23-03-13, 10:11 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لحظة وداع / للكاتبة : دانة الدوحة ، مكتملة
التعديل الأخير تم بواسطة درة الاحساء ; 09-10-13 الساعة 07:18 PM | |||||||||||||
|  |
|
24-03-13, 11:57 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ~~** الجزء الاول **~~ السلام عليكم .. شلونكم ؟ انشالله تمام ؟؟ فالبدايه بعرفكم على نفسي امممم انا اليازي بنت عمري 17 سنه باخر سنه فالمدرسه الا وهي اني بثالث ثنوي (ادبي رياضيات) عندي بعد 3 خوات انا اكبرهم عايله بو اليازي بو اليازي : جاسم .. رجل بمعنى الكلمة .. شوي عصبي .. مانقول شوي .. امممم يصير اكثر من الشوي ؟؟.. متزوج وعنده 4 بنات .. ام اليازي : مرة متعلمة .. مثقفه ..تحب بناتها .. وايد .. نقدر نقول طيبه .. وتاول بشتى الطرق تكون مثل الصديقة لبناتها.. وعلى نياتها اليازي: بنت امـ 17 سنة .. طيوبة وحبوبة ومرحة .. وغير هاي جمله وجمالها وايد حلو .. شعرها بني يوصل لنهايه الظهر وناعم حريري .. بيضه وبياضها وايد محليها .. ملامحها مايله للملامح الطفوليه .. انواع البراءة تلاقينها من نظرة عيونها .. صافيه البشرة .. واحمرار بسيطة على خدودها نتيجة لخجلها ... وحشرة وازعاج .. مستحيل تكون قاعدة فمكان هدوء .. وملقوفة هههههه .. و و تقدرون تقولون فضوليه تتضارب وايد ويا مريم.. وعلى نياتها مريم : بنت امـ 14 سنة رايحة صف 3 اعدادي .. شيطانه .. طويله لسان.. شعرها اسود ناعم بس مب بنوعة اليازي .. يوصل لين نهايه جتفها ماتحب تطوله من يطول اكثر تروح الصالون وتقصه ... نجريه وايد .. دايما تتضارب وتتهاوش مع اليازي وامنه ..و فيها خبث شوي امنه :: بنت رايحة لصف 4 طيوبة وحبوبة.. شعرها بني يوصل لين نص الظهر انعم من شعر مريوم وانعم من شعر يزوي .. هادئه نوعا ما .. تحب تعاير خواتها .. وتذل ذل عشان تاخذين منها شي .. وكل ساعة تتذكر اذا كنتي مسويه لها شي ماتكلمج ...صياحة درجة اولى لالالا درجة ثانيه لان يزوي ماتقصر بعد هههههه اما اختهم الاخيرة فهي فاطمة :عمرها 4 سنين بدش الروضة .. شيطانه وبيضة وراثه البياض من ابوها و اليازي .. تحب تتدلع عند اليازي.. تغار منها مريوم وايد .. بيضة وعيونها وساع نفس عيون اليازي ورموشها بعد طوال مثل اليازي بالضبط .. حلجها نفس مريوم.. ونعومة شعرها مثل امون بس امون وايد انعم ... البدايه ..: اقولج ايبي الالكتروني(كنترول التلفزيون ) ..:كيفي مابي انا ابي اجوف الراي كيفي ..:مريموه ان مايبتيه باقول حق ابوي مريوم: قوليله يعني شنو وايد خفت منج امون: والله اذا مايبتيه ... (وهي تفكر) باقول لابوي مايوديج ويانا جنغل زون (مكان العاب) مريوم:مو انتو جنغل بعد تروحون هناك شتصيرون؟؟؟ امون وهي خلاص ماتبي تجوف القناه: فريه يعني شنو هاي ؟؟ شنو هاي؟؟شنو هاي؟؟؟ والله بس تعرف تتهاوش مريوم: احين من الي قاعد يتهاوش ها؟؟؟ انا ولا انتي؟؟ وبعدين (وهي تضرب امون وتسدحها على الارض وهي فوقها) مب تقعدين تهددين مع ويهج الخايس امون وهي تصرخ :باموووووووووت ماما باموووووووووت مريموه يالخايسه (وهم يتضاربون) تنزل يزوي من على الدري بسرعة وهي متخرعة من الصراخ يزوي وهي تعلي صوتها :اييييييييه بس انتو شفيكم حشا ديج وديايه امون :وييييييييو مريموه ديج مريوم: احسن منج يالديايه الاقل الديج لون ريشه حلو مب الديايه ... ويووووووووووووو قالو لهم ديايه .. بههههههههههه(وهي تضحك وتتطنز على امون) امون :يزوي جوفيها ماقعد تحط حقي الي ابيه يزوي بتعب وياهم: هاي انتو عمركم ماتفهامتوا ؟؟؟ مريوم ايبي الالكتروني مريوم :سوري .. اسفه مااقدر .. تبين تحطين لها ؟؟؟؟ عبالج مااعرفج .. اعرفج تبين تفتكين من حنه هالسوسه .. لكن روحي فوق يزي:اوووووووووووه عورتوا لي راسي وحدة تحن من اهني وحدة من هناك؟ يات فطوم وملامح الخوف على ويهها : يزي . زوزي .. ماما مليضه تركض اليازي بخوف :: شنو امي مريضــــة؟؟؟؟؟؟؟؟ امون ومريوم يرمون الي بيدهم ويركضون ورا اليازي.. ^^^^^^^^^^^ في بيت ثاني من بيوت الدوحة يعمه السكون والهدوء وحدة من هالحجر كانت مصدر للازعاج صوت الاغاني واصل لين الغرفه الثانيه ينطق الباب بسرعة وبقوه كبيرة ومحد يرد؟؟ مرة ثانيه ينطق ؟ ومحد يرد ؟؟ وصوت الااني حاشر الي يطق الباب ..: جموووووول بطلي الباب .. جموووووووول جميله وهي تسرع توها تسمع صوت الباب وتقصر عالمسجل وراحت فتحته : هلا شتبين؟ ساروه: اقولج وخري بدش عندج (وهي تتمدد ) أي شريط عندج؟ جمول وهي تسحب ساروه لبره الدار: روحي جابلي دروسج احسن لج ساروه وهي تتخصر: لا واللله؟؟؟؟؟ انا ادرس وانتي تدندنين ؟؟ (وهي تهز خصرها) وترقصين؟؟؟؟؟؟ جمول: من قالج ارقص وادندن ؟؟؟؟ ساروه: مافي داعي حد يقول لي وهي تجوف المسجل الي كان شغال والكبت المفتوح وطايحة منه بعض الملابس والشيله المربوطة على خصر جمول اكبر دليل على هالشي : جمول حبيبتي (وهي تمسك خصر جمول ) وتقرب من جمول هاي اكبر دليل انج قاعدة ترقصين (وهي تير الجلابيه الي على جمول شوي لفوق ) وجلابيه نانسي عجرم عليج يدل هاي على شنو؟؟؟ جمول باحراج وخدودها اتصبغو بالحمرة : كنت ملانه .. ساروه : أي والله ملل (وهي تدش وتقعد عالسرير) .. صح تعالي بتروحين يوم اليمعه بيت يزوي؟؟ جمول بحيره : والله ماادري يمكن مااروح!! ساروه: ليش؟؟؟ جمول : ماادري ماعندي ثياب اوكي ساروه وهي تبقق عيونها على جمول: وهالكبت الي شكبره مافيه شي؟؟؟؟؟!! جمول: هههههه لااطبعا فيه بس احس .. ماادري شلون؟ ساروه: شلون؟ جمول توها بتقول جان تقوم وتتخصر: وانيت حضرتج من مت داشه الدار وقاعدة عالسرير بعد؟ جني عطيتج ويه؟؟ ساروه: افا جمول افا احين انا جي تقولين لي افا بس افا جمول :انزين تعكر مزاجي مابي ارقص ولا اسمع اغاني.. (وهي تفتح الشيله عن خصرها) بعدل هالكبت الزفت ساروه : امس معدلته جمول: ادري بس اليوم خربته وانا ادور هالجلابيه ساروه : كيفج عاد جمول :انزين لين نزلتي تحت قولي امي .. مابي عشا ساروه : افا عليج لو تبيني اكل بدالج باكل جمول: لا مشكورة عيوني ساروه:ههههههههه مالت عل ويهج بدال ماابي اضحكج جمول وهي تضحك: ضحكنا يوه هههههههه ساروه: اوكي الحين بروح ينطق الباب وعيونهم هم الثنتين يدورون على الي يطق الباب يدش علوي علوي :يلا عشا ساروه :لاه له لاه شلون يحون العشا وانا مو تحت وهي تركض وتطلع من الدار وتنزل عالدري وهي تغني : يادان دان الي دان وا ويلوه يو داني دانه الي دان واويـ ـ ـ ـ (ينقطع صوتها وهي اتجوف ابوها قاعد فالصاله ) تمشي بهدوء لعند ابوها :بابا جوف علوي (يالخراطة ياساروه بس تبين تفتنين) بوعلي: شفيه علي؟؟ ساروه: بابا كل يتهاوش وياي بو علي: مااصدق؟؟؟؟؟؟؟ انتي تخلينه يتهاوش انيت تلعنين بوخامسه ؟ ساروه وهي تروح لمطبخ وهي ميته ضحك لان ابوها كشفها :يمـــــــــــه يوعاااااااااااااااااااااا اااااااانه بو علي : رجل كريم ..كبير .. يحب بنته جميله وايد وايد .. يدلعها اكثر من الكل .. حبه لها كبيــر مما يخلي سارة تغار بشكل كبير من جميله اهي صح ماتظهر هالشي لكنه حقيقه وواقع ابو بنتين وولد ام علي : مرة طيوبة وعصبيه وايد .. تحب ولدها علي بشكل كبيــر .. وتحبهم كلهم .. لكن الدلع كله لعلي .. بالاضافه لحبها لسارة جميله: بنت حلوة اسم على مسمى عمرها 18 سنة ويا اليازي بالمدرسه وبنفس الصف .. مب طويله ولا قصيرة طولها متاوسط اطول من يزوي .. بيضة عل حمرة ..عيونها صغار وحلوات عكس عيون اليازي اليازي عيونها وساع ورموشها اطوال اما جمول عيونها صغيرة ورموشه قصار وايد .. ومرحة سارة: عمرها 14 سنه رايحة ثالث اعدادي .. شيطانه وملسونة .. وحبوبة .. وعلى رفم عيوبها .. الا انها وايد حنونة .. علي : عمره 12 سنة رايح اول اعدادي .. شيطان .. وحبوب .. وحلى شي فيه طيب .. وينحب بسرعة ^^^^^^^^^^^^^^^^^^^^^^^^^^ فمكان الاضاءة خفيفه .. ومنورة الاكل الي جادم الناس.. اثنين كانو قاعدين مجابيل بعض وبحرارة الشوق يناظرون بعض .. وكانهم يبون يتحجون بس.. مايبون الكلام يخرب كلام عيونهم ويقرب من لهفهم لبعض كانت العنود مشربكة اصابيع يدها بيد الريال الي قاعد جدامها يناظرها ويناظر الشوق الي فعيونها وهي بخجل زلت عينها وعدال عدال سحبت اصابيعها الطويله من يداته العريضه ..: ليش؟؟ العنود : هـا ؟ لا .. أي .. ..:احين حددي أي ولا لاء؟ العنود وهي تضحك بخجل : بس عاد ...: فديت هالضحكة ياربي خجل العنود كان طاغي عليها ماتجرأت ترفع عينها ثانيه بعينه الا لما يـه ناصر: عندوه اف يلا اخرتيني العنود باحراج خفيف من اخوها نصور: يلا عيل احنا احين لازم نروح ..: وين ماقعدتي ماكملتي الكابتشينو مالج؟؟؟ العنود: لالالا باروح البيت ..: ليش؟؟ ..: احس في عيون تراقبني من اول مادشيت ليش ماادري؟؟ وبعد .. ا ا .. ا (كانت تور على حجة ولا عله تتعلث بها).. ..: الا قولي مليتي مني؟ العنود ..: لا من قال هالكلام؟؟ ...: .... (تنهد ) ااه .. خلاص روحي ماابي ااخرج العنود: يلا عاد ...(بعصبيه): قلت لج خلاص العنود وهي تضغط على يده وقامت ونصور قام وياها توها بتمشي يد الريال مسكت يدها وقالها : بينا تلفون نزلت راسها وشلت يدها من يده وقالت باحراج بالغ: ... اوكي.. طلعت العنود من الكوفي أي كانتو فيه ونصور يحن على راسها ودها تقبضه وتدفنه فالارض ركبت السيارة وهي تحس بالاختناق .. لكنها اهي اختارت الطريج هاي .. وهي الي تتحمل ... بس للحين ماتعرف نهايتها .. خلاص اهي تعلقت فيه وماتقدر على فرقاه ... ياترى لو درى ابوها شراح يصير ؟؟؟؟... بلعت ريجها بمرارة .. وهي تتذكر حبها الكبير لمحمد (ولد عمتها ) .. ياترى شبيكون رايك فيني يامحمد؟؟؟؟؟ ^^^^^^^^^^^^^^^^^^^^^^^^^ في وسط زحمة السوق كانت تمشي جواهر بسرعة وهي تحس بالتعب خلاص تعبت ماتقدر تتحمل .. انوس وياها يمشون وقفو عند ام جواهر جواهر: يمــــه بس تعبت نكمل باجر انوس: ايه انا بعد تعبت ام جواهر : بس خلاص يابنيات تعبتوني .. بنرد الحين .. وباجر مافي الاسبوع الياي جواهر :يمــــه شنو الاسبوع الياي .. ومت بنشتري الاغراض؟؟؟؟؟ ليله الملجة؟؟ ام جواهر: ياجواهر ليش انتي جي مستعيله جواهر: خير البر عاجله .. وانتو تبون تأخرونه ام جواهر: كل تاخيرة يايم وفيها خيرة انوس: انزين خالتي ام خليل(ام جواهر) شرايج باجر الجوهرة تيي ويان ا ام خليل: لالالالالا الجوهرة واعرفها اتعب وايد جواهر: يلا عاد يمه . شفيج خليني ام خليل: ازين خلونا نطلع من السوق وبعدين فالبيت نتفاهم جواهر: وعد ام خليل: يلا امشي جدامي جواهر : اففف انزين كله تزفون انوس: هههههههه حرام عليج اصلا مافي مثل امج جواهر: ايه ايه امشي امشي بس ام خليل : ريتج ياجواهر تتعلمين الذوق من رفيجتج شوي جواهر : اوه يما يلايلا كاهو السايق وصل ام خليل : ركبو الله يهديكم بس ام خليل: مرة كبيرة فالسن طيبه .. حبوبة .. عصبيه بو خليل: انسان هادي بشكل كبير من يكون فالصاله البيت يكوووووون هدوووء .. لكن اذا عصب محد يتجرأ يرفع عينه اكبر ولد عندهم خليل:انسان حلو .. خقاق شوي .. الغرور منه وفيه .. وايد طيب .. الي مايعرفه يقول هاي ولد شيوخ .. حلو ووسيم عمره يترواح مابي 24 والـ 22 .. يجذب البنات بشكل كبير .. لكنه مامرقم ولا وحدة الا من جماله البنات يموتون عليه ..ويدرس فكليه الطيران جواهر: بنت حبوبة وطيوبة عمرها 18 سنه.. بنت علمي .. شعيفه طويله .. شعرها ناعم .. برونزيه ويمكن افتح بعد .. لها طله مميزة .. ملامج ويهها صغيره .. عيونها وايد صغار .. ورموشها قصار.. خشمها طويل كالسيف .. حلجها مهب كبير ولا صغير متوسط ومليان .. يعني حلوة وايد بعدها تيي رغد : بنت طيوبة وحبوبة رايحة لـ ثالث اعدادي عمرها 15 سنه شخصيتها بتبان فالاجزاء اليايه امل: البنت الصغيرة الي رايحة صف رابع مع امنه.. شيطانه ..وحبوبة .. ولسانها طويييييل ^^^^^^^^^^^^^^^^ 4 بنات يتراكضون عالدري يزوي الي شعرفها مفتوح كان يتسابق وياها من فيهم يوصل اول اما مريوم فكانت تركض بسرعة لين طاحت طقعو لها البنات يبون يلحقون بامهم ياترى؟؟؟؟؟؟؟؟ شتتوقعون يصير؟؟؟ ياترى شفيها ام اليازي؟؟؟ وشرايكم بشخصيه البنات؟؟؟ ومن عجبكم منهم؟؟؟ ياترى شنو سر هالريال؟؟ وشنو سر العنود؟؟ وشنهو سبب خوفها؟؟؟ جواهر شالسبب الي يخليها مستعيله؟؟ وشسالفه الملجة؟ اتمنى اني ماطولت عليكم؟؟؟ وشرايــــــكم؟؟؟؟ | ||||
|
| |
|
24-03-13, 11:59 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ~~**الفصل الثاني**~~ 4بنات يتراكضون عالدري يزوي الي شعرها مفتوح كان يتسابق وياها من فيهم يوصل اول .. اما مريوم فكانت تركض بسرعة لين طاحت طقعو له البنات يبون يلحقون بامهم اليازي وايد خوافه فكانت تركض عالدري ودموعها على خدها ومريوم كانت الافكار توديها وواتيبها دشوا بسرعة الدار اليازي علىطول رمت نفسها على جانب السرير وهي تصيح وماسكة ويهه امها اما مريوم فتصنمت عند الباب من جافت امها امون كانت تصيح بقوه لان امون وايد متعلقه بامها .. اما فطوم الصغيرة فكانت تجوف البنات كل علامات الدهشه فويههم والدموع تارسه عيونهم اهي بعد خافت على امها اليازي: يمـه يمــه شفيج؟؟؟ يمــه (كانت دموعها تتساقط على خدها وتتساقط على ويه امها) .. يمة والي يسلمج اذا تحبين ربج .. ردي علي .. ماما ردي علي ماما (وتمت تصيح من قلب .. كانت وايد خايفه على امها ) مريوم اتصلي لابوي مريوم لازالت تحت تأثير الصدمة واقفه مكانها متجمده صرخت عليها اليازي بكل هلع وخوف على امها : اتصلي فيه .. اتصلي .. مريوم توها تستوعب الوضع .. قربت من امها وهي تقول : يمة ردي علينا .. يمة ردي ارجوج .. لو لنا معزة بقلبج .. دمعة ساخنه تجارت من عيونها اليازي تقوم حتى يجوفون امهم شفيها .. ركضت للصاله وشعرها يتطاي مع ركضها وصلت للتيلفون بدون ماتناظر الارقام عدل بسبه الدموع الي تارسه عيونها .. لكن شلون وهي رقم ابوها عارفته قبل .. اضربته بسرعة .. وهي تنتظر الاجابه .. ماتقدر تتحمل .. بضربات توتر كانت اصابيعها تضربها على طاوله التيلفون .. ماهي الا دقايق ويرد ابوهم اليازي بصياح كبير: بابا الحقنا .. ماما مااعرف شفيها ؟؟؟؟؟... بسرعة بابا .. انشالله .. صكرت التلفون وبسرعة راحت لغرفة امها وهي تقول هالايه القرأنيه : امن يجيب .. المظطر اذا دعاه ويكشف السوء ... وهي تصيح بحرارة .. ^^^^^^^^^^^^^^ &&**في دوله الامارات العربيه**&& في الصاله ..: اماااااااايه .. اماااااااايه الام : اشو بلاج تزاعجين؟؟ ..: امايه بسير اليوم عند الغوي الام : اشو؟؟؟ لالا ماتسيرين ..(بترجي): اماااااااااايه .. عسب غلاه بوحمدان بقلبج الام : شو هالرمسه بعد؟؟؟؟ ...: امايه بسير الهم .. يرانا تراهم وبعدين اهلنا .. بيت عمي تراهم الام: حشرة هالبنت حشرة .. .. وهي تقطع كلام امها : اماااااااايه .. بتخاويني الام: بخاويج لكن ياويلج لو قلتي بيلس زيادة .. بملل: جي تراني بيت عمي الام: يابنيه استحي ع ويهج ..: انشالله بستحي ع ويهي وع خشمي بعد .. بس انتي وافقي الام: يابويه قلنا لج لا ..: ياربيه منج .. انا ليش خبرتج لو خبرت ابويه مابيمانع الام: هاي الي ناقص ترفعين صوتج عليه بنت محمد يدخل حمدان الصاله حمدان : اشو هالحشرة ؟؟؟ ريموه بتسيرين بيت العم ريمو : هيه بس امك ماتباني اسير حمدان : جي هي هب امج؟؟؟ لا بتخليج ريموه وهي تلم المخدة الصغيرة مالت الكنب: اسألها ماتباني اسير حمدان : ليش امي؟ ام حمدان : ريمو انا قلت لج سيري بس هب تتاخرين شرات كل مرة حمدان : اشو فيها اميه؟ ترانا يران واهل قبل ها ؟ ام حمدان : ابويه حمدان شو بيقولون الناس ع اختك؟؟؟؟ .. بيقولون تسير الهم كل يوم وتيلس ويا عيال عمومتها .. وعيال عمومتها ماشالله ريايل بس غايه حمدان : عيال عمومتها هب غرب!!! وبعدين الريايل ييلسون فالميلس لاتخافين ريموه حز في خاطرها كلام امها يعني تبا توصل الكلام بطريقه هب مباشرة .. يعني قصدها اني ايلس فيا هزاع وفهد؟ انزين هم هم ... قطع تفكيرة صوت حمدان: يلا تلبسي انا بةديج بس بشرط تين البيت الساعة 7 ريموه : شوه؟؟ بس 4 ساعات ؟؟؟ مايكفن حمدان : تبين ولا اخلي امايه تين الساعة 5 ريموه : خلاص خلاص بسير بسير سارت ريموه تتلبس وتتزهب عسب سيرتها لبيت عمها نزلت من ع الدري وهي فنص الدري حمدان: سيري غيري عباتج اشو ها متسبحة انتيه بالعطر ؟؟؟؟؟؟؟؟؟؟؟؟؟ ريموه: لا ها اصلا ريحته قويه حمدان : قويه وانتي متسبحتن فيه اذا تبين تسيرين غيريه ولا ماشي سيرة سامعتني ريموه وهي تصعد لدارها وتتحلطم ع امها وحمدانوه الدب نزلت تحت وما لقت حمدان ":: اشوووووووووه كذب عليه"؟؟؟؟؟؟؟؟؟؟ ام حمدان : سيري له فالسيارة ريموه راحت تحب امها وترضيها : امايه والله مهب القصد انزل كلمتج بس شو اسوي ابا ايلس وياها ام حمدان : عنبو ماتشبعون من بعض للي ونهار فيا بعض؟؟؟ ريموه : الله لا يفرقنا ام حمدان : ربي يخليكم لبعض ابتسمت ريموه وسارت السيارة حمدان:ليش شرفتي حضرة جنابج جان يلستي اكثر ؟؟ مو انا صبي عندج ريموه : السموحة حبيبي حمداني بس اشو اسوي بجابل الغـوي (وهي تشدد على الغوي) حمدان في خاطره : اااااه يالغوي ريتج تحسين فيه ريموه : ماتباني اوصل سلام لعموه (وهي ترفع حاجب واحد) ولا لهزاع ولا للـ ... حمدان يقاطع كلامها : هزاع وبشوفه ينطرنيه تراهو وعموه بشوفها بعدين ونحنا رادين ريموه بمكر: بس ماتبا اوصل سلام ثاني ؟؟؟؟ حق الغـ حمدان : مدام انج تعرفين شحقه تسألين ريموه : ابا اطمن ع مستقبل ربيعتي حمدان : صدق حمارة بدل ماتقولين اطمن ع مستقبل اخويه حبيبي الي متعب نفسه ويايبنيه؟ ريموه : يووووووووووه شرات بعض .. اخبرك .. بكرة بنسير انا والغوي وهزاع وفهد للسينما بتسير ويانا ؟؟؟ حمدان : ها ..شو ؟؟ ريموه : الاخ هب وياي حمدان : يا يلا سيري حشرة فكل مكان .. اخبرج قللي حشرتج انتي هب فالبيت ريموه : انا مااعرف البيت بلايه شو طعمه؟؟؟؟ حمدان : عســل ريموه وهي تفره بقوطي الكلينكس : عسل ها؟ حمدان ببراءه : انتي سألتي وانا ياوبتج ريموه : امحق اجابه تطلع من السيارة وتصكر الباب ورها بقو حمدان وهو ينزل الدريشه ويرفع نظارته الشمسيه: اشو فيج ينيتي؟؟؟ ريموه وهي تتلفت يمين ويسرة : شو بلاك تزاعق تخبلت؟ حمدان : انا ولا انتيه هزاع وهو يظهر من البيت ويلبس نظارته الشمسيه : هلا بولد العم اقرب اقرب حياك حمدان : لا خلنا نسير ع طول ريموه وهي تتدخل: ع وييييييين؟؟؟ هزاع : اوه الريم هني شخبارج؟ ريموه وهي تطنشه : اوريكم تدخل داخل البيت وتسير تسلم ع مرت عمها وتيلس شوي تتدلع ع عمها الغوي : وخري وخري ها ابويه هب ابوج يالسه تتدلع عليه وانا مرميني ما يباني ريموه : طبعا اذا حضرت الملايكة شردت الشياطين .. وانا يت مايباج الغوي : الحين انا شياطين؟ بو فهد : بس ياعيال اشو فيكم تتناقرون هب عوايدكم ريموه : عطونا عين عميه كلهم تمو يضحكون ع سوالف الريم وحجيها وبعد شوي سارن البنات حيرة الغوي ويلسو يسولفون بو حمدان :: رجل كبير فالسن عنده 3 بنات وولد واحد .. طيب وايد ام حمدان :مرة كبيرة مادرست تيوزت وهي صغيرة .. ووايد تضخم الامور حمدان : ريال وسيم طويل عريض عمره 23 سنه اكبر اخوانه عليا : بنت حبوبة متزوجة ولد عمها فهد وهي مخلصه الثانويه وماعدها شهادة جامعيه .. عمرها 21 سنه نجلا : بنت اولى جامعه محيرة لولد خالها يابر .. عمرها 20 سنه وخجوله وايد اما اصغر وحدة فهي الريم : بنت طويله هب وايد عمرها 18 سنة بثالث ثانوي عايله بو فهد بوفهد : انسان كبير حليو ..يحب عياله وايد .. ويموت عالريم عسب هالشي يباها هزاع ام فهد : انسانه هب مكمله تعليمها .. طيبه وتحب يلسات الحريم فهد : عمرة 28 سنة متزوج عليا ويشتغل فاحدى الشركات وهو اسمراني طويل هزاع : عمره 23 سنه ربيع حمدان .. حبوب وايد .. يحب الريم .. وخجول شوي غايه : كبر ريموه ووياها فالصف ^^^^^^^^^^^^^^^^^^^^^^^^ وهي طايحة عالسرير ومصكرة عيونها وتحلم باحلام حلوة تتمناها كل بنت فتحت عينها شوي .. وهي تتخيل اللحظة اذا مرت فيها .. حمرت خدودها وقالت : ياترى بيي يوم ويملجون علي؟؟؟؟؟ ولا لاء؟؟؟؟؟ انطق الباب : جواهر امي تبيج جواهر: انزين الحين بايي نزلت جواهر وهي تتمرجح عالدري جواهر: هيلو مس ماماي ام خليل: شنو هاي بعد مس ومامي؟ جواهر: ولا شي ولاشي ..( وهي تتلفت يمين ويسار) .. الا وين المعرس ام خليل: ليحين ماصار شي وانتي خليتيه ملج وعرس ,, توها خطبه؟ جواهر: نفس الشي خطب ولا ملج ؟؟ المهم انه بيتزوج .. ويروح بيت ثاني ويفكنا من شره ام خليل: يواهروه حد جي يقول عن اخوه؟؟؟؟؟؟؟ وبعدين خطيبه اخوج تبي ويانا فالبيت جواهر : ياربـــي متى اعرس وافتك ام خليل وهي تفر المخدة على جواهر: استحي يابنيه جواهر وهي تضحك: انزين انزين ههههههههه ام خليل : اقولج روحي نادي اخوج خل ايي يتغدا فديته والله ماتريق ولا تعشى جواهر: ماتريق ولا تعشى .. واحنا تغدينا ولا لاء بالطقاق ام خليل : بتروحين ولا لاء جواهر : انزين انزين باروح حتى ماترضى على حبيب القلب ام خليل : بتتحركين ولا انادي حد يروح يناديه جواهر وهي تصعد عالدري: لا بناديه ... الا تعالي يمة باروح ويا انوس .. اوكي ام خليل وهي تتنهد : روحي روحي جواهر وهي تضحك : هههههههه خلوووووووووووووووووووووول خلووووووووووووووووول امي تبيك ام خليل : اصغر عيالج خلول؟ وانا قلت لج روحي ناديه .. مب تزعجينا جواهر: يمه فديتج ليش معصبه الحين ام خليل: لو بقعد وياج عقلي راح من زمان جواهر: هههههههه انزين .. خلول خلووووووووول (قصرت حسها لانه طلع ) خلووول امي تبيك خليل: اصغر عيالج خلول جواهر : يعني احين ماراح تخلي مرتك ادلعك وتقولك خلول وخلولي خليل باحراج :جب جب حشى مب بنت وين الحيا وين المستحى جواهر: هههههههههه خليناها لمرتك خليل : يلا تحركي جواهر وهي تضحك: بنتحرك ^^^^^^^^^^^^^^^^^^^^ فتحت كتابي وانا قاعدة اقرا الدروس مالي بارض ادرس ب شاسوي باجر علينا كويز .. رن تيلفوني بنغمه حلوة كلاسيكيه عرفت المتصل على طول ورديت: هلا والله محسن : اهلين شلونج حبيبتي العنود: الحمدلله تمام وانته؟ محسن: الحمدلله العنود: والله لك وحشه يامحسون محسن : امس جايفين بعض العنود وعيونها بدت تدمع : والله ياخوي .. مكانك فالبيت فاظي محسن وهو ساكت مايعرف شيقول:..... العنود تصيح وهي تمسح دموعها: هههه محسنوه نصور امس سألني عنك محسن وهو يبتسم : تدرين اني اشتقت لجوفته وايد العنود ودموعها مرة ثانيه بدت تنزل وصوتها مخنوق حدة : ههه تدري كل هالي فالبيت تغيروا محسن : ريت ابوي يسامحني وارد عندكم .. لين متى بنتم نتلاقى بالسر ؟؟؟ العنود وهي تصيح : والله ياخوي مب بيدي محسن وهو يبتسم وقلبه حن على اخته الي يحبها وايد : عنودي حبيبتي لاتصيحين العنود وهي تصيح : شلون ماتبيني اصيح .. وانا اجوفك من اسبوعين لاسبوعين .. هاي وانته اخوي وجذي؟؟؟؟؟؟ محسن ودمعه هزة كيانه نزلت من طرف عينه مسحها بسرعة كانه خايف حد يجوفه : عنودي حبيبتي شلون ابوي وامي؟ العنود وهي تصيح : امي حالتها حاله .. وابوي ؟؟؟ ابوي مايعرف وين دارك محسن: ياحبيبتي ياامي بس والله مب بيدي ... صعبه والله العظيم صعبه .. انطرد من بيت ابوي من 8 سنين ومحد يسأل عني تعتقدين هالشي سهل علي؟؟؟؟؟ العنود: انزين ارجع مرة ثانيه مافيها شي محسن : الامور اكبر من جذي بوايد العنود ساكته وهي تسمع اصوات نفسه :... محسن : عنودي حبيبتي ... العنود:لبيه محسن وهو يبتسم : مشي دموعج عشان خاطري العنود وهي ساكته صعب عليها هالشي: محسنووووووه والله العظيم انك غالي محسن وهو يغير الموضوع لانه يعرف اخته عدل بتحن عليه وبتلين قلبه عشان يرد بس هالشي صعب عليه صعب صعب : عنودي حبيبتي رفيجي ياايني يلا باروح وسلمي على امـي وابـ العنود : وشلون اسلم عليهم لو دروا اني اكلمك اكيد بيذبحوني محسن وهو ناسي مخاطره اخته: عيل خلاص حبيبتي روحي بدلي ودرسي ونزلي تحت عنـ ـ ـ ـد امـ ـ ـ ـي (قالها وفكه يرجف ) يلا مع السلامة وبسرعة صكر عنها لانه بتحن عليه توك متصل وماشبعت من صوتك .. وهو مايقدر يطول المكالمة وايد العنود بنت عمرها 17 سنة بثالث ثنوي رفيجة يزوي وجمول لانها وياهم بالصف .. طيوبة وحبوبة .. ومتعلقه باخوها محسن وايد .. وماعندها اخوان غير محسن وناصر محسن : عمره 25 طرداه ابوه من 8 سنين لانه كان يروح ويا شله فاسدة .. وماتعدل .. وزخوهم مركز الشرطة وهم يغازلون كان مراهق يعني كان يحتاج للنصايح والارشادات لكن اهمال ابوه له وصله للحاله الي كان فيها يوم عرف ابوه بانه فالمركز خلوهم 3 ايام فالمركز لان ابو البنت اشتكى عليهم .. ومن بعد ماطلع وتادب طلب السماح من ابوه لكن ابوه صدة صد كبير وطردة من البيت .. كان السبب الكبير في حزنه وحزن العنود ... ناصر : عمره 9 سنين كان متعلق وايد باخوه محسن من وهو صغير لكن بعد ماكمل السنه طرد ابوه محسن والحين كل مايسال ابوه يزفه ويهاوشه .. امس سال اخته العنود لانه كان يحس محبه جياشه يحملها قلبه الصغير للانسان الي جافه امس فالكوفي شوب ^^^^^^^^^^^^^^^^^^^^^^^^^^^^ برجفه قلب ورجفك فك ويد كانت تمشي اليازي فالبيت اقصد فالمرر الي عند الباب مريوم تسوي نفسها مو مهتمه على رغم هالشي الاا نها كانت تهزز ريلها بتوتر امون تطالع اختها اليازي ودموعها تتصبب بحرارة فطوم كانت نايمة على طرف الكنبه اليازي جفت خواتها بحنيه وراحت تقعد عندهم مريوم: يزوي شتتوقعين يصير بامي؟؟؟ يزوي بخوف كبير رغم محاولاتها بانكارة : ما مـ ا اعرف يزوي تروح لعند اختها فطوم مسحت على راسها بحنيه وهي تتخيل حال اختها فطامي اذا صار شي بامي : انا بوديها الدار مب زين اتم ويانا متوترين مريوم : ليش بتتعقد هههههههههه امون : هههههه كفج كفج مريوم وهي تضرب كفها على كف امون : هههاي .. حمار يلفج يزوي وهي تتدارك الوضع : بس انتي وياها مريوم: ترا شسوينا يزوي : سلامة راسج يزوي وهي تهز راسها وتتحمحم : احم احم الله يسلمج شلت اليازي فطامي وودتها ونيمتها عالسرير كانت تطالع اختها فطوم وعيونها غرقانه بالدموع مسحت دموعها وقالت : تفائلو بالخير تجدوه ابتسمت : اكيد ماراح يصير شي لامي .. لان اهي تحبنا واحنا نحبها مهما يصير بتبقين امي الغاليه ^^^^^^^^^^^^^^^^^^^^^^^^^^^^^^^^^^^ من زمان وهو خاطره يدش هالغرفه .. لاكثر من مرة يجوف يزوي تدخلها وتطلع وتقفل الباب وراها راح يحاول يفتح الباب لقاه مفتوح استغرب؟؟؟؟؟؟ انا جايفها امس وهي تقفله معقوله هي داخل الحين؟؟؟ انزين وشنو يعني؟؟؟؟؟؟؟؟ يلا عادي بدش بدش دش فيصل الغرفه طل براسه لقا مكان عفيسه وهادي قال فنفسه اكيد يزوي محد ولا هاذي تسكت دقيقه لو تمت بروحها سنه تحاجي الطوف ههههههههه دش وصكر الباب لقا المفتاح داخل الباب زاد استغرابه المهم قفل الباب وفقتح الليت طاحت عينه على ........ على .......... فتحة حلجة ... تتوقعون من؟؟؟؟؟؟؟ لالالالالاا مب اليازي عيل منو ؟؟؟ اكيد تتسائلون هههههههههههه وقعت عينه على هذي اللوحة قال بصوت مسموع : والله وطلعتي فنانه يا يزوي لف براسه شوي لقا الغرفه متروسه لوحة الي منها بالرصاص والي منها بالفحم والي بالالوان الـشمعيه مر على بعض اللوح لين ماحس باصوات خارجيه خاف انها يزوي يايه ولا بتفضحة الحين اهي بروحها ماتدانيه وماتعطيه ويه وتزفه وتنطر الزله عليه هالمرة فمرسمها والله لاتقصبني قصاب لكن رغبته في جوفه اللوح؟؟؟؟؟؟؟ لكن قال خلها مرة ثانيه وهو مو مقتنع بايل قاله بسرعة قرب عند الباب وصكر الليت فتحاه شوي لقا بنيه قاعدة عالدري وضامة راسها لصدرها وجتفها يهتز بقوه كسرت خاطره وايد .. اكيد تصيح وهو يقرب منها حس انها اليازي فيصل : يزوي شفيج تصيحين قامت من مكانها ويات صوبي وهي تركض دموعها كانت تنسال على خدها وتقطع قلبي قال بخوف وهلع : امي يافيصل .. امي .. امي ,,بـ فيصل بخوف وهو يقاطعها ويمسك يدينها عشان يهديها لانها كانت تتحرك بسرعة ومتوترة : يزوي شفيج اليازي وهي تنزل راسها وتصيح وملامحها شاحبه : من الصبح الي ودوو امي المستشفى لين اليوم والحـين فالليل مالهم خبر ... ابوي .. ايه ابوي ؟. تلفونة مغلق اكيد صاير شي (وتمت تصيح وشوي شوي طاحت عالدري وهي تقول ) احنا من لنا غير امي فيصل : يزوي خلاص سكتي لاتصيحين انا باروح المستشفى وبجوف شصاير وبرد عليكم اوكي يزوي: خذني وياك .. الله يخليك .. خذني وياك وهي تترجاني طلعت مريم : يزوي ابوي اتصل ركـضت يزوي وماهي الا ثواني وتختفي من جدام عيني .. جفت مريوم : شصاير مريوم مريوم الي تحاول تكون صامده : ماصاير شي بس امي تعبت فيصل بقلق : تعبت وجي صاير فيزوي؟؟ متأكدة مافيكم شي تراني الا ولد عمكم قولو لي مريوم : صدقني امي بس اعتبت .. وبعدين انته يعني ماتعرف يزوي الحبه اتسويها أبه فيصل: هم بأي مستشفى ؟؟؟؟ مريوم : مستشفى حمد فيصل : خلاص عيل امر الوالد ونطمنكم مريوم وهي تبتسم : اوكي فصول فيصل وهي يبتسم عشان يطمنها : يلا مع السلامة مريوم : باي ^^^^^^^^^^^^^^^^^^^^^^ في اليوم الثاني الحديقة الساعة 4 ونص العصر يوم الجمعه جمول: ماقاعد ترد ساروه : يمكن التيلفون مو عندها جمول : صبري باتصل فجواهروه يمكن كلمتها ساروه : اكرهها جمول: جوفي عاد مااسمح لج تغلطلين على جواهر هاذي بنت عمج قبل لاتكون رفيجتي سمعتي ساروه وهي تتحلطم بصوت عدال: كلش عاد من زينها سبال مقعد جمول: شتقولين؟؟؟؟؟؟؟؟ ساروه : اقول الله يسلمج جمول وهي ترفع حاجب واحد: سمعتج ترا ساروه: مدام سمعتي ليش تسالين جمول: ابي اعرف اذا تجذبين ولا لاء؟ ساروه : ماسمعتيني لاني ماقلت بصوت عالي .. وحتى لو سمعتيني ؟ شقلت يلا يلا يلا قولي الا ماتعرفين جمول : انزين انجبي شوي جمول: هلا جويهر شلونج وشخبارج؟؟ ويييييييييه من صجج ههههه .. والله ماادري من يومين ماكلمت يزوي .. احين ماادري انروح ولا لاء؟؟... خلاص باتصل فيها بعدين وبجوف.. طلعي الحديقه احنا قاعدين برع عايله جواهر& عايله جمول& عايله انوس بنفس البيت صكرت جمول من جواهر ساروه: افففففففففففففففففف تعكر مزاجي باروح فوق اسمع لي اغاني احسن من مجابل ويهج وويه .. (وهي تركض لبيعد) السباله رفيجتج جمول وهي تعلي صوتها : لو انج قريبه جان عرفتي شباسوي فيج ساروه وهي توقف مكانها : ههههههاي تقوم لها جمول وهي تركض من اتجوفها ساروه جي على طول ادش البيت وتصعد دارها اما جمول سوتها حركة عشان تخرع ساروه وتمت تضحك وماهي الا دقايق وتييها جواهر ^^^^^^^^^^^^^^^^^^^^^^^^^^^ ريال ابتعد عن اهله وعايش فالغربه لكنه وسط بلاده !! شلون هاي ؟؟؟؟ انا اقولكم الغربه معناتها الابتعاد عن الوطن والاحباب والاهل .. صح اهو مب مسافر وهو وسط بلادة .. لكن شالي مايخليه يحس بالغربه ؟؟؟ كان محسن يطالع منظر السما وكانه يشكي لها كلها دقايق وينضرب الجرس راح وفتحاه لقا(.....) واقف عند الباب انصدم صدمة كبيرة بانت على ملامحه وشال يدة من على طرف الباب يعني تفضل | ||||
|
| |
|
24-03-13, 01:02 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| **~~&& الجزء الثاني &&~~** الفصل الاول ريال ابتعد عن اهله وعايش فالغربه لكنه وسط بلاده .. شلون هاي ؟؟؟؟ انا اقولكم الغربه معناتها الابتعاد عن الوطن والاحباب والاهل .. صح اهو مب مسافر وهو وسط بلادة لكن شالي مايخليه يحس بالغربه ؟؟؟ كان محسن يطالع منظر السما وكانه يشكي لها كلها دقايق وينضرب الجرس راح وفتحاه لقا(.....) واقف عند الباب انصدم صدمة كبيرة بانت على ملامحه وشال يدة من على طرف الباب يعني تفضل محسن بدهشه :.. تفضل ... ..: دام فضلك .. ها نستك الشهور رفيجك ولا لاء؟ محسن : افا عليك ياابراهيم شالكلاام شلون انساك وانته بمثابه الاخو ؟؟؟ ابراهيم : دام اني بمثابه الاخو .. ليش استكثرت علي اتصال هاتفي تبلغني عن مكانك؟؟؟؟ تدري انا شلون تعبت لين حصلت شقتك؟؟؟؟ محسن: السموحة ياابراهيم ... بس فهالثلاث اشهر صارت لي وايد اشياء وايد ابراهيم بعد لحظات هدوء : محسن بصراحة انته مهب ناوي ترد لبيت ابوك ؟؟؟؟؟؟؟؟؟ انصدم محسن من الــ الكلمات الي طلعت من شفاة ابراهيم : ابراهيم انته شتقول ؟؟؟؟ انته اكثر واحد تعرف شصار لي ؟؟؟؟؟؟ ابراهيم : يامحـسن حرام الي انته قاعد تسويه الحين ؟؟؟ انته ماتفكر بامك محسن كان ساكت ابراهيم يكمل : وابوك؟؟؟ تعتقد سهل على ابوك يرقد بدون لايجوفك؟؟؟؟؟ محسن بابتسامه ساخر : وانته تعتقد سهله الـ 8 سنين الي قضيتهم لحالي .. وبسبته اهو بعدني عن امي وخواتي واخواني ؟..اهو السبب .. اهو السبب !! ابراهيم كأنه يوقف ويا محسن وقفه عتاب هاي الوقفه كانت من اصعب الوقفات على محسن .. لانه صعب يقول الكلام الي ولاشي عند احساس قلبه : آآآآآآآآآه ياابراهيم .. هالألم الي يعتصر قلبي مااتمنى لـ ولى انسان يجربه .. هالاحساس الي قتل كل هالاحاسيس الي بسني يحسون بها قتلها هالالم .. شنو ياابراهيم شنو اكثر من هاي ..؟؟؟؟ .. اعذرني على كلمتي .. لكنك ماحسيت بالي انا حسيته ماحسيت بالمرار الي تجرعته .. سنين .. وسنين.. ومن يوم وانا صغير .. (دموع محسن كانت حارقه عينه وابراهيم قلبه مكسور على رفيجه .. رفيج الطفوله ) .. تعتقد هاي سهله على الانسان .. سهله عليك كونك كريال ؟؟؟؟؟؟ .. يعني انا ريال .. يعني انا ماعندي احساس .. ماعندي ؟؟؟ احساس ؟؟؟؟؟؟؟؟؟ ليش انا مو انسان ؟؟؟؟؟؟؟ ولا بس الاحساس للبنات ؟؟؟؟؟؟؟؟ .. صح البنات احاسهم رهيف وبسرعة ينجرح ؟.. بس احنا ريايل اهم شي عندنا الرجوله .. واذا الرجوله الي عندك داسها او حاول يدوسها اين كان شبيكون موقفك ؟؟؟؟؟؟؟؟؟؟ افهمني؟؟؟؟؟؟؟؟ انا انسااااااان حرام عليكم والله حرام عليكم ابراهيم : اتفهم شعورك يامحسن افهمه محسن وهو يقاطعه : لكنك ماحسيت بالنار الي تشعل في يوفي .. ماذقت الي انا ذقته .. ماذقت الالم يوم تجوف نظرة امك المنكسرة .. ماذقت طعم الليالي والمرض ومحد واقف يمك ولا يحاتيك .. ماذقت شي من هالاشياء؟؟؟؟؟ .. وانا مااتمنى انك تذوقهم .. لا ياابراهيم انا مااتمنى انك تذوقهم ابراهيم وهو يحاول يلطف الجو وهو مبتسم ويحط يده على جتف رفيجه محاوله للتخفيف عنه : شرايك اليوم نروح ويا الشباب للبر؟؟؟؟ محسن : انا وين وانته وين؟؟؟ ابراهيم : ترا انته الي تخلي هالجو جي مشحون .. وكئيب وبامكانك تغيره محسن وهو ساكت ويناظر السما من الدريشه:.............. ابراهيم : يلا عيل روح بدل وجهز اغراضك ونتضل فيهم ونروح وانا بعد باروح محسن وهو يبتسم شكثر ارتاح بس عشان هالكلمات الرقيقه الي طلعت من قلبه رغم انها ولاشي من الي بقلبه : بوخليل .. انطرك لاتتأخر ابتسم ابراهيم من كل قلبه : يلا يلا كلها ساعتين ويتحركون الشباب محسن وهو طلع من الجو كان عايشه شوي : يلا يلا يلا عيل .. يامعود مب فاظين نقعد هني ننحبس ابراهيم : هههههههه يلا عيل محسن مشى بحماس بسيط : يلا يلا تحرك ياخي ببدل واتجهز ابراهيم وهو يضحك ويقوم : يــــه وضحكو ويا بعض طلع ابراهيم من الشقه ووصل للاصنصير (اللفت ) : برهووووووووووم مشكور ويلا بسرعة ابتسم ابراهيم لحال رفيجة وطبعا تجهز محسن للرحله ^^^^^^^^^^^^^^ اشرقت الشمس .. لتبعث اشعتها الذهبيه للمناطق .. والبيوت .. وترسل اشاعات مخفيه .. وبسلام ... لهالبيوت .. في بيت كبــيــر وفي حجرة كبيـرة قام من نومة وهو يتمغط دش الحمام (الله يعزكم ) وخذ الفوطة وهو يمس ويهه وهو طالع نزل تحت ولازالت الفوطة الصغيرة طايحة على جتفه نزل من على الدري لقا اخته بدور قاعدة عند امه وابوه وتتحجى باس راس امه وابوه : صباح الخير يالغالين الام والابو : صباح النور بدور: صباااااااااااااااااح النور يالغالي حب يفشلها : وانتي من كلمج؟ اكلم امي وابوي انا بدور بفشله وغيظ : يببببببببببه يبه ماتسمع ولدك شيقول حطم راسه ايوا ايوا فيصل وهو يطنز عليها : حتم لاثه ايوا ايو .. (وهو يرد لصوته الطبيعي ) مالت عليج .. امسويه روحها كلش بدور وهي تتحجى : كيفي لحظة هدوء كليت لي حبه زيتون توني ابي اشرب كوب الجاي الا تحجت بدروه بدور : يمه شنو هذا تمللنا كل يوم نفس الريوق اوووووووووووف .. واذا ماكلينا هاوشتونا فيصل : بس بس مع ويهج من صباح الله تتحجين انتي شنو بالعه راديو بدور : الا دي في دي تصدق واااااااااااهههه فيصل : مابيخج .. ماتبين تتريقين روحي قومي اخوج بدور وهي تنطط عند التيلفزيون : ماااااااااااااااااااااااا ااااااابي كيفي .. (وقعدت تفرفر فالتيلفزيون ) ام فيصل : فيصل يمه خلك منها روح انته ناده فيصل وهو يتكيسل : لالالا خل اهي تقوم مب اهي ماتبي تتريق .. انا ابي اتريق ام فيصل وهي تقوم : عيل انا الي بقوم لاني شبعت فيصل : لالالا خلاص بدروه بتقوم .. بدرووووووووه بدرووووووووووه بدور: ها اووووووووووف مااتجوغني مندمجة فالمسلسل فيصل : قومي لاافلع كوب الجاي فويهج بدور بغضب : يبـــــــه جووووووفه بوفيصل : بس يايبه بس يافيصل شفيكم تتهاوشون على كل شي بدور: اهو الي بدا فيصل: انا ولا انتي نايف وهو يقعد عندهم :اوف بس من صباح الله فيصل : هلا والله بنيوف .. وينك انت؟؟؟ نايف : فالفراش... يقطع عليهم صوت ابوهم : بس ياعيال .. فيصل شفيك يبه اليوم؟؟؟؟؟؟ فيصل وهو يتميرض: جابلت ويه بدروه من الصبح اكيد بامرض نايف وهو يضحك: مندمجة الاخت ماتسمع شي فيصل ك فكة من مجابل ويهها بدور: يمة تلفون ام فيصل : عنبو دارج تحركي شوي تلح لحي شبيفيدج هالتلفزيون ها وام فيصل جنها تكلم طوفه بدور ابد ماتسمع مندمجة فالمسلسل شوي وتسمع ام فيصل صراخ فالصاله تصكر من التيلفون وبسرعة تروح تجوف شنو ولا بدور تتهاوش مع فيصل بالالكتروني ونايف يتعبث بالتيلفون ماله ام فيصل : بدوووووور بس خلاص روحي درسي بدور شوي وتصيح : حتى فيوم السبت تبونا ندرس شالحاله ..(وهي تلتفت لفيصل) .. والله لاوريك يافصول ... ويزووووووي مابقول لك شقالت لي فيصل : خلاص خلاص يابوج تعالي مايسوى علينا خذينا منج الالكتروني .. تعالي خذيه يت بدروه تبي تاخذ الالكتروني من فيصل وهي زعلانه فيصل : حبيني على راسي بدور: مااااااابي زين انا زعلانه فيصل وهو يوقف جدامها : افا بدورة حبيبتي تزعل من الشيخ فيصل اخوها بدور وهي مادة البوز : انا مااحاجيك .(وهي تفر القناه) فيصل وهو يسحب الالكتروني من يدها : شنو؟؟؟؟؟ بدور : خلاص خلاص احاجيك بس ايب الالكتروني ام فيصل : هاته هالريموت هاته فيصل وهو يضحك ويحطة بيد امه ام فيصل : بدروووه يلا روحي درسي بدور وهي توقف: وي يعل تحترق المدارس الي فالعالم كلها والسامع يقول امين ام فيصل : يلا ذلفي .. قصورج تدعين على الي علموج القرايه والكتابه .. الي يعلمج حرف صرتي له عبد .. مب تدعين عليه بدور: كلش من زين الي يعلمونا اياه ام فيصل : بتذلفين فوق ولا اقص لسانج هالحزة بدور بقهر : ايه ايه انا بنت البطة السودة العين الحمرا حقي والريج الحلو حق هاذيل ام فيصل : لانج ماتيين الا بالعين الحمرة بدور: خلاص خلاص باذلف فوق فيصل :هههههههه وحلليج يابدروه فيصل : عمره 21 سنه اخر سنه يدرس ويشتغل ويا ابوه .. طويييييل شوي اسمراني بس سمارته تينن .. عيونه وساع .. خشمة طويل .. عنده غمازتين (عكس يزوي يزوي عندها غمازة بس فخدها اليمين) .. يحب بدروه وايد ويلعوزها وايد نايف : عمره 18 سنه اخر سنه فالمدرسه علمي .. كسول .. لعاب .. مايسمع حجي امه ولا ابوه .. غالبا مايكون فالبيت .. كله طالع بدور: باول ثانوي .. طويله .. بيضة .. فيها شبه من يزوي .. شيطانه ... ماتحب نيوف لانه مغرور ورافع خشمه .. تموت ع فصول .. واحلا شي عندها المسلسلات ^^^^^^^^^^^^^^^^^ كانت غايصه فالاحلام .. وراسها مضموم فالمخدة .. وشعرها متناثر فكل مكان .. على المخدة .. وعلى اللحاف .. وعلى السرير .. فتحت عينها عدال عدال .. رمشت مرتين ... استوعبت المكان .. قامت بسرعة من مكانها وهي تحط يدها على رقبتها ... انا وين؟؟؟؟ من يابني اهني قامت من فراشها بسرعة فتحت الباب راحت لغرفه مريوم جافتها نايمة قومتها من النوم اليازي:/ مريموووووه .. مريووووووم مريوم بهمهمه : هممممممم همممممممم يزوي: انا من يابني الدار مريوم : اووووووووووووف خليني بارقد توها الساعة 8 ونص (وهي تتثاوي) يزوي: مريوم عاد قومي اكلمج مريوم وهي تقوم وتقعد وعيونها منفخات : شتبين ؟؟؟؟؟ يزوي : امس انا وانتي كنا فالصاله شيابنا للدور مريوم : يدي وردت ترقد يزوي وهي تضحك : مريمووووووه يلا عاد اكلمج مريوم : اووووووووه يعني اكيد احنا بروحنا ينا يزوي: لالالا اكيد صاير شي مريوم وهي راقدة وماترد يزوي وهي تير الفراش: مريووووووووووم احاجيج مريوم تطنش يزوي وردت تضحك : مريووووووم مريوم: الله ياخذ مريوم قولي اميييين يزوي وهي تضحك :امييييييييين مريوم وهي تقوم من النوم : ويه يعل الله ياخذ بليسج شحقه تدعين علي من اول الصبح ؟؟؟ يزوي : انتي قلتي قولو امين مريوم: وانتي تبين الفكة على طول امين؟ يزوي: ههههههههههه مااحب اردج مريوم : ايه ايه خرطي خرطي يزوي: تدرين احس اليوم نفسيتي احسن من امس مريوم: كلللوش شاسوي يعني يزوي: رقصي مريوم: اوووووووف برد برد يزوي: هع هع اونج عاد يالضعيفه بردانه مريوم: شفيج اليوم علي يزوي: من يومين ماتضاربت وياج ابي احين اقعد اتضارب لين ما ما ما(واهي تفكر) .. لين ماامجع شعر راسج كله مريوم وهي تفلعها بالمخده: هههههههه جب جب يزوي وهي تضحك ويقعدون يتفلعون بالمخدات .. يعني صارت حرب بالمخدة (الله يعين الغرفه خخخخخخخخخ) يزوي: تعالي نروح نسلم على امي وابوي مريوم وهي توقف عن الضحك وهم نسو ان امهم فالمستشفى : نـ ـروح؟؟؟؟ يزوي وهي تتذكر: تعالي نتطمن عليهم ونتصل لبابا يطمنا مريوم : امممممممم اوكي يلا يطلعون البنات من غرفه مريوم يزوي وهي تير شعر مريوم : يالعفسسسسسسسه مريوم وهي تضحك : ماتجوفين نفسج اول مع هالكشه ثنينتهم : ضحكو ضحك : هههههههههههه يزوي : تعالي .. خاطر اروح غرفه ماما مريوم: هههههههههه يلا يزوي بهبل: خخخخخخخخخخخخخخخخخخخخخ يلا يلا هيا بنــــــا مريوم: شدعوة مركبه فضائيه يزوي: لا مكوك فضائي مريوم: خخخخخخخخخخخخ يزوي : مريووووووووووم مريوم: هاااااااااا؟ يزوي: وصمااااااااااا مريوم: تصمج يزوي" تصمج قبلي .. مريوم مريوم مريوم؟ مريوم : ها يزوي يزوي يزوي يزوي: ملل مريوم: ادري اونج قلتي شي يديد يزوي : ههههه اشتقت حق ماما .. صار لنا يومين ماجفنها مريوم وهي تسكت فترة: ايه .. حتى انا دشوا الغرفه اذا هم بين الحلم والواقع ايه بين الحلم والواقع ثنينتهم يتخيلون عبالهم هاي امهم يزوي: مريوم هاي بس انا الي اجوف امي ولا حتى انتي مريوم: لاوالله حتى انا اجوفها ثنينتهم جافوا بعض يزوي: شلون قاعدة تجوفينها .. اقصد باي حاله؟؟؟؟ مريوم: ماما نايمة ومتلحفه فالفراش يزوي وهي تصارخ وتطير للفراش وتبوس يد امها وتحب راسها : واااااااي فديتج يمه شلونج وشخبارج؟؟؟؟؟؟؟ وحشتيييييييني ماما مريوم: أي والله هاي امي؟؟؟؟؟؟؟؟ وتروح لعند امها وتحبها : يمه طافج يزوي سوت لنا عزة فالبيت يزوي وهي تضرب مريوم: جب جب الي يقول انتي الي ماصحتي ام اليازي وهي تضحك: ههههه فديتكم بناتي والله يزوي : احم احم وجان نستحي مريوم: تحجي عن نفس انا مااستحيت هاي ماماتي يزوي: يالبواقه .. انا بس ايل اقول ماماتي مريوم: اوووه استعرتها اليوم منج خلاص يزوي وهي تسوي نفسها زعلانه: خلاص ام اليازي : مريوم حبيبتي ناوليني الماي تقوم اليازي وهي تركض ومريوم نفس الشي ويتهاوشون من يودي الماي اول لامه يزوي: مايخصني انا خذيته اول مريوم: لاااااااااااااا؟؟؟؟ امي قالت حقي انا يزوي: انزين وخري مريوم : يبيه؟ يزوي: قلت لج انا بوديه مريومة : يبيه يزوي: وخري يظهر ابوهم من الحمام وهم على هاي الحاله بو اليازي : اليازي يبا ودي الماي لامج يزوي وهي تودي الماي لامها وتطلع لسانها لمريوم اما مريوم فكانت معصبه حدها على يزوي ^^^^^^^^^^^^^^^^^^^^^ تونا طالعين من فلم رعب .. كان حلو وااايد .. وانا ماقدرت اتحمل اكثر كل ساعة افطس من الضحك ع غايوه كل ساعة نقزت .. وبما انه نحن اخر سيد فالسينما ماخذين راحتنا هههههه وعالاخر بعد .. كان وناسه تونا طالعين من هناك ريموه : والله هههههههههه فهود جفت غايوه الخبله شقايل تناقز غايوه وهي تضرب ريمو : جب جب ماشالله عليج عليا : هههههه بس صدق الفيلم رعب فهد وهو يجوف حرمته كيف مستانسه وهو يمسك يديها بدون محد يحس :اشو رايج تسيرين تتشرين ملابس غايوه وهي ترز فيسها : ابا اسير وياكم ريموه وهي تسحب الغوي : لالالا نحن بنسير فيا حمدان غايوه وهي منحرجة : لالالا شو انا ابا فيا فهد ريموه ماتبى تخرب وناسه فهد وعليا : ع كيفج هو بنسير رباعة انا وانتيه وحمدان خويه وهزاع جانه بيسير هزاع : ابا اعرف ليش انتيه كله حاذفتني من المنيو ريموه : ماعدنا طلب باسم هزاع الكل ضحك ع ريم هزاع: هيه هيه بايخة تراج ريم: ماطلبت رايك حمدان :ياخي خلاص فكونا من النقير بتسيرون الحينه ولا شو؟؟؟؟؟ فهد وهو يشوف حرمته : بتسيرين فياهم ولا شو؟ عليا بخجل كبير : ع كيفك فهد : وين تبين؟ ريم: لين ماتشاورها وتشاورك نحن بنروح وبنمر عليكم اوكي فهد وهو يضحك ع ريم: اوكي سارت ريم فيا غايه للمحل الي يبنه اما حمدان وهزاع تريوهم برع المحل هزاع: ياخي شو هالبنات هب هامنهم شي بس يبوت يتشرون وبس حمدان: خلهم براحتهم اشو تبا يسون؟ ييلسن فالبيت ع ريحاتهن ماعدهن شي خلهن يستانسن (فديتك ياحمدان حاس فينا ) هزاع: هيه هيه وبعدين بنشوف منو بيقول تكسرت ايديه حمدان وهو يضحك : شو نسوي بعد ؟؟؟ هزاع : تعال نسير الكوفي شوب لين مايخلصن حمدان: لالالا هب فايج اسير الكوفي هزاع: اشو الحل؟؟ حمدان : نترياهم هنا الريم وهي تظهر من المحل بدون الغوي حمدان مطير عيونه فالمحل : شو وين غويه؟ (خاف هزاع يشك ) .. اشو ماشريتو شي ؟؟ ريمو: لا بس .. امممممم؟؟؟ ماعيبني شي وغايوه قعد تدفع هزاع : بير اشوف جان تبا شي ريموه : اوكي حمدان : اخبرج . ريموه : شو شو شو حمدان : عفانا الله ليش جذه ملقوفة ريموه: عاد انا جذه تبا تقول قول ماتبا هب عكيفك حمدان : اش قصري حسج .. اشو فيها الغوي زعلانه ريموه : منو قال ؟ حمدان : قصري حسج خسج الله فضحتينا ريموه وهي تقصر حسها : منو خبرك ؟؟؟ هب زعلانه تتضاحك شرات الحمار حمدان وهو معصب : شو حمار بعد .. ماتعرفين ترمسين رات الناس ريموه: سوري بالغلط طلعت منيه حمدان : علني افارق هالويه ريموه: بتفارقه لتخاف ريلي فديته بييي ياخذني حمدان : صدق لاحيه ولا مستحى ريموه وهي يالسه تضحك ع حمدان : هههههه الحينه بنسير محل يصير تدشونه حمدان : لاشو نبا ندش فياكن ريموه: اففففف يامصخك اشتر لك شي من هناك هب لازم تتفرج حمدان: اشتري وانا هب لابسه؟؟؟ ريموه: هب لازم تلبسه المهم تشتريه حمدان : صدق تفكريكن يالبنات مشووووووه ريموه : لااااه .. عيل تفكيركم مشلول ظهر هزاع ويا الغوي وساروا للمحل الي تباه ريم وبعدين تلاقو فيا فهد وحرمته وساروه يتغدون عالغدا هزاع كان مجابل حمدان غايه يالسه حذال هزاع وجابله ريموه ريموه يالسه حذال حمدان ومجابله عليوه وحمدان مجابل فهد وعليا تتطالعهم كلهم يعني الجلسه كانت دائريه فهد وهو يكلمهم : احين شو تبون ريموه : اممممممم خل نظهر نروح مطعم ثاني منبا في نفس المكان هزاع: لازم تتشرط حضرة جنابها ريموه: ماتبا ايلس هني بروحك هزاع: واذا قلنا هب سايرين مطعم ثاني ريموه: مابا شي... زين هزاع : احسن وفرتي فهد : بس خلاص نحن سايرين عسب نستانس هب عسب نتضارب ريموه ويه تسبق هزاع فالرمسه: ماتشوف اخوك فهد: انتي بعد ماقصرتي صراحة ريموه بزعل : خلاص مابا منكم شي .. حمدان .. ابا ارد البيت فهد: لاحول عليا : ريامي حبيبتي شو تبين ريموه : علايه مابا نيلس هني عليا : خلاص حبيبتي بنسير مكان ثاني فهد: قرروا احينه وين تبون؟؟؟؟ وقلبت السالفه ريم ع هزاع وسارو المكان الي تباه ريم <<ياخطيييييييرة ياريموه ^^^^^^^^^^^^^^^^^^^^^ جواهر : اعوووووون جمول ليش جي غرفتج وصخة جمول وهي قاعدة تكحل عيونها : افففففففف انتي الثانيه لاتعورين راسي توها جمول تخلص جملتها ولا انوس ادش وياهم : هاااااااااااااااااااي جواهر: هايااااااات .. توج مفتكرة تيين ... وانا من ساعة اتصل فيج انوس: شاسوي .. يااااااااااااااااي جمول كشخة دارج جي جمول وهي تضحك : ههههههههه ادري جواهر: مالت عليكم .. يالوسخات جمول: بذمتج انوس مب حلو الفراش؟؟؟ اليوم غيرته .. انوس: لاوالله رووووووووعة وخصوصا الشكل الي انتي حاطته جمول : هاي جواهروه الدبه ماعندها ذووق جواهر: لا والله ؟ لفي انتي بس جمول: قســــم جواهر: يالزطيه يالحسودة جمول: شسويت انا ؟؟؟؟؟؟ جواهر: على الاقل كملي حلفتج اونه قســم جمول: خرعتيني يابقرة هههههههههههه انوس: هههههههه أي والله حتى انا تخرعت لهجتج جواهروه تخرع جواهر وهي تتعبث بكتاب فطوم : جوفوا كتبهم شلون ضعيفه وكتبنه احنا الزود عندنا شدببهم كتبنا جمول: والله كتبنا مسوين رجيم انوس: هههههههه متحسفه اني دشيت علمي جمول: لالالا ليش تبون الادبي .. جنه الادبي مب تارس عينكم جواهر: لا والله انزين حتى العلمي مب تارس عينج جمول: انا ماقلت شي بس العلمي يبي له شده همه ... يعني انتي تقدرين تستحملين 3 حصص كيميا ورا بعض .. اما انا نص حصه مااستحمل احس راسي انفجر جواهر: سكتي لاتلوعين جبدي .. والله كنت بدش ادبي بس شاسوي فامي انوس: ليش احنا امهاتنا دايما يتحكمون بقرارتنا جمول: يمكن يبون مصلحتنا وهاي شي اكيد جواهر: عاد فكل شي .. واله احس اني بموت ويا هالعلمي ماادري اخر شي شنو بصير؟؟ جمول: يمكن تكتشفين مكونات الذرة ههههههههه هاي اذا مامكتشفينها جواهر: هههههه جب جب تتمصخر علي جمول : شاسوي فيكم انوس: الا وينها يزوي مكانها يبين جمول وهي تطق يبتها دليل النسيان : اوووووووووووي قلت باتصل لها جواهر: يلا يلا خل نتصل فيها ..... صوت رجولي خشن : الو جمول وهي متخرعة : السلام عليكم ... : وعليكم السلام .. ياهلا جمول وهي خايفه : موجودة اليازي ..: من اقول لها جمول: ا.. ا ..ا جـ جميـله ..: الشيخة الرقم غلط جمول بانصدام : هــ ـ ـ ـ ـا ؟؟؟؟؟؟؟؟؟؟ الريال : الشيخة ضاربه الرقم غلط .. و جمول وهي تقاطع كلامه: اوكي يلا باي باي جواهروه وهي تتعبث فعلبه المكياج : ها وينها؟ جمول وهي منصدمة وتجوف انوس تلتفت لهم جواهر : شسالفه؟؟؟؟؟ جمول: دقيت الرقم غلط!!!!!!!!!!!!!!! جواهر: اوييييه صج فشللللللله .. انزين شفيج جي خايفه عادي تصير وايد جمول وهي شوي وتصيح : بس انا قلت اسمي !!!!؟؟؟؟؟ انوس وهي تحاول تخفف على رفيجتها : ويه شدعوة عاد عرفاج الريال انه انتي جمول الي جدامنا ؟؟؟ انزين خلاص عادي جمول والدموع مجتمعه بعينها : واذا تصل وبابا رد وقال ابي جميله؟ شبيصير فيني؟؟؟؟؟؟؟؟؟؟؟؟؟؟ انوس تطالع جواهر وجواهر تطالعها يرن التيلفون ويتنقز جمول وتفلعه بيد انوس : ردي ردي انا مابي .. (وهي تصيح) .. والله اني ماادري صج بقرة على طول قلت اسمي من دون مااتأكدت من الصوت انوس وهي تضحك : جموله حبيبتي ماكو داعي للبجي؟؟؟؟؟ وبعدين هاي يزوي ( وهي ترد) هلا يزوووووووي.. اخبارج؟؟؟؟؟؟؟.. هههههه ويه صج ؟؟ ... زين خلاص عيل احين احنا بنييج .. اوكي .. هههههههههه انزين .. انزين يه .. يلا عيل نتجابل بعدين ههههههههههه .. بااااااي جمول: شنو قالت لج انه هاي مقلب من مقالبها انوس: ههههههههه لاء لاء ماتدري عن السالفه اصلا جمول وهي ردت على مكانها وعلامات الحزن فويهها : امبيييييييييييييييه ياربي استر ^^^^^^^^^^^^^^^^^^^^^^^ ياترى شصار بمحسن؟؟؟؟؟ وابراهيم؟؟؟؟؟؟؟؟؟؟؟؟؟؟؟؟؟ ؟؟؟ ^^^^^^^^^^^^^^^^ فهالصباح الحلو .. كان كل من العوائل توصل عيالها للمدارس .. وبمدرسه ثانويه .. دخلت يزوي وهي تعدل شيلتها الي تفتحت من اول مادخلت وصلت لصفها والشيله على جتفها وشعرها مرفوع لفوق وعلى جنب حاطة مشباصين صغار فيهم رسمة وردة حمرة .. كان شكلها وااااايد حلو .. دخلت الصف وراحت لمكانها طلعت عبايتها وشيلتها وبهدوء دخلتهم الشنطة مرت على ربعها وراحت لبنات العلمي اليازي : صبااااااااااح الخير جواهر وهي تفتح عيونه بصعوبه : افف صباح النور .. ياربي ليش احنا نيي المدرسه .. احنا جي ولا جي بنقعد فبيت ريلنا اوووووووف جمول : حشى عاشقه ريلها عشق تماظر وهي بنت ادبي يعني ويا جمول ويزوي: ريلها بعد شنو العنود وهي توها تدش الصف : صباح الخير البنات: صباح النور العنود: مأشألله مجتمعات يزوي : تونا ياين ويا بعض العنود: اها .,.. اخبارج جواهر .. وينج غايبه يوم الخميس جواهر وهي تضحك : هههههههههه رحت اشتري لملجة اخوي العنود : صج الف مبروك جواهر: عقبالي اقصد عقبالج البنات كلهم ضحكو ع جواهر: ههههههه جواهر: الا صح شخذيتوا؟؟؟؟؟؟ جمول: الاخت توها تفتكر اونه شخذيتو؟؟؟؟؟ جواهر: انا كلمت عندوه .. بس صراحة ماتفيجت العنود: ههههه جمول: انزين فكونا كا رن الجرس .. وههههههههههههه ياحليلكم اكيد بتصبحون يا بمس رياضيات ولا كيميا ولافيزيا العنود: أي والله علينا فيزيا من اول الصبح .. طاح حظ جدولنا جمول : محد قال لكم دشو علمي .. حق عوار الراس العنود: ههههه والله انا ابي اصير مهندسه لازم ادش علمي جواهر: وانا ابي اصير دختورة هههههههههه اقصد دكتورة لازم علمي بعد .. ولاتخيلو ادش ادبي واخر شي دكتورة حلاته البنات: ههههههههههه وراحو عالطابور .. وبعدين كل حد راح لصفه ^^^^^^^^^^^^^^^^^ اما فالمدرسه الاعداديه .. وفي صف الثالث الاعدادي مريوم : افففففففففف متى يدق جرس الفرصه .. ياخي يعت ساروه: أي والله يوعانه انا حدي مريوم : الا تعالي .. نمر على رغود ساروه: حليلها خلوها بصف بروحها ... مريوم: أي مسكينه ههههههههههه كله من ابله الرياضيات تتذكرين ينناها فصف ثاني اعدادي ساروه :ايييييييه تتذكرين يوم حضرت علينا الوكيله تمت تشرح الابله من قلب هههههههههه مريوم: أي ولاهي بس تكتب عالسبورة جنا احنا ياين كتبــه ساروه : تاي والله كتبه وثنينتهم تذكروا الموقف الي صار وفطسو من الضحك : هههههههههههههه رغد وهي تيهم : ها اجوفكم تضحكون ساروه وهي تضحك : ههههههههه تتـ هههه تتـذكرين ابله الرياضيات يوم انها صمت الكتاب وسمعته للوكيله هههههههههه رغود وهي تتذكر: ههههههه ايه ايه ذاك اليوم الي مريوم فشلتها قالت لها زرارج مفتوح ساروه وهي تفطس من الضحك مرة ثانيه: ههههههههه ايه ايه رغود: ههههههه حسبي اله على بليسج انا خفتها تطردج مريوم وهي تضحك: هههههههههههه تخسي تطردني .. ههههههههههه طلعت من المدرسه بسبتنا رغود: هههههههه الجلبه بسبتها انا مو فصفكم مريوم: تتذكرين يوم انها راحت تشكتي عليج اونج تضحكين فالحصه وهالوقت انا الي كنت اضحك رغود: ههههه ايه ايه يوم نادتنا الوكيله .. ساروه وهي خلاص ماتقدر تستحمل اكثر وهي تضحك: ههههههههههههه بس بس ههههههههههههه رغود : ههههههه مريوم: هههههههههه اقولكم رغود انتو شعليكم الثالثه؟؟ رغزد: الحين علينا اممممم اعتقد اجتماعيات مريوم وهي لازالت تضحك : ههههههه صج حتى احنا رغود: لالالا علينا احنا ساروه: مخرفه انتي علينا احنا جوفي الجدول رغود: لاتراهي غيرت ويا ابله العربي ساروه ومريوم : عيل وناااااااااسه بتجمعنا رغود: اييييييه والله مافكرت فيها .. هههههههه زحمولي ها مريوم: تعالي انتي قروبنا رغود: اوكي وتيي ابله الجتماعيات والابله كانت مصدعة شوي عطتهم نص الحصه والنص الثاني البنات قعدوا يلعبون ويسولفون ^^^^^^^^^^^^^^^^^^ في البيت الساعة 1 ونص الظهر الكل مجتمع على السفرة بيتغدون .. وكان الغدا برياني يم يم يمي اوه نسيتكم وانا اكل .. شاسوي يوعانه مالي بارض اوصف لكم الغدا لايسيل لعابكم خخخخخخخخخ واااااااااي كنت ميته يوع .. وبرياني وابي اتحجى اقول لكم .. صراحة مافيني حيل واااااااااو .. صج طعمه اامممممممممم لذيذ رقم1 وكان في سلطة وماي هالاشياء لكن وين وانا يوعانه : ماما حطي حقي ام اليازي: يبي صحنج يزوي وهي تمد صحنها مريوم: يدووووووووه يدووووووووووه اموووووووووووووت على بريانيج .. اممممممممممم يشي يسيب لعابي .. من كثر مااحبه .. وااااااااااااااو صج لذيذ اليده كانت تضحك على مريوم الي ماتعرف شتقول من كثر مااهي يوعانه يزوي: اقول اكلي وانتي ساكته مريوم والقمة فحلجها : انتي لو ماتحطين دوبج بدوبي يكون احسن (وتغص ) واتم اتكح واتكح ويهها قلب احمر وبعدين قالت وهي تتهاوش: حشا عينج بلقمتي يزوي وهي تضحك : شعلي من لقمتج .. عندي اكل وباكل مريوم وهي تشرب الماي وترد : ماااااااااااااااابي وعقب ماخلصو الغدا كل حد توجه لغرفته الي تدرس والي بترقد والي والي والي وعالساعة اربع ونص العصر وفالصاله كانت اليازي ماسكة كتاب الرياضيات مال امون وتدرسها ..وبعد ماخلصت توجهت لبيت يدتها وقعدت تسولف الا بدخله فيصل عليهم ويزوي ماتدري وكانت تسولف وتضحك مع مريوم وبدور ياترى شبيصير بين اليازي وفيصل؟؟؟؟ وخصوصا من بعد ماجاف فيصل اليازي ع حال امس؟؟؟؟؟ ^^^^^^^^^^^^^^^^^^^^^^^^^^^^^ وفي اليوم الثاني نهايه اليوم الدراسي تماظر : وهاي الي صار جمول : حتى انا جفتها كذا مرة تركب ويا ريال غريب يزوي: لاتظنون فيها ظن السو .. سمكن حد من اهلها ولا حد ؟؟؟؟ جمول :.. اممممممممم يمكن .. ليش لا؟؟؟؟؟؟ ~**~~الجزء الثاني ~~**~ الفصل الثاني اليازي : تماظروه يمكن مب اهي يمكن انتي مشبهه عليها تماظر: اقولج جفتها والله ويدها بيده بعد اليازي وهي حيرانه : يمكن خطيبها تماظر وهي تفكر: انا لازم اقولها ان الطريج الي تمشي فيه غلط يزوي: تماظروه لتتسرعين عليها بالحكم .. يمكن مب اهي تماظر : أي مب اهي سكتي انتي بس .. اقولج جفتها عدل ماشربت ولاشي من قهوتي من الصدمة وطول الربع ساعة وانا اطالعها.. وبعدين جفت اخوها نصور يزوي : امممممم مااعرف يمكن خالها ولا عمها .. ولامستحيل ويا ريال غريب واخوها وياها ؟؟؟ تماظر وهي تفكر في النقطة الي تكلمت عنها يزوي صح يمكن مستحيل : اممممممم مااعرف المهم اني باكلمها وباقول لها يزوي : احنا لازم نتأكد قبل لا نتسرع بالحكم ... جمول : يمكن قالت لاخوها نصور هاي خالها وهو رفيجها .. لانهم من زمان ماجافو خالهم بسبه ابوهم من 10 سنين يمكن يزوي: انزين خلاص لاتحشون فالبنت .. وبعدين شدراج يمكن يكون خالها صج ومب رفيجها تماظر : انا مو مقتنعه كلش انه خالها .. مستحيل انتي لو تجوفينهم ماتقولين خال وبنت اخته .. تقولين .. اهي تعرفه معرفه دفينه .. بس ماتبي حد يعرف.. يزوي تدرين الريال وايد حلو كله يهبل .. بس .. انا احترت من نظرة عينه لها .. والله كانه انسان يائس من شي .. وهي تحاول تشجعه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ جمول وهي حاطة يدها على خدها وتسمع لتماظروه وجنها تقول قصه من القصص الي يقرونها : وشنو جفتي فعيونة بعد تماظروه وهي تضحك وتضرب جمول: يالبايخة والله انج خايسه ..تتطنز بعد .. جمول وهي تضحك : بعد صايرة خبيرة نظرات تماظروه: زين زين مالت علي لاني قلت لج .. بس احنا لازم نفيدها بشي .. مايصير هاي رفيجتنا لازم ننبها يزوي وهي توافق على فكرة تماظر: صح لازم نقول لها لان اهي رفيجتنا .. وماتهون علينا الرفجة انه احنا نخليها تطيح فخطأ واحنا بيدنا شي نسويه؟ جمول : ايييييييييه عوش مسكينه كسرت خاطري والله يزوي وعلامات الحزن بوييهها: أي والله مسكينه .. محد كان يتوقع جي بيصير فيها تماظروه : ايه والله .. عشان جي احنا لازم ننبه عندوه عشان مايصير فيها نفس الي صار بعووش يزوي: مسكينه والله تكسر خاطري تماظروه : عنبوه هاي خطيبته وجي يسوي فيها ؟؟؟ .. بس تدرون الخطا مب منه اهو .. من عوش البقرة .. ياما قلنا لها لكن اهي سوت لنا طاف والحين جوفي لون حالها جمول: الله يبعدنا عن هالناس انشالله .. ياربي شلون جي يسوي واي مااقدر اصدق والله تماظروه : لاصدقي .. كل شي الحين يصير يزوي وهي تكح : كح كح .. كح كح .. اظاهر برد ازكم جمول : ههههههههههه وانيت طول السنه مزكمه .. وكله مريضه يزوي : شاسوي بعـ ـ (ماكملت كلامها الا وعطست ) جمول : هههههههه يزوي : الحمدلله .. يالدبه لتضحين علي جمول: يرحمج الله .. يزوي والله تضحكيني هههههههههه يزوي : يهديني ويهدج الله .. ههههههه لا والله قالو لج مهرج ولابهلوان ولا ارقوز جمول : امممممم الاول ينفع والثاني ينفع والثالث بعد ينفع يزوي : جب جب انزين جمول : مب انزين تماظر وهي ترجع مكانها : افففففف شقلتو فغيابي جمول: لحقنا نقول شي ويا هاذي كل ساعة اعطست وكـ (ماكملت كلامها الا ويزوي مرة ثانيه تعطس ) جمول : ههههههههه جفتي هاي حالنا (وترد تعطس يزوي) جمول & تماظر : يرحمج الله يزوي : خل اول الحمدلله بعدين .. (وهي تقول الحمدلله فقلبها* يهديني ويهديكم الله تماظروه : ههههههههه تلاقون احين جواهروه وعندوه مافاهمين شسالفه الحصه يزوي وجمول : هههههههههه وردت اعطست يزوي ^^^^^^^^^^^^^^^^^^^^ فنفس المدرسة لكن بصف غير كانت العنود سرحانه تفكر ياربي شفيه اخوي يومين مامتصل فيني؟؟؟؟؟؟ شصاير فيه ؟.؟؟ .. انا لازم اتصل فيه اليوم . واجوف شسالفته ؟؟؟؟؟؟؟؟؟؟ ياربي معقوله صاير شي فيك محسنوه؟؟؟؟؟؟ اما من جهخ ثانيه جواهر كانت سرحانه فخط الابله عيونها عالخط وعقلها فشي ثاني .. انتبهت لهمس عنود : جواهروه جوهروه: هلا عنود: من مساعة انادي فيج وفشنو سرحانه؟؟؟؟؟ جواهروه: باقولج بعدين جوفي الابله صدت لنا ابله الفيزيا : خير ياجواهر شفيكم تتحجون؟؟؟؟؟؟ بعدين قولو مافهمنا المسائل جواهر شوي وتنبط فويهه الابله بس ساكته لانها ماتطيق هالحصه كلش بسبه الابله رن جرس نهايه الحصه السابعه البنات كهم قاموا يضبون اغراضهم عالبيت انوس وهي تطلع وهي تتحجى ويا العنود وجواهر : ههههههههه والله ولا اعرف شسالفه اصلا!!!!! العنود تمشي بحزن وياهم : كنا نكمل درس امس جوهروه وهي تضحك بهبل : انا نفس حالتكم ولا ادري .. قاعدة افكر شنو بيصير بملجة خلول العنود وهي تضحك وتخبي ابحار من الحزن بقلبها : هههه جواهر اذا ماتزوجتي اعتقد بتتعقدين انوس وهي تضحك وتكمل عليها : لا هاي شي اكيد العنود : خل ندور لها ريل من احين انوس: افا عليج ناطور مدرستنا موجود العنود & انوس: هههههههههههههه جواهر وهي تحاول تخفي ابتسامتها : جب جب مالت على ويهج انتي وياها يالسبلان .. تتطنزين حظرت جنابج (وهي تضرب انوس بكيسها ) انوس: ههههههههههههه دبوه .. لا مااطنز وبجذي اختلطت المدرسه بنات العلمي والثانوي واول ثانوي فالساحة الي تظهر وهي مبتسمة .. والي تتامل يوم يديد بخير .. والي على ويهها ملامح قلقه .. وال منزعجه من صراخ وعبط البنات .. يزوي وهي تبتسم : جموووووول جمول وهي تنته من سرحانها: هلا .. هلا يزوي يزوي : شفيج سرحانه؟؟؟؟؟ وحتى فالحصه ؟؟ فمنو سرحانه اعترفي اعترفي الحـــين ( وهي تقولها بحماس) جمول: ماتيوزين عن لقافتج يزوي : نو جمول : هههههههه يلا كاهي جواهر .. خلينا ندش السيارة ونتنفس وبعدين يصير خير! دشوا البنات فالسيارة واشتغلت الهذرة فالسيارة ناسيه يزوي السالفه الي بغت تعرفها من جمول .. وطبعا مع بدور .. الي كانت تسولف وتسكت فترة تحس بالكره الي تحمله ساره بنت عمها الها .. ها شغل بالها وايد ^^^^^^^^^^^^^^^^^^^^^ فدوله ثانيه مجاورة لدوله قطر فالحصه ماقبل الاخير ريموه : يالله .. ها الحصه ممله غايه : شو بنسوي يعني؟ ريموه : انتيه بعد ممله غايه : ههههههه شو تبيني اسوي؟ ريموه: صح تعايل ماخبرتيني ويا منو اليوم بنسير حمدانوه هب ياي .. والسايق هب مويود فالبيت!!!! غايه : اكيد دريولنا بيي منو يعني ؟؟؟ ريموه : بس انتي خبرتيهم!!!!!!!! غايه وهي تتذكر:هيه .. لاااا ريموه : هيه ولا لاء؟ غايه وهي تحاول تتذكر : مااعرف نسيت!!!!!!!!!! ريموه بصوت عالي : شوووووووو نسيتي غايوه ويه تضرب ريموه : هيه انتيه وين يالسه ..؟؟؟ نحن بحصه قصري حسج ريموه وهي تتذكر انها بحصه وترمس بصوت خافت : شو نسيتي احينه منوبيتذكرنا؟؟؟؟؟؟؟؟ غايوه : ماادري!!!!!!! ريموه : هبله ..( وهي تعلي صوتها ) مس مس باسير اتصل فبيت عميه عسب نرد البيت المس: هب الحينه؟ سيري خلاف!!! ريموه بصوت خافت : مابا وانتي شلج .؟؟ .. مس هب عدله اتصل باخر الدوام وبعدين ماشي حد ؟؟؟؟ المس: خير ياريم شو السالفه شردة كالعادة ولا مخطط ثاني؟؟؟؟؟؟؟ ريموه عصبت من الخاطر ع الابله البايخة : هب شردة .. انا ابا اسير اتصل ببيت عميه!!! المس: كاهي غايه مارمست انتيه بترمسين!!! ريموه : احينه شو بتخلينا ولا؟؟؟؟؟؟ المس بغضب : سيري و10 دقايق ان ماكنتي هني ماشي دخله عندي فالصف سيري عد المديرة ريموه وهي ترمس غايوه بصوت واطي: نحن بنسير بنسير بس هب بسببج عسب نشتكي عليج غايوه وهي تضحك : ههههههه ريموه بتسمعج ريموه : شو ابا بها؟؟؟؟؟؟.. يلا نسير ساروا غايه وريم للضابطة واتصلو فبيت غايه عشان اييهم وهم رادين الصف ريموه: منوه بيينا؟ غايوه بدون اهتمام : مممم امايه تقول الدريول هب موجود فالعزبه فيا ابويه .. هزاع بيينا .. لان فهد طالع فيا حرمته ريموه : وعععععع هزاع؟؟؟؟؟ غايوه : ريموه تراه اخويه ريموه: اففففففف سرعي لاتحشرنا ها المس وسرعوا للصف .. وقعدوا هاديات كل وحدة تفكر بشي .. لين ماخلصت الحصه وابتدت الحصه الاخيرة ويوم خلصت الحصه الاخيرة وبالضبط عند بوابه المدرسه : ريموه هب كأنه هزاع تأخر؟ ريموه بتوتر تحاول تخفيه : هيه .. شو صار ليش تاخر؟؟؟؟ غايه : مااعرف؟؟؟؟ ريموه: غايوه كل البنات راحن بيوتهن ماعدا نحن!!! غايوه بخوف : هيه ادري .. شوفي كيف الشباب يمرن حذال مدرستنا ريموه بخوف من الخاطر: غايوه شوصاير الساعة احينه بتعدي الـ 2 غايوه بخوف اكثر من ريم : شو نسوي؟؟؟؟؟؟ ريموه بتوتر شديد وهي تشوف سياير الشباب وتسمع تعليقاتهم : مااعرف .. خلينا نسير مشي!! غايوه : شو ؟؟؟ .. وهزاع؟؟؟ ريموه وهي مغيضه : لو صدق هزاع بيينا ماتأخر لـ ها الوقت!! غايوه : المشكله اني رمست امايه هب هزاع .. يعني اميه هب نسايه كيف مااتصلت بهزاع؟؟؟؟؟ ياترى شبيصير بغايه وريم ؟؟؟؟ وهل حد بيتعرض الهم!!!!!!!؟؟؟؟؟ ^^^^^^^^^^^^^^^^ فاحدى المستشفيات ...: شتسوين؟؟ ..: مااسوي شي .. بس ادور على رقم بيت .. (مرت فترة قصيرة الا البنيه تناقز ) .. كاهو كاهو الرقم .....: زين يابوج .. مهوي مايحتاي جي تصرخين مها : والله كسر خاطري يا لولوُه مسكين لولوة : اعرف انه مسكين .. يلا دقي دقي مها وهي تجوف الارقام وتضرب هم بحماس على ازرة التيلفون مها وهي تتكلم فالتيلفون : الــو .. السلام عليكم الطرف الثاني صوت شيبه كبير بالسن : وعليكم السلام مها : مرحبا الوالد .. هذا بيت بو محسن؟؟؟؟ الطرف الثاني : .....(بعد فترة هدوء) .. لابنيتي هاي مب بيتهم مها بانصدام .. وهي تجوف لولوة الي تجوفها وتحرك راسها باشارة شنو؟؟؟ .. وهي تتطالع والحزن شوي ويطلع من قلبها : .. مشكور الوالـد .. بس ماتعرف وينهم ؟ شصاير فيهم!!! لولوة وهي توها تستوعب الشيبه: بنيتي ماعندي خبر عنهم مها : ولا حتى البيت الي انتقلو له الشيبه وهو محتار: لا بنيتي مها وهي تبتسم : خلاص عيل مشكور .. تعبناك ويانا الشيبه : خذي راحتج بنيتي مها : يلا مع السلامة وهي تصكر السماعه بعد ما فقدت الامل لولوة: ها بشري ليش جي عبستي ... (وهي تضحك ) ههههههههه ها اكيد مقلب من مقالبج .. يلا اعترفي متى بيون اهله؟؟؟؟؟؟؟ مها وهي مب فاضيه للولوه ومزحها : وخري زين .. طلع مغيرين بيتهم لولوه : وييييييه؟ عيل شلون بنبلغهم عن ولدهم؟؟؟ مها بضيج : وانا شدراني ؟؟؟؟؟؟ لولوة : واحين انتي ليش متضايجه؟؟؟؟؟؟؟ مها : اووووووووووووه .. مريض وابي اهله يعرفون عنه يعني شنو؟؟؟ لولوة توها تستوعب: يعني صج مغيرين بيتهم؟؟ مها وهي معصبه علة لولوة واستهبالها : تصدقين عاد لولوة : ول ول ول جبريت .. يابوج ماقلنا شي مها وهي تاخذ الملف الي طلعت منه رقم بو محسن بس مالقته وضمته لصدرها وبحركة تلقائيا جدا : شنسوي فيج يعني؟ (وهي تحرك الملف وترده مكانه) راحت مها تشوف شغلها وتمر عالمرضى .. لانهم متدربات مب دوام عادي ووياها رفيجتها لولوة | ||||
|
| |
|
24-03-13, 01:04 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اما فاحد الغرف الي بالمستشفى فتح عينه والازعاج مالي الغرفه الي فيها .. بعد مارمش رمشتين .. لقا امه .. وخواته .. واخوانه .. والاهل كلهم بالغرفه .. ابتسم لهم .. ابراهيم : هلا ابوي .. شلونكم الام وهي تفز من على الكرسي وتقرب بسرعة لعند ولدها ودموعها تغالبها : هلا يمة .. حمدلله على سلامتك (وهي بدت تعاتب وتصيح ) .. مب انا كم مرة قايله لك لاتركب ويا هالشباب .. جوف شسوت فيكم الاستعراضات وهاي الي شتسمونة؟ تقحص مادري تحفص وتحقص؟؟؟؟؟ ابراهيم وهو يبتسم : يمه .. شحقه البجي؟؟؟ .. (وهو يمسح دموعها) .. وبعدين انا قلت بندور ويا الشباب فالسيارة واهم الله يهداهم قعدوا يستعرضون ام ابراهيم : ولو صار فيك شي؟؟؟؟؟؟ ابراهيم : يا يمه لاتكبرين السالفه .. وهي ماتستاهل؟ ام ابراهيم: ماتستاهل؟؟؟؟؟؟؟؟ وهاي حياتك؟؟؟؟؟؟؟؟!! ابراهيم وهو يحاول يغير الموضوع : عيل شلونه محسن؟؟ اعتفس ويه امه .. وقامت من عنده وهي تطالع ابوه .. وابوه يطالعها .. خاف ابراهيم .. والهدوء لفح المكان .. وتسلله بشوي شوي .. ابراهيم ويقطع حاجز الصمت : شفيكم سكتو؟؟؟؟؟؟؟؟ ^^^^^^^^^^^^^^^^^^^^^^^ ..: ها شلونكم بضيج : الناس تسلم اول فيصل : اسفين انسه يزوي يزوي: مب قابلين اعتذارك فيصل : وايد همني يعني قبلتيه ولا لاء؟ يزوي وهي عصبت : جب انزين لاتكلمني فيصل وهو يقرب صوبها عشان يخرعها : شقلتي يزوي ماتت من الخوف لانه قرب منها وايد.. لكن لا وبعناد : قلت لاتكلمني فيصل كان مجابلها وقريب رفع حاجب واحد : لا ماسمعت رفعي صوتج شوي .. يلا قولي اسفه يزوي : لا والله من لازم يعتذر من الثاني فيصل : انتي يزوي : نعم؟؟؟؟؟؟؟؟؟؟؟؟؟ ماسمعت ؟ عيد عيد عيد فيصل : عيد ولارمضان؟؟؟؟ بدور: هههههههههاي حلوة حلوة فصول .. وبعدين (وهي توقف بينهم ) ياست يزوي .. اعتذري من اخوي احسن لج يزوي : والله اعتقد يابدور مو انا الغلطانه فيصل وهو يقرب صوبها وهي تخرعت : شنو يعني يزوي وهي تصرخ : روح بعيد روح روح (وهي تصرخ وخايفه حدها) حمار .. مااحبك وهو يمسك يدها ويلويها : شقلتي شقلتي ؟؟ يزوي وهي تسحب يدها من يده بالغصب وقالت : مااقول شي اووووووووووووف فيصل وهو يبتسم بخوف خرع يزوي : لا عبالي بعد (وهو يجوفها) وهي معصبه ليش جي يجوفها بهالنظرات الخايسه : ليش جي تجوفني ؟ مب عاجبتك!!!!!!!! فيصل وهو يطالعها بنفس النظرات ورفع حاجبه طاحت عينه بعينها جاف الغضب كله بعينها ابتسم ابتسامة بانت على جنب: .... عصبها سكوته : خايس اكرهك ومشت عنه .. فهالوقت بدور ومريوم كانوه فالمطبخ .. يعني الحديقه كانت خاليه مافيها غير فيصل .. واليازي ..!!!!!!!!!! سحبها بالقوة من يدها : شقلتي؟ عيدي الي قلتيه وهي خايفه وشفاتها كانت على وشك تبان رجفتها .. سحبت يدها بقوة لكن مافي فايدة فيصل كانت يده اشد من يدها : هد يدي .. انته مو من حقك تلمسني .. ولا من حقك تمسكني انزين فيصل باستعيال : جب .. انزين انــا لي كل الحق انا خطـ ـ ( انصدم شلون كان بيقولها .. زين ماقلها ولا فتحت فالبيت مناحة واصراخ عمره مابيتصكر.. وهو يفكر .. اما اليازي ارتخت ملامحها واكتست بالصدمة من اول حرفيت تخرعت .. وارتابت من الكلمة وهاي بان من لينه يدها ترك يدها فيصل وهو يحاول ايب كلمة مناسبه فيها هالحرفين ) .. انا خطيت لج اللوحة الي قلتي لابوج تبينها من المكتبه ... اليازي وهي مرتاحه من بعد ماسمعت الي قاله فيصل .. بس حاولت تركب الي قاله توه والي قاله مساعة .. مافي تناسق كلش!!..: وشنو يعني ؟؟؟ اناماطلبت منك انزين؟.؟؟؟؟؟؟ والله ابتسم وهو يجوفها : يزوي .. شفيج اليوم علي؟؟؟؟؟ يزوي وهي تصد عنه : انا؟؟؟؟؟ ولا انته ؟؟؟ من اول مادشيت وانته جنك جنك .. (كانت بتقول جلب بس سكتت خافت يهاوشها .. لانها مالها بارض تتضارب وياه وفالنهايه يقولون اهي الغلطانه ),, جنك جنك (خانها لسانه ومالقت شي او أي كلمة تنقذها من هالموقف عكس فيصل .. الي لقا الي ينقذه من الي كان بيقوله) فيصل وهو يرفع حاجب واحد (وبعدين مع هالبنت ) : جني شنو يزوي وهي متوهقه : جنــك .... فيصل : شنو اكمل الفراغ ولا شنو يزوي :........ فيصل : تدرين يزوي وهي تطالعه ونزلت راسها: شنو فيصل : اشتقت لايام قبل (وهو يرد يقعد عالكرسي ) يزوي وهي تقعد عالحشيش وهي معصبه عليه وودها لو تلطة كف يعدل راسه .. .. كان يجوفها .. كانت لابسه جلابيه حمرة وفيها برتقالي وشوي اصفر .. وشيلتها كانت من على طرف مشيرة بنفس الالوان على شكل فراشه .. كانت من صج صج حلوووووة تذكر رسمتها الرصاص الي فيها فراشه غمــض عيونة .. كل دقيقه .. وكل ثانيه .. وكل نجره .. وكل ضحكة .. وكل غضب .. وبكل المشاعر .. يغوص بحبها اكثر واكثر .. قام من كرسيه .. وراح قعد على الحشيش .. بس طبعا بعيد .. يزوي كانت متألمة من قبضه يده القويه فعيونها كانت تدمع .. بس ساكته لانها تدري اذا تكلمت بتصيييييييح .. اما فيصل فكان يجوف اشجار النخيل ,,, التفت لها .. لقا ويهها احمـــر .. خاف لايكون فيها شي راح لعندها : يزوي؟؟ يزوي وهي تحاول تخلي ردها عادي وبدون مايبين فيها شي نطقت وصوتها يقرب للهمس: شتبي؟ نزل راسه وهو يحاول يجوف عيونها الي كانت تجوف يدها الي بحظنها .. وقعد جدامها : يزوي بالعاة تزفين .. شفيج ؟ زعلتي مني .. والله انا اتغشمر وياج .. يويزة تزعلين من فصيل تزعلين من فويصل؟؟؟؟ تزعلين مني؟ تزعلين من فيصل؟ ولا من فصيل؟؟؟ يزوي وهي مب زعلانه عليه كلش ولا حاطة بخاطرها عليه بس موقفه كان سخيف .. وكانت معصبه عليه اهو ماايحق له يمسك يدها : لا .. مازعلت بس,, (وهي ترفع راسها) .. فيصل: بس شنو يزوي؟ يزوي: مو من حقك تمسك يدي انا لا امك ولا اختك ولا بنتك ولامرتك!!!!!!!! غمض عيونه يوم سمع مرتك ويقول بخاطره (انشالله يايزوي .. انشالله ) :.. انزين .. خلاص انا اسف .. بس انتي لاتزعلين .. يلا عاد ضحكي.. حد قالج ان ويهج جي جنج ينيه؟ ضحكت يزوي من كلامة : احلا من ويهك انزين فيصل وهو يمشي وياها : انزين؟! فهالوقت بدور ومريوم كانو يايات بدور بمكر : ها تضحكون؟؟؟؟؟؟؟؟؟ فيصل وهو يبتسم يعرف اخته تبي تعرف شصاير مايلومها اول مرة : الاميرة يزوي رضت علينا يزوي وهي تتفاخر : احم احم فيصل وهي يجلع شوي من الحشيش ويفلعه فويهها وهو يضحك : هههههههههههههههه احم احم يزوي وهي تضحك بس عصبت وهي تسوي نفسها معصبه : والله يافصول بتجوف شي ماجفته .. وهي تضربه بصحن النايلون فيصل وهو يضحك ويحط يده جدام ويهه عشان مايي الصحن على ويهه: بس بس وصختيني بهالصحن يزوي وهي تضحك : احسن هههههههههه بدور وهي تتهاوش وياهم ايوا ايوا يزوي اضربيه على راسه ومريوم بعد قامت من الكرسي وقعدوا يتهاوشون .. وفيصل ميت عليهم من الضحك .. كان يحسهم يهال فجسم بنات كبار .. يزوي وهي تعبت :هههههههه ها تبت ولا لاء؟ فيصل وهو ميت من الضحك عليهم : ههههههه انتو الي تعبتوا وطلع نعاله وقام بيخوفهم اونه بيضربهم وكلهم ركضو عند الكراسي بدور : هههههههههه واي بطني هههههههههههههه مريوم : ههههههههههه انيت بطنج عورج انا حلجي بيتشق من كثر ماعورني واي ههههههههههههههه يزوي وهي تضحك : ههههههههه صح بدور وينه كتابج للحين مافهمتج المسأله بدور وهي تتوقف عن الضحك : هههه ههه هه ه ه .. اووووووووووف لازم تذكريني لازم تعكرين مزاجي؟ يزوي وردت تضحك:ههههههه انزين وينه يلا ابي اروح ادرس انا بعد .. مريوم: اوووووووف مااعرف شلون انتي تطيقين الكتاب .. انا ربع ساعة وباليـالله اجابله يزوي : هههه حبيبتي هاي ثالث ثانوي مب أي شي .. يعني لازم نسبه تشرف مريوم : اخر شي بنقعد ببيت ريلنا .. بعد ندرس حق شنو يزوي وهي تضربها على رسها وويها احمر: بس يلا جب .. ماتستحي هالبنيه مريوم: شنو بعد اقول الصج فيصل كان ساكت ويطالعهم .. اول مرة يحس انهم بشوشين وايد .. ولا بالعادة مايتحجون جدامه : يزوي ..(طالعته اليازي) ,, فزي يبي لي ماي يزوي: لا والله؟؟؟؟؟؟؟ وبعد فزي؟ ايم سو سو سو سوري تبي اشرب جاي اكا محطوط (وهي تأشر دله الجاي ..) فيصل : ياربي انتو العناد من وين يايبينه؟ يزوي: وارثينه منك فيصل : حشى علي .. يقاطع كلامة ييت يده و وكلهم يقومون يسلمون عليه .. ويقعدون يسولفون فيصل .. حس بسعادة .. سعادة كبيرة .. مايعرف شلون يوصفها لكم .. اخيرا حاول انه يشيل الجدار الي بينه وبين اليازي .. ياترى هالسعادة بتستمر؟ ولا اليازي بترد تطقع له؟؟؟؟؟ ^^^^^^^^^^^^^^^^^ في بيت ثاني من بيوت الدوحة عند التلفزيون كان الهدوء يعم المكان .. كل واحد يجوف شاشه التيلفزيون .. لكن مب كلهم بالهم مع الي يصير في التلفزيون يات ام محسن وهي تقعد عن بو محسن : يابوناصر( من يوم ما طرد بو محسن محسن من البيت كان عصبي ويكره اسم محسن .. والي ايب اسمه مابيجوف خير .. عشان جي الابو حاول يتناسى ولده ) بوجاسم اتصل فيك من شوي بو محسن ماكان وياهم ولاكان يسمعهم كان يفكر : ها؟؟؟ ام محسن : هو شفيك بو ناصر؟؟؟ (وهي منكسر قلبها على كلمة بوناصر من بعد ماكانت بومحسن ) بومحسن: لا كنت افكر فالسوق .. اليوم يانا واحد يقول بياخذ كل الاسواق وبيشتريهم .. عاد ماندري نبيعهم عليه ولا نخليهم ؟ ام محسن : انته شتجوف؟ بو محسن بحيرة : ماادري؟؟؟ العنود وهي نازله من على الدري كانت تسمع حوارهم وقلبها يحترق على اخوها محسن .. خايفه عليه .. من زمان ما سمعتهم ايبون طاري محسن وهالشي حز بقلبها وايد ام محسن وهي تطالع العنود الي كانت نسخة من ابوها بس ملامحها حلوة وايد ..: يمة العنود .. روحي زهبي القهوه والفواكة .. عمج بو محمد بيي ابتسمت العنود بخجل: انشالله يمه ام محسن ابتسمت وهي تجوف بنتها العنود دشت المطبخ وسوت جاي وقهوة وهالسوالف ومن مابين وهي تششتغل تسمع صوت من وراها .ز فعلى طول خمنت ان هاي ناصر العنود : نصوووووور اطلع برع خلني اشتغل ..:............. العنود وهي تفتر وهي معصبه وخصلات من شعرها كانو ظاهرات بسبب شغلها ماقدرت تدخلهم .. الا تنصدم بريال .. ايه ريال .. لكن شنو حــلو .. شنو وسيم.. ماشالله عليه صج حــلو العنود وهي تحاول تعدل شيلتها رغم ان يداتها فيها شوي من العجين محمد: ههههههههه يمه شكلج يخرع جنج جايفه يني العنود باحراج كبير .. : محمد ؟؟!!.. هلا هلا محمد (وقلبها يطق طبول ) محمد وهو يبتسم لها بحب : هلا وغلا فيج .. شلونج؟ العنود بخجل: الحمدلله .. ها عمي يه؟ محمد وهو لاازال مبتسم : ايه يه العنود : صح شبغيت من المطبخ ؟ (وترد تلتفت للي تسويه وقلبها شوي ويطلع منها ) محمد وهو ناسي الي بغاه .. معلوم بينسا وهو يجوف غزاله جدامه : ها ؟؟؟ لا نسيت العنود وهي تضحك :هههههه شبغيت؟ محمد باحراج وهو يضحك وياها : اممممممم بغيت ماي العنود وهي تصب له كاسة ماي محمد :عندوه متى بتخلصون مدرسه؟ العنود : هههههه لانك خلصت مدرسة عشان جي ماتعرف ؟ .. اممممم شهر ونص محمد :اها العنود باستفسار : امممممم ليش؟ محمد: ها لا ولاشي بس سأل .ز حرام بعد نعرف اخبار بنت العم ؟ العنود بخجل كبير: لا مو حرام يظهرون اثنينهم من المطبخ عنود بيدها الكيك .. ومحمد مساعدها وشال وياها صينيه الدلاال بو محمد يجوفهم ويا بعض وهو يبتسم وقال : يازينكم وانتو ويا بعض .. متى الله يبلغني فيكم واجوفكم معاريس على بعض محمد ابتسم لكلام ابوه وجاف العنود العنود كانت عينها فالارض وويها خلاص احمر حطت الصينيه وعلى طول راحت المطبخ دخلت المطبخ وصكرت الباب واستندت عليه رعشه بقلبها كانت ومن الفرحة ماكنت تعرف شتسوي .. نزلت شيلتها من على شعرها وفتحت شعرها الطويل ايل يوصل للركبه .. وردت صكرته ولبست شيلتها وابتسمت ابتسامة خجوله تذوب الي مايذوب .. ترددت ترد الصاله ولا تروح فوق .. يات لها امها تشيل وياها صحون الكيك .. وراحو الصاله فهالوقت فالصاله كان محمد قاعد عند ناصر ويسولف وياه محمد : يلا شد حيلك عيل سهل صف رابع؟ ناصر : لالالا صعب وايد محمد وهو يضحك : ههههههه لا من قال صعب سهل ناصر : انا مااحب المدرسه محمد : ليش؟ ناصر : كله يدرسونه .. مايعطونا راحة .. كله مدرس .. مانقدر نلعب ابتسم محمد لناصر : وبعد مارحت مكان ؟ ناصر : امبلا رحنا انا وعنود ذيك المرة رحنا سيتي سنتر او لاند مارك .. مااتذكر محمد : وشسويتوا هناك؟؟؟ ناصر وهو يتذكر: لالالا كنا فالسيتي سنتر .. انا لعبت .. وعنود كانت تاكل فالمطعم محمد: وشنو لعبت؟ ناصر : كل الالعاب .. حمود اقول لك شي ماتقول لاحد محمد : خير قول ناصر :................. محمد وهو منصدم .. معقوووووووله ؟؟؟؟؟؟ .. هين .. بتجوفون .. رجعت العنود ويا امها وهي الابتسامه ماليه ويهها جافها محمد بنظرة بارة جدا وابتسم لها ياترى شالي سمعه محمد من ناصر والي اثر على مزاجه ؟؟ معقوله يخص العنود؟ ولا يخص ناصر نفسه؟؟ ^^^^^^^^^ اما في دوله الامارات هههههههههه لالالا مابتكلم عن ريم وغايه .. اعرفكم تحترقون تبون تعرفون شبيصير .. لكن مب عنهم لووول ^_^ عند فهد فالغرفه فهد وهو منبطح عالارض وراسه على ريل عليا : علايه؟ عليا بهمهمه : هممممم (وهي تعدل اطراف اظافيرها) فهد وهو يمسك طرف يدينها : اممم شرايج اليوم نطلع عليا بتفكير وخجل : اممم اوكي فهد: علايه عليا بخجل : هلا.. فهد فهد وهو يقوم ويجوفها وهي توقفت عن تعديل ظفرها .. كان ماسك يدها وهو يجوفها : ليش انتي جي رسميه وياي؟ عليا وهي منحرجة موت : منو قال فهد : مايبا حد يخبرني ؟. تصرفاتج تثبت اليه .. علايه انتي كنتي مغصوبه عليه؟؟؟ عليا وهي منصدمة من كلامه معقوله خجلها الزايد .. حسس ريلها انها ماتحبه ؟ بس هم ماصار لهم شهور قليله .. يعني هي اكيد تستحي منه .. وهب متعودة .. هو لازم يقدر :لا فهد انا هب مغصوبه عليك فهد : لاتقولين فهد .. خاطري تدلعيني .. تحسسيني كزوج عليا وهي تحاول تغير الجو الي تكهرب بينها وبين ريلها : اممممم وين بنسير فهد وهو يحس بضيجه : مااعرف ؟ وين تبين؟؟؟ عليا : شو رايك نسير اممممم السوق فهد وهو يضحك : هيه عسب تعبيه انا.. وعسب الجيب عليا : ههههههه (وهي تحاول تغير شوي من خجلها معقوله ريلها يحس جي صوبها؟) .. فهودي عاد فهود وهو فاتح ثمه : شو عليا وهي تحاول تخبي ضحكتها : شو الي شو؟ فهد ولازال فاتح ثمه ومنصدم : شو قلتي؟ عليا : قلت عاد فهد : هيه الي قبلها عليا : ضحكت فهد: لالالا الي فالنص الي امبينهم عليا بمستحى : فهودي فهد وهو يمثل انه اغمي عليه يلست عليا تضحك عليه : فهد فهد فهد وهو يفتح عينه ويلاقي عليا تتطالعه :عيديها عليا وهي تحاول تغيضه : شو؟؟؟ . فهد فهد وهو يضرب يبهته : لالالا هب هاي الكلمة الثانيه عليا : عاد؟ فهد : ثمود احلى عليا :ههههههههههه فهد: وافديت ها الضحكه عليا وهي تضربه: خلاص عاد فهد: ياويلي عالي يستحون ياربي باتينن عليهم انا ^^^^^^^^^^^^^^^^^^^^ نرد لقطر عند جميله كنت ماسكة القرأن واقرا منه .. تعودت اقرا قرأن قبل صلاة الظهر كل يمعه .. احس بهالشي يزيدني نشاط .. ويعطيني دافع للحياة .. مااعرف ليش.. ومن يضيج صدري .. من اقرا حروف الله تبعد عني الضيجه خلصت من قرايه القرأن نزلت تحت قعدت شوي ويا امي .. وبعها بشوي نزلت ساروه رن التيلفون ..:الو ... وخلص الجزء شبتسوي تماظر للعنود ؟؟ .. وممكن البنات يساعدونها!!!!!!!؟؟؟؟؟ وشنهي قصه عايشه عوش؟؟ وشالي سوته ويخافون البنات الي يصير للعنود؟؟ ياترى شبيصير بغايه وريم ؟؟؟؟ وهل حد بيتعرض الهم!!!!!!!؟؟؟؟؟ فيصل واليازي؟؟؟ تغير اليازي على فيصل هل هاي حدث يديد بيغير من مجريات القصه ؟؟ ولا حدث عادي يصير ز. ومرة ثانيه بترد نفس اول؟؟؟؟ ياترى شالي سمعه محمد من ناصر والي اثر على مزاجه ؟؟ معقوله يخص العنود؟ ولا يخص ناصر نفسه؟؟ ياترى شبيصير بين فهد ومرته؟؟؟ من المتصل؟؟؟؟؟؟ وشسالفه؟؟؟ | ||||
|
| |
|
24-03-13, 01:07 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث نرد لقطر عند جميله كنت ماسكة القرأن واقرا منه تعودت اقرا قرأن قبل صلاة الظهر كل يمعه احس بهالشي يزيدني نشاط ويعطيني دافع للحياة مااعرف ليش؟؟؟ ومن يضيج صدري من اقرا حروف الله تبعد عني الضيجه خلصت من قرايه القرأن نزلت تحت قعدت شوي ويا امي .. وبعدها بشوي نزلت ساروه رن التيلفون .. خل اقول لكم عن الصاله شوي .. الصاله جي صاله شعبيه حلوة .. فيها شي من المناظر التراثيه ممزوجه مع شوي من التطور .. حلوة الصاله .. يعني فيها اختلاف بسيط عن الصالات الي نجوفها اليوم ..:الوو.. جميله وهي تتنفس الصعداء : هلا جواهر جواهر: شفيكم عنبوا ساعة يرن التيلفون جمول: جواهروه وين ساعة ماصار له دقيقه؟؟!! جواهر: وهاي ما ياخذ من وقتي بالله؟؟؟ جمول: بسم الله يمة كلتيني .. لاوالله لايكون وزيرة ولامهمه يالشيخة؟؟ جواهروه : احم احم الحمدلله انج عرفتي مقامي ياحضرة الاسيرة جمول: جنج عايشه الدور .. مايسوى علينا تحجينا جواهروه :من حقي من حقي .. جمال ومال .. وحـ جمول: بس بس بس عورتي راسنا جواهروه : اقول جميل مااتصل فيج الريال هذاك؟؟؟؟ جمول بتوتر وخوف فضيع .. قصرت حسها : لا الله يعين .. جواهروه خايفه ماادري شاسوي؟؟؟ جواهروه : جمول حبيبتي انتي ماسويتي شي غلط .. جمول وهي تقاطعها بصوت عالي .. وهي ناسيه نفسها هي وين : أي ماسويت شي ... الغلط بكبرة هاي الـ جواهروه وهي تقاطعها: اييييييه انتي وين قاعدة تراني اسمعج مايبي هالصراخ؟؟؟ جمول وهي تحاول تهدي نفسها رفعت عينها الي كانت متركزة على طرف الزوليه(السجاده) وانصدمت بوم جافت امها وياروه يجوفونها.. وساروه تطالعها ورافعه حاجب واحد من حواجبها اما جواهر فكانت تنادي جمول .. وجمول ماترد عليها؟ جواهر: جمووووول؟. جميل .. جململ .. جميلوه ؟؟ جمول وهي ترد عالتيلفون: ها لا .. بس جواهروه: لا يكون حد وياج؟؟؟؟ جمول وبصوتها الخافت: ايه ..(تعالي صوتها ).. اوكي عيل يلا باي جواهر: بايات تصكر جمول التيلفون والقلق يسيطر عليها ام علي: ها جميـله شفيج ساكته جمول وهي تحاول تتصنع طبيعتها : ها لاا ولاشي ..(وهي تضحك نحاول تخفف حدة التوتر الي صابها) هههههههههههه هاي جواهر ساروه وهي تضحك :ههههه شتبي هاذي؟ جمول: شيخصج ؟ رفيجتي ومتصله فيني؟ ساروه بصوت عدال: امحق جمول : يمة .. مو جنه تأخر ابوي؟؟؟ ام علي: فالمسيد تراه .. ماتأخرو؟(وهي تجوف الساعة ) توه وهل الوقت؟ جمول وهي تقوم من على الكرسي متجهه لدارها: اوكيك انا بروح داري ساروه وهي تلحق جمول : صبير بايي وياج جمول كانت خايفه ان ساروه شكت بشي .. لا الا اكيد خلونا نخليهم يتحجون ونروح لشخصيه ثانيه ^^^^^^^^^^^^^^^^^ في حر الشمس ..وفي ارجاء منطقه معينه كانت بنتين .. او طالبتين يتمشون فالحـر .. يبون يوصلون للبيت باسرع مايمكن غايه" ريمووووووه .. تعبت خلاص تعبت ريموه وهي تعبانه ومحرجه: كل ها من اخوج .. قمت اكرهه غايه وهي معصبه : وشدخله اخوي ؟ يمكن امي ماخبرته؟ ريموه : والله عاد جي ولاجي كان بيتأخر .. اوووف .. ياربي غايه : انزين ست ريم ممكن تسكتين وعن التأفف ريموه طالعتها بنظرة وصديت عنها ونحن نمشي غايوه توقفت .. ومشيت عنها .. ومشيت ومشيت .. وقفت شفتها للحين واقفه .. شو فيها؟؟؟؟؟؟ .. رجعت الها .. ريموه: غايوه شو فيج غايوه وعيونها تهطل منها دموع: ريلي ريموه: شووووووو؟؟؟ غايوه وهي هب قادرة تتحمل: ريموه شو اسوي؟؟؟؟؟ ريموه وهي ماتعرف شتسوي؟؟؟؟؟؟؟؟؟ مرت سيارة شباب .. فتح الشاب دريشته ..: هلا .. هلاوالله ريموه وهي مطنشه وتهمس لغويه: غايوه شو نسوي؟ (قالتها برعب) غايوه وهي خايفه: مااعرف الشاب كان يطالعهم وريم .. وغايه متوترات .. وخايفات ومرعوبات فتح الشاب باب السيارة وهني ريموه وغايوه جافو بعض قرب الشاب منهم : محتايين شي؟ ريموه وغايوه ردو خطوتين لورا .. رفع حاجبه الشاب .. خايفات هههههههه .. رد اطالعهم ريموه: لاشكرا هب محتايين شي؟ جافها الشاب عينه بعينها .. جاف الارتجاف والخوف والقوة .. والغضب .. وهي جافت بعينه الخبث والطيبه يجتمعون فعينه.. الشاب : انا حمـد ريموه: وشو نسوي باسمك؟؟؟؟؟ حمد وهو يتأمل ملامح ريم : وشو اساميكن؟ ريموه مسكت ايد غايوه ومشن عن حمد .. سايرات بيوتهن اما حمد ركب سيارته ومشى فياهن ومن الدريشه يكلم ريم لانها كانت صوب السيارة عكس غويه الي كانت عدال ريم بس هب حذال السيارة وتمشي ومشيتها شوي تبان عرجتها حمد: بوصلكن بيوتكن هب هاينات عليه تمشن بهالحـر ريم وهي فاهمه هالحركات : مانبا حمد : براحتكن ريم : احينه ليش ملاحقنا؟؟؟؟ حمد: ابا اطمن عليكن ريم: وشو بتستفيد؟؟؟ حمد : اطمن ع بنات بلادي .. وسلامتهن ريم وهي محتارة دشت بقاله هي وغويه .. غويه راحت تتشرى الها ماي عسب عطشانه حدها اما ريم راحت تتصل من التيلفون : الو .. منو ؟؟ .. هيه انا ريموه .. خبري امايه ان نحن يايات .. محد يه النا .. نحن ياايات مشي.. اعرف .. هيه .. انشالله .. هي غايوه راحت تشتري الها ماي .. عطشنا .. مااعرف باقي شوي ونوصل .. انشالله وصكرت وتوها بتلتفت وان حمد واقف وراها بالضبط انصدمت ريم ها شو يبا؟؟؟؟ بسرعة دفعن البنات الفلوس وساروا وحمد وراهن .. وهم بالطريج تلاقوا بهزاع والمصيبه ان هزاع كان محرج وهزاع انصدم كيف اخته و و و ريم يمشن فيا ريال؟؟؟؟؟؟ وقف سيارته بنص طريج حمد وسار لغويه وريم ومسك يد غويه وريم وسحبهن لوراه نزل حمد من سيارته وشاف كيف ان هزاع يدامهم قابله حمد وراح له هزاع وباندفاع شده من رقبته حمد: منو انت؟؟؟؟؟؟؟ هزاع: انا المفروض الي اسأل منو انت؟؟؟؟؟؟؟ حمد : انا حمد الـ ـ ـ..... هزاع: وخير ياحمد شو تبا؟ حمد: انته الي شو تبا .. جي اخذت البنات؟ هزاع : هايل خواتي!؟تفهم شو يعني خواتي (قال كلماته الي كانت تظهر من بين ظروسه الي كانن ظاهرين بشدة اندفاعه) حمد بانصدام : السموحة ياريال .. والله اني خفت عليهن يمشن بروحهن بوسط ها الزحمه ..وها الحر .. هزاع وهو يقاطعه : مسموح (والغضب يبين من علامات ويهه .. نزل يديه ) حمد انصرف وراح وقفه هزاع: حمـد ..(التفت له حمد) .. السموحه يالشيخ بس (وهو يحاول يبرر موقفه) ابتسم حمد له: ماعليك قصور يـا .. هزاع :.. هزاع الـ (.....) ابتسم حمد .. : تشرفنا .. حمد عطاه ورقه تيلفوناته .. ونفس الشي هزاع .. وبجذه راح حمد اما هزاع بكل عصبيه قالهن : دشو السياره ريم وغايه دشن السيارة بدون مناقشه وحتى بدون همس لانهن تعبن وايد .. وخصوصا دربهن كان طويل لان المدرسه هب قريبه لبيتهن هزاع: كيف تتجرأن وترمسن ريال؟ .... ياترى شبيصير؟؟؟؟؟؟؟؟؟؟ وهل بيصير شي ويغير مجريات القصه؟؟؟ ^^^ نرد لقطر فتح عينه .. لقا باقه ورد فالغرفه .. قعد يتذكر ايام قبل .. تذكر يوم مرض تقريبا يوم كان عمره 12 سنه صكر عينه وهو يتذكر ذيك الايام صج كانت ايام بالتراب كانو يلعبون .. محسون : عندوه روحي عند امي ليش قاعدة عندنا عنود ببراءة وهي تاخذ شوي من التراب الي على الارض: مابي ابي العب وياكم وترد التراب الي كان بيدها وخلطته بتراب الارض حمود: ياخي خلها تلعب شعليك قاعدة فحظنك محسون وهو معصب على عنود ويكشر عليها : لصااااااااق انتي لصاق ليش قاعدة عند الريايل؟؟؟؟ عنود بخوف قليل : انتو مو ريايل اته محسنوه وهاي حمود (ةهي تنثر شوي من التراب على محمد وعليه ) محسون وهو متضايق منها : اوففففففففف اصلا احنا ريايل (وقام هو ومحمد ووقفو عند بعض وعنود وقفت وياهم وبان فرق الطول بينهم وبينها) محسون: جوفي وبعد احنا اكبر منج (وردوا قعدوا وكملو لعبهم .. اما محسنو كان يبي الفكه من عندوه كل ساعة يطلع لها عذر ) محسون : اقول عندوه ؤوحي يبي لنا ماي عشان نسويه هالتراب طيييييييين عتنود: مابي .. ابي اقعد وياكم محسنو بصرخه: لزقــــــــــــه عنود ضحكت عليه وردت تلعب محمد وهو مستانس ان محد جافه وهو يايب الماي : اكا اكا يبت ماي وكلهم تيمعو على المكان الي رما فيه محمد ماي محسون: عندوه روحي عند امي بتتوصخين وبتصرخ علينا .. احنا عادي احنا ريايل مايصرخون علينا عنود وهي زعلانه وتاخذ التراب الي صار طين وتفلعه عل محسنوه وتركض لبعيد اما محسنوه استوعب حركتها بعد ثواني وركض وراها.. وكان شوي ويمسكها لكنه ماانتبه للدريه وجان يطيح ..ويضرب راسه فالطرف الحاد من الدري ويتم راسه ينزف بغزارة .. وعندوه تمت تزاعج وتصيح .. وتمت خايفه وايد .. والاهل خايفين عليه ومن بعدها محسن ماكان يحس بشي لين اليوم الثاني يوم فتح عيونة ولقا كل العايله متيمعه عنده اما الحين لا محمد .. ولا امه.. ولاابوه .. ولااخوانه .. ولاحد من اهله حس بالوحشه من هالدنيا الغريبه والكبيرة والموحشه لف براسه للجهه الثانيه حس بعوااااار قوي برقبته حس بدخول شخص الغرفه بس ماالتفت من بيكون .. يا سستر .. يا دكتور .. صح ابراهيم شصار فيه؟؟؟ التفت واذ بملاك تتطالعه .. انحرجت .. امممممممممم مها: اممممم انا المتدربه مها .. اذا بغيت شي احنا موجودات .. ولولوة هاي بعد متدربه اذا احتجت لنا احنا هني محسن بشكر: مشكورة الشيخة مها ابتسمت بتردد له طلعت لولوة وتوها مها بتطلع وراها محسن : الشيخة التفت مها محسن : وين رفيجي ابراهيم الـ (،.....) ابتسمت مها : بالحجرة الثانيه ابتسم لها : ممكن اروح له قالت بعبوس: طبعا (ابتسم محسن) مو ممكن اختفت الابتسامة من ويهه: ليش عاد؟ مها بابتسامة خفيفه: للحين انته تعبان .. بعدين روح له اوكيك وطلعت مها تاركة محسن يرجع لعالمة الحزين شوي وان حد طل من الباب .,: هلا والله بالشباب ذياب (واحد من الشباب) : ياريال سلامات سلامات ماتستاهل محسن بابتسامة حلوة : الله يسلمك .. ها شلونكم اليوم وطبعا الشباب قعدو وياه شوي وزاروا ابراهيم الي رخصوه اليوم لانه ماصابه شي وايد مجرد رضوض .. وكسر فصبعه اليمين طق طق انطق الباب محسن : تفضل ابراهيم بابتسامه خفيفه : سلاااااااااامات محسن : الله يسلمك .. وانتته سلامات بعد ابراهيم وهو يقعد على الكرسي : والله تمام .. كراسيهم ماتريح كلش محسن: ههههههه .. ها متى بيرخصونك؟ ابراهيم : توة مرخصيني وانته؟ محسن : اليوم العصر ابراهيم : اها .. وبعد شخبارك؟ محسن : برهوم عطني تلفونك تلفوني ماادري وينه باتصل باختي 4 ايام ماكلمتها .. بتقلب الدنيا علي احين ابراهيم: ههههههه تفضل (ويعطيه التلفون) الله يعينك على حشرة البنات .. اوف ملولات وحشريات ومزعجات بعد محسن:ههههههه تعقدت من خواتك ها ابراهيم : ايه والله ..5 بنات وكل وحدة وتحمل لسانها عاد محسن: هههههههه .. ماترد ابراهيم : يمكن لان الرقم غريب؟ محسن : باطرش لها مسج ابراهيم : ههههههه مسجات الدنيا لك محسن : مابي اخوفها .. وطرش "" عنود ردي علي انا متصل من رقم رفيجي .. محسن اخوج "" ورد يتصل .. انتظر .. وانتظر .. : الو العنود من الجهه الثانيه : .. منو؟ محسن وهو يبتسم وهو يسمع صوت اخت العذب فاذنه ينسمع : هلا ..عندوه انا محسن العنود: ....... محسن : الوووو العنود باندفاع: محسنوه يالخايس وجي ماتسأال عن اختك اسبوع باكمله ونص بعد .. جب جب لااتكلمني محسن : بل بل بل كلتيني حشى .. وبعدين من 4 ايام قلبتيها اسبوع ونص؟؟؟؟ العنود: وشنو 4 ايام شويه؟ محسن : خلاص اسف حقج علي العنود: محسنوه متأكد مافيك شي .. وليش مااتصلت فيني يلا قول؟ محسن : كنت مريض! العنود باسى : شنو؟؟ وليش ماقلت لي (وصوتها يبان انه مخنوق ) محسن : تلفوني مب عندي؟ العنود: يعني .. وتلفون البيت شيسوي؟ محسن: أي بيت.. تراني بالمستشفى العنود وهي منصدمه : مستشفى .. أي مستشفى .. حرام .. من شنو .. شفيك .. متعور؟؟ وتعبان .. منجرح (وبدت تصيح) محسن: يوووووو يالعنود لو ادري بتصيحين جان ماقلت لج العنود: محسون من متى وانته فالمستشفى محسن : من يومين .. العنود: اممممم اوكيك انا اليوم بايي انزين محسن: لاعنود.. لاتيين العنود ودموعها تنزل: ليش انزين؟ محسن: مافكرتي من بيبج .. واذا ابوي سأل السايق ليش يايبج المستشفى؟؟ العنود: ليش انته تقطع كل امالي !!!!!!!!؟؟؟؟؟؟ محسن: لان هاي الصج والواقع .. المهم عنادي .. انا الحين باروح اوكي العنود: وييييين؟؟؟؟؟؟؟؟؟؟ توة الناس ماسولفت وياك؟! محسن: ماعليه عنود يوم برد البيت اوكي العنود: اوكي .. اتصل فيني طمني محسن : اوكي وصكر عنها .. وعطاه لابراهيم الي كان منشغل بالجريدة الي على الطاوله: .. اقولك خل اقول لابوك وتفتك .. وتتصالحون محسن: لا ياابراهيم .. انا باقول له بس مو احين .. وقت ثاني انشالله ابراهيم: اوكي .. مابطول عليك .. يلا انا بروح البيت بارتاح شوي .. وبعدين بارد لك محسن : اوكي بعد يمكن ساعة الا ربع ينطق الباب يلتفت للباب : اتفضل ادش بنت يعرفها اشد المعرفه ينصدم العنود: الحمدلله على السلامة محسن : الله يسلمج .. ليش يتي ؟ قلت لج لاتيين؟؟؟؟؟؟؟ العنود: لاتخاف محسوني قلت لبابا يايه ازور رفيجتي محسن وهو مب مطمن: اوكي.. بس مرة ثانيه ماتجذبين على ابوي العنود باحراج كبير وهي تنزل راسها: كنت ابي اطمن عليك ابتسم محسن لها وكملو سوالف ^^^^^^^^^^^^^^^^^ كل الي عالسفرة كانو منشغلين باكلهم الا واحد كان سرحان ويفكر .. قطع عليه تفكيرة صوت امه ام محمد: يمه محمد .. شفيك ماتاكل؟ مريض فيك شي؟؟ محمد: لاسلامتج يمه .. بس بسي شبعت!!! ام محمد: شبعت؟؟؟ .. يابوك ماكليت شي؟!!!!!!!! محمد: وين ماكليت يمة ؟ ام محمد: كمل غداك ياولدي .. شفيك تعبان فيك شي؟! بو محمد: محمد يبا شفيك ملاحظ انا من يومين لاغداك غدا ولاعشاك عشا .. حتى اليلسه ويانا ماقمت تيلس؟؟؟؟ محمد وهو مايعرف شيقول لكن الي يحوز تفكيرة مو شي عادي وطبيعي: ها .. لاا بس شوي تعبان من الشغل! بو محمد : خلاص خذ لك اجازة يومين محمد : .. انشالله خير ... قام من على السفرة الي كلش ماذاق منها ولاشي وراح لداره وهو يفكر قعد على سريرة ورخى راسه على المخده .. وصكر عينه بتعب من كثرة التفكير .. صار له يومين ماارقد رقدة مريحة .. كلها تقلبات .. وشك .. انطق الباب محمد: اتفضل يبا بو محمد : محمد ابوي .. ابيك تودي هالظرف لعمك محمد وهو يبتسم بانتصار : انشالله يبا تامر امر بومحمد: مابتقوم تقعد تشرب جاي ويانا؟ محمد: لا كاني قايم .. الحين باييكم قام محمد من على الكرسي الي قعد عليه من عقب مادش ابوه وحس بانتصار كبير ,.. اخيرا بيلاقي سبب يروح فيه بيت عمه .. هين يالعنود نهايتج على يدي.. صدقيني .. مااكون محمد لو ماعرفت نهايتج .. وقصتج .. رد الغيض يجتمع فيه لكن حاول يخفف من حدته لكن للاسف هالشي يتعلق بعنود حبيبته .. وخيانتها له .. شي مب سهل يتقبله ^^^^^^^^^^^^^^^^^^^^^ حمدان : بتشوف انا قايل الزعيم عيناوي يابر (ربيع حمدان وخطيب نجلا ) : بنشوف شو النهايه حمدان : طبعا الفوز عيناوي يابر : شششش ربيعتي متصله حمدان : ههههههه ارمسها ارمسها بس هب هني ابا اشوف المباره روح بره وارمسها يابر: ياخي شو اسوي ابها حاشرتني حمدان : اوفففف صدق هايل البنات ماينعطن ويه .. اونه مرة خبرتها انها حلوة خلااص اغترن بجماهلن مالت عليهن يابر: عاد كل شي ولا البنات .. احلى مافي الدنيا حمدان وهو يسايرة: هيه هيه يابر: بلاك؟ حمدان: ماشي .. احينه بتصخ ولاشو؟؟؟؟؟ صخ يابر وهو يتابع فيا حمدان الكورة .. رد تيلفون سيف يرن .. حمدان : سير رمسها برا نحن نبا نتابع المبارة .. شو ها حشرتنا ضحك يابر ع حمدان ويلس يخرب عليه ويزعجه لين اخر شي ظهر يرمس البنت برا فها الوقت نجلا كانت ظاهرة للمطبخ الخارجي عسب تاخذ بعض الاغراض الي طالبتنهم امها كانت لابسه شيله البيت البيضا وسايرة المطبخ شافها يابر وتم فاتح ثمه .. شو من جمال عليها .. صراحة حتى حمدان وهزاع حلوين يعني اكيد بقيه عيالتهم تينن .. معقوله ها بنت عمتيه .. ياربي ع نعومتها وجمالها رد الميلس: حمدانوه ابا اتزوج حمدان : ازوج شو اسوي يعني املج بكم؟؟؟؟ يابر: حمدانوه رمس شرات الناس حمدان : اشو تباني اقول تابا اتابع المبارة احينه كم مرة رامس انته؟؟؟؟ يابر : اشو فيها يعني بتطير المباره احينه؟؟؟ حمدان : اففففففف منو تعيسه الحظ؟ يابر : ختك حمدان: شووووو؟ يابر : ختك حمدان : هيه .. ليش ماتتيوز وحدة من الي ترمسهن؟ يابر : يابوك ها بس تسليه وتقضيه وقت فراغ حمدان : يابر صحيح انك ولد خاليه واحترمك .. بس تراضاها ع وحدة من خواتك ايهم واحد مازلجي ويبا ياخذ وحدة منهن؟ يابر : اقولك تسليه .. تسليه ماتفهم .. انا احب اختك .. وانته تعرف بها الشي حمدان : ودامنك تحب اختيه شحقا ترمس بنات الناس وتلعب ابهن يابر : والله اني ماشفت وحدة منهن ولا لمست شعره من ينبها .. انا بس ارمسهن حمدان : الناس سمعه يا يابر وهب سهله تشوه سمعت الناس يابر باحراج خفيف: هن يبيعن سمعتهن هب انا .. حمدان : ولو يا يابر .. انته جذه تساعدهن ع الخراب يابر : امممم حمدان ابا ماي حمدان وهو يرد يطالع شاشه التيلفزيون : اخرتني ع مباراتي ورمستك بعد وتبا ماي .. ماشي يابويه .. تبا سير بنفسك .. هب متفيج لك انته الثاني يابر وهو يبتسم بصدق مشاعر: اسير انا ؟؟؟ حمدان: سير مرخوص .. وايب وياك فيامتين سي يابر وهو يبتسم : اوكي ماتبا شي ثاني؟ حمدان : صخ يابر وهو يضحك:صخينا صخينا ظهر يابر متوجه للمطبخ الخارجي ياترى شالي بيصير بين يابر ونجلا؟؟؟؟ وهل معقوله كلام حمدان بيأثر ع يابر؟؟؟ وكلام حمدان هل هو صحيح ولا بس يبا يفتك من حشرة يابر؟؟؟ ^^^^^^^^^^^^^^^^^^^ يوم الخميس قمنا من الصبح وانا عيوني شوي وتغمض اووووووووف تعب مريوم : يزوي (وهي تتثاوب) باغيب اليوم يزوي وفيها رقاد: ماما مابترضى يلا قومي مريوم : فيني رقاااد(وهاي تتثاوب) يزوي الي اعطست : عيل انا شاقول زكمانه وحاله وبعد بروح المدرسه اوووووف شالتعب مريوم : اوفففف وين ثيابي ماطلعتهم امس يزوي وهي تضحك: لاتطلعين اعذار يلا قومي مريوم وترد تتلحف بالفراش يزوي : احبك احبك واموت فيك مريوم بلقافه :منوووووووووووووووووووووو� �ووووو .. منوهاي الي تحبينه وتموتين فيه يلا قولي (فديتها مريوم ملقوفه نفسي خخخ ماخذتها من حد غريب خخخ) ؟؟؟؟ يزوي وهي ترمي نفسها عالفراش : السرير من غيره مريوم وهي تضحك : ويه مالت عليج عبالي صج هه(وتسوي مالت على ويه يزوي) ومااقول الا مالت عليج وعلى حبج بعد يزوي وهي تطلع لسانها لمريوم : احتري واي فديييييييييته مريوم وهي تكمل بدالها وتقاطعها : ريلي يزوي : ههههههههه مالت عليج انزين مريوم : مب انزين .. ويلا طلعي ابي البس يزوي : باطلع اصلا باروح اسلم على امي وابوي مريوم : روحي ودعي حبيبج يزوي : فديته ودعته من مساعه ههههههههه مريوم: ههههههههه ( وصكرت الباب وبدلت ونزلت) مريوم: اووووووه قاعدين تتريقون ولاتقولون افا بس افا محد يعزم؟ يزوي: اوففففف وينهم جمول وجواهروه وبدوروه للحين ماياو؟؟؟ مريوم وهي تاكل وتتحجى: يمكن يتريقون بو اليازي بصوت جاد وحازم : مــريم مريوم غصت وتمت تكح بصوت عدال : نعم بو اليازي : مليون مرة قايل لج لاتتحجين وفحلجج اكل .. وانتي اليازي نطريهم برع من تقعدون انتو الثنتين عالسفرة الهذرة والسوالف تارسه البيت .. بس يلا سكتو يزوي وهي تضحك على مريوم وتسوي لها حركة ويوووووووووووووووووووووو هاوشوها اما مريوم وهي كاتمه ضحكتها عن يذبحها ابوها وتسوي حركه ليزوي يعني هين وتمو ينتغزون بعض لين ماانضرب هرن عند باب البيت يزوي : يلا كاهم ياو يلا باااااااااي مريوم وهي تسوي لها باي: باااااااي امج وابوج فمخباي وبعدين جافت ابوها وهي تقول : مع السلامة ..(وهي تحاول تخلي ملامحها جاده) يلا يبه بنتأخر وهي خايفه لا ابوها يكسر الصحن فويهها لانها قالت غمخباي وهالحركات بو اليازي : يلا امنه خلصتي امون: ايه ايه ايه خلصت بس مريوم قعـ تزط مريوم وهي تكح : ويه فديتني بالعافيه على قلبي .. حشا حتى لقمتي ماخليتوني اكملها (وتمت تكح ) امون: بل بل بل كل هاي عشان قلت اتزط .. جذاااااااااااابه وحدة مريوم وهي خافت ان ابوها بعد كشفها : يلا يلا تحركي ورانا مليون حد نوصله تحركو امون ومريوم وراحو سيارة ابوهم ومروا على ساروه ورغود وامول لانهم بنفس المدرسه اما فسيارة البنات دشت يزوي وهي تضحك : السلامو عليكمو الكل: وعليكم السلام يزوي: شلونكم الكل: بخير فيصل : الحمدلله تخرعت يزوي هاي من وين طلع همست لجمول: شصاير هاي بيودينا؟؟ وين الصبي؟ جمول وهي تتهامس مع يزوي : شدراني الصبي اليوم ماادري وين مودينه فـ فيصل بيوصلنا!! يزوي :؟؟!! بدور: ها اجوفكم اليوم هادين على غير العاده؟؟ يزوي: تونا داشين حشا نبي نتفس؟ بدور: لاعجيبه .. وغريبه بعد يزوي تسكت دقيقه .. شي مستحيل ؟! يزوي : ليش شـ جايفتني؟؟ بدور : يزوي ماغيرها يزوي: لا والله؟ بدور : والله جمول: انزين بس بس بس اوف بدو فيصل وهو يضحك عليهم ويجوف يزوي من المنظره اما الي بالسيارة تمو شوي هاديين جمول : يزوي يزوي وهي تصد صوبها : ها جمول: حليتي الواجب يزوي : هههههه ايه وكتبت لج بعد جمول: اوف ريحتيني يزوي : ههههههههه .. اقول جواهروه شكلها رقدت ناديها قولليها للحين مابدت الحصه لابدت الحصه خل ترقد الكل: ههههههههههههههههههههه جواهر وهي تضحك: ههههههههه يزوي يالدبه انزين مارقدت عبالكم انا نفسكم حشرة ومزعجات يزوي : ههههههه أي باين وخصوصا.. جواهر وتقاطعها وتسكتها : بس جب جب الكل:ههههههه وصلو المدرسه ونزلو كلهم يزوي اتأخرت شوي لانها اخر وحدة وتوها بتنزل فيصل : يزوي يزوي وهي تطالعه: هلا فيصل : قولي لابوج اني بايه اليوم عشان اقوله فمال الشركه وهاي الاشياء يزوي: ليش ؟؟ انته ماراح تجوفه فالشركه؟ فيصل : لا ياحبـ ( نسى نفسه جان يقول) ياحبيبه ابوج انا عندي محاظرات يزوي : اوكيك اصلا يزوي ماانتبهت للكلمة عشان جي مشتها وطلعت ؟^^^^^؟^^^^^^^^^^^ ...: يلا عاد نش فهد وهو نايم: شو بناااااام عليا: فهـد يلا عاد فهد وهو نايم ومايرد عليها :..... عليا : فهود يلا .. فهودي حبيبي انته قوم يلا بتتأخر؟ فهد وهو يفتح عين وحدة : شقلتي؟ عليا وهي تبتسم: شو ماقلت شي؟ فهد: تحسبت عليا وهي تضحك: مابتسير اليوم؟ فهد : لا عليا : ليش؟ فهد وهي يقرب منها: لان عنديه اجازة وحرمتيه المصون ماتعرف انه اليوم خميس عليا وهي تضحك : اووووووووه صح نسيت ههههههه فهد : علني فدا هالضحكه عليا بخجل وهي تبتسم فهد: ردينا ع المستحى ضحكت عليا ع لهجه فهد : ههههه فهد: علايه حبيبتي اليوم بنسير المطعم مع البنات والشباب عليا: اووووكي .. اممممم شو البس فهد: كل شي عليج حلو عليا بخجل: تسلم .. عيونك الاحلى فهد : الحين ممكن من حرمتي العزيزة تبند الليتات ابا ارقد عليا وهي تضحك ع فهد: ههههه هيه ممكن مرت الساعات والساعات ويا وقت الظهر والشباب والبنات يتبرزون للسيرة فهد اتصل بغايه لانها تاخرت وهم فالسيارة ينتظرونها فهد : غايه وينج يلا اتأخرتي غايه : احينه بانزل انتظروا ربع ساعه وهزاع معصب عليها ليش انها متأخرة وصلت غايه بعد مرور ثلث ساعة وفهد من جافها طلعت من البيت شغل سيارته عسب يسيرون ظهرت غايه وهي سايرة لسيارة هزاع فتحت الباب الامامي هزاع: يلسي ورا حمدان بيي ويانا غايه حست بتوتر شديد عشان موقف ريموه من الي صار لهم ماتتوقع ريموه بتسامح هزاع بسهوله يلست ورا غايه وهي مكتئبه وصلو لبيت بوحمدان الي كان مجابيل البيت اتصل هزاع بحمدان هزاع: الو حمدان: مرحبا هزاع: مراحب .. يلا ظهروا نحن الحين عند بيتكم حمدان :يلا ياين صكر حمدان عن هزاع وراح لغرفه اخته ريم لقا نجلا يالسه عد ريم نجلا: يلا ريوم خلينا نسير رباعة بنستانس والله ريم ودموعها بدت تتجمع فعينها وهي ماتناظر نجلا: مابا اسير يعني مابا اسير نجلا: انزين ليش؟ ريم: بس جذه مابا حمدان وهو يدش الغرفه: يلا يلا بنسير .. ريموه ليش ماتجهزتي ريموه : مابا اسير حمدان : شو صاير بالدنيا؟ ريموه ماتبا تظهر وشي طلعه؟ ريموه : مابــا حمدان: ع هواج .. يلا نجول نجلا: وبنخلي ريم فالبيت ؟!!!!! حمدان : ماتبا تسير شو نسوي الها؟ ريموه انقهرت من حمدان ليش انه مااصر عليها تسير وياهم ظهروا حمدان ونجلا من الحجرة اما ريموه ركضت بسرعة وفتحت الباب على الخفيف كانت تبا حد يرد لها ويقولها تعالي ويانا وهي بتسير لكن للاسف محد التفت الها .. محد مهتم لها .. محد يحبها ... حتى غويه مااتصلت تتطمن عليه ردت صكرت الباب وقفلته ودموعها نزلو على خدها تمت تصيح .. هي مالها ذنب بالي سواه هاك الريال ليش هزاع جي سوا فياي .. انزين ليش ماسوا لغويوه بس انا ؟؟ لهالدرجة يكرهوني محد يحبنيه .. كيف بيحبني وها ولد عميه .. وخويه الي خويه مااهتم ليه هزاع : يامرحبا يامرحبا بنـيلا شخبارج وينج ماتبين؟ نجلا بخجل كبير : المرحب لاهان .. الحمدلله .. هيه بسبب الجامعه هزاع :هييييه يلا موفقه هزاع كان يحترق يبا يعرف للحين ريموه زعلانه .. وشي مستحيل ريموه تفوت طلعه .. ياترى شالي صار بين هزاع وريم؟؟؟؟؟ وهل الي صار امبينهم شي كبيــر ؟؟ | ||||
|
| |
|
24-03-13, 01:13 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فسيارة فهد كانت السوالف ماخذه عليا وفهد .. فهد حس بالارتياح الكبيـر من تغير عليا ومن بين ماهم يسولفون يرن جوال عليا طالعت الشاشه مستغربه جافها فهد : ردي؟ عليا : الو ريم وصوتها مبحوح : مرحبا علايه عليا باستغراب شفيها ريم؟ : اهلين ريم .. شفيج .. ليش مارحتي وياهم انتي فالبيت؟! ريم: هيه مارحت .. مابا عليا: ليش ريموه وخانقتها العبرة : بس جذه مابا اسير عليا : ريموه سير بدلي ملابسج نحن مارينج انا وفهد ريموه: مابا .. مابا عليا: ماشي .. نحن ياينج .. يلا سيري اتزهبي ريموه : اسير؟؟؟ عليا باصرار: هيييييه يلا سيري بدلي وتجهزي ونحن مارينج ريموه وهي تبتسم : اوكي صكرت عليا عن ريم فهد: شو فيها؟ عليا: ماكانت تبا تسير فهد: والحين؟ عليا : خلاص بتسير بس هب وياهم تبا تسير فيانا فهد وهو يبتسم : جيه شو بلاها ماتبا تسير فياهم لايكون متضاربه ويا غايه؟ عليا: مااعرف بس فصوتها شي نبرة غريبه فهد: ع خير .. يلا بنسير لها عليا: اوكي ^^^^^^^^^^^^^^^^^^^^^ ساروه : جموووووووول جموووووووووول .. تعالي جوفيه .. ماشالله عليه .. واي عذاب عذاب عذاب جمول: ايه ماشالله عليه حلو ساروه : الا يهبــــــــــــــل جمول : انزين قومي من على الكمبيوتر ابي اقعد عالمسن ساروه ويه تصرخ : اكا بعد صورة .. تعالي تعالي خل نسوي سيرج (بحث) .. عن صوروه فديتج جمول الله يخليج جمول: بس قطعتي الريال حليله اكيد احين يحس ان اذنه صارت طبول من كثر ماتتحجين عنه ساروه : واي يهبل اينن (وهي تمسك التيلفون وتتصل لرغود ومريوم بنفس الوقت) .. فتحو مسنجركم باطرش لكم صورة تهبــــــــــــل مريوم: صورة؟؟ وتهبل ؟؟؟ خخخ اعرفج سويرة ماعندج ذوق رغود: صوووووووووورة من؟ ساروه: واي واي مريوم تهبل الصورة اينن رغود بلقافه: منو هااااااي؟؟؟ مريوم: توقعت انه ريال .. حش انتي ماتجوفين الا صور الريايل؟ ساروه : ياحمارة هاي مو أي احد واي واي بيغمى علي .. رغود: انتي لو تجوفين جيكر تقولين يهبل مريوم : ههههههههاي رغود: هههههههه ساروه: بس يلا جب .. انتو لاجفتوه بتقولون ساروه قالت .. وبعدين ست رغود هاي خلقه الله انزين رغود: هههههههههه انزين مريوم : يلا دشت وقعدت ساروه تطرش لها كل الصور ورود وقلوب وصور حلوة .. صكرت ساروه التيلفون بعد عشر دقايق .. وكانت الساعة تقريبا 4 ونص رن التيلفون بما ان ساروه الاقرب ردت عالتيلفون ساروه : الووووووو ..الوووووووو جمول كانت قاعدة تقرا درس اليوم لانها ماحضرت الحصه كانت عند الممرضه راسها كان يعورها .. خافت .. لايكون ذاك الريال .. لالالالا يارب لا ساروه صكرت السماعه باستغراب وردت تتحجى عالمسن جمول: يلا خلصي عندي بحوث ابي اظهرهم ساروه: يلا يلا اخر شي جمول: من نص ساعة وانتي تعيدين نفس الحجي ساروه: يعني شلون اطلع واخلي البنيه تهذر ويا عمرها جمول: مشكلتج .. يلا عاد ساروه : اووووووووووووه .. انزين جمول: لاترفعين صوتج ساروه: اوكيك اوكيك سوري مدام جمول : مدام فعينج انزين ساروه وهي تتحجى فالمسن جمول بقله صبر: يلا عااااااااااد ساروه: اكا اكا باقولها مع السلامة جمول: ومن مساعة شتسوين؟ ساروه: اوففففف حتى الكمبيوتر يهاوشونا عليه لاحول جميله وهي تقعد عالكمبيوتر : امممممممم .. لاتتحلطمين يرن التيلفون وجمول: سوير ردي ساروه من الصاله: ايم سو سو سو سوري ردي انتي التلفون عندج جمول بعدم اهتمام : الو الطرف الثاني: هلا جمول وهي خايفه وطلع ظنها صحيح ان الريال ماراح يخليها فحالها ياترى شبصير؟؟؟؟؟؟؟ ^^^^^^^^^^^^^^^^^ فغرفه عامها الظلام .. ومافي منها غير صوت الشهقات الي تطلع .. وصياااح وانين يعور القلب من بين صياحها رن التيلفون الي رعش قلبها خافت لايكون اهو لالالا مستحيل وردت تصيح مرة ثانيه رن راحت وجافت رقم تماظر على طول رد ..: الووووووووو تماظر: مرحبــا .... ماينسمع الا شهقاتها تتوقعون من؟؟؟؟؟؟؟؟؟؟ عوش: تماظر تماظر: هلا عوش: تماظر مااقدر اعيش ابي اموت ابي اموووووت تماظر وفيها البجي" عوش حبيبتي .. لاتقولين هالكلام .. انشالله خير .. انشالله مايصير شي فيج عوش: وابوي وابوي الي تشل بسبتي .. بسبتي انا .. (وتمت تصيح) تماظر وهي تحاول تهديها : عواشي حبيبتي .. انشالله مافيه شي .. وانشالله خطيبج يرد لعقله عوش وهي تصيح: أي عقل .. عقب الي سواه فيني تظنن فيه عقل تماظر وهي تهديها: حبيبتي عواش لتصيحين خلاص الحين مايفيد الصياح عوش وهي تصيح من دم قلبها: اعرف مايفيد اعرف.. بس هاي وسيلتي الوحيدة .. شبيدي اسوي شبيدي؟؟؟ تماظر ودموعها نزلو على حال رفيجتها : عوش خلاص حبيبتي عوش: اعرف اني تعبتكم وياي وبمشاكلي .. بس بس (وردت تصيح) تماظر: عوش لاتقولين هالكلام الا والله مانكلمج .. وبعدين احنا رفيجاتج عوش: رفيجاتي أي لكن شكثر بتتحملوني وبتتحملون مشاكلي ؟؟؟ تماظر : ياحبيبتي ياعواش احنا رفيجاتج والرفيجات مايتخلون عن رفيجتهم فوقت الشدة عوش: ياليت اموت ياليت تماظر وبدت تصيح ويا رفيجتها : عوّش والله ان تحجيتي جي لاذبحج والله عوش: اتمنى الموت ياتماظر اتمناه تماظر وهي تصيح ويا عايشه : عووش حبيبتي لتقولين جي حرام خلاص عوووش: انا هدمت كل شي بيدي كل شي تماظر: عووش الحياة يدامج .. و و تقاطعها عايشه : شتقولين ياتماظر انتي تبين تبنين عندي امل وحياتي كلها الم الله يخليج تعودت عالالم حتى الامل الي كل حد يتامله لمشتقبل حلو تحطم تحطم تعرفين الزجاج اذا نرمى عالكاشي صعب يرد مثل ماكان صعب صعب .. اقول تماظر اسمع صوت ابوي يمكن محتاي شي .. يلا اكبمج بعدين تماظر وهي تمسح دموعها : اوكي حبيبتي مع السلامة ^^^^^^^^^^^^^^^^^ كانت منثرة المجلات على الطاوله الي جدامها وقاعدة تقرا فمجله زهرة الخليج ايي فيصل الحديقة جافها قاعدة عالكرسي والمجلات حوالينها وهي تقرا بملل فيصل : سلام يزوي وهي ترد نفسه: وعليكم فيصل: شتسوين؟ يزوي بملل وهي ترادده:/ شتجوف؟ فيصل : حشى مب لسان .. جي تردين؟ يزوي: وانته جي تسأل؟ فيصل : بل بل مايسوى تجينا وياج سكتو فترة .. وفيصل تملل من السكوت فيصل : درستي يزوي وهي تقرا بتمعن: يس فيصل : انزين روحي درسي مرة ثانيه هاي ثالث مو أي شي يزوي وهي تصكر المجله : درســــــــــت اوف والله .. شكثر ادرس باموت حشى .. ابي ارتاح شوي .. شنو هاي ملل .. دراسه × دراسه فيصل : وشرايج بالي يطلع من الملل يزوي: ياحسرة منو هاي؟؟ لايكون انت؟ فيصل : وشفيني انا مو عاجبج ولا مو قد مقامج؟ .. ايه انا يزوي: احين من الي لسانه يلوط اذانه انا ولا انته ؟؟ فيصل: انتي يزوي: ايه باين .؟. صراحـــــه باين فيصل: مالت عليج ماتنعطين ويه يزوي : اوكيك روح للي ينعطون ويه .. وردت تقرا المجله قهره برودها يحبها يبي يبين لها بس مو عارف شلون .. اصلا اهي ماتعطي فرصه .. اخ اخ بس لو اقدر افهمها اخ فيصل : انزين بتين ولا لاء يزوي: لاء انزين عشان مرة ثانيه ماتعصب علي ضحك عليها : ههههههههههه متى عصبت احين انا؟؟؟؟؟؟ يزوي: توة من شوي وتصرخ علي بعد فيصل : خلاص لسموحة .. يلا باطلعج عشان ترضين شتبين اكثر ؟؟؟ يزوي : اوكيك من بيي ويانا؟؟؟ فيصل : مااعرف .. روحي جوفي يزوي وهي تبتسم : اوكيك باجوف ياترى شبيصير ؟؟؟؟؟؟؟؟ ^^^^^^^^^^^^^^^^^^ فبيت ثاني من الدوحة وبالاخص فالمكتبه كانت العنود تقرا فكتابها ومندمجة وعصير البرتقال عندها تشرب شوي وتقرا ماباقي شي على الامتحانات الا شهر لازم تشد حيلها وهي منمجة وتقر ينطق الباب لبست شيلتها اكيد يايبين لها الايكسريم قالت بصوت عالي : تفضل لكن خاب توقعها ماكانو يايبين لها الايسكريم كان كان .. كان محمد محمد: السلام عليكم استحيت من طريقه لهجتي وصوتي العالي : وعليكم السلام ياترى شبيصير بين محمد والعنود؟؟؟؟ هل بيصير شي بين هزاع وريم وغايه؟؟ ويغير مجريات القصه؟؟؟ ولابتكون الامور عاديه؟؟؟ ياترى شالي بيصير بين يابر ونجلا؟؟؟؟ وهل معقوله كلام حمدان بيأثر ع يابر؟؟؟ وكلام حمدان هل هو صحيح ولا بس يبا يفتك من حشرة يابر؟؟؟ فيصل واليازي .. ما تكلمت عنهم وايد .. ياترى صار بينهم شي؟؟؟ ريم شصار بينها وبين هزاع ؟؟ معقوله يكون شي كبـيـر وايد ؟؟ شنهايه الاتصال الي كل يوم ايي فبيت جميله؟؟؟؟ العنود ومحمد .. هل هو اليوم .. هو اليوم لكشف الحقيقه؟؟؟!! ولا .. بيصير شي ؟!! واذا بيصير شي شنو؟؟؟ واذا ماصار شبيكون موقف الاهل من محسن والعنود؟؟؟؟؟؟ كل هاي بنعرفه فالجزء الرابع الجزء الرابع كانت العنود تقرا فكتابها ومندمجة وعصير البرتقال عندها تشرب شوي وتقرا ماباقي شي على الامتحانات الا شهر لازم تشد حيلها وهي مندمجة وتقرا ينطق الباب لبست شيلتها اكيد يايبين لها الايكسريم قالت بصوت عالي : تفضل لكن خاب توقعها ماكانو يايبين لها الايسكريم كان كان .. كان محمد محمد: السلام عليكم استحيت من طريقه لهجتي وصوتي العالي : وعليكم السلام محمد وهو يجوفني بنظرة غريبه .. ممممم مااعرف كيف افسرها لكم .. لكن ارعبتني .. وخفوقي ايل كانت تنتظرة بشوق صارت تناظرة بخوف وجزع محمدبسخريه : شتسوين؟ العنود وهي متضايجة من اسلوبه : ادرس محمد وهو يجوفها بمكر او خبث او غضب او او .. مااعرف مااعرف شلون اعبر لكم عن نظراته الي موجهه صوبي ااااااااااااه ياربي ليش انا يصير فيني جي ليش ليش؟ تعوذت من ابليس ورديت ابتسم بصعوبه : عسى ماشر .. ياي بيتنا طالعتها بمكر: ليش منو تبين ايي بيتكم غيري؟ انصدمت منه شفيه اليوم علي ؟ .. شسامع عني؟ : اقصد عندك شي معين؟ محمد: ولازم يكون عندي شي معين عشان اتطمن على عمي وعياله سكت عنه ورديت اطالع دروسي واكمل حفظي بعد فترة من غيض محمد وهو يحاول يكبته محمد: الا بغيت اسألج رفعت عيني له : تفضل!!!!!! محمد: شخبار اخوج ناصر .. انشالله مرتاح طالعته شفيه اليوم يلمح لشنو؟؟؟؟؟؟؟:........... محمد: ليش سكتي؟ العنود ردت تدرس مما عصب هالشي بمحمد : استعدي بعد هالشهر زواجنا العنود كانت معصبه حدها وردت عليه باسلوب خايس: انا ماابي اتزوج؟! محمد وهو معصب: ليش خايفه من شنو؟ ولاتنتظرين من؟؟؟؟؟؟؟؟؟؟ ولا لايكون حاطة عينج على احد واحنا ماندري؟ بعد تسونها هالايام كل شي منكم متوقع قامت العنود من كرسيها بغيض كبير: هالشي على مااظن يخصني .. وانته مالك دخل فيه قام بغيض واعترض طريجها وقال لها : سمعيني يالعنود .. انا اعرف كل شي عنج سواء صغير او كبير .. فاحسن لج اعترفي منو ذاك الريال الي تحاجينه وتطلعين وياه قولي انصدمت العنود .. شلون درا؟ معقوله نصور الخايس قال له.. لالالا ياربي مو فاضيه لمشاكل ااه ياربي ارحمني.. صرخت بهالكلمات :....... مايخصك .. مايخصك وهو اير يدها بقوه وبعيونه كل شياطين الدنيا كان مثل عود الجبريت الي اذا ولع يبي من يطفي ناره .. لكن وين تطفى هالنار والعنود اعترفت جدامه .. منو هاي حبيبها .. منو الي خذاها مني .. مستحيل يالعنود اخليج تتهنين وياه مستحيل .. وهو يصرخ بهالكلمات الي هزت قلبها من الخوف: جب ولاكلمة ياخايسه .. حرام اوصخ لساني عشان وحدة مثلج ماتستاهل؟! وتم يصرخ عليها وهي تصيح : ومدام مااستاهل شحقه بتتزوجني؟ وهو يصرخ عليها وكل غيضه يطلعه فيها : عشان مااخليج تتهنين وياه .. انتي لمحمد بالاسم وبس.. هين هين ان ماوريتج النيوم فعز الظهر مااكون محمد .. وخليني على بالج زين .. عقب شهر بالضبط بعد اسبوع من تخلصين امتحاناتج زواجنا بيكون .. مب حبا فيج .. لكن انتقاما فيج ,," وهو يرميها على اقرب كرسي " .. (وقال بتهديد)خل احس انج لعبتي من وراي .. ولاظهرتي من دون اذني واذن عمي .. والله(بصوت عالي) .. وهاي انا حلفت .. لتشوفين شي عمرج ماجفتيه ولاتخيلتي فاحلامج وكوابيسج يصير لج .. " صرخ باعلى سوته" وين تيلفونج وينه؟ العنود وهي تلملم على نفسها : مابعطيك اياه مايخصك فيني مايخصك .. اكرهك يامحمد اكرهـــــــــــك محمد: وانا اكرهج اكثر .. لكني ماراح اخليج تتهنين ويا هالخايس العنود: انته الخايس محمد وهو يضربها : وتدافعين عنه .. تدافعين عن هالحثاله الي مابيسوي لج شي .. صج انج مامتربيه .. حسافه .. حسافه انج بنت عمي .. انتي ماتشرفينا انج تكونين من عايلتنا ! العنود بغيض وهي تصيح : ولا انته تشرفني تكون ولد عمي محمد: ذلفي دارج يالخايسه ذلفي من حسن الحظ بو ناصر والاهل محد كانو رايحين يتشرون فالجمعيه وماكانت فالبيت الا عنود ياترى شبيصير؟؟؟؟؟؟؟؟؟؟؟ ركضت العنود على دري البيت متوجهه لدارها تحمل معاها اشجانها وحزنها كانت تركض عالدري مثل الملهوف الي يحتاج للماي وهي رافعه طرف جلابيتها حتى تساعدها على السير بسرعة اما محمد فتوجهه للباب باسرع مايمكن ^^^^^^^^ اما بهالوقت فسيارة تمشي ويعمها الازعاج الي يسوق مستانس على سوالف البنات ويضحك عليهم بعد فترة يجوف فالمنظرة اليازيه لكن ولامرة طاحت عينه بعينها وحمد ربه على هالشي بدور: والله ضحكنا عليها ضحك ههههههههههههههههههههههههه ه يزوي : ههههههههههههههه حرام عليكم هههههههههه واللهـ هههههههههه واي مااقدر خلاص انجبي بدور: هههههههههههه والله مسكينه يعني من صج فشله مريوم: هههههههههه يزوي: لا احنا مرة يوم كنت جي كبرج (تقصد بدور) انزين عاد كنا بحصه احتياط وكنا نلعب لعبه يعني يا يسئلونج سؤال ياتسوين شي يامرونج فيه .. عاد هالمرة انا اخترت فعل .. تخيلو شقالووووووو؟ ( يلا يااعضاء تخيلو وياهم ) بدور بلقااااااافه: شنو شنو شنو ؟؟؟؟؟؟؟ مريوم: شقالو؟ فيصل : ايييييييه انتو بس خلاص عورتوا راسي من كثر ماتسولفون وتضحكون بدور: احين انته ليش محتر ..؟؟؟ عشان احنا نسولف ولا انه محد ماعطك ويه :؟؟؟؟؟؟؟؟ فيصل : لا والله لتخليني انزلج هني بدور: هههههههههههه انزين خلاص اسفه اسفه .ز تسويها والله وهو يمشي ويسمع سوالفهم مرت من عندهم سيارة فيها شباب .. والشباب الي فيها مطلعين عيونهم ويطالعون البنات الي فسيارة فيصل .. وفيصل ماكان منتبه لهم لانه كان يسمع سوالف البنات ويضحك وياهم ×× فالسيارة الثانيه ×× الاول: جوفوا هاي الي البنات تارسين سيارته ياعيني شحلوهم الثاني: اااااااااخ اطير العقل هاي الي بشيلتها الوان ماادري شنو (بدور) الثالث: لاه لاه هاي حلوة الي قاعدة ورا ام شيله ملونه .. اخخ شحلوها (اليازي) الاول: الثالثه ماتبين عدل قعدتها مب عدله ماتبين الثالث: ياويل حالي من جمالها الثاني (وهو يطالع اليازي) : أي والله حلوووووووووة قطعه قطعه (يعني حلوة وايد ) الاول: ياخي خل يعطينا ثنتين ويتهنى بالثالثه .. حشى طماع يبي يتولاهم ثلاثتهم بوقت واحد الثالث: اخخ جوف ابتسامتها ياربي تذبح شحلوها الثاني : كبس له خل يوقف لنا (وهو يغمز لهم) يمكن يعطينا ثنتين الاول: روح زين الثالث: ليش لا؟ الاول: رايكم اكبس له الثاني+ الثالث : ايه الرابع : شفيكم ماتقولون هاي اخوهم ليش ماتفكرون الاول: تحجى تحجى المطوع .. ياخي ماتبي احنا نبي اوف الرابع: انتو ليش جي .؟ ليش تغيرتوا؟ الاول: وهالزمن فيه شي مايتغير؟؟ اشك بشي واحد الي هو انت وتفكيرك العوي الرابع : يعني عشان مااغازل صار تفكيري عوي؟ الثالث وهو يطالع اليازي الثاني يضربه: بس شفيك جي مبلم الثالث: ياعيني جوفها جوفها والله احلى ماجافت عيني فيصل فهالوقت لاحظ نظرات الشباب وقف السيارة على جنب وسيارة الشباب بعد وقفت بس جدامهم بعيد شوي فيصل كان معصب وغيضان والبنات توقفوا عن الحجي والضحك يوم لاحقو ملاحقه الشباب وغضب فيصل وهو يفتح باب السيارة وطالع متوجهه لهم بدور بخوف كبير: فيصل خلاص خلهم يولون فيصل بعصبيه كبيرة وغضب شديد: انتي جب ولا كلمة ولاوحدة فيكم تتحجى مريوم بخوف وهي تناظر يزوي وبدور: شسالفه بدور بعصبيه : يعني ماتجوفين هالخياس ملاحقينا فيصل عصب زيادة ونزل لهم وراح للسيارة وصل عندهم وفتح الباب الجدامي للي يسوق ومسكه من ثوبه صوب رقبته : شفيييييييييكم ليش ملاحقينا؟ الاول: ياخوي كنا مشبهين عليك واحد من الربع .. وقلنا نسلم عليك .. لكنك طلعت واحد ثاني فيصل وهو يطالعه بنظراات غضب كبيرة ترك يدينه الي كانو ضاغطين على طرف رقبه الريال وقال : اتأكدوا مرة ثانيه وهو يرجع لسيارته .. رد التفت .. : ورفيجكم تاذونه وويا خواته؟ الرابع : اسمح لنا يالشيخ تركهم فيصل وهو يغلي ركب سيارته وماهي الا دقايق وتختفي سيارة فيصل من عيونهم الاول: اخخ يالقهر هاي جي يسوي فيني اخ بس اخ الثاني : خلاص عمور خله يولي الاول(عمر) : وهو يطالع الشارع جدامه وهو مشتط على فيصل الرابع بدون مبالاه : يزاكم واقل .. جي تبون تتعرضون للريال وخواته؟ عمر (الاول) : سكتوا هاذيه لاارتكب فيه جريمة الحين الشباب يحاولون يهدون عمر ويسكتون رفيجهم الرابع ^^^^^^^^^^^^^^^^^ وصلنا المطعم ويلسنا كلنا هزاع : غريبه ؟؟ حمدان وهي يجوفه: وشو الغريبه؟ هزاع : فهد وحرمته ظهروا قبلنا شوفيهم اتأخروا حمدان وهو يضحك : ياريال شو بلاك .. خلهم معاريس ع كيف كيفهم هزاع: اي معاريس بيكملون الـ 3 ماادري 4 اشهر حمدان: ماعليه معاريس يدد هزاع: هيه نجلا: شوفيج حببتي غايه ليش زعلانه غايه وهي تتحجى وهي هب طايقه حالها : ماشي ناظرها هزاع بغضب تجنبت نظرته .. من هاك اليوم الي صرخ عليهم ..وهو يعاملها بجفاء وحقارة حمدان: بلاكم؟ هزاع: جي شو بلانا ؟ حمدان : مااعرف احس الجو متكهرب للحين ماكمل جملته الا وتيلفونه يرن غايه لا اردايا اطالعته اما حمدان رد وهو يضحك : هلا يابر: يامرحبا الساع حمدان: المرحب لاهان .. جيف الحال؟ يابر: تمام والله .. اقول حميدان بتظهرون اليوم ولا لا؟ حمدان : نحن ظاهرين ! يابر : جي وين سايرين حمدان : فهد عازم البنات ع الغدا ونحن سرنا فياهم يابر: هيه رازين الفيس حمدان وهو يضحك : هيه يابر: ياخي جي ترزون الفيس بتضايقون البنيات حمدان: غصبن عنهن نحن سرينا ومايخصنا جان يبونا ولا شوي وان فهد وعليا دخلو المطعم ووراهم ريم هزاع من شاف ريم قلبه تم يضرب طبول .. ياربي ياريموه انا اسف .. وربي اسف سامحيني ياحببتي ريم من دشت وحست انها مخنوقه معقوله هي وهزاع بمكان واحد .. وععععععععع .. طاح من عيني .. اكرهه اكرهه تجمعت دموعي فعيوني وحسيت فيهن انهن بيتساقطن من عينيه حمدان: ها ريموه اشوفج يتي؟ ولا ماتحلالج السيرة الا فيا عليا ريم وهي تتكلم عادي بدون اغاضتها المعتادة وترد بويه حزين : صخ مابا ارمس هزاع وهو يحس بالذنب اتجاه ريم كيف سمحت له ايده يمدها على اقرب الناس له : شحالج ريم؟ ريم وهي ترد بدون نفس وخاطره تقوم وتصفقه : بخير حمدان وهو يحس ان صاير امبينهم شي: شو فيكم ليش جي ترمسون؟ عليا وهي تقاطعهم: شخباركم ؟؟ الكل: الحمدلله غايوه: ريامي هب قلتي انج مابتين؟ ريموه وهي تحس بالغصه وتمنت لو انها مايت : نشدتني عليا ويت غايوه: اها ( وهي تهمس لها ) ريموه بيحسون غيري تعابير ويهج ريموه بهمس لها : مااعرف مااقدر مااتحمل هزاع وهو يشوف ريموه وويها كيف حزين واحمر صوب خدها اليمين مع انها محاوله تخفيه بالكريم يمكن محد لاحظة .. لكن كيف هو مابيلاحظة وهو السبب في وجودة حس بالاختناق فضل انه يظهر من المطعم .. انسدت نفسيته اكثر من ماهي منسدة .. لكن شيقول لفهد ؟؟ يقول رفيجه بغاه؟؟ بيي حمدان معاه؟! اااااااه ماقمت افكر ماقمت اعرف شو اسوي خلاص الي صار صار مابا اعيد واعذب نفسي يلست فمكاني وانا ابعد احساسي ابتسمت لاحظت نظرات نيلا صوبي الي حسستني .. شو صاير بينك وبين ريم؟ رجعت ناظرت حمدان الي كان يسولف فيا غويه وعلايه وفهد ..اطالعت ريم الي كانت سرحانه مااعرف بشو بس سرعان مارديت اطالعت فهد: شو بتطلبون؟ فهد : شو تبون؟؟ وتمو يطلبون كلمهم ويتحجون الا ريموه ماطلبت فهد: ليش ياريم ماتبغين؟ شوفيج اليوم؟ خزت غايوه ريموه بنظرة اما ريموه : امممممم عصير برتقال فهد: هيه وبعد؟؟ ريموه: بس؟! مابا شي ثاني فهد وهو مستغرب وقدم طلباته للغرسون وقعدوا يسولفون ريم وهي تكلم عمرها :انا ليش جي اسوي ؟؟ انا جي ابين له انه مهم مالت عليه انا لازم ابين انه مايهمني اكرهه اكــــــــــرهه :: علايه بتسافرون هالسنه؟ عليا : مااعرف ع حسب غايه : اوووووف نبا نسير مكان نبا نستانس ريم: هيه والله اما هزاع فكان مستغرب من تغير ريم فجـأة شصار لها؟؟؟؟؟ ^^^^^ صكرت التيلفون برجفه قلب .. خفــت اااااااه ياربي ليش جي يصير ؟ معقوله اذا قلت لاحد مابيرد يتصل؟ وشبيضمني انه ماراح يقول عني شي تراه يعرف اسمي وخير ياطير ؟! محد اسمه جميله الا انا؟! امممممم انا مكبرة الموضوع ؟ ولا اهو اصلا كبير؟! اوووووووووووه ياربي شفيني شفيني شفيني؟؟؟؟؟ دقايق ولا يرن التيلفون ويفز قلبها ويتم يرجف كانت خايفه موووووووت جميله : السلام عليكم الريال: وعليكم السلام .. الشيخة هاي بيت جميله الـ .... جمول وهي خايفه نفس صوته انا متأكدة .. شلون عرف اسم عايلتي يارب بموت : أيـ ايوه الريال : معاج جاسم .. رئيس مركز الابداع الشعري جمول وهي منصدمة معقوله كان كان يقصد . انه .. ايه .. يعني هو .. ماكان بيخوفني .. ولا شي .. هو .. مال المركز .. ممـ معقوله ههههههههه (ضحكت بتوتر بينها وبين نفسها ابتسمت ابتسامه كبيرة : اهلا وسهلا جاسم : الشيخة بغيناج تزورينا وتستلمين جائزتج .. امممممم تحبين نيبها للمدرسه ولا اتين بنفسج تستلمينها جمول: لا افضل من المدرسه اخذها جاسم : اوكي اذا كاوصلت يوم الاثنين بلغي الاخصائيه الاجتماعيه .. وهم بيبلغونا عنج .. جمول والدنيا مو سايعتها من الوناسه : مشكوووووور ماقصرت .. بس انا أي مركز نلته؟ جاسم وهو يبتسم : بتعرفينه قريب . يلا مع السلامة جمول وهي مبتسمه : ماقصرتو . مع السلامة صكرت التيلفون والافكار الي كانت ببالها وخايفه منها تلاشت تلاشت مجرد ماردت عالتيلفون بثقه وااااااااي معقوله الريال الي عرف اسمي ذيك المرة هو نفسه هالريال ؟؟ .. هو نفسه جاسم غمضت عيوني بحالميه وانا اتخيل نفسي وانا استلم الجائزة ضحكت بوناسه ضحكت وحاسه بالامان ضحكت وانا مطمئنه المفروض مرة ثانيه مااقول اسمي على طول .. المفروض اتأكد واي واي الحمدلله لك يارب الحمدلله ^^^^^^^^^^^^^^^^^ | ||||
|
| |
|
24-03-13, 01:15 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بوعايشه : بنيتي عايشه عوش: يالبيه بوعايشه: شلونج اليوم؟ عايشه وهي تدمع: بخير بجوفتك ابوي .. انته شلونك ؟؟ .. يبه مافي مكان يعورك ؟؟؟؟ بوعايشه وهو خايف يموت ويخلي بنته وحيدة بهالدنيا صح الي سوته كبير لكنه مهب كبير وايد لدرجة كبيرة .. كان يفكر منو بياخذها الحين عقب الي صار .. منو بيهتم فيها . منو بيكون لها من بعده : يابنتي انا ريال شيبه .. وباموت فاي لحظة عايشه وبدت تصيح : يبه لاتقول هالحجي .. انته ماراح تموت وتخليني صح ماراح تخليني (وكانت تصيح ) بوعايشه وهو يحس بريجه الناشف: يابنتي الموت حق على كل انسان .. وانا حالي من حال الناس .. بيي يوم وباموت و بــ وهي تقاطع كلامه وبصياح : وبتخلي بنتك عوش بروحها ابتسم بوعايشه لبنته وهو يمسح دموعها : هالدموع غاليه علي يابنتي عايشه ويه تحاول تهدي نفسها وتبتسم له فوسط دموعها .. ابوها مريض ويحتاج لراحة بو عايشه : يلا حبيبتي روحي درسي بدارج عايشه هزت بدليل انشالله طلعت من غرفة ابوي واحس بالكره والندم على الي سويته تذكرت الي سويته شي مب سهل على اهلي يتقبلونه اااااااااااه بس اااااااه رجعت اذاكر شوي ولا يرن تيلفون غرفتي عوش: الو ...: هلا والله عوش وهي منصدمة : منووووووو؟ ...: ماعرفتيني ؟؟ تحبين اذكرج انا منو؟؟؟؟؟؟؟ عوش : انته واحد سافل وحقير ...: هههههههههههههه عوش صكرت السماعه حست بتوتر شديد توها تناست افكارها ترد ترجع لها بكل قوة وتحتل تفكيرها حركت راسها بقوه كأنها تطرد افكارها وردت تدرس ^^^^^^^^^^^^^^^^^^^ كنت منسدح ع شبريتي وافكر فالموقف الي استوا امس ياويل حالي على نجلا تذكر امس يوم ظهر من الميلس وتوجه للمطبخ الخارجي كانت نجلا بهالوقت تقصص سلاطة دخلت بدون تحمحم وقفت وراها وقلت احم احم نقزت نجلا بقوه وبدون قصد مني ضحكت عليه يوم اصطدمت فيني نجلا: سخيف انزين (والتفت ليه وتفاجأت) .. منو يابر؟ يابر فز قلبه عيووووووووونه ياعيونة انتي؟: هيه يابر جي جايفه يني ؟ طالعي شقا صار شكلج!! هههههههههه (ورد يضحك) احمرت نجلا: هيه .. حد يحدر المكان بدون احم ولادستور .. زيغتني يابر : شحالج بنت العمه قلت له بخجل : الحمدلله .. وانته؟ يابر: بخير .. ها اشو اتساوين؟ نجلا: ماشي سلطة فواكهه يابر : هييييييييييه سلطة فواكهه .. صبيلي ماي نجلا وهي هب متفيجه : يبوووووووور تعرف وين اماكن الجلاصات خذ لك جلاص وصبلك ماي يابر وهو يضحك ع نجلا: مااعرف؟! نجلا: وهي تلتفت له اما هو تم مبهت : صبر عيل دقايق ردت تقطع التفاح خلصت راحت غشلت يدينها وغسلت الجلاص وصبت له الماي اما يابر فنزل راسه حس بالخجل الكبير نجلا وهي تناديه : يابر .. يابر .. يابر : ..... <كان سرحان نجلا : يابر يابر وهو ينتبه من سرحانه : هلا نجلا: الماي ابتسم لها يابر : نجول .. مرة ثانيه لااتين ها المطبخ الا وانتي متأكدة ماشي شباب فالميلس نجلا: ماخبرنا حمدان ان شي شباب فالميلس يابر : بس مرة ثانيه لاتظهرين قبل لاتعرفين فاهمه نجلا استغربت من سر عصبيته لكني طنشت: اوكي يابر : يلا ظهريلي فيتامين سي لاخوج ها نجلا: شوبلاه اخوي تتمنى انك تكون شراته يابر وهو يضحك ويتمصخر: هيه اتمنى نجلا: شخبراها خالتيه ؟؟؟ يابر: الحمدلله ولو انه ريولها تعورها وايد نجلا: خير عسا ماشر شو بلاها ( وترد تقطع الفواكه) يابر : مريضه شويه .. يمكن نوديها لندن عسب يعالجونها نجلا وترد تتطالعه : من صدقك بتسافرون لندن؟ يابر وهو مستريح بقعدته وماخذ راحته الاخ: هيه بنسافر نجلا: خذوووووونا وياكم يابر: هههههههههه هب مشكله بناخذج ويانا نجلا: صدق؟ يابر : هيه ههههههه بناخذج ونيس ويانا شوي وتحدر ريموه المطبخ ومزاجاها زفت كالعادة من يوم : نجول امايه تقول يلا وينهي كل ها عسب سلطة لو ذبيحه ذبحوها وخلصوها نجلا بخجل: نسيت ريموه: هيه طبعا بتنسين يالسه فيا الاخ يابر كيف مابتنسين نجلا: جب جب ريموه ريموه: مابا.. اخبارك ولد الخال؟ يابر : حمدلله ابويه هب خال ابيض تراه ريموه ونجلا:هههههههههههههه يابر : ياحلات ضحكتكن بنات عمتي .. من زمان ماشفتكن والله يحدر حمدان المطبخ: ماشالله يالس اهنه؟ يابر:هههههههههه هيه حمدان بضيج: وشاقلي الحلج هيه .. اخبرك بويه هايل عندهن اشغال تعال بنسير عند هزاع من ياب طاري هزاع اختفت ابتسامه ريم وشلت الفواله وسارت اما نجلا فردت تقطع السلاطة حمدان وهو يقرب لعند نجول ويحط راسه ع جتفها ويصرخ باذنها : شو تسووووووووووووووووووين يابر يتمنى لو كان مكانه لكن مستحيل هيه هب حرمته ؟! اما نجلا زاغت وللمرة الثانيه وصرخت عليه اما حمدان ويابر يلسو يتضاحكون ع نجلا نجلا: والله بخبر عليكم ابويه حمدان وهو يضحك ويعلي صوته: هههههههههههه سيري سيري نجلا وهي تغسل يدينها وتاخذ المله الي فيها الفواكة المقطعه وبتظهر من المطبخ : وخر اوكي حمدان: اشو بتسوين؟ نجلا: حمدان وخـر حمدان وهو يضحك ويعطيها مجال عسب اطوف : وانته اخ يابر هب ناوي تظهر؟ يابر : خلنا يابويه ابا استريح حمدان: هيه وماتقدر تستريح الا فيا البنات هيه؟ يابر ورد يضحك : مشكلتي انك كاشفني يابر:ههههههههههههههههههه نورة : بلاك؟ يابر: ها .. شو؟؟؟؟؟ نوروه وضحكت : بلاك جي ضحكت زيغتني سمع كلمة زيغتني وتذكر نجلا ورد يضحك :هههههههههههههههه (وتنهد) اااااه.. اا تعالي كيف انيت دخلتي حجرتيه؟ نوروه : بلاك يبور؟.. استينيت؟ من ساعة وانا اترياك وانته كل شوي وتتبسم اليه يابر: وهو يظهر : ماشي .. ورد يضحك نوروه وهي تزاعج عسب يسمعها : بتخبرني يعني بتخبرني اذا هب اليوم باجر نورة اخت يابر الوحيدة وربيعه نجلا الروح بالروح بما ان نجلا هب اجتماعيه وماعدها صديقات وايد فكانو نورة ونجلا ثنائي حلو فالجامعه ^^^^^^^^^^^^^^^^^^^^^^^^^^ فغرفه ملاينه سوالف وحجي وهذرة .. وضحكات طفوليه تارسه الجرة جواهر : والله اوف انوس: أي والله مابقى شي .. لازم من الحين نقعد نحك الكتاب حك جواهر : الله يخليج بس ينطق الباب وتدش الخدامة وحطت العصير لهم رينا : دواهر مافي كلام كتير انتي مافي يدرس مايبي سير دوكتور جواهر: اوهو .. اوووووووف انزين انزين خلصا يبتي العصير مشكورة وعلى عيني وعلى راسي .. خلاص روحي رينا : لا يسوي قرقر قرقر واجد ادرس جواهر: وبعدين وبعدين .. قلت لج خلاص بندرس بندرس مابنسولف (وهي تضحك) رينا : انتي في جدابه جواهر وردت تضحك: هههههههه قلت لج خلاص مابسولف وايد رينا : جين انا في تحت جواهر : اوكي ريون روحي راحت رينا تحت وردت جواهر تسولف شوي وتدرس شوي ويا انوس انوس: احلى شي ان احنا فعلمي عشان ندرس ويا بعض جواهر: أي والله احسن شي عشان نسولف ويا بعض اقصد ندرس ويا بعض ضحكوو ثنتينهم بصوت عالي شوي انطق الباب جواهر وهي تمسك حلجها: اوه ضحكنا اكيد رينا يات احين بتذبحنا ردت جواهر تضحك ويا انيسه راحت فتحت الباب ووقفت جدام الي واقف عند الباب: نعم شتبين؟ قلت لج مابنسولف بس قرينا نكته فالكتاب وضحكنا خليل وهو يضحك : هههههههههه نكته وفالكتاب ههههههههههههههههه صج انج تكلمين رينا جواهر وهي تضحك: ههههههههههههه شاسوي فيها صايرة مراقب علي خليل: اه يعني احين اونكم تدرسون جواهر: شنسوي بعد خليل وهو يبتسم : ومنو عندج؟ جواهر: انوس خليل: اها .. اوكي يلا عيل باروح .. اخليج تدرسين جواهر: لاخلول تكفى مابي ادرس خليل: يلا روحي زين جواهر: ههههههههههه راح خليل عنها وردت جواهر غرفتها انوس كانت سرحانه جواهر: هييييييييه انوس وينج؟ انوس وهي تنتبه: ها لا وياج جواهر : اوكي يلا ندرس مافي وقت بس شهر مايمدينا نحك كمن كتاب ضحكت انيسه وياها بشرود.. ^^^^^^^^^^^^^^^^^^ مشيت فالبنات وانا عقلي ضايع مني ومفور من الخاطر مالقيت نفسي الا وانا عند البحر مريوم وبدور فتحو الباب وظهروا وصكروه ويا بعض توقعت اليازي نزلت وياهم رجعت الكرسي على ورا وانا مغمض عيني تنهدت وتوني باقوم من على الكرسي وباظهر الا واليازي قاعدة مكانها وتتطالع من الدريشه فيصل : يزوي؟ اليازي: هلا فيصل : ليش ماظهرتي وياهم يزوي وهي تحاول تخفي مشاعرها الزعلانه : بس جي فيصل : شفيج زعلانه؟ يزوي انصدمت شدراه؟ : من قال؟؟؟؟؟ فيصل : جوفي ويهج وبتعرفين يزوي: ......... فيصل : اذا كنتي زعلانه عشان اني صرخت عليج .. فانا اسف يزوي وهي تخفي زعلها الكبير : قلت لك مب زعلانه ولا بزعل فتحت الباب وظهرت تحاول تتهرب من فيصل الي يحاول يتقرب منها ويسوي وايد اشياء عشان يتقرب منها وهي ولا داريه بالدنيا .. جافت مريوم وبدروه يلعبون بالماي والرمل ضكت عليهم وقعدت عالرمل يه لعندها فيصل ::.. هل تسمح لي الاميرة يزوي وعشان اقعد يزوي وهي تضحك على فيصل: هههههههههههههه لو سمعوك واتنته تتحجى باللغه الفصحى جان انتحروا مدرسين العربي فيصل وهو يضحك على تعليقها: جب جب هههههههههههه يزوي: ههههههههههه فيصل : انشالله دوم هالضحكة يزوي خجلت : امممممم وياكم( استحت تقول وياك فقالت وياكم) فيصل وهو يلتفت يمين يسار : مافي حد وراي يقولون وياك يزوي بخجل كبير : انزين نفس المعنى فيصل: لالالا مو نفس المعنى ذاك جمع وهاي مفرد يزوي: اووووووه زين انك تعرف فيصل وهو يضحك على طريقتها :هههههههههههههه بدور وهي تقرب صوبهم وتقعد يم يزوي: ها اجوفكم تضحكون ويا بعض ؟ فيصل : اعوذ بالله من الحساد بدرو : هههههههههههه جب اونه حساد يزوي: هههههههه جفتي شلون بدروة : أي والله معجزة الصراحة يزوي : لا والله فيصل :هههههههههههههههه بدور: والله زين قدرتي تغيرين مزاج هالـ ... فيصل : هالـ شنو؟ بدور وهي تتمصلح : هالحلو طبعا فيصل : ايه اعتقدت شي ثاني بعد بدور: والله اذا انته مو واثق من نفسك ولاشاك بنفسك شي ثاني ههههههههههههه فيصل: بس يلا قومي برجعكم البيت بدور: لاخلاص سوري اسف اسفه فيصل : خلاص الوقت تأخر !!! يزوي : بلييييييييييييز فيصل خل نتم شوي مريوم: ايه ايه بلليييييييييييييييز فيصل : شنو ابل بييييييييييييز يابوج هاي مطعم (اسم مطعم) مريوم : يلا عاد يزوي: بس شوي مابتقعد اكثر فيصل وهو يفكر اوكي شوي بس تقعدين وياي مب تروين وياهم : امممممممم اوكي بدور باعتراض: وشمعنى يعني لين قالت يزوي ومريوم رضيت ويوم انا قلت مارضيت فيصل وهو متوهق : تراني رضيت عشانج انتي بدور: لااااااااااااا .. تقص علي ياهل انا ياهل عشان تقص علي قول عشان حبيبتك يزوي ومريوم فيصل فخارط والله انج يبتيها مب هينه بعد : انيزن باعشيكم برع اليوم عشان خاطر بدور بدور: هيييييييييييييييييييييييي ييييييييا (وهاي تصرخ) واي فديت فصول والله فيصل: ايه حق المصلحة فديت فصول يزوي : انا مااقدر اتعشى برع اليوم من العصر مضيعه الوقت ابي ادرس بدور: بل عليج شهر كامل بتدرسين بعد من الحين تبين تدرسين حق شنو؟ يزوي : يالدبه عبالج مادة ولاثنتين يمديني اخلص مادتين فشهر بدور: انتي تبن تحكين الكتاب يزوي : وتبيني ايب فالسبعين؟ بدور: وشنو فيها عادي يزوي : خليت هالنسبه لج فيصل : بس بس بديتوا انتو حشا ديج وديايه مريوم ضحكت واقالت: ويووووووووووووووووو فيصل : بس انتي بعد سكتت مريوم وهي تحاول تخفي ضحكتها عكس بدور ويزوي الي ضحكو عليها بصوت عالي فيصل استانس عليهم وقعدوا شوي وبجي استانسو البنات ورجعهم فيصل ورجعو للهم والنكد على قولتهم وتمو يدرسون ^^^^^^^^^^^^^^^^ كنت بظهر من البيت بعد هالعصبيه وحاله الغضب الجنوني ايل كنت فيه لكن الي منعني هو يوم كنت بظهر .. ظهر لي عمي وعايلته ياين من الجمعيه ومارضوا اروح البيت الا عقب مااتعشى وياهم .. واصروا اني اقعد .. يوم قعدت شوي .. حسيت باشتياقي الكبير لمحسن .. صج وحشني .. انقطعت اخباره من تقريبا 6 سنين عني لانه راح درس بلندن لمدة سنتين وكنت اكلمة واساعده واحاول وياه لكن عقب السنتين يمكن لاني غيرت رقمي وجوالي عشان جي رقمه ضاع .. وماعرفته .. وحشني الدب وحشني وايد بو ناصر: ها يا محمد .. شلون الشغل وياك؟ محمد: والله الحمدلله زين .. صح تذكرت انا حطيت الظرف ألي ابوي طرشاه لك فالمكتب بوناصر : زين زين شوي والا ام ناصر تيي وتقول لهم العشا زاهب يتوجهون كل الي بالصاله لغرفه الطعام ام ناصر: ماما ناصر روح ناد اختك العنود مالها حس اليوم تغير ويه محمد تدريجيا من بعد ماسمع اسم العنود .. على كثر ماكنت احبها ؟.. على كثر مااكرهها الحين ناصر : تقول ماتبي عشا .. قاعدة تصيح محمد انكسر قلبه .. اه دموعج يالعنود غاليه علي .. لكنج تستاهلين اكثر من جي ام ناصر : شفيها تصيح ؟؟ وهي تقوم يقعدها بو ناصر : ناصر يبه روح نادها قولها تنزل تتعشا ويانا محمد ناصر وهو يقوم من على الارض ويروح عالدري: انشالله يبه ركب الدري ناصر وبكل خطوه يخطيها قلب محمد ينكسر ويلين اكثر وصل ناصر غرفة العنود طق الباب ودش الغرفه لقا عنود على نفس وضعيتها السابقه مرمية عالسرير وتصيح بمرارة ناصر : عنود بابا يبيج عنود: مابي عشا ماتفهمون وردت تدفن راسها بين المخدات وتصيح مثل اليهال ناصر : بس بابا قال تعالي تعشي ويانا بسرعة ومحمد تحت بعد ينطرج .. وماما خايفه بعد العنود وهي تشيح بويهها صوبه اوكي بيبي نصور الحين ايكم قامت وهدت نفسها وربع ساعه تمت فالحمام غسلت ويهها وتمت تتأمله وتحس بملامحها الي بدت تذبل وهي بعمر الزهور لبست شيلتها ردت اطالعت ويهها فالمنظرة جافته طبيعي لولا الاحمرار الي بان بعيونها نزلت تحت وهي منزله راسها سلمت على ابوها وامها بوناصر : الله يرضا عليج يابنتي .. شنو مابتسلمين على محمد؟ العنود وهي تتدارك الوضع وترد بسرعة : جفته مساعه بوناصر وهو يجوف بنته الي قعدت يم ناصر :ناصر يقول كنتي تبجين لا اراديا طالعت محمد ايل كان يطالعها ويتفحص ملامح ويهها وردت اطالع ابوها : كنت خاسفه من الامتحانات محمد وهو يسوي نفسه طبيعي : وليش الخوف عنودي العنود وهي تحاول تتملك اعصابها ( صج انك ممثل ماهر يا محمد) : امم لانها ثانويه عامه محمد: يالله متشوق للاجازة انا العنود وهي تطالعه بغضب شديد اما بو ناصر تم يضحك على حال ولد اخوه محمد: وليش مشتاق لها الاجازة هالكثر محمد : زواجي بعد شنو بو ناصر:ههههههههه خلاص ولا يهمك ثاني اسبوع من تخلص العنود زواجكم العنود انصدمت ابوها شلون يقرر خلاص هي ماتبي تتزوج ماتبي طالعت ابوها بانصدام وردت اطالعت محمد الي ضحك بمكر قامت بسرعة من على السفرة وبسرعة صعدت دارها وقفلت الباب كل مرة كانت يوم تسمع هالشي تصكر عيونها وتغوض باحلامها الورديه لكن هالمرة غمضت عيونها وهي تحس بالنار الي اشتعلت حواليها وهي الي شعلتها بغبائها اما الي عالسفرة ام ناصر تحاول تهدي الوضع : البنيه اكيد استحت وراحت دارها محمد وهو يطالع الدري الي ركضت عليه العنود : ماعليه خالتي هيا شي اكيد يلا انا بعد باقوم .. ربعي ينتظروني فالكوفي بو ناصر : انزين كمل عشاك محمد وهو يضحك من ورا قلبه : شبعت ياعمي ام ناصر : ربي يسهل دربك ابتسم لهم محمد وهو يخفي الم كبير بقلبه واتجه للمغاسل غسل يدينه ورفع راسه للدري يجوف غرفه العنود رد نزل عينه بتنهيدة قويه وظهر من المغاسل متوجهه للباب ^^^^^^^^^^^^^^^^^^^^^^^ فحديقه البيت كانت اليده قاعدة ويا ام اليازي وام اليازي كانت تتألم بصمت عم الهدوء لمدة دقايق وفجأة ونهايه البارت ارابع 1-شبيصير فزواج العنود ومحمد؟؟؟ 2-محمد هل فعلا بيتزوج العنود ولا بيصير شي ؟؟ 3-العنود قامت تكره محمد .. ولا ؟؟ 4-اليازي .. امممممممم ياترى هي حست بتقرب فيصل منها .. وتحاول تخفيه ؟؟ .. ولا صج ماهي بداريه عن الدنيا ؟؟؟ 5-فيصل تتوقعون ششبيسوي اكثر عشان يتقرب من يزوي اكثر؟؟؟ 6-جمول ومعرفها بجاسم وانه نفسه الريال الي لعوزها .. هل هي صادقه وسمعها صادق.. ولا يتيهيأ لها من كثرة الخوف من ذاك الشخص .. و شرايكم بفوزها فالشعر؟؟؟ 7-امممممممم شتتوقعون يصير في انوس؟؟؟ 8-اممممممممم خليل منهي البنت الي خطبها؟ واممممممم معقوله تتم الخطبه بسلام؟؟؟؟ 9-ريم .. هل بتسامح هزاع على مده يده ولا ؟؟؟ ... ياترى الشي الي صار بينهم شنو .. او شنهو السبب الي خلا هزاع يمد يده على ريم ومامداها لغايه .. معقوله رم قالت شي ؟؟ < هين ابيكم تحطون مثلا موقف وجي تعالو نتخيل ويا بعض 10-هزاع .. هل بيحاول يعتذر من ريم ولا شبيصير؟؟؟ 11-يابر وتفكيرة فنيلا ؟؟ .. وشرايكم فالي صار فالمطبخ؟؟! .. هل نورة بتعرف بالي صار ولا لاء؟؟ ومايه حقيقه مشاعر نجلا؟؟ 12-عايشه والقصه الغريبه ايل صارت لها شتفسيرها؟؟ ومن تتوقعون الي اتصل فيها ؟؟ وهل فعلا ابوها بيتركها وبيرحل عن الدنيا ؟؟؟ 13- الثلاث شباب هل توافقون على عملهم والي سووه ويتعرضون للناس ؟؟ واذا لا ليش .. واذا أي ليش؟؟ 14-محسن وسبب اختفائه من الجزء؟؟؟ 15-شصار فجأة؟؟؟ شتتوقعون ؟؟ | ||||
|
| |
|
24-03-13, 01:20 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس فحديقه البيت كانت اليده قاعدة ويا ام اليازي وام اليازي تتألم بصمت عم الهدوء لمدة دقايق وفجأة دخل فيصل عليهم .. سلم عليهم وقعد حذال يدته فيصل : هاليدة شخبارج ؟؟ يدة اليازي: والله بخير ياولدي انته شخبارك؟ فيصل وهو يلاعب طرف خشمها : دام حلوتي بخير .. اكيـد انا بخير اليدة وهي مستحيه وتمسك عصاها وتضرب فيه فيصل على الخفيف : بس ياولد فيصل وهو يضحك على يدته :هههههههه فــــــــــديـــــــــت هالويه ياربي اليدة : فويصل ولعنه ابليس اقعد اما فيصل يستانس وهو يلعوز يدته .. لكن كل شي ولا تعبها او زعلها ..: ههههههههههههههه خلاص خلاص باتوب سكت للحظات وهو يفكر فاليازي صار اسبوع ماجافها .. من بعد روحة البحر .. لايكون زعلانه ولاشي .. ياربي يعني لازم كنت اقولها وفالمطعم؟؟؟؟؟ يدة اليازي .. لاحظت سرحان فيصل : فيصل .. فويصل؟ فيصل وهو ينتبه: هلا يدة اليازي ..: خذت لي موعد يديد عند الدختر؟ فيصل : لا باجر بنروح .. الله يهداج انتي مب راضيه تروح للامريكي الي ياي.. يقولون وايد زين يدة اليازي وهي تهب فويهه : لالالالالا مابي انا هالكفار يلعبون فيني .. بروحهم يكرهونا احنا العرب .. بعد تبيهم يعالجونا؟؟ .. اذا ماعطونا سم وقالو هاي ادوا زين .. يسونها الكفار .. مو بلاد الكفر بلدهم فيصل وهو يضحك على يدته: يدوه هاي دكاترة ماعليهم ان عرب ولا اجانب .. هايل يعطون احسن ماعندهم للمرضى عشان يرفعون رواتبهم يدة اليازي : انا قايله لك مابي عند دختر غير الدختر امين .. واذا ماتبي بو اليازي بيوديني فيصل وهو يبتسم على اسم اليازي "فديتها وحشتني " : لالالا كل شي ولا زعل عيوزنا .. بوديج باجر .. موعدنا العصر يدة اليازي : ويــــــــدي .. انا قايله لك ابغي الصبح .. مافيني شدة اروح العصر ريولي تكون متكسرة ومااقدر اتحرك فيصل وهو يبتسم بحنيه ليدته : فالج طيب .. بغير الموعد .. بس انتي اهدي شويه .. بسم الله على ريلج يمة لاتقولين جي يدة اليازي وهي تدمع : ياولدي مابقى من العمر كثر الي راح فيصل حرقته عيونه .. مايحب هاي المواقف وخصوصا يدته .. مايقدر .. شلون بيفارقها؟ .. وهو حياته موجودة بحياتها .. مايتخيل .. وهو يومه دوم وياها ويوديها ويتحمل فيها .. سكت شوي .. : يمة اذا قلتي هالكلام صدقيني ازعل منج ابتسمت اليدة بحنان والدموع تحرق عيونها وتتساقط على بطولتها (يقارب البرقع ويغطي منتصف الوجه بقطعه سوداء يتيمز بوجود التطريز الهندي على الطرفي البطوله ليلبس على الراس ويمتد بخط رقيق على خشم السيدة يغطي منطقه حول العين ويغطي منتصف الخد ونهايته مقاربه للفم .. للاسف لم اجد صورة توضح شكل البطوله) .. مسحهم فيصل باصابيعه .. : يدوه يلا عاد مابي اجوف دموعج ولا مانسفرج لندن هالسنه اليدة : ويه ابركها من ساعة يوم اني بقعد ببلاد العز بلادي ومابروح حق بلاد الكفار.. ام اليازي وينج؟ ساكته؟! فيصل وهو يضحك على يدته لكن اختفت ضحكته يوم جاف ام اليازي وويها شاحب: خاله شفيج؟ نوديج المستشفى؟ شكلج تعبانه؟ ام اليازي : لا فديتج مافيني شي .. امس مانمت عدل عشان جي اليدة : ايه .. وليش مانمتي عدل؟ ام اليازي وهي تقولها انها كانت تعبانه .. اما فيصل فانسحب من عندهم لانهم بدوو يتكلمون والحين بيتكلمون عن الفريج كله دش البيت لقا يده يفرفر فهالتيلفزيون فيصل : هلا والله شلونك يبه يد اليازي : بخير الله يعافيك .. وانته شلونك ياولدي؟ فيصل : الحمدلله زين .. شتسوي يبه؟ يد اليازي: ابي احط هاذيج القناة .. يات مريوم حطت لي هالقنوات .. اجوف عرب يتحجون عربي .. مب متحجبات وويهم متروس اصباغ ؟؟؟؟؟؟؟ ضحك فيصل من قلب : ههههههههههههههههههههههههه ههههههههههههههههه بدور ومريوم:هههههههههههه اليد مستغرب منهم بس ابتسم : شفيكم؟ تضحكون؟؟؟ فيصل : ههههههههههه يدي هاذيل عرب (ورد يضحك بس بخفه) هههههه اليد وهو مستغرب : عرب وشعورهم برع وويهم مصبوغ الي يقول المهرجين الي يلاعبو اليهال؟؟؟؟؟ الكل ضحك على تعليق اليد .. مريوم فطست من الضحك :هههههههههه يبه مب اصباغ هاي ميك اب بدور: مع ويهج احين وايد عرف يعني شنو ميك اب .. يدي هاي مكياج .. جوف شحلوهم (وهي تبوس يدها وترميها عالتيلفزون) وااااااااااي فديت ويه زنوووووب اتيينن فيصل وهو يضحك : الا ويهه لوحة .. متروس مكياج احلى شي فيها شعرها بدور : شعرفكم انتو .. انتو وايد عليكم مرة تحط لكم كحل وديرم مريوم ردت افطست من الضحك على تعليق بدور كحل وديرم اونه:هههههههههههههههههههه� �هههههههههههههههههههههههه هههههههه فيصل :هههههههه تسواج مرتي يالمعفنه بدور وهي توقف وتحك يدها على خاصرتها : منو المعفن ياعيوني .. مرتك المعفنه .. تليق عليك (وهي تسوي مالت على ويه فيصل .. وترد تعدل نفسها وتعدل شعرها وتتحجى) ويييييييييييييه فديتني اسوا فصول ومرته وعياله ههههههههههههه مريوم: كفج كفج بدور وهي تضرب يدها بيد مريوم مريوم تصرخ: ااااااااااااااي .. مب يد حشى ملااااااااس بدور وهي تدح مريوم على ظهرها : يالدبه بدال مااحاجيج اليد : مريم هدي التيلفزيون وروحي نادي اختج اليازي صار لها اسبوع مابينت .؟؟؟ فيصل طالع يده .. وااااااي فديتك يا يدي فاهمني خخخخ .. مريوم: اوووووووووف خلوها تعفن فدارها شعليكم منها؟ فيصل وهو مغيظ لو بيدة يرووووووح بنفسه لها : يلا تحركي يوم يدج يحاجيج لا تتاففين مريوم بغيض : انزين انزين (وهي تصعد على دري الصاله ) اووووووووفف حاله هاذي روحي يامريم وردي يامريم حشى .. وبعدين يقولون لي صايرة مصطرة .. مو انتو تخلون الواحد بحاله روحي وردي روحي وردي حشى باصير عود جبـ ـ طبعا صعدت مريوم وهي تتحلطم بهالتحلطم وفيصل وبدور يضحكون عليها .. ولازالت تتحلطم لكن لانها وصلت فوق فما سمعو شتقول بعد بدور: ليش يدي يزوي مابينت من اسبوع؟ اليد: ايه يا يبا لا وقت غدا ولا عشا ولاريوق .. حابسه نفسها فالغرفه وتدرس فيصل وهو يغط نغزة : ايه مب نفس بعض الناس حفظو الدعايات والقنوات والمسلسلات من كثر مايتابعونهم بدور وهي فاهمه نغزته : والله شنو بعد باقي شهر واسبوع للامتحانات هاي يزوي ام الكرف .. تبي تكرف من الحين .. فيصل: يابوج خلاص كلتينا صكري مسجلج بل بلعتينا بعد نزلت مريوم وهي تنافخ .. ماادري من الغيض .. او من سرعتها وتناقزها عالدري مريوم: ماتبي اتيي فيصل وهو منصدم :..... اليد: ليش؟ مريوم: تبي تدرس تقول يمكن تنزل فليل اليد: قلتي لها اني ابيها تنزل مريوم: لا قلت لها نزلي تحت .. وقالت مابي .. ونزلت فيصل رد يطالع يده وقال : ماعليه يدي مريوم مخرفه وماتعرف شلون تنادي احد .. اكيد يزوي تدرس الحين اليد وهو متضايج : انزين مب مريضه .. مافيها شي ؟ مريوم: لا مافيها شي قاعدة تدرس اليد : ذابحة نفسها هالبنيه عشا هالمدرسه ؟ مريوم: كيفها الي يقول بتاخذ الدكتوراه بدور: انزين اسكتي شوي ابي اجوف شبيصير فالمسلسل .. ^^^^^^^^^^^^^^^^^^^^^ يلست عالكنفه وهي تفكر وشعرها الي رافعته متمايل ع جتفها حمدان: ريموه .. بلاج سرحانه؟ ريمو: ماشي افكر.. حمدان : بشو؟ ريموه: ماشي بالمدرسه وربيعتي الي غايبه حمدان: هيه سكتت ريموه ..وقام حمدان بيظهر حمدان : بسير بيت عمي بتسيرين ؟؟ ريموه: لا مابا.!!!!!!! حمدان: من صدقج شو فيج خبريني فالمطعم ماكنتي ع بعضج ومن اسبوع ماترمسين وايد فالتيلفون ولاتزاعجين .. ولا شي .. بلاج؟ ريموه: خبرتك ان مافيه شي حمدان : خلاص برايج ظهر حمدان وهو مستغرب شو بلاها ؟؟؟؟؟؟؟؟؟؟ ريموه وهي ترومس روحها :اكرهك ياهزاع .. كيف تتجرأ وتمد ايك عليه وهي تتذكر الموقف ~ْ+ْ~+ْْ ْ+ قبل اسبوع فالسيارة+ْ ْ+~ْ+ْ~ هزاع بكل عصبيه وهو يرمسهم : كيف تتجرأن وترمسن ريال غريب كيف (وقف سيارته يدام البيت ) ريم: نحن مارمسناه هوه الي رمسنا هزاع بغيض : حلفي انتي بس؟ ... شو هو الي رمسكم اكيد كنتن مسويات شي غايوه برعب : والله ان نحن ماسوينا شي هزاع وبدا صوته يعلى وقام يصرخ : وتعتقدون اني بصدجكم؟ .. الريال مايلاحج البنيات الا ان كانو مسويات حركات .. حسافه التربيه فيكن ريموه بعصبيه: شو فيك هبيت فويهنا خبرناك ان نحن ماسوينا شي طبعا فهالوقت كانو نازلين من السيارة هزاع وهو يصارخ ويجدم صوبها : لاتيلسين تتصارخين .. هب اصغر عيالج فاهمتني؟!!.. وبعدين تبيني اصدج جذبتج وانا شايفتج تتضاحكين فيا الريال وترمسينه ريموه وهي مب متمالكة اعصابها : انا هب جذه وهب من ها النوع الي انته حاطنهن فبالك .. واذا انته جذا فها شي مايخصنا ع قوله المثل .. كل من يرى الناس بعين طبعــ ـ ـ ماكملت جملتها الا وطراااااااااااااااااااااا ااااااااااااااق على ويهها يكتمها حتى من اخذ انفسها ومن قوة الصفعه افتر ويه ريم من محله .. ونزلت دموعها غصب وزلزلت كيان هزاااااع الي انصدم من الي سواه وايده الي ارتجفت بارتجاف خفيف ريموه وهي تطالع هزاع لكن هب بوضوح لان الدموع لاصقت عيونها ومنعتها من النظر : حقيــر ونذل ركضت فالشارع باندفاع وهي تبجي بمرارة وتوها بتدش بيتهم الا اوقفتها سيارة وصرخـــة ريم كانت كافيه بأن تخلي هزاع يتراجع ويركض وراها شرا المينون وغايه معاه لان السيارة كانت بتدعم ريم .. لولا تحكم السايق بالسيارة كانت ريم الحين من" عداد الموتى " هزاع وهو يضارب مع الريال : ماتشوف يداااااااامك الريال: شو احينه نحن الي مانشوف لو بنتكم ؟؟؟ هزاع: سيــــــــر تحرك الريال لكن قبل لا يتحرك اتصكر باب بيت ريم بكل قوة .. وباندفاع اكبر تهجمت ريول ريم للبيت وهي تراكض وشنطتها الي رمتها عند الدري وبسرعة جنونيه دخلت داراها وهي تخبط فالباب بكل قوة .. وتقفله عليه وبدون حاسيه طاحت ع سريرها وارتمت بين مخداتها الي ع السرير ودفنت راسها فيه بدون ماتفصخ عبايتها او أي شي اما برع البيت .. تحرك الريال وسار .. وغايه مذهوله من الي صار معقوله هزاع .. الي هو هزاع يمد ايديه ع حد .. وع منو ع ريم بنت عمه؟ .. اذا انا الي اخته ما جد مرة مد ايديه كيف يمد ايده ع ريم .. اااااه راسي توقف عن التفكير .. لو ريموه خبرت عمي ؟ شوبيصير .. اكيد بتصير جايدة .. وخصوصا ان ريموه اخر العنقود واخر بناته ودلوعته امبينهم كيف حد يمد ايده عليها .. حتى حمدان ماجد لمسها أي هزاع ع اخر زمن ويصفعها وفـ وين ؟ فالشارع؟! هزاع كان منصدم يطالع غايه وهو مندهش من الي سواه.. كيف؟؟ كيف؟؟ اتجهت غايه بثقل لين بيتهم . وصلت لين الباب جافت هزاع الي يتراجع ويروح للسيارة عسب يظهر .. حرقتها دموعها عحالهم هزاع وهو يفتح باب السيارة : غايه طلبتج.. لاتخبرين احد بدون مايسمع كلامي دخل سيارته وانطلق باسرع مايمكن من الحارة .. .. غايه انصدمت وبقوه .. دخلت بيتهم وع طول سارت غرفتها وتمت تدق لريموه لكن محد كان يجاوب .. وموبايلها كان مقفول .. خافت وهي تتخيل شو بيصير بين العايله .. اتذكرت ريموه الموقف وحست بحرارة الدموع الي بعينها وتكابر انها تنزل دشت الحمام غسلت ويها وردت للصاله وبيدها كتابها الفيزيا : ماتستاهل ياهزاع ابكيك حتى بدمعه من دمعه عيني نجلا: شو شوقلتي ؟ بلاج؟ ريموه: لاماشي تذكرت قصه فيها اسم هزاع ولد عميه ... وكان هزاع متيوز ع بنت عمته ويعاملها بظلم نجلا وهي متأثرة : اويه حلفي .. وشو صار بعدين ريموه ويه هب متفيجة لشي : ماشي ماشي .. بخبرج بعدين نجلا: عاد ريوم شو صار؟؟؟ ريموه : اووووووووه .. قلتلج ماصار شي (وتوجهت لدارها) نجلا باستغراب من ريموه : بلاها هاي؟ .. تعالي ريموه كتابج نسيتيه اهنه؟(وهي ترفع كتاب ريموه .. لكن ريموه دشت الغرفه وماسمعت الها) ^^^^^^^^^^^^^^ كنت قاعدة راميه نفسي فكرسيي المريح .. كنت مرتاحة البال رغم الافكار الي توديني وتيبني .. ورغم خوفي من الي بيصير .. والي بيسويه محمد .. لكن كنت متطمنه ..رغم الي صار .. الا اني للحين احبه .. احبه واحبه .. وكل يوم يزيد حبه فقلبي .. اخ يامحمد ملكت قلبي والحين هو بين يديك واخافك تدوسه نفضت راسي من الافكار .. وتميت ادرس وادرس وادرس.. مايهمني شي .. لازم ادرس انا بعلمي.. وثالث .. لازم اشد حيلي وارفع راس ابوي .. افتريت يمين ويسار ابا اتصل بمحسنوه صار لي اسبوع ونص مادقيت عليه .. حتى هو مادق رجعت ادور فالكبت فالادراج .. على السرير وتحته .. بس للاسف مالقيته تذكرت .. ذاك اليوم .. يوم ضربني محمد .. جم تعورت من يدينه .. لكن مب بنفس العوار الي صابه قلبي من كلماته .. واستهزائه فيني .. ابتسمت بمرارة .. يلا هاذي هي الدنيا مو كلها فرح .. ابتسمت وطلعت برع الصاله دقيت رقم انا حافظته .. اكيد بحفظة وهو رقم اغلى الغوالي العنود: الوووو محسن : هلا .. عندوه شلونج .. وينج من اسبوع ادق على جوالج مصكر؟ العنود: ايه جوالي عند محمد (عضت على لسانها شلون قالت لالالالا ياربي مابي تصير مشاكل ) محسن باستغراب : عند محمد؟؟؟ .. شيسوي عنده؟ العنود وهي تختلق عذر : اممممم كان مخترب وقلت له يصلحة .. ايه ايه .. قلت له يصلحه محسن مستغرب من توتر العنود .. لكن ماعلق : اشتقت لج فديتج والله .. شمسويه بدراستج العنود بخجل كبير : حتى انا .. الحمدلله زينه محسن : سويتي الجدول ؟ العنود وهي تتذكر قصه الجدول وتضحك على نفسها وعلى محمد ومحسن تتذكر قبل ايام الطفوله الحلوة .. اممم بعدين باقول لكم سالفته خخخ : هههه تبي الصج محسن : ايه العنود: لاء محسن:هههههههههههه اعترفي انج ماتقدرين تسوينه بدونا العنود وهي تضحك وتعترض: لاوالله .. اصلا كل سنه اسويه محسن: عيل ليش هالسنه ماسويتيه؟ العنود: بعد شوي بسويه محسن : اها .. اذا جي اوكي العنود: اوكيك فديتك باصكر الحين باقوم ادرس محسن اوكي .. يلا مع السلامة .. ودرسي عدل العنود: اوكيك .. ولاايهمك .. وانته تحمل بنفسك يلا بباي فهالوقت كان محمد داش الصاله سابق عمه فالدخله وسمع عنود وهي تقول (اوكيك ولايهمك .. وانته تحمل بنفسك ) .. اشتعلت نار الغيرة بقلبه ونار الحقد .. وخايفه عليه بعد .. الله ياخذج انيت وياه .. لكنج لي انا .. انا وبس اما العنود ماكانت منتبهه فردت تمسك كتابها وتدرس .. دقايق ولا يتحمحم محمد ابتسمت العنود وابتسامتها بانت مع انها حاولت تخفيها .. اشتاقت لمحمد وايد .. بس لا مب انا الي اشتاق لواحد مثل محمد محمد: السلام عليكم العنود وهي تعدل شيلتها الي على راسها وترد تلفها بتحكم.. وبدون نفس ظهرت منها: وعليكم السلام يه بو محمد وبومحسن وقعدو فالصاله سلمت عليهم العنود وتمت وياهم خمس دقايق وقامت بتظهر استوقفها صوت محمد : على وين ؟ .. توج قاعدة ويانا بومحمد: أي والله صدق ولدي ماشبعنا منج ابتسمت العنود بصعوبه وهي تبتسم لعمها وتكلمه: اممم عمي الامتحانات قربت مابقى عليها الا شهر لازم استعد للدراسه .. بومحمد: ايه حبيبتي درسي عدل عشان ترفعين راسنا ونزوجج لمحمد نزلت راسها العنود وبعدها طالعت محمد الي كانت مرسومة على شفاته ابتسامة سخريه ومكر صعدت دارها ورمت نفسها على السرير وهي تفكر وردت تدرس وطردت كل الافكار من بالها ماتبي شي يشوه بالها ^^^^^^^^^^^^^^^^ كانت حاسه بتعب كبير يتخلخل الى كل خلايل جسمها لكن مع ذلك ماقالت لاحد ام اليازي : امون .. ماما تعالي ادرسج امون: ماما صبري شوي ابي اجوف توم&جيري ام اليازي : هاي الحلقه جايفتها (وهي ترص على اخر كلمة من الالم الي يعتصر خلايا جسمها) امون: لحظة لحظة ام اليازي سكتت وهي تتألم بقوة دشت عليهم فطوم ومريوم وهم يتناقرون فطوم: ماما جوفي مليموه مريم: منوووووووووو هاذي عيوني من هاذي مليموه؟ فطوم وهي شوي وتصيح من كثر ماطفشت فيها مريوم: انتي مريم: لا والله؟؟؟؟؟؟؟ حلفي انيت بس لا اصنج بكف يعدل حجيج فطوم: ماما ثوفيييييييييييها ام اليازي بحزم: مريم .. (غمضت عينها بألم) مريوم: هلا ام اليازي وهي تحاول تجمع قواها عشان تتحجى .. وبعد ثواني من الانتضار:لا تلعوزين اختج مريوم: انشالله .. بس يمه شفيج؟ ام اليازي: مافيني شي .. بصحة وعافيه .. امنه يلا ماخلصتي من التيلفزيون امون: ماما اخر مرة بس هاذي بس هاذي فطوم وهي تطالع التيلفزيون وتتلصق فالشاشه: اللـــــــــــــــــــــل اي توم وديلي مريوم وهي تستعبط: ذيلج أي ذيل؟ فطوم وهي شوي وتنتحر من مريوم الخسفه الي لعوزتها وايد: تبي انتي ماهبج مريوم وهي تقلد كلمتها: هبتج القلادة (حبتج القرادة هههههههههههههههههههههههه) فطوم:لا تهبج انتي مريوم: لا هي ساسرتني وقالت انها تحبج .. ولا مب شوي بعد .. (وهي تفتح يدينها بكبر) هالكـــــــــــــــــــــ ــــثر فطوم: تهبج انتي كبل الثما مريوم: وانتي تحبج كبر الـ ـ ـ ـ (وهي تفكر) تقاطعها ام اليازي: مريم روحي درسي الحين مريوم حست ان امها مب طبيعيه فما حبت تتناقش وايد وراحت فوق وهي تدقدق على باب يزوي بفزع تبي تخرعها وخصوصا ان يزوي على اقل شي تنقز من الخرعة فما بال هالدق القوي؟؟ تتوقعون شبيصير فيزوي خخخخخخخ (لالالالا اغششكم مابيغمى عليها هيع هيع) ^^^^^^^^^^ تـــــــــرن تـــــــــــرن .. تــــــرن تـــــــرن .. تـــــــــرن تــــــــــرن .. التيلفون كان يرن .. وصراحة انا ماكنت متفيج اقوم واشله كنت منبطح ع الارض وتحت راسي المخدة والتيلفزيون مفتوح وانا افرفر فيه توقف التيلفون للحظات قليله . الا ورد يرن : تــــــــــرن .. تــــــــــــرن .. تـــــــــــرن .. تــــــرن خليل وهو بالغصب يقوم من عالارض .. وصل للتيلفون خليل بتعب : الو انوس: السلام عليكم خليل : ياهلا وعليكم السلام ... من؟ انوس وهي تكلم نفسها "للحين ماتزوجت وانته ماقمت تعرفنا وماتفرق امبينا .. اه " : انا انيسه خليل: اها .. اهلين انيسه شلونج؟ انوس وهي حاسه بضيج رغم دقات قلبها الي شوي وتقتلع من مكانها لشدتها : الحمدلله تمام .. وانته شلونك؟ خليل وهو يستعبط عليها : لوني اسمر فاتح انوس وهي تبتسم "احلا شي فيك .. أي احلى شي الا بكبرك حلو .." استحت من افكارها : ههه اها .. امم جواهر موجودة؟ خليل : شدعوة شدعوة بنت الخال .. ماتبين تحاجينا .. ولا مب قد المقام؟ انوس " الود ودي احاجيك طول العمر .. لكن ياحبيبي فشله .. وعيب " لحظة لحظة شنو حبيبي ؟ صج اني بديت اتخبل .. ماانلام من اقعد عن جواهر وهي تتحجى عنه .. وااااااي وااااي على حالي : لا شدعوة ولد العمه .. بس يلا فكني عطني جواهروه ابا اسألها عن الكيميا خليل: اها كيميا .. صح تعالي بيتنا لاني اليوم بدرس جواهر كيميا انوس بتفكير : لا .. كل يوم رازة الفيس ويايه عندكم خليل : لا شدعوة بالعكس تونسينا وستانس عليج وايد انوس تشققت .. معقوله حس بوجودي .. بس انا شاقول اهو خاطب؟!! يوووووووووه : اممم مااعرف خليل : لحظة عيل انادي لج جواهر انوس بغت تتحجى تقوله لا ماشبعت من صوتك .. لكن لا .. اهي بنت ولازم مهما يصير ماتصرح لمشاعرها لاي احد شلون لو كان ريال .. .. ماتبي تسوي تصرف تندم عليه عقب : اممم اوكيك دقايق ولا يتخلخل الى مسامع انوس صوت نفس جواهر السريع : الو انوس: هلا .. جواهروه فتحي كتاب الكيميا بسرعة بسرعة بسرعة جواهر وهي تاخذ نفس : هه اوف .. خل اتنفس .. انوس: ليش شفيج جي .. كنتي تراكضين؟ جواهر وهي تضحك ومعصبه : هيا خلول الخايس قالي ان فيج شي وتخرعت ويت اركض انوس وهي تبتسم كل مااقول بنساه ولا مشاعر عاديه .. يرد لفكري : امممممممم اها ..هههههههههههه وحليلج قصو عليج جواهر: جب جب انزين .. ومالت عليج بدال ماتسألين عن حالي تقولين (وهي تقلد صوت انوس وتتطنز على بعض الكلمات) دواهروه فتهي كتاب الكيميا بثلعه بثلعه بثلعه انوس:ههههههههههههههه احين انا قلت بثلعه بثلعه بثلعه؟ جواهر: لا يدي .. المهم شخبارج؟ انوس: امس جايفتج وماكان فيج شي ولافيني شي جواهر : مااقول الا مالت .. 24 ساعه تفرق الواحد بعد 2 دقيقتين مايعرف شبيصير فيه انوس: المهم .. صوتج مافيه شي ولسانج شطوله مااتوقع فيج شي .. يلابسرعة فتحي الكتاب توين فالصفحات الاولى تراني جواهر :خخخخخخ انا بخلي خلول يدرسني اياه الظهر انوس: اها .. يعني مادرستي كيميا؟ جواهر: امبلا قاعدة ادرس الي فاهمتهم وقاعدة احفظهم اما ثلاث ارباع الكتاب ع خلول انوس:هههههههههههه مو كله انتي باختها بسرحان فالحصه .. شبتعرفين ؟ جواهر:ههههههههههههههههههه� �ههههه فديتني والله .. انزين صبير شوي بايب الكتاب انوس : اوكيه اختفى صوت جواهر البشوش رغم الامتحانات الا للحينها خبله .. راحت تيب كتابها واظاهر انها ردت جواهر : والله ياخلول عيدها باقول لابوي .. خرعتني طيحت قلبي خليل:ههههههههههههههه كل هالمعزة لانوس جواهر: ايه ترا هاي انوس مو أي شي كل شي ترد عالتيلفون: الو .. ايه أي صفحة انوس كانت منحرجة شوي من الي نقال توه بين جواهر وخليل : ها .. أي صفحة 64 جواهر: بـــــــــــــــل امداج وصلتي .. وتقولي لي توني فالصفحات الاولى انوس: ايه ترا انتي ماتعرفين صفحات الكتاب شكثر عشان جي عبالج اني باخلص نص الكتاب .. انا للحين ماوصلت ربعه .. الله يخليج جواهر وهي تضحك :هههههههه عيل انا صفحة15 وكل ساعة اقول شويه شويه انوس :هههههههههههههههههههههههه� �ههههه بل توج البدايه .. جواهر:هههههههه من كثرة الشطارة الله يخليج .. متى قمتي اليوم؟ انوس: اممممم ساعة 6ونص جواهر :خخخخ انا بخيتها برقاد .. ساعة 7 ونص قمت خلول وهو رايح الشغل ناداني ولا بالموت بعد قمت انوس:هههههههههه وهاي ايل بتقوم من الساعة 5 عشان تدرس جواهر :هههههههه بس بس لاتحرجيني زيادة ترا استحي انوس ردت تضحك : المهم فتحتي الصفحة جواهر: اووووف ياحبج للوعة الجبد خليني على الاقل اتهنى بضحكتي .. صبري مافتحت الكتاب انوس:هههههه انزين جواهر صرخت :اااااا انوس متخرعة : شفيج ؟ جواهر : انا بصفحة 16 وانا عبالي صفحة 15 انوس نقعت من الضحك: يالهبله يالهبله يعني فرقت الا هي صفحة جواهر:ههههههههههه انزين سمعي خلول بيدرسني العصر .. تعالي بندرس ويا بعض انوس: جواهروه فشله ياحمارة كل يوم رازة الفيس عندكم جواهر: يالدبه انوس عادي بيت عمتج .. وبعدين لاتقولين محد بيوصلني وماادري من هالسوالف فلتكم عند فلتنا وغير هاي ببيت واحد .. لوول يعني مافي مفر انوس وهي منحرجة : جواهروه والله مااقدر جواهر: كيفج المهم اذا بغيتي تين قولي لي انوس: اوكي ؟.. يلا فتحي الصفحة خلصيني ابي ادرس جواهر وهي تضحك: هههههههه انزين انزين نسيت نفسي بالسوالف ( خخخخخ طالعه علي جواهروه ماطلعتي ع حد غريب هخخخخ انا بعد من اسولف فالتيلون انسى نفسي لوول . مو جني بعد قاعدة اسولف ونسيت نفسي .. خخخ يلا بكمل لكم ) انوس: هههههههه ماظهرتي على حد غريب ع دانوه مول طبق الاصل دانوه: لا والله ست انوس جنج تسبينا جواهر وهي توافقني عالراي: أي والله جنه جنه دانوه: جنه ولا نار جواهر : جب جب ولا مابوقف بصفج انوس: ااييييييييييييييييييه بسكم ابا ادرس انا جواهر :هههههههههههه يلا فتحت الصفحة ^^^^^^^^^^^^^^^^^^^^^^^^^ ظهرت برع البيت .. البيييييييييت هدووووووووووووووووووووووو وووووووووووووووووء وهدوووووووووووووء كبير .. الكل الحين ملتهي بالمدرسة .. الا انا خخخخخخخ فديتني والله محد نفسي لووول ^_^ فيصل : بدور؟ بدور: هاااااااااااااااااااااااا ااااااا فيصل : يقولون هلا .. نعم .. مب هاااااااااااااااا بدور اصلا انا ما قلت هااااااااااا انا قلت هاااااااااااااااااااااااا اااااااااااااا (وهي تطول بالالف) فيصل : اونج الحين .. المهم بغيت اسألج بدور : خلصني خلصني .. ماعندي وقت بزنز بزنس انا فيصل : ايه تصدقين ماتلحقين تروحين هالشركة .. ولا الثانيه ولاتبعين اسهمج بدور وهي تضحك على تعليق فيصل :هههههه لا عندي برامج مهمه فالتلفاز (اونها تتحجى بالفصحى) فيصل : اوه فالتلفاز ها بدور وهي تضحك : نعم نعم فيصل : انزين بلا سخافه .. قولي لي بدور وهي تقاطعه : يسبني ويبيني اقوله .. وعن شنو تبيني اقول لك فيصل انحرج شلون بيسألها عن اليازي لالالالا فشله : بتروحين اليوم بيت يدي؟ بدور: افكورس بدون لاتسأل فيصل وهو مرتبك ومايعرف شيقول: اها .. ودرستي؟ بدور: لا اليوم السبت يعني اجازتي .. شفيك اليوم ؟ مب طبيعي فيصل وهو منصدم : انا؟ بدور: ليش في حد وراك اسمه فويصل فصلصل فيصل : امحق .. حتى ماتعرف تدلع!!!!!!!!! بدور:هههههههههه نيوف وهو يقرب منهم : ها ضحكونا معاكم بدور حست بضيجة .. وقامت من الكرسي وتحركت من مكانها : عن اذنكم ؟!! وراحت داخل فيصل : ودي اعرف شبينك وبينها ؟؟؟؟ نيوف سكت وماتكلم اما بدور كانت متضايجة حدها من نيوف كانت متملله وتلعب بأزرة التيلفون ماتوعى الا وهي داقه لجمول .. كان ودها تتطمن على حالها خخخخخخ وامس بعد يوم جافتها عند يزوي قالت بتتخبرها عن الدراسه | ||||
|
| |
|
24-03-13, 01:22 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دقت على ارقام البيت شوي والا صوت بنت يتخلخل الى مسامعها بدور: الو .. السلام عليكم الطرف الثاني بدون نفس: هلا وعليكم بدور: شلونج؟ ساروه .. وهي لايعه جبدها : بخير .. خير؟؟؟؟؟؟؟ بدور: ابي اكلم جمول ساروه ..بقرف: لحظة وهي تسوي مالت على السماعه: جمول تيلفون .. بنت عمج جمول: منو؟ ساروه: خذي وبتعرفين اماا بدور فانحرجت بشكل كبير .. وتمنت لو مااتصلت .. تجمعت الدموع بعينها .. لكنها كابرت .. : الو جمول: هلااااااااااااااا والله بدور .. شخبارج؟ بدور: الحمدلله تمام .. انتي شلونج؟ جمول: الحمدلله تمام .. خرعتيني صاير شي؟ بدور: لا ابد سلامتج ماصاير شي .. مبرووووووووووووووووووووك عالمركز ابتسمت جمول بخجل وهي شوي وتطير من الفرحه: الله يبارك فييييج يارب.. بدور: حبيت اتصل واطمن عليج وابارك لج .. والله تستاهلين جمول: مشكورة فديتج تسلمين والله بدور: الله يسلمج .. يلا عيل مابي اطول عليج .. اخليج تدرسين جمول: اوكيك حبيبتي بدور: باي صكرت من جمول وهي تحس انها خلاص بتصيح ماتستحمل .. لين متى بيتم نيوف جي يعاملها ؟؟ .. ولين متى ساروة بنت عمها بتحقد عليها .. ياربي انا ليش الكل يكرهني ليش؟؟؟؟؟ نزلت دمعه قهر من عين بدور اليسار مسحتها بسرعة وركضت دارها وهي ترمي نفسها عالسرير ^^^^^^^^^^^ بين قهقه الشباب وضحكهم العالي حمد:اااااااااه يابر: سلامتك من الاه .. جي شو بلاك؟؟؟ حمد: شفتلك قمـــــــر نازل ع الارض..(وتنهد وهو يهز راسه) يابر وهو يضحك ع حال ربيعه : ههههه شوفيك ياريال .. ماصار ها البنت الي شفتها ماعرف فوين؟ حمد: كم مرة اخبرك .. شفتها فالشارع راجعه من مدرستها يابر : جي وشو صار بعدين ياروميو حمد بضيجه: شوبلاك ياريال كل مارمست يلست تضحك عليه اشو مسويبك انا ؟؟ .. هب ربيعك يابر : ياخوي مايسوى عليك كل ها صار بس عسبب انك شفتها .. وخير ياطير .. حمد: انته شو عرفك بالحب .. وبلاويه .. انته اصلا ويه حد يحب يابر (وهو يقول فخاطره .. الله بلاني شرات مابلاك واكثر .. انته يمكن يوم ولايومين ويعدي .. انا كل اسبوعين اشوفها كيف ماتباني اتعذب؟) : ليش شو ناقصني عسب مااحب او انحب؟ حمد: انا ماقلت جذه لاتظهر رمسه من عمرك يابر : بلااااااك حمد؟ حمد: يبور بتخبل بي هايج البنيه .. بتخبل ربيعك بيتخبل يابر: هههههههه لالالا مابتتخبل .. انته تخبلت من يوم شفتها حمد وهو يتنهد: هيه والله .. تصدق ان لسانها طويل وترد عالعشر يابر وهو يتذكر بنت عمته ريم ويضحك: عدنا شرات ها البنات فالعايله الكريمة .. هههههههههههههههه حمد :ياربي ع منطوقها وايه هب قادر اصبر .. ابا السبت ايي بسرعة ابا اسيرلها المدرسة عسب اشوفها يابر : ثرك طايح طيحة ومحد سما عليك حمد: هيه والله محد سما عليه .. يابر : ها حب من اول نضرة ؟ حمد: يقولون يابر وهو يعايب ع كلامه: وييييين وين هاك الي يقول ماشي حب ولا هالخرابيط الا من تخيلاتكم ؟ حمد وهو يقوم عن اليماعه : يلا انا بسير تامروني بشي يابر وهو يسحب حمد وييلسه: ايلس بلاك محرج حمد: ماشي .. بس ابا اسير البيت ارتاح يابر : ع راحتك يلس يابر ويا الشباب شوي الا واتصال يقطع تفكيره يابر : الو ..: هلا .. شحالك؟ يابر : تمام .. ومن صوبج؟ ..: الحمدلله .. اقول يبور حبيبي تعال اخذني من الكليه يابر : شو ها تدهنين السير اونه حبيبي نورة: هههههههه فديتك يبور .. يلا تعالي النا يابر : انتي ومنو؟ نورة : ومنو بعد بنت هعمتك نيلوه يابر بتشقق : خلاص يايينكم نورة : نترياك هب تتأخر يابر : بــــــــرق ^^^^^^^^^^^^^^ محسن ظهر من المستشفى والحين هو فالسييارة ويا ابراهيم محسن: ياريال شحقه تتعب حالك قلت لك اقدر اسوق!!! ابراهيم : لا ماعليه بتسوق ويدك مجبسه محسن وهو يبتسم: انزين عادي ابراهيم وهو يرد يطالع الطريج: لامب عادي محسن وهو يطالع الطريج وجنه يجوف نهايه الطريج: تصدق اني اشتت لامي وابوي وخواني وخواتي .. ولعمي ومحمد ابراهيم: قلت لك خل نروح لهم مارضيت محسن: لا لا ابراهيم : براحتك محسن كان يطالع الطريج وهو ساكت ابراهيم: فشنو سرحان محسن بتنهيدة: بالدنيا ابراهيم: اها محسن: ... ابراهيم وهو يغير جو: بس والله ذيج المتدربه خطيييييييير شكلها محسن: فاضي تراك تطالعها ابراهيم: هههههه شنسوي بعد محسن:هههه ابراهيم: وماشالله عليها تتقن شغلها .. يعني تحسها عن جد مخلصه محسن: شفيك هالكثر تتمدح فيها .. لايكون؟ ابراهيم : أي واللـــه اخاف بس لعبت براسي محسن وهو يفكر معقوله الـ بنت الي انعجبت فيها ابراهيم معجب فيها .. ليش ليش؟؟؟؟ : الله يوفقكم ابراهيم: امييييييييييين محسن وهو يتصنع الضحكة لكنها من جد ظهرت منه بسبب اسلوب ابراهيم في قول كلمة امين:ههههههه رايح فيها الريال ^^^^^^^^^^^^^^^^^^^^^ كلنا ملتمين فالصاله ماعدا غايه بوفهد: ها ابويه هزاع .. شو مسوي فالكليه؟ هزاع : الحمدلله بوفهد: الا يام فهد وينهي الغوي؟ عليا: يالسه فغرفتها بوفهد: هييييه .. اخبرك هزاع بتسير ويايه المحل الحينه ولا شو؟ هزاع : هيه بسير .. انته سبقني وانا ياينك فهد وهو يهمس لحرمته : شو فيج حبيبتي عليا وويها شاب ضو من الاحراج: ماشي ام فهد: بسك يافهد شكثر تتغزل فحرمتك شوف شلون غدا ويهها الكل:هههههههههههههههههههه� �ههههههههه عليا وهي منحرجة بشكل كبير وهالشي كان واضح من احمرار ويهه بشكل اكبر بوفهد : يلا سرينا سار بوفهد برع يتريا هزاع اما ام فهد فاتصلت بام حمدان ترمسها .. يعني فالصاله ماتم الا هزاع وعليا وفهد فهد وهو ينبطح ع ريل عليا ويحط راسه ع ريلها .. اما هيه فكانت مستحيه واااااااااااااااااااااااي د هزاع: فهود سير حجرتك وسو الي تباه هب يدامنا فهد وهو يبتسم ويجوف عليا : هههههه شو حارنك؟ هزاع: ياخي عدك غرفه سو الي تباه بها فهد: مابا هزاع وهو يفكر بالريم.. ويجوف عليا الي شي ملامح منها فالريم .. لكن غير الريم غيــــر قام هزاع لدارة وبدل وتجهز وسار لابوه ام فهد: ابويه فهد عمك عازمنا ع مزرعتهم خبر ابوك .. فهد وهي يمسك خد عليا : انشالله اميه ام فهد وهي تضربه ع ايده: بسك شو فيك تخبلت؟ فهد: هيه والله يااميه خبلت بي بنت العم ام فهد وهي تبتسم وتشوف عليا الي منزله راسها .. كانت تعرف ان عليا تناسب فهد .. وتذكرت يوم ان فهد ماكان يباها **+**+** فهد: يا اميه مابا عليا ماتعيبني ام فهد بعصبيه: وليش ماتعبيك .. جمال واخلاق وادبـ فهد: بس بس خبرتج اني ماباها ام فهد: ليش ابا سبب مقنع؟ فهد: بس جذه ماباها هب حلوة وهب عايبتني ام فهد: اذا عليا هب حلوة منو الحلو؟ فهد: لازم يعني عليا ماباها ابا حد ثاني ماريد بنت عمي ام فهد : يعني شو نحن خبرنا العرب انك تباها وابوك تكلم عنك الحينه بتي وبتغير كلمة ابوك؟ فهد: اووووه انتو تسون ايل تبونه بدون ماتشاورون احد .. جي نحن الي بنتزوج لو انتو؟ ام فهد: نحن ادرى بمصلحتكم فهد: بس هب كل ولد عم يبا بنت عمه .. خلو البنيه تشوف نصيبها .. حرام جذه ام فهد: يافهد ياحبيبي .. بتحبها بعد الزواج فهد: واذا ماحبيتها اطلقها؟ ام فهد وهي تشهق: يابويه انته حاول جي ع طول حكمت عالبنيه انها ماتناسبك ومابتسعدك؟ فهد: انا خبرتكم ان ماحبيتها بزوج عليها ولا بطلقها ام فهد: الله يصلح حالك يافهد **+**+** ام فهد: اميه عليا تعالي ويايه فالمطبخ بنجوف شو يسون هالبشكارات عليا بانحراج: انشالله ام فهد نشت وسارت للمطبخ اما عليا عليا: فهد قوم بسير المطبخ فهد ويسوي عمرة راقد ومايرمس عليا هزت جتفه ع الخفيف: فهودي قوم بسير فهد وهو يمسك يدها ويحبها: وين بتسيرين عنيه؟ عليا وهي منحرجة شوي: بسير عند امايه فهد بعناد: مابا يلسي عندي ماشبعت منج عليا باحراج اكبر: عاد حبيبي .. فهودي بسير الحينه .. وبييك بعدين اوكيه ابتسم فهد وهو يسمع الكلمات العذبه يال تظهر من ثمها : الحينه بسير عند ربعي لكن فالليل بوريج عليا وهي تبتسم له بخجل: اوكيه بنشوف غايه وهي تنزل من ع الدري: ايه ايه فهود سير حجرتك وسو ايل تباه هب يالس هني وتتغزل بحرمتك فهود وهو يضحك ع غايه ويلم يد حرمته : حرمتيه وكيفي غايه : امحق فهد: سيري ساعدي امج تباج غايه: وليش يعني عليوه ماتسير فهد وهو يقرب من غايه ويمسك اذنها : منو ها عليوه؟ غايه وهي تضحك: منو منو مااعرفها انا ؟ فهد وهو يضحك:ههه هيه ماتعرفينها؟ غايه وهي تتلوى : مااعرفها .. ترك اذنيه فهد وهو يشل ايدينه من ع اذن غايه: هيه تحسبت غايه وهي تركض للمطبخ: حرمتك عليوووووووووووووووووه وهي تنخش ورا امها فهد وهو يركض لها فالمطبخ: منو منو؟ غايه وهي تضحك: مااااااااااشي بنت اليران فهد وهو يظهر من المطبخ وتقابل مع عليا ابتسم لها وسار فوق غايه: هيه من شراتج ريلج يحبج كل ها الحب ابتسمت عليا بخجل : هيه غايه وهي تضحك لانها قدت تحرج عليا: ههههههههههههههه ام فهد: غايه يوزي عن اختج غايه: لاالالالا هب اختيه بنت العم هاي ام فهد: شرات اختج غايه وهي تلوي ع عليا : فديييييييييتها عليوه فهد وهو ينزل : محد يلوي ع حرمتي غيري غايه وهي ترد تلوي ع عليا : واااااااااااااي فديت حرمة اخويه فهد وهو يضحك : شلي ايدينج محد يلوي ع عليا غايه: ولاحتى انته فهد: لا انا غير غايه : انا ايل اسمعه جــــــــــدة غير .. هب فهــــــود غير عليا:هههههههه فهد: فديت هالضحكة غايه: عيب فهود شوف شلون غدا ويه عليا شرا الطماط فهد: هيه اشوف ههههههههههه ^^^^^^^^^^^^^^^^^^^ عالمسن جمول + انوس+ يزوي + جواهروه جمول: اييييييييييه ماقلت لكم يزوي بلقافه كبيرة : شنو شنو شنو؟؟؟ جواهر: ياربي عاللقافه يزوي يزوي: يعني الحين انتي ماتبين تعرفين؟ جواهر: امبلا خخخخخخ انوس: بس بس .. جمول فديتج تحجي شصاير جمول: تعرفون هذاك الريالي الي يتصل على بيتنا .. توقعوا من هو؟ يزوي: أي ريال ؟؟ وليش يتصل على بيتكم؟؟؟ جواهروه: من هو ؟؟؟؟ انوس: منووووووووووووو؟ يزوي: احاجيكم انا .. من هالريال ؟ انوس: اوه يزوي بنقول لج بعدين يزوي: لا الحين جمول: طلع مال المركز يزوي: أي ريال .. ويا مركز .. شسالــــــفـه شوي وينقطع النت عند يزوي وتمت تحاول فيه وهي متحرقصه تبي تعرف من هالريال .. واي مركز ؟؟ .. شسالفه .. وااااااي ابي اعرف مايخصني وهي تحاول فالنت لكن مافي فايدة .. حاولت فيه وحاولت مافتح بغت تتصل فجمول .. بس غيرت رايها وراحت تدرس اما الي عالمسن جمول: طلع مال المركز الشعر جواهروه: صج الحمدلله .. انوس: هههههههههههه عقب كل هالخوف طلع الريال وحليله يبي يقولج انج فزتي وانتي تصكرين فويهه ههههههههههههههههههههههه جمول وهي قافطة : هههههه تخيلو جواهر: وينهي يزوي؟ جمول : ويه طلعت .. لايكون زعلت؟؟ انوس: أي والله لايكون زعلت؟؟؟ جواهر: لا مااتوقع جمول: ماادري المهم باتصلها بعدين يوم بروح عندها جواهر: جمول خلصتي كم كتاب جمول : 4 .. وانتو؟ جواهر: انا 2 انوس: انا 4 ونص جمول : يابرودج يا جواهروه .. صار اسبوع ونص واكثر وانتي للحين 2 بس؟ جواهر: والله جدامي شهر على كيف كيفي بدرس جمول:هههههههههههه والله انتي حاله جواهر : حاله خطرة ولاسهله انوس:هههههههه جواهروه جواهر: لايكون بتقولين فتحي الكتاب وصفحة وماادري شنو ,.. ترا انا داشه النت عشان ارتاح مب ارد للهم انوس + جمول: ههههههههههههههههههههه ^^^^^^^^^^^^^^ فاليوم الثاي الصبح قامت العنود من النوم الساعة 7 درست لين 9 ونص .. بدلت ثيابها ولبست عبايتها وشيلتها ونزلت تحت على سفرة الريوق بوناصر: هلا هلا بنيتي العنود وهي تبتسم: صباح الخير بو ناصر وام ناصر: صباح النور العنود: شلونك يبه(وهي تبوس راس ابوها ) شلونج يمه (وهي تحب راس امها) بو ناصر : بارك الله فيج .. الحمدلله ام ناصر : تحبين الكعبه انشالله .. الحمدلله زينين.. ها يمة وين بتروحين لابسه عباتج؟ العنود وهي تبتسم: وياكم .. باروح المدرسه عندي كم درس مافاهمته وابلتنا الفيزيا قالت بتكون موجودة اليوم فبروح عشان تشرح لي .. ورفيجتي تماظر بعد بتروح لمدرسه الفلسفه ماادري شتبي منها .. وبنرد ويا بعض ام ناصر : اييييييييييه الله يوفقكم العنود:انشالله .. الا يبه مارحت اليوم الشغل؟ بو ناصر : لا والله يابنيتي بعد شوي بيمرني محمد .. وبنروح سوا تغير ويه العنود من طاري محمد .. كلها دقايق ويرن الجرس بوناصر : هاي اكيد محمد راحت الخدامة تبطل الباب ياترى شبيصير بين العنود ومحمد؟؟؟؟؟ وشبيصير بين تماظر والعنود ^^^^^^^^^^^^^^ كنت قاعد فشغلي وافكر اتصل ؟؟ ولا لاء؟ لالالالا بتصل على الاقل اسمع صوته اتصل؟؟؟؟ ولا لاء؟؟؟ كنت فحيرة كبيــــرة اشتقت لسماع انفاسه .. واشتقت اكثر لسماع صوته ضربت يديني على رقم كنت حافظة من انا وصغير شوي ويتخلخل صوت رجل يقرب صوته للشيب: الو .. الو محسن تردد يرد .. ولا .. لكنها مب عدله انه يصكر فويه ريال بكبره .. وفويه من ابوووووه؟ ..: الو السلام عليكم بو ناصر تم قلبه يدق يحس هالصوت سامعه من قبل بس وين مايعرف .. : وعليكم السلام والرحمة محسن وهو يحس بتوتر كبيـــر ليش اتصل شيقول؟ ..اهم شي سمع صوت ابوه .. اه .. يا يبه صوتك ماتعرف شلون داوى جروحي .. : سوق بو محسن للمبيعات التجاريه؟ بو ناصر : لا ولدي هاي قبل كان محل بومحسن .. الحين محل بوناصر انصدم محسن حس بنبضات قلبه تتسارع .. وقلبـــه يعتصر من الالم .. معقوله مب ابوه ؟ .. لالالالا هالصوت صوت ابوي مع انه قريب للشيب .. هاي صوت ابوي .. بس بس ليش غير .. معقوله لهالدرجة يكره وجودي .. كان يسمع ايل يتكلم وافكارة تروح وتروح الى اماكن احنا مانعرفها : ....... بوناصر : خير ياولدي بغيت شي؟ محسن بانصدام وجمود: لا سلامتك يايبـه .. يلا بخليك يا يبه.. مع السلامة بو ناصر تم قلبه يددق طبول من سرعتها وخفقانها حس كلمة يبه ذكرته بولده محسن .. ليش يادنيا تفرقينا .. اه يامحسن .. مااشتقت لابوك .. والله قلبي يتقطع من اجوف الولد يساعد ابوه على الصاعدة والنازله .. وانا ولدي ماادري به كبير صغير متزوج ولا مب متزوج .. على طريج عدل ولا لاء؟ نايم ولا راقد .. شبعان ولايوعان .. محتاج ومغتني .. اااه صكر عينه وقلبه لازال يدق ويحسه رد ينبض مثل قبل بدون متاعب وهموم .. تذكر البنت الي اتصلت ورادته والحين الولد اتصل وبعد يبغيه يكون تكون ذيج البنت مرت محسن؟ مرت ولدي؟؟ معقوله؟؟؟ ^^^^^^^^^^^^^^^^^^^ توني راد من المستشفى وديت يدتي المستشفى عشان ريلها الي تعورها وايد فيصل وهو يفصخ نظارته: يمه ماتبيني انزلج ؟ يدة اليازي: لافديتك مشكور .. تعبتك وياي فيصل وهو يبتسم : افا افا يدوه الحين انتي تتعبيني .. بالعكس يدوه فديتج يدة اليازي وهي تبتسم لفيصل الي له معزة كبيييييييييييييييييييييرة بقلبها : يلا باروح داخل .. تعال داخل فيصل : بامركم العصر .. الحين عندي دوام فالشركة يدة اليازي وهي ترفع يدها للسما : يارب توفق فيصل وتهنيه وتزوجه وتخليني اجوف عياله قبل لا اموت فيصل: يمــــه شالكلام لا انشالله انتي الي تزوجيني وتربين عيالي واحفادي بعد يدة اليازي: ههههههههه انشالله ظهرت يدة اليازي لبيتها وفيصل راح وساعدها وهو حامل كيس الاداوي يّـــــــــــه العصر وياب فيصل امه لبيت يدة اليازي الي هو نفسه بيت يزوي( بيتهم عبارة عن قطعه ارض عوووووودة عليها ثلاث فلل .. فله ليدة اليازي وفله لام اليازي وفله لعم من اعمام اليازي) فيصل كاان عطشان وايد وبما ان اليدة هالحزة تكون فالحديقه ويا ام اليازي وامه دش البيت وراح للمطبخ توة بيدش المطبخ الا ويزوي كانت تصب لها عصير اشتاق لها وااااااايد صار له اسبوع ونص ماجايفها ولا حتى لمحها فيصل :يزوي شتــ ـ ـ ـ ـ | ||||
|
| |
 |
| الكلمات الدلالية (Tags) |
| الوداع |
| أدوات الموضوع | |
| انواع عرض الموضوع | |
|
|
1Likes
العرض العادي
