آخر 10 مشاركات
[تحميل] تائهون إلى أن يشاء الله ، للكاتبة/ رررمد " مميزة " ( Pdf ـ docx) (الكاتـب : فيتامين سي - )           »          جنون الرغبة (15) للكاتبة: Sarah Morgan *كاملة+روابط* (الكاتـب : مستكاوى - )           »          جدران دافئة (2) .. سلسلة مشاعر صادقة (الكاتـب : كلبهار - )           »          583 - دور القدر - باتريسيا ويلسون - ق.ع.د.ن ( إعادة تنزيل ) (الكاتـب : * فوفو * - )           »          فتاه ليل (الكاتـب : ندي محمد1 - )           »          وريف الجوري (الكاتـب : Adella rose - )           »          لك بكل الحب (5) "رواية شرقية" بقلم: athenadelta *مميزة* ((كاملة)) (الكاتـب : athenadelta - )           »          445 - غرباء في الصحراء - جيسيكا هارت ( عدد جديد ) (الكاتـب : ^RAYAHEEN^ - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          دين العذراء (158) للكاتبة : Abby Green .. كاملة مع الروابط (الكاتـب : nagwa_ahmed5 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 08-04-13, 08:34 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 مظاهرة نسائية / الكاتبة : دلوعة الشرقية ، مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

مظاهرة نسائية

للكاتبة

دلوعة الشرقية

،


،

مقدمــة سريعه على القصة قبل الخوض في شخصياتها ....

من قبــل 30 سنــه عاشت عائلــة الــ( مـ....)

المكونه من اب وام وولدين (سليمان-صالح) في مدينة من مدن السعوديه..
وصادفت انهم جاوروا نــاس طيبين عائله مكونه من 4 بنات وولد..

الوسطى وللاسف توفت في حادث..

وبقت الــ 3 بنات..

كبروا هالبنات وصار وقت كل وحده تعيش حياتها مستقلـه ...

والولد ( مساعد) عاش حياته في بيت ابوه..

الولدين من عائله (الـمـ.....) خطبــوا الاختين..والاخت الثالثه جاها نصيبها بعد..

وعاشوا بســلام حياه هادئه ولله الحمد بدون اية مشاكل..
مرت الايام والاختين والزوجين علاقتهم ببعض ولا احلــى جابوا العيال ....

وتبتدي احداث القصه لما العيال يكبروا....




التعديل الأخير تم بواسطة لامارا ; 15-10-13 الساعة 09:16 AM
لامارا غير متواجد حالياً   رد مع اقتباس
قديم 10-04-13, 10:48 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25



تعريف بالشخصيــات :



عائلـــة سليمان (ابو سعود) .. الاخ الاكبر....

سليمان: صاحب اكبر مصانع للمفروشات والاثاث بالمنطقه رجال طيب وحنون وهو مع اخوه اغنياء ولله الحمد..

احلام(ام سعود): زوجة ابو سعود حرمه مؤمنه وقلبها واااسع اللي يمزيها هدؤئها وعقلها..

سعود: الابن الاكبر..
قمة الثقل والغرور ومع ذلك اخلاقه لايعلى عليها عمره 26 كان متزوج من بسمه بنت تقرب له من بعيد
بس توفت بعد اقل من 5 سنوات من زواجهم وتركت له بنته رزان 7 سنوات..
يكره فكرة الزواج من بعد بسمة لان حبها لازال بقلبه ومخليه عمي عن كل البنات...

اسماء: تجي بعد سعود 21 سنـــه ماخذه من امها شكلها الخارجي..
خفيفة دم وطيوبه كانت مخطوبه لولد عمها وولد خالتها بنفس الوقت ( ريان) بس شائت الظروف والاقدار تفرقهم... تدرس انجليزي وللحين ترفض اللي يتقدموا لها لان بعد تجربتها السابقه صار تفكيرها منحصر حول دراستها وبس..

فارس: 19 سنــه ولد حبوب وكوووول وصرقعه درجة اولى يمووت في شئ اسمه مجمعات ومغازل
ياما وياما صارت له مواقف كان بيروح فيها بس ((ابو طبيع مايجوز عن طبعه)) يمووت في البنات مافي فايده
يدرس في الكليه الصحيه... ماخذ الحياة ((ايزي ياعزيزي))

اخر العنقود : جوري وعمرها 17 ونص متخرجه من ثالث ثانوي وسجلت علوم طبيه وانقبلت ...
مافي اطيب من قلبها واحلى من سوالفها وقريبه من كل اخوانها .. وتحتل في قلب ابو سعود اكبر المساحات
ولها ((نصيب الاسد)) من كل شئ.. صحيح هو مايفرق بينهم لكن عنده جوري غيييير...






صالح (ابو ريان)...عائلــة الاخ الاصغر من ابو سعود ..

صالح: ينشرح له القلب بسرعه عيبه انه عصبي .. هالشئ يخلي عياله يدارونه ومايحاولوا يثيروا اعصابه..

انتصار( اخت احلام مثل ماقلت طبعا) : اطباعها بعيده شوي عن اطباع اختها .. تحب الضحك وهالسوالف فيها صفة الخووف بشكل مو طبيعي لهالسبب مجننيها عيالها ياما حطوا لها بالفراش حشرات بلاستيك وهي المسكينه كانت بتروح فيها..

ريــان : الاكبر و اول العنقود.. عمره 25 ..
رفيق سعود الروح بالروح متزوج من (لطيفه) وعنده رامي 4 سنوات وهاني سنتين ونص..
من بعد ماطلق بنت خالته (وبنت عمه بنفس الوقت) تزوج من لطيفه حتى ينساها..
حياته عاديه مافيها هذاك الحب الكبير لان قلبه كان عند اسماء ومن بعدها وين يقدر يحب لطيفه المسكينه..

دينـــا : الاستشاريه النفسيه درست بأمريكا وجات للسعوديه وفتحت لها عياده وماشيه امورها تمام
وهي على وشك الزواج من (تركي )الشاب اللي درس معاها بأمريكا وحبته ..
بتعرفون شخصيته مع الاحداث وعمرها 23...
جمالها رباني ونعووومه حييل ..
لهالسبب تحس نفسها ملفتة للنظر وين ماراحت..

ديمه: اظرف بنت بالعائله تحب الموسيقى والرقص والهبال والجنون بشكــل وتموت بشئ اسمه حيوانات
وعندها كلب اسمه لولي وثعبان متخيلين ان عندها ثعبان !! من تركيا جابته مخصوص لهنا
تحب الاغاني الغربيه وستايلها غربي بحت عمرها 16 وقريبه من جوري بنت عمها كثييير..




واخيــرا عائلة الاخت الثالثه (امال)...

متوفي زوجها اللي كان ولد خالتها وترك لها 3 بنات وولدين..

امل :مدرسة لغه عربيه قريبه للقلب اللي يمزيها ذكائها وخفة دمها وطولها .. طويله بشكل !!

اميره: او نقدر نسميها العفريته ورفيقة ديمه بنت خالتها حييل تدرس معاها بنفس المدرسه..

اماني: اللقافه بالسعوديه كلها بهالبنت ملقوووفه بشكل تحب تعرف كل شئ بنفس عمر جوري بنت خالتها وبتدرس معاها علوم طبيه..

فؤاد: طيب وحنووووون ورومنسي وجنتل مان ..
محبوب من البنات بس مايحب منهم الا وحده (اسماء) بنت خالته بس هي معطيته طنااااش ..(مسكين مايستاهل)..

خالد: مادري ليش الكل يحسه ثقيييل دم على عكس فؤاد يغار احيانا من حب الناس لاخوه وهو مع ذلك يحاول يتقرب للناس ويكسب ودهم....





نوصل لاخر ابطال القصه

مساعد ( الاخ الوحيد للثلاث خوات انتصار واحلام وامال ) :

يعشق العزوبيه ومايحب طاري الزواج اصلا..
يمكن لان للحين ماشاف البنت اللي قدرت تغير رايه وتخليه يتزوجها..
محبوب من كل عيال خواته ومقرب لهم كثييير..
لان اقرب وحده له (جوري) مايدري ليش يرتاح لها من بد كل بنات خواته...
وهي نفس الشئ تعتبره اخوها وخالها وصديقها ..




اذا شفت الردود الحلوه راح اكمل.......

تحياتــي
دلوعة.......




لامارا غير متواجد حالياً   رد مع اقتباس
قديم 10-04-13, 10:50 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الاول

نبــدأ في القصه والشخصيات الباقي بتعرفونها ان شاء الله مع سياق الاحداث...




حس بحد يدخل الغرفه ويشغل الانوار..كشر وانقلب عالجهه الثانيه..

اسماء وهي تشيل البطانيه: سعود كل هذا نوم؟
سحب البطانيه من يد اخته وغطى راسه فيها
اسماء: شلون يعني باروح السوق ياخوي تكفى يالغالي قوم
سعود: اووه اسماء تعبان روحي مع السايق
اسماء: فارس ماخذ سيارته
سعود: وليش وين سيارة اخوك فروس؟
اسماء: اوه صح انت مادريت انه صدم فيها
قام وهو مختلع ...
سعود: شنوووووووووو؟ عسى ماصار فيه شئ؟
اسماء: لاتطمن بس راحت السياره
سعود: لحوووول شفيه هذا اخوك وربي الااقول الى ابوي ماياخذ له سياره
اسماء: ماعلينا منه يلا سعود باروح باخذ فستان لحفلة بنت عمك

دخلــت بهالوقت بنته رزان ونطت عالسرير
رزان : بابا سعود بنروح السوق
سعود وهو يضم بنته : يابعد عمر سعود انتي علشانك بس
اسماء: أي انا اترجاك مطنشني لكن بنتك الدلوعه وافقت على طول
سعود: تقارنين نفسك يادبه بأرق بنوته باالدنيا
اسماء: هين ياسعيدان
سعود: سعود تاج راسك شنو اصغر عيالك سعيدان
اسماء: خلاص لاتزف يلا حبيب ئلبي بنرووووووووووووووووووووح اوف
سعود: طيب دقايق بس...

قام اعتــدل في جلسة وهو يتخيل شكل دينا بنت عمه مع خطيبها تركي.. اللي مادخل مزاجه اصلا..
سعود: تصدقين سموي تريكان هذا مادخل مزاجي
اسماء: انت اللي بتتزوج ولا البنت خلوها براحتها تختار اللي تبي
سعود: ياعيني عليك شنو تتزوجه وريان مو موافق عليه.. عليها هالبنت جرأة تحدت اخوها ووافق عليه اوف من هالبنات..
طالعت اخوها ببرود وطلعت من الغرفه مع بنته.. وقف يطالع بنته رزان بحزن... اااه يابسمه كيف رحتي وتركتيني وحيد مع هالبنت المسكينه يتيمه..تضحك لي وانا عارف ان داخلها الف علامة استفهام تدورك كل يوم بين كل الوجوه وتستنكر ان كل صاحباتها عندهم امهات بينما هي لا..اييه الله يرحمك ويغمد روحك الجنه

هذا هو حال سعود من يوم ماتت زوجته بسمه كل ليله يناجي الليل ويسأله عنها ويعتصر داخله الاف المواقف والذكريات الحلوه اللي مرت عليهم...

وهم بالسياره كانت رزان جالسه بالسيت اللي ورا بس في الوسط يدها اليسار على كتف ابوها والثانيه على كتف عمتها...
اسماء: جد ياسعود انت مغبر..مافي احلى من ام كلثوم اوووف
سعود: انتي شدخلك في مسجلي هااا ولا بس لقافة بنات تبين احط لك اه ونص ولا اخصمك اه
اسماء: لا مو كذا بس حط راشد نبيل شعيل او الرويشد أي شئ مو ذي
سعود: اقول لايكثر احمدي ربك طلعتك من البيت تبين ارجعك؟
اسماء : لا خلاص بسكت يابعد عمري ام كلثوم.. زين كذا
حطت يدها على فمها ورزان تضحك عليها...
سعود: شفتي بابا كيف عمتك دبه وخبله
رزان: عمتي اسماء حلوه مو دبه
سعود: اجل انتي الدبه صح؟
رزان: لا انت بابا دب
اسماء: ههههههه تستاهل
سعود: انا دب هين اوريك

وصلــوا للسوق وهو حمل بنته بيد وحده في الهواء وهي تصارخ وخايفه
رزان: لاااا بابا لا اخاااااف
اسماء: سعود حرام عليك عاااد
نزلها وبقى ماسك يدها بقوه...
من يوم اللي توفت زوجته وهو خايف على هالذكرى اللي خلفتها وراها من نسمة الهواء الطايره...


...........................

لبست فستانها الوردي للمــره الالف ووقفت قدام المرايه...
لطيفه: والله حلو يادينا
دينا لزوجة اخوها: لطيفه جد يعني ولاتجاملين
لطيفه: وربي تهبلين ماتدرين عن نفسك يعني
دينا: يعني انا احلى من تركي كثير؟

طلعت صورته من الدرج وعطتها مرت اخوها
لطيفه: اكيد احلى منه
دينا: بس تركي بعد حلوو ووسيم
لطيفه: مااختلفنا بس انتي احلى منه وافــ...
سكتت ونزلت راسها... خبله انا شكنت بقول وانتي افضل منه بكثير وهو مايستاهلك..
البنت ملكتها بكره لازم اخرب فرحتها يعني
دينا: وافضل منه صح؟ ليش ماقلتيها
لطيفه وهي تحط يدها على ظهر دينا : اسفه دندون تعرفيني ساعات اخربط بالحكي
دينا: ابي افهم ليش كلكم مو مقتنعين بتركي.. اموت واعرف السبب رغم انه فل اوبشن من كل النواحي
لطيفه: تقوليها يادينا بكل ثقه متأكده من كلامك ومشاعرك؟
دينا: لطيفه شوفي..تركي درس معاي 5 سنوات وصار بيننا اخذ وعطى عرفته واكتشفت انه مؤدب ومحترم لذلك يعجبني
لطيفه: بس يادينا انتي صدمتينا لما وقفتي بوجه اخوك ريان لانه رافض تركي
دينا: لان ريان ماله حق في اللي سواه...
لطيفه: مو هذا موضوعنا الحين يادينا اخوك زعلان منك...
دينا وهي تنزل راسها : ادري
لطيفه: روحي راضيه
قامت بدون تردد ووقفت بتطلع من الغرفه ...
لطيفه: دينا... بتلقين ريان فوق بقسمنا حطي علي كتفك شئ
دينا: اووه صح
راحت اخذت شال وحطته على كتفها وصعدت له فوق بقسمهم...
لقته يشرب ماي ومعطيها ظهره...لما خلص لف وشافها ماقدر يحط عينه بعينها لذلك رجع وعطاها ظهره
دينا: ريان بعدك زعلان؟
ريان: ليش يهمك
قربت منه لين صارت مقابلــه
دينا: كيف مايهمني وانت اخوي الوحيد اللي احبه
ريان: دامي اخوك الكبير والوحيد ليه توقفين بوجهي وتعارضين كلامي علشان واحد غريب
دينا: ريان ماله داعي هالكلام اللي صار صار... وبكره ملكتي وزعلك ماراح يقدم ولا ياخر
ريان: للاسف معاك حق
دينا: خلاص عاد ياشينك اذا زعلت
ريان: مو زعلان يادينا بس انا ماتوقعتك في يوم تعارضين كلامي وتتحديني
دينا: لو مو مقتنعه بتركي لهالدرجه واحس انه كامل والكامل الله ماسويت اللي سويته
ريان: دينا كيف تحكمين عليه بالكمال وانتي ماعاشرتيه ماشفتي اطباعه و اخلاقه....
ماتدرين هاالانسان وش وراه..
دينا: ريان ان بعض الظن اثم انسى خلاص

نزل لمستوى اخته وباسها على جبينها وابتسم
دينا: مو تزعلني وتخرب علي فرحتي ياريان
ريان: ماعاش اللي يزعل دندونتنــا مبرووووك
دينا بفرح: الله يبارك فيك


............................

تحياتي..



لامارا غير متواجد حالياً   رد مع اقتباس
قديم 10-04-13, 10:53 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



قبل مانكمل احداث القصه بذكر لكــم شئ ..

سعود ودينا عيال عم وخاله مثل ماذكرنا وابو سعود كان مختار لولده دينا بحكم الصله والقرابه اللي بينهم..
لكن هو رافض هالشئ واقترح ان امه تخطب له بنت غيرها وبالفعل خطبت له بسمه...
ومن بعد هالخطوبه صارت مشاكل ماتنتهي بين سعود وابوه ...
زعل عليه فتره طويله لان رفض بنت عمه وراح للبعيده....
بس دينا فرحت لهالشئ لانها ماكانت بترضى بسعود مو لشئ .. او لان فيه عيب لا بالعكس
بس كبريائه وغروره احيانا وثقته الزايده بنفسه تخليها تنفر منه....
لذلك فرحت وانبسطت وسافرت لامريكا تدرس .. والحين رجعت ومعاها حلم وردي تنتظر متى يكتمل وتعيش مع اللي اختارة قلبها بسعاده.....
وسعود حمد ربه مااخذ دينا لان موقفها مع ريان خلاه يغير نظرته لها مو عاجبه تحديهالاخوها علشان غريب!

......................

طلعت مع اخوها وبنته من اخر محل وهي تحس انها متكسره
اسماء: ويلي ويلي بامووووت ياخوي كله من دينوه باوريها بكره
سعود: والله ماحد قالك لفي المجمع كله وبعدين ماتطلعين الا بهالكيس الصغير
اسماء وهي تتخيل شكل دينا بكره: الله يسعدها تستاهل كل خير ...
سعود وهو يطالع اخته بنص عين : وبنت عمها تستاهل كل خير بعد
فهمت قصده ولفت الجهه الثانيه
سعود: صح كلامي ولا؟
اسماء: سعود مااحب اتكلم في هالموضوع
سعود: انتي ليش ماتبين الاستقرار؟
اسماء: من يقول... في بنت ماتدور على الاستقرار
سعود: أي انتي... 4 سنوات ونص من انفصلتي عن ريان وللحين ترفضين اللي يتقدمولك...
اسماء: اووه ياسعود خلاص عاد مو وقتــه
رزان لما حست ان نبرة صوت عمتها ارتفعت شوي عن المعدل الطبيعي عطتها كف على خدها
رزان: مو تصارخين على بابا
سعود: هههههههههههههههههههه عاشت عاشت بنتي
اسماء: ايالــ... ولا تدرين ماراح اقولها حتى مايزعل البابا حقك روحي ماابيك
بعدتها عنها ووسعت بخطواتها وسبقت اخوها..
سعود: زعلت الدلووعه
مسك بنته وسبقوا اسماء .... وهي منقهره منه ومن مزحه...
سعود: ههههههه يابعد عمري يااختي زعلتي
اسماء: روح عني
سعود: لالا لازم اراضيك ياحياتي
اسماء: مايحتاج ترى انادي لك الهيئه واقول لهم متزوج وعنده بنت ويغازلني
سعود: علشان اذبحك ياسمووي
اسماء وهي تمسك ذراع اخوها: سعود شوف هذا اخوك فرووووس

طالع وشاف اخوه واقف مع هيئة الامر بالمعروف ..
اسماء: ههههههه الحق عليه قبل لاياخذوه معاهم
سعود: الله يغربله ويفشله مثل ماهو مفشلنا بكل مكان امسكي رزان وباروح اشوف شالسالفه
راح لهم وهو منحرج من رجال الهيئه
سعود: السلام عليكم
الرجال: وعليكم السلام
فارس بخوف: سعود؟ كيف جيت هنا
سعود وهو يقرب من اخوه بعصبيه: شغلك في البيت يافريسان مو هنا والله لاخبر ابوي عنك
فارس: ماعليه اتحمل كفوف ابوي بس ماابي انام الليله بالمركز عندهم تكفي سعود حبيبي انت
سعود: والله تستاهل.. خليهم ياخذوك ويحلقون هالشعر عالزيرو ويطقوك طق عمرك ماذقت مثله علشان تعرف تغازل بنات الناس مرة ثانيه
فارس: لاتكفى سعود انا اخوك الوحيد تسوي فيني كذا تكفى طلعني منها...
سعود وهو يكلم الرجال : اقول ياخوي ترى اسفين اولا عاللي صار وان شاء الله مايتكرر. بس تراه مراهق خبل مايفهم
طالع فارس اخوه بنص عين... مراهق خبل ياسعيدان هااا ماعليه مقبوووله
الرجال: انت بصفتك من يااخ تدافع عن هالشخص
سعود: اخوه الكبير طال عمرك
الرجال: الوالد وينه متوفي؟
فارس وهو يهب في وجه الرجال: فال الله ولافالك شنو متوفي ابوي حي يرزق
سعود وهو يضرب كوعه ببطن اخوه: هههه يمزح وياكم خفيف دم ههه... الوالد ياطويل العمر حي موجود
الرجال: اخوك يلاحق بنات الناس والله عيب هالتصرف شنيع
سعود: طيش شباب هالمره فوتوها له وعلى مسؤوليتي انه مايتكرر ومستعد اتعهد بهالشئ
الرجال: مانقدر لازم ناخذه معانا
سعود وهي يلفق كذبه حتى ينقذ اخوه : لا ياطويل العمر الوالد مريض معاه القلب لو يدري انكم ماخذينه بيروح فيها يرضيك هالشئ؟ انت طيب وفاهم طوفها لهالمراهق هالمره
الرجال: خلاص انا بصرف نظر بس اتمنى ماتتكرر مره ثانيه

بعد ماراح الرجال سحب اخوة من ثوبه وراح لاخته
اسماء: فشلتنا يااخي بكل مكان ماتتعب عينك من تطليع البنات
فارس: في احلى من البنات
سعود: كف الحين يطيح اسنانك احترم وجود اخوك الكبير
فارس: افا ياابو رزان هذي جزاتي معتبرك واحد من اخوياي ومطيح معاك الميانه
سعود: أي لاتطيحها مره ثانيه اخاف تتعور
فارس: ههههه كركركركرووووش...حلوه
ضحكت رزان على شكل عمها فارس وهو يدغدغ بطنه ويضحك هو كالعاده مايقاوم ضحكتها شالها وحملها..
سعود: هالله هالله في وردتي ماعندي غيرها
فارس: وردتي بعد انا عمها اموون
وبقى فارس يتمشى مع اخوه واخته بس ابو طبيع مايجوز عن طبعه يمووت اذا مرت بنت وماطالعها..لازم يطالع ويوزع ابتسامات كرست

.............................


كانت ترقص وتناطط بغرفتها كالعاده وتسمع دارين ايوه ايوه وهي تغني معاها بأعلى صوتها...فتحت امها عليها الباب
ام ريان: يعني اتمنى ادخل عليك مره الاقيك ترسمي او تقرأي أي شئ غير هالرقص والاغاني
ديمه وهي تحضن امها: اوووه ماما أي لووف ميوسك حياتي الرقص والهيصه
ام ريان: الله يخلف على عقلك يابنتي شوفي اختك دينا شحلاتها
ديمه: ماما انا غير ودينا غير ميولنا تختلف
ام ريان: الله يهديك ياديمه...وريني البدله اللي بتلبسينها بكره..
فتحت ديمه خزانتها الطويله العريضه وطلعت بدي اسود حلوو بدون اكمام ولاشئ وتنوره قصييييره حيل
ام ريان وهي مصدومه: بتلبسين هالبدله؟ لا والله مافيه شتقول الناس عني
ديمه: از ذير اني بروبلم مامي ... عادي حلووه بلييييز
ام ريان: اااااخ منك ياديمه بتجننيني انتي ليه ماتلبسين مثل كل البنات فستان بناتي حلووو مو هالتنوره
ديمه: اممممم طيب البس بنطلون جنز
ام ريان: لا ياشيخه خليك على هالبدله والله يعدي هاليومين على خير

طلعت امها من الغرفه وهي رجعت ترقص من قلب وتغني....غنوا معي ايوه ايوه..!!

.......................

اليوم التـــالي وصلت دينا من الكوافير قبل لايدخلوا البيت وقفت
دينا: سمومه لاتجامليني حلوو المكياج؟
اسماء: ياربي منك شوفي بتسألين مره ثانيه ترى بغسل وجهك بماي حاااار
دينا: لالا خلاص بسكت
اسماء: ههههه وربي تجننين بيدووخ تركان الليله
دينا: سموي اسمه تركي
اسماء: بدينا بشغل الحريم اقول ادخلي بس

دخلــوا الصاله ومالقوا غير ريان خطيب اسماء سابقا ومعاه رامي بالصاله...
لما طاحت عينه بعينها ماعرف شيسوي من يوم اللي افترقوا والعلاقه بينهم متوتره... مايكلموا بعض الا قليل كلام رسمي درجه اولى.. واسماء تتضايق من هالوضع تبي ترجع مع ريان مثل قبل عيال عم متفاهمين يحترموا بعض ...

اسماء حتى تكسر الموقف : شلونك ريان؟
ريان: الحمدلله يابنت العم... انتي شلونك؟ وشلون دراستك؟
اسماء: الحمدلله ... راامي تعال حبيبي
راح رامي لها وحضنها
رامي: جبتي لي معاك حلاوه؟
اسماء: أي جبت حبيبي تعال معاي فوق واعطيك

كان ريان يطالع اخته متغيره حيييل شكلها صاير غير بهالمكياج مطلعها قمر 14 ونعومه فوق نعومتها
دينا: ريان شفيك تطالعني
ريان: هههه متغيره والله يالدكتوره ربي يسعدك
ابتسمت لاخوها وصعدت مع اسماء ورامي فوق غرفتها...وهي تتوقع انها مقلوبه فوق تحت ملابس استشوار دخان عطور مكياج .. الله يستر
دخلت ولقت بنات خالتها... امل واميره واماني ولطيفه معاهم واكيد كمان ديمه ..... كانت وحده ناقصه جوري اخت اسماء تتسألون وينها ووين خالهم مساعد.... مسافره مع خالها الامارات 3 ايام وصادفت سفرتهم بوقت ملكة دينا وراجعين بكره ....

قام التبويس والاخذ باالاحضان لين هلكت دينا وجلست عالكنبه بغرفتها اللي كانت من اوسع غرف البيت

سرير كبير عليه نقوشات فرعونيه وغرفة للتبديل وزاويه فيها كمبيوتر والزاويه الثانيه تلفزيون ودي في دي
ومكتب كبير قريب منه.....

امل: قمر قمممممر يابنت خالتي متى اعرس ياناس
اسماء: تبين اخوي اخذيه
امل: مين سعود؟ لا ياشيخه سعود اخوووي واعز
اماني: ليه مطفوقه انتي عالعرس مدري
امل: ماتدرين؟ من لقافتك ياحلوه خلاص بسك لقافه
ديمه وهي ترقص : كماااااان جيرل ليتس داانس ويييييهاااا
اميره: جنيتي؟ لا اكيد جنيتي الله يعين اللي بياخذك انتي
اسماء: أي اموول اتحفيا بأخر اخبارك؟
امل: والله اخباري تماام بس بعض الناس مو تمام
اسماء: ايييييه فهمنا بس لاتكملين
اماني: انتي ليه ماتحبين اخوي هااااا.. وهو يحبك ويبيك
اسماء: امسكوها عني لااقوم اتوطاها هالملقوفه
اماني: اوووف الديموقراطيه معدوووومه
اسماء: عدال اقول اها بس اها....
قامت دينا وشالت عبايتها وقاموا يطالعوها مذهولين .. كان فستانها وردي يشابه فساتين باربي عاري من فوق وضيق مع شك وتطريز بلمعه... ومنفوش من تحت وكأنها اميره ... لفت حول نفسها بغرور...
امل: اللهم صلي على محمد وال محمد... اروح صحن بيض للحلوووين
دينا: هههههه
اسماء: خمسه وخميسه بعين الحسود واللي مايصلي عالنبي يولي واللي مو عاجبه ينتف حواجبه

ابتسمت دينا لبنات خالاتها وهي تتخيل شكل تركي بس يشوفها وهي ملكة جمال الليله ....

............................


تحياتي..



لامارا غير متواجد حالياً   رد مع اقتباس
قديم 10-04-13, 11:11 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



وهاذي تكملة الروايه..



تمت الملكــة على خير وتركي مستعجل حيل يبي يشوف دينا... لوى على ريان يكلمه
تركي: ريان صارت الساعه 10 يلااا متى باشوفها
ريان: اللي يسمعك ماشفتها ابد ماكأنك دارس معاها
تركي: بس ولو هي الحين حرمتي باشوفها...
لف ريان لسعود اللي جالس جنبه بس من الجهه الثانيه....
ريان بصوت مايسمعه الا سعود: يااخي مادري هذا تريكان من وين مستورد ثقالة دمه...
باقوم الحين ادوس في بطنه
سعود: اقعد مكانك زين
ريان: يبي يشوفها زهقنا
سعود: حلاله ومن حقه
ابو ريان: مااوصيك ياتركي دينا اغلى شئ عندي بالدنيا وابيك تحطها بعيونك وحاسب تزعلها
تركي : اكيد ياعمي اكيد
ريان: وان صار فيها شئ نخلص عليك
لف تركي عن ريان وهو حاقد.... سبحان الله شعور هاالاثنين متبادل..مايحبون بعض اصلا...
تركي: طيب عمي ممكن اشوفها؟
ابوسعود يتكلم: اكيد اخوي مابيعارض حلالك
ابوريان: اكيد طيب تفضل المجلس الثاني وانا اناديها

فارس مل مايحب الرسميات قام طلع من المجلس وهو يحس بالعطش دخل المطبخ الخارجي اللي صاير بالحديقه وشرب ماي حس ان فيه حد معاه بنفس المكان طالع يمين يسار واخيرا لقى الشخص.....
شافها تدور ورا الاغراض عن شئ.....رفعت راسها وشافته ابتسمت بخجل وقامت...
فارس: ديموووه؟؟ شتسوين يالخبله هنا لوحدك هاااا
ديمه: ادور القطوه ياحرام صغيرونه وراحت ورا هاالاغراض خاايفه مني
فارس: أي اكيد بتخاف مع هالكشه
ديمه: اوووه أي فورقت ... ازيك يارااجل؟
فارس: اجنبي ومصري...لاحول ولاقوه الا بالله من هالمجنونه.... بخير اسأل عنك انتي شمسويه بعدك على خبالك ماتتغيرين ياام كشه
ديمه: وات مين ام كشه
فارس: لحوووول يعني يور هير لايك فاااير فهمتي
ديمه: هههههههه ذاتس فااني فارس
قام يتعمق في طريقة نطقها لاسمه نطقته بشكل غريب.... هي اصلا هالبنت غريبه صايره خلط عربي اجنبي بس حلوه...
طلعت من المطبخ بعد ماعجزت تطلع القطوه وهي زعلانه
فارس: ليش ماده بوزك شبرين؟
ديمه: ابي القطوه
فارس: تاكليها انتي يعني ؟
ديمه: حد ياكل قطاوه.. ار يو كريزي؟
فارس: والله انتي مايندرى عنك كل شئ تسويه الا صرتي بأي صف؟
ديمه: باروح ثالث ثنوي
فارس: ذاكري زين وجيبي نسبه مو تفشلينا وتجلسين بالبيت
ديمه: وانت بأي صف
فارس: لعنبوك يالخبله صرت بالكليه
ديمه: خبله وخبله روح عني زييين فاضي

استغرب فارس اول مره بنت تكلمه بهالطريقه....
فارس: هيييه انتي انا فارس القبيله احترميني
ديمه بغرور: وانا ديمه تاج راسك اوكي
ابتسمت بغرور ومشت ومابقت الا ريحة عطرها اللي استنشقها....
ايالمهبوله المطفووقه اورييييك
مشى وراها لما حست بخطواته لفت وهي تطلع لسانها له...
فارس: قص اللي يقصه
ديمه: احم... يااخ لاتتعب نفسك وتجي وراي والله حر وقرف والله حاله المعجبين
فارس وهو يضرب يد بيد: انعجب بشنو اللهم لك الشكر لاجمال ولادلال مطفوقه
ديمه: شنووو؟ مخفوقه؟
فارس: هههههههههههههههااي لا وطرشه بعد فل اوبشن اجل
ديمه عصبت وكشرت هو خاف منها يممممه منها هذي مجنونه ياخوفي تقتلني الحين.....
ديمه: بتحترمني يامستر ولا انادي كلبي لولي
فارس: لاااااا وااع ديموو كل شئ الا هالكلب الاجرب حبوبه انتي ماتسوينها صح
ديمه: جبان صحيح والله مافل اوبشن في الجبن يالجبنه غيرك
فارس: انتي بتحترميني ولا اخليك تحترميني غصب

راحت لعند كلبها وفكته وسحبتها معاها
ديمه: بتسكت ولا اهده عليك؟
فارس : لالا ديمووو اكسري الشر حرام عليك والله توبه ماعاد اقول شئ
ديمه: أي افتكر بعد...
رجعت الكلب وربطته وهي راجعه تركض لفت رجلها والمتها ووجلست على اقرب كرسي وهي تتألم
جاء لها يركض...
فارس: من خبالك يالخبله ليه تركضين عسى ماتعورك
ديمه: تعورني يمكن انكسرت ... ياويلي مين اللي بيربي حيواناتي من بعدي بيموتون
وكانت بتصيح وهو ميت ضحك عليها ...
فارس: وربي مجنوووونه قومي داخل يلاااا
قامت وهي مو عارفه كيف تمشي لين وصلت لباب المطبخ الخلفي ودخلت البيت....
وبقت جالسه في المطبخ جات لها الخادمه خايفه....
الخادمه: ماما انت تعبان؟
ديمه: شوي...خلاص روحي نور
رفعت ديمه رجلها عالكرسي اللي مقابلها..
فارس: اسمها حلو نور ضياء شئ جميل
لفت لقته داخل المطبخ ...
ديمه: حتى الخادمه ماسلمت منك..تراها متزوجه
فارس: وجع ديموه لااجي واكسر رجلك الثانيه
ديمه: هههههه اذا تقدر تعال
جاء ورفع رجله حتى يدوس على رجلها الثانيه هي شهقت وغطت وجهها بيديها الثنتين
ديمه: الله اكبر الله اكبر اشهد ان لااله الا الله
فارس: ههههههههههه
شالت يدها وهي تطالع رجلها....
ديمه: انا عايشه للحين مادست على رجلي
فارس: أي عايشه حيه ترزقين
رن جواله طالعه وابتسم ...هي عارفه حركات ولد عمها وحبه للبنات....
ديمه بخبث: ها هذي نوره ولاخوله اللي داقه
فارس: لا وانتي الصادقه حليمه
ديمه: رد خلينا نسمع وناخذ كورسات
فارس عطاها بزي ودخل جواله وجاء بيطلع من المطبخ وعينه كانت في الارض وهي داخله تسكر عبايتها صدمت فيه بقوه خلتها ترجع للورا....
اميره : فااارس....
وقفت تطالعه ...ياااه يافارس من متى ماشفتك ..
فارس: اميرووه؟ اهلييين بنت الخاله
اميره: هلا وغلا اخبارك فارس؟
فارس: تمام... يلا سلااااام
راح وهي لازالت تطالع المكان اللي وقف فيه....بامووووت متى بيحس بالنار اللي داخلي متتتى تعبت وانا افكر واحاول احسسه بالحب اللي اكنه له وهو ابد من بنت للثانيه.....
راحت جلست جنب ديمه هي زعلانه
اميره: شفتي كيف ماعطاني وجه...كلمتين والسلام
ديمه: قلت لك انسيييه لاتفكرين فيه بس انتي ماتسمعين
اميره: ديموه احبه شفيك انتي
ديمه: اجل تحملي اللي يجيك منه...
اميره: بصبر وبتحمل علشانه بس.. الا مايجي يوم ويحس فيني وبتشوفين
ديمه: أي هووب ذاات سويتي....
اميره: قومي الرقص والردح قايم بره
ديمه: مااقدر رجلي اموور
اميره وهي تساعد ديمه تقوم : مايخالف قوومي
راحوا الثنتين الصاله وكل البنات يرقصون ... حطت اميره شريط رقص مصري وغمزت لديمه حتى ترقص ...
ربطت حول خصرها منديل ورقصت وكل البنات قعدوا ان رقص ديمه لايعلى عليه.....
كانت امها تطالعها وهي مبتسمه.... مع خالتها ام فؤاد
ام فؤاد: قمر بنتك يااختي الله يحرسها
ام ريان بفخر: امين يارب بس لو تترك جنونها احنا بخير....
ام فؤاد: معليش جنون بنات عادي بكرة تصير دكتوره قد الدنيا مثل اختها
ام ريان: اييه الله يوفقهم ويسعدهم...
ام فؤاد: امين يــارب..

.........................


كانت جالسه معاه ولوحدهم على نفس الكنبه مستحيه منه حيييل .. مو عارفه شتسوي ولا شتقول..
قرب منها ومسك يدها هالشئ اللي زاد من ارتباكها...
تركي: الف مبروك حياتي
دينا: الله يبارك فيك
تركي: واخيرا صرتي لي وملكي وحدي..مبسوطه؟
دينا بهمس: أي دامك معي
قرب منها وباس خدها هي ابتسمت وبعدت عنه...مسك يدها بقوه حتى ماتتحرك
تركي: وين رايحه..مو كفايه 4 سنوات وانا وراك وانتي تروحين وتتركيني
لفت تطالعه بنظره حالمه
تركي: مو مصدق انك لي
دينا: تركي
تركي: ياعيونه
دينا: فرحان؟
تركي: طاير من الفرح كنت ابيك بكل حواسي والحين حصلت على اللي ابيها
دينا: الله يديم الفرح
رن بهالوقت جوال تركي ارتبك وهو يطالع الشاشه...هدى؟ وجع شفيها ذي ماتحس على دمها...
رد حتى ماتشك فيه دينا
تركي: الو...هلا والله...وين؟(وهو يطالع دينا)...مع خطيبتي سابقا وزوجتي حاليا..اوكي...
اوكي انا اكلمك بعدين...الله يبارك فيك باي
سكر وقفل الجوال حتى ماتزعجه مره ثانيه
دينا: مين ياتركي؟
تركي: ههه لا هذا واحد من الربع يبارك لنا
دينا: وليه قفلته؟
تركي وهو يضمها: خلاص حياتي شعلينا منهم خلينا في نفسنا وبس..

..............................

من دقيقتين مل من جو الدخان وازعاج الشباب وضحكهم....فـ طلع بره..سمع صوت بنته رزان تناديه وهي بالمطبخ..دخل وهو مبتسم وشاف ريان مع اسماء اخته وامه وخالاته سلم عليهم وجلس على اقرب كرسي...
ام ريان: الا تركي ماطلع من المجلس؟
ريان: وين يطلع هالغثه ذا ... فشلنا يمه قدام الناس
ام ريان: ريان ايش هالكلام خلاص الحين هو زوج اختك المفروض تحترمه
ريان: يصير خير
قربت رزان من ابوها وهي تاكل حلاوه..
رزان: بابا
سعود: نعم بابا ايش تبين؟
رزان: ابي فستان عروسه مثل دينا
سعود: ههههههه الاخت مستعجله
اسماء: هههه يلا عقبالها
سعود: وعقبال عمتها
ام سعود: وابوها
تحولت ابتسامته الى تكشيريه... سكت ماقال شئ
ام سعود: هاشفيك مبلم..قول امين
سعود بهدوء: يمكن اظن تكلمنا في هالموضوع اكثر من مره
ام سعود: بسمه الله يرحمها راحت والحي ابقى من الميت...صار لازم ياولدي تتزوج وتجيب لهالمسكينه ام
سعود بعصبيه : ام رزان ماتت الله يرحمها ومااظن بيكون لها ام ثانيه من بعد بسمه
انسحب من المطبخ وصار في غرفة الضيوف تسند عالباب وقلبه يدق بسرعه...مستحيل اللي تقوليه يمه بسمه كانت ولازالت عايشه بقلبي وروحي...وماراح اسمح لنفسي اتزوج بعدها
سمع صوت ضحكه انثويه قطعت عليه حبل افكاره بعد عن الباب حتى يطلع لكن شافها بوجهه..دينا بنت عمه لابسه بس عبايتها وتاركه شعرها على كتفها....حاول يشيل عينه عن الحوريه الورديه اللي واقفه قدامه بس.....
تحركت عالسريع ودخلت الغرفه الثانيه وهي تسب عمرها ويدها على قلبها..خبله انا ياربي الحين شبيقول عني سعود...تضحك وفاله الشعر ... ابتسمت وجلست على طرف الطاوله..يااه ياسعود تغيرت ملامحك كثير..رفعت راسها للصور المعلقه عالجدار صور تجمعهم سوا هي وريان واسماء وسعود....وجوري وديمه كتاكيت صغار...

لفتت نظرها صورة سعود وهو يطالعها وهي مبرطمه زعلانه تطالع الايس كريم اللي بيده..هههههه يومها كنت مشتهيه ايس كريم وقالي سعود باروح اجيب لك ..راح اخذ له ونسااني وبقيت طول اليوم زعلانه...
غريبه الدنيا من يوم احنا صغار الكل يقول سعود لدينا ودينا لسعود ليين فاجأ سعود عمي بقرار خطوبته من بسمه ..انا بالنسبه لي قراره ماحرك فيني شعره وحده لاني ماكنت ابيه.....

بعدها فاجأت انا اهلي بقرار سفري الى امريكا....انصدم عمي ابوسعود وسألني : وحياتك مع سعود؟
قلت له : سعود شاف اللي يبيها وبياخذها...قالي عمي: ماياخذ هالبنت لو مهما يصير.....حتى لو على موتي
فهمت عمي وجهة نظري واني ماارغب في سعود وسعود نفس الحكايه مايبيني وكلها يومين وتجي ضيفه جديده بيتهم ولازم يتقبلها ويتقبل فكرة انها صارت وحده من بناته ولازم يحبها....
وبقت اسماء تراسلني وتقولي اخبارهم ورسلت لي صور عرس سعود كانت بسمه حلووه وجميله وطيبه ومؤمنه باختصار فرحت لسعود.....بس لما ماتت زعلت عليها رغم اني ماكنت اعرفها زين بحكم دراستي....
الله يرحمك يابسمه.....

................................



انتظروا التكمله..

تحيــاتـــي..






لامارا غير متواجد حالياً   رد مع اقتباس
قديم 10-04-13, 11:11 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

وهذي التكملــه...

وخليتها طويلــــه..

لما طلــع من بيتهم جلس في سيارته وفتح جواله وهل عليه سيل من المسجات ورا بعض من هدى عشيقته اللي تحبه وتموت على التراب اللي يمشي عليها...وهو ابـد يوم عندها وعشره عند غيرها..الا دينا اللي جننته من شافها حاول يقرب منها ويلعب عليها مثل مالعب على بقية البنات بس دينا صدته وكل مايقرب منها تبعد اكثر واكثر..لين زهق ويأس وقرر يخطبها.. وتصير الاميره الجميله للوحش الكاسر...

اتصل في هدى وردت عليه بعصبيه....
هدى: سويتها يالنذل
تركي بملل : قصري حسك
هدى وهي تصيح : ليش ياتركي انا احبك تعرف يعني شنو احبببك
تركي: افهمي يابنت الناس دينا صارت حرمتي وصياحك ماراح يقدم ولا يأخر
هدى: حرام عليك سلمتك نفسي على طبق من فضه وبعدها تتركني وتروح لها
تركي: من يقول بتركك ... دينا زوجتي وانتي حبيبتي
هدى بهدوء: حياتي تركي اتركها وارجع لي انا احبك وابيك واوعدك اعطيك اللي تبي
تركي وهو مستمتع بتعذيبها: اكيد ولابس كلام ياهدى
هدى: اكيد ياروحي
تركي بخبث: مادري ليش انتي زعلانه ياحياتي رغم اني ببقى اشوفك وراح تبقى علاقتنا مثل اول واحسن بعد...
هدى وهي تمسح دموعها : جد؟
تركي: جدين بعد...مااستغنى عنك يالحلوه
هدى: كنا ياحياتي احلى اثنين مادري ليش دخلت دينا بيننا
تركي: اوووه هدى شقلنا
هدى: خلاص بسكت رغم ان الغيره حارقتني
تركي: خلاص باطفي نارك ياناري وجنتي انتي
هدى بدلع: ههههههه ياعمري عليك.....اممممم ابي اشوفك..
تركي: لالا هدى خليني اضبط اموري مع دينا وبعدها يصير خير
هدى: اوووه تركي الحييين
تركي: تدرين انا جايك الحين ... بالشقه طبعا؟
هدى: طبعا لاتتأخر
تركي: لادقايق بس...

سكر واتجه ناحية شقته اللي اشتراها مخصوص حتى يجلس مع هدى فيها......
ودينا المسكينه ماتدري عن كل هذا.....

...........................

اليوم التـــالي عالظهر الساعه 12 رجعت جوري مع خالها مساعد من الامارات...
دخلوا بيت ابوسعود وكان فااضي
جوري: يؤؤؤؤ غريبه مافي احد باروح المطبخ اكيد امي هناك
مساعد: اجل خذي شناطك وانا باروح بيتنا
جوري وهي تسحب خالها: يلا عاد ميسووو عن الدلع
مساعد: كف الحين على خدك قالت ميسو قالت
جوري: احمد ربك ادلعك
مساعد: جوير وجعين....
دخلت المطبخ ولقت امها جالسه تطبخ....اشرت لخالها يجي معاها ويسكت ..وقربت من امها بشويس
جوري: بممممممممممم
نقزت امها وطاح الصحن اللي بيدها....لما لفت وشافتها جوري كانت بتهاوشها بس....
جوري: ههههه قبل ماتهاوشيني يمه بذمتك مااشتقتي لي؟
ام سعود: غربلك الله من بنت...كذا بغيتي توقفين قلبي ...هلا اخوي شلونك يالغالي الحمدلله عالسلامه
قرب من اخته الكبيره وباس راسها وبعدين ضمها.....
مساعد: مشتاق لاحلى اخت بالعالم
ام سعود: والله انا ياخوي مشتاقه لك اكثر...لو بس يلين راسك وتوافق تجي تسكن معانا احسن من قعدتك في البيت الكبير لوحدك
مساعد: يااختي مااقدر اترك بيت الوالد الله يرحمه فاضي...
ام سعود: بعدين نتفاهم الحين انتوا تعبانين من جابكم؟
جوري: تاكسي هالسايق مايرد على جواله وربي لاذبحه واقطعه واوزعه
ام سعود: الله يغربله مع حركاته اللي مايبطلها....الا عسى ماطلعت لك قرون ياخوي
مساعد ينزل راسه ويدخل يده بشعره : شوفي القرون بس قصيتهم قبل لااجي
جوري: هههههههههه ياحليلك يامساعد
ام سعود: ياطويلة اللسان اسمك خالك مساعد
مساعد: سمعتي انسه جوري لاتطيحين الميانه
قربت من خالها وحطت راسها بحضنه: كيفي خالي انا حرره مساعد سعودي اوكي
ضربها على راسها بخفيف: روحي عني يالدبه.... يلا اختي انا باروح
ام سعود: لاوالله ماتروح ياخوي نام وارتاح وغداك وعشاك اليوم عندنا
مساعد: يلا شورك وهداية الله
جوري: يمه وين اسماء؟
ام سعود: روحي لها فوق
جوري: عن اذنكم

صعدت عالدرج بسرررعه ودخلت اول شئ غرفة رزان ولقتها تلعب فله..
جوري: مين احلى رزان ولا فله؟
فرحت لما سمعت صوت عمتها وراحت ركض لحضنها
رزان: عمتي تأخرتي اشتقت لك
جوري: هههههههه كلها 3 ايام
رزان: جبتي لي فله وباربي
جوري: اكيييد واخذت لك حبيبتي العاب كثييير الحين الخادمه تجيبهم لك...(باست بنت اخوها) يلا انا باروح الى اسماء
رزان: بنام معاك عمتي اليوم بغرفتك
جوري: من عيوني الثنتين ..يلا كملي لعب قلبي
......................

راحت غرفة اسماء ودخلت عليها بدون ماتدق الباب وهي تغني...مشتاقلك بدي شوفك زاد الشوق بقلبي كتيير
اسماء: لاتقولي صعبه ظروفك اللي بيعشق ماعندو كبير يااااابعدي كل من لي متى جيتي
راحت وحضنت اختها بقووووه
جوري: كسرتيني عاااااد
اسماء: وحشتييييييني حييييل
جوري: والله وانتي اكثر سموووي
اسماء: ياشيخه رحتي وخليتني لوحدي ماعندي حد اتهاوش معاه عالطالعه والنازله
جوري: أي مسكينه انا تفرغين فيني عصبيتك..اهئ اهئ ماحد يحبني
اسماء: بل عليييك كل هالحب من ابوي وامي وتقولين محد يحبك حتى فروس اللي مايحب حد يحبك
حطت جوري اصابعها الخمسه على عين اختها : خمسه تشوفيهم؟ بعينك يالحسوده موووتي قهر يحبوووني
اسماء وهي تشيل يد اختها: ياشبخه حرام عليك عيني بتروح فيها....ها اخذتي اللي وصيتك عليه
جوري: افا عليك كل شئ جبته ....
اسماء: مشكوووره حبيبتي
جوري: فارس نايم؟ وحشني الدب
اسماء: أي نايم
جوري: باروح له برب
اسماء: تيت

راحت غرفة اخوها وكانت بارده حيل مرفع التكييف على اعلى شئ ..دب مايتأدب عن هالحركات لين يمرض ونبتلش فيه...جلست عالسرير ويدها على راسه
جوري: فارس
فارس: ــــــ
جوري: فيفوووو
فارس:ـــــــ
جوري: فروووسي
فتح عينه ابتسم وحضنها بقوه
فارس: جوري؟ متى جيتي
جوري: ههههههه الحمدلله توقعت يجيني كف اول مااصحيك وازعجك...تو بس وصلت اخبارك حبيبي
فارس: بخير دامك بخير...وحشتيني يالدبه 3 ايام لاتتصلين ولاشئ لو مااسأل عنك ماتسألين
جوري: اعذرني فروووس والله ماافضى هناك من مكان لمكان..
فارس: مسمووحه هالمره...خالي مساعه وينه؟
جوري: تحت ابشرك بيبقى معانا لليل
فارس: هيييييه ونااسه
قامت خففت على التكييف ولفت تكلمه بعتاب
جوري: فارس كم مره اقولك لاترفع عالتكييف كذا حرام عليك بتمووت
فارس: عادي جوري والله
جوري: اموت لو يصير فيك شئ يالدب... مادري ليش ماتخاف على نفسك
فارس: يابعد عمري هاالاخت وين انا اشوف مثلك......
جوري: فديتك ياخوي...يلا كمل نومك
فارس: اوكي سكري الباب وراك
جوري: اووكي

طلعت وسكرت الباب وراها وتركته ينام.....
...................

الساعه 5 المغرب تلبست وتعدلت حتى تروح تشوف بنت عمها جوري...دخلت عليها دينا وهي حزينه....
دينا: ها لابسه اشوف على وين العزم؟
ديمه وهي مغمضه عينها وتحط الكحل : باشوف جوري وخالي مساعد
دينا: اها رجعوا يعني
ديمه: يس... تجين معي؟
دينا: ملانه ديمه مالي خلق باتصل في خالي مساعد واعتذر له
تركت المكياج وقربت من اختها اللي كل شوي تطالع الجوال وتتأفف ...
ديمه: شفيك دندون؟
دينا: ولاشئ
ديمه: بلييييز دندون عن الكذب اعرفك
دينا: تركي ياديمه
ديمه: شفيه تركان؟
دينا: مادق علي اليوم وامس كلمني بس 10 دقايق وقفل
ديمه: يمكن بزي ولاشئ
دينا: بس ولوو لازم يتصل يسأل عني مايطنشني
ديمه: اكيد مشغول بسوالف الاثاث وتجهيز بيتكم صدقيني
دينا: ماادري مادري
ديمه: اوكي دقي انتي له
دينا: انــا؟
ديمه: يس اني بروبلم؟
دينا: نوو بس...
ديمه: لابس ولاشئ.... هو زوجك مافيها شئ لازم يعني هو اللي يسأل
دينا: احس مو حلوه
ديمه: از يو لايك
دينا: اووف امري الى الله

راحت دينا غرفتها ورجعت بعد ربع ساعه وهي مبسوطه
ديمه: بشري
دينا: مثل ماقلتي مشغول في البيت
ديمه: قلت لك ... وايش قال بعد؟
دينا: بس
ديمه: ربع ساعه وبس قال مشغول في البيت
دينا: ديوووم عن اللقافه ويلا باروح معاك بيت خالتي
ديمه: يلا بسرررعه

دخل عليهم رامي وشكله لسه صاحي من النوم
دينا وهي تحضنه: هلا بالبطل هلا
رامي وهي يكلم ديمه : عمتي وين بتروحي؟
ديمه: بيت رزاااان تجي؟
نط من الفرح : ايوووه بلعب مع رزان
دينا: اجل حبيبي روح للماما وخليها تلبسك بسررعه
رامي: طيب

وصلـوا بيت عمهم ودخلوا الصاله وكانوا الكل مجتمعين ماعدا مساعد اللي كان نايم
دينا: السلام عليكم
الكل: وعليكم السلام
سلمت عالكل وجلست جنب اسماء وكمان ديمه بس انها خطرت فارس عناد له...
فارس: وانا ليش ماتسلمين علي؟
ديمه: بس كيفي
جوري: انتي ديموه يالدبه روحي ماكلمك
ديمه: افاااااا سويتي لييش؟
جوري: تاركتني وبتجلسين هناك بعيد
راحت وجلست جنب جوري وقاموا يسولفوا عن السفر ......
ام سعود: ورا ماجات معاكم اختي؟
دينا: امي لاتحلمين تفوت حلقة المسلسل وتطلع
سعود: هههههههه ياحليلها خالتي...

وعند جوري وديمه
ديمه: علميني بالتفاصيل الممله اجل شفتي رشووود( راشد الماجد اللي تحبه جوري حييل)
جوري: اااخ والله مانمت ذيك الليله...جد جد احببه هاالانسان ليش مدري
ديمه: كيف عرفتي ان له حفله؟
جوري: ابد اتصفح مجله وشفت كان اخذ الرقم واتصل وقلت لخالي وبالموووت وافق
ديمه: ياسلاااام طيب؟
جوري: ورحنا وجلسنا بثاني صف وطول الحفله اطالع اطالع .. وفي لحظه جات عينه بعيني
ديمه: انتي هنا انتحرتي
جوري: اووووه اسكتي كنت بامووت ياديوووم بس ربك ستر
ديمه: اخذتي توقيع؟
جوري: لاياشيخه تبين خالك يذبحني
ديمه: احم وين هديتي ؟
جوري: لو تشوفين ايش جبت لم تعالي معاي داري
ابوسعود: ديوووم
ديمه: هلا عمي
ابوسعود: ماكأني عمك سلمتي وطنشتي
ديمه وهي تروح له وتحضنه: يابعد عمري عمي....بس مشتاقه لجوري حييل
ابوسعود: وينه ابوك ماجاء مو مبين اليوم حتى بالشركه
ديمه: رايح المزرعه...ماقالك؟
ابوسعود: لاوالله
ديمه: عن اذنك عمي باروح مع جوري فوق
ابوسعود: براحتكم يابنتي
فارس: باروح معاكم
جوري وهي تقوم: مو ناقص الا انت بعد
فارس: افا اختتتي مو انا اخوك حبيبك
سعود: شحلاتك ياكرست وانت ساكت اقعد ولاتكثر
فارس: زين عاد لاتزف

صعدوا الثنتين فوق وعطت جوري ديمه هداياها
ديمه: تو متش حبيبتي ...
جوري: تستاهلين اكثر ياقمر...
ديمه: ثانكس يووو سوو متش .... وين خالي؟
جوري: نايم تجين نصحيه
ديمه: اووكي
.................

دخلوا الغرفه وشغلوا نور خفيف لقوه كالعاده مغطي كل جسمه ماعدا رجليه بره
جوري: باوريك كيف يصحى
راحت اخذت جوري منديل وساعدتها ديمه واخذ منديل ثاني وقاموا يحركوه على رجله...هو عصب ورفعهم ....
مساعد وهو لسه معمض: اووووه
مصخوها وزودوا حركاتهم هو فتح وقــام...
ديمه: ههههههه سبرايز
مساعد: سبرايز بعينك يالخبله هذا انتي
طالع الجهه الثانيه الا يشوف جوري تبتسم بأستهبال...
مساعد: طالع هالخبله الثانيه ماتخلوا الواحد ينام براحته...اطلعوا بره
ديمه وهي تجلس جنبه: خالي العزيز
مساعد: تخلخلت ضلوعك قولي امين برره
جوري وهي تجلس عالناحيه الثانيه: سعووووودي
مساعد: هاااا
جوري: قوم عاد الكل تحت ..
ديمه: دينا هنا بعد
مساعد: طيب اخذ شاور وانزل
جوري: اوكي ننتظرك لاتتأخر..

.......................

طلعوا الثنتين بره الحديقه ومعاهم رزان ورامي يلعبون بالرمل في جهه...ودينا واسماء جالسين عالكراسي من جهه ثانيه..وفارس لبس ملابس تناسب ركوب الخيل وكان ناوي يطلع خيله الموجود في اسطبل صغير ورا بيتهم ويركبه...
جوري: ايوه ياحبيبي ايه الكشخه ديت
فارس: اطيح القلوب هااا
ديمه : يااختي هذا واثق كثير من نفسه
فارس: عندك مانع مدموزيل دم دم
ديمه: الله يعينك...يلا فروس طلع خيلك من الاسطبل
فارس: ليكون ياحلوه بتركبين
ديمه: اكيد
فارس: اذلفي عني ماعندنا بنات تركب خيل
جوري: خليها .. شدعوه بتلف فيه الشرقيه الا في بيتنا عادي
ام سعود من داخل البيت وهي تصارخ: جوري ياماما تعالي صاحبتك نوره عالتلفون
جوري: اوكي مام انا جايه
ركضت لداخل البيت وتركتهم لوحدهم...
ديمه بزعل: يعني مابتخليني اركب على خيلك
فارس: لا مافيه
برطمت ومشت كان بيسحبها من يدها بس تذكر انها حركه مو حلوه لا وكل اهله هنا عيب !!
فارس: ديمه
لفت وهي زعلانه تطالعه
فارس: ههههههههههههه خلاص باخليك
نطت بفرح : جد؟ الله يخليك الله يحفظك الله شقوول يرزقك بزوجه صالحه وعيال صالحين و..
فارس: بس ياشيخه ... يلا بطلعه لك
فتح الاسطبل وطلع لها الخيل...

...................


بعد ماسكرت من نوره اللي قالت انها بتزورها جلست تقول للخادمه تسوي كيكه وتسنع عصير ..وبعدها راحت لغرفة الجلوس وقامت ترتبها وتعطرها بعد نص ساعه دق الجرس...معقوله نوير وصلت؟ اروح اشوف
راحت ركض للباب تفتح الا رجــال طالع بوجهها..شهقت ودخلت بسرعه وسكرت الباب بوجهه...
تسندت عالباب وهي تلهث .. عمى بعيني انا شسويت هذا اكيد واحد من اصحاب فروس .. عز الله رحت وطي بيذبحني اخووي

اما هو كان واقف مكانه ماتحرك مذهوول من القمر اللي شافه..ماشاء الله مين هذي لا وجايه ركض مره وحده
دق على فارس وقاله يطلع بره...
فارس: طيب ماجد ثواني بس باي
سكر وراح لعند الخيل
فارس: انزلي
ديمه: ليش
فارس: واحد من اخوياي ينتظرني بره انزلي بدخله الاسطبل
نزلت ببطء وشكرته وراحت وهو دخله بسرعه وراح لعند الباب ولقى جوري واقفه سرحانه
فارس: شفيك؟
جوري: ها فارس
فارس: روحوا الحديقه الخلفيه بدخل ماجد المجلس
جوري: اوكي.....
راحت ركض لديمه
جوري: وااي ياديموه
ديمه: اني بروبلم؟
جوري: ماجد اسمه ماجد مثل ماقال فرووس
ديمه: ماجد؟ أي ماجد أي رابح بلا رعد
جوري: باعلمك فوق.. بس لحظه اوصي اسماء تشوف شسوت الخادمه نوير بالطريق
ديمه: ريللي؟ ونااسه

..............

راحت اسماء على امر اختها داخل وتركت دينا لوحدها تطالع العصافير من القفص الكبير اللي قدامها قربت منهم وهي تدندن...

بعد ماسبح طلع من الحمام طل من نافذه غرفته شاف رزان ورامي يلعبون بالرمل ..نرفز وعصب ابد مايحب يشوف بنته تلعب بالرمل....رمى الفوطه بعصبيه ونزل بسرعه وخصله من شعره الاسود الفاحم مبلله بالماي صايره على جبينه عاطيته شكل جذاب... لما صار قريب منهم لقى دينا تدندن هالشئ اللي نرفزه اكثر
سعود: بدال ماتغنين قابلي ولد اخوك وبنت ولد عمك
لفت وهي فاتحه عينها عاالاخر....شفيه هذا جن؟ لا اكيد جن حتى يصارخ علي
سعود: وين لسانك من شوي تغنين ولا على بالك والحين ساكته
دينا باستغراب : يلعبون بالرمل مافيها شئ
راح لعند بنته وسحبها بقوه حتى انها خافت
سعود: شلون مافيها شئ ماتعرفين البكتيريا والجراثيم الموجوده بالتراب... ذي طفله بسرعه تتثر
دينا: شفيك تصارخ علي وكأني المسؤوله عنها.... ماكنت ادري انك تعارض اللي تسويه
سكت ونزل راسه وهو وده ينفجر بوجهها
سعود وهي يحط عينه بعينها : معاك حق المسؤوله عنها راحت من بقالها غيري
سحب بنته وراح هي جلست عالكرسي ودمعت عينها... مسكين ياولد عمي .. الله يعينك.. بس شذنبي تصارخ علي ..
.....................


انتظر الردود..

تحياتــي..


لامارا غير متواجد حالياً   رد مع اقتباس
قديم 10-04-13, 11:13 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



لعيونــكـ ياحلوه..

وهاذي التكمله..


اخر الاحــداث في الجزء السابق :

ليلة الخميس.....
كانت زواج دينا وتركي وقفنا لين ماطلعوا من القاعه واسماء بالسياره مع خالها مساعد اللي قرر يكلمها
ويقنعها تعدل عن فكرة العنوسه اللي معيشة نفسها فيها وتبي تعيش فيها للابـد...

مساعد: سموي..مااقصد من كلامي لك التجريح بس مايهون علي اشوف ورده حمراء تذبل قدامي وابقى ساكت..ابيك من هاللحظه تفكرين بمستقبلك..ريان تزوج واستقر وصار عنده عيال الدور والباقي عليك يابنت اختي حاولي تنسين الماضي..

اسماء: واذا ماقدرت؟
مساعد: بأذن الله بتقدرين يكفيك شرف المحاوله ...
اسماء وهي تتسند عالكرسي: اااه ياخالي ماحد فاهم اللي احسه انا حبيت ريان والحين نسيته ماابي احب شخص ثاني ماابي اتعذب مره ثانيه خلااص..
مساعد: المهم انتي فكري زيييين
اسماء: مشكور خالي ماحد غيرك يفهمني والله وبافكر...مااوعدك
مساعد: افاا يالدبه حاظرين للطيبين كم سومه عندنا وحده ومطلعه لنا قروون
اسماء: اصلا انا زعلانه منك...انت ماتحب الا جوري ليل نهار طلعات ومطاعم ومجمعات واحنا مو بنات اختك بعد
مساعد: هههههههه وربي اختك يااسماء مادري فيها شئ غريب يعني احسها بنفس عمري فاهمه عاقله كل شئ بالدنيا تعرفه...تفهمني عالطاير لو الف الشرقيه كلها مابحصل اللي يستاهلها
اسماء: افهم من كلامك انك انت اللي بتختار لها شريك المستقبل؟
مساعد: اكيد مايبي لها كلام
اسماء: اييه لي الله مارميتوني الا في حظ هالفؤاد
مساعد: وربي انتي ظالمته فؤاد طيب وحنون ماتحصلين مثله هاالايام
اسماء: بس مااواطنه
مساعد: ان شاء الله يكون الكره اللي يسبق الحب
رن جواله وكانت جوري.....
مساعد: هذي اختك الدبه عمرها طووويل..... الووو
جوري: وربي ياميسووو انك اكبر خاين بالشرقيه
مساعد: هلا هلا بحبيبة خالها هلا
جوري: روح انا مو حبيبتك اهئ اهئ زعلت
مساعد: ههههه افهمي السالفه
جوري: ماابي
مساعد: لحوول ابتلشت انا في بنات هالخوات ادري تحبوني ياربي شوي شوي علي
جوري: ارجع وخذني ايش معنى بس تاخذ سمووي
مساعد: لالا روحي مع حد ثاني
جوري: خالي عااااد والله فؤاد جاء واخد خواته وخالتي وراحوا ماتكفي سيارته وانا هنا مع امي وخالتي انتصار واقفين بره
مساعد: اخوك الثور سعود وينه وين غاطس ياخوفي مع وحدة من هالبنات
جوري: ههههههههههه سعود؟ أي بالعيد المهم خالي انت دق عليه خليه يجينا ادري لو كلمته بعطيني طنااااش
مساعد: اوووكي يلا باي
جوري: بايات

سكر من عندها ودق على سعود اللي خلى رزان ترد عناد في خاله...
رزان: الو
مساعد: هلا وغلا بالشرقيه كلها....شلونك حبيبتي
رزان: الحمدلله خالي مساعد؟
مساعد: أي مساعد حبيبتي وين الثور ابوك
رزان: عيب بابا مو ثور
مساعد: ياشيييخه واكبر ثور...(وسعود يضحك) لا ويضحك هاتيه لابارك الله فيه
عطت ابوها الجوال ولفت تطالع من النافذه.....
سعود: هههههههههه هلا بالخال هلا
مساعد: تخلخلت ضلوعك تكسرت ضروسك قول امين سعودوه كيف تارك امك وواختك
سعود: شدعووووووه صرت سعودوه بعد؟ خلي يدقون على فارس انا اتمشى مع بنتي
مساعد: وينك الحين؟
سعود: عالكورنيش
مساعد: اقول مالت عليك مسوي لي فيها رومنسي ابو كشه روح خذ امك بسرعه
سعود: من عيووووني أي اوامر ثانيه خالي العزيز؟
مساعد: ههههههه اذلف باي

......................

بعد ساعه كلهم صاروا في فلــة تركي ودينا .. كانت خايفه من كل قلبها اللي يدق طبوول ماتبي تكون معاه لوحدها...قامت لعند امها وخالتها ام فؤاد....
دينا: ياربي خايفه شسوي
ام ريان: حبيبتي دينا مافي شئ يخوف
دينا: انا متأكده ماراح تعدي الليله على خير
ام فؤاد: كلنا خفنا ليلة الدخله بس عدت على خير بس هدي بالك واقري المعوذتين واية الكرسي
دينا: طيب وين اسماء؟
ام فؤاد: مع خالك بره
رفعت فستانها الثقيل وطلعت بره لقت تركي جالس مع مساعد واسماء جالسه تحط لهم هديه داخل الخزانه...
مساعد: حيالله العروسه تعالي هنا جنبي
دينا وهي تساسر خالها بأذنه: لاتخلوني بروحي خالي
مساعد: ياشين الدلع ياشيخ...ليش يعني خايفه...مالذي سيحدث؟
دينا وهي منحرجه: خااااالي عاد عن الاستعباط
مساعد: ههههههه يالدبه لاتخافين وانا وصيت تركي عليك قلت له يحطك بعيونه
تركي: لاتحاتي يامساعد دينا هي عيوني
ابتسمت بخجل ونزلت راسها....
مساعد: اححححم اجل الحين مالنا داعي بنخليكم ترتاحون
تركي: فمان الله
مساعد: طالعي زوجك يبيها من الله بيطردنا
دينا: ههههههه لا مايقصد خليكم جالسين
مساعد: لاخلاص صارت الساعه 3 ونص مابقى شئ عاالاذان بنخليكم الحين....دينا مااوصيك انتي بعد على زوجك
دخل بهالوقت ابوها مع عمها .....
ابوسعود: هابنتي خلاص ماتبين شئ
قامت لعندهم وحبيت راس عمها وراس ابوها اللي من حطت عينها بعينه بكت
ابوريان وهو يمسح دموعها: خلاص حبيبتي دينا ماابي اشوف هالدموع
دينا: لاتخليني يبه
ابوريان: ماراح نخليك بس لازم يابنتي هذي سنة الحياه....تركي هالله هالله في وردتنا
تركي: اكيد عمي لاتوصي

وبعد السلامات طلعوا وتركوها لوحدها معاه...
الساعه 5 الصبح كانت تتقلب عالسرير النوم مجافيها...قامت تحول نظرها عالصور المعلقه عالجدار الف صورة وصوره لراشد الماجد..اووف متى بكبر بس احبه ...
تذكرت ماجد وابتسمت...ياربي يشبهه كثييير نفس ابتسامته غمازاته بس ماجد لونه افتح....مالت علي ههههههه
قامت من سريرها وتمشت بالغرفه وهي تلعب بخصله من شعرها الطويل الطايح على اكتافها وباقي الخصل مرفوعه بمشبك وردي صغير فوق راسها...رغم اني تعبانه مووت بس مو قادره انام اوووف

طلعت من غرفتها ودخلت غرفة فارس بشويش كالعاده ارتجفت من البروده , التكييف مثل كل مره على اخرره حطته عالوضع المنخفض وطلعت...
نزلت الصاله وانسدحت عالكنبه وهي تطالع النافذده وتشوف العصافير...رن تلفون البيت نقزت على طول وحطت يدها على قلبها....بسم الله من متصل هالحزه
جوري بخوف: الو
جوري: الووووو
جوري: ههههه ديموه انا عارفة حركاتك بس ليكون مات تعبانك ولا كلبك وداقه تبكين
ماجد: هههههههههههه شفيك انتي
انصدمت من هذا..... مالت عليه ضحكة عنزه على باب مسلخ
ماجد: كيف الحال؟
جوري: والله عيب عليكم حد يتصل هالوقت
ماجد: والله اسف بس انا ماجد صديق فارس
ابتسمت وعرقت من التوتر...
جوري : اسفه اخوي بس الله يهديك حد يتصل هالوقت
ماجد: انا اللي اسف بس ضروري دقيت على فارس مايرد مفاتيح سيارتي عنده وابيها ضروري
جوري: اممممممم خلاص لما يصحى اقوله
ماجد: مشكوره جوري
سكتت وهي تبلع ريقها وقلبها يدق بقوه...ياويلي يعرف اسمي بعد ساحر هذا ولا شنو....
جوري: يلا باي
ماجد: لحظه تعالي....
جوري: نعم؟
ماجد: تدرين ان اسمك حلوووو
جوري: اقول احترم كشتك وعدل اخلاقك
ماجد: هههههههه ماقلت شئ
جوري: والله لأعلم فارس عليك
ماجد: بل منتي هينه
جوري: اوف منك باي
ماجد: لحظه اخر شئ
جوري: شنو بعد
ماجد: على فكرة الاسم وصاحبته حلووين
سكرت بوجهه وهي مو مستوعبه اخر جمله قالها....لما استوعبتها ضحكت بخجل وتسندت عالكنبه....دب صحيح.. وجريء بعد ههههههههه مع هالكشه يلا ان شاء الله ماانسى اقول لفارس اروح انام ازين لي..

.............................

صحت عالساعه 7 وهي تحس بالتعب, حاولت تقوم وتعتدل في جلستها لكن محااال اخ ياظهري احس جسمي كله مكسر..لفت لتركي تطالعه ..لازال نايم...كان حاط يده بجنب عينه يمنع الضوء عنه...ابتسمت وقامت بس سحبها ...
دينا بحيا: صباح الخير
تركي: صباح الحب والغزل لاحلى دينا بالكون اروح فدوه لهالعيون
دينا بخجل وتبي تغير الموضوع: اممم بتقوم الحين؟
تركي: لا
دينا: باقي 3 ساعات بس على موعد طائرتنا
تركي: امري الى الله

قاموا وتجهزوا وعالساعه 8 مر عليهم ريان اللي بيوصلهم...جلس تركي قدام ودينا ورا....
ريان: اجل بتروحوا امريكا حركاات بس والله في اماكن احلى...
تركي: انا اقترحت هالمكان لان اهلي هناك منها اشوفهم ومنها شهر عسل
ريان: أي اماكن الذكريات صح دندون
دينا: هههههه سوق وطالع قدام لاهنت...
ريان: لطيفه توصل لك سلامات وتقولك دقي عليها مو تنسين
دينا: لا اكيد بدق عليكم كل يوم

وصلــوا للمطار وساعه واقلعت طائرتهم متوجهه للولايات المتحده الامريكيه هالمكان اللي تعشقه دينا لانه مكان لقائها الاول مع تركي مو لغرض ثاني ولا هي ماتواطن امريكا ابد....

.........................

صحى من النوم الساعه 11 بدري على غير العاده...قام من السرير وهو يتذكر الحلم اللي حلمه..ههههههههه أيا

اديموه الخبله حتى بالحلم تجين لي...حلم انه معاها راكبين خيل ويتسابقون هو سبقها عصبت منه ورمت عليه علبة المويه اللي عندها وصار طرراااخ براسه....تعور المسكين فـ سبقته .....

سبح وصلى طلع من غرفته وهو يصفر بروااق اول مكان يروحه لعند اخته المقربه لقلبه طبعا جوري...لقى الاضواء مشغله ورزان نايمه عاالارض وهي حاضنه باربي
يووه هذي زيزي هنا ورا نايمه الدبه عاالارض اكيد تلعب ونست نفسها..شالها بحضنه وحطها بشويش عالرسرير جنب جوري.....وجلس عند راس جوري
فارس: جوير
جوري: ...........
فارس: قومي يالطرشه
جوري : .........
شال صورتها اللي حاطتها عالطاوله اللي جنب راسها..لما كانت بالامارات مع مساعد..كانوا ياكلون ايس كريم وعلى خشمها اثر من الايس كريم ههههههههههه خبله وربي....رجع الصوره مكانها ورجع يصحيها....
فارس: قومي يالدلوووعه
جوري وهي تفتح عينها بشويش: فارس
فارس: لا خياله....اي فارس مين يعبرك بهالبيت غيرك
جوري وهي تنقلب عالجهه الثانيه: انقلع بره
فارس: اووف جوري قومي جلسي معي
جوري وهي تطالع الساعه بيدها: اووووه غريبه صاحي بدري شصاير
فارس: عصفور طاير بس شبعت نوم
جوري: وانا ماشبعت قووم خلني انااام
فارس: ياكبرها عن الله تطرديني انا
جوري: اووه فرووس ماني رايقه( تذكرت ماجد) الا تعال صحيح ليه ماخذ مفاتيح سيارة ماجد
فارس: وانتي شدراك
جوري: اتصل الصباح وقالي اقولك انه يبي مفاتيح سيارته
فارس: نسيتهم والله امس عندي بعدين ادق عليه تلاقيه الحين مقطع المخذه من النوم....
جوري: عاالاقل مقطع المخده مو مثلك مقطع الجوال من كثر البربره
فارس: شقصدك؟
جوري: قصدي شريف انت عارفه زين ابي افهم كيف تقدر تتحمل من وحده للثانيه ماتمل انا نص ساعه احس اذني تقاوم سكرات الموت
فارس: أي بكره تنخطبين وتحطمين الرقم القياسي
جوري: هههههه اذا جاب لي خالك معرس على ذوقه يصير خير
فارس: اموت واعرف الكل يحبك هالحب ليييش حتى خالي مساعد مو موافق تنخطبين لاي حد
جوري: احم احم اجلك مثلك يابو راس روح عني بس
فارس: قسم بالله ان قلتي ابو راس مره ثانيه بمسح فيك الارض
جوري: ليش يااخي تزعل كلنا فينا رووس
فارس: اجل انتي ام راس انزين
جوري: ههههههههههه ادري
فارس: قومي طيب يالدبه اوديك تفطرين
جوري بنظرة خبث: فطور؟ هاااااااااااااااااااااااا ااا ناوي على شئ قول باختصار بلا هالمقدمات
فارس: لحوووول ليش دايما تفهميني غلط
جوري وهي تضربه على كتفه: فاهمتك صح يابو راس
فارس: زهقان وطفشان وابي اطلع....اطلع مع وحده من خوياتي اووكي تذكري انك انتي اللي حثيتيني على المنكر
سحبته من ثوبه وهي تضحك : تعااال يابعد هلي قال حثيتيني قال باروح معاك .. بس قربنا للظهر نخليها غذا افضل
فارس: غذا عشاء انتي قومي من زماااان ماشفت بنات
جوري: اياقليل الادب
دخل بهالوقت ابوهم وقام فارس من مكانه خوفه ابوه سمعه بس نظرات الغضب بعيون ابوسعود اثبتت هالشئ
ابوسعود: بنات هاا.....مادري متى بتترك هالخرابيط
فارس بفشله: اسف يبه
ابوسعود: لاتتأسف لي تأسف في حق نفسك اللي مخليها تمشي في طريق ماله اول ولا تالي

وطلع من الغرفه بعصبيه....جلس فارس مره ثانيه عالسرير وهو زعلان شوي
جوري: لاتزعل فرووس ابوي معاه حق اترك هالخرابيط وانا اختك
فارس: خلاص مابطالع بمشي وانا مغمض زين كذاا اووف
جوري: ههههههه يكون افضل مافينا عالهيئه تاخذك واجلس ابكي على اطلالك
فارس: عدال ياام كلثوم قومي ازين لك
جوري: اوكيشن....

بعد ماطلع من الغرفه قامت غسلت بس رجعت تطالع رزان النايمه .. اللي جات لجوري الساعه 7 وقال لها ابي العب رحبت جوري فيها كالعاده وخلتها تلعب
جوري نامت وزان بعد ساعه قاومها النعس ونامت عاالارض...

خليني اصحيها يمكن تبي تروح معانا...
جوري: حبيبتي زيزي
رزان: _________
جوري وهي تحط يدها على شعر رزان : زيزي
وهي تفتح عينها بشويش: نعم
جوري: حبيبتي تطلعين معاي؟
رزان: وين؟
جوري: نروح ملاهي
قامت رزان وجلست بحضن عمتها الحنونه
رزان: عمتي انا احبك
جوري وهي تضم رزان لحضنها: ياحياتي وانا اموت فيك
رزان: ليش بتروحين الرياض؟
جوري: لاني بدرس هناك في الجامعه
رزان: عادي اروح معاك الجامعه؟
جوري: هههه لا حبيبتي لازم تروحين المدرسه
رزان: مافي مدرسه بالرياض؟
جوري: فيه بس انتي مدرستك هنا بالخبر
رزان: بتخليني لوحدي؟
جوري: لا معاك بابا وماما احلام وبابا سليمان وبابا سعود واسماء وفارس والكل معاااك
رزان: بس انا ابيك بعد انتي
جوري: مايخالف حبيبتي بنزل هنا الخبر كل اربعاء وبجلس معاك للجمعه حلوو
رزان وهي تقوم: حلووو
جوري: يلا قومي حتى تسبحي وتلبسي

...........................

نزلت جوري وجنبها رزان للصاله والكل كان موجود....
جوري: هااااااااااااااي ماي فاميلي
ركضت رزان لحظن جدها ابو سعود اللي حملها وباسها...
ابوسعود: هلا هلا بحبيبة جدها
سعود: هاااا...رزان بتروح وياكم؟
جوري: أي حرام خليها تنبسط الا فرووس وين بتروح؟
فارس: شرايك مجمع الظهران
جوري: تمام أي حتى تلعب رزان...
سعود وهي يسحب بنته لحضنه: رزان مو تتركين عمتك هناك
رزان: طيب بابا
سعود: فارس مااوصيك عليها...
جوري وهي تجلس اخيرا جنب امها: صباح الفل والنرجس لاحلى ام بهالدنيا
ام سعود: صباح الخير حبيبتي ها نمتي زين؟
جوري: وين يمه....مانمت الا سبع وشوي
ابوسعود: ياحبكم للسهر
اسماء: أي انا اصلا بنت البطه السوداء
لفت جوري لاختها اللي جالسه بالزاويه
جوري: هههههههههه صباح الكادي لاحلى سومه...
اسماء: بعد شنو يالخاينه ولاتقولين تفضلي روحي معانا
جوري: ماتحتاجين عزيمه ها تروحين؟
فارس: لاياشيخه اختك دبه ماتشيلها سيارتي
اسماء: انت اسكت سخيف
سعود: لحوووول يعني امي وابوي مالهم أي اعتبار
رزان: بابا يعني شنو اعتبار؟
سعود: يعني تقريبا حسااااب
رزان: اممم حساب يعني شنو
فارس: يعني رياضيات ههههههههههههههههههههههههه ههاي
رزان ببراءه: ايه ايه يعطونا اياه بالمدرسه
فارس: ههههههههه ويلي باموت أي هو بالضبط
ابوسعود: غربلك الله من ولد تلعب على البنت
فارس: مادري عنها يبه تسأل عن شئ اكبر منها
سعود: احترم نفسك ولاتغلط على وردتي
فارس: بدينا وردتي ونخلتي وشجرتي
ام سعود: الله يهديكم ياعيالي هذا حالكم كله نجره وهواش
فارس: مو مني يمه من عيالك شوفيني شحلاتي مؤدب
جوري: طييب خلونا نروح ها سموي بتروحين؟
اسماء: بلبس وبروح يلا ماراح اتأخر
فارس: بالسياره انتظركم

وهم بالطريق مروا عالشارع اللي فيه بيت عمهم ابوريان

جوري اللي كانت جالسه ورا جنب رزان: بببببببببس فروس اوقف
فارس ضرب بريك قوي ووقف : خير خير شفيكم؟
جوري: شرايكم نمر على ديموه تروح معانا
فارس وهو متحمس يستانس على خبال بنت خالته: اي خلاص يلا نمر عليها دقي عليها حتى تجهز
اسماء بخبث : ياحااااافظ شفيك ولاعمرك شفتها...غريبه رغم انكم سالب وموجب
جوري: سبحانهووووو مغير الاحوال
فارس: بنت خالتي مافيها شئ ها نمر؟
اسماء: دقي عليها اول جوري

دقت جوري ووافقت ديه تروح معاهم وراحوا لمجمع الظهران...

.................

كانت جالسه مع خالها اللي بات امس عندهم...
كانوا جالسين بالصاله سوالف وضحك وهي صحيح معاه بس فكرها هناااك عند فارس اللي تحبه من كل قلبها
مساعد: هه....اميره اكلمك شفيك...
اميره وهي تلف لخالها: هاخالي؟ شقلت؟
مساعد: ساعه اقولك روحي صحي خواتك
اميره وهي تقوم: ان شاء الله
مساعد: اميره
اميره: هلا خالي بغيت شئ؟
مساعد : اقعدي
اميره وهي ترجع تقعد: امر خالي
مساعد: شفيك؟
اميره: مافيني شئ سلامتك
مساعد: لاتكذبين وتقولين مافيك شئ اعرفك زين...من يوم جلستي وانتي سرحانه..ايش اللي شاغل بالك؟
ابتسمت لخالها: لاخالي بس مشغول بالي بالدراسه
مساعد اللي يخاف على مشاعر بنات اخته من يوم مات ابوهم: ياشين كذب البنات ياشيخ
اميره: ههههههههه خالي صدقني مافيني الا سلامتك
جات ام فؤاد وجلست معاهم وعلى وجهها ابتسامه هادئه
مساعد: هلا بأختي هلا
ام فؤاد: هلا فيك ياخوي.....ها امور جالسه مع خالك اكيد غاثته
اميره: حرام عليك يمه والله اني احبه بس هو مايحب الا بنت اختك جوري
مساعد: لحوول شفيكم تغارون منها احبكم كبكم بس سبحان الله ارتاح مع جوري اكثر موتوا قهر
اميره وهي تقوم: لنا الله...باروح اصحي امل واماني
ام فؤاد: وصحي بطريقك خالد
مساعد: ليش فؤاد وينه؟
ام فؤاد: بره يسقي الزرع
مساعد: اجل باروح له
طلع لولد اخته ولقاه يسقي الورد وهو سرحان بضميييير....
مساعد وهو يغني: ياللي عالبال تطري وانت ماتدري وش ذنبه اللي يحبك وانت خليته
فؤاد: ايييه ياخالي جبتها صح
مساعد: كذا الحب يسوي؟
تنهد فؤاد وسكت....
مساعد: يعني انت جد تحب اسماء؟
فؤاد: والله خالي احبها وياليتها بعد تحبني وتوافق
مساعد: انا كلمتها امس بخصوص موضوعكم
فؤاد بفرح: جد خالي؟ يابعد قلبي انت والله ...شقالت؟
مساعد: كم تدفع؟
فؤاد: عاااااد خالي قول مااتحمل
راح مساعد وجلس عالكرسي ورفع نظارته الطبيه عن عينه وحطها فوق راسه
مساعد: مافي شئ ببلاش اتسلف ال بي ام كم يوم
فؤاد:: خذها لك اذا تبي بس قول شقالت اسماء؟
مساعد بجديه: ماراح اكذب عليك واقولك موافقه
فؤاد بصدمه: رفضتني بعد؟
مساعد: احسها بين وبين مارفضت بشده مثل كل مره
فؤاد: مافي امل
مساعد: لحوول لاتتشائم يااخي وعدتني تفكر
فؤاد: يعني بتوافق؟
مساعد: مادري ليش احس هالمره بتوافق واحساسي مايخيب
فؤاد: ان شاء الله توافق واخذها ونطييير بعيد
مساعد: أي طيور النورس على غفله
فؤاد: ههههههههههههههههه واحلى طيور بس هي خلها توافق والله لاعيشها ملكه تتدلل وتتأمر كل طلباتها اوامر
مساعد: من قدها الدبه...بس انت اصبر كم يوم
فؤاد: الله يعيني

...................


يتبـــــع.. >>>



لامارا غير متواجد حالياً   رد مع اقتباس
قديم 10-04-13, 11:28 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

وبالمجــمع..

كانوا يتمشون رزان ماسكتها جوري وقدامهم فارس وجنبه اسماء وديمه قريبه منهم تشوف بلوتوثها...
وتستقبل هم تقدموا عنها وهي ابد عينها بالجوال.....

دخلوا لصالة الالعاب وهي واقفه عند ستار بكس...رفعت راسها تطالع يمين ويسار...وينهم..راحوا وخلوني
ياماما ماادل مكان هنا...يمكن كنت سريعه وسبقتهم وهم ماحسوا خليني ارجع....
رجعت تدورهم يمين ويسار ويوم عجزت الاا تدق عليها جوري...
ديمه: جوري وير ار يوو؟
جوري: انا ولا انتي يالدبه احنا بالملاهي
ديمه: لحوول ماادل جوري تدرين اني اول مره اجي هنا
جوري: طيب وين انتي؟
ديمه: عند زهور الريف والله خايفه
جوري: لاتخافين محد بياكلك..برسل لك فارس باي

سكرت وراحت لعند فارس اللي واقف مع اسماء يطالعون رزان تتزلج عالجليد...
اسماء: ها وينها لقيتيها؟
جوري: الدبه هي الحين عند زهور الريف وماتدل المكان زين
فارس: اجل باروح لها
تركهم فارس وراح بسرعه لها وخواته يطالعوه...
اسماء: شفيه ماصدق نعرف وينها راح لها مثل البرق
جوري: نشمي الاخ صاير..ترى اخوك هاليومين مو على بعضه
اسماء: أي حسيت اليوم من عرف ان ديموه بتجي معانا طار عقله
جوري: ليكون يحبها...هيييييييييه وناااسه
طالعت اسماء اختها بسخريه ولفت تطالع رزان اللي تلوح لهم بيدها من بعيد....

..............

وهو يمشــي يطالع لوحات المحلات شاف المحل المنشود طالع يمين ويسار شافها قاعده عالكرسي ويدها على خدها وجوالها بيدها الثانيه...
فارس وهو يجلس جنبها بتعب : واخيرا لقيتك
فرحت يوم سمعت صوتها ولفت عليه: اووف وربي كنت خايفه
فارس وهو لسه يتنفس بسرعه من التعب: عسااني اشوف فيك يوم يالدبه نفسي بينقطع تعبت وانا ادورك..
ديمه بغرور: ماحد ضربك على يدك وقالك تعال ودورني
لف يطالعها...ياربي ايش هاللي احسه اووف مني ليش افرح بس اشوفها ارتبك اذا صرت قريب منها...
ديمه ببتسامه: شفيك تطالعني
رد لها الابتسامه: سلامتك يلا قومي نرجع

بعد ماخلصوا غدا قاموا يتسوقوا شوي مروا على محل للالات الموسيقيه وقفت ديمه تطالع جيتار لفت نظرها....
ديمه: جوري ...تعالي
جوري: هلا شفتي شئ؟
ديمه: طالعي هالجيتار
جوري: مشكلة الناس الفاضيه
ديمه: ابيه...تعالي
جوري: خبله انتي وربي ريان لو يشوفه عندك يذبحك
ديمه: يالله مافيها شئ
اسماء وفارس قربوا منهم لما شافوهم مشغولين
فارس: ليش وقفتوا
جوري: الاخت دم دم شايفه جيتار
فارس: اقول امشي انتي وياها قدام بلا جيتار بلا هم
ديمه: اوووف ابيه
اسماء لمحت محل معروضاته اللي بره عجبتها....
اسماء: تعالي جوري هالمحل...
راحوا الثنتين وتركوا فارس وديمه لوحدهم
فارس: ايش تبين فيه ياديمه
ديمه برجاء: بليز فارس علشاني ابيه
ماقدر الا يدخل معاها المحل ماتحمل يشوف نظرات الرجاء بعينها....

الاخ صاير رومنسي وعاطفي كثييييير

شالته وهي مبسوطه
ديمه: حلو صح
فارس: تعرفين تعزفين؟
ديمه: أي صديقتي عندها واحد ودايم اعزف عليه
فارس: طيب شوفي كم سعره
ديمه: 90 ريال
فارس: طيب هاتي
شاله وحاسب عنها وطلعوا
ديمه: ليش حاسبت عندي فلوس
فارس: بس كذا حسيت عيب انا معاك وتدفعين
ديمه ببتسامة شكر: ميرسي
فارس: وعليكم الميرسي
ديمه: هههههههه

.......................

بعد ماوصلوا ناموا دايركت يخففوا من تعب السفر.... صحت على صوت جوالها يرن انزعجت من صوته بس صوت تركي وهو يرد عليه ريحها من الازعاج فتحت عينها تطالعه....كان عاطيها ظهره
تركي: هلاوغلا...هههههه هلاوي...بخير وانتوا اخباركم...والله الحمدلله تمام...دينا؟ نايمه والله....شنسوي بعد
....ان شاء الله يوصل ... وانتوا بعد لاتقطعوا....مع السلامه
سكر ولف لها ابتسمت له جلس جنبها وقام يطالعها انحرجت وقامت تلعب بخصلة من شعرها....
دينا: من المتصل؟
تركي: خالك مساعد
دينا: كنت جالسه
تركي: للاسف ماانتبهت...(وبعد لحظات صمت) ليش انتي حلوه؟
انحرجت وقامت عنه حتى تغسـل...¬
تركي: اووووف وين رايحه
دينا وهي تدخل الحمام: باسبح
تركي: الحين انا اكلمك تروحين عني
دينا وهي مستغربه من العصبيه الواضحه في لهجته : انا ماسويت شئ بس باسبح
تركي: اوكي اوكي خلاص
راحت لعنده وهي مبتسمه : زعلت مني؟
تركي وهي يقوم عنها: روحي اسبحي خلاص

دخلت الحمام وهي مكشره لحول من اول يوم زعل اووف انا ماسويت له شئ حتى يزعل..
اخذت لها شاور سريع وطلعت تدوره لقته جالس بالصاله راحت وجلست جنبه عالكنبه وكانت لابسه ثوب ابيض قطني لين ساقها...
دينا: تركي
تركي وهو يطالع التلفزيون: نعم
دينا: شفيك؟
تركي: ولاشئ
دينا: مااصدقك
تركي: مشكلتك
دينا: طيب انت ليش تكلمني بهاالاسلوب
تركي: اوووه شفيك دينا خلاص قلت لك مافيني شئ...ليش مصرة ان فيني شئ

قام عنها وتركها في وسط دموعها....ماكنت اعرف انك مزاجي لهالدرجه ياتركي الله يسامحك
من اول يوم ترفع صوتك علي وتهاوشني

...................

الساعه 12 منصف الليل...صعد عالدرج وبيده كاس مويه..انتبه لنور طالع من غرفة بنته بهدوء فتح الباب لقاها جالسه بالزاويه ومنزله راسها تطالع شئ بحضنها...قرب منها وهو مبتسم بس الدموع اللي شافها عالخد المخملي جمدته مثل كل مره لما يشوف دموعها..

طالع حضنها شاف صورتها..... صورة الحلم...السعادة الداميه..العصفور اللي سكن فتره بقفصه وبعدين قرر الابتعاد والرحيل....صورة بسمة زوجتة المتوفيه

قامت وارتمت بحضن ابوها وهو ضمها بكل ماعنده من قوه..وكل مانزلت دموعها على كتفه قلبه يدق اكثر واكثر...شال الصوره يطالعها ماقدر يحبس الالم والدمعه تركها تنزل بسهوله لمثواها الاخير....
احبك يابسمه..وعمري ماراح انساك ليش خليتني وحيد وخليتي رزان يتيمه ....

اااه ايش اللي بيصبرني على بعدك وين اروح لمين اتكلم مين يحسسني بالحنان اذا تعبت...
مين يضمني كل ليله لصدره اذا حسيت بالغربه...ياغربة ايامي دونك يالغاليه....

راح حط رزان على سريرها وغطاها حتى تنام ورجع جلس بالزاوبه نفسها اللي كانت جالسه فيها وهو ماسك بيده الصوره...مرر اصابعه على شفايفها...عيونها..شعرها...احل ى عيون وارق ابتسامه...
جلس يبكي حبه الميت...يبكي بألم وقهر...
ماحس الا بصوت محبب لقلبه يناديه...
قربت منه وسحبت الصوره وحطتها عالطاوله....
سعود وهو يطالعها تجلس جنبه: ايش اللي جابك؟
جوري وهي تطالعه بحنان: سمعت صوتك ودخلت...اسفه اذا ضايقتك
لما شافته سرحان ودموعه على خده يطالع في الفراغ ...حطت يدها عليه


جوري: الدموع لو ترجع الحبايب كنا بكينا لين نمل..
نزل راسه ودموعه تطيح على ثوبه الابيض...
جوري: ماراح تنسى...؟
سعود: لوقدر نسيت من زمان..بس مو قادر تعبت والله تعبت

قام طلع من الغرفه وهو يمشي بدون ثبات حس بدوخه خفيفه جات له بسرعه ومسكته يوم حسته مو قادر يمشي
جوري: سلامتك سعود شفيك
سعود: اتركيني ياجوري
جوري: وانت بهالحاله مستحيل اتركك....تعال ..

بقت ماسكته ونزلوا تحت وجلسوا عالمسبح ..شغلت الاضواء الصفراء اللي انعكس عالبركه وعطتها سحر خاص...

جوري: اجلس
سعود : ماابي...خلاص خوني بروحي لين اموت واروح لها
جلست غصب عالكرسي الابيض الطويل تمدد وغمض عيونه بألم
جوري وهي تقرب لها كرسي جنبه : تبي اسوي لك عصير؟
سعود: مالي نفس
جوري: مو بكيفك
قامت وسوت له عصير ليمون حتى يروق...رجعت لقته سرحان يطالع البركه...اخذ منها العصير وشربه وهي جلست قامت تدندن بصوتها العذب اللي استرسل معاه....

لفت عليه بعد ربع ساعه شافته مغمض عيونه وسكنت حركته نـــــــــام..

... فديتك ياخوي...كيف اصحيك الحين ماابي ازعجك
قامت وحطت يدها على كتفه: سعود
فتح عينه ونقز
جوري: بسم الله عليك قوم نام فوق
سعود: يالله كيف غفت عيني
جوري: احم ادري صوتي سحرك...
ابتسم ابتسامه بارده باهته وقام....وهي تتبعه بنظراتها المليئه بالخوف....

........................

كانوا الاثنين منسدحين بالصاله يتابعون مسلسل طلع مساعد من المطبخ وبيده صحن فيه كورن فلكس بالحليب وجلس جنب خالد....

مساعد: ها مابعد ينتهي هالمسلسل البايخ؟
خالد: لا...الاخ فؤاد زهقنا فيه...مادري ايش عاجبه بهالمسلسل
فؤاد: السكوت من ذهب اكرمنا يااخ
مساعد: لحوول نفسي اشوفكم يوم متفاهمين
فؤاد: حد يقدر يتفاهم مع هالتمساح اللي جنبك...
خالد: انا تمساح يالثور
فؤاد: مابقى الا هي العيال يتكلموا بعد
مساعد: استغفر الله ..شنو اطفال بالروضه استحوا على طولكم..

.قام خالد معصب من مكانه بس سحبه مساعد وجلسه جنبه
خالد: اتركني خالي باروح انام مالي خلق اقابل هذا( ويأشر على اخوه)
فؤاد: هذا بعينك احترمني انا اخوك الكبير...
مساعد بعصبيه: بس انت وياه مصختوها عاد...خالد هذا اخوك الكبير المفروض ماتكلمه بهالطريقه
نزلت بهالوقت امل الطويله : )
مبتسمه كالعااااده وجلست جنب خالها من الناحيه الثانيه....
امل: كورن فلكس يالله جوعانه هاااته
مساعد وهو يسحب الصحن: هيييييه انتي يالمفجوعه روحي سوي لك
امل وهي تضرب برجلها الارض مثل الاطفال: لالا جوعانه مااقدر ماقدر هاااات يلا لاتصير بخيل
حط الصحن بحضنه وعطاها ظهره : مافيه تعبت وسويته روحي اتعبي على حالك...
فؤاد: هههه اقول امول
امل: هلا
فؤاد: وين خواتك؟
امل: اميره نايمه واماني عالنت
فؤاد: يلا تصبحون على خير..
مساعد: وين يالدجاجه اجلس نكمل السهره..
فؤاد: نعسان والله جالس من الصباح
مساعد: الله معاك
راح فؤاد وبعده بـ 10 دقايق راح وراه خالد ينام....
امل: بما ان بقينا لوحدنا ابيك بموضوع ياسوسو
مساعد: قووولي يامومو
امل: العرس
مساعد: اووه ياامول مافي امل
امل: خالي عاد لاتعاند والله طايحه على بنت قمر 14 حلوه مووت ياسوسو
مساعد: من تكون؟
امل: مدرسه معاي جديده لكن جمال رباني ياخالي ناذر من نوعه
مساعد: استحي على وجهك عاد
امل: يوووه ليش عاد ماوصفتها انا بس اقولك يعني
مساعد : تشابه كرستينا اجليرا مثلا
امل: أي كرستينا أي بطيخ...خالي البنت ماتتفوت واخلاق ورزانه كامله والكامل الله
مساعد: لهالدرجه؟
امل: واكثر خليك واثق بذوقي ووافق وانا اكلمها صدقني بتدعيلي طول عمرك....
مساعد: شوفي امول انا واحد عاااايف الزواج لو بتزوج علشان خالاتك مساكين زهقتهم معاي وعلشان امك بس...
امل: كلووووووووش الف الصلاه والسلام عليك ياحبيب الله محمد
مساعد وهو يحط يده على فمها يسكتها: بس فضحتينا يالخبله مابعد صار شئ...
امل وهي تشيل يده: فرحاانه واخيرا انا متأكده بتحبها مع الايام
مساعد: أي بالمشمش
امل: شنو قلت
مساعد: احم لا سلامتك
امل: اعطي امي خبر
مساعد: خليني افكر
امل: لاتتدلع عاد خالي فكر بسرعه
مساعد: ان شاء الله من عيوني

......................
نرووح الى فؤاد اللي قال بينام بس دخل على اخته اماني يشوفها لقاها قاعده عالماسنجر وتكلم حبيبة قلبه اسماء ومييت يبي يكلمها....
اماني: اووووف فؤاد لاتزهقني
فؤاد: بس باكلمها شوي
اماني: ماتبي تكلمك...اخرس
وقامت تطقطق عالكيبورد...
طلع من الغرفه وهو منقهر....دبه امانيووه..طيب ايش اسوي حتى اخليها تقوم واكلمها....بس لقيتها
دخل بسرعه
اماني: خير خير شفيك
فؤاد: قومي قومي بسررررعه اماني بسرعه امول تقولك بعد شوي بيطلعون مسلسل فريندز
نطت من الكرسي وطلعت من الغرفه وشغلت تلفزيون الصاله اللي فوق نتظر المسلسل
فرح قفل الباب وجلس يكلمها....

سومه الحلوه(اسماء) : سوري اماني بس فصل
فؤاد بقلبه: اخ يابعد طوايفي انتي
جرح الهوى(فؤاد): هلا هلا اسماء

استغربت اسماء اماني ماتناديها اسماء ابد دائما تناديها تسونامي خخخخخخخ

سومه الحلوه: شصاير في الدنيا اماني تناديني بأسمي غريبه..
جرح الهوى: ومن قالك اني اماني
سومه الحلوه: يلا يالدبه بلا استهبال أي كملي السالغه وبعدين رحتي ولا
جرح الهوى: انا اللي باروح فدوه لعيونك يابنت خالتي
سكتت وهي تطالع الجمله قدامها....اكيد هو ومن غيره يعني...معقوله قامت وجاء مكانها وكلمني او صرفها...ليش لا تصير..

سومه الحلوه: احم من معي؟
جرح الهوى: العاشق الولهان
سومه الحلوه باستهبال: احس اني اعرفك
جرح الهوى: حزر فزر وان عرفتي لك ريال
سومه الحلوه: ريال؟ اشتري لك فيه حلاوه بقر
جرح الهوى: اخ ياقلبي عليك انتي شسويتي فيني
سومه الحلوه: الحين عرفتك يالدجاجه
بقق عيونه عالشاشه....انا دجاجه يالدبه...
جرح الهوى: انا دجاجه..احمدي ربك اني حبيتك مع كشتك
سومه الحلوه: والله ماحد ضربك على يدك وقالك حبني صح؟
جرح الهوى: كذا ؟ مشكوووره يجي منك اكثر باي

سكر المحادثه وطلع من الغرفه واخته اماني تطالع التلفزيون تنتظر المسكينه خخخخ
دخل غرفته وانسدح عاالسرير وهو معصب....هيين يااسماء كذا تكلميني....

بعد ماطلع حست بتأنيب الضمير... عيب تكلمه بهالطريقه مهما كان لازم تحترمه هو ولد خالتها واكبر منها....
قامت تتصفح مواقع بس رنة جوالها نبهتها...رقم غريب

اسماء: الووو
ــــــــــــــــ
اسماء: الو
فؤاد: اسماء..
تجمدت حواسها وهي تسترجع اسمها في خيالها نطقه بلوعة وحرمان واااضح جدا...
تعرف هالنبره زين ماهي غريبه عليها لانها جربتها في يوم من الايام...
فؤاد: بعد بتحرميني من صوتك...وش بقى لي منك؟
اسماء بارتباك: فؤاد انا اسفه اذا زعلتك...
فؤاد: ماله داعي تعتذرين لو بزعل منك..كان زعلت لما سويتي اشياء اكبر من مجرد كلمات عابره...
قعدت تحوس بالماوس من الارتباك ايش اقوله....لهالدرجه انا ظالمتك....
فؤاد: وحشتيني حبيبــتي..
لخبطت هالكلمتين احوالها وتصببت عرق
اسماء: فؤاد...ارجوك...
قاطعها بهمس: عيون فؤاد انتي...روحه انتي وكل عمره ياعمري...
اسماء: ــــــــــــــــ
فؤاد: لاتسكتين ياكل الدنيا..جرحيني صارخي هاوشي يكفي اسمع همسك وانفاسك.....
ارتبكت اكثر من هالكلام اللي يذوب الصخر فما بالكم بأنثى كتلة مشاعر.....
لهالدرجه تحبني يافؤاد الله عليك.....بس هالحب انا مااستاهله
فؤاد: حياتي اسماء....
اسماء: نعم..
فؤاد: اذا ضايقتك بكلامي اعتذر واوعدك مااكرره مره ثانيه...يلا مع السلامه
اسماء: فؤاد
غمض عينه وهو يضغط عالجوال: عيونه...
اسماء: ليش متصل؟ حتى تقولي هالكلام؟
فؤاد: لايااسماء...لاني حتى لو قلته ماراح يتغير شئ انتي عارفه وانا عارف...بس اشتقت لك يابنت خالتي..خلاص مااعاد اتحمل بعدك عني...لين متى بتبقين بعيده عني..تعالي جنبي بدفيك بحناني وباسمعك نبض
قلبي اللي ينطق اسمك كل ثانيه....
اسماء وهي تدمع: انت عارف اللي خايفه منه شنو....
فؤاد: 5 سنوات وانا ابيك...انتظرت وانتظرت حتى تنسين مخاوفك....اسماء اللي صار مع ريان مستحيل يتكرر
اسماء وهي تبكي: تعذبت كثير ماابي اتعذب مره ثانيه....ماابي اوافق واتعلق فيك وبعدها تروح وتنساني....
فؤاد: انساك؟ وحبك عايش بدمي كيف انسى روحي ؟
اسماء: الخوف يمنعني يافؤاد....لاتنتظرني فكر بغيري...
فؤاد بجنون : انتي شتقولين ... مااقدر افكر بغيرك احبك تفهمين يعني شنو احبــك...
اسماء بحزن وهي تمسح دموعها: مع السلامــه
فؤاد: اسماء
اسماء: نعم
فؤاد: اسف لو ضايقتك بس كنت محتاج اسمع صوتك....
سكرت وحطت الجوال على جنب وبكت من قلب....بعد ريان عني زلزلني سبب لي مخااااوف مااقدر اتخطاها يافؤاد...ادري زين انك تحبني وتتمناني بس شتسوي في وحده كل مشاعرها خوف في خوف...
كيف بعيش معاك بأمان كيف..

.................................

رجعوا من المطعم وهم يضحكوا ويسولفوا...كانت مبسوطه مره لانه صالحها وراضاها....
تركي: ها بتنامين الحين وتخليني
دينا وهي تلعب بخيوط الشال اللي على كتفها : لا

دخلت غرفتهم وطلعت لها بيجامه ورديه حرير ودخلت الحمام غسلت ولبستها وقفت تطالع نفسها بالمرايه....
ايه من الجمال الهادئ البرئ....عيون واسعه عسليه خدود ورديه شفايف ناعمه...
شعر حرير طايح على اكتافها بحريه.....
اول ماطلعت من باب الحمام سمعت صوت ضحكته استغربت مع من قاعد يضحك.....
تركي وهي يتكلم بالجوال وعلى باله دينا بتسبح يعني مطوله داخل: ههههههههه....لاهدى عاد....كيف انساك قولي لي.... مانسيتك والله....حتى لو مو شرط.....هههههه ياعمري....

هذا اللي قدرت تسمعه من كلامه طاحت من يدها الفوطه عاالارض اللي حسن انها تتزلزل تحت رجلها من هول الصدمه ...تسندت على الجدار مو قادره تتوازن في وقفتها..هدى؟ يحب غيري؟ يعرف وحده غيري؟
لاااااا مستحيل انا اكيد بحلـــم...خاين حقير...يعني كلام اخوي ريان صحيح .

(( تركي مش ولابد يادينا...وعنده حركات..))

انا تحديته واثبت لهم بغبائي انه غير وان هالحركات مو موجوده عنده....

لاياربي ارجوك......ساعدني


نزلت دمعاتها سريعه ملتهبه على خدها وقلبها يدق الف دقه بالدقيقه...في شئ تحسه مو قادره تتحمله....احساس بالمذله بالخداع.....
مشت بخطوات كسيره مثل الطير المذبوح للسرير وهي تبكي بصمت...دخل عليها الغرفه لما شافها تبكي خاف وارتبك...ليكون سمعتني بس....
راح لها بتردد وجلس جنبها.....
تركي: شفيك حبيبتي؟
لفت تطالعه بحزن..كذبت علي وخدعتني ووهمتني بحبك ياتركي....
خليتني اتحدى اخوي علشانك وطلعت ماتستاهل كل هذا....
عيشتني بوهم بوهم كيف اطلع واصحى منه كيييييف.....



تركي: شفيك؟
دينا وهي تمسح دموعها: تعبانه
تركي وهو يمسك يدها: سلامتك حياتي ايش تحسين؟
دينا : اممم لا بس بطني يألمني واحس صداع
تركي بسخريه: لتكون اعراض الحمل
سحبت يدها من يده بسرعه.....حمل؟ لاااااااااااااااا مابي احمد منك يالخاين...هذا اخر شئ اتمناه..
ماابيك ولا ابي منك أي شئ لو يجيني ولد منك بذبحه بذبحه
بكت مره ثانيه اكثر من اووول اما هو مل يهديها وراح ينام وتركها....ببساطه .

لفت عليه لقته نام ولا على باله..بدلت ملابسها ولبست بدلة شتويه بيج لان الجو بره مطر وهواء بارد جدا..
لبست شيله نفس اللون واخذت جوالها معاها وطلعت تتمشى بالشارع مو قادره تبقى معاه تحس بالاختناق...
طالعت يمين ويسار والدمعه بعينها....وين اروح ياربي...كيف ارتاح...مااقدر اتحمل خيانتك ياتركي..
هذا جزاء حبي لك...حبيت وصنتك لكنك جازيتني بالعكس....
عروس بشعر العسل تكتشف ان زوجها خاين...اي بنت اللي تقدر تتحمل هالمصيبه....صبرني يااارب

وهي تمشي نزلت راسها وهي تدمع وعلى طول تمسح دمعاتها المحمله بأقسى شعور ممكن تحسه المرأه...الاحساس بالمذله والاهانه.....بالخيانـــــــ� �ة...

حست بألم فضيع في راسها مسكته بيدها الثنتين بقوه وغمضت عينها مو قادره تشوف قدامها...حست بحد قريب منها فتحت عينها كان شاب واضح من ملامحه انه خليجي...
الشاب: خير اختي عسى ماشر....
دينا: لا....سلامتك اخوي
الشاب: تعبانه اختي؟ تبين مساعده حاضر بالخدمه؟ اجلسي ارتاحي هنا
عرفت من لهجتة انه سعودي وحمدت ربها انه محترم جلست عالكرسي وهي تضغط على راسها....
دينا: خلاص اخوي توكل على الله لاتحاتي
الشاب: واضح انك سعوديه من نفس بلدي يعني...مايصير اتركك بنت لوحدها وانتي بهالحاله...تحتاجين مساعده؟ ضايعه عن اهلك؟
دينا: لالا مو ضايعه بس تعب خفيف
الشاب: طيب اختي مااثقل عليك تامريني الحين بشئ؟
دينا: لا سلامتك ماقصرت
الشاب: مع السلامه وانتبهي لحالك
دينا: الله يسلمك....

بعد ماراح فتحت جوالها ودقت رقم خالها مساعد بدون تردد اللي رد دايركت والفرح واضح في نبرة صوته.....
مساعد: هلا هلا بعروستنا
أي عروس ياخالي انا خلاص انتهيت....ماعاد باقي لي شئ..
مساعد: الو دينوه يالدبه سامعتني
ماسمع غير صوت صياحها اللي وقف قلبه وخلاه يوقف على حيله....
مساعد: دينا ليش تبكين..صاير لكم شئ؟؟
دينا: خالي....ساعدني باموت...
مساعد: خوفتينــي تكلمي شصاير
دينا: تركي
مساعد: صاير فيه شئ؟ تكلمني شنو كلمات متقاطعه
دينا: يخوني ياخالي...طلع كذاب وخاين
سكت لدقايق وهو مو مصدق كلامها.....بنت اختي يصير فيها كذا مستحيل اسكت عنه...
مساعد بعصبيه: قطع اللي يقطعه وانتي كيف عرفتي؟
دينا: سمعته يكلمها بالجوال يقول لها حبيبتي....
مساعد: معليش دندون هدي نفسك الحين وين انتي؟
دينا: بالشارع
مساعد وهو يطالع ساعته: غربلك الله الوقت عندكم متأخر بسرعه ارجعي وانا اتصرف....
دينا: ايش بتسوي؟
مساعد: بأي فندق ساكنين؟
دينا: اللي دوم نسكنه اذا جينا
مساعد: بس عرفته...باحجز على اقرب طائره واجيك...المهم لاتبيني له انك عرفتي أي شئ خليك طبيعيه لين اجي
دينا: لاتخبر حد خالي
مساعد: من عيوني انتبهي لحالك اوكي؟
دينا: ان شاء الله...باي

.......................


انتظر الردود..
تحيــاتـــي..




لامارا غير متواجد حالياً   رد مع اقتباس
قديم 10-04-13, 11:29 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




وهذي التكملــــه..

اليوم اللي بعده كان سعود وريان مع فؤاد جالسين بالقهوه...وضحك ومسخره
ريان: شرايكم عاد نسافر ونغير جو مامليتوا من هالحر
سعود وهو يعسل: ياشيخ سافر لوحدك..انا مو فاضي
ريان: ليه ياكلينتون مونيكا مو مخليتك تسافر
سعود: لاوالله زوجتي الاكس وانت الصادق
فؤاد: والاخ على وين ناوي؟
ريان: ياخي أي مكان ملينا هنا..خلوناا نتمشى يومين عمان ولا الامارات
فؤاد: والمدام وعيالك؟
ريان: تروح بيت اهلها
سعود: لاحرام عليك ريان اذا بتسافر خذها معاك
ريان: لا عادي ماتقول شئ
سعود: شنو عادي مافي قلبك رحمة انت تخلي مرتك وعيالك وتسافر وتتونس وهم لهم الله
ريان وهو يشرب عصير برتقال: ليش اول مره اسافر دونهم
فؤاد: ياشينكم مالكم سالفة غير سالفة العيال والحريم والله مليت منكم
سعود: يلا ولد خالتي شد حيلك وتزوج..تبي نخطب لك..ترى ذوقي عالــي
فؤاد: انت؟؟ لا مشكور العروس موجوده
ابتسم ريان لانه يعرف انها اسماء اللي صارت من ضمن الماضي البعيد المشوش اللي نساه....
ريان: تستاهلها بنت العم ماراح تلاقي حد بطيبة قلبها الله يوفقكم
فؤاد: خلها بس هي توافق وان شاء الله خير
سعود: الله يسهل عليكم وتلين اختي راسها..
وصل بهالوقت مساعد.. اللي طلب له بطريقة معسل تفاح
مساعد: مرحبا الساااااع
الكل: مراحب
مساعد وهي يرفع رجليه عالكرسي ويتربع.....
مساعد: فااااااتكم شسويت
سعود: شسويت بعد ذابح واحد
مساعد: دعمت سيارة واحد عاد هو ماحس كان اسرع اسرع اووف لين ضيعته الحمدلله
ريان: وتعورت سيارته كثير؟
مساعد: لا شوي بس
رن جوال ريان وكانت لطيفه متصله
ريان: لحظه عن اذنكم
قام وراح مكان هادئ ورد عليها
ريان: هلا لطيفه
لطيفه بتعب: ريان...
ريان: لطيفه شفيك؟
لطيفه: ريان الحق علي باموووت
ريان: ثواني وانا عندك
راح دفع حسابة وشغل السياره طيران....كان خايف عليها ليش مايدري عمره ماخاف عليها هالخوف.....
دائما كانت هي اللي تداريه وتهتم فيه...الحين جاء دوره....
مساعد: شفيه ذا الخبل طلع ركض
سعود: الله يستر اخاف صاير شئ
مساعد: دق عليه شوف
دق سعود على ريان اللي رد على طول
سعود: شفيك طلعت طاير ياحافظ
ريان: المدام تعبانه
سعود: اووه سلامتها...انتبه للدرب
ريان: لاتوصي باي
سعود: مع السلامه...

وصل ريان البيت والكل كان نايم..صعد لطابقهم ودخل غرفة النوم...لقاها عالسرير وشكلها تتنفس بصعوبه
راح وجلس جنبها ومسك يدها: شفيك لطيفه؟
لطيفه بصوت متقطع: مو قادرة اتنفس ريان....
ريان: قومي اوديك المستشفى
لطيفه: مايحتاج...بس ابيك جنبي
لفت عالناحيه الثانيه وهي تتنفس بصوت عالي...
راح جاب لها مويه بارده وشربها
فتح النوافذ كلها...ورجع جلس جنبها....تركها دقايق لين تهدى
ريان : صرتي احسن الحين
لطيفه: أي احسن..
ريان: اول مره تجيك هالحاله
لطيفه: لا
ريان وهو رافع حاجب: وانا اخر من يعلم
لطيفه: عادي كل مره تروح بسرعه هالمره طولت وحسيت اني خلاص باموت
قام من السرير وهو مكشر تسند عالكبت.....
شكنت اتوقع انها تقول لي؟؟ ههه ليش انا اهتم فيها اصلا..مالت علي انا اصلا حقير مافي قلبي ذرة رحمه
بنت الناس ماقصرت معاي سوت اللي عليها واكثر والله...بس انا مطنشها حارمها من ابسط حقوقها....
لا وفوق هذا ازعل اذا خبت علي شئ..تعرفني شين حتى لو قالت لي ماراح اهتم
بس انا خفت عليها عن جــد اول مره اشوفها كذا...
اوووف مادري شسوي بانتحر يانااااس
لف عليها لقاها غمضت عينها...راح وغطاها وشغل التكييف وسكر كل النوافد....وبدل ملابسه وجاء جنبها...
يطالعها ويراقب تصرفاتها.. حتى لو تعبت مره ثانيه يكون موجود

.........................

نرجع للقهوه مرة ثانيه....

مساعد: على فكرة انا بكرة رايح امريكا
سعود: شعندك؟
مساعد: شوية شغل
سعود: مو عوايد ابوي يرسلك
مساعد: لاشغل خااااص
فؤاد: شغل ولا....
مساعد وهو يسطر فؤاد على خفيف: ثمن كلامك لااقوم اتوطاك
فؤاد: الله يستر منك
فتح فؤاد جواله المسكر ولقى 5 مسجات من خدمة موجود.....
امه متصله انقبض قلبه ليه متصله 5 مرات.....
دق عليها على طول...
ام فؤاد: الوو
فؤاد: يمه فيكم شئ؟
ام فؤاد: انت ويينك ليه مقفل جوالك
فؤاد: لاني بالقهوه يمه خير فيكم شئ
ام فؤاد: خير بوجهك....خالك مساعد معاك
فؤاد: ايوه ليش؟
ام فؤاد: اجل تعالوا مسويه لكم عشاء
فؤاد: حلوو سعود بعد معانا
ام فؤاد: هات اجل اكلمه
عطاه التلفون
سعود: هلا هلا بالمزيونه
ام فؤاد: هههه هلا فيك حبيبي شلونك
سعود: والله تمام ياخالتي نسأل عنكم
ام فؤاد: اجل اتركوا عنكم القهاوي وتعالوا البيت بسرعه مسوية لكم ذاك العشاء اللي يحبه قلبكم
سعود: اللله من زمااان عن طبخك خالتي ثواني واحنا عندك
ام فؤاد: يلا انتظركم مع السلامه
سعود: الله يسلمك

وقاموا الشباب راحوا بيت ام فؤاد....

وصلــوا البيت وعلى طول راحوا غرفة الطعام لانهم سمعوا صوت البنات هناك...
سعود- مساعد-فؤاد: السلام عليكم
البنات: وعليكم السلام
مساعد وهو يجلس عالكرسي ويده على بطنه: ااه يابنات اختي والله جوعاان ادركووني بالعشاء بسرررعه
امل : ههه من عيووني شلونك سعود؟
سعود: والله بخير...انتي شلونك واخبار التدريس معاك؟
امل: قرف ياولد خالتي الله لايبلاك...ادعي لي بس..علل والله
فؤاد: أي علل يالعله التدريس رسالة يامتخلفه وبعدين محد ضربك على يدك وقالك صيري معلمة
اماني: انت شفيييك على اختي هاااا
فؤاد: ياااه كل شئ كوووم ولقافتك يااماني كوم ثاني
راح فؤاد واخذ منديل وحطه في فم اماني.....
سعود: الله يرجكم....وانتي اميره شلونك؟
اميره: تمام الحمدلله ليش ماجبت اسماء وجوري معاك
سعود: والله مايدرون من القهوه جينا دايركت لهنا
دخلت ام فؤاد وبيدها العصير قام سعود وحبها على راسها....
ام فؤاد: هلا هلا بشيخ المزايين هلا بشمعة الجلاس تو مانور البيت
سعود: منور فيكم ياخالتي والله اشتقت لكم
ام فؤاد: لو اشتقت تدل البيت تعال مرنا
سعود: اعذريني خالتي الشغل كاسر ظهرنا والله
ام فؤاد: ماعلينا يلا تفضلوا
مساعد: زاد فضلك يالغاليه....

وهم ياكلون وقف سعود عن الاكل وقام يشرب عصير
ام فؤاد: كل يمه اترك عنك هالعصير...
اماني: امي اني اغااار ماهذا الكلام المستفحل
مساعد: مستفحل يالمخبل...اعرفي معنى اسمك اول وبعدين قولي مستفحل
اماني: ليه انت تعرف معنى اسمك...
مساعد وهو يشيل نظارته الطبيه: ااه احم أي طبعا مساعد يعني يسعد مسعود مشتق اشتقاقا لغويا نحويا بلاغيا من السعاده...
فؤاد بعباطه: ويدخل دخولا جزئيا في السعاده الكامنه
سعود: مجانين وربي انتم
امل: اروح المطبخ ابرك لي منكم يالمسطولين...
ام فؤاد: روحي يمه بارك الله فيك

....................


اليوم اللي بعد سافر مساعد امريكا وكان يعد الساعات بس يبي يوصل لها....
واخيرا حطت الطائره....خلص اجراءات المطار بسرعه واخذ تاكسي وراح للفندق المنشود...
دق عليها او ماصار قدام الفندق
دينا: الو خالي...
مساعد: هلا دندون
دينا: انت جيت؟
مساعد: أي وصلت وانا الحين عند باب الفندق انزلي لي سريع
دينا: طيييب...باي

لبست بسرعه وكانت بتنزل بس مسكها من ذراعها بقوه...
تركي: وين رايحه؟
دينا وهي تسحب يدها : انت مالك شغل اتركني
وطلعت ركض حتى انها مااستعملت اللفت .. من خوفها انه يلحقها نزلت من الدرج....
ولقت خالها عند الرسبشن من شافته حضنته وبكت من كل قلبها....
مساعد : خلاص دندونه دموعك غاليه..والله هالمتخلف مايستاهل وحده منهم...
دينا: بدال ماافرح ياخالي بشهر العسل..اكتشف انه خاين .. كيف ماتبيني ابكي
حجز الغرفه اللي جنبهم وصعد معاها لتركي...قبل مايدخلوا عليه
مساعد: ليش وقفتي خليني ادخل واعلمه الادب
دينا: بهدوء ياخالي مانبي فضايح
مساعد: ادري بس انتي افتحي الباب
فتحت الباب ودخلت معاه ...تركي من شاف مساعد وقف على حيله وهو منصدم...مو عارف شالسالفه....
مساعد: السلام عليكم
تركي وهو يطالع دينا اللي منخشه ورا خالها..: وعليكم السلام مساعد؟؟
مساعد وهو يقعد ويحط رجل فوق الثانيه: أي مساعد ليش مستغرب اجلس
جلس تركي لان اصلا رجليه مو شايلته: خير يامساعد اشوفك هنا....
مساعد وهو يلف لدينا: روحي جهزي اغراضك بسرعه
ابتسمت لخالها ودخلت تلم اغراضها...
تركي: هييه لحظه لحظه ليش وكاله من غير بواب فهموني شصاير..
مساعد: خويتك ياحبيبي تقولك شصاير....هي فاهمه اكثر مني ومنك
بلع ريقه وافتعل ضحكه غبيه: ههههه أي خويه بعد يامساعد الله يهديك..شنو مقلب يعني
مساعد: والله مو فاضي اسوي مقلب...هذا الواقع...تظن ماوراها رجال بكيفك تتزوجها وتخونها وهي بشهر العسل لاياحبوب...هالشئ اللي ماينسكت عنه وانا اليوم جاي اخذها ونرجع الشرقيه....
تركي وهو يروح لعند الغرفه: مو بكيفك...دينا زوجتي والذوق انك عاالاقل تستأذن مني قبل ماتاخذها
مساعد بسخريه: ذوق؟ انت لو تعرف الذوق ماسويت اللي سويته يااخي احترم عاالاقل مشاعرها..خيانه عيني عينك وين صارت هذي
تركي: هذا الكلام باطل..انا مااخون دينا ولا فكرت اخونها
بعد ماقال هالجمله دخل الغرفه اللي فيها دينا وسحبها بأقوى ماعنده من يدها حتى يمنعها ترتب اغراضها...
دينا وهي تصيح: اتركني....اترك يدي لاتعورني
دخل مساعد بسرعه الغرفه وعطى تركي ضربه في بطنه خلته يطيح عاالارض من قوتها....
مساعد: هذا وانا موجود بتضربها شلون لو ماكنت موجود...دينا بسرعه شيلي اغراضك
دينا وهي تمسح دموعها: انا جاهزه...
اخذت عباتها وطلعت مع خالها بس تذكرت جوازها...دخلت بسرعه اخذته من الخزانه
وطلعوا من الفندق كله بعد ماكنسل مساعد حجزه...وراحوا لفندق اهدئ واطلالته ساحره....
اول مادخلت الشقه رمت نفسها عالكنبه وبكت من هالموقف البشع اللي صار قدام عيونها...وتندب حظها اللي طيحها بواحد مثل تركي...
مساعد وهي يجلس جنبها: والله يادينا لازعل منك...
دينا: احبه ياخالي..ليش يسوي فيني كذا
غمض عينه وهو يمسك يدها ... حرام اللي يصير فيك يابنت اختي بس شنسوي .. الحمدلله على كل حال...
مساعد: احمدي ربك يادينا انك عرفتي حقيقته قبل لايصير شئ...تعرفيه من اول احسن من بعدين لما يصير عندكم عيال...
كلماه ماكانت تزيدها الا حزن وقلبها كان يتقطع اكثر واكثر...ضربت عالطاوله اللي جنبها بكل قوتها لين صارت يدها حمراء
ماتت الفرحه ياقلبي مابقى غير الاحزان
امسح دمعتي اداري ونتي واناجي الاشجان

قومها بس هي ماطاعات تقوم...
دينا وهي لسه تبكي: خليني...ماابي اقوم اتركني لوحدي خالي
مساعد: يلا عاد عن الدلع كل هذا على واحد مايسوى...قومي غسلي وخلينا ننزل متأكد من يومين ماطاح بطنك شئ
دينا: مالي نفس ماابي اكل شئ
سحبها للحمام وفتح الماي: غسلي بسرعه وانا انتظرك بسرعه
انصاعت لاوامره لان لامفر مساعد يسوي اللي براسه دائما...غسلت وجهها بمويه بارده وبعدها طالعت نفسها بالمرايه كانت شاحبه بشكل مو طبيعي ومن كثر الدموع والصياح تنفخت عينها...
نزلت دموعها غصب عنها مو قادره تمسكهم وتتحكم فيهم...
واختلطت بالماي على وجهها جلست على كرسي بالزاويه وضمت رجليها لحضنها....

ليه ياتركي..انا مااستاهل منك كل هذا..كيف في انسان في هالدنيا بهالقساوه..معقوله انعدمت منك الرحمه
عروس بشهر العسل تقضي 3 ليالي وهي ضامه مخدتها وتبكي والله حرااام ..الله ينتقم منك ويكسر قلبك مثل ماكسرت قلبي...
طلعت من الحمام لقت خالها متجهز وخالص كان لابس بدلة سوداء ومسوي شعره على ورا وطالع هندسم مان من جد...ابتسمت له ابتسامه جافه ودخلت تغير ملابسها...كمان هي لبست بدلة سوداء مثل خالها وحطت كريم على وجهها يخفي الشحوب واخذت شنطتها وطلعت....
مساعد: ليه يعني تقلدين شفتيني لابس اسود رحتي لبستي مثلي..
دينا: احبك لازم اقلدك
مساعد: ويلي ويلاه على المعجبات زوجتي تغار
دينا: شنوو...من جدك؟
مساعد: لحوول انتوا تموتون على طاري العرس.....ماقلت شئ
دينا: لاجد خالي..في شئ؟
مساعد: سر
دينا: بيننا اسرار
مساعد : كم تدفعي
دينا: العشاء على حسابي بس قول وفرحني شوي
طلعوا من الفندق وهم على نفس السالفه....
مساعد: والله الصراحه امول بنت خالتك ناويه علي بالموت شايفه لي وحده
دينا: الله وبتدخل القفص الذهبي
مساعد: شايفتني غراب ولاحمامه لاياشيخه انا طاري العرس مااحبه...احس لما اسمع طاريه بلوعه بشئ على صدري احاسيس مااقدر اترجمها
دينا: ههه مو لهالدرجه حلو ترى العرس خالي...تجلسك حرمتك من النوم وتسوي لك احلى فطور بعدها تروح الدوام..وترجع وهي مزينه لك البيت وذاك الغدا السنع...لكن ياخالي رفضك للزواج حاله نفسيه يبي لي اشخصها
مساعد: تكلمت الدكتوره النفسيه..ياشيخه تخلي اعرس..واخلي حرمة تتحكم فيني... لالا مستحيل (ويقلد صوت البنات) حبيبي مساعد وين رايح...حبيبي مساعد وين جاي وليه تأخرت وليه اكلت وليه نمت
دينا: هههه تبالغ....
وصلوا للمطعم وطلبوا العشاء....
مساعد: دينا في رحلة للسعوديه بعد 3 ايام...سألت عنها وانا جاي لك..
نزلت راسها للصحن..دمعت عينها بس مستحتهم بسرعه..
مساعد: ها شقلنا....مانبي دموع
دينا: ياخالي مو بيدي حاسه اني باموت مو قادره اتحمل
مساعد: حرام لاتسوين بنفسك كذا...
دينا: شلون مااسوي ياخالي....الحجر لو صار له اللي صار لي نطق ...
تنهد وهو يحس بالعجز تجاه هالمشكله..بالفعل مشكلة كبيره...لازم يلقى لها حل ويريح هالمسكينه...
مساعد: تبين الطلاق؟
رفعت راسها على طول له: طلاق؟ انا اصير مطلقه
قامت تردد هالكلمه في مسامعها...حست قد ايش بشعه هالكلمه..اصير مطلقه طيب الناس شبتقول..ماصار لها اسبوع متززوجه وتتطلق...الناس ماترحم احد
دينا: لا...ماراح اتطلق
مساعد: وشلون؟؟؟ وتبقين معاه؟
دينا: اهون من الطلاق وكلام الناس والقيل والقال
مساعد: يخسي اللي يتكلم عليك ماحد يقدر يجيب طاريك بكلمة شينه...ياحلوه مستحيل اخليك تبقين معاه بعينك شفتيه كيف كان بيضربك لو اني تداركت الوضع..والله يادينوه لو ابوك واخوك يعرف قتلوه
دينا: لهالسبب ماابيهم يعرفوا شئ
مساعد: وتبقين معاه؟ هذا كلام مجانين مع احترامي دينا
دينا: ياخالي افهمني صحيح انه مايستاهل اعيش معاه...لكن عاالاقل اتطلق بعد فتره مو بنفس الاسبوع
مساعد: وكرامتك
دينا وهي تتنهد: أي كرامة ياخالي...هذا الطريق انا اخترته ولاازم امشيه للاخر واشوف....
مساعد: والله يادينا هذي حياتك وانتي حره بس مادري كيف بصبر وانا اشوفك وياه....بعدين تضمنين انه مايأذيك
دينا: لاتخاف مابيقدر يسوي شئ اعرف كيف اسيطر على جنونه
مساعد: براحتك..عالعموم احنا لما نرجع السعوديه نتفاهم هناك....
دينا: طيب شقول لامي وابوي واهلي...
سكت مساعد وهو يفكر
دينا: تكفى فكر بحل يطلعنا من هالورطه خالي
مساعد: بس مافي غير هالحل...الحين مو هو اهله هنا بأمريكا؟
دينا: أي
مساعد: خلاص نقول لهم مشاكل مع اهله وانا لما جيتك ماقدرت اخليك في هالظروف....لانه بينشغل معاهم عنك
دينا: وتتوقع يصدقون؟
مساعد: مافي غير هالحل...انتي بس خلي الموضوع علي انا افلفلها وابهرها وبياكلونها غصيا عنهم..
دينا: ان شاء الله خير...
مساعد: واذا رجعنا ناويه ترجعين للعياده؟
دينا: اكيد وحشتني ودي ارجع للشغل
مساعد: الله يوفقك يارب...

................................

الساعه 11 ونص كان توه صاحي من النوم..قام بنشاط وحيويه سبح طلع من غرفتة لقة اخوه خالد نايم عالكنبه والتلفزيون مشغل....
راح طفى التلفزيون وصحى اخوه
فؤاد: خلوود خويلد
خالد وهو يفتح نص عين: شتبي خلني بنام
فؤاد: قوم نام بغرفتك ليه نايم هنا
خالد: هنا وداخل نفس الشئ..متعيجز اقوم
فؤاد: اشيلك؟
خالد: اذا تقدر
رفع اخوه وبسرعه للغرفه ورماه عالسرير
فؤاد: بل بل عليك مو جسم يالمتين
ضحك خالد وهو لسه مغمض عينه
خالد: مشكور عالتوصيله
فؤاد: احم فديتني انا حنون ورومنسي يابعد قلبي يافؤاد
خالد: طاع هذا جن مالقى حد يغازله قام يتغزل في روحه
فؤاد: اااخ باشقق ثيابي ياخوي ياليت لو توافق علي ماابيها تدلعني يكفي انا بادلعها باعيشها بحلم...
خالد: ياحسرتي عليك يااخي...اصلا ذي بنت خالتك مغروره ليه مو موافقه
فؤاد: لاتغلط عليها لااجي اذبحك كل شئ ولا اسماء
خالد: اسماء واسماء اللي يسمع الحين ابد باريس هيلتون
فؤاد: وشفيها حرمتي يابعد قلبي احلى من هالخمه
خالد: بعععد صارت حرمتك ؟ الله يخلف اقول اذلف بنام

وغمض خالد عينه
فؤاد: انت نمت؟
خالد: أي اصلا انا نايم (وهو يسوي صوت الشخير) اخخخش....اخشششش...
فؤاد: هههااااي مو صاحي
خالد: مادري عنك تسألني نايم..حد ينام وهو يتكلم
فؤاد: يلا نام احلام سعيده
خالد: ادعيلي احلم بالمزيونه
فؤاد: يااااري تحلم بسحيلة ام الخلاقين
رمى خالد على اخوه المخده...ضحك فؤاد على خباله وطلع وهو يسولف مع نفسه...
اسماء....ااخ ياليتك عندي هنا..اشوفك تسولفين وتضحكين...تنثرين الفرح داخلي...
ياربي انا خلاااص ماتحمل ياتعطيني جواب نهائي ياانتحر لمتى ببقى معلق بالهواء باكلم امي تروح لها وتتفاهم معاها للمره الاخيره خلاص طفح الكيل.....


نزل بسرعه لامه لقاها جالسه تشرب شاهي لوحدها
فؤاد: صباح الخير يمه
ام فؤاد: أي صباح صرنا الضحى
فؤاد: نفس الشئ يمه
وجلس مرتبك يبي يكلمها بس مو عارف....ابتسمت وتركت البياله على جنب
ام فؤاد: بعيونك كلام
فؤاد: بصراحه أي
ام فؤاد: قول اسمعك حبيبي
فؤاد: يمه مليت ابي اتزوج...روحي كلمي اسماء لمتى ببقى معلق كذا لاهي موافقه ولا رافضه اخر مره كلمها خالي قالت بتفكر....تكفين يمه والله بنتحر
ام فؤاد: بسم الله عليك يمه لاتقول هالكلام....خلاص اروح لها اليوم
فؤاد بفرح: جد....يابعد حيي يايمه وين القى مثلك
ام فؤاد: الفرحه اذا شفتها بعيونكم تسوي عندي الدنيا باللي فيها.....
فؤاد: يابعد عمري يالغاليه...اجل انا بقوم اجهز للصلاه
ام فؤاد: الله معاك يمه...

...........................

كانت جالسه بغرفتها وتدق عالجيتار اللي اخذته , حصلت لها زفه محترمه من امها يوم اللي اخذته بس عدت على خير...
سمعت صوت دق عالباب تركت الجيتار وقامت فتحته كانت لطيفه ومعاها رامي...
ديمه: هلا وغلا..غريبه زياره لغرفتي المتواضعه
لطيفه: ابد بس نازله من فوق قلت على طريقي اناديك للغدى
انتبهت لطيفه للجيتار دخلت الغرفه وشالته: يالمجرمه من وين جبتيه؟
ديمه: شريته من السوق
لطيفه: ريان يدري؟
ديمه: لالا مايدري تبينه يذبحني
لطيفه: ياويلك منه ياديموه لو عرف احسن لك ارميه وبلا مشاكل
ديمه: ابوي موافق
لطيفه: عمي مسكين طيب مايقول شئ بس ريان كبريت انتي عارفته زين
ديمه: خلينا ننزل ...
وديمه تمشي عالدرج جر رامي شعرها اللي فالته
ديمه: ااااي شفيك ؟
رامي: دبه
ديمه: اذا انا دبه انت شنو ... طالع نفسك هيووووج وطلعت له لسانها
قام يركض وراها وهي تركض لين وصلوا لغرفة الطعام وجلست جنب ريان...
ريان: خير شفيك تراكضين
ديمه: ولدك الدب يلاحقني
ام ريان: سموا بسم الله
الكل: بسم الله
رفعت لطيفه عينها لريان...مو على بعضه هاليومين ... طول الوقت سرحان وساكت لازم اكلمه....
ابوريان: دينا ماكلمت حد فيكم
ام ريان: لاوالله صار لها يومين مااتصلت العصر باكلمها...
ديمه: لقت حبيب القلب ونستنا
ام ريان: اكلي وانتي ساكته
ابوريان: تدرين ان اخوك بأمريكا
ام ريان: أي دريت ليه رايح؟
ابوريان: يقول شغل خاص مادري شعنده هناك
ام ريان: أي الله يوفقه....
ريان وهو يقوم: الحمدلله...عن اذنكم
ام ريان: وين ياولدي مااكلت شئ
ريان: معليش يمه بس شبعان...
صعد عالدرج بكسل ولطيفه تتبعه بنظراتها.... خافت عليه وقامت هي بعد
ابوريان: وين يابنيتي مااكلتوا شئ
لطيفه: باروح اشوفه عمي...احسه مو على بعضه...كملوا غذاكم....

دخلت غرفة نومهم لقته منسدح ومغمض عينه....راحت وجلست جنبه
حس بوجودها لانه شم ريحة عطرها المميز....تلقائيا رفع راسه وحطه على رجله وقامت تمسح على شعره...
لطيفه بهمس: شفيك حبيبي
ريان: مافيني شئ
لطيفه: انا عارفتك ريان اكثر من نفسك افتح لي قلبك
ريان: متضايق شوي
لطيفه: من شنو؟
ريان: مادري ضايقه فيني الدنيا...احس ملان زهقان..كاره كل شئ
لطيفه: بسيطه حبيبي..الدنيا ماتستاهل علقها على مسمار وانسى....احب اشوفك دائما مبسوط وفرحان..
سكت وهو يسمع كلماتها...الله عليك يالطيفه مافي حد بطيبة قلبك الواسع..رغم تصرفاتي الغبيه معاك وغبائي لكنك متحملتني...
ريان: لطيفه....انتي سعيده معاي؟
لطيفه: اكيد
ريان: انا موفر لك كل شئ تحتاجيه؟
لطيفه: يكفي وجودك بحياتي يغنيني عن كل شئ
لمعت براسه فكره...هي الحل الوحيد حتى ينسى زهقه وملله ويبدأ حياته معاها من جديد....
ريان وهو يقوم ويقعد مقابلها : شرايك نسافر؟
لطيفه: نسافر؟ ووين؟
ريان: أي مكان تبينه انا بصراحه غرت من دينوه وباسوي بعد شهر عسل...
لطيفه: هههههههه وعيالك؟
ريان: اقولك شهر عسل بنعرس مره ثانيه تقولين عيالك
نزلت راسها وهي مبتسمه....
ريان: وين تبين تروحين؟
لطيفه: المكان اللي تبيه....اهم شئ مو الغرب تعرفني مااواطنهم
ريان: تبين مصر ولا لبنان ...
لطيفه: لبنان احلى....
ريان وهو يروح لعند التلفون: بتصل المكتب واحجز....
اتصلت وكانت تسمعه وتطالعه ببتسامه شكر وامتنان لهالشخص اللي ملئ حياتها بالفرح....
سكر ورجع يجلس جنبها: اليوم اخر الليل فيه رحلة
لطيفه: اليوم....بدري مره
ريان: عادي قومي جهزي الشنط وخلينا نتوكل
لطيفه: على امرك
..............................

الساعه 5 العصر وصلت ام فؤاد بيت اختها ام سعود..ومعاها اماني..
جوري وهي تستقبل خالتها: هلا هلا بأحلى خالة بالدنيا
وحضنتها وباستها
ام فؤاد: هلا فيك حبيبتي شلونك؟
جوري وهي تطالع ورا خالتها: بخير...معقوله ماحد جاء معاك من الشمعدانات
اماني وهي تدخل وتنط: احم...اماني وصلت
راحت لها جوري وهي تضحك وسلمت عليها : هلا بالجنيه والله كنت باذبحك لو ماجيتي
اماني وهي تسطر جوري على خفيف: افا عليك يابنت خالتي
ام فؤاد: هايمه جوري وين امك واختك غريبه مافي حد
جوري: موجودين ..جالسين كلهم عالمسبح الحين اناديهم...
راحضت جوري ركض لهم ونطت جنب امها
ام سعود: غربلك الله شفيك انتي مهبوله
سعود: طالعة على اخوها ( وهو يطالع اخوه اللي يسبح بالمسبح )
فارس وهو يطلع راسه من الماي: اول مره تقول شئ صح..يعني اذا ماطلعت على اخوها الشيبه بتطلع على من
سعود: تخسي الا انت..الحين انا شيبه
رزان اللي جالسه تسبح مع عمها بالبركه : بابا ليش تهاوش عمي
وراحت لحضن فارس
فارس: احم..موت قهر يااا .. يالشيبه هههههه
جوري: لحووول ليش كذا انتوا..يمه خالتي ام فؤاد بره تبي تشوفك
ام سعود وهي تقوم: وشفيك ساكته ياحظي ماتكلمتي...وطلعت وابوسعود اللي كان طول هالوقت يقرأ جريده راح غرفته يرتاح....
طلع فارس من المسبح وحط فوطه على خصره وراح جلس جنب اخوه...
فارس: هلا والله بأخوي حبيبي
سعود اللي شايل بخاطره على فارس لانه اخذ مفاتيح سيارته وطلع وسعود تورط وماراح العمل : اذلف لا والله اهفك كف ماتدل طريقك بعده
فارس: افا ياسعيدان ماصارت...
اسماء وهي تشرب هوت شوكلت: ليه شمسوي بعد ابو المصايب
فارس: تراني طايح من عيونكم ليه كذا والله حرام
وسوى نفسه يبكي وحضنته جوري: لاياضناااي لا ماتبكيش كده
فارس وهو يشد شعر اخته: دلعيني بالسعودي مو مصري يالدبه
دخلت عليهم اماني وسمت....
الكل: وعليكم السلام
اماني: هاا متخبيين هنا كيفكم ابناء خالتي العزيزه؟
فارس: لالا تجلسي هنا
خافت اماني ولاجلست عالكرسي...
جوري: لاتفشلنا فروس عاد...قعدي حبيبتي
فارس: ماتشوفينها صايره دبه لابابا تكسر مقاعدنا
اماني وهي تجلس بقوه: مقعد بعينك والله انا مو اسمن منك
سعود: لحوول خلاص انتي دبه وهو دب وانا رشيق زين
اسماء: وين اموله واميروه؟
اماني: ابد الثنائي المرح بالسوق
اسماء: شعندهم؟
اماني: اووه مادريتي سحيله ام الخلاقين حصوه عرسها الاسبوع الجاي
جوري واماني بدهشه: شنووووو؟
اماني: والله تخيلوا واللي خطبها واحد مريش غني وسيم وعند ابوه شركه كبيره
سعود: والله فاضيين واذا خطبت يعني الله يوفقها الا من هي؟
اماني وهي تلف لسعود: وحده نعرفها....
فارس: ياخوي ذولي فاضيين ليل نهار حش وبربره
اماني: عاالاقل بربره هنا افضل من البربره في التلفون نص الليل
جوري: هههههههههههاااي جات اللي تعطيك من الحامي
فارس: شقصدك يعني...ياربييه شسوي انا في المعجبات هم اللي يدقون مو انا
سعود وهو يدخل يده بشعره بغرور : احم ماتلقى لي وحده ولا ماانفع؟
اسماء: والله ياخوي انت اشر بس ولك علينا تصير زوجتك على طول
سعود: شفيك انتي وبنت خالتك امول مشتغلين خطابات
اسماء: بنعرسكم يااخي مانبي عوانس هههه
فارس: هههااااااااهووو ياقلبي...كلن يشوف الناس بعين طبعه يا...عوااانس
قام يركض لان اسماء رمت عليه علبة المناديل..بنفس الوقت دخلت ام فؤاد عليهم
فارس: ههههه هلا بحبيبتي خالتي ( وحبها على راسها)
ام فؤاد: هلا فيك حبيبي شفيك طاير
فارس: الارهابيات بيذبحوني اروح ابرك لي باااايوو
جلست ام فؤاد جنب اسماء بعد ماسعود سلم عليها....
ام فؤاد وهي تكلم اسماء بصوت منخفض : ابيك بكلمة راس
سعود: احم...بعد اسرار لنا الله
ام فؤاد: هههه يوم اللي تفكر تعرس يكون لك اسرار لين تقول بس
سعود بمرح: اجل بعرس
طالعته رزان اللي توها قايمه من المسبح بنظرات غريبه...لام نفسه على الكلام اللي قاله وافتعل ابتسامه ساخره
سعود: ههه امزح بابا مو تصدقين ولاتزعلين
رزان وهي تروح له: ليه تمزح...انا ابي ماما مثل صديقتي فاطمه
طالعها بصدمه وقام يطالع اخته وخالته...
جوري: ظهر الحق وزهق الباطل ان الباطل كان زهوقااا
سعود: من جدك بابا...؟ مايصير
رزان: ليه مايصير؟ ابي ماما تمشط شعري الصباح وتلعب معي وتذاكر معي مثل صديقتي فاطمه امها تلعب معاها وتذاكر معاها
طالعها بحزن وقام طلع عنهم...
قامت جوري وراه وسحبت معاها رزان....وطلعت وراهم اماني اللي طول الوقت ساكته تراقب هالموقف
اسماء: خالتي اكيد زعل ...
ام فؤاد: ليه يزعل؟ المفروض بنته هالمسكينه هي اللي تزعل ليه يحرمها من ابسط حقوقها
اسماء: هو ماقصر على رزان بس مايبي يتزوج براحته...الا خير خالتي شكنتي بتقولين لي من شوي
ام فؤاد: تتوقعين في موضوع غيره
نزلت راسها وهي تشبك اصابع يدها ببعض...
اسماء: فؤاد؟
ام فؤاد: ايوه...خلاص يمه انتي من زمان عندك علم بالموضوع تدلعتي يالدلوعه كثير وفكرتي كثير...ابي منك اجابه نهائيه هاالاسبوع انا مسويه عزيمه عندي بالبيت...
اتمنى تفكرين وتستخري ربك للمره الاخيره وتعطيني جواب نهائي
اسماء: مادري خالتي....
ام فؤاد: ماابيك تقولين شئ الحين....استخيري قبل...وابي ردك يوم الخميس طيب؟
اسماء: ان شاء الله يالغاليه
ام فؤاد: الله يكتب اللي فيه الخير

................................

الساعه 10 جهزوا كل اغراضهم وجات الخادمة تنزلهم....شافتهم ام ريان ووقفت مبتسمه ردت لها لطيفه الابتسامه
ام ريان: خلاص يمه الحين بتمشون؟
لطيفه: بعد شوي يالغاليه .. يمه مااوصيك على رامي وهاني انا الحين نومتهم حتى مايشوفوني ويبكون
ام ريان: لاتوصين حريص يمه روحوا انبسطوا ورامي وهاني بعيوني
لطيفه وهي تبوس راس ام ريان: الله يخليك لنا ياشمعة الدار....

نزل ريان وبيده الجوازات والتذاكر..وكان لابس بنطلون اسود وبلوزه بلون اخضر مطفي وطالع فريش وحلو...
ابتسمت له لطيفه وهي تطالعه بأعجاب
ريان: لاتطالعيني استحي
لطيفه: ههههههههههه
ام ريان: انتبهوا لنفسكم ولاتخلي زوجتك يمه ريان لوحدها...
ريان: من عيوني يمه....وين ابوي؟
ام ريان: مابعد يرجع
ريان: كنت ابي اشوفه...اجل سلمي عليه يمه كثير ... يلا لطيفه
لطيفه: يلا
ام ريان: تروحوا وترجعوا بالسلامه حبايبي....
ودخلت ام ريان المطبخ
جاوا يطلعوا بس صوت العفريته ديمه وقفهم
ديمه: وووويت ويت
لفوا لها اثنينهم
نزلت لهم وهي مبتسمه....
ديمه: كيف تسافروا قبل ماتودعوني
حضنت اخوها اللي تحبه من كل قلبها : بتوحشني
ريان: وانتي بعد يالدبه
راحت وحضنت لطيفه: وانتي بعد بتوحشيني بشتاق لسواليفك
لطيفه: هههه وانا بشتاق لك يالعفريته....لاتجنني خالتي اوكي
ديمه: يصير اروح معاكم
ريان: لاياشيخه اذلفي داخل
ديمه وهي تقرب منهم وتكلمهم بصوت منخفض: حبوا بعض وعيشوا شهر عسل كأنكم توكم معرسين اووكي
ريان وهو منحرج: احم يلا يلا لطيفه هذي ماوراها الا الخراب
لطيفه: ههههههههه اوكي يلا ديمه حبيبتي انتهي لنفسك...مع السلامه
ديمه: الله يسلمك...لاتنسين هديتي
لطيفه: من عيووني


....................

نطير شوي لأمريكا مكان ماتتواجد دموع القهر والحزن...تلطفها بسمات الامل والمرح...
مساعد: لاوالمشكله يابنت اختي انها دبه تقولين امممم ثلاث منك
دينا وبطنها يعورها من كثر الضحك: هههههههههه خالي حرام عليك خلاص
مساعد: وتطالعني وتخزني عاد سبيتها بالسعودي الخبله على بالها امدحها
دينا: هههههه ..اقول خالي
مساعد: هلا
دينا: بكره رحلتنا صح؟
مساعد: أي بكره الصباح جهزي اغراضك
ابتسمت ولفت تطالع الرايح والجاي...هاليومين اللي قضيتهم مع خالي حسيت براحه غريبه وتناسيت تركي تقريبا..بس مانسيته.. مااقدر انسى جرحه...
بيبقى زوج مع وقف التنفيد وبعدها بطلب الطلاق ماابيه ..

.......................


يتبــع..





لامارا غير متواجد حالياً   رد مع اقتباس
قديم 10-04-13, 11:55 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




اول ماوصلوا ناموا على طول من تعب السفر رغم ان الرحله ماكانت طويله ..صحى الساعه 10 الصباح ولف عليها لسه نايمه وشكلها تعبانه...شال الجوال و3 مكالمات فائته من سعود

اكيد سعيدان عرف اني سافرت ومتصل يهاوش لاني ماقلت له خلني اكلمه...

سعود ومن اول رنه: هلا بالخيانه كلها .. تو مااسفرت وانورت يابعد حيي...روح بعد موزنبيق وانا اخر من يعلم...اصلا انا ولد البطه السوده لازم ماعرف عنك شئ
ريان: هههههههه هلا بالجزيره والمستقله هذا الموجز اعطيني التفاصيل
سعود: لعنبوك ولاكني ولد عمك تسافر ولا تقول
ريان: بصراحه انا غرت من دينوه قلت يلا اسوي بصل مون اقصد هني مون
سعود: هههههه الا اخبارهم المعاريس وخالك وينه من راح ماتصل
ريان: والله مادري عنهم انا مو فاضي تبي دق عليهم وتطمن
سعود: اييه لنا الله من قدك هني مون ولبنان وحركات..وياارض هدي ماعليك قدي
ريان: تزوج والله محد ماسكك ولو تبي رح عطارد شهر عسل ماراح نقول لا
سعود: فكنا واللي يسلمك عالعموم يالمعرس...شهر عسل ممتع هالله هالله في بنت الناس
ريان:لاتوصي سلم عاالاهل
سعود: يوصل فمان الله

سكر وهو مبتسم ..احب هاالانسان احسه توأم روحي..قام من السرير بس مسكته..قرب منها وهو مبتسم..
ريان: اسف صحيتك
لطيفه وهي تفتح عينها وتغمضها: كم الساعه الحين؟
ريان: امممم 10 وربع
لفت عالناحيه الثانيه وكملت نومتها....قام غسل وصلى وطلع يتمشى اختار منطقه يحب يزورها ( جونيه)
هالمنطقه محببه لقلبه كثير جلس عالكرسي وهو يراقب الناس...
كل واحد وحبيبته او زوجته وانا مين حبيبتي؟ لطيفه؟..مااحس بحرية مشاعر تجاهها..ماانكر اكن لها شعور مميز بس ودي هالشعور ينطلق بلا حدود بحرية مطلقه بس كيف...
الغلط مني لطيفه ماقصرت..سوت اللي عليها واكثر بعد..بس انا صاير استقبل ماارسل يقالي جوال مقطوع خخخخ
ليه مااعطي نفسي فرصه اكيد حياتي بتصير احلى مع انسانه احبها بكل حواسي..اعيش لها وعلشانها..

طالع ساعته..لازم مايتأخر عليها رجع للفندق..لقاها جالسه مقابل المرايه ابتسم وهو يطالع اللي لابسته..
كانت لابسته روب نوم وردي حرير طويل بس مطلعها نعومه حيل...ورافعه شعرها ذيل الحصان...
لطيفه: وين كنت حبيبي؟
ريان: مليت قلت اطلع اشم هوا
لطيفه وهي تقرب منه: تمل وانا معاك؟
ريان: اكيد لا..بس ماحبيت ازعجك واصحيك...توك قايمه؟
لطيفه: ليش نمت انا ياريان من اول ماطلعت والجوال ماسكت...رامي يتصل ويبكي والله قطع قلبي
ريان: افا ابو الريم شفيه؟
لطيفه: يقول وين انتوا ماما باخلي السواق ياخذني لكم
ريان: ههههههههههه حلوه قولي له بالمشمش قال سواق قال
لطيفه: حرام عليك قلبي ناطف عليهم..
ريان وهو يرفع حاجب: جزاة الخير سواد الوجه جايبها لبنان وتفكيرها هناك سعودي
لطيفه: لاتلومني حبيبي هذول عيالي قطعة مني
ريان: وعيالي بعد ماقلت شئ

لطيفه وهي تكلم نفسها...ريان مايحب حد يشاركه في شئ يملكه حتى لو كانوا عياله فديته ...

........................

وهو في الدرب يروح يمين ويسار جن الولد...مابقى مكان ماراح له...زهقااان وطفشاان

اووف مليت بصراحه...وين اروح..بس مالي الا فرووس الدب..ااخ يافروس صرت احب اجيك بيتكم بس علشان اختك العفريته جوري....طلع جواله ودق عليه
فارس: الله لاكان جاب الغلا
ماجد: بل...خلاص ياخي لاتذلنا باي
فارس: تعاال حبيبي انت
ماجد: شعنده الخكري
فارس: خكري بعينك ..وينك فيه؟
ماجد: ارض الله الواسعه
فارس: اها صاير صايع ضايع في الشوارع
ماجد: اقول اسكت بس
فارس: تدري كسرت خاطري تعال مرني
ماجد بنشوه: ثواني ياحبيبي ئلبي وانا عندك
فارس: مشكلة الناس الغثه مايصدقون على الله
ماجد: روح زين اذلف
سبح فارس ولبس له بدله سبورت طلع من غرفته وشاف سعود عالدرج وقف يسولف معاه ونسى روحه...

جوري واسماء ومعاهم رزان متجهزين على اساس يروحون السوق وياخذوا ملابس للجامعه حق جوري
رزان كانت تاكل ايس كريم ورايحه جايه بالحديقه وجوري مقهوره على اختها صار لها تنتظهرها نص ساعه واسماء على اقل من مهلها تتجهز....
فكت لثامها للمره الالف وسوته مره ثانيه...ماتحب تكشف ابد باالاسواق بنفس الوقت ماتحب تتغطى لانها ماتشوف زين لذلك حل وسط اللثام....
وماجد...شنقول عنه من صار عند البيت تغيرت احواله...وهو يكلم روحه :
شفيك يالزفت تدق بسرعه...ياربي منه هالقلب..ليه احس اني بشوفها...يااارب اشوفها جننتني وربي هالبنت مادري ليش لاحد يسألني...

توه بيدق الباب الا رزان فاتحته وتركض .. صدمت فيه وطاح الايس كريم الوردي على ثوبه...شهق بصوت عالي ووقف مصدوم يطالع رزان اللي خافت ودمعت عينها من الخوف ودخلت تركض لعمتها جوري
رزان: عمتي عمتيي
جوري: هلا
رزان: تعالي بسرعه
جوري: وين يارزان خليني هنا
سحبت عمتها من يدها للباب...
جوري: ياماما اتركيني وين بتاخذيني
فتحت رزان الباب لجوري وشافته....طالعته من فوق لتحت وضحكت..
ماجد صار عنده مزيج من الاحاسيس بهاللحظه لما شافها وعرفها من عيونها ومن بتكون غيرها يعني....
فرح لانه شافها , شوق ووله , عصبيه من ضحكتها , بنفس الوقت قلبه ذايب على عيونها...
جوري: اسفين لاتعتب عليها طفله
ماجد: ..... كيف حالك جوري
جوري بعصبيه مصطنعته حتى تطفره: جوري بعينك عسى عينك البط قول امين....استح على عمرك شنو شلونك جوري
ماجد: اوووف انتي ليش تكرهيني انا شسويت لك
جوري: وليش احبك؟؟
طالعها بعصبيه حست انه بيسطهرها بأي لحظه
جوري: احم..امم بنادي لك فارس
ماجد: مانبي منك أي خدمات مشكوره برجع البيت اغير ملابسي
جوري: أي احسن بعد
ماجد: شقلتي؟؟؟؟؟؟
جوري: اه لا اقول الله معاك يعني

مشى بعصبيه ودخل سيارته صفع الباب بقوه ومشى....قبل مايبعد عن البيت رمى عليها نظره غريبه مافهمتها وراح...تسندت عالباب وهي مبتسمه....هههههههههه تستاهل اللي يجيك...بس حلو
نظراته عصبيته..خباله ههههههه

.........................

صار موعد طيارتهم كانت متوتره عاالاخر....اقل من اسبوع وترجع لتركي من جديد مؤقتا وبعدها كل شئ يروح في حال سبيله وتتطلق....بترجع له بدون احاسيس ولا مشاعر..
كل شئ فيها متبلد حتى ضحكتها مالها أي معنى..
في الفتره الاخيره اقتنعت بفكرة ان كل شئ بهالدنيا نصيب والشخص ماراح يتاخذ الا رزقه ونصيبه اللي الله كتبه له..وتركي نصيبها وقدرها اللي لازم تقتنع وترضى فيه...مو هي تحدت اهلها علشانه خلاص كل شخص يتحمل نتيجة اغلاطه...
دخل عليها مساعد وهو مبتسم: ها دندون خلصتي ؟
دينا: البس بس عبايتي خالي ماراح اتأخر...
مساعد: أي تكفين بسرعه
لبست عالسريع وراحت لعند خالها اللي حط يده حول كتفها وطلعوا من الفندق...
بالطائره كانت عينه تروح وتجي عليها متوتره بشكل نرفزه خلاص مايتحمل هالوضع...
مساعد: خلاص عاد دينا
دينا: شنو؟..عادي مافيني شئ
مساعد: كل هذا ومافيك شئ...خلاص اهدأي وانا قلت لك اللي تبيه بيصير..
دينا بحزم: اللي ابيه تعرفه ياخالي
سكت خالها وهو مقهور لو على وده ماتبقى مع تركي ولا ثانيه وحده بس هي تبي هالشئ...ماتبي تتطلق على طول حتى ماحد يحس بشئ...
دينا: ادري كلامي مو عاجبك
مساعد: لا دينا انتي كبيره وفاهمه...تدرين انا نعسااان بنام يلا اصمتي واخمدي
دينا: ههههههه طيب

.....................
اليوم التالـي..

اوتعى من النوم العصر الساعه 4 لف وراه مالقاها...قام بكسل يدورها شافها جالسه عالكنب وتكلم جوال..راح وجلس جنبها
لطيفه: ههههه من عيوني حبيبي ايش تبون بعد....بس؟؟....غالي والطلب رخيص...اكيد حبيبي...ان شاء الله بس انت دير بالك على اخوك لاتطقه......ههههه أي انت احسن منه.....انتبه لنفسك زيين يلا باي

حطت الجوال جنبها ولفت له...
ريان: رامي؟
لطيفه: أي والله
ريان: ايش يبي؟
لطيفه: ابد طفش خالتي المسكينه قامت اتصلت وخلته يكلمني
ريان وهو يتثاوب: اهاااا

قام يطالعها وهي مبتسمه..يالله قد ايش حلوه ابتسامتك..طالعة من القلب ترد الروح..تأمل تقاسيم وجهها..
كيف كنت اعمى عنك يالطيفه..
اما هي استحت من نظراته وقامت من مكانها بس سحبها لحضنه..استحت منه واستغربت .. قليل يسوي لها هالنوع من الحركات
ريان: وين رايحة عني
لطيفه: ابد..هنا
ريان: لا مافيه خليك جنبي
لطيفه: من عيوني حبيبي

.....................
لما وصلوا المطار زاد الخوف والارتباك..كيف بتقابل اهلها بدون زوجها ايش بتقول لهم....
اتصل مساعد في سعود وجاء...بس ماكان يدري ان دينا معاه بالتأكيد..
وصل لهم المطار ونزل سلم على خاله وانصدم...مين هالبنت اللي معاه كانت متغطيه وواقفه بعيد شوي عن مساعد
مساعد وهو يمسك ذراع سعود ويكلمه في اذنه: هذي دينا
سعود: شلووون؟ دينا؟؟؟ وين تركي؟
مساعد: بعدين اعلمك مو وقته
سعود: قولي خالي شصاير
مساعد: قلت لك مو وقته خلينا نروح نرتاح وبعدين يصير خير

سكت وهو يمشي معاهم يطالع خاله ودينا ومستغرب كثير..مابعد كملت اسبوع من تزوجت وترجع من شهر العسل وبدون زوجها....اخاف بس صار فيه شئ

طول الطريق وهي منحرجه من هالموقف اللي انحطت فيه وتفكر...دام سعود استغرب اجل كيف امي وابوي ياربي هون علي..مادري شقول كيف اتصرف..مادري ليش حاسه ان حتى الكذبه اللي بنلفقها مابتمشي عليهم....
وصلت بيت ابو ريان ونزلوا الشنط...
مساعد: يلا ادخل ارتاح شوي سعود
سعود: لاوين باروح الشركه مافيها حد اليوم...
مساعد: الله يعطيك العافيه
سعود: الله يعافيك..خالي صاير شئ بينهم؟
مساعد: أي صاير..خلاص بعدين اخبرك روح الحين
سعود: خير ان شاء الله...يلا مع السلامه
مساعد: الله يسلمك
راح مساعد لدينا اللي واقفه عالباب وماتبي تدخل بدونه ..مسك يدها ودخلوا الصاله مافيها غير ديمه اللي جالسه تعزف عالجيتار...
مساعد: اروح صحن بيض لعيون الرومنسيه يانااس
فزت على صوت خالها .. بس لما شافت اختها تغيرت ملامحها..دينا هنا؟؟؟كيف وليش؟؟؟
ديمه: دينــا؟؟؟
كسرت دينا الموقف وراحت حضنت اختها اللي تدريجيا تناست الامر...
ديمه: أي ميس يو
دينا: أي ميس يو توو .. شلونك حبيبي
ديمه: فري جوود سويتي

ام ريان تهيأ لها سمعت صوت دينا ومساعد نزلت عالدرج ولما شافت بنتها قبضها قلبها وخافت....اول شئ جاء في بالها ان تركي صاير فيه شئ
ام ريان: انا بحلم ولا بعلم؟
تقدمت دينا لامها وحضنتها وبكت من كل قلبها والام ضايعه مو عارفه شصاير.....
ام ريان: شصاير فهموني
مساعد وهو يمسك اخته ويجلسها عالكرسي: تطمني يااختي ابد مو صاير شئ والله...روحي ديوم هاتي مويه لامك
ديمه: اوكي
ام ريان: يامساعد ماابي شئ بس فهموني شصاير وين تركي...
مساعد: السالفه ومافيها يااختي اهل تركي عندهم مشاكل وتركي ليل نهار عندهم تدرين مالهم
غيره ودينا جالسه بالفندق لوحدها قلت ليش مااجيبها معي لين تنحل مشاكل اهله.... ماهان علي بصراحه اتركها لوحدها هناك
ام ريان بتنهيده ارتياح: الحمدلله....يعني اكيد مو صاير شئ؟
مساعد: تطمني يالغاليه وكلها يوم او يومين تتعدل اوضاع اهله ويرجع وياخذ دينا
ام ريان: على خير ان شاء الله تبين شئ يمه دينا؟
دينا بتعب: ابي بس انام تعبانه يلا عن اذنكم
مساعد: نامي زين..

صعدت عالدرج بتكاسل...ااه ياليت اللي قلته ياخالي صحيح يالييت بس حسافه..

......................
يوم الخميس تجمعت العائلـة في بيت ام فؤاد الكل ينتظر رأي اسماء الاخير في موضوعها مع فؤاد...
درجة التوتر اللي يحسها فؤاد فوق الخيال كان توه طالع من الحمام متروش ومتعطر ولابس ثوب ابيض وشماغ
مو عارف يمشي رجله مو شايلته كأنه هو العروس بس من جد هاليوم ماراح ينمحي من خياله ابد...
ياانه يخليه اسعد انسان او اتعس انسان.....
ينفس بعمق وطلع من غرفة وراح للضيوف.....

خبر رجوع دينا انتشر في العائله بنفس اليوم اللي رجعت فيه . وتأسفوا على اوضاع تركي وتمنوا لها شهر عسل ثاني احلى...ترد عليهم دينا بكل اسف وحزن.....ببتسامه مالها أي معنى ..

جلست ام فؤاد وام ريان وام سعود الثلاث الخوات مع اسماء بغرفه لوحدهم يبون يعرفون رايها..
ام فؤاد: ها يمه اسماء فكرتي واستخرتي ؟
اسماء بهدوء مو طبيعي : ايوه
ام ريان: خبرينا يابنتي ايش طلع معاك؟
اسماء وهي تنزل راسها: اللي تشوفوه
ام فؤاد بفرح غامر ضمت بنت اختها: اقول مبروك
ام سعود: ههههه قولي يااختي الف مبروك علينا وعليكم....
ام ريان: مبروك حبيبتي عقبال مانشوف عيالكم
استحت اسماء منهم وطلعت الصاله البنات كلهم ينتظروها ...
امل: تعااااااااالي تعالي هنا جنبي
اسماء وهي تجلس جنب امل : خير خير شفيكم تطالعوني كذا اووه استحي عاد
امل: بشري
جوري: ماتشوفين الابتسامه....اكيد موافقه
امل: جد؟
اسماء وهي مستحيه: جد
امل وهي تقوم: كلووووووووووش الف الصلاه والسلام عليك ياحبيب الله محمد باروح ابشر اخوي زهقني وهو يتصل.....
طلعت الحديقه لقت فؤاد واقف ويقطع في الشجر من التوتر قربت منه وضربته على كتفه
فؤاد وهو يلف : مين؟ امول هاااا بشري
امل وهي تبي تحرق اعصاب اخوها: فؤاد حبيبي كل شئ بالدنيا قسمه ونصيب والظاهر ان نصيبك....ياربي شقولك
فؤاد وهي خلاص بيموت: ماوافقت...؟؟؟؟؟
امل: بصراحه يافؤاد لاتزعل بس نصيبك من نصيب سمووووي وافقت واخير
فؤاد بفرح: جد؟ يااالله واخير
حمل اخته من الفرح ولف فيها لفتين
امل: باموووووت نزلني يالمجنون
فؤاد: فرحااااان فرحااان خليني ادخل لها
امل: لا انت اكيد جنيت
فؤاد: عاد باشوفها امول بس باقول لها كلمتين
امل: يمكن ماتوافق
فؤاد: انتي قولي لها في وحده تبيك بره وخلي الباقي علي
امل: اوكي يلا باي
دخلت لاسماء وقالت لها نفس الكلام....لبست اسماء عبايتها وتحجبت بدون غطاء وطلعت لما شافت فؤاد رجعت شوي بس مشى لها
فؤاد: اسماء...
اسماء: هلا
فؤاد: ابيك شوي تعالي
اسماء: وين؟
فؤاد: هنا بس
نزلت هو يمشي قدامها وهي وراه وراسها للارض....ايش يبي مني..ايش بيقول اووف باموت استحي اتكلم معاه في هالوقت بالذات....

راحوا لعند طاوله بالحديقه جلس وجلست مقابله....
اسماء: شتبي فؤاد؟
فؤاد: ياعيون فؤاد انتي....ماتتصورين شقد فرحان
ابتسمت له ونزلت راسها
فؤاد: مبروك عليك حبيبتي
قامت عنه مو قادره تتحمل اكثر دخلت والبسمه مرسومه على شفايفها....ان شاء الله اقدر اسعدك ياولد خالتي.....
بعدها دخلت والكل بارك لها ...

................

انتظــر الردود..
تحيـــاتــي..





لامارا غير متواجد حالياً   رد مع اقتباس
إضافة رد

الكلمات الدلالية (Tags)
مظاهرة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:42 PM



Powered by vBulletin®
Copyright ©2000 - 2024, vBulletin Solutions, Inc.