آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-03-13, 09:57 AM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  << البــــــــــارت الــ 39 >> في بيت راكان الصقر ...... توليب تبكي من قللللب وتولين مغمى عليها بالغرفة من التعب راكان : لا حول ولا قوة الا بالله .. بس يا توليب تكفين راااااسي مصدع طلال : توليب خلاص عاد .. ادعي له ولاختك يقومون بالسلامة بلا دلع توليب : كله منك يا راكان .. والله كله منك انا حمااارة يوم سمعت كلامك راكان بعيون حمر : توليب لا تنرفزيني والله اني تعباااااااااان واللي فيني كافيني قام طلال وجلس جنب توليب بعد ما اشر لراكان انه يهدي اعصابه طلال : بس يا توليب .. توليب : انت مو حاس فيني يا طلال حط ايده على كتفها طلال : الا حاس فيك ,, بس بكاك هذا ما بيغير شي ,, ممكن تهدين شوي ؟ توليب : ما اقدر طلال : الا تقدرين .. هزّت براسها وهي تبكي بانها ما تقدر طلال : طيب اذا قلت لك عشاني ؟؟ وقفت تبكي شوي وما ردت عليه ... صارت تهدي بنفسها وهو مبسوط وقفت توليب : انا رايحة اشوف تولين قامت ولا لا راكان : طيب طلال وقف : انا رايح للشركة توليب : ليه ؟ خليك هنا ابتسم طلال : لا حياتي ما اقدر استغربت توليب : ( قال حياتي .. ههههههههههه هالانسان هذا عجيب ) طلال : عندي كم شغلة لازم اخلصها ..لا تخافين برجع اتطمن عليكم ,, تامرين على شي ؟ ابتسمت توليب برضا عالاسلوب الجديد الحلووو توليب : سلامتك اعطاها بوسة سريعة على خدها جمدتها كما هي العادة وراكان ابتسم من هالحركة يا شينك يا طلال ما تحسب لأي شخص حساب اللي براسك تسويه وما عليك من احد ... الله يقطع ابليسك حط طلال عينه بعين راكان المبتسم بشكل غريب طلال ونفس الابتسامة مرتسمة على وجهه : وانت راكان تامرني على شي ؟ راكان بنفس الابتسامة المايلة : سلامتك .. توليب مدامك واقفة وصلي طلال للباب وارجعي توليب بنفسها تشتم راكان هذا وش يبي يسوي فيني مشت توليب وهي ساكتة ومشى وراها طلال اول ما وصلت عند الباب ............. طلال بصوت واطي : بتوحشيني..... ابتسم يوم شاف وجهها ولع اشااارة حمراء وطلع من البيت توليب تسب وتشتم في راكان وطلال ومشت بعصبية لغرفة تولين ............................. عند خزامى وجوانا بالغرفة ............ جوانا : يا بعد عمري على فيصل خزامى تنهدت : الله يعين بس .. لاحول ولا قوة الا بالله جوانا : الحين من صدقه يوسف خطب جوري ؟؟ خزامى : ههههه مدري والله جوانا : ياحليله يوسف ... لا وخطب مين ؟؟ جووري هههههههههههه خزامى : صراحة انا انصدمت .... بس مسكين معاذ ولد ياسر امه رمته وراحت جوانا انقلب وجهها : مالي دخل فيه وفي ولده ... هو اللي جاب هالشي لنفسه ما قلتي لي ... شلون طلقك خالد ؟؟؟ انتي كل ما اسالك تطنشين خزامى : ااااااااااه اسكتي بس ,,,,, كان جالس يكلمني يقول : خزوم انتي عارفة مكانك بقلبي وعارفة اني احبك ... رغم انك قلتي انك تكرهيني ذاك اليوم بس معليش ... شوفي انا غيرتي قوية مع ان سعود صاحبي لكن حتى لو ... كل مرة تقولين فيها اسمه احس اني بمووت ادري انك تقولينه بدون قصد وانك تحاولين تنسينه لكن انا ما كنت قادر امسك اعصابي مثل ما وعدتك ................... سكتت خزامى جوانا : وبعدين ؟ خزامى : بعدين انا قلت له ان حياتنا مع بعض ما راح تكون حلوة والافضل ننفصل من بدري جوانا : ايه بس الولد يحبك خزامى : وانا احترمه واحترم شهامته ... خالد رجّال ومحترم ,, لكن ما نقدر نكمل سوا خصوصا انه ما يقدر يمسك اعصابه وطول الوقت شاك فيني وفي احساسي تجاهه جوانا : وسعود ؟ خزامى : وش فيه سعود ؟ جوانا : مدري احس انك لسة تفكرين فيه او خايفة من اللي صار خزامى : شوفي يا قلبي ... سعود مهما قلت اكرهه ارجع اقول احبه جوانا عصبت : تستهبلييييين انتي ؟؟ خزامى : لا ما استهبل .... انا اقول الصدق ,,, ايه كنت شايلة عليه بعد اللي صار لكن ان جيتي للواقع سعود هو الشخص الوحيد اللي انا فكرت فيه وهو الوحيد والاول اللي احبه انا جوانا : بس مستحيل طلال يوافق عليه ان جاك خزامى : هذا اذا جاء ... يمكن ما يجي او ماله وجه يجي بعد اللي صار جوانا : واذا ما جاء بتعنسين ؟؟ خزامى : هههههههههههه ايه بعنس .. احسن من اني اعيش مع انسان وافكر بواحد ثاني واظلمه معاي جوانا : يا بعد عمري عليك ... بس رفعتي ضغطي لما قلتي تحبين الخايس سعود خزامى : جوانا خلاص عاد اقفلي الموضوع لو سمحتي جوانا بضيق : طيب وقفت جوانا ومشت برة الغرفة وصكت الباب وراها ........................................... محمد وفهد يتمشون سوا بالسيارة ..... فهد يسولف ومحمد مو معاه فهد : وطاح على خشته وانا فقعت من الضحك ههههههههههههههههههه والله شكله يموت من الضحك ياليتك شايفه هههههههههههههههههههه سكت فهد والتفت على محمد السرحان بالشباك اللي جنبه ويطالع بالشارع فهد : حمووود ... محمد ... ابوو حمييييييييييييد هيييييييه يا ابو الشبااااااب محمد : هاه ؟؟ هممم وش بغيت ؟ فهد : معاي ؟ محمد : ايه ايه معاك فهد : وش كنت اقول ؟ محمد : على سالفة جهازك يوم ان ولد اختك الورع يكب عليه موية وانت علقته بالباب لنص ساعة شفت اني معك ؟ فهد : ايه ايه صح معي ... كل تبن يا حمااااااااااااااار قلت بعد هالسالفة سالفتين الله يرجك محمد : يووووه فهد خلاص اااسف .... فهد : طيب في مين سرحان يا ابو وجه ؟ محمد : ولا احد فهد : مو حبيبتك ؟ محمد عصب : حبيبتي ؟ فهد : ايه اقصد بنت عمك ... زوجتك يالخبل محمد : على تبن .. اسكت يا فهييييد وعلّي صوت الاغنية فهد : هههههههههه والله شكلها هبلت فيك ولعبت بحسبتك لعب محمد : وبعدييييييين ؟؟ فهد : هههههههههههههههههه طيب خلاص خلاص ... اقول حمود الله يقطع ابليسكم كل واحد منكم له بلوة انت وبنت عمك ذي وخالد وفيصل ومشكلتهم ... وسعود وعمه وخالد ياليييييييييييييل ابو لمبة متى ناويين تخلصون هالمشاكل مدري طنش محمد ورجع يطالع بالشباك ............................ راكان راح لفواز وتالا وسعود ................ فواز : وش بنسوي الحين ؟ راكان : ولا شي ... بنخبر عليه الشرطة وهم يتولون الموضوع سعود : بس انا كنت محسب اننا احنا بنقتله راكان : لا يا سعود .... احنا خلاص انتهى شغلنا بس نعلم عليه الشرطة وتمسكه بيوم التسليم ونفتك من شره ............ سكتوا شوي وكل واحد فيهم صار يفكر لحاله شوي الا ودندن فواز فواز : من هو من هو من هو ماخذ من القلب حتة من هو من هو من هووووو اشر على نفسك انت من حبيبي .. فديت قلبه من نصيبي حبيته حبة .. سارق قليبي وسكن به قوووولها ولا تخبي تالا بجد خقت ... راكان : وجع فواز صوتك خايس سعود : ههههه والله بجد ازعجتني يا شيخ وش جاك ؟؟؟ فواز : هههههههههه صووتي حلووووو صح تالا ؟؟ تالا بلمت : هاه ؟ فواز : يا ويلي لا تفشلنا هذي الحين وتخربها ... لا تطيحين وجهي قولي ايه تالا مو مستوعبة ودها تقول ايه وودها تقول لا تالا : ايه فواز : ههههههاااااااااي شفتوووا ؟؟ تالا وقفت : اقوول بس لا تصدق صوووتك نشاااااااااااااز مشت عنهم وهو مرتفع ضغطه والشباب ميتين ضحك ............... طلعت تالا من عندهم وركبت تاكسي عشان تروح لشقتها : ( يا ربي وش فيني انا قمت افكر بهالخايس فواز ... بس بجد عليه ضحكة تذبح غير اسلوبه ... احلى شي فيه صراحته وانه ما يجامل مثلي بالضبط ههههههههههههه احلى شي لما يعاندني وانا اعانده ويفرع بيننا راكان ........... يا رب يحس على دمه ... احس اني احبه ) : وصلنا تالا : ادري انا مو عمياء يالمهستر ... امسك فلوسك بس وطلعت من السيارة وطلعت للشقة ................................... بعد اسبوعين ..... ماجد : يللا هالمرة انا بكون معاكم ... اول دفعة بتكون معاي والباقي توزعووونه فاهمين ؟؟ ما ابغى ولا نقطة ولا أثر يبقى عندنا اللي اتفقنا معهم يستلمون البضاعة اول ما توووووصل ما ابغى ولا خطأ ماهر : حاضر يا طويل العمر زياد : بس بغيت اسالك يا ابو تالا ... وش بيصير على ريان ؟ ارتسمت على وجه ماجد ابتسامة حقوودة : هه خليه يتربى عشان لا يعاندني مرة ثااانية خلوه يخيس عند راكان ما علينا .... الحين يللا بسررررعة نزل بضاعتنا عشان نوصلها لمكان التسليم ............................. بشركة راكان الصقر ........... راكان رايح جاي مرررة متوتر ... وسعود راح يشوف ريان اخوه فواز ساااااااااااااكت وتالا متوترة مررررة تالا : فواز فواز : هممم ؟؟ تالا : وش بيصير الحين ؟ فواز : على ايش ؟ تالا : علينا طالعها فواز باستغراب : وشو ؟ تالا : اقصد علينا احنا ... فواز عقد حواجبه : علينا احنا ؟؟؟ وش فينا احنا تالا : هيييييييييه راح بالك بعيد ,,, انا اقصد اننا علمنا الشرطة على ماجد احنا ايش بيصير علينا ؟ فواز تنهد : اووووف يا شيخة خليتيني اهوجس وش فيها هذي ... ما راح يصير علينا شي خلاص احنا خبرنا الشرطة وسوينا اللي علينا ,, اليوم بيمسكون ماجد وشلته وبنفتك منهم وبس تالا : وشلوون وبس ؟ فواز : يااااااااااااااااااليل مطوووولك ,,, اسمعي الحين خلاص بفتك منك يالعبيطة وبينتهي شغلنا فهمتي ؟؟؟ تالا انجرحت منه : ( ليتك تحس فيني يا حماااااااااااااااار ,,, انا مدري شلي خلاني افكر بهالخشة الخاااايسة وبهالوووجه اللي ما عنده اسلووووب ,,, غبي دلخ ... معقووولة للحين ما حس باني .. لالالا انا ما احبه ايه ما احبه هذا واحد مغفل ) فواز : هيييييييه وش فيك سرحانة بوجهي ؟؟؟ مضيعة شي ؟؟؟ ادري اني حلوو بس معليش ما اقبل منك انتي بالذات اعجااااب تالا وقفت وكشت على وجهه : ماااااااااااالت على هالخشة الخااايسة ,, والحمدلله يااااااااااااارب بفتك منك واخيييييرا ومشت عنه وهو ميت ضحك على شكلها فواز : ( خخخ نرفزتها احسسسسسسسسسن هالعبيطة ,,, ولسة ناوي ارد اللي سوته فيني من اول لسة ما نسيت ) ................................... خلاص بعد ساعتين بيتم التسليم بين ماجد واللي جايبلهم البضاعة وبعدها بياخذها ماجد وشلته للي بيشترونها منه وكل شي راح يتم ورى بعض وبسرررعة عشان يخلصون .. الكمية كبيرة وما يكفيها المخزن حق ماجد ماجد : يللا يللا سريع ... جهزت كل شي ؟ ماهر : ايه ماجد طقه بظهره : كفووووو جاء حسن يركض ويلهث حسن : ابووو تالا الحق ,,, ابووو تالا ماجد : خير وش عندك انت وهالوجه ؟ حسن : فيه علينا مراقبة ,, اكتشتف ان علينا مراااقبة والاتصال اللي تم بين ناصر و شريف كان مراقب ومسجل ارتبك ماجد واختبصت عنده الدنيا ماجد : شووووف ... أنا ما كنت معكم ولا ادري بشي اذا جاني خبر ان فيه واحد فيكم تلقف وحاول يكشفني لا يلووم الا نفسه ولا تنسووون عندي بالشرطة معارف اللي درى منكم الحين ويبي ينحاااش يحط رجله ويمشي ... واللي ما يدري خلووه مشى ماجد بسررررعة وطلع من المكان ..................... في بيت عبدالعزيز الراسي بالصالة ................ جوانا جالسة بكل توتر ... هي لاحظت ان طلال مستقعد لها بالفترة الاخيرة هذا غير رسالة فيصل لها ان طلال راح يراقبها بطلعاتها ودخلاتها وانها لازم تنتبه ,,,, خطوبة يوسف والجوري صارت رسمية قبل يومين ,,, يعني هم لبعض وكلام فيصل مو كذب جوري منسجمممممة مع الفيلم ( تايتنك ) والبوب كورن بايدها تاكل منه دخل عليهم طلال : احم فزّت جوانا على صوته : هلا طلال طلال : سلام جوانا : عليك السلام جوري : عليكم السلام جلس طلال مقابل جوانا طلال : وش عندك لي كم يوم اشوفك بالبيت مو عوايدك بلعت جوانا ريقها يااا رب هذا اولها .... جوانا بثقة : شلون مو عوايدي يعني ؟؟ طلال : يعني .... لك فترة صايرة ما تقعدين بالبيت وما تنشافين ابد جوانا : تدري ليه انا ما انشااف ؟؟ طلال : ايوة ؟ جوانا : لأني لما اصير بالبيت انت تكون مو فيه وانت ما شااااء الله كم ساعة تقعد بالبيت ؟؟ ينعدوون على الاصابع وسبحااانك يا رب يصادف ساعات جلوسك بالبيت اني ما اكون فيه .. ولا انت عارفني انا ما احب اطلع كثير طلال : وش صار عالعمل الخيري اللي كنتي تسوينه مع بنت الصقر واخوها راكان ؟ جوانا بنفسها : ( الحمد لله هالسؤال اجاوبه بثقة ) جوانا : ابدا ... تقريبا خلصنا ,, الحفلة الخيرية بعد اسبوعين في دار لتحفيظ القران والتبرعات راح ناخذها للأيتام وكذا وان زادت راح نساهم في بناء مساجد طلال : امممم ... فكرة حلوة ودي اساعد فيها جوانا : اوكي ,,, هات اللي عندك من تبرعات وراح ادخلهم طلال : اوكي ,,, جووري جوري بجو ثااااااااااااني مو حوله طلال : يااالجووووووري جوري خافت : هااااه ؟؟ طلال : بس يكفي اكل بتمتليييييين طالعته بنظرة طفش جوري : عادي ورجعت تطالع الفيلم بتطنيش لطلال طلال : بعدين تصيرين دبة جوري : عادي وما التفتت له طلال : بعدين يوسف يخليك طالعته جوري بحقد وهو قالها بنغزة ومات من الضحك جوانا : ههههههههههههه وقفت الجوري بضيق : اصلا الحق علي جالسة عندكم وطلعت بعصبية لغرفتها ....................................... انتهى البارت سوووري عالتأخييييييير | ||||
|  |
|
17-03-13, 12:49 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  << البـــــــــــــــارت الــ 40 >> تالا تذكرت انها نست تشتري العشاء ..... طلعت من الشقة بعد ما لبست عبايتها وركبت لها تاكسي وهي بالشارع لمحت ابوها جوة السيارة ... تذكرت ان اليوم عنده تسليم وكذا المفروض يكون هناك ... ملامحه تبين انه مستعجل ومتلثم بشكل سريع يعني انحااااش من المكان ... اشرت للتاكسي يلاحق ورى السيارة واتصلت على فواز ................. بالمستشفى ....... تولين عند ابوها بالغرفة تقرأ القرآن وتشاهق بالبكاء توليب تدعي له يقوم بالسلامة ونفس الشي دموعها على خدها بعد نص ساعة من هالحال وعلى دخول راكان وطلال للغرفة بدى ابو راكان يفتح عيونه شوي شوي ابو راكان بصوت تعبان خفيف : توليب ؟؟ تولين ؟ توليب فزّت عالصوت وهي تبكي بصوت عالي : يبة ؟؟ ابوي صحى وضمته بقوووة بدون احساس منها بالاجهزة اللي عليه وتولين بكت بس ما قدرت وما تجرأت انها تضمه او تقرب منه غير انها طبعت بوسة خفيفة سريعة على راسه ..... وهو طالعها بدموووع متجمعة بين رموشه راكان واقف عند الباب بابتسامة وطلال ساكت ويحمد ربه انها جات سليمة تولين بصوت متقطع من البكاء وببحة : توليب وخري عنه خنقتيه ... لا يتعور بس وخرت توليب اللي توها تلاحظ وراحت تركض لراكان وطلال اول واحد بوجهها هو طلال ضمته بقوووووة وهو اللي انصدم لكن احيانا من الفرحة الواحد يعمل تصرفات وما ينتبه عليها >> وبالذات البنات ,, على قولتهم وشهد شاهد من اهله ,,,, حط ايديه عليها وضمها له اكثر ,, يلعن ابليسك يالمغرووورة انا كنت ناوي اطيحك وطحت بشباكك بدال ما تطيحين انتي بشباكي ,,,, تولين وراكان من جد مستغربين ابو راكان يطالع بتولين وهو منقهر عاللي سواه فيها ابو راكان مد ايده وحطها على ايد تولين وضغط عليها طالعته وعيونها مليانة دموع ابو راكان : تولين يا بنتي ,, اعذريني عاللي صار واشّر لها انه يبي يشرب جابت له كاس الموية وعدلت له جلسته عشان يشرب بهاللحظة وخرت توليب من طلال وتوها تنتبه ان هذا الكائن اللي ضامته هي هو ( الزفت طلال اللي رافع ضغطها كثير ) وخرت عنه وجلست تتامل بخشته وهو مبتسم بطريقة غريبة مرة تقدم راكان لأبوه وباس راسه راكان : الحمد لله عالسلامة يا ابو راكان واعطاه ظهره بيمشي ابو راكان : اصبر ,, انت سويت اللي تبيه يا راكان لسة حاقد علي ؟؟ راكان التفت بسرعة : لا ,, وسكت شوي بندم,,, لكن حسبتك ما تبيني بعد اللي صار ,, وعشان كذا قلت ماله داعي اجلس اكثر وانت مو طايقني ابو راكان : شوف ,, خلينا نتفاهم عالموضوع بعدين وش رايك ؟ وابتسم له بغرابة راكان ابتسم : ايه على امرك ابو راكان : الحين ننسى ؟ راكان هز راسه بالايجاب وقرب لابوه وجلس جنبه قرب طلال وباس راسه وتحمد له بالسلامة وهو الى الحين ماسك توليب من يدها وما فكها ابو راكان : الله يسلمك يا ابو عبدالعزيز ,, يللا عقبال ما نشوووفه هالعبدالعزيز ونفرح فيكم ضحك طلال بقوة : يسمع منك ربي راكان : ههههههههه وش رايك توليب ؟ طالعته توليب بحقد ابو راكان : هههه بعد ضمها له ما تنسأل استحت توليب بقوووة وفكت ايد طلال وطلعت برة الغرفة ولحقتها تولين ................. ابو راكان : هههه ,, ايه خلاص لا تطولونها وهي قصيرة ,, خلونا نفرح فيكم طلال : يوم تعبت وقفنا كل شي يا ابو راكان ابو راكان : لا ما يحتاج تأجلون اكثر .. انا قمت الحمدلله .. يللا عاد هذي حلاوة قومتي بالسلامة طلال : ابشرررر ,, ما طلبت شي راكان بنغزة : ههههه يقولون الركادة زينة طلال : ههههههه نشوفك مع حبيبة القلب راكان : هههههههههههههههه انت محد يقدر على لسانك ؟ طلال : لا تحارشني وانت بخير ابو راكان : ههههههه ذيب طلال : تسلم ,, يللا بالاذن عندي شوية شغلات اخلصها .... مع السلامة راكان وابوه : الله معاك ........................ فواز وسعود بالمكتب جالسين سوا فواز : ههههههههههههههههه ياخي هالبنت لعينة سعود : هههههههههههههههههه ايه شايفها .. عليها اسلوووب مجنووون فواز : وقسم بالله ان ضغطي منها مرتففففع ,, انت ما شفتها اول مرة تقابلنا فيها ,,, عذبتني كرهتني بدنيتي سعود : هههه بس تصدق ,, اسلوبها ممتع فواز : ههههههه ممتع لك ولراكان سعود : ايه صدق وينه ؟ فواز : عند ابوه رن جوال فواز ,, فواز : الو تالا : فوااااز ,, ماجد انحااااش انا الحين بالشارع اشوفه قدامي فواز وقف بعصبية : مو من جدك تستهبلين انتي ؟؟ تالا : استهبل ؟؟ يا حمااااار هذا هووو قدامي ,, شكله ما حضر عملية التسليم فواز حط ايده على راسه : لالالا شغلنا كله بيروح عالفااااااضي تالا : اتصل على راكان بسررعة فواز : طيب طيب تالا : انا وراه لا تخاف فواز : انتبهي لا يضيع منك تالا : لا تخاااااف وسكرت بوجهه وصارت تلاحق ماجد بالسيارة ....................... طلال بالسيارة وجنبه عزام طلال : ههههههههه ياخي ما تشوووفني يوم ضمتني عزام : ههههههههههههه اركد ,,, هذا اللي بيطيحها هاه ؟؟؟ اشوفها هي اللي طيحتك طلال : اسكت بس ,,, جننتني ,, اقول لك شي خلاص بطلنا عناد ... الله يعين قلبي الحين شلون اخليها تحبني عزام : والله من كلامك شكلها خاقة معك طلال : عزامووووه اهجد ,, عزام : هههههههههههههههههههه .......................... رن جوال راكان وهو جالس جنب ابوه راكان : الو ؟؟ الضابط عبدالمجيد : مرحبا راكان راكان : هلا والله ,, بشّر ؟ عبدالمجيد : القينا القبض عالعديد منهم لكن ماجد ومجموعة من الرجال هربوا قبل ما نوصل راكان : مستحيل عبدالمجيد : اعتذر منك لكن هذا اللي صار .. غير ان الدوريات منتشرة الحين وتسوي تفتيش للمنطقة القريبة من الموقع راكان : طيب .. مشكور يعطيك العافية مع السلامة عبدالمجيد : مع السلامة ابو راكان : وش فيك ؟ راكان وقف وهو يدخّل الجوال بجيبه بقهههر وضيق وتحطم : ولا شي رن جواله مرة ثانية ,, طالع لقى رقم فواز راكان وهو طالع من الغرفة : الو ؟ فواز : راكان تقول تالا انها بالشارع وتشوف ماجد قدامها راكان بفرحة : من جدك ؟؟ فواز : ايه راكان : ايه مسكوا اللي معاه لكنه انحاش فواز : تقول انها وراه راكان : يللا جايكم الحين ونطلع وراها فواز : طيب ................... وقفت سيارة ماجد وبعيد عنها شوي وقفت سيارتها في تريللا ( شاحنة كبيرة ) كانت مسررررعة بالطريق فجأة انحرفت وقبل لا يطلع ماجد من السيارة اصطدمت فيها طاحت التريللا بقوووووة وكلها دقايق والسيارتين انفجروا انفجار قووووي وشبّت النار بشكل مو طبيعي ...... السيارة محترررررقة ومندعسسسسة ومتعفطة تالا وخرت عن المكان وهي تبكي ..... وصل فواز وراكان وسعود وشافوا المنظر فواز : وش هالمكان هذا ؟؟ راكان : وين تالا ؟ سعود لمحها هناك بعيدة شوي سعود : هذيك تالا نزل من السيارة ووراه راكان وفواز لقوا تالا تبكي راكان : تالا ؟؟ انتي بخير تالا : اهيئ اهيئ ,, شووووف فواز : ايه شفنا .. حادث .. وين ماجد ؟ تالا تأشر عالحريق وتبكي سعود انصصصصصدم : وشووووو ؟؟ تالا : مااااات راكان : شلون مات ؟ تالا : بحادث ... طاحت التريللا على سيارته واحترقوووا سعود : سبحانك يا رب فواز طالع بتالا اول مرة يشوفها بهالشكل ضعيفة وخايفة وتبكي فواز بحنية : قومي .. قومي من الارض خلينا نوصلك شقتك وارتاحي هناك راكان اتصل عالدوريات وبلغهم وقفت تالا مع سعود وراكان وفواز وراحوا السيارة واتصلوا عالشرطة وكل شي صار بسرررعة بسرررعة .......... اليوم الثاني راكان اتصل على جميلة راكان : الووو خالتي ,, شلونك ؟ جميلة : انا بخير مدام سمعت صوتك ,, بشرني عنك راكان : ابشرررك بكل خير ... ماجد مات امس محترررق بحادث قوي الله لا يوريك جميلة انصدمت : محتررق ؟؟ راكان : ايه .. الله يمهل ولا يهمل الحين يمديك ترجعين لزوجك بدون محد يضايقك جميلة : يعطيك العافية يا ولدي ,, يللا مع السلامة راكان : الله معاك ............ ركبت جميلة سيارتها وقالت للسواق يوديها بيت عبدالعزيز الراسي نزلت من السيارة وفتح لها الحارس الباب دخلت لين باب البيت وفتحت لها الخدامة دخلت البيت وتوسطت الصالة ,, من زمان ما شفت هالمكان الجوري كانت تركض نازلة من الدرج وشافت جميلة وقفت وهي منصدمة جوري : عفوا ؟؟ مين انتي ؟ جميلة بهدوء : انا خالتك جوري باستهزاء : عفوووا ؟؟ قال خالتي قال ... اقول يللا توكلي مع الباب نزلت جوانا وشافت امها وخرت الجوري ونزلت تركض لامها جوانا : يمة ؟؟ وش تسوين هنا ؟ جميلة : خلاص يا جوانا ... مات ماجد ,, اقدر ارجع اعيش معك مرة ثانية وفي بيت واحد ضمتها جوانا بقووووة والجوري فوق راسها الف علامة استفهام طلال كان نازل من الدرج وشاف جوانا وجنبها حرمة طلال : احم رفعت جميلة راسها وشافت طلال .. هالولد ما راح تنساه ابدا يا كثر مواقفه معاها جميلة : كبرت يا طلال ميّل طلال راسه باستغراب : عفوا ؟ جميلة : انا جميلة يا طلال ,, نسيتني ؟ نزل طلال بسرعة مجنووونة : ميييييين ؟؟ جميلة : هههههههه وش فيك ؟ طلال : مستحيل ,, انتي اختفيتي فجأة وتطلعين فجأة كذا جميلة : كانت لي اسبابي ياطلال ... الحين وشو ؟ بظل واقفة جوانا : تفضلي يمة نزلت الجوري معصبة : جوانا ؟؟ وش يمة هذي ؟ جوانا : هذي امي يالجوري جوري : من جدك انتي ؟؟ امي متوفية جوانا : امك انتي ماتت بس هذي امي انا نزلت خزامى مستغربة عالازعاج اللي صاير وسمعت الجوري وجوانا خزامى : جوانا ؟؟ وش قاعدة تقولين ؟ طلال : انا بعدين افهمكم ,, خلاص بعد ساعتين وهم جالسين يسولفون مع جميلة وصل ابو طلال دخل من الباب ووصل للتجمع اللي صاير بالصالة ابو طلال : وش عندكم مجتمعين وما تعلمون احد ؟؟ وخروا العيال وشافها قدامه ,,, جميلة جميلة اللي ما قدر ينساها ,, اللي صار بخزامى كان بسبب جميلة اللي كان ماجد يبيها جميلة حبيبته وزوجته ... اللي تخلت عنه واختفت فجأة ,, حطمته وقهرته كثييييير وشلون تطلع كذا بوسط بيته جميلة وقفت : شلونك يا عبدالعزيز ؟ عبدالعزيز بضيق : كنت بخير قبل شوفتك جوانا انصدممممت وجميلة بعد وطلال ... بس جميلة ما كانت متوقعة انه يتقبلها اساسا بعد اللي صار جوانا : يبة ليش كذا ؟ عبدالعزيز بعصبية : اطلعوا كلكم مابي اشوف ولا احد هنا ,, وانتي ارجعي من المكان اللي جيتي منه واعطاها ظهره بيمشي جميلة : ما توقعت ردة فعلك كذا عبدالعزيز : وش تبيني اقووول ؟؟؟ ... كيفك وش اخبارك وحشتيني ؟؟؟ جميلة : كانت لي اسبابي يومي اختفيت عبدالعزيز : وش هي هالاسباب ؟؟؟ وش هي ؟؟ اللي خلتك تبعدين عن بنتك وعني ؟ وما توضحين لي اياها حتى جميلة : كان لازم اختفي عنك وعنها ... لمصلحتكم انكم ما تدرون وين انا عشان لا يوصلكم ماجد كان ناوي يقهرك فيني وفي بنتك ,,, كان ناوي يقتلني ويقتلك سوا وفي مكان واحد عشان يقهرك ويعذبك ماجد انسان مريض ... يسوي اي شي ,, اي شي عبدالعزيز : طيب ؟؟ جميلة : ماجد مات امس وعشان كذا رجعت انصصصدم ابو طلال بهالخبر مثل البقية : وشووووو ؟؟ جميلة : ايه .. مات امس محترق يا عبدالعزيز يوم سمعت الخبر رجعت على طول لك ,,, انت ما تدري عن شي وعلى طووول فكرت باشياء سيئة واني تخليت عنكم انت وجوانا جوانا : يبة .. طلال ,, انا لما كنت اطلع كنت اروح لامي واجلس عندها طلال : نعم ؟؟ جوانا : ايه .. كنت اروح لها ,, واللي وصل امي لي كان راكان الصقر وسالفة الجمعية الخيرية صارت عشان لا تشك فيني واخته تولين كانت تساعدنا بعد جلس ابو طلال وجلسوا كلهم معاه وبدى كل واحد فيهم يتكلم مع الثاني ..................... بعد 4 شهور الليلة زواج توليب وطلال توليب بفستانها الابيض ومكياجها الناعم كانت بمعنى الكلمة خقق >> مصطلحاتي حلوة هههههههههه تولين وجوانا وخزامى والجوري كانوا مبسوطات عالاخر ويرقصون ويهيصون وفالين ام امها في هالاربع اشهر صارت بلاوي هع : جوري ملكت على يوسف وماشيين تمام الى الان خالد سافر يكمل دراسات عليا خارج المملكة ومعاه دانا اللي تدرس طب فيصل تصالح مع خالد وصار يدرس معاه بنفس الجامعة وخطب دانا ونسى كل اللي صار له راكان تقدم لجوانا وخطبها ووفقوا عليه سعود رجع لأمه وخواته واعتذر لهم وقال لهم كل اللي صار له وتقبلوه وبدى يأسس نفسه شوي شوي ورجع يشتغل بس هالمرة شغل شريف ريان الرائد وزياد وناصر عقوبتهم اعدام لانهم اشتغلوا بالمخدرات وتوزيعها وما تابوا عكس سعود اللي تغير بشهادة من حوله طلال طبعا فرحته بتوليب ما تنوصف الرجال مخقق بقوووة وتوليب مو احسن منه بالحال هي بعد كبريائها وغرورها اختفى اول شي بسبب اختها تولين اللي سوت المستحيل عشان تغير اختها وراكان بعد ,, وبعدهم يجي طلال المغرور الثاني اللي ترك غروره بس عناده ما زال مستمر بس مو لتوليب اللي راسها يابس مثله .............................. فرحة توليب وطلال اكتملت وانتهت الليلة اللي هي اروع لياليهم انزفت فيها توليب على قصيدة روووعة وكله مدح عشان يرضي كبريائها طبعا >> حاقدة عليها انا خخخخ انتهت الزفة ورقصوا البنات مع توليب وغيروا جوها وهبلوا فيها شوي وبدوا يستهبلون ويرمون الورد وحركات زي كذا طلعت توليب وراحت مع طلال >> عاد لا تفلووونها خلاص نخلي العرسان ونروح لاحد ثاني هع في بيت الراسي خزامى وجوانا والجوري بالبيجامات جالسين سوا خزامى : هههههههههههههههههههه يا حلووها كانت خايفة جوري : والله بجد تنرحم ,, وما تنلام مين هالقوية الوجه اللي ما تخاف جوانا بنغزة : عقبالك قلبي جوري : وجع جوانا يالكلببببة جوانا وخزامى : هههههههههههههه انفتح باب الغرفة بعصبية جميلة : الساعة الحين 6 الصبح وانتوا تضحكون بصوت عالي ومسوين دووووشة نبغى ننام اذا سمحتوا يعني جوانا بمزح : بتعدي في حته انا قلبي بيتكسر مية حتة ومر في مكاني ان شاء الله بستة الصبح بفكر فيك دخلت جميلة الغرفة ومسكت المخدة وضربت وجه جوانا فيه والبنات ماتوا ضحك ومسكتها من اذنها هي والجوري وسحبتهم برة غرفة خزوم وصكت الباب برجلها وخزوم ميتة من الضحك رمت كل وحدة فيهم بغرفتها وراحت تنام ................................. عند فواز وراكان بالشركة راكان : امس سألت عنها وربي مسكينة مقطعة قلبي فواز : تغيرت بعد وفاة ابوها راكان : ما تنلام المنظر مرعب ياخي فواز : تصدق راكان ,,, ودي اتقدم لها راكان وقف مو مصدق : من جدك ؟ فواز : يب راكان : وش مستني ؟ فواز : ولا شي .. بس اخاف ترفضني هالعبيطة راكان : هههههههههههههه وش جابها على بالك ؟ فواز : ابد .. كاسرة خاطري من ذاك اليوم بس قلت خليها تهدى شوي وتنسى الموضوع بعدين اتقدم لها راكان : طيب بتطلبها من مين ؟ فواز : من ولد عمها ... ابوها مات وامها ماتت مالها احد ثاني راكان : طيب ,, الله يكتب اللي فيه الخير ....................... بعد اسبوعين من زواج توليب وطلال كان طلال يكلم بجواله بالصالة جات توليب بشويش من وراه تبي تفجعه وسمعته وهو يتكلم طلال : لالالا انا بعلمها .. ياخي اخاف تنهار اذا علمتها ترى مو سهل تفقد احد عزيز عليك وبعدين ابوها مو اي احد ... لا حول ولا قوة الا بالله متى الدفن يا راكان ؟ هنا انهارت توليب .. جلست عالارض بدون ولا كلمة التفت طلال وهو يتكلم وشافها طلال : راكان .. راكان اكلمك بعد شوي يللا مع السلامة صك الجوال ونزل لمستواها طلال حط ايده على كتفها : توليب حبيبتي هذا قضاء وقدر ,, ادري انك تحبين ابوك لكن هذا يومه صاحت توليب بصمت .. ضمها طلال لصدره وهو يهديها بعد كم يوم .... سعود تقدم لخزامى الشي اللي صدمهم كلهم وقف ابو طلال بعصبية : اطلع برررررة سعود : طلبتك يا عمي ,, انا تغيرت ورجعت لها لاني حبيتها ماجد هو اللي غصبني اسوي كل شي ابو طلال يتجاهل : قلت لك انقلع بررررة راكان توه داخل وسمع كلام سعود راكان : عمي ابو طلال لا تقلعه ,,, انا ادري باللي صار كله لكن لا تطرده سعود رجّال .. هو ساعدنا يوم نحاول نمسك ماجد تغير كثير وصار احسن .. وهو الحين يعدل غلطته ,, وش رايك تسأل خزامى عن اللي هي تشوفه واذا رفضته هي خلاص ابو طلال يعرف ان راكان مستحيل يكذب عليه وهو ساعدهم كثير وهو اللي اهتم بجميلة وساعدها مثل ما ساعدته ابو طلال : طيب .. بسأل خزامى دخل ابو طلال البيت وسأل خزامى عن رأيها وهي بعد اللي سمعته عنه انه تغير وكذا وافقت عليه ............................. بعد سنتين ..... توليب وطلال عندهم ولد اسمه عبدالعزيز جوانا حامل وهي وراكان عايشين بالعسل خزوم وسعود رجعت ثقتهم ببعض اكثر من قبل وعندهم ولد وبنت توأم الولد اسمه خالد والبنت جمانة الجوري ويوسف بفرنسا ... يشتغل يوسف هناك بوحدة من المستشفيات والجوري تدرس طب مثل يوسف عشان تصير مثله ومعه جميلة وابو طلال رجعوا احلى ايامهم سوا تالا وفواز تزوجوا واستمروا بعنادهم لبعض يحبون بعض موووت ويعشقون يهبلون ببعض لازم مشاكل ودايم يتناقرون مع بعض واظن الكل مبسوط ما عدا بعض الاشياء والهموم العادية او مثل ما يقولون بهارات الحياة الطبيعية...... نهايـــــــــــــة ، انتهت روايتي على خير ... الحمدلله شي اكيد والف شكر لكل اللي دعموني وساعدوني ,,, بكلمة حلوة ولا بانتقاد مفيد اكيد عندي اخطاء بالاخير انا بشر ومافي انسان ما يخطي بس احلى شي لما ينتقدوك ناس يحبونك وتحبهم ويتمنولك الخير وانت تعدل اخطائك عشت بهالرواية كثير اشياء حلوة وبنفس الوقت كنت اسهر بعض الاحيان افكر وش بيصير على فلان ولا وانا بالصف والابلة تشرح اتذكر وش صار بالشخصيات واحيانا اموت من الضحك مع نفسي طبعا واتوهق كثير مع الابلات بالنسبة لي اقرب الشخصيات لقلبي كان سعود الرائد على قد ما كنت اكرهه بالبداية حبيته بجنون كان ادشر ما خلق ربي وبعدين تاب وتعدل يعجبني الانسان اللي يرجع يعدل اخطائه حتى لو كان اكبر خطأ بالدنيا بعده تجي جوانا وتالا .. اغلب اللي قرأوا الرواية قالوا ان عناد جوانا وشخصيتها تقريبا مثل شخصيتي انا شخصيتها حلوة وقوية لكنها مو مثلي بالضبط ,,, تأثيرات الحياة لها دور بشخصية الانسان لاحظنا ان شخصية جوانا صارت قوية مرة بعد ما تركها ياسر ومن اسلوب ام طلال معها وعناد طلال لها عكس اختها خزوم اللي ضعفت كثير بعد اللي صار لها من سعود وخوفها الكبير من طلال جوري ودلعها الماصخ انا ما احب الدلع الكثير ,, لكن يعجبني فيها مزحها ولعبها فيصل هالانسان اموت في اسلوبه .. يحب التفاهم واطيب من طلال طلال مغرور وعنيد بزيادة ويقهرني تالا هالبنت تعجبني شخصيتها القادحة اللي ما عندها وقت كل اللي فيها تقوله بوقته عربجتها ومزحها وعصبيتها عشت معها احلى افكاري ماجد الخسيس هالرجال الحرق فيه شوية هع اكرهه كره العمى واكثر من كرهكم له ريان الزفت وشلته البايخة سويت فيهم خير بالاعدام توليب وتولين حبيت اسلوبهم مع بعض وكيف تكيفوا مع بعض بشكل حلو واصرار تولين على تغيير اختها ونجاحها بالموضوع راكان شخصيته طبعا ما يحتاج بس من جد شخصيته خيالية كنت اكره فيه حقده على ابوه بس لكن الباقي حلو .... فواز المهستر هالولد هذا يقهرني انا ما احبه لكن اجتماعه مع تالا ومواقفهم دايم تضحكني خالد ..هالولد رحمته كثير لكن كنت احب سعود اكثر منه وشفت ان الافضل لخزامى ترجع مع سعود لان هالشي بيعدل سعود ويطلعها من اللي هي فيه غير ان خالد وخزوم ما ينفعون مع بعض شفت الافضل له انه ينكررررش مع اقرب مخرج >> في كثير ناويين يذبحوني الحين انا ادري لكن معليش فهد هذا شخصيته ملحوسة شوي وحلوة كان ملح الرواية محمد تزوج بنت عمه وعاش بسلام هالمهووووي هذا الحين اتوقع اني انتهيت ... تحياتي لكم ولكل اللي اعجبتهم الرواية نوني .. خزوم .. ريمو .. دنو .. روبي .. تومي .. بيشو شكرا لدعمكم وافكاركم الحلوة منوري وسحر وسمية اعجبني حماسكم وانا احكي لكم القصة لكل اللي هنا بالمنتدى الف شكر حبايب استانست بحماسكم كثير اتمنى انكم استانستوا بالنهاية بعد الحين اخر سؤال بطرحه لكم .. انتوا مع اي شخصية بالرواية ؟؟ وش اكثر شخصية حبيتوها ؟؟؟؟ | ||||
|
| |
|
07-06-13, 08:34 AM
| #43 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
24-06-13, 06:14 AM
| #47 | |||||||||||
| نجم روايتي  
|  بسم الله الرحمن الرحيم السلام عليكم ورحمة الله وبركاته شكراااااا حبيبتى لامارا على نقلك للرواية وعلى مجهودك الدائم والمستمر والمميز على طول وشكرااااا للكاتبة على روايتهااا الجميلة و أتمنى لها المزيد من التقدم والنجااااح الدائم وأحلى تقيم للرواية وأجمـل " لايـــك " لعيون لامــارااا العسولة وتسلم الايادي   | |||||||||||
|
| |
|
| الكلمات الدلالية (Tags) |
| جيتيي |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
