21-05-13, 09:20 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجزء العاشر :- انتهى فيصل من مكالمته والتف على جمان يود أن يعرف اثر مكالمته عليها ليستغل غضبها الذي اعتقد ان المكالمة ستثيره ..ولكن جمان كانت قد اطلقت العنان لخيالها مع عادل ربما كان تفكيرها بعادل نعمة تتنسيها همها وكالماء البارد يطفئ لهيب الغضب كلما سنحت الفرصة بإثارته لم يرى فيصل اي ردة فعل على محيا جمان فقال في نفسه وهو : يا برودك !! ثم قال : انا مو قلتلك المكان اللي اقعد فيه ما تقعدين فيه يالله اشوف ذلفي دارك نظرة اليه جمان نظرة ازدراء وهي تنظر اليه من اسفله الى اعلاه ثم رفعت رأسها بشموخ واتجهت الى باب الشقة تريد النزول حيث خالتها فيصل : وين ان شاء الله فتحت الباب ولم تعر سؤاله اهتماما وخرجت .. لحقها فيصل وجرها من شعرها ثم مسكها من كتفيها وبدء يهزها بشدة ويدفعها الى الحائط بكل ما اوتي من قوة .. فيصل : يصرخ فيها ويقول : تكلمي انطقي انت ما عندك احساس على كل الي اسويه وساكتة .. جمان : استغفر الله العظيم .. ثم قالت : وعباد الرحمن الذين يمشون على الأرض مرحا واذا خاطبهم الجاهلون قالوا سلاما .. جن جنون فصل من ردها الذي لم يتوقعه ابدا وثارت ثائرته رفع يديه ليضربها وهو يقول انا جاهل يا متخلفة .. ارفعت جمان عيونها فيه تقول له : لو ما كنت جاهل جان ما تعاليت .. نزل ايده ودفعها صوب الحائط مرة ثانية ودخل شقته ...وهو يتحلطم ومستحي من نفسه انه ما فهم المقصود من الأيه وهو الطبيب اللي على وشك ان يأخذ الدكتوراة وهي في نظره مجرد بنت معقدة متخلفة .. اما جمان: كانت مستغربة من نفسها كيف جاءتها الجرأة والقوة لتوقفه بردها وقالت في نفسها : معقولة انا ارد جذي انا عادل كان لما يطلب مني اجاوب على سؤال ما اعرف اقول كلمة على بعضها وان مر من يمي وانا اتكلم مع صديقاتي اتلعثم واسكت .. نزلت جمان عند خالتها : لما شافتها لقت وييها احمر وعلى ادينها اثار مسكة قوية ام فهد : اشفيك يما : فيصل مأذيك : جمان : ................... ام فهد تحمليه يما ..عشان خاطري ان كنت تعزيني جمان : حطت راسها على صدر خالتها وقالت لها خائفة يا خالتي وين الطيبة والحنيه اللي قلتي عنها عن فيصل .. ام فهد : اصبري يما وبتشوفين هو بس لو ينسى ندى انت لازم اتنسينه ندى نزل فيصل كاشخ بروح لموعده مع ندى ولقى جمان حاصنه امه االلي كانت تواسيها وتمسح على شعرها فيصل : وموجه كلامه لجمان : لا يكون عبالك توك طفلة.. يما لا تغرك دموعها تراهي عقرب .. ام فهد : الا العقرب اللي بالي ..فهم فيصل قصد امه ... وقالت ان شاء الله وين رايح فيصل : عند احلى العقرب ههههههههههه ام فهد : الله يهديك ويصلحك .. طلع فيصل وده لو برد جبده بجمان باكثر من اللي سواه وقاله.. صار عنده نوع من التحدي بعد الموقف اللي صار ..وقال : لازم اكسر راسها واخليها تترجاني اطلقها .. &&&&&&&&&&&&&&&&&&&&&&&&&&&&&&&&&&& في الكوفي شوب ينتظر ندى بعد ربع ساعة وهو يطالع ساعته لأنه ندى تاخرت رفع راسه على صوت جرت الكرسي والا بشخص يبي يقعد معاه تمعن في ملامحه وقال :اف أسف وائل كنت ساهي وعيني على الساعة وائل : ناطر ندى فيصل: أي ولله وائل : لا تنتظرها هي كلها كلمتين ان نفذتهم تم الزواج وان رفضتهم اسمحلنا ترى طلبك مرفوض .. فيصل : آمروا ندى تدلل وائل : انت قلت صعب انك اطلق زوجتك عشان جذي احنا نبي نضمن لندى حياة مستقرة بعيدة عن مشاحنات الضراير وترى احنا كلنا مو موافقين بس تدري ندى عنيدة وتربت على انه ما ينرفض لها طلب .. اول شرط : تشتري لها فيلا في منطقة .............. ثاني شرط : مؤخر الصداق عشرين الف والمهر عشرة ثالث شرط : توفر لها الخادمة والطباخ رابع شرط وهو الأهم مالها شغل بتربية عيالك هذي شروطنا لك اسبوع ..اذا وافقت عليها نوافق عليك ..غير جذي لا تفكر تفتح الموضوع مع ندى .. وفي شرط ثاني تيب الوالد تخطبلك والعرس نسيت اقولك نبيه في فندق .................. انت تدري راح نعزم اسمنها واكبرها وما نبي نتفشل .. خلص وائل كلامه من فيصل استأذن وسلم وترك فيصل يفكر في الشروط االلي لازم بسببها يطالب بحصته من شركة الورثة .. وقال : كله يهون الا الوالدة شلون اقنعها تخطبلي ندى .. يا ترى هل يقدر فيصل ان يلبي كافة الشروط والحياة مع جمان كيف ستكون | ||||
|  |
|
21-05-13, 09:21 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الحادي عشر لم يعرف فيصل كيف يتصرف ولمن يلجا الا انه ودون تفكير اتصل على اخيه فهد يخبره بضرورة رؤيته .. في بيت فهد فهد وهو مستغرب من زيارة فيصل له في ثاني يوم زواجه يقول لزوجته : ماني مرتاح من ييّة (مجيئ) فيصل زينب : ليش فهد : نبرة صوت فيصل وهو ويكلمني ما عجبتني زينب : لا اتحاتي و تكبر الموضوع الحين ايي (يأتي ) وبتعرف سالفته رن جرس الباب وفتحت الخادمة واذا به فيصل بعد السلام والترحيب والسؤال عن الحال والتردد فيما يود ان يقوله لأخيه قامت زينب لتترك فهد مع اخيه .. فيصل : فهد ودي اقولك شي بس مستحي منك فهد : أفا تدلل آمر فيصل : انت تدري اني ما كان ودي اتزوج جمان وبصراحة ابي اتزوج غيرها فهد : عيد مرة ثانية ماني مستوعب فيصل : اقولك ابي اتزوج ندى بنت بو وائل سعد الل... اعتقد انك اتعرفه فهد : في احد بالديرة ما يعرفه زين وينك ما تكلمت من الأول الحين ياي تقول هالكلام فيصل: انا موياي عشان اقولك قراري انا ابي فلوس عشان اقدر اتمم هالزواج فهد : بس توزيع الأرباح مو الحين وانت عارف هالشي فيصل : انا مابي ارباح انا ............ فهد : انت كم تبي فيصل بصراحة ابي حصتي من شركة الوالد فهد . تنرفز وقال : انت اشقاعد تقول فيصل : اللي سمعته فهد : انت اكيد منت صاحي : فيصل : الآن الحين صحيت فهد : حشى منت صاحي ..بعدين انا ما عندي سيولة ولازم تنطر لا تنسى ان اختك يا سمين توها ما كملت 21 سنة يعين جدامك على الأقل سبع اشهر عشان نقدر نتصرف الموضوع عند هيئة شؤون القصر ماهي سايبة .. فيصل : يا اخي اشتري حصتي فهد : اقولك ما عندي سيولة تقول اشتري حصتك فيصل : والحل فهد : انت (جم ) كم تبي فيصل : ....... خلاص انسى الموضوع قام ليخرج والا بابنتي اخيه سمية واسماء أمامه وهما في كامل زينتهما أسماء وسمية بصوت واحد ::معقولة عمي عندنا فيصل : أي عندكم في مانع اسماء : لاء انت مطرود فيصل: شنو أي اكيد مطرود الحين بنروح حفل استقبال اللي يدتي ( جدتي ) مسويتها حق جمان واكيد مالك مكان اهناك .. فيصل وان اقول شالزين والهكشخة أسماء : صج عمي سمية : انت وينك وين الزين فيصل: ثنتينكم وحدة احلى من الثانية سمية عمي اذا بتروح البيت خذنا معاك امي على ما تطلع تكون الحفلة خلصت نوصل والكل رايح بيته .. فيصل : لا ماني رايح البيت مو انت تقولين اني مطرود اسماء: منو اللي اطرتدك يدتي ولا جمان سمية : اكيد جمان ما تبي عمي يشوف البنات فيصل : بنفسه : جمان اذ الحديد غار هي تغير .. سمية : عمي اشفيك ساكت فهد:يالله بنات روحوا عجلوا امكم ورحوا قبل ما يخلص البوفيه سمية : احنا شدعوة رايحين حق البوفية احنا رايحين نتطمش نشوف منو احلى بنت وتنخطب اب هالحفلة .. فيصل : وانتوا بس هذا همكم فهد : سنة الحياة يا اخوي سمية واسماء شعرنا بالحرج من كلام عمهم واتجهنا بسرعة الى ناحية البا الخارجي ينتظرن والدتهن &&&&&&&&&&&&&&&&&&&&&&&&&&&&&&&&&&&&& خرج بعدهن فيصل لا يدري الى اين يذهب وتذكر بدر وتواعدا على شاطئ البحر كعادتهن بدر : اشفيك شايل الدنيا على راسك فيصل : ................تنهد وقال : ندى بطير من يدي بدر : هذي الساعة المباركة فيصل : انتوا ليش كلكم تكرهونها بدر: اذا الله احب عبد حبب فيه عباده واذا كره عبد كرّه فيه عباده فيصل ................ معقولة انتوا شايفين شي انا ما شفته وانا اللي معها كل يوم في الدوام بدر : على عيونك غشاوة انت مغمضها بمزاجك الا ما قلتلي تقول تبيني ضروري خير اشعندك فيصل : اليوم اخو ندى قاللي على شروطهم عشان يرضون يزوجوني ندى وقال له الشروط .. فتح بدر عيونه فتح فمه ويصرخ في فيصل : من صجك بتوافق على هالشروط هذي شروط تعجيزية القصد منها انهم ما هم موافقين عليك فيصل : بس انا موافق بدر : انت عنك مليونين هذا بس سعر البيت في هالمنطقة اللي طالبينك تشتري بيت فيها فيصل : .... بدر : انت بتموّت امك قهر لو سمعتك ..فكر عدل انت بتخلي اهلك على بساط الفقر لو وافقت على شروطهم انت تقول ان اهلها ما يرفضون لها طلب.. ارفض واذا هي تبيك اكيد بتسوي تنزيلات تدري ابيك تروح تسال كل هالقاعدين على اليال ( الشاطئ) وتقولهم عن هالشروط شوف اشراح يردون عليك .. فيصل امش تعال نروح نتعشى مت من اليوع من ورا هذرتك .ادري محد بصف معاي بدر : تردي اشمعنى كلامك ات في قرارة نفسك تعرف عدل انه هالشروط معناته ما نبيك &&&&&&&&&&&&&&&&&&&&&&&&&&&&&&&&&&&&&&&&&&& في بيت اابو فهد الجميع اثنوا على ذوق فيصل في اختياره عروسه وهو لا يعلمون ما خفي وبدأت الواحدة تلو الأخرى بالخروج حتى لم يبقى الا اهل البيت ارتمت جمان على اول قنفة ( كنبة ) تشعر بألم في قدمها وظهرها جاءتها ام فهد فقالت : يما اشفيك جمان:سلامتك مافيني شي ام فهد : يالله امي روحي شقتك وارتاحي جمان : قامت جمان بصعوبة فقد كانت طوال فترة الحفلة تشعر بالم في ظهرها ووخز في فقراتها .. جمان :يما احس انه جسمي كله منمل ام فهد : اسم الله عليك اقري يما على روحك المعوذات ما شاء اله الحريم ما شالت عيونها عنك .. جمان : يما انا من قبل ما تبدي الحفلة اتبدى معاي الألم ام فهد : قومي واذكري الله جمان : (تشعر بثقل قدميها ) يما امسكيني مو قادرة ام فهد: ما فيك الا العافية شدي على نفيك واطلعي الدري ( الدرج ) ما فيني حيل امسكك جمان وهي عند اول سلمة لم تستطع ان تتماسك وجاءتها ام فهد مسرعة وهي تنادي الخادمة ام فهد : شانتا ..ياسمين وينكم شانتا مع سوبولاما في المطبخ لا يسمعن نداء ام فهد ياسمين في غرفتها ولا ترد ام فهد : اكيد ناموا جمان : يما الألم قاعد يزيد واحس مثل الكهربا بظهري ام فهد : عين ما صلت على النبي جمان : لا يما مو كل شي نقطه على العين فيصل اليوم اكثر من مرة يدزني على الطوفة ( الحائط ) بكل قوته ام فهد : ليش ما قلتيلي حزتها جمان بدت تصيح من الألم ما اقدر ما اقدر امشي ذهبت ام فهد للمطبخ تستدعي الخادمات ليساعدن جمان الصعود الى شقتها ولكنها لم تجدهن وفي هذه الأثناء دخل قيصل ولقى جمان تقف على الدرج ولم يعرف سبب وقوفها نظر اليها قرب منها وهو يتاملها قال : لا تظنين انك بحركاتك ولبسك هذا تهزين شعره مني وتقدرين تغريني بدت جمان اتصيح من الألم قال وهو متنرفز : اشفيك اتصيحين مسكها ودفعها على الطوفة صرخت وتهاوت على الأرض وهي تنتفض من الألم .. جاءت ام فهد على صرختها ام فهد : شسويت فيها مو كافي اللي سويته العصر قمت وكملت عليها مدت ايدها ونزلت لمستواها تحاول اتشيلها ولكن جمان ما كانت تقوى ابدا النهوض .. فيصل : وانا اشسويت : ام فهد : بس تعال بلا هذرة زايدة امسك زوجتك طلعها فوق جمان : يما ما اقدر اقوم خلاص خليني اهني مابي اروح فوق مشى فيصل وارتقى لأكثر من درجة وهو ينظر الى جمان بحقد ويقول عساك جذي واردى ام فهد : اتقي الله لو ما انت دازها عالطوفة ما صار فيها اللي صار تعال شيلها ما فيني حيل اكثرمن جذي تركت ام فهد يد جمان منتظرة ان يمسكها فيصل ولكنه كان كالخشب الصامد في مهب الريح حاولت جمان ان تقو م ولكن محاولاتها افقدتها توازنها فهوت ثانية وهنا استيقظ ضميره فقرب منها ووضع يده على خصرها وضمها اليه برفق ليحملها الى فوق ولكن جمان كانت تصيح من الألم وتقول : وخر عني حرام عليك بموت من العوار خشي فيصل ان تكون الفقرات قد اصيبت بالكسر وتذكر فعلته لذلك حملها وطلب منها بنبرة الآمر .. ان تهدا حتى لا تتضرر الفقرات اكثرمن ذلك فما كان منها من شدة الألم الا استجابت لطلبه .. وضعها على السرير وطلب منها الا تتحرك ذهب مسرعا الى غرفته وقد اتى بمخدر للآلام واقترب منها فيصل : وين اكثر شي يعورك جمان : كل فقراتي تون فيصل : أي مكان بالضبط . جمان: لوح الكتف احس الألم بقلبي وفقرات ارقبتي الى نص ظهري اقترب فيصل ليقلبها على ظهرها جمان : شتسوي فيصل : بشوف ان كان فيه ورم ولا ازرقاق واحطلك هالمرهم بريحك وايد وان اصبحنا وديتك باجر المستشفى جمان: خلاص اطلع انا اتحمل لين باجر فيصل : صرخ فيها " جمان انسي الحين اني فيصل انا طبيب يا جمان وعارف شقاعد اسوي جمان : ما بي قلتلك اطلع ما ابيك اتعالجني فيصل : لوما الاصابة في الفقرات جان عرفت اشسويت فيك هاك اخذي المرهم وادهني فيه مكان الألم هذا ان قدرتي جمان : نادلي خالتي ولا ياسمين فيصل: اعتقد الحين كلهم نايمين جمان : نادلي شانتا فيصل : الحين اتخلين شانتا ادهنك بالمرهم وانا اللي اسمي زوجك ومعترف فيني على مستوى الدولة اني طبيب ما تخليني ادهنك بالمرهم جمان خليني بس اشوف واتأكد انه ما في ورم او ان اللون مو متغير جمان : وهي تبكي لو كنت حريص جان ما قعدت ادزني على الطوفة وتسحبني بكل قوتك بعدين انت طبيب باطني اشعرفك بالفقرات فيصل : انت تسكتين وتسمعين الكلام ولا شلون فيصل : قرب منها ولفها على ظهرها بدون ما ينتطر منها أي موافقة وفتح سحاب فستانها وبدا يتحسس ظهرها ليعرف ان كان فيه ورم ولم يجد أي بقعة لون مغايرة للون جسدها وبدا يتدهين مكان الالم برفق فيصل : الحمد لله ما في كسر جمان تحاول ان تسحب الغطاء عليها فيصل : لا تتحركين جمان: انت تقول ما في كسر يعني بس رضوض يعين مافي خوف لو تحركت فيصل : ما اقدر احدد لحد ما تسوين اشعة قرب منها وسكر السحاب ومسكها برفق ليقلبها لتنام على ظهرها جمان : خلاص هدني روح فيصل : ما تعرفين انه النوم على البطن نومة الشياطين سحب اللحاف وغطاها وقال : لا تتعرضين للبرد . جمان : يعني خايف علي فيصل : لاء اخاف ابتلش فيك لو انشليتي . يالله نامي . هل لهذه الحادثة يا ترى تأثير على نفس فيصل وجمان كيف سيكون ردة فعلها بعد ان تتيقظ لحالتها ويخف الألم عنها | ||||
|
| |
|
21-05-13, 09:21 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني عشر ذهب فيصل الى غرفته وبدء بلوم نفسه وهو يقول: انا اشسويت لو ان الطقة جت على النخاع الشوكي كان اما انها تموت او تنشل .. خلاص توبة ان مديت ايدي عليها او حتى قربت صوبها صحيح اشذنب البنت اشذنبها حتى اني اكرهها وفي الصباح ..،’ كان فيصل يهم بالخروج إلى عمله وفجأة تذكر جمان ذهب الي غرفتها طرق الباب جمان وهي ما زالت على السرير : ادخل فيصل : السلام عليكم جمان : وعليكم السلام فيصل شلونك الحين ان شاء الله احسن جمان : ما احس بالألم بس خايفة اتحرك يرجع الألم فيصل : زين عطيني ايدك وقومي اشوي شوي ..لحظة حاولي اول شي تنامين على الجنب جذي اسهل وبعدين قومي ما زال فيصل ممسك بيدها بيده اليمين اما يده اليسار فقد وضعها على ظهرها ليسهل عليها ان تنام على جنبها ثم تقوم وبعد ان قامت فيصل : الحين شتحسين فيه جمان : الحمد لله ما في عوار وضعت قدميها على الأرض وساعدها على الوقوف محاولة قدر استطاعتها الا تقرب منه وان كان فيصل لم يفكر هنا الا بما يحتم عليه واجبه كطبيب وحين وقفت فكت يدها من فيصل فيصل : تريقي خل اوديك المستشفى جمان : خلاص ما في داعي فيصل : لازم مو بكيفك جمان : انزين : فيصل انت تريقت فيصل : لاء بنزل تحت اتريق مع الوالدة .. نزل فيصل تحت عند والدته التي كانت تنتظره كعادتها على مائدة الافطار وهذه المرة تنتظر معه جمان اول ما رات فيصل سالته ام فهد : شلون جمان الحين ان شاء الله احسن فيصل : إي الحمد لله ما تحس الحين بألم وقامت عادي ولا كانه فيها شي بس هم بوديها الحين المستشفى عشان اتاكد من سلامة الفقرات ام فهد: يما خل بالك : ترى مو كل مرة تسلم الجرة وترى جمان ما تستاهل اللي تسويه فيها ام فهد : روح حق جمان شوفها يمكن ما تقدر تنزل الدري ( الدرج ) فيصل : ان شاء الله اللي تامرين فيه ..(وبينه وبين نفسه) يقول ما ظنيت على حبك وخوفك على جمان تخطبيلي ندى طلع نقاله واتصل على الدوام ياخذ اجازة لمدة اسبوع منها ليتابع حالة جمان والأهم حتى يبتعد بعض الشي عن ندى ليتخذ القرار ويرتب اموره ام فهد : انت ما كنت ما خذ اجازة عشان عرسك فيصل : لاء توني تذكرت اخذ اجازة .. نزلت جمان وسلمت على خالتها وحبت راسها وقابلتها على مائدة الإفطار وقد فضلت ان تكون بعيدة عن كرسي فيصل .. ام فهد : يما شتحسين فيه جمان : الحمد لله ما فيني شي الحين فيصل : خلصي اريوقك والبسي ترى توني متصل على احسن طبيب عظام في المستشفى . جمان : يعني لازم ام فهد : يما عشان تتاكدين جمان : انا بخير بس لو فيصل يبطل كل دقيقة والثانية يدزني على الطوفة فيصل يطالها بحقد .. ما هقيت انك من النوع اللي كل شي بينا يطلع بره ام فهد : انا اللي قايلتلها ما تخبي عني شي بنيتي واخاف عليها منك وان كنت انت ولدي ..لو كنت انت تسمع كلامي ما كنت طلبت منها هالشي فيصل : بس فيه شي اسمه خصوصيات بين الزوج وزجته ام فهد : الطق اتسميه خصوصيات فيصل : ان ااقصد حياتنا كلها قامت جمان ولم يعجبها كلام فيصل وهنا قالت ام فهد يما وين رايحة ما كملتي اريوقك جمان : الحمد لله شبعت فيصل : البسي انا ناطرك جمان : ان شاء الله بعد ان نزلت تفاجئ بها فيصل انها ترتدي عباءة ونقاب وما كان يدري انها الى هذا الحد من الألتزام فهو في نظره ان الحجاب فقط تغطية الشعر وبغض النظر عما ترتديه المحجبة من ملابس وان كانت ضيقة او لبست البنطلون مع غطاء الراس فلا مانع عنده فيصل : ماله داعي النقاب وتراه مو فرض وبعدين اذا بتلبسين عبات البسي اللي على الكتف جمان : لو كنت ادري هذي افكارك ما وافقت عليك صعب بعد ما التزمت بالنقاب من سنتين بكل سهولة تقولي افصخيه واذا انت مستحي تطلع معاي على لبسي هذا ما يشرفني اني اطلع معك وهذه افكارك ام فهد : جمان يما مو جذي اتردين على ريلك جمان : يما انا اتذكر اني سالتكم عن التزامه يوم الخطبة وقلتوا انه ملتزم ام فهد : وانا صاجة فيصل يصلي ومؤدي فروضه جمان : يما الدين مو بس الفروض ديننا يطالبنا بالتميز باللبس والاخلاق والمعاملات وبعدين هذي اختك فاطمة تلبس النقاب ليش ما استعريت منها فيصل : فاطمة ملزومة من زوجها وانت مني جمان : الحين اشقلت اذا تبي افصخه ماني طالعة فيصل : امشي اخلصي ام فهد: الله يصلحكم ويؤلف بينكم &&&&&&&&&&&&&&&&&&&&&&&&&&&&&& في السيارة مشغل الرادو وحاط على الإف ام جمان : مدت جمان ايدها وسكرت الرادو فيصل : من سمحلك جمان : دينك فيصل : اوه انت من هالنوع واللييييييييييييييييييه شالبلشة جمان: انا انغشيت بمواصافتك اللي قالوها لي فيصل : افهم من كلامك انك ما تبيني بما انك انغشيتي عيل بتطلبين الطلاق جمان : اذا بطلق طلق شكلنا ما نصلح لبعض فيصل : عشاني مو ملتزم مثل ما توقعتي جمان : ما فيك شي من اللي حلمت فيه بزوج المستقبل فيصل : ولا شي كلش .شلون تصورتيني قبل ما تشوفيني جمان : ملتحي .. ملتزم بتعاليم دينك وطيب وحنون معاملتك راقية مو مثل ما شفت وسمعت منك .. فيصل : حس بالاحراج من كلامها خاصة عند كلمة المعاملة الراقية وصورتي شلون كانت بذهنك ..حنطي وطويل وشعرك اسود لا انت متين ولا ضعيف فيصل : كانك شايفتني اب مكان جمان : لاء رسمت صورتك بمخيلتي من ملامح والدتك وخواتك .. فيصل ما تبين اتعرفين صورتك بمخي قبل ما اشوفك جمان : يا ليتني ما شفتك ولا شفتني . فيصل: لهالدرجة جمان : ....................لفت عيونها على صوب الجامة اطالع الشارع &&&&&&&&&&&&&&&&&&&&&&&&&&&&&&&&&&&& في المستشفى مقر عمل ندى وفيصل في مكتب ندى تكلم امها بالتلفون فاتن ام وائل : ندى مو تضعفين وتروحين عيادة فيصل ولا تعطينه ويه اذا يبيك لازم يوافق على كل شروطنا ندى : يما والله وايد اصال هالشروط بتنحشه انتوا حطيتوها وانتوا تدرون انه ماراح يقدر عليها ام وائل: يكون احسن بعد.. المهم مثل ما وصيتك يالله مع السلامة قامت ندى عيادتها تردي الذهبا الى مكتب فيصل لتعتذر له عن هذه الشروط ولكنها وجدت عيادته مغلقة مشت وهي في طريقها الى عيادتها لمحت الممرضة المعينة معه وسالتها عن فيصل وقالت: الدكتور فيصل في اجازة . دخلت مكتبها وسحبت نقالها من حقيبتها لتتصل على فيصل ولكنها ترددت وقالت في نفسها : خل اشوف معزتي عنده اشوفه بيسال فيني ولا بطنش &&&&&&&&&&&&&&&&&&&&&&&&&&&&&&&&&& في المستشفى اتصل فيصل على الدكتور حتى لا يضطر ان ينتظر مع بقية المراجعين جمان : ليش ما حجزتلي عند دكتورة مو احسن فيصل : قلتلك هذا احسن دكتور في هالمجال جمان : اصلا كل الدكاترة ما يعرفون شي اذا ما في اشعة وتحاليل فيصل : طايحين من عينك الدكاترة . جمان : حييييييييييييييييييل فيصل : اشتقصدين جمان :اللي تفهمه الممرضة وهي تنادي المريضة جمان استغرب المراجعين فهم ينتظرون ظهور الأرقام فلماذا ينادى على اسم المريضة تعالت اصوات المراجعين يذمون الوساطات دخلت جمان وهي منحرجة من الناس وكلامهم فهي لا تحب تخطي دور احد مهما كانت الأسباب . سلم فيصل على الدكتور وبداأ الدكتور يسال جمان عن مرضها وما تشعر به الدكتور : شنو اتحسين فيه جمان : حسيت مثل كهربا بظهري وبريولي وعقبها ما قدرت امشي وحسيت بثقل الدكتور : شلتي شي ثقيل جمان : لاء الدكتور: قمتي بمجهود جسدي كبير جمان : لاء فيصل : دكتور طاحت جمان : في نفسها يا كذاب طحت ولا البركة فيك الدكتور : اه طلب منها ان تعمل اشعة .. عملت الأشعة واخذت الأشعات وكانت اكثر من واحدة وذهبت بها مع فيصل مرة اخرى على الطبيب الدكتور : الحمد لله ما فيك الا العافية الفقرات كلها سليمة بس ابيك تاخذين هالعلاج عشان ما ترجعلك الآلام مرة ثانية . جمان : ان شاء الله اذا تكرر الألم يكون احسن تفتحين ملف .عشان اتابع حالتك فيصل : ان شاء الله ما يتكرر الدكتور : ان شاء الله . سلّم فيصل على الدكتور وشكره وخرج وجمان وفي طريقهما في ممرات المستشفى واذا بندى في وجهه شهقت ندى عندما رأته ثم ادارت عينيها على جمان وصارت تنظر اليها بازدراء ندى : اوه قالولي ماخذ اجازة فيصل : أي ااتعرفين معرس ...يقصد يقهرها بسبة الشروط ندى بقهر : وشيايبك يالمعرس فيصل : زوجتي تعبانة شوي تنظر ندى الى جمان وما زالت نظرة ونبرة الإزدراء والتعالي في عينيها ولسانها فقالت : هـــذي جمان : شنو - هذي - شالأسلوب السوقي .. فيصل لندى عن اذنك .. بينه وبين نفسه فرحان على رد جمان حتى اتعرف ان الشروط اكبر بكثير من قدرها وقال ( والله كفوا يا جمان قلتي اللي برد جبدي ) بقيت ندى في مكانها واطلقت عينيها وراءهما تتعقبهما حتى توارا عن نظرها وقد تاججت نارالغيرة في قلبها ركبت جمان السيارة وأراد ان يتكلم جمان : فيصل الله يخليك ما ابي اسمع شي فيصل : ما تبين اتعرفين من تكون جمان : وحدة همجية .. ولا اكوا وحدة محترمة في الدنيا تتكلم اب هالأسلوب مع وحدة ما تعرفها .حتى لو تعرفني..... شالتربية .. فيصل بينه وبين نفسه قال : انا مو راقي في تعاملي وندى طلعت مثلي ..يعني الحين على كلام بدر وجمان ..انا وندى نتفق مو بس في الأنانية انا تعاملي مو راقي يعني همجي مثل ندى صج لايقين حق بعض عيل ليش ما يخلونا نجتمع .. يا تري ماذا ستفعل ندى هل ستنتقم من جمان ؟!! هل سيقرب هذا الموقف جمان من فيصل ؟!! | ||||
|
| |
|
21-05-13, 09:22 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث عشر في بيت ابو فهد ام فهد : ياسمين كل هذا نوم انت يا قافلة على عمرك الغرفة يا نايمة ايام الدراسة تتحججين بالدراسة والحين اشعندك ياسمين : ما عندي شي ام فهد : عيل ليش ما تقعدين معاي هذي جمان توها عروس ما تصدق متى تنزل عندي تسولف معاي ياسمين : كيفها ام فهد : وهذي انت بنتي جذي وينهم عيال فيصل يملون البيت علي والا انت ما منك فايده قامت ياسمين تريد الذهاب لغرفتها ام فهد : على وين ياسمين : بروح داري تبين شي ام فهد : وبس بعد كل اللي قلتلك اياه.. هذا باجر اذا تزوجتي يمكن ما طلين علي ابد ما اقول الا الشكوى لله بس . ياسمين : عن اذنك يما وهنا دخلت جمان وفيصل فزّت ام فهد برؤيتهما وقالت : بشروا طمنوني فيصل : يما جمان تتدلع علينا ما فيها شي جمان : خاف ربك فيني يا ..مج رم قالتها وهي تقطع حروف الكلمة فيصل : ..............بينه وبينه نفسه زين يا جمان احسابك بعدين ام فهد : ما فيها شي وشنو كيس الأدوية هذا عيل يما جمان داري ظهرك ولا تتكاسلين وما تاخذين الدوا ترى وراك حمال وكلشي ولا ظهرك يصير فيه شي يما روحي ارتاحي الحين على ما ننجب ( نضع ) الغدا خجلت جمان من كلام خالتها ونزلت راسها وقد احمر وجهها واضطرب الكلام في فمها طلعت الى حيث غرفتها وتبعها فيصل طرق الباب ودخل نظرت اليه جمان وقالت : ما قلتلك ادخل فيصل : ما في استئذان بين الزوج وزوجته جمان : تصدق عاد لو كنت تعرف دينك صح كان عرفت انه في استئذان مو يمكن اني في حالة ما ابيك اتشوفين فيها فيصل : انا ادور هذا الوقت جمان ك لا يروح بالك ابعيد جمان :بعدين انت نسيت انك قلتلي انك ما تبني اقعد في المكان اللي انت فيه ليش ياي عندي ..،’ فيصل قال وهو يتاملها متفحصا كل قسمات وجهها وجسدها : بحطلك المرهم اللي كتبه لك الدكتور اخاف لو حملت بولدي ما يثبت جمان :تلعثمت سكتت ثم قالت : فيصل اطلع برة مستغنية عن خدماتك انت مو تبي تتزوج واطلقني اشله هالكلام بعد ولاّ تبي توترني وتعيشني بقلق ماني ناقصة اموت بالسرطان .. فيصل : اعوذ بالله شدخل القلق وظهرك بالسرطان جمان : ما تدري يا دكتور ان مرض السرطان سبب القلق والتوتر في الحياة الزوجية وخاصة سرطان الث... استحت سكتت وما قدرت تكمل فيصل : من وين يايبة هالمعلومة جمان : سمعتها برنامج عن علاقة المشاكل الأسرية والسرطان فيصل : تبيني اطلع جمان : يا ليت فيصل : وهو طالع ولما وصل الباب لف عليها .. وقال : جمان لك علي ما ايبلك سيرت الطلاق.... ولما تحطين الدهان لا تيين صوب الفقرات ادهني حوالين الفقرات بس ذهب الى غرفته وهو يفكر في كل كلام جمان وبشخصها وبأفكارها وقال : كنت اظنها بنت تافهه متخلفة ما شاء الله عليها جامعة بين الجمال والدين والعلم بس شسوي قلبي متعلق بندى عاتب نفسه بمحاورته لضميره : فيصل انت ما تبي ندى لشخصها انت تبيها عشان مكانة ابوها في المجتمع عشان يوصلك لمجلس الأمه بمساعدته لك عشان توصل الوزارة اعترف يا فيصل هذا السبب الحقيقي لحبك لندى ...لاء انا فعلا ابي ندى وما اقدر استغني عنها بس حرام يا فيصل تظلم جمان وهي ما لها ذنب .. بتقعد جمان معززة مكرمة ولا ابخل عليها بشي وبعطيها كل حقوقها كزوجة يكفي انها مستعدة تربي عيالي ..انا مو اول واحد يتزوج ثنتين طلع من غرفته من بعد ما غسل وبدل ملابسة وفي الممر وقف متاأمل باب غرفة جمان اراد ان يطرق الباب لتنزل معه الى حيث والدته ولكنه وجد نفسه دون تفكير عند والدته تحت ووجد جمان سبقته بالجلوس بالقرب من والدته على مائدة الطعام ..&&&&&&&&&&&&&&&&&&&&&& في بيت ابو وائل : ندى متضايقة ولا ترد علىوالدتها وهي تحدثها ام وائل: اشفيك ندى : ولا شي ام وائل: شلون ما فيك شي وانت مادّة البوز شبرين ندى : قلتلك ما فيني شي ام وائل: تعالي تغدي ندى : بس هذا اللي هامك آكل واشرب ونفسيتي وسعادتي مو مهمة عندك دخل ابو وائل وقال ك شالصيحة ام وائل : تعال شوف بنتك ما ادري اشفيها ندى: لا يما كلكم تدرون انا اشفيني وانت بالذات اكثر وحدة تدري انا اشفيني مابي غداكم بروح انام ام وائل : انا ما اصدق هذي دكتورة على مخها المصدي هذا ابو وائل : لا تخسرين بنتك رخي بشروطك على فيصل ام وائل : انت شقاعد تقول ازوجها واحد متزوج . بوا وائل : يعني لو حب وائل يتزوج على زوجته بتعارضين ام وائل : واللي يعافيك اسكت بس محد بضيع البنت غيرك &&&&&&&&&&&&&&&&&&&&&&&&& في بيت ابو فهد جلس فيصل هذه المرة مقابلا جمان ام فهد: شانتا روحي نادي ياسمين يا ربي من هالبنت بتذبحني قهر يصكة الباب عليها زين ما تنين ( تجن ) فيصل : يما خليها على راحتها ام فهد: بشوف تاليت هالدلع وين بتوصل شانتا: ماما ياسمين يقول ما يبي غدا ام فهد: لا حول ولا قوة الا بالله صايرة هيكل عظمي من ورا هالرجيم ولي حبت تاكل دقت على المطعم ولا كلت خبزة وجبنة فيصل : لازم اسويلها فحص دم اخاف تصير فيها انييما عاد كلشي ولا اكل المطاعم عندما نسبة كبيرة وخاصة الأطفال والشباب مصابين بجرثومة المعدة بسب اكل المطاعم يما : ترى بعد بشتكي على جمان ارفضت تتدهن بالمرهم ام فهد: ليش يا بنيتي جمان : ما احب الدهونات احس بضيق منها ام فهد: بس هذا علاج جمان : الحمد لله مافيني شي وحتى الطبيب اكدلي هالشي فيصل : بكون صريح معاك لما يوصل انك جسيتي بكهربا سرت بظهرك واريولك اقولك لازم تنتظمين باخذ العلاج جمان ............سكتت وسكت الجميع واكملوا غداءهم &&&&&&&&&&&&&&&&&&&&&&&&&&&&&&&&&&&&&&&&&& في بيت ابو يوسف ضاري : عمتي متى انروح بيتنا فاطمة: متضايق عندنا هذيل اخوانك قاعدين مستناسين ويبلعبون يما روح العب معاهم ضاري : مالي شغل ابي اشوف يدتي ( جدتي )اليوم اتوديني زين خل نسال اخوانك نشوفهم اذا هم بعد يوبن يروحون ولا لاء تنادي على خالد وبسام وجاء معهم يوسف و عدنان خالد وبسام: عمتي شنو تبين . خربتي علينا اللعية فاطمة : ضاري يبي بروح البيت تروحون معاه خالد وبسام : لاء ما نبي نروح وديه بروحه ضاري : صار يبكي احظنته فاطمة خلاص حبيبي انا اوديك العصر لا تبكي .. &&&&&&&&&&&&&&&&&&&&&&&&&&&&&&&&&&&&&& في بيت ابو فهد بقيت جمان تتحدث مع ام فهد التي استأذنت وطلبت ان تذهب لرغرفتها لتستريح وقالت : انتي بعد جمان روحي شوفي ريلك ما يصير هو فوق وانت قاعدة معاي المرة السنعة ما تترك زوجها وخصّة انتوا في اول ايام زواجكم ولا تنسين ادواك جمان : ان شا ء الله يما ذهبت جمان الى غرفتها وجدت فيصل بنتظرها شهقت لاستغرابها وجود فيصل فيها فيصل: اشفيك شهقتي جمان :ما توقعتك تكون اهني فيصل: ناطرك اتأكد من اخذك للدوا جمان: انزين كاني جدامك باخذه فيصل : والمرهم جمان : انزين الحين احط فيصل: يالله اشناطرة جمان: لما تطلع فيصل: ضحك نسيتي اني حطيتلك امس مرهم مخدر نزلت جمان راسها وقالت : امس غير اليوم لا اذكرني.. احمر وجهها ونزلت راسها للأرض .. فيصل : ليش جمان : .............(( كرهت نفسي يومها من فشلتي منك .. قرب فيصل منها وقال وهو يهمس في اذنها قائلا جمان انتي ليش عنيدة لم تستطع جمان ان تتحرك وقد بدات ترتجف من قرب فيصل منها وهمسه الذي افقدها توازنها جمان : ما اعاند وبدات تتسحب الى الوراء فيصل عيل شتسمين هذا ..هي تنسحب وهو يقرب اليها حتى قربها اليه وقال: جمان يالله انسدحي على السرير خل احطلك الدهان جمان : بلعت ريقها. فيصل تكفى ما اقدر ما اقدر...اطلع بره روح غرفتك .. وبدء وجهها يحمر وقد اضطربت اوصالها فيصل :زين عطيني ظهرك وارفعي التي شيرت تجمدت جمان ولم تستطع ان تتحرك او تتفوه بكلمة اما فيصل فبدون تفكير سحبها اليه .................................................. ............ استفاقت جمان وهي في حضن فيصل نظر اليها مبتسما وهو يقول: اعجبك العلاج جمان : فيصل فيصل: يا روح فيصل اشبغيتي جمان : قوم والله ظهري يعورني فيصل : شكل علاجي ما نفع مو قلتك لازم احطلك الدهان انت رفضتي جمان : فيصل : احضني فيصل : توك تقولين قوم كل هذا عشان ما احطلك المرهم بس شكل علاجي نافعك جمان ................ فيصل : ارجوك جمان لا تهملين العلاج جمان : امرك فيصل : وفي شي ثاني حبيبتي جمان : صج انا حبيبتك فيصل : عندك شك جمان: ....... اه اشبغيت تقول فيصل ..حبيبتي أي شي بينا مهما صار ما أبيه يطلع بره الغرفة هذي جمان : امرك &&&&&&&&&&&&&&&&&&&&&&&&&&&&&&&&&&&&&&&&& صباح يوم جديد في بيت ابو وائل ندى وهي تبكي: افا عليك يا فيصل ولا عبرتني بكلمة ولا سالت عني وانا اللي قاعدة احارب اهلي بسبتك ماني قادرة اصبر اكثر من جذي لا زم اتصل عليه رن نقال فيصل وبسبب وجود جمان بالقرب منه لم يرد على الاتصال يا ترى هل ستعود المياه لمجاريها ثانية بين ندى وفيصل ؟! | ||||
|
| |
|
21-05-13, 09:23 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع عشر كررت ندى الإتصال ولم يجبها فيصل بل اغلق الخط وهو يقول في نفسه : احترقي مثل ما احرقتني شروطك رمت ندى النقال من يدها ووبدات الدموع تنهمر من عينيها فلم تشعر بنفسها الا وبيد تربت على ظهرها ام وائل : اشفيك نظرت اليها ندى وقالت : اذا قلتلك اشفيني بتحلين مشكلتي ام وائل : اذا كان بإمكاني ما اقصر ندى : بامكانك والحل كله بإيدك ام وائل : لا تقولين فيصل ندى : ........ عيل لا تقولين اشفيك انتي عمرك ما سالتي فيني كل همك ندواتك ومؤتمراتك وانا بالطقاق ام وائل : انتي ما تعرفين الناس لو تزوجتي واحد متزوج شلون بينظرولك ندى: ما هموني الناس ام وائل : هذا كلام فاضي انت عايشة مع الناس وبعدين لو فيصل يبيك كان على الأقل رد باي كلمة هذا من عرف شروطنا غط ولا بيّن ندى : هذي شروط ولا تعجيز ... اروح الدوام احسنلي على الأقل انسى همي مع المرضى ام وائل : قصدك شوفته تنسيك همك ندى : يعني تعرفين ان راحتي معاه .ابشرك ما خذ اجازة ..عن اذنك &&&&&&&&&&&&&&&&&&&&&&&&&&&&&&&& في بيت بو يوسف ضاري : عمتي انتي امس وعدتيني اتوديني عند يدتي ولا وديتيني فاطمة : ان شاء الله اليوم امس ما فضيت روح قول حق خالد وبسام يتزهبون ضاري : هم ما يبون اييون فاطمة :ما يبون يشوفون يدتهم ( جدتهم ) و ابوهم ضاري : جمان بعد ... فاطمة : اتحبها ضاري: كبر السما &&&&&&&&&&&&&&&&&&&&&&&&&&&&&&&&&&& في بيت ابو فهد ام فهد تجلس مع جمان في الصالة يرن التلفون شانتا: اتاشر على ام فهد وتقول:ماما فاطمة يبي ام فهد : هلا ببنيتي شلونك وشلون العيال فاطمة : نسال عنك كلنا بخير ..يما ضاري مو قادر يصبر يبي يرجع ام فهد : امرنا لله خل يرجع فاطمة ان شاء الله على العصر ولا المغرب نكون عندك يالغالية ام فهد: ان شاءالله التفتت الى جمان تقولها عن رجعت ضاري جمان : يما اشوفكم وايد تهتمون بضاري ام فهد : ضاري حبيبي ما شاف شي من حنان امه ومثل ما انتي شايفه حتى ابوه لاهي عنه توفت امه وهو عمره سنة وبنيته ضعيفة حتى مناعته ضعيفة انولد وامه الله يرحمها من مستشفى لمستشفى لا حصل رعايتها ولا رضاعة طبيعية يمكن ظروفه خلته يصير حساس لدرجة كبيرة تقولين ريال كبير يفهم الكلمة ويكتمها .. جمان : ان شاءالله بس إيي بهتم فيه وبخوانه انا ربيت عيال اخوي ماجد عندي خبرة باليهال ام فهد : الله يبارك فيك يما .. ينزل فيصل يسلم وينظر لناحية جمان ويقول : انتي مقطوع سرك عند الوالدة كل ما التفت ما لقيتك جمان : انت مشغول بالنت حتى اكلمك ما ترد فيصل : مو قاعد العب عندي ابحاث ومراسلات جمان: ما قلت شي بس حبيت تكون على راحتك فيصل : راحتي اني القاك قريبة مني ام فهد: الله يسعدكم يستأذن فيصل للخروج وقبل ان يفتح باب الفيلا وجد جمان امامه والتي قالت : فيصل لا تزعل مني ما قصدت اضايقك فيصل صدقني ما كنت ابي اشغلك فيصل: انا زعلان يالله اذا تقدرين اتراضيني راضيني جمان : شلون قولي شنو يرضيك وما راح اقصر فيصل : فكري .. لك دقيقة .. جمان : ما ادري فيصل : لا تدرين وفتح الباب وخرج وخرجت معه الى حدبقة الفيلا وقبل ان يذهب لسيارته طبع قبلة على خدها وقال هذي وحدة والثانية لما ارجع دين عليك .. جمان : بس جذي فيصل : افكر.. الحين بروح وراجعلك اتسددين الدين جمان : حبيبي انت ابتسم فيصل وقال: ما بغيتي تقولينها ارجعت جمان الى خالتها بعد ان ذهب فيصل والتي كانت تحدث يا سمين ياسمين : يما ما صارت هالمحاضرة مو يكفي هالسنة ما في سفر مقعدينا بالحر تدرين جمان يتني فكرة اقنعي فيصل تروحون شهر عسل وانا اللزق معاكم ام فهد : يا ويلي منك بس فكرتي بنفسك اللي ما قلتي وامي بعد خل فيصل بس يقرر بس انت مالك طلعة معاريس وبتلصق نفسها معاهم منو يرضاها .. ياسمين زهقت من قعدت البيت متى تخلص العطلة وافتك من هالحكرة ام فهد : من حاكرك انتي حاكرة نفسك ياسمين : يعني انتوا اتخولني اطلع مع ارفيجاتي كله لاء وممنوع جمان : ليش يما انتوا مو واثقين برفيجاتها ام فهد : ما قلت شي خل تروح تزورهم ويزورونها بالعكس بنات اياويد بس طلعات ومنتزهات وبنات بروحهم اخاف عليها ما اقدر اخليها تروح . ياسمين : يا خلاف وين يعني بنروح جمان : والله ياسمين من االلي اشوفه اقولك كلام خالتي صح اشوف بلاوي البنات تلقينهم ماشين في حال سبيلهم وهالشباب لاحقينهم ويضايقونهم ياسمين: دام انه لبسنا محتشم وفي حالنا محد يقدر يتعرض لنا اصلا الشباب ما يلحقون الا اللي تعطيهم ويه رن نقال جمان المتصل بسمة : فرحت جمان وردت عليها بشوق ولهفة ونست نفسها وهي تتكلم مع بسمه وما تشوف نفسها الا وهي بغرفتها بسمة : شقول عنك يعني اذا ما سالت ما تسألين جمان : غصبن عني بسمة : ادري عروس اصلا زين قدرت اصبرك كم من يوم على ما اتصل فيك بغيت ثاني يوم ادق عليك من الفير (الفجر ) جمان : اف ...كل هذا شوق بسمة : أي شوق انت ويه واحد يشتاقلك جمان : افا عليك عيل ليش بسمة : ابي اشوف احوالك ياالعروس جمان : الحمد لله بخير تدرين في شي انا نفسي ماني قادرة اصدقه اتصدقين اني احس اني اعرف فيصل من زمان ..،’ بسمة : مو شي غريب هذا من رحمة الله جمان تمعني في هالأية ويبطل العجب (( ومن آياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لأيات لقوم يتفكرون )) جمان :سبحان اتله ما كنت متوقعة اني بسهولة احب فيصل ما وعيت عل نفسي الا وحاسة انه كل حياتي على كل اللي سواه فيني .. بسمة : وعادل جمان : الحمد لله ماله اثر في نفسي بسمة عشان جذي كنت الح عليك تتزوجين وتعيشين حياة حب حقيقية مو سراب لحظة>>>> لحظة>>>>>> كاني سمعت شي- رونج سايد -الا ما قلتي شنو سوى فيك جمان :شقولك .. ذلني وهانّي بليلة زواجنا وعرفت ليش ما كان يبي يشوفون اثراه كان مغصوب جمان بينها وبين نفسه اابيّه انا شقلت انا وعدت فيصل اني ما اتكلم بسمة : شنو ... جمان جمان وين رحتي جمان : اسفة بسمة انشغلت شوي اقول بسمة اكلمك بعدين بسمة : مع السلامة لا تقطعين جمان : ان شا ءالله .................يا حسرتي يارب سامحني والله زلة اللسان بدخلت فيصل : خافت جمان و ارتبكت فيصل : اشفيك جمان : ها ولا شي بس استغربت رجعتك بسرعة فيصل : نسيت الأرواق اللي طبعتهم جمان: يا ربي ما يكون سمعني تنظر الى الأوراق التي نساها وقد اخذها بيده فتقو ل في نفسها : اكيد ما سمعني ولا ما كان طوّفها لي فيصل : جمان اشفيك انتي مو طبيعية جمان : لا ولا شي افكر بالدّين فيصل: اه .. يالله ما عندي مانع الحين اتسددين ..ورمى الأوراق من يده جمان : فيصل مو الحين انت الحين مستعيل فيصل: مستعيل افضالك ياقلبي تتهرب جمان من فيصل ويحكرها فيصل على الحائط وطوقها بذراعيه ويقول: يالله سددي دينك مع الفوائد جمان :فيصل لا تحرجني استحي ظل ينظر في عينها التي كلما استقرت في عينه اغمضتها حياء او أطلقتها تتجول اركان الغرفة ..،’ فيصل : حياتي ارفعي عيونك فيني طالعيني جمان : تلتفت الى جهة اليمين فيصل ما اقدر ارحمني ما اقدر فيصل: انت ارحميني .. قوليها جمان : شقول : ضمها اليه وهومن صار يعترف لها بحبه فيصل : تدرين ما كنت اتصور اني يتغير حالي واحبك جمان : تدري على كثرما كرهتك تحول كرهي لك الى حب ودي على طول تكون معاي.... فيصل انا خايفة فيصل : من شنو جمان : انك تتخلى عني فيصل : مستحيل جمان : مو انت كنت ناوي اطلقني فيصل لما ما كنت اعرفك جمان : اوعدني انك ما تتخلى عني فيصل: اوعدك يا عمري جمان : احبك انت روحي انت حياتي كلها فيصل : لاء لاء ما اتحمل كلامك .. ما اصدق انت اللي كنت قاسية علي بكلامك الحين لسانك يقطر عسل . جمان : كنت تستاهل ولا نسيت شقلتلي اول يوم زواجنا فيصل: خذيتي حقك مني وبزيادة جمان : لا بعد باقي شوي فيصل ان ما وريتك الحق على اصوله جمان : فيصل انت مو عندك شغل يالله روح فيصل: ما اعتقد هالكلام طالع من قلبك . هذا وانتي بحضني جذي تقولين عيل لو هديتك اشبتقولين .. وبدا يفكها من حضنه جمان : احبك فيصل: اه يعني يتمنعنا وهن الراغبات جمان : فيصل استحي خف علي &&&&&&&&&&&&&&&&&&&&&&&&&&&& المستشفى ندى: ما راح أيأس لازم اتزوج فيصل واكسر راس ُمرته.. ما اكون ندى ان ما نفذت اللي براسي.. صبرك علي .. اتصلت على فيصل الذي كان قد تعمد الا يرد عليها الى ان تنتهي اجازته ارسلت له رسالة وكتبت وين اللي يقول محد ياخذك غيري بس ابيك اتساعديني &&&&&&&&&&&&&&&&&&&&&&&&&&&&&& بسمة اتفقت مع بقية صديقات الدراسة ان يقيموا حفلة على شرف جمان بما انها اخر من تزوجت من المجموعة وقد اتصلت على جمان لتخبرها جمان : خير بسمة في شي بسمة : أي في شي الشلّة مسويولك حفلة والمقر بيتي بمناسبة زواج اخر عضوة فيها واللي هي انتي ضحكت بسمة وقالت: بس فضحتينا اللي يقول عمري طق الثلاثين بسمة والله ما شا ءالله عليك انتي الوحيدة اللي محافظة على جسمك واللي يشوفك عباله توه عمرك ثمنتعش سنة جمان: انتي تبالغين بسمة : منتي حاسة بنفسك . المهم يكون بعلمك باجر يمعتنا (تجمعنا) بعد صلاة العصر جمان : صعب ما اقدر بعد صلاة العصر بسمة : اشعندك وراك يهال ولا شنو جمان : صج اليوم بيون عيال فيصل يعني ما اقدر اوعدك متى اقدر اطلع،، خلي اليمعة عقب باجر تكفين عشان ارتب اموري . بسمة: زين بس لانك عروس مو اطنشين عشان نبي نعطيك الوصايا العشر جمان : الله يستر منكم &&&&&&&&&&&&&&&&&&&&&&&&&&&&&&&&&&&&& في بيت بو يوسف ضاري يجلس في حضن فاطمةواخوانه يلعبون مع ابناء خالتهم بويوسف: تدرين ودي ابنت فاطمة وهي غير مستوعبة :شقلت بو يوسف : اقول ودي تصير عندنا بنت يا حلاة صوت اليهال وهو يناغي عاد يقولون البنت وهي صغيرة سوالفها تجذب اكثرمن الصبي فاطمة : الله كريم بو يوسف : متى اخر مرة راجعتي الطبيب فاطمة من شهر : وانت عارف التيجة مافيني علة تمنع الأنجاب حتى الطبيبة مستغربة والحمد لله انه عندنا ذرية محنا مقطوعين بو يوسف ك العزوة بكثرة العيال والكل يقول ما يشيل الأبو والأم في كبرهم الا البنات فاطمة :الصالحين من الأولاد سواء بنت او ولد وبعيدن عدنان عمره اربع سنين يعين مو وايد كبير .. بويوسف : انا حجزت عشان انسافر منها سياحة ومنها تشوفين علاج لأنقطاع الإنجاب فاطمة: متى حجزت بو يوسف : اليوم والسفر بعد اسبوعين فاطمة : الله كريم &&&&&&&&&&&&&&&&&&&&&&&&&&&&&&&&&& في بيت بو فهد ياسمين في غرفتها تسمع طرقات الباب وتقوم لتفتح واذا ب جمان امامها ياسمين : هلا جمان بغيتي شي جمان: اقدر ادخل ولا ممنوع ياسمين: حياك يا ترى هل ستكتشف جمان سبب انعزال ياسمين عن البقية وهل تقوى على اخراجها من عزلتها بما انها خريجة علم نفس اتمنى اعرف رايكم | ||||
|
| |
|
21-05-13, 09:24 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس عشر : جمان : بسولف معاك ممكن ياسمين : أي ممكن جمان: يا سمين شنو تخصصك ياسمين : حقوق جمان: ما شاء الله يعني كلها سنة وبتصيرين محامية ياسمين : لا افكر اشتغل مستشارة قانونية في أي وزارة مالي خلق المرافعات جمان: تخصصك يعني انك انسانة قويه وما ترضين بوقوع الظلم ويحتاج تخصصك انك تعرفين طباع الناس ونفسياتهم عاشن ما تنخدعين بالظالم وتحسبينه برئ ... ياسمين : قللتلك مابي اصير محامية جمان : بغض النظر عن المهنة اللي تبين تختارينها ترى حتى الوظيفة اللي تبينها تحتاج منك معرفة الناس ياسمين اكيد بكتسب الخبرة لما ادوام جمان: ان بدات العمل بقوة بسرعة توصلين لمركز مرموق ياسمين : دام ان هذي افكارك ليش ما توظفتي جمان: ما احب التقيد ومافي جدامي غير وظيفة التدريس لاني ارفض الأختلاط ياسمين : بس كليتك فيها محاضرات مختلطة والدنيا كلها فيها اختلاط جمان : الوظيفة شي والعلم شي ثاني وبعدين كنت حريصة اني ما اخذ محاضرة فيها اختلاط تخيلي لو توظفت والمكتب فيه ريايل تعتقدين باخذ راحتي و بعدين اشحادني على هالبهدلة . انا كنت اتضايق من المحاضرات الي فيها طلبة عيل شلون الوظيفة .. ياسمين: ما ادري انا اشوف عادي جمان : في الكلية غير.. مدرج البنات غير مدرج الطلاب وفي دكتور ومحاضرة بس العمل شي ثاني لازم بيكون احتكاك يومي . كانت جمان تتكلم وعينها تتامل غرفة ياسمين الراقية في اثاثاها والوانها لمحت عين ياسمن لا تبارح اللاب حتى وهي تكلمها جمان: ما شاء الله غرفتك اثاثها وايد راقي ياسمين : شكرا.. من ذوقك جمان : انت مشغولة ياسمين : لاء بس قاعدة اتابع موضوع جمان : مشتركة بموقع ياسمين : أي بس ما اتقيد بالرد والكتابة جمان : اقدر اتابع معاك ياسمين : ارتبكت هاااااا لا كنت ابي اطلع تعبت جمان : عطيني اميلك ياسمين : ضحكت احنا ابيت واحد اشله الأميل بعد جمان: ما تدرين هذي دنيا يمكن إي يوم اخوك يحبسني في الشقة وما يخليني اطلع ...تتكلم وهي تضحك ... ياسمين : لاء فيصل ما يسويها وفي هذه الأثناء فتح الباب وهجم عليهم ثلاثة عفاريت وهو يصيحون عمتي ياسمين خالتي جمان : صدناكم شتسون ؟! فرحت جمان وياسمين برؤيتهم واكثر شي ياسمين ليتغير مسار الحديث حملت جمان ضاري ونزل الجميع الى الصالة حيث تجلس ام فهد وفاطمة ضاري : وهو يتامل جمان : احبك خالتي جمان : احبك اكثر فاطمة : اللي يبي يرجع معاي ياخذ له ملابس ضاري : انا مابي ارجع فاطمة : بتمل بعدين محد ابيلعب معاك خالد : صح جمان : خلوه على راحته فاطمة حتى تغري ضاري خالد وين تبون اوديكم بعد ما نطلع خالد : الأكوابارك ..اشراياك بسام بسام ..يالله ونمر ناخذ يوسف وعدنان وانت ..وياشر على ضاري خلك اهني نزل ضاري من حضن جمان وقال : انا بيي معاكم فاطمة : عيل يالله روح يبيلك ملابس وتنادي شانتا: تروح تيب ملابس حق ضاري واخوانه جمان : بعتني يا ضري بالأكوا بارك ضاري : يتبسم ويقول بس اشوي اشرايك خالتي تيين معانا عمتي ياسمين تعالي معانا الله يخليك انت وجمان تعالوا .. جمان : المرة الياية ان شءا له اروح ..ياسمين فكي عن عرمك وروحي معاهم فاطمة أي والله تعالي ياسمين ..ها مالي خلق ام فهد : انت ما عرفنالك ياسمين : خلاص خلاص اروح انطريني فاطمة ابدل وارجعلك فاطمة: يما يالله تعالي معانا وانت بعد جمان ام فهد : يالله جمان خل نروح فعلا ودي اغير جو جمان : اخاف فيصل ما يرضى ام فهد : دقي عليه وبلغيه جمان : هو قاللي يوم طلع العصر انه مو مطول بيرجع بسرعة ام فهد : زين دقي عليه جمان : الحين .. فيصل : هلا جمان ((تسمع اصوات بالقرب منه فلم تحب ان تطول معه )) جمان : لاء بس حبيت استأذن منك بروح مع فاطمة واليهال الأكوابارك فيصل : لا ما تروحين جمان وبضيق .. زين امرك فيصل: ان شا ءالله بعد صلاة العشاء امرك ونطلع مع بعض جمان : اكيد فيصل : اكيد جمان : عيل يالله بنطرك مو تتاخر فيصل: ان شاء الله جمان : يما فيصل بطلعني خلاص روحوا انتوا وانا بقعد انطره نزلت ياسمين والكل ذهب ما عدا جمان التي بقيت في المنزل منتظرة فيصل بدات تمر عليه الساعات سريعة وتخشى ان ياتي فيصل وهي لم تستعد بعد .. وبعد صلاة العشاء تغير الحال وصارت الوقت يمر عليها ثقيلا فقد بدات الساعات تنتهي ولم ياتي فيصل بعد جمان : خل اتصل عليه اشوفه ليش تاخر : تتصل ولا يرد مم زاد من قلقلها عليه اسلت له مسج : ليطمئنها عليه بعد برهة من الوقت :جاءها الرد : تطمني مافيني شي صار الوقت يمر ويمر حتى غالبها النوم الذي تمكن منها ولم تدري كم مر عليها من الوقت وهي نائمة واستيقضت على صوت غلق باب الغرفة جمان وهي ما زالت تنفض عنها آاثار النوم تنظر الى المنبه الذي على جانب السرير قالت: اف الساعة احدعش فيصل: بنبرة حادة .. شنو بدينا .. بتحسبيني على التأخير جمان : كان المفروض تبلغني بتاخيرك مو اتخليني احاتي فيصل: كاني جدامك الحين جمان : فيصل اشفيك علي فيصل: انتي اللي اشفيك من دشيت وانتي طايحتلي تحقيق جمان : من صجك انت اللي بديت وعصبت فيصل : الحين اشتبين جمان : سلامتك مابي شي فيصل: شوفي ترى انا ما احب احد يحاسبيني ويعد علي روحاتي ويايتي صارت جمان تنظر اليه بنظرة حزينة وكتمت غيضها وذهبت عنه لتبدل ملابسها ثم خرجت الى صالة الشقة اما فيصل فلم يكلف نفسه ان يهدؤها ولو بكلمة واحدة .. جلست على الكنبة وهي تفكر بانقلاب حال فيصل التي كانت بينها وبين نفس تقول: شاللي غيره ..انا ما قلت شي اهو الغلطان وفوق هذا يهاوشني اكيد حبه لي كان كله تمثيل بسبب شعوره بالذنب عشان اللي سواه فيني ولما تاكد من سلامتي رجع لطبعه .. يا ترى هل تحليل جمان في مكانه ام هناك سبب لضيق فيصل | ||||
|
| |
|
21-05-13, 09:25 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السادس عشر وفي الصباح وجدت جمان نفسها نائمة على الكنبة وقد تجمدت اطرافها من شدة برد التكيف وشعرت بعودة آلام ظهرها .قامت بالرغم من آلامها النفسية والجسدية فتحت باب غرفة النوم وجدت فيصل يتقلب على السرير نظر اليها وهو يقول : توك ياية لم ترد عليه واخذت لها ملابس لتذهب الى الحمام لتأخذ دش فيصل : لمّا اكلمك ردي علي بدات الدموع تنساب لا اراديا من عينيها نظرت اليه وهي تحاول مداراة بكائها والتفت اليه : جمان : اشتبي فيصل : كل هذا عشان امس ييت متاخر . جمان : عن اذنك فيصل بينه وبين نفسه .. ردينا على البداية ..اف انا مالي خلق الدلع وهي تتدلع علي انا قايلها كلمة مو جمان االلي تصلحلي .. بعد ان انتهت جمان نزلت الى الصالة تستفقد خالتها وبحثت عنها في غرفتها فلم تجدها شعرت انه لا يوجد احد في البيت ذهبت الى المطبخ تستعجل الخادمة تجهيز الافطار وبعد اعداده طلبت من الخادمة ان تتصل بفيصل عبر الانتركم ان ينزل ليتناول افطاره جاء فيصل وجلس امامها ولكنه لم يعرها اهتماما مم زاد من ضيق جمان وعندما انتهى قام وتوجه الى الباب ليخرج فناداته جمان جمان : فيصل وقف فيصل وظهرهه اليها ولم يرد عليها جمان : فيصل ارفيجاتي عازميني فيصل : ويعدين جمان : ابي اروح فيصل : متى جمان : العصر ..فيصل توديني فيصل : دبري نفسك جمان : معقولة يا فيصل ليش جذي ترد علي وجاءت امامه تستعطفه ليرضى عنها وهو من اخطا جمان : فيصل انا آسفة ان كنت زعلتك قربت منه الى ان ضمته الى صدرها ورفعت عينيها اليه وقالت : آسفة حبيبي فيصل : وبس كل ما غلطتي تاسفتي .. فك يديها التي كانت تضمه اليها برفق وحنان ونظر اليها نظرة باردة وخرج ..جمان: انا استاهل هو يغلط وانا اتأسف يا خوفي يطلقني بعد ما تعلقت فيه وصار هو كل حياتي . .ثم انتبهت على نفسها وتذكرت بسمة والحفلة التي ستقيمها على شرفها جمان : الحين شلون اروحللها وسيارتي في بيت اخوي اف لو ياسمين موجودة الحل اني اتصل على ماجد ايبلي سيارتي اتصلت على ماجد : جمان : السلام عليمك ماجد : هلا بالحبيبة شلونك مبروك حبيبتي تردين البيت ناقصه وجودك جمان : البيت متبارك باهله ..ماجد شولنكم وشولن ريم واليهال ماجد : الحمد لله ..الا اقول جمان زين تذكرتي عندك اخو تسالين عنه جمان : كاني سالت ماجد : والله .. قالها بتعجب .. جمان : ماجد حبيبي الله يخليك تقدر تيبلي سيارتي ماجد وانا اقول متصلة عبالي تسالين عني جمان : اكيد بسال عنك ماجد تعالي وانتي وفيصل وحمولتك تعشوا عندنا واخذي سيارتك مر وحدة جمان : صعب خلها مرة ثانية . ماجد تكفى ما تقدر ماجد : الا اشتبين فيها ماني خابر عروس تحتاج سيارتها وانت حتى اسوبع ما امر على زاوجك جمان : ...............خلاص ماجد اذا ما تقدر مو الا .. سلملي على ريم واليهال ماجد : الله يسلمك .. انهت مكالمتها لماجد وهي تفكر وتقول : شالحوسة زين ما انفضحت ويرني ماجد بالكلام جان اشخلصني من فيصل . وقالت: ما في غير ياسمين لما تيي اقولها توصلني اتصلت على ياسين ولم ترد ثم اتصلت على خالتها جمان : السلام عليكم .يما انتوا وينكم فيه ام فهد في بيت فاطمة امس تاخرنا حيل وقلنا نبيت عندها جمان : يعني منتوا يايين الحين ام فهد : امبلا قاعدين نتزهب كلها ساعة وبنكون عندكم ان شاء الله جمان : خالتي لا اطولون ترى قاعدة بروحي ام فهد : وفيصل وينه جمان : طلع اكيد عنده شغل ام فهد : ان ااشك ان هذا معرس .لم ارجع اسوف سالفة ريلك انزين خالتي ما اطول عليك عشان ترجعون بسرعة مع السلامة جمان : انا اشسويت الحين تقعد تستفسر لحد ما تعرف كلشي وانا آكلها من فيصل .. ذهبت الى المطبخ لتشغل وقتها باعداد الغداء &&&&&&&&&&&&&&&&&&&&&&&&&&&&&&&&&&&& شركة العائلة ذهب فيصل الى فهد ليساله عن حلاله فهو ما زال بفكر بالزواج من ندى وعدم رده على اتصالاتها الا تأديبا لها وليرى مدى تمسكها به . فيصل: شوف فهد انت اخوي الكبير واقدر جهودك وتعبك بس انا فعلا محتاج فلوس شوف انت جم تقدر تعطيني فهد: قول من النهاية : جم تبي فيصل : على الأقل عشرين الف فهد : ليييييشششششششش .تبي تفتح عيادة فيصل: ............ تقدر ادبرهم لي فهد : امري لله متى تبيهم فيصل: خلهم جاهزين فهد . خلاص ان دبرتهم حولتهم عل حسابك . فيصل: مشكور ما تقصر فهد: ويد اعرف شنو برساك فيصل: ابي اتزوج فهد: من صجك فيصل : انت شايف اني قاعد اتغشمر فهد : الله يهديك بس فيصل: شايفني مجنون .... استاذن مع السلامة فهد : كلنا محتاجين الهداية ..روح الله يحفظك ويهديك بس.. ويقول بقلبه ويعين هالمسكينة جمان عليك .. &&&&&&&&&&&&&&&&&&&&&&&&&&&&&&&&&& في بيت ابو فهد رجعت ام فهد وياسمين اما الثلاثي فما زالوا في بيت فاطمة استقبلتهم جمان واليت كانت تشعر كانها منذ دهر لم تراهم جمان : يا هلا خالتي اشتقت لكم كاني سنة مو شايفتكم ام فهد: شافتك العافية يما جمان : يالله يما على ما ترتاحون ازهب الغدا ام فهد: انتي الي طابخة جمان : ايي ام فهد : ما شاء الله تلتفت على ياسمين وتقوله تعلمي مو بس خائة روحك بدارك بعد ماراحت ياسمن غرفتها جمان : يما شوي شوي عليها ترى توها صغيرة واكيد راح تتعلم ترى يوم انا كنت طالبة ما اعرف اشوي ولا شي لما تخرجت طبيت المطبخ وصار الطبخ هوايتي ام فهد : الله يصلح هالبنت معذبتني جمان : يما انت بس ادعيلها ان شا ء الله يتحسن حالها ام فهد انا بروح طاري ان زهبتي الغدا ناديني جمان : ان شا ء الله يما اما ياسمين فاول ما دخلت غرفتها فتحت اللاب توب وفتحت اميلها ولكنها لم تجد أي رسالة او محادثة على المسنجر اغلقته وبدلت ثيباها ونزلت الىالصالة كانت جمان تعد مائدة الغداء وجاءت اليها ياسمين لتساعدها وما ان انتهوا حتى طلبت جمان من ياسمين ان تتصل بفيصل لتعلم ان كان سيتأخر ام سيأتي على الغداء وه ذهبت بنفسها لتنادي خالتها ياسمين : فيصل ننطرك على الغدا ولا تبتتاخر فيصل: السلام لله ياسمين : نسيت السلام عليكم فيصل: خير ااشتبين داقة ياسمين : بسالك بتيي عل ىلاغدا ولا تتاخر فيصل: كاني وصلت بصفت وادخل ياسمين : لو ادري ما اتصلت يالله مع السلامة ذهبت ياسمين وجلست على المائدة منتظرة اخيها ووالدتها وجمان دخل فيصل وتوجه ليغسل يديه وهو يهم بالدخول الى غرفة الطعام وجد والدته تنزل مع جمان من الدرج فيصل: في نفسه : اه اكيد الأخبار الحين اوصلت ام فهد : يما وينك فيه مخلي مرتك بريحاتها في البيت فيصل: ( ايه انا قلت اوصت الأخبار ) ..يذهب الى والدته ويحب راسها ويقول وهو ينظر الى جمان نظرة توعد بالشر : يا اللخ يخليك لنا كان عندي شغل ام فهد : شنو هالشغل الي يطلعك برة البيت وانت ماخذ اجازة جمان تسحب الكرسي لتجلس عليه خالتها وتهم بالجلوس بالقرب منها ولكن فيصل يسحب الكرسي منها ويجلس بقرب والدته مم اضطرها ان تجلس امامه ياسمين: جمان امس وين رحيت انتى وفيصل جمان : تنظرالى فيصل - وتنزل راسها حين التقت علينها بعينه - فلم تعرف بماذا ترد فيصل: انتي ما تيوزين لازم اتعرفين كلشي ياسمين : يا كلمة ردي بس مابي اعرف الا انتوا ليش ما تسافرون مثل باجي خلق الله فيصل: انتي في احد شاكيلك الحال- وينظر الى جمان متوعدا وجمان لا تستطيع ان ترفع راسها وعينها عن الطبق الذي امامها تشعر بقصده مما جلعها تضطرب ولم تستطع ان تاكل شيئ –زين يا جمان احسابك عندي تتشكين .. ام فهد : ياسمين خليك في حالك جمان : رجعت بالكرسي الى الخلف وقالت : الحمد لله وارادت ان تقوم فقال فيصل: قعدي كملي اكلك ما كليتي شي ام فهد : لا يكون مسوية رجيم انت عروس ولا زم تتغذين عدل احمر وجه جمان وزاد كلامها اضطرابها وهي مازالت تخفض عينيها راسها الى الارض فيصل في نفسه : اكيد منتي قاردة ترفعين راسك لنك ما حفظتي الوعد هين يا جمان بس استفرد فيك اوريك ذهبت جمان وجلست في الصالة فهي تعلم انها لو تلاقت مع فيصل لن ينتهي لقاءهما على خير .. جاءت ام فهد وجلست بالقرب من جمان ام فهد: يالتكم امس كنتوا معانا كان استانتسوا جمان خيرها بغيرها كانت ياسمين تريد ان تذهب الى غرفتها فنادتها جمان : ياسمين ياسمين : هلا جمان : تقدرين اتوديني العصر بيت صديقتي بسمة ياسمين : ما ارقد راوعدك ما نمت عدل في بيت ام ويوسف والنوم كابس علي الحين ماردي متى اقعد .. ام فهد : خلي فيصل يوديك جمان: فيصل مشغول ام فهد : عيل خلي السايق يوديك جمان : لا ماله داعي تتدبر فيصل وهو ذاهب الى غرفته ينظر الى جمان لتقوم لتلحقه ولكنها لم تعره اهتماما فهي تعر مالذي ينتظرها لو ذهبت ام فهد توسدت الخدادية ونامت واحتارت جمان الى اين تذهب فلا مفر لها غير ان تذهب الى شقتها ارتقت الدرج وهي تشعر بثقل قدميها الى جانب شعورها بالخوف فنضرات فيصل كانت لا تطمئن فتحت باب الشقة وجدت ينتظرها فيصل: ساعة على ما تفكرين تيين بيتك جمان :....................... فيصل: اكيد ساكتة شقلتي للوالدة وياسمين جمان : ارفعت عيونها فيه تريد ان تعرف قصده فيصل: يشدها من يديها : مسوية نفسك ما تدرين شتكلم عنه جمان : ما قلت شي اسالهم فيصل : اكيد ماراح يقولون شي اصلا الكلام كان واضح انك قلتي لهم كل الي صار امس واليوم ..مشتكية بعد تبين اتسافرين .. جمان: قلتلك ما قلت شي مسكها من كتوفها وبداء بهزها بعنف جمان: نزل ايدك فيصل : والله لك عين بعد اتريدين ..بعدين تعالي شحقة خليتي ياسمين تتصل ما عندك اللسان تتصلين لازم اتبينين انك زعلانة جمان: فيصل قلت اللي عندي وانت كيفك وارادت ان تذهب الى غرفتها ولكنه سحبها ورفع يده وهوى كفا قويا على وججهها نظرت اليه جمان والدموع في عينيها : وقالت : ايي منك اكثر .. فيصل: خلي هاليوم يعدي جمان: يا ليت وهي تنظراليه بانكسار .. ذهب فيصل الى غرفته وجمان الى غرفتها تبكي حالها اتصلت عليها بسمة تؤكد الموعد: حاولت جمان تغير صوتها بسمة : انتي تبكين جمان: لا ء شوي تعبانة بسمة : عسى ما شر جمان : الشر ما ييك بسمة اذا تبين اناجل يمعتنا جمان: لا ان شا ء الله اييكم بينها وبين نفسها عل ىلأقل اغير جو .. سمعت اذان صلاة العصر ورددت مع المؤذن وتذكرت ان الدعاء بين الاقامة والصالة لا يرد فدعت الله ان ييسير امرها وتذهب الى بسمة فهي بحاجة ان تلتقي بصديقاتها دخلت لتصلي وعند انتهاؤها خرجت الى الصالة تريد غرفة فيصلتطلب منه ان يوصلها الىبيت بسمة طرقت الباب ودخلت فيصل: من اذنلك تخلين جمان: فيصل الله يخليك لا تردين ودني بيت بسمة فيصل: قلتلك دبري نفسك جمان : اشلون فيصل: ......عندك السايق يالله طلعي برا جمان : امرك ..بطلع بسمو من غرفتك بس من حياتك كلها ماذا ستكون ردة فعل فيصل هل سيفرح بقررارها ؟؟ | ||||
|
| |
|
21-05-13, 09:25 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السابع عشر ذهبت جمان الى غرفتها والدموع تملأ عينيها وهي تحاول الا تبكي ولكن لا حيلة لها فقد غلبتها دموعها التي انسابت دون قيد جلست على سريرها ........ثم تذكرت كلامها مم زاد من ضيقها جمان :أبيّـــه انا شقلت من صجي قلتله اني بنهي حياتي معاه ولم تكمل كلامها مع نفسها حتى سمعت صوت الباب ينفتح رفعت رأسها والا بفيصل .. الذي قال : انتي لين الحين ما تجهزتي يالله قومي لبسي خافت جمان ...فيصل:بنبرة حادة - انا ناطرك تحت لا تتأخرين بقيت جمان في غرفتها وهي حائرةجمان : معقولة يبي ينهي حياته معاي ليش قالي تجهزي يا حسرتي أكيد بيوديني بيت اخوي لاء لاء ..يا ربي ما قصدتها من حرتي اطلعت مني .. ياربي شالبس اخاف اتكشخ وقصده بيودني عند اخوي مو عند بسمة .. تجهزت جمان ولكنها لم تتجهز بذلك الأستعداد التام فلم ترتدي ما يتناسب وحفلة بسمة لأن كل تفكيرها بردة فعل فيصل نزلت الى فيصل وما كانت تستطيع ان تنظر اليه اول ما راها خرج الى السيارة وتبعته كان الصمت حليفهما وفجاة قالت جمان بينها وبين نفسها : ابيّه هذا طريق بيت ماجد لاء يا فيصل لاء لا تودين بيت اخوي ما قصدت اطلع من حياتك ما صارلي اسبوع عشان اتطلق اشراح تقول الناس ارادت ان تكلم فيصل ولكنها رفضت ان تنكسر امامه مرة ثانية وتترجاه خلاص يا فيصل هذا اخر يوم لي معاك ليش خليتني احبك ليش تخليت عني وانت اللي وعدت انك ما طلقني انت حديتني على هالكلام ما اقدر اترجاك كفاني ذل ومهانة ..اغمضت عيينها اللتين حالفتهما التعب والتفكير انتبهت على صوت فيصل : يالله نزلي ... ما تنزلين نزلت تجر خطوات ثقيلة الى باب بيت اخيها لا تدري ماذا تقول لهم دخلت بعد ان فتحت لها الخادمة وسالتها عن ماجد وريم انتظرتهما في الصاله جاءتها ريم : مرحب بها ولا تدري انها قد تكون زيارة ابدية ريم : معقولة يا جمان لا حس ولا بيان ابد ما تقولين لي اخت اسال عنها جمان : اسفة ريم صدقيني انتوا كلكم عل البال ريم: إي واضح اتصلت بسمة تستعجل بسمة في الحضور فالكل قد حضر ولم يبقى سواها... ووجدتها فرصة لئلا تشعر ولو بعض الوقت بما آل اليه الحال جمان : إي ان شاء الله كلها نصف ساعة واكون عندكم ريم ابي اروح غرفتي ايب مفتاح سيارتي ريم : انا اقول مو يايه تسالين عنا انزين جمانوا بعديها لك هالمرة جمان: لا تخافين برجع ابات عندكم ريم : وفيصل يرضى توكم معاريس ما اصدق يرضى جمان.............. لا تدري بماذا ترد عليها وتقول في نفسها اه لو تدرين اني بقعد مؤبد عندكم عيل شتقولين ذهبت جمان الى غرفتها لتاخذ مفتاح سيارتها ثم نظرت المراه فرات تورم عينيها واحمرارهما وشحوب وجهها واستغربت من عدم ملاحظة ريم ما راته جمان في نفسها الله يستر وما تلاحظ خل اطلع قبل ما يشوفني ماجد نزلت الى ريم : جمان : الا وين ماجد ريم: نايم اتعرفين اخوك اذا نام العصر ما يقعد الا مع صلاة المغرب جمان : استأذن ريم الحين ان شاءا الله لما راجع ابي اقعد معاكم ريم : على خير خرجت جمان وكل تفكيرها بحالها كيف تواجه اخيها وزوجته ثم بقية اخوانها ان علموا وزجاتهم اللتي سيتشمتنا بها ان علموا .. وصلت الى بيت بسمة واستقبلتها بسمة وكل الصديقات استقبالا حارا وجلست بجانب بسمه بسمه : اشفيك جمان فصخي عباتك ونقابك , جمان : ايه نسيت امل احدى الصديقات : جمانوا ولا كانك عروس انتي من صجك هذا لبسك بالله هذا ويه عروس جمان : باحراج : شوي تعبانة بسمه : زين ليش ما قلتي عشان انأجل يمعتنا جمان : مو ذاك التعب اللي مما يخليني اطلع بعيدن انا حيل مشتاقة لكم بدات الصديقان يسالنها عن الزواج واي حياة افضل وما كانت تدري بما تجيب الا باتسامة وانقذتها تدخلات بسمه انفردت بسمة بجمان بعد ان كل واحدة من الصديقات تجاذبت بالحديث مع صديقة اخرى بسمة : جمان انتي فيك شي مو طبيعي جمان : يتهيالك بسمه : اللي يشوف عيونك شلون متورمة يبصم بالمليون انه فيك شي جمان : بسمه ان كنتي تحبيني قفلي على هالموضوع بسمة : يعني في شي جمان .............. بسمه : فيصل السبب ولا اهله جمان: بسمة ارجوك بسمه : جمان حبيبتي مهما كانت المشكلة ابيك اتعرفين شي واحد ان اول سنة زواج ما تخلى من المشاكل إللين كل واحد منكم يعرف طبع الثاني حاولي اتلينين معاه سوي المستحيل عشان تكسبينه ارضي اهله عشان ترضينه لا تسمعين حق الي تقولك كرامتك وغير هالسوالف ترى ما تودي هالسوالف الا ورا الشمس،كرامتك انك تحافظين على بيتك الوحدة مو كل يوم لها زوج مجتمعنا يحط اللوم دايما على المرة واخس نظرة ينظرها للمرأة المطلقة وهي ما لها ذنب صحيح انا ما ادري شنو مشكلتك بس هذا الي قلتلك خلاصة سنوات زواجي لا تعتقدين انك لو تطلقتي راح اخوانك يعاملونك نفس المعاملة وانت بنت ولا زوجاتهم يمكن في البداية.. بس بعدين مو بعيدة يقطونك على اول خاطب جمان: انت ليش متصورة اني عندي مشكلة واني بتطلق بسمة: اعرفك خبرة سنين عيونك ما تورمت مني والطريق الا في شي كبير وبعدين مع ويهك هذا لبس انتي طالعة فيه انتي اللي كان الكل نيطر شنو تلبيسن في المناسبات ياياتنا بخلاجينك تذكرين شلون العيون تلاحقك في الجامعة من ورا لبسك وحتى وانت لابسة العبات كانو البنات يقولوك ورينا بدلتك وكانوا ياخذونها منك عشان يفصلون مثلها تذكرين ولا اذكرك تدرين لو كنت ادري ان فيك شي كنت اجلت او على الأقل مريتك ووديتك الصالون حلو منك انك ما تبين اتبيني شنو فيك صحيح كل مجموعتنا تحبك بس هذي دينا باجر ما تدرين مني اللي تتغير عليك واتعايرك بمشكلتك او يمكن تنقل سالفتك لمكان تنتشر فيه سالفتك . جمان: بسمه خل نقعد مع الباجي ترى ودي اصيح انا ياية عشان اغير جو مو تزدين همي بسمة : يعني فيك شي اخر نصيحة حبيتي ترى الريال مثل الياهل الكلمة الحلوة واحساسه انك اضعف منه وشوية دلع وتعدل يصير مثل الخاتم ابيدك . والحين على امرك نقعد مع الباجي .. حين قربت الساعة الى الثامنة بدات المجموعة بالمغادرة وكل واحدة منهن تعزم جمان ليدور اجتماعهن كل يوم في بيت احداهن . خرجت جمان قاصدة بيت اخيها وهي حائرة كيف تفاتح اخيها بموضوعها وتسترجع كلام بسمة وهي تقول في نفسها : يا بسمة فيصل ما نفع معاه اللي قلتيه خلاص حياتي انتهت معاه . وصلت بيت اخيها ودخلت ووجدت اخيها وابنائه بانتظارها ليتناولوا العشاء سلمت عليهم جيمعا وهي تتمنى انها ما خرجت من هذا البيت وها هي اليوم تعود اليهم وشبح الطلاق يلاحقها ماجد : اشفيك جمان تعبانة جمان : شوي ماجد :روحي غرفتك ارتاحي على ما يجهز العشا جمان : ماله داعي ماجد بدق على فيصل يي يتعشى معنا اصرخت جمان لا ماجد ماجد: اشفيك جمان: لا ولا شي بس فيصل مشغول حتى انا ابي ابات عندكم ماجد : اول مرة اشوف معرس مشغول جمان: اتعرف طبيب ومسؤولياته وايدة ماجد: الا ما قلتيلي ان شاء الله مرتاحة مع فيصل جمان : شالورطة لا مو ورطة فرصة اقوله قاطعتهم ريم وهي تقول يالله العشا زاهب جمان :اوه الحين شلون استجمع شجاعتي مرة ثانية واقول لماجد اللي فيني جلس الجميع على المائدة وبداوا في تناول الطعام الا جمان ريم: اكلي عدل شنو اكل الزرازير هذا جمان: شبعانة توني داجتها مع الشلة ريم: بس اخاف طبخي مو عاجبك جمان : افا ريوم استاذنت جمان بعد ان حمدت الله ولحقها حمد ومحمد عمتي : قعدي معنا اليوم جمان: ان شا ء الله اصلا انا ناوية اقعد معاكم مر الوقت سريعا وهي بين ان تقول لماجد عن حالها وبين ان تصمت رن تليفونها نظرت اليه شهقت معقولة فيصل: انتي وينك فيه لين الحين انتي مو شايفة الساعة كم الحين جمان : بلعت ريجها ..فيصل انا أانـ ا ..ابي ابات عند اخوي فيصل: تعوذي من ابليس وردي بيتك انا ما وديتك عشان اتباتين انا وديتك عشان تاخذين سويجك وتروحين حق ارفيجتك وتفكيني من مشاوريك بعدين جمان : ارتاحت لما سمعته يقول هالكلام وانزاح الهم من قلبها وقالت :فيصل : انا ولا مرة جربت اسوق بالليل اخاف فيصل: بلا دلع لك ساعة ان ما رديتي اتعرفين شغلك جمان : صدقني ما اعرف اسوق بالليل ولا حتى ادل الطريق زين اغلق فيصل التلفون جمان : رفعت راسها ووجدت اخيها وريم ينظرون اليها دخل الشك في قلب اخيها ان بينهما شي ولذلك كانت تريد جمان ان تنام عندهم ماجد : تبين اوصلك جمان : لا جزاك الله خير وبعدين بتصير نفس المشكلة منو بيب سيارتي ريم : مو مشكلة انا اسوق سيارتك وبعدين ارجع مع ماجد جمان: فكرة حلوة وصلت جمان الى بيتها وركبت بعد ذلك ريم مع زوجها ما كانت تعرف كيف تواجه فيصل او ماذا ينتظرها منه فتحت باب الشقة : ووجدته يجلس في الصالة وحين راها قال: الحمد لله على السلامة تو الناس جمان ................... نزلت راسها ولم تعرف بما تجيب فيصل : الف مرة اقولك لما اكلمك لا اطنشيني جمان : حاضر فيصل: قولي امرك جمان : ان شاء الله وحين تحركت لتذهب لغرفتها قال: وين ايحة جمان : غرفتي فيصل : تعالي قعدي معاي جمان : انزين بس ابدل فيصل: قلتلك قولي امرك جمان .................... لم تجبه وذهبت لغرفتها لتبدل ملابسها خرجت وكانت قد ارتدت بجامة حريرية وردية اللون وتوجهت حيث يجلس فيصل: فيصل: شاللبس هذا لبس وحدة متزوجة وقاعدة مع زوجها نزلت جمان راسها وقالت بخوف : مو انت اللي طردتني فيصل: زين تعالي قعدي يمي وقال بعد ان جلست .قربي اشفيك خايفة ما راح اكلك جمان ليش تاخرتي بيت اخوك كنت تبين تطلعين من حياتي مثل ما قلتي جمان .................. نظرت جمان الي عينيه وقالت باستحياء مو انا للي ابي اطلع من حياتك هذا انت الي تبي اطلعني فيصل: جمان اتحبيني جمان .................انت تدري ليش تسال فيصل:ابي اتاكد جمان .. كل زعلك عشان ما طلعت معاك جمان: لا ........انت اللي ابتديت مو انا اذا انا قلت بطلع من حياتك بالكلام انت قلتها بالفعل زين لين الحين زعلانه جمان : يهمك اتعرف فيصل : بدا يقبلها وقال بهمس اكيد جمان حاولت ان تتسحب من بين يديه وهو يمسكها بكل قوته ثم قالت : فيصل: ارجوك انا تعبانة خلني اروح انام فيصل : ترفضيني جمان ..........................ونزلت دمعة من عينها وذهبت الى غرفتها واغلقتها .. وصارت تفكر بكلام بسمة ورجعت تلوم نفسها على منعها فيصل منها فما فعلته سيبعد فيصل عنها بدلا من ان يقربهما غير هذا ستنال لعنة الملائكة ..قررت ان تخرج لفيصل ولكنها تذكرت اسلوبه وعنجهيته فيصل: جمان افتحي الباب جمان : ......................... فيصل : جمان افتحي الباب قبل ما اكسره واكسر راسك جمان : بينها وبين نفسها ياليتك تحس برفضك لي قبل ما ارفضك انت من رفضني فيصل:زين ياجمان .. ما تستهلين ارتكب فيك جناية واضيع نفسي بس ان ما خليتك تندمين &&&&&&&&&&&&&&&&&&&&&&&&&&&&&&&&&&&&&&&&&&& يوم جديد في بيت ابو حمد ماجد .. ماجد : انا حاس ان جمان فيها شي حاس انها مو مرتاحة مع فيصل ريم : حتى انا حسيت هالشي انت ما شفت عيونها وشلون ويها شاحب في عروس تطلع تزور الها وصديقاتها اب هالمنظر ماجد : المشكلة انها مو راضية تتكلم انا من قالت انها تبي اتبات عندنا زاد شكي واصرخت لما قلت بعزم فيصل بتعش معانا ريم : زين شنو ناوي اتسوي ماجد: ما اقدر اسوي شي اذا هي ما تكلمت ريم : اشرايك تعزمها هي وفيصل دق على فيصل و اعزمه على الغدا ماجد : خوش فكرة اتصل ماجد على فيصل ماجد : السلام عليكم فيصل : وعليكم السلام (بينه وبين نفسه ..الحقت تقولهم .. ماجد : اشدعوة يا فيصل حارمنا من شوفتكم فيصل: يوه ماجد يعني انت يوم تزوجت طلعت من البيت ماجد: ههههههههههه خل عنك هالسوالف . اقولك غداكم عندنا اليوم وياليت تيب الوالدة معاك والعيال فيصل: ان شا ءالله تسلم .. اغلق فيصل التلفون وفتح باب جمان فوجده مفتوحا نظر في ارجاء الغرفة فلم يجدها وقال: ايه اكيد تحت تنقل الأخبار نزل الى الصالة فلم يجدها فكر في ان تكون في غرفة الدته وذهب اليهما طرق الباب ام فهد : ادخل قبّل راس امه وقال : شلونك يالغالية وعينه على جمان ام فهد: بخير فيصل : اشفيك اليوم ما نزلتي الصالة ام فهد : اشوي تعبانة قلت حق جمان اتهمزلي ارويلاتي فيصل: انا بعد اريولي تبي تدليك ام فهد : لا تقطع رزقي جمان عندك طول اليوم شحّت عينك عليها لما يت عندي تبي تدليك فيصل: في نفسه وين عندي طول اليوم قافلة على روحه الباب وطاردتني من حياتها .. على فكرة جمان اخوك ماجد عازمنا على الغدا ويما انتي بعد.. بتصل على فاطمة تيب اليهال ام فهد : خلهم عندها ومن يبتدي دوامك يبهم جمان : عن اذنك يما بروح ابلغ ياسمن تيي معانا ام فهد: عل راحتك يما فيصل في نفسه يقول : انزين يا جمان هيّن تطلعين من المكان االلي انا فيه ام فهد : يما فيصل خذ مرت اليوم وطلعها بعد الغدا حرام عليك ما يصير جذي من تزوجتوا ما طلعتوا فيصل: يعني قالتك عن ذاك اليوم ام فهد: أي يوم فيصل: لا اتحطين في بالك دقت جمان الباب على ياسمين التي سمحت لها بالدخول ياسمين : هلا جمان جمان : شلونك يسوم ياسمين : الحمد لله الله ادلعيني ..تدرين محد يدلعني جمان : وهذي انتي اصغر وحدة .. ياسمين : شفتي عاد محد داير باله علي وامي كله اتزفني جمان : انا ياية اقولك عشان تتظهبين اخوي ماجد عازمنا ياسمين : الي خلق اطله من البيت جمان ترى حتى الوالدة بتيي ياسمين : عيل اجباري لازم اطلع جمان : عن اذنك عشان الحق اتزهب ياسمين : اوكي دخلت غرفتها وكان في انتظارها فيصل تراجعت ارادت ان تخرج صرخ وهو يناديها : جمان بلا لعب يهال تعالي جمان: خير اشتبي فيصل: حبيت اقولك اني قريب ابي اتزوج جمان : الله يسعدك فيصل: ما تبين اتعرفين مصيرك معاي اشراح يكون جمان : عرفته من اول يوم بعد ما عقدت علي فيصل: زين على جذي اتعرفين انك بتكوني على الهامش اتعرفين الهامش ولا اعرفك فيه جمان: عرفتني ما له داعي اتعرفني فيه مرة ثانية فيصل: انتي اللي جنيتي على نفسك جمان : انا... ترد بنظرة كلها ضيق وحسرة على حالها فيصل: اي انتي لا تتغيشمين انا بغيت اصلح وانت هدمتي جمان : ونيتك الزواج فيصل: انتي من دخلتي هالبيت انا قلتلك اني ابي اتزوج جمان : على راحتك سو اللي تبي اتسويه .انت مالك وجود عندي لم يتمالك فيصل نفسه وصفعها صفعة رن صداها في اذنها وقلبها نزلت جمان راسها ثم نظرت اليه وهي كسيرة ومحطمة : لا تكرهني فيك حرام عليك فيصل: ادري انك تحبيني وعشان غرورك بكسرك بكسرك يا جمان .. جمان .............. وهي تقول فين نفسها : كسرتني يا فيصل ما بقى شي في نفسي من ناحيتك ما انكسر انت حطتمني وانا ما صارلي اسبوع عندك .. فيصل: وهو يتكلم بعصبية- اشفيك ساكتة ما تردين شوفي خليك طبيعية في بيت اخوك وياويلك ان بينتي شي لأحد لا امي ولا غيرها هذا اذا كنتي تبين الحياة تستمر بينا ترى مو حلوة تتطلقين وانت ما كملتي اسبوع عندي .. جمان وهي تريد ان تذهب من امامة سحبها اليه بقوة وقال : ردي لما اكلمك لا اطنشيني جمان : امرك .. تبي شي بعد فيصل: بتزوج ان شاءالله قريب ولا احتاجك بشي خرج من غرفتها والقت بنفسها الى السرير وهي تلوم نفسها وتقول ك كل مرة تيتي الفرصةاني احسن علاقتي فيه ولا اقدر ليش ما اقدر اتنازل لاء ما اتنازل ان بينتله حبي وهو اللي ترفع علي وهدني ياليتني ما ضعفت وسلمته نفسي كان الوضع غير غير غيـــــر وصارت تضرب الفراش بكل قوة .. لا اقدر اطلب الطلاق ولا اقدر استمر معاه ولا تقدرين يا جمان تبتعدين عنه قوليها يا جمان انتي تحبينه .. هل ستتحمل جمان هجر فيصل لها ولا مبالته بها هل ستلجأ جمان الى درس بسمة لترجع فيصل لها | ||||
|
| |
|
21-05-13, 09:26 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثامن عشر استعد الجميع للذهاب الى بيت ماجد ركبت ام فهد مع ابنتها ياسمين اما جمان فمن الطبيعي ان تركب مع زوجها ..كان الصمت رفيقهما ولكن الكلام لم يهدا في جوف جمان كانت تصارع رغبتها الى ان قررت ان تتكلم فقالت جمان : فيصل ممكن اطلب منك طلب فيصل : آمري جمان :تحدث نفسها ......من متى ؟؟ فيصل ..تكلمي جمان : بعد تردد .. في ص ل ... ط لقني فيصل : ينيتي جمان : .......تحدث نفسها .. اكون مينونه ان تميت معاك اكثر من جذي محد بينني غيرك فيصل : انتي اشفيك ما تردين اتقطين الكلمة وعلي اكمل شنو تلعبين معاي اكمل الفراغ .. جمان ........................... فيصل : لا حول ولا قوة الا بالله ردي علي .. جمان : قلت اللي عندي فيصل: من صجك انت صاحية جمان : لو كنت خايف علي من كلام الناس ما تتزوج وتونا متزوجين لا انت طايقني ولا انا طايقتك والحل الوحيد انا نفترق فيصل: جمان تدرين ما اصدقك هذا كلام غرورك جمان : لا تتوقع اني برجع معاك اليوم فيصل: جمان ادحري الشيطان ولا تكابرين...سكت ثم قال : بعقد معاك اتفاق خليك في بيتك ولك علي مالي شغل فيك وبعد على الأقل كم من شهر اذا بغيتي الطلاق طلقتك .. جمان .................... فيصل: واللي يرحم والديك ردي لا تخليني اعصب جمان : أفكر وارد عليك نظر اليها ببرود ثم قال : انتي ما راح ترسين على حال . شعرت جمان بالزهو والفرح لأنها استطاعت ان تبين له عدم رغبتها به ردا على رفضه لها الذي ما زال يؤلمها فليس اقسى على المراة حين تكون قد تهيات لزوجها ان يتجاهلها ويرفضها .. اما ما في قلبها فهو مخالف لما قاله لسانها ولكنه رد الاعتبار مهما كان الثمن .. &&&&&&&&&&&&&&&&&&&&&&&&&&&&&&&&&&&&&& بيت ابو حمد ماجد كان ماجد في مقدمة مستقبلي فيصل فقد كان قد دعا كافة اخوانه وزوجاتهم الى هذه الوليمة دخلت جمان مصطحبة معها ياسمين وخالتها وتفاجات بحضور زوجات اخوانها وابنائهم فما كانت تدري انها ستلتقي باخوانها وزوجاتهم استأذنت جمان بعد ان سلمت على ريم لتسلم على اخوانها في مجلسهم فليس هناك غريب بينهم راى فيصل احتفاء اخوانها بها وظهر له من خلال تبادلهم بعض العبارات معزتها عندهم كيف لا تكون غالية عندهم وهي الأخت الوحيدة واخر العنقود وغير هذا فهي وصية والديها قارن بين حبهم لأختهم الوحيدة وبين معاملته لياسمين فهو لا يظهر لها مودته وان كانت أصغرهم ..قرر الا يفرط بجمان ممكن ان يستفيد من مكانتهم الأجتماعية في حملته الإنتخابية حين يعزم عليها وغير هذا فلن يسامحه اخوانها لو علموا بمعاملته لها وربما آذوه لو اضرها وخاصة ناصر اكبر اخوانها الذي جلس مع جمان قي آخر المجلس متحدثا اليها وهي تنصت اليه باهتمام . بدأ فيصل يراقب تعابير وجه جمان ويحدث نفسه : ناصر هذا مو هين بس اشعنده مع جمان لا يكون شاكيتله مو بعيدة يسألها عن حالها معاي .. لم يسمع من حديثهما الا اخر عبارة ختمت بها جمان كلام اخيها جمان : إللي تشوفه مناسب سوّه ناصر: الله يبارك فيك ويسعدك استأذنت جمان لتخرج وكانت تنظر الى فيصل نظرة المتوعد بشر كان يتمنى لو استطاع ان بنفرد بها ليعلم ما دار بينها وبين اخيها دخلت الى الصاله واول من شاهدت محمد وتذكرت كلامه عن فيصل : ضمته اليها وهي تقول : يا ليت ابوك وعمامك شافوا فيصل مثل ما انت شفته عمتي : طلع فيصل مثل ما قلتلك صح ابتسمت جمان وقالت : محمد ترى فيصل يحب يتغمشر مع اللي يطفره عندك اياه محمد : هذا يعرف يتغشمر جمان : جرب محمد ..مو بايع عمري تبين ابوي وعمامي يكفخوني نادتها ريم وقالت لها :اشعندك ما محمد اكيد ادبرون مؤامرة اعرف سوالفك مع الياهل جمان: الله مؤامرة مرة وحدة وبعد ان تناولوا طعام الغداء لم تترك سارة زوجة ناصر عينها تغفل عن ياسمين وكانت تتحدث مع من حولها وتتبسم لياسمين وتقربت من والدتها تسألها كعادة النساء سارة :هذي بنتك الكبيرة ام فهد : هذي اليعده ( الجعده .اخر العنقود ) سارة:اسم الله عليها شسمها ام فهد : ياسمين والكبيرة فاطمة متزوجة انا ما عندي الا بنتين ووولدين سارة : الله يخليهم لك سارة: الا يما ياسمين انت تردسين ولا موظفة ياسمين بخجل: لا السنة الياية ان شاء الله اخر سنة لي تداخلت معمها في الحيدث لمياء- بنت سارة طالبة جامعية – أي كلية ياسمين ياسمين : كلية الحقوق سارة : اخوي حامد العام تخرج منها جمان وريم يرقبون الوضع وقد غمزت لريم وهي تقول : شكلهم بيخطوبنها سارة ان حطت شي ابالها تسويه .. ريم: جمانوا خل تنخطب البنت اشحّارك جمان : ما قلت شي حامد يستهال كل خير واثنينهم من كلية وحدة ريم : بعده ما صار شي وقعدنا نفصص جمان ابصم بالعشرة بتخطبها وتشوفين ان ما دختلني في الموضوع ريم: عاد اخوك ناصر بينطر منك تدخل هو لبغى شي ما نطر من احد راي ولا رد جمان : على قولتك ..ريم شوفي شوفي لمياء اسحبت البنت معها يقعدون بروحهم ريم: عيل مبروك بيفضالك البيت جمان: ريم استنانستي لما طلعت ريم: اييييييييييييييييييييييه فكه منك يا الغثة قاعدة على قلبي جمان : تتكملين من صجك ريم : ضحكت ... ولم ترد عليها بشي .. جمان : الحين انا صرت غثة عيل ليش لازقة فيني ريم: شوفي شوفي حريم اخوانك شلون لاصقين بخالتك جمان :اشعندهم : عيالها كلهم متزوجين ما عدا ياسمين ريم : يمكن يبون عريس الغفلة ريلك اللي بتخطبه حق اختها ولا بنتها جمان : اعوذ بالله من اسوالفك شحت الرياييل ما بقى الا ريلي اذا يبونه عليهم بالعافية ريم : من صجك بعدين اشفيك عصبتي جمان : تنهدت وقامت نادتها ريم : فقالت جمان : ريوم تعابنةابي اروح ارتاح شوي بداري ريم : على راحتك ( ريم تحدث نفسها اكيد فيك شي منتي خالية الله يستر ) استاذنت ام فهد مع السلام على الكل للخروج ودعتهم الي بيتها خرجت ام فهد وياسمين وكان يقف عند الباب حمد واخوانه وبعض من ابناء عمومته ليهموا ايضا بالذهاب كان حامد يلاحق ياسمين بنظراته فضربه شقيقه بندر على كتفه : هييييييي حامد استح فضحتنا وان تخز البنت حامد: ويها مو غريب علي ما ادري وين شايفها بندر : علينا هالسوالف ما تدري وين شايفها اتصل فيصل على جمان يستعجلها بالخروج لكنها لم ترد على النقال اعاد الإتصال ولم تجب.. فقال محدثا نفسه : هذا مو وقته يا جمان ردي ااففففف لا يكون بتنفذ اللي براسها وجد بالقرب منه محمد فناداه : اسمك محمد صح ولا انا غلطان : محمد : ينظر اليه بضيق إي محمد اشتبي فيصل : نادلي جمان محمد : اشتغل عندك فيصل وقد فتح عينيه على اخرهما محمد : انت ما تعرف تقول لو سمحت نادلي جمان فيصل : شنو قام محمد ولم يعطي فيصل اهميه وولكنه خاف ان يصل هذا الموقف والده الذي كان لاه في الحديث مع اخوانه فيصل يحدث نفسه .نسخة من عمته .. ظل فيصل ينتظر خروج او حتى اتصال من جمان ولكن صار الوقت يجري دون ان تخرج اليه او تتصل زاد ضيقه وعصبيته لاحظ ذلك ماجد فقال : فيصل عسى ما شر اشفيك لا ابد سلامتك ادق على جمان ما ترد طرشت محمد يناديها ما طلعت ماجد : يمكن لاهية مع الحريم داخل فيصل : ممكن اتناديها ماجد: حمد يبا ناد عمتك او خلها تتصل بزوجها فيصل يحدث نفسه : لا بالله كدينا خير بعد فترة رجع حمد ..يبا ما لقيتها . فيصل: شنو وين راحت ماجد : هد اعصابك يعني وين تكون راحت اكيد في البيت اتصل ماجد على ريم يسالها عن جمان ..ذهبت ريم الى جمان ريم : جمان معقولة نمتي يالله قومي ريلك يبيك برا جمان : خليني انام خليه يروح ريم : جمان يالله عاد قومي شالكلام ريلك ناطرك برا جمان : تبين الفكة مني ريم : جمان انتي فيك شي... بينك وبين فيصل شي ادمعت عيني جمان وقامت من السرير لتداري دمعتها لئلا تراها ريم ريم : جمان انتي تبكين جمان : تعبت وربي تعب ضمت ريم جمان اليها وهي تربت على ظهرها ريم : قوليلي اشفيك جمان لا تخبين عني وعن اخوانك شي جمان : تعابنة يا ريم تعبانة ريم : شاللي امتعبك جمان جمان : قالت وبنبرة يائسة انسي الموضوع اتصل مرة اخرى فيصل على جمان نظرت الى النقال ولم تشا ان ترد عليه ولكن نظرات ريم جعلتها ترد : فيصل : الله يهداك بس ليش ما تردين على تلفوناتي جمان بطلع اصلي العصر تكونين تزهبتي بس تستمعين رنت التلفون طلعي برة اغلقت جمان النقال دون ان ترد عليه حين رد من المسجد كان ينتظرها في السيارة رن عليها ونزلت اليه ركبت جمان السيارة فيصل : ليش ما رديتي علي اتصلاتي طرشتلك محمد وحمد وينك فيه جمان : 00000000000000000 جمان بطلي من هالطبع انا اكلمك اسندت راسها على الكرسي ولم ترد على فيصل فيصل: كنت ناوية ما تردين معاي مو احنا اتفقنا قاطعته جمان : ما اتفقنا على شي انا عند كلمتي وطلبي فيصل : وانا ماني مطلق جمان .............. لا تعذبني معاك فيصل :وين تبين انروح جمان : ............... فيصل: خل نروح البحر عشان تهدين جمان : ......................... وحين وصلا طلب منها ان تنزل ليتمشوا قليلا فيصل: اشرايك نبتدي من جديد جمان : شنو قصدك فيصل: ننسى اللي طاف جمان. صعب قلتلك مالك وجود عندي وما اثق فيك فيصل : معقولة رن هاتفه نظر الى المتصل ندى جمان وكانها عرفت من المتصل رد ليش ساكت ذهبت تتمشى عنه والتفت اليه : تكلم على راحتك انا عارفة وين مكاني في حياتك .. لحقها فيصل بعد ان اغلق الخط في وجه ندى وصار يناديها :جمان لا تفضحينا مسك يدها وهي تحاول نفض كفه من كفها .. جمان : فيصل اشتبي انت ليش جذي متناقض من قبل كم ساعة بس نكدت علي والحين تقولي نبتدي من جديد شولن نبتدي وانت تبي تتزوج فيصل: جمان الزواج من ثانية حرام ولا حلال جمان : ترد عليه وهي في قمة الحزن والضيق ..سوو اللي تبي اتسويه انت ما تهمني وانت بنفسك قلت متى ما بغيت الطلاق بطلقني ..من دخلت بيتك وانت هالكلمة ما تفارق لسانك فيصل حرام عليك اللي تسويه فيني خلاص انا تعبت ..اما معاشرة بمعروف از تسريح باحسان ادري محد بوقف معاي لو طلبت الطلاق والكل بيكون ضدي فيصل: انتي اعصابك متوترة بيبيلك شي بارد يهدي ا عصابك ذهب عنها وصارت تتمشى في اتجاه غير اتجاهه سارحة في همها فجاة واذا بطفل جميل الهئية يصطدم بها الطفل :يرفع راسه ينطر اليها وهو يقول : آسف ثم يكمل طريقه يجري وكان هناك من يجري خلفه طفل اخر اكبر منه بقليل تسمع صوتا ينادي احد الطفلين سالم سالم تقول في نفسها : هذا الصوت ليس بغريب علي تلتفت اليه : شهقت .... عـــــااادل سارت بعيدا عن طريقه -وهي مضطربة خائفة نفس الإضطراب الذي ينتابها حينما كان يقترب منها شعرت به - وصلت الى السيارة ولكنها ما زالت تنظر الى حيث عادل وطفليه حتى غاب عن ناضريها قالت في نفسها : اه يا عادل الحين تظهر في حياتي سنين وانا كنت اتمنى ولو اشوفك من بعيد و مسمي ولدك باسم ابوي الله يرحمه .. اه يالقهر اشوفك لما تحرمت علي ...استغفر الله العظيم ربي اغفرلي ذنبي فلا حول ولا قوة الا بالله قدري لما شفتك يا عادل اكون تزوجت وما ادري ان كان فيصل عذابي ولا جنتي انتبهت على صوت فيصل : اخذي هالبرد ( ايس كريم ) وبردي على جبدك جمان : تحدث نفسها 0 ثلوج الدنيا كلها ما تبرد جبدي .. فيصل : وين ودك انروح جمان : البيت فيصل : ودي نتمشى جمان : ارجوك فيصل انا تعبانة فيصل : شاللي متعبك جمان :........................................ فيصل : سكوتك يخليني افور واعصب امرك بوديك البيت .. لم تتمالك جمان نفسها وبدات تبكي فيصل: تبكين جمان : فيصل ودني بيت ماجد فيصل: انت مصممة على الطلاق جمان : احسن حل لي ولك لم يستمع الى كلامها وذهب بها الى البيت فهو يشعر ان جمان تغالط نفسها من نبرة صوتها الغبر جادة وان كانت تحاول ان تكون جادة في طلبها .. نزلت من السيارة ودخلت الى البيت ثم الى غرفتها مباشرة واغلقت الباب غيرت ملابسها ثم جلست على الكرسي وقد اسندت راسها عليه وما زالت تبكي حالها وهي تحدث نفسها بقهر ..ليش ظهرت بحياتي يا عادل مرة ثانية كنت توني نسيتك ليش اعرف انك مسمي ولدك باسم ابوي .اكيد عشان ما تنساني ..اه لو تدvي شنو حالي الحين شنو بتقول جاءها فيصل ووجد الباب مغلقا فيصل : جمان افتحي الباب ابي اتفاهم معاك كعادتها جمان ترد عليه فيصل: تنهد وقال : تبين الطلاق ..اذا تبين الطلاق افتحي الباب خل نتفاهم ..لم يكن يقصد ما قاله فتحت جمان الباب بعد تردد وقد نزلت راسها ولم تستطع ان ترفع عينها في فيصل دخل فيصل وبدا يتأمل وجهها ويقول : اذا كنتي تبين الطلاق ليش هالدموع وقفت جمان امامه وقد اقتربت منه كثيرا دون ان تتوفه باي كلمة بدا فيصل يقترب منها ومسح دمعة شاردة من عينيها ويدا يلف ذراعيه حولها وهي في استكانة و خضوع فيصل: شنو تبين بالضبط قولي اذا الطلاق يرحك ما عندي مانع جمان : ...................... فيصل:ايقن ان طلبها ليس جادا--- بدا يقرب منها حتى صارت في حضنه ويقول لها بصوت هامس : شنو يريح قلبي جمان : بعد صمت ...............اكون معاك فيصل: والطلاق تذكرت جمان كلامه القاسي قبل ساعات وحاولت ان تفلت منه وهو يحكم ذراعيه حولها فيصل: بنبرة حادة ليش ترفضيني ليش ؟! توك تقولبن تبين تكونين معاي شاللي غيرك انت زوجتي ملكي حلالي مو بكيفك ترفضيني جمان : .وخر عني وخر ما ابيك فيصل بعد ان بعدها عنه وهو ما زال ممسكا بكتفيها فيصل: تبين الطلاق تكلمي وبدأ يهزها قولي ان كنتي تبين الطلاق بتيك اورقتك بس انا اقولك اياها كلمة ترى ان تطلقتي الحين محد بيرحمك جمان فكري عدل وانسي اللي طاف جمان : خايف على سمعتي فيصل: اكيد يا جمان اكيد جمان : وزواجك يعني ماراح يخلي الناس تتكلم لما تهجرني بعد زواجك فيصل: من قال اني بهجرك جمان : انت ولاّ نسيت لما قلت لما اتزوج مابي منك شي فيصل: كل هذا شايلته بقلبك فلتت جمان من يديه واسرعت الى الباب لتخرج ولكن يد فيصل كانت اسرع منها اغلق الباب ووضع المفتاح في جيبه فيصل: اذا تبين المفتاح تعالي اخذيه جمان : اكيد ابي المفتاح بطلع من حياتك وقربت من فيصل لتمد يدها على جيبه وتخرج المفتاح مسك يدها وقال : احبك جمان :كذاب .... هد ايدي فيصل: وهو يتكلم بهمس يخالطه الحنان : جمان إنتي ملكي وحلالي وروحي وعمري كله خجلت جمان من كلامه ونزلت راسها ورفعت رأسها واستجمعت شجاعتها . .وقالت منت شاريني عشان اكون ملكك وماني روحك ولا عمرك انا الهامش ان كنت ناسي اذكرك .. فيصل: انتي ملكي غضب على اللي ما يرضى فيصل: مشتاقلك جمان ..............................اشتبي فيصل: انتي اتعرفين جمان : بس احنا اتفقنا على الطلاق فيصل: ما اتفقنا تبين الصراحة ..لا تفكرين بالطلاق وادري انه كل كلامك من ورا قلبك جمان : انت اللي دايما تقولها فيصل: من غيضي منك واعتذر حبيبتي جمان : ما اثق فيك فيصل: ترى دوختيني ..سحبها اليه بكل قوة ولم تسطتع مقاومته هذ ه المرة مرت الأيام والشهور بينهما هادئة وممتعة وكان فيصل زوجا محبا لها بمعنى الكلمة وهي لم تقصر في تربية ابنائه .. حتى جاء ذلك اليوم التعيس الذي اعلن فيه فيصل رغبته الزواج من ندى والذي كان كالصاعقةعلى والدته قبل جمان ام فهد : شوف لو شيصير ما اخطبلك ندى فيصل: يما ارجوك لا تكونين سبب في تعاستي فجاة طلبت ام فهد من ولدها السكوت حين لمحت جمان ام فهد : اصص قصر حسك لاتسمعك جمان فيصل: هي تدري ام فهد وهي تنادي جمان انت شنو رأيك بزواج ريلك جمان : .................................................. ....... ام فهد : ردي راضية جمان :وقد انزلت راسها ..ووتنظر الى فيصل بأسى والم وتتنهد وتغمض عينها ثم قالت : عن اذنك خالتي ونظرت ثانية الى فيصل نضرة محملة بالحزن ...وذهبت الى شقتها ام فهد : حسب معلوماتي انهم كانوا شارطين عليك شروط محد شرطها من قبل فيصل: تنازلوا عنها كلها ام فهد : معقولة فيصل: ندى تحبني وانا ما يصير اتخلى عنها بعد ما حاربت اهلها عشاني ام فهد : والناس يا فيصل ما فكرت اشراح يقولون فيصل: انا ما هموني الناس انا ابي ندىوهي تبيني ام فهد : زين وين بتسكنها فيصل: بناخذ شقة في منطقة اهلها ام فهد : بعد .. فيصل: يما ترى مضطر اني اخذ فيصل يخبلي وعمامي ام فهد : بتفشلنا مع اهل جمان فيصل : ما سويت حرام انا بتزوج القت جمان نفسها على السرير وهي تبكي وهي تقول طول عمري اغلب اللي اخطبوني متزوجين من يوم عمري سبعتش وحتى عادل كان متزوج وحتى انت يا فيصل سبق لك الزواج والحين تبي تتزوج علي .شالحظ .. ما راح اوقف بطريقك خل اذوق الي كان ممكن تذوقه زوجة عادل ادري انه مستحيل تكتمل سعادتي هل سيعدل فيصل بين زوجتيه ؟ وكيف استطاعت ندى الوصول ليصل ومالذي دار بين ناصر وجمان هذا ما سنعرفه في الأجزاء القادمة | ||||
|
| |
|
21-05-13, 09:28 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء التاسع عشر لم تعرف جمان لمن تشكي همها فمهما كانت ام فيصل في صفها ولكنها لن تستطيع ايقافه أو حتى ان تستمر في معاتبته فهو مهما يكن ابنها وفلذة كبدها ذهبت الى غرفة ضاري فهي لا تريد ان تلتقي بفيصل وخاصة بعد مواجهته والدته طرقت الباب ودخلت ووجدت ضاري يلعب بلي ستيشن وبسام يذاكر جلست جمان على سرير ضاري جمان : ضرّوي حبيبي بعلب معاك بسام: يما عنده واجب وما يبي يسويه جمان : اول مرة ادري الروضة بعد عندهم واجبات بسام : امبلا عندهم شوفي هالدفتر جمان : تعال ضرُّوي نكتب الواجب وبعدين نلعب ضاري : اشرايك تكتبينه لي جمان : انا اعرف اكتب بس انت اذا ما سويت الواجب بعدين ما راح لا تكتب ولا تقرا ضاري : بس اتساعديني جمان : اساعدك دخل عليهم خالد يالله بسام خلص عشان اتباريني عندي خوش لعبة بلي ستيشن جمان :وين السلام مو لازم اول ما ندخل مكان نسلم خالد : ذاكرت خالد : السلام عليكم جمان وبسام وضاري : وعليكم السلام جمان : ذاكرت خالد : إيي ضاري يحاول يتملص من كتابة الواجب ضاري : يما انا يوعان بروح حق شانتا تسويلي اكل خالد : شانتا اليوم اجازتها هي وسوبولاما جمان : انزين خلاص شنو مشتهي انا اسويلك بس ارجع القاك مخلص الواجب ضاري: أي شي خالد : انا بطلب بيتزا منو يبي اطلبله معاي جمان : لا تطلب بيتزا انا اللي اسويها احلى من بيتزا المطاعم خالد: انتي اطولين المطعم عشر دقايق ثلث ساعة يوصل الطلب يتصل خالد ويطلب له ولأخوانه ويكلم جمان : خالتي تبين تاكلين معانا جمان : لا حبيبي بالعافية تسمع صوت فيصل يناديها يفتخ الباب فيصل: خير متيمعين خالد : يبا تبي اطلبك من المطعم بيتزا فيصل: انت ما تيّوز من اكل المطاعم جمان قامت لتخرج ولكن فيصل كان ما يزال عند الباب ووقف امامها الا انها استطاعت ان تتفاده وخرجت تريد النزول الى خالتها خالد : يأشر لخالد بيده .. لا فيصل: بتصير فيل من ورا اكل المطاعم كلها دهون خالد وبسام وضاري يضحكون اغلق فيصل الباب وتبع جمان وقبل ان تعتب درجات السلم فيصل: جمان ابي اكلمك لم تلتفت اليه واكملت مسيرها فيصل: من الذوق والأدب والاحترام لما اكلمك توقفين وتردين علي التفت اليه فقالت : من الذوق والأحترام والأدب انه مو بعد ماصارلي معاك كم شهر تتزوج علي فيصل: تعالي فوق نتفاهم جمان: على شنو نتفاهم فيصل انا تعبت اكثر من مرة قلتك سواللي تبي تسويه بس لا تلومني ترى اللي فيني غصب عني فيصل: زين تعالي ترى مو حلوة نتكلم واحنا على الدري جمان ذهبت معه الى غرفتها جمان : شنو تبي تقول رن نقالها اشرت لفيصل بأن ينتظر جمان : هلا بو حامد وعليكم السلام انا الحمد لله بخير وانت شلونك يستمع اليها فيصل باهتمام فامر ناصر يهمه جدا جمان : لا الا هالشي شيل من بالك زاد اهتمام فيصل اكثر واكثر وتذكر محادثة جمان لأخيها يوم كان معزوما في بيت اخيها جمان : على خير اغلقت جمان النقال فيصل: اشعندك مع اخوك ناصر جمان : امور خاصة فيصل: بس انا زوجك ومافي خصوصيات بيني وبينك جمان : الموضوع ما يخصك ولا يمسك بشي فيصل: حتى ولو لا زم اعرف عنك كل شي جمان: واشدعوة انا اعرف عنك كل شي فيصل: انا ريال جمان : يمكن فيصل بعصبية شقلتي ولوى يديها خلف ظهرها وقال : عيدي هالكلمة مرة ثانية وشوفي اشراح يصير فيك جمان : مو اكثر من الي صار وراح يصير وترى ما هي رجولة انك تمد ايدك علي بكل صغيرة وكبيرة((افلت يدها من يده ووقف مقابلا لها )) .لا تشوفني ساكتة وما علمت اخواني عن فعايلك لاني خايفة منك بس لأني وعدتك تذكر لما طلبت مني اني ما اطلع أي شي يصير بينا برا الغرفة هذي فيصل : يعني ولا مرة قلتي حق اخوانك عن أي شي صار بينا جمان : تظن لو كنت قايلتلهم سكتوا عنك فيصل: ريحيني اشيبي ناصر جمان : يبي يتزوج اختك ياسمين فيصل:- يرد بعصبية وصوت عالي - شقلتي انتي خرفتي ولا اخوك اللي خرف هذا كبر ابوها بدال ما يفكر يزوج عياله احنا بعدين ما نزوج واحد متزوج جمان : ليش اشفيه المتزوج عيب ولا حرام هذا انت متزوج وتبي تتزوج فيصل: انا غير جمان : ليش على راسك ريشة فيصل : لا اطولينها واحترمي نفسك جمان : محترمة نفسي فيصل: ردي عليه وقوليله طلبك مرفوض جمان : حبيت بس اعرف رايك في الزواج من واحد متزوج ولا اخوي الحمد لله مرتاح مع زوجته وما يفكر يتزوج عليها فيصل: يعني كل واحد تزوج معناته ما هو مرتاح مع زوجته مو يمكن في اسباب ثانية جمان: اسباب ثانية مثل شنو ! فيصل: قولليلي بالأول ناصر اشيبي جمان : روح اساله فيصل: مصختيها جمان : محد مصخها غيرك فيصل: اشقلتي رفع يده ليضربها ولكنه تمالك نفسه جمان :طق اشناطر فيصل : جمان لا اطلعيني من طوري جمان:حلال عليك اتنزفزني بعدين انت مناديني اشبغيتني فيه فيصل: لا تغيرين الموضوع طرق الباب ضاري ودخل يما يالله تعالي اكلي معنا بيتزا لذيييييييييييييذة فيصل ينظر الى ضاري وانا ماتبيني اكل معاك ضاري انت ما تحب اكل المطاعم ارادت جمان ان تذهب ليس من اجل ان تأكل ولكن حتى تنهي النقاش الميت فيصل: وين رايحة ما خلصت كلامي جمان وهي تهم بالخروج الى غرفة ضاري ...ارتاح الموضوع وما فيه يبلغني ناصر بارباحي فيصل : والمرة الي طافت شنو كان يبي منك جمان : متى يوم كنا معزومين في بيت ماجد جمان: انت لين الحين متذكر وحاطها بقلبك جمان: كان يقنعني انه بيشتري لي حصة واحد من المساهمين في الشركة فيصل :ليش قلتيله امساعة .. لا الا هالشي شيل من بالك جمان : انت تحقق معاي فيصل: من حقي جمان :مو من حقك جاء فيصل اليها وجذبها اليه بشدة جمان : متوحش فيصل: لا تغلطين جمان : عيل شتسمي اللي تسويه .. انا اقولك الحين شنو معنى كلامي ناصر يبي يفتح معاك مستشفى ويبيني اساهم معاه فهمت الحين فيصل: جمان انا مطول بالي معاك جمان : مو كثري فيصل : اتقولين ولا شلون جمان : اذا تبي اتعرف هالك التلفون اتصل واسأله فيصل : بدا يصرخ ..... جماااااااااااااااااااااان لا تعصبيني جمان : يبي يفتح معاك مستشفى ارتحت الحين فيصل: وطبعا انتي رافضة جمان: اكييييييييييييييييييييييي يييييييييييييد اصلا لو يعرف نية زواجك وشلون تعاملني ما فكر فيك شريك في المشروع ترك فيصل يدها وذهبت الى غرفة الاطفال فيصل: يحدث نفسه فكرة حلوة ما تتطوّف .. بس الحين اول خل اتزوج ندى وبعدين يصير خير انا قايلها ناصر هذا مو هين ولا اخته .. دخلت جمان الى غرفة ضاري وبسام بسام: يما تعالي لحقي على اخر قطعة ضاري: انا خشيتها لك جمان: حبيبي اكلها انت بالاعفية ماني مشتهية ضاري : اذا تحبيني اكليها جمان : واذا تحبني اكلها انت ضاري: شبعت اكليها اكليها جمان : تبسمت واخذتها من يده وبدات تاكلها ولم تستلذ بطعمها لشعورها بطعم المرار من تصرفات فيصل . جمان: ضاري سويت الواجب ضاري : الحين بس اغسل اسويه جمان : عفية حبيبي بروح عند يدتك ( جدنك ) اشوي وارجعلك تكون خلصت الواجب ضاري : ان شاء الله نزلت جمان وقبل ان تنزل الى الصالة طرأ في بالها ان تمر على ياسمين طرقت الباب واذنت لها ياسمين بالدخول جمان: بعد السلام مشغولة ياسمين : قاعدة اراجع المحاضرة ...الدكتور هذا يغث يسالنا مثل اليهال وحدة وحدة ابتسمت جمان وتذكرت الدكتور عادل حين كان يتعمد توجيه سؤال اليها جمان: عيل خليك اتذاكرين ياسمين على راحتك لا حظت جمان ان الاب توب مفتوح وقبل ان تخرج جمان: ياسمين ممكن ادخل على موقع ....... ياسمين: انت عضوة فيه جمان :لا بس احب اقرا مواضيعه اضطربت ياسمين ولكنها اضطرت ان تسمح لجمان الدخول لموقعها عبر لاب توبها لاحظت جمان اضطراب ياسمين التي نست غلق الماسنجر وبدون قصد منها ظهرت لها صفحة المحادثة كانت تريد غلقها ولكنها تفاجات بالكلام نفضت راسها فلم تصدق جمان : بينها وبين نفسها : معقولة ياسمين تكلم واحد على الماسنجر لم تكن ياسمين تستطيع التركيز في قراءة المحاضرة التي بين يديها وجاءت مسرعة الى جمان ووجدت الصفحة مفتوحة ياسمين: انت تتجسسين علي جمان : انفتحت الصفحة بدون قصد مني ياسمين: تبين اصدقك جمان: صدقتيني او ما صدقتيني هذا راجع لك وبعدين مو اهني القصة ياسمين اسمعيني ..يمكن رحمة من الله اني شفت عشان لا تتمادين ياسمين : ما بي نصايح جمان: لو اخوانك دروا شراح يكون موقفك ياسمين : يتعلمينهم جمان: انا لاء ..ياسمين ليش خايفة اني اعلمهم ما دمت انك شايفة انك صح وما غلطتي ياسمين اكيد تفتحين النت وتقرين القصص عن مخادعة الشباب للبنات او في الجرايد ياسمين : مشاري ما يخدعني جمان : عيل ليش ما يي يخطبك ياسمين : شقول حق امي شلون عرفته جمان: شفتي شلون من اولها ما تقدرين تواجهين الموقف ياسمين : تتدبر جمان: شلون ياسيمن : هو بعرفني على اخته وانه اهي تبي تخطبني لأخوها جمان: اهله يدرون فيك ياسمين : لا جمان: عيل شلون بعرفك على اخته ...فاتحك بموضوع الزواج ياسمين : يقولي عنده ظروف صعبة اللحين ما يقدر يتقدملي ضحكت جمان ضحكة قوية فقالت: ياسمين يا قلبي ابيك بس ادورين عن قصص اللي تعرفوا على شباب ع طريق النت او التلفون او أي طريق وراح تلقين نفس الكلمة اما ظروف صعبة او اهله بزوجونه بنت عمه او يبي يسافر ويكلم دراسته بره هالشباب هذيل حبيبتي ضايعين ويبون يضيعون بنات الناس معاهم والواحد منهم لو شاف اخته تسوي جذي يذبحها وخليها كلمة في عقلك قوله تعالى ..الطيبون للطيبات ..والخبيثون للخبيثاث جمان : اهو بعرف اسمك واسم ءاخوانك ياسمين : لا اكلمه باسم وهمي ولا يعرف عني شي جمان: اشوا ياسمين شالحب هذا اللي لا انت تعرفينه عدل ولا هو يعرفك عدل ياسمين : هو قالي كلشي عنه جمان: اذا كنت انت ما قلتي له اسمك الحقيقي تعتقدين انه كل ما قاله لك صج اقطع ايدي اذا ما كان يعرف غيرك ياسمين:عصبت لا تقولين جذي جمان: عيل خليه ايي يخطبك ان كان صاج على لأقل خطبة مو الا ملكة قوليلها انك انصدت من اخوانك شوفيه شي قولك هذا ويهي ان ما انحاش بذيله ياسمين : انتي ليش تكلميني وانت واثقة انه ما يحبني جمان: كل هذا سراب ووهم .. الحب الحقيقي هو اللي يي مع الزواج والعشرة مو من خلال تعرف عن طريق جماد لا يستطيع كشف اللي يكلمك انا بطلع الحين وانت حرة انت كبيرة مو صغيرة حطي اخوانك وسمعة اهلك جدام عيونك قبل أي تصرف لا تنزلين روس اخوانك الأرض لا تعتقدين يا ياسمين ان الناس ترضى تخطب حق ولدها وحدة تعرّف عليها ولدهم عن طريق نت ولا تلفون اللي بدايته غلط نهايته معروفه اقل ما فيها هو ما يثق فيها ويشك فيها انها مثل ما كلمته اكيد تكلم غيره .. فكري بكلامي ياسمين واللي يبيك ايلك من الباب .. اوعديني انك تفكرين صح ياسمين حبيبتي ثقي تماما بقول الرسول صلى الله عله وسلم من ترك شئيا لله عوضه خيرا منه نزلت جمان ذاهبة الى خالتها ووجدتها متعبة جمان : خالتي اشفيك عسى ما شر ام فهد متعبة جدا جمان خالتي خل اقيسلك الضغط عيونك حمرا ام فهد : محد رفع ضغطي غير فصّول جمان: يما شالكلام فيصل ريال واوب عيلا لا تناديه فصول بعد ادافعين عنه ام فهد : ان ما حطته تحت اديون وعذبته لك اللي تبيه هذيل ناس ما يخافون الله لا عادات ولا تقاليد.. كلشي عندهم عادي.. ولدي بضيع وبضيع عياله معاه جمان :افا يما وانا وين رحت مو انا مجابلتهم اربع وعشرين ساعة ام فهد: اقصد ذريته من ندى لو تزوجها بهيتون مثلها جمان : يما لا تقولين جذي استغفري ترى عندك بنات ام فهد: بلاك ما تعرفينهم عدل ..وانا بناتي مبربيتهم عدل تحدث جمان نفسها ..عيل لو تدين سبب حكرة ايسين نفسها بغرفتها شراح تقولين جمان : خل اقيسلك الضغط وايبيك دواك ذهبت جمان الى غرف خالتها لتحضر جهاز الضغط ودوائها بعد ان قاست الضغط الذي كان مرتفعا اعطتها دوائها وطلبت منها ان تنام ولا تفكر في شي فيصل ما راح يتراجع خليه يتزوج اللي يبيها ام فهد تنظر اليها باستغراب وتقول : انت اكيد مو صاحية استندت الى جمان وطلعت الى غرفتها لتنام وقبل ان تخرج قالت لها جمان ترى معزومين على عرس بنت اختي بعد اسبوعين جمان : استاذن من فيصل وارد عليك ام فهد :شنو تستأذنين كلنا لازم نتواجد وفيصل اول المعزومين جمان: ولو خالتي ام فهد : اللي يبارك فيك وبحفظك ..ويهدي فيصل و يصلحه جمان : آمين ..خالتي تصبحين على خير ام فهد : وانت من اهل الخير ..يما اطفي النور معاك لم ترد جمان ان تذهب الى فيصل فهي تفضل ان تبتعد عنه حتى تعرف ان تفكر بحياتها معه بعد زواجه ولكنها دون شعور وجدت نفسها في شقتها دخلت غرفتها ووجدت فيصل يقرا في كتاب فتحت دولابها لتاخذ لها ملابس لتستحم لم بلتفت اليها فيصل وكان منهمكا في قراءة الكتاب خرجت من الحمام واخذت السشوار لتنشف شعرها فيصل: سشوري شعرك برا صوت السشوار ما يخليني اركز جمان : مو كانه في غرفة ثانية اسمها غرفتك فيصل: بدينا بالمناقر خرجت جمان الى الصالة وبدات تنشف شعرها ثم ذهبت الى غرفة فيصل والقت نفسها على السرير واتخذت قرارا بعد تفكير واسترجاع كل يوم عاشته مع فيصل وقاست ما بين حلو ايامها معه وُمرها قررت ان تنحسب من حياته بدءا بعدم الأحتكاك معه والإستجابة لطلباته .. وفي الصباح استيقضت على آذان الفجر وبعد ان صلت الفجر ذهبت الى المطبخ لتعد طعام الإفطار مع الشغالات ثم ذهبت الى غرفة الأطفال لتوقظهم .حين جاءت لتوقظ فيصل تذكرت قرارها وتراجعت نزل الأطفال لتناول الإفطار مع جمان وجدتهم فهم لم يعتادوا ان يتفطر معهم والدهم او ياسمين الا نادرا وبعد ان انتهوا ذهبوا الى السائق ليوصلهم الى مدارسهم استغربت ام فهد عدم نزول فيصل وصارت تنظرالى الساعة فطلبت من جمان ات تذهب وتستعجله بالنزول ذهبت جمان اليه بعد الحاح خالتها واول ما فتحت الباب وجدته في وجهها فيصل: يكلمها بصراخ ..انتي وينك فيه من امس جمان : ترى اسمع ماني صمخة فيصل: لا ترادديني ردي على كثر السؤال جمان : سمعا وطاعة فيصل: ويمسكها بشدة من ذراعها ويصرخ فيها ويقول جماااااااااااااااااان لا تعصبيني .. جمان :....................... فيصل: ردينا ..تكلمي جمان :- ترد عليه بكل برود - اشتبي فيصل: ليش ما قعدتني جمان :في اختراع اسمه منبه ليش ما ضبت المنبه على الساعة اللي تبيها فيصل: انتي امس وينك فيه جمان: في الغرفة اللي اسمها غرفتك فيصل: اشوداك اهناك جمان : شسويلك انت طاقها اقامة دائمة في غرفتي قلت اقعد فيها احلل فلوس الطابوق والأثاث اللي فيها بدال ما هي مهجورة تطلع لنا الشياطين منها بعدين فيصل يهز راسه ..مو يكفي انك اربع وعشرين ساعة يا قاعدة مع الوالدة ولا اليهال جمان: وانت يا تقرا يا طالع يا مجابل التلفزيون ولا ماسك التلفون وتتكلم مع ....سكتت فيصل: أي قولي جذي هذا اللي حارك انا الحين رايح ولا تعيدنها مرة ثانية جمان :.................. &&&&&&&&&&&&&&&&&&&&&&&&&&&&&&&&&&&&&&&&&المكان المستشفى ااستعد فيصل للمرور على اجنحة المرضى وفي ممر العيادة التقى بندى تدى : تاخرت حبيبي فيصل: راحت علي نومة ندى : وليش ما قعدتك المصون فيصل يضحك وليش تقولينها بحقد ندى :شلون ما احقد عليها وهي قاعدة وقايمة معاك فيصل: خل نمر على المرضى وبعدين نتكلم على فكرة اليوم بخلي متدربين كلية الطب يعاينون المرضى باأنفسهم ندى : بتلخيهم يشخصون المرض فيصل: ايي افترقت ندى عن فيصل حتى كل واحد منهم يمر على مرضاه وبما ان فيصل رئيس القسم فقد ذهب الى عيادته لانتظاره الطلبة لعيطيهم التعليمات ليبدؤا تنفيد المطلوب منهم .بعد ان يعاينوا معه حالات المرضى المراجعين . &&&&&&&&&&&&&&&&&&&&&&&&&&&&&&&&&&&&&&&&&&&&&&&في بيت بو حامد (ناصر) سارة ام حامد تتصل على جمان سارة : شلونك جمان : الحمد لله بخير سارة : الا حبيت اسالك عن ياسمين ي احد من عيال عمامها او خوالها خاطبها او ملمح عليها جمان : لا بس ليش تسالين سارة : بصراحة ودي اخطبها حق حامد ولما قلت له عنها ما عارض جمان : الله يسر اللي فيه الخير سارة :ودي اتكلمين ياسمين وجسي النبض قبل ما نكلم اهلها جمان : اشوف سارة :شنو اشوف اوعديني انك اتكلمينها جمان : الله كريم سارة : واي منك الواحد ما ياخذ منك لا حق ولا باطل جمان : انزين خلاص اكلمها لك سارة : ما تقصرين انتظر منك اتصال جمان : على خير بعد ان اغلقت التلفون صارت تحدث نفسها شلون اكلمها والبنت متعلقة بواحد ما اتعرف عنه شي وشلون اكلمها وانا حياتي مو مستقرة مع فيصل ومو بعيدة اتطلق ..اف شالورطة &&&&&&&&&&&&&&&&&&&&&&&&&&&&&&&&&&&&&&&&&&&&& في المستشفى في نهاية الدوام كانت ندى في مكتب فيصل يتحدثان ندى : فيصل ترى اهلي ناطرينك باجر تيي تخطبني فيصل: بس ترى بيي انا وفهد وعمي وزوجته ندى ما يصير جذي فيصل : انا تنازلتك عن كل الشروط اللي اهلي اشرطوها عليك الا شرط ان امك تيي تخطبني امي ما تتنازل عنه فيصل: الوالدة رافضة ومارضت ابد انها تيي تخطبك لي ندى: فيصل شقول حق امي وابوي فيصل : لا تقولين شي بيي اخطبك ونخليهم امام الأمر الواقع ندى : فيصل احبك ولا اقدر اتصور وجود جمان في حياتك فيصل .من قالك عن اسمها ندى: انت ولا نسيت لما اول اسبوع من زواجكم وانا اكلمك قلت لي ان جمان ما تعني لك شي مجرد زوجة بس والحب كله لي .. فيصل يحدث نفسه ..كلامك الحلو يومها خلاني اتنرفز عليها حتى وعدي لها اني بطلعها كشت فيه زين ما انشلت بسبتك.. ندى : فيصل حبيبي وين رحت روحي انت فيصل : معاك حبيبتي .. ندى: انطرك باجر على فكرة تراني ماخذه اجازة باجر .. فيصل: ليش ندى: تسوي نفسك ما تعرف اتزهب فيصل: عيل يوم العرس شنو بتسوين ندى: فييييييييييصل فيصل: عيونه ندى: يالله خل نطلع يتراوالي ما بقى احد في المستشفى غيرنا خرجت ندى من مكتب فيصل اما فيصل فصار يجمع كتبه وادواته ليضعها في حقيبته .ثم خرج &&&&&&&&&&&&&&&&&&&&&&&&&&&&&&&&&&&&&&&&&&&&&& في بيت ابو فهد كانت جمان تجلس مع خالتها وضاري وخالد وبسام منتظرين مجيئ والدهم ليتناولوا طعام الغدا وصل فيصل ثم ذهب الى شقته ليستحم ويبدل ملابسه ثم نزل اليهم لاحظ اثناء تناولهم الطعام ان ابنائه يوجهوا كلامه فقط لجمان او والدته و متجاهلينه تماما مم ادىذلك لتضايفه فقال : هي انتوا يا عيال انتوا ناسين اني ابوكم ام فهد : شدخل هالكلام بكلام العيال فيصل : مو شايفتهم بس يتكلمون مع جمان ام فهد ك ما ينلامون منو شايفهم غيرها ضاري : يما صبي لي شوربة نهره فيصل وقال : لا تقول يما جمان مو امك ام فهد : امه وغضب على اللي ما يرضى بدل ما تشكر رب على هالنعمة غصت جمان فلم تعتقد يوما ان فصل سيتفوه مثل هذا الكلام يوما ما شعرت برجفة وصلت اعماقها وحضنت ضاري اللذي صار يبكي من عصبية والده وكلامه اما فيصل فقال : قوم منت ياهل عشان كلمة والثانية تقعد تبكي اقعد بكرسيك واكل وانتي لا تخربين الياهل علي بتدليعك . قامت جمان وذهبت الى شقتها وتحديدا الى غرفة فيصل ..اكيد كلمها هو ما يتغير علي الا لما يكلمها ..واكيد بيطلع حرت امس وتطنيشي له اليوم . اما فيصل فقد ذهب الى غرفة جمان ونام ولم يسال فيها بعد ان صلت العصر جلست في صالة الشقة تتابع برنامح خرج فيصل من غرفته وهو ممسك النقال ويتكلم كعادته مع ندى امام مسمع جمان وكان هذه يالمرة قاصدا فيصل: ندى يا روحي انتي كم ندى عندي ولا يصير خاطرك الا طيب شهرالعسل ان شاء الله نقضيه بسويسرا شرايك الملكة والزواج بيوم واحد .. فيصل : الوعد باجر بعد صلاة المغرب ان شاء الله لم تعر جمان فيصل أي اهتمام بالرغم ما سمعته منه ولكن قلبها يغلي من الغيض التفت اليها وقال انتي وين اتغطين يعني ما اشوفك بدارك جمان : ......................................تكلمت بعد صمت و قالت: البرنامج ممتع لا تخرب علي ابي اسمع فيصل: تبين اصدق انك مومهتمه للي سمعتيه جمان : انت اشتبيني اسوي ..عيش حياتك اعتبرني مو موجودة انسى انه لك زوجة وانا قاصدة كلامي وياليتك ترجع غرفتك وتخليني هالكم يوم على ما طلقني في غرفتي بروحي فيصل: وانتي كل كلمة والثانية تيبين طاري الطلاق جمان : انت بس اتكلمها تقلب علي عيل لما تتزوجها شراح يكون مصيري واضح يا فيصل هي مالكة قلبك وانا مالي وجود عندك انت قلتها انا عالهامش انا مجرد زوجة احتياط في حياتك .عن اذنك فيصل: وين رايحة جمان : ........................ هل فعلا ستكون جمان عالهامش وحتى قبل مشاركة ندى حياة زوجها | ||||
|
| |
 |
| الكلمات الدلالية (Tags) |
| الماضي |
| أدوات الموضوع | |
| انواع عرض الموضوع | |
|
|
العرض العادي
