08-03-13, 09:03 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحلقه الرابعــه عشــــــر ((1)) [..خيــــــانه ..] عسـاف قريت الرساله مره وثنين وثلاثه لين صار الشك فيها قمــة الغباء المـوضوع واضح ومايحتاج له كل هالتفكيــر وكل شــي بهالجــوال يدين الريم .. اللي سوته الريم ماينغفــر كيف تكــون على علاقه مع شخص ثاني وهي متزوجــه صدق أنها حقيــره خبيثه ملعــو ...... قلتها وأكررها للمـره المليون البنات مايجي منهم الا سواد الوجـــه هذي وهي متزوجــه .. هذي خيـانه الصراحـه مألوم خلف أنا حاس أن دمــي يغلي وسط عروقــي .. اللحيــن ماني بالريم قلعتها عسـاها للحريقه تشيلها انا بخلف هذا اللي حالف أنه يقتلها ومســدسه بجيبه وجالس ينتظر رجعتها .. عسـاف :خلف تكفى أقصر الشر لاتكلمـها ولاتجيها طلقها وأفتك من وجها ماتستاهل أنك تضيع عمـرك عشــانها علم أهلها بالسواد وجـها وأبوها وأخوانها يتولون أمــرها ... بس خلف ولاهــو معـي وكأني أتكلم على نفســي أنا حاس باللي داخله ويمـكن بعد ماني حاس لأني ماجربت هالشعــور .. معقوله تخــوني ضحى بيوم وليش ضحــى بالذات هذي مصيري أطلقها وأنســاها ليش هي بالذات اللي أفكر بخيانتها بكل بساطه لأن ماعنــدك غيــرها اللحيــــن .. اوف حنا بأيش وأنا جالس أفكر بأيش ... عسـاف :خلف طلبتك .... بس خلف ولا رمــشت عين .. قمت من عنــده وأنا أدور على نفــسي وأصفق كف بكف خلف بيضيع وأنا واقف أطالعه ومابيدي شــي أسويه .. من يقدر على خلف وهــو غضبان مأحد يقدر يوقف بوجـهه ولايغير من رايـــه الا لحضه فيه اللي يقدر على خلف وأبو خلف بعد زي أنه طرى على بالي ... بعــدت عنــه بمسـافه كفيله أنها ماتوصله صوتي وأتصلت بالشخص الوحيــد اللي احس أنه يقدر يغير من قرار خلف ... رنين متواصل ومحد يرد كنت خلاص بديت أفقد الأمل يوم أنفتح خط الطرف الثاني ... عســــاف :اللو مباررك ألحق ... اوووف أنا عسـاف عســاف .. ايه أسمـــع .. أدري أنك متبري منها اللحين من جاب طاريها ..بكلمــك عن خلف .. ايه خلف أبيك تلحق عليه قبل مايضيع نفســـــه .. اسمــع ... وقلت له السالفه كامــله .. وهو صك من عنـدي حتى قبل مايقول مــع الســــلامه ... كنت بأحبط لوماكانت هذي ردت فعله .. سمعت صوت رنيــن جوال خلف وشفته متردد يرد اولا بالأخيــر زفر زفره قــويه ورفعــــــه .. طول المكــالمه كنت على أعصــابي صح خلف يحترم مبارك كثير ويعتبره بمنزلة أبوه بس خلف بهالحاله ماتقدر تخمن وش ردت فعلـــه والمــوقف اللي فيه مره صعب اللي خانتــه زوجتــــه اللي دام زواجهــم سبع سنيــن ريم كانت أول وحــده يتزوجها خلف .. كنت احس أن علاقتهم قويه وأحترامهم للبعض كبير وشي ثانــي أن ريم بنت عم أبوه بأختصـار بنت عمــه لحمــه ودمه خيانتها له شــي كبير مايصدقه عقل والشــي الثاني اللي سوته يوم نشرت صور خطيبته خطــــــأ صعـــب يغفره .. ماني مصدق أن ريم تسوي مثل هالــشي كنت احسب الأنحراف والتصرفات المنحله هذي ماتصدر الا من بنات الشوارع ليش بنت محترمــه مثل ريم تلجأ لمثل هالعــلاقات اللي ماتجلب لصاحبها الا الفضايح هي لاهي صغيــره ولامراهقــه عشـان تنخدع بكلام الشباب المعســول .. ماني قادر أفكر راسي بينفجــر ..ومكالمــة خلف ومبــارك عيت لاتخلص .. وصـوت خلف وصل لأخر الرياض .. وأخيراً أنتهت المكــالمه ... خلف وهو يقوم يوقف :أعجبك يعني اللي سويتــه ... عســاف :ماكان بيدي شــي كنت بتضــيع نفسك ... وش صار .. خلف :ماصك من عنــدي لين حلفت له أني مأسوي لها شـي وهو بيتصرف بطريقته .. بس هين تشــوف الملعــ...... أذا مافضحتها .. عساف :خلف انت مجنون أنت بتفضح نفسك قبل ماتفضحها ... خلف :خلاص انا ماني قادر أفكر .. طلعني من هنا لأنها لو رجعت وانا مــوجـود بذبحها الخيـــــانه ... ماصدقت أنه هو اللي طلب مني أنه يطلـــــع .. سالته وانا أطلع السيــاره :تبغــى مكان معــين ... خلف بتعب :أي مكــــان .. شفته بطرف عينــي يحوس بجواله ... وتمتم (هذي ليش ماتررد ).. كنت بسأله عن مــن يتكلم بس خفت من عصبيته .. والله حاله أنا عمــه وأخاف منــه .. سمعت يكلم وهو معصب :ساعه على ماترديــن .. وسكــت وشفته يطـالع بالجــوال ... ومسكت ضحكه كانت بتفلت منــي قفلت بوجــهه .. بس أول مره أدري أن خلف يكلم بنات كنت عندي شك ويمكـن أحسـاس أن هالأمــر عادي عنـده بس اول مره اسمعه يكلم وحـده .. بس هذي شكلها مـره تمــون عليه ولا تقفل بوجهه وشكـله الموضوع عنده عادي لأنه رجــع يدق عليها ولا ليه عليها يمكـن على وحده ثانيـــه .. ياحليلك ياخلف والله طلعت منت بهيـــــن .. خلف :أعذريني ماكان المفروض أكلمك بهالطريقه بس تعبان شــوي .. لاااا عاد هذي قويه خلف يعتذر ... وكنت بهالوقت موقف بأرض فضا نزل خلف وراح يمشــي بعيد وهـو يكلــــم .. أفا أجل طلعت هذي سوالفك ياخلف لا وبعد بنت تقفل بوجهك وانت تعتذر منها مأتصور نفــسي أقول هالكــلام بوجهه .. ×@×@×@×@× ((2)) [..من اجل الأخــوه ..] مــلاك بعد ماتركتنــا ميشو جلست أفكر بالي أطلبته منـــي .. معقــوله مشــاعل أختــي حقيـره لهدرجــه ووصلت فيها الدناءه أنها تفرق بين مـره وزوجـها .. من الريم ووش اللي خلـى ميشـو تصرف معها بهالطريقه .. اللي أعرفه عن مشـاعل والصوره اللي أشوفها فيها تخلينــي أحتار أنا اقول أنها ماراح تسوي هالشــي الا عشـان دافع قــوي .. الكـلام هذا أقوله عشــانها أختـي ومأبي أشوفها بالصوره سيئه بس بالحقيقه انا ماعرفت مشـاعل زين عشـان أحكم أنها ممكــن ترتكــب مثل هالغلط .. أنا مأقدر أقول أن دافعها زيــن لأن مافيه أي سبب بالدنيـا كلها يسمح لها تســوي اللي تســويه الا شـــيء واحد أن ريم ســوت كل هذا صدق ومشـاعل موقاعــده تظلمـها قد ماهي قاعده تفتح عيــون زوجهــا وتكشف الحقيقه لاغيـــر .. بس لوكان ذا صدق من هالنـاس ومن وين تعرفهم مشاعل ... قطع حبل أفكــاري رنيــن الجــوال وكان الرقم ميشــو انتظرت ثواني ألتقط فيها أنفاســي قفلت عيــوني وضغطت على زر الأتصــال دق لين قطـــع بدون مايرد أحد وأرتحـت ان الخطــه زبطت ومارد قبل مأقفل ... فتحـت على الرسائل المحفوظـه وطالعت بالرساله وحسيت بالضحكـه المكتـومه داخلى بتنفجــر لأن هذي أول مــره أشوف فيها كلام ميشو بالعــامي وكان فيه كذا كلمــه عدلانها أنا وســارا لأنها كاتبتها بالفصحــى ... ترددت قدامها بس بعدين ضغطت على زر الأرسال وماهــديت لين تم ارسال الرساله .. جلست على أعصابي أنتظر أتصاله اللي يمكــن يجي ويمكــن لا .. أنتفضت يوم رن الجــوال فجأه وكان اسم الريم يأشــر على الشاشه.. أرتجفت يدي وطالعت بـ سارا اللي تنتظرني أرد على المتصل مثل ماكـنا متفقين مــع ميشـو .. سارا :ارفعيــه مو المفروض انت الحبيب المتيــم كيف تترك حبيبتك تنتظرك كل هالمــده .. وكررت بالســخريه .. سارا :رد ياسلطان الولهان ... وصوت داخلــي صررررخ ردي لاتخذليـــــــن مشــاعل ردي مثل ماوعــدتيها .. سحبت نفس عميق وأغتصبت كحـه قويه عشــان ينبح صــوتي وغمضت عيــوني وأنا أضغط على الزر الأخضـر ... سمــعت صدى أنفاس الطرف الثاني واللي كانت تعبر عن مدى غضبه .. سلطــــان :مســاء الخير ولاأقول صباح الخيــر حبيبتي أشتقت لك حيــــل يابعـد قلبي .. وش رايك بحبيبك حبيبتي بطل مــو كل اللي طلبتيه منه سويته وزياده بلاه مأستحق مكافأه على اللي سويتــه ماراح أطلب كثير بس أشوفك بمكــانا المعتـاد بكره على العشــاء ... وسكت شوي الريامــي حبيتي وين رحتـــي .. كان صوت دقات قلبي مثل الطبــول مأدري ليش حطيت نفســـــــي مكان الريم المسكينـــه ماحسدها على اللي بيصيـرلها الليله .. وصلني صوت الطرف الثاني صوت جمــدني من حق سلطان المسكـين يرتجف ويتلعثم ...... الطرف الثاني :من أنت ...؟! سلطـان :هاه أنا آسف شكلي غلطـــــان .. وقفلت بالســرعه .. ماحسيت بالغلطه اللي سويتها لين صرخت فيني سارا .. سارا :ملاك يالغبيه مشـاعل ماقالت كذا قالت قفلي الخط بوجهه ... ملاك :طيب وش بيصير الكلام اللي قلته عادي ماراح يغير شــي ... سارا :صح مأدري بس يمكـن ميشو لها غرض من السكـوت اللي طلبته منك ... ملاك :لااا انا عارفه ليه مشـاعل قالت لي أسكت ومأرد تحسبني غبيه وماراح أقدر أتصرف ... سألتني سارا السؤال اللي سألته نفسي مليــون مره وللحيــن ماقدرت القى له جــواب ... سارا :وش غرض ميشو من كل هذا .. ملاك :تفكرين باللي أفكر فيه ..؟! سارا :قصدك أنا ميشو شريره .. ملاك :هذا مو شــر هذا شغل الابالسه والشياطيــن ... سارا :لاتقولين أنك ندمتي على الخدمـه اللي سويتيها لها ... لاماندمت ولا أقدر أندم على خدمـه سويتها لأختــي حتــى لو فيها شــر حتى لو بضر أشخاص ثانيــن وش يعني أهم شــي أكـون ساعدت أختــي يمكــن بهالطريقه أقدر أكسب مشــاعل وأتغلب على الحـواجز اللي حطتها هي بينــا بالأخيــر حنا خوات ومالنا غير بعض .. تذكـرت أني ماجاوبت سارا على سؤالها ... ملاك :لاماني نادمــه ولو بتطلب مني مره ثانيــه أي خدمـه بنفذها لها .... سارا بأستهبال :حتى لوخارج الساعه المجانيه .. ملاك :ايه حتى لوخارج الساعه المجانيه .. يااحبيلها ساروانه شكلها بدت تغــــار من ميشو .. سارا :أقول بس حطي الجـوال على الصامـت وشيليه بالدولابها وأمشـي ننزل تحـت أكيد أفتقــدونا اللحيــــن ..×@×@×@×@× ((3)) [..فقدت الأمـــــل..] سارا نزلنــا ركيض من فـوق وتفاجئنا بوجـــــــــود .. أنا ومــلاك :منيــــــرررر ..... وعــد :هوووو لايفوتكم أفرااااااج .. مـلاك :واخيـرأً مبروك خطاك السووء .. سارا :الف الف الف حمــدالله على السلامــه .. منيـر :احم احم الله يسلمكم ماتشوفون شر ان شاءالله .. ياحليله منيــر شكــله متغير كلش كلش اخخ مايستاهل اللي الحبـس اللي كان فيـــــه .. وعــد :ايه صح تعال منيـر صدق اخوك أسمـاعيل جكـوه مـع الأرهابين اللي قتلوا العائله الفرنسيــه ... منيـر بأستغراب :لاا من قال أسمـاعيل توني قبل امس شايفه بالمسجــد .. ملاك :شلون لاا والأشاعه هذي منتشره بالحاره كلها .. أي حاره صدق انا نصابين أصلاً انا وملاك مصدر هالأشاعه .. رحمته منير جالس يحلف أن اخوه بريء لايكـون حسباله حنا الأستخبـارات .. منيــر :ياربيه والله أخوي مو أرهابي .. ملاك :طيب طيب خلاص صدقناك .. بس الرجال شكلـه من صدق زعـــل .. بس كالعاده مايعرف له غيـــــر نواف .. نواف :خلك منهن يارجال ذولي حريم ماوراهن الا وجــع الراس .. منيــر :الصراحه خواتك ذولي مايقدرن وأنا اللي جاي وجايبلهن خيــر بمليـــــون ريال .. منير عنـده خبرلنا يافرحنا يافرحنـا أكيـد خبر عن جابر ... سارا :وش تحتري للحيـن ساكـت هات قول غرد أطربنا .. ملاك بحماس :نسمعك .. قعد يسوي حركات وكأنه بيلقي خطاب سياسي .. وعد :مرمر ياشينك ... شهد :اوووووف بس الواحد مايقدر يتابع التلفزيــون بالراحه لازم هالقلق ... شوفوا السخيفه مالت عليها بـــس موناقصين منحرفين حنا بعــد يجلسون يتأمرون علينا بس خلوني ساكته .. والله لوضحــى موجـوده مافتحت فمها ... منيــر:هييي شهـوده وش فيك معصبــه .. شهــد :وععععع شهــوده منك طالعه بايخــه ... منيــر بخبث :بس من غيـري حلوه صح وخصــوصاً من واحد أسمه يبدأ بحرف الفاء .. شهــد بقهر :انثبر أنت مالك دخل بعـدين لاتسـوي فيها بتهددين ترى كل هاللي جالسين هنا يدرون ... هذولا شعنــدهم وش شهــوده وحرف الفاء .. لايكـون عارف ان شهـد تكلم خيبه هذا وش دراه .. ومن غيرها السوسه وعد .. ملاك :بس ياشينكم وانتي مرره فرحانه بعمــرك .. انت انجب وياويلك لو سمعتك تكلم بهالمـوضوع مره ثانيــه ويالله قول وش عنـدك .. منيــــر :مع أن الجـو خرب والخبــر ماصار له طعم بس أمري لله بقوله ... الخايب جابــــر بيملك يوم الجمـــعه .. وش يعني بيملك يعنــي خلااص مافيه أمل جابر بيتزوج غيــــري لامستحيل كيف ... ملاك:سارا ياعمري ولايهمك هو الخسران وين يلقى مثلك ... طالعني منير بالطريقه غريبه والتفت على ملاك ... منيــر :هذي من صدقها تحبــه وعععع الحمـدالله والشكـر وش لاقيه فيه أنا أحلى منــه .. والله لو تزوجك بتضيعين حياتك معه هذا واحد غبي فارغ ماعنـده سالفه بس تجلسين معه تكرهين عمرك..ليغرك مظهره الخارجي هو من داخل أتفه منه مافيه ..مــع أني اكره قيس اكثر منــه بس لجينا للجد قيس أفضل منه بألف مره .. مستحيل هذا وش قاعد يقول أكيد يتكلم عن واحد ثاني غيـر جابر ... تمالكت نفســي وحبست دمــوعي مأبي أبكــي مأبغى أكون ضعيفه انا من زمان كنت عارفه انه مستحيل يفكر فينــي .. ليش اللي مثلنا فيه أحد يطالع فيهم .. سارا :ومن بيأخذ .. منيــر :بنت وحده من قرايب أمــي .. يالله عاد لاتقلبونها نكــد ... أناا جاااي مشتاق لكم حيـــل ... ملاك :تشتاق لك العافيه يمل العافيــــه ... منيــر :والله مأدري هذي دعوه لي اوعلي بس يالله نمشيها الا صدق أمكم قصدي أبوكم ضحــى وينهــا ... سارا :الحكــومه نايمـه ليه عاوز منه حاقه يعني احنا نحل مكـانها ... منيـر :لاثانكس مش عايزين منك انتي خصوصاً حاقه ولا أحد يحب جابرررر وعععععع .. تبون الصراحه كلام منير بدأ يأثر فيني مادام اخوه قال عنه وعع يعنــي وعع .. وفجأه دخلت علينا ميشو وكانت تلهث وشكـلها رايحه فيها .. ميشو :ملاك تعالي أريدك ..... وبعد ماطلعت ميشو ومعها ملاك .. علق منير .. منير :احلى حركات ميشو من متى تعطيكم وجـه خبري فيها تدخل وتطلــع بدون ماتعبركم ... والله فاضي هذا يهذر وأنا خاطري ألحقهـــم أبي أعرف ميشو وش عنــدها .. أحسن شــي أصرفه بعدين ترى الوقت مره متأخر النور شوي ويطلع .. سارا :اقول منير موكنك مرره تأخرت اخوانك يدرون أنك عندنا .. منير :لا أعوذ بالله بس وش ورانا بكـره الخميس ... ايه هذا شكله راعي طــويله ألحق على توأمــي العزيز قبل ماتقضي عليها المتشرده.. فتحت باب حجرة ميشو بالدفاشه خلتهم يتطامـرون ... ملاك :سارااا ولعنـــ .. ماتعرفين تفتحيــن الباب بهدؤ .. سارا قلت وأنا أجلس بينهم .. سارا :متى العزا .. ميشو بالدهشــه :عزا مــــــن ..؟! سارا :عزا المنحــوسه ريم .. ميشو :لأعلم سأسئل وأرد عليك .. مــلاك :ياسخفكم والله ضميـري بدأ يأنبني .. أحلى عندها ضميـرملاك الصراحــه معلومـه جديده بس وين هالضميــر لصار المـوضوع فيه مقابل مادي .. سارا:اايه صح ميشو ماسمعتي اخر الأخبــار ... ميشو :لاتعجبني الأخبار .. قلت بأنكســار والله كل ماتذكرت أني كل هالسنين قضيتها أنتظره أتحطم من داخل حتى لو ماكنت احبه بمعنى الكلمــــه .. سارا :جابر خطب وبيملك يوم الجمـعه .. الصراحه انصدمـت من حركة ميشو تصوروا بدال ماتطالع فيني كانت تطالع بمــلاك .. وأخذت يدها بين يديها .. ميشو :لاتحزني هــو الخاسر .. قلت بتعجب هذي وش قاعـده تقول ... سارا :هييي على فكره انا سارراا .. أرتبكـوا ثنتينهم ... وقالت لي ميشو وبعيونها نظره غريبه .. ميشو :هل حقاً ترغبين بالزواج .... كنت بقول لها أذا صارت تشتغل خطابه .. بس ملاكي سبقتني .. ملاك :احلى مشاعل من متى صرتي تشتغلي خطـابه .. كانت تنقل نظره بينا بعدين تكلمت بجديه .. ميشو :اريد جواب صريح على سؤالي من ترغب بالزواج ... ملاك :انا بالنسبه لي مأبي .. شوفوا الخبله هذي وش قاعــده تقــول فيه أحد يرفض عرض مثل هذا .. سارا :أنا أكــيد أفكورررس ياليت والله اطلع من هالفقر هذا .. بس لحضه بقول لك مواصفا ت فارس احلامــي .. ملاك :فاضيه بعد بتحط مواصفات احمدي ربك على العريس اللي بتجيبه لك الخطابه ميشــو الفين وسبعـــه .. ايه وش فيها ذي قاعده تحطم فينـــي .. والله أني أهبل من زينها عاد هي ولا كنا توأم هههههههه .. لاتضحكـون انا بس أضحك ..!! بس هذي من صدقه بتجيب لي عـريس انت شكو أسألكم هي اللي عندها الجــواب .. سارا :ميشومن جدك عندك عريس لي .. ميشو :لم أتلفظ بهذا ولكــن سأبحث لك .. سارا :ايه بس لاتنسين أبيه وسيم ومليونير .. ميشو : وايهم بالأولويه .. أحترت اهم شــي يكون وسيم ولامليونيـــــر .. لا أنا متصور نفسي متزوجـه واحد بشـــــع يعني أهم شـي يكون وسيم .. سارا :طبعاً الأولويه للوسامــه .. هزت راسهـا وكأنها خلاص فهمـت لأبيه .. يااااااي ياليتها تكــون صادقه واتزوج وأبعـــد عن هالمكــان .. بس فيه شي مكـدرني كيف ببتعـد عن خـواتي لااخلاص شكـلي بغير رايي .. لاخلـوني أول أشوف عريس الغفله بعــــدين أقرر .. ×@×@×@×@× ((4)) [..تــــوأم العسل ..] ميشـــــو لأستطيع الا أن أبتسم وأنا أحضــر المشـادات بين توأم العســـل تستغربون هذه التسميــه لو رأيتوا التوأم لن تستغـربوأ هذه التسميــه ولأنكم لم تروهم ولن تروهــم دعـوني أخبركم بمـواصفاتهما فهن كل مافيهـن بلون العســل البشــره حريريه سمــــــراء صفاءها كصفاء العسل.. العيــون عسليه.. والشعـــــــر بلون العســل المتخثر .. صاحت بي ساراا .. سارا :وش عندك معجبــه .. كشرت عند هذه الكلمــه .. ميشو :لم تخبريني بمواصفات فارس أحلامك .. القت بنفسها على السرير وهي مغمضة العينين وتحدثت بعاطفه جياشه .. سارا :ابيه أبيض وطـــويل وشعــره أسود وعنده سياره أخر موديل ودايم بيده سبحه وباليد الثانيه الجـوال والألف عنده مثل الريال .. ومامعه الا أبتدائيه عشان مايصير أحسن مني ووبس .. لم اتوقع مواصفات غيـر هذه من فتاة حالمـه مثل سارا .. ظلتا ساعه اخرى في حجرتي حتى أصابني بالضجـر فضطريت لطردهـــن ... استلقيت بعد ذالك على فراشي بالظلام وأنا أفكر بخطتي التي نجحت في نسبة 50% والخمسين الأخـرى تعتمد على قرار خلف في هذا الشأن كم أتتوق للغــد لمعرفة ماسيحـــــدث .. أشعــر بسعاده عارمــه للمافعلته بالريم جربت ان اشعر بالذنب ولكـن لم أستطيــع كانت محاولتي مثيره للأشفاق ... أغمضت عيناي لبرهــه ولكنــي لم أستيقظ الا بعـــــد ساعات عــديده .. أحسست بثقل على بطنــــي فتحت عيناي بصعــوبه لأجد روبي قد اتخذتني فراش لهــا .. ابعدتها عنـي بقسوه فأنا عاده لأكون بميزاج جيــد عند الأستيقاظ من نــــوم .. وبعــد دش فاتر أحسست ببعض نشـاط فقمـت بفتح جهازي المحـول وتركته لأرتدي ملابسي لم يتوقف تدفق الرسائل التي كانت تصل الواحده خلف الأخرى لم أستطع ان احصيها .. وبعد ان فرغت من ارتدأ ملابسي عدت له لأجد أن اغلب الرسائل كانت من ريدا .. تخبرني فيها عن الحفله التي ستقيمها الشله في مقرها وتأمرني بأن احضر باكراً لأن هناك مفاجأه بأنتظاري .. سألت روبي القابعه أسفل قدماي اذ كانت ترغب بذهاب معــي .. ردت علي بموء أعتبرته جواب بالمــوافقه .. كنت ابحث ولكـن لأعلم عن ماذا فأفكــاري مشغــوله ولكـن بمـاذا لأعلم ووسط حيرتي تذكـرت أتصال فهــــد ليلة أمـــس الأمر اللذي لم أكن أتوقعـه منـــــه خلال الظروف اللتي يمــر بها أبتسمت للفكره غبيــه طرأت علي هل تعلق بي بهذه السرعه الم اخبركم أن الفكـــره غبيه .. حتى لو أستخدمت العصـا السحريه لن تظهر نتائجها بهذه الســـرعه.. وتحت وطأة هذه الأفكار قررت الأتصال به .. لم أنتظر طويلاً حتى رد علــــي لم يبدو عليه اللهفه لأتصــالي ولكــنه على أقل تقــدير أجاب علــى اتصالي .. وقبل أن أنهي المكالمــه ألقى علي عبــاره رسمت أبتسامة تشفي على شفـاي .. فهـــد :تصدقين هذي اول مـره انتي تتصلين علي فيها من نفسك بدون مأكون انا مأكسر تلفونك من الأتصـالات وأنتي مارديتي علي .. ميشو :أجل أعلم .. فهـــد :وتدرين بعــد أنك للحيــن رافضه تقولين لي أسمك او تخبريني أي أسم تفضلين علشان أناديك فيه .. بهذه اللحضه بذات اختارت شدن ان تدخل وتصيح بصوت مرتفع .. شدن :روبــــي أنتي هنا وأنا جالسه أدورك ... وصلتني ضحكــة غير مصــدقه من فهــد .. رميت على شدن نظرات غيـــــض لم تعرها اهتمامها الذي كان مركز على الهـره الملعـــو .....,, وأنتظرتها حتى حملت روبي وخرجت لأقفل الباب ورءها .. فهــــد :روبي ماني مصــدق .. بس مومهم اكيد لايق عليك ياعمـــــري .. لم ارغب أن يعــرف شيء عني ولوكان هذا الشي أسم هـرتي واللذي يظنــه أسمـي .. ولشدت حنقــي صحت به ... ميشو :هل تعلم أنك ساااااااافل فهــد أكرررهك .. وقطعت الأتصــال .. لم يعاود الأتصال بي يبدو أنه في ميزاج لايسمح له بذالك ولكن لايهم سيندم على عدم معاودته الأتصال فأنا غاضبـــــه .. ×@×@×@×@× ((5)) شـو شـو& قيس كانت تشــرب ماء بارد وهي تستظل فجــدار المبنــي شافها وأرتفع ضغطه وبنفس الوقت يحــس بشي خفق بين ظلــوعه.. نزل من سيارته وقفلها وهــو جالس يمشي على مهله للمقر شغله .. ماقدر يسكت لازم يخبرها عن رجال مكافحة التسول اللي شافهم يقبضون على متسولين فالشارع الثاني وفطريقهم لهنـا .. مامداهم يسوي شــي لأنه بذيك اللحضه كانوا مــوقفين فأخر الشــارع .. أنتبهت لهم وحس انها تجـمدت مكانها من الرعب فتح سيارته بجهاز التحكم عن بعد .. وصرخ فيها :أركبي بالســرعه .. وقفة متردده اللي يأمرها تسويه صعـب بس الصدمـه بعض الأحيان تخلي الأنسان يسوي أشياء مايقصدها وبعدين يندم عليها ..أنتظرها لين ركبت وقفلت الباب وراها ولحقـهابهدوء قاتل يبعد عنه أي شك.. وحمـد ربه أنهم مأنتبهــوا له وتمنـى ان رجال الأمن حقين البنك بعــد مايكـونون أنتبهــوا له .. حرك السيارته بكل سلاسه وطلــــــع من المكــان .. كان يحسها موطبيعيه صمتها موطبيعـي .. قيس :وين تبين تنزلين .. حاولت تنطق كذا مره بس بكل مـــره لسانها يخـونها .. شوشو :هنا بأي مكــان .. قيس بطنازه :بس موكنا أبعدنا مره عن منطقتك .. شوشو :الله يعافي الليموزينات .. خلاص هنا نزلني .. قيس :لا .. شوشو :وليه أن شاءالله لاا .. قيس :بوصلك لبيتكم .. شوشو :ومن قال لك أن عنـدنا بيت .. قيس لوسمحت نزلني هنا .. قيس :استاذ قيس من فضلك .. شوشو بطنازه :اسفه يأستاذ مادخلت مدارس عشــان أتعلم هالرسميات .. قيس :ليش تسوين بنفسك كذا .. شوشو :وش سويت شغله شريفه جالسه أترزق الله .. قيس بأحتقار :تسمين الشحاده شغله شريفه.. شوشو :ايه شغله شــريفه وش فيها موشريف .. قيس :يكفي أنك جالس تأخذين مال مو من حقك .. شوشو :الا من حقي انا ماسرقته من احد هم اللي يعطــونيه بطيبة نفس .. قيس :وليش أنتي تقبلينه .. شوشو:لأني محتاجه .. قيس بعصبيه وهو يلف بالسياره فجـأه :كذابه أشك أنك محتاجه أنتي أنســانه لعابه مأعتقد أبد أنك محتاجه أنتي أخذه الموضوع تسليه .. شوشو :والله عاد أنا حرة نفسي ويالله نزلني هنا ولاترى بفتح الباب ... وقف قيس بقهرعلى جنب ونزلها .. وأول مانزلت حرك من عنــدنها بالســـرعه مجنونه .. شوشو بالضحكه :باللي مايحفظك يأستاذ قيـــــس .. تراقب سيارته وهي تبتعــد عنها وبداخلها أحسـاس أنها مجنونه كيف ركبت معه وش اللي صـار فيها .. وش اللي وصلها لهدرجـه من الثقه الغبيه بالنفـــس .. هذي أبد مو ثقه بالنفس لا هــذي عـدم مبالاه لاتحسد عليها المـره هذي ركبت معه المـره الجايه الله العالم وش بتسـوي .. داخلها علامة أستفهام كبيره هو ليه ساعــــدها مع أنه دايم كان يهددها أن بيبلغ عنها معقــوله رحمها من الورطــه اللي كانت بتطيح فيها ياســــــلام يعني قيس عنـده قلب .. صدق ورطــه عويصه اللي كانت بتطيح فيها لومسكـت بتهمــة التســول صدق فضيحتها بتصيــر بجلاجل اصلاً سلوكها هالطريق من البدايه كان غلط .. لكن اللحين خلاص فات وقت التراجـع لأنه على عاتقهـا مسئوليات كثيــره ماتقدر تخلى عنهــا .. ناس كثيره هي مسئوله عنهــم كيف تخلـى عنهم من لهــــــم .. بداخلها بدت تناجـي ربها وهي تستقل سيارة الأجره بترجــع للبيت يسخرها لفعل الصـواب .. ×@×@×@×@× ((6)) [..فالنهايه الدنيا فانيه..] ضحــــــى مـر علي الأسبوع بالسـرعه.. أسبوع سبع أيام أرتحت فيها من عســاف ماشفته فيها ولاسمـعت حسه ولافكر فيها يغثني ويتصل علــي بس راحتي مااكانت كاملــه لأني خايفه يفاجئني عسـاف مثل الثعلب غـدار مايتأمن له .. آآه بس لو أقدر أرتاح من هالهم وأصارح خــواتي بس ذولي قمــة الغباء والأنانيه لودرن بيسون لي مصايب أنا في غنى عنها ماراح أقدر أتحكم فيهن مثل قبل بكــون بنظرهن مجرد ضيف شــرف بعــد ماكنت أنا القائد ,, بيخـرب كل شــي بديت أبني فيه من ست سنــوات بس أنا ماراح أسمح لعسـافوه يخـرب كل اللي بنيتــه وخواتي امانه برقبتي قدام رب العالميــن ولازم أحافظ على هالأمانه بس من يفهـــــم .. دخلت البيت راجعه من المستــوصف .. اول مادخلت مع الباب شلت نقـابي وبقيت بالطرحـه والنظاره الشمسيه .. كانت صدفه ماكنت منتبهه للعســـاف اللي كان واقف على باب المجلس الا بعد ماتكلم .. عسـاف :سلامات من وين جايه المـدام .. تلفت بعد كلمته الأخيره أتأكد أن مافيه احد يسمعنا .. ضحـى :أنت وش تبي فيني أنا ماصدقت أرتاح منك هالأسبوع .. عساف :أكيد أشتقتي لي صح .. مالت عليك الا قلت أرتحت منك أشتاق للأبليس ولا أشتاق لك كان ودي أقول له هالكلمتين الأخيرات بس عارفه هذا مو من صالحي .. ضحـى :تبي شــي .. عساف :أكيد ياعمري أبيك .. صدق وقح .. ضحــى :انت صدق أنسـان ماعنـدم دم .. عساف بثقالة دم :من قالك ماعنـدي دم أجرح لك يدي عشـان تأكدين ... ضحــى :يمكــن عنـدك دم بس دم مايمت للدم البشري بصله دم بارد .. ووقفت عنـد هالكلمــه ولاعنـدي كلام ودي أقوله بس أبد مو هذا وقته أخاف بأي لحضه تطلــع وحـده من خـواتي .... عسـاف ببرود :سـلامات وش كيسة العــلاج اللي بيدك .. أطنشه ولا أجاوب ودي أعطيه أكبر طاف بس مجبر أخاك لابطل .. ضحــى :عنــدي حسـاسيه .. عسـاف :وش سببها .. أوووف هذا راعي طويله .. ضحـى :تجيني مع تغير الأجواء برد حر عجاج وغبــار يعنــي جونا .. عساف :يعني متعذبه معها خلاص ريح حالك وتعالي معــي للبلاد مافيها كل هالتقلبات .. طنشتــه لأن بداخلى رد صدق بيطيــح وجهه بس بحتفظ فيه لنفــسي وأنا جايه أدخل .. عســـــاف :ارسليلي شدن .. صقعت الباب بأقوى ماعنـــــدي حسيت بهالقوه يوم شفت خـواتي اللي كانت جالسات منهن على كراسي طاحن على وجيهن على الأرض صدق أشكالهن نكتـــــــه .. ماشاءالله وش الأخلاق اللي نازله عليهم اليوم مأحد علق .. ضحــى :شدن حبيبتي أطلعي لعمك عساف يبيك برى .. وعد :وععع اجلسي لاتروحيـن له .. عطيت وعد نظره قويه خلتها تفك شدن اللي كانت ماسكتها .. ضحــى :لما أوجه لك الكـلام أبدي وجهة نظرك يالله شدن حبيبتي روحــي .. بعد ماطلـعت شدن أنتظرت دقايق أهدي فيها اعصــابي قبل مأتكلم لأني كنت على وشك أنفجار .. ضحــى :الحركه اللي صارت قبل شــوي مأبغاها تكــرر .. وشي ثانـــي شدن ماهي غبيه عشــان ترمـون كلمات قدامهــا وبليز لاتناقشون بهمــوم شارعكم بوجــودها توها صغيــره مالازم تسودون الدنيــا بوجها هذا علــــــــــم لازم كلكم تتقيدون فيه لمصلحتكــــــم .. وللي بالمــدرسه أتمنــى امنيه مو عشاني عشانكم التفتوا شوي لدروسكــم عطــوها شــي بسيط من وقتكــم .. صدقوني بتندمــون قد شعر راسكم على هالتفريط لكبرتم .. وماغير الشهـاده اللي بتأخذونها من الدراسه بينفعكــم انتم تقلدون أهمال البنات اللي معكم بالمـدرسه ذولى الدراسه ماتعنبي لهن شــي لأن وراهن أهل بيصرفون عليهن لجلسن فالبيت بس انتم من لكم ياحســره غيري وانا ماني دايمــه لكــن .. وعد بالرعب:ليه مانتي دايمه لنا وين بتروحيـن .. ضحــى :انا ماني عالمـه للغيب وش بيصير بكـره .. لاتنسون اني فالأول والأخر أنســانه يعني بغمضة عين ممكــن أروح .. بتقدرون تعيشون بعــدي .. فحالتكم هذي مأعتقــد .. قاطعتني وعــــد .. وعد :ضحى بسألك سؤال بس أبغاك تجاوبيني بالصدق ممكـــن ...؟! أستغربت من طلبها وبالنفس الوقت حسيت بالراحه داخلـي يعني كلامــي له صدى داخلهم لأروح بأحلامي بعيد عشـان مأتحطم على صخـرة الواقع فالبدايه خل أسمع السؤال .. ضحــى :أسمعك قولي .. وعد :يعني حنا كل مشكلتنا بالفلـــــوس .. ضحى :الماده جزء من مشكلتنا مو كلهــا .. ملاك :لامشكلتنا كلها بالفلوس ..لوعنـدنا فلوس تسد حاجتنا مألتفتنا ندور الأسباب اللي خلت أبونا يتركنــا .. شهد :معها حق ملاك الفلوس حل كل مشــاكلنا وبوجودها ماراح يكــون عندنا أي مشكلـــه ,, بس مو اللي تسد حاجتنا وبس لا وتفيض عنها بعد لأن بالفلوس الكل بيحسب لنا ألف حساب وأهلنا هاللي مايتشرفون فينا لو عنـدنا فلوس هم اول ناس بيركـضون لنا.. أنفخ بقربه مخروقـــــه أنا لو بتكلم معهم من اليوم لين أخر ساعه بعمــري بيبقون على رايهم وأن الفلوس هــي مفتاح سعادتهــــــم .. ضحــــــى :تدرون لأهل ولافلوس ولاحتــــــى الدنيا هذي كلها بتفيدكم دوروا رضا ربكــــم وأتركــوا الدنيــا لأهلها لاتنحرمــون من السعاده بالدنياكم وأخرتكم .. أرضوا بقسمــة رب العالمـــــــين سبحانــه معدل من قسمتــه وكل زخرف الدنيـــــا بيزول ويفنــــي وماراح يبقى الا العمل الصالح .. تحيـاتي للجميــع | ||||
|  |
|
08-03-13, 09:08 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحــــلقه الخامســـــه عشــر ((1)) <<..خلف عياش ..>> عســاف هالأنسـانه فيها شــي يشدني يغريني عشــان أحطمهــا كنت خلاص بديت أمل من مــوقفها وبتســرع وارمي بكل أوراقي والاعبها على المكشــوف بس السفــره الطارئه فتحت عقلي ضحــى عنيده راسها يابـــس حياتها القاسيه صلبتها ماهو بذيك السهــوله بتلين وكل تهديدات الدنيــا ماتخليها تستسلم بس أنا عساف واللي أبيه بأخذه غصب ًعن اللي خلفوها ماهو انا اللي ينقالي لااا وأنا يأنتي ياضحـــى .. خلف :عساف عمــي .. عساف :خيــر .. خلف :وش فيك من الصبح أكلمك مانت بمعـي .. عسـاف :انت مارقدت .. خلف :ماجاني النوم ..تخليني أسوق بدالك .. عساف:ليه وش قالوا لك مهبــول لاحبيبي أنا أبي عمــري .. مارد علي خلف ورجــع يطالع برى حنا اللحيـن على طريق بين الرياض والدمـام .. وكل هالسفره عشـان خلف مبـارك يبغاه جنبــه خايف يتهــور ويسوي شــي بالريم .. لأنه بعــد اللي صار ريم جت للبيت بتفهم منــه سبب طلقها وحصل التصادم بينهم .. طقها خلف طق كانت بتمــوت منــه والظاهر أن البنت خلاص أنفضحت لأن خلف ماقصر ابد وبعــد هالحادثـه صارت هوشه كبيره بينها وبين أخــوانها ولكل هذا مبارك طلب من خلف يبتعــد عن هالأجــواء لين هو يسلك الأمـور بمعرفته .. مبارك تهمه كثير عــلاقته مع عيـال عمــومته ومايبغــى شــي يخرب هالعلاقه(اخ يامبـــارك بس لوتــدري أن وحــده من بناتك ثمــــارك سبب كل هذا ) وأكيـد بحنكته بيعرف كيف يرجـع للميـاه للمجـاريها بس مافيه أي أمل ترجـع الريم لخلف .. خلف كان يتعبث بالراديو وكان على ام بي سي اف ام أغنيــة رابح صقــــــر وطلع هالمقطع (..انا واضح معاك من البدايه أحسب ان الزمن على الكيف جاني جروحك للأسف جت من ورايه وحظي اللي رفعني لك رمانــي ..) وشكله جاء على الجرح لأن خلف بس طفاه بعــد مانعفس وجهه .. وبدون مقدمات سألني .. خلف :تعرف رامي عياش .. عساف :اوب اوب خلف البدوي وش عرفك بالرامي عياش .. خلف اللي خلقه ضايق تنرفز من كلمتي .. خلف :قلي تعرف ولاشلون .. عساف :ايه أعرفه وش تبي فيه .. خلف :ابي أسمع له .. لاعاد هنا وماقدرت أتحمل وأنفجرت اضحك عليه ... وجلسنا فتره على هالحاله خلف متنرفز ويمكــن لو أني مأسوق كان طاح فيني طق من زمان بس ماسك اعصابه وانا كل ماشفت وجهه زدت ضحك .. لين بالأخير سكت .. خلف :خلصت ولاباقي بعد .. كنت بقوله باقي بس ماحبيت أزعله هو خلقه مقهــور .. عسـاف :سوري خلف بس انا مأسمــع له .. خلف :اوكي اول مانوصل أنزل عنـد محل تسجيلات وجب لنا ألبوم له واهم شــي معه صوره .. عساف :ان شاءالله من عيــوني كم خلف عنــدنا .. خلف اللي حس أني أتريق عليه طنشني بس من صدق هذا وش يبغــى بالرامـي عياش .. رجع يسألني .. خلف :قلي كيف شكلــه وسيم .. لاوالله الرجال وراه سالفه ولاوش يبي فيه حلـو ولاشين .. عساف :ليه بتخطبــه .. خلف :عسااااااف وجع وش هالكــلام .. عساف :أنا أدري عنك من صبح جالس تسأل عنــه قلي بكل صراحه وش تبي بلا لف ودوران .. خلف :يعني هو يعجب البنات .. عساف :أكيــد البنات كل شي يعجبــهن .. بس من هالبنـت اللي معجبها وقايله لك وتبي تشــوف صورته عشان تقارن بينك وبينــه ..اذا تبغى نصحيتي لاتشــوف صورته لأنك بتحطم مافيه مجال للمقارنه .. طنشني خلف وكن كلامــي مأعجبـــه طيب ليه يسأل وهو عارف الرد ماراح يجي على ميزاجـــــه على راحته أنا عنــدي اللحيـن اللي أهم من ميزاجية خلف .. ((2)) <<..النصر حليفي ..>> ميشو هأنا أجلس امام سوسو لتقص علي حكــاية خلف والريم الخرافيه وبين جمله وأخرى تقطع الحديث لتخبرني .. سوسو :والله ميشو مو مصدقه أحس أني عايشه بحلم .. وخايفه أصحى منــه تدرين أنا قدايش مأواطن الريم كانت مثل الشوكــه بطريقي .. ومن بعــدها أحس الدنيا أبتسمــت لي ..خلف صرت أخر اهتمــاماته تصدقين من ذيك الليله اللي جاني فيها للغرفه يوم كنتي عنــدي مابين ولاتكلم معي ولا سأل عنــي الا يوم جت الريم للبيت بس ذيك الساعه شفته فيها وياليتي ماشفته ... ميشو :سعـاد هيا أتمي حديثك لاتتوقفى هنا .. ضحكــه بدلال .. وتجرعت كأس من الماء .. سوسو :مرره حاميــه المهم أقولك وش صار .. ميشو :ارجوك بكل دقه وأذكري كل التفاصيل ... رمقتني بنظره خبيثه ... سوسو :صدق من قال لطاح الجمل كثرت سكاكينه .. تذكـرين ميشو يوم الدكتــوره المصريه تقولنا المثل ومحرفه فيه تذكــرين صح يوم تقول لطاحت البقره .. ألقيت بنفسي على فراشها المترف بقهر هل هذا وقت الذكــريات يال برودة أعصابها .. وكأنها فهمت مايجول بخاطري .. سوسو :خلاص بكفي بكفي .. زي ماقلت لك فالبدايه أن أمي طلبت من الريم بعد ماخلص الحفل وهم بالقاعه أنها ترجـع للبيت أهلها وأنهم أكيد محتاجين لها اليوم والمفروض تبات عنـدهم هاليوميــن طبعاً هذا بعــد مأتصل عليها خلف متحلف ومتـوعــد .. ميشو :أجل أجل أخبرتيني بذالك وذهبت الريم لمنزل والديها ليصلها في صباح الغــد خبرطلاقها وضجه التي صاحبته وغضب خلف الى اخره .. سوسو :ايوه عفيه على الشاطره.. طبعاً اللي فهمته من أمي أن الريم أنصدمـت وانكرت هالكــلام وكانت بتجن من هالتهم وخصوصاً أنا أخوانها مقصروا فيها وأبوهاأخذ موقف سيء منها .. على بال مافاقت الريم من صدمـة طلاقها وأنها أنفضحت اللعينه مأدري من متى وهي على هالحاله ..المهم انها جت للبيت بكل وقاحــه وتبي تكلم مع خلف ومن سعد حظها أنه ماكان موجــود وحاولت فيها امي انها ترجــع للبيت أهلها لأن خلف أذا رجع ولقاها فالبيت بيذبحــها بس هي ولاهمـها لاوتقــول ان خلف هو اللي سبب كل هالضجه بس عشان يطلقها شفتي كيف تفكيــرها غبي ووقح .. وبكل خبث قاطعتها.. ميشو :هل تريدين الحق اعتقد أن كلامها فيه نوع من الصحــه لما لا فأخيك ليس ذالك الطاهر والرجال جميعاً يرتكبون حماقات الم يفعل أحمــد ماهو اسوء من ذالك .... شحبت ملامحـها وتجمعت الدمـوع في مقلتيها يألهي ليس هذا وقت البكاء .. ميشو :اخبريني ماذا حدث بعد ذالك ... وتناست أمر البكاء الذي كانت على وشكه .. سوسو :حدث المحضور وجاء خلف ياربي مأبي أتذكر اللي صار بعد كذا .. وأختصر لك اللي صار بكلمتيـــــن .. التقى زيت بالنار .. الريم بعد مافكيناها من يدين خلف كانت على وشك المــــوت أتوقع الطق اللي جاها بتبقى اثاره معلمه عليها مدى الدهر .. ولاخلف لاتسأليني عن حالته ماكنت قادره أطالع بوجــهه والله أحس بحرارته وغليانه من بعــــد كيلو .. لأصدق هل حقاً أنا من فعل هذا لأعرف كيف سأكفاء نفســي على هذا النجاح الباهر ..... سوسو :المهم أكمل لك عاد أهل الريم مارضوا باللي صارها وشكلهم بدوا يصدقونها مأدري وش قالت لهم وخلتهم ينقلبون على خلف بعد ماكانوا بصفه وقامت حرب داحس والغبراء هذا بس بأسبوع صار مأدري عاد وش بيصير عقب خصوصاً ان سالفة الريم صارت على كل لسان وشكل هذا اللي قهر أهلها ويحسبون خلف هو اللي نشـر هالكـلام عنها بس تصدقين أحس خلف ماله يد بهالمــوضوع .. لابأس بأمكاني ادلاء شهـادتي بهذا الأمــر من غير ان تكون شهادة زور .. سوسو :ميشو وش فيك ساكتــه .. ميشو :أشعر بالاساء من أجل الريم .. ولكني لم أقاوم ان اطلق ضحكتـــــــي ... فردت سوسو من بين قهقهاتها .. سوسو :خبيثه ماتخلين طبعك اللحيــن ريمـوه كاسره خاطرك روحي زيــن والله أن يوم طلاقها يوم سعــدك .. تذكرين كيف كانت تشمــت فيني يوم تطلقت شوفي اللحيــن كيف أنردت لها سبحــان الله يمهل ولايهمــل .. سوسو أيته الساذجــه لاتبحــري بأحلامك بعيــــداً .. بنبره مرتعشــه لأستغربها على سوسو .. سوسو :مشـاري يبي يشوفني ... ميشو :حقاً وماذا أجبتيه .. سوسو :قلت بفكر .. ميشو :هل ستقبلين .. ضمـت يدي بين يديها المرتجفتيــن .. سوسو :ميشو حبي أنتي قوليلي أيش أعمل .. ميشــــو :افعلي مايمليه عليك ضميــرك .. هل تستطيعين ...؟! رأيت الأصرار على فعل الخطأ في موج عينيها .. سوسو :ايه أقدر ليه لا بقابله تجين معـــــــي .. هي أختارت .. ميشو :وأحمـــــد .. سوسو :الله يرحمــه بقلبي مااااات .. ميشو :والأنتقـــــام .. سوسو :ماعاد يهمني أحمــد كان غلطــه وبأنتقامي منه بعيد نفس الغلطـــــه .. لقد بدأ عقل سعاد الصدأ يعمـــــــل .. ليتفوق على كل أحقادي الشيطانيه .. ولكني لم أخسر بعـــــد فمازال مشـــــاري ورقه رابحــه بيدي .. ((3)) <<..هدنه مع الوحش ..>> ســـارا اليوم الجمــعه تعرفون وش يعني هاليوم .....!! .. اليوم بيملك جابر .. غصب عني أفكر فيه ليه مأدري ... حاولت أبعد تفكيري عنه ماقدرت لأن تفكيري كله منصب عليه .. حاولت التصنع المرح والأستهبال مع خواتي بس ماقدرت شعور الحزن اللي داخلي غريب يدمي القلب .. سألت نفسي ميت مره ليش أفكر فيه ليش أحزن عليه وهــو مايعني لي فحياتي شــــــي.. ومجرد تفكيري فيه خطيئه .. جابر كان بحيـاتي مثل الحلــــــم ايه حلـــــم مايوصل أبد للحقيقه وحتــــــى لوتحقق الأعجاز وقرب يكــــــون الحــــــــلم حقيقه أنا بنتفض بصحــى من الحـــــــلم .. لأن الحلــــم حلــــم شي نعيشه في الخيـــــال .. والخيـال والواقع مستقيميـن متوازيين مايتقاطـــعون أبد .. واذا غيــروا نظريه المستقيمـات المتقـاطعه فالمثي بغير أنا نظرتي بجابــــــر الحلــــــم .. بس أرجــــــع وأقول اليوم أنا حزينــــه لأني أستحق هالحــزن مليون مـره قالت لي ملاك لاتطالعين فوق عشـان ماتطيحين وتنكسر رقبتك بس ماسمعتها .. بتقولون بس انتــــــي كنتي تحلميــن وكنتي عارفه انه حلم بقول لكـــــم حتى بأحــــلامكم لاتطالعون فوق .. وعــــد :سارا ياكثر ماتسرحيـن اليوم .. سارا :افكر .. ملاك :لاتفكرين كثير يتعب دماغك من وين نلقى لك قطع غيـــــار لازم نسـافر بك برى وانتي أدرى بالحال العين بصير والأيد قصيــــره .. شهــــد :اسكتوا شوي موقادر أسمـــع .. وعد :وش تسعميــن قرفنا من هالأغنيه من كثير مانسمعها ... ملاك :الصراحه مأدري وش لاقيه فيها لاكلمـات ولا ألحـان ولاحتى تصويرها حلـــو .. شهـــــد :احسها تعبر عن مشـاعري .. بدينا بالحكي الفاضي اللحين شهد من متى صار عنــدها مشـاعر صدق بعض الناس تردد الكــلام وماتقدر قيمته .. ملاك :سارونه وبعدين مع هالتكشيره اللي مشينتك يالله أفرديها ..... ياحبيلك يامـــلاك محد كثرك حاس فينــي .. وعــد :اقول لكم منير ماعنـده نيه يمــرى علينا النهار دى .. سارا :ماظنش .. ملاك :تلقونه اللحيـــــن كارفينه ... وقطــــع كلامنا صوت الجـــــرس واللي كان فيه أحد معلق ايده عليه .. وكان قلبي حاس أن هالأحد منيـــر .. طلعنا نتسابق على الباب عشـان نفتحـــه .. بس انا كان لي السبق وصلت الباب وأنا أضحك على خــواتي المقهــــورات وراي ميلت راســــي بترحـيب وأنا أفتح الباب وراسمــــه على وجهي أحلى أبتســــــامه .. دارت الأرض من تحتي وظلمت الدنيــــا بعيــــوني يوم طاحت عيني على اللي ورى الباب .. وقفت جامــده مكانه وعيوني تطالعه برعب صوت داخلي يصرخ لاتوقفين تطالعينه أهربي هذا الوحش قفلي الباب قبل مايهجم عليك بس اطرافي كلها أنشلت عن الحركــــه من الصدمــــه ولاني قادره حتى أحافظ على نفسي واقفه كان كل ثقلي حاطته على الباب اللي متمسكــه فيه لأطيح .. بس الوحش ماهجم على مثل ماكان مفروض لاااااا سألني وكأنه مو هـــو .. قيس :وين منيـــــر .... حسيت بأحد يسحبني على ورى لين صرت ورى الباب .... ملاك :منير مو عنــدنا .. قيس :أمي أرسلته لكم من نص ساعه كيف ماجاكم .. واختفى صوته وقفلت ملاك الباب اللي كانت واقفه وراه معـــــي.. وسمعنا صوته من بعيد .. قيس :منيـــــــر وينك من الصبح ... سمعنا منير يرد عليه وابتعد صوتهـــــم .. ملاك :ليش وقفتي قدامــه .. خلاااص يعني راااح ماطقني ولاقال أي شـــــي ونظارته منعـت عني أي نظره من نظراته المـرعبه .. حسيت بالراحــه غير طبيعيه ولأني للحين تحت تاثير الصدمـه جلست على الأرض .. حسيت بيد ملاك على كتفي .. ملاك :سارا انتي كويسه .. حاولت أبتسم مأبغى أخوفهم علي .. سارا :أنا كويسه بس أنصدمـت .. أخر مره أفتح الباب بدون ماسأل ميـــن ..؟! ملاك :ايه صح لازم تسألين بعدين لونسيتي وفتحتي وكان اللي عند الباب رجال لاتوقفين تحركي بالسرعه وقفلي الباب ... ملاك كانت تكلم وكأن اللي صار شي عادي وممكن يصير كل يوم ولاكأن اللي ورى الباب كان قيس !! وعد :الا صدق منيـــر ليش قال أنه جاااي عندنا وماجاء .. نواف :معك حق شعنده منيــــر .. وحنا نتكلــــم سمعنا صوت قوي جاي من الحوش اللي ورى البيت وكأنه شي طاح رحنا نركض بنشوف وش صاير لقينا منيــر واقف على الحيط .. منيــر :هاااااااي شباب ... ملاك :اوب اوب منيــر قطو صاير .. منيــر :خلو عنكم الحكي الزايد .. وخذوا الكيس .. وأشر على كيس كان راميــــه على الأرض .. راحت ملاك تشوف وش بالكيس .... ملاك :حلاوووووو ياســــلام شكلـه من الغالي .. منيـــر :ايه هذا حلاوة ملكــه جابر بقته لكــــم .. وعد :وععع لامانبي شي مبيوق .. منيــر :يازينك ساكته أنتي تحمدين ربك أنك بتذوقينه .. ملاك :بس مو حرام هذا لضيوفكـــم ... منيـــر :فيه واجد بعــدين من زين اللي بيأكلــون منــــه مالت عليهــم بس ... يالله مابي أتأخر اللحيـن بنمشـــي .. ملاك :وانت لازم تروح معهــم .. منير :ماتعرفين أخواني يعنـي لازم اروح معهم عشـان يتأمرون علي مالت بس .. نواف :منير بتلبس ثوب .. منيــر :اكيد وشمـاغ وعقال بعــــد .. سارا :اكششششششـــــخ ياشيخ .. منيــر :وأخيراً نطقــت الليدي سارا .. ايه صح شفت قيس قدام باب بيتكــــم وش يبي .. استغربت من منيــــر ليش ربط بتعليقه علي وعلى جية قيس .. وعــــد :يسأل عنك ... وكتمت ضحكتها :سارا اللي فتحت له الباب .. اهتز منير وكان بيطيـح من فوق بس ثبت نفســه .. منير بالرعب :سوى لك شــي .. هزيت راسي بلا بدون مأتكلم ... منير :الحمـدالله .. يالله بااااي .. و سمعنا صوت طيحته فحوش بيتهـــــم ... شدن :أنتم هنا وماما تدور عليكــــــم .. بسرعه تعالوا أمــي بتقول لنا شـــــي .. ورجعت تدخل للبيت وخـواتي لحقـوا فيها الا أنا اللي ماكنت قادره أمشــي للحيــن أحس بالرجـولي ثقيله ((4)) <<..بعيـــــد عن الهـــــم ..>> ضحـــــــى اليوم أنا حاسه بفرحــه كبيره فبعــد عســـاف عنا بسفتره اللي دعيت انه مايرجـع منها ولأني فرحـانه حبيت أفرح خواتي معــي .. وعـــــد :يالله ضح ضح تكلمي حرقتي أعصابنا .. ضحكت على وعـد اللي دايم حاميــــه .. وعــد :احلى ضحــــــى تضحك يالل العجب يالل العجب .. ضحـى :وعد بلا تريقه ولاماراح تطلعي معنا .... ملاك وسارا :نطلع ويــــــــن ...؟! ضحــى :نتمشــى ونتعشــــى .. نوف تصفر :واااااااو ويــــــــن ..؟! ضحــى :عاد مافيه مكان فبالي نطلع ونشــوف يالله بالســـرعه البسوا أتصلت على سفر وعلى وصـول .. ويوم شفتهم ماتحركــوا .. ضحــى :وش فيكم ولاماتبون نطلــــع .. بغمضة عين أختفوا من قدامـي .. شدن :مهبل .. ضحكت على كلمة شدن صدقت مهبل .. دق جـوالي شفته كان عساف خيـر وش عنده هذا بعــد ماصدقت أرتاح من شوفته اللحيــن يزعجني بأتصالاتها .. ماحبيت أرد عليه قدام شــدن لأنا أكيد بنتهاوش وشدن ماهي غبيــه فهيمــه بسم الله عليها .. ولابغيت أطنشــه لأنه مايمـل وبيستمـر يتصل لين أرد عليــه وأنا أبغى أرتا ح بطلعتي .. قلت أصرفها.. ضحـى :وأنتي ماودك تروحين تلبسين .. شدن :امبلا بروح .. ضحى :أجل وش تحترين روحي .. شدن :تعالي أنتي معي .. اللهم طولك ياروح .. ضحـى :طيب روحي وانا بلحقك .. اول مبتعدت عني رديت عليـــــه .. ضحـــــى :نعــــــم .. عســــاف :السـلام عليكم .. ضحــى بملل :وعليكم الســلام .. عساف :وش فيك تقولينها بدون نفــــس .. ضحـى :أقولها بالطريقه اللي تعجبنــــي خير وش تبـــي .. عسـاف :مابي شـي بس حبيت أسمـــع صوتك .. يملقك ياشيخ خاطري اسكر بوجـهه بس هذا غثيث بيطفر فينــي وبيدفعني ثمـن هالحـركــه بس صبرك علي ياعســــاف أنا أعرف كيف أداويك .. ضحــى :عساف أنا مشغــوله اللحين أوكي وخواتي كلهم عنـدي بليز مالها داعي هالحركات .. عسـاف :ولااا يهمك من عيوني ياحيـاتي دام هذا اللي تبينه كم مره قلت لك اهم شــي عندي راحتك .... كذااااااب خسيس نذل على باله غبيـــه بنت اليوم أنا مأعرف لحركاته بس هين ياعسـاف أذا ماراويتك من هي ضحــى على بالك بتقدر تقص علي بلسانك السكـــر .. قفلت من عنـده وطلعت أشوف شـــــدن .. وبعد نص ساعــه كنا بالسياره وخـواتي أنواع الهيصــه .. ((5)) <<..جت الحزينه بتفرح ..>> وعــــــد تصدقون اول مره أحس أني أحب ضحــــى حيل .. ياحبيلها والله جت هالطلعه بوقتها لأني كنت ضايقه حــدي من المذاكــره والأمتحــــانات .. أنا كنت جالسه عند الباب ومطلعه راسـي من الدريشه واطالع بالناس ونواف جالس بالكرسي اللي جنب السواق وكاشخ بالثوب والشمـــاغ الصراحه احسده .. واللحيـن حنا واقفين عند الأشاره وانا أطالع بالسيارات اللي واقفه قريب منا واللي كلها أحلى من سيارتنا مالت علينا بس لاحظت شخص معروف بالسياره اللي قريبه مره من سيارتنا بس كان يتكلم اللي معه وماهو منتبه كلش حاولت الفت انتباه بس هو مره منسجــم بالسوالف لين أنتبه واحد من اللي معه اني أشر عليه وشفته يكلمه ويأشر على .. وقدم بالسياره شوي وبالغصب لين صار موازي لسيارتنا كل هذا ولا وحده من خواتي أنتبهت على اللي قاعده أسويه ... فتح الدريشه .... فادي :هلا والله وعد ... وعد :اهلين وش تسوي فيذا ....؟! ضحكـوا اللي معه على لقافتي .. بس انا سويت عمري ماني مهتمه .. فادي :خير طويلة العمر وش تبيـــن .. وعـد :ليش مو مع اهلك .. فادي :وليش لازم أصير مع اهلي .. وعـد :لأن اليوم ملكة أخوك .. هههههههههههههه شكله خبر خير مايدري .. فادي:لاعاد أحلفي أي اخو من متى هالكـــــللامم ماكملــت كـلامــــي معه لأني ماحسيت بنفسي الا وأنا أنشـــد داخل والدريشه تسكــــر .. بس نواف اللي حاضر سوالفنا من البدايه ماحب يتركه بحيرته فقاله والسياره تحرك لأن الأشاره أنفتحـــت .. نواف :اخوك جابررررررر .... بااااي يالمفهي .. ضحــــى :وش هالحركات هذي لاتخلوني اندم على اني طلعتكم مليون مره قلت لكم اتركوا عنكم حركات العيال أنتن بنات بعـدين كيف تلكمـون بهالطريقه مع احد ماتعرفونه أنتوا بالتجيبون لنا المشاكل بأستهتاركم هــــذا اللحيـن الناس اللي كانت واقفه معنا عند الأشاره وش بتقول أكيــد شي مايســــــر .. حسبنا الله ونعم الوكيل بس .. خيبه شكل ضحـى زعلت هذا وحنا طالعين نستانس بس اللي يشوف وجيهنا يعرف الوناسـه .. ملاك :وعدووه نواافوه حبوا راس عمتكــــم ضحـى لأنكم تسببتوا بتكـدير مزاجها .. شهـد بقرف :هذا عادتهم صدق مطفق ويفشلون .. ولل أخذونا بالشراع وميداف اللحين حنا طلعنا المطفق وهم العاقلين بس ماعليه يأخت شهد بس عارفه كل هذا عشـان فاديوووه حبيب القلب بس هين طبك عنــــدي .. وعــد :اقول شهــد شفتي اللي تو فاادي ... هههههههههه ماودكم تشوفون وجـه شهــد كيف اختبص هين ماشفتي شـي .. خواتي كان يطالعني بأستغراب وش قاعـد أخرف انا .. شهـــد :وش فيه .. وعــد :اخو منير .. شهـــد :احلفي توني ادري .. وعـد :ومنير يقول شهــووده ... هههه هى هههههههههي يييي مسكينه شهـــد اخخخخخخ .. ضحــى :وعد عن الهذره الزايده وبلا بياخه عندك شي قوليه ولااكرمينا بسكـاتك ... سفر شغل الأماكــــن .. بللل عليك ياضح ضح ماتنرامـين على قولة أخوانا الاماراتيين .. بس وش عنــدها مع الأماكن احس أن بينهم ارتباط وكأنهم توأم سيامـــي .. وجلسنا ساكتيـن مافيه احد يتكلم فينا غير محمــد عبده .. وعد :ضحـى خلينا ننزل هنا .. ضحـى :وش تبين هنا عنـدك فلوس تشترين .. وعد :مولازم نشتري بنتفرج يالله عاد ضحــى دايم اشوف هالمجمـع وخاطري أشوفه من داخل .. شهــد :هييي انتي خبله وين تنزلين بتفشلينا الأماكـن هذي موقدها .. وعــد :ابي انزل يعني أبي أنزل مالي دخل خير ياطير يعني الناس اللي تدخل احسن منــي بأيش .. هنــد :احسن منك بفلوسهم .. ملاك :وعد أنثبري لاتكـونين بزر .. وعـد :حراام عليكم والله ابي أدخلـه اللي يسمعني يقول قلت بشتري منه بس بشوفه من داخل .. ضحــى :خلااص وعد مره ثانيــه يكـون معي فيها فلوس أجيبك هنا ومو بس تتفرجين لاتشترين بعــــد .. وكالعاده سكتتني ضحـى بهالكلمــه وأنا لازم ارضى مع اني مو راضيه بس وش أقدر أسوي معهم حق .. مع ان اللي أطلبه مو صعب بس الحياه صعبته علينــــا يعني حرام نعيش مثل كل هالعالم اللي أشوفهــــم لابسين كاشخيــن وعايشين حياتهــم بالعرض والطـول ليه حنا مانقدر نستانس نفرح نضحك نسوي كل اللي بخاطرنا .. ليش حياتنا جالسه تمشـــــي بالمقلوب وبدال ماتتحسن يوم بعــد يوم تتعســـر ياخــوفي بكره نجلس نطر بالشوارع .. ((6)) <<..ورجعت للمدرسه..>> مـــــــلاك حزنت على وعــد صغيــره وعنـدها أحــلام وأماني وأكيد نفسها بأشياء كثيره بس محرومــه منها مع أنها مو كثير تطلب اشياء ويمكــن هذي اول مره أشوفها تطلب شـي وتصر عليه بهالطريقه لكن الحق كل الحق معها هي صغيـره وماكان مطلـوب منها تحمل هالعيشه و هي كانت أكبر من عمـرها وتحملتها بدون تأفف لكن الانســان كم بيتحمــل مصيره يمل .. بهالحضه قررت قــراار والله يساعدني ويسهل لي امري عشــان أقدر احققه والله ثم والله ثم والله لوتسهــــل لي هالأمر ماتردد عن قبوله فالسبيل أن خواتي الصغار يعيشــون حيـاه مرتاحـــه .. مرينا على مطـعم للوجبات الخفيفه وأخذنا لنا وجبات أكلناها بالسياره وسفر يلف فينا بالشــوارع لين خلاص دخنا ورجعنا للبيت ... شفتوا طلعاتنا كيف مثل وجيهنا بس نعمــه غيرنا ماعنـده سياره يركبها مع اني مأدري من هالغير بس متأكــده ان فيه وأحسـاسي يقولي بكره تشوفين .. وجاء بكــــــره بس مو بكره المقصود لابكـره السبت كنت نايمــه وصحيت على زعيق وعــــــد .. وعــد :ملوك وليخليك أصحـي بالسـرعه اسمعي وش بقولك ملااااااكي بليزززززززز .. ياربي هالمزعجه وش تبي على هالصبح والله لوتمـوت ماني صاحيه عشــانها .. وعد :ياررربي ملاك والله يسلمك أصحــي أذا ماصحيتي يمكـن أمــووت .. موتي أحد قاضبك وأنقلبت على الجهــه الثانيه على أمل أني ارتاح من صوتهــا ... وعــد :ملاااااااااك والله أنك نذله اصحــــــي يمل الماااااااحي .. يااااربي كيف أبين لها اني نايمــه ومأسمعها أوووووف خاطري أقوم والفها بالطراق .. وعــد :ملاااااااااااااااااااااا� �ااااااك يارررربي وش أسوي بعمــري أووووووف ملااااك ولعنـه اصحي ... وبدت تسحب المخـده من تحـت راسـي .. وبهالحضه فقدت كل ذرة صبر فينــي ... وجلست بحركه سريعه وأنا أصرخ بوجهــا .. ملاك :وش تبين يمــــل الحمــى .. وعــد :يعني صاحيه ياحماره ورى ماتردين علي ألعن أبو الخباثه اللي فيك تشوفيني محتاجه لك لهدرجـه وماتردين ... ملااك :اخلصي علي وش تبين بالرجـع أناام .. وعــد :تعالي معي للمـدرسه .. ملاك :أي أنتي وش قاعـده تخرفين أنا ماصدقت أفصل من المدرسه تبغيـن ترجعيني لها .. وعــــد :ملاااااااك بليز أسمعيني انا بروح اختبر وضروري أحد يجي معي عشـان أنا بس بختبر وأطلع .. ملاك :لاااماهو ضروري ولا الأيام اللي طافت كنتي تختبرين لحالك وش حيث اليوم .. وعــد :اليوم لأن خطتي محتاجه يكـون معي احد .. مـلاك :لاتقولين تبغيني عشـان أغششك لاعيـوني أنا دجــه .. وعــد :ماراح تغششيني من دماغك بعطيك المجلـه اللي بتغششيني منها .. ملاك :خبله أنتي كيف اغششك من المجـله .. وعـد :اوووووف أمسكـي المجله هذي شوفيها وأنا بروح ألبس مريولي اوكي لاتأخرين بالسـرعه ألبسي عبـاتك .. أخذت المجلــه اللي رمتها على الأرض وجلست أقلب فيهــــا .. وشوفوا وش لقيت فيها صدق هالبنت داهيــه كانت ملصقـه من داخــــل الكتاب ماهـوكله لابس اللي تحتاجه بالأختبــار وباقي المجله كماهـي .. وفهمت وش الملطـوب منـي .. اووف الله يعنـي على القرف مأدري كيف بدخل المـدرسه مره ثانيــه .. لبست عباتي بالسـرعه وأخذت لي شنطه حطيت فيها المجلـه ونزلت تحـت ... ولقيت وعـد لابسه مـريولها وجالست تشـرب شــي ومغمضه عيونها ... صرخت فيها .. ملاك :وعد يالخبله وش تشـربين .. عفست وجها وكنها قرفانه .. وعـد :عصير ليمـون .. ملاك :وجـع ليش تشـربينه موتقولين بطنك يوجعك لاشربتيــه .. وعـدبألم :عز الطلـب عشـان يوضح علي المـرض .. مـلاك :والحكمه .. وعـد :عشان يخلونك تجلسين معي لأني لوماكنت مريضه ماراح يدخلـونك معـي ونكون ماسوينا شــي ... ملاك :الله يعينك بتذبحيـن نفسك عشان حاجـه ماتسوى راس مالها دراسه .. وعـد :الدراسه مهمه ماتسمعين ضحـى وش تقول ذيك المـره عن أهمية الشهاده .. بعــد نص ساعه بغـرفة المـشرفه كنا أنا ووعــد والمشــرفه .. ههههههههههههه الصراحه مت ضحك بداخلـي شكـل كل اللي سوته وعــد بيروح مع الريح بسبب غلاسة هالمشرفه الله يعينهم عليها .. كنت جالسه بمكـان بعيـد عن وعــد وحاطـه رجل على رجل وأقلب فالمجلـه .. مر نص الوقت وأنا أشوف وعــد ماحلت شي وزياده شكل بطنها صدق يألمها كله من عصير الليمـون اللي شربته الصراحه بديت أشفق عليها .. بس جاء الفرج يوم دق تلفون المشرفه وكانت المديره وشكلها تبغاها .. أول ماطلعت طرت عند وعــد وبديت اغششها وأنا فاتـحه أذوني على الأخر عشان أسمــع صوت جزمتها لرجعت .. وعــد :ملاك بطني يوجعني حلي بدالي ... ملاك :هييييييي خبله أنتي كيف تبني أحل بدالك وأنا من ثلاث سنوات مامسكـت القلم تغبيــن أحوسك بالســرعه حلي ... والسؤال الثالث حله مرره طويل خليه على جنب اذا خلصتي بالسرعه نرجــع له .. وأنا أملي ووعـــد الأجابه ومنحنيه على الطاوله قدامها سمـعت الباب وراي ينفتح وجمـد الدم بعروقي لاياربي وش هالوهقــــه لفيت على المــشرفه وأنا أدور لي مخرج لهالورطــه ... وأنصدمت يوم شفت من اللي سبب لي هالرعب ... ملاك :ضحــى ........!!! ضحــى :وش فيك اخترعتي أيه ضحــى .. سمعت أن وعــد مريضه وجيت أشوفها وأستغربت يوم دريت ان أحد جااي معها .. الحمـدالله شكلها مانتبهي للي كنا نسويه.. وقلت عشـان مأشككها فيني ... ملاك :زيني أنك جيتي شوفي وعــد مافهمت السؤال هذا وش المطـلوب منه .. وأنطلت عليها الحيله وبالطبيعتها العمليه جلست تشرح لوعد السؤال بالتفصيل .. وأنا رجعت للمكاني وكملت تقليب بالمجله بس بحرص أخاف ضحـى تكشفني ترى هذي عيونها ماشاءالله تشـوف حتى الي ورى الجدران .. خلصت ضحــى من وعــد وجلست على مكتب المشـرفه ومأدري وش قاعده تســوي على الكمبيوتر ... ملاك :اقول ضحــى .. ضحـى :هلا .. ملاك :غريبه كيف واثقين فيك ومخلينك تجلسين عند وعــد وهي تختبر .. ردت علي وعيونها على الكمبيوتر .. ضحى :روحي أسأليهم .. لا الأخت شكلها أبد مومعي بس والله التغليس عليها شــي وهي بهالحاله مندمجـه بالشغل .. ملاك :اقول ضحى .. ضحى :قولي .. ملاك :وش نسوي غدى اليوم .. ضحــى :سوي اللي تبين ... ياحليلها بتسكتني عنها بس صبرها علي ماشافت شي ... ملاك :انا عطشانه ابي ماء .. ضحـى :اطلعي لساحه تلقين برادت أشربي منها .. بلل عليها ترد علي وعينها مانزلتها عن الشاشه .. يالله فرصه بطلع اشم هــوء واشرب مااي .. طلعت من غرفة الأشراف وجلست أفتر على المـدرسه وتذكـرت شي مريت على الأداره .. طقيت على الباب ودخلت كان فيه أبله عطــوف المـديره وكذا معلمــه وكم وحـده شكلهم اداريات .. ياحليلهم شكل عنـدهم اجتماع ... ملاك :سلام ... الموجـودين :وعليكم السـلام .. ملاك :وش أخبارك أبله عط ... عواطف .. يؤ وش هالوهقه كنت بقول معيارتها قدامها صدق أني مخفه ... أبله عطــوف جلست تمقل فيني وزينة بنظارتها على خشمها .. ابله عطوف :أعرف هالصوت وهالشبهه موغريبه علي ... رديت عليها وأنا أنفخ لبانه وأفقعها .. ملاك :افااااااااااا ماعرفتيني أنا ملاك مبـــــــارك ... خيبه وش فيها ذي لوقايله لها شيطـون بن أبليس ماتنرفزت كذا ... أبله عطوف :والخيبه وش تبيــــــن ... الخيبه تخيبك يالحمــاره .. ملاك :افاا أبله تعامليني كذا وأنا جايه أسلم عليك وماجيت للمـدرسه الاعشـان أشوفك .. ياحلوي قدرت أحرجها وبعــد الأستقبال السيء اللي أستقبلتني فيه رحبت فيني وجلست تسأل وش مســويه ومن هالسوالف وأنا جلست انصب عليها وسـألتني ليش جايه خبرتها عن وعــد وجها تغير وعرفت انها مقهــوره من وعد وجلست تشكى منها وأنا طبعاً سويت نفســي الكبيره العاقله ووعدتها اعدلها وعـــد وهي مبسوطـه تحسبني أتكلم من صدقي موجالسه أتريق عليها صدق مخفــه .. وبالأخيــر وودعتها ورحت لوعد اللي لقيتها خالصه ورجعنا للبيت .... عاشقة ديرتها | ||||
|
| |
|
08-03-13, 09:10 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السادسه عشــر ((1)) عساف وخرت الجوال عن اذني تحسب لصرخه اللي بتصدر منها وبتفقع طبلة أذنـــي .. مرت ثواني ماسمعت فيها أي صوت لصراخ ولاغيره .. بتردد رجعت الجوال على أذنــي ..وهمست .. عساف:ضحــى وينك .. ضحـى :انا هنا وين بروح يعنـي .. عساف :أجل مارديتي علي ..؟! ضحى :ارد على أيش هو أنت قلت شي ينرد عليه .. لاهذي تبغى تطلعني من طوري..تتعمــد البروده معــي بكلامهاوتعاملها .. عساف :ضحــى انتي فاهمتني زين وعارفه وش اقصد .. ضحــى :لا أعذرني صايره غبيه هاليوميـن مأفهم فهمني أنت .. عساف :ان شاءالله من عيوني بس هذا اللي تطلبينه بفهمــك وبخليك تحفظين الدرس بعد يامــدام .. وماصبرت أكثر قفلت قبل مأسمع ردها ..فقعت مراراتي بكلامها ..مع أنه المفروض هي اللي تنقهر تعصب تنفعل وتصـارخ .. بس ضحى دايم تفاجئني بردود أفعالها اللي مستحيل الواحد يتوقعها مرات تهيج مثل حمم بركان .. ومرات ببرودها تجلد صيف الرياض .. كل شــي فيها يغريني يحمسني يعطيني دافع عشان أكتشفها أكثر وأكثر لين أوصل لها .. خلف : عساف .. لفيت للخلف اللي كان واقف وراي .. عســاف :هلاخلف.. خلف :أدخل بيقلطـون العشـاء .. عساف :يالله جااي .. سألني وهويأشــر على الجوال اللي بيدي .. خلف :بنت مبارك .. عسـاف :ايه .. خلف :كنت متوقع من سمعت صوتك عالي ماينرفزك الا هــي .. عساف :طيب بعد العشـاء لتنام أبيك .. خلف :وين يجيني النوم وأنا بعـيد عن الرياض وهواها .. دزيته يمشــي قدامــي وأنا أضحك وأتريق عليه ... عسـاف :ليه الأخو سمكــه مايعيش الا بالماء وحارمينه منه .. خلف :يالعم محد قالك من قبل أنك ثقيل دم .. بعد العشـاء كنت جالس مع خلف بعــد ماطلع عنا مبــارك راح ينام .. كنا نسولف عن معارف مبـارك اللي كانوا معنا على العشى ومن بين كلامناسألني خلف .. خلف :كان عندك سالفه لي .. عساف :ايه كنت بشاورك .. تحمس خلف وتعــدل بجلسته شكله يحسبني بشاوره أني أتزوج مره ثانيه لأنه من طلعنا من الرياض وهو ماسك علي هالسالفه .. خلف :هاه بشر عزمــت .. ماقلت لكم ..تكلمت بالســرعه عشان مايروح بعيد بأحلامه .. عســاف:لاا ماهو اللي مفكــره فيه .. انا بشاورك أني أكلم عمــي بموضوع بنته ... شفته خلف يطالعني بنظرات وكأنه يستسخف اللي قاعــد اقوله .. خلف :تبي شوري خلك منها طلقها وريح نفسك وريحها يعني هي بعــد ماهي ناقصتك قايمــه بجدتها وخـواتها وهذا يفكفيها.. عساف :والله هي اللي رضت فيني وتزوجتني واللحين خلاص عايفتني ماهو بكيفها ..بعدين وش عندك تدافع عنها .. خلف :لأنك لوعت كبودنا فيها ماعنــدك الاسالفتها .. عساف :وش قلت أكلم مبارك هذا عمك وأنت أعرف الناس فيه تهقى بيساعدني.. خلف :تبي رايي كلمــه اذاماكان قدامك غير هالحل لأن عمي حتــى وهو متبـري من بناته ماراح يرضى باللي تسـويه فيك لأنه رجال وفاهمك وأكيد بياقف معك ... تطمنت لكلام خلف صح هذي كيف راحت عن بالي مبــارك أكيد بيوقف معــي ماهو عشــان شــي متعلق فيني بس لأنه دايم ضد النسوان وهن دايم الغلطــانات والعيب مايجي الا منهن .. سمعت تنهيده طالعه من خلف .. عساف :ولل طالعه من قلب.. خلف :شفت عمي وش يبي مني .. عساف :لا وش يبي .. خلف :مدبر لي زواج مصلحه .. عساف :كيف مافهمت ليكون بيزوجك وحــده من بناته .. خلف :لا تصدق مافكرت فيها من قبل مع أن الفكره ماهي شينه تعرف ولد عمك مايأخذ الا مزايين وأكيد بناته طالعات على أمهاتهن وسكت شوي كنه يفكره ...وقف ثمن جلس وهو يهز راسه بـ لااا .. خلف :لا لا بتوهقني معه اذا أخذت وحده منهن بتبدس فيها ولوبغيت أطلقها ماراح أقدر وأبوها عمي مبارك وش تقول الناس عني ... اللحين الناس ماراح أتكلم الا اذاطلق بنت عمه مبارك مأدري كيف يفكر هالخلف .. عساف :يعني بتفهمني أن الناس ماتكلمت فيكم للحين أنت وعمك أحلق شنبــي لوكان كلامك صدق .. خلف :خلهم يتكلمون لين بكره محدن هامني .. بس فكرة أني أتزوج من بنت عمي مبارك ماراقت لي انا ماني ناقص ريم جديده ... وبدأ يسب ويشتم فيها ..وبلحضة غضب .. خلف :الواطيه ماهو كفايه اني ساكت عن سالفت عقمها .. انصدمت هذا وش قاعـديقول .. خلف :لاطالعني كذا ايه بنت عمك ماتجيب عيال كان لنا سنه من تزوجنا يوم أكتشفت هالشي وطينت عيشتي بصياحها عشان كذا دبرت سالفة أنه انا اللي مابي عيال ومشت السالفه ولاصدق أنها هي ماتجيب عيــال .. واخيراً طلع صوتي من بعد الصدمه .. عساف :وأنت كنت تبي عيال كيف صبرت كله هالوقت ... خلف :فالبدايه كنت أبي عيــال بس بعدين مع الوقت صار المــوضوع مايهمنــي لأن الوحــيده اللي حسيت معها بالأستقرار وكنت ناوي أستمر معها طول العمـر طلعة ماتجيب عيــال .. وكل اللي تزوجتهم بعــدها مأتخيل ولاوحــده منهن أم عيــالي .. سكت عني وقعــد يقلب فجــواله شكــلي قلبت عليه المــواجع ياصبــرك ياخلف اللحين كلها هذا سوته فيك الريم .. صدق لئيمــه جازتك بالخيــانه رغــم كل الخيـر اللي سويته فيها.. ((2)) ضحــــــى داخلي نار مولعــه من كلام عساف النذل يعرف كيف يجرح ويقط نغزات حتى وهو بعيــد ماهـو فاكني من شـره يهددني بأبوي اللي متبري منا .. والا الثاني مرره ميت على عيال زوجته وحناحتى سؤال مايسأل عنا مايدري عايشين ولاميتيــن .. أنا واثقه أن عساف تعمــد يقولي هالكــلام عشان يجرحني بس للأسف ماعرفتني زين يأستاذ عساف أنا ضحــى لوتغرس بحشاي سكيــن ولاكأنك جرحتني .. أنتبهت على ملاك تكلمني بس مأدري وش تقــول .. ضحــى :تكلميني .. شفت الصدمه بوجها يحـوول انا وش صاير فيني أمشــي بين الناس وعقلي مو معي ..ردت علي بعد مأستوعبت الصدمـه .. ملاك :لا أكلم عمـــري ..انا من الصبح أهرج على مين .. بدينا عاد بثقالة الدم والمصاله عاد ملاك خلقه رايقه وتحسب الناس مثلها .. ضحى :ملااكوه اخلصي علي عندك شـي قوليه .. ملاك :ايه عندي شي وأشياء يابنتي أقولك العلاج حق جدتي خالص .. ضحــى :كم اللي خالصين .. ملاك :ثلاثه والرابع مابكيفي يوميــن ... قلت لها وأنا افتح بدروج مكتبي ادور البوك .. ضحــى :تروحين تجيبيه من الصيدليه .. ملاك :يعني فيه أحد غيري بيروح يالله هاتي .. ياحرام معذبتها معي من كثر مأطلب منها اخخخخخ بس عليها هي وأختها مارافع لي الضغط بهالبيت غيــرهم ..أكل ومرعه وقلت صنعه ..قلت لها بالطنازه يمكن تحس على دمها شوي .. ضحى :أعذرينا أخت ملاك معذبينك معنا بس وش نســوي الله مارزقنا بخوان يخدمونا بس الحمـدالله الله رزقني بخــوات مريحيني وشيلين عنــي حمل البيت .. بس الغبيه مافهمتني ولايمكنها فهمتني بس تغيبى كل شي جايز .. ملاك :ياحبيبيييييييي شعندها ضحــى راضيه علينا .. ضحــى :ملاك بتروحين ولاشلون ... برشاقه قفزت من مكانها وأخذت الفلوس اللي مديتهــم لها .. ملاك:أتصلي على الخبل سفرروه وأنا بروح أشوف توأمــي الغالي عشان نروح .. غابت عشـر دقايق ونزلت بعدها مع سارا وهن لابسات عبايتهــن .. بس مأعجبتني حركتهن يوم متلثمــات .. ضحــى :الا متى يعني ورى ماتغطن ولاعلى الأقل نقــاب أستــر .. سارا :انا زيــن أني متلثمــه كان خاطري بس أتحجب ... ملاك :ياحبيبي من بيسمحلك أصلاً ... وبدوا بالمناقر ..الصراحه مأدري كيف يتحملن بعض احس عليهن ثقالة دم ماشفتها على أحد غير عساف اووووف مووقته هو الثاني .. سارا :وأنتي شكو من معينك علي ولي .. ملاك :موسالفت ولايه بس ياعيــوني أنا ماحب أحد يشوف وجهــي واذا كشفتي أنتي كني أنا كشفت لأنا توام فهمتي اللحيـن ياذكيه .. هذي أخرتها ماكذبت يوم قلت ثقيلات دم .. ضحــى :ملاك سارا أنقعلن من قدام وجهــي موناقصه أنا عشان اتفرج على غبائكن ... وجرن بعض وطلعن وهن يتناقشن بصوت عالي بموضوعهن المهـــــم مررره مأقول الا مالت ... ((3)) مــــلاك قهرتني سارا بكلامهــا وتفكيرها السلبي .. ليش عادي عندها تكشف وجها وتخلي الرجال يشوفونها .. ملاك :لاتبطي كبدي أكثر مأنتي باطتها يعني عادي عنــدك تمشين بالشارع كاشفه والرجال يشوفون وجهك .. سارا :ايه عادي عندي يعني هم حلال عليهم يطلعــون كاشفين وحنا لا ..ليه هم بعد مايتغطون .. ملاك :خبله أنتي من حلاتهم عشان يتغطــون اصلاً حنا عادي نمر من عـندهم ولاحتى نفكر نطل بوجيهم .. أما هم بس خلي عباه سوداء تمــر الواحد منهم يفتر كلـــــه عشان يشوفها ويجلس يطالعها لمين تنعمي عيــونه من كثر ماهو مدقق ..أجل كيف لوكاشفه سالفه بحالها ... سارا :ايه أدري تمـدحيني مولله عشـاني توأمــك بس .. ملاك :يعني أقتنعتي بكلامـي ولاشلون ... وبديت أشمـر عن ذراعـــي اخخخخخخ حركه تهديد تفهمها سارا زيــن .. سارا :وأنا أقدر مأقتنع بعد كلامك ياقميل .. يمدحون الذله سمعت أنها بنت حلال ... وصلنا عنــد اقرب صيدليه لحينــا لأن اللي داخله مثل قلتها يمكن حتى البندول ماتلقونه فيها.. نزلت أنا وسارا وحنا واثقين أنا بنأخذ - 11 -لفه محترمــه على صيدليات الرياض على بال منجمــع العلاجات الأربعه.. دخلنا وسألنا الصيدلي عن الأدويه اللي نبغاها .. قال أن عنــده أثنين من اللي طلبنا وراح بيجيبهم لنا .. وحنا جالسين نسولف ونتريق على الصيدلي أبو صلعه .. دخل واحد متلطم ..أنا شكيت فيه بس بعد ماشفت نظراته لنا عرفته على طول البعبع قيســوه ..وراح عند الصيدلاني الثاني .. شكل سارا مأنتبهت عليه الحمــدلله بس أخاف أتفاجيء فيه وتنهبل علي .. جاب لنا الصيدلي العلاجات أخذتها منه أتأكد منها مررره مسويه عمــري فاهمــه بس طاحت عيني على سعر بهــت .. خيبه وش هذا ليش قيمته نطت كذا رحت أشوف الثاني لقيته على نفس سعــره ... ملاك :خير ليش أن شاءالله هذا 250 .. الصيدلاني :هذا سعــره .. سارا :أحلف بس أنت من متى صار بهالقيمــه بنات اليوم حنا تقص علينا العلاج هذا لنا سنه كامله نشتريه شحقه زايد فيه أربعين ريال .. ياربي وش هالمصيبه سارا تكلمـت من هنا البعبع لف علينا من هنا يعني قبل ماكان عارفنا اللحين بس من تكلمـت سارا عرفها .. يارب يارب أصرفه عنا موناقصين فضايح .. قيسوه واللي يخليك ضف وجهــك سوو لومره خير بحيــاتك رروح ررووح .. الصيدلانــي :وأنا أعمل لكم أيه عايزن تشتروا ولاشرفوا .. ويييه حنا ناقصينك يالمصــري ...قلت عشـان نطلع بالســرعه .. ملاك :لاخله لك أمشــي سارا .. بس المصــري لصق فينا يبغانا نأخذ الثاني الله يلعنك مانبي منك شــي بس الخبله ســارا موراضيه تقول بنأخذه من عنــده يمكــن مانلاقيه بالصيدليه ثانيـــه ..انتظرناه بسرعه يحطه لنا بكيس ورميــت الفلوس بوجــهه .. لفيت وأنا أشد سارا مع يدها وكنت متعمــده احجب قيس عن نظرها بس مــع قوة لفتــي صدمـت فيه وأرتــديت على سارا وكنا بنطــيح على بعـض لو ماسارا حافظة على توازنها بالرمق الأخيــر .. شفتوا صدمــتي فيه وش سوت لنا عاد شوفوا وش سوت له هو شي كبير هزته زلزلته قصدي فكت لطمتــه ..صديت على طــول لسارا بشوف اذا كانت انتبهت عليه شفتها مبهتــه وتطالع فيــــه ياخرابي والله اللي أنفضحنا اليوم سارا بليزززز اعقلي واصطلبي سوي عمـرك ماشفتيه وأطلعــي ..لحضه بشوف وش ردت فعل قيس يؤؤؤؤؤؤؤؤؤ وش فيه هذا كنه مكفخ لااا مستحيل هذا من يقدر له يكفخـــه .. وبالدهشه فهمـت اللي صاير قيس ضرسه وارم ههههههههههههههههههههههههه ههههه .. يستاهل البعبع من هالحال وأردى .. يوووه حنا وش جالسين نسوي نطالع فيه والله من الفضاوه اللي فينـا جريت الخبله سارا معــي وطلعنا وهي لافه راسها وتطــالع بقيس .. مأستحملت يمر هالمــوقف بدون ماعلق عليه لفيت علي قيسوه وحنا عنــد الباب وبوقاحــة الدنيـا كلها قلت له ... ملاك :ودي أقول ســلامات بس الصراحه ماتستحقهــا .. قيسوه عساك من هالحال وأردى .. وطرت بسارا لسياره ..ركبنا وحنا نلهث .. سارا :ملاااك شفتيه ضرسه وااارم جاااي يأخذ له عــلاج ... سكتت دقايق أرد النفس .. ملاك :اتوقع أجل وش جايبه لصيدليه .. سارا :أخذ له علاج يعني يوجعه ... أنصدمـت من سارا لاااتكــون ....... ملاك :ساررا لاتكـونين شفقانه عليــه .. هزت سارا راسها بقوه تنفي كلامــي .. سارا :فهمتيني خطأ أنا أقصد انه يحس مثلنا .. تقطــع قلبي عليها ياعمــري ياســارا أكيـد يحس يعله السرطــان عشان صدق من قلب يحس موضــرس .. ملاك :والله أنك خبله ترى عوار الضرس عنـده مثل وخزة الشوكــه لنا.. سارا :خسـاره أجل وش اللي عنـده مثل عوار الضــرس عنــدنا .. بدينا بالخبال عااد سارا مايطلع خبالها الا اذا كانت مبسوطـــه وفعلاً طلع أحســاسي صدق لأنها قالت.. سارا :ملااااااك أحبك أنا فرحااااااااانه حيييييل الوحــش الدينصــور التنيـن قيســـوووه يتألم ...ماتصورين قد أيش فرحتــي أكثر من فرحة امي فيني يوم جابتني .. ملاك :ومن قص عليك وقال ان امك فرحـة يوم جابتك .. سارا :تراهنيــن امشــي نروح للعراق نسألها .. ملاك :يالله أمشــي نأخذ لنا تذاكـــر .. سارا :لا ليش التعب والمصـاريف الزايده .. سفررووه يالله على بغــداد .. فتحت عيوني على الأخير وش تقــول هذي حسبالها بغداد فرة حصاه عنــا .. سارا :هههههههههههههههههههههههه� �هههههههههههههههههههههههه هههه ..اخخخخخخخخخخخخخخخ بطنــي عورني طالعي عيــونك كيف طلعت من محلهاصدق أنك مقصه .. طنشتها تطنزي عليه هي وخشتها سويت نفسي زعلانه ..بس عاد سارونه ماترضى تزعلني .. سارا :ملاكي عمري حياتي زعلتي منـــــي .. جلست اتدلل وتدلع عليها وهي تحاول تراضينــي .. ومع الوقت بدت تعصب وشكلها شوي وتصيح .. سارا :ملاك للحين زعلانه .. ملاك :ايه ولاتحاولين ماراح أرضى .. سارا :احسن عمرك مارضيتي .. لاااا شوفوا اللئيمــه كيف بتخليني زعلانه يعني كذا مأقدر لازم أحكــي معها .. ((4)) ســارا اليوم بس أكتشفت أني مدلعه ملاك ماتزعل الا أطير عليها أراضيها ماتطلب مني شي الا أنفذه لها والشي هذا مخليها تاخذ راحتها معي على الأخر بس أنا لازم اخذ موقف قوي عشان تحسب لي ألف حســاب .. أنتقل تفكيري من ملاك لبعبـع قيس الشعــور اللي مريت فيه بعــد ماشفته طعــم حلــو شــــعور لايوصف اللي يصيبك يوم تدري أن الوحش المرعب عــدوك اللدود يتألم مو معصــوم من الألم مثل ماكنت متصــوره .. للحيــن ماني مصدقه أني شفت قيس وهو ضعيف ..لااااااياساراا لاتغلطين حتى بالحاله اللي شفتيه فيها قيس ماكان ضعيف هذا حلمك أنك تشوفينه ضعـيـف .. محتاج مكســـور بس هذا حلـــم ياسارا وأحـــلامك ماعمـرها تحققت ... رجعنا للبيت بعــد ماجبنا أدوية جدتي وحنا داخلين سمعنــا أزعاج وهيصــه وصـراخ من داخــل البيت ..قلت أكلم ملاك .. سارا :وش السالفه ..؟! مــلاك :وأخيراً مابغيتي ترضين علينا ... ههههههههههه شكلي قدرت اجيب راسهــا أول مــره اقدر أفرض شخصيتي على ملاك اليوم صدق حظي يفلق الصخــــــر فالبدايه قيس واللحيــن ملاك .. بقرأ على نفسي مويقولون مايحسد المال غير راعيه .. دخلنا أنا ومـــلاك ولقينا الحرب العالميـــه الثالثة الاف قبل التاريخ في عهد عائلتنا قايمـــــــه .. ملاك :وجــع أنتم وش قاعــدون تسون بتذبحــون بعض .. الحبايب نواف ووعد قاعــد يتهاوشــون ...والباقين يتفرجــون عليهن ويشجعونهم ..ردت عليها وعــد اللي سادحــه نوف وطايحــه فيها تكفيخ .. وعـــد :اشششش شتب أنتوا مالكم دخل أطلعوا منها هذا تحدي بينا ... خيبه الحلوات مصدقات انهن عيال .. طنشنا وكملــن ملاكمتهن مأدري مصارعتهــن خلط مابين وبين.. بس غريبه وينها ضحـــى ماهي معقــوله مأسمعت أصواتهن وحنا قبل ماندخل البيت أستقبلتنا أصواتهــن .. سارا :وين بابا .. شدن :بابا هنا هنا اهــوه .. سارا :وجعــوه شدون اتكلم جد أين رجل البيت .. هنــد :ضحــى طلعت .. غريبه وين طلعت بعدين كيف طلعت وحنا أخذين السياره ...اخخ صدق اني غبيه اكيد اخذت ليمــوزيـن.. ملاك :سارا وش بك..؟! سارا :مابني شــي .. ولفيت أتابع المباره ... سارا :هاه من فاز .. وعــد بأستهبال :تعادلنا .. مــلاك :شي جميل حتى بالمصارعه فيه تعادل .. هنــد :كل شــي فالحياه فيه تعادل وعــدل الا حيــاتنا كله مهزوميــــن ماعمرنا انتصــرنا ولاتعادلنــا ... عاد بغى شغــل التمسكــن اللي مأحبه أحس فيه اذلال ... وجاء بوقته صفـــــــر وســلم غنى وترقص ... منيـــر : وأنا مارى مرأيت جنب أبواب البيت ...... مــلاك :ياعيني على الرايق .. منيـــــر :ماتصــدقون ادايه اليوم رايق ... سارا :غريبه ماعطوك أخووانك اليوم من الطيـــيب .. جاء وجلس جنبي وضربني على كتفــي بقوه .. منيــر :أي أخوان واللي يسلمك جابـــــر من بعـد الملكــه ماشفناه وقيس ..... قاطعتــه .. سارا :موفايق لك كافــي عليه وجـع ضرسه .. طالعنــي بأستغراب وشكــله مندهش ..شلون يعني ماكان يدري .. منيــر :ضرسه أي ضـــرس ... روعتني ملاك يوم صرخت .. ملاك :لااااااااا مستحيل لاتقول ماتدري ... شلون كيف مايصيــر والله سبق صحفي انت أخوه ماتدري وحنا بنات الجيران ندري ... منيــر :اوووووووه شعندكم أنتم تكلمــوا... كأنه قال سكتوا ماقال تكلمــوا لأنا سكتنا ... هههههههههههههههههههه شكلها من الفرحه أول مره يصير عنـدنا خبر جديد ماهو أشاعــه ..تكلمت بسرعه وأختارت ملاك نفس اللحضــه عشان تكـــــلم ,,وباعلى صوتنا وكل وحده تقول شــي والباقين يصــرخون وسادين أذانهم يبون وحــده منا أتكلــم ... منيــر :بس بس وحده تكلــم .. ملاك :انا .. سارا :لااا أنا .. منير :حرقتن دمي قولن وش عندكـن .. ياحليله منير شكلـــه معصب من صدق رحمتــه وتنازلت للمــلاك تقول الخبـر... سارا :خلاص أنتي قولي .. عاد ملاك شكلها ماصدقت قالت السالفه كاملــه وبالتفصيل الممل .. منيـــر :أحلفي ماني مصدق قيس مضروس .. ملاك :لا صدق دحنا شايفنه بعيــو نا لاوبعــد رايح يأخذ له علاج .. منيــر :وأنا أقول وش فيه اليوم ماراح الدوام .. وعــد :ماكنكم عايشين فبيت واحــد اخوك وماتدري وش صايبه .. منيــر :قالت أخــو قالت هذا عــدو مايكلمني ولايعبــرني الا أذا بيتأمــر علي أو أذا سويت شي مأعجبه وبيطقنــي .. ياشينها من سيــره يحكـون فيهــا ..مأدري ليش رجــع في الزمــن ورى وطرت علي سالفه صــارت لي وأنا صغيــره كان عمــري تقريباً ثمــان سنــوات كان الوقت بالرمضــان وقبل اذان المغرب كنت انا وملاك نلعب بالسكــه مع عيال حارتنا اذن وكلن راح للبيتــه كنت أنا وملاك أخر من دخل وكنا نتســابق ملاك طيحتني على الأرض عشـان تسبقني ودخلت وقفلت الباب وراها صدق ملاكــوه يوم كنا صغـار كانت انانيه وماتحب غير نفسها بس الحمدالله يوم كبرت تعــدلت .. وأنا جلست على عتبت الباب أبكــي صدق يومها بكيت من قلب وأنا على هالحاله جاء البعبع راجــع من الدكان عاد أن لحضتها صابني شبه تشنج صدق ولابفلم رعب أنا والوحــش لوحدنا وماعندي أحد أحتمــي فيه غصيت بالدمــوعي وكتمت صوتي أترقب لحضت أنقضاضه علي وماصدقت اللي سواه يوم طنشني ودخل بيتهـــم ..فرحت فرحه ساعتها ظنيت أني خلاص أنتهيت منه وماعاد يتعرض لي بعــدها ولاوش معنا ماطقني مع أن الفرصه كانت سانحــه له ..وأبحرت بأحلامي الصغيــره بالأمـان وانه ماصار فيه شــي بحيـاتي يستحق الخــوف وأي أحساس بالطمأنينه والأمان مات بعــد صلاة التراويح يوم عطاني قيس طراق للحين أحس بحرارته على خدي وللسبب مايسوى بس لأني كسرت الليت اللي على جدار بيتهم بالكوره ومن غير قصد ..وفهمت ليش ماطقني يوم شافني المغرب لأنه كان صايم ..!!! ((5)) ميشـــو غضبت كثيراً من أخر موقف جمعنـــي بــ سوسو واللذي اثبت لي خطأي عنــدما عرضت عليها المســاعده بالأنتقــام من طليقها .. وأكتشفت أمر أخر انها لاتستحق الخيــر فهــي كبقية عائلتها متعجــرفه حمقــاء تعتقــد أن العالم يدور فقط من أجلها وتستحق التأديب على ذالك وسأتكفل أنا بوضع العقاب المناسب.. ولكــن سأصيد عصفوران بحجر واحد وستشاهدون كيف سأفعل ذالك بكل أحتراف فأنا ميشــو مبــارك ..عدت للمكالماتي مــع فهــد ولكـن بعد أن لقنته درس قاســي حتــى لايتجرأ على أغضابي مره أخــرى ..وقدحان وقتــه الآن ..أتصلت به ثــم أغلقت ليعاود الاتصـال بـــــي تركته يرن عد مرات قبل أن أرفعـــه .. فهــد :يعني لازم هالحركات حتى وانتي اللي متصـله فينــي .. ميشــو:....... فهــد :حبيبتي أشتقت لك مابغيتي تحنين علي وتتصلين .. ميشو :الم أطلب منك الاتنادي بحيبتي .. فهــد :آسف حيـاتي وش أسوي هي تطلــع معي كذا مأقدر مأقولها لك مأدري كيف من أسمــــع صوتك ودي أقول لك كل الكلام الحلو المــوجود في الدنيــا ... ميشو :كم أمقت النفــاق .. فهـــد :روبي حبيبتي والله أحبك .. يألهي هذا المتخلف سيصبني بالجنــون .. ميشو :لاااتدعوني روووبي .. فهـد :ياحياتي هذا أسمك .. بعدين حتى انتي لاتناديني فهــد .. وهل هناك وجــه للمقارنه خلف أيه الرذيل .. ميشو :لماذا لم تخبرني من قبل لم أكن سأفعل .. فهــد :وبتبقين تكلميني .. ميشو :بالتأكيــد لااا سأبحث عن فهــد أخر فأنا متأكـده أن الرياض تعج بالفهــــود .. نطقت الكلمـه الأخيره بأزدراء ... ورغم كل مأعرفه عن فهــد لم اتوقع منه تلك العصبيـــــه .. فكـان يتحــدث وكأن الكلمــات تخرج من فوهة بركــان ... فهــد :روبي أيااااااني ويااااك تفكرررررين تسويهــاوالله لأذببببببحك .. رغم الرعب اللذي سببه لــي كلامـه الا أنني تظاهرت بالمــرح .. ميشــو :وكيف ستكتشف ذالك فهــد ياعزيزي لتعطــي نفسك أكبر من حجمــهافأنت لاتعني لي شـــيء وبأستطــاعتي ان اقطــع علاقتــي بك فقط بأخراج الشريحــه وتحطيمـها .. صمت قليلاً لتهدأت نفســه ثم جأني صوته مبحــوح كدليل على غضبه الراهن .. فهـــد :روبي شغل الأطفال هذا أنا مأحبــه ..فكري بعلاقتنا بشكل جدي وقولي وش تبي منها .. تصنعت الضياع والتفكير بأجابه رغم أني أحفظها أكثر من أسمــي .. ميشو :فهــد أنت من فرضت نفسك علي منذ البدايه ..ان لم أفكر بهذه العلاقه ولم أكن راغبه فيها .. فهــد :بس انا راغب فيها ومن البدايه كان ودي أنجحها .. ميشو :والنهايه .. فهــد :لاتفكرين في بكره خلينا باليوم .. ميشو :لأستطيــع فكل تفكيري ينحصــر على الغـــد وكيف سأحادثك بعد الأهانات التي تلقيتها منك .. يبدو ان الدهشه الجمـت لسانه .. فهــد :روبي وربك قوليلي وش الاهانات اللي تكلميني عنها .. تجاهلت حديثه وقلت مارغبت به .. ميشو :لابأس سأعفــو عنك .. ولكل شيء ثمنــه .. فهــد :ثمــن لأي شــي ..؟! ميشــو :خدمــه أجزم بأنك لن تمانع أن تنفذها من أجلي .. فهــد :اكيد حبيبتي ماراح أمانــع وانا فذيك الساعه اللي بخدم فيها روبي .. ميشو :هل انت متأكــد .. فهــد :اكيد كيف تسأليني هالسؤال ..؟! فسألته لأتلاعب بأعصابه وأتأكد من صلابة رأيه ... ميشو :ولكــن أحذر فمأن أفصح لك عن الخدمــه لن أرضى بأقل من تنفيذها والا فسيكــون فشلك بتنفيذها أخر عهدك فــي .. سألني بنفاذ صبـــــر ... فهــد :وش هالخـــدمــه امــري ..؟! قلت بفرحه لم أستطــع كبحها .. ميشــو :حسنــاً أسمــع .. وبديت أشــرح له المهمــه السهله الصعبــه المطلــوبه منــه .. صمت قليلاً ثم سألني بالشك .. فهــد :وانت وش عرفك بهالأشكــال .. ميشــو :لقد أخبرتك بأنهن من زميلاتي في الجامــعه .. فهــد :مأدري ليش قلبي ماهــو مرتاح لهالسالفه ..بس ليش تبغيــن تفضحينهن .. ميشو :انا لأفضح أحد فكل مأفعله من أجل نصرة الفضيله وفي سبيل القضاء على الفساد ..فهذا واجبي وواجبك انت ايضاً .. تردد قليلاً ثم سألني .. فهـــد :مايصير خاطرك الا طيب بسوي هالخدمــه هذي عشــانك مع ان سالفة الفضيله والفساد ماهي بجايزتلي بس بمشيها لك .. عطيني عنــوان الشقــه.. اعطيته بحماس عنوان الشقه ومــوعد اقامــة الحفلـــه وكلي حبــور ..ودعتــه بعد ذالك وانا كلي شفقه عليــه لماينتظره .. فهــــد ياعزيزي أنا آسفـــــه على كل المتاعب التي سأسببها لك .. وعذري أن للأنتقـــــام لذه لاتقـــاوم ... انتبهـت على رنيــن جهازي الجــوال نظرت للمتصــل فوجــدت اسمها يتراقص على الشاشه .. ميشو :سوسو عزيزتي كيف حالك كم أنا مشتاقه أليك ... سوسو:........... ضحكت بالداخلي على صمتها فهي بالتأكيد لم تتوقع مني هذا الترحيب بعــد خلافنا الأخيــر .. سوسو :مشاعل حبي أنا كمان اشتقت لك تصــوري هالأسبوع مر علي كنه شهر وانتي بعيــده عني ..تهجد صوتها وهي تسألني :ميشو لساتك زعلانه منــي .. ميشو :بالتأكيد لاياصغيـرتي .. ولكن استغرب كيف أشتقتي ألي بوجـود مشــاري .. أجابتني بلهجه شعــرت بنغمـة الصدق بها .. سوسو :ولااااا الف مشـاري يعــوضوني عنــك ..ميشو قابلته يااااااااربي قدايش احبــــه لا مأحبــه أمــوووت فحبــه ميشوو بحيــاتي كلها ماحبيت أحـد كثر ماحبــه ياااااربي كل مافكرت فيه احــس بمـــوت من كثر مأحبــه ... ميشو :مشــاعرك لاتهــم الأهــم ان يحبك هــو .. صمتت قليلاً ... ثم بالصوت مليء بالرجاء .. سوسو :بس ميشو حنا خلصنا من سالفة الأنتقــام صح .. ميشو :أجل .. وحديثي هذا أقصد به مصلحتك فمشكلتك مع احمـد ان حبك له فاق حبــه لكــي .. سوسو :طيب وش أسوي عشــان أخليه يحبني أكثرمن حبي له هذا مستحيل لأن حبي له يفوق كل المقاييس .. سمــعت هذه العبــاره من قبل .. أجل تذكــرت كان تردد هذه العبـاره حينمــا كان أحمــد هو حبيبها.. ميشــو :حسناً لابأس ولكــن أخبرينــي متى ستتلقون مره أخرى .. سوسو :بحفلة دينا .. وهذا ماكنت أرغب بسمــاعه .. ميشو :امازلتي راغبه بحضــور تلك الحفله .. سوسو :كنت بغيـر رايي بس من دريت أن مشـاري بيحضـر هالحلفه قلت بسوي المستحيل عشــان أحضرها ..ميشو حبي تجين معـي .. ميشو :بالتأكيــد لااا.. سوسو :ميشو منشـاني ... ميشو :من اجلك أفعل كل شيء سوى هذا أنتي تفهميني لاتحرجيني .. سوسو :ادري حبيبتي انك خجــوله بس صدقيني ماراح تلاقين اللي يحرجك حتــى المـدعوين مايتعـدون اصابع اليد والحلفه بريئه لافيها لشــرب ولاحاجه اذا كنتي خايفه من هالشــي .. ميشو :وبالتأكيد شقيقك مالك أول المــدعويني .. سوسو :ميشو أنتي مجنـونه أخوي بالحفله وانا رايحـه اقابل مشــاري الصراحه تفكيرك هاليوميــن موشي .. تصنعت الأحباط وخيبة الأمل .. ميشو :ياللسوء الحظ كنت على وشك الموافقه على مصاحبتك .. سوسو :مافهمتك ..؟! تلعثمت بالحديث والبست الأحراج كلماتي .. ميشو :سوسو لتفعلي ذالك بي ..فأنتي اذكى من الا تفهمي ذالك .. سوسو :قصدك يعني لوكان مالك بيحضر تحضرين أنتي ..ميشو لتجننيني مستحيل يكون قصدك هذا .. أجبتها بحنق ... ميشو :بل هذا مأريده بالتحـديد .. نهاية الحلقه السادسه عشــر | ||||
|
| |
|
08-03-13, 09:12 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السابعه عشر ((1)) (..الصدمـــــــه ..) وعـــــــد اليوم أسوء يوم بحيــاتي تهي تهي بعد أسبوعين اجازه بالرجع للمدرسه ...بس اللي مهـون علي الـوضع أنه خلاص بس بندرس أسبوع وبعده أختبــارات الفاينل ونفتك وتبــدأ أجازة الصيف وياسعدنا فيهــا ..نزلت تحـت بعد مالبست مـريولي ومعي شنطتي الي مأدري وش اللي فيها من كتب .. لقيت الصاله فاضيه شكلي مبكــره اليوم أحلى صايره نشيطــه لويستمــر معي هالنشاط طول أيام الدراسه يمكــن اخذ الأولى على المملكــه .. لتصدقوني ترى مره ماخذه بنفســي مقلب .. رميت شنطتي عند باب المدخل ورحت للمطبــخ اللي فايحــه منه ريحة القهــوه اكيــد هذي ضحـى اللي مسويتها كنت بدخل بس بالثانيــه الأخيـره وقفت محلي يوم حسيت أن فيه أحد غيـر ضحـى بالمطبــخ وهالأحد مو وحـده من خواتي .. ضحــى :عساااف وبعدين معك هذا مو وقت الكـلام بهالمـواضيع أطلع برى قبل ماتصحــى وحــده من خــواتي ... عساف :ماني بطالع واللحين بتردين علي ترى ماليت منك ومن اعذارك .. ضحــى :محد مجبــرك طلقني وأرتاح بعدين ترى جلستك فبيتنا مالها أي داعي بس بتجيب لنا الكــلام .. عسـاف :اكيد تبين الفكــه عاجبتك حياة الأنفلات اللي عايشتها انت وخواتك ... ضحــى :عساف اطلع بــــرررى .. عساف :تطرديني .. ضحــى :انت شايف لكلامي معنا ثاني .. وش اللي قاعد يصير مافهمـت من الكلام اللي قاعـديدور فالمطبخ الا كلمـة طلقني كيف..؟؟.. ماني فاهمــه ..!!..وتحت تأثير الصدمــه دخلت المطبــخ .. شفت الذهــول بعيــون الأثنيــن .. ركزت نظراتي كلها على ضحــى ليه طالعه قدامـه كذا ليه كاشفه قدامــه ماني فاهمــه ولا أبي أفهــم .. عساف :هاه جات من ربك يالله قولي لأختك لاتخلينها تطالعك بهالنظرات ولا أنا أقولها .. ضحـى عطتني ظهرها وكملت شغلها ولاهي معبرتنا ...وعساف نقل نظراته بينا ثم أخذ كوب شاي وطلــع .. ضحــى :روحي صحي خــواتك .. ماقدرت الا أني أطيعها ولاحتى سألتها عن المـــوقف وكن اللي صار شــي عادي وكل يوم أشوفــه ... سويت اللي طلبته مني ضحـى وصحيت خواتي ونزلت تحت شفت ضحـــى لابسه عباتها وبتطــلع مع الباب وتطالعني كأنها بتقول لي شـي بعـدين غيـرت رايها غطت وجها وطلعـــت ..وبقيت انا بمكاني مصدومـه مصدومــه مصدومه مصدومه مصدومه مصدومه مصدووووووووووومه ... ((2)) (..وأنهار الحـصن ..) ضحــى طلعت من البيت وشياطيــن الدنيا كلها تتراقص قدامـي بعــد المــوقف اللي صارلي مــع وعــد حسبي الله عليك ياعســاف مأرتحت لين سويت اللي فبالك .. وانا استاهل لأني سكت لك من البدايه لكـن اللحيـن خلاص طفح الكيــل .. وأنا طالعه شفته واقف لي بالحــوش بس ماعبــرته والأبتسـامه اللي على وجهه شجعتني أكثر عشان أسوي اللي نويت عليه واللي بيسمــح هالأبتسامه الكريهه عن وجــهه .. داومــت وأنتظرت لين جت الساعه عشـره واستئذنت وطلعت للبيت وسـويت اللي كنت ناويه عليــه .. كانت الساعه أحدى عش يوم سمــعت جرس البــاب فالبدايه طنشته بس يوم شفت اللي برى مصـر رحت افتح الباب .. وقفت ورى الباب وأنا أسأل ميــــن .. ميشو :ضحــى هذا أنا .. مالأمــر ..؟! فتحت الباب وتركــت امر تقفيله للمشــاعل .. كانت تمشــي وراي وتسألني .. ميشو:ضحــى ماذا هناك مابال المفتاح هل غيرتي قفل الباب .. ضحــى :ايه .. اللحين أعطيك نسختك .. ميشو :لأسألك عن النسخه اسألك لماذا ..؟! ضحــى :من دون ليه المفروض تكــونين عارفه .. هزت راسهــا بتفهم .. ميشو:أجل فهمـت من أجل ذالك الطفيلي ..حقاً هو يستحق ذالك ولكــن لأتوقع أن هذه الحيله ستدوم طويلاً فهو اذكــى من ان يبقى طويلاً بالخارج .. ضحــى :ادري وهذا حل مؤقت وجاري البحث عن حل نهائي .. طالعتني ميشو بنظـرات طويله .. ميشو :تعلمين انه كان في المنطقه الشرقيه .. قلت لها وأن اوزع نظراتي على الأثاث والسقف ومرات على التلفزيون بكل شــي الا عيونها .. ضحــى :ايه أدري ..أنتي اللي وش دراك .. طنشت سؤالي وكملت .. ميشو :وهناك والدي .. قلت لها بأنفعال .. ضحى :ايه أدري وش بيدي أسويه ,, ومانيب خايفه منه ولامن مبــارك .. ميشو :أنا واثقه بأنكِ لن تخافي ولكن هل تعتقدين بأن هذه شجاعه .. ضحـى :مليت يامشاعل مليت كل ماقلت أرتحت طلع لي هم جديد .. لا بالبيت مرتاحه ولا بالمــدرسه مرتاحــه منا جدتي ومنا خــواتي ومشاكلهن اللي ماتخلص ومنا المــدرسه وبلاويها الطالبات من جهه والمــديره والمـدرسات من جهه انا مأدري وش مســويه لهم والله لو ماكله مال أبوهم ..تدرين أنه نزل فيني قرار نقــل تأديبي وقالعيني أخر الدنيــا ..وهالعسـاف اللي ملوع كبدي من طب هالبيت حسبي الله عليه وعلى الساعه اللي دخل فيها بيتنا واللحين بيطلع أبوك على الساحــه قوليلي يامشـاعل وش اسوي من طلعت على هالدنيا والشقى مقســوم لي وراضيه فيــه بس أنا أنسـان لحم ودم وأحســاسيس ومشـاعر لابد يجيلي يوم وأنهار وشكــل هاليوم قـرب خلاص مليت طقت كبــدي الا متــى بوقف جبل شامخ مايهــزه ريح وأنا الريح مسويه سوايها فينــي ومشكلتني على كيفها الا متى الا متــى يامشـاعل .. قلت الكلمــه الأخيره وأنا أحط راسي بين يــدي بيأس .. حسيت بيد مشــاعل على كتفــي .. ميشو :لابأس أهدأي ضحــى .. لايجـب أن تراك أحد أخواتك وانتي منهاره هكذا .. هل تعلمين سبع سنــوات من تحمل المسئوليه كانت كافيه وقد حان الوقت ليستلم المهمــه شخص اخــر .. رفعت راسي أطالعهاتكلم جد هــذي .. تعلقت عيــوني بزرقة عيــونها .. مأدري أذا كان أصحاب العيون الزرقاء عندهم أحساس بالمسئوليه بس اللي متأكده منه ان مشـاعل حس المسئوليه يجري بالدمها وهذا العامل الوحيد المشترك بينا .. ضحــى :وبتقدرين يامشاعل على هالحمــل ..مشـاعل خــواتك مو وحـده ولا ثنتيــن سبع وجدتي .. ميشو :ضحــى لاتتحدثي بهذه الطريقه السخيفه وهل تعتقدين بأني لأعرف عدد شقيقاتي .. وبالنسبه الاجدتي بوجــودها وعدمه لن يختلف الوضع ..والأمر لن يطــول اليس كذلك سنبدأ المــوضوع كتجربه وفرصه لك لراحه ولتفكري جيداً بوضعك مع عساف .. ضحـى :آآه يامشــاعل أنا عارفه أن ودك تســاعديني بس والله المـوضوع صعب .. أنتي ماتعرفين خـواتك كثر مأعرفهم التمــرد يجري بعروقهــن يحترن الفرصه بس عشـان يطلعنــه وهذا أكثر شــي مخــوفني منهن وعليهن .. تدرين ليه أنا مأبي خواتي يدرن عن زواجــي لأنهــن بتجيهن الفرصه اللي بيتمــردن فيها يحسبن بالزواجـي بتنتهــي علاقتي فيهــن موقايله لك هن بس يتحرن الفرصه.. ميشو :بالتأكيد اعرف ذالك وواثقه منــه ولدي الوسائل التي أستطيــع بواسطتها السيطره على تمــردهــن فلايلجم التمــرد الا تمــرد مثله .. ضحــى :ايه ويصير ينطبق عليكم المثل كبيرهم هبيلهم .. فتحــت عيونها على الأخير وطالعتني بنقمــه .. ميشو :هل تعتقدين اني لأفهم طرقك غير المباشره لأهانتي بامثالك العاميـه يأسفني أخبارك بأنها غايه بالسخافه.. ماحسينا بمــلاك اللي كانت جالسه معنا لين قالت ... ملاك :زين فهمتي كنت احسبك بقره ماتفهميــن الاوش عندكم مجتمعيــن .. نرفزتني طريقتها بدخول من غير مانحس فيها .. ضحــى :انتي كيف تدخلين علينا بهالطريقه ماتعرفين تعلنين عن تواجدك قبل ماتدخلين ..وبعدين وش هالطريقه الهمجيه اللي تكلمين فيها مع أختك اللي أكبرمنك ياكبيره وش خليتي لنوف ووعــد.. ملاك :وكيف تبغين اعلن عن تواجدي أكح صح المــره الجايه بكـح لين ينبح صوتي بس عشان ضح ضح ترضى علينا ولااا وش رايك اتنحنح وانا داخلــه عليكم يمــدحون هالفكره حتى لوفيكم احد يبغى يتغطي منكــم يتلاحق على عمــره ولا أقوووول أحلى حل وأنا داخله أصوت بأعلى صوتي دررررب دررررب ياوووولد هاه وش أخترتي .. ضحــى :لاياحبيبتي لاهذي ولاذيك فيه سنه اسمها الســلام لوطبقتيها تكفيك عن هالحلـول .. مــلاك :طيب على أمــرك اهم شي تباتين راضيه علينا ... وطنشتني وجلست تطالع بالتلفزيون .. طالعت بمشاعل وكني أقولها هذا اللي خايفه منـــه ... ردت علي بنظرات مليانه تحدي وطلعت وتركتنا .. تنهـدت بالضيق من اللي فيني ياليت أقدر أثق فيك يامشاعل بس بحياتك اشياء كثيره تخليني عاجزه أعطيك هالثقه ..طلعت ورى مشـاعل بقولها اللي نسيت أقوله واللي صدق محتاجه شورها فيــه .. دخلت عليها بالغرفه لقيتها مبدله ملابسها وعلى وشك تنام ..جلست على كرسي المكتب .. وبدون أي مقدمـات قلت لها .. ضحــى :اليوم دخلت علـي وعــد وأنا واقفه مع عساف بدون عباه وكنا نتكلم بموضوعنا .. ميشو :ياللالمصيبـه ماذا قلتي لتلك المعتوهــه .. تضايقت من مشاعل وطريقتها بالكــلام عن وعــد مهما كان بينهم تظل أختها وأختهاالصغيــره بعد وأكثر وحده محتاجه لها .. ضحــى :وتلوميني لوقلت أني مو واثقه فيك اللحيـن هذي الفاظ تكلمين فيها على أختك .. ميشو :لبأس اعذريني فأنا لأتلفظ الا على من أحب .. ضحــى :ايه واضح المهم ماقلت لها شي وهي ماسألتني بس مهما كان انا مأبغى تأخذ عني فكره غلط والله وحده العالم اللحين وين وصلت بأفكــارها عنــي ... طالعتني ميشو بنظره طــويله ثمن أنسدحت بفراشها وغطت نفسها ..وهي تقول لي .. ميشو :لبأس أتركي هذا الأمــر لي .. كيف أتركه لها شلون بتحله يعنــي .. ضحــى :مشاعل ترى موعاجبتني ثقتك المفرطه بنفسك قوليلي موضوع مثل هذا كيف بتحلينه .. أنقلبت على طرفها الثاني وهي تقول .. ميشو :ولكنها تعجبني كثيراً .. ثقي بي لن تشرق شمس نهار جديد الا وسوء التفاهم هذا قد حل .. طلعت من عندها وأن أمني نفسي أن مشاعـــل تكـون على قدالثقه اللي تطلبها .. ((3)) (.. الاصطياد في الماء العكر..) عساف تسرعت باللي سويته كان كل شــي ماشي مثل ماخططت له بس شفتها أنقلب كل شــي أستفزتني أقهرتني يالناس مغروره ترفع الضغط تحسب كل شــي على كيفها يمشــي ,, أعجبتها فكـرت أنها هي اللي بيدها القياده تحسب مثل ماهي قاعده تمشي خـواتها بتمشيني وأنا الخبل ساكت لها أحسب أنها مع كثر الضغط بتلين ..أستاهل كل اللــي جاني ولا فيه واحد عاقل يسوي اللي أنا سويته .. بس انا خلاص مليت بانتظر مبــارك وش يسوي وأن ماقدر يسوي شــي انا بتصرف بطريقتي اصلاً أجازتي مابقى منها شــي كل اللي بقى أسبوعيــن ..لازم أستغلها وأخلص كل شــي وبعـدها أرجــع لشغلي بعد مأثبت وجــودي هنا واسس لي بيت وزوجه زي الخلق .. وش سوت بأختها اللي شافتنا مع بعض ويمكــن بعد سمعت جزء من كلامنا ... بستين لعنه أنا وش دخلني فيها هي وأختها ..بس جت بوقتها ياحليلك ياضحى والله وأنحرجتي بس اخ أقدرت تطلع منها أعصابها صلبه مو أي شي يهزها ولا أي موقف ينهيها .. خلاااااااص وبعدين معك عساف أعقل ... كلمت نفسي بصوت مسمــوع أبغى أسمع صوتي وأستحي من حالي بس ماقدرت رجعت أهوجس فيها مانيب قادر اشيلها من تفكيري ... كل شي فيني صار يفكر فيها حتى وأنا جالس لحالي بالسيارتي أنطق أسمها من غير وعي ومرات أكلمها اعاتبها وكنها تسمعني .. والله اللي جننت فيك بنت مبارك ياولد محمــد .. اوووه هذا جــوالي يدق ..شفت رقم خلف ورديت عليه .. خلف :السلام عليكم .. عساف :هلا والله وعليكم الســلام .. كيف حالك .. خلف :بخير الله يسلمك .. وينك اللحيـن .. عساف :بالسياره وش بغيت .. خلف :تمرني بعد الدوام نتغدى سوى وعنــدي موضوع بأخذ رايك فيــه ..ز عساف :ايه خلاص أشوف .. خلف :الا عساف ماشفت قيس .. عساف :هاه لااا وين أشوفه .. خلف :ماهو بجاركــم .. عساف :خلف لاتسويلي فيها قلت لك ماشفته .. خلف :طيب لاتعصب قلت يمكنك شايفه .. على العمــوم انتظرك فالبيت لاتأخر .. عساف :طيب على ثنتين ونص وأنا عندك ..مع الســلامه .. ثنتين وعشــر كنت موقف سيارتي قدام بيته ونازل منها .. دخلت بالمجلس الخارجــي وفتحت الليت .. ولقيت مالك مفترش وحده من الكنبات ونايم .. عساف :مالك مالك .. انقلب على جنبه الثاني وبيده غطى عيونه .. عساف :مالك قم اصحــى يامالك .. مالك :اووووووف عمي ماهوبوقتك خلني نايم .. عساف :تبي تنام أدخل داخل ماعندك حجره تنام فيها.. مالك :وين أدخل وأمي هناك بعدين أمي مكنسله حجرتي .. عساف :مالك فز قم ..مالك ترى قسم بالله لأصب على راسك جركل ماء .. مالك :عمي واللي يرحم والديك خلني نايم .. عساف :مالك ووجــع قم أخوك عازم رجاجيل أصحــي قبل مايوصلون.. من سمع كلمتي تعدلت بجلسته .. وقال وهو يتثاوب ويرجع شعره اللي طاح على وجهه من طوله لورى .. مالك :اللحين وين أنام به .. عساف :دبر عمرك .. وبعدين حلق شعرك هذا اللي ماباقي الا تسويه جدايل .. مالك :اللحين انت شكــو ابوي اللي هو أبوي ماعمره قالي طول شعرك ولاأحلق شنبك انت شكـو .. عساف :يقولون أني عمك .. بس أي أبو اللي تكلم عنه لاتكــون للحين تحلم .. مالك :آآآه قصدي عمي مبارك .. وينه خلف والضيوفه موكنهم تأخروا .. عساف :وأنت تبيهم يدخلون عليك وأنت لابس كذا روح ألبس لك ثوب وتعال مو لابس سروال وفانيله وبتستقبل ضيوف .. مالك :طيب زين بروح ويمكــن مأرجــع ..لاتنتظروني .. عساف :ايه مير بنحتريك أنقلع بس .. وطلع وهو مسكر عيونه ويحك شعــره ..سمعته يقول أح شكله صقع باالشــي ثم سمعت صوته يسلم على واحــد أستغربت شكلي كذبت كذبه وصارت صدق .. طلعت أشوف وش صايــــــر .. عساف :ياااااهلا والله .. حياالله من جانا حيالله قيس . قلتها وأنا أسلم عليه .. قيس :ياهلا والله الله يحييك ويبقيك .. كيف حالك أبو محمــد .. عساف :طيب طاب حالك تفضل يمل العافيــه ..توه الضحى سألني عنك خلف ... قيس :ايه كلمني وتقابلنا قدام البيت .. دخلنا ومأمدانا نجلس الا وداخل علينا خلف .. خلف :وش فيه الخبل مالك .. قلت له وأنا أضحك لأني تذكرت شكل مالك .. عساف :خربت عليه نومتــه ..لا وقلت له أن خلف جااي ومعه ضيوف بس عشان يصحــى .. خلف :لازين سويت فيه ..معذب الوالده معه بس نوم وسهــر وشغل مافيه .. قيس :ليه هو خلص الجامعه .. خلف :لاوين خلصها ...... سرحت عن كلامهم أفكــر بقيس أنســان عجيب غــريب يحيرك فيــه اذا جالسته تعجب من قل كلامــه بس بتعجب أكثر منه لتكلم لأن كل كلمــه تخرج منه حاسب حســابها وسوالفه ماينمــل منها لأنها نادره ..كل من يعرفه غصب عنه يحترمه لأنه بشخصيته يفرض أحترامـه على الجميــع ..بس فيه طبع ســيء عصبيته اللي كانت أستغربها على طبعه الهادي بس بعد ماشفته يدخــن زال الأستغراب .. خلف :عمي عســاف .. عساف :هاه هلااا ... خلف :اللي مأخذ عقلك أنطح فالك اقلط .. يوووه هذا الغدء شكــلي أبحرت بأفكـــاري بعيد بعيد بعيد ..((4)) (..كابوس حيــاتي ..) سارا كنت نايمه وصحيت بسبب حلم مزعج كنت أرتجف وأبكي من غير أحساس هزيت ملاك اللي نايمــه جنبــي .. سارا :ملاك قومي الله يخليك خايفه لاتتركيني قومــي .. وجلست اهزها بقوه وصوت بكاي يعلى ... جيت ارفع اللحاف عنها بس هي مسكــت يدي قبل مأفتح اللحاف طالعت بيدها وأنهبلت كانت سمــراء وضخمــه وشعرها كثيف مستحيل تكــون هذي يد ملاك .. كنت بالصـرخ بس ملاك صحــت بسرعه وحطت يدها على فمــي ويدها الثانيه للحين ماسكــه يدي بقوه طالعت فيها مالقيت ملاااك لاااااااااااااااااااااااا ااااااااااااااااااااااااا ااااااااااااااااااااااااا اااااااااااااااااااااا ... فزيت من نومـــي وانا أردد .. سارا :ماكااااانت ملاااك قيـ ...س ..قي س .. تلفت حــولي بجنون أدور ملاك مالقيتها ... طلعت من الغرفه وانا أركض وانادي على ملااك وبنفس الوقت أبكــــي ... لاقتني ملاك على الدرج وهي مفجــوعه أول ماشفتها رميت نفسي بحضنها ...وهي ضمتني فظلنا على هالحاله مده أنا أرتجف وأبكي وهي ضامتني وتمسح على شــعري .. ملاك بحنيه :سارا حبيبتي وش فيك قلت بعتب ..وأنا أرتجف والله خايفه وأحس أني للحين بالحلم كنت أبكي وبين كلمه والثانيه أشهق وأتلفت حولي أدور الوحش .. سارا :وين رحتي انتي ليه خليتني حراام عليك ..أنا كنت نايمــه وشفت حلم شين وقمت وأنا أبكي وأحاول اصحيك بس انتي كنتي نايمــه وانا خايفه وانتي ماقمتي وجيت أرفع اللحاف عنك ... ماقدرت أكمل رحت فمــوجه بكاء طــويله .. حسيت بأحد يشدني من حضن ملاك صرخت بالرعب ولصقت بملاك أكثر وكأني بادخل داخلها عشان تحميني ... ضحــى :سارا حبيبتي بسم الله عليك هذا أنا .. رفعت راسي بالســرعه وفعلاً كانت ضحــى وأستسلمت ليدها وهي تشدني وتحضني .. ضحــى :ملاك روحي جيبي لسار مويا .. جابت لي ملاك المويا شربته وهديت شوي وقدرت أكمل كلامي ..لكني للحين أرتجف وأنا أسترجع الحلم وأحس بخوف فضيع .. سارا :جيت أرفع اللحاف عنك بس يدك مسكتني لكن لكن مااكانت يدك لااااااا .. هزيت راسي بعنف وكملت : والله والله والله ماكانت يدك كانت ضخمــه وسمراء وشعــرها كثيف .. أنا خفت وجيت أصارخ وأنتي حطيتي يدك الثانيه على فمــي طالعت فيك بس ماكنتي انتي لاااا ماكنتي أنتي كااان كااان كااان ق ي س .. والله كان هــووو فوق هو فوق.. حسيت من شدة رعبي وأنا أسترجع الحلم أنها بيغمى علي .. ملاك :قيس وش يسوي فوق .. حسيت يدين ضحــى تشدني لها أكثر .. ضحى :بس حبيبتي .. كانت تحلم ..حلم ياعمري حلم .. حسيت الدنيا ظلمت حولي وراسي صــار خفيف .. وقبل مأغفى سمــعت صوت ضحى جااي من بعيد .. ضحى :نامت .. فتحت عيوني ولقيت راسي على رجل ملاك ويدها تمسح على شعري .. التقت عيونا .. وسألتني .. ملاك :أخيراً صحيتي أشتقت لك .. حسيت نفسي أحسن وان كل اللي صار حلم عدلت جلستي وصديت عنها للجهه الثانيه .. سارا :لاتكلميني مخصماكي ... اخخ أحس ظهري أنكسـر من النومه على الأرض والخبله هذي ماجابت لي شي أنام عليه .. ملاك :يابعد عمري سارونا حبيبي ليش مخصمــاني .. سارا :ليش صحيتي وتركتيني لوحدي فريسه سهله للوحــش .. ملاك :والله انا آسفه خلاص سارونا حبيبتي من اليوم لاا وش من اليوم من هالساعه لابعد من هاللحضه ماراح أترك للوحــدك .. أرتحت من كلامــها وشعرت بالأمان وقلت اغايضها .. سارا :وعـــد .. ملاك بملل :وعــد يالله افردي وجـهك وخري هالتكشيره صايره شينه فيها .. طالعتها بعبط .. سارا :من حلاتك انتي ..شينه بالتكشيره والأبتسـامه .. ابتسمت لي وضمتني .. ملاك :ماتصدقين قدايش أحس بالألم لحسيت أنك تألميــن أحبك كثير سارونا .. ميلت راسي على كتفها بدلع .. سارا :ملاك قد ايش تحبيني .. ملاك :قد عمري اللي راح واللي بيجي .. سارا :ايه صح على طاري العمــر كم أعمارنا .. ملاك :انا وأنتي عشــرين ليه .. سارا :طيب قولي أعمـار كل خـواتي .. ملاك :ليه ان شاءالله .. سارا :لا بس قولي .. ملاك :ضحى 24 ومشاعل 22 وشهد وشوق 19 وهند 17 نوف 15 وعــد 13 .. سارا :ومنير ولد جيرانا .. ملاك :مرمر كبر وعد يعني 13 .. قلت بخبث .. سارا :طيب يالله أجمعي اعمارهم وطلعي المحصله .. أنتفخت ملاك وبدفاشه وخرت راسي عن كتفها .. ملاك :تتريقين يالدبه .. أنسدحت على الأرض من الضحك وملاك تطالع فيني بغيض وساكته يوم شافت ان مافيه امل أسكت اخذت جيك مويا قريب منها وجات بتكبه علي وأنا عجزت أتحرك وزادت موجــة الضحك عندي .. ملاك بقهر :شوفوا اللئيمــه .. هييييي سارا وجــع ان شاءالله أنطمــي والله بهالجيك على راسك ... ياربي ودي اسكت خايفه منها بس ماني قادره والله ماني قادره آآآآآه ياربي تمــوت ضحك وهي حمقـانه ..كتمت ضحكتي وأنقلبت على جنبي الثاني وأنا ماسكــه بطني اللي كان يوجعني من الضحك .. سارا :خلاص والله بسكت بس لااااااا ... شهقت بقوه وشرقت بالمــويا اللي دخل مع فمي وخشمــي .. ملاك :هههههههههههههههههههههههه� �هههههههههههههههههههههههه هههههههههههههههه .. هي تضحك وانا أكح أحاول اطلع المويا اللي بلعته حسبي الله على شيطانها كبت المــويا على وجهي وانا فاتحه فمــي وكثير منه بلعته .. بالغت بكحتـي مع اني صرت أحسن وملاك وقفت ضحك وبان عليها الخوف ... ملاك :سارا حبيبتي تأذيتي أنا آسفه ماكان قصدي .. مارديت عليها وسويت عمري أتألم .. وبدت دموعي تنزل ..شهقت ملاك يوم شافت حالتي كذا .. ملاك :ياربي والله أنا آسفه ياعســاه بـ قيس ولافيك .. لهنا وبس ماقدرت أتحمـل أكثر جلست أضحك .. سارا :ملاك والله أنك تحبيني .. ملاك بالصدمه :وأحد قال غيــر كذا ... سارا :ههههههههههههه لامحــد قال أدري تموتين فيني .. ملاك :وعشاني احبك بدعي لك بالرجل يحبك كثر حبي لك وأكثـــــــرررررر..والله يرزقك فيه قررررررررريب .. صحيح الكلام طلع من ملاك بعفــويه بس حسيتها قاصدته والشي هذا صابني بالحزن كيف تكلم عن الموضوع بكل سهــوله وهي تدري أن زواج أي منا يعني نفترق عن بعض ماراح نبقى مثل قبل ..حرااام عليها ليه تفاول علينا ليه ..او لايكــون هي اللي بخاطرها تزوج وقصدها تلمح لي لااااايارب لايكــوون هذا قصدها مأبي ملاك تبتعد عني مأبي .. ((5)) (.. مابين الماضي والحاضــر ..) ميشو هذا اليوم خصصته للعائله لم أخرج من المنزل منذ عودتي من الجامعه في الحاديه عشر صباحاً وبعد نقاشي الطويل مع ضحــى والقرارات الكثيره التي اتخذناها .. لم أستقبل أي اتصالات فقد قمـت بأغلاق هاتفــي لأتفرغ لحل أول مشكــله عائليه تصادفني بعد تولي القياده حتى وأن كنت تحت التجربه ..فكرت طويلاً بأنسب حل لهذه المشكــله فلم أجد ماهو أسلم من الصراحه لأن أي حل أخر أو بالأحرى كذبه أخــرى ستعقد الأمر أكثر ..ولكن واجهتني مشكلة كيف سأنفرد بأخــواتي من غير ضحى فذالك صعب بل مستحيل وهي مـوجوده في المنزل قضيت معظم فترة مابعد الظهيره في التفكير بحل ربما تتسألون لماذا لأرغب بتواجــد ضحـى وهي صاحبة المشكــله جوابي أن ضحــى لن توافقني على ماسأفعله بل ستمنعني بكل الطرق لذلك يجب أن تتم الأمور بالسريه تامــه ..أنتظرت في حجرتي حتى مغيب الشمس ثم خرجت ورأسي مازال يعج بالأفكــار وعلي أختيار الطريقه الأنسب لأخراج ضحــى من المنزل ولكــن تدبير الله كان اسرع فما أن نزلت السلالم حتى وجــدت ضحــى وهي مرتديه عباءتها استعدادً للخروج .. جلست على درج السلم بأنتظار خروجها .. كانت تملي على التوأم بعض التعليمات بشأن جدتي وخرجت وهي تمسك بالصغيره شدن .. بعد خروجها بالثواني دخل ابن الجيران منير القى التحيه وهو يضم يديه خلفه .. منير :حزروا فزروا ايه معايه .. لأعرف لماذا أخترت تلك اللحضه للحديث بالسر ضحـى رغم وجــود منير الذي لايعتبر من ابناء مبارك ولايحق له سمـاع ماسأقول ولكني أعطيته ذلك الحق او ربما روحي الشريره هي من تصرفت عني تلك اللحضه .. ميشو :من فضلكم أعطوني من وقتكم للحضات لدي مأقوله ..؟! خيم الصمت عليهم .. ميشو :في البدايه وعد لديها ماتقوله لكم ...أليس كذالك وعـد.. بدا الأستغراب عليها فقد أستنكرت حديثي .. وعــد :وش قاعده تهببين أنتي ماعندي شــي أقوله .. ميشو :بل لديك .. أخبريهم عن ماشاهدتيه صباح اليوم .. هذه المــره بدا عليها الأرتباك وتحدثت بعصبيه .. وعــده :قلت لك ماعندي شي ولاشفت شــي ولاأدري عن شــي أنت وش تبي مني جالسه تبلين علي .. ميشو :حسناً يبدو أن وعد لاترغب بالمســاعده .. ملاك :تساعد بايش ميشو خضيتينا وش عندك .. سارا :الاصدق وعدوه وش وراك وش مسويه الصراحه بديت أشك فيك من الصبح وأنتي مانتي معنا وكله سرحانه .. نوف :وعد وش السالفه .. حركت يديهابأنفعال وهي تنفــي.. وعد :وش فيكم أنتم مصدقينها أنا ماسويت شـي ولاعندي شــي ..هذي مجنونه ماهي بالصاحيه ولا أحد فوقتنا يتكلم فصحــى .. أعجبتني كثيراً بطريقتها الذكيه بتغير مجرى الحديث .. ميشو :لابأس أهدأي أنا مجنونه وأكبر دلائل جنوني أني أتحدث الفصحــى ولكــن مارأيكم لو حكيت لكــم حكايه ... وعــد :شفتوا قايله لكم ماعنــدهاسالفه قالت أحكي لكم حكايه ..مجنونه هذي مجنونه .. شهــد :وعد أسكتي كملي مشـاعل وش السالفه .. ميشو :جيد اصغوا الي جميعاً فحكايتي تهمكم كثيراً .. وبديت أقص عليهـم ماحدث قبل ست سنــوات طبعاً بدون ذكر أسمــاء وبأستثناء كثير من التفاصيل التي منها أجبار ضحــى على الزواح .. في البدايه كان يبدوا على ملامحــهم التسليه ومع التعمق فالأحداث بدا عليهم التوتر وقرأت بعيونهم الرغبه بأسكـاتي ..أنهيت حديثــي وكان الصمـت يخيم على الجميــع ... منيــر :عن أذنكم بروح للبيت عندي مذاكره .. ميشو :كلا لن تذهب ستبقى لم أنتهي بعد .. ملاك:من اللي تزوجها عساف أنتي .. سارا بالصدمـه :عساف مين...!! .. هذي حكايه موو مشاعل أنتي من البدايه قلتي انها حكايه .. ميشو :اهنئك على سرعة بديهتك ملاك بربط الأمــور ولست أنا من تزوجها عساف.. سارا :شلون وش قصدك يعني كيف .. ؟! ووضعت رأسها بين يديها لاترغب بالسمـاع المزيد .. ميشو :وعــد نوف شهد هند شوق مارأيكـــم بالحكايه .. قفزت من مكــانها وبدأت تصيح بوجهي بجنــون.. وعــد :خلاص أرتحتي أنك علمتينا يافرحتك.. أنتي تكرهينا وتكرهين ضحــى وتبغين تفرقين بينا صح .. محد قالك أنا نبغى نفهـم أنا مأبغى بس أنتي حيوانه الا تبغينا تخربين علينا لأنك حقوده حقيــررره تبغين تقهــرينا .. وخرجـت من المنزل وهي تركــض لحق بها منيــر بخطوات سريعه وهو ينادي عليها ..لم أعرها الكثير من انتباهي .. ميشو :ضحــى من تزوجها عساف أعتقد بأن المــوضوع أصبح واضح اللحيــن .. شوق :طيب عادي وش فيها ليش ماخبرتنا هي بنفسها أنا فرحانه لها ... صاحت بوجهها هنــد .. هنــد :أنتي غبيه ضحـى بتروح وتخلينا من بيبقى لنا لا أم ولا أب ولاحتى ضحــى .. شوق :يعني تقطــع نصيبها بس عشــانك وش الأنانيه ذي اللي فيك بعدين حنا كبار مو أطفال عشان نحتاج لها .. كنت أراقب الوضع بهدوء ... شهد :على فكــره مشـاعل لاتفكرين تكــونين كبيره علي أنا ماصدقت أرتحت من ضحــى وهذا أسعد يوم فحيــاتي .. قالتها وهي تصعـد السلم وتمــر من جواري .. لم تمــر ثواني حتما سمعنا صياحهــا من الطابق الثاني .. شهـــد :نووووووووووووووووووووووف نووووووووووووووووف الحقوا علي نوووووووووووووف أنتحــرت .. نهاية الحلقه السابع عشــر | ||||
|
| |
|
08-03-13, 09:15 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الثامنـــه عشـــر ((1)) (..مظـاربــه ..) وعــــــد طلعت من البيت وأنا أركض وبنفس الوقت أبكــي مقهــوره من العله مشــاعلوه أنا من الصبح ماكنت بحاله طبيعيه من الوقف اللي صارلي مع ضحــى وكنت احاول أنسـاه مأبغى أفكر فيه لأنه شــي يقهرني يحرقني مافيني أتصور أن ضحــى ممكـن تتركنا مأقدر اتحمل.. كيف بقدر أعيش من غيرها من طلعت على الدنيــا وضحــى كل شــي فحيــاتي هي اللي ربتني هي اللي علمتني كل شـي هي أمي وابوي .. مأقدر اتصور حياتنا من بعــدها اصلاً ماراح أقدر أعيش يوم واحــد من بعدها .. غمضت عيوني بقوه عنــد هالفكــره .. حسيت بيد قويه تمسكني وسمعت صوت فرامل قويه .. فتحت عيــوني لقيت نفسي بنص الشارع وعلى بعد شبر منــي واقفه سياره فيها واحــد حاط راسه على الدريكســون .. حاولت أفك يدي من اللي ماسكني بطــلوع الروح فكها مالفيت أشوف من لا رحت للسياره ودقيت على الدريشه .. مافتح ياويلي لايكـون مااات .. شهقت بقوه ودمــوعي زادت وزدت دقي على دريشة السياره .. رفع راسه بالتردد وزفر بقوه يوم شافني شكله يحسبني مت شفته يحرك سيارته ولافتح فمــه .. لفيت للي كان ماسكني بس ماشفته طاحت عيني على منيــر اللي كان واقف فبداية السيد الثاني اللي قطعته وأنا مغمضه عيوني كان راكع وحاط يده على قلبه ويلهث .. رجــعت اناظر للي أنقذني يوم مسك يدي كان فاادي .. وعــد :ليش مسكتني كنت بمــوت وأرتاح .. فادي :المــوت ماهو حل .. امشــي .. وجرني مع يدي وقطعنا الشارع للطرف اللي فيه منيـــر .. منيــر اول ماشافتي عطاني طراق كنت برده له بس مسك يدي .. منير بالصراخ :حيوانه غبيه .. فكيت يدي منه وضربت مع بطنه برجلي بكل قوتي .. ضربني بقس كان بيطير وجهي .. ورجعته له اثنيــن ..كنت شرسه أضربه بحقد وقــوه وهو كان بس يدافع عن نفسـه لأنه بس لو يستخدم نصف قوته غلبني بكل سهــوله .. كل شـي أستخدمته ضده طرقات بقوس ركلات عظ تمخيش كنت مره متوحشــه كل قهــري حقدي ضعفــي حطيته بمنير ماكنت أشوفه منيــر لا كنت مره أشوفه مشـاعل ومره عساف ومــره امي ومره أبوي حتى أبله عطوف ندى الوشايه كل الناس اللي أكرهم شفته بمنيــر صديقي الطيب وهذا يعطيني الدافع أني أظربه أكثر وأكثر..لين خارت قواي وطحت على الأرض ..جلس منير جنبي .. منير :اسف ... مارديت عليه لأني للحيـن مقهوره أدري أني غلطــانه بس مقهــوره ... سمعنا صراخ خواتي من بيتنا وشفناهم طالعيــن يركضون شهــد وسارا ومشـاعل لابسين عباياتهم ويشلون نوف وملاك تركض وراهم وهي تلبس عبايتها ... رحت أركض لهم .. وعــد :وش فيها نوووووف .. ملاك :كانت بتنتحر ياربي من وين لنا سياره .. سارا بالصـراخ :منير روح وقف لنا سياره .. فادي :تعالوا أنا أوصلكم وراح يركض يقرب سيــارته .. اللي ماكفت الا شهــد ومشـاعل ونوف ... وعــد :وحنا كيف بنروح .. ماكملــت كلمتي الا وسفر موقف ونزلوا ضحــى وشدن ... ضحــى :وش عنـدكم واقفين هنا .. ملاك وسارا ركبن بالسيـاره وقالن لسفر يوصلهن للمستشـفى .. وأنا مسكتني ضحــى تبغى تفهم السالفه ... وعــد: فكيني بألحق نووووف ... ضحــى :تلكمي قولي وش فيه ماني ناقصه هبالك تكلمي .. منيــر :شكل نوف رجعت لمحاولتها بالأنتحار .. صرخت ضحــى وهي تمسك راسها .. ضحــى :ليش وش صار عشان تنتحر .. وجــع تكلموا نشفتوا دمــي .. منيـر :حنا ماندري كنا برى هنـد وشوق داخل نسألهم ... دخلت ضحــى وي تجر شدن معها وأنا ومنيـر ورانا ... ضحــى :هندددد شوووووق وينكم ... دخلنا لقيناهم جالسين بالصاله ويبكــون .. ضحــى وهي تفصخ عباتها وترميهــا ... ضحــى :وش فيكم تكلموا وش صاير ليه حاولت نوف تنتحر وكيف .. وعــد :كله منها مشـاعل .. ضحــى :مشاعل ليش وش سوت لها .. هنــد :مشاعل قالت لنا كل شــي من ماتت عمتي لين تزوجتي عساف .... جلست ضحــى على أقرب كرسي واضح عليها الصدمــه ..جلست على هالحاله خمس دقايق بعــدها رفعت راسهــا .. ضحــى :ونوف عشــان كذا حاولت تنتحر .. شوق :ايه طلعت من عندنا بدون ماننتبه لو ماطلعت شهــد فوق ولقتها كان ...... ماكلمت قعــدت تبكــي ... لبست ضحــى عباتها اللي فصختها ووقفت بتطلــع .. ضحـى:أنا بروح أنتبهــوا على شـدن .. وعــد :أنا بروح معك .. ضحـى :لا أجلسي هنا تروحين هناك وش تســوين .... وطلعت ..جينا بنطلع أنا ومنير وراها سمعنا صوتها مع عساف رحنا نطل مع الشباك شفناهم يتهــاوشون وصوتهم عالــي قبل كنت أستغرب المواقف الكثيره اللي تصير بينهم مثل كذا ليه عساف لاشافنا دايم يسألنا عن ضحــى حتى وهي موجــوده داخل البيت ماكنت أعبر المــوضوع .. وبعــد دايم أشوفهم واقفين مع بعــض وبينهم هـوشات ومناقشات بعد ماكنت أعبر الموضوع كنت أقول أكيــد ضحى تناقشه بمواضيعنا اللي يحب يحشــر نفسه فيها .. اللحين بس عرفت ليه ضحى هي بالذات مو لأنها الكبيره لااا وياقهر لأنها زوجته .. الشي اللي قهر أكثر من ان ضحى تزوجــت أن زوجها عسافووه المليق ياكرهي له غبي متخلف حشــري أكررررررررهه ..شفنا ضحــى رجعت للبيت بعـد ماطلع عساف وقفل الباب وراه طرنا لأماكنا لأنها صدق كانت مـــــولعه .. ((2)) (.. متسلـــــط ..) ضحـــــــى هذي أخرتها يامشاعل صدق أثبتت لي أنها قد المسئوليه .. طلعت من البيت ركض بلحق على نوف بالمستشــفى .. وأنا أتوعد للمشــاعل ... فتحت باب الشـارع وصقعت باللي جاي بيدخل كان وجـه النحس .. عساف :ماشاءالله من متى مغيــرين قفل الباب .. قلت له وأنا أغطي عيوني بطرف طرحتي .. ضحــى :وخر ماني بناقصتك ... حاولت أطلع بس هو ساد الطريق زفني لداخل وصك الباب وراه ... عساف :ماهو قبل ماتقولين ليه غيرتي قفل الباب ... أنقلب السحــرعلى الساحر أن اللي مفكره ومخططه طاح كل شــي بالراسي اللحيـن أنا كيف بفتك من هــذا .. ضحــى :كيفي بابنا وأنا حره فيه مأبغى تملك مفتاحــه عندك مانع .. عساف :لا مانتي بحــره واللحين بوريك الحريه كيف طلعه مافيه ووريني كيف بتطلعين يأم الحريه ... تنرفزت أنقهــرت كل عصب بجسمــي أنشد كان ودي أصكه بالشنطـه اللي معي بالراسه .. ضحــى :عساااااااااف وخررر عن طريقي بلحق على أختي بالمستشـفى .. عساف بالتريقه :أي أخت .. وش عنــدهابالمستشــفى .. ياربي وش أسوي فيه هاللزقه يارب رحمتك الصبر يارب الصبر ... ضحــى :ماني بناقصه تريقتك أختي بتمــوت وأنت جالس تتريق علي .. طالعني بنظره طــويله .. ثم تكلم بصوت جدي نوعاً ما .. عساف :وش فيها اختك ... ضحــى :نفسيتها تعبان ودايم تحاول تنتحر واليوم رجعت تحــاول يوم درت أنك زوجـــي ... قلت له الكــلمه الأخيره بأحتقار .. عساف :طيب هي معها أحد .. قلت له بالسرعه أبغاه يتزحزح عن طريقي .. ضحــى :أيه تقريباً كل خـواتي معها.. عساف :يعني روحتك مالها لزمــه أدخلي وأنا بروح بدالك .. ضحــى :أختي اللي بالمستشفى ماهي اختك وخر عن طريقي بلا ثقالة دم .. عساف :الموقف يحتاج رجــل مايحتاجك .. ضحــى :نص حياتي قضيته بين هالمــواقف اللي تحتاج الرجال ماكان معي رجال عساف وخر عن طريقي .. عساف بعناد :ماني موخر ومأنتي طالعه .. اذاشبرتي ورى هالباب بغضب عليك ليوم الدين ويقولون أني زوجك ... وطلــع وقفل الباب وراه ... قهرني رفع ضغطــي بس ماقدرت أسوي شـــي كتمت أنفاسي لين أختنقت عشان مأتهور والحقه وأذبحه رجــعت للبيت وأنا أغلي من داخل ... وعــد :ليه رجعتي .. ضحــى :انقعلي عن وجهي تراها ماهي ناقصتك ... همست وعـد بكلام حسبالها ماسمعته .. وعــد :ول حبحر تستاهل محـد قالها تزوجــه ... صرخت فيها .. ضحـــى :وعــدأنقلعي عن وجهي لأرتكب فيك جريمــه .. جلست على أعصابي أنتظر من طلعتهم للحين مر ثلاث ساعات لارجعــوا ولاجاني خبــرعنهم اوووووووف يبطـون الكبــد مايعرفون يتصلون يطمنونا عليها صدق باردين .. مرت نص ساعــه بعــد وماقدرت أصبر أكثر ضغطت على نفسي ودقيت على عســاف ولأول مره أسويها .. عساف :الووو نعــم .. لاياشيخ نعم اخخخ بس .. ضحــى :وش صار على نوف .. عساف :ايه نوف طلعت منها هالمــره بس .. صكيت الخط بوجــهه وهذا شــي قليل من اللي كان ودي أسويه .. كل شــي صار لي ولخواتي بسببــه آآآآآه لو بيدي الطلاق كان طلقته بالثلاث من زمـان .. بس من سوء حظنا حنا الحــريم أن الطلاق بيد الرجال .. مو بس الطلاق اللي بيدهم وهم مايستحقــونه أشياء كثيره ملكهم وبيديهم وهــم مايستحقــونها .. تدرون وش سبب كل الدمــار والمصـايب والمأســـــي على الأرض كلمــه من ثلاث حــروف رجل (ذكـــر )....!!!((3)) (..الكرامـه بمفهـوم سـارا ..) ســــارا كابوس اللي جالسه أمر فيه كابوس وابشع كابوس مريته فحيــاتي ... ياعالم يالناس أبغـــى أحد يجي يصحيني من نومــي ويقولي أن كل اللي جالسه امــر فيه كابوس ماهــو حقيقه .. مأقدر أكمل هالكابوس مأقدر أعيش بعد اليوم كيف وضحــى تزوجت ونوف أنتحــرت كيف .. ؟؟! ..بس كل اللي حولي بالصـراخهم وصياحهم يرجحون كفت أن هالكابوس واقع مر مجبوره أعيشه .....مأحتملت هالأفكـــار كيف نوف تروح لاا مأقدر أبيها رجعــوها بديت أصرخ بهستريا بعد الهدوء اللي كنت عايشته الساعات اللي طافت ...... سارا :للاااااااااااااااااااااا مابي رجعــواااا نوووووووووووووف رجعــوهاااااااااااااااااا ااااا .. كانت مشاعل تحاول تمسكني بس أنا كنت أقاوم .. سارا :فكيني أتركيني أنتي اللي قتلتيها وخري عني .. ملاك :سارا بس نوف للحيــن عايشه وش ماتت ... شهــد :ايه واضح عايشه من دخلوها من ساعتيــن مأحد طلع لنا يقول هي عايشه أو ماتت بس والله لو ماتت لاذبح كل اللي فالمستشــفى هم اللي تأخروا بأنقاذها هــم .. مشـاعل :اصمتوا كفاكم هراء نوف شجــاعه ستخرج من هنا لم يحن بعد موعــد وفاتها .. سارا :انتي غبيه متخلفه بس فالحه بالكلام بس والله لو صــار على نوف شي بتندفنين أنتي وياها بيوم واحد .. ورحــت بقهر ووقفت بعيــد عنهم وأنا أغلي من القهر كل منها هي السبب بكل شــي أكرها أكرها ..جت ملاك ووقفت جنبي وهي ساكته وشوي وطلع علينا دكتور من الغرفه اللي دخلوا فيها نوف .. رحنا بالسرعه وأنا اسمع سؤال شهــد له او تهديدها له.. شهـد :ياويلك اذا قلت ماتت ..؟! الدكتور :الحمـدلله للحيـن شه لأنه يبدو ان جزء من كميــه الحبوب اللي أستخدمتها للأنتحار أستفرغتها قبل ماتوصل للمستشــفى .. سارا :ايه هذا اللي صار واللحــين وش بيصير عليها .. الدكتور :وين الوالد ..؟!.. لأنا بلغنا الشرطــه هذي محاولة أنتحار لازم يجون ويحققون بهالموضــوع .. اووووف بدينا الله يغثك أي والد ذا اللي تسأل عنه وينك ياضحــى بس مايعرف للمواقف هذي غيــرها .. مشـاعل :الوالد في رحله الا الخارج .. أخبرني متى ستخرج نوف من هنا .. الدكتور :مو ضروري الوالد أي أحد من أخوانها عمها خالها أي أحد يـكون مسئول .. شهــد :اووووف ترى غثيتنا قلنا لك ماعنــدنا احد وتكذب عليك ابوي ماهو بمســافر متبري منا .. قالت الكلمــه قبل ماتسحبها ملاك وتروح فيها بعيــد وهن يصارخن على بعض وجــع فضحنــا .. ولحقتهم أنا ومشــاعل الكريهه للحيــن تناقش معه وهو مسطل ويطالع بعيــونها مأقول الا مالت .. اووووف وين راحن ذولا كنت أمشي وراهن بس اللحيــن ضيعتهــن لفيت مع الممر الثاني قلت يمكــن القاهن شفت ناس كثير اللي رايح وجااي بس هن ماكانن معهم حسيت بأحد يصقعني من كتفي اخخخخخ كتفي أنشلع ..صرخت عليه وأنا للحين ماسكــه كتفي وماطالعت فيه .. سارا :وجــــعع يمل العمى ماتشوف .. وسمعت صوته دارت الدنيا فيني الحقير ماغيره عســافوه .. اللي أخذ منا أختنا وله وجه بعــد جاااي .. عساف :وجع يوجعك انتي وش صار على أختك .. سارا :و ش تبي يالحقير الفاشل أنقلع بعــد مالك خص فينا يمل المــوت ان شــاءالله .. سكت شــوي وشكلــه يفكر يقهر الحقير واقف قريب مني مره وعاد مايحتاج اقولكم أنه نخلــه كنت انا لاصقه بالجدار اللي وراي وهو واقف قدامــي مابينا غير خطوتين وحاجب النور عني .. عساف :انتي ملاك ام لسان صح .. يمه وش عرفه هذا بملاك وأن لسانها طويل ومسميها بعد ام اللسـان الله يلعنه حيه من تحت تبن ..قلت بتهــور وحرت اللي كشفته مشاعل للحين تغلي داخلي .. سارا :وأنت وش لك بملاك ماهي كافيتك ضحــى .. شفت الصدمــه على وجهه وبالسـرعه رفع يده كأنه بيضــربني بس ضغط عليها بقوه وكورهاعلى شكل بقس ورجع نزلها .. لامانزلها فيه أحد وراه هو اللي نزل يده .. خلف :عمي عساف وش فيك جنيت بتوسخ يدك بالضرب هالأشكــال .. وجره معه سمعت عساف يرد عليه .. عساف :قهرتني عليها لسان حاد ولاسكـين .. وأختفوا وأختفت اصواتهم .. الله ياخده هو واللي معه أبوصوت مرعب هذا كلامه أجل كيف صراخه داخل مراثون الأخ .. ياربي وين راحن الخبلات ذولي .. لمحت وحده واقفه مع واحد تشبه شهــد بس مستحيل تكــون هي من هذا اللي واقفه معه ..الاهي والله هي والحيوان اللي واقفه معه فادي ولد جيرانا كنت ناويه أروح اهزأها وأجرها معي بعد مأعطيها طراق يصحيها ويتوبها عن هالحركات .. بس باللحضه الأخيــره تراجعت هذا مو دوري هذا دور الفيلسوفه مشــاعل مو هذا اللي تبيه خل نشــوف وش تسوي بهالسالفه .. بالسرعه رجـعت للمكان اللي كنا فيه ولقيتهــن واقفات ملاك ومشــاعل وراهم بكم كرسي جالسين عسافووه والمرعب .. بس وش هذا اللي أشوفه وش عندها مشاعل تغطت لاتكــون خايفه من عساف .. رحت بالســرعه وقفت جنبهم .. ملاك :وينها شهــد .. سارا :شهدوه الهايته شوفيها صايعه مع اللي ماينتسمــى فاديوه يالله آنســه فصحـى ورينا وش بتسوين معهم .. قامت بالســرعه حتى بدون ماتسأل عن مكانهم شكلها تبي الفكـه بس ...وقفت بمكانها وسألت المفهيه ملاك .. سارا :وش عندها الحلوه تغطت .. ملاك :مأدري عنها كنا واقفين وفجأه سمعنا صوت عساف واللي معه وتغطــت هي ..تصدقين من جديتها بغيت أتغطى معها .. طالعنا بعض وجلسنا نضحك جميــع .. لفوا علينا عساف واللي معه وكأنهم يحتقرونا بس طنشنا .. سألت ملاك .. سارا :وش يبون ذولا .. ملاك :أنا أدري عنهم بس أسكتي مانبي مشـاكل ترى هم جايين يدورون المشــاكل لو شفتي عسافوه قبل شوي كيف يكلمني مع طرف خشمــه بس أنا سكت له اخخخ والله لو أنا بمكان ثاني ونوف ماهي بهالحاله كان تفننت بتطفيشه .. سارا :ايه ترى أنا طولت لساني عليه يوم قابلني فالممر يمكــن عشان كذا عصب عليك لاو يقولي أنتي ملاك أم لســان .. انقهرت ملاك وكانت بتقوم تغسل شــراعه بس أنا مسكته وأتفقنا أنا مانمرر له هالكلمــه وبنرد له الحركه بس بالوقت المناسب .. جلسنا على هالحاله عشر دقايق مشاعل راحت ومارجعت ولاشهد جااات وأنا ملاك طايحين تريقه بعساف والمــرعب .. لاتقولون ماعندكم احساس اختكم طايحه وأنتم عايشين حياتكــم حنا مأخذنا راحتنا الا بعد ماتأكدنا أن حالة نوف ولله الحمــد ماهي خطيره وهذا الشيء الوحيد اللي نشكــر عليه مشاعل بعد الله لأنها أعرفت كيف التصرف .. لأنها بعد صراخ شهــد طلعنا ركض للدور الثاني وكانت اولنا مشاعل لقينا شهد جالسه على الأرض وماسكــه نوف اللي كانت ماسكــه علبة حبوب لأول مره أشوفها فبيتنا وكانت بين الصحوه والأغمى .. كلنا تجمـدنا بمكانا ماندري وش نســوي اول مره تفكر نوف بالطريقه هذي بالأنتحار وهي اللي جربت كل الطرق الثانيه الخنق قطــع شريان اليد واي طريقه تخطر علي بالكم .. مسكتها مشــاعل ودخلت اصبعها بفمها وبدت نوف تستفرغ بس ماهو كثير .. صرخت علينا وقالت وحده تخلط حليب وزيت بكوب وتجيبهم مأحد تحرك لين صرخت مره ثانيه وثالثه .. بعد كم دقيقه رجعت شوق بكوب فيه الحليب والزيــت وشربته مشاعل لنوف اللي كل ماشربت جرعه رجعتها ومعا جزء من الحبوب اللي أكلتها لين أستفرغت كميه كنت أحسبها كل اللي بلعتها .. حاولت مشاعل تشيلها بس ماقدرت لأن مشاعل ماتجي نصف وزن نوف المليانه نوعاً ما حتى لو بتجرها ماراح تقدر تعاونا كلنا وشلناها وجبناها هنا وبطلوع الروح تكرموا وأسعفـوها .. أنتبهت على هزه من يد ملاك .. ملاك بهمس :شوفي عسافوه جاااي طنشيه .. عساف :الا متى بتجلسن أن شــاءالله .. سارا :لين تطلع أمي من قبرها .. لكزتني ملاك بجنبي حسيت روحي بتطلع الله يأخذ وجها ... عساف :بدون أستهبال يالله قومـن بس لمن خواتكن الباقيات ورجعن البيت .. سارا :لنكون جالسين فبيت أبوك وحنا ماندري .. والله حاله .. عساف :أنتي (يقصد ملاك ) عقلي أختك وخذيها ورجعن للبيت .. ملاك :نرجع للبيت بس عطنا حق التكسـي ... اخخ أعجبتني ملوكـــه سكته طلع بوكــه وقلب فيه ولللللل كل هذي فلوس أحلى بعد عنــده الميه الجديده أكشخ ..صد عنا وسأل المرعب .. عساف :خلف معك صرف عشــرين ريال .. خلف :لامعي خمسين تبي .. احلى عرفت أسمــه وووووووعععع خلف .. عساف :لاوش خمسين خسـاره فيهــم ..بالروح ادور لي صرف .. ماكلم كلمته الا وأنا خاطفه منه ميــه صدق زطي ... ناديت على ملاك اللي لحقتني وهي تضحك ..لفيت عليه لقيته للحيــن ماسك بوكـه ويطالع فينا بقهر .. سارا :لاتخاف على الباقي بنرجعه لك بالبيت شايفين خيــر حنا .. ملاك :والله انك مرجـوجه .. سارا :قليلاً مما عندكم شفتي عاد أخذت منه ميه جديده كشخه صح .. ملاك :كشخه بس تضحكني مأحس أنها فلوس أحسها قراطيس .. ضحكــة على كلمة ملاك حلوه قراطيس بس قراطيس بدونها مانسوى .. ملاك :صادقه بترجعين له الباقي .. سارا :يخسى أرجعها له عشم أبليس بالجنه بس قلت هالكلام قدام خلفووه يقال عندنا كرامـه .. ملاك :عيديها .. سارا :وش هي ..؟! ملاك :يقال عندنا كرامــه .. أعجبتني حيل.. يحليلها ملاك أعجبتها يقال عنـدنا كرامه شكــلي برددها لها كل بعد كلمتين عشان تبقى كذا مبسوطــه على طـول .. ((4)) (.. أفكــار يلفها الغمــوض ..) مــــلاك ضحكت كثير على كلمــة سارا يقال عندنا كرامــه مره أدخلت مزاجــي .. أخذنا لنا تكسي وماسألنا بميشو وشهـــد يدلون عنوان البيت ..بعد اللي صار اليوم مأعتقــد بنرجــع مثل قبل أنا خلاص ماعاد يهمني فهالبيت غيــر سارا لأنها توأمــي ووعـد ونوف لأنهم صغـار والباقين يلتعنون كلاً يصرف نفســه ويشرف على نفسه مأحد كبير على أحد .. سألتني سارا يوم شافتني طولت ساكته .. سارا :ملاكي حبي ليه ساكته .. وخطرت فبالي فكــره لازم أشرك سارا بخططي حنا لازم يكــون لنا ظهر الشـي هذا اللي كنت أفكر فيه من زمان وللحيـن جاري التفكير فيــه ..بس اللحين جد شي جديد يخليني أحاول أسرع بالتنفيذ اللي افكر فيه وأول خطــه كشف أفكاري لسارا .. ملاك :وش رايك نروح مشوار .. سارا :مشوار ياحبي للمشـاوير .. غمزت لها .. ملاك :بيعجبك هالمشــوار كثير .. عطيت سايق التاكسي العنوان .. سارا :العن وين بنروح هناك الحي هذا مره كشخــه .. ملاك :اصبري حبيبتي بتعرفين كل شــي بوقته .. سارا :أحبك قوليلي مأقدر اصبر .. ياشينها سارا لحنت .. ملاك :سارونا حبيبتي لاتحاولين ماراح أقولك لين نوصل العنوان .. وجلسنا على هالحاله لين وصلنا مقصدنا ...قلت لسايق .. ملاك :خلاص اوقف هنا .. وقفنا على طرف الشارع .. ملاك :شفتي البيت هذاك .. وأشرت بيدي على المقصــود .. سارا :أي بيت أي منزل هذا قصــــــــر ..ملاكــووه وجــع من وين تعرفين هالناس .. قلت وانا ارجع على ورى بعد ماكنت متقدمه .. ملاك :مو بس انا اللي أعرفهم حتــي انتي تعرفينهم .. شهقت ... سارا :احلفي من متى حنا نعرفهم ... ضحكت على كلمتها صدق البنت هذي بعض الأحيــان تصير قمة الغبــاء .. ملاك :ياغبيه تونا نعرفهم .. اووووووف شلون أقولك بكل بساطــه هذا بيت خالتك شيماء.. سارا :أي شيماء أي حصــه ... وش قاعده تخرفين أنتي من متى حنا عندنا خالات .. ملاك :لاحبيبتي عنــدنا خالات ماتذكـرين هذي كانت بتأخذنا عنــدها يوم كنا الصغار كانت أعمـارنا تقريبن تســع سنوات . صرخت سارا وحطـت يدها على فمها .. سارا :أيه صح تذكــرت هذي اللي كله تجيب عيــال وعنـدها ثلاثه وكانت تبغانا لأن ماعنــدها بنات بس جدتي رفضت تخليها تأخذنا ..تذكرت والله تذكــرت .. ملاك برود :طيب ياحظك اصبري بأقولك اللي بيفرحك صدق ... زوجها الغثيث أنتقل ألا رحمــة الله وعيالها كلن سافر لديره يدرس ومابقى لها أحد ... سارا :يعني كل هالقصور مافيها الا هــي .. قلت بأحباط .. ملاك :لاوين فيه زوجـة زوجها الثانيــه وعيالها وأخوان زوجها وعيالهم وذي بيوتهم ... سارا :قصدك قصـورهم .. عمى بعينهم صدق عليهم حظ ليش خالتي اللي تزوجت ذا ليه مو أمـــي .. ملاك :يابنتي هذا المكتوب بس عاد هذا مايعني انا نرضى بحظنا ونسكـت لاحنا لازم نتحايل عشان نعيش .. سارا :ودي أشوفه من داخل .. ملاك :بتشوفينه بس مو باللحين لااا بالوقت المناسب .. سارا :ايه صح بالوقت المناسب وأحبك ياخالتي شيمــااااء اللي بتعزينا بعد ماذلتنا الدنيــا .. ضحكت بخبث وأنا أكمل معها .. ملاك: أمـــــوووت فيك ياخالتوووووووه وأموت بأمً جابتك ... ضحكنا جميــع ورجعنا للبيت وكملنا ليلتنا بالتخطيط والتمحيص .. يـــوم جــديــد: صحيت على صوت مناقشه حاده بين ضحــى ومشـاعل وطبعاً مو بس أنا اللي صحيت كل البيت صحــى وش تبون من بيت مافيه مكيفات الهمس ينتقل فيــه بالســرعة الريح .. نزلت الدرج وأنا للحين دايخه وتحت تأثير النوم ... ملاك :يالله صباح خيــر وش فيكم أنتــم .. تأففت مشــاعل وجلست تلبس عباتهــا .. وضحــى شكلها حاذفتني من زمان من اللسته .. ملاك :اووووووف ردوا علي ترى أنا مو حيطــه هبيطـه فهالبيت وش من أسرار مخبين بعــد لايكــون انا بعد متزوجــه وأنا مأدري .. ضحــى :ملاك أرجعي نامـي أبرك لك بعدين هذي مواضيع خاصه مالك فيها تزوجت تطلقت مت حييت الأمر هذا راجعلي أنا وبس ... ملاك :اوكي ماعنـدي مشكلـه انتي اللي بديتي زيـن ومن اللحيـن أقولك أنا وسارا مالكم خص فينا أنسوي اللي نبي أن شــاءالله نحرق بعمارنا حنا أحرار ... تنرفزت ضحــى ورمـت الكاس اللي معها على الجدار الحمـدالله أنها مارمته علي خخخخخخخخ .. كنت رحت فيها .. ضحــى :عاجبك اللي صـار .. مشاعل :كان سيحدث نفس الأمر ولوأنتظرناألف سنـــه .. ملاك :عاد بدت الفيلسوفه.. ميشو يمـدحون الهيـاته على الصبح ترى والله شكلك وأنتي جالسه فالبيت ولا بالريال .. اخخخ يحليلها مشــاعل صدقتني وطلعت أقص على نفسي أنا أصلاً هي كانت بتطلع من قبلي ..بلقافه سألت ضحـى .. ملاك :وين بتروح .. ضحــى :بتروح تمر على نوف وبعدها مأدري ... ملاك :اهااا .. طيب وأنتي ليه ماتروحين لنوف ... ضحــى :احاد قالك من قبل أنك فضوليه ... ملاك :ايه ملاااااايين .. ولاتكملين أدري وش بتقولين .. ضحى :ملااك ترى والله ماني بناقصه أهبالك ... ملاك :ليه تزوجتيه .. ضحــى :من هو ..؟! ملاك :جدي .. يعني من غيره عســافووه المليق .. ضحــى :والله مأحد أخذ شوري ...ولا هذا من يقبل فيــــه .. كنت بترد علي بس دق جوالها طالعت بالرقم وتأففت .. ملاك :مين هــو ..؟! ضحــى بملل :ايوه من غيره يعني .. ملاك :طيب عطيني أرد عليه ..والله لخليه يتوب يدق عليك .. جحدتني بالنظره وماردت علي .. بس من يقول أني أتوب أنا خلاص حطيته بالراسي وجتني الفرصه أني ارد له اللي سواه فيني أمــس .. ملاك :تكفين ضحى والله ماتندميــن .. ضحــى :ملاك بلا بياخه .. وأنقطــع رنين الجوال انقهرت ضيعت علي الفرصه ... توني بفتح فمي أقول كله منك ضاعت الفرصه الا رجع يدق .. ملاك :والله والله تعطيني أرد عليه تكفين ضحــــــى ماراح اسامحك لو ضيعتي علي الفرصه هذي بعــد .. ضحــى :أنتي تكلمين من جدك اللي تطلبينه امر غير أخلاقي بأي صفه تردين عليه عيب عليك ... كانت مندمجه بالكلام يوم خطفت الجــوال من يدها ... همست لها وأنا افتح الخط .. ملاك :والله ماراح تندميـــــن .. قررت أقلد صوت شغاله وأرد عليه .. ملاك :الو .. نئــــم .. انتا ايش يبقى .. لااا ايش طحى مافيه .. هذا جوال مال أنا.. كلاص سكر أنت قرقر كتير .. مافيه طحى رووح كلاص روح .. كنت أتكلم وأسوي حركات أستهبال لضحــى اللي جالسه تطالعين وهي مندهشه .... قفلت من عنــده ..ورجعت لها الجوال .. ملاك :وش رايك فيني أعجبتك صح .. ضحــى :يعني أن شاءالله عاد يتوب ومايرجع يدق مع أني أعرفه لزقه ثقيل دم ... توها بس ضحــى خلصت من كلامها الا الجوال دق ... ضحى تنرفزت وأنا جلست اضحك عليها معها حق ثقيل دم بكل ماتعنيه الكلمـــــــه .. وطبعاً خلته يدق لين سكت وماردت عليه بعد شـوي سمعت نغمــة رساله .. وشفت وجه ضحـــــى تغير يوم قرتها .. ملاك :وش فيك ضحى وش فيها الرساله من مشاعل نوف فيها شـــــي .. صدق خفت وتوترت لأن ضحى مرره شكلها مصدومــه وبالنفس الوقت على وشك الأنهيــار .. ضحــى :خذي أقريها .. ومدت علي الجوال أخذته منها وأنا متردده ودي أقرا الرساله وخايفه من اللي فيها أول ماطاحت عيني على اللي بالرساله شهقت من قلب ...الرساله كانت من عساف .. ومكتــــوب فيها (.. جهــــزي نفســــك مبـــارك بعــد يومــين بالرياض وبشــوف كيف بتوقفين بوجـــهه زين حبيبتي أحســن شــي من اللحيــن تحضرين نفسك للسفــــر لأن أجازتي على وشك الأنتهــاء وأنا قررت أخذ زوجتي وبنتي معي تعرفين غـــــربه والوحــده فيها تقتل ..) أخذت ضحــى جوالها منــي وطلعت الدرج بالســرعه قبل مأفتح فمــي بكلمــه .. ياربي وش هالورطــه صدق هالعساف بلوه كيف فكــر بأبوي بالوقت اللي كلنا نسيناه فيــــــه .. اوووووف الله يعينك ياضحــى صدق اللي تمرين فيه قمــة القهــر .. مأدري ليش عندي أحســاس أن رجعت أبوي بتجنين علينا كلنا الأشــرار الله يستـــــر بس .. :هااااااااااااااااااااااا� �اااااي قود مورنينق .. ملاك :هلا وش مصحيك هالوقت وورى مارحتي المـدرسه ... وعــد :وش اروح للمـدرسه صدق ماعنـدك سالفه ..وش عندها ضح ضح معصبه .. كنت بأقول لها عن سالفة الرساله ورجعت ابوي بس خفت تهرب ولاتسوي وحــده من حركاتها المتهوره .. وجاوبتها .. ملاك :وهي متى ماكانت معصبه .. وعــد :تدرين انه منزلين فيها مجلس تأديبي .. ملاك :ايه سمعت ..من متــى ..؟! وعــد :المفروض من السنه الجديده بس شهــد تقول بتبدأ من الأسبوع الجاااي .. ملاك :وين نقلوها .. وعــد :قريه مأدري وش أسمها .. من الأسبوع الجاااااااااي &قريه من الأسبوع الجاااااااااي &قريه من الأسبوع الجاااااااااي &قريه من الأسبوع الجاااااااااي &قريه من الأسبوع الجاااااااااي &قريه فظلو هالكلمتين يترددون فبالي لين صـــــرخت ... ملاك :بهذا خلااصك ياضحـــى .. ميشو :الخلاص من مـــاذا ... ملاك :حلو جيتي بوقتك .. مسكت من يدها وجريتها معي لفوق وأنا أركض ... دخلنا غرفة ضحــى بالدفاشه .. كانت واقفه ورى الستاره وتطالع مـع الدريشه .. مأدري وش لاقيه بالمنظر اللي تطل عليه دريشتها ...طالعتنا فبرود ثمن رجعت لوضعها الأولي .. ملاك :فكرت لك بخطــه تنتشلك من المأزق اللي أنتي فيه .. ضحكــت .. وسألتني بالتريقه .. ضحــى :أنتي ميشو ولامــلاك .. سارا :لامـــــلاك أنا أضمن لك هالشــــيء.. وجت باستني بقوه على خدي ...مسحــت بوستها بقرف .. ملاك :وجــع أنتي وش صحاك .. سارا :مأدري برجــع انام عشان أشوف لك هالمـره من اللي صحاني .. مسكتني مع يدي اللي كنت ماسكــه فيها يد ميشو .. سارا :فكيها وش تبين ياسراقه هذي توأمي مو توأمك .. ميشو جرت يدها وابعدت عنا .. ميشو :لوح شكــولاته هيــا أو قطعة حلوى حتــى أسرقها .. تأففت ضحــى بصوت عالي .. وطالعتني .. ضحــى :جاي تخانقون عنــدي .. قولي أنتي وش تبين .. كانت تقصدني .. مــــلاك :طيب بدون عصبيه تراني متعبه نفســي ومفكـره لك بخطــه تطلعك من المأزق اللي طحتي فيــــه .. ضحـى :رجعنا للمأزق .. طيب أنتي عنــدك خطــه جايه تطرحينها ..العالم ذي ليه جايه معك .. سارا :عشان نأزرها .. اووووووه ذولا جاليس يتريقون علي وأنا جالسه أتفرج عليهم صدق ماعنــدي كرامــه اللي للحين جالسه معهـــم .. مـلاك :تتريقون علي طيب طيب شوفوا من بيقول لكم الخطـــــــه .. وجيت أطلع بس ميشوو مسكتني ..((5)) (.. داء الأنتقـــــــام ..) ميشــــو حتى اللحضه التي ثنيت بها ملاك عن الخروج لم أكــن أعرف مالقضيــه ..خاطبتها بمــوده .. ميشو :ملاك ياعزيزتي لما لتخبريني مالقضيـــه .. بشقاوة سارا المعتــاده تحدثت .. سارا :وانا بعد أخبريني وش القضيــــه ..؟! بدا على مــلاك الســرور .. ملاك :طيب طيب لاتحرجوني تعرفون أول مره يكــون عنـدي سالفه .. بغضب شديد تحدثت ضحــى .. ضحـى :ملاااااااك أخلصي علينا .. ملاك:بكل أختصار اللي صار أن ضحــى وصلها مسج تهديد من عساف .. قاطعتها .. ميشو :رسالة تهـديد اريد رؤيت تلك الرساله .. اشارت لي ضحــى على هاتفها النقال الذي كان ملقى على الأرض بجـوار حقيبة يدها .. قرأت الرساله وشاركتني سارا بذالك ...وعلقت .. سارا :ايش ايش بروك راجـــــع لاااا والله مو وقته عاد يوم خططنا أنا ومــلاك ..... وأنقطــع حديثها بيد مــلاك التي أقفلت فمها .. ملاك بغباء :لاتسمعــونها ماعنـدها سالفه .. وش رايكـــم اقولكـــم عن الخطــه أحســـــن ... أستوقفتها ضحــى .. ضحى :لحضه لحضــه اصلاً من قالك أني أبي أسمــع خططك سارا شيلي أختك واطلعي ... رغم الطريقه الجافه التي تحدثت بها ضحــى لما تتزحزح ملاك عن موقفها ... ملاك :احلمي أطلع من هون قبل مأقول خطتي .. ميشو :لابأس ضحــى دعيها تقول ماعنــدها .. ملاك :ياعمــري ميشو مأدري ليه صايره هاليوميــن أكن لك عواطف جياشــه .. وضاعت بهجتها بصرخه من ضحــى .. أدخلت الرعب لقلبي أنا أيضاً .. ضحــى :ملاااااااااااااك .. ملاك :طيب أسمعوني من غير ماتقاطعــوني .. عساف يهدد والوالد الغائب راجـــع والمــدرسه نقلت ضحــى .. الظروف اللي تجمعت مره وحــده عليها والمفروض يكــون هالشــيء من سوء حظها لكــن ليش ماتستغل هالظروف لمصلحتها ...تقولون كيف .. بكــل بساطــه أنها تشيل قشهــا وتختفي .. تختفي وين تروح لهالقريه اللي نقلت لهــا ..هاه وش رايكـــــم ..اعرف خطط صــح .. خطــه غير محبــوكه ينقصها الكثيــر ولكــن بالأخيــر تبقى خطــه .. هذا ماكان يدور بخلدي ولكني لم أفصح عنــــه .. ضحــى :ملاك أنقعلي عني أنتي وخططك اللي مثل وجهك ... ملاك بنرفزه :ايه أحسن لاتعجبك خطتي وابقي هنــا لين الذيابه تجمـــــع عليك ... وخرجـت من الحجره وهي تسب وتشتم بعقولنا الضيقه المتحجره ..سألت ضحـى بعد ان لحقت سارا بشقيقتها .. ميشو :لمــاذا لم تعجبك خطــة ملاك فهي جيده نوعاً ما وحل مؤقت جيــد .. ضحــى :من صدقك أنتي تبغيني أهرب اصلاً وش بيقولون عني وين رايحــه لااا أبد هذا ماهو حل .. جملتها الأخيــره أكدت لي أن هناك صراع يدور داخلها حول خطــة ملاك .. أنسحبت من حجرتها فهي بحاجه للأنفراد بنفسها لتفكر جيــداً .. دلفت لحجرتي وألقيت بنفسي على الفراش الليلـــه ستحقق أحد أنجــازاتي فقط اذا فعلها فهـــــد وبلغ عن الشقه المشبوهه كما طلبت منـــــه .. واذا تمت المـداهمــه أكون حققت أنتصــاري الثاني عليــه والأول على سوسو ومـالك ..ومازلت أحتفظ له ولعائلته بقائمــه طويله من خطط الأنتقــام .. طويله جداً تنتهــي بنهــاية أخر فـــــرد من عائلة والــدي المتبناه .. الساعــه التاسعــه مساءً .. كنت أجلس على مقعـد التسريحه وأمامي العديد من أدوات الزينه ومستحضــرات التجميل .. لم أشعر بخروج سوسو من حجرة تغيـير الملابس الا حينمــــا سألتني .. سوسو :وش رايك ميشو أهبـــــل مو .. وبدأت تدور حول نفسهــا ..صحت بأندهاش مصطنـــع .. ميشو :سوسو أيته الساحــــره تبيدين في غاية الجمــال أنتي فاتنــه .. سوسو بأحباط :أهم شــي اعجب مشـاري .. ياللطمـــوح .. أحسدها عليه .. ميشو :بالتأكـيد ستفعلين ذالك أنظري ألى نفسك بالمـراءه صدقيني سينبهــرك بجمالك .. أقتربت مني وربتت على خدي بمحبــه .. سوسو :وأنتي بعد ياعمــري تهبلين وانتي كذا طبيعيــه تعرفين مالك يمــوت عليك صح أنه دايم يردد انه أكثر شي يعجبــه فيك لون عيــونك وكلامك بالفصحــى بس بالحقيقه هو يمــوت فيك كلك على بعضك ماتصدقين قدايش فرح يوم درى أنك أنتي اللي تبغين تشوفينــه كان بيجــن .. كلا لم ينح بعــد وقت جنــونه .. تداركت نفــسي وابعــدت التقطيبه عن محياي ورسمــت مكانها أبتســامه مليئه بالرياء ... سوسو :ياااااي انتبهــي تبتسمــين اليوم لمالك كــذا والله ليروح فيها الولد صح أنها ماتفرق معي راح ولاجــاء بس حرام أمي تحبــه ..يالله ميشو نمشــي .. بدأ ناقوس الخطر يدق داخلـــــي .. حانت ساعة الصفر ... ميشو :بالتأكيد هيا ياعزيزتي .. وبدأت بأرتدأ عباءتــــي .. خرجنا من جناح سوسو كانت تتحدث بأمور مختلفه وأنا أسمعها فقط كنت أهم بنزول السلم حينما أمسكت بذراعي .. سوسو :لاوين تعالي ننزل بالمصعــد .. في السيـــاره .. كنت أقعــد مستمعــه لثرثرات سوسو .. كانت تتحــدث بمــوضوع فتقطــعه لتحدثني عن أخـــر .. لذلك لم اتعجب حينما صرخت فجأه بأسمــي في منتصف حديثها .. سوسو :ميشوووووو ماراح تصدقنـــي قولي وش صــار .. ضحكــت بلطف .. ميشو :ماذا حدث .. سوسو :تصوري أمــس العصــر وأنا نايمـه ماحسيت الا على باب غرفتي ينطق بالدفاشــه عاد تعرفين انا خبله بعض الأحيــان مقفله ومنها أمس .. وكنت مطنشه اللي برى ماحسيت الا باللي داخل علـــي .. أصابني رعب كلا يألهــي لايكــون مبارك .. ميشو :من كــان .. سوسو :تصوري خلف .. أنا طاح قلبي وماقدرت أفتح فمــي بكلمه وجلست بالسريري زي الهبــلا أحتريه يفتح فمــه وهو جالس يدور بالــغرفه واضح أن عنــده حكــي ومايدري كيف يقوله .. وكان بعض الأحيــان يوصل للباب ويرجــع لنص الغرفه لين فجأه تكلم ...وسألني اذا كنت أعرف وحــده بالجامعه أسمها روبي .. لم أستطــع كبح ضحكــه كانت تتصاعـد داخلي رغم خطــورة الموقف وجــدته مضحك ... سوسو :ميشو وش فيك جنيتي ليه الضحك .. ميشو :لاشيء ياعزيزتي .. ولكني اتساءل اذ كانت المقصــوده روبــي الـ ....... وعدت للضحك وشاركتني سوسو الضحك هذه المــره .. سوسو :لاعاد وش دعــوي أخوي من وين بيعرف هالتكرونيــه .. اصبري اللحيــن صدق المفروض تضحكين تصدقين يقول تحكــي بالفصحــــى .. شكلها صايره موضه هاليوميــن .. ازدريت ريقــي بالصعــوبه .. ميشو :حقـاً هل قال ذالك .. سوسو :ايه لتحطين فبالك .. ميشو :كلا .. ولكني كنت أتسأل ماعلاقة شقيقك بـ الروبــي هذه .. اجابت بعــدم اهتمـام .. سوسو :يقول بيخطبـــــها .. بهذه اللحضـه بالذات توقفت بها سيارتنا امـام البنــايه التي تحتــوي الشقه التي سنسهر بها الليله .. وكمــا ورد بالخطـــه .. صحت بخيبة أمــل .. ميشو :كلا يألهي كيف حدث ذالك .. بصيحتي تلك لفت أنتبـاه سوسو التي كانت تصلح زينة عينيها وبيدها مراءه صغيــره بحجم الكف .. سوسو :وش فيك حبــي .. ميشو :لأعلم كيف نسيت ذالك .. سوسو يجب علي الذهاب لشقتنا .. سوسو :ليش حبي وش صـار .. تظاهرت بالتلعثم والخجل .. ميشو :كنت قد أشتريت هديه متواضعه لمــالك ولكني نسيت أن أحضــرها ... سوسو :ياعمري والله ميشو المفروض هو اللي يجيب لك هديه لكن ماعليه أرجعي جيبيها متحمســه مره أشوف ردة فعل مالك لجاء ولقاك متأخره والأحــلى أن جيتي ومعك الهـديه وعرف ليه تأخرتــــــي .. صدق بينهبل أخـوي .. ثقـــي بي ياعزيزتي ساعــود بالســرعه بالهــديه التي أحملــها لك ولشقيقك .. ..قبلتني مــودعه وغادرت السيــاره .. . نهاية الحلقه الثامن عشــر | ||||
|
| |
|
08-03-13, 09:18 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه التاسعــه عشـــر خارج الأســــــــوار ((1)) جالس ينتظرها دخلت داخل قالت عشر دقايق واللحين مرت ربع ساعه وهي ماطلعت أرتاح بجلسته أكثر ورفع رجليه ومددها على الطاوله قدامــه .. سمع صوت باب الشقه ينفتح كتم صوت التلفزيون ثواني بس وسمــع صوت قفلة الباب مره ثانيه وصوت الكعب على الأرض .. فكر بنفسه هذي أكيد وحــده من صاحباتها .. ماتحمس كثير عشان يشوفهــا لأنه تصور شكلها قبل ماتدخل بالعبــاه المخصــره والريحــة العطــر اللي تلف الراس واللثمــه اللي تغطــي جزء بسيط من وجهــا .. دخلت على ثلاث خطــوات ريحة عطرها صوت ضحكتها ثم هــي دخلت .. غمض عيــونه ورجــع يفتحــها يتأكــد من اللي شافته عينـــه ..كانت واقفه عنــد المدخل قبل مايغمض عيونه لقاها متمــدده على كنبــه قريبه منه وبعبــاتهابعد مافتح عيــونه .. كانت تطالع بجـوالها وهي تبتســـــم وتعض على شفايفها عشــان ماتضحك .. فكر وهو يشوفها أكيد تنتظر أتصــال من حبيبها او توه مقفــل منهــا .. كشر يعنــي مغفله مثل ملايين من البنات اللي ينقص عليهــن واللي هو جالس ينتظر وحــده منهــن .. فتحت باب خلتهــم كلهــم يلفون عليـــــه .. وأخيراً طلعت مابغت ..فز من مكــانه ... :طولتي حبيبتــــــي .. لفت راسها بقــوه خاف على رقبتها لاتنكســر من قو اللفــــه ماطالع فيها .. كريمــه :سوري قلبــي اتصلت علي صاحبتي .. مشــاعل حبيبتي أنتــي هنا سعاد اتصلت تسأل عنك كانت قلقانه عليك تأخرتي عليها .. للحيـن واقفه مكــانها ومنــدهشــه كان بيطنشـها ويسوي عمــره ماهو مهتــم بس ماقــدر غصب عنه جلس يطالع فيها وليتها جت على كذا وبس كان فيها شي مثل المغناطيس من طالع فيها ماقدر يوخر عيونه عنـــها واللي يشوفه يقول أول مره يشوف بنت ..... ياحرام كسرت خاطره تلعثمـت بالكــلام أكيــد أنحرجت من نظراته .. مشاعل :أجل يجب أن أعود أليها .. لن أتأخر وداعا ً.. غطت وجها بالطرحتها اللي كانت على كتفها .. وقبل ماتطلــع لفت عليه .. مشــاعل :فرصه سعيــده .. الى اللقاء ..قفلت الباب وراها .. لف على كريمه اللي كانت تلبس عباتها وبسخريه تعمــدها .. وش فيها صاحبتك تابع مدبلجات كثير .. كريمه :لاهي كذا من عرفتها وهي على هالحـــال..كلمتها .. بدت بشغل الغيــره :لااا .. أعرفك حبيبتي ماترضين أتكلم مع غيــرك .. كريمه :يالله نطلــع .. قالتها وهي تمــد ليه يدها .. ضم يدها بيده وطلعوا .. لو كان أي أحد غير مشـاعل بقول لك لااا .. بس شوشو غيــررر ماينغار منهــــا .. بعد تررد رد عليها :بس هي حلــــووه .. ضحكــة :وش فيك تقــولها بتردد تخاف أغار .. أشوفك مانزلت عينك من عليها تفاجئت فيك هــي صح .. :ايه شفتها وهي ماشافتنـــي .. عيونهـــا .. كريمــه :تهبل صح ..زرقاء طبيعيــه .. فتح عيونه وفمــه بالطريقه ضحكتــها ... كريمـــه :هههههههههههههههههههههههه� �ههههههه يامفجــوع صك فمك اللي يشوفك يقول جاااي من أفغانستــان ماشاف بنات .. :لاتفاجئت بس ولاماهي بذاك الزود أنتي أحلى .. بغرور طالعته من طرف عينها :أدري .... وبقلبه :مالت عليك المغروره بتمــوتين من الغيره لأنها أحلى منك .. :لاتفكر فيها مشاعل صعبة المنـــال غيرك كان أشطــر وماقدر عليها .. :مافكــرت فيها .. وكمل بعدم أهتمــام وهو يفتح لها باب السيـاره:بس ليه صعبة المنال على قولتك .. كريمــه جلست وأنتظرت لين ركب :تكرهــــــــكم .. تفاجأ بهالهجــوم :تكرهنا حنا ميـن ..؟! كريمــه :الرجال .. طالعها بأحتقــار :ليه أن شـاءالله وش فينا ... كريمــه :ماتعجبونها .. يالله عاد حبيبي غيــر السيـــــره .. :احبك .. ضحكــت وصدت تطالع مع دريشتها :ادري قول شــــــــي جديد .. ((2))مالك :والله ان ماجت اللحيـن لأفضحك عنــد أمــي .. سعــاد بتوتر وقهر :مالك اهــدأ وش قاعــد تقـول أنت أكيــد بتجــي .. فرك كفــوفه بتوتر :من ساعتين وكل لحضـه وثانيــه تقولين بتجـي بتجــي .. بعـدين وش عنــده مشـارريوه مانزل عينه من عليك .. سعــاد لفت تطالع فيه ورجـعت تطالع باخوها :وأنا وش دراني عنــه خليه يطالع لين بكــره تعرف أنا بس جايه عشان ميشو تخاف تجي لحالها .. وتدري دينا صاحبتي ومصره علي أني أجــي ... مالك :ايه طيب طيب بكيفك عقلك بالراسك بعدين انتي أكبر منــي تنصحيني مأنصحك مع أني مأحب النصـايح .. وسحب من بكته سيجاره ولعها ..ومــد لسعاد ثانيــه رفضتهــا .. سعاد :ايه صح مالك قبل مأنســـــــى دينا ومشاعل مايتواطنــون .. مالك :شلون يعني مايتواطنــون خلي بس هالدينا تحــاول تقرب من شعولتــي حأتلها وسأي الموقودين من دمهــا ..اوووووف وين خويتك الخبله ذي .. سعــاد :تقول عن ميشو خبله ... مالك :اوووف اقصد دينا ابي حاجــه أشربها .. اقوووول أنا نازل تحــت بأنتظر مشــاعل عند باب البنايه اذا دقت عليك خبــريها .... ونزل تحت وجلس ينتظــرها .. وهي أستغلت الفرصــه وقربت من حبيبهــا اللي كان جالس يتكـــــلم مع صاحــبه .. مشاري :واخيــراً حبيبتي وش هاللزقــه مابغى يفك عنك .. سعــاد بدلع :لاتقــول عن أخــوي لزقه أزعــــــــل .. مشــاري هذا اخو هـــذا والله الكلمـــه فيه حرااام :اقول حبيبتي تعالي معـي ... سعاد بنظره حذره :اجي معك وين .. مشاري :تعاالي هنا بالصاله الثانيه بنسولف هنا صوت الأغاني مره عالـــي .. سعــاد :لاا نجلس هنــا أخاف مالك يرجــع ويشوفني معك .. مشاري :وش فيها لوشافك معـــــي ..عادي حبيبتي نسولف ... سعــاد بخوف :لااا مأبي أنا بس جيت عشان أشوفك بعــدين أنا ابغى أطــــلع بالســرعه .. مشــاري :وليه تطلعيـــن مأعجبتك الحفله .. دينا تقولي دايم تجين هنـــا .... سعاد انقهرت من دينا اللي فضحتها :كذابه ماعمري جيت هنا .. أنا خلاص بطــلع .. مشــاري بقهر :وين تو النـــاس .. سعاد :لااا أنا لازم اطلع أنا أخاف من هالناس وهم صاحيين كيف اللحين وهم بدوا يسكــرون ... وفجأه سألته :مشاري انت تشرب ... مشاري بعدم أهتمام وهو مقهور منها :ايه عندك مانــــع .. طالعته سعاد بخوف وراحت جري على الغرفه اللي تركت فيها عباتها وشنطتها ..أخذتهم وطلعـــــت .. ((3)) ليه حاس بقلبه أن اللــي ســـواه فيه شــي مو لله يحســها أنســانه موسويه واللي طلبته منـــــه ماتقصــد الأصــلاح فيــــه مثل مافهمتــه السالفـــــه فيها أنّ لكـــن بعــد ايش الأمــر طلع من يده هوبلـــغ مثل ماطلبــت والله يستـــر ماهـو ناقص مشاكل .. لكن وش عنــدها مادقت للحيـــن ولاخلاص قضت منــــه .. رمــى جــواله وهو يتأفف :اوووووف الله يلعن اللي يثق بمــره ... رفيقه اللي مشاركــه نفس المركـى :اخخخخ جبتها على الجرح ... :انت عاد المفــروض تبلع اللسانك وتسكــت ولا عجــزان عن مــره ورايح تستنجــد بأبوهــا .. عساف سحــب المــركى اللي كان متسنــد عليه خلف من الجهه الثانيـــه واختل توازنه:خليف ولعنـــه لتخليني أندم أني فضفضت لك ... بعدين وش فرقك اللحيــن عني وعلى الأقل هالمــره زوجتــي ماني بالرايح أركـض ورى بنت شوارع .. خلف :طيب خلاص ماقلنا شــي أنت أحسن منـــي .. وجحده بالنظــــــره وكمــل وهو يفرك ايدينه :اخخ بس لو تطيح في يديني .. عساف :وش بتســوي يعنــي ... خلف :بتزوجـــها .. عساف اللي اندهش من كلامـــه : خلف لاتضيع نفسك وش تزوجهــا خلصن بنات الناس عشان تزوج أي زباله ترمــي بنفسها عليك .. وهذي آخــر كلمــه سمعها خلف من محاضرة عمـــه الطويلــــــــه .. كان سارح يفكــــــر بخيط يدله على روبــي يبي يعرف أي شي عنهــــــا حتــى انه تهور وكلــــــم أختــه سعاد عنهــا ومافاد لأنه بكــــل بساطــه يوجــد الف روبي بالرياض .. خلف:عمـــي بدخــل أنام بتبات هنـــا .. عساف :ايه بس تونـــي مافيني نوم أجلس معــي .. خلف :ياليت بس فينــي نوم وقبل بمــر على هالعلــه بشــوف وش تبــي فينــي .. عساف بالضحكــه:أي العــلات .. خلف :بنت سعـــد الله لايبارك فيـها عاله كبدي هاليوميــن من طلقت اللي ماتنسمــى وهذي ناشبــه لي فالطلعــه ودخــله .. عساف بالضحكــه :خلف لاتهـــور والله اني حاس انك بتطلقهــا .. خلف وهو يحط غترته على كتفــه :وهذا اللي ناوي علـــــيه وهي داريـــه وشكلها بتسعى لخراب بيتهـــا .. طلــع من المجلس وهــو جااي بيدخـل للفيلا سمـــع اصوات جااايه من الحــديقــه الخلفيـــه راح للمكــان اللي جايه منه مصدر الصوت وهو شاك بالمــوضوع .. وقبل مايوصـــل .. مالك :سعاد اتصلي فيهـــا اخاف صار لهــاشي .. سعــاد اللي يدهــا للحين ترتجــف من الروعه :كلمتنـــي وقلت لهــا ترجــع ... مالك بنرفزه :ادري بس هي يمكــن مافهمت عليك ودخلت سعــاد اررررررررررجــوك .. خلف اللي جاي من بقعــه مظلمــه :ياصباح الخيــر تو الناس ليه رادين هالحــزه ... مالك اللي نط من الخرعــه وحاط يده على صدره :اووووووووف انت من وين طلعـت نقزت قلبــي من محلــه .. سعــاد كانت واقفه ورى مالك وتجــر قميصــه من الأرتباك .. خلف :من وين لافين .. مالك بالسخــريه مسوي نفسه ثقيل ولو طالعتم تحت بتلقون رجليه ترتجف :من المريخ .. يعني من وين بنجــي كنا طالعيـــن نتعشــى .. خلف :ماشاءالله ومن متى أنت وياها تمشــون مع بعض .. مالك :من يوم السبت ست وعشرين ثمــانيه الف واربع ميه وثمــان وعشــرين ... خلف :الله يخلف على أمُ جابتك ... مالك بعدم أهتمــام :الله خلف عليها فيك .. يالله باااااااااااي سلمتك العهــده .. سعــاد كانت مستغله الفرصــه اللي يتكلمــون فيهــا وهاجــه واللحيــن تعيش الأمـان فغرفتها .. وقفت قدام مراية التســريحــه تأتكــد من مكياجها وترتب لبسها للمــره المليــون هالليله ورجعت ترش من العطـــر لين مأختنقت الغرفه بريحتـــه أول ماسمعت صوت باب الجناح ينفتح راحت تركض وجلست على الكنبــه اللي تحت الدريشـــه ومسكــت مجله وسوت نفسها منــدمجه فيها ... فتح الباب بدفاشه كعــادته وهي اللي كانت داريه أنه جاااي وسامعه من قبل فتحت الباب نقزت من الخرعـــه وطيحت المجلـــه .. خلف :الســلام عليكم ... تهاني :هلا والله وعليكــم الســلام .. وينك حبيبي تأخرت .. وقربت تاخــذ منه غتــرته اللي رماها على الســرير بدون مايعبــرها ... خلف :غير وش بغيتي وبلاهرج زايد أختصــري راسي دايـــر .. تهاني بدلع :أن شــاءالله أن تأمر بس روق شـــوي .. خلف بتأفف توجــه للباب :شكل ماعنــدك سالفه .. راحت تركــض له ومسكــته مع ذراعه :خلف لحضه بس اسمعني ... نفض ذراعه من يدها :وخرررري بس ولاكلمــه زياده .. عشان تعرفين يوم أقول كلمــه تنفيذهــا بدون مرادد .. وطلـــع بعـــد ماصقع الباب وراه بكل قوته ...جلست هي بعــده على الســرير ودمــوعها تنزل وهمســت :يعني خلاص أنتهت حيــاتي معه الله لايوفقك ياخلف على اللي تسويه فيني .. دخل للغرفته الخاصـــه اللي يجلس فيها لحب يستفرد بنفســـــه ... فسخ ثوبه بعــد مارمــى جواله محفظته والبوك على الســرير ودخل يسبح .. وهوتحت الدش سمـــع صوت جواله .. وهو جاااي بيطلع بالسرعه من الحمــام بعــد مالف عليه منشفه زحلق وبالثانيه الأخيره حافظ على توازنه .. لحق الجوال ورفعه على الأخيـــــــر .. الطرف الثاني بنبره حزينـــه :عظيـــم لما أشقيت نفسك بالرد علــي ... خلف اللي للحيــن رعب الطيحــه ماطلــع منها شخط فيها :أنطممممممممممممممي ولاكلممممممه أسوي اللي ابـــــــــــي ...ماني بخدام عنـــدك عشان تأمرين علي واطير لك أول ماتدقين علــــــــــي ... خلف وهو يتكلم تحســـون بحراره تشــع من وجهـه من كثر عصبيته ... كان حامــــــي حاار تنرفزه اللهجـه الآمــره اللي تكلمـه فيهـــا .. مشــاعل ببرود :حسناً ..الوداع .... قفلت جــوالها ورمــته على الارض ..كتمــت أنفاسها بمخــدتها وأطلقت صــرخــة قهـــر ليييييييييييييييييه كل شــي طلع خطأ وهي اللي خططت صح ..ليييه مالك وسعــاد بايتين فبيوتهـــم وحجرهم يغطــون فنوم عميق .. وهي اللي خططت لهم يقضــون ليله طــويله فمكــان مافكروا بيوم يدخلـــونه والنوم ابعــد مايوصل للأجفانهـــم ..ليه فشلت وهي اللي كانت ضامنه النجاح وين الخطأ وهي اللي حبكت كل شــــي فكرت بكل شــي ماخلت أي ثغـــره .... ليش مالك طلــع من الشقه...؟!.. وكيف سعاد بالحضه الأخيــره أنسحبت ليه كان فيه ثغرات أقدروا يطلــعون منها مع أنه المفروض البنايه كلها تكــون مراقبه ومحد يطلع منها الا ويقبض عليـــه ... الخلل ماهــو منها لأنها خططت لكل شــــي هي مأذنبت هي سوت كل شــــــــي عشان توقع فيهم بس الحظ وقف معهــم هالمــره ولأخــر مررره تسمح للحظ نفسه يوقف معهم الخطـــه الجايه ماراح تترك أي شــــي فيها للحظ ..مو هي اللي تتعــب وتسهــر شهــور بالتخطيط والرسم عشــان ثنين أغبيــاء بتصــرفاتهــم الغبيه ينجـــون من انتقامها المـــــررره الجايه بتقضـــي على الكل وبالضــربه وحــده بتدمر البيت كلــــه بخطــه وحده ....وأبتسمت بحبـــور بعــد ماكانت الدنيا ضايقه فيها ... بعد ماقفلت الخط بوجهه قفل جــواله ورمــاه وهو حمقــان منهــا ومقــهور مليون مــرره حذرها ماتقفل بوجــهه لكــن حمــاره ماتفهــم ... أنبسط أنه قفل جــواله اللحيــن هي اللي بتـدق وتلقاه مقفل بتثــور تنقــهر تحترق ومابيدها شــي تسويه ... هذا اللي كان يفكــر فيه لكــن اللي مأنبته له واللي بيطــول على بال ماينتبه ويفهمـــه أنها ودعتــــه ومشـاعل لاقالت الوداع يعنــي الوداع اسألوني عنــــــها.. ((4)) بغرفتـــه يطــالع مع الشبــاك اللي يكشف دريشة مطبــخ جيــرانهــم اللي فالدور الأرضـــي ..كان قافل مكيف غرفته مع ان الحزه ظهر بس عشــان يقدر يسمــع أصواتهم اللي توصله مباشر على الهواء وكنه جالس بينهـــــــم .. كانت هي تغسل المــواعين بالمجلــى اللي تحت الدريشه على طول وأختها جالسه على طرف الدولاب وتطـــق بصحـن معــدن معها وتغني والخبــله الثانيـــه تغسل ساعــه وترقص ساعــــــــه وهن ولاداريات بالعيون اللي تراقبهــــــــن .. :لاماهي بذي غني أغنيـــة الفارس وش أسمها ياربي ... :عزاه .. وبدت تطق :عزاه ياقلبـــي من الهــــــم عزاه .. ومن يواســـــي دمعتي قاااااااااااااال خيــره وشلون خيــره خيبه كبيــــرررره .. :هبلا أقولك وش أسوي بالقــلاص ذا موراضي ينظف ... الخبله اللي تطق :وعززززززاه ... ذبيه محدن داري عنك ...ورجعت تغنـــي :وشلون خيــره خيبــه كبيــررره .. أنبسطــت بالفكره السهله اللي ماطرت عليها وسوت اللي قالت عليه أختها ترى هــــــم أبد ماهو بمحتاجيــن .. وشاركتها الغنـى وهي تتمــايل على الموسيقى الوهميـــه وصدى لحـــن الأغنيــه اللي فبالها .. تنهــد بتعب وصك الدريشه ومن وراها الستــاره .. شغل التكييـــــــف وأول ماحط راسه على المخــــده رااااح فــي نوم عميـــــــق مليء بالأحــلام الجميلـــــه .. والله حاله هويحلم أحلام جميلــه وغيــره ماله الا الكوابيــــس ...!!! ((5)) عالم جــــديد ضحــــــى الساعه ثلاث الصباح يوم السبت صحيت على صوت المنبـــه لاا الحمـدالله للحين فيه الخيـــر .. أخذت دش وتجهزت عشان الدوام وأنا جايه أنزل تذكــرت أني طلبت من مشـاعل ترجــع بدري عشــان بتكلم معها قبل مأطلــع .. مريت عليهابغرفتها صدق ان ماعنـدي سالفه يوم توقعت مشـاعل توفي بوعدها مــرره .. نزلت تحـت وانا شايله معي شنطـــه فيه ملابــسي تكفي للأسبوع اللي بقضيه فالقريه اللي نقلت لها .. سويت لي فطــور وقهــوه وطلعت بالحوش ومعي كل أغراضي وبقيت هناك أنتظر السياره اللي أتفقت مع سواقها سعــودي عشــان ينقلني مع المعلمات اللي ينقلهم من الرياض لذيك القــريه وقرى ثانيه على نفس طريقها يبيلنا ثلاث او اربع ساعات على بال مانوصل الله يعين ..هناك بسكـــن طــول الأسبوع لأني يوم رحت هناك يوم الأربعاء تعرفت على معلمــه فالمدرسه اللي انقلت لها مأجره بيت تسكن فيه هي وأمها وأخــو أصغر منها يدرس فالثانوي ,, طوال الأسبوع والخميس والجمعه يرجعون للرياض .. عرضت علي اسكــن معهــاوأنا رضيت بشرط ادفع جزء من الايجار .. ميشو :ضحـــى ياعزيزه كفاكي شرود ... على هالكلمـات صحيـت من غفلتي .. ضحــى :هلا ميشو أنتي جيتي .. ميشو :كلا ذهبت ... قبل مأرد عليها اوحتى أفتح فمي بأي توصيه من القائمــه الطــويله اللي مجهزتها لها سمـعت صوت بوري السـياره بــرى .. ومأمداني اقولها غير كلمـه وحــده .. ضحــى :لاتنسين جدتي وشدن .. وعساف لااااا يدري لاتنسين لايدري .. كنت اقولها أخر كلمـه وأنا اطلع وهي واقفه ورى الباب بتقفله وراي .. ميشــــو: اطمئني .. واستمتعي في بعـــــــدك .. ركبت السيــاره اللي كانوا شايلين منها المقاعــد ومسوينها قعــده كان فيها تسع غيري وأنا العاشـــره سلمت وردن ثنتين اللي صاحيـات منهـن والباقيات واضح عليهــن نايمـات .. فكرت اسوي مثلهــن بس شلت هالفكـره من راسـي يوم تذكــرت الكتاب اللي جايبته معي عشان اقراه أتسلى فيه بهالرحله الطويله .. قريت صفحه وماقدرت اتعداها الأفكــار أقوى منــي ... رجعتني غصب عنـــي وعن كل امتناع داخلي للكـــل شـي تركته وراي وهربت ايه هربت وش فيك ياضحــى ماهي عاجبتك الكلمـــه كبريائك مايسمح لك تعترفين أنك هربتي بس هذا اللي صــار .. ياربــي وش اللي سويتـــه كيف أنسحبت بهالطريقه أي غبــاء صابنـــي خلاني أترك خــواتي بوجــه المـدفع لحالهــم وانا اللي المفروض أكون بالمـقدمــه أختفـــي .. معقــوله ياضحــى خفتي جبنتــي وأنتي اللي تطلبين من خــواتك الشجاعه وياما رددتــي عليهــن خطب ومحاضرات بشأن التحلــي بالشجـاعه والصبــر بوقت الشدايد .. من أنسحابك بهالتوقيت وش بتثبتيــن لهن .. وين القوه اللي تكلميـــن عنها وين اللي بتوقف بوجــه أي شخص يتجــرأ ويتدخل فشئونك وشئون خــواتك كيف تخليتي عنــهن بهالوقت وين ووعــودك وعهــودك اللي قطعتيها كل شـــــــي نسيتــه تناسيتــه بالساعه اللي رجــع فيها لحيــاتك ..خلاص أنســــــــي ياضحــى أنســـــــي كل شــي صارقبل ست السنيــن مسحيــه من دفتر حياتك ... اللحيــن أنتي خلاص ضحـــى الصلبه معلمـــة الرياضيات اللي تشتغل عشــان تصــرف على نفسها وخــواتها ضحــى المرأه الحـديديه مثل مايسمــونك بعض العذال .. كل شــي قبل هذا أنتهـــــــى أنتهـــــــى .. هم كتبوا النهايه بيديهـــم بسفرهـــم بتخليهم عنــك .. لاتضعفين لاتستسلمين وتخلينهم يخـربون حيــاتك مره ثانيــه .. علميهــم أن الزمــن اللي كانت فيـــــه المــرأه ضعيفــه أنتهى وولــى .. واللحيــن زمــن غيــر زمــن فيه يتخلــى الأبو عن بنــاته زمــن يترك فيـــه الزوج زوجـته وحيــده ضعيفه عشان وظيفـــه زمــن يترك فيه الأب طفلــه بالمستشــفى بين الحيــاه والموت ولايرجــع يسأل عنــه زمــن فيه رجــــال بلامسئوليــه بلا أنســانيه بلاشهــامــه رجال بالأســـم فقط سمعنا برجـولتهم وماشفنــاها .. هذي حقيقتكــم عايلــة الـ ............ رجال كل همكــم تفرضون سيطرتكـــم قوتكــــم تظهـــرون تجبركم كبريائكـــــم على الولايا .. أنتبهـت على يد تهزنــي .. ضحــى :هاه .. :أنتي بتنزلين بالقريه هذي ... سألتها :أي قريه هذي ... :الفــلانيه وكانت قريتــي حملت شنطتـــي ونزلت وكان موقف سيارته قدام المـدرســه .. مشيت اجر رجــولي لداخل المــدرسه حسيت ان الشنطــه ثقيله والثقل هذا ماحسيت فيــه الفجــر .. أجل أنا اللي ضعفت وصــرت ماني محتملــه هالثقل كفايه علي ثقل تأنيب الضميــــــــر ..بتنهيــده دخللت للمـدرسه اللي كانت بيت قديم جـدرانــه متهالكــه بفعل الزمــن ..تركت شنطتي بغرفه المفروض تكـون حجره للمعلمـات ومريت على الأداره ووقعت على الحضـور وبعدها رحت للفصل اللي عنده حصتــي وكان فيه سبع بنات .. ومن اول ماوطــت رجلي ارض الفصل عرفت الأختــلاف الكبيــر بينهم وبين البنـات اللي كنت أدرسهم بالرياض .. ومعهم نسيت كل أفكــاري القديمـــه والطريقه اللي كنت أعمال فيها البنات هناك حرام أطبقها على بنات يحملون مثل هالوجيـــه البراءه والســـلام شعــارها ..صدق يوم شفت هالناس هنا حسيت الدنيا للحيــن بخيــر .. حسدتهم على عيشــتــهم هنا بعيــد عن كل التلوث الفكـــري والأنحـطاط الأخــلاقي اللي أخذناه حنا من المـدينه .. هنا بعيــد عن المــدينه وبلاويهــا عايشين حيــاتهم الطبيعيــه اللي أنفطــروا عليهـــا هنا الرجال رجــال والنســاء نســاء هنا ماتشوفون عيال هاليوميــن اللي بلبسه ومظهــر تحير بتصنيفـــه بنت او ولــد ..هنا ماتشوفـــون المعــاكسـات اللي صـارت جزء من حيــاة بعض الشباب والبنـــات .. هنا الناس للحيــن تؤمــن بعادتها وتقاليدها ناس حافظت على أصلها وشــرفها .. هنا النــاس ماتخلــى عن أهلــها عشــان الفــلوس والمــركز هنا النــــــاس للحــين ماغرتهــا الدنيـــا وماأنخدعت بلعبــة المظاهــــــر ... ((6)) (..المنصب الجــــديد ..) ميشو الآن فقط أصبــت بالراحــه انا في المقــدمــه وهذا هو المكــان المناسب لي بل أظنــه خلق خصيصاً لــي .. اعشق هذه اللعبـــه غرامــي أن أصبح القــائد المتحكــم الآمـر الناهــي .. بعــد رحيــل ضحـــى كان علــي أن اثبت وجــودي وهذا ماحصــل .. بعـــد 12 ساعـــه من رحيلهــا .. نزلت لنا شهــد بكامــل زينتهــا وهي ترتدي عبـائتهــا ومستعــده للخروج .. بادرتها بسؤال يحمــل الكثير من السخريه .. ميشو :الى اين ياعزيزتــي .. ؟!.. شهــد بتأفف :بدينا بليز حبيبتي مشاعل ريحــي عمرك ولاتسوين نفسك كبيــره علــي .. ولاتنســين نفسك كثيــر ومهمــا ارتفعتي تذكري أنك مشـاعل الهايتــه لارحتي ولاجيتــي .. يألهــي اسمعــوا ماتقوله هذه المتحــاذقه أتسخــر منــي .. اوافقها على قولها أنا مشــاعل حقاً أنا مشــاعل وستعرف جيداً من هــي مشــاعل لو أطلعــت على القليل من مشـاهدي في بلارقيب .. بكل برود اجبتهــا .. ميشو :لن أفرض نفســي كبيـره عليك ولكنــي كبيرة هذا المنـــزل شأتــي أم ابيتــي .. شهــد :عليك بالبركــه هالمنزل واللي فيــــــــــه .. >> قالتها ساخــره .. ميشو :بهــذه البساطــه تتنازليــن عن منزلك وأخــوتك ... أخذت تحدق في بالدهشــه .. شهــد :انتي تجننتي وش قاعــده تخرفين .. ميشو :خلاصة كلامـي أن خروجك من هذا المنزل يعنــي عدم الرجــوع اليـــــــه .. هل فهمتي مأقصده ياطفلتي البريئه .. ؟! شهــد :أنتي مجنــونه متخلفه حسبالك البيت لك لاعيــوني هذا بيتنا كلنا ومالك حكم عليـــه .. لاصار بيتك تعالي أمنعيني من دخــوله .. ميشــو :وهل ذكــرت غيــر ذالك المنزل للجميـــع لا أختــلاف في هذا .. وبمأنه للجميــع فحينمــاتتشوه سمعت شخص يقطـن هذا المنزل في هذا تشــويه لسمعة الجميــع ... شهــد :لاتقعــدين تهذرين على راســي أنا طالعه بااااااااااااااااي .. ميشــو : فـي أمان الله ولكــن لاتنســي أن تبحثي لك عن سقف يأويك هذه الليله ... انهيــت حديثي وصعــدت الى حجرتــي وتركتها خلفــي تقضم اظافرها من الغيض .. وبعــد مــرور يوم السابعـه صباحــاً بعد محــاولات عـديدها خضتها لأيقاض وعـد ونوف وجميعها باءت بالفشــل .. نزلت بالسرعه الى المطبـــخ وعدت وأن احمــل وعاء كبيــر ملــيء بالمــاء البارد سكبتــه على رؤسهــن .. وكانت أول الردود من وعــد حيث قفزت من فراشها وهي تصيح .. وعــد :ياحيــوووووانه يامتخللللللللللللفــه وش سويتــي يامجننننننننننننننننننننن ننننننننننونه ..هبـــلا حمـــاره يعلك للمرض اللي يريحنا منك .. لم أعرها أي انتبـــه .. وركزت انتباهي على نوف حيت قمـت بركلها بخفــه .. ميشو :انهظــي الا اذ كنتي ترغبين بالدش أخــر ... نهضت من فراشها بالتثاقل الى الحمــام وهي تهذي بعبارات مختلفه بصوتها الخشن .. نوف :ياهي حاااله .. بيت هذا ولاسجــن ..حتى المريض مايقدرونــه .. كنت اهم بالخروج حينما استوقفتني وعــد بقولها .. وعــد :لاحبيبتي أحلفي أنتي بس كذا بكل سهــوله ناويه تطلعيــن يالله أدفعي لي بالدال الطريقه الغبيه اللي صحيتيني فيها .. ميشو :اشفق عليك أن أعتقـدتي انك ستنالـــي درهم واحــد مني وانتي جالسه في المنزل .. وعــد بتأفف :اوووووووف أنا قلت ضح ضح بعـد قلبي بعيـده أقدر أكبـر الوساده وأنام أثري وراي علـــه .. طيب بداوم بس أبــي مصروف عشرة الريل وابــي العشره الجديده ولاماني برايح لو تمــوتين ... ميشو :عشــرة ريالات للأسبوع كامـــــل .. وخرجت من الحجره ومازالت هي تصرخ بي تريد مني العــوده للمفاوضــه .. وبعـــد مرور 48 ساعـــه كانت الكارثه .. الساعــه الخامســه مسـاءً .. كنت أجلس بالطابق السفـلي أشاهــد التلفاز وأداعب هرتــي .. ولجت الى الصاله التـي أجلس بها وعــد وهي تلهث وخلفها نوف ومنيـــر .. وعــد :الحقــي مشاععععللللوه عســاففففوه جاااي ومعه واحــد شكلــه بررررررررروك .. نوف :لاااااامو شكلـه الا هــو وش أنسوي ميشو .. وحانت ساعة الصفــر ..كم أشتقت لهذه اللحضـــــه وأخيـراً تحقق حلمــي وعاد الينا والدي حتــى وان كانت عودته ليست من أجلنا ... ميشو :أغلقوا جميـــــع أبواب ونوافــذ الطابق السفلـــــي .. أغلقوا الأبواب كم امرتهــم... وعــد :امشوا بنطــل مع الشباك غرفة ملاك وســارا يطل على الشــارع .. صعدوا هم الى الطابق العلوي وبدأ رنيـــــــن جرس الباب .. . نهاية الحلقه التاسع عشــر | ||||
|
| |
|
08-03-13, 09:19 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقـــــه العشــرون واقف علـــى باب البيت يدق جــرسه بيد واليد الثانيــه خاشها فمخبــاته وراص عليها بقوه عشان يوقف أرتجــافها اللي بدا من دخل الحاره ... خمس دقايق مرت قبل مايلف على اللي معه يسألهم .. مبارك :انتوا متأكدين أن البيت للحين مسكــون .. عساف :افا عليك أبو خلف أكيــد متأكــدين لي شهــور وأنا ساكن بهالبيت ... رجـعت يده تلقائي للجرس الباب وهو يقول :بس اللي يشوفه مايصدق أن أحد عايش داخلـــه .. خلف :طالع للدريشه اللي فوق وبتصدق ان فيه أحد عايش هنا ... رجع على ورى وطالع فـــوق وشافهـــم متكيــن على حافة الدريشــه ويطــالعــون فيه بانسجــام ..بنتيـــن وولــد .. عساف ينااادي :وووووووعــد افتحــي الباب .. بكــل هدوء وهي للحين على نفس حركتهــا متكيه على حافة الدريشه ويديها على خدودها هزت راسه بـ لاااااااااااا .. وهــو أخيراً لقى صوته عشان يسأل :الولد ميــن .. سأل خلف عساف :هذا أخو قيس ماهــو ...؟! عساف :الاهــو منير .. وكمل يشرح لمبــارك :ولد جيرانهـــم بيت مجــاهد ابوكايد تعرفــه .. مبارك بتصريفه لأنه مايبي يذكــر أحد :ايه كني ذكرتــه .. بعدين انت كيف عايش معهم بنفس البيت ومامعك مفتاح للبيت ... عساف وهو يقلب بمفاتيحــه وعيونــه بالأرض :كان معـــي بس غيروا القفـــل ... بانت الضحــكه على ملامح خلف اللي يطــالع عساف بتسليــه .. مــــــلاك للمــره الثانيــه نطلــع أنا وتوامـي الغالي سارونا للبيت خالتــي وللمره الثانيـه مانقدر ندخلــه رغم كل أفكــارنا العبقــريه (ايه عبقريه مره اسألونــي أنا ولامــلاك وسـارا من وين لهــم افكار عبقــريه ) وانا اللحيــن في طــور التفكيــر بخطــه جديده والبحث عن أسباب فشل الخطــه السابقه واين يكمــن الخلل .. هزتني سارا بالدفاشــه لأني كنت ساهيه اسولف معكم .. سارا :ااااااايه وين رحتـــي ..ياصاحبة الأفكــار الفاشله طالعـــي شوفي أنظري بحلقـي بعيـــونك فيذا اللي توه طالع جديد بقراطيسه من الوكالـــه .. بديت اتلفت أدور اللي أتكلم عنـــه ... مــلاك :وينــه وينـــه ... سارا :بلاهبــاال هيييي أركــدي فضحتينا ... وشفتــها تطلــع لسانها من ورى لثمتها الخفيفــه .. مـلاك :تكذبين علي يالحيــوانه ... سارا :لاوالله مأكذب بس أنتي أركدي فضحتينا شوفيــه اللحيــن بيطـلع بسيارتــه .... جلست اترقب طــلوعه وأنا جالسه على أعصابي واخيــراً أنفتحـت البوابــه وطلع بسيارتـــــــه بس لااااااااااااا ايش هذا موقادره أشوفـه ياربي درايش سيارته مخفـــي ...حقــدت على سارووووووو الغبيـــه تلعب علــي كيف شافتــه... ملاك :تلعبين علي انتي كيف شفتيــه .. ردت علــي وهي ترفع أصبعها فوجـــهي .. سارا :والله العظيم اني شايفتـــه قبل مايركب سيــارته بس ماشفته عــدل ... هذي بتخبل فيني وش شافته وماشافتــه زيـــن .. كنت توني بغسل شراعها بمقــوله طـويله وعريضــه يوم حسيت بالسياره اللي جت تصفط جنبنــا . وسمعت سارا تصرخ على سايق التاكسي تقول حرك ... سارا :تحرك يالأهبل تحــرك لاااااااااااااا تفتح له لااااا ... ياويلــي هذا وش يبي فينـــــــي ... ملاك :هههااااي انت يالأثول لاتعطيــه وجـه حرك ... السواق :انا مافيه مئلوم انت كلم نفر هزا.. ... ياويلي هذا فضحنا فتح له الدريشــــه اللي عنــدي .. سويت نسي ماني بداريه عنــــه وكنت منزله راســي اطقطق فالموبايل ورفعتــه كني أكلم أحـــــد وكنت ماسكتــه بيميني والدريشه على يساري ... ملاك :هلا منــو وينك ايه حنا اللحيــن جايينك ... ايه حبيبتي حنا بالطريق بس السواق الأثول ضيع العنــوان ..أقول علي صوتك مو سامعتك ... كنت أتكلم وبنفــس الوقت أقاوم نفسي لأضحك على شكل ســارا المتوهق واللي بنفس الوقت مندهش .. سألتهـــا بدلع .. ملاك :سارونا حبيبتي تعــرفين الـ ........... .. سارا :هاه لاويــنن به ذا ماعــرفته .. وجلسنــا نتناقش فالعنــوان لين حرك سيــارته .... وأنا على طول قفلت الدريشــــــه .. ملاك :خيبه كيف عينه قــويه جاااي لمنا ... سارا :ياويلي شكلــه عارف أنا نأقف هنا كثيررر .. وأخذت نفس عميق عرفت وش بعــده قبل ماتنفجر بضحكتها ... سارا :هههههههههههههههههههههههه� �ههههههههههههههههه ههههههههههههههههههههههههه ههههههههههههههه ههههههههههههههههههههههههه ههههههههههههههههههههههههه ههههههههههههههه هههههه هى هى ... صدق أنك منتهيــه ولا قوطــي ربيع صـار موبايل .. أعجبكم أنا صــح شفتوا شــلون خليت من القوطــي موبايل خطيــررره مــووو .. ملاك :أكيــد اعجبك حبيبتي أنا ملاك ولأجر على الله .. ردت علي سـارا وهي تلحــن .. سارا :ملاااك يامــلاااك ياقميلــه يامــلاك .. وفجأه قلب المود عندها وصرخت على السايق .. سارا :هييي أنت يالحيــوان رجعنا للبيتنا صدق انكم يالرجال مامنكم فايده حتى لو سواقين .. قلت أهديها .. ملاك :اوب اوب اوب سـارونتي اشفيك قلبتي كذا فجأه .. سارا :مأدري كذا فجأه تصورت لو أن اللي وقف عندنا الوحش وش كان بيصير .. ؟! ياعمري ياســارا أربع وعشرين ساعه وهي تفكر بهالوحش الله يأخذه ويريحنا منــه .. ملاك :وش بيصير يعني كان بياخذله علقه من اللي يحبها قلبك .. وبنفس الســرعه اللي تعكر فيها مزاجها رجــع صفــى .. سارا :ياعيني على القويــــين تخــوفون ياهـــوووووووه ... وطالعتني بمكــر عرفت أن وراه سالفه ومو أي سالفه .. سارا :ملااااااااك وش رايك أنمــر على .......... اشتقت له كثير .. ضحكـت على هبــالهاحتى الشوارع صارت تشتاق لها ... ملاك :ياشينك أذا شغلتي العواطف بتاعتك تصيـرين مليقه كنك أبلتنا المصريه اللي درستنا بثالث متوسط ... سارا : أي ثالث متوسط الله يجزاس خير حنا حدنا ثاني وطفشنا من المدرسه واللي جاب المدرسه .. هى هى والله نسيت كيف يعني حنا مامعنا حتى شهادة متوسطه لاكذا مايصير ..عرضت عليها الفكره بحماس .. ملاك :طيب وش رايك نكمل ثالث السنه الجايه على الأقل يكون عندنا شهادة متوسطــه نغيض فيها وعــوووود .. بكل برود ردت علــي .. سارا :خبلــه أنتي تبغيــن ارجع للمدرسه وان اللي ماصدقت افتك منهــا بس عشان اغيض وعـدوه ..بعدين ليش اتعب نفسي وادور شــي أغيض فيه وعـدوه وهي من الأساس مغتاضه من جلستنا فالبيت .. وجلسنا على هالحال نتناقش لين وصلنا للبيت وتونا بننزل من السـياره .. سارا :تشوفين اللي أشوفه .. ملاك :الا اشـــــوفه .. مو هذا عسافوه وخلفوووه مين هذا الثالث اللي معهم ... سارا وهي تهزني وتأشر لفوق .. سارا :شوفي طالعي فوق الثلاثي النااااااري .. يأشرون لنا .. طالعت فوق وشفت وعد ونوف ومنير يأشرون لنا بيديهم يعني روحــوا .. ملاك :غريبه وش سالفتهم ليش يبونا نروح .. وبنفس اللحضـــــــه ..طرت علينا نفس الفكــره .. ملاك وسارا :لااااااااااايكون .. ملاك :مبارررك ..؟؟ ســارا :بروووك ..؟؟ ياذا البلشــه وش جمعهم ذولا .. ملاك :كيف ندخل .. سارا :مثل ماخلق الله تدخــل .. ملاك :كيييف .؟! سارا :تعالي اوريك .. ونزلت وجرتني معهــا .. سارا :عاد شوفــي يقولون لك ان ماهو بس أسعـار المواد الغذائيه المرتفــعه حتى أسعــار السيارات والعقــارات و مثل مأنتي عارفه الأسهــم بهبوط مستمـر .. لوسمحــت شوي .. ودزتــه عن طريقهاهذا كان خلف .. كل هذا ويقــولون أن النفط هو السبب شفتي شلون .. عاد بما ان السالفه فيها نفط أجل القضيــه أنحلت يقولون أن آبار النفط عنــدنا أكثر من آبــار المويــا .. كانت تقول هالحكــي وهي تفتح البـــاب .. وأنا أقول مايجلس على الأبواب الا القطــاوه .. قالت أخــر كلمـه وهي تصك الباب ورانا ....... مــلاك :وش سويتي يالخلبــله ... سارا :وش سويت بعد دخلتك البيت بأقل الخســائر .. ملااااك :صدق أنك خبلـــــه .. وسكتني الطق القــووي على البـاب ..وصوت عســاف المليق .. سارا :امشــي بس لايطبــون علينا .. وجرتني بتدخلني بس أنا وقفت كنت مقهوره من عســافوه ابو وجه قوي جالس يهددنا .. ملاك :شوفي الخايس يهــددنا ..برجــع أدوس بطنــه وأجي ... ولفيت بطلـع بس سارا مسكتني .. سارا :عن الخبال نسيتي أن هذا اللي يسمـى أبونا معــه لاتخلين له مدخل علينــا بنســوي أنفسنا كلش محترميــن ... معها حق المفــروض مانعطي له فرصه يمسك علينا شـي .. سمعت كلامـها دخلنا البيت بعد مافتحت لنا مشاعلوه الباب الداخلي .. ميشو :مجنونتان كيف فعلتما ذالك .. قلت بغرور .. ملاك :هي يهي يي ســـــــر المهنــتي .. طالعتنا بنظره غريبه.. ميشو :حسناً فعلتمــا .. ردت عليها سـارا بخبــال يذبحني من حلاته .. سارا :ندري أصلاً حنا مايطلع منا الى الحسن ... وحتى الأبله كانت تقول لنا أحسنتمــا .. وحنا نرد ونقــولها ماعليكــي زوديا .. ضحكت ميشو ضحكتها الغريبه .. ميشو :انتي رائعـــه .. قاطعتهــا .. ملاك :لاهي سارا ..يالله عاد تلوعين الكبد وانتي راضيه علينا .. قولي وش بتســوين باالبهوات اللي برى .. طنشتنــي وراح تلاعب روبي ..وبعد مده خلتها دهراًياعيني على الفصحـــى اصير معلمة نحو .. ميشو :لاشــــــيء .. سارا :تراها أفتت اللحيـــــــن .. ملاك :لاتوها بعد شــوي بتبدأ الفتــوه تونا نفتتح الجلســه .. أم ,,أبو الشباب ,,ميشو خيتووووووو ,, حاكينا عدل .. ميشو :وهل احدثكــي بأعوجاج ... سارا :اهي اهي اهي ياثقالة الدم تكفــين روحي للمستشــفى يسحبونه منك بيستفيد منه عالم .. ملاك :مره ترى الجــو يساعد على التنكيت انتي وياها أقول أخلصي علينا وش بنســوي ... رجــعت للبرودها .. ميشو :لاشــيء فقط الأنتظــار وسنرى على ماذا سيقدم هو .. ياشينها هي ومبادئها وافكــارها الخايسه كل شــي تعامل معــه فبــرود والشي هذا بيذبحني بيجيبلن جلطـــــه .. أحب الشغــل الحامــي وخيــر وسيله للدافــع الهجـــوم ماكذبوا الأمريكان يوم قالوها .. رجعت للأرض المعركــه على صــوت وعــد .. وعـــد :الحقــوا طبوا علينا نطو الســــــــــور .. سارا :شنو شنو شنو نطـــــو السور ليه هي وكاله من غيــر بواب .. اتصـــــــلوا على الشرطــــــه ... ميشو :بالتأكيد هذا ماسيحــدث .. وطبعاً مشـاعل مثل ماتعرفون قــول وفعــــــــل أتصــلت فيهم وتركـت سارا تكلمــهم وطبعاً الشيخـــه سارا ماقصــرت هولت الأمــر وضخمتـــه لدرجة الترويـــــــــع .. ميشو رنيـــــــــــن متواصــل على جرس البيت الداخلــي وصمــت عميق يلف داخل المنزل الجميــع في حالة ترقب ..وشقيقاتي علـى غيــر العــاده يبدو عليهن التوتر .. حدثتني سارا .. سارا :خـايفه ياليت مأتصلنا على الشرطــه .. صمت لم أرد عليها لن تفهم ابداً غايتي .. وعـــد :ماراح يصير شــي .. شهد :والله لو كنت موجــوده لحضتها ماسمحت لكم تتصــلون بتوهقـونا .. ملاك :اجل الحمدالله أنك كنتي نايمــه .. شهــــد :اوووووووووف سخيفه يارب الشرطه تقبض عليك .. سارا:ليه وش مسويه عشان تقبض عليها الشرطـه الحمدالله أختــي رايتها بيضــا ماينخاف عليها الباقي على المنحرفين ... ميشو :ساااارا ماهذا اللفظ حاذري ان تنعتي شقيقتك به مره أخرى .. وعـــد :ياليت ضحـــــــى معنا ... ياللغبــاء هذه الفتــاة أليس كل مانفعــله من أجل أن نبعــد ضحــى عن هذا الأخــرق عســاف ... عســاف وووش فيهم ذولا مايفتحــون والله لواني ماني بشايف المقــاريد يوم يطــلون مع الدرايش كان قلت ان البيت مابه أحــــــد ..رجعــت ادق على الجــرس الداخــلي والباب بنفس الوقــــــــت متحممممممممس حيــل للهالحضه اللي أنتظرتها من اسابيع بس لو هالبـاب ينفتح ويكشف اللـــــــــــي وراه ويتفح لي أبعــــــاد جديده بحيــاتي .. خلف اللي واقف وراي على طــول :هونك علــى البــاب ..ياخوفي لايكون هو الضحيه بالأخيـــر .. صديت اشوف اذا مبــارك سمــع كلامــه بس شكلها ماهو معنى كاني يعــدل غترته ويطالع بســاعته .. يابروده هالأنســـــــــــان ماخذ الموضوع بكــل بساطـــه بس أعذره بلاااه (لأنه )مايدري عن بناته بعد ماكبـــرن كيف صايرات .... مبــارك :عساف خلصنا شلون يعنــي بنطــول واقفين قدام البــاب شفلك تصــريفه أكــسر البــاب سوى أي شــــــي وراي أرتباطات كثيــره .. اووووووف يعني شلون هالأرتباطات اهم من موضوعــي مايكفي ناط الســـور ومتجرحه يدي يبني أكســر له البــاب هذا شلون أكســـــــره والله حاله .. نــــواف ماني بقادر اقعــد هادي ولا كأن المــوضوع يعنــي ماني من أصحــاب الدم البــارد .. المفــروض اني رجال البيت كيف انخش عنــد الحريم لاااا هذي كبيـره بحقـــــــي .. وعلى غفله من خــواتي قمــت وفتحـــــــــــت البـــــااااااااااابببببب بببببببب اخــر شــي سمعتــه ورااااي صراخ خــواتي بأعتــــــــرااض على اللي سويتـــه .. قلبت نظـــــــــري بالخمــــام اللي واقفيــــــن ورى الباااب ومن بينهم اللي ينقالــه أبونــا ... تكتفت لهـــــــــــم .. نواف :خيــــررررررررر وش هالأزعــاج هـــــــو الواحــد مايقدر يرتاااح وهو جالس فبيتـــــــه ... عساف :أنطمــي بــس وينها أختك أبوك يبى يتكلم معها .. قلت وأنا أتمقــــــل بأبونــــــا مبارك وأقيمـــه من غترته لين حذاءه .. نواف :اختي مشــاعل والله مشغــوله تقــرأ له كتـــــاب .. وخواتي سارا ومــلاك يلعبن كـوره فالسطــح .. وأختــي وعــد تلعب مع منيــر مصــارعه .. وأختي شهــد تكلم بالتلفون .. واختي شــوق تطبخ كبسه فالمطبخ ... وأختــي هنـــــد تتابع الدعايات على التلفزن ...شفت كل خـواتي مشغولااات .. فاذا عندك حكــــــي وجـهه لــي .. عساف :بلاااااخفــة دم ونادي لنــاأختك ضحـــــــى ... وجاااااااات اللحضــه الحاسمــــــــه اللي تمنيناهااااااااا من أيااااااااام ... وجاء صـــــــــوت بارد جليـــد من ورااااي ... ميشو :ياللأسف لقــــــــــــــــد جاء حضــورك متأخراً كثيــراً .. ضحــــى منذ أيام غادرتنا الى الشمــــــال .. عســـــــاف وش قاعــده تخرف هـــــــــذي وش راحـت للشمـال وش قلعهــا هناك على كيفها هــــــــووو أن اللحيــن مسوي كل هــذا عشــان ألقــى هالصدمــه لااااااااا مستحيل مايصيــر كذا ..انااا مارااح أسكـت لهم يلعبـون فينــــــــي كذا ماهــو بنا اللي بتلعب فينـــــــي مرررره ... ولاوش يوديها للشمال لحالها هذي ماهي بصــاحيـــه .. هالشوارب ماهي على رجااااال لوخليتها تمــر حركتها هذي على خيــــــــــر ... صرخت بغلظــه .. عساف :ويــــــــــن شدن .. شدددددددددن ياشدددددن .. سمعت مبـارك يقـــول فبرود ... مبــارك :أجل هذا اللي مقــويه خديجــووه ولا وش بتروح له للشمــال خذ بنتك ومشينــا .. مشــــــاعل :لايوجـــــــد لدينا بنات لك ياعزيــــــــزي .. قهــرتني بفلسفتها وأنا مفور خلقــــــــه مايكفــي اختها اللي رفعتلي ضغطــي .. عساف :ماشـاورتك واظن عندك خبــر ان شـــــــدن بنتـــــــي ... ميشو :ابنتك ماهذا الهــــــراء ... شدن أبنت شقيقتي ضحـــــــــــى والجميـــع يعرف ذالك .. أليس كذالك نــــــوف ... نـــواف :اجل كيف معك الحق كل الحق مشــــــــاعل .. حتـــــــــى رح أسأل أي واحد بالحــاره وشوف وش يقــولك شدن بنت ضحــــــــى وأبوها الله يرحمــــــه ويغفرله مات شهيد بأغفانستان .. ذولي والله اللي بيخبلون بـــــي .. فااااااار دمـــي من كـــــــلامهـــم دزيتـــــــهم من طــريقــي بدخل اللبيــــــت ..... ميشـــو :ابتــــــعد ايها السافـــــــــل ... نواف :ياحقيـــــــــرررر ابعــــد خواتي داخل ..ماقدامك رياجيــــــــل يعنــي .. اذلف وخــــــــــــــر .. رميتــــــه بكل قوتي على الأرض ... ومديــت يدي بوخــر الثانيـــــه بس .. خلــــف طالع بلي حوله وماهــو مصدق اللي قاعــد يصيــر معـــه وش يسمـــع هذا صوتها ايه صوتها صوت روبــــي ...روبـــــي ... هذي روبـــي هذا صوتهـــا هي كذا تتكلــــــــم .. بس شــــــــــلون كيف روبـــي اللي تكلمـــه روبي اللي جننتـــــــــه وكان بينهبل بعـد ماقطعته هنـــــــا هنــــــا واقف قدامــه وكنهــا تذكــر شــــــي رفع عيــونه بسرعــه عليها بعــد ماكان منزل عيــونه كنوع من الأحترام ... كانت حاطــه يدها على وسطـها وتقـــــول : ابنتك ماهذا الهــــــراء ... شدن أبن شقيقتي ضحـــــــــــى والجميـــع يعرف ذالك .. أليس كذالك نــــــوف .. الاااااااهيييي هـــــي كيف يشـــــك بهالشـي مستحيـــــل يضيع عــــــن صوتها أصلاً محد يتكلم مثـــــــلها محـــــد.. نواف : اجل كيف معك الحق كل الحق مشــــــــاعل .. مشــــــــاااعل لااا كيف مشاعل هذي روبـــــــي روبـــــــي .. ضغط على الجــــــوال بقــــوه حتـــى حس أنه بينكســـــــــر بيده .. صرخ بــــــلاشعـــــــور على عمــــــه يوم شافــه يحط يده على كتفهــــا بقسوه بيزيحـها من طريقــــــه .. وهي ساده الباب ومتشبثه فيه بالمدخل من الجهتيــــــــــن :عساااااااااااااااااااااا� �ااف ... ولحضــات وكان واقف بينه وبينهــــــــا .. خلف ويديه على كتف عســـاف :عمــي أهدأ وش فيك بتدخــــــل على حريم كذا .. خلاص روق ... ورفع طرف شمـاغه اللي طاحت على وجــهه بيد مرتجفـــــه .. كل شــــي بتفاهم يصيـــــــر .. سمع صوتها من وراه يهمـــــــــس :رائـــــع يافهــــــدي .. الصدمــه اللي ظهــرت على وجـهه فاقــت الدهشـــــــه على وجــه عساف اللي وصله همســـــها ..صوتها بارد ساخــــــر والأكثر أنه أكـــــد له حقيقــة شكــــــــه روبـــــــي هي فعــلاً روبـــي .. رفـــــــــع عيونه لعمــه مبـارك وينه من كـــــــــل هذا ... كانت عينـه على ساعته وبيده الثانيــه سبحتـه يقلبها بملل .. عساف :خلف وخر عن طريقـــــــي ذولا محـــــــد عارفهم كثري حيــوانات ماينفع معهــــــــــم الطيــــــــب .. نـــوف :والله مافيه حيــوان فهالمكان غيـــــــرك .. وبتشــوف يالحيــوان وش بســـــــوي لجت الشرطــه اللحيــــــن قسم بالله ماتطلــع منهـا .. ميشـــــو :نوف ياعزيزتي اهــــــدأي هو يعلــم ماسيحدث حينما نتهمه بالأعتـــــداء بالضرب على فتاة .. للمـــــره الثانيــه يحميها ويوقف بوجـــــه عسـاف اللي رمـــى بكل ثقله علــيه وهو يحاول يتجاوزه ويوصل لها.. خلف اللي كان واثق من نفســـــه وأنه أقوى من عساف بألف مــــره حس ان عســاف على وشك يتفــوق عليـــــــه وهو مايدري أذا كان السبب غضب عسـاف عطاه قوه اكبـــر او هـــــو اللي ضعف من وقفتها ورااااااه ..كل اللي صيـــــرمعه ماهو مصدقه ولامن يصدق أن روبــي اللي يأس انه يوصل لها واقف وراه ومايفصل بينه وبينها غيــــــر سنتيمترات قليله .. وعند هالفكـــــره حس بقوه كبيره تجتاحــــه خلتــه يزف عســــــاف على ورى لدرجــة أنه فقد توازنه وكان بيطيـــــح على الأرض ..عساف مادري وش صــابه هالمجنون خلف زفني على الأرض وكان بطيح وتكســـــر لوماحافظت على توازني بلحضه الأخيـــــره ... بقهر بديت أنادي .. عساف :شدددددددددددددن يازفت يااشدددددن .. كنت انادي بس كذا من قهــري من تصرفات خلف اللي زادت الطين بله ولا من متـــــى خلف يمنعني عن الهــوشات العاده أنا اللي امنـــــعه .. ماتوقعت أنها صدق تطلـــــع .. شدن :شدن شدن ترى لوعت كبـــــــدي وش تبــــــي خيررر .... نوف بقهر:شدن ووجـــــع وش طلعك أرجعي داخل .. شدن :وش فيك أنت ماتشوف هذا بس يناديني ... جريتها مع يدها بغفله منهم .. شدن :هههههههيي فكني أترك يدي مااااااامااااااا ... شلتها وهي تلوى بين يدي تبغاني أفكها وترافس برجليها .. عساف :يله مشينــــا ... كان أول من تحرك مبـارك وكنــه ماصدق يبـي الفكـه من هالمكان .. فتح الباب بيطــلع بس فجأه وقف وتراجــع على ورى ... شدن :مااااااما ماااااااما ضحــــــــى .. تخدرت تيبســـــــت بمكــاني وتركتها تنســاب من بين يدي وتنزل على الأرض وتحتمـــــي ............... بأمهــا .. دخلــــت وصكت البـاب وراها وهي ماسكـه بيدها شنطتها ... ضحـــــى :عفيـــــــه عليهم الرجال العايله وش عنـــــدهم متجمعيــن .. بلعت ريقـــــي وجاهدت حتى لقيت صوتي .. عساف :وين كنتـــــــي ..؟! ضحــى ببرود :فالشغـــــــل .. ضحـــــــى يوميــن مروا علي طـــوال تفكيــري بـ عساف وخــواتي واللي ممكــن يصيــر فغيابي نكد علي عيشتــي .. كل لحضه ثانيه أفكر فيها وش ممكــن يصير لهم وانا بعيــده عنهم .. والأخطار اللي ممكــن يواجهــونها وبكل ساعـه تمضـي علي أحس بحقارة اللي سويته .. تخلي عن خواتي قمــة الدناءه وبكل دقيقه أتحسف عليــه وأتمنى اني ماسويت اللي سويتهم فيهم هم يمكــن مرتاحين فبعــدي عنهــم وأخذين أجازه من الحكــره اللي معيشتهم فيهــا .. بس بصدق مايدروون وش ممكــن يواجهــون خواتي لساتهم صغــار مافهمــوا الدنيــا صح والأنحراف فاتح يدينه لهــــــــم .. ماقدرت أتحمــل حالتي النفسيه ساءت لاقدرت ارتاح من التفكيــر فيهم ولاااني داريه بأخبــارهم كنت بنفجــر أعصــابي انهارت .. وبعــد ليله طويله مليئه بالأرق أخذت قــــراري برجــع وبواجــه عســاف وأبوي لوكان بيجــي صدق مثل ماقــال عسـاف .. وأخذت قراري بعد بالنسبه لعـلاقتي مع عسـاف ..عرضت ظروفي على المديــره وطلبت أجازه وافقت لي عليها واتصــلت على راعي النقل اللي وصلنـي لهنا وجاء وأخذنــي هو والمحــرم اللي معــــــه .. وكنــــــــي كنت حاسه رجعــت عشان ألقى نفســــــي بوسط المعركـــــه .. كنت ناويه أفتح الباب يوم أنفتح من داخــــــــل وقفت بمكـاني مستغربه يوم شفت الثوب الأبيض والشمــــاغ رجال وش مطلعــه من بيتنــــا وأنواع الأفكــار مرت فبالـــــــــي .. طالعت بوجــهه وعرفته من اول نظــــــــــره ... من غيــره شايب ومملــــوح .. كان بأمكــاني اوخر عن طريقه وأترك له المجال يطلــــــع بس هاتف داخــــــلي خلاني أدخــل أنا واقفل البــاب وراي .. شعوري ان كل الأنظـار علـي خلاني أحس بنوع من الضعف لدرجــة اني تسندت على الباب وراييييييي .. احس بعواصف تشتغـل داخلــي ووسط هالفــــــــوضى من الأفكــــــار سمــــعت صوت أشتقت له كثيـــــــر .. شدن :ماااااااماااا ضحــى .. وجـت تركــض لــــــــي بعــد ماكان عسـاف حاملها ومن الدمــوع اللي بعيـونها عرفت أنه كان بيأخذها بالغصــب ... أنقهــــــرت منه طــول عمــره نذل حقيـــر بس وش كنت متوقعه منــه غير مثل هالتصــرفات من عرفته وهذي حالته يتصرف ثمن يفكـــر وأتحداه لو كان عارف وش بيسوي بالشــدن يوم أخذها معه كل قراراته ارتجاليه ... بسخــريه قلت وأنا امسح على راس شدن اللي متخبيــه وراي وماسكــه طرف عباتـــــــي ... ضحــــــى : عفيـــــــه عليهم الرجال العايله وش عنـــــدهم متجمعيــن .. وكنت اطــالع بعســاف بقهـــــــــــر .. عساف :وين كنتـــــــي ..؟! ضحــى ببرود :فالشغـــــــل ... وقررت اتجاهلـــــــه علشان أظــمن أنه وصـــــــل لأقصى درجات الأنفعــال لجيت بتفاهم معــــــه ... ضحــــــى :وش أخبـارك يبه عاش من شافك ... شفته أرتبك يااااااااه زمــااان عنــه من أكثر من عشــرسنوات ماشفته وثلاث سنوات قبلها عدد شوفاتي له تنعد على أصابع اليد .. مبــارك :هااه ياهــلا بضحــى تعالي بكلمــس بالمجلس .. لحقتــه وأنا ماسكــه شدن بيدي .. وعساف بان عليه القهــر غريبه وش فيه موهذا اللي جايب أبوي عشــانه أنه يكلمنــي يعقلني أو يجبــرني أو أي شــي ثاني المهـم يتوصلل للي يبغـاه .. دخلنا المجلس وأنا فتحت غطوتي وظل أبوي ساكـت مده حسيتها طويله .. مبـارك :اسمعي يُبه ضحــى أنا لأبى أعاتبس لأنه يمكــن تحسين مالي حق بها شــي لأني كنت بعيـد عنكم بالفتره الأخيــره .. ابتسمت بسخـريه وشكلـه لاحظ أبتســامتي .. مبارك :مثل ماقلت لس هذا ماهو وقت العتب.. أنا وصلني كلام من عساف مأعجبني .. أنا مايهمني وش اللي صاير بينكم .. ولاني جاي بتدخل بخصــوصياتكم لو ماطلب مني عساف أني أتدخــل .. سمعتيني زين أنا مأبي رجلك يجي يشتكي لي منك مره ثانيــه .. بعدين وش اللي سمعته أنك تبينه يطلقك أنتي تحمــدين ربك أنك متزوجــه رجال مثل عساف ..وش تبين الناس تقــول عنك اذا تطلقتي ولاخواتك من بيتقدم لهن بكره وأختهن الكبيره مطلــقه ..أعقــلي وخلي عنك هالسوالف اللي ماهي عــدله .. ومأوصيك على جدتك وخــــــواتك ... وطلــــــــــع .... سألتوا كثيــــر عن مبــارك ومن هو الرجال اللي رامــــي أمه وبناته وش ممكــن يطلــــع منــه .. عرفتوا اللحين من هومبـارك .. عســاف الاحداث اللي صارت لــي وجت ورى بعــض خلتنـــي مثل التايه .. بعـــد مادخلت ضحــى مع أبوها للمجلس وبقيت أنا وخلف بـــرى حسيت بنوع من النــــدم لأني دخلت مبـارك بينـا أحسه بيبعـدنا عن بعض أكثر من هالبعـد اللي عايشينـــــه ... اخ ياليتني ماسويت اللي سويته وش بتكـون ردة فعل ضحــى بعـد ماشافتني وانا شايل شدن وبطلــع فيها أكيد بتحقــد علي أكثـــــر .. وتحت هالتوتر كنت ادور بعيــوني وطالع بكل شـــي .. لين شفت شــي ادهشنـــــي على خلف .. عساف :خلف وش فيها يدك ترتجف أنت مريض .. رفع يده وطالع فيها ثمـن دخلها بمخباته .. خلف :يمكـــــن .. بس خلف ماكان مريض أنت متأكــد أنه مو مريض وحالته هذي لها علاقه باللي أسمها مشـــــاعل .. كنا جالسين على درج المدخــل فزيت واقف يوم شفت مبـارك طالـع من المجلــس ... مبـارك :يالله رح تفـاهم مع مـــرتك .. وهذي أخر مره تدخلوني فيها بمشاكلكم .. يالله خلف مشينا .. وطلـع وطلــع خلف وراه اللي لف علي قبل مايطلـع وقال .. خلف:دق علــــي وقلي وش صـار معك ..فمان الله .. طلعــــــوا وتركوني واقف بمكاني متردد .. وش فيك ياعسـاف هذا ماهو وقت التردد خـــلاص اللي تبيــه وصـاررر ماباقى عليك ألا أنك تدخل لها وتفاهم معهــــا ... بعــد ماكانت رافضــه الكـــــلام كلش بعــلاقتكــــم اللحين راضيه وتحتريك عشان تفهــمون ليش بتخــرب على نفسك بهالتردد ..ادخــل ياعــساف أدخــــل .. مشيت لين وقفــت عنـــد باب المجــــلس ..وجلست أتفرج عليهــــــم ماقدرت أدخــل واقطــع هاللحضــــه .. كانت جالسه ومجلسه شدن على رجــولها وجالسه تسألها وش سوت بالأيام اللي طافــــت .. ضحــى :ومشاعل وش قالت يوم درت أنك أنتي اللي كنتي مخبيـه روبي .. شدن :قالت أنكي في قمــة الدناءه والأنـانيــه صدق المثل القائل من شابه اباه ماظلــم ... نزلتها ضحــى وجلست تضحك بـــقوه وكأنه عاجبها الكـلام اللي أنقــــال عني .. عساف :مرره عاجبتك امثل أختك .. لفت علي بالسرعه وطالعتني من فوق لتحت .. ضحــى :اكيد بتعجبني ..ولفت على شدن :شدن حبيبتي روحي قولي لخواتك اني جيت .. شدن :اوكي فريره .. وطلعت تركض .. كانت جالسه بمكــانها وبيدها لعبة شدن اللي كانت معها ... جيت وجلست جنبها على نفس الكـــــرسي ماصدرت منهــا أي ردت فعــــــل .. ضحــى :شفت هذي .. كانت رافعه اللعبــه اللي بيدهـــا .. أحســـــــان صدقه .. كملت :مره كنت رايحه اقضي للبيت وكانت معي شدن شافت هاللعبه وتعلقت فيهـــا .. وأنا مو لاقيه أكلها عشان أشتري لها ألعـاب ..وعــدتها اني أشتريها لها مره ثانيــه بس هي مارضت يانشتـريها اللحيـن يالااا.. وطبعاً ماقدرت أشتريها لهــا وحنا طالعيــن ماحسيت الا واحــد يناديها ويعطيها اللعبــــــه وعرفت انه كان يسمعنا يوم رفضت أشتريها لها .. فالبدايه رفضت اخليها تأخذها منـــه بس ضميـري أنبنــي ماني قادره أشتريها لهـا وأمنعها تأخذها يوم انشـرت لها وفكـرت مهما كان هذي طفلـــه .. وأخذت اللعبــــــه الصدقــه .. ليش تقــولي هالكــــــلام وش تبغاني افهم منــــــه .. بس أنا هذا كــــله ماهمنـــــي اللي قاهرني أنها بكل قوات وجــه تقول أنها واقفه مع رجال غــريب وطاقتها سوالف معـــــه .. عساف :وأنتي أي رجال يكلمك ترديـــن عليه وتســولفين معـــــه .. طالعت فينــــي بنظره غريبه ثم جلست تضحك .. عساف :وش فيه يضحك ... ردت علي وعلى وجها ابتسـامه .. ضحـــــى :تدري كم رجـــــال كلمنــــي من تركتني من ست سنـين لين اللحيــــن لو بقول مليون قليـــــل .. حنا حريم بدون رجال ياعســاف وانا رجال هالبيت كيف تبغانا نعيش حياتنا بدون مانحتك بالرياجيل ونتكلم معهـــــم ..كان فيــــه أوقات ضروري أتكلم معهــم وفيه أوقات ثانيه ماهو بضروري بس أنا تعودت على هالـشي وصرت أشوفه شــي عادي لأني اعد نفـسي واحد منهــــــم .. وصد غيضــــي جاني احســاس أن الجملــه الأخيــره كان المقصــود فيها اثارت غيـــــــرتي .. ضحــــــى :خلنا من هالكــــــلام الفاضــــي .. حرام يضيع تعبك وتعب ابوي فاضــــــي .. تبغى نتفاهـــــم أسمعك بس قبـــل عنــــدي شرط صغيــــر أعتقد أنه من حقـــــي .. هزيت راســــي بكل دلاخــــه بايه اعذرونــي ماني مصدق أن ضحــــى جالسه قدامي وتطلـب مني أنا نتفاهــــــم .. حطت رجل علــــى رجل وقالت بالطريقه رفعة ضغطــــــي .. ضحـــــى :ابي مهــر من حقــي صح ثمانيــــن الف ماتنقص ريال واحـــــد .. وقبل ماتكلم رفعت يدها تسكتنــــــي .. ضحــى :صح نسيت كان قصدي أن عنــدي شرطيــن صغــار .. شفت البيت اللي بعــد بيتنا فبيتيــــن البيت معروض للبيع أبيك تشتريه وتكتبـــــه باسمــي .. يوووه ياررربي وش فيني اليوم صايره أنســــى كثير سفر معك لاتحلـــــم تبغـاني انت اللي تجيني مأسافر معك مكــــان .. واخيـــــراً قدر ينطق وكل اللي طـــــلع معه ... عساف :بس أنا عطيتك مهر من قبــــــــل ... ضحــــى :تسمي العشــرة آلاف ذيك مهـر ياشيخ أستح على نفسك لايسمعك احد بــــــس .. صدق أني غبــــــي أستاهل التريقه اللي جتني منها عاد مالقيت أعلق الا على المهــر لو البيت يمكــن ولاسالفة أنها تبقــــــى هنا وأنا اسافر لحالــــــي .. اوووف وش فيك ياعسـاف اصلاً انت متى فكرت تأخذها معــــك ليه لجلست معها تنســى كل قراراتك وماتفكــــر الا انك تبقــــــى معها على طــول .. عساف :المهر مقدور عليه لكــن البيت صعبــه من وين أجيب عشان أشتــري لك بيـــــــت .. ضحــى :دبر روحــك أستلف أســـــرق بيع هدومك ..اهم شــــي تنفذ اللي طلبته منـــــك ومأبي أشوفك الا بعـــــــد ماتنفذ كل مطالبـــي ... وقبل ماتطلــــــع قالت .. ضحــــى :بليز لااتتصل علـــي الا اذا بتقول أنك جهزت كل اللي طلبته منك .. وطلـــــعت .. ماحتملــت اجلس أكثــــــــر طلعت من البيت بالسرعه وأتصلت على خلف ايدور لـــــــي صرفه لهالورطـــه ..ورطه أنا جبتها لنفـــــسي كنت مفكـــــر بكل شــــي الا أنه يصيـــر لضحى مطالب ماديــــــــــــه .. واخيــــراً رد .. خلف:هاه بشـــــــــــــــر .. ايه هذا خلـــف اللي أعرف واللي ماكان معي قبل ساعتيـــن .. عساف بأحباط:تبــي فلوس .. خلف :وش فلوسه .. عســاف :تبي مهــر وبيت .. خلف :ليه أنتم توكــم بتزوجــون .. عسـاف :أنا ادري عنهــا تقول المهــر اللي اخذته من قبل ماعجبهــا .. خلف :أجــل كل ماتخانقتو وتصالحتــو تبي مهــر جديد هذي شكلها طماعه طلقها وريح عمـــــرك .. هذا هوخلف أسهل الحلول عنده الطلاق وأبسطها الزواج من جديد .. عساف :اطلقها وبعــدين .. خلف :تزوج البنات ماليات بيوت أهلهن .. عسـاف :بس أنا مابي الاهــي ولاني مطلقها شف لي صـرفه.. خلف :اجل ماقدامك الا تلبي مطالبها .. عساف :وانا من وين بجيب كل هذا .. خلف :دبر عمرك يعني كل هالسنين ماقدرت تحوش لك قرشين تشتري لك فيها بيت ... عساف :بس البيت اللي تبيه ماهو لي لها .. خلف :كيف لها ..؟! عساف :هماني قايلك تبي بيت يعني اكتبه بأسمها .. خلف :لااااا عاد صدق عمي هذي ماينسكت لها هذي بتأكلك وش بيت وينكتب بأسمها .. عساف :هذا اللي صار عاد .. خلف :طيب ليه ماقلت لها انك ماتقدر على هالطلبات .. عساف :بتقول مالي دخل اشترلي بيت وادفعلي مهر ثمن تعال نتفاهم .. خلف :طيب اشتر البيت بس أكتبه بأسمك .. عساف :ماينفع ياخلف ماينفــع بتقول ليه ماتكتبه بأسمي اكيد خايف من شــي وهي تعرف غرضي من قبل ولاماطلبت هالطلب .. خلف :بتضمن حقها من اللحين عشان لوطلقتها .. عساف :ماكنت بطلقها .. خلف :بتعلقها وش فــرقت .. آآآآآآآآآآآآآه ولاهذي ياخلف كيف أعلقها وأنا ماني قادر على افراقها يسهــل الكلام يوم يكون القلـــــب خااالي .. عساف :............ خلف :اذا غيرت رايك وماعندك نيه تطلقها بالمستقبل اشترلها البيت اللي طلبته وسجله بأسمها .. وشكله هذا اللي بيصـــــــير ..رديت على الخلف .. عساف :مادري بحاول الا انت وش عندك اليوم .. خلف :هاه وش اللي وش عندي .. عساف :اسمع انا ماني بفاضي لك اللحيــن مخي ظارب .. بمر عليك بعد صلاة العشــاء ونتفاهم ... نهاية الحلقه العشرون | ||||
|
| |
|
08-03-13, 09:22 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الحاديه والعشــرون ميشــــو لم أكن أتوقع باسوء كوابيسي أن تعود ضحــى بهذه اللحضه الحاسمه .. رغــم كل هذا كان هناك هاتف بداخـلي يخبـرني أن ضحــى لم ولن تتخلــى عنا بمثل هذا الموقـــــف وستعـــــود ..وهاهي عادت لتفسد جميــع خططــــي ولكن مأسعدني حينما أخبرتنا انها توصلت مــع عســاف الا حل وسط يرضي الجميـــع والأفضـل ان هذا الحل لم يكن الأنفصال .. هذا يعنـــــي ان عودتها هذه لافائده منهــــا بل هي نهاية تواجدها وسيطـرتها على هذا المنزل .. أستغليت فرصة عودتها لأتمتع بحريتي من جديد فارتديت ملابســـــي استعدادً للخــــروج .. وأنا اهبط الدرج وروبي تتبعنـــــي ... سألتني سارا ... سارا :مادريتـــــي .. ميشو :عن ماذا تتحدثين ..؟! سارا :الشرطه اللي دقينا عليهم جوو تصوري بعد ساعتيــن جايين صدق ان مامنهم فايده الحمدالله انا ماكنا معتمدين عليهم أقشــر امن اللي بيجينا من وراهــم .. ماذا هل ماتتفوه به هذه المعتوهــه حقيقـــــه .. نواف :لا وبعــد يقولون أن أزعجنا السلطــات بس أنا ماسكت رديت عليهم رد جامــد .. وعــد :اللحين يوم قلت ان الموضوع انحل ودي وان اللي طبوا علينا طلعوا من أهلنا صرت رديت رد جامد .. واستمــرت ثرثراتهم حتــى وصلت للباب الخــارجــي .. كنت اشعر بملل شديد فأنا لأعلم حتى ألــى أيــــن أذهــب .. ؟! اخرجت من حقيبتي شريط اغاني حصلت عليه كهديه من سوسو طلبت من سائق الليموزين اشغــاله .. ماهي الادقائق حتى ملأت السـياره موسيقـى صاخبــه اجزم بأنها تعجب سـوسو كثيـراً .. ولكنها تجلب لي الصداع بسرعه طلبت من السائق اغــلاقه ..فأغلقه وأعاد الي الشريط .. ومازال الملل يحاصـرني طرأت لــي فكــــــره ستبعــد هذا الملل عنــي وتجلب لي سعـاده حتى لوكانت مؤقته ولكنها كفايه لتعيــد لي صفاء روحــي.. طلبت رقم كراميــل التي ضحكـت كثيراً حينما افصحت لها عن طلبـــــي واضافت الم اخبرك ان هذا نوع من الأدمــــــان .. بعد ساعتين كنت للمــره الثانيه اقود السيــاره في شوارع الرياض ولكــن لم يكن هناك خلف الأخرق يطاردنا ويجذب أنتباه الأخريــن الينــا .. وأنا اجلس هنا خلف موقد هذه السياره الرائعــه متأكده أنه يجلس هنـاك محتاراً يفكـــر بـ روبـي التي سلبته عقلـــه والتــي خرجت له اليوم بدور جديد وأســــــم جديد .. حينما سمــعت صوت رنيــن هاتفـي المحمــــــول وصد ضجــة الموسيقى والأحاديث التي تملأ السيــــاره راودنــي شعـور بأنه هو المتصــــل .. ميشو :كراميل من فضلك أخرجي هاتفي من حقيبتــي .. كراميــل :لاا سوري مأقدر أثق فيك كيف تبين تردين وتســوقين .. اذا تبين أرد ماعنــدي مانــع .. ميشــو :هيا أخرجيه فقط اريد أن ارى من المتصــل .. كرامــيل :اذا على كذا ابشــــــري .. وفعلاً وكماتوقعــت كان رقمــــه وبالتأكيد لم أكن لأرد عليــه لسببيــن أني مشغــوله بالقياده والسبب الاخــر ليس بهذه السرعه استجيب له يجب علـــي أن اخذ المزيد من الوقت اريده ان ينضج على نار هادئــه .. أخرجت سوسو راسهـا من بين المقعـدين .. سوسو :من المتصــل ..؟ ميشو :رقــم غريب لم أعرفـه .. سوسو :خليني أرد عليــه يمكن أحد يبيك ضروري ... وهل أنا حمقاء لأدعك تردي على شقيقك ... ميشو :لااا ياعزيزتي أخشــى ان يتسبب لي ردك عليه بنوع من الأزعاج .. سوسو :آآه صح نسيت أنتي من اصحاب المباديء .. ميشو:الايعجبك اصحاب المباديء .. سوسو :اكيد لااااحبيبتي هذا يبي لها سؤال .. كراميــل :ميشو وش رايك توقفين هنــا .. ميشو :هل أنتي واثقــه مما تطلبين ... كرامــيل :أكيد بنزل أنا وسعـاد ثواني ماراح نطول وراجعـين لك .. مر على دخــول سعـاد وكريمــه للمشغل النسـائي عشردقائق ... حدقت من مــرآة السياره بالسيارة الحرس الشخصـي للكريمـه كانت متوقفــه خلف سيارتنا مباشـــره .. لذا حينمــا سمعت الباب بجــواري ينفتــح لم أعتقـد بأنها غيــر كريمـــه ... ميشو :كريمــه بهــذه السـ ...... وقطعت جملتي حينما وجدت من يجلس بالمقعــد جواري لم يكــــن كريمــه .. :سوري اذا خرعتك كنت مراقبكم من بداية الجوله ماصدقت كلام كريمــه يوم قالت لــي انك أنتي اللي تسوقين السيـــاره ... ليــه ..؟! دعونــي أخبركم من هذا غــريب الأطوار الذي أقتحم علي السيـاره ليسألني لماذا أقودهــا .. أنه شخص التقيت بــه في الشقــه كان بأنتظــار كريمــه ..ولكنــي لأعلم لماذا أجده اليوم غريباً فهــو بذالك اليوم لفت أنتباهــي كثيراً فهــو لم يوجــه لي أي حديث بل عاملنــي كنكره والآن يأتي ليسألني لماذا أقود السيـاره وكأنه يهتم لأمـــري ... كان بأمكاني أن أجيبه برد لاذع كأن اقول وماشأنك أنت او أن الأمر هذا من خصوصياتي الى أخر ذالك من الردود غيـر المحببــه ..ولكن كل مافعلته أن أخذت بالتحديق به وقد أنعقد لسانـــــي .. :ليش ماتردين علــي ...؟!.. بعدين ليش تلبسين هالنظــــاره أفصخيها خليني أشوف عيــــــونك ... وقبل أن أقوم بأي تصرف وجدتهـــا بيده .. :أسبوع كامل وأنا كل ماغمضت عيوني حلمت بهالعيــــون ... واخيــراً وجدت صوتــــــي .. ميشو :من أنت مالذي تريده .. :انا قتيل نظــرة عيــونك وش ابي منك حبك ياحيــاتي .. واردف وهو يفتح باب السيــاره .. :بنزل اللحيــن هذا رقمــي دقي لي عليه ضروري ماراح انام لين أسمــع صوتك .. وترك لي مكانه على المقعــــد بطاقه تحمل اسمه وارقام هـــــواتفــه .. لأعلم لماذا حينما يتعلق الأمــر به لأكـون على طبيعتي فأنا أتصــرف بطريقه غـريبه محيــره تجعلني لأعرف نفـسي فأنا لم أكن لأخذ تلك البطاقه لوكانت لغيـــــره .. فـــــارس .. أجل فاارس كان اسمــــه هذا ماتسألتم عنـه اليس كذالك .. .. كراميل :مشمش حبيبي وين سرحانـــه .. ميشو :ماذا ..؟! سوسو :سوري ميشو طولنا عليك .. ميشو :لابأس .. قلتها وأنا أهم بتحـريك السياره .. سوسو:فيه سيـاره تلاحقنــا .. أرتجفت يدي على المقود من ملاحظتها أنه فارس بالتأكيــد ... رايت ابتسامـه على شفاة كريمـه أم تخيلتها .. لأنها ردت عليها بكل برود .. كراميــل :أن مالحظت شـي شكلك من الخوف بديتي تهلوسيــــن .. هل تعلم كريمـه أن فارس هو من يلاحقنــا .. لماذا تنكــر كراميل لاتخشانا بالتأكيــد .. مالذي تريده من فعلتها هذه ..؟! كرامــيل :مشاعل حبيبتي وين بتباتيـن الليله .. أستغربت سؤالها ..وكأنها تعلم أن لارغبــه لي بالعــوده للمنزل وضحــى متواجده فيــه .. ميشو :ليس بالمنزل بالتأكيــد .. قلتها وأن أنحرف بالسياره لأترك المجال للمرورسياره خلف مقــودها مراهق متهــور يرغب بالتحدي .. سوسو :هذا اللي بيجيب لنا المشاكل وش يبي ذا .. ميشو :لاتقلقي لن يعـاود مضايقتنا .. كراميــل :اجل تعالي معــي بالشقــه ماودي أرجع للبيت .. ميشو :اخشــى اني لأستطيع ذالك ايضاً .. كرامــيل :وش دعـوى ليه عااد .. لايكون لقيتي غيـرنا واستغنيتي عنا وماعاد تثقيــن فينا .. ميشو :انا بالتأكيد لاا .. سوسو :اجل وين بتروحيــن .. ميشو:هل تمانعيــن لوقضيت هذه الليله في منزلك .. سوسو :اكيــد لاياحياتي بس يبغى لنا تدبيرات أمنيـــه و... قاطعتها .. ميشو :الأخرق شقيقك لن تخبـريه .. سوسو :متحطيش في بالك مالك سافـــــــر .. ميشو :جيد سيكون الوضع رائع .. كرامـيل :افاااا مشمش ترفضين عرضي وتروحيــن مع سوسو .. ميشو :هل أهمك لهذه الدرجــه .. كراميــل بغرور :اكيــد لاا .. ميشو :اذاً لن يضيرك الأمــر اليس كذالك أعرفك جيـــداً .. مالذي يحــدث يبدو أن كراميـل متكــدره بحق .. وابتسامتها المغروره لاتخفــي شـيء .. لماذا أفكــر بأمر كهذا لن أجد أجابته حتــى لو حزرتها .. عنـدي الكثير لأفكــر فيه ويكفي ليصيبني بالأعيـاء .. وفهــدي وعائلته الكريمــه اولى بالتعب من أجلهــــــم .. وماذا ايضاً والدي أجــــــل والــدي .. لقد حان الوقت لأكشف ســره الصغيــر لزوجتــه الثريــه .. وماذا عن عســاف الا يستحق ان يناله شــيء من ناري هــو ايضاً قد تسبب لشقيقتــي بالكثيـر من المتاعب .. ســـارا مر يوميــن على الزياره المبجلــه من قبل والدنا العزيــز كل هذا ماهــو مهم المهــم اللي بيصير معنا اللحيــن .. سارا :يالله ملاك اتصلي والله أني متحمســه .. عاد ملاك لاتفوتكــم جالسه ترتب شكلها الغبيــه اللحيــن بالتلفون أحد بيشوف شكلها .. صدق بعض الأحيان تقهرني هالملاك بغباءها مأحسها توأمـي ... سارا :والله مأحد شايفك أتصــلي بس .. ملاك :خلاص اللحين بدق وين الرقم .. سارا :معي شوفيه يالله أنا بمليه لك وأنتي دقي ..******* مـلاك :اخر رقم سته ولاتسعه .. سارا :لاسته هاه ردوا ... شفت ملاك بالسرعه تقفل السماعه .. صرخت عليها .. سارا :وجعععععع وش فيك .. ملاك :غبيه انتي أنا دقيته على أنه تســـعه .. سارا :ياااااربي .. يالله اعيد لك الرقم .. وعدت لها الرقم وهي تضغط الأرقـام .. ملاك :ررردواا .. الو .. وصكت السماعه بيدها وقالت لي .. ملاك :خدامه .. ملاك :فين ماما شيماء .. شنوا هذا مافيه بيت مدام شيمــاء ..بيت منـووو .. آآآهااا .. طيب كم رقم بيت ماما شيمــاء .. وصكت السمـاعه بيدها من جديد .. ملاك :سارا أكتبــــي الرقم .. سارا :رقم مين .. ملاك :اكتبي وأنتي ساكته بالسرعه يالله .. وفتحت السماعه على السبيكر وأنا أكتب الرقم اللي تقوله الخدامــه .. وبعد ماقفلت سألتها .. سارا :اجل هذا اللي أخذناه من الأستعالامات رقم ميــن .. ملاك :هذا رقم البيت الثاني اللي فيه زوجــة رجل خالتي شيماء الأولــى .. سارا :آهــاا .. طيب يالله بالسرعه وش تحترين يالله ندق على خالتي شيماء يالله .. ملاك :بس لحضه بعدل شكلــي .. ياربي بترفع ضغطي هالأنسـانه .. سارا :ياهبلا مانتي طالعه لأحد انتي بتكلمين بالتلفــون .. ملاك :يارربي حتى لو بتلفون لازم أطلع حلوه .. ماقلت لكم هبـــلاا .. وجلسنا ندق الرقم الجديــد .. بس آآه يالقهــــر محد يرد ... قالت لي وهي شوي وتبكــي .. ملاك :محــد يرد يااربي حنا ليه حظنا كذا زفــت .. سارا :حاولي من جديد ماحنا تاركينه اليوم لين يردون علينا .. وجلسنا نحاول بس مافيه فايده ... سارا :طيب دقي على الرقم القديم وقولي أنا مافيه أحد يرد عليك على الرقم اللي عطــوك .. ملاك :والله أنك غبيــه وهم شكـو فيني .. سارا :طيب بكيفك أنا كنت بختصــر عليك ردوا .. وحنا نتكلم كانت ملاك تطلب الرقم للمره المليون .. ماصدقت يوم قاطعت كلامــــي وهي تصرخ . ملاك :ردووووووووا ..الـوووووووووو .. فين ماما شيماء .. اوكــي .. سارا :هاه وش تقــول .. ردت علي ملاك بحمــاس حسيت أنها من قوته ودها تدخل مع السمــاعه وتروح هناك .. ملاك :راحت تناديها .. وفجأه شفتها ترتبك شكل أحد رد عليها .. ملاك :السـلاآآم عليكــــم .. كيفك خالتـــي ... بخيـر الله يسلمك .. ماعرفتيني .. أنا ملاك الـ ......ز بنت أختك صباح .. ايوه أنااا ايوه سارا أختــي جالسه عنــدي تبين تكلمينها ... وصكت السمـاعه بيدها وقالت لــي ..وهي تلعب بحواجبها بخبث .. ملاك:ماصدقت من الفرحه تبكــي ..امسكــي تبي تكلمــك .. بالتردد اخذت السمـاعه منها .. مأحب أكلم أحد غريب لولا أصـرار ملاك مافكرت ابد أني اسأل عن خالتــي .. حطيت السمـاعه على اذني وسمعت صوتها تبكـي على الخط الثاني يااااربي رحمتها شكلها هي فرحانه فينا بالصدق وحنا كل اللي نسويه لطمعنا فيهــا حسيت أن أنذال مجرميــن قلوبنا ميتــه هذا اللي فكرت فيه قبل مارد عليها بصوت هامس .. سارا :الووو .. أنا سارا .. خالتــي تبكي:سارا حبيبتــي ياحيـاتي كيفك ... سارا :انا بخير أنتي كيفك خالتــي .. سمعتها تبكي بقوه .. خالتي :انا بخير من سمعت اصواتكم حبايبي كيفكم ياحيــاتي والله اشتقت لكم كثير .. ليش ماتصلتوا علي من قبل ان كان كل حلمـي أني ألقاكم .. انتم وين اللحــين ووش مسوين فحيــاتكم ... اخذت ملاك مني السمـاعه يوم شافتني متصلبه وأنا ماسكتها .. ملاك :حتى حنا والله اشتقنا لكي خالتــي .. ايوا ... وخاطرنا بعد نشوفك .. خالتي حنا نبغى نزورك ممكــن .. مشكــوره خالتي .. العنوان هاه لا مانعرفــه .. ايوه لااامايحتاج حنا نجي بالتاكســي .. لاوالله عادي خالتي .. اوكــي .. بااااااي .. وبعد ماقفلت منها سألتني .. ملاك :وش فيك سارا مو على بعضك .. سارا :خالتي شكلها تحبنا بس حنا اللي نسويه .. قاطعتني مــلاك .. ملاك :سارا وش فيك حنا ماسوينا شي للحين بعدين وش بنسوي بنستغل خالتي .. صدقيني كل اللي بنأخذه منا هي اللي بتعطيناه بدون مانطلــبه حنا ماراح نســرقها بعــدين هي عايشه بالنعمــه يعني اللي بتعطيناه ماراح ينقص من غناها شــي .. سارا لاتنســين أن كل اللي نسويه مو عشانا عشان خواتنا اللي أصغــر منا مايعيشوا الحياه اللي عشــناها .. ملاك تحاول تقنعني بأي طريقه أن اللي نسويه شي عادي وماراح يضر أحــد بس أنا ماني قادره أقتنع صح يمكــن اللي نسويه ماراح يضر أحد مادين بس بالمشـاعر بالعواطف .. الصدمـه اللي بتجي خالتي لو عرفت هدف تقــربنا منها .. سارا :لااا أنا مأقدر اللي تطلبينه مني صعــب .. كيف تبغيني أستغــل خالتي ... شفت ملامح ملاك كيف تغيـــرت .. وهي تقرب مني وتمسك يدي ترجاني .. ملاك :سارا لاتكونين غبيه وتضيعين هالفرصه من يدينا .. ارجوك سارا عشــاني أرجوك .. لوكنتي تحبيني بتكملين معي اللي بديناه .. ماقدرت أتحمل الرجاء اللي شفته بعــيونها .. وبعـت كل مبادئي عشان أرضيها .. هذا الكــلام اللي قلته لها وحنا فالســياره .. ملاك :ياشينك ساراااااا لاتكلميـن بالطريقه هذا لاتصيـرين معقده كفايه علينا ضحــى ومشـاعل خلينـاحنا شـوي فررري مانبي مباديء وأخلاق ومن هالحكــي .. سارا حنا أنولدنا كذا نسوي اللي نبــي ومو لازم أحد يدري صح .. هزت راســي بالموافقه رغم أني ماني مقتنعــه .. ملاك :بس اللحـين ماعاد ينفع شغل الخش خلاص ضحــى بتروح بالطريقها وبيصيــر لنا مجال اكبر أنا نأخذ حريتنــا .. ولاتنسين أن كل اللي نسويه ماهو عشانا عشـان خواتنا مــو ... سارا فكــري معـي شوق هنــد يقدرون يعيشون اللي حنا عشنـاه أكيــد لاا ...نوف ووعــد فكري فيهــم ذولا الصغـار اللي يبون كل طلباتهــم ملباه بيقدرون حالنا .. شهــد اللي على حافة الأنحراف بدون فلوس ماراح نقدر نسيطر عليها .. صدقيني أستغلالنا لخالتي بيستفيدون منــه خواتنا أكثر من استفادتنا حنا ... لأن حنا ماعاد تفرق معنا شفنــا أنواع العذب بهالحياه ماعاد فيه شــي نخاف منــه صح .. رديت عليها غصب عنـــــي .. سارا :ايه .. لأنه فعــلاً ايه حنا شفنــا أنواع العذاب بحيـاتنا ... وصلنا للفيـلا خالتي وأنفتحت لنا البوابات اللي ياما وقفنا عنــدها نفكـر كيف نقتحمهــــا .. ملاك :اللحيــن أي فيلا اللي فيها خالتي شيمــاء .. سارا:وان ايش درانــي ...اسألي هذا اللي عند الباب .. وفعــلاً فتحت ملاك دريشتها وسألته فاشر لها على فيلا خالتي شيمــاء .. وقفنا عنـد الباب وين مانزلنا التاكســي مترددين ... سارا :اللحيــن بعد ماقطعنا كل هالطريق جايه تقولين متردده ... يالله بس دقي على الجرس ... وكأن ملاك كانت منتظره اني أقولها هالكلام لأنها نفذته مباشـره .. التفتت علي ويدها على الجرس .. ملاك :التلفون ساعه عشان يردون عليه والباب ساعه عشان يفتحــونه وش هالكسل اللي فيهـــــم .. مأدري وش فيها ملاك صايره وقحه هاليوميـن الصراحه تقهرني فبعض تصرفاتها وتعليقاتها .. سارا :عيب عليك وش هالحكي .. وقبل ماترد علي فتح لنا البيت وكانت اللي فتحتـه الخدامـه وقالت لنا أن خالتي تنتظرنا وانها بتودينا لها ... مرينا بالصاله كبيــره وفخمــه كنا أنا وملاك نطالع بكل اللي حولنا بأندهاش كان الأثاث مره راقــي والفيلا كبيــره بشكل غيــر معقــول .. وحنا للحين تحت دهشتنا سمـعت صوت أحد يرحب فينــــا ... رفعت عيني لمصدر الصوت ولقيت ملاك بأحضـان حرمـه الأكيـد انها خالتــي ..كانت تبكي وهي حاضنــه ملاك ... بعــدها تركتها وجت لمــي وأنا بكل أستســلام أنقدت لها حسيت بحضنها بدفا وحنـان ماتعــودت عليـــه .. قالت لي وهي تمسك راسي بين يديها .. خالتي :سبحـان الله صباح بين يدي ... سمعت صوت مــلاك تسألهابحســد .. ملاك :ليش بس سارا اللي تشبــه أنا يعني مأشبهها ... خالتــي :مأدري ليه يوم شفت سارا تذكــرتها ولا أنا مافرقتكــم عن بعــض ..لين قتلي أنتي أن هذي ســارا .. جلسـنا على هالحاله نسـولف وخالتي شكلها طايره فينا وملاك مره أندمجــت معها أما انا لا ماقدرت ماحسيت بالراحـــه احساسي بالذنب لخداعنا لخالتي مخليني متــوتره وابغى بس أطلــع من هنا بس ملاك شكل ماعنـدها نيــه .. سمعت خالتي تسألني ... خالتي :سارونا حبيبتي ليه ساكـتــه .. ابتسمـت بالتوتر وحسيت بخدودي مولعـــه .. ملاك :خليك منها ياخالتي لاتحرجينها سارونا دايم كذا حيويه .. وغمزت لي ... ايا اللعينه انا حيويه هاه ولا أنتي الخبيثــه ولامن متى ملاك تكلم مع أحد بأحترام زي كذا ولا العقــل اللي نزل عليها مره وحــــده .. ولا أسمعــوا وش تقول اللحيـن يوم سألتها خالتي عن أبونا .. ملاك :ابو أي ابو هذا اللي تسألين عنه ياخالتي أبوي الله يسامحه من أكثر من عشــرسنين ماسأل عنــا ولاحتى عن جدتي اللي طايحــه مريضــه لاندري عنه ولايدري عنا ... شفت الصدمــه بعيون خالتي .. خالتي :يعنــي مايصرف عليكم .. ملاك :اقولك ياخالتي ماسأل عنا كيف بيصــرف علينا .. خالتي :وطــول هالوقت كيف عايشين من يصرف عليكم .. ملاك :أختي ضحــى الكبيره هي اللي متكفــله فينا هي موظفــه وتصرف علينا وهي اللي مربيه كل خــواتي الصغــار .. محست خالتي دموعها اللي نزلت .. خالتي :الله يسامحه مبارك ليش يسوي فيكم كذا ولاكأنكــم بنـاته ..يعني أنتم ماعنــدكم رجال عم ولد عــم يقوم فيكم .. سارا :لاياخالتي حنا ماعندنا أحــد ضحــى هي رجال البيت .. ابتسمـت لي مــلاك شكـلها راضيه عن ردي .. خالتي :بس كذا مايصلح ليه سكتوا هالوقت ليش مايجتوني من زمان أنا مستحيل أرضى بهالوضع كيف بنات أختي يعيشن كــذا ... ملاك :ليه ياخالتي وش فيه عيشتنا كل خواتي عايشين مثلنا ... خالتي :لااا مايصلح كذا كيف تعيشون لحالكم وأنتم بنـات الناس وش بتقول عنكــم .. شكــل ملاك مأعجبها كلام خالتي شفت وجها تغيــر لونـه وتوترت ...مع ان هذا اللي كانت تبغاه بس ملاك ماصرت أفهمـها .. ملاك لااا بليز خالتي الزمــي حدودك ولاتدخلين بشئونا .. هديت نفــسي لأرد عليها بأنفعـال وأخرب كل خططنــا .. ملاك :وحنا وش بيدنا ياخالتي نســويه موحنا اللي طلعنا من بيت أهلنا هربانين لسمح الله عشان الناس تكلم فينا أبـونا هو اللي تخلى عنا وحنا جالسين فبيتنا حاشميـن أنفسنا ومأحد يقدر يتكلم فينـــا .. تنهدت بالراحــه يوم ردت علي خالتي رد يدل على أقتناعها بكـلامي ثم غيـرت الموضوع وكأنها حست بعصبيتي من هالمــوضوع .. خالتي :وش رايكم نطلــع نجلس بالحديقــه الجــوحلو هالحزه .. كان ودي والله بس لازم نطلــع لزوم الخطــه .. وقفت وأنا أقول .. ملاك :ودنا ياخالتي بس شوفي الساعه كم وحنا مانقدر نبقى برى البيت لوقت مثــل هذا تعرفين عندنا خوات أصغـر منا مسئولين منــا .. فرحت بالأبتسامــه اللي أنرسمت على وجهه خالتــي .. خالتـي :كان ودي لوتجلسون معــي أكثــر ..وعشان أخليكم تطلـعون لازم توعـدوني أنكم بكـره بتجون تغــدون معــي .. تصنعت الأحراج والتفكــير .. وقلت بتلعثم .. ملاك :بس ياخالتي .. قاطعتنــي .. خالتي :لابس ولاشــي ..ضروري تجــون أنا مالي أحد غيــركم ..عيالي ومسـافرين يدرسون بــرى وأنا وحـيده هنا بهالبيت الكبيــر .. ردت عليها سارا اللي كانت تطالع تمثيلتي بعـدم اقتنـاع .. سارا :ان شاءالله ياخالتـي ولايهمــك .. خالتـي:تسلميــن ياحبيبتــي لاتنسون بكرا أنا أنتظركم وبرسل لكم السايق الساعه عشـر الصبح بليز بدون أعتــراض .. واللحيــن بخلي السواق يوصلكــم .. وحنا بالسياره .. قالت لي سارا .. سارا :ملاك والله اللي نسويه خطأ خالتي أنسـانه طيبه ماتستحق اللي نسويه فيها .. ياربي من سارا ليه صايـره كذا حســاسه بدون داعـي اللي يسمعها يقول حنا رايحـين ننصب عليها .. ملاك :ياسارا ياحبيبتي حنا ماسوينا شي يستحق كل هاللي تقولينه .. بعدين أنتي ماشفتي كيف خالتي فرحانه فيها تبغينا نحطم قلبها لو انقطعنا عنهـا .. سارا :ماقلت نسـوي كذا بـس .. قاطعتها .. ملاك :بس أيش صدقين والله ماراح نطلــب منها شــي .. اذا عطتنا بنأخـذ وأذا ماعطتنا ... سارا :بنتحايل عليها لين تعيطنــا صح موهذا اللي كنتي بتقــولينه ... تنرفزت منها طريقتها بالكـلام وكأنها تبغى نتهاوش وبــس ...وبقهــر قلت لها .. ملاك :ايه نتحايل عليها لين تعطينا حنا بنات اختها وهي بطرانه ويقولون الأقرباء اولى بالمــعروف .. هالفلــوس اللي عنـدها كلها وش بتستفيد منها خليها تـصرف علينا جزء بسيط منهــا .. سارا :ليش تكلمين كذا ليه فجأه صـرتي كذا جشعـــه وطمـاعه ملااك حرام عليك اللي تسوينه بنفــــسك ... مـلاك :اوووووووووووف بلييز سارا بلاش نصــايح راســي يوجعنــي منها .. وأنا ماتغيرت أنتي اللي تغيــرتي وصرتي فجأه معقده مثل ضحــى ... ماردت علي ظلت ساكته يعني زعلت .. ملاك :سارونا حبيبتــي ليش نخلي موضوع سخيف مثل هذا يفرق بينــا .. خلاص انســي كل اللي صـار اليوم ولاكأنا سوينا شــي .. سارا :كيف انسـى وحنا بكره معزوميـن عندها .. ملاك :انســي من اليوم لين بكــره يحلها ربك ... ماردت علــي .. سألتها بدلع .. ملاك :سارونا ليه ساكته للحين زعلانه مني .. ردت علي بتكشيره . سارا :لاخلاص نسيت .. ملاك:طيب ليه مكشـره يالله أبتسمــي شكلك كذا ولا بالريال يعقـدني .. ردت علي سارا بأبتسامــه وهي تقول.. سارا :شوفــي سيارة خالتي كيف كشخــه مالت على جمسنــا ... ملاك :مالت عليه مرتيــن وش يجي قدام اللومينا .. لا وهذي تلقينها ناسيتها مع السواق ولاتسأل فيها أكيد ماراح تطلع بالسيـاره مثل هذي ... سارا بعــدم تصديق :ليييش وش فيها هالسياره تهبــل .. ملاك :عندنا تهبل مالت علينا ماشفنا خيــر .. ومابغيــت اكمل اللي بخاطري واقول أنه قــريب بنصير شايفيــن خيــر ومايمـلا عينا غيـر اللي يمــلا عيال الكبـاريه .. وصلنــا البيت وحنا ننزل شدتنـــي سارا بقــوه مع عبـاتي لفيت اشوف وش تبــي شفت الرعب بعيـــونها وهي تطالع فبيت جيــراننا وعرفت ان السالفه فيها قيــس .. لفيت وشفتــه واقف على باب بيتهم وبيده سيجاره .. مسكــتها مع يدها عشــان ندخل كانت تلصق عمــرها في عشـان أكون حاجز بينها وبين قيس اللي يكـون بالجهه الثانيــه .. دخلنا البيت وقفلت البــاب بكل قوه داخلــي .. ولفيت على سارا أقولها .. ملاك :شفتي كيف الموضوع سهل طنشيه بس ومايقدر يسوي لك شــي .. سارا ترتجف :عيـونه حمراء مثل المجرميـــن .. ضحكــت عليهــا لين جلست علــى الأرض ... ظربتنــي على راســي بشنطتها وهي تصرخ بالطريقه طفـوليه.. سارا :لاتظحكيـــن علي يالدبا .. بعــد ماوقفت .. ملاك :غصب عني ماتشوفين نفسك وش مســويه اللحيــن كل هالتمثليه وبالأخيـر تطلعين متمقله فيه لين قلتي بس وخايفه منه كيف تركب هذي .. تركتني ومشــت .. ملاك :تعالي وين تركتيني هنا ... اول مادخلت للبيت ... وعــد :خيـرررررررررر وين كنتم فيه شوفوا الساعه كم اللحين عشـر دقايق ويأذن العشـاء .. نواف :تاركين البيت كذا بدون حتى ماتعطونا خبــر حنا شوي ونبلغ الشرطــه .. بعدين وش ذا السياره اللي نزلتهم منها.. سألتهم وأنا ادور بعيوني عليها .. ملاك :ضحى موجوده .. وعــد :لاوين خبرك عتيق ضحــى من الصبح ماهي فيه ..لاتغيرين الموضوع قولي وين كنتم فيــه .. ملاك :اصلاً ماقصدت أغيـر الموضوع ولاني معلمتك وين كنا فيه ... ولفيت من غير قصد لسـارا وعــد بحماس :هاه وش انتم مسوين اعترفي ولاليه تناظرين بالسـارا وكنك تقولين لها لاتعلميــن .. نواف :شكل وراكم مصيبه علمونا قبل ماتجــي ضحــى وتطلع العــلوم من عيــونكم .. قلت لها وأنا أجلس وأحط رجل على رجــل وبأستخفــاف قلت .. ملاك :ذاك أول تخوفونا بالضحــى اللحيــن ماعاد أحد يخــوفونا أنا وسـارا أحرار أعمــارنا .. سمــعت صوت جااي من وراي خلاني أنتفض من قلب لدرجــة اني فزيت واقفــه من الخــرعه ... ضحــى :لاياعمــري طيب ورى ماعطيتينــا خبــر قبل أنك حرة عمــرك يأم الحــريه .. يامـلاك أفندي علمن ياصلك ويتعــداك دام فقلبــي نبض لو أني فعــطارد بظل كبيــرة هالبيـــت .. سامعتنــي ياملاك سامعتنــي ياسارا ... سارا :بس أنا ماقلت شــي .. ضحــى :توأمك ماقصرت قالت اللي في خاطرك وخاطــرها .. وعــد بلقافه :سأليهن مع ميــن جايات ... لااااا يوووه ماهــو وقت سخافتك ياوعــد هذي والله البلشـــه .. طالعتني ضحــى بنظرت وكأن عــيونها بتطــلع من محاجرها .. ضحـــى :وش اللي تكلــم عنــه وعـــد .. لاااااياربــي وش هالوهقه يعني كان لازم تسمـعها اوووووف ... ضحى :تكلمي أنطقــي أنا أحاكيك مع من جايه أنتي وياها .. صدمتنــي سارا يوم أعترفت .. سارا :مع سواق خالتــي .. ضحــى بذهـول :خالتك أي خالـــه .. أنتي عن أيش تكلميــن .. الله يأخذ أبليس شيطان شياطينك ياسارا ..اللحيــن هذي وش بيفكنا منهــا ... الأعتراف خيــر وسيله فلامفــر .. ملاك :خالتــي أخت أمــي .. حسيت ضحـى للحين مصدومــه من كلمـت سارا .. وماتدري وش نقـول .. ضحــى :خالتك أي خاله .. أنتي عن ايش تكلميــن .. ملاك :اووووه ضحــى لاتقعدين ترددين لــي الكـلام مثل الهبـلا .. قلنالك خالتنا أخت امنــا دقت علينــا ورحنا لهــا وبس فهمتـي .. وهذا اللي وصلنا سواقها تعـرفين هــي وحده عنــدها خيـر .. صرخت علــي صرخــه أحسـها أنسمعت بأخر الحــاره .. ضحــى :ومن سمح لكن اصلاً تروحــن لها أوحتى تردون علــى أتصـالتها .. هههههه اجل لو درت ان حنا اللي نجري وراها وحنا اللي متصلين عليها وش قالت ... وكلمــت .. ضحـى :اصلاً وش اللي يخليكم واثقين أن هالأنسـانه خالتكم أولا وبعــدين حتى لو كانت خالتكم أنتم تعرفون هالأنسـانه كيف عايشه وش أخــلاقها واصلها وفصلها .. وبعــدين خالتكم ماهي بسعــوديه وهالأشكـال ماينوثق فيها وش درانا كيف ولاوشـلون ممشيــه حياتها وهالخيـر من وين جايبتـه .. ضحـــــى قهـروني رفعــوا ضغطي برودهم فالكــلام يسبب لي أحباط وأنا ماني ناقصــه كفايه علي زوج الغفلـــه (صدق هالقب لايق علـــيه ) .. ردت علي ملاك بطـولة لسان .. ملاك :خالتنا ماهي بالسعـوديه أمنا ماهي بالسعــوديه وش تفــرق يعنــي اصلاً وش سوت امك السعــوديه ياهنـــم .. ياحياتي كلو ملحق بعضــه سعــوديه ولاغيــر ماتفرق كلهن ذوق أبوي الردي .. يعنـي أنا اللي مختارتن أن امي تكــون ماهي بالسعــوديه .. اللحيــن هذي ليش تحب تفهــم الكلام على كيفهــــا .. ضحــى :كل كلامك هذا مايهمنــي وعلاقتكم بهاللي أسمها خالتكم تقطــعونها ... ملاك :لاحبيبتــي مو على كيفك حنا صح ماحنا متربين بــس هذا مو معناه أنا مانعرف بالأصــول خالتنا وصلها واجب.. بعدين كيف تطلبينا نقاطع خالتي اللي ماصدقنا لقينــاها تأمرينا يعني بقطــع صلة الرحم خاف ربك يأدميــه لاتدخلين عمــرك بالمحظــور .. سارا :صادقه ملاك .. مالك حق تأمرينا أن نقطع صلتنا بخــالتي حنا بنوصل خالتنا وأي احد عنـده أهل يبي يوصلهــم حنا ماراح نمنعــه ... صح ملاك .. ملاك :افكــورس صح ياحيــاتي .. المفروض أنتي الكبيـره العاقله تعلميـنا الأخلاق الحميــده موتقولين لنا أقعطــوا خالتكم .. ضحـى :انتم ليش مو راضين تفهمــوني أنا ابي مصلحتكم الدنيا مليانه بلاوي للحيــن ماشفتــوها وياليتكم ماتشــوفونها .. الناس ماهـي مثل ماتظهـــر داخــل الناس خفايا مايكتشفها الواحـد الا بعــد فوات الاوان الطيب ماهو بالشكــل والكـــلام الزيــن ماهــوقالتلكم أنها خالتكم وتحبكم يعنــي تحبكم ... ماهو لاقالت لكم تبي مصلحكتم يعني تبي مصلحتكم .. ويمكنـها صادقه بس حنا وش درانا ... قاطعتني ملاك بهمجيتها المعتاده .. ملاك :شفتــي يعني موضروري أنها مثل ماتقــولين وشلون بندري عنها من غيــر مانجربها .. ضحــى :وليش تجربونها وش حادكــم عليها ليش تجيبون لأنفسكم الهم أنتم كذا عايشين ومرتاحيـن .. ملاك :انتي تقولين كذا بس حنا ماقلنا أن حنا مرتاحيــن .. وخالتي طيبه وماشفنا عليها شــي .. ضحــى :شي مثــل ايش يعنـي لو كانت ساحـره بتسـوي سحـرها قدامكم او لوكانت مروجــه بتبيع سمها عليكم .. سارا :لاااااحرام عليك خالتي مستحيل تكــون من هالنــوع بعــدين خالتي وارث عن زوجها اللي يغنيها عن هذا .. ضحــى :ليش هــم اللي يسلكـون هالطريق بس غرضهم المال لازم يكــونون فقراء شحاذين عشـان يكـونون سحره ومروجيــن وحراميــه وبلاوي لها اول مالها أخــر .. يعني هالمهــن محــكوره بس علــى المساكيـن لاحبيبتــي الموضوع ماهــو ماده وبس الموضوع أكبـر من كذا .. ملاك :انتي غاويه فلسفه وبــس .. الأيام بتثبت لك أن خالتي ابد ماهي من هالنوع ومستحيـل تكــون منــه .. تعبتنـي هالبنت معها مستحيل تفهم اصلاً هي مو راضيه تفهـــــم .. ضحــى :موشرط تكــون هي مصدر الأذى ليكم أي أحد من محيطها ممكــن يصير مصدر خطـــر عليكم ... ملاك :شكـراً على التحذير ماقصـرتي بس حنا بدينا طريق وبننهيـه بأنفسنا وصدقينا مهما صار معنا ماراح نجي نشكي لك .. يالله سارا نروح ننام ... كلهــم كذا البنات يحبـون المشاكل والجري وراهــا والله لو مكتــوب لوحـة تحذير خطـــر يرحـون لهالمنطقــه المحذوره بيشوفون وش وراهــا لازم يجــربون الأذى يمــوتون لو ماجابوا لأنفسهم الألم .. مأدري وش أسمــيها هالحاله ضعافة عقــل ولاثقه زايده بأنفسهـــم .. وعــد :اوووووف ضحى أنا أكلمك ليش ماتردين علــي .. ضحى :خير وش تبين أنتي الثانيــه .. وعــد:هذا زوجك الغبي اتصــل مية مره يسأل عنك .. أنتي ليه مقفله جــوالك .. ضحى :كيفـــــي عندك أي أعتراض آنسه وعــد .. وعــد :انااا لاااا بس عسافــووه ايه .. قلت بعدم اهتمام.. ضحــى :طقاقه .. ماوريتوني تقاريركم الشهريه ولاتقولون ماستلمتوها لأني مكلمـه على المدرسه يوم الأربعاء وقايلين أنها مسلمينها لكم من الأثنيـــن .. اسكتوا او بالأحرى جمـدوا ولاكلمــه ولاحركــه ولاحتـــى نفـــــس .. ضحــى :شوفيكم ساكتين وكأن على رؤسكم الطيــر يعني مأعتقد اللي طلبته لهدرجـه صعب كاللي طلبته تقاريركم ابي أشوفهـا .. وعــد :هاه أيــ ـه اانـ ـا تقريري .. بدينا بتلكــع اعرف هالحركه وراها مصيبه .. ضحــى :ايه أنتي تقريرك وينــه .. وعــد :قطعته ... ايش وش سوت المهبوله هذي غبيه متخلفه كيف تقطعه على ميزاجها هو .. ضحــى :لاااعااد وعاجبك اللي يسويه اصلاً أنتي كيف تجرأين وتسوين فيه شي قبل مأشوفه .. وعــد :وليش تشوفينه من زين اللي فيه ولادرجــه تفتح النفس ولاالمشـاركه أعلى درجه ثلاثة أرباع .. ضحى :اللوم بهالكلام موجه لمين لــي أنا قصـرت عليك فالشــي قولي أنطقــي فيه شـي طلبتيــه وماوفرته لك .. وعــد :بس الأشياء اللي تعلق بالمدرسه .. ضحى :وكلامنا اللحيـن عن المدرسه .. اغراضك موفرتها لك شرح وأشرح لك مذاكــر واربع وعشــرين ساعه ماعلى لساني الا ذاكري ياوعد حلي واجباتك ياوعــد ..قولي أنا وش قصـرت فيه اللحيــن .. قسمــن بالله اذا مانجحتي هالسنــه لأطلعك منها واخليك تكرفين فالبيت مثــل الخدم ..وانتن الثانيات وش تحترن وين تقاريركــن لايكون مقطعاتها بعــد .. نوف :لاااااا انا ماقطعته شوفي أخذت الخامســه .. وعـد بقهر :ياحظك بشري أمك .. أخذت منها التقرير وكانت درجاتها حلوه واكثر شي ناقصها من المشاركه .. ضحى :ليه ماتشركين .. نوف :اشارك والله اشارك بس هم .. وعــد داخله عرض:متشبهه ماتستحق هالدرجات شفتي الظلام كيف .. ضحى :اها ان اشوف شغلى معهم .. وشفت تقارير شهد وهند وشوق وكانت مثل وجيهــن .. ضحى :وش فيكن أنتن بعــد تبن تعيدن السنه .. شهــد :اولى ثانوي صعبــه .. هذي والله اللي بتذبحني .. ضحى :صعبه ياحلوه لوكانت أول مره مولك ثلاث سنين تعيدين فيها وتقولين صعبــه .. وأنتي هنـد تبين تأخذين فيها سنتين مثل خواتك عاجبتك الفكــره .. هندبأنكار :لاا من قال بس أنا دايم مأجيب بأعمـال السنه كــويس وفالنهايه أنجح .. ضحى :بس هذي اولى ثانوي ماهيب مثل كل سنــه خليك فاكـره .. شوفي شوق أنتي يبيلك دروس فالرياضيـات الخميس والجمـعه الجايات اذا جيت خليك جاهزه عشان أعطيك الدروس فيها ذاكر خلال هالأسبوع عشان أعرف وش اللي محتاجه تقويه فيه وعشان مانضيع وقت .. شهد :ايه صـح فيه بنات كثير جولنا من اللي كنتي تدرسينهم يبونك تعطينهم دروس خصــوصيه .. هنــد :أغلبية البنات ومن كل الفصول اللي درستي لأن المدرسه اللي جت محلك توها خريجــه ودجـه بمعنى الكلمــه .. وكل شرحها أخطأ .. ضحــى :ماشاءالله اللحيـن عرفوا قيمتــي ورى مايروحـون لمدرساتهم الأجنبيات اللي صاجتنا فيهــن واللي يحلن لهن واجباتهـن .. شهــد :توهم عرفوا قيمتك وأن شرحك هــو الصدقي وأنهن مايستفيـدن من هالمدرسات كثر مايستفيدن من شرحك وسط الحصـه .. ضحــى :قول لهم اللي يبــي يدل بيتنا وأنا أخذ ضعف المدرسه الأجنبيـــه .. ايه بأخذ ضعفـها لاتقــولون حرام ظلم أجل ليش رواتب المدرسات الأجنبيـات بالمدارس الأهليه ضعف رواتب السعــوديات حلال عليهم وحــرام علينـا .. هنــد :اخخخخخ والله اللي توهقم الحمـدالله أنــي أختك وماتأخذين مني فلوس .. شكلـها أول وحــد من خواتي تحمـدالله أني أختهــا عجيب صــح .. هنــد :ضحــى متى حتروحــي مع عسـاف .. تكدرت من هالطــاري .. ضحـى :بالأجــازه .. وعــد :اوووف وش الفايده تكــون خلصت الدراسه .. ضحــى :واذا خلصت الدراسه .. وعــد :انا كنت احسبه اللحيــن عشان أقدر أخذ راحتي فالغيــاب .. ضحــى :عندك نيه تغيبين مو كفايه الأسبوعين اللي أنفصلتي فيها .. وعــد :لاماهو كفــايه ذاك أجباري أنا أبي الغياب اللي على كيفـــي.. ضحــى :انثبري بس وخليني أسمع أن وحــده منكن غايبه .. وضع وعــد مــره صعــب كيف بتنجح وهــي على هالحال أخــر تفكيـرها بالدراسه يبــي لها حافز وأعــرف وش هالحافز ... ضحــى :وعــد وش أسم اللعبــه اللي طلبتيها منــي .. كست ملامحها كائبـــه .. وعــد :قصدك البلاي ستيشن .. ضحــى :اذا نجحتي بتقــدير كويس بجيبه لكــــي .. شفت بعيــونها عدم تصديق لكلامــي .. وعـــد :اذا نجحت بتجيبين لــي بلاي ستيشن .. ضحــى :ايوه بجيب لك ... نوف :الله وناسه صدق .. ضحــى :ايه صدق بس خلي وعد تنجح بالأول .. وعـــد بفرحه :بس كذا انجح وأنجح وأنجــح غالي وطلب رخيص ... وبدت تقفـــــز .. وعــد :يااااهههههههووووووو يالناس بيصير عندي بلاي ستيشن مثل الخلق والناس ... وطلعت تركــض .. ضحــى :تعالي على وين .. وعــد :بروح أخبـــر منيــررر .. ضحــى :لاحقــه على منيــر اللحيــن روحي ذاكري ولاماراح يكــون فيه بلاي ستيشن من اساسه .. رجعت وعــد بأحباط ..وجت بتجلس .. ضحــى :لاحبيبتي وين جالسه أطلعي لغرفتك ذاكــري .. وبكــل طاعه طلعــت والله زيــن ليتني من زمان حاطــه لها هالحافز ومريحــــه عمري ... عســاف ليش أظلمهــا يمكـن أني مافهمـت الكلمــه صح هــي أكيـــد ماتقصد الشهــر بمعنـى الشهـر ثلاثين يــوم .. رجعت أرسل لهــا اسألها وش قصدها بالشهـــر ... وجاني ردها اللي طير كل عقــل فيني .. شهــــر لين تخلص الأمتحانات بالعربي بالأجـازه .. شهــر تقــوله شهــــر بالله عليكم وش يســوي بعمــره وهي تقــوله أنتظر بعــد شهــربعـــد كل اللي سواه تقــول أنتظر بعــد شهـــر .. وهو اللي لبى كل مطالبها بأسبوع بس لأنه ماهــو قادر ينتظــــر واللحيــن تقـول شهــر يعني ضعف الأسبوع أربع مــرات ويوميــن وياليت الشهـر ينقص .. الصبــر ياررب الصبــــــر .. ووسط هيجاني دقيت عليها ومثــل ماعـودتني طول الأسبوع ماردت وبعـــد ماتمالكت نفســي ارسلت عليها.. اللحيــن بعد مالبيت لك كل مطالبك تقــولين بعــد شهــر .. ردت علــي .. ماجبرتك علـــى شـي واذا تبـي طلقني وأرجع لك كل هللــه أخذتها منك .. استاهل والله أنــــــي استاهل أنا الثــور اللي بينت لها اني متلهــف عليهـــا وميت فيهــــا .. صدق أني غبــي صرت لها مثل الكتاب المفتــوح تقـراه وهي مغمضــه وهي لي غمــوض صعب أفهمــه ومتاهــه مالقيت طريقــي فيها .. آآآآآآه ياعذابــــــي .. سلامتك من الآآآآآآآآه ياقلبي .. فتحــت عيـــوني وشفته فاتح الباب ومتسنــد عليه .. عساف :هذا أنت وش تبـــــي .. جابــر :مابي شــي شفتك طولت جيت أشوف وش فيك .. صح نسيت أني طلعت من عنــد الشباب وانا واقف بالسيارتي قدام الأستراحـــــه .. عساف:ماجاء أخــوك .. جابر :والله انك مانت بالصاحي قيس من الصبح فيــــه خلف اللي للحـين ماجاء .. جيت بنزل بس هو ماتحرك ساد علي الطريق ... عســاف :خير وش فيك .. جابــر :وش أخبـارهن بنات عمك .. حسبت اني ماسمعتـــــه صح .. سألته .. عساف :ايش ماسمعتك .. وبكل وقاحــه رجع يقولها وهو يبتســـــم ابتسـامته الملتويه .. جابــــر :أخبارهن بنات عمك .. كنت قايم بضــربه ماحسيت الاهو طايح علــــي بعــد ماصرخ بألم .. خلف :عدها يالخسيس والله لأكــسر لك خشمك .. زفيته عني وهو عــدل وقفتــه .. عسـاف :والله لوما أخوك قيس يمديني دافنك تحت موطى رجلك .. رفع شمـاغه اللي طاحت على الأرض وبكل وقاحه قالنا .. جابر :وش فيكم شابين فينـــي بنات عمكم سيرتهــن على كل لسان .. ولاتسوون فيها ماتدرون وأنا ماقصدت شــي شين كنت قاصــد أنبهكـــم .. ولا أنتم مايعجبكم كــلام الحق وتفضلون اللي يتكلم بظهــوركم علـى اللي يكلمــونكم بوجيهــكم ... ومشـــى رايح لسيــارته .. شفت خلف يلف عليـــــه بيلحــقه .. بس أنا مسكتــه مع ذراعــه .. عساف :خله عنك التافــــه .. خلف يسحـب يده بقــوه :فكنننــي فيني حــره بطلعهـا فيــه .. ورمــى شماغه من القهــر يوم شاف جابر حرك سيــارته ... لف علــي بقوه وهو يقول بقهـــــــر .. خلف :الناس تكلم فينــا ياعســاف .. حتا خــوينا مارحمنــا بلسانــه .. نزلت راســي بكدر ياربي أنا وش اللي رجعنــي عشان أشوف هالبلاوي كنت مرتاح بــرى وأخذ راحتــي لأخاف من كــلام ولامن فضــايح .. ليه رجــعت وأنا اللي تارك وراي أبـــواب للحكــي فينــي .. عساف :كلنادارين ياخلف بكلام الناس فينا ولا لازم نسمعــهم عشـان نـصدق .. مانقــدر نلوم أحد على كلامه فينا ليه مايتكلمــون وحنا تاركــين للبنـات الحبــل على الغـــــارب .. خلف وفكــه يرتجف من القهــــر :ماعمـر أحد قالها لـي فوجهــي ماكان يهمنــي كل هذا بس هاللحيــن غيــر بهاللحضـه ماني قادر أستحمــل الوضــع .. عمي مبارك ليش ساكت ومخلي الناس كذا تكلم عن بنــاته ان ماعاد أفهمـــه كيف مايرضى علينا بالكلام ويرضاها على بنــاته كيف ...؟! .. خوفني أنفجــــار خلف المفاجـيء مع أني أعرفه خلف ألزم ماعليــه سمعتـــه ..ورجولته ماتسمح له أن أحد يتكلم فبنات الرجال اللي بمنزلة أبوه .. فاجئني قوله .. خلف :البنات ذولي لازم ينردعــن حنا لازم نسكت الناس.. مارتحت لكــــلامه وقلت عشـان أماطل .. عساف :الكـلام هذا ماينقال بالشـارع .. خلف :افتح سيارتك بنطلــــــع فيها .. ركبنا السيــاره وأنا احركها قال .. خلف :وأنا أعرف كيف أسكتهم نزوجــهن ونفتك منهن ... بلعت ريقــــي .. عساف :ومن ان شاءالله بتزوجـهن بتنشـر اعلان بالجريده .. رد علي بعصبيــــه .. خلف :انا ماني جالس أنكت معك لاتذبحني برودك ... هذا هوخلف لعصب أقشر ماودك تجلس معه .. وبعــد كلمتي هذي صد عني وهو يتأفف قلت عشان أكسبه .. عساف :طيب تزوج منهن وزوج أخـــــوك ... لف علي بعصبيه وبسؤال ماتوقعتــــــه .. خلف :أي أخــــــوو ..؟! عساف :مالك أخــوك .. خلف بنرفزه :تبغـــاني أزوج مالك وحــده من خــواته أنهبلت أنت .. نهـاية الحلقـه .. | ||||
|
| |
|
08-03-13, 09:44 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقــــه الثانيــه والعشــــرون ... ((1)) حكايه جديده يسوق سيارته بالســرعه يسابق فيهــــا الريح صوت الأغاني من شدته شال حتى تفكيـــره كان يردد مع المغني وهو يطبل بيديه على الدريكســــون .. احبه حب نساني شي أسمه راحت البال ... وحبه عامل بقلبي عمايل مو طبيعــيه .. خلاص اليوم بتكلم معاه واشكي له الحال .. عرفت من البشر ياما وشفت أشكال واشكال ...رفضهم كلهم قلبي لأن القصه جديه .. لأن مأبي غيــره ولافي هذاي جدال .. هدا فجأه يوم قــرب من البيت وأنفتحت له البــوابه بالســرعه دخل وهو للحين على سرعته وأخذ له لفه على الدوار وركــن سيارته قدام باب فلتهــم على طــول .. ولف بنظره على فلة عمــــه وطالع بشباك غرفتها وأرسل لها بوسه بالهـــواء ... دخل البيت الخالي الا من الخدم وهو يغنـــي ويتراقص على أنغام وهميـــه : الناس تسأل عن بعض تشتاق وتحـن لبعض وأنا وأنتا للأسف ماكنا حبينا بعــض الناااااس تسأل عننننن بعض تشتااااق وتحـننن لبعض وأنا وأنتاااا للأسف ماكنااا حبينااا ببببعــض ماكنا حبينا بعـــــض آآآآآه ماكنا حبينا بعـــض .. ماكنا حبينا بعض ياشوق ماكنا حبينا بعـــض .. رفــع جـواله اللي بيده ودق عليها وهو عارف انها ماراح ترد عليه اصلاً هي عمرها ماردت عليه الامــررره وحــده وبس ... هلي لاتحرموني منــــي هلى لاتبعــدوني عنــــــه ... من وراه تردد معه بهبــال :هلي لاتحـــــرمونه منهـا .. بدون مايلف يشوفها :أنتي هنا .. :لاهناك بس قريني هنا .. :ماعندك بيت أنتي تنثبرين فيه لازم كل ماجيت بيتنا الاقيك فيـــــه .. :افاا عاشق الشـــوق ماتبينــي أجي لبيت جدتي .. :وينها جدتك ... :جدتي ياعمــي العزيز في منزل الشوق .. أنتفض جسمــه من طاريها وذبذبه عذبه مرت فقلبه ووجــع يستلطـفه عصر معدتـــــه :والله .. نعمة صوتها وتكلمت وهي فاتحـه فمها بطريقه غبيه ايقالها اللحيـن تقلده :ايه والله .. رجعت لطبيعتها :اقص رقبــة أختي الماصله وديان اذا ماكنت أتمنــى لو أنك مكانها .. بأستخفاف رد عليها :لا ماتمنى لأن الشوق هالساعه بالجامعه .. :ماحزرت ياعمي العزيز الشوق والماصله وديان اليوم عندهم اوف .. :وأنتي وش فيك معلقه اليوم على الماصله وديان شكلك توك متعلمتها .. :لا والله أن من الزمان عارفتها بس اليوم الصبح يوم صحيت لقيت نفسي ارددها .. :الا تعالي أنتي ليه ماداومتي .. :صدق أنك ياعمــي العزيز الوليد دايم تدري بعــد الناس .. الوليد :لاتقولين تخرجتي .. :لا وش دعــوى توني لاحقه خيــر .. الوليد :اجل أنفصلتي .. :ولاهذي .. الوليد :اجــــل .. :انا من بداية الترم مأداوم يوم السبت لأن الماصله وديان ماتداوم فمــن الظلم أن أداوم وهي جالسه فالبيت .. الوليد :وابوك وينه عنك .. ضحكت بغبطــه :ابوي أكيد أخر شي يفكــر اذا عياله راحــوا مدارسهم اولا .. الوليد بيتكمـل .. قاطعته :والله مالك داعي عمــي العزيز وأنت مسوي عمرك مره مهتم بمستقبلي وتجلس تنصحني كلش مو راكـب على الوليد بن ........ وقف الوليد :تدرين الشرهه علي اللي جالس معك ولا انتي من يطيقك ويجلس معك دقيقتين على بعظهم لاوتقولين وديان الماصله والله انك انتي الماصله 100% .. رسم أخر كلمــــه بالهــواء وطلــع السلم ركض .. نادته :عمييييييي عاشق الشوق وين رايح حرام عليك ارجع أجلس معـــــي .. طل عليها من أخر السلم :حرمت عليك عيشتك أنقلعي لبيتكم والله أن شفتك فبيتنا مره ثانيه هالحزه لحش رجولك ... طلعت ود من بيت جدتها بعد الطرده المحترمــه من عمهـــــا متوجهه لبيت جدتها الثانيــه .. :اوووووووف شوفي من طلع اللحين بعد الوليد تطلع ذي ... من على السرير وبحظنها اللاب توب :من هي ذي ... :ومن غيرها الغثيثه ود ... :اهآآ .. اصلاً قلت لك عمي الوليد مستحيل يطلع يرجـــع وهو توه راجع من بعد طلعته أمس المغــــــرب .. جت ورمت نفسها عندها على السرير :وريني وش قاعده تسوين أنتـــــي .. وديان :ولاشـــي اسولف مع وحده من البنات .. الشوق تظربها بمخده صغيـره وهي تضحك :وحده من البنات شايفتني ود قدامك .. وديان تشاركها الضحك :شوووق تخيلي عمــرك ود .. شوق:ههههههههههههههههههههه� �هههههههههههههههههههههههه ههههههههههههههههههههههههه ههههههههههههههههههههههههه هههههههههههههههه .. وديان تعلق على ظحكة شوق :لايشوفك عمــــي وأنتي تظحكين كذا والله ليكره الساعه اللي حبك فيها .. كانت تقــولها بغيـره واضحــه من ضحكــة شوق الناعمــه اللي تخلي الواحد غصب ينجن عليها ويطرب لسمــــاعها .. علقت على جــــــرس الباب بحركه معتاده منها واللي يعرفونها فيهــاالخدم واصحاب البيت ... ود :ياهـل هالبيت وينكــــــم .. مشتاق ومسيــــــــر ... ههههههههههههههههه الله يرجني نسيت الأغنيــــه .. أنفتح الباب بقــــــوه .. اللي داخل بأنفعــال :خيـــــر ان شـاءالله جالسين تدقون على المطافي أنتوا .. ود اللي مصدومه باللي قدامهــــــا ماتكلمـت من هذي ووش تسوي فبيت جدتهــاآآآآآآآه ياملحــها الا تجنن ياويلي على الجمــال مالت علــي ماشفت الزيــن .. بعصبيه :هييي انتي ياحلوه لاتكونين طرماء ... صوت من وراها :ملاااااااااكي وش تسوين عند الباب ... وأنضمت لها وهي تحط يدها على كتفها وتلف يدها على خصــــرها :يؤ وش عندكم .. ود بلعت ريقها وش ذولا توأم واخيراً لقت صوتها :هاااااي من أنتم .. ملاك :انتي اللي جايه لنا حنا نسألك ولا نسيتي أصول المحادثه أرجعي لمنهج ثاني متوسط بالانقلش وتلقينها .. سارا :هاااياات وش تريدين .. ود :اريد جدتي .. ملاك :أي جده مضيعه جدتك وجايه تدورينها عندنا .. سارا :ملااكي أعصابك خنشوف البنت وش تبــــي .. ود بنرفزه :هيييييي انتم ماني جايه اطر من عندكم وخــروا شـــي بدخل لجدتي ... وحشــرت نفسها من بين سارا والجدار ودخلت ... ملاك :شوفي المفعوصه كيف صارخت علينا .. ود تنااادي :تيتــــه تيتـــــه شيمــــاء .. سارا ظربت ملاك على كتفها :شوفي تنادي على خالتي شيماء .. ولحقنها على صاله ... نزلت الخاله شيماء اللي كانت فوق :اهلين حبيبتي ود ..شكلك قابلتي المفاجئه اللي قلت لك عنها .. ود بأحباط :اللحين هذي المفاجئه .. الخاله شيماء بأبتسامــه حنونه :ايه هذي المفاجئه سارا وملاك بنات أختـــــي وش رايك فيهم .. ود بقهر للي سووه فيها عند الباب وبكل شفافيه :حمـــارااااااات .. ملاك بردة فعل طبيعيــه لأنها متعوده على الملاسن :انتي الحمــاره .. سارا :خالتي من هذي .. شيمـاء :هذي ود بنت محمــد .. وعرفن محمــد المقصــود ولد زوجها لأنها كانت معطيتهم شـرح مفصل للعائلتها بجلستهم الثانيه وهذي الثالثه وعشان كذا البنت تقــول جدتــي .. ملاك :الله يعينك عليها ياخالتي .. ود :الله يعنيها عليك أنتــي يالخبله .. الخاله شيماء :بنات وش فيكم على بعــض عييب .. تعالوا أجلسو .. وبعد ماجلسوا .. الخاله شيماء :يعني للحين مابطلتي هالعاده .. ود اللي فاهمتها:أي عاده .. الخاله شيماء :انك تغيبين يوم السبت .. ملاك بلقافه :كســلااانه .. ود :انتي الكسلانه ليه مارحتى لجامعتك .. وقبل ماترد عليها ملاك كملت :لايكون أنتم بعد عندكم اووف .. ملاك :لاعندنا لا اووف ولااوفين .. اصلاً حنا ماندرس ... ود بالصدمه وحسد بنفس الوقت :ماااتدرسون كيف .. قاطعتهم الخدامــه اللي جت تقول للخاله شيمـاء أن جاها أتصال ... وبعــد ماطلعت الخاله شيمـاء ... سارا لاحظت أن ود تطالعهم بالنظرات تقيم فيها مظهرهم الخـــارجي وعشان تختبرها قالت بأستهبال :معجبك الجينز حقــي تبينه خذي بعشره مايغلى عليك .. ود اللي ألعن منها بالأستهبال :لاا معجبني حق سـارروووووه .. ملاك وسارا أنتبهن أنها ماتدري من ملاك ومن سارا فجلسن يضحكن ... ود انقهرت من ظحكتهن :وجعععععع ان شاءالله ماقلت شي يضحك .. ملاك اللي قربت من وجها لأنها جالسه معها فنفس الكرسي :الا قلتي شي يموت ضحك مايضحك .. ود بقهر :اللي هو .. سارا :انووو انا سارا ياحياتي مو ملاااك .. ود اللي أنتبهت على غطلتها :وش فرقت يعني كلكن تشابهن .. ملاك بالنفي :لاا مانتشابه .. ود بأنفعال :والله أتشابهن .. سارا :نتشابه بالون البشره والشعر والعيون ولنا نفس القامه ونفس رسمة الوجه بس فينا أختلاف بالملامح لو عرفتينا زين بتقدرين تفرقين بينا بس لابد من الخطأ .. ملاك بصوت عالي:سارونا وش الكلمه اللي قلتيها قبل شوي .. سارا بخوف :أي كلمه .. ملاك بعصبيه :اللي قلتيها قبل شوي .. سارا شوي وتبكي :أي وحــده ... ملاك بأبتسامه غبيه :قامه من أي برنامج لاقطتها .. سارا توسعت ابتسامتها :من البرنامج ذاك السياسي اللي يعرض على القناه ذيك اللي كلها أخبار برامج ودعايات .. ود مصدقه :والله وش البرنامج السياسي ذا اللي يقولون فيها قامه كنت أحسبك بتقولين برنامج ازياء او أي برنامج عن المرأه .. ملاك :هذي برامج ماتعرض الا على تلفزيونا .. سارا :خبله تحسبها بتعرض على تلفزيوناتهم ذي اللي بوصاتها كبيره ..لاذي برامج سبيشل تعرض على تلفزيونا بس .. فجأه وقفت ود وجات قدام ملاك ومدت لها يدها :سلمــــــي .. ملاك مدت يدها تصافحها وهي مستغربه .. ود :تعجبــوني خلاص بنصير صديقات ... وتركت ملاااك اللي ميته ضحك ,, وتوجهت لسارا وسوت معها نفــــس الحركـــــه .. سارا :كم تدفعين بالشهــــــر .. ود :ادفع ايش .. ملاك :تدفعين مقابل صداقتنا .. ود بتكلم بس سارا قاطعتها :لاتقولين ماقريتي عروضنا المغريه بالجريده .. ود اللي أفهمت أستهبالهم :أنا اللي ابصادقكم بس عشـان هالأستهبال بس بديت أخاف منه شكلكم طول وقتكم كذا ماعندكم جد ... ملاك :خل يصير عندنا ابو بالأول عشان يصير عندنا جد .. ((2)) (..عقاب دامــي ..) وش سوووى ..؟!! .. كيف اطلعت منه هالكلمـات ولميــن اكيــد انه انجن عشـان يطلع منه هالكــلام .. من بيفكه اللحين من قيس لو درى .. آآخ من كثــر مايأس منها صـارت تصرفاته ماهي محســوبه .. اللحين بس فطــن أنه ضيعها من يده آآآآه ياشعــوله ليه حبيتك وأنتي جازيتيني بالجفــا .. ليه ماكانت مثل خواتها المفتونات فيــــه ليه هي الثقيله وهالثقل ماجاء الا عليـــــه .. من صغــره وهو أسير عيونها الزرقاء كبــر وكبرت معه مشـــــاعره لكن هي كبـرت وتكبـرت عليـــــه .. وقفل عيــونه وهو يتصــور عيونها الزرقاء اللي ياما عذبته من ورى اللثمــــه .. فتح عيونه بالسرعه يوم سمع اصوات منبهات السيارات وراه وتحرك لأنه كان معطل سير بعد مافتحت الأشاره .. دق جواله فز قلبه يوم سمع النغمــه هذا قيس ... رد عليه بالسرعه رغم أنه خايف لايكون درى باللي صار بينه وبين خلف وعساف .. جابـــر :هلا .. قيس :وينك فيه تعال البيت بالســرعه .. جابر بلع ريقه مليون فالميه درى اصلاً خلف مستحيل يمررها له .. جابر :ليه فيه شـــي .. قيس بنبره غريبه :ليه مستعجل على رزقك تعال للبيت وتعرف .. جابر :طيب أنا اللحين جاااااااي .. قفل منه وأخذ له سيجاره رماها بفمـــه ورفع المسجل على أعلى مستــــوى وأكيد كان طلال المداح .. جتني تقول جتني تقول محبوبتك لاتنتظر ميعادها جتني تقول جتني تقول هذا الجواب اللي بقى لك عنــــدها .. جتني تقول جتني تقول لملم جروحك وانسحب مالك نصيب باللي تحب وارجوك أقبل عذرها ارجوك أقبل عذرها هذي الحياه وهذا حكم أقدارها ياحبها يالدنيتي وحلم العمر ياحبها ياللي بيدك كل الأمر كيف الهروب من حبها وهي مناي وغايتي .. كيف اتحاشى قربها وعنها أداري غيرتي ياذا القدر شلي أقول شنهي الوسائل والحلول شنهي حياتي بعدها شنهي حياتي بعدها جتني تقول جتني تقول محبوبتك لاتنتظر ميعادها جتني تقول جتني تقول هذا الجواب اللي بقى لك عنــــدها .. قفله وهمس بضيق :ياليت كان بينا مواعيـــــد يابو عبدالله ياليت ماكان هذا حالـــــي .. عشر دقايق وكان يوقف سيارته قدام البيت .. تردد ينزل بس بعدين حزم أمره ونزل ... لفت أنتباهه صوت ضحكاتهن واللي صدمه السياره اللي نزلن منها .. :شوفي من واقف على الباب.. :ياحياتي ياسارونووو من قلتي ليه يجلس على البيبان .. :ياقلبي ياملاااكي من غير القطاوه والشحادين ولله يامحسنين ههههههههههههههههههههههههه ههههههههههههههههههههههههه هههههه ... ذولا اللي كانن لامر من عندهن تجمدن محلهن مثل الأهرامات واللحين يمرن من عنده ويتمسخرن عليه لهدرجه صارت حالته يرثى لها لاكسب من حب ولامن حبه ولاحتى بملكته توفق وغمض عيونه مايبغى يتذكر اللي تنسمى زوجته يااااااااه من بعد هالغزلاااان يختار له حظه هالقرده .. فتح باب البيت واستقبله صوت قيس اللي نفضه نفض ... ردد :الله يستر الله يستر .. فجاه أنفتح باب البيت الداخلي وطلع أخوه فادي طاير وطاح على الأرض تراجع على ورى قبل مايطيح عليه ... كان يصب مع فمه وخشمه دم .. رفع عينه على اللي طلع من البيت كان مشمر عن سواعــده وشكله مبهـذل كان حاط يده على مقبض الباب بيطــلع بس هو كان أسرع منـــــه .. ثواني وكان طاير فالهــواء وطايح فوق فادي اللي كان يئن من الألم .. جابر :اخخخ خير أن شاءالله وش مســوي أنا .. وقطــــع بعد ماشاف نظرات قيس اللي تذبح من حرارتها .. وطلع من جيبه جوال رماه على وجهه بكـــــل قوته .. وعرف جابر وش الســـــر .. جابر بتلعثم قبل مايهجم عليه قيس :لحضه قيس خلنـــ ...... وأنقطــع كلامـه بعــد البكس اللي كان بيشيل وجهه من قوتــه مــــع البكس الثاني حس أن أسنانه تحركت من محلها ومن البكس الثالث بلع واحد من أسنانه .. وومع الدوخــه حس نفس يرتفع فالهــــوا ويصقع راسه بالشــي قاسي كان راس فاادي اللي شاركه هالمــــره بالصرخه .. جابر بصوت متقطع من الألم والدم مغرق معظم وجهه :ق يس واللي يرح م والد يك اسمعنـــ ..... رد عليه قيس يوم ركله بكل قوته مع بطنه قوة الظربه لصقته بالجدار .. جابــــر ويده على ظهره اللي حس أنه أنقسم نصين:آآآآآآآآآآآآآآآآآآآه .. فادي يبكــــي :آآآآآآآآآآآه خلاااص بمـــووووت .. التوبه والله التوبه ... قيس يوطى على رقبة فادي بالرجله :وش قلت .. فادي يبكي :التوبه والله التوبه آآآآآآه مأقدر أحتمل تكفى فكنـــي .. قيس بقهــر:ماتقدر تحتمل هاه طيب ليه تسوي شي مانت قده .. لو أهل البنات دروى باللي بتسويه لبناتهم والله حتى القتل مايغفرذنبك قدامهم .. فادي يئن من الألم :التوبه خلاااااااااااص والله مأعيدها اموووت ولا أعيــدها .. قيس بقهــر يحرقه من الداخــل :ولك وجه بعد تقول أنك منت بعايدها ... لوانك رجال بس فكــرتطالع بطرف عباة وحــده من بنات الجيـــــران والله لأذبحك ذبح الشاة .. وبصق بوجهه .. وراح لجابر اللي طايح قريب منه وبصق بوجهه هو الثاني ... قيس :تفووووووو عليكم مافيه واحد منكم طلع رجال كلكم سرابيت الله يلعنـــ ..... قربوا من منيـــــر او حتى اسألوه لو بالكــلام والله لخلي ليلتكم ليله .. وطلع وتركهــــــم كلاً مصــروع بمكـــــانه ... كان يطالعهم من فوق من دريشة غرفته وهو يتنافض من الرعب صح قيس يظربه أحيان بس أبد ماهو مثل هالظرب والله لويعطيه بقس واحد من اللي عطاه جابر وفادي ليتنوم سنتين فالعنايه .. كل اللي جاهم بسببه هو بس يستاهــلونه والله يستاهلــونه هم اللي أستغلوا ضعفه وطلبوا منه يصور بنات الجيران هذا فادي وجابر طالب منه بالتخصيص صورة مشـاعل .. هو ماغلط أبد يوم خبــر قيس كان يحسب أنه بيلقى من الطيب نصيب وكان عاادي عنده فالسبيل أنه ماينفذ لهم مطالبهم بس غضب قيس وقهـره كله انصب على فادي وجابر وهو حتى ماكلمــه ولاعاتبه لأول مره فحياته يحس أن قيس عادل وحقــــاني لدرجة أن عيونه نزلت منها الدمــوع من الغبطه .. والأهم أنه ريحه من الكابوس اللي كان عايش فيه من يوم جاااه جابر وعطاه جوال كاميرا وطلب منه يصورله مشــــاعل .. واكملت يوم رجع له فاادي اللي كان من شهور يطلب منه الطلب وهو يماطل فيــه حتى أنه مره أخذمنه جوال وغرقه بالمويا وقال أنه طاح منه بالحمام بس عشـان يغيـر رايه وماعاد يطلــب منه اللي أطلبه وعطاه جهاز جديد وهالمــره هدده لو ماجاب له صورهن ومعه مهلة أسبوع .. انسدت بوجهه كل الأبواب ذيك الساعه أخوانه يخاف منهم وبنات الجيـران اللي يحبهم أكثر من أخوانه مايقدر يخــونهن ويغدر فيهــن بس هو يخاف منهم ومايقدر الا انه ينفذ طلباتهم .. وسخرلهم الله قيس اللي شاف جوالات الكاميرا اللي معه بالصدمــه وبالسؤال ونظره مرعبه خر كل اللي عنــده وماكان بيقلى أحسن من هالفرصه عشان يتخلص من الأختبار الصعب اللي أنحط فيــــه .. فكر يطلع بالسرعه للبيت الجيران يمكــن قيس باقي بالراسه حب مانطحن ويرجع عليه أو فادي وجابر تدب فيهم الحياه فجأه ويجون بينتقمون منــــه .. ((3)) ســارا (.. حبي المرحــــوم ..) ماصدقت مشـاعري البارده اللي مريت فيها وأنا اشوف جابر اللي المفروض أكون حبيتــه حسيت بتبلد وكــره عنيف له مأدري ليه يمكــن عشاني حبيته وفضل يختار غيـري ولايمكــن لأن حبي له ماكان صادق ويمكن حبي صادق ويوم مالقــى تقبل من الطرف الثاني أنقــلب للكره كل هالأحتمالات وارده بــس المهم اني ماعدت أحبــــــــه ... دخلنا أنا وملاك البيت وحنا رايقيــــن بعد وحده من زياراتنا لخالتي اللي بديت أرتاح لها لأن ملاك ماسوت أي شي من اللي كنت خايفه منه واللي تهيىء لي من كلامها بالعكس كانت على طبيعتها مثل ماعرفها وأحبهــــا .. وحنا داخلين طلعوا علينا وعد ونواف يركضون ... وعد :انتم طييييييب .. وقطعت كلامها يوم أخذت نفس طويل .. نواف :قيس من يطق .. ماتصدقون عمق الرجفه اللي صابتني يوم أنذكر اسمه كنه تيار كهر صاعقنــي .. قلت بتلعثم .. سارا :قيس ط ق ميي يـن ..؟! نواف :حنا نسألكم تجون تسألونا يووووه اصواتهم واصله الحاره كيف ماسمعتوهم .. ملاك :ماسمعنا شي بعد أخوه المتخلف تونا شايفينه عند باب بيتهم ... وعــد :ياويلي أكيد منيـــــر .. نواف بقهر :أنا برووووووح أتوطى فبطن هالمتخلف قيسوووه وأفك منيـــــر منه .. وقطــــع كلامنا فتحت الباب بقــــــوه واصوات زحف وركل وبقــوس شكل الهوشه وصلت للحــوش ... ياربي رجلي ترتجف ماهي قادره تشيلني بدون شعور مني جلست على الأرض .. وأنا اسمع صوت جابر يصــرخ : خير أن شاءالله وش مســوي أنا .. أنتفضت وضميت رجولي بيدي وتكيت راسي عليهم .. عقلي ماهو راضي يستوعب اللي يصــير اللحيــن فهمــوني صدق اللي يصير قيس يضرب جابر جابـررررررر .. رفعت راسـي وأنا أتصدد بخــوف يوم سمعت صرخت ألم ثانيه وطاحت عيني بعين ملاك اللي شفت فيها الخوف ومثلها وعــد ونوف وبيكونن مايحسن لو ماخافن .. وعــد بهمس :هذا فادي الثانـــــي ... وسكتت شوي شكلها تبلع ريقها .. ليش يطقهم .. وهالمــره وبدون أحساس شاركتهم الصرخــه حسيت ان الظربه هذي موجهه لــي ... نزلت عندي ملاك .. ملاك :ياحياتي وش فيك لاتخافين شوفي الباب مقفل مايقدر يجينا .. ومدت يدها تمسح دموعي اللي مادريت عنهن الا هاللحضه .. سارا :آآآه بس هو يتألمــون ليش يظربهم كذا حرام عليه المجــــرررم .. ورجعت أصرخ من صوت صراخهم آآآآآآه يوووجـــــع .. حراام عليه والله حراام عليه حتى أخوانه مارحمهـــم ياربي شوفوا كيف وهم رياجيل يتألمون من ظربه وغمضت عيوني وأنا أتصور نفسي أنا اللي أتلقى هالظرب تمنيت المــــوت قبل ماتوصلني يده .. ملاك :سارا ياحياتي أمشي ندخل .. قمت معها بالصعــوبه أحس رجلي تعقــدت من سمعت صرخته .. قيــــس :وش قللللللللللللللللللللت ..؟؟!! هند :وش فيكم .. ملاك :ماسمعتم الهوشه .. هند :لاا أي هوشه .. وطالعت فيني .. هند :سارا أحط طقك .. ملاك .. ملاك بالسرعه :لا مأحد طقها ذولا الحيوانات أخوان منير يتهاوشون وأرعبوها .. هنــد :مااالت وش عندهم .. ملاك :مأدري عنهم .. وين البنات .. هنـد :شوق عنــد جدتي .. وشهد نايمــه .. مادري ليش يوم جيت أتكلم سألت عن .. سارا :ومشاعل .. معقوله أدور عندها عن الأمان اللي كنت أحس فيه بوجـود ضحـــــى .. هند :طلعت بعدكم بربع ساعه وللحين ماجت .. وحنا نتكلم دخلوا علينا نواف ووعــد ومعهم منيـــــر .. ملاك :انت جيت غريبه مافيه أصابات .. رمى نفسه على الأرض .. منيـــر :اخخ الله ستــر ولاكنت رحت بالرجلين .. سارا :ليش ظربهـــــم ..؟! سألته بحماس لأني فعلاً ودي أعرف ليش ظربهم .. رد علي بالتردد وعيـــــونه تقول كذاب .. منيـر :مأدري أكيد صار منهم شــي .. ضحكــت ضحكــه طالعه من قلب السخريه فيها أكثر من المرح .. سارا :هههههههههههههههههههههههه� �ههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههههه ... اييه أكيد ظربهم لأنهم يستحقون الظرب لأن أخوك مره حقاني صح منيــــر ههههههههههههههههههههههههه ههههه ههههههههههههههههههههههههه ههههههههههههههه .. منيــر :ايه يستاهلون أجل ليش بيظربهم كذا يعني من الباب لطاقه .. تكفى اسكت لاتضحكني يامنيــر تكفى تكفــى .. سارا :صح وبالأماره كان يظربك ويظربني لأنا نستحق الظرب ... منيــر :بس مره ظربك هو وماكن يقصد .. سارا :هههههههههههههههههههههههه� �هههههههههههههههه ماكان يقصد يقول ماكان يقصد ههههههههههههههههههههههههه هههههههههههه ماكان يقصد ههههههههههههههههههههه ههههههههههههههههههههههههه ههههههههههههههه لااااااااااااااا لاااا ماكان يقصد ههههههههههه ههههههههههههههههههههههههه ههههههههههههههههههههههههه ههههههههههه ... ملاك اللي ضحكت معي ظربتني على راسي بشنطتها .. ملاك :بس خلااص أسكتي شكلك يضحك ههههههههههههههههههههههههه ههههههههههههههه .. رديت عليها وأنا للحين أضحك ... سارا :هههههههههههههه ماتسمعينه وش يقول ههههههههههههههههههههه ههههههههههههههههه .. هند :بنااااااات المسلسل جاااء .. ملاك :أي مسلسل وجععع يالحماراات تابعــن من ورانا .. منيــــر :ايوه ياعينــي الحلقه اليوم شكلها شــي وخروا أنا تحت التلفزيون على طول .. أستغربت وبنفس الوقت أنقهــرت وش اللي يتابعونه من ورانا ... سارا :لااااااهذي خيانه تكلمن ياحمــارات وش المسلسل ذي اللي تابعنها .. وعد:اووووف سارا والله أنك لزقه أسكتي اللحين المسلسل بتبدأ مانبي نسمع ولانفس .. ييعععع وش هذي كلها صياح ..كنت بعلق بس سبقتني ملاك .. ملاك :من صدقكم أنتم تابعون هالشي .. نواف :اووووووف أسكتوا .. وبدت مسلسلتهم عشـــــر دقايق وماقدرت أسكت أكثر ... سارا :وش هذا وجعععععع هذا مسلسل خليجــي الله يلعنهــ .. كانهم مايعرفون يسوون مسلسلات مثل الناس وش قلة الحيا هذي ... ملاك :طالعي أنتي بس صدق أنحراف فكري مأدري وش الفايده من هالقصص ووش بيوصلون له .. سارا :خلاااص طفوه لوعتوا كبدي وش لاقين فهالتفاهات تتابعونها .. هنــد :وش فيكن أنتي وياها والله أنكن كنتن تابعن اللي أردى من كذا .. بعدين حنا نتابع اللي نبي كلن حر بنفسه .. ملاك :تابعوا بس شي ينتابع ماهو مسلسل فيها هالأغبياء الحمدالله والشكر شوفي هذي كيف لابسه والله على فقرنا لو لقيت لبسها هذا معروض ببلاش ماأخذته .. سارا :لاوالله أنا لولقيته فبلاش بأخذه وأهديه لمشـــاعل تعرفينها تلبس كل شــي .. ملاك :تصدقين والله فكره مش بطاله أمشي نروح نجيبه .. قمـت بالسرعه ولبست عباتي اللي كانت طايحه قريبه منـــي ... سارا :يالله بالسرعه أخاف أحد يسبقنا ويأخذه .. نواف :بسسسسسسسسسسسسسسس .. منيــر :ماهو وقت أستهبالكم حراام عليكم خلونا نتابع .. جلست بأحباط .. وطرت علي فكـــــره .. سارا :اصلاً أنتم وش مجلسكم على التلفزيون مو المفروض اللحين أنكم تدرسون ... ملاك :ايه صح نسيتي ياوعدوه اللي وعدتك فيـــــه ضحى .. ماتوقع نسته للحين اذكر كيف صحتنا من النوم انا وملاك بس عشان تقول لنا هالخبر المعفن .. سارا :ايه صح نسيتـــي ... وعد :بعد المسلسل لاحقه على المذاكره .. سارا :بعد المسلسل تقولين بعدالفلم او المسلس الثاني وبعدها تقولين بعد الأغنيه وبعدها ... قاطعتني وعد .. وعد :خلاااص بقووووم اووووف صدق أنكن حنانات .. وطلعت الدرج وهي تسب فينا .. اوووب اوووب وخروا عني صدق أني شديده قدرت أقومها .. كذا بدون مقدمات حسيت شفيفها على اذني ..وبصوت واطي ملاك :هششششششششش لاتكلمين عندي لك اقتراح عشان نكد عليهم شوفي كيف مندمجين .. بصعوبه قدرت اوخرها عني وجاء دوري أتكلم وبنفس الطريقه والنبره .. سارا :ووش هالأقتراح .. ؟! رجعت تسوي نفس الحركه .. ملاك :الخطه على عدة مراحل بس فالبدايه معك مفتاح باب البيت الداخلي .. جلست أحوس بالشنطتي أدوره وفعلاً لقيته .. سارا :ايييه معي .. ولفوا كلهم علي لأني تكلمت بالصوت عالي من الحماس .. هند بقهر :ممممممكن تقصرييين صوووووووووتك .. ابتسمت بغباء .. سارا :اكيد من عيوووني .. ولصقت وجهي بأذن ملاك .. سارا :ايه معي وش الخطه ..؟! نفس الحركــــــــــه من ملاك .. ملااك :بنطلع ونقفل الباب الداخلي .. ونطفي الكهرباء من برى .. ساراا:ايششششششششششششششششش� �شش ..؟! ياااااي من الحماااس قلتها بصوت عااالي ياااااهي خططه صدق بنكد عليهم .. نوااف :وجعععع انطمي بنتابع .. رديت عليه وانا اوقف وأشد ملاك معي توقف .. سارا :اصلاً بنطلع ونترك لكم المسلسل أشبعوا فيها .. وأنا أمشي كنت أطلع المفتاح من شنطتي طلعنا عاادي وقفلنا الباب بهدوء من غير مأحد يحس .. ملااك :بنطفي بس على الطابق الأرضي .. سارا :يالله طفيه وش تحترين .. وكأنها كانت تحتري أقوله كذا لأنها مباشره مدت يدها وكبست الزر وحسينا بالهدوء حولنا ... شدن :وش تسووووون .. ملااك :شدن وش تسوين هنا .. شدن :العب انتم وش تسوون وليه لابسين عباياتكم بتطلعون بروح معكم ... وجانا صوت نوااااااف نواف :ياااحمــــــاررررررررره أنتي ويااااها شغلوا الكهربااا .. بأرتباك تغطينا وطلعنا وشدن معنا .. وحنا للحين نسمع أصواتهم وهم يصارخون أفتحوا الباب افتحوا الكهربا .. وقفنا على باب الشارع .. سارا:وين نروح اللحيــن .. ملاك :وش رايك نروح نقضي للبيت .. وتذكرت الفلوس اللي عطتنا ضحــى واللي ضعف مصروف البيت دايم خمس مرات وقالت لاتقصرون على خواتكم بالشــــي .. سارا :يالله وبنأخذ شدونه معنا .. شدن :اكيييييد رجلي على رجلكم هذا مافيها كلااام .. ملاك :وجععع بنت قصري حسك .. ورحنا نمشي للشارع العام عشان نأخذ تاكسي .. ((3)) مـــــلاك (.. مشاغبات بريئـه ..) بعد عملتنا المهببه واللي قررنا بعدها أن نروح نقضــي للبيت واكيد أنا رحنا واللحين حنا فالسوق للمواد الغذائيه ..سارا تسألني .. سارا :ملاك نأخذ زيت ولاسمن بلدي .. ملاك :خوذيهم كلهم .. سألتني بالشك .. سارا :موكنهم أسراف قبل كنا نشتري الأرخص .. ملاك :حطيهم بس .. شدن :ملااااااك أخذ جالكسي ولاكت كات .. ملاك :انتي وش تبين .. شدن :أنا ابي بونتي .. يال الفصاحه على قولت ميشو تبي بونتي وتخير بين الجالكسي والكت كات .. صرخت عليها .. ملاك :غبيه أنتي تبين بونتي خوذي بونتي .. شدن :وابي بعد سنكرس .. هذي والله اللي بتهبل فينــــي .. ملاك :انتي تستعبطين ولاوش سالفتك خذي شي واحد بس .. شدن :لااااااخلاص بأخذ البونتي والسنكرس والجالكسي بخليه للمره الجايه .. وراحت بالسرعه قبل مارد عليها .. سارا :ملااك ناخذ جريش ولاعدس .. طالعتها بأستغراب وش تهبب هذي .. ملاك :وحنا من متى نأكل هالأشياء .. سارا :معنا فلوس ليش مانشتريه ونجرب نأكلها .. ملاك :يالله عادي خوذيها بس أنا مأعرف اصلحها أنتي تعرفين .. سارا :لااماعرف بس أكيد شوق تعرف .. وحطتها فالعربيه .. وجلست افكر وش ناخذ بعد ..وملاااااااك .. سارا :ملااااااك أخذ زيتون أخضر ولا أسود .. بمــــلل رديت .. ملاك :خوذي اللي تبين .. ردت علييي وهي تطالع بالبرطمان اللي معها .. سارا :بدون عجــه او فيها .. سحبت البرطمان منها بقوه تستهبل ذي .. ملاك :اصلاااً هذا مفرغ وخالص يالحلوه .. بعبط ردت علي .. سارا :تصدقين مانتبهـــــت .. ملاك :ماشاءالله عليك طيب امشــي لقسم الخضــــروات .. سارا :ووينها شدن أوف لاتضيع هذي ونبتلش فيها .. ملاك :نبتلش فيها بعينك هذي بنت أختنا .. سارا :احلفي أنتي بس من متى صارت شدن بنت أختنا .. شكلها تبينــــي افقد أعصابي وأظربها قدام المـــلا بس أنا غصبت نفسي ومسكت أعصابي وتركت لها العربيه ورحت أمشي للقسم الخضــار .. وقفت أخذ منها ومر الوقت وماحسيت الا بيد على كتفي لفيت بحده وطالعت باللي وراي .. :آسف ظنيتك .. صرخت عليــه بقهــــرمن وقاحته .. ملاك :آآسف بعينك ياقليل الحيا أنا تحط أيدك على كتفي أنا تلمسني .. :هدي أعصابك يابنت الحلال أحسبك زوجتي .. شوفوا القهــر بعد له وجــه يجادل .. ملااك :زووجتك هاااه طيب وينها زوجتك تجي تشوف زوجها المحتــرم وش قاعد يســووي .. سفهنـي وراح وأنا اصارخ عليه .. ملاااك :حقيــــررررررررررررررررر .. حقيـــــــررررررررررررررر رر .. جتني سارا تمشـــي بالسرعه .. سارا :ملاااك هدي وش فيك ليش تصارخين بعدين وين رحتــــــي انا وشدن من ساعه ندورك .. نفخت بقهــر .. ملااك :آآآآآخخخ الحقيــر .. سارا :ملاك وش فيك ومن الحقير ..؟! ملاك :واحد كان مار .. قلت لها كذا بصرفها مالي خلق اشرح لها .. وحنا عند الكاشير شفت الحقير اللي حط يده على كتفي وياليت تجون وتشوفون زوجته اللي غلط يحسبها أنها اصلاً مابينا أي شي مشترك غير لون العبايه الأسود ... والباقي انواع التضاد هي لابسه عباية راس وانا عباتي على الكتف والهيئه فرق السما عن الأرض ولا وش جاب هالمتينه القصيره لي .. اصلاً مايخطأ بينا غير العمـــــى ياعساه للعمى الوقح لا واللي يقهر أكثر أنه ماهو بس متزوج لاومعه وولد وبنت أكبر من شدن .. صدق بعض الرجال اسفل من السفاله نفسها .. طلعنا من السوق .. شدن :اووووف ماخذنا آسكريم .. سارا :وش رايك ملاك نأخذ من باسكن دام فلوسنا زياده ومنها نسكتهم عشان اللي سويناه فيهم .. اعجبتني الفكــــره وفعلاً وحنا راجعين أخذنا باسكن .. نزلنا قدام البيت وحنا محملين بالأكياس وجزء من الأغراض نزله السايق لنا عند الباب وراح لأنا مانقدر نشيل أكثر ... سارا :ملااااااك بالسرعه افتحي الباب آآآىي يديني بتنكسر .. ملاك :كيف أفتح الباب ماتشوفين ايديني مليانه بالأغراض .. شدن تعالي خوذي المفتاح من شنطتي وأفتحي الباب .. وعلى بال ماخذت شدن الباب وفتحه كنت خلااااااااص رحت فيها اول مادخلنا بالحوش نزلنا اللي بيدينا ودخلنا اللي بقن برى .. سارا :بروح اشغل الكهربا وانتي افتحي الباب .. فتحت الباب وتفاجئت بالهدوء اللي بالصاله ومع أن سارا فتحت الكهرباء بس الصاله ظلااام وش السالفه ليه مطفين الأنوار ..شكيت انه بيسووون فينا مقلب .. ملاااك :اخرجوا من مخابئكم الأمااااان لكم .. سارامن وراي :وش السالفه يقالهم بيخدعونا اخخخخ أغبياء ,, ورفعت صوتها .. سارا :أطلعواااا يامهبل والله ماراح نسوي لكم شــــــي .. تعجبنــي سارونا اللي فاهمتني شفتم كيف قلبناها عليهم .. وبكل غبــــــــاء طلعــوا .. نواف بعصبيه :ووش اللي ماراح تسوون لنا شـــــي خربتوا علينا المسلسل وطفيتوا علينا الكهربا وقفلتوا علينا الباب ... منير بقهر :حيوااااااااانااات .. قاطعته .. ملاك :حقوق اللفظ محفوظه لأخوانك .. منيــر :لاتكلمين عن أخواني .. ملاك :الا بتكلم أخ و ا ن ك .. سارا :ملااااكي أتركيهم ماراح نعطيهم من الآيسكــريم .. نواف :هاه آيسكـــريم لاخلاص سامحناكم ... ملاك :ايه خلوكم كذا عيال مايجون الا بالعين الحمـــــراء .. بعـــد يوميــن طلعنا أنا وسارا للبيت خالتـي مثل ماتعودنا بالفتره الأخيــره وهناك لقينا ود اللي من عرفناه كل ماجينا لبيت خالتي وهي لازقـــــه هناااك .. قالت لنا وهي تفتح الباب .. ود :مالت عليكم وعلى مواعيدكم مواعيد عرقوب .. ملاك :مين عرقوب تعرفينه ساارا .. سارا :لامن وين أعرفه لاترمون بلاكم علـــــي .. ود :قليلات أدب يالله أدخلن ... وفتحت لنا الباب على الأخـر بعد ماكانت سادتــه .. ودخلت قبلنا .. بس أنا وتوأمـي ماتركناها ولا مانكون التوأم اكس او .. سحبناها لين صارت ورانا وتقدمناها .. ملاك :وينها خالتي ..؟! سارا :وينها خالتـي ..؟! ود :جدتي شيمـاء طالعه .. ملاك :شلون طالعه وهي تعرف انا بنجي عشانها .. ردت علي وهي تجلس .. ود :موعشان كذا أنا هنا عشان ماتجون وماتلاقون أحد ... وطيت على رجلها بقــوه وأنا أتعداها بجلس على الكرسي اللي جنبها .. ود :آآآآآآييي ياحيوانه .. ظربتها سارا بشنطتها :لاتقولين عن أختي حيوانه .. ود :الا بقووووول أنتي شكووو ... ملاك :امسكـي لسانك ولاتنسين أنا ثنتين وأنتي وحده .. ود بخوف :يمممممممه مجرمات .. حرام عليكن هذا وأنا متحمسه بجيتكم وقايله بنلعب تنس .. ملاك :تنس وااااااااو لاتقولين عنكم ملعب تنس ... ود بفخر :الاعندنا ليش ماعنــدنا يالله قبل ماترجع جدتي شيماء وتمنعكم من طلوع .. خالتي شيمـاء كانت ماتبينا نطلع من بيتها بحكم أن البيوت الثانيه لأخوان زوجها والشباب بالعايله كثيـــر .. وحنا كنا ننقهر من هالوضع وأنا كان فيه شباب كثير يعني حنا بنروح نلاحقــهم والله هذا اللي كان ناقصنا ... طلعنا مع ود للملعب التنس وهناك فصخنا عبايتنا .. وود جلست تعلمنا كيف نلعــب وأنا وسارا أنواع الأستهبــال .. ود :ملاااااااااااااااااك وجععع جالسه تطبخين فاصوليا أنتي .. رميــت الكوره الصغيره بالهواء وانتظرتها لين تنزل شوي عشان اضربها بالمضرب بس الكورره مانزلت .. ملااك :اوووووف وين كورتي .. وأنا أطالع فوق ... وصلني صوت ضحكـــــت رجال ... :هههههههههههههههههههههههه� �ههه ههههههههههههههههههههه ههههههههههههههههههههههههه ههههههههههه ههههههههههههههههههههههه كورتك هذي .. ماطالعت وراي رحت أركض لعباتي خطفتها وبنفس الوقت كانت سارا تأخذ عباتها وركضنا للبيت .. ((5)) (.. العداء بين الأخـوان ..) استغربت حركة عمها ووش جاابه هنا اصلاً .. ود :عمي نواف وش اللي سويته .. نواف للحين يضحك :من ذولا .. ود مقهوره منه مع أنها بالعاده تحترمه بس بحركته هذي طاح من عينها:وانت وش دخلك .. نواف بأستغراب :وش فيك كل هذا عشان حبيت أستهبل على صاحباتك .. ود :وبأي حق تستهبل على صاحباتي بعدين ذولا ماهو بعمري عشان تقول عنهم صاحباتي وكأنك ماتدري .. نواف وبالطريقه مكشوفه :تصدقين حسبتهم صحباتك قلت عااادي أجي أستهبل عليهم دامهم صغيرونات كبر بنت أخوي .. ود :عمممممي لاتنسى أنك متزوج عيب عليك هالحركات والله لأعلم على هناء .. نواف بعصبيه :وووووود بلاقلة حياء بتعلمين علمي اللي تبين بس ماهو تبلين علـــــي قلت لك أحسبهم صاحباتك صغار يعني .. وراح وتركها .. هي واثقه أن عمها وهو جاااي هنا عارف ان اللي هنا بنات أخت جدتها شيماء ومع ذالك جااء بس هو ليه سوى كذا لوكان عمها الوليد تقبلت منه هالموقف بس عمها نوااف صدق غريبه .. يمكن هو بعد مثل عمهاالوليد كل شي جايز هي استغربت منه هالموقف لأنها تشوفه دايم جدي معها بس مع وديان أختها والشوق بنت عم أبوها اللي هويصير خالها انواع الميــانه .. دخل بيت اختـــه ومثل ماتوقع لقاها جالسه مع أمــه ووديان والشوق .. الشوق :هلاااااااااااا خاااالي .. وديان :اهليييييييين عمــي .. رد عليهم وهو يفصخ غترته :أهلين وش أخبــاركم .. كيف حالك يمــه .. كيف حالك أم جبر .. امــه :ياهلا والله فيك ياوليدي بخير الله يعافيك .. ام جبر :بخير الله يسلمك وش أخبارك ابو رند ووش أخبار رند وأمها .. نواف :بخير كلنا بخيـــر ..وبأستعباط سأل :الا وينها ود مأشوفها معكم .. وديان :اصلاً هذي من متى كانت معنا تنقل من بيت لبيت .. الشوق :ايه صح مرت عمــي سلمـى تقول أنها تحوس فبيتهم وكل غرفه تدخلها الصراحه تفشل .. وديان :امي تعبت من كثر ماتقول عقلــي بس ماعندك أحد .. ام نواف :وش فيكن على البنيه والله أن محد مثلها.. أم جبر :ماقلنا شي يمه محد مثلها بس لو تعقل شــوي واللحين بس لاصقه فبيت العراقيه ماتطلع منـــه .. نواف بصوت واطي ماسمعهن غير وديان والشوق :من عذرها طايحه على غزلاان .. وديان :عمممممممممي.. الشوق :خاااااااااااالي ..؟؟ نواف يضحك :وش فيكن .. الشوق :انت اللي وش فيك وش قصة الغزلان اللي تكلم عنها .. نواف :مايمدحون اللقافه .. وديان :افاااااا عمي تخبي علينا .. نواف :ياشين اللي يعطي الحريم وجه .. الشوق :لاعاد هذي قويه خااالي تزعل .. نواف :ازعلوا بكيفكم أعرف وشلون أراضيكم .. وديان :يعني واثق انا بنرضى .. حب يسوي فيهن حركة نذاله سحب غترته وقام بيطلع :عمركن مارضيتن اروح لرند بعد عمري أبرك من مقابلكن .. الشوق :لاااااخااالي حرام عليك انت واعدنا تطلعنا .. وديان :عمي تكفــى لاتضحك ود علينا .. سوى عمره زعلان وطلع من عندهن وهو خاطره يضحك عليهن .. مر من عند ملعب التنس اللي شافهن فيــــه ابتسم على عصبية ود وسرعان مانمحت هالأبتسامه غمض عيونه بألم آآآآآآه يازمن تعبااان ليه تذكرني ليه تفتح علي جروح ماندملت .. جاااه صوتها مثل نسمه عليله فالجحيم:نــواف احبك لاااتتركني ..والله مابيه مابيه لاتسمح له يحرمنا من بعض .. كان جالس على ركبه قدامه بصوره ذليله بأنكســـــار .. وبصوت ينرحم صاحبه ترجااه توسل له .. نواف :وليد واللي يرحم والديك أبعد عــن طريقي حرااام عليك لاتدمر حياتي لاتذبحنـــي لاتقتل قلبـــــي .. انا اعترف لك بالهزيمـــه بس لااتخرب علي قل لأبوي أنك ماتبيها وانك بس كنت تمزح ... أبتسم له بخبث :تبين أتخلى لك عن خطيبتي أفااا وش هالمراجل اللي تطلبها منـــــي .. نواف :الوليد .. الوليد :عمك الوليد واللي بالراسك ابعد لك من نجم السهيل ..أنا ماني بخبل اتخلى لك عن خطيبتي .. وكمل وهو ينزل راسه له وبنبره شيطانيه :انذليييييييت ذليت عمرك لأجل مرره يأخووي ماتوقعتها منك ياكبيــري ماتوقعتها منك ياولد أبوووي ... فتح عيونه يطرد صورة أبليس منهـــــا .. نواف :ذليتني وبذلك ذبحتني وبذبحك دمرت حياتي وجاء الوقت اللي بدمر فيه حياتك الله لاا يسلم فيني عضــو لوماذليتك ورديت لك الدين بسعى لذلك ياولد أبوي وبعدها بجلس اتفرج على ألمك وندمك ... نهاية الحلقه | ||||
|
| |
|
08-03-13, 09:45 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الثالثه والعشــرون ضحــــــى دخلت البيت يوم الأربعاء قبل المغــرب بعشـر دقايق راجعه من القريه استقلبتني اصوات خواتي وصراخهن وهيصتهن .. سكتوا كلهم اول مادخلت عليهـــــــم .. وعــد :ضححححححححححححححححححى .. وجت تسلم علي .. قلت بأستعباط .. ضحى :لاتقولين انك اشتقتي لي .. وعـد :وليه ماقول أنا فعلاً اشتقتلك شفتي كيف يوم صرتي بعيده زاد غــــلاك .. وبعد ماسلمن على باقي خواتي واكيد الدلوعه شدن اللي لصقت فيني وهي تقول أنها بتروح معي المره الجايه .. ضحــى :انا رايحه انام مابي أي أزعاج وينها مشاعل .. ملااك :مشاعل تقريباً من أمس نايمه تشحن طاقاتها للأختبارات .. ضحــى :طيب اذا صحت قبلي قولولها لاتطلع لين اتكلم معها ... وأختلفت ردودهم ان شاءالله ,, اوكي ,, ولايهمك .. حذرتهــــم .. ضحــى :مابي اسمع لكم حس ولاا والله برميكم بالحوش وقفل عنكـــــــم .. سمعت وعد تقول .. وعد :رجعنا للعصر الأستبداد .. بس كملت طريقي على السلم ولاكأني اسمعهـــــــا .. ميشو احاسيس مؤلمــه مشاعر قاتله تعتيرينــي ..مابالي ارى الناس من حولي ينفضون ..هل وصلت الى مرحله لأستطيع فيها تجميــع الناس من حولي فبعد ماكنت محور حياة الكثيرين اتلاعب بحياتهم كيفما شئت اصبحت الآن نكــره لأستطيع تقرير مصيــــري ولاأعني أي شــيء للكثيرين .. فخلف الذي توقعت منه الكثيـــــر اختفى من حياتي بعدما عرف حقيقتي بعد ماترك عدة مكالمات لم يرد عليها ولم يحاول تكـــــريرها ويوم امس فقط علمت بأمر خطبته لأحد قريباته .. كان وقع الخبر علي كالصاعقه مدمــره خلفت وراها الكثير من المتاعب لااأفهم الرجل أعترف بذالك فكيف بعدما أغرقني بعبــارات الحــب والهيــام وبعد سعيــه الطويل لمعرفة اسمــي الحقيقي وزعمــه بأنه يرغب بخطبتــي كيف بعد كل هذا يتخلى عني بعدما عرف الحقيقه التي كان يسعى الا معرفتها .. الاأكن أعني له شي هل فشلت بلوصول الى قلبـــه .. ارغب فقط بمعرفة اين الخلل منه اومنـــــي حتى استطيع الوصول الى الحــــل الأمثل للقضاء عليه ويبدو اني لن أستطيع ذالك الى بتلبية دعوة سعاد بحضور ملكة شقيقها .. امسكت بهاتفي المحمول وبدات بطلب رقمها قبل أن اغيـــر رائيي .. سعـــاد:يااااااااااااااهل� � والله مرحبا ميشو تنازلت ودقت علي يافرحتتتتتتي .. ميشو :سوسو هل تستطيعن الذهاب معي الى السوق .. سعاد:ياحياتي اكيد وليه لا بس وش عندك .. ميشو :ارغب بشراء فستان لأحضرفيه ملكة شقيقك .. ابعدت المحمول عن اذني لأقيها من صياح سوسو المدمر ... سوسو :مستحيييييييييل ميشوووو ماني مصدقه ... بلييييز لاتمزحين معــــــي .. يال الخرقاء هل تظــن بأني متفرغه للأمزاحها .. ميشو :لأمزح معك أنا أتكلم بجديه هل سترافقيني ... سوسو :افكورس ياعمــري وين تبغين نروح .. ميشو :أترك لك الأختيــــار ..سأنتظرك في الثامنــه .. ضحــى صحيت على الساعه سبع ونص بعد ماتسبحت وصليت نزلت تحت ولقيت مشاعل جاهزه بتطلــــــع .. ميشو :لقد سألتي عنـــي ..؟! مأعجبني شكلها فيها شــــــي غريب .. ضحــى :ايوه تعالي نطلع للمجلس ... قالت وهي تتبعنــــــي .. ميشو :نصف ساعه كل مالدي .. وبعد مادخلنا للمجلس سألتها وأنا اشر بالراسي على الدولاب في زاوية المجلس... ضحى :متي أخذ أغراضه .. ميشو :لم أعلم حتى هذه اللحضه .. ضحى :ممتاز يعني ماتدرين شي عن البيت واللي يصير فيه .. ميشو :هذا الأمر بالتحديد لايعني لي شــيء .. ضحى :مشاعل حنا وش اتفقنا ..انتي موعاجبتني بينا أتفاق ليه ماتنفذينه .. ببرود ردت علي وهي تتامل بالمناكير الأحمر على أظافرها .. ميشو :بعدي لايعني عدم أهتمامي .. هل حدث مايستحق هذه المسائله .. ضحى :تبيني أسكت لين يصير انا ماعتمد على ملاك وسارا وهم لاحقينك بالهياته .. ارتفع صوتها وبانت عليها العصبيه .. ميشو :كان خطأك لما سمحتي بحدوث ذالك فهما اسذج من الحريه المعطاه لهما .. لم يعجبني ذالك من البدايه .. ضحى :يعني تعتقدين ان هالموضع عاجبني أنا ... بس وش بيدي اسويه اخاف لوضغطت عليهم اكثــــر يطلعون من البيت لبيت خالتهم .. ميشو :دعيهم ليفعلوا مايشأوا فلستي بوالدهم .. ضحــى :مشاعل لاتذبحيني وش هالتناقض اللي فيك .. ردت علي بنبره غريبه .. ميشو :انا لم اعد أفهم نفســي اعذريني ضحــــــى لست بميزاج جيــد لهذه المناقشه ... وطلعت بدون ماتسمع ردي على كلامهــــا .. مسكت راســي اللي مصدع وبعدين يعنـــي وآخرتها ماكتب لي ارتاح فهالحيــاه استغفرالله العظيم غصب بتطلعني يائسه هالعاشقـــه (كنك غلطتي علي ضح ضح ) .. لايابعد جبدي وش دعــوى انتي الأصل بس موعاجبتني بعض الألفاظ اللي تكتبينها على لسانـــــي .. (بس هذي طلباتك ماطلبتــي من عيوني لاتردين علي نرجع للقصـــــه !!! ) .. من طلعت على الحياه وأنا فالصراع مستمــر بهالدنيا ابد ماتوقع اني انسانه عاديه انا انسانه شقيــــه فهالحياه يارب العوض بالأخــره يارب .. مأحس اني توفقت بشــي بحياتي كل مراحل حياتي اللي مريت فيها كنت غير عن اللي مثلي ياسابقتهم يامتأخره عنهــــــم يابالخلف واحيان القى نفســــي بالأمام .. ايام الدراسه كانوا يسموني دافوره ويحسوني غبيه متخلفه لأني اضيع نفسي بالدراسه ومايدرون وش وراي من همــــــوم بس ليه الومهم هم من وين بيعرفون الهمـــــــوم كانوا صغار على هالأفكــار دخلت الكليه وكان يحســــــدوني على تفوقي المبهر وذكائي الخارق كان اقدر اكمل دراستي الا مالانهايه بس ظروفي ماتسمح والدراسات العليا ماحطت للي حالهم مثل حالــــــي وبعد كانوا يستسخفون تفاني بالدراسه وش عندها البنت تحسب الدنيا كلها الدراسه بالدراسه اكيد امها دكتوره ويمكن ابوها عالم كبيــــــر ولامن وين بتجيب هوس الدراسه هذا اكيد وراثه مادروا ان ابوي جاهلي بالقرن الحادي والعشــــــــرون ..وأمي تشوف الحيــاه كلها فزوج وبيت وعيـــــال .. ميشو صعدت الى السياره وبادرتني عبارة الترحيب من سوسو التي احتظنتي ماأن جلست جوارها وأمطرتني بالقبـــــــل ... سوسو :احببببببك ياعمري احببببببك .. ميشو :ابتعدي عني ارجوك اكاد أختنق .. سوسو بأحراج :اعذريني ميشو قلبوو من فرحتي فيك .. واكملت بفرحه تكاد تحملها على الطيــران ... سوسو :بنروح لمجمـــــح الـ ..... محل الــ .... منزلين فساتين تأخذ العقـــــل .. واستمــرت بالحديث وانا أتظاهر بسماعها وافكاري ليست معها بل تحوم حول شقيقها الخائن .. بحثت كثيراً بين افكاري عن ماجعله يتخلــى عنــي .. لماذا فعــــــل ذالك لن يجيبني على هذا السؤال سواه .. خلف يافهـــد قلبــي اقسم بأني سأجعلك تبكي حبـــــــــي .. وبالتفاته صغيــره الاشقيقته اللي بترت حديثها واخذت تراقب ابتسامتي الخبيثه .. سوسو :ميشو تروعين وش ناويه عليه .. ميشو :لاشــيء وكل شــيء ... سوسو :ايش حزوره هذي قولي يابنت ايش سالفتك... ميشو :صدقيني لاشيء اخبريني انتي أي صالون سيزينك .. سوسو بحماس :الـ ....... تكفين قولي انك بتجين معي .. لأستطيع حقاً لأستطيع فأنا ارى نفســـــي اجمل بكثير من ان تصيغني ادوات الزينه .. ميشو :لأعتقد بأن تلك المركبات الغبيه ستضيف الي شـــي .. سوسو :ياغرورك يأختــي .. ميشو :للأسف لستي بشقيقتي .. سوسو :من سوء حظي ياليتك كنتي أختي .. سألتها وكلي استغراب من محبتها الغريبه لـــي .. ميشو :هل حقاً تحبينــي .. سوسو :اموت فيك مشاعل غلاتك بقلبي مالها مثيل بقلوب البشــــــر .. وصلنا الى المجمــع المقصود .. سوسو :المحل بالدور الثاني نطلع له على طول ولانشوف بالمحلات تحت يمكن نلقى شــي .. ميشو :كلا نصعد مباشــره اريد ان اخرج من هنا بالسرعه ... تملكها الأحباط وهي ترد علي بنبره حزينه ... سوسو :طيب يالله نطلع فوق .. وبعد ان حصلنا على مبتغانا اصرت سوسو على ان نتناول طعام العشــاء معاً .. ومع اصرارها استجبت مكرهه ... سوسو :لاموكذا عاد شيلي هالتكشيره عن وجهك .. ميشو :انهي عشاءك بالسرعه ليس معي الليل بأكمله لأقضيه معك ... كانت سترد علـــــي .. ولاكان انفتاح الحاجز للركن الذي نجلس فيه اصمتها ... :ماصدقت عيوني يوم شفتك قلت اكيد من كثر مأحلم فيك صرت اتصورك بكل مكان .. وسحب كرســي ليجلس بجوراي ... وامسك بيدي .. فارس :ليش مادقيتي علي ليشش..؟! سوسو :فااارس انت تعرف مشاعل ... بدأ الأرتباك عليـــــه يبدو انه لم ينتبه على وجودها .. فارس :سعااد .. ايه اعرفها .. وعاد للحديث معي .. فارس :ليش مادقيتي علي ارجوك قوليلي ليه وانتي واعدتني ... سحبت يدي بصعوبه من يده .. ميشو :لم اعدك بالشــــــي .. مالذي تريده منــي .. الاتكفيك واحده .. لأستغرب منك ذالك فأنت لئيم كغيــــــرك .. سعاد :فارس ايش تبغى من مشاعل وخر عنها ماتصلح لك وهي صادقه اكفايه عليك كريمه .. والله لوتدري انك تحوس من وراها لتطلع عيونه بأظافره اللي تقل مخالب قطــــــــووه .. فارس :انتي اسكتي مالك دخل ..مشاعل لاتسمعين كلامها والله ماهمتني كريمه ولامليون كريمه ... ميشو :سعاد هيا بنا ارغب بالخروج من هنابالسرعه .. حاول الأمساك بيدي مره اخرى ولكني ابعدته بكل قسوه ...وصحت بوجهه .. ميشو :اغررررب عن وجهـــي .. فارس :ياحياتي هدي شوي خلينا نتفاهم .. سوسو :فارس اذا ماتبي كريمه تعرف عن سوالفك وخر عنا .. خرج والقهر باادي على محياه ... سافل كغيــــــره اكررره حتـــى التفكير بأنه اعجبني باول لقاء بيننا .. يبدو اني كنت اعاني من فراغ بالعاطفـــه كم كنت سخيفه ,, حتى لأقع في حب فهد بحثت عن شخص أخـــر لأوجــه عواطفي اليه حقاً يال غبائي فمن المسحيل انا احب ذالك الأخـــــرق خلف.. ضحــى طلعت من المجلس وبصوت عالي صوت على اللي داخــــــــل:ملاااك سوي قهوه وجيبيها للمجلــــــــس ... صدعــوا بالراســـي هالبنات عليهم غباء ماشفت مثله سؤال محيــرني ليش بناتنا وعيالنا يكــرهون الرياضيــات لهدرجــه تبون الصراحه حالتهــم صعبــــــه .. رجعت لهـــم كانوا خمس بنات بالأضافه لهند وشوق .. كانت وحده من هم سودانيه اسمها روى ويمكــن هي اكثرهم اجتهــاد رغم ان مستواها مو ذاك الزود سألتنــي :ابله ماما تسألني انتي ليه ماكملتــي الماجستــير والدكتوراه .. ضحــى :ظروفي ماتساعدني موكل مايتمنى الأنسـان يحصله وريني اشوف حليتي الواجــب .. نطت علي وحده من البنات كانت ميييح بالمــره بالصف اولى ثانوي اسمها سلمــى .. سلمـــى :ابله انتي كيف قدرتي تدرسين اربع سنين تخصص رياضيات وانا اربع دقايق على بعض ماقدر ادرسها .. رديت عليها بغرور .. ضحــى :انتي قلتيها انتي وانا يعني مافيه مجال للمقارنه .. سلمى انصحك غير التدبير المنزلي لتخصصين .. ابتسمت على ضحك البنات اللي كان بطريقه هستريه شكل الرياضيات اثرت عليهم يشوفون فيها مــرض هلاك عذاب حمل هم ماهم قده بعكسي القى فيها متعه متنفس من كل كـــــرب صدق من قال الرياضيات فــــــــن ... بس مألومهم الرياضيات للكثير منهم عقده عثره فالطريق نجاحـــه خصوصاً انه لها النصيب الكبير فالدراسه وترتب عليها النسبــــــه ومع التراكمــي زاد كره الطلاب لها اضعـــاف .. والرياضيات لــــــي كل حيــاتي .. رجعني من غفلتي دخــول التوأم .. ملاك :واحلــى زمزمية قهــوه وحضررررررررووووووووا .. كانت رابطه على خصرها مريله وعلى راسها منشفه شكلها صدق مثير لضحك ... واكيد سارا مسويه مثلها .. سارا للي يدرسون :تبغون انتم قهـــــــوه بعد .. المره ذي بنقهويكم المره الجايه تقهوو فبيوتكم قبل ماتجــون ... ضحــى :والله مأنتي دافعه شــي من جيبك وفنجال قهــوه ماهو مزلزل ميزانية البيت .. سارا :ابله ضحى اشربي فنجالك قبل مايبرد .. ملاك :ورى ماتأكلين شوكلاته فيه بونتي اللي تحبينه .. سارا بأعتراض :ماتحب بونتي تحب جلاكسي بالكراميل صح ضحــى .. ضحــى :مأحب شــي اطلعوا خلوا البنات يركزون .. ملاك :بنروح لبيت خالتي .. ضحـــــى :لاااااااااا .. سارا :أوووووف طيب بنروح نتمشى بالحاره .. ضحــى :سارا انقلعي لأوريك صدق كيف تمشين بالحاره .. طلعن وهن يتأففن ورجعت انا للبنات واسألتهم اللي ماتنتهي .. جالسه بين عمــانه عمــه مبارك وعمــه عساف والكــل حاضـرين يباركون له على زواجــه الرابع ثلاث زوجات وطليقه وعنده مكان شاغر لوحده بعـــــد .. وهذي ملكته السادســه امور الزوج وترتيباته صارت عنده امــور روتينيـــه .. طالع فيه وبالسرحانه وش عنده الرجال لايكون يفكر بالرابعه من اللحين يسويها :خلفففف .. خلف :هلاا نعــــم .. عساف :وش فيك ساهي .. خلف :افكر ان عمــري وصل لأربع وثلاثين وماعندي ولد يحمل اسمــي .. عساف :الأمر هذا بيدك .. خلف :شكلي تسرعت بالزواجي هذا بعــد .. عساف بعتب:خللللللللف ..حنا جالسين فبيت أهلها والبنت ماصارلك ثلاثين دقيقه من ملكت عليها .. خلف :ماراح تكون الزوجه اللي أبغـــاها ام لعيــالي الزوجه التي بقضي معها كل حيـــــاتي.. هي مثل غيــره شهرين على بعضهــم مأقدر اعيشهن معها .. عساف :قسم بالله انك مانت صاحــي وش فيهن اللي تزوجتهن عشان ماتقدر تصبر عليهن .. خلف :املل ماقدر اكرهن ياعســاف اشوف فيهن سخفات المــراءه اللي أكرهـا ... عساف :عن الفلسفه بــس الحريم كلهن مثل بعض مأدري من مصور لك ان فيه وحده غير عن الكــل .. خلف باصرار وعيـــونه فيها احمرار مخيف :لقيتها بسسسسسسسس .. عساف :ايه بس ايش من منعك ماتزوجهــــــا ... خلف بقهر :تبغاني اتزوج وحــده تبات برى بيت أهلها بالأيام .. عساف :ابوها عمك يامبــارك وأخــوك أخوهن .. خلف بحقد :كللله من عممممي كلله مننننه .. عساف :اشششش بس لايسمعك .. خلف :خله يسمع لو ماتخلى عنهــن ماكان هذا حالها .. عساف :ماشاءالله من متــى صار خلف بصف الحريم .. بتزعل عمك منك عشان مــررره .. خلف سكت وصد عنــه ضغط على السبحه اللي بيده لين انقطعت .. نظرت لصديقتها اللي ترقص والفرحه باين على وجها ولاكأن اخوها متزوج للحين خمــس مرات وهالطقوس تنعاد كل مره... انتقلت عيونهالزوجتــه الجديده اللي جالسه بكــوشتها حللوه عاديه مثل باقي اللي تزوجهن مافيها جديد الا انها اصغر منهن عمرها 18 سنــه .. لعبت بجهــازها الجــوال تصورها لاااا مسكينه شكلها بريئه ماتستحق الفضيحـــه ... الفضيحه هالمــره له هو,,هو وبس .. ماهي ميشو مبارك اللي ينلعب عليها هي اللي تلعـــب .. والناس كلها العـــاب لها بس ابد ماتكـــــون لعبه في يد احــــد .. بكره عندها اختبــار صعب تركت المذاكره وجت هنــا عشان ترد كرامتها بس لو مانجحت فأمتحــان بكــره تقسم بأغلظ الأيمـــان ان ماراح يدفع ثمـــن هذا غيــر ياخلف .. سعاد وهي ترمي نفسها على الكرسي جنبها :اوووف تعبت ياحلــو الرقص .. سألتها ببراءه :اين والدتك .. سعــاد :مأدري عنها وين راحت قبل شــوي شفتها على طــاوله اللي هناك ... واشرت على طاوله فالجهه الثانيه من الصاله .. ليه تسألين عنهــا .. ميشو :هل تعتقدين بأنها ستتعرف علي وأنا بهذه الهيئه .. سعــاد :اكيــد لاياعمــري والله انك طالعه كنك ممثل أجنبيــه تكفين من بيتوقع انك المتشرده .. ابتســمت على جملتها متشــرده هاه ..قريب بتعرفين وش معنــى كلمــة تشــرد ياصديقتي العزيزه واوعدك علــي يدي .. قامت من مكــانها :سأذهب لأصلاح زينتــي .. سعاد :تبغين احد يوصلك .. ميشو :كلا ياعزيزتي بأمكاني ايجاد الطريق بنفســـــي ... وأخذت معها شنطتها .. وبدال ماتروح للدورة الميــاد دخلت للغرفه صغيــره كانت فيها المشرفه على الموسيقــى تتراقص على انغــام قمر لعبد المجيــد عبــدالله .. ميشو :مرحبااا .. وبعد ماردت عليها .. :لقد طلبت منــي مدام باشا أعطائك هذا الشريط لتشغليه بعـــد هذه الأغنيــــه .. وطلبت مني اخبـارك بأغلاق الباب عليك حتـــى أنتهاء بث الشريط ... اخذت منها الشريط بتفــــــهم ووحطته فوق مجموعه من الأشرطه .. خرجت من الغرفه ليقفل الباب خلفهـــــــا .. كانت آخر نغمـــــــات تسمعها :اليووم طالع قمـــــــرر .. لبست عباتها وخرجت من الصاله لكنها وقفت بمكان قريب من الأمـــــن تسمع اللي يذاع داخــــــل الصاله ... الناس كلها تستعــد لأغنيه جديده عاطفيـــه كسابقتها مفرحـــه تبث اجمــل الكلمــات واعذب الألفاظ .. وبدل ذالك يلقون أنفسهم يستمعـــون لوحده من مكالمــات المعرس العاطفيــــــــــــه ... بصوته الرجــولي المميز اللي ياما كررنا انه جلف مخيف بس بهالحضات كان فيه نوع من الرقه المثيره للضحك :وينك حبيبتــــي كل هذا تغلــــــي .. روبي معــي .. :آسف حيـاتي وش أسوي هي تطلــع معي كذا مأقدر مأقولها لك مأدري كيف من أسمــــع صوتك ودي أقول لك كل الكلام الحلو المــوجود في الدنيــا ... :ماهو غلطتي فهالدنيا ان اسمــي خلف ماهو فهــــــــــد .. روبييي انا اسمي خللف مانيب فهد ولاعاد اسمعك تنادينــي فهد .. خلف انا خلف .. :زعلتي ياحيــاتي انا آسف ماكان قصدي اصرخ عليك بس نفسيتي تعبانـــــه ... ((صوت غيــــر واضح من الطرف الثانـــي )) رد عليها :طلقت زوجتــــــي .. خاينه تصور اكتشفت انها تكلم واحد ثاني من ورى ظهــري .. لاوبعــد مصوره خطيبتي وناشـــــره صورها .. :اكيـــد أحبك هذي مافيها شك .. :ادري اني مجنون ولافيه احد يحب وحده ماشافها ورافضه حتى انها تقـــــــوله اسمها الصدقـــي .. بتنهيده حارره:بتزوجك يعني هذي يبيلها ذكاء ... :روبي ارحمينــي الله يرحم والديك كفايه ذل وترجـــي .. انتي خليتي اترجاك وانا اللي عمــري ماعرفت هالكلمـــــه ... :داررري ياعمــري والله اني داررري انك تستاهلين اذل عمـــري لك .. وببقى ذليل لك بس سامحينـــــــــــــي .. صرخت ام العروس بالصدمــه لباشا اللي واقفه جنبها تسمع اللي يبث بالذهول تاام :وش هالمهزله يام المعرس ... باشا اللي تغلبت على صدمها مشت بالسرعه للغرفة الموسيقى ودقت على الباب بأقوى ماعنــدها .. سعاد اللي جايه تركض :يمه وش هذا من اللي سوى كذا ياويلي فضيحه..يافضحيتنا بالناس باشا :سعاد صدق هاللي صار صدق ولا انا احلم ... سعــاد :يمه مستحيل كيف خلف وشلون صاركذا ماني قادره استوعب ... باشا:مادري مادري وهذي ليه ماتفتح البــــــاب ... ثنتين من الحاضرات طالعن فبعض :وش هاللي نسمعه .. الثانيه :والله العظيم ان هالناس ماعادوا صاحين .. ولافيه احد صاحي ينشر فضايحه قدام الناس .. :توقعين وش بيصيــر .. الثانيه :قصدك وش بيسوون اهل العــروس ..ماتوقع يصير شـــي يعني هو متزوج من قبل وبنتهم الثالثه مافيه شي لو زادوا عليها انه مغزلجــي .. :توقعين هاللي يكلمها بتكــون الرابعــه .. :ليه لا شكله كل زوجاته يأخذهن بهالطريقه .. :وليه ماتكون هاللي يكلمها هي مرته ذي .. :يمكــن كل شي جايز .. عمه مبــارك .. :ايه بس مبارك تاب من بعد باشا مأخذ أحد .. :وهو يقدر عايش من فلوسها ويتزوج عليها .. :ماعمرك شفتي احد من بناته .. :لاوالله ماحصل لي الشرف .. :كنك تمصخرين بلاك مشفتيهن .. :ليه انتي شفتيهن ..لاتقولين طالعات على ابوهن .. :ماشفت الا الكبيره تدرس بالمدرسه اللي فيها بنتـــي .. :وكيف عرفتيها .. :دايم تهرج عنها بنتــي منبوذه مأحد يحبها شايفه نفسها وظالمه حتى المعلمات والمديره مايحبنها ..ومـره رحت لمدرسة بنتي طالبتني المديره وانا أتكلم معها دخلت علينا ذيك القمـــر طول ورسم ولاشعـــرها الأحمـــر (غجري) مثل شعر جدتها اللي يرحمها ... :ليه هي ماتت .. :لا بس حياتها مثل الموت الله يرحمها برحمتــــه آآآآمين .. :الله انتقم لهم من باشا بنتها وتطلقت وولدها مزواج وثالث ضايع .. وهاللحين بس انفضحت فضيحه مأتوقع الناس تنساها لو بعد السنين .. :الله يستـر علينا بس .. وقومي بنطلع ماتشوفين الناس طلعت .. :والعشــاء .. :بعد كل اللي صـار وتبين عشــاء .. خلت الصاله عليها هي وبنتها وخـــواتها .. باشا ماسكــه راسها بين يدينها ماهي مصدقه الفضيحــه اللي صارت لهم :ياوويلي يافضحيتنا بين الناس صرن علك بحلوقهـــم .. سعاد منزله راسها على الطاوله وتبكــــي من الفضيحه والشتايم الكثيره من ام العــروس والكــلام الجارح اللي طالها هي بعــد وأن سبب طلاقها طلع واضح تقصد انها مثل أخوها .. اخت باشا:اهدي يأختــي اللي تسوينه بعمــرك ماهو حـــل وترى اللي صار مايحتــاج كل هذا كله يوم او يوميــن والناس تنســى والرجال مايعيبه شــــــي .. باشــا :دارين انه مايعيبــه شــي بس هالفضيحه قويه ولدي تغزل بوحــده على الهــدء كل الناس تسمعه وهو ذال نفسه بترجيهـــا .. أختها الثانيــه بقهر وعصبيه :آآآآآآآآآه يالقهر بس لوعرف من ورى هذا .. باشا :القهر ان الحيــوانه ماتعرف من اللي عطاها الشريط لأنها كانت منزله عدساتها قبل ماتدخــل عليها.. سعاد بقهر من بين دموعها :من اللي سوى فينــي كذا ليش يفضحـــون خلف حرااااااام والله حراااااام .. خالتها :سعاد هوني على نفسك اكيــد انها الحيوانه اللي كان يكلمهــا اكيد هو يعرف من هــــــي .. باشا :ياويلي كيف بنقـــول له .. سعاد :هو بعد مايعرفها .. خالتها :وانتي وش دراك .. سعاد :هو مره جاني يسألني عن وحده اسمها روبي بالجامعه .. وحده من بنات خالاتها :اصلاً حتى هو بالمكالمه يقول فيه احد يحب وحده ماشافها ولاحتى يعرف اسمها الحقيقي .. امها :وانتي مرره مركزه بالمكالمــــــه .. البنت بقهر :كل الناس سمعوها وقفت علــــــي .. سعاد :قهررر الحقيــــــره قاطعه صوتها .. خالتها :هذي انســانه وصخــه ماهمتها حتى سمعتها .. باشا:انا ماهمتني وصخه ولانظيفه اللوم على ولدي اللي وصلت فيها الدناءه انه يكلم بنات شوارع .. خالتها:رجال ماينــلام اكيد قصت عليــه .. سعاد :ليه هو مراهق تقص عليــــــه خلف رجااال متزوج لامره ولاثنتيـــــن .. بنت خالتها بخبث:ماتقص عليـــه الا وحده داهيه محنكـــــه ... باشا :يافضيحتــي بالناس حسبي الله عليها اللي ماتخاف ربها اللي لايربحهـــا يارب يفضحها بالمــلاء كلـــه .. خالتها :آآآمين يارب اللحين وش بتســوون مع اهـــــــل الهنوف (زوجته الجديده ) .. باشــا اللي حاقده على ام الهنــوف :بعد اللي سمعته من أمها مستحيل تبقى زوجه لولدي مأكون باشا ان ماخليته يطلقهــــــا .. وبنشوف من بيأخذ بنتها اللي تطلقت بعــد ملكتها بيوم ... سعــاد :يمه حراااااااااام عليك .. باشا بقهــر :أنتي اسكتي ماتفهميــن شــي ماشوف احمــد قال حرررااام يوم طلقك بعــد زواجك بكم شهــــر.. سعــاد تبكــي :يمممممــه .. باشا :لاتبكيــن والله لأزوجك سيد سيده .. اختها :ومن سيد سيده .. باشا:خلينا نخلص من هالفضحيه وتعرفينه لكن ياخــوفي تكون هالفضيحه سبب بتخريب مخططاتي .. طلعت من القاعـــــه ومن الفرحـه ودها تحــــللق انتقمــت منــه وفضحته فضيحــه مايغطيها أي غربال... المـــره ذي جاء أنتقــامهــا خااااص هديه خاصـــه والجديد ان المهدى يعــرف صاحــب الهديـــه .. وهذا اللي تنتظره بتشوف وش بيســـوي خلف وكيف بيتقص منها ..بالسياره ارسلــت له رساله قصيــــره تشفي غليلها فيــه ماتقدر تصبر لين يعرف من اهلـــه ... بعد مأرسلت له الرساله حست بالراحــه عميقه مثل عادتها كل مانفذت وحـــده من انتقاماتها على أهل ابوهابس هذي المــره ماحست بالقبضه القاسيه اللي تعصـــر قلبها لأن المــره ذي انتقمت من خلف وفيــــــه وماكان فيه أي احد مظــــلوم بالمــوضوع ... صوت مسج واصل على جـــواله طلعه وهو متوقعه واحد من ربعه يبارك له ويتعذر لأنه ماحضر ولايمكـــن واحد من المــوجــودين وحب يبارك له بالكتابه ... فتح المسج وعينه فوق على المــــــرسل رقمهــــا ايه رقمهـــا هـــي آآآآآآآآآآآآآآآآآه والله مو وقتك اللحيــن ياشعلة القلب .. نزل للمسج يقــــــررااه ,, (.. مبـــروك يافهــدي .. لم استطــع ان تمــر هذه المنــاسبه من غير ان اشاركك فيــها ..اهديت هــديه بسيطــه بهذه المناسبه العظيمــه لنا جميعــاً ارجــو ان تتقبلهـــــــا بصدر رحـــب يافهــدي الخــائن ...سمحت لنفســـي ان اذيع بعض المكالمــات التي جمعتنا في حفلة ملكتك .. ارجوك لاتغضب مني فاللوم كل اللوم يقع عليك ..) هذي اكيــــــــد تمزح مستحيـل تكــون سوتها مستحيل كيف يعني هي كانت تسجل مكالماته معهــا مستحيل تسويها اصلاً هي ماكانت تبي تكلمــه هو اللي كان مأذيها هو اللي أجبـرها تكلمـــه ..هذا مقلب منها هي ماسجلت مكالمتها ولا أذاعتها .. هي مافضحته ماااااااافضحتــه .. ماتجرأ مستحــيل تكــون سويتها هي عارفه انه يعرفها وماراح يسكت لها لو ضرته بالشـــي ..اصلاً هي بتفضح نفسها قبل ماتفضحـــــــه ... سكت شوي وهو يتذكــر اللي عرفه عنهــا ومن اللي عرفه غمض عيونه وهز راسه بالنفـــــي تسويها تسويهــــااا ... عساف اللي ملاحظ ان خلف ماهو بخيــر من يوم وصلته الرساله ..هز من كتفه لأنه مأنتبه له يوم ناداه :خللف خلللف يارجااال وش بلاااك ... خلف والوجــوم على وجهه مــد له الجــــــوال .. عساف أخذ منه الجــوال وعرف انه يبيه يقرأ الرساله ... قرأ الرساله وامرات عدم التصديق واضحه على وجهه وش هالتخــــاريف .. هذا اللي أخذه من المكالمات المحرمــه حذره ياما حذره ان هالزباله مصيرها تأذيه وتسبب له الفضايح والمشاكــــــــــل ... هو اللي عطاها الفرصه وهــي حقييييييييييره حقيييييييييره زباله ماهمها شــي انسـانه بلا أخلاق وش ينتظرون من بنت مارباها رجال ايش متوقعيـــن منها أيــــــش مايهمها شــي ماعليها رقيب وماعندها من تحسب له حســاب ..فضحتــه ولاهمها ان هالفضيحه تطولها بعـــد ولا كأنه ولدعمهــا نست ان اللي يضره يضــرها وان اللي يمســه يمسهــا..هذي أكيـــد أنسـانه مريضه مافيه انسـان سوي يسوي اللي سوتـــه ... صدق زباله بس هالزباله هم اللي اوجــودها هي نتاج أهمــالهم وهم اللي دفعــوا ثمن وجــودها .. ياترى كم زباله اوجــودوا بعــد وكم ثمن بيدفعــــــــــــونه ... عســــــــاف طلعت من المجــلس مقهـــور بالطريقها لفت انتباه الجميــع بس ماهتمــيت ... وجوال خلف للحيــن بيدي .. ركبت سيــاري وعلى بيت عمتــــي .. قطعت كذا اشاره من غير اهتمــام خليني اخذ مليون مخالفه المهم اوصـل وطلع قهــررري فيهن الحقــيرات ... نزلت من السياره وصكيت بابها بقوه يمكــن يخفف من قهــــــرري شووي ... علقت يدي على الجــرررس يمكــن يغيرون عادتهم مررره ويفتحون بدري لكن مايكونون اصحاب هالبيت لو سووها .. اضطـريت ادق عليها وبعــد طلوع الروح .... عســاف :افتحوا الباب لأكــسره على روسكــــــم .. كنت بقفل بس ماقفلت كيف اقفل وانا لي اسبوع ويوميــن ماسمعت صوتها .. صمت دقايق ثم جاني صوتها .. ضحـى:انت اللي عند الباب .. عساف بتنهيده :ايه اناا .. ضحـى بهدؤ :طيب دقايق ونفتح لك الباب .. وقفلت ... غريبه ماسألت وش تبـــي .. عجيب هالهدؤ عليهـــا .. تسندت على سيارتي احتريهم يفتــون الباب خمس دقايق ثمن انفتح الباب .. كانت واقفه ومعطيه الباب ظهــرها وعليها عباتها والطرحــه لفت علــــــي .. ماجيت الا وانا مجهــز الكــلام اللي بقوله كنت ناوي اول شي اسويه برمــي جوال الخلف بوجهـــا تشوف حقارة اختهـــا بتسألني وش هذا ويجــي وقت التشفــــي بكشف لها أختها الزباله ومصايبها بس كللللللل شــي ضاااع يوم شفت عباتها اللي كانت المفتــوحه .. ماقدرت اوخــر عيني من عليها البنطــلون والقميص واصفات جسمها بالطريقه اول مره اشوفه فيها .. انتبهت على نظراتي وبأرتباك قفلت عباتها ... مسكت يدها .. عساف :ضحــى .. سحبت يدها من يدي بقهوه ولقتني ظهرها .. ضحى :عساف وش كنت جااي بتقول واضح ان عندك كلام ..اخلصي عليه فيه عندي بنات اعطيهم دراس خصوصيه .. عساف :ماهو مهم اللي كنت جايه اقول .. وحاولت امسك يدها مره ثانيه ... ضحى بعصبيه :وش كانت جاااي تقــــول .. قهرتنــي ارتفع ضغطــي من اسلوبها صدق اني غبـــي اهنت نفسي قدامها بتصرفاتي المراهقــــــــه ... ان لازم انفذ اللي كنت جاي بسويه واطلع من هنا بالسرعه يكفي اهانات تلقيتها للحيـــــــن .. طلعت الجوال من جيبي ويدي الملعــونه للحين ترتجف .. مديت لها الجـــوال وبذلت مجهود كبير عشان اوقف يدي من رغبتها بمسك يدها ... ضحــى :وش هذا .. عساف :اقري مصايب اختك ... طالعت فيه بأستهزيء وواضح عليها التسليه وبدت تقــــــرأ تغيــر شي بوجهها وشو مأدري بس بان عليها الجمــود وشكلها عرفت من المقصود بكلمــة اختها .. ضحــى :مافهمــت شــــــي ... عساف سحبت منها الجوال اللي مدته لي .. عساف :ولابتفهميــن شــي .. تدرين من هالفهد اللي فضحته اختك المحترمه واذاعت مكالماتها المحتــرمه معه وفحفلة ملكتـــه هذا خلف ولد زوجة ابوكم وولد أخــــــوي ... بان عليها القهر والأرتباك وشي من الصدمــه .. ضحـــى :مستحيل الكلام اللي تقوله مستحيل عقل يصدقه مشاعل مستحيل تسوي كذا ... ضحكــت عليها كيف مستحيل تسوي كذا وهي عرفت أي وحده من خواتها المقصوده من غير ماقول اسمها ..... عساف :واكبــر دليل انك عرفتي أي وحده من خواتك المقصوده من غير مأقول اسمها بكل بساطه لأنك تعرفين اسلوبها بالكــــــلااام ... أختك المحترمه مررره اللي تاركاتها هايته لدرجة انها تمر ايام مارجعت فيها للبيت والله وحــده العالم وين ومع مين تبات ... كنت منتبه على يدها من قبل ماترفعها فمسكت قبل ماتوصل خـــــدي .. قلت واناماسك يدها بقوه ... عساف :يدك هذي مره ثانيه ان فكرتي مجرد تفكير ترفعينها بوجهي ولو دفاع عن نفسك بكسرهااا فاهمه وش معنى بكســــرها ... ودفيتها على ورى .. ضحـــى :تخسي الا انت تكسر يدي .. ماخلق بعد اللي يمد يده عـــلي .. وأختي حره باللي تســـويه وولد اخوك يستاهل اللي جاااه وعساااه من هالحال واردى .. خله يدفع ثمــن انحرافه .. ماشاءالله خلف منحرف واختها الشريفه العفيفه .. عساف :واختك متى بتدفع ثمن انحرافها ... ضحــى :اختي اشرف منك واشرف من كل جابها على لسانه ... انا عارفه اختي زين ماسوت كذا الا لأنه تعدى حدوده معها ويستاهل اللي جاه ماهو بنات مبارك اللي ينداس لهن على طرف ... سامعني يااااااعساااااااااف زين ماهو بنات مبااارك اللي ينداس لهن علـــى طرراااف وكلامك بالشـــرف اختي قسم بالله لأدفعك ثمنــــــــــه غااااااالي ... واختفت من قدامــي وأنا واقف اطالع بالباب اللي دخلت معه .. اتصل علي خلف رديت عليه وطلب مني اجيـــه للبيت ... مريت ليه ولقيته واقف ينتظرني عند الباب الخارجي وهو متلطم وبيده شي يهزه ... وقفت له وركب بالسرعه ... رمى علي الشريط .. شغلته .................................................. ........ وسمعنا كل اللي فيه كان خلف حاط راسه بين يديه هالمنظر ذكرني بمنظره يوم اكتشف ان ريم خانته ... سألني بنبرة اليأس .. خلف :وش اسوي .. تذكرت اللي صارلي مع أختها .. عساف :رحت لأختها بتشمت فيها تشمتت فيني تقول ولد اخوك يستاهل وفرحانه بأختها ... حسيت بالرجفة خلف القويه لفيت له لقيته رافع راسه ويناظر فيني بنظرات واضح فيها الغضب ... خلف :بذبحها ياعسااااااااااااااااف بذبحها ماني بالرجال لو ماذبحتها بيديني الثنتين ذي ... نهاية الحلقه | ||||
|
| |
 |
| الكلمات الدلالية (Tags) |
| انثيات |
| أدوات الموضوع | |
| انواع عرض الموضوع | |
|
|
166Likes
العرض العادي
