آخر 10 مشاركات
لُقياك ليّ المأوى * مميزة ومكتملة * (الكاتـب : AyahAhmed - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          حين يبتسم الورد (2) *مميزة ومكتملة * .. سلسلة سلاطين الهوى (الكاتـب : serendipity green - )           »          هيا نجدد إيماننا 2024 (الكاتـب : رانو قنديل - )           »          379-لا ترحلي..أبداً -سوزان إيفانوفيتش -مركز دولي (الكاتـب : Just Faith - )           »          378-ثورة في قلب امرأة -تامي سميث - مركز دولي (الكاتـب : Just Faith - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          377-حب من أول نظرة -بات ريتشارد سن -مركز دولي (الكاتـب : Just Faith - )           »          376 - الهروب من الواقع - جودي بريستون - م.د** (الكاتـب : سنو وايت - )           »          375-فتاة لعوب- كاي سميث-مركز دولي (الكاتـب : Just Faith - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 13-05-13, 05:57 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 أقنعة !! / للكاتبة cαяeless шнispeя ، مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم

أقنعة!!

للكاتبة
cαяeless шнispeя



وهي تقول لكم


السلام عليكم ورحمة الله وبركاته


ممم لا اعلم كيف ابدأ ..
ربما لأنها المرة الأولى لكتابتي القصة
لا افقه ابدا شيئا عن هذا الأدب سوى سلسلة
المكتبة الخضراء
وحكايا جدتي
هنا سأدعكم تشاهدون
اناس ربما يحاكون الحقيقة في عالمنا !
على الاغلب بعض من
ما مررت به والبعض من نسج الخيال!
عرفت فاتي خانوم بجرأتها
وهنا ستجدوني جريئة من خلال شخصياتي
فليشهد العالم اجمعه اني
بدأت خطوات اول قصة
لي هنا معكم في عالم النت
لأنه عاصر الكثير
معي بما مررت فيه
كثيرا ما تخونني التعابير
فألجأ الى العامية وذلك اعترافا مني
بأن اغلب ما سأرويه
سيكون حدث في حياتي !
ربما انا
ربما هي
ربما هو
ربما الكثيرون ممن هم حولي
القصة ستدور عن بعض
الشخصيات الرئيسية
ما يمرون به وكيف يكون
هناك تسلسل الى كل نهاية بالعالم
مع كل قصة ينتصر الحق
اسأل الله تعالى ان يعينني في ذلك
من لا يعرفني شخصيا
فليعرف فقط اني اتأثر بكل ما هو حولي !
هذا يكفيني للتعريف عن نفسي
اتمنى ان ارى قبول منكم
ومناقشة وتشجيع واستنكار
ونقد وكل ما تشعرون به مع كل حلقة
اتجاه الابطال وتنفيس غضبكم بهم بالنقد اللاذع الجرئء المحترم !

حتى ذلك الحين استودعكم الله

بانتظاركم



التعديل الأخير تم بواسطة لامارا ; 15-10-13 الساعة 11:58 AM
لامارا غير متواجد حالياً   رد مع اقتباس
قديم 13-05-13, 06:04 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

حكاية الأقنعة ستدور عن عائلة من الطراز القديم
ام واب و3 بنات وولد
الاب عبدالله من جنسية عربية رجل كبير بالسن تعب بحياته من غربة وخيبة الامل في الكثير من المواقف !
الأم دلال كويتية شخصية مركبة ستتغير مع مرور الظروف عليها
الأبناء بالترتيب حسب المرحلة العمرية بوصف موجز لهم
ايمان = الشخصية الشديدة الحازمة ما يهما غير دراستها
حبيبة امها
فاطمة = هبلة البيت الحساسة اللي ماتزعل وان زعلت يراضونها بصمونة !هالهبلة مينونة فحب ابوها
<< ولأني احب ابوي راح اروي هالقصة واعيش دور فاطمة الهبلة (:
خالد= الولد الوحيد المدلل الحنون الى ابعد ما تتخيلون !
دانة : هالبنت اللي ما يهمها الا نفسها ! مادية نوعا ما
يعني نظامها انا وبعدي الطوفان!!
كانت عائلة سعيدة ولا ينقصها شي رغم فقرها الشديد
كان الحب يسودهم والضحك يملأ البيت
قمة الفرح كان بخروجهم مع بعض على البحر ويفترشون الرمل وبعدها يتعشون ويردون البيت
حتى اتى خبر حمل الأم !!
ممم الكل اعترض ماعدا خالد << طمعان بأخ يساعده على فريق هالبنات ههههه
دانة: لا يمكن يما تحملين انا قربت ادخل الثانوية ويصير عندي اخو صغير وع يما اي شي :/
فاطمة:يما شنو هذا انا بتزوج والا بربي ولدج << كان كل احلامها ريال يشبه ابوها
وبأي مناسبة تترزز عشان يشوفونها يمكن تتنيل وتتزوج على قولتها
ايمان شافت الكل معترض قالت مع الخيل يا شقرا
يما مايصير خو انا بالجامعة وانتي حامل وع مو خوش سالفة @@
الأم فكرت انه الحال سيسوء اكثر بكثير مع المولود الجديد
كنت اسمعها تتصل بخالتي ام جاسم تقولها والله شقولج يا ام جسوم ياخوفي من كلام الناس
مرة شكبري كرشي جدامي وي حسرتي هههههههه
بيني وبينكم ماما تعبت وايد يعني من عمر واهي مظلومة وشقيانة مرت ابوها
من صوب ويدتي القاسية اللي اهي امها من صوب !
تلاقينها من وين يا ام خلود ):
تبي تنحاش من الهم تزوجت
اول من حسسها باهميتها اللي اهو بابا يمكن
انه ابوي حبها لكن اهي ماتت عليه للحين
تقولي شلون ابوي كان
يتحرش فيها واهي رايحة المدرسة
للحين لما تسمع اغنية عبدالحليم فاتت جنبنا تذكره !
ورغم معارضة ابوها لجنسيته وانه مو من مواخيذهم الا انها
وافقت وقالت يا هالولد يا ما ابي احد
عاد عقب الزواج على ما سمعت منها تقول انه تغير عن الصورة اللي حبتها من اول يوم !
تخيلوو اللي كان يتغزل بشعرها لبسها حجاب
بيني وبينكم ماما شعرها فلافل على قولتها ارتحت من الفير والسشوار (:
شوي شوي لبسها عباية مع العلم انه بديرته ماعندهم عباية !
الغيرة خلته يشك في كل تصرفاته قررت ترجع بيت ابوها !
وتعترف انها اساءت بالاختيار لكن ما امداها لأنها تفاجأت
بخبر حملها لأول مولود وهي اختي ايمان
مممم صبرت وقالت انا تعبت مع مرةابوي
مابي بنتي يكون لها
في يوم مرة اب وتعذبها نفس ما عانت بحياتها



صارت حياتها مملة
يمر اليوم بين جاراتها وبس وكل وحدة ريلها يطلعها
وترد تسولف من الفرحة الا امي ما اذكر في يوم مر
وطلعنا فيه الا وكانت تبجي من قسوة ابوي في معاملته لها
مرت سنة وقررت امي تتسامح من ابوها وتاخذ ايمان معاها
فرصة اذا شاف اول حفيدة له يمكن يحن قلبه ! لأنه عاندته في يوم !
تقول جحتني ( طردني) من باب البيت كان عيد الفطر
وكان عبدالله ( ابوي )
ناطرها عند الباب يقولها دلال اذا رضا عليج طلعي ناديني
اخذ رضاه كانت محاولة فاشلة وردت امي منزلة راسها
لأبوي ركبت الوانيت مالنا لونه احمر اذكره زين (:
وردينا البيت



للأقنعة بقية ..




لامارا غير متواجد حالياً   رد مع اقتباس
قديم 13-05-13, 06:05 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

في يوم حست ماما بأعراض الحمل
حللت والا اهي حامل فيني (:
تقول امي يوم ييت ويهي كان خير على ابوي حتى المؤسسة اللي كانت عنده سماها باسمي وصار كل همه اني اكون معاه
وانعادت سالفة امي وباباعود تبي رضاه ومارضا واحنا ماغير رايحين رادين بهالوانيت ههههههههه
انا وايمان على راس بعض اشكالنا تضحك بعناقيصنا ونفانيفنا
اذكر كل شي امي تشتري لنا نفس بعض
وكنا نفرق الهدوم شنو حق ايمانو وشنو حقي من المقاسات
اهي اضعف مني << خو من البلعة هههههه
ومرت سنة ..~
نفس الحال ..
وصل المعرس اخوي خلودي وفرحت امي
وحتى ابوي استانس اذكر انه كان يهتم بخويلد اكثر مني
لكن تبقى فطوم اهي الأستخبارات
صرنا الحين 3 مع امي وابوي
مواقف كثيرة مرينا فيها وايد كان يطق امي لما يدش البيت ومايلاقيها طابخة
او لما يدش البيت ما تفصخه دلاقه !
اذكر انها تلف ويهها صوب الثاني وتجعد ملامحها قرفانة من ريحة عرق ابوي
بس تدرون عاد على الرغم من انه ابوي يشتغل يوم كامل برا البيت الا انه
من يرد البيت اركض عليه وللحين ريحة عرقه احبها
في حين
انه امي وايد تلوع جبدها من يدش اذكر تقوله يلا جدامي اسبحك @@
ههههههههه كنا انا وخالد وامون نسمعهم يضحكون بالحمام
الحين عرفنا الغمندة هههههه خو كبرنا (:
وكنت انا احد المجندين في الاستخبارات من صوب بابا دوم يعطيني بليل
حلاو عشان افتن على امي وين راحت شنو قالت منو دش بيتنا !
امي تكفخني الصبح لما يطلع اذا قلت شي وابوي
يغرقني حلويات بليل
تدرون عاد والله ما اذكر انه في شي يسوى هالتكفخ
كنت وايد اجذب عشان الكاكاو والحلاو
تقول امي اني ام لسانين ههههه
امبيه شي ما يونس لكن والله ايام حلوة مع التكفخ (:
في يوم ابوي دخلني غرفة النوم واذكر عدل وقفته
ورا الباب
مسند الباب بريله اليمين !
انا طولي بالضبط لي ركبته @@
يقول فطوم




للأقنعة بقية ..


لامارا غير متواجد حالياً   رد مع اقتباس
قديم 13-05-13, 06:06 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

في يوم ابوي دخلني غرفة النوم واذكر عدل وقفته ورا الباب
مسند الباب بريله اليمين ! انا طولي بالضبط لي ركبته @@
يقول فطوم منو اليوم زار ماما ؟
مادري ليش خفت يمكن لأني ماعرف
منو اللي شفته سلم على امي وباسها؟
قلتله مادري بابا
ابوي : فطوم اوديج يابابا hungry bunny
<< يغريني فديته
جان اقوله ريال طويل خشمه كبير ههههههه
تغيرت ملامحه!
لكن قام يلح علي !
منو ليش شكو ؟ متى ؟ شكثر قعد مع امج ؟
زين وين قعد معاها !!
للحظة الياهل المرعوب فيني من تصرف بابا
تحرك
جان اقوله يعني مفتش وحيد يابابا
مممممم ياني كف بيده اللي
لو حطها على ويهي تغطيه كله ماشاء الله
ترااااااااااااااااااااااا ااااخ !
ويهي طق بالطوفة
حرام بابا شنو سويت وبجيت
وراح على امي !!
وي حسرتي ما انساه شلون كان يشد شعرها الى غرفة النوم !
تخيلته وحش !
كرهته للحظة
لدرجة اني تركت الحلويات ورا باب غرفة نومنا ورحت نمت تحت السرير !
خالد وايمان كانو يكرهوني لأني فتانة
فجأة خالد اللي اصغر مني بسنة يسبني يقول انتي حمارة كبيرة
انتي ماحبين ماما ماحبين نفرح كله هاوشينهم هاوشينهم <<< 5 سنوات
من يومه مبلتع لوووول
ايمان : انتي ما تحبينه انتي مو اختنا اصلا احنا ربيناج لما لقيناج بسلة عند الباب
رحت ابجي بالحمام !
كنت اكلم نفسي ياترى صج اللي قالوه
انا حمارة كبيرة
امبيه انا شسويت ماما طلعت من غرفة النوم
خشمها فيه دم @@
ابي انحاش من نفسي
مادري وين اروح
شنو هالشيطان اللي كان بداخلي وانا ياهل
اف اف كرهت شغلى الاستخبارات من يومها !
ابوي يومين قافل علينا الباب وامي لامتنا وتبجي
<< جيكو شنو قلت ؟
لامتنا يعني انا مع ايمان وخالد(:
يعني الحمدلله انا بنتهم مو مثل ما قالت ايمان
ثاني يوم بليل
دخل بابا علينا ومعاه هدية كبيرة
باس امي
قالها انتي الغالية يا ام خلود
وغمزلي عباله اني احبه وراح احضنه نفس
كل مرة يرد من الدوام
مارحت طبعا ركضت تحت السرير وانا اقول
في نفسي يارب يلحقني ويراضيني بالحلاو
الغريب انه بعد دقايق من وصول بابا دخل
الريال الطويل ابو خشم كبير !
باس امي بحضور ابوي@@
مادري ليش احس البوس ماكان حق غير بابا
يمكن لأني ماعرفت اهل امي !
على طول ركضت اوخره عن امي وخر
هذي امنا يابقرة يا خشمك كبير
تدرون بوخشم عوود هذا منو ؟
هذا خالي احمد
فديته يه باباعود طرشاه عشان يراضي امي ويبلغها ان باباعود عازمنا على بيتهم حزة الغدا
امي من الفرح قامت تبجي وخالوو احمد بجا !
يؤ ويمان بعد @@
بس عاد ترا والله ابجي
والا اقولكم ترا بجيت ولما لمحت خالد من بعيد قاعد يطالع الهدية ركضت اقوله مو انا اختكم شوفني ابجي
انته ما تبجي انته مو اخوي بس انا اختك
سوالف يهال
اما الهدية الكبيرة وسالفة عزيمة بابا عود
بقولها لكم بالتفصيل لأنه كان عالم غريب علينا
صراحة


وللأقنعة بقية ..





لامارا غير متواجد حالياً   رد مع اقتباس
قديم 13-05-13, 06:07 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

ما شفت امي في يوم سعيدة كثر هاليوم !
يوم دخلنا القصر ..
اسميه قصر لأن وايد كان عوود
وبابا كالعادة مستحي من باباعود قطنا عند باب البيت وراح
طقينا الباب تخيلو بيت يدي وامي تطق الباب !!
سبع سنين بعيدة عن ابوها خلتها تحس انها غريبة !
تبطل الباب حسيت انه مثل المدرسة شلون مدخل صغير والباحة كبيرة !
وبالزاوية اشوف حجية عودة يعني ريلها والقبر الحين هي في عداد الموتى لكن قسما ما انسى شكلها
كانت ايرانية الجنسية اسمعها تصرخ تنادي خالي احمد
أأأهمد زود يبوت قاهريت زيات << على ما اظن احمد الحق اختك وصلت
يركض احمد ومعاه واحد حلو << يمكن لأنه خشمه صغير هههه كان خالي الثاني علي
امي واقفة متسمرة مكانها جرتني من عنوقصتي
تقولي العقل يا بنت المفتري ههههههه
لأني كنت اسوي حركات هبلة فحلجي ههههههههه
ايمان مسوية خوش بنية عشتو وخلود اخوي ماسك عباية امي من صوب
والا يدش ريال عود امي تقول روحو هذا ابوي سلموعليه هذا جدكم
يمااا@@ ولا تحركنا اهي تبي تمشي ماخليناها خفنا من عيونه
كانو مبققين وايد هههههههه
راحت بصعوبة انزلت على ريوله وايده تبوسهم
تبي رضاه رفعها وباسها
وطول وايد لما حضنها وكانو يبجون
تدخل وحدة عيوز توقعت انها يدتي امي قالت سلمو على نانا <<هالاسم يخوفنا وايد اهي الله يسلمكم
مرة يدي اللي كله قبل امي لما تهددنا تطريها
الظاهر كانت تطق امي يوم امي ياهل
طاف الوقت بصعوبة وامي كانت وايد تبجي
مادري شنو كان شعورها
بس اللي اذكره عيونها ماكانت تفارق ملامح حتى طوفة بيتهم
واحنا بخزتها كنا نتحرك جب بس انطم قعدي عاجل
<< بس هذا اللي كنا نسمعه منها
وع كرهنا بيت باباعود
شوي والا يقولها دلال وين عبدالله
امي ضحكت قالت يبا عبدالله برا بس خايف يدش وتطرده
قالها انا رايح اناديه يتغدا معانا
خذا اخوي خلود وراح رجع واهو ايده على كتف بابا
بيني وبينكم بعد ما شفت بابا عود عرفت انه ابوي ريال كبير بالسن !
انتبهت انه الشعر ابيض نفسه شعر ابوي
وفي تجاعيد على عيونه
ولما ضحك في ضرس ذهب
اوخ @@ لا يكون باباعود اخو ابوي @@
<< طبعا هذا نتاج تفكير غبي بيني وبين خالد وايمان

كان يوم وايد حلو ما كان ينقصنا
الا نتعرف على ماماعودة ام امي الصجية !
ممممم

وللأقنعة بقية




لامارا غير متواجد حالياً   رد مع اقتباس
قديم 13-05-13, 06:08 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

ام امي عراقية بالتحديد من البصرة هذا على حد علمي
طلقها باباعود يوم امي كان عمرها 3سنوات
تقول امي يوم تسولف لنا انه وايد توله على امها
وكنا كل ما نتهاوش انا وامون وخلود تقول يجيكم يوم
تبجون لما تاخذكم الدنيا عن بعض !!
ما كنا نفهم قصدها !
ممم الحين تدش امها الصجية بعد شوية تدش
ممم مادشت
استغربنا
امبيه مو هذا باباعود يعني اكو ماما عودة بنفس البيت !!
عدل ؟
مو هذا اللي عرفناه من احنا يهال !
ردينا البيت واهي للحين ماشفناها
بالطريج امي ما وقفت سوالف
كله تبتسم فرحانة في الصلح اللي صار بينها وبين ابوها
اذكر تقول عبدالله انا سامحتك والله
لأن اليوم هذا مو لازم ازعل فيه اصلا ابوي رد روحي
بابا معلي على اخبار اذاعة لندن ومخلي امي تقرق على راحتها
ههههههههه
احنا بالكشن اللي ورا نتهاوش مرة ونضحك مرة ونطق بعض مرات
ابوي عزمنا على شورما لحم اوخ @@ اكيد اكو مناسبة
كانت كل طلعاتنا فلافل عجيب بابا اكيد فرحان ويبي يونس ماما
فديتهم اكيد تصالحو
امي حطت عباتها على جتفها بالسيارة جان بنص الطلعة
شال وشدخ فيها مسبات
امبيه @@
بابا توك تضحك مع ابوها الحين تقولها العن ابوج
زين مو حرام توها تضحك امي ما امداها
اف اف اكره تفكير بابا


رجعنا البيت والا ابوي ينادينا نفتح هدية اللي يابها
لنا مع خالو احمد امس
لأن سهرو وسوالف وبعدين دش مع امي الدار بروحهم @@
وزفونا عشان ننام مبجر
فتحنا الكرتون والا تلفزيون @@
اول مرة يدش تلفزيون بيتنا كان عمري 8 سنوات
تخيلو الفقر !!
مممم كنا نروح عند جارتنا مصرية أم عدلي نطالع كارتونز
الله وناسة الحين صار عندنا واحد بروحنا يعني ماراح نروح عندهم
كانت ام عدلي وايد تزفنا وانا كنت كله اوصخ بيتهم لما تزفنا
تطقني وطق خلود اخوي عشان لا نرجع
ثاني يوم احنا مرتزين عند باب بيتهم
نبي نتابع لا وكنا نروح
لها بس حزة الكارتونز اللي نحبه
غصب هههههههههه
كان خالي ايينا وايد وامي تسأله عن ماماعودة الصجية
كل ماكان ييبون سيرتها يتحجون بصوت واطي
امبيه شكو
ايمان وايد شاطرة !
خلود كبر ,
انا صرت بطة اكثر
مرت سنة ...
الحين انا صرت برابع ابتدائي وامون باولى متوسط
كنا بنفس المدرسة ( عمرة بنت مسعود)
اما خلود كان يدرس بمدرسة ( ابوسعيد الخدري ) او الخضري ناسية !



قربت عطلة الصيف نزل اسم ماما بالجريدة انهم عطوها بيت حكومة لأنها كويتية متزوجة من جنسية اخرى !
فرحنا عبالنا نفس قصر باباعود
والا يكتبون اسم المنطقة ! امي بجت تقول
حق ابوي ارجوك ما ابي
ارجوك والله ما تعودت على هالمستوى !
تهقون وين وليش امي اعترضت ؟
وهل ابوي مضى بقراره !


للأقنعة بقية ..




لامارا غير متواجد حالياً   رد مع اقتباس
قديم 13-05-13, 06:09 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

اول مرة عرفت انه الحامل تحوشها لوعة جبد
يوم اشوف امي واهي تطبخ سمج والا تقط اللي
بجبدها على الارض
جان اركض انادي ايمان اقولها انتي صرتي كبيرة قومي فصخي امي
غير هدومها والا كبيرة على الفاضي
جان امي تقولنا انا امون انه اهي بتييب لنا اخت اواخو
وعادي اللي صار لا نخاف عليها
وطلبت منا نجتمع ونختار اسامي صبيان وبنات عشان
تسوي قرعة وتختار اسم
مرت الايام وقضت الشهور ..
وياتنا اخت يديدة اسمها دانة
على قولة امي دانوو ويه الفقر هههههههههه
لأنه كانت حزتها تتفاوض مع بابا بخصوص البيت !
كان كل هم امي انها تحافظ على الاقل
على مستوى معيشتها
لو بالمظاهر !
عشان لا يعايرونها بيت باباعود باختيارها !
حتى لما كانت تروح مناسباتهم كانت تسوي
جمعية مع جاراتها وتاخذها
اول وحدة
تخيلو عندها عباية لما نبي نروح
بيت يدي تقول عطوني عباة بيت باباعود
حرام حتى ملابس ابوي كان ما ييبلها
اف مادري متى بتفرج معاها !!
فلما طلع لنا بيت الحكومة ابوي ظل يساحلها
انه توافق
على اساس انه بيرتاح من اجار البيت !
لأن بيوت الحكومة اجاراتهم رمزية كل سنة يدفعون
ومبلغ ما يتجاوز 30 دينار على ما اظن !
وافقت ام خالد
وشالو من منطقة السالمية
الى منطقة عمرنا ما سمعنا عنها
اسمها صليبية
معروف عنها انها بيوت كويتيات متزوجات اجانب
واخواننا البدون والبعض اللي يستأجر من
هالكويتيات من ورا علم وزارة الاسكان !
على اساس انه الاجار مو وايد !
بشكل عام في فرق فقط بالمستوى المعيشي
اما عن السكان انا لا اعلم فاكيد منهم الزين ومنهم الشين
حالها حال اي منطقة باي مكان
وشلنا قشنا الى هناك بعد ما ابوي عدل في
البيت من برا ومن داخل من ناحية عمران وتقسيم
جديد بحيث انه يعجب
امي على الأقل شكله اذا مو مكانه !
طبعا امي وافقت بشرط !
انها تقدم على ليسن وتسوق سيارة !!
ممم وافق باباتي على مضض
انتقلنا رسميا الى البيت بتاريخ 22-7-1990
وبعد جم يوم ابوي نفذ وعده لأمي بقرار تعليمها قيادة السيارة !
كان اكو جارة براس العاير
كنا بقطعة 7 بالتحديد هالجارة متزوجة ايراني مرة عودة
امي حبتها وايد
مادري جنه امي وصديقاتها تفسيرلحالة النقص من ناحية الحنان !
اغلبهم عيايز !
ياحرام كله تناديها يما
اقولها ماما هذي ماماعودة تقول لا بس الاحترام لازم
المهم امعلي كانت وايد تشجعامي انها تتحمل ابوي وتساعده
الوحيدة اللي ابوي يخلي امي تزورها بالمنطقة كلها ما نعرف
غيرها وانا عن نفسي كنت احبها وايد لأنها كانت تبيع كوكاويات
<< تخصصي هههههه
دانة كلت الجو علينا انا وامون وخلود
كنا ما نحبها كله نقرب يمها نعضها ههههههه ونركض
وامي تحذفنا بنعالها خو اقرب شي كااااك
اتفقت ماما وبابا مع المدرب يعلم امي تسوق اذكر اسمه
عمو حسام
وان شاء الله اول دروس القيادة باجر
في يوم لم كنا نحسب حسابه هههههههه
دقت خالتي ام علي على امي الصبح مبجر
دلول اخذي عيالج وتعالي انتي وريلج
ماما : والله يايما اليوم ما قدر اتريق
عندج لأنه المدرب بيمرني
خالة ام علي : اي تدريب انتي الثانية صداموو
الغبرة دخل علينا !!!!!!!!




صارالغزو واحنا بمنطقة اذا مو كلها فأغلبها عساكر
من الجيش الكويتي
يعني عليها العين من قبل القوات المحتلة !!
مممم وبدت علاقة امي وابوي بالتوترر!!



وللأقنعة بقية ..~




لامارا غير متواجد حالياً   رد مع اقتباس
قديم 13-05-13, 06:11 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

في صباح يوم جديد تلقينا اتصال من خالتي ام علي
تحذر امي انها لازم نطلع من المنطقة عشان لا احد يستهدفنا
لأنه احنا يهال وامي ماراح تتصرف بأي موقف !
قعدنا يومين بالمنطقة ! خلال هاليومين
ابوي وامي بس يصارخون على بعض
جيكتو@@ماما وبابا صراخ متبادل !!
وين قبل يما ماكان لج صوت !!
مادري ليش يما تغيرتي
شخصيتها قبل وايد احلى حسافة قررو انه نطلع
من صليبية
بابا كان عنده حزتها بوكس شوفرليه ابيض !
جان يركبنا
ونحط اغراضنا ونربط السيارة !
صار موقف يضحك انه ركبنا وحطينا كل
اغراضنا وربط بابا السيارة
بالحبل ماعدا باب السيارة من صوبه على اساس
اي نقطة تفتيش
يقدر بنزل من السيارة
راح قفل باب البيت وقرا دعاء اللهم اني استودعتك الامانة ..الخ
ويه وركب السيارة
بابا: دلال ركبي بسج بجي ان شاء الله خير
دلال : اي خو شلون اركب وانت مربط السيارة حتى من صوبي
الحين امي لما نذكرها بالسالفة تقول تهقون كان بيهدني هههههه
ابوي بيسوي حركة بايخة جان يقولها بتركبين والا امشي
وما تلاقون الا ام خلود مسوية كوكسة ( شقلبة )
وداشة من الجام
كلنا ضحكنا
احنا بالطريج عند راس العاير امي وقفت ابوي تبي تسلم على
خالتي ام علي
ما شفت امي بلحظة يأس كثر هاللحظة !
لمتها وقالتلها :يمه طيعيني وتعالي معاي يمه والله احطج بعيوني
خالتي ام علي :ادري والله بنيتي انتي بس ما اقدر انا ما اموت
بأرض غير الكويت << كان على بالها انه بننحاش نروح السعودية !
ترا ما رحنا ودعناها ومشينا واهي تقرا الصلوات علينا !
بابا ودانا حولي على اساس المنطقة ما عليها
رمي ومنطقة مو كويتية فما راح يحاتي
ابوي كان مشروع فدائي سابق !
في حرب مصر 67 ماكان خايف عادي الوضع كان عنده
بس امي وايد ترجف ايدها ! ولاحظنا انا وامون انها
مانامت مع ابوي بالغرفة
بروحهم من اول يوم غزو @@
قبل كانو يزفونا عشان ينامون بروحهم الحين لا !!
امبيه يعني الوضع مو طبيعي !!
حتى لما كنا ننام شفتو المقابر الجماعية شلون الجثث مسطرين
احنا نفسهم كان بابا بعدين خلود بعدين
انا بعدين امون بعدين ماما وبحضنها دانوو
بالترتيب
من اهم الاحداث اللي صج للحين اذكرها واضحك اختي امون !
من الاوضاع الغريبة تأثرت وهي كانت في مرحلة بلوغ !
اول مرة تييها الدورة كان 6 يوم بالغزو وانا ماكنت اعرف شفيها
خو شعرفني كنت ياهل هههههههه
رحت عند بابا اقوله امون من كبرت صارت بايخة هههههه
وبالفعل صارت شخصيتها غير تماما حتى الخبز كانت تخبز مع امي
انا بس اكل لووول
ايام كانت جدا بايخة واليوم الواحد بطيء يمشي علينا !
امي تعرفت على جارتنا اليديدة ام نجوان << فلسطينية مقيمة
اهي اللي علمت امي شلون تخبز وايد صرنا كلوز مع بعض
غدانا وعشان وريوقنا وحتى الصورايخ تمر من فوقنا واحنا مع
بعض ! وابونا مع ابوهم وايد اسألة مرت في بالي ليش
كويتنا صارت مكسرة !
ليش ماقمنا نزور باباعود ؟ زين مو هذول عراقيين وغزونا ؟
زين ليش ما صادفنا ماماعودة الصجية ؟ مو ماماعودة عراقية ؟
انا : يما وين ماما عودة العراقية
امي: الله المستعان اكلي وانتي منطمة
<< اندقرت بسرعة وانطميت حسب الاوامر العليا هههههه
اسألتنا ماكان احد يجاوبها لكن كنا انا وخلودي وامون منتبهين
وناطرين اي جديد يخص موضوع البيت وهل امي راح ترجع تسوق السيارة؟!
في يوم ابوي دش البيت معاه مرة كبيرة بالسن عندها ضرس من جدام
طايح @@
متينة وايد حسيتها نفسي يمكن لأني بطة !!
امي تخبز مع ام نجوان انا وخواني انحشنا مخترعين من العيوزة
خالد: ماما اكو وحدة ابوي ماسك ايدها @@
ماما لفت ويهها وياربيييييييييييييييييي شنو كان موقف جميل
كان بيدها العجين ولمحت المرة العيوز واللي معاها ركضت عليها
يمااااااااااااااااااااااا اااااااااااااااااااااا
كانت مسافة بينهم مو بعيدة لكن صرخة امي وفرحتها اكبر اكبر بوايد
طبعا انا وخلود وامون سوينا اجتماع مصغر هههههه
نبي نعرف منو هذي @@
امبيه لا يكون خالتي ام علي صارت متينة
<< تفكير اطفال والا ماكو اصلا شبه بينهم !!
وليش امي بحضنها فوق العشر دقايق تبوس ايدها وريولها !
كلنا تأثرناا للحين ما انسى انه عباية العيوز صارت
بيضة من الطحين اللي بيد امي هههه
العيوز طلعت اهي نفسها امي العودة الصجية
اللي ما عمرنا شفناها
حتى اذكر خلود دايما يقول هذي المتينة
اللي تطلع مع توم وجيري ما يبين منها شي
من عمر نبي نشوفها
تعرفنا عليها ماحبيتها ماكانت تتحجى كويتي ههههههه
كله تقول ولج
ما تنادينا باسماءنا
ماياني احساس للحظة انها امي العودة الا بليل لما كنا بنام !!
فصخت ملفعها !!! يؤ والا نفس فلافل امي هههههههههههه
اهني عرفت انها تشبه امي وامي تشبها
كانت في وحدة معاها كبيرة بالعمر تقريبا كبر ماما
بس حركاتها ماشلون في شي فيها غريب
امي باستها بعد وقالتها احبج وع شنو
تحبينها واهي تسوي حركات مو صاحية :/
هذي كانت خالتي فضيلة !
على قولة امي : لما كانو يهال كانو يروحون البصرة يزورون امهم
بالعطلة والا يطيحها خالي علي على عتبه البيت حزة مغربية
فحاشها عوار بالراس
قبل ماكان عندهم علاجات غير الكي !!
جان يجوونها على راسها
وعقب ما جووها قامت تقط خيط وخيط
ويوم تطورت العلاجات دخلها ابوي العود
المستشفى يعالجونها عطوها جلسات
كهربا اللي خلتها مرة وحدة تصير
مينونة مو واعية على اي تصرف
كنا نحب نلعب معاها لأنها وايد كانت
تضحك وكانت تساعدنا نسوي شي خطأ
يعني شي فوق الخزانة ما نقدر نييبها ننادي
خالتي فضيلة
على قولة امي طول وقلة عقل !
امبيه تدرون ماكنت تتحجى وماتحس اذا تعورت
ما اذكر انها قالت اي واوا او انها حست بألم
يتراوالي هذا من الجلسات الكهربا اللي خذتهم
امي قالت حق بابا : عبدالله بروح اشوف ابوي واخواني !
ابوي : مستحيل ام خالد ما اقدر اضمن عمرنا هناك خليهم الله وياهم
لما الله يفرجها
للمرة الاولى تكون امي قوية بهالدرجة ! بحضرة ماماعودة قالتله عبدالله
اذا ماوديتني بيت ابوي بالجابرية انا بروح بروحي !
اوخ @@ من صجها امي
كانت تحاجي ابوي وتلبس يعني مابذنها ماي بتروح ابوها خو لازم تتطمن
عليه
ابوي استسلم وقال يالله نروح
طبعا ذا بنروح يا كلنا يا مايصير يعين يا نعيش عيشة فل يا نموت احنا الكل
مممم بس ماماعودة المتينة معانا !
مممم تهقون شنو استقبال باباعود لها ؟
وصلنا بيت يدي بعد ما مرينا على وايد نقاط تفتيش
لأول مرة امي تدش بدون ما تطق الباب
بس غريبة ماكان الباب مفتوح !
امي ركضت على الشباك اللي صوب حوض السباحة
تبي تشوفهم وينهم @@
ابوي يضطر يكسر الباب والجيران انتبهو وخبرو امي انه ابوها راح السعودية
اهو و مرته وامها وخالي احمد
ماماعودة ضحكت !! وقالت حق امي ابوج وعوايده !
امي سكتت امها بطريقة بايخة يعني لو انا قايلة
حق امي رجاء ولا كلمة يمكن دفنتني !
امي عند عتبة الباب تبجي يبااااااااااااااااااااااا اوينك ما امداني
فرحت فيك
جارتهم حاضنتتها وتصبرها
جارهم قال حق ابوي تعالو نامو عندنا وعلى باجر ردو بيتكم
نمنا عندهم لأن في الشارع نفسه في بيت باباعود كان رمي
ما وقف رمي متواصل والقرآن شغال امي تقرا وتبجي
وكل شوي تطل من الدريشة
ناطرة خالي علي يرد البيت لأنه الوحيد اللي ماراح معاهم !
وخالي علي كان ضابط بالجيش !
يعني شلون الحين بيرد والا
ماهو راد امي توترت اغمى عليها من اللي فيها
ايمان يما لا تبجين بيرد
دانة تبي امي ترضعها امي ما رضت
قست امي للحظة على الكل
تمردت ماتبي هالوضع
قالت لأبوي : لو ديرتك ماكان هذا حالك يمكن جان وقفت وصرخت او قاومت !
ابوي ماكان يرد عليها لأنها وايد كانت تعبانة
يدتي بجت تقول ابي ولدي وامي تبي اخوها وابوها
صار الصبح هدا الرمي امي توجهت بيت باباعود
والا تلاقيه مكسر حتة اكو نخلة يم بيت يدي يدي نفسه اهو اللي زرعها !
مكسورة النخلة !
ياية صوب النخلة امي والا شافت !!!!





لامارا غير متواجد حالياً   رد مع اقتباس
قديم 13-05-13, 06:12 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

شافت دم !!
ماغير اسمع صراخ وبكاء هستيري
يدتي تلطم ! وامي تضحك فجأءة !!
امبيه امي @@ لا يكون امي ممممم تهقون !!
امبيه لا يكون يعني تصير نفس فضيلة
ياويل حالنا
ماكان الميت معروف !
هذا كلام ابوي !!
لأنه اهو اللي اكرم الجثة ودفنها !
الوجه مشوه !
وجزء من الجسم مبتور !!
امي مصرة انه خالي احمد تذكرونه ؟ بوخشم عود !!
ويدتي اللي توها تيي من العراق وكأنها من مخلفات الغزو ههههه
برميل نفط يا شيخ
متينة يا ناس مع انه عندهم حصار !!
غريبة صح ههههههههه
المهم ساء ت حالة ماما النفسية
بنفس الشارع كان بيت قبازرد الشهيد
الشاب رحمة الله عليه الله يتقبل منه شهادته !
مادري هو الصوت ركز في مخي او انه الصراخ صار بكل مكان !!
ومات قبازرد ومات اللي بالحديقة عند بيت باباعود
وين نروح اف ريحة دم !
اختنقت ارواحنا وكأن الموت صار مثل شربة الماي !
امي يومين مواصلة ما نامت بس تبجي
ماكانت تكلم بابا
ايمان حاشها نزيف
احمد ركض على امي يقولها ايمان ماتت !!
ولد وشاف على (نفنوف) فستان اخته بقعة دم !شنو يعني بيمر في باله ! بهالظروف!
ياربي !!
الدم صار قتل ودمار الله ياخذ الساعة
السودة اللي دشو فيها ديرتنا !
امي اغمى عليها يدتي تداركت
الموقف وشقت فوطة وعلمتها شلون تدبر عمرها !
ابوي مسك امي يقنعها نرجع منطقة حولي
امي صرخت بوجهه
كلنا تسمرنا مكانا
مواقف صعبة ونفوس تغيرت فجأءة
وشخوص يديدة بعالمنا !!
واخبار ماكانت توقف
ولا اصوات القذائف
كله كوم والحرب النفسية اللي صارت علينا كوم ثاني!
ماكان من ابوي اي تقدير لنفسية ماما لأنه اهو بعد خايف علينا
رفع ايده عليها عطاها كف صوته بس خلاني اركض ورا الباب !
يدتي بتفزع حق امي
امي وقفتها : يمه وينج من زمان !
جيتي متأخرة انتو اللي خليتوه يتعامل معاي جذي
اهو لو يدري انه اكو اهل وراي ماحتى مد ايده
ورضخت لأبوي خوفا انها تنحرم منا!
ركبنا كلنا السيارة متوجهين الى الشقة بحولي
والبجي بكل صوب امي على اخوها وابوها
ويدتي على حالة امي وعلى المبتور الله يرحمها اللي بالحديقة
وعلى الشاب جارنا ! واحنا خايفين نبي امنا ومانبي ابوي يحطها اكثر!
ودانة كانت تبجي من الجوع امي ماكانت ترضعها !
وهي كانت ترفض الممية ( الرضاعة )
حتى فضيلة !
بجت !
مع العلم انها ما تحس بالألم وانا متأكدة لأنه مرة قصت ايدها وقامت تضحك
عبالها السجينة لعبة !!
سبحان الله شلون تأثرت حتى المينونة بالموقف !!
ابوي ماكنت اسمع منه غير لا حول ولا قوة الا بالله العلي العظيم
ويدخن كان وايد
وصلنا حولي وزادت علاقة ماما وبابا فتور
..


وللأقنعة بقية ..




لامارا غير متواجد حالياً   رد مع اقتباس
قديم 13-05-13, 06:13 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

وصلنا حولي وزادت علاقة ماما وبابا فتور
كان اللي بينهم يقتصر على اوامر وطلبات !
مرت اربع اشهر واحنا بنفس الوضع
كل يوم بجي و مناحة من امي او يدتي
ايمان صارت ابلة عربي وتدرسنا انا خلودي
ودانة كله متعلقة بديد امي لدرجة انه امي ملت منها
واشتكت حق حجية صومالية جارتنا بالدور الاول
جان تعلمها طريقة الجيس مال اليهال الافارقة ماكو ؟
تعرفونه ههههههههههه
عن طريق جار بابا عود يانا خبر انه اهل امي كلهم بالسعودية ما عدا خالي احمد
هني زاد شك ماما انه اللي استشهد بحديقة بابا عود اهو نفسه خالي !
واعليه على حالج يمه ما امداج فرحتي بخبرسلامة باباعود
ومع الايام والمشادات الكلامية بين ماما وبابا ومعايرتها له بقلة حيلته امام الوضع اللي حصل ؟
سمعنا اول مرة كلمة لها ابعاد كبيرة بس ما كنا نفهمها
طاااااااااااااااااااااااا اااااااالق!!
اوخ @@
وكأن الغزو كان في بيتنا ..
ياه يايما للحظة نسيتي بابا ؟؟
وانت يبا نسيت انها تخلت عن اهلها واختارتك !
حتى انا واخواني كنا مانكلم بعض
كان كل شي يتدمر كويتنا شارعنا !
سمعنا من جيرانا انه طاحت قذيفة فبيت صليبية !
ماما بابا افترقو
شنو بقا فينا !
بهالفترة ايمان كرهت بابا لدرجة انها ماعاد تتقبل تشوفه
تقوم تصيح !
كانت فترة الغزو صعبة عليها خصوصا انها اول البلوغ عندها!
وامي وايد مشاعر خاضتها !
واخرها طلاقها من بابا
خالد انطوى على نفسه ماعاد يحب يلعب نفس اول
اف اف الجو حده مقرف
حتى اخبار اللي نسمعها بالراديو كانت اكبر من انه نستوعبها
عمو ابونجوان خبر بابا انه لازم نحضر للكيماوي
وبالفعل راحو ويابو قطن وفحم ولزاق !!
ويقصصون بشراشفنا عشان نصنع كمامات !!
في حال رشو الكيماوي !
هذي كانت اخر اخبار الغزو ابوي وفر كمية طحين
وماعدنا نتصل بالعالم الخارجي
ريحة الموت !
وكأن بيتنا قبر كبير لنا
في يوم ماكان صبح عادي كان مظلم
الصبح بالتوقيت لكن مافي ليت !!!!
بابا يلقنا الشهادة ويدتي تلطم
لبسنا الكمامات عسى تنقذنا
صرنا نتخيل انه راح نموت
الوحيدة اللي كانت تضحكنا خالتي فضيلة كانت
تطق ماماعودة بدون سبب هههههه
عمو بو نجوان شغل الراديو
والانسمع خبر !!




وللأقنعة بقية ..


لامارا غير متواجد حالياً   رد مع اقتباس
إضافة رد

الكلمات الدلالية (Tags)
أقنعة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:28 PM



Powered by vBulletin®
Copyright ©2000 - 2024, vBulletin Solutions, Inc.