الله خلقني مالي العز عيني و الله أموت و لا يجي يوم و أنهان /بقلم اصداء الحنين

[درة الاحساء]

السلام عليكم ورحمة الله وبركاته



البارت العاشر

يمشي بخطوات سريعه واتجه للرسبشن بعدين طلع باللفت ومشى في الممر ..ياي يشوف بنته في المستشفى عقب ماخبروه انها سوت حادث ..وصل الغرفه اللي هي فيها..كانت يالسه في سريرها وايدها لافينها لها ..دخل بسرعه
احمد:اسما
نهمرت دموعها يوم شافته:ابويه
انحنى عليها وحضنها ..
اسما بكل رجا :ابويه حلفتك الله يخليك مابى اشوفهم انا ماعندي خوان خواني ماتو ماتو
حضنها بحب:خلاص لا تصيحين بس بس وانا ابوج

رافعه راسها بكل غرور ومشاعر الشماته باديه عليها بدا الكل يلاحظ عليها هالشي يمكن من قبل هي جذا بس الحين بزياده ..كانت شيخه ومنى يالسات بالصاله مرت من دون ماترمسهن
شيخه: حرمة اخوج شبلاها؟
منى:شدراني صارليها كذا يوم على هالحال والله يستر من تواليها
شيخه: ياربي شوا سوي والله مادري كيف اصلح بينهم
منى: محمد ماقالج السبب؟
شيخه: عييت (تعبت) وانا اساله وكل مره يقول الشغل
منى: الله يصفي القلوب
شيخه:امين
منى:امايه
شيخه: خير ياميه
منى: حاسه انج متكدره
توصل ريم :السلام عليكم
..:وعليكم السلام
منى: امايه في شي؟...امس انا وريم تحدثنا... صح ريم؟
ريم: هيه... امايه شو اللي مكدر خاطرج؟
شيخه: افكر في اختكن
طالعن بعض(حست بشي او حنان قايله لامهن شي<<<راح بالهن للطوف)
ريم: اي اخت فيهم؟
شيخه: خوله
هذا اللي منى خايفه منه ان امها تحس ع خوله ..وتحاول ماتخليها تلاحظ
منى: خوله مافيها الاالخير
شيخه: لا ياميه حاسه عليها متغيره ..وهي من النوع اللي مايرمس عن اللي فيه
ريم:الله يهداج يامايه انتي لو يتي حجرتيه البارحه بتسمعين ضحكنا من هنا انا وياها
منى: انتي بس تحاتينها عشان ماترمس وايد ..ماتعرفينها يعني...من يوم هي صغيره يالله يالله ترمس في سالفه
ريم: تطلع روحي لين اطلع منها سالفه ..اذا ماتكلمتي بتسكت بنتج انطوائيه يعني ماتحب تهذر وايد
ابتسمت منى: امايه انتي لا تحاتين ان شاء الله بيلس وياها انا وريم وبفتح وياها تحقيق ومانطلع من عندها الا وهي قايله كل اللي في خاطرها
ريم: منى معاها حق واذا ماخليناها تقرق 24 ساعه مانكون نحن
ارتاحت امهن لكلامهن واطمنت ..

في مكان ثاني انحلت مشكله ثانيه..وهي مشكلة عيسى قدر محمد وخالد يطلعونه من الورطه اللي كان فيها بمساعدة سيف اللي سوى اتصالاته عشان ولد اخوه ..وهم رادين بالطياره الخاصه ..

خالد وهو يهزب اخوه بس ع خفيف اقرب للنصح من التعنيف
خالد: الحين المفروض اول شي تسويه تصلي شكر لربك اللي نجاك من هالورطه اللي طيحت عمرك فيها ..ثاني شي تشكره ع النعمه اللي منحك اياها اللي خلاك في هالمستوى من الخير والنعمه ..لو حد غيرك مثل ربيعك بيحفى هو واهله عشان ينقذونه من مصيبته والله يكون في عونهم يحصلون حد يعينهم ولا لا ..ثالث شي تشكر عمي سيف على مدت يده وقفته وياك
محمد: خالد بس ياخوي
عيسى:خله خله يامحمد خل الاخو يخلص من محاضرته لانه خايف خايف ع شهادته يلحقها وصخ_قام عنهم وراح_
خالد: استغفر الله العظيم شايف شايف رده
محمد: ماعليه ياخالد تحمل
تنهد ورجع بظهره ع الكرسي ...خالد انسان رزين هادي نوعا قمه في الاخلاق والتواضع يحب ينصح اللي حواليه اذا شاف منهم غلط خاصة اللي يقربون له.

وصل للصاله وشافها يالسه قبالته ويا امه مايحب يناظرها عشان جي طالع ع يانب وقال
عزيز:امايه انا طالع تامرين بشي؟
قبل ماتتكلم امها قامت ومشت من جدامه ولف ويهه عنها ووقفت وراه يوم سألت امهم
..: شفيكم يامايه انتو مزاعلين؟
منال: لا يالغاليه مو مزاعلين ..._تنهدت_ ...عن اذنكم
عقب ماسارت طالعت ولدها: عزيز شو بينكم؟
عزيز: سلامتج يامايه..بس اللي اباج تعرفينه ..ان هاذي غاسل ايدي منها من رخصتج
راح عنها وعلقت: لا حول ولا قوة الا بالله..يارب سترك

يالس في صالة بيتهم يلاعب بنته ..يركب معها اشكال ..اتي صوبهم مها وتيلس ع الكنبه طالعهم
مها: خليفه
خليفه _من غير مايطالعها...مشغول_ خير
مها: ماناوي تعرس
حط اللي في ايده وسحب شماغه من ع الكنبه وحب بنته وقالها: حبيبتي ابوج الحين مشغول عموه بتكمل وياج
وهو مقفي زقرته مها :خليفه
طالعتها إيمان: عموه
ابتسمت لها: عيون عموه...تبيني اساعدج ..يالله _يلست ع الارض وياها وبدت تركب _

بدور ولطوف قاصدات بيت اسما عشان يطمنن عليها وهن في الطريج ..طبعا رايحات في سيارة بدور الرنج روفر
لطوف: اشوف جواهر مطيحه عند نوال..ام امل
بدور: ....
لطوف: امل تقول انها دوم تزورهم ..بمعنى ثاني العلاقه تقوى ..تعرفين شو معناه؟
طالعتها: فاهمه عليج..بس ولا يهمج ..مثل مادخلتها بيتهم بطلعها منه
لطوف: شو بتسوين؟
مطت شفايفها: لا تحاتين بلقى صرفه ..المهم اتصلتي ع مهير؟
لطوف: لا وانتي؟
بدور: امبلا بس تعذرت عن الييه
لطوف: مادري شو صاير وياها اخلاجها ضايجه
بدور: مب الا هي
هذا معناه انها بتتكلم في اللي لطوف ماتحب تسمعه ..حطت السماعات في ذنيها وشغلت الاغاني وريحت ع الكرسي واندمجت مع الموبايل..لفت بدور راسها صوبها بعدين طالعت جدام ..وعلت ع الصوت وساد السكوت بينهن

وصلن بيت اسما وفتحت لهن الشغاله كانت اسما واقفه تترياهن ابتسمت لهن تجدمن وسلمن عليها طبعا كانن شايلات باقة ورد طبيعي وعلبة شوكولاته ..طلبت اسما من الشغاله تاخذ الباقه وتحطها في مزهريه..وتيبها عندهن ..ومشت وياهن للصاله
بدور:عيل ماسالتي عن مهير؟
اسما:توها من شوي داقه عليي خبرتني انها مابتي وياكن
بدور: ابوج هنا؟
اسما:فديته من طلعت من المستشفي ماخلاني ولا لحظه حتى الاكل يلقمني بيده ..ولا داوم وربعه يتصلون عليه ولا يرد عليهم..بس يوم اتصلتوا وقلتو بتون طلع يشوف ربعه
لطوف:الله يخليه لج
اسما:امين يارب
يت الشاغله شاله المزهريه وفيها باقة الورد وحطتها ع الطاوله
اسما:سيتا ..هاتي عصير وكيك –راحت الشغاله..تجدمت وقربت المزهريه وشمت الورد_ الله ريحة هالورد روووعه
لطوف: اكيد حبي لاني زارعتنه بيديني
اسما: والله!_حركت لطوف راسها بمعنى نعم...طالعت اسما صوب بدور_ ..بدور دوريلي عيب واحد فيها ..بتقهرني
ابتسمت لطوف: حبيبتي محد نخلق كامل..بس لاني في عيونج كامله عشان جي ماراح تحصلين عيب واحد
اسما: نووو كومنت (لا تعليق)


يالسه فاتحه ع قناة الفاشن والموضه تابع ..كانت يالسه رافعه جسمها كله ع الكرسي ومنحنيه ع ذراعه اتي امها وتيلس
نوال: اشوفج التابعين الموضه
كان الريموت في ايدها ضغطت ع الارقام وبدلت ع قناة الشارقه..عدلت يلستها وربعت ريولها
امل: امايه
نوال: هلا
امل: ابا اسوي نيولوك
نوال: اللي هو؟
امل: يعني اغير لبسي مب دوم جلابيات وتنانير البس بنطلونات تي شيرتات في البيت ع الاقل وابا اقص شعري واصبغه
نوال:لا
امل:انزين ليش؟..شوفيها يعني ..بعدين انتي متعلمه ومثقفه وعارفه ان هذي هي الموضه
نوال:متعلمه ومثقفه بس مب معناتها اتخلا عن عاداتنا وتقاليدنا ..وهاي الاشياء ماحبها واي شي فيه مياعه ما ارضى فيه ولا اباه
نزلت امل من على الكرسي وحطت الريموت عليه
امل: عن اذنج بسير احل واجباتي


...: شتقتلها ..شوفتها تشيل الهم وتزيح الغم
...: مانع اقصر الشر وخل البنت في حالها
...: وانا شو سويت بس اشتقتلها حرام يعني...بعدين بسافر وابا اشوفها قبل ماروح
...:سفره بلارده قول امين
....:مب امين....بعدين لا تنسين انج متورطه في السالفه ...يعني تخيلي اقنعتها انج سبب اللي صار وياها ..تظنين شو بتسوي يا عــ.. هههههههههههههههه _ انهى المكالمه
...: الله ياخذك ياتافه
وصلت بدور لطوف لبيتها وهي في الطريج اتصلت بها احلام وسوت مكالمه جماعيه بينهن هن الثلاث ...حلوم في غرفتها وبدور في سيارتها تسوق ولطوف ترقى الدري
حلوم: كيفكم ياحلوين
...: تمام
لطوف: خير حلوم شوراج؟
حلوم: وراي الخير ياويه الخير..باجر عازمه كل البنات ونبى نحتفل باسوم
بدور: فكره حلوه واسوم تستاهل
لطوف: خلاص عيل باجر السهر عندج..بس ها اذا نقص شي تراه عندي
حلوم: افا عليج ..اكيد ماتقصيرين يابنت سيف
لطوف: ماعليج قصور
حلوم: تراها سهره ماتحلا الا بالغنى والفرفشه ..عشان جي عليج تيبين العود يابدور
بدور:العود؟!
حلوم:هي العود شو قضيتيبه الحايه (قصدها باعته)
بدور:لا عندي
حلوم: عيل باجر هاتيه...ياللا نسلم عليكن
وادعن بعض وسكرن....دخلت حجرتها شافتها يالسه جدام باب الكبت ومطلعه العود
بدور:عذور شو تسوين؟
خافت تهزبها :_هي يالسه ع الارض وجدامها كتبها ومتاكيه ع الكبت..وماسكه بكتابها وتلعب بباب الكبت>>>وصف اللي كانت تسويه قبل ماتوصل بدور _ ماشي بس كنت ادرس واللعب باب الكبت وشفت العود وطلعته
سارت صوبها وخذته عنها: صدقتج
تحسبتها تتطنز عليها ومب مصدقتنها: والله هذا اللي صار
بدور: وانا صدقتج..هذا للوالد الله يرحمه_شلت العود ومشت لسريرها_
عذور: الله يرحمه..ابوج كان يعزف ع العود؟
يلست ع السرير ثانيه ريل والثانيه ع الارض
بدور: هيه وكان يغني صوته وايد حلو..وعلمني
عذور: حلو
بدور: تبيني اسمعج شي؟
تحمست عذور: هيه ..تعزفين ولا تغنين بعد؟
بدور: اعزف واغني..ابويه كان يمدح صوتي يقول عندي بحه وصوتي مخملي _ابتسمت_يمكن قال جي من كثر ما اقرقر بالغنى ع راسه
عذور: ههههههه اكيد لا ..ياللا سمعيني عشان احكم..منله تحبين تغنين ؟
بدور: خالد عبدالرحمن
بدون تعليق قالت: اممممم
بدور: ماتحبين اغانيه
عذور:مب وايد..بس اكيد اذا بصوتج بلقاها غير ..شوقتيني ياللا سمعيني
بدور: من عيوني
عذور: تسلملي عيونج يالغاليه
بدت تعزف وتغني""خذني بقايا جروح" وعذور انسجمت وياها..........
...................................>>>لقت نفسها قبالة بوابة البيت وقالت في نفسها قبل ماتنزل من سيارتها..الله يسامح ياحلوم فتحتي جروحي اااه.._انتبهت على اخوها طارق يالس عند الباب نزلت وقفلت السياره_ ..طروق شو تسوي ؟..امي خواني فيهم شي؟
طروق:لا بس اترياج؟
بدور:ليش؟
طروق: عمر ضربني وماخلاني العب
بدور: انزين قوم خلنا ندخل
عقب ماهدت الوضع بين خوانها دخلت حجرتها ..اول مافتحت الباب طالعت وين كانت يالسه عذاري وابتسمت ابتسامه حزينه..سكرت الباب...تاحت موبايلها وسويجها(مفتاح سيارتها) ع السرير وفصخت عباتها وتاحتها ومشت بثقل وبطء صوب الكبت وفتحته وطلعت العود وسارت للسرير ويلست وحضنته وبدت دموعها تنزل وهي تصيح بصمت ..
وهي تصيح قالت : عذاري وينج شتقتلج ..تولهت عليج وايد وينج؟ وينج؟

كانت رايحه لحجرتها ..بس وقفت يوم سمعت صوت منى..التفتت عليها
لطوف: هلا منى ...خير
وقفت جدامها: عقب نص ساعه بنطلع ؟
لطوف: وين؟
منى: خذت لج موعد في عياده
نغزها قلبها : اي عياده؟
منى:.......
لطوف: منى سألتج اي عياده؟
حطت عينونها بعيون اختها: عياده نسائيه
تمت طالعها بنظره مب مفهومه ومنى مب قادره تفهمها نظره بارده جامده ماتعرف تفسر معناها تجدمت لطوف منها اكثر وهمست لها في اذنها"خليها لج" ورجعت لورى وطالعتها بشموخ وغرور وبعدين راحت لحجرتها ...منى سكتت بس في داخلها سؤال وسؤال ..والدافع هو حبها لاختها وخوفها عليها....
دخلت حجرتها وتاكت ع الباب ورافعه راسها ..بعدين مشت ..
لطوف: اخ لو القاج ياعنود وربي ماحد بيرحمج من ايدي بعدج ماتعرفين من لطوف ..بس احصلج بعرفج فيها ...

كان بيحرق الجرس من كثر مايدق عليه يت الشغاله بسرعه وفتحت الباب ..طلع احمد يشوف شو اللي صاير..دخل هايج مثل الثور ويصرخ
...: وينها ..وين اختي_تجدم منه ومسكه وسحبه صوبه _..قلنالك مانباها تسوق بعدها صغيره ع السواقه ..لكنك عندت وشوف اللي صار بسبتك بغت تموت
يت ع صراخ اخوها وشافته وهو ماسك ابوها..صرخت عليه
اسما: فاضل.._سارت صوبه_ خوز عن ابويه
فاضل: دافعين عنه
وقفت بينهم ولاصقه في ابوها: هيه ادافع عنه لانه ابويه اللي مالي غيره ..اطلع اطلع برع مابا منكم شي ...خلونا في حالنا ..اطلع.. حرام عليكم
حضنها ابوها وهي تصيح بحرقه ..طالعه فاضل بكل بغض واحتقار وبعدين طلع.....


يــــــــــــــــــــــــ ــــــــــــــــــتــــــ ــــــــــــــــــــبــــ ــــــــــــع

[درة الاحساء]

السلام عليكم ورحمة الله وبركاته


البارت الحادي عشر
حمد وسرور يالسين وسط الميلس يلعبون ورقه ..سرور قربه علبة بورهورس يشرب منها
سرور وهو يتوح الورقه :هاااند
حمد_والابتسامه ع ويهه_ غشاش وربي انك غشاش
سرور: روح مناك لا اوني غشاش ..مغسول ثلاث مرات ويقول غشاش هههاااي
حمد: انزين العب مره ثانيه
سرور وهو يضحك: شو العب ..قوم القط خشمك ههههههههههه
حمد: ماعليه ياسرور ارويك
سرور: شو بترويني ..مشكله المغلوبين
حمد: مالت ع اللي يلعب وياك ..خلني اروح احسنلي
سرور: وين يالسين؟
حمد_وهو واقف_ بسير اسبح وبعدين بمر جسوم
سرور: جاسم ولد خالي؟
حمد: هيه بيروح يطلع سيارته من القراج
سرور: عييت منه قلتله باخذلك سياره يديده..قالي شو المناسبه ..عيد ميلادك..ماحتفل..انزين عيديه..العيد بعده..هدية زواجك....مابزوج...ياخي قهرني
حمد وهو شاق الابتسامه: هههههه ماعليه خله..الحين انا رايح نسلم عليك
سرور: اقلك ..الليله خله ايي وياك...وسلم عليه
حمد: ان شاء الله ..نسلم عليك
سرور: مع السلامه


اااه لين متى؟..لين متى بنتم نتلاقا صدف..نفسي ايلس وياها اكلمها اعبرلها عن مشاعري نسولف مع بعض نتعرف على بعض..بس شلون حتى رقمها موعندي لازم اشوفها بس كيف ..شنو راح تسوي ياابراهيم ماعرف الا اسمها..منى...بس لازم اوصلها وباي طريقه
..هذا اللي كان يدور في راسه وهو في طريقه للعياده.

عند احلام الكل متجمع ..ويحتفلن باسما ..
احلام: احم احم ..اسوم
اسما:لبيه
احلام: سوري ع الحفله ادري لازم بوفيه ..و..
مقاطعتنها: احلام ارجوج لا تكملين والله انها حلوه وكفايه هاللمه اللي تسوى كل شي
احلام: تسلمين ياقلبي
اسوم:ياحياتي
لطوف:حلوم ناوليني بور
احلام : عوقج هذا ..هاج_وتاحته عليها_
امسكته لطوف: ثانك روحي
اسما: اللي بقرب لطوف: الله لو امول ويانا
لطوف وهي تشرب من العلبه: تعرفين انها ماتقدر اتي
اسما: الله يسامح امها ..بس انا نفسها تقريبا ابويه فديته ماحارمني من شي
لطوف: لانج ياحبي مب نفسها..المهم انتي مستانسه؟
اسما:واااااااااااايد وماقدر اوصف وناستي
طوقتها بذراعها وقربتها منها
لطوف: وهذا هو المهم
كان كلامهن همس ومحد يسمعه ..لانهن جريبات وايد من بعض اسوم محطيه راسها ع كتف لطوف ولطوف لافه عليها وحاضنتها بذراعها
اسوم:هالحفله يت في وقتها اريد انسى منظر فاضل وهو ماسك ابوي..مب مصدقه معقوله يسوي جذا مع ابوه ..ابوه اللي رباه وكبره اخرشي خلاه وراح عند عمه ..وربي اني كرهتهم من قبل وانا كارهتنهم بس عشان خاطره رحتلهم والحين خلاص ماريد حتى ايي ع ذكرهم .._ابتسمت_ اكيد مليتي وانا اعيد هالسالفه عليج مره ثانيه
لطوف: ابد بالعكس ارمسي عن كل اللي في خاطرج لوبتعيدينه بدال المره مليون بسمعج وبكون جريبه منج
باستها ع رقبتها : الله يخليج ليي يا اعز واوفى صديقه..لطوف مشكوره
لطوف:مابينا شكر حنا ربع وهذا واجبي
تدخل بدور شايله العود وحلوم شاله الدربكه
حلوم: الحين نحن رحنا ويينا وهن على يلستهن_قصدها لطوف واسوم...ضربت ع الدربكه عشان ينتبهن_ اقول يا وقت الوناسه
اسوم: وااو مادري شوا قول
حلوم:لا تقولين شي..يالله بدور _يلست بدور قرب لطوف ع مسافه صغيره من الباب
حلوم: بتيلسين هناك؟
بدور وهي تعدل يلستها: مافيني اقوم ..ياللا شو تبون تسمعون
مهره:ابا اسمع اممم
اروى:ياليل
مهره:شو؟
اروى:وش اللي وشو ؟
وحده من البنات: اروى شياج قلبتي سعودي
اروى:اقولك اهجدي لا اجيكي بهالعلبه_جدامها علبة ديو_وطيرلك نص خشتك
وحده ثانيه: اروى انتي فيج عرج سعودي؟
اروى:والله ياريت بس انا امووووووت في السعوديه ياحبيلييييييها
منال: متاثره بالقصص اللي تقراها..تخلص وحده وتبدا في الثانيه
اروى: وانتي وش لك؟
لطوف:بنات خلاص خلونا نسمع..بدور ..حلوم ياللا
بدور:اسوم شو تحبين تسمعين؟
اسما: امممم مايحضرني شي...سمعيني شي على ذوقج
بدور:اوك
حلوم يالله بنات
كان فيه اكثر من الة موسيقيه والبنات بدن يساعدن بالعزف .
...:بدور شو بتغنين؟
بدور:اغلى هديه .. للماجد

بدا العزف وبدور تغني باحساس والبنات اللي يتمايلن ع الغنيه واللي يشجعن واللي قامن يرقصن ..وصل اخو احلام للبيت وسمع الاصوات اللي يايه من بعيد وعرف ان احلام عازمه ربيعاتها ..كان بيمشي بس شده الغنى لانه دخل البيت ع وقت الموسيقى راح صوب الحجره وتقرب من الباب كان صوتها واضح ..شده عذوبة صوتها واحساسها اللي نابع من قلب وقف وتم يسمع وابتسم وقال"ياويلي ع هالصوت لويسمعج راشد عطاج الاغنيه هديه ..._مال ع الباب وحطى جبهته عليه ..وقال بخبثنه_ امووت في الاحساس رفع راسه وكشح كشته اللي نزلت ع ويهه .. مخبيه كل هذا عني يا احلام بس ماعليه الصبر زين ..ابتسم وراح

في بيت عليا ...تيلس عليا مع صالحه ..يالسات في حوش البيت يتقهوين ويسولفن
صالحه: من ذاج اليوم مابين؟
عليا: امبلا بس راح بسرعه...انا ماهامني الا هالعيال الصغار اخاف يضربهم او يسوي فيهم شي
صالحه: الله لا يرده
عليا: قولي الله يهديه....
صالحه: الله يباركلج في عيالج ويطرح فيهم البركه ولو على فهيد انا غاسله الايد والقلب منه ماله رجا ينعدل ..ستعوضي ربج فيه
عليا: مهما قسى... قلبي عمره مابيقسى عليه وبتم دوم ادعيله ان الله يهديه ونذر عليي اذا الله هداه بصوم عشرين يوم وبوزع ع الفقارى وبروح عمره لوجه الله تعالى
صالحه: ان شاء الله
...:ياهل البيت
عليا: قربي الباب مفتوح
..: السلام عليكم
..:وعليكم السلام
..: والله ماتقومين_قالت جي عشان صالحه بغت تنش واقفه ..هوت عليها وحبنها بعدين سلمت ع عليا_ شحالكم وعلومكم وشحال عربكم؟
..:بخير وسهاله
صالحه: واخبار العراس وياج
..:الحمدلله هالاسبوع كان عندي ملجتين وثلاث خطبه
عليا: الله يعطيج ويزيدج
..: الله يسمع منج...وينج ماتنشافين؟
صالحه: عن يكون لاقيتلي معرس
..:ههههه اذا تبين من باجر ادورلج افا عليج
صالحه:لا ياميه جذا مرتاحه الحمدلله على النعمه
وصلت بدور واقبلت صوبهن
بدور:السلام عليكم
..:وعليكم السلام ورحمة الله وبركاته
هوت على يدتها وحبتها ونفس الشي سوت وياهن
بدور:شحالج خاله
..:بخير عساج بخير
بدور: وكيف الهبات؟
..:لا لا تتخبرين الهبات احمد ربي واشكر فضله...ماباجي غير ازوج امج ويدتج
صالحه:الله لا قاله
يلست بدور قرب يدتها: خلينا نفرح فيج يدوه
...: والمعرس موجود
صالحه: توج تقولين بدورين مسرع مالقيتيه
..:هذا واحد يبا يزوج والحين ادورله
بدور في نفسها:والله ويا فوقته...انزين خالوه جم عمره؟
صالحه:بدريه
بدور:ماعليه يدوه صبري شوي
..: يعني ماكبير بعده ماوصل الاربعين
بدور:ويباها بيضه سمره طويله قصيره...شو مواصفاتها؟
...: ماحطى مواصفات كل اللي يباه حرمه تونسه
بدور:اممم ..انزين انا بنعتج على وحده..بس تراها خاله بالقو(سمره وايد..)
..: انزين ياميه
بدور: خلاص عيل بعطيج عنوانهم وتشوفينها هي اسمها جواهر..وان شاء الله يكون لهم نصيب في بعض
..: ان شاء الله ..هاج كتبي عنوان اهلها
خذت النوته منها وكتبت لها العنوان ..استسمحت منهن وروحت وقامت وياها عليا توصلها للباب
بدور:امايه الله يخليج اقفلي الباب عن ايي هالخايس مافيني ع حشرته(ازعاجه )..مب متفيجه اسفح دمه في تالي الليل
سمعتها صالحه بس ماقالت شي عشان عليا وصلت عندهن
بدور:يدوه بتباتي عندنا ؟
صالحه: هيه ببات
هي مب متعوده تبات دوم عندهم بس خوفها ع بدريه هو اللي جبرها.

كانت توها سايره لسريرها عشان ترقد ..يندق الباب
احلام تفضل
فتح الباب ودخل: مساء الخير
احلام بغيض :هذا انته...خير يامناع شوراك؟
تجدم منها: اسمي مانع,,مانع يا احلاموه..وعدلي رمستج ويايه
احلام:قول شو عندك
مانع: سمعتكم من شوي...وبصراحه ربيعتج عليها صوت رووعه..وابا اتعرف عليها
طالعت صوبه: نعم ماسمعت شقلت؟...مناعوه اطلع من حجرتيه احسلك
مانع: سمعي انا محد يهددني وربيعتج اقدر احصلها
احلام:هيه طبعا انته خليت بنت في حالها واخر شي ييت ع الشغالات اللي طفشن منك وابويه تعب من كثر ماييب وحده يديده..وربيعاتي مالك خص فيهم
مانع: سمعي صوتج هذا ماسمعه فاهمه...بعدين احسن خلي امج تشتغل بدال ماهي يالسه وتسمن ..مالت عليج وعلى ام يابتج
فتحت امها الباب ع الاخر ووقفت عند العتبه..
امها: وشو فيها امها مب عايبتنك؟
تجدم منها : لا مب عايبتني ياخديجوه ..ولا راح تعيبيني.انتي وهالمتن كانج تريلا
خديجه: انا تريلا ياللي ماتستحي بس ماعليه خل ابوك ايي اذا اذا ماخليته يجتلك ماعليه
مانع: هههااي يجتلني..لا ياحلوه ذاج زمان وراح الحين انا حر نفسي وضرب ابويه ماياثر فيني ..
عقب ماراح رفعت يديها للسما: حسبي الله عليك من ولد ..ياريت امك خذتك ويها يوم ولدتك...مادري ليش ماتت ودرته
ماحست الا هو وراها وخافت: عشان اتم على جبدج عسى جبدج المرض قولي امين
راح وعلقت: فال الله ولا فالك حسبي الله ونعم الوكيل فيك.

طلعت من حجرتها تسحب كرسيها المتحرك كانت خالتها يالسه في الصاله طالع التلفزيون
نوره:مساء الخير
ليلى:مساء الانوار..
نوره:عيل ابويه وينه؟
ليلى:طلع يشوف ربعه..نوره
نوره: هلا
ليلى: حبيبتي في شي بخبرج فيه
نوره: خير
ليلى: اعرف ان اللي بقوله شوي صعب عليج بس لازم اخبرج....ابوج نقلوه من شغله يعني بنضطر ننقلج مدرسه جريبه ع شغله
نوره: بس انا خذت وقت لين تعودت ع هاي المدرسه..وصار عندي ربع
ليلى: ادري بس انا متاكده انج تقدرين تكونين صداقات ثانيه عشان انتي طبيعتج اجتماعيه وتخلين الغير ينجذبلج ويتعلق فيج
نوره:ان شاء الله

كانت تعبانه وهي سانده بجسمها ع اليدار..باين انه الربو..كانت واقفه في الحمام ..تطلع لطوف ..
لطوف وهي سايره صوب المغسل: حبيبي لو يلستي في الصف
امل: مالي مزاج
وهي تغسل يديها من الصابون: انزين طلعي ويلسي برع
امل:بترياج
خذت محارم ومسحت ايديها ورمتهن ويت صوبها وقفت جدامها وحطت كفوفها ع خدود امل:حبيبي شكلج ذبلانه..ياللا خلينا نطلع
كان وقت الفسحه طلعن يتمشن ومثل كل مره لطوف لافه بايدها ع كتوف امل والايد الثانيه ماسكه ايد امل اللي لافتنها ع خصرها حست امل بالتعب وماقدرت تكمل فيلسن ..
امل: البارحه يوم كنا في المول التقينا بوحدة من رفيجات امي ..وطبعا امي ماعلى لسانها الا اني بكون الدكتوره امل ..مع اني من كنت صغيره وحلمي اصير مدرسه ..تلقين اجمع العابي ويلس ادرسهم ومرات اعصب عليهم ..ولا كان في نيتي ادش علمي ..حتى اني مب ذاك الزود في المواد العلميه
لطوف انا صج محتاره شسوي
لطوف : مادري..بس يمكن امج تقتنع بعدين
امل: تعرفين نفسي اروح لامي وقولها امي انا ما بدش طب لاني مب فالحه في العلمي ولو اعصر مخي عصار مابفهم..بتقولي ودرجاتج..بقولها هاذا كله من فضل لطوف اللي تخاطر بتغشيشي في الامتحانات عشان انجح
لطيفه: فديتج حبي..تعالي
تقربت امل وحطت راسها ع صدر لطوف اللي يلست تمسح بكفها ع راسها ...شوي وتبدا امل تكح بقوة
لطيفه: صحه صحه
امل : على قلبج حياتي.._كان البخاخ وياها بخت منه وخذت نفس عميق_
لطيفه:شكلج تعبانه لو ماداومتي احسن
امل: ما كان فيي شي الصبح بس ع الحصه الثانيه تعبت..وحتى لو غبت بتعب اكثر وانا ماحس بالراحه الا وياج
باستها ع راسها
لطيفه: اموله
امل: عيونها
لطيفه: من شو ياج الربو؟
طالعتها: مابتصدقين اذا قلتلج
لطيفه: قولي
يلست امل وطالعتها: من امي
لطيفه: يعني وراثه
ابتسمت: يا ريت كان وراثه بيكون شي يشفعلها...امي كانت ادخن..حملت وكملت شهرين دون ماتدري انها حامل ..ابويه طفش منها ...هجرها واختفي ويوم رجع رجع يخبرها انه تزوج من حرمه ترزه جدام الناس ...سبها وشتمها وماخلا كلمه شينه ماقالها..كنت اطالعه وهو حتى مالتفت صوبي ..يشوف بنته ..كان ياي يخلص شغله وبيروح...كان يايب ورقة طلاقها تاحها في ويها وورقه ثانيه
ماقدر اسميها تنازل ..لا هي مب تنازل ..هي تبري ..ابوي تبرا مني ..ابويه تبرا مني في حياته.
تقربت منها وحضنتها
امل: فكرت انتحر وافتك ...بس انا جبانه ..بس الحين مافكر بالانتحار لاني لقيت حد في حياتي يحبني وحبه واغلى من روحي عندي تعرفين منو ...لطوف...لطوف لا تتخلي عني انا اباج
لطوف: شفتي حد يخلي قلبه ويروح
ابتسمت وباستها ع ذقنها .ولطيفه بادلتها بوسه ع راسها
كانت عايشه بنت عم لطوف تمشي ...زقرت عليها وحده من رفيجاتها في الصف
ميثه: عواش..عواش
وقفت وطالعتها ويوم وصلت عندها
عايشه:نعم ميثه شي بغيتي
ميثه: هاذيج مب بنت عمج اليالسه هناك ويا رفيجتها
تضايقت عايشه من كلامها:
مافهمت شتبين
ميثه: بغيت اتخبرج هي بنت عمج صج بويه ولا تمثل
عايشه: مادري_قالتها وهي تحاول اداري الغصه_
ميثه: معقوله بنت عمج وماتدرين عنها
عصبت عايشه :مادري وخلاص
وعقب ماراحت
ميثه: اونه ماتدري ..اذا المدرسه كلها تدري انتي يابنت عمها ماتدرين..كذابه

عايشه بنت حساسه وماتتحمل كلمه وهاديه وخجوله شوي..وتحاول دايم تتجاهل بنت عمها وانها ماتلتى فيها.


كان يالس في الكافتيريا يشرب قهوه ..يوصل مانع
مانع:السلام عليهم
فهد:وعليكم السلام
مانع عقب مايلس اشر ع الجرسون وطلبله قهوه تركيه بالحليب
مانع: بلاك ماد البوز؟
فهد: اليوم رحت للعيوز (قصده امه) ابى فلوس وماعطتني رحمتها عشان انها في الشغل ولا والله شافت شي ماشافته
مانع:شرايك تقوم طلع حرتك في خديجوه حرمة ابويه بسوي فيني معروف ..الا وينه نواف ماله حس؟
فهد:شدراني فيه..اخر مره شفته فيها من اسبوع كان مضايج وقال بيسافر ..الا انته شوا خر اخبارك
مانع: حصلت بنيه هي ربيعة اختي بس بعدني ماشفتها سمعت صوتها عليها صوت ينن بس اختي ماقالت من هي بس بحصلها ومانع اذا قال فعل
فهد:عرفني عليها
مانع:ابشر بس خلني القاها وفالك طيب


اتصل عليه وهو في شغله يبشره
سعود: هلا غانم شحالك؟
غانم: بخير عساك بخير
سعود:انا بخير والحمدلله
غانم: عندي لك بشاره
سعود:خير ان شاء الله
غانم: لقيت غريمك كان مسافر والحين هو في البلاد
سعود: الله يبشرك بالخير..وعشان هالبشاره عازمنك ع الغدا
غانم: تسلم
سعود: كيف بلتقيبه
غانم: الحين انا ياينك وع الغدا بنتحدث
سعود:تم بس لا طول ابا اعرف منك كل شي
غانم:ان شاء الله


كانت في حجرتها ..تفكر اخيرا بتوصل للي تباه
لطوف: اليوم... اليوم بعرف من انتي ياعنود...اليوم بينزاح الهم عن قلبي ..بخذ ثاري منج وبنتقم انتقام ماتتخيلينه ..اللي يدوسلي ع طرف يتشهد على عمره



يــــــــــــــــــــــــ ـــــــــــــــــــــــــ ــتـــــــــــــــــــبــ ــــــــــــــــــــــــع

[درة الاحساء]

السلام عليكم ورحمة الله وبركاته

اول شي اشكر اختي قارصه فيل على ردها ومتابعتها للروايه

واشكر كل اللي يتابع روايتي



البارت الثاني عشر


....: هلا هلا باختي
...:هلا فيك وين كنت غايب؟
...:انشغلت شوي عندي مدير الله لا يوريج اذى كل يوم طالعلي بشغل
..:الله يعينك...الا من كنت تحبها تشتغل وياك الحين؟
...:لا من زمان تاركه الشغل ومادري عنها
...:تضايقت؟
...:لا ابد انتي حد يتضايج منج انتي انسانه راقيه الله يوفقج في حياتج
..: تسلم كلك ذوق..بخبرك شي
...:تفضلي
...:يوم اليمعه مابدش المسن والسبت بعد بس ان شاء الله ليلة الاحد بحدر
...:ليش ؟
...: الاهل بيطلعون
..:اها
يدق موبايلها: برب
...:تيت
هند:الو هلا عبير
عبير: وينج لا حس ولا خبر حتى المسن ماتحدرينه شبلاج؟
هند:ولا شي ..مادري حاسه اني مليت المسن
عبير:سألت عليج في القروب قالو تحدرين شوي وبعدين تظهرين..هنود شو هناك؟
هند:ماشي بعدين ليش هالاسئله؟
عبير: اشتقتلج
هند: حشا كأنا مانشوف بعض في المدرسه
عبير: وشو فيها؟
هند_باستغراب_ فصل النت؟!._قالت جي عشان طلع_
عبير:شو؟!
ابتسمت يوم كتب موجود: ماشي اقول عبير انا بسكر الحين
عبير:ليش؟
هند:مشغوله شوي ولا تسأليني بشو ..اشوفج على خير
عبير:ع راحتج مع السلامه
هند : مع السلامه_سكرت وحطت الموبايل ع صوب_..باااك
...: ولكمووو
....:يسلمو
..:الله يسلمج من الشر....تاخرتي
...:ارمس ع الفون...
...: اها انزين عيل انا بطلع الحين
..: ليش زعلت؟
...: لا ابد بس الربع يتريوني اشوفج ع خير
..:اوكي...خل بالك من عمرك
..:ان شاء الله وانتي بعد
..:ان شاء الله
..:مع السلامه
...:مع السلامه

كانت امه وخواته يالسات في الصاله وصل عندهن
سرور:السلام عليكم
...:وعليكم السلام
سرور: وين لطوف؟
شيخه: يمكن في حجرتها
وهو طالع من الصاله ومتجه للدري يدخل محمد ..يمشي صوبه
محمد:السلام عليكم
سرور:وعليكم السلام هلا بوجسيم
محمد: والمهلي مايولي حد في الصاله؟
سرور: امي وخواتي
محمد: لطوف وياهم؟
سرور:لا الحين رايحلها اباها في سالفه
محمد: انزين يوم تخلصوا سالفتكم انزلو ابا ايلس وياكم
سرور: ان شاء الله
كانت لطوف في حجرتها مريحه ع الكرسي واللاب ع ريولها ...يندق الباب ..بعدين انفتح ودخل..حطت اللاب ووقفت ويت صوبه
لطوف:هلا سرور
سرور:هلابج زود
لطوف: اكيد يايب اخبار_حرك راسه بمعنى نعم_ ها بشر عرفت من حقه الرقم
سرور: هيه
لطوف:منله؟
سرور:لهندي
لطوف:سرور
سرور: والله طلع لواحد هندي
لطوف: بس اللي كلمها مواطن
سرور: طيب تقدر تغير رقمها
لطوف_ماحبت تدخل وياه في نقاش وجدال عشان مايشك_: صح هذا اللي لازم تسويه
سرور: انزين الحين خلينا ننزل محمد يتريانا
لطوف:ليش؟
سرور: بس جي يبي يسولف
لطوف:اوكي بلحقك
سرور: لا تتاخرين
بعد ماطلع ..
لطوف: كيف بحصلها هذي معقوله لا اكيد بحصلها
دخلت ايديها في جيوب بنطلونها ومشت صوب الكرسي اللي عليه اللاب وتفكر
بس كيف بلقاها ..اللعينه _وقفت جبالة اللاب ..طلعت ايدها ..وكشحت كشتها بهدوء لورى ونزلت ايدها ع رقبتها وعينها ع اللاب_ اخبر بدور..لالالالا ..الا بدور _رجعت ايدها لجيبها_اففف ..مستحيل ..مستحيل اخلي هالحقيره تغلبني انا لطوف ..بحصلها ..خلني اروح تحت وبعدين بفكر باللي بسويه


...: ماتحريتك جذا خواف
وبصوت باين عليه الارتباك: ومن قالك اني خواف
..:هههه انته ومن غير ماتتحدث_وهو يهزله كتفه_ خلاص صار اللي صار ...بعدين انته بنفسك قلت ان هالطريج عايبنك ولا انا غلطان يابدر
بدر: لا مب غلطان
..:عيل ليش ..ولا خايف من الوالد يعرف ..لا تخاف سرك في بير المهم الليله عندنا سهره وبتكون اكشن اباك جاهز
بدر:اوكي بكون جاهز
..:ولا تنسى ترا المونه (يقصد الفلوس) عليك ..._في نفسه_ ...عيل انت واهلك متمرغين في الفلوس والعز وحنا لا .._طالع صوب سيارة بدر..لمبرجيني...وابتسم_

شاك انها فيها شي مهما حاولت تخفي ملامحها بالضحك والسوالف ..كيف مابيحس فيها ورحها هي روحه....ع وقت العصر راح يشوفها في غرفتها بس ماحصلها فتح البلكونه وطلع التفت ع حوض السباحه مثل ماتوقع يالسه ع الحوض ..محطيه ريولها(رجولها) في الماي..ومنزله راسها وايدينها ع حافة الحوض..قرر يسالها ..لين طلع وصل عندها كانت هي مغيره مكانها ريحت ع الكرسي وشابكه يديها ورى راسها..ولافه ريلها ع ريلها الثانيه وتتامل السما الزرقا وصل عندها شافها مغمضه عيونها والهوا يحرك شعرها ع ويها..يلس بس ماحست فيه
محمد_بصوت هادي_:رقدتي
فتحت عيونها ولفت راسها صوبه:لا
محمد بنبرة حب اللي دايم يكلمها بها: ربيع قلبي شو فيه؟
ابتسمت وشعرها يميل ع اثمها(فمها)وعيونها:مافيني شي
محمد:متاكده؟
رفعت يديها من ورى راسها ويلست وطالعته
لطوف:هيه.._قربت جسمها صوبه_..مثل ماشايفتنك الحين جدامي
بعد بايده شعرها عن ويها.. عشان الهوى يحركه لجدام:لطوف شرايج نطلع نتحوط شوي وبالمره نتعشا برع؟
فهمت انه يحاول يطلع اللي في خاطرها..قالت في نفسها: الوحيد اللي من بين الكل اللي يحس فيني ..بس لا لاياخوي اللي فيني محد يقدر يطفيه غيري وبايدي ..مابى مابى انكسر جدامك لاني اذا انكسرت بتعود تجبرني ..لا ابى اتم شامخه..اداوي جروحي بايديني .._ابتسمت_موافقه الحين بجهز نفسي
وهي توها قايمه وبتقفي ضربها: بس بسرعه
طالعت صوبه واشرتله: مردوده ياحمود
ابتسم ...وعينه عليها وهي رايحه وقال: بس لو تريحيني وتقنعيني انه مجرد احساس لا اكثر بس بتصرفاتج تثبتيلي العكس

دخل للبيت ..ومشى صوب الصاله ..اول ماشافته نزلت عن الكرسي وركضت صوبه شالها بين يديه..كانت امه وابوه وخوانه متيمعين
خليفه:السلام عليكم
...:وعليكم السلام ورحمة الله وبركاته
يلس وحطى بنته ع ريوله: حبيبة ابوها شخبارها
إيمان:بخير
خليفه:شتقتي لبابا_هزت راسها بمعنى نعم_..وانا بعد شتقتلج
فاطمه:خليفه
خليفه:عونج يالغاليه
فاطمه:شرايك ادورلك حرمه؟
خليفه سكت ولا علق ع كلام امه
راشد: شقلت تبا امك دورلك حرمه؟
خليفه: مافكر بالعرس الحين ..واذا فكرت بخبركم
فاطمه: بس ياميه انتى بعدك في اول عمرك
خليفه:خليها على الله الله كريم.._بغى يغير الموضوع_ اليمعه العزيمه في مزرعة عمي سيف ؟
راشد: هيه في مزرعة عمك ..ويبانا نبات هناك
عايشه من سمعت هالكلمه عتفس ويها هي ماطيق شوفت لطيفه في المدرسه هالمره بتتحملها يوم ونص
مها:عيل لازم نرتب اللي بناخذه ويانا
خليفه:لا تنسين ترتبين اغراض إيمان
مها:ان شاء الله

في المدرسه وفي وقت الفسحه كانت امل ولطوف يالسات في الصف ..امل يالسه مكانها..وسانده ايدها ع الطاوله اللي وراها ومحطيه راسها ع ايدها ولطوف ع الطاوله اللي ورى طاولتها
امل: اه اليوم حاسه نفسي احسن..البارحه رحت العياده وسوولي اكسجين زين اني ماسرت المستشفى ولا كنت بايته عندهم الحين
لطوف: ياحبي ...الا ماخبرتيني عندج رصيد (شحن )
امل: اممم يعني
لطوف:ع العموم اليوم بطرشلج رصيد
امل: تسلمين ياروحي
يت بدور واسما ووقفن عند الباب
بدور:سلام
استغربن منها ..تايحه العباه والمريول ولابسه قميص وبنطلون
لطوف: بدور شو هذا؟!
بدور:شو؟
اسما:المدرسه فاضيه الاداره كلهم راحو الوزاره عندهم اجتماع
بدور:غريبه انج مادريتي_موجهه كلامها للطوف_
لطوف:شو اسوي طافني
بدور:المهم بتخاويني ولا؟
نزلت من ع الطاوله: اكيد _سحبت شيلتها وحطتها ع الكرسي وفصخت عباتها..
بدور:شرايج ناخذ لفه ع المدرسه ونستانس شوي
لطوف:اوكي...ياللا بنات نسلم عليكم
امل:ليش مابنروح وياكم؟
لطوف: حبيبتي عشان مصلحتكم مانبا حد يسويلكم سالفه
بدور:لطوف معاها حق صح ان الاداريات محد بس لا تنسون المدرسات ..
لطوف: اوكي حبي؟ _بتسمت امل_ياللا سيات
راحن الحمام ورتبن عمرهن وبعدين طلعن... الكل يطالعهن ..اللي يطالعهن باستحقار واللي معجبات فيهن وعقولهن طايره فيهن...كانن يمشن ويسولفن وماعليهن من حد ...شافتهن عزا مدرسة التربيه البدنيه ..وهن بعد شافنها وين صوبها كانت لطوف محطيه يديها في جيوبها ..يوم قربن منها طلعتهن
لطوف:شحالج ابله
عزا: تقدرن تفهمني شو هذا؟.._تتكلم بهدوء_
بدور: ابله ماباجيلنا غير هالسنه في المدرسه نبا نستانس
لطوف:يعني بحبحوها ويانا حبتين وتساهلو شوي
عزا: مادامكن في المدرسه تتقيدن بالقوانين وعقب ماتخلصن سون اللي تبنه...وبعدين تعالن اذا انا تغاضيت يمكن تشوفكن مدرسه ثانيه وماتسكت
بدور: لا من هالناحيه طمني مب فاضيات حقنا ..فاضيات لجدور(قدور)المحشي
لطوف:مري بس قرب غرفهن تشمين زفرت الاكل تقول كافتيريا مب غرف معلمات
ضحكت عزا في نفسها وبينة الابتسامه ع ويها: ومع هذا الحذر واجب
بدور: يعني نفهم انج مابتخبرين؟
عزا: بس انتبهن حد يشوفكن
لطوف:لا توصين _عقب ماراحت عزا_..بدور شرايج نروح مبنى الاداره
بدور:اوكي ياللا
لطوف:ياللا

في المدرسه اللي فيها اليازيه..كانت اليازيه يالسه مع بنت عمها سلامه
سلامه:يزوي
يزوي: نعم
سلامه: ابا الفيلم الكوري اللي نزلتيه
يزوي: صبري لين نروح المزرعه وبنزله لج
سلامه: اوففف بتريا لين نروح المزرعه...عفيه يزوي
يزوي: وكيف بنزله حقج
سلامه:تروحين وياي البيت وتنزلينه حقي
يزوي: لا والله
سلامه: وشو فيها
يزوي:ماقدر تبين تريي لين نروح المزرعه
سلامه: اف منج بتريا وامري لله

" اخبرها باللي سمعته ولا انتظر شوي...لا احسن اتريا لين نرد من المزرعه وبعدين اخبرها...هيه لازم تعرف عن ريلها شو يسوي...بس شو بستفيد؟...شو مابستفيد الا بستفيد اذا سيف طلق شيخه بينحصر الورث في عياله ..والله وصرتي تفكرين بالفلوس ياحنان..من حقي افكر ..هذيل مافيهم خير ولازم اخذ حذري منهم..._ابتسمت..قطع عليها حبل افكارها صياح ولدها اللي نش من الرقاد ..قامت وراحتله.

كانت يالسه في حديقة البيت تفكر في نفسها
"واذا كان الحب لا هو عيب ولا حرام ..بس كيف كيف احبه ..مافكرت بفرق السن اللي بينا انا اكبر عنه بس لا مب مهم وايدات مزوجات اصغر عنهن ومرتاحات..بعدين يمكن ابويه مايوافق ازوجه صح انه يشتغل ويكد على عمره بس هو......_ قطع عليها اخوها تفكيرها
عيسى: شمه
شمه: هلا عيسى..من زمان انته هنا؟
عيسى: توني واصل...ممكن تقولين للطباخ يسويلي شي اكله تراني يوعان
شمه:شو مشهي تاكل؟
عيسى:اي شي
شمه:خلاص الحين بقوله
عيسى:انا في الميلس
شمه:خلاص اول مايزهب الاكل بيكون عندك
علقت وهي طالعه وهو قاصد الميلس: عيسى تغير ضعف وايد..لا حول ولا قوة الا بالله

في المستشفى كان ينتظر دوره..شاب نحيل الجسم عمره بين 20_23 ..يت الممرضه وطلبت منه يدخل ..كان الدكتور بانتظاره..دخل وسلم رحب فيه وطلب منه ييلس
الدكتور: حد من اهلك ياي وياك؟
..:لا يادكتور ليش فيني شي؟
الدكتور: اسمعني يانواف اعرف انه الفحص مهم لك ولكل واحد مقبل ع الزواج..وبصفتي دكتور واجبي يحتم عليي اخبرك...
نواف: فيني مرض؟
الدكتور: عندك تشوهات ..وهالتشوهات تمنعك تيب عيال
نوف: بس ليها علاج
ساد الصمت لثواني بس مجبر يخبره ..: للاسف يانواف انت فاقد للخصوبه
نزلت كلمت الدكتور مثل الصاعقه ماقدر يتحمل نش يصرخ ونعت الدكتور بالكذاب ..وطلع يتخبط ..تفكيره وادراكه نشل مب قادر يصدق ولا يستوعب اللي سمعه..


بالليل... كان توه طالع من السوبر ماركت..موقف سيارته ع مسافه لانه ماحصل باركن جريب..مشى ..وصل السياره ... سمع صوت صايح ياي من وراه...التفت سرور
هي: الله يخليك اخوي ثيبني الله يخليك...
تم يطالعها وهي تصيح وتترجاه........


وين بتوصل هند مع اللي ترمسه ع المسن؟
لطوف ياست من السالفه ولا بعدها مصره تحصل عنود؟
خليفه ليش مايطيق حد يذكرله سيرة الزواج؟
من نواف وشو سالفته ؟
حنان وين بتوصل وهل بتنجح في اللي تخططله؟
من اللي تحبه شمه وشو السبب اللي ممكن يخلي ابوها يرفضه وهل هو داري بحبها؟
شو الطريج اللي قرر بدر يمشيه وين بيوصله؟
شو سالفتها وليش تطلب العون من سرور ؟




يــــــــــــــــــــــــ ـتــــــــــــــــــبــــ ــــــــــع


هذا واكثر راح تقرونه في البارتات اليايه ..ارجو لكم قراءه ممتعه

مع تحياتي

اصداء الحنين

[درة الاحساء]

السلام عليكم ورحمة الله وبركاته

البارت الثالث عشر

بالليل... كان توه طالع من السوبر ماركت..موقف سيارته ع مسافه لانه ماحصل باركن جريب..مشى ..وصل السياره ... سمع صوت صايح ياي من وراه...التفت سرور
هي: الله يخليك اخوي ثيبني الله يخليك...
تم يطالعها وهي تصيح وتترجاه........
سرور: اختي شوفيج شصاير؟
..: اخوي ساعدني
سرور: انزين اهدي وفهميني
..: طالعه من البيت وشاله بنتي المستشفى ركبت تكسي ومن العيله (بسرعه) نسيت اخذ وياي الفلوس ..طلبت منه يوصلني بس ماطاع ونزلني
سرور: ماعليه ..بنتج وين الحين؟
..: -اشرت_هناك
سرور: انزين ركبي باخذكم للمستشفى...معاج بطاقتها الصحيه؟
..:هيه
ركبت ورى ..كانت متنقبه(لابسه خمار وعباه مسكره) ..ماكانت المسافه بعيده كلها دقيقتين ..كانت الشغاله يالسه وياها بنتين صغار وحده مرقدتنها في حجرها..مبين عليها مريضه وعمرها ثلاث سنين والثانيه مايله ع كتفها وعمرها خمس سنين...خذهم للمستشفى وسيده ع الطواريء ..كانت يالسه ع الكرسي مايله براسها ع يدها والشغاله مرقده البنت ع ريولها ..وسرور واقف بعيد شوي ..رق قلبه مابغى يخليها بروحها ..عشان لو كان وياها ريال ماكانت طلعت من بيتها في هالوقت ..كانوا يتريون الدكتور يطلع ويطمنهم ..شوي وطلع الدكتور..سرور ماحب يتجدم ويساله توقع ان يمكن يساله عن علاقته فيهم ..نشت وتجدمت منه
..: دكتور طمني على بنتي؟
الدكتور: ماتخفيش بنتك ان شاء الله حتكون بخير..هي عندها الوز وحمى ..عطيناها مسكن وحنخليها عندنا الليله ...هو باباها فين؟
...: متوفي
الدكتور: الله يرحمه
..:تسلم...اقدر اشوفها؟
الدكتور: ايوا تأدري دلوأتي حخلي الممرضه تخدك عندها..عن ازنك
عقب ماراح الدكتور تجدم منها :الحمدلله على سلامتها
..:الله يسلمك..مشكور ويزاك الله كل خير
سرور: لا تقولين جذا هذا واجب والناس لبعضها..ماتصلتي على اهلج؟
...: يمكن الحين راقدين بتصل عليهم باجر
سرور: مادامج طمنتي على بنتج انا ترخص
...:مرخوص ويزاك الله خير
سرور: توصين على شي؟
...:سلامتك
سرور: الله يسلمج .. ياللا من رخصتج
...: مع السلامه
عقب ماراح علقت الشغاله: هازا رجال واجد زين
...: هيه باين عليه نشمي وشهم ولد اياويد الله يخليه لاهله


دخلت من البوابه والسماعات في اذنيها .. شافتها سانده ع اليدار ..مشت صوبها وابتسمن لبعض وصلت عندها وخذت السماعات
لطوف:صباح الخير
بدور:صباح النور.._ابتعدت عن اليدار ويت صوبها..والابتسامه ع ويها_ عندي لج خبر
لطوف: بشري
بدور:جواهر ماعاد تروح بيت نوال
ابتسمت لطوف:ليش؟
بدور:زوجتها ههههههههههههههههههه
لطوف:كيف؟
بدور: دليت الخطابه عليهم _مشن عقب ماكانن واقفات_ وصار النصيب ولا بعد هو مب من هنا من راك (اختصار لامارة راس الخيمه Ras AlKhima>>RAK )
لطوف: بس بيبقى بينهن تلفون
ابتسمت بدور: سهله بروح ازورها وباركلها وبمسح رقم نوال ونفس الشي بتسويه امل وجذا انتهت العلاقه
...:ههههههههه
لطوف: ياخطييير
لفت بدور ذراعها ع كتوف لطوف وقالت:من شرب من ماهم ماسلم من حماهم
ابتسمت لطوف: قصدج اني انا السبب
بدور:اكيد وانا من وين يبت الخطاره الا من عرفتج
لطوف: بدور مب عليه انا من عرفتج وانا اعرف انج داهيه
بدور: يعني خلينا نقول إنا نكمل بعض صح؟
لطوف:صح الصح
كانت امل جدامهن..وبين عليها الضيق..هي تغار ع لطوف وايد ..كانت بدور بعده ذراعها ع كتوف لطوف
لطوف: صباح الخير حبي_سارت لها وبوستها ع خدها_
امل:صباح النور...شحالج بدور؟
بدور:تمام
يسمعن شموس تنادي :بدووور
بدور: عيل اخليكم سيات
لطوف:سيات_طالعت امل_ حبيبي في شي؟
امل: لا ماشي
لطوف: عيل ياللا خلينا نروح


طلع من البيت وهو قاصد كليته بس تفكيره خلاه يمر مطعم وياخذ ريوق بعدين قصد المستشفى ..كان هدفه انه يكمل معروفه مع ذيج الانسانه وبناتها ويمكن تحتاي فلوس او مساعده ..نزل كان لابس لباسه العسكري ومحطي النظاره الشمسيه ..شكله فيه هيبه وقار وشموخ ويهه في بشاشه تخلي اللي جدامه يبتسم و فيه جمال ينافس ويفوق جمال البنات بس رجولي ..ومثل ماقلت قبل ان سرور ومحمد وحمد ولطوف يشبهون ابوهم اللي ورث الجمال من امه والصفات الثانيه خذها من خواله ..قصد سرور الرسبشن وسالهم ..بعدين قصد الجناح اللي فيه بنتها وصل للغرفه ودق ع الباب بهدوء ..فتحت الشغاله
سرور:السلام عليكم
الشغاله:واليكم السلام
...: سونيا من؟ _نشت ويت عقب مالبست نقابها وكانت لابسه عباتها_
سرور:السلام عليكم
...:وعليكم السلام
سرور: شحالكم؟
..:الحمدلله بخير
سرور: والصغيره شحالها؟
...:الحمدلله اليوم احسن ويمكن يرخصونها_شدها لباسه_انته تشتغل في الشرطه؟
سرور: لا انا طالب في الكليه العسكريه ..قلت في نفسي اخطف واسلم ومابغيت ايي بايد فاضه يبتلكم وياي ريوق ...تفضلي
خذته الشغاله ..
....: مشكور ماتقصر
سرور: عيل اخليكم ..مع السلامه
...: مع السلامه
راح سرور ..هي يلست فوق تاكل بنتها والشغاله تحت مع البنت الثانيه.. كانت الشغاله طلع باجي الاكل من الكيس ولقت ظرف صغير..وناولته حقها فتحته وطلعت منه فلوس ماعرفت شو تقول وكتفت بالسكوت

بعد ماطلع من عند الدكتور تم هايم على ويهه مايدري وين يروح ولا وين ريوله بتوديه كان كاره نفسه وحياته حاس ان الدنيا ضايقه عليه اهله للحين ماشافوه ولا يعرفون مكانه وربعه حرقوا موبايله من كثر اتصالهم عليه وهو مايرد نار تشعل في جوفه وكل مالها تزيد ..


دق جرس الفسحه وبدن البنات يطلعن من صفوفهن ..كانن توهن طالعات ..طالعت صوب امل اللي باين انها تفكر باللي شافته الصبح
لطوف: امول بلاج؟
امل:اشوفج وبدور مطيحات الميانه وايد
لطوف:انا وبدور...من زمان انا وبدور جي ...تغارين من بدور؟
امل: لطوف غصب عني
لطوف: ياويلي من اللي يغارون حبي اباج تكونين واثقه من حبي لج
امل:واثقه والله اني واثقه
لطوف: اوكي خلينا نروح نتريق
امل: ياللا



قد يكون طيش او عدم اختيار الدرب الصحيح هو العامل وراء تصرفات بعض الشباب او عدم وجود الرقابه من الاهل وتربية ابناءهم على تحمل المسؤليه...كثرت غياباته عن الجامعه وصار وقته يقضيه بين النوم والسهر ..دخلت عليه امه تشوفه كان راقد
فاطمه:بدر بدر ..بدر قوم
فتح عيونه :خير
فاطمه: مابداوم اليوم؟
بدر:لا
فاطمه:ياميه شبلاك شي يعورك؟
بدر:لا
فاطمه:امس بعد غبت
بدر:امايه قلت مابداوم خليني ارقد
فاطمه:انزين ياميه
طلعت عنه وقلبها يحاتيه ..حاسه انه فيه شي بس و ماتدري.


مثل ماهو شتاق لشوفتها هي بعد تتمنى تشوفه ..خذت شاور وتلبست وجهزت عمرها وطلعت ..ركبت سيارتها وراحت المتنزه يمكن تشوفه هناك كانت تفكر تروح العياده بس بس شافت انها فكره مب حلوه ..كانت تتمشى ..شافت واحد يالس لابس كندوره(دشداشه)بيضه ومحطي كاب احمر ونظارات شمسيه ويالس يرمس في الفون..من هيئته باين انه هو بس طردت هالفكره يمكن تشبه عليه ..
...:احم احم
التفتت وراها وبتسمت

يالس ع البحر يتامل حاله ..استرجعت ذاكرته بعض من اللي قاله له الدكتور
الدكتور: انا مادري شو الحادث اللي تعرضتله وسببلك هالاضرار عشان باين انها مب تشوهات خلقيه كانت فيك قبل الولاده..خبرني عن السبب ...
قام ومشى ..وهو مبين عليه التعب ..صارله مده برع البيت ولا دخل جوفه لا اكل ولا شراب..ركب سيارته وراح....


...:احم احم
التفتت وراها وبتسمت
منى: معقوله .نجلا.._وتحاضنت وياها_الحمدلله ع السلامه
نجلا:الله يسلمج
منى:هلا يمعه شحالك؟
يمعه: الحمدلله بخير..بخليكم مع بعض ..
نجلا: وانا اقول ياربي هاذي هي ولا لا ..والله ولج وحشه يامنوه
يلسن ع واحد من الكراسي
منى: متى رديتو من السفر؟
نجلا: من يومين
منى: من يومين ولا تسالين عليه
نجلا_بدلع_:شسوي بعدني عروس
منى: ياسلام يعني يمعه خذاج منا
نجلا: فديته يمعه...بس تعالي انتي شو تسوين هنا؟
منى: وشو ورايي..بطاليه وافتخر
نجلا: بعدج ماتوظفتي
منى:نو
نجلا: يالكسوله... انزين تعالي ابوج عنده شركات خليه يوظفج
منى: مابى..محمد رمسني جذا مره بس رفضت
نجلا: احسن وشو لج بويع الراس عيشي اميره ..وبعدين الحمدلله مب ناقصنج شي اشري بصبعج تلقين كل شي جدامج
منى: هيه بس عقب كل هالدراسه والتعب ايلس في البيت
يدق موبايل نجلا تفتح شنطتها وطلعه
نجلا:هذا يمعه
منى:يموع حبيب القلب
وهي تركب السماعات في اذنيها:يموع في عينج....الو هلا.... الحين يايه ...._سكرت ونزلت السماعات_..اقول بروح يمعه يترياني..بتصل عليج الليله..لا الليله ماقدر اهله بيوهم ضيوف باجر بتصلبج باجر..واذا ماتصلت سوي معروف وتصلي
منى: لا حبيبتي انتي اتصلي ..انا شدراني مابيكون ريلج عندج
نجلا : خلاص بتصلبج..ياللا _وهن يسلمن ع بعض_اشوفج ع خير
منى: ان شاء الله
نجلا: مع السلامه
منى:مع السلامه في حفظ الله
عقب ماراحت نجلا ياها صوت من وراها
..:السلام عليكم
التفتت :وعليكم السلام..هلا دكتور ابراهيم
ابراهيم: شحالج؟
منى:بخير...انتى شحالك؟
ابراهيم: الحمدلله بخير..._كان متردد ومرتبك بس خلاص هذي فرصته _ممكن نيلس نسولف
منى: اكيد حياك
يلس ع طرف الكرسي وهي ع الطرف الثاني...في البدايه كان كلامهم مقطع مايتعدى الكلمه والكلمتين بس بعدين بدوا يسولفون عادي...(كانت غلطانه مب نفسه اللي شافته اول ماوصلت كانت بس تشبه عليه).


كانت تركض ع السلم وهي شاله فستانين ..نزلت بسرعه
وهي تنادي:ساميه ..سموي
كانت ساميه يالسه في الصاله وفي ايدها الريموت قصرت ع الصوت كانت محطيه قناة حواس
ساميه: خير بلاج
حطت الفستانين ع الكنب: شرايج البس هذا ولا هذا ..ولا اشتري فستان يديد؟
ساميه: بثنينهم بعدج مالبستيهم شحقه اليديد؟
حطت ايديها ع خصرها: محتاره باجر عيد ميلادي وللحين ماجهزت شي للحفله
ابتسمت ساميه: لا تحاتين كل شي بيكون اوكي
...:بس والله مادري شو اسوي
ساميه: لا تسوين شي
..: بس لو امي وابويه سافروا عقب الحفله
ساميه: تعرفين امي لازم تسافر مع ابويه ماتطمن الا اذا عطتها ابرة السكر بنفسها...الله يرجعهم بالسلامه ويقبل عمرتهم
...:امين يارب...عيل بروح اتصل بربيعاتي واكد عليهم
ساميه : خاصه ربيعتج اللي ماتشبعبن من الرمسه عنها..حتى خليتيني ابا اشوفها
...:عاد هذي بالذات انا متاكده انها مابتنسى ..متى ايي باجر واعرفج عليها...خليني الحين_خذت الفساتين_اروح اقيس الفساتين واشوف اي واحد بلبس ياللا شاو
ابتسمت ساميه وحركت راسها ع فرحة اختها ..وعلت ع صوت التلفزيون

""2 .._بالميلادي_..كيف انسى هاليوم وهو تاريخ مولدج ومولدي واليوم اللي فيه رحلتي وخليتيني فيه اعيش على الذكرى"".......


اخيرا فتح جواله ورد ع اتصال صديقه فهد ..ساله عن الغيبه وليش مايرد ع اتصالاتهم وبعدين قفل الموبايل ليش سوى كل هذا ..سؤال اعتبره غبي ليش؟!..محد له حق يساله ليش ...عشان هو بنفسه مايدري ليش بس كل اللي يعرفه في نار داخله مشتعله وشعور بالمهانه والذل وسؤال ترددومازال يتردد انا نواف يصير وياي هذا ومن من من..... قطع عليه فهد سرحانه وعاتبه وطلب منه يسهر وياهم ..بس نواف تعذر انه تعبان ومتى ماتحسن حاله بيكون وياهم ..وانهى المكالمه ويتريا نهاية الالم اللي داخله...
مب مصدقه انها اخيرا يلست وياه ورمسته ..وصار بينهم حوار اطول عن المرات اللي تلاقوا فيها ..والحين حتى اذا ماتلاقوا عندها رقمه تقدر تتصل فيه..ونفس الاحساس كان عنده الحين يقدر يتواصل وياها ولو ماشافوا بعض....

مانع بعده محطي بدريه في راسه ..كان يالس مع فهد اللي هو في الاساس اخو بدريه
فهد: ماخبرتني شوصار ع البنت ؟
مانع:اي وحده فيهم؟
فهد: ليش هم كم وحده؟
ابتسم وقال: المهم من تقصد؟
فهد:ربيعة اختك
مانع: ادورها واول ماطيح في يديني بعرفك بها
فهد: انزين ان شاء الله تحصلها جريب
مانع بينه وبين نفسه: خبرك ماتدري بالبنات يافهود اذا مانصبت عليهن بالحيله مابتقدر تتحكم فيهن ..غيرها يبتها بالحليه وبعدها تكابر ومسويه عمرها قويه بعجز عن هذي ...والله لييب راسها مثل مايبت راس غيرها وانا مانع .....

"ياربييي هذا اخر اسبوع حقي في المدرسه وع الاسبوع الياي بنتقل مدرسه ثانيه ..صح اني ارتحت للمديره والمدرسات بس ماعرف شي عن البنات ..كيف بتكون حياتي فيها مثل ماقالت خالتي اني بتاقلم بسرعه ولا مابرتاح فيها ..ااااه ... "

"طلعت بروحها في الليل وفي تكسي محد معاها غير الشغاله وبناتها..هي قالت للدكتور ان ريلها متوفي بس وين اهلها عنها صح ماباين منها غير عيونها ..بس باين انها مب كبيره ..." هذا اللي كان يدور في راسه غصب عنه مب قادر يشلها من تفكير مبل لشي بس لان قلبه رق لانسانه استغاثت فيه ...


كان يالس يرمسه ع الموبايل والثاني ماخذه الغرور
...:انا ماعرفك؟
...: افاااااااا الحين ماتعرفني ..صح مرت سنه بس ماضن تخليك تنسى...ولا الضارب مب مثل المضروب...تصدج ينطبق هالمثل عليك
...: ممكن تفهمني شو تبا بالضبط...ومن وين يبت رقمي؟
...: رقمك مب مهم كيف يبته..وشو ابا نتلاقا
...: قول اللي تبيه الحين عشان مب فاضي
..: هههههههههه لا حلوه ..._بنبرة سخريه_ مب فاضي ...اسمع نحن لازم نتلاقا عشان الموضوع يباله يلسه ولا تقول انك مب فاضي لانها كذبه مكشوفه
...: انزين متى وين؟
...:متى؟ باجر وين؟...بتصل عليك وبخبرك ..سلام



من اللي ساعدها سرور وشو قصتها...وهل انتهى دور سرور ولا بعدها القصه مابدت؟
منى وابراهيم التقوا بس وين بيوصلون؟
""2 .._بالميلادي_..كيف انسى هاليوم وهو تاريخ مولدج ومولدي واليوم اللي فيه رحلتي وخليتيني فيه اعيش على الذكرى"".......
من قال هذي العباره وليش؟
من هي اخت ساميه ومن البنت اللي طاير عقلها فيها ؟
بدر شو اللي صاير وياه ..وهل بياثر ع مستقبله وحياته؟
نوره بتنتقل مدرسه يديده ..ياترى شو اللي ينتظرها؟
مانع بيوصل لبدور؟...وشو بيكون ردت فهد اذا عرف انها اخته المقصوده؟
نواف من اللي سببله هالعاهه وشو بيسوي؟
كلمه ع الموبايل ومصر انه يلاقيه بس ليش؟

(ارجوان روايتي تكون عايبتنكم )

مع تحياتي :

اصداء الحنين




يــــــــــــــــــــــــ ـــــــــــــــــــــتـــ ــــــــــــــــــبــــــ ــــــــــــع

[درة الاحساء]

السلام عليكم ورحمة الله وبركاته



البارت الرابع عشر
....: كنت افرح كل ماوصلت للدوام واشوفها يالسه ع مكتبها..ولا مره شفتها تكشر في ويه اي مراجع ايي يخلص معاملته..كل يوم يزيد اعجابي فيها...وفي يوم قررت ارمسها..خذت كمن معامله وسرتلها ..
..:السلام عليكم
....:وعليكم السلام ورحمة الله وبركاته
...: ممكن خدمه اختي
...: اذا اقدر ليش لا
...:تسلمين ..اذا ممكن تخلصين هالمعاملات عشان اليومين اللي غبتهم كثر عليه الشغل ..وبكون ممنون لج
..: هاتهم بخلصهم
...: تسلمين عن اذنج
...: تفضل
....: وبعدين شو ستوى؟
...:ولا شي خلصت المعاملات وطرشتهم مع العامل
....: اها طبعا تمنيت انها بنفسها تيبهم لك؟
...: اكذب عليج اذا قلت لا...بس هذا اللي صار
...:اقول...برمسك بعدين حد يدق ع الباب
...:اوكي اشوفج ع خير
...: مع السلامه
...:مع السلامه
هند: تفضل
تدخل ساره وياها ليلى بنت عمها
(ملاحظه: بسسبب تكرار الاسامي في القصه بغيير اسم ليلى خالة نوره الى ميره..وبيتم اسم ليلى بنت عم ساره وهند مثل ماهو)
ليلى:السلام عليكم
هند:وعليكم السلام هلا ليول
ليلى: الحين هذي اللي يايه اطلب منها العون
هند:شو هناك؟
ليلى: كنت اباج تيلسين ويا هاجر وتحاولين طلعينها من العزله ويلست النت وباين انتي بعد تبين من يساعدج
هند:حرام ليول مايلس وايد حتى سالي ساره....ساره صح؟
ساره: لا حرام ماتيلس وايد كلها كمن ساعه
هند: شبلاها هجور؟
ليلى: مادري ياهند بس احسها صارت بعيده عنا ولا همها غير النت ...قلت دامكم في مدرسه وحده تيلسين وياها
هند:ان شاء الله ياليلى بيلس وياها بس اذا امنتني ع شي ماقدر اقولج
ليلى: المهم طلعينها من الحاله اللي هي فيها

راح يشوفه حسب الموعد اللي بينهم دخل الكوفي واتجه صوبهم
عيسى:السلام عليكم
...:وعليكم السلام
سعود: هلا عواس شحالك؟
عيسى:هذا انته
سعود:هيه ياعواس انا سعود ولا نسيت اسمي مثل مانسيت الجرح اللي سببته
عيسى: سعود كان خطا مب مقصود
غانم:بس ماكلفت خاطرك تعتذر
عيسى: قلت بالغلط ياغانم
سعود: بالغلط؟..ياحيف ...
قاطعه بعصبيه: قل الحين شو تبا؟
وهو ينزل نظارته السوده عن عيونه قال: ابا ثمن هذا


يرن موبايله بس محد يشله كان محطاي ع التسريحه ..كان هو في الحمام ياخذ شور..طلع من داخل وهو لابس فانيله بيضه ووزار..وينشف راسه بالفوطه ..يتوح الفوطه ع الكرسي ..خذ موبايله وشاف ثلاث مكالمات من نفس الشخص ..مابغى يتصل به وحطه مكانه ..يندق الباب
محمد: تفضل.._ ينفتح الباب وتدخل امه..استقبلها بابتسامه عذبه_ هلا بام محمد
شيخه: هلا فيك ياميه
محمد: خير يالغاليه امريني بغيتي شي؟
شيخه: هيه ابا تحدث وياك
محمد:تامرين طال عمرج حياج_عقب مايلسو _ خير
شيخه: ياميه ترى حالكم مب عايبني
محمد: الحمدلله حالنا مافيه شي واذا على خواني مب ناقصهم شي
شيخه: انا ماتحدث عن خوانك اتحدث عنك وعن حرمتك
بان عليه الضيق :امايه...
شيخه: ياميه انته حتى ماتيلس وياها وترمسها
محمد: شايفتني فاضي..شغل الشركه ومتابعت فروعها وعقد الاتفاقيات والسفر واستقبال الوفود والمناسبات الرسميه ماعندي وقت لسوالف الحريم..مالقيت غير هالساعتين ييت ريحت والحين بطلع
شيخه: الله يكون في عونك
محمد: امايه اللي يهمني هو رضاج عليه والباجي يهون
شيخه:راضيه عليكم كلكم والله يوفقكم
محمد: تسلميلي يالغاليه
شيخه:انزين عيل_نشت واقفه_ الحين بودرك عشان تتجهز
يت ساعيه عسان تصلح بين ولدها وحرمته..وحرمته تسعى عشان تفرق بينها وبين ريلها ..تناقض غريب بين حب الام اللي تبا تشوف سعادة ولدها مع حرمته وحقد الكنه اللي تبا تهدم بيت صارله اكثر من 26 (وهذا هو عمر محمد) قايم على الحب والالفه بين افراده
(محمد:26 ,منى:25 ,سرور:23 ,ريم:22 ,خوله:20 :حمد:19 ,لطيفه:17 ,اليازيه:15 )

انصدم من اللي يشوفه ورجعت ذاكرته لذاج اليوم اللي صارت فيه ضرابه بينهم هم الاثنين
وعيسى دز سعود بقو وضرب في اليدار..نزف راسه بسبب الضربه القويه ودخل في غيبوبه ويوم نش صار اعمى....رجعه للواقع صوت سعود
سعود: عواس
عيسى وهو يحاول يكابر تاثره: والمطلوب
سعود: ابا الديه
عيسى_باستغراب_: اي ديه؟
سعود بابتسامه: مب انت السبب في اني فقدت بصري يعني لازم تدفع الديه
بدى عيسى يتملل : وجم تبي؟
سعود: كم بتدفع؟
عيسى: مية الف
سعود: موافق ..كلمة ريال
عيسى: اكيد بس خلني اجمعلك المبلغ
سعود: موافق جم بتاخذ
عيسى: اسبوع
سعود: اربعة ايام
عيسى:انزين اترخص
عقب مارح عيسى حطى غانم كفه ع كتف سعود: اخيرا بسوي العمليه
سعود: ان شاء لله خير
استغرب غانم من رده ..مب هذا اللي يباه انه يوصل لعيسى وياخذ منه حقه مع ان الطبيب طمنه وقاله يقدر يسوي العمليه اللي كانت نسبتها 99% بس هو اجلها لين يوصل لمراده والحين ماله عذر تحقق اللي يباه...


كل يمعه تكون الجمعه في بيت واحد من الاخوان وهذي اليمعه بتكون في مزرعة سيف وراح تقضي كل العوايل الجمعه والسبت في المزرعه ويردون عقب العصر لبيوتهم عشان الاحد بداية الدوامات (ملاحظه: الاجازه الرسميه في الامارات هي الجمعه والسبت ).
قرر سيف انه يسبقهم يوم الخميس ع المزرعه عشان يهتم بالترتيبات بنفسه ..عقب صلاة المغرب جهز نفسه وراح ع المزرعه وراحت وياه لطوف لانه وعدها انه بياخذها وياها عشان كل واحد منهم مايصبر عن الثاني ..لطوف شايفه ابوها مثلها الاعلى وتحب تكون مثله تحب تقلده في كل شي في الكشخه في التصرف في السلوك في التعامل مع الناس.. قوة الشخصيه ..الهيبه..الاعتزاز بالنفس من صغرها وهي متعلقه فيه ماتنام الا في حضنه وماتاكل الا وياه وان سافر تتصل به في اليوم اكثر من مره..وسيف توام روحها مثل ماهي توام روح محمد ..تعلمت من ابوها وايد وبعدها تتعلم منه باختصار هو مدرستها اللي تتعلم منها وهي الصوره المصغره من سيف...
سيف يملك الشركات والمال والعيال وعنده مزرعه... مزرعته كبيره فيها الفاكهه والخضار والمواشي من اغنام وبقر وماعز هاذا غير الخيول واللي لها اسطبلات خاصه لان سيف من صغره يعشق الفروسيه وتربية الخيل..
وبجانب المزرعه عزبة البوش (الجمال..والعزبه هي مكان مخصص لتربية الجمال والمواشي) والمزرعه مقسمه ومصممه بشكل حلو هاذا غير البيت اللي فيها هو اصغر بشوي عن البيت اللي يسكنه وهو مقسم القسم الرئسي له ولعايلته وكمن قسم في حال حب خوانه يباتون وياهم في المزرعه هاذا غير المظلات والاستراحات ..يعني مزرعه نموذجيه..سيف وايد يهتم بها وكل سنه يطلع عنها زكاه عشان جي تشوفها تكبر وتحلى...
الجمعة..عند الساعه 9 ..بدا الكل يوصل للمزرعه واول من وصل عايلة سيف..كان كل شي جاهز لاستقبالهم...وعقب ما ستراحو من طول الطريج ..كان محمد يتمشى مع ولد عمه خالد اللي دافن عمره في الشغل عمره يمضي والحياه تتغير من حوله وهو كل همه مهنته اللي اخذته عن دنياه اللي هي الطب كان يتمشي مع محمد وهو مستغرب من امره
خالد: الله جو المزرعه يرد الروح..من زمان شايفنها
محمد: انته اللي حارم نفسك ..طوال وقتك في المستشفى..
خالد: معاك حق بس شوا سوي واجب ..مب كانت المزرعه اصغر
محمد: هيه بس ابويه خذ الارض اللي حواليها ..
سيف ماكان في استقبالهم نش الصبح هو ولطوف وتريقوا وبعدين خذولهم جولها في المزرعه ع ظهر الاحصنه ..كان محمد وخالد سايرين صوب الاسطبلات وشافوهم وهم رايحين يوصلون الخيول
خالد: هذا عمي سيف...بس منو اللي وياه؟
محمد: هذي لطيفه اختي
خالد استغرب :اتذكر اخر مره شايفنها كانت باول ثانوي
محمد: ههههه ..ياحليلك ياخالد..الحين هي بثالث ثانوي
خالد: السنين تركض وانا مب داري بعمري (خالد هو اكبر واحد بين عيال عمومته الاولاد والبنات وهو الحين بالثلاثين من العمر..)
محمد: لازم تاخذ اجازه ياولد عمي
خالد: ان شاء الله

تجمع الريايل في بيت الشعر ..والحريم برع في الاستراحه التابعه للبيت ..والبنات داخل البيت...كانت عايشه يالسه تلاعب ايمان بنت اخوها ...تطلع منى وشمه كانن ناويات يروحن برع..وشافنها
شمه: ليش عواش مب يالسه مع البنات؟
منى:مادري..احسها وايد انطوائيه
شمه: هي تيلس وايد ع النت
منى: مها تقول عنها انها مب وايد
اتي يزوي وسلامه صوبهن وهن يضحكن
شمه:تعالن انتن الثنتين ليش ماتيلسن ويا بنت عمكن؟
يزوي:اي بنت عم؟
شمه: عواش
سلامه: مول ماترمس >>>سلامه من نفس عمر يزوي يعني 15
يزوي: مثل خوله
منى: روحن يلسن وياها
يزوي:انزين هاجر ولطوف من سنها يلسن وياها
شمه: سلامه روحن يلسن وياها
سلامه: انزين...ياللا يزوي
يزوي:افففف ياللا
شمه: حشا شو هذا
منى: ياللا خلينا نظهر



نشت من نومها وراحت للحمام ..بعدين طلعت..خذت فونها ولقت رسالها ..فتحتها وقرت شو مكتوب...
Happy birthday...Sweet heart
ابتسمت تعودت ع مثل هالرساله كل مامر عيد ميلادها بعدين بين عليها الحزن وقالت
""9 .._بالميلادي_..كيف انسى هاليوم وهو تاريخ مولدج ومولدي واليوم اللي فيه رحلتي وخليتيني فيه اعيش على الذكرى"".......
(ملاحظه:غيرت التاريخ عشان مجريات الاحداث)


دخلت للفيلا وقصدت الصاله حيث يالسه امها تتقهوي
سميه: السلام عليكم امايه
امها: وعليكم السلام ..هاه وين سرتي؟
سميه: ازور ناس
امها:ومن هالناس؟
سميه: مابقولج عن اخرب عليج يلستج
امها: ياميه قولي
سميه: مهره
حطت الفنجال ع الطاوله وقالت بعصبيه: مهره ماغيرها؟
سميه: هيه ماغيرها
امها: سميه ترا ابوج لو درى بيعصب وتعرفينه لعصب عشان جذا ماباج تزورينهم
سميه: امايه انتي تدرين بالسالفه وانا مخبرتنج كل شي
امها: هيه قلتيلي بس انا ماباج ترابعينها ورمسه في هالسالفه مابا
سميه: امايه تدرين مهره من مرابعه؟
امها: ومن مرابعه ان شاء الله؟
سميه: مرابعه لطيفه...لطيفه سيف محمد سرور مبارك ال.... واللي ابويه مشارك باسهم في وحده من شركاته
امها:وهذي كيف رابعتها؟
سميه:مادري..بس اكيد بعرف

9 اليوم حفلت ميلادها ..كانت تتمنى لو ابوها وامها وياها ..بس عشان راحوا للعمره اضطرت تحتفل بدونهم..هي ماعندها خوان غير ساميه ..كل ربيعاتها ين ..بس هي كانت تتريا ربيعتها اقرب وحده حقها.. كانت ساميه تباها طفي الشموع وتقطع الكيكه بس هي حبت تتاخر شوي...كانت واقفه مع ساميه ..يندق الجرس
ابتسمت: هذي هي
وركضت تفتح الباب قبل ماتوصل الشغاله
فتحته : اخيرا ييتي
...: هابي بيرث داي تو يو...هاج هديتج
...: تسلمين._.وخذتها عنها_...تعالي حياج
كانت ساميه تبى تشوف ربيعة اختها..كانت مبتسمه ..ويوم شافتها ياها شك
...:تعالي بعرفج على اختي_تجدمت وياها من ساميه_..ساميه اعرفج هذي ربيعتي بدريه...بدريه هذي اختي ساميه
مدت بدريه ايدها تسلم عليها ..ساميه من باب الذوق والادب سلمت عليها...بدريه كانت لابسه عباه مفتوحه وبنطلون جينز واسع وفانيلا وشعرها قصير لغاية كتفها ..وهذا اللي خلى ساميه تشك ان اختها مرابعه بويه ...كانت تراقبهن من بعيد وهن واقفات قرب الكيكه وياهن البنات الثانيات يضحكن ويسولفن ..صح انها باين عليها عاديه ولا عندها دفاشة البويات وشكلها ناعم بس لباسها وبعض الحركات اللي تخص البويات...خلصت الحفله وراح كل لبيته وساميه راحت لاختها في حجرتها اللي كانت يالسه تفتح الهدايا
دخلت وشافت هديه محطايه على صوب فوق السرير والباجي جدامها يالسه تفتح فيهن
ساميه: وهذيج بنت البطه السوده؟
...: هههههههههههههه لا بس هذي هدية بدور بفتحها اخر شي
تجدمت ويلست ع طرف السرير واختها يالسه ع الارض
ساميه: عذاري
عذاري:هلا
ساميه: بسالج عن بدريه
عذاري:وشو فيها؟
ساميه:هي بويه؟
عذاري:ههههههههههه ساميه حرام عليج الحين بدور بويه
ساميه:ليش انتي تعرفين كيف البويات؟
عذاري: هيه ..
ساميه: وكيف عرفتي انها مب بويه؟
عذاري: حبوبه طيوبه ..
ساميه: حبيبتي...ترا البويات مب بس اللي يلبسن لبس اولاد ..ويمشن مشيه غريبه ودوم متجهمات وصوتهن خشن ..هذيل المسترجلات وفي الصنف الثاني اللي الصنف الناعم اللي يخليج ماتشكين فيهن
عذاري: لا مستحيل تكون بويه
ساميه: هي وياج في نفس الصف؟
عذاري: لا هي سابقتني بسنه
ساميه:لاحظت انها اكبر عنج...انزين كيف تعرفتي عليها؟
ابتسمت وخذتها الذاكره لذاج اليوم اللي تعرفت فيه ع بدور
عذاري: ماراح انسى ذاج اليوم ...


سعود وصل لغريمه اللي هو عيسى فياترا بيكون عيسى عند كلمته وبيعطيه الفلوس؟
وشو بيصير ع سعود هل بيسوي العمليه ؟

ليلى راحت لهند عشان تساعدها فهل بتقدر تعرف شو اللي مستوي مع هاجر؟


ساميه يتها شكوك اتجاه بدريه فياترى وين بتوصل؟

ليش ابو سميه بيعصب اذا عرف ان بنته راحت لمهره وليش؟



يــــــــــــــــــــــــ ـــــــــــــــــــــــــ ـتـــــــــــــبـــــــــ ـع


مع تحياتي

اصداء الحنين

[درة الاحساء]

السلام عليكم ورحمة الله وبركاته


شحالكم ان شاء الله بخير؟

رجعتلكم مع بارت يديد ..ارجو لكم قراءة ممتعه



البارت الخامس عشر
ابتسمت وخذتها الذاكره لذاج اليوم اللي تعرفت فيه ع بدور
عذاري: ماراح انسى ذاج اليوم ...كانت توها داخله المدرسه ..كانت تمشي وهي تسمع تمصخر وحده من البنات عليها مع انها شكلها عادي ولا ينقصها شي اوفيها عيب يخلي الغير يتمصخر عليها..ماقدرت تتحمل مصخرتها وقررت تروحلها...يت عندها
عذاري: ممكن تفهميني شو عندج من صباحة الله خير؟
البنت: ماعندي شي
عذاري:عيل شوفيج يالسه تعقين (ترمين) رمسه؟
البنت: انتي حد كلمج؟
عذاري: رمستج عليه؟
البنت: انا مارمستج؟
عذاري: كل كلمه قصدتيني بها
البنت: والله هذي مشكلتج
وصلت بدور عندهن: شو فيكم؟
البنت:هذي مادري شو فيها... معقده
عذاري: انا المعقده ولا انتي اللي تترمسين عليي وانا خاطفه
بدور _موجهه كلامها للبنت_: هذي مب اول مره سمعتج اكثر من مره تتمصخرين..واذا مايزتي (تركتي) عن هالسوالف ياويلج سامعه..خلج منها تعالي_راحن وخلنها_
عذاري: هذي شو مشكلتها؟
بدور: هذي وحده فاضيه لا تحطي راسج براسها ودريها عنج
عذاري بابتسامه: مشكوره على اللي سويتيه
بدور: لا شكر على واجب يو ولكم اني تايم
عذاري: اول شي كنا نتلاقى ونسلم على بعض بعدين صرنا ربع
ساميه: مادري مارتحت حقها؟
عذاري:سموي والله ان بدور طيبه وتنحب وماعليها كلام انتي بس يلسي وياها والله بتحبينها وتحبين سوالفها

نزلت دمعتها وهي يالسه متاكيه ع السرير وماسكه في ايدها السلسال الهديه اللي عطتها اياها...خذها الشوق والوله حقها بس القدر حط بصمته ع نهاية رحله مادامة وايد ..واللي يعرف فصولها هو بدور..

طلعت برع عشان تاخذ راحتها وهي تتحدث وياه ...
ابراهيم: منى انا ماصدقت اشوفج وايلس وياج ونفسي نيلس مع بعض مره ثانيه
منى: انا بعد ابى
ابراهيم: انزين متى؟
منى: خلها للظروف
ابراهيم: خليتها قبل للظروف بس الحين مابا اريد اشوفج وايلس وياج
منى:ان شاء الله_تسمع ريم تزقرها_ ابراهيم انا مستعيله لازم اسكر يبوني
ابراهيم:اتصلي عليي يوم تكونين فاضيه
منى:ان شاء الله...مع السلامه
ابراهيم: فمان الله ..مع السلامه

في مكان ثاني من المزرعه حب ثاني من نوع غير كانت تتمشى لابسه جاكيت اسود طويل وقميص وبنطلون من نفس اللون ونظاره شمسيه والشيله ع الكتوف والسماعات في اذنيها والموبايل في ايدها ..تسمع همساتها لها
امل: وحشتيني..مشتاقتلج وايد..ياريتني وياج الحين
لطوف: ياحياتي يا امول...اموله؟
امل: عيونها
لطوف:تسلملي العيون وراعيتها...حبي لو فرضنا في يوم افترقنا شو بيستوي؟
امل:الله لا ييب هاليوم ..اكيد يا اموت او انتحر اذا الحين وانا مب قادره على بعدج ..الله يخليج حقي... لطوف انا من غيرج عدم
لطوف: ياروحي .._ياها اتصال ثاني طالعت الشاشه_حبي ياني اتصال ثاني برمسج بالليل امل:اوكي ..باي
لطوف: سيات .._سكرت عن امل ..واتصلت على اللي يتصل فيها_ الو هلا
...:وينج طولتي
لطوف: كنت ارمس ع الفون..خير
...:فكرتي في طلبي؟
لطوف: لا ولا بفكر بعد
...: لطوف طلبتج وانتي لبيتي
لطوف: لا انا قلت اذا اقدر بشري باللي تبينه
...:وانتي تقدرين ولو ماتقدرين ماكنت طلبت منج
لطوف: وتبينلي اني ماقدر
...:الا تقدرين..لطوف..لطوف حرام عليج انا مشاعري نجرحت كله ولا جرح المشاعر
ضحكت لطوف من غير ماسمعها اياها_حطت ايدها في جيب بنطلونها_: سمعي بييبها لج من الاخر هذا مب اسلوبي واللي تبينه مستحيل ..اسلوب رخيص ماتعامل به ...بعدين اذا على حبيبتج راضيها بهديه وبترضى..وابوها ماله يد في السالفه..وانا مابستغل نفوذ ابويه لمثل هالشي
...:لطوف لطوف طلبتج
لطوف: الوقت بدا يليل وانا لازم اسير باي
..سكرت عنها..ومشت وفعلا المسا بدا يقترب عشان يبدا يمسح شوي شوي اللي صار بالنهار ويختم احداث يوم ويفتح صفحة يوم يديد...بس قبل مانختم اليوم ..في شي صار ..اسبح وتلبس كندورته وطوى الغتره على راسه..وتعطر ووتدخن وطلع راح يشوف ربعه اللي لزموا عليه يسيرلهم مع انه يبا ييلس مع عيال عمومته ..وعدهم انه مابيطول وبيرد المزرعه قبل العشا...

وصل الخبر لبدور اللي تصلت على لطوف ..اللي كانت في حجرتها منسدحه ع سريرها فاصخه بس الجاكيت ..وبدور بعد كانت في حجرتها يالسه جدام اللاب
لطوف: حشا مسرع ماتشكت
بدور:حرام لا تلومينها محتره من حبيبتها اللي زعلتها
لطوف: ياسلام يعني الحين كل وحده بتزاعل مع حبيبتها تصلت عليه جيه عايلتنا مافيا
ابتسمت بدور:لا محشومين ..باجر ترجع المياه لمجاريها بينهم وبتنسى السالفه
لطوف: اتمنى

وصل عند ربعه ودخل قبله جاسم ولد خاله مرحب فيه
جاسم: حياك حياك بو شهاب
دخل حمد بويهه البشوش:السلام عليكم
رد الكل السلام ..وبدا حمد يصافح الموجودين ..كان فهد ونواف موجودين وصل عندهم صافح فهد ومد ايده صوب نواف اللي كان يالس ولا نتبه على حمد يوم وصل كان منزل راسه وهو سرحان ..ماحس الا بفهد اللي واقف ينبهه
فهد: نواف الريال ماد ايده
وما ان رفع راسه صوبه الا وسعت عيونه وبانت عصبيته حتى حمد خاف وتراجع لورى صابته حاله هستيريه وماحس حمد الاوهو هاجم عليه وقام فيه ضرب بكل قوته وهو يسبه ويشتمه غضب حقد كره كل هذا تجمع فجاه في قلبه يوم شاف حمد ..ليش محد يدري..الكل مستغرب من تصرفه ..قام كل الشباب يبعدونه عنه عشان مايموت بين يديه وباقوى ماعندهم بعدوه في هذي اللحظه كانت قوته تفوق قوتهم وهم حسو بهالشي بس ماطلع خسران يت ضربه قويه منه ع قلب حمد اللي هو اساسا مريض بالقلب..جاسم وباجي الشباب كانو يحدثونه ويحاولون وياه بس الويع اكبر منه وطلبوا الاسعاف.

اما نواف خذه فهد بعيد عنهم ..كان بعده على عصبيته وهيجانه ..
فهد وهو يأنبه على فعله: شلسويته..انته تعرفه يعرفك بينك وبينه شي..تحدث رمس
نواف ماعلق على كلام فهد عشان النار اللي في قلبه بعدها مانطفت
فهد: خذ بنصيحتي يانواف وشرد (هرب) وندس (تخبى) لان اهله لو مسكوك اهلك مابيدلون مكانك ..تعرف هو من ولده ..ولد سيف محمد سرور ال..
طالع صوبه بعدين راح عنه من غير مايكلمه
فهد: وين ساير؟!
بس نواف مارد ولا لتفت صوبه وكمل طريجه...
ايي صوبه ربيعه: فشلتوني جدام جاسم وحمد..الحين وين اودي ويهي منهم ..هذي سواه يسويها ..الا هو وينه؟
فهد:راح
..:عساه مايرد

وصل الخبر للعايله ..وعشان انهم وايدين بس اهله اللي ساروا للمستشفى ..كان سرور واقف مع ولد خاله جاسم
جاسم: هذا كل اللي صار
سرور: انزين هو يعرفه؟
جاسم: ماظن عشان هو ربيع ربيعي وهذي اول مره يشوف حمد ..لو شفته ياسرور ماتقول بني ادم مثل اللي فيه لبس (مس) وقوته عادلت قوتنا كلنا
سرور: لا حول ولا قوة الا بالله
شيخه كانت يالسه ودموعها على خدها تحاتي ولدها اللي ماتعرف شي عنه كانت ريم عن يسارها ومنى عن يمينها يواسنها ويرفعن من معنوياتها ويزوي وخوله يالسات قرب بعض ولطوف واقفه ومتاكيه ع اليدار..ايي سرور صوبهن ويروح لطوف
سرور: ياكم خبر عنه؟
لطوف_وهي تحاول تقوي نفسها وماتنهار_لا
سرور: بروح اشوفهم
وقبل مايخطي خطوه وحده وصلو ابوه ومحمد عندهم..الكل فز من مكانه
شيخه: سيف شو قالولك؟
سيف:ادعوله الله يلطف بحاله
شيخه: ولدي شو فيه ياسيف؟
محمد _والغصه في حلجه_ حمد في العنايه وحالته خطره_خانته عبرته ونزلت_
شيخه انفجع قلبها وبدت تصيح وتدعي:حسبي الله ونعم الوكيل ع اللي كان السبب ..حسبي الله ونعم الوكيل
منى: امايه الله يخليج لا تسوين بعمرج جذا
ريم: امايه ان شاء الله بيكون بخير
سيف: ذكري ربج ياشيخه
لطوف سحبت نفسها من المكان ..خافت تنزل عبرتها مثل محمد

...: شحالج من زمان ماسمعت هالحس
...:هالكثر متوله
...:و مقصدي ياسيدي روياكم
..: مانع خل عنك الهذره وقول شو تبا
مانع:بلاج معصبه..اشوفج الليله مب ع طبيعتج
..:وانته شدراك فيني؟..المهم شو تبا؟
مانع:ابا الحلوه مشتاقلها
..:هي مب فاضيه لامثالك واسمعني زين خلها في حالها
مانع: ماقدر ..الا هي تذكرني؟
..:مادري ومالك خص
مانع:هههههههه بعدها مكبره راسها ..بصراحه خذت قرار وهو اني ارمس واحد من خوانها
...: انته واحد ماتستحي
مانع: خليت المستحى حقج وحقها ..بلغيها باللي سمعتيه ..اتريا ردها سلام
عقب ما انهى المكالمه: يسويها النذل ..بس لازم هي تتصرف ولا تصرفت بنفسي

في ركن من المستشفى وقفت تتريا اقرب الناس لقلبها الشخص الوحيد اللي مايتردد اذا نادته ..وصلت ووقفت حذالها
بدور_وبنفس نبرة الحب الرقيقه الهاديه اللي يكلمها بها محمد_قالت:الحلو شو فيه؟
طالعت صوبها وعيونها شايله الحزن: بدور خلينا نطلع من هنا حاسه عمري بختنق
بابتسامه رقيقه :اوكي ياللا _لفت بذراعها ع كتوف لطوف وسارن_
ركبن السياره وراحن بعيد عن المستشفى..وقفت سيارتها بعيد عن الشارع ..وهن يالسات فيها ..لطوف تفكر في اخوها حمد..وهي متاكيه ع الكرسي
لطوف:خايفه على حمد
بدور:لا تخافين ان شاء الله ازمه وبتروح وبيطلع منها
لطوف:ان شاء الله ..
اما شيخه فردت البيت وسارت حجرة ولدها ويلست ع سريره وبين يديها شماغه الابيض وتصيح تدخل ريم وهي شايله لها حبوب الضغط وكوب ماي..تجدمت ويلست
ريم: امايه حرام اللي تسوينه..دوج(خذي) حبوب الضغط..اكيد ضغطج ارتفع
شيخه:عساني الموت ..ولا اشوف واحد من عيالي فيه شي
ريم: الله يطول لنا في عمرج امايه ادعيله الله يشفيه
شيخه:الله يشفيه ويعفو عنه

في ملحق الفيلا المكون من اربع غرف وثلاث حمامات بالاضافه للمطبخ والمخزن هذا هو بيتها مع بناتها والفيلا بس لامها وابوها وخوانها ..البيت او الملحق اذا صح التعبير ناقصنه اغراض وايد طلعت وسارت للفيلا عشان تطلب السياره وتروح تشرى اللي ناقصها ...دخلت كانت امها وخواتها يالسات وياهن خالتها اخت امها في الصاله
..:السلام عليكم
ومن غير نفس ردن: وعليكم السلام
خالتها: جى مابسلمين عليه؟
...:شحالج خالتي
وبنرفزه ردت: بخير
حبت تخلص بسرعه عشان مالها خلج لهن: ابا الدريول بروح السوق
وحده من خواتها: الدريول مب فاضي اليوم ..اول شي بيوصل خالتي بعدين بياخذنا السوق
امها: هيه بعدين هو روح
بينت عليها ابتسامة سخريه وتهكم وبصوت خافت:روح...بس ابا افهم كيف انتي وخالتي..._زمت شفايفها وسكتت_
خالتها: شفينا انا ومج مب عايبينج
...: الحين بذلوني عشان طلبت الدريول؟
وحده من خواتها: التكاسي وايد طلبيلج تكسي
اختها: ولا خلي اللي ساعدج بنصاص الليالي اييج ولا ماعطاج رقمه؟
...:يعني دريتو ..ولا حد منكم كلف خاطره وسأل ...الام مدرسة _ابتسمت ساخره من العباره_ مادري كيف انتي ام..ويقولون الخاله حنانها بحنان الام ..والخوات الصدر الرأوم ..ما قول الا مالت
امها:سلمى قصري الشر وروحي بيتج
وحده من خواتها: ولا بس يايه تكدرين يومنا
سلمى:لا يومج ولا يومي
خلتهن وطلعت ..كان السواق يسقي الزراعه
سلمى:راجو
راجو:نأم ماما
سلمى:روح هاتلي تكسي
راجو:انا يوصلك ماما انته وين يبي يروه؟
سلمى:لا ياراجو.._في نفسها_مابا منتهم...روح هات التكسي
راجو:هادر ماما
راح راجو ييب لها التكسي...سلمى: قالي خليني اعلمج السواقه وبتاخذين الليسن بس انا ماطعت بس اذا فات الفوت ماينفع الصوت..وهذيل اهل وماهم باهل كأنه بايدي اللي صار واستوى

بصوت امر وهو يرمس ع الموبايل:باجر عقب المدرسه ابا اشوفج؟
...:هيه بس..
قاطعه: ماشي بس لازم...سمعي ..طلعي من المدرسه بكون موقف بعيد اتين عندي
...:انزين قول اللي تباه الحين
...:ماينفع لازم ارمسج ..ولا تراج بتشوفين اللي محد شافه انتي سامعه..وطبخ طبختيه لازم تذوقين منه
اضطرت توافق ..نبرة صوته خوف ويمكن مب تهديد يعني جايز يسويبها شي اذا رفضت



حمد دخل العنايه المركزه فهل بيعيش ولا لا؟
سلمى ليش تعيش في ملحق ومب مع اهلها وشو اللي صار وستوى؟
مانع بعده يهدد ويتوعد وين بيوصل والبنت اللي يرمسها شو بتسوي؟
من اللي يرمس ع الموبايل ومن اللي يرمسها وشو يباها فيه؟



يــــــــــــــــــــــــ ـــــــــتــــــــــــــب ـــــــــــــع




في البارت الياي ان شاء الله راح ينفك واحد من الخيوط الغامضه في الروايه

انتظروني مع بارت يديد واحداث يديده


تحياتي:
اصداء الحنين

[درة الاحساء]

السلام عليكم ورحمة الله وبركاته



البارت السادس عشر

الاجهزه من حوليه وباين ع شاشة الجهاز ان نبضه ضعيف..بس بعده عايش..والكل في ترقب وعيون تكسيها الدموع وقلوب ترتفع نبضاتها بالخوف..واهلهم من حواليهم يواسونهم ويخففون عنهم ...

عقب الدوام طلعت من بوابة المدرسه والتفتت يمين ماشافت حد والتفتت يسار شافته موقف بعيد عند سور المدرسه كانت متردده وخايفه ..خايفه يشوفها حد وبعد خايفه منه بس لازم تسير عنده وتشوفه شو يبا ..كانت تمشي صوبه تقدم ريل وتاخر الثانيه..وصلت وفتحت الباب اللي جدام وركبت
..: نواف شو تبا
من غير مايطالعها والنار تشتعل في جوفه:سكري الباب
هي باستغراب: شو؟!
طالعه بنظرة غضب يقشعر منها البدن: قتلج سكري
ارعبتها نظرته وماقدرت تقول شي وسكرت الباب ..وساق باقوى ماعنده..وهي اللي ظنت انه بيخلص السالفه هنا وبيخليها تنزل

الكل في هالوقت اما مشغولين بشي او ماخذين قيلوله عقب الغدى يعني ممكن مايحتايونها في شي استغلت فرصتها وسارت للملحق تشوف سلمى اذا تبا شي ..دخلت كانن البنتين في الصاله يطالعن رسوم متحركه ع سبيس تون ..وسالتهن عن امهن خبرنها انها في المطبخ وسارت عندها..كانت توها مخلصه من تنظيف المواعين
سونيا:سلام اليكم ماما
سلمى:هلا سونيا وعليكم السلام ..شحالج؟
سونيا : الهمدلله..ماما انت يريد شي؟
سلمى: لا مشكوره..يايه من وراهم صح؟
سونيا:ايه
سلمى:سونيا اذا احتيت لاي شي بزقرج..مافي داعي اتين عشان المدام ماتسويلج زنجال
سونيا: هي ماما مال انته ليش يقول مدام مو ماما
ابتسمت بسخريه وقالت في نفسها:ماما......المهم سيري الحين يمكن يزقرونج
سونيا:هادر ماما
سلمى:مع السلامه_عقب ماراحت سونيا_ ..يالله ياالدنيا جيف تلعبين فينا

رجعن للبيت وغيرن ملابسهن وتغدن و العصر راحن المستشفى يطمنن على اخوهن ويلسن مع امهن ومنى..ماعدا حنان اللي كانت تفكر " اااخ يت طيحة حمد وخربت كل شي ولا كنت خبرت شيخه عن ريلها ... بس ماعليه اول ماتزول بخبرها "

فتح الباب ودزها _دفعها_بقو ..وطاحت وباين ع المكان انه ميلس من الكراسي اللي فيه...دموعها على خدها وتشاهق..
...:نواف حرام عليك شو تبا مني؟
اندفع صوبها ويلس مسك ذراعها بقو وصرخت.._ اااخ_ ..وتم يهزها بقو وهو يقول: ابا اذبحج وافتك منج..انتي السبب في اللي ستوالي..كله منج ..والله ياشرب من دمج ودمها _طلع موبايله من جيبه_ هاج اتصليبها خليها اتي
..:من؟
نواف: من غيرها ..معرفتها مايابتلي الا القهر والسبه انتي ..دقي دقي بسرعه

في المستشفى كانن يالسات مع امهن اللي من درت عن ولدها وهي لا تاكل ولا تشرب زين الا بالغصب ..موبايلها رن اكثر من مره وهي طنشت الرقم عشان غريب وهمها كله مركز على اخوها اللي بين الحياة والموت ..شوي وصلها مسج "اتصلي لموضوع ضروري"..اتصلت عشان تعرف السالفه وياها الرد
نواف:سمعي اذا ماييتي اخوج مابيظهر من المستشفى الا ع القبر...اتين الحين ولا مابيصير خير..تعالي ع المكان نفسه اللي شفتج فيه اول مره اضن تذكرينه ..واذا ماييتي اترحموا على حمد
سكر والتفتت على امها وخواتها ..بعدين سحبت عمرها من المكان من غير مايحسن عليها وراحت وهي تمشي في ممر المستشفى اتصلت
لطوف: صالح انته وين؟..اوكي شغل السياره الحين انا يايه
سارت للفت وتريته لين فتح ونزلت لتحت وطلعت من المستشفى وعلى طلعتها كانت بدور توها واصله يايه تشوفها وتيلس وياها ..شافتها وهي رايحه صوب السياره
بدور: لطوف شفيها عن يكون حمد ياه شي
مشوا ومشت وراهم.....


مغامره كبيره ماحسب حسابها ولا توقع ان نتيجتها بتكون عليه ..الطمع والجشع طغى على تفكيره ..خطوه غبيه وغير مسؤله خسرته وايد وخلته على شفير الافلاس وبدل مايزيد من رصيده في البنك البنك على وشك انه يطالبه بسداد ديونه المستحقه للدفع..

راشد: انته شو تقول متى صار كل هذا؟
...:مادري شوا قولك...الشركه المقاوله وقفت عن بناء المشروع..وتطالب بفلوسها..هذا غير ان العملاء اسحبوا تعاملاتهم ويانا..والبنك في اي لحظه بيتصل..هذا كله بسبب خسارتنا في البورصه
راشد: لازم في حل لهلمشكله
...: الحل هو اعلان الافلاس
راشد : لا هذا مب حل ...خلني افكر في شي ينقذ سمعتنا..
انهى المكالمه ويلس يفكر في المصيبه اللي حلت عليه ويدور له حل يطلعه منها

...وصلت لنفس البيت اللي قالت لها عنود ان الحفله بتكون فيه نزلت وطلبت من صالح يروح ..تجدمت ودقت ع الجرس ..ونفتح الباب كان وراه وطلب منها تدخل ..واول مادخلت سكر دفة الباب بقو
طالعت صوبه بكل هدوء ولا بين عليها الخوف: شو تبا؟
نواف: مابنتكلم في الحوش دخلي
مشت صوب الميلس وهو زلج الباب بالمزلاج ولحقها
بدور وصلت ونزلت كانت خايفه وتذكرت ذاج اليوم ..وخافت انه ممكن يصير شي للطوف ماقدرت تفتح الباب لانه مقفول وراحت دور مكان تدخل منه..دخلت لطوف للميلس ..تذكرت ذاج اليوم واللي صار فيه ولفت على زاويه وشافتها وهي تصيح
لطوف: روضه؟! انتي شو تسوين هنا؟
نواف: مب مهم هي المهم انتي ..
لطوف: انته اللي ضربت حمد
نواف: هيه انا_وهو يمشي صوبها_تعرفين ليش...لاني شفتج انتي مب هو
صكت في اليدار ..وهو قرب منها
نواف: كنت ابا اجتلج بس الحين اباج تذوقين طعم العذاب ..تعيشينه لحظه بلحظه ولا يفارق خيالج ولو لثانيه
لطوف وهي محافظه على هدوءها رغم قصر المسافه بينهم : ليش انا شو سويتلك؟
نواف: مب مهم المهم تفكرين باللي بيصيرلج
بدور عيت تحصل مكان تدخل منه ..ركضت لسيارتها وجدمتها من اليدار ورقت عليها عشان تدخل للبيت
لطوف: وشو اللي بيصيرلي؟
نواف _وهو يحاول يكتم غيضه وطريقتها اللي مب فاهمنها اللي ترفع الضغط المفروض اللي في مكانها ترتجف خوف قال عشان يخليها تخاف: تبين تعرفين شو اللي بيصيرلج بتخسرين شرفج تعرفين شو يعني شرفج يعني مابتكونين بنت يعني محد راح يرضى يزوج فاهمه ولا تبيني افهمج..ترا صبرى نفد والحين لازم اخذ حقى منج
..:في الاحلام
وماحس الا بضربه قويه على راسه خلته يطيح
بدور والحديده في ايدها: منهو هذا؟
مشت لطوف صوب الكنبه وعينها ع روضه: بعدين بخبرج من يكون_يلست وعينها عليها_المهم الحين نخلص من سالفه ثانيه

يالس مع ربيعه في الكوفي يشربون قهوه ..مب مصدق اللي سمعه
سعود: مب مصدق ياغانم معقوله نسبة نجاح العمليه نزلت جذا
غانم:لا تنسى ياسعود مرت سنه يعني كان لازم تحط في بالك هالشي
سعود: الدكتور بعد مانبهني
غانم:المهم الحين بسوي العمليه ولا لا؟
سعود:خل عيسى ييب الفلوس وبعدين بشوف
غانم: الله كريم

المكان مخيم عليه الصمت ..روضه يالسه في الزاويه تصيح ولطوف يالسه في الطرف الثاني ع الكنبه وطالعها بذيج النظره اللي تخلي اللي جدامها يحتار في امرها وبدور واقفه ومب عارفه شو السالفه..قررت تكسر حاجز الصمت ونشت من مكانها وسارت لها ووقفت جدامها
لطوف:شو علاقتج فيه؟_روضه سكتت _..سألتج جاوبي
روضه من غير ماترفع راسها:ولد عمتي
لطوف ولا مهتمه من جوابها:ولد عمتج...يعني انتي اللي دبرتي وهو كان عليه ينفذ ..ليش؟
رفعت راسها وطالعتها وتذكرت يوم لطوف صفعتها وهي ماسوت شي..قطعت عليها لطوف تفكيرها: انا بجاوبج عشان شو؟..عشان هذا.._رفعت ايدها وعطتها كف بكل قوتها_
صرخت روضه وحطت ايدها على خدها
لطوف :اشوفج رديه ليي وشوفي شو بييج
طالعت صوبها وزمت شفايفها بغيض بعدين وقفت ومشت تلف لطوف وتمسكها بشعرها وتسحبها صوبها
لطوف:وين رايحه ياحلوه بعدنا ماخلصنا
روضه: شو تبين؟
لطوف:لا تصرخين ولا بتشوفين لسانج في حلج جلب
روضه:لط.....
قاطعتها: لا تذكرين اسمي عشان هو انظف من ان ينطق ع لسان وحده مثلج_ودزتها لجدام وطاحت ..بعدين نشت وتوها وصلت الباب الا تحصلها جدامها ..
روضه: خليني اروح
ابتسمت: وجيف تروحين والحفله توها باولها ..يا روضه ولا عنود_ وقفت جدامها مباشره..وبصوت هادي قالت_ لا ذكيه ياروضه عرفتي كيف تلعبينها ..بس ابشرج خطتج فشلت وذاج الجلب ماجاسني (لمسني) ولا جرب من عذريتي ..وانتي سمعتيه باذنج ..ولو لمسني ماكان قال اللي قاله_وعطتها كف ثاني ..نزلت روضه ع الارض_.. حسابج بعده ماخلص..قومي وقفي لاني ما انحني لمن هم دوني
بدور طلعت من صمتها وتقربت منهن ووقفت قرب لطوف: شو السالفه؟!
طالعتها روضه والدموع في عيونها ونظرت ترجي: الله يخليج فكيني منها
تقربت منها بدور وساعدتها تقوم وقالت: انا ماعرفج ومب فاهمه اللي ستوى بس باين انج مسويه مصيبه ومصيبه عوده بعد_روضه ضنت انها لقت من راح تنقذها عصبت وتفلت في في ويه بدور..وماحصلت الا كف قوي من بدور طرحها ع الارض ..بعدين سارتلها ومسكتها بشعرها ووقفتها _..هذا يزاتي اللي كنت برحمج_مسحت ويها بشيلة روضه_..بس دامج جي ذوقي اللي بييج_طالعت لطوف_ لطوف...ستلمي
دفعتها صوبها ومسكتها :سمعي مابطلعين من هنا الا بشروطي..اول شرط عتبة المدرسه ماتعدينها ثاني شي تنثبرين في بيتكم ياتموتين او تعرسين
روضه:عشم بليس
وقفت بدور وراها: سمعي اذا سمعت ان شي من اللي صار طلع بذوقج امر من المر
لطوف:اذا نفذتي اللي قلناه بنخليج واذا لا بتلقينا جدامج ومابتنفعج كلمة لو
هذا كله صار ونواف ماصحى من الضربه القويه ....


وصلت لها كلام مانع اللي قاله لها اتصلت عليها ترمسها
....: الله ياخذه النذل
...: لازم نصرف عشان يمكن ينفذ اللي قاله
...: والحل شو اسوي؟
...: حاولت استدرجه بس للاسف نذل
...: خايفه انه يخبر اخواني والله بيذبحوني
...: بس انتي مالج خص ...الا اذا اللي قلتيه مب صج
...:والله صج...ساعديني عشان افتك من هالبلوه
..:اوكي ولا يهمج انا وياج وبفكر بشي يخلصنا منه


اخيرا لقت عنود او روضه وخلصت من هالسالفه اللي كتمت على قلبها وخلتها ماترتاح تبتسم للغير وتضحك وتسولف وفي داخلها نار اليوم قدرت تخمدها..بس بقى عليها الحين انها تفهم بدور اللي صار...عقب ماطلعن من البيت المشؤم ..راحن للكوفي وخذن لهن عصير..وهن يالسات
بدور: ممكن تفهميني كل شي؟
لطوف: تذكرين الحفله وكيف طلعت منها؟
بدور: هيه
لطوف_وهي تحرك الماصه في العصير:ماكان في حفله_تركتها _كان فخ من تدبير روضه
بدور:ليش؟
قربت العصير وشربت منه: شافتني ابوس امل
بدور: كملي
لطوف: ماسكت لها...وحطتني في راسها..وخططت مع ذاج الجلب ..رحت وفتحتلي الشغاله ودخلت وياها وصلتني للميلس ..دخلت ويلست بعدين راحت وتصلت عنود تقول انهم بيتاخرون شوي ..وانا يالسه انفتح الباب ودخل الجلب

...:هلا والله
حسيت انه ناوي على شي: خير منهو انته؟
نواف: انا واحد عطشان وييت اروي عطشي من هالجمال اللي جدامي
حسيت باللوعه من كلامه: احسنلك تروح
نواف: فديت اللي يهددون..كنت اشوفج وانتي داخله المدرسه وانتي طالعه بس ماتخيلتج بهالجمال كله اللي يتعدى الوصف ..وصلت للثماله وماعاد فيني صبر ..
لطوف: مب كل طير يتاكل لحمه...
نواف: بس انا بكل وبشبع منج
لطوف: كانت كلماته سم ينغرس داخلي...تاح الكاب وفصخ الفانيلا وحزام البنطلون ..طالعته بقرف ولوعة جبد ..حسيت بقوة عمري ماحسيت فيها ..ماعطيته فرصه يتجدم اكثر وبديت اضربه (لطوف مشاركه في نادي لتعليم فنون القتال والدفاع عن النفس)..بديت احس بالتعب ..اذا ماتصرفت بيتمكن مني ضربته المره الاولى ماياه شي والمره الثانيه قام يترنح ..كنت خلاص ماتم عندي طاقه بس مستحيل اخليه يلمسني..دزيته وطاح ع الكرسي ورفسته بكل قوتي..وماقام عقبها كنت خلاص مافيي حيل..والباجي تعرفينه.
بدور: الاهم انج طلعتي وماصابج شي
لطوف: ليش ماتدخلين نادي بتتعلمين كمن حركه بيفيدنج مع فهد
ابتسمت وشربت من العصير: لالا فهد مايباله ضرب يباله شي سبيشل من نوع ثاني..صارله شهر محد شافه ولا يا البيت
لطوف: على شو ناويه؟
بدور: خليه لوقته..المهم..تتعشين؟
لطوف: بروح المستشفى
بدور: اول شي نتعشى وبعدين نسير المستشفى...ها من وين تبينا نتعشا؟
لطوف:شتقت لطبيخ خالتي عليا
ابتسمت بدور:الحين بتصل عليها_حطت وحده من السماعتين في اذنها وتصلت _....الو ..هلا امايه شحالج غناتي ان شاء الله طيبه ...عن يكون الشياطين اللي عندج ماذينج...امايه ..فديتج حياتي ..تعشيتو...انزين شو مسويه ..._طالعت لطوف_ مرقوقه تبين؟..._هزت لطيفه راسها بمعنى نعم_ هيه لطيفه..تسلم عليج
لطوف:سلمي عليها
بدور: مايحتاي شوي وبتشوفينها..هههههههههههههه ه لا لطوف مايخالف عندها ..عادي ..هيه..توصين على شي..ماتبين شي غير؟..تامرين يالغاليه,, في امان الله ..مع السلامه..._انهت المكالمه ونزلت السماعه وهي ناشه قالت_ ياللا قومي الوالده تتريانا بس اول شي بنخطف ع المخبز وبناخذ خبز ..ياللا مشينا؟
لطوف: ياللا

مضى يوم ويا يوم ثاني يحمل معه الكثير من الاحداث

دخلت للبيت والابتسامه على ويها ..كان اخوها يالس في الصاله ..اول ماشافها نش ومر من يمها وقبل مايبتعد قالت
منال:عزيز_ وقف بس ماطالع صوبها_..مابتبارك لاختك
يكلمها وظهره صوبها: على شو؟
منال: اخيرا بوصل للي اباه ..وعلى فكره اول ماحصله بسوي حفله كبيره
ماعلق ع كلامها وسار عنها
منال: ان رضيت ولا لا مب مهم عندي ومابخليك تفسد فرحتي بالخبر الحلو


حمد بعده في الغيبوبه وللحين ماشي خبر عنه؟
نواف بيسكت عن اللي صار وشو اللي ممكن يصير؟
راشد شو بيسوي بيحصل حل ولا بيستسلم وبيعلن الافلاس؟
مانع بدا يهدد ويتوعد ياترى بينفذ وشو اللي يهددهن فيه وهن كيف بيصرفن وياه؟
منال شو اللي وصلتلها وهل بيتحقق؟




يــــــــــــــــــــــــ ـــــــــــــــــــتـــــ ـــــــبـــــــــــــــــ ـــع


الروايه مازال فيها الكثير من الالغاز التي ستنكشف والكثير من الاحداث التي ستستجد

ارجو ان تكون روايتي راقة لكم وانكم تجدون المتعه في قراءتها...

ملاحظه: اللي عنده اي تعليق او راي بيسهم في تحسين الروايه مايبخل فيه ..



مع تحياتي:
اصداء الحنين

[درة الاحساء]

السلام عليكم ورحمة الله وبركاته



البارت السابع عشر
اول اسبوع لها في مدرستها اليديده وبعدها ماتعودت ع الحياه فيها ..تفقت مع امها_خالتها ميره_ انها في البدايه بتيب اكلها من البيت لين تتعود ع البنات ويصير عندها صديقات يساعدنها ويعيننها كل ماحتايت شي..كان وقت الفسحه وهي يالسه في الصف في اخر الصف من الوسط عشان تقدر تحرك كرسيها بسهوله..طلعت اكلها ..كان في شي ناقص دورت في الشنطه بس ماحصلت شي..
نوره: ياربييه امي نست تحطلي عصير ..ماجدامي غير اروح واشتري ..
رجعت الاكل للشنطه وطلعت بوكها وحطته في حجرها ومشت...._نوره بيضه عيونها كبار وسود شعرها اسود كثيف وناعمو طويل قاصتنه مدرج ..رابطتنه ذيل حصان ونازله خصل كثيفه ع طرف .

كانت تتمشي وهي تكلم اختها ع الموبايل
لطوف: بشري شو اخبار حمد؟
منى: الدكتور بعده ماشافه ..وان شاء الله خير_تنبهت انها ترمسها من موبايلها_ لطوف انتي ماداومتي؟
لطوف: امبلا...ويالسه امشي في الساحه
تنرفزت: انتي ماتوبين ..تبين تاخذين انذار ثاني...خليني اطمن على حمد وبفضالج
لطوف:منوي اعرف ادبر عمري لا تحاتين _شد انتباهها شي_ منى
منى:نعم
لطوف: بخليج الحين حبيلي امي ياللا باي.._سكرت وراحت للجهه اللي كانت طالع صوبها_

كانت نوره يالسه ع كرسيها المكان كان زحمه
نوره: ماشاء الله ..انا شو بيدخلني بينهم ماشي جدامي غير اشرب ماي
وتوها بترجع بالكرسي ياها صوت لطوف
لطوف:سلام
نوره: هلا وعليكم السلام
لطوف: من متى داومين هنا؟
نوره: هذا اول اسبوع ..توني منتقله يديد
لطوف: اممم..اي صف؟
نوره: المفروض ثاني ثانوي بس الظروف خلتني اعيد
لطوف: تبين تشترين شي؟
نوره: لا خلاص
حست لطوف عليها ومدت ايدها: هاتي باخذلج
نوره: لا مايحتاي
لطوف: افااااا يعني ايدي بتم معلقه جي في الهوا
استحت نوره وفتحت بوكها وطلعت منه خمس دراهم وناولتها اياهن
لطوف: شو تبين؟
نوره: عصير مانجو واذا ماشي برتقال
لطوف: اوكي شوي وطلبج عندج
نوره: تسلمين
راحت لطوف تشتري العصير ونوره تترياها..ماتاخرت لطوف ويابت معها عصير مانجو_
لطوف وهي تناولها العصير وباجي الفلوس:هاج هذا العصير وهذي فلوسج
عقب ماخذتهم: مشكوره تعبتج ويايه
لطوف: افا عليج حاضرين للطيبين...انتي شو اسمج؟
نوره: نوره
في نفسها: اسم ع مسمى....عاشت الاسامي
نوره: عاشت ايامج
مدت لطوف ايدها تصافحها: وانا لطيفه واسم الشهره لطوف
نوره: اسم على مسمى..عاشت الاسامي
لطوف: عاشت ايامج...شكلي هذربت وايد على راسج
نوره: لا عادي خذي راحتج
لطوف: هذا طبعي احب اتعرف ...اوكي بخليج الحين ..بايات .._مشت شوي ووقفت ولفت صوبها_ ولاا نخليها سيات
نوره: اوكي سيات
لطوف: سيات
رجعت نوره لصفها وحصلت ثنتين من بنات صفها داخل
نوره:السلام عليكم
...:وعليكم السلام
وحده من البنتين : نبا نخبرج عن اللي كنتي تسولفين وياها من شوي
نوره:لطيفه؟
البنت الثانيه:هيه لطوف
البنت الاولى: حذري منها وحاولي ماتحتكين بها
استغربت من كلامهن:ليش؟!
البنت الاولى: عشان هي بويه
طلعة على ويها ابتسامه تدل على الاستغراب: شو هالرمسه..مستحيل اصلا مب مبين عليها
الثانيه: ليش تبيها تقولج انها بويه ولا تعلق بطاقه تقول فيها انها بويه
وهن ياخذن اكلهن من ع الطاوله: المهم نحن حذرناج والباجي بيديج
نوره: وين رايحين؟
..:عند ربيعاتنا
نوره: عادي اروح وياكن؟
وعشان يتخلصن من السالفه: ربايعنا فوق
نوره وكانها فهمت قصدهن:اها اوكي
...: ياللا نشوفج ع خير
نوره: مع السلامه..._عقب ماراحن_ الحين معقوله لطيفه بويه..لا مستحيل..يمكن عشان قصة شعرها..بس عاديه ..ولا انها رافعه كمام عباتها شوي..لا مايخصه..بس والله انها حبوبه وطيوبه وتدخل القلب

لطوف كانت ترمس بدور عن نوره كانن توهن مخلصات لعب كوره ويالسات متاكيات ع اليدار وفاردات ريولهن ..
لطوف: بنت يديده عندنا في المدرسه
بدور وهي تحاول تثبت الكوره على راسها: ادري..خبرج بايت>( مضت عليه ليله =بمعنى انه قديم)
ابتسمت لطوف: وتعرفين هي صف كم؟
بدور _كانت تقول كلمه وتسكت لان تركيزها ع الكوره_: اسمها..نوره..وهي ..باول ثانوي ..ومشلوله
لطوف: المفروض تكون بثاني
وقفت عن اللعب وطاحت الكوره بين ايديها: رمستيها؟
لطوف: من شوي قبل ما ييج.._شافت مهره تمشي_..هذيج مهير
بدور: مادري شبلاها... بزقرها..مهيييير
وقفت وطالعت صوبهن اشرت ليها لطوف بصبعها تناديها..مشت صوبهن ..كانت المسافه شوي طويله..وصلت ووقفت قبالتهن وكانن وسعن لها عشان تيلس بينهن
مهره: خير شو عندكم؟
بدور: يلسي
مهره:مابا
لطوف: سمعي الرمسه
مهره: عندي واجب ماكتبته
مسكتها لطوف بمريولها من تحت وسحبتها: يلسي بنسولف وياج
تاففت مهره في وتجدمت ويلست بينهن وهي مقرفصه
لطوف: ريحي
مهره:مابا
طلت لطوف برسها صوب بدور وبدور فهمت عليها..شوي ماحست مهره الا وهن ساحبات ريولها وطاحت وعورها(وجعها) ظهرها
مهره: ااخ الله ياخذكن ظهري
تضربتها بدور ع راسها: عشان مره ثانيه تسمعين الكلام
مهره وهي معصبه: الحين شو تبن مني؟
تحط بدور كوعها ع كف مهره: متغيره وحلانج حاله بلاج؟
مهره:مابلاني شي
لطوف وهي تلعب بشعر مهره: ماتسولفين وايد
طالعت صوبها: صدقني مافيي شي
لطوف: اوكي تقدرين تروحين
بدور: بس متى مابغيتي ترانا موجودين

قصة حب بدت تنسج خيوطها بين ابراهيم ومنى صار الاتصال ع الموبايل بشكل يومي ..كانت يالسه في المستشفى بعيد عن امها عشان ماتسمع الكلام
منى: عارفه انك تبا تشوفني ونتحدث ..بس ظروفي الحين ماتسمح
ابراهيم: عارف مافي داعي تبررين اي شي انا عاذرج ومقدر الوضع هذا اخوج ولازم تكونين وياه الله يقومه بالسلامه
منى: امين ..تعرف انته انسان شهم
ابراهيم: منى اللي اسويه بدافع الحب انا احبج واللي يحب بصدق يسوي اي شي بس يشوف حبيبه مرتاح
منى: ماتوقعت اني التقي بشخص مثلك يحبني وتهمه سعادتي
ابراهيم: الحب مشاعر ساميه بس تبي من يرعاها ويهتم فيها ومايهملها والله يقدرني واسعدج
منى: ماعندي اي شك في انك تقدر تسعدني _ شافت بنات عمها مها وشمه يايات صوبها_ ابرهيم مضطره اسكر الحين يالله اشوفك ع خير
ابراهيم:ان شاء الله... مع السلامه
منى: مع السلامه
وصلن عندها وسلمن ع بعض
مها: شحال حمد الحين؟
منى: نتريا الدكتور يشوفه
شمه : ان شاء الله خير
...:ان شاء الله
منى: خلونا نسير عند امي
...: ياللا

ركب سيارته المبرجيني وهو طالع من الجامعه ..وهو في الطريج اتصل ع ربيعه
بدر: الو..هلا هزاع
هزاع:هلا بدر خير امر
بدر: هزاع تكفى مالي غيرك
هزاع: هههه كل شي اوكي بس...
بدر: بس شو؟
هزاع: الفلوس
بدر: بتكون عندك بس فكني
هزاع: بس السعر زاد شوي
بدر: موافق متى اييك؟
هزاع:فلوسك جاهزه؟
بدر: بامنهم لك
هزاع:لا ياحبيبي اذا بيزاتك مب جاهزه خلك مكانك ومتى ماصار عندك هاتهم وتعال
بدر:هزاع لا تستوي نذل
هزاع:الحين هاي يزاتي اللي ابا اخدمك
بدر: سامحني ياخوك بس غصب عني
هزاع: مثل ماقلتلك الفلوس اول وفالك طيب
بدر: انزين اليوم راح تكون الفلوس عندك
هزاع:انزين اترياك في الشقه سلام يابطل

يالس بكل تكبر وغرور المكان بسيط واهله ناس ع قد حالهم هو باين عنده خير ..هي كانت يالسه ع مسافه منه ..تسمع كلامه اللي كل حرف يقوله يعيرهم بحالهم
..: انا مب ياي هنا اتقهوي ولا اتسامر انا ياي اذكرج من انا واقولج ان اللي صار دفناه ومافي داعي حد يعرفه ..واخويه الله يرحمه سمعته طيبه جدام الناس ..وانا طيب اخلاق مني تاركنكم تعيشون
...: تمون يابو غانم
...: سمعي عيل مابا اي مخلوق يدري باللي مضى واذا وصلني شي ياويلكم...وبنتج اذا مايازت عن سواياها بطلعها من المدرسه
...: ان شاء الله مالك الا طيبة الخاطر
..: انزين بشوف _نش واقف وراح من غير مايقول كلمه طيبه


راح يشوفها ويطمن عليها ويسال اذا ناقصنها شي ..شخصيته ضعيفه جدام حرمته ..وهي متاكده انه ياي عندها من وراها ومن غير ماتدريبه ...دخل الصاله ..وركضن صوبه وحبهن بعدين يت هي وسلمت عليه وحبته ع راسه
سلمى:هلا ابويه حياك ايلس
ابوها:الله يحييج ويزيد فضلج
سلمى: شحالك ابويه وشو مسوي؟
ابوها: الحمدلله بخير
وقفت : بسير اييب القهوه
ابوها: يلسي مابا قهوه انا ييت ايلس وياج
يلست وقالت في نفسها: اكيد ياي وهي ماتدري عنه..مثل كل اللي ايون هنا
طلع فلوس من جيبه: دوج هذا لج
سلمى: الحمدلله الخير وايد
ابوها: خليهم عندج بتحتاينهم
خذت الفلوس وقالت:تسلم عسى عمرك طويل
وقف: عيل اترخص
وقفت: بعدك مايلست
ابوها:ماعليه ان شاء الله المره اليايه بيلس اكثر..ياللا فمان الله
سلمى: مع السلامه

شافه الدكتور وطمنهم ان حالته تحسنت بس بيتم تحت الملاحظه وبعدين بينقلونه لجناح خاص ..فرحت امه بالخبر وصلت شكر ع سلامة ولدها واتصلت منى ع ابوها وخوانها وبشرتهم ان حمد بخير.... ونزاح هم عن عايلة سيف فهل هو نهايه ولا بدايه لهموم ثانيه.

نهاية هم وبداية هم ثاني رد البيت وتغدى ورتاح من تعب الشغل بس كان في شي لازم يعرفه ويدريبه ..يت عنده امه في حجرته وهي شايله له ظرف ..
خليفه: امايه في شي؟
فاطمه: وصل هالظرف اليوم
وقف وخذه منها: هذا من المحكمه.._فتح الظرف وطلع الورقه وقراها..عصب _ الخايسه الحقيره..سوتها سوتها يامايه.. النذله..._تاح الورقه وخذ موبايله و السويج وشماغه وطلع
نزلت امه وخذت الورقه ووقفت ..اتي مها صوبها
مها:امايه خليفه شوفيه؟
فاطمه: قرى الورقه وطلع...شوفي شوفيها
خذت الورقه من ايد امها وقرتها..حست بالغصه وطالعت امها
فاطمه: مها شو فيها الورقه؟
مها: هذا امر من المحكمه..حضانة إيمان صارت لامها
فاطمه: حسبي الله ع اللي غربلت ولدي..مافتك منها وهو ماخذنها(مزوجنها) لاحقتنه عقب ماطلقها ..الله ياخذها .


كان توه طالع من الكوفي شوب وقاصد سيارته..وسماعات الموبايل في اذنه والموبايل في ايده رن موبايله ..كان رقم غريب ..مارد عليه وركب وهو توه بيطلع سيارته من الباركن رن مره ثانيه كان نفس الرقم
عيسى: لا حووووول هذا شو يبا؟.._ساق ورد عليه_ الو نعم
...: السلام عليكم
عيسى:وعليكم السلام نعم اخوي امر
...: ماعرفتني؟
عيسى:لا والله ماعرفتك
...: انا منصور.... ربيعك
عيسى:منصور؟!
منصور: هيه...انته في البلاد (قصده الامارات)صح؟
عيسى:هيه في البلاد...انته وين؟
منصور: ثيبني..ابا ارد الامارات ساعدني
عيسى:منصور انته اللي ورطت عمرك ..سلم نفسك للسلطات واكيد بيخبرون السفاره وبيساعدونك
منصور:الحين هذا ردك..مثل ماطلعت عمرك ورديت الامارات تسوي نفس الشي معايه
عيسى: منصور عذرني ماقدر السموحه منك باي.._عقب ما انهى المكالمه_خلني اكنسل البطاقه وطلع رقم يديد
منصور وهو واقف في كابينة التلفون: ماعليه يا عيسى هذي اخرة الصداقه..خلني بعون الله ارد للامارات وبعدين نتحاسب_رجع السماعه لمكانها بقو وطلع_


هههههههههههههههههه..اخيرا راح انفذ اللي في راسي ههههههههههههه

نوره تعرفت على لطوف فهل بتاخذ براي زميلاتها وبتبتعد عنها ولا لا؟

منى وابراهيم هل بيتوج حبهم بالزواج ؟

مهره ربيعاتها لاحظن عليها التغير فياترى شو السبب؟

راح لبيتها مع انه مب من مستواه وهدد وتوعد ياترى شو السبب ؟

بدر شو اللي يباه من هزاع واللي لازم يدفع ثمنه عشان يحصل عليه؟

سلمى شو اللي صار عشان تبتعد عن اهلها ؟

خليفه نتقلت حضانة بنته لامها شو راح يسوي ومن هي ام بنته؟

منصور اتصل بربيعه عيسى وخذله فهل بيطلع من الورطه وبيرجع للامارات وبينفذ تهديده؟

من هو راعي الضحكه وشو اللي اخيرا بيحققه؟


يــــــــــــــــــــــــ ــــــتــــــــــــــــــ ــــبـــــــــــــــــع




مع تحياتي:


اصداء الحنين

[درة الاحساء]

السلام عليكم ورحمة الله وبركاته



البارت الثامن عشر
رجعت الحياه تنبض في جسمه بعد ماكان بين الحياة والموت ...طلع من غرفة العنايه الى جناح خاص كانت امه وخواته حواليه فرحانات بسلامته ..يوصل سرور ومحمد عندهم

محمد وسرور:السلام عليكم
...:وعليكم السلام
محمد: شحالك ؟
حمد :بخير الحمدلله
سرور: خوفتنا عليك ياريال....انزين اللي تهجم عليك تعرفه؟
حمد:لا والله ماعرفه اول مره اشوفه
شيخه:حسبي الله عليه
حمد: ماقال الدكتور متى بطلع؟
محمد:تونا مرينا عليه قال كلها يومين وبتطلع
شيخه:ماعليه ياميه تحمل
حمد: لا امايه عادي مب مشكله بس احاتي دراستي
سرور:لا تحاتي كل شي يتعوض

صدر قرار المحكمه بمنحها الحضانه على بنتها ..وصلت لبيت زوجها السابق ونزلت من سيارتها ..وقفت طالع الفيلا
....: طلعت من هالبيت وانته ذالني واليوم يايه اذلك ياخليفه....


يلس في مكتبه ولهم على راسه وعمله في مجال التجاره على المحك..يفكر في حل يطلعه من المصيبه اللي طايح فيها
راشد:شو الحل ياراشد تشهر افلاسك ..لا مابا فضايح ..هذا بياثر على عيالي لازم ماينتشر لخبر بس كيف ..ماشي جدامي غير اطلب من سيف يساعدني هو اخويه ومابيردني ..ماشي غير هالحل
اتصل على شركة اخوه وخذ موعد عشان يقابله .


افتحت لها الشغاله ودخلت ..مثل المنتصر في معركه ..كانت فاطمه ومها في الصاله ..ومن غير ماتسلم
..:وين بنتي؟
فاطمه: مالج بنات عندنا
...:غلطانه يافاطمه غلطانه..وين بنتي؟
مها: اضنج سمعتي امي شو قالت
...:مها روحي هاتي بنتي
مها:مابيبها يامنال واللي تبينه سويه
تجدمت من الكرسي وهي تقول: باين الطيب ماينفع وياكم_يلست وحطت ريل ع ريل_ سمعني عاد انا ييت اخذ حقي
فاطمه: قلتلج مالج حق عندنا وقومي روحي
ابتسمت وفتحت شنطتها وطلعت ورقة الحضانه وفتحتها :اضن وصلتكم مثل هالورقه ولا انا غلطانه يافاطمه
فاطمه:إيمان مابتطلع من هالبيت
منال:قصدج دانه
فاطمه: طلعي من بيتي
منال: سمعي انتي وياها اذا ماعطيتوني بنتي والحين والله بخلي المحكمه تخليه ييبها عندي
مها: منال ..طلعي برع
وقفت وقربت منهن _واقفات يمب بعض_: بطلع وانتوا اللي جنيتوا ع عماركم اذا ماذليتكم ذل عمركم مانذليتوه ماكون منال
مشت خذت شنطتها وهي توها بتطلع من الباب كان سلطان في ويها هي طلعت وهو دخل
يا صوبهن: منهي هذي؟
يلست: لا بارك الله فيها ولا في الساعه اللي شفناها فيها
مها:هذي طليقة اخوك خذت الحضانه ع بنته ويايه تاخذها
فاطمه: ياليتني مازوجته ياها نغشينا فيها حسبي الله عليها..قبل ماياخذها..خالتي فديتج والغاليه وماخلت هديه مايابتها وعقب ماخذها غربلته الله يغربلها دنيا واخره
مها: امايه لا تحرين عمرج
سلطان: وخليفه وينه؟
مها:مادريبه طلع معصب ومادل وين نهي(راح)
سلطان: امايه لا تعصبين وان شاء الله هالمشكله بتنحل
فاطمه: حسبي الله عليها

مايد 17 سنه ثالث ثانوي ادبي..متفوق في دراسته ومن صف اول لين ثالث ثانوي يطلع اما الاول او الثاني ..حلمه يصير انسان ناجح وهو مجتهد في دراسته ومايطلع وايد مع اصحابه ..وهم عيزو يغيرون طبعه عشان هم مب مهتمين بدراستهم ....اتصل عليه ربيعه عبدالله يقنعه انه يطلع وياهم
مايد: عبدالله قلتلك عندي امتحان وابا ادرس
عبدالله_حركه منه عشان يوافق_:ماينلامون عيل يوم يسمونك زلمه
مايد: زلمه ..زلمه ..مب مهم خلوها مره ثانيه
عبدالله: انزين نحن مابنتاخر بنرد وقت
مايد:عبود قلتلك مابروح
عبدالله:انزين انزين يامايد مع السلامه
مايد: في حفظ الله.._انهى المكالمه_ لا حول ولا قوة الا بالله

يلوموني حبيبي فيك صراحه قمت الروعه....وانا والله من شفتك دخلت بقلبي بسرعه
كانت هند ادندن بهالكلمات وهي يالسه جدام التسريحه تضبط مكياجها يندق الباب وتدخل ساره ..تجدمت منها
ساره: شو بطلعين؟
هند: هيه بطلع ويا ربيعتي
ساره: هي بالجامعه صح؟
هند:هيه بالجامعه مب شراتي مالت عليي الحين المفروض وياها
ساره: ربج كريم..اتذكر يوم طلعت نتيجة الدور الثاني تميتي طول الوقت والله ما اعيد السنه
هند:كنت مقهوره...بس الحمدلله على كل حال
ساره:الحمدلله
هند:انزين مابتين ويانا
ساره: امممممم لا
هند:ترا عادي حتى هي بروحها سالتني اذا بطلعين ويانا
ساره: مافيني ..المهم ..بخليج تكملين التعدل وانا بروح اكلي شي
هند: اوكي واذا غيرتي رايج وبغيتي اتين ويانا عطيني خبر
ساره:ان شاء الله

طلعت من بيت طليقها وسارت عند عمها كانت يالسه وياه في الصاله
منال: اطردوني
فهد: اني الغلطانه كان لاز ماتسرعين بروحتج عندهم
منال: ماضنيتهم بيطلعون جذا
فهد:وشوت وقعتي يرحبون فيج منال اصبري شوي وخليه بنفسه ييبها عندج ولا تذلين عمرج
منال: انزين.._وقفت_الحين بروح وبشوف اذا بيعطني اياها بالطيب ولا لا
فهد:انزين وانا تراني موجود متى مابغيتي شي
منال:ان شاء الله ..ياللا مع السلامه
فهد:مع السلامه_عقب ماراحت يلس _
هههههههههههههههههه..اخيرا راح انفذ اللي في راسي ههههههههههه


طلعت للصاله كان التلفزيون مشغل وهن محد ..وبدت تناديهن
سلمى: شهد.. عهود وين راحن
رفعت شيلتها_شيلة الصلاه _ ع راسها وتحجبت بها وطلعت دورهن من برع ..ياربي هاذيلا وين راحن عهود... شهد _سارت صوب الفله ودخلت من باب المطبخ الخلفي كان الطباخ والشغالات في المطبخ_ شهد وعهود مايوكم؟
...:لا ماما مايجي
خلتهم وطلعت من باب المطبخ الرئيسي ..وسارت صوب صالة الفيلا بس مالقتهن طلعت فوق دورهن وبعد مالقتهن ..نزلت وطلعت كانت امها وصلت بسيارتها..علاقة سلمى بامها متوتره ...نزلت امها وهي مرت من يمها
امها: اشوفج هنا...المره الدريول ولا الشغاله ولا الطباخ
لفت صوبها :مابا منج شي مشكوره
وسارت عنها وامها ماهتمت ودخلت الفيلا...شافت بناتها داخلات من باب الفيلا الرئيسي وسارت صوبهن
سلمى: مشن جدامي وهناك بتفاهم وياكن _دخلن قبلها ..دخلت وسكرت الباب وتاحت شيلتها ع الكنبه_شعرها كيرلي فلافل عسلي قصير بشرتها بيضه بس مب طويله وايد - ويت صوبهن وقفت جدامهن وتخصرت_وين كنتن؟
عهود وهي الاكبر(تشبه امها بيضه والشعر نفس الشي بس طويل): كنا نلعب مع بنات جيرانا
سلمى: وكيف طلعن من دون ماتخبرني..سمعن انتن الثنتين ..طلعه من غير شوري ماشي سامعات
عهود: انتي ماطلعينا مكان حتى يدتي مانروح عندها
عصبت من كلمتها: لا تقولين يدتي مالكن يده.._انتبهت انها لازم ماتقول هالشي حقهن وعشان تنهي الموضوع_ عهود خذي اختج وروحن داخل
راحت عهود وشهد للحجره وحست بندم ع كلامها اللي كان مب محسوب ولامت نفسها لانها قالته جدام بناتها فمهما كان تبقى يدتهم رغم اللي ستوى وصار.


طمنت على اخوها وماصارت تحاتي شي ..وبدا حبها يكبر لانها اخيرا تعرفت ع شاب يحبها وتحبه ولا حد يدري بهالحب حتى مها بنت عمها اللي هي اقرب وحده لها وبنفس السن بس منى اكبر عنها بكم شهر هي ومها تجمعهن القرابه والصداقه ..كانن رايحات المول يشرن ..وهن يمشن وشايلات كياس
مها: منى خلااااص مافيي حيل خلينا نروح ناخذ شي ناكله
ابتسمت منى: ماخابرتنج جي يامها
مها: لابسه كعب وانا ماحب البس كعب وانا يايه السوق..وانتي الله يهداج قلتي بس بتاخذين عطر وشوفي كم تشرينا
منى: ماخذنا وايد كلها كيستين
مها:ان شاء الله لو نص كيس
منى: يالله مشينا
وهن يمشن لمحت منى لطوف وهي واقفه مع ثلاث بويات وياهن بدور
منى: اقول مها..انتي سبقيني ع المطعم وانا بييج
مها:ليش انتي وين رايحه؟
منى: يوووووو يامها دوج_عطتها الكيس_ الحين بييج ياللا روحي
راحت مها وهي راحت وراهن بسرعه عشان ماضيعهن وتشوفهن وين رايحات شافتهن قاصدات المحلات الرجاليه ..ووقفت من بعيد وعينها على اختها اللي خايفه عليها من هالدرب اللي ماشيه فيه..بينها وبين نفسها توعدت انها مابتخلي الموضوع معلق وانها بتكلمها ما ان توصل للبيت ..رجعت لمها بوجه غير اللي دخلتبه للمول ..اول ماشافتها سالتها
مها: ها بلاج ؟ وين رحتي؟
يلست منى: ماشي بس شفت وحده وضنيت اني اعرفها بس مب هي..شو ماطلبتي؟
مها: امبلا ..صبري بروح اشوف الطلب
منى وهي تحدث عمرها: اااه منج يالطوف ..كيف اقدر اطلعج من اللي انتي فيه ..بس ماعليه مابخليج لين اطمن انج رجعتي لانوثتج
ترجع مها وياها الطلب وتحطه وتيلس
مها: منى بلاج؟
منى: مافيي شي خلينا ناكل ونروح

مره يدق ع الجرس ومره يضرب الباب بايده ..بس محد يرد شكله مب موجود بالشقه او انه نايم اتصل عليه بس موبايله مغلق رجع يدق ع الجرس تم اكثر من نص ساعه وهو ينتظر لعل وعسى حد يفتحله الباب بس للاسف محد فتحله ..وهو نازل من البنايه رن موبايله وقف عند مدخل البنايه
بدر: هزاع وينك؟..الحين انا عند البنايه ومعايه الفلوس
هزاع: السموحه منك يابدر بس الشباب حلفوا عليه اسير وياهم
بدر:وين؟
هزاع:البحرين
بدر: انته الحين في البحرين؟!...واتفاقنا؟
هزاع: باجر برد
بدر: وانا بصبر لين باجر
هزاع: لا تحاتي ..شوف انته سير بيتي ..وقول حق الوالده تعطيك الغرض اللي موصينها تعطيك اياه ..والحين بتصل عليها
بدر: بس انا مادل بيتكم
هزاع بعطيك العنوان وبقولك شو هو الغرض
بدر: اوكي ماشي..قول..انزين...اوكي..مع السلامه
مشى صوب سيارته وركب وساق قاصد بيت هزاع

بدر قاصد بيت هزاع وابوه قاصد شركة اخوه سيف ..كان سيف في انتظاره ..فتحله السكرتير الباب ودخل راشد ..المكتب فخم باثاثه وفي الواجهه صوره كبيره للشيخ زايد _الله يرحمه_ معلقه ع اليدار..تقدم ونش سيف وسلم على اخوه ورحب فيه ..سيف عارف ليش راشد ياي عنده ..لان اخبار شغله توصله اول باول فكيف مابيوصله خبر الخساره اللي تعرض لها..يلس وياه..في البدايه كان راشد متردد بس بعدين تكلم وقال اللي يباه وانه راد الشان في سيف... سيف من باب الشهامه والاخوه مارد اخوه ووعده انه بيسددله خسايره راشد كان بيرفض عرض اخوه وهو انه بيشتري ديون اخوه بمعنى ان حلال راشد كله بيصير لسيف...يعني راشد بيسدد الديون اللي عليه لاخوه بس راشد هو المحتاج واحسن يكون الحلال عند اخوه بدل مايكون في ايد الغريب سيف سوى هالشي لا هو نذاله او جبروت بس لمساعدة اخوه ثاني شي هذا بزنس وراشد هو المستفيد منه اكثر من سيف..عشان ماراح يتغير شي وراشد بيدير شركته بنفسه باشراف سيف وجذا راشد مراح يعلن افلاسه مع انه في الاساس مايملك شي بس هذا بيكون سر بينهم وبين المحامي الخاص بسيف اللي عقب الاتفاق مع اخوه استدعاه لمكتبه عشان ينهيلهم الموضوع .

اذا سيف بيحل مشكلة اخوه راشد فمنى تفكر كيف تساعد اختها...ارجعت للبيت وخذت شور وطلعت وجهزت عمرها كانت بنيولوك يديد شبابي..لابسه بلوزه سوده باكمام طويله وفاتحه الزرين اللي فيها ورافعه الاكمام وعلى معصمها اليمين ربطه سوده غليظه ولابسه بنطلون جينز ووجوتي ابيض ولابسه كاب اسود ولامه شعرها كله تحته ونظارات شمسيه سوده ..طالعت نفسها في المرايه بعدين حطت البوك في البنطلون وخذت فونها ..وهي طالعه تصلت عليها بدور كانت تترياها برع في السياره ,,نزلت بسرعه بس قبل راحت للصاله كانن خواتها وحنان يالسات
لطوف:هاي قيرلز
استغربن من اللي مسويتنه ومنى نشت من مكانها ويت صوبها
منى: لطوف ابيج الحين تروحين حجرتج وتغيرين هالملابس
لطوف: ماقدر
تجدمت منها: مستحيل اخليج تطلعين بهالشكل_شمت العطر _شو هالعطر اللي محطيتنه
لطوف: منى..اضن وضحت الموضوع وقلت بما اني مادخل في خصوصياتكم مابا حد يدخل في اللي يخصني اوكي؟
منى: لطيفه انا خايفه عليج بعدين لو حد شافج
لطوف: بهاللوك محد راح يعرفني _ضربت لها سلام بصبعين_سلام
ماقدرت تمنعها وهي راده صوبهن
حنان: المفروض تعطينها كمن كف يخلنها تصطلب
منى: حنان مب متفيجتلج
حنان _وهي تشدق في كلامها:وانا شعليه انتو اللي بتنفضحو مب انا
ريم: حنان بس
نشت واقفه: الحين مب قادرات ع البويه يايات عليه انه ماقول غير مالت _خلتهن وراحت_
منى: استغفر الله العظيم

نواف مانسى ثاره وراح ع المستشفى عشان يجتل حمد سال عنه وعرف الجناح اللي هو فيه ..كان عيال عمومته وجاسم ولد خالته يالسين عنده ..واول مادخل نواف اللي ماتوقع يلقى عنده حد تفاجأ بهم ..اللي اول ماشافوه بيهجم على حمد امسكوه وماخلوه يوصله واتصلوا ع الشرطه اللي يوا وخذوه وياهم عقب ماشرحلهم حمد اللي صار وياه وشهد وياه ولد خاله...تاحوا نواف في الحجز وزادت حالته سوءا طبعا هو ماخبرهم السبب ..وبعد ايام من وجوده في الحجز لقوه ميت والسبب انهيار حاد ادى الى وفاته...

لقتها فرصه تخبر فيها شيخه باللي سمعته راحت لها في حجرتها ..ويلست وياها
حنان: مادري شو اقولج ياعمتي يمكن مابتصدقيني عشان هو مايصدق
شيخه: حنان ياميه شو فيج؟
حنان: عمتيه انتي بحسبة الوالده ويشهد الله ان غلاتج من غلاتها_بدت تمثل عليها عشان تصدقها_ عشان جذا لازم اخبرج
شيخه: يابنتي قولي تحدثي ترا قلبي بدا يحاتي
حنان: عمتيه اللي بقوله هو عن عمي سيف
شيخه:عمج سيف شوفيه؟
حنان: قبل روحتنا للمزرعه بكمن يوم رحت لعمي سيف في الميلس عشان احدثه عن محمد وقبل مادخل سمعته يرمس ع الفون مادخلت بس وقفت اسمع
شيخه: انزين كملي
حنان: سمعته يرمس....
شيخه: حنان تراج عورتي قلبي قولي
حنان: سمعته يرمس....يرمس وحده ويغازلها.........


اللي كانت تخططله منال مع فهد هو الحضانه بس ولا في شي ثاني؟
خليفه شو ناوي يسوي مع منال وهل بيسمح لها انها تاخذ بنته؟
فهد هل بس هدفه يساعد بنت اخوه ولا في راسه شي ثاني؟
سلمى شو السر وراء علاقتها المتوتره بامها؟
راشد قصد اخوه سيف عشان يساعده فهل بيتم الوضع على ماهو عليه؟
شو اللي عند هزاع واللي يحتاج له بدر وين بيوصل؟
منى تحاتي اختها اللي تشوفها بدت تتغير فياترى شو بتسوي عشان تساعدها؟
لطوف هل هو تغيير نيولوك ولا هو بدايه لشي ثاني؟
شيخه سمعت من حنان شو بيصير بينها وبين سيف؟


يــــــــــــــــــــــــ ــــــــــتــــــــــــــ ــــبــــــــــــع


نواف شخصيه كان ضيف في الروايه واول شخص يغادرها ولكن مازالت السفينه تبحر بشخصيات روايتنا فمن سيكون الشخصيه الثانيه التي ستغادر سطحها...

انتظروني ببارت يديد

مع تحياتي



اصداء الحنين

[درة الاحساء]

السلام عليكم ورحمة الله وبركاته




البارت التاسع عشر




....: وانا قلت لا



...: وليش ان شاء الله ؟



...:افكر اكمل دراستي واذا ع الزواج لاحقه عليه



...: اللي يسمعج يقول باجر بتعرسين..حبيبتي هو بعده ماتخرج ولين تتخرجين من الكليه بيكون هو توه يشتغل



...:اي كليه؟!



...:كلية التقنيه



...: ومنهو قالج اني بدرس في التقنيه...بدرس في الجامعه الامريكيه



...: على كيفج هو؟



...: هي على كيفي بعدين ابويه موافق



...: ابويه وابويه....ترا خوالج مابيوافقون...بعدين هذا ولد خالج واولى فيج وخالج خطبج منا



...: ومن منه خطبني؟



...:مني ومن خوانج



...:ياسلام وماليي ابو ...سمعي يامنور ..زواج مابزوج



منيره: اسما خوانج وافقوا



اسما: وانا مب موافقه ولا راح اوافق...واعتقد طريج الباب دلينه...عن اذنج عندي واجبات احلها



منيره _عقب ماراحت اسما_: طرديني يا اسما انزين نشوف من كلمته تمشي




منى: عن تكوني زعلانه من الوالد



ريم: ياللا يا ام محمد خبرينا



شيخه: هذا بس لاني بروح ايلس عند خواني كم يوم



منى: امايه انتي من زمان مارحتي عندهم واذا رحتي بس قيلتي عندهم ورديتي



شيخه: ياميه الدنيا تراها ماتسوى وهذيلا خواني وانا مقصره وياهم عشان جذا بيلس عند كل واحد منهم يومين



منى: يعني 8 ايام..مب كانهن وايد؟



ريم: انزين قلتي انج مقصره شو اللي خلاج تفكرين بهالشي الحين؟



شيخه: لا إله الا الله حلمت فيهم



ريم: امايه



شيخه: منى قومي انتي واختج وطلعن خلني اتجهز



استغربن ..منى: متى بتسيرين؟



شيخه:عقب شوي..والحين ياللا قومن طلعن



طلعن من حجرة امهن وعلامات الاستفهام في روسهن



ريم: انا حاسه ان السالفه وراها ان



منى: ريم لا تكبرين الموضوع يمكن امي فكرت في خوالي ..وبصراحه نحن وايد مقصرين وياهم مب بس امي



ريم: انتي خلج من خوالنا الحين امي ماقنعتني



منى: ريم لا تكبرين الموضوع كلها كم يوم وامي بترد



ريم: معاج حق بس البيت بيكون فاضي



منى: هي اصلا مابتصبر عنا



ريم: صدقج والله




في المدرسه في وقت الفسحه كانت يالسه في الصف ترمس ع الموبايل



..: هههههههه..لا اكيد ..الليله ..اوكي..سي يو



توقف امل عند الباب: شو مابطلعين؟



لطوف: اكيد حبي ياللا



سارت صوبها وقبل مايطلعن



امل: لطوف ..حاسه انج متغيره فيج شي؟



لطوف: كيف يعني متغيره؟



امل: ماحسج مثل قبل وصوتج صار شوي فيه بحه



لطوف: مافيي شي واذا ع صوتي..احم احم..بس لاني مزكمه ياللا روحنا



كانت الشله متجمعه في الساحه..اقبلن صوبهن



لطوف:هااي



...:هايات



بس موبايلها ماخلاها تيلس وياهن استأذنتهن وراحت...مب بس امل حاسه ..الكل ملاحظ



اسما: مب ملاحظين شي ع لطوف؟



مهره:امبلا كأنها متغيره



امل: يعني ماتوهم هي صج متغيره



بدور: لا تبالغون



مهره: بدور شو نبالغ انتي مب ملاحظه ؟



ترجع لهن لطوف عقب ماخلصت من لمكالم..وافتهن ساكتات ويطالعنها: بلاكم في شي؟



مهره: المفروض حنا نسألج



لطوف: عن شو؟



اسما: حاسين انج متغيره



مهره: اسلوبج متغير وانتي متغيره



طالعت صوب امل: امول شو قايلتلهم؟



امل: ماقلت شي هم اللي قالوا



اسما: مايحتاي حد يقولنا



لطوف:شوفوا ياتغيرون السالفه ولا بخليكم وبروح_نضراتهن فيها علامة تعجب_ اوكي



بعد ماخلتهن وراحت طالعت مهره صوب بدور: الحين نبالغ لا ؟



بدور: وشو تبوني اسوي



خلتهن وراحت ..علقت مهره: وهذي شفيها؟



اسما: بدور هذا اسلوبها بس المشكله في لطوف



امل: مستحيل تكون هذي لطوف مستحيل





...:اليوم ماباج تسأليني عن اي شي ..ابا اتحدث وبس ..اعبر عن اللي في داخلي



...: تحدث قول اللي عندك مابسالك اي شي...المحادثه لك



...: تسلمين يا احلى اخت



...: الله يسلمك..ياللا تحدث



... _طلعت تنهيده من صميم قلبه_: اااه حاس بضيجه ..ضيجه تهد يبال (جبال) نفسي انسى كل شي ..ابا اروح بعيد لمكان محد فيه غيري ابا اختفي في مكان محد يعرفني فيه ولا اعرف فيه حد ابا امسح كل ماضي حياتي



انتظرت انه يكمل بس سكت وطال سكوته



...: وينك؟!...كمل



....: تعبان بختنق مب قادر اتحمل ابا اشم هوا... اطلع... امشي



....:اذا هذا يريحك ليش لا



...: طولت عليج واتعبتج ويايه



...: لا تقول جي مب حنا تفقنا إنا خوان



...: واعز....ارتاح يوم احدثج وافضفضلج عن اللي فيني ...مشكوره



....: لا شكر على واجب ..متى مابغيت دردش او اطلع اللي في خاطرك تراني موجوده



...:تسلمين ..بطلع الحين ويوم ارد برمسج



...:ان شاء الله



...: اشوفج ع خير



...: اوكي مع السلامه



...:مع السلامه



لاحظت انه طلع من المحادثه ..بس قلبها كان وياه تفكر في حاله وسبب الحزن اللي هو فيه حترمت رغبته ولا سالته مع انها وفي قرارة نفسها كان ودها تساله وتفهم منه يمكن تقدر تساعده ....





كانت هاديه مع انه مبين عليها انها مب بخير ..فتحت الباب بهدوء ودخلت شافتها يالسه في سريرها وتلعب بدميتها ..احيانا تحس باللي حواليها وتعرفهم ومرات تحسها ماتعرف حد ..تجدمت في هدوء ويلست ع طرف السرير..وبعدت الخصل النازله ع ويها لورى اذنها بابتسامه رقيقه قالت: شحالج حبيبتي؟



نايله _بطريقه طفوليه _:امايه



فرحت وهي تسمع بنتها تقول اسمها ونزلت دموعها: عيونها



نايله: لعبتي حلوه؟



عفرا: اكيد حلوه لأنج انتي حلوه



نايله: امايه انتي تصيحين



عفرا: تعرفين ليش اصيح_حركت راسها بمعنى لا_ لاني احبج واااايد وايد



نايله:وانا بعد احبج



عفرا : ياحبيبتي_وحضنتها_ احبج



بدت حالتها تتغير: بس مريم ماحبها



بعدتها : حبيبتي



نايله: مريم شريره ان..انا ماحبها امايه ماحبها



عفرا: اهدي اهدي سمعي..مسويتلج شي وايد حلو



بدت تهدا من حالة الانفعال: حقي؟



عفرا: امم..مسويتلج كيكه وااايد حلوه تبيني اييبلج



نايله: هيه بس مريم ماباها تاكل منها



عفرا: لا تخافين حبيبتي الكيكه بس حقج انتي..بروح اييبلج..انتي يلسي لعبي مع لعبتج والحين بييج انزين؟



نايله: انزين



بوستها على خدها وطلعت وقفلت الباب وراحت ع المطبخ ...كانت مريم متاكيه ع الثلاجه ومربعه يديها..في البدايه مالاحظتها ...



عفرا:مريم



مريم: امايه ابا اسير عند ابويه



عفرا: نعم...تتحرين حرمة ابوج بترحب فيج..هي لو عليها ما تبا ابوج ايي هنا



مريم: سمعتها من شوي وهي تقول انها تكرهني



عفرا: مريم اختج مب في وعيها



مريم: تبينها اتي وتجتلني



عفرا: تراني هاذوني قافله عليها في الحجره ويوم تروحين المدرسه افجه



دخل ولدها وقف عند الباب وسند بايده عليه: ابويه قال بيعالجها



يت عقرا صوب الثلاجه وبعدت مريم وطلعت الكيكه: قصدك ياخذها لمستشفى الميانين _وراحت_



..: وشو فيه ؟



وهي تقطع من الكيكه: ماتقولي كم واحد دخل مستشفى الميانين وطلع صاحي؟..



...: بس بيساعدونها



عفرا: وكيف بيساعدونها بالمهديئات...سمعوا انتوا الاثنين نايله مالها روحه وانتو بعد



شلت الصحن وطلعت



مريم: صج ابويه بياخذ نايله لمستشفى الميانين؟



...: هيه بس امي رفضت...كنت باخذها لابويه بدون علمها بس خفت تزعل مني او تغضب عليي



مريم: بس امي معاها حق مابيعالجونها



..: ع الاقل بتفتكين من ضربها لج



مريم: امي قافله عليها..مع اني كل ليله اسمع صريخها حتى وقته عرقته



...: بحاول ويا امي وان شاء الله بقنعها



مريم:ان شاء الله




بدت تبتعد عن ربيعاتها صارت ماتيلس وياهن وايد حتى سهراتها وياهن مب مثل قبل اسلوبها... نيولوكها طريقة كلامها تعاملها الكل حاس انها مب لطوف ..بس بدور عارفه السبب حاولت تمنعها وخبرتها ان الشله اللي هي وياهن مب عايبتنها بس لطوف تسمع من اذن وطلع من الثانيه...حنا اولاد ومن حقنا نسوي اللي نباه..اجتمعن او اجتمعوا في شقه استأجرتها وحده من الشله واجتمعن فيها ع اختلاف مستوياتهن المعيشيه والمرحله العمريه وطبعا مب من منطقه وحده من كذا مكان..ويجمعهن شي واحد اللي هو "انا بويه"



اي انا ولد من حقي اسهر من حقي اطلع واسوي اللي اي ولد يسويه..ضحك سيجاير بلاي ستيشن ولعبة ورق وغنى ورقص هذا اللي كان مستوي في الشقه ..ماكان بينهم بنات بمعنى يلسه شبابيه ..الوقت مضى ولا حسوا فيه ...وطلع عليهم النهار ومن التعب رقدوا حد منهم رقد في الصاله وحد في غرف النوم ..ولا حد منهم فكر وراه دراسه ولازم ينش او اهل يمكن يحاتونه...




منى دخلت حجرت اختها حصلت الفراش مرتب وشنطة المدرسه محطايه على صوب ..بس شنطة اللاب توب مب موجوده..طلبت من ربها يسامح امها لانها ودرتهم بهالوقت بس حتى لو امها موجوده ..لطوف تسوي اللي تباه بدون حسيب ولا رقيب...ربيعاتها ستفقدنها ليوم غايبه عن المدرسه ومستغربات غيابها..ماعدا بدور اللي متاكده انها مب غايبه بسبب..وكله من شلة البويات الفاسده اللي متعرفه عليهن ...





جيرانهم الملاصقين لبيتهم تعودو بين كل فتره وفتره يسمعون صوته وهو يصرخ ويسب ويشتم وهو قايم ضرب في امه في حوش البيت وهذا كله عشان الفلوس..كان يضربها بوحشيه وهي مب همها الوجع الجسمي ع كثر ما يوجعها قلبها اللي يصيح بكل قهر من ولدها اللي مب راحمنها ومع هذا مايطاوعها تدعي عليه او تتبرا منه ولسانه ماعليه غير الله يهديه..



وهو يصفع فيها : ابا فلوس



تصيح وقلبها يتوسله: حرام عليك يافهد حرام عليك اللي تسويه فيني ..هذا بدال ماتساندني وتعيني في تربية خوانك...



فهد: بس عاد انا مب ياي هنا اسمع مواعظ عطيني



عليا: من وين؟...تباني اقطع من جسمي وبيع..انته مب شايف حالنا



مسكها بقو: سمعي مايهمني كل اللي اباه الفلوس واذا ماعطيتيني بالطيب بدور بنفسي



عليا: ماعندي شي قوم اذلف



صفعها وقبل مايسير داخل قال: الله ياخذج



طالعت صوبه وهو رايح داخل وحست بحرقه في جوفها من كلمته: الله ياخذني؟!



بغت ترفع لسانها تدعي عليه بس ماطاوعها قلبها واكتفت بالبكي ..طلع ماحصل الا مبلغ صغير مايتعدى 300 درهم..ونزل لمستواها



فهد: سمعي ع اول الشهر بيي وياويلج اذا ماحصلت فلوس



طلع وسكر دفة الباب بقو...نزلت دموعها بحرقه وهي تشوف ولدها البكر يسوي فيها كل هذا....



(ملاحظه: فهد اخو بدور مب نفسه فهد عم منال بس مجرد تشابه في الاسماء)