقلبت موازين حياة اناس كثيرون .. ولكن اكثر اثنين تضرروا .."بتال"و"روضه"... انتقلت روضه من شقة صغيرة تضمها هي وامها الـــــى فله اقرب ان تكون الى قصر مع اشخاص اول مره تعرفهم وعندها مهمه كسب قلوبهم ... اما "بتال" عكسها تماما عاش الوحده كيفما تكون واينما وجدت عايش على ذكرى أليمه يتمنى تعود .. او على الاقل جزء منها .. وهذا الجزء المفقود هو ابتعاد روضه عنه اللي بشوفتها كأنه يشوف امه واخته .. ولكن للأسف بعدت هي عن حياته .. واصبح الوصول اليها من أصعب الأمور ... اهمل نفسه وبيته وكل شي بحياته ..حتى انه اهمل اعز اصدقائه "يزيد" و"سند" ...


.................................................. ....

بعد مرور اسبوع على وجود "روضه" في بيت خالها... حست روضه ان ملابسها ماتنفع في بيت خالها .. حتى ملابس الشغالات احسن منها ... تحس ان زوجه خالها كانها بنتها ..ترددت شوي ... وبعد صلاة التراويح .... نزلت روضه من غرفتها اللي كانت تجلس فيها اغلب الأوقات ...وجدت لمياء جالسه في الصاله معاها كوب شاي ومكسرات وتتابع التلفزيون بتركيز.....مشت روضه لعندها وبوجه بشوش "مساء الخير لمياء"..
لمياء"طالعتها بنظره سريعه":هلا...
روضه :ممكن اجلس معاك ..
لمياء "تطالعها من فوق لتحت": اجلسي مين منعك ... الصاله للكل ..
روضه "تضايقت من ردها .. وكانت بترجع فوق بس .. تشجعت وجلست ... وهي ساكته":
لمياء "طالعتها شوي ..حست فيها.. وبمرح":.. روضه.. تحبي تاكلي معاي ...
روضه "ابتسمت": لا بالعافيه ... "تشجعت ".. اقول لمياء ...
لمياء : نعم ...
روضه "بحرج": مدري ايش اقول لك ...
لمياء : قولي ...
روضه "بتردد":..... ناقصي شوية اغراض .. و .... وودي اروح السوق ...
لمياء "باستغراب":.. وش المطلوب مني ...اكلم لك السواق .. والا اخذ لك اذن من بابا ...
روضه : لالا ... بغيتك تروحين معاي وتساعديني اختار ملابس ..
لمياء "مازلت مستغربه": .. اساعدك ..؟!... "ضحكت"... ماعمري اشتريت لاحد او ساعدت احد...
روضه "نزلت راسها بحرج وضيق"
لمياء "ضيقت عينها": بس تدرين .... فكره مش بطاله ...."وقف .. واشرت بيدها.. بمرح".. يالله قومي نروح المول ....
روضه "تبدلت ملامحها كليا الي فرح":.. يالله ...."طلعت بسرعه تدور عباتها ... فتحت شنطتها ودورت بين ملابسها على طقم ذهب صغير سلسال وحلق الوحيد اللي عندها ..طالعت فيه شوي وتذكرت لما امها هدتها اياه لما تخرجت من الثانوي ...دمعت عينها ... مسحتها بسرعه .. اخذت الطقم .. لبست عباتها .. وطلعت تنتظر لمياء "


.................................................. ...............

في فلة ابو يزيد... طلع "يزيد" الى الكراج بيروح العمل فتح السيارة ورمى شنطته ...في الجهه المقابله للكراج ..وامام المسبح على كراسي من خشب الزان جلست "هويدا" .. وسرحت في اشعة الشمس العاكسه في المسبح امامها ... وماحست الا يزيد واقف قدامها ...بثوبه السكري وشماغه الابيض ...رفعة بصرها له .. ولفت وجهها للجهة الثانيه دليل زعلها منه ...
يزيد"جلس على رجله قدامها": شوووو القمر طالع في النهار ... ايش عنده...
هويدا "بدون ما تطالع فيه":.. اذا ممنوع اني اطلع حتى هنا .. فبادخل واريحك ...
يزيد "بصوت حنون": هودي حبيبتي .. انتي تدرين اني احبك وما اخاصمك الا خوفي عليك...فخلاص انسي ... اعتذرت لك امس ...ايش باقي تبغين ...
هويدا "وقفت":ما ابغى شي ... ابغى ارتاح وبس ...لمتى بس تعطوني اوامر وتوصيات .. انا مو صغيرة ...
يزيد "يقرب منها ويضمها ويضحك":اييييه صح نسيت ان طالعه الثانوي ... مين قدك صرتي اكبر مني ...
هويدا "ضمت اخوها بقوووه": يزيد ... لا عاد ترفع صوتك علي .. ما احبك اذا عصبت ...
يزيد : انا اسف للمره الثالثه .. خلاص عاد ... "رفع وجهها" اليوم على الفطور راح اجي عشانك يالله سوي لي الحلى اللي احبه ..
هويدا :أي حلى بالضبط ...
يزيد "بعدها عنه .. وضحك": اللي يسمعك يقول كل يوم حلى هو هذاك الحلى ماغيره اللي سويتيه امممممم "بسخريه"عام الفين وواحد..
هويدا"عضت شفاتها وضربته بخفه":.. مليغ ... اسمه تشيز كيك ..
يزيد :مليغ والا بليغ ...اللي يعجبك ...و الله يعيننا على مصطلحاتك العربيه كل يوم من دوله .."ابتسم .. وسلم عليها "يالله انا رايح مع السلامه ...
هويدا "بابتسامه": باااي..

يزيد .. طلع سيارته ... وفكر في "بتال" دق عليه بس مارد... "هذا الشخص متى بيرد علي ... شكلي بمر عليه في شقته ... "...غير مسار سيارته وراح لشقة "بتال "... وبدون تردد دق الباب كذا مره لحد ما جاه صوت ضعيف من الداخل ... يزيد بصوت مرتفع "بتال ... بتال ... انا يزيد ... افتح"
بتال "بخطوات ضعيفه فتح الباب ... وطالعه بنظرات تايهه":..يــ ــزيــ ـــ ـد..؟!
يزيد"فتح عيونه": بتال ... ايه يزيد ... وش فيك ماترد على تلفون البيت .. وينك يا شيخ ...انت بخير ..
بتال "نزل راسه":لو سمحت ما ابغى اتكلم الحين مع احد ... اتركني .."وجاء بيقفل الباب بس يزيد مسكه قبل "
يزيد : بتال حرام اللي تسويه في نفسك ..."عصب عليه" فوووق يا بتال .فووووق .. تفكر انك اذا سويت كذا بترجع امك او اختك . اصحى ايش فيك ... عمري ما توقعتك ضعيف لها الدرجه ...
بتال "بغضب": انت مو حاس فيني ولا احد حاس فيني ... حتى روضه راحت وخلتني ...محد اعترض محد زعل ... وينكم لي اكثر من اسبوعين محد سال عني اذا عايش او ميت ...
يزيد : مين اللي ويننا ...بتال احنا تركناك بعد انت ما قلت لنا انت بتتصل علينا لو تحتاجنا ... وترى بس اسبوع ... بتال صحصح ..
بتال : وليش تصدقوني ... انا تعبااان .. حرام عليكم ..."وبصوت قوي ".. بعد يالله عني لا عاد اشوفك ولا اسمع صوتك فاهم ..."وقفل الباب بقوه.. هذا الشي ترك "يزيد" مو مصدق اللي سمعه . معقول صداقتهم تنتهي بهذي الطريقه .. وفي هذا الوقت.. اللي كل واحد محتاج للثاني أكثر...."

.................................................. ...
روضه .. ولمياء مع السواق في السيارة ...
لمياء"تطالع روضه ": انتي تبغين فستان ماسك على جسمك والا بناطيل...؟!
روضه : لميااااء تكفين بلاش تريقه ...
لمياء : مين قال اني اتريق ... اكلمك جد ..
روضه : وين بلاقي مقاسي ...مستحيل...
لمياء : لا موجود مقاسك .. ترى فيه محلات وماركات للمقاسات الكبيرة ...
روضه : والله ... طيب نروح نشوف ...
لمياء كلمت السواق يروح للمول .. ودخلت هي وروضه على طول لمحلات المقاسات الكبيره ...
لمياء : كم مقاسك تعرفين ؟!
روضه : لا من وين بعرف ...ماعمري شريت من هنا ..."تفتح غطاها شوي .. تتنفس"..يوووه حر مره الجوو..
لمياء "اللي كانت متحجه وكاشفه وجهها": قلت لك بلاش النقاب ما سمعتي مني ...
روضه : لا يؤ ..عيب ..حرام اصلا تكشفين ...
لمياء "طنشتها": امشي امشي ... جربي اللي شريناه ..
روضه "باستغراب":وين رايحه ..ووين اجربه ؟!..الخروج من هناك..
لمياء : بنروح دورات المياة فيها غرف قياس ... عشان تقيسين الملابس نشوف اذا على قدك والا رجعناها ..
روضه :لاااا يؤؤؤؤؤه مستحيل اغير ملابسي هنا ... لمياء تكفين في البيت يالله يالله "تدف لمياء .. وهي تقول" في البيت في البيت ..
لمياء"ضحكت ":طيب طيب يالله خرجنا ...
طلعوا السيارة .. وروضه مبسوطه بالاكياس اللي حولينها ... لفت على لمياء "لمياء ... الله يسعدك اخر طلب"
لمياء : وشو ؟!
روضه : ابغى شريحه وجوال ..
لمياء "تطالع في الشباك": يؤ يا روضه ليه ما تكلمتي من قبل .. الحين مافيه ولا محل اتصالات في طريقنا .. والساعه وحده الحين تاخرنا ..
روضه "لفت وجهها بحزن": طيب مو مشكله ...
لمياء : اذا ضروري تبغيه اليوم بعطيك شريحه وجوال من زمان ما استخدمتها ...
روضه "بفرح ":والله ...
لمياء : بس هاه ..ترى مافيه ولا رصيد.. تبغين اشترينا بطاقه شحن من السوبرماركت اللي قدام ...ومن فلوسك ...
روضه "بفرح": جد مدري كيف اشكرك ...
لمياء "طالعت فيها وابتسمت ... اول مرة تحس انها سوت شي لاحد بدون مقابل ..واول مرة تحس الشوبنق له طعم ... "

وصلوا الفله ... وروضه راحت لغرفتها تركض ... ومرت قبل مع لمياء غرفتها اخذت الجوال .. وشحنت لها الرصيد ... ورجعت روضه لغرفتها .. رمت الاكياس على السرير ... وجلس على طرف السرير ... وبدون أي تردد دقت الرقم اللي حافظته اكثر من اسمها .....وجاها الرد بعد كذا رنه ...."ألووو ... بتال "؟!

،

قراءة ممتعه اتمناها للجميع

[لامارا]

<<<<<<<<<<<<<<<<<<
<<<<<<<<<<<<<<<<<<
الجزء السادس
<<<<<<<<<<<<<<<<<
<<<<<<<<<<<<<<<<<<<

وجاها الرد بعد كذا رنه ...."ألووو ... بتال "؟!
بتال :نعم ؟!
روضه "العبره خانقتها":بتال انا روضه ...
بتال "سكت شوي ... يستوعب صوتها":......................روضه ..هلااااااااااااااااااااا.. وينك ياروضه وينك؟!
روضه "بدت تبكي": موجوده يا بتال موجوده ..
بتال "بدا صوته يتحجرج": روضه ليه تركتيني ... والله اني محتاج لك .."يبكي".. ليه كلكم رحتوا وتركتوني ليه ...حرام عليكم
روضه : والله غصب عني ... تدري انه صعب اعيش لوحدي ..
بتال : ليه لوحدك وانا وين رحت .. انا ما صار عندي اهل وانتي اهلي ..انتي كل اهلي ..
روضه : ادري انك ما بتقصر معاي ... بس ..
بتال :بس ايش ..."بعصبيه".. خالك ...اكيد .. لعب في عقلك ..
روضه : انا مو صغيره يلعب احد في عقلي بس هذا الصح ...
بتال "زفر بقوووه": ..آآآه والله ماصرت اعرف ايش الصح وايش الخطأ...
روضه : قولي ايش اخبارك ..؟!
بتال "ضحك بسخريه":ايش تتوقعين اخباري ... "بجديه"..مافيه جديد جالس في الشقه لوحدي .. وانتي كيف العيشه عند خالك ..؟!
روضه "بحزن": آآآه يا بتال .. مع اني تقريبا عايشه بقصر بس اني افتقدت شقتنا على بساطتها ...
بتال : ليه فيه احد مزعلك ؟!
روضه : لآلآ .. محد مزعلني .. بالعكس الكل يتعامل معاي بذوق ..
بتال : خالك عنده اولاد ؟!
روضه : ايه بنت طالعه الجامعه .. وولد دكتور..
بتال : الدكتور هو راكان ؟!
روضه : ايه راكان .. "تردد تقول له انها تكشف عليه .. ولكن فضلت السكوت"..
بتال : اهم شي تنتبهي لنفسك ... وللسكر مايرتفع ..
روضه : والله انا مهمله نفسي من يوم جيت هنا ... صعب اقول لهم ان معاي السكر ..والاصعب يطبخون لي اكل مخصص ...
بتال "ضحك بقوه": .. روضه بتقولي لي عنك .. انتي بالعكس اذا منعناك زدتي ...الله يقطع ابليسك ضحكتيني وانا مالي نفس ...
روضه "ابتسمت":..اصلا انت ماتدري اني نقصت 5 كيلو ...
بتال : لالا ما اصدق ... اجل العيد عيدين ...
روضه "بحزن": طلبت من امي تدعي لي اني انحف ... ويمكن فعلا دعت لي من قلبها قبل لاتموت ... الله يرحمها ...
بتال : الله يرحمهم جميعا ... روضه .. انا فرحت باتصالك وتكفين لا تقطعين .. ماشي ...
روضه : ماشي ..هذا جوالي حاليا طيب.. احفظ الرقم عندك من الكاشف انا مدري كم الرقم بالضبط ..
بتال : حركات اخذتي جوال وانا لسى ما اخذت ... طيب راح احفظه .. والله ان نفسيتي احسن لما سمعت صوتك ..
روضه "ابتسمت":دوووم يا بتال ... يالله مع السلامه ...
بتال : مع السلامه ...

نزلت "روضه" الجوال من إذنها وسرحت في "بتال" ووضعه ... تنهدت بقوه .. وطالعت في أكياس الملابس .. ولكن سحبت لها الكيس اللي من السوبر ماركت كله حلويات وشبسات وعصيرات ... بدون تردد قامت ورتبتها في الثلاجة الصغيرة الموجودة في غرفتها ...

من ورى باب غرفتها كان واقف"راكان" وهو يفكر في الكلام اللي سمعه منها .. غصب عنه سمعها وهي تكلم ...حس انه يشوف "روضه" بشكل ثاني ... تذكر نفسه انه واقف قدام غرفتها .. ركض بسرعه لغرفته ... سكر الباب على نفسه .. وهو يسترجع مكالمتها اللي واضح انها مع ولد اسمه "بتال ".. "يالله يا روضه عندك السكر ... وكمان تعانين من السمنه .. توقعتك منتي مهتمه اذا سمينه والا نحيفه .. ذكرتيني بنفسي ".. وفتح درج التسريحه وطلع منها البوم صوره قبل ست سنوات ..وجلس يطالع في شكله كيف كان الكل في المدرسه يتريقون عليه لحد ما نقل لمدرسه اهليه ووقتها الكل احترمه وصار يخاف منه عشان مكانة ابوه .. ولما سافر بريطانيا يكمل دراسته بعد الثانوي ...تعرف وقتها على"كميليا" هي اللي شجعته ووقفت معاه واشترك في نادي رياضي و قدر يوازن اكله ويحافظ على نفسه.....وتعالج من السكر اللي كان بسبب السمنه المفرطه...
قفل الالبوم .. ورجعه مكانه .. هذي الصور تخليه ما يفكر يرجع للسمنه مره ثانيه .."مسكينه ياروضه .. الله يعينك على الناس ونظراتهم"...

...............................................


في بيت سند .... نايم سند على الجلسه الارضيه اللي في صالتهم ... وجدته ..جالسه جنبه تحني يدها ... رن جواله وقفز من نومته ...سحبه من جيب ثوبه .. وبصوت كله نوم : الوووو
يزيد : سلام ... كيفك سند .؟!
سند "يعدل جلسته": يزيد ... هلا هلا ... والله فكرتك بتال .. وين الرجال هذا اختفى ..
يزيد : مدري بتال هذا ايش فيه .."سرح شوي .. ورجع".. المهم ... ابغاك تمرني اليوم الشركه ..
سند : اليوم .. انتو لمتى فاتحين ...
يزيد : في رمضان لحد 11 ونص ..
سند "يطالع في ساعته": الحين عشرة وربع ...يالله جاي
يزيد: اووكي انتظرك ... مع السلامه ..
سند : مع السلامه .."وطالع في جدته.. وابتسم".. الله الله لمين تتكشخين يا جده..هاه ..
الجده : عن الكلام الفاضي ... عشان العيد.. العيد ياولدي لازم الواحد يستعد له هذا عيد المسلمين وانا امك ...
سند : الله يعيدنا رضاه ...
الجده: آمين .....هذا يزيد اللي كلمك ... وايش يقول عن بتال ..؟!
سند"هز راسها ببطئ": لا جديد ... بتال لسى حابس نفسه من يوم راحت روضه...
الجده : انا قلت لكم بس انتو مارضيتوا ...
سند : أي حل ... قصدك الزواج ..
الجده: ايه الزواج..اجل حد بيرضى تقعد بنته مع واحد غريب غير بالحلال ..
سند : بس ياجده .. هم كانوا عايشين مع بعض مثل البيت الواحد..
الجده: ايه ياولدي هذاك وامهاتهم موجودات . بس الحين محد يرضاها ... تخيل ان روضه اختك فطوم .. بترضى تعيش مع بتال لوحدهم بدون زواج ..
سند : مدري والله مدري... بس اصلا حتى خالها اعوذ بالله منه ..
الجده: اعوذ بالله من الشيطان .. خالها ما غلط ... الغلط منكم يا عيال هاليومين كل شي تبغونه على كيفكم ...
سند "طالع ساعته": اوف صارت عشره ونص ... يالله بروح يزيد يبغاني في الشركه ...
الجده"باستغراب": خير وش عنده يبغاك ...؟!
سند "ابتسم": اذا رجعت قلت لك .. بس ادعي لي انتي ..."ووقف رايح لغرفته يبدل ملابسه"
الجده : الله يوفقك ياولدي .. ويسخر لك اولاد الحلال ...

وفي الغرفه المقابله لغرفة سند ... كانت فطوم عايشه جوها ولهوها ومحد داري عنها ...تعرفها على "هويدا" اللي فتحت عيونها على طريق ماله نهايه .... ولكن فيه سعاده وهميه مؤقته ...خلى فطوم تنسى اللي ربتها عليه جدتها من الأخلاق والقيم .. تعرفوا على بعض عن طريق مدرسه مواد خصوصية أيام الاختبارات .. واستمرت علاقتهم حتى ايام الإجازة ... "هويدا " بس عرفت ان حالة فطوم الماديه مو قد كذا .. أخذتها تحت يدها بالرغم انها اصغر منها بسنه .. تأمرها وتنهيها وما تلاقي من فطوم الا سمعا وطاعه .. وخاصة بعد ما حصلت على اشياء كانت تتمناها بمساعده هويدا اللي حطتها على أول الطريق .. وللأسف طريق مظلم .. هذي العلاقه بينهم تشبع غرور هويدا وتشبع رغبات فطوم..
فطوم بغرفتها .. وماسكه الجوال .. وبصوت واطي ...
فطوم "بدلع":لآلآلآ لآزم هديه مميزه للعيد .. والا أخاصمك قسومي.. ادري ما اهون عليك ..
قاسم : والله انك تستاهلين عيوني يا ناديه ... آمري وتدللي ايش تبغين ..
فطوم : امممم .. ابغى رقم مميز .. وجوال اخر موديل ... وبطاقة شحن ...
قاسم : ابشري ... بس هاه ... المره الجايه تطولين انتي وفدوى .. ..مو بس ربع ساعه ..
فطوم "بملل": ايه ايه خلاص يالله .. اكلمك بعدين ... شآآآآو..

"وقفلت الجوال".. اوف مابغى يوافق يجيب لي هديه... اكلم الحين هويدا اقول لها آخر الاخبار "دقت رقمها وبعد ثاني رنه ردت"
فطوم : هودي ... سلام ... كيفك ؟!
هويدا : اهلين فطوم .. الحمدلله ..
فطوم : اسمعي اسمعي .. اخر اخبار الاهبل قاسم ..
هويدا "بحماس":هاه قولي ايش صار ..طلبتي هديه للعيد ؟!
فطوم : ايه طلبت .. بس قال "وتقلد صوته". يا ناديه المره الجايه تطولين انتي وفدوى ... "وضحكت بقوه"
هويدا "ضحكت":مالت عليه ماشاف شكله كيف.. احد يواعد بنت يجي لابس بدله رياضه ..
فطوم : عاد ايش نسوي هذا المقسووم...."تركز بصوتها".. صوتك ماعجبني .. فيه شي هودي ..؟! لسى متزاعله انتي واخوك..؟!
هويدا "بحزن": لا صالحني ولا عاد فتح معاي السالفه .. بس برضه مشغوله باله بصديقه بتال .. وتعرف على واحد ثاني اسمه سند بعد وكمل الناقص .. ماعاد يقعد معاي ..
فطوم"فتحت فمها":هاااه ....بتال وسند ... ولايكووون .."شهقت بقوه".. يزيد اخوك..؟! .. وسند اخوي ؟!
هويدا"فتحت عيونها": لا لا ..لا تقولين .... معقول صاروا يعرفون بعض ... "وضحكت " احنا ناقصين لخبطه يعني ...
فطوم"بخوف": هويدا تكفين لا تقولين لاحد عن اللي جالسين نسويه ..
هويدا : غبيه انتي غبيه ... اذا انكشفتي انا بعد بنكشف ... "وبلا اهتمام".. خلي الخوف عنك الحين ... المهم ... خالد يبغى يشوفني ليلة العيد .. ايش رايك تجين معاي ؟!
فطوم: ليلة العيد عاد .. لا صعب اطلع .. بس تدرين .. خالد هذا مدري ليه ما ارتحت له .. انتبهي لنفسك منه ..
هويدا : ولا يهمك .. اعرف كيف اوقفه عند حده ... ماعليك خبره يا بنت خبره انتي اشعرفك .."وضحكت"
فطوم : بس هو اكبر منك عمره في الثلاثين تقريبا ... هو قال لي لما رحتي دورة المياه ...
هويدا"بلا اهتمام": ادري ...ولا بعد ازيدك من الشعر بيت .. متزوج وعنده ولدين ...
فطوم : من جدك؟! ايش تبغين فيه هذا ؟ّ
هويدا: ولا يهمني ... يا شيخه .. ماحد يدفع الا الكبار هذولا ..
فطوم "بتردد": بس انتي ماشاء الله مو محتاجه .. يعني الــ...
هويدا"قاطعتها": كيفي انا ابغى.... محد له دخل فيني ..... يالله اكلمك بعدين ..." وقفلت السماعه.. بدون تردد.. رفعت وحده من حواجبها ... وسرحت في شكلها المنعكس على مراية التسريحه قدامها .. " .. راح العب فيكم كلكم على كيفي وبكيفي .. انا هويدا محد يوقف بطريقي ..."ابتسمت ابتسامه جانبيه.. تدل على تحدي المستحيل "


....................................

....................................


شركة ابو يزيد... وبمكتب يزيد ...

دق خفيف على باب مكتبه ... دخل السكرتير يخبره بوجود "سند" برا ينتظره ... سمح له بالدخول ... ودخل سند .."وبحركه سريعه .. سحب رجله بحذائه الشرقي .. وتزحلق وماوقفه الا مكتب يزيد.. وبابتسامه واسعه": سلام يا باشا ...
يزيد "طالعه باستغراب .. وبعدها .. انفجر يضحك":..يا شيخ أركد ... انت بشركه مو بالشارع ...
سند "جلس وحط رجل على رجل":وش اسوي فيكم سيراميكم ناعم ..
يزيد "وهو مبتسم": والله من هالحذيان ..ماصار فيها ولا معالم ..
سند "يطالع في حذيانه":اقول خليك منها الحين ... خير وش كنت تبغى تقول لي ..
يزيد: اممم .. قولي لي تعرف للكمبيوتر ..؟ّ
سند : يعني ... اذا رحت عند واحد من زملائي اطقطق عليه شوي .. في النت والشات ..
يزيد : نت وشاات ..لالا يا سند ..مو هذا اللي ابغاه ..
سند : ليه وش تبغى ..؟!
يزيد "فتح درج مكتبه وبعد تقليب بين الأوراق ... طلع ورقه": خذ ... هذا معهد تعليم كمبيوتر ... خذ لك دورة فيه لمدة أسبوع .. طبعا أسبوع مكثف ... واذا خلصت كلمني ...
سند "طالع في الورقه": وشو ... دورة في برامج الا الا و ... وشو ؟!
يزيد"بابتسامه" : الأوفس ... برامج الأوفس ... وعلى فكرة الدورة على حساب الشركة .. بس أعطيهم هذي الورقة لان عليها توقيعي وختم الشركه ..
سند "قطب حواجبه": أوفس أوفس .."ووسع فمه بابتسامه" وش ورانا نتعلم ... الا على فكرة ترى بعد أسبوع العيد ... انتو الشركات عادي فاتحين في ايام العيد ...
يزيد "ضرب جبهته": اووه صح .. لا لازم اجازة الأعياد ... اصلا حتى المعهد بيكون مقفل لبعد العيد ...خلاص خلي الورقه عندك .. وبعد العيد .. راجع المعهد ... اوكي ..
سند "وقف وطوى الورقه في جيبه": اوكيشن ... "طالعه بنظره جديه" .. بتال كلمك ؟!
يزيد "بحزن": أأ .. لا ما كلمته ولا كلمني .."مايدري ليه ماقدر يقول انه طرده ...".. بس اذا كلمك طمني عنه ...
سند : انا ادق عليه مايرد ... يالله ....... توصي شي ..
يزيد : لا سلامتك ...
سند : ..مع السلامه ..."وخرج من مكتب يزيد ... وتركه سرحان في موقفه مع بتال "

..............................

اليوم التالي في العصر... وبفلة ابو راكان ..

روضه نزلت الصاله هي ولمياء .. سواليف وضحك ويشوفون التلفزيون.....روضه بعبايتها وطرحتها على راسها ..
لمياء: الحين ليش لابسه العبايه ... وين الملابس اللي شريناها سوا ...
روضه "بحرج": يوه لمياء احراج البسها قدامكم ...
لمياء "فتحت فمها":هاه .....ليه احنا وش المفروض تلبسين لنا ..
روضه "تفتك من السالفه": في العيد في العيد ...

دخل راكان ... سلم عليهم بوجهه بشوش .. ولا تردد انه يجلس معاهم يشاركهم سواليفهم ... لاحظ ان روضه تحاول ما تطالعه وتتجنبه .. فكر شوي وقال : روضه ..
روضه "باستغراب": نعم ..!
راكان : انتي كم وزنك .. "ماجاه رد منها .. وكمل".. طيب ما تفكري تسوي رجيم ..؟!
لمياء "ابتسمت":روضه جاوبي .. ترى راكان الحين يكلمك بصفته دكتور ومجرب بعد ... مافيه داعي للاحراج ..
روضه "بتردد": .. إلا ... قد سويت ... بس ما ينفع ... او بالأصح ما استمر ... اطفش بسرعه ...
راكان : شكل محد كان يشجعك ...
روضه : بالعكس أمي الله يرحمها كانت تشجعني بس مدري ليه غصب عني ارجع اكل .. امل من الرجيم والاكل المحدد ...
لمياء : على فكرة راكان كان سمين مررره وهو صغير ... بس سافر ورجع ماعرفناه ضعفان مررره ..
روضه "فتحت عينها": والله ..."وبحماس لفت عليه".. ايش سويت ..
راكان : الاراده ... والتشجيع ...
لمياء "نطت": بروح اجيب لك البوم صورنا واحنا صغار عشان تشوفيه ... اتحداك اذا عرفتيه "وطلعت تركض لفوق"
ساد الصمت شوي بينهم .. وكمل راكان : تدرين مين شجعني ..؟!
روضه "بحرج": مين ؟!
راكان : صديقه لي اسمها "كاميليا".. "وبصوت واطي" ..بعدين اكلمك عنها .. وتكفين لا تجيبين سيرتها عند احد من اهلي ..."وبصوت عادي" ..طيب قولي لي ايش المشكله اللي تعانين منها ؟!
روضه : مدري ... يقولون لخبطة هرمونات ...
راكان "رفع واحد من حواجبه": .. يعني عندك لخبطه في الدورة الشهريه ؟!
روضه "لفت الجهه الثانيه بخجل.. وبدون رد "
راكان "تدارك الموقف .. وبابتسامه": ... اسف اسف ... طيب قولي لي .. عندك زياده نمو الشعر .. على وجهك او يدك ورجلينك ...
روضه "بتردد وخجل وبدون ما تطالعه": ايه ... شوي ...
راكان "جلس جنبها": .. اشوف وجهك طيب ..."ومد يده لوجهها يلفه نحايته".. بس ابغى اتأكد ...
روضه "لفت وجهها ... وهي مغمضه عينها ...":
راكان "ممكن تشيلي الطرحه عشان أ....."
روضه"وقفت بسرعه": ... لا ... أ أ أنا بطلع عند لمياء ...
راكان "وقف وهو يضحك": ... طيب وقفي ابغى اوريك شي ..." فصخ التيشرت اللي عليه ... وظهر جسمه العريض وعضلاته .. رجع راسه لورا وتحرك شعره معاه .. وقال ايش رايك ...
روضه "ما كانت تدري ايش بيسوي ... كل شي صار قدامها بسرعه ... حمر وجهها ... ونزلت راسها "...
راكان : طيب شوفي ابغى اقول لك كيف كان الجلد مترهل .. لاني سويت رجيم بدون تمارين ... بس بعدين استمريت ع التمارين ولحد الان ... والحمدلله جسمي بدا ينشد ... "ضحك".. طالعي طيب .. انا بعلمك ايش بيصير بجسمك ... عشان لا تنصدمين ...
روضه "عطته ظهرها ": ما ابغى اشوف ...

شوي الا صوت باب الفله يتقفل وصوت الكعب ينذر على قدومه للصاله ..وام راكان بصوت عالي "تاااااالي... تااااالي ... روحي جيبي الأكياس من عند السواق "
روضه "لفت على راكان .. وهي تضرب خدودها ": خالتي ...البس البس تكفى لا تفضحنا ...
راكان "ابتسم .. وبكل برود لبس"
دخلت ام راكان ... ولمحت راكان يعدل تيشرته .. وروضه وجهها محمر ومرتبكه ...طالعتهم بنظرات شك :"ايش فيكم .."
راكان "هز راسه .. وهو يرجع شعره على ورى": ولا شي ..
لمياء "... نزلت بسرعه وهي شايله بيدها الالبوم ....":.. أووف ما حصلت الا واحد ... وين الألبومات الثانيه عندك يا راكان ؟!
ام راكان "طالعت فيهم": انتي وين كنتي ...
لمياء "بابتسامه عريضه": اووه مآآآم ... كنت أجيب الالبومات اوريها روضه ... نتسلى شوي قبل المغرب ..
ام راكان "طالعت في روضه اللي منزله راسها":.. الحين احنا بأواخر ايام رمضان وانتو تتسلون ...
راكان : امي .. ليه انتي وين كنتي تساعدين الفقراء مثلا ..."جلس وحط رجل على رجل".. حتى انتي كنتي بالسوق .. تتسلين يعني...
ام راكان : لا ترادد يا راكان ... انا امك ..
لمياء : ماما وش فيك معصبه علينا ...
ام راكان "بعصبيه": يالله كل واحد على غرفته ..."راكان ولمياء مو متعودين على هذه الاوامر ... طالعوا فيها بنظرات غريبه ... ولكن "روضه" ما صدقت بهذا الامر .. طلعت غرفتها وهي ماتشوف الطريق...طبعا "ام راكان"... محد سمع كلامها .. طلعت غرفتها وطنشتهم .. وهي مقهورة من "روضه"


..............................


أذن للمغرب .. ونزلت "روضه" .. وببطئ تنزل الدرج .. حالها حال أي وحده وزنها زايد ... وشوي "راكان" يمر من جنبها .. وبصوت واطي "مساء الخير".. وكمل نزوله بهروله وخفه .. طالعته روضه بنظرات حسد .. "ياترا بيجي يوم انطط في الدرج مثلك .."كملت نزولها بفكر مشتت .....جلست كالعاده على طاولة الطعام .. وبعبايتها وطرحتها ... والكل يأكل بصمت .. و"لمياء" كالعاده تعطي "روضه" في صحنها منعا للإحراج ... كسر "راكان" الهدوء وهو يطالع في "لمياء"...: "روضه عندها سكر مايصلح تاكل حلى "
الكل طالعه بنظرات استغراب ... بس نزل راسه يكمل اكله وكمل .."المفروض قلتي لنا من اول يوم وما انحرجتي منا يا روضه .. صحتك اهم من أي شي ثاني "
ابو راكان "طالع بروضه": صادق يا بنتي ليش ما تكلمتي ...
روضه "مستغربه كيف عرف راكان .. ضبطت طرحتها بربكه ... وخاصة ان نظرات ام راكان بتاكلها":... خـ خالي .. عادي ...أنا..
لمياء : لا مو عادي ... السكر لازم له متابعه ...
راكان "مركز على روضه":عندك جهاز السكر ؟!
روضه "بارتباك": كان عندي بشقتنا بس نسيت اخذه ..
راكان : خلاص اليوم ان شاء الله يكون عندك جهاز جديد ..
روضه "بحرج": مشكور ماتقصر ...ما قصرتوا كلكم ..
ام راكان "والقهر مالي وجهها": راكان ... بعد الفطور تعال غرفتي .. ابغى اكلمك ..
راكان"بلا اهتمام": اوكي ...

.................................................. .....

.................................................. .....

في فلة ابو يزيد ....

هويدا ويزيد ... خلصوا من الفطور... وجالسين في الصاله ياكلون حلى تشيز كيك ..اللي سوته هويدا ... دق جرس باب الفله .. مع استغراب على وجيههم مين راح يجيهم في هالوقت ..؟!
فتحت الشغاله الباب ... ودخل عليهم في الصاله .. وبصوته الجهور.."السلام عليكم"
يزيد, هويدا : ... يبه ....بابااا...؟!
ابو يزيد : ردوا السلام أول .. وقوموا سلموا ...مااالت عليكم من عيال ...
يزيد .. وقف وسحب هويدا معاه اللي كشرت بس شافت ابوها قدامها ..وسلموا عليه في راسه ويده ..
جلس "ابو يزيد" على الكنبه وهو يطالع في الحلى ...
يزيد "لاحظ نظرات ابوه": يبه تبغى حلى .."وبابتسامه".. ترى هويدا اللي سوته ...
ابو يزيد "بسخريه":والله زين تعرف تسوي شي هالبنت ...
هويدا "كانت جالسه بتوتر وتاكل في اظفارها ... بس سمعت ابوها قال هالكلمه .. وقف وطالعته بزعل .. وطلعت تركض لغرفتها"..
يزيد: ليه يا يبه كسرت بخاطرها ... حرام عليك ..
ابو يزيد :حرمت عليها عيشتها ... المهم ... خلنا منها انا جيت عشانك انت ..
يزيد: خير يا يبه ...
ابو يزيد : خير خير ... ابغاك تحجز اليوم وبكرة تكون في دبي ...
يزيد: ليش ..
ابو يزيد: عشان توقع عقد الشراكه مع الشركه اللي متعاملين معاها في دبي ...
يزيد: يبه انا لسى ماقريت شي عن المشروع ... وبعدين ما بقي شي عن العيد .. خلها لبعد العيد ..
ابو يزيد "وقف وبصيغة الامر":انت سمعتني .. بكرة تكون بدبي ...واذا وصلت هناك .. "جمال" راح يكون بانتظارك ويعطيك الأوراق ودراسة للمشروع .. يمديك تقراه في يوم اذا ودك والا بكيفك لاني قاريه ومنتهي من الموضوع بس ماعندي وقت اسافر وأوقع ..
يزيد"بسخريه": ليش خايف على العروس الجديده تعيد وحدها ...
ابو يزيد : ايه هي محتاجتني .. مو مثل امك ... المهم انا رايح الحين .."وهو خارج .. لف طالع فيه".. في العيد بسافر شرم الشيخ .. يعني لا اشوفكم تتصلون وتزعجوني ..اذا فضيت كلمتكم والا ماله داعي هذا انا شفتكم ...في امان الله "وطلع .... تارك وراه نظرات تايهه تدور عن معنى الابوة في قلب امثال هذا الرجل .."



................................


في فلة ابو راكان ............. وبالتحديد جناح الوالد والولده ... وراكان جالس قدام امه اللي واقفه من شدة توترها ...
ام راكان "تتكلم بعصبيه ": الحين ممكن تفهمني ايش بينك وبين روضه ؟!
راكان "فتح فمه":هاه ...
ام راكان : سمعتني جاوب ... "وضيقت عيونها".. من العصر احسكم مو طبيعيين لما دخلت عليكم وانتو في الصاله .. وقعدتنا على الفطور .. ومعرفتك بمرضها ..
راكان "بنظرات بارده": وبعدين ..!!
ام راكان : لا تلعب باعصابي يا راكان .."بعصبيه ".. تكلم ...
راكان "قطب حاجبه .. ووقف يقرب منها":امي الله يهديك وين راحت افكارك .. تشكين فيني ..انا ولدك راكان ... طيب انا سافرت لوحدي بريطانيا ست سنوات .. ما كلمتيني بها الطريقه .. "كتف يده"ايش تتوقعين من ولدك الدكتور اللي الناس تثق فيه وانتي ما تثقين ...
ام راكان "مسحت على وجهها": أنا اا..
راكان "مسك يدها وباسها": يا امي .. تطمني .. كل مافي الموضوع ان روضه محتاجتنا نوقف معاها ... كفايه اللي صار لها وفقدت اعز ناس على قلبها .. نبخل عليها لو عطيناها شوي من وقتنا ..
ام راكان "بحرج":ياربي انا ايش صار لي ..."تطالع فيه" ... مدري ليه من يوم شفتها وانا مو طايقه عيشتها بهالبيت ... ما توقعتها كذا ..
راكان : ليه يا امي .. والله البنت ضعيفه ومسكينه ومؤدبه ...
ام راكان : خلاص ..خلاص ..اذا تبغى اطلع خلاص ... ابغى اجلس لوحدي شوي ....
راكان : على راحتك ...

.................................................. ..............

أنتهى رمضان... و في ليلة العيد ... والكل بعد المغرب فرحان بقدوم العيد ...حصلت مواقف كانت مفترق طرق للكل ...

..... في فلة ابو يزيد ........

تجهزت "هويدا" بأجمل لبس واحلى مكياج .. لبست فستان زهري ماسك على جسمها لنص فخذها بقصه تحت الصدر وتوب .. ومكياج زهري ناعم ابرز جمالها وشعرها الكيرلي لمته على جنب بربطه فضيه .. لبست كعب فضي وشنطة فضيه .. تمايلت بدلع وهي تشوف جمالها في المرايا .. "إما دوختك يا خالد .. وخليتك تنزل البير وترجع عطشان ".. ضحكت بمكر .. فتحت دولابها وطلعت منه عبايتها الشفافه ... لبستها ... ورمت الطرحه بعشوائيه على راسها ... مرت على التسريحه وهي طالعه سحبت لها عطر .. وطلعت من غرفتها وهي ترش منه على جسمها كله ...ونزلت الدرج .. وتنادي على الشغاله ..."جاني .. جاني "
جاني "تركض لعندها":نعم .
هويدا "وهي تدخل العطر في شنطتها": شوفي انا بطلع .. اذا مستر يزيد كلم تلفون يسال عني ..قولي نايم ... طيب
جاني : واذا فاطمه كلم .. قول لها نايم ؟!
هويدا : انا قلت يزيد .."ومشت بخطوات سريعه .. بعد ما تغير شكلها .. وبصوت واطي".. اصلا مين راح يتذكرني في ليلة العيد .. حتى يزيد الشخص الوحيد اللي بحياتي مسافر... "دمعت عينها .. ومسحتها بسرعه .. ".. لا لا ياهويدا محد يستاهل دمعتي .."ابتسمت بالقوه .. واخذت هواء عبا صدرها ...ومشت بكل ثقه.."وصلت الكراج ... فتح لها السواق باب السيارة ... وانطلق للمكان اللي قالت له عليه ....

..................................

في فلة ابو راكان ..... ...
دخلت لمياء على روضه غرفتها .. روضه اللي كانت جالسه على طرف سريرها وهي تطالع صورة امها .. ودموعها تنزل غصب عنها ....لمياء قربت منها وضمتها .. وصارت تبكي روضه على صدرها ..."اشتقت لها يا لمياء "
لمياء "بحزن":الله يرحمها ...خلاص بكى تكفين ..." وهي ترجع شعر روضه لورى مرت يدها على وجهها وحست بشعر الوجه والرقبه طالع بشكل ملحوظ.. حزنت عليها .. فكرت شوي ".. اقول روضه... انا رايحه المشغل .. ايش رايك تجين معاي...
روضه "بعدت عنها .. وهي تمسح دموعها":لا لا مالي نفس ...
لمياء "وهي تمسك شعرها":ودي اغير لونه الاسود ذا ..وابغاك تساعديني اختار اللون "وتمسح على وجهها ".. واسوي فتله لوجهي واشقر حواجبي ...تعرفين بعد عيد ..
روضه "مررت يدها لا شعوريا على وجهها ":
لمياء "تفكر": والا ايش رايك نجيبها البيت ... وناخذ راحتنا ..بدل زحمة المشاغل والانتظار ..
روضه "فتحت عيونها":صدق ...تقدري تجيبيها البيت ..
لمياء "بفخر": انا متعامله مع افضل العاملات في مجال التجميل ..."وفزت بسرعه ..".. بروح اكلمهم لازم في خلال نص ساعه يكونوا عندنا ... "وطلعت من الغرفه تركض "...

..................................

"هويدا" ... وصلها سواقها لمواقف السيارات في مول كبير .. ونزلت منه بعد ما روشت نفسها بالعطر.. ورمت الطرحه على وجهها عشان لاحد يعرفها .... لفت يمين ويسار لحد ما شافت سيارة التيما سوداء على وصف "خالد" لها ... مشت للسيارة بغنج ودلع ... ضربت بخفه قزاز السواق .. ولكن تفاجأة ان "خالد" طلع من الباب الخلفي .. واشر لها تطلع جنبه ...
هويدا "بعد ما جلست جنبه ": ... خلوووود .. ايش المفاجأة هذي جايب سواق هالمره ...
خالد "وهو يقرب منها ويضمها": إيه يا فدوتي عشان اقدر استمتع بهالجمال والرقه ...
هويدا "بضحكه"": قبل لا تقرب ولا تسوي شي ...هاتي هدية العيد بسرعه ..."ومدت يدها له"
خالد : ولووو ....انا اقدر انسى هديتك ... بس غمضي عيونك حياتي .. وتلاقيها قدامك ..."ضحك بدون صوت ضحكه خبيثه .. وهو يشوفها مقفله عيونها ... مد يده في جيب مقعد السيارة وطلع منه علبة بخاخ ... "

.................................................. .


في فله ابو راكان ... دخل ابو راكان لغرفة راكان .. بعد ضرب خفيف على باب الغرفه ...
راكان "لبس بنطلون جينز مع تيشرت ابيض ..وواقف قدام التسريحه يضبط شكله": ..هلا يبه ...بغيت شي ..
ابو راكان : شكلك طالع .؟!
راكان : ايه يبه وقت مناوبتي في المستشفى الحين ..
ابو راكان : حتى ليلة العيد ... ليش ماغيرت مناوبتك ..
راكان "يمشط شعره": انا اخترت هالوقت .. لانه غالبا مايكون فيه زحمة ..."يرمي المشط عل التسريحه"..بجيكم ان شاء الله الساعه 7 الصباح ..
ابو راكان : يا ولدي متى بكلمك عن المشروع .. ودي اخذ رايك ..
راكان : يبه بعدييين ..لازم خلال ساعه اكون في المستشفى ...


.........................وفي غرفة "لمياء" ... كانت هي و"روضه" تحت يد العاملات يسوون فتله لوجيههم وتشقير ... فجأة رن جوال "روضه" ...
روضه "تطالع العامله":معليش شوي ...."طالعت في الجوال وابتسمت"..
لمياء "تتابع ملامحها العاكسه في المرايا": .. خييير لمين هالابتسامه... اكيد بتال صح ..
روضه "وقفت": صح .... بروح اكلمه في غرفتي .."وطلعت ..وهي رايحه لغرفتها ... وبصوت واضح"... هلا بتال ...وانت طيب بالصحه والسلامه ... "دخلت غرفتها ... وسكرت الباب"


................... ابو راكان كان طالع من غرفة ولده .. وسمع اسم بتال ..وتفاجأ ..ان روضه معاها جوال ... لف على ولده بعصبيه ..."روضه من متى معاها جوال ؟!"
راكان "بلا اهتمام": مدري ... "وطالع في ساعته".. يالله تأخرت مع السلامه "ونزل من الدرج "
وترك ابوه يفكر يمين ويسار .."هذي البنت شكلها ماراح تعقل "..
وقرب من غرفتها .. وفتح الباب بقوه بدون استئذان .. وبصوت عالي "روووضه .... جيبي الجوال "
روضه "خافت منه ولا شعوريا رمت الجوال ": خالي وش فيك..
ابو راكان "باندفاع .. ": وش فيني هاه ... وبعد تكلمينه وتعصين اوامري ياللي ماتستحييين ..
روضه "وقفت من الخوف ولصقت في الجدار ... وهي تبكي .. عمرها ماشافت خالها بهالشكل "
ابو راكان "اخذ الجوال ":الووو ..يا ولد انت ما عندك نخوه ماعندك ذوق ... قلنا لك البنت لا تكلمها ولا تشوفها ولا تسمع الكلام .. ايش اسوي لك انت ...هااااه ... تكلم ..
بتال "مذهول وهو يسمع هالصراخ ..وكلام خالها له .. وبعصبيه يكلمه ": والله لو مديت يدك عليها ما يصير لك طيب ... سااامعني .. وانا اكلمها بالوقت اللي ابغاه مالك دخل ...
ابو راكان : لو قربت منها .. والله ما يوقف بدربي الا الشرطه تتفاهم معاك ...
بتال "بعصبيه": هي انت مابتخوفني بالشرطه ... سامع
ابو راكان : روح روح دور لك احد ثاني تتسلى معاه ... قطيعه ..."وقفل الجوال وضغط عليه .. طالع في روضه بعصبيه .." انت ما تتوبين ... ما تسمعين الكلام ... ايش خليتي لبنات الخمسطعش .. مكالمات وجوالات ... ماتستحيين ..."ماجاه رد من روضه غير الدموع".. قولي من وين لك الجوال ..هاااه .. تكلمي ...
روضه "غطت فمها بيدها وتشاهق"...
ابو راكان : شغلك عندي ... بس بعدين مو فاضي لك الحين .."اشر ع الجوال" وهذا راح يبقى معاي ... وراح اشوف اخرتها معاك ياروضه ..."طالعها من فوق لتحت بنظرات اشمئزاز ... وطلع من الغرفه وضرب الباب بعده بقوه"
روضه انهارت بعد ما طلع ونزلت على الجدار لحد ما وصلت للارض ... وبدا نفسها يضيق ... وهي تحاول تاخذ نفس بقوه .....
خايفه على نفسها وخايفه على بتال وخايفه من خالهاا ...


.................................................. ..

.................................................. ..


هويدا .. تفتح عيونها بصعوبه ... وهي تشوف سقف السيارة وضوء خفيف ...فركت عيونها ... وبارتباك ... جلست ... وتلاقت عينها بعين خالد .. وباستغراب "ايش صار لي .".. ضحكته الشيطانيه ... خلتها لا شعوريا ... تطالع في نفسها .. ولقيت عبايتها مع غطوتها مرميه تحت رجلها .. وفستانها واضح انه مقصوص لحد بطنها ... وهذا كله عريااان ... شهقت ...." ... ياويلي ...خاااالد "...
خالد "بتريقه": عيووون خااالد .."وضحك بقوه"..
هويدا "سحبت عبايتها تغطي نفسها .. وهي تبكي": يا حقيييير ... يا نذل ايش سويت ...
خالد : ابد ... بس حبيت اوريك مستواك ... يا هويدا ... أوووه نسيت اقصد ... فدوى ..
هويدا "تفاجاة انه يعرف اسمها الحقيقي": انت.. انت واحد وااااطي ...حقييير ...
خالد : الحين انتي يالبزر تلعبين معاااي .. ... قلت لك انتي مو قدي .. بس ماسمعتي كلامي ...
هويدا "تبكي بقوه" : والله لافضحك .. عند زوجتك .. واهلك .. انا ... انا اعرف عنك كل شي ...
خالد "سحب شعرها .. ومن بين اسنانه": .. افضحيني وانا افضحك .. يا بنت ابو يزيد .. عشان يعرف انه ماعرف يربي بنته ...
هويدا "تصرخ": آآآآه شعري ...اتركنننني ... وديني لسواقي بسرعه ...
خالد : ما تبغين اوصلك لفلتكم ... تراني اعرف العنوان ..
هويدا : يا حقيييير ... وديني لسواقي وبس ما ابغى منك شي ...
خالد "فتح باب السيارة .. ونزل رجل ورجع دخل .. وطالع فيها": على فكرة انا مايشرفني اقرب من وحده مثلك ... وانجس نفسي ... بس هالسواق مسكين طفشان وكان يبغى يتسلى ... فخليته يتسلى فيك .. "طالع للسواق" .. صديق ودي هذا مواقف سيارات المول اول ...اوكي... "طالع فيها" .. لا عاد توريني وجهك ولا تسمعيني صوتك ... فاهمه .. شآآآآو .."وطلع من السيارة .. وضرب الباب بقوه ... وراح يمشي بكل انتصار"..
هويدا "غمضت عيونها وهي تسترجع كلامه.. وصرخت":تحرك بسرعه ايش تنتظر... لعند سيارتي ...

.................................................. .....................


في بيت سند ... الجده تنظف مجلس الرجال هي وفطوم ... ودخل عليهم سند ...
سند "وهو مبتسم": السلااااام عليكم ...
الكل : وعليكم السلام ..
الجده : مسرع خلصتوا صلاة العشاء ..
سند "وهو يجلس": خلصنا .. اجل تفكرين زي رمضان صلاة تراويح ..
الجده"بحزن": إيييييه ..والله اني زعلانه عشان رمضان ... راح بسرعه ماحسنا فيه ...
فطوم"بمرح" : يا جده كلها 11 شهر وبيجي رمضان ..
الجده : مين يدري مين يعيش لذاك اليوم ...
سند : يا جده ربي يخليك لنا ... انتي نور البيت ...
فطوم "تطالع سند": اقول سند بتروح السوق ...
سند : وش بغيتوا ..
فطوم : ابغاك تجيب حلاوة جالكسي .. ومكسرات ..
الجده : هوو .. وشوله يجيب وانا رحت السوق امس وجبت حلاو للعيد ...
فطوم : يا جده الحلاو اللي جبتيه حلاوة التوفي القديمه ... وحلاو حلقوم ..انا ابغى انادي صديقاتي وابغى شي يواجه ..."وكتفت يدها بزعل"
الجده : والحين ماراح يواجه الا المكسرات ومدري وشو ..
سند "ضحك": ماعليه ياجده ... بجيب لها شوي عشان تفكنا من قرقرتها.."وغمز لفطوم ... اللي فرحت من رده"... اقول جده فيه تمر ...
الجده : ايه فيه تمر ..الا وش صار على وظيفتك الجديده..؟!
سند : بعد العيد بروح اخذ دورة كمبيوتر اسبوع وبعدها استلم الشغل ..
فطوم : ايش بيشغلك ..
سند : مدري بالضبط ... بس مايهمني اللي يهمني اني اشتغل في شركه مو بمحل خضار ..."يطالع فطوم".. جهزتوا ملابس العيد ..
فطوم : ايه كويت لك ثوبك الاصفر حق السنه اللي راحت .. بس فيه بقعه على جنب مارضت تروح ...اما شماغك هاتي اللي فوقك عشان اغسله واكويه .. اشمغتك الباقيه مقطعه ...
سند "ابتسم": مو مشكله البقعه .. محد بيمنعني اصلي العيد وافرح به لان ماعندي ثوب جديد .. اما الشماغ فخذي ..."رمى لها الشماغ " ضبطيه ...
فطوم "مسكت الشماغ":ان شاء الله .."وطلعت من مجلس الرجال .. وراحت لغرفتها ... سكرت الباب .. وفتحت الدولاب طلعت جوالها وفتحته ...".. بفتحه عشان استقبل رسايل العيد...واااو وناسه اخيرا باصير مثل هويدا .. محط اهتمام الجميع ."ضحكت ..." يالله بحطه ع الصامت ... وبروح اغسل شماغ سند ..."رمت الجوال بين ملابسها وسكرت الدولاب ... وطلعت من الغرفه .."

.............................

"هويدا" دخلت الفله وهي ترجف من شدة البكا .. فجأة حست بمغص قوي .. فتحت فمها وعيونها..حست بخوف .. فصخت جزمتها في المدخل ... وركضت لغرفتها بصعوبه وهي مساكه على بطنها ...
سكرت باب الغرفه بالمفتاح ... طالعت في لبسها .. وصرخت "..لآلآلآه ..." وطاحت على الارض جالسه بانكسااار ... "حقييير.. آآآآآه ... نذل ".. بكت بقوه .. وهي تضم جسمها لبعض ..تذكرت صديقتها "فطوم".. تحسست الجوال في شنطتها اللي رمتها جنبها ..طلعته وباصابع مرتجفه ...دقت رقمها .. ولكن للاسف محد رد ..وصرخت بقوه .."وينك انتي الثانيه ... ليه اذا احتجت لاحد ما الاقيه .." ...سرحت شوي ودموعها تنزل على خدها... ووقفت تطالع في شكلها بالمرايه .. تطالع مكياج وكحلها اللي ساح على خدها من كثرة البكى .. وشعرها المنفوش وكأن لها فتره مامشطته .. وطالعت في فستانها الغالي الماركه كيف مقطع .. قطع عليها تأملها .. صوت جوالها ..اخذته بسرعه لما عرفت نغمة فطوم .. ردت بصوت باكي "فطوووم الحقيني .."
فطوم : خير يا هويدا ايش فيك ...
هويدا"تبكي بقوه": الحقيييير ... النذل ...
فطوم "بخوف": هويدا مين تقصدين ... ايش صار ليه تبكين ..؟!
هويدا "تمسح دموعها":لازم تجيني الحين الحين .. محتاجتك فطووم .. تكفيييييين ..."وبكت بقوه"..
فطوم : هويدا مدري .. جدتي واخوي بيخلوني اجيك والا ...
هويدا "قاطعتها برجاء": تكفييييييييين ....
فطوم "حزنت عليها":خلاص ولا يهمك ... بتصرف وان شاء الله جايتك ... بس اهدي انتي وروقي ...طيب!
هويدا : طـ طيب .. بس لا تتأخرين ..."سكرت منها ... ورمت جوالها بالارض بدون اهتمام .... وبنظرة سريعه على شكلها في المرايا .... سحبت ارجولها سحب لدورة المياة ... ودخلت تحت الدش بملابسها ... وهي مو مستوعبه اللي صار لها ... وخالطت دموعها قطرات الماء .. وبكت هويدا كبريائها وجمالها واهم شي بكت شرفها اللي ضاع "


................................................


فطوم .. عند جدتها تترجاها ...تروح لهويدا ...
الجده : يوه ما تستحين تروحين عند ناس مانعرفهم ...
فطوم : ياجده الله يخليك .. البنت تبغاني ضروري مسكينه ماعندها لا ام ولا حد ..."طالعت في سند"... تكفى سند ..
سند : انا رايي من رأي جدتي ..
فطوم "طفشت .. وماصار عندها حل الا ": .. سند يعرف بيت هويدا ...
الجده "فتحت عينها في فطوم وعكستها لسند":وشووو ...
سند "باستغراب": هي بنت بلا غباء ..
فطوم "وقفت بزعل": ايه هويدا ... اخت يزيد ... صاحب الشركه اللي بتتوظف فيها ...
سند "عدل جلسته":أماااا ... من جدك ... وش جمعك مع بنت ابو يزيد ..؟
فطوم : تعرفت عليها عن طريق المدرسة الخصوصيه اللي درستني ايام الاختبارات ...المهم بتودوني والا كيف ..
الجده : هووو توي ادري .. ماقد جبتي سيرتها ...
سند : هاه يا جده اوديها ؟
فطوم : والله البنت تحزن حتى يزيد مو فيه مسافر دبي صح يا سند..
سند : ايه صح ..
الجده : بكيفك انت واختك.. اذا يعرفهم سند خلاص
سند : ايه اعرفهم يا جده ... والله ناس طيبين ومحترمين ..."طالع في فطوم ".... يالله بسرعه البسي عباتك ... انتظرك بالسيارة
فطوم "بفرح": اوكي ...دقيقه بس...

.................................................. ..........


بتال ... مقهور من ابو راكان ... اخذ مفتاح سيارته من غرفة امه ... ونزل يمشي وهو يفكر كيف ينتقم من ابو راكان ... فتح سيارته .. وما تفاجأ كثير لما حصل مافيها بنزين .. والغبار على السيارة لان لها اكثر من ثلاث شهور من لما سافر لندن محد حركها من مكانها ... شغل مساحات السيارة .. وشغلها .. ومشي بشويش لحد ما وصل لاقرب محطه بنزين ... عباها ... ومشي بشوارع جده .. مو عارف وين رايح ...و القهر اللي بداخله هو اللي يحركه ... لا شعوريا حصل نفسه امام فلة ابو يزيد ... تأمل بتال الفله وكأنه يسترجع كل ذكرياته مع يزيد .. وتذكر اخر موقف جمعهم عند باب شقته لما سكر بوجهه ... تكى على باب السيارة ويده على جبهته وهو متردد ..بين خجله من اللي سواه و شوقه للقاء صديقه ..

.........................................
هويدا... طلعت من دورة المياه وهي مكسورة بكل ماتعنيه هذه الكلمه من معنى ... ولبست بجامه بيضاء فيها دوائر سوداء .. طالعت في نفسها ..."لالا .. الابيض مو لايق علي ...لاني للاسف مو ...أ ...أ ..." .. فتحت دولابها ورمت كل ملابسها في الارض بعصبيه وهي تبكي ... "اوريك يا خالد اوريك ".. وبلا شعور اخذت الجوال ...ودورت رقمه ... ولكن بطلت لما سمعت صوت جرس الفله .. "هذي فطوم".. وعلى طول تجمعت الدموع في عينها ... رمت الجوال ... ونزلت تجري من الدرج ... شافت الشغاله رايحه للباب ... بصوت عالي .."لاااا ... انا بفتح روحي انتي "... وصلت لعند الباب وفتحته ... وتفاجاة ..بـ بتال ...قدامها ...

بتال "تأملها شوي ..ولف بسرعه وعطاها ظهره": .. ااأ ... يزيد .. موجود ؟!
هويدا "تعرف بتال بس لها اكثر من سنتين وهي تتغطى عنه.. ردت بعصبيه .. وانفجرت فيه": أنت .... انت ايش جابك ... انت ماتحس ... عذبت اخوي وخليته بس يفكر فيك .. ويساعدك وعاند ابوي واستمر بصداقاتك .. واخرتها تطرده من بيتك ... عشان الاوهام اللي براسك ...والحين جاي تسال عنه بكل وقاحه ...
بتال "نزل راسه": هويدا .. يزيد موجود والا لا ...؟!
هويدا : انت يا فقير يا منتف .. احمد ربك ان اخوي نزل مستواك وصادقك .. والا امثالك يمسح جزم عنده ...
بتال "عصب منها .. وقبض على يده بقوه ..ولكن ما رد عليها .. نزل من درج المدخل ..متجهه لبوابة الفله الخارجيه": ..
هويدا "صدرها يطلع ويهبط من شدة العصبيه اللي كانت فيها ... بلعت ريقها .... وتأملته شوي وهو معطيها ظهره ... لمعت في راسها .. فكره ماترددت في تنفيذها ... وبصوت هادي": بتااااال ... بتاااال ..
بتال "وقف بدون مايلف لها ":
هويدا "مسحت دموعها بطرف كمها ... ورجعت شعرها على ورى ... وزبطت بجامتها .. وقربت منه .. وبصوت ناعم ".:. بتال .. انا .. انا ...اسفه على اللي قلته لك ... انا كنت معصبه .. و.."تفكر".. و .. تعرف محد معاي وانا لوحدي في ليلة عيد ...اللي المفروض تكون احلى ليله .."تذكرت خالد وتألمت بصمت .."
بتال "هديت اعصابه": حصل خير ... وفعلا اصعب شي اذا كنت لوحدك .. ما قلتي لي .. وين يزيد ..؟
هويدا "ابتسمت بسخريه انه استجاب لها .. وبدلع ": بتااال .. وش فيك ما تطالعني .. ترى لك فتره ماشفتني .. شوفني كيف تغيرت ..
بتال "قاطعها .. وعينه بالارض": .. انا رايح اذا جاء "يزيد" .. قولي له اني سألت عنه .... وابتعد عنها بخطوات سريعه .. رفع راسه ووقف ..وهو يبلع ريقه بصعوبه .. بعد ماسمع اسمه ..
:" بــتــــــــاااال " ؟؟!!

،

قراءه ممتعه للجميع : )

[لامارا]

<<<<<<<<<<<<<<<<<<
<<<<<<<<<<<<<<<<<<
الجزء السابع
<<<<<<<<<<<<<<<<<<<
<<<<<<<<<<<<<<<<<


يبلع ريقه بصعوبه .. بعد ماسمع اسمه ..
:" بــتــــــــاااال "
بتال "حرك فمه بصعوبه ".:يـ يـــزيد ..؟!
واقف "يزيد".. وبيده شنطه السفر .. طال نظره وهو يطالع في "بتال" .. اللي اشتاق له موت ... قرب منه بخطوات سريعه .. وعينهم في بعض .. صار مواجه له وهو مركز في ملامح "بتال" ..
بتال "بصعوبه تكلم":أنـــا .. أنا ... آسف ... واكون غبي لو فرطت بصداقتك ..
يزيد "رمى الشنطه من يده ... وضم بتال بكل قوته ...وبفرح ":..صدق انك غبي ....
بتال "وهو بحضنه... بفرح ":..عاد انا اسب نفسي بكيفي بس لا تسبني انت ...
يزيد : والله اني اشتقت لك ... لا عاد تعيدها ...
بتال : انا اللي فقدتك ... وسامحني يا يزيد ... سامحني ..

... هويدا ... سحبت نفسها بهدوء ودخلت الفله .. طالت نظراتها وهي تشوفهم حاضنين بعض ..تنهدت بصعوبه غمضت عينها .. وسكرت الباب وراها ...

يزيد ".. بعده من حضنه .":.. اخيرا تنازلت وجيتني ... صدق عنيد و.."بفرح"..غبي ...
بتال "بحرج": .. كفايه تهزيئ ... "وضحك"..
يزيد "حاط يده على كتفه":تعال .. تعال ..ندخل مجلس الرجال ...
بتال "بارتباك": انا ... انا توي وصلت وسالت عنك ... وطلعت لي هويدا ..."ابتسم".. من زمان عنها .
يزيد : هذي هي هويدا اللي تعرفها لا عقلت ولا تغيرت ..الله يعين وبس...
بتال "يطالع في شنطته": انت كنت مسافر ؟!
يزيد : ايه كنت بدبي توي جاي ...
بتال : خلاص اجل اخليك ترتاح ...
يزيد :لااا وين ارتاح .. من جدك .. ماصدقت اني شفتك ... "لفت على جهة المسبح".. ايش رايك نجلس هناك ع المسبح ..
بتال : اوكي يالله ...

..........................


" فطوم" في سيارة "سند" .. جالسه بتوتر كل شوي تطلع الجوال وتشوف كيف "هويدا" حرقت جوالها بالمكالمات وهي ماتقدر ترد .. عشان اخوها لا يكتشف وجود الجوال .. طلع "سند" السيارة ورمى في حضنها علبه شوكولاته ...
فطوم "تطالع فيها باستغراب": ايش هذا ...
سند "وهو يشغل السيارة": .. عيب تدخلين عليهم ويدك فاضيه ...
فطوم : عادي احنا صديقات مابيننا هالسوالف ...
سند : انتي ما تدرين مين مصادقه ... يا ماما هذولا عندهم اكبر الشركات في المنطقه ... وبيتهم لو تشوفيه قصر مو بيت ..
فطوم "بلا اهتمام":تبالغ يا سند.. اما قصر "وضحكت".. اللي يسمعك يقول قد زرتهم ..
سند : لا ماقد دخلته بس واضح شكله من برا ...
فطوم "تمسك شنطتها اللي تهتز من جوالها اللي ع الصامت": .أأ متى بنوصل ...
سند "وقف السيارة ": يالله انزلي وصلنا ..
فطوم "تلف يمين وشمال .. وضحكت ": يووه سند مو وقت مزحك .. يالله تاخرت على البنت ...
سند "بكل جديه": ما امزح ... انزلي .."ونزل قبلها "
فطوم "تتابع سند اللي راح لبوابة كبيرة .. من القزاز المثلج .. وفيه زخرفات بلون ذهبي .. وسور الفله عااالي وفيه ورود وشجر نازل على السور واضح انها من داخل حديقتهم ..نزلت بس لاحظته يكلم من سماعة البوابه ...قربت منه وهي بيدها علبة الشوكولاته ":سند .. من جد هذا بيت ابو يزيد ...
سند : ايه ..صدقتيني ..." وفتحت البوابه الكهربائيه ".. ادخل معاك ..؟!
فطوم : لاااا وين تروح عيب ... خلاص انا بدخل .. "دخلت شوي وتاهت نظراتها وهي متفاجأة ... وشوي رجعت لعند سند "... سند وين اروح ...
سند "ضحك عليها": قلت لك ادخل معاك مارضيتي ..."دخل معاها .. شوي لحد ماشاف باب الفله ...".. يالله روحي دقي الباب ..

مشت "فطوم" وهي منبهره باللي تشوفه ... ضربت على الباب بخفه .. وفتحت لها "هويدا" الباب وعلى طول حضنتها وهي تبكي ...
"سند" .. لمح "هويدا" .. وعلى طول لف خارج .. ولكن فضوله لما شافت المسبح خلاه يقرب منه يشوفه .. وتفاجأ لما شاف "يزيد" .. وشخص ثاني معطيه ظهره ...
لمحه "يزيد" ... طول وهو يطالعه .. وشوي ..وقف واشر بيده .."سند ... سند تعال"
سند "حك راسه .. ومشى بحرج لهم ": ..أ السلام عليكم ..
بتال "لف يطالعه .. هو ويزيد":وعليكم السلام ..
سند"فاتح فمه يطالع في بتال .. وبصوت عالي": بتااااال ... "وضمه "... وينك يا شيخ .. شوفتك عيد ..
بتال : تسلم والله
....................................

"هويدا" جالسه تبكي .. وفطوم تهديها ...حكت لها اللي صار معاها ...
فطوم"شهقت وحطت يدها على فمها" : الله لا يوفقه الخسيس .. طيب انتي متاكده ...
هويدا"تبكي .. وتهز راسها بنعم ".:..
فطوم : يممممه كيف سوا كذا ... وانتي كيف ماحسيتي ... وايش اللي رشه عليك ...
هويدا "تمسح دموعها":مدري .. شكله مخدر والا شي .. اتذكر قالي غمضي عينك عشان اعطيك الهديه ... وفتحت وانا ... وانا "وتبكي بقوه"
فطوم "بلعت ريقها": خلاص اهدي ... طيب علمتي احد ... اخوك عرف ...؟!
هويدا : لااا مستحيل اقول لاحد ..."مسكت يدها" ... تكفين اوعديني ماتعلمين احد ...
فطوم : اكيد بوعدك بس انتي كيف بتخبين ..هالموضوع خطير... علمي اخوك خليه يربيه هلخالد ..
هويدا "بخوف": لا.. لا مستحيل اقول لاحد ... تراه مهددني لو فتحت فمي بيفضحني عند بابا ويزيد ..
فطوم : ما توقعتك خوافه .. وين هويدا اللي كلها قوة وشموخ وتحدي ..
هويدا "ببكاء": انتهيت .. خلاص انا تحطمت ...
فطوم : لا تقولين كذا .. "وتطالع في الفله بانبهار".. اللي عنده مثل هالعز ما ينتهي ابدا ...
هويدا "حطت يدها على جبهتها": ايش بينفعني العز... ايش بتسوي لي ملايين بابا .. انا فقدت اغلى ماتملكه البنت ... انا ماكنت ارضى احد يدوس لي على طرف... كيف الحين وانا كذا ... انا غبيه اني مشيت بهالطريق ..
فطوم "سرحت شوي تفكر في كلامها ..": .. اشقصدك..؟! .. خلاص بطلتي مواعده وتعرف على الشباب .. لا تكفين .. قولي غير هالكلام ...
هويدا "طالعتها بعيونها الحمراء":.. انتي تدرين لو شم بابا خبر راح يذبحني وهو مغمض ... ايش فيك انتي "عدلت جلستها وصار قبالها" .. صحصحي وفوقي انتي بعد قبل لا تلحقيني ... والله وقتها قولي لنفسك عليك السلام ...
فطوم "بلعت ريقها بصعوبه وخوف .. نزلت نظراتها .. ورجعت طالعت في هويدا اللي رجعت تبكي ":

..........................


يزيد : غريبه ايش جابك ... بغيت شي ..؟!
بتال "باستغراب": ليه مو هو سايقك الخاص ..
سند "ضحك": لا .. انا بس كنت سواقه ليوم واحد بس .. عشانك يا حلو ..
بتال : عيونك الحلوه ...اجل ليه جآي ..غريبه ..
سند : طلعت اختي واختك يا يزيد صديقات ...فجبتها تسلم عليها ..
يزيد : والله ..حلو ..
سند "بتريقه":عيونك الحلوه "وضحك"..
بتال : ايه استلموني تريقه اليوم ..هاه ..
يزيد "يطالع سند": والله اقول فيك شي ناقص .طلع شماغك مو معاك ....
سند "يضع يده على كتفه المكان اللي دايم عليه الشماغ":.. والله بالبيت عطيته اختي تغسله للعيد ..
بتال : وليه ماعندك غيره ..
سند "وبضحك": والله احسن شماغ عندي ..
يزيد "ضاعت نظراته وهو يشوف بساطة سند .. وتاخره عن توظيفه ":.. شباب معليش نسيت اضيفكم .."وقف" .. شوي وجاي .."وابتعد عنهم دخل الفله "

دخل يزيد الفله .. ومر على الصاله ورجع على ورى لما شاف فطوم عند هويدا ... تنحنح بصوت عالي ..."هويدا .. شوفي لي طريق ... ابغى اروح المطبخ ... "
فطوم "قفزت من مكانها ... ": يؤؤ ... هذا ابوك ؟!
هويدا "تمسح دموعها": لا هذا يزيد ..." رفعت صوتها"..يزيد دقيقه بنطلع غرفتي ...
وقفت هي وفطوم وطلعوا لغرفتها .... ويزيد ..غصب عنه لمح فطوم وهي بجانب هويدا وتطلع الدرج بخفه ودلع ... ابتسم ..وفي نفسه "غريبه هالصدفه يا هويدا ايش جمعك مع اخت سند "... مشى للمطبخ وهي يصرخ ..."عندي ضيوف جهزوا لنا شي بسرعه"
وطلع لغرف واخذ ظرف .. وحط فيه فلوس .. وحط الظرف بجيبه .. ونزل ..
................................................

................................................

في الحديقه ....
بتال "لف على سند":كيف جدتك ؟
سند :الحمدلله بخير... وانت كيفك مع "روضه"..
بتال :كلمتني ..
سند"بفرح":..طيب..حلوو...
بتال "بقهر":لا تذكرني ... خالها هذا نفسي اعرف ماعنده احساس .. والا ايش نظامه بالضبط ..
سند : ليه خير صار شي جديد ...
بتال : اليوم كلمتها اعيد عليها ودخل عليها وسحب منها الجوال ..وماقصر بعد تكلم علي ...
سند : اوف ..هذا مره مقفل عليها .. ما يبغاك تقرب منها مره ... لايكون صار بينك وبينه شي من قبل ...
بتال : انا ماقد شفته الا في اليوم اللي انتو كمان شفتوه عند باب بيتنا ..
سند "سرح شوي"
بتال "يحرك يده قدامه ": هيييي وين وصلت ؟!
سند "انتبه له ": هاه ... لا ولا مكان ...
بتال : قول قول في عيونك كلام ..
سند "ضحك بقوه":عيوني هذي فاضحتني في كل مكان .."سكت شوي .. وبجديه".. انا تكلمت في موضوعك مع جدتي .. وقالت لي الحل ... "بتردد" بس ... بـ...
بتال "بحماس": بس ايش ؟!... تكلم ياخي ..
سند "منزل راسه": تتزوجها ..
بتال "فتح فمه وهو مركز في سند ... وشوي .. ضحك وهو يحك راسه": الله يهديك .. مو وقت مزحك ...
سند : لا ما امزح ... اتكلم جد ... مستحيل احد يوافق ان قريبته تعيش مع واحد ما يقرب لها الا بالحلال ...
بتال : ايه هذا اللي مايعرف كيف عشت انا وهي ... انا وروضه عشنا مثل الاخوان .. كنت انام عندهم ... واكل عندهم ..و..
سند "قاطعه":هذا يوم امهاتكم عايشات الله يرحمهم ... الحين الوضع غير ... مايربطك بروضه لا رضاعه ولا صلة رحم .. انتو جيران بس ...
بتال "ضحك بسخريه .. وهو يبعد الفكره من راسه": قال اتزوجها ..
يزيد "قرب منهم وبيده صحن مكسرات معاه عصير":.. تتزوج مين ؟!
سند : تعال قول لنا مين الصح ومين الخطأ..
بتال "بعصبيه": سند بلا عبط ... روضه اختي مستحيل اتزوجها ..
يزيد "فتح عيونه": ميييين ؟!.... تتزوج روضه ...وش هالقرار .. شكلك فعلا تعبان يا بتال ..
بتال :هذي افكار سند .. مو انا ..
يزيد : سند من عقلك تقول هالكلام ...
سند : اقول انت وياه اللي قلته هو الصح وانتو تعرفوا انه صح .. انا قلت لكم حل لمشكلتكم.. وبالحلال محد يقدر يتكلم لا خالها ولا الناس.. "وتكى ظهره" ... وانتو بكيفكم ...
يزيد وبتال .. تلاقت عيونهم مع بعض ... كلام سند ماعليه غبار .. بس الموقف صعب بالنسبه لبتال .. ..

...............................................

فطووم "منبهره من غرفة هويدا": واااااو ... رووعه غرفتك ....
هويدا "جالسه على السرير ..وماسكه جوالها بلا اهتمام": أممممم..
فطوم "جلست جنبها": هويدا انتي مو معي ... ايش تسوين .!
هويدا "مركزة ع الجوال": امسح كل الارقام اللي عندي ...
فطوم "بستغراب": ..ليه ..؟!
هويدا "تطالعها ": فطوم حتى انتي امسحي كل الارقام اللي عندك
فطوم : غبيه كيف تمسحيها او انا امسحها ... والنعيم اللي احنا عايشات فيه.. تتخلين عنه بسهوله ..
هويدا "طالعت فيها بنظرة قويه ": كفاية .. كفايه يا فطوم ..كفايه اللي خسرته انا ..."وبكت .. ورمت نفسها بحضن فطوم"..
فطوم " لمتها وهي تفكر في كلامها .. حاولت تهديها .. بس ماقدرت تقول شي الا انها تطبطب على ظهرها بحنيه .."..

>>>>>> يزيد يتصل بك <<<<<

هويدا ..: هلا يزيد ... طيب .. مع السلامه .. "طالعت في فطوم ".. اخوك يقول انزلي بيروح ...
فطوم "وقفت تلبس عبايتها ":.هويدا انتي هدي بالك وكل مشكله لها حل ...
هويدا "بزعل": الا مشكلتي ...
فطوم "قربت منها وسلمت عليها ":.. بتلقين حل متأكده .. يالله اشوفك على خير ...

......................

مشي سند للسيارة .. ولحقه يزيد ...
يزيد "طلع الظرف من جيبه": سند خذ .. هذا راتب اول شهر ...واعتذر اني تاخرت ..
سند : راتب وانا لسى ما اشتغلت ... لا لا ماراح اخذه ...
يزيد : هذا حقك .. ولو تسأل اغلب موظفي الشركه اول راتب يكون مقدم ... "غمز له" عشان نكسبهم في صفنا ويتحمسون للشغل ..
سند "اخذ الظرف .. وابتسم ":مشكور ...
يزيد : ولو احنا بالخدمه ....
بعد "يزيد" عن سيارة "سند" ..لما طلعت "فطوم"من البوابه .. ولفت انتباهه عباتها على الراس وقفازاتها بيدها .. ومو واضح منها شي حتى عيونها راميه غطوه خفيه عليها ... ودع سند .. و باله مع اخته .."ماشاء الله عليها ... "


.................................................. ....


في فلة ابو راكان ...
دخلت "لمياء" على "روضه" .. وحصلتها .. جالسه على الأرض ومايله على جنب .. وبدون ولا حركه ... قربت منها "لمياء" بخوف ..وهي تصارخ ..."روضه ... روضه ..."تحاول ترفعها" روضه .. ايش فيك .." روضه ما استجابت ولا تحركت ...تركتها "لمياء".. بخوف .. وخرجت من الغرفه وراحت لغرفتها اخذت الجوال وكلمت اخوها "راكان" ..."راكااان الحق روضه ما تتكلم ولا تتحرك ... مدري .. تعال ... تكفى لا تتاخر ".. قفلت الجوال .. وضغطت على السماعه اللي في غرفتها ودقت رقم المطبخ ... "الو .. تاااالي تعالي بسرعه غرفة روضه "..سكرت وراحت لعند روضه ... "روضه .. فتحي عيونك ... طيب كلميني ..." ... دخلت الشغاله .."تعالي تالي شيلي معاي... بسرعه " ..
تالي "فتحت عيونها": وين شيل هدا .. هدا تقيل مررررا ...
لمياء "صارخت عليها": تعالي شيلي نحطها على السرير .. بلاش كلام كثير ..
"تالي" .. قربت من "روضه" .. ومسكت يد.. و"لمياء" يد ... وحاولوا يشيلوها ولكن ماقدروا .. رجعت مددتها "لمياء" على الارض بعد ما طلبت من الشغاله تفرش اللحاف تحتها وعطتها مخده تحت راسها ...
تالي : لمياء ... اكلم دكتور ..
لمياء "تمسح جبهة روضه وتمرر يدها على شعرها": لالا .. الحين راكان جاي ...

..................................................

سند في السيارة رايح للبيت يطالع في اخته .... "وش فيك ساكته مو من عوايدك"
فطوم "مسرحه":هاه ... قلت شي ...
سند : لا بالله جد مو معاي ...
فطوم : سند اذا وصلنا البيت ابغى اقول لك شي ... بس تكفى لا تعصب علي ...
"لفت الجهه الثانيه وسرحت تفكر في حالة هويدا واللي صار لها ..وكلامها يرن في راسها من يوم ما طلعت من بيتهم " .. ما حست بنفسها الا وسند يكلمها ...
سند "وقف السيارة": يالله انزلي ...
فطوم "تطالع في المكان":وين ... وين انزل ...
سند : ايش تشوفين .........هذا المول اللي صاجتني فيه من شهرين تبغين تشترين منه ... يالله انزلي اشتري لك لبس للعيد .. وكمان اختاري جلابيه لجدتي ...
فطوم "بفرح":من جد يا سند ... باشتري فستان العيد من هنا ...
سند :وانا عندي اغلى منك ...
فطوم "حزت في نفسها الكلمه .. وحست انها خانت ثقة اخوها فيها ..بكت "..
سند : ياليل ... وش يبكيك الحين ... بتنزلين والا نرجع البيت...
فطوم "بصوته الباكي": بنزل ..بنزل ... الله يخليك لي ياخوي .. يا تاج راسي ...
ابتسم لها سند .... ونزلت فطوم واخيرا راحت المول اللي كانت نفسها تشوفه مو بس تشتري منه ..

.................................................. ....

وصل "راكان" الفله ....
و طلع لغرفة "روضه" يركض ... دخل عليهم وتفاجأ لما شفاها على الارض ...وقفت "لمياء" وراحت لعنده ...
لمياء "بخوف": راكان قست السكر ...مررره منخفض...
راكان "قرب منها ... وبسرعه مسك يدها وقاس نبضها ":الحمدلله نبضها تمام ... "و وقف يحاول يشيلها" ...
لمياء "قربت منه وحملتها معاه":حاولت اشيلها انا وتالي ماقدرنا ...
راكان "حطها على السرير بصعوبه ": أوه ... "طالع في لمياء "قولي لتالي تجيب أي شي حالي ...
لمياء "بارتباك": حلى يعني والا شوكلاته ..ولا ايش ..
راكان "مركز على روضه": تمر .. جيبي تمر .. بسرعه ..
ركضت لمياء لتحت تجيب التمر .. وراكان يفحص روضه ...
لمياء "تعطيه صحن التمر": خذ التمر ...
راكان "بسرعه وقف اخذ تمره ورجع لعند روضه رفع راسها وحاول يذوقها التمره ": روضه يالله افتحي فمك ...
لمياء : كيف بتاكلها وهي ماتدري عنا ...
راكان : ممكن تسكتي شوي ..."دخل التمره بشويش بفمها لحد ما بدأت تحرك لسانها " ... روضه كلي التمره .. افتحي فمك وكليها ...
"بدات تحرك فمها وتاكل التمره وشوي شوي تفتح عينها .. "
لمياء "بفرح": فتحت عينها ...
راكان "هديت ملامحه": ايه خلاص بدأت تفوق ...
روضه فتحت عينها مضبوط ووطالعت في راكان اللي كان لاصق فيها ويده في فمها .. ارتبكت.. وبلعت بصعوبه التمره ..
راكان : خذي حبه ثانيه ...
روضه "رفعت يدها وتأشر بمعنى خلاص ... حاولت تجلس وساعدها راكان ": آآآه ..
لمياء "قربت منها":سلامتك روضه ............. تعبانه ؟!
راكان : بايش تحسين ..
روضه "تمسك راسها": راسي .. مصدعه ..
لمياء : راكان ايش فيها ؟
راكان : عادي الصداع شوي ويخف .."طالع في روضه"..انتي شكلك ما اكلتي ..صح ...
لمياء : جبت الكوفيره عندي .. ولا اتذكر شفتها تاكل ..
راكان : عشان كذا .نزل السكر عندك..
روضه "بصعوبه": خلاص مافيني شي ..انا بخير
راكان"لمح في وجه روضه حزن": روضه فيك شي .. انتي متضايقه من شي ...
روضه "سكتت بحزن"
لمياء "اشرت لراكان بمعني بعدين اقول لك .. وبمرح مصطنع": روضه بجيب لك صحن فيه كل الاكل اللي تحبينه ..
روضه : لا مالي نفس ..
لمياء "وقفت":.. غصب عنك بتاكلي ...بقول لتالي تجيب لك الاكل هنا ...طيب ..."اشرت على راكان " يالله تعال نطلع عشان ترتاح ...
وقف راكان .. وطلع مع اخته ...
لمياء "بحمق": انت ماتدري ايش سوى بابا فيها ...
راكان "باستغراب":خير ايش صار ..
لمياء : دخل عليها وهي تكلم بتال وسحب الجوال منها وخاصمها ..
راكان : بتال ..؟! ..بتا هذا ايش يقرب لها ..
لمياء : يصير ولد جيرانهم ...
راكان : وليه تكلمه ... بينهم شي ... تحبه مثلا ؟!
لمياء "ضحكت ":لااا وين تحبه .. ترى هو اصغر منها وتربوا مع بعض .. وتقدر تقول زي اخوها ...
راكان : اهااا..انا نفسي اعرف ابو ي ليه يعاملها كذا ..؟!
لمياء : مدري حتى انا ماقد شفت بابا يعصب على احد زي ما يعصب عليها ..
راكان "بضيق":البنت مسكينه يتيمه وابوي مو مراعي لا حزنها ولا نفسيتها ..
لمياء : والله كانت مبسوطه عشان العيد بكره ..مع انها بكت شوي لما تذكرت امها بس انبسطت لما قلت بجيب كوفيره ونكشخ انفسنا عشان العيد ..
راكان : لا بصراحه ابوي يبغالي اكلمه ... حرام يعامل البنت كذا ..
لمياء : اوكي ... طيب قول لي انت بترجع المستشفى ...
راكان : ايه برجع عندي مناوبه ... يالله مع السلامه ...
لمياء : باي ...


...............................................


بتال مع يزيد في سيارته ....
يزيد : بتال من جدك انت بتروح بيت ابو راكان ..؟!
بتال : ايه ..
يزيد : طيب ايش بتقول له ... اذا بالتلفون وعصب عليك .. كيف اذا رحت له بيته ..
بتال : مدري ...
يزيد "وقف السيارة ":بتال .. ايش فيك اسحب الكلام منك سحب ..
ايش بتقول للرجال ..
بتال : يووه يا يزيد ... اذا مابتوصلني لبيته علمني وينه وانا بروح بتكسي ..
يزيد : بس والله ما ودي نتفشل ويطردنا من بيته ...
بتال "مسرح "
يزيد "بحمق":بتااال ... انا اكلم مين ؟!
بتال "ببرود": انت بتحرك والا انزل ...؟!
يزيد : يا برودك ياخي ... "حرك السيارة" .. بحرك وامري لله ..

وصل يزيد وبتال لفلة ابو راكان ... نزل بتال ولحقة يزيد ... من سماعة البوابة الخارجيه ردت عليهم الشغاله .. وبعد ما سألوا عن ابو راكان ... فتحت لهم الباب .. وخبرتهم يدخلوا الى مجلس الرجال ينتظرهم ابو راكان ...
يزيد : والله مدري ايش بيسوي بس يشوفنا ما علمنا باسمائنا ..
بتال : اذا انت خايف انتظرني بالسيارة ...
يزيد : خايف لااا وين خايف .. بس انت ببالك شي ومدري وشو واضح من هدوئك مو طبيعي .."اشر له "... خلاص انا معك ... يالله ادخل توكلنا على الله..
بتال ... دخل ويزيد يتبعه .. وهو يفكر كيف راح تكون ردة فعل ابو راكان بس يشوفهم ... دخلو مجلس الرجال وابو راكان جالس باول المجلس وكان واقف من لما سمع خطوات ارجولهم ... طال نظرة فيهم لما شافهم .. وبعد طول انتظار من بتال ويزيد ...
ابو راكان "اخذ نفس": يا هلا ... تفضلوا ..
بتال "ارتاحت ملامحه .. وابتسم.. وقرب يصافحه": كيفك يابو راكان ..؟!
ابو راكان "بنظرات متفحصه": الحمدلله .... خير وش عندكم ؟!
بتال "وهو مازال واقف": يابو راكان انا جاي ابغى اشوف روضه .."تغيرت ملامح ابو راكان" ..بوجودك .. لاتخاف ماراح اجلس معاها لوحدنا .. بس اسلم عليها واعيد عليها وماراح ازعجك مره ثانيه ...
ابو راكان "كاتم غضبه..كتف يده": وبأي صفه تقابلها وتقعد معاها ..
يزيد"واقف خلف بتال .. وجالس يسحبه من ثوبه من ورا .. يعني خلاص خلنا نمشي"
بتال "يبعد يد يزيد .. ويقرب من ابو راكان": بصفتي متربي معاها ..يعني 19 سنه ماتشفع لي اشوفها خمس دقايق ...
ابو راكان "مسح على وجهه":يا ولدي توكل على الله روح شوفلك شي تنشغل فيه عنا ...
بتال : يعني كيف ماراح تخليني اشوفها ..؟!
ابو راكان "رفع صوته": لا ... ولو سمحت تفضل اطلع من بيتي ..
بتال "طالع في يزيد .. ورجع طالع في ابو راكان ..وحس من نظرته انه مستحيل يشوف روضه مره ثانيه ... وبتحدي ": طيب لوو .. لو ...قلت لك اني ابغى ..... اتزوجها ...
يزيد "فتح عيونه .. وبصوت عالي":بتال ايش تقول ...
ابو راكان "باستغراب ":نعم ...؟!!.. تتزوجها ؟!
بتال "بكل جديه": ايه ... انا جاي اطلب يد روضه منك ... وابغاها زوجتي على سنة الله ورسوله ...
ابو راكان "تاهت نظراته في بتال .. وشاف التحدي في عيونه": واللي يجي يخطب يجي كذا بدون ما ياخذ موعد .. ولا يجيب معاه احد كبير ..
بتال : انت عارف ان مالي احد الا صديقي يزيد .. وصديق لي ثاني .. اذا تبغى حدد يوم ونجيك ...ونخطبها رسمي ...
ابو راكان : خلاص ..خلاص .. عطني رقمك وانا بتصل عليك بعدين ...
بتال : حاليا ماعندي الا رقم تلفون شقتنا .. بعطيك هو .."ولف على يزيد ".. واذا تبغى رقم جوال يزيد ..اذا ماعنده مانع ...
يزيد "مو مستوعب ":هاه ... ايه ... ايه عادي .. بعطيك رقمي ... "ويطالع في بتال بنظرات ارتباك "..
ابو راكان "اخذ الارقام .. وطالعهم ": خير بكلمك ..بعد ما اخذ رايي البنت ...
بتال : مشكور .. يالله استأذن ..
ابو راكان : في حفظ الله ...

وخرج بتال معاه يزيد .. وهو يمشي وحاس انه تايهه ... ركب السيارة .. وساد الصمت بينه وبين يزيد ... اللي كسرة
يزيد "وهو يطالع قدامه و ما يطالع فيه":.. بتال ... انت عارف ايش سويت ...
بتال "رمش بعينه كذا مره .. وبلع ريقه": .. ايه ..
يزيد "طالع فيه": وتتوقع روضه بتوافق .. عليك كزوج ..
بتال "حك جبهته": مدري يا يزيد ... وتكفى لا تتكلم بهالموضوع .. حتى ويجينا رد من ابو راكان ...
يزيد: طيب انا مضطر اروح الشركه الحين .. بتجي معاي والا اوديك بيتك ..
بتال : شغل حتى ليلة العيد..؟!
يزيد : لا الشركه مقفله بس برجع اوراق سفرة دبي لمكتبي .. وبرجع البيت ارتاح ..
بتال : خلاص مر فلتكم عشان اخذ سيارتي .. وانت روح خلص اشغالك ..
يزيد : اووكي ...

..................................................

..................................................

دخل ابو راكان جناحه وهو يفكر في كلام بتال ... وبدون مايسلم على ام راكان .. جلس على السرير .. وتكى بيده على ركبته وسرح ..
ام راكان " جالسه على التسريحه تضبط مكياجها .. لفت طالعت فيه باستغراب": .. عبدالله ...وش فيك ...
ابو راكان "طالع فيها":هاه ... افكر بالزواج..
ام راكان "لفت بكامل جسمها له .. وبخوف": الزوااااج؟! .."ضربت يدها على صدرها.. ووقفت" .. هذي اخرتها يا عبدالله تتزوج علي ...بعد هالعشر و...
ابو راكان "وقف معاها":يا بنت الحلال اهدي.. وش عشرته و اخرتها .. .. خليني افهمك "وجلسها جنبه على السرير "... تدرين مين جاني قبل شوي ...؟!
ام راكان " ودموعها تنزل": مين ؟!
ابو راكان : بتال ... بتال ولد جيران روضه ... جاء يطلب يد روضه للزواج ..
ام راكان "مسحت دموعها": وشووو .. طلب روضه للزواج ..؟!
وااااو مو مصدقه ..."وابتسمت"...
ابو راكان : اشوفك انبسطي ..
ام راكان : اكيييد بانبسط .. ماتوقعت راح يجيها خطاب .. وباسرع مما كنت اتوقع...
ابو راكان : بس انا لسى ما وافقت ...محتار يا نوره ...
ام راكان : لا تحتار ولا شي ... وافق هو يحبها وشفت قد ايش ركض وراها .. واخرتها يبغاها بالحلال ... وبعدين "عمزت له" حتى البنت شكلها تحبه ...
ابو راكان "باستغراب": وش عرفك .. انها تحبه...؟!
ام راكان "وقفت .. وراحت عند التسريحه": واضح مايبلها تفسير .."سحبت منديل وبدت تمسح عيونها ".. الله يهديك خليتني ابكي وخربت مكياجي ..
ابو راكان "يفكر بالموضوع": انا قلت له بعطيك خبر اذا وافقت .. ومدري متى اكلمها ...
ام راكان : خير البر عاجله ... ليه تأخره ... خلاص كلمه بكرة قول تعال وجيب معاك مملك ..و خذها بملابسها اللي فوقها ...وانتهينا ...
ابو راكان : لالا .. بهالسرعه .. لا يقولون يبي الفكه منها ...
ام راكان : مين اللي بيقول ... محد داري عن احد ... وبعدين امهاتهم توهم متوفين يعني صعب نسوي عرس وطقطقه ...
ابو راكان : خلاص بشاور البنت ...و
ام راكان : وليه تشاورها ... البنت موافقه .. وبعدين انت ولي امرها لازم تسمع كلامك .. وانت تبغى لها الخير والستر ... ليه ما توافق ..خذها نصيحه مني ...مالها دعي تشاورها ... قول لها تجهزي بكرة بتتزوجين وبس ...
ابو راكان : بس لازم اسال عن الولد ..
ام راكان : ياربي منت شايف كيف منخبلين على بعض ... زوجهم وارتاح من مراقبتهم ... وهمهم...
ابو راكان .مدد جسمه على السرير وهو يفكر بكلام ام راكان .. اللي شكله عجبه واقتنع فيه ...

........................

فطوم دخلت بيتهم وهي فرحانه وحامله بيدها اكياس ... رمتها بالارض ... وراحت لحضن جدتها وبدأت تبكي ...
الجده : بسم الله عليك يا بنتي وش فيك؟
فطوم "وهي تبكي في حضن جدتها": انا ... انا ...
دخل سند .. وشافهم بهالوضع .. وجلس يطالع فيهم بدون مايتكلم ..
الجده : سند ايش فيها فطوم ؟ انت زعلتها ؟
سند : لا لا زعلتها ولا شي ... من يوم شرينا الاغراض وطلعنا السيارة وهي تبكي تقول من الفرح ...
فطوم : لا مازعلني سند ... انا بكيت من نفسي ..."مسحت دموعها .. وطالعت في سند"... انا قلت بقول لك شي اذا وصلنا البيت ..
سند : ... قولي ...
فطوم "وقفت وراحت غرفتها".... شوي ورجعت وبيدها كيس .. واعطته سند ..."
سند "باستغراب يطالع في الكيس": ايش هذا .."فتحه وحصل جوال بكامل اغراضه وشريحه "... جوال مين هذا ؟
فطوم "بارتباك": هذا ... هذا جوالي جاء لي هديه ... من عند هويدا عشان نتكلم مع بعض... وانا.."بكت".. ابغاكم تسامحوني اني خبيته عنكم...
سند "بضيق":انا اللي المفروض اقول لكم تسامحوني لاني مضيق عليكم ولا فكرت اغير وضيفتي عشان اسعدكم ... كنت افكر براحتي ونفسي بس .. ونسيت ان وراي اعز شخصين محتاجين ابسط الاشياء وانا حارمكم منها "وبكى "
فطوم "وهي تبكي": لا يا سند ماقصرت معانا كفايه انك حرمت نفسك من الدراسه عشانا ..
الجده " دمعت عيونها": يا عيالي الله يصلحكم ... ليش تبكون .. انتم تخلوني احس ان انا اللي قصرت معكم ...
سند :لا يا جده ... لو منتي موجوده كان احنا الحين بدار الايتام ..."قرب منها وباس يدها ".. الله لايحرمنا منك ..
الجده : يالله اجل مسحوا دموعكم .. وقوموا ناموا عشان نصحى للعيد بكرة واحنا شبعانين نوم ...
سند "يطالع في فطوم":يالله قومي البسي الفستان .. ابغى اشوفه فوقك ..
فطوم "مسحت دموعها .. وقامت اخذت الاكياس .. وهي رايحه .. ناداها سند "
سند : فطوم خذي الجوال .. هذا هديه لك .. خليه معاك ... وانتبهي لنفسك ... ومو أي رقم تردين عليه ولا أي احد تعطينه رقمك ..
فطوم "ابتسمت ... ودموعها نزلت":لا توصي حريص ...مشكور ياخوي ..."راحت لغرفتها تركض تجرب الفستان"
سند "سحب الكيس الثاني ": وهذي الجلابيه لك يا اعز جده ...
الجده : الله يعطيك العافيه ... ليش تكلف على نفسك وتجيب لي ..لو وفرت فلوسك ..
سند : ابشرك استلمت اول راتب في شغلي بالشركه ..
الجده : ماشاء الله ... ربي يبارك لك .. ويبعد عنك اولاد الحرام ..
سند :ايوااا .. ما ابغى الا هذه الدعوه ...


......................................


******** صبـــــاح الــــعيــد ********

بتال .. صلي العيد ... ورجع اجتمع في بيت ابو محمد كعادة الجيران كل عيد ...يجتمعون الرجال في شقة والحريم في شقة .. بعد انتهاء الفطور .. رجع لشقته ونام ...

............................
يزيد .. صلى العيد ... ورجع البيت حصل هويدا نايمه .... رفض يفطور لوحده .. وراح ينام ...

.............................

سند صلى العيد ورجع حصل سفرة مليانه اكل شعبي من يد جدته ... وحصل فطوم صاحيه ولابسه فستان العيد الاصفر ... افطروا مع بعض وانبسطوا .. وبعدها مروا على الجيران يعيدون عليهم ..

..........................

اما في فلة ابو راكان ..كان الوضع مختلف ...

وهم مجتمعين على الفطور ... الساعه 8 .. خبرهم ابو راكان ان "روضه" راح تتزوج "بتال" .. وبكرة راح يجي الشيخ عشان يكتبو عقد زواجهم ... وبعدين تروح معاه شقته ..بدون فستان ابيض وبدون معازيم وطقطقه ..
الكل تفاجأ وأولهم "روضه" ... اللي ماقدرت حتى تسال خالها كيف ومتى صار هالكلام ...
طلعت روضه تركض لغرفتها وهي مو مستوعبه اللي سمعته ... بتال بيتزوجهااا ...!!!! .... دخلت عليها لمياء الغرفه وهي مبسوطه ..
لمياء : الف الف مبروووك ..
روضه "بحرج": الله يبارك فيك ...بس ...بس ...يا لمياء مو مصدقه اللي سمعته ... بتال بيتزوجني ...
لمياء : وش عليه طلع يموت فيك وانت ماتدرين ...
روضه : اللي بيني وبين بتال اخوه وبس ... صدقيني حب اخوي يعني ...
لمياء "تغمزلها ":عليناااا صدقتك ...المهم "وجلست جنبها" من زمان ودي اسالك عن بتال هذا بس كنت اتردد ...الحين جاء وقته ... حكيني عنه ... كيف شكله حلو والا لا ... كم عمره ...كل شي كل شي ...
روضه "ضحكت بحرج"...
لمياء : يالله قولي بلا غلاسه ...
روضه "ابتسمت لها": طيب بقول لك كل شي يا ملقوفه ... بس ممكن اطلب منك طلب صغير ...
لمياء : آمري .. عروس عاد ما ينرد لك طلب ..
روضه : ما يامر عليك عدو... بغيت جوالك ...
لمياء "بحماس": بتكلمين بتال ..؟!
روضه "هزت راسها بنعم": ..
لمياء : بس بشرط ... تحطيه على الاسبيكر عشان اسمع صوته ..
روضه : ماعندي مانع بس هاتي الجوال ..
لمياء عطتها الجوال .. ودقت تلفون الشقه ... واخيرا جاء صوت بتال الثقيل اللي واضح انا كان نايم "ألووو"
روضه "بارتباك":بتال .. انا روضه ..
بتال "تنحنح":هلا ..هلا روضه .. كل سنه وانتي طيبه ..
روضه : وانت طيب ... بتال .. ا أأ .. مدري ايش اقو لك ..
بتال : كلمك خالك ؟!
روضه "بتردد":............... ايه ..
بتال : وايش رايك ..
روضه "طالعت في لمياء اللي تتسمع بتركيز":.. انت من جدك تبغانا نتزوج ..
بتال : اكيد .. انا وعدتك اني ارجعك البيت .. وهذا انا اوفي بوعدي .. وبكرة ان شاء الله باجي اخذك عشان نعيش مع بعض .. جهزي نفسك طيب ..
لمياء "بصوت خافت": يا عيني على اللي مستعجل ..
روضه "ضربتها على راسها .. وبصوت مرتبك ": ان شاء الله .. يالله مع السلامه ..
بتال : مع السلامه ..
قفلت روضه من بتال وقلبها يخفق بقوه ..
لمياء : ياعيني على الحب .."وضحكت بقوه"... اسمعي لازم اليوم نروح السوق تشتري لك كم قطعه كذا حلوين ...
روضه : ايش بشتري عندي كل شي ..
لمياء : افااا .. طلعت ميح .. يا بنت انتي عروس .. يعني العروس ايش تحتاج .. ملابس جديده على فستان ناعم على كم قطعه لانجري ..مكياج عطورات ..
روضه : وي كل هذا لا لا .. مايحتاج .. وبعدين وشو اللانجري ذا ..
لمياء "فتحت عيونها": اقووول يا روضه .. تبغين اشرح لك ليلة الدخله بعد ..
روضه "ضربتها بالمخده ": يا بنت ايش طولة اللسان اللي فيك ..
"وضحكت "
لمياء.:.. ايه استعبطي على حسابي ...

...........................................

هويدا ... صحيت ظهر العيد ... خرجت من غرفتها .. ومرت على غرفة "يزيد" كانت تبغى تعيد عليه .. مشت بخفه لعند سريرة .. تتأكد اذا نايم والا صاحي .. حصلته نايم .. ولمحت جواله يومض .. تذكرت ابوها اللي ما كلم ولا سأل وتوقعت انه دق على يزيد وهي ما دق عليها ..فحبت تتأكد ...فتحت جواله وحصلت فيه مكالمات لم يرد عليها ورسائل ..لاحظت مكالمتين من بتال ... وتذكرته لما شافته امس .. وتكلمت معاه ..وهو كان معطيها ظهره وما تجاوب معاها .. خطرت في بالها فكرة .. سحبت جواله بهدوء .. وطلعت من غرفته.. راحت لغرفتها .. نسخت رقم بتال في جوالها ... وبسرعه دقت عليه بدون ما تفكر ....
بتال : الوووو ...
هويدا : بتال ...؟!
بتال : ايه .. مين روضه ؟!
هويدا "بارتباك": لا .. انا ... انا هويدا ... هويدا اخت يزيد ...
بتال "بتعجب": هويدا ... اييييه ... خير يزيد فيه شي ..دقيت عليه مايرد ...
هويدا "بدلع":لآلآ .. يزيد بخير .. وحتى ...وحتى ما يدري اني اخذت رقمك من جواله ...
بتال : بغيتي شي ...؟!
هويدا : اولا بما انه عيد حبيت اقول لك .. كل سنة وانت بخير ..
بتال : وانتي بخير ...
هويدا "بغنج" : ثانيا .. بغيت اقول لك سامحني اني كلمتك امس بالطريقه الفضه .... والله انا مو كذا ابدا ... بس وقتها .."بحزن".. بابا جانا قبل كم يوم وخبرنا انه بيروح مع زوجته الجديده شرم الشخ ...ونبهنا ما نكلمه ..ولا نعيد عليه ..
بتال : الله يعين ...
هويدا : وانا وانت احس اننا متشابهين .. انت فقدت امك واخوك وانا فقدت ماما وبابا ...
بتال : اختي مو اخوي ..
هويدا "بحرج": ايه ايه اختك ... والبقيه بحياتك ...
بتال : تسلمي ... معليش انا مشغول الحين .. وبطلع من البيت ...ومضطر اقفل ..
هويدا : انت ماعندك جوال ؟!
بتال : لا لسى .... يزيد .. صحي ؟!
هويدا"بدلع" : لآ ...انا ما انفع ...
بتال "بحمق": اقول هويدا ....مع السلامه .....

قفل منها وهو مستغرب اتصالها .."ياربي يا هالبزر .. متى تعقل ..الله يعينك عليها يا يزيد ".. رفع السماعه ودق على "سند" بعد ما يأس من يزيد ..."الو سند ... هاه فاضي تمشي معاي لمحل الاثاث .. اوكي ربع ساعه واكون عندك" ... وخرج من الشقه ..

....................................

هويدا ... كانت متضايقه انها اتصلت على بتال ... بس الفكرة اللي ببالها عجبتها وهي الحل لحالتها ...وهي غارقه في افكارها .. رن جوالها .. وانقبض قلبها .. بس ارتاحت لما شافت رقم فطوم .."هلا فطوم "
فطوم "بفرح":هلا وغلا .. كل سنه وانتي طيبه ..
هويدا : وانتي طيبه ..
فطوم : جدتي هنا تسلم عليك وتقول لك من العايدين ..
هويدا "باستغراب":جدتك ..؟!... انتي تمزحين صح ...
فطوم : لا ..جد ..
هويدا : خير ايش صاير ... قلتي لهم عن الجوال ..
فطوم : بقول لك بعدين ..بس كلمتك الحين اعيد عليك .. طمنيني انتي كيفك الحين ؟
هويدا "زفرت بقوه": خلي اللي ببالي الحين يصير .. ووقتها اقدر اقول لك اني بخير ...
فطوم : وايش اللي ببالك ؟!
هويدا : بعدين بعدين ... الحين عندي موضوع اهم ابحث عنه واشوف ..
فطوم : اوكي ما اعطلك .. يالله مع السلامه ..
هويدا : باي ... "وبسرعه سحبت اللاب توب .. وبدأت تبحث عن الموضوع اللي ببالها "

............................................

............................................


بتال وسند .. في محل الاثاث ...
سند : وكيف الشقه الجديده حلوه ؟!
بتال : ايه حلوه ..نظيفه .. وواسعه ..فيها ثلاث غرف نوم ومقلط ومجلسين وثلاث دورات مياه ومطبخ ...
سند : ماشاء الله .. بس كبيرة عليكم ... ثلاث غرف ..
بتال : والله شفت سعرها حلو فما ترددت ... "يأشر على غرفة نوم" شوف هذي نفس اللي ببالي ...
سند : حلوه .. بس انت سالت زوجتك ايش تبغى لون الغرفه ..
بتال "عصب":... اسمها روضه .. بلاش من زوجتك وخطيبتك ..
سند: طيب .طيب وش قلنا ..خفت اقول اسمها وتزعل ...
بتال : لا مابزعل ...واصلا انا باخذ غرفتين نوم ... وحده لي ووحده لها ... لانها اختي وبتضل اختي ...
سند : لا بالله منت بصاحي ... بتتزوجها تقول اختي ..بتال انت..
بتال "قاطعه":اقول ريحني من هذرتك... انا وعدتها اردها البيت وارحمها من معامله خالها ..وانا نفذت وعدي ...
سند "طالع فيه باستغراب": يعني انت ...ماخذها عناد في خالها ..؟!
بتال : ممكن تسكت عني الحين ولا تخرب فرحتي ...
سند : والله انك عجيب ...
بتال .. طنشه وراح يختار الاثاث .. ويسأل عن الاسعار ...

.................................................. .


في الليل ... الساعه 9 ... كانت روضه مع ام راكان و لمياء في السوق .. تشتري اغراض لها ....
ام راكان "تأشر على محل لانجري": .. روضه تعالي ندخل هناك ..
روضه "بحرج": لا لا يا خالتي ماله داعي ...
لمياء "بضحك... وتسحبها للمحل ": يالله خلينا نختار لك ...يا عروسه ..
ام راكان : لازم ياروضه تاخذي لك كم قطعه ... وانا بختار لك .. اعرف ذوق الشباب هاليومين .. يقلدون الممثلات والمغنيات ..."وضحكت"
روضه "ارتبكت" : خلاص براحتك .. بس ما اظن بلاقي مقاسي ..
لمياء : صح مقاسك صعب .. بس فيه كذا موديل يناسب المليانات .. مثل القماس القطني او الاسترتش او اللي تيجي قطعتين ...
ام راكان "تطالع في لمياء ":ماشاء الله ..من وين لك الخبره ..ست لمياء ..
لمياء "بحرج":...مامااا .. هذا يدخل ضمن الفاشن ...
ام راكان : ايه ايه .. اضحكي علي بكلمتين ... والله صار ينخاف منكم ..مافيه شي ماتعرفوه ..."تطالع في روضه .." .. وكمان راح نشتري لك كم تايور على كم فستان .. و "وطالعت في عبايتها".. وعبايه جديده ... اللي فوقك هذي صار غبره ...كم لك ماشريتي عبايه جديده ...
روضه :بس هذا كثير يا خالتي ...
ام راكان : كله من مهرك ... مو من جيبي ...
روضه "بضيق": براحتك ...
أشترت ام راكان كم لبس لها مع فستان هادي على اساس تلبسه يوم كتب الكتاب .. وعطر ومكياج ...وعبايه ... رجعوا البيت ...وراحت روضه على غرفتها وعلى طول رمت جسمها على السرير بتعب ... وشوي دخلت عليها لمياء ..تجري ...وماسكه جوالها "روضه ... روضه ... كلمي "
روضه "جلست بسرعه ":مين ...؟!..."رمت لمياء الجوال لها ..وهي تضحك ..وطلعت وتركتها ..محتارة .. مسكت الجوال .. وبصوت متردد ".. الووو ...؟!
بتال : روضه ..كيفك ؟
روضه "ارتاحت":هلا بتال ...كيفك انت ؟
بتال : الحمدلله ... لا يكون ازعجتك ..كنتي نايمه ؟!
روضه : لا .. توي كنت بالسوق ...
بتال : معليش طلع الرقم مو لك ؟!... توقعته رقمك الجديد ...
روضه : لا مو رقمي رقم بنت خالي ..
بتال : اعتذري لي منها .. والله انحرجت ...
روضه : ماعليك ..حصل خير ...
بتال "بفرح": ..خلاص بكرة بتجين عندي ... وبنعيش مع بعض ..
روضه "بحرج واضح":إييييه .. ايه ...
بتال : روضه انا بكون لك بتال اللي تعرفيه ..وانتي كمان ابغاك روضه اللي كنت اعرفها .. ما ابغى أي شي يغيرك ... وبنعيش زي اول ...
روضه "بلعت ريقها بصعوبه": مافيه شي يغيرني ...
بتال : ولا الاكل يغيرك .. "وضحك".. يا ويلك تقولي نحفتي .. لاني ماراح اصدق ...
روضه "ارتبكت": .. امممم .. شوي ..
بتال : روضه احد عندك... اشوفك ما تسولفين زي كل مره.. مو مشكله ... بكرة نشبع من بعض .. توصين شي ..
روضه :سلامتك .. مع السلامه
سرحت روضه تفكر في كلام بتال .. ما تدري هي تفرح والا تزعل .. تعوذت من الشيطان ...وقامت ترتب شنطتها ...

.................................................. ..........

اليوم الثاني .... موعد ... الزواج ...

في فلة ابو يزيد ... العصر
دخل "يزيد " على "هويدا" في غرفتها ... وابتسم لها ....وهي كانت نايمه ولما شافته جلست وردت له الابتسامه ...قرب منها وجلس على كرسي التسريحه القريب من سريرها ...
يزيد : كيف الحلو اليوم ؟
هويدا "بابتسامه مصطنعه": الحمدلله ..."تطالع في لبسه ".. انت رايح الشركه ... اشوفك مكشخ اليوم ..
يزيد "طالع في لبسه": جد والله كشخه .. يعني بغطي على العريس ...
هويدا : تغطي على عشرة مثله ...
يزيد "ابتسم لها .. ووقف": يالله حبيت اطمن عليك ... وبعدين ليه كل الوقت بغرفتك .. اطلعي غيري جو ...واذا .. تبغين تروحي عند اخت سند .. روحي وقت ما تحبي ...
هويدا : غريبه اول مره تقول لي اروح عند احد ...
يزيد : بصراحه سند رجال والنعم واكيد اخته مثله ... "تذكر يوم شافها بحجابها الكامل"... يمكن تعلمك اشياء حلوه انتي ما تعرفيها ..
هويدا "بتعجب": وشو اللي ما اعرفه ...
يزيد : يعني .. اقصد بشكل عام مو شي محدد ...
>>>>>> ****** يتصل بك <<<<<
يزيد "يطالع في جواله": ... رقم غريب ...الووو ... "ابتسم".. هلا بتال .... مبرووك الرقم والجوال ... لا اكيد بحفظه عندي ..."يأشر لاخته انه طالع "....ايوا كيفك اليوم ...."وطلع من الغرفه "
هويدا "ابتسمت ": واخيرا صار عنده جوال ... نفسي اعرف بعض الناس كيف عايشين ...الحمدلله والشكر .."سحبت لحافها وتلبست فيه ونامت "..

.................................................. ..................

بعد المغرب ... وفي فلة ابو راكان ...
في مجلس الرجال ....استقبل ابو راكان وراكان ... بتال ويزيد وسند وابو محمد جار بتال ..ومعاهم الشيخ اللي بيكتب عقد زواجهم ...
اما في مجلس الحريم ... كانت ام راكان وام محمد جارة روضه .. وبنتها خديجه .. ينتظرون دخله روضه عليهم ...
دخلت روضه ومعاها لمياء ... وهي لابسه فستان سهره فضي طويل بدون اكمام ومعاه شال ... و لامه شعرها كله ورى بتسريحه ناعمه .. ومكياج ناعم وروج احمر ... صح سمينه بس اول مره تلبس كذا فشكلها كانت متغير ...
سلمت على ام محمد وخديجه وجلست جنبهم ... وام راكان فرحانه انها بتتزوج وتروح من البيت ...
ابو راكان ... دخل مكتبه ومعاه الكتاب عشان توقع عليه روضه ... ناداها لوحدها .. وقفل باب المكتب ... واشر لها تجلس على الكنبه وهو جلس على الكنبه المقابله لها ...
ابو راكان : روضه ...اليوم بتروحين بيت زوجك .. وانا ما ابغاك اخذين في خاطرك مني ...
روضه : خالي لا تقول كذا ..
ابو راكان : خليني اكمل ... انا لما عرفت بوفاة اختي زعلت كثير ..لان هي اللي كانت باديه بالقطاعه .. ولما حضرت العزاء .. بديت اسمع كلام الناس من هنا وهنا .. روضه وبتال .. وكلام مايرضيني الصراحه .. وخاصة عرفت قد ايش كنتو تقريبا عايله واحده بس مافيه شي يربطكم لا رضاعه ولا قرابه ...
روضه "بتعجب": ايش يقولون ..
ابو راكان : مالك في اللي كانوا يقولونه .. بس انا كنت مشدد عليك وخاصة بتال هذا لاني كنت خايفه لا تتهورين وتهربين معاه وتفضحونا بين الناس ..
روضه "فتحت عيونها": انا اهرب معاه .. لا ياخالي .. مشكلتك ماعرفتي وحكمت علي في يومين جلستها عندك..
ابو راكان : اعذريني يا بنتي ... كان لازم احافظ على الامانه .. ولو ماسويت كذا كان بتال ما جاء خطبك ..
روضه "بحزن": نزلت راسها ..
وقف "ابو راكان" .. وراح لعند درج المكتب واخذ صندوقين مغلفين بتغليف هدايا ... وقرب منها .. وقفت "روضه " وهي متفاجأة .. مد يده لها بالهدايا .. واخذتها وهي مبهورة ..
روضه : خالي ايش هذي ..
ابو راكان "بوجه مبتسم ":هذه هدية زواجك .. في الصندوق الاول طقم ذهب .. وفي الصندوق الثاني سبعين الف ...
روضه : هاه ... سبعين الف .. كثير يا خالي ..
ابو راكان : هذا مهرك ..وانا ما طلبت من بتال مهر لاني اعرف ظروفه وخلي هذا بيني وبينك حتى خالتك ام راكان ما تدري .. فانتي حافظي عليها اذا تبغين وديها البنك والا براحتك ..
روضه "دمعت عيونها": تسلم يا خالي ...
ابو راكان"قرب منها ومسح دموعها":ربي يوفقك يا بنتي "باس جبهتها .. وابتسم لها "... يالله وقعي يا بنتي عشان اروح للرجال ..
روضه "ابتسمت له .. وحطت الهدايا على جنب ... ومسكت القلم ووقعت .. "


دخل ابو راكان على الرجال .. وباركوا "لبتال" .. ونفس الشي صار عند الحريم تمنوا لروضه حياة سعيده... تم كتب الكتاب .. وصارت روضه زوجه بتال قدام الناس كلهم.. وبتروح بيته وبتعيش معه .. ومستحيل احد يتكلم عليهم .. ولكن تبقى نظره الناس مختلف عن نظرة الازواج لبعض ..
هل الايام ابتسمت لك يا روضه ..؟!!

،

قراءة ممتعه اتمناها للكل

[لامارا]

<<<<<<<<<<<<<<<<
<<<<<<<<<<<<<<<<<<<<
الجزء الثامن
<<<<<<<<<<<<<<<<
<<<<<<<<<<<<<<<<<<<<

خرجت روضه من فلة خالها بعد ما ودعت الجميع .. والكل تمنى لها زواج مبارك ...
اخيرا وبعد انتظار.. اجتمع "بتال" مع "روضه" في السيارة ..اللي كان "بتال" يقودها ...و"روضه" جالسه بجانبه وانفاسها متوتره... وبعد دقايق من الصمت ...
روضه "باستغراب": بتال وين رايحين ...!!
بتال : شقتنا ..
روضه : بس هذا مو طريق الشقه ؟!
بتال :أيه ... نسيت اقول لك اني اخذت شقة جديده ..
روضه : ليه والله انا احب شقتنا الاولى ..فيها ذكرياتنا وكل شي ..
بتال : لا تذكريني يا روضه .. انتي ما تدرين كيف كنت عايش فيها .. والله البيت موحش من دونهم ... رحمة الله عليهم ...
روضه :الحمدلله على كل حال .. بس شققنا ملك يعني بنرتاح من الاجار ..
بتال : بالنسبه لشقة اهلي انا بعتها ... اما شقتكم بكيفك تبغين تبيعيها والا تخليها ..
روضه : لييييه ..؟! .. ليه تبيعها ...
بتال : اجل من وين باجيب فلوس للشقة الجديده واثاثها ..؟!.. بعتها وخلاص ... "طالع فيها وابتسم".. ابغى اعيش حياة جديده ..
طالعت روضه في بتال بنظرات خجوله . وطالعت فيه من فوق لتحت.. انتبه لها بتال ولف عليها بابتسامه .. فتشجعت روضه وبتردد "بتااال .. "
بتال : هلا ...
روضه : ليه مو لابس بشت .؟!
بتال "ضحك": لا يكون صدقتي اني عريس ..."وضحك .. وبمزح ".. اخاف انتي لابسه طرحه وحاطه روج احمر .."وكمل ضحك .. وهو مركز على الطريق "
روضه "ضحكت بحرج ... فتحت شنطتها بخفه .. وسحبت لها منديل .. دخلت يدها تحت غطوتها ..ومسحت الروج الاحمر .. قبضت على المنديل بقوه...اخذت نفس قوي .. و تاهت نظراتها في الشباك "..

.............................


وصلوا الشقه ... فتح بتال الباب .. وهو مبتسم .. وبفرح ....
"تفضلي يا هلا والله ... نورتي البيت "
روضه "دخلت وهي منزله راسها .. حست بشعور غريب ..وكأنها فعلا دخلت مملكتها وبيتها .. وبابتسامه خجوله ": مشكور ... "فتحت غطوتها وهي منزله عيونها .. وارتبكت لما تلاقت عيونهم "
بتال "طالع فيها.. وحس بارتباكها .. وبمزح ":.. اخذت هذي الشقه في هالعمارة لان فيها اصنصير ... لاني اعرفك ما تحبين الدرج ..
روضه "ضحكت": أيه احسن شي سويته ...
بتال : .. شكلنا بنجلس في المدخل ... " ضحك ..وأشر على علاقة ..عند المدخل .. ": علقي عبايتك هنا .. عشان اوريك الشقه ...
روضه "بتردد ..": اممم ... طيب .."فصخت عبايتها ... بس انحرجت .. ففضلت تترك طرحتها على راسها ..ولفت على بتال اللي كان يطالعها .. نزلت راسها بخجل ... توقعت بيعلق على شكلها او فستانها .. او حتى يقول لها كلمه حلوه "...
بتال "بلا اهتمام ": تعالي من هنا ..."وراح لداخل الشقه "
روضه "تابعته بنظراتها .. ولحقته ... لعند باب غرفة واقف .. دخلت روضه وباعجااب ":.. وااااو ... حلوه الغرفه ... "ونزلت راسها بخجل "..اول مره ادري ان ذوقك حلو ...
بتال "بفرح": والله عجبتك ... اجل تعالي اوريك غرفتك .. وياارب تعجبك ..."وطلع من الغرفه"
روضه "فتحت فمها بصدمه.. وبنظرات تايهه ... راحت وراه ...": بتال .. ايش تقول .. غرفـــــ...."دخلت الغرفه الثانيه وتفاجئت .. لما شافت فيها غرفة نوم ثانيه ... طالعت في بتال .. بتعجب"..هذي ... هذي غرفتي ...؟!
بتال : ايه ايش رايك ...؟! ..شوفيها وااااسعه .."و رمى نفسه على السرير ".. حتى المرتبه حقتك من اجود الانواع ... وواسع يعني بيكفيك ...
روضه "وبدون ما ينتبه لها بتال ...دخلت يدها تحت الطرحه وسحبت التسريحه بقهر .. وبلعت ريقها بصعوبه": ايه ... حلوه ...
بتال "مشى لعندها ... ":يالله بدلي ملابسك ..حتى واجيب العشاء ..."وطلع من الغرفه " ..
لحقت روضه بتال بنظراتها ... قطبت حواجبها ... دخلت لغرفتها ..وقفلت الباب .. سندت على الباب بكامل ثقلها .... نزلت دموعها غصب عنها ... اللي كانت حاسه وخايفه منه صار ... بتال ..ما تزوجها حبا فيها ..تزوجها عشان تعوضه عن امه واخته ...
مررت يدها على وجهها وجبهتها ... سحبت طرحتها بقوه ورمتها على الارض ... وسحبت شعرها بفوضويه ... قربت من التسريحه وشافت كيف شعرها منكوش وكحل عينها سايح على خدها من الدموع ... راح الجمال والكشخه ..

.....................................

في فلة ابو راكان ... اجتمعت العائله بعد ما راحوا الضيوف ...
ام راكان : كل شي صار على خير ...؟!
ابو راكان "ابتسم": الحمدلله ... كل شي صار على خير مايرام ..
لمياء : بابا كيف بتال ..كان مبسوط...؟!
راكان : وش هالسؤال الغبي ... اكيد بيكون فرحان ...
لمياء : انا كلمت بابا ماكلمتك ..
ابو راكان "بضحك": ايه ايه يبه كان مبسوط ...
راكان : شفت يابوي كيف وقف من الفرحه بس دخلت بالكتاب بيدك .."وضحك"
لمياء "تضحك": ..جد ...
ام راكان : يالله اهم شي انهم تزوجوا وريحونا .... "لفت على ابو راكان ".. تبغى شاي والا نجهز العشاء ...
ابو راكان : خلاص جهزوا العشاء ...
وقفت ام راكان وراحت للمطبخ ... وقفت لمياء تلحقها .. بس ابوها طلب منها تجلس جنبه يبغاها بموضوع ...
لمياء : نعم يا بابا .. خير ..ايش الموضوع ...؟!!!
ابو راكان : ما قلتي لي ... بأي جامعه قدمتي ...
لمياء "ابتسمت ابتسامه عريضه": أأأأأ ... ما قدمت... "تاشر له بيدها "... دقيقه والله دقيقه بفهمك .. لا تعصب ولا يتغير وجهك ...بقول لك ايش افكر فيه ...
ابو راكان "كتم زعله... وضربها بخفه على راسها": .. قولي ايش في هذا الراس وايش يفكر فيه ...
لمياء : بابا .. انا ما احب الدراسه والاشياء هذي ..."وبحماس"... انا انسانه عمليه مالي في الدراسه والكرف ... احب الشغل الميداني ...
ابو راكان : ودراسه ادراة الاعمال ..؟!
لمياء : قريت كثير الكل ما استفاد من الدراسة كثر استفادتهم من الشغل الميداني ...
راكان "متابع بصمت "...
ابو راكان : فهميني ايش الشغل الميداني هذا ...
لمياء : اني انزل اشتغل في الشركه من بكره ..
ابو راكان "فتح عيونه": تشتغلين بالشركه ..."طالع في ركان "... سامع اختك...
راكان "رجع ظهره على ورى ": تبغى تشتغل بكيفها .. هذا مستقبلها وهي اللي تتحمل نتائج اختيارها... "طالع فيها بنظره تحدي " ... بس بشرط ما تشتغلين في شركتنا ... لازم تروحين شركه ثانيه ...
لمياء "متفاجئه ": هاااه ... لييه ...؟!
راكان : والله عشان تتعلمي صح ... والا بلاش الفكرة من اساسها ... روحي ادرسي جامعه افضل لك ...
لمياء "بتحدي": ..طيب وانا موافقه ..."طالعت في ابوها "... كلم لي احد من اصدقائك يوظفني ...
راكان : وقول لهم بدون دلع ... يعاملونها زيها زي غيرها ...
لمياء "عصبت": وانت ايش دخلك ... أووف ..
ابو راكان "ابتسم": خلاص يا لمياء ... يصير خير ...خليني افكر كم يوم وارد منك ...
لمياء "تتسمع ": .. هذا صوت جوالي ..."وقفت بسرعه وسلمت على ابوها في راسه "... الله يخليك لي .... "وطلعت تركض "..جوالي جوالي ....
ابو راكان "يطالعها ويضحك على ركضها": شوي شوي لا تطيحين ... "طالع في راكان "... الحين من جدك تتكلم ...
راكان : يبه لمياء مو صغيره ...خلاص هي تقول بحثت وقرت .. خلها تتخذ قرارها بنفسها عشان بكرة لا تلومك ...
ابو راكان: ليه انت تلومني ...
راكان : لا بالعكس .. افضل شي صار بحياتي اني سافرت لاني فعلا كنت محتاج اغير من نفسيتي من شكلي ومن نظرة الناس لي ..
ابو راكان : تراك مكبر الموضوع منت اول ولا اخر واحد زايد وزنه ...
راكان "ضحك بسخريه": .. مايحس بالنار الا واطيها ...
ابو راكان : راكان .. خلاص انسى الماضي ..عشان تقدر تعيش ..
راكان "زفر بقوه ... ومسح على وجهه": .. طيب خلنا نرجع للمياء .. ايش بتسوي في موضوعها ...
ابو راكان : مدري ... بس جاء ببالي شخص ... يزيد ..
راكان : مين ؟! ... مين يزيد ؟!
ابو راكان : شفت الاثنين اللي جو مع بتال ...غير جارة ابو محمد..
راكان : ايه .. أي واحد فيهم ..
ابو راكان "بابتسامه": مو الاسمر المكدش ... لا الثاني الابيض اللي كان لابس ثوب كحلي مطرز اطرافه بابيض ..
راكان "ضحك": توقعت اصلا بس قلت أتأكد .. يعني عنده شركه ...
ابو راكان : هذا ولد ابو يزيد .. اللي ماكل الدنيا كلها ..ماشاء الله ..
راكان : وقصدك بتقول له يشغل لمياء عنده ..
ابو راكان : ايه .. هذا اللي ببالي ... بس مدري بيوافق والا لا ..لان ماعندها شهاده جامعيه ...
راكان : الله يكتب لها مافيه الخير ...
ابو راكان :آمين ...

..............................

بتال في السيارة راجع البيت بعد ما اخذ العشاء .. رن جواله ... كان رقم غريب بس ما استغرب لانه مو مخزن ولا رقم ... رد وهو مشغول بالطريق ... "الووو ...نعم ...؟!"
: .... بتال ؟!
بتال : ايه ...مين معاي ..؟!
"بدلع": معقول ماعرفتني ..؟!
بتال : الظاهر غلطانه يا اختي ....مع السلامه ..
: لالالا ... لا تقفل ... انا هويدا ...
بتال "بتعجب" : هويدا ...؟!..... اخت يزيد ...
هويدا : يس .... كيفك ..؟!
بتال "رفع واحد من حواجبه": الحين متصله عشان تعرفي كيفي ؟!
هويدا "بغنج": أيووووا ..عندك مانع ...
بتال "عصب": انت يا بنت فاضيه وجايه تتسلين عليه ... انا ساكت عنك عشان يزيد ... بس شكلي بقول له وهو يتصرف معاك ..
هويدا "خافت ... وبكت ": ... لييييه ..كلكم عليه ... ليه محد يفهمني ..انا عايشه لوحدي .. محد داري عني انا ميته والا عايشه ...
بتال "تفاجا انها بكت ": مين اللي كلنا ...؟؟!
هويدا "تبكي اكثر ": .. وين اروح يعني انتحر ... عشان ترتاحوا مني ...
بتال "ارتبك": يا بنت الحلال .. لا ايش تنتحري .. تعوذي من الشيطان ...
هويدا "تشاهق .. وهي تبكي ..":
بتال "بخوف": هويدا .... هويدا ... تسمعيني ...الوووو ... هويدا ...الووو ... هويداا ....
هويدا "بصوت باكي":ايه ...
بتال "بتوتر": ... الله يهديك خوفتيني ...
هويدا "بصوت حزين باكي": .. انا محتاجه احد يسمعني بس ...
بتال : طيب .. طيب اسمعيني ..انا الحين في السيارة ... مقدر اكلمك ..اذا وصلت البيت كلمتك ...اوكي ..
هويدا "باستسلام ": ..طيب ...
" قفلت الجوال ... ورمته قدامها على السرير ... مسحت دموعها ..بقهر ..."خسارة هالدموع فيك يا بتال ... بس هذا هو الحل اللي قدامي "... كانت مقهورة من نفسها انها ضعفت قدام رجال ... لانها تكرة الضعف والبكاء ...بس صار اللي كانت تبغاه ..وهو اهتمام بتال فيها ...

....................................

....................................

روضه "بصوت واطي وبحزن": يا لمياء والله مايحبني ... اقصد مايحبني كزوجه ..."تبكي "
لمياء : والله تونا نتكلم عنكم .. بالعكس يقولون مبسوط بتال وطاير من الفرحه ...
روضه : ايه فرحان ...بس لاني باعيش معاه ...
لمياء : طيب هذا انتي قلتيها ...
روضه "بعصبيه": اقول لك كل واحد في غرفه ... فاهمه علي ...
لمياء : ترى اغلب الازواج الحين صاروا كل واحد له غرفته ...
روضه "غمضت عيونها بقوه ":طيب ..طيب ..

>>>>>> دق باب غرفتها .... وبتال من ورى الباب "روضه يالله جبت العشاء " .. سمعت خطواته يبتعد ...

روضه "بصوت واطي": بتال جاب العشاء .. لازم اطلع ...
لمياء : يالله روحي عدلي مكياجك .. وشعرك ... الله يهديك راح تعبنا على الفاضي ... واعطيه فرصه .. لسى دوبكم ..."وضحكت" مستعجله ... شوفي كذا بعد ساعه.. ساعه ونص بكلمك .. اذا كنتي مشغوله لا تردي ..اوكي
روضه "ضحكت ": الله يقطع ابليسك .. اوكي انتظر اتصالك .. يالله مع السلامه .

وقفت روضه عند التسريحه .. ومسحت كحلها السايح .. لفت تطالع يمين شمال ..شنطتها الكبيرة مو موجوده ... استسلمت للامر ... نظفت وجهها من الكحل واخذت الطرحه تغطي شعرها المحووس .. رتبت نفسها .. ومسكت شالها وحطته على كتفها وطلعت للصاله .تتعشاء مع بتال ...


..............................

يزيد ..دخل الفله .. وحصل " هويدا " في الصاله معاها سندوتش وعصير ....
يزيد "بفرح":ماشاء الله تاكلين وتخليني ...
هويدا "ابتسمت له": .. اقول للشغاله تجيب لك ...
يزيد : لالا ..تعشيت انا وسند ..
هويدا "بتعجب" : وبتال ... مو معاكم ....
يزيد : بتال مو فاضي لنا مشغول ...
هويدا " توقعت ان بتال مشغول فيها لانه وعدها يكلمها... ابتسمت": اذا مشغول بتشوفونه يوم ثاني ..
يزيد :ما اقول الا الله يسعده...
هويدا : الله يسعد الجميع ... اقول يزيد .. بابا كلمك ..؟!
يزيد : لا ... بس ارسلت له رساله اهنيه بالعيد ..
هويدا "بحزن": .. مدري متى بيبطل من كثرة الزواجات .. اتوقع مافيه ولا جنسيه الا تزوج منها ..
يزيد "قطب حواجبه": ما مليتي من هالموضوع .. خلاص اتركي التفكير عنك .. وريحي نفسك .. فكري بأي شي يسعدك مو ... مو يحزنك ...
هويدا : فعلا شي يجيب الغثا ..المهم ... "وابتسمت بالقوه ".. انت بتطلع والا بتنام ..
يزيد : لا وين اطلع .. بكرة دوام بالشركه .. "وقف" .. يالله تصبحي على خير ...
هويدا : وانت بخير ..."تبعته بنظراتها .. لحد ما طلع من الدرج ... مكست جوالها وفتحته ... وبملل "... متى بيتصل ..اوف .. "رجعت ظهرها على ورى .. وصارت تهز ارجولها من التوتر "

.............................

بتال وروضه كانوا يتعشون بهدوء وبدون أي كلام بينهم يذكر ... روضه اللي كانت مو مستوعبه اللي صاير لها .. وبتال اللي كان وجود روضه مسبب له توتر مو عارف سببه ....
روضه "وقفت ": الحمدلله ...
بتال : ما اكلتي شي ...
روضه : خلاص شبعت ..
بتال "ضحك": لالا انتي مو روضه اللي اعرفها ... معقوله تشوفي الاكل قدامك ولا تهجمي عليه ...كعادتك ..
روضه "لفت عنه رايحه غرفتها":.. لو سمحت جيب شنطتي من السيارة .. "دخلت غرفتها .. وقفلت الباب وراها "
بتال "متعجب من تصرفاتها ...": والله مدري يا روضه اللي سويته فيك وفيني صح والا لا ... "سحب مفتاح السيارة من على الطاوله ونزل يجيب الشنطه .."
روضه دخلت غرفتها .. وجلست بهدوء على حافة السرير .. وهي تفكر بحياتها هذي ...

>>>>>لمياء يتصل بك <<<<<<

ابتسمت .. ومسكت الجوال .."هلا لموو"
لمياء : لا يكون نايمه وازعجتك ..؟!
روضه : لا مو نايمه ...اتصلتي بالوقت المناسب ..
لمياء : كيف بتال معاك ..؟!
روضه "بحزن": قلت لك .. تزوجني بس على الورق ..
لمياء :لالالا روضه .. صدقيني ...انــ...
روضه "قاطعتها": انتي اللي صدقيني ...
......دق باب غرفتها ...
روضه "بصوت واطي ": بتال يدق الباب ..
لمياء "بحماس": واااو .. قلت لك .. اعطيه فرصه ..
روضه "بلعت ريقها ":أأأ .. اكلمك بعدين ..باي ..

وقفت بسرعه ... وراحت لباب الغرفه ..فتحته ... حصلت "بتال" واقف قدامها وبيده شنطتها ... طالعوا بعيون بعض .. فاضت دموع من عيون بتال .. غصب عنه .. رمى الشنطه من يده .. وقرب منها وحضنها ... وهو يبكي ...تجمدت روضه وهي في حضنه .. بتردد .. مدت يدها وربتت على ظهره ....بتال ..ضمها بقوه .. وصار يتكلم بكلمات مكبوته في صدرة ..." راحوا وتركوني ... حتى ما سلمت عليهم ولا ودعتهم .. انا غبي سافرت وتركتهم ... "
روضه .. كانت تسمع كلماته وعيونها تائهه.. غصب عنها تجمعت الدموع في عينها .. ونزلت على كتف بتال ...
بتال اللي كان يبكي عليها فقد امه واخته ... وهي اللي كانت تبكي عليه حضها في هالدنيا ..اللي مستحيل يتعدل ... و انها تعيش زيها زي أي بنت .. وتكون اسرة واطفال ...

.................................................. ...............

اليوم الثاني في الصباح ... لبس يزيد .. وتكشخ ونزل رايح للشركه ... ولمح هويدا نايمه على الكنبه في الصاله .. وواضح انها مكانها من امس .. قرب منها ..وهز كتفها بلطف ..."هويدا ... هودي ... اصحي ..هويدا "...
هويدا "فتحت عينها بخوف": هااه ..
يزيد : انا يزيد .. لا تخافين .. ايش منومك هنا ..؟!!
هويدا "جلست بكسل": ... ولا شي ماحسيت بنفسي .."طالعت في جوالها .. وسحبته بسرعه ..."..
يزيد : ايش فيك ..؟!
هويدا "بارتباك ": .. مافيني شي .. بس .. بس مستغربه ما رن جوالي على وقت صلاة الفجر ...
يزيد "ابتسم": يالله ماعليه .. روحي الحين الحقي وقت الصلاة .. ربي يهديك .. يالله انا رايح الشركه ...
هويدا : موفق ان شاء الله ...

طلع يزيد .. من الفله ... وهويدا بقهر .. تتوعد بتال .. لانه ما دق عليها مثل ما وعدها ...

.................................................. ..

سند .. لبس احلى ثيابه ... ورز الشماغ على راسه .. وعطر نفسه .. استعداد للدوام اول يوم بالشركه ... طلع للصاله ما حصل جدته .. راح لها في غرفتها .. وحصلها تتسمع للراديو .. ابتسم لها ... وقرب منها وباسم راسها ..."صباح الخير يا جده "
الجده "سكرت الراديو":.. يالله تصبحه بالخير والعافيه ... بسم الله عليك .. وراك متعطر كل هالعطر .. تراك رايح دوام مو زواج ..
سند : يا جده انا بداوم بشركه كبيرة .. لازم الكشخه .. والا تبيهم يطروني من اول يوم ...
الجده : لا والله ..جعل اللي يطردك ... ماني بقايله .. استغفر الله ..
سند "ضحك": الله يخليك لنا يارب ...
الجده : يالله يا ولدي روح لا تتاخر ...
سند : طيب ناقصكم شي ..
الجده : لا ماناقصنا شي كل شي موجود ...
سند : يالله مع السلامه ...
الجده : فمان الله ...

.......................

"بتال" نايم في غرفته الجديده ... صحي على نغمه جواله تعلن قدوم رساله ... طنشها وتقلب ..يمين ويسار .. وطار النوم من عينه ... مد يده بكسل ... وفتح جواله .. وحصل رساله ..من هويدا :

( .. للأسف انت مثلك مثل غيرك ... مستحيل اثق فيك من جديد .. )

قرأ الرساله مرتين وثلاث .. تردد في انه يكلم "يزيد" ويخبره عن اخته ... او انه يكلمها ويشوف ايش تبغى منه ... قطع افكارة .. صوت جاي من برا ... تذكر وجود "روضه" معاه .. ابتسم .. وقفز من السرير ... وخرج من الغرفه وراح لمكان الصوت ... حصل "روضه" في المطبخ ... وبخفه مشي لحد ما وصل خلفها .. وبصوت عاالي "بوووووه"
روضه "قفز بصراخ":.. أأأأأه .... "ولفت ".. بتالووه وجع ان شاء الله ...
بتال "ماسك على بطنه من الضحك": .. قسم انك نكته ...
روضه "بزعل": .. كذا يا بتال ... طييييب ... اما خاصمتك ...
بتال : لالالا .. ما يرضيني زعلك ... خلاص ولا يهمك .. اسف ..
روضه "طنشته .. وكمل تسوي البيض "
بتال "قرب منها":رووضه خلاص قلت اسف ...تبغيني ابوسك يعني .."قرب منها بيبوسها "
روضه "بعدته عنها .. بحرج":خلاص خلاص روح ...
بتال "ضحك بمكر": طيب بس تراك صرتي طماط ...
روضه "عضت على شفاتها .. ومسكت الملعقه ..":بتال .. اذا ما طلعت من المطبخ بضربك على راسك بهالملعقه ...
بتال "ضحك": بطلع بطلع ... يمممه ... رجعتي فعلا روضه اللي اعرفها ..."طلع من المطبخ "....
روضه "حست بغصه ..من اللي صار بينهم ... مو عارف ليه فلتت اعصابها عليه ... هذا اول صباح لها وهي متزوجه ... وللاسف كان مثل كل صباح عند خالها بل يمكن الاسوأ "

................................................

................................................

في الشركه ...

يزيد ... في مكتبه ... رن جواله ... استغرب انه ابو راكان ...
يزيد: هلا ابو راكان ...
ابو راكان : هلا يزيد ... اخبارك ..؟!
يزيد : الحمدلله ... وانت ؟!
ابو راكان : بخير جعلك بخير ... بغيتك في خدمه اذا ما عليك امر ..
يزيد : آمر يابو راكان ..
ابو راكان : مايامر عليك عدو ... بس بنتي "لمياء" ودها تجرب الشغل الميداني بالشركات ..
يزيد "باستغراب": طيب ..؟!
ابو راكان : واكيد اذا بتشتغل في شركتنا ما راح تستفيد كثير لان الكل راح يخدمها .. وحتى لو سوت شي غلط محد راح يوجهها ... فانا قلت ..لو تجربها عندك كذا شهر .. وتعلمها .. وتستفيد وتاخذ خبره ...
يزيد "رفع حواجبه": بصراحه مدري ايش اقول لك.. فاجأتني بالموضوع ... احنا عمل الاناث عندنا بالشركه محدود ... بس .. ماقلت لي .. ايش شهادتها ...؟!
ابو راكان "ابتسم" : توها تخرجت من الثانوي والمفروض تدخل ادراة أعمال بس هي مصرة على الشغل ...
يزيد "ضحك": يابو راكان الحين انت ادرى .. فيه اللي عندهم شهادة جامعيه وتوظيفهم صعب ...
ابو راكان : ادري .. بس هذي بنتي دلوعتي .. ماراح استأمن عليها في شركه ثانيه غيركم ...شغلها أي شي .. لو بس تراجع اوراق ..
واذا على الراتب .. مستعد اني اكون مسئول عن راتبها ..
يزيد : لالا يا بو راكان ..ما هقيتها منك ... شركتنا مو عاجزة انها تأمن راتب لموظفيها.."بحيره" ... بس المشكله ايش الوظيفه اللي تناسبها ..
ابو راكان : قلت لك أي شي .. تكفى لا تردني ...
يزيد : طيب .. والله ما اردك يابو راكان .. وابشر ..."وياشر على خشمه" على عالخشم .. انت بس خليها تيجيني بكرة الساعه10وان شاء الله مايصير الا كل خير ...
ابو راكان : كفووو والله ... هذا العشم منك ..
يزيد : يا هلا والله ...مع السلامه ....
قفل "يزيد" جواله ... وعلى طول ... دخل "سند" ..عنده ... بدون ما يدق الباب ..."سلااااام ..."
يزيد "مفتح عيونه فيه": .. وعليكم السلام ... بسم الله .. ياخي دق الباب على الاقل ...
سند "ضحك": ما حصلت السكرتير على مكتبه ... وبابك كان مفتوح .. قلت أفاجئك ..
يزيد "يضحك":تمون .. بس هاه ... اخر مره تسويها ... لو شافوك الموظفين الباقيين ..كان الكل سوا مثلك ...
سند "يضحك": تخيل ... كان راحت هيبتك .. يالمدير ...
يزيد "ضحك .. وطالع فيه ": ماشاء الله وش هالكشخه ... اول مره اشوفك كذا ..
سند "شمق له ": جت جدتي الثانيه ...
يزيد "فتح عيونه": ايشش ... تخسا قال جدته الثانيه ...
سند "بزعل": وش دراني انت وجدتي اول مره تشوفوني مكشخ .. تقول ليش تحط عطر ..
يزيد "ضحك. بقوه": الله يقطع ابليسك ...
سند : ايه اضحك ..وش عليك ...
يزيد "يحاول يمسك ضحكه":.. طيب بسكت .. بس قول لي .. ايش جابك وانا قلت لك خذ دورة الكمبيوتر اول ..
سند : مو الدورة بالعصر .. واجلس فاضي طول اليوم .. قلت اجيكم في الصباح ..والعصر اروح الدورة ...
يزيد : اهاا .. يعني تبغى تعرف ايش بعينك ... تصدق عشانك بفتح قسم جديد ..
سند "بحماس": جد ... واكيد انا بصير الرئيس ...
يزيد : على نفسك .."وضحك"
سند : على نفسي على نفسي مو مشكله ... "وضحك"...

.................................................. ......................

"هويدا" ... تكلم " فطوم " .... وهي مشغوله باللاب توب قدامها ...
هويدا "مو مركزه معاها ":اممممم..
فطوم : وشو اللي امممم ... اقول لك ... خالد اتصل فيك ..والا شي ..
هويدا : هاه ... لا وش يتصل جعله الماحي ان شاء الله ...
فطوم : ايه والله ... اقول هويدا .. ايش رايك تجين عندي بكرة .. تدرين بس باقي كذا يوم وتبدا الدراسه ...
هويدا "بملل": لا لا .. اذا تبغين انتي تعالي ..مالي خلق اروح عند احد ...
فطوم : والله مدري بقول لجدتي وسند واشوف ..
هويدا "..صرخت بقوه وهي تطالع في اللاب توب ...":.. يس .. يس اخيرا ....يالله ....
فطوم "بتعجب": خير وش فيه ...
هويدا "بفرح": ماني مصدقه ...
فطوم : هويداا ... وشو ... تكلمي ...فرحيني معاك ...
هويدا "بفرح": اخيرا .. اخيرا يا فطوم ... جاني الرد من عياده .. راسلتهم قبل كم يوم .. وجت الموافقه وحددوا لي موعد ... اروح لهم ...
فطوم : موعد ايش .. وعياده ايش ... مو فاهمه ..
هويدا "جلست وبصوت واطي ": ... عياده ترميم ... فهمتي ...
فطوم "قطبت حواجبها .. وبعد سكوت ": من جدك يا هويدا .. والا تمزحين ...
هويدا "بكل جديه": هذا موضوع ما ينمزح فيه ...
فطوم : لا .. لا صعب .. تكفين كفايه مغامرات ...
هويدا "باصرار": الا بروح وبسافر وبسوي العمليه ... اللي صار لي لازم ينتهي ... انا تعبت من التفكير ... وانتي قلتيه بلسانك .. اللي عندها هالعز كله لازم تلقى لها مخرج من هالورطه ... وانا بفلوسي بقدر ارجع كرامتي وشرفي ...
فطوم "انربط لسانها ":..أ ..أ ... ما... ما ادري .. بس انا اقصد ...
هويدا "قاطعتها ":.. ما يهمني ايش تقصدي .. اهم شي .. ارجع زي ما كنت ..
فطوم : طيب انتي واثقه من هالعياده .. وبعدين تعالي تقصدي عياده عياده والا مستشفى ..
هويدا : لا عياده عياده .. اصلا انا ما ابغى مستشفى كبيير ..انتي عارفه العياده زوديهم شوي فلوس ولا يهتمون باسمك ومكانك عكس في المستشفيات ...يدققون في البيانات الاصليه ..
فطوم : ياربي والله خايفه عليك ..... طيب هالعياده وين..؟!
هويدا : ما بقول لحد عنها ...بس هي اكيد برا السعوديه ...
فطوم : ولا انا ...
هويدا : ولا انتي ..."بصوت واطي حزين"... معليش بس ماصرت اثق حتى باقرب الناس لي ...
فطوم :.. الحين انا اعرف عنك كل شي ... جات على المكان ...
هويدا : ايه .. ايش يضمني ان مافيه احد يجي وراي وياخذ اوراق من العياده او يمكن ... يمكن يصورتي ...
فطوم : لا بالله منتي بصاحيه ... مين بيتابعك .. ولا يصورك بعد ...
هويدا : ما ادري بس.. مو يمكن انتي وخالد متفقين علي ...
فطوم "بتعجب": خالد .. وانا ايش عرفني فيه .. هذا صديقك انتي .. مو انا .."وبعصبيه" .. واصلا يا ست هويدا انا قطعت كل علاقاتي السابقه والحمدلله رجعت للطريق الصح .. ولا افكر ارجع ..للي علمتيني اياه ...
هويدا "بعصبيه.. وتكبر ": انتي اللي بنت فقر .. وما صدقتي احد يصرف عليك ...
فطوم "بعصبيه": انا صح فقيرة بس اشرف منك .. " وقفلت الجوال .. ورمته بقوه على الجدار .. وطاح مكسر.. وتصارخ " .. متكبرة مغرورة ... "وبكت "..
دخلت جدتها عندها .... شافتها تبكي والجوال مكسر ... قربت منها وجلست جنبها على سريرها ... تسمي عليها .. وتحضنها ...

........................................


اليوم التالي في الصباح ...

كانت لمياء مكتفه يدها وواقفه عند مدخل الشركه بزعل وملل ... لان السكرتي منها تدخل بدون بطاقة العمل ... ولما طلبت تقابل المدير خبرها انه بالطريق... فوقفت تنتظره ... وكانت لابسه عابيه على الكتف فيا فصوص على الاطراف .. ومحجبه شعرها ... وكاشفه وجهها مع وضع مكياج خفيف ...
وقفت سيارة لكزسس سودا .. ونزل منها "يزيد" بعد ما فتح له مسؤول المواقف باب السيارة .. واخذ المفتاح من يده ... و مر "يزيد" .. وهو نافخ صدرة ... وماسك شنطة اللاب توب في يد .. ويضبط شماغه الاحمر بيده الثانيه ولابس ثوب ابيض .. ومسوي سكسوكه خفيفه ... ونظارة شمسيه ...
تابعته "لمياء"بنظراتها وخفق قلبها ... لما شال نظارته الشمسيه وطالع فيها بنظرات تفحص ... و سأل السكرتي .." ايش عندها الأخت هذي واقفه هنا ؟؟!!"
السكرتي : يا استاذ يزيد ..هذي تقول موظفه هنا وماعندها بطاقه ..
سمعت لمياء اللي دار بينهم.. وعرفت انه يزيد .. وقربت منهم ووبابتسامه ناعمه " صباح الخير استاذ يزيد ... "
يزيد "قطب حواجبه ": هلا ...؟!
لمياء: ااا... انا لمياء ...
يزيد "بنفس الجمود" : .. وش يعني ..؟!!!
لمياء "ارتبكت.. من جموده": أأ لمياء بنت ابو راكان .. بابا كلمك عشان أ...
يزيد "قاطعها": .. ايه .. ايه ... تعالي وراي .."رجع نظارته بجيبه ... ومشى ..وهي تتبعه.. وصلوا الاصنصير ... دخل .. ولمياء.. ترددت .. تطلع معاه و الا تنتظر ... وبصوت عالي ".. بنتظرك كثير ... والا تفضلين الدرج....
لمياء "بحرج": لالا جايه .. "ضغط زر الطلوع .. وهي منزله راسها .. شمت ريحة عطره اللي غطت المكان .. خلاها تتوتر وفضلت ترجع لاخر الاصنصير ... تكت بيدها .. وضبطت حجابها .."
يزيد "لف عليها ..وبتأكيد ": اسمك لمياء ..صح ..
لمياء "هزت راسها": يس ..
يزيد "طالع في يدها ..ولاحظ ارتباكها": اشوف يدينك فاضيه .. ما جبتي ملف معاك ..؟!
لمياء "بخوف": لا ..
يزيد : ليه ..؟!
لمياء : بابا قال لي ...
وقف الاصنصير وفتح الباب ... خرج "يزيد"..بدون مايسمع باقي كلامها ... عضت على شفايفها ... لانه طنشها ...وخرجت تركض تلحقه ... وصل لعند السكرتير وهي وراه لحقته ...
يزيد : ريان ... خلي الاخت تنتظر هنا .. وجيب لي قهوتي وكروسان معاها .. الله يخليك...
ريان "ابتسم له ":.. ابشر طال عمرك .. "طالع في لمياء".. تفضلي ارتاحي ..
دخل يزيد مكتبه ... ولمياء ..جلست وهي مقهورة منه ومن تصرفاته ...

...........................................

...........................................

روضه وبتال في شقتهم ... خلصوا فطور ... وجالسين يفرجوا على التلفزيون ...
"روضه "كانت تتأمل" بتال" وهو مركز مع البرنامج اللي بالتلفزيون ... تراقب حركاته ورمشاته ... كأنها اول مره بحياتها تشوفه .. تغير كثير عن اول ... او يمكن هي تشوفه تغير بعد ما تغيرت تسميته بولد جيراننا الى زوجي ...لاحظت قد ايش نحف وجهه الظاهر من الظروف اللي مر فيها ... والشنب الغير مرتب فقط حالق الدقن .. حست بشعور غريب وهي تتامله ..
طالعها بتال .. وابتسم " خير .. مضيعه شي بوجهي"
روضه "بحرج": لا .. سلامتك مو مضيعه شي ... "سكتت شوي.. وبعد تردد "... بتال ..
بتال : هلا ..
روضه : ممكن اتكلم معاك بموضوع يخصنا احنا الاثنين ويخص حياتنا ..
بتال "باستغراب": وش هالموضوع ..
روضه : لمتى بنعيش مع بعض بهذا الشكل ..
بتال : ما فهمتك .. ايش تقصدي ..
روضه : يعني انا .... وانت.... ايش نقرب لبعض الحين ..
بتال "بلا اهتمام": انا اخوك .. وبضل اخوك ...
روضه "عصبت":اجل ليه تزوجتني ...ليه ما خليتني عند خالي معززة مكرمه ..
بتال "بتريقه":الله واكبر ياذا العز .. انا سمعت خالك باذني وهو يخاصمك ويعصب عليك ...قالت عز قالت ...
روضه "بعصبيه": اصلا فاهمتك من اول ... انت لا تحبني ولا عمرك فكرت فيني كزوجه ... تبغاني اخذ مكان امك واختك واعوضك عنهم ...
بتال "ببرود": الحين انتي وش مزعلك ...
روضه : مزعلني انك مو مراعي مشاعري ... مو فاهمني ...
بتال "وقف" : روضه .. انا اسف مقدر اعتبرك الا اخت ..."سجب مفتاح السيارة ... وطلع من الشقه "

....................

" لمياء " تضرب الارض بكعبها بتوتر..وهي مكتفه يدينها ... وكل شوي تطالع في الساعه ... انزعج منها السكرتير .."لو سمحتي .. ممكن تخففي ضرب رجلك ..عندنا شغل يبغاله تركيز "
لمياء "وقفت":وانا بعد وراي شغل .. لي عشرين دقيقه انتظر .. ممكن تقول لمديرك ..يا يقابلني الحين ..يا يخليني اروح ...
ريان "وقف": طيب .. دقيقه لو سمحتي ... تفضلي اجلسي بعطيه خبر ..
لمياء"رفعت راسها" :مرتاحه كذا ...
دخل "ريان" عند "يزيد" .. وشوي خرج .. وطلب منها تدخل تقابله ...
دخلت "لمياء " بعد ما حاولت تهدي نفسها ...اخذت نفس عميق .. ودخلت سلمت ..وجلست على اول كرسي مقابل مكتب " يزيد "..
يزيد"شرب من القهوه .. وطالع فيها": .. قلتي لي ..ما جبتي اوراقك؟!
لمياء : مو انت ما خليتني اخلص كلامي ... بابا قال لي ..
يزيد "قاطعها": .. انا ايش دخلني في ابوك .. انا سالتك عن اوراقك ..جبتيها ..او لا ....؟!!
لمياء"تطالع فيه برجاء":طيب بقول لك ان...
يزيد"باصرار": ايه ... او ... لا ..
لمياء "بلعت ريقها بصعوبه": لا ...
يزيد "بدون ما يطالع فيها":.. تعالي بكره ومعاك ملفك واوراقك .."يأشر لها تطلع " تفضلي ...
لمياء"وقفت": طيب ايش الاوراق اللي اجيبها معاي ..؟!
يزيد : اطلبي السكرتير ... "ولف على اللاب توب يشتغل عليه "
لمياء : طيب .. شكرا ..."طالعت فيه تنتظر رد ... ما جاها الا التطتيش ... خرجت ..وطلبت من السكرتير ..الاوراق المطلوبه .. ورجعت لبيتها .. بعد ما شخصية "يزيد" شلت تفكيرها "

..............................................

" بتال " جالس على كوفي شوب قريب من البحر .. وينتظر "يزيد"و"سند" .. سرحان في البحر .. يفكر في كلام "روضه".. من لما طلع في الصباح ماعنده الشجاعه يرجع البيت ...

>>>> يزيد يتصل بك<<<<

بتال : هلا يزيد ... وينكم ...
يزيد : يالله طالعين من الشركه نص ساعه ونكون عندك ..
بتال : طيب ... يالله مع السلامه ..." نزل الجوال على الطاوله ... واخذ كاسة العصير اللي قدامه .. سرب منها شوي ... ورن جواله ... طالع في الرقم حس انه مو غريب عليه ... تذكرها .... معقول بترجع تتصل بعد رسالتها .."... نعم ؟!
هويدا : انا هويدا يا بتال ...
بتال "ابتسم": هلا ... خير ...
هويدا "بدلع": مايجي من وراي الا الخير طبعا ..
بتال : طيب .. قولي يا ام الخير ...
هويدا : انت لوحدك ...؟!
بتال "زفر بقوه": ايييه ... لوحدي ...
هويدا : شكلك متضايق ..
بتال : مين اللي مرتاح في هالدنيا ...
هويدا : مو قلت لك..انا وانت نشبه بعض ..بس ماصدقتني ...
بتال : ليه انتي ايش عندك من هموم .. لسى ببيت ابوك .. وماشاء الله مبسوطين من كله ..
هويدا : من قال الفلوس تجيب الراحه ..."بكت".. بالعكس يمكن الفقراء مبسوطين اكثر مني ...
بتال : ليه الحين تبكي ... ترى ما اتحمل اشوف بكاء بنت قدامي ..
هويدا "عرفت نقطه ضعفه .. فبكت اكثر":...
بتال "بضيق": تكفييين هويدا ...خلاص ..
هويدا : طيب بسكت بس بشرط ... ما تقطعني ...
بتال "حك جبهته": هويدا ...ليه انا ....
هويدا : لاني ... لاني ... أحبك ...
بتال "انصدم من الكلمه .. وتلعثم ":..أأ.. مم ... أأأ.."ضحك"... مدري وش اقول لك... صدمتيني ...
هويدا "ابتسمت بمكر.. وبدلع":.. يوووه بتال احرجتني ..يالله باي .."وسكرت جوالها وهي تضحك عليه ومن ردة فعله"
" بتال ".. مو مصدق اللي سمعه ... كلمه اول مره يسمعها من بنت .. تغيرت نفسيته مررره ...صار مبتسم كل ماتذكر كيف انحرجت وسكرت ... ماح سالا "يزيد"و"سند" جالسين قدامه ...
بتال "ابتسم": بسم الله .متى وصلتوا ...
يزيد : والله من يوم الابتسامه شاقه حلقك ...
سند "يطالع في يزيد": هذا اللي ادوشتنا عليه زعلان ومتضايق ...شوفه كيف ...
بتال "ضحك بقوه": ياربي تذلون الواحد ذل اذا احتاجكم ...
سند : يعني الحين محتاجنا ...
بتال : لا ... جيتوا متأخرين ...خلاص روقت .."وضحك"..
يزيد : قولي ايش صار بينك وبين روضه ...
بتال "تغيرت ملامحه": ليه تذكرني ...
يزيد : مو انت من اول تقول تبغى تفضفض ...
بتال "بلا اهتمام": باختصار ..روضه شكله موعاجبها الوضع في البيت ..
سند : انتو لسى مثل الاخوان ...؟!
بتال "هز راسه بنعم"...
يزيد.. وسند طالعوا في بعض ..محتارين ايش يردوا عليه ...
بتال: هي شكلها مو راضيه تفهم ...اني ما اقدر اعاملها الا زي اختي ...
سند : الغلط منك ما صارحتها ...
بتال : يا شيخ ... ريحنا من هالسالفه ....انا كنت ابغى اقول لكم اني ابغى ادور لي شغل ...
يزيد : ودراستك ...؟!
بتال "بسخريه":أي دراسه واي بطيخ ...
يزيد : لا لازم تكمل دراست ...خذ زوجتك ... اقصد روضه .. وسافر وارجع بالشهاده وتوظف ...
بتال : لا ..ماني مسافر مره ثانيه ... وترى ابو راكان عرض علي وقت الخطوبه اني اشتغل عنده.. شكلي بكلمه ...
يزيد : وانا وين رحت ...
بتال : انا ما ابغى احرجك ...كفايه سند ...
سند "حط رجل على رجل": الاستاذ سند لو سمحت ... انت تتكلم عن مدير القسم ...
بتال "ضحك":جد ...يالله مبروووك ...
استمرت سهره بتال ويزيد وسند الى منتصف الليل ...رجع بعدها كل واحد لبيته ...
................................................

روضه كانت تتكلم مع لمياء بالجوال في غرفتها ...
روضه : تعالي عندي والله ملت لوحدي ...
لمياء : بكرة لو رحت الدوام راح امر عليك ... عادي باي وقت حتى لو بالظهر ..
روضه : أي عادي ..
لمياء : بتال ما بيكون موجود ..
روضه "بحزن": مدري عنه ... اصلا اليوم من الصباح طلع ولا رجع ...من لما كلمته ...
لمياء : وكيف ايش قال لك ..
روضه : يقول زي اختي ..تخلخلت عظام... استغفر الله ..عظام الشيطان ..
لمياء "ضحكت": .. والله منتي بسهله ...طيب اسمعيني ... فيه فكرة ثانيه ...
روضه : قولي ...
لمياء : شوفي يبغالك تتقربين منه اكثر ... يعني امسكي يده ... قربي منه لصقي فيه ... كذا يعني ..
روضه "حمر وجهها": لا يؤؤؤ ... صعب ..
لمياء : يا غبيه هذا زوجك ... حلالك ... يمكن الرجال مستحي يبدا ...خايف منك تصديه ... اعطيه الضوء الاخضر ... يمكن يتشجع ويتلحلح ..
روضه : مدري .. ترى انا مو جريئه زيك ...
لمياء"تضحك" : ..اوكي جربي منتي بخسرانه ... يالله حبيبتي لازم انام وراي ...روح الصباح...
روضه : موفقه يارب ...يالله مع السلامه ..

قفلت روضه وسمعت باب الشقه فتح وواضح ان بتال وصل ....لصقت وجهها بالباب لحد ما سمعت باب غرفته تقفل ... رمت نفسها على السرير .وهي تفكر في كلام لمياء .. يعني لازم ابدا معاه....فعلا يمكن منحرج .. المشكله حركاته وكلامه تعصبني .. ما اقدر اضبط اعصابي ... وماعمري لمحت له اني احبه ...ياربي وش فيني صرت كذا ... لازم اهدا .. وابين له حبي .."ابتسمت وهي تفكر بهالكلام .. لدرجة ما سمعت بتال لما طلع من غرفته وراح للحمام .."...تذكرت ان حبوبها ما اخذتها ... طلعت من الغرفه وراحت للمطبخ تجيب لها كاسة مويه ... طلعت من المطبخ .. وانصدمت لما شافت بتال طالع من الحمام وقد اخذ دش سريع ورابط المنشفه على خصره ... ارتبكت حتى ان المويه صارت تنل على يدها ... بتال عجبه شكلها وهي منحرجه ...قرب منها وهو يبعد شعره الغرقان من على وجهه ... نزلت روضه نظرها لتحت ...
بتال "مد يده واخذ كاسة المويه ... وشربها ": الله مشكورة على المويه ..
روضه "ابتسمت": بالعافيه .. "طالعت فيه بنظرة سريعه .. ومشت رايحه لغرفتها .. ووقفت لما سمعت بتال يناديها"
بتال "لف عليها":روضه ... تحبيني ...؟!
روضه "وبدون ما تلف عليه .. ارتبكت..وبصوت يرجف ": لا ..."ودخلت غرفتها ... وسكرت الباب ... وهي تتنفس بسرعه ...ولا شعوريا ... سحبت الجوال .. وكلمت لمياء"
روضه "بحماس": الووو ..الووو لمياء ...
لمياء "بصوت كله نووم":هممم.. خير روضه فيه شي ؟!
روضه : لمياااء ..الحقيني ...بتال سألني وقال لي ..تحبيني ...؟!
لمياء "تحاول تفتح عينها":ايوا .. وايش قلتي له ..
روضه : انحرجت .. وقلت لا ...
لمياء : ياربي منك يا روضه ليه..؟!
روضه : مدري .. مدري ... بس انا مبسوووطه ..واااي بطير من الفرحه ..
لمياء : شفتي انه يبغى يتقرب منك بس انتي مدري ايش تفكرين فيه ..
روضه : خلاص والله راح اهتم فيه .. واتقرب منه ...يالله روحي نامي ازعجتك ... مع السلامه ...
رمت روضه نفسها على السرير ..وبفرح ... حطت يدها على قلبها .. وهي تتذكر شكل بتال .. ولما سألها .. وحست انها ملكت الدنيا ومافيها ...
مسكينه روضه الظاهر من كثر الصدمات بحياتها حتى سؤال عادي ..حست انه شي كبير .. ويعني لها الكثير ...

بتال .. في غرفته يتقلب ..مو قادر ينام ... كل ما تذكر مكالمته مع هويدا ابتسم ... غصب عنه اخذ جواله .. وجلس .. فتح الجوال وطول وهو يتأمل رقمها .. بعد تردد ... ضغط على زر الاتصال .. ومن ثاني رنه ..جاه صوت هويدا الناعم ..."اهليين "
بتال "بتردد": هويدا ..؟!... انا ..انا بتال ..
هويدا "بدلع": ايييه عرفتك ..
بتال "بدا قلبه يخفق": انا اسف اذا ازعجتك ..او..
هويدا : لا يا قلبي ..انا أي وقت فاضيه .. واذا مو فاضيه ..افضي نفسك لك ..
بتال "ارتبك": هويدا ..انا ما اقدر على هالكلام ..
هويدا "ضحكت بدلع": ...
بتال "عرق": يا ويل حالي ... لا تضحكين كذا والله بتجيبين اجلي ... حرام عليك ...
هويدا "ملت منه": بتال حبيبي ... معليش بنام الحين اوكي .. يالله باي ..
بتال :باي ..."سرح في كلامها يفكر فيه .. بنت دلوعه جميله حتى لسانها عسل ... يا قلبي انا ...".. ومن شده الحر اللي كان يحس فيه ..فصخ التيشرت ..ونام بالشورت ....وهو يحلم بهويدا .. ويحاول يتذكر شكلها اخر مره ..


ماقدرت تنام روضه ...تشجعت .. وضبطت نفسها .. لبست قميص قطني بدون اكمام وقصير لنص الساق ... بخت شوي عطر ... خرجت من غرفتها ... وراحت لغرفنة بتال ...فتحت الباب بشويش .. قربت منه .. بلعت ريقها بتوتر لما شافته بدون تيشرت ونايم ..جلست على طرف سريرة ...وبعد تردد ..مدت يدها على صدرة بخفه .. وصارت تلمس شعر صدرة .. تحرك بتال بتقل .. وحس فيها ووضع يده على يدها فوق صدرة ...انتفضت روضه ... وبهمس .. "بتال "
بتال "كانت مسكر عينه .. ويحلم في هويدا .. ومو حاس بروضه ابدا ... وبس سمع صوتها ..فتح عينه بسرعه ..وطالع فيها ... وسحب يدها من على صدره ..": ايش فيه ...
روضه "ضمت يدها الثنتين على صدرها":بتال ...انااا ...اناا ...
بتال "وكأنه حس بالكلمه اللي بتقولها ...قاطعها":روضه لو سمحتي ... اطلعي من غرفتي ...ولا تدخليها الا بعد ما اسمح لك ...
روضه "برجاء":بتال ..اسمعني ...
بتال "وقف من على السرير ... وفتح الباب ":.. اطلعي ....
روضه "تجمعت الدموع بعينها.. وخرجت من الغرفه ... وسكرت الباب وراها ... وسمعت كمان قفلة المفتاح ... وبدون شعور منها راحت لغرفتها تركض ..."

بتال ..كان جالس على السرير .. ومتوتر من اللي صار بينه وبينها ... دقايق الا يشم ريحه حريق ... فتح باب غرفته بسرعه ... وخرج يركض "... روضه ... روضه ...."

،

قراءة ممتعه اتمناها لكم ..

[لامارا]

<<<<<<<<<<<<<<<<<<
<<<<<<<<<<<<<<<<<<
الجزء التاسع
<<<<<<<<<<<<<<<<<<
<<<<<<<<<<<<<<<<<<

بتال ..كان جالس على السرير .. ومتوتر من اللي صار بينه وبينها ... دقايق الا يشم ريحه حريق ... فتح باب غرفته بسرعه ... وخرج يركض "... روضه ... روضه ...."

كانت "روضه" في المطبخ وقد جمعت جميع اقمصة النوم و اللانجري اللي شرتها مع زوجة خالها .. ووضعتهم في مغسله المطبخ واخذت الكبريت واشعلت فيها النار ...وهي تبكي ومتوتر ..
دخل "بتال" المطبخ يركض ... شاف النار مشتعله ... بسرعه فتح صنبور المويه ... وطفيت النار ...مد يده يشوف ايش كانت تبغى تحرق ... بس "روضه" كانت اسرع منه سحبتها عشان لان يشوفها ..ولكن" بتال" اصر وسحبها .. ولمح بقايا اقمصة نوم.. كانت تبكي "روضه" من القهر ..هربت من نظرات بتال لغرفتها ... ركض بتال وراها .. ومسك الباب قبل لا تقفله ...وبجديه .."روضه .. لازم نتكلم ... تكفين لا تقفلين الباب "
تركت "روضه" الباب مفتوح..وجلست على سريرها ..وحطت يدينها على وجهها وهي منهارة وتبكي .. قرب "بتال" منها وجلس جنبها .. وهو يناظر بالارض ..وبعد تردد .." انا يمكن غلطت لما فكرت اني اقدر ارجع ايام زمان .. كنت ابغى ارجع لايام امي وسميرة باي ثمن ..كنتي الشي الوحيد اللي يذكرني فيهم .. خالك ووحدتي كانت السبب اني اطلب يدك للزواج عشان تكوني معاي طول العمر كجزء من ماضي اللي مشتاق له .. وظلمتك وظلمت مشاعرك ..كنت اتوقع ان ورقة الزواج اللي تربطنا ماراح تغير من نظرتنا لبعض "
روضه "نزلت يدها من على وجهها..مسحت دموعها .. وصارت تسمع له"
بتال :.. تذكرت سميرة لما كانت تقول يا بتال انت كبرت .. روضه مو اختك .. لا تسلم عليها .. وانا ماكنت مستوعب اللي تقوله .."زفر بقوه .. وطالع فيها .. مد يده وحطها على كتفها "..روضه ..انا ظلمتك لما طلبتك للزواج .. وانا مستعد اصحح غلطتي ..
روضه "طالعته بنظرات تساؤل "..
بتال : اذا تبغين ننفصل .. فانا مستعد .. وتشوفين حياتك مع واحد يحبك .. ويقدرك ..
روضه : بتال انا ...
بتال "قاطعها .. ووقف ": لا تردين الحين ..فكري بالموضوع .. لو حبيتي تستمري معاي زي اختي اهلا وسهلا .. ولا تنتظري مني شي .. ما حبيتي برجعك بيت خالك وورقتك معاك .. ومعاها بوسه على الراس بعد ..."وقف ومشى لعند الباب ".. فكري بالموضوع ..
"طلع من غرفتها "...وتركها مصدومه .. رجعت تبكي اكثر من قبل .. للاسف صارت دموعها هي متنفسها الوحيد ... الحب الوحيد بحياتها مو معترف فيها كانسانه كيف بيحبها ويبادلها الشعور ..

..................................

في الصباح .. وفي فلة ابو راكان ..

صحيت " لمياء " بكل مرح ونشاط ..بدت تلبس وتتضبط .. وصورة " يزيد " ما غابت عن عيونها ..توترت لما تذكرت تعامله معاها ..لبست عبايتها المطرزة بالفصوص الزرقاء .. وتحجبت بشكل مرتب .. ضبطت مكياجها ...واخيرا انتهت من التجهيز .. اخذت شنطتها وملفها بيدها .. وطلعت من غرفتها .. وهي نازله من الدرج ...حصلت "راكان" طالع من الفله .. وباعلى صوت "راكاااان ...راكاااان "
راكان "لف عليها":لميووه ... وش مصحيك الحين غريبه ...
لمياء "نزلت تركض من الدرج لحد ما وصلت عنده ":راكان .. توصلني معاك شركة بو يزيد ..
راكان : ليه وين السواق ...
لمياء "مسكت يده .. ": انا ابغى احس ان عندي اخ يهتم فيني .. ويوديني ويجيبني ..
راكان "طالعها بنظرات شك":والله انتي مو لله تسوين هالحركات ..احس وراك شي ..
لمياء "ابتسمت له": ..يالله مشينا ...
راكان : مشينا ... وامري لله ...

.................................................. ......

رن جوال بتال ... وهو بغرفته ...بالقوه سحب يده من تحت اللحاف ورد .. وهو مغمض عيونه ..."هممم"
هويدا "بدلع": صباااح الورد والفل والياسمين ..
بتال "ابتسم": آآآآة يا قلبي ... صباح النور ..
هويدا "بغنج":بتولي انت لسى ناايم ... اصحى يالله ...
بتال "عض على شفايفه .. وبعد اللحااف عنه .. وجلس ": هذاني والله صحيت عشانك ..
هويدا "ضحكت": فديت اللي يسمعون الكلام ..
بتال : آمري وش بغيتي ...
هويدا : مليت من البيت .. نفسي اطلع ...
بتال "رفع حواجبه":والمطلوب ..
هويدا : بصراحه نفسي اشوفك ..ايش رايك نطلع في كوفي شوب او... او أي مكان انت تختارة ...
بتال : اسمعي يا بنت الناس ..انا مو راعي بنات ومكالمات ولقاءات وخرابيط .. بس مدري انتي من وين كنتي تطلعين لي .. في الوقت اللي اكون متضايق تتصلين تلعبين بعقلي .. وصرت افكر فيك ليل ونهار ..ارحميني ..
هويدا "بدلع" : لازم اشوفك بتال ... بليييييز ...
بتال : مدري ... اشوف ..
هويدا : اوكي انتظر منك خبر ..
هويدا .. رمت الجوال بعصبيه ... "والله لاخليك تركض وراي .. منت راعي خرابيط هاه ...لو ما ادري انك غبي ..ماجريت وراك ... اووووف اكره شعور الذل "...
.................................................. .

يزيد ... في مكتبه ... دخل عنده السكرتير "ريان" .. يخبره ان "لمياء" تنتظرة برا .. دخلت "لمياء" ..معاها اخوها "راكان" .. "يزيد" لما شاف "راكان" معاها وقف وقرب منه يصافحه و يرحب فيه ..." يا هلا والله براكان .. حياك " .. اشر له يجلس .. ورجع يزيد .. لمكانه على المكتب..
لمياء "كانت مستعده انها تصافح يزيد .. ولكنه طنشها ..خلاها تجلس قرب راكان ..وهي متوترة"
راكان : اتوقع تقابلنا قبل كذا في كتب كتاب بتال ..صح ..
يزيد : ايييه .. عرفتك ..وفيه احد ما يعرف الدكتور راكان ..
راكان : تسلم .. "طالع في لمياء" ..مديرك ذوق ..
لمياء "طالعت في يزيد .. اللي رافع لها حواجبه وابتسم .. وبحرج": ايه ..ذوق ...
يزيد : خير يا دكتور راكان .. أيش سبب الزيارة ..
راكان : اولا بدون القاب قول لي راكان وبس ... ثانيا لمياء كانت تبغاني اشوف مكان عملها ...
يزيد : تشرفنا بأي وقت ..."طالع في لمياء .. ولمح ملفها بيدها ".. ملفك معاك اليوم .. هاتي اشوفه ...
لمياء "وقفت .. واعطته الملف ": خذ ...
يزيد "طالعها فيها .. وبعدين طالع في راكان ": اوكي .. براجع اوراقك .. اتركي لي رقم اتصل فيك ... وبخبرك باقرب فرصه ..
لمياء "بنظرات زعل": وليه كل هذا .. خلاص شوف الأوراق الحين ..وبكرة ابدا الدوام...
راكان "وقف": .. اوكي خذ رقم جوالي .."ومد يده يصافحه " .. ومشكور يا يزيد ...وتشرفت اني تعرفت عليك ...
يزيد "يصافحه": يا هلا والله ... والشرف لي انا ..."طلع بطاقة ارقامه من جيبه .." تفضل هذا الكرت فيه رقمي وارقام الشركه ..
راكان "اخذ الكرت": على خير ...يالله مع السلامه...

"راكان" و"لمياء" ..طلعوا من عند "يزيد" .. وهم ماشين الى الاصنصير .. راكان يطالع في الكرت ..." يزيد عبد الجليل يزيد"
لمياء "تضغط زر الاصنصير ": هذا اسمه ...
راكان "يطالعها بتعجب": برضه يعني ما تعرفين تقولين الاستاذ يزيد .. والا تفضل ..
لمياء : يووه يا راكان .. بلاش تعقيد ..
راكان : تعقيد .. !!! ... ترى هذا مديرك لازم تحترميه ...
لمياء : ترى لا يغرك انه مدير .. بابا قال لي ان عمره يمكن الحين 21سنه بس ...تخيل ...
راكان : الحين ايش دخل العمر .. هذا مديرك المسؤول عنك ..
يعني انا في المستشفى لازم احترم مديري ...
لمياء : انتو دكاتره يا حبيبي ... في يدكم حياة الناس ...
"فتح الاصنصير .. وطلعوا منه"
راكان : الحياة بيد ربي ..و..
لمياء "بلا اهتمام": قول لي الحين عندك مناوبه ...لان عندي مكان نروحه راح تنبسط منه ...
راكان : لا ماعندي بس مواعد طارق نتقابل في الاستراحه ..
لمياء "مسكت يده": تعالي بلا طارق بلا خرابيط ...

....................................

....................................

"روضه" جالسه بغرفتها تفكر في اللي قاله "بتال" لها .. محتارة تبقى معاه والا ترجع لبيت خالها ..وهي تفكر ومحتارة ... سمعت صوت باب غرفة "بتال" .. جلست مكانها ماتحركت .. خايفه تواجهه وهي لسى ماقررت ..
ررررن ...ررررن .<<<<< جرس باب الشقه
وقفت "روضه" وفتحت الباب .. وطلعت راسها تشوف مين جاء ..اول مره احد يدق عليهم من لما تزوجوا ...

بتال ... تفاجأ لما فتح الباب وحصل راكان ولمياء قدامه ... وقف مبلم فيهم ...وخاصة لما شاف لمياء مو متغطيه ...
راكان : ما بتقول لنا تفضلووا ...؟!؟
بتال "بحرج": ا أ .. حياكم ... تفضلوا ...
لمياء : روضه موجوده ..؟!
بتال : ايه ..داخل ... تفضلوا ..."سبقهم للصاله وبصوت عالي ... روضه ... روضه "
روضه "طلعت له ": نعم ...
بتال : جاك ضيوف ...
راكان ولمياء دخلوا على طوول ورى بتال ... وبس شافت لمياء روضه ..ركضت تحضنها ..."وحشتييييينيييي "
روضه "تضمها وبفرح": وانتي اكثر ...مو مصدقه عيني ...
لمياء : لا صدقي .. وكمان راكان اشتاق لك ...
روضه "طالعت في راكان .. وبعدين في بتال .. وحست بفرح . وعشان تغيض بتال ..ابتسمت لراكان": يا هلا راكان ...
راكان : هلا فيك ... اخبارك روضه ...؟!
روضه : الحمدلله ...
بتال .". بتردد .. ": راكان نروح مجلس الرجال ..
راكان "جلس في الصاله ": لا ..هنا افضل ..
بتال "يطالع فيه وفي لمياء": بس عشان الحريم ياخذون راحتهم ..
لمياء "مسكت يد روضه":لا انا وروضه بنروح غرفتها .."طالعت في روضه "..يالله وريني غرفتك ...
روضه "طالعت في بتال .. تدور الغيره بس للاسف ما شافتها ": تبغون قهوه .. او شاي ..؟!
لمياء : وي وش باقي تخدميهم .. هما شباب يسوون لنفسهم ... تعالي انتي بس .."وسحبتها .. على الغرفه "
روضه استسلمت للمياء .. ودخلوا الغرفه ... لمياء تدقق بالغرفه .. "حلووه الغرفه .. اللون الاسود والابيض رااايق .."
روضه "ابتسمت لها ": اهم شي انا اكون رايقه مو الغرفه ..الا تعالي هنا ايش عرفك ان هذي غرفتي .. سحبتيني لها على طووول ..
لمياء "تضحك بقوه ":تخيلي لو دخلنا غرفة بتال .. اتوقع كان بينجلط قدام اخوي ...اصلا عرفت انها غرفتك لاني شفتك وانتي تطلعي منها ..ما يبي لها ذكااء ...
روضه "تنهدت بحزن ": آآآه يا لمياء .. لو تدرين ايش صار ..
لمياء "جلست جنبها ": خير وش صار بعد ...
روضه : بتال خيرني بين اني اجلس معاه زي اخته او ارجع لبيتكم ويطلقني ...
لمياء "بعصبيه": يوووه ... قالها كذا صريحه ...صدق ما يستحي ... هذا انسان عديم الاحساس ...وجع ...
روضه : لا تقولين عليه كذا ...
لمياء "تطالعها ": وش قررتي ...
روضه "بحيره": مدري ...
لمياء "بصوت خايف ": انتي تحبينه ...
روضه : من يوم عرفت نفسي وبتال معاي في حياتي كلها و..
لمياء "تقاطعها ": انتى تحبينه .. اقصد حبيتيه ..كـ كـ حبيب..
روضه "بلعت ريقها بصعوبه ": مدري حبي له تغير من لما تزوجنا ..صرت اشوفه انسان ثاني مو بتال ولد جيراننا .. احس قلبي يخفق اذا طالعت فيه وتذكرت اننا مرتبطين ..

بتال في الصاله مع راكان .....بتال وقف .."ايش تشرب شاي او قهوه "
راكان "وقف": دام البنات مع بعض ..ايش رايك نطلع كوفي شوب ... انا مواعد صديقي هناك ...
بتال : ما ودي ازعجكم ..
راكان : بالعكس مافيه ازعاج ولا شي ...صرنا اقارب المفروض نتعرف على بعض اكثر ..
بتال : طيب .. بس دقيقه اعطي خبر لروضه ...
راكان : اوكي .. انتظرك تحت ...
بتال ... قرب من باب الغرفه .. ودق بخفه .. "روضه "؟!!!
روضه "فتحت الباب بسرعه ": نعم ...
بتال "يحاول ما يطالع في لمياء ": انا طالع مع راكان .. اذا احتجتي شي دقي علي ...
روضه "ابتسمت له ":طيب ..
بتال "حس ان ابتسامتها غير ": مع ...مع السلامه ... "وطلع من الشقه "

روضه رجعت تطالع في لمياء بحزن.."شفتي كيف يعاملني .. بحناان ولطف وخوف ... بس " ...
لمياء : بس ايش ؟!
روضه "ابتسمت بسخريه": قلبه مو لي ...
لمياء "بقهر": روضه ..قومي معاي ... "وراحت لدولاب الملابس " ...لمي اغراضك وتعالي بيتنا ... بيت خالك اولى فيك ...
روضه "مسكتها ": لا ..لا يا لمياء ... بيت زوجي هو اولى فيه ..
لمياء "بعصبيه": هذا مو معترف فيك كزوجه ..كيف ترضين تعيشين معاه ...
روضه : مستحيل اترك بتال .. ماله احد ... وانا احبه .. .. "وبكت"..حتى لو ماحبني ...بضل طول عمري معاه .. بالطريقه اللي هو يبغاها .. بس اهم شي لا اخسره ..."وبكت بقوه"
لمياء "اخذتها في حضنها ": الله يصبرك يا روضه على قلبك الطيب هذا ...

..................................................

سند في الشركه ..وفي مكتب يزيد ...
سند "بتعجب ..": بتجيب معاي بنت في القسم ...!!!
يزيد : ايه ... عندك مانع ...
سند : بنت بنت ..والا بنت بنت ...
يزيد "فتح عيونه": وش الفرق بينها يعني .."وضحك".
سند "بتوتر": يا يزيد تكفى لا تمزح معي ...انا يالله يالله اخارج نفسي مع الرجاجيل ..كيف اجل مع بنت ...
يزيد "يضحك"..
سند : والله لتصير مديرتي وانا ماغيره اهز راسي لها زي الهنود ..
يزيد "يضحك بقوه": انت بيجي يوم وتجلطني ...
سند : وانت تبي تضحك علي البنت ..
يزيد "يمسح دموعه من الضحك": .. الله يقطع ابليسك .. هذي متدربه ..يعني انت بتكون المشرف على شغلها .. هاه يا سند لا تفشلني قدام الموظفين ..انت متعين هنا بتزكيه مني شخصيا ..
سند "يمسك جواله ": اقول بروح لبتال اشكي له الحال ...انت الحين مديري ماتحس فيني .. "دق على بتال".. الوو بتال وينك .. تكفى الحقني انا بورطه .. أي كوفي شوب ...اهااا عرفته ..يالله ربع ساعه واكون عندك ... فمان الله .."سكر الجوال .. ووقف ".. يالله انا رايح لبتال ...
يزيد "مفتح عيونه ": ..نعممم ؟!... ترى الدوام لسى ما خلص ...
سند "طالع في ساعته": باقي ساعه الا ربع على بريك صلاة الظهر .. اعتبرني في مكتبي ...
يزيد : الله يعينني عليك .. الا وين بتال ..سمعتك تقول في كوفي شوب ..
سند : ايه .. ايش رايك تخاوينا ..
يزيد "حك راسه ": والله فكره مش بطاله .. دقيقه بس .."دق على السكرتير "... ريان انا طالع الحين أي مكالمات مهمه خليهم يتصلوا على بعد الساعه وحده .. "سكر السماعه"..
سند"ضحك ": يالله مشينا ....
يزيد :...يالله ...

................................................

هويدا ... فاتحه اللاب توب ..وجالسه على سريرها في الغرفه ... كل شوي تفتح ايميلها ..." ياربي ..متى بيرسلون لي الموعد ... اوووف ..." ..لمعت فكرة براسها ..."الظاهر اني برسل لهم اني بزودهم الفين دولار مقابل ما يطلبون اوراق رسميه .." ..جلست تكتب الايميل ..وهي متحمسه للفكره ...

..................................

بتال مع راكان وصديقه طارق ..في الكوفي شوب .... بتال بحرج "معليش يا راكان .. صديقي سند جاي بعد شوي .. لانه يبغاني بموضوع مهم "
راكان : مو مشكله ... حياه الله ...
طارق : معليش يا شباب .. انا مضطر اروح للاهل ... "يطالع في بتال "...فرصه سعيده اني شفتك ..
بتال : وانا اسعد ... يا هلا فيك ..
راكان : بيننا اتصال اوكي ... باي ..
طارق "وهو رايح":اوكي ...مع السلامه ..

بتال "لف يمين شمال .. وشاف سند ويزيد داخلين .. اشر لهم ..": هنا يا شباب ...
سند , يزيد : السلام عليكم ...
الكل : وعليكم السلام ...
بتال "يطالع في راكان ":.. هذولا اصدقائي سند ويزيد ..
راكان "ابتسم ": يزيد قبل ساعتين كنت بمكتبه ...
سند "جلس قبلهم ": اجلسوا ..اجلسوا .. اقول لكم ايش بيورطني فيه يزيد .."طلع جواله وقفله" .. قفلته عشان محد يزعجنا ..
بتال "جلس بتال وبعدين يزيد ": خير .. قول ..
راكان "لسى واقف ": طيب يا شباب اترككم على راحتكم ...
سند : لا والله ماتروح تعال يمكن ..عندك حل ...
راكان "ابتسم له": وهذي جلسه ...دامك حلفت ..
سند "بحماس": طبعا انا جديد على شركة يزيد ... وانا رئيس القسم.. ويزيد بيورطني ويحط معاي بنت ...
بتال : ايه وايش المشكله ..؟!
يزيد "يدق سند بكوعه .. وبصوت واطي ": .. لا تفشلنا ... اسكت هذا اخوها ...
سند "بلم .. وسكت ": ...
بتال : وش فيك سكت كمل ...
سند "بضحكه محرجه ": خلا ص بس ...
راكان : وايش فيها اذا بنت اشتغلت معاك .. ترى ماياكلون "وضحك "..
يزيد : بس هو مايعرف يتعامل مع بنات ...
راكان : يتعلم ..
سند "بحرج": ايه صح لازم اتعلم ...
بتال "ضحك":والله انك نكته ياخي ...ايش تشربون ..؟!
يزيد : مثلكم كبتشينو ..
سند "بصوت واطي ويكلم يزيد":...اخوها من جد .. ..وش هالصدفه ..
يزيد : لا صدفه ولا شي بعدين اخبرك ...

..............................................
...............................

راكان وقف سيارته قدام باب فلتهم ..."يالله انزلي "
لمياء "باستغراب":منت بنازل ..؟!
راكان : لا عندي مناوبه ..
لمياء : ليه طيب ماقلتي كان اتصلت على السواق .. تعبتك معاي ..
راكان "ابتسم لها ": ..دامي طلعتك انا برجعك .. وعلى فكرة يزيد اتصل فيني ..
لمياء "بحماس":جد ..ايش قال ..متى بداوم ..؟!
راكان : اصلا مارديت عليه وقفلت جوالي ..
لمياء "بزعل":لييييه ؟!
راكان : مو هو يثقل نفسه ..حتى انتي ثقلي نفسك منتي ميته على الشغل عندهم ..فلوسك تفتح لك شركه مثلهم .."يطالع بتفحص".. هاه معاي حق ما ارد عليه والا لا ..
لمياء "باستسلام":.. معاك حق .."ابتسمت له ".. يالله ما اعطلك على مناوبتك ..باي .."نزلت من السيارة .. وهي سرحانه"..
راكان "يطالع فيها وهي رايحه ":.. ياخوفي اكون اللي افكر فيه صح .. " زفر بقوه ... وفتح باب الكراج بالريموت .. وطلع للمستشفى وهو يفكر باخته"

........................................


"بتال" .. وصل الشقه ... فتح الباب مستعجل ... ودخل بسرعه على غرفته وسكرت الباب .. بدون ما يشوف "روضه "...
طلعت "روضه" لما سمعت صوت الباب .. خرجت للصاله وماحصلت بتال .. خمنت انه بغرفته ...رجعت غرفتها تفكر بالكلام اللي بتقوله له .. وترتب افكارها ...

بتال .. اول ما دخل غرفته ..اتصل على " هويدا " ... "هلااا يا عمري "
هويدا "بدلع": واااو عمري مرة وحده .."وضحكت"..
بتال :قسم بالله يوم شفتك اليوم مدري وين راح قلبي .. بالله دوري مايكون معاك ..
هويدا "تضحك بدلع ": اظنه عندي ... ارجعه لك ...
بتال "يمسح على شعره" : يا ويل حالي ..

>>>>> دق باب غرفته ...وروضه من ورى الباب .."بتال .. بتال .. ممكن تطلع ابغى اتكلم معاك "

بتال "بعد الجوال عن اذنه .. وبصوت عالي ": طيب شوي وجاي ..
هويدا "باستغراب": مييين ؟!
بتال "بتردد ": بعدين اكلمك .. اوكي ... يالله باي ...

سكر الجوال .. وفتح باب الغرفه وحصل "روضه" جالسه على كنب الصاله .. مشى لعندها وجلس قريب منها شبك اصابعه في بعض وطالعها بنظرات تفحص ..." روضه " كانت تقلب في القنوات لما انتبهت لوجوده ضغط على الريموت وسكرت التلفزيون .. وبهدوء طالعت فيه بنظرات هاديه .."انا فكرت "..
بتال "يحاول يفهم":... طيب ....اسمعك تكلمي ...
روضه "نزلت راسها": انا قررت .. اني ..اني.... اعيش معاك .. "رفعت راسها "... مثل ما تبغى ..
بتال "انصدم ... وبفرح ": مو مصدق ..."وقف .. ومد يده لها.. وسحبها له ... وضمها " ..احلى خبر سمعته ..لاني مستحيل افرط فيك ..
روضه " ابتسمت بصعوبه ":وانا مستحيل اتركك لوحدك .."بعدت عنه"
بتال " بحماس ": .. تعالي .. اجلسي ..."وجلس وجلسها جنبه"...
روضه : خير ...
بتال : اخوك طاح ومحد سمى عليه ...
روضه "بخوف": بسم الله وين ..؟
بتال "يضحك": يا غبيه .. يعني .."ياشر على قلبه".. قلبي حب .. وحب من دون سابق انذار .. "يطالع فيها بعيون تلمع ".. حبيت اجمل وارق واحلى بنت بهالكون ...مع انها من يوم هي صغيرة قدامي بس ما انتبهت انها صارت ملكة البنات الا قبل فتره ..
روضه "مو مستوعبه.. وبضحكه خوف": انت تمزح ..لا لا اكيد تمزح ..
بتال "بجديه" : لا ما امزح .. وقبل شوي كنت اكلمها ...
روضه "تدور في عيونه على شي ثاني ماحصلت الا الجديه .. وبغصه": بس ... بس غلط انك تكلمها ...
بتال : ادري ...بس والله غرضي شريف .. باشوف الوقت المناسب واروح اخطبها .. بس ابغى اتاكد من مشاعرها اكثر .."وقف .. يالله تصبحي على خير .. بروح الحق اكلمها قبل لا تنام .. لاني اذا ماسمعت صوتها ..ما يجيني النوم .."مشى لغرفته .. بس وقف ولف عليها "... ادعي ربي بس لا يوقعك بالحب .. لانه فعلا عذاااب ....يالله تصبحي على خير .." ابتسم لها .. وراح غرفته ..."...

روضه .. انقبض قلبها ... وهي تشوفه رايح يكلم حبيبته المجهوله بالنسبه لها .. ترك الحلال وراح للحرام .. "ضحكت بسخريه" قال ادعي لا تحبين قال ..مايدري انه صار لي حياتي ودنيتي وامي وكل ناسي مو بس حبيبي .. "طالعت في باب غرفته " .. بس للاسف مافيه قلب يحس ولا عين تشوف ولا اذن تسمع ..

...............................

يزيد .. رجع للمستشفى .. وبيده اكياس .. مشى لغرفة جدة سند .. دق الباب بخفه .. جاه الرد بعد ثواني من فطوم .."مين "؟!
يزيد : انا يزيد ... سند موجود ..!؟
فطوم : لا مو موجود ..
يزيد : وينه في قسم الرجال ..؟!
فطوم : لا طلع من المستشفى يقول عنده شغله وجاي ..
يزيد : طيب .. مشكورة ... " نزل الاكياس اللي بيده عند الباب .. و اخذ جواله وكلم سند "... سند وينك ؟!
سند : هلا يزيد ... انا رايح بنك الدم ..بشوف الاجراءات وجاي .. بغيت شي ...
يزيد : لا ..بس ... جبت شوي اغراض لغرفة جدتك .. و مدري .. كنت ..
سند : الله يعطيك العافيه ..ما قصرت يايزيد .. انا والله شكلي بطول .. دق الباب وقل لاختي تاخذها من عند الباب ..
يزيد : طيب ..طيب ... يالله مع السلامه ... " بتردد ..دق الباب مرة ثانيه ... وعلى طول تكلم ".. لو سمحتي فيه اغراض عند الباب لو تقدري تاخذيها ..
فطوم "كانت من اول تسمع مكالمته مع سند" : طيب لحظه .. " وبعد انتظار ... فتحت الباب .."... تفضل ... دخل الأغراض لو سمحت .. "وركضت واقفه قريبه من جدتها .. وهي لا بسه عبايتها "
يزيد "تفاجأ منها .. بس شال الأكياس .. وتنحنح ": بسم الله .. فتح الستاره وبدون مايرفع نظرة شاف سرير ثاني فاضي حط الاكياس عليها .. ولف يشوف الجده .. وارتبك لما شاف فطوم واقفه عندها ولابسه عبايتها ومغطيه يدها ووجها كله .. حتى عيونها مغطاه .. وبعد تردد يتكلم والا يسكت ..نزل راسه " ..الحمدلله على سلامتها ..
فطوم "بصوت واطي ":الله يسلمك ...
يزيد : انا جبت شوي اغراض وللاسف ماسالت سند ايش ناقصكم بالضبط بس عرفت بعض الاشياء ..اتمنى تكون مناسبه لكم . واعذرونا على القصور .." ومشى لخارج الغرفه .. وقفل الباب وراه"
" فطوم " .. بس طلع شالت الغطوة والعبايه .. وراحت للاكياس تشوف ايش جاب فيها .. كيس فيه مويه وعصيرات .. وكيس كيك وشوكولاتات .. وكيس تفاجأة لما شافته حصلت فيه بجامه لونها ابيض وفيها ورد صغير ازرق وزهري ..بنطلونها برمودا ..والبلوزة كت.. وكيس ثاني فيه بنطلون بني وبلوزة تفاحي .. وكلها ماركه .. وجلابيه مع طرحتها ...لا شعوريا ابتسمت اول ..."وااااااو ... عمري ماتوقعت بلبس كذا ..ويكون عندي ملابس ماركه "..... جلست على حافة السرير بحماس .. فتحت شنطتها .. واخذت الجوال .. وكلمت بفرح ..." سند .. اذا خلصت تعال ... لا الحمدلله جدتي طيبه ... طيب انتظرك .."..
ونطت بسرعه اخذت البنطلون والبلوزة وراحت لدورة المياة تبدل مريولها ....

.................................................. .........

انتهى اليوم وكان يوم صعب على سند وفطوم ... تغيرت اشياء كثيرة في داخلهم .. ومايعرف الشخص الا وقت الشدايد ... "سند" انصدم من "بتال" وبروده ... و"فطوم" بدا شعور ينمو بقلبها تجاة "يزيد" ... الرابح كان بنظر الكل ..
" بتال "..آآآه يا بتال ... تغير من لما عرف "هويدا" .. ماشي بطريق مايعرف اوله من نهايته ... مشاعر بقلبه كبيتها من لما فقد امه واخته ..تركت قراراته متخبطه .. لا يفكر ولا يركز ..اهم شي عنده ينسى اللي مر فيه وبس ..

،


قراءة ممتعه للجميع ..

..............................................


في بيت سند... الجده نايمه في سريرها على غير العاده ... رجعت فطوم من المدرسه فقدتها في البيت ..وراحت لها وهي لابسه المريول ... فتحت باب غرفتها ..وبصوت هادي .."جده ... جدتي انا جيت ..جده... انتي نايمه "
الجده "بصعووبه ": همممم ..
فطوم "قربت منها ..":جده ...تسمعيني..."وحطيت يدها على جبهتها .. وبخووف ".... جده انتي حااارة ...
الجده "بتعب ":آه .. فطووم ...
فطوم "بخوف": جده انا هنا ... جده ...بايش تحسي ...جدتي ...
"ورحت تركض لغرفتها ..واخذت جوالها .. ودقت على سند.. بس للاسف مقفل جواله .. وبخوف وربكه ... اضطرت تدق على هويدا .. وببكاء "... الوو ..هويدا ... جدتي تعبانه .. وحاولت ادق على سند مايرد ... تكفين ساعديني ...مدري ايش اسوي ...

هويد : طيب ..طيب .. انا جايه الحين عندك انا والسواق .. بس اعطيني عنوان بيتكم بسرعه ...
فطوم : تكفين لا تتاخرين...
هويدا : لا ماعليك دقايق وجايين ..."فزت .. وسحبت عبايتها ... وطلعت تركض من الفله للسواق .."

فكرت هويدا وهي رايحه لفطوم ..انها تجرب تدق على يزيد يمكن يعرف وين سند ... طلعت جوالها من الشنطه .. "الو .. يزيد .. تعرف وين سند ... اخته لسى كلمتني من شوي تقول جدتها تعبانه .. انا رايحه لها مع السواق ..لا تتأخرون ...باي "...

وصلت هويدا بيت فطوم ..اللي فتحت لها الباب وهي منهارة تبكي .. راحوا مع بعض لغرفة جدتها حصلوها نايمه وحرارتها مرتفعه وتهلوس .. هالشي ترك فطوم مرتبكه وتبكي ..."يا ويلي يا جدتي ..اش فيها "
هويدا : اهدي يا فطوم ..ان شاء الله مافيها الا كل خير ...كلمت يزيد وهو جاي ومعاه سند ..تطمني ..
فطوم "تبكي بقوه "
انفتح باب البيت بسرعه .. وواضح انه سند ..دخل يركض لغرفة جدته ..وحصل فطوم تبكي .. "الحق جدتي يا سند بسرعه " .. هويدا اللي غطت وجهها وطلعت من الغرفة .. لمحت بتال ويزيد واقفين برا ...
سند "بصوت عالي": يزيد .. بتااال ...
يزيد ... بس سمع صوت "سند" ..دخل يجري عنده .. لمح فطوم تسحب شرشف صلاة من على طرف سرير جدتها وتغطت فيه ... وقف شوي متردد يدخل عنده والا يرجع .. ولكن صوت سند وهو يحاول يحمل جدته ...خلته يقرب منه .. يساعده ..
اما "بتال " فوقفته "هويدا" ..بعد ما فتحت غطوتها ...وارسلت له شوقها وبوساتها من بعيد ... خلته دايخ مايعرف راسه من رجله .. ما انتبه الا صوت سند يناديه .." بتاال ... شغل السيارة "
بتال "بربكه": هاه .. طيب طيب ..."طالع في هويدا .. بيننا تلفون اوكي "
هويدا "ابتسمت له ": اوكي ..."ورجت الغطوة على وجهها "...
طلع سند ويزيد وهم شايلين الجده ... وفطوم وراهم تبكي راحت لغرفتها لبست عبايتها ....طلعوها في سيارة سند وفطوم طلعت بسرعه جنبها وحطت راسها على ارجولها .. وعلى طووول على المستشفى ... وبتال .. ويزيد .. هويدا مع السواق وراهم ...

.................................

عند "روضه" و"لمياء" .. سوا لهم كوبين شاي ومكسرات وجلسوا بالصاله يسولفون ..
روضه : وكيف كانت شركتهم ..كبيرة ؟!
لمياء : ايه كبيرة وحلوه .. بس مو هذا المهم .. مديرها المهم ..
روضه : قصدك يزيد ..ليه شكل يزيد هبل بك ..
لمياء "فتحت عيونها": .. وش عرفك فيه ..؟!
روضه : مو صديق بتال من ايام المتوسط ..عرفت طبعه كذا مره بس بعدين صار يخجل مني انا وسميرة وتغطينا عنه .. بس بتال كان يحكينا عنه ..
لمياء : يختي متكبر ومغرور ... بس وسامته تشفع له ..
روضه "تضحك ": وسامته هاه ..
لمياء "تشرب شاي ": .. والله ماقد ارتبكت الا اذا شفته .. له هيبه الله ينتقم منه ...
روضه : والله ماعرفنا لك مره تسبين مره تمدحين ...
لمياء : مقهورة مو راضي يوظفني بسرعه .. قاعد يمرمط فيني .. بكرة ...بعده... ملف ... بنتصل فيك .. اخ بس لو ماتعجبني ابتسامته كان عطيته بوجهه ..
روضه "تضحك": منتي صاحيه .. شكلك حبيتيه ...
لمياء : هو وجهه ماينحب الا يخلي الواحد ينخبل ..
روضه : يا بنت ..
لمياء "بزعل" : وجع بس افكر فيه ..ليل ونهار ..
روضه : لمياااء .. انتبهي لنفسك .. مو من اولها كذا .. والا بلاش من هالشغله من اساسه .. منتي محتاجه ..
لمياء : الا محتاجه اخذ خبره .. واشوف وجه جميل كل يوم .."وتضحك"..

>>>> ركوني .. يتصل بك<<<<
لمياء : .. هلا راكان ... اوووكي نازله ..."رجعت جوالها في الشنطه .. ووقفت تلبس عبايتها ".. يالله حبيبتي انا رايحه ..
روضه "بحزن": بدري .. والله كنت مبسوطه فيك ...
لمياء : اكيد برجع ازروك ..."باستها".. يالله باي ..
روضه "مشيت معاها لباب الشقه ":..مع السلامه ... وسلمي عل خالي وخالتي ..
سكرت الباب روضه .. ورجعت تفكر في بتال .. ولكن طردت الفكرة من راسها .. وراحت للمطبخ تسوي لها غداء ..


................................

وصلوا المستشفى ونقلوا الجده الى غرفه الطوارئ .. دخلت "فطوم" و"سند" معاها والباقين ينتظرون برا ..ما خلى الموقف من تبادل النظرات بين "هويدا" و"بتال" .. اما "يزيد" كان يحاول يكلم "راكان"..طلع الدكتور من الغرفه ويتبعه "سند" ... قرب "يزيد" منهم ..وبتوتر "كيف الجده يا دكتور "
الدكتور : كويس لحقتوا عليها .. صار عندها ارتفاع في الضغط وسخونه ..
يزيد : وكيفها الحين ..؟!
سند : عطوها مغذي ..
الدكتور : ولازم تبقى تحت الملاحظه اربعه وعشرين ساعه ..

"هويدا".. انتبهت لهم .. ومشت لداخل الغرفه تطمن على فطوم وجدتها ..

بتال "توه ينتبه لهم .. مشغول مع هويدا ... ركض لهم ":سلامتها يا سند ..
سند "بحزن":الله يسلمك ..."يطالع في الدكتور ".. وين ممكن اتبرع بالدم ..
يزيد : ليه ..محتاجه دم... انا مستعد اتبرع ...
سند : ماتقصر يا يزيد .. بس محتاجين كيسين ..اختي جوا ياخذون منها دم ..وانا الثاني ..
الدكتور : طيب ... تعال معاي ..."ومشى الدكتور"
يزيد : سند ... انا بكلم راكان .. وابشوف اذا يقدر يخدمنا في هالمستشفى ويعرف احد ...
سند : ما قصرت ... "طالع في بتال .. وحس انه مو معاهم".. بتال مشكور ماقصرت اذا مشغول لا اعطلك ..
بتال "بحرج": أي والله مشغول.."وبكذب واضح ".. تو روضه اتصلت علي ... يالله عن اذنكم ... "وطلع لبرا المستشفى"
وسند لحق الدكتور ..عشان يتبرع ...ويزيد يحاول يتصل على راكان ولكن للاسف جواله مغلق .."وين راح هذا ..تونا معاه في الكوفي شوب "...

طلعت هويدا من عندهم وشافت يزيد .. وقربوا من بعض ...
يزيد "بابتسامه": هلا باختي ...
هويدا : وش هالابتسامه ؟!
يزيد : .. اول مره ادري انك راعيه فزعااات ...
هويدا : يزيييييد .. بلا تريقه ... يالله انا رايحه البيت ..
يزيد "ضحك ": طيب .. تبغين اوصلك انا ..
هويدا : لا السواق برا .. اذا تبغى تجلس عند سند براحتك ...
يزيد : اوكي .. يالله انتبهي لنفسك ...
هويدا: يالله باي ..."وطلعت "

يزيد ... مل من كثر ما اتصل على راكان وجواله مقفل ..." بروح اطمن على سند افضل لي ". .. مشى للقسم اللي دخله سند... لحد ما حصله ..عند ممرض ياخذ عينه من دمه ...يزيد ..قرب منه .."سند .. هاه ايش الاخبار "
سند "بتوتر": لسى الشغله شكلها مطوله .. باقي ياخذون عينه ويفحصوها وبعدين يسحبوا الدم ...
يزيد "جلس جنبه ": الله يعينك ويطمنكم عليها .. اصبر وانا اخوك ..
سند : انا ماعليه بس اختي يتنام معاها ومحتاجه ملابس لها ولجدتي وخاصة جت بمريولها ..وانا ماني عارف ايش اسوي ...مقدر ارجع البيت واتركهم كذا ..
يزيد : فعلا ماجاء ببالنا ... اذا فيه شي اقدر اسويه قول ..
سند : والله كنت بقول لك تروح انت واختك بس .. بس ..
يزيد : اختي رجعت البيت ..."سكت شوي".. تدري معليك بتصرف ..
الممرض " يكلم سند ": تفضل معي ..عند الدكتور ..
سند : طيب ... "لف على يزيد".. ماقصرت ربي يعطيك العافيه ..
يزيد "ابتسم له":ولو احنا اخوان شده وتزول ان شاء الله .. وربي يطمنكم عليها ..
سند "ابتسم له بتعب": عن اذنك بروح للدكتور ...

خرج يزيد من المستشفى .. طلع سيارته .. وهو يفكر في سند وجدته .. تذكر اخته فطوم .. وتعبها وخوفها على جدتها .. كانت عيونه تطالع في المحلات اللي بالطريق.. وتذكر كلام " سند ".. لا شعوريا .. وقف سيارته قدام احد المحلات ..

................................