25-03-13, 09:19 PM
| #11 | ||||
| نجم روايتي ومشرفة سابقةومصممه 
|  استانست مع ابوي وامي وخواني ,, انبسطوا على مكاني وريتهم اياه وتعشينا مع بعض بس ابوي رفض انهم يطولون عشان نواف اذا دخل يرتاح ,, ماكان ودي يطلعون بدري بس ما قدرت امنعهم ,, هو ما يعرف انهم بيجوني لانه يطلع الصباح ولا يجي الا وقت النوم ,, دخلت غرفتي بعد ما مشوا اهلي وبدلت ملابسي ,, لبست بيجاما قطن ناعمه وخذيت لي كتاب اقراه ,, مليت من التلفزيون اللي كله نفس الشي ,, ما حسيت بالوقت كم الا انا نايمه ,, ما اذكر متى توعيت يمكن 3 شفت النور مطفي وكتابي على الطاوله بجنبي ,, شهقت وقعدت في سريري وفتحت نور الاباجوره اتذكر وش اخر شي سويته ,, معقوووول دخل يا ساااااتر ,, ماودي يشوفني كذا ,, هو ما يدخل شمعنى الليله دخل يبي شي ,, رجعت على مخدتي وانا في قمة الاحراج منه ,, ***** قالت لي عتيقه انه اهلها زاروها الليله بس ما تأخروا كثيير ,, والشغالات قالوا لها ,, عن اللي صار داخل البيت ,, بعد ما نام فيصل في سريره وتأكدت انه تعمق في نومه طلعت للملحق ,, صرت اعد الايام اللي تفصلني عنها ,, وتروح في حال سبيلها ,,انا غلطان من الاصل اللي اعرض عليها العرض ذا ,, المفروض احمد ربي على اللي عندي ولد ونعمه بعضهم ما عنده احد ويتمنى ولد ,, وش ابي اكثر من كذا ,, انا وش لي في وجع الراس والشك والمحاتاه اكثر من كذا ,, كفايه علي وحده والله ياخذها ابتلش بثانيه ليه ,, دخلت البيت ,, ولقيت الانوار كلها طافيه ,, دخلت للممر اللي يجمع غرفنا ,, صارت 2 وللحين نور غرفتها مولع ,, استغربت فتحت الباب ,, الا هي في سريرها نايمه ولحافها عند رجولها ,, كتابها كان طايح على صدرها ويدها داخله في شعرها ,, صايره مثل طفله بريئه ,, ذكرتني بفيصل ,, لحفتها وخذيت الكتاب بشويش وحطيته على الطاوله ,, تحركت شوي بس طفيت النور وطلعت ,, ما حسيت تجاها بأي شي ,, الا شي واحد ,, انا عارف اني ضاغط عليها لكن لي اسبابي وكلها فتره وبتعدي ,,,, ***** من بكره وام نواف جتها مديرة اعمالها لتجهيز الحفلات وطلبت منها تجهيز القصر للعشاء ,, واتفقت معها على تنسيق الوقت وكيف كل ساعه وش بيكون فيها ,, طلعت نور للجازي في الملحق من بعد الظهر وقعدت معها في غرفتها ,, خصوصا ان نواف قال لنور انه بيطلع لربعه وما راح يجي الا بالليل ,, كلموا عاليه وفهده وقالوا لهم يجون ,, وقعدوا يسولفون عن اشياء كثيره ,, حاولت الجازي تسأل نور عن طلاق نواف الاول وش سببه لكن نور قالت لها ,, انا ما اعرف بالضبط لكن اكيد نواف بيقولك يوم من الايام ليه مستعجله ,, جتهم الكوافيره العصر ومسكتهم هي ومساعدتها ,, طلبت من الجازي فستانها ,, وبناء عليه قررت تسوي لشعرها الطويل ويفي على ورى وترفعه من الغره والاجناب ,, نزلت لها خصل على جنب ,, وابتدت بالمكياج اللي اصرت الجازي انه يكون خفيف ,, ,, وصلت ام الجازي واختها مها وجهزوا مهوي معاهم ,, رفضت الجازي انها تلبس الفستان الا بشال يغطي كتوفها الصغيره لكن الكوافيره اصرت انها تتركه بدون شال بيكون احلى وبتخلي شعرها يغطي شوي من الكتوف لو على جنب ,, اكتمل الشكل النهائي للجازي ,, صفرت لها فهده ,, وهي تقول كنك من عرايس الملوك القدامى ,, رهييييبه نور : صدق متاثره هاذي زوجة اخوي نواف ,, اي ملوك قدماء فهده : ما تقرين تاريخ ملوك الرومان ااول ماقد شفتيهم في الافلام نور : ماصار لي الشرف وصوت ضحكنا واصل لبرى ,, بعد ما لبسوا البنات فساتينهم ,, طلعنا مع بعض نمشي للقصر كأننا موكب صغير يحيط بالجازي ,, اول ما وصلنا للمدخل وام نواف متوسطه مجلسها على الطراز المغربي العريق ,,, دخلت الجازي وسلمت على الحريم واحنا وراها ,, حسيت العالم منبهرين بجمالها ,,وعيونهم عليها ,, فرحت لها من قلبي مع ان قلبي يقول انها تعاني مع زوجها ,, كلمتني فهده بس مادريت وش تقول ورديت عليها عاليه : ما سمعتك وش تقولين فهده : اقولك شوفي الحريم اللي هناك ما نزلوا عينهم منك ,, يمكن يخطبونك طالعت في المكان اللي تشوفه فهده وانصدمت صديت ما ابي اشوف , عاليه : لا يخطبوني ولا شي هذولا بنات عم اللي طلقني فهده : قطيعه ,, الله يعوضك باخير منه وانا ارد عليها من قلب آآآآمين ,, استمر العشاء لحد وقت متاخر ,, كان عشاء رسمي مافيه اي رقص ,, وبعد العشاء ابتدى الضيوف يطلعون ,, قعدنا مع الجازي نبي نستانس اكثر وقت معها ,, لكن بعد فتره لاحظت ارتباك نور وهي ترد على الجوال وشفناها تطلع من المجلس تركض خفنا قامت لها الجازي وهي تسأل الشغاله وش فيها نور اللي ردت عليها فيصل مريض كثثثييير فوق ****** ما قدرت امسك نفسي وقلت للشغاله تدلني غرفة فيصل وانا اركض بسرعه دخلت لقيت نور على طرف السرير وهي تمسك خد فيصل وتقول الحقي جزووي شكل الولد محموم من زمان عتيقه واقفه عند راسه ,, وهي تقول انا كلمت نواف بيجي هالحين هو نايم بس بعد فتره حسيته يصيح ويبيكي وهو ما يدري بشي مررره الاحرارته مرتفعه سالت عتيقه وين دواء الحراره ,, فتحت لي درج عنده في ادويه عرفتها بعضها شي للصدر وشي مسكنات اتذكرها لان اخوي حمود قد خذها ,, عطيته المسكن على الاقل تخف حرارته شوي ***** من قالت لي امي عن عشاها وانا متفق مع سعد اني اجيه ,, ابي استانس شوي اخر مره جيت الفيلا من شهرين يوم راحوا اهلي سويسرا ,, جيته الا الشله مجتمعه والبنات كلهم فيه ,, وعبير جايه ومسويه فيها انها زعلانه لما سمعت بزواجي ,, سفهتها ,, واول ما شافتني ما عطيتها وجه جتني ركض ,, ظلوا طول الوقت يرقصون ويدخنون ,, واحنا نلعب بلوت ,, ما حسينا بالوقت الا لما شفت امي عتيقه تكلمني وتقول تعال بسرعه فيصل تعبان مدري وش كان في يدي الا اني طلعت لسيارتي بدون ما احس وانا خايف اوصل البيت والاقي فيصل صاير فيه شي ,, اول ما دخلت للقصر الا بعض الحريم يركبون سيارتهم ما هموني اصلا وقفت في المدخل ودخلت على طول ركض على الدرج فوق ***** اول ما عطيته الدواء مسكته مع نور وقعدته على السرير شوي الا بدخلة نواف علينا اول ما شافني كنه شايف شي استغفر الله بس ويشوف الدواء ويصرخ نواف : مين عطاه دواء الجازي : عطيته مسكن حرارته مرتفعه نواف : انتي وش دخلك اصلا كم مره قلت لك مالك دخل فيه ,, مسك فيصل وهو لسى باقي فيه حراره ,, يالله يمه البسي بنروح المستشفى تكلمت نور : انا بروح معاك اصبر شوي نواف : لا وانا بستنى حضرتك لحد ما تبدلين ,,, خذ فيصل وهو يقول : لو الله فكني من طبها كان ابرك لي ,, طلع نواف وفيصل بيده وعتيقه وراهم بالدواء وشنطة الغيار لفيصل ,, مسكت نفسي لا اصيح ,, ما ابي اضعف قدام نور ,, قلت لها امشي اكيد البنات الحين يدورون عنا ,, نزلت الا فهده وعاليه طلعوا للملحق يأخذون اغراضهم وامي قد مشت ,, دخلت على خالتي وشكرتها على العشاء واستئذنتها ورحت لقسمي وانا الحزن قطع قلبي ,, فصخت الفستان اللي كل من مر جنبي انهبل عليه وقلت لهم انه ذووق فهده ,, دخلت وغسلت شعري من السبراي ولبست لي جلابيه حرير ساده ,, جففت شعري وقعدت انتظر ,, ابي اتاكد من نور وش صار على فيصل ,, حافظه رقم نواف عندي من ذيك المره لما تأخر الوقت بغيت ارسل له ,, بس دقيت على نور ,, ما ردت ,, نطرت نص ساعه بعد وصلنا الفجر ومدري وصولوا والا لا وفي الاخير ارسلت له مسج ( ان شالله فيصل احسن الحين )) ما جاني رد ,, طلعت من الغرفه ودرت في الملحق ماعندي هدف وكل شوي امسك الجوال ,, لايكون الولد تعب من الدواء اللي عطيته زاد خوفي بس انا متأكده من الجرعه ,, بعد نص ساعه ثانيه سمعت صوت مفاتيح في المدخل ,, كنت واقفه انتظر الا نواف داخل وهو يشيل فيصل ومعاه ادويه ,, مشيت له بسرعه وخذت الكيس ,, ومشى على طول ودخل غرفته وحط فيصل على السرير ,, كان نايم ,,, قعد يطالع ولده فتره وحسيت ان شكلي غلط واقفه ,, بس ما قدرت اطلع بدون ما اتطمن عليه ,, الجازي : بشرني احسن الحين طالعني بنظره حزنتني الا هزتني من داخل : مدري كيف اشكرك ,, لانك لو تاخرتي ماعطيتي فيصل الدواء كان صار له تشنج ,, الجازي : مافيه شي تشكرني عليه اللي المفروض اني اسويه سويته ما قدرت اشوفه محموم ولا اعطيه مسكن ,, وكملت بصوت هادي ,, الحمدلله على سلامته ,, وطلعت من الغرفه ,, **** طالعت مكانها يوم طلعت ,, أنبني ضميري من قال لي الدكتور انه كويس لحقت على ابنك وعطيته الدواء ولا كان دخل حالة تشنج ,, حرارته بعد ما شرب الدواء 40 الا يستر قبل الدواء وما بغت تنزل الا ادوية اضافيه ,, مدري كيف اشكرها ,, قسيت عليها كثير ,, بس ما ودي تقرب عند فيصل ,, خايف من شي ,, ومدري اقدر امنعه والا لا انه يصير ,, | ||||
|  |
|
26-03-13, 11:12 AM
| #12 | ||||
| نجم روايتي ومشرفة سابقةومصممه
| (( الجزء السادس )) دخلت غرفتي وانا مرتاحه انهم رجعوا من المستشفى بس ما توقعته يجيب ولده هنا ,, ارتحت لما شفت في نظرته وكلامه الامتنان ,, مو عشاني بس اني سويت شي مفيد اسعدني جدا ,, حسيت كلامه لما كان معصب عشان الدوا راح من قلبي ,, تمددت بس ماجاني نوم ,, حاولت لكن مافي فايده ,, بعد فتره غمضت وماحسيت بعمري ,, ****** قمت ابي اشوف ابوي وينه ,, كلمته وسالته ,, وقال انه في الشغل وما راح يجي قبل العصر ,, درت في القصر شوي اجزاء كثيره مسكره ,, بس بغيت اتطمن على الأوضاع ,, كم مره يقنعني ابوي يجيب لي حرمه كبيره تقعد معي وارفض ,, احسن لي شغاله ارسلها ولا استحي منها ولاحرمه كبيره اعبلها بشغلي اللي ما يخلص ,, كلمت عاليه ابي اشوف مودها كيف ,, ردت علي بأنها مشغوله مع امها بيجونهم ضيوف وبتكلم عقب ,, الجازي يا عمري عليها ,, شكلها البارح خيالي مررره ,, الظاهر اني بفتح بوتيك وبحط فيه فساتين جاهزه ,, انهبلوا على فستان جازي البارح ,, مع اني متأكده ان ابوي راح يرفض اني اسوي شي ,, وكلمته ترن في راسي (( انتي مو محتاجه خليك في دراستك ابرك )) وفاة امي خلتني اكبر من عمري بسنوات ومحد يصدق اني خلصت سنه اولى جامعه ,, ***** قمت اشوف حلتي بعد البارح والتعب ,, مدري متى رجع نواف ,, الساعه 5 توعيت ورحت اشوف وش السالفه قالت لي امي عتيقه انهم رجعوا وراحوا للملحق وانه طيب ,, فرجعت نمت ,, فتحت شنطتي للمره للالف من هذاك اليوم وشفت صورة ماجد وصبحت عليه وبسته على جبهته مثل ما اسوي كل مره ودخلتها في شنطه للمكياج صغيره ودخلتها جوووه عشان محد يفطن لها ,, دقيت على جزووي ما ردت علي ,, فناديت الشغاله ترتب معي الغرفه ,,, دقيت على عاليه ابي اشوف وش اخبارها ,, لعل وعسى تقول لي شي ,, لكن ارسلت لي مسج سريع ,, اتصل بك لاحقا ,, ****** قمت متروعه لما شفت الساعه 9 وانا مدري وش صار على فيصل وابوه ,, قمت خذت شاور ولبست تنوره جينز مع توب قطن ,, لفيت شعري وعكفته ,,, تعطرت وطلعت ,, كان باب الغرفه مسكر فتسمعت ابي اسمع اي حركه لكن ما فيه صوت ,, طلعت للمطبخ اللي في الوسط ,, انا اسميه مطبخ بس هو على شكل مطبخ من جنب وتلفزيون وطاولة طعام على جنب ,, ما لقيت فيه احد رجعت للمجلس الابيض ,, لقيت نواف وفيصل قاعدين فيه وعندهم عتيقه ,, دخلت وقلت الجازي : السلام عليكم,, كلهم : وعليكم السلام جيت لفيصل وهو تعبان والمرض واضح في وجهه : شلونك فصولي هالحين ,, كلمني بحنان : طيب ,, كمل يشوف الالعاب اللي جايبنها له وقمت وانا اشوف نواف عيونه تلاحقني ,, الجازي : كيفك يمه عتيقه : طيبه يا حبيبتي انتي كيفك اليوم ,, هزيت راسي شوي ورديت عليها : طيبه ,, ما بغيت اطالع فيه احساسي يقول كذا ان عيونه تدقق فيني ,, فبعد شوي حسيت اني بالمره غلط ,, او جودي مو مرغوب فيه ما صاروا يحكون كلش وسكتوا بعد ما دخلت ,, رفعت عيني له لقيته مركز فيني ,, وعلى طول صد ,, وهو يقول ,, خلاص يمه : خذي فيصل للبيت ,, والادويه قولي لنور عنها ,, انا بطلع للشركه اشوف وش صار عندهم وقام وهي تقول له نور تلاقيها نايمه ,, نواف : صحيها ,, وقام وطلع من المجلس ,,, اول ما راح جيت لعتيقه وانا اقول : خلاص يمه خليه عندي انا بعطيه الدواء ,, عتيقه : ما اقدر يمك اكسر كلامه ,, الجازي : لا ماعليك قولي له اني قلت لك هو بيطلع للشغل وما ارح يجي الا متأخر ,, انا بهتم في فيصل ,, شكرتني وقعدنا نسولف لحد ما طلع ,, وبعدها بشوي طلعت عتيقه للقصر وقعدت مع فيصل في المجلس ,, قعدت معه على الارض ولعبت معه شوي وجبت له قصص وقريت عليه لحد ما جاء وقت الغداء ,, غديته ,, وعطيته الدواء ,, لين حسيته بينام خلاص ,, جبته لغرفتي ودخلته في السرير ونومته ,,, والله ما سويت هالشي عشان ابوه,, بس احساسي اني ابي اسوي شي زين كان مسيطر علي ,, قعدت على الكنبه اشوف التلفزيون وصوته واطي مرره ,, لحد ما استرخيت على الكنبه ونمت ,, مدري كم الوقت اللي مر بس توعيت عليه وهو ينادي فيصل وهو واقف عند راسه : فيصل يالله قم فيصل .... جيته وانا امشي مو مركزه : اتركه ينام ليه تصحيه عطيته الدوا,,, نواف : مالك حق تجيبينه هنا ,, واذا قلت شي ثاني مره مو تكسرين كلامي ,,فيصل يالله الجازي : الولد نايم وتعبان ,, لا تصير كذا ,, خلاص انا اول ما يقوم بخلي الشغاله توديه للقصر ,, اتركه لو سمحت ياخذ راحته شوي ,, طلع من عندي وهو يتنهد بقوه ,, وده يمكن يكفخني مدري عنه ,,, قعدت على طرف السرير وانا اطالع فيصل ,, حبوب الولد بشكل ما تصورت ,, والشي الحلو فيه انه دخل معي بسرعه ما حسيت انه ما يبيني ,, انا متأكده لو ابوه قال له شي عني راح يتأثر ,, لكن كثر الله خيره على قسوته ماخلى ولده يكرهني ,,, تمنيت للحظه انه ولدي وحزنت منه انه ماله ام تربيه ,, مهما كان الجده والخالات والعمات ما يقصرون ,, لكن الام غييير ,, حزنت من نفسي ومن معاملته لي ,, مو راضي لو يتنازل شوي عن غروره ,, شايف حاله ,, ما حسيت بالدموع الا امتلت في عيوني ,, رجع ثاني لحد ما وقف عند فيصل ,, مدري ليه رجع ,, حاولت اشوف ساعتي اللي عند الطاوله واضبط وقتها ما ابيه يشوف دموعي ,,, نزل شعري على وجهي بطريقه حجبته مني وارتحت اكثر ,, بس لحظه وشفت رجله عندي ورفعت راسي له ,, طالع عيوني , نواف : انا ابيك تكونين متعاونه اكثر من كذا ,, انتي عارفه وضعنا ,, ومو انا اللي بفهمك اياه ,, فيصل له وضعه الخاص وما ابيه يتعلق بحد مصيره معروف في هالبيت ,, فاهمه علي ,, من بين دموعي قدرت اقول له ,, فاهمه ومشيت من عنده لغرفة الملابس وسكرت الباب وانا ابكي حظي المعثور ,,, بكيت لين الله شاف لي ,, تعوذت من الشيطان وقمت وغسلت ,, رجعت لغرفتي لكن مالهم اثر لا هو ولا ولده ,,, اختنقت زياده وحسيت اني منبوذه منهم مع اني مو ناقصني شي ,, ***** صورتها ما تفارقني ,, حسيت للحظه اني بحضنها لما شفت دموعها ,, سوت كثيير عشان فيصل ,, بس ماودي يتعلق فيها ,, تغيرت جدا في السنوات الاخيره ,, كرهت نفسي وتصرفاتي ,,بس تعلمت بعد تجربتي ان الشده في كل شي تجيب نتيجه ,, ,,, فجأه وانا اسوق جاني طيف ابوها وهو يوصيني عليها ,, اظن الشي الوحيد اللي سويته اني عيشتها عيشة ملوك ,, لكن تعاملي معها مقدر اغيره ,, ***** يمر الوقت ببطئ ,, اتصلت على فهده تريحني بكلامها شوي ,, وتخليني احس ان الدنيا حلووه ,, اول ما سمعتها حسيت اني ببكي وما قدرت امسك صيحتي ,, فهده : لاااااا انتي مو طبيعيه ,, اقدر اجيك الجازي : تعالي انتظرك ,, قمت وغيرت ملابسي ,, وجهزت المكان ,, بخرت غرفتي ,,وساعه الا هي عندي ,, دخلنا في غرفتي ,, وانا مو مصدقه انها معي ,, اول ما قعدنا على الكنبه وفصخت عبايتها ,, جبت لها عصير ,, وقعدنا نسولف فهده : انتي مو مرتاحه صح بكيت من قلب هالمره ودي حد يساعدني وافضفض له ,, ودي حد ائتمنه على سري ,, ظلت فهده تهدي في جازي لحد ما ارتاحت وقدرت تحكي عن زواجها وظروفه اللي تم فيها ,, طول الوقت وانا احكي ما قاطعتني فهده ,, مستمعه لي ,, صحيح اصغر مننا كلنا ,, لكن ما شالله عليها اتزان تحسدها عليه ,, بعد صمت طويل مننا ,, طالعتني فهده بهدوء : نواف ينحب ولا لا الجازي : مدري فهده : لا تقولين مدري انتي لو شفتيه بدون ما تعرفين ظروفه ذي بتحبينه ينقبل العيشه معه اقصد الجازي : مافيه شي ولا شي ناقصه بس كم صار لي معه اسبوعين ولا هفت نفسه علي ولاجاه فضول ابدا يقرب مني ,, هو ناوي يطلق يا عمري ,, كثر الله خيره الله للحين محافظ علي ,, فهده : حبيبتي بصراحه انتي سلبيه الجازي : وشو صاحيه انتي فهده : نعم صاحيه واصحى منك ,,, شوفي الرجال عنده سبب يخليه يسوي كذا وهو اللي شرط وانتي قبلتي ,, تجين انتي ترفضين كذا انتي تقولين ما ابيك ,, لا وتمصلحتي وسددتي دين ابوك من جيبه ,, وش حصل من وراك يا قلبي علميني ,, لا وكثر الله خيره زين اللي مخليك كذا عشان تشوفين حالك مع احد ثاني ,, عز الله انه ما قصر ابد الجازي : الحين ابيك عون تصيرين فرعون ,, فهده : ما خلصت حكيي ,, انتي فاهمه اللي قلته كله واضح ,, علميني وش دورك انتي ,, الجازي : كيف يعني ,, ,,انتي تحسبين انه بذا السهوله ,, مو تارك لي فرصه , ولده ذاك اليوم مرض كبر السالفه ,, وش اسوي يعني ,, فهده : لا حبيبتي المطلوب هو مو ولده ,, يعني ليه ما تتقربين له ,, تسوين له حركات يعني انك تبين رضاه ومن سوالف الحريم الجازي : لا بالله منتي صاحيه الحين واحد على قولته ما يتنزل لاشكالي تبين اذل نفسي له ,, فهده : والله يا حبيبتي انتي من كنتي عنده ماحرم نفسه منك وانتي حلاله بس العله فيك انتي الجازي : حرااام عليك وش اسوي اكثر من كذا انا طقت كبدي وانا صابره رفض الجامعه رفض ازوركم ,, بيت اهلي هو بيوديني مدري كل كم ,, انا مدري وش اسوي ,, شوري علي والله محتاره ,, فهده : والله يا حبيبتي ما اقدر انصحك اكثر من رسولنا صلى الله عليه وسلم ,, (( كوني له امة يكون لك عبداً)) ****** كلمت امي ابي اخطب نور ,, وضاق صدرها مررره ,, تكلمت عن مستواهم المادي ويمكن ما تقبل وانت ما تنرد ,, البنات كثار ,, لكني اصريت ,, فناديت عاليه ,, ودي اقولها عن نيتي ,,ناديتها واول ما قعدت ,, سألتها : وش رايك بصديقتك نور عاليه : من اي ناحيه يعني ماجد : نور فتحي مخك شوي ,, عاليه : هااااااااا لاتكون تخطبها ابتسمت من غير ارداه : وليه لا بترفض يعني ولا ايش عاليه : وشمعنى نور بالله ,, ماجد : ابوها انسان محترم مره ,, وفكرت اني اناسبه عاليه : بس ماجد : وشقصدك يعني عاليه : انت قد شفت نور ,, تلخبطت مادريت وش ارد عليها ,, ماجد : هاا لا بس من كلامك عنها وحبك لها جاتني رغبه اخطبها ,, عاليه : بصراحه نور بنت رووعه ,, لكن مدري عن اهلها ,, ماجد : اتوكل على الله يعني ,,, كلهم: توكل على الله ,,, ***** مر اسبوع كامل,,,, البنات داوموا بالجامعه ومشغولين مع دراستهم ,, طلبته اروح لهلي قال انا مشغول كم يوم خليه لين افضى ,, صرت كل يوم الضحى اروح لخالتي في القصر واتقهوى معها ,, حسيتها حبتني وسولفت لي عن نواف كثيير ,,بعد كم يوم اصرت اني اقعد معها لحد ما يجي عمي واتغدا معهم ,, فصار روتين ذاك الاسبوع اجيهم قبل الظهر بشوي واقعد معم لحد الساعه 2 ونص اطلع قبل يجي نواف ,, في اثناء وجودي يجي فيصل وصرت اسولف معه واسئله عن المدرسه ,, ووراني ورقه من مدرسته تبي تقابل ولي امره ,, فقررت اني اروح بس مدري كيف بقول لابوه ,, صرت احل معه الواجب بعد ما يطلع ابوه العصر ارسل له الشغاله ونقعد نحل لحد ما يخلص كل شي ,, واذا جات الساعه 8 اخليه يرجع ينوم بغرفته بعد ما اعشيه واخلصه ,, هو صحيح اسبوع بس احس ان حنا عرفنا بعض من زمان وقوت علاقتنا بطريقه عجيبه ,, وكل ما سويت شي شكرت فهده لانها عطتني دفعه اقوم بشي ,, المشكله اني اسوي كل شي من وراه ,, بس يالله ربي ما راح يضيعني ابد ,, قررت اخذ امي عتيقه ونطلع للمدرسه اشوف وش يبون ,, ما راح اعلمه ,, انتظرت لما تأكدت انه في الشغل وبعدين طلعنا للمدرسه ,,اول ما وصلت للاداره سألوني انتي امه وقلت لهم اييه مدري ليه بس ودي اكون امه ,, قالت لي الأبله ان فيصل دايم سرحان في الصف ومو متفاعل مع زملاءه ,, وكم مره يطلب اذن يروح للممرضه يشكي من الم في الراس ,, من كلام الابله فهمت انه مافي اهتمام في البيت يمكن ولازم يصير تواصل عشان تنحل مشكلة فيصل ,, بعد ما وعدتها اني راح ابذل جهدي معه ,, طلعت مع عتيقه ورجعنا البيت ,, وانا ناويه اكلم نواف في المشكله ذي ,, بالرغم اني مهتمه فيه الايام اللي راحت ,, استغربت الشكوى ذي ,, واحنا للحين بالطريق رن جوال عتيقه واول ما رفعت الخط : سمعتها تقول , ايه احنا لسى طالعين من المدرسه ,, ايوووه ,, الا لحظه عطتني السماعه وانا عارفه وش التهزيء اللي بيجيني ,, نواف وبصوت مرتفع شوي : ممكن اعرف مين عطاك اذن تروحين للمدرسه ,,, لا وامه بعد ,, انتي متى بتفهمين اني ما ابيك تتدخلين في ولدي ,, لكن الظاهر انه ما يصلح اتصرف الا بحل واحد وسكر السماعه وانا اغلي ,, الحين هذا جزاتي ,, ما سويت شي يعصب عليه ,, يعني بدل ما يساعدني نحل مسالة الولد طايح فيني تحطيم ,, يا كبرها عند الله يا نواف سواتك فيني ,, صديت اشوف الجهة الثانية ورجعت الجوال لعتيقه اللي ما بدر منها اي شي ,, ما راح تقوم ضده لو انطبقت السماء على الارض ما راح تقول غلطان ,,, وصلنا القصر ونزلت عتيقه عند المدخل وانا كملت للملحق تفاجأت ان سيارته عند المدخل ,, الا هو كيف عرف اني رحت للمدرسه ,, استجمعت قوتي كلها عشان اوجهه ,, ودخلت اول ما خطيت كم خطوه طلع لي من باب المجلس ,, نزلت طرحتي على كتفي وطالعته وانا احس لو بيقول لي كلمه برد عليه بعشر ,, نواف : انا ما قلت لك لا تطلعين بدون اذن الجازي : شي مهم لازم اروح ,, نواف :كلموني المدرسه بعد ما طلعتي وقالوا انك نسيتي جوالك على الطاوله ,, الجازي : هااااا نواف : بس الاهم من كذا انتي لو ما نسيتي جوالك ,, شلون تخبين عني موضوع ما يخصك اصلا ,, الجازي : انا كنت ناويه اكلمك عشان لازم تنحل هالمشكله بسرعه نواف : لا والله مصلحه اجتماعيه والا دكتوره نفسيه الجازي : يا ليتني دكتوره كان عالجتك من عقدك النفسيه ,, ما وعيت بنفسي الا طايحه على الجدار من قوو الكف اللي خذته ,, قعدت على الارض مو مستوعبه اني انطقيت ,, اول مره في حياتي اخذ كف ,,جمدت عيني الا تحجرت ,, ما رضت نفسي اني اضعف ,, قمت وانا احاول ما اطيح ,, الا هو يقول : جهزي نفسك بوديك لهلك يالله ومشى من عندي وانا احس الدنيا سودا ,,, مدري كيف وصلت غرفتي , معقوله خلاص هاذي نهايتها ,, يعني مافيه رحمه في قلبه ,, انا وش سويت الا اني قمت باللي اشوفه زين ,, بغيت اني انجز شي ,, هالمره كل اللي سويته عشانه ,, ابي يحن قلبه علي ,, لكن خساره ,, مدري وش اسوي فكرت في مشاعر ابوي ,, اكيد بينصدم اذا شافني ,, ما راح يتوقع ابدا ,, قعدت مو عارفه وش اسوي,, ظليت على وضعي قاعده في غرفتي وبعباتي على الكنبه ,, اطالع في المجهول مدري شكثر مر علي ,, ***** تحسفت اني ضربتها يعني كنت ماسك نفسي منها وتاليتها اضربها ,, ندمت بقوه على اللي صار لكن طريقتها حدتني على كذا ,, مدري جهزت حالها واالا لا ,, بغيت ادخل عليها لكن لا خلها كذا ,, اكيد اول ما تخلص بتجي اوديها ,, ,, دخل علي فيصل جاي مع الشغاله ,, ومعاه جوالها وهو يسالني : وين خالتي ,,, نواف : عطوك جوالها ,, فيصل : اي الابله قالت لي قدام العيال عطه امك ,, وقالت لي امك حلووه مثلك ,, نواف : وانت وشقلت لها فيصل : قلت شكرا بس انبسطت انها امي ,, عشان الاولاد كلهم عندهم ام الا انا ,, من اليوم يبا هي امي طيب ,,, نواف : لا يا حبيبي هي مو امك ,, وبعدين هي عندها شغل وبتروح لأهلها للحين ما كملت كلامي مشى من عندي بسرعه لحقته الا هو يدخل غرفتها ,, شفتها جالسه على الكنبه بأحباط ما شفتها كذا من خذتها ,, دخل فيصل وهو يقول لها : صح ما تروحين ,, صح ماعندك شغل ,, انتي ما تتركيني ,, انتي وعدتيني تحلين معي الواجب كل يوم ,, مسكته وضمته لها بقوه وهي تشهق ,,بشكل ما توقعته انا بنفسي ,, الجازي من وسط دموعها : انا بروح لأن ابوي مريض ,, ابي توعدني انك تدرس زين عشان تصير احسن واحد في الصف وتاخذ الاول طيب فيصل : لا لا ما تروحين ابوك عنده ام انا ماعندي ,, هنا ما قدرت امسك نفسي ودخلت نواف : فييييييييييييصل بصوت عالي شويه ,, يالله ماريا تنتظرك برى ارجع للقصر بجيك هالحين ووقف يطالعني ووقفت هي بعد ,, مسكها فيصل وهو يقول :لا ما تروحين لاااا,, الجازي وهي تقاوم دموعها :,, ضمته بسرعه وطلعت قلم من شنطتها : اكتب بذا يخليك تخلص الواجب اسرع طيب يا عمري ,, فيصل بصياح هستيري ويمسك عبايتي : لاااااا لاااااااا ما تروحين ,, وقعد يصيح ووجهه للكنبه تقطع قلبي عليه وجيته ومسحت شعره : فيصل خلاص لا تصيح عشاني لاتصيح فيصل : اوعديني ما تروحين ,, ارجوووك انا ابيك ,, انتي امي ارجوووك لحد هنا خلاص ما قدرت اقاوم صياحه ومسكته بين ايديني وضميته بقوووه استجمعت قوتي كلها ووقفت وطالعت ابوه بنظره مدري كيف جتني الشجاعه اني انظر له بهاوتكلمت وصوتي ثابت : انا مقدر اروح وفيصل كذااا ,, انا بقعد هنا وقمت ما ابي اسمع معارضته لكلامي ,, الجازي : فيصل تعال غسل وجهك حبيبي يالله قوم خلاص انا معك يالله قام فيصل ومسك يدي ومشى معي جووه غسلت وجهه وضميته اكثر وطمنته اني معه خلاص ,,,, ****** دخلت مع فيصل داخل ,, ماكان عندي القوة اني امنعها تضمه ولا تاخذه بين ايديها ,, فيصل محتاجها وما قدرت اني اكسر بخاطره مقاومتي عنده تنهار ,, فراقه عن امه اثر فيه ,, اللي ما اعرفه هو متى تعلق بها وانا احاول قدر الامكان ابعدهم وش صاير من وراي ,,, طلعت متضايق من الوضع ككل ومتشتت ,, اللي خايف منه صار ,, فيصل بدى يتعلق فيها ,, واحنا لسى في البر ,,, ****** وقفت سيارتي بعد صلاة العشاء عند مجلس ابو نواف ,, سئلت وقالوا لي على طول بعد العشاء مباشره موجود ,, دخلت وانا اسمي وان الله يحقق مطلبي ,, اول ما شافني الا هو يهلي بي ,, وقعد معي ,, متواضع بدرجه كبيره وهالشي ريحني ,, بعد فتره ومع كثرة الناس طلبت منه اني اكلم على جنب ,, قلت له اني ابي بنته نور ,, قعد يفكر شوي ,, وفي الأخير قال لي كلام اسعدني ,, انت رجال تنشرى بس اشاور الاهل وارد عليك ,,,طلعت من عنده وكلمت عاليه ,, وقلتها لها عن اللي صار ,, انا متأكد انها راح تكلمها تقولها ,, تمنيت الايام تجري بسرعه ويجمعني بها بيت بسرعه ,,, ****** انتظرت ابوي يجي من الشغل خلاص موحاله لازم اخذ منه كلمه عشان اكلم عاليه مو يتردد بعد ,, كلمته ولما قال لي انه عند الباب نزلت الدرج بخفه ابي استقبله ,, لقيت الشغالات واقفين في المدخل يغيرون الورد ,, استعجلتهم وفتحت الباب لما شفت السياره دخلت ,, دخل ابوي وهو يقول الوليد : لااا شكلك اليوم نشيطه ,, فهده : خلصت دوامي بسرعه قلت اجي واسوي شي مفيد ,, غيرت تشكيلة المدخل وطلبت من الشغالات يغيرون الورود ,, ودي اعزم رفيقاتي ,, الوليد : زين تسوين غيري جووك انتي بالحالك وانا اهتم لك كثير خصوصا اذا صرت مشغول ,, افكر فيك مررره ,, فهده : يابااا وش رايك بالموضوع اللي قلت لك الوليد : للحين ما يأستي ,, فهده : نووو ,, يبا انا بكلمها واذا هي موافقه بنخطبها لك ,, تكفى يبا وافق ,,, الوليد : بس مو صغيره ,, انا ابي وحده في الثلاثين على الاقل تتناسب مع عمري فهده : يبا مو شرط احيانا الصغار اعقل مو قاعده يبا ,,من كان اكبر اعقل ,, اهم الشي البنت الاخلاق ,,, الوليد : خلاص شوفي وشتقول وبعدين نتفاهم ,, طرت من الوناسه وانا اسمعه يعطيني الضوء الاخضر ,, ****** طلعت من البيت طفشان وما رجعت الا متأخر حتى القصر ما دخلته ,, رحت للملحق على طول ,,, كلمت امي عتيقه ,, وقالت لي ان فيصل رجع من الملحق الساعه 8 ,, سكرت منها وبالي رجع لما رحتل لامي عتيقه المغرب وانا اسألها عن فيصل وجدوله هاليومين ,, استحت مني وخافت اني اعصب وتحت الحاحي عليها علمتني ,, ان الاسبوع اللي راح كلها ,, تجي الجازي ,,, الظهر وتقعد معهم والعصر ترسل على فيصل تحل معاه واجباته ,, ,, فكرت هي ليه تسوي كذا ,, اختي نور ما تهتم في فيصل والواجب كذا ,, هل هي تسوي كذا تبي تلفت انتباهي ,, شعور بالراحه انها مهتمه في فيصل غمرني ,, لكن نتائج الشعور بعدين ما قدرت احددها مع غموض مشاعري ,, فكرت في مشاعري تجاها ,, مع انكر انها حلووه مو حلوووه الا تدور الراس ,, بس انا متشبع وعندي اللي مغنيني وتجربتي مع الزواج اكس ,, وخوفي ابدي حياه جديده مسيطر علي ,, ,, دخلت الملحق ,, لقيته هدوء والانوار مطفيه الا من نور المدخل ,, صارت الساعه 2 ماجاني نفس اكل شي عند سعد ,,, فمريت المطبخ اخذ لي عصير ولا حليب حاس بالعطش ,, دخلته وتفاجأت انها قاعده تشوف التلفزيون على الكراسي الجانبيه ,, كانت قاعده بطريقه كنها بردانه الظاهر المكيف بارد ,, اول ما شافتني قامت ,, الجازي : مساء الخير نواف : مساء النور ,, تحركت للثلاجه ابي عصير اوي اي شي يروي العطش ,, فتحت بابها لقيت اشكال والوان ,, قربت عندي وسالتني الجازي : تبي تاكل شي نواف : لا ما طالعتها وحبيت اني اخدم نفسي بنفسي ,, طلعت علبه عصير برتقال ,, وخذيت لي كاس وصبيته في ,, وهي في مكانها ما تحركت ,, استغربت منها ,, خذيت الكاس بطلع لغرفتي ومشيت واول ما وصلت الباب الا هي تناديني بصوت هادي ما بغى يطلع الجازي : نواف التفت لها وهي تحاول تتكلم وتلتفت كل شوي بدون ما تشوف عيوني الجازي : ابي اكلمك بموضوع فيصل بصراحه ما كان ودي اقعد معها دقيقه زياده لاني خفت على نفسي اضعف قدامها في لحظه جاني هالشعور ,, مع اني من يوم تزوجتها ما حسيت بذا ابد ,, لكن من قالت فيصل تذكرت اني ما سالتها وش قالوا المدرسه ,, رجعت لها لحد ما خذيت كرسي طاولة الطعام وقعدت وانا اطالعها بنظرة جيبي اللي عندك خذت كرسي وقعدت وتكلمت بهدوء : انا مدري وين ابتدي ,, لكن الشي اللي بقوله ان فيصل محتاج اهتمام وبين عليه الشي ذا في الصف نواف : وانتي اللي بتعطينه هالحنان على ما اظن ,, قلتها بطريقة تريقه صدت الجهة الثانية مدري ما تبيني اشوفها والا تجهز كلام بتقوله ,, رجعت تشوفني وعيونها تبرق ,, انت قدمت لي خدمه كبيره وسددت دين ابوي ,, مدري كيف اقدر ارد لك وانا نقضت اتفاقي معك ,, بس اللي من كل قلبي اقدر اسويه وتعطيني فرصه شوي اني اهتم في فيصل ,, نواف : واذا انا مو حاب هالشي الجازي وهي تاخذ نفس عميق : كذا انت تحطمني ,,, طالعت تحت وما رفعت عينها ,, وظلت هاديه ,, هدوءها جاز لي ,, بعد فترة صمت ,, وانا عيني عليها بشوف وش نهايتها ,, شفت خطين من الدموع على خدها وهي مازالت تطالع تحت نواف : وش سبب هالدموع ,, لذا الدرجه فيصل يهمك الجازي كانت ماسكه نفسها ,, : اذ يهمك تعرف ,, يهمني فيصل جدا وقفت وحسيت اني مصختها: وابو فيصل وش موقفه من الاعراب ,,, ما توقعت انها بترد علي الجازي : الله يخليك له يارب,, قمت مشيت ابي اروح غرفتي ,, واول ما جيت بطلع التفت لها ثاني : كل شي بثمنه والا ؟؟ ابتسمت ابتسامه عذبه ,, وصدت للجهه الثانيه ,, شكلي خربتها معها ,, واضح علي ,, زين ما قلتها لها تعالي معي يالله ,, بس بسمتها رهيبه ,, ***** اول ما راح قعدت على الكرسي ثاني وانا ركبتي ترتجف من ردة فعله ,, توقعته يزعل ولا يعصب مثل كل مره ,, ولا يكون هدوء ما قبل العاصفه ,, لكن احساسي ما يخيب ,, هو ارتاح لطريقتي مع فيصل ,, ولو انكر هالشي ماعلي منه ,, بس وش قصده كل شي بثمنه ,, هل يقصدني انا ,, صدق اني بزر ,, اكيد يقصدني وفيها ثنتين ,, اول ما طرى علي انه ممكن يفكر فيني خذيت حالي ومشيت لغرفتي وانا ارتجف ,, وقلبي يرقع بقوه ,, حتى لو زوجته ,, شي مخيف انك مع رجل في مكان واحد ,, دخلت وانا احمد ربي انه مسكر غرفته ,, سكرت بابي بالمفتاح ,, وتطمنت اني وصلت بالسلامه ,, تسندت على الباب وانا اخذ نفس عميق واقول بصوت عالي : الحمدااااااااااالله وطالعت قدام الا هو في سريري وصوت ضحكته صمت آذاني : لذا الدرجه انا اخوف ,, ****** ,,, جيت برسل للجازي مسج ,, ابيها بكره ضروري تروح معي لعاليه ,, ابي اكلمها في موضوع ابوي ,, بس ترددت شفت الوقت متأخر ,, ويمكن حتى نايمه ,, اجلت الفكره لبكره اتصل عليها واقول لها كل شي ,, صارت الساعه 3 ماجاني نووم فرحانه بأبوي انه معزم وماعنده مشكله اذا عاليه موافقه ,, خذيت جوالي احب العب فييه لعبه تسليني شوي ,, الا يجيني مسج من نفس الرقم الكريه : (( اذا سهرانه ابي اقولك شي )) صدق ما يستحي ,, ما عنده دم ماعنده ذوووق ,, ماله خوات ,, وش يبي ذا ,, مرت ربع ساعه الا هو متصل ,, مره ومرتين وثلاث احس خلاص ودي اطيح فيه سب ,, فهده : نعم سعد : الله ينعم عليك ما بغيتي ترفعين السماعه فهده : اقول ,, انت ماعندك خوات سعد : الا فهده : منت خايف عليهم سعد : الا فهده : مو خايف حد يسوي لهم نفس اللي تسويه لي سعد : الا فهده : اجل وش تنتظر حضرتك لين حد يجازيك بأفعالك ,, سعد : تصدقين ولا وحده كلمتها قالت لي كذا ,, فهده : شوووف ,, قسم بالله واللي رفع سبع ونزل سبع لا ترجع تتصل ثاني اني اقول لابوي عنك فاااهم سعد : خوفتيني ,, امااا عاد ,, فهده :.......... سكرت وانا معصبه على نفسي وعلى تصرفي معه المفروض سفهته بس فيه ناس ما تجيبهم الا العين الحمرا والله مصدق عمره ,, البنات تارسين البلد وش يبي بي ,,,, اووووووووف صدق مغثه ,,, ****** تسحبت بشويش ,, ما ابي يحس فيني ,, دخلت غرفة ملابسي ,, سكرت الباب بهدوء اكثر ,, وقعدت على الكرسي ,, استرجع اللي صار ,, حسيت نار في خدودي ,, شفت نفسي في المرايه ,, مسكت شعري شوي رجعته لورى ,, مسكت خدودي ,, طالعت نفسي ,, احراااااج ,, ياليتني ما سمعت كلامك يا فهده ,, وش بيقول عني هالحين عز الله بيقول ما تستحي ,, وااااخزياااااه ,, يا فشيلتي منه ,, حسيت بضميري يكلمني : انتي ما سويتي شي غلط هذا زوجك وحلالك ,, وااااااااااااو هذا بلا بوك ياعقاب ,, ما دريت من الاحراج وش اسوي ,, يا ما وقفت ,, يا ما قعدت ,, اخر شي قعدت على الأرض وتسندت على ركبتي ,, وغمضت عيني شوي ابي ,, اهدى من احراجي اللي ضيق علي ,, حسيت بخياله يطالعني ,, وضحكته اللي سحرتني ,, معقوله له وجه ثاني يخفيه عشان يبين شديد ,, وين اقدر اشوفه بكره ,, ماااالي وجه وبس ,, الحقيني يا فهده ,,,, **** قمت الصباح بروح للشغل ,, دخلت المطبخ بتريق ,, بالعاده ما اشوفها ذا الوقت ,, بس تمنيت انها تكون موجوده ,, خاب ظني ,, شفت الفطور مجهز كالعاده ,, وقعدت افطر ,, لقيت مسج من ابوي ,, يبيني اليوم الظهر في موضوع مهم ,, خير ان شالله ,, اتصلت عليه ولقيت جواله محول عنده اليوم عمليات ,, رحت لشغلي وانا خيال شخص واحد يحتويني ,, معقوله افكر فيها برغبه والا حب ,, ما اؤمن ان الحب من اول نظره ,, الحب يجي بعد معرفتك للانسان ,, بس من دخلت البارح وهي على الكرسي فكرت فيها وخفت اضعف ,, تطور الأمر معها بسرعه ,, ما قدرت اسيطر على الوضع معها ,, لكن فيها شي شدني ,, شي غريب ,, ما حددته احسه غير واضح بس مسيطر علي جدا,,,, | ||||
|
| |
|
26-03-13, 11:14 AM
| #13 | ||||
| نجم روايتي ومشرفة سابقةومصممه
| ((الجزء السابع )) طالعت نفسي زين في المرايه ,, شكلي ناعم ,, لاكحل ولا شي بس جلوس خفيف ,, لبست تنوره ,, معها بلوزه قطن مشغوله بالدانتيل على قصة كورساج ,, ورفعت شعري على ورا وخليته على طوله ,, لبست عبايتي ورحت لخالتي اسلم عليها ,,اول ما وصلت لقيت عمي عندها مو عوايده ,, وشفتها متوتره شوي ,, ظنيت في كلام خاص بينهم ,, بعد ما سلمت طلعت ادور امي عتيقه عشان ياخذون راحتهم ,, قالت لي الشغاله انها فوق ,, ما قد رحت فوق الا لغرفة فيصل ,, ونور ,, طلعت نور لسى ماجت من الجامعه ,, دخلت غرفة فيصل ,, لقيت عتيقه تحوس في ملابسه واغراضه ,, الجازي : مرحبا يمه .. عنيقه : هلا والله حبيبتي وشلونك ,, الجازي : ابشرك تمام ,, وشفيك ترتبين تبين مساعده ,, عتيقه : يمك ما اعرف لبس فيصل ذا في ذا ,, له بنطلون يقول عليه صورة سياره حمراء ما لقيته ,, صار لي يومين اذا جابوا لبسه ادور له ما لقيته ,, قربت منها وحسيت بشعور اني اعيد ترتيب كبته مره ثانيه ,, بس يمكن اخليها بكره ,, هو بيجي الحين من المدرسه وبيعفس المكان ,, ما خلصنا كلامنا الا هو داخل ,, ومعه شنطته تشيلها شغالته ,, اول ما دخل وشافني جاني ركض وهو يلمني فيصل : ابي اروح الالعاب الجازي : الحين مو وقت اللعب لازم تبدل وتتغداء يالله حبيبي عشان ااقرا معك القصه ,, فيصل : لا ابي تلعبين معي جيم الجازي : ابشر يالله ,, عتيقه : فيصل يالله ملابسك جاهزه تعال احممك يمك ,, الجازي : خلي عنك انا بحممه ماعندي شي ,, عتيقه : بيلعوزك يا بنتي هذا يطول وهو يسوي بحر على قولته ,, الجازي : ما عليك انا بخلصه بدقايق ,, حطيت لبسه على السرير ,, وخذيته للحمام ,, رفعت تنورتي فوق ,, ورفعت كمي ,, ووسط معارضته لطريقتي الا اني ما تركته على راحته وغسلته بسرعه وسط صراخه من الشامبو ,, يا حليلهم البزارين كلهم نفس بعض ,, لفيته بفوطه كبيره ودخلته غرفة الملابس وقلت له ينتظرني ,, وطلعت ابي اجيب اللبس الا بنواف قاعد على السرير وجوالي في يده ,, ما توقعت ابدا انه يجي هالوقت عشان كذا خذيت راااحتي ,, وقفت احاول انزل لبسي تحت شوي ,, طالعني :بهدوء : يعطيك العافيه ,, اكيد تعبك ,, الجازي : لا بالعكس ما خذيت معه دقايق ,, مديت يدي ابي اخذ اللبس ,, الا بيده اسرع ليدي ,, وقف مقابلني ,, حسيت بيده تمسك خدي ,, نواف : انا ممتن لك ,, الجازي : لا تكبرها وشدعوا فيصل مثل..... ,,حسيت اني مخنوقه مقدر اقولها ,, اخاف يحسب اني اتميلح له عشان البارح ,, نواف : ياليته ولدك صحيح وتنهد بقوه ورمى جوالي على السرير وطلع فجأه ,, هو يعيش صراع ميه في الميه ,, عنده مشاكل مليون في الميه ,, بس مين يقول لي ,, امه تلف وتدور عنه ما قالت الا اخلاقه وكرمه وطريقته وحنانه معها ,,, ونور رفضت تعلمني وش صاير مع الاولى ,, فجأه حسيت بغيره لما تذكرت انه كان عنده زوجه قبل ,, هل لأني صرت زوجه بمعنى الكلمه والا شي ثاني ,, يووووووه نسيت من فيصل ,, لبسته وجففت شعره ,, عدلت شكلي اكثر ,, ونزلنا تحت للغداء ,, سمعت نقاش حاد ,, وصوت عمي مرتفع شوي وخالتي ترد عليه بصوت اعلى ,, ما بغيت ادخل عليهم ,, قلت للشغاله تجيب شنطة فيصل للملحق وطلعت من القصر بعد ما لبست عبايتي ,, بس فيه شي غريب ,, اسمعهم يقولون اسم نور كل شوي ,,, ***** مدري شفيني مخنوق ,, خايف ابو نواف يردني ,, ما فارقني طيفها من ذاك اليوم ,, ولا اتخيل نفسي الا معها ,, طلعت من الشغل ,, ومريت الموقع اللي صار لي حادث عنده ,, ابي اشوف وش صار على الفيلا لما اكتملت ,, لقيت بجنبها مسجد ,, دخلته وتوضيت وصليت تحية المسجد ,, خذيت المصحف وقعدت اقرا شوي ابي نفسي ترتاح من هالهم ,, مو متطمن ,, عاليه قالت لي شكلها ما تدري عن شي ,, كم مره ابي افتح معها موضوع بس وواضح ما عندها خبر ,,استغربت من كلام عاليه ,, لا يكون ماعطاها خبر ,,,, رفعت يدي لربي انه يجعلها من نصيبي ,, ***** رجعت ابي اخذ شنطتي نسيتها جوووه ولسى ما دخلت اسمع نواف يحكي نواف : يمه انتي وشفيك على الرجال ,, مو ناقصه شي ,, وبعدين ابوي ما قصر وسأل عنه ,, ترى الماده مو كل شي في الدنيا ,, شوفيني انا ,, يعني مرتاح هذاني طلقت والثانيه الله العالم وش بيصير معها ,, بتكون متربيه ولا نفس اللي قبلها ,, اذا الرجال زين خلاص لا تردينه ام نواف وهي تحاول تمسك اعصابها : انتوا مو فاهمين ,, بنتي متعوده على مستوى معين ,, تاخذ واحد مو مستواها بتتعب وتتعبه معاها ,, بالله فكر هل سهل عليها تغير حياتها من نمط الى نمط ثاني غييير واقل بسهوله ,, ابو نواف : خلاص ,, انا صار لي افكر وانتي مو راضيه تسهلينها علي ,, برد عليه ,, ****** رجعت بسرعه ما بغيت اكمل ,, ابي اتذكر متى نادني باسمي ,, ولا مره من خذته نادني ,, وشلون متربيه ,,ما فهمت عليه ,, احسه يتكلم بألغاز ,, بس ليه حسيت اني ما اعني له شي ,, حتى بعد اللي صار لي معه البارح ,, يمكن شاف اني زوجته ومافيها شي انه يملكني واني حق له ,, بس لاااااااا ,, هو يحسب اني جدار ما احس ,, ,, خذت فيصل وكملنا طريقنا للملحق ,, خذته للمطبخ وحطيت له غداء وقعد ياكل وانا اشوفه ,, حاولت ادخل معه في الجوو , بس مااااش عقلي هناك عنده ,, وشو الموضوع اللي يتكلمون فيه ,, ما فهمت لاني ما سمعت من الاول ,, بس نور لها دور في الموضوع ,, لايكون حد خاطبها ,, اول ما قرب فيصل يخلص دخل علينا ابوه وانا احط له لبن في الكاس ابيه يشرب عشان ينام شوي يريح ,, نواف : والله يا بختك يا فيصل حد مهتم فيك مو مثل ابوك محد يدري عنه فيصل : انت عندك امك تهتم فيك ,, بصراحه ما توقعته يرد علي كذا فطسنا كلنا ضحك ,, ما قدرت امسك ضحكتي ,, قعدت اضحك حتى دموعي نزلت ,, نواف : لااااا عجبتك النكته اللي قالها فيصل ,, ما قاومت صرت اضحك وانا امسح دموعي : مهو صحيح اللي قاله انت عندك امك نواف : لا يا شيخه ,, وقعد يطالعني بنظرات لخبطتني كلش ,, مسكت منديل ومسحت دموعي اللي احسها انقلبت دموع حزن ,, من الاسئله اللي كانت في نفسي من شوي وضيقت علي قمت منهم ,, ودخلت غرفتي ,,للحين ستايرها مسكره نسيت افتحها ,, فتحتها وللحين اثبتها على جنب شفته داخل غرفتي ,, نواف : شفيك يا بنت الناس ما صار شي ,, الجازي طالعته وانا ثابته في مكاني : انت عندك عقده من اسمي نواف : هاااا وش تقصدين الجازي : كل مره والثانيه بنت الناس بنت الناس نواف : واذا صار الجازي : اذا سمحت وتكرمت وكثر الله خيرك بعد لي اسم ,, اذا بتناديني تذكره ,, اسمي جازي اذا ما تعرفه نواف : ول ول ول كل هذا في قلبك عشان اسم ,, الجازي : لا مو ذا بس ,, ممكن اعرف ليه تربطني بزوجتك الاوليه والتربيه ومدري وشو ,, شايفني ادور من بيت لبيت والا رجلي ما تتعدى المولات نواف : ليش انتي من عادتك تتجسسين على الناس ,, الجازي : مو مهم المهم اللي سمعته ,, نواف : الكلام اللي صار ما يخصك هذا واحد ,, ومن اليوم ورايح ابشري بتذكر كل مره ان اسمك الجازي ,, قالها بتريقه شوي وطلع ,, ااااه ليه كذااا ,, ليه ما يفهم انو بطريقته معي يجرحني ,, هو يمكن نادني مره مرتين ما اظلمه ,, بس كل مره ينادي يا بنت الناس ,, وش شايفني ,, رحت ثاني للمطبخ ابي فيصل لقيته يشوف التلفزيون وابوه قاعد يغرف له غداء في صحنه ,, الجازي : فيصل وش رايك تدخل تنام شوي عشان تصحصح للواجب العصر فيصل : بس شوي ,, باقي شويه ويخلص الجازي : طيب ,, رحت للطاوله ,, وخذيت لي صحن ,, وحطيت لي فيه سلطه ,, ما بغيت اكون سلبيه ,, وكلام فهده يرن في راسي ,, خلاص قلت له اللي في خاطري كافي ,, قعدت وصوت الرسوم المتحركه طاغي في المكان ,, قعدت اكل بهدوء واحاول ما اطالعه ,, نواف : على مين سموك الجازي ,, نزلت ملعقتي وانا اشوفه ,, فيه ضحكه على جنب ,, الجازي : امي حبت الاسم وابوي ما خالف ,, نواف : زين وافق اسمك شكلك ,, سكت ما دريت وش ارد عليه ,, اعجاب مبطن ,, ما هان عليه يقول حلووه صريح ,, نواف : انا بدخل انام ,, ممكن تصحيني على 4 عندي شغل ,, الجازي : طيب ,, قام وانا اتبعه بنظري ,, مرات يبي يفتح معي مجال ومرات يكش ولا يبي يزيد حرف ,, حسيت بخوفه ,, فيه شي يمنعه ,, ابي اعرف وما راح ارتاح لحد ما اعرف وش كان في حياته اول ,,,, ***** اتصلت على فهده ,, ابي اشوف وش اخبارها ,, اصرت علي نتجمع الليله عندها ,, قلت لها بشوف ,, مدري نواف يقدر يوديني والا لا ,, وعلى طول العذر عندها وليه يجيبك يا عمري تعالي مع نور ,, بعدين شوفي مدري كيف بنلمح لعاليه ,, الجازي : الحين اضمني جيتي وبعدين نشوف عاليه ,, للحين بكلم عاليه سمعت نغمة المسج فتحته الا هو من نفس الرقم ((اخطيت احسبني معك بقطع مشاوير السنين ,,,,واثر الطريق يضمنا بس الخطا متخالفه لا للوفا لا للغلا لا للرضا لا للحنين ,, لا للدموع اللي تبي تسقي العروق التالفه,, انا هويت ومادريت ان الهوي طفل حزين ,, بكى من اول ما حكى وما تم كل السالفه ,,,,))) سعد بن سلطان سكرت الجوال وانا شعور بالضيق يلفني ,, لا ومرسل اسمه بعد ,, وش يقصد بمسجه ,, عسى يتوب عن اللي يسويه ,, عدت اقرا المسج كم مره ,, استغربت انه حط اسمه في المسج اكيد يقصد بها شي ,, بس عجزت اوصل له ,, ***** تركت فيصل نايم في سريري ,, وطقيت باب ابوه وانا اتكلم بصوت شوي عادي : نواف ,, نواف ما جاني رد طقيت بصوت مرتفع شوي ونفس الكلام مارد علي ,, فتحت الباب وطليت على جنب ,, شفته متلحف ونايم ولا يبين حد في السرير ,, غاطس فيه وين يسمعني ,, قربت عنده وانا ابي اكلمه ,, بس المفاجأه انه قاعد يطالعني ويضحك ,, شكله يحب يسوي مقالب الجازي : انت صاحي ,, اجل اناديك ما ترد علي نواف : طيب ليه مادخلتي من اول ,, ترى انا انسان يعني ما اخوف رجعت على ورى ابي اطلع لكن صوته من وراي : تعالي التفت له : نعم نواف : كنت بقولك شي تعالي ,, ما تطمنت لحركته ذي ,, بس كملت طريقي والا يده على الباب ,, نواف : ووووووين ,, انا ماصدقت انك تجين عندي ,, الجازي : نواف اسمعني نواف : انتي اللي اسمعيني ابي تجيبين لفيصل اخو وبرضاك ممكن ,,,, الجازي : نواف لو سمحت الحين فيصل يقوم يبيك خلني اروح نواف : ماعليك ما راح يضيع ,, لاااا ويضحك علي وضحكه وترني واحرجني ,, الجازي : نواف لو سمحت اااا ,,,, دخلت الفيلا ,, وانا كبدي حايمه منها ,, خبال ماله معنى ,, يازين الشي على حله ,, والله انها ضياع وخربطه حياتي ,, صكيت الثلاثين وانا حياتي نفسها ,, شغل نوم ,, سفر ,,بنات ,, لا دين ولا دنيا ,, الحين بنت شفتها تغير لي حياتي كذا ,, انا لانوم زي الناس ولا اكل زي الناس ,, صوتها وزعلها وطيفها يلاحقني ,, انت ما عندك خوات ,, تذكرت السوري ,, والعنود ,, خفت من قلبي عليهم ,, وشلون اسوي كذا في بنات الناس ,, ياااااااااالله ,, بس الشيطان اقوى مني ويزين لي رغبتي انها طبيعيه والناس كلهم كذا انت ليه مكبر الموضوع صراااع ما قدرت احسمه ,, انا لازم اكلم نواف ,, لازم يساعدني ,, ***** توعيت من النوم وحركت راسي ابي اتذكر وين انا ,, قمت من الرووعه وشهقت ,, تذكرت كل شي وغطيت عيوني ,, قعد قلبي يرجف بقووه ,,تحركت ابي اروح غرفتي ,, بس صوته كان اقرب لي من الهواء نواف : ترى هذه غرفتك من اليوم ورايح ,, طالعته شوي بنظره غريبه تبين غبائي المصطنع :وشو نواف : ابيك معي هنا واضح ,, طلعت وانا احس اني ابتديت مرحله جديده معه ,, بشاركه حياته ,, وهو اللي ابتدى خطوته معي ,, كل اللي صار للحين الفه ,, هو مقصده مني طفل ,, دارت في مخي اسئله كثيره ,, الاكيد مافي ولا اجابه لها بس انا وش اللي لازم اسويه معه ,, مو معقوله اني اكون ماكينة تفريخ ,,هو لازم يحبني لنفسي ,, لطريقتي ,, لشخصيتي ,,هزيت راسي وانا اقول صدق اني رومانسيه ,, المشكله فيه شي خبيته عنه ,, لو يكتشفه بروح في داهيه ,, يا رب استر علي ,,, ***** لبست فستان شوي عليه رووعه لليالي العاديه ,,من قماش الحرير المشجرله قصه حلووه عند الرقبه ,, حطيت ميك اب رااقي مو زي فهده بس يشبه له ,,خلصت ,, على الساعه 8 ,, فهده قالت انهم بيجونها حدود هالوقت ,,, المشكله نور ما كلمتني ولا ادري وينها فيه ذي البنت ,, بس لازم اسوي الخطوة الاولى ,, طلعت ابي اشوف نواف لسى موجود ,, اليوم روتينه متغير بالمره ,, ما حصلته فأرسلت له مسج (( فهده عازمتنا عندها ممكن اروح )),, شوي الا هو مرسل لي (( نور بتروح )) فرديت (( اي )) (( عشان عيونك حلوووه بخليك تروحين معها )) انا اتذكر اني كنت قاعده ,, قمت ومشيت وانا اضحك ,, لايكون هذا غزل ,, هو شكله الاصلي مو هذا اللي يتعامل معي ,, ودي اعرف ودي اعرف ودي ااعرف ,, مصيري اعرف كل شي ,,, كلمت نور لقيتها جاهزه وبتمر علي ,, وصلنا عند فهده الا عاليه صارت عندها وجالسين ينتظرونا ,, فهده: خلاص اخيرا التمينا ,, ما يسوى علينا زواجك جزوووي غبيتي عننا واختفت اللمه الحلوه الجازي : قصدك لهيتوا في دواماتكم وهملتوني اعترفوا ,,,, عاليه : انا بتحصلوني بس ستاند باي عند اخوي ماجد كل ليلة ضيوف ,, شباب يلتمون من كل صوب ,, هاك يا قهوة هاك يا شاي ,, لا واذا صاروا خاصيين جيبوا عشاء جيبوا خفايف ,, الله يعينها زوجته قولوا امييين ,, وانا متعمده اشوف نور فهده والجازي : امييييييين بس نور كنها تحاول تخبي وجهها مني نور : امين ,, فهده : بالعكس اجل يا ليت عندي اخووو والله لاشتغل له ليل نهار ,, ,, يا ليت يا ناس ,, يصير لي اخووو الجازي : باقي وقت ابوك لسى صغير خليه يتزوج ويجيب لك اخوو على الاقل ذخر اذا عجزتي وانتي بعصاتك الاهو ما شالله وش زينه يحدك ويردك ,,, ضحكنا بصوت عالي وكركرتنا معطيه الجوو شي رهيب ,, فهده: ياليت والله لو احصل عروس اني ازوجه اليوم قبل بكره الجازي : خلاص زوجيه عاليه وش زينها تصير عمتك ,,, وضحكنا كلنا الا بصوت عاليه : لاوالله تزوجوني شايب حرااام عليكم نور : حبيبتي مين قالك شايب هذا للحين في الاربعينات الحمدلله والشكر عاليه : لا يختي جيبوا لي كذا واحد حلوو مثلي ,, اسم الله علي اخذ واحد هالكبر ,, فهده مو تزعلين ,, فهده بصوت ضحك : انتي حصلي واحد مثل ابوي اول ,, حبيبتي بنات الرياض بس يبون اشاره وحده بس من ابوي ويجون ركض يختي ما شفتيه انتي ,, وتعمدت اجيب صورته في غرفتي اللي مفتوحه على الجلسه ,, فهده : هاااا شوفي عاليه : هااااااااا فهوده ذا ابوك لا بالله ما صدق ,, هذا ثلاثين وين اربعين الله يهداك ,, دام كذا باخذه وهي تضحك بضحك مخبل ,, فهده : علوي مو اذا جاء ابوي يخطبك تردينه هاااا حصلي عااااد عاليه : لا وليه ارده ,, بطرانه كاني رديته ,, مير خليه يجي وزاد ضحكنا انا حسيت ان عاليه مثل ما انااعرفها ماخذه الموضوع مزح ,, بس فهده خذته جد مرره ومتحمسه ,, وانا اراقب الوضع ومشاركتهم جاني اتصال من نواف قمت شوي عشان الصوت ورديت نواف : الووو الجازي : هلااا نواف : مبسوطه ,, الجازي : اكيد نواف : انا عند صديقي ,, اذا جيتي بتطلعين دقي لي اطلع من هنا ,, سكرت منه وانا قلبي ينبض بشعور شوق له والا مدري وشو بس اتصاله اذهلني ,, معقوله يفكر فيني ,, حسيت للحظات اني اكون محط اهتمامه في الوقت اللي يشوفني فيه واول ما اغيب عن عينه ينساني ,, لكن اتصاله قلب توقعاتي بالمره ,, رجعت للبنات وهم يصفرون ويسوون حركات نور : هااااا حبيب القلب ,, الجازي بابتسامه عذبه : ومن غيره عاليه : احم احم الله يرزقنا فهده : اااااااااامين ويرزق ابوي وضحكنا بعدها بقوووه ,, فهده الليله فلته وعاليه اعبر منها ,, انبسطنا بقووه ومن زمان ما قعدنا بالحالنا كذااا ,, ***** سعد وهو مقبل على نواف بكسل ,, ونفسه في خشمه ,, نواف : وش صاير ,, غبت منك يومين قلبت الدنيا ,, قال لي الحارس انك قلت له يطرد البنات لايجون وقطعت الاتصالات من البيت ,, والعيال طاقيتهم ,, وش هالتطورات ,, سعد : طفش ,, كل اللي اسويه طفش وماله داعي وفوق ذا حرام ,, انتوا في ذمتي وهالمكان انا مسئول منه خلاص ما ابيه ,, اصلا انت من تزوجت ماصرت تجي هنا الا كم مره ,,, والعيال داخلين طالعين مع صديقاتهم ,, ياخوي انا عندي خوات وخايف عليهم ,, صد سعد للناحيه الثانيه وما بغى يشوفني ,, اول ما تزوجت زوجتي الاوله عجزت معه اني يخلي سوالف البنات لكنه يقول خلك في حياتك ابرك لك بعد ما صار اللي صار جيته ابي اوسع صدري وانجرت رجلي معه شوي شوي ,, مع اني دايم احاول اطلع من هالجوو الكريه لكن الشيطان اقوى مننا ,, لكن الحين هو احسن مني ورفض الشر ,, والله انه كفوو ,, لكن هل بيستمر ,, رجعت اكلمه نواف : سعد وش بداية هذا كله تنهد بقوووه كن نااار شابه في جووفه : وش اقولك في الصيفيه واقف في شارع الشانز ووقف ذاك الروز نمرته سعوديه ,, نزلت منه بنت وش اقولك فيه ملح مو شوي لحقتها ورقمتها ماعطتني وجه مررره الا صرخت فيني ,, نواف : وبعدين سعد نسيت منها شفته مو صيده تركتها ,, عند القهوة ذاك اليوم وقفت على كورنر ,, عرفت السياره وبعد شوي شفت الويتر يروح للسياره ,, سألت مدير الكوفي وقال انها كل يوم تطلب كوفي وبخششته وعطاني الرقم ,, نواف : ايووه وبعدين سعد :: ااااااخ يا نواف كل ما كلمت صدتني والا تسكر ما خذت منها حق ولا باطل ,, واول ما ركبت الطياره الا هي مع ابوها نواف : اوووووف سعد : اي والله طلعت بنت الوليد ...... نواف : فهده!!!!!! سعد : هاااااااااااااا اسمها فهده وش دراك تعرفها ؟؟ نواف : لايروح بالك بعيد هذه صديقة زوجتي واختي ,, سعد : ااااااااااخ يا نواف ,, خربتها معها واتصل عليها تالي الليل ومسجات وفي الاخر قالت انت ماعندك خوات ما تدري وشلون هالكلمه صحتني خفت على خواتي يجي واحد زي يسوي لهم نفسي ,, رجع راسه لورى وهو متحطم بالمره : ما اوصخ الدنيا اللي نركض فيها ما نحس نواف : ليه ما تخطبها دامها قدرت تغير فيك لو شي ,, سعد : ااه وبتعتقد توافق ,, انا سلمت على ابوها ووكل ما اتصلت قالت ان رجعت تدق بقول لابوي نواف : لا والله سنعه اللي ما قالت ,, فكر فيها زين ,, للحين ابي اكمل كلامي دقت على الجازي ,, وما رفعته للحين مشغول بسعد سعد : نواف ,, انا بطلع للعمره تجي معي ,, حسيت انه محتاج لي ,, وما قدرت اخذله نواف : خلاص خلها نهاية الاسبوع طيب ,, على الاقل ارتب اموري ,, ***** طلعت بعد العشاء لواحد من ربعي ,, عزمني على قهوة ,, اول ما شفت رقم ابو نواف ,,صفطت سيارتي على جنب ورديت عليه ماجد : هلا دكتور كيف الحال ,, ابو نواف : الله يحيك كيفك انت وشخبار شغلك ماجد : ما عليه تمام ,, ابو نواف : والله يا ماجد انك كفووو وان شالله تحصل اللي تسعدك ,, ماصار نصيب الله يسلمك انا ما اتذكر الا ما صار نصيب ,, وحسيتها نهاية العالم ,, ما بغيت احرك من الموقف ومشيت مدري على وين لكن سيارتي هي اللي تمشي ,, خذيت الطريق السريع ومشيت فتحت ازرار ثوبي وفصخت شماغي بجنبي ,, وخليت دمعتي تنزل في ظلام الليل ,, اللي ياما ستر قلوب متعذبه ,,, كلمتني امي ثلاث مرات ما قدرت ارد ,, وش اقولها ادري بتحزن على ولدها اللي تشوفه غيير عن الرجاجيل ,, اللي هي خايفه منه صار ,, وفي الاخير ارسلت لي عاليه : امي مرتاعه عليك وش صاير انت وينك ما قدرت اكلمها لكن ارسلت لها (( ابو نواف كلمني ما صار نصيب )) وارسلتها وانا مخنووق من اللي صار ,, ***** انتظرته يرد على اتصالتنا ,, ارسلت مسج وانتظرت فتره ما بقى يرسل ,, اول ماجاني رده صرخت بدون شعور عاليه : لاااااااااا ام ماجد : وشفيك يمه اسم الله على وليدي وشفيه صحت غصب عني : يمه ما صار نصيب ,, قعدت امي على الكرسي وهي تقول ,, يا ربي ترضي ولدي يا ربي ترضي ولدي ,, ما قاومت شعور الزعل على نور ,, ارسلت لها (( ماجد مافيه شي ينرد يا نوور لكن انتي الخسرانه وربي )) ***** من شفته ذاااك اليوم وانا عايشه احلااام يقظه عييت تتركني ,, طيفه يلاحقني وضحكته وكلامه ,, توافقين اذا خطبتك )) ذوووق هالانسان ,, بس تاخر حيييل وش صار عليه ,, المشكله عاليه ,, يمكن تفرط عنده وتقول شي ,, لا لا ما اقدر اعبر لها ,, قفلت بابي وخذت صورته وقعدت اسولف عليه ,, ادقق في ملامحه للمره المليون لو اني رسامه كان رسمته عن غيب ,, حواجبه خياليه ,, عيونه يا ناس تذبح ,, خشمه ,, شفايفه المليانه شوي ,, ولا وشعره الفوضوي على جبهته ,, ما يشبه عاليه ,, احلى منها بكثيير ,, انا لو اخته بنتحر ,, اخوي يصير ازين مني ,,, بست جبهته وانا ادخل الصوره في شنطتي ,, فديته ياناس ,, ما اتنبهت للجوال الا لما شفته يضوي ,, معقول حد اتصل مادريت شفته مسج : اشوى اول ما فتحته صرخت برعب : هاااااااااااا وش ذا قعدت يدي تنتفض مو عارفه وش صاير ,, بس هو ماخطب عشان ارده ,, لاااا لاااا مستحيل ابوي يرده ,, ما ابي اكلم عاليه ,, مافيه الا الجازي ,, دقيت عليها ما ردت ,, قعدت على نار بعدها ارسلت كلميني حياه او موت ***** دخلت الملحق ,, واسمع صوت التلفزيون ,, طليت على المطبخ لقيتها قاعده تنتظرني ,, اول ما شافتني ضحكت بحياء نواف : فيصل نايم الجازي : فيصل في القصر عشان رحنا لفهده ,, نواف : يعني امااان , ضحكت من كلامه يقول لي كلمات احيانا تخلي الواحد يكركر بدون حسيه ,, الجازي : انبسطت عند صديقك ,, نواف وهو يقرب مني اكثر : ليه تضيعين السالفه ,, رن جوالي بغيت اشوف مين ,, مسكه وهو يقول من غيرها نور ام لسانين الجازي : حراااام عليك والله مسكينه بشوفها وش تبي نواف وهو يشيلني بين ايديه ,, نو نو ,, انتي لي وبس ,,, ***** معقوله ما شافت الجوال ساعه ساعتين وش تسوي ذي ,, لاتكون رقدت , وشلون اعرف بالله وش صاار محد راح يجيب الخبر الا هي ,, دقيت على نواف ما رد علي بعد ,, ما قدر اصبر احس اني بموووت ,, وش ذا الحظ ,,, هااااااااااااا طرت علي فهده ,, ليه ما اتصل عليها وعلى طول دقيت فهده : هلا نواااري ,, اخبارك نوور : الحقي علي تكفين ,, عاليه ارسلت لي مسج بمعنى ليه ارد اخوها ,, والله مدري كانه خطب والا لا ,, تكفين يا فهده اسئليها ,, وش صاير فهده : بهالليل ,, بتستغرب اصبري لبكره ,, نوور : ما قدرت يا فهده احس نار شابه في جوفي ,, ما اقدر انتظر ثانيه زياااده ,, فهده خلاص ولا يهمك ,,, سكرت من نور وعلى طول اتصلت في عاليه ,, طول وهو يرن وفي الاخير ردت علي بصوت حزين عاليه : هلاا فهده : هلاا بس وشفيك علويه صوتك مو حلووو عاليه : تنهدت بقوه : وش اقولك يالله نعيش ونشوف فهده : عاليه وش صاير تتكلمين بالالغاز ,, فيه حد صاير له شي عاليه : وش اقولك اخوي ماجد خطب نور ورفضت ,, فهده : معقوووول ,, اكيد بس نور معنا مو باين عليها شي ,, عاليه : هذا اللي صار ,, ***** سكرت مدري وش اقول حق نور ,, صدمه ,, شكلها ما تدري عن شي ,, يااا ساتر لا يكون فيه شي واهلها ما قالوا لها ,, اجي انا اخربها ما امداني اشاور عمري وش الحل الا نور ترجع تتصل ثاني نور : فهده قلبي تفتفت علميني قولي وش صاير ,,, فهده اذكري الله ماصار الا الخير ,, اخو عاليه ماجد خطبك وقالوا انك رفضتي ,,, فهده : الووووو ,, نووور .... نواري .......... تم الفصل ,,,,,,,, ***** معقول ابوي يرفض ما قال لي ,, لااااااااااااااااا ,, لاااااااا يبا لاااااااااا ,,, حسيت الدنيا سوداء وما تستاهل اني اكون فيها ,, ليه ,, ليه يرفضونه ,, وش فيه غيير عن الناس ,, وش يبون يزوجوني ,, انا ما ابي اعيش خلاص لااااااااااا ليه كذااااااا ,,,,, اول ما قامت عتيقه تصلي الفجر دخلت تصحي نور ,, لكنها ما لقتها في سريرها ,, فتحت النور وسمت بالرحمن بغت تطيح على وجها في نور اللي كانت طايحه عند التسريحه ,, صرخت عتيقه وجت الشغاله بسرعه لها ,, واول ما شافوها نادوا ابوها اللي خذها هو ولده نايف وطيران على المستشفى ,, دخلوا قسم الطواري ,, واكد لهم الدكتور انها طيبه بس يمكن تعرضت لشي سهر او تعب وارهقها بس لازم تريح عندهم يومين ,,, من بكره عرفوا البنات ان نور دخلت المستشفى وانصدموا كلهم لأنها كانت طيبه وبخير ماعليها في العشاء ,, عاليه اول مادرت توقعت انه عشان الخبر بس كانت قاسيه على نور ,, خصوصا ان ماجد ارسل لها وقال انه كمل طريقه للشرقيه يومين وبيجي ,, حست بحزن اخوها ,, بس اللي ما تعرفه عاليه ان نور ما عندها اي خبر ابد ,,,,,,, | ||||
|
| |
|
26-03-13, 11:16 AM
| #14 | ||||
| نجم روايتي ومشرفة سابقةومصممه
| (( الجزء الثامن )) بعد يومين المستشفى بالليل تجمعوا البنات عند نور باستثناء عاليه ,,اللي ما تقدر تطلع في الظروف ذي ,, الجازي وفهده يحاولون يتكلمون مع نور ,, صار لها يومين ما نطقت بكلمه وحده ,, الموضوع سبب لها صدمه نفسيه ما توقعتها انها تقع تحت ظرف مثل كذا ,, ولا قد جاء في بالها ان نفسيتها تهتز ,, بس الحب تغلغل في ثنايا رووحها وما تقدر تغير شعورها بين يوم وليله ,, كل ما تذكرت ماجد نزلت دموعها ,, حاولوا البنات يطلعونها من الجو الكئيب ويسولفون عن الجامعه واخبار البنات ,, ما سكتت فهده لانها حاسه بنور ,, مسحت الجازي بيدها على شعر نور ورفعت غرتها لفوق الجازي : تبين موويه هزت نور راسها بالرفض ,, وكملوا كلامهم وشوي جتها حاله بكاء شديده وخذت نفس وهي تصيح ضمتها فهده فهده : نوور اذكري الله مو زين كذاااا ,, قعدت نور تصيح على كتف فهده وهي تكتم صياحها وانينها يظهر بين فتره واخرى ,, قعدت الجازي على الكرسي وهي تصيح على نور ,, وما قدرت تقاوم دموعها ,, قامت ودخلت الحمام وغسلت وجهها ,, وجت بتظهر رجعت تصيح ثاني ,, اللي ما اقدر احدده عمي ليه ما قال لنور ان ماجد خطب وشاف رايها ,, رجعت وقالت لها فهده ان جوالها يرن ,, ردت المكالمه كان نواف ,, سالها اذا مازالت عند نور بيمر عليهم ,, لما عرف انه فهده بتطلع ,, قرر انه يجيهم ,, **** نواف كان قاعد مع سعد في المجلس ويتابعون المباراه ,, نواف : خلاص يا سعدا انا بطلع للمستشفى اخذ الجازي واشوف نور وش صار معها ,, سعد : الله يشفيها ,, طيب خلك شوي ,, نواف : شوي بس لين تروح صديقتهم فهده سعد وقلبه يفز : عندهم نواف : بكذب عليك ,,, كمل سعد شرحه لسفرتهم للعمره واتفقوا بكره يطلعون للمطار الظهر ,, طلع نواف للمستشفى وبعده بدقايق ,, خذ سعد سيارة المقاضي حقت البيت وطلع فيها للمستشفى ,, قعد يدور في الباركنج يشوف السيارات حاول يدور سيارتها بس ماحصلها ,, اكيد ما راح تجيب سيارتها الفخمه هنااا يمكن سياره ثانيه لف ثاني يبي يحصل سياره فخمه موجوده بس ما كان فيه الا بي ام ابيض فيه رجال سعودي ,, لا لا ما اظن ,, خذ رابع لفه ,,الا يشوف مايبخ تدخل لحد ما تقرب من بوابة المستشفى ,, دق قلبه اكيد ذي سيارتها ,, ركز عينه على مدخل المستشفى ,, شاف وحده تشبه لطولها ومعها شغاله ,, كانت حاطه طرحتها على وجهها ,, ركبت السياره ,, وتحركت ومشى وراهم ,, كان حاط شماغه بشكل لطمه عشان محد يفطن له ,, وطلع ورى سيارة فهده ,, شعوره انه يمشي ورى سيارتها حسسه انه قريب منها ,, جاه خوف لاتكون مو هي ,, بس لاااا اكيد هي ,, بس بشوف وين بتروح ,, اول ما دخلت سيارتها الحي اللي يجمعهم مع بعض ,, تطمن انها هي ميه في الميه ,, بس عشان يتاكد اكثر ,, وصلها لحد باب القصر وعيونها تتبع سيارتها ,, عرف قصرهم ,,وتنهد بقوه لما استرجع شكلها مره ثانيه ,, ***** دخل نواف غرفة نور بعد ما انتظر في الاسترااحه شوي لحد ما تطلع فهده ,, اول ما طاحت عينه على نور ,, تأثر ,, لا يكون فيه شي مسويته ومخبيه عليهم ,, مو طبيعيه نور ما قد صار لها كذا ,,ما جا على باله ابد انه عشان الخطبه ,, لان ابوه كم مره يرد ناس ,, خاف لا يكون نور مسويه شي مو زين ,, صاير شكاك وهالشي متعبه حيييل ,, يبي يكون طبيعي بس ما قدر ,, لف شاف الجازي قاعده بهدوء وجهها احمر كنها صايحه تنرفز منهم نواف : صاير شي وشفيكم كذاا الجازي : ما به شي بس مرهقه شوي من الصبح هنااا,, حاولت تجيب عذر لها ,, نواف : كيفك نواري احسن الحين ,, هزت راسها بايه وما ردت عليه ,, ما بقى يضغط عليها ,, نواف : يالله مشينا ,, تحرك يبي يطلع وقعد ينتظر الجازي عند باب الغرفه ,, وصت الجازي الشغاله تدق عليها لو صار اي شي وحبت نور على خدها : تبين شي يا قلبي اجيبه بكره ,, نور وهي تهز راسها بلا ,,, **** ابو نواف جالس في جناحه ويتابع الاخبار ,, جته ام نواف وهي تحاول ما تبين قلقها ,,, ام نواف : صار لها يومين في المستشفى متى بتطلع ,, ابو نواف : خليها ترتاح كلها يومين ,, ام نواف : يومين كامله ,, هي ما فيها شي تلاقيه قل تغذيه من داومت في الجامعه وهي ما تتغذى زين ابو نواف : اتمنى انه كذا مو شي ثاني ,, بوديها لندن اسوي لها فحص شامل ام نواف : لندن وشو له من زينهم ,, بعدين الدكاتره السعوديين كفاءه لا لندن ولا غيره,, قال لندن وش فيها زود ,,,, **** رجع ماجد للرياض بعد ما قضى يومين على البحر في الشرقيه ,, رضخ لواقعه ولازم يتاقلم عليه ,, طرت عليه طواري كثيير منها انه يكلمها ,, بس ما خلته شيمته يقويها على اهلها ,, منها بنفسها تعارض اهلها بكيفها اما اني اقويها على اهلها ما بغيت اكون نذل بصراحه,, قعد في المجلس مع الشباب ,,وانشغل معهم ,, ما انتبه لمسج جاه من عاليه ,, (( اذا فاضي كلمني )) ما باقي الا اثنين من ربعه شافه المسج واتصل عليها ماجد : وش عندك ,, ما شفته الا الحين عاليه : تأخرت كثيير ,, خلاص ماجد : تبين شي ,, عاليه : كنت بروح مع الجازي للمستشفى ماجد : ليش ,, عسى ما شر !! عاليه : نور ,, تعبانه شوي ,,شفتك ما رديت خلاص راحت جزووي ,, سكر ماجد بعد ما خلصت عاليه جملتها ,,استاذن الشباب ورااااح جووه ,,وعلى طول فوق لغرفة عاليه فتح الباب وعاليه ترتب ملفها للجامعه ,, ماجد : وشفيها ,, ما بغت عاليه تجيب اي عذر عشان ما تزيد هم ماجد ,, عاليه : مدري ياخوي وش السالفه ,, قالوا البنات انها تعبت وفي المستشفى صار لها يومين ,, مااجد : يومين لااا ليه ليه ما رحتي لها ,, عاليه : من جدك مااجد ,, يعني رادينك واروح لها على طول ,, مو حلوووه مااجد : عاليه : لا تخلطين الأمور ,, هاذي صديقتك ,, انا خليني على جنب , يهمني تروحين وتطمنين عليها ,, بكره بوديك ان شالله ,, ***** دخلت غرفتي,, وانا ضايق من اللي سمعته ,, وش صار عليها ,, معقوله عشاني ,, يا رب استر عليها وقومها بالسلاامه ,, تذكرت لما شفتها بالمكتب وهي لاهيه تقرا ملفي ,, ااااه اشهد انها راااقيه ,, طريقتها ,, لبسها ,, راضي بحكم ربي وما كتب لي لكن ما اتخيل نفسي عايش مع احد غيرها ,, مستحيل انساها ,, خذ كتابه اللي يحب يقرا فيه ,, وفتحه وطلع ورده بيضاء جوريه احتفظ بها من باقة الورد اللي ارسلتها له ,, خذ نفس عميق وجاه عبيرها المتبقي فيها ,, سكر الكتاب ورجع لربعه وهو شايل حمل على ظهره ,,, ***** دخلت الجازي ونواف الملحق ,, من دخلت نور المستشفى ,, توترت الاوضاع في القصر والكل حابس الانفاس لا يكون فيها شي ,, نواف ,, ما تعمق في الوضع فكر انه قل تغذيه وجاها ضعف ,, بس الجازي حاسه ان نور ما راح تطلع من الحاله النفسيه اللي فيها بسهولة ,, نواف : وش فيك كذا مو على بعضك ,, الجازي : لااا مافي شي بس افكر في نور ,, خايفه عليها ,, نواف : ليه وش فيها يعني ,, انت تعرفين شي ولا تبين تقولينه ,, الجازي : لاااا لااا انا اقصد اكيد تحس بشي وحنا ما ندري يمكن ما عرفوا المستشفى وش فيها ,, حاولت اضيع في السالفه شوي لانه شكله خااايف بعد ,, بس ما يبي يبين لي ,, نواف : اللي اشوفه انك متوتره مرره وتخبين شي علي الجازي : من جدك وش بخبي عليك يعني ,, نواف : طيب دامه كذاا خلاص امشي ننام الوقت تأخر ,, مشيت انا وهي وفي بالي شي ,, ودي اشوف جوالها يمكن نور ارسلت لها شي ,, دخلنا غرفتي ,, وقلت لها تتجهز لي ,,ابي اشوفها بفستان سهره ,, دخلت غرفتها ,, بعد ما رمت عبايتها وشنطتها على الكنبه ,, اول ما تطمنت انها بعيد عني ,, خذت شنطتها وطلعت الجوال ,, بحثت في الرسائل الوارده ,, شفت كلمتين من نور كلميني حياه او موت ,, انقبض قلبي لما شفت تاريخها ,, في نفس الليله اللي طاحت فيها نور , يا رب سترك لا يكون نور مسويه شي غلط ,, حاولت ادور ثاني بس ما لقيت شي ,, رجعت الجوال في الشنطه لفت انتباهي علبة دوا,, فاضيه ما فيها حبوب ,, قلبت في نشرتها ابي اعرف وش سالفتها ,,انصدمت بقوووه ,, حسيت نار تشب في عيوني ,, نور من هنااا وهي من هناااا ,,, دخلت غرفتها لقيتها تحط رووج ,, من قوو اللي في نفسي ما انتبهت لشكلها وشو ,, صرخت فيها وانا ماسك العلبه نواف : وش ذي ,, الجازي وهي تحط عينها في يده وتشوف العلبه : ليش تفتش شنطتي ,, نواف : اقوووولك وش ذي ؟؟؟ الجازي : مانع نواف : يعني ما تعني لك شي الايام اللي راحت ,, ,, ما هميتك وقاعده تعبين حبوب ,, ليه ما قلتي لي ,, وش رادك تقولين ما ابي عيال منك وفكني ,, وش رادك تكلمي ,, ما قدرت ارد عليه ,, خايفه يعرف بسالفة الحبوب بس ما ظنيت يكشفني ,, قلت شهرين ثلاثه لحد ما اتأكد انه يبيني ويحبني لنفسي مو عشان عيال ,, جيت بطلع كلمه تعبر عن كل اللي في نفسي ,, بس مثل كل مره اذا وقفت عنده تختنق الكلمات ,, حضوره يطغى علي ولا اقدر اتكلم ,, حسيت بحشرجه وانا ابي اعتذر منه الجازي : انا كنت ابي اا نواف : لا تقولين شي مو مهم اعرف ,,, ورمى العلبه ومشى ,,, طالعت مكانه وطالعت نفسي ,, شعور مبهم ,, اكيد زعلان ,, ما قدرت امسك نفسي واقعد كذا مشيت وراه ,, طقيت الباب ودخلت لكنه مسكر ,,, رجعت اطق ثاني الجازي : نواف ,, نواف ,, ممكن بس شوي ما رد علي ,, رجعت طقيت كم مره بس ما جاوبني ,, رجعت ومسحت المكياج ,, ولبست بيجاما ,, ورفعت شعري ,, وانا مثل المكينه اسوي كل شي بدون شعور ,, ما صرخ فيني ,, ولا عصب ,, بس ليه ما سمعني وعرف موقفي ,, شغلت مخي شوي ,, وش اسوي بس عشان ارضيه ,, جوالي في غرفته ما عندي شي ادق عليه ,, بغيت ارسله مسج لكن خساره ,, رحت لتليفون البيت ,, دقيت عليه مره ومرتين ما شال الجوال ,, تحطمت هنااا ,, ليه كذا ,, خذت لي كرسي صغير وفتحت باب غرفتي وقعدت فيه ,, بقعد لحد ما يفتح بابه ,, مرت ساعه وساعتين وثلاث وانا في نفس الوضع حسيت بالعجز واذان الفجر ما بقى عليه الا شوي ,, غفيت وانا قاعده ,, وجعتني رقبتي ,, بغيت اقوم بس ماهان علي ,, بنتظر لحد ما يفتح ,, شوي سمعت صوت حركه فأستعدلت في قعدتي ,, شويه الا هو طالع من الغرفه وقفت وهو يقول نواف : ليش قاعده هناا الجازي : نواف شوف والله مو قصدي اناا نواف : كل اللي بتقولينه ما ابي اعرفه كلش فاهمه ,, ما قصرتي من عرفتك وانتي تاخذين بس ,, ومشى للمسجد ونظرات ااحتقار واضحه من عيونه لحقته في الممر وانا اكمل : طيب انت استنى اسمع وش ابي اقول نواف اصبر شوي رجع راسه لورى وطالعني : انا الغلطان اللي فكرت فيك كزوجه ,, ومو ااول مره تسوين الحركه ذي ,, مشى للمسجد وخيبة الامل فيني واااضحه ,, كان ودي يصرخ ويطلع زعله اللي داخل والا انه كذا حتى ما عبرني وما يبي يسمع مني ,, ليه طيب ما يفهم وش اللي في نفسي ,, ومو اول مره تسوينها ,, لخبط الدنيا ,, دخلت وتوضيت ,, وخذيت شرشف الصلاة وفرشت سجادتي ,, وقفت بين يدي ربي وطلبته ,, انه يسعدني مع نواف ويألف ما بيننا ,, استغربت اني الصياحه ما نزلت مني دموع هل هو عشان عارفه اني اخطيت في حقه ,, رحت انتظره في المجلس لحد ما جاء من المسجد , مدري ليه جاني احساس انه مانام مثلي قاعد يفكر في اللي صار اول مادخل ,, رحت جنبه وقفت مقابله ,, بغى يكمل طريقه سكرت عليه ومديت يدي لرقبته ابي اضمه,, ابي اراضيه ,, ابي يعرف وش اللي في نفسي ,, تعلقت في رقبته وجيت بحكي الا هو يقول نواف : النفس طابت مرره ,, ونزل يدي وعيوني مفتوحه على الاخر الجازي: انت ليه مو راضي تسمع لي ,, حرام كذا عطني فرصه ,, لكن خطواته في الرخام بثقل هي اللي بقى صداها في سمعي ,, انهارت مقاومتي هنا ومادريت اني بنفسي جنيت عليها ,, عطاني فرصه وبغبائي ضيعتها ,, مشيت بهدوء لغرفتي وانا متحطمه من اسلوبه معي ,, رميت نفسي وبكيت لحد ما جفت دموعي ,, وعرفت انه مستحيل يرضى علي الا بمعجزه ,, حسيت اني تايهه في وسط صحراء ومالي احد يساعدني ولا يدلني طريقي ,, حسيت بالوحده كني مقطوعه من شجره,, اكتشفت اني حبيته ,, ومستعده اني اسوي اللي يبي بس يرضى والله مو قصدي ,,لكن كلامه معي بين لي انه ,, طابت نفسه مني ,,, ***** دخلت المستشفى وانا ودي عندي طاقية الاخفاء واشوفها ,, ودي اتطمن انها بخير ,, دخلت عاليه عندها وانا جلست في الانتظار ,, رحت بعد فتره ,, لمحل الورد وخذت لها ورود نفس اللي ارسلتها لي ,, كلها باللون الابيض ,, وحصلت كرت فيه قلبين تعمدت اني اختاره وكتبت عليه الحمدلله على السلامه ,, ارسلته داخل دام عاليه فيه ,, جلست انتظر في الاستراحه ,, وانا بالي وقلبي عندها ,,, اول ما وصلت عاليه للغرفه وشافت نور ,, انصدمت من اللي شافته ,, معقوله كم يوم تسوي فيها كذا ,, كنه ميت لها احد ,, عيونها باين عليها الحزن ,, سلمت على نور اللي اول ما شافت عاليه جتها نوبة بكاء جديده ,, ضمتها عاليه بقووه ,, ونور ماسكه يد عاليه وهي تبي تحكي بس ما قدرت تنطق ,, كل ماجت تظهر الكلمه تشهق فيها ,, وعاليه تهديها قدرت تقول في الاخير نور : والله ما اعرف انه خطبني ,, ما قالوا لي يا عاليه ما قالوا لي والله ورجعت تبكي ثاني ,, حمدت عاليه ربها ان مافيه احد عندها هالوقت ,, ظلت تهديها وتصبرها : اذا له نصيب ياخذك محد يقدر يرده ,, بس هاذي الدنيا مالنا الا الصبر رجعت تبكي بكاء يقطع القلب وهي تشوف امالها تنهار قدامها بدون سبب ,, وصل الورد ودخلته الشغاله وحطته على الطاوله ,, واول ما شافته نور كن حد ضاربها كف ومصحيها ,, طالعت فيه وهي تدقق في تشكيلته وتطالع عاليه ,, جابت لها الشغاله الكرت ,, اول ما قرت الحمدلله على السلامه ,, درت انه من عنده ورجعت تبكي اكثر من قبل ,, عاليه : يا قلبي لا تسوين في عمرك كذاا ,, نور انا بسئلك وجاوبيني ,, انتي تحبين ماجد صاحت نور بصمت وهي تصد للجهه الثانيه ما قدرت تشوف عاليه ,, محرجه منها وصياحها صار غير طبيعي بالمره ,, عاليه : نور انا اختك وما راح حد يعرف ,, قولي لي يمكن ترتاحين ,, نور : مين جابك هنا ,, عاليه : هااا ماجد ,,, مسكت نور يد عاليه وهي تضغط عليها ,, وطاحت عين عاليه على السلسال اللي في يدها ,, اول ما شافت الحرفين والقلب تأكدت انها تحب ماجد ولو ماحكت ,, بس من متى هذا يمكن تعرفه بعدين لان نور ماعندها استعداد نفسي انها تحكي ,,, ***** ماظنت اني غبي كذا تلعب بي الجازي بسهوله ,, وانا مرره واثق فيها انها وافقت برضاها تحمل ,, اثاريها تلعب ,, ماااانع ,, ليه كذا ,, حظي مايل مع الحريم ,, كلهم كذابات وخاينات ,, وش اسوي بها هالحين ,, لا تفكر اني بسهوله برضى عليها وتجيب راسي ,, ما اكون نواف اذا ما ربيتك يا ......,,, خذ نواف شنطته وحط فيها كم لبسه ,, وطلع عشان يوافي سعد في المطار ,, اول ما طلع للمجلس لقى الجازي قاعده تنتظره ,, قربت عنده لحد ما بقى بينهم مسافه بسيطه ,, الجازي : مساء الخير يا عمري نواف : انا طالع للعمره ,, يومين وراجع ,, وعقبها يصير خير ,,, الجازي : نواف ,, والله مو قصدي شي انت لازم تعرف ..... نواف : ترى كلامك ذا يعتبر مقزز فا وفريه لنفسك فاهمه ,, طلع من البيت وركب سيارته ومشى ولا التفت فيها مرره ,,, **** اول ما ركبت عاليه السياره ,, سألها ماجد بحياء ماجد : وشلونها عسى احسن هالحين ,, نور : بصراحه يعني حالتها تقطع القلب ,, خفف السواقه شوي وهو يسأل ماجد : قالت لك شي ,, قالوا عنها شي ,, عاليه : تقول انها ما تدري انك خطبتها ,, البنت منصدمه مرره ,, اللي انا ودي اعرفه ,, انت كيف عرفت نور ,, ماجد : كيف يعني وشقصدك عاليه : ماااجد انا مو بزر انتوا بينكم شي مليون في الميه ,, والا ليه ترسل لها ورد ماجد : اي ورد عاليه : ماااجد لا تلف وتدور ,, ترى انا مو غريبه انا اختك عاليه ,, انت تحب نور وهي تحبك ,, بس من متى وانا مدري ,, وشلون مدري وانا معك ومعها ,, ماجد : لا تكبرين الموضوع شفتها في السفر مع ابوها مره وعجبتني ,, وحبيت اناسبه ,, ما بيننا اي شي ,, ماجد وهو يكمل بغباء : وش سالفة الورد ذا عاليه : وانا عندها جانا ورد ومكتوب عليه الحمدلله على السلامه واول ما شافته ماتت صياح ,, وشفنا الكرت ,, حسيت انه من عندك لا وفي يدها سلسال بحرفك ,, لا يكون من وراي عطيتاه ,,, ماجد : لا تخيلين اشياء يا عمري ,, اللي صار هو اللي قلته لا اعرف عن ورد ولا غيره ,, مدري كيف وصلت البيت وانا ماسك نفسي ,,ما ابي عاليه تشوفني نزلتها عند الباب ,, ومشيت وانا في راسي فكره ,, ماهانت علي دموعها وانا ادري انها عشاني واللي خلق بسمتها ذاك اليوم ,, وقفت على جنب ودقيت رقم المستشفى وطلبت غرفتها ردت علي الشغاله وسالت عنها نور بصوت هادي : الوو مااجد : الووو نور : مين ,, ماجد : ماجد ,, ما سمعت الا صياحها ,, تقطع قلبي عليها : ابيك تسمحين لي اني دقيت ,, بس ابي اقولك شي وااحد انا مستعد انتظرك عمري كله ,, لا تتكدرين واهتمي في نفسك ,, سكرت السماعه ما سمعت ردها وما بغيت ازودها ,, ابيها تعرف اني مستعد انتظرها ,, ابيها تطمن اني راح ابقى عند وعدي لها بخطبها ثاني وثالث ,, المهم تكون لي ,,, ****** حسيت ان في شي احيا قلبي ,, عطاني امل ,, معقوله فيه رجال كذا ,, لو غيره كان ما رجع ثاني ,, وش كثر ادبه ذا الانسان ,, ما انتظر يسمعني ,, اكيد خايف علي ,, هذا حتى ما قال بكلمك ,, ياناس غييير ,, ليه ما يبون اتزوجه ,, ماجد رجااال ,, الله لا يحرمني منه ,, مسكت حرفه وبسته ,, وانا في قلبي كلام كثيييير بس من يسمعني ,, دخل علي ابوي ,, وهو يشد على يدي ابو نواف : هااا للحين بنتي حبيبتي تدلع علي ,, نور وهي تهز راسها بلا ,,, ابو نواف : نور انتي صار لك كم يوم ما تكلمتي ,, حيبيتي ترى حالتك اقلقتني ,, فيك شي ,, حاسه بشي ,, بوديك برى نكشف ,, نور وهي تشوف ابوها ودموعها تنزل على خدودها بصمت ابو نواف : انتي فهميني فيه شي قاصر عليك ,, ما سمع اي كلمه ,, تبين نسافر شوي ,, تبين تغيرين جووو ,, ما يصير عاد قولي وش ناقصك نور : مافيني شي بس حاسه بتعب في نفسي وضغط دراستي ,,, ابو نواف : اكييييييييد ,, قلبي يقول انك تصرفيني ,, ابي نور بنتي تقول لي وش في قلبها قعدت نور تتعبر وما قدرت تحكي ,, لاول مره في حياتها تحس بالضعف ,, كله بسبب القلب ذاا ,, تمنت ان عندها القدره تقول لأبوها اللي في قلبها ,, لكن مستحيل ,, ممكن تقوله كل شي الا هذا ,, ****** طلعت نور من المستشفى ,, واعتذرت عن الجامعه هالترم بعد مازعلت منها امها ,, اما الجازي فصارت مثل الورقه اللي في مهب الريح تركها نواف بدون ما يحدد موقفه منها ,, وشكله متحلف فيها ,, فهده الجندي المجهول ,, والداعم النفسي لصديقاتها ,, حست بالظروف تعيسه للجميع وخصوصا بعد ما صارحتها الجازي واستنجدت بها تشور عليها ,, فتريثت تخطب عاليه لابوها ,, ماجد طلع البر مع ربعه ,, وقت المقانيص والطيور ,, هروبا من امه والحاحها انها تخطب اخت نوف زوجة اخوه مشاري ,, ***** صار لي شهر من عرف بالسالفه ما كلمني ,, هنت عليه لابعد درجه ماكنت اتخيلها انها بتوصل كذا ,, ما اتذكر متى اخر مره تكلمنا مع بعض كلمه وحده ,, صاير يشوفني انا والجدار وواحد ,, ما قصرت في اي شي ,, كاشخه طول الوقت مهتمه في نفسي في مكاني ,, في فصولي ,, من قومته للمدرسه لحد نومته بالليل ,, واشوف نظرات امي عتيقه تلاحقني من مكان الى مكان ,, حتى اذا ارسلت السواق ابي شغله معينه ,, اشوفها تسئل وراي ,, عرفت وسكت ,, ما بغيت افتح مواضيع ثانيه ,, كفايه موضوع وما تسكر للحين ,, استغربت تأخير الدوره ,, مستحيل اكون حامل ,, ما حسيت بدوخه ولا شي ,, وصيت فهده تجيب لي فحص ,, وما صدقت عيوني وانا اشوف النتيجه حاااااااامل ,, مو معقول ,, ناديت فهده تشوف معي يمكن عيوني تكذب ,, صرخت فيني فهده : واااااااااااو جزووووي حامل ما اصدق ,, دايما اتذكر فرحتها لأنها الوحيده اللي عرفت ,, ومستحيل اقول حق حد لحد ما اتأكد مره ثانيه ,, معقوله المانع ماجاب فايده ,, انا فوته كم مره بس خصوصا اول الايام ,, جاني من يومين وانا وفصولي ندرس للامتحانات ,, من دخلت ذي الفتره وانا احس بضغط واعصابي تلفانه ,, ابي فيصل يجيب من الاوائل ,, صرت ما اشوف احد وخليت البيت ورشة عمليات ,, اوراق محذفه واقلام وكل مكان فيه دفاتر نكتب فيها ,, تعلق فيني فيصل لدرجة ما يبي يقعد في القصر ,, وحطيت له سرير فردي في غرفتي على جنب ,, حاولت عتيقه تثنيني بس رفضت ,, فصارت تجي من الصباح ولا تروح الا المساء ,, ومو عشان فيصل بس حسيت انه طلب منها تراقبني في الطلعه والدخله مع انها نادره ,,, اول ما دخل علينا ,, سال فيصل : وش سويت في الامتحان يا بطل ,, فصولي : كويس بجيب الاول لان امي تدرسني كل يوم ,, طالعني بنظره جامده ,, صرت نادر اني اشوفه لانه صار يهرب من البيت ,, وكم مره تقول الشغاله انه ينام في القصر ,, بعد رما رجع من العمره كنت لابسه وكاشخه ,, فشلني وقال ما ابيك تكونين في غرفتي ,, عيني عينك كذا ما استحى يجرحني ,, هنااا بس سحبت نفسي بالمره ,, ما قصرت وانا اعتذر لكنه قلبه قاسي علي مرره ,, حسيت بنظرته تدمرني ,, فيها شي ماعرفته كلام جااامد ,, نواف : ابيك تسمع الكلام زين يا فصول ,, اي شي تطلبه امك عتيقه تنفذه طيب ,, انا بسافر بكره ومدري متى برجع ,, يمكن اطول ,, طاح مني الدفتر ,, يسافر,, وين وليه ,, وانا ليه يتجاهلني كذاا ,, مو انسانه احس ,, حتى لو زعلان ما يبي يحكي معي ,, على الاقل يقول انا بسافر كذا وكذا ,, يكلم له بزر ويعلمه وانا ولا كني موجوده ليه ,, مسكتت نفسي ,, بكيفه ,, دامه ما عطاني خبر ما راح اتلقف ,, خلني ساكته ابرك لي ,, االتهيت في دفتر فيصل احاول اطلع جمل الاملاء عشان ينسخها ,, ماخلتني الضبابه اللي في عيوني اشوف ,, بس ما رفعت راسي ما ابي انكشف ,, سمعت صوته وهو ينادي امي عتيقه والشغالات يجونه في الغرفه ,, حاولت امسح دموعي ,, وانا اكمل الاملاء لفيصل ,, واشوف حركة الشغالات ,, يجيبون شنط مو قليل خمس شنط ,, واشوفهم يجيبون البدل ,, شكله بيسافر برى ,, بس ليه خمس ,, شكله مطول ,, من صدمتي في الحركه اللي سواها ,, انطفت رغبتي بمعرفة وين بيروح ,, الله يسامحك يانواف ليه تسوي كذاااا ,,, **** بعد ما رجع ماجد من المقناص ,, حاولت امي فيه ياخذ رغد بنت خالتي واخت نوف ,, توها مخلصه الثانويه ,, في سنه اولى للحين ,, شكلها مو راعية مدرسه ,, بس حلوووه ومن البنات اللي اكبر من عمرهم شكلا ,, طول وقتها في نفسها مكياج وموضه وطلعات مع صديقاتها ,, قلت لأمي انها ما تنفع له ,, ماجد يبي مرره تقوم بكل شي مو بس زين وخلاص ,, تفاجأت بالموضوع اللي كلمتني فيه فهده ,, معقوووول تبيني لابوها ,, صدقت اني باخذه كنت امزح ,, لا وشدعوا اخذه ,, صحيح مو مبين عليه الكبر ,, بس انا وين وهو ين كم سنه بيشيب وانا في عز شبابي ,, عطتني فرصه اني افكر ,, عشان يخطبون رسمي ,, شاورت امي اللي ما قصرت اقنعتني اخذه ,, انتي مطلقه وماتدرين يمكن احسن لك من الف شاب غيره ,, بعدين لسى شباب ,, مو شيبه ,, والمستقبل بيد الله سبحانه ,, حنت علي لين وافقت ,, والجازي بعد ما قصرت ,, قالت لي احمدي ربك ,, رجال سنع وكل المواصفات فيه وشتبين بعد ,, كل يوم تزين الفكره اكثر واكثر ,, لحد ماوافقت ,, ما ظنيت ان فهده راح تكون فرحانه كذااا ,, الا طايره فيني ,, رفضت انه يكون زواج كبير واصريت انه يكون عائلي وفي البيت ,, واتفقوا انه يكون بعد اسبوعين ,,, ****** بالرغم كل اللي صار ,, خيالها مافارقني ,, اشتقت اسمع صوتها ,, اشتقت اشيلها بين يدي ,, اشتقت امسك شعرها اللي يطيح بين يديني ,, لكن اللي سوته فيني ,, جرحني في الصميم ,,لو صارحتني انها ماتبي ,, افضل من انها تستغبيني ,, لا وقدمت لها مشاعري على طبق من ذهب ,, وفي الاخير تلعب بي ,, حلفت اني اربيها ,, بخليها لا معلقه ولا مطلقه ,, لين تدري بخطاها ,, ماقصرت امي عتيقه ,, تكلمني كل يوم من جيت المانيا ,, تشرح لي وش صار على فيصل ,, وتحاول تحنن قلبي عليها , لكن قلبي حسيته قاسي ,, حسيته حجر ,, مشاعري غريبه ,, ودي أدبها بس اشتاق لها ,, وفي نفس الوقت ما ابي اسمع صوتها ولا اكلمها تناقض في قلبي ,, بغيت اهرب منه وانهمكت في شغلي ,, ماصدقت يعرضون علينا الشركه الالمانيه شراكتهم ,, فحبيت اني اشتغل معهم كم شهر لحد ما ادرس الشغله زين وابتعد عنها ,, احتكاكي كل يوم بها يمكن يخليني اتصرف معها تصرف اندم عليه ,, ******* اليوم زواج عاليه ,, اول ماقلت لامي اني بروح زواجها ,, ما شجعتني ,, لكن ما تركتها على كيفها اصريت وقالت خذي موافقة ابوك ,, بعد ما صار اللي صار معد رحت لعاليه في بيتهم ,, ماشفت انها حلوه في حقي وحقهم مع بعض ,, كلمت ابوي ابي اروح ,, لقيته في مكتبه الظهر دخلت عليه ما حس فيني ,, نور : يبا ممكن اكلمك في موضوع ,, ابو نواف : من اغلى عندي منك تكلمي يا عمري نور : اليوم زواج عاليه ابي اروح لها ,, ابو نواف : آآآهآآآ ,, ترك كتابه وقام لي ,, ومسكني من يدي ,, وخذ وجهي بين يديه وباس جبهتي ,, ابونواف : طيب روحي باركي لها بعدين في بيت زوجها ,, نور : يبا عاليه صديقتي وموحلووه ما احضر فرحها ,, اذا فيه سبب اني ما اروح علمني ,, ابو نواف : اممم وش اقولك اخوها ماجد تذكرينه اللي شفناه في المانيا خطبك وما صار نصيب ,, ما اشوف انها حلوه تروحين لهم نور : يبا ممكن اعرف ليه ما خذت رايي ,, قالت لي عاليه انك رديته ,, وما بغيت افتح معك الموضوع وانت ماكلمتني فيه ,, بس وش السبب اللي خليك تخبي علي ,, انت مخلي خطك معي مفتوح اياب وذهاب ,, تسكره هالحين ليه يبا ,, ابو نواف : الولد عاجبني بس مالقيت من امك تشجيع ,, بعدين كثيير اللي يخطبونك ومااقول لك لأني ما اشوف كفووو لك ,, نور : يبا انا ابي احضر زواج عاليه ممكن ؟؟ ابو نواف : اللي تبينه يصير يا قلبي ,, ****** ارتحت اني تصارحت مع ابوي ,, ماظنيت اني يقول لي بكل بساطه الموضوع ,, لكن شكرت ربي ان ابوي متفهم ,, جاني بصيص امل ان ماجد يرجع يخطب ثاني ,, بس متى وكيف كلها في علم الغيب ,, حاولت اطلع لي فستان ناعم ,, خذيت لي فستان شيفون وله حزام دقيق ,, جبت لي مزينه تسوي شعري بتموجات كبيره ,, حطيت مكياجي بنفسي ,, وطلعت لفهده والجازي اللي كانوا بالملحق يتجهزون ,, احس بعد التعب اللي جاني صرت بعيده عن البنات ,, وهم نفس الشي مشغولين الجازي لاهيه مع فصول وماعندها وقت ,, تخيلتها عنده اثنين ثلاث راح تختفي في بيتها وما ندري عنها ,, استغربت ممن كم يوم لما جيتها ابي اتطمن عليها ,, سألتني عن سفر نواف وين ,, انصدمت الا ,, معقول ما قال لها ,, لكنها قالت انه صاير سوء تفاهم بسيط وبينحل ,, اما فهده ياناس الله يسعدها هالبنت ,, ما تفتر تسأل عن الكل ,, يمكن تجي للجازي داايم ,, بس تحب الجميع ,, فرحتها بابوها اليوم غير طبيعيه ,, الناس يتنكدون ابهاتهم يتزوجون ,, وهي مبسوطه ,, مساعدها ان امها متوفيه ,, اول ما دخلت الملحق وشفت اشكال البنات ,, صفرت لهم ,, ما توقعوا الحركه ذي مني وخصوصا اني كئيبه الفتره اللي راحت بس مصارحتي مع ابوي انعشتني ,, جازي كانت لابسه فستان ميسوني مموج باللون المشمشي له قصه عند الصدر ويجي واسع شوي وفهده قمه قمه ,, لابسه فستان اسود من شانيل ,, مع سلاسل لولو طويله ,, راقيه ,, بشعرها بمكياجها كلها صايره تحفه ,, ما قدرنا نكون مع عاليه في التجهيز لانها قالت لنا بيت خالتها عندهم من العصر ,, فحبينا نجي اذا خلصت على طول ,, مشينا بسيارتي وانا اكلم ابوي ,, كان في المجلس ,, يستقبل الضيوف ,, البارح ملك على عاليه ,,, اتذكر كلامنا بعد ماعقد عليها ,, مدري يافهده انا سويت الشي الصح والا لا ,, متردد بس اناعارفه عاليه قلبها طيوب وبتهتم في ابوي ,, دخلنا لللفيلا ,, وفيه سيارات بسيطه متجمعه برى ,, اول مادخلنا , لقينا حريم في المجلس وام عاليه تستقبلنا ,, اول ما شافت نور ,,اسود وجهها ,, وضاقت ,, المشكله ان نور حست بكل شي وشفت توترها عقب ,, دخلنا عند عاليه ,, وبنات خالتها عندها ,, طالعه قمر في الفستان والمكياج الراااقي اللي سوووه لها ,, فصخنا عبايتنا ,, وقعدنا نرتب اشكالنا ,,, ****** | ||||
|
| |
|
26-03-13, 11:19 AM
| #15 | ||||
| نجم روايتي ومشرفة سابقةومصممه
| احس قلبي للحين يرجف من شفت ام ماجد ,, شايله في قلبها علي واضح من نظرتها لي ,, ياليت سمعت كلامك يمه ولا جيت ,, تمنيت اني ما حضرت ,, عاليه فرحانه بي وبدوني ,, دخلنا ولقينا بنات خالتها ,, صايرين هم هل المكان ,, ماقد شفنا زوجة اخوها ذي ,, يمكن مره في عرس الجازي ,, لكن اشوف ذي اللي معها ماخذه راحتها في الطلعه والدخله ,, حلوووه ,, خفت لايكون ماجد لسى هنا وتطلع بوجهه ,, اشتغلت الغيره ,, قعدنا نعلق على شكل عاليه وحنا نضحك الا هي تقول يالله الدور عليك يانور والجازي تقول الا عليك يانور انتي وفهده مره وحده اتذكر كذا بس بس صدمني كلمة زوجة اخوها ,, وان شالله زواج ماجد وغاده ,, اتذكر اني شفت عيون عاليه ,, تضحك للجازي وما انتبهت لي ,, معقوله ,, بيتزوج ,, بس هو وعدني ,, ما بغيت افرح اليوم ان ابوي صارحني اجي اغتم هالحين ,, صدق اللي قالوا يافرحة ما تمت ,, قعدت على الكرسي وانا جسم بلا روح ,, بغيت الوقت يمر عشان اطلع ابي اطلع من هنااا ,, خلاص اختنقت ,, لاحظت الجازي ذا الشي ,, جتني وهي تقول : اضحكي مو زين كذا حد يشك ,, كلها ساعه ولا شوي ونرجع ,, حاولت ابتسم ,, بس قلبي انذبح من جووه ,, لاول مره احس ان الزواج مثل التمثيليه ,, يجون الناس وهم لابسين ويأكلون ويرقصون وتنتهي القصه ,, بغيت اوصل للنهايه بسرعه نزلنا للمجلس وهم يزفون عاليه ,, ماكان فيه الا عدد بسيط ,, وتوسطت عاليه المجلس وابتدوا البنات يرقصون ,, قعدت فهده ترقص وحنت علي ,, ما بغيت اكسفها وقعدت ارقص وانا ما اشوف الوجوه احسهم تماثيل ,, مر الوقت وقالوا ان المعرس بيدخل ,, تغطوا الحريم وخذيت غطاي ,,,دخل ابو فهده ومعه ماااجد اللي اول ما شفته تنقضت الجروح ثاني ,, ظل يصور مع اخته ,, وبعدها بشوي طلع ,, وجت فهده ترتب عاليه وتصور معها ,, ظل التصوير شويه ,, وبعدها طلع الوليد مع عاليه للقصر طيارتهم لفرنسا بعد ساعتين ,,, طلعت فهده معهم عشان تجهز لهم , وطلعنا انا والجازي للسياره ,, ماودي اقعد ثانيه وحده حسيت المكان موبوء بخالتهم وبناتها ,, شفته واقف عند مجلسهم بيدخل بغيت اصرخ واناديه بغيت اقوله وين نسيت وش قلت لي ,, لكن كلها صرخات نفس مكبوته ,, ***** دخلت القصر لثاني مره بس هالمره زوجه ,, احاول اسرق نظراتي له من فتره للثانيه ,, ابي اتأكد انه مو كبيير ,, حمدت ربي ,, شكله شاب ,, اول ماوصلنا لجناحنا وفهده تزين كل شي ,, تكلمت فهده : يبا عندك ساعه عشان تطلع للمطار تاكلون شي الوليد : والله نشوف العروسه وش رايها ؟؟؟ طبعا انا سكت ودعيت في نفسي على فهده تعرس ويصير لها اللي تسوي لي هالحين لا وربي يكتب لي اشوف بعد ,, فهده : وش رايك ياعروسه وهي تضحك .. ماحكيت بس سمعت فهده ,, خلاص يبا بروح اجهز ااغراضكم ,, وطلعت فهده وظليت جامده في مكاني ما تحركت ,, حسيت به يجي صوبي ويمسك يدي : حيا الله عاليه اللي اسمع بها من شهور ,, سكت ما رديت عليه الوليد : وش رايك تبدلين عشان نطلع للمطار ,, اشرت له بايه وقمت الا هو يلتفت لي الوليد : منتي بحابتني قبل تروحين ,, استحيت بالمرره شكله بايعها ابو فهده ماعنده وقت ,, ما رديت وجيت بمشي لكنه ووقف في وجهي وقال : خلاص دامك بخيله انا كررريم مرررره وحبني بخدي ,, سحبت نفسي ومشيت من عنده ,,, مو مصدقه ,, والله هذا احسن من اللي خذيته ,, حركات وسوالف عنده استبشرت خير ,, ودخلت ابدل ملابسي ,, ***** مادري كيف وصلت غرفتي ماتكلمت مع الجازي بحرف من طلعنا من الزواج لحد ما وصلنا بيتنا راحت الجازي للملحق ,, ووصلت لغرفتي اللي حسيت بيني وبينها اميال طويله ,,, بعد مادخلت سكرت الباب وقعدت وانا اقاوم دموعي طلعت صورته تاملتها الا حفظتها محفوره وسط جفوني ,, تخيلته مع بنت خالته ,, لاااااا انهرت ,, مادريت ان الحب بلوى ,, تمنيت اني ماعرفت الحب ,, معقوله يسوي كذا ,, اتذكر اني كنت طبيعيه لما كنت افكر اشتغل في المستشفى ماخذه الدنيا طول بعرض ووناسه مافيه شي ماخذ عقلي ,, ومن عرفته ,, وهو شاغل حياتي ,, ماصارت زي الناس ,,,دخلت الصوره ثاني ,, للجظه فكرت اقطعها ,, وانهيه من حياتي ,, انساه واتعلم اني انساه ,, لكن ضعفت وماقدرت اسويها ,,, ****** دخلت وشفت فصولي نايم ,, لحفته زين وحبيته على جبهته ,, غيرت ملابسي وطالعت بطني في المرايه ,, بدى يكبر ,, صحيح صغير وما يبين ,, بس حسبت يمكن اخلص ثلاثة شهور ,, اسمع عن الوحام اللي يجي الحريم ,, الحمدلله ماجاني الا صداع في الراس وحب نووم ,, دخلت في سريري وطالعت شاشة الجوال ,, اشتقت له ,, كل ليله تهفني نفسي ارسل له مسج ,, واتراجع اذا تذكرت طريقته معي ,, خذلني ,, صحيح غلطت لكنه جزاني بجفاا ,, حتى السفر ماهان عليه يقول لي ,, حطيت راسي على مخدتي ,, وتسربت دمعة حزن على حالي ,, جفاني النوم ,, ماقدرت شوقي غلبني ,, موحاله ,, طالعت صورته اللي عند راسي ,, خذت الجوال وفتحت الرسائل احترت وش اكتب ,, في الاخير (( طمني عنك ,, اخبارك ,, متى بتجي )) حسيتها جامده مسحتها ,, رجعت اكتبها ثاني (( طمني عنك ,, اخبارك متى بتجي ,, اشتقنا لك )) على الاقل تعبر عن اهتمامنا فيه ,, ارسلتا وانا انتفض من فوق لين تحت ,, حسيت ببروده تدخل جسمي ,, حتى صوتي تغير ,, شعور الخوف والبروده مع بعض ,, مزعج ,, انتظرت حسيته بيرد بسرعه ,, صار له شهرين ,, انتظرت لحد ماغلتني عيني ,, توعيت بعد الفجر بشوي واول ما تذكرت وين انا على طول شفت الجوال اللي طايح عند مخدتي ,, شفته ما ارسل شي ,, احبطت بقووه ,, يمديه يشوف الجوال ,, لكن شكله ما يبي يرد علي ,, ****** اخلص العصر من الشركه ومن بعدها طول اليوم فاااضي ,, ارجع للبيت ,, فيه جميع انواع التسليه ,, اجهزة رياضيه مع قناة افلام ,, مع القنوات العربية الرياضيه ,, ما اطلع اقعد في البيت ,, جاني سعد مره الشهر اللي راح ,, ووعدني يمكن يجي ثلاثة ايام الشهر ذاا ,, مرووق على وضعي ,, وحسيت اني بعدت عن اجواء البيت ,, اللي كلها شك وبهدله ,, تابعت فيلم ,, وخلصته ,, تابعت الثاني ,, ,, جاني مسج توقعته من سعد كل يوم يرسل لي نكته ,, والا وسائط بمقطع يوسع الصدر ,, اول ما شفت رقمها استعدلت وقعدت اقراه ثاني ,, ماتوقعت انها ترسل لي ,, سفهتها وخليتها كذا بدون رد احسن ,, ***** فهده صارت اغلب الايام عند الجازي في الملحق ,, بعد ماوصلوا العرسان لفرنسا ,, اتفقت مع جازي ونور يسون لهم جدول لحد ماتجي عاليه ,, صاروا يطلعون يقضون لهم حاجاتهم ,, ومره يتجمعون هنا ,, والا هنا ,, كل وحده حاسه بفرااغ وتحاول ما تبين للثانيه الجازي ونور حالتهم متشابهه ,, لكن فهده غياب ابوها اثر عليها ,, وحست بالوحده اكثر في البيت ,, مع طاقم شغالات وحرس لكن وجوده في البيت غييير ,, كانوا متجمعين عند الجازي وكانت لابسه بنطلون بيت ومعاه تي شيرت طويل يخفي البطن ,, وقعدوا يشوفون التلفزيون ,, دخلت عليهم ام نواف ,, وقعدت تسولف معهم ,, قامت الجازي تبي توصي الشغاله تجيب قهوه ,, حست بشد عضلي في ساقها ,, صرخت بقووه وقعدت على الكنبه ,, جتها ام نواف وهي تشوف وش فيها ,, اول ما شافت بطنها الصغير ,, ام نواف : جاازي ,, انتي متأخره عليك الدوره ,, ارتبكت شوي بس ماقدرت تنفي الجازي : اي صار لها فتره ,, ام نواف : مافحصتي ,, هزت الجازي راسها وهي تطالع فهده ,, لكن ام نواف اصرت من بكره تروح المستشفى هي ونور وتسوي التحاليل ,, ***** طال عليها الليل وهي عارفه ان الخبر بيوصل لنواف ,, حاولت تعاقبه انه مايعرف بتجازيه على صده لها وجفاه ,, لكن لكل شي نهايه ,, جاها فضول وش راح تكون ردة فعله اذا عرف ,, ,, طلعت الصباح مع نور للمستشفى اللي خذوا كل الفحوصات من تلفزيون ودم وغيره ,, واكدت لها الدكتوره انها خلصت الشهر الرابع ,, قالت لها عن المانع ,, واكدت لها اذا صار بدون انتظام مايكون له فايده ,, رجعوا للقصر ونور تبي تاخذ البشاره من ابوها وامها ,, اول مادخلت الجازي ومعاها نور كانت الجوري وفيصل قاعدين تحت مع ام نواف ,, وابو نواف في المكتب لكن صووت نور جمعهم نور : كللوووووووش باركوا بصير عمه يا نااااس ,, قولوا امين عساها بنت حلووه مثلي ,,, ام نواف وهي طايره من الفرح : والله مبروووك يا جازي والتموا العيله على اصوات الفرح ,, لكن نور ماقاومت انها تبشر اخوها وسط فرحة ابوها وامها نور : الووو يا المانيا وهي تضحك نواف : لااااا شكلك فالتها ونسينا ,, نور : مبرووووووك بصير عمه جزوووي حامل معقووول انها حامل ,, متى وشلون وكيف ,, اسئله ماراح يجاوب عليها الا هي ,, لكن ما راح اعرفها الا اذا شفتها وجه لوجه وذا الشي مو في بالي الحين ,,,,,, ***** | ||||
|
| |
|
26-03-13, 11:21 AM
| #16 | ||||
| نجم روايتي ومشرفة سابقةومصممه
| (( الجزء التاسع )) قبل يومين من وصول عاليه ,, تجمعوا البنات عند فهده ,, واتفقوا على برنامجهم للاسبوع الجاي ,, فهده قررت تسوي عشاء رسمي ,, وتنادي فيه معارفهم ,, وهما قاعدين يسولفون في غرفة فهده ,, جتهم الشغاله تقولها انه فيه حريم تحت يبون يسلمون عليها ,, استغربت عاليه لأن محد عطاها خبر انه بيجي ,, نور : تلاقينهم ذولا اللي يجون يسألون ,, ارسلي لم الشغاله بالمقسوم فهده وهي تكلم الشغاله : هذولا مسكين ,, : نو نو مدام ,, هي تسأل عنك ,, قامت فهده وهي تقول امرنا لله ,, كانت لابسه بنطلون ,, ومع توب قطن ,, وكعب رفيع ,, رتبت شعرها وهي تقول للبنات ,, زين قوموا معي يمكن يطولون ,, نور : يالله عندي حماس لهم مدري ليه ,, الجازي : انا بنتظركم هناا ,, مافيني نزله وطلعه ثاني ,, فهده : اوووو اشتغل الحمل ,, صار لك كم شهر ماتدرين ما سمعنا شكوى ,, بس عرفتي نط لك عرق وهم يضحكون ,, نزلت فهده مع نور للمجلس ,, واول مادخلت لقت ,, حرمه كبيره ,, معاها بنتها ,, ناااس باين عليهم كلاس مرره ,, رحبت فيهم فهده وهي تعتذر منهم ,, احتارت فهده لأنها ما تعرفهم ,, وناس باين عليهم عندهم خير مو جاين يبون شي منها او من ابوها ,, ابتدوا الشغالات يسون السرفيس من قهوه وشاي وشوكليت ,, وبعد شوي تكلمت الحرمه الكبيره ,, انا ام سعد بن سلطان ,, بغت فهده تكب القهوه على يديها ومسكت نفسها في آخر لحظه ,, فهده : هلا بك ياخاله ,, آآآمري ,, وش اقدر اخدمك فيه ,, ام سعد : من فيكم فهده ,, طالعت فهده في نور وهي خايفه ان الخبل قال لاهله شي ,, مو بعيد عليه ,, فهده : سمي طال عمرك انا فهده بغيتي شي ,, ام سعد : والله مافيه الأ الخير ,, اذكروك لنا ,, وودي اخطبك لولدي سعد ,, اسألوا عنه ,, ومو عشانه ولدي لا والله ,, بس ماراح تسمعين الا كل خير ,, تكلمت البنت اللي معاها : انا العنود اخته ,, والله سمعنا عنك ,, وحبيناك قبل نشوفك ,, وانتي فكري ,, فهده انبلمت ماقدرت ترد بكلمه وحده ,, اول مره يصير لها موقف مثل كذا ,, انحرجت من الموقف ككل ,, بس مالها الأ ترد عليه برد دبلوماسي ,, الله يكتب اللي فيه الخير ,, ام سعد : انا بكلمك عقب اسبوع اذا يناسبكم جينا نكلم الرجال ,, نور : ان شالله ما يكون الا خير ,, قامت ام سعد مع بنتها وطلعت ,, وفهده مفهيه مو عند نور مرره ,, التفت نور لفهده اللي قعدت وهي تحط راسها على الكرسي ,, فهده : مو معقول مرره ,, خبل والله ,, نور : تتكلمين بالالغاز ,, عسى ماشر ,, من اللي خبل ,, فهده : ولد الحرمه ذي ,, نور : لا بالله فهمت السالفه وعرفتها ,, اقول فهده احكي مثل الناس ,, وش سالفته الولد ذا تعرفينه ,, فهده وهي تجر نور عشان تطلع للجازي وتحكي لهم من اول ,,,, ***** على اعصابي مررره مدري متى بتجي امي,, حاولت اقنع ابوي نروح نخطبها لكنه رفض ما يبي علاقته تتأثر مع الوليد ,, وفي الاخير طلب من امي تروح عن طرييق الحريم احسن يشوفونهم ,, اول ما شفتها جايه على طول عندها وانا بس ادور اي شي عنها سعد : طولتوا مابغيتوا تجون ,, العنود : بصراحه هنيالك اذا بتوافق ,, صغيره لكن سنعه مررره ,, سعد : وش رايك يمه ,, ام سعد : حبيتها والله ,, شكلها تفاجأت , كذا يقول قلبي ,, وقلت لها بكلمك عقب اسبوع وبشوف ردك ,, سعد : يعني بتوافق ,, العنود : هآآآو صدق مطفوق ,, وش فيك مستعجل ,, لاااا الله يعينك ,, هذا للحين ماصار شي ,, حالك منقلب الله يعين لو زوجتك ,, سعد : والله لتوافق ,,ان اقسم هذاك اليوم اللي ربي يكتب على كل اللي اعرفهم ومحتاجين ,, ام سعد : يا ويلي عليك يا ولدي ,, ربي يسعدك ويرضيك ,,,, ****** اليوم عازمني الوليد على مطعم يحب يروح له مع فهده ,, غيرت ملابسي , وطاحت عيني على ,, الخاتم اللي شراه لي البارح ,, كريم معي لابعد درجه ,, عسى ما اقول هذا زين جابه لي ,, لين صرت ما اتكلم وما امدح شي اخاف يشتريه ,, حاول معي البارح اشوف شي يعجبني ورفضت ,, ومع اصراري انه ما يشتري ,, ماعليه مني وخذ واحد على ذووقه ,, لاحظت الكل يعرفه في ذا الديره ,, المشكله ما اخذ راحتي معه الا في الفندق ,, لانه ما يسافر الا معه كذا شخص يرتبون له كل شي ,, رجعت الخاتم للعلبه,, كلمتني امي ,, اللي كل ماكلمتها بس اسمعها تطلب لي اني استانس وربي يسعدني ,, قلوب الامهات رقيقه ,, الله يخلي لي امي ,, صحيح عمره كبير لكن تعامله معي احسن من الشاب نفسه ,, ما يحب السوالف كثيير ,, بس يمكن اخليه يتعود علي ,, احب المزح والقرقره ,, ما اتخيل نفسي ساكته ,, يالله حبه حبه ,, كل ما تذكرت كلمة امي ,, لا تهبلين بالرجال بسوالفك اركدي ,, اضحك ,, الله يعينه الايام جااايه ,, دخل وانا للحين البس صندلي ,, وبغيت اعثر وانا اقوم ابي اشوفه لكنه مسكني وهو يضحك ,, بالراحه ليه مستعجله ,, الوقت كله لك ,, عاليه : ماابي اتأخر عليك بس ,, الوليد :انا كلي لك ,, عنده حركات ما تعودت عليها ,, صحيح الاول ما شفت منه يوم زين ,, لكن انه ميح في التعامل ,, خلصت ابي البس عباياتي الاهو عندي ويساعدني اسكرها ,, ويمسك لي طرحتي ويرتبها ,, ما اقدر على رومانسيته ,, حاولت اتجرأ شوي لكن ,, ما قدرت يمكن مع الوقت ,, لمني بين يديه وهو يهمس في اذني : مشينا قبل اهون ونتعشى هناااا ,, سكت ماقدرت ارد ,, شكلي غلط ,, بس وش اسوي اقوله يالله خل نقعد ,, لازم يعرف اني استحي ماتعودت عليه ,,, ***** طلعت نتايج نصف الفصل وجاب فصولي الثالث ,, طرت من الفرحه تخيلته في الشهاده الثانويه جايب نسبه تبيض الوجه ,, يوووو طويل المشوار للحين هو في ثاني ,, تخيلته كبير وانا كيف بيكون شكلي ,, والا وين بكون ,, اتصل على ابوه يبي يقوله عن النتيجه من تليفون البيت وانا بجنبه اسمع ,, كان فرحان وهو يعلم ابوه بطريقة البزارين ,, طول معه شوي ,, توقعت يطلبني ,, يعني هو عارف وش كثر تعبت مع فيصل ,, اكيد عتيقه تعطيه الموجز ,, بعدين هو كان حاضر الامتحانات الشهريه كيف طريقتي معه ,, لكن ولا كلمه زياده سكر التليفون ,, لحد هنااا تنرفزت وعصبت ,, يعني لحد متى يبي يسوي كذا ,, وش محسب عايش بكوكب لحاله ,, توقعت يكلمني ,, يرسل مسج على الاقل ,, اما لو اتصل عليه وبط عينه برقمي وش بيسوي ,, وليه لا بسويها ,, صبرت ربع ساعه وبعدين دقيت عليه من جوالي ,, رنه رنتين وانا كل رنه بدقه لقلبي ,, خليته لين انفصل الخط بنفسه وماقدرت امسك نفسي خذيت الجوال وضربته في الجدار بقوووه ,, عصبت ,, وش مفكر عمره ذا النواف ,, معقد مررره ,, صار جوالي قطع وماقمت له خسرته ما ابي جوال ,, ***** رجعت عاليه واستقرت في القصر ,, وفهده ما بغت تقول لابوها عن خطبة الناس ذوول ,, هي حست بشي واحد ,, استخارت كم مره وتحس فيه شي يدفعها توافق ,, مع انها بعقلها رافضه ,, جازي شجعتها ,, ونور قاالت قلبك دليلك ,, اذا مو مرتاحه مو مهم ,, علمت عاليه بكل شي ,, وسالتها لو انتي في مكاني وش راح تسوين ,, عاليه : شوفي خلي ابوك يسأل وبعدين يصير خير ,, اتصلت ام سعد تبي تعرف رد فهده اللي للحين ماقررت ايي شي ,, فردت عليها عاليه واعتذرت منها انهم لسى جايين من السفر وطلبت منها مهله ثانيه ,, عاليه : فهوده انا بكلم ابوك ,, اكيد يعرفهم اذا هم ناس طيبين ,, توكلي على الله ,, فهده عارفه ومقدره انهم ما يحسون باللي تحسه ,, وانقباض وانشراح بنفس الوقت ,, لكن راح تستخير الليله وبعدين بتشوف ابوها ,,, **** مشكلتي متهور في تصرفاتي ,, اخاف ارسل لها مسج وتفهمني غلط ,, ياليت تدري باللي في قلبي لها ,, لكن وش السواة الا الصبر ,, قالت لي امي انهم طلبوا مهلة ثاني فتطمنت شوي ,, ماطلبوا زياده الا وهو يبون يفكرون اكثر واكثر ,, كلمت نواف وقررت اروح له لحد ما يردون علي ,, **** اتصل نواف على امه تجي هي وفيصل عنده في اجازة نص العام ,, ماخالفت ام نواف وشافت انها فرصه للتغيير فكلمت ابو نواف انها تروح هي والبنات كلهم حتى الجازي ووفاتحت البنات في الموضوع واستانسوا الا الجازي اللي اعتذرت انها ما تبي تركب طياره ويمكن تصير لها اي مشكله ,, حاولت ام نواف تقنعها ونور لكنها قدرت تجيبها بطريقة انها المفروض تحافظ على صحتها وتغذيتها ,, جهزت ام نواف نفسها وخذت العيله الا الجازي اللي راحت عند بيت اهلها لحد ما يجون ,,, سعد بعد ما عرف ان نواف اهله عنده غير وجهته لمكه مره ثانيه وبيطلب ربه اكثر يمكن تحن عليه وتوافق ,, هو عارف ان اللي سواه من قبل هو العائق انها توافق عليه ,, لكن يمكن تقتنع اني ابيها وتوافق ,, ***** طلع نواف للمطار يستقبل امه ,, ومشتاق لفيصل اول ما وصل للمطار وشاف العيله كلهم الا الجازي,, فكر ان امه بروحها بتجي لكن اول ماشاف خواته على طول وهم واقفين عند البوابه سأل : وين الجازي ,, نور : عند اهلها ,, كمل نواف : ليه ما بغت تجي معكم نور وهي عارفه حاسه ان بينهم تتش : انت قلت لها تجي نواف وهو يغير الموضوع يالله اكيد تعبانين ,, مشينا ,, ظل فيصل ماسك يد ابووه وطلعوا وهو يفكر بزياده فيها ***** تمدد الجازي على السرير في غرفتها مع اختها مهوي ,, حست انها بتنغلق على نفسها ,, اشتاقت لفيصل ودها تسمع صوته ,, كسرت جوالها والا كان يمديها تتصل عليه ,,من بكره وصت ابوها يجيب لها واحد ثاني ,, واول ما وصلها ركبت الشريحه ثاني ودقت على جوال نور ,, حسيت بشوق لفصول ,, ولابوه بعد ,, بس وش الفايده ,, خل اكتم شوقي ابرك لي ,, كم مره يفشلني ,, احس اللي فيه كاايد مره لدرجة انه يتعامل معي بأسلوب موب انساني ,, دقيت رقم نور وشوي الا هي ترد وصوتها يلعلع : هلااا وغلاااا بأم بنتي ,, الجازي : خلاص صارت بنت نور : ايووووه وبتصير بنتي لاني قررت ما اتزوج ابد ,, وانا متعمده امي تسمع لي ,, نواف كان يتغدا بس اذنه عند نور ,, نور : اكيد ابشري ,, فيصل ,, خذ جزووي تبيك ,, خذ فيصل الجوال وهو كان على الطاوله ,, ومشى للجلسه اللي على جنب وابوه يراقبه ,, شافه يتكلم بهدوء ,, ماطاحت عينه منه ,, شافه ياخذ منديل ويمسح عيونه ,, نزل الجوال على الطاوله وراح داخل ,, قام نواف يبي يشوف وين راح ,, لقاه يغسل وجهه ,, اول ما التفت شاف ابوه واقف ,, نواف : وش فيه فصولي ,, فيصل : مشتاق لأمي ,, قلت لها تجي معنا بس هي ما تبي ,, نواف : ليش ما تبي ,, فيصل وهو يطالع ابوه : عشان انت زعلان ,, نواف : هي قالت كذا فيصل : لاااا انا اعرف ,,, مسك يده وخذه ورجعه للطاوله وكملوا غداء وهو يفكر شلون فيصل حساس تجاه جازي ,, والاعظم من كذا كيف تعلق بها لدرجه ما يتوقعها ,, تغيييير فيصل بعد جازي كثيير ,, لكن انا المهم ,, ***** ابي اعرف وش ذا الاحساس ,, كل ما صليت الأستخاره حسيت بشعور راحه عجيبه ,, احس منشرح صدري له ,, معقول هووو ,, راعي التليفونات ,, هذا اكيد معي ومع غيري كذا ,, يعني تاب والا شصار عليه ,, من اخر مره معد اتصل ,, حس على نفسه والا وشو ,, دخل علي ابوي ,, ملامح الفرح باديه عليه ,, الوليد : وانا اخر من يعلم ,, متى جتك ام سعد ,, فهده : يبا والله مدري وشقولك ,, فاجئتني بجيتها ,, بس يبا ابي اخلص الجامعه بعدين يصير خير , الوليد : مو كلااام ذاا ,, من اللي بينتظرك لحد ماتخلصين ,, بعدين سعد ما ينتطوف ,, ابوه بس يكفي نسبه فهده : يبا انا باخذه ولا باخذ ابوه ,, واللي يسلمك انا بخلي عاليه تعتذر منهم واذا عاد صار نصيب عقب بنشوف ,, الوليد : يا حبيبتي ,, سعد رجاال وتعتمدين عليه ,, انتي تبين زوج بس والا واحد يدري بك ,, وش ناقصك وش تبين ,, يراعيك هذولاا اعرفهم يا عمري ,, لاتعلميني فيهم ,, معروووفين بوصلهم وجيدهم ,سعد احسن من غيره ,, توكلي على الله وردوا على ام سعد خبر ,,, قام ابوي وانا اشوف انه فصل في الامر ,, صحيح ارتحت ان كفاني اتخاذ القرار وريحني بين تناقضي اللي شتتني ,, وبين رغبتي اني آجل الفكره ذي حق عقب ,, دخلت عاليه وهي تشوف الحيره اللي في عيوني ,, عاليه : فهوده ,, اسمعي ,, استخيري ثاني الليله واذا صرتي مرتاحه خلاص نتوكل على الله ,, سولفت مع عاليه شوي ,, بس قلبي متردد ,, تذكرت شكله , تذكرت كلامي معه ,, شين وقواة عين ,, يووو لا ويرد علي بعد انا شين ,, ضحكت من قلبي ,, استغربت ضحكي ,, شكل السالفه جازت لي ,, جتني وساوس بعدها بشوي ,, قمت ابي اطلب الله يريحني ,,, ***** ماعاد للحياه طعم ,, ولا الايام ولا الشغل ,, يمكن جلسة الشباب تنتشلني من ضياعي ,, بس مشاعري حزينه ,, احس اني فاقدها ,, احس انها مو في الدنيا ذي ,, ضقت من امي والحاحها اتزوج رغد بنت خالتي ,, مسكينه امي ,,عجزت فيني ,, ودي ارضيها ,, بس مو في يدي ,, واذا قلت بخطب نور مره ثانيه ,, يجيها زعل مب طبيعي ,, ام ماجد : البنت ذي مالها لازم عندنا ,, انت صاحي تخطبها وهم ردوك ,, خل يحصلون زيك وقل امي قالت ,, ماجد : هدي اعصابك ,, هاذي حياتي ,, يمه انتي تبين اخذ اللي تبين انتي وانا مو مرتاح ,, ولا اخذ حد ابيه واستانس معه طول عمري ,, يمه هذا زواج مب دعايه ,, ام ماجد : البنت ذي زهدتها ,, طلعت من خاطري ,, ماجد : الله يهديك يمه ,, الله يهديك ,, ***** مافارقني ثواني ,, حبه مالي علي دنيتي ,, اعيش على نبضه اللي بقلبي ,, ما راح يخذلني وعدني ينتظرني ,, بس وش الحيلة مع امي ,, نكدت علي بقرارها اللي ماله داعي ,, يكفيني عشه مع ماجد ,, تخيلت حياتي معه ,, مستعده اضحي عشانه ,, مستعده اترك كل شي عشانه ,, لو يقول اي شي بوافق عليه ,, حبه اغناني من كل حاجه ,, وكل الترف ذا اشوفه ماله معنى وهو بدون مشاعر تحييني ,,, **** في الفتره ذي ,, اتصلت عاليه على ام سعد وعطوها موافقتهم ,,واتفقوا الرجاجيل على يوم الملكة ,, رجعت ام نواف والعيال من المانيا ,, ماجد لهى نفسه بالشغل وال****ات ,, وابتدى يصمم بيته ,, نور رجعت للجامعه تبي تخلص ترمها ووتتخرج ,, بعد مارفضت اثنين كانوا خاطبينها وامها وافقت عليهم ,, باقي جازي وما ادراك ماجازي ,, تعلمت من تجربتها مع نواف ,, ان الحرمه المفروض ما تبين كل مشاعرها لأنها ماقصرت في اعتذار ومكالمات ومسجات وهو زي الجدار ماحس ,, لكن مشاعرها اللي تدفقت اكثر واكثر في غيابه وشوقهها له أكد لها شي واحد ,, انها تحبه لا وتمووت عليه بس قررت تحط مشاعرها في صندوق وتقفل عليه لين يحس من نفسه ,, نواف خلص خمس شهور والحين ماشي في السادس ,, باقي له ذا الشهر ويرجع ,, وبعدها يحط النقط على الحروف ,, اللي مستقره فيهم عاليه ,, بالرغم الفتره السيئة اللي مرت عليها بعد طلاقها لكن ربي عوضها خيير بالوليد ,, اللي بدى شوي شوي يتعلم على عاليه ومزوحها وسوالفها ,, وتغيير روتينه عشانها ,,, بعد شهر كامل ,, ***** قامت فهده من الصباح على تليفون الجازي ,, ما توقعت الساعه 9 فكرت من تعبها انها 12 ,, جاها صوت الجازي وهي تأكد الجازي : وش صار على المزينه اكدتي عليها ولا اجيب ثانيه ,, فهده والنوم مثقل عليها : مدري ,, هاااا ,, اي الا بتجي ماصرت احكي زين وش فيني الجازي : فيك نوم ,, زين شوفي انا بجيك العصر ,, وبشوف نور ,, سكرت الجازي وقامت تشوف وش عليها اليوم تخلصه قبل تروح ,, اتفقت مع الجوري انها تهتم بفيصل الليله لحد ماتجي من فهده ,, عتيقه تعبانه صار لها كم يوم مو على بعضها ,, شافت الفستان اللي فصلته في مشغل ,, موديل حمل لكن عطتها القصه مع طولها شكل جديد عليها ,, ,, حطت فهده راسها على المخده ثاني ,, وتذكرت شكل سعد ,, وش بتقوله ,, هل بتقدر تسكت عن اللي صار والا بتفتح معه الموضوع ,, مافيها صبر تسكت لازم يتصارحون ,, نفضت التعب ,, وقامت تشوف وين عاليه ,, لقتهم في يفطرون هي وابوها ,, صايره تدلعه مررره وهو مبسوط عليها ,, لا ومندمج بالسوالف معها دخلت فهده وهي تقول : صباح الخير اكلمكم وانتوا مب يمي الوليد : مالي لايم سمعتي عاليه وش تقول : نحكي عن العرس واقولها مو شينه الواحد يعرس ثاني ,, تهددني تصدقين تقول بذبحك بسوي فيك جريمه فهده : لا والله علويه كله ولا ابوي عاليه : اسمعيني وهي تضحك وكركرتها واصله برى ,, اذا تزوجتي دريتي ,, خليك محضر خير بصراحه عاليه غيرت حياتنا صار لها صوت بعد ماكانت صامته ,, وابوي تغير بعد السنتين اللي راحت ,, صارت حياته احسن وصار يرجع للبيت ,, بعد ماكان يتركني طول اليوم ,, اكيد الزوجه لها دور ,, ومهما بلغت عناية الابناء فيه شي يظل قاصر عنهم ,, **** وصلت الكوافيره وصار شغلها اسهل لانها تعرف لهم كلهم ,, وجابت مساعدتها معها ,, ابتدى التزيين والشغل ,, وبعد كم ساعة وصلوا للنتيجه اللي يبونها ,, فهده صايره روووعه ,, ماراح يجي الا اهل سعد ,, بس حبينا انه يكون عشاء محترم وله شكل ,, جت ام عاليه وام نواف ,, وام الجازي ,, وقعدوا يسولفون مع بعض لحد ما وصلت ام سعد وبناتها , فهده ظلت فوق لحد ماخلصت اجراءت الزواج ,, وبعدها نزلت على الدرج وهي تمشي بهدوء واضح ,, لبست فستان اخضر صريح فيها ازهار ملونه ,, من كافالي ,, يده هفهافه وواسعه ,, ورجعت شعرها على ورى ,, مع تموجات بسيطه ,, لبست كعب مثل كل مره عشان يزيد طولها اكثر ,, ومشت عاليه ونور بجنبها واشكالهم راااقيه مثلها ,, تأخرت الجازي فوق وهي تكلم فيصل كل شوي يتصل عليها يسالها مره ابي لعبتي ,, مره متى بتجين ,, هي عطته ووجه وماتقدر تقاوم اتصاله لو ايش ,, نزلت وهي متقبضه بالدرابزين عشان ما تطيح ,, اول ما وصلت لقت فهده للحين تدور تسلم عليهم ,, ماتت نور من الخوف لما شافت امها وام عاليه يسولفون ,, وما بغت يجي بينهم شي ,, انبهرت ام سعد بفهده وماطاحت عينها منها ,, وهي تسمي عليها ,, بعد فتره بسيطه قالت عاليه ان سعد بيدخل يسلم على فهده ويلبسها عقدها ,, مسكت فهده طرف ثوبي وهي تقول ,, ما ابي خلاص هونت ,, بقوم معك وانا اضحك منها ,,, فهوده وشدعوا صاحيه الرجال ملك عليك بس يالله بلا دلع وش تقول عنك ام سعد ,, دخل سعد وماكان في المجلس الا امه وخواته وفهده اللي مسكت نفسها بقووه ,, وقفت لمادخل ,, وهي تناظر الارض ,, جاء لحد ما وقف قبالها ومسك يدها وجاء بجنبها ,, وامه فرحانه انها شافته متهني ,, ما ظنيت ان اللي ابيه بيصير , خفت لا اكون حلمان وبصحى ,, اول مادخلت المجلس وشفتها فيه ,, حسيت الدنيا تضحك لي ,, شامخه وهي واقفه ,, عجبني رقيها ,, اركد مني وانا الرجال ,, بس ليتها تدري انها دخلت عقلي وحبها قلب حالي ,, مسكت يدها وشعرت برجفتها وهي ما تقدر ترفع عينها فيني ,, بس لو امي مو فيه كان حكيت لها كلام واااجد في صدري ,, تكلمت بصوت راايق : مبروووك يافهده حسيت اني بموت من الحياء اول مادخل ,, بس لازم امسك نفسي ,, خلاص صار زواج مو شوفه عشان احاتي ,, كل ما قرب مني احس ركبتي ترتجف اكثر ,, زين ربي ساترنا بذا الفساتين ,, مسك يدي وانا يديني ترتجف وضغط عليها بقوه ,, اول ما بارك لي ما قدرت ارد ,, وطالعت خالتي ,, مدري وشقول ,,, قامت العنود وجابت العقد وعطته يلبسني وهي تساعده ,, حسيت بتوتره بعد لااا وبفرحته ,, فرحااان بطريقه اذهلتني ,, لو امه مو فيه كان سألته ليه سوى كذا معي ,, وليه خطبني وشمعنى ,, كلااام كثير ودي اتفاهم معه عليه ,, سمعت خالتي تقول ,, تعالوا يا بنات نشوف وين الحريم ,, قعدت مثل الصنم ,, وهو بجنبي ,, ومسك يدي بين يديه وهو يقول : تعرفين شكثر قدرك في قلب مغليك ؟؟ ماقدرت ارد ,, تخربطت ما توقعته بيقول كذاا ,, سحبت يدي وقمت : عن اذنك سعد : افاااا عسى ماقلت شي يزعلك ,, مشيت ,, وانا اتخطى شووي شوي ,, بس اشوف الباب ,, سعد : فهده التفت له وهو يجي يمي ,, : خلي بالك من نفسك ,, مافيه اي شعور ,, احرااج وبس ,, شكله بيموت علي ,, معقوله حبني ,, هزيت راسي بأيه لكنه سوى شي ما توقعته ابداااا ,, لااااااااا يووووو ,, طلعت للحريم والاقيهم في المجلس الثاني ,, دخلت والحياء ذابحني من امه احسها شافت كل شي ,, ما شافت بس يتخيل لي هالشي ,, الحمدلله اللي فيه جدران ,, قعدت وانا اسمع نور تهمس في اذني ,, وش سوى لك قلب حالك كذااا يابنت ,, فهده وكل ما ابتسمت تطلع غمازتها على جنب ,, اسكتي يانور ,, وجهه قوووي ,, نور : اووووف ,, اول ما سألتني ,, حنت تبي تعرف ,, اول ماقلت لها نور : ول ,, ماعنده وقت ,, وجازي ,, مو بعيد مننا وتسمع كلامنا الجازي : بس يابنات امه هناا عاد قصروا حسكم ,,, تعشوا الحريم مع بعض والبنات قعدوا على جنب يسولفون ويتعرفون على فهده اكثر ,,قعدت العنود تسألها وهي تجاوب ,, في ذا الوقت اتصلت الجوري على نور الجوري : متى بتجوون ,, نور : يمكن ساعه بعد فيه شي الجوري مسويه لكم مفاجئه روووعه لا تتاخرون ,, بعد ما مر الوقت استاذنت ام سعد ,, وطلعوا الباقيين ,, مابقى الا الجازي ,,ونور وام نواف طلعوا ,, وفهده توعد الجازي بأتصال تعلمها عن الاخ سعد ,, **** اول مادخلنا القصر ,, مشيت ورى خالتي ,, نور نزلت بسرعه مستعجله ,, ماعرفت وش فيها ,, سمعت الجوال يرن وهو في الشنطه وقفت ابي اطلعها ,, وانا امشي بهدوء ,,, دخلت ورى خالتي واشوفها تدخل المجلس وصوت صراااخ جووه بس صراخ فررح استغربت ,, نزلت طرحتي واحس بضيقه من عبايتي ابي افصخها وللحين افتح اول زر وانا داخله المجلس بهت في اللي قدامي نواف يضم امه وماسك نور على جنبه ,, رقص قلبي من فرحته انه رجع طيب وبخير ,, بس غصيت بحزني ,, ومرراتي الشهور اللي راحت كأني غريبه عنه ,, رفعت راسي ووقفت مكاني وطالعتهم ,, ماقدرت ارحب فيه ,, ماقدرت اقول الا مساء الخير طالعني وهو يلتفت كل شوي في امه ونور نواف : وش اخباركم اجل عندكم مناسبه ,, ام نواف : الليله ملكة فهده ,, ضحك نواف بقووه ,, عندي خبر يمه اني جيت احضر الملكه ام نواف : والله من زمان هنااا ,, نواف : طلعت من المطار على قصر الوليد ,, لازم اشهد على زواج سعد صمم اني احضر ماقدرت ارده ,, اتذكر اننا كنا قاعدين ,, وبعدين الجميع جلسوا على الكراسي فجلست ,, طالعته كذا مره وهو يتكلم ,, ماحاول انه يوجه لي الكلام وهو يسولف ,, قعد يتكلم عن الشركه وانه مدد معاهم شوي ,, قامت ام نواف تبي تروح لغرفتها ,, وقامت نور بعد وهي تقول ,,اكيد تبون الفكه مني ,, نواف : غلطانه ,, الا وين نايف ,, ماشفته من جيت ,, طلع بيمشي برى ونور تقول له : على وين ,, نواف : ابي اشوف فيصل ارسلته لغرفتي يجيب اغراض وتأخر ,, طلع وما التفت فيني ,, طالعتني نور وهي تقول : صحيح دمه ثقيل جتني وقعدت عند طرف ركبتي وهي على الارض : جزووي ,, ترى ادري اخوي دمه ثقيل ,, بس خليك اذكى منه ,, هو يسوي فيها زعلان منك ,, صحيح مدري ليه بس شكله يمثل ,, انتي عاد لا تستسلمين له ,, الجازي وهي تنهد : لا ما يمثل ,, نواف شخصيته معقده بسبب اللي صار اول ,, صحيح مادري وش السالفه لكن انعكس ذا الشي معي مصير الايام تعلمه انه غلطان ,,, مسكتني نور وهي تلمني : جزوووي انتي بتعرفين له ,, بس اللي ابي اقولك ,,ترى نواف ماكان كذااا قبل ,, اعذريه على اي تصرف تشوفينه ,, حاولي تكسبينه ,, اشرت لها بيدي نقوم ,,ما ابي اكمل حرف زياده ,, شوفته تعبتني ,, خذيت حالي وطلعت للملحق ,, مابغيت ادخله حسيت بخنقه ان فيصل راح للقصر ونساني ,, اكيد مهما حبني بيحب ابوه اكثر ,, لفيت ورى الملحق فيه حديقه صغيره ,, مسافتها حلووه ,, وكراسي مشغوله بالحديد والخشب ,, شفت ملابسي ما تساعدني اقعد على الارض ,, خاطري المس الارض البارده ,, دخلت من الباب الخلفي ورحت لغرفتي ,, بدلت ملابسي ولبست قميصي الواسع ,, مع ان بطني صغير مررره بس احب اخفيه ,, خذيت شرشف صلاتي وجوالي ورجعت عند الكراسي ,, قعدت على الارض وسندت ظهري على الكرسي ,,, قعدت شوي اتأمل الفضا ,, الاشجار ,, الجمادات ,, احسدهم احيانا على انهم مو مكلفين مثلنا ,, لا حساب ولا عقاب ,, جاني مسج من فهده (( اذا جالسه بدق عليك )) اتصلت عليها ,, وانا ابي افضفض اكثر منها ,, الجازي وهي تأخذ تنهيده بقووه : اخبارك فهده : بيعينا بالسوق جزووي ,, من مكدر خاطرك اكسر راسه هالحين ,, الجازي : نواف وصل ,, فهده : والله !!!!متى الجازي : الليله ,, قعدت اصيح على حالي ,, انا انسانه مو جماد مثل هالكرسي ,, اسمع فهده من بين صياحي وهي تقول لي فهده : اهدي طيب ,, وكل شي بيتصلح,, وش قال عن حملك الجازي : هذا ماقال لي كيفك تقولين وش قال عن حملي ,, وش بيقول يعني ,, فهده انا تعبت ,, ما اقدر اكتم اكثر من كذا ,, هوو لوو سمعت صوت كحه سكت خفت حد جاي ,, التفت على جنب اشوف مين ,, لقيت نواف واقف ,, شكله يكح يبي يلفت انتباهي لوجوده الجازي : فهده تصبحين على خير اكلمك بكره ,, ما حسبت للدموع اجيب مناديلي ,, مسحتها بشرشفي ,, اكيد شكلي اكس مرره ,, قرب وجلس على الكرسي اللي مقابلني ,, نواف : ليه قاعده هناا ,, مادريت وش ارد عليه خاطري اوجعه مثل ما يسوي لي بس ما اعرف موطبعي : ابي اشم هواء نواف : وش سالفة الحمل ؟؟ الجازي : ماباقي اشي واربي توك تسأل؟؟ نواف : مو مهم اسأل ,, لو انتي مهمه عندي ممكن اسال واهتم ,, لكن كله تحصيل حاصل ,, زواج مصلحه ,, طفل مصلحه ,, ما بغيت ارد عليه ,, اصلا ليش قاعده مع واحد ما يحس ,, سكت وقعدت اتلهى بجوالي ,, ابيه يقوم ,, يطلع ,, يروح ,, اختنقت منه ,, طفشني ,, جامد ,, معذب نفسه ومعذبني ,, اكيد بان على ملامحي ضيقي منه ,, بغيت اطلعها في طرف لساني بس مسكتها : وش قاعد تنتظر ,, روح نام , , بس قلت هو يبيها من الله اني اتنرفز ,, نواف : ردي وش سالفة الحمل ؟؟ الجازي : حملت زي الناس ماله سالفه ,, المانع ماجاب نتيجه عشان ماخذته زين ,, ارتحت ,, نواف : آآآآهأآآآ ,, خذ نفس بقوووه ,, يعني ما تبين الحمل والله جابه لك ,, وتبين الطفل ذا والا ؟؟ الجازي : قلبك من ايش ,, وقمت وانا ودي اكسر كل اللي قدامي ,, كم شهر غايب عننا خمس شهور ,, مشتاقه له ,, مشتاقه اضمه ,, ابي يسمع وش عندي ,, ابي يعرف وش في نفسي له ,, ابي يعرف وش كثر تكلمت مع صورته اللي سمعتني اكثر منه ,, يجي كذا يحقق معي كنه يحقق مع وحده ماتعني له شي ,, هو الاكيد اني ما اعني له شي ,, مشيت بسرعه غير طبيعيه وما تعودت امشيها نسيت اني حامل ,,ما شافت الدرجه اللي تطلع من الحديقه وهفيت على وجهي من سرعتي وحاولت اطيح على جنبي وانا ماسكه بطني ,, ,, حسيت بحراره في ذراعي ,, دم اشوفه فيها تسحت جلدي في القاع ,, ورفس قوي في بطني ,, جاء نواف بسرعه وهو يقول : فيك شي جازي فيك شي ,, ودي اقوله اييييييه انت اللي سويت في كذا ,,, انت اللي ما في قلبك رحمه ,, ماقدرت ارد اشوف دموعي بس تنزل من الالم وحسيت بشي ثاني وخفت لا يصير في اللي ببطني شي ,, سمعته يكلم نور ويقول لها تجي بسرعه ,, شالني وحطني بالكرسي اللي في المطبخ ,,الالم يزيد بقوووه ,, وما اقدر اقعد اكثر على الكرسي ,, صرت اصرخ عليه يساعدني ,, الالم يقوى وانا انتفض من البروده والالم والحزن اللي امتزجوا في قلبي ,, **** | ||||
|
| |
|
26-03-13, 11:23 AM
| #17 | ||||
| نجم روايتي ومشرفة سابقةومصممه
| صحيح ان الرجاجيل ما يعرفون قيمة اللي عندهم , يعني هالزول والطول والحلاه ما ملت عينك يانواف ,, وش تبي خاطري افهم ,, احيانا اتمنى ان عندي صوتين ,, صوت رجال عشان اللي مو على الطريق الصح ابهدل حياته ,, مو عارف بالنعمه اللي عنده ,, كسرت خاطري جزووي وهي تصيح ,, في قلبها كل الحزن وساكته ,, ايا عليك يا عمري ,, توني بدخل سريري بنام ,, وحركة سعد اللي سواها كل شوي تطلع بوجهي ,, مب صاحي ,, حسيت اني انحرجت ثاني ,, واتذكر نور وهي تتريق علي : يختي ما صارت بوسه حرمتيها ,, زوجك يختي حلاله انتي الحمدلله والشكر ,, يسوي اللي يبي ,, حاطه جوالي على الصامت بسشفته يولع في الظلام خذته ,, لقيته متصل فيني ,, والله الليل وش عنده ذا ,, لا يفكر عشانه ملك بقعد اكلمه ,, لا موب صاحي ,, اتصل ثاني ,, وثالث ,, وفي الاخير ارسل مسج (( ترى ما راح انام لين تردين )) يا بابي حزنتني عااد ما راح انااام ,, وش اسوي فيك ,, رجع اتصل مره ثانيه ,, شكله ذاا بيقعد الليل كله يتصل ,, رجع اتصل فرفعت الخط : الوو سعد وهو طفشان : مابغيتي ,, ليه تشوفين رقمي ولاتردين ,, فهده : ماله داعي تتصل ,, كلها كم شهر واصير زوجتك ,, سعد : ليه الحين وش انتي ,,, مارديت عليه ,, فهده : لو سمحت انا ما اقدر اكلمك عاجبك زين مو عاجبك بكيفك ,, سعد : انا ماخذ بنت ولا ولد ,, لولا شكلك والا كان قلت ولد فهده : حلوووه يجي منك اكثر ,, مع السلامه ,, سكرت ماكنه سبني وشقصده ذا بعد يعني وش رجال طريقتي اسلوبي ,, قهرني خفت لا اكون صحيح ماعندي مشاعر رومانسيه مثل البنات ,, انا طول عمري استريت على طول ,, يبي والا كيفه ,, بعد شوي ارسل لي مسج (( ترى مو حلوه تسكرين وانا معك على الخط ,, بعدين براحتك ما تبين تكلميني كيفك مو اجباري ,, بس كلمتك ابي اقولك شي واحد ,, شكلك الليله ذبحني ,, ومدري اصبر لين تخلصين الترم والا لا ,, تدرين وش الحلوه فيك ما تعطيني فرصه ,, مابغيت اسرق منك شي حقي ,,, كلام كثير في نفسي ودي تسمعينه ,, على العموم تصبحين على خير )) قريت الرساله مره وثنتين وعشر ,, اول ما شفت الرساله تنرفزت من اول سطر ,, لكنه قدر يغير مزاجي مية وثمانين درجه ,, حزنت اني ماعطيته فرصه يعبر ,, وش صار يعني لو تكلم ولو انا ساكته مارديت ,, بس يا شين الحياء بعض المراات ,, اكيد يفكر فيني ,, وذا الشي اسعدني ,, تذكرت شكله حلووو مرره ,, اللي استانست عليه انه صديق نواف ,, مو عشان نواف نفسه ,, عشان بظل مع الجازي على طووول ,,,, لازم اغيرها ,, مو معقول وهي حلالي ماتبي تكلمني ,, ماعطتني فرصه حتى اعبر لها عن شكلها ,,, شكلها عصبي مررره ,, ودي اكون جنبها وهي تقرا المسج ,, اكيد بيجوز لها ,, هو فيه حرمه تمدحها ما تنبسط عندي خبره فيهم ,, بس هي غير عن الحريم ,, واللي عجبني فيها شي غيييير ,, صح جميله وراقيه وستايلها حلووو ,, وشكل مكانها ذووق وتعرف للبرستيج ,, بس ذي كلها ماهمتني ,, فيها براءه غير طبيعيه ,, عجبتني ودخلت مزااجي ,, ماخلتني حتى اخذ راحتي معها ,, تذكرت لما بستها في الاخير ,, يووو اجل لو اقولها امشي معي نتعشى برى هاذي بترفض ميه في الميه ,, وصلنا للمستشفى والجازي ماتقدر على الالم اللي يزيد في جسمها ,, دموعها حسستني اني عديم المشاعر ,, ماقدرت اعاملها بحنيه اكثر من كذا لأني انا نفسيا من داخل متحطم من الحريم ,, تجاربي معهم زفته ,, حتى هي اللي توسمت فيها شوية خير زيهم ,,هي ماتبي طفل ولوا الله كاتب كان للحين تلعب علي ,, وين تبي توصل مدري ,, خذوها الدكاتره لغرفة الطواري وهم يحاولون يسوون اللازم ,,, قعدت انتظر عند الباب انا ونور ,, رايحين جااييين ,, بعد وقت بسيط جاتني الدكتوره : اخوي انت زوجها ,, نواف : نعم فيه شي ,, الدكتوره : والله نحتاج توقعيك ,, المريضه فيها نزيف ولازم نسيطر عليه ,, بنحاول نسوي اللازم بنجري لها عمليه قيصيريه بسرعه ونشوف ,, نواف : والبيبي كويس والا وش حالته الدكتوره : والله البيبي احسن منها هي اللي تعبانه بسرعه اخوي مافيه وقت ,,,, دخلت معها الغرفه ابي اشوفها قبل يودونها داخل ,, مسكت يدي بقووه ,, كان في عيونها كلام تبي تقوله ,, بس المكان والزمان مو مناسب بالمره ,, طمنتها انها بتصير بخير وهي بس تقول بنتي وش بيصير عليها ,, جاني شعور غريب وهي تقول بنتي ,, كانت تدري انها بنت ,, نواف : توكلي على الله ,, وكل مالها تضغط على يدي اكثر ,, كل ضغطه احسها تبي توصل لي شي ,, دخلت غرفة العمليات ,, وبعد ساعه تقريبا ,, طلعت لي الدكتوره وهي تبشرني انها جابت بنت وحالتها مستقره والبيبي في الحضانه ,, فرحنا لكن فرحتنا ناقصه انا ونور في نفس الوقت ,, لان جازي ولادتها في الظروف ذي طاحت وتعبت وولاده مبكره ,, رحت اشوف البنت انا ونور ,, صغيررررره يمكن كيلو ونص ,, شعرها اسود نفس امها وكثيف ,, بس ملامحها تشبه فصول ,, نور : تصدق خشمها مثلك وانا اطالعها برحمه : والله وفمها لمين نور : هااااا اممم شكله فصولي ,, شعرها لونه للجازي ,, اول ما صاحت وهي في الجهاز جاني رحمه عجيبه لها ,, وتخيلت فصولي يشوفها بيفرح اكيد واكيد اكثر مني ,, رجعنا للقصر بعد ما تطمنا على الجازي وبيبيها ,, وانا احس نفسي تعبااانه من طول اليوم ,, دخلت وصليت الفجر ,, ورحت لرغفة امي لقيت نواف عنده وعطاها اخبارنا ,, فرحت بالمولوده بس لماعرفت ان جازي تعبت حزنت مررره ,, طلع نواف ,, وجيت بمشي وراه بطلع ,, نادتني امي والتفت لها ,, ام نواف : نور ,, نور : هلا يمه ,, ام نواف : تعالي شوي ابيك بموضوع ,, ارتجف قلبي من اللي بتقوله امي لانه لو كان خطيب جديد احسن لها ترفضه قبل ارفضه انااا هي عارفه موقفي من الزواج بكبره ,, اول ماجيت عندها ,, جلست بجنبها وقعدت تحكي بطريقتها اللي احبها فيه ,, كلامها وحروفها مفخمه تخليك تنشد لها مرره ام نواف : ام ماجد كلمتني تبي تزورنا الاسبوع الجاي ,, نور وانا احس اني بيغمى علي : هااااا وش يعني وش تبي ,, ام نواف : وش تعتقدين انتي ,,, | ||||
|
| |
|
26-03-13, 11:25 AM
| #18 | ||||
| نجم روايتي ومشرفة سابقةومصممه
| ((الجزء العاشر )) اول مره من شهور احط راسي مرتاح ,, ااااه يا عمري ودي اشوف بسمتك ,, متى يدي بتمسك يدك ,, الله يخليك لي يمه ,, ادري بها مو هاين عليها تكلمهم ثاني ,, بس ماودها بحزني ,, فديتك يمه ,, غمضت عيوني ابي اتذكرها ,, جاني طيفها وهي واقفه عند الدريشه تصور الحديقه ,, خيااال ,, فورت لما طرى علي انها بدون حجاب ,, ليه نور تخلين العالم يشوفون زينك ,, انا ابيك لي بس ,, لفيت جنبي وانا امسك الكتاب واطلع وردتها : خليني امسكك مثل ذا الورده وتشوفين ماجد وش بيسوي ,, شميتها من قلبي ,, ورجعتها ثاني ,, وش شعورك يانور هالحين ,, ياترى مبسوطه نفسي ,, ماشعرت بالفرح من زمااااان ,, ***** ماصدق ,, معقوله تبي تخطبني ثاني ,, امي قالت انها قبل مايخلصون من العشاء قالت ودي ازورك نهاية الاسبوع ,, ماحددت وش عندها ,, بس اكيد عشان كذا ,, مع اني حسيت في عرس عاليه انها مو طايقتني ,, ما الومها ,, ماجد غالي عليها ومايهون عليها انه ينرفض ,, الله يسامحك يمه ,, مسكت حرفه المتدلي من السلسال ,, فديتك ماغلااااك ,, تدري وش كثر في نفسي لك والا لا ,, معقوله ان الحب يخلي الانسان يضحي بكل شي عشان هالانسان ,, انا ما ابي اي شي في الدنيا ذي ,, ابيه بس لأني متأكده ان حياتي بتكون معه ملوونه ,, فديته ياناس ,, لولا الحياء من البنات ان احكي عنه ,, بس لا مو حلوو وش يقولون ما استحي ,, خليك عاقله يانور هانت ,,, ***** فتحت عيوني وانا ما استوعبت للحين انا وين ,, شفت امي ومهوي ,, قاعدين عندي ,, وابوي اول ما فتحت عيني خذني ولمني وهو يقول مبروووك البنوته ,, الله يطرح فيها البركه ,, الله يصلحها ,, الجازي : شفتها يبا ؟؟ طيبه ولا لا تكفون علموني ,, ام محمد : يووو قمر يا حبيبتي طالعه عليك ,, انتي بس خليك مرتاحه ولا تخافين ,, الله بيتكفل بها وانا امك ,,, الجازي : ابي اشوفها ,, يمه وديني لها ابومحمد : انتي تعبانه الحين ,, اذا صرتي احسن شفتيها ,, غمضت عيني ,, مو مرتاحه ,, فيني اوجاع كثييره ,, بس قلبي اولها ,, جات نور واصرت ان الجميع يروحون يرتاحون وهي بتقعد عندي ,, للحين اسألها قلتي للبنات ,, دخل نواف ومعه فيصل ,, اول ماشفت فصول ضحكت ,, بيننا احلام كثييره جاء بسرعه وبخفه قعد معي على السرير وهو يحضني ,, شعوري لذا الولد مثل شعوري لماكنت اربي اخوي حمود مع امي وهو صغير ,, شعور اني مسئوله عنه ,,حبيته من قلبي وهو بعد فديته , ما يستغني عني ,, فصولي : يمه شفتيها ,, حلوووووه ,, الجازي وهي تمسح على شعره وتضحك على تعليقه الجازي : ماشفتها حلوووه زيك ,, فيصل : احلى وهو يقولها بطريقه تضحك ,, بس شعرها نفسك ,, وجوده في المكان ماخلاني اخذ راحتي ,, ماقدرت اشوفه اشوف خياله بس ,, قعد يضيف نفسه من الشوكليت الموجود ,, ونور تقول : يالله وش بتسمونها ,, ترى متحمسه لها مررره نواف : اشوف نور حلووو طالعته وانا في نفسي عليه حتى ماقال الحمدلله على السلامه بس كن فيصل حاس فيني وسبقني : نور لا ياعمتي انتي نور بس نبي ثاني ,, طالعني وهو عارف اللي في قلبي عيونه تحكي عنه : خل نشوف ام العروسه وش بتسميها رفع ضغطي ما احبه يتكلم معي كذا بس والله نواف الظاهر ما تنفع معه الطيبه : بسميها عبوره وش رايك يا فيصل فيصل : حلووو عبير حلوووو ,, نواف : كيفكم اللي تبون سوووه ,, حست نور بتكهرب الوضع شوي ,, فقالت : فصول ودك تشوف محل البيبي اللي تحت ,, امش ناخذ شي لعبوره ,, تحمس فيصل ومشى معها ,, ماودي نور تطلع وتخليني معه ,, غمزت لها بعيني ما تطلع بس مافيها فايده اللي براسها براسها ,, اول ماطلعوا وفضى المكان علي انا واياه ,, ماعندي شي اقوله له ,, شفته ما تكلم بس يطالعني ,, رجعت ظهري على ورى اكثر وسندت راسي على المخده ,, استرخيت ,, او حاولت استرخي بعد الشد اللي حسيت به ,, قرب مني وخذ غرتي ورفعها فوق ,, وتكلم بصوت اشبه للهمس : لو انتي احسن من كذا كان كملت ,, بس خساره تحاولين تغطين وجهك بشفافيه كاذبه ,, ماصدقت انه بعد بيوصل كذا : رديت عليه بحده وانا احاول امسك نفسي ما اصيح بس حشرجة صوتي بانت : لو سمحت اذا انت جاي تحقر وتتمصخر فأنا ماعندي استعداد اسمعك , نوااف : اما انا ابي اسمعك ,, اصلا كلها ايام وينتهي كل شي ,, رمشت عيني كذا مره متسائله عن اللي يعنيه ,, مابغيت اسكت ويخليها على طمامها الجازي : وش قصدك يعني ينتهي كل شي ,, وقلبي من جوه يركض ركض ,, نواف : مهمتك انتهت ,, جبتي اخت لنواف ,, كثر الله خيرك ,, ماعاد لك لازم ,, تبين اوضح اكثر من كذااا ,, احس اني غبيه اذا سكت له ذا الانسان ,, قهرني بقووووه وما دري وش انطق وشقول ,, اشوف الدنيا رماديه ,, يعني ووشو بيحرمني من بنتي ,, وفيصل ,, لااااااا الجازي : انا مستحيل اخلي فيصل وبنتي بروحهم ,, لو انطبقت السماء على الارض ,, اذا انت ما تبينا كيفك ,, صار صوتي يتقطع من الزعل وانبح اكثر ماسكه صيحتي ..,, نواف : مشي كلامك على غيري ,, انا ابي عيالي صح لكن ما ابيك معنا ,, وجودك بالعربي غير مرغوب فيه صدمني بقووووه احس اللي يحكي مو هو ,, معقوله حبيت الشخص الغلط وش ذا الانسان ,, لذا الدرجه مو طايقني وش محسب عمره ذا رجعت راسي على المخده ,, تنهدت بقوووه ,, ما اقدر انزل لطريقة حواره البايخه استفزايه بمعنى اصح ,, وقف يطالعني يفكر اني برد عليه ,, لكن لا والله مارد على كلامه السخيف ,, لفيت على جنبي وتغطيت لحد رقبتي حسيت اني بردانه ,, سمعته يكلم نور ويسألها وينهم ,, لحظات بس احسها دهر ,, ماسكه نفسي ما ابي اصيح لاني حسيت بجسمي يرتعش من الزعل ,, لكن ماقدرت اسكت له حسيت نفسي تبي تحكي وتقرر مو يقرر بنفسه ,, الجازي : انا ابي بيت لحالي مع بنتي اذا ما تبينا في قصرك ,, ومستحيل اتركها ,, غير ذا الكلام ماعندي ,, صحت وانا ماسكه بكيتي اللي فضحتني ياليتني قويه مثل بعض البنات اللي ما يستحون وماخذين حقهم كامل ,, قعدت ارتجف ويزيد صياحي وما شفت الا نور تمسكني وهي تهديني ,, نور: وشفيكم .. جزووي وشفيك ,, تعبانه ,, نواف : خذي فيصل وروحي للبيت ,, نور : وشفيك طيب قولي نواف : اقولك خذي فصول واطلعي للبيت ,, ***** فيه شي يدفعني اعاملها بذا الطريقه ,, ابي اعاقبها على كذبها علي ,, هجرتها ولا سألت عنها ومع ذلك لما رجعت حسيت ان عيوننا تحكي مع بعض ,, ما يخفى الشوق اللي في قلبها عيونها تفضحها ,, ودي أدبها ,, بس مو في حالتها ,, ولادتها جت في الوقت الغلط الحين ربطتني بالبنت ,, وخير ياطير هاذي اللي ماتتسمى جابت ولد ولا بقى لها اثر في حياتي الا جرح مدري متى بيتسكر وانساه, ما احب الصياح ,, يذكرني بصياح فصول وهو اصغر شوي يبي امه ,, جسمها يرتجف ,, معقول ما فيني رحمه عليها ,, هي ماسوت لي شي ,, عشان اسوي ذا كله ,, لا وش انت بعد ما سوت لك شي ,, كذبت عليك ,, وتزوجتك عشان فلوسك تتمصلح منك ,, وعايشه عيشة الامراء مو ناقصها شي وتقول ما سوت شي ,, يا شين وسوسة الشيطان ما اقواها ,, طلعت نور وقعدت تصيح وتركتها تصيح لحد ما تشبع اخرتها بتسكت ,, قعدت على الكرسي بشوف وش نهاية هالموال ,, ظليت اسمع شهقاتها تطلع من فتره لفتره وهي تحاول تسيطر عليها ,, معطتني ظهرها ووجهها للناحيه الثانيه ,, بعد فتره سمعتها بصوت مبحوح يالله انها طلعته الجازي : نواف انت هنااا ,, نواف : وش بغيتي ,, مشيت لحد ما قابلتها وصدمني لون وجهها محتقن وصاير احمر وعيونها حمر ,, حسيت اني موب انسان اللي عذبتها كذاا ,, الجازي وهي تشهق بقووه وتمد له يدها اللي مسكها بدون شعور : انا مقدر اعيش بدون بنتي ,, انا ما بي شي منك ,, ,, بس بنتي تبقى معي ,, وقعدت تشهق وهي تحكي ,, اي مكان بيكفيني معها ,, تكفى انا ابي بنتي ,, خذيت نفس عميق وانا اسمع توسلاتها نواف : يصير خير ,, وطلعت منها مدري على وين ,,, ***** قامت نور مبسوطه مر الاسبوع بسرعه واليوم بتجيهم ام ماجد زياره ,, مابغت تكون موجوده ,, عشان تسولف مع امها براحتها ,, نزلت تحت اشرف على المكان ,, واقولهم وش يسون ,, وطلع لي نايف بيروح النادي ,, نايف : اهلين ,, وش عندك مسنتره هنا ,, حوسه اليوم والا وش صاير ,, ليكون بيجيكم حد غير شكل نور : ياحبني لك , لا ماعندي شي امي بتزورها صديقتها ,,, نايف : خلاص ,, بروح النادي تآمرين شي ,, نور : سلامتك ,, نزلت امي بروواق وهي تكلم الشغاله تجيب لها كوفي في المجلس ,, واول ما شافتني ام نواف : ليه مالبستي يا حبيبتي نور : يمه ماله داعي اكون موجوده ,, بعدين عاليه مهي جايه ,, بروح ارتب اشياء عندي فوق ,, بغيتي شي ,, ام نواف : اتصلي على جازي تطمني عليها ,,, والله ما اظن جزووي بخير ,, الله يعينها على نواف ,, بس هي لو تكسبه كان صار واحد ثاني ,,, متحمسه لجية ام ماجد ,, احساسي انه بتخطب ثاني,, بس بعد خايفه وقلبي على يدي ,, **** مسكت الخط السريع وطلعت برى الرياض ,, مخنووق ,, احس اني مريض ,, اشوف اني صرت واحد ثاني من شفت الحبوب في شنطتها,, خانتني بتصرفها وانا اللي طالب منها برضاها طفل ,, ما قصرت معها في شي ,, ولا تحلم بذا العيشه ,, كل ما تذكرت شعوري لها اللي يجيني مثل الحلم ,, ودي اصحى واقول ماتعني لي شي ,, وش بتقول عني الحين ,, ظالم والا قاسي والا مافيني خير ,, حتى مااقدر اتعامل معها نفس اول ,, كذبها علي قساني عليها مررره ,, وش اسوي الحين بها ,, دموعها هزتني ,, بس ماقدر اسوي لها شي ***** وصلت ام ماجد للقصر وهي تقدم رجل وتوخر الثانيه ,, ودها تفاتح ام نواف في نور مره ثانيه ,, بس خايفه يكون عنده سبب وتردهم ثاني ,, والله لو يسمع ماجد كلامي وش زين رغد ,, لكن ااه وويلاه من ذا الولد ,, مابغى الاهي ,, على ان نفسي طابت منها ,, بس قلبي رهيف على ذا الولد ,, بخطب وبكيفه اذا رفضوا بزوجه رغد ,, اول مارحبت بها ام نواف وقعدوا يتكلمون في مواضيع عامه ,, دخلت ام ماجد في موضوعها ام ماجد : والله يام نواف ,, من غلا نور عندنا مانبي نفرط فيها ,, وابي اكلمك فيها ثاني ,, ماجد قد كلم ابو نواف وما صار نصيب ,, بس البنت يمدحونها بالحيل ,, وعاليه والجازي من كثر ماحكوا عنها ودي بقربكم ,, ام نواف : والله الساعه المباركه اللي تقربنا منكم لكن تعرفين بنشاور البنت وبنرد عليك ,, ارتاحت ام ماجد من ردها ودخلوا في مواضيع ثانيه اكثر حيويه سوالف المجتمع وغيره ,, لكن نور اللي قاعده وهي ترجف على سريرها ,, ياما فتحت كتابها وسكرته ,, ظلت متوتره لحد ما طلعت ام ماجد من عندهم ,,, ***** دخلت فهده غرفتها بعد ما سكرت من نور اللي قالت لها عن خطبة ماجد مره ثانيه ,, انبسطت لنور لاني عارفه انها تحب ماجد ,, ماقدرت اقولها اني كشفتها ,, مره كنا عند الجازي ,, وبغيت اعرف الجلوس حقها كم رقمه ,, ماتوقعت ان فيه شي خاص في الشنطه كم مره تاخذ اغراض من شنطتي او انا اخذ من الجازي ,, بهت لما شفت صورة واحد في الشنطه ,, توقعت انه ماجد لأنه طاحت لما رفضوه اهلها ,, بجد ربي يهنيها هالبنت ,, احسها مضحيه عشان حبها ,, ودي اني احب سعد بنفس طريقتها ,, بس ماقدرت ,, شعوري تجاهه شعور خووف من المستقبل ,, مرات احس انه رجال ويعتمد عليه ,, ومرااات اكثر كل ماتذكرت اتصاله اتيقن اكثر انه له علاقات ويكلم بنات ,, اللي كلمني بيكلم غيري ,, مسكت جوالي وشفت مسجه للمره الميه هذاك اليوم ارسله الصباح بدري (( فيه موضوع مهم جدا ابي اكلمك فيه اذا فضيتي دقي علي )) ترددت مية مره بعد اني اتصل عليه ,, وش راح يكون الموضوع يعني اللي يبيني فيه ,, قررت اني اطنشه ,, وش بيصير يعني ماصار على قراري نص ساعه الا هو متصل ,, حسيت اني سخبفه اذا مارديت ,, ويمكن فضولي يدفعني اعرف وش ذا الموضوع اول ما رفعت الخط سعد : يعني لازم اسوي اكشن وحركات عشان تردين على الجوال ,, فهده : ... تآمرني شي ,, سعد : فهده انتي ليه تكلمني كذا ,, كني حرامي والا حرام تكلميني ,, شرعا ترى مافيها شي ,, انتي ز و ج ت ي فهده وهي تمسك ضحكتها عشان ما يسمعها : اوكي ماقلت شي ,, بس ماعندي شي اقوله سعد : لاتقولين اسمعيني وبس ,, سكت سعد شوي لما ما شاف منها رد سعد : طيب ابي اعزمك على عشاء ممكن فهده : لا سعد : طيب اعزميني وبجيك فهده : لا سعد : تعرفين كلمه ثانيه غير لا ضحكت فهده بصوت خافت بس غصب سمعها سعد : يالبى الضحكه وراعيتها ,, فهده ترى كذا تزعليني ,, فهده : شوف انا لا اقدر اطلع ولا اقدر اكلم ,, اذا تزوجت يصير خير ,, سعده : وتحرميني منك ياعمري ,,لكنه ما سمع الا طووووووط وسكر الخط وهو يهز راسه ,, شكلها عنيده ,, متى بتحن علي هالبنت ,, وفكر بطريقه ثانيه يسويها عشان يشوفها فيها ,,,,, ***** قامت الجازي الصباح في غرفتها ,, نامت بالحالها بعد ما اصرت على امها تروح ,, صار لها يومين ما شافت نواف ,, يجونها العيله بالليل كلهم الا هو ,, ومابغت تسأل عنه ,, قامت تبدل ملابسها وهي تمشي بشويش لدورة المياه ,, خذت لبسها معها ودخلت تاخذ شاور ,, جففت شعرها ولبست لها قميص قطن مشغول بدانتيل دقيق على الكم وهو بقصه واسعه ويده طويله ,, وتركت شعرها على طوله وخذت غرتها على جنب وهي مموجه شوي ,, ودها تكلم النرس تنزلها لبنتها تشوفها في العنايه ,, اول ماطلعت ,, وشافت نواف قاعد على الكرسي شهقت متروعه ان حد فيه ,, وقفت ما تدري وش تقول ,, صباح الخير والا كيف الحال ,, جت تبي تطلع اي شي سبقها وقال لها نواف : ارتحتي ,, لفت راسها وهي كنها تدور الجوال ,, ما تبي تشوفه ,, غريبه جاي من صباح الله خير ,, الجازي : الحمدلله ,, شافها ما قعدت كنها تبي تلبس عبايتها ,, نواف : وين ,, الجازي : ابي اشوف بنتي ,, مشى نواف لحد ما قرب منها ,, وقال نواف : بس انتي تعبانه ما تقدرين هالحين تروحين ,, الجازي : خلاص ما اقدر انتظر اكثر ابي اشوفها ,, برقت عينها بسرعه صايره ضعيفه وقلبها حساس من ناحيتهم كلهم ,, نواف : خلاص انتظري بجيب كرسي بوديك ,, شفته وهو طالع يجيب الكرسي ,, متأكده جاي يبي يقول لي كلام ,, وماجاء هالحين الا عشان يضمن ماعندي احد ,, ياليت قلبي يقسى عليه مثل ما قلبه قاسي علي ,, ياليته يدري وشكثر مشتاقه له وحبه في قلبي انغرس ,, بس وشقول لواحد مقفي انا احبك ,, لا والموووت ماقلت له ,, خلي اللي في قلبي بقلبي ,, ماله داعي يعرف شي ,, للحين واقفه دخل علي وهو يدف الكرسي ,, يالله اقعدي بوديك تشوفين بنتك ,, لبست طرحتي وقعدت في الكرسي وانا خايفه من مشاعري اذا شفت عبوره ,, خايفه اصيح ما ابيه يكون موجود ,, تخيلت شكلها زين اللي اقترح علي يوديني في كرسي المكان بعيد والممرات كبيره ,, وماكان دليت بالحالي ,, اول مادخلنا لقسم العنايه ,, وقف الكرسي ومد يده لي وهو يقول تعالي ,, مسكت يده ,, اللي بينت لي انه متوتر مثلي ,, نواف : تقدرين تعرفينها ؟؟؟ كانت الغرفه فيها ست اسره ,, شعور غريب اني ادورها ,, قعدت اشوفهم واحد ورى الثاني ,, كني اشوف فصولي في السرير الاخير رحت امشي لها وانا اضحك ,, واشوف شعرها على جبهتها وخشمها نفس ابوها ضحكت وبكيت ,, غريبه مشاعري ,, دخلت يدي من الفتحه ابي المس يدها ,, مسكتني ,, صحت اكثر وانا رافعه طرحتي ابي اشوفها ,, تقبضت في صبعي ,, وسمعته يقول نواف : من تشبه ,, وشرايك ؟؟ ما قدرت ارد عليه احس مشاعري اقوى من اني احكي قلت من وسط دموعي : تشبهني ,, مسكت شعرها ورجلها الصغيره ,, صغنتوته مررره وانا اهمس : فديتها , قعدت اصيح اكثر ما ابي شي يفرقني عنها ,, حسيت فيه وهو يحط يده على كتفي : خلاص بسك صياح بقى عندك دموع ,, ياليته ماحكى ,, ياليته يدري ان كل حرف يقوله يعني لي شي واجد ,, الجازي : خايفه عليها ,, نواف : لاتخافين الدكتور يقول من شهر ونص لشهرين هناا وبعدين يعطونك اياها ,, صدمني بكلامه كله ,, اول شي طول الوقت وبعدين يعطونك اياها ,, وش فيه ما يبيها بعد ,, عشان بنت والا وشو ,, توه يقول ما ابيك وباخذ بنتي ,, قعدت اهجوس ومادريت وشيقول نواف : جازي اكلمك يالله بنطلع فوق الدكاتره بيلفون هالحين ,,, *** قامت عاليه من الصباح بدري تبي تظل مع الجازي لحد المساء ,, الوليد طالع لجده عنده شغل ,, طلبت من الشغالات يسون لها محلا يقويها ,, وكلمت امها تشوف وش تودي لها بعد ,, تجربه جديده ان الجازي مربيه ,, وشي مابعد خذوا عليه ,, ارسلت لفهده تعلمها انها بتروح اذا بتخاويها ,, بعد فتره التقت هي وفهده على طاولة الطعام يفطرون ,, ويتكلمون عن خطبة نور ,, عاليه : بصراحه ماعنده سالفة ام نور ترد ماجد ,, فهده : لا تاخذين الموضوع بحساسيه ,, يمكن عندها اسبابها ,, عاليه : ماعندها الا اللي ماله سنع ,, بذمتك حد مثل ماجد يخطب وينرد ,, الف وحده تمناه بس يأشر ,, وش سنع وش رجوله وش علوووم ماتحصلينها في شباب اليوم ,, لو وعليه غيره تحسسك انك لك قيمه وحد عارف وش اهميتك ,, فهده : يو يو يو هذا كله في ماجد ياعيني عليك يانور ,, بتروحين فيها ,, عاليه : اسئليني ,, والله اذا رحت معه السوق ان البنات يرقمونه مهو اللي يرقمهم ,, شي خيالي ,, مشيته بس وطوله شي عاد لو قعدتي معه وشلون فهده : خساره لو سجلت كلامك الحين كان يمديني اعرض السي في حقه على نور عشان توافق ,, عاليه : الله يخسك ما ينلام سعد اذا طقت كبده منك ,, فهده : اووووووف وش شايفتني ,, وحنا بضحك ,, عاليه :ماعطيتني فرصه امدح اخوي اكثر ,, فهده : ذا كله وتبين تمدحين ثاني وش بقيتي ,, دخلت عليهم الشغاله وهي جايبه معاها بوكس صغير ,, مغلف ومربوط في الوسط بورد التوليب الابيض ,, ومكتوب عليه بين قوسين (( صباحك ورد يا حبيبتي )) بطلت فهده عيونها وهي مو مصدقه ,, لايكون ذا من سعد ,, وااااااااي الرجال شكله عنده حركات رومانسيه وانا صايرة عظم في حلقه ,, فتحت فهده العلبه ولقت فيها جوال بشريحه جاهز ,, وعلبه صغيره فيها خاتم ,, على شكل قلب احمر على حوافه الماس صغير ,, عاليه : واااااااااااو رهيب ,, حركااااااااات والله شي ,, قعدت فهده تقلب في العلبه اللي كلها اوراق الورد ,, ومسكت الجوال ,, فتحته حست فيه شي ,, شافت الاسماء ,, فتحته لقت اسم واحد بس (( حبيبي )) حطت يدها على عينها ,, يؤيؤيؤ ,, خذته عاليه منها وهم يتناتفون الجوال بين ايديهم وصراخ فهده فهده : علوي جيبه لادعي عليتس بالحمل ,, عاليه : دعي اااااااامين الله يسمع منك ,, يارب اقبلها ,, وضحكنا عالي في الغرفة مسكت الجوال ,, وقعدت الكنبه وانا افتش فيه انصدمت عليه حركاااات الاستديو كله صور له ,, بعضها في فرنسا وبعضها في البر وبعضها في مجلس ,, بصراحه ما بغيت عاليه تسمعني قلت في نفسي فديته ,, ما يمديني اشوف الا ويجيني مسج منه ,, فتحته وانا خايفه ومتوتره وقلبي يرجف من رومانسيته اللي ما اقدر عليها (( عجبتك الهديه ؟؟ ابي اسمع صوتك )) مااقدر كلش ,, جتني عاليه وهي تاخذ الجوال عاليه : جيبي خلني اشوف حبيب القلب وش مرسل ,, مسكت يدي بقوه ما ابيها تشوف وبس علويه ما ينقدر عليها وتقرا عاليه بصوت عالي ,, يا سلااااااااااام عليك يا سعد ,, اقول ,, كلميه واشكريه خليك ذربه ,, مو تطفشين الرجال ,, عاد خلي حركات الثقل ذي تنفعك ,, فهده : لاااا عاد المفروض تساعدني مو كذا عاليه : اقولك انتي وجهك اللي ماتعلم على السوالف ذي فهده: عن الغلط علوي وش فيك علي عاليه : قومي عاااد ,, كلميه واشكريه ,, ضغطت علي عاليه وسكتها وقلت لها زين بكلم بس مو الحين مطفوقه اصبري شوي ,, ورحنا نجهز عشان نطلع للجازي ,, ***** دخلت غرفتي وانا فيني هواجيس توديني وتجيبني ,, نزلت عبايتي ,, وللحين احطها بالكبت ,, جاء نواف : بسافر بالمساء ,, خذيت نفس ابي اشوف وش بيقول ,, ماكمل وشكله يبي اقول شي سكت المفروض يحكي هو شاف في عيوني اللي خلاه يكمل : شوفي اكيد انتي تقولين ليه هو كذا معي ,, بس ترى كله منك انتي الجازي وانا احس الدم طلع في راسي : اناااااا ,,, لا لا لا ارجوك لاترمي كل شي علي وش تسمي تصرفك الشهور اللي راحت قعدت ارتجف من الزعل كني شراره وولعت ,, وش تسمي تجاهلك لي بالمره ,, انت حتى ما باركت لي بنتي ,, قلبك من وش مخلوق ,, انت ما رضيت حتى تسمعني ,, قعدت ارجف وانا اتكلم ,, لااا لااا انت اناني ,, ماهمك الا نفسك وبس وقف مقابلي : وكذبك وش تسمينه لا لا انتي اللي بديتي انتي اللي لعبتي بي ,, لو ما شفت الحبوب متى كان تركتيها الجازي وهي يائسه انه يسمع لها معارضته لكلامها خلتها تحس بالعجز النهائي الجازي : ممكن اعرف انت وش تبي هالحين ,,, نواف : ابي ارتاح فاهمه وش يعني ابي ارتاح ,, انا صار لي سنين ضايع ,, حياتي كلها قرف ,, تعرفين وش قرف ,, كرهت الحريم ,, كرهتهم ,, قذاره ,, خيانه ,, كذب ,, خداع ,, كلكم سوى ,, كلكم نفس الشي ,, حن قلبي عليه وهو يطلع اللي في قلبه ,, مو بسيط اللي فيه ,, مجروووح بقووه وكايد جرحه ,, حزنت عليه بالرغم من اللي سواه ,, طالعته وانا عيوني كلها تبرق ,, وهو واقف ويائس من حياته ,, قربت منه ومسكت يده: نواف ..... الحريم مو كلهم نفس الشي ,, انت تظلمني كذا قعد يطالعني بعيونه اللي مو بعيد تدمع : وانا ما ظلمتيني ,, عطيتك مشاعري خالصه ,, وش جزاي ,, ماقاومت نبرة الحزن اللي فيه ضميته بدون شعور ,, بعفويه ,, بشوق كامن في نفسي ,, الجازي : خلنا نفتح صفحه جديده ,, نواف حنا ما يمدينا نتعود على بعض ,, سحبت نفسي لكنه ما تركني : انا محتاج حد يفهمني ,, طالعني وهو يتنهد : خلي بالك من فيصل وعبير ,, مدري متى برجع ,, تحرك في الغرفه كنه يدور على مفاتيحه وقفت اطالعه معقوله خلاص بيسافر ,, مسك مفاتيحه ونظارته ومشى للباب ,, وانا عيوني عليه ودموعي تنزل براحتها ,, التفت واول ماشافني كذا وصد وطلع مع الباب ,, بس صادف فهده وعاليه داخلين علي ,, اول ما شفتهم انهرت ,, ***** بعد كم يوم طلعت الجازي للبيت ,, حنت عليها امها تجيها ,, لكنها رفضت ,, ماقدرت تترك فيصل ,, ام نواف ,, اتصلت على ام ماجد وعطتهم الموافقه ,, واتفقوا يجونهم بعد اسبوعين عشان يملكون ,, فهده ماقدرت تكلم سعد ,, وارسلت مسج فقط (( ماقصرت ذووقك راقي )) سعد تضايق من فهده واسلوبها معه ,, معليش تصدني لو مخطوبين بس خلاص انا الحين زوجها ,, المفروض تعطيني فرصه ,, نور وماجد ,, ظلوا هالاسبوعين يعدون الدقايق ,, وشافوها طويله عليهم ,,, وماخففها الا مشاعر الحب اللي في قلوبهم ,, ****** قامت الجازي تشوف مكانها ,, بعد ماطلع للمدرسه ,, صارت تطلع مرتين للمستشفى تشوف عبوره ,, مره الصبح ,, ومره المساء ,, من جت وغرفة نواف مسكره من اول ما سافر ,, باقي على طلعة المستشفى شوي ,, بغت تدخل غرفة نواف,, فتحتها وحست بريحته في المكان ,, شافت بعض ثيابه مرميه على الكنبه ,,جت وخذتها شمتها للحين عطره فيها ,, المكان مظلم وما فتحت الضوء ,, جيت بقوم من الكنبه وانا للحين ماسكه ثوبه بغيت اعثر في شي تحت ,, مسكت نفسي ما اطيح ,, لقيت البوم صغير مرمي على السجاد ,, خذيته بين يدي وفتحته : هاااااااا من ذي ,, بققت عيوني اكثر ,, من ذي ,, رحت افتح النور ,, شفتها مره ثانيه وحده فرري معه ,, ولابسين اوربي ,, مين ذي شعرها مصبوغ اشقر بس ملامحها سعوديه ,, حسيت بالغيره تنهشني من شوفتها معقوله ذي قد مسكها وقعد معها ااااه لا وش فيها زين ,, لفيت صوره ورى صوره وهم يضحكون ,, لا وفرري قاهرني ذا الشي ما تستحي ,, لما جيت اخر صوره صدمني المنظر ,, ماسكين فصولي بينهم وهو صغير : لااااااا هاذي ام فيصل ,, ****** اليوم ملكة نور ,, اصرت نور انها تكون خاصه ,, بس المجموعه نفسها ,,,, من الصباح والقصر يستعد لاستقبال فرحة جديده بعد ولادة عبير ,, ابو نواف ,, منشرح خاطره لملكة نور ,, وخصوصا ان يتمنى ماجد من زماان ,, الجميع يعملون بشكل منتظم للوصول الى الشكل النهائي المطلوب ,, الوحيده اللي نفسيتها متعبه وتحاول تخفي ,, صار لها كم يوم مو على بعض ,, كنها سامعه خبر مو زين ,, هذا تحليل نور لها ,, ودايم تقول لفهده : الله يعينها على ما ابتلاها به ,, نواف مو سهل وان شالله تحاول تكسبه ,,, لكنهم مايدرون وش بلااااها ,, بعد ما شافت الالبوم تحطمت اكثر واكثر ,, شكل نواف للحين يحب زوجته الاولى ,, على كل اللي سوته للحين يحبها ,, هذا اللي وصلت له الجازي من شوفتها للالبوم وهو مرمي ,, ماقد شافت االالبوم ذا في الغرفه ,, اكيد انه يشوفه من فتره لفتره ,, لو يكرها كان قطع ذا الصور وحرقها مثل كل انسان مايسوي مع شخص ما يبيه ,, لمنها ذكرى بالنسبه له على مرارتها ,, حلوه بالنسبه له ,, عشان كذا حملني شي مالي خص فيه ,, ****** طلعت نور راااائعه مو رااااائعه بس ,, الا قمه بجمالها ,,لابسه فستان من الموسلين الشفاف مبطن بالحرير ,, بلون الكابتشينو الفاتح ,, على اطرافه دانتيل على الكم والصدر ,,, بحزام دقيق في الخصر وينزل بنعومه على جسمها ومعطي طولها رقي اكثر ,, غيرت لها الكوافيره نمط التسريحه وسوته لها مثل الشعر المتموج وخصله تنزله بفوضويه وبطريقه مبتكره ,, صفرت لها فهده : وااااااااو نور يا قلبي عليك ,, رووووعه نور : قولي والله حلووو ,, فهده تكفين مو زين بقولها تغيره ,, فهده : يويووووووو وش اقول وش احكي ,, جنااااااان ,, يختي يمكن يغمى عليه ,, نور وهي تمسك يد فهده : فديته لا تقولين كذا فهده : ايووووه يا عم , من قدك حد يسمي عليك ,, اااه عليك يا سعد ,, ماعطيته وجه كلش ,, نور : حرااام عليك ,, بالعكس حسسيه انك تبينه ,, ترى يمكن يفكر انك ما مغصوبه عليه ,, فهده : لا توسوسين بي ,, اذا يبيني خلاص ينتظر لين نتزوج ويعبر لي على كيفه نور : كلن عقله براسه يعرف خلاصه ,, فهده : وش قصدك ,, ,, جتنا عاليه وهي تقول : مبروووووك ياعروسه ,, يالله وقعي بسرعه ,, هذا ماجد بن ...... مو حيا الله واحد قعدنا نضحك على عاليه طريقتها تخليك غصب تضحك ,, جابت الشغاله الدفتر ,, ووقعت نور وهي تشوف اسمه ينربط بأسمها ,, نزلت تسلم على امه ,, للحين تحس ان في قلبها شي عليها ,, لكن هي متأكده انها بتحبها مع الايام ,, بعد شوي ناداها ابوها في المدخل ,, اول ما شافها فرح من قلبه لها ,, ابو نواف : تعالي معي للمجلس ماجد فيه بيسلم عليك ,, نور : لاااااااا يبا ما اقدر ,, بعدين مره ثانيه يبا , ابو نواف : لا لا تعالي بجنبي ,, ومسكني في يده ودخلنا للمجلس الثاني ,, حسيت بحرارة خدودي يعني معناته صارت حمرا من الاحراج مشيت مع ابوي وتقدم لنا لحد ما وصل نصف المجلس ,, ما رفعت عيني بس شفت يده يمدها ومديت يدي وانا ماسكه يدي الثانيه بذراع ابوي ,, ومتشبثه فيه بعد ,, ابو نواف : هذه جوهرتي ياماجد ,, ابيك تحطها بعيونك ,, بصراحه انحرجت من ابوي ,, وودي لو اضمه بس استحيت منه يشوفني ,, ماجد : نور بقلبي وروحي وعيوني لاتوصيني ياعمي ,, ااااوووووو يا ناس كل هذا في قلبه لي ,, الله لا يحرمني منه ,, ابو نواف : اجل دامها بعيونك خذ راحتك بشوف الشيخ ,, طلع ابوي واحنا واقفين بالمجلس ,, ومد لي يده ومشيت للكرسي اللي مقابلني ,, اشوي واطيح اسلوبه راااقي ,, ودي اشوفه بس ما قدرت وحطيت يدي الثنتين في حضني وقعدت اطالعها ,, مد يده ليدي ومسك سلسالي وقلبه بين ايده وخذ يدي وباسها ,, سحبتها بسرعه ,, رجع مسك السلسال ثاني وقلب الحروف بين ايديه ,, ماجد : تحبيني مثل ما احبك ولا اكثر ,, نور بصوت واطي : اكثر ماجد : يا لبى روحك الغاليه ,, للحين ما كمل الا صوت عاليه: مبرووووووووك يا معاريس ,, وهي تصوت على خالتي : محد فيه تعالي يمه ,, الله يهديك يا علويه ذا وقته كان بيقول لي كلام قطعتي علينا ,,, قلته في خاطري وانا ودي احكي معها ,, جت خالتي وسلم ماجد عليها ,, وقعدت معنا وهي توريني الشبكه اللي شرتها لي ,, جاء ماجد بيلبسني واصر بس استحيت من خالتي ,,, ماجد : يمه شفتي احلى من ذا الزين ,, ضحكت وانا مستحيه من خالتي بيفشلني عندها ,, ام ماجد : الله يهنيك ياوليدي عرفت تختار ,, ما الومك فيها ,, وكملت ,, ياجانا شي عليك يانور بس لو تدرين ,, عاف الصبايا كلهم لعيونك ,, رفعت عيني له وانا مبتسمه وغمز لي بطريقه خلت نبضي يزيد ,, ام ماجد : يالله تعال سلم على ام نواف ,, ومشت قدامنا شوي ,, اشوفه يكلم عاليه ويتمتم لها بشي ما فهمته ,, لكني شفت عاليه تستعجل وهي تاخذ خالتي معها ,, اول ما وصلنا للباب ,, سكرته عاليه واسمع صوتها تكلم عند الباب ,, ماجد : ما راح يغنيني الا ضمه قويه اطفي بها شوقي يا حبيبتي ,, ضمني وهو يقول لي كلام عارفه انه راح يقوله لي من زمان ,, لان ارواحنا برغم البعد متلاقيه ,, ماقدرت ارد عليها الا بكلمه وحده بس : احبك ,,,,,, ***** | ||||
|
| |
|
26-03-13, 11:26 AM
| #19 | ||||
| نجم روايتي ومشرفة سابقةومصممه
| رجعت لقسمي وانا اجر خطاي ,, فرحانه لنور بس نكد علي كل شي ,, معقوله يحبها ,, ضيق علي الشعور ذا ,, ليه لا لو ما يحبها قعد يشوف ذكرياته معها ,,,ااااااااااخ ليه شفتها ودخلت غرفته ,, لااااا ما اقدر استحمل ,, رجعت للمحلق وانا عارفه وش بسوي ,, شفت الالبوم للمره المليون ,, وش ابي فيهم ,, ليه اعذب نفسي بنفسي ,, انا غبيه لو غيري كان جابت راسه وهو ما يشوف الطريق ,, لكن انا على نياتي ,, كل شي طيب واوكي ,, انا اللي ساكته له ,, ماحسيت بنفسي الا ادق على جواله ,, متهوره بالطقاق ,, مسوي فيها متعذب ومظلوم ,, سمعت صوته بهدوء : هلا الجازي : هلا بك ,, ما اشتقت تسال عن عبوره كنت عارفه انه ياخذ الاخبار من عتيقه كل يوم من الى بس مالقيت لي مدخل الا ذا ,, نواف : عارف انها بخير ,, غريب اتصالك ,,ناقص عليك شي ,, الجازي : لا مو ناقص شي ,, بس استغرب منك تسوي فيها مظلوم وانت للحين تحبها ,, نواف بصوت مبهم : مين هي ؟؟ قلت له بحذر ابي اشوف ردة فعله: من غيرها بعد ام فيصل ,,, ماسمعت صوت ولا نفس ,, الا ضربات قلبي اللي يرقع ينتظر رده ,, نواف : ام فيصل وش دخلها .؟؟؟ الجازي : غريبه للحين صورها عندك ومحتفظ فيها ,, نواف : آآآآآآهآآآآآآآآ يعني حضرتك داخله غرفتي ,, اوكي اشبعي بالصور اوكي ,, وسكر السماعه وانا اغلي ,, صدق انك سخيف وبايخ وماعندك دم ,, ما طفت الحره ,, كنت ابي اقوله اني عرفت ,,ومع ذلك ما طفت ناري اللي في جوفي ,, غيره وزعل ,, وهو ولا حاس ,, بلاااه ماحبني عشان يحس فيني ,, اثاريه كل ذا الفتره وقلبه عندها ومسوي فيها مظلووم ,, ااااخ ياالقهر ,, لا وانا محزنه عشانه ,,, واضمه بعد وش ابي فيه ,, طال ليلي وانا أنب نفسي اني ماعرفت اتعامل معه ,, اللي في قلبها على لسانها ,, شكل الغيره لاعبه دور ,, والا ما اتصلت ,, اكيد بتفكر اني للحين احبها ,, خلها تفكر ,, هي اللي جابته لنفسها ,, وش له تدخل غرفتي ,, تخيلتها وهي تشوف الالبوم ,, اكيد تحطمت ,, تبي تفتح صفحه جديده ,, لااااا هاذي تسكرت وهي مابدت ,, ,, قمت وسكرت الفيلم ,, انسدت نفسي عقب مكالمتها ,, خذت لي عصير تفاح ورحت لغرفتي اشوف مجله اقتصاديه ,, ودي عقلي يرتاح من كل شي ,, وللحين بفتح اول صفحه جاء مسجها اللي ما توقعته بالمره (( احيانا الشوق يدفع الانسان انه يتصرف تصرفات ترجع عكسيه عليه ,, دفعني شوقي لتصرف ندمت عليه وطاحت عيني على شي ما يخصني ,, والمشكله انفتح مليون باب كانت مسكره ومادريت عنها ,, لا تفكر اني ادور لنفسي تبرير ,, لاااا ,, المشكله انت ,, ما اظن تحتاج حد يفهمك بعد اليوم )) قريت رسالتها كم مره ,, تأثرت من لهجتها ,, ماعرفت هي عتاب تهديد ,, رجعت اتصلت عليها ,, ولا ردت علي ,, كان احساس بكذا ,, لهجتها بالمره متغيره معي ,, حطيت راسي وانا افكر فيها ,, **** جاني سعد واصر اني اطلع معه اتعشى ,, رفضت لكنه اصر وكلم ابوي ,, اول ما طلعت معه للسياره ,, قال ما بغيتي تطلعين ,, كل هذا تغلي ,, ما قدرت ارد عليه الا اني ابتسم كل شوي ,, شفت السياره تطلع على الخط السريع وماقدرت اسكت ,, سألته وين بنروح ,, رد علي عازمك بالمرزعه ,, صرخت فيه ,, اي مزرعه ,, انت قلت لابوي مطعم ,, رجعني خلاص ,, ورد علي بتريقه ,, خبل ارجعك ,, انتي بتقعدين عندي في المزرعه ,, صرخت فيه رجعني ,, وهو يضحك ,, خليك عاقله يا فهده ,, طول عمرك وانتي عاقله ,, شفته يسرع بالسياره سرعه جنونيه ,, وقعدت اضرب يده خفف خفف ,,وش فيك مجنون ,, بعد ما شاف صراخي وقف في الظلام ونزلني من السياره وانا اصرخ ,, سعد انت مجنون ,, رجعني ابوي يبيني ,, حاولت ادور جوالي في السنطه ابي اكلم ابوي ,, لكن يده كانت اسرع مني وحذفه بعيد ,, ورمى شماغه وهو ناوي نية قشره ,, حسيت الشر من عيونه ذا مو زوج ,, ذا وحش قعدت اصرخ في الظلام ابي حد ينقذني ,, لكنه كمم فمي بيده ,, فهده خليك عاقله ,, خليك عاقله وقعدت اصرخ بقوه اااااااااااااااااااااه,, توعيت ولما شفت نفسي اني في سريري حمدت ربي ,, ااااه الحمدلله للك ياربي كااااابوس ,, وش ذا الحلم ,, قمت ابي اشرب مويه ولاكأنني سلمت من اللي صار حسيتني جوووه الحلم ,, استغربت اكيد من كثر ما افكر في سعد ,, شفت الجوال ,, ولقيت منه مسج كالعاده ليلا يرسل قبل ما ينام ,, كل ليله وقت ,, شفته كاتب لي (( تذكري اني احبك ,, واقري اذكار النوم قبل تنامين )) ااااااه تذكرت اني ما قريت اي شي قبل انااام ,, كنت تعبانه ,, معقوله سعد اللي في المنام هو سعد اللي يرسل لي ,, اااااخ وش ذا اللي صار لي ,, كلها وساوس شيطان ,,,,,, | ||||
|
| |
|
26-03-13, 11:28 AM
| #20 | ||||
| نجم روايتي ومشرفة سابقةومصممه
| (( الجزء الحادي عشر )) في مساء ربيعي في اوربا ,, كان نواف جالس مع سعد اللي وصل البارح ,, تمشوا على النهر ,, وكل واحد صدره ضايق بهمه مسك سعد جواله وهو كل شوي يشوف الشاشه ,, وسأله نواف بطريقه دبلوماسبه نواف : تنتظر .. اتصال من احد , سعد بدون نفس : زهقتني يا خوي ,,ماعطتني فرصه اكلمها ,, ارسل لها مسجات ترد في السنه حسنه ,,, مو زين عاد كذا ,, نواف : وش مستعجل عليه على النكد ,, خلك مرتاح ,, وبعدين كلها شهرين وتتزوج ,, احسن كذاا اشوف سعد : شهرين بالحالها ,,, والله مافيني صبر ,, خذت عقلي ,, واشغلت تفكيري ,, ودي تشاركني شعوري ,, مو حلوووه عاد كذا ,, نواف : كيفك انت تبي الهم بنفسك ,, تمشوا ونواف يحاول ما يبين لنفسه ان جازي خذت تفكيره من هذاك اليوم ,, يتذكر مسجها اللي كلماته محفوره في قلبه ,, حس انها زعلانه مرره ,, وما يعتقد ان اتصال وا مسج راح تصفي الامور بينهم ,, خلها كذا ابرك انا في حالي وهي في حالها ,, اول ما رجعوا لشقة نواف ,, دخل سعد يبدل ملابسه ,, خذ له بيجاما من الشنطه ورمى لبسه على الكنبه ,, سمع نغمه الجوال ومسك ملابسه بيده وقرب وهو متردد يفتح المسج ,, خايف يكون ردها عنيف مثل كل مره ,, ارسل لها المغرب رساله عبرت عن مشاعره(( صحيح انا في الرياض بعيد عنك بس بعد لما طلعت برى الرياض زادت المسافه ,, كل الحكايه اني اشتقت لك يا حبيبتي ))ماردت عليه وتضايق منها ,, وكان وده انها لو تبين له بس لو شوي انها تقدر له حبه ومشاعره ,, اول ما فتح المسج بطل عيونه مو مره الا مرات وهو يقرا (( مهما بعدت المسافات ,, وحملتك الرياح لمكان بعيد تبقى هنا في قلبي وخيالك في عيني ,, طمني بمسج يا غالي ,,,, ))اووووووووووف اخيرا طلع منها شي ,, ما بغت ,, صح عليهم اللي يقولون كثر الدق يفك اللحام ,, شكلي طفشتها ومابغت تصد اكثر يا لبى قلبها حياءها جايز لي ,, ولو انكرت ,,, مافيني صبر اني امسك يدي لا ترد عليها وما حسيت بالوقت الا بعد ساعتين وانا اتبادل معها المسجات ,, اشوف نواف يطل علي لما اضحك بصوت عالي في الغرفه ,, رديت عليه بجيك ,, لكن شكله نام ,, فديتها ,,,هاذي مسجات ماحسيت بالوقت الله يعين لو اني اسمع صوتها ,, يمكن ما يكفيني معها يوم ,,, حسيت بسعد انه دخل جوو ,, ودخلت غرفتي ابدل ملابسي واشوف لي شي يسليني ,, تذكرت جازي مره ثانيه ,, وتخيلت لو اني مثل سعد كذا شفقان عليها ,, بس حسيت شكلي غلط ,, ما قد فكرت كذا ,, وزاد شعوري بالكآبه اكثر لما طرى علي ان فهده صديقتها ,, يعني ممكن تقول لها بالراحه عن سعد ,, تضايقت انها ممكن تكون سعيده وتحسس جازي بسعادتها ,, مدري ليه خفت على شعور جازي ,, معقول افكر في مشاعرها ,, متأكد انها احسن مني ,, وتعاملها احسن مني ,, بس ما اقدر اغير طبعي ,, جمودي ومشاعري كلها اكتسبتها من سنوات بسيطه ,, تحسرت على عمري الاولي وعرفت ان الرجل اكبر غبي اذا سلم قلبه لوحده ما تستحقه ,, اااااخ لو بس الوقت يرجع ,, ماسمعت كلام سعد وهو ينصحني ما اتزوجها ,, حسيت انه غيراان مني ,, انها وافقت تتزوجني ,, وانا احس اني كسبااان بها ,, مادريت اني ,, خسرااان بأرادتي ,, اتصلت على امي عتيقه اليوم ,, تذكرت كلامها عن جازي ,, واهتمامها بفيصل ,, بصراااحه ما قصرت ,, لو مهي زوجتي ومهتمه في فيصل كذااا المفروض اشكرها كيف عااد زوجتي ,, الله يعينك علي يا جازي ,,, حطيت الجوال تحت مخدتي ,, واسترجعت كل المسجات اللي بيننا حسيت اني سعيده ,, الا فرحااانه ,, بيذبحني سعد برومانسيته ومشاعره اول مره ادري انه يقول الشعر ,, الله ما اجمل كلامه ,, ضحكت لما تذكرت رسالته قبل الاخير وهو يقول لو حنا على الجوال ماكان احسن ما قدرت والله ,, ودي اتجرا واسولف معه عادي بس ما قدرت ,, ودي يفتح معي اول مره شافني عشان افتح معه اللي في قلبي ,, حسيت بغيره انه ممكن يكلم بنات الحين او قبل ,, ومكست نفسي المفروض مالي شغل في الماضي ,, المهم انه صار لي ولازم احافظ عليه ,, تذكرت شكله اللي اشوفه في عيوني طول اليوم ,, وسيم مرره ,, يا زينها عاليه لما شافت صورتها قالت لي واااو يا فهوده مزيوووون بالحييل .. ماقد وصفته لكم ,, هو يعتبر ضعيف بس مليان ,, ابيض مررره يعني انا اسمر منه حبه ,, بصراحه هو جذااااب اكثر من اني اقول عين خشم فم هي كلها حلوووه بس جاذبيته طاغيه لا واللي اكثر من جاذبيته كلامه وحركاته رهييبه ,, من رسايله قال ابي الزواج بعد عشرة ايام يمديك تجهزين ,, ضحكت عليه بقوووه ,, قالت نور ماعنده وقت اجل لو تدري عن الزواج وش بتقول ,, حبيته بقوووه بس ماودي اقول له ,, خااايفه ,, خااايفه من كل شي ,, وشي جديد بالنسبه لي ,,, طلعت عاليه للمجلس وهي تجهز الفطور فيه وتطلب من الشغالات يجيبون القهوه عنده ,, الوليد بتوصل طيارته من جده بعد شوي ,, اكيد تعبان من السفر مدري ياكل والا لا ,, لبست فستان من الحرير المشجر لايام العاديه ,, وتركت شعرها كله ينزل على كتوفها ,, بعد ما رتبت مكياجها انتظرت وهي تحس ان الانتظار يوتر الاعصاب ,, خصوصا اذا صرت تنتظر احد غالي عليك ,, ما صارت تشوف بينها وبينه اي فارق زمني بعد ما قعدت تسوي مقارنه بينهم اول الايام في الشكل والتفكير بس بعد فتره قدر الوليد انه يسحب كل الاشياء ذي بخبرته ,, وترك عاليه تتعلق فيه اكثر واكثر من اسلوبه معها فبادرته مرره وصارت تحاول تتكلم معه وتمزح عليه وتحاول تسولف بطريقتها المميزة اللي تخليك تسمع القصه منها ,, سمعت صوت السياره وصلت للمدخل فقامت تنتظره وهي تقرب من الباب ,, اول ما دخل الوليد جته تسلم عليه في خده لكنه خذها وضمها بقوووه ,, عاليه : اشتقت لك ياعمري,, الوليد وهو باقي ماسكها : لا انا اكثر منك تصدقين تمنيتك معي ,, حسيت بفرااغ اذا رجعت سوالفك بس تونسني اجل اذا مليت عيوني منك وش يصير لي ,, انحرجت عاليه من طريقته ومسكته تبي تدخله الملجلس يفطر ,, الوليد : على ووووين ..؟؟ عاليه : ابيك تفطر زين تعال يا عمري ,, الوليد وهو يمسك فهده : تعالي انتي دخلتي المكان الغلط ,, انتي فطوري ,, انتي عمري ,, انتي بالنسبه لي شي ما اقدر اوصفه ,, حياتي مالها معنى لحد ما شفتك ,, عاليه وهي مبسوطه من كلام الوليد : فديتك ياعمري ,, خذت نور كتبها ودخلتها للشنطه ,, وفتحت شنطة المكياج وهي تطالع صورة ماجد ,,, ذرب ذا الرجااال ,, ما اتصل علي مثل اللي يتملكون ,, وش فيها يعني حاس انها مو زين والا ايش ,, غريبه بس هي ما فيها شي ,, مابغيت ارسله شي ,, اذا هو ما بادر مقدر ابين لي اني مهووسه به ,, كفايه اللي قلته في الملكه ,, طلعت كلش ,, بس هو بعد سألني ما قدر احط نفسي مستحيه ,, احبه حب جنني زين مني عندي عقل للحين ,, بس فيني لهفه عليه ابي اسمع صوته واسمع سوالفه ,, قالت لي عاليه عن نظامهم ,, وان ماجد صعب ومتعب كثييير , مجلسه مفتوح للشباب على طول ,, غييييور ما يرضى ادنى الدون يبان منك شي ,, كثرت تسأولاتي عن لبسي وشكلي هل بيغيره ,, ما وقفت عنده كثيير انا احبه تعرفون وش يعني احبه ,, يعني لو يقول سوي كذا بوافق على طووول ,, قالت لي جازي شي مدري اسمعه والا لا ,, ترى مو زين تبينين للرجل مشاعرك ,, بعدين يستغل ضعفك لصالحه ,, خليه دايما هو اللي يكتشف مشاعرك ,, اااخ بس ما اشوفها فرحانه مع نواف ,, متى يمديها تفرح يا حسره ذي حتى ما تهنت ,, ودي اشوف وش يسوي الحين وكيف مكتبه ومن ربعه وش سيارته وين يروح ,, ابي اعرف تفاصيل صغيره وش ميدالية سيارته وبوكه اي ماركه ,, عطره وشو ,, جزمته اللي يلبسها وشي ,, شوفتوا حد زي ,, ابي اعرف كل شي ,, فديته يا ناااااس عليه ثقل راااقي ,, يحسسك انك مع رجااال ,, صرت اقوم مثل الاله ,, اطلع ادخل اكل ارقد ادرس اراعي ,, كلها واجبات لازم اسويها ,, بس جانب من حياتي كنه صار له شلل في مشاعره ,, ماخذيت فرصتي وحسيت انها مثل ما يقولون الانسان له فرصه في الحياه اذا ما استغلها خلاااااص راحت عليه وما راح تتكرر ثاني ,, معقوله ان زواجي من نواف كذاا ,, وش نهايته ,, حبه كل يوم يكبر في نفسي بس ما اقدر اعبر عنه فسكرت عليه وماسمحت اني حتى اتذكر عشان ما انهار ,, كفايه عرفت انها للحين محط اهتمامه ,, وش يبي فيها ما فيها شي زود الا انها يمكن فرري ,, اجل يمكن يشوفوني بنقابي متخلفه ,,,ولد عز اكيد يبي اللي تناسبه اذا جاء يسافر برى ,, ناس من عمرهم وهم صغار السفر شي ضروري في حياتهم اكيد متعود على الحريه والاشكال الفرري مثله ,, يمكن حتى مبسوط وهي تمشي بجنبه ويتفاخر قدام الناس شوفوا اختياري ,, شوفوا ذووقي ,, يطيح من عيني اللي يفكر كذااا ,, يعني لو انت جاهل بحكم الدين اقوول اهون جاهل ما يعرف ,, لكن متعمد مع مرتبة الشرف هذا الشي اللي يقهرني في الرجال ,, خساره من نواف يربط نفسه بذي ,, وش فيها ابي افهم ,, شعرها المصبوغ والا بنطلونها اللي بيصرخ ويقول ارحميني مافيه نفس شوي ,, والا شكلها في المكان ذا اللي جالسين فيه ولا همها انسان ,,, خسااااره يا نواف ,, اشوف فيك جانبين من خذيتك وتحاول تسيطر على نفسك لكن اشوف ارداتك تخونك من فتره لفتره اذا جيت تطبق الشخصيتين مع بعض ,, ما يصلح والله ,, لما اشوف تعامله مع فصولي وحنانه واهتمامه بامه وحتى نور مهتم فيها ,, وفي نفس الوقت يجفاني ولا يتصل ويتجاهلني ,, احس يعيش صراااع نفسي ,, كان عندي رغبه اني افهمه ,,, بس هالحين ابدا ,, عافت نفسي اي محاوله للتغيير ,, بعيش كذاا اهم شي اربي بنتي ,, ,, اصر نواف على سعد انه يأخذ اجازه ويكمل معه هالشهر ,, ويرجعون لديرتهم ,, ووفي نفس هذا الشهر زارت الجازي المستشفى 60 مره عشان تشوف بنتها واللي ماقدرت تعطيها الحليب عشان تباعد الوقت بين الرضعات لحد ما نشف ,, لكن نبضها يزيد كل ما شافت بنتها تكبر شويه ,, وتتمنى انها تشيلها من هنا اليوم قبل بكره ,, فهده وسعد كملوا على المسجات ,, ولو بتعد فهده الحروووف كان صارت ملاييين ,, صارت تتواصل معه مو الليل بس الا طول اليوم ,, ويعرف وين تروح وين تجي كنه عايش معها ,, الشي اللي خفف على سعد كثيييير ,, اما ماجد ما اتصل على نور لدرجة انها فكرت لا يكون زعلااان ,, ومابغت تسأل عاليه ,, بس بجد صار قلبها يشتغل ,, الامتحانات على الابواب وهي لسى لا جهزت للامتحانات ولا جهزت لزواجها اللي تركوه مفتوح ,, ماجد انشغل بتغيير قسمه في بيت اهله ,, قرر يدخل نور فيه لحد ما يخلص بيتهم ,, يبي له وقت ,, وما يقدر يصبر لين يخلص ,, وده يكلمها بس حس ان ذا الشي يمكن يخليه يتهور ,,ويتصرف تصرف مو زين ,, هو عارف نفسه ,, فصبر نفسه كذاا,, بس اكيد هي راح تفكر ليه ما اتصلت وجازت له فكرة انها تتوتر عشانه ,, فديتها ياناس تدرون انها نووور عيني اسم على مسمى صحيح ,,, طلع نواف وسعد يتمشون في السوق ,, وهما مارين في شارع زي سكه صغير وفيه محلات صغيره ,, لفت انتباهه بوتيك صغييير للأطفال , دخل وهو فيه فضول تجاه اغراض البنات .. شاف قلبه ينبض بحنان لما شاف فستان وردي صغيير ,, قعد يختار مجموعه من الفساتين والبدلات ,, انبسط وهو يشتري ,, لدرجة ان سعد يضحك عليه ,, هااا يابو عبووره اشوفك ماخليت شي ,, وفصول ماتبي له شي ,, نواف وهو يضحك من قلبه على حركة سعد ,, : الا بس مو لبس ودي له بجهاز جديد بنشوف بعدين ,, سعد : زين تعال ابي اشوف محل عطور اخذ لفهده نواف : بسك الى متى وانت تشري لها ,, غرقتها ياخوي ,, سعد : وش عليك انت بتدفع تعااال بس فداااااها حلالي كله ,, ضحكوا على كلامهم ودخلوا محل عطورااات , ,قعد سعد يختار الانواع اللي يبيها بعنايه نواف : والله شي تبي تعلمها على ذووقك يعني سعد : ابيها تتغرق طيب ,, امووت على الطيب ,, نواف وهوو يدور في المحل لحد ما يخلص سعد لفت انتباهه زجاجة عطر وجربها ,, جازت له الريحه ,, فأختار من الشركه ذي كم نوع وطلب منهم يغلفونها قبل يجي سعد ويشوفها,, طلعوا وهو معاهم اكياس الهدايا ,, تركوها بالسياره وطلعوا يتمشون شوي ,, نواف : متى عزمت زواجك الحين ,, سعد : اعد الدقايق بس للحين نبي نرتب التواريخ وحجوزات السفر ,, انت تركتني ارتب ,, ربطتني هنااا ,, نواف : ازين لك اقعد ريح بالك ,, لاحق على المسئوليه سعد : مشتاااق لها وشقولك بس ,, نواف : هانت كلها كم يوم وراجعين ,, قامت نور متكسره من رقدتها المزعجه ,, ونزلت عند امها عشان تشرب الشاي ,, اول ماجلست على الكنبه فجأتها امها وقالت ام نواف : نواري اتصلت علي ام ماجد اليوم ,, استعدلت في قعدتي وانا كنت مسترخيه وبطلت اذاني زين خايفه تقول شي مو زين ,, نور : فيه شي ,, ام نواف : تسال متى نحدد الزفاف عشان الدعوات ,, وقلت لها نبي شهرين ,, رفعت نور عيونها متروعه لا تطفشين الرجال يمه وهي تكلم نفسها ,, نور : طيب وش ردت ,, ام نواف : لاااا ماقبلت ,, تقول اذا يمديكم نبي اسبوعين ماجد يبي رتب الصيف معك برى ,, وش رايك نور : مدري يمه الامتحانات باقي لها اسبوعين ,, وانا ماجهزت شي ,, ام نواف : قلت لها نفس الكلام بس مدري قلت لها بنفكر وبنشوف ,, تنكدت من تفكيرهم كلهم ,, امي تبي متأخر عشان اصيف معهم في جنيف ,, وامه تبي بسرعه عشانه طيب وانا ,, لاعرفوا مواعيدي ودروسي , اهم شي امتحاناتي ,, مادريت وش اسوي قلت لأمي خليني بفكر ,,, طلعت منها لغرفتي وانا في نفسي عليه ,, كم صار لنا من الملكه ولا اتصل ولا عبر ,, يعني حبه لي واااااضح وجارف وشوقه يوم المله بين لي ,, طيب ليه ما يتصل على الاقل يطمني عنه ,, رميت نفسي على السرير وانا اتهند بقوووه ,, مسكت جوالي ابي اكلم فهده والا فيه مسج اول ما فتحته قعدت بسرعه وانا اتنافض ((مساء الخير ماجد معك ممكن تدقين علي اذا صرتي فاضيه )) بس اسمع دقة قلبي بقوووه ,, يوووه ذا كله لهفه عليه ,, دقيت رقمه وانا متوتره خايفه صوتي يصير فيه رجفه تفضحني ,, واول ما دق كم رنه الا هو يرفعه من الخط الثاني (( يا لبى عمرك ,, انتظرتك واااجد ,, ما انتبهت كم الساعه ارسل المسج ,, اكيد من زمان ,, نور : يالقاطع ,, (( مدري شلون طلعت ذي الكلمه اقولكم شفقانه عليه ,, صوته وهو يضحك يجنن بهدوء وبحه رزينه: ما تدرين ليه ,, تروعت لا يكون قلت شي موزين ,, : تكلمت بصوت واطي : ليه ,, ماجد : خايف عليك يا قلبي ,, نور : ماجد تروعني كذا خايف من وشو ,, ماجد ك لايروح بالك بعيد ,, خايف اتزوجك واخذك ما سويت لك عرس ,, ماتدرين وش كثر تهميني ,, تدرين لو اسمع صوتك كل يوم اخر الاسبوع بتشوفيني عند الباب ,, نور :: طيب تعال عند الباب نتفاهم ,,,,,هدووووء وبعدها ضحك بقوووه ماجد : خلاص جهزي لي عشاء بتعشى معك الليله ,,, نور : انت تآمر فديتك ,, سكرت منه وانا طايره من الفرحه ,, بشوووفه ,, صدق مهبوله ,, هو كل اللي يتزوجون يصير لهم ذي الحاله والا انا بس ,, متولهه عليه مررره ,, ودي اشوفه ادقق في ملامحه ,, ابي اسمع صوته على الطبيعه اكثر .. قمت اشوف وش بلبس له ,, شاريه من فتره بسيطه فستان من غوتشي هفهاف بيد واسعه فيه زهور باللون الاسود مع لون التراكواز الفاتح ,, قررت اني ابسه لانه ساتر ,, | ||||
|
| |
 |
| الكلمات الدلالية (Tags) |
| قلوب ،رقيقة ، ريم ، الحجر |
| أدوات الموضوع | |
| انواع عرض الموضوع | |
|
|
2Likes
العرض العادي
