آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-04-13, 11:16 AM
| #1 | |||||||||||||
| نجم روايتي ومشرفة سابقةومصممه 
|  ماضي أحزاني / للكاتبة L7'9t '3ram ، مكتمله .
التعديل الأخير تم بواسطة لامارا ; 09-10-13 الساعة 04:05 PM | |||||||||||||
|  |
|
20-04-13, 11:18 AM
| #2 | ||||
| نجم روايتي ومشرفة سابقةومصممه
|  الجـزء الاول . . فتحت عينها ببطء شديد وتعب وأبتدت تنقل نظرها بالغرفه ( يـاربي ويـن أنـا ؟) الغرفه كـانت شبـه بــارده والنور فيهـا خفيف شافت الدريشه لقت الدنيـا برى ظلام ..( كم السـاعه اللحيـن ؟؟) كـانت مستلقيه على سرير أبيــض ومتلحفه بلحاف أبيض أنتبهت على صوت الاجهزه اللي ع يمينهـا ويســارها تأكدت أنهـا بمستشفــى حست بألم خفيف براسها رفعت يدهـا وحطتها ببطء على راسهـا الملفوف وقالت بصوت أشبه بالهمس : أنا شللي جابنـي هنــي .. دخلـت عليهـا السستر اللي باين على ملامحهـا التعب والنعــاس وما أنتبهت عليها وراحت سيده صوب الاوراق اللي حاطتهم وشالتهم وهي بتطلع الا صوتها يوقف السستر : لو سمحتي ألتفتت السستر بخوف ولما شافت أنهـا قامت قالت ببتسامه : صبــاح الخيــر أبتسمت وقالت :صبـاح النـور .. آآختـي انا ليش هنـي ؟؟ ومــن جابنــي .. السستــر قربت صوبها وقالت : والله حبيبتـي أنـا ماعندي علم بشي .. توني واصله المستشفى من شوي .. صبري أروح أبلغ الدكتور المشرف عليج وراجعه لج .. ( زادت أبتسامتهـا ) حمدالله ع السلامه ردت عليه : الله يسلمج طلعت السستر ولقت الدكتـور واقف يتكلم مع شــاب راحت له وقالت : دكتور لو سمحت ألتفت عليها الدكتور وقالت : المريضه اللي بالعنايه المركزه قامت أبتسم الشـاب بفرحه وقـــالت : مشــاعـــل قــــامـــت السستر بادلته الابتسامه وقالت : آآآي قااامــت الدكتور أبتسم هو الثاني وقال : الحمدالله ع سلامت المريزه ( المريضه ) الشـاب بلهفه : أأقدر أشوفهـا دكتــور ...!!؟ الدكتور : آآهـ تأدر بس متكونش أنـاني كده أولـ ( قول ) لمامتك وأهلك الشاب اللي بغى ينسى أهله ويدخل بروحه من الفرحه قال : آن شالله دكتور الدكتور : بس ماتدخلوش كلكم كده مره وحده .. واحد واحد الشـاب هز راسه بالايجاب وراح طيراان للمكــان اللي قاعديـن فيـه أمــه وأخوووه وأختــه الشــاب : مشــاعــل قااامـــت فيصل قام بفرحه : آآآآحلــف الشــاب : واللـه توهـا السستر تقول انها قامت جواهر اللي أبتدت دموعهـا تنزل من الفرحه : مـ ..ـشـ..ــــاعــ...ـــل فيصل ألتفت لأمه وقال : يمــه قومي يلا خنروح لهــا أم فيصل اللي كــانت تبكي بس مو من الفرحه الا من الحزن : وأذا رحنـا لهــا .. أحتمال ماتشوفنـا .. يمكــن تكون أنعمــت تلاشت الابتسامه من شفات الكل بس الشــاب قال : لا تقوليـن يمه جذي .. الدكتور ماأكد انهـا بتنعمي ... أم فيصل بصوت شوي أعلى بس مو بصراخ : أذا مابتنعمي بتكون فاقده الذاكره .. ماأستحمل ادخل عليهـا ولا تعرفنــي بمووت ياعبدالله تعرف شنو بمووت عبدالله نزل راسه بالارض وقال : يمه المفروض نحمد الله أنهـا قااامــت من الغيبوبه بعد أسبوعين ونص ..( رفع عينه ) وبعديـن مو كل شي يقوله الدكتور بيكون صحيح .. جواهر اللي كانت قاعده جنب أمهـا قالت وهي تمسح دموعهـا : يلا يمه قومي .. ماتبين تشوفيـن مشــاعل طالعتها أم فيصل وقامت بعد تردد ورااحوا الغرفه لمـشــاعل ودخلــت أول شي أم فيصل بعد مارفض الكل يدخل قبلها دخلـت وشافت مشاعل مستلقيه ع السرير ومغمضه عيونهـا زادت دموعهـا وقربت صوبهـا وحطت يدها على راس مشاعل وقالت بهمس : يمــه مشاعل أخترعت مشاعل وفتحت عينها بسرعه وقالت : مــ ــ ــن أنـ ــ ــتــ ــي ..!! أم فيصل ودموعهـا كل مالها وتزيد : آآنــا أأمــج .. أنــا أمج مشـاعل مشاعل بتسأل : أمـي !!؟ أم فيصل : مــاتــذكرينــي !!! مشــاعل طالعتهـا لدقــايق وأم فيصل تنطر ردهـا .. هزت مشـاعل راسها بالنفي وقالت : ماعـــرفـــج أم فيصل حطت يدها على حلجها ومن هول الصدمه وزااادت بالصيــاح وقالت كلام مافهمتهـا مشاعل لانه صوت صيااحها مغطي : يمــه بنتــي !!!!! مشاعل زاد خوفهـا لما زاد صياح هالمره وقـالت : لــيــش تصيــحيــن !!؟ أم فيصل حطت يدها على راس بنتهـا وطلعت بدون ماترد عليهـا أول ماطلعت من الغرفه كــانت ميــته صيــاح عبدالله : هــا بشري يمه أم فيصل صرخت : مـــاتــعـــــرفنــــي بنتـــي ولا تعرفنــــــي آآآآآآآآآآآآآآآآه ياامشــــاعــــل آآآآآآآآآآآآه فيصل وهو يمسك أمه لما شاف انها مابتقدر توقف وقال : يمــه خلاص ... تكفيـن خــلاص .... آآن شالله بتكون فتره قصيره وبتذكرنـا أم فيصل : ... الحمداللـه يـــــــــــــاارب الحمداللــه عبدالله لفيصل : أنت ودها البيت وأنا بلحقكم فيصل أخذ أمه وطلع من المستشفـى وتموا جواهر وعبدالله جواهر وهي تصيح : مشـاعل ماتذكرنــا ..!!؟ يعني مابتعرفني عبدالله مارد عليها وشاح بنظره بعيد عنهـا عم الهدوء لفتره قصيره وألتفت عبدالله لجواهر وقال : بتدخليــن !!؟ جواهـر : أأدخــل معــأي عبدالله : أوكي دخلوا الاثنيـن على مشاعل اللي كـانت قاعده وخــافت اكثر وأكثر لما شافت ريال داااش وهي ماعندها شي تتغطى فيه عبدالله كـان يدري انها مابتعرفه فقال اول ماصار جنبها : آآآنـــا أأأخوج ..عبدالله جواهر رااحت صوب مشاعل وطااحت بحظنها ولمتهـا وقالت وهي تصيح: مشـــاعـــل مشاعل اللي كانت مثل الاطرش بالزفه ( شفيهم كل مادخل علي واحد صااح .. منهم ذولا ؟؟ ) : من أنتوا .. وأنا ليش هنــي ..؟؟ عبدالله : أنا أخوووج .. ( يأشر على جواهر ) وهذي أختج .. وعندج أخوان أثنينه فيصل وعيسى .. والحرمه اللي دشت عليج من شوي هذي أمج حس بغصه بصدره وهو قاعد يعدد لها أخوانهـا ... ويحاول يذكرها بهم .. مافكر بلحظه انه ممكــن يجي هاليوم مشاعل نزلت نظرها لجواهر اللي مازالت حاظنتهـا ورفعتها وقالت : شصــار !! عبدالله تنهد وقال : سويتي حاادث من أسبوعيــن وشوي مع عيسى .. والحمدالله قمتوا بالسلامه عيسى قام بعد 5 أيــام بدون شي اللهم رضوض وكسر بيده بيروح مع الاياام .. وأنتي توج اللحيـن قمتي وو .....( سكت ) مشاعل : وأأنــا شفيني ..؟؟ عبدالله حط يده بمخباه وقال وهو يتنهد : فقدتي الذاااكره مشاعل حطت يدها على صدرهـا بصدمه: آآآآنــــاا عبدالله هز راسه بمعنى ( أأيوه ) مشاعل قالت : يعني أنــا اللحيـن ماأذكر شي ..!!! عبدالله : هذا اللي بــأيــن لحد اللحيــن .. مشــاعل : وأأنــــااا أسمــي مشــاعــل !!! عبدالله فتح عينه على كبرهـا ( حتى أسمج نــاسيتــه ) مشاعل فهمت لما أتسعت فتحت عينه أنه أنصدم من سؤالهـا : مافي أمل أتذكر شي !!!! عبدالله : كل شي بيد الله .. وأن شالله بتذكريـن مع الايــام جواهر رفعت ويها وقالت ببتسامه : أن شالله بترجعيـن البيــت ومن تشوفينه تتذكريـن كل شي مشاعل نزلت دمعه حااره على خدهــا وقالت بقلبها ( معقــوله !! آآنــا فاقده الذاكره ...؟؟ ماعرف حد فيهم ...) . . مــرت الايــام ولمــا تحســنت صحه مشــاعل رخصووها المستشفـى وطلعــت كـانت قايمه وجاهزه ولابسه عبايتهـا تنطر حد يجي ياخذها من المستشفـى وفيها خوف من اللي جــأي .. هي ماتعرف حد اللهم حفظت أشكال اللي كـانوا يجونهـا وتلخبط بعد بيـن فيصل وعبدالله لانهم يتشابهون شوي تمت عينها بالارض وأفكار تجيبها وأفكار توديهـا قامت من مكـانهـا ودخلت الحمام فتحت شيلتها وحطتها على كتفهـا وغسلت ويهـا عشـان تخفف من التوتر الي أحتل قلبهـا شوي الا تسمع صوت رجوولي : مشـــــااااعــــل !!! أنتفضت من الخووف ومسحت ويها ع السريع ولفت شيلتهـا وطلعت وشافت شااب أول مره تشوفه قالت بصوت واطي : من أنت !! عيسى ببتسامه : مسررع مانسيتيني .. أول أمس كنت عندج ردت عادت سؤالها : أنت منو ؟؟؟ عيسى بغشمره وبطريقه تشبه الاستهزاء بس بطيب نيه: آآنــاا عيســى ولد بدر .. طااق مشوار من البيت لـيـن هنــي عشــان أوصل البرنسيسه مشاعل للبيــت مشاعل عقدت حواجبها وقالت : وليش تقولها جذي .. عيسى أبتسم وقال : أأتغشــمـــر يبه .. مشاعل وهي تسكر باب الحمام : لا تتغشمر معـــأي .. ( وكملت مشيها لحد ماطلعت من الغرفه ) عيسى رفع واحد من حوااجبه : هــااا !! شبلاها عصبت .... طلع لقاها تنطره عند باب الغرفه طالعهـا ومشى وهي لحقته مشاعل بقلبها ( آآآوف هذااا كريه ماحبيته .. شكله بيقعد يستضرف دمه معااي كل يوم ... معقوله عندي أخو مثل هذا ؟؟ الله يعيني عليه ) تمت تتبعه لحد ماوصلوا لسيــاره ركب عيسى ونطرها تركب بس أنصدم لما شافها تفتح البـاب اللي ورى وتركب وتسكر البـاب عيسى لف عليها وهو يقول : ويـــن قااعده ورى ..!!! مشاعل اللي مازالت مكشره : مرتاحه هنــي عيسى : زيــن تعــالي جدااامي !! تراني أخووج مب سوااااق مشاعل طالعته بنظرات كلها شرااسه : مــااابي عيسى صد عنها وهو يقول : زيــن يبه لا تشمخينــا بس تم يسووق والهدوء مسيطر ع المكــان عيسى بقلبه ( الله يعيـن بس شلون بتعامل معاهــا شكلهــا بتقعد تتصرف معااي بهلـ طريقــه .. هذا وأنا كنت أقرب النــاس لهــا وجذي ... شكله المخ عندها أنلحس ..أنمحى .. ماااااتذكر ولا شي ..... الله يكون في عونج ياأختي ويكون بعووونــا ) جااته فكره وقال : شتبيـن تسمعيـن !!! مشاعل : هدوئك .. عيسى طالعها من المنظره اللي جداامه بنظرات غضب مشاعل خاافت من نظراته بس مازالت مسيطره على شكل البنت القويه الشرسه عيسى قال وهو يدور شريط : آآسف .. بتسمعيـن صوتي للأسف ....( قال وهو يطلع الشريط ) بمــا أنج تحبيــن ماجد المهندس خل أشغل لج شريطه ( بطنازه ) يمكن صوت الحبيب يذكرج مشاعل زاااد غضبها بس سكتت ( شقصده ؟؟ يطنز .. أذا وجودي مضاايقه خل يردني المستشفى أحسن لي وله ) عيسى دخل الشريط وحط على أغنيه ( بين أيديه ) وقال : يلا .. شغلي مخج شوي وتذكري .. مشاعل بغضب : شفيك أنت تبي تستفزني وبس !!!!!!!!! عيسى اللي كان يتعمد يعاملها جذي : أنا أستفز أختي لا ياحبيبي قلب عيسى .. بس أبيج تتذكريـن ذاتست مشاعل : ماني حبيب قلب حد ... عيسى : لا لا صلحي معلوماتج .. أنتي حبيب قلبي .. مشاعل تكتفت وقالت : آآآووف ليش ماجاني عبدالله .. عيسى أنصدم من ردهـا : عبدالله !! مشاعل طالعته وصدت عنه عيسى : يكون بعلمج .. ترى أنــا أقرب لج من عبدالله ... وعلاقتج معاااه مو لذاك الزوود مشاعل : هذا قبل .. بس اللحيـن كل شي تغير عيسى : أأأدري أصلا هالشي وااااااضــح ..ومن أسلوبج بعد مشاعل كانت بترد بس تعوذت من أبليس وسكتت كلها ساعه وربع الا هم بالبيــت أول ماصف سيارته عيســى نزلت مشاعل وأتجهت على أول باب شافته أعتقدت انه بيدخلهـا ع البيــت الا صوت عيســى اللي نزل بسرعه لما شافها متجهه لبــاب الميلس عيــســى : هيييييييييييييــه انتــي وقفــي مشاعل وقفت وألتفتت عليـه : شتبي ..!! عيســى قرب صوبها وقال : ويــن رايحه سيــده ع بـاب الـ ... مشاعل قاطعته : بدخل داااخــل وله ممنوع عيســى قرب منهـا بعد ماطفش من حركاتها الطفوليه : سمعــي .. دامج ماتعرفيـن أمــاكـن البيــت عدل .. لا تتفلسفيــن .. أوكي ( يأشر لها بعيونه على باب الميلس ) وذاااك البــاب باااب الميــلس وربع عبووود أكيد داااخل مشاعل سكتت بعد ماأنحرجت وتفشلت حس فيها عيسى بس قال لها بجمووود : ذاااااااااااااااااك بااب الصــاله .. مشاعل طالعته بنظرات قهــر وراااحت عنه لبــاب الصاله ودخلــت الا عبدالله بويها وفرح لما شافها : هـــلا واللــه تو مانور البيــت مشاعل أبتسمت لما شافته حبت هالانســان : هلا عبدالله .. ( تغيرت ملامحها لما تذكرت عيسى وقالت ) ليش ماجيت لي أنت المستشفى !!! عبدالله أستغرب من سؤالها مشاعل أستحت وعدلت السؤال : ليش عيسى جااني المستشفى ..!! عبدالله : لا بس .. أنتي وعيسى دوومكم مع بعض قلت اخليه هو يجيلج يمكــن تذكريـن شي !!! مشاعل بقلبها ( هذا المليغ كنت دوومي معااه ماأصدق ) : ويــن أم فيصــل ..!! عبدالله رفع واحد من حوااجبه مشاعل أنحرجت اكثر حست ويها أنخفس من الاحراااج : أقصد آآمي .. عبدالله أبتسم وقال : تعــالي خلـ أوديج لهم بالصاله .. وبعدها بروح النادي مشاعل أنتبهت على لبسه الرياضي وأبتسمت عبدالله مسكها من يدها وراح معاها الصاله الكبيره وهدها وقال : وقفي هني لما اناديج دخلي أوكي .. مشاعل هزت راسها بالايجاب دخل عبدالله وقال بطريقه مسرحيه : سيداااتــي ساااادتــي أرجوا الانتبــاه من الجميــع أم فيصل : آآنت للحيــن هنــي !! .. عبدالله ببتسامه عريييضــه : لا هنــاك أم فيصل : لا تقعد تستهبل علي ... هذا اللي بيروح النـــادي ... ؟؟ جواهر اللي كانت متربع ع الكرسي وتقرى مجله : يقص عليج بس عشان مايروح الجمعيــه .. عبدالله لجوااهر : أنتي سكتي سكتي سكتي بس محد كلمج .. ترى رزت الفيس من طبايع التــيس جواهر فتحت عينها على كبرها : محد تيييييس غيرك ( تكلم أمها ) يمه شوووفيــه مشاعل أبتسمت وهي تسمع حوارهم أم فيصل : خـــلاااااااص يمــه شنو يهال أنتواا عبدالله : المهم ماعلينــا .. سيدااتي ساادتــي أقدم لكم مشــااااااااااعــــل بدر الـ ( ....) مشاعل ماتحركت منحرجه تدخل أم فيصل عصبت : عبووووود .. لا تقعد تستهبل علي .. لا يجيك قوطي الفــايـن اللحيـن عبدالله ألتفت على مشاعل وقال : شعووول .. زيـن جذي عصبت علي الوالده تعالي دخلي مشاعل هزت راااسهـا بالنفي وقالت بصوت أشبه بالهمس بايالله سمعه عبدالله : آآستحــي عبدالله راح صوبها ومسكها ودخلهـا وقال : تـــراااااااااااااااااااا ااااااااااا .. أم فيصل اللي تغيرت ملامحها من الغضب الى الفرح راحت صوب بنتها وحظنتها وقالت : مشــاعـــل .. يمه متى وصلتــي مشاعل أنحرجت اكثر : من شوي .. جااتهــا جوااهر بفرحه وقالت : وااااااااااااااااااو شعول هني ماأصدق حد يعطيني كف .. عبدالله بغشمره : تعــالي قربي خدج جواهـر وهي تدزه بالخفيف : يالحمــار هههه عبدالله لما شاف فرحه أمه قال : أأوكي عيل اخليكم اللحيـن ماهو شعول غطت علي .. لنـا الله بس .. والله محد حاس فيني ولا يعرف قدري غير المدرب هههههه جواهر : روح روح .. النـادي خل مدربك يطلع لك حبه الزايد لك عبدالله ضحك وقال لمشاعل : يلا أنا بروووح .. تبين شي مشاعل ماكانت تبيه يرووح خذت عليه بسرعه قالت : لا .. عبدالله : أوكي عيــل سلام طلع عبدالله ولقى عيسى قاعد على الدري اللي جداام باب الصاله عبدالله لعيسى : شبلاك قاعد هنــي .. عيسى بعد ماتنهد :... شكلها مابتتعود علينـا بسرعه .. عبدالله أبتسم : اللحيـن هذا اللي مضايقك .. ماعليك كلها كم يوم وترجع شعول اللي تعودنـا عليهـا بس هي مسأله وقت ياأخووك عيسى سكت شوي وقال : تصدق .. تنرفزت علي من أقل كلمه ..!!! عبدالله قعد جنب أخوه وقال وهو يحط يده على كتفه : شي طبيعي ياعيسى .. ماخذت عليك للحيــن ... مع الايام بتتعود صدقني عيسى تنهد وقال : يلااااااا .. الحمدالله على كل حال قام وقف وقال : ربعك بالميلس ترى .. عبدالله قام وقال : آآي ادري أنا قلت لهم ينطروونــي عيسى : بتروح النادي أنت صح ..؟ عبدالله يغمز له : شرااايك أنت عيسى أبتسم : أأوووكي ... الله معاااك .. وسووق شوي شوي مووو تسوي حادث أنت بعد وتفقد الذااكره وأبتلش فيك أنت واختك عبدالله ضحك من قلبه : بــللل .. لا تفااول مع ويهك .... يلا سلام عيسى : الله معاك راح عبدالله الميلس وكانوا ربعه مثل ماتوقع دااخل سعود ونـايف عبدالله : يلا مشيــنـا شبــاب نايف : كــان كملت نووومك داااخــل عبدالله : ياأخي مادري وين حطيت جوتيي ( الله يعزكم ) وبعد جهد جهيد لقيته وكاني واقف جدامك حي أرزق سعود : ياثقل دمك بس .. اقول يلا يلا أمش .. قبل لا نحصل تهزيئه سنعه نايف وهو يقوم: أحنا بننزف بننزف مافي مفرر وكله من الشيخ عبدالله طلعوا الثلاثه وركبوا سياره عبدالله عبدالله سكر باب السياره وهو يقول : آآآآآآآخ ماودي أروح النادي اليوم تصدق سعود اللي كان قاعد جداام قال : ليش !! عبدالله : بس جذي مزاااج وطلعوا من البيت ورااحوا النــادي بينمـا دااخل بالبيــت دخل عيسى الصاله مالقى فيها حد راح ورمى نفسه ع الكرسي وهو متضــايق حده من تصرفــات مشاعل معاااه وقعد يلووم نفسه محد قال له يسرررع بس عشان يخووف مشاعل .. بدل مايخوفهـا مسح ذاااكرتهـا عيسى تنهد : آآه يامشــاعــل ... سامحيني .. ماكان قصدي والله جاا في باله موقف له معاهـا وهم بالحديقه . . . مشاعل بصراااااااخ : عيسووووووووه ألحق بسرررعه عيسى اللي كان قاعد على الطاوله اللي بالحديقه ويقرى الجريده : شنــو!!! مشاعل : تعـال تعـال شوف بسرعه عيسى سكر الجريده وحطها ع الطاوله وقال : شنو .. مشاعل طالعته : أنت تعـــال .. عيسى قام وقال : لو ماعندج سالفه بذبحج مشاعل ماردت عليــه وأول ماأقترب منهـا الا هي مسبحته بالمـــاااااااااااااي عيسى وهو يحط يده على ويهـا : شعووووووووووووووووووووووو ووووووووووووووووول مشاعل اللي مازالت حااطه صبعها على فوهت الهووز عشاان يتطااير الماااي بطريقه أأأسرع واكثر وصوت ضحكها مالي المكـان : يااااااااااااااااااحلاتك وأنت متسبح ( تنــادي بأعلى صوتهـا ) جوجووووووووو .. بسرعه تعالي جواهر اللي كانت منخشه بعيد عنها جاات وبيدها الكاميرا مشااعل : بسرعه صوريــه ... بســـــــــــرعه مايمديهـا تخلص جملته الا عيسـى ساحب الهووز منهــا ومغرقهـا بالماااي وجواهر صورتهم بس للأسف صورة عيسى وهو يسبح مشاعل وليس العكس طبعا عيسى سبح معاها جوااهـر اللي حرمت تتحرش فيه مره ثاانيــه ليلتهـا ثلاثتهم مرضــوااا وخذوا زفه من أبووهم وأمهم عشان مايلعبون بالماي مره ثااني . . أبتسم عيسى لما تذكر هالموقف اللي يعتبر نقطه في بحر المواقف اللي تصير بينه وبين مشاعل كـانوا قرااب من بعض حيــل وهالحادث فرقهم ...وقربها من عبدالله اللي دووم تتهااوش معاااه وتلجأ لعيسى عشان ياخذ حقهــا واللحيـن صار العكس شوي الا أمه طالعه من المطبخ ودخلت غرفه الطعام حطت الاكل وطلعت الا تشوف عيسى : يمه أنت هنــي .. عيسى : آآآي يمه صار لي جم دقيقه أم فيصل راحت له وقالت : روح عيل نااد أختك خل تااكل .. عيسى تردد وقال : خل جواهـر تناديهـا أم فيصل : جواهـر معاهـا فوووق .. عيسى مارد وقام وهو رايح فوق ويدري انها بترد عليه بأسلوب يستفز طق باب غرفتهـا ودخل لقاهـا قااعده مع جواهـر اللي ماخلت دفتر بدرج مشاعل الا وطلعته تحاول تذكرهـا بشي عيسى وهو واقف عند باب الصاله قال : مشــاعل نزلي أكلي ... مشاعل ماردت عليــه عيسى مايحب حد يتجاهله سم ضروسه هالشي : مشـــااااعـــل أأنـــااا اكلمج ردي علي جواهر رفعت عينها وقعدت تطالع عيسى وتطالع مشاعل اللي قالت ببرود : همممم .. عيسى أنقهر من برودها : نزل اكلي .. مشاعل بستهزاء وبصوت هادي : آن شالله عمي عيسى عيسى أنبطت جبده وطلع جواهر بتسأل : شفيج معاه مشاعل : ولا شي ... بس هو يحر .. جواهر : غريبه ..!! مشاعل طالعتهـا :شلي غريب !! جواهر : وضعج مع عيسى .. تغير من بعد الحادث مشاعل أبتسمت : كل شي يتغير .. جواهر : بس عيسى طيب .. ليش تتجاهلينه ..!! مشاعل : مادري ... يمكن أنا ماخذه عنه فكره غلط .. خل يحرك روحه ويصححهـا جواهر أستغرب من ردها مشاعل أبتسمت وقالت : الا ماقلتي لي .. كم أعماركم .. ومنو أصغر واحد فيكم ...ويـن أبوي !! جواهر تضايقت من سؤالهـا هذا وكأنهـا وحده غريبه عن البيت مو وحده منه وفيه بس بعد ردت عليها : شوفي .. فيصل أكبر وااحد فينـا وعمره 26 سنه .. وبعده عبدالله عمره 25 سنه وعيسى 23.. وبعديـن أأجي أنــا وعمري 21 سنه بس مشاعل بتسأل : وأنــا كم عمري !!! جواهـر ببتسامه : 19 سنه مشاعل : .. زيــن من أقرب وحده لي .. يعني عندي صديقه مقربه مني وله لا .. جواهر بعد تفكير : مااادري والله .. بس أعتقد شوشو .. مشاعل : شوشو !!! جواهر : شيخه بنت عمي سلطان .. مشاعل اللي كانت تردد الكلام جنها بغبغاء : عمي سلطان!!! جواهر تمللت وقالت : اليوم أبوي بيعزم الكل وبعرفج عليهم واحد واحد مشاعل أبتسمت : أن شالله .. ( تذكرت شي ) بس أبوي وينه ماشفته من دخلت البيــت جواهر : أأبوي أغلب وقته بالشغل ... فمن جذي مانشوفه وااايـــد مشـاعل هزت راسها بتفهم جواهر وهي تقوم توقف : يلا تعالي ناكل وبعدهـا أكمل لج شجره العيله كلهـا هههههه مشاعل أضحكت : هههه أوكي طلعوا من الغرفه وراااحوا غرفه الطعام . . . نهــايه الجزء الاول يــاتــرى شراح يصير لما تلتقي مشـاعل بعيـال عمهـا سلطان وشنهي ردت فعلهـا لما تشوفهم وعيسى اللي علاقته مع أخته تغيرت من بعد الحادث شرااح يصير بينه وبين أخته وأقرب وحده له مشــاعل جواب هالاسئله بالجزء الجاي .. | ||||
|
| |
|
20-04-13, 11:18 AM
| #3 | ||||
| نجم روايتي ومشرفة سابقةومصممه
| الجزء الثـاني وفي يوم ثــاني وفي بيت ثــانــي بيــت بو عبدالعزيز ( سلطان ) كــان طلال قاعد بغرفته منسدح على ظهره وتفكيره كله عند مشــاعل طلال بقلبه ..: ( آآآآآآآه يــامشــاعــل بغيــت أموووت لمـا دريـت انج مسويه حااادث .. ومت أكثر لما دريت انج فقدتي الذاكره كنت بزورج بس منعوني أهلج .. حرموني شوفتج .. ومن حقهم ... آآستاهــل اللي يصير فيني أنــا فرطت فيج بالســاهــل وراااح يعذبووووني بالساهــل .. آآآه فرصه وحده بس .. أبي فرصه وحده .. وراااح أصلح كل اللي كسرتــه لو الزمـن يرجع لورى شوي ... شوي بس ... ) تذكر أأخر مره كلم فيها مشاعل وشلون كـانت ترد عليه بغضب طلال : مشاااعل تكفيــن عطيني فرصه مشاعل : ولا فرصه ... مو أنت بعتني برخيص خلاص أنا ببيعك بأرخص من التراااب طلال بغصه : نـــدمـــااااان ورب الكعبه ندمــااان مشاعل بغضب وغصه : على بالك نسيت كلامك لأهلي.. نسيت أسلوبك اللي كله أستهزااء ... أنت جرحتنـي ياطلال ... وجرحك هذااااا قووي .. وعمييييق .. مستحيل يزوول بسهوله طلال : آآآآآآآآآسف .. أدري أني غلطاان والغلط راكبني من رااسي لساسي بس رب العباد يساامح أنتي ماتسامحين !!!! مشاعل بصوت عالي : ماااااقدر تعرف شنو مااأقدر كرامتي فوق كل شي .. مو أنت اللي فصخت الخطبه وقلت ماتبيني .... وتبيني أقول لك ليش أنت ماتبيني !!!!!!! تبي أقول وله أسكت طلال بألم : مشاعل تكفيــن مشاعل : ماتبيني لانه أسلوبي وكلامي وحبي الزااايد لك ماايعجبك .. ماتبي وحده تحبك بجنوون أكثر من نفسهـا .. ( بغضب ) ماتبي وحده قاااطه روحها عليك وكل يوم تتصل لك ... وتطرش مسجــات ... زهــقــــت منهــا ... ( صاااحت ) زهقــت من الحب اللي عطتك أيــاه بدون ماتطلب مقــابل وأنت جاازيتهـا بفصخ الخطوووبــه جدااام الكل .. خليتنـي صغيره بعين نفسي وعين أخووااانـــي نزلت من قدري ياطلاااااال ... طلال دموعهـا وصوت صياحهـا الخفيف جووا وكأنهم رماااح بقلبه وقال : تكفيـن لا تصيـحين ماأستحمل أسمع صوت ..... قاطعته : رقمي لا تدقه .. وأنسى أني بنت عمك ... لا أعرفك ولا تعرفنـي تفهم .. ماأأأأأأأأأبي أعرفك سكرت بويهــا كـان هذا اخر حواار بينهم وبعدها بكم يوم صــار الحادث وجااااااه الخبر اللي زاااااده ... واليــوم بيشوفهــا .. يمكن تعرفه ويمكـن لا ... دخلت عليه شيخه وقالت : طلول أبوي يبيك طلال هز رااسه بمعني أنزين شيخه طلعت من الغرفه بعد مانادته تم شوي طلال ونزل تحت الصـاله لقـى أبوه قاعده ويقرى الجريده طلال وهو يقرب صوب أبوه : هلا يبه بغيتنـي بو عبدالعزيز : أي .. تعال أقعد طلال قعد وقال : أمــر .. بو عبدالعزيز : مثل ماتعرف بنروح بيت عمك اليــوم .. طلال : أأي أعرف ... بو عبدالعزيز : ماأبي أأي تصرف منك يخلي عمك يعصب سامع !! طلال لأبوه : واللـه تغيرت يــااانــاااس ليش محد رااضي يصدقنــي بو عبدالعزيز : لانك ماأثبت لنـا أنك تغيـرت .. طلال : يعني شتبوني اسوي ..؟؟؟؟؟!! هــااا قولوا لي وأنا بنفذ بو عبدالعزيز : المهم أنا ماعلي من كل هالكلام .. اللي أبيك تعرفه أنك ماتقرب صوب مشاعل خيــر شــر تفهم طلال : آآآن شــااللــه .. فوق بغرفة شيخه اللي كـانت متوهقه بعمرهـا تطلع ثيـاب وتدخل ثيـاب ماتعرف شتلبس دخلت عليهـا لولوه ( 20 سنه ) : شفيج عفستي الغرفه شيخه : ادور شي ألبسه .. بنروح بيت عمي اليوم لولوه بفرحه : صــــج ... يعني بشوف فصوولي شيخه : وووي أنا شعلي منكم أنتوا عصافير الحب ... ماعلي ألا من شعووولــه لولوه : يااااكرهي لهـا هالبنــت مغروووره بزيــاده .. شيخه وهي تطلع لهـا تنــوره باللون الفوشــي تيــنن قالت : أنتي ليش تكرهينهـا ماسوت لج شي البنت لولوه : بس جذي من الله ماأحبهـا .. مغررروووره وشايفه نفسهـا شيخه : يمكن تغيرت .. لولوه : تغـيـرت لنفسهـا مو لي .. والله يعين عمي ومرته عليهـا ... قبل كــانت مغروره بس اللحيـن مختله عقليا ومغروره شيخه بغضب : مشاعل مو مينونه .. هي فاقده الذاكره بس لولوه : تلاقينهم يقولون لنـا جذي يغطوون على بنتهـم .. أنتي شفتي سياره عيسووه بالجريده لما حطوووهــا مخفوووسه .. عيسوه صااحي وأكيد الينووون جاااا على اللي شايفه نفسهـا شيخه تخصرت وقالت : خلصتـي كلامج ؟؟؟ لولوه : آآي خلصت .. شيخه وهي تدزهــا برى : طلعي أبي ابدل .. لولوه وهي تطلع : زيــن زيــن لا تدزين ... طلعت لولوه وسكرت شيخه البــاب بيت بو فيصل كـانت مشــاعل قايمه من الساعه 7 ماجاهـا نوم ودخلت غسله ويها وصلت ورجعت تدور لهـا ثيــاب فتحت الكبت لقت أشكال وألوان من الثيــاب مشاعل بأندهــاش : كل ذولا ثيــابي ...!!! قعدت تدور لهـا شي تلبسه لحد مالقت شي يعجبهـا وخذت لها فوطه ودخلت سبحت وطلعت مشطت شعرهـا الطويل المبلل ولفته بعد مانشفته ألا صوت باب غرفتهـا ينطق مشاعل ألتفتت على الباب بدون ماترد رجع طق البـاب مشاعل بعد تردد : مــن !!! فيصل : آآنــا فيصل .. فتحي شعول مشاعل راحت فتحت البـاب وشافت ذاك الشاب الاسمراني الوسيم اللي واقف جدامها وقال : مو ناويه تفطريـن معـانــا !!! مشاعل بصوت هادي : بنزل الحيـن فيصل : مو تتاخريـن .. ترااني ميت يوووع مشاعل ببتسامه : آن شالله فيصل : يلا عيل .. اخليج وأبتعد عنهـا لحد ماأختفى عن نظرهـا سكرت البـاب وقعدت ع سريرهـا وسرحت بتفكيرهـا لبعيــد رغم انه هذا اليوم الثاني بس للحيـن ماتحس بأي مشاعر تجااهم لو عليهـا تحجبت عن فيصل وعبدالله وعيسى بس ماتقدر قامت من مكــانهـا وطلعت من الغرفه ونزلت تحت غرفه الطعام لقت الكل قااعد بستثناء أبوهـا وجواهـر وفي كرسيــن فاضيــن واحد جنب عيسى والثاني جنب عبدالله .. راحت بخطوات كلها ثقه وقعدت جنب عبدالله عيسى رفع نظره لهـا بنظرات ذهوول من حركتها والكل أستغرب من حركتهـا حتى عبدالله نفسه بس فيصل حاول يلطف الجو وقال : شوشو حياتي تبيـن أصب لج شــاي أم فيصل : لا يمه خله عنك أنا بصب لهــا فيصل وهو ياخذ الدله ويصب لمشاعل شاي : لا شدعوه يمه هذي الشيخه .. لازم ندللهـا صب لهـا ومد الكوب لهـا وخذته مشاعل وهي مبتسمه مشاعل شربت شوي وقالت : جواهر وينها !!؟ أم فيصل : فوق بدارهـا ماتبي تتريق ... مشاعل : آآهــااا .. وقعدوا ياكلون وعم الصمت ع الجميــع محد تكلم . . . مر الوقت وجات حزت جيت بيت بو عبدالعزيز وتيمعوا البنات كلهم مع اليهال بالصـاله ( أم فيصل , مشاعل , جواهـر , أم عبدالعزيز , لولوه , شيخه , معاني ( 15 سنه ) , مهند (10 سنيـن ) , صالح (7 سنيـن ) ) والشباب بالميلس ( بو فيصل , فيصل , عبدالله , عيسى , بو عبدالعزيز , عبدالعزيز , طلال ) بالصـاله عند البنـات كـانت شيخه ملازمه مشاعل شيخه : يعني آآنــتــي اللحيـن ماتذكريــن ولا شي ولاشي ..!!! مشاعل وهي نظرها بحظنهـا بنبره حزن : ولا شي شيخه : زيــن تذكريــن ويــن مخبأنـا السري يوم كنـا صغــار رفعت عينها مشاعل وقالت بستغراب : لا ماأذكر !!!!!! شيخه أبتسمت : يوم كنا أصغار لا لعبنــا رحنـا أنخشينـا هنــاك .. تجيـن أرويج المكــان !! مشاعل تحمست للموضوع قالت : ليش لا .. شيخه قامت وقالت : أوكي تعالي معاي الا لولوه بخياسه نفس تقول : على ويــن !! مشاعل ماااحبت هالبنت خيــر شر قالت لها شيخه : بروح أوريها مكــانــا السري .. تعرفيــنه أنتــي لولوه تمت تطالع مشاعل وهي تهز ريلهـا وقالت : آآكيــد أعرف على بالج فاقده الذاااكره .. ومينونه !!! مشاعل عرفت أنهـا تقصدها طالعتهـا بنظرات الشرار يطلع منهـا لولوه تسوي روحها خافت : وووي بسم االله خرعتيني تكفيـن لا تطالعيني جذي أمووت شيخه مسكت مشاعل من يدها وسحبتهـا على أنهـا بيطلعون الا أم فيصل توقفهم : على وين يمه !!؟ شيخه : بنطلع نتمشى شوي بالحديقه .. أم فيصل ببتسامه : أووكي يمه بس لا تمروون صوب الميلس زيــن .. شيخه ببتسامه : آن شالله وطلعوا شيخه ومشاعل بعد مالبست كل وحده فيهم شيلتهـا بس بما أنه لبسهم محتشم برى بالحديقه رااحوا شيخه ومشاعل لمكــان بالحديقه فيـه شيــر وااايد يقدرون ينخشوون ورااهــا وفي بين الشير فتحه شبه كبيــره يقدرون يدخلون فيها شيخه قالت ببتسامه عريضه : هنــي كنــا ننخش مشاعل آآبتسمت : شدعوووه شيخه : واللــه .. وللحيـن أنا أقدر ادخــل .. صبري شوي دنعــت ودخلــت دااخل بالفتحــه ..شيخه وهي متربعه دااخل وتضحك : شرايج ههههههه تعالي دخلي .. مشاعل ضحكت وقالت : ههههه لا لا خليني هنــي شيخه وهي تمسك يد مشاعل وتسحبها : تعـــالي ليش مستحيـه مشاعل أنصاعت لأوامرهـا ودخلــت داااخــل مشاعل وهي تقعد : يااااااي روعه المكــان شيخه وهي تضحك : قصي على غيــري هههه مشاعل ضحكت وقالت : لا جد حلو المكــان شيخه وهي تلتفت وراها على الطوفه وتقول : شوووفــي هذا أنــا وأنتــي كتبنــاهـ مشاعل وهي تحاول تقرى هالكلمات اللي داار عليها الزمن وبعضها أنمسح ماكان بــايـن الا =m+s صدااااقــه على طووول مشاعل وهي تحط يدها على الكتابه وتتحسسها : كنــا صغــار لما كتبناهــا ؟ شيخه : وووي من زمــان .. على أيــااااام الشعر الاسود مشاعل طالعتها بستغراب : شعر أسود !! شيخه وهي تضحك : على بالج شعرج بني خلقه !! هههه لا عيوني صابغينه أنا وأنتي مشاعل أبتسمت : مع بعض !!! شيخه تغمز لها : ومن متى أصلا نسوي شي أنا وأنتي بدون مانكون مع بعض مشاعل ببتسامه خفيفه : تصدقيـن حبيتج شيخه فرحه من ردها وقالت : ياااقلبي .. أذا أنتي توج تحبيني ترااني من زماان أحبج ( وحظنتهــا ) مشاعل حظنتهـا هي الثانيــه شيخه أبتعدت عنهـا : يلا خل نطلع لا يصير شعرنـا كله أوراااق شير .. هههه نطلع نخرعهم مشاعل ضحكت وقالت : اوكي جات بتطلع مشــاعل بس لمحت ريــال يمشي برى وهذا الريال ولا وااحد من اللي ( عرفت ) أنهم أخوانهــا مشاعل وهي ترجع دااخل : آآمبي في ريــال برى .. شيخه : منو حد من أخوانج مشاعل وهي تدزها بالخفيف : اقولج ريال تقوليـن واحد من أخواني شيخه وهي تضحك : معلليييش انا مقفله شوي .. عيل أأكيد واحد من أخواني صبري شوي طلعت شيخه وشاافته ألتفتت على مشاعل : هذا أخوووي طلال .... تذكرينه ولــه !!! مشاعل هزت راسها بالنفي وشيخه مابغت تذكرهـا بمااضي أخوهـا معاها فسكتت وطلعت شيخه وهي تأشر لطلال اللي بالعافيه أنتبه عليهـا طلال بالأشاره ( شتبيـن !! ) شيخه تأشر له ( روووووح دااخل ) طلال وهو يتكلم: ليش !!! شيخه ماتبي تصاارخ من بعيد فقالت : البنــت تبي تطلــع أدخل داااخل عشااان تقدر تطلع طلال بتسأل : آآآي بنت ؟ شيخه وهي متخصره : بنت الخدااامه .. يعني أأي بنت !! بنت عمي طلال بفضول : أأي وحده فيهم شيخه : وأنت شلك خص .. يلا اشوف وسع خلـ البنت تطلع طلال عقد ملامحه وقال : عدلي أسلوبج لا أجيلج اللحيـن شيخه : آآسفيــن .. يلا أشوف سو درب طلال اللي كان مااسك غصن شيره صغيـــر ودقيق جداا كسره وحذفه بالارض وهو راايح صوب الميلس شيخه لمشاعل : طلعي مشاعل بتسأل : راااااح شيخه : آآي راااح .. مشاعل طلعت وهي تنفظ الغبار والتراب عن تنورتهـا شيخه : تعالي برويج شي بعد مشاعل وهي تطالع المكـان اللي كان واقف فيه طلال : يمكن أخوج يطلع ..!! شيخه : لا مابيطلع .. أمشي بس أمشي مشاعل وهي تتبع شيخه لحد ماوصلوا لمكــان كله طيييين مشاعل وهي فاتحه عيونها وكأنهـا فهمت : لا تقوليــن ...!!! شيخه وهي تضحك : أأأيووه كنــا نلعب بالطيــن يااي ونــاسه ههههه وقبل لا تسوين الحادث بشهر يمكن كنـا لعبيـن فيـه مشاعل بستغراب شديد : نوووو ... وي ..!!!!!!! شيخه قعدت تضحك : تبين تجربيــن !! مشاعل وهي تهز راسهـا بالنفي : ولا بالاحلام هههه شيخه مااتت من الضحك على شكل مشاعل اللي مابقت علامه أستفهام ماأنرسمت على ملامحها مشاعل أبتدت ضحكتها تخف تدريجيا وقالت : تصدقيـن .. مو ذاااكره شي كلــش .. أأحس أنكم كلكم نااس أول مره أأشوفهم .. ماأذكر ولا واحد فيكم ولا أأحس بأي شعور تجاهـ أي واحد فيكم .. مافي ألا أنتي وعبدالله اللي ارتحت لهم شوي وجواهر بعد شيخه قربت منها وأبتسمت لها وقالت : وأحنا ليش أسمنـا أهلج ..!! راح نكون جنبج .. وبتذكريـن أن شاللــه .. مشاعل تنهدت وقالت : آن شاللـه .. في هالاثنــاء من طلعت مشاعل وطلال يراقبهـا من بعيـــد دقــات قلبه تزدااااد كل ماسمع ضحكهــا وده يروح لهـا بس مايقدر .. خايف من ردت فعلها لما تشوفــه ... وخاايف من أخوانهـا وخااصــه فيصـــل وخايف أكثر وأكثر من أبوه اللي وصااهـ أنه مايقرب صوبهــا خاايف من الكل .. الكل ضده .. محد بصفه ... مشاعل لشيخه : آمشي خلـ ندخل داااخل .. شيخه : أووووكي .. خلـ ندخل ..... دخلوا الثنتيــن وعيون طلال( اللي وااقف بمكــان بحيث يقدر يشوفهم بدون ماينتبهون عليــه) تراقبهم وتراقب مشااعل ... كــانــت ومازالـــت حلـــووهـ .. . . غــابـــت الشمس وراااحــــوا بو عبدالعزيز وأهلــه بيتهم ومشاعل من طلعوا دخلت غرفتهــا وقعدت تفكر بالاحداث اللي صارت لهـا اليوم حبت شيخه وااايد بينمــا كرهـت لولوه اللي طول الوقت تطالعهـا بنظراااات تحر وقعدت تفكر بحالهـا .. تحاول تتذكر شي .. أأي شي بس مو قادره صعبه أنك تعيش بلا مااضي .. وحتى لو كــان هالماضي جحيييــم بالنسبه لك .. ماتتمنـى ترجع لـه بس تتمنــى تذكره ع الاقل بيتم ذكره بحيــاتك مستحيــل تنســاها الماضي هو اللي يكونك ويكون شخصيتك .. ويحبب ناس ويكرهـ نااس فيك ومشـاعل عــايشه بدون مـاضـــي .. مــاتــــدري شصــار لهـا قبــل من حبت ومن كرهت ..!! من جرحهـا ومن كان الدوى لجروووحهــا قطع حبل أفكارهـا جواهـر اللي دخلت عليه بطريقه مرحه : ممكن ادخل شعووول مشاعل ببتسامه حزن : دخلي .. جواهر وهي تقعد جنبها : شفيج من رااحوا عمي وعياله دخلتي غرفتج .. مالج نيه تقعديـن معانــا مشاعل تنهدت وقالت : قــاعده أحاااول أتذكر شي ... جواهر بتسأل : شي مثل شنو !!! مشاعل رفعت كتفها ونزلته : مادري ...!! جواهر : زيــن شرايج أجيب لج ألبوم الصور ... يمكن تذكريـن شي .. مشاعل : ليش لا !! جواهر قامت وراحت صوب الدرج وفتحته وطلعت 3 ألبــومـــات وجااات وقعدت جنب مشـاعل وحطتهم جنبهـا : هـــاااج شوفي ... مشاعل خذت أول ألبوم طااح بيدهـا وفتحت وأول صوره لهـا كانت مع عيســى وهم صغــار قالت بتسأل : منهم ذولا ...!!! جواهـر وهي تأشر على البنت : هذي أنتــي ( تأشر على الولد ) وهذا عيســى مشاعل أبتسمت .. وشافت الصوره الثانيه كانت لولد بعمر الـ 11 سنه لابس غتره وعقال قالت بعد مازادت أبتسامتهـا : وهذا منــو !!! جواهــر عقدت ملامحها وقالت : هــذا طــلال ... ( تقلب الصفحه ..) مشاعل وهي ترد الصفحه : لحظه ماشفت ملامحه عدل جواهر : شتبيـن تشوفيـن فيــه من حلاتتـه مشاعل ضحكت : حراااام عليـــج .. آآيــننن بهذي الصــورهـ ..هذا شيصير لنــا .. جواهـر بدون نفس : ولد عمي سلطان مشاعل طالعتهـا وقالت : أخو شيخه !!!! جواهــر وهي تغير الصفحه : آآآي أخو شيخوووه .. مشاعل : شفته اليـــوم .. جواهـر طالعت مشاعل بسرعه وقالت : كلمج .. قال لج شي ...؟؟؟ ضايقج ؟؟ مشاعل بأندهاش والابتسامه على شفايفها : ووي شوي شوي علي .. ماكلمني ولا شي .. اصلا ماشافنــي .. شفته لما كنـا بالحديقه انا وشيخه وأنا أنخشيـت وشخيه قالت له يرووح جواهر وهي تتنهد بأرتياح : أأشوووه .. شوفي أذا كلمج لا تكلمييييــنه كللللش ... مشاعل : ليش !!! جواهـر ماتبي تقول لهـا ليش قالت لها : آنتي لا تكلمينه وبس .. هذا واحد مايستحي على ويهـا مشاعل بلا مبالاه : على رااحتــج فتحت الصفحه اللي بعدهــا وكانت لها هي وعيسى .. وكانوا كبــار قالت : يااااي تضحك هالصوره ههههه جواهر وهي تضحك : هههههه هذا الصوره كلها من تحت راسج مشاعل : أنـا!! جواهـر : أأي أنتي قلتي لي بتسبحيــن عيسووه بالمــاي وأنـا أصوركم بس لسؤ حظج من حفر حفره لأخيه وقع فيهـا سبحج هو بعد مشاعل ضحكت وتمت تتصفح الالبووم وشافت كذا صوره لأخوانهـا ولطلال وشيخه وعبدالعزيز لما خلصت من الالبوم لفت نظرهـا ألبووم كبيــر شوي مغطــى غلافه بقطعه حمــره شكلهـا جنــان .. ومخيط عليه بالذهبي قلـــب كبيــــر ومكتــــوب عليــه بالانجليزي .. طـــلال .. و .. مشـــاعــل وعليــه صوره صغيــره تجمعهـا مع طــلال رغم انها ماكانت تعرف منو هالشاب الا انهـا تأكدت انها طلال لما قرت أسمه كــان شكل الالبــوم رهيــــب وتنسيقه أحلى وأحلـى مدت يدها مشاعل تبي تشوف الالبوم بس يد جواهر كانت أسرع جواهر : لا لا لا لا لا .. لا تفكريــن مشــاعل : ليـــش أأبي أشوفـــه ...!!! جواهــر تهز راسهـا يميـن ويســار : لا يعني لا .. هالالبوم ماتشوفيــن مشاعل بفضول : ليش .. وشمعنى هالالبووم جواهر : بس جذي .. ماأبيج تشوفيــنه مشاعل وهي رافع واحد من حواجبهـا : جواااهــــر ... جواهــر بنفس أسلوب مشــاعل : مشـــاااعــــل ... مشاعل ضحكت : هههههههه الله يخس أبليسج تقليدنـي جواهـر ضحكت وهي تقوم : هههههههه أعجبج ..لحظه شوي دقايق وراااجـعــه طلعت جواهـر وخشت الالبووم بدرجهــا تحت كومت الكتب والدفــاتــر بطريقه ماتبيـن الألبــوم قامت وهي تقول : مابغينـاها تنســى تشوف صوره تذكره ... ورجعت الغرفــه عند مشاعل اللي خذت ألبوم ثــانــي وقعدت تتصفحه لحد ماشافت كل الصور وغلبهـا النعــاس قالت وهي تتثاوب : آآآآآآآهـــهـــهــهـ .. آآبي أنـــام ... جواهر وهي تشيل الالبومات : تو النــاس مشاعل وهي تنسدح وتسحب اللحاف على جسمها المرهق وتقول : آآدري بس أحس روحي مرهقه أبي أنــام جواهـر بعد ماحطت الألبومـات بالدرج : على رااحــتــج .. أقومج وله بتقوميـن من نفسج .. مشاعل : بقوم من نفسي .. طلعت جوااهــر بينمــا نــامت مشـــاعــل . . . . الســاعه 12 بعد منتصف الليــل صوت جواالهــا يرن .. فزت مشاعل من سريرهــا وهي مخترعه من هالصوت وبعدها ادركت أنه الجوال.. قعدت تتلفت تدور هالجوال .. بس مالقتــه حست الصوت جــاي من الدرج .. فتحته لقت جواالهــا فيــه أستغرب بالبدايه لانها ماكانت تدري أنه عندها جوال من الاساس خذته بعد ماشافت انه الساعه 12 ... والمتصــل كــان مو مسجل عندهــا .. طول بالرنيــن وردت بعد طول تردد : أألـــووو .. -:.......... مشاعل : أألــووووو ..!!؟ -:.............. مشاعل : آلــووووو ... من معــااي !!! -:............. مشاعل اللي ماكانت تسمع غير أنفااسه على التلفوون وبايـن انه مرتبك قالت : مــاتـــرد .. -: ( سكـــر الخط ) مشاعل طالعت جوالهـا بأندهــاااش ..: من هذاااا .. صج ماعنده سالفــه .. قامت بتطلع من الغرفه بتروح تشرب مــاي ألا صوت جوالهـا رنه وسكر مشاعل ماأهتمت له ونزلت تحت وسيده ع المطبخ كــانت ليـتــات البيــت كلها مسكره .. دخلت المطبخ والحمدالله كان فيه نور خفيف جااي من برى فتحت الثلاجه بدون ماتنتبه على اللي قاعد على طاولت الطعام اللي وراهـا وخذت غرشه ماي صغيره فتحتهـا وشربت ----: أنتــي للحيــن قاعده ...!!! صرخت مشاعل بالخفيف بعد ماحطت يدها على حلجها تحاول تكتم صرختهـا وطاحت غرشه الماي من يدها . . . نهــايه الجزء الثــانــي | ||||
|
| |
|
22-04-13, 10:23 AM
| #4 | ||||
| نجم روايتي ومشرفة سابقةومصممه
| الجزء الثـالث عيسى وهو يضحك من قلبه : ههههههههههههه أوووف لهدرجه صرتي خواافــه مشاعل لما أنتبهت أنه عيسى قالت بغضب : تراااااااك بااايــخ تدري !! عيسى اللي كان قاعد ياكل سلطه مالت الغدى : لا والله معلومه يديده مشاعل شالت غرشه الماي اللي أنكتت نصهـا بالارض وقالت : آآآآآآآف منك ... وقفت قلبي عيسى وعينه بالسلطه : تونــي أدري أنج مرهفه الاحســاس ... مشاعل : وليش شايفني ماعندي أأحســاس !!! عيسى بغشمره : لا بس اللي أعرفه أنج تخرعيـن بلــــد ..تخوفيـن ولا تخافيـن مشاعل بستهزاء : هيهيهيهه ياملغك عيسى : مقبــولــه .. مشاعل خذت الغرشه وفضت الماي اللي فيها وقطتهـا بالزبــاله وراحت تاخذ وحده ثانيــه عيسى رفع عينه وطالعهـا ورجع يطالع السلطه وهو ياكل : آآآي ماهو المــاي ببــلاش .. من جذي تكتينه ولا هااامج .. غيرج يتمنـى قطره ماي ومو لاقي مشاعل :الغرشه طاحت ع الارض ونصهـا أنكت بتشربه !!!! عيسى طالعها : ليش لا .. مشاعل وهي تطلع لها غرشه : آنا أذا زدت بالحجي معاك بيصير شي اليوم عيسى مارد عليهـا شربت ماي وخلصت جاات بتطلع الا عيسى يناديهـا : شعول مشاعل ألتفتت عليه : آسمي مشاعل ... عيسى تجاهل كلامها وقال : تعالي تعالي قعدي .. أبي اكلمج مشاعل وقفت تطالعه وهو معطيها ظهــره طبعا وجااات أقعدت على الكرسي المجابل له : يلا تكلم وراااي نووم أنــا عيسى وهو يدز صحن السلطه صوبها : تبيــن !!؟ مشاعل تتكتف : لا مشكوور ... الزبده .. عيسى رجع قرب الصحن منه وقال بجديه: أذا ضايقتج بكلمه وله شي .. أعذريني .. ماكــان قصدي أتطنز عليج..... كنت أتغشمر مثل ماأتغشمر معاج كل مره بس .. شكلج ماقمتي تحبيـن غشمرتي هذي مشاعل سكتت وتمت تطالع عيسى طالعها وقال : ويــاليــت ترجع علاقتنـا مثل قبل .. لانــي صرااحه طقت جبدي ... متعود عليج أناحسج كل يوم وأتغشمر معاج .. من بعد الحادث تغيرتي 180 درجه .. ( ينزل عينه بصحن السلطه ) .. وأنــا الســبب لو مازدت السرعه بطريقه متهوره .. كــان ماصـار اللي صــار ( طالعهـا ) ولا خسرت أعز أنسـانه لقلبي مشاعل عورت قلبهـا طريقه كلامه وبايـن أنه صج ندمـان وعيسى يطالعهـا ينطر جوابهـا لكن مشاعل قاامــت من على الطاوله وعيسى رجع نزل نظره ( مـــاكـــو فـــايـــــده ... ) شوي الا هي واقفه جنبه وساحبه منه صحن السلطه وقالت ببتسامه عريضه : تبي أسوي لك شي تاكلــه ..؟ عيسى فرح قام وقف وحظنهــا لصدره بكل قوته مشااعل أستحت وأندهشت من حركته بالبدايــه لانهـا ماخذت على ( الشبـاب) اللي هم أخوانهـا بس هذا مامنعـها انهـا تحظنه هي الثانيـه عيسى حس أنه الدنيـا ضحكت له مره ثـانــي أأخيــر بعد يوميـن واليوم هذا بيكون الثالث رجعت دلوعته وطفلته وأغلى النـاس له مثل أول .... مشاعل وهي تبتعد عنه بعد ماصارت خدودها حمره من حراره الموقف قالت بحيـاء : تبي تاكل ولــه لا .. عيسـى وهو يحط يده على ذقنهـا ويهزه بلطف : شبعت يوم رضيتي علي .. مشاعل وهي تبعد خصله من شعرهـا عن ويها بخجل: آوكي تصبح على خيــر ( عطته ظهـرهـا تبي تشرد تروح غرفتهـا لانهـا تحس روحها صخنت من الاحراج ) عيسى : ويـن ويـن ..!! نبي ناكل يبه مشاعل تلتفت عليه وبضحكت خفيفه قالت : توك تقول شبعت!!؟ عيسى أبتسم أبتسامه عريضــه فهمت معناها مشاعل مشاعل وهي تروح تشغل ليت المطبخ : أوكي أقعد .. بسوي لك اللحيـن عيسى وهو يقعد ويبعد صحن السلطه عنه : تسلميــــــــــــــــــــ ن .. رحمتيني من الحبيب ( يقصد السلطه ) مشاعل وهي تفتح الثلاجه : شالله حادك عيسى وهو يتصنع الحزن ويتنهد بصوت مسموع : الجـــوووع كـــاافـــر مثل مــايقــولـــون مشاعل أكتفت بالابتسام .. وهي تطلع غرشه الجبن وتسكر الثلاجه وتروح صوب الروتــي وتبدأ بتحضير وجبه خفيفه لعيـســى عيسى وهو يطالعهـا : روتي وجبـن عــاااد .. ماتعرفيـن تسويـن شي ثــانــي ... أقول لج ذبحني الجوووع مشاعل تلتفت عليه : ياروتي وجبـن ياخلني أروح أنــام عيسى وهو يطق ع الطاوله طقه وحده تعبر عن الاستسلام : أمرنــا للــه .. مشاعل تصد عنه : آآآي خلك جذي .. مطيييــع .. عيسى طالعها وأبتسم ( اللـه يخليج لنــا أن شاللــه ... واللـه لو صــار فيج شي كــان ماسامحت روحي كلللللللللللللش .. وبأذن الله بحاول قد ماأقدر أساعدج عشــان تذكريــن كل اللي نسيتيه ... ) اليـوم التـالي السـاعه 8 الصبــح بغرفة عبدالله اللي كان غارق بسابع نومه دخلــت عليــه جواهــر وشغلت الليــت وهي تقول : عبووووود قووم ...!!! عبدالله من النوع اللي أقل شي يخرب عليه رقاده قال بتنرفز خفيف : طفي الليــت جواهـر .. جواهـر وهي تطالع ساعتهـا : شنو أطفي الليــت .. مابتروووح شغلك !!! عبدالله وهو ينسدح على بطنه ويحظن المخده : مااخذ اجـــازه ثلاث أيــام ... جواهـر : وأنت بس هذي شغلتك ... ياأجازه ياغــياب !!! عبدالله وهو مغمض عينه : الشركه مو شركه أبوي ؟؟؟ خلاص عيل أنا ولد صاحب الشركه ولي حق أخذ اجاازه أكثر من غيري جواهـر وهي متخصره : لا مالك حق ... وله ليش أنك ولد صاحب الشركه .. تسوي اللي يعجبج .... ألتزم بدواامك أحسـن لك لو يدري عنك الوالد كرك عند باب الشركه عبدالله بستهزاااء : اللي يسمعج يقول الوالد يدري عنــا ... هذا زيــن أذا لمحته بالشركه ..... جواهـر : ولو .. المفرررووض تكون قدووه للموظفيــن عبدالله اللي زهق من محاضرتها اليوميـه قام قعد وقال : أقول يافيلسوفة زمااانج ... ممكــن تقضبيـن البــاب وبدووون مطرووود .. فيني نووم أنــا مو نــايم أمس جواهـر : آآآي مو سهر طول الليــل ورقاااد طول النهــار عبدالله : آبي أعرف أنا ولدج وأنا ماادري !!! وله ريلج ؟؟ وله لا لا .. أصغر عيالج ... جواهـر بثقه: أخوووي .. عبدالله بتلميــح : الكبيــر جواهـر وهي تهز ريلها بالخفيف : مافيهـا شي لو الصغير نصح الكبيــر عبدالله : ياقلب قلب قلب أخووج أنتــي... ممكــن اطلب منج خدمه جواهـر : تدلل .. عبدالله : أخذي لج ورقه وقلم .. وصفي فيهم هالدرر .. يمكن تحتـاجينهم مع الزمــن ... جواهـر وهي ترفع واحد من حواجبها بطريقه زااده ملامحها الحلوه جمال : تطنز مع هالوي .. عبدالله وهو يمسح على ويها : آآآآبي أنـــام حرام عليج جواهـر : زيــن قوم صـل الصبح عبدالله فز من سريره : اللــه ..!!!؟؟ نسييييـــت أصلــي ...الله يخس أبليس وأهله ومر من صوب جواهـر بسرعه البرق ودخل الحمام الله يعزكم يتوضــى عبدالله ممكـن يستهتر ويهمل أي شي ألا صـــلاتـــه جواهر ضحكت على منظره : واللــه هبل هالولد ..( طلعت من غرفته على غرفة مشــاعل ) وطقت البــاب مره مرتيـن ثلاث محد رد فتحت البــاب الا بالغرفه نظيييفـــه ومرتبــه ومحد فيهـا جواهـر بستغراب : وويــن راحت !!؟ طلــعت ومرت على غرفه عيســى طقت البــاب كذا طقــه الا صوت عيسى : قــاااااااااااااااااااااا اااااااااايم واللــه قااااااايم أرحموونــي .. سندرتووني والله جواهر جاتهـا الضحك وحاولت تفتح البــاب بس لقته مقفوول : زيــن مابتنزل تتريـــق ... عيــسى : بنـــزل بس فاااارجي واللي يرحم والديج ... جواهـر ضحكت وقالت : هههههههه آآنزيــن وخرت عن باب غرفته وراحت غرفة فيصل اللي من أوقفت عند باب الغرفه تذكرت أنه بالشغــل جواهـر ببتسامه عريضه : ووووي فديته أخوي آآنــاا.. أحسنهم والله بعد مالفت على الشعب اللي فوق نزلت تحت لقت أم فيصل قاعده تنطرهم ينزلون يتريقوون جواهـر وهي تقعد جنب أمهـا : قومتهم ... أم فيصل : جزااج الله ألف خيــر يابنتي جواهـر بتسأل : يمه ... بسألج أم فيصل : خيــر يمه ..!!؟ جواهر : خير أن شالله ... مشاعل وينهــا ...؟ مو بغرفتهـا أم فيصل ببتسامه هاديه على شفايفها : مشاعل من قاامت وهي بالحديقه ... جواهـر تنهدت بأرتياح : أأشوه قمت احاتيهـا أم فيصل : لا تحاتيــن أول ماقمت دورتهـا بالبيـت كله لقيتهـا بالحديقه جواهـر سكتت شوي : يمـه تحسيـن أنهـا تذكرت شي ؟؟ أم فيصل تهز راسها بالنفي : لا يمــه .. اللي أشوفه أنهـا بدت تتأقلم مع جو البيـت واللي حولهـا ...وكأنهـا تعيش حياتهـا لأول مره .. جواهر : تصدقيـن يمه أمس بغت تشوف ألبوم صور الخطووبـه أم فيصل بتسأل : آآي خطووبــه !! جواهـر : خطوبتهـا هي وطلال .. أم فيصل عقدت ملامحها : لا يكووون تشوفهـا مانبيها تذكره .. شفتي حالتهـا شلون كــانت قبل الحا.... ( الأ عيسى نازل وقاطع عليهم سوالفهم ) عيسى بضجر : أقول يمه .. لا تطرشيــن لي ثاني مره فصووول يقومنــي لصلاه الفجر ... تراااه أأأذيـــه .. سندااااااااررره يــانـــاس ( وهو يقعد ) وجاات الاخت جواهر كملت عليــه .. ( ياأشر على رااســه ) صدعــــت منــكم صراااحــه جــاني صدااااع نصفي أم فيصل : لا اله الا الله محمد رسول الله .. أصبحنا وأصبح الملك للــه .. يااااااااااااللـه صبااح خيــر على هالنجره عيسى وهو يقرب صحن البيض منه : حرااام الواااحد يشتكي همه ..؟؟ أم فيصل : النــاس تسلم أول .. تقول صبــاح الخيــر .. مو داااااش تصـــارخ وتهاااوش جواهـر تكلم أمهـا : ماعليج منه يمه .. كملي .. عيسى لجواهر : جواهروووه .. عن اللعانه هااا ... جواهر بأندهــاش : شسوووووووووويــت .. عيسى : سلامتج .. أم فيصل : يلا بس عاااد .. سكتووا عن النجره والهوااش من صباح الله خيــر (تكلم جواهـر ) وأنتي البوم الصور جيبيه عندي بغرفتــي بخشه عندي .. ماأبيهـا تشوفه جواهر بتسأل : بس يمـه ماتشوفين أنه هذا شي من حقهـا .. يعني لازم تعرف انه طلال كان خطيبهـا بيــوم .. وأنـــه .... قاطعتهـا : لاااا ... وألف لا .. ماأبيهـا تتذكر وترجع نفس قبل .... تبين تشوفينهـا صبح وليــل دموعهـا على خدهــا .. وماعلى بالهـا الا ولد عمج هذاا عيسى اللي دااش عرض : راايي من راي الوالده .. جواهر : على رااحتكم .. اللي تشوفونه .... بس أذا مادرت اللحيـن بتدري بعديــن وأكيد من حد من عيال عمي سلطان أم فيصل : ولــيــش هم لهم ووي يتكلموون بسالفه ولدهم اللي تجيب المرض .... هذا ورااه بلاوي .. على بالج بس سالفه انه فصخ خطووبته من مشاااعل هي اللي مكرهتني فيــه .. لا يامـامـا واايد أشيــاء مكرهتني في هالادمي عيسى : وماله دااعـي تنذكر .. جواهـر وهي تطالع أمها وتطالع عيسى : أشيـاء مثل شنو ... عيسى : عن اللقافه هـااا .. وأشوف أكلي جواهر : زيـن عطونــي عناويـن بس ماأبي الموضوع كامل عيسى بطنازه : أي عناويـن وأي موضوع .. قاعديـن بحصه عربي أحنــا جواهـر : أكل أكل بس وأنت ساكت ( ألا عبدالله نــازل ) عبدالله وهو ينزل بخطوات سريعه من ع الدري : ولااااا تنطروونــي ولا تقولون عبدالله للحيــن مااجــا .. على طووول غزوا الصحوون ( يطالع عيسى ) وداام عيسووه قاعد .. لا بالله كدينـا خيــر جواهر لعبدالله : محد أكل غير عيسوووه .. أحنـا ننطرك عبدالله وهو يقعد جنب عيسى وينغزه بطرف صبعه : أنت هيييــه أصبر شوي الاكل ماله اجنحه صدقنــي ماايطيــر عيسى اللي يكره أأحد ينغــزه : هييييييييه آآآنـــت لا عاد تسوي هالحركه لا يجيك الصحن الحيـن عبدالله وهو يضحك ويرجع ينغزه وعيسى ينقز: ههههههه آآآسمــع ..!!!!! هههههه والله شكلك وأنت ..... قاطعه عيسى بصرخه قويه : عبووووووووووود .. بلا ثقل طينه من صبااح الله خير عبدالله وهو يصارخ بوي عيسى متعمد : عيسوووووووووووووه .... ( يرجع ينغزه ) تعجبنـي وأنت تنااقز عيسى قام وقف : أوووووه .. تراااك تعل عبدالله : روح اقعد جنب جواهـر أأأبي ماماتــي < قالهـا متعمد عيسى رجع قعد : مانــي متحرك زيــن .. عبدالله وهو يطقه على كتفه علامه فخر : كفووو والله هذولا الريايل السنعه .. اللي مايشردووون أم فيصل اللي صدعت من صرااخهم من صبااح الله خير : أنتوا ماتعرفون تتكلمون بصوت وااطي .. لازم بصراااخ عيسى : هذا عبوود .. كان الجو أوكي قبل لا يجي .. من جى عفس علينــا القعــده .. جواهر وهي تراقب تصرفات أخونهـا والابتسامه على ويها : والله أنا اللي أصغر منكم أعقل منكم بمليووون مره عبدالله وهو يمد يده بوي جواهـر يعني ( أأسكتــي ) : رجاءا .. يالفيلسوفه .. مانـبي نصاايح ..... وكملت القعده مابيـن ضحك وغشمره وصرااخ وعصبيه ويرجعون يضحكووون بينمـا برى عند مشاعل اللي أكتشفت شي أمس وهي رااجعه غرفتهـا وكـانت متملله فتحت درجهـا وقعدت تنبش فيه تدور شي تقرى يسليهـا وبالمره يساعدها تذكر شي لقت دفتــر كــان محطوط تحت كلش وصعب أنك توصل له بسهوله الا أذا فتشت طلعته وفتحته كــانــت مذكرااتهــا وااللي اكد لها أنهـا مذكراتهـا أنهـا بالبدايـه عرفت بنفسهــا بس اللي محيـرهـا ومخلي تفكيرهـا مشغول أنـه في شخص وبالاخص ( شـاب ) كــانت تتكلم عنــه بمذكراتهـا بدون ماتذكر اسمه بس من هذا الشــاب ماعرفت .. لانه مذكراتهـا اللي مو مكتوب فيهـا الا ثلاث صفحـات الاولى تعرف بنفسهـا والثـانـي كتبت فيهـا عن حب أقتحم قلبهــا بس أأخر صفحه كتبتهـا بمذكرتهـا واللي هي الصفحه الثالثه كــانت بعنوان . . . خدعنـي الـخــايــن أدعـا بحبه لي .. وحين أصبحت مجنونه بهواهـ رمــانــي وداااس فوقي وأكمل حيــاتــه كم أكرهه ذلك المغرور المتعجرف الخائـن .. كيف يستطيـع آن ينسج لي أرق وأعذب كلمـات الحـب ... ليبرهن لي صدق حبــه ... كيـــف يرميني بـ بحر حبه وغرامه .. وهو أكيد أنـي لا أستطيع السبـاحه ] بـدونـــه [ ويتخلا عنـي بكل سهولـه .. ويتـركنـي أغرق وأغرق ........وأغرق كم أحببته وكم كرهته وكم بكيت وكم ترجيت !!! كــم ترجيته أن لا يتركنـي وحدي \ \ لا أريد العيش بدونه / / وهو كـان يصدنـي بكل قوه جعلني أستحقر نفسي وأنــا أتوسل أليـه آن يعيدنـي ألى دنيـاه \ \ لا أستحمل العيش بدونه / / لا أنسـى نظراتهم لي نظرات اللوم والعتب .. بأسبــابه .. أصبحت أضحووكه لدى من كانوا يكرهونـي وأصبحت تلك الفتاه المكسوره بعد ماكنت قويه لا يأثر فيهـا شيئ حتى أتى هو وكسر زجاج قوتي وغروري برصـاص يدعى الحب حطمنـي بدون أن يلملم شتاتي دمرني بدون أن يعيد بنائي ... مازلت أتجرع سم غدره وخيانته لي مازال جرحه يتسع مع كل ذكرى لي معه كـــم أكرهك يامن كنت في يومـا أحب النـاس لي آكــــــــــــــــــــرهـ ـــــــــــــــــــــــــ ــك . . . مشـاعل كـانت تقرى وفي بالهـا ألف سؤال وسؤال قالت بقلبها : ( من هذا الشـاب اللي أأكرهـه ..؟؟ من ممكـن يكــون .. من هالكلمـات شكلي حبيـت من قبــل ... بس منو ياربي .. ( حــاولت تتذكر ..بــس ) مــافي فاايده .. ( سندت راسهـا لورى ) .. مافي أمل أتذكر شي ( ردت ونزلت راسها لدفتـر وقعدت تتصفح أوراقه على وعسى تلقـى بينهم شي يذكرهـا ) في هالاثنـاء وبمكـان مايبعد عن مشـاعل كثيــر وبالاخص عند باب الشـارع نزلوا نـايف وسعود من السيـاره لانه عبدالله عازمهم نايف وهو يسكر باب السيـاره ويعدل غترته جدام جامت السياره : شرااايــك سعود ؟ سعود : عدل شكلك تــام .. يلا خل ندخل حرقتنــا الشمس نايف وهو يلقي اللمسات الاخيره على مظهره الخارجي : أوكي خووش .. جذي أوكي ... يلا توكلنـا دخلـوا الاثنيــن كعادتهم البيـت بدون لا يطقون جرس ولا شي لانهم متعوديــن آنهم يدخلون وسيده ع الميلس وهو يمشوون الا سعود يوقف نـايف وهو يقول : يااااوييـــل حالــي أنـــا .... تشوف اللي اشوفــه نيووف نـايف : وويــن .. سعود اللي يأشر على مكـان بعيد شوي عنهم : المــلاك اللي قاعد بالحديقه نـايف وهو يطالع المكــان اللي يشوفه سعود وشاااف مشااعل قالت وهو يصفر بأعجــاب : قمــــر .. قمـــر سعود : ياااويل قلبي أنــا شلون بنــاام اليــوم نايف تذكر عبدالله وقال وهو يطق سعود على صدره بقووه : هييييه أنت .. هذي أخت رفيجك .... شفيك نسيت سعود اللي أنتبه على نفسه من جااب نايف طاري عبدالله قال بأحباط: آآي واللــه .... نايف : لو يدري عنـا عبدالله ذبحنــا سعود وهو يمشي صوب الميلس : أمش أمش ... أمــا يجي يشوفنـا قاعديـن نطالع اخته .. بيرتكب فينا جريمه ناايف وهو يلحقه : أشوه أنك تعــرف ( بقلبــه قال ) مـــلاااااااااااااااااااا ااااك مو بشـــر .. بينمـا دااخل وعقب ماخلصـوا ريوق الا عبدالله قام وهو يقول : الحمدااللــه أم فيصل : بالعافيـه يمه عبدالله ببتسامه : الله يعافيج .. يلا يمه أترخص ... بروح الميلس انطر ربعــي الحيـن بيجــون أم فيصل بصدمه : الحيــن !!!! عبدالله بتلقائيه : آآي الحيــن .. أم فيصل وهي تقوم : وووي يعل أبليسك قول اميــن .. أختك بالحديقــه .. عبدالله بصدمه :.. حلفــي ... أم فيصل : شحلف مع ويهك .. روح خلهـا تدخل لا يدخلون ربعك هالخمه ويشوفونهـا عيسى وهو يقوم : امش امش ... طلعوا عيسـى وعبدالله وسيـــده ع الحديقه ووقفوا أثنينهم فوق رااس مشاعل اللي اخترعت : بسم اللـه شفيكم عبدالله : حد دخــل ..!؟؟ .. شفتي حد مشاعل بستغراب : لا .. ماشفت حد ..!! عيسى وهو يمسك مشاعل من يدها : قومي قومي .. دخلي دااخل .. ربع عبووود بيجوون اللحيــن مشاعل قامت وهي حاظنه الدفتر لصدرهـا ودخلـت دااخل بدون ماتعارض عبدالله اللي تم بالحديقه وهو متوتر : لا يكوون دشووا وشافوهـاا !!؟؟؟؟ قسماا باللـه ... ماكمل جملته وراح سيده الميلس وقف جداام باب الميلس وهو يحاول يسترخي أخذ نفس ... شهيق وزفير ودخل جنه داااش حرب وأول مافتح الباب الا نايف وسعود أنقزووا من الخرعه عبدالله وهو يطالعهم بنظرات تفحص : آآنتـــوا أهنــي سعود اللي قالها بتردد : آآآي ... أأي أحنا هني عيل هناك .. عبدالله وهو يضيق فتحت عيونه بتفحص أكثر : من متـى سعود كان بتكلم الا نايف نااط : من الصبــح .. من الساعه 6 أحنــا هنــي الله يسلمك عبدالله اللي كانت ملامحه تحمل كل ملامح الشك تحولت الى الاندهاش : 6 ....!!!؟؟؟؟؟؟؟؟ سعود اللي تنهد بأرتيــاح بس مو بطريقه وااضحه عشان لا يشوفه عبدالله قال نايف : آآآي من 6 ... قعدنــااا نطالع التلفزيــون ..... ( يأشر على الميلس ) حتى ماتشوف المكــان زريبه عبدالله اللي أنتبه على المكـان اللي كان نظيف لما تركه أمس بس اليوم أنعفس أرتاح نسبين أنهم ماشافوا أخته وقال بلهجه امر : يلا اشوف قبل لا نطلع نظفووووا المكــان ... سعود : طيراااااااااااان الله يسلمك ناايف : أنت تدللل بس وقاموا ينظفوون بدون أأي أعترااض أو احتجاج أستغرب منهم عبدالله ( صايريـن ذربيـن زيــاده عن اللزوم .. والله تحت راسهم شي .. ) عبدالله : أنطركم بالسيــاره لا تتأخرون .. سعود : أوكي طلع عبدالله الا سعود قال لنايف : والله انك ذكي .. وأنا اقول ليش تبينـا نعفس المكــان ونشغل التلفزيون .... طلعت منت هيــن ... نايف اللي ماصدق فلت من يد عبدالله قال : آآقول ... ثاني مره ماااني دااخل الميلس بدون مايسمح لنـا عبدالله ...صورتهـا للحيـن ببـالــ ........ الا عبدالله فاتح البــاب وتصرقعـــوا الاثنيــــن ..... حسوا أنهم خلااااااااااااااااص أنفضحووا نهـايه الجزء الثـالث شنو ممكـن يصير بالجزء الجــاي ومشاعل اللي ماتعرف شي عن ماضيهـا .. ممكن تعرف الشـاب اللي كانت كاتبه عنه !!؟ وله أنه هالشي صعب شوي داام انه محد راضي يقول لها أنه طلال كان بيوم خطيبهـا ومن اللي كان متصل لهـا بالليــل معقــوله يكون طلال !!؟؟؟ ونايف وسعود اللي بدون قصد شافوا مشاعل ....وقدروا يفلتون من يد عبدالله بالمره الاولى بيفلتوون منه بالمره الثـانيــه ..!!! كل هذا بنعرفه بالجزء الجاي | ||||
|
| |
|
22-04-13, 10:24 AM
| #5 | ||||
| نجم روايتي ومشرفة سابقةومصممه
| الجزء الرابع نايف اللي ماصدق فلت من يد عبدالله قال : آآقول ... ثاني مره ماااني دااخل الميلس بدون مايسمح لنـا عبدالله ...صورتهـا للحيـن ببـالــ ........ الا عبدالله فاتح البــاب وتصرقعـــوا الاثنيــــن ..... حسوا أنهم خلااااااااااااااااص أنفضحووا عبدالله وهو داش سيده لصوب التلفزيـون : نسيــت سويج سيـارتي هنــي ... من امس وأنا ادوره توني متذكر ... ( يهز راسه يميـن ويسار ) والله على مخ .. عجيييب نايف بقلبه ( الله لا يوفقك زيــن ... طيرت قلبي لا بارك الله بأأبليسك ياأأخي ) سعود بقلبه ( الله يلعن أبليس وطوواااااااايف أهله... زاااااغ قلبي من الخرعه ...... وأنت تدور سويجك !!!! قول أميـن ... ( قالها بحره ) روح الله يوفقك ) عبدالله أخذ السويج وهو متجه لباب الميلس بيطلع بس وقف وألتفت عليهم وهو يقول بستغراب : شبلاكم متحنطيــن ..!! يلا بسرعه وراانــا طلعه احنـا نايف بقهر : زيــــــــن .. روح أذلف أنطرنـا بالسيــاره .. عبدالله طالعه بتعجب وقال ببلاهه : على امرك ... لا تتأخروون ..( وطلـع ) سعود وهو يحذف المسند اللي كان شايله على أنه بيحطه عند الجلسه الشعبيه : قسما بالللـه وقــف قلبي نايف بحرره : مااايســوى علينــا واللــه شفنا أخته بيطلع علينـا أغلى من بيع السوق ( بحره أكبر ) ... يلا يلا .. نظف خلصنـي .. سعود بغضب : لا تقعد تكلمني جذي.. نايف بقهر : شوووف سعودووه .. تراني مو متفيق لك ..... ترى عادي اخذ فيك مؤبد اللحيـن .. بنفسي للحين أرجف من داااخل .. حشى مو عبدالله هذا .. طرزان سعود وهو يضحك بأستهزاء : هيهيهيههيهه ياطرزان أنت ... نظف وأنت ساكت نايف بغضب : لا تحدنـــي أقوم لك اللحيـن سعود طنش له وقعد ينظف ونايف تعوذ من ابليس وقعد ينظف أمـا داااخـــل راحت مشاعل فوق غرفتهـا وحطت دفتر مذكراتهـا اللي يحمل ( أسأله وااايد ) تبي تعرف أجوبـه لهم بس ... شلوون ماتعــرف تبي تسأل أي حد أذا هي كانت تحب من قبل ..وله لا بس خايفه يكون هالشخص محد يدري عنــه ... يمكن كانت تحبه بدون ماتعلم حد وأذا سألت بتنفضح .. مشاعل وهي تحط الدفتر بدرجهـا : وآنـا ليش حارقه دمي جذي .. الايــام كفيله بأنهـا تذكرنـي سكرت الدرج بعد ماأستقر الدفتـر دااخلـه وقالت وهي تتنهد بحزن : بس معقـوله أتم فتره طويله وأنا جذي ... جنــي أأعيش حيــاتي من يديد .... كاأني أنولدت تونـي .. وعمري ماتعدى الـ 3 أيــام ... !! . . بيت بو عبدالعزيز طلال اللي كان يتكلم بالجوال وباين انه معصب : يابنـت الحلال قلت لج خلاااص ...أنا نسيتج .. شيليني من بالج البنـت اللي أغرقه بنوبه من البكاء : تكفـى طـلال .. بموت من دونك ... طلال : ياغـلا .. أنا خلاص بطلت هالسوالف ربج هداانــي ... روحي بطريجج وستري على روحك وربي يرزقج باللي يستاهلج أكثر مني غلا وهي تصيح بألم أكثر : آآبــ ـ ـ ـيـ ـ ـ ـك أنـت .. أحـ ـ ـ ـبـ ـك أنت ياطـ ـ ـلال طلال اللي صوت صياحها ضايقه قال : غـلا ... غلا : دنيـتهـا كلهـا ... طلال : آعتبرينـي مثل أخوج .. صديق .. بس حبيب أأسف ... غلا بصرخه قويه : ليـــــــش ... قولي ليـــش .. طلال بحزم: وطي صوتج ولا تصارخيـن علي .. غلا ماردت عليه ماكان بايـن الا صوت شهيق قوي طلال : آآنــا أحب وحده ثانــيه غلا وهي تصيح بعد ماوطت صوتها : تحبهـا وله بتلعب عليهـا مثل مالعبت فيني ... طلال : والله أنا ماجبرتج ؟؟ غلا أختفى صوتهـا بنوبه بكاء حاده وقالت : حـ ـ ـ ـ ـ ـرام ع ـ ـ ـ ـليـ ـ ـك واللـ ـ ـ ـ ـه حـ ـ ـ ـ ـرام طلال : غـــلا ... آآنــاا أأسف سامحيني ... ( سكت شوي وبعدها قال ) فمــان اللـه غلا ردت بسرعه : صبــر ... طلال ... ( سكر بويهـا ) .. ألوووووو .. طلاااااال .....آآآآآآحبــــــــــــــ� �كـ حراااااااام عليك والله حرااام طلال اللي كــان متألم أكثر منهـا من دااخل شلون كــان يلعب عليهـا ويقص عليهـا وخلاهـا تعتقد انه يحبها ... حس بتأنيب الضميـر القوي ..... كــان المفروض مـايسوي فيهـا جذي كان المفروض مايسلك هالطريق من الاساس .. اللي ضيعه .. وخلاه يخسر مشـاعل طلال : سامحني يارب ..... آآنــا تبــت .. تغيــرت خلاص ... ومـاني رااجع لذيج العيشــه .. ماأبي شي غير أنه اللي حولي يثقون فيني من يديد دخل عليه عبدالعزيز وهو يقول : طلووول .. أنت هني وأنا عافس عليك البيت أدورك طلال مارد عليه ولا التفت له وتنهد تنهيييده طويله عبدالعزيز وهو يقرب صوب طلال : شفيــك ؟؟؟؟ ويهك متغيــر طلال بستهزاء : توك منتبه أنه ويهي متغيــر ... صار لي فتره وانا على هالحال .. ومحد حاس عبدالعزيز وهو يوقف جدام طلال : آآفــاا بس أأفــا وأنا ويـن رحت .. طلال : آآنت لاهي بحيـاتك .. لاهي مع ســاره .. وطلبـاتهـا .... عبدالعزيز : شدعووه طلوول .. لا ساره ولا غيرهـا بيبعدوني عنك .. طلال : آآي واااضح .. والدليل أني من كثر ماأنـا مجابلك حفظت تفاصيل ويهك بكل دقه ..... وبعديـن هي خطيبتك .. أأكيد بتلهـى معاهـا وتنسى أخوك عبدالعزيز بنبره تحمل كل معاني الجد : طلال شفيــ ك؟؟ قولي لي .. أفتح لي قلبك طلال : قطعت علاقتـي مع غلا ... عبدالعزيز بتسأل : غلا .. اللي كنت تكلمهـا ؟؟ طلال هز راسه بالايجاب عبدالعزيز أبتسم : زيـن ماسويــت ... بنات الناس مو لعبـه ... طلال : عشـان مشـاعل مستعد أسوي أي شي .. بس ترد لي .. عبدالعزيز : وأنت للحيـن عندك أمل ... بعد اللي سويته فيهـا مستحيييــل يسمحوون أنهـا ترد لك طلال بتنرفز : يعني الوااااحد مايخطي .. آنـا أنســان ماني ملاك ...!!!! عبدالعزيز : روح قول هالكلام لهم ... طلال بغضب : وهم يعطوون الواحد فرصه يعتذر وله يبــرر ... وأنت بنفسك كنت معـانـا بالميلس أخر مره رحنا لهم .. شفت نظراتهم لي .... جني حشره .. جني ولا شي .... وأبوهـا شوي ويقوم يذبحنـي بس أحتراما للوالد ساكت أنـا تعبت يااعبدالعزيز من هالعيشه واااللــه تعبــت .... ( أرتفع صوته ) .. تعــبـــااااااااااااان واللله العظيم تعبـان عبدالعزيز وهو يمسك يد طلال ويخليه يوقف ويحظنه : حـــااااس فيــك ... ياطلال .. صدقني حاس طلال اللي كان يتمنى أحد يضمه عشان يفجر أنهـار من الدموع اللي صار لهـا فوق الشهور محبووســه من أفترق عن مشاعل بس ولا دمعه نزلــت .. طلال بصووت خانقته العبره والدموع تتسابق تبي تطلع .. بس ولا وحده شافت النور : آآآبيــهــا .. عبدالعزيز بأسلوب تشجيعي : يلا عاد ... مو بنت اللي تسوي في أخوي جذي .. أنت قوووي ياطلال .... واذا لك نصيب فيهـا بتاخذهـا ( يبتعد عنه شوي عشان يشوف ويها ) ... مو أنت تقول تغيــرت ؟؟؟ ...... أثبت هالشي للكــل .. بين لهم أنه طلال المستهتر الطاايش رااح وراحت أياامــه .. ورهم طلال اليــديد .. وصدقنـي بيحبوونـه .. طلال وهو يرفع نظره لفوق ويطلق تنهيييده طووويــلـــه مليـانه ألم وحزن وهموم ممكـن أنهـا تشيل السقف من قوتهـا ورجع نزل نظره اللي أستقر على وي عبدالعزيز المبتسم طلال هز راسه وكأنه يأيــد كلام عبدالعزيز وقال : آن شاللـه ... تحت بالصاله عند شيخه اللي قاعده مع مهند ومعاني اللي يلعبون سونـي وتنطر واحد منهم يخسر عشان تلعب معـاني اللي خسرت قال بغضب وهي تدز مهند : غشـاااااااااااااااااااااا ااااااااااش ... شيخه : هيييه أنتي شوي شوي عليه .. بغى يصك راسه بالقاع .. معاني قامت وهي تقول : آآحسـن ... ترااه غشـاش ... اللحيـن بيخسرج شيخه وهي تاخذ الجهاز : وووي بالاحلام .. أنا شوااخي أغلب ولا أنغلب معاني : آآي أأي بخيالج هذا ... أطلع أتمشى بالحوش احسن لي شيخه : عشان يكرج عزوز ( طبعـا مهنـد قاعد يلعب ولا هامه النجره اللي تصير حوله ) معاني : آآآآآآآآآف .. حتى هوى مانقدر نشم ... متى يتزووووج عزوز ويسافر وأفتك ... شيخه عشان تحرهـا : ووي فديته أن شالله يأجلوون العرس بعد .. عشان ماايفارقنـي .. معاني : ماالت عليج أقول ... بطلع من باب المطبخ الثاني وبروح ورى البيــت ... بعد قولي بيكرج ... شيخه : ولا تزعليـن .. بيكرج .. معاني : كريييييييييييييييهه وراحت عنهـا معــاني دخلت المطبخ وطلعت من باب المطبخ الثاني اللي يطلعج على ورى البيت لقت صالح قاعد على الكرسي اللي حاطينه برى وفي يده جهــاز التحكم عن بعد( اللاسلكي ) ويلعب بسيــاره معـاني : وأنا اقول شفيك مالك حس .. صالح طالعهـا وأبتسم ورجع يلعب بالسياره معاني وهي تقعد جنبه : من متى أنت هنــي .. صالح : مادري .. بس صار لي مده وانا هنـي معـانـي تمت تراقب السياره اللي يوديهـا يمين ويسـار .. صالح : اليوم رفيجي بيــجــي .. معاني أبتسمت : من أبراهيم صالح : آآآيـــووه ... معـانـي : وووي فديته من زمـان عنه صالح اللي عصب شوي : عيييب .. شنو تقوليـن عن رفيجي فديته ؟؟!!!! معاني وهي تضحك : والله برهووم ماتعدى الـ 7 .. لا كــان اكبر مني بعديـن تقدر تقول عيييب .... صالح صد عنهـا وهو مكشر وركز نظره على السياره معاني اللي تموت فيه باسته على خده وقالت : ووي فديت اللي يغار على أخته ... خلاص أسفه ..مالت عليه زيـن جذي ؟؟ صالح ماألتفت عليه وأبتسم بيت بو فيصل العصـر كـانت مشـاعل متمللـه قاعده بروحهـا بالصاله .. محد موجود بالبيـت عبدالله هالحزه يكون بالنـادي وعيسـى نـايم .. وفيصل طالع مع ربعه ... وجواهـر و أم فيصل خذوا الدريول وطلعوا ماتدري وين راحوا كـانت تبي تجي معاهم بس جواهـر رفضت وبشده وقالت انهـم مابيتأخرون كانت تفكر أكثر شي بتصرفات جواهـر معاهـا هاليــوم ... ( مـادري شفيهـا متغيره اليـوم .. ماتقعد معاي وايد وكله تتكلم بالتلفوون وأذا شافتنـي سكتت وله تسكـر .... وكل شوي طالعه وترد بأكيـاس ماتخليني أفتـح ولا كيس منهم .. شسـالفتهـا ؟؟؟ شبلاهـا تغيرت !!!! يمكن هم أصلا جذي معاملتهم معاي من قبل الحادث ... وفي هالكم يوم أهتموا فيني شوي وعقبها كلن رد لحياته الأوليـه .... آآآف ضييييييق .. مللللل آآبي حد أسولف معاه آآآبي أعرف اشيـاء اكثر عن ماضيي ؟ بس ... محد متفرغ لي ) وبينمـا هي غرقـانه بالتفكيــر .. الا عيـسـى نــازل من الدري وشكله توه قـايم من الرقـاد كـان ينزل بخطوات بطيئه ولابس جلابيــه أول ماحط ريله ع الارض راح سيــده المطبخ وماأنتبه لوجود مشاعل بالصـالـه مشاعل اللي زادت ضيقتهـا لما شافته راح المطبخ ولا حتى ألتفت عليهـا قامت وهي تقول بقلبهـا ( آآآوووف .. أنـا شلون كنت عايشــه بهلـ بيــت جذي !!؟؟ محد مهتم بالثـانـي كلـن لاهي بعمرهـ ..) طلعت الحوش وكـان الجو حلـــوو .. رااحـت الحديــقــه وسيــده صوب ( المخبأ السـري ) ودخلــت داخل وتسنــدت .. وحظنــت ريلهـا الثنتيـن لصدرهـا ودفنــت ويهـا بيــنــهم وغمــضت عيـــونهــا ... وأأبـــتـــــدت أفكـــارهــا تودي وتجـــيــب .. دااخــل بالمطبخ عند عيـسـى عيسى وهو يفتح الثلاجه : أأأأأأأأأأأأأأأأخ بمووت من الجوووع .. قعد يدور شي ينأكل بس مافي شي جاهـز لازم يحرك روووحــه ويسوي لـه شي عيسى وهو يسكر الثـلاجه بقووه زيــن ماأنكسر البـاب : آآستغفــر اللـه العظيم ... شكلي بروح أطلب لي من المعصره واايد أبرك طلع الصاله ورااح سيــده لتلفون تووه بيشيله الا التلفون يرن عيسى بغضب :.. ماااحلـت لهم الاتصالات الا لما جيت أبي أتصل .. شاف الرقم لقى رقم بيت عمه شاله ورد من طرف خشمه : آآآآآلـــوووو .. شيخه : السلام عليكم عيسى ( شتبي ذي متصله اللحيـن ) : وعليكم !!؟؟ شيخه : مشـاعل موجوده .. عيسى : مــادري يمكن آآآي ويمكن لا ... شيخه على بالهـا يستعبط عليهـا : عيسى عن العبط .. عطني مشاعل .. عيسى : والــــــــــــلـــــــــ ـه ...مادري عنهـا توني فااتح عيني وأول صوووت أسمعهـا صوتج .. شيخه ( ياثقل طينه هالادمي ) : زيـــــن .. زيـــن .. أذا شفتهـا قول لهـا شوااخي أتصلــت عيسى : يصير خيــر .. شيخه : مع السلامه عيسى سكر بدوون مايرد عليهـا لا تستغربوون حركــاته ذي .. لانه أول مايقوم من النوم ماله خلق حتى نسمه الهوى وشييخه متعوده على حركاته شال التلفوون مره ثانيه وأتصل على المعصره رن شوي وبعدهـا شاله راعي المعصره عيسى على طووول حتى مانطر رااعي المعصره يرد : آآثنيــن سندوييج ديــااي وعصيـر برتقــال .. بسرعه راعي المعصره اللي حاافظ صوت عيسى من كثر مايتصل قال : آوكي بــابــا .. عيسى : عارف أنــا مين ؟؟ ولـه .... قاطعه راعي المعصره : أنتا بـابـا عيسى كل يوم يجي معصره ولـه سوي تلفوون يبي يتلب تلب ( يطلب طلب ) عيسى : عليـــــك نوووور ... بس شووف لا تحط لي مايونيز بالسندويييج ترى اركب السيــاره وأجيك المعصره وأدفنك جنب أكلك .. راعي المعصره : لا بـابـا أنا سوي وااااجد قوود ... عيسى : يلا فمان الله راعي المعصره : السلام ....... ( سكر بويهـا عيسـى ) عيسى أخذ نفس عميييييق وتسنـــد على الكرسي وغمض عيــونــه ...... كــان طلال قاعد في أحدى هالمجمعــات وبالاخص بمطعم مع رفيجه وصديق عمره سلمــان يشكي لــه همومــه اللي حفظهـا سلمـان من كثر مايسمعهـا طلال بنفس نبره الصوت الهـاديـه : أأقــولك محد طاايقني.. حتى أخوانــي الصغــار مالهم خلقي .. سلمـان بلهجه مواساه أأعتــاد أستعمالهـا : لا تشيــل هم ياطلال ... مهمــا صــار ترى الدم عمره مايصير ماي طلال ضحك ضحكه قصيره بستهزاء : هذا كلام نقولـه نونس روحنـا بـه ... بس بنسبه لوضعــي .. صــااار مــاي وخلص وزيــن منهم راضيــن أقعد معاهم ببيــت وااحد لو مو كلام النــاس جــان شفتنــي أدوور بالسكيك .. سلمــان : ماتوصل لهدرجه ... تنهد طلال وقال : الا توصل .. اللي سويتــه ياسلمــان مو شوي .. ( سكت شوي وقـال ) أبــد موشــوي سلمـان : يعني شمسوي أنــت ... كلهـا فصخ خطووبــه .. ماتسوى عليك .. طلال طالعه بنظرات وشبح أبتسامه خفيفه على ملامحه وقال : أنــت تشوفهـا فصخ خطووبــه وخلاص .. بس هم لا ... سلمـان : زيــن من حقك أذا ماعجبتك البــنــت تفصخ الخطووبــه طلال : ومن قالك أني فصخت الخطوبـه عشان هالشــي سلمـان بفضول : عيل ليش ؟؟ طلال قالهـا بألم وضيق : مزاااج ... سلمـان بستغراب : مزاااج!!!؟؟ طلال كمل كلامه وقال : مليييــت منهــا قلــت أبــدلهــا ... سلمـان بندهـاش : تبــدلهــا !!!!!!!!!!!!!!!!!! طلال : أأدري مستغرب .. بس هذا كان تفكيييري قبل .... كل يوم وكل لحظه أأأكره روحي اكثر ياسلمــان سلمـان : شايفهـا سيــاره عشــان تبدلهـا لا مليــت منهــا ؟؟ طلال : قبل كانوا البنــات بالنسبه لي مثل السيــاره ... لا مليــت منهــا وأنتهت موضتهـا بدلتهــا ..... بس دفــعــــت الثمــن غــااالـــي .. غالي واايد سلمـان : بس أنــت ماكنت تكلم ألا غــلا .. واللي كانت خطيبــتك .. طلال : كنــت نااوي أكمل في هالطريج ... بس ربك هداانــي ..... قبل لا أأضيــع صج .. سلمــان : وعشــان سالفــه الخطووبــه أغلب أهلك كارهينك طلال : سالفه الخطووبــه وسالفه السيــاره .. وسالفه عمــي وسالفه .. وسالفه ...وسالفـه.. خلهـا على اللـه بس ...... سلمــان : كل هذااا يطلع منك ... طلال : وأكثــر ..أكثر ياسلمـان .. اللــه يستــر على عبيــده بس... شوي الا مجموعه شبــاب جوو وقعدوا بطاوله قريبه منهم طلال طالعهم ولمح بينهم فييصل وصد عنه ولا كأنه شافــه وقال لسلمـان : آآبــي أبتــدى مشرووع ... ولــه أشتغل أأي شغلــه ... تعرف حد يتوسط لي ؟ سلمـأن : وفر على روحك وأشتغل عند أبوك وعمك طلال رفع واحد من حواجبه : آآآقــولك مايواطنون يطلون بويهي بالبيــت أروح أجابلهم بالشركه .. لا يبــه خلني بعيــد سلمـان : آآآمممم .. مــادري واللــه ... شنهي الشغله اللي تبيهـا ...؟ طلال : آآآي شي المهم أأشتغــل ... سلمان : واللــــ ـ ـ ـــه ..( قعد يفكر شوي وقال ) شوف بسأل وبرد عليك .. طلال : بس بسرعه الله يخليك .. سلمــان بتسأل وببتسامه يحاول يغير الجو الكئيب : شنــاوي عليـــه ...؟؟؟ طلال ببتســامه خفيف : نـــااااوي أتغـــيــــر .. عند فيصل اللي من شاف طلال جنه شايف أبلييس فيصل بتنرفز لواحد من ربعه : خليييفــه ... خليفـه : هــلا !!!؟؟ فيصــل : قووم .. قوم أقعد مكــاني وأقعد مكانك خليفه : ليش ؟؟ فيصل لخليفه : في ناس ماودي أشوفهـا قاموا وتبادلوا بالأماكن بحييــث يكون فيصل معطي طلال ظهره في جهه ثانيـه من هالمجمع وبالاخص عند جواهر وام فيصل وفي أحدى محلات العطورات جواهر لأمهـا : تهقيــن بيعجبهــا !!؟؟ أم فيصل : أأكيــد بيعجبهـا يعني ماتعرفيـن ذوق اختج ... جواهـر ببتسامه عريضه : زيـــن .. بعديــن أبي أنمــر أشتري لهـا دبــدووب كبيــر ... لانهـا تحب هالسوالف .. أم فيصل ببتسامه خفيف وهي تدفع حساب العطورات اللي شروهـا : أن شاللـه يمه ... جواهـر بفرحه بقلبهـا ( آن شاللـه باجر بيكــون أحلى يوم بعمرهـا .. ولــه لا .. بيكون احلى يوم من بعد الحادث ) دفعوا الحسـاب وطلعــوا من محل العطورات على محل ثــانــي يبيــع ألعــاب كــان المحــل رااقـــي ومن تدخل صوت الاغاني الاجنبيـه الهاديـه حاشره المكــان تموا يدورووون بالمحــل لحد مـاطلـعــوا بــ دبـدوب حجمه متوسط بس شكله جنــان طلعــوا من المحــل وسيــده على السيــاره حطوا الاغراض جدااام عند الدريول بما أنــه الشنطه ورى متروسه أغراض وأتجهــوا البيـــت سيــده | ||||
|
| |
|
22-04-13, 10:25 AM
| #6 | ||||
| نجم روايتي ومشرفة سابقةومصممه
| بيــت بو فيصــل طلــع عيســى وصوته العالي طالع قبله : زيـــــــــــــن زيــن أذيتنــا تراك راح فتح البـاب واخذ الطلب وراااح الحدييقـــه قعد يــاكــل ومشـاعل اللي مازالت قاعده بالمخبأ السري طالعته وأبتسمت وهي تقول بقلبهـا ( يالله عليــه .. على كثر مايــاكل مايمتــن هههه يحليـه شكله كيــوت ) طلــعــت مشاعل بدون ماينتبه لهـا عيسـى وجــات صوبــه وسحبت لهـا كرسي وقعدت عيسى تصرقع وقال بلهجه عصبيه خفيف: آستغفر الله العظيم .... جذي النــاس يــجــون لا أحم ولا دستور .. ماتعرفيـن تتنحنحيـن ولـه تتكلميـن!! مشاعل تلاشت الابتسامه حست أنـهـا ضايقته بالقعده قالت بصوت واطي : آآسفــه .. وقامت جات بتروح الا عيسى يمسكهـا من يدهـا : تعــالي يبــه ويـن رايحه محد يكلمج أنتــي .. صايره جبريت مشاعل وهي تسحب يدها منه بقوه: شكلي ضايقتك بالقعده .... عن أذنك ... وأبتعدت عنه عيسى وهو يلتفت ويناديـهـا : مشــــــــــــــاعـــــل .... تعــالي شفيـــج صايره تزعليـن بسرعه .... لكـن مشـاعل ماردت عليـه ضايقهـا أسلوبـه ودموعهـا لو ترمش أنزلــت لكنهـا مازالت محافظه على قوتهـا وهذا الحلو بشخصيتهـا عيسى وهو يهد كل شي : اللهم طولج ياروح وقاام يركض يلحقهـا جات بتفتح باب الصالـه سكرهـ عيسى اللي وقف جدامهـا وهو يقول : يعني شنو على أي كلمه بتزعليــن ؟ مشاعل بجموود : عيسى وخر خلني أدخل لو سمحت .. عيسى : واللي يقول لج ماني موخر وخلي شغل اليهال والبزران عنج وتعالي قعدي معاي مشاعل عقدت ملامحهـا وبانت عليهـا العصبيه : عيسى لو سمحت ... عيسى بجديـه : مشــاعل !! تراج صايره جنج بزر من عقب الحادث لحد يكلمج وله بتزعليــن ... حرك تبلش مشاعل : واللــه أأذا مو عاجبتك ردني مكـان مالقيتني عيسى بطنــازه وأستهزاء : وااللـــه !!؟؟ أردج لهم شقول .. هاكم أختي أخذوهـا جم يوم ليـن ترضـى وترجع ..!!؟؟ مشاعل عقدت حواجبهـا زيــاده وقالت بغضب تتخفى وراه دموعهـا : آآآآنـــت ليـــش جذي !!!؟؟ عيسى يمسكهـا من يدها : تعــالي بس تعــالي وعن الدلـع مشاعل سحبت يدها منه وهي تصرخ : هدنـــــــــــــــي .. دخل عبدالله اللي كـان توه راد من النــادي بلبسه الرياضي وعلى ظهره شنطته مالت النـادي وبايـن انـه منهــد حييــلــه وشاف عيسى ومشـاعل وراح صوبهم عبدالله بتسأل : عسى ماشر !! شبلاكم واقفيـن هنــي مشاعل بصوت باين انهـا خلاص بتصيح : عبداللـه قولــه يوخــر ... أأبي أدخل دااخــل .. عبدالله لعيسى بحزم : عيســى !!؟ شصــايــر عيسى : واللـه ماسويت لهـا شي ... قلت لها كلمه شبت علي مشـاعل بصوت عالي : عبـــداللــه كلمــه .. عيسى لمشاعل بتنرفز خفيف: شهلـ الدلع الزاايــد اللي فيج ...... عبدالله لعيسى : عيسى خلاص صل ع النبي خلهـا تدخــل .. عيسى وهو يشيل يده عن الباب ويبتعد عنهم رايح للحديقه : آآنــاا الغلطــان اللي قلت براضيهــا .....( يلتفت عليهم ) خلي عبداللـه يخفف عليج أأي ماهو أنــا صرت أعــل القلب .. وثقيـل طينــه ومليييــغ وأكره مخلوق ع ويه الدنيـا ...( صد عنهم ) مشاعل طالعت عيسى وبعدهـا طالعت عبدالله ودخلــت داااخل وسيده على غرفتهــا وسكرت البــاب ورمت نفسهـا على سريرهـا وقعدت تصيـــح مشاعل بقلبهـا ( أووووووف ياربي شهلـ عيييييشــــه ... شلـــون بقدر أعيش معاهم .. !! شلـــون ) تـحت بالصـاله دخل عبدالله وحذف شنطته ع اقرب كرسي وراح المطبخ شرب مــاي وسيــده غرفـه مشـاعل حتى مابــدل ثيـابـه طق البـاب بالخفيف : شوشو ... شعــولــه !!؟ مشـاعل .. مشاعل بعد مامسحت دموعهـا قالت وهي تحاول أنـهـا تخفي نبره البكاء بصوتهـا بس بدون فايده : مــاأبــي أكلـم حــد .. عبداللــه : ولا حتــى آنــا ..؟ مشـاعل : مــاأبي أكلم حد خلــونــي بروحـي حرام عليكم .. عبدالله : أوكـي .. أنــا بروح اللحيـن ... ولاهديتــي برجع لج .. مشـاعل ماردت عليـه بينمـا برى عند عيسـى اللي حركـات ودلع مشـاعل رفع ضغطـه عيسى بغضب بعد ماأنسدت نفسه عن الاكل : قلت لهـا كلمــه ولعــت .. عيــل لو ماخذ ومعطي بالكلام معـاهـا شبتسوي .... ( يسند راسه بيـدينه الثنتيـن ويدخل أصابع يده بين خصلات شعره وهو يقول ) ياليتهـا ترجع نفس قــبـــل ... بس يــاليــت .... لو ماتهورت وتسرعــت كـان كل هذا ماصــار ... ( رفع ويهـا ) بس أنـــا غبي .. ومتهـور وطايش .. كل اللي يصير فيهـا بأسبــابي .. أنـا السبب الاول والاخير بلي هي فيـه شوي الا سيـاره داااشـه البيــت وينزل منهـا رجـل كبيــر بالســن بس رزه وكشخه .. والله يخلي الاصبـاغ اللي خاشـه الشييـب دخـل بو فيصـل بدون مايلتفت على عيســى وسيــده على غرفتــه عشـان ينــام .. صـار له كم يوم ماذاق لراحه طعم حتى بنتــه مـاشافهـا بينمـا عيسى طالع أبوه وصد عنه وقال : حتى ماكلف روحه يقول شلونك عيسى !!؟؟ ( قالهـا بغضب اكبر وهو يوقف ) أأي ماهو أنــا الزرراع .. شـال روحه ودخـل دااخــل وراح غرفته هو الثـانــي وسكر البـاب بكل قوته أخر بيـت بالفريج يمكن سمع ...!!!!!!!! . . السـاعه 9 ونص بالليـل في بيــت بو فيصل وبالاخص بغرفه بوفيصل وأم فيصل أم فيصـل بعتـاب : ياأبو فيصل ليـن متـى وأنت جذي .. ماتدري عن أعيـالك ... كله بالشغل وبس .. عطهم شويه من وقتك بو فيصل اللي كان ياكل دوااه وهو واقف جدام المنظره : وانــا أشتغل حق من ..؟ هالخير اللي عايشيـن أنتوا فيه ماجا من فراغ .... ياأم فيصل أنـا قاعد أبنـي مستقبل العيـال أم فيصل : ماتقصر يابوفيصل .. بس عيالك محتاجين لك ... آنـت حتى مافكرت تقعد تشوف مشاكلهم .... ترى عيالك الشبـاب محتاجيـن ابوهم يبون ريال مثلهم يفضفضون له .... بو فيصل وهو يسكر علبـه الدوى : ماأشوفهم محتاجيـني بشي .. كلن لاهي بحيـاتي عيسى مع ربعه وعبدالله مع النادي وفيصل مع لولوهـ أم فيصل : بس وجودك معاهم ضروري .. بو فيصل ألتفت عليها وقال بنفاذ صبر : مريم .... فضيهـا هالسيــرهـ .. أم فيصل اللي ماأهتمت لكلامه كملت كلامهـا وقالت : آآنت حتى بنتك ماشفتهـا ... لو تشوفك اللحيـن أخترعت .. بوفيصل : الحيـن هذا اللي مكدرج ومضايقج عشـان ماشفت مشاعل ... ولا يهمج اللحيـن اروح لهـا وأتسمر جداامهـا عشان تحفظ شكلي وبكتب على ظهــري _ آآنــا أأأبووووج ¬_ .. أم فيصل ضايقهـا أسلوبه اللي كله استهزاء : آآآآآنـــــت تغيـــرت واااايـــــد ... بو فيصل بغضب : أنتي اللي تغيرتي مهب أنــا صايره حنــانه واايد ... واللي براسج لازم تنفذينـــه ... أم فيصل بصدمه : آآآنـــااا .. بوفيصل : مريم ... واللي يرحم والدينج ... مصدع أبي أنـــام لا تسندريني .. جااا وأستلقى جنبهـا بعد ماعطهـا ظهره وغمض عيونه علامة أنه بينــام أم فيصل : صار لك 3 أيام ماجيــت البيــت ... ويــن كنـــت ؟؟ بوفيصل : كنت بــداااهيـــه زيـــن ..!!؟ خليني أنــــــام اللحيـن .. بغرفه مشاعل بعد ماتجمعوا عندهـا عبدالله وفيصل وجواهـر بستثنـاء عيسى اللي متكدر وماله خلق دلعهـا طلع من البيت مع ربعه فيصل وهو يضحك : أأأذكر مره كنــا صغــار .. يمكن كان عمرج فيهـا 7 سنيـن ( مشاعل ببتسامه عريضه وهي تسمع سوالف فيصل ) .. وكانوا جايــنــا عيال الجيران ... ونلعب برى بالكووورهـ .. عاد أنتــي مشالله عليج لما كنتي صغيــره علييييييييييج متـــن .. لا اله الا الله خدوودج مغطيه على ملامحج ... مشاعل ضحكت .. فيصل : عاد أنتـي وسلوى بنت الجيران ماتتواطنون كلللللللش ... وأنــتــي يبلفيــت نحاااســه فيهـا صكييتيــها بالكووورهـ على ويهــا .. خليتي ويها يصير مسطح ..نزل دم شكثر ذاك اليوم من خشمهــا لدرجه ان ثيابها البيضه صارت حمره .. ياااااااااااااهـ ..عاااااااد تعالي شوفي الضحك بس أنــتــي هذا ( يقصد عبدالله ) أنسدح علينا بالحوووش من الضحك .. وعيسى لما كان صغير لا ضحك يرتفع ضغطج .. ضحكته تعل ..... والاخت ( جواهــر ) قاعده تصييييح .. تقول مااتت سلوى ... جواهر أنحرجت بس مازالت الابتسامه على ويها : مالت عليك أقول ههههههه فيصل بفخر : أمــا أنـا .. مسوي روحي كلللش عبقري زمــاني ... رحت داخل فلت يبلفيت بسوي أسعافـات ألوليــه .. وأخذ لج لزقه مالت الجرح واحطهـا على فتحت خشمهــا وعيسى وعبداللـه ... فاطسيييـن ضحك .. مشاعل ضحكت من قلبهــا وهي تقول : هههههههههه لزقه عاد عبدالله اللي دش عرض : وااااااااااللـه ماأنسى هاليــوم .. هههههههههههه كل ماأذكره أمووت من الضحك جواهر وهي تضحك : هههههه ولا يقول للبنــت ... مسكي اللزقـه لا تطييــح وتموتيــن مـاتــوا ضحك كلهم .. مشاعل بتسأل وفضول منثور فوقه بريق أنوثتهـا : وسلوى هذي وينهـا اللحيـن ؟؟ للحيـن جارتنــا ؟؟ فيصل : لا أنتقلوا ... مادري وين رااحوا ..ومن يومهـا أنقطعت علاقتنـا فيهم .. ( بشــاعريــه مزيفه ) .. آآآآهـ بس آآآآآهـ كانت حب الطفولـه عبدالله بعبط : أن ماوصل هالكلام للـولوهـ ماكون ولد ابوي ههههههههه فيصل : تبي يصيدهـا شي .... والله ثاني يوم تلاقهـا واقفه عند باب البيــت وتصرخ بأسمي .. تذبحني يعني تذبحنـي مشاعل تضايقت لما جابوا سيرت لولوه : ليــش؟؟؟ لــولــوهـ شنـ ...... قاطعهـا فيصل : زوجت المستقبــل .. مشاعل : لولوهــ ..!!!!!!! فيصل : شنسوي بعد .. من يومنـا صغــار وهم .. لولوه لفيصل وفيصل للولوهـ .. مشاعل : وأنـــت تحبهــا فيصل يغمز لهـا : تعودت على وجودهـا ... والحب يجي بعد الزواج أن شاللـه .. مشاعل ببتسامه : الله يهنيك .. . . اليوم التـالي وبيــت بو عبدالعزيز وبالاخص غرفه طلال اللي رن جوالـــه واايد ... وبعد طلعت الروح صحى طلال وهو يمد يده وياخذ جواله وهو مازال مغمض عيونه قال بصوت مبحوح : آآلــوووو .. سلمـان : صح النووووم يالحلــوو .. قوم فز ... لقيت لك وظيفــه طلال بتسأل وهو يتثاوب : كم السـاعه اللحيــن ؟ سلمان : الساعه 8 ... يلا قوم بمرك اللحيـن وتروح تقدم أوراقك طلال وهو يقــعد على السرير ويحس بأرهــاق : زيــن قول لي ويـن ... بس جذي خذوه فـ غلووهـ .. سلمـان : مو أنت قلت تبي تشتغل خلاص لقيت لك شغلـه .. تناسب مؤهلاتك .. طلال وهو يفتح عينه : وشدراك بمؤهلاتي يابومؤهلات ..!! سلمـان : لا واللـه .. آآحلف عاد ..... سنيـن معاك مو يوم ولـه يوميـن طلال : خلاص خلاص .. متى بتجي ..؟ سلمان : آآنــا بالطريج اللحيـن .. يلا قوم صحصح .. لاني ماني نازل.. أطلع لي على طول طلال وهو يقوم من السرير : زيــــــــــــن .. خلاص سكر سندرتني من صباح الله خير ... سلمان وهو يضحك : هههههه .. بتشكرني على هالسنداااارهـ باجر .. طلال أبتسم وقال : زيــن منت راضي تقول لي شنهي الشغلـه .. سلمان بغشمره : بالبــلديـه بـ نلبسك أصفــر وغتره تتلثم فيهــا وتشيل الزبايــل ( الله يعزكم ) من الفريـــج .. طلال ضحك ضحكه قصيره : تتطنـــــز مع ويهـــــكـ سلمـان وهو يضحك :ههههههههههههههههه شدراني عنك ... يلا سلام .. ماأعرف أسولف بالجوال وأنا اسوق طلال بتلميح : واضح .. سلمـان : ههههه أشوف عطني مقفاك سلام طلال : ههه في حفظ الرحمن سكر طلال وراح دخل الحمام غسل ويها وتوضى وصلـى الصبــح وطلــع نزل الصــالــه وهو لابس جلابيــه كــانـوا أبــوهـ وأمه قاعديـن بالصاله والظاهر أبوهـ ماراح الشركه اليوم طلال وهو يروح الصاله : السلام عليكم .. أم وأبو عبدالعزيز : وعليكم السلام والرحمه راح طلال وباس راس أمــه وباس راس أبــوهـ اللي ماكلف روحه يرفع نظره لطلال أم عبدالعزيز : تعال أقعد يبـه .. طلال : لا يمــه .. نزلــت أسلم عليكم بس ... بطلع اللحيـن بو عبدالعزيز اللي عينه معانقه الجريده قال بجموود : زيـــن واللـه انك تعرف الاصــول أم عبدالعزيز ألتفتت لـ أبو عبدالعزيز بنظرات عتــب بو عبدالعزيز وهو يسكر الجريده ويحطها على الطاوله جدامه ويطالع طلال قال : وأن شاللـه اليـــوم .. ويــن بتهيــت ؟؟ ومع من هالمـــرهـ ...!! أم عبدالعزيز : سلطــان ... الله يهداك .. شفيك ع الوالد بو عبدالعزيز : عليا .. رجاءا ... أظـــن هو عنده لســان ويعرف يرد .. طلال بعد ماتنهد بالخفيف عشان مايظـن أبوه أنه قاعد يتأفف قال : بطــلــع مع سلمــان ... بشغــل بو عبدالعزيز : وشنو هالشغــل اللي بتطلـع فيــه ... عندك بنت ناس تبي تلعب عليهـا بعد ..؟؟؟ طلال رفع عينه بسرعه لأبوه لانه أنصدم من كلامه بو عبدالعزيز : لا تقعد تطالعنـي جذي .... أم عبدالعزيز : خلاص يابوعبدالعزيز .. طلال نزل نظره للأرض وأبتعد عنهم وهو يقول : عن أذنكم ... ورااح فوق غرفته عشان يبدل ويستعد حق الطلعه مع سلمـان ضـــاااايقــه حيييييـــل كلام أبـــوهـ معنــاتـه أنه للحيــن ماوثق فيــه ... طلال وهو يفتح الكبــت : جدامي مشواااااااااار طووويـــل ليـــن أرجع أبنــي الثقه بقلووبكم ... دخل سبح ولبس وخلص وراح فتح الدرج يطلع الاوراق اللي بيحتاجهم الا جوالـه يرن شاله طلال بنبره صوته عاديه ماتحمل أي شعور : أألــووو .. سلمـان : يلا أنــزل أنطرك .. طلال : اوكي ثواني اطلع الاوراق وأنزل .. سلمـان : مو تتأخر ... طلال : أن شاللـه فمان الله .. سلمان : فمان الكريم سكــر من سلمــان وأخذ الاوراق المهمه وطلــع . . بالسيـاره عند سلمـان بعد ماحركوا من جدام البــاب طلال : ماقلت لي ... شنهي الشغلــه .. سلمــان : سكرتيــر في شركه الـ( ..... ) .. شقلــت طلال بعد صمت ماكمل دقيقه : المهــم شغلــه وخلاص ... سلمــان : بس شرايك فيني في يوم بس طلعت لك شغلــه .. طلال بتلميح : اللـه يخلي الواسطه .. متوسط لي عند من هالمرهـ سلمـان : صاحب الشركه رفيج الوالد ... ويبي سكرتيـر يوثق فيـه .. لانه السكرتير اللي عندهـ اللحيـن بيسافر ...خلاص بيروح بلادهـ .. عفــن بالدوحهـ .. عاد انا سمعت الوالد يكملــه على طول نطيـت .. وقلت لـه عنك ... ع الاقل أنت قطري ومابتسافر أذا عفنت طلال ببتسامه وعينه على الدريشه : ياااااخـــي واللـه انك متفيييق .. سلمـان : عاااد هــا مو تفشلني جدااامه ... أبيــــه يقول كفــوا واللـه سلمــان جبت لي ناس ينوثق فيهم ... طلال : مابخيب ظنــكـ .. عم الهــدوء بالسيـــارهـ مافي الا صوت عبدالمجيد عبداللـه يدغدغ مسامعهم بعد ساعه وشوي وصلوا الشركه ونــزلـــوا ... وقابلـــوا صاحب الشركه ووالحمـــداللــه وافق على طلال ... اللي راح يستلم الوظيفـه من بـــاجــر نهـايــه الجـزء الرابــع | ||||
|
| |
|
22-04-13, 10:26 AM
| #7 | ||||
| نجم روايتي ومشرفة سابقةومصممه
| الـجزء الخامس بيت بو فيصل 11:00 الظـهـر في غرفـه فيصـل بالـذات اللي اليـوم رجع البيت مبجـر عشـــان يطلــع مشـاعـل من البيــت ومـايردهـا الا المـغـرب المهمـه صعـبـه شوي .. بس مش مستحيلــهـ كـان بغـرفــتـه واقف جدام المنظـرهـ يعـدل غـــتــرتـــه ويضيـف اللمسـات الاخيرهـ على الشكـل النهـائي لـه كــان وسيــم واايــد وخاصـه أنــهـ أسمرانـي بـس يميل للحنطــاوي ساعـات وجسمـه مناسب عمرهـ .. طلـع من غرفته ونزل الصـاله اللي كانوا قاعديـن فيهـا أم فيصل وجواهـر ومشاعل فيصل أول ماوصل الصاله قال ببتسامه عريضه : شرايـــكـــم فيــنــي ..!!؟ جواهر بطنازهـ وبلهجه تشبـه طريقه كلام العيـايز : ووي ماشالله عليك ياأخوي ... بنات الدوحه بيغمى عليهم لا شافوك .. بخريـه يمه بخريـه لا يروح ولدج بعيـن ماتصلي ع النبي فيصل بعد ضحكه قصيره قال : محد طلب رااايــج ... ( يكلم أمه ) .. شرايج يمه !! ام فيصل : أتيــنن فديتك .. جواهـر : داامه أينن لا يطلع من البيت عيل... لا ينترس مستشفى الطب النفسي والسبه ولدج فيصل لجواهر : خاااااااااااطري مرهـ في حياتج تقولين كلمه حلووهـ .. جواهر ببتسامه : لازم نقص عليك ونقولك حلو عشان تستانس هههههههه فيصل : سكتي بس سكتي .. ماتخلين الواحد ياخذ مقلب بعمرهـ ... ( يكلم مشاعل ) .. شرايج فيني ؟؟؟ مشاعل ببتسامه عريضه : حلــو فيصل : حلــو بس ؟؟؟؟؟ جواهر داشه عرض : تبيهـا تقول لك ... طالع جنك جيم كيري فيصل بطنازهـ : ياكيري أنتي ... مشتهيه جبن .. ترى الجمعيه قريبه خطوتين ونوصل أم فيصل : خلااااص يمه .. بلا هالنجــرهـ .. ( تكلم مشاعل ) يلا يمه قومي طلعي مع أخوج .. من جيتي البيت ماطلعتي مشاعل : مصريـن يعني ..؟ ماتبون تجون معانا ؟؟!!! جواهـر : اأأي مصرين ... طلعي أنتي أحنا شبعنا من الطلعـات .. ولا تنسين تشترين لج لبس حلو جذي مشاعل وهي تقوم : أن شاللـه .. تبــون أجيب لكم شي معاي ؟ أم فيصل : لا يمـه .. نبي سلامتج .. مشاعل وهي تبوس راس أمها : مع السلامهـ أم فيصل : مع السلامه يمه .. ( تكلم فيصل ) .. دير بالك على اختك يبه فيصل وهو يطلع نظارته الشمسيه من المخبه اللي على الصدر ويقول : بقطهـا ع الدوار وراجع .... جواهـر : تســويهـا منت صــاحي فيصل وهو يقرب صوبهـا ويمسكها من أذنهـا وتعمد أنه يضغط عليها :.. لا تكلموا الكبــار ...اليهــال يسكتووون ... جواهر بصوت عالي : آآآآآآآآآآآآآآآآآي فصوووووووول .. يعور ترى من جــــد فيصل هدهـا وعطاها ظهره وهو يقول : عشـان تعرفيـن من ترادديـن مره ثانـي ..( يكلم مشاعل وهو متجه لباب الصاله ) يلا شوشو .. مشينا طلعوا مشاعل وفيصل وركبـوا السيـارهـ فيصل وهو يلبس النظـارهـ الشمسيـه ويشغل السيارهـ : تـوكلنــا علــى اللـه ... بمــا أنــه الحيـن الظهـر .. بنروح نتغــدى أولـ .. مشاعل اللي ركبت جنبه قالت : على راحتك .. فيصل طلع السياره وحرك من جدام البيت وقال : ... ووويــن تبيـن تتغــديــن ..؟ مشاعل : مــادري .. فيصل وهو يلتفت عليها وعلى شفاته أبتسامه ساحره : لا .. شنو ماتدريـن ... ترى أنا مو وي مطاعم راقيه وكشخه ... حدي كنتاكي وهارديز وطختهم مشاعل بادلته الابتسامه وقالت : خلاص روح واحد منهم .. فيصل وهو يطالع الطريج جدامه : .. على أمرج ... كم مشاعل عندي آنـا مشاعل أستحت من كلامه وصدت عنه تطالع السياير اللي رايحه واللي رادهـ أما فيصل طــول على المســجـــل مرت فترهـ ماهي طويله وايد والهدوء هو سيـد الموقف لحـد ماقطع هالهدوء صوت جوال فيصـل فيصل وهو يشوف الرقم : اللــه يعيني ... ( قصر على المسجل ورد ع الجوال ) .. هـــلا بوعــابــد عبدالله بغضب : سويتهـا فيني هــاااا ... خل أشوفك بس ..... آآوريك شغلك فيصل : بـل بل بل ... النــاس تسلم أول مو تزف .. عبدالله : فصووول واللـه أن ماجيت اللحيـن .. لا أطلـع من الشركه واللي فيها فيهـا فيصل اللي وده يضحك : صل ع النبي .. عبداللـه : ألف الصلاه والسلام عليـه ..... يلا أشوووف ترجع اللحيــن الشركه فيصل : أنــا في مهمه ... عبدالله : لا مهمه ولا بطييييــخ .... صدقني يافصوول ..... قاطعه فيصل : شفيك ماسك على فصول وفصول ... أسمي فيصل وبعديـن ماأقدر اجيك اللحيـن .... الوالده موصيتني على مشاعل عبدالله : تصدق أنه نذالة الدنيا فيك .. تخليني مع عزوز ولد عمك وتذلف تطلع من الشركه عشان توهقني فيصل هني وخلاص ماقدر يمسك نفسه :هههههههههههههههههه .. الحيـن معصب عشان جذي عبدالله : ضحكت بلا ضروووس قول أميـن .. آآوووريــــك .. فيصل : هد أعصـــاب ياريـال ... ترى كل ماطولت بالشغل كل ماتحسنت صورتك بنظر الموظفيــن هههههههه عبدالله أنقهـر من برود فيصل قال له بقهر وهو يرص ع الكلام : تصدق فصول ..ودي ألخك بكف أطشر ضروووسك هني أخليك تلقطهم .. فيصل بطنازه : بس تكفى ساعدني خبرك ضرووس واايد ...هههههه عبدالله : ياكرهـك بس .. يلا يلا .. حسابك لما أرجع البيت واشوف خشتك الحلــوهـ فيصل بعبط : تسلم على هالأطراء الـ .... ( سكر بويهـا عبداللـه ) فيصل وهو يضحك : هههههههههه والله أخوج ذي ... نكــته .. مشاعل ألتفتت عليـه وقالت ببتسامه خفيفه : ليــش .. فيصل : حولت شغلي كلـه عليــهـ ..وطلعت من الشركـهـ .. تلاقينه مبتلش هو اللحيــن .. مشاعل بلهجه دلع لا أراديـه : مسكيـــن .. فيصل ألتفت عليـه ورجع صد: يادلـع أنتي ( يقلد طريقه كلامهـا ) _ مسكيــن ..!!_ .. ألا هذا سجييـن ماعليج منه . . بيت بو فيصل أول ماطلعوا فيصل ومشاعل وتأكدوا انهم مو بالبيــت راحت جواهـر طيرااان لتلفــون تتصل لرفيجاتها وتأكد جيتهم ليـوم ميـــلاد أختهــا .. وبعد ماأجرت كافت أتصالاتهـا ... ألا أم فيصل تقول لهـا : عزمتي أم غازي .. وام حسن ...!! جواهر وهي تلتفت على أمها : آآآآآكـيــد بناتهم رفيجاتي هههههه أم فيصل وهي تقوم : عيل يلا قومي خل نرتب المكـان للحفله ... جواهـر : بس كل هذا بنسويـه بروحنـا ؟؟؟؟ أم فيصل : لا يمــه .. عيسووهـ أخوج بيساعدنـا ... بنفسه بطالي لا شغله ولا مشغله خل يحرك روحـهـ .. جواهـر : عيل خلـ أروح أقومه ... ولدج هذا كيس نوم متحرك أم فيصل ضحكت على تعليق بنتهـا وراحت المطبخ .. تعطي الخدامه الشغل اللي راح تسويـه اليـوم أما جواهـر اللي راحت ركييض فوق وفتحت البـــاب وبأعلى صوتهـا : عييييييييييييييييييييييسو ووه قوم قوووووووووم بسرعه .. عيسى فز من سريرهـ مخترع : شصــايــر .. شفيــج ..!!! جواهر بعد ماضحكت بالخفيف : قوووم خلـ نرتب البيت حق حفله شعووول عيسى أبتدت تهدى ملامحه تدريجيـا من الهلع وقال : اللـه يلعن أبليسج ... جذي الناس يقوومووون جواهـر : مو أنت يبيلك قرن لين تقوم .. يلا أهووو أشوف قوم حرك روحك عيسى : والليدي مشاعل وينها بالله ؟ جواهر : صرفناهـا .. طلعها فيصل من البيـت عيسى : آآف مادري ليش ملزمين علي أساهم بالحفله المزعوومه رغم انه أختج المصون ماعادت تواطني جواهر : ألا تواطنك ونص .. بس أنت خفف من ثقل دمك وشوف عيسى وهو يقوم يوقف على حيله : زيـن زيـن .. أأشوف وريني عرض أكتافج ... أبي ادخل الحمام أطلع ماألقــاج ... جواهر : من عنوني .. بس لا تتأخر ... ترى ننطرك تحت عيسى بملل: واااااااااااااااااااالله ادري جواهر وهي تطلع : على بالي بعد .. ( جات بتطلع بس وقفت وردت وهي تقول ) وعلى فكره بطلع بروح السوق اشتري أكسسوارت .. عيسى : وشحه تستأذنين مني ... عندج أبوووج .. جواهر : أنت أبوي وأمي وأهلي كلهم .. عيسى وهو يدخل الحمام ( الله يعزكم ) : ياشيــــــــن المصلحه وأهلهـا .. طلعت جواهـر ونزلت تحت تذكر أمها أنهـا بتطلع الـعصر .. وأبتدوا يرتبــون المكــان ... . . بـ كنتـاكي .. الســاعــهـ 1:00 عند فيصل ومشاعل اللي قعدوا بمكان ساتر .. عشــان تاخذ راحتها مشاعل .. قعدوا ياكلون وفيصل يسولف ومشاعل عليهـا تبادله الضحك بس .. تستحي تتكلم لانه يعلق على كل كلمه تقولهـا بس حبت القعدهـ معاهـ حيـل فيصل : عقب هالـغدى .. بنروح السوق تشتريـن لج بدلـه حلــوهـ جذي تكشخيـن فيهـا مشاعل اللي أستغربت من تذكريهـا المستمر انهـا لازم تشتري بدله قالت بتسأل : لــيــش .. فيصل : ماتبيـن تكشخيــن ..؟ مشاعل : بلا بس ..عندي ثيــاب واايــد ... فيصل وهو ياكل : أأنــا أأبي أشوف أختي كااشخــه بثياب يديده ..عيييب ..؟ حراام ؟؟ مشاعل شبعت أحراجات اليوم ويهـا صاير أحمر جنه طماطه ونزلت نظرهـا بأكلهـا فيصل بقلبه ( هههههه ياحلووهـا لاأستحت .. الله يحفظهـا أن شاللـه ..) . . بعد ماخصلـوا غدى طلعــوا من كنتـاكي على السوق .. وماخلــوا مكــان بالسوق الا ودخلــوهـ عشـان يحصلون ذوق مشاعل الصعب تقدرون تقولون من الساعه 1 وربع ليـن الساعه 4 ونص وهم يدورون .. وفيصل خلاص تعب من كثر الفــر بالسوق وبعدها طلعوا من السوق على البيــت بما أنه الوقت راح كله على الـ شوبنـج أول مادخلوا السيارهـ البيـت الا راس جواهر اللي تطل عليهم من دريشه الصاله وتتكلم بصوت عالي عشان يسمعونهـا بس ماقدروا يسمعونها لانهم مسكرين درايش السياره فيصل وهو يدخل السيارهـ وعينه على جواهر وبصوت خفيف بس ينسمع : حمــــداللـــه والــــشـــــكـــــر ؟؟!!! مشاعل جاتها الضحكه على طريقه كلامه فيصل أول ماصف سيارته فتح الباب وهو يقول لجواهر: شفيـــــــج ؟؟!!! طالعه كلج من الدريشه .. !! جواهر لفيصل : دخلــواا من البــاب الورااني ( يعني اللي ورى ) ... لا تدخلون من الباب الرئيسي فيصل بغبـاء وهو ينزل ويسكر باب السيارهـ :ليش باللـهـ ؟ جواهر الي مازالت تتكلم بصوت عالي : عن العبــــــط هأأااا .. يلا أشوف .. ترى هالباب مقفوول .. دخلت وسكرت الدريشه مشاعل وهي تنزل وحامله معاها ألف سؤال وسؤال : فيصل شسالفه ..؟ فيصل اللي يسوي روحه مايدري شسالفه : شدراني عن خبال أختج ... تجيها ساعات تضرب فيوزاتها ترى مشاعل ضحكت وهي تنزل الأكياس كلها فيصل لمشاعل : هااا .. نزلتي كل شي مشاعل شالت الاكياس وهي تقول : آآيه شلتهم كلهم ( تسكر باب السيارهـ ) .. مشكورهـ ع الطلعه تعبتك معاي فيصل طالعها بنظرات عتب وهو يقفل السيارهـ : شعووول .. شهلـ كلام الله يهداج ... مابيـن الاخوان شكر ..( بغشمرهـ ) وبعديـن لو ماأبي أطلع معاج جان ماطلعت .. يعني لا تحاتيـن أنا مطلعج وأنــا رااضي مشاعل : تسلم ودخلــوا الاثنيــن وفيصل متجه للباب الرئيسي يبي يدش مشاعل لفيصل : جواهر قالت انه هالباب مقفول .. فيصل وهو يطق على يبهته : أأخ نسيــت .. تعالي .. تعالي .. خل ندخل من الباب الورااني راحوا ورى البيــت وجوا بيدخلوا الا جواهر اللي كانت تنطرهم : كاان ماجيتوواا ..؟ فيصل اللي ميت تعب : واللي يرحم والديج وسعي دااايخ حدي جواهر وهي تمسك مشاعل من يدها وتقربها صوبها : شعول بتدش .. بس أنت .. أأووت .. فيصل اللي ماعجبه الكلام قال : شنو؟ جواهر : آآآووت ... روح الميلس مع أخوانك فيصل يطق جواهر بالخفيف على خدها ويضحك بستهزاء: حلوه بس لا تعيدينهـا .. يلا وسعي بدخل أنــام جوااهر : من صجي أتكلم أنــا .. روح الميلس ... فيصل : تتغشمريـن انتي ... !!؟ ( يطالع ملامحها يبي يتأكد من كلامهـا ) جواهر تطالعه وهي رافع واحد من حواجبها ومافي ولا ربع أبتسامه على ويها فيصل : لااا والله مايصير جذي .. مو من صجج ... قلنــا حفــ قاطعته جواهر قبل لا يفضح كل شي : أأأأأأأأأأأأأأأأأيهـ ... من صجي أتكلم ...يلا روح بجيب لك برنوص ومخدهـ مشاعل : حراااام عليج .. تعب اليوم معاي ....خليــه يروح يرتتـاح جواهر : بليز .. أنتي ماعليج منــا .... فيصل سكت شوي وباين انه عصب وعطاهم ظهره ورااح الميلس مشاعل : شكله زعـــل ؟ جواهر : مازعل ولا شي اللحيـن بيروح الميلس وبينــام ..( تغير السالفه ) هـاا شريتي لج ثيــاب .. مشاعل ببتسامه : آآي شريت لي ثيــاب جواهـر وهي تفصخ مشاعل شيلتهـا وتربط فيها عيون مشاعل مشاعل : شتسويييــن ؟؟!!!!!! جواهر تسكتهـا : أووووش .. ولا حرف .... ( توقف جدامهـا ) ..تشوفيــن ؟؟ مشاعل اللي صارت الدنيـا عندها ظلام دااامس : لا .. جواهر عشان تتاكد سوت روحها بتضرب مشاعل على ويها بتشوفهـا بتخاف وله لا بس مشاعل ماتحركت معناها ماتشوف جواهر وهي تعطي مشاعل ظهرهـا وتمسك يد مشاعل وتحطهم على خصرهـا : تمي ماسكتنــي أوكي .. مشاعل أرتبكت وقالت : ماأعرف أمشي وأنا ماأشوف شي جدامي جواهر : بتعرفيـن بس أنتي تمي ماسكتني وركزي على كلامي عشان لا تطيحيـن ولا تدعميــن مشاعل : آنزيـن الله يستر بس منج جواهر ضحكت وهي تقول : لا تخافيـن أنتي معاي بأمان .. وتمت تمشي جواهـر ومشاعل ماسكتها من خصرهـا لحد ماوصلوا عند الدري جواهر لمشاعل وهي تركب على دري واحد: ترى اللحيـن جدامنـا دري .. مشاعل اللي ماتحركت شبر وهي تهد جواهر قالت: جوجو .. والله مليــت خليني أشيلــهـ جواهر تلتفت عليه بسرعه : لا لا لا لا لا .. لا تشيليــنــه .. نزلت جواهـر ووقفت جنب مشاعل وقالت :أذا أنا تحركت تحركي لا تطييحيـــن علينــا مو ناقصه أموت ضحك ويخترب مكياجي هههه مشاعل ضحكت وهي تقول : يالدبـه تطنزيـن .. جواهر ضحكت بالخفيف وهي تقول : يلا ..واحد ..( وركبت ) ركبت معاها مشاعل بحذر وكملوا على هالطريقه لحد ماوصلوا فوق جواهر : خلصنــا الدري .. مشاعل اللي كانت متوتره : خــلاص أشيلــهـ ..؟؟؟؟ جواهـر : ليش مستعيله على رزقج ههههه مسكتهـا وراحت معاهـا عند باب غرفتها : اللحيـن شيليــه .. مشاعل شالته وقالت : شســالفــهـ ..؟ جواهر : كل شي بوقته حلــو .. دخلوا الغرفــه وراحت جواهر تشوف الثياب اللي شرتهم مشــاعــل جواهـر وهي تطلع القميص : واااااااااااو .. روووعــهـ ...( طلعت البنطلون وصفرت باأعجاب ) .. عليج ذوق خطيـر مشاعل ببتسامه : يعني عجبتج ؟؟ جواهـر : أأيــوهـ .. تلبسيــن أول .. ولـه أسوي لج شعرج وأمكيجج وبعدها تلبسيــن مشاعل اللي ودهـا تعرف شسالفه : آآآي بس ليش كل هذا ..؟ جواهر تتصنع العصبيه : قلنالج عن الاسئله الزايـــدهـ .. مشاعل تضيق فتحته عيونها : واللـه تحت راسج شي ... جواهر : ههههههه قصدج راسكم .. مشاعل بدهشه : ليش كلكم تدرون ؟؟ وأأنــا لا ..!! جواهر تغير السالفه وتروح تاخذ الكرسي اللي جدام التسريحه وتحطه حق مشاعل : ممكــن تقعديـن عشــان أبتدي شغلي ... مشاعل بعد مايأســت قالت وهي تقعد : اللـــه يستــر شنو تحت راسكم فتحت جواهر شعر مشــاعــل البنـي الطويل .. واللي كان مدرج على طولــه وكثييــف ويغطي ظهرها كله وتناثرت خصلات من شعر مشاعل على ويهــا الابيض ممـا زاااد جمــالــها راحت جواهر تشغل الاستشوار شوي الا عيسى داش عليهم : جواهر أمــي تبيــــج جواهر اللي أخترعت : بسم الله الرحمن الرحيم جذي الناس تفتح الباب عيسى رد عاد كلامه : آآمي تبيـــج جواهـر : زيــن زيــن .. روح أنت اللحيــن عيسى طالعهـا بنظرات .. وطالع مشاعل بنظرات .. وأثنينهم مافهموا معنى نظراته وطلع مشاعل لجواهر : شفيه يطالعني جذي ... مو عاجبته ؟؟؟ جواهر : وووي ماعليج منه ... هذا كل يوم يطلع له بزعلــه ..... مشاعل تكتفت وقالت بقلبها ( .. ويقولون لي كان اقرب الناس لي قبل الحادث ... ماأأأأأأأأأأصدق .. لو قايلين لي عبدالله .. آآيــه .. فيصل أأأيــه بس هذا نووو وي مستحيل .... شي مايدش العقل ) وقطع حبل أفكارهـا صوت الاستشوار المزعــج بنــدته جواهر بعد ماتأكدت انه أشتغل وقالت : دقيقه بس أشوف مامي شتبي وارجع .. ( بتحذير ) أأأأيــاني ويـــاج تطلعيـن من الغرفــهـ .. فاهمه مشاعل : فاهمه جواهر وهي متجهه لباب الغرفه : خووش عيل .. دقايق بس وطلعت جواهر بسرعه ونزلت الصاله الا أمهــا مع شيخه جواهر لشيخه : هلاااااااااا شيخوووهـ شلوونج ..( تسلم عليها بالخد ) شيخه اللي كانت كاشخه أخر كشخه قالت : آآنــا تــمــــام .. شلونج أنتي جواهر وهي تبتعد عنهـا وتبعد قذلتها عن عينها : آآنــا بخيـــر .. ( تـلف حول نفسهــا ) شراااايـــج !! شيــخــه : ماشــاللــه عليــــج قمـــر قمـــر ... لو مهند كبير جان زوجتج أيــاهـ جواهر لأمهـا بدلع : شوفي يمه تغازلني جدامج هههههه أم فيصل لبنتهـا : هههههه آآشوف بس روحي جيبي عصير لأختج جواهر تتخصر : وليش حضرت جنابها ماتدل المطبخ ؟؟؟ شيخه بغرور مصطنع على شويت دلع : آآآنــا شيخه بنت سلطـان أروح المطبخ ... لا لا لا لا لا .. وي .. روحي أنتي جيبي لي عصير جواهر بنفس لهجة شيخه : وأأنـــا جواهــر بنت بدر .. أروح أأأجيب لج عصيــر ... وي وي وي .. هذا اللي ناقصني بعد وضحكوا كلهم على أسلوب جواهر وشيخه شوي الا داشه أم عبدالعزيز : وووي حسبي الله على اللي أخترع هالسياير الكبـار .. بغيت أطب جداام بيتكم أم فيصل وهي تروح لأم عبدالعزيز : هههههههههه شالله حادج جاايــه مع الدريول ... أم عبدالعزيز : أخو ريلج بعد ... مالـه خلقي ... يقول مشغــول .... الله يستر شلون بركب هالسيارهـ بالردهـ سلمواا أم فيصل وأم عبدالعزيز على بعض بالخد الا جواهر جايه وبعد ماسلمت على أم عبدالعزيز قالت : أأقول خالتي أنا عندي لج خوش حل حق مشكلتج مع هالنوع من السياير أم عبدالعزيز وهي تدخل وتقعد بالصاله : قولي ياأمج على يدج.. جواهر وهي تضحك : تحطين لج دري .. عشان تقدريـن تركبيــن أم عبدالعزيز وهي تضحك : هههههههه .. قلنــا قصيرهـ بس مو لهدرجه .... روحي جيبي لي مااي بس نشف ريجي جواهر : ههههههه دقايق ويكون الماي عندج راحت جواهر المطبخ ولحقتها شيخه طلعت غرشه ماي من الثلاجه وصبت منها بقلاص حق أم عبدالعزيز الا شيخه تقول : شعول .... للحيـن برى وله ردت جواهر : أمبلا ردت .. فوق بدارهـا قاعدهـ أجهزهـا ... شيخه : ودي اروح لهــا .. جواهر : لا لا ووي لاتروحيـن عقب تخربيـن المفاجأهـ .. هههههه شيخه : للحيــن ماتدري هي ..!! جواهـر وهي ترد الغرشه بالثلاجه : والله هي شاكه بالموضوع بس ماتدري ... ( ترجع وتاخذ القلاص ) تلاقينها اللحيـن تاكل بعمرهـا تبي تعرف شلـ موضوع هههههههه شيخه بضحكه خفيفه : حراام عليج ههههه جواهر وهي طالعه من المطبخ : ... شفيج أنتي للحيـن بعباتج فصخيهـا خل نشوف كشختج شيخه ببتسامه عريضه : لا واللـه .. عيســوهـ بو عيون زاايغه للحيـن بالبيــت ماطلع هههههه جواهر ماتت من الضحك : ههههههههههههه عيسى صار بو عيون زايغه الحيـن شيخه : سكتي بس سكتي .. ماتدرين عن عمايل أخوج .... دخلوا الصالـه وعطت جواهر أم عبدالعزيز الماي وأستأذنت ورااحت فوق لقت مشاعل للحيـن قاعدهـ على حطتهـا أول مادخلت ألتفتت عليها مشاعل وهي تقول : بمووووووووووت أذا ماعرفت شصاير جواهر ضحكت وقالت : فضولج هذا بيذبحج .. ههههههه راحت جواهر وجابت المشط وأبتدت تقسم شعر مشاعل لأربع أقسام عشان تقدر تستشورهـ في نفس البيـت بس بالميلس عند فيصل وعبدالله فيصل كان منسدح على الكرسي ويحاول ينام وعبدالله قاعد على الكرسي المجابل فيصل وياكل حب وهو يطالع التلفزيـون دخل عليهم عيسى بملل : آآآآآآف مايسوى علينا والله هالحفله اللي بيسونهـا لليدي مشاعل حكرونا هني عبدالله : آنـت كل شي مايعجبك ..؟؟؟ عيسى جا وقعد بنفس الكرسي اللي كان منسدح فيه فيصل فيصل اللي مغطي ويها بالمخدهـ مالت الكرسي قال بصوت رجووولي بعد ماسحب ريولـه: آآآخ عيــسووه شفيك ماتحس ... فغست ريولي عيسى اللي ما تحرك : والله انت شطولك ماخذ الكرسي كلــه هذا أنـا لو أنسدح عليـه ماأوصل نصـه فيصل وهو يرفع المخده شوي عن ويها : تنكت ؟؟ عيسى بدون خلق : لا أستخف دمي ... رد غطى ويها فيصل بالمخدهـ عبدالله وهو يقصر على التلفزيون : أنت مو ملاحظه أنه من بعد الحادث وانت صاير جبريت ؟؟ عيسى : واللـه اللي عندهـ اخت نفس أختك .. شي طبيعي بيصير جبريـت عبدالله حط صحن الحب على طاوله وقام وقف وقال : قوووم .. عيسى وهو يطالع عبدالله : على ويــن ... عبدالله : قوم خلـ نطلــع ... ( يكلم فيصل ) فصول تجي معانا ؟ فيصل : لا روحوا بروحكم ... انا لو أطلع معاكم أنسدحت عليكم ع الرصيف .. داااااااايـــخ حدي عبدالله بتلميح : ترى مرت عمي توها جاايـه ... فيصل : وخير ياطير عبدالله : شكله الطير جايب الحب معاهـ فيصل : آآآي حب ,,,, عبدالله : لــولــو الصغيــرهـ .. هههههه فيصل اللي مازال مغطي ويها قال : ياااخف دمك عبدالله : علينـــا ..!!!! تبي تبين لي أنــه قلبك مو متحرقص تبي تشوفهــا ... مسوي روحك ثقيل يابو الثقـــل أنت مايمديـه يكمل جملــه الا جاته المخدهـ بضربه قويه على ويهـا : آآآآآآآشوف فااارج عبدالله متعمد يحرجه : أأأأأأحـــــــلــــــــــ ـى يالعــــاشق .. عيسى قام وهو يقول : أمش أمش لا يحمق علينا اللحين ونرووح وطي عبدالله وهو يحط يده على كتف عيسى ويغني بشاعريـه : لا يهمك حبيبي شف مكانك هني بين ضلعيـن قلبي ياحبيب العيـون كل ماقلت احبك قال قلبي وأنا أنتخاشر غلاك اللي ذبحنا بهون .. فيصل قام قعد وهو يقول : بتفارج ياعبدالمجيد ولـه شلـون يعني ....!! عبدالله وهو يضحك : ههههه زيــن زيــن ... ( يغمز له وبصوت هادي وواطي بس ينسمع ) ماأوصيك دق عليهـا لما نطلع ... طلعوا عبدالله وعيسى قبل لا يقوم لهم فيصل . . | ||||
|
| |
|
22-04-13, 10:26 AM
| #8 | ||||
| نجم روايتي ومشرفة سابقةومصممه
| بعد فترهـ مو طويلـه واايــد أنتــرس البيــت تحت بالمعازيـــم وصـــوت الاغـــانـــي حشــــر المكـــــان ومشاعل اللي خلصـت جواهـر من شعرهـا .. زااااادت فضولها تعرف شسالفه لما سمعت صوت الاغاني مشاعل لجواهر : تكفيـن قولي لي شسالفـه ..!!؟ جواهـر : عن اللقافه بتعرفيـن بعد شوي ... وأأبـــتــــدت تمكيــجهــا جواهـر كانت خبيـرهـ بتسريح الشعــر وفنــانــه بالمكيــاج مــرهـ ربع ســاعــه أو أكثر بشوي الا مشــاعل مخلصـه مكيــاجهـا وشعــرهـ جواهر ببتسامه عريضه : فديتني وفديت أبدااعي واللـه .. شوفي نفسج شرايج ؟ مشاعل وهي تشوف نفسها وعلى شفاتها ابتسامه ناعمه : يــاااي روعه جوجو ... تنفعين تفتحيـن صالـون ... جواهـر وهي تضحك : ماأمكيج الا أهلي غيرهم لا ... ( راحت تطلع ثياب مشاعل ) .. يلا أشوف لبسي ثيــابج .. وأنــا بروح أعدل مكيـــاجي ... ذاااب من حرارهـ الاستشوار ههههههه مشاعل : هههههه أوكي جـــات بتطلــع جواهــر بس وقفت وقالت : أول ماتخلصيــن لبس.. تعالي سيدهـ غرفتي لا تنزيلن تحت فاهمه ... مشاعل : أووكــي طلعت جواهـر وراحت تلبس ثيـابهـا مشاعل كــــانــــــت في هاليــــوم مــــــــلاك .. مو .. بشـــــر كـان لبسهـا عبــاره عن قميص جيشي بدرجات اللون الزيتي بدون كم ... ولـه رقبــته طويلـه .. وملمســه نــاعم .. ويخصر جسمهـا الروعه ويبيــن محــاسنــه خاصه انه هي ماهي ضعييييف واااايد ولا متيييينه .. جسمها مناسب وايد عمرها مع بنطلــون باللون الزيتي اللي شبـه الفاتح... و لحد تحت الركبـه بشوي .. بالاضافه الى حزام زايــد رونق لبسهـا مع جوتي بوت بكعب ويخفي اللي طالع من ريلهـا كله .. وشعرهـا البنـي الطويل مثل ماعرفتوا يغطي ظهرها كلـه وهو مدرج ... وجواهر أستشورته لهـا بطريقه تبيـن هالتدرج وكـانت خصلات من شعرها جاايـه على ويهــا .. ولبست أكسسواراتهـا ... وطلعت ملاك ولون بشرتهـا الابييــض ضايف على جمالهـا برييق وأنوثـه بختصــار كــانــت روووعــه هاليــوم بعد ماجيكت على نفسهــا طلعت من غرفتها وراحت غرفه جواهر مثل ماوصتهـا دقت الباب ودخلت بس مالقت جواهـر .. راحت صوب الحمام ( الله يعزكم ) وطقت الباب بس محد رد عليها فتحت الباب مالقت حد قالت يمكن نزلت تحت الصــالـــه ونستنــي طلعت من غرفه جواهر بعد ماسكرتهـا ونزلت من الدري ع الصــالــه اللي كانت هـــااااديـــه تمـــاما ولا كأنــه فيها حد وفوق كل هذا ليتاتهـا مبندهـ مافي الا الابجورات مشغلــهـ مشاعل وهي توخر خصله من شعرهـا عن ويهـا وتحطها ورى أذنهـا : شصــايــر !! أول ماصــارت في نص الصــالــه الا تلمح طرف فستــان ورى وحدهـ من هالكراسي راحت صوب هالفستان وتوهـا بطل الا كل اللي كانوا منخشيــن طلعــوا كلهم : سبــــــــــــــــــــــر ايـــــــــــــــــــــــ ـــــــــــز مشاعل صرخت من الخووف .. الا تشوف جواهــر و شيخه و بالاضافـه للبنات ماتعرفــهم .. أبتسمت ماتدري ليش وأرتبكت بالوقت نفســه الا شيخه جايتها وحاظنتهـا : كل عــــام وأنتي بخير حبيبتــي مشاعل ماردت ...ماتدري شتقول أصلا.. للحيـن مخترعه جواهر : كل عام وأنتي بخير شعوول .. وجات صوبها وحدهـ من البنــات تبارك لهـا .. ووحده ورى.. وحده... لحد ماأستوعبت مشاعل الوضع وغنــوا لهـــا الاغنيه المعروفـه ( هـابي بيرزدي تو يو .. هابي بيرزدي تو يو .. هابي بيرزدي تو شوشو .. هابي بيرزدي تو يو ) وبعدهـا أبتــدى هز الوسط .. ( الرقص ) .. ..وأبتدوا يرقصون على أنغـــام أغاني متنوعه .. كانت القعــدهـ كلهـا بنات في عمر مشاعل أو أكبر منها بكم سنه أما أم فيصل وأم عبدالعزيز وأم غازي وأم حسـن راحوا الصاله الثانيـه وخلوا البنات على راحتهم بالميـلس عند فيصل اللي مايمديـه يستغرق بالنوم الا جوالـه يرن فيصل بصوت نعسان : آآلــوو لولوهـ بصوت هاديه : هـلا حبيبي .. فيصل : هلا حياتـي ... لولوهـ بتسأل : نايم حبيبي ؟!! فيصل ( أأأبيـــخ سؤال صرااحهــ ) : شرايــج أنتــي لولوهـ : آآسفـه حبيبي .. بس شفتك صار لك كم يوم ماأتصلـت قلت أدق عليك أذكرك أني خطيبتك .. فيصل ( أبتدينـا بشغل العتــب ) : آسف ياروحي .. بس أنشغلت مع أخـتـي تدريـن توهـا طالعه من المستشفـى ولوييــهـ ..لازم أقعد معاها شوي لولوهـ بدلع : مشاعل أهم منــي ...!! فيصل : حبيبتي بكلمج بعديـن أوكي ... لأنـي أبي أنــام اللحيـن لولوهـ تضايقت من تجاهله لسؤالها وقالت : أوكي على راحتك ... فيصل ( ولييييييييي ... ياشين البنت لا أزعلت ) : حياتي ...آنتي وينج اللحيـن ؟ لولوهـ : بالبيــت .. فيصل بستغراب : ماجيتي الحلفـه ..؟ لولوهـ : وليش أجي .. عشان تغثني أختك ..... فيصل اللي يدري انه لولوهـ ومشاعل مايتواطنون قال : آآوكي حياتي أول ماأقعد أكلمج لولوهـ : أنطرك تــرى .. فيصل : أوكي .. يلا فمان الله لولوهـ : الله يحفظك حبيبي .. سكر فيصل بعد ماحط الجوال ع الصامت ونام . . بيت بو عبدالعزيز اللي الجو عندهم هــاادي تمــامـا عبدالعزيز طالع مع سـارهـ ( خطيبته ) .. وصالح نــايم .. ومهنــد قاعد يطالع التلفــزيـــون ... وبو عبدالعزيز ... بدارهـ أما فوق بدار طلال كان مستلقي على سريرهـ ويفكر بحالـه وشلون يصلحه ويغيــرهـ ( آنــا أبتــديــت أول خطــوهـ .. والخــطوات اليــايــه بالطريـــج ... لازم أتغيـــر .. طلال الطايش راح .... وحل مكانه طلال يديد طلال مايبي الا مشـــاعـــل .. مايبي غيرهــا ) غمض عيونه بألم ... لما أستعــاد ذكريات مؤلم جدا لــه معــاهـا . . . . . كـانت الســاعه 12 بالليــل وطلال كالعــادهـ سهران ع النــت يكلم الحبايب ( مقسم المسنجر لـ ثلاث أقسام .. الربع , الاهل , الحبايب ) وأتصلــت عليــه مشــاعــل كـ عادتهـا طلال شاف الرقم وحس بضيييق وكأنها عكرت عليه الجو : شتبي ذي .. مو جنهـا أذتني .... مو مصدقه أنهـا أنخطبت ..والله حالـــه !! ( ضغط ع الزر الاحمر عشان يرتاح من صوت الرنيـن ) وكمل سوالفـه ع المســن .. اللي منقسمه الـى غــزل .. و ....... غـزل .. و ... غزل !!!!!!! ردت أتصلت مشاعل وطلال سوى نفس الحركـــه : ياعمي فكينـي زيــن ... ماتدري انه عيب تتصل هالحزهـ ...لو أنـا نايم والله لا أقوم لهـا وأكفر فيهـا دلوعه الماما هذي ورد يسولف مع هالبنات اللي نصهم متعرف عليهم من منتديات والنص الثاني من الشات وردت للمره الثالثـه أتصلت مشاعل طلال بتنرفز : يااااااااااللـــــه ... صج لزقــه هالادميـــه .... ( رد عليهـا ) طلال : نـــعــــم ..!! مشــاعل : مسـاء الخير حبيبي .. طلال : مساء النور ... نعم بغيتي شي مشاعل : شفيــك ! طلال : يعني شفيني .. تدريـن كم الساعه اللحيـن .. النـــاس بأخر الليــل شتسوي ..!!!! تنـــام .. تعرفيــن يعني شنو تنام .... مشاعل اللي تعودت على هالجروح اللي تجيها منه بالايام الاخيره " قبل لا يفصخ الخطوبه " : عمري كنت نايم ..!! طلال : لا قاعد أغنــي وأرقص ومكييييييف ... وصوت ضحكي يوصل لأخر بيت بالفريج ..... آآكيد نايم عيل انطرج !!؟ مشاعل جاتها غصه : حبيبي ليش تكلمني جذي طلال : متضاااايق .. متنرفز ... مقهــوووور ... تبين كلمات بعد ولـه خلاص مشاعل بصوت واطي جدا أشبه بالهمس بعد ماخنقتها العبرهـ : متضايق مني .. طلال : وليش شاكـه بروحج ..؟؟؟... حاسه أنج مضايقتني بشي ؟؟ مشاعل : لا طلال : خلاص عيل مو منج .. يلا فمان الله أبي أكمل رقادي ... خاطري ليله تمر علي أأنـــام فيها بدون أزعاج مشاعل نزلت دمعه حارهـ على خدها وقالت : اللحيـن انا صرت مصدر أزعــاج طلال : وليييييييي .. شفيج يبه شاكه بروحج .. يعني محد يتصل لي غيرج ..... حياتي ترى هالرقم كل ربعي يتصلون عليه مو أنتي بس .. يعني يابعد روح روحي ... هالرقم مو مطلعه من كيوتل خصيصـ ( ن ) لـــج ..!!! مشاعل ماردت وأبتدت تصيح بصمت .. رغم انه صوت شهيق خفيف كان يبين طلال ( أأأبتـــدت بس ..... على بالها دموع التماسيح ذي بتأثر فيني ) : ... حياتي يصير أأسكــر .. ولــه .. مضطـر أسمع السنفونيـا الحلـوهـ ذي ( يقصد صوت صياحها ) مشاعل بصوت يالله يبين من صياحها : فمان اللـهـ ( وسكرت ) طلال وهو يحذف جواله على سريره : مع ألف ســلامهـ ... ع بالهـا بتعور قلبي بهلـ كم دمعه .. ياعمي طيري زين .... ليلتهـا مشاعل مانامت حظنت مخدتهـا بكل قوتهـا ودفنت ويهـا فيهــا وأطلقت العنــان لدموعهــا ومــرت هالليــلـه ومشــاعــل سهرانــه ودموعهـا تواسيهـا تسكت شوي وتزيد بصياحهــا وطلال ولا مفتكر .. طايح ضحك ومغازل ع المسن واليـوم التــالي وصل لطلال مسج من مشــاعــل اللي كــانت متعلقه فيه بشكل مو طبيعي ... تقدرون تقولون ذااااالــه روحهـا ذل وطلال مستمتع بهلـ شي كانت الكلمــات بالمسج تقول توني حسبت حساب بعدك وفرقاك ، توني دريت إني بدونك ولا شي .. خليتني ما بين طيفك وذكراك ، عذبت حالي ليش ما ترفق شوي ؟ إرجع ولو تامر على الروح تفداك ، إرجع تراني شفت الموت وأنا حي ! طلال ضحك بستهزاء وقال : واللـه البنات ينقص عليهم بكلمتيـن .... عبالها برد عليهـا .. خل تتنقع جنب الجوال ..وأذا تفرغت لهـا أأأأأأفكــر أتصل مــر اليــوم وطلال مطنش لا أتصل ولا رد بمسج ومشاعل زادت بهمومهـا ودموعهـا اللي كانت رفيقتهـا بهلـ الالم . . . نزلت دمعه من عيــون طلال وهو يذكر ذيج الايــام بس مسحها وقال بصوت وااطي هادي : آنـــا آكبـــر حقيييــر بالدنيــا ذي كلهــا ... أنـا ماأستـاهل أكون أنســان .... ( فتح عيونه وعينه معانقه السقف ) ... محتـــاااجج حييييـــل يامشـــاعــل ... حييييــــل نرجع لبيت بو فيصل اللي الفرح والضحك والاغاني مسيطرهـ على الجـو هالحفلـه حسست مشاعل بقربهـا من أهلهـا .. ومن رفيجات أختهـا وقربتهـا أكثر واكثر من شيخـه وأستلمت هداايــا شكثر صــارت الســاعه 11 بالليــل وطلعـوا المعازيم اللي أستانسوا بالقعــدهـ وبقـوا بس أم عبدالعزيز وبنتهـا ينطرون الدريــول شيخه اللي كانت قاعدهـ جنب مشاعل : من قدنــا دخلنــا الـعــشريـــن .. ههههه مشاعل أبتسمت وقالت : حاسـه روحي تونـي داشـه سنه .. مو 20 سنه ..لاني ماأذكر ولا شي من السنين اللي طافت أم عبدالعزيز تهون عليها : وشتبيـن تذكرين بالماضي ... في ناس تتمنى تنسى ماضيهـا وأنتي تبينــه!!؟ مشاعل : تتمنــى تنسى ماضيهـا أذا كان كله ألم وجروح وأحزان .. بس آآنــا .. ماردي أذا كان ماضيي حلو ولــه .... أم عبدالعزيز سكتت ماعرفت شتقول لهـا الا جواهر دشت عليهم وفي يدها صحن عصير : تفضلــوا ... وأبتدت توزع عليهم لحد ماوصلت لشيخه شيخه : بس خلاص ... من جينا وأنتي تشربينـا عصير ... شنو أدمــان هو هههههههه جواهر بدلع زايد جمالها : يلا عاااد .. عن الطنازهـ .. وله ترى بعلم ريلي ... مشاعل بستغراب وهي مازالت مبتسمه : من ريلج ... جواهر وهي تعطي أختهـا عصير : مهنــد ... فديته .... شواخي خطبتني له مشاعل ضحكت وقالت : ههههههه ... على مايكبر الا انتي عيوز جواهر ضحكت وقالت : تطنزيـن يالدبــه .. أوريج خل ترووح شيخووهـ بس شيخه وهي تحضن مشاعل : مابروح بقعد أحمي حبيبتي شعوول تبين تذبحينهـا .... قطع سوالفهم صوت باب الصاله وهو ينفتح ويدخل بو فيصل بوفيصل اللي مازال واقف عند باب البيت : درررررب ..درررب ... أم عبدالعزيز تغطت وشيخــه لفت شيلتها عدل بما انهـا كانت لابسه العبايـه من شوي عشان أنهم خلاص بيروحون أم فيصل : حياااك يابو فيصل دخل بوفيصل وقال : الســلام عليكم كلهم : وعليكم السلام ... جواهر لمشاعل بهمس : قومي سلمي على أبوج ... مشاعل ماتحركت مستحيــه لانهـا أول مرهـ تشوفـه بو فيصل طالع مشاعل وقال : مشــاعــل .. تعالي مشاعل أنتفض قلبها وقامت وراحت صوب أبوهـا وباسته على راسه : هــلا .. يـ ..يبــه بو فيصل ببتسامه : هلا يابنتي ... شلــونج .. شلون صحتج مشاعل نزلت ويها بخجل : الحمداللـه زيــنــه .. بوفيصل وهو يطبطب على راسها بحنان : دوم أن شاللـه ... ( رفع ويها وقال ) .. شبلاج مستحيـه مني آآنــا أبــوج ماني ريال غريب مشاعل طالعته وصارت خدودهـا حمـــر بس الله يخلي المكياج اللي خاش حمرت خدودهـا بو فيصل : روحي يمه .. قعدي معاهم .. راحت مشاعل وقعدت جنب شيخه وأبو فيصل أنصرف وراح فوق شوي الا صوت الهرن برى أم عبدالعزيز وهي تقوم : يلا احنا نستأذن شكله غلام وصل ( غلام الدريول ) مشاعل قامت وهي تقول : لحظه بطلع معاكم .. شيخه : بسرعه ترى مابننطرج مشاعل راحت فوق بسرعه تجيب عبايتهـا بما أنه لبسها مو محتشم وااايد وعيب تطلع الحوش جذي لبست عبايتهـا ولفت شعرهـا ولبست شيلتهـا وطلعت بسرعه لقتهم للحيـن بالصالـه مشاعل : عبــالي رحتوا عني ههههه جواهر : كانوا بيروحون بس أنــا قلت لهم .. مافي طلعه شعول قالت تنطروني يعني تنطروني ههههه طلعــوا كلهم ورااحـــوا صــوب السيـــارهـ ومشاعل لاهيـه بالسوالف مع شيخه .. بينمــا جواهر تمت داخل ماطلعت وراحت فوق غرفتهـا أمــا ام فيصل طلعت معاهم عشان توصل أم عبدالعزيز وشيخه لسيــارتهم وصلوا لعند باب الشارع اللي كان مفتـــوح على مصراعيـــه وكــــــــــــــانـــــــ ـــــــــــت الصدمه لهم كلهم بستثنـاء مشاعل اللي لما وصلتهم عند باب الشارع دخلــت داااخـــل أم فيصل بهمس لأم عبدالعزيز : ولدج هذا شيسوي هني .. أم عبدالعزيز اللي ارتبكت وماعرفت شتقول بنفسها ماتدري شللي جابــه : علمي علمج ... أم فيصل عصبت وقالت بهمس : ليش ماقلتي لي أنه طلال اللي بيجيج .... مو الدريول ... أم عبدالعزيز : مادري والله ياأوخيتي .. أنا كلمت الدريول وقلت له يجي .. ماقلت لطلال يجي أما شيخه أرتبكت لما شافت أخوهـا نزل طلال من السيــارهـ وراح صوب مرت عمــه طلال لمرت عمه : السلام عليكم .. أم فيصل اللي كان باين الغضب على ملامح ويها : وعليكم السلام .. طلال : شلونج خالتــي أم فيصل بنفاذ صبر : بخيـــر .. طلال لأمه وأخته : يــلا يمه .. مشينــا وطلعــوا كلهم ... وحرك من جداام بيت عمه ودخلــت أم فيصل دااخل وهي تحمد ربهـا مليــون مرهـ أأنــه مشاعل دخلت دااخل وماشافت طلال . . بسيـارهـ عند طلال أم عبدالعزيز بغضب : أنت شجااايبــك هــا .. ماتعلمني .. قطعت ويهي جدام المرهـ .... يعني أنت ماتتوب .. ياليت بو فيصل شايفك عشان يعلمك شغلك طلال مارد وكان عاض على شفته وعينه معانقـه الطريق جدامه وباين الهم على ويهـا أم عبدالعزيز : اكلمك أنــا رد علي .... ماتتوب أنت مااتتعلم ... ويهك هذا مافيه ذره حيــااا .. تسوي سواتك وتجي تحوس حول بيتهم ... طلال بنبرهـ صوت هاديه مثل ماتعودتوا عليه : جيت أخذكم .. ماكنت احوس حول البيت أم عبدالعزيز : جيت تاخذنـا وله عندك أمل تشوف مشااعل ... طلال مارد عليها كلامها يعور .. ويجرح القلب ..... بس هو يستاهل كل هذا أم عبدالعزيز : وغلام ويــن .. شحقه ماجــا ... طلال : آآنــا قلت له لا يجيكم ... أنــا بمر عليكم أم عبدالعزيز : تدري لو درى ابوك أنك دخلت بس فريج عمك بدر شراح يسوي فيك ........... وكمل التهزيئ المحتــرم من أم عبدالعزيز .. بينمـا طلال ماكــان معطي كلام أمــه أأي أهميــه هو أصلا مايدري شللي خلاهـ يقول حق غلام لا يروح لأمه وأختــه ... هو بروح .. يمكن لانه كان ودهـ يشوفهـا ولو مرهـ لكن رد بقلبه بصيص أمــل لما لمح مشاعل وشاف ملامحهـا بس للأسف هي دخلت داخل ولا حتى طالعته .. . . . نهـــايـــه الــجــــزء الخامس | ||||
|
| |
|
22-04-13, 10:28 AM
| #9 | ||||
| نجم روايتي ومشرفة سابقةومصممه
| الجزء السـادس صبـاح مشرق ...وطيور مغردهـ ...وأشعـت الشمس تعلـن عن بدأ يــوم يديد في بيـت بو عبدالعزيز وبغرفـه طلال اللي كان قايم مبجر وبدري واايد بعد عشـان اليـوم هو أول يوم لـه بالدوام في الشركهـ بعد مالبس وكشخ .. طلع من البيــت ركب سيـارتـهـ وسيـــدهـ ع الشركــه ......عشـان يبــدأ ...... صفــحــه يديدهـ في حيــاتــهـ بيت بو فيصل الساعه 8 ونص الصبــح كـانــوا أم فيصل وعبدالله وعيسى ومشاعل وجواهر وفيصل ( فيصل وعبدالله ماخذيـن اجازهـ ) يتريقـــون ومجتمعين كلهم على طاوله الطعام كان الهـدوء هو سيــد الموقف محد يتكلم كل واحد ياكل وهو ساكت لحد ماقرر فيصل يقطع هالسكوت : شلــون كـانت الحلفـه أمـس ..!! مشاعل رفعت عينها لفيصل وقالت : كــانت حلــوهـ واايـــد .. آستانسـت فيصل هز راسه بالتفهم و مارد عليها وكمل أكلـه شوي الا عيسى لأمه : يمه باجر بروح الشاليـه مع الربـع ... أم فيصل : وشلـ مناسبــه عيسى : ماكو مناسبه طلعت شبـاب رايحين نغير جو ... أم فيصل : أعتذر منهم ... لانه أبوك مخطط أنه نروح السيلين يوم الخميس نطت جواهر بفرحه : قووووولــــــــي واللـه ... أم فيصل أبتسمت لتلقائيه بنتها : شفيج مو مصدقــه .. جواهر بفرحه اكبر : ياااااااااســــــــلام ... بنروح السيليــن أأأأأحلـــــى شي عبدالله يبي يحرها بس : ماعندنـا بنات يروحون السيليـن وأذا رحتي بتميـن بالسيـارهـ جواهر لعبدالله : أنت أووص ولا كلمه محد كلمك داام أبوي راااضي بسوي اللي يعجبني ... وبركب بطبطه بعد أذا مو عاجبك عبدالله لجواهر : زيـن زيـن يبه .. أسفيــن كلتنـا ,,!!!!! مو لسان عليج أعوذ بالله عيسى وهو يضحك : هههههههه اللي يسمعج يقول بيسفرونها لندن وله باريس .. بنروح السيلين وبتخييسيـــن حر .. جواهر وهي تقوم : عاااااااادي .. أنا أبي أخيس حر .... ياااســلام .. بطير من الوناسه ( تكلم أمها ) .. يمه عادي أعزم رفيجاتي ... أم فيصل : آآكيــد لا .. مو عادي .... أبوج قال بنخليها طلعه عائليه جواهر بأحباط : لا تقوليـــن ..!!. بيجوون معانا عيال عمي سلطان ؟...زهقنا من كثر مانشوفهم أم فيصل هزت راسها بالايجاب فيصل لأمه : بيجون كلهم ... أم فيصل : آآيـه كلهم عيل نصهم فيصل بتلميح أكثر : كلهم كلهم ..!!!!! أم فيصل : آآآآيـه يبه كلهم كلهم .. فيصل يحاول يفهمها قصدهـ : يعني .. بنات وشباب عمي كلللللللللللهم بيجوون ... أم فيصل اللي للحيـن ماوصلتها المعلومه : آآآيه يافيصــل شفيــك .. كلهم بيجــون .. فيصل وهو يأشر لها بأيده : صبري صبري يمه ... وحدهـ وحدهـ شكلج مو فاهمه علي .... (يأكد ع الكلام) الشبــــااب .. كلهم بيجــون أم فيصل بنفاذ صبر : آآآآيه يايبه كلهم عبدالعزيز وطلال وصالح ومهند فيصل تغيرت ملامحهـ .. ومشاعل تطالعهم بستغراب ... عيسى عشان يلطف الجو ومايثير شكوك مشاعل : تلاقينه مشتـــاق للحب يبي يتأكد أنهـا بتجي عبدالله : هههههههههههه واللــه مشكله اللي يحب فيصل : أنطم أنت ويااهـ ... أشوفكم ماسكيـن على من امس الحب والحب ... شنو محد خطب بالدنيا غيري عيسى بغشمرهـ : آآسأل نفسك .. مو قادر تصبر عنها دقيقه ... فيصل بلهجه جديـه: تشوف صحن البيض اللي جدامك .... أذا مابلعت لسانك ... صدقني أقلبه عليك عبدالله : أأوهـ بعد مانرضى .... جواهر تغير السالفه : المهم المهم ... متى بنروح باجر ..!! أم فيصل : مادري والله عن أبــوج .. لا رجع اليوم سألــوهـ ... عيسى وهو يقوم : عيل خل أروح أبلغ الشباب أنه الرحله أنلغت للأسبوع اليـاي ... ولـه لا لا ... لما نرجع من السيليـن .. على طول اليوم الثاني أروح الشاليـه أشـ وراي يبه خل أونس روحي .. عبدالله : آآآيهـ قاعد بالبيت بطالي لا شغله ولا مشغله وكل يوم والثاني هياته من مجمع لمجمع .... ياأخي أنت عايش حياتك بدون هدف .. فيصل : آآيه واللـه ... أحنا ننكرف كراف اليهد بالشركه وهو ماعليــه .. قاعد مريح بالبيت ومصروفه يجيه لعندهـ .. شكبرهـ وياخذ مصروف من أبوه عيسى لعبدالله وفيصل : ياعمي أنتوا شحاركم .. شباط جبدك .... وبعديـن أذا على الشغل ... ترى الشركه مابقى حد من العيله الكريمه الا وراح رز ويهاا ...أبوك وعمك وأنت وأخوك وعزوز وشكله ويه النحس معاهم بعد ...( يقصد طلال ) .. جواهر : زيـن مب لازم تشتغل بالشركه الله مكثر الوظايف عيسى : لا يبه .. قدم أوراقك وخرابيطك وأنطر ياحمار لين يجيك الفرج فيصل : شهلـ الالفاظ اللي تستخدمهـا ؟؟؟؟؟؟؟؟؟ عيسى ببتسامه عريضه : أوهـ نسينـا الشيخ فيصل لازم نتكلم جداامه بذوق واخلاق ورزاانه ( يغمز له ) .. تدرون بعد .. معرس الاخ ,, يبي يتعلم أصول الذراابــه ( وراح طيران داااخــل ) فيصل : هذول اللي بيكرهوني بالساعه اللي فكرت فيها أتزوج ... ( يكلم أمه ) يمه تكفيـن زوجيهم خلـ ألعب بحسبتهم شوي أم فيصل : شنو لعب يهال هو ... وبعدين خل اخلص منك أنت ... وعقب سنه أفكر ازوجهم ,, الا عبدالله ناط وشكله ماعجبه الكلام: لا واللـه... قولي قسما باللـه ... لا لا .. تكفيـن حلفي ,,قولي قسم !!! أم فيصل : آآيه وأنا الصاجه ... العرس يهد الحيل .. أنتوا شعليكم طقطقه وكوشه ترتز فيها انت ومرتك وعلينا أحنا ياأهل المعرس والعروس نجيب ونجهز ونحط ونشيل ونشوف و .. و ..و .. ساالـــفـه يبه عبدالله : يعني تزوجون فصول وأنا لا ... هذا تميز عنصري فيصل : شــــــــــــــدخــــــــ ــــــل من قلب ياشيخ عبدالله بلهجه تشبه التهديد : زيــن ... زيـن ..لا تزوجونـي خلـ أقعد على قلبكم أنتي والوالد على بالكم بفج .. عشان تعيدون ايام شهر العسل .. لا يبه لا .. عناد فيكم قاعد على قلبكم قعده .... كاااااتم على نفسكم هيييــن ...بس هيـــن أم فيصل : صج أنك ماتستحي ...عيب تقول هالكلام عنا أنا وابوك عبدالله اللي متعمد يحرج امه : وأنا الصاج ... بعد قولي أنج ماتتمنيــن ترجع أياام الغزل والكلام اللي ينقط عسل ... والخدود اللي صارت حمرهـ من كثر مايصبحج غزل ويمسيج بغزل .. أشكرهـ تدعيـن كل يوم ... ( يسوي روحه يدعي ) متى أزوجهم وأفتك ويفضالي البيت متــــى !!؟ مشاعل فتحت عينها على كبرها من كلام عبدالله : عيب عبدالله شهلـ كلام أم فيصل اللي أنحرج بس تحاول تخفي هالشي : هذا أخوج ويهـا ممسوح منه الحيــا عبدالله لمشاعل : خليني أفضفض ... مقهووور منبطه جبدي ... صار لي سنين وأنا أنبح أبي أتزووووج .. أبي أتزووووج ... زوجوووني وزووجووونـي ومحد معطيني وي ,,, واخر شي راحوا زوجوا فيصل مادري صوتي لهدرجه يشابه صوتـه .. على بالهم هو اللي كان يحن ...؟؟؟؟ جواهر ضحكت شوي وقالت : وأنت شفيك مستعيل ع الزواااج .. في وحدهـ بالبـال ؟؟ عبدالله : لا وحده ولا ثنتيــن ... أنا ريال أدور الاستقرار حرام فيها شي ... ( يوجه الكلام لأمه ) ترى في أمهـات يحنون على عيالهم عشان يتزوجون وعيالهم مايبــون ... ( يوقف على حيلــه ويدور حول نفسه ) وأنــا كاني برسم الخدمه جايج أقول لج أبي اتزوج تقوليـن لي بعد سنـه ... ( رجع قعد) بعد سنه .. من الحي ومن الميـت أم فيصل : تراك أذيتني .. خلصت أكلك ؟؟ عبدالله بعد مانظف الصحون اللي جدامه ( يعني أكل كل اللي بالصحون ) قال بعبط بس يتصنع الجديـه: مسوي أضراااااااااااااااب ... ماتوا كلهم من الضحك على حركات عبداللـه .. . . العصــر . . كـان بو فيصل راد من الساعه 12الظهر ونايم لحد الساعه 4 وقام ونزل الصـالـــه لقــى جواهـر قاعدهـ تطالع التلفزيـون وعيسى منسدح جنبها ( مخلي راسه بحظنهـا ) بو فيصل : السلام عليكم كلهم : وعليكم عيسى وهو يستعدل بقعدته : هــلا يبـــه ... عاش من شافك بو فيصل عطاه نظرات لانه فهم قصده وقعد على الكرسي : جواهر يبه قومي سويلي شاي ... جواهر وهي تقصر ع التلفزيـون : آن شاللـه يبــه .. بس يبه متى بنروح السيليــن ... بو فيصل : باجر أن شاللـه .. لانه اليوم أنـا مشغول ... جواهر: آآهــاا ... آوكي خل أقوم أسوي احلى شاي لأحلى أبو ... ( وراحت المطبخ ) أخذ عيسى الريموت وطول ع التلفزيـون كـانوا حاطيـن أغنيــه لوحده من هالمطربات اليـداد بوفيصل بغضب خفيف : شهلـ سخافات اللي تطالعهـا .. غير القنــاه أشوف .. عيسى غمض عيونه وقال بقلبه ( آآآبـــتـــدينــا بشغل الشيــاب ) وغير المحطه حط على مسرحيه للفنان طارق العلي بو فيصل : ...خلـه خلــه ... عيسى حط الريموت جنبه وأخذ مخدهـ وأنسدح على ظهر .. وقعد يطالع .. وكل شوي ضحك واحد منهم ... بس ضحك عيسى حدث ولا حرج ... أقل حركه تصير بالمسرحيه تضحك عيسى دقايق الا جواهر طالعه وبيدها الشـاي جواهر وهي تمد الشاي لأبوها : تفضل يبــه بو فيصل : دام فضلج ... ( وأخذ الشـاي ) .. تسلميـن يبه جواهر ببتسامه : الله يسلمك .. بس أنت ذوقه بالاول يمكن مايعجبك ... بوفيصل ببتسامه : دامه منج بيعجبنــي .. جواهر أستانست لما أبتسم ابوها لهـا وراحت بتقعد مكانها بس الاخ عيسى احتل المكـان : عيســووهـ شيل ريلك أبي أقعد عيسى قام وهو يقول : أخذي الكرسي كلـه أنــا أصلا كنت بقوم ...( قعدت جواهر ) بوفيصل : على ويــن ؟؟ عيسى : بطلع أدور بالبيـت متملل ... بوفيصل : وأختك وينها عيسى : تلقاها بالحديقه ... من سوت هالحادث وهي كله متنقعه هناك الله يرحم أأيــام الدفااشه اللي فيها .. صارت رومنسيه الاخت بوفيصل تذكر شي : أأي ماقلت لي ...؟!! لين متى بتم على هالحال عيسى : آآي حال ؟؟ بوفيصل يوضح سؤاله : متى ناوي تشتغل ... وله بقعد أصرف عليك أنا .... تراني ماني دايم لك عيسى ( ياهلـ شغل اللي علوا قلبي فيه ) : عن قريب أن شالـلـه بوفيصل : متى ؟ عيسى : متى ماالله أراد .. راح أشتغل ... يلا عن أذنكم وطلع الحديقه لقــى مشـاعل قاعده على الكرسي وجدامها مجله قاعده تقراهـا عيسى ( خلـ أروح أغثها شوي ) راح وقعد على الطاوله وقال : السلام عليكم والرحمه مشاعل طالعته ورجعت تقرى المجله وقالت : وعليكم السلام عيسى : الــجـــو حلــو اليـــوم ... مشاعل ماكلفت روحها تطالعه ولا ترد عليه عيسى : شرايج نطلــع .. مشاعل اللي عينه مازالت معانقه المجله قالت : مالي خلق أطلع... عيسى : مالج خلق تطلعيـن .. وله مالج خلقي !! مشاعل طالعته وسكتت شوي ورجعت تقرى وقالت بطريقه مستفزه : الاثنيــن عيسى وهو يتسند على الكرسي : آآهــاااا .. قولي جذي من الاول ,, مشاعل وهي تسكر المجله : آآبي أعرف شي واحد بس .. آآنــتـ ليش تحاول تستفزني بأي طريقــه؟ عيسى : شسوييــت اللحيــن ..؟؟؟؟ قاعد بمكاني لا لي ولا علي مشاعل : تدري انه علاقتي معاك مو لذاك الزود وتجي الحديقه ترتز جدامي عشان تغثني بس!!؟ عيسى : واللـه لا صارت الحديقه مكتوبه بأسمج ساعتها لج الحق تطردينـي مشاعل طالعته بقهر وقامت شالت المجله عيسى : ترى شوفي .. مهما سويتي ماراح أزعل عليج لاني أدري انج ماخذتي علي للحيـن .. بس صدقيني بيجي يوم بتفقديني فيــه راح تندمين على هالتصرف .. بس الله العالم اذا فارقت هالدنيا ... راح تكون الذاكره رجعت لج ... ولـه فاقدتهـا ...!! مشاعل تفاجأه من كلامه ألتفتت علي بسرعه : شهلـ كلام ..؟ عيسى : واللـه ياحياتي أنتي .. محد بيعمر بالدنيـا ..... مشاعل راحت صوبه وقالت بغضب : لا عاد تقول هالكلام مره ثانيه تفهم ,,, عيسى : وليش خايفه علي !! ... آصلا يوم الهنا عندج لما تسمعيـن خبري ... مشاعل صرخت عليه : عـــــــيــــــــــــــسـ ـــــــــــــــــى ... خلاص عاد عيسى قام وقال : ع العموم أنا قلت اللي عندي ... ومهما سويتي بتضليـن اختي .. وعقلج للحيـن عقل ياهل .... ودلووووعه بزيادهـ .. يعني يبيلج فترهـ ليــن تتقبليــن وجودي بحيــاتج .. ( قرب صوبها وحط يده على ويها برفق) .. بس حاولي تتقبليـن وجودي بسرعه .. لانه محد يدري متى يــومــه ... عن أذنــــــج .. ( وأبتــعـــد عنهــا وراح صوب سياير البيــت ركب سيـارته وطلع ) مشاعل حست بغصه من كلامه قالت : ياخايس يالحمــار .. آآآآكرهـــك .. يقول هالكلام عشان يحسسني بالذنب ,,, عند عيسى اللي طلع من البيــت قال ببتسامه كلها مكر : أنتي فقدتي الذااكرهـ أأيــه .. بس أأحاسيسج ومشاعرج ماتغيــر ,,,, وعرفت شلون أجيلج من البـاب اللي تكرهيــنــه وهو باب الفراااق .. وأأكيد ماراح تتقبل فكرهـ أنها ماتشوفني مرهـ ثانــي ... لانه مازال مكاني موجود بقلبهـا بس هي اللي تتحاشاهـ . . بيت بو عبدالعزيز الســاعه 7 بالليــل وبغرفه طلال اللي مطفي ليتات الغرفه ومشغل الابجوورهـ اللي منورهـ المكان شوي وضايفه جو رومنسي وهادي على الغــرفــه كـان مشغل المسجل وحاط على أغنيــه ... اعترفلك في البدايه كنت ابتسلى فهواك جيتك وقلبي معايا رحت وظل قلبي معاك كنت لاهي كنت سالي كنت ماخذها تسالي كنت ماشي بس فجاءه طحت كلي في هواك كنت ابيك تموت فيني واستلذ انك تبيني كنت ابي تمشي ورايا صرت اناامشي وراك . . بند المسجــل عند هالمقطع وسند راسه على السرير وغمض عينه بألم وحرقـه ... موقــادر ينساهـا ولا يشيلهـا من بالــه .. قطع حبل أفكــارهـ القصير .. لـولـوهـ اللي دخلت وهي متسنده على الباب : حشــى كلـه هذا صمخ فيك ؟؟ ( أنتبهت على ليتات الغرفه المبندهـ ) ... بسم الله الرحمن الرحيم شبلاك مطفي الليتات وقاعد بهلـ ظلام .. ينـي ( جني ) ...؟؟!!!!! طلال وهو يطالعها بحده : شتبيـن ؟ لولوهـ وهي تشغل الليت : أول شي ... مب زيـن تقـعد بالظلمه وتسمع أغــانـــي عايف روحك أنــت ...!! وثاني شي .. صار له صلوح سااعه يطق الباب عليك وأنت مطنشه ... طلال بملل واضح: مـاسمعتـه .... لولوه وهي تتخصر : آآآكيــد مابتسمع وأنت مطول ع المسجل ورايح بعالم ثاني عند هالخبلـه ... طلال بغضب : لولوووهـ .. ألزمي حدودج هــااا .. ترى كلللش مالي خلق شي لا تحديني اطلع الحره اللي فيني كلها فيج لولوهـ قالت بستهزاء : لا بعد قوم عطني كف ... !!؟( بجديــه ولــهجه تستفز ) ... أسمع ....ابوي يقول باجر بنروح السيلين أحنا واهل المينونه بنت عمك ..... وأأأذااا حظرتك جيت معــانــا ماتقعد تقز الشيخه مشاعل .... عشان لا يقومون لك عمي وعياله وبالاضافه لأبوي ويفقدونك الذاكره انت بعد و .. ( تسوي روحها تفكر .. ) أمممم .. وأأنزل تحت اللحيـن خل أبوي يكمل لك التعليمـات ... ( رفعت واحد من حواجبها بغرور ) عن أذنك .. يالعاشق المتعذب ... ( وطلعت من غرفته بعد ماسكرت الباب ) وخلت طلال يغلي من الغضب والقهـر ... تم قاعد بمكانه شوي لحد ماهدت أعصــابــه وقام طلع من غرفته على الصاله مالقـى أأبــوه .. شاف صالح بطريجه قال له : صلوووح .. آآبــوي وينه !! صالح : برى ... مع عزوز طلع طلال ولقــى أبــوه وعبدالعزيز قاعديـن على الدري اللي جدام باب الصاله طلال وهو يوقف بعيد شوي عن أبوه وعبدالعزيز .. وقريب من باب الصاله : هــلا يبــه بغيتنــي ؟ بو عبدالعزيز بلهجه تحمل كل معاني الجد وهو يلتفت عليـه بدون مايتحرك من مكانه : آآآي بغيتــك ... ويــنك صار لي ساعه مطرش لك صلووح ..!! وله تتصيمخ !!؟ طلال : ماأنتبهت لصالح ... لولوهـ اللي مناديتني ... آآمر يبـه شبغيت بو عبدالعزيز وهو يصد عنه : تعــال قرب شبلاك واقف وراااي ... طلال سكر باب الصاله وطلع ونزل من الدري اللي يتكون من 5 دريات ووقف جدام أبوهـ بو عبدالعزيز : باجر بنروح مع عمك بدر السيلين وصلك الخبر وله .. طلال : قالت لي لولوهـ بو عبدالعزيز : وأظن تعرف الاشياء اللي ماأبيها تصدر منك لا رحنا هناك طلال اللي حاس روحه ياهل من كثر مايعيد عليه أبوه هالكلام كل مره : عــارف .. بو عبدالعزيز وهو يطالع طلال بنظرات جااافــه : خلاص طس من جدامي ... طلال ركب الدري ودخل داخل البيت وراح غرفته .. وسكر الباب .. وقعد بعــالم أحزانــه ... وهمومـه . . برى عند بو عبدالعزيز وعبدالعزيز عبدالعزيز اللي كاسر خاطره طلال : يبه ليش تعامله جذي ... ترى طلال تغيــر بو عبدالعزيز : هذا أخوك الهيس مايتغير لو بعد مليون سنه ... ولدي وأعرفـه زيـــن .... أأنــا الغلطان اللي قلت لعمك أبي ولدي ياخذ بنته عبدالعزيز وهو يطالع جدامه : واللـه يايبه لو تعرف شكثر ندم طلال على كل اللي سوااهـ جان كلكم سامحتوه بو عبدالعزيز بنبرهـ حاده : والله أنت اللي على نياتك وقلبك طيب وكل كلمه يقولها لك تصدقهـ ( ألتفت عليه عبدالعزيز ) ... بذمتك ياعبدالعزيز ... كم مرهـ قالك أنه تــاب .. وأنــه تغيــر ..كم مرهـ عبدالعزيز يحاول يقنع ابوه: بس هالمرهـ غير ... بو عبدالعزيز : لا مو غيـــر .. تذكر لما راح حق عمك البــيـــت وكسر سيــارتـــه ..؟!! ليش أنه ضربه كف جداام عيال عمك وجدامكم بسبب وقاحته وطوول لســانــه لما طلب أنه يتعيــن بالشركــه شقلت لي أنت .. مو قلت لي أأنــه تغيــر !!!.. وبعدها بشهر مادري أقل تهاوش مع فيصل باليـــد وبغى يذبحـــه .. عشان فيصل قال له أأنــه مايستاهل أأخـــتــه .. وبصراحه الريال ماجذب هذا الصج وهم قالك أنه تغيـر وتـاب ( يصد عن عبدالعزيز ) ... وغيرهـا سوالف واايد وأخرتهـا سالفه فصخ خطووبــتــه من بنت عمك هالمسكيــنــه ... وقالك انه تغير وتاب ... هذا ويهي أذا ماطلع لنا بشغله بعد ... عبدالعزيز اللي يحاول يطلع عذر من تحت الارض : بس قبل غير واللحيـن غيــر ... طلال تغيــر صدقني يايبــه ..... كان طايش وركد اللحيـن بو عبدالعزيز يغير السالفه : شوف خلنــا من أخوك .. طاريه يستفزني ..... شسويت ع الاوراق اللي قلت لك عنهـا وكمــلت سوالفهم عن الشغــل والشركــه . . | ||||
|
| |
|
22-04-13, 10:29 AM
| #10 | ||||
| نجم روايتي ومشرفة سابقةومصممه
| بيت بو فيصل كـانت مشاعل قاعدهـ بالصـالـه تنطر عيسى يرجع .. كلماته عورت قلبهــا .. رغم أنه حركاته تنرفزهـا ساعـات بس فكرت بكلامــه عدل .... دخل عبدالله وسيــده ع المطبخ قامت مشاعل وراحت المطبخ حق عبدالله : عبدالــلـــه .. عبدالله اللي قاعد يحط دلال ( جمع دلـه ) الشـاي بالصيـنيه وياخذ قلاصات : عيـــونــــه وقلبــه ... مشاعل بلمحه خجل خفيفه قالت : عيسى وينــه .. من طلع العصر للحيـن مارد .. عبــداللــه وهو يتأكد أنه كل شي موجود : هممم ..!! واللـه مادري .. دقي عليه شوفيـه وينه مشاعل بتردد : هاا ..!!؟ أدق عليـه !! عبدالله اللي مو معطيها كله أنتباهه : آآي دقي عليــه ( يفكــر ) .. شبــاقي بعد !!؟؟؟ .. ( تذكر ) أأأي وأنا اقول أشـ ناسي ( راح فتح الكبت اللي بالمطبخ وطلع قوطي البسكوت وحطه بالصينيـه) .. شال الصينيـه وطلع من المطبخ وقفت مشاعل بمكانها شوي تفكــر تاخذ رقم عيسى وله لا ... لحقت عبدالله اللي مو قادر يفتح باب الصاله لانه شايل الصينيـه مشاعل : عبدالله .. عبدالله ..... ( توقف جنبـه ) ماعندي رقمه ... عبدالله يأشر لها بعيــنــه على مخبى ثوبـه: طلعي جوالي وأخذي رقمه .. ولا خلصتي رديه .. مشاعل وهي تدخل يدها بمخبى عبدالله وتطلع جواله : آآوكي ... عبدالله لمشاعل : شوشو حياتي .. فتحي لي باب الصاله شوفت عينج متوهق بروحي أنــا مشاعل ضحكت بالخفيف وفتحت له باب الصاله وقالت : بالهنـا أن شاللــه .. عبدالله وهو متجه لباب الميلس ألتفت عليها وقال : ألا قولي سم أن شاللـه .... صاير شغال أبوهم أأنــا ... كل دقيقه يبون شي مشاعل ضحكت ضحكه خفيفه برقــتهـا ونعومتهـا وسكرت باب الصاله وراحت فوق غرفتهــا وطلعت جوالهــا اللي من شافته أأخر مرهـ مااالمسته حتى وشافت فوق الـ 10 مكالمات لم يرد عليهـا وكلها من نفس صاحب الرقم اللي يتصل ذيج المرهـ ومايتكلم مشاعل بستغراب : من ممكن يكون هذا ؟؟؟ ... غريبــه ؟؟ ( مسحت المكالمات كلها بدون ماترجع تتصل لصاحب الرقم ) وخذت جوال عبدالله وراحت عند قائمه الاسماء وابتدت تدور اسم عيسى بينهم وهي تتمنى أنه عبدالله يكون مخزن أأسم أخوه بـ ( عيسى ) مو بنك نيم .. ولفت نظرها نكات وايد بعضها يضحك والبعض حلـو لحد ماوصلت لـ ( عيــســـى ) خذت الرقم وحطت جوال عبدالله جنبهـا ... وأتصلت على عيسى رن شوي بعدها رد عيسى : هــلا براعيه هالرقم ... مشاعل : آنت وينك ؟ عيسى : الناس تسلم أول .. مشاعل : السلام عليكم عيسى : وعليكم السلام مشاعل ردت عادت سؤالها : ويـــنــك ؟؟ عيسى : أأرض اللـه واسعــه مشاعل : من صجي ترى أتكلم ... مو قاعده أتغشمر وياك عيسى بعبطه : وانا من صجي أتكلم مو قاعد أتغشمر معاج مشاعل : يلا يلا مع السلامه أنا الغلطانه اللي قعدت احاتيك عيسى ضحك من قلبه مما أثار غضب مشاعل مشاعل : شللي يضحكك ...؟ قايله نكت أنا ؟ عيسى : ولا شي مستــانـــس ... حرااام ... مشاعل ( آآآآآآآآف يابرود أعصابه ) : مع الســلامــه .. عيسى : لحظه .. شعول مشاعل : نعــم ... سكت شوي وقال : كــاني توني داش البيــت ... أبي أفتح باب الصاله أشوفج بويهي هههههههه مشاعل : ماعـووزكـ عيسى ضحك من قلبه : هههههههههه والله أنج تضحكيـن ... دامج متنرفزهـ علي متصلـه لي شله .. ترفعيـن ضغطج بس مشاعل اللي مازالت معصبه رغم أنها تطمنت لما لقته بخير : شفت غبــائي ...؟؟ عيسى : الا طيبه قلبج .. مو غباءج .... يلا يلا سكري خل أصف السيــارهـ ... مشاعل : مع السلامه عيسى : في حفظ الرحمــــــــن أن شاللـه صف سيـارته عيسى وهو شوي ويطير من الوناسـه دامها أتصلت له معناتهـا أنه كلامه لهـا أثر فيهــا ... عيسى بعد ماسكر باب السياره وقف يطالع أنعكاس صوره على الدريشه : ياحبني لك ... فديتك وفديت افــكــارك ( يقصد روحه ) اليـوم التــالي وهو أأول يوم بعد ماقربت تتحسن علاقه عيسى مع مشااعل كانت الساعه 2 الظهــر .. والكــل متجهــز حق طلعــت السيليــن وأولهم جواهــر اللي مجهزه روحها من الساعه 9 الصبــح لبست بنطلــون جينز وبلوزه بلون الفوشي ... كان لبسها عادي جدا ... عشان تاخذ راحتها بالسيلين ومشاعل بعد لبست نفسهـا .. ( بنطلون جينز وبلوزهـ فوشيه) الفرق الوحيد بينهم أنه بلوزه جواهر فوشي غامج شوي ومشاعل فوشي فاتح .. كانو جواهر ومشاعل لافيـن شعرهـم ومخلينه مثل ذيل الحصـان مطقميــن لابسين مثل مثلـ .. أمــا الشبــاب ونبــدأ من الكبيــر فيصل لبس شورت باللون البني المحروق وقميص بيج لـه أزرهـ من جدام .. واليــد مالــتـه طويله لحد الكف ... بس فيصل رافع أكمام القميص ولابس كاب بني محروق عبدالله .. بنطلـون وقميص نص كم وتارس شعرهـ ( جيــل ) وهو الوحيد بين أخوانه الشباب مو لابس كاب أما أأخر العنقود عيسى كان لابس بنطلون جينز أأسود وقميص أزرق لـه ازره من جدام وفاتح كم أزرار ..ورافع أكمام اليــد ومشط شعرهـ اللي يوصل لحد نص رقبته على ورى ولابس كـــاب هو بعد ... بعد ماخلصـوا لبس بنات وشباب بو فيصل طلعــوا من البيــت ( فيصل بسيـارته , عبدالله بسيارته) والبنــات مع بو فيصل وأم فيصل بسيارهـ وحدهـ أما عيسى كان راكب البيكم اللي حاطيـن فيها البطابط ... ومــروا كلهم بيت بو عبدالعزيز اللي كان توهـ يطلع سيـارته من البيت ومعــاه ( أم عبدالعزيز , لولوهـ , شيخه , معاني , مهند , صالح ) وعبدالعزيز ( ركب البيكم مالتهم عشان يجيب بطابطهم ) وطلال بسيــارته . . مرت ساعه وشوي على ماوصلـوا السيليــن يعني 3 هم بالسيليـن وصفوا سيـايرهم جنب بعض ونزلوا كلهم من السياير وأبتدوا يسلمون على بعضهم وبعــدها طلعــوا الزوليــه اللي بيقعدون عليــهــا فرشوا وحده حق البنــات والثــانــيــه حق الشباب بس بعيــد شوي عندهم ونزلوا غداهم .... قعدوا تغدوا ولما شبعــوا و قاااام كل واحد يونس عمرهـ ( أأظــن فهمتوا علي ) عند عيسى اللي متبهدل مع البطابط اللي يحاول ينزلهم من البيكم .. وجواهـر وشيخه ومشاعل قاعديـن عند راااسـه يحنون وجواهر مسندرته : عيســـوهـ .. هالبطبطه لي أأنــا بركب فيــها عيسى وهو ينزلها : صبـــري يابنت الحلال خليني أنزلهم بعديـن تقاسموهم على كيفكم شيخه لعــيسى : سنـــه ليــن تنزلهــا خسنــا من الحر وأنت للحيــن مانزلتهم عيسى ألتفت عليه : تصدقيــن واااااااااااااايد أأخفاف بس أنا أستلعن ماأبي أنزلهم بسرعه !! شيخه وهي تتكتف : أأدري اصلا ... باين أنك تستلعن ... عيسى لمشاعل وجواهر : سكتوهـا لا أطلع حرت البطابط فيها .... شيخه : بس اللحيـن بيقلبها هووشــه ... محد يتغشمر معاك أنت !!!؟ واللــه ..!! عيسى : ماأبيج تتغشمريـن معاي ... ماأشوف الوقت مناسب حتى غشمرتج جواهر : عويس نزلهم وكمل نجرتك معاها بعديــن شوي الا فيصل جايهم : آآآآي خدمــه ..!!!! مشاعل لفيصل : اللـه جااابـــك .. تعال ساعد عيســى بتنزيل البطابط ... وايد ثقال عليــه فيصل اللي فارد عضلاته : ... أحم .. احم .... أصلا شلون ينزلهم هو .. زيـن انه للحيـن صاحي ماأنكسر ..( راح صوب عيسى ) .. هالهيكل العظمي تبونه ينزل البطابط ( يحاول ينزل وحدهـ ) ماعندكم سالفه صراحه ( نزل وحدهـ .. والباقي ساعده عيسى فيهم ) لحد مانزلهم ثلاثتهم ... وعلى طول جواهر أحتلت وحده وركبت عليه : آآآنـــا بركب ذي ... شوي الا لولوهـ جايتهم فيصل وهو يركب وحده من البطابط : هـــلا واللــــــه .. هــــلا .... حياج لولوهـ ركبي مع جواهر خل أسابقكم لولوهـ ببتسامه : لا أأأخــااف .. فيصل وهو يشغل البطبطه : أأنــا زوجتي المفروض ماتكون خوافــه ... خلج قويه مثل ريلج ههههههه ماوعــوا الا بسياره مارهـ فلت صوبهم وسبحتهم بالغبــار جواهر اللي أنترست غبار من راسها لريلها : عبوووووووووووووود يالجلــب .. عبدالله وهو يبتعد عنهم ويطل من الدريشه ضحك بصوت عالي .... فيصل بغضب مصطنع لعبدالله : الله يخسك غبــرت بنــا وذلفــت .... ( قام من ع البطبطه وقال ) لحظه لحظه قام يتحدى الاخ ... اللحيـن أعلمكم فيــه .. وراح صوب سيــارته ركبها وراح يتحدى عبدالله بالاستعراض وهالحركــات لولوهـ عينها عليهم : ووووي لا يصير فيــه شي .... جواهر : ماعليج هذا بو سبع أروااح قطو مو ادمي عيسى وهو يركب البطبطه اللي نزل منها فيصل ويكلم مشاعل : شعووول تعالي ركبي مشاعل أأبتسمــت له وراحت ركبت : بــــس مو تسرع زيـــادهـ ع اللزوووم .. عيسى : آآآفـــاا عليج تمسكي فيني أنتي بس وماعليج وأأأبـــتـــــدى عيسى يستعرض فيها ومشاعل تتمسك فيـه بأقوى ماعندهــا ومستانسه ع الوضع بس طبعا ما كان يسرع علـ الاخر ... لانــه اللي معـاهـ بنت مو واحد من الشبـاب آآمــا عند جواهر وشيخه ولولوهـ جواهر لشيخه : يلا شواخي ركبي هالبطبطه اللي بقت وخل نتمشى فيها هني شيخه ركب اخر بطبطه بقت وأبتدوا البنات يدورون بالبطبطه بس قريب من السياير مايبعدوون .. . . كــان الجــو أنواع الونــاسه وخاصه عند الشباب لما أجتمعوا عبدالعزيز وعبدالله وفيصل ... كــانــوا يستعرضــون والابتسامه مرتسمه على شفايفهم أمـا عند البنــات كــان الجو مثل الجو عند الشباب بس البنات ماكانوا يستعرضون لانهم أصلا يخافــون وعيسى بعد ماعلم مشاعل شلون تشغل البطبطه .. وصلها لعند البنات وراح هو مع الشباب يستعرض ويونس روحه . . وطــلال اللي مثل ماتدرون صــايــر مثل المنبــوذ بينهم ركــب سيــارتـــه وأأبــتـــــعــــد عن أأهلــه كلهم ووقفــهــا فوق واحد من هالطعوس ... وبطل باب السيـــارهـ بعد ماطول ع المسجل ونزل منهــا وقعد بالقرب منهــا وسند ظهــرهـ عليــها وقعــد يسمع الأغنيـــه وســـرح لبــعـــــيـــــد .. علمني وشلون أنساك وأنام وأنا اللي لك صاحي أيام وأيام شاغلني في بالي شوقك ولا يروح صاحي أنا ونايم ما يروح ما يروح دنياك دنياي هو حد يسواك في القلب وياي و في البال وياك يالغالي وشلون تظن أبنساك كيف الهوى يهون والقلب يهواك تسهر عيوني تحلم بلقياك ليت اللي باقي من عمري وياك ماعشت عمري الحب ومعناه لوعة وحرمان ماودي أنساه . . كــان الـ cd اللي مركبــه طلال عبــارهـ عن أأغــانــي لراشد الماجد وكلهـا حـزن فتخلص أغنيـه وتبــدأ أغنيـه كلها هم في هم .. . . ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنــا مايوم في دنياي دام غربتي طالت متى وقت الرجوع كل عام امني احلامي بعام ان شكيت الحال محد لي سموع وان سكت الناس زادوني ملام طال صبري والزمن عيا يطوع والرجا باللي عيونه ماتنام سنـد راسه طلال على السيــارهـ وغمض عيــونـــه .. كــان الجــو حلــو .. وخاصه أأنــه الشمس بدت تخف حرارته العــاليــه وهــوى عليــل يدااعــب حبـات الرمل بدون مايثيــرهـا .. كــان هالهـوى يمر على طلال .. ويحــاول يــزيح بعض همومــه ..لكــن وين تخف همومــه وهو قاعد يسمع هالاغاني اللي كلمـات كل وحدهـ تفتح هموم وذكريات قديمه ماودهـ يذكرهـا . . بينمـا عند الشـبــاب ( عبدالعزيز وفيصل و عبدالله وعيسى ) غرزت سيــارهـ عبدالعزيز .. وخربــت عليهم جو الاستعراااض اللي كانــوا مسويــنــه وقف سيـارتهـ فيصل ونزل وراح صوب عبدالعزيز فيصل وهو يطق دريشه عبدالعزيز : بطـــوووول ؟ عبدالعزيز اللي يحاااول يمشي سيــارتــه بس بدون فايــده : ياخــي مغــرزهـ عدل السيــارهـ ( يطالع فيصل ) .. روح ناد أخوانك و وروني الهمه فيصل وهو يرفع واحد من حواجبه : لا ..!!!! آآحلف ..... عبدالعزيز ببتسامه : ممكن ياسعادت الشيخ فيصل ... تروح تنادي أعمامي ... وتدزووون سيارتي من ورى عشــان تحرك ؟ فيصل يسوي روحه يفكر : ممكــن بس بشــرط ... عبدالعزيز : تــدلل يابعد روح ولد عمك فيصل ضحك بالخفيف وقال : يـاشيـــن المصلحه وأهلهــا ... عبدالعزيز : أخلـص شتبي ... فيصل : تنزل من عرشك ... وتخليني أنــا أركب .. وتروح تدز مع عبيد وعويس عبدالعزيز وهو ينزل من السيارهـ : بس هذا ..!!؟ ولا يهمك ... نزل عبدالعزيز بينما ركب فيصل ونـادى عبدالعزيز عبدالله وعيسى اللي كانوا صافيـن قريب منهم بس مانزلــوا .. عشــان يساعدونه بدز السيــارهـ ولما وقفوا الثلاثـه ورى السيــارهـ عيسى بصوت عالي عشان يسمعه فيصل : يـــــــلا حااول تطلعهــا فيصــل يحاول بس مافي فايدهـ ودزوا مرهـ ثانيــه وفيصل يحاول بس مافي فايدهـ بالمـرهـ الثالثـــه طلعت السيــارهـ وحفص عليهم فيصل وغبرهم ثلاثتهم عبدالعزيز وهو ينفض ثيابه اللي غبر : الللـــه يلعـــن ............ ( بصــرااااااااااااخ ) أأأأبليــــــــــــــــسـ ــك فيصل وهو ياخذ لفه حولهم ويوقف السيــارهـ وينزل منهــا : وتــمــت العمليـــه بنجـــاح والفضل يرجع لي .... ويهي خير على سيارتك هالمصديه وأخذ تهزيئ من الشبـاب اللي صاروا مغبريـن عدل . . وأبــتــدت أشعت الشمس تختفي تدريجيا لما صارت الساعه 5 وهم مو حاسيـن بالوقت .... لحد ماأتصلـــت أم عبدالعزيز على عبدالعزيز نفسه وطلبـت منه يردوون رجعوا كلهم وقعدوواا .. بس كــان في واحد ناقص الا وهو طلال .. اللي محد كلفه روحه يتصل عليــه بالبــدايـه كانت في سيــارهـ موقفينها بالنص بين زوليـه البنات وزوليـه الشبـاب وهالسيـارهـ كانت سيارهـ عبدالله .. بس لما راحوا الشباب أستعرضوا وردوا صفوا السياير جنب بعض بدون مايحطون سيارهـ بالنــص أم عبدالعزيز لبو عبدالعزيز اللي قاعد مجابلها بس على زوليه الشباب : .. ويــــن طــلال ..!!! بو عبدالعزيز بلا مبالاه : شدرانــي عنــه ... ماأتصلتوا لــه ؟ أم عبدالعزيز : على بالي أنت أتصلت عليـــه ...!! بو عبدالعزيز وهو يلف على أخو : ماأتصلت ( وكمل سوالفه مع بوفيصل) مشاعل ألتفتت على شيخه وقالت لها بصوت واطي : آآخوج طلال وااايــد هــادي .. وماأشوفــه يقعد مع عيسى وعبدالله وفيصل ... وعبدالعزيز ...!! لـهــدرجه يحب الوحدهـ شيخه ببتسامه : هو جذي .. مو أجتماعي ... من جذي مايقعد واايد معانـا .. مشاعل بفضول : حتى بالبيــت .. مايقعد معاكم .. شيخه : وش حقه مهتمه فيه لهدرجه ...!! مشاعل بلمحه خجل : لا يروح فكرج بعيــد ... بس لفــت نظري اليوم .. ماأشوفه فتح حلجه بكلمه لما قعد مع الشباب ... ولما رااحوا يستعرضون الشباب .. بايـن انه ماراح معاهم .... شيخه تضحك تحاول تلطف الجو : ههه قلنــالج هو أنطوائي شوي ... مشاعل وهي تلعب بالرمل : يمكـــن ...!! شيخه سكتت وماحبت تتكلم مع مشاعل عن طلال .. لانه لو دروا أنهـا جابت سيره طلال لـ مشاعل بتاخذ زفه محترمه سكـتـوا شوي الا صوت لولوهـ اللي متصله على طلال عشان تقول يرجع واضح شوي بس مو عالي : هــلا طلال ... أنت ويــن ..!!! آآآيـه .. آآنزيـن أنـزيــن .. تعــال كلنــا متجمعيـن هنــي ..... آآيــه كلنـا .. أوكي لحظه لحظه ( تكلم امهـا ) .. يمه يقول لج طلال ... أذا خلاص بنحرك بنرجع البيــت عطوهـ خبر وبيرجع يبي يقعد بروحه شوي ... الا بو عبدالعزيز بجديـه لفتت نظر الكل واولهم مشاعل : خليـــه يجي بالزيـــن ... أأحســن لــه .. لولوهـ لطلال : طلال أبوي يقول لك تعـال اللحيــن ... هـااا .. مادري يقول لك تعال اللحيــن .... يمكن يبون يقعدون معاك شوي ( رد عليها طلال : هههه تقصيـن على من أنــتـــي .. !!! .. مايبون يشوفوني من جذي ماأبي اجي أجابلكم اللحيـن ) (( كملــت لولوهـ )) والله أأبوي بيعصب أذا ماجيــت اللحيــن .... بو عبدالعزيز بغضب خفيف : يفهم عربي اخوج ذي ولـه لا .... خليه يجي اللحين ولا يطولهـا وهي قصيرهـ الا فيصل يقول : خلـه خلــه عمي ... يمكن مايبي يقعد مـعــانا من يشوفنــا يتلخبط كيــانه الظاهـر ( بصوت وااطي جدا محد قدر يسمعه الا عبدالعزيز وعيسى اللي قاعديـن واحد على يمينه والثاني على يسارهـ ) ع الاقل يوفــر ضيقه الخلق اللي بتصيدنا لا شفنا زولــه عبدالله بصوت مسموع بس مو عالي : ع الاقل يوفـــر مكــان ع الزوليـــه ... لا جــا يصير ضيييق ... بو فيصل طالع عبدالله بنظرات عشان لا يثير شكوك مشاعل عبدالله لما شاف نظرات ابوهـ قال وهو يسوي روحه يضحك : هههههه أتغمشــر .. لولوهـ لطلال: آآوكــي .. آآآوكي .. يلا مع السلامه ... سكرت لولوهـ وقالت لأبوهـا : يقول دقايق وبيجـي مشـاعل كانت تراقبهم وفي قلبها أسأله واايد ( ليش يعاملوونــه جذي .. ليش يكرهوونــه ..؟؟ يمكن مايكرهونــه .. يمكن معامله أبوهـ له هي جذي من زمــان ... بس أنا مو متعودهـ عليه للحيـن بس فيصل وعبدالله ...!!! ( سكتت شوي وكملت بقلبها ) .... اللـه يعيـن طلال أأذاا هم أصلا ..معاملتهم معاهـ بهلـ طريقــه من زمـان.. ومايقصدون شي بكلامهم ..) قطعت حبل أفكارها شيخه اللي قرصتها بالخفيف بيدها : ويــن رحتي مشاعل عقدت ملامحها وهي حاطه يدها مكان القرصه : يعــور ترى شيخه ببتسامه عريضه : لا يدلدغ... أأكيد بيعور .... مشاعل بهمس : شواخي .... طلال هم جذي يعاملونه من زمــان .. ولــه صاير شي مكرهم فيـه شيخه هني وصل التوتر عندهـا لـتوب قالت : هـااا .. لا لا .. هههه شدخل صاير شي ... أذا على أأبوي .. هو جذي .. جدي وماعندهـ تفاهم .. مشاعل تطالع بو عبدالعزيز وترجع تطالع شيخه : بس ماأشوفه يعامل عبدالعزيز جذي ...!! شيخه تغير السالفه وبلهجه مرحه : آآوووهـ تراج أذيتيني بطلول ... قلنــالج هو أنطوائي خلاص عاد ( تكلم جواهر ) .. جووجوو .. تعــالي قعدي معانا شمقعدج بعيــد ؟ جواهر وهي تقوم وتجي صوب مشاعل وشيخه : واللـه قلت أأبتعــد شوي أفضي لكم الجــو ... آآشوفكم طايحين مساسر من مساع .. لنــا اللـه أحنــا ..( وهي تقعد جنب شيخه ) .. لو تقعديـن عندهم ( تقصد أم فيصل وأم عبدالعزيز ) وتسمعين الطبخات اللي يقولونهم ... يااااي ... بتموتيـن يوع .. شيخه بطنازه : وأنتوا عيلتكم الكريمه 24 ساعه يوعانه ... شنو خالتي لما جابتكم كانت ميته يووع ضحكوا مشاعل وجواهر وردت عليها مشاعل وقالت : آآصلا آآنــا ماأكل واايــــد شيخه : وووي ماشفتي روحج قبل الحادث ... طول وقتج بالمطبخ داعسه راسج بالثلاجه كل ماأتصل لكم ويـن مشاعل ... مشاعل بالمطبخ .. ويـن مشاعل ..؟ مشــاعل تاكل .. ويــن مشاعل .. مشاعل تسوي لها شي تاكلــه ... كنتي هاااااامــه قبل الحادث هههههههه مشاعل ضحكت وقالت : مالت عليج أأقول يالدبــه ههههههههه شوي الا عيسى جاايهم : ضحكوني معاكم .. شيخه تلتفت عليه : شتبي أنت .. سوالف حريم راز ويهك شله ..!!! عيسى وهو يقعد جنب جواهر : بعد زهقت من سوالف الشباب .. شركات وما شركات ... وخرابيطهم .. وصلوح ومهند مو معطيني وي أأكلم صلووح يتصدد عني ويسولف مع بو راس أخووهـ مهند شيخه وهي تاشر له بيدها : حدك على أخواني .. أنت بو راس مو هو .. عيسى وهو يشيل الكاب ويحرك راسه يمين ويسار : فديت راااسي أأنــا .. يحصلج نفســه شيخه : وووي أسم الله علي ... من زيـن راسك جنه ليمووونــه مشاعل ضحكت لا أراديــا وجوااهـر نفس الشي عيسى لشيخه وهو يضحك بسخريه : هيهيهيهيهههييه أذا راسي ليمونه .. راسج جنه راس زيتونه مرت باباي جواهر اللي ناقعه ضحك عليهم : ههههههه حلــوهـ مشاعل تلمس شعر عيسى وتقول : عيسى .. شفيه شعرك كله رمل ...؟ شيخه داشه عرض: آآآآي يمشي على راسه الظاهر مو على ريله ... عيسى لشيخه : لا وأنتي الصاجه دااافن راسي بالرمل شيخه : آآآآيــه نعــامــه عيسى: ترفسج أن شاللـه وطيرج الهند عند أهلج مشاعل : خلااااص .. !!!! يمه من لسانكم كل واااحد لسانه أطول من الثاني عيسى يدلع على أخته ... قال بلهجه تشبه طريقه كلام اليهال : شوفيهـا تغلط علي آآووونــا مشاعري تنجرح جذي شيخه : ووووووووووووي قطع قطع قطع ... ياشيـــن السرج ع البقــر عيسى يرجع يتكلم بصوته العادي : اللي أنتي منهم ... شيخه : بل .. عليه لسانه ولا لسان طقاقه عيسى : أذا أأنــا طقاقه أنتي الطااااار ..... مشاعل وهي تشد شوي على شعر عيسى بس مو بالقوه : خلااااص عيســى ...كل كلمه تردها عشر عيسى يلتفت على أخته : آآآعجبج ياحيات عويس وأهله وطوايف أهله شوي الا طلال وااصــل بـ سيــارتــه صفهــا صوب السيـاير وراح صوب زوليه الشباب : السلام عليكم كلهم : وعليكم السلام ... قعد طلال وبنظره سريعه طالع مشاعل اللي كانت قاعده مجابلته تماما بس لاهيه بالسوالف مع عيسى وشيخه وجواهر... بو عبدالعزيز لطلال : وويـــن كنت ...!! طلال : قريــب .. بوعبدالعزيز : وسنه ليـن تــيي ( تجي ) طلال : السموحه يبـه مـــر الوقت والشمس خلاص قربت تغييــب وقاموا كلن أخذ أأهلــه وتوكلــوا ... بستثنــاء فيصل اللي قعد يحن يبي يوصل لولوهـ بنفســه لحد ماوافق بو عبدالعزيز وسمح له يوصل لولوهـ ومعـاهـ شيخه و جواهـر ( محرم ) فيصل اللي كان يسوق ولولوهـ جنبه وشيخه قاطينهـا ورى مع جواهـر فيصل للولوهـ : قلبــي ,,, لولوهـ بخجل : هــلا حبيبي ... فيصل وهو يتعبث بالـمسجل : بسمعج شي ... آآهــداء مني لج ... شيخه : أأحم أحمم ... نحنــوا هنــا ... جواهـر : آآيه مايستحوون على ويهم يغازلون بعض جداامنــا ... فيصل : وأنتوا شعليكم .. أاحنا جايبينكم محرم ... مو مغثه على قلوبنا ع بالكم بستحي منكم ..... كيفي واحد ومرته أنتوا داشيـن عرض ليش!! جواهر : تلــوع جبدنــا من هالحجي .... شيخه : آآآيه واللـه يعطونا حصص مغازل من اللحيـن فيصل : جب أنتي وياهـا ... سكروا أذونكم أذا مو عاجبكم الوضع ( يكلم لولوهـ ) .. سمعي فديتج .. آآهــداء مني لج.. وشغل لها أغنيه .. من أولها لأخر كلمات حب وشيخه وجواهر مشتغليــن أطنــازهـ وتعلييق ... . . عنــد طلال اللي جا السيليـن بسيارهـ بروحه ورجع بروحــه يحس بضيييييييقـــه خاانقــتـــه ... من نظرات أأهله كلهم لـــه ... صج صج ... هذا أأكبـــر عقـــاب مرهـ عليـه بحياتهــ مايقـــدر يشيل من باله النغزات اللي يقطها فيصــل .. ومرهـ عبداللـه .. ومرهـ عيسى .. وحتى عمه .. مــارجع البيــت .. وراح سيــده بيت سلمان اللي يقدر يفضفض له ويرتاح نفسيـا عندهـ مـرت ساعه ونص على ماوصل بيت سلمان اللي باأخر الدنيـا طق الجرس .. فتحت له الخدامه طلال : السلام عليكم الخدامه : وعليكم سلام .. طلال : بابا سلمان موجود الخدامه وهي تهز راسها بالايجاب : آآي موجود ... طلال : قولي لـه بابا طلال ... الخدامه : جيــن ( زيــن ) .. دخلت وسكرت البــاب بوي طلال شوي الا سلمان طالع لــه وهو مفتشل ع الاخر سلمان : السموحه ... طلال ... توهـا يديدهـ الخدامه .. من جذي سكرت الباب بويهك طلال ببتسامه : هههه تتحمد ربها أنهـا عايشه للحيــن .. سلمــان ضحك وقال : أأنــا نفسي أستغربت لما لقيتها جاايتني داخل .. حيــه ترزق .. ههههههههه طلال ضحك وقال : ههه بطوول وأنا واقف برى .. سلما وهو يوسع له عشان يدخل :هههه لا شدعوهـ حيــاااك ... . . نهــايـــه الجزء الســـادس | ||||
|
| |
|
| الكلمات الدلالية (Tags) |
| '3ram, للكاتبة, ماضي, أحزاني, l7'9t |
| أدوات الموضوع | |
| انواع عرض الموضوع | |
|
|
1Likes
العرض العادي
