07-04-13, 11:37 AM
| #171 | ||||
| نجم روايتي ومشرفة سابقةومصممه 
|  الجزء الاخير من روايه غصب عني للكاتبه شوق المشتاق الفصل الاخير من (اكتملتـ الصورهـ) ليلوه بسرعه : لاااااااا فهد : هاه ليلوه : مو مواقف مابيه فهد عبس بوجهه : ليه ؟؟!! الكل انتبه معه طلال ابتسم : قالت ايه واغمى عليها وانت يكلم فواز انا للي بحلقك شخصياً ليلوه : يبه انا ماداني طلال من الله خلقني وبعدين قل لبوي ناصر هو ادرى واحد قله ليه يجي يخطبني وهو يدري بارائيي فهد تضايق مايبي اخوه ناصر يزعل :خلاص مع السلامه ناصر مبتسم :بشر ؟ فهد منحرج: والله رفضت ! انصدم طلال ووقف :ليه ؟!! فهد طالعه :ماتبيك طلال بعصبيه وشوي صراخ واستهزاء: ليه مانيب فارس احلامها بعدين هي شتنتظر لا تكون تعرف واحد وتنتظره يحن عليها ويخطبها صرخه هزت المجلس من الجد : طلااااااااال طلال بصارخ :اجل شتنتظر ماتزوجت الا وكف على وجهه من فهد فهد وهو معصب ويرص على كل حرف: موب بنتي اللي ينقال عنها هالكلام يالحيوان ::ودز طلال:: اذلف عن وجي لابارك الله فيك وطلع وخلى الكل وراه منصدم طلع طلال وهو حده معصب مو متخيل اللي صار شلون يضربه عمه فهد كف!! في وسط المجلس وكيف انها رفضته ؟! ومستغرب ليه غيرت رايها وقف في نص الحوش واتصل على رنود وهو حده معصب رنود بخوف: هلا طلال كل البنات انتبهو معها طلال بعصبيه : الحين الحقيره مو موافقه ليه غيرت رايها ؟؟!!! رنود بخوف من عصبيه طلال : مدري! طلال بصراخ : الحين هي ماقالت لس انها موافقه ؟!! رنود خافت: الا قالت طلال بصراخ وعصبيه شوي ويفطس!!: عطيني ايها وعطت رنود الجوال لليلوه اللي اخذته وهي تبتسم لن خطتها نجحت وانتقمت من طلال قدام الكل ابتسمت وقالت بدلع : الوووو طلال بعصبيه وصراخ وزاده صوت ليلوه اللي يستفز:يالحيوانه اكيد تعرفين احد ولا مارديتني اكيد هددس بشي ماسكه عليس ولا ؟!! ليلوه ببروود : ليه شايفني حبيبتك سحر وبعدين حسن ملافضك طلال تجاهل كلامها و بصراخ : ردي علي ليه رديتيني وليه وافقتي من البدايه ليلوه ابتسمت وقالت : ليه رديتك ؟ لنك بكل بسااطه انسان مريض عقليناً وجسدياً يعني مو معقوله اخذ انسان مريض عنده القلب اخاف اجي اللعب معك بكره واقولك بووو ثم تفطس واترمل وانا في عز شبابي::وضحكت بدلع:: طلال منصدم منجرح مو متخيل شلون ليلوه تستهزي في مرضه كره مرضه وكره حياته في هاللحظه ليلوه بدلع وروواق: وينك لا يكون وقف قلبك ومت لا تكفى كلش ولا اكون اسبب في موتك اخاف عمري ناصر يزعل لنه يحبك ..... انت معي ؟؟؟ طلال بعصبيه وصراخ وده انها قدامه ويذبحها : زين ليه وافقتي من البدايه ليلوه ضحكت بصوت عالي كله غرور وقالت : كذا ابي اعلمك انك تخسي وتبطي ماحبتك ليلى بنت فهد اجل انا اطلع علي اشاعه اني احبك تخسي ويلااا طس عطيتك من وقتي يالمريض وسكرت وطلال جلس يطالع الجوال بصدمه كره عمره وغروره ومرضه اللي ماخلاه يرد على ليلوه وحس بنقص وانجرح وعند البنات رنود بصدمه وصراخ : كل هالكلام قلتيه لطلال ؟؟ ليلوه برواق وهي تفك غرشه البيبسي: ايه عندس مانع رنود بصراخ : والله انس احقر انسانه على وجه الارض انتي شلون تكلمين طلال بهالطريقه انتي شلون تجرحين مشاعره ليلوه عصبت : كيفي اسوي اللي يعجبني ولا تسوين لي فيها رقيقه وعمه محبه تلايطي ولا تعكرين مزاجي النوري : بنات اذكرو الله لميوه :رنود تعالي نروح غرفتي رنود بصراخ: تصدقين انس حقيره وواطيه ليلوه وهي تبطل السنيكرس وبروود : احسن من الخاينه اللي مثلس الكل انصدم ندوي بستغراب : ليلوه شفيس ليلوه بعصبيه :شوفوها شلون تكلمني كني ذابحه لها احد رنود :بصراخ ايه ذابحه اكيد طلال بيصير له شي الحين بعد كلامس وبدو البنات يتدخلون واستمر في النقاش وفي المجلس فهد يكلم ناصر :اعذرني يالغالي بس ولدك مايحتمل ابتسم ناصر وداخله خووف على طلال كان وده يلحقه بس خاف من نظرات ابوه وقال : شدعوه يابو خالد ولدك قبل يكون ولدي وهو اخطى وحقه وماجاه خالد بن فهد :احسن والله لو ابوي ماسكته كان عرفت شلون اسكته تركي : معصب خالد بعصبيه :واذا يعصب على نفسه من شايف نفسه عشان ماترده ليلى مشعل : اذكر الله كلهم يطالعونك فهد ابتسم وطالع سلطان : والحين بنشوف طلبك يابوخالد واتصل ع ليلوه وعند البنات توهم يتناقشون ليلوه : رنود تلايطي شوي لين اشوف ابوي شعنده ياربه يقول طلال مات رنود بصراخ :جعل الموت ياخذس ليلوه طنشت : هلا بالغالي فهد ابتسم :هلابس زود ليلوه خافت يكون يبي يقنعها: أمر يالغالي فهد : والله ياحبيبه ابوس ابوس سلطان خاطبس لولده عبد الله وابي رايس؟ ليلوه تنحت :...... ريموه اطل في وجه ليلوه :شفيس رنود خافت لايكون صار لطلال شي :شفيس ندوي حطت اذنها ع السماعه شيخوه : عظم الله اجركم شكله ودع فهد :لولي وينس ؟ ليلوه ابتسمت وقالت "خلني احر الحقير" اللي تشوفه فديتك فهد ابتسم : اللي اشوفه اني اقولس اللف مبروك فديتس ليلوه استحت للمره الاول : الله يبارك فيك وسكر فهد والكل يبارك لعبود وقالهم فهد بكره كلهم معزومين ع ملكه ليلوه في بيته اما عند ليلوه البنات يبون يعرفون شسالفه وقالت لهم السالفه ليلوه واللي يزغرد واللي يضم ليلوه والي تبارك رنود بقهر : تردين طلال عشان عبود ؟؟ وش جاب لجاب ؟ ليلوه طالعتها بحتقار: كيفي انتي تلايطي رنود : واضحه اكيد انس ع علاقه معه ضحكت ليلوه وقالت :ليه شايفتني مثلس انسانه واطيه وانانيه وماتحين غير نفسس ندوي : ليلوه خلاص المهم ارتفعت اصوات البنات والكل تدخل الحريم كلهم اما فارس راح يدور طلال في البيت وراشد وفواز لحقو طلال طلال وتوه يطالع الجوال ويتذكر كلام ليلوه اللي جرحه من قلب قطع عليه تفكيره يد فواز اللي حطها على كتفه من ورا : محلق محلق هههههههههههههاي طلال :....... راشد : طلول انت استفزيت ابوي فهد طبيعي اللي سواه فواز : يعني اعذره !! راشد :طلول كل شي قسمه ونصيب واهي الخسرانه مو انت ! فواز جا قدام طلال وشاف وجهه اللي معتفس وقال بخوف : طلال شي يعورك ؟ عصب طلال وصارخ : مافيني شي تطمن موب ميت راشد يهديه : ترا ابوي فهد مايقصد بس انت استفزيته فواز خايف ع طلال : طلال شوي شوي على نفسك الدنيا ماتستاهل طلال تذكر انه مريض وعصب وراح وهو يصرخ ع الشباب : تطمنو موب ميت فواز كان بيلحق طلال بس راشد مسكه وقال شوي لين يهدا وفارس قدامه في البيت فارس دور طلال ومالقاه واتصل ع ندوي ندوي اول ماشافت الرقم خافت تذكرت يوم كلمها فارس يوم كشفو عهود وردت بخوف : هلا فارس: هلا قلبي اخبارج ندوي ارتاحت : شفي صوتك ؟ فارس: من جد حركت اختج سخيفه ندوي : والله حتى انا مادري عن اللي بتسويه فارس: ادري ياقلبي بس اللي زاد الطين بله هو ابوج ندوي : ابوي ؟ شفيه وقالها فارس كل السالفه وانصدمت ندوي وجلسو يسولفون وطلال شغل سيارته بسرعه جنونيه مايبي احد من الشباب يلحقه بس قبل يطلع صدم في البوابه لنه اذا عصب مايركز عدل واجتمعو حوله الدريوليه اما البنات نصهم جلسو مع رنود والنصف الثاني راحو مع ليلوه لبيتهم ريموه وهي ضامه ليلوه : الف الف مبروك اخيراً بافتك منس ليلوه ادز ريموه : مالت عليس شيخوه : بس ليلوه مو كنس قسيتي على طلال شوي ؟ ليلوه ابتسمت : اموت ياقسيتي زين والله في تقدم ياشيخوه شيخوه : انطمي ريموه : لا يستاهل الحقير تعرفون رقمه خلني اكمل عليه عهود : لا حرام جاه الي كفاه عبير :حتى رنود طلعت حقيره مالت عليها نجود : لا عادي ادافع عن ولد اخوها مهوي : اما انتي ياليلوه حركتس عجيبه ليلوه :افا عليس على باله نسيت ضنونه السودا بعدين قلت خلني اكسر غروره شوي امجاد : يستاهل حقه وماجاه وعند فارس توه يكلم ندوي فارس : اذا جا الفستان اللي تقولين ع التيفي قولي لي عشان اشوفه ندوي بقهر :تصدق بكره اخر يوم للمعرض في دبي فارس : لا والله ندوي : والله فارس: اجل اخليس ياقلبي باروح ادور طلال ندوي ابتسمت : فديت السين وراعيه بااياات واول ماسكرت طيران لليلوه تعلمها بالكف يوم درت ليلوه حبت راس ندوي على الهخبروعزمت البنات على حفله !! استانست حيل وودها تكلم طلال تتشمت فيه بس قالت بعدين وبعدن تذكرت نواف وطرشتله مسج وكتبت فيه ""اعتقد عرفت جواب سؤالك وراعيتنا خاطر شعر فواز ""ابتسم نواف وهو يشوف المسج بعد كذا الكل راح للمستشفى مع طلال بعد ماقالو لهم الدريوليه وطلع طلال مافي شي بس قالو له لازم فحوصات مافحوصات والكل رجع للبيت عاد راشد وفواز وفارس ومنصور وفؤاد اللي رفض يرجع البيت الا مع طلال المهم طلال طلع الساعه 8 الصبح وفارس ومنصور راحو مواصلين لشركه وبعدها رجعو للبيت تعبانين وتو فارس بيحط راسه ع المخده الا ويتذكر المعرض وياخذ اوراقه ويروح للأمارات !! ومع العصر كل البنات في بيت فهد مستانسين ع العزيمه الا رنود راحت لطلال طبعاًً ليلوه تملكت بس في اليل العزيمه اللي حولتها العنود لحفله عوووده ولا خلت احد ماعزمته ليلوه : بنات مو مصدقه اني تملكت بهالسرعه مهوي : عادي صرنا في زمن السرعه شيخوه : الله يالليلوه بتصيرين في بيتنا ليلوه : وانتي في بيت ابوي ناصر مهوي وهي تضم ليلوه : اهم شي انا وياها في نفس البيت ليلوه وهي تضمها : هذا اكثر شي خلاني اوافق شوي وجات الكوافيره وبدت تضبط ليلوه ومعها ندوي اللي كاشخه كنها عروس المهم ع الساعه 7 الا وفارس يكلم ندوي اللي تكشخ فارس برومنسيته المعتاده : حبي شريت لج الفستان ندوي بفرح ودلع : ياقلبي متى ولا كيف؟ فارس : متى الله يسلمج اليوم بعد ماطلع طلال من المستشفى الساعه 8 رحت الدوام مواصل بعدين طلعت الساعه 1ونص وطيران ع الامرات 5 ونص صرت هناك جبت الفستان وكاني في الطريق ندوي بدلع : ياقلبي تعبتك بس خلاص بقوولك شي يفرحك فارس: قولي تحمست ! ندوي بخجل : اول ماتوصل اخطبني فارس بفرح مو طبيعي :صدق ياقلبي ندوي : ايه فديتك فارس بيموت من الفرح :على طول على بيتكم اقول لبوج ياقلبي والله انج فرحتيني حيل اخيراَ بشوفج اخيراَ بتصيرين لي بروحي ياااااااااه شكثر فرحان ياقلبي ندوي بخجل : خلاص فديتك اخليك باااياااات فارس باايااات وجلست ندوي تحط المسات الاخيره وفي المجلس قبل يجي احد من الضيوف فجر فهد القنبل يوم قال اسمعو ياشباب تراني ملكت ندى على بندر بن خالد ولد خالها اليوم مع ليلى الكل انصدم ليه كذا بدون محد يدري فجئه وقالهم فهد السالفه ان بندر خطبها وهو مايبي احد يعارض وملكها بسكات والكل بارك اما منصور كان بعالم ثاني يحاتي فارس اما القصه الحقيقيه اللي مايدري عنها الا فهد هي يوم اتصل على ندوي وهي ماسكرت الجوال وجلسو يتكلمون عن بندر وان هنود ماتبيه وفكر فهد انه يزوجه ندوي عشان تنسى فارس اللي كانت تحبه حيل وقال لبو بندر انتو حيرتو هنود للبندر بس انا بعطيكم بنتي بدالها لن واحد من عيال عمها يبيها يقصد هنود وطبعاً وافق ابو بندر وبندر اللي اصلاً مايبي هنود بس مستحي من عمته هيا المهم فهد سأل ندوي عن رايها وهي وافقت اولأ عشان خاطر هنود ثانياَ تبي تنتقم من فارس كانت تبي ترد له جرحه اللي جرحها اياه تبي تنتقم لكرامتها ولقت الخطه اللي تنتقم بها من فارس ولا قالت لحد غير هنود والنوري وتملكت اليوم وهي مستانسه حدها تتمنى تشوف وجه فارس لادرا المهم ندوي تلبس اكسسوراتها الا وجايتها اغنيه من فارس وكانت الاغنيه اغنيه الفنان تركي بشروها اني بخطبها من ابوها بشروها وعلموها قولو اني ناوي اخطبها من ابوها فهموها وعلموها اني جيت بشوقي كله بلغوها قولو محبوبك بعد كم يوم عندك جاي مشتاق ويبي يطلبها يدك شوفو دمعت الفرح بعيونها لي واتركو دمعتها لا تمسحوها أسألو واعرفو وشهي اتمنا لجل اجيبه عندها قبل اتحنى هي حياتي وكل ماملك فداها ومستحيل اصد عنها طمنوها ودي اغمض وافتح واللتقيها واترك الدنيا واحط ايدي بيديها صدقوني ماملت عيني سواها ولو تقول اني هواها صدقوها بشروها وعلموها قولو اني ناوي اخطبها من ابوها فهموها وعلموها اني جيت بشوقي كله بلغوها شغلتها ندوي وهي تضحك وبدت ترقص عليها وهي تحس بنشوه الانتقام وتحس انها بتسترجع كرامتها وكملو الرقص معها النوري وهنود اللي مستانسه عشان خلاص تخلصت من بندر وماتدري شتقدم لندوي ع هالتضحيه اللي ضحتها عشان خاطر هنود المهم البنات كلهم في غرفه ليلوه وتوها قايله لهم عن خبر ملكت ندوي المفاجئ والكل استانس وفرحو لها وباركو لها اما العنود مستانسه حدها اللي بناتها الثنتين تملكو مع بعض المهم انزفو البنات احلى زفه وصورو وشيخوه طلعت في كل الصور وبعدها جلسو البنات في الصاله والكل يجي ويبارك لهم وليلوه كانت لابسه فستانها حق ملكه مهوي وندوي بعد واشكلهم تجنن مشاعل : الف الف مبروك فديتكم واحلى شي ان ندوي بتجي عندي قريب عبود : أي والله كل يوم باغوح لها في بيتهم زين ماي مذغ مشاعل : زين حبيبي ليلوه : ياعزتي لس ياندوي من القلق مشاعل بزعل: شقصدس ؟ ليلوه : اقصد العله ولدس عبود : مامي تغدين عليها ولا اغد(تردين عليها ولا ارد) لاليوه بستهزاء: غد؟ مشاعل : لا لاترد فديتك انا اللي برد مع الاسف انتي انسانه واطيه وحقيره وتورط فيس خطيبس عبد الله ليلوه :اقول انطمي والحقيره رنود ماجات ؟ مهوي : اكيد بتجي شوي وشغلو البنات الديجي وبدا الرقص اما في بيت ناصر طلال توه قاعد من النوم ورنود عنده قالت له كل شي صار بتفصيل الممل اما طلال كان ساكت طول الوقت واجاباته مختصره رنود اللي جالسه ع السرير مقابله طلال :طلال شفيك ؟ وبعدين هاذي انسانه حقيره ماتستاهل انك تضيق خلقك عشانها طلال بجديه وهو يطالع في فراغ : تصدقين ماكنت اشوف مرضي الا بعد ماقالت لي ليلوه ونبهتني عنه رنود حست طلال انجرح : طلول خلك منها وبعدين انت ماخترت تكون مريض تنهد طلال وسكت وهو يتذكر كلام ليلوه اللي جرحه صدق وسكتت رنود احترام لسكوته !! اما فارس كان يسوق بسرعه جنونيه يبي يوصل بسرعه وكان مشغل اغنيه بشروها اني بخطبها من ابوها ويفكرشلون جناحه وين بيأثثه منه وكيف بيكون زواجهم وين شهر العسل ماخلى شي ماخطط له حتى عياله اختار اسمائهم !!! المهم الكل راح ماعادا خوال ليلوه ودشو داخل خولها يباركون للبنات والبنات اللي يستحون راحو فوق وخوالها الكبار سلمو وراحو ومعهم جدتها عادل اللي يجلس جنب ليلوه بعد مابارك لهم : اخيرأًتزوجتي ليلوه رافعه حاجب : انت تحسسني ان عمري فوق الثلاثين تراي توني نونو مشعل اللي واقف : نونو في عينس يالعانس قدس قاضيه ليلوه : يمه تعالي سكتي اخوانس لا يصيرلهم شي غصب عني العنود : شباب خلوها اليوم مخطوبه بعدين استلموها ليلوه بنفس خايسه : مالت عليكم عاد اللي يشوفكم يقول متزوجين من زمان محمد : وجع ياشباب خلو البنات ع راحتهم لا تحرجونهم مشعل يضحك: من اللي تنحرج لا تكون ليلووووووه خخخخخخخ محمد : ليه مو بنت ؟!! عدول: ومن قال كل البنات يستحون محمد : اللي اعرفه ايه يستحون !! مشعل : خخخخ مغبر انت ليلوه : هي انت وياه جالسين تتناقشون عندي محمد : هي انتي خير اصغر عيالس تقولين انت وياه ليلوه :محشود فديتك انا اقصد الخبلان اللي ورااك محمد وهو يقوم : عبالي بعد وانت وياه يلااااه مشينا المهم بعد كذا راحووو وعند طلال راشد وفواز ومنصور ورنود وكلهم منصدمين مو مصدقين ان ليلوه قالت كذا لطلال راشد : يابن الحلال وسع الخاطر وانسى طلال بجمود : انسى كلام الحيوانه ولا كف ابوها ؟؟!! فواز : لا تكبرها وهي صغيره ماصار شي وابوي فهد عادك واحد من عياله طلال بقهر: حتى لو مايسوي معي كذا منصور بهدوئه : فديتك ياطلال انت بعد غلط على بنته طلال بعناد : ماغلطت لنها صدق كذا راشد : طلال خاف ربك تقذفها !! فواز : الا رنود ليش مارحتي ملكه البنات ؟ رنود بدون نفس : محد يستاهل وبعدين أي بنات اللي اذكر بس ليلوه ؟ فواز : لا بعد كانت ندى معها طلال ابتسم : لا والله اخيراَ تملكت راشد :اخيراَ اللي يسمعك يقول عجوز منصور قام وراح وهو محتار ومايدري شلون يقول لفارس واستغرب ابتسامه طلال ورنود بعد استأذنت وراحت تبي الشباب ياخذون راحتهم فواز : طلول شفيك مو معقوله متأثر من كلام الخبله ليلوه طلال : تصدق يافواز اول مره احس بنقص صرخ راشد :أي نقص انت الثاني ! فواز عصب : طلال لعاد تقول هالكلام طلال صرخ عليهم : هاذي الحقيقه ليه تخفونها ؟؟؟!! راشد شاف طلال عصب : طلال انت مرضك بسيط يعني مو اعاقه وممكن له علاج طلال ابتسم بسخريه : ايه بسيط ولحد يقولي بو على قولت ليلوه متتنا فواز عصب وقام وطلع راشد بهدوء: طلال هاذا نصيبك طلال : راشد انا ماعترضت بس توني اكتشف بس وبعدين قم اللحق فواز شكله من جد تضايق وانا بارقد وقام راشد وراح وطلال اخذ الجوال وهو يتبسم يقول اكيد فارس الحين متشقق من الوناسه ويكلم ندوي ولا بعد يمكن يكون مواجها في مكان واتصل ورد فارس بفرح : هلا وغلا بالغالي الحمد الله ع السلامه طلال فرح لفرح فارس: لالا خف علينا فارس : شلونك بشرني عنك طلال : انا بخير دامني اشوفك مبسوووط فارس ابتسم : فديتك يابعدهم والله ماتتخيل فرحتي ياطلال اليوم طلال: عسى دوم وليش ماقلت لي ؟!! فارس : شنو اقولك ؟ طلال : انك بتملك مع عبوود فارس : ماملكت توني بس اليوم قالت لي حبيبت قلبي اخطبني طلال بستغراب : فارس اليوم ندوي تملكت اذا انت ماتملكت اجل من اللي تملكها ؟؟ّّ فارس ابتسم :لا ماملكت ولا شي توها مكلمتني اكيد انت ملخبط طلال : مدري بس الشباب يقولون انها ملكت اليوم وهالشي اكيد فارس شك لايكون ابوها ملكها غصب ولا شي :اجل يالله كلمها اشوف شنو السالفه وسكر واتصل ع ندوي وندوي شافت رقمه وطلعت لغرفتها ونادت هنود والنوري وسكرو الباب وقطع الاتصال واتصل مره ثانيه ندوي تشوف رقم فارس وتضحك بنتصار والبنات حولها ندوي : ضنكم درا ؟ هنود بخوف : مدري الله يستر النوري: ردي خلا نشوف ندوي بدلع مخلوط بغرور : الو فارس ابتسم : هلا قلبي شلونس ؟!! ندوي ابتسمت لنه توه مايدري : تمام واليوم احلى يوم عندي وهاذي الساعات بذات فارس بفرح لنها مستانسه : عسى دوم ياقلبي بس فرحيني معج ندوي ابتسمت وحطت ع السبيكر : مضنتي انك بتفرح لاعرفت ليه فارس استغرب : ليه قولي بسرعه خلني اقول الاشاعه اللي طلعوها عليج ندوي ابتسمت لن فارس سمع بملكتها ولا صدق: قول الاشاعه شنو فارس : لا قولي انتي شنو عندج ندوي بغرور : لاقول انت فارس بضحكه : تخيلي يقولون انج تملتكتي اليوم ندوي بقسوه : ايه تملكت!! فارس ضحك وماصدقها : ومن سعيد الحظ ؟ ندوي ابتسمت لنه بعده مايدري : محبوب قلبي وزوجي ومالك قلبي بندر ولد خالي خالد فارس بغيره : ندااااوي وجع تدرين اني اغير وتقولين هالكلام ترا بزعل ضحكت ندوي وقالت بكل قسوه : ازعل وطق راسك بالجدار يالنذل ياحقير اليوم بس اقدر اشيل القناع اللي لبسته كثير فارس منصدم ومو مستوعب اللي يسمعه ندوي كملت : تذكر يافارس يوم اترجاك واقولك اني احبك وانت بعتني ارخص من التراب صرخ فارس ووقف سيارته :نداوي تكلمي عدل اذا تمزحين مالج داعي ؟!! ندوي ضحكت بدلع وغرور :اسمع انا اخترت ولد خالي لنه لاخاين ولا نذل ولا مريض مثلك فارس بصراخ وعدم تصديق: ندى تراج سخيفه ندوي : روح كلم ابوي اسأله وسكرت في وجهه اتصل واتصل بس ماردت ندوي تضحك من قلب وهي تسمع رنه جواله باسم اف واغنيه جواد العلي يجيلك يوم ندوي وهي مستانسه : مسكين ولله النوري: ضنكم صدق احسه ماصدق ؟ ندوي تذكرت يوم كانت تبكي وتترجاه يصدق انها تحبه وبكت : الله ياخذه الحقير ذلني خله يذوق اللي اذوقه هنود : خلاص ليش تبيكن ؟ المفرووض تضحكين وتستانسين النوري: صح واذا اتصل بعد شوي تكون جات فرصتس في الانتقام واستمرو وعند ليلوه هي ومهوي الساعه تقريباَ 3 ونص ليلوه وهي تسكر الكمبيوتر : خلاص حرام اني اكلم غير عبود مهوي ابتسمت : صح بس انتي اللي بينس وبين منصور مجرد كلام يعني صداقه ليلوه وهي تمسح الميكب : مافي صداقه في الدين بين البنت والولد وبعدين خلاص معاد ابي اكمله مسحت ايميله وخلاص مهوي وهي مبتسمه : والله اني مو مصدقه انا وانتي في نفس البيت ماصدق ليلوه :لا وازيدس من الشعر بيت يقولون يمكن يحطون عرسنا مع بعض مهوي بفرح : الله وناسه ونلبس نفس بعض ونقضي مع بعض ليلوه وهي مستانسه :ونشتري كل شي سوا وكل يوم نلبس نفس بعض مهوي مستانسه : وكل يوم نشوف بعض ليلوه مستانسه : ونروح شهر العسل مع بعض مهوي رافعه حاجب: لا والله حدس عاد ليلوه رفعت حاجبه هي الثانيه وقالت بقرف : وييع من زينكم كنت اجاملس بس ولا انا اسوي مثلس في كل شي افيه مهوي بقرف: افيه منس يالحقيره ليلوه وهي تتذكر : الا على طاري الحقيره شفي رنيد ماجات ملكتي الكل يسأل عنها وانا وامي طاحت وجيهنا بس صرفنا وقلنا تعبانه مالت عليها اكيد الحين خوالي بيقولون مالها وجه بعد ماطلقها مشيعل مهوي بقرف: مالت عليها ماتوقعت انها ماتحضر صدق انانيه من عرفتها مايهمها الا نفسها من زوووود الحب لطلال بعدين ماضن خوالي يقولون كذا ليلوه بقرف: جعلها الجلطه هي وياه الحقير طليل واستمرو قاعد من النوم ع صوت جواله طالع الساعه 4 الفجر من اللي متصل هالحزه شاف الرقم درا انه فارس خاف مو بالعاده فارس يكلمه لايكون في طلال شي او ناصر رد بخوف فهد بخوف : هلا فارس فارس بالهفه : يبه صدق ندى تملكت ؟؟؟؟؟؟ عدل فهد قعدته هو يحس فارس يحب ندوي وطلقها بسبب عدم التوافق وحس من صوته الحين انه صدق يحبها قدر شعوره وقال : انت وينك فيه ؟ فارس بشوي صارخ : مو مهم المهم قلي فهد خاف عليه وقال : تعالي البيت وتعرف فارس اللي كان واصل ماباقي ع البيت شي اسرع للبيت وفهد قام ولبس ونزل ينتظره في المجلس وعند فواز اللي واقف في وسط المجلس بعصبيه ويكلم وراشد واقف عنده يطالعه وينتظره يكلم ويخلص مهوي مستغرب فواز يتصل هالحزه :الووو فواز بجمود : وينس فيه ؟ مهوي بخوف : في بيت ابوي فهد ليه ؟ فواز : عطيني ليلى !! مهوي اطالع الساعه واطالع ليلوه ليلوه وعلى راسه علامه استفهام : شفيس؟ مهوي : فواز يبي يكلمس ليلوه بعبط : لايكون طليل فطس مهوي : شدراني كلمي اخلصي ليلوه بستغراب : الو فواز بعصبيه : انتي من شنو مصنوعه انتي ماتخافين الله شلون تقولين لطلال هالكلام تدرين انه مايتحمل شي تدرين قلبه تعبان تدرين انه مريض تتمصخرين عليه وتحتقرينه عشانه مريض ليه ؟ ليلوه عصبت من هجوم فواز عليها : انت هي خير كيفي اقول اللي ابي واسكت وسكر لا اكلمه اقضي عليها وسكرت في وجه فواز فواز بصراخ : الحقيره الحيوانه راشد : اذكر الله ماكان له داعي تكلمها اصلن فواز : انت ماشفت طلال شلون مكسور من كلامها كسرت طلال المغرور يقول يحس بالنقص ليه ليه تجرحه شسوا لها غير انه خطبها ؟ راشد بعقلانيه : فواز لاتلعب على روحك تدري ان طلال كان بيتزوجها عشان يلعب فيها وبعدين طلال دايم يجرح فيها وانت تدري وانا ادري ان كل كلام طلال كذب وبس لن لسانه متبري منه يقول كذا واكبر دليل هو الكف اللي جاه امس من ابوي فهد واستمرو مهوي بخوف : انتي من وين جايتس هالقوه ؟؟!1 ليلوه بحقد : جايني الحقير فزعه مالت عليه وع طلال معه بس شكلي باتصل في طلال واغسله مره ثانيه مهوي : لا واللي يرحم والديس كفايه الكلام اللي قلتيه ليلوه : والحقير فوازوه صدق انه حيوان ذابحه الحب للحقير الثاني جعلهم الصرطان كلهم وراشد معهم مهوي عصبت :انتي تقطين خيط وخيط شدخل راشد الحين ليلوه قامت وهي معصبه راح تتوضى تبي تصلي الفجر وقالت : وانتي جعلس الصرطان معهم واستمرو----->>> فارس وقف في الباركينق وهو متلخبط مو مصدق ان ندوي تملكت يقول اكيد تمزح او تبي تعطيني درس قبل اخبطها ياويلها مني بعد ع هالمقلب !! بس ابوي فهد ماستغرب اتصالي يارب ساعدني. نزل وخلى السياره مبطله راح مسرع بيت ابوه فهد وعلى طول دخل المجلس وحصل ابوه فهد فهد اللي جالس بهدوء: هلا بفارس تعالي وانا ابوك اجلس واشر ع مكان جنبه جا فارس وهو يتمنى ابوه فهد يقول شي يفرحه وجلس وقال بلهفه : يبه صدق ندى تملك واحد ثاني انسان غيري !! اشفق عليه فهد وقال: قسمه ونصيب الله مو كاتب انكم اتمون مع بعض جلس فارس يطالعه بتشتت "شلون مع بعض لايكون يقصد انها صدق تملكت ": يبه جاوبني هي تملكت ولالاء طالعه فهد يواسيه وقال : ايه تملكت البارح انصدم فارس عرف ان كل شي صدق وانها تملكت مستحيل ابوه فهد يكذب قام وصرخ بصوت عالي وقال : وانا انت تدري اني احبها وهي تحبني ليه ليه تزوجها غيري فهد يحاول يهديه : انت تدري يوم دريت انكم تحبون بعض زوجتكم بس الله موب كاتب لكم لن عيالكم بصيرون معاقين فارس بصراااخ : من قال من قال هالكلام كذب في كذب فهد بستغراب : انت جبت لي الاوراق فارس بصراخ وماصار يركز شنو يقول : انا كذاب انا ماكنت ابي بنتك وانت عطيتني ايها ويوم صرت ابيها تزوجها غيري ليه يبه يبه تكفى خله يطلقها انا احبها واموت فيها فهد بصدمه مو مستوعب : بشنو كذاااب ؟ فارس : مافينا شي انا زورت الاوراق ماستوعب فهد قال اكيد قام يهلوس من الصدمه وقعد يهديه بس وين يهدي شلون يهدي براكين ثايره طلع فارس معصب واتصل على ندوي ندوي وهي تستمتع بنغمه جواله يجي لك يووم ندوي بدلع وغرور فرحه انصار : خير انت ماتفهم قلت انا ملك غيرك وبكيفي وراضاي فارس بهمس عكس البراكين اللي داخله : ليه ليه تلعبين بمشاعري ضحكت ندوي بدلع : ابيك تجرب لعبه المشاعر ابيك تعرف شكنت اعاني من اسبابك فارس بهمس :يعني كل كلامج لي كذب وخداع ندوي بقهر: ايه مثل كل كلامك اللي كنت تلعب علي فيه ولا نسيت ؟!! اذكرك ياولد عمي فارس بصرااااااااااااخ : كلكم كذا خونه انا شلون صدقت ان فيه وحده وفيه انا شلون سلمتج قلبي ندوي ضحكت : انتي ماحبيتني لشخصي انت حبيتني لشكلي وانا ابي اللي يحبني يحبني لشخصي مو لشكلي يالتافه الحقير ورقمي انساه فارس بصراخ وعصبيه وهو واقف عند سيارته في الباركينق : انتي حقيره وواطيه اكيد كنتي تكلمينه ولعبتي عليه اكيد مثل ماكلمتيني يالحيوانه الــ****** هذا انتي ***** قولي ليه مثلتي علي ليه لعبتي بمشاعري ندوي ابتسمت :انتقمت منك رديت كرامتي وخليتك تحس بالي حسيتنا فيه ابيك تذوق من اللي ذوقتني وسكرت في وجهه وطرشته له مسج وكان .. تدري ان الجرح للمجروح دين .. وانت جارحني وحقك اجرحك.. وين تبعد وانت في نفسك سجين.. وين تنسى وانت ناسيني معك.. كيف تفرح وانت تاركني حزين.. جرحك مثل ظلك يتبعك.. قراها فارس عصب صارخ شوي الا وخالد بن فهد جاي وياتركي واستغربو صارخ فارس وشكله اللي مايطمن وجاوه ع طوووووووووول تركي بسرعه : عسى ماشر يافارس شفيك فارس يطالع خالد بحتقار ويتنفس بسرعه:.......... خالد يطالعه بستغراب : شفيك لا تكون انت بعد حاقد مثل اخوك فارس :........... تركي : شدخل ياخالد طلال حاقد عشان اختك ردته لكن وقاطعه فارس بصراخ : والله ماكذب طلال في اللي قال كل خواتك كلاب انصدم خالد : فارس تلايط لا امسح فيك الارض الحين فارس ابتسم بسخريه : انت مصدق عمرك ان اختك شريفه انت مسكين والله مسكين جاه خالد مسرع يبي يضربه ومسكه تركي :اذكر الله ياخالد وانت يافارس توكل ورح فارس ابتسم على كثر القهر اللي داخله وقال : اختك يابابا تكلمني من سنه تقريباً وبما انها كلمتني اكيد تلكم غيري وبما انها تكلم معنى ذالك ان الثانيه تكلم واسأل ابوك اللي صادها تركي بعد الكلام اللي سمعه فك خالد وركض معه وتهاوشو ويافارس واستمرو وفي بيت سلطان عبود جالس جنب عزوز وشيخوه وعهود اللي توها ماتدري عن خطبتها لخالد بن نايف عبود بفرح : يعني كانت حلوه اليوم عزوز اللي بارك لليلوه وندوي : تجنن شيخوه ببتسامه عبيطه : بس فستانها موب شي ملكتها وتلبس فستان قديم خخخخخ عبود بستهزاء: الفستان من لاباسه مالت عليس عهود :الا عبود من جد متى وكيف طرت عليك ليلوه ؟ عبود بستهزاء: ليلوه مالت عليس انتي الثانيه اسمها ليلى ولا مثل ماقال ابوي فهد لولي عزوز : حشى قطو مو بنت خخخخخخخ عبود وهو يوقف: عزوز يالله نروح غرفتنا اللي قريباً جداَ بافارقك منها عزوز وهو يقوم : يالله من بوئك لباب السما وراحو شيخوه : اقول عهودوه عندي لس خبر عهود : شنو قولي شيخوه : انخطبتي عهود ابتسمت : صدق وبخيبه امل بس ابوي مو موافق يقول صغيره شيخوه ابتسمت : لا بعد المسج وبعد مادرا عن الشاعر اللي تكبتينها وان خاطرس في الزواج وااافق عهود رافعه حاجب : واقف ماسألني عن رايي شيخوه : لنس قاصر مو سألس عهود : اصلن انتي كذااااااااااااااااابه شيخوه : لا والله صادقه وخالد ولد ابوي نايف اللي خاطبس عهود انصدمت وفي نفس الوقت خافت وتجمعت الدموع في عيونها وعلى طول تذكرت شكله وهو يلحقها وقالت بخوف :صدق شيخوه استغربت : يمه شفيس وتتلفت حولها :لا يكون طلع جني شفتيه وانبلمتي عهود : شيخوه صدق كلامس ؟ شيخوه بلا مبالاه : أي والله وابوي وافق سمعت امي تكلم خالتي وتقولها عهودراحت تركض لغرفتها وهي تبكي خايفه من خالد حييييييييييييييييييييييل ومن الحياه معه االاباء اللي هم فيصل وسلطان ونايف ومعهم بعض الشباب كانو طالعين بيروحون يصلون لقو الشباب يتهاوشون في الحوش ملابسهم مشتقق وتركي وخالد كانت اصابتهم اكثر من فارس بحكم ان فارس عنده خبره في الهوشات وغير كذا جسمه الرياضي كانت وجهم كلها جروووح وجلسو يفككونهم وطلع فهد بيروح المسجد انصدم من اللي شافه وجاه خالد ولده يركض خالد بصراخ وعصبيه : يبه سمعت الحيوان شيقول يقول انك صايد وحده من خواتي تكلمه بيه صدق ؟؟ فهد طالع فارس بحتقار ليش يقول : يكذب ابتسم خالد وطالع فارس بنتصار لكن على طول تحطتمت اماله يوم بدا فارس يقول القصه والكل حاولو يسكتونه لاكن دون جدوى قالهم من البر وكيف ندوي حبته وكيف لعب عليها الكل كان يسمع بأنصات وكمل وقال انه لعب عليها وان ابوه اجبره ياخذها وخذها وزور اوراق عشان يطلقها هنا فهد ماتحمل نذاله فارس وعطاه كف نفس الكف اللي عطاه طلال بس زاد على فارس انه تفل على وجهه وخلاه وراح يصلي اما فارس ركب سيارت وطلع مايدري ليه سوا كذا يمكن عشان ينتقم من ندوي ع خيانتها مايدري المهم انه حس بشوي راحه اما خالد تغافل الكل وراح للبيت ركض ونيران تطلع من عيونه مو مصدق ندوي تكلم وليه وعشان شنو دخل البيت وعلى طول لغرفتها كان يركض وواجهوه هنود والنوري طالعين بس رجعو يشوفون وش فيه دخل غرف ندوي وطاح فيها ظرب بدو البنات يصارخون طلعت ليلوه ومهوي وامهم يحاولون يفكون خالد لاكن دون جدوى ومايدرون شسالفه ولاندوي تدري وبعد ماحاولات كثير قدرو يبعدونه وخلاهم وراح يدور فارس اما فارس كان بيموت من القهر اتصل على جاسم وسأله عن بندر لنه مايعرفه وقال يبي يبارك له وعلمه جاسم برقمه ووين بيته وراحله طيران حصل بندر توه راجع من الصلاه ونزل عليه وتهاوش وياه وبندر مايدري شفيه عليه ولا ليه متهاوشين تهاوشو وشافهم هندي مار وكلم الشرطه وخذتهم ناصر درا بالي صار انقهر محتر من عياله طلال درا ويدور فارس يبي يعرف شسالفه ومعه راشد وفواز ومنصور المهم الكل عرفو ان فارس كان يكلم ندوي وبعدين درو ان فارس في المخفر وراح فيصل وطلعه وجابه معه للبيت ناصر كان في بيته ماله وجه يروح المجلس اكيد ابوه بيفشله كالعاده واختار انه يجلس في البيت وقاعد في الصاله وياعياله بشار ومشاري وفؤاد وجالس معهم وهو مو معهم يفكر في عياله وفعايلهم طلال اللي ماوجهه من يوم كان في المجلس وفارس والفضيحه اللي سواها مع الصبح ومو متصور دنائة فارس شلون يزور اوراق اما في بيت فهد بعد الهواش اللي صار جا فهد وهاوش خالد وقاله الموضوع منتهي اما ندوي كانت تبكي من قلب ورقدت وهي تبكي والى الان وهي راقده وهنود والنوري محضرين عندهم ينتظرونها تقوم يبون يطمنون عليها وفي بيت الجد رنود ولميوه وريموه وشيخوه ودلال دلال مشغوله في طراد بزرانها والبنات يسولفون شيخوه : رنود والله ماتوقعتس حقيره الى هاي الدرجه رنود بدون نفس: رجاَ سكري الموضوع مابي اتناقش فيه شيخوه تضحك : من قال تناقشي ان بس اعلمس انس حقيره رنود بدون نفس : خلاص انطمي ريموه بلعانه : الا طليل ماصار له شي انا يوم شفتس تصارخين قلت اكيد بيموت اشوف حتى وهو مسوي حادث ماصار له شي رنود طالعتها بحتقار : روحي اللعبي مع الفايف ع قولتس ريموه وهي توها تتذكر : ايه صدق اليوم ماشفتهم شيخوه وين خواتس ؟ شيخوه : ايه ماقلت لس ريموه : شنو شيخوه وهي تلبس عبايتها :قومي نروح واقولس في الطريق عن المصيبه وراحو الثنتين لميوه بدلع وميوعه :رنود يابيخس عاد لمتى بتتهاوشين ويا البنات رنود : مالت عليهم يقهرون لميوه : هذا طبعهم من الله خلقهم وانتي غلطي ع ليلوه هي ماقالت كل الكلام من فراغ رنود : شلون لميوه : انتي تدرين ان طلال دايم يحب يحرجها ويقهرها فاللي قالت رد طبيعي وبعدين انتي المفروض تكونين عنصر ماحييد يعني لاتنحازين لحد رنود : مدري يالموي بس اللي اعرفه اني من جد تضايقت عشان طلال لميوه : حرام ليلوه ماتستاهل انس ماتروحين لحفله خطوبتها والله حرام رنود بندم : خلاص نتكلم في الموضوع بعدين اما في بيت ناصر جاء فارس وهو حده تعبان مواصل يومين ووقفه الحجز كسرت ظهره والهوشات هدت حيله غير السفر وماله خلق احد اول مادخل الا وابوه في وجهه معصب ناصر بعصبيه وقهر : عجزت يافارس اسامح وارقع غلطاتك متى بتكبر؟؟!! فارس بقهر وصراخ :خانتني يبه لعبت بمشاعري تكذب علي ناصر بصراخ وداخله حزن الدنيا : بيتي يتعذرك لانت ولدي ولاعرفك مابي اشوفك خلاص ذبحتني بكثر غلطاتك وكل وحده اكبر من اللي قبلها اعنبوك انت مجرم شلون تزور اوراق عشان اطلق بنت عمك بعد مالعبت عليها ويوم طلقتها ترجع تكلمها وتلعبها انت مريض يافارس مريض ومالك علاج يالله معاد ابي اشوفك فارس بقهر : اصلاً انا بعد مابيكم ولابي حياتكم تعبت من الغربه عندكم مليت ابي ارجع لحياتي وبطلع الحين وراح ركض فوق ياخذ اغراضه مشاري بخوف : يبه ليه فؤاد : يبه انت معصب اذكر الله بشار: وشسالفه شفيكم احد مات ناصر بصراخ : مابي اسمع صوت احد فيكم مشاري راح ركض يعلم امه فؤاد خذا بشار رواح غرفتهم لن ابوه ماله خلق احد اما فارس خذا اغراضه وتوه عند الباب بيطلع الا ويسمع صوت امه تناديه بس طلع وهي اسرعت وزلقت مع الدرج وطاحت ووعلى طول وداها ناصر للمستشفى وفارس مايدري عنها حجز اول طياره لفرنسا وراح للفندق يرتاح لنه تعبانه من السهر والهوشه والسفر اما مشاري ماخلى احد ماعلمه كلم منصور وعلمه وكلم طلال وعلمه طلال انجن شلون يطرد فارس وراح يدور فارس يدق عليه مايرد لن فارس اخذ شور وراقد لنه حيل تعبان المهم في اليل الاغلبيه راحو للمستشفى يزورون لولوه اللي ولدت قيصري وجابت ولد وانصدم ناصر كان يبي بنت ودلوعه قعدت تبكي تقول ماتبي الولد تبي بنت اما في بيت فهد البنات كلهم جالسين اللي هم شيخوه ومهوي وندوي والنوري وهنود وريموه وعهود اللي كالعاده راحت لها ريموه وسمحتها وجابتها معها اما لميوه وماجات جالسه مع رنود وندوي جالسه تقولهم قصتها ويافارس بتفصيل الممل ليلوه انقهرت ليه ندوي ماعلمتها ريموه مستانسه ان ندوي انتقمت وطلع عندها كرامه كانو يسولفون عن ندوي وعن حياتهم الجديده المهم الكل راح لبيته يرقد ثاني يوم العصر اخيراَ طلال حصل فارس وراح له بروحه طلال بحزن على حال فارس: فارس ماتستاهلك هي فارس بقهر كان وده يبكي : طلال خانتني طلال تنهد : حال الدنيا فارس بقهر وحزن : هاذي رابع خيانه في حياتي اختي خانتني وعمتي خانتني وبنت عمي خانتني ::وقال بهمس::وحبيبتي خانتني سكت طلال مالقى شي يقوله وبعدين قاله عن امه وعلى طول راح لها فارس بالمستشفى وبعد المغرب في بيت فهد في المكتب ومنادي ريموه والبنات كلهم في الصاله اللي فوق ليلوه بخوف : ضنكم وش ريموه مسويه ؟ مهوي : عساها ماذبحت بشار عهود :وجع بديت احاتيها شيخوه : يمكن احد خاطبها وابوكم بيقولها ندوي رافع حاجب : لا يكون تروك قرر يخطبها النوري : لاشدعوه واحنى اخر من يعرف ندوي : شدراني بعد ليلوه : يالله انك تعيني ع الانتظار نجود :فايف تذكرو يمكن سوينا شي ونسينا وبدو البنات يحطون احتمالات وفي مكتب فهد جالس وعنده مرته العنود وريموه جالسه وهي خايفه تكون سوت شي وناسيه فهد : ريموه انا مناديس ابي اعرف رايس في شي ريموه مستغربه " ياربي استر " تفضل يبه فهد ابتسم : شهالادب العنود : فديت بنتي من يومها مؤدبه فهد شاف ريموه متربكه قال خلى اللعب بعصابها : المهم امس الساعه 12 في الليل وينس فيه ؟ ريموه بلعت ريقها وتحاول تتذكر لاتكون مسويه شي بعدين قالت : اجل شدخل رايي مدامك بتحقق معي فهد ابتسم : كنت بالعلب عليس واللعب بعصابس بس انتي صدتيني المهم تعرفين ياقلب ابوس انس الحين بدشين سنه ثانيه جامعه ريموه : ايه فهد :عمس سلطان خطبس لـ ريموه بنفعال قاطعته : لالالا مو موافقه مابيه ومادانيه العنود بستغراب : شفيس خلي ابوس يكمل ريموه بقهر :ادري وش يبي يقول واضح يعني ابوي سلطان خاطبني واضحه يعني خاطبني لتروووك الخايس ضحكت العنود وضحك فهد فهد : هدي وشفيه ترووك ماتبينه ريموه : مابلعه يبه الله يخليك قله لا مابيه تقول ماتفكر في الزواج الحين وبعدين كبير اكبر مني تكفى يبه مابيه فهد : اولاَ مستحيل اجبرس على شي ماتبينه ثانياً اللي اخطبس موب تركي اللي خاطبس فهد ريموه تنحت : من؟ فهد : بعد من السمي فهد ريموه سرحت " صدق اني غبيه دايم اسولف معه عادي كنه اخوي واهو اكيد ماكان يطالعني مثل اخته والله اني غبيه عن يومك يافهادان اجل تخطبني " فهد : وين وصلتي ريموه : مدري يبه خلني افكر ضحكت العنود : وين اللي ماتبي تتزوج ضحكت ريموه وستأذنت وراحت راكض للبنات وقالت لهم وانصدمو اكثر شي بنات سلطان لنهم مايدرون وجلسو يتناقشون اما شيخوه وخواتها عصبو وسوو ماعرضه وراحو لبيتهم يقولون طوفناها يوم خطبتو لعبود وماقلنا شي اما فهدان لا واللف لا وراحو ليلوه مبتسمه : حركات يافهدان خخخخخخخخ ريموه : شرايكم يابنات مهوي : وافقي عهوده اللي اصغر منس بتتزوج بعد كم شهر ريموه : لا انا اذا وافقت مابي اتزوج الحين ليلوه تضحك : ريموه اذا وافقتي منتي مفتكه مني بتلحقيني هههههههههااااااااااااااي ريموه وتوها تتذكر : وناسه بنصير مع بعض هييااا وجلسو البنات يسولفون وفي البيت البنات الاربع نجود وشيخوه وعهود والنوري معصبين ومسوين اجتماع طارئ كل عائله سلطان مجتمعه في الصاله عادا جواهر شيخوه بقهر: ليه حرام عليكم احنى مو بناتكم ليه ماتعلمونا سلطان : مسوينها لكم مفاجئه خلود :ايه ابوي صادق اهم شي اني داريه والباقين موب ضروري عهود :هي انتي من قال المهم انتي تلعبين ع رووحس نجود : ايه والله ابوي يقول مفاجئه مالت عليس خلود : عيب عليكم احترمني فديتني انا وبنتي اللي في حظني اطالعكم شيخوه : انثبري نعود لمحور حديثنا عهود: ايه بعدين انا اذكر تركي ناشب في حلق ريموه ليه فهد اللي يخطبها تركي ضحك : وانتي من جدس سامح من روحي اخذ ريموه انا ابي بنت هاديه مو هالمتوحشه فهد رافع حاجب : تروووك حسن ملافضك ولا تتكلم عن حرمي الكل ضحك على فهد اللي مصدق نفسه والبنت توها تفكر المهم مر سبوع ناصر حالته حاله لولوه في المستشفى ونوره مرافقه معها طبعاً كانت بترافق معها خدامه بس نوره لنها طيبه رافقت هي وبنات لولوه سحر وشهد كانو مسافرين فؤواد اخذ بشار وانحاشو لمهم وناصر انجن سأل امهم قالت مدري عنهم واتهمته انه ضيعهم و مشاري هايت من مكان مكان يصور فارس سافر لفرنسا بيكمل دراسته هناك وبيستقر هناك وامه من درت وهي دموعها ماتوقف وعطى طلال شريط فديو وعلبه يقول وصلها لندوي ريموه وافقت على فهد بعد دراسات سوتها وقالت فهد فاهمني من الله خلقنا واحنى مع بعض ويعرف كل شي عني وبعد مع ذالك شكله مقبول واحسن من تروك الحقير والكل استانس وقررو يملكونهم بس تركي غار من فهد وقرر يخطب وقال لبوه يخطب له هنود وفعلاَ خطبها وافقت وبيسون ملكتها مع ريموه وعهود طلال بدا الشعور بنقص يختفي بمساعه راشد وفواز ومنصور احياناً وراح واستسمح ابوه فهد على الكلام اللي قاله وسامحه فهد وعذره اما ناصر كان يتمنى يجي فارس ويعتذر من فهد مثل طلال ! مع الظهر في غرفه منصور دلوعه تبكي تبي امها منصور وهو يضمها : ياقللبي يادلوعه وين اوديك هالحزه لمك العصر هي بتطلع دلوعه تبكي وبدلع : لالا ابي امي انا اليوم ماشفتها وتشاهق منصور متوهق مشاري هايت وطلال راقد وابوه راح يدور اخوانها فؤاد وبشار وتورط بها منصور : طيب شرايك تروحين تلعبين مع صديقتك دلوعه بين شهقاتها : انا اكلم شهد وماترد ابيها تجي ومي راقده ونصور عند خواله كسرت خاطر منصور : طيب ياعمري روحي لها في البيت دلوعه تبكي بدلع : شيخوه اطقني اذا جيتهم تقول المايعه الصغيره صيري مره ابتسم منصور من تصرفات شيخوه الغبيه :خلاص ياقلبي باروح معك دلوعه وهي تمسح دموعها : اجل يلاا ونزل منصور ويادلوعه رايحين لبيت سلطان راح للمجلس وجلس ويادلوعه ودق ع راشد مارد دق خالد مارد وتوه بيدق الا ويسمع صوت بنت :شيخوه طسي جيبيها من المجلس شيخوه تتحلطم : اخر مره اللعب معكم اوامر ابتسم منصور يوم لمعت في راسه فكره وقال لدلوعه لا تعلمين اني هنا ووقف ورا الانتريه وباقي جسمه ورا الستاره بحكم ان ديكورها طالع ع برا يعني بعيده عن الجدار شوي وفي بيت فهد ليلوه توها راقده وريموه مسيره ع خوالها ويا امها وندوي توها قاعده من النوم وتحصل شغاله بيت عمها ناصر وعطتها الشغاله شريط فديووعلبه كبيره وقالت يقول طلال من فارس خذتها ندوي وشغلت الشريط والبدايه كان فارس يتكلم كان جالس في غرفه الفندق ومخلي الكميره تصوره كان كله جرووح بعد الهواش فارس :بصراحه تستاهلين شهاده على هالتمثيل اللي اتقنتيه وتستحقين شهاده على الجرح اللي سببتيه لي كثير ناس حاولو يجروحني يهزوني لكن ماقدرو عمري ماوثقت في انسان كثر ثقتي فيج ندى اشكرج يابنت عمي وحبيبتي سابقاً انج وعيتني وعلمتيني ان مستحيل تكون فيه بنت ماتخون اشكرج وهاذي الاغنيه اهداء لج اعتبريها هديه بمناسبه حصولج ع شهاده التمثيل والخيانه والجرح وبمناسبه خطبتج وغنى فارس بصوته الهادي الحلو اللي ندوي تعشقه وندوي جلست تشوف وتسمع و تبكي كان صوت فارس يغني والصوره كانت على الفستان الابيض حق الفرح اللي شراه من الامارات وعلى السياره الانفنتني اللي شارها عشان خاطر ندوي وعلى جواله وهو يبطل مسجات ندوي الغراميه وكانت الاغنيه قهر ماكنتنا ادري تعيش بقلبي كذابه قهر توي عرفت انك على الحبلين لعابه كذب كانت سواليفك وكل كلمه على كيفك وانا اللي احسبك روحي ولقلبي اقرب احبابه وفيت لقلبك بعمري ولك ضحيت بيامي لقيتك للأسف كذبه اعيشبها مع احلامي نعم صدقت كلماتك ولا ادري بنياتك وهاذا اليوم انا كلي ندم من راسي لقدامي 4shared.com - free file sharing and storage بعد مانتهى دخلت ندوي في نوبه بكاء قويه لين جاوها هنود والنوري وجلسو يواسونها ويذكرونها انها انتقمت شر انتقام المهم بعدين بطلت ندوي العلبه وشافت الفستان اللي هو شاريه ورجعته للكيسه وحطت معه كرت وكتبت الف مبروك لأحلى عروس وخلت السواق يوديه لبيت سحر اخت فارس اللي قريب بتتزوج وفي مجلس بيت سلطان شيخوه متخصره عند دلوعه :انتي وش تسوين في مجلسنا ياحقيره دلوعه بدلع وميوعه : ابي شهد روحي ناديها انا طفشانه في بيتنا شيخوه : ليه طفشانه وين اهلس وخاروفس نصور وينه ؟ دلوعه : نصور راح لخواله وطلال راقد ومشاري مدري وينه ومافي البيت احد شيخوه ابتسمت : ومنصور وينه ؟ استانس منصور انها سألت عنه دلوعه ضحكت وحطت يديها على ثمها بحركه طفوليه شيخوه استغربت : وينه منصور حثلها وقال بطلع وطلع وجاء من ورا شيخوه وقال منصور برومنسيه : عيون منصور شيخوه مانتبهت انه منصور عبالها احد من اخوانها : شفيها عيونه لايكون انحول اذا انحول خلوه يطلقني ماناقصني الا احول ههههههههههههاي منصور واقف وراها ومنصدم معقوله مادرت انه هو ولا تستهبل منصور ابتسم : حبيبتي اقدر اكلمك شوي شيخوه وهي معطته قفها واطالع دلوعه : حبيبتي اقدر اكلمك شوي انت خبل يالي وراي يوم لله عانك وقلت لي حبيبتي تكلمني كني رجال مالت عليك منصور ابتسم وقرب منها : حبيبتي ممكن اكلمس شوي شيخوه لفت عليه وهي تضحك واختفت الضحكه يوم شافت منصور وسكتت اطالعه وهي منصدمه "الله يعلنه وش اللي جايبه أأأأي يابطني يمه وش اسوي " منصور يطالعه برومنسيه : شفيك حبيبتي ليش خايفه ممكن اكلمك شوي شيخوه متحنطه مكانها : "جعله المرض والصرطان قد لنا ساعه وهو كل شوي يقول شوي " منصور مسك يدها: اقدر اما شيخوه اول مامسك يدها حطت رجالها داخل وكان شكلها غبي وهي تركض ابتسم منصور ع حظه وجلس الا وسلمان داش وقاله روح ناد بنت اخوك خالد دلوعه تبيها | ||||
|  |
|
07-04-13, 11:38 AM
| #172 | ||||
| نجم روايتي ومشرفة سابقةومصممه
| المهم مرت ايام ولولوه طلعت و من خلال هاليام اللي جلستها في المستشفى عرفت انها اخطت في حق نوره واستسمحت منها ونوره سامحتها طبعاَ ورجعو (سمنه على عسل) ناصر لقا عياله وجابهم وهددهم اذا انحاشو ثاني مره بيحرمهم من امهم وبيروحهم لفرنسا يدرسون بدمرسه داخليه وخافو ووعدوه ماعاد ينحشاون تملكو البنات والشباب هنود واخوها خالد عهود واخوانها فهد وتركي وريموه سووو حفله عوده كالعاده وجابو الشبكات للبنات وشبكه رريموه كانت منسقه مع بعض منسقها فهد كان السلسال عريض والعلاقه مدخل معها اسود وعليها وجه حق القراصنه (: وريموه مستانسه ان فهد من البدايه فاهمها واتقول الحين فله كل يوم بنروح نتمشى ونسولف بدون محد يقولي شي هنود كانت مستانسه بتركي حيل وتركي بعد لنه يبي بنت تكون هادي مو مثل ريموه شيطانه اما خالد بن نايف كان عادي عنده خذا عهود لمجرد الزواج وفي ملكت ريموه جات رنود واستسمحت من ليلوه بعد ماشتاقت لها حيل لن ليلوه معاد صارت تروح بيت جدها الا نادر واعتذرت ورجعت المياه لمجاريها فارس استقر في فرنسا وقرر يغني يبي يصير فنان ودرا ابوه وعصب عليه زياده بس هو معاد احد هامه وجالس يحضر لأبومه الاول اللي عنوانه ((خيانه)) حاولو الشباب والكل يقنع فارس ان اللي يسويه غلط بس ماعبر احد وقال مالكم دخل فيني اعتبروني مو ولدكم . طلال عادي حياته مستقره وراشد وعبود ومنصور عرسهم مع بعض ماباقي عليه شي ليلوه ومهوي شرو اغراضهم مع بعض تجهزو نفس الشي الثنتين خاصه وهم نفس المقاس فساتين العرس سوا والزفات سوا مع اختلاف الاسماء غرفهم نفس الشي نفس الالوان نفس الاثاث كانت ليلوه بليته ماتستحي تروح شيخوه تقول لعبود سوا كذا وسوا كذا عكس مهوي اللي ماتتجر تقول حرف واحد لراشد اما ارشد كان ميت من القهر يقول ياحظك ياعبود ليت مهوي نفس ليلوه بهالصفه الحلوه (: المهم ليلوه اكتشفت ان المسجات اللي قد لقتها في جوال يوسف كانت من اميره يوم زارت قطر يعني يوسف طلع مو راعي بنات باقي على العرس 10 ايام في بيت الجد في الصاله اللي فوق عزوز عازم روحه عند البنات وطول الوقت يسولف وليلوه تتامله ليلوه سرحانه في عزوز اللي نسخه عبود " والله احلى مافيك هالعيون الكحيله خخخخ" عزوز شافها وضحك : صااااااااااااااااااااادوه ليلوه كنتي تشوفين عبود فيني صدتس ليلوه انحرجت : لا والله تنكت مع وجهك مهوي ضحكت : الله يادنيا ليلوه : ماعلينا عزوز قل لخوانك يسوون شهر عسلنا انا ومهوي مع بعض مهوي ابتسمت وتجرات :ايه وقل بعد نبي نروح نيوزلندا عشاني احب الطبيعه عزوز : أي اومرثانيه ريموه من اخر الصاله : قل لخوك فهود لعد يزعجني اخر ليلول عزوز ضحك واللتفت على هنود اللي استحت :وانتي مافي خاطرس شي صاير لكم مرسال الغرام هنود سكتت بخجل عزوز : فديت بنات ابوي نايف خجولات مو مثل ناس ويطالع ليلوه ثم ريموه ليلوه ابتسمت وريموه بعد عزوز : وانتي يالميوه مافي خاطرس شي انتي وعهود والنوري والشوخي وندوي لا ندوي لا ماعرف رجلها خلى توصي مشيعل شيخوه : أي انا في خاطري شي عزوز : وشو شيخوه : ابي ااجل العرس عزوز: حرام عليس قد رجلس بيعنس خخخخخخخ شيخوه لوت بوزها وسكتت والشباب كلهم في المجلس وكالعاده كل مجموعه في جهه عند طلال وشلته راشد سرحااااااااااااااااااان طلال ويضرب راشد : في شنو سرحان اكيد فيني راشد بدون نفس: وجع والله انك قلق فواز : لا من جد في شنو سرحان ؟ّ راشد : يعني الواحد مايقعد مع نفسه شوي !! طلال : شلون يجلس مع نفسه انا عن نفسي ساحب عليها راشد : وانت يالنسيب فواز : شفيني فديتني راشد : متى تجلس مع نفسك ؟ فواز ابتسم : في الحمام راشد بقرف: تجلس مع نفسك في الحمام ؟ فواز ببتسامته : ايه لني اكون فاضي فاجلس معها طلال ابتسم :تصدق اعجبتني الفكره اذا بجلس مع نفسي بجلس معها في الحمام جاسم اللي سمع اخر كلمه مسك اذن طلال : من اللي بتجلس معها في الحمام ؟ طلال وخر عنه : وجع مالت عليك وعلى افكارك الوصخه جاسم : ياسلام تقول باجلس معها في الحمام وتقولي افكارك وصخه احسن من افعالك الوصخه طلال رافع حاجب : انت الحين ماسكني وياها في الحمام ؟ جاسم : لا طلال : اجل ليه تقول افعالك الوصخه شوي وجاء نواف وجلس : منهي الوصخه ؟ جاسم : صديقه طلال اللي كانت معه في الحمام نواف رافع حاجب: كنت مع صديقتك في الحمام ؟؟؟؟؟ طلال : الله يشفيكم فواز يضحك :جسوووم انت فاهم غلط جاسم وهو يقوم : مافي امل ترقع الموضوع اجل بيجلسون في الحمام يصير خير وراح طلال : هذا فهموه قبل يفضحني عزوز وهو يجلس : ليه وشنت مسوي الله يفضحك كانك فضيحه طلال تنهد : يالليل مطولك نواف: هذا الله يسلمك طلال مواعد صديقته في الحمام عزوز : افا عليك يابو ناصر ضاقت فيك الوسيعه تواعدها في الحمام غرفتي تحت امرك طلال : مالت عليك انت وغرفتك واخوك راشد معك هالمفهي واستمروووو وعند ريموه واقفه عند باب المطبخ تسولف ويافهد ريموه الي متعنزه ع الباب : يالليل يافهدان تراك ازعاج فهد : وجع وش فيس ريموه :مايسوا علي هالفلم اللي خذيته منك كل شوي مرتز بشوفه معس فهد : طيب انا شاريه نشوفه انا وياس مو تروحين تورينه الشله وتسحبين علي ريموه ابتسمت : اقول شرايك نروح انا وياك السينما::فهد ابتسم:: وناخذ خواتك معنى فهد ماد البوز : اذا اانا وانتي بروحنا نروح ليش لا اما خواتي مابيهم ريموه : مالك امل نروح بروحنى لذالك خلى ناخذ خواتك ونطس نشوف لنا فيلم حرب ونستانس معاَ خواتك معذبتهم الرقه مايحبون الافلام اللي فيها رعب او عنف فهد ابتسم : بنات اكيد مايحبون هالافلام ريموه رافعه حاجب : شقصدك ؟ فهد : ولا شي اذا بتروحون اتصلي لي وراح وفي المجلس مشاري جالس في اخر المجلس وياسلمان يوريه الفلكر حقه اللي يمكن فيه 2000 صوره لا ومسوي قروب مشاري يطالع صوره اللي بلاب : شرايك سلوم احط ذي الصور ولاذي سلمان بملل مايحب الصور : مدري عنك الا وين مجوود مشاري : راقد مالت عليه شوي وجاء منصور وجلس عندهم : شتسوون ؟ سلمان : ابد مشاري يوريني الفلكر حقه منصور وهو يسحب الاب :اشوف عندك فلكر ولا تقولي مشاري مبتسم : شوفه وعطني رايك في اخوك المبدع شوي وجاء يوسف وجلس جنب منصور : شتسووي ؟ منصور يطالع الصور :اطالع ابداع اخوي وجلس يوسف يطالع مع منصور ومشاري راح داخل منصور مبطل عيونه ع الاخر وهو يشوف الصور صوره لطلال جالس ع الدرج ونصف جسم امه طالع وراه صوره فارس وطلال ومنصور عند الباب ورنود وراهم من بعيد مو مبينه غير هيئتها واخرا شلت بنات يتهاوشون في الحوش اكيد الفايف بالعبايات واخرا الجد والجده يتقهوون كثير صور العائله كلها طرف فلانه يدين فلانه الخدامات في المطبخ البنات جالسات في الصاله رنوود راقده طالع بس قفاها البنات الصغار كلهم شوي في المسبح وشوي في البر وع البحر يوسف وهو رايح واميره معه بالعبايه ابوهم فهد ويا الجد خالد بن سلطان ويامرته في السياره ومعهم برزانهم المهم الصور كثير يعني فظيحه للعائله صور اغلبها فضيحه كان مشاري غبي على باله سهالات لا ومسمي الفلكر ولد النايف انجنون الشباب ونادو الباقين يشوفون الكل يصارخ واللي يدعي والكل يسأل عن مشاري اما مشاري توه بيدش المجلس الا ويسمعهم تروووع خاااف شسالفه شوي وطلع عنده سلمان سلمان بخوفوهو يسحب مشاري : ياويلك صور حريمنا يالخايس مطلعها في الفلكر مشاري وخاف: ليه شسالفه سلمان : بيذبحونك ياويلك منهم مشاري : شنو الصور اللي شافوها ؟ سلمان وهو يطل في المجلس : صور فيها اطراف البنات وجدتي لقو لها صوره مشاري تذكر انه حاط البوم لجدته وخاف وانحاش ويا سلمان سلمان : والحل الحين مشاري بخوووف: شدراني تكفى سلووم صرفني بيذبحوني الحمد الله فارس مو هني ولا كان الحين ميت انا وجلسو يفكروون وعند البنات كل مجموعه بروحها شيخوه تكلم رنود : يعني يالحقيره اللي كان يزعجني منصوروه صدق غبي شايب وكنه مراهق رنود وتضبط اظافرها : يبي يعرف عنس شي مالت عليس عزتي لعيال اخوي مهوي تكلم ليلوه : الحين هالكائن الغريب بيتزوج معنا ليلوه وهي اطلع شيخوه : خخخخ ايه شوي وجات عهود :ليلوه طسي لعزوز تحت شكل عنده مصيبه !! ليلوه : بعدين الحين مشغوله ماتشوفينا نتناقش عهود : الله ونقاش عااد شيخوه : انا شكلي هونت مو ماخذه منصور والله اني تورطت به مهوي : الله اعلم من اللي تورط بثاني شوي وجات لميوه وعيونها تلمع ومستانسه ومعها علبه شكلها يجنن وبصوت عالي : بنات البنات انتبهو لها لميوه بفرح : اليوم عيد ميلادي ومحد تذكر غير خلووود ليلوه بلامبلاه : بس على بالي احد مات مالت عليس يالمايعه مهوي : صدق تافهه ندوي : فديت اخوي الذووق الله عهود : ليلوه طسي شكل عنده مصيبه مهوي وهي تقوم : يلاا نشوف وش عنده ؟ عهود : اعتقد انا اقول ليلوه انتي وين قااطه ليلوه وترجع تجلس : اجل مو رايحه الا انا وياها عهود : شوي بكلمه وبرجع وراحت وفي غرفه مجوود مشاري شوي ويبكي مشاري بخووف : مجوود تكفى قووم مجود مطنش : امممممم سلمان : مجوود قدر الوضع عندنا مصيبه مجود : امممممم مشاري معاد قدر يتكلم لنه خلاص بيبكي سلمان رحمه ويمثل الحزن : مجود قوووم جــ د جد جدي مات مجود نط مثل المقروص وقال :ها سلمان ابتسم وهو يشوف الخوف ع وجه مجود : مات من الضحك ههه مجود بحتقار : قول والله ::بعدين انتبه لوجه مشاري :: وانت وش فيك ؟ مشاري برجا : مجوود تكفى هكر فلكري تكفى مجود بستغراب: اهكر فلكرك ؟ ليه !! وجلس مشاري يقول لمجود السالفه وعند البنات عهود : يقول عزوز اول شي تجي مهوي ثم ليلوه مهوي قامت : يلاا ليلوه لا تتاخرين وراحت مهوي وبعد شوي جات عهود ونادت ليلوه وراحت لعزوز الي جالس بغرفه الحريم بروحه دخلت عبوود برتباك : سكري الباب ليلوه وهي تسكر الباب :وين مهوي ؟ عبود : راحت تعالي ابيس بسالفه وجات ليلوه وجلست مقابله عبوود : هلا شعندك وبعدين ليه شكلك كذا كنك مرتبك ؟ عبود بلع ريقه :هاه لا ولا شي ليلوه : طيب غرد شعندك ؟ عبود مرتبك : بصراحه وودي ودي اسولف معس شوي عن اخوي عبوود!! ليلوه انحرجت : بخصوص شنو ؟؟ عبود :عن أي شي شرايس فيه !! ليلوه جلست اطلع عبوود بشك !!"هذا لا يكون ععبيد لالا شدعوه طيب ممكن هو انا خطيبته ومالكين شيمنع لا مستحيل ماعتقد بعدين لوه عبوود ماكان نادا مهوي " عبود ابتسم وجلس يتأمل ليلوه وهي سرحانه اما في غرفه مجود اول ماخلص مشاري كلام الا ووليد داخل والشررار يتطاير من عيونه مسك مشاري وطقه لين حب الارض عطاه محاضره شطولها وشتمه يالي ماتستحي يالرخمه يالي ماعندك غيره يالواطي ......الخ وطلعو ليلوه وعبود على الصراخ وتو وليد طالع الا ويشوفهم طالعين من الغرفه ووقف بعصبيه :شسوون ؟ عبود ارتبك ليلوه وهي متغشيه : عزوز كان عنده سالفه بيقولها لي الا مهوي جايه من الغرفه الثانيه ومعها عزوز وليد يطالع عبوود وعزوز عبود زاد ارتباكه وليد يطالع عبوود : يالي ماتستحي ليلوه استوعب ان اللي كانت معه عبوود وعلى طول انحاشت فووق وهي ادعي على عبووود اما وليد جلس يعطي عبود محاضره عن الاخلاق والقيم ويقول كان انطميت ماباقي ع العرس الاسبووع اما ليلوه اول ماوصلت فووق مسكت عهووود وكنست فيها الصاله اللي فوق ولمعت بها الطاولات بعد بمساعده من ريموه اللي ذبحتها النخووه خخ يوم نادتها ليلوه وطلبت الفزعه وليلوه تقول هين ياعبوود ان مانتقمت منك المهم مشاري الكل بدى يحتقره ومسحو الفلكر ماخلو له اثر وفؤاد كره مشاري عمره كل شوي يذكره انه رخمه وبشار في الطالعه والنازله ينادي مشاري ابو فلكر ويضحك لين كره مشاري عمره مع الصبح في بيت فهد ليلوه وهي ماسكه بنتها مهااوي تلعبها جاتها بنتها حصه ::مسميتها على ام ابوها:: حصووه الي عمرها سبع سنين : يمه شفتي الحقير الواطي نويصر ولد طليل شسوا ليلوه تذكرت انها ماداني طلال : اكيد مسوي مصيبه حقير مثل ابوه شسوى ؟ حصووه : يقول ان ابوه يقول اني بطلع حقيره مثل امي ليلوه بصدمه : وسكتي له !! حصووه ابتسمت : افا عليس يمه انتقمت منه ليلوه ابتسمت : بعدي بنتي وش سويتي ؟ حصوره بلعانه : بعد شسويت انتظرته قدام بيتهم ورا الشجره اول ماشفته جاي الا وقط عليه ذيك الحصااه لين ماخلت فيه ولا ضرس ليلوه بفرح لن بنتها مبدعه في نظرها : بعدي والله يستاهل لوس بعد عطيتي ابوه حصااه بعد كان احسن شوي وداخل عبد الله عبوود زوجها معصب : حصوووه حصوووه ووجع حصه انحاشت اكيد بيهاوشها عشان نصور ولد طلال ليلوه : هلا عبوود شتبي عبود عصب: اصغر عيالس انا عبووود ليلوه ابتسمت يوم شافته معصب : خلاص يابو حصه عبود عصب زياده : وينها الحيواانه اعنبوها كسرت اسنان نصور الاربع اللي فوق والاربع اللي تحت اعنبوها شهالعنف اللي عندها ليلوه ابتسمت : بعد شسوي بنتي ومربيتها ريموه شتنتظر منها ؟! وفي قسم مهوي حصوه منخشه عندهم حصوه تسولف مع سلطان ولد مهوي ومهوي وراشد جالسين يسولفون حصوره : اقولك ابوي بيذبحني سلطان اللي عمره 8 سنوات وهو يهز راسه اسف: انتي غبيه انا ماقلت لس لا تسوين شي لين تعرفين عواقبه يعني ياغبيه الحين نويصر شافس وعلم ابوه لوس معلمتني كان شفت لس خطه عدله مهوي تكلم راشدوهي تشوف بطنها : ها حبيبي شرايك اذا بنت بسميها ليلى راشد ماسك يدها بحنيه : ياقلبي شلون يعني وامي موب عدله مهوي ابتسمت : خلاص حبيبي اذا ولد بسميه نايف شوي وانفتح الباب بشكل همجي وظرب في الجدار بصوت مزعج ودخلت حلا بنت ريموه اللي عمرها 3 سنوات عربيجيه بكل ماتحمل الكلمه من معني وعلى طوول مسكت سلطان ولد مهوي من شعره وسحبته بعنف راشد يركض يفك ولده من يدها وسلطان يبكي لنه ماقدر يفك رووحه حلا اللي وجها كله مشووخ : وين كووولتي خله يجيبها "وين كروتي " راشد بعد مافكها ودزها بعيد : وجع عيب حلا بنظرات احتقار لراشد : تلايت انت وولدك الخايس امي تقول لوحي تكيه خليه يجيبها ::تلايط انت وولدك امي تقول روحي طقيه خليه يجيبها :: راشد عطاها كف لخبط وجه وطردها وصك الباب :هالبنت سببت لولدي عقده اعنبوها شبر ومسويه مصايب مهوي :طالعه ع امها وفي اليل الكل مجتمع في بيت الجد والبيت صاير حضااانه ولد ندوي جالس جنبها بأدب 5 سنوات : يمه شوفي عنووده بنت خالي خالد شعرها يجنن وبنت لميوه جالسه جنب امها تحط لها كريم وولد شيخوه بنطط بغباء وهو يشوف نوره ام طلال ويقول : جدتي حصه جات جدتي حصه جات شيخوه بقهر : ياغبي هذاي جدتك نوره مو حصه نويصر ولدها بعبط : عااتي كلهم جداتي وانا ابي اسمي جدتي نوره حصه شيخوه رافعه حاجب: وليه تنطط طيب ليه مستانس ابتسم نويصر بعبط مع اسنانه المكسره : كذا ابي انط يمه شرايس نلعب ؟ شيخوه ابتسمت : يالله نروح نلعب فوووق وفي المجالس الشباب جالسين كلهم يشجعون حلا بنت ريموه وفهد وهي تمسك في ذا البزارين واطق فيهم ذبحتهم نصور متمسك في ابوه حيل : يبه جات جات طلال تنهد وهو يشوف حصوه تدخل المجلس حصور مرت جنب طلال ويا ولده وقالت :بوووو هههههههههههههاااي طلال يطالعها ويطالع راشد اللي يراقبهم :خير!! حصوره ابتسمت بعبط : اقول بووو امي تقول اذا شفتي العله ويا ولده قولي بوو ويموت ههههههههههااي راشد قام يبي يظربها بس وين انحاشت شوي وجا سلطان ولد تركي وولد هنود بسرعه صوب ابوه اللي يشرب قهوه : بابا لا تشرب القهوه مضره بصحه تركي :زين رووح العب هناك سليطين بابا ترا القهوه فيها وقاطعه تركي : خلاص سليطين رووح شوي وجات حصوووه ضاربه 1000 ومسكت سليطين ومسحت فيه الارض بمساعده من نصوور ولد مهوي شوي وقااامت ليلوه من الحلم :يمه حلم ثم ابتسمت فديت حصوووه بنيتي والله -----------يوم زواج ليلوه ومهوي وشيخوه ------------- وفي الفندق طاقم كوافيرات عند البنات ليلوه والكوافيره تضبط تسريحتها : مشاعل الحين هالعله ناشب في حقلي في كل مكان ؟ مشاعل اللي تعدل فستانها : خير انتي ليه محتره خليه على كيفه عبود : يالليل ليلوه انتي ليه تكغهيني انا شسوويت لس ليلوه بلعانه : مابلعك ويالله اقلب وجهك الخايس عبود : تبلعيني ..!! ليه لقمه غز ! (رز) ليلوه بصراخ : طلعووه جعله الجلطه اعنبوكم انا عروووس المفروووض وتوفرون لي راح البال مو تجبون هالعله مهوي في الجهه الثانيه من الغرفه : مشاعل وجع خربتو مزاج العرووس مشاعل رافعه حاجب : وانتي غريبه !! ماتوترتي مهوي تنهدت وهي تشوف نفسها بالمرايه : الا متوتره ندوي جايه تسحب فستانها اللي شطوله كنها هي العروووس : كللووووووووش الف مبروووك ياعراااايس ليلوه : الله يبارك فيس ياقلبي ندور رافعه حاجب : قلبي مره وحده !! ليلوه تنهدت وسكتت مرتبكه حيل ومتلخبطه شوي ومستغربه من نفسها !! كيف تلخبطت وعند الرجال طلال وفواز جنب راشد ومستانسين حدهم لن حبيب قلوووبهم رشوود بيتزووج طلال بفرح : الله يارشوودي اخيراَ ياااحظك راشد : وجع معرس تقولي رشوودي ياخي راعني وبعدين اذكر الله فواز : صدق ماعندك سالفه طلول المفرووض تقول الشيخ راااشد راشد مستانس اخيرا بيتزوج حبيبة قلبه مهاااوي :والله انك صادق يانسيب اما عبود يوزع ابتسامات ويا منصور اللي يحس ان حياته بتشفل مع شيخوه المهم اول وحده انزفت كانت شيخوه وانزفت على موسيقى هنديه !!! وكانت حلوه ونعومه <<مدري من ويجات النعووومه وصورت لين قالت بس يمكن احلى شي بنسبه لشيخوه في العرس انها هي اللي بتصور اكثر شي بعدين انزفت مهوي وكانت زفتها زي موسيقى الاخبار وكانت رووعه بكل ماتحمل الكلمه من معنى راشد يوم شافها ذااااب وبعدها انزفت ليلوه نفس الزفه ونفس الشكل حق مهوي وجلست جنب عبوود والكل يبارك لهم ويصورون معهم وبعدين طلعت وياه وبكذا ودعت ليلوه العزوووبيه !! وصارت انسانه مسؤوله المهم ليلوه وعبود سافرو تركيا شهر العسل وليلوه طول الطريق تفكر بنتقام من عبود عشان لعب عليها قبل العرس وشافها مهوي وراشد سافرو نيوزلندا ومهوي ميته وناسه منصور وشيخوه راحو ماليزيا وشيخوه كان ودها تقول خلى نروح للهند !! بس استحت رنود قررت تكمل دراستها وتمني نفسها ان بدر يرجعى يخطبها !! واشتغلت مراسل غراام لكل المخطووبين في العائله لميوه عايشه احلى قصه حب بريئه وطفوووليه ريموه بعد مستانسه هي وفهد اللي فاهمها وبدت احياً تهرب وتروح تهجول وياه ندوي عااديه حياتها ويا بندر بس تنحرج لا راحت لخولها لنها تلجس مع الشباب عاادي وبندر جريئ جداً هنود تحب تركي بهدوء وتركي بعد ولازال ناشب في حلق ريموه !! في غياب فهد اخوه النوري اكتشت ان نواف يحمل في قلبه لها حب بعد ماقرت مذكراته الجديده بمساعده هنود عهود عايشه حياتها عاادي ولا كن خالد خطيبها اصلاً ناسيه وهو بعد ناسي !! الفايف مازلو مثل ماهم اميره حامل !! وسلطان وحصه ميتين وناسه اكثر من يوسف منار ربت وجابت بنت وسماها ابوها شيخه وهي مقهوره منه حييييييييييييل اما جاسم مستانس حده ببنته شيوخه مشاري كره التصوير بعد اخر مشكله وحقد على النوري يقول هي السبب!! فواز وطلال قررو يخطبون بس من !؟؟ جاري البحث عن عرايس لهم عادل تزوج ويا مشعل بيوم واحد ناصر استقرت حياته بعد ما خلص بيت لولوه وسكنت فيه هي ومشاري ودلوعه وخلوودي الصغير اما نوره حلفت ان بشار وفؤاد يسكنون معها هي وطلال ومنصور اما فارس نزل اول البوم له في الاسواق وكل يوم معه لقاء على قناه والعائله كلها كارهه تصرفه اما هو يحس انه ارضى نفسه وبكذا انتهت روايتي الاولى تمـــــ بحمد اللـــه ـــــــت | ||||
|
| |
|
01-06-22, 06:02 PM
| #177 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
 |
| الكلمات الدلالية (Tags) |
| غصب ، عني ، شوق ، المشتاق |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
