شيخة ...والي رفع سابع سما اني احبج اكثر من امي / للكاتبة *caramel macchiato*

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية ((شيخة ...والي رفع سابع سما اني احبج اكثر من امي)))<<<قصة واقعية * مميز* للكاتبة *caramel macchiato* ، ، كلمة الكاتبة السلام عليكم بنات......طبعا هذه القصة من بنات افكاري....بس ممزوجة ابأحداث حقيقة ...صايرة مع ناااس اعرفهم....يعنى حتى الشي الي تستغربون منه صدقوووه انه صاير.....لان بالهزمن زمن العجايب وكل شي ممكن يصير.... اخليكم مع القصة

[لامارا]

الخميس
8/12/ 2005 الساعة 11:30 الضحى

الام : شيوخة بنيتي ترا ياييلج خـِطاب...
شيخة : يما وبعدين ويا هالسالفة...احنا خالصين من هالموضوع من زماان.. تدرين اني شايلة موضوع الزواج من بالي خلاص..
الام : والله الريّال لــقطة ومايتطوّف ...ضابط وولد عايلة واهلهم ماعليهم قاصر....و..
قاطعتها شيخة :ويييه ضابط.. مادري عااد شنو...طبيب ويلا مهندس..هذا اكيد فيه عيب...بدام اتقولين إنهّ مايتطوّف ...أشيبي بوحدة نفسي مطلقة!!!!

شيخة بنية مطلقة عمرها 25 سنة ..تشتغل مُدرسة e بالمرحلة الابتدائية...خريجة كلية الآداب...طبعا ريلها او طليقها اهوا الي خلاها اتصير مدرسة لأن كان يغار عليها ومايبها تشتغل مع الرياييل....كانت مملوحة وايد واقدر اقول انها حلوة..شعرها لي نص ظهرها صبه وحدة ولونه امشوقر من الله..بيضة وملامحها ناااااعمة وكلها على بعضها اتزوغ...يعني الي يشوفها دايما يعطيها اصغر من سنها...ويسمونها الكتكوته...حدها هادية وحساسة..كانت متزوجة من واااحد حدة محترم وخلوق وجميل وولد عايلة كبيرة ومنصب وكل وحدة تتمنى واحد نفسة...كانت اتموووت فيه وطايرة فيه وماعندها غير (ضاري وضاري ...راح ضاري ويا ضاري) واهو بعد كان وايد يحبها ...وكانت حياتهم اسعد مايكون ...طلعات وروحات وييات وسفر وهدايا....وعاشوا مع بعض 4اسنين...بس سبحان الله ...يمكن عين ماصلت عالنبي ....راح اتعرفون السبب...

الام: ايه انتي ماعطيتيني فرصة اكمل ,, مو اهو...اهو..


شيخة: ايه اهو شنو<<اتقولها بطنازة ,,,الله يستر من اهو مالتج يايما
الام: اهو بعد مطلق...
شيخة : عنده اعيال ...؟؟!!
الام اتأشر بصبعها السبابة وتقولها ابسرعة : بنت وحدة بس...
شيخة :حلو حلو ...لا خلاص مابيه ...خل يولي ....انا قبل لا اعرف انه متزوج كنت مابيه ...هالدور متزوج وعنده بنت...لا يبا انا مافيني شي عشان اخذ واحد عنده اعيال...توني صغيرة وحلوة والحمد الله ماأنعاب...انتي تدرين ان طلاقي مو انا السبب فيه...
(قاطعتها امها) : يماما الحين بنات مو متزوجات مو لاقيين احد ياخذهم ...اشيبون بمطلقة مثلج...وترا مافيها شي اذا عنده بنت...البنت اكيد عند امها يعني ماراح اتعيش معاكم....ترا والله الريّال مايتطوف ..والام شكلها حليوة ...خالتج غنيمة (اخت ام شيخة) اتعرفها وخابرتها تمدحها حييييييييل...
شيخة تبي تفتك من حنة امها : مادري اشوف ..اشوف...عطيني فرصة افكر ...عالاقل هاليومين..بس هااااااا ...ماوعدج
الام: واي ياعنادج...ترا اهم بس ناطرين موافقتج لان الصبي شايفيج بالهدة عند باب مدرستكم..
شيخة: وييييه بعد...عاااد شكلي أرف لمن اطلع من المدرسة ...اف شالبلشة .....
الأم: فكري واستخيري وعسى الله يكتبلج الخير والصالح..انا ابيلج السعادة يابنيتي...
شيخة: أيه ...ايصير خيييير <<<وبقلبها اتقول هين اذا وافقت....

خلنتكلم عن عايلة شيخة اشوي...شيخة عندها اختين ( طيبة 27 تشتغل بالوطني متزوجة وعندها بنتين ..الاولى اسمها ليان وعمرها 4 والثانية اسمها دانية وعمرها 2 ) اما اخت شيخة الثانية (حصة وتشتغل بالمالية وعمرها 23 متزوجة وعندها ولد واحد واسمه عبود (عبدالله ) وعمره سنتين يعني كبر دنويه..يعني شيخة الوسطية بين خواتها....واخو شيخة الوحيد اسمه (ناصر واهواا الجعدة وعمرة 21 سنة يدرس بالهندسة ...امها فوزية 47 سنة كانت ناظرة روضة وتقاعدت....وابوهم عبدالمحسن متوفى من 6 اسنين بمرض الشين.....
...اهم من سكان منطقة السرة...وبيتهم عالشارع امجابل قرطبة...وحالتهم المادية زينه ...مو غنايه حييل بس عندهم خيير...

شيخة: الوو ..الوووو
طيبة : هلا ..شيوخ
شيخة:انتي وينج؟؟ ..عيزت ادق عليج...لازم يعني اموت واحيا عشان احصلج....!!!!
طيبة: واااي كليتيني ...انتي داقة علي حزة دوامااات وتدرين عندي عملاء وماقدر ارد عليج....
شيخة:ويييييه نسيت انتي اداومين الخميس مومثلنا عطلة هيهيهيهي.. الله يعينج على دواام البنوك....قثه.....
طيبة : والله.. بنووووك.. احسن ..من مُدرسة <<اتقولها بطنازه....قعدي قعدي بالتدريس لين تندثرين...
شيخة: المهم المهم ...انا كلمت حصونة واتفقنا انروح مرينا اليوم ... اذا تبون نتسوق او انروح موفي كيفكم...بس اهم شي نتعشى ابــ جوني ..حدي مشتهية البيرجر مالتهم...
طيبة : خوووش ...انا اقول حق طلال (ريلها) ياخذ اليهال معاه بيت اهله...وامرج انتي وحصوص عالسبع ..سبع وشوي..قوليلها اتيي السرة...
شيخة :خلاص صااار....

((غرفة شيخة))

الساعة 6 ونص...شيخة قاعدة تتزهب حق الطلعة...حطت ميكآب خفيف..ولبست بنطلون جينز ماركة dolce & gabbana ,,ولبست قميص ابيض لي نص الفخذ من zara حده نعوم ..مطرز عند القوله و في كسرات عالصدر والجم واسع ...وبعدين البست معاه لفة بيجية فيها استراس برونز خط واحد بس (كانت شيخة الوحيدة بين خواتها متحجبة لا ن ضاري طليقها كان محجبها) .....كان شكلها حده ذرب...

طق طق طق طق <<< احد قاعد يدنبك عالباب
شيخة : لحظة لحظة لحظة...كاني الحين افتح ...ادري هذي سوالفك نصووووو.....

ناصر: هذا انا...ايه ماعندي احد اتحرش فيه بالبيت غيرج.....يا احلى اخت بالدنيااا
شيخة: اخلص اخلص ..اشتبي ...افلوووس ماعندي...
ناصر : اشدعوااا ...انا اخوووج الصغير اليتيم الوحيد جذي تقوليلي.....
شيخة:نصووور بسك عيارة...مو لايق عليك الدلع...انا قبل امس بليل شايفة امي معطتك 50 دينار ...شنو سويت فيهم..
ناصر: يعني تدرين ...انا بالجامعة اروح وايي..طلعات وروحات و...
شيخة: والله لعب وفسق ..انت الوحيد بينا ماتعرف قيمة الفلوس...الله يرحمك يايبا ...لو ابوي اهني جان علمك المسؤولية...
ناصر : عدااااال...كا انتي من فوقج ليتحتج كله ماركات ...مو هذا فسق بعد....
شيخة: الحمد الله من افلوسي ...ماطلب من امي وخواتي كل ساع وأاذيهم...وحتى يوم كنت بالجامعة...المصروف الي يعطوني اياه امي وابوي كنت ايمعه واشتريلي الي ابيه...وكل جم شهر امي او ابوي اييبولي جنطة او ساعة او أي شي بخاااطري فيه...مو كل يوم ...

ناصر: انزين الحين بتعطيني ويلا اروح....<<<يعني انا الي عندي كرامة..
افتحت شيخة جنطتها marc jacobs وطلعت منها 20 دينار ..

شيخة : هذول 20 ماكو غيرهم...لا تييني عقب يومين تطلب شي...روح عند امي اخذ منها زفتين...
ناصر :مشكوووووووورة يااحلى اخت ....

باسها ناصر على خدها وطلع....طبعا ناصر كان الابن المدلل بالبيت ...الي مايرفضون له طلب...حده يحب الكشخة والرزة والمظاهر....ومأذي امه بالطلبات وكلساع مغير سيارته...مره بورش ومره هامر ومرة كايين ...والحين سيارته رينج روفر ...ماعنده مسؤوليه ..بس في شي واحد حريص عليه...دراسته ...يعني بالدراسة يسمون ((المصري)) ياكل الكتب بالدراسة...وهذا الي كان يشفع له....اما عن شكله كان كيوت ...يشبه شيخة... ملامحه ناعمة..عيونه اصغار مسحوبة سحبه حلوة...خشمه دقيق وحلجة صغير...ابتسامته حيييل حلوة...حنطاوي وشعرة اسود كثيف وناعم...جسمة حلو وطوله بعد حلو تقريبا 175...دمه خفيف حيل..وكان كريم ..كله يعزم ربعه ويسلف هذا وذاك..عشان جذي كله افلوسة طايرة بس محبوب من الكل....






طيبة: ألو حصة...وينكم صارلي سنة تحت انطركم ...عيزت ادق على شيخة ماترد....يالله خل نمشي قبل لا يتأخر الوقت ترا طلال مايرضى اتأخر ...تدرين المرينا والمسخرة واليوم خميس بعد....

طيبة الاخت الكبيرة مثل ماذكرت من قبل...مو ذاك الحلات بس نعووووومة وملامحها دقيقة ولونها حنطاوي وشعرها كستنائي قصير ...استايلها غربي ..ولبسها كله عملي...جينز مع تيشرت....نفانيف الي تحت الركبة...ثري كوارتر مع بلوزة اشوي طويله ...لازم اتغطي (شسمونها) كانت حيل محتشمة وبنفس الوقت امرتبة وانيقة....طبعا ولانتفة ميكآب....
اما حصة فكانوا يسمونها البطة....كانت متروسة شوي ..لا موشوي متروووسة بس مو متينه...وكانت بيضة ومملوحة ملح الدنيا...وشعرها اسود وطويل تقريبا اطول من نص ظهرها بشوي وكثيف وناعم....عيونها صغار ومسحوبة سحبه حلوة نفس اعيون ناصر اخوها...وحدها اتشوق وتدخل القلب...وريلها ميت عليها ويغار عليها حيييل...واهي نوعها فل ميكآب...والحمرة الحمراا والآي لاينر الاسود....والشعر كله مفلول...اميننه ريلها...بس كان واثق فيها...ماشاء الله ...كانوا خوااات شيخة محظوظين ..كله وحدة حظها احسن من الثانية...

المهم اوصلو المرينا ...طبعا زحمة..وسنه على مالقوا موقف حق السيارة...مادخلو المرينا الا الساعة جريب الثمان....

طيبة : اووف الساعة ثمان...ترا يالله يمدينا انتعشى ونطلع...
حصة: ويه اشدعوااااا ....تو الناس ...اصلا الناس الحين تبدي اتيي..نبي نستانس ...
طيبة: ايه طبعا...ريلج بالشاليه اليوم ...وبتنامين ابيت امي ...لاحسيب ولارقيب...تدرين انا طلال مايرضى اتأخر... حدي 10:30 ...
(قاطعتهم شيخة): هوووب هوووب ...شنو بتتخانقون يعني...خلاص خل انمر زاره بس باخذ شغلة منهم ...بعدين انروح مرينا كرسينت...اوكي
طيبة : ايه بس خل نحجز ..ونرجع زارة لان شكله زحمة مو طبيعية...
شيخة وحصة : ياله اوكي...

((مرينا كرسنت))

شيخة : واااااااو شالزحمة ...
طيبه: اكيد زحمة ..الكويت كلها اهني ...لا والجو بااارد وحلوو بعد...
شيخة: انزين عندي اقتراح اشرايكم انروح تشوكلت بار...الي تبي تاكل في اكل والي تبي اتحلي تاخذ سوييت...
طيبة: كيفكم...عااادي
شيخة:حراام عليكم حدي مشتهية جوني ...بس ياله ميخالف..امساع كليت كرواسو بالبيت ...احس قثتني...بس شرايكم داخل والا بره...
حصة : لا وييه ..ليش داخل؟؟؟ الجو اشحلاته ...بره اونس وانفه...

طبعا كان المكان زحمة عالآخر ....احجزوا طاولة بأسمهم ...قالولهم نص ساااعة وتعالوا....وفعلا راحوا شيخة وطيبة وحصة تمشوا وخذت شيخة الشغلة الي تبيها من زاره وراجعوا المطعم...وقعدوا بطاولتهم...واطلبوا فوندو وكل وحدة اطلبت الكوفي الي تبيه...شيخة اطلبت لاتيه...
يابلهم الويترس الطلبات....
شيخة : ايه ماقتلكم اشصار اليوم ...صار شي شي...<<اتمطط الكلام وتتكلم مع ابتسامة خفيفة وماسكة القفشة واتحوس قهوتها شوي شوي...قاعدة اطفر خواتها
حصة الملقوووفة : اشصار اشصار...ياله قولي
طيبة: شنو لا تخرعيني @@
شيخة: شكو اخرعج ..انتي كله مخترعة وبس...
حصة اتقاطعها : شيخووه شنو...
شيخة: يالي خطييب.....
حصة وطيبة مع بعض وبصوت عالي : حلفييييييييي ..متى؟؟؟
حصة : وناااااااسة ...ماتقولين ماتحجين
شيخة: لا واللـــ........
فجأة طيبة ترفس ريول شيخة من تحت الطاولة....جان تلفت شيخة على طيبة ...
شيخة:آي طيوووب اشفيج عورتيني.....
طيبة بصوت وااااااطئ ومنزله عينها عالطاوله: شوفي منو ياي ..على يسارج..بس لا تلتفتين حيييل ...اشوي اشوي
التفت شيخة ...طولت واهيا اطالع ...يمكن دقيقة مارمشت عينها...جنا احد كااات ماي باارد عليها....شافت ضاري ...ايه ضاري...صارلها من طلاقها منه سنه كااااملة....سنه كاااملة ماشافته...بقا قلبها يطلع من مكانه...كانت شيخة وفية ...اذا حبت ..حبت...
بس الطامة الكبرى ضاري مو بروحه...مع زوجته ..او بالاحري حبيبته...الي خان شيخة معاها...ايه حبها يوم كانوا متزوجين وطلق شيخة علشانها ....ضاق خلق شيخة حييييل يوم شافتهم...واكثر شي يوم شافتها حااااااااامل....

ترجع ذاكرة شيخة سنتين ورا........طبعا ضاري تغير على شيخة عقب 3 اسنين من زواجهم...صار عصبي ..مايعطيها وي ...كله طاالع ...وماله خلقها كلش...طبعا هذا الكلام بالسنة الرابعة من زواجهم والاخيرة.....

ضاري: شيخة قعدي ...بقولج شي
شيخة: هلا حبيبي ...آمر
ضاري (كان ويهه معتفس): شيخة انت اتعرفيني زين ماحب الف وادور...
اهني طاح قلب شيخة ابطنها: ايه قول ...خرعتني...
ضاري:مادري من وين ابدي...انتي تدرين صارلي معاج الحين 3 اسنين ونص.أوو..وليــ...وليلحين ...مــا حـ......
قاطعته شيخة: وماحملت...ادري...انزين...<<<قاع دة على نار خايفة من الي ياي...
ضاري: انا ريال الصراحة وابي اعيالــ..
قاطعته شيخة: صارلنا 3 اسنين مو وايد وتونا اصغار..يعني العمر جدامنا ..والحمد الله لا انا فيني شي ولا انت..بس اهي مسأله وقت ان شاء الله...بس لحظة شنو قصدك؟؟؟ شنو تبي بالضبط؟؟؟
ضاري: خلاص انا قررت ننفصل..
شيخة مو مصدقة الي تسمعه: شنووووووو ...انت من صجك...انت خذيت القرار بروحك وخلصت...وانا ...مافكرت فيني...<<<كانت قاعدة اتصرخ
ضاري: انا صبرت 3 اسنين وشي ...ماقدر اصبر اكثر ...ابي اعيال...
شيخة :لا هذا مو كلامك ...مو كلام ضاري...انت قتلي ان ماراح تتخله عني لوشنو...شالي غيرك علي...<<<قاعدة اتصرخ مو مستوعبة الي قاعد يقوله ضاري

وصكت هوووووشة وصرااااخ....

جان يفجر القنبله بويه شيخة: يبا تبين الصج....انا احب وحده....واموت فيها ...وخلاص مابيج...

مابييييييييج مابييييييييج مابيييييييييج<<<كانت شيخة تسمع صدى كلمة (مابيج ) ....طاحت دمعة من اعيونها داخل قهوتها...واشربتها....كانت مرة حيييييييل...هل ياترى كانوا زايدين مقدار القهوة...او دمعة الحزن زادتها مرارة....مسكينه شيخة

طبعا صار سكوت بالطاولة...

طيبة بنبرة هادية: اسفة شيوخ ماكان قصدي...بس ردة فعلي كانت طبيعية....
شيخة بنبرة حزن وغصة: لا ...لا تحاتين....انتي مالج شغل...

حصة ساكته ولاكلمة...ومنكسر خاطرها على شيخه...يدرون اشكثر كانت اتحب ضاري...معنها كانت متزوجته زواج تقليدي ...بس كان اول حب بحياتها ...كانت تسمع كلامه بكل اصغيرة وكبيرة...كانت اتموووت عليه...

حصة بانفعال: خل يويلي ...مو كفو ولا يستاهل دمعة من اعيونج
شيخة وخانقتها العبرة: لا حرااام ...اهو يبي اعيال من حقة يتزوج ....

ادفعت طيبة الحساب...ومشوااا






((بالسيارة))

طبعا حصة وطيبة طووووووول الطريج كانوا يحاولون يلطفون الجو...بس لا حياة لمن تنادي ...كانت شيخة بوااادي ثاني ...تتذكر شكل مرته...كانت مملوحة بس شيخة احلى منها ..يمكن جسمها احلى لانها اطول من شيخة...بس شيخة جذابه ومغرية اكثر منها....حست شيخة بغييييرة موطبيعية...والي قهر شيخة اكثر...انها كانت مو متحجبة!!!!! فكانت شيخة اتقول بقلبها: الله لاني مطيعة واسمع الكلام واحبه.. ركب على راسي وحجبني وخلاني اصير مدرسة...وهالصايعة الضايعة الي تدري انه كان متزوج وخذته بشرط ان يطلقني..امخليها على كيفها!!! الله عليكم يالرياييل ....الله عليكم...بس الحمد الله كل شي خيرة والحمد الله ان حجبني ...يمكن جان ماتحجبت ...الحمدالله ..الحمدالله
ويمر عليها شريط حياتها مع ضاري...صج كانت ايام كلها عسل بعسل...الله ياضاري اشكثر احبك ..ليلحين احبك.....ولهانه على حضنك الدافئ ولمتك وبوساتك وحنانك...ضاري انا عمري ماحبيت غيرك...انت كنت كل شي بالنسبة لي...انت كنت كل حجوة بلساني...انت كنت حياتي وروحي...

فجأة انقطع حبل افكار شيخة على هالاغنية عالاف ام :




لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا

قالت شيخة بقلبها وبكل حزن : ايييييييه..راااااح ...خلاص راااااح.....


شيخة من اول ما طلقها ضاري كانت تدري بيتزوج هذي الي يحبها....بس شنو الي كسر ظهرها ...يوم شافتها حاااامل....مسكينة شيخة ...كانت حاطة امل ان ضاري بيرجعلها بيوم...كانت حاطة ابالها انها نزوة واتعدي....بس خلاص ...تلاشى الامل...وضاري خلاص ...رااااااااح ...راااااااااح ...رااااااااح ضاري.......




طيبة: شيخة حبيبتي ...وصلنا البيت ....

كانت شيخة سرحاااااااااانة .....انزلت شيخة وحصة وسلمت وتأسفت منهم لانها خربت عليهم الطلعة...قالتها طيبة: انا اسفة شيوخ...انا الي خربت عليج<<<نزلت راسها...

شيخة: لا طيوب ...عااادي...انا كنت راااح اشوفه اول وتالي...الحين ويلا بعدي...صدقيني خيرة لي...يمكن هالشي يصحيني من الاوهام والخيالات الي انا متمسكة فيها ليلحين.الله كريم.....ياله عيل روحي لايزفج ريلج ...الساعة 11 الا ثلث....قوود نايت...good night
طيبة: حبيبتي انتي...
ادخلت شيخة مع حصة البيت...

اول مادخلوا ويلا عبووود ولد حصة باستقبالهم...ويلم امه حيييل ...
حصة: يالشيطان انت ليلحين مانمت ...ياله نصعد فوووق انبدل وانام....

شيخة: يمااااااااااااااااااااااا ........يمااااااااااااااااااا ااااااا

الام: ها ..يما...تعالي انا بالصاله....

شيخة: شنو ماطلعتي اليوم؟؟

الام: لا والله مالي خلق مولية؟؟؟ هاشعندج اتناديني..؟؟

شيخة : يما انا موافقة....

الام :على شنو؟؟<<<الام نست السالفة

شيخة : على الي خاطبني

الام طاقتها البوهه: هو هو هو ....اليوم اتقوليلي عطيني جم يوم افكر ..ومو اكيد ومادري شنو....حتى يوم واحد ماصارلج ووافقتي ...!!!! ليش اشصاير...

شيخة : سلامتج ولا شي...بس فكرت فيها...صح كلامج...اهو مايتطوف ..ومابي اتشرط ...يمكن اهو احسن واحد اييلي وبعدين اتحسف....وشفت خواتي كلهم مستقرين مع رياييلهم وعندهم اعيال...لازم اشوف نفسي انا بعد....

الام: عفية على بنتي ...هذا العشم فيج ...سنعة....بس خوالج قاعدين يسئلون عنـــ.....

شيخة: لا ...لا ...مو إله يسئلون...انتي مو تقولين خالتي غنيمة اتعرف امه ....خلاص ...
الام: انزين شوفيه......يمكن مايعجبج وبعدين تبلشيني......

شيخة: لا مابي اشوفه...ريال مايضره ... دقي باجر وقولي اني اموافقة......ومابذني ماااااااي...






مادري اشلون ...بقدرة قااادر باسبوعين صااار كل شي...اهي خطبة ..واهي دزة...واهي تجهيز..واهي صالون ومغربي وشيرة وتبعووه...طبعا ام المعرس (ام محمد) قالت حق ام شيخة...انها بتسويلها حفلة محفوفة ابيتهم بالعديلية بنفس يوم الملجة...واتييب عشا ودي جي وتعزم المقربين حيييل <<هذي عادة الكويتيين.....اهني استانست شيخة...وقالت فكة ...مالي خلق اسوي عرس ولاشي ...بالملجة اييبلي مصورة غير مصورتهم اتصورني انا وخواتي وبس ...وكان الله غفورا رحيما...

طبعا هذي ملجة ودخلة بنفس اليوم.....

22/12/2005 يوم الخميس

كانت شيخة صالون لامود باليرموك تسوي شعرها ...اما الميكاب راح اتييلها وحده البيت اتحطلها...مادحين شغلها ...يقولون ناعم ونظيف...وكلش كلش مو اوفر ولا خبة.... صج كان ودها منيرة الفرج اتحطلها ميكابها...بس وين ...تدري ان مستحيل تلقى موعد عندها ...يعني منيرة الفرج لازم تحجزين شهرين قبل العرس ...لا ويوم الخميس بعد....

شيخة قاعدة على كرسي الصالون ...يسوون شعرها ...اتقول بقلبها:

امبيييييه ...اشقاعد يصير ....انا ينييييت...اكيد ينيت....شلون سويت جذي ...شلون اقرر هالقرار المصيري بيوم وليله...اشلون اتزوج واحد واليوم راح يدخل على وانا لاشفته ولا اعرفه....امبييييييه اشلوووون<<<<توها استوعبت الي صار
انا الفاهمة العاقلة المتعلمة...والي مفروض اكون مقروصة من الرياييل ...اسوي جذي....كل هذا بسبب غيرتي ...كل هذا بسبب ضاري....اقوم انتقم من نفسي...واهو ولا يدري عني...امبيه ...بس خلاص ماكو فايدة الفاس طااح بالراس ....

طلت بساعتها ويلا الساعة خمس....والملجة الساعة 4...عمامها وخوالها متفقين ان الملجة اتم ابيت اهلها الساعة 4 العصر ...يعني خلاص ...الحين صارت زوجة ((جراح))...ايه اسم زوجها ((جراح))...

فجأة ويلا يوصلها مسج.....طلعت الموبايل من جنطتها وافتحت المسج...ويلا رقم غريب....ومكتوب بالرساله : مبروك عليج أنا <<<< الاخ وايد واثق من عمره
شيخة بقلبها: ويييييع ...اشيبي هذا ...لايحسب اني ميته عليه.....
ماردت عليه...خلصت شعرها وسوت بدكير منكير...وكانو طيبة وحصة ناطرينها ...لانهم خالصين من زمان....
طيبة: ياله امبيه تأخرنا...مالت المكياج يمكن اوصلت بيتنا....
شيخة بصوت واطي ومستحية: طيوووب..حصوووه..ترا ملجنا خلاص...
طبوا عليها ولمووووووها حيييييييل....وقالولها ...الله يسعدج وو يهنيج ويعوضج عن الي فات....



((بالسيارة))

شيخة: امبيه ....شلون تتوقعون شكله..تتوقعون منو احلى اهو ويلا ضاري..؟؟!!
حصة: اكيد ضاري...هذاك زوغة حدة...ومـــ
(قاطعتها طيبة) : شيخة حبيبتي...خلاص ...انتي الحين على ذمة ريال ..مايصير تتكلمين عن غيرة...لازم تنسين شي اسمه ضاري...تمحينه من ذاكرتج...ولاتقارنين بينه وبين ريلج...كل ريال عنده طريقة واسلوب خاص فيه....لازم اتحبين ريلج بكل اعيوبة ومزاياه....ترا الوحدة ياشيخة موكل يوم لها ريل.....

الله ياحلو كلام طيبة...كانت ثقيلة وعاقلة وموطيورة مثل حصة...وكان عقلها يوزن بلد وكلامها كله درر وموزون...وصج اهي قدوة الواحد يقتدي فيها...خصوصا بمعاملتها مع زووجها وتربيتها لبناتها...



((البيت))


توهم البنات داخلين ...
الام اتلم شيخة حيييل ودمعتها بعينها : مبروك شيوخة بنيتي...الله يوفقج ياحبيبتي ويهنيج ويسعدج يااارب...
شيخة وصوتها مخنوق : يما بس عااد ترا الحين ابجي...

حصة بصرااااخ: شيوووخ بسرعة صعدي فوق ...ترا مالت المكياج من زمان ناطرة ...ياله انتي خلصي واحنا وراج ...اخاف ايي ريلج...

اصعدت شيخة فوق وحطت مكياج خفيف ...الاي شدو كان بني ومخلوط بذهبي بس خفيف ...مع أي لاينر اسود...وحطت حمرة حمرااا غامجة لونها لون (دم الغزال)...وكانت رافعة شعرها رفعه ناعمة...ومسوية شعرها من فوفق على شكل فيونكة...وكانت بدلتها نااااعمة....لونها اوف وايت وفيها دانتيل بيج غامج ...امخصره من فوق لين الخصر ...بعدين قصة واسعة اشوي....امخليه جسمها حلو وايد...وطاالعة حيييل نعومة

ادخلت امها وخواتها عليها....يوم شافوها

الام: بسم الله عليج...الله يحفظج ...طالعة اتهبلين
طيبة: حدج زوغة....يما اقري عليها لاينضلونها....
حصة:ايه ماشاء الله...حدج اتعقدين ...اكيد بتصكين على ..هذا ...شسمه نسيت....


طق طق طق......ناصر يطق باب دار شيخة.......
ناصر : ادخل ويلا لأ....
الام: ايه يما ادخل .....

بطل الباب بسرعة....
ناصر :الله الله الله ...شالزين شالجمال.....مبروك خيتو

قام ناصر باسها على راسها.....وباس راس امها وباركلها

شيخة : مشكوور نصوري ... الله يبارك فيك...وحتى انتا اتهبل بالقترة والعقال...ان شاء انشوفك معرس...

ناصر حدة مختب : ايه نسيت ....يالله نزلي ترا جراح ناطر تحت ....يالله ترا تأخرتوا الساعة 8 والحريم اهناك ابيتهم قاعدين ينطرونكم....

شيخة حدها مرتبكة وخايفة : انزين يما انتي وخواتي .....

قاطعها ناصر: احنا بنلحقكم بالسيارة ....يالله نزلي الحين.....

شيخة: وين قاعد هذا ...

ناصر : بدار الاستقبال....

شيخة: ناصر اشلون شكله ....حلو جيكر ......

قاطعها ناصر: سحت ومربرب ...انتي احلى لا تخافين....

قام ناصر يدزها من ظهرها اشوي اشوي عشان تنزل بسرعة...لا ن الريال صارله سنه ينطر تحت .....
اهني ضاق خلق شيخة اشوي ....يعني هم ماتحبة ولاشي وهم جيكر ومتين.....انزلت بالدري وكل خطوة اثقل من الثانية...خايفة...خايفة من كل شي....من هالدنيا اليديدة الي بتعيشها...خايفة من حبها لضاري يغلبها ويخرب حياتها ...خايفة من هالريال الي عمرها ماشافته.....
واهي قاعدة تمشي ...قربت يم الباب ...ماتبين الا اريوله....لابس دشداشة سودة...او كحلي غاااامج حيييل...قاعد يهز ريله اليمين....شكله متوتر او معصب ...وحدة من الثنتين....دخلت شيخة ...اهو قاعد يم الباب على يسارها....يعنها واهي داشة ماتشوف الي امقفاه من ورا ...قترته و ينبه اليمين.....

شيخة :السلام عليكم .....

قام جراح ولف ويها على شيخة.....

ويلا شنووو....انصدمت يوووم شافته ....وقالت بقلبها : انا اعلمك يانصور يالكلب....

ويلا هذااااك الطول والجسم ...والوي قطعة ...اينن...شكله لونه الاصلي ابيض ...بس ضاااابط ..الشمس حااااكته حك...فصاير لونه حلو...السمااار الحلو النظيف....والعيون وساع وحواجبه اعراض بس مرسومين وحدهم حلوين والظاهر يوم كان اصغير كان مفلوع ابحاجبة اليمين لان فيه شخطة يايه بالعرض..بس معطته شكل حلو وسكــ...) ...وخشمه حلو وايد حلو ...موسله سيف بس حلو ...صغير مو كبير ...وامبيه ويلا حلجة عذاااب....شفايفة متروسين وحلجة اشوي واسع ...بس حلوة حدة....بس الي ضيق خلقي ...لون شفايفه ....عرفت انه يدخن على طووووووووووول....

شيخة (بقلبها):..امبيه كلش ماتوقعته انه جذي ...حده جذاب حده اينن حدة زوووغة....صج على قولة امي مايتطوف....

جراح بكل ثقل مع ابتسامة خفيفة وماتبين اضروسة: هلا شيخة ...اشلونج...

قرب من شيخة وباسها على خدها اليمين وخدها اليسار....

شيخة حدها مستحية وخصوصا بعد ماشافته حلو: هلا هلا والله...الحمدالله وانت....

جراح من غير مقدمات : وين ملفعج لبسيه ....ترا امي كلساع داقة علي ...قاعدين ينطرونا بالبيت....ترا هذي ملجة موعرس...

شيخة مفتشلة : ايه ...كاهو ...يالله مشينا.....




اطلعوا من بيتهم رايحين السيارة....ويلا سيارته رينج....

شيخة (بقلبها) : امبيه اتلوق عليه الرينج ....

استغربت شيخة من شي...قاعد يشوف حوستها مع نفنوفها وملفعها ومسكت الورد الي بايدها...انزين من باب الذرابة كان المفروض يبطل لها باب السيارة....شيخة طبعا ماحطت شي ابالها....وقالت : مسكين امتدوده ومتوتر...حاله من حالي...

دخلنا السيارة....طبعا ماكو مسافة كلش بين السرة والعديلية.....مسرع ماوصلنا ...طبعا طووول الطريج ساكتين....يمكن ليلحين كل واحد مايدري شيقول حق الثاني....وماننلام مانعرف بعض....اول مرة اتشوفه واهو يعتبر بعد اول مرة يشوفها...

وصلوااا البيت...ويلا البيت عوووود (كبير) يمكن مساحته الف متر...اتعرفون ابيوت العديلية...بس البيت ماكان يديد ...كانوا مجددينه...املبسينه من بره...يعني شكله كان ناعم...ومرتب.....بس موقعه صج موطبيعي....على زاوية .....وارتداد اشكبرة وحديقة على كبر الارتداد....
طبعا انا عرفت ان هذا البيت من زحمة السيارات .....ماكانوا حاطين زينه ولاشي....قلت بقلبي: ايه لان هذا ثاني زواج له....خلاص مو اول فرحتهم...بس عادي ...يعني ماحز بخاطري....لان انا نفس الشي ...حتى عرس ماراح اسوي...

والي استغربت منه بعد ان محد زافه....لا اخوانه لاربعة....وهم قلت بقلبي نفس الكلام...او يمكن مايبي يبطل اعيون الناس عليه...هذا الي حطيته ابالي....(شيخة اتقول بقلبها هالحجي)

وهم حسيت بشي...مادري يالي هالاحساس....ان جراااح وايد جاااف....طبعا ضابط والضباط كلهم جذي....يندقون دق بالكلية ويطلعون حرتهم فينا ......

بس هم قلت بقلبي : ماقدر احكم عليه بهالنص ساعة...تو الناس ...تو الناس......بس مادري ليش يتلي قمته بقلبي ....وقلت : الله يستر من الي ياي....مادري ليش......!!!!!!!

ان شاء الله اكملها باجر ....

[لامارا]

صفط جراح عند بيتهم من ورا...يعني مو من المدخل الرئيسي ..ويلا وراي امي وخواتي بالسيارة...انزلوا بعدنا.
شيخة: امي وخواتي ورانا...
.جان ايروح جراح عند امي ويحب راسها ..ويلا حصوونة الملقوفة...

حصة:قوة جراح...اشلونك ..انا اخت شيوخة الصغيرة...
جراح لف ويه اشوي صوبها: ايه ..هلا هلا <<<<دقره حده
طيبة :اشونك جراح ...بالمبارك ان شاء الله ...الله يوفقكم
جراح :هلا هلا...الله يبارك فيج

دق جراح على اخته الكبيرة ( نورة) :الو ...هلا نورة ...ترا احنا برة بالحوش....
نورة: لا... ادخل داخل من الباب الخلفي ...ابسرعة لاحد يشوفكم...
جرااح: وليّيين ...والله شغله ....يالله خوش خوش ....


ادخلت شيخة وجراح البيت من الباب الخلفي...استقبلتهم نورة...سلمت على شيخة سلام حاار وباركتلها ودعتلها ان الله يوفقها....سلمت على اخوها عادي..عادي جدا ...!!!!!!!
نورة: جراح وين بشتك..؟؟
جراح: انا قايل أني ماراح البس بشت<<<جنا يقول يالله خلصينا خندش ونفتك...
نورة: بس لازم عشان الصور...
قاطعها جراح بنبرة حادة اشوي وبعصبية: ترا انا زين رضيت ادش...
نورة خذت نفس عميق تتكلم بهدوء مغمضة عيونهاوهي تتكلم: انزين خلاص خلاص...ماصار الا الخير ..

طبعا لا حد يشوف ويه شيخة بهالموقف...حده مصفوق ...واتقول بقلبها :الكتاب باين من عنوانه....

ادخلوا عند المعازيم...ويلا الاخ طاااير جنا مقروص...ومعصب حده...ولاابتسامة ولاشي...وماسك ايديها ...لا والله الا ساحبها ...حتى جان اتساسرة نورة : جراااح اشفيك اشوي اشوي ...البنت بطيييح على ويهها بسبتك...اشوي اشوي....
خفف بس عقب شنو ...خطوتين ويلا احنا عند الكوشة... قعد حده متنرفز...جنا اول مره يعرس...يت امه وخواته الثنتين لطيفة و ودلال ويسلمون علي ويبوسوني ويقولونلي:ماشاء الله اتهبلين ...وام جراح... اتحط ايدها على راسي وتقرا علي عالسريع...والابتسامة شاقة الحلج.....ارتحت وايد حق امه وخواته..

..راحت صوب ولدها ...ويلا عااادي ..باسته وسلمت عليه وصورت معاه ...بس....لا امدحته ...لا باركتله ...لا قرت عليه...مع انه طاالع اينن ...وطول جمال ورزه.....بس مادري..يمكن شايفته قبل لايطلع من البيت....او يمكن ..بس ماحسيتها فرحانه فيه وااايد...حتى خواته نفس الشي....واذا طاحت عيني بعينهم ..يتبوسمون ويرقصون عندي...فجأة ...يالي احساس قوي يقولي (كأنهم يساحلوني!!! كأن يغطون على شي..كأنهم خايفين من شي) بس كان مجرد احساس لا اكثر...يمكن لأني قمت اوسوس..يمكن...

لا وتخيلوا بعد...مو كان في مصورتين وحدة مالت شيخة وحدة مالت اهل جرااح..وغير خواته وبنات عمه وبنات خالته ..كانوا قاعدين يصورونه يتشكتشكون بهالصور...تخيلوا تنرفز على المصورتين...وأشر بايده على اعيونه وقال بصوت موعالي بس مسموع : بس خلاص بطيتوا اعيوني...
واشوف الناس يتهامسون..امبيه جنا قاعدين يقولون...اشفيه المعرس امعصب ...وانا اقول بقلبي وااااي شنو هذا يفشل هالريال....

المهم بعد ربع ساعة يمكن... ومن غير مقدمات...مسك ايدي ويقول: يالله مشينا <<<طبعا يمسك ايدي بدفاشة..مو بنعومة بدون رقة....ودي اصرخ عليه واقوله<<<<ترا احنا معاريس تونا...ترا والله اول مرة اشوفك ...ترا والله مــــــــــــــــــــاعرف ك....

جان يوقف.. وقفت انا معاه عند الكوشة.....والي اتيي لطيفة اتقول حق جراح: اشفيك قمت جذي فجأة ...
جراح: بس ماخلصنا بعد... دشة ودشينا وصور وصورنا ...حلاو ....

لطيفة تتكلم بصوت واطئ: جراح شوي شوي في ناااس....انزين انطر خل اقول حق الدي جي يحط اغنية طلعتكم....

ظلوا واقفين اشوي....وبعدين حطو اغنية طلعتهم.....وشيخة يرن بأذونها مقطع الزفة الي يقول :

(( تهنيتي ياشيخة.... تهنيتي)) !!!!!!

طبعا امه قالتله : جراح انزل مع شيوخة السرداب تعشواااا...قبل لا تروحون....
جراح :لا لا خلاص...نتعشى بالفندق
شيخة بقلبها : مستعيل عالفندق...ماااااالت عليك <<< حاقدة عليه

وطبعا احس مالي خلق شي....احس بقمته مو طبيعية...لا ...واشوف امي وخواتي من بعيد قاعد يبجون....فرحانين لي ....وانا بقلبي ادعي : يارب تسعدني يااارب...يااارب ماشوف دمعة حزن بعيونهم علي.....يالله يارب ...
قاعدين يسووولي باي باي بايدهم ....طلعنا وصكوا خواته الباب ......

يوم وصلنا عند باب السكة .....الا وينفتح الباب ....وتطلع بنت اصغيرة تهبل ماشاء الله ...ضيعفونه حيييل ولونها حنطاوي مايل للبياض وشعرها مكتكت لونه اسود لين اجتوفها...لابسة نفنوف ابيض ناعم تحت الركبة وفي شريطة سودة تحت الصدر على شكل فيونكة..حدة كيووته... يمكن عمرها بو سبع ثمان اسنين.....اطب على جرااااح واتلمه حيييييل....واهو حدة متشقق <<<<< اصلا هذي اول مرة اشوف اضروسه.......
واسمعه يقول ديومه ديومه....جان اقوله: ياحليلها هذي بنت وحدة من خواتك ويلا وحدة من اخوانك....
رد على واهو قاعد يشيلها : لا هذي بنتي.....
انا اهني طقتني البوهه: بنتك...!!! ايه ماشاء الله ....

ويلا اتيي دلوله اخت جراااج ركض: امبيه سووووري...مادي اشلون اطلعت...ديوووم يالله دخلي داخل.....
ديمة بدلع : ابي ابوي...
جراااح: بابا ..دخلي داخل مع عميمه...انا ماراح اطول ...باجر راجع...

شيخة اهني جنا احد معطيها اطراق.....شنو باجر ارجع....بسم الله الرحمن الرحيم...تونا امعرسين...بيرد باجر ويجابل بنته.....طبعا شيخة ولا كلمة.....

راحت ديمة عند شيخة وقالتلها: انتي حلوة....شسمج؟؟؟
شيخة : انا اسمي شيخة....
ديمة : اسمج حلوووو .....نفس اسم امي .....

شيخة انصدمت..واتقول بقلبها ...سبحان الله شالصدفة...بس ماحطت ابالها شي....شيخة شافت ويه دلال اخت جراااح معتفس....وقالت دلال : يالله ديومة ماتبين كيكة...يالله تعالي خنروح السرداب وناكل كيك...لفت ويها على جراح وشيخة: يالله عيل باااي....
جراااح: دلال ...ديري بالج عليها...خل اتنام عندج او عند امي ....
قالتله دلال: اوكي....

طبعا عينه ماطاحت وهو يطالع ديمة....وانا بقلبي اقول ..زين عنده احساس شوي...اشوا في امل إحب.....<<<تقولها بطنازة

صعدنا السيارة .....طقها سلف.....مشينا ....تونا ماشين اقل من دقيقة...طلع زقارة ولعها...بطل الدرايش...قاعد يدخن ...انا ساكته واهو ساكت <<<مأساة
جان يسألني جراااح وماكان قاعد يطالعني ..كانت عينه عالطريج: ليش استغربتي يوم شفتي بنتي؟؟؟؟ شنو محد قالج ان عندي بنت؟؟؟
شيخة : امبلا قالولي....بس توقعتها اصغيره.....
جراااح: ايه ...اهي صغيرة عيل شنو....
شيخة: لا توقعتها اصغيرة حييييل ....يعني ام سنتين ثلاث....ليش اهي جم عمرها...
جراح: 5 اسنين....بس اهي طويلة ...طالعة علينا....
شيخة : الله يخليها لك....
جراااح: من الحين ومن اول يوم بينا ...لازم اتعرفين شغلة.....
شيخة: ايه تفضل ...( كانت قاعدة إطالعه واهو يتكلم....)
جراح: بنتي اهي روحي وحياتي....مارضى عليها بكلمة وحدة.....ابيج اتعاملينها زين...لانها مثل مانتي عارفة عايشة معاي وراح اتعيش معاي ومعاج الحين.
شيخة منصدمة صدمة حياتها...بس بكل هدوء تمالكت نفسها وقالت: اكيد..اكيد ...من غير ماتوصيني.....ديمة بعيوني...

خلنتكلم عن عايلة جراح....امه اعتدال ( ام محمد) ربة بيت 56 سنه...حدها سنعة ومربية اعيالها احسن تربية....شخصيتها قوية بس حنونه مع اعيالها...الا مع جراح وراح انعرف السبب بعدين....وابو محمد (فيصل) رجل اعمال 61 ...مدير شركة كبيرة مع اخوانه...وعنده خير وغني....عندهم 8 اعيال...اكبر اعيالهم محمد 38 سنة ...يشتغل بشركة ابوه واهو ذراع ابوه اليمين وعنده اعمال حره خاصة فيه متزوج وعنده 4 اعيال بنتين وولدين...وبعدين عبالعزيز وعمره 37 سنه وهم يشتغل بشركة ابوه ..متزوج بس الله مارزقه بالعيال ....وبعدين ايي مشعل عمره 35 سنة وهذا خريج امريكا...وايد وايد يشبه جراح ...بس اطباعه غيييير...وهذا اكثر واحد محبوب بالبيت ...حده مرح وحلييو...واي احد يطيح بمشكله يروووحله...كانو يسمونه 777 لان حده خدووم وشقردي...متزوج وعنده 3 اصبيان...بعدين نورة 33 سنه ....تشتغل ابيت اتمويل ...حدها سنعة وهبة رييح...متزوجة وعندها 3 بنات و ولد واحد....ماخذه ولد عمها....بعدين وراها جراح ...عمره 30 سنه ..طبعا جرااح كان ضابط ورتبته نقيب ...طبعا ضابط بالجيش مو بالشرطة.....بعدين خالد 27 سنة....متخرج جامعة الكويت تخصص تسويق وقاعد يحضر ماستر ...يشتغل بشركه ابوه وعمامه...لين يخلص ماستر ودكتورة ...ووده يصير استاذ بالجامعة...بعدين لطيفة...عمرها 24 سنة خريجة علوم اجتماعية تخصص علوم سياسية...بس ليلحين ماتشتغل....توها مخطوبة من واحد كانت اتحبه...بس طبعا محد يدري غير خواتها....والحمد الله الخطبة تمت على خير...لان حده كان ولد ناااس ومن عايلة محترمة.....واخر العنقود دلال 20....هذي المدللـه...هذي كانت حدها مالها خلق دراسة وكله تنجح بالدز....تدرس بجامعة الخليج (gust)....




((فندق هيلتون المنقف))

وصلنا الفندق....عند باب الفندق نزلنا. فتحت الباب الخلفي خذيت الهاند باق مالتي وجراح بطل الباب الثاني وخذه الهاند باق مالته...خدمة السيارات خذوا نزل سيارتنا....وانا حدي محتاسة امسك ملفعي ويلا الجنطة ويلا الهاند باق..جان اقوله :ميخالف تمسك الهاند الباق اشوي....على ماسنع ملفعي....
قال : خلاص اوكي انا اشيلها....<<<<زين حس اشوي

شيخة كانت ناوية اتغير بدلة الحفلة مالتها ...يعني تخيلوا لابسة بدلة حفلة وشبكتها ومسوية تسريحه..بس البست فوق البدلة فرير واطلعت.... جراااح ماعطاها فرصة بسرعة ...ركضة ركضة....واستحت اتقوله ببدل اهدومي....بس اسمعته يقول حق امه بنروح الفندق....اسكتت ...وقالت شكله ماراح يطلعني....

دخلوا ...سَوّاا جرااح التشيك إن....عطوهم كرت الغرفة...واصعدواا.....ادخلواا الغرفة ...اقعدت شيخة عالفراش....كانت متوترررررررررررة حيل ...اتحس ان الوضع موطبيعي....كله على بعضه...طريقة جراااح ..اسلوبه ..طريقته مع اهله...بنته ...والادهى والامر ...اتحس انه غريب ...ليلحين مو مستوعبة ان هذا ريلها ..وان هذا بيدخل عليها اليوم ...واهيا ماتعرفه بتاتا ...والـ background الي شافته اليوم كان كلش مايبشر بالخير......!!!!!!!

[لامارا]

انكمل.....
جرااح حط الجناط على الطاولة...جان يقط نفسه عالقنفة الي يم الفراش حييييل...ويفصخ قترته.. واهي بعد افصخت الفرير واللفه مالتها....وكانت قاعدة على طرف الفراش من جدام ومعطته جنبها اليمين ....وقاعدة اتهز ريلها اليمين حيييل ...لانها كانت وايد متوترة.....

جان يقولها: اشفيج اتهزين ريلج جذي...متوترة من شي <<<يستعبط الاخ
شيخة: لا مافيني شي....<<<قالتها مع ابتسامة مصطنعة وقاعدة ترفع قذلتها
جرااح ...انزين يالله بدلي اهدومج.........

شيخة اهني صبت عظامها ..وحدها ميته خوووف....لأ لأ مو الحين<<اتقول بقلبها
جان يكمل جراااح: ...عشان نتعشى ....بهالفندق في مطعم تايلندي اسمه blue elephant... اتحبين السي فووود؟؟؟

شيخة: أي احبه....
جراااح : عيل يالله بدلي....
شيخة : اوكي....

راحت بطلت جنطتها وطلعت اهدومها الي بتلبسهم.....كانت شارية بدلة من لاكروا حدها حلوة وستايل وملونه ...مع جوتي وجنطة من jimmy choo... خذت الهدوم وحطتهم عالفراش...الحين تبي اتبدل اشلون...توهقت ...ومستحية اتقوله...جان إتطالعه بطرف عينها ....جان يطالعها ويقول...
جراح: اشفيج ....
شيخة ويها صار احمر: ابـ..ـي ابــ..ـدل....اهدومي
جراااح حده منقص ويها : اووه سوري...انا عيل بوقف بره عالبلكونه وادخن زقارة على ماتخلصين....
بدلت شيخة بس بقا تسريحتها....قالتله :جراح خلصت....
دخل جراح وشافها ...جان يقولها: بتروحين وشعرج جذي؟!!!
شيخة : لا طبعا ...الحين بفل التسريحة ....

وقعدت شيخة اتشيل الماشات ...اشوي اشوي...ماتبي شعرها ينتفش ويخترب...طوّلت اشوي ....وطبعا جرااح قاعد يطالعها....
جان يقول جراااح : انتو يالحريم مايعوركم راسكم لما اتسوون تسريحات.؟؟!! احس الراس يصير ثقيل....!!!!!

شيخة مو مصدقة ان سولف ونطق: هيهيهيهي... لا عادي...الي يبي الزين مايقول أح...

جراااح ...لاتعليييق......

خلصت شيخة ولبست احجابها...جان اتقول : يالله نمشي
جراح: يالله خل البس قترتي.....

لبس غترته ...بطلها باب الغرفة ...اطلعوا من الغرفة.....يمشون بالممر...وصل الاصنصير انزلوا....

طبعا جراح كانت خطواته اسرع من شيخة بس شيخة كانت اتسَرِّع اكثر عشان يمشون يم بعض...طبعا ...ما مسك ايدها...واهي اتقول بقلبها<<<يعني هذا يا غبي يا مدمغ ..او ماعنده احساس....وحده من هالثلاث.....

وصلوا المطعم:
الويترس:hello sir, can I help you?
جراح:
yeah,i have a Reservation
الويترس: what's your name, sir
جراح: JARAAH

ادخلوا المطعم...اقعدواا ...عطاهم الويترس المنيو.....قعدواا يطالعونها.....
جراااح: ها شرااايج ...شنو رسيتي عليه...<<<يتكلم وعينه عالمنيو..
شيخة: مادري جني ضعت....انا ولا مرة رحت مطعم تايلندي كلا يا تشاينييز او ياباني....
جراح :انتي شنو اتحبين اكثر شي...دياي ..لحم...سمج...ربيان
شيخة:مادري أي شي ....عادي
جراح: لازم اتنقين شي.....عشان اختارلج...
شيخة: امممممم....احب الربيان اكثر شي...

جان يقرب جراح منها وقاعد يوريها المنيو....لصق فيها شوي حتى ايده حاشت صدرها على جنب.....اهي انقص ويها ...بس اهو ولا حط باله....
جراح : شوفي هذا المين دش شكله عجيب....جان يقراه Prawn Curry
A hot yellow curry of prawns in coconut milk
شيخة: شكله حلو....اوكي ابيه
جراح: لاتستحين طلبي الي تبينه....انا بس اقترح...
شيخة:هيهيهي.. لا خلاص ابيه.....
جرااح : ماتبين شوربة....
شيخة :لأ....
جراح : يالله يبا لاتستحين....تدرين شنو ....انا بطلبلج شوربة والمقبلات على ذوقي.....

واهم قاعدين ياكلون..كانت الساعة 12 ونص..دق جراااح على اخته نورة:الووو...هلا نورة اشلونج...
نورة: هاااا اشفييييك..اشصاير..<<<مخترعة عبالها صاير شي...
جراااح: انتي الي اشفيج...ماكو شي....
نورة : وين شيخة فيها شي....
جراح: نورة وبعدين وياج..يايبا ماكو شي...انا داق اسأل عن ديومه....
نورة : اشواااا...واي خرعتني....ديمه نايمة بغرفة دلال ...ومافيها الا العافية...لادق كل ساع ...اقعد مع العروس جابلها ابرك لك....
جراح: ماشي ماشي....يالله <<<<<< قالها بنفسية...

صك الخط من اخته نورة ...وبعدين صك الجهاز بكبرة وحطه ابمخبات دشداشته.....
جنا يقول خلاص بدامي تطمنت على بنتي...مالي خلق احد

شيخة: والله حلو المطعم ....ماتوقعته جذي....
جرااح من غير مبالاة : ايه زوين.....
يكمل كلامه: خلصتي...
شيخة: ايه خلصت....
جرااح : ماتبين اتحلين...
شيخة: لا لا ...مشكور حدي شبعت...
جراح: يالله عيل مشينا.....

دفع جراااح الحساب ....واطلعوا......

جرااح: تبين نصعد الغرفة....ويلا نتمشى عالبحر...
شيخة حتى مانطرته يخلص كلامه : ايه ايه نتمشى عالبحر......
ابتسم....حس فيها انها خايفه....قالها : ماشي نتمشى ....اشورانا.....<<<وهويتبسم

قعدوا عالبحر ....يم بعض ...بس مو لاصقين يم بعض.وطبعا سكوت وكل واحد يطالع البحر وسرحان ...راحت شيخة بعيييييييييييييييييد ...تذكرت ضاري....هالحجي من 3 اسنين .....كانو رايحين البحر الساعة 2 بليل ...قاعدين عاليال ....وضاري منسدح على ريلها واهي تلعب بشعره.....

ضاري واهو يبتسم ويطالع شيخة: شيخوووه...يالكلبة احبج....امووووووت فيج
شيخه: انزين ليش يا الكلبه ياحافظ<<<<اتقولها واهي تضحك ومستانسة
...ويقولها: كلبة وحمارة بعد.... جان يقوم و يعضها على زندها اليمين عضه خفيفة..
شيخة ميته من الضحك: حبيبي في ناس ....اشفيك
ضاري: بلعنه...مرتي وكيفي....

الله كانت ايام حلوة....من اول يوم حبيت ضاري... كل شي فيه ينحب ... دمه خفيف ومرح ويدخل القلب...من اول يوم حببني فيه...معاملته ...رقته....رومانسيته....اسلوبه. ...
لفيت ويهي على جراح....طبعا كان قاعد يدخن....طالعني وقال :
جرااح: اشفيج....<<<<وشيخة اتقول بقلبها فرق عن هذا....
شيخة: سولف ...كلمني عن نفسك....ابي اعرفك اكثر....ترا انا قرقه..بس انت مو معطيني مجال....
جراااح ضحك:عاااد انا ماحب القرقة الزايدة....
شيخة اتقول بقلبها :امبيه شالدقره....
جراح يكمل: انا هادي حييل ...وقليل الكلام...اذا عندي شي اقوله واذا ماعندي اسكت....
شيخة: انزين كلمني عن دوامك
جراااح: تبين اكلمج عن الاحداثيات ويلا الاسلحة ويلا دبابات.....
قاطعته شيخة: كلمني عن شي اتحبه...اي شي...
جراااح :عندي فكره انتي تكلمي ...وانا اسمع ....
شيخة : خلاص اوكي......

وقعدت شيخة تتكلم وتتكلم....عن الجامعة وعن تخصصها وعن شغلها وعن اخوانها.....لين اسمعوا اذان الفير....

شيخة: ماشاء الله اذن الفير...
جراح: أخ مشى الوقت....يالله خنروح الغرفة.....
شيخة : او..او..كـ...ي .......

اصعدوا الغرفة.....اقعدت شيخة على الفراش....بطل جراح جنطته...طلع اهدومه الي يبي يلبسها...دخل الحمام.....

اما شيخة....قلبها يدق ...وخايفة وقاعدة على نار...واتقول:
يالله اتعدي هالليليه على خير...يالله
...طلع جراااح من الحمااام ...ويلا لابس بجامه حلوة شكلها جنها تريننق....بس خامتها اخف اشوي من التريننق....لونها رمادي وعلى جنب بنطرونه خطين سود..مخصرة اشوي ومخليه جسمه تحطيييييييييييييييم....وتوه متيدد فكان رافع شعره بالماي ليفوق شوي...وشعره اسود كثيف ....دوّر مكان الجبله...جان يصلي ....حيل استانست شيخة انه يصلي...وكبر بعينها...
جراح يسلم عقب الصلاة: السلام عليكم ورحمة الله ...السلام عليكم ورحمة الله
التفت على شيخة.....وقال :
شنو ماتبين اتصلين....
شيخة: ها..أيه ...امبلا ....
ادخلت الحمام تيددت....وصلت....جان تقعد عالقنفة....
جراح: شنو بتنامين بهدومج....
شيخة: ها ...لا ...لا ...الحين ببدل.....

راحت افتحت جنطتها ....طلعت القميص الي بتلبسه....وادخلت الحمام.....
صارت 5 دقايق ...7 دقايق ...10 دقايق.....ربع ساعة....ثلث ساعة...وليلحين ماطلعت...قام جراح وطق الباب عليها شوي شوي....
جراح: شيخة ...شيخة
شيخة: هلا ....كاني ...اشوي وطالعه....

كان جراح منسدح عالفراش ومشغل الاضاءة الخفيفة و قاعد يفرفر بالقنوات....تك << سمع صوت الباب انفتح.....
اطلعت شيخة...كلها كان حدة يعقد شعرها من عقب التسريحة صار ويفي وخففت من مكياجها اشوي وامسحت الحمرة الحمرااا وحطت حمرة وردية فاتحة مع قلووس يلمع حيل.وقميصها كان طويل ...ماكسي يعني لونه وردي فاتح على بيج...حدها ميته خوف...ماخافت جذي يوم كانت بنية ومتزوجه ضاري....ماتنلام ماتعرفه....
طالعها جرااح واهي يايه...اقعدت يمه بالفراش....طالعها وقالها:
اشفيج طولتي جذي...انا قلت هذي اشفيها...
شيخة بدلع: شنو خفت علي....
جراح: لا ...شنو بيصير فيج يعني<<<<دقره

اسكتت شيخة...واهي اصلا منقهره منه...طبعا ماقالها ولا شي....طول اليوم مامدحها ولا بنص كلمة...لاقالها مثلا : يابختي فيج...ولا : ماشاء عليج حلوة....ويلا :يازين مااخترت...ولا ولا شي.....
حتى يوم اطلعت من الحمام...شافها متزينة وكاشخة...المفروض يقولها شي حلو...يلطف الجو...يمهدلها الطريج....ولكن ياجبل مايهزك ريح....ولا نطق بكلمة......

قرب منها... باسها و(............................................... . ..........)

عقب هالشي شيخة ماقدرت اتنام.....اهو نام بسابع نوووومه....اما اهيا لا...ظلت اتفكر بكل شي صار اليوم...ليش جرااح جذي جامد...فيه غموووض..هل اهو مغصوب عالزواج.؟؟؟ انزين اهوا الي كان مستعيل وكان يبي نملج عقب اسبوع ...بس امي مددت لين اسبوعين ومارضى يمدد اكثر....يعني اهو مومغصوب.....احس انه كله بوادي ثاني.....ليش علاقته بأهله جذي...اسم مرته الاوليه شيخة...هل كانت صدفة؟؟؟ وليش ديمه عايشة عنده مو عند امها...الحضانه للام ....بس يمكن الام متزوجة...تساؤلات وايد اخطرت ابال شيخة....بس الشي الوحيد الي تأكدت منه..و من كل شي صارلها اليوم وحطوا تحت كل شي عشر اخطوط...إن جراح قلبه مو خالي...

[لامارا]

غدا يوم الجمعة 23/12/2005
الساعة 11 الضحى

((بيت ام ناصر ))


ام ناصر قاعدة بالصالة...قاعدة تشرب تركش كووفي...واتقلب بالجريدة.....ادخلت عليها طيبة توها قاعدة من النوم...

طيبة :صباح الخير يما....ها قاعدة....
ام ناصر: انا اصلا مانمت ...طوول اليل احلووووم وكوابيس....
طيبة : وي بسم الله عليج....ليش...!!!
الام : مادري ليش ....يمكن عشان قاعدة افكر بشيوووخ...وقاعدة احاتيها...درين بعد عمري خذووه فغلوووه...لاتعرفه لايعرفها.....
طيبة: ويه يما ماعند سالفة...ولاتنسين هذي رغبتها ....اهي عيّت اتشوفه....ولاتخافين على شيوخ.. شيوخ تلقينها ماتدري عنج الحين....نايمة بالعسل <<<اتقولها وبصوت عالي واهي تضحك......
الام: وي عسى الله يسعدها ويخلي كل ايامها عسل ...

اشوي وتدش حصة....شعرها كشة وقاعدة تتثاوب واتحك راسها...

حصة: صباح الخير...
الام : صباح النور....
طيبة معصبة : الناس لمن يثاوبون يصكون حلجهم...وانتي فاجة حلجج جنه حلج اسد...
واتقاطعها الام : ايه ومع كشتها اكملت.....
الام وطيبه يضحكون عليها:هيهيهيهيهيهيههيهي
حصه: ايه ...ضحكو ضحكو...

طبعا حصة وطيبة نايمين عند امهم ....لان مايبونها تستاحش عقب ماراحت شيخة...عالاقل هاليومين ...ويدرون نصووور كل اهياته وطلعة ...ماراح يجابل امه...

حصة قاعدة تتريق : يما اشلون على شيخة ...ماخذه اجازة ويلا شنو....
الام: ايه ماخذه اجازة خاصة اسبوعين...
حصة: بس اسبوعين ...ماتسوي شي....عيل مهي مسافرة؟؟؟
الام: والله مادري عنهم....بس جني سمعت ان جراح مايقدر ياخذ اجازة بالهفترة....
وي مو مهم السفر ...المهم السعادة....كاهي اشبعت سفر مع هذاك...شستفادت؟؟؟
حصة: أي صح ...بس لازم شهر عسل عالاقل.....
الام: لاحقين لاحقين عالسفر....اكيد بعطلة الصيف بيسافرون....
طيبة: بس يما مالحظتي ان جراح كان امعصب امس...جنه نفسه شينه؟؟؟
الام: لا فقير ...يمكن امتدوده ...ومتوتر....اتوقع اهو وشيخه عليهم ضغط كبير....لانهم اثنينهم كانوا متزوجين وانفصلوااا..وتلقين بعقلة الباطن يحاتي بنته ويحاتي هالحياة اليديدة الي داش فيها....اكيد بيكون متنرفز ...شي طبيعي يما..
حصة: يا أنت ...ياانت ياعلم النفس...
طيبه: واي يما.. يابخت رياييلنا فيج ... عندهم خاله ذهبه....شنو كله ادافعين عنهم....شنو عندج نازلين من السما.....
الام: عيل شنو...تبيني اكبر اقلوبكم على رياييلكم واهدم بيوتكم...لا والله حشى...
حصة وطيبة: كركركركركركركركركر....

قامت الام تنادي الخدامة: ميري ...ميري....ميري..
ميري : نعم ماما
الام: ميري عفية...روحي قومي نصور خل يرووح صلاة اليمعة.....
ميري: ان شاء الله ماما.....



((هيلتون))
الساعة 2 وشي....

شيخة اقعدت من النوم....اشعة الشمس داخلة اشوي من البردة....طالعت يمينها ويلا جرااح مو موجود....قامت من الفراش ...ولفت الشرشف على جسمها....راحت بتاخذ موبايلها...حطته يم كبت التلفزيون....لفت ويها صوب الحمام...ويلا باب الحمام امبطل....قربت منه....
وبصوت هادي : جراح ..انت اهني....
مارد عليها ....طلت بالحمام ويلا ماكو احد....قالت بقلبها: هذا وين رااايح....
بطلت تلفونها....و توصلها رسالة (مس يو) ويلا مليووون واحد دااق عليها ...طبعا اكثر شي امها وخواتها....وصديقتها الكلوووز حيل (جنى) ....اول شي دقت على امها....
شيخة: الو ...هلا يما ....
الام: هلا وغلا بشيوخة....اشلونج يما....ان شاء الله مستانسة....
شيخة من ورا قلبها : ايه يما مستانسة......مستانسة وااايد <<<<< واعليه عليها
الام : اشلون جراااح معاج ...زين
شيخة: ايه يما ...امبين عليه خوش واحد....
الام: وي عسى الله يهنيج يابنيتي...انتي اصلا درة كل من يتمناج....
شيخة: مشكورة يما...مشكورة حبيبتي....
الام: ياحياتي انتي....هاج هاج...طيوبة بتكلمج...
طيبة بصرااااااخ وضحكة كبيرة: شيووووووووووووخ .....
شيخة: هلا طيوب... هاشلونكم....اشلون الحفلة امس
طيبة :كل شي حلو...وانتي وجراح حدكم كابلز لايق على بعضه....وخالتج شكلها عسل وحتى حمواتج....
شيخة: الله يبشرج بالخير.....
طيبة: شيخة هذي حصة بتكلمج....
حصة : صباحية مباركة ياعروسة<<<اتقولها بالمصري
شيخة: واي حصوووه يوووزي يوزي.......
حصة اتقولها بشطانه: هاشلوون ليلتكم امس ...قوليلي....شكلج انتي الي هجمتي عليه..هيهيهيهي......
شيخة: هيهيهيهيههي جبي ...اشايفتني ...موشايفة خير.... (تنهدت وقالت) اييه الله كريم ان شاء الله
حصة: ليش الله كريم....صاير شي...؟؟؟
شيخة تداركت السالفة: يعني شنو.. قاعدة اقول الله كريم ...صج الله كريم وان شاء الله يعوضني عن الي راح...<<<<رقعت الموقف
حصة: اشوااا خرعتيني ..عبالي فيج شي....
شيخة : لا مافيني شي الحمد الله...
حصة: روحي روحي كملي شغلج....كككككككككك
شيخة: واي انتي يالنزغة....كله تفكيرج وصخ ....يالله ذلفي <<<<تضحك شيخة

انسدحت شيخة عالقنفة....ولافة الشرشف الابيض على جسمها....وحاطة ريل على ريل...وقاعدة تقرا مسجاتها الي دازينها لها....ويلا بدخلت جراااح....

نزلت اريولها بسرعة وارفعت نفسها ...لانها كان منسدحة...وشعرها جذي كان منفوش نفشة حلوة عقب النوم....وكحلها سايح اشوي....ومع الشرشف الي لافته ...شكله حده مغري...شافها جراااح....وشافته وحدها مستحية ...ماتكلمت...
جراااح : هلا ...قعدتي ...انا قاعد من الساعة 11 وشي....
شيخة : ليش ماقعدتني...
جراح: كنتي نايمة...مابغيت ااذيج...قلت انزل استاربكس واقرا جرايد....
شيخة بقلبها (الا قول مالك خلقي)......
جرااح : يالله اتسبحي ولبسي عشان نمشي.....
شيخة : اوكي....


خلصت شيخة والبست...بنطرون اسود ...مع ابلوزة جويتية سادة لين نص فخذها....فيها حركة حلوة عالجم...وحاطه بروش كبير من اشوارفسكي جذي على جنبها اليسار فوق صدرها اشوي على شكل (ام علي) ولا بسة جوتي بني محروق من آلدو...الي يشوفه يقول برادا ...وشايلة جنطة lv ....ولفة برونزية ....وحاطة مكياج خفييييف...وحمره لحمية على وردي.....

جرااح: ها خلصتي
شيخة: ايه خلصت....ميخالف اتنادي احد يشيل اغراضي....
جراااح: انا اشيلهم مو من كثر الاغراض...
شيخة: هاند باقي وهاند باقك...غير بدلتي مالت الحفلة وفريري...او
قاطعها جراح: اوكي اوكي ...الحين ادق...

اليوم الروم سيرفز وخذوا الاغراض....نزلنا ...سواا التشيك اوت...واحنا طالعين ...
جراح: تبين اخذلج قهوة....
شيخة: ايه والله راسي بينفجر <<<< ودها اتقوله منك
جراح شنو تشربين : موكا....
جراااح : خلاص عطيهم الكرت خل اييبون السيارة ...على ماييب القهوة....

خذت شيخة الكرت وعطته خدمه السيارات... دقايق والا اهم يايبين السيارة...ركبت السيارة ...ودخلوا الاغراض.....دقيقة ويلا جرااح ياي...صعد السيارة وعطاني قهوتي....وطق السيارة سلف ...ومشينا...

،

[لامارا]

بنات سووووووووووووووري بس والله المنتدى كان معلق....
وكتبت واااااااااااايد ...تخيلوااا جان امسحه بالغلط....

يالله اخليكم مع هالبارت....بسم الله
^


^


^



وهم بالطريج ...وسكوووت ولا كلمة...شيخة لافه ويها صوب الدريشة....وجراح قاعد يسوق... وطبعا الزقارة ماطاحت من ايده....وكل واحد بوادي.....مانسمع غير صوت الاف ام ....

طلّعت شيخة موبايلها من الجنطة... دزت حق طيبة مسج...
(( طيوب نسيت اسألج... كل اغراضي وديتها شقتي امس بليل...))
اشوي وترد عليها ابمسج:
((لاتحاتين ..كل شي وديناه...حتا شاحن تلفونج وديناه))
شيخة ادزلها مرة ثانية:
((منو راح معاج الشقة؟؟ ...وشرايج بالشقة ...حلوة))


دقيقة واترد طيبة:
((رحت انا والخدامة ودتنا لطيفة اخته ...ايه حلوة الشقة...اتقول لطيفة انها ذوق جراح.....يابختج ...حلو و ذويق بعد))

شيخة بقلبها: ايه امبلا امبين ان يابختي ....!!!!!


شيخة تبي تكسر حاجز الصمت : جراح...انت شنو يدلعونك...يعني اهلك مثلا ... ربعك...
جراح ابتسم ورفع حاجبة وبنبرة استغراب: ايدلـ..ـعوني...!!!!
شيخة: ايه ...ادلعونك ...اشفيك مستغرب....انا مثلا ينادوني اكثر شي شيوخه وسااعات شيوخ...بس احب شيوخة اكثر...<<<نقزه افهمها عاااد
جراح : مايدلعوني...شنو... مو ريال....ترف...
شيخة : شكو الرجوله ...عادي....انا كنت ادلع ضــ........<<<<<امبيه كانت بتخورة ...كانت بتتكلم عن ضاري..لان السانها متعود على طاريه..ونست نفسها...
ابلعت ريجها واسكتت شيخة وماكملت....طبعا جرااااح حس انه قصدها ريلها الاولي...حده تنرفز....سكت اشوي....
تنهد جراح و بنبرة حادة حيل: شوفي شيخة بدامنا ليلحين عالبر....ديري بالج من اي كلمة اتقطينها...ثمنيها عدل...عشان لا تتحسفين...
شيخة حدها انقهرت: ليش انا شنو قلت؟؟؟؟
جراح: لاتقعدين اتقارنين بيني وبين فلان وعلان....عااد ماعرفتيني....<<<حده كان معصب
شيخة: قارنتك ابمنو؟؟؟
جرااح معصب: لاتستعبطين على راسي....شوفي.. حتى بخيالج ...اتعرفين شنو بخيالج...ماتقارنين بيني وبين احد....تفهمين
قاطعته شيخة: بـــسـ..أ أ...
قاطعها بنبرة اعلى من صوتها وبعصبية : تـفـهـمـــــــــــــيــــ ــــن......
شيخة حدها قلبها طاح ابطنها : ان شاء الله.....
جرااح : خوش.....


امبيه ..لا احد يشوف ويها ...قلبها يرقع ...فيها بجية...اتقول ابقلبها...انا موقصدي...ليش يصرخ على...جان كلمني باسلوب احسن اشوي...من زين طبايعة ويلا معاملته.....لاريج حلو لابوسة لاسوالف..وفوق هذا يزف....اذا احنا ثاني يوم جذي الله يعين بعدين......استاهل ...استاهل....انا الي سويت بنفسي جذي انا الي استعيلت...قلعتي...قلعتي...

جرااح حده معصب...جنى يبي الزله....جنى وده يعصب.....الموضوع مو مستاهل....

المهم ....اوصلوا العديلية....دق على اهله يطلعون ديمة مع الخدامة.....اطلعت ديمة...طبعا لاتشوفونه يوم شاف ديمه...جنى جذاب....مو هذا الي توااا معصب....شالها وباسهااا...ادخلوا السيارة... مشى..

..طبعا شقته بكيفان....تقريبا يم الجامعة...مأجر دور كامل...ثلاث غرف وصاله ومطبخ وغرفة خادمة...

بطل جراح باب الشقة ...شايل ديمة ...وراه شيخة والخدامة....
يكلم شيخة من غير مايطالعها ويأشر بايده...
جراح: طبعا هذي الصاله ...وعلى يسارج المطبخ وغرفة الخادمة ...جدامج غرفتين بينهم حمام...غرفة ديمة والغرفة الثانية خالية....وعلى يسارج غرفتنا النوم...
شيخة من غير ماتتكلم :اممممممم....


ادخلت شيخة غرفتها ...صكت الباب واتسندت عليه.... غمضت اعيونها ...

وانزلت ادموعها...

فجأة يرن موبايلها ...طالعته ويلا ((جنوي))...الي اهيا جنى رفيجتها...راحت اقعدت على الفراش..امسحت ادموعها......
شيخة اتحاول اتغير نبرة صوتها عشان جنى ماتحس بشي...اترد عالموبايل...
شيخة: الو...
جنى بصوت عالي وبضحكة كبيرة: الو....ياحمااااااااااارة ياشيوخ...انتي وينج....
شيخة: كاني...ويني يعني...
جنى : عيزت ادق عليج يا مغلق ..يا ماتشيلينه....
شيخة: ايه كنت حاطته سايلنت....
جنى بصوت واطي وباستغراب: شيوووخ...اشفي صوتج....فيج شي؟؟!!
شيخة: لا ...مافيني شي ...يعني اشفيني....
جنى : مادري صوتج موعاجبني....
شيخة: يعني تدرين جنوي...ليلحين مومتأقلمة مع الوضع...ليلحين ماندمجت مع جراح..
جنى: اكيد شيوووخ...بسم الله توكم....
شيخة: ادري ...بس غير يوم تزوجت ضاري...تذكرين؟؟!!...من اول يوم ملجة كنت حدي متشققة...وحيل كنت مستانسة....الحين ما احس بهالاحساس بلعكس احس بقمته...
جنى بستهزاء: ايه ...وآخرتها ياب على راسج وحدة وقطج بالشارع....
شيخة: جنى ...خلاص ...ماحب هالاسلوب...بروحا مالي خلق...
جنى: ايه مو هذا الصج...اشخذيتي من حبج له..وثانيا كل ريال وعند طبع...جراح غييير وضااري غير...

يفتح جراح باب الغرفة.....وتدخل ديمة وراه....تتعبث بجنطة شيخة
جراح : لا ديمة بابا ...عيب ...مانجيس شي مو مالنا....
ديمة: ابي حلاوة....
جراح: روحي عند (ماليني) خل تعطيج ...

سمعت جنى الحوار....

جنى: منو هالياهل...
شيخة مالها خلق: يعني منو....
جنى باستغراب: بنته....!!؟؟؟
شيخة: yap ....
جنى بصراخ : اتحلفيـــــــــــــــــــ ــــــن!!!!!!
شيخة : خلاص جنوي.....موقته...اوكي سمعي...اخليج الحين ...اشوي وادق عليج...ماشي
جنى : انطرج شيوووخ....الحين الساعة خمس...الساعة ست اذا مادقيتي.. بدق عليج...كيفج عاد...حرمصتيني....
شيخة: اوكي...باي
جنى :باي....

،

طبعا جنى...هذي اعز صديقات شيخة...اهم ربع من ايام المتوسطة....حييل حييل مع بعض...حتى امهاتهم كانوا يرضون كل وحدة اتنام عند الثانية...وكانت شيخة كل شي اتقول حق جنى وحتى جنى نفس الشي....يمووتون على بعض....جنى وحيدة امها ...ما عندها خوااات ...اهي بين 4 اصبيان ...ويمكن هالشي خلاها تتعلق اكثر بشيخة...وشيخة كله اتقولها.... انتي اختي الثالثة بعد طيبة وحصة....جنى كبر شيخة...عمرها 25 وتشتغل بالجامعة....خريجة آداب انجلش... تخصص شيخة....كانت جنى حنطاوية مايله للسمار...وشعرها كيرلي من الله ...لونه اسود ...متبتبه اشوي...وحاطة تقويم...وفيها لدغة...مخليه طريقة كلامها اتشوق....حدها مملوحة...كانت اتحب واحد ...بس اهلها مو راضيين تاخذه....يقولون ان مو من مواخذيهم...وصارلها اتحبه 7 اسنين....وناطرة يمكن الله يفج عوقهم ويتزوجون...لانها اتحبه ومتقدر تستغني عنه.....






سكرت شيخة الخط من جنى ....حست ان جرااح قاعد يطالعها...التفتت عليه....
شيخة: اشفيك اتخزني...!!!!
جراااح: مو يوعانه؟؟؟ <<<جنة متحسف
شيخة: لا مو يوعانه.....
جرااح: ياشين البنات....كله يسوون رووحهم مو يواعه...و انا مسويه دايت ..انا وانا ...واهم اكثر ناس يبلعون.....<<<< دفش
شيخة حده طاقتها البوهه: انت سألتني وانا جاوبتك....يعني لازم اقول ايه <<<بروحك باط جبدها...
جراااح: على قولتج بدامج مو يوعانه الحين....انا عندي شغييل اصغير...اخلصة ...وارجع البيت ....وايب عشى ...ماراح اطول....
شيخة بلا مبلاة: اوكي..
طلع جراح وصك الباب....ثواني ورد بطله....
جراح: نسيت اقولج....ديري بالج على ديومه ....انا مأمن عالخدامة....بس ابيج انتي تتقربين منها ...اوكي...
شيخة: اوكي.....

،

جراااح توه صاعد سيارته ....توه داقها سلف.....ويلا يرن موبايله.....طالع الرقم ...ويبتسم...جان يرد...

جراح: الوووو......
مشاري: هاااااااااااااااااااااااا ااا <<<حده قاعد يصرخ
جراح والضحكة شاقة ويها: هاا انت....
مشاري: اشلون معرسنااا.....اشلون السجن اقصد القفص...
جرااح: تمام....
مشاري: ان شاء الله ماخرته....صاحبي واعرفك زين.....
جراح: مشيري ..مشيري وينك الحين.....
مشاري:بالبيت....ليش؟؟
جراح: الحين امرك الخالدية...
مشاري باستغراب: ويت ويت ويت....انت طالع الحين؟؟؟!!!!
جراح: عندي شغل اشوي...
مشاري: أي شي صح...اي شي...
جراح: ليش ...
مشاري: جريّح ...ترا انت امس متزوج!!!...ويلاك ماتستحي على ويهك....اقول اقول ...يالله مرني...انتا يبيلك قعده......
جراح : تزهب..دقيقتين واطلعلي بره...

طبعا مشاري...هذا رفيج جراح حيييل..على قولتهم (اخو دنيا) ...جراااح حيييل حيييل معاه...كل شيء ايقوله...ومايرتاح الا معاه.....كان ملازم نفسه (ضابط)... ربع من كانوا بالابتدائي...طبعا عاادي يتناجرووون ويطاققون ...ويرجعون من باجر مافيهم شي....مشااري هذا طويل ...طول جراح تقريبا..ونفس جسمه بس اشوي مجسم مو وايد....برونز...كله مقرع راسه....مو حلوووو وايد....بس فيه ملح....بالمعنى الاصح جذاااب....حيييل جذاااب....اذا طلع اهو وجرااااح...موزين....كلش موزين....البنات اشوي ويطبون بسيارتهم...واهم حدهم داقين الثقل...وما يعطون وي....مشاري مومتزوج...على قولته انا مابي اتزوج أي وحدة والسلام....ابي احب الي اتزوجها...وايد رومانسي ويقدس الحياة الزوجية...بس ليلحين بنظره ماكو وحدة كفووو......امه وابوه امطلقين من كان اصغير كل واحد فيهم متزوج...اما اهو عايش ابيت يده بالخالدية.....


جراح: مشيري ...انا بره...
مشاري: يالله يايلك....

دخل مشاري السياره....واول مادخل ...سيده حط ايده الثنتين على ارقبه جرااااح جنه بيزنطه....
جراح: ها ها اشفيك...الناس اتسلم اول شي <<<قاعد يضحك...
مشاري: الناس اتسلم ها....انت وين اتخلي الواحد يسلم عليك...والله ودي اذبحك جراااح....
جراح: ليش اشفيك....شمسوي انا؟؟؟
مشاري: شمسوي هاا...اشلون امس بليل متزوج وحتى ماصارلك 24 ساعة وهاد البنيه وطاالع....
جراح: اشدرااك ...يمكن انا طالع الحين اييبلها شي من الجمعية ويلا من أي مكان...اشدراك عني؟؟
مشاري: عيني بعينك....
جراح يطالع جدااام مايبي يطالع مشاري...
مشاري : اذا انت ريال ..حط عيني بعينك....
جرااح: غصبن على امن يابتك ريال...<<<<قاعد يضحك
مشاري: جد جد جراااح ....ليش جذي..انت اصلا ماعندك شي...بس تبي اتلوووي ...تبي تنحاش من البيت...
سكت جراح ...ورااح بعيييد...جان يقول بصوت فيه حزن:
جراح: مشيري....شسوي غصبن علي ..والله غصبن ...محد حاس فيني..كاني قاعد اسوي كل الي اقدر عليه بس موبيدي....
مشاري طالع جراح....وحط ايده على جتف جراح: ادري جريح ..ادري ...اصلا انت بطل عالقرار الي اتخذته...بس كمل...لاتضعف...
جراح ساكت ....وحده قلبه متقطع....جان ايقول....
جراح: مشاري....تدري شنو الي كاسر ظهري الحين....
مشاري: ادري .....شيخة
جرااح: أخ ...البنت ورده....اتعرف شنو ورده....بس ماني متقبلها...وخايف اظلمها معاي....
مشاري: جراح ...كل شي بأوله صعب...حاول وراح تقدر...صدقني بتقدر...انت قدها جراح...قدها
تنهد جرااح: آآآآآآآآآآآآه ...والله قلبي مو بيدي ياناس والله قلبي موبيدي.....

،

[لامارا]

((شقة جرااح وشيخة))

شيخة قاعدة بالصالة اتكلم جنى....وديما معاها قاعدة اطالع قناة ديزني....
جنى: انا ليلحين مو مستوعبه اشلون بنته راح اتعيش معاكم....
شيخة: سكتي ...عيل انا شقول...اصلا طقني عقر بقر يوم سمعت انها بتعيش معانا.....
جنى: ماقلتي شي!! ...ماعلقتي....!!
شيخة: من صجج شبقول يعني...اصلا شكله متعلق فيها حيل.... قتله بنتك بعيوني...بس
جنى: شيخة...نصيحة مني ...من الحين...قوي شخصيتج...لاتصيرين ضعيفة...لاتقلين نفسج عليه...
شيخه: لا ويييه ...من زينه عاااد.....اصلا يوم قالي بطلع استانست....
جنى: انا مو مستوعبه ...وين ذالف هذا....مايستحي على ويها والله....
شيخة: مادري...يقول عنده شغله اصغيرة.....
جنى : بعدين وين بتروحون؟؟؟
شيخة: مادري...ماعتقد نطلع....لانه قال بييب عشى ....
جنى: واااااااي ودي انتفه بيدي....انزين تعالي ..قويلي....اشلون صاير حلو ..جيكر؟؟!!
شيخه: أخّييييه جنى...لاتشوفينه...مو هذا الي شافعله....
جنى : اتحلفييييين ....!!
شيخة: ايه والله...مزيون حيل....
جنى : يالله زين ...فيه شي يرقع الموضوع <<< تقولها وتضحك
شيخة: هيهيهيهيهييهي...ايه والله...جنوي خليج معاي عالخط ...بروح المطبخ باكل أي شي ...حدي ميته يوووع...مو ماكلة ولاشي...
جنى : بعد ...اميوعج....لا بالله كديتي خير....
شيخة: هيهيهيهيهيي....لا موجذي...اصلا انا قعدت متأخر من النوم...وشربت موكا ..وسدت نفسي ...بس الحين حسيت بيوع...
جنى: انزين شيوخ متى اشوفج....
شيخة: مادي....انا اقولج بعدين..على حس الوضع....
جنى : كيفج ...هاليومين....حتى لو اييج شقتج...انتي وزعي جراااح ..وانا اييج....عندي لج سوالف صارت امس...
شيخة: خلاص...ان شاء الله ...
جنى : شيوخ قبل ما اصكه...بس بقولج شي...ابيج اتوسعين صدرج...واطوفين حق ريلج...وتتحملين...ميخالف دوسي على نفسج اشوي....حتى لو زعلج ..انتي ابدي وكلميه...وساحليه...وحطي ابالج شي واحد...مثل ماضاري نسه حبه لج وحب وحده ثانية...انتي بعد تقدرين تنسينه واتحبين ريلج....
شيخة: ماظن جنوي...بس باحاول...كثر ماقدر بحاول....

قعدت شيخة على قنفة الصاله...كانت امبدله وهدومها ولابس بجامة حلوة من women secret.....وفاله شعرها ومسويته استريت ..بس راده قذلتها بشباصة لي ورا....قاعد اطالع ديمة....كانت ديمة منسدحة على بطنها عالسيراميك...ومسنده ايدها الثنتين على ويها...ولاصقة عند التلفزيون...جان شيخة اتروحلها....وتمسح على ظهرها..
شيخة: ديومة حبيبتي...قومي عن الارض ...باردة عليج...روحي انسدحي عالقنفة...وحتى التلفزيون مو زين تلصقين فيه جذي...عشان اعيونج ماتعورج....
ديمه طالعتها : انزين...
راحت اركضت وطبت عالقنفة....شيخة طالعتها وابتسمت...عورها قلبها حيييل...حست ان البنية مسكينة..ومطيعة...ومالها ذنب بالي يصير كله....والاهم من جذي انها بعيدة عن امها...وقامت تسأل نفسها ..ليش انفصل جراح عن مرته...؟؟ ومن متى؟؟ من زمان ويلا توا؟؟؟ وليش البنت مو عايشة عند امها ...؟؟
اقطعت افكارها ديمه...قاعد اتير بنطرون شيخة..
ديمة: خالتي شيخة ..خالتي شيخة...
شيخة: هلا ديمة ...شنو...<< اتكلمها اشوي اشوي وتمسح على شعرها...
ديمة: انا يوعانه...سويلي شي اكله....
ابتسمت شيخة وامسكت ايد ديمة وقال: يالله خنرووح المطبخ .....
ديمة تبتسم بكل براءة وتهز راسها ...يعني موافقة....


ينفتح باب الشقة...ويلا جراح ياي...واول ماوصل....
جرااح: وين ديمه....
يسأل (ماليني)..كانت قاعد اترتب الصاله ...هذي خدامة ديمة واصلها هندية....
ماليني: بابا ديومه مع مدااام متبخ....
راحلهم المطبخ....كانت شيخة معطه ظهرها باب المطبخ....كانت قاعدة مع ديمة ...اتسويلها توست وجبن....وقاعده واهي وديمة يسولفون مع بعض...محد انتبه ان جرراح وصل...وقعد اشوي يسمعهم....حس ان بنته اندمجت نوعا ما مع شيخة.....حس بسعاااادة كبيرة....يوم شاف بنته قاعدة تضحك وتسولف مع شيخة....دقايق ويلا اتشوف ديمة ابوها....
ديمه: بااااباااا...
.واتروح اطب عليه....واهو شايل اجياس بيده....
جراااح وهو يضحك....: لحظه بابا ..خل احط الاجياس....
رفع راسه طالع شيخة وابتسم....جنى يقولها مشكووورة....بس بعيونه....
شيخة يوم شافته ...حست بهالنظرة...حست اشكثر جراااح استانس....طالعته وهو شايل بنته ويبوسها...واشلون يكلمها واشلون يطالعها مطالع....كسر خاطرها...وحتى ديمه كسرت خاطرها...حست ان جراح ماعنده بالدنيا غير بنته....ايطالع الله ويطالعها...وحتى البنيه ماعندها غير ابوها.....وخذت قرار داخل نفسها وقالت: حرااام هالبنت...تكسر الخاطر...اهي الضايعة بالسالفة...لازم مااحسسها اني مرت ابوها...لازم اعاملها جنها بنتي...واخاف الله فيها...ويمكن اتكوون خيره لي...واتكون المفتاح لقلب ابوها.....

جراح قلاب من شيخه: السلام...
شيخة قاعد اتشيل الاغراض من الطاوله وموقاعده اتشوفه:وعليكم السلام...
جراح: شيخة...يالله بدلي ...
التفتت عليه: ليش وين بنروح....
جراح: حاجز فيلم....بالمرينا عالساعة 9...يالله يمدينا ...بسرعة....
شيخة: ابدل حق ديمة...بتيي معانا؟؟؟
جراح: لا لا ..هذي حزت نومتها....وبعدين انا بطلع معاج بروحنا...مايصير انتي توج عروس...

شيخة بقلبها متعجبه واتقول: ويييه ..نازله عليه الملائكة.....
اترد عليه: اوكي ربع ساعة وانا خالصة....
جراح ينادي بصوت عالي: ماليني...سوي قتره مال انا اووتي.....

تزهبت شيخة حطت ميكآب خفيف ولبست....بالطو طويل.. ..يعني فوق الركبة بشوي...لونه اسود...ولابسة نفس البروش مال شوارفسكي...ولابسة دبلتها من كراتيير وساعتها شابارد...ولفة رمادية فاتحه....مع بنطرون جينز....وجنطتها ملونه الوان وايد من لاكرواا.....شكلها كان كيوووت وحدها استايلش...

كان جراااح ناطرها بالسيارة......ادخلت السيارة...ويلا حشره ...دخاان الزقاير تارس السياره...جان اتكح حييل ....بطل جرااح الدرايش....طبعا ماكو بسم الله عليج..ويلا حلو حلو...ولا كلمة....
شيخة اتأشر بديدها جنها قاعده ادز الدخان: امبيه حشره شنو هذا....ماتختنق..
جراح يبتسم ويطفي زقارته: متعود....
حرك جراااح السيارة.....
شيخة: امبيه لاحظتك....وايد وايد ادخن...ترا موزين ...وايد مضره...الله يكافينا الشر...
جراح:امممممممممم... اهي موته موته...بزقارة ويلا غيرها...<<يقولها ويبتسم...
شيخة: امبيه موزين اتقول جذي...في احد يفاول على عمره....<<<مستغربه
جرااح:ليش في احد مخّلد بالدنيا....كلنا بنموت...واذا الله كاتبلي اموت من الزقاير ...هذا يومي...يالله عالاقل اصي شهيد الزقارة.....<<<يتطنز
شيخة تشهق: امبيييييييييييييه حرااااااااااااااااااااام.. .اشلون اتقول جذي
جراااح ميت من الضحك على ردة فعلها: هيهيهيهيههي...


وصلوا مرينا...ادخلو السينما....تقريبا الفلم ساعة ونص ...اطلعوا من الفلم....
جراح: ها وين تبين تتعشين....؟!!
شيخة بقلبها ودها جوني...بس اتقول فشله اكل بيرجر جدامه....
شيخة: امممم ...مادري...
جان يقاطعها جراااح ويقلد نبرة صوتها ويقول ..: كيفك ...
شيخة : تتطنز علي....
جراح يبتسم: مو انتي ماعندج غير كيفك....خلاص اكيد كيفي؟؟!!!
شيخة: ايه كيفك....
جرااح: عيل امشي....
انزلوا ....ويلا يروحون لينوتر....اقعدوا عالطاوله.....
جرااح: ها اشرااايج بذوقي....اكيد اتحبين لينوتغ....
شيخة:ايه احبه....

كل واحد طلب الاكل الي يبيه....اهيا وجراح اطلبوا شوربة ماشروم....وسلطة سيزر...وكل واحد اختارله مين دش على ذوقه....

يرن تلفووون جرااح....يرد عليه...
جراااح: الوووو
مشاري: ها جراااح...طلعتو من الفلم...اشلونه
جراااح: ابو الملاق الفلم....لاتروحله....
مشاري: انزين المهم ..اشلون الوضع...امسيطر عليه..
جراااح: حن حن اكثر...اي كل شي تماام...
مشاري: مثل ماوصيتك...
جرااح بنفسيه وصاك اضروسه على بعض: اييييييه....
مشاري : عفيه عفيه عالشطور الأمور...
جراح: مشيري ماعندك شغل صح...باي باي....
صكه بويها....شيخة قاعدة اطالعه....
شيخة: منو ...رفيجك؟؟
جرااح يحط موبايله بمخبات دشاشته ويرد عليها: ايه ....
شيخة تبي تفتح حوااار معاه: من زمان رفيجك....

ويلا يوصل حق جراااح مسج....بطل المسج ويلا مشاري دازله : ((اتصكه بويها يالـخـ....,,انا اعلمك ))<<< قراه بقلبه.. طبعا هالسب عااااااادي عند الصبيان...
جرااااح يضحك ويعض شفايفه الي تحت...ويقول وهو يضحك: حيوان والله حيوان...
وشيخة اتشوفه يضحك ماتدري شالسالفة...
ويرد على شيخة ويقول: سألتيني شنو..!!؟؟ من متى مشاري رفيجي...
شيخه: ايه....
جراااح: ويييييييه من اسنين ...ماذكر...بس يمكن من الابتدائي....
شيخة: ماشاء الله...يشتغل معاك....
جراااح:لا مومعاي.. بس اهو بعد ملازم ....بس تخصصه غير ...
شيخة: شنو تخصصهّ!!!\
جراح:.. اهو طيّار حربي....
شيخة: ماشاء الله ...وانت شنو تخصصك؟؟
جرااح :انا ابمكان ماقدر اقولج وين....
شيخة: يعني بالاستخبارات....
جراااح: اخ...اتعرفين يعني
شيخة: الله يهداك...شايفني ياهل....
جراااح: مابي احد يعرف اوكي.....
شيخة: اكيييد....انزين اهو متزوج؟؟؟
جرااح: منو...؟؟
شيخة: مشاري..!!!
جراااح: ماشاء الله عليج ...تسألين وااايد <<<<بسك تدقر
شيخة: لا بس جذي ...عالاقل في شي انسولف عنه....انا نسفك عندي صديقة ...حيل من اسنين ..من المتوسطه...اسمها جنى....وانا ويااهااا حيييييييييل حيييييييل جنها اختي....حتى تخصصنا بالثانويه والجامعة نفس الشي...<< تتكلم واهي مسانسة ومنفعلة...
جراااح واهو قاعد ياكل: امممممممممم....<<اتحسون التفاصيل ماتهمه مونفسنا....

طبعا بخصوص مشاري والكلام الي قاله بالتلفون...هذا الله يسلمكم....مشاري اموصي جراااح...عطاه نصايح وايد...واشلون يعامل شيخة..وشنو يقولها...لان يعرف طبع جراااح اشلون جاااف ومايعطي وي....ولازم ينشب ابلعومه....

جراااح: ويييه ..شكلي راح امتن مع الزواج....عاااد انا احافظ وماآكل واايد من بره....
شيخة: لا عادي....اصلا احنا مو ماكلين شي طول اليوم ...وجبه وحدة ماتضر....
جرااح:أممممم.. خلصتي....
شيخة: ايه خلصت....
جراح: سويت؟؟؟؟
شيخة تبتسم: نوووو؟
جراح:عيل مشينا.....

،

وظلت شيخة مع جراح على هالحال...اتحاول دايما اتلطف الجو...تتكلم معاه...اتخليه يطلع من صمته...واحتارت معاه ...يوم يتعدل اشوي ..ويوم امنفس... ويوم يضحك.. ويوم معصب...بس كانت مقتنعه بشغله..ان كل شي يبيله وقت ...

بعد اسبوع من زواجها....شيخة راحت بيت اهلها....اتييب باجي اغراضها ...وتاخذ سيارتها...اول مادخلت البيت ...ويلا امها وخواتها وجنى باستقبالها.....
كلهم بصوت واحد: شيوووووووووووووووخ <<<وراحوا لموها...
حصة: ميته من البجي : شيوووخ ولهت عليج...
شيخة متأثرة واعيونها مغورقة: حصووص ..بس عاد لابجين.....ترا الحين ابجي...
الام تمسح عبراتها: واااي حبيتي شيووخه..مكانج خالي وامبين....فقدج حيل ...من غير شر...كنتي امونستني....
طيبة:ايه والله ...امي ماعندها غير شيخة وشيخة ...وياحلو شيوخه ويازينها....
جنى: ايه وخالتي كل يوم داقة على واتقولي تعالي ونسيني...فيج من ريحة شيوخة....
شيخة تضحك ومستانسة: اشدعوااا..اشفيكم ...اقصاها اسبوووع....
حصة: ايه طبعا.. الي.. ايدة.. بالماي.. مومثل. الي ..ايده.. بالنار....<<<اتمطط الكلام
كلهم اضحكوو على حصة....
ام ناصر: شيوخة جنج ضعفانه؟؟؟
طيبه: امبلا من يوم دشيتي حسيت انج ضعفانه...
شيخة مرتبكة: هــا...لا...عادي....هذا جسمي...هذا اكلي ماتغير...
حصة بصوت عالي: لا يما...مافيها شي...بس ماعندها وقت تاكل....مشغوله مشغوله....
وكلهم ميتين ضحك على حصة وخرابيطها.....
شيخة تبتسم: حصوووو الله يقطع ابليسج..

اتكمل شيخة كلامها: عيل وين ناصر ...حدي ولهانه عليه...
الام :ناصر بالشاليه مع اعيال عمه....
شيخه: شنو ماعنده دواام....
الام: لا خلصوا دراسه .... بعد جم يوم الفاينل....
طيبة اطفر امها: غريبة رايح....عاد ولدج مصري....ياكل الكتب....
الام : وييه بسم الله على ولدي ...ذكري الله...
شيخة: مسكين..خل يروح يوسع صدره مع ربعه.....


وقعدوا مع بعض سوالف ووناسة وضحك....وتعشت عندهم شيخة وخذاهم الوقت....تقريبا عالساعة 11 الا ثلث دق موبايل شيخة.......

شيخة: الووو
جرااح من غير مقدمات : جم الساعة الحين....
شيخة اطالع ساعتها وتضحك : ويييييييييه ..خذانا الوقت....يالله كاني يايه...
جراااح بنبرة حاده: لأ سألتج جم الساعة الحين...جاوبيني..؟؟
شيخة : الساع 10.37..
جراح: وانا الساعة جم قايلج انتي بالبيت.....
شيخة: الساعة 10....
جراااح: خلاص عيل نامي ابيتكم...
شيخة: جـ....بــسـ.....
وصك الخط ابويها.....امبيه تعومست...بس الحمد الله ...الكل كان لاهي ...محد حس بشئ ...غير جنى ..لانها كانت قاعدة يمها....
جنى: شنو اشصاير.....
شيخة: امبيه امبيه ...شسوي ....والله مو متعمدة والله نسيت.....<<فيها بجية
جنى: انزين قوليلي اشصاير ...ماني فاهمة شي..؟؟؟
شيخة: جراح اهو الي قاطني اهني ابيتنا....قبل لا انزل قالي...حدج ليلعشر...يعني الساعة 10 ودقيقة لاتيين....انا نسيت...مانتبهت حق الوقت...يوم شفتكم نسيت نفسي.<<<جان تنزل ادموعها..
جنى: شيخة لاحد يشوفج....ماعليج منه....رجعي...يعني شنو بسوي ...بيطردج....
شيخة: يسويها...والله يسويها...امبيه شسوي....والله ماسويت جريمة...حراام عليه....
جنى : امشي...انا اروح معاج...شنو بيطردني انا بعد.....

شيخة كان ويها حده منصفق....سلمت على امها وخواتها ومشت مع جنى....
الام : والله قلبي قارصني على هالبنت....فيها إنــّه ...مو خالية...فيها شي....
طيبة تبي تهدي امها وماتبيها اتحاتي: لا يما مافيها شي....بلعكس كاهي تضحك واتسولف وتتغشمر.... مافيها الا العافيه......
الام: لا ويها منخطف وضاعفة....واتعرفين شيوخة...تقمت بقلبها ...ماتتتكلم ...ماتشكي.... قلبي ناقزني....قلب الام يحس.....
طيبة: لا يما صدقيني...اهي متغير عليها المكان بس....كل ماكلمها طلعات وروحات...
الام تتنهد:....اييييه ....ان شاء الله...
وترفع ايدها وتدعي ربها من قلبها: يالله انك تسعد بنتي....يالله




((شيخة وجنى ))

شيخة: آسفة جنى بلشتج معاي....
جنى: جبي جبي....شنو يعني...انتي اختي...
شيخة: اشلون عيل اتردين بسيارتي...؟؟؟
جنى: لا لا....انا الحين بدق على واحد من اخواني ياخذني...على مانوصل شقتج ايلا اهم ياييلي...
شيخة: امبيه جنى ...حدي متصروعة...مادري شنو بيصير....واي يعني كاا طيبه ريلها قايلها 10.30 انتي بالبيت...بس لان يدري اني اليوم عندهم قالها اخذي راحت...يعني الواحد لازم يصير مرن اشوي...وااي
جنى: ماراح يصير الا العافية....بس اهو يبي اخرعج عشان ماتعيدينها....
شيخة: امبيه امعقد....ماتوقعت من صجه....وفوق هذا انا مومتعمده اني اتأخر....بس اهو حلات ويها...يبي الزله....
جنى: عادي..خلج عادي...وانا بلـَطـِّـف الجو بطريقتي...راح ينحرج......واذا رحت.. ..عاد انت تفاهمي وياه...انتي وشطارتج...
شيخة: واااااي خايفه.....عاااد شكله لمن يعصب يخرع....واي خايفة.....



وصلوا الشقة....حاولت اتبطل الباب بالمفتاح ماتبطل....لان المفتاح موجود من الجهة الثانية....جان اطق الجرس....طبعا محد يرد....انطرت اشوي...طقت الجرس مرة ثانية....محد بطل الباب.....واهيا قاعدة اطق المرة الثالثة...جان يبطل جراااح الباب....
كانت اهي واقفة بويه الباب...وجنى يم الباب ....
جراااح: انا مو قتلــج لا.....
ويلا يشوف وحدة معاها....
جنى: السلام عليكم جراح...اشلونك....انا جنى رفيجة شيخة....<<<حده مو وقته
جرااح حدة متنرفز: وعليكم السلام.....
جنى : شنو ماكو اتفضلواا.....<<<اتقولها بضحك
جرااح طالع شيخه ومعصب... دخل وخله الباب امبطل ........ادخلت شيخة وجنى.....قعد جراح عالقنفة......امبط ريه الثنتين اشوي.... وشابك ايده الثنتين مع بعض وحاطهم على بطنه...وقاعد يخز شيخة...من اول مادخلت.....

جنى تبي تلطف الجو : الله الله....شالزين ...شالشقة الحلوة...من ذوقه....؟؟
جرااح: انا مو قتلج نامي ابيتكم....ليش يايه...؟؟<<<يوجه الكلام حق شيخة
شيخة: جراااح...والله ما كنت قاصده...والله خذاني الوقت...وماحسيت والله...<<تتكلم وهي تتعبّر
جراااح: يايبتلي رفيجتج....عبالج واااسطة......<<<حده مايستحي....
جنى ويها قام يقط الوااان.....
شيخة: لا...بـ..س
قاطعها: لابس ولا يحزنون....انا كلمتي مسمااااار بلووووح....اتعرفين شنو يعني مسمار بلوح....يعني مارد فيها لو على قص ارقبتي....
جنى : خلاص ماصار الا الخير....
جراااح: لو سمحتي.....ماحب احد يدخل بيني وبين مرتي.....
جنى مصدووومة من اسلوبه.....وشيخة حدها مفتشله من جراح واشلون دقر جنى.....
شيخة: جراااح...اشفيك...البنيه مالها شغل...
صرخ عليها : انتي جب ولا كلمة.....
يرن موبايل جنى.....
جنى حق شيخة: هذا شكله اخوي وصل...انا رايحة....
شيخة باستها...ولمتها وساسرتها :انا اسفة... مسحيها ابويهي....
اطلعت جنى وصكت الباب.....جان يمسكها جراح من جتفها حيل....
جراااح: شالحركاات هذي....
شيخة: أي حركات؟؟؟
إيـِرها حيل صوبه ويقول: ليش يايه وياج رفيجتج معاااج...شنو عبالج راح انحرج....ماعرفتيني عدل....ترا انا بـايعها ومايهمني احد.....
شيخة وهي مغمضة اعيونها حيل : أي أي ...ايدي ...تراك قاعد اتعوريني...
جراح: حمدي ربج ماعطيتج كف على ويهج.....
شيخة جان تقول: امبيه ماني مصدقة كل هذا عشان تأخرت ساعة....اتسوي فيني جذي...الله يعين لو مسويه شي جايد...جان اشسويت....
جراااح يصرخ من قمت راسه: يعني شنووو بتسوييييين.....

اسمعوااا صوت باب انفتح....لفوا ويهم...ويلا ديما قاعده من النوم وقاعده تبجي...
بسرعة هد جراح ايد شيخة...وراح ركض عند بنته....جان يلمها وحط راسها على صدره...
جراح بكل هدوء: ها بابا ..ليش قعدتي....؟؟!!
ديما: آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآ....
ظل لامها مدة ...وقاعد يقرا عليها قرآن....وشيخة قاعدة اطالعهم...مهي عارفة شتسوي....
دخل مع ديما غرفتها...وقعد معاها تقربا نص ساعة....جان يطلع بره.....كانت شيخة قاعدة تنطره بالصاله....
شيخة بصوت واطئ: ها ...نامت؟؟؟؟
جراح حاقرها....الحقته....اشلونها ..نامت؟؟؟؟
جراح بعصبية: لاتسوين روحج طيبة....ومالج شغل ابنتي... فاهمة....
شيخة نزلت راسها وقعدت عالقنفة....
جراح :ليش فصختي احجابج؟؟
شيخة طالعته مستغربه.....
جرااح: لبسيه ..لبسيه...بقطج بيت اهلج....مابي اشوفج اليوم.....
شيخة جان تنزل ادموعها: جراااح..الله يخليك...لاتفشلني....والله ماعيدها مره ثانيه ...حلفت بالله...رااح اكون حريصة والتزم بالوقت.....
جراااح : اصصصصصص ...ديما نايمه....
سكت اشوي....طالع باب ديمه...جان يكمل : تدرين اشلون....انا الي ماني نايم بالبيت....
شيخة :جراااح...لحظة

خذه مفتاحه ....وطلع.....

راحت شيخة دارها....وقعدت اتشاهق من البجي....واتقول بقلبها : امبيه هذا مينون...هذا مو صاحي...والله موصاحي...ماكو واحد صاحي يسوي جذي...والله ماسويتله شي ..والله السالفة ماتسوى....فشلني جداام رفيجتي وكان يبي يفشلني جداام اهلي....ماعنده اسلوب ولاذوق....

جان تمسك التلفووون ...ودق على جنى....
جنى وصوتها مخنوق: هلا شيخة.....
ويلا ماتسمع الا صياااح شيخة....تسمعها اتشاهق اتشاهق من البجي...
جنى: شيوووووووخ ...بس هدّي...هدّي....ماكو شي يستاهل هالبجي كله....
وشيخة مهي قادرة تتكلم...صوتها راح من البجي.....مهي قادرة تتكلم....
جنى اتكمل: شيوخ ياحمارة عورتي قلبي...بس لايصير فيج شي....
شيخة اتحاول تتكلم:هـ هـ جنــ... و...ي ,هـ هـ هـ أنـ...ا , مــ..ا لـ..ـي , حــ..ظ ....مـــالـ...ـي حظ....<<< وتكمل البجي
جنى تبي اتهديها: ميخالف شيخة...اهو كان معصب حيييل...ويوم شافني عصب ازيادة...لانج كنتي بتحطينه بالامر الواقع....وتحرجينه فيني....
شيخة: بـ...س , مـ...ـا تسـ..و..ى الـسا..لـفة...
جنى: ماتسوى عندنا ...بس تسوى عنده....الرياييل تفكيرهم غير....اهو وينه الحين؟؟؟
شيخة: ماد..ري و...ين ذلـ..ف , الله لايـ..رده....
جنى: شيوخ من ناحيتي انا ...لاتشيلين هم...انا والله موزعلانه ...المهم انتي لايضيق خلقج..
شيخه: حلـ..في....
جنى: والله ....موزعلانه....
شيخة تمسح ادموعها بكلينكس: انزين ...قولـ..ليلي ..شــ..سوي الحين....
جنى : خلاص ...لاتسوين شي...صليلج ركعتين...ونامي....وان شاء الله باجر ..احلها الف حلال....

،

عالساعة خمس وشي الفير...اتفز شيخة من نومها مخترعة....اطالع نفسها...ويلا نايمة بهدومها...الظاهر بجت بجت ونامت....قامت بتشرب ماااي ...بطلت باب الغرفة.....ويلا تنصدم...ان جراااح نايم بالصاله...شافت الطفايه...يمكن مدخن باكيت كااامل....قاعده اطالعه وهو نااايم ....واتقول بقلبها....ليش سويت جذي...؟ ليش كبرت السالفة؟؟ الله يسامحك...كملت طريجها وراحت المطبخ...واهي رادة جان اتشوفه....متكشف وبطنه طالع...كسر خاطرها ..الجو واااايد بااارد... اتعرفون الكويت شهر 12...راحت الغرفة يابت الحاف اقعدت على طرف القنفة ولحفته اشوي اشوي....وهي قاعده اتلحفه...جان يبطل عينه..نزلت شيخة عينه..وقامت...جان يمسك ايدها....جان يقولها...
جراحوهو يطالعها: قعدي....
اقعدت شيخة على طرف القنفة يمه..ولافه ويها عليه....قعد اهو بعد.....
جراااح بهمس يقول:
شوفيني....
شيخة ارفعت راسها...وحطت عينها بعينه.....وعينها ذابله من الحزن....
جراح: ادري اني تماديت اشوي....ماكان المفروض اعصب هالكثر....
شيخه ساكته قاعد تسمعه....
جراح يكمل: وانتي غلطتي غلطة كبيرة.....قولي شنو اهي؟؟
شيخة: اني تأخرت وكسرت كلمتك .....<<<مسكينه
جراح : ايه وبعد.....
شيخة وهي منزله راسها: واني يبت رفيجتي معاي...
جراااح: ايوااااه....هذي الحركة العن من الاولى....
يكمل جرااح: مشاكلنا ماتطلع بره اعتبة البيت...اذا تبين حياتنا تستمر والمركب يمشي....اوكي
شيخة: ان شاء الله....
جراح: بس انت ماكان المفروض اتعصب هالكثر ...كاأأ ريل اختــ......
قاطعها جراااح بنبره حاده: هاااا اشقلنا عن المقارنات....
شيخة: آسفه...نسيت..
جراح: شوفي شيخة...ابيج اتعرفين شي...انا فيني طبع وسخ...انا عصبي حييييييييييل ...ماتتصورين اشكثر....ولمن اعصب خلاص افصل....كثر ماتقدرين تحاشيني...
شيخة اتهز راسها : اوكي....
مسك راسها وحطه على صدره..وباس راسها.....ولمها حيل
شيخه اهني غمضت اعيونها و حست براااااااااااحة...براااااا� �حة كبيره....وحست انه هم وانزاح......

،

[لامارا]

((بعد مرور شهر))

(بيت اهل جرااح)


شيخة: عساه سفره دايمه خالتي....الصراحة خوووش غدا...تسلم ايد الي طابخ...
ام محمد بابتسامه: الله يعافي الطباخ......
شيخة وهي تضحك : الله يعافي اللي علـــّم الطبــّاخ....
ام محمد : ياحلوج.....


طبعا هذي اول مرة شيخة اتزور بيت اهل جراح من اول ماتزوجت...كل مرة اتقوله...يقول مشغول وماعنده وقت..او يقول مرة ثانية....بس كانت شيخة على طول ادق على خالتها وتتطمن عليها وعلى عمها...وطبعا خالتها كانت كل مرة تسألها :اشلون جراح معاج...زين....وشيخة تستغرب من سؤالها واتقولها ايه زين الحمدالله!!!!


وقعدوا ...سوالف ووناسه...حيل حيل استانسوا على شيخة...وحسو انها بنت حلال ..وطيبة....

دلال حق لطيفة بصوت واطي: امبيه ...شنو هذي شيخة...عسل عسل...
لطيفة: أي حبوبه...حتى خواتها حبوبات.....
دلال: انا بعرف هذي اشلون مجابله جراااحووو الدعله....
لطيفة: اششش...شوي شوي ...لاتسمعج....
دلال : صوتي واطي...ماراح تسمع....بس صج ...اشلون امجابله ويها هالمليق....
لطيفة: يمكن معاها زين....
دلال : والله مومبين.....تكفين شوفيه ...كله عاااقد النونه...مالت عليه....
لطيفة: بس عاااد ...عيب ...مهمن كان هذا اخوووج...
دلال: لاتسوين روحج سنعه...مو لايق....من زووود المحبه يعني...
لطيفه: ايه اكيد....انا ماكرهه...صج مارتاحله بس ماكرهه....وتبين الصج اهو ماسوالي شي...
دلال: ايه بس يوم كنا اصغار ...موتنا طق....
لطيفة: عااادي كل الاخوان وهم اصغار يطاققون...ولمن يكبرون ينسووون....
دلال : ايه ...بس اهو غير ...اهو جلب من اهو اصغير....اكبر دليل ان بالبيت محد يواطنه ولايحبه....
لطيفة: محد يواطنه عشاان ذيج السالفة....
دلال: لا لاتقنعيني ...اهو عوي ..طول عمره عوي....
لطيفة اتزف اختها بصوت واطي: لا يصير قلبج اسود موزين...
اتقاطعها دلال: يعني انتي اتحبينه؟؟؟
لطيفه: مادري...بس ماكرهه...ولا اتمناله الشر....
دلال: يعني ماتحبينه....حسافه عليه شيخة.....اصلا امي متحسفة انها زوجته اياها...اتقول مايستاهلها....وخايفة يفشلها عند اهل شيخة...لان امي رفيجاتها خالات شيخة.....
لطيفة: امي من الاساس ليش اخطبتله عيل....؟؟؟
دلال: نصيب بعد...ماتذكرين يوم امي كانت اتكلم خالتي غنيمة (خالت شيخة) ...وكان جراح يم امي ويحن عليها خطبيلي وخطبيلي.....وهذيج ماعندها فكرة عن جراااح وماتدري عن بلاويه...

طبعا هذا الكلام من شهرين:

غنيمة: منو هذا الي يمج يحن عالزواج ياحلوه..خالد؟؟؟
ام محمد وحدها متوهقة : ها.... لاهذا ولدي جراح ...الي منفصل....
...
غنيمة:ايه زين يسوي لايقعد من غير زواج ..موزين...اتصدقين.. عاااد عندي لكم خوووش عروس...وتصلح حق ولدج...واهي بعد منفصله....
ام محمد من ورا قلبها: لاااا ...منو...؟
غنيمة: بنت اختي فوزية مناسبه حق ولدج وعمرها 25...اذهبه البنيه...الي ياخذها امه داعيتله....
ام محمد: وليش منفصله...؟
غنيمه: الله يستر على الولد....بس منه السبب...
ام محمد: انا اثق فيج غنيمه...عطيني جم يوم...واردلج خبر ...عالاقل وحدة انعرفها احسن من وحدة مانعرفها....بس ماقلتيلي ...شسمها؟
غنيمة: اسمها......شـــيـــــخـــــه .....


لطيفة: على قولتج...نصيب...الله يسخره لها ويهديه...
دلال: ماظن...ابليس يهتدي وجراحوووو لأ....


كانت صالتهم الي يقعدون فيها ابيت اهل جراح كبيييييييييرة حييييل...وفيها قعدتين مفتوحين على بعض....غالبا كانوا الرياييل بقعده والحريم بالقعده الثانية .... بس كل واحد يشوف الثاني ...لانها امبطله على بعضها.....

عالساعة ثمان بليل....ماكان احد قاعد بالقعدة ذيج غير جراح ومشعل....
واما قعدتنا ...كنت انا ونورة ولطيفة ودلال وخالتي....ومرت حماي عبدالعزيز....

كانت دلال امواعدة رفيجاتها بيطلعون بره ...بيتمشون....قامت دلا وسلمت :
دلال: يالله شيخة انا رايحة...لاتقاطعين ...خنشوفج...
شيخة: حبيبتي انتي ...وانتي درسي عدل مابقا شي عالفاينل....
دلال : ان شاء الله...ادعولي...
جان اتكمل بصوت عالي : يالله مع السلامة.....

راحت بتطلع من باب الصاله...

كانت لابسة بالطو اقصييير يعني فوق الركبه بوايييد لونه بنفسجي غامج...طبعا مع جيجي غامج..وبووت اسود..وفاله شعرها...واهيا وايد حلوة وجذابه...طويله وجسمها انوثي وملفت....

جراااح: هي هي هي ..وين رايحة ان شاء الله بهاللبس الزباله...
دلال طالعته بطرف عينها...و بدلع ونفسية: مالك شغل ...اذا صرت ابوي كلمني....
ومشت وخلته ....جان يمسكها من شعرها حيييل...
جراااح:تذلفيين اتغيريين لبسج...ويلا قسمن بالله...ماتوطوين باب السكة....


قاااامت اتصرخ وتبجي....اتقول: هدني ...يالمتخلف...يالخبل...
راحله مشعل ويحاول افج ايده من شعرها....
مشعل: جرااااح....مواسلوووب هذا....هد شعر البنيه....
جراااح: هذيل اخوانج مورياييل....هادينج تسرحين وتمرحين على كيفج....
فج مشعل ايد جراح...جان اتروح دلال اطب على امها واتصرخ: اخواني أرجل منك....يالحقير...
شيخة طبعا حدها خايفة وتبولع ابريجها.....
دلال : ايه طلع رجولتك علينا ...شيخوو دااااست على راسك ...زين اتسوي فيك...اصلا انت الي مو ريال<<< مرته الاوليه
جرراااح اهني فقد خلااااااااااص.....
جراح رايحلها بطيقها: اكلي خراااااااا...ياحيوانه يازباله...
امسكته شيخة ومشعل....
وطبعا مرت عبدالعزيز اطلعت من زماااان....
شيخة: خلاص ياجماعة ....تعوذوا من ابليس....
مشعل ماسك جراح من بطنه قاعد احاول يرجعه ليه ورا عشان مايرح عند دلال...لف ويها على دلال ....
مشعل : دلال ...روحي فوووق بسرعة ...قصري الشر...

وطبعا دلال بجي ونياح....
وتلتفت دلال على شيخة: امبيييه الله يعينج اشلووون متحملته...اكيد فيه احد داعي عليج....الله ياخذه...يااارب تاخذه ونفتك منه...

وصعدت دلال فوق.....
ام محمد اتوجه الكلام حق جراح: انا ماحبيت اقوي شوكتها عليك واتكلم جدامها...مالك حق اتمد ادك عليها..عندك ملاحظة او شي مو عاجبك اتيي اتقولي...مايصير تتعداني...
جراح: ايه ايه...اخاف بتسوون لها شي لي قتلكم...خربوها بدلالكم....
نورة: اشدعواا انت...شوف اشلون مدلع بنتك...
جراح: بنتي يااااهل...هذي بغله اشكبرها....
نورة : ايه الياهل على ماتعلمه.....
جراااح: اوووووه.....شيخة ...انا بالسيارة....
راح جرااح السيارة....
شيخة عند باب قبل لاتطلع....
ام محمد: شيخة بنيتي ..والله انا مفتشله منج...اول مرة اتييلنا ويصير جدامج هالموقف.....سامحينا...
شيخة تبتبسم حق خالتها: خالتي انتو ايد بالموضوع ...انا بنتكم الحين...انا منكم وفيكم...وصدقيني سركم ابير ...لو شنو مايطلع...
ام محمد: وهذا العشم فيج.....

،

شيخة صعدت السيارة....ويلا الريال مولع شرار...وحيل ابتْوِن بين السيارات....وشيخة حدها خايفه.....
شيخة:جراح حبيبي خفف اشوي.....
جراح حاقرها ولاكلمة.....لين اوصلو شقتهم....
انزلت شيخة ..وديمة مع الخدامة...بس جراااح مانزل...
شيخة: شنو ...منت نازل....
جراح بنفسية : لأ......
شيخة: انزين عفية..والي يسلمك...لا دوس بالسيارة...اخاف يصير فيك شي...
جراح : انزين صكي الباب.. بمشي......
صكت شيخة الباب....ومشى ...وحده دايس ....شيخة بقلبها...
(الله يحفظك).....


ايه نعم.. شيخة بدت اتحب جرااح....بدت اتحبه..رغم اعيوبه ومساوئه...حست ان في جانب طيب بشخصيته....يمكن اهو مايعرف اشلون ابين مشاعره...مايعرف اشلون يعبر...واعرفت انه يبيله معامله خاصة....
،

[لامارا]

((الخالدية))

مشاري: انزين اموووت وعرف ليش امعصب؟؟؟
جراح: خلاص معصب وبس ...تحقيق اهو....
مشاري: متناجر مع شيخة..؟؟
جراح: لا ...مالها شغل شيخة.....
مشاري: لا يكوووون الي بالي.....
جراح: شنو ابالك....
مشاري: لايكون داق على....
جراح: أي شي ...اي شي....صح
مشاري: عيل اشفييك ...يننتني...
جراح: يبا ...انا متهاوش مع الاهل....
مشاري: وليييييييين...ماانخلص....اكي� � انت السبب....اعرفك
جرااح: مشيري...اكرمنا بسكوتك.....
مشاري :اعرفك زين....انت السانك وصخ ومفلوت...وعصبي...اكيد انت الي مسوي المشكله...
جراااح: صير انت والزمن علي....
مشاري: ..مو هذا الصج...ليش تزعل...ترا صديقك من صَدَقـــَــكْ..وليس من صَدَّقــَـكْ.....
جرااح: اوف خلاص ..راسي مصدع....
سكت اشوي...وكمل
جراح: امش خنروح نسهر بالقهوة...ابي شيشه اتعدل راسي....
مشاري خذا الزقاره من ايد جراح وطفاها....وقاله:
مشاري: اولا انا قاطع الزقاير...وثانيا بس يارجل ...ارحم حالك...انا اختنقت!!!...
جراح يبتسم: علي انا ..قاطع الزقاير!!..ماصدقك...صارلك جم يوم قاطعها...
مشاري : واااايد....
جراااح: رررح زين...جم جم اخلص؟
مشاري: يومين...
جراح: كااااااااااااااااااااك....ا نا ادري
مشاري: عالاقل احاول ..لين ان شاء الله اقطعها ...مو مثلك مو ناوي....
جراااح:كل مرة جذي انت ...يومين والثالث رااد....
يشب زقارة يديده ويكمل جراااح: بتروح القهوة ويلا لأ....
مشاري: لأ....بس امش نتعشى بره....
جراح: لا يبا...والله مومشتهي شي....
مشاري: قوم زين...والله ميت يوووع..من الصبح بس عالقهوة...
جراح: وين تبي اترووح ان شاء الله....
مشاري: امممممم...ياي على بالي الله يسلمك.. نينو البحر...
جراح: قم قم زين....مالي خلق...
مشاري: جرااحو لاتملق..يالله قوم...
جرااح: طاع شكلي مو لابس ..مو حالق....
مشاري: شكوو...بتضبط بنات يعني!!....مافي شي شكلك..وعادي لابس دشداشة...مافيك شي...يالله مشينا مشينا...


((شقة جرااح))

ادخلت شيخه الشقة...بدلت ملابسها...انسدحت على قنفة الصاله....يت ديمه وانسدحت يم شيخة....واقعدوا يطالعون تلفزيون....
ديمة وايد حبت شيخة...وكله تبيها...وشيخة بعد...كانت تاخذ ديمه معاها كل مكان....حتى اذا راحت بيت اهلها تاخذها معاها..وحبتها حيييل...
شيخة تنادي الخدامة: ماليني ..سوي حق ديما عشا...
ماليني : شاله ماما....

تعشت ديمه...واشوي وخذتها شيخة ونومتها....ردت شيخة مرة ثانية بالصاله.....اقعدت شيخة تتذكر كل شي صار اليوم....واتقول بقلبها: ياربي اهل جراااح احليوين...وحدهم ايننون...بس ليش اهوا علاقته مو زينه فيهم...انزين ليش مايكلمونه عدل؟؟؟ شنو مسوي؟؟ويلا عشان اسلوبه باايخ...وطبعه صعب...وشقصدها اخته يوم قالت ..شيخة داست على راسك؟؟؟....والله مادري ...عايله غريبه...
كانت ماليني قاعدة اتنظف الصاله....جان تسألها شيخة:
شيخة: ماليني ...انت من زمان تشغلين عند بابا جراح؟؟؟
ماليني: ايه يمكن ثلاثه سنه.....
شيخة: ايييه...
سكتت شيخة....جان اتكمل ماليني كلامها....
ماليني :اول انا يشتغل عند بابا جراح وماما شيخة ثاني...
شيخة: ايييييه...
ماليني: بابا جراح واجد عصب ..سِبي...بس قلبي واااجد نظيف واجد نظيف....
شيخة سألتها : بابا جراح يعصب على زوجه مال هو ؟؟؟<<اتكلم ماليني على طريقتها
ماليني: هذااا اول واااجد مشكل..كل يوم ..كل يوم مشكل...
تسكت ماليني وتكمل : بس هذي ماما شيخة ..موزين ...قلبي واااجد موزين....بابا جرااح واجد حبي اهيا <<<قامت اتخوره
شيخة انقهرت: اذا اهو يحب اهيا..ليش سوي طلاق؟؟
ماليني: مو بابا جراح سوي طلاق...اهيا يسوي طلاق....

صج لابغيتوا فضايح البيوت ..اخذوها من الخدم....يعرفون كل اصغيرة وكبيرة ببيوتنا......
شيخة يوم اسمعت هالحجي انصدمت...يعني شيخة زوجته اهي الي اطلبت الطلاق ..اهي الي عافته...انزين ليش؟ هذا السؤال يقرقع بقلبها....



((نينو))

الساعة 10,14 دقيقة.....طبعا ماكو مكان...قاعد ينطرون طاوله.....

جرااح: يلعن شكلك ...طاع الزحمه...
مشاري: احلى شي ...عيل تبي صخة ماكوو احد....
جرااح: امش امش خنطلع....
يقاطعه مشاري: يامعود...خلاص وصلنا...لا تصير دعلة....
جراح: انا اكره ماعندي ..اوقف وانطر طاوله...شنو مجاعة...ماكو بهالبلد الا هالمطعم...امش بس اقول....

الويترس: sir, your tabel is ready
مشاري حق جرااح: يالله مانطرنا وايد...امش خلصنا....

اقعدوا...شافو المنيو ....
مشاري: انا راح اطلب rocca salad...وشوربة ماشروم...
اممممم وطبق ( ريزوتو).....وانت....؟؟؟
جرااح قاعد يطالع المنيو ويبتسم :شكلك يوعان...امممم انا باخذ (بيني اربياتا) بس...
اطلبو الي يبون.....وقاعدين ياكلون ...خذتهم السوالف....
طبعا المطعم حده زحمة...طاوله يم طاوله....
جراااح لاف ارقبته على طاوله اشوي بعيده : مشيري هذي جنها شويخ مرتي الاوليه....
مشاري يدور: أي طاوله...؟؟
جرااح: امبلا اهي....اهناك يم الجام...طاوله فيها بنات....
مشاري: ايه امبلا....اشعلينه مينها عاااد...ختولي..

فعلا كانت شيخة مرته...صج الكويت اصغيرة....

مشاري: بسك خز....خلاص....لايحسون فيك....
جراح: لا ابعااد ماراح اتشوفني.....
ويكمل: أخخخخ....قاهرتي طاوله شباب يمهم...قاعدين يتحرشون فيهم....
مشاري: جريح...اشفيك...مالك شغل فيها ..لاهي مرتك ولا صاحبتك... بلعنه الي تلعنها...باللي مايحفظها....
جراح لف ويها صوب مشاري وقاعد يطالعة....
مشاري: اشفيك اطالعني جذي...جنك بتقول شي...
جرااح متوتر : سبحان الله...يعني طاع على كثر مطاعم الكويت..صادفتها ... اخخخخ مابي اشوفها ...مابي ...
مشاري: بل عكس هذي خيره لك...عشات تتحدى نفسك..وتقويها...وماتضعف جدامها....
يكمل مشاري: انزين خلاص ماتبي نمشي ...كلينا وحلينا وشربنا قهوة...ودفعنا الحساب ..يالله....
جرااح قاعد يطالع طاولتهم....
جراح: قامت....بيطلعون الحين....لا ...وفي احد لاحقهم...
مشاري متنرفز...: انزين واحنا شكووو...مالنا شغـ......
قبل لا يكمل مشاري كلامه جراااح قام من مكانه ...وطلع ورا شيخة...
مشاري: تعال يالخبـ....
حط مشاري راحت ايده على راسه...ويقول بقلبه : الله يستر منك ياجراح....
قام مشاري وراه...واطلعوا من باب المطعم....
مشاري جراح: مالك شغل ...الحقوهم شباب ولا مالحقوهم...انت اشعليك ...
جراح: لا والله...هذي ام بنتي....مارضى...
مشاري : لا موعشان جذي....انت غيران....
مارد عليه جرااح....ولحقهم...ويلا الصبي كان يحاول يضبط وحده فيهم....بس اهم مو معطينه وي.. وقاعدين بالسيارة ينطرون رفيجتهم داخل المطعم .....جان اييله جرااح ...
جرااح: اخوي فيه شي...
الصبي: وانت شكووو....
جراااح: وانا شكوو هااا...
جان يزرده جراح من بلوزته ....
جرااح: شوف دام النفس عليك طيبه الحين...توكل على الله ويلا ما راح يصير طيب....
الصبي: خلاص ولد عمي...اقصاهم بنات لاراحواا ولاردوا...
هده جرااح...وقال: خوووش....
الصبي خقها عقب ماشاف جراح ويمه مشاري...كل واحد طول بعرض..وقعد يطالعه لين مشى...

لف جراح ويها على سيارة شيخة ...كانت قاعدة ترجع لي ورا...وقعد يطالع شيخة وهي طالعته اشوي وصدت...

كان مشاري وجراح واقفين عالشارع....جراح اعيونه ماطاحت من على سيارة شيخة....قاعد يطالعها لين اختفت...قرب مشاري من جراح ومسكه من زنده اليمين.....وبصوت واطي..
مشاري: خلاص جرااح...انسى ...انسى....
جرااح يحط راحت ايده الثنتين على راسه : ماني قادر مشاري...ماني قادر... انا ضحيت بالدنيا عشانها...بعت اهلي وناسي عشانها.... احبها والله العظيم احبها....

،

((بسيارة جراح))

يرن موبايل جراح....ويلا شيخة داقة....
جرااح: اشتبي هذي داقة...مووقتها كلش....
مشاري معصب: جراح والله هذي مرتك ..موذيج...
جراح متنرفز: الو....
شيخة: هلا حبيبي ...وينك قاعدة احاتيك....
جراح: ليش ...شايفتني ياهل....
شيخة بدلع: ايه ...انت بيبيي انا.....
جراااح: اقول اقول....مالي خلق شي....
شيخة اندقرت مسكينة:اوكي... متى بترجع...
جراح: كاني راد....ليش تبين شي...
شيخة: وااي لأ مابي شي....يالله باي....
سكرت شيخة الخط ومانطرته يقول باي....
مشاري: نفسيتك ...نفسيتك...
جرااح: جب انت...
مشاري: انت الي اتنجب....اتصدق والله ماتستحي....ماكو فايدة فيك....ذيل الجلب عوي...
جرااح: انت شيلي حارك بالموضوع.....!!!
مشاري :انت حمار ولا شكلك جذي... انت الي حارني...خلااااص ...مسوي روحك روميو زمانك يعني...محد حب غيرك....يبا الي خلقها خلق مليووووووون غيرها...شنو خذيت منها غير البلاوي والمشاكل..امك واهلك مايكلمونك..وعلى شنو عاد ...على وحده ماتسوى بيزة.. ترى والله حرااام الي اتسويه ابنت الناس...بس طايح تجعم وتدقر فيها...وانتو توكم امكملين الشهر....
جراااح ساكت ولا كلمة.....
مشاري: جراح....فكر ابنتك عالاقل....موتقول اتحب شيخة...يعني شيخة لي طقت وملت...وهدتلك البيت بكبره...شنو بتكون ردة فعل بنتك...مسكينة موقاعدة اتحس باستقرار....
جراح يسمعه بس مو قاعد يطالعه ...
جراح: انا تسرعت بزواجي....المفروض انطر اشوي....
مشاري : تنطر شنو....بفهم...يالله فهمني ...اعتبرني غبي يبي يفهم....
جراح: أنطر...يمكن شيوخ مرتي الاوليه اتردلي...
مشاري باستغراب: جراحو ...شوفني...شوفني
لف ويها على مشاري...يكمل مشاري:
مشاري: انت مرجوج!!!...في مخك شي!!!!...ماتستوعب!!!!...احمار!!!!.. خلاص ماكو فايدة...البنيه ماتبيك...موغصب....ماتواطنك....� �نو ماعندك كرامة انت....
جراح:اموووووت عليها...اتخيلها الليل والنهار...حتى اذا صار بيني وبين مرتي شي...اتخيلها اهي...ماخذه عقلي ...ميننتني...
مشاري: والله اشك ساحرتك...بعد يدتها بوعرقه...
جراح: تتطنز...هاا
مشاري: والله مسحوووور...قلنا حلوة ...بس لا اخلاق لابطيخ...المره مو بس جمال ....لا وفوق شينها قوات عينها...هم اهي الي ماتبيك....
جراح: يمكن لاني كنت وايد اطقها ...وصاك عليهاا....
مشاري بنرفزة:مو من فراغ.. من شي شفته منها....اعذرني..بس اهي زباله...واهلها ازبل منها....عيل ليش اهلك قوموا الدنيا ماقعدوها يوم قلت تبيها....
جرااح: اشدعوااا عاد...انا ماطحت عليها بشئ....
مشاري يصرخ: يعني ناطر لين طيح عليها بشئ...كنت شاك99.9%...بس ناقصك الدليل...
يسكت مشاري ويطالع جراح الي ماعنده شي يقوله...ويكمل:
مشاري: ماني مصدق ان انت ...بشخصيتك الي اتهز اجبال...اطيحك مره مثل هالزباله....اصلا انت اشلون اتفكر اتردلها....اهي عمرها ماحبتك ..ايام ماكنت اتكلمها غرتها افلوس اهلك واسمك......ويوم خذتك وشافت اهلك قاطعوك..وماعندك غير راتبك...ارفستك...وقطت بنتها عليك....
يعني انت اشلون ترضاها..شلون اتعيش مع وحده قاطه ضناها...لا ومتنازله عن حضانة بنتها...بالمختصر المفيد..هذي مو مالت زواج....
جراح: كل كلامك صح ...و100%...بس شسوي ...قولي...ساعدني بدال هالحجي الفاضي....
تنهد مشاري وقال :حاول اتحب مرتك....لانها تنحب وبنت اياويد..وسنعه...عالاقل عط قلبك حق وحده تسوى...وحده اتقدر...وحده لاجار فيك الزمان توقف معاك...وحده تضحي بعمرها عشانك...وحده ماترخصك ..وحده قبل لا انت تقول الآه اتحس فيك....
جراح: الله يقدرني....


((البيت))
الساعة 12ونص.....

شيخة قاعدة بغرفة النوم اتكلم جنى....
جنى: والله مادري شقولج شيوووخ...سالفتهم عجيبة...
شيخة: طبعا كل الي قتلج اياه بيني وبينج مايطلع....لاتقولين حق خواتي....
جنى: اكيييييييييد...اشايفتني ...بخور السوق.....
شيخة:لابس عشان اتكونين حذره... انزين جنووووي!!!!
جنى: هلا...شنو...
شيخة وهي تبتسم:مادري جنوي..مادري اشفيني...احس تعلقت بجرااح....مادري ليش...يمكن لاني احس بالنقص بعد ضاري...وانه حب وحده على....بس مادري احس بديت احبه...واستانس عليه....
جنى: ايه بس لاتقطين عمرج....عامليه زين وحطيه على راسج...بس لاتبينيله انج ميته عليه.....ترا الرياييل مايبون الي اتقط عمرها...
شيخة: تعالى على طاري الرياييل....شخبار سعود<<رفيج جنى..
جنى: سعوود...زين ...اتصدقين واايد واايد متغير عن اول...صاير مايدق وايد ...مايدز مسجااات وايد....ياخوفي من الي بالي....
شيخة: ان يكون يكلم؟؟!!!!
جنى: اييييه....هذا الي خايفه منه.....
شيخة: جنوي...تبين نصيحتي....هدييه...ماكو فايدة من الي قاعدة اتسوينه....مارااااااح تاخذينه...اهلج لو تنطبق السما على الارض ماراح يرضون....واخطبج جم مرة وردوووه....خلاص شوفي حياتج...والله بيعوضج....
جنى تبجي: اموووت عليه....شسوي...7 اسنين معاه موشويه...
شيخة: ادري عمر ....بس انتي بنت واهو ريال....باجر اذا كبرتي من يبيج...خلاص بتقل عندج الفرص....اما اهو ريال..مايضره...لو يصير عمره 40 ياخذله ام 18....
جنى:ياربي ليش اهلنا معقدين جذي...
شيخة: بعد ....على قولتهم عادات وتقاليد....بس نصيحة لاتضيعين عمرج عالفاضي...
شيخة:ادري ..ادري...قاعدة افكر بهالشئ....بخليه يخطبني اخر مرة وخلاص....
شيخة: الله يوفقج...والله اتمنالج السعادة....
جنى: شيخووه اخليج الحين ....سعود خط ثاني...باي
شيخة: باي...


بعد نص ساعة ..ويلا تسمع شيخة باب الشقة تبطل...وبعدين يفتح جراح باب الغرفة اشوي اشوي.....
جراح يوم شاف شيخة: السلام.....
شيخة بابتسامة : وعليكم السلام.....
جراح: عبالي نمتي....
شيخة: واشلون اييلي النوم وانت مارديت....
ابتسم جراح ابتسامة من ورا قلبه....وراح بدل اهدومه....وبعدين قعد عالفراش يطقق عالاب توب.....يت شيخة يمه ولمته من خصره...وحطت راسها على صدره....

،

[لامارا]

((بعد ثلاثة اشهر))

شيخة كانت بالمدرسة ...قاعدة تشرح درس حق طالباتها....
وكانت اتحس بارهاق وتعب...لانها طول الليل مانامت بسبت جراح...كانت متخانقة معاه....وهاد البيت وطالع....
وهي قاعدة تشرح ...اتحس الدنيا ادووور فيها....قامت اقعدت عالكرسي...جان اتقول حق وحدة من طالباتها....نادي ابله نوف<<<وحدة من صديقاتها بقسم الانجلش.....
راحت البنت....ركض....ونادت الابله...وقالتلهم ان ابله شيخة تعبانة.....يت ابله نوف ومعاها ابلتين ثانيين....وشافو شيخة حاطة راسها عالطاوله....
يتلها نوف بسرعة ومخترعة : شيخة اشفيج....
شيخة وليلحين امنزله راسها : مادري احس اني تعبانه تعبانه حيييل... تعبانه حيل دوخه وصداع وجسمي كله مهدود ويعورني...
نوف : يمكن فيج هبوط.....
نوف اتكلم الابله الثانية: مسكي حصة شيخة ...انا باخذها ترتاح....
وقفت شيخة ...وحطت ايدها على جتف نوف....ماكو خطوتين جان اتطيييح شيخة من طوووولها.....
نوف اتصرخ واليهال يصرخون....وتطقق ويه شيخة: شيخة قومي....قومي.....
اتكلم الي معاها: احد اييب ماي ..او ملح....بسرعة.....

بعد ساعة.....بطلت شيخة اعيونها...ويلا اتشوف جراااح جدامها.....
شيخة قاعدة اتبطل اعيونها اشوي اشوي....
شيخة: جراااح....
طالعها جرااح: هلا....
شيخة: انا وين؟؟؟
جرااح: بالمستشفى....
شيخة اطالع الدرب الي ابايدها: ليش اشصاير ...اشفيني؟؟؟
جرااح: يقولون هبوط بضغط الدم....
شيخة: كله منك ....مانمت الليل بسبتك....ولاكليت شي...
جراح ساكت ويتأفف....
طبعا جرااح ياي بلبسه العسكري...لان دوام شيخة دقوااا عليه وقالوله انها بالمستشفى...

شيخة: من دق عليك...؟؟؟
جرااح: دوامج....بعد منو؟؟؟؟
شيخة: يوم ييت كان في احد....؟؟؟
جرااح: ايه ..فيه جم وحده قاعدة...يوم اعرفوا اني ريلج..مشواا؟؟؟
شيخة اتحاول انها تقعد: انزين متى بطلع...عقب مايخلص الدرب؟؟؟
جرااح: لا ....ماخذين منج دم...ولازم ننطر نتيجة التحليل ..
شيخة: تحاليل حق شنو....
جرااح: لازم الاحد اذا يا يسوونله تحاليل ....مجرد check up....

شيخة: وين رحت امس بليل....؟؟؟
جرااح: شيخة خلاص انتي تعبانه الحين..وكلش كلش مالي خلق نجرة.....
شيخة متنرفزة.:ومنو قال اني بتناجر معاك..بس قاعدة اسأل؟؟؟
جراااح: وليييين....كنت نايم عند مشاري....خلاص
شيخة: خلاص....
امسكت شيخة ايده...وقاعدة اطالعه...واهو قاعد يتعبث بتلفونه بالايد الثانية.....
ويلا يدخل الدكتور المصري.....
الطبيب: ازيك ديلوأتي....حاسه بحاجة...؟؟
شيخة: الحمد الله دكتور ...احسن ..احسن بوايد...
جراح: انزين دكتور ...اطلعت نتيجة التحاليل...؟؟
الدكتور:آآآه ..النتيجة كويسة...بس دي الاعراض عاادية في اشهر الحمل الاولى...ماتخفوش....
شيخة وحدها مومستوعبة: الـــــــــــــحــــــمــ ـــــــل....شنو انا حـــــــــــــــــــامـــ ل؟؟؟؟؟؟؟
الدكتور: ايه انتي مابتعرفيش....انتي ليكي شهرين....
جرااح منصفق ويها...ولاكلمة....
شيخة قاعدة تبجي: دكتور متأكد...بليز عيد التحليل..بليييز
الدكتور: ايوااا متأكدين 100%....هوااا في ايه؟؟؟
شيخة تمسح ادموع الفرح: ماني مصدقة....ماني مصدقة...الحمدالله ياربي على هالنعمة.....
الدكتور يبتسم: ماتنسيش الحلاوة.....
شيخة بانفعال: من غير ماتقولي...لك حلاوتين بعد....
وجراااااااح ولا تكلم....ولانطق...ولاحتى ابتسم....جنه كان مصدوووم...جنه كاان ماوده يسمع هالخبر....
الدكتور: بس عشان نطمن عليكي اكتر...حتبأي هنا يومين...
شيخة: يومين ثلاث شهر...ميخالف راضية....
طلع الدكتور ...جان يطالع جراح شيخة....
جراح باستغراب: اشلون انتي حاامل...؟؟؟
شيخة مستغربة من سؤاله: وليش مستغرب...؟؟؟
جراح: انا يوم خطبتج ...سألت عنج...وسألت عن سبب طلاقج...قالولي انج ماتيبين اعيال....!!!!
شيخة بانفعال: اكيد سائل احد من طرف زوجي...وبيطلعون العيب فيني....الحمدالله ...انا سليمة ...بس الله ماكتبلي....ومو هذا سبب انفصالي....
تسكت شيخة واتكمل: اشفيك ...جنك مو مستانس؟؟؟
جراح بارتباك:هـ..ـا..لأ..مــ..ستان� �..ـس...
شيخة:واي الحمد الله ياربي...الحمدالله.... جراح حبيبي...وايد مستاسة....تعال لمني.....
قام جراح والخطوة ثقيله.... ولم شيخة....
شيخة: احبك...احبك....احبك...
وجراح سرحااان بفكره بعيييييييييييييييد......


بعد 7 ا شهر ن الحمل ....

شيخة: انتا مااااكو فايدة منك ....لو شنو...ماتتعدل....
جراااح: جاااااااااااااااااااب....لا طولين السانج..اقصه قص...
شيخة بصرااخ: خلاص ذبحتني...يننتني....ماني عارفة اشلون ارضيك....سويت كل شي...كل شي عشانك......عشان ترضى....بس ماكو فايدة....ملييييت ملييييييت.....
جرااح: يعني شنو بتسوين...بتروحين بيت اهلج...ذلفي بيت هلج....بلعنه....
اهو دايما يكرر هالكلام ...يدري ان شيخة ماراح اتروح بيت اهلها....
شيخة غمضت عينها وتعوذت من ابليس: انا ماروح بيت اهلي...بس مو عشانك ...عشان الي ابطني وعشان ديما....مو عشان ويهك....
لفت ويها وعطته ظهرها....جان اييلها بسرعة ويمسكها من زندها ويدزها عشان تقعد عالقنفه.....
جراح: انا لمن اكلمج تحترمين نفسج...وماتعطيني ظهرج....
شيخة:حراام عليك انا حاامل ..اشلون ادزني جذي... واااي انا تعبت ...تعبت...من اول ماخذيتك..بس صراخ وهواش...حتى ايدك اتمدها على...عيب...والله عيب...ترا انا بنت ناس....
جرااح:كيفج...هذي طريقتي ...عاجبج عاجبج...موعاجبج...الباب يساع جمل...

طلع وصفق باب الصاله حييييل....

شيخة امسكت موبايلها...وقاعدة ادق.....
جنى: الووو
شيخة وقاعدة تبجي: جنووووووي.....
جنى مخترعة: اشفيييييييييييييييييييييي ييييج!!!
شيخة: انتي وينج....تعاليلي الحين...ابيج ضروري....
جنى : يالله انا بجمعية السرة....كاني الحين يايه...مسافة الطريج....
طقت جنى جرس الشقة....افتحتلها شيخة الباب...جان اتلمها حيييل وهي تبجي بهستيريا....
جنى: شيووووووووخ...موزين عليج ...لاتبجين جذي....
شيخة ماهي قادرة تتكلم من البجي: آآآآآآآآآآآآآآآآآآآآه..آآآ آآآآآآه
...تعــ..بت منــ..ـه...واااي بمـ...وت قاصــ..ـرة عـ..مر بســ..ـبته...مــ...ــادري اشيبي....
جنى:بقولج شي شيوخ بس لاتزعلين...وادري موقته...بس تعرفيني صريحة...
شيخة:شــ..ـنو....
جنى: شيخة..مادري شقول....بس يمكن مايحبج....
شيخة كانت لامه جنى...يوم اسمعت جذي...وخرت وطالعتها:
وليش مــ..ــا يـ..ـحبني ان انـ..ـشاله...من زيـ..نه ...اصلا مايلقا...وحده مثلي تتحمله.....
جنى: ولايحصله حتى بالاحلام...بس انا اقول يمكن.....
شيخة اتحط ايدها على بطنها....واتغمض عينها....
جنى مخترعة: اشفيج؟؟؟؟
شيخة تتألم: مادري احس بعوااار....أي
جنى :اييبلج شي..ماي ..بندول...
شيخة: لا لا عادي ...يمكن الحين يخف.....
بعد ربع ساااعة ويلا يزيد عليها العواار حييييل....
شيخة: امبييييه ...ماني قادرة...احس بموووت....
جنى امسكت تلفوون شيخة: ادق على جراااح...
شيخة ماااسكة بطنها ومغمضة عيونها حيييييل: ايه بسرعة ..بسرعة...
دقت جنى على جرااح....بس ماشاله...
جنى معتفسة: شيووووخ مايرد....شسوي...
شيخة: شوفي الاسامي بتلفوني ...تلقين واحد اسمه مشاري...دقي عليه...بس من خطج...اخاف يشوف رقمي وجراح يقوله لاترد....
جنى:اوكي.....
دقت جنى عالخط.....
مشاري: نـــعـــم <<<مايعرف هالرقم الغريب
جنى بخجل: الووو...هلا مشاري ...اشلونك....جرااح يمك...؟؟
مشاري مستغرب: نعم...منو انتي؟؟
جنى: بسرعة اكو وقت....ابي جراااح ضروري....
مشاري امعصب: اقووول ...يالله يالله توكلي علةى الله...وعن قلة الادب....
جنى بسرعة تكمل: شيخة مرته تعبانة...مادري يمكن فيها طلق...
مشاري اعتفس: شنو...انتو وينكم...احنا بالشقة بكيفان...خل ايي ضرووري...
مشاري : يالله يالله ...كانا يايين....
ويدوووس مشاري وجراح...والحمد الله انهم كانوا بالخالدية....
كانت جنى امبطله الباب تنطرهم....صعد جرااح...وحده معتفس...شاف شيخة منسدحة عالقنفة وتتلوى من الالم...جان يشيلها ويركض عالسيارة...ودخلها ورا واركبت جنى معاهم....
وهم بالطريج:
مشاري متدوده: وين اروح أي مستشفى...
جرااح قاعد الف ويها عليها: روح الصباح...ماكو مستشفى خاص راح يستقبلها...اهي توها ...باول السابع...
وشيخة تبجي طوووول الطريج وتصرخ.....واتقول:
شيخة: ولدي .... ولدي ...اذا صار فيه شي ماراح اسامحك ياجراح....كله منك ...كله منك....
جرااح معصب: بسرعة مشاري دووووس.....
مشاري: كاني ...كاني.....

اوصلوا المستشفى....
وبسرعة حطوا شيخة عالكرسي....وودوها يفحصونها...وجرااح ومشاري وجنى ينطرون بره....جان تطلع شيخة حاطينها بالفراش المتحرك...ويركضون فيها السسترات...مسك جراااح الدكتور...
جراااح: بشر دكتووور...شنو؟؟
الدكتور: دي ولادة..خلاص...
جراح منصدم: اشلون...اهي توها بالسابع.....
الدكتور: ده امر ربنا.....
هد الدكتور جراااح ومشى....وجراااح قاعد يطالع الارض ويفكر....ويقول: كله مني ..انا البب...خليتها اتعصب...ودزيتها...اذا صار فيهم شي ماراح اسامح نفسي....

وقف جراااح ينطر على نار....ماكان قاعد...كان رااايح رااااد..وحده متوتر......
وجنى ومشاري قاعدين.....
مشاري حق جنى: ادري موقته....بس اسف على اسلوبي ...عبالي وحده تتـ..ـحرشــ....سووري..
جنى مستحية: لاعااادي...
مشاري: انتي اخت شيخة....؟؟؟
جنى:لا انا رفيجتها...بس تقدر اتقووول خوااات....
مشاري: اييه ...الله يخليكم البعض.....

بآخر الممر ويلا الدكتور ياي....جراح راحله على طول ومانطره لين ايي....
جراح: هابشر يادكتور....؟؟
الدكتور: مبروووك...ولد.....
جراح كمل كلامه على طووول : والام....اشلونها؟
الدكتور : تعبانه...بس مافيش خطورة عليها...بس من الولادة القيصرية....والولد صغير اوي...وهو دي الوأتي بالحضانه....
جرااح: يصير اشوفها...؟؟
الدكتور: اليوم لأ...ممكن بكره...

،

((شقة جراح))

توه جراح داش الشقة....ويلا ماليني تنطره....
ماليني: بابا جراح....ماما شيكا زين؟؟؟
جرااح: ايه زين ...اهي جيب ولد....
ماليني وحدها مستانسه: ماشالاه ماشالاه....
جراح: باجر صبح ...انا انتي ديومة يروح هوسبتل...
ماليني: اوكي بابا.....

دخل جراح الغرفة....فسخ دشداشته...وقعد بالمكسر والفانيله...طلــّع بوكه وسويج سيارته وحطهم عالتسريحة...ويلا يشوف البرواز الي فيه صوره شيخة مع ديمة...ابتسم....مسك الصورة بايده..جان ينسدح بالفراش على ظهره....وحاط الصورة جدامه قاعد يطالعها...ويقول بقلبه....
جراح:انا ليش اسوي جذي....ليش مينن البنيه؟ ليش امأذيها؟....اهي زينه معاي...تسمع كلامي واتعاملني احسن معامله...وتحبني...واتخاف علي...وعلى شنو؟؟ على واحد مو معطيها وي!!!! واحد مثلي كريه وعصبي والسانه وصخ..!!!
مو كفايه بنتي اتموت عليها!!....ومو كفايه انها اتعامل بنتي على انها بنته اهيا..!!! مو كفايه بنتي اتناديها يما!!!! بنات هالوقت يسوون جذي!!!!والله لو الف الدنيا مالقا وحدة مثلها صابرة....وولاعمرها شكت لاهلها....ولا عمرها هدت البيت ومشت....ولاعمرها قصرت على بشي....اتخاف على من كل شي....اتسويلي الاكل بايدها...آآآخ...انا بنعمة والله بنعمة بس مو حاس فيها.....بس لأ...خلاص راح افتح معاها صفحة يديدة....وشيخة هذيج بنساها ...بمحيها من خيالي...كل ماتذكرتها بحاول الهي نفسي بأي شي....ادري صعب ...بس بحاول....انا هذيج شنو خذيت منها...ولاشي ...عمري ماعرفت راحة البال والراحة الا مع شيخة مرتي....راح احاول كثر ماقدر اني اتقرب من شيخة...وراح احاول اني احبها....يارب قدرني يارب......قدرني.



((بيت جنى))
توها جنى داخله البيت عالساعة 12 وشي.....ويلا امها قاعدة تنطرها ومعصبة.....
يوم شافتها الام ...وقالت....
الام: بسرعة طيري فوق دارج....لايشوفونج اخوانج...وانا الحين بييج...
اركضت جنى غرفتها بسرعة....والحمدالله محد من اخوانها شافها.....وغيرت اهدومها...والبست بيجامة قطن على هيلو كيتي ...شاريتها من oysho....ومع الشبشب مالها...وارفعت شعرها.....ويلا احد يطق الباب....
افتحت جنى الباب ...ويلا امها....وحدها معصبه......
الام: ان شاء الله ماتقوليلي وين كنتي؟؟؟وليش جهازج مغلق؟؟؟
جنى وضايق خلقها:يمااا كنت مع شيوخ بالمستشفى....
الام اخترعت وطقت على صدرها: ووووويه اشفييييييييها!!!!!
جنى : يما شيخة ولدت ....بالسابع.....
الام: ويييه غبرا ...اشلون وليش؟؟؟؟
جنى: يتلها ولادة مبكره....بعد قلبي اتعبت...ولاشفتها واهي تولد ولاعقب ماولدت...
الام: انزين جان قلتيلي انج مع شيخة ...قعدت احاتيج ...وخايفة اخوانج يسألوني عنج...
جنى: يما شسوي تلفوني طفا ...مافيه شحن....
الام: بلغتوا ام ناصر....؟؟؟
جنى:لا ..جراح ريلها قالي لاتقولين لهم...لان اصلا محد يقدر يشوفها اليوم...فليش انخليها اتحاتي....باجر الصبح اهو ببلغهم.....
الام:ياحياتي ياشيخة...انزين ماقلتيلي.. قيصريه ولا طبيعي؟؟
جنى ابراءة: لا هذي ولا هذي ...فتح بطن.....
الام تضحك: هيهيهيهي ..ياحلوج جنوي...فتح بطن يعني قيصريه....
جنى منحرجه : ويييه اشدراني ...اشعرفني.....
الام اتطبطب على جتف جنى: ان شاء الله تتزوجين واتعرفين كل شي..واتجربين الولادة ...قولي امين...
جنى شيخة ترفع ايدها تدعي: الله يسمع منج آمين... آميييييييين...
الام : يما يما منكم بنات هالوقت...احنا يوم كنا كبركم وسمعنا هالكلام من امهاتنا ..تخشخشنا وقطينا ويوهنا من الحيا...وانتو لاحيا ولامستحا....
جنى: وييه عادي.....

اطلعت ام جنى من غرفت جنى.....وانسدحت جنى عالفراش.....قعدت اتفكر..واتقول: ياحليلج ياشيخة..صرتي ام...يارب يعوضج عن كل شي....
اسكتت وقعدت اتفكر بكلام امها يوم دعتلها بالزواج والذرية....وقالت:
جنى: ياربي ودي اتزوج...ودي اعيش هاللحظات...ودي يصير عندي سند بهالدنيا...ودي اصير ام.....انا الي ضيعت على نفسي فرص وايد...قعدت انطر سعووود اسنين...مع ان اهلي ماكانو راضيين فيه...بس تمسكتت فيه...وآخر شي طلع يكلم بنات الدنيا والدين....مو كفو الي سويتله اياه...ماستاهل ظفري....الحمد الله اني افتكيت منه....وعرفته قبل لايفوت الاوان..ويفوتني القطااار...الحمد الله...

ويقطع حبل افكارها رنة موبايلها.....جنى بقلبها :هذا الرقم اعرفه....هذا رفيج جراح!!!!!!!!!!!!!!!!!!!!!
جنى باستغراب: الووو...
مشاري:أ..الووو...
جنى:هلا والله....!!!!<<<<اتقول بقلبها....ليش داق هذا بهالليل....؟!!
مشاري منحرج: مادري... عرفتيني..؟؟؟؟
جنى: ايه رفيج جرااح....اعتقد مشااااغي "<<<<اهي فيها لدغة....
مشاري حدة مستانس: تكفيين عيدي اسمي مرة ثاني.....
جنى مستغربه: مشاااغي....
مشاري: امبييييييييه اسمي حلو على السانج.....لدغتج حلوة....
جنى:امممممممممم...<<<انزين يعني اشتبي
مشاري متوتر وماعنده شي يقوله: أأأ..أنا داق عشان...أأأ...ايه ماعرفت اسمج....!!!!
جنى : اسمي جنى...
مشاري:حلووو اسمج....شنو معاته<<<<يبي يسولف
جنى: مشكووووغ....معناته..الخيغ (الخير) والبغكه (البركه)....
مشاري حدة متشقق: لأ لأ لدغتج مووو صج...عجيبة....
جنى :شنو تطنز ....
مشاري :لا لا لا والله....لاتفهميني غلط...والله حدها حلوة..وتونس....احب اللدغة...
جنى: مشكووووووغ...
مشاري ميت ضحك بس على مستانس...
جنى: بس عاااد....
مشاري: انزين ...اقول....
جنى: تفضل...
مشاري: آآ...أممم...مادري شقول....انتـ...ـي مرتبطة...
جنى مستحية: لا مورتبطة....
مشاري بانفعال: هـِياااا....اوه سووووري....
جنى: ليش مستانس...انا قلت برتبط فيك الحين.....
مشاري: افــا ...ليش عاد....
جنى: انتا اول مرة اتشوفني اليوم...وسيده تبي اتكلمني ..مايصير....!!!
مشاري : الصراحة...دشيتي قلبي...وبدامج صديقة شيخة....اكيد انج نفسها....ومثل ماقال الرسول عليه الصلاة والسلام ((الرجل على دين خليله فلينظر أحدكم من يخالل))...
جنى: اوووه ...احاديث بعد...زين والله
مشاري:لا بس انا فيني دين... شكلي مايوحي صح!!!!
جنى منفعله: كلش....بس انتو يالشباب تاخذون من الدين الي تبون...وتقطون الي مايعجبكم بحر.....
مشاري: افـااااااا...ليش؟؟
جنى:والله.....يعني الحين اذا واحد كلم وحده اتكلمني مو حراام....!!
مشاري: لا ...اذا كان يبيها زوااااج...ماظن...
جنى: لأ حراااام...اهي غريبة واهو غريب....اذا بنتكلم عن الحلال والحرام....!!!
مشاري: اشرايج انغير الموضوووع.......

وقعد مشاري يكلم جنى من الساعة 1 بليل...الى الساعة 6 ونص.......

جنى اطالع ساعة الموبايل....
جنى:امبيه تدري جم الساعة الحييين...
مشاري: جم؟؟؟
جنى: 6 ونص...!!!
مشاري: اوووووخ...خذانا الوقت...الحمد الله ان اجازة اليوم.....
جنى: خلاص انا اخليك الحين...خل اناملي ساعتين ثلاث...عشان بزور شيخة...
مشاري مستحي: انزين...آآ...راح اسمع صوتج مرة ثانية؟؟؟
جنى تتغلى: مادري...يصير خير...
مشاري: اوكي ...تلحفي عدل....تصبحين على خير....
جنى: قصدك اتمسين على خير ...الشمس اطلعت....
مشاري بصوت حساس وهادي: المهم ان اتكونين بخير....
جنى مستحية: وانت من اهله......

سكرت الموبايل....وقعدت اتفكر بمشاري...وتتذكر شكله....وحتى مشاري...كان قاعد يبتسم ويتذكر شكلها.....ونامواا....




((مستشفى الصباح))

دخل جراح وديمة غرفة شيخة....وكانت شيخة وامها وخواتها وناصر وليان ودانية بنات طيبة الصغار....سلم جرااح على الموجودين....ديمة اول ماشافت شيخة جان تركض لها....
ديمة: مااااماااااا...
شيخة خانقتها العبرة: هلا حياتي.....تعالي
رفعها جراح وحطها على فراش شيخة......وتلمها شيخة حييل ...واتقولها : حبيبتي ديومي ...ولهت عليج.....
ديمة: وين اخوي.....
شيخة تبتسم حق ديما : اخوج اصغيروووون...عشان جذي الطبيب راح اخليه عنده لمن يكبر اشوي....
ديمه اتمد شفايفها ليه جدام: مابي....ابي اخوي.....
ديمة اتلمه واتبوسهاا: وااا زينه الي يبي اخوووه...
طبعا جراااح واقف....طالعته شيخة وحدها امعصبه منه....جان يقرب منها ويبوس راسها ...ويقول...
جرااح: الحمد الله على سلامتج يالغاليه.....
شيخة مو مصدقة الي تسمعه ...وعلى طووول طخت...وخصوصا ان قال هالكلمة جدام الكل....وصار ويها احمر.....
شيخة: الله يسلمك.....

صار سكوت اشوي....جان ام ناصر تتكلم...
ام ناصر: ماتدرون اشصار فيني يوم جراح دق على الصبح وقالي شيوخة ولدت....بغيت اموت...
شيخة وطيبة وحصة: بسم الله عليج يما....
شيخة: انزين يما اشلون الحين....وين اسوي استقبال اهني ويلا بالبيت...
طيبة: انا اقول لي طلعتي من الاربعين احسنلج...لانج تعبانه....
ام ناصر: وانا اقول جذي بعد...بعد شنسوي ولدتي فجأة ومازهبنا شي....وراح اييبلج (فلة) طيبة مالت ولادتها الاولى بليان...فرشيها اهني....اخاف ايولج حمولتج والمقربين ....والحلو انا اييبه العصر ان شاء الله مع القهوة.....
جراح متحمس : انا اييب الحلو عمتي....عندنا بجمعية العديلية خوش حلو ((الرملاوي))....

جان يضحكووووون حصة وطيبة وشيخة وامهم.....
وجراح يطالع ناصر ...واثنينهم مستغربين....
ناصر : شالسالفة...ليش اضحكوووو...
جراح: مادري.....
ام ناصر تضحك: ويي ياحليلكم يالرياييل....سمحين كل شي عااادي....يايما مايصير انييب من اهني...
جرااح: ليش يعني ...موتبون حلووو؟؟؟
حصة تنقز: ايه بس انت ماتعرف الحريم....كلشي يطالعون....كلشي يعلقون عليه...
ناصر يحرك ايده ويستهزأ : صج لييي قالو...حريييييييييييييييم... ..!!!
اتقاطعها ام ناصر: لا يما ماتقصر حبيبي....انا برو (اوبرا) واييب الحلو....
جراااح: خلاص عمتي...انا اييب.....
اتقاطعه ام ناصر: لا يما ...اقعد جابل مرتك ....وبنيتك...وانا ماعندي شي....وكاهو يمنا بقرطبة....ليش اعنيك....!!!
جراااح على ضحك : عمتي ...قولي اخاااف اتخووورة...لاتستحين....
ام ناصر : تبي الصج...ايييه....

واضحكوووا ....وشيخة طوول الوقت اطالع جراااح...مستانسة...ويهه صاير سمح....مومعصب....بس يبتسم...ويسولف مع امها وخواتها.....

ام ناصر اوقفت...جان اتقول:
ام ناصر : يالله عيل احنا بنمشي....عشان ترتاح شيوخ اشوي.....وانييكم العصاري....
شيخة: يما مروا شوفوا الياهل...
ام ناصر: ان شاء الله.....
جراح وقف: حايكم الله عمتي ....
راحت ام ناصر وحبت راس شيخة.....
ام ناصر حق جراح: دير بالك عليها حبيبي....
جرااح: بعيوني عمتي...لاتوصين حريص....

وشيخة فوق راسها علامات استفهام...شالسالفة.....<<<مسكي� �ه مو متعودة عالكلام الحلو.....


ديما يوم شافت اليهال بيروحون قامت تبجي.....
طيبة: واي ياحياتي....لاتبجين....
اتكمل واتوجه الكلام حق جراااح: ميخالف آخذها عشان تلعب مع بناتي واييبها العصر...
جراااح: ايه اشدعوااا...بس والي يسلمج ديري بالج عليها......
طيبة: لا تحاتي..ديمة حسبت بناتي.....


اطلعوا وصك جراح باب الغرفة.....وقرب يم شيخة....جان يمسك ايدها ويبوسها.....شيخة منصدمة ....مو مصدقة الي يصير....
شيخة باستغراب: جراااح اشفيك؟؟؟
جراح: اشفيني؟
شيخة: مادري...مو على طبيعتك؟؟؟
جرااح: خلاص انا من يوم راايح راح اتغير....ماراح اصير جرااح الاولي.....
شيخة مومستوعبه: ليش اشصاير؟؟؟
جرااح: مو صاير شي...يعني انطر لين يصير شي عسان اتغير؟؟؟
شيخة : لا بس امس كنت امعصب...؟؟؟
جراح: مادري....حسيت اني ظالمج معاي....وخصوصا يوم شفتج وانتي تطلقين...وبغا يصير فيج او في الياهل شي بسبتي....هذي اللحظة هزتني...وحركة شي بداخلي.....

شيخة: جراااح....ماني مصدقة....مو مستوعبة الي اسمعه...!!!
جراح: لا استوعبي ...صدقي يأم ""بـــــــــــــــــــراّك ""......






((شيخة بعد مرور شهر و25 يوم على ولادتها......))

شيخة قاعدة بالصاله مع امها وديمة ...كانوا قاعدين يطالعون تلفزيون...وياكلون حب ويشربون جاي....عقب الغدااا...تقريبا كانت السعة 3 العصر.....ويسمعون الجرس يطق....
الام تنادي: ميري .........ميريي
ميري: نعم ماما....
الام: شوفي منو عند الباب.....
ميري: ان شاء الله ماما......

راحت الخدامة اتبطل الباب....وشيخة قاعدة ابجامتها النوم ...وشعرها مو مسويته ومن مسدحه على بطنها عالقنفة...وقاعدة تاكل حب وطالع المسلسل.... فجأة يدخل جرااااح...وبلبسه العسكري....
جراااح: السلام عليك .....
ام ناصر تهلل وترحب: هلا وغلا...هلا بو براك....تو مانوّر البيت......
جراااح راح باس راس عمته.....
راحت ديمة وطبت على ابوها ولمته حيييييييييييل...واهو قاعد ينقزها بالهوا....
وشيخة صااارت بنص اهدومها...لان شكلها كان تعيييييييييييييييييس.....وم� �تشلة منه.....
قامت شيخة وسلمت عليه....وباسته على خده اليمين وخده اليسار.....وقعدت......
ام ناصر: اشلونك اوليدي ...شخبارك....واشلون الدوام....؟؟؟؟
جرااح: تمام عمتي الله يسلمج....

ام ناصر: يما جراااح...احطلك غدااا....شكلك توك طالع من الدواام؟؟
جراااح: ايه والله عمتي...ميت يوووع....
ام ناصر : عاااد اليومك غدانا مجبوس لحم...خل ازهبلك الغدااا....
قامت الام عشان اتحط الغدا حق جراااح....
شيخة اتكلمة اشوشوي: اشيايبك؟؟؟
جرااح: ليش ماتبيني ايي؟؟
شيخة: ليش ماقتلي؟؟
جرااح: كنت بسويها مفاجأة......ليش ماتبيني....؟؟
شيخة: امبلا ...بس عشان اتزهب...ماحب اتشـوفـ.....
اسكتت ماكملت....قاعدة اتقول بقلبها: امبيه لا افطنه ...يمكن مو حاس ان شكلي لوعة....
جان يكمل جرااح: يعني ما تحبين اشوفج بهالشكل؟؟؟؟<<<<يقولها ويضحك.....
شيخة: لا والله....انا حلوة بكل الحالات....
ايطفرها جراااح: بس بهالحالة...سمحيلي...لأ.....
شيخة معصبة: لا ....اعلمك....
قامت عشان بتغير اهدومها..... مسكها جراااح وقعدها....
جراااح: مو واثقة من نفسج....قعدي بس...مافيج شي....
اتقاطعهم ام ناصر....
شيخة: احلف ...
جراااح: بعيوني...مافيج شي...
شيخة: لااااااااااا....اوريك اوريك.....
جراح: المهم....ولهت عليج....خلاص ماصارت....قاعدة عند اهلج شهرين...مو ناوية ترجين البيت....ترا حاس بغلقة...لا انتي ولا ديوم....والله ماشتهي ادش البيت....يقمتني....
شيخة: ايه احسن عشان اتحس بقيمتي....
جراااح: لا جد...جد....والله تعباااااااان ..ابيييييييج....
شيخة تتدلع: ليش اشتبي يعني؟؟؟؟
جراااح يساسرها بأذونها: تعالي البيت وانا اعلمج شبي.....
شيخة اطقه على جتفه اشويشوي وتضحك واتقول: قليل ادب...صج ادب سز واخلاق نهي......
واتكمل: انا قتلك ماراح ادش الشقة....الا وبراااكو بحضني.....مابقا شي يمكن يومين ويطلعونه....وارجع.....
جراااح: انزين ردي اليوم...تكفين....قبل لا ايي براك....تدرين راااح يبجي طووول الليل...وماراح اخذ راحتي معاج......
شيخة ميته ضحك وتأشر بايدها : لا لا لا....وثانيا انا ماخلصت شغلي....بروح الصالون ..بقص شعري....
جرااح: خلاص كيفج كيفج.....
شيخة: شنو زعلت....ّّّ!!!
جراح: لا بس اتبطين الجبد.....ماعندج سالفة
شيخة: خلاص...يومين وطالع براااك ...وان شاء برجع....والله ماخلصت شغلي حبيبي...


بعد يوم
(11/11/2006)

شيخة تمسح ادموووع الفرح.....واتلم جنى....
شيخة: مبروووووووووووووووك جنوي....والله فرحتلج...ماتتخيلين اشكثر....
جنى لامتها حيل: الله يبارك فيج....الله يبارك فيج شيووخ...ماتتخيلين اشكثر مستانسة...وخصوصا ان مشاري رفيج ريلج...راح انكون اقراااب حيل من بعض.....
شيخة: هذا اكثر شي امونسني....يالله زين عشان اذا تناجرت مع جرااااح انام عندج....ونخلي مشاري يروووح انام عند جراااح.....
جنى: هيهيهيهيههيهي....من اولها....
شيخة: واااي جنوي واخيرا ...واخيرا بشوفج عروووس....
جنى خانقتها العبرة: ايه والله...مادري اشلون صارت...بسرعة بسرعة....ماتوقعت اني راح احب مشاري بهالسرعة....ووحتى اهو.....
شيخة: مشاري خوووش واحد...آدمي وريل...مو مال خرابيط....اهو الي محظوظ فيج...الله يسعدكم يااارب...
جنى: واااي شيوخ وناسة...اتصير طلعاتنا اربعتنا مع بعض...حتى اذا سافرنا.....
شيخة تتغشمر: لا ومن الحين حاجزة بنتج حق بروووووك....بعد اشتبين.....
تضحك جنى.....
شيخة: اليوم فرحتي فرحتين....فرحتي بخطبتج وفرحتي بطلعت بروكي باجر من المستشفى.....
جنى: وااا زينه....الحمد الله بيطلع...قرت عينج مقدما....
شيخة : بويه نبييج.....

،