آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-05-13, 07:29 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أخاف أغمض وان رمشت أفقدك وأخاف أفتح وتصبح حلم ولا ألقيك/للكاتبه قموره، مكتملة
التعديل الأخير تم بواسطة لامارا ; 09-10-13 الساعة 07:04 PM | |||||||||||||
|  |
|
06-05-13, 05:48 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الجزء الأول لجين : السلام عليكم .. كيفكم إن شالله بخير .. ؟ بما أني أول شخصيه فراح أبدى أعرفكم على نفسي وعلى أفراد عيلتي .. وإن شالله نكون عند حسن ظنكم .. عمري 19 سنه وهذي أول سنه لي في الجامعة .. شوي مرهقة من أوقات الدوامات متعبة للغااايه (( الله يعين )) قسم حاسب آلي .. طبعا بصعوبة دخلت القسم بسبب قرار الجامعة كان أكثر شي ممكن يدخلوا هذا القسم نسبتهم 97 شديت حيلي والحمد الله ما كنت أهتم في شي قد دراستي والحين في الجامعة عالم ثاني شلل ومجموعات حاولت أتأقلم مع هذا الجو .. بس كل يوم أشوف العجب كأنهم كانوا ينتظروا دخول الجامعة على أحر من الجمر عشان يرتكبوا هذي المخالفات الهائلة .. بدأت الدوام من شهرين تقريبا ولين الحين ما قدرت أكون صداقة .. ما ادري إذا كان هذا الشي في مصلحتي ولا لأ عالعموم هذي حياتي الدراسية ما ابغي أصدع رووسكم فيها أما بالنسبة للبيت فراح أبدى بالأكبر أخوي مازن عمره26 يشتغل في الطيران السعودي وطيوب مره وحنون وعاطفي دايم يتكلم عن إلي أسرت قلبه من طفولته لدرجة إنه حكايته حفظتها عن ظهر قلب بس للأسف ما حصل لي الشرف إني أشوفها .. لا تستغربوا إلي يحبها مازن أخت صديقه ماجد من أيام الطفولة .. كنت أستعجب منه ومن الصداقة إلي بينهم .. بيني وبينكم ما أحبه هذا الآدمي .. يرفع الضغط .. من أيام طفولتي وأنا أكرهه ودايم الصراع بيني وبينه .. طبعا ما يحتاج يفهم طبيعة مشاعري له اتجاهه لأن عيوني كانت ترسم له كل معاني الكره .. ومن يوم دخلت المتوسط .. وأنا بدأت أغطي عنه وعن عيال عمومتي .. أخوي الثاني عزو .. عبد العزيز عمره 24 يشتغل في شركة الهاتف .. يا ناس وش أقول عن عزوز هذا توأم روحي وبلسم جراحي دوم ألقاه جنبي في دوامة أحزاني ونزف آهاتي في فرحتي وضحكتي .. حتى بسمتي يشاركني فيها .. أما أبوي اتوفى يوم كنت صف أول ثانوي .. وما بقى لنا غير أمي الله يطول بعمرها ويخليها لنا .. وعندي أخت وحيده حنان عمرها 20 سنه متزوجة من صاحب مازن سامي وعندهم بنوته صغيره اسمها رؤى .. عمرها سنه فديت روحها تهبل هذي البنيه .ز أعمامي ما نشوفهم غير في المناسبات كل مين فيهم ملتهي بعياله .. وعمي حمد سافر القصيم وعنده ولده الوحيد طلال عمره 28 لين الحين ما تزوج آآآآه الله يسامحك يا طلال بسبب إلي صار تشتتنا وتفرقنا الله يساااامحك وغاده متزوجة وعندها ملاك عمرها 11 ومؤيد عمره 9 وبنت عمي الثانية هيام من سني بس يوم صار إلي صار وهي مسافره مع أبوها من 7 سنين ما شفناهم .. وعيال خالي سالم .. بندر آخر سنه له في الجامعة قسم هندسه معماريه والبندري ثانيه ثانوي هذي البنت أحسها مثل بنتي صغيره في حجمها حتى أفكارها محدوده مرحه ومشاغبه .. وكانت الله يرحمها أريج صديقتي الروحية أنا وهيام لكن بعد وفاتها الله يحمها صار إلي صار .. وتفرقنا حنا الثلاث .. وأصبحت بروحي الحين أناجي الذكريات .. طق طق طق .. دقات هاديه على بابي .. ابتسمت أكيد هذا هو ما غيره .. دخل راسه من الباب ورسل لي بوسه في الهوا .. ضحكت على حركته بس شوقي له خلاني في ثانيه في حضنه ضميته بكل حنان وعطف : عزوز فديتك اشتقت لك .. عبد العزيز : خفي علي لجو عورتيني .. ضحكت على عزو وبعدت عنه : ها وشلون كانت الرحله .. حك راسه وهو يتثاوب : حلوه بقولك وش صار باكر الحين بروح أرقد .. ابتسمت له وأنا مشتاقه له بالحيل : عزوز حياتي بتاخذ شاور .. عزوز : إيه والله فديتك لجين جهزي لي ملابس على ما استحم .. لجين : من عيوني يا أحلى عزوز في الكون .. رحت أجهز له ملابسه وطاحت صورتها من بين ملابسه أخذتها وأنا مندهشه وجلست أطالع في الصوره بحزن اشتقت لها بالحيل يالله وش مسويه الحين .. ما توقعت عزوز لين الحين يذكرها أو بقى له في قلبها مكان .. آآه يا قلبي وش ذنبنا حنا في إلي صار هذا إلي ربي كتبه وصار ليش البعد والهجر .. سمعت صوت من وراي التفت بخوف وأنا أحاول أخبي الصوره .. نظرت عزوز كانت ليدي .. قرب مني وأخذ الصوره من وراي .. ومسح دمعتي وهمس لي برقه : تتوقعين شكلها تغير الحين .. غصب عني بدأت بالنحيب في حضن أخوي لدقايق بعدها رفعني بعيد عنه بشوي وتم يطالع عيوني شفت الحزن في عيونه نزلت دمعة قهر من عينه .. مديت يدي مسحت له دمعته .. مسكين أخوي يبغى من يعاونه عشان يتجاوز محنته .. ياليتني دريت باللي في قلبك يالغالي .. ابتسم لي بحزن وباس جبيني : روحي نامي وراك جامعة باكر .. تنهدت وتجمعت الدموع في عيني : طيب تصبح على خير عزوز : وإنتي من أهله مشيت وأنا معطيته قفاي وسمعت تنهيده من خاطر .. لفيت أشوفه .. عزوز : يعني ما تبغي تعطيني بوسه قبل لا تنامين .. عيوني غبشت من الدموع رحت بسته وأنا ابتسم له وذكرته يقرى الأذكار قبل لا ينام .. عزوز : من عيوني الغاليه ويلا نامي بدري إذا صحيتي باكر من وقت بوريك مفاجآه مسويها لك انبسط على الخبر ورحت لغرفتي دخلت توضيت وصليت وتوجهت لسريري وفتحت سورة البقرة أقرا آخر آيتين منها .. قفلت القرآن حطيت راسي على المخدة وآخر شي نطقت بيه قبل ما أنام (( بسمك اللهم أموت وأحيى أشهد أن لا إله إلا الله وان محمد رسول الله )) وتصبحــــــــــــــــــــ ـــون على خيــــــــــــــــــــر | ||||
|
| |
|
06-05-13, 06:03 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| غاده : السلام عليكم .. حاسه بتوتر الساعة وحده ونص ومنصور ماجا لين الحين .. أتغير منصور عن أول ما أخذته .. أتغير بالحيل .. صار ما يجلس في البيت أبدا يطلع من البيت لدوامه يجي يتغدى وينام بعد صلاة العصر يروح عند أهله يخرجهم من عندهم لعند أصحابه وما يرجع إلا الساعة 2 الصبح وفي الإجازات على وجه الفجر .. رغم هذا كله ما أقدر أتكلم وأعترض .. أخاف يزعل هذا أبو عيالي وزوجي الغالي وسندي في الحياة كفاية إني أدعي ربي يصلح حاله .. توي خلصت قراية جزء من القرآن هذي فايدة تأخيره ههههه .. بسم الله !! أسمع أصوات في المطبخ .. لحظه بروح أشوف وش إلي صار .. شفت نور في المطبخ معقوله رجع بدري اليوم رحت اشوف من داخل شفت مؤيد وملاك .. غاده : ماما ملاك وش تسوين انتي وأخوك في هذا الوقت .. ملاك وقفت مثل اللي يرتكبون جرايم وهي تبعد خصلات شعرها عن وجهها وتبلل شفايفها : مؤيد جوعان .. وأنا شفتك تقرين قلت خلاص أنا أسوي له كورن فليكس ابتسمت لبنتي ماشالله عليها كبرت وصارت تهتم في نفسها وفي أخوها .. غاده : طيب حبيبي الفجر بعد 4 ساعات بيأذن وباكر وراكم مدرسه .. مؤيد جا جنبي وهو يبوس يدي : ماما بس هاذي المره مره جوعان .. ابتسمت له ونزلت لحده وبسته وخطرت في بالي فكره جهنمية ومجنونه رغم إنه الوقت متأخر بس ما عليه مو كل يوم بيتكرر الموقف وأشرت لملاك تقرب جنبنا وجلست في النص بينهم وهمست بصوت واطي : طيب وش رايكم نتقاسم الشغل .. ملاك ابتسمت بمشاكسة : ماماتي الغش حراااام خلاص سخنت الحليب وجهزت الأشياء .. ضحكت بخفه على مؤيد إلي قال : وأنا صغير .. حطيت يدي على خصري وأنا معترضة ومحتجة كلام مؤيد : يا سلام خلاص انته تساعدني ونغسل الصحون ولا ما في اختار.. ملاك تبعد غرتها عن عيونها وهي تغمز لي : مدام كذا موافقة .. مؤيد إلي رمقنا بنظرة حزن : الرجال ما يشتغل .. ملاك كان لها تأثير قوي على مؤيد : بالعكس الرجال الطيب يشتغل ويساعد أهل بيته مثل الرسول صلى الله عليه وسلم .. ابتسمت لكلام ملاك وصلينا على الرسول وبستها من خدها تشجيع ورضا لكلامها .. لكن تفاجأتبكلام مؤيد : يعني بابا مو طيب .. غاده : ليش حبيبي بابا طيب ويحبكم بالحيل .. مؤيد : بس أنا ما أشوفه إلا وقت الفطور والغدا .. حسيت بغشاوه من الدموع لو أنا صبرت وش بيصبر عيالي .. ضميت مؤيد وأنا أتكلم بصوت مبحوح : مؤيد حبيبي بابا دايما مشغول أن شالله يرجع بابا وتشوفه دايما .. شوي يد ملاك تمتد وتمسح لي دمعتي وهي تبتسم لي وتقول : يلا مؤيد تراك صدعتني من أول وانت تقول جوعان .. والحين الحليب برد .. قمنا سوينا الكورن فليكس وأكلنا وإحنا نتكلم في مواضيع مختلفة وجا وقت الغسيل أنا أغسل ومؤيد ينشف الأشياء وملاك جالسه فوق الطاولة وهي تتكلم عن فلانه وعلانه ومؤيد يشاركها الكلام وجلسنا نضحك على الموقف إلي صار لمؤيد وهو صغير .. سمعت صوت ملاك وهي تقول بصوت عالي بابااااا .. ونزلت من الطاولة وراحت في حضن أبوها ولحقها مؤيد .. حسيت بالألم في قلبي من فرحة عيالي بشوفة أبوهم مسحت يدي وجلست أطالع فيهم .. منصور .. دخلت البيت والساعه 2 نفس الوقت إلي دايما .. شفت أنوار المطبخ مفتوحة استغربت غاده دوم أشوفها في الصالة تفاجآت من منظرهم حسيت إني مقصر في حقهم .. ما عمري جيت آخر الليل وشفتهم كذا .. حسيت إني مشتاق لهم .. وفي نفس الوقت كأني غريب وهم وسط سوالفهم وضحكهم وخصوصا ملاك .. بعد ما ضميت عيالي جات عيني عليها حسيتها اليوم غير حزنها زايد وواضح عليها .. تألمت على شكلها .. منصور : ملاك حبيبتي يلا خذي أخوك وروحي نامي .. ملاك : من عيوني يلا مؤيد .. يوم خرجوا الأولاد لأول مره أحس بارتباك يمكن لأني ما تعودت أشوف غاده حزينه تكلمت بصوت متوتر ملحوظ : ليش صاحيين لين الحين ..؟ غاده حبت تزيل التوتر عني : أبدا أنا مثل دايما أنتظرك .. بس مؤيد قوم ملاك جوعان ههههه دخلت عليهم المطبخ وشفتهم يسوون أكل لهم فشاركتهم عشان انتبه عليهم .. ضحكت على مؤيد وقلت لغاده : شكله الولد بيطلع لأبوه دب .. يوم شفت ابتسامتها إلي دوم تبتسمها لي وهي تقول : فديت أبوه والله أول مره أقولكم من زواجي بغاده من 12 سنه أحس كلامها يوترني أو يأثر فيه يمكن نظرتها غير أو شي اليوم مو طبيعي ..قربت منها ومديت يدي ورفعت راسها وسألتها : غاده ليش هالحزن كله في عيونك ..؟ شفت الحزن والهم في عيونها ورغم هذا كانت الدموع مجتمعه في عينها وجاوبتني بصوت متجهم : سلامتك حبيبي بس تذكرت الوالده .. حسيت إنها تكذب علي ضميتها لصدري : ادعي لها بالرحمة .. ابتل ثوبي من دموعها حسيت بحرقه في قلبي وتأنيب ضمير 12 سنه وأنا لاهي عنها معقوله هالدموع عشاني .. بعدت عني وهي تمسح دموعها .. غاده : آسفه منصور ضيقت عليك خلقك تامرني بشي .. قبل ما تنام .. استعجبت منها وشله الأسف : لا عمري لا ضيقتي ولا شي تصبحين على خير حبي .. قربت مني كالعاده وباستني برقه وقالتها بصوتها العذب : تصبح على خير عمري .. هالمره أثبت لكم واقسم على العشره .. حسيت بإحساس غريب اتجاه هالمخلوقه ضميتها لصدري.. ورحت معها .. تصبحــــــــون على خير يا جمـــــــــــــاعه | ||||
|
| |
|
06-05-13, 06:05 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مرام :: صباح الورد .. يا أحلى قراء .. كيفكم .. إن شالله بخير .. أحب أعرفكم على شخصيتي قبل لا أبدى .. أنا مرام عمري 20 سنه حياتي ولله الحمد ضحك ووناسه ولله الحمد ما عمره هالحزن دل طريقي من يوم كان عمري 7 سنين وأنا اعرف إنسان واحد يحبني بجنون وأحبه بأجن من الجنون ههههه أكيد عرفتوه مازن فديت روحه لين ما كبرت وغطيت عنه وأنا قلبي ينبض بحبه هالشي معروف عن الأغلب من يوم كنت طفله .. حبي له عذري شريف وهو ما عمره فكر في يوم يأذيني .. لكن المشاعر ما زالت تكبر وتتنمى على طول الأيام .. وكمان أدرس بس في كلية التربية قسم E السنة الثانية لي .. الشي إلي راح تستغربوا مني إنه وجهي مو وجه دراسة .. ههههه بس يلا حظي .. عندي أخت وحيدتي دنيا ما شالله عليها دافوره هالبنت عمرها 19 في جامعة طيبه قسم حاسب آلي ماجد دايما يزعجها عشان تشوف لجين أخت مازن .. لكن دنيا ما تعطيه اهتمام يحزن أخويه حبيبي.. حليله الدم إلي يجري فيه ينطق باسم لجين .. وعندي 3 أخوان عمر وعمره 35 متزوج من ياسمينا وعندهم 3 نادر وندى ونهى .. وسعد وعمره 30 متزوج بعد من حصه وعندهم طارق وأخيرا ماجد عمره 26 سنه يحب ينرفز إلي قدامه بس حنون وطيب ودمه خفيف ومشاغب شوي .. لاعب كرة قدم في فريق ........ ولاعب محترف أبويه دوم يقوله دام أتخرج من كلية الهندسة يفتح له مكتب أو شركة صغيره لكن ماجد رافض هالشي وعشقه وموته في الكوره ومليون بالميه أنا من أول المشجعات له .. (( حشا ولد مو بنت ههههه )) طاااااااااع >> صوت الباب .. مرام : بسم الله عيب افتحي الباب زين .. ندى معطيتني بو لو باس : تقولك عموه دنيا يلا تبغى تروح .. أوووه الساااعه 8 على فكره لا تستغربوا أسلوب ندى رابيه بين عيال ههههه أخذت أغراضي ونزلت تحت وشايفه دنيا معصبه .. دنيا : تراك أخرتيني ياخي .. ارتبكت من خوفي منها وتمتمت : والله إيش أسوي يا عمري خلود بعصبيه : أبد سلامتك بس اركبي السيارة .. المحاضرة بتبدى بعد نص ساعة رديت عليها بهدوء ونعومه : طيب يلا يا عسل أتفضلي .. خرجنا وركبنا السيارة وشفت ماجد يشرب كافي في الحوش فتحت طاقة السيارة وطلعت راسي وأكلمه بصوت عالي : وش تسوي بره برررررد أدخل جوه أشوف .. استغربت نظرة ماجد يطالعني بذهول ويأشر لي أغطي عيوني .. فجأة يخرج مازن من المجلس وهو يطالعني ويضحك .. على طول دخلت وقفلت الطاقة وأحس وجهي بيحترق من الحرارة بسبة الإحراج .. وخلود تضحك علي .. خلود : عز الله طار العريس .. فز قلبي من كلامها : فال الله ولا فالك يالدبه حرام عليك .. يا مرسل النظرة ترى القلب يفداك قلبي ذبحته والبقا في حياتك جذاب لكن بس لك رمش فتاك ما يشبهك بين البشر غير ذاتك مازن : ههههههههههههه بصراحة شكلها جنان يا حليله ماجد تفشل .. اليوم الصبح جيت عند ماجد عشان الموعد بيننا ودخلت المجلس بروح أغسل يدي سمعت صوت بنتين عرفت إن مرام وحده فيهم طلعت بسرعة على الأقل أحس بوجودي معاها بنفس المكان وضحكت على شكلها وهي تكلم ماجد يوم جات عيني في عينها تقشعر بدني .. حسيت برعشة تسري في جسمي مشيت عند ماجد وجلست جنبه وأنا شاق الحلق ابتسامه : ها ابو سعود مستعد ماجد رمقني بنظرة : إن شالله .. متوكلين على الرب .. مازن : لا ما شالله عليك كابتن هداف .. ماجد : حمد الله إنك قلت ما شالله ولا شفت هالخبله ما انت معرس عليها .. ضحكت عليه بقلب شكله متفشل ماجد : أقول بسرعة شيلها ماني ناقص فشايل .. تكلمت والضحك يغلب علي : هههههه ما عليك هم إنت اعرس وأنا بعدك .. لاحظت ابتسامة خفيفة على وجه ماجد وبتوتر : عروستكم جاهزة ..؟ رفعت حاجب وطالعته باستعجاب : أي عروسة ..؟ ماجد باستنكار : أجل تزوج سامي وما تزوجني .. ابتسمت ابتسامة واسعة : والله وين بنلاقي أحسن منك ولك مني الفال إنتوا تعالوا وما يردكم شي بإذن الله .. ماجد تهلل وجهه وضم مازن : ابشر خلني أخلص هاذي المبارة وحنا عندكم إن شالله .. هيام : فقدتك يا عبد العزيز .. تنهدت .. ونسيت إني في القاعة والدكتورة من أول تهذر .. ما أدري عنها وش تتكلم كنت ماسكه الملزمة وجالسه أشخمط فيها قلوب وحروف .. وخواطر .. في النهاية ختمتها .. real.. I miss you Azo,, ومرت علي الذكريات قبل 7 سنين يوم عبد العزيز طلع جواله وعطاني الرقم كنت صغيره هذاك الوقت عمري 12 سنه كلامه يتردد في ذهني وهو يقولي شوفي هذا الرقم ما بغيره لو وش ما صار إحفظيه عندك .. آآآه يا قلبي حافظته بقلبي يا عزوز لكن مستحيل أتصل الحين خلاص كبرنا .. اعذرني يا عبد العزيز .. فجأه ينسحب الدفتر وألاقي شعري مسحوب .. حنين : بس كافي سرحان .. ايش ما انتي جوعانه .. حاولت أمنع دمعتي لكن خانتني جلست حنين قدامي على الأرض وهي تحاول توقف دموعي : هيام كافي اللي تسويه في نفسك والله حرام تكلمت بصوت مخنوق : وش أسوي يا حنين ما أقدر أمنع نفسي عن التفكير فيم حنين خايفه إنه تزوج ونساني .. قامت حنين وهي ماده بوزها : إذا كان يحبك من جد ما راح يسويها بعدين ليش ما تتصلي على الرقم يا خي إنتي ماراح تطقي حنك معه قولي له عبد العزيز كيف حالك ؟ وخلاص هونا من كيف حالك قولي له عبد العزيز أنا هيام عطني لجين وإذا حاول يكلمك اقفلي الجوال وأكيد مليون بالميه هو ما راح يسويها إنتي بنت عمه وقبل هذا كله حبيبته .. بصراحه الفكره مو داخله مزاجي أبدا فهزيت راسي بالنفي لأني مستحيل أسوي هذا الشي .. حنين خبطت يدها على راسها وبدت تفقد صوابها : كيفك إلي يريحك بس يلا الله يخليك قمنا على الكفتريا جوعاااااانه .. أخذت ملازمي والجوال ومشيت وشفت حنين تطالع في الشخاميط الي في الملزمه ضحكت وحطيت فوقها ملزمه ثانيه .. البندري : السلام عليكم أخيرا قمورتي حنيتي عليه وخليتي لي دور .. ألحين جالسه أنتظر السواق يجي مليت من الإنتظار قلت أرجع المدرسة أحسن .. يوم دخلت شفت عذوب جالسة وتقرى في ورقة ومعها قلم تعدل بعض الأشياء قربت منها بهدوء وهمست لها : وش تقري يابنت ..؟ فزت البنت من مكانها وتلخبطت : البندري حرام عليك أرعبتيني .. البندري : هههههه بطني بطني هههههه عذوب : ويييي يا سخافتك .. جلست جنبها وأنا اضحك على شكلها : بالله عليك وش تقري ..؟ عذوب : بندري شوفي هذي الورقة أخذتها منها وجلست أقرى المكتوب غراميات وأشعار إعجاب وتعبير عن عشق .. رديت الورقة لي عذوب : هذي لي مين ..؟ عذوب : لي مين بعد لبعد طوايفي مازن .. طالعتها بنظرة : وإن شالله مين بيعطيها هو ..؟ قربت عذوب مني وهي تترجاني : مين غير عيوني وحبيبة قلبي البندري .. بعدت عنها : لا والله ياروح أمك واشفيك إنتي لا يكون متأثره من الخرابيط إلي تشوفيها .. عذوب شمقت بعيونها وبتأفف : الحب مو عيب .. استنكرت عليها كلامها هذي بنت جيرانا وصاحبتي .. شلون تقول مثل هالكلام .. بعدين لجين دايما تقول انه مازن يحب اخت صاحبه : عذوب الحب مو عيب اذا مافي هذا الكلام الفاضي .. وبعدين شيلي مازن من راسك هو بيخطب قريب أن شاء الله وانتي خليك في دراستك ابرك لك وان شالله ربي يعوضنا .. عذوب انقلب وجهها :ايـــش بيخطب .. مستحيل .. بندوره انا احبه من زمان مستحيل اخليه يتزوج احد غيري .. رفعت حاجب على كلامها وخرابيطها .. سمعت بوري السياره وقمت أروح : أعلى ما في خيلك اركبيه .. ورحت وركبت السياره وكانت لجين في فرحت من قلب اكيد عندها مشوار عشان كذا جايه لجين : كيف المدرسه اليوم ؟ البندري : عجيبه .. الا فين رايحيين الحين .. لجين : هههههه عزوزي مسوي مفاجآه وقلت آخذك معايه تحضري السبرايز طالعت فيها بنص عين : أكيد تبغي تقهريني .. نسيتي انه بندر بيقتلني لجين : ما أدري والله بس قلت أخذك بعدين اذا بندر جا انزلي بيتكم البندري : والله خايفه .. لجين : ياربي انا ما قلت لك اكشفي بس عادي تعالي معايه يمكن شي تحبيه عاد تنقهري قلبي ما يطاوعني .. البندري : دخيله الحنون ههههههه لجين : هههههههه والله انك شي تربيتي .. بندري : مو من شويه ماما تقولي لا تروحي مع لجين لجين : انتي وجهك .. عبدالعزيز .. مليت أدور لك عذر يا ودادي .. السلام عليكم .. من بعد الي صار البارح كان تفكيري حول هيام .. من ذاك الوقت لين هذا اليوم ما خليتهم يغيروا الأرقام يمكن جالس أحلم انها تتصل يعني معقوله نسيت كل شي معقوله عمي زوجها لا اعوذ بالله الله لا يقول مستحيل هي ترضى بغيري .. أنا فارس أحلامها .. من طفولتها .. صقعت راسي على هاذي الأفكار الغبيه ابغى ابعدها عني ورفعت راسي شفت لجين نازله من السياره نزلت من سيارتي ودخلت العماره ما انتبهت للبندري معاها دخلت لجين وسحبتها من يدها عشان نطلع لجين : عزووو لحظه اشفيك مستعجل انتبهت للبندري معاها انحرجت ونزلت يدي : لا بس كنت بريك السبرايز بدري وراي اشغال لجين قرب مني وبصوت واطي : ترى البندري جايه معانا انحرجت .. وتكلمت بصوت مسموع : طيب اركبوا السياره وانا بجيب الوالده عشان بندر ما يخاصم .. طلعت عند امي وشفتها جالسه في الصاله مع مازن ويوم شافتني ابتسمت وسكتوا الثنين سلمت على راس امي وجلست : خير ليش سكتوا مازن : سلامتك بو العز كيفك وكيف الدوام ..؟ رفعت حاجب : تمام بس ايش كان عندك انت وامي .. امي الي ابتسمت وبدت عينها تدمع : لجين تقدم لها عريس .. ما ادري ايش الي حسيت به هالوقت فرحان لأختي ولا زعلان ابغاها قريبه مني واذا تزوجت بتكون ملك زوجها معقوله أغار معقوله ما وعيت من أفكاري الا على صوت مازن : واشفيك ابو العز .. رفعت حاجب وابعد هالأفكار من راسي وشفيه راسي اليوم لا اكيد ماني بصاحي : سلامتك بس من الي متقدم ..؟ شفت ابتسامة مازن اللي شاقه وجهه ..: ماجد ابتسمت يمكن راحه لأن ماجد متربي معنا : ونعم الرجال والله أم مازن : وانا امك لا تقول لأختك شي الحين ابتسمت لأمي : على ما تامرين عليه الغاليه أقول امي ممكن الله لا يهينك تلبسين عباتك ودي آخذك مع البنات .. مازن : وأنا مو معزوم عزو : ههههه البندري معنا مازن قام : امزح معاك انا بروح انام عزو : هههههه حليلها بنت الخال مازن قام بتكشيره : دلوعه من أعاند فيها تبكي .. أمي تكلمت : مازن وخر عن البنت ما احد يتحمل دفاشتك .. هنا ما قدرت اكتم ضحكتي على شكل مازن : قطعوه .. قطعوه .. مازن الي استوعب كلام امي قرب منها : أمي الحين من جدك انا دفش أمي ابتسمت وحبت راس مازن : تحمل في نفسك أخاف تعور عمرك مازن لف علي ورمى علي علبة المناديل لأن زادت ضحكتي من حركة أمي وش بيكون موقف لجين اذا عرفت انها انخطبت ؟ ومن ماجد خصوصا ..؟ وش هي المفاجآه الي بيسويها عزو لي لجين ..؟ وهيام .. هل ممكن انها تقتنع بفكرة حنين وتتصل على لجين وبرقم عبدالعزيز ؟ نهاية الجزء الأول .. أتمنى أرى انتقادكم لأصل إلى الأفضل .. | ||||
|
| |
|
06-05-13, 06:06 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ماجد : أخيرا يا دبه مطلعتني ولا في الجزء الثاني هذا وانا بطل القصه ( احم احمد ربك خليت دورك الحين ) لا والله أجل خلاص << ما ينشد معها .. كيفكم جميعا أن شالله بخير .. اليوم من الصبح وانا حالتي حاله ما ادري القرار الي اتخذته هل يعتبر تسرع مني ولا عادي فعلا خايف من ردة فعل لجين .. بس مشاعر طفوله اكيد تكبر بتتغير (( مسكين يا ماجد الا البنت ما تنسى مشاعرها )) دخلت مرام رمت ملازمها وتفتح مسفعها مرام : حر حر موووت خلاص يا رب متى يجي الفرج ابتسمت حتى سنوني بانت وشفت نظره منها خلتني اضحك مرام : ما قلت شي يضحك مجود قربت منها : قولي آمين مرام تفكر عقب كملت : عساك تحبني وتموت فيني رميت الكنب على وجهها وهي تضحك .. دخل ابوي وسلم وسلمنا .. حبيت احرج مرام : قومي فزي سلمي على راس ابوك طالعت فيني بإشمئزاز : زين يا الأثول قول لعمرك بالأول ابوي ضحك ورديت عليها باستحقار : يالخبله من الصبح مسلم عليه مرام : وانا بعد مسكتها من اذنها : اقول انتي اسمك مو مرام حرام تخصرت ست الحسن والدلال : حرمت عيشتك يا جوجو هني ابوي نطق من بين ضحكاته : اقول ماجد شالي قشارك قطعتك اختك رفعت حاجب قهر من ابوي : غيرانه صحباتها في الكليه مو مصاحبينها عشان وجهها احم عشان أنا ماجد الـ ..... أخوها . مرام : أويه ابوي الحق ولدك لا ينصرع علينا بس ما ادري شلون بتأكل زوجتك من كوره وعيه وعيه أبوي الي ما صدق ينفتح هذا الموضوع مره ثانيه : وهي صادقه يا ماجد لازم تشوف مستقبلك هاذي ماهي بحياه لازم تشتغل . حكيت راسي هذا الموال حفظته عن ظهر قلب : أن شالله لا عرست يصير خير .. ابوي : الله يهداك مرام : ايه الله يهديه ويكبر عقله وتغمز لي ودي اخرم عيونها السوسه عارفه ابوي وردة فعله قمت من مكاني وأسمع صوت الوالد : على وين يا ولد الأجاويد طالعت ابوي وجيت جلست : أبوي بقولك شي ابوي ضحك : شوف كأنك بزر وانت تكلم استوعبت طريقتي بس مو مني والله من الموضوع الي شاغلني جلست عدل وانا اشوف مرام مهتمه قربت من اذن ابوي وهمست : اوعدني عني ما تغيب تبقى هنا جنبي قريب ابوي مات من الضحك : اعقل يا ماجد اعقل ومرام ميته قهر رجعت همست له : طيب بعقل بس اوعدني ما تقول لحرام اوووه سوري اقصد مرام ابوي يشوف مرام من طرف عينه : خلاص انت كل ما تجلس بتوقف قلبي من الضحك مرام متنرفزه وتسوي نفسها مو مهتمه تكلمت بجد : قررت اكمل نص ديني ابوي ابتسم وقرب من اذني : الله يتمم لك من بنته ماجد : اخت مازن ابوي : ونعم ما اخترت وانا ابوك أن شالله ربي يتمم على خير ارتحت من ردة فعل ابوي باقي لجين ابوي طلع من الغرفه ومرام قربت مني مرام : مجود حبيبي وش قلت لأبويه رميت لها نظره وشديت شعرها واقلد صوتها : بس ما ادري من وين بتأكل زوجتك من كوره وعيه وعيه ضحكت مرام وضحكت معها وكملت : موتي قهر انتي اخر وحده بتعرف الخبر مرام : افا افا ابو خالد .. انا مرومتك دفيتها عني وطلعت اخذت شنطتي وديتها للسياره وطلعت اسلم على امي وابوي وانا في السياره مرام نزلت .. نزلت الشباك : ها وش عندك مرام : اليوم قول اهداء الهدف لي كبرت عيوني : وليش انتي أن شالله من زين طختك مرام تخصرت : احسن منك يا مقفى الفرن ماجد : انتي جايه اتغثيني اذلفي اشوف سكيت الشباك ومشيت وصلت المطار وشفت الفريق كله هناك الله يستر المدرب : تأخرت ربع ساعه ماجد : اسف بس كان عندي موضوع مهم المدرب : الله يعين اليا عجل وخلنا نخلص الإجراءات وانا امشي : أن شالله خلصت الإجراءات والحين مستقرين في اماكنا لجين : استنى اشوف المفاجأه على احر من الجمر : عزووو طولت اسرع شوي امي : اقول لجين يا زينك ساكته وشله يسرع لجين : امـــي الله يخليك راسي صدع من الشمس عزوز : طيب وش رايك اجيب لكم عصير البندري : لا لا تأخرنا عزوز : تأخرنا تو ما مشينا البندري : ايه عمتي دقي على ابوي قولي له اني معكم امي : طيب عزوز دق لي على خالك الحين انااا وين وهم وين والله انهم ما ادري شلون .. كلمت امي خالي وانا حاسه اني دايخه وقف عزوز جبلنا كوكتيل وكمل طريقه وقف عند محل .. نزل من سيارته وراح طلع الرجال من المحل وجا : يلا ادخلوا تكلمت : عزوزي حياتي من جدك هذي المفاجأه عزوز: هههههه طيب انزلي انتي نزلنا ودخلنا .. فتحت فمي من الروعه محل ذكريات وهدايا كان اللون الوردي غالب عليه .. تذكرت ليله من الليالي كان يسألني عزوز عن امنيه لي .. اني امتلك محل للذكريات يكون لون وردي وانا اسوي اعمال من يدي واحطها حسيت بالدموع في عيني .. يا حبيبي يا عزوز ركضت له وضميته : يا حبيبي يا اخويه الله يخليك ليه ولا يحرمني منك يارب امي: ما شالله تبارك الرحمن هذا من محله .. عزوز وهو يبتسم وضامني : محل عروستنا القموره لجوو البندري : الللاااااي يا لجين والله رهيب اقول عزوز خل بندر يمشي معك هاليومين يمكن يسوي لي مفاجأه مثل ذي ضحكنا على بندري وانا اكلم عزوز لجين : ليش كلفت على نفسك يا عمري باسني : لا كلافه ولا شي والكلام هذا ما ابغا اسمعه انا من لي غيرك ادلعه والبي له رغباته بسمن الحين اقولك اذا شرد احد العمال انتي الكفيله مالي شغل انا ههههه لجين : هههههه يا حبيبي الله لا يحرمني منك ويقدرني اسعدك يا قلبي ابتسم عزوز: سعادتي لا شفتك مستانسه وتضحكين ما ابي غيرها هذي السعاده الي تعيشني ضميته وحسيت بدموعي في عيوني : يا حلو كلامك يا اخوي يا ليتني مو اختك كان تزوجتك عزوز : ههههههههههههه الافتتاح للمحل بعد شهر يلا ورينا شغل يدك يا حلوه ضحكت وبندري جات : ما تبغون بعد اشتغل معاكم ترا عندي اعمال خفيفه بسيطه سمولر عزوز : والله اذا عندك جيبي خلنا نشوف .. بصراحه كانت مفاجأه ولا أروع يا حبيبي يا عزوزي الله لا يحرمني منك ويخليك لي يا أغلى اخو بالدنيا ويحفظك لي وينوه لك الي في بالك ويجيب هيام لحدك بالحلال يا حي يا قيوم .. رحت لأمي : مامي وش رايك في المفاجأه ضمتني امي : الله لا يحرم اخوانك منك ولا انتي منهم ويخليكم لبعض لجين : آمين يارب عزوز : طيب يلا يا حلوات اختاروا مطعم تبغون تتغدون فيه بما اني صدعت روسكم البندري : والله يا اخوي انا عن نفسي *****ه الأكل الصيني اذا فيك حيله يلا ننطلق عزوز : من عيوني تامرين ها كلكم تبغون الصيني لجين : خلاص طيب رحنا للمطعم وجلست انا وبندري وامي جلست مع عزوزي .. بصراحه الموقف الي سواه لي عزوزي اليوم ما ادري شلون ارده له ودي اسوي له شي هو عمره ما حلم به وان شالله بسويه .. ويقدرني اكون عند حسن ظنه .. بندر : كنت راجع من الدوام منهك وتعبان اليا اخر سنه وربي ييسرها أن شالله .. دخلت غرفة بندري وما شفتها رحت المطبخ وبعد ما لقيتها .. رحت لأمي : امي وين بندري امي : عند لجين بندر : من الظهر عاد وش هالبنت امي : عادي يا ولدي في بيت عمتها خلها تتونس هي ولجين .. بندر : ما قلنا شي بس بيت عمتي عندها عيال كبار اكيد بياخذون راحتهم يعني مو حاله ذي كل يوم بنعطيها نفس الموال ما تطبقه امي : يا بندر يا ولدي لا تشد عليها هذي اختك الوحيده والي يعافيك هدها بندر : يا يمه والله عشانها اختي الوحيده خايف عليها وابغي لها الخير امي : طيب ارخي الحبل معها شوي ما يصير تشده كذا بندر : يصير خير يمه الحين بروح ابدل واطلع اتغدى خلهم يجهزون الغدا امي : أن شالله حبيبي سوبياتي سوبياتي جهزي الغدا دخلت الغرفه نزلت شماغي واحس بارهاق شديد .. دق الجوال وابتسمت يوم شفت المتصل رفعت وانا مبتسم بإرهاق : هلا رنا : كيفك حبي ؟ بندر : تعبااان كيفك انتي رنا : حمد الله سلامتك عمري ليش وش بلاك بندر : بس شوي مصدع اليوم تعب الدوام وعندي محاضره الساعه 4 الله يعين رنا : يالله يا باشا محد قدك السنه بتخلص بندر : خليها على ربك رنا : حبيبي اشفيك ليش احسك زعلان بندر : بندري لساتها في بيت عمتي رنا : طيب يا قلبي ايش فيها والله طفش في البيت لحالها خليها تتنوس مع بنت عمتها بندر : رنا لو سمحتي هذا الموضوع بالذات ما ابغا احد يتكلم فيه موضوع خاص وبس رنا بزعل : أها يعني الحين انت عندك خصوصيات غير عني مو انت الي تقولي كل شي فيني وفيك واحد بندر بلوم : اعذريني رنا بس والله هذا الموضوع ما احب احد يتكلم فيه حتى امي الي هي امي ازعل منها اذا قالت اسيبها في راحتها رنا : يا بندر يا حبيبي ما يصير كذا تشد على البنت هاذي بنت عمتها ومتربيه معاكم ضامنين تربيتها احسن من انها تتعرف على بنات ما تدري هم كيف متربين وبعد بندري ما شالله عليها عاقله وتعرف زين الغلط من الصح .. ارخي الحبل معها بصراحه يوم قالت ارخي الحبل شككتني انها امي وتلعب علي ببنت ليش هالدفاع كله عن بندري بندر : رنا انتي مين ..؟ رنا بدهشه : ايش هذا السؤال يا بندر الحين معك من سنتين وتسأل هذا السؤال بندر : بصراحه ما ادري احس كلامك مثل امي رنا ليش مانتي راضيه اشوفك رنا : لأن مستحيل تشوفني بندر هذا الموضوع قفلنا عليه من زمان وما ابغا نفتحه تنهدت ما ادري انا احبها او تعودت عليها في حياتي او هي فعلا اخلاق هذي البنت بس شلون عرفتني هذا الي ذابحني من يوم عرفتها : أن شالله انا بسوي الي يريحك وانتي ريحيني لي سنتين معاك وما قلتي لي كيف عرفتيني رنا احس اني في لغز رغم السعاده لي تضمني معاك رنا : احس هذا مو وقته نتكلم في هذا الموضوع يا بندر دخلت امي وهي تطالعني باستغراب : الغدا جهز وراك ما لبست ابتسمت لأمي : الحين يلا جاي بس اكلم واحد في موضوع خرجت امي ورجعت لرنا : ايوه قلبي طيب متى وقته رنا : بيجي اليوم الي تعرف صدقني يا بندر بندر : راح يطول هاليوم رنا : الظروف الي تحكم بندر : خير أن شالله يلا انا بروح اتغدا تامريني على شي .. رنا : سلامتك قفلت منها وانا مستعجب .. كيف سمحت لوحده من سنتين تكلمني وهي ما تعرفني يمكن حاجتي الي تلح علي وخصوصا ذاك الوقت كنت جد محتاج لأي احد اتكلم وهي بصراحه متربيه وما عليها كلام .. وكم مره خضعتها للإمتحانات وكانت في قمة الأخلاق بس كيف عرفتني وكيف مشاعري اتجاها معقوله ممكن احبها اااه الله يعين .. | ||||
|
| |
|
06-05-13, 06:08 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| غاده : يا روح روحي وش بلاك تبعد وانا روحي تبيك تامر وكل أمرك مجاب والقلب عمره ما عصاك ليه الجفا ليه الصدود ليه تشغل الخاطر عليك ما قلت لي ويش السبب اتعبت قلبي في هواك العصر الساعه 5 ونص جالسين في الصاله انا وعيالي اذاكر لمؤيد وملاك تحل واجبها انفتح الباب وجا منصور وهو جايب معه أغراض للبيت ومبتسم ابتسمت تلقائيا حسيته من البارح في شي احسن من اول قاموا عيالي عنده وشال مؤيد وجا جنبي : ما تبغين ترحبي فيني انتي كمان ضحكت وسلمت عليه واخذت الأغراض منه : ليش كلفت على عمرك منصور : لا كلافه ولا شي ها خلصوا العيال مذاكره بتعب طليت في مؤيد : باقي مؤيد تعبني منصور عض خشم مؤيد : يا ولد ليش تتعب ماما مو عيب مؤيد : طفشت بنزل عند عيال عمي العب ملاك : لا بابا احمد يقول اول عندهم بكره تسميع منصور : اسمع كلام اختك وماما ولا تتعبهم كنت في المطبخ وانا اسمع كلامهم ومبتسمه حطيت كوبيات عصير فراوله ودخلت عليهم .. كانوا العيال فرحانين بوجود ابوهم .. وفرحتي انا مغطيه علي كل دنيتي منصور : يسلمو على العصير الروعه ملاك : تسلمي ماما حبيبي مؤيد : شكرا ماما ضحكت : عادي حبايبي نسعى دوما لراحتكم منصور ما شال عينه من علي انحرجت ونزلت راسي حسيت نفسي كأني طفله عند نظراته لي شرب العصير وقام : يلا انا الحين طالع تامروني على شي تحطمت طيب يجلس شوي يلا مو كل شي يجي مره وحده : لا سلامتك طلع منصور وعيالي يطالعوني وتعالت صوت ضحكاتهم واختلط صوت ضحكتي معاهم ورحت ضميتهم : يلا كل يوم عن يوم بيصير شي مدهش ملاك : بس بصراحه صبرنا ونلنا شوي شوي مؤيد : عادي بكره تلاقونه بيقول يلا يطلعنا طليت انا وملاك في بعض وضحكنا بهستريا على احلام حبيبي مؤيد وكملت لعيالي مذاكرتهم ونزل مؤيد عند عيال عمه وانا وملاك دخلنا نسوي كيك ملاك اتعلمته في المدرسه .. اتصلت علي هيام هيام : يا قااااطعه يا وحشه يعني اذا ما دقينا ما تدقي وتسألين يخص عليك يخص يخص غاده : بسم الله هدي هدي يا بنت والله انشغلت مع عيالي هيام : من جد لا قالوا ابعد وبعدت تستنى اتصال ما اتصلت استغربت : هيام من الي قاالي هالمثل هيام : طبعا وبكل فخر ومن غير غرور انا الي قاايلته مو بعد اختي الحبيبه مخليني اقول امثال ضحكت من قلب على هيام : بالله لا احد يسمعك ايش الأمثال التعبانه هاذي هيام : ما التعبان غيرك يالمقروده البارح مودين ابوك ياخذ ابرة سكر ارتفع عنده انفجعت على ابوي : سألتك بالله وليش ما اتصلتوا تقولون لي هيام : عشان واثقه انه زوجك عندك ادري فيه بيوتي يحب البيت عورت قلبي كلماتها وطريقة الإستهزاء الي تتكلم فيها : هيام بس كافي زوجي ما يقصر اذا دقيت عليه هيام تلومت : اسفه يا اختي بس رافع لي ضغطي شايفك ساكته له متمادي وقفي عند حده مو معقوله كذا لمتى بيظل كذا خلاص هذا ما يستح على وجهه بنته بتصير عروس وهذي سواته ضحكت : يا ويلي على بنتي بدري بدري انها تعرس الحين هيام : يا شيخه الحمد الله بس بتكبر لا تخافين كلها كم سنه وتشوفينها احلى عروس أن شالله غاده : الله يسمع منك يارب ويخليها لي ويحفظها هيام : آمين يارب اعطيني ملاك خليني اكلمها والله اني مشتاقه لكم فردا فردا غاده : طيب اول قولي لي كيف ابويه الحين هيام : حمد الله احسن من اول وطلال هذا الي كل ما اشوفه نفسي ارميه من الشباك على الطريق واي سياره تدهك ابوه من الدعس غاده : حرام عليكي هذا اخوكي يا بنت هيام : بالله عليكي ما احد غير حياتنا غير طياشته المهبول الله لا يبارك في عدوينه غاده : لساتك تعبانه هيام : آآآآآه يا غاده وانا من متى حالتي متحسنه قولي لي انتي كيف اكون بخير واللي في القلب بعيدين عن العين والأذن رفعت حاجب يا حليلها بقوه تعبانه : طيب وشدخل الأذن يا قلبي هيام : الله يهداك يعني ما اسمع اخبارهم ضحكت : الله ياخذ ابليسك يا هيام ماني مصدقه انك تعبانه هيام : تف تف في عين العدو عسى وصل بس غاده : ههههههههههههه اللهم لا شماته خذي خذي كلمي ملاك ملاك اخذت السماعه هي طايره من الفرح : الوووو خالوه هياااام كيف حالك وحشتيني مرررره هيام : يا لبا هالصوت والله طيبه يا عيون خالتها والله انا اكثر يا قلبي كيف حالك وكيف حالهاماما وتسوين الي اقلك عليه ولا لا ملاك : طيبين حمد الله والا اسوي كل شي تقولي لي هوه وعلى فكره بابا اتغير نسبيا يعني هيام لوت بوزها : يا حظي كيف نسبيا ملاك : هههههه يعني زي اليوم جا العصر جلس نقطه عندنا هيام : نقطه نقطه مكبره ولا مصغره ملاك : هههههه شرب فراوله معانا جالسه اضحك على هيام وملاك من جد الي يشوفهم يقولوا مشكلة الأقصى يحلونها هيام : والله جد عسى امك ما حطت ملح في فراولته ملاك : هههههه ماما طيبه حبيبة قلبي هيام : يا قلب خالتها والله ما شالله هذي بالذات مفروض تسوا حفله عشان هالتغير المستحيل الرائع الي طرى من ابوك ملاك : هههههه فكره والله يبغالي اقول لماما سويت كيكه توي هيام : يا حياتي لما تجي عندنا بخليك تسويها لي .. ملاك : من عيوني هيام : تسلم لي هالعيون والله الي حبيبتي الحين بقفل انتبهي على ماما انتي صرتي كبيره وماما صارت عجوزه بس لا تقولي لها اني كذا قلت وقولي لها لا تقطع لا اقطع مصارينها لها ملاك ميته من الضحك : طيب ههههههههههههه مع السلامه قفلت وهي تضحك غاده : ايش قالت لك خالتك المهبوله ملاك : هههههه سر بس تقولك لا تقطعي لا تقطع مصارينك ههههههه ضحكت على هيام يا قلبي عليها الله يوفقها في حياتها يارب .. خلود : الساعه خمسه عصرا جيت البيت وانا داخله للحوش فكيت غطاتي وما انتبهت للواقف جنب بيتهم رفعت راسي على صوته وانتبت لنفسي غطيت بسرعه واحس دقات قلبي تتسارع من الموقف البايخ الي حصل بسبب هبالتي دخلت وطلعت غرفتي شفت مرام جالسه خلود : ماشالله ايش الي مجلسك في غرفتي مرام تمسح دموعها : ما دريتي انفجعت ورحت بسرعه : ايش ايش الي صار مرام : البٍس رفعت حاجب : واشفيه مرام : مااات وردت في نوبة بكا عارمه والله هي وهذا البس الي جايبينه في البيت بصراحه فرحت من قلب بس حاولت ما ابين : الله يرحمه ما تبغين تسوين عزا لأصحابه اكيد بيجون يعزون مرام : اليوم بخلي هارون يدفنه في الحوش وبسوي خيمه صغيره لأصحابه خلود : من جد بتسوي خيمه مرام : ايه لازم اكرام الميت دفنه خلود : بالله احلفي تصدقي توي ادري مرام : خلود والله مو فايقه لك خلود : لا بالله انا الي فايقه مره هههههه والله حاله طيب روحي ابكي في غرفتك مرام : لا ما اقدر اتذكره يوم كان يجي فوق سريري ولا في المكتب يزيد صياحي اليوم بنام عندك انفجرت من الضحك على هبال مرام : يا بنت الناس هذا وهو بس كذا مسويه اجل لو انسان وش بتسوي مرام : لاااااا فال الله ولا فالك حرام عليكي اتعذب اتعذب انتي اشفيك من الصبح تفاولي علي خلود : ما ادري يمكن محتره منك مرام : ذابحه لك احد انا خلود : اليوم مبارة ماجد روحي جهزي الشيبسات مرام : مالي نفس اكل خلود : تراه للمعلوميه بٍس ميااااو يعني يعني حيوان مو اكثر ولا اقل مرام : حرام عليكي جلس معانا كم شهر خلود : هههههه الله يعينك حبيبتي بدلت ملابسي وانا افكر في هبال مرومتنا ما ادري ليش جا على بالي الي شفته اليوم احراج نزلنا تحت مع امي وابوي وعمر وسعد .. تكلمت بصوت شبه عالي : عمير وين مرتك ليش ما جات عمر : بس انغثت منك مديت بوزي : الله عليها عاد هي الي تغث مو انا عمر : والله يقولون رحم الله امرء عرف قدر نفسه مرام : بالله عليك احلف وش دخل هذا الي تقوله في الي تقوله هي خلود : ما عليكي منه بس يحب يهرج يسوي نفسه فاهم امي : بنات عيب هذولا اخوانكم طليت في ابوي : يلا دافع عنا ابوي : منسحب دام فيها امك مرام : يا ويلي ما ينشد الظهر فيك اثره وجلسنا نهرج لما اذن المغرب وخرج الوالد مع اخواني يصلوا وقمنا احنا نصلي .. بندري : منك تعلمت الخوف ومنك قلبي يتعبني العصر رجعت البيت وانا مرعوبه بسرعه رحت غرفتي وبدلت ملابسي وحطيت اغراضي وجالسه اتلفظ الشهاده الأخيره دق الباب وحسيت انه بيغمى علي يا ويلي يا ويلي قمت فتحت الباب وشفت بندر حسيت انه قلبي خلاص وقف عن النبض ودمي وقف في عروقي بندر وهو جاي من الصلاه : متى جيتي بلعت ريقي بصعوبه احاول ارطب حلقي الي نشف : اول بندر : متى اول ارتبكت اكذب عليه ولا هو دخل غرفتي قبل لا يروح يصلي : الساعه 3 بندر : بندري بندري كم مره اقولك بيت عمتك في اوقات تروحين لها بندري : والله يا بندر انه لجين غصبتني اجي معاها تقول انها طفشانه لحالها بندر : عيال عمتك في البيت وعيالها رجال وانتي بعد كبرتي انا خايف عليكي بندري: يا بندر مو كلام الي تقوله حتى عيالي عمتي يعتبروني مثل لجين اختهم ويخافوا علي مثلها بالضبط بندر : انا ما قلت شي ادري فيهم عيال عمتي رجال بس بعد في اشياء ما نقدر نتجاوزها درء للمخاطر الي ممكن تجينا منها نزلت راسي الحين بيتكلم عن المجتمع المختلط وفساده وكيف مجتمعنا احنا ومحافظته ادري والله ادري انه مجتمعنا جدا رائع بس خلاص عاد مو كذا بندري : أن شالله اخوي اعذرني هاذي المره حقك علي بندر : عفيه عليك اختي والله يلا انا بروح الجامعه .. سكيت الباب وكلمات طلعت من غير اراده فكه يا شيخ عقبال ما تروح عند حرمتك فتحت الكمبيوتر وشبكت النت وفتحت المسن .. رحت اتوضيت واصلي وجلست اتصفح لما دخلت صديقه لي من النت ودوم وجلست اهرج معها لما اذن المغرب استأذنت منها طلعت وقمت اصلي وجيت بكمل يجي بندر بسرعه اقفل النت واطلع .. ورحت فتحت كتبي .. | ||||
|
| |
|
06-05-13, 06:09 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| على اذان العشاء جلست انادي عزوز : يلا يلا خلنا نلحق على المسجد عبد العزيز : جاي جاي يلا مازن : لجين جهزي الشاهي الله لا يهينك والمكسرات اليوم المباراه لجين : أن شالله وحنا نازلين شفنا خالي وبندر نزلنا مع بعض رحنا المسجد صلينا بعد ما خلصنا تكلمت مع بندر شوي : ها كيف الجامعه بندر : والله ما شي حالها مازن : يلا شد حيلك اخر سنه بندر : أن شالله كيف شغلك مازن : الأسبوع الجاي دوامي بينقلب فوق تحت بندر : الله يعينك ها ابو العز كيف الحال عزوز: حمد الله انت وينك مره قاطع عنا بندر : والله مع الدوامات ماني عارف شلون احك راسي مازن : عادي تبغا استأجر عندك يوميا احك راسك وطبعا ما ننسى حقي احم جلسنا نضحك ورجعنا البيت .. وانا بجلس لجين جابت ثلاجة الشاهي والمكسرات : اجلسي لجين : لا بكرا علي بروجيكت لازم اسلمه مازن : جيبي جهازك هنا وتعالي شوفي معانا المباراه لجين : والله صدعه مالي خلق عزوز : عشان خاطري لجين لجين : طيب دقيقه اجيب جهازي مازن : افاااا يا بنت ابوي ما هقيتها منك ليش مالي خاطر عندك لجين قربت مني وباستني : والله كلكم اخواني وحبايبي والله لا يحرمني منكم بستها من راسها : الله يحفظك الغاليه من كل شر وحاسد لجين : اللهم امين وراحت تجيب جهازها وجات جلست بدت المباراه وبدوا يدخلون فريق ماجد لا شعوريا احس اني اتكلم بشكل فصيح : لجين شوفي ماجد لجين تطالعني باستغراب وتطالع في ماجد : ايه ما عليه شكله بطل ونزلت راسها تكمل عملها وبدت المباراه كانت حماسيه بس لين الحين ولا هدف بعد دقيقه جاب ماجد هدف ولا اروع جلسنا انا وعزوز نصارخ ولجين رفعت راسها تشوفالهدف وتضحك : والله هداف طرت من الفرح نقطه في صالحنا : هو بس هداف في المرمى لجين : ها وين بعد مازن : هداف قلوب كل القلوب تحبه لجين : ايه ما شالله الله يحفظه قلتها بضحك : لك أن شالله لجين رفعت راسها وبعصبيه : وش هالكلام يا مازن عيب الأخ يقول لأخته كذا عزوز : صلي على النبي ما قال شي لجين وقفت وهي تتكلم بعصبيه : واشفيك عبدالعزيز وش الي ما قال شي وش الي الله يحفظه لي عيب مازن : والله يا اختي انا اخاف عليك اكثر من نفسي وما قلت هذا الكلام الا يوم ماجد يبغاك لجين انقلب وجهها فوق تحت : بس انا ما ابغاه مازن : ليش أن شالله الولد ينشرى بذهب وما عندك كلام تقولينه عشان ترفضيه لجين : مو على كيفك تقرر مستقبلي مازن حرام عليك انا ما احبه مازن : وش الكلام الفاضي ليش تحبين احد ثاني قولي اذا تحبي لجين بدت اعصابها تنهار ودموع تجمعت في عينها وصوتها انبح : انت اشفيك اليوم وش الي احب ما احب احد وما ابي احد ابغا اكون بروحي بس مازن : مو على كيفك احنا اخوانك ونبغا مصلحتك الي فيها مصلحتي يا لجين لجين تطالع في عبدالعزيز : عزو أي مصلحه ليش ما تبغوني اكون معاكم في هذا البيت ليش يا عزو كذا يقول انت اخوي وتعرف مصلحتي مستحالي تكون مع واحد مو طايقته في عيشة الله وانت انت مازن مصلحتك حرام تبنيها عشان تهدم حياة غيرك انا ما سويت لك شي دايما اتمنى لكم الخير وحطيتكم في عيوني ليش كذا تقول ما كنت ادري اني عاله عليك وبدت في نوبة بكاء هستيريه : ياليت ابوي حي ما كان خلاكم تسوون معي كذا كان اتربيت في عزه هم قالوا مااحد يقوم بالبنت غير امها وابوها ياربي ليش حرمتني من ابوي ياربي ليش ودخلت غرفتها قفلت على نفسها الباب وهي في الحاله الهستريا خفنا عليها وامي جات تحاول تهديها وما رضيت بعدت عنها ودخلت غرفتها .. عزوز : الحين هذا اسلوب انت وجهك تكلم في اختك مازن : والله والله ما قصدت ولا كلمه قالتها .. هاذي اختي وابغا لها الستر امي تبكي : كله منك مو قااليه لك دفش ..ما تحملت في اختك الي من لحمك ودمك شلون بتحمل في نفسك شفت ابتسامة عزوز في الوقت غير مناسب الله يهديها امي وش ذا الكلام والله نفسي انصدت حاولت ادخل عليها مقفله الباب ومو راضيه طلعت من البيت ضاق خلقي .. الحين رافضته طيب مرام معقول صداقتي تتأثر بماجد .. يارب ما كلم اهله قبل ما اتفشل مع الرجال الله يهديك يا لجين ليش كارهته والله انه رجال .. لجين : ليه الحزن مثل البحر ما للبحر آخر وليه الفرح مثل الفجر يمرنا عابر قبل الي يصير كنت متأكده انه في شي ما ادري اصرار مازن على جلوسي معهم آآآآه انهرت انهرت دخلت غرفتي وضميت صورة ابوي ورميت نفسي على السرير وجلست ابكي بكا خلاص تعبت تعبت وش هاذي الحياه لمتى لمتى كذا الحزن طاغي لمتى الدموع هي الطعم الي احسه في حياتي بعيد عن لحظات السعاده الي ما تمر ثواني ويرجع الحزن يطغى جلست ابكي وابكي واشهق من البكى اسمع صوت عزوز وامي يحاولوا يخلوني افتح مو راضيه خلاص ابغا ارتاح ما اقدر اتكلم الحين خصوصا انه عزوز ما تكلم معناته مأيد مازن في كلامه خلاص الحين مالي غير الورق والقلم هم الي بيخففون من حالتي آآآه يا مازن اذا رفضت ماجد اكيد بي ينرفض من اهلها يا ربي انا وش سويت من يوم وانا صغيره تعذبت فراق اريج وبعدها بشهور فراق هيام .. ليش ياربي وش سويت صحباتي يبعدون بعيد عني .. ماكملت 16 سنه وابوي رحل اخذته استغفر الله استغفر الله لاحول ولا قوة الا بالله يارب سامحني يارب سامحني مسكت ورقتي والقلم .. وكتبت .. يمكن هنا حددت مصيري .. والي فيها فيها خلاص تعودت على الشقا الحين بتألم خلاص هي خربانه من اول رحت فتحت الباب وشفت امي قامت بسرعه عندي هي وعزوز بعدت على ورى : لا احد يقرب مني اتركوني لحالي بخلي باب غرفتي مفتوح لكن ما احد يدخل امي : ليش يابنتي عزوز : لجين حبيبـ .... تكلمت بشراسه بغير وعي : اسكت انت آخر انسان توقعته يتخلى عني في هذي اللحظات انت انت يا ولد امي وابوي يالي مسميتك توأم روحي وبسلم جراحي .. خلاص ما ابغا اسمع ولا كلمه منك بس اسكت ورح بعيد عني .. امي لا احد يفتح الباب علي .. عطيتهم مقفاي وقفلت الباب حطيت راسي على السرير ورديت ابكي بحرقه بحرقه في جوفي ضميت مخدتي بأقوى ما عندي وكتمت صرخه في داخلي عبد العزيز .. مرفوع ضغطي من المهبول مازن مع احترامي الشديد لأخوي الكبير الا انه مرفع وما يعرف يتكلم شوف وش سوى لجين حساسه ومو هذا الأسلوب الي يقنعها فيه اصلا حركته كلها من اولها لأخيرها غلط في غلط .. صدمتني كلماتها وكأنها مويه بارده انكبت علي ابد ما توقعت يطلع هذا الكلام منها .. لجين اذا انجرحت انجرحت وتنفجر وتجرح الي حولها من غير احساس منها ما اصدق انه انهارت بهذا الشكل جالس مع امي اهدي فيها اتصلت على حنان وقلت لها تجي تعرف لأمي اكثر جات حنان وهي تبكي يوم شافت امي : امي حبيبتي واشفيك سامي دخل : بسم الله خالتي واشفيك وش الي صار شلت رؤى الي تبكي من بكى امها وجلست اهدي فيها : حنان اسكتي شوفي بنتك بكت حرام عليك سامي : عزوز وش في عزوز : والله هذا مازن الله يهديه سامي : مازن ليش وش سوى قلت لهم السالفه وسامي نزل راسه عزوز: والله الولد ماحنا رافضينه بس لجين حساسه شوي سامي : بس انت تدري انه مازن يبغا اخت ماجد عزوز : وهاذي المشكله الله يهديه مازن فهم لجين انه اذا ما تزوجت ماجد هو ما راح يتزوج سامي : والله مازن غلطان هذا مو أسلوب الله يهديه حنان : طيب اقدر ادخل لها امي : لا يا حنان ما تبغا احد يدخل لها خلك جالسه حنان : يمه انا اعرف للجين الحين بشوفها راحت حنان عند لجين دقت الباب حنان : انا حنان حبيبتي لجين فكت الباب حنان ودخلت .. وجلسنا انا وسامي وامي نشوف حل للي صار .. | ||||
|
| |
|
06-05-13, 06:25 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| حنان : لما دخلت وشفتها شلون متجمعه على بعضها فوق سريرها ومخدتها في حضنها دموعي حسيتها بتنزل مسكت نفسي ورحت قرب منها وجلست في السرير وسحبتها عندي ضمتني بأقوى ما عنده وجلست تشهق من البكى مسحت على راسها وبديت اتكلم معاها حنان : يا قلبي يا لجين ليش الدموع والله ما يسوى هالشي لجين : انا .. انا .. مو كذا بس بس حنان : طيب اهدي عشان تتكلمي زين قمت جبت لها مويه وسقيتها : يلا الحين تكلمي .. لجين : انتي تدرين اني ما احب ماجد من يوم وانا مولوده وما عمري فكرت فيه يكون زوج لي حتى هذي الفكره مو راضيه تدخل مزاجي ومازن مازن بعد يقول انه يبغا خلاص يرتاح عشانه يعني هو مسؤول عني كذا قام يتكلم انا الحمد الله ما عمري اذيته او سويت شي يجيب له الضرر انا عارفه نفسي وحدودي واخلاقي بس انا ما ابغا اتزوج ماجد ما احبه يا حنان والله ما اطيق اشوف شكله احس اني برجع الي في بطني حتى حتى عزوزي ما ما ما وقف معي جلس ساكت ما قال شي معناته انا عاله عليه هو بعد ياااااليتك يا ابوي في ماكان سوا فيني كذا ويغصبوني على واحد ما ابغااااه وغرقت في دموعها من جديد ضميتها لصدري وانا اخفف عنها : يا لجين يا حبيبتي والله مازن يبغا الستر لنا هو مو ضامن عمره بيجلس لبكره حي ولا ميت عشان كذا يبغا يزوجك واحد هو واثق فيه مازن يحبك ومستحيل يزوجك نسان تكرهينه او مالك خاطر فيه ولو على حساب نفسه حتى عزوز يحبك ويموت فيك حتى احيانا اغار وتدرين انتي بهذا الشي تدرين انك روحه وعمره ودام عزوز موافق معناته مازن ما اختار لك انسان غلط اكيد ماجد يستاهل انه ياخذ اخته الغاليه الحبيبه والقريبه من القلب ليش قريبه اذا ما كنتي قلبه صح حبيبي حسيتها هديت شوي وحاطه راسها في حضني وتمسح دموعها لجين : طيب ما ابغا ماجد ما احبه ما اطيقه اكرهه اكرهه مسكت يدها : افا يا لجين مو لجين الي تكره مو هاذي اخلاقياتك يا عمري تدري بشي انا يوم تزوجت سامي ما كنت احبه كنت مثل شعورك ويمكن اكثر حسيت اني بنظلم اذا اخذته بس غيرت رايي بعد شهور من زواجي له كان انسان ثاني غير الي تخيلته مع اخواني حبوب وطيب ورومنسي ويحبني لدجره ما تتصوري شلون حسيت بالسعاده تعيش في داخلي وتكبر يوم عن يوم كل ما اكون بقرب هذا الإنسان الي اختاره لي اخواني لدرجه اني احس حتى لو حطيته وسط عيني واغمضت عليه ما اقدر اوفيه من شوي من الحب والحنان الي اعطاني هو صدقيني يا لجين بتتغير نظرتك لماجد لو سمحتي له بس يعرفك على نفسه بتعرفي انه انسان ثاني طفل يحتاج لدلعك له وحنانك وانتي شفافه ورقيقه وهاديه فبتكوني جد جد مناسبه لماجد تنهدت لجين وغمضت عيونها : اصلا كذا ولا كذا موافقه عشان مازن لازم اضحي عشانه ضميتها : فديت قلبك الذهب وفديت تضحياتك يا عمري .. يلا انا بطلع سامي برا مسكت يدي : حنان لا تقولي لهم اني موافقه انا بقول لمازن ابتسمت لها : من عيوني يا قلبي يلا غسلي الوجه القمر امك حالتها حاله بره ابتسمت وهزت راسها بالموافقه .. مازن : لو ما أحبك ما تعبت وأريحك لوما تهمني ما شقيت واسكنتك تحسبني بتصرفاتي اضايق شعورك وانا الي همني راحتي من عرفتك يمكن تلاقي قسوتي في كلامي لكن من حبي لك تلقى قساوتي دخلت البيت وانا اطالع واشوف حنان وسامي عندنا جيت اسلم وشفت امي : فتحت الباب حنان : ايه فتحته مازن : قالت لك شي حنان : لا ما قالت مازن : بدخل لها عادي عزوز : لا مو عادي ناقصنا تسوي قنابل ثانيه بسوء تصرفك تكلمت بصوت حاد لعبدالعزيز الي نسى نفسه : عبدالعزيز اذا نسيت اكبرك بسنتين ومو الرجال الي يرفع صوته على الي اكبر منه قرب مني عزوز وباس راسي : اسف اخوي حقك علي بس والله خوفي على اختي نزلت راسي ومشيت دخلت الغرفه عند لجين ماني لاقيها شفت اوراق فوق سريرها رحت وجلست اقرى كتابتها الي اثرت في نفسي .. كانت تقول .. في يوم كنت أعتقد إني صرح شامخ في هذا المنزل الكل يسعى لراحتي واهتمامي خوفا علي من المضي إلى المجهول لم أعلم خوفهم من العار والفضيحه التي بإمكاني زرعها في حوض المنزل سعادتي وسعادته نعم سعادته هي التي اخترت .. حتى لو ادعى الأمر أن القي نفسي في الجحيم حتى ارى ابتسامته اذا .. فليكن ذلك لأجلك ..؟ وسأعلن قرار وفاتي ودفن قلبي في مقبرة جوفه .. حتى أبث الروح في حياة شخصين لتصل حياتهم إلى قمة السعاده هم اثنان وانا وحدي حياتي فقط .. رحماك رباه اغثني واروني .. من رحمتك يا ارحم الراحمين .. قلوب معذبه خرجت لجين من الحمام ورميت الدفتر الي في يدي كانت نظرتها لي بارده منظرها يقطع قلبي عيونها وخشمها الأحمر قربت منها وبست خشمها ابتسمت على حركتي لجين بصوت مبحوح : هلا تامرني على شي هزيت راسي : ابغاكي شوي جلست قريب مني ونظرها على الأرض توترت وما عرفت من وين ابدي اول ما عرفت اتكلم وخايف الحين بعد ما اعرف : لجين حبيبتي لجين قاطعتني وكملت : انت تحبني وتبغى مصلحتي الي تكون فيها مصلحتك انت كمان وقفت كلامها ورفعت راسها واخذت نفس وكملت : أنا موافقه يا مازن لفيتها علي ومسكتها من يدها : لا لا انتي ما تبغي ماجد خلاص عادي انا يهمني راحتك انتي ( وضميتها لصدري )أهم شي سعادتك انتي اختي ودلوعتي وامانه عندي مستحيل أأذيها ما ابغيك تحسين انك ناقصه على بنات الناس في شي مني يوم ابوي ما توفى وانا اجتهد في دراستي عشانكم انتوا انتوا اخواتي ما ابغاكم تشوفون نفسكم ناقصين على غيركم ابغاكم انتوا الي تطلبون وتامرون انتوا الي تقولون ايه ولا لأ رفعت راسها لي وعيونها تلمع بالدموع حطت كفينها ما بين خدي وابتسمت لي : صدقني يا مازن موافقه .. هي الحياه عندي منتهيه منتهيه يمكن يصير تغير اذا اخذت ماجد أهم شي حبك لمرام وحب مرام لك والله يديم المحبه بينكم أن شالله وهنا ذرفت دموعها ضميتها لصدري ما ادري هاذي البنت قد ايش عظيمه وصرح شامخ في التضحيه همست لها بداعبه : مستعده الحين تقومين تصرحي بقرارك ضحكت ضحكه مستنكره : ليش العجله اخاف يقولوا متلهته بستها من راسها : والله انا الي متلهت فديت قلبك يا أحلى لجين الله يقدرني أسعدك والله لا يكونعرسك أحلى عرس بالمدينه والكل يتكلم عليه يا أحلى عروس في الكون .. ضحكت وضمتني : يكفيني انكم تكنون معاي هذا الي ابغاه وابغا اكون مبسوطه معكم ابغاكم حولي ما ابغا افقدكم بس تعبت أنزف جراحي حبر وأدور للألم أسباب لجل أكتب شعر يحكي بعض أصغر معاناتي نهاية الجزء الثاني | ||||
|
| |
|
06-05-13, 06:27 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث .. مرام : القلب سلم لك أمره في حالته انت أدرى يلي بحنانك وطيبك تنحط عالجرح تبرى شفاف يانور عيني حبوب قلبك يبيني زهرة شبابي وسنيني تفداك ألفين مره الساعه 9 ونص الشوط الثاني لمبارة ماجد .. كنا جالسين على المباراه كلنا حتى ابوي الي يبين لماجد انه مو مأيد مباراته يتحمس يوم يشوف ماجد وينسى نفسه ويصارخ اذا ضيع هدف .. مع الأجواء الصاخبه هذي هدينا في الفاصل وطلعت غرفتي وجلست فوق سريري حسيت اني متضايقه شوي اخذت نفس ما ادري ويش الي ضيقني فجأه اتذكرت موضوع قريته اذا حسيت بضيق فجأه معناته انسان أغليه متضايق تنهدت كلها خرابيط ناس اكيد ربي علام ما في الغيوب والأنفس بس صراحه خفت على ماجد الي الحين في المباراه وجا بعد في بالي مازن بس غمضت عيوني واتمنيت من قلب لو اني الحين خطيبته بس اتصل اطمن عليه وبس هذا الي ابغاه فتحت خلود الباب : يلا الحين بي يبدا الشوط الثاني تنهدت ونزلت وشفت أمي مبتسمه جلست جنبها : واشفيك يمه أمي : سلامتك ما فيني شي طالعت في عمر وهو مبتسم لدرجة سنونه كانت باينه : عمر وش فيه عمر : لا بس اتخيلك ام عيال عز الله فسدوا عيالك هههههه تنحت شوي استوعب كلام عمر معقوله مازن خطبني ولا وش الموضوع خلود جات : مبروك مرام هنا تأكدت انه في شي : الله يبارك فيك خلود : بس على فكره مزيون مره رفعت حاجب : من المزيون عمر : حبيب القلب ههههههه ما ادري ايش الي أكد لي انه مازن اجل حبيب القلب اكيد مازن امي : خلاص يا عيال لا تعبون اختكم سعد : أي تعب يمه الله يهداك زين قولوا لها من ولده يمكن ما تعرفه طبعا الله يسلمكم مرام ولأول مره تجلس صاخه وراسها تحت والدم متجمع في وجها من الإحراج امي : الا تعرفه بس نبغا مرام تفكر اول صراحه كنت بتهور واقول طبعا موافقه هذا حبيبي من يوم طفولتي شلون ارفض عمر قرب مني يقطع هالهواجس الي في مخي : طيب بشريني انا موافقه دزيته عني : ما يخصك شوفوا مااااجد سعد يحط يده على راسي ويضحك على حركتي : خلاص اتركوها منحرجه ايه عليه اخوي فاهمني فديته طلعت فوق اتابع المباراه لحالي .. انتهت المباراه وكان تعادل 2-2 طلعت خلود وجلست معاي خلود : مرام موافقه سكت ماعرفت وش اقول : من الي متقدم خلود : يا خي علينا تسوي نفسك مانتي عارفه بهباله : مازن خلود ضحكت وقربت مني : لا مو مازن توسعت عيوني : ماني موافقه من ما كان يكون خلود : تتذكري بيتنا القديم هزيت راسي وانا ابغا استوعب الي ينقال : ايه اتذكره خلود : بيت ناصر جيرنا تذكريهم مرام : ايه خلود : ولدهم حامد هههههه مرام : حسبي الله على ابليسه هذا لهنا لاحقني خلود : ههههههههه عمر يقول مخلص ما نسى حبيبة طفولته مرام : حبته القراده الله لا يحمد عليه امره .. خلود : والله يا مرام مزيوووون الولد مرام : يزينه بدم الشاه يالمهيوته وانا على بالي مازن ولا مستحيه خلود انسدحت من الضحك : بالله عليك مستحيه هههههههههههههههههههههه تخصرت : الحين بنزل واقولهم لا والف لا خلود : تعالي ابوي في المجلس ههههههههههههههه نزلت بسرعه مطلقه ونسيت نفسي وما لاحظت غياب ابوي عن الشوط الثاني جيت بفتح باب المجلس مالاقي الا ذاك الرجال الطويل الي واقف قدامي حسيت برعشه تسري في جسمي الرجال مو بس حلو الا يهبل ما شالله عليه استوعبت غبائي وطلعت بسرعه وشفت خلود عند الدرج تضحك رحت شديت شعرها وهي تشرد عني .. خلود : شفتيه اتكلم وانا نفسي مقطوع : الله يقطع ابليسك يا حيوانه الحين تعرفي انه في خلود : يا غبيه اجل متى خطبك اكيد نعرف ودخل عمر قالنا هديت شوي وطالعت في خلود : تصدقي انه قمر ما شالله عليه خلود : هههههههههههههههه قايله اقص برقبتي اذا ما عجبك مرام : بس هم ماني موافقه جات خلود جنبي : يا غبيه ليش عيالك بيجون يهبلوا اذا هذا ابوهم لا شعوريا قرصتها : وقلبي يا الهبله خلود : آآي يالدبا عورتيني وش الي قلبك يا ماما بلا حب بلا كلام فاضي الحب بعد الزواج تكلمت بسرعه : قلتيها بعظمة لسانك الحب بعد الزواج وهذا هو متقدم وهو يحب خلود : وش دراك انه يحبك لين الحين مرام : اجل ليش متقدم أن شالله لا يكون متخبرني حلوه وجا خلود : ههههههه ما قلت كذا بس وش رايك ادق على عذوب وأسألها رفعت حواجبي : عذوب طفله خلود : طفله بس تعرف اخوات حامد سويت حركه بوجهي عدم اقتناع باللي تقوله خلود : على راحتك بس انصحك لا تفوتيه جيت عندها : دام عاجبك زي كذا ليش ما تخذيه انتي خلود : أناااا أنااا اخذ فضله مرام : أي فضله يالهبله خلود : انتي رافضته وراميته علي تبغيني اخذه مستحيل وبتاتا تنهدت : عادي وايش يعني خلود : كيف ايش يعني لو انه جاني قبل لا يجيك طبعا راح اوافق تستطرد كلامها : ياخي بلا هباله شوفي راح فين كلامنا ضحكت على خلود الي حمر وجهها وانا اسوي بوجهي عادي ويعني .. ماجد : تعباااان من مباراة اليوم دخلت اخذت شور وعلى طول على السرير .. جلست افكر في كلام الوالد .. وفكرت افتح لي مكتب هندسه بس ما ادري اذا بينفع في المدينه وفكرت اذا تزوجت لجين لازم ابني الدور الي فوق عند اهلي ابغا اجلس عندهم دامي اخر واحد بيتزوج كنت أخطط لمستقبلي بحذافيره حتى السعاده والترفيه خليت لها مجال واسع من حياتي يمكن وثوقي انه مازن راح يزوجني اخته ما اخفي اني احس بقلق من الموضوع هذا بس حاولت اطغي عليه تقلبت في فراشي يمين وشمال قمت سحبت الجوال واتصلت على مازن تحطمت يوم ما رد علي رحت اشغل التلفزيون والا يدق الجوال على طول رديت ماجد : هلا مازن مازن : هلا ماجد بغيت شي متصل الحين طالعت في الجوال : بلاك عسى ما شر مازن : ابد سلامتك كنت رايح في النوم ضحكت يا حب الولد هذا للرقاد : طيب ممكن تصحى شوي بقولك شي مازن : ادري بتقول وافقوا ماجد : ما شالله عليك ذكي مازن: تبغا الصراحه يا ماجد ماجد : ايه اكيد مازن : اختي موافقه واهلي موافقين بس في شي لازم تعرفه حسيت الفرحه مو سايعتني بس الخوف والقلق من كلامه خلاني ارد بتهجم : الي هو مازن : تتحمل لجين حسيت بطامه بصدمه : ليش انت غاصبها مازن : والي خلقني وخلق منزل النعمه الكريمه ما غصبتها بس هي شوي متأزمه من موضوع صار لنا من سنين تذكره موضوع طلال حسيت انه كلام مازن مو داخل مزاجي: طيب وش دخل اني اتحملها مازن : شلون يعني وشدخل يعني هي نفسيتها تعبانه من الي صار تنهدت ما اعرف ايش قول بصراحه : يصير خير أن شالله مازن : تكفى يا ماجد هاذي اختي وابغا لها الراحه ماجد : افا عليك يامازن اختك بحطها في عيوني مازن : تسلم والله حبيب واعرفك يلا انا برجع انام واياك تزعجني ماجد : ههههه أن شالله كابتن يلا انا بعد بنام .. قفلت من مازن وجلست اقلب في القنوات وانا افكر في كلام مازن قفلت التلفزيون ورحت انام والي فيه الخير ربي بيكتبه .. هيام : جالسه في غرفتي ومشغله اللاب توب والعب .. من طفشي حسيت نفسيتي متضايقه شوي فتحت الفوتو وبديت اخربط بأشياء .. لقيت نفسي اكتب واكتب من غير ما احس تدري احبك وادري تحبني بس السبب والمسبب اقوى مني ومنك تدري احبك وادري تحبني لجلك بظل على ذكراك طول العمر فاقده الأمل حسيت دمعتي على خدي عضيت شفايفي امنع هالدموع خلاص قمت عن اللاب توب وضميت دبدوب من لجين وعزو وجلست ابكي من قلب اشتقت لهم وذبحني الشوق خلاص ما اقدر اتحمل اكثر في ديرة الغربه الحين بعد ما كبرت حسيت بجد فقدت مدينتي واهلي وحبيبتي وحبيبي .. حسيت بالقهر من تصرف طلال الي مو بيده .. دخل طلال الغرفه يبغى يكلمني وانصدم من حالي قرب بيشوف وش فيني راح اللاب توب ودمعت عينه جلس جنبي وهو يبلع غصه في حلقه : هيام تكفين خلاص جلست ابكي خلاص لازم تعرف اني تعبانه يا طلال لازم طلال : هيام والله مو بيدي الي صار والله مو بيدي تكلمت وانا ما ادري ايش راح الي انطقه صح ولا غلط بس بتكلم بقول الي خانقني طوال 7 سنين ومالي جراه اتكلم : طلااااال كافي الي ابوي يسويه كافي انت تدري فيني مستحيل اعيش بعيد عن لجين وبعدوني عنها غصب تدري اني مستحيل احب غير انسان واحد وحرمتوني منه وتدري فيني احب اهلي وديرتي وهجرتوني عنها غصب عشان غلط مالي ذنب فيه والله مالي ذنب طلال انا كبرت تدري وش يعني كبرت يعني ما عدت صغيره يعني انا صرت احس اكثر من اول فاهمني طلال اريج وراحت ما ابغا لجين بعد تروح ما ابغا تكفى طلال تكــفى قول لأبوي انا اتكلم وطلال يشد شعره بأقوى ما عنده وهي يبكي قهر قام وطق راسه في الجدار خفت حسيت بالرعب من الكلام الي يقوله وتصرفه طلال : مو أنا مو أنا ليش ما يفهمون يمكن كنت طاااايش بس ما ابغاها تموت ما ابغاها تمووووت افهمي افهمي مو انا مو انا انا ما سويت شي هو صار الحادث ياليتني مت انا ياليتني مت انا ولا شفتكم كلكم تلومون فيني خلاص انهرت من منظر طلال مديت يدي لشعري وجلست اصرخ فيه عشان يسكت من الكلام الي يقوله : خلااااااص بـــــــــــــــس بــــــــــــــــــس كافي كافي ألم بـــــــــس خــــــــلاص حرام عليك لا تسوي كذاااااا حرام عليك طلااااال بس كااااااافي كاااافي طلع من غرفتي وانا اجهش من البكى واردد : بس كافي طلال خلاص خلاص بس كافي | ||||
|
| |
|
06-05-13, 06:29 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| طلال : كنت تعبان من قبل 7 سنين ويزيد التعب سنه بعد سنه يزيد الألم كل ما شفت هيام قدامي اتذكر اريج نفسيتي كانت حيل تعبانه كنت اروح للدكتور النفساني كل ما حسيت بانهيار بس الحين ما احد خلاص العياده ذا الوقت مقفله مشيت ومشيت ليما وقفت في مكان مهجور في البر هنا وقفت وحطيت راسي على الطاره وانا أون من ألم في قلبي وفي روحي قبل جسدي حسيت بشي على عيني رفعت راسي وشفت المرايا مسكت راسي واخذت منديل امسح الدم الي جاني حطيت راسي على ورى وانا اتنهد وبدى الشريط يمر علي .. أريج : طلال تكفى بس أخذ أغراضي وخلاص الله يخليك لجين : طلال عفيه عفيه نبغى نروح حنا بعد طلال : لا لا وراي مشوار مع أصحابي ما أقدر أريج زعلت ولفت الجهه الثانيه : ايه قول انهم اغلى منا حنا اهلك مالنا غيرك الي يسوق ويودينا ويجيبنا قمت تخليت عنا بسهوله ضحكت على كلامها وقربت منها : افا افا زوجة المستقبل تقول هذا الكلام هيام : وي عاد امحق زوج انت مو راضي تودينا مشوارنا الحين وتقول زوج مستقبل لجين الي تكمل كلام هيام : ايه اصلا بنت خالي تبغا رجال يوديها ويجيبها وتعتمد عليه ويودي بنت عمتها معها وكل شي هو يسوي لها وما يقول اصحابي هم يتكلموا ونسيوا البنت الي راحت ألوان من الحيا ضحكت من قلب : خلاص اركبوا بس اريج تركب عندي اريج وهي منزله راسها من الحيا ودموع متجمعه في عينها : لا هونت ما ابغا اروح هيام الي كانت رئيسة العصابه : ما عليك منها العروس مستحيه اريج : ماني عروس انا لساتني صغيره بلعت ريقي وتميت اطالع فيها آه من نظرتها ذيك اللحظه حركت في داخلي شي صعب اوصفه انا عارف انها محيره لي بس عمري ما حسيت بشي اتجاها بس ذيك الساعه حسيت اني مسؤول عنها يمكن يوم هيام قالت لي حرام عليك على الأقل سو نفسك مهتم فيها انت ما تدري حنا البنات بويش نحس : خلاص اريج عشان خاطري اركبي ما عليكي منهم ابتسمت لي وعينها كلها دموع : اقولك شي طلال ابتسمت لإبتسامتها وقلبي يعورني لدموعها : قولي وانا اسمع اريج تأشر للجين وهيام يروحوا بعد ما راحوا تكلمت : بسألك طلال تجاوبني بصراحه هزيت راسي وانا استناها تكمل كلامها .. اريج : صح انا لسه صغيره على هذا الكلام الي اقوله بس انا بنت واحس يعني مشاعري هي الي كبرتني ابتسمت وانا مستمتع لكلامها فعلا حسيتها كبيره بالرغم من صغر سنها الا أن عقلها كبير ما شالله طلال : طيب يا اريج ليش تقولي لي كذا اريج دمعه نزلت على وجهها ونزلت راسها : انت تحبني بصراحه انصدمت من سؤالها الجرئ بس عرفت انه هالطفله قلب يتألم من تجاهل انسان عارفه انه بيكون زوجها صح طفله بس هذي عادات الي اتربينا عليها جاوبتها في الي احسه الحين وهاذي اللحظه وعند دمعتها الي عورت قلبي : ايه احبك وبحبك اكثر لا تزوجتك نزلت دموعها اكثر وهي تضحك وتمسح دموعها وقالت لي : تدري طلال انا احبك بالحيل .. وراحت جلست مصدوم من كلمتها حسيت الحين دمعتي على عيني آه من ذي الكلمه صوتها وصورتها يوم تقولها ماني قادر انساها سكنت في روحي ذيك اللحظه وفارقتني بعده بساعات آآآآه آآآآه يا اريج ردي لي تكفين .. غمضت عيوني ومرت اللحظات الي اخذتهم معاي وتمشينا كنت مبسوط وانا اسمع ضحكتها وسوالفها الهاديه ضغطت على يدي وطالعت في وهي تضحك وتحرك شفاتها : أحبك انت وحدك اخذت نفس عميق من كلماتها العذبه الي مستحيل تكذب فيه بسبب قلبها الأبيض الطيب لجين : طلال شوف هذا يأشر لك لفيت شفت صاحبي وهو يأشر لي .. ويجاكرني في السياره .. وبطيش الشباب بديت اسابقه كانت هيام تشجعني ولجين خايفه اريج تغمض عيونها وتكلمت : لا طلال خلاص الله يخليك خلاص طليت فيها : ليش يا خوافه عادي الحين بسبقه اريج طلت فيه ودموعها على عينها : طلال الله يخليك انا ابغاك لا تسوي كذا الله يخليك ضحكت على كلامها حساسه بالحيل والي يثبت دموعها في كل موقف حسيت الحين بديت اعرف شخصيتها اكثر واكثر ما استوعبت الا على صرخة اريج ولجين وهيام : لااااالاااااااااااااااااا ااااااااا اريج : انتبه طلال انا ابغااااااك هنا انتهى الصوت وانتهى الموقف .. ما وعيت الا وانا في المستشفى فتحت عيوني وانا اشوف الإبر الي حولي تكلمت بصوت متعب ويلا تطلع الكلمات : وينهم جات السستر : تطالع فيني ونادت الدكتور جا الدكتور : كيف بطلنا اليوم هزيت راسي وأنا أسأل عن البنات جا شرطي وبدأ يكلم الدكتور وكلمني الدكتور : مستعد انه يبدى يستجوبك تعرف الإجراءات هزيت راسي وجا الشرطي وبدا بالأسئله وكنت اجاوب وانا محتار طليت في الدكتور وسألته : كيف البنات الدكتور ابتسم لي : طيبين بقى انت تصتصح شوي ارتحت من كلامه بس شفت نظرة غضب من الشرطي والدكتور يرد لها نظرته بابتسامه حسيت بقلق في شي كايد صاير وشهو ابغي اعرف وش الي صار جا ابوي وهو يشوفني بغضب ومعه هيام مجبرين يدها ولجين فيها رضوض خفيفه في راسها وجروح بسيطه ابوي تكلم : تفو عليك يا قليل الأصل الدكتور حاول يهدي ابوي اللي مشتط من الغضب : استح على وجهك ذا كبرك ومعتمد عليك رجال وهاذي سواتك قولي الحين وش نقول لأهل البنت ولدنا اخذ بنتكم وذبحها حسيت بدوخه في راسي من الي ذبحتها اريج تكلمت وانا احس نفسي بيغمى علي : اريج وينها اريج ابوي يطالع فيني باستحقار : الله يكافيك من ولد ضاع وجهي بين العرب البنت ماتت والسبب طيشك صدمه ولا شي قوي جاني حسيت روحي بتطلع مرت علي كلماتها واعترافها لا لا ياربي لا وغبت عن الوعي لمدة أسبوع ويوم وقظت ما شفت غير ابوي الي نقل ملفاتنا واغراضنا بعد ما اعطا اخو مرة عمي الديه كانت صدمه لي وانا اشوف الحزن في وجيه عيال عمي وهيام ولجين الي ودعوا بعض بصياح طول الطريق وهيام ما جفت عينها من الدموع هو من فراق اريج ولا فراقها الحين للجين وصحباتها آآآآآآآآه يا اريج آآآآآآه يا حبيبة قلبي .. الله يعين ويصبرني على فراقك .. فتحت عيني وشفت القمر تخيلت صورتها وهي مبتسمه ودموعها في عينها كلمتها ترن في اذني : أنا ابغاك وأنا اموت فيك اريج وابغاكي في حياتي ابغاكي يا اريج ردي لي اريج والي يعافيك ردي لي حسيت الدموع تنفجر من عيوني حسيت بالضعف يتملكني من اولي لأخري وكأن حياتي انتهت من فتره بس روحي باقيه في جسد غاده : الساعه 1 ونص جا منصور وهو مبتسم حسيت قلبي يخفق بين ضلوعي من الفرحه حسيت نفسي مثل الطير بأجنحه ابغا أطير من الفرحه منصور : كيفها حبيبة قلبي ابتسمت على كلماته الي احسها الحين من قلبه نابعه : مشتاقه لحبيب قلبها ضحك منصور ضحكه خلتني اضحك معه : اسسس العيال نايمين منصور شاف ساعته : تأخرت بابتسامه واسعه : لا بالنسبه لدايم عض شفايفه ولمس شعري : عذبتك معي نزلت راسي : لا منصور : قولي الصدق تعبتك هزيت راسي وحسيت بدموعي تجمعت : خلاص غير الموضوع اهم شي انك تحاول تتغير منصور ضمني لصدره : اسف غاده أن شالله ربي يعوضنا بأيام احسن مسحت دمعتي : أن شالله وصدقني الي صبرني 12 سنه بيصبرني شوي عبال ما تتغير تماما منصور : الله لا يحرمني منك ولا من عيالك تكلمت بصوت متعب شوي : منصور ابوي تعبان ممكن نروح عندهم يوم الربوع منصور : لااااه سلامات وش فيه غاده : قام عليه السكر وودوه المستشفى منصور : سلامات يا قلبي ما يشوف شر خلاص أن شالله يوم الثلوث في الليل نسافر غاده : ومدارس العيال منصور : بيغيبون يوم ما يضر ضحكت على استهتار منصور : لا دراستهم مهمه منصور بتكشير مضحك : يوم عاد يا الأم المثاليه ضحكت من قلب على منصور وحطيت راسي على صدره وحسيت بالحنان والأمان في حضنه لجين : صحيت من النوم واسمع الأذان يأذن رد لي روحي الآذان جلست اردد وراه بعد ما خلص الأذان قلت بالدعاء الي تعودت اقوله مع هيام واريج (( اللهم رب هذه الدعوة التامه والصلاة القائمه أتي محمدا الوسيلة والفضيلة وابعثه اللهم مقاما محمودا الذي وعدته اللهم انك لا تخلف الميعاد)) قمت اتوضى وصليت الفجر ورحت اشوف امي صحيت ولا باقي عليها شفت عزوز يتوضأ ويطالع فيه حسيت بضحكه في داخلي ابستمت ورحت بسته : صباح الورد جلس مبلم للحظه وبعدين اتكلم : صباح الياسمين والفل ابتسمت : مازن صحي ولا باقي رفع حواجبه ورد باستغراب : لا باقي ما صحي اخذت شوي مويه ورشيته : طيب بلاش تتنيح من صباح الله خير ودخلت اصحي مازن مازن : طيب ربع ساعه لجين : كذا الصلاه بتروح عليك يلا قووووم مازن : طيب طيب الله يصبرك يا ماجد ضحكت على طاري ماجد شكلي راح اتقبل الوضع : يلا قوم وصحيه هو بعد يروح يصلي جلس مازن ويطالع فيه بدهشه ابتسمت وأشر له بيدي اشفيه مازن : اكيد اصحابه الحين يقومونه جلست عندي : ايه صح بس انت غير يلا دق عليه وقله يقوم يصلي لجين تبغا رجال يصلي مازن باستنكار : يعني بزوجك كافر يالهبله ضحكت وانا احس بمراره على الدور الي العبه على اخواني عشان يطمئنوا يارب اتقن الدور ذا عند ماجد بعد غمضت عيوني وتنهدت وباسني مازن من راسي مازن : اليوم بسوي لك اكراميه واوديكي انا الجامعه رفعت حواجبي : يا سلام على الإكراميه الي تهبل يلا قوم بتقوم الصلاه الحين رحت اشوف امي ولقيتها تصلي رحت اجهز الفطور ودخلت البس وخرجت وشفت امي وهي تبتسم لي : بارك الله فيك يابنتي رحت بستها : الله لا يحرمني منك ومن دعاويك الحلوه امي : آمين يارب جهزتي الفطور ابتسمت : ايه انتي ارتاحي وانا بحطه الحين امي : الله يوفقك في حياتك ويهنيك .. ابتسمت لدعوة امي ورحت اودي الفطور ودخلوا اخواني دخل عزوز يودي الشاهي والحليب ومازن معاه التميز وجلسنا نفطر .. حبيت اتكلم واريح مازن لأني حسيت امي متضايقه منه : امي حبيت اقولك اني موافقه على ماجد رفعت امي راسها وعبدالعزيز شرق في لقمته وانا خايفه عزوز : اذا ما تبغينه ما احد بيغصبك عليه لجين : لا انا موافقه من خاطري وطيبة نفسي مازن كان ساكت طول الوقت حسيت اني لسبب في مشكلته مع امي بست راس امي : يمه الله يخليك خلاص كافي بدال ما تباركين لي وتباركي لأخواني امي دمعت عيونها : مبروك يا بنتي واتمنى هالشي فعلا من خاطرك ما ابغاكي تتنكدين في حياتك اهم شي سعادتك وانا امك ابتسمت وانا احس العبره خانقتني : الله يبارك فيك وسعادتي أن شالله بتكون مع ماجد واخذت نفس عميق .. قمت لبست عباتي ودخل مازن علي مازن : لجين ماني عارف وش اقولك انتي سويتي اشياء كثير عشاني ما ادري وين اودي جمايلك هذي علي قربت من اخوي وبست يده وراسه : انت بعد الله ابوي يا مازن انت الي كملت تربيتي وانفقت علي من شقاك انا الي ابغا ارد جميلك لي .. ضمني اخوي وانا حسيته يلوم في نفسه وحسيت في نفسي الم تمنيت هيام معاي وتشوف من الي خطبني هههههه متأكده انها بتقولي : صدقيني لجين بينتقم من الي سوينا له ايام مراهقته هههههههههههههه آه يا هيام ووينك يا اريج عشان تشوفون الانسان الي بهذلناه بيكون زوج لي | ||||
|
| |
|
| الكلمات الدلالية (Tags) |
| عيونك |
| أدوات الموضوع | |
| انواع عرض الموضوع | |
|
|
العرض العادي
