08-03-13, 08:05 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  وحَكَتْ جدتي ! / للكاتبة بنت الناس ، مكتملة
التعديل الأخير تم بواسطة لامارا ; 13-05-22 الساعة 11:24 PM | |||||||||||||
|  |
|
08-03-13, 08:07 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ؛ بداية الرحلة~ ممكن أنك تغير ملابسك كلامك و حتى بيتك بس تغير حياتك !! هذا الي أصعب من الصعب فكرة أنك تكون شخص غير نفسك أكبر تعذيب وليه ؟؟ عشان رسوب أو بـ الاصح فشل دراسي و شوي سلوكيياات طيب عادي العالم ما راح ينتهي اذا رسبت او حتى انطردت بس امي بـ تنتهي >< المهم أعرفكم على نفسي :> انا رنيم انسانة مسااالمة لابعد درجة بس العالم الي رافض انه يتركني عمري 19 سنة راسبة مليووـن مرة >> لا تصقون امزح يمكن هي 3 أو4 بس ^^ و عشان كذا صدر القرار الملكي بـ نفي خارج البلاد اقصد بـ ترحيلي لـ الديرة عند جدتي ادري انه شي غبي بس وش اسوي >< هذا حكم الحكومة يعتقدون انهم اذا سووا كذا بدرس و اذاكر و اتعدل واصير انسانة مؤدبة ما يدرون ان الأدب يجيب لي حكة في كريات الدم الصفراء >< قال ايش قال تأدبي بـ ذمتكم في احد الحين مؤدب اعتقد أن هذي الكلمة أنمسحت من القاموس ما علينا اكمل لكم سيرة حياتي الرائعة البنت الوحيدة بين اربع اولاد و ايش بعد ؟؟ امممم طيبوبة وحبووبة وعسل و اجنن بس العالم معاندني وبقووة و اكمل لكم السالفة مرة جاية بروح ارتب شنطتي عشان النفي اقصد رحلتي لـ جدتي دعوآآتكم بس >< ؛ | ||||
|
| |
|
08-03-13, 08:08 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ؛" لايوجد في الحقيقة جو ممكن أن نطلق عليه أنه جو سيء إنها ملابسك فقط يا صديقي التي لا تلائم " *بيل كونولي ~ ؛ >~> الجزء الثآني .. احيانا ممكن نجرح انفاسنا عشان نرضي غيرنا !! و احيانا ممكن نرفض الصح و نتمسك بالخطاء عشان نحافظ على برستيجنا !! بس إلى متى ممكن نستمر !! لو سألتوني قبل 4 ساعات بس وش رايك بنفسك يا رنيم ؟؟ أنت شايفة نفسك صح ؟؟ بقول أكيد أن الصح و هم الخطاء بس الحين وبعد ما شافت الديرة و الغرفة الي بجلس فيها و الناس و قارنتها بالنعيم الي كنت عايشة فيه باعترف بكل تأكيد أني غلطانة و اني على استعداد اني احفظ منهج الرياضيات لعشر سنين قداام و استعداد اكبر اني اعدل سلوكي واني اصير اكووس بنت و ما عندي مانع اني اخترع الذرة بس رجعوني إلى عالمي و على الرغم مني اني معترفة اني غلطانة و اني على استعداد اني اصلح كل شي عمري ما بعترف ماعندي مانع اني ابقى هنا العمر كله بس ما اعترف قدامهم اني كنت على خطاء واني ضيعت النعيم الي انا فيه لا تستغربون هذا الغرور البشري ما علينا المهم الحين النت !! كل الامور تهون اذا كان في انترنت صووح المكان هنا حده قراوة و الدنيا كل ابوه قرف بس مو معقولة ما عندهم نت امممم امممم اروح اسأل جدتي يمكن تعرف نزلت تحت لقيت جدتي بالصالة او الشي الي مفروض انه صالة تصدقون ان هذي ربع صالتنا بالرياض لا وكله كوم وفكرت ان هذا الشي الحجري تلفزيون كوم ثاني : جده : بشري عسى جاز لتس الغرفة؟؟ : ولله هو شوفي في الحقية الحقة على الرغم من انها صغيرة و بناااتية وشينة وقروية و حالتها حالة بس الشهادة لله نظيفة و ...<< كنت بكمل بس شي اصطدم براسي و سبب لي اهتزاز في الخشة : آآآوـح آآآح آآآي آآهـ وشووو شنووو آآهـ يا راسي : جزاتس يا الهبلة اجل قروية و شينة مير اني قايلة من شفت ذا الاحمر ان ماورتس صلاح : وش احمر هذا شعري و بعدين قروية اكذب يعني المهم الحين ما علينا عندك نت ؟؟ : وشووو؟؟ : نــــت : بنت : وش بنته اقول نت انترنت : ولله وانا امتس ما خبرت ان عندنا ذا التت : لا وشو ما عندكم ولله حرام ظلم : اذكري الله وانا امتس الحين ذا جاء عبيد اقول له يجيب لك : وش يجيبه حلاوه هوو>< : ليه هوو وش؟؟ : هو شي مهم و لازم يجيبه عبيدك هذا ايه صووح منوو ذا عبيد وللاسف الشديدة مرة ثانية ما احس الا بشي يصطدم شكل الاصطدام هنااا عادة >< : جدة حرام عليك ولله حرام كل شوي طاااخ بـ العصاة : جزاتس : افف ليه طيب وش قلت : تقولين عبيد : موب انتي تقولي اذا جاء عبيد؟؟ : ايه بس انا جدته والي اقول له عبيد انتي لا : اووخص يا جدته :> طيب الشخص الي مو بعبيد منوو هناا تكرر الاصطدام لمرة المليون شكلي بالبس خوذة اصرف >< : لحوول وشوو بعد؟؟ : ما تعرفين ولد خالتس يا الخبلة : اذا عرفتي خالي اعرف ولدها : كل من ابوتس و من اهله انا قايلة اهل المدن مايجي من وراهم الي الخراب : يا ليل البعاارين الحين وش دخل اهلي بالسالفة : إلا هم كل السالفة اجل ما اشوفتس الا بالسنة حسنة هذا غير هرجتس و شكلتس يا الله حسن الخاتمة بس : طيب نرجع السالفتنا : وش : ابي نت : قلتلتس اذا جاء عبيد اكلمه : طيب هو متى يجي؟؟ : اذا خلص شغيلاته : ايه طيب و متى تخلص شغيلاته : الوكاد انه شوي وجاي : زين لا يتأخر بس : انتي روحي غيري ثيابتس و هو بيجي : ليه وش فيها ملابسي؟؟ريحتها خايسة؟؟ولا توصخت؟؟لا تكفين لا تقولين ترى امس شاريتهم : كل البلاء فيها الله يستر عليتس بس روحي غيرها و جيب جلالك : طيب نغيرها و جلال ليش ان شاء الله لايكون بنصلي جماعة؟؟ >> هنآآآ ما حسيت بصطدام احس صارت عندي مناعة >< آآهـ بس ليت مين يكسر ذا العصى >< : لحوول وانتي كل شوي ضرب و ضرب : جزاتس يا الخبلة : جزاي جزاي المهم وش بنسوي بذا الجلال؟؟ : وش تسوين به يا الهبلة تتغطين : اتغطى ولمااذاا؟؟خير جالسين بسوق حنا><هزلت و رقصت ببيتنا و نتغطى : موب بيتس يا الهبلة ذا بيته هو الي يأمر فيه وينهي : وش يأمر سي سيد على غفلة : وشوو؟؟ : اقول موب محتاجين الغطاء عادي ولد خالتي اخوي صووح >> هنا رجع لي الاحساس ابشركم من هووول الضربة >< : اخوتس بعينتس قوومي قوم الله العدوو : نقوم نقوم يعني من زين الجلسة الحين كل ابوه ضرب وسب رجعت لـ الشي الي مفروض انه غرفتي شكلي بجلس فيها دايم احسن لي من الضرب بذا العصا لا و تقولي تغطي الله يعين بس شكل الجلسة هنا مو مثل ما تصورت ؛ | ||||
|
| |
|
08-03-13, 08:09 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ؛ " لا يمكنك أن تكون محقاً في كل وقت , و لكن يمكنك أن تكون سعيداً دائماً " البارتـ3 .. , 1~ الفجر :> : الحين أنا إبي أفهم نقوم من الفجر وش نسوي ؟؟ نصنع صواريخ مثلاً ؟؟ >> طخ ~ عصاة جدتي >< : لحوول وش بعد ؟؟ : اعوذ بالله منتس و من لسانتس من فجر ربتي تصارخين ؟ : وش اسوي فيك يوم أنك تقوميني من الفجر ؟؟ : سوي سوات ربك و قومي صلي يلا الوكاد أنهم خلصوا و أنتي تصارخين : الحين كل ذا الازعاج عشان اصلي : قومي فزي لا بركتنا فيتس ولا في اهلتس لعنبوتس صلاة ذي : افــــ آف قمت و صليت و رجعت انام بس صرخة جدتي قومتني اخذت جلالي و نزلت خفت تنشب لي بعد مع أن فكرة الجلال مو خاشة مخي ابدا ابدا بس يلا وش نسووي عجيز و لازم نستحملها : نعم : نعامة ترفتس يا الهبلة : لحوول وأنتي بس يا ضرب يا سب : سب يسبك يا الردية : لا إله إلا الله الحين مقومتني عشان تسبيني ؟؟ : لا يكثر هرجتس بس و روحي صلحي الفطور شوي و عبد الله جاي : لحوول وانا امه و بعدين وش عبد الله و عبيد ارسي لك على بر ؟؟ : ريوووم يا مال البلا قومي قامت قيامتس لعنوبتس ما تفهمين ابد : طيب خلاص بس كنت اسال وش فطورة ذا الوقت الشمس ما طلعت و بعدين ما اعرف اطبخ ترى : اقولتس فطور وش طبخها الي يحتاج ؟؟ مير كل شي جاهز ما غير ترتبين و تسنعين : صبر جميل والله المستعان وين مطبخكم بووه ؟؟ : الله يخلف على اميمتس مير اني قايلة ما منك رجا : يعني وين هذا ؟؟ : يمينتس لا بارك الله في عدوتس : اول مرة تقولين شي مفيد صراحة ركضت قبل لا توصل عصاتها اعوذ بالله ما غير تضرب فيها ما علينا المهم الحين ذا الفطور الي مدري وش يبي اممم امممم وش يحطون الناس بالعادة ؟؟ 2~ الليل .. تعرفون اذا كنت طول اليوم مكروف و التعب يطلع من عيونك و تروح تنام نومة مدري وش تبي هذا حالتي رميت نفسي على السرير بدون لا اغير ملابس حتى فيني تعب موو صاحي و فقر نوم >< اول مرة بحياتي اشتغل كذامن الفجر و حنا نشتغل نظفنا البيت و جهزنا الغداء و رتبنا المخزن و إلـــخ .. من طلبات جدتي اللا منتهية قسم بالله حسيت بشعور الشغالة المكروفة >< المهم أني تعمقت بالنوم و نمت نووم عميق بس حسيت بش بارد على راسي بس ما اهتميت كان تأثير النوم أقوى 2~ فجر اليوم الثاني .. صحيت اليوم بدري بس مفجوووعة الا مصدومة من شكلي شعري ما كان شعري كان شي ثاني >< لا يا ربي اخر شي كنت اتوقعه يصير حنااا >< و انا اقول وش ذا الشي البارد بس توقعت انه حلم نزلت اركض لـ جدتي : يمـــــــــــــه جدتي يمـــه : وصمة تصم العدو أقصري صوتس يا مال الوجع : وش اقصر ما اقصر وش هذا >> أشرت على شعري : وش بعد حنا و انا امتس : قوولي قسم وش جابه على شعري ؟؟ : انا حطيتها : و ليش حرام عليك وش ذا التعذيب الحين اطبخ و اكنس و انظف عادي بس شعري لا : ترهـ من النوع الجيد لا و ابشرتس صبغتها سوداء موب بني : لا ولله : ايه ولله و يلا الحين غسلي شعرتس و غير ثيابتس عشان الفطور : موب فاطرة : براحتس خوذي معتس ذا الكيس ارميه بالزبالة >> وأنتوا بكرامة >> أنتبهت على الكيس الي جنبها و جتني سكته قلبيه لالالالالالالا مستحيل ملابسي !! مقطوعة و مرمية ؟؟ : هذي مو ملابسي : و تظنين ذي ملابس اعوذ بالله بس : يمه ليش كذا حرام عليك : حرمت عليتس عيشتس و من زينهم عاد كل لحمتس طالع يفضحون اكثر ما يسترون : طيب مو عاجبينك اوك بس تقطعينها حرام عليك ورب ما لبستهم لسى جدد : جدد ولا قديمات ذا البس ما يلبس عندي فاهمتن ؟؟ : طيب يعني الحين انا اجلس كذا ؟؟ وش اسووي يعني ؟؟ : لا تخافين كلمت مريووم تجيب لك معها : مين مريووم ذي و وش تجيب لي : مريوم ذا بنت خالتس يا الهبلة اخت عبد لله و تجيب لتس ثياب مثل ثياب الناس مو مثل ثيابتس : لالا مستحيل مستحيل انا البس من احد لا : اقوول اهجدي بس بتشري لتس زين اعوذ بالله منتس و من ازعاجتس : طيب متى بتجي مريم هذي ؟؟ : ولله على كلام عبد الله انهم بيجون الظهر انتي قومي تروشي و جهزي نفستس عشان نرتب البيت : امس رتبنا يمة وش نرتب بعد : يا ربي صبرك بس >< ؛ يتبع بعد ردودكم الحلوة ~ | ||||
|
| |
|
08-03-13, 08:10 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "ليس بـ مقدور أحد أن يجعلك تشعر بـ احتقار نفسك رغماً عنك" *إلينور روزفلت ~ ؛ ~ البارـتـ4~ آحياناً تعاشر ناس سنين بس عمرك ما تعرف الراحة معهم مجرد وجودك معهم بنفس المكان كارثة و على العكس ممكن تتعرف على شخص بـ ثانية تعترف له بـ أسرارك و كل جروحك !! : أنتي مو ملاحظة أنك مطيحة الميانة آنسة مريم ؟؟ : وليه أن شاء الله ما اطيحها لا يكون تبيني أضرب لك السلام الملكي حاولت اخفي ابتسامتي : يفضل ولله ما عندي مانع : اقول طيري بس قال ايش قال يفضل انا امي الي هي امي يعني الي جابتني و ربتني و ارضعتني و كبرتني ما ضربتها لها هذا الشي عشان اضرب لك : طيب يا ام ممكن شوي : شوي وش ؟؟ : احم بغير يعني ولا عاجب شكلي كذا : اهاا قولي كذا من اول لا يكون تستحين ؟؟ ترى عادي انا مثل جدتك :قولي قسم بس : قسم بس : يا خفة دمك بس : ادري بسم الله علي اهبل و اجنن و كل ابو الزين فيني : طيب يا ام الزين خلصينا بغير : اعصابتس بس يلا انا رايحة اشوف خيوو احسن من مقابل خشتك :9 : طيب سكرت الباب بعدها و طلعت الملابس الي جابتها كان تنانير جنز و كم تشيرت بناتي بـ الوان رايقة و كاني في بنجابي و جلابية بناتية نعومة خخخخخ وش ذا النعومة الي فيها اممم اممم احس شكلي فيهم غلط جدا جدا اخذت تنورة جنز أقصر شي توصل لـ الكعب و أخذت تي شيرت ابيض و دخلت أخذ شور ؛ تأملت شعري مع اللوك الجديد آآهـ يا شعري أخرتك اسود هو صح حلو بس الصبغة الحمراء احلى >< آآف يا ربي >< احس شكلي غلط بس وش اسوي ما في الا اني ارضى بـ الامر الواقع نزلت اشوف ضيوف جدتي الكرام كانوا جالسين بـ الصالة حرمة و بنت و مريم و جدتي سكتوا لمى دخلت و قفت متنحة مدري وش اسوي سمعت جدتي تنادي عشان اسلم راحت وسلمت وجلست جنبها : ايه تسذا غديتي مرة موب اول شفت الحرمة تناظرين بدقة حشى لو سيارة بتشريها قالت لجدتي : هذي بنت حصة ؟؟ : ايه ذي بنتها ريم : رنيم يمه : رنيم ريم كلهم واحد وانا امتس : طيب :ما شاء الله كبرت عن اول : كل شي يتغير يا نورة و التفت علي : ذي مرت خالتس سعد و هذولي بناتها مريم و منيرة : تشرفنا :يمة ريم قومي صبي القهوة : هاا !! اقصد طيب ان شاء الله قمت لـ المطبخ و انا متنحة وش فيها جدتي صايرة طيبة و بعدين من متى انا اصلح قهوة و ليش كلهم مستغربين لهذي الدرجة شكلي غلط >< سمعت صوت وراي التفت كانت مريم : محتاجة مساعدة ؟؟ : هآآ ؟؟ : هوويت ببير وش هاا قولي هلا سمي لبيه : وجع وش ذا عجيز على ذا الدعاوي : اقول الخلا بس : وشوو يعني ؟؟ : يعني وانا اختس يا صبر ايوب على بلاوه : طيب يعني وش هذا بعد : يا ليل البعارين الزرق وراتس انتي كذا ؟؟ : كذا كيف : مدري هبلة زيادة عن اللزوم اركدي يا مال الصلاح : طيب : الحين انتي تعرفين تصلحين قهوة ؟؟ : لا :اجل استريحي انا بصلحها : تسوين خير : اكيد خير مريووم ما تسوي الا كل خير : يا شين الثقة : واثق الخطى يمشي ملكاً يا ماما : اهاا طيب : طيب والحين قولي ؟؟ : وش اقول ؟؟ : قصتس يا اختاه : اي قصة ؟؟ : قصة جلستك فيذا : ليه جلستي هنا لها قصة : ايه يعني مو معقولة تجين تسكنين هنا بدون سبب خصوصا اننا عمرنا ما شفنا خشتك المليحة : لا عادي اممم بس كذا بجلس عند جدتي : افلقين الحين تاركتن الجلسة في بيت ابوك عشان تقابلين خشة امي هي صح امي بس اعووذ بالله عليها عصى >< : خخخخ حتى أنتي ؟؟ : هذي الماركة حقت العائلة لازم كل واحد مأخذ له كم ضرب فيها : اشووا مو بس انا : لا ابشرك كل ابونا منضربين فيها : كويس : عطين الفناجيل بس : شوفيه جنبك : قولي قسم بس ادري انها فيذا : اجل وش : يعني قومي فزي يا ذات القوام و جيبها مو يكفي ضيعت وقتي الثمين وسويت بدالك : يا شينك بس اعوذ بالله عليك اللسان مو صاحي : طالعتن عليتس يا المليحة : سخيفة : شكرا شكرا عيونتس الاسخف : وانتي لـ كل كلمة عندك رد : قولي ما شاء الله لا انحسد الحين و اروح فيها : عين موب حارة : حتى لوو العين حق : طيب ما شاء الله تبارك الله ولا حول ولا قوة الا بالله : ايووـه كذا تعدلي ويلا قدمي : طيب ؛ همست لي بصوت واطي : امتس كلمتني اليوم طاح قلبي امي !! غريبة !! من جيت هنا ما اتصلت ولا سألت : وش تبي ؟؟ : تقول انها رايحتن مع ابوتس لـ مدري وين : رايحين ؟؟ : ايه مسافرة بس مدري وين بلاد ما خبرتها و انا امتس : احم طيب وانا ؟؟ : مدري ولله تقول خلها عندتس : عندك كيف يعني ؟؟ : مدري يا بنيتي هي ما طولت تقول عندها شغل : بس يمة المدرسة بتبداء و اغراضي وو كل شي : انتي لا تشغلين بالتس الحين انا بتصل فيها و افهم بس قلت اعلمتس عن اخبارها كيف ما أشغل بـالي و البلا كله فيه ؟؟ أقبح شعور ممكن تعيشة أنك تكتشف حجمك بـ النسبة لـ غيرك !! أنك تكتشف أنك مجرد شخص غبي ضيق حياتهم أو حتى بكتريا لوثة حياتهم و لا شي غير متطفل غبي دخل حياتهم !! تركتها و أنا اسمع صراخها كان نفسي اهرب اطير بس للاسف اني موب طير ركضت لـ الغرفة و قفلت الباب و بكيت بكيت قهر و قهر و فهر انا هنا مرمية و هم هناك يصيفون !! عايشين حياتهم بكل راحة و انا هنا ما أحد اهتم ولا أحد سأل ممكن اكون سيئة بس مو لهذي الدرجة مهما كان فيني محاسن لـ هذي الدرجة يبون الفكة مني و كأني شي ما صدقوا أرتاحوا منه >< حطيت راسي و نمت و نمت كنت أتمنى لو ما أصحى لو أنام نوم أبدي بس للاسف صحيت كانت الدنيا ظلمه و راسي مصدع أخذت شور وشفت الساعة كانت 3 الفجر نزلت أكل لي شي كنت جوعآآآنة حدي أخذت الجلال أخاف عبد الله موجود شف شخص بـ الصالة يمة منوو ذا ؟؟؟ قربت اشوف منوو كانت مريم !! صحيتها : مريم مريم مرررريم : وجع وش ذا : انتي الي وش ؟؟ وش منومك هنا : مو انتي يا الخبلة قفلتي الباب و نمتي : طيب و اذا : اذا اني بنام عندكم : يووهـ وليه ما قلتي ؟؟ : وانتي خليتي اخد يقول اعوذ بالله مدري وش قالت لتس جدتي و انطلقتي تقل صاروخ : طيب اسفة ولله ما اقصد : بلا حركات نص كم وش اسفة ما اسفه عادي يا الهبلة ما صار شي المهم انتي الحين كيفك ؟؟ : جوعانة : احسن تستاهلين انتي الي حرمتي نفسك من طبخي اللذيذ : طيب يا لذيذ فيه اكل ؟؟ : ايه اكيد فيه امشي نشوف لك شي : طيب ~>> يتبع بعد ردودـكم الحلوة j | ||||
|
| |
|
08-03-13, 08:26 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " منذو لحظة ميلادك تلتحق بـ مدرة لا تغلق أابها تدعة [[ـالحياـة~ تتعلم فيها كل يوم دروساً جديدة !! قد تعشقها أو تمقتها لكن لآ غنى لك عنهآ في مشوار حياتك .. × شيرى كارتر سكوت=) ؛ × البآـرـتـ5.. : "رـنيم ~ شعور غبي أنك ما تكون في مكانك >< و الآغباء أنك ترضى تعيش بـ غير مكانك >< رجعت أتفرج عليهم و على حياتهم و على كل شي فيهم هم غير غير غير هم مو مثلي و لا مثل أهلي و لآ مثل صحابتي فيهم شي غريب موب عارفته >< آحس نفسي دخيله بينهم بس دخيله أجباري مو بشوري ولا برضاي غصب عني صرت منهم و جزء ينتمي لهم تعوذت من ابليس للمرة المليون و تنهدت بقرف أنا رنيم أخرتي هنآ بين نخل و تراب و ناس ما تنتمي لـ الناس ؟؟ أنا رنيم أطبخ و أكنس و أعيش حياة الناس الغبيه ؟؟ ليه و عشان وش ؟؟ عشان وحدة حقيرة تستاهل الذبح بس ذا الحقيرة اربحت و هذا هي عايشة و انا هنا رجعت أتامل و أتامل يمكن القى مصباح علاء الدين و يرجعني لـ حياتي أو حتى كنز علي بابا أي شي يثبت أني أحلم و أن الي يصير مجرد أحلام >< أنتبهت لطيفهآ و اقفه جنبي رفعت راسي أشوفهآ لآن الشمس علي : وش فيك : أنتي إلي وش فيك ؟؟ : انا !! : لا أنا اقول بلا عباطة وش السالفة ؟؟ : ابد و لاشي : قولي قسم ؟؟ أجل ليه جالسة عند الاطلال و تتأملين بنخلة عبيد لآ يكون معجبة في أخوي و حبيتي نخلته ؟؟ : عبيد ؟؟ : ايه هو الي زرعها يوم انه ورع : اهاا رجعت أتامل ذا النخلة الغريبة تدرون فيها شي غريب هي موب حلوة ولا ستايل بس تجذبك غصب عنك تحبها رجعت لـ مريم الي جلست جنبي : أخوك ذا غريب : ليه ؟؟ : مدري بس احسه غبي ترككم و ترك حياته و كل شي وسكن هنا : عشان جدته : و ذا خلينا نكون واقعين ما في شي يستاهل أنه يترك مستقبله و يجلس هنا !! : إلا اذا كان شايف هنآ مستقبله : هنآآ بـ الله عليك أي مستقبل ذا بين النخل و لا في البيت أو في أحضان جدتك ؟؟ : مو هنا المشكلة انك موب شايفة الي شايفة ممكن أنت تشوفين المكان هنا جحيم و سجن و عذاب بس هو شايفه غير و انا شايفته غير : يمكن : صدقيني حنا مجبورين نتقبل الآشياء مثل ما هي بدون أي تغير مثل ما غيرنا مجبرونا يتحملنا : وش قصدك : قصدي يا حلوة مو ضروري تحبينا عشان تعشين معنا حنا بنعيش فيك و بدونك و مو مهم نتغير عشان نرضيك لآنك مجبورة تتقبلينا بكل عيوبنا مثل ما تقبلناك بعيوبك : بس انا مو مثلكم : ايه صح حنا ما عندنا غرورك ولا تفكيرك السطحي ما عندنا هموك التافة بس عندنا اشياء أهم من كذا : مريم لوسمحتي بدون أهانات : هذي مو أهانات هذي حقايق في فرق بين أني اقول فيك يا رنيم و فيك و أني أسبك أو أجرحك : لا ما في فرق : فيه فرق و فروق و هذا اول الدروس !! و تركتني !! غريبة ذا البنت تجرح و تهين و تروح وش درسهـ ذآآ !! ؛ "ـمرـيم ~ غبية و طفلة مدللـه تظن الدنيا تمشي على كيفها تظن أنهآ ممكن تعيش بـ غرورهآ و أحلامها الوردية مآ تدري أن الدنيا أكبر من حنان امهآ أو دلال أبوهآ آآهـ بس آلتفت على جدتي الي كانت تنادي : وين كنتي بوـه ؟؟ : عند رنيم : وينهآ ذا المفعوصة ؟؟ مسكت ايدها و مشيت فيها عند النخل : وش بتس و انا امتس ؟؟ : ولاشي يمه ولاشي : الا بتس في صدرتس حكي صح ؟؟ : يمه أنتي عارفة هي ليه هنا : مين رنيم : ايه : لا و انا امتس ما غير امها اتصلت و قالت اني مسافرة و بخليها عندتس و بس : و تظنين ذا السبب ؟؟ : ما فهمت وش قصدتس ؟؟ : يعني يمه في امي بتترك ضناه بدون سبب ؟؟ : مدري ولله الوكآد انه وراهم سالفة بس مدري وش هي : ألآ تدرين يمة أنتي عارفة ان امها ما جابتها هنا الا سبب ولا من متى عمتي سناء تتصل فينا شفت دموعها تنزل لم سمعت أسم عمتي ياربي وش كثر أكره هذي الانسانة و أكره أي شي يرنبط فيها : يمه لآ تبكين ورب البيت ما تستاهل دموعتس يا الغالية صدقين ماحدن خسر رضآ ربه و والدينه غيره : ما بكيت من شوقي لها يا مريم !! بكيت من خوفي عليها : ما علينا منها يا الغالية هي الي باعتنا و باعت رضاك الحين خلينا بذا الرنيم : وش بهآ ؟؟ : يمه شدي عليها البنت موب محتاجة دلع صدقيني امها ما جابتها الا لها نية : يعني ؟؟ : يعني شدي الحبال يا ام سعد ترى الدلع موب فايد !! ؛ " عبد الله ~ حسيت نفسي غبي و أنا و أطالع فيه >< طيب لو ما كان أخوهآآ ؟؟ ايش الغباء هذا أكيد أخوهآ يعني جاي يخطفها آآف ياربي طيب جدتي ما قالت أنه بيجي توكلت على الله ودخلت بعد ما تنحناحت :> : يمة يمة : هنا يا أبوك بـ الصالة شفتها جالسة و عني يمينها مريم وحدة متغطية : صبحهآ بـ الخير و الرضا و السرور آآوهـ الشيخة مريم عندنآ ؟؟ : شفت كيف تواضعت و زرتكم : يا زينه من تواضع , يمة وشلونتس؟؟ عساتس زوينة ؟؟ : زآن حالك يا الغالي وش لون مآ صير بـ خير و أنا متصبحة بوجهك يا حبي لها :> : يمة أخذتي أبرة السكر ؟؟ : لاولله يا وليدي مآ خذيت شي : يووووه أحسبك أخذتيها : مير أني قلت لك على ذا الهبلة تعطيني أيها هذي هي جالسة أكل و مرعى و قلة صنعى سمعتها تشهق و تتطلم بصوت واطي التفت لهآ : عسى ما شر : هآآ لا بس وش هذا وش أعطيك أبرة ما ابره بكرة تموتين و أبتلش لا يا امي كل واحد يمسك أشيائه قال ايش قال ابره >< : بسم الله علي من الموت و طاريه جعله في عدويني ترى موب ميتتن عليتس يا بنت ابوتس بس عشان ذا المسكين : ما عليتس يمه عطين ايدتس و أنتي يا بنت العمة أخوتس بـ المجلسة يقول بـ يسلم عليتس : أأخوووي ؟؟ : أخوووهآآآ !! : ولد سناء فيذآآ ؟؟ ~ يتبع بعد ردودكم إلي ما شفتهآ :> و أتمنى طريقة السرد كذا تعجبكم أحس كذا أحسن ^^ | ||||
|
| |
|
08-03-13, 08:37 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| يتمنى المرء في الصيف الشتآء فإذآ جآء الشتآء أنكرهـ ! لآبذآ يرضى ولآبذآك " قتل الآنسآن مآأكفرهـ " ! ؛ "ـآـلبآـرت 6 " رنيم ~ كانت أقدم خطوة و أرجع عشر خايفة للآبعد درجة صح إلي داخل أخوي و أنا و أثقة مليون بـ 100 أنه راشد بس خوفي من أنه عرف بـ السالفة أكبر من شوقي لهآ مجرد تفكير بـ أنه عرف يذبحني توكلت على ربي و دخلت وأنا ما اسكه جدتي إلي حلفت أنه تشوف ولد بنتهآ و تكحل عينهآ بشوفته على قولتهآ جدتي:السلام عليكم حيآ الله ولد بنتي يا هلآ و مرحباا شفت مستحي و متفشل كان واضح أنه ما عرفها بس خمن أنها جدتي لآ تستغربون أنا نفسي ما شفتهآ إلا مرة أو مرتين قبل لا أجي حنا سمعت يسولف مع جدتي و مركز بـ النظر علي عيونه تقول أنه عرف بعد خمس دقايق أستاذنت جدتي راشد:وش فيك ؟؟ رنيم:أنا ؟؟ ابد ما فيني شي ؟؟ راشد:شكلك يقول ؟؟ رنيم وش فيك ؟؟ وليه أنتي هنآآ كويس يعني ما عرف الحمد لله رنيم: امي جابتني راشد: ليه رنيم: مدري راشد: وش الي ما تدرين ؟؟ رنيم: ... راشد: رنيم أنتي شايفة شكلك ؟؟ شايفة كيف صايرة ؟؟ رنيم:.... راشد: وش سويتي عشان يصير فيك هذا كله رنيم: مدري يمكن عشان رسبت و لا عشان تهاوشت معها مدري لا تسألني راشد: مو أول مرة ترسبين و حتى لو ما في سبب يخليه تجيبك هنا و تسافر و ما تسأل عنك ؟؟ رنيم: .. راشد: تدرين أنها ما قالت لي حتى أنك هنآآ رنيم: ... راشد: رنيم حبيبتي وش فيك قولي لي ؟؟ صدقيني موب زعلان منك مهم صار ترردت اقول له ولا ما اقول بس شكله مصمم بس يعرف السالفة مني و بلساني احسن على الاقل كذا بضمن أنه بصفي راشد: رنوومة صار شي بينك وبين ماما ؟؟ تضاربتي مع أحد ؟؟ رنيم: امممم تضاربت مع نسيم راشد: أأيش ؟؟ بصراحة خفت ألا تجمدت اذا هذي ردت فعله وهو ما عرف بالسالفة أجل كيف اذا عرف رنيم: صدقني انا مالي دخل هي الي سبتني و غلطتي علي راشد: طيب وبعدين رنيم: بعدين عصبت و تضاربن وبدوون قصدي مني و ما كنت ادري راشد: ايووه رنيم: طاحت من الدرج راشد: ايــــــــــــش يمه شكله يخوف أنا وش الي خلاني اقول له أف يا ربي راشد: رنيم تمزحين أكيد صح ؟؟ رنيم: لا راشد: طيب كيف أنتي ما تسوينه ؟؟ رنيم: ... راشد: و نسيم كيفهآآ الحين ؟؟ صار لهآآ شي ؟؟ رنيم: مدري راشد: كيف ما تدرين رنيم: ما راحت لها أمي بس الي راحت و أرجعت معصبة و جابتني هنا جآآ في بالي هذاك اليوم الشؤم كل شي صار بسرعة بسرعة طاحت و بسرعة راحت المستشفى و كل شي بسرعة على الرغم من أني موب متذكرة أحدثه بوضوح بس ما غاب عن بالي صوت أمي وهي تصرخ فيني " أنتي موب بنتي !! أنا ما عندي بنات !! حسبي الله عليك يارنيم ذبحتي البنت حسبي الله " آآهـ يا يمه آآهـ عمضتني عيوني بـ الم و أنا ابعد أي ذكرى من هذاك اليوم : عبد الله ~ ياربي وش ذا البلشة الحين وش اقول لـ جدتي الي ما صدقت أنه يجي بس الولد به شي مو طبيعي دخل بوجهه وطلع بوجهه يمكن أخته قالت له شي و زعل مدري بس شكله يكسر الخاطر رجعت أقول لـ أمي أنه راح عبد الله: يمــــــه جدتي: هـ يآ امي بشر رضى يجلس عبد الله: لا ولله يا أميمتي يقول أنه راجع لـ الشرقيه عنده شغل بس الويك أند الجاي بنزل الرياض ويمرنآآ جدتي: ومتى ذا الوكدأن ؟؟ عبد الله: خخ وش وكد يمه الله يصلحتس يقصد الخميس و الجاي عندنآآ جدتي: الله يحيه مير عبد الله: بروح أنا اجل ودك بشي ؟؟ جدتي: وين يا أمي تغداء وروح عبد الله: شكل غداتس بيطول يا ام سعد و أنا وراي شغيلات جدتي: لا موب مطول غير ثيابك أنت و أبشر بـ الي يسرك عبد الله: و يلومني فيتس يا الغالية تركته وراحت لـ الزرع أنتظر الغداء معني موب جايع بس ما ابي اجلس هنا أحس أني فيه سالفة بتصير جلست عند النخل كان الجوو حلوو لا حر و لا برد و الدنياء هدوء أحب أجلس هنا دايم و أشوف الحياة تمشي وأنا أتملهآآ مآ احب دور البطولة ابد أحب أتفرج و بس من يوم أني صغيرة و أنا متعودة أنفرج على الرايح و الجاي كنت دايم اجلس براس الشارع و اشوف الناس أنتبهت على صوت مريم تنادي كانت تمشي ومعه وحدة ضخكت على شكها ذا البنت مهوسة غطاء اي مكان بتروح تأخذ جلالها لو بتطلع لـ الحوش أخذتها شفتهم يمشون بجهة عالية شوي و معم الغداء شكلهم بيأكلون هنا كنت بقوم و أتركهم بس لفت نظري حركاتهم الي يشوفهم يقول محششين أستغرب ذا الثنيتين كيف تصادقوا مريم عاقلة و من النوع الي يحسب حساب أي كلمة بس فيها خفت دم مو طبيعة بس ذا الريم مدري الرنيم مآ أحد مدح فيهآآ تركتهم و مشيت لـ البيت شكلي مو حلو كذا :> : مرـيم ~ بتذبحني ذا البنت وربي بموت منها مريم: الحين يا حضرة الاميرة ما تأكلين هوواء أحسن لك رنيم: افف منك أقول لك تراب نأكل داخل احسن مريم: ولله يا عميري لا تراب ولاشي وبعدين الشاعر يقول خضرة وماء ووجهة حسن وما ظنتي في احسن من وجهي رنيم: بكيفك أصلنا أنا موب مأكله شبعانة مريم: براحتس جلست جنبي بعد ما فرشت الفرشة و حطيت الاكل وربي ذا البنت خبله أجل أحد يترك ذا الخضرة و الزين و يجلس بين اربع جدارن شفتهآ تحط لها رز و تأكل مريم: موب ما أنتي ما أكله ؟؟ رنيم: غيرت راي ولا حرام مريم: لا حرام ولا شي بس ما كان له داعي ذا الفلم رنيم: أي فلم مريم: فلم أنتس أميرة و أتكيت وبرستيج يا أمي كلنا من أترب رنيم: يعني مريم: يعني عمرتس شفتي تراب يتكبر على تراب رنيم: بس أنا مو تراب مريم: مو قلتس لتس أن الدنياا فيها فروق و أنتس محتاجة دروس سكت و ارجعت تأكل مريم: ما قلتي لي أخوتس ليه عوود الرياض ؟؟ رنيم: منوو راشد موب ساكن بالرياض مريم: ايه طيب ليه رجع رنيم: عشان شغله مريم: حسبته بـ يأخذتس ~~>> يتبع بعد ردودكم الحلوـة :> وهاذي الأسماء وحطيتها عشان لاتلخبطون | ||||
|
| |
|
08-03-13, 08:38 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| [[أريحو القلوب فإن القلب إذا أكره عمي ~ × عبد الله بن مسعود \\ رضي الله عنه =) ؛ ~ـاـلبآـرـتـ7ـ~ مرـيم ,, أعصار حرب شي عظيم صار!! حاولت أفهم وش السالفة بس ما فهمت هذي تصرخ وجدتي تهآوش و عبد الله يتأمل و أنا أحاول أفهم مريم : وش السالفة ؟؟ مريم:و ليه العرس هذا كله ؟؟ مآ أحد رد تجآهلوني و تجآهلوا وجودي رنيم أحبست نفسهآ بـ الغرفة وجدتي سآآكته وعبد الله يتأمل مريم: عبد الله وش السالفة عبد الله: ..... مريم: وش صاير ؟؟ عبد الله: ... مريم: عبيــــــد !! عبد الله:هآآآ أقصد سمي وش بتس ؟؟ مريم: أنت الي وش فيك ؟؟ عبد الله: أفكر مريم: بـ وش ؟؟ عبد الله: بـ الي صار مريم: لحووول !! وش صار طيب عبد الله: راشد جاء يأخذ أخته مريم: أيش ؟؟ عبد الله: وجدتي عييت مريم: طيب عبد الله: و رنيم عصبت مريم: بس ؟؟ عبد الله: ايه بس مريم: والحين ذا العرس كلهآآ عشان رنيم موب رايحة طيب عادي عبد الله: مدري بس شكلهآ كآرهتنآ و تبي الفكة مننآ مريم: لا يآ شيخ عبد الله: قسم ولله شكلك أنتي وجدتي معذبينهآ مريم: طير زين وش معذبينهآ ريآآ وسكينة على غفلة عبد الله: يمكن عقب إلي شفتهآ صار عندي أحساس أنكم تعذبونهآ مريم: عبيــــــد وش ذا الهرج الماصخ ؟؟ وش الي تعذيب ما تعذيب ؟؟ ترى أنا أختك يا مال الصلآح موب هتلر عشان أعذبهآ عبد الله: أمزح وش بتس يا كافي مريم: مو وقت مزحك الخايس الجوو متكهرب و أنت تمزح صدق فاضي عبد الله: يووووـه الحين أنتي ليه معصبة بعد ؟؟ لا يكون ودك تروحين لـ زوجك بـ الهند ؟؟ ولا تزورين عيالك بـ بآكستان ؟؟ مريم: عبيــــــــــــــد عبد الله: وجع يا الخايسة ترى موب بايع أذاني مريم: مآ أحد قالك تستخف دمك عبد الله: يا شينك و أنتي معصبة اروح أشوف أم سعوودي يمكن نتوصل لـ حل يرضى جميع الاطراف : عبدالله ’’ رحمتهآآ و رحمت حالهآآ ألتفت على جدتي الي السكون كان حالهاآ عبد الله: يمة حرام جدتي: ... عبد الله: يمة خليها تروح جدتي: ... عبد الله: هو أخوهآ وموب ضار أذا راحت معه !! جدتي: .... عبد الله: يمة أنتي شفتي حالهآآ و هي تتكلم ؟؟ أقسم برب البيت قلبي تقطع جدتي: .... عبد الله: يمه !! جدتي: هي كلمتـ(ن) وحدة ذا الرنيم موب طالعة من بيت إلا مع أمهآ عبد الله: طيب ليه ؟؟ مآ أعتقد أن أخوهآ بيخطفهآ جدتي: لآنهآ امانة برقبتي أمها جابتها هنا و امهآ تأخذهآ من هنآ عبد الله: براحتس يا الغالية صورتهآ وهي تبكي و تصراخما فارقتني لحظة لـ هذي الدرجة كارهتنا ؟؟ معقولة تكون متضايقة من جلستهآ هنا ؟؟ بس هذا هو التفسير الوحيد يعني ليه بتبكي و تصارخ اذا جدتي ارفضت انها تروح مع أخوهآآ إلا أذا كانت مو مرتاحة هنا بس ليه ؟؟ مآ أعتقد أننا كرهين لـ هذي الدرجة عشان ما تصبر كم يوم لحد ما ترجع أمهآ ذا البنت غريبة و غبية !! تذكرت شكلي أول ما جيبت هنآ صح ما كنت متأقلم مع أني متعود أجي هنا بـ الاجازات بس تعودت أو بـ ألاصح كان لآزم أتعود خصوصاً بعد وفاة جدي ورفضت جدتي أنها تعيش عندنا كانت مصرة تجلس ببيتهآ و بحكم أن من الصعب أن ابوي يترك شغله و حياته تركتهآ أن او تركت كل احلامي و طموحي ورضيت أني اكون عبيد مو صعب أني أبيع حياتي و أشتري رضى أهلي : الجدـة ’’ كلهم فآهمين خطاء كلهم يعتقدون أني بدون أحساس و أني أستمتع بـ تعذيبهآآ مآ يدرون أني قلبي يتقطع مع كل دمعه من عيوني مع كل صرخهآ منهآ مآ يدرون وش كثر غلآهآ بـ قلبي هذي بنت الغالية !! كيف أعذبهآآ الغآلية ألي أهجرتنا و ما صدقت أني في يوم بـ أشوفهآ مرة ثانية و أن ربي بيجمعني مع عياله بعد ذا العمر صح انهآ قطعتني من سنين و باعتنآآ وشرت زوجهآ و حياتهآ الجديدة حياة مافيهآ فقر على قولهآ ولا ذل صح أنهآ أخجلت مني و من حالنا و أنكرتنا بس بتضل بنتي أول فرحة عرفهآآ قلبي بتضل الغالية مهم سوت و بيضل غلآهآ في قلبي أنا ما اقدر اقطعها مثل ما قطعتني و لا اقدر أني أستحي منهآ و أستعر لآنهآ بنتي قطعة مني بتني الي ربيتهآ و كبرتهآ لـ حد مآ تكبرت علي بنتي الي عمري ما ارفض اني اساعده أنا عارفة أنها محتاجة لي عارفة أنها بمشكلة بس تكابر رافضة تعترف أنهآ فشلت دايم تظن أنهآ أكبر من الفشل و واثقة أنهآ ما جابت بنتها عندي عبث جابتهآ لانهآ واثقة أني بسوي الشي الي مآ أقدرت عليه !! : رـنيم ,, بكيت و بكيت و بكيت أحس في داخلي نار لآ يمكن تطفى !! ليه ياربي ليه ؟؟ كل ما قلت هآنت و بتفرج وبرجع لـ حياتي و ينتهي الكابوس أرجع أسوء من أول أنا وش ذنبي عشان أجلس هنآ ؟؟ وش سويت عشان أترك حياتي و عالمي و أكون هنآ ؟؟ راشد كان أملي الوحيد أني أطلع من هنآ بس جدتي حطمت كل أمل برفضهآ لا مو جدتي أمي هي الي حطمتني هي السبب هي الي جابتني هنا و هي الي رمتني هنآآ بس أشتقت لهآ و أشتقت لـ أبوي أشتقت لبيتنا و أخواني و أغراضي أشتقت لـ مدرستي الي عمري ما تخيلت أني بفقدهآ أشتقت لـ غرفتي و ملابسي أشتاقت لكل شي في حياتي بس هم مآ أشتاقوا لي !! مآ أحد أشتاق ولا أحد سأل لا صديقه و لآ قريبة !! لآ أم ولا أب كنت أعتقد أن الآنسان موب حاجة أحد وتعودت أني ما احتاج لـ أحد تعودت أني أقدر أعيش الحياة بروحي بدون أم تسأل عن أحوالي بدون أب ينصح و يهتم بكل تفاصيل حياتي بدون صديقة تشاركني همومي قبل أفراحي بدون أخ يرسم اجمل أبتسامتي بدون أي شخص ممكن يكون مهم بـ حياتي تعودت أن الدنيا لي و فيني و بـ تنتهي بي !! أن الحياة تدور حولي و أني الوحيدة إلي أصنع حياتي بس نسيت أن الدنيآ مآ تكون فيني !! أن الدولة بدون شعب مآ تنهض !! و أن الطريق بدون صديق مآ يقصر !! أن الهم بدون صدر ما يكبر !! ~> يتبع بعد ردوـدكم الحلوـة ^^ البارت هذا تمهيد لـ البارت الجآي مجرد سلطة =) | ||||
|
| |
|
08-03-13, 08:39 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " إننا نقضي أوقاتاً كثيرة من حياتنا نحسد أشخاصا لو علمنا حقيقة حياتهم لم نتمن ما هم فيهـ !! × جين روستاند .. : ××||ـالبآرـتـ8ـ||×× ~{ عبد الله .. الف الحمد و الشكر لك يارب الحمد لله الحمد لله أحس في داخلي عرس شعور لا يوصف هو صحيح يحسسك أنك عجزت بس حلوو دخلت عليهم بـ أبشرهم خصوصا وأن شكهم يجب الكآبة جدتي تتقهوى و ذا الثنتين يتابعون مسلسل عبد الله: بآآركووا لي ^^ جدتي: على وش ؟؟ مريم: تزوجت ؟؟ رنيم: وش السالفة ؟؟ عبد الله: موب قايل أول وين هديتي رنيم: ليه ؟؟ مريم: أول مرة اشوف واحد يتزوح يطالب بهديه لآيكون أنت العروس جدتي: عبيد عبد الله: مريم كلي هوواء يمه سمي جدتي: سمى الله عدوك وش السالفة و أنا أمك ما خبرتك مهبول مثلهم عبد الله: السالفة يام سعد أنتس صرتي جدة جدتي: مبطي و أنا صايرة جدة يا ولد سعد عبد الله: لا هذي المرة غير مريم: مو قلت لكم متزوج هذا هو جاي يبشركم بـ ولده جدتي: صدق ذا الحتسي يا عبيد ؟؟ الحين أنا أمميتك تتزوج من وراي ؟؟ عبد الله: يمة وش زواج ما زواج لآتسمعين الخبلة ذي مريم: لآ تحاول ترقع كل شي واضح جدتي: مريووم أسكتي و أتركي أخوتس يهرج عبد الله: أحم أحم منوور ولدة جدتي: صدق ؟؟ مريم: متى أذكر امس حامل ؟؟ رنيم: هي حامل ؟؟ عبد الله: وحدة وحدة يخرب بيتكم تتكلمون بـ الجملة أولا صدق ثانيا أولدت اليوم وجابت ولد يجنن طالع على خاله ثالثا هي حامل من تسع شهور مريم: يآآآي وناسة بصير خالة جدتي: يا جعله من عباده الصالحين بار بـ أمه و أبوه مو قلت لكم يجبون الكابة ولا كان البنت والده وجايبه ولد كل منهم وحدة ارجعت مثل ما كانت >< عبد الله: قوومووا فزوا البسوا بنروح لهآ مريم: وش قلة الادب الي فيك رنيم: عيب توهآآ والدهـ عبد الله: لا وش توهآآ امس الفجر و الحين عصر يلآ قوموآآ جدتي:الفجر!! والدتن من الفجر و مآ أحد قال لي ؟؟ عبد الله: يمة مآ حبينآآ نخوفك وهذا هي بخير جدتي: مو منك من أمك إلي ما علمتن أن أعلمهآ عبد الله: وش دخل أمي الحين جدتي: ورى مآآ أتصلت علي ؟؟ موب أمهآ أنا بعد عبد الله: كانت مشغولة معهآ أكيد جدتي: لا يكثر بس وعطن التلفون أحتسي مع أختك عبد الله: طيب : .. مرـيم }~ قهرني عبيد !! الحين من الفجر وهي تولد وما علمنآآ سويت نفسي ما اسمعه ورجعت لـ المسلسل رنيم: الحين موب مآت شلون رجع مرة ثانية ؟؟ عبد الله:من هوو ؟؟ مريم: لا ما مات رنيم: شلون ؟؟ مو جت الرصاصة على قلبه ؟؟ مريم: لا بكتفه و أنقذته أم شعر أشقر رنيم: غبية الحين ذبح أبوهآ و تنقذه مريم: مدري عنهآ أن لو مكانهآ أعذبه بعدين أطلق 100رصاصة عليها رنيم: لا أطلقي 100 رصاصة بعدين عذبية براحتك مريم: يا غبية التعذيب بيصير شوي عشان بيموت و بعد ما يحس فيه عبد الله: مجرمآآآت !! قسم أنكم سفحآآت رنيم: يستهل مآ أحد قاله يذبح الناس عبد الله: الحين أبوها الي أنذبح و أنقذته وأنتوا بتعذبونه مريم: مآآ عندهآ سالفة رخمة عبد الله: طيب يا الي مو رخمات قوموا غيروا عشان نروح مريم: لا شكرا موب رايحين صح رنيم عبد الله: لا خطاء بتروحون رنيم: ترى أنا رنيم عبد الله: وانا عبد الله رنيم: وش شارب أخوك اليوم ؟؟ مريم: لا عادي بس مرتفعة جرعة العباطة و الغباء و كل البلاوي رنيم: اللهم لاشماته مريم: خليك منه ما بقى شي و يخلص المسلسل عبد الله: بيكفكم بس تذكروا ما أنتوا رايحين له مره ثانية مريم: مو مشكلة نشوفهآآ أذا طلعت عبد الله: موب طالعة الا بعد أسبوع مو قلت لكم يرفع الضغط !! يعني غصب نروح >< ألتفت على رنيم اسأله مريم: تروحين ؟؟ رنيم: مدري مريم: قومي نغير جوو و نشوف ولي العهد رنيم: طيب صايرة مطيعة ذا البنت من بعد هذيك سالفة وهي هادية و تسمع اي كلمة تنقال خصوصا ان جدتي زعلت منه أتوقع أنه بهذي الطريقة بتراضيهآآ : ~{ رـنيم .. ما فهمت ولا كلمة من الي يقوله الشريط عقاب و ابتلاء و اختبار حسيت نفسي بـ أختبار رياضيات رنيم: يعني كيف طيب ؟؟ مريم: انا اقول لك يعني ان الانسان معرض لـ المصائب رنيم: طيب مريم: و كل مصيبة ممكن تكون ابتلاء أو عقاب رنيم: طيب وش الفرق ؟؟ مريم: الابتلاء أختبار لـ العبد المؤمن أمآ العقاب هو عقوبة لـ العبد العاصي مثل الحين واحد فشل بتجارته وخسر فلوسه لآنه ظلم كم موظف عند بيكون عقاب له و ممكن يكون ابتلاء عشان ربي يختبر صبره رنيم: طيب وش يسوي العبد اذا كان عقاب او ابتلاء مريم: اذا كان عقاب يصبر و يتصبر و يزيد ايمانه و ثقته بـ الله واذا كان عقاب يصبر و يندم ويتسغفر رنيم: اهآآ حسيت الكلمات تردد بعقلي ابتلاء !! عقوبة !! ممكن يكون الي أنا فيه ابتلاء ؟؟ ولا عقوبة ألتفت على مريم أسالهآ بس أنتبهت أننا وصلنا مريم: عبيد نبي ورد عبد الله: عبيد بعينك مريم: طيب عبد الله عبوود اخوي نبي ورد عبد الله: يا شين المصالح مريم: لا تصدق حالك بس عيب ندخل كذا بدون شي عبد الله: طيب خلاص أنا بروح أنتوا خلكم هنا لآ تتحركون مريم: طيب رنيم: مريم مريم: هلآ رنيم: الحين الي أنا فيه عقوبة ولا إبتلاء ؟؟ مريم: .... رنيم: وش مريم: مدري ربك وحده أعلم رنيم: يعني أنتي مو حاسه أنهآ ...<< قاطعتني مريم: عقوبة رنيم: ليش طيب ؟؟ مريم: مدري يمكن عشان امك وكذا رنيم: وش فيها امي ؟؟ مريم: ... رنيم: مريم ؟ أسكتت وماردت علي و أنا جلست افكر بـ كلمة عقوبة أنتبهت أن عبد الله طلع بس مريم واقفة كانها شايفة شي رجعت لهآ رنيم: مريم مريم: هآآآ رنيم: هويتي بير وش بك ؟؟ مريم: انا !! مافيني شي رنيم: و الولد الي كنتي تناظرينه ؟؟ مريم: هآآ أي ولد و أي بطيخ أمشي عبد الله طلع مشيت وراهآآ و أنا مستغربة هي شافت ذا الرجال و أنصدمت ليه طيب ؟؟ دخلنا لـ جناح منيرة كآنت أمهآ و ابوهآ موجودين سلمت وجلست جنب مريم حسيت أن وجود خطاء هذي أول مرة اشوف خالي ما توقعت أنه بكل هذي الطيبة مجرد سلامه علي حسسني وش كثر هذا الانسان طيب ماطولنا كثير عند منيرة لانها كانت نايمة و زوجة خالي تعبانة فـ قررنا نجي بكرة و نجيب جدتي معنا الي ارفضت انها تدخل ذا المستشفى ركبنا السيارة راجعين بعد طلعت تغير الجوو !! بس طول ذا الوقت و كلمة عقوبة شاغلة بالي معقولة تكون ذي عقوبة ؟؟ سمعت عبد الله يحكي و مريم تهزني رنيم: هلآ مريم: ساعة تردين رنيم: لآ بس مصدعة مريم: عشانك ما كلتي عبد الله: ليه ما كلتي ؟؟ مريم: مسوي أضراب عبد الله: اضراب ؟؟ مريم: ايه بتجرب شعور المجاعات عبد الله: ما علينا رنيم ذولي أخوانك ؟؟ رنيم: أخواني وين ؟؟ مريم: شكلك مو حاسة بالدنيا ترى وصلنا البيت رنيم: وين اخواني عبد الله: الي عند واقفين عند الباب مع راشد نظرت بـ الي عند الباب وخنقتني العبرة لي أكثر من شهر ما شفتهم لا شعوريا فتحت باب السيارة و ركضت لهم أول مرة أحس أني مشتاقة لهم ولـ هواشهم و وجودهم و ما حسيت بالدنيا نسيت اننا بالشارع و نسيت كل شي بس كلمة راشد صحتني من فرحتي بشوفتهم راشد: أمي معنا ترى !! أمي أمي هنآآ جتني رغبة أني ارجع السيارة و أصحى من ذا الكابوس صح أني مشتاقة لها بس الآكيد أني مو مستعدة لشوفتها سمعت مريم وهي تنادي ودخلت وراها والف فكرة وفكرة ببالي شفتها جالسة مع جدتي توقعت اشوف انسان ثانية وحدة ممكن تأخذني بـ الاحضان و تقولي خلاص يارنيم كل شي تمام ويلا نرجع البيت بس الي شفت غير شفت الانسانة الي تركتها وراي الي زفتني بكل برود لهنا بدون لا تذرف اي دمعة كان نفسي أصرخ وانا اشوف برودهآ لي ولـ جدتي و لـ مريم !! قربت منها وبست راسها وجلست جنب جدتي الي كان واضح أنها ماسكه دموعة بس ما كان واضح لامي شفتها تعطي جدي ملف أخضر !! و تكلمني امي: هذا ملفك حق المدرسة و هذا مصروفك و مدت لي ظرف ابيض بس كان بعيوني اسودا تخيلوا شهر ما شفتهآآ و بـ الاخير تعطين مصروف اخر شي كنت محتاجة بهذي الحظة و كملت بكل برود تتطعني فيه امي: و هذي الشنطة فيها ملابسك و التفت على جدتي امي: اذا كان وجودها عندك ممكن يضايقك قــ..<< قاطعتهآ جدتي جدتي: مو أنا الي أتضايق من بنتي و اذا ضاق البيت عليهآ عيون تشيلهآآ !! امي: على العموم انا رايحة الحين وانتي يارنيم أسمعي كلام جدتك أعتقد أنك مآ أنتي بزر عشان أوصيك كيف تتصرفي هنآآ بس حسيت أني بكابوس صدق تذكرت صوت مريم وهي تقول عقوبة !! حسيت بـ الم بـ خاصرتي الم له شهور بس اليوم زاد و كأنه حلف يكمل الفلم !! 1 2 3 و راحت عالم ثاني !! >> طويل مرة صح ؟؟ و أستاهل أحلى ردود ^^ | ||||
|
| |
|
08-03-13, 08:40 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "أن تتوقـّع من العالم أن يعاملك بعدل لأنـّك إنسان طيب يشبه نوعًا ما توقّعك ألا يهاجمك الثـّور لأنـّك نباتي " ×لاندرو~ ؛ ..{ـالبارـتـ9ـ}.. ~>> بداية الرحلة.. "رـنيم ~ أسترجعت وعي بعد أربع ساعات من حالة الاغماء عشان إلقى نفسي في أكره مكان مستشفى !! وعشان يكتمل يومي السعيد مجبورة أتنوم هنآ أقترحت مريم أنهآ ترافق معي و الباقي يرجع خصوصآ أن جدتي كآنت ناوية تنام هنآ و هي إلي عمرهآ ما دخلت المستشفى و كآنت حالفة مآ تدخلهاا أبد بـ ظنهآ أن الانسان يدخل صاحي و يطلع فيه مليون عيب اذا طلع منهآ و للاسف أني أتفق معهآ لآن الطب اليوم أصبح تجار و هذا ما ينكر أن في ناس أنذرت نفسهآ في سبيل الطب و أدفنت عمرهآ و ضيعت سنين و هي تطور فيه على العموم هذي مو قضيتناا القضية الآن أني مجنونة !! مع مرتبة الشرف و أن الآنسة مريم مصممة أني مدمنة !! : مريم قد مرة أحد قالك أني غبية ؟؟ : يا حبيبتي الادمآن نواع مو شرط يكون ابرة هيروين و لآ بودرة : اجل ؟؟ : الادمان أنواع في ناس تدمن حبوب في ناس تدمن فلوس في ناس تدمن أكل و أنتي للاسف مدمنة هموم ؟؟ : يمكن : يعني أنتي معترفة ؟؟ : مريم تدرين أنا مو كذا صدقين مو لهذي الدرجة من الحقارة حتى اذبح نسيم و لا أعصي أمي أو حتى أني أتهاوش مع مدرستي أو أتضارب مع شلة بنات أنا طول عمري مآ كنت كذا عمري مآ تمنيت الشر لـ أحد أو ضريت أحد بس بنفس الوقت داخلي شي غير شي دمرني كـ أنسانة قبل لآ يدمر من حولي صدقيني أنا ذبحت نفسي قبل لآ اضر أي شخص : حلوو يعني حاسة أنك غلطتي ؟؟ : ايه : و ضريتي أحد ؟؟ : ايه : مين أكثر من تضرر ؟؟ : أنا : طيب أنتي مقتنعة أن الي سويته خطاء و لازم يتصحح ؟؟ : نوعآ مآ مو كل شي بحياتي خطاء !! : حلوو الحين حنا متفقين : ايه : اول شي لازم تعرفين اني مو ضحية أحد و أنا مسؤولة عن كل خطاء بحياتك لا تحطين في بالك أنك صرتي كذا عشان أمك أنشغلت أو أبو ما سأل لا أنتي مسؤولة كان عندك خيارات و انتي أخترتي الخطاء و عشان تصححين الخطاء لازم تكون عندك الشجاعة بـ أعترفك فيهآ : طيب معترفة : لا قوليه أنا مو ضحية أنا مسؤولة قوليها دايم كل يوم و كل وقت : أنا مو ضحية أنا مسؤولة : مرة ثانية : انا مو ضحية أنا مسؤولة : حلوو الحين تقدرين تنامين و بكرة نبداء : مريم : سمي : ليه تحسسيني أني مجنونة ؟؟ : اذا كنتي تظنين أن اعترافك جنون فـ أنا أكبر مجنونة !! أعترافي أني غلطانة قدامة خلاني أستحي من أني احط عيني بـ عينه سيمت بـ الله و غمضتي عيوني و كل خلايا بـ جسمي تررد "أنا مسؤولة عن كل خطاء بـ حياتي!! ؛ "ـمريم~ عارفة أنك بحيرة و خوف بس هذا مآ زرعتيه يا رنيم و أنتي الوحيدة الي ممن تصحينهآ أكبر خطاء أننآ نوقف معك الحين و نوضح لك أن الخطء مو منك و ان أهلك هم سبب كل إلي أنتي فيه بـ نضرك أكثر مآ نفيدك لآزم تتعلمين الدرس كآمل !! سمعت صوت جوالي الي كان يصرخ فيني عشان ارد يمكن هذي المرة العاشرة الي يرن بس موب رادهـ ألتفت على رنيم الي كآنت نايمه على سرير المستشفى و أنا مرافقه معهآ : ردي : موب رادهآ : ليش طيب يمكن جدتي ولا عبدالله : لا مو هم بعدين مالي مزاج : بكيفك بس اذا رن مرة ثانية انا الي برد فكرت أحطهـ على الصمت بس اخاف جدتي ولا عبدالله يتصلون يعني ما في مفر بـ رد غضب عني اذا دق أن شاء الله ما يدق !! سمعتهآ يرن و كآنه حاس أني بـ رد عليه هذي المرة : لا يا شيخة كان ما رديتي !! : ...... : مريم !! : متى وصلت ؟؟ : اهآآ اجل السالفة كذا : أيه كذا : مريم لآ تصغرين عقلك يعني زعلانة عشان ما قلت لك أني وصلت ؟؟ : ايه عندك مانع : وش حركات البزرانة إلي عليك ؟؟ : أنا بزر؟؟ هين أنا مآعلمتك البزرانة كيف تكون مآ أكون مريم البزر سكرت الخط و رجعت أضبط الكنبة عشان أنام : منوو ؟؟ : هآآ ؟؟ : مين الي أتصل ؟؟ : و لا أحد يلا نامي مو كويس تسهرين جسمك محتاج راحة : طيب بس اذا دق الي ولا أحد لآ تسكرين بـ وجهه سويت نفسي ما أسمعهآ و حطيت راسي بـ نام بس ذا الجوال الي حالف أني مآ أنام اليوم رجع يدق : نعم !! : وصلت اليوم الساعة ثلاث و من المطار لـ بيتكم و قالت لي الشغالة أن أختك ولدت و كلكم بـ المستشفى و راحت لك وأنت طبعآ مآ قصرتي جحدتني جحدة خطيرة .. في شي ثاني ما قلته لك ؟؟ : لا شكرا على المعلومات القيمة : طيب ما في حمد الله على السلامة أشتاقت لك وحشتني ؟؟ : الحمد لله على السلامة : ربي يسلمك : ما قلت لي و ينك الحين ؟؟ : بـ الفندق : فندق ؟؟ و ليش أن شاء الله ؟؟ : مآ حبيت أضيق على فيصل تعرفين بيته صغير و فهد أهل زوجته عنده : و أنا ؟؟ : أنتي وينك أصلنآآ : بـ المستشفى : ليه وش بك ؟؟ ؛ "ـعبد الله~ مآ طاوعني قلبي أنام وهي تعبانة شلتي عفشي و راحت انام عندهآ مع أني عارف أنهآ بتطردني بس مآ أني قادر أتركهآ لوحدهآ أخاف السكر ينزل و يصير بهآ شي لآ سمح الله !! أصعب شي أنك تشوف مصدرك قوتك ينهآر مهم كابر يبقى التعب أكبر منهآ و مهم حاولت تخفي جرحهآ الهم و أضح في كل تفاصيله من أول شيب سكن شعرهآ لـ أخر خط زآد ملآمحهآ حلى تدرون أن حلآهآ بـ نظري يزود كل مآ زادات ذا الخطوط !! : عبيد وش تسوي ؟؟ و وش ذا الي معك ؟؟ : فراشي و مخدتي و بطانيتي : ورى جايبه فيذا ؟؟ : عشان أنام عندك : وش نومه الي بتنامها عندي ؟؟ لعنبو إبليسك بزر انت ؟؟ : بزر برز بس نومة بروحك موب مخليك أنتي تعبانة : تعب يتعب عدوي يلا لم عفشك و طلع برى خلني انوم : طلعة مآ راح اطلع جالس على قلبك وبعدين كلنآ بـ نام إلا اذا عندك مخططات آخرى مآ عندي مانع : طيب قم جيب لي كآس حليب : ايه هين عشان تقفلين الغرفة العبي غيرهآآ يا ماما ترى أنا عبدالله مو مريم : لعبووا بـ إبليس وربعهآ : امين يلا قولي و ين تبين افرشي فرشتي يمين سريرك ولا يسار ؟؟ : ورى ما تفرشهآ بـ غرفتك أحسن : افاا يا أم سعودي تطرديني هذا وانا متواضع و بنام على الارض يعني بتكسر تكسير عشان عيونك و أنت تطرديني ؟؟ : ..... : يمه أفرش هنآآ : أذا بتنام فيذا خلك ساكت و عن الهرج الماصخ : أن شاء الله : الحين لو أني نايمتن عند البنيه مو أحسن : يمه مريم عندهآ : و أنت تحسب أختك تكفي يا أبو البنت تعبانة محتاجتنا كلنا جنبهآ : و أنت بعد تعبانة بعدين مريم موب مقصرة : ولو منيب مرتاحة الا ذا شفتهآ : حبيتيهآآ يمه ؟؟ : و شلون مآ أحبهآ ذي بنت الغالية يا ولد الغالي : .... : يلا سم بالله ونم عشان نروح لهم باتسر بدري : يمه وش رايك تحكين لي حكاية مآ قبل النوم ؟؟ ؛ >> يتبع بعد ردودك الحلوة ^^ | ||||
|
| |
 |
| الكلمات الدلالية (Tags) |
| انثيات |
| أدوات الموضوع | |
| انواع عرض الموضوع | |
|
|
العرض العادي
