آخر 10 مشاركات
مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أرملة أخيه-قلوب زائرة(ج1 سلسلة حكايات سريه) للكاتبة : عبير محمد قائد*كاملة&الروابط* (الكاتـب : قلوب أحلام - )           »          خادمة القصر (الكاتـب : اسماعيل موسى - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          هيا نجدد إيماننا 2024 (الكاتـب : رانو قنديل - )           »          سجل هنا حضورك اليومي (الكاتـب : فراس الاصيل - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          587 - امرأة تائهة - راشيل فورد - ق.ع.د.ن ... حصريااااااا (الكاتـب : dalia - )


العودة   شبكة روايتي الثقافية > قسم الروايات > منتدى الروايات والقصص المنقولة > روايات اللغة العربية الفصحى المنقولة

إضافة رد
 
LinkBack أدوات الموضوع انواع عرض الموضوع
قديم 21-05-13, 09:29 PM   #21

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




الجزء العشرون

&&&&&&&&&&&&&&&&&&&&&&&&&&&&&&&&&&&&&&&&&&&&&&&

يوم جديد

تمت خطبة فيصل وندى وحددت الملكة في نهاية الأسبوع على ان يكون الزواج بعد شهر والعلاقة بين جمان وفيصل متوترة في اغلب الأحيان

في بيت ابو فهد


ام فهد : اشفيك لونك قالب
فاطمة : حتى انا ملاحظة هالشي
جمان : ما ادري صارلي كم يوم دايخة وما اشتهي الاكل يمكن عشان اللوز متعبتني
ام فهد : درجة حرارتك مرتفعة
جمان : اشوي
ام فهد : حللتي
جمان: شحلل
فاطمة: تحليل الحمال
ام فهد : ان ما خاب ظني يمكن تكونين حامل
جمان : ها .. صج .. بس شدخل اللوز بالحمال
ام فهد :حللي وتاكدي وبداية الحمال كلشي يون فيك..وزيادة على جذي حتى ريلك ما اطقينه
فاطمة : ان شاء الله حمالك يغير فيصل
جمان: ان شاء الله
جاءت ياسمين ومعها الثلاثي
ياسمين : يما بودي اليهال الجمعية
ام فهد : زين بس لا تتاخرون
فاطمة : جمان ترى خالتي اتاكد عليك تيين عرس مها
ام فهد : اكيد ابتيي
جمان : ما قلت حق فيصل
ام فهد : فيصل ما راح يعارض
جمان : بينها وبين نفسها الشغلة اذا كنت فيها اكيد بعارض

رن نقال جمان المتصل سارة ام حامد

جمان : هلا ام حامد شلونك
سارة: الحمد لله بخير انتي شلونك
جمان : بخير اسال عنك
سارة انتي وين غطيتي ولا رديتي علي
جمان : على شنو
سارة : مسرع ما نسيتي
جمان : اف آسفة بس صدقيني ما صارتلي فرصة خلاص اوعدك قريب توصلك الاخبار

استاذنت جمان خالتها وفاطمة للذهاب الى شقتها

&&&&&&&&&&&&&&&&&&&&&&&&&&&&&&&&&&&&&&&&&&&&&&

على شاطئ البحر

بدر : الحين وبتتزوج الي تبيها و اشوفك بعد كله معصب ومالك خلق بعد ما عندك عذر يا ويلك ان عصبت
فيصل: انا من ادش البيت اتنرفز من لا شي من اشوف جمان اعصب
بدر: لا يكون مسويلك سحر
فيصل: خل عنك هالخرابيط زواجي من جمان غلطة من خطبت ندى حسيت اني ملكت الدنيا
بدر: وجمان
فيصل: ما راح ينقص عنها شي
بدر : افهم من كلامك بتعدل بينهم
فيصل: ما ادري شقولك ودي كل وقتي مع ندى لا تنسى هي الي اختارها قلبي
بدر: اللي يسمعك يقول توه مراهق ..فيصل فهمت مرة من كلامك ان مكانة ابوها هو السبب بتمسكك بندى
فيصل: حتى جمان ترى مكانة اهلها مو شوية وخاصة اخوها ناصر ..بس هذا القلب وما يهوى
بدر : بعد صرت تقول شعر
فيصل: ندى من مستواي العلمي وتفكيري وتفكيرها واحد وبعد لزواج احنا ناوين انكمل دراستنا انا الدكتوراة وهي الماجستير
بدر : يعني اكيد بتسافر
فيصل: اكيد
بدر : ما فكرت في جمان لما تغيب عنها مو اقل من سنة شراح يصير فيها
فيصل: : كيفها ..بصراحة انا بخيرها بين انها تنتظرني وبين ..سكت
بدر : بين شنو لا يكون اتفكر اطلقها حرام عليك يا فيصل
فيصل: قلت لك بخيّرها وهي اللي تختار شنو تبي
بدر: وان اختارتك
فيصل: خل تتحمل فراقي عيل
بدر: الله يكون بعونها كانها فرصة ويتلك عشان تتخلص من جمان ..لهذه الدرجة هي بشعة
فيصل: ضحك ....ثم سكت ..
بدر: اذا كانت قبيحة عيل ما تنلام

&&&&&&&&&&&&&&&&&&&&&&&&&&&&&&&&&&&&&&&&
في بيت ابو فهد

جمان وقد تاكدت من نتيجة التحليل وكانت ايجابية ولم تصدق عينها النتيجة وراحت تزف البشرى لخالتها النتيجة انستها مرارة الحياة مع فيصل وتاملت من هذه النتيجة ان تكون سببا في تغيير فيصل ومن اجل هذا القادم لابد ان تنسى خلافاتها معه وما قررته سابقا تجاهه
نزلت من على السلم تسابق دقات الساعة
ام فهد على هونك اشوي اشوي
جمان :يما يما يما
ام فهد على هونك شافيك
جمان : ابشرك انا حامل
ام فهد : مبروك يما وصرات تقبلها ..بس ابيك باجر اتروحين الطبيب وتفتحليك ملف
جمان: ماني رايحة هذي ريم ما شاء الله احملت بثلاث وما راحت الطبيب ما كانت تروح الا ساعة الولادة .
ام فهد : المهم خلي بالك على نفسك
جمان : عندي خبرة من ورا حريم اخواني
ام فهد : وين خبرتك ما علمتك انك حامل
جمان : خبرتي في اني احافظ على الجنين
ام فهد : الله يحفظه
دخلت ياسمين والثلاثي
ياسمين : منو هذا اللي الله يحفظه اكيد انا
ام فهد : باركي لجمان تراهي حامل
ياسمين : مبروك جمان ترى نبي بنت كافي هالأسود الثلاث
بسام : إيي نبي بنت
خالد: لا نبي ولد عشان يلعب معانا
ضاري :ييبي بنت وولد الولد نلعب معاه والبنت تلعب معاك .
ام فهد : يالله روحوا غسلوا عشان تتعشون وتنامون
ذهبت جمان الى المطبخ ومعها ياسمين لإعداد العشاء
جمان : ياسمين بغيتك بعد العشا بموضوع
ياسمين : خير
جمان: خير ان شاءالله
جمان : ماني قادرة اصبر لي بعد العشا بقولك راس الموضوع
ياسمين: خير قولي شوقتيني
جمان: في ناس بيون يخطبونك بس بالأول يبون يعرفون رايك
ياسمين : احمر وجهها خجلا ثم قالت : ومنو هالناس
جمان: تذكرين ام حامد
ياسمين: إيي ..
جمان : ما غيرها تبي تخطبك حق ولدها
ياسمين : قلتي حق امي
جمان: لاء قلت اعرف رايك بالأول والحين خل نروح تحط العشا قبل ما اليهال ينامون ..بعد العشا نتكلم ..
بدات تشعر ياسمين بشعور غريب يه بين فرح واضطراب وخوف فهذه خطبة حقيقة ليست وهم ..
وبعد العشاء ذهبت ام فهد الى غرفتها والأطفال كذلك وكانت معهم جمان ثم ذهبت الى غرفة ياسمين
طرقت الباب وسمحت لها ياسمين بالدخول
جمان : مستعدة تسمعيني
ياسمين : منزلة راسها الى الأرض
جمان : من الحين منزلة راسك لاء ارفعي راسك عشان تسمعيني عدل
ام حامد تبي تخطبك حق ولدها حامد .ترى حامد خريج كلية الحقوق تخرج العام يشتغل مع ابوه وهو موظف بعد .
ياسمن ترى انا فضلت اول شي اعرف رايك قبل ما اقول حق ام حامد تزروكم
ياسمين ارجوك فكري عدل ولا تخلين الوهم يضيع سنين عمرك انا ما بي رد الحين
ياسمين: ان كنت تقصدين مشاري ترى من يوم كلمتيني وطلبت منه ايي يخطبني وصار يقولي انه ظروفه صعبة ترتكته واذا انتي منتي امصدقة هذه عندك سجل المحادثات شيكي على كلامي
جمان: كنت واثقة انك ابتتركينه لو ما كنت واثقة كان صرفت نظر ام حامد عنك وهذا مهما كان ولد اخوي وتهمني مصلحته ول اني مو شايفة انكم مناسبين بعض
جان ما كلمتك
استخيري ولك لحد باجر وعطيني خبر ..
ياسمين: باجر
جمان: ايي باجر ولما ييون هم بعد استخيري ولما تشوفينه استخيري وقبل الملكة استخيري وقعدي معاه وشوفي طينته قبل ما تقولين ايييييييييييي فهمتي ..
ياسمين: كل هالحرص اكيد من ورا اخوي
جمان : تنهدت ....
عن اذنك يسوّم حاسة بتعب بروح انام
ذهبت الى شقتها ووجدت فيصل يجلس في الصالة يقلب قنوات التلفزيون
جلست بالقرب منه وهي منزلةراسها لتخبره خبر حملها
جمان : فيصل
فيصل:... ..عجيب قاعدة يمي ..ها اشعندك
جمان : ما ودك تسمع خبر حلو
فيصل : منك انتي وخبر حلو ما اصدق
نزلت راسها ارادت ان تقوم فمسكها من يدها
وقال : قعدي يعني الواحد ما يتغشمر قولي شنو الخبر اللي عندك
جمان : انسدت نفسي خلك مع تلفزيونك بروح انام احسلي
غيرت ملابسها والقت نفسها على السرير ..وبدات الدموع دون استأذان تنساب على خديها
جاءها فيصل وسمع صوت بكاءها
فيصل : الخبر الحلو صار بكي
غيرت جمان اتجاهها بحيث صار ظهرها في اتجاهه.. قرب منها
وقال: اشفيك تبكين
جمان : بعد صمت قالت ....................فيصل خلني بروحي
فيصل: ما اخليك بروحك الا لما اعرف اشوفيك وشنوبغيتي اتقولين
عدلت جلستها وهي تمسح دموعها وقربت منه اكثر
وقالت: فيصل اكيد ودك اتعرف ولا بس فضول
فيصل: ابي اعرف
جمان: واذا اعجبك الخبر اشتعطييني
فيصل: بوسة
استحت جمان ونزلت راسها
فقال : يعني الخبر بيعجبني يالله قولي
جمان : فيصل: انا حامل
تغير وجه فيصل ولم ينطق
ثم قال : إيي زين
شعرت جمان بتغير فيصل وان الخبر لم يعجبه
فقالت : انا آسفة اني ضايقتك ما كنت ادري انك ما تبي مني عيال
فيصل: من متى وانت حامل
جمان : اليوم بعد ما حللت عرفت
ضمها اليه وقبّل جبينها- وهو يقول في نفسه - هذا وقته .. يالله خل تلهى فيه عني

كيف ستكون معاملة فيصل لها بعد علمه بحملها وهل سيتخلى عن فكرة السفر للدراسة






لامارا غير متواجد حالياً   رد مع اقتباس
قديم 21-05-13, 09:30 PM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الواحد والعشرون

يوم جديد

لم تكن جمان في حالة صحية جيده وبدات الآلام تطغى فما تشعر به ليس بمغص معتاد ولم تكن تقوى حتى على الحركة، من شدة الألم صارت تنادي فيصل الذي دخل الحمام ليستحم وتركها تواجه مصيرها صارت تتسحب الى باب الشقة مستندة الى الجدار حتى وصلت الى منتصف السلم ولكنها لم تتحمل الألم حتى وقعت على الأرض وصارت تصيح من الألم جاءتها خالتها التي كانت في الصالة مسرعة وخرجت ياسمين من غرفتها تركض اليها
ام فهد : اسم الله عليك اشفيك يما
تحاول ياسمين ان تحملها بمساعدة والدتها التي تقول لها:
روحي نادي فيصل بسرعة ناديه
جمان : يما بموت بموت من العوار
ام فهد : لا حول ولا قوة الا بالله امس ما فيك شي
جاءت ياسمين الى والدتها تركض وهي تقول : قاللي اشوي ويي
ام فهد : يا برده انتي قلتيله اشصاير بجمان
ياسمين : قلتله قال انزين البس وايي
وقف فيصل على اول السلم وهو يقول : اشفيككم اشصاير
ام فهد : تعال شيل معانا جمان بلا اشصاير ما صاير
فيصل: انا مخليك مافيك شي .انت ما تيوزين من الدلع
ام فهد يمكن عوار ظهرها رجع لها خل بالك على فقراتها
جمان : بطني بطني ذبحني حاسة ان ظهري بينفجرمن العوار
ام فهد : لا لا يا ربي ما يكون اللي بالي
اسند فيصل جمان اليه وهي تتلوى من شدة الألم ووضعها على اقرب كنبه
ام فهد : وانا أقول ليش ما نزلتي تتريقين معاي ومع اليهال ،، فيصل ودها المستشفى ..قوم تحرك ،، ياسمين روحي ييبي عبات وحجاب جمان وعباتي
كانت ياسمين في شدة الخوف نتيجة ما تراه من آلام جمان فلم تكن تقدر ان تخطو خطوة واحدة من الخوف،، اما فيصل فقد ذهب ليقرب السيارة من الباب
ركبت جمان السيارة بمساعدة خالتها وكانت طوال الطريق تصيح من الألم وحينما وصلوا المستشفى أدخلها فيصل الى قسم الطوارئ وحينئذ تبين لام فهد صحة ما كانت تخشاه فقد اجهضت جمان وبقيت في المستشفى حتى استقرت حالتها بعد ان عمل لها اللازم ..
بعد ان استقرت حالة جمان اتصلت على فيصل ليخرجها من المستشفى ولم يرد ثم اتصلت على خالتها التي جاءت مع السائق لتقوم بإجراءات خروجها من المستشفى


في السيارة
ام فهد : لا تتضايقين يما الله يعوضك واشوف عيالكم
جمان : الحمد لله على كل حال
&&&&&&&&&&&&&&&&&&&&&&&&&&&&&&&&&&&&&&&&&&&&&&
في مقر عمل فيصل

لم يرد فيصل على اتصالات جمان لإنشغاله اولا بالمرضى ثم بمجئي ندى الى مكتبه

ندى : اشفيك لونك متغير
فيصل: يمكن من ارهاق العمل (وكان ظاهر عليه القلق )
ندى : اشفيك تتمقل في النقال ناطر مكالمة مهمة
فيصل: لا ابد .. انتي شخبارك
ندى : تتبسم بدلع .. استعد ليوم الخميس
فيصل : ما بقى شي ..ندوي اشرايك نملك ونسافر بنفس اليوم
ندى : ترد بخجل ..لا فيصل ..ودي بعرس الكل يتكلم عنه لا تحرمني من تحقيق امنيتي
فيصل:ان شاء الله .. انتي بس اكتبيلي بقائمة طلباتك للعرس
ندى : حبيبي انت.. الله لا يحرمني منك
&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ابو فهد
ام فهد وياسمين تجلسان مع جمان في غرفتها وجمان ممدة على سريرها
ام فهد : يما انا مو قلتك لا تشيلين شي ثقيل ولا تقربين يم الفرن
جمان: ما شلت شي ولا قربت يم الفرن
ام فهد : متى حسيتي بالآلام
جمان ......................سكتت جمان واحمر وجهها وبعدت ناضريها عنها
ام فهد: اشفيك ساكتة ...
ثم فهمت عليها
..وهذا انتي تقولين اتعرفين تحافظين على نفسك وانك خبرة
ياسمين: يما شنو (تريد ان تفهم ما فهمته والدتها ..
ام فهد : ياسمين هذي السوالف ما تناسبك أهُو طلعي روحي دارك
جمان : خليها يما... خليها تفهم اللي ما عرفته الا لما اجهضت مصيرها باجر تتزوج ..
ياسمين : أي شنو السبب قاعدين تتكلمون بالألغاز
ام فهد : جمان حبيبتي الوحدة لما تحمل لازم ما تخلي زوجها يقرب منها الا على الأقل بعد ثلاث اشهر
جمان : وانا شدراني
ام فهد : خبرتك وين راحت
جمان : يما الله يخليك ترى ابروحي متضايقة
ام فهد : العتب مو عليك على ريلك هالدكتور الفاهم
دخل فيصل على اخر جملة والدته
فيصل: اشفيه الدكتور الفاهم كانكم تحشون فيني
ام فهد : اكيد بنحش فيك مو انت سبب اجهاض جمان
تغير وجه فيصل وعصب ومسك الباب ليخرج
ام فهد : تعال تعال خلك عند مرتك واسيها ياسمين قومي يما نزهب الغدا
جمان تبين تتغدين اهني ولا انطلعلك الغدا
جمان : كيفك خالتي
ام فهد اقول ترتاحين بدارك احسن
خرجت وتبعتها ياسمين
قرب فيصل من جمان ولكنها لفت الى الجهة الأخري
جاءها فيصل وجلس بقربها ولفها الى جهته محاولا ان يلف وجهها اليه
فيصل: جمان طالعيني
نظرت اليه جمان بنظرة حزينة مليئة باللوم والعتب
جمان : وخر عني لا تقول اسمي على لسانك ..عرفتك على حقيقتك .. ليش ما قلتلي انك ما تبي عيال مني ليششش.. تغالبها دموعها وهي تكمل
كل يوم عن الثاني اتأكد من كرهك لي
بالأول عصبت على ضاري وهو يقوللي يما قلت يمكن ..انك ما تبي عيالك ينسون امهم بس الحين انا تأكدت اني ولا شي بالنسبة لك ..
فيصل: جمان
جمان : اشتبي تقول ما اصدق اي كلمة تقولها وفر كلامك
فيصل: يتكلم اليها بهمس ولين كله منك انا كنت مشتاقلك وما قدرت اصبر ومسك وجهها بيديه برفق هالويه صعب اني اقاوم جماله ودلاله ..زين حبيبتي اذا كنتي حريصة ليش ما صديتيني قبل ما تلوميني ..
جمان .وهي تبكي ..وانا من قاللي ونبهني عشان اصدك لو كنت من صج تبيني احتفظ بالجنين ما كنت ضعفت مثل ما تقول لا تظن اني اصدقك انت حتى ما كلفت نفسك وانت تسمعني اصيح تيي تشوف اشفيني وينك اليوم لما اتصل عليك ليش ما كنت ترد ..ما ااعتقد في زوج يشوف زوجته بين الحيا والموت يتركها تواجه مصيرها بروحها
فيصل: بس خلاص كافي كافي ...
خرج من الغرفة بعد ان رد الباب بكل قوته وذهب الى غرفته ليبدل ملابسه وينزل ليتناول الغداء مع والدته واطفاله ..
ام فهد ليش نزلت روح تغدى مع مرتك لا تخليها بروحها وهي اب هالحال
جر الكرسي وقعد ولم يرد على والدته وبدا يأكل
هزت ام فهد راسها وهي تقول : استغفر الله
نظر فيصل الى والدته فقال وهو يتنهد : شايفتني كفرت
ضاري : يما انا بروح اتغدى مع خالتي جمان
فيصل: اقعد كمل غداك
ام فهد : لا حول ولا قوة الا بالله .انا بعرف انت بحرب مع جمان هي عدوتك ولا زوجتك
بدا الأطفال الثلاث يتسحبون الواحد تلو الأخر
فيصل : على وين كلكم قمتوا
خالد : الحمد لله شبعت
وتراكض الثلاث الى ناحية السلم وهو يقصدون في انفسهم الذهاب الى جمان
فيصل : حشى ما كأني ابوهم
ام فهد : إشْافوا منك عشان تبيهم يقعدون معاك البركة بجمان اللي صايرة امهم وابوهم
فيصل: يما ارجوك ما كاني انا ولدك.. عندك جمان وبس يما حرام عليك كرهتيني فيها من كثر ما تمدحينها .. انا طالع وهاد لكم البيت ..
ياسمين: يما اشوي اشوي عليه هو شكله نازل من عند جمان وهو معصب
ام فهد : لا تلوميني يما اللي سواه اخوك ان كان قاصد ما ينسكت عليه هذا قتل نفس تدرين يعني شنو قتل نفس ..
اما فيصل الذي خرج من البيت صار يدور ويلف الشوراع ولا يدري الى اين يذهب وجد نفسه امام المستشفى نزل وذهب الى مكتبه واغلقه ونام على سرير الفحص .
سارة ام حامد تتصل بجمان : وبعد السلام
سارة: اشفيه صوتك عسى ما شر
جمان: الشر ماييك بس تعابنة شوي
سارة: آسفة ادق عليك مرة ثانية
جمان : لا خليك عادي
سارة : ميخالف لما تصحصحين دقي علي وابيك اتبشريني برد ياسمين
جمان : عيل انطري علي بعد صلا ة العصر ترى كلمتها وناطرة منها الرد
سارة : ما تقصرين يا عمري ..الحين اخليك بس مو تنسين
جمان: ان شاء الله

[color="darkred"]&&&&&&&&&&&&&&&&&&&&&&&&&&&&&&&&&&&&&&&&&
في بيت بو يوسف [/color]
بو يوسف : فاطمة اشرايك بكلام الطبيب ترى وايد الجؤا لطفل الأنابيب وكانت العملية ناجحة
فاطمة : بس طفل الانابيب للي ما عندهم عيال انت نسيت كلام الدكتور لما رحنا لندن قال ما عندنا سبب يمنع الإنجاب ..
بو يوسف : زين في طبيب زائر معلنة عنه مستشفى .... بحجزلك عنده يشوف حالتك
فاطمة : مليت من الأطباء وكلامهم كل واحد كلامه غير الثاني
بو يوسف : ان كنتي اتعزيني خل آخذلك موعد
فاطمة : ........بعد صمت اللي تشوفه
صج بو يوسف بروج ازور الوالدة صارلي كم يوم ما سالت عنها
يوسف ..على خير سلمي عليها
فاطمة: الله يسلمك
&&&&&&&&&&&&&&&&&&&&&&&&&&&&&&&&&&&&&&&&&&&&&&
في المستشفى
استيقظ فيصل وقبل ان تفوته صالة العصر توضا وصلى ثم فكر ان يتصل على والدته ليعتذر منها ولكنه تراجع واتصل على صديقه بدر وتواعدا على البحر في المكان المحبب اليهما

&&&&&&&&&&&&&&&&&&&&&&&&&&&&&&&&&&&&&&&&&&&&&&

في بيت ابو فهد

اتصلت جمان على ياسمين
وقالت : ياسمين اذا كنتي فاضية ابيك ضروروي

ياسمين : ان شاء الله
دقائق وياسمين دخلت عند جمان
ياسمين : خير جمان فيك شي
جمان : الحمد لله ما فيني شي ..ترى قبل اشوي ام المعرس دقت علي تبي اتعرف رايك
احمر وجهها واضطرب الكلام في فمها ..
جمان : اشفيك .. ها تبين اقولهم ما في نصيب (تريد ان تستفزها فقد من كلامها )
ياسمين : جمان ..صبرك عليك شنو مافي نصيب
جمان : يعني اقول مبروك
ياسمين : .......................
جمان: ابي رد صريح موثق
ياسمين : ترى مو رد اخير
جمان : ادري انه مو رد اخير انا شنو قلت لك بكل خطوة استخيري ولا تخلين احد يأثر على قرارك هذا زوج مو لعبة ..تقولها بحسرة والم
ياسمين : اشفيك جمان انا حاسة انك مو مرتاحة مع اخوي ..
جمان : خلينا فيك الحين ترى سارة ناطرة على نار تبي اتعرف رايك قبل ما امهد للموضوع عند الوالدة
ياسمين : خلاص قلتلك رايي مبدئيا
جمان : ما سمعت
ياسمين : جمان .. وبدا عليها الإحراج
جمان : عيل بدق عليها وابشرها برايك
ياسمين : صبري دقي عليها لما اطلع مو جدامي تتصلين
اتصلت جمان على سارة وقبل ان ترد سارة اسرعت ياسمين الى الباب مما اثار ذلك ضحك جمان عليها
سارة : تضحكين ..
جمان : اوه هلاهلا .. سارة كنت مع ياسمين
سارة : بشري
جمان: خير ان شاء الله اذا تبين امهدلك الطريق عند خالتي
سارة : حلو ..وبعد ما تمهدين بلغيني
جمان : ان شاء الله اليوم بقعد معاها واقولها
سارة : تسلمين يا عمري
جمان : الله يسلمك

استعدت جمان للنزول الى خالتها بعد ان استحمت وجلست عند الثلاثي بعض الوقت
رات ام فهد جمان وهي تنزل من الدرج
ام فهد :ليش يما ما راتحتي في دارك أي شي تبينه بس اتصلي
جمان : تعتب من السدحة في السرير والحمد لله انا بخير
ام فهد : ان شاء الله جما اييالليوم اللي اشوف عيالك يتراكضون حواليني
جمان : الله كريم ..سكت تقليلا ثم قالت : يما حبيت اقولك شي
ام فهد : خير يما
جمان : الخير بويهك
يما كلمتني سارة ام حامد اذا تذكرينها مرت اخوي العود على ياسمين تبي تخطبها لولدها حامد .
ام فهد : والنعم فيهم ..قلبي كان حاس من اسئلتها ومدحها بولدها يوم كنا معزومين في بيت اخوك انها تبي ياسمين حق ولدها ..اكلم اخوانها وارد عليك واشوف قبل راي ياسمين
جمان : تحدث نفسها ..ياسمين موافقة لا اديرين بال ......
الله يكتب اللي فيه خير
ام فهد : ما دقيتي على فيصل:
جمان :............ لا ..ليش هو مو في البيت
ام فهد : انتي تسالين ظنتي اتعرفين
جمان : لا ما ادري وينه فيه
ام فهد : يما طلبتك اتصلي عليه شوفيه وينه فيه طله من البيت زعلان حتى غداه ما كمله
جمان : يما اسمحيلي ما اقدر ( تقول في نفسها ..ودي اكلمه واسامحه بس ما اقدر ...) بدات الدموع تطمر من عينها وتمسحها
ضمتها اليها ام فهد وهي تقول الله يلوم اللي يولمك
دخلت فاطمة اليهم وهو في ذلك الحال
سملت عليهم ..وقالت:
جمان اشفيك تبكين عسى ما شر
ام فهد : قعدي يما قعدي سالفتها سالفة ( استعدلت جمان في جلستها وسلمت على فاطمة
فاطمة : خوفنيني يما اشفيها جمان
ام فهد : اجهضت
فاطمة : اف ..من متى
ام فهد : من يومين يا قلبي ما مداها تفرح بحملها اجهضت
فاطمة : جمان اشسويتي ليش ما خذيتي حذرك
جمان : تبكي ولا تسطيع ان ترد
ام فهد : العتب على اخوك مو منها
جمان : اخوك ما يبي مني عيال
ام فهد : لا يا جمان لاتقولين جذي
فاطمة: يما شاسالفة
وبعد ان قالت لها والدتها عن السبب
فاطمة : استغفرالله ..معقولة فيصل يجحد هالنعمة خل يشوف بويوسف اللي ما خلاّ طبيب ما وداني له عشان الخلفة
ام فهد : وهو لين الحين يحن
فاطمة : ولين باجر
ام فهد : وهذا عندك ولدين عيل لو ما عنده جان اشسوى
فاطمة : اكيد كان تزوج
ثم تلتفت على جمان : جمان اخوانك دروا
جمان: وهذا شي ينقال
فاطمة : لا حول ولا قوة الا بالله ..الله يعوضك خير جمان
اخبرت هنا ام فهد فاطمة بنية ام حامد جمان بخطبة ياسمين ولدها
فاطمة : أي هذي الأخبار الزينة سبحان الله مولود ومفقود
الا وين ياسمين قلتوا لها عن الخبر
جمان: بصراحة : انا جسيت النبض
ام فهد: من وراي
جمان : جذي احسن عشا اذا ما تبيه مايصير لكم احراج
فاطمة : وشنو رايها
جمان : مبدئيا موافقة
ام فهد : كلهذا يصير من وراي
جمان : خالتي لا تزعلين هذا كان طلب سارة تقول ابي اعرف راي البنت قبل ما نكلم اهلها
فاطمة : وانا مو شايفة غلط في الموضوع مثل ما قالت جمان جذي احسن
ام فهد : عيل اشوف راي اخوانها وبعدين ارد عليك
جمان : على خير بس مو طولين ترى سارة كل شوي داقة
ام فهد:اللي فيه الخير الله يجدمه .. فاطمة دقي على فيصل شوفيه وين طلع من البيت وهو زعلان
فاطمة: وانتوا ليش ما ادقون تيي منك او من جمان احسن
ام فهد : قلبي ماكلني على ولدي
فاطمة لا ياكلك قلبك ولا شي.. هو مو ملكته يوم الخميس تلقينه الحين هو ولا ابْباله وانتوا اتحانون..
جمان :شهقت .. ملكة فيصل الخميس
فاطمة : والليه انا شقلت
ام فهد : عميتيها
لم تستطع جمان ان تتمالك نفسها وارادت ان تذهب
فاطمة: قعدي معانا ترى ان قعدتي بروحك بتموتين قهر



كيف ستكون العلاقة بين جمان وفيصل بعد ما تعرضت له كان بسببه ؟ وبعد ان عرفت بقرب موعد ملكته على ندى ؟





لامارا غير متواجد حالياً   رد مع اقتباس
قديم 21-05-13, 09:31 PM   #23

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الثاني والعشرون

طوال الوقت كان يشغل تفكير جمان امر واحد هل تبلغ اخوانها بمعاملة فيصل لها وخاصة انه صاراسوء من ذي قبل فلم يسال عنها منذ ان خرج من البيت وغير ذلك عقد قرانه على ندى غدا وماذا سوف يكون موقفها لو علموا من اطراف اخرى ؟

ام فهد تكلم ولدها فهد:
ام فهد : انسى اني ادخل بيت فاتن انا اصلا مو راضية عن فيصل ياخذ ندى
فهد: يما شلون يعني الحين فاطمة رافضة تروح وخصة بعد ما تهاوشت مع فيصل
ام فهد : ليش
فهد : لما طلب منها تيي ملكته قالتها انا ما اروح عند ناس الغلط راكبهم من ساسهم لراسهم
ام فهد : وهي صاجة اكيد بتحس انها غريبة بينهم واقطع ايدي ان ما كانت حفلتهم مخلتطة بحريمهم وريايلهم
فهد : شنو هالكلام يما حتى ان كانوا هم جذي فيصل اكيد بيرفض بعدين هي بس حفلة عائلية مختصرة على اقرب الناس يما لا تحطين فيصل بموقف محرج مهما كان هذا ولدك
ام فهد : محد حاطنا بموقف محرج غير اخوك انت نسيت ان اخو جمان خاطب ياسمين حق ولده مو خايف انه يفكون الخطبة بجذي خبر
فهد : ناصر اكبر من جذي .
ام فهد : لا تستبعد الواحد من حرته كلشي يسوي ..
فهد : الحين شقلتي
ام فهد : انسى
فهد : زين ياسمين
ام فهد : ما تروح وهي كلمه قلتها وخل فيصل يدبر نفسه وخل اهلها يعرفون اني رافضتهم ..الاي راحوا يخطبوله خل يحضورن ملكته ..
فهد : يعني ما كو فايدة
ام فهد تصد عن ولدها وتتنظر ناحية السلم حيث قدوم ياسمين وبعد ان سلمت ياسمين على اخيها .
ياسمين : اشفيكم صوتكم طالع
فهد: ملكة فيصل باجر
ياسمين : الله يعينك يا جمان
فهد : ما ودك تيين
ام فهد: فهد انا شقلت
فهد: يمكن البنت تبي اتحضر
ياسمين : وين
فهد: ملكة فيصل
ياسمين: فهد شكلك ناوي تخرب علي
ام فهد: شفت اذا هالصغيرة فاهمة وانتوا ياسندها وعزوتها طافتكم هالحسبة ما اقول الا الله يجيرنا من اللي بيي وبيصير ...
ام فهد : قول حق اخوك ترى عنده بيت وعيال خل يطل عليهم من الحين نساهم
حب فهد رأس والدته وابتسم لياسمين وهو يقول لها: خايفة العريس ينحاش
ثم استأذن وخرج ..
ام فهد : يما ياسمين روحي شوفي جمان من طلع فيصل من البيت وهي حابسة عمرها بدارها .
ياسمين : توني كنت عندها مع اليهال ..قاعدة معاهم تذاكر لهم .
ام فهد: طمنتيني
بعد فترة نزلت جمان الى الصالة وقد استأذنت خالتها تريد الذهاب الى بيت اخيها ماجد
جمان: يما ابي اروح ازور اخوي بو حمد
ام فهد : قلتي حق ريلك
جمان : طرشلته مسج
ام فهد : اخاف يظن انك طالعة زعلانه
جمان: كتبتله زيارة
ام فهد: يما لا تعلمين اخوانك بسالفة فيصل
جمان: اذا ما علمتهم بعرفون من غيري ومو بعيده الغريب يوصل لهم بزيادة بهارات الأحسن اقولهم
ام فهد ..تتنهد ..اللي تشوفينه صح سويه الله يحفظك

&&&&&&&&&&&&&&&&&&&&&&&&&&&&&&&&&&&&&&&&&


بيت بو حمد ماجد

ذكرت جمان لأخيها وزوجته كل ما جرى لها من فيصل وبأمر زواجه
ماجد : كنت حاس انك مو مرتاحة مع فيصل
ريم : غلطتك انك سكتي
جمان: بس انا وعدته وهو من طلب مني اني ما اطلع شي بر البيت
ماجد: في فرق بين الخصوصيات وبين معاملته لك
جمان : كنت اعتقد اني لما احترم رغبته اقد احافظ على بيتي
ريم : الله يستر الحين بيتزوج وباجر ما يندرى اشراح يسوي
نظرت اليها جمان نظرة اندهاش وتعجب
وقالت: يعني شنو ممكن يسوي
ريم :.......................لم تستطع ان ترد فهي تقصد الطلاق
جمان: الله يخليلكم لا تقولون حق باجي اخواني خل خطبة حامد تمر على خير
ماجد : يعني ابهالديرة مافي غير هالبنت
جمان: نصيب
ريم: نصيب وقدر
ريم : نامي اليوم عندنا اشدعوة ريلك بيدري فيك او وينك فيه وحتى اذا دري اتعرفين شنو اللي براسه الحين احسن من بعدين
ماجد : لا جمان روحي بيت ريلك احسن لا تكبرين الموضوع موبعيدة فيصل يتهور وهو الحين معصب ويسوي شي تندمين عليه
جمان: ادري شنو تلمحون عليه ..
وقفت جمان تستعد للخروج
ماجد : على وين قعدي تعشي معانا لا تخافين انا وريم انوصلك ..ما ادري عقدة السياقة بالليل هذي متى تنتهي
ريم : قعدي قعدي وسعي صدرك معنا اليهال من زمان كله يقولون نبي تشوف عمتنا
ارجعت جمان لمكانها واستسلمت لأمرهم
ذهبت ريم الى المطبخ وطلبت من جمان الا تتحرك من مكانها اما ماجد فق لها باتصال هاتفي جاءه
اما جمان فصارت تتذكر حياتها قبل الزواج وهي تتأمل ارجاء بيت اخيها
ثم تذكرت حالها ..وصارت تحدث نفسها وتقول : هذا انا قلت لهم كلشي ..اخرتها معنى كلامهم اني اتحمل ...لي متى اتحمل ما بقى فيني حيل ...

سمعت رنين نقالها يعلن وصول رسالة
فتحت الرسالة

فيصل : يكون افضل لو كانت الزيارة ابدية لبيت اخوك
بلعت ريقها واعادت قراءة المسج واغمضت عينيها وشعرت بحرقة والم في قلبها ..وتعيد كلامها على نفسها وتبوني اتحمل ...وصارت تصيح من حر قلبها
جاءها ماجد مسرعا :

قائلا : جمان اشفيك
اعطته النقال فقرا كلمات فيصل
ماجد: ايا الخسيس
اتصل ماجد على فيصل مباشرة من نقال جمان ولكن فيصل كان يظن ان المتصل هي جمان فلذلك لم يرد
فكتب اليه ماجد :انا ماجد لا تظن انا بنطوفها لك ان ما دفعناك الثمن غالي ما نكون عيال سالم ..
جلس ماجد يهدئ اخته وعزم على الاتصال ببقية اخوانه ولكن جمان طلبت منه ان يهدا اولا وينتظر الى الغد حتى تهدا نفسه ..
ما هي الا بضع دقائق ولا بفيصل يتصل

رد ماجد : خير اشتبي انت ما تستحي لك عين بعد تتصل
فيصل: رجاء ماجد لا تتدخل بيني و بين زوجتي
ماجد : والله ..بعد شنو ورا الزيارة الأبدية غير معنى الطلاق ولاتبي تقهرها وبس انت واحد مريض لازم تتعالج
فيصل: ماجد لا تغلط قلتلك الموضوع بيني وبين زوجتي اللي الف مرة قايلها لا اطلعين اسوالفنا للغرب
ماجد : الحين انا اخوها غريب
فيصل: وشنو استفدت من كلامك غير انك بدال ما تكحلها عميتها قولها تتجهز بيي آخذها
ماجد: ما تاخذها لو على قطع ارقبتي
فيصل: انا ياي واشوف منو يقدر يمنعني
ماجد: اقول خلك بملكتك ابركلك وانسى جمان .... واغلق الخط
ويلتفت ماجد الى جمان ..ريلك هذا خواف ما إيي الا بالعين الحمرا لما عرف انه ما راح نسكت غير سالفته
انتي الحين قوليلي ان يه بتروحين معاه
جمان : بعد صمت شور علي تراني ما اقدر افكر ولا اركز بشي وخايفة ان رديت يذلني
ماجد : عيل قعدي ولا تفكرين فيه
ريم: تعالوا تعشوا واهدوا وفكرو ا بهدوء بروح انادي اليهال طولت عليهم بالعشا
ماجد: اصلا ما اعتقد انه له عين يي ويدخل البيت وياخذك
جلسوا يتناولون العشاء ولكن لم يشعر ايا من جمان وريم وماجد بلذة الطعام اما جمان فلم تستطع ان تتذوق الطعام وهي تقول في نفسها : شهور وانا مهددة بالطلاق ..
قامت جمان
ريم : على وين ما كليتي شي
بروح اصلي ركعتين يمكن تهدا نفسي وانت يا ماجد بعد قوم صل بعد ما تخلص عشاك
ذهبت جمان ..
محمد : انا هالفيصل ما احبه من اول ما شفته كرهته
ماجد : باين على جمان ما تبي يكبر الموضوع
ريم: اهدا يا ماجد واذا يا فيصل حاول تتفاهم معاه
ماجد : بس هذا قاعد يذل باختي واهينها
ريم: بصراحة ماجد تبيها تتطلق
ماجد:بعد تفكير ...... لا
ريم : عيل اهدا ولا تتهور
مر الوقت ثقيلا وكانت جمان تتقلب على فراشها الذي هجرتها من عدة شهور ولم تستطع النوم ..فزعت من صوت رنين نقالها
المتصل :

ام فهد : يما بييلك الحين مع فيصل ان كنتي اتحبيني ترجعين معانا
جمان: .................
ام فهد: ردي يما ليش ساكتة
جمان : الأمر الحين امر اخوي
ام فهد: ان كان على اخوك ان شاء الله ما يعارض برجعتك معانا ترانا بالطريق كلها عشر دقايق وانكون عندك
ذهبت جمان لتخبر اخيها بالأمر وهي تقول ماجد: تكفى يا ماجد لا تخليه يذلني اكثر من جذي
ما جد : ما يصير خاطرك الا طيب
دخلت اليهم الخادمة وهي تعلمهم بوصول فيصل ووالدته ذهب ماجد لأستقبالهم
مرحبا بام فهد واشار اليها بالدخول ثم نظر الى فيصل وقال :اما انت مالك مكان عندي
فيصل: هذا من كرم ضيافتك
ماجد: انا كريم من قبل ما اعرف ويهك ..لف واعطاه ظهره
فيصل: لحظة بو حمد خل نتفاهم
ماجد: بحضور اخوانها كلهم اذا تبي تتفاهم
فيصل: لا اطولها وهي قصيرة اقصر الشر
ماجد : واذا ما قصرته شنو تبي اتسوي
فيصل : لا تخليني اطلع من طوري ..سكت ثم قال اقولك خل اختك عندك ابركها من ساعة
ماجد : يكون احسن انطر اناديلك امك تاخذها معاك
دخل ماجد ونادى ريم وطلب منها ان تبلغ ام فهد ان ولدها ينتظرها في الخارج وان جمان لن تعود معهما ..
حين علمت ام فهد بالأمر مسكت جمان من يدها وطلبت منها ان ترجع معها وتعهدت لها ان فيصل سيتغير معها وهو ما بينه لها فيصل قبل مجيئهما وصارت ترجوا ماجد ان يهددا ولا يجعل الموضوع يكبر
لم ترد جمان او ماجد باي كلمة ...
اما ام فهد فقد اتصلت على ولدها وطلبت منه ان يدخل بعد ان استاذنت من ماجد ذهبت ريم وتركتهم يحلون المشكلة
دخل فيصل الذي اعتذر لماجد الذي لم تتغير ملامح عصبيته ثم نظر الى جمان
: وقال
جمان اقصري الشر وارجعي لبيتك
نظرت جمان الى اخيها تريد تعرف رأيه
فلم يرد عليها مم زاد من حيرتها
ام فهد: يما يالله قومي البسي عباتك خل ينتهي هاليوم على خير
جمان: اذا تبيني ارد ابي فيصل جدام اخوي يتعهدلي ان ما يذلني
فيصل: انا لا ذليتك ولا هنتك انتي تتوهمين والزواج من وحدة ثانية شرع الله بعد حرموا على كيفكم ..
ماجد: احنا ما نحرم شي الله شرعه كل اللي طالبينه منك انك تعامل جمان بالحسنى وباللي يرضى الله
فيصل: ان شاء الله ..يالله جمان ..وهذي راسك احبها
تحدث نفسها جمان ..يا خوفي منك ..ادري انك بطلعها مني

كان الصمت يسود الطريق ...وجمان محتارة كيف تعامل فيصل وهي في خوف من ردة فعله وتلوم نفسها على رجوعها وترى انه كان الافضل ان تنهي حياتها مع فيصل ولا تدري مالذي جعلها توافق على الرجوع معه

يا ترى هل سيفي فيصل بوعده ؟..





لامارا غير متواجد حالياً   رد مع اقتباس
قديم 21-05-13, 09:31 PM   #24

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الثالث والعشرون

إزدات الفجوة والجفاء بين جمان وفيصل وكل منهما ينام في غرفته ولا يدري عن الآخر بل صارت جمان تتعمد عدم التواجد في أي مكان يكون فيه فيصل بعد ان عقد فيصل قرانه على ندى ولم يبقى على زواجهم غير عدة اسابيع ..اما ياسمين فقد تمت خطبتها الرسمية ...
وهي في قمة السعادة من ان الله عوضها خيرا حين تركت تلك العلاقة الآثمة بشخص على وفيه كل ما تتمناه أي فتاة في زوج المستقبل من وسامة ودين وخلق ومتستقبل وظيفي راقي


تجلس ام فهد في الصالة مع جمان وياسمين

ام فهد.. جمان باجر عرس بنت اختي وما اشوفك تزهبتي
ياسمين : يما تصدقين ما ادري اشفيها جمان مرينا على اكثر من مجمع كانت فيه فساتين السهرة تاخذ العقل ولا رضت تختار لها اي شي
ام فهد: ليش يما
جمان: لأني ما ني رايحة
ام فهد : ليش منتي رايحة ومنو بيخليك بتقعدين بروحك في البيت
جمان : ما استأذنت من فيصل ادري لو طلبت منه اروح بيرفض وبصراحة انا مابي اطلب منه أي شي ..
ام فهد : مو بكيفيه
جمان: يما الله يخليك لا تكلمينه اللي فيني كافيني
ياسمين : انتوا لين الحين زعلانين
جمان ...نزلت راسها ولم ترد ونزلت دمعة جبرا عنها من عينيها

ام فهد: جمان رخي مع فيصل ترى بتخسرينه جذي.. شوفي بنت ابليس شلون استولت عليه سوي مثلها ..
جمان: يما لا تنفعينها بذنب ينكتب عليك زواجه مو حرام ولا عيب انا الدخيلة على حياته .. فيصل اذا ما تزوجها اليوم بتزوجها باجر ولا احد فينا يقدر يمنعه هو اصلا ما يببني وانا اما اقدر افرض نفسي عليه .. ارجوك خالتي لا تفتحين هالموضوع معاي ولا معاه ..
ياسمين : انا بكلمه تيين معانا
جمان: لا ...ما ابيه يتمننن علي ...تكفون خلي الأيام الياية تمر على خير ..
ام فهد...اللي قاعد يصير ما ارضى انه يزيد

دخل فيصل وعندما لمحته جمان قامت وذهبت الى المطبخ ليس لغرض الا لئلا تجلس في مكان يتواجد فيه فيصل

فيصل: جمان يبيلي معاك ماي ..
لم تلتفت اليه وعندما دخلت الى المطبخ طلبت من الخادمة ان تذهب بالماء الى فيصل
يتناول فيصل الماء وهو ..يتنهد .وتخرج منه كلمات التأفف والضجر ..
وحينما اراد ان يقوم
قالت ام فهد: انتوا لين الحين زعلانين مع بعض
فيصل: من يقول
ام فهد: واضح
ياسمين : تكفى فيصل خل جمان تيي عرس بنت خالتك
فيصل : من منعها
ياسمين : يعني عادي تيي
فيصل: بدت عليه العصبية ..وهو يرد ..لا يكون بعد قايلتلكم أني ما نعها
ام فهد : لايروح تفكيرك بعيد ..هي تقول لازم تستأذن منك وخايفة انك ما ترضى
فيصل: وليش ما ارضى تبي تروح خل تروح لا تقعد تتحجج فيني
ام فهد: المرة السنعة ما تسوي شي قبل ما تستأذن زوجها
يرد فيصل بعصبية: محد سنع عندك غير جمان وانا كل الغلط فيني
ام فهد: انت ليش بسرعة تعصب ...
فيصل: عن اذنكم
ذهب فيصل الى شقته وجلس ينتظر جمان في غرفتها بعد ان ذهب الى غرفة ابنائه وكانوا نيام ..- وهو يعرف انها قد يطول بها الوقت عند والدته ولكنه صمم الا يخرج حتى تاتي....
جاءت جمان الى خالتها بعد ان تأكدت من ذهاب فيصل

ام فهد : وين رحتي
جمان ..........................لم ترد
ياسمين ..خلاص خذينا لك الأذن من فيصل بعد مالك عذر
بدت ملامح الضيق على محيا جمان فهي لم ترد ان تطلب منه أي شي وان كان اذنا بالخروج لأداء واجب ..
جمان: ليش ياسمين مو قتلتك لا تقوليله الحين يفسرها بشكل ثاني
ام فهد لا ثاني ولا ثالث ..عندك باجر تروحين مع ياسمين تتنقين لك نفنوف وتحجزولكم موعد مع الصالون
جمان :ياسمين اشرايك نتصل على صالون ال................ ييون البيت مو احسن
ياسمين : ما ادري ما جربت خدمة المنازل
جمان: بالعكس وانظفلك تستعملين ادواتك الخاصة للمكياج والشعر ..
ياسمين : اجرب
استاذنت جمان خالتها للذهاب الى شقتها فهذا الوقت لا بد ان يكون فيصل قد نام
دخلت على مهل حتى لا يصدر صوتا يستيقظ على اثره فيصل فهي خائفة من ردت فعله بسبب انها ارسلت الماء مع الخادمة وغير استئذان ياسمين لها للذهاب الى العرس
تلفتت يمنة ويسرة وذهبت الى غرفةلا من ضاري وبسام ثم مرت على غرفة خالد وتطمانت عليهم ثم ذهبت الى غرفتها
ويا هول ما رات فيصل وكان متكئا على الكنبة الموازية للسرير
فيصل: : اخيرا شرفتي
جمان : ............................
فيصل: اقدر اعرف ليش ما طلبتي مني بنفسك تروحين العرس
جمان: ........
وقف وقرب منها ومسكها بقوة من ذراعها وقال : حركاتك هذي مو علي ادري انك تبين تبينين للوالدة اني ظالمك ومانعك من الروحة واليية .
جمان: فيصل هد ايدي ..
فيصل: واذا ما هديت ..
جمان.......................
انا طالع ومابي احرق اعصابك اكثر من جذي يكفي خبر زواجي القريب يكون سوى اللازم معاك ... مصيرك تندمين يا جمان على تصرفاتك السخيفة هذي
تقول في نفسها ..محد سخيف غيرك لك حق تحتقرين وتذلني لو اخوي وقف وقفة سنعة بويهك ما كان هذا حالي ..
رمت نفسها على سريرها وهي تندب حظها وتفكر بالإتصال ببسمة ولكن ماذا ستقول لها ..هل ستطلب منها المشورة لتدارك ما تبقى لها من امل المعيشة مع فيصل ام ماذا
ودون تفكير وجدت نفسها تتصل على بسمة
جمان : السلام عليكم
بسمة : هلا هلا والله بالقاطعة زين تذكرتي عندك صديقة
جمان: على هونك كليتيني بقشوري
بسمة : شخبارك ..
جمان : الحمد لله
بسمة : الزواج جذي ينسيك صديقتك
جمان: انتي عالبال على طول
بسمة: أي واضح ..انتي ما تتصلين الا اذا فيك بلا اما انك تتصلين تسالين عني ما اصدق
جمان: حبيت اسال عنك واشوف اخبارك..استحت جمان وتراجعت عن البوح لبسمة بما كانت تنوي قوله لها عن حياتها مع فيصل
بسمة: انا بخير على فكرة احتمال اقدم على الدراسات العليا اشرايك تقدمين معاي نكمل مع بعض ونعيد ذيك الايام
جمان: اف ما صدقت اخلص ..مالي مزاج مرة ثانية حق عوار الراس
بسمة: حرام عليك جمانوا انتي تقديرك امتياز يعني قبولك مضمون
جمان : الله كريم بس صج مالي مزاج وتقول بينها وبين نفسها مصيبتي مع فيصل وين تخليني احافظ على مستواي ولا افكر بالدراسة )
بسمة ...فكري وردي علي مو الحين التسجيل بس اقرا اعلان بدء التسجيل بسحبك غصب معاي ..
جمان: يصير خير ...يالله ما اطول عليك صيحة اليهال قايمة عندك
بسمة : تعالي انتي ما في شي ياي بالطريق
جمان: شنو
بسمة : ما كو شي مني مناك .. (فهمت عليها جمان فهي تقصد الحمل )جمان : بسموا يويزي لا ما كو ..
بسمة : احسنلك من دوخة الراس
جمان : يالله اخليك الحين روحي حق دوخة الراس اللي عندك ..
جلست جمان تفكر بينها وبين نفسها معقول ارد للدراسة مرة ثانية واشوف عادل انا صج غبية ليش ما يتني هالفكرة قبل ما اتزوج وينك بسمة مانبهتيني للشي هذا قبل مو يايه الحين ..ا والله انك فاضية انا اب أي حال عشان افكر بالدراسة انا بحرب مالها قرار ..

***********************************
في يوم عرس ابنت اخت ام فهد

استعدت كلا من ياسمين وجمان وظهرتا بأبهى صورة وكان جمال جمان طاغي جدا ولايمكن ان يتجاهل وقبل ان ترتدي عباءتها دخل فيصل اليها ليستعجلها بالخروج فلما رآها لم وقف متسمرا في مكانه وانتهزها فرصة ليغضها

فقال: بدلي ملابسك هذي
جمان : خير
فيصل: اعتقد سمعتيني
جمان: بس فيص ...ل
وقبل ان تكمل ..هي كلمة وحدة ما تطلعين جذي
جمان: من قالك بطلع جذي بلبس عباتي
فيصل: واشدعوة بتلبسينها بالعرس
جمان: خلاص بلبسها وماني فاصختها
فيصل: والتهويل اللي بويهك
جمان: تبي امسحه ولا يهمك امسحه ..اصلا انا ماني بحاجة مكياج
فيصل: مغرورة
جمان...........بعد صمت..............مشكور
فيصل: اتجه الى الباب ثم : قال : مالك طلعة من البيت ..واغلق الباب بقوة
جمان: ....................... مريض وربي انك مريض ..يا ليتني ما رديت عليك وهنت نفسي وتنازلتك ..استغفر الله العظيم ..
فيصل: يالله ياسمين
ياسمين: لحظة ننطر جمان
فيصل: ما هي يايه
ياسمين : مو معقولة بنزل اروح اشوفها
فيصل: لا اتعبين نفسك ما راح تيي
ياسمين : امي وخالتي بيزعلون ..اكيد زعلتها
فيصل: كله انا الغلطان ..
ياسمين:عيل اصبر فيصل خل اتصل بجمان يمكن اتغير رايها
فيصل : لا تتصلين تلقينها نامت
ياسمين : شنو دياية تنام الساعة ثمان
لم تستمع الى اخيها واتصلت بجمان ..
ياسمين : جمان وينك ناطرينك تحت يالله بسرعة تعالي
جمان: ياسمين روحي انا تعبانة
ياسمين : بسم الله توك مافيك شي
جمان: ياسمين لا تتاخرين خلاص مالي خلق اطلع
ياسمين : فيصل: زعلك بشي
وينظر اليها بعصبية
جمان: .................
ياسمين .....تقول في نفسها ..بطل العجب ...علمت السر ولم ترد ان تزيد هم جمان وقالت خلاص جمان خليك على راحتك

تظرت ياسمين الى اخيها وقالت فيصل حرام عليك ..ما اتدري شنو كانت جمان مستانسة قبل ما تمنعها

فيصل: ياسمين رجاءا لا تتدخلين ..حرك السيارة وانطلق ولم يبالي بجمان ..
ياسمين : وان شاء الله بعد تمنعها تحضر ملكتي وعرسي والا اقولك اشرايك تعزمها على عرسك
فيصل: فكرة حلوة ..انتوا مو راضيين تيون اعزم جمان خوش حل تسد عنكم ..
ياسمين : انت ناوي تموتها قهر ..ارحمها يا فيصل حرام عليك ..
عندما وصلوا لا صالة الأفراح . طلب من اخته ان ترجع مع والدتها مع السائق لأنه قد يتأخر عليهم

&&&&&&&&&&&&&&&&&&&&&&&&&&&&&&&&&&&&&&&&في صالة الأفراح

وصلت ياسمين صالة ألأفراح وكانت تتحاشى ان تقترب من والدتها وخالتها حتى لاتنصدم بعدم مجيئ جمان ولكنها لم تستطع تفادي سؤال فاطمة
فاطمة: وين جمان ما يت معاك
ياسمين : شكله فيصل مانعها بس مو تقولين حق امي ..
فاطمة : لا حول ولا قوة الا بالله
ياسمين : فيصل وايد تغير وين فيصل الحبوب الطيب اصلا من راحت جمان بيت اخوها وردها وهو اموريها الويل بس هي ما تشتكي وكل شي ظاهر ما يبيله كلام

&&&&&&&&&&&&&&&&&&&&&&&&&&&&&&&&&&&&&&

كانت جمان تفكر في حالها ولم تنقطع لحظة عن البكاء وهي ترى حياتها مع فيصل وصلت الى الهاوية وكانت تحدث نفسها وهي تقول :
الى متى اتحمل يا ماجد لو كنت ادري انك واخواني بتوقفون معاي جان ما ترددت لحظة اني ما ارجع مع فيصل لو امي وابوي عايشين كان ما رضوا لي بحياة الذل هذي ليش يا ماجد ما صممت ان التفاهم لازم يكون مع اخواني كلهم ..كل واحد فيكم متملل من وجودي عنده حتى بيت ابوي ما اقدر اقعد فيه وهذا انا لي نصيب فيه يعني لو صممت اخذ نصيبي واشتري لي شقة او بيت مو احسن لي من حياة الذل هذي بس ادري الكل بوقف ضدي .آه.... ليش يا فيصل منت راضي اطلقني ليش اذلني واتهيني ....كثرت التساؤلات في راسها التي لم تستطع ان تفيها باجابات ترضيها وبسبب تلك التساؤلات
لم تستطع النوم حتى اذن المؤذن لصلاة الفجر صلت ونامت من تعب التفكير ولم تستيقظ الا مع صلاة الظهر وبعد ان صلت الظهر ذهبت الى غرفت خالتها طرقت الباب ودخلت وجدت خالتها على سجادتها تسبح وتذكر بها جلست على حافة السرير وهي تنظرالى خالتها وفي قلبها هم كبير ولكنها مهما جمعت شجاعتها فلن تستطع البوح بما يحمل قلبها ..انتهت ام فهد من ذكرها
وقد صدت عن جمان


جمان: ادري خالتي انك زعلانة بس صدقيني مو بيدي
ام فهد: استأذنالك من فيصل شنو بعد عذرك
جمان: اساليه قبل ما توجهين اتهامك لي كان ودي اروح يعني في وحدة تتعدل وتلبس وترفض انها تروح
ام فهد : ودي افهم ليش يمنعك
جمان .......بعد صمت ارجوك لاتقوليله شي كل ما استفسرتوا عن شي حط حرته فيني تكفين يما تكفين ترى والله تعبت.... وين وعده لي جدامكم انه ما راح يهيني ..
قربت جمان من خالتها التي صارت تمسح على شعرها وتطلب منها ان تكف عن البكاء ....
ام فهد : خل ننزل الصالة نتريق
جمان :خالتي قولي غدا أي اريوق الحين ... بروح اقعد اليهال وانزل وسولفيلي عن العرس
ام فهد : لين ارجعوا المعاريس من شهر العسل لازم تيين حفل استقبالهم
جمان : الله كريم ..عن اذنك اروح اقعد اليهال
ذهبت ام فهد الى المطبخ لترى ما اعدته الطباخه من وجبة غداء وطلبت من الخادمتين تجهيز مائدة الطعام ..
نزلت جمان ومعها ضاري وتبعهم خالد وبسام وجلسوا عند ام فهد الى ان يتم اعداد المائدة
نزل فيصل وتوجهه الى والتده وقبل راسها
ام فهد: الا اقول فيصل اليوم جمعة ليش ما تاخذ اليهال وجمان تطلعون ترفهون عن نفسكم شوي ..
قفز الأطفال الثلاث وهم يقولون بصوت واحد: نبي المدينة الترفيهيه
فيصل : يما اليوم عندي شغل خليها يوم ثاني
ام فهد : متى يوم ثاني قول السنة الياية
جمان:خالتي انا تعبانة ومال خلق اطلع
فقال : خلاص اليوم بعد صلاة العصر نطلع مابي اعذار ..
نزلت ياسمين وطلبت منها جمان مرافقتهم ولكنها اعتذرت حتى تكمل ترتيبات حفل عقد قرانها
وبعد الغداء خرج فيصل ولم يعد الا بعد صلاة المغرب وكان الأطفال في قمة التذمر من اخلاف والدهم لوعده والذي ما ان وصل حتى طلب منهم التوجه الى السيارة اما جمان فما كانت تريد ان تذهب ولكن اصرار فيصل والأطفال وخصوصا ضاري جعلها ترضخ لطلبهم
لم تانس جمان بالذهاب فكان الصمت حليفها الا مع الأطفال

مم اثار ضيق فيصل بشدة
فيصل: تعالي نركب هاللعبة .يشير الى قطار الموت
جمان: اخاف ..كل ما اركبها تلوع جبدي وادوخ ..كل قصدها وان كان ما ذكرته حقيقة الا تساير فيصل ..
وبعد ساعتين من اللعب قال فيصل: ما شبعتوا ياله خل نرجع
خالد: نبي عشا بتودينا البيت يواعا
فيصل: انت وبعدين معاك مع اكل المطاعم
بسام: الحين يبيلنا عشا يواعا
فيصل: زين زين اشتبون سال كل واحد منهم عمّا يريد ولكنه تجاهل جمان .. وما كان من جمان الا ان قامت وتركت المكان وصارت تبتعد وتبتعد عن مكانهم وتستحقر فعل فيصل وبعد أكثر من نصف ساعة جاءت الطلبات ضاري : وين خالتي جمان
خالد: يمكن راحت الحمام
بسام : لاء ابوي ما سالها شنو تبي يمكن راحت تشتري وجبه
انحرج فيصل من كلام بسام . فقال: لا يمكن صح راحت الحمام هي مثلي ما تحب اكل المطاعم
خالد: وليش طالب لك وجبة
بعد برهة جاءت جمان وطلبت مفتاح السيارة من فيصل ولم يعتقد فيصل ان جمان ممكن ان ترجع بالسيارة لعلمه بأنها لا تحسن القيادة وتخشى القيادة ليلا وظن انها تريد الجلوس فيها
ضاري خالتي تعالي اكلي معانا
جمان : ما اعرف آكل ونقابي علي ..اخذت المفتاح وذهبت
وبعد العشاء ذهب الأطفال ليكملوا لعبهم ولكن فيصل كان قد انشغل تفكيره بجمان فاتصل عليها ولم ترد واعاد الأتصال اكثر من مرة ولم ترد فعزم على الخروج وصعق حينما وجد مكان السيارة خاليا اتصل ثانيا وايضا لم ترد ..وتوعدها بعقاب لا تنساه

فقال سائق سيارة الأجرة . ما اعتقد ان صاحبها عايش
دقق فيصل في السيارة وطلب من السائق ان يتوقف وكلما اقترب من السيارة يزداد يقينه انها سيارته
فعلا هي سيارته وهناك جثه تنقل الى السادية لتحمل في سيارة الأسعاف
حاول ن يدخل الى سيارة الاسعاف ولكن المسعفين رفضوا ذلك حتى اخرج لهم هويته وبين لهم انه طبيب وان المصابة او الجثمان الذي يحملونه هو جثمان زوجته
كشف عن وجهها فوجدها جمان وقد خرج الدم انفها وخشي ن تكون الأصابة بالراس .. و لم يتمكن من معاينته اتصل بسرعة على خالد وطلب منه ان يذهب باخوانه الى البيت وذهب فيصل مع سيارة الأسعاف حتى وصولوا الى قسم الطوارئ ..وهناك عملوا لها اللازم
وفي الصباح وحين استقرت حالتها جاءها المحقق ليسجل ملابسات الحادث بحضور فيصل ..

المحقق.. ما سبب السرعة التي ادت الى انحراف وانقلاب السيارة
جمان: كنت اسوق بهدوء لأني اخاف اسوق بالليل طلعلي واحد وصار يلحقني اضطريت ازيد السرعة والشارع كان فاضي وكا واضح يبيني انحرف الى جهة البر زدت السرعة ثر ما قدرت ووفجاة اللي اذكره اني صدمت الرصيف وانقلبت السيارة ..
المحقق: تذكرين نوع السيارة او رقم لوحاتها
جمان: السيارة نوع ....... لوحاتها ما اذكر الا رقمين ....
فلعا من المعاينة يظهر تعقب سيارة اخرى ..
المحقق: الحمد لله على السلامة ومثل الحادث صعب انة السايق ينجي بحياته
فيصل يقول في نفسه ليتك متي وافتكيت منك ..
خرج المحقق وبقي فيصل مع جمان:لم يكلف نفسه ان يتحمد لها بالسلامة
ولكنه قال: كل هذا عشان ما شريت لك عشا ..عندك افلوس قومي اشتري حق نفسك
جمان: لم ترد عليه ...وزاد حقدها عليه وصارت تنظرالى اثار الجروح الطفيفة في يدها ولم تعر كلام فيصل انتباها ....





لامارا غير متواجد حالياً   رد مع اقتباس
قديم 21-05-13, 09:32 PM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزءالرابع والعشرون

فيصل: بطلي هالأسلوب لا تغثيني
دخل الطبيب الذي باشر معاينة حالتها وكتب لها على خروج وطمانها انه لم تصب الا برضوض خفيفة ..
وفي الطريق

جمان: كنت تتمنى لومت صح
فيصل: ....نظر اليها نظره عدائية واكمل طريقه
جمان: فيصل ابي اعتمر تكفى لا تردني ولامرة طلبت منك شي
فيصل: بلا طلبتي
جمان : متى ما اذكر
فيصل: نسيتي انك طلبتي الطلاق
جمان: عمرنا ما راح نتفق انت خلاص اخترت حياتك
فيصل:شللي يمنع اتزوج وحدة ثانية
جمان: مافي شي يمنع بس انت ما تبيني
فيصل: وانتي
جمان .................................
ابتسم وهو يدرك ان جمان تحبه بل ربما تعشقه ولكنها تكابر ..والا ما الذي يصبرها عليه كما يعتقد....
جمان....بعد صمت ....مارديت علي توديني العمرة
فيصل: هاليومين انا مشغول ..
جمان..استأذن من دوامك الخميس وعلى السبت احنا رادين ..جذي اخواني يسوون
فيصل :عيل متى ما احد من اخوانك بروح روحي معاه ما عندي مانع ..
جمان... خلاص انسى الموضوع ... كنت ابي اروح معاك
فيصل : ليش
جمان: تكفر عن سيئاتك
فيصل :شايفتني كافر
جمان :معاملتك لي شتسميها
فيصل : غشمرة ..
جمان: اذا هذي غشمرتك عيل الجد عندك شلون صاير .. ........فيصل بصراحة ليش منعتني من روحة العرس
فيصل: ينظر اليها وهو مبتسم ويقول ... اغار عليك من الهواا ..... وبعدين انا ما منعتك قلتلك غبري لبسك وانت رفضتي ..
جمان : انا ما رفضت قلتلك اني بلبس عباتي
فيصل : وانا اشضمني
جمان :شايفني اكذب ..
فيصل: جايز
جمان..استغفر الله العظيم ...
وصلوا الى البيت وكانت ام فهد وياسمين في استقبالهم والاطفال
وقد رحبت بها ام فهد ترحيبا حارا مم اغاظ فيصل واراد التوجه الى شقته
ام فهد..فيصل وين رايح
فيصل :بروح شقتي ارتاح
ام فهد: اقعد ..انت ما تقولي متى تعامل جمان عدل
ينظر فيصل الى جمان..وهو يتحلطم ويقول ..لحقتي اتقوليلها
ام فهد : شقلت
فيصل : سلامتك
ام فهد :اليهال يقولون اانك ضايقتها
فيصل : انا ..متى ..جمان صج انا ضايقتك ..
جمان: لم ترد واكتفت بعدم النظر اليه
ام فهد: ليش حقرت جمان حزت العشا ترى هي مو مسألة فلوس يا وليدي
فيصل : يما جمان ما انطرت انا كنت طالب لها وانتي تعرفين انا ما آكل اكل مطاعم بس هي مانطرت وقامت ...حبيت تاكل على ذوقي
ام فهد: من الذ وق تسالها اشتبي
جمان: يما انا استأذن بروح داري ارتاح ..( لم تتحمل كذب فيصل )
ام فهد: بحفظ الله يا بنيتي
فيصل : من ادخلت جمان هالبيت وانتي بس توجبين فيها وادورين على راحتها ولا كاني ولدك
ام فهد: اسمع كلامي وبتكون فوق الكل
فيصل: واا اشدعوة مو سامع كلامك مو زواجي منها عشان ارضيك مو ردي لها كله عشان خاطرك,,يما انا بشر ليش منتي راضية اتحسين فيني فرضتي علي جمان وما عارضت ..بس هم من حقي اختاراالي اختارها قلبي
ام فهد: شللي ذابحني غير هالإختيار اللي مو بمكانه ..
فيصل: انا ريال ومن حقي اختار وانا اتحمل نتايج اختياري وانا االلي بمشي ندى على اللي اشوفه صح مو هي اللي بتمشي رايها علي ولو ما كانت تبيني ما كانت واجهت اهلها وخلتهم يرضخون لرايها
ام فهد: مثل ما ارضخوا اهلها لها مصيرك بترضخ لها..
انت شوف شلون صرت تعامل جمان من يوم ما خطبت ندى عيل لما تتزوجها اشراح تسوي بجمان ..
قام فيصل ليخرج من البيت هذي المرة
ام فهد : وانت كل ما كلمناك تبي تهد البيت وتطلع
فيصل: آمري بغيتي شي
ام فهد :اتصل فهد وقال انه بو حامد حدد يوم الإثنين الملكة وابيك تكون حاضر
فيصل: من بيحضر من عمامي
ام فهد: كل عمامك ..
فيصل: فيهم الخير
ام فهد : انت ما تستحي ما تعرف الأصول بتكون اول المتواجدين فاهم.. هي بس ملكة.. الحفلة بتكون يوم عرسك
فيصل: يما ليش تسوين جذي
ام فهد: اساسا محد بيحضر عرسك
فيصل : عمامي بيحضرون
ام فهد : بس حريمهم بيحضرون ملكة ياسمين ..وهذا الأهم عندي..وان بغيت حتى عماامك ما راح اخليهم يحضرون عرسك دام انك طلعت من شوري ..
قام فيصل وذهب الى شقته
دخل شقته وهو ينادي جمان بعصبية ...دخل غرفتها وايقضها بعنف وهي في ذهول من تصرفه ..
جمان: فيصل اشفيك
فيصل: بعصبية ..الحين تتصلين على مرت اخوك وتقوليلها تغير موعد حفلة الملكة
جمان: فيصل شنو تغير ماني فاهمة شي0 لم تكن مستوعبة ما يجري ..
فيصل: موعد حفلة ملكة ياسمين
جمان: فيصل اهدا شوي شوي علي الموعد هذا من اختصاص اهل العروس هم اللي يحددونه مو المعرس هو مو ملكة ولا عرس عشان يتحدد من اهل المعرس ..تقدر تكلم ياسمين وتقنع امها انها تغيره .
اراد فيصل الخروج الى ياسمين
فقالت جمان: اهدا فيصل انا اكلم ياسمين
فيصل: بعصبية .. الحين
جمان: هي وينها الحين بغرفتها ولا عند خالتي
فيصل: اتصلي فيها تيي اهني ..
جمان: زين ...
اتصلت بياسمين وطلبت ان تحضر الى الشقة دون ان تشعر والدتها بشي وما هي الا دقائق وكان ياسمين عندهم
لم يترك فيصل جمان تتكلم وبدا

فيصل: ياسمين انا مو اخوك اذا كنتي اتعزيني غيري موعد حفلة ملكتك
ياسمين: امي اللي حددت
فيصل: اطلبي منها ان الحفلة والملكة بيوم واحد
ياسمين : ما اقدر
فيصل: تقدرين اذا بغيتي
نزلت جمان الى ام فهد وتركت ياسمين مع اخيها
جمان: يما ..طلبتك ,..لا ترديني
ام فهد: خير يما
جمان :الله يخليك خلي الحفلة والملكة بيوم واحد
ام فهد: ليش
جمان: اذ ا ما تبين تخسرين ولدك نفذيلي هالطلب
ام فهد : فيصل طلع عن شوري
جمان: بس هو ولدك وانتي كل ما قسيتي عليه حط حرته فيني
ام فهد : بس ما راح يمدينا نسوي الترتيبات وما ادري عن ياسمين
جمان : مو مشكلة ناجل يوم او يومين اذا ما في وقت
ام فهد : ناديلي ياسمين
اتصلت جمان بياسمين عبر الإنتركم ...وبعد لحظات جاءتها
ياسمين : خير يما :
ام فهد :انتي شنو ناقصك للحفلة
ياسمين : بس احجز للصالون
جمان : مو مشكلة الصالون ..الله ما كثر الصالونات في الديرة انتي بس طلعي راسك من الدريشة وتلقين الف صالون ينتظرك
ياسمين :بس انا ابي صالون ......
جمان الحين اتصلي واحجزي مشكلةهي وبعدين اشحلات مكياجك ذيك المرة خل اتصلك فيهم ييونك البيت
ياسمين : على قولتك الكل سالني وين سويت شعري ومكياجي
جمان: اخذيها نصيحة مني لا تستعملين ادوات الصالونات والأفضل انك اتسوين كل شي في بيتك استر واضبط صج بتدفعين زيادة بس بتكونين على راحتك ..
تبين الحين اتصل احجزلك
ياسمين : يالله . ولا فيصل يقعد يعصب ..
ام فهد : على الله يا جمان يتذكرها لك ..انا بتصل على ام حامد واهلنا اقولهم عن التغيير
جمان: ما سويتها عشان يتذكرها لي ..انا اعرف فيصل ان عصب عفس الدنيا علي
بروح اقوله ان كلشي تم مثل ما يبي
ام فهد : الله يصلحكم ويؤلف بينكم
ذهبت جمان الى فيصل وكان ينتظر على نار واول ما راى فيصل جمان قال:
فيصل: شنو دبرتي من مصيبة
جمان: احسن الظن فيني ولو مرة
فيصل: ليش قدريتي اتغيرين راي الوالدة
جمان: وافقت والملكة والحفلة يوم الإثنين
فيصل:..............( أفا يا يما انا ولدك ماخذيتي برايي وعلى طول وافقتي على كلام جمان ليتك تحبيني وتعزيني مثل ما تعزين جمان يا ليت ندى مكان جمان كان مو هذا حالي )
ثم قال: لا تتوقعين انك بتتمنين علي
جمان: مو ان اللي اتمننن على الناس انا سويت شي ما اقصد فيه الا وجه ربي .. ولا اتوقع منك انك تتغير طول ما ندى بحياتك بس ودي افهم شي واحد ليش لما يتلك اكثر من فرصة انك اطلقني ما طلقت ..مو انت اللي كنت تبي طلب الطلاق يي مني
فيصل: لما انا اقرر مو انتي ..اطلق ..
جمان: خرجت الى غرفة ضاري ولم تجده ثم مرت على غرفة خالد فوجدت الثلاث يلعبون وطلبت منهم ان ينزلوا معها عند جدتهم ويكملوا لعبهم هناك ..
جلست جمان مع خالتها وياسمين ليعدون ترتيبات الحفلة
ام فهد : انا ما عزمت غير عماتك وخالاتك وزوجة فهد
وام حامد بعد قالت بس بتعزم المقربين وبالعرس الكل ان شاءالله
سمع خالد كلامهم وقال واحنا وين نروح
ام فهد وين بعد بتروح اهني في البيت مع الريايل في الدوانية ( مجلس الرجال )
**************************
في يوم حفلة الملكة

الكل مشغول وخاصة ام فهد التي تتابع ترتيبات البوفية وتغيير نظام الصالة بعض الشي
اما ياسمين فقد اثرت الذهاب الى الصالون الذي تريد بعد ان وجدت حجزا لها ولجمان اما فاطمة فكانت اول الحاضرات لتكون مع والدتها في استقبال الحاضرات ..
اما فهد وفيصل فكانا في مجلس الرجال بانتظار ذوي حامد ..
وبعد ساعات امتلاء البيت بالحضور وتصاعدت ابخرة البخور والعطور بانتظار العروس وما ان دخلت ياسمين حتى علا صوت ( اليباب ) وكانت في ابهى صورة وان كان جمالها لا يضاهي جمال جمان التي كانت آية جمالية زادتها اللمسات الفنية الناعمة جمالا اما فستانها فقد اختارت ثوبا اضفى عليها نعومة وسحرا وان لم يكن عاريا خشية من ردة فعل فيصل الا انه أظهر تقاسيم جسدها الذي تنافس به اجمل عارضات الأزياء قواما
جلست جمان بالقرب من ياسمين والتي كانت في حالة اضطراب

جمان : اشفيك ما تعرفين تقولين كلمة على بعضها
ياسمين : خايفة
جمان: من شنو كلها بس ملكة تردين بتصل علىحامد واقوله املك وخذ زوجتك
ياسمين : لاءءءءءءءءءءءءءءءءءءء يا النذلة
جمان ..تضحك الحين انا صرت نذلة..مقبولة منك بس عشان الحالة الللي انتي فيها
وبعد وقت جاءت ام فهد بدفتر عقد لقران لتوقع عليه ياسمين
وهي تقول : هذا شنو
جمان:تقول وهي تضحك .... حبل المشنقة بعد شنو ورقة زواجك وقعي ولا هونتي
وقعت ياسمين بعد ان سقط منه القلم وابتسمت جمان ونوالتها القلم ثانية
جمان : ما بغيتي اتوقعين بوقل حق حامد زوجتك كانت مترددة ماتبي توقع
ياسمين : جمانوا مو ناقصتك اللي فيني كافيني
جمان : زين يا قلبي بتصل على حامد اقوله ياسمين تبي تشوقفك وتقعد معاك
ياسمين : انتي شنو ناوية علي اليوم
جمان : لا تنسين انا عمة المعرس
جاءت ام فهد بعد نصف ساعة وطلبت من ياسمين ان تقوم الى الصالة الداخلية لتتعشى مع زوجها
ياسمين : لا بي اتعشى
جمان : خلاص انا اروح اتعشى مع المعرس انتي راقبي الجو اهني واقوله للمعرس زوجتك ما تبي تشوفك
ياسمين :جمانوا يوزي .... مو قادرة اقوم اريولي ماسكة بالأرض تعالي معاي يما لا تخليني بروحي معاه
جمان: خليك يما مع الحريم انا بروح معاها
جلست جمان مع ياسمين الى ان دخل حامد ولطفت الجو بينهما ثم تركتمهما مع بعضهما ..
انتهت الحفلة واعجبت ياسمين اكثر بشخصية حامد وكذلك هو اما العشا فلم تتذوق منه ياسمين شيئا وهو حال كافة العرايس في بدء حياتهما الزوجية ..
بقيت جمان وفاطمة وام فهد وياسمين بعض الوقت مع بعضهم بعد ان ذهب الكل وطلبت ام فهد من فاطمة ان تنام عندهم لتاخر الوقت ولكنها فضلت الذهاب
وكلا من ياسمين وولدتها ذهبت الى غرفهما اما جمان فآثرت ان تتاخر قليلا حتى تتأكد من نوم فيصل وبعد نصف ساعة ذهبت الى شقتها وما ان فتحت باب غرفتها وجدت فيصل ينتظرها
فيصل: وينك فيه
جمان: يعني ويني فيه تحت مع خالتي وفاطمة وياسمين
فيصل: من نص ساعة وكل وحدة بدراها وانتي وينك فيه
جمان: انت تراقبني
فيصل: من حقي زوجك صار يتامل فستانها الذي ينطق بأجمل جسد يرتديه
جمان : بدا الدم يتدفق الى وجهها خجلة من نظرات فيصل اليها
فيصل لو سمحت ابي اغير ملابسي
فيصل: غيري احد ماسكك
جمان: اطلع برا
فيصل: عيدي ما سمعت
جمان: قلت اطلع برا
قرب منها وجرها اليه وقال لها بعصبية اذا في احد بيطلع برا فهو انتي ناسية انه هذا بيتي وانك زوجتي ..
تحاول جمان فك نفسها منه ولكن قبضته ضمتها اليها و تمكن منها باحكام
جمان :خلاص بطلع بطلع والليي تبيه روح اخذه من ندى فكني ما ابيك
اثار هذا الكلام عصبيته فما كان منه الا ان جرها الى خارج الغرفة ومن ثم خارج الشقة صار يسحبها الى خارج البيت ايضا وهي تصيح حرام عليك وين بتطردني بنص الليل
عطتني عباتي على الاقل وحجابي
وصارت تصيح تنادي خالتها وياسمين ولم يسمعها احد فالكل نيام من تعب اليوم اخرجها خارج البيت واغلق الباب ..
لم تعرف الى اين تذهب ووذهبت الى خلف المنزل وبالتحديد عند باب المطبخ الذي ايضا كان مغلقا .. وحمدت الله ان سورالبيت تحيطه الأشجار الكبيرة حتى لا يراها احد
نامت ولم تشعر إلا بيد توقضها وكانت يد شانتا التي قالت: ماما انتي ليش نام برا بيت
تذكرت جمان ما حدث لها
جمان: روحي نادي ماما كبير شانتا مابي احد يدري زين.شانتا جَلْدي جَلْدي ..( بسرعة
جاءتها خالتها مسرعة ووانصدمت
ام فهد : يما دشي داخل
جمان: لا ياخالتي ما عاد لي مكان عندكم فيصل طردني نطرتك تقعدين عشان بس تيبيلي عباتي وحجابي ونقابي وسويج سيارتي انا طابت نفسي من فيصل خلاص .
ام فهد : انتي اشسوييتي
جمان: لو مهما سويت : ما يطلعني اب هالطريقة القذرة لو عنده غيره .لو كانت وحدة من الشارع ما سوى فيها جذي .
ام فهد : دشي المطبخ على الأقل.. اروح ايبلك ملابس
ساعدتها شناتا على النهوض وجلست على اقرب كرسي في المطبخ وجاءت اليها شانتا بكوب حليب دافي ..
جاءت ام فهد الى جمان بما طلبت الا مفتاح سيارتها لم تجده في غرفتها
ارتدت عباءاتها بسرعة وحجابها ثم قالت : الحين شلون.. ابي اروح اكيد السويج مع فيصل من دعمت سيارته خليته معاه بدال سيارته اللي دعمتها مع انه هو السبب
ام فهد : يما فكري عدل
جمان : افكر بشنو اقولك طردني ..
ام فهد : لا حول ولا قوة الا بالله ..شانتا اتصلي بالسايق يقعد يودي جمان
سمعوا حركة ووقع اقدام اتية ناحية المطبخ ولا بفيصل الذي لم يتوقعوه ابدا فهو لم يدخل المطبخ يوما
فيصل: انتي لين الحين اهني ..
جمان.......................
جاء ناحتها ومسكها من يدها وسحبها االى داخل الصالة ثم صار يجرها الى السلم فكانت تتعثر وتقع ويسحبها بكل قوة وهي في خوف شديد لا تعرف ماذا يريد وكذلك والدته
ام فهد: فيصل هد ايدها حرام عليك مهما كانت سوت ما تعاملها جذي
لم ترحمها تسولات والدته وصياحها ..
فيصل: يما لاتتدخلين بعدني ما بردت جبدي فيها والتفت الى امه وهو يقول بعصمبية يما لا تتدخلين وذهب بجمان الى فوق ودفعها وسقطت في صالة الشقة ثم جرها الى غرفتها وهو يقول ..انا يا بنت ال... ترفضيني انتي منو ظانه نفسك ان ما خلتيك تركضين وراي ووتمنين اشارة مني ..
رفعت جمان رأسها وقالت: طلقني يا فيصل
طلقني مو ذنبي اني رضيت فيك مو ذنبي ان امك اختارتني انت كلها يومين وبتتزوج وادري انك ما راح تسال عني ..عشانك بطلقني مثل ما قلت لما تققر ما علي أي ذنب لو منعتك ورفضتك ان منت مصدق روح اسال أي شيخ وشوف اشبيقولك ..حياتي معاك انتهت ..





لامارا غير متواجد حالياً   رد مع اقتباس
قديم 21-05-13, 09:33 PM   #26

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الخامس والعشرون

تركها فيصل في غرفتها وخرج ..
وجد والدته في الصالة نظراليها ثم واصل طريقة الى الباب
جلس في حديقة المنزل يسترجع ما حدث بالامس وبدا يلوم نفسه علىوحشيته ولكن ماذا سينفع اللوم لو كان قد حدث مكروها لجمان وخرجت من الببت وهي بتلك الحالة
ثم صار يقول لنفسه: ليش ما اطلقها ليش اعذبها معاي معقولة اكون احبها عشان جذي مو قادر اتخذ هالقرار..ولا خوفي من غضب الوالدة ولا من ردة فعل اخوانها من وين طلعتيلي ياجمان ..
جاءته والدته وخلفها سوبلاما تحمل صينية طعام الإفطار

ام فهد: لا تفكر بشي وتريق كلشي له حل
فيصل : كلمتي جمان
ام فهد : بشنو
فيصل : جمان تبي تتطلق
ام فهد: شي طبيعي انت كل غلطة تسويها ولا الثانية تخيلها اختك طاردها ريلها من البيت بالملابس اللي كانت لابستها جمان عاد الا اذا كانت ما عندك غيرة هذا شي ثاني اكيد ماتت غيرتك من ورا هالندى من عاشر القوم...
فيصل : يما انتي ياية تتريقين معاي ولا تلوميني وتتطنزين
ام فهد: انت اللي فتحت الموضوع .تريق وروح راضها هذا اذا رضت
جاءت ياسمين اليهم وسحبت الكرسي وجلست
وقالت يما اليوم سمعت صوت لجة وصراخ شنو كان صاير ابي اقعد من الصداع ماني قادرة استوعب ان كا اللي اسمعه صج ولا حلم
ام فهد: كنتي تحلمين يما
ياسمين: يمكن ... لا يما مو حلم صوت جمان مو حلم ولا صوت تلفزيون
فيصل: تريقي وانتي ساكتة
شعرت ياسمين ان هناك شيئا ما ولم تشا ان تزيد في الموضوع
فيصل : عن اذنكم بروح الدوام
ياسمين : اشوا اليوم محاضراتي تبتدي الساعة احدعش ..يما صج انتي ما قعدتي اليهال يروحون المدرسة
ام فهد : خليهم غايبين يوم واحد ما يأثر ..
ياسمين : عيل انا بعد بغيب محاضرة وحدة ما تأثر
ام فهد : ما كانك امس كنتي غايبة
ياسمين : عادتهم علي
ام فهد : يالله خلصي اريوقك وروحي كليتك
ياسمين : تو الناس ..بروح عند جمان ..
ام فهد : خليها اكيد الحين نامت
ياسمين : معقولة جمان تكون نامت الحين هذي تقعد مع الديك تصيح معاه .
&&&&&&&&&&&&&&&&&&&&&&&&&&&&&&&&&&&&&

في المستشفى
طرقت ندى باب مكتب فيصل ودخلت
ندى : قلت اصبح علي قبل ما اروح مكتبي
فيصل: هلا ندى شلونك
ندى : بخير ..بس انت اشفيك شكلك ما نمت عدل
فيصل: امس كانت ملكة ياسمين
ندى : يعني ما عزمتني
فيصل..............بعد صمت انتي تعرفين راي الوالدة فيك يعني ماله داعي هالكلام ..
ندى .....اف انا ماادري ليش امك كارهتني من قبل ما تشوفني .
فيصل: ندى انا مضطر استأذن وبطلع برجع البيت انا مو شايف طريقي من التعب
ندى: تبي اوصلك
فيصل: لا مافي داعي ..
اتصل على مكتب ملفات المراجعين وطلب منهم الا يحولوا له أي حاله وطلب منهم ان يعتذروا بالنيابة عنه ..
لم تستيقظ جمان الا بعد صلاة الظهر ..استحمت وتوضات وصلت وآثرت البقاء في غرفتها .
بعد وقت اتصلت عليها خالتها تطلب منها النزول
جاءت جمان الى خالتها وطلبت منها ان تجلس بحانبها

ام فهد: شنو قررتي
جمان: الطلاق
ام فهد : فكري زين
جمان: بعد اللي سواه فيصل مستحيل افكر بغير الطلاق انا خلاص ما صرت اامن على نفسي معاه ولاعندي ثقة فيه ..
ام فهد: علمتي اخوانك
جمان: انا ناطرة فيصل اقوله يطرشلي ورقة طلاقي بيت ماجد وماشية عقبها
ام فهد: استهدي بالله
جمان : لا اله الا الله .يما ترضينها على بناتك ينطرودن انصاف الليل ومن غير حجاب ولا ملابس ساترة
ام فهد.....لا والله محد يرضاها ..
دخل فيصل ونادته والدته
فقال : اذا كنتم تبون تكملون كلام الصبح ما عندي أي رغبة انا تعبان
جمان: انا رايحة بيت اخوي وياليتك اطرشلي ورقة الطلاق اهناك ..
فيصل: جمان قومي معاي ومسكها من كفها برفق ..ارجوك جمان قومي
ام فهد: يما روحي مع ريلك الله يصلح بينكم
ذهبت معه وهي كارهة ولكنها تريد ان تعرف ماذا يريد ..
فيصل: جمان انا تعبان واعترف اني غلطت بحقك بس طلعة من هالبيت ما اسمحلك ..
جمان:شلون ما تسمحلي وانت اللي طاردني
فيصل: انا تعبان ومالي خلق أي شي
جمان: زواجك عقب باجر المفروض طاير من الفرحة مو مالك خلق أي شي .
فيصل: تبين تعتمرين
جمان: ها
فيصل : اعتقد سمعتيني ..انا الحين بنام اذا كنت تبين تعتمرين قولي عشان اكد على الحجز
جمان : ما اصدق
فيصل: بسمع كلامك و اكفر عن سيئاتي
ولم تعي بنفسها وهي تطبع قبلة على جبين فيصل فهي بامس الحاجة الى هذه العمرة ..
يقول في نفسه ..احسن ما فيك انك بسرعة تتنسين وتسامحين ..
جمان: متى السفر
فيصل: الساعة خمسة نكون في المطار وفجر الخميس ان شاء الله نكون رادين
جمان: مو الخميس عرسك
فيصل: واذا ......بأكد الحجز ونام ..مو تنسين قعديني على صلاة العصر
جمان: أمرك
فيصل: يا زينك وانتي مطيعة
ابتسمت جمان وذهبت تبشر خالتها بما عزم عليه فيصل


وبسرعة حزمت جمان ما تحتاجه وفيصل من حاجات وملابس ولم تكثر
وعند صلاة العصر ايقضت فيصل صلى ثم جاءت اليه جمان بالغداء وطلب منها ان تأكل معه وعند الإنتهاء دخلت على غرف الأطفال تدعوهم للجلوس مع والدهم لوداعه


&&&&&&&&&&&&&&&&&&&&&&&&&&&&&

استمتعت جمان جدا برحلة العمرة والتي كان فيها فيصل شخص اخر غير الذي عرفته فقد رجع الى شخصية الشخص المحب الحنون ..ربما فعلا يكفر عن سيئاته ورما بعده عن ندى هو الذي يرجعه الى طبيعته ..
جمان: تدري فيصل ما ودي ارجع
فيصل : يالله ما باقي وقت على الطيارة ان شاء الله في يوم نرجع مرة ثانية
جمان : ان شا ءالله نرجع حاجين
فيصل: ان شاء الله
وعند صلاة فجر الخميس دخلوا المنزل ولم يشاؤا ان يخبروا احدا بمجيئهم ..
صلت جمان الفجر وكذلك فيصل واستغرقا بعدها في النوم ..ولم يستيقضا الا بعد صلاة الظهر ..
ايقضت جمان فيصل ليصلي قبل ان يفوته وقتها


فيصل ..ما ودي اقوم جسمي مكسر ..اشوي عشر دقايق واقعد
جمان : عشر دقايق بتجر عشر غيرها وتلقى نفسك على صلاة العصر ..امسكت يده ليقوم ولكنه سحبها اليه
جمان: فيصل وراك صلاة قوم
فيصل : وبعد الصلاة
جمان: يالله قوم واستطاعت ان تفك نفسها منه وخرجت من الغرفة ونزلت الى خالتها التي فرحت برؤيته
ام فهد: بشري شلون الرحلة
جمان: يما احس اني وحدة ثانية حاسة براحة كبيرة اول شي شكرت ربي على نجاتي من الحادث
ام فهد : شلون فيصل
جمان: حتى فيصل صار واحد ثاني
ام فهد : الحمد لله على فضله ..عسى بس ندوواااا ما تغيره عليك
جمان : يما لا تيبين سيرتها هذي اسمها يقلب حياتي مع فيصل فوق تحت الحين بس لو دقت عليه يقلب عليه
ام فهد: كلها ساعات وبكون عندها شتسوين حزتها
جمان : ولا شي ...انا ما اقدر اغير شي فيصل يحب ندى
ام فهد : قوليلي بصراحة انتي تحبين فيصل
جمان :صج هو قسى علي وايد بس ما انسى لما انقطعت علاقته بندى كنت عايشة معاه اجمل ايام عمري
ام فهد: يعني تحبينه
استحت جمان ونزلت راسها
ام فهد : حافظي على ريلك
جمان : شلون شوري علي ..
ام فهد : دلعيه وطيعيه
جمان: كل هذا سويته لما يقلب ما ااقدر اواجهه
رن تنبيه وصول رسالة
فتحتها
...اليوم عرسي يا جمان على ريلك والخطوة الثانية انه يطلقك ..هذا جزاك لأنك حطيتي راسك براسي اذا كنتي ناسية اذكرك ..الدكتورة ندى
قرات المسج لخالتها واخذت النقال منها لتقراه بنفسها ثم قالت : حقيرة
جمان: هذي حقودة السالفة صارلها شهور وانا حتى نسيتها
ام فهد: شنو سالفته
جمان: تذكرين لما وداني فيصل المستشفى عشان ظهري شفتها ووقفت فيصل انا ناسية بالضبط ما اذكر شنو صار بس اتذكراني قلت لها كلمة وقفتها عند حدها أي تذكرت قلتها اسلوبك سوقي
ام فهد : راوي المسج حق ريلك وهي اب هالمسج تثبت ان اسلوبها سوقي
جمان : الحقران يقطع المصران ..بس هي من وين يابت رقمي مو بيدة من نقال فيصل..
ان مصختها برفع عليها قضية ازعاج ..
ام فهد: بس جذي بتقهرين فيصل
جمان : حلال عليه بس يقهرني
دخل الأطفال الثالث راجعين من المدرسة اتجهوا الى جدتهم يقبلونها وجمان ثم دخلت ياسمين يتحمدون لجمان بالسلامة ..
نادت ام فهد الخادمات ليجهزون مائدة الغداء وذهب الأطفال لتبديل ملابسهم وكذلك ياسمين ثم ذهبت الى شقة اخيها تتحمد له بالسلامة

ثم قال لها فيصل: ياسمين اتعزيني
ياسمين : اكيد
فيصل: تكفين تعالي عرسي
ياسمين : مستحيل ما اقدر تعصب علي الوالدة بعدين اليوم بالذات لو طلعت بتحسبها علي وبدقق وين رحت وين ييت
دخل ضاري وتبعه اخوانه يسلمون على والدهم
ضاري: يالله قب بالهدايا مو تبلعها علينا
فيصل: يعني مو ياي تسلم لله عشان الهدايا ..هالمرة مامدانا نيب هدايا كنا مستعيلين اوعدكم المرة الياية
بسام: عيل بتكون الهدايا دبل عن هالمرة والمرة الياية ..
فيصل: تم
ياسمين :يالله خل ننزل نتغدا
وهم على مائدة الغداء
بسام : يبا انت صج ببتزوج اليوم
غص فيصل من سؤال بسام الغير متوقع
ام فهد : وانت من قالك
بسام :ولد صفي عبدالعزيز يقول انك بتزوج عمته
فيصل: السوالف هذي عيب تتدخل فيها
بسام: انا شكوا هو يقول
خالد : يبا وين اتسكنها ترى الشقة ما فيها مكان و وانا ماني قاعد مع اخواني بدارهم
ام فهد: لا تخافون ست الحسن ما تسكن بشقق
قامت جمان الى غرفتها فلم تستحمل الكلام وبعد برهة جاءها فيصل يؤكد لها انها ستكون معززة مكرمة لها حقوقها كما لندى ..
جمان: انا ما قلت شي عن زواجك رفضت ولا وافقت رايي لا يحل ولا يربط بس مو تنساني نفذ وعدك ولو مرة
غضب فيصل وبان ذلك على تعابير وجهه
جمان : غصبن عني فيصل مو بيدي
فيصل: الحلو يحب
نزلت جمان راسها واحمر وجهها خجلا ..
جمان تتكلم بهمس ودلال وهي منزلة راسها متى ترجع
فيصل: متى تبني ارجع
جمان: عن الغشمرة
فيصل : وانا صاج ..انتي متى تبيني ارجع
جمان: انا ما ودي تفارقني
لم يتحمل فيصل دلالها وهمسها وجمالها وضمها اليه ....رن نقاله فأغلقه...............
&&&&&&&&&&&&&&&&&&&&&&&&&&&&&&&&&&&&&&&
ندى في الصالون
تتصل على فيصل ولا يرد
وتحدث نفسها وتقول: لا يكون راوته المسج وعصب علي
عيل ليش ما ردت علي
كانت جدا متوترة لدرجة انها طلبت من الكوافيرة ان تعيد لها تسريحة شعرها مرة اخرى وطلبت ايضا تغيير مكياجها ..
&&&&&&&&&&&&&&&&&&&&&&&&&&&&&&&&&
في بيت ام فهد
ياسمين: يما بمر فاطمة عشان اكمل باجي التجهيزات
ام فهد: بحفظ الله
نزل فيصل وماسك بشته المصفت بيده اليمين ويحمل كيسا اخر فيه ملابسه ..
ام فهد: وين ..شافت جمان بشتك
فيصل: قالتلي مو جدامي تكشخ روح أي مكان ثاني بس مو جدامي
ام فهد: زين منها صابرة انا لو منها جان قطعت البشت واللي اب هالكيس ..
فيصل: يما انا طالع تبين شي ادعيلي يما
ام فهد: الله يهديك ويصلحك
فيصل: يما ترى انا ما قلت حق جمان ابك تقوليها اني بسافر لمدة شهر
ام فهد: يا حسرتي عليك يا جمان بعد تبني اقولها ..روح تسهل روح ..
ياسمين : وين بتسافر
فيصل: سويسرا ..
ياسمين يا بختها ندى اقول حق حامد نروح لندن شهر عسل يقول ما احب الدول الغربية شكله يما بلبسني نقاب

ام فهد : مع انه مو باين عليه متشدد
ياسمين يما هو مو متشدد بس غيور ..
ام فهد : هذا الريال السنع
فيصل: عن اذنكم تأخرت






لامارا غير متواجد حالياً   رد مع اقتباس
قديم 21-05-13, 09:35 PM   #27

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء السادس والعشرون

انقضت اسابيع شهرالعسل ولم يتذكر فيصل جمان باتصال واحد وان كان احيانا يتصل بوالدته وقد رجع من السفر منذ عدة ايام ولم يعلم بذلك احد ..
**********************
كانت جمان في حالة سيئة لعلمها باتصال فيصل بوالدته وتجاهلها وبينما كانت تفكربفيصل جاءها اتصال
المتصل بسمة

جمان: هلا بسمة شلونك
بسمة : قلت اتصل اشوف انتي ميتة حية
جمان: فيك الخير
بسمه : اشفيه صوتك
جمان : ولا شي
بسمة: شنو ولا شي انتي باجية
جمان: قلتلك تعبانة شوي
بسمة : المهم ترى بد التسجيل للماجستير بمر عليك باجر ونروح نسجل
جمان: لا بسمة مالي خلق للدراسة صدقيني
بسمة : مو بكيفك ..وبعدين بعد جدامنا تسجيل واختبار قبول.. الله العالم ننقبل ولا يشوتونا شلتنا كلها بتسجل .
باجر الساعة ثمان انا عندك يالله مع السلامة
تمت جمان تفكر هل تستأذن فيصل ام تسجل وعند القبول تخبره
ثم قالت في نفسها : اخاف اقوله يرفض اسجل واسكت وشلون ما تيي تيي .هذا من الحين نساني ..واشدعوة بمرالبيت الصبح ويدري ان كنت موجودة او لا اهم شي اعلم خالتي ..
جاءها الثلاثي ودون ان يطرقوا عليها الباب
يصرخون بصوت واحد : يما ابوي رجع تحت عند جدتي ..
احست جمان ..برعشة ورهبة ولكنها سرعان ما انتبهت لنفسها
كيف ستكون المقابلة بينهما هل رجع فيصل لطبيعته القاسية ام كما كان قبل خروجه من عندها
خالد : يالله يما نزلي جدتي تقول نزلي بسرعة ..
جمان : اسبقوني الحين بنزل
نظرت الى نفسها في المراة ..ووضعت لمسة خفيفة من المكياج وغيرت ملابسها ونزلت
ام فهد: تعالي يما سلمي على ريلك
اقبلت على فيصل الذي لم يكلف نفسه بالنهوض فاكتفت بالسلام عليه بالكلام دون ان تصافحه
كان طوال الوقت يحدث والدته او ياسمين او احد اطفاله ولم يلتفت الى جمان
تحدث جمان نفسها وتقول ..ردينا للزمان الأولي ..عمرك ما راح تتغير
بدء ينادي الأطفال ويعطي كل منهم هديته ثم قال : اما انتي يالغالية ويقصد والدته فهذه هديتك
ياسمين : هذي هديتك وهدية ريلك وهذه هدية فاطمة وعيالها وزوجها ...
يما هذي هدية سوبلاما وشانتا ..والسايق
ام فهد : يما فيك الخير حتى هذيل ما نسيتهم
ظن الجميع ان هدية جمان ستكون شي اخر فلذلك اثر ان يعطيها اياها عندما ينفردان ولكنه استأذن وخرج .. شعرت جمان بحرج كبير مم جعلها تؤثرالذهاب لغرفتها لحقها ضاري وقال لها يما : هاك هذي هديتي ما ابيها ..
خالد انا بحط الهدية بكرتون ولما ايي ابوي عطوه اياها ما ابيها
ثم قال بسام انا بعد
جمان: ليش افتحوا هدياكم خل نشوفها مع بعض ان ما فتحتوها ترى ازعل منكم
صار كل منهم يفتح هديته وتبدي اعجابها بها وفي قلبها غصة من تصرف فيصل ..
اما ام فهد فقد رمت الهدية وقالت لياسمين ان كنتي تبينها اخذيها ولاّ عطيها الخدم ..
جمان: لا خالتي لا تسوين جذي
ام فهد : لما يعرف فيصل الأصول ذيك الساعة اتقبلها منه ..
تذكرين مسج ندى ولا اذكرك ..
ياسمين : يما أي مسج
ام فهد: انتي خليك ابحالك
جمان: يما انا طالعة فوق تبين شي
ام فهد: الله معاك يما ويكون بعونك
صمّمت جمان الاّ تذكر امر تسجيلها للدرسات العليا لفيصل فقد رجع لطبيعته القاسية
ولكن الدموع لم تتركها في حالها ..وتقول : ليش يا فيصل تحب تحرجني كنت من اروع ما تكون قبل ما تسافر ليش يا فيصل كا ما قربت منك اتبعدت ليش كل ما حسيت بالامان رجعت للخوف مرة ثانية منك..حتى الخدم تذكرتهم ..لكنك عديتني مع اللي يخم جدام البيت وغسّال السيايير اللي ما تذكرتع بشي ..
يا ترى لوكنت تزوجت عادل جذي كنت راح اسوي بزوجته .... ولا هو راح يهملها ويضايقها ويحرجها ...
صارت تنظرالى نقالها ..وهي مترددة هل تتصل فيه ام تتجاهله كما تجاهللها
ثم قالت يا خوفي بتم طول عمري جذي معلقة ..


&&&&&&&&&&&&&&&&&&&&&&&&&&&

صباح يوم جديد

اخبرت جمان ام فهد بما تنوي عليه وطلبت منها لا تخبر احدا ولو كان فيصل وذهبت لتسجل واختارت ان تكمل في قسم الصحة النفسية ..
طوال الطريق وهي تفكر في الاتصال بفيصل ولكنها كلما تشجعت تراجعت لاحظت بسمة قلق صديقتها

بسمة: انتي فيك شي مو طبيعي
جمان: يتهيالك بس يبمكن عشان مو نايمة عدل وصلت الى البيت وطلبت من بسمة ان تنزل ولكنها اعتذرت ..
ام فهد : ها بشري
جمان: الحمدلله سجلت والنتايج بعد المقابلة والإختبار
ام فهد : بعد فيها اختبار
جمان: لا زم اروح بيت اخوي ايب كل كتبي بس خايفة من فيصل يشوف الكتب ويحس
ام فهد : انتي ليش خايفة
جمان: ما اضمن فيصل انه يوافق يخليني اكمل دارستي انتي تعرفينه ان قلت يمين قال يسار
ام فهد : مو مشكلة خليهم بغرفتي وانا اخشهم لك ..
جمان: مشكورة خالتي ما قصرتي ..
ام فهد: إلا فيصل ما اتصل فيك
جمان : لاء
ام فهد :انا بتصل عليه
جمان: اذا بتكلمينه عني ارجوك خالتي لاء خليه على راحته ..
ام فهد: بقوله عن عرس اخته بعد اخاف يقول مواعيد وخرابيط
جمان: على راحتك
&&&&&&&&&&&&&&&&&&&&&&&&&&&&&&&&


المكان المستشفى

ام فهد : شلونك يما
فيصل : بخير هلا بالغالية
ام فهد: انت وينك فيه
فيصل : في المستشفى
ام فهد: اقصد وينك ما تمر ولاتبين
فيصل: ان شاء الله اليوم المغرب بكون عندكم
ام فهد وليش ما تتغدى عندنا ..
فيصل: مرة ثانية اتغدى عندكم
ام فهد: ايه هين .. مرة ثانية..المهم ناطرينك مومثل ذيك المرة تحسب الدقيقةعلى قعدتك
دخلت اليه ندى وهو يكلم والدته التي انتهى من مكالمتها
ندى : من تكلم
فيصل: الوالدة
ندى : اشتبي
فيصل: الحين انتي لما تكلمين امك اقولك اشتبي
ندى : امي غير تحبك وما تكرهك مثل ما تكرهني امك
فيصل: اشقصدك :
ندى اخاف تخربك علي
فيصل :تطمني امي مو من هالنوع
ندى : يعني اليوم بترو ح عندها
فيصل: عندك مانع
ندى : لا ما عندي مانع بس لا اّطول سامع
فيصل: واذا طولت
ندى : لا تلوم الا نفسك ..
فيصل: تهديد
ندى : احبك
فيصل: اذا جذي مقبولة منك يالله روحي حق مكتبك خل اشوف شغلي .

&&&&&&&&&&&&&&&&&&&&&&&&&&&&&&&&&&

في بيت ابو فهد مساء

تنتظر ام فهد والثلاثي وياسمين فيصل بينما جمان في غرفتها فقد رفضت ان تنزل لأستقباله
وصل فيصل وسلم على والدته واطفاله وياسمين وصار يتبادل الكلام مع والدته وكان محور كلامهم موعد زواج ياسمين الذي قرب .
ام فهد ..انت منت حاس انه في شي ناقص
فيصل: لاء
ام فهد : متاكد
فيصل : ينظر حوله ...مافي شي ..
ام فهد : معقولة يا فيصل منت حاس انه جمان موموجودة
فيصل: وينها فيه
ياسمين: بيت اهلها
فيصل: ليش
ياسمين : اسال نفسك
خالد: احنا عطينا هدياتنا حق جمان كلنا
ضاري: وامي قطت هديتك وعطتها للخدم
فيصل: شنو
ام فهد : بعد شنو يعني تقهر بنت الناس عادي وهي متحملة عصبيتك وزاوجك وهجرك
فيصل: الحين هي وينها فيه
ام فهد : قالتلك ياسمين
فيصل: من متى
لم يرد احد فقال : اا ناقص عوار راس
ام فهد :ليش ما ذكرتها بهدية ترى الهدية مو بقيمتها بس بذكرك للي تحبه بشي
فيصل: نسيت
ام فهد نسيت : ولا ندى ما خلتك او خفت منها تشتري شي حق جمان
فيصل: يما انا شريت هدية حق جمان بس انكسرت
ام فهد: اكيد اكسرتها ندواا
فيصل في نفسه يقول : حريم تعرفون حق بعض .
ام فهد الحين شلون ما تبي تراضيها
فيصل: لما افضى اروح لها
ضاري اصلا امي فوق مااطلعت من البيت
فيصل: امك
ضاري: إي امي ..واللي يزعلها ما احبه
ام فهد : هاك خذ هالدهية عطها على انك يايبها
قام وذهب اليها ولكنها كانت قد اغلقت باب غرفتها لعلمها بوجود فيصل
فيصل: جمان .افتحي الباب
جمان:......................
فيصل: ردينا على هالطبع البايخ
جمان.........................
فيصل: افتحي الباب لا تخليني اكسره .بعد للعشرة ان ما فتحتيه كسرته
فتحت الباب وتراجعت عنه
فيصل: يقولون زعلانه
جمان: ..........................وبعد صمت ارادات ان تخرج من الغرفة ولكن فيصل منعها
فيصل: انا قلت لما نكون بروحنا اعطيك هديتك
لم تمد يدها لأخذها ووضعها فيصل فوق الكوميدينا
فيصل: شاللي مزعلك
جمان : انت من متى راد من السفر
فيصل: ليش
جمان: انت من زمان في الديرة ليش ما سالت عني قلت يمكن لهى عني وهو بشهر العسل وما تنلام بس لما رديت تجاهلتني حتى وانا يمك انت ليش بس تبي تقهرني
فيصل: انتي تتوهمين
جمان: اتوهم انك تحبني وتبيني بس انك تكرهين مستحيل يكون هالشعور وهم
انت قاعد تنفذ كلامك انك لما تتزوج ندى بكون الهامش
فيصل: انتي الحين اشتبين بالضبط ..شاللي يريحك
جمان: تعتقني لوجه الله ولا تعذبني معاك ..
فيصل: اوه ما صارت كل دقيقة والثانية تبين تطلقين
جمان: عاملني عدل واعدل بيني وبين زوجتك وعمرك ما راح تسمع هالكلمة مني
لا تظن اني مصدقة انك انت من شرى هالهدية ادري انها خالتي تدري ليش لانه خالتي كانت شاريه هديتين حق بنت وحدة من صديقاتها بمناسبة زاوجها ونست خالتي ان الهديتين بنفس لون التغليف ..
فيصل: صدفة
جمان: تبتسم ابتسامة تملوؤها الضق والحسرة
اذا تبي ارضى عنك تعدل بيني وبين ندى والشرع يقول انه يوم عندي ويوم عندها وغير جذي ما ارضى ومثل ما تعاملها تعاملني ..
نظر اليها نظرة طويلة ثم قال : عن اذنك ..وخرج ..
ونزل الى الصالة
ام فهد ان شاءاالله تصافيتيوا
فيصل: وين عشاك يالغالية تراني ميت يوع
ام فهد: ما تنطر جمان
فيصل: اذا بننطرها منتي معشيتني ..يما انتي الحين لما غلفتي الهدية لازم مثل الهدية اللي يبيتها حق بنت ارفيجتك
ام فهد..وييييييييييييي يا قردي ..واكيد انتبهت جمان..وعصبت ازيادة
فيصل: ها انتي قلتيها ..
بعد ان انتهى فيصل من العشا استاذن وخرج ..

&&&&&&&&&&&&&&&&&&&&&&&&&&&&&&&&&&&&&&&&&

التهت ياسمين بالتجهيز لعرسها اما جمان فقد انشغلت عن فيصل الذي لم يعد يسال عنها بالأستعداد لأختبارات القبول التي اتمتها بنجاح وتم قبولها وبسمة وامل اما البقية لم يحالفهم النجاح ..
بسمة تكلم جمان: هذي اللي تقول مالي خلق ادرس واعلى نسبة نجاح
جمان: انتي من وين يبتي الخبر قاعد اتابع الجرايد وما نزل شي
بسمة " طرق خاصة يما اتعرفين فيتامين واو..
جمان: لا ما اعرفه
بسمة: هو اللي يابلي النتائج بالتفصيل بعد يومين لازم نكمل اجراءات القبول
جمان: بعد
بسمة بعد في اختبار مستوى في اللغة الإنجليزية
جمان: حاسة ناسية كلشي
بسمة مو ذات اهمية الدراسة بالعربي بس لازم هالإنجليزي ورانا ورانا
جمان: ما يمديني ادخل معهد اقوي اللغة عندي
بسمة : مو مشكلة بتاخذين تمهيدي اذا رسبتي اهم شي النجاح في مقابلة التخصص واجتزتيها.
جمان : اتصلي فيني وبلغيني
بسمة: اكيد عيل اخليك اتهونين انا وراك وراك ..يا سلام يا جمان لو صرنا معيدات في الكلية ولا دكتورات ..
جمان: تدرين وايد انتي حمستيني لولا دفعك لي ما كان عتبت هالمكان ..
ودي اصير طبيبة نفسية
بسمة ..وبعدين يصير مقرك الطب النفسي وتستخفين علينا .بعد الماجستير نبي نكمل دكتوراة شنو طبيبة نفسية .. تبين تصيرين مثل ريلك طبيبة
يالله اشوفك على خير وانطري مني اتصال عشان نكمل باجي الإجراءات
جمان.. مع السلامة
انتهت المكالمة وسرحت جمان فيما يمكن انن تصل اليه من مستوى علمي تنافس به فيصل الذي يجهز للبعثة الدراسية في بريطانيا وقد تستغرق فترة من الزمن ليست بالقصيرة ..وفرصة لها ان تكمل في هذا الوقت ايضا دراساتها دون علم فيصل ..
نزلت جمان الى خالتها تبشرها بقبولها

ام فهد : مبروك يا قلبي وان شاء الله يوم اشوفك ومعاك الشهادة الكبيرة وحوالينك عيالك
جمان: انسي يما انسي هالموضوع
ام فهد: ليس يما فاقدة الأمل
جمان: هو وينه فيصل من متى ما عتّب البيت صارلي شهرين ما شفته.. عياله ما سال عنهم عشان يسال عني ..
ام فهد : ليش ما تتصلين فيه او اطرشيله رسالة
جمان: ما اقدر اذل نفسي له كافي اللي طاف وتحملته احس نفسي مثل الهبلة لما اصحى على خيانته لوعوده .
ام فهد : لا حول ولا قوة الا بالله .

&&&&&&&&&&&&&&&&&&&&&&&&&&&&&&&&&&&&&&&&&

يوم جديد

في شقة فيصل وندى
ندى : فيصل متى تشتري بيت بصارحة انا استحي اعزم بنات خلالتي في هلاشقة
فيصل: شقتنا من افخم الشقق اشفيها اثثتلك اياها من احسن مصانع الأثاث
ندى : فيصل حبيبي يعين مافي امل
فيصل: حبيبتي ما عندي سيولة وبعدين احنا كلها كم اسبوع بنسافر نكمل دراستنا ولا انتي ناسية ولما نرجع يصير خير ..
ندى: توعدني لما نرجع تشتري بيت
فيصل: على حسب الظروف
ندى : خذ قرض من البنك
فيصل: هذا مو وقت هالكلام قلتلك لما نرجع يصير خير ..
ندى اليوم بروح بيت اهلي كل بنات خالاتي متيمعين وابي ابات اهناك لين السبت
فيصل: اليوم والجمعة والسبت حرام عليك
ندى : من زمان ما اجتمعت فيهم ومشتاقه للوالدة ..
فيصل: زين وانا وين اروح
ندى: روح حق ربعك تمشى شوف التلفزيون ..
فيصل: ...........................بينه وبين نفسه يقول صج انانية ..زين قولي روح شوف امك على الأقل ..

&&&&&&&&&&&&&&&&&&&&&&&&&&&&&&&&&&&&&&

في بيت ابو فهد

جمان: الحمد اطلعت نتايج المستوى وكملت باجي الإجراءات وعلىالسنة اليديدة ان شاءالله ابتدي ..
ام فهد: الله يوفقك يا بنيتي
جمان : الا وين ياسمين
أم فهد: بعد وين بتكون قاعدة فوق وفاتحة هالمجلات ادور على شكل مناسب لها للمكياج
جمان: زين ليش ما تسوي بروفة المكياج والتسريحة احسن من هالدوخة
ام فهد : ما اعرف سوالفكم
جمان: خل اناديها ..اتصلت بها عبر الإنتركم
وما هي الا لحظات وهي عندها
جمان : انتي ليش متعبة نفسك ودوري في المجلات ليش ما تروحين نفس الصالون اللي حاجزه فيه اختاري من الكاتلوجات والصور المعروضة ..
ياسمين : انا متفقة معاهم بس قلت يمك القى شي احسن ..جمان ترى لازم تيين انا حاجزتلك معاي
جمان: ما حجزتي حق ام يوسف
ياسمين : ما تبي عشان تبي تكون مع امي تستقبل الناس
جمان: على ما يي يوم الخميس الياي الا انتي ناقصة نص وزنك تغذي عدل مو تسوين رجيم وبعدين يغمى عليك واضطر اشيلك
ام فهد : ليش اتشيلينها ريلها يشيلها
ياسمين: يما استحت واحمر وجهها
وتعالى صوت ضحكهن
ياسمين : اسم الله علي اصلا جسمي نحيل رباني لو مهما آكل ما يبين علي
جمان: ما شاء الله ..
دخل فيصل ولم يشعروا به فهو لم يعرف الى اين يذهب بعد ذهاب ندى الى اهلها
فيصل: السلام عليكم
ارتعبت جمان واضطربت حتى انها لم تستطع ان ترد السلام وكانها عروس لاول مرة تلتقي بعريسها ..
ردت ام فهد وياسمين السلام
..
فيصل: متيمعين ضحكم واصل برا ضحكوني معاكم
جمان : استأذن
ام فهد : يما قعدي وين رايحة
جمان: اروح اشوف اليهال اناديهم يسلمون على ابوهم
ام فهد:قعدي اتصل عليهم من الانتركم
كانت نظرات فيصل تلاحق جمان التي شعرت بحرارة تشتعل في جسدها لشعورها بنظرات فيصل وان كانت تحاول الا تنظر اليه الا خلسة وبغفلة منه ..
ام فهد : بتتعشى معنا ولا مستعيل

فيصل: بتعشى وبتريق وبتغدا وبتعشى وبتريق
ام فهد: ندى اموتك تيوع
فيصل: بقعد ثلاث ايام عندكم اعوض اللي طاف .. عندكم مانع
ام فهد: الشمس من وين طالعة
فيصل:يما هذا يزاي ( واراد ان يقوم ليخرج
ام فهد: اقعد وين رايح يا كلمة ردي مكانك (تتحلطم بينها وبين نفسها شكل الميزونة طاردتك ولا هذي مو عوايدك )فيصل: يما شقلتي
ام فهد : سلامتك ولا شي ..ياسمين يما روحي قولي لشانتا تزهب العشا
جمان : صبري ياسمين بيي معاك
لاحظت ام فهد ملاحقة نظرات فيصل لجمان
فقالت: دامنك مشتاق لها لهالدرجة وينك عنها من شهرين
فيصل: يما مشغول وتوني فضيت
ام فهد : اللي تسويه الله ما يرضى عنه تدري ان الليي يتزوج ثنتين ويهمل وحدة على حساب الثانية يوم القيامة يمشي مايل على جنب انت وايد ظالمها يا فيصل والبنت صابرة ولا تتكلم فيصل:يما دامنها راضية ارجوك لا تتكلمين وبعدين انا لما رحعت من السفر حوالت اراضيها وهي ارفضت
ام فهد : انت لو فعلا تبي تراضيها جان حوالت مرة واثنين هذي حجة يا فيصل
زين انت تدري ان عرس اختك الخميس الياي
فيصل: محد قالي
ام فهد: هذا انت دريت ..اليوم تراضي جمان وتعدل بينها وبين ندووا ولا ترى ما تشوف مني طيب .
فيصل: اقول يما ..جمان هذي بنتك ولا بنت اختك ولا اختك اشوف وايد ادافعين عنها
ام فهد: انا ادافع عن الحق
جاء خالد واخوانه الى ابيهم وسلموا عليه وجلسوا حوله ولكن كل حديثهم مع جدتهم وهو في كل جملة يطرون اسم جمان مم زاد غيض فيصل
فقال: حتى انتوا ما عندكم الا جمان ..
ام فهد :الغيوم ما تحجب الشمس
اعدت ياسمين وجمان مائدة الطعام وكانت جمان مترددة بين ان تجلس معهم وبين ان تذهب الى غرفتها ولكن ياسمين ثبتتها
ياسمين : اركدي وجابلي ريلك لي متى وانتوا مثل الفار والقطو هذي فرصتك
جمان: كم مرة طاوعته وعقيها يذلني ويهملني ولا يسال عني
ياسمين : استغلي الوضع باين انه في شي بينه وبين ندى ولاّ ليش بيقعد عندنا كل العطلة
جمان: عيل بس يتصالحون برد على طبعه
ياسمين: لا اطوفين هالفرصة
جمان: ما اقدر ما اقدر
ياسمين : عيل ان طارمن ايدك لا تلومين الا نفسك
جمان: اشدعوة هو مو طاير
ام فهد : تنادي جهزتوا العشا ولاّ بعد
ياسمين : يالله حياكم
ارادت جمان ان تذهب ولكن ياسمين مسكتها من يدها واجلستها على الكرسي جبرا
جسلت ام فهد على راس المائدة وعلى يمينها فيصل وعلى يسارها جمان التي لم تستطع ان ترفع عينها في فيصل اما ضاري فهو من كان يجلس بجانب جمان ثم بسام ويليه خالد وياسمين جلست بجانب اخيها .

فيصل: جمان عطيني الملاحة
اضطربت جمان وارتجفت يدها فاخذت ام فهد الملاحة من يدها المرتجفة واعطتها لفيصل
لاحظ انها لا تاكل ولاحظ اضطرابها مم جعله يفكر فيما يزيد اضطرابها

فيصل: جمان ليش ما تاكلين
جمان: بلعت ريقها وارتبكت وخرج الكلام منها متقطعا قا...عدة آك..ل
مد يده اليها بقطعة من الستيك ولكنها احرجت
ام فهد: يما اخذيها
جمان: ما اح.....ب اكل لحم بالل......يل
فيصل: اكليها بترديني ..
جمان...هــا .... ما اشتهي
فيصل: ما تشتهينها لأنها من ايدي
نزلت راسها ووضع قطعة السيتك في صحنها
فيصل: يما ترى ندى حامل
هنا ازداد اضطراب وضيق جمان وقامت
فيصل: كملي عشاك
جمان:قالت ولم تلتفت اليه ..شبعت ..
فيصل: اشفيها انا قلت شي
ام فهد : انت قاصد اتغيضها واتضايقها
فيصل: وشللي يغيض في ان ندى حامل مصيرها هي بعد بتحمل
ام فهد : انت ناسي اللي سويته
فيصل: وانا كل ما ييتكم فتحتوا لي ملفات قديمة
ام فهد: من عمايلك ولا في واحد هاجر زوجته ما يدري عنها من شهرين أي شهرين الا من يوم ما تزوجت يبشرها بحمل ضرتها انت صاحي يا فيصل انت ناوي اتينن زوجتك هي عدوتك ولا زوجتك ..
ام فهد : كمل عشاك واقعد مع عيالك خل يحسون في ابوتك وجودك حوالينهم
انتهى الجميع من العشا وجلس فيصل مع ابنائه وياسمين ووالدته





لامارا غير متواجد حالياً   رد مع اقتباس
قديم 21-05-13, 09:36 PM   #28

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء السابع والعشرون


كانت جمان في غرفتها التي اغلقتها عليها خوفا من مجيئ فيصل فهي لا تريد ان تراه وخاصة بعد الخبر الذي سمعته ومن غير استأذان كانت الدموع تنساب من عيينها ومما زاد غضبها حرارة التكيفف فيبدو ان وحدة التكييف تعطلت ايضا ..
جمان: حلو اكملت نار من كل صوب ..الحين انا وين انام وفيصل اهني ما كو الا غرفة ضاري وبسام ..ودي اقعد بروحي وما اشوف احد... ولا ليش ما اروح بيت ماجد على ما نتتهي زيارة فيصل .
دخل فيصل شقته واول ما توجه الى غرفة جمان ولكنه وجدها مغلقة
فيصل: جمان افتحي الباب ...مصيرك ابتفتحينه لي متى يتقعدين داخل
تحدث جمان نفسها وتقول: صوته يرعبني ..ليش انا خايفة ...زين اشيبي توه تذكرني على قولة ياسمين اكيد في شي بينه وبين ندى ولا ليش ياي ..ومن تنتهي المشكلة اللي بينهم تاليتها يرجع لها ويهملني الأحسن اتحاشاه كثر ما اقدر انا ماني لعية ابإيده .
فيصل في غرفته ولكنه يترقب ان تفتح جمان الباب فمنذ ان رآها تحرك الحنين اليها وكان يظن ان خبر حمل ندى قد يقربها اليه ..
وبسرعة فتحت باب غرفتها ونزلت الى الصالة ووجدت الأطفال ما زالوا يلعبون فطلبت منهم ان يتوجهوا الى غرفهم ليناموا
وقالت لخالتها : يما مكيف غرفتي حار اتصلي باجر على الشركة يون يصلحونه
ام فهد: قولي حق ريلك الاحسن انه هو يتفاهم معاهم توها الوحدة ما صارلها سنة شلون تخترب.. كفالتها لين الحين ما خلصت ..
جمان :خالتي انتي تدرين إني ما اكلم فيصل
ام فهد : غلطانة لازم تستغلين الوضع اشفيك انتي
جمان: يما ارجوك ..فيصل بيرجع لندى وبينساني الحين المشكلة انا وين انام
ام فهد :بغرفة فيصل القديمة بعد وين
جمان: خالتي شقاعدة اقول انا
ام فهد: ودي ترجعون حق بعض
جمان: ما اقدر .ما سمعتيه شقال عن ندى
ام فهد :وانا ما قصرت ما باركتله
جمان : يالله ضروي خلود بسام يالله يما على غرفكم حزت نومكم الحين
قبل ان تذهب قالت لها ام فهد: اسمعي كلامي وتراضي مع ريلك
جمان: يصير خير
دخلت مع الأطفال الى شقتهم وذهب الأطفال لتفريش اسنانهم وغيروا ملابسهم
وهي ايضا لبست بجامة محتشمة
وجاءت الى غرفة ضاري وبسام وقالت لضاري انها تريد ان تقول له قصة لينام وقصدها ان تنام في غرفتهم فهي تنتظر ان يناموا لتفرش الأرض وتنام ..
&&&&&&&&&&&&&&&&&&&
وفي الصباح
حين استيقضت وكانت قد صلت الفجر واكملت نومها
قالت الحمد لله هذا يوم انتهى ..باجي يومين.. اكيد السبت اببيمشي
خرجت الى غرفتها التي ازدادت حرارتها واخذت لها ملابس لتستحم وتجهز الإفطار وحين خرجت من الحمام وجدت امامها فيصل ولكنها تجاهلته واكملت طريقها الى غرفتها لتنشف شعرها ثم نزلت الى المطبخ لتعد طعام الإفطار
اما فيصل فقد قال بينه وبين نفسه: زين يا جمان تتجاهليني
استحم وصلى الفجر قضاء ثم نزل ليتفطر مع والدته وابنائه الذين توافدوا واحدا تلوالأخر
فيصل: جمان ليش ما قعدتيني حق صلاة الفجر زين جذي صليتها قضاء
جمان : طقيت الباب عليك اكثر من مرة
فيصل : كان المفروض لما شفتيني ما قعدت تيين اتقعديني
جمان: الحريص على الصلاة ما يحتاج احد يقعده
فيصل :ما بي مواعظ
جمان : ...............
بعد ان انتهوا قال خالد : يما اليوم وين بتدوينا
جمان: كيفكم اختاروا مكان
خالد :نبي انروح عند عمتي فاطمة نلعب مع يوسف وعدنان
فيصل : خل السايق يوديكم ولا تدرون شلون انا بتصل بفاطمة تيي انا من زمان ما شفتها
جمان: اف لزقة عنزروت ما يبي يطلع .
ام فهد: فيصل مكيف غرفة جمان خربان اتصل على الشركة ايون يصلحونه
فيصل : احسن خل تستوي
ام فهد : اشقلت
فيصل: حمام سونا بلاش شنو تبي احسن من جذي ..اليوم جمعة ناسين ما في دوامات
جمان: اقوم قبل ما انفجر احسنلي ..يما بروح ازور اخوي ماجد من زمان ما رحت لهم
فيصل : ما في طلعة الحين فاطمة بتيي وين بتروحين وبعدين لما تستأذنين مني مو من الوالدة
ام فهد : تعودت انها تستأذن مني
فيصل : انا بعدني موجود ما مت
ام فهد: اسم الله عليك يما .
جمان : فاطمة مو غريبة واحنا ما يعدي يوم الا اشوفها انا بعد من حقي اشوف اخواني
فيصل: وشوفة اخوانك ما صارت الا اليوم
جمان : لحد ما يتصلح التكييف
فيصل: انتي قاصدة تطلعين عشان انا موجود
جمان : افهمها مثل ما تبي
فيصل : روحي وقبل المغرب ترجعين فاهمة
جمان : عطني سويج سيارتي
فيصل :خل السايق يوديك
جمان : انا ما اركب مع سواق
فيصل: تلقينه على الكوميدينه
&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ماجد بو حمد

وصلت جمان وكانت قبل ان تذهب ا تصلت على ريم تبلغها بزيارتها
وحين وصلت وجدت كل العائلة مجتمعة
سلمت عليهم جميعا وعاتبت اخيها انه لم يخبرها باجتماعهم
اخذ ماجد جمان على جانب وصار يسالها عن حالها
ماجد : شخبارك مع فيصل
نزلت جمان رأسها وقالت : من سوء الى اسوء
ماجد : ليش
جمان : ما ادري من تزوج بطل يسال عني
ماجد: تبين اكلمه
جمان: لا يزيد عناد ..روح اقعد معاهم ما أبيهم يحسون بشي
وانا بدش داخل
لمحها حامد ونادها .جمان جمان
جمان: استح قول عمتي
حامد اوه جمان ما كانا كنا نلعب ونكفخ بعض
جمان: ياويلك جدام ياسمين تقولي جمان .اشبغيت
حامد : شلون ياسمين
جمان: تسلم عليك
حامد : صج
جمان: لا مو صج طلعت وما شفتها ..حامد انت اتحب ياسمين
حامد : جمان شنو هالسؤال
جمان : مجرد سؤال
حامد: جمان هي اتحبني
جمان : وانا اشعرفني باجي اسبوع وانت تعرف واشدعوة انت ما تكلمها
عن اذنك لما اشوفها اسالها هالسؤال
حامد : ورديلي خبر
جمان: صج فاضي روح حق عمامك ابركلك..
جلست جمان في بيت اخيها الى ما قبل المغرب ثم استأذنت وذهبت لبيتها
&&&&&&&&&&&&&&&&&&&&&&&&&&&&&&&&&&&&ف

في بيت ابو فهد

وصلت جمان وكانت فاطمة تريد الخروج سلمت عليها وتحدثوا بعض الوقت ثم ذهبت فاطمة وابنائها .
لم يكن فيصل موجود وذهبت جمان لتصلي المغرب ثم ذهبت لغرفة خالتها وانتضرتها حتى انتهت من قراءة القرآن
ام فهد: يما ما اشوفك تقرين قران
جمان: انا مواضبة على قراءة احيانا جزء واحيانا نصف جزء اهم شي عقب صلاة الفجر لازم اقرا ولو وجه او وجهين .
ام فهد : الله يحفظك ويثبتك
جمان: يما يعني اليوم مافي امل يتصلح التكييف.الغرفة صايرة نار
ام فهد : افتحي الباب وتكييف الصالة يوفي ان شاء الله
جمان : ما اعرف انام والباب مفتوح
ام فهد: غرفة فيصل القديمة نامي فيها
جمان : مستحيل اعتب غرفته
ام فهد: وهو لين الحين ما راضاك
جمان: اشفايدة اليوم يراضيني وباجر ينساني
ام فهد : تنازلي يما اشوي
جمان: ليش هو ما يتنازل انا اللي دايما اتنازل وهالشي خلاه يتمادى
&&&&&&&&&&&&&&&&&&&&&&&&&&&&&
على شاطىء البحر المكان المفضل لفيصل وبدر
بدر: كم مدة البعثة
فيصل: سنتين يمكن اكثر
بدر : بتسجل الرسالة وبترجع الديرة
فيصل: لاء بقعد في بريطانيا لحد ما انتهي وندى لأني بعد بكون بتنسب لأحد المستشفيات اخذ خبرة زيادة ..
بدر: وجمان شنو رأيها سنتين وايد انك تتركها سنتين
فيصل: كيفها
بدر : شنو كيفها حرام عليك حتى الله ما يرضى باللي تسويه
فيصل: تعودت على طبعي وتركي لها
بدر : ان ارفعت عليك قضية طلاق للضرر انا اللي بترافع فيها
فيصل : من صجك
بدر : ما ادري عنك
فيصل: ونعم الصديق
بدر : ابي اترزق الله
فيصل: على راسي
بدر : والله انك ظالمها ..ياخي طلقها دامنك ما تبيها
فيصل: تدري انك تغث
بدر: الحين انا الي اغث ولا انت ..انا ما ادري ليش هي صابرة عليك انت شنو فيك ينحب
فيصل: اقول مو كانك مصختها
بدر : قوم خل نصلي العشا وعشني عقبها
فيصل: اتغثني وتبيني اعشيك بعد .
&&&&&&&&&&&&&&&&&&&&&&&&&&&&&&&&&&&&&
في بيت ابو وائل
لجين ابنت خالة ندى : شلونك مع فيصل واهله
ندى : انا بعيدة عنهم لا اعرفهم ولا يعرفوني
لجين : زين ما تسوين احسنلك من عوار الرس
وفاء اخت لجين: غلطانة ..لا تسحبين الريال من اهله ترى باجر عيالك يسوون فيك نفس الشي
ندى : اووه فكيني من مثاليتك الزايدة
وفاء: بييك يوم تتندمين
ندى : انا وفيصل متفاهمين اصلا هو ما يردلي طلب
وفاء: مصيره يمل ويرجع لأهله
ندى : انا كل دنيته وزاد خوفه علي وصار يلبي طلباتي أكثر من بعد ما حملت .
واحنا كلها كم من أسبوع مسافرين نكمل دراستنا ومحنا رادين لحد ما نخلص دراسة
ام وائل : ندووي بسافر الأحد لبنان تعالي معاي
ندى : صج ..فرصة ما تعوض الحين الجو بلبنان فضيع حلو وجهز حق البيبي من اهناك
لجين : توك اتقولين كلها كم من اسبوع وبتسافرون بريطانيا وانت توك باول حمالك جهزي له من اهناك ليش تشيلين معاك وزن زايد
ندى :دقيقة اتصل بفيصل اقوله بسافر مع امي
فيصل : هلا بالندى ,
ندى فيصل حبيبي .. وقبل ان تكمل
فيصل: ان شاء الله هونتي وبترجعين البيت اليوم
ندى...بدلع ونعومة ترد.. فيصل حبيبي بسافر مع امي يوم ا لأحد لبنان
فيصل: لا ندى ما يصير جذي تونا رادين من سويسرا والحين تبين اتسافرين وبعدين انا ما اتحمل افراقك
ندى: فيصل حبيبي كلها اسبوع لا تردني ..
فيصل: بس انتي توك حامل والطيارة خطرة عليك
ندى : عادي فيصل اكثر من وحدة اعرفها كانت تسافر وهي حامل وما صار فيها ولا الجنين شي ..
فيصل: اسبوع واحد بس ما يزيد يوم ..
ندى : اوكي حبيبي ..
كان فيصل قد ابتعد عن بدر وهو يحدث ندى ثم جاءه ثانية
بدر : وين عشاك
فيصل: امش تعال معي البيت تعشى
بدر: انا مشتهي باجة يسوولي اهلك باجة ايي مافي باجة تعال اوديك حق احسن مطعم يسوي باجة
فيصل: باجه عاد وبالليل ..تعشى بروحك انا من غير أي شي ما احب اكل المطاعم .
قوم وصلني البيت
بدر : انت من صجك طبيب وما عندك سيارة معتمد على سيارة مرتك
فيصل: ياخي ما بقت معاي فلوس العشرين الف اللي سحبتهم كلهم طاروا وتسلفت فوقهم .وندى بعد تبي اشتري لها فيلا فوق كل هذا ..
بدر . يا حبيبي .. هذي قضية ثانية عطني اسماء الديّانة عشان اخذ منهم النص على كل مبلغ استرده منك ..
بدر...انت اذا ما بعت اللي وراك ودونك ما راح ترتاح
فيصل: مدبر نفسي على اني اسدد قبل ما اسافر لا تفرح ..
&&&&&&&&&&&&&&&&&&&&&&&&&&&&&&&&&&&&&&
في بيت ابو فهد ..
ام فهد: خل ننطر فيصل على العشا
انتوا جهزوا العشا وانا ادق عليه اشوفه وينه فيه
ياسمين : اسمع صوت سيارة يمكنه فيصل
فيصل: بدر انزل تعشى عندنا
بدر قلتلك ان كان عندكم باجة نزلت
فيصل: يقول له وهو يضحك انت شنو تتنسى ( يتوحم )
دز بدر فيصل وقاله هذا انت اللي تتنسى مو انا ..نزل فيصل من السيارة وهو يضحك على بدر ..
دخل البيت فقالت ام فهد : الطيب عند ذكره
فيصل: زين ما بغت هالكلمة تطلع منك
وقرب من والدته وقبّل رأسها وكانت تجلس بجانبها جمان فجلس بينهما وهو يقصد مضايقة جمان بجلوسه بقدر ما يستطيع قريبا منها وصار يهمس اليها
فيصل: معقولة ما اشتقتيلي
جمان: بقوم ازهب العشا مع ياسمين
ام فهد : خلك قاعدة مع ريلك وقامت عنهم قاصدة لعلهم يتصافون
فيصل: انتي ليش راسك يابس
جمان: نظرة اليه بحزن ..ولم تتفوه بكلمة
فيصل: اشفيك ما تردين انتي ما تيوزين من هالطبع
جمان: انت ليش ياي
فيصل: اشوف الوالدة وياسمين واليهال
جمان :زاد ضيقها من كلامه
فأرادت ان تقوم فمسكها من يدها واجلسها عنوة
جمان: اشتبي ..
فيصل: بقعد معاك شوي حرام
جمان: بس انت مو ياي ا اتشوفني..
فيصل: زعلتي
جمان: وليش ازعل ..انا تعودت على طبعك وقلتلك انا اعرف حدودي زين اللي انت عرفتني اياها عن اذنك ..
فيصل: قعدي ما خلصت كلامي
جمان: ما عندي استعداد اسمع منك شي
فيصل: لهالدرجة
جمان: اكثر من ما تتصور
فيصل: تكرهيني
جمان: ...............................................
فيصل: ردي ارجوك ردي لف وجهها اليه وقال قوليلي :بصراحة تكرهيني
جمان: فيصل ارجوك انا تعبت من اسلوبك انت ما ييت الا مو بعيدة ان بينك وبين ندى شي ولا اشيابك وذكرك فين
عصب فيصل ورفع يده ولم تعي الا بكف يهوي على وجهها ..
قامت وتركته وهي تقول اكرهك اكرهك اكرهك ...ليش يييت ليش
جاءت ام فهد على صياح جمان فقالت: جمان اشفيك اشصاير
لم تجبها وذهبت الى غرفة ضاري الذي كان يلعب في حديقة المنزل مع اخوانه
ام فهد: اشقلت لها
فيصل: ولا شي
أم فهد: ولا شي وتقولك اكرهك ..
فيصل: يما لا تتدخلين بيني وبين جمان ..
ام فهد: انا ودي اعرف ليش تكرهها
فيصل: من قال اني اكرهها
ام فهد : اقدر اعرف ليش ما تسال عنها ليش هاجرها
فيصل : يما قلتلك ما بي احد يتدخل
ام فهد: بس هذا حرام الا اذا كانت ما اطيعك
فيصل : هي ما اطيعني وفوق هذا لسانها طويل
ام فهد : ودي اصدقك
فيصل : انا اللي عايش معاها وانا اللي احكم
ام فهد : مهمها قلت ما راح اغير نظرتي فيها
فيصل : وين عشاكم ..
ام فهد روح ناد اليهال من الحديقة خل يدخلون يتعشون
وبعد ان انتهوا من تناول العشاء دجلسوا يتفرجون على مسرحية فكاهية وقد نام ضاري في حضن جدته فطلبت من ابيه ان يحمله الى غرفته ..
دخل فبصل غرفة فيصل ليضع ضاري على سريره فوجد جمان ممدة على سريره تمسح دموعها
فيصل: قومي ذلفي على غرفتك خل احط الولد على فراشه
انتبهت عليه ووقفت بانتظاره خروجه
فمسكها من ذراعها واخرجها من الغرفة فتح باب غرفتها ودفعها الى الداخل .
جمان: انا شاللي مصبرني على هالضيم ..لازم احط حد للمهزلة هذي خرجت لكي تتوضا لتصلي ركعتين لله حتى تهدا نفسها ..بقيت في غرفتها التي تحسنت حرارتها من فتحها لباب الغرفة المطلة على الصالة وادر كت ن فعل فيصل انه لن ياتيها
جمان : كلها باجر وافتك من رقعة ويهه .(وما كانت تعلم ان مدة اقامته ستطول لمدة اسبوع )
فتحت القرآن لتقرأ ما تيسر منه ..واستقوفتها الأية الكريمة ان الله لا يغير ما بقوم حتى يغيروا ما بأنفسهم )
فقالت: اكيد عنيد ذنوب انا مصرة عليها عشان جذي انا مو متوفقة مع فيصل انا لازم اغير من نفسي لازم ادور على الخلل في نفسي واشوفه وين واعدله
بدات تفكر في نفسها وفي احوالها
بدات في الصلاة ..الحمد لله اصلي الصلاة في وقتها ..اه انا ينقصني الخشوع إي الخشوع ينقصني ..
اتصدق .. من زمان ما تصدقت ..من زمان ما ذكرت الله بتسبيح وتهليل
ويني عن لا حول ولا قوةالا بالله اللي ممكن تغير حياتي ويني عن الاية الكريمة ولو انه كان من المسبحين للبث في بطنه الى يوم يبعثون ) انا لازم اكثر من التسبيح ما فك يونس عليه السلام من محنته الا التسبيح زين يا جمان اكيد ما عندك اذنوب
امبلا الغيبة الغيبة . على كثر ما احاول ما اتكمل عن احد لما يكلموني ارفيجاتي لازم انحش في البعض .. انا لازم اتغير ..بس انا عمري ما هنت ولا سخرت من احد وفيصل مو مقصر فيني اهانات ..
وعادل: مو ذنب ..انا نسيته خلاص فيصل هو كل همي ودنيتي بس اااااااااااااخ لو كان يهتم فيني ..لو عُشْر ما يهتم بندى ..
منعك ريلك وهو يايلك وانت تمنعينه هذا مو ذنب ...
ما اقدر كافي ما وصلني منه ادري لو الحين بروحله بذلني كم مرة تنازلت . واضح انه ما يبيني معقولة منعي له هو سبب تعاستي ..عمري ما منعته الا هالمرة ..ولا عندي استعداد هالمرة اتنازل ..يا ربي سامحني ..يمكن الطلاق هو اسلم حل لي وله (وعسى ان تكرهوا شيا وهو خير لكم ).
مو بعيدة ان اللي فيه بلاء ولازم انجح فيه ما جزاء للصبر غير الجنة ..يارب صبرني على ما ابتليت به ..
نامت بعد محاسبة عسيرة وشديدة للنفس ..
&&&&&&&&

صباح السبت
ندى تتصل بفيصل:
فيصل: هلا بالحب كله
ندى حبيبي تعال اليوم تغدى عندنا هذا طلب الوالد والوالدة
فيصل: ان شاء الله اننتوامتىغداكم يتجهز في العطل
ندى : مو الا تيي حزت الغدا تعال ااشوي ابجر ما تبي اتشوفني قبل ما اسافر
فيصل: اكيد ..
ندى : ياالله حبيبي ما اطول عليك لأني بروح البيت بزهبلي جنطة للسفر ..
فيصل: تبين أي معاك
ندى: لا ماليه داعي الخدامة بتيي معاي
فيصل: خلي بالك على نفسك
ندى: خايف علي
فيصل: كم ندى عندي
ندى: حبيبي مو تتاخر ..
فيصل: انتي تامرين امر
&&&&&&&&&&&&&&&&&&&&&&&&&&&&&&&&&&&&&


خرج ليتوضا كعادته فقد فاتته صلاة الفجر وطل في غرفة جمان ولم يجدها ويقول في نفسه موتي حر ماني متصل على الشركة يصلحون التكييف ..
كانت جمان قد استيقضت باكرا وجلست مع خالتها في حديقة المنزل لتناول الإفطار بحث فيصل عن والدته ولم يجدها مم طرا في باله انه ممكن ان تكون مع جمان في حديقة المنزل
جلس معهما وقبل ان يوقم سالته والدته
ام فهد: شنو تحب نسويلك على الغدا
فيصل: لا تحطون حسابي انا طالع
ام فهد : الله يحفظك يما
جمان: تقول في نفسها روحة بلا رده ..ثم تدااكت نفسها وقالت استغفر الله انا شقلت امس اقول حق نفسي اني ما ابي اعصي ( لعل الله يغير ما انا به )..استغفر الله ..الله يهديني ويهيدك ويصلحني ويصلحك ..
فيصل : جمان روحي يبيلي سويج سيارتك
قامت واوصت الخادمة ان تعطي المفتاح الى فيصل ..مم زاد غيظ فيصل..

&&&&&&&&&&&&&&&&&&&&&&&
ذهب فيصل ايضا الى شقته فقد عرض اثاث االشقة للبيع بما انهما ينويان السفر وهو بانتظار الشاري لم تكن تعلم ندى بذلك فلذلك ذهب الى هناك وطلب منها ان تاتي بسرعة لتأخذ ما تحتاج ..
تفاجا فيصل بوجود ندى قبل فالشقة قريبة من مسكن اهلها
قرّب منه وقبّلها
فيصل : لا تسافرين صدقيني حيل مشتاقلك
ندى: انا وعدت امي وانت رضيت لا تفشلني معاها
فيصل: على فكرة ترى انا عارض الشقة للبيع و انا ناطر اكثر من شخص بيون يشوفون الأثاث .
ندى : أي احسن عشان لما نرجع نشتري بيت
فيصل: يالله بسرعة اخذي اللي تبين قبل ما ايي الشاري
بسرعة اخذت ما تريد وخرجت وذكرت فيصل بالا يتأخر عليهم في المجيئ
بعد ساعتين من الأنتظار جاء احد المتصلين بخصوص العرض ولكنه لميعطي سعرا مناسب لأثاث فخم وجديد
ثم جاءااثنين اخرين وصار بينهما تنافس على الشراء وكان ذلك من صالح فيصل ..وتم البيع مع احدهما على ان يكون الإستلام قبل موعد السفر بيوم ليخلي الشقة بعدها ..

&&&&&&&&&&&&&&&&&&&&&&&&&&&&&
كان اليوم في بيت ابو فهد يوميا روتينيا معتادا لا جديد فيه
ياسمين تخرج الى المجمعات التجارية لتتم شراء ماتحتاجه وفي هذه المرة خرجت معها جمان التي اختارت لها ياسمين على ذوقها فستان راق جدا يزيدها فتنة وسحرا لتحضر به الى عرسها ..
ياسمين وهما في طريقهما الى البيت : هذا النفنوف لو شافك فيه فيصل بِيِنْ عليك
جمان: ياسمين ايامكي مع فيصل معدودة
ياسمين: انتي من صجك
جمان: الأيام بتثبت لك صحة ما قلت اللي طلع ولا فكر يتصل بالشركة يصلحون المكيف
ياسمين : عين واصابتكم
جمان: ما في نصيب بس انا ما راح اطلب منه الطلاق عشان لا تكون علي حجة انا بصبر لحد ما اشوف تاليتها
ياسمين : الله يصبرك ..
في اثناء سيرهم لمحت جمان صديليه وطرا على بالها ان تشتري حبوب منع الحمل
جمان: وقفي ياسمين يم الصيدلية
ياسمين : تبين انزل معاك
جمان: لا ما في دعاي ثواني ورادة
ياسمين عيل نزلي لنه مافي مصافت اهين على ما تشترين اللي تبينه اكون رجعتلك
نزلت جمان واشترت الحبوب وسالت الصديلي عن كيفية استخدامها دون ان تخبر ياسمين بما شرت
وطوال الطريق تفكر جمان ان كانت على صواب ام انها خاطئة وقالت سأستخير قبل ان آخذ هذه الحبوب....




لامارا غير متواجد حالياً   رد مع اقتباس
قديم 21-05-13, 09:38 PM   #29

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الثامن والعشرون ......

بعد المغرب من يوم السبت

في بيت ابو فهد

دخلت جمان غرفتها وانزعجت كثيرا حين وجدت ان التكيف ما زال معطلا ذهبت الى دولابها واختارت بجامة قطنية ناعمة ثم استحمت لتخفف عنها حرارة الجو تمددت على السرير واستخرجت علبة حبوب منع الحمل تقرا تعليماتها وآثارها الجانبية صارت تفكر بما كانت تسمعه من النساء عن خطورة استعمال هذه الحبوب لمن لم تنجب بعد فهي تسبب اختلال في الهرمونات ارتعبت لما تذكرته ورمت العلبة على سريرها ونهضت لعدم تحملها حرارة الغرفة وذهبت الى غرفة ضاري وبسام الذين سجلوا في نادي رياضي ليستغلوا فراغ العطلة لتعلم السباحة والكارتيه و.. بعد صلاة العشاء نزلت الى خالتها


ام فهد ويظهر عليها القلق وتهدئها ياسمين

جمان: يما اشفيك
ام فهد : قلبي ماكلني على اليهال المفروض الحين هم في البيت
ياسمين : يما على ما يوصل الباص باجي اليهال بيوتهم اكيد يتأخرون
ام فهد: ما أبيهم يتعلون سباحة خليهم بس كرايته
ياسمين: يما معاهم مدربين مو بروحهم
جمان: يما في حوضين للسباحة واحد للأطفال واحد للكبار في كل نادي والمدربين عيونهم على اليهال
ياسمين : بعد خالد معاه نقال يتصل علينا لو فيهم شي
مرت دقايق وسمعوا صوتهم وهم يسخرون من ضاري الذي تمسك بالمدرب ولم يرضى ان ينزل الى حوض السباحة ..
وحين راتهم جدتهم حضنتهم جميعا وهي تقول: ما ابيكم تروحون حوض السباحة بس تعلموا كراتيه

خالد: اصلا انا الحين صرت اعرف اتسبح بطن وظهر ..
بسام انا بعد .اتصدقين يما بس ساعتين وتعلمنا وضاري مو راضي يطب معانا
جمان: والكراتيه .
بسام :ما علمونا وايد بس وقوفونا وصار ضاري يقوم ببعض (الحركات التمهيدية امامهم)
جمان: يالله روحوا تسبحوا عشان تتعشون وتنامون
بسام : عطلة يما عطلة شنو انام
ياسمين : وهو صاجين ..
جسلت جمان و ياسمين وام فهد يتحدثون
ام فهد : ياسمين خلصتي شغلك ولا بعد
ياسمين : خلاص نهيت كل شي يوم الأربعاء بس اروح الصالون واسوي بروفة للتسريحة ومكياجي
ام فهد: ما بغيتي اتخلصين ..
جمان: زين متى عيل اتودين اغراضك شقتك
ياسمين اطالع امها
ام فهد: انا ادق على ام حامد اخذ منها المفتاح وباجر نودي اغراضك انا وجمان
ياسمين : وانا
ام فهد :انتي ارتاحي
ياسمين : لايما ابي اعرف كلشي وين مكانه
جمان: من اختار اثاث شقتكم
ياسمين : يعني منو انا وحامد
جمان : بعد اشحقه تروحين .
ياسمين :اخترت الاثاث بس ماشفت الشقة واغراضي بحطها ابيدي
جمان: يكون احسن بعد ............................يما ليش ما يت الشركة تصلح المكيف
ام فهد: يوووه نسيت اتصل وفيصل بعد شكله نسى
جمان: اكيد نسى من غير شك . وانا خل انسلق
ام فهد : اسم الله عليك ولا يهمك باجر من الصبح اخلي السايق يروح الشركة بنفسه ويبلنا واحد يصلح التكييف ولا ليش باجر الحين اتصل على الشركة
ياسمين يما دقي على البدالة وطلعي رقم الشركة
اتصلت ام فهد على الشركة ووعدوها ان يأتي المختص غدا صباحا
مر الوقت سريعا بعد ان تناولوا العشاء وجلسوا يتسامرون تارة ويتفرجون على بعض البرامج تارة
استأذنت ام فهد وكذلك جمان للذهاب الى النوم

وقالت ام فهد لياسمين :لا تتعودين على السهر وراج عرس وسفر ..
هب الثلاثي فقالوا : كل الناس تسافر الا احنا حتى عدنان ويوسف بسافرون بعد عرس ياسمين
ام فهد : وعلي على ابنيتي وتقصد فاطمة ما خلت ديرة ما وداها ريلها تتعالج عشان العيال لصقت الجملة في اذن جمان .وصارت تقول في نفسها .ناس ادور على العيال في اخر الدنيا واحنا نرفس النعمة بريولنا
وصارت تتنهد لا شعوريا
ياسمين: اشفيك تتنهدين
جمان: لا نعسانة بروح انام تصبحون على خير

دخلت شقتها وتوجهت الى غرفة ضاري ثم قالت فيصل مو اهني ليش ما انام بغرفته بدال ما اضايق ضاري وبسام
تمددت على السرير وما هي دقايق الا واستغرقت في النوم فمشوارها مع ياسمين اتعبها
دخل فيصل البيت ووجد كالعادة ضاري نائم وهذه المرة كذلك اخوانه اما ياسمين فقد ذهبت الى غرفتها قبل ان ينام الأطفال .اغلق التلفزيون وايقض بسام وخالد ليناموا في غرفهم وحمل ضاري الى غرفته توقع ان يجد جمان في غرفة احد الأطفال
استغرب من عدم وجودها في غرفة ضاري وبسام توجه الى غرفة خالد ايضا لم يجدها توجه الى غرفتها فتح الباب ايضا لك يجدها


فيصل : وين راحت وقبل ان يخرج لمح علبة دواء اعتقد تكون قد مرضت اخذ العلبة وما ان راها حتى علم انها حبوب لمنع الحمل فقال وهو مندهش .معقولة يا جمان ! لهالدرجة يا جمان...
زين يا جماونوا ما تبين مني عيال ادواك عندي بس اشوفك .. الأحسن اني ما ابين لك اني عرفت بنيتك ..)
وان كان قد ادرك انها لم تتناول منها شيئا )

بس هي وينها في.. مو بعيدة رايحة نايمة عند ياسمين ولا الوالدة ..

توجه الى غرفته ولم يصدق ما راته عينه فقال في نفسه : جمان اهني معقولة واحنا متصافين ما ترضى تدخلها ,,يمكن تبي تراضيني .تراضيني وشارية مانع ..لا لا اكيد كانت تظن اني مو راد. اقفل الباب.... اشوفها شتسوي لما تشوفوني يمها ..
جلس بقربها وصار بقبلها حتى وعت على وجود فيصل بقربها انتفضت . تعمد ان يتركها وذهبت الى الباب وجدته مغلقا صار يقرب منها حتى قرب لم يبقى بينهما فاصلا . يعني بتفهميني انك ما تبيني وانتي نايمة بغرفتي اكيد كنتي ناطرتني وغفيتي
جمان: فيصل افتحلي الباب ارجوك
فيصل: انتي اللي ييتي بريولك انا ما طرشت وراك
جمان: فيصل تكفى افتحلي الباب
فيصل: وين تروحين
جمان: أي داهية بس اطلع من اهني
فيصل: طلعة من اهني ما في ولا اقولك عندك الدريشة ترى بسهولة تنفتح ان طحتي من الطابق الثاني ترى بس تتكسرين ويمكن بنبط راسك .
توجهت جمان الى النافذة لتفتحها
صرخ عليها فيصل وقال: انتي مينونة
وبسرعة سحبها االيه وهي تبكي لف كلتا يديه حولها واحتواها بحضنه ولم تحرك ساكنا ..
فيصل: ليش تبكين
جمان:بصوت مبحوح من البكاء ..تقول: الله يخليك هدني
فيصل: اللي يسمعك يقول ماني ريلك
جمان: اللي بينا انتهى
فيصل: من اللي نهاه
جمان: انت ..
فيصل: متى
جمان: من لما تزوجت ندى ..
فيصل: انا الحين معاك ليش اتيبن اسمها ..وتنكدين على نفسك دامني معاك خلي كل تفكيرك معاي وبس
جمان: انت وايد واثق من نفسك
صارت تحاول ان تفك نفسها منه ولكنه سيطر عليها تماما
فيصل: بتفهميني انك مو مشتاقتلي
جمان: .............................
وكما هو متوقع من فيصل استطاع ان يعيد المياه الى مجاريها و الى حين عودة ندى من السفر وبعد ذلك لا يسال عنها الا حين تذهب ندى لزيارة اهلها ..
قرب موعد العام الدراسي الجديد وكانت جمان متخوفة من ان يعلم فيصل بامر دراستها ولم تكن تعلم ان فيصل ايضا سيسافر من اجل دراسته وقبل ان تبدا هي باسبوعين


كانت جمان تزور اخيها ماجد حين جاء فيصل الى والدته وابنائه ليودعهم وصدفة بعد ايام علمت من حديث ام فهد والأطفال ان فيصل سافر وندى من اجل الدراسة


جمان: يما انتي شتقولين متى سافر فيصل
ام فهد: السبت اللي فات انتي ما تدرين
جمان: لا توني ادري منكم
ام فهد : يعني ما مرك في بيت اخوك وودعك
جمان: لا ولا ادري عن سفره نهائيا ..يتركني بالأيام والأٍسابيع واسكت واتحمل اما انه يسافر وياعالم متى اشوفه مرة ثانية ما اقدر اتحمل ..
لم تستطع ان تتمالك نفسها واغمي عليها من شدة الصدمة
صارت ام فهد تنادي على الخادمات ليحملوا معها جمان لتذهب بها الى المستشفى
اجري لها اللازم وطلبت الطبيبة من ام فهد بالا يعرضوا جمان لأي خبر سيئ فهي في حالةنفسية سيئة ولا يستطيعوا اعطائها أي دواء مهدئ لان جمان حامل
اتصلت ام فهد على ياسمين لتبلغ حامد الذي بدوره سيبلغ اخوان جمان بما جرى لعمته ..

مرت ايام حتى استعادت جمان عافيتها وصممت الا يؤثرما صدر من فيصل على دراستها وعلى حملها فاصرار زوج فاطمة على حمل زوجته والذهاب بها الى كل بلاد العالم من اجل حملها زادها تثبتا بالرغبة بالحفاظ على الجنين غير تذكرها بث خبر فيصل خبر حمل ندى

ارسلت جمان: لفيصل: رسالة : ليش تسافر وما تقولي ليش تتجاهلني

وتوالت الرسائل منها له منها ما كانت تحمل الشوق ومنها ما كانت تحمل العتب المبطن بالحب ولكنه لم يبادلها ابدا الرد ..
حتى ارسلت له الرسالة التي تخبره بأمر حملها ..ولكن ماذا يتوقع من فيصل

ما هي الا اسابيع وجاءتها منه ورقة طلاقها بالبريد العاجل ..

ام فهد: شنو فيها الرسالة

اعطتها الرسالة بعد ان ضعفت قواها ولم تستطع ان تقف وارتمت على اقرب كنبه .. ولم تصدق ام فهد ما جاء فيها

ام فهد: لا مو معقولة

جمان:والدموع تنساب على خديها .. كنت متوقعة الطلاق والحين بس تأكدت انه كان قاصد في المرة الاولى انه ما يبي مني عيال ..سفرته المفاجئة خلتني اتوقع منه أي شي وطلاقي منه متوقع يا خالتي ..زواجي من فيصل غلطة عمري ..

ام فهد: انا أكلمه يرجعك

جمان: لا يا خالتي فيصل ما كان يقدر يطلقني بوجودك وبوجود اخواني ولقاها فرصة لما سافر .. محد بعاتيه وهو بعيد ..انا انتهت مهتمي في هالبيت عن اذنك خالتي برجع بيت اهلي ..ارادت الوقوف فتهاوت وتراجعت الى الكنبة ثانية ..
ام فهد: انتي بعدك في العدة وما يصير تطلعين من بيت ريلك وانتي في العدة
وعدتك تنتهي بيوم ولادتك يمكن خلالها يردك فيصل
جمان: خالتي قلتلك طلاقي من فيصل انا متوقعته تذكرين مسج ندى ترى لين الحين محتفظة فيه ..
جربت نصيبي مع فيصل خلاص انا اعرف نفسي مالي حظ بشي بجمع اغراضي واطلع ..
زين نطري اليهال لما ييون يشوفونك وبعدين طلعي
جمان: لا اتهقين اني بنساهم هم عيالي ومتى ما حبوا يزورني حياهم الله واكيد ماراح اقطع عنكم لأني ما ابي اللي بطني يعيش بعيد عن اخوانه عزوته اخوانه ان كان ولد او بنت ...

مرت الأيام والأسابيع وتوالت الشهور حتى جاء موعد ولادة جمان فولدت بنتا جميلة جدا اسمتها بسمة ..وحين علمت صديقتها بسمة بالخبر جاءت اليها بأجمل واغلى هدية لسميتها
بسمة : ما ادري اني غالية عندك لهالدرجة
جمان: انتي مصدقة مسيتها على اسمك
بسمة:مو اسمها بسمة
جمان: أي بسمة بس اقصد باسمها انها اجمل شي في حياتي وهي بسمة عمري وحياتي ..
بسمة : بتظل سميتي وبعزها اكثر منك ..المهم انتي بتأجلين الأمتحانات ولا بتقدمين
جمان: ماني مأجلة شي بقدم الأمتحانات وافتك ابي ارتاح في العطلة
بسمة : قلتي حق فصل عن بنته
جمان: خالتي اكيد قالتله انا قطعتي صلتي فيه نهائيا ولا له وجود عندي
بسمة: بتم بنتك اتذكرك فيه
جمان: ما اتذكر منه الا الأسى تدرين اني بغيت اسمي بسمة ( أسى ) لأن ايامي السيئة معاه اكثرمن الحلوة ولأنها بتحرم من انها تقدر تقول لأبوها با ولا بتحس بحنانه بس قلت شنو ذنب البنت على هالاسم .
بسمة : انتي ليش جذي يائسة يمكن لو شاف بنته يردك
جمان: عنده ثلاث اطفال ما سال فيهم ولا حن عليهم تبين انا اللي يكرهني بحن على بنته مني هذا اللي ..... ( ارادت ان تقول سبب اجهاض حملها الأول ثم سكتت..بسمة : اللي شنو
جمان: غيري الموضوع ..
بسمة المهم شدي حيلك كلها ثلاث اسابيع وتبتدي الأختبارات
جمان: الله كريم
بدأت الأختبارات وقد استعدت لها جمان جيدا فقد كرست كل وقتها لأبنتها ودراستها ولم تقطع ايضا بزيارة ام فهد والسؤال عن الاطفال الذين ايضا يبادلونها الزيارة كلما سنحت الفرصة
وفي احد الأختبارت تفاجات ان المراقب هو الدكتور عادل لغياب دكتور المادة الأساسي تبادلت وبسمة النظرات حول هذه المفاجاة . حمدت الله انها منقبة ولن يتعرف عليها ودون ارادة منها بدأ نبض قلبها يزداد فهي تخشى ان عرفها ان يتصرف تصرفا يحرجها كما كان يفعل انتهت الاختبار وهي مترددة من تسليم الورقة خوفا من ان يقرا اسمها فيعرفها ..


جمان: انا ليش خايفة يعرفني اعطيه الورقة واطلع

اعطته الورقة وخرجت وصارت تنتظر بسمة في غرفة الأستراحة جاءتها بسمة بعد خروجها

بسمة : تدرين جمان اني بعد ما سلمناه انا وامل الورقة طلع الاوراق من الظرف
جمان: ليش
بسمة : نسيتي انا احنا كنا شلّة ويعرفنا ما نفترق وحافظ اسماءنا وحدة وحدة واكيد صار يدور على اورقتك
جمان: يا حسرتي لا يكون بعد باجر يراقب علينا ..بسوم امل حست بشي
بسمة : انا فهمت قصده بس هي ما اعتقد افهمت شي .بس انتي ليش خايفة .
جمان : ما ادري ما ابيه يعرفني وبس .

لم تشغل تفكيرها بما جرى وانكبت على المذاكرة فكل هدفها هو تحقيق حلمها الحصول على اعلى شهادة في مجال تخصصها وبتقدير امتياز ..

وفي اليوم الثاني كانت تسير مع بسمة للدخول الى قاعة الأختبارات لمحهما الدكتور عادل نظر الى بسمة ثم اطال النظر الى جمان فجاء قريبا منهم


فقال : السلام عليكم
بسمة : وعليكم السلام .لم تستطع جمان الرد
الدكتور عادل: انا اعتز وافتخر ان طالباتي يكملون دراستهم واتمنى ان اشوفكم باعلى مستوي
اشر الى بسمة انتي بسمة صح..وانتي.......صمت
فقالت بسمة : جمان .. التي نزلت راسها وتمنت لو بلعتها الأرض
بسمة : دكتور معقولة ما نسيتنا
الدكتور عادل : ما قابلت مثل مجموعتكم في المستوى والتكاتف كان يعجبني انكم ما تغيرون مكانكم كانكم شارين المقاعد يتراولي تكفخون اللي تقعد مكانكم ..
بسمة : صح سويناها ..
الدكتور عادل: اتمنى اشوفوكم معيدات عندنا
بسمة: ادعيلنا دكتور
عادل : الله يوفقكم ..
واكمل كل منهم طريقه ..
بسمة " عجيبة كلش ما طالع صوبك
جمان: اشدراك
بسمة: كنت اكلمه وعيونه على صوب القاعات
دخلت جمان وبسمة قاعة الأختبار وايضا كان المراقب الدكتور عادل
جمان تهمس الى بسمة . شنو كل يوم براقبنا
بسمة: اسكتي لا يسمعك .
ومن هذه الأختبارات ادركت تماما جمان ان الدكتور عادل لم يعد يفكرها فيها كالسابق فلم يتصرف كتصرفاته السابقة فقد كانت عندما تعطيه ورقة الأختبار قبل ان تخرج من قاعة الأختبار يفتحها امامها ليقراها . الى جانب عدة مواقف اثبتت لها ما اتضح لها ..
وكانت تقول نفسها :
يمكن عرف اني تزوجت وعندي بنت ويمكن حتى عرف ان تطلقت او مو بعيدة تزوج وحدة ثانية ونساني ..مثل ما قالت بسمة هو كان يبي يتزوج أي وحدة يلقى فيها مواصفات معينة.مو سالفة حب ولا بطيخ .

انهت جمان وصديقتيها السنوات الدراسية للحصول على درجة الماجستير وقد سجلت بسمة في البعثةالدراسية الى بريطانيا للحصول على الدكتوراة ولكن جمان رفضت بسبب ارتدائها النقاب الذي قد يكون عائقا امامها او ستلاقي مضايقات بسببه وفضلت ان تكمل دراستها في احدى الدول العربية التي يدرس فيها احد ابناء اخيها حسن وكانت ابنتها معها اما امل فاكتفت بالماجستير الى وقت اخر .
تمكنت جمان من الحصول على الماجستير والدكتوراة في ثلاث سنوات ونصف بدرجة امتياز مم ساعدها في سرعة تعيينها كمدرسة في الجامعة ..كان فيصل ايضا انتهى من دراسته اما ندى فما زال المشوار امامها طويلا لعدم جديتها في الدراسة ..
ورجعوا جميعا بعد انتهء دراساتهم الى الوطن
.

وفي يوم عيد الأضحى طلبت ام فهد من جمان زيارتها لرؤية حفيدتها كالعادة

جمان: خالتي خليها باجر اليوم كل اخواني متيمعين وبعدين اخاف فيصل يكون موجود
ام فهد: تعالي المغرب محد بيكون موجود غيري واليهال وفاطمة وياسمين فيصل ايي الصبح مع بنته رغد يعيّد علي واليهال بعد ما اشوفه .وفهد يمشي العصر مع اهله .
جمان: احاول بس ما اوعدك
ام فهد : يما صحتي مو مثل اول لاترديني ابي اشوفك وبسمة
جمان: ما يصير خاطرك الا طيب

تجمع اخوان جمان وابناءهم كلهم في بيت ابو حامد وكانت ايضا ياسمين مجتمعة معهم مع توأميها ناصر ونوف
تلقى ابو حامد التوامين ومعهم بسمة التي لاتفارقهم اينما ذهبوا وقد اغدق عليهم بالعيادي اما بسمة فقد حظت باعلى نسبة من العيادي فكل خوالها وابنائهم يعاملونها معاملة خاصة ليعوضوها فقدانها أبيها فهي لا تعرف ابا غير غير خالها ماجد الذي تربت في بيته فهي تناديه بابا تقليدا لأبنائه وتنادي ريم يّما ووالدتها ماما ..

وفي المساء استأذنت ياسمين من زوجها لتذهب لتعايد والدتها ورافقتها جمان


جمان: اتصلي في الوالدة شوفيلي الوضع اخاف فيصل يكون مرابط اهناك
ياسمين : سالت امي تقول يا الصبح نطر فهد سلم عليه وطلع
جمان انتي ليش ماتخلين فيصل يشوف بنته
جمان: هو ما سال ولا طلب يشوفها من يوم ما انولدت مو بعيدة انه ناسي ان عنده بنت
ياسمين : والله حرام من انولدت ما شافها
جمان: السنة الياية بدش بسومتي الروضة
ياسمين : ان شاء الله تشوفينها عروس
جمان: من الحين عدنانوه حاط عينه عليها ما يخلي احد يلعب معها الحين اذا كان موجود شوفي اشبسوي
ياسمين : اذكره لما كانت توها اصغيرة يقعد يمها بس تقعد من النوم يشوفها وبعيدن يروح يكمل لعب مع اخوانه .
جمان: مرة كنت مكحلتها يقولي خالتي لا تكحلينها الكحل مو حلو عليها ابيها من غير مكياج ياسمين : من صج قالك ابيها من غير مكياج ..
جمان: اسالي اختك اصلا كلنا استغربنا من كلمته هذي .
جمان: تدردن كان فيصل يكره المكياج مايخليني احط ان كثرت يقولي روحي اغسليه
ياسمين: الولد طالع على خاله .

&&&&&&&&&&&&&&&&&&&&&&&&&&

وصلا الي بيت ابو فهد وكانت فاطمة وابنائها والثلاثي فقط المتواجدين

وقد ذهب الأطفال جميعا ليعلبوا
ولكن ام فهد اخذت بسمة في حضنها ولا تريد ان تفارقها وكل دقيقة ياتي عدنان يتحايل على جدته ليأخذ بسمة لتلعب معهم ..


جمان: تقول لياسمين : ما قلتلك
ياسمين: يما خلي بسمة تروح تلعب معاهم
ام فهد: ما شبعت منها انا متى ااشوفها
جمان: يما اشدعوة وهذا انا كل اسبوع ايبها عندك ..عدنان خل بالك على بسمة ..
عدنان: زين
ام فهد : هالبنت فيها شي غير عن باجي اليهال ما ودي افارقها .
ياسمين : يعني شنو احلى من نوف
ام فهد: مو على الحلات يما ما ادري من تروح احس قلبي معاها
فاطمة: شوقتوني ايب بنت
على فكرة انا وبويوسف مسافرين بعد يومين عشان عملية طفل الأنابيب يما ما اوصيك على العيال
ام فهد:كم مرة اجهضت وكم مرة افشلت العملية ريلك ما يمل خلاص مو مكتوب لكم غير عدنان ويوسف يما والله ما بقى فيني حيل لمجابل اليهال
فاطمة : قوليلي يما شسوي .
جمان: لا تشيلين هم .عيالك بعيوني مثل بسمة وضاري وبسام وخالد .
فاطمة: الله يسلمك يا قلبي ويحفظك
كان الأطفال يلعبون في الحديقة وما لم يكن متوقع وصول فيصل الذي ما ان لمحته نوف نادت اخيها ناصر ليذهبوا لخالهم اذي حضنهم وقبلهم ثم لمح بنتا صغيرة اخرى يحملها عدنان ولكنها من تكون صار يتاملها
فيصل: عدنان من هذي الحلوة
عدنان: هذي بسمة بنت خالتي جمان
فيصل: هــــا

أراد فيصل ان يحلمها ولكنها تشبثت بعدنان بيديها الصغيرتين فهي لا تعرف فيصل ابدا وكلما حاول فيصل ان ياخذها من عدنان علا صراخها حتى سمعت جمان صوت ابنتها فهب الجميع الى الخارج خشوا ان يكون قد اصابها مكروها ..

وقفت جمان مذهولة حين رات فيصل الذي صار ينظر اليها تارة وتارة اخرى الى ابنته

ذهبت ياسمين الى بسمة وحملتها الى امها

جمان: خالتي انا مضطرة امشي ..ياسمين عطيني اسويج سيارتك
ام فهد : على راحتك يما .

دخل الجيمع الى الداخل ولكن فيصل لحق جمان وامسك باب السيارة قبل ان تغلقه


فيصل: ممكن اكلمك
جمان: انا مستعيلة
فيصل: دقيقة بس اشوف بنتي
جمان: بنتك ما تعرفك
فيصل: مو تكرهينها فيني
جمان: مو انا اللي اكره بنت في ابوها.عن اذنك ..


ذهبت جمان وقال في نفسه. هذي انتي يا جمان مثل ما انتي ما تغيرتي نفس جمالك نفس طبعك حتى بنتك صورة منك ..

صارت ذكريات الماضي تتخاطر على مخيلتها مع فيصل فلم تتذكر الا اسوء الأيام ..

وتذكرت عادل الذي ضاع منها الى الأبد بزواجها من فيصل .


ثم نظرت الى بسمة وقالت انتي بسمة حياتي ..انا عايشة لك انتي وبس
بسمة : ماما منو هذا الحلامي وتقصد حرامي
جمان: لاماما هذا بابا
بسمة : لا ماما بابا ماجد هذا حلامي
لم تعلق جمان وقالت في نفسها. مصيرك تكبرين وتعرفين كل شي .اذا ابوك ما حن عليك عمرك ما را ح تعتبرينه ابوك ..اول ما وصلوا الى بيت ماجد
ركضت بسمة الى خالها وهي تقول
بابا حلامي ياخذني معاه
اسنفهم ماجد من جمان وذكرت له ما حصل .
نظر ماجد الى بسمة : محد ياخذك من بابا ماجد انتي حبيبة بابا ..
ثم نزلت من حضن خالها وركضت عند لينا ابنة ماجد الصغري وهي في عمر بسمة تقريبا وصارت تحكي لها قصة الحرامي كما تعتقد وجاءت زوجة خالها وحكت لها ايضا ....
جمان: الحين تتصل على خوالها كلهم وتقولهم قصة الحلامي على قولتها ..
ماجد : بس لا زم تعرف انه ابوها
جمان: صعب بالكلام انها تفهم وتتقرب منه لازم يصير بينهم تعامل انا ماني حارمته من شوفة بنته بس هو ما سال ولا ياب طاري لما شافها بس قال لا تكرهينها فيني ..
دقائق واتصلت ياسمين :
جمان : هلا ياسمين ..سيارتك بالحفظ والصون طرشي احد يي ياخذها
ياسمين : مو متصلة عشان السيارة فيصل يبي يشوف بنته
جمان: انا مو مانعته كل خميس تعالي اخذيها وانتي رايحة للوالدة خل يشوفها
ياسمين : ليش ما تيبينها انتي مو احسن يمكن اتردون حق بعض
جمان: مستحيل .. ارجوك ياسمين لا تفتحين هالموضوع اخوك بالنسبة لي ماضي انتهي ..
كانت ياسمين فاتحة مكبرالصوت وسمع فيصل رد جمان ..
فيصل: يقول لياسمبن وانتي من طلب منك تقولين لجمان انهااهي اتيب بنتها انا بس ابي اشوف بنتي مو لاني ابي ارجع لجمان..
ياسمين: اوه فيصل لا تكبرالموضوع خلاص انت سمعت تبي اتشوف بنتك تعال كل خميس وشوفها..
لم يكن فيصل حريصا على رؤية ابنته فنادرا ما كان بذهب كل خميس لرؤية ابنته .....



لامارا غير متواجد حالياً   رد مع اقتباس
قديم 21-05-13, 09:42 PM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء التاسع والعشرون ..

انتكست حالة فاطمة التي ذهبت من اجل اجراء عملية طفل الأنابيب فتارة يقولون ان سبب انتكاسة حالتها عدم تعقيم الأدوات المستخدمة وتارة يقولون لأخذها جرعة زائدة من مادة التخدير فلم يعلم السبب الحقيقي لانتكاسة حالتها ظلت في غيبوبة لمدة زمنية ليست بالقصيرة

وكان يوسف على اتصال دائم على والدة ام فهد لتدعو لها بالشفاء
حتى جاء ذلك اليوم الذي ابلغ فيه بوسف بوفاة زوجته مم ادى الى تدهور حالته النفسية لمعاتبته نفسه بشدة لألحاحه على فاطمة باجراء العملية
اما والدتها فعندما تلقت الخبر ازدادات حالتها الصحية سوؤا
مرت شهور على وفاة فاطمة وام فهد لا تفكر في غير اطفال فاطمة الذين تيتموا كتيتم اطفال فيصل غير ان بويوسف لم يكن انانيا كفيصل بل كان كل همه اسعاد اطفاله ومحاولته تعويضهم فقد والدتهم قدر استطاعته

اما جمان فكانت قد بدات شهرتها تعلو في الأفاق كاستشارية نفسية في كثير من البرامج الفضائية وواصبحت كاتبة لها صفحة في احد المجلات المحلية وعامود اساسي في احد الصحف اليومية ..
لم يكن يعلم فيصل بذلك الا حين نظمت المستشفى ندوة بعنوان الصحة النفسية استضافة فيه عدد من الاستشارين النفسيين ومن بينهم الدكتورة جمان والتي كان لها دورا بارزا في الندوة.
كان فيصل من ضمن حاضري الندوة وكان بين مصدق ان تكون المتحدثة جمان طليقته وبين مكذب وحاول ان يقرا اسمها ولكن المسافة بعيدة جدا

فيصل: الصوت صوت جمان ..بس شلون ومتى اوصلت لهالمستوى

تاكد من ذلك حينما شكر عريف الندوة جمان على ما تفضلت به من شرح فلم يكن منتبها للأسماء بداية لشعوره بالملل فحضوره لم يكن عن رغبة انما تأدية واجب لتنظيم الندوة في المستشفى ..

ما انتهت الندوة حتى اتصل بياسمين :

ياسمين : هلا فيصل
فيصل: هلا فيك الا بغيت اسالك هي جمان متى صارت دكتورة
ياسمين : من قالك
فيصل: محد قالي انا عرفت
ياسمين : من سافرت هي كملت دراستها وتعينت في الجامعة ولها بعد برنامج في قناة.... وتكتب بالصحيفة ....ومجلة ....ويوم ما تطلع في التلفزيون كلنا نتسمر جدام التلفزيون حتى عيالك ما ينامون الا بعد ما يشوفون برنامجها ..
تتكلم ياسمين ..وهو فقط يقول جمان..معقولة ...
اقفل من ياسمين وهو يقول: حققتي يا جمان اللي ما قدرت احققه ولا ندى يت ربع من مستواك بس فالحة تسافر من ديرة لديرة وتركض ورا الموضة وخرابيط امها ..
ياليتني سالتها متى موعد البرنامج ..


&&&&&&&&&&&&&&&&&&&&&&&&&&&&&&&&&

في بيت ابو فهد

اعتادت جمان الذهاب الى بيت خالتها كل جمعة بعد المغرب حتى تتتيقن من عدم وجود فيصل ولا تذهب الا اذا تيقنت من وجود ياسمين التي كانت حامل في شهورها الأخيرة

وصلت جمان الى بيت خالتها وهرعت ابنتها لجدتها تحتضنها ثم ذهبت مع نوف وناصر لينادوا ضاري وبسام وخالد وما هي دقائق الا ايضا جاء بو يوسف بابنائه الى جدتهم فهو يعلم انه يوم التقاء الأطفال ببعضهم ..

دخل ليسلم على ام فهد بوجود كلا من ياسمين وجمان التي تفاجات به قبل ان تلبس نقابها ولكنه تدراك الموقف

وخرج مسرعا ..


&&&&&&&&&&&&&&&&&&&&&&&&&&&&&&&&


فيصل وبدر يجلسان في احد المطاعم ..
فيصل: تدري بدر ان جمان كملت تعليمها والحين هي دكتورة في الجامعة
بدر : ادري
فيصل:عصّب فقال .. اشدراك
بدر شنو اشدراني انا اتابع برنامجها واقرا مقالاتها
فيصل: ودبت فيه الغيرة وعلا صوته ..شقلت ....ليش اتابعها
بدر: وانت ليش معصب
فيصل: رد على سؤالي ليش اتّابعها ..برنامج مفيد ومقالاتها حلوة كلها قصص ومشاكل وحلول ليش ما اقراها
عصب فيصل وتغير لونه ووقام وترك بدر ..ولكن بدر لحقه
فال: انت اشفيك معصب يا خي لاهي زوجتك ولا اختك ولا أي شي بالنسبة لك هي وانا ما قلت شي يخليك تثور انسانة محترمة في طرحها الفكري الموضوعي
اقولك شي ..بس لا تزعل : ليش عصبت
فيصل..........................
بدر: انا اقولك اما تعصيبتك من غيرة المستوى اللي اوصلت له او انك ما زلت تحبها ومتحسف عليها

..ترك فيصل بدر ولم يرد عليه وركب سيارته وذهب الى بيته ..


&&&&&&&&&&&&&&&&&&&&&&&&&&&&&&&&&&&

وصل الي البيت وصار يقلب في القنوات حتى وصل الى القناة المطلوبة لعله يرى اعلانا عن موعد البرنامج
دخلت ندى التي كانت في زيارة لوالدتها جلست بجواره وهي لا تدري مالذي يدور في عقله
ندى : فيصل: انت مو وعدتني تشتري لي بيت
فيصل..........................
ندى فيصل : رد علي هذي مو حاله عايشين بقوطي
فيصل: كل هالوسع واتسمينه قوطي احمدي ربك ماجرلك دور من فيلا اشتبين بعد. على ما يي دورنا وناخذ ارض وقرض ..
ندى .اووووووووووووه
فيصل: لا تعلين صوتك ..روحي طلي على بنتك بدل ما تعلين صوتك
ندى : عندها المربية
فيصل: بس وهذا هو ..انتي حرام فيك اليهال
ندى : فيصل لك مهلة شهر ان ما شاريتلي بيت ماني قاعدة عندك ولا دقيقة
فيصل: ما عندي فلوس
ندى : بيعوا بيتكم وخذ نصيبك
فيصل: وامي وعيالي وين يروحون
ندى: عند اخوك فهد ..
فيصل: امي وتروح عند فهد وعيالي بعد فهد مسؤول عنهم
ندواا سكري هالموضوع ترى ما يحصلك طيب بروحي مالي خلق ..
ندى .اوووووووووه انت صاير ما تنطاق

لم يلتف اليها فكل همه ان يجد برنامج جمان ..اراد ان يتصل بياسمين يسالها ولكنه خجل من ذلك ..

&&&&&&&&&&&&&&&&&&&&&&&&&&&&&&&&&&&&

بعد فترة من الزمن ...


لاحظت جمان ان هناك من يتعقبها وهي في طريقها الى الجامعة وكذلك حين عودتها الى البيت ..غير رقم يتكرر اتصاله بها وهو رقم غريب ولكنها لا ترد عليه .

جمان: شالسالفة وين ما اتجه يتجه وراي اكيد طريقه نفس طريقي بس هذا كل ما في الأمر -
وفي يوم دخلت البيت والكل في انتظارها على الغداء وبعد ان انتهوا
قال ماجد لجمان متى ما فضيتي ابي اكلمك في موضوع ..
جمان: اذا موضوع مهم خله بعد صلاة العصر الحين من التعب راسي يبي ينفجر
ماجد : على راحتك
ذهبت جمان وهي تتساءل بينها وبين نفسها بالموضوع الذي يريد اخيها ان يحدثها عنه ولكن التعب لم يمهلها لتطيل التفكير به فنامت
استيقضت على صوت ابنتها وهي تناديها
بسمة : ماما قومي بابا يبيك تحت
صارت تلعب مع ابنتها حتى افاقت تماما
ثم قال: روحي قولي حق بابا ماما الحين تنزل تصلي وتيي
بسمة: زين
جمان: قولي ان شاء الله
ابتسمت لوالدتها وذهبت لخالها

وبعد فترة جاءت لأخيها وهي محتارة فيما يمكن ان يبلغها به ماجد
بعد مقدمات
قال :ماجد : بويوسف مكلم اخوك بو حامد يبي يخطبك اشقلتي
جمان: لم تستوعب كلام ماجد
جمان :شنو مافمهت شقلت
ماجد : اقولك بو يوسف عبد العزيز اخطبك من بو حامد شقتلي
جمان: من غير تردد... لا ..
ماجد زين ليش الريال ما فيه عيوب
جمان: الله يخليكم خلوني بحالي المرة الي طافت لحيتوا علي كانت النتيجة اني تطلقت والحين شنو بعد ناوين عليه
ماجد : لا تردين الحين فكري بالموضوع على راحتك
جمان: آسفة وارجوك لاتكلمني في الموضوع مرة ثانية
ماجد: انا بتركك الحين وبعد اسبوع ردي علي واحنا قلنا للريال نعطيك الرد بعد اسبوع
جمان: لا اسبوع ولا غيره وتقدر ترد عليه من الحين .
ذهبت جمان الى غرفتها تندب حظها وتبكيه .وتتذكر حبها لعادل الذي لم يعد يفكر يها كزوجة ابدا ثم زواجها من فيصل وطلاقها
فقالت : الحين قصة يديدة بعد بو يوسف مستحيل اوافق عليه شلون اصلا اقدر اواجه خالتي وياسمين حتى لو وافقت ..لا مستحيل مستحيل انا كل همي ودنيتي بسمة ووظيفتي وبس ..اما الزواج فعليه علامه x .
خلال الاسبوع كان كل يوم احد اخوانها يلمح لها باهميه الزواج ولكنها كانت عند كلمتها لاتريد الزواج

اما من يتعقبها فقد صار ليس فقط يتعقبها انما ينتظرها الى ان تصطف في مصافط الكلية او الى حين دخولها الى البيت عند عودتها مما اثار فضولها لتعرف من هو
وفي يوم روت لبسمة ذلك
جمان: في مراهق كل يوم يلحقني من البيت للكلية ومن الكلية للبيت
بسمة : اشتتبين احسن من جذي حماية شخصيات
جمان: اقولك هالشي غاثني انا في مراهقتي ماتعرضت لهالهشي مو الحين
بسمة: انتي بصراحة منتي حاسة بنفسك اتي ما شاء الله عليك ما تغير فيك شي لين الحين الجسم ماتغير وحلويتي اكثر من اول.. واذا كنت خايفة من هذا اللي غاثك قولي حق اخوانك عن روميو
جمان: مالي خلق المشاكل توهم مكلميني عن زوج فاطمة الله يرحمها يبي يخطبني وانا رافضة
بسمة : ليش
جمان: من غير ليش خلاص انا زواج بعد مابي اتزوج ابي اربي بنتي وبس .انا باخذ اليوم رقم سيارته وبعطيه حق خالتي
وهي بدروها تعطيه لبويوسف هو يشتغل محقق في الداخلية يشوف منو صاحب هالسيارة
بسمة شلون تطلبين من بويوسف وانتي رافضة الزواج منه بقولها وحدة من ارفيجاتي متضايقة من ملاحقة واحد وتبي تعرف منو يلحقها لو قدر انه يوقفه عند حده بدون مشاكل تكون له شاكرة
تدرين الحين بتصل عليها واقولها

وفعلا اتصلت عليها ولم تقصر ام فهد وطلبت من بو يوسف ان يعرف صاحب رقم السيارة

&&&&&&&&&&&&&&&&&&&&&&&&&&&&&&&


في بيت ماجد بو حمد عصرا


جمان : ريم ما تيين معي السوق
ريم: حزت امتحانات ومحمد اذا ما جابلته ما يدرس اصبري نروح الخميس مع بعض او السبت
جمان: ابي اشتري ملابس حق بسوم ما شاءالله الملابس اللي اشتريها هالشهر ما تصير عليها الشهر الياي بسرعة تطول هالبنت الله يحفظها ..
ريم: تطول وتضعف ..
جمان: على كثر ما الكل حاط باله عليها الا اني احس الحزن بعيونها لا حظي صورها مو ملاحظة لمسه حزن بعيونها
ريم: تدرين حتى ماجد يقول هالشي زيقول هدوؤها م طبيعي لبنت بعمرها .
جمان:يالله امرنا لله ..الحين يعني انتي منتي ياية خل اشوف ام ناصر
ريم: وين فيها حيل بروحها صايره درباحة اليوم باجر تولد
جمان: خل تمشي عشان بسرعة تولد
ريم: اريولها منتفخة حيل من الحمال ما تقدر تمشي
جمان: عيل اروح بروحي الله يخليك خلي بالك على بسوم
ريم: لاتوصين بسوم بنيتي ..
جمان: الله يبارك فيك ..
كانت جمان تتنقل من محل الى اخر في احد المجمعات التجارية فاحست بالتعب ووجلست في احد مقاهي الكوفي شوب المطل على المحلات لتشرب شيئا يقويها على تكملة مشوار الشراء
لمحت من مسافة لا باس بها فيصل وندى وابنتهما وفيصل نازل الى مستوى ابنته واضح انه يريد مسايرتها على امر ما ويتبادل الإبتسامات مع ندى ..
شعرت جمان كان سكين غرست في قلبها لم تتحمل المنظر الذي راته وخرجت من المجمع الى اقرب مسجد وكان قد قرب موعد صلاة المغرب .. ودخلت تبكي حالها وحال ابنتها التي لا تعرف اباها ابدا و وهو الذي طلب في يوم ان يراها ولم يكن ابدا جادا في طلبه
خرجت من المسجد بعد ان صلت وهدات حالها اكملت ما ارادت شراؤه من مجمع اخر ورجعت الى البيت واسرعت الى ابنتها تحتضنها وكانها لم تراها من زمن بعيد ..
ريم: اشفيك اللي يشوفك يقول صارلك سنة ما شفتيها .. جمان اشفيك تبكين
جمان: ولا شي ما ادري اشتقت لها بس
ريم: اكيد في شي تعالي قوليلي
جمان: شفت فيصل في المجمع مع ندى وبنته وتحسرت على بسمه اللي ما تعرف ابوها
ريم: تحسرتي على بسمة ولا على فيصل اللي ..وقبل انت تكمل
جمان: لا ياريم انا فيصل خلاص ماله وجود عندي ..
ريم: ليش ما توافقين على عبد العزيز
جمان: منو عبدالعزيز .
ريم: بو يوسف
جمان: قلتلك انا لاغية فكرة الزواج وخصة من هالشخص صعب يا ريم صعب .
ريم : يعني لو واحد ثاني توافقين
جمان: لا .ريم بصراحة انتوا متضايقين من قعدتي عندكم
ريم:لا يا جمان لا يروح تفكيرك بعيد .بس هذي دنيا ما تدردن من يبقى فيها ومن يكون سندك فيها
جمان: مو شرط ان الزوج يكون سند
ريم: الزواج مو بس سند وتكوين اسرة الزواج مشاركة في كل صغيرة وكبيرة لما تحبين زوجك يكون مو بس زوج يكونلك صديق وزوج واخو وابو ..تشكيله هموممك ويقولك همومه ..الزواج يا جمان مشاركة وهذا انتي قاعدة تحلين عقد الناس منتي قادرة تتخلصين من عقدة فيصل ..
جمان: تدرين يا ريم طول عمري لا فكرت بشهادة ولا وظيفة كنت احلم بتكوين اسرة اعطيها كل وقتي بس ما انكتبلي هالشي اللي ما سعيتله سعالي خذيت اكبر شهادة واحسن وظيفة وانشهرت وانا ما خططت لهالشي ..بس الزواج الي طول عمري احلم فيه فشلت فيه
ريم: جربي مرة ثانية.
جمان: هم من واحد كان متزوج
ريم: قدرك جذي وما اعتقد عبدالعزيز مثل فيصل .
جمان: نصلي العشا ونزهب العشا وعندي تحضير احسن من هالسالفة ..
ريم: لا تتهربين
ابتسمت جمان لريم وذهبت لتصلي ...

&&&&&&&&&&&&&&&&&&&&&&&&&&&&&&&&

صباح يوم جديد



خرجت جمان من بيتها واستغربت عدم وجود من كان يتعقبها حتى وصلت لكليتها

جمان: كفو يا بويوسف اكيد وقفت هالشخص عند حده ..
جاءت بسمة لمكتب جمان: فقالت ها بشري شخبار روميو
جمان: الحمد لله ماله اثر اليوم ..
بسمة : دريتي جمان: خير الدكتورعادل صار رئيس قسم
جمان: اشوه اني مو تابعة لقسمه
بسمة : ليش
جمان: احسن عشان لا احتك فيه حتى لو كان كلشي انتهى ..
بسمة: عندك محاضرة الحين
جمان:اليوم يومي حافل عندي تحضير لموضوع يديد ومخي امس كان مشوش
بسمة: عسى ما شر
جمان: الشر ما ييك .ابد شفت امس فيصل وتعكر مزاجي
بسمة: عسى بس ما صارت معركة بينكم بسبة بسمة
جمان: لا يروح تفكيرك بعيد ..
بسمة : عيل ليش
جمان ...................
بسمة : اتحبينه
جمان:عكرتي مزاجي اكثر الله يهداك .ما اكون صاحية لو احب واحد عذبني وذلني.
يالله تاخرنا وايد على محاضراتنا ..

&&&&&&&&&&&&&&&&&&&&&&&&&&&&&&&&&&&&&&&

في المستشفى


دخلت ندى على مكتب فيصل
ووجدت فيصل يقرا احدى المجلات
ندى: انت من متى تقرا مجلات اشوف الموضوع اللي تقراه
فيصل: موضوع ما يهمك ..اشتبين يايه وهاده المرضى
ندى: ما في مرضى وباستأذن واروح بيت اهلي ترى امي عازمتنا على الغدا
فيصل: روحي انتي انا بمرالوالدة اتصل فهد ويقول انها حيل تعبانه .
ندى : حطولها ممرضة دائمة في البيت .
فيصل: فهد ما قصر وحط لها ممرضة
ندى :عيل تعال تغدى وبعدين روح
فيصل: اقولك تعابنة حيل ..مو تنسين تمرين تاخذين بنتك وانتي رايحة عند اهلك
ندى: اكيد بمرالبيت اخذ شور وابدل ملابسي
فيصل: اشوي احتشمي بملابسك ترى البنطلونات ما عادتك تنفعك
ندى : منعتني البسها في الدوام ولما اطلع السوق بعد تمنعني من لبسها لما اروح بيت اهلي
فيصل: يقول في نفسه. صايرة درام وبعدها عبالها جسمها حلو ..
ندى : اشفيك ساكت
فيصل: نفذي اللي قلتلك عليه
ندى : اف زين ..

&&&&&&&&&&&&&&&&&&&&&&&&&&&&&&&&&&&&

في الجامعة

كانت جمان تستعد للخروج فقد انتهت محاضراتها وفجاة سمعت طرقات على الباب سمحت له بالدخول وهي ما زالت لاهية بجمع ادواتها وكتبها
كانت تظن ان الطارق احد طلبتها

....... السلام عليكم
ال
صوت ليس بصوت طالب
رفعت رأسها وهي ترد السلام....... ممكن من وقتك دقايق
جمان: نفضل ..وهي تقول الوجه ليس يغريب علي ولا الصوت
........ انا أعتذر ان كنت ضايقتك وتعقبتك في روحاتك وياياتك واتصالاتي
جمان.هــــــــا ..انت
.......اي نعم انا بويوسف
جمان: معقولة
بو يوسف: ما كان عندي حل غير جذي عندي احساس انك بترفضيني عشان جذي صرت اتعقبك وابي اكلمك واعرف الرد منك انتي
جمان. بو يوسف انا قلت رايي حق اخواني ما ادري اذا وصلولك راي ولا لاء
بو يوسف: اكيد رافضتني
جمان: اذا كنت تدري اني برفضك ليش خطبتني
بويوسف: من شفتك في بيت العمة ام فهد وانت منزلة نقابك وطول الوقت افكر فيك ماقدرت اشيلك من بالي جمان احنا بنكون مناسبين لبعض
جمان: انت تعلم الغيب .بعدين انا شايلة فكرت الزواج من بالي ولا تنسى ان فيصل خال عيالك ومو بعيدة خطبتك اتضايق خالتي ام فهد
بو يوسف: جمان انا كلمت العمة ام فهد قبل ما اخطبك وما عندها مانع بالعكس افرحت وايد .وقبل ان ترد عليه جمان . رن تلفون بو يوسف
بو يوسف "أي مستشفى . زين مسافة الطريق واكون عندكم بإذن الله
جمان ام فهد في المستشفى حالتها خطرة
جمان: اشقلت: الله يشافيها ويعافيها في اي مستشفى
بو يوسف: مستشفى............
اتصلت جمان على ريم وقالت انها ستمر ام فهد في المستشفى وستتاخر

وصلت جمان وبو يوسف مع بعض ولم يتمكنوا من الدخول لأن ام فهد في العناية المركزة والزيارة ممنوعة
استغرب فيصل من وصول بو يوسف وجمان بنفس التوقيت وصار يتساءل عمن اخبر جمان بوجود والدته في المستشفى فهواتصل فقط في بو يوسف ولم يخبر احدا غيره وغير اخيه فهد حتى ياسمين لم يخبرها .... ..
كان بو يوسف يكلم جمان بشان الأولاد وكان فيصل في قمة الغيض وهو لا يدري ما يدور بينهما
بو يوسف : الحين اليهال بردون من المدرسة ومحد عندهم باخذهم واوديهم عند الوالدة
جمان: تاخذ ضاري وبسام وخالد
بو يوسف شي اكيد
جمان: لا انا باخذهم كلهم عندي بدق على ياسمين واخليها تيي معاي البيت واخذهم
اوه نسيت ياسمين على ويه ولادة خلاص ادق على ماجد ونروح البيت وناخذهم
بويوسف: عيالي لا اخذي عيال فيصل بس
جمان: اللي يريحك ..

مرت الأيام وحالة ام فهد بدأت تهدا وتستقر وسمح يالزيارة لها ..كانت جمان تزورها يوميا بعد انتهاء فترة محاضرتها وهي فترة انتهاء الدوامات واختارت هذه الفترة حتى لا تلتقي بفيصل ..
لقد شعرت جمان من بعض مواقف مع عبدالعزيز بالراحة وعجبها فيه شعوره بالمسؤولية وخوفه على اطقاله وحرصه على اسعادهم غير شعورها بانه حريص جدا على الأقتران بها فصارت تفكر جديا بالاقتران به ..

وفي يوم كان ابناء عبد العزيز وفيصل وابنائه في زيارة لأم فهد وسمع عدنان يقول لضاري خالتي جمان بتصير امي انا بعد مو بس انت واعطي بسمة كل العابي واعطيها غرفتي ..
نادي فيصل ليستفهم منه
فقال
عدنان شلون تصير خالتك جمان امك هي بس ام بسمة
عدنان: ابوي قال خالتي بسمة بتعيش معانا
عصب فيصل ونظر الي والدته
فقالت ام فهد: بو يوسف خطب جمان
عصب فيصل : شنـــــــــــو من متى .
ام فهد : اشفيك عصبت
فيصل: وهي موافقة
ام فهد: ما ادري

خرج وهو معصب من عند والدته وصار يدور في سيارته ولا يدري الى اين يذهب وهو يقول : ما لقيت يا عبد العزيز غير جمان تتزوجها قلة بنات في الديرة ..
اتصل على جمان التي استغربت من الرقم فهذا رقم فيصل تعرفه جيدا وان لم تكن قد حفظته وتميزه لا يجعلها تنساه
ردت عليه : خير الوالدة فيها شي
تكلم وهو في قمة الغضب" شوفي جمان ان كنتي تبين تتزوجين لازم اتعرفين اني راح اخذ بنتي عندي والقانون معاي انا ما ارضى ريال غريب يربيها ..وسكر الخط قبل ان تتكلم ..
جمان: طول عمرك اناني اشدعوة انت داري بعيالك عشان بتحط بالك على بسمة




لامارا غير متواجد حالياً   رد مع اقتباس
إضافة رد

الكلمات الدلالية (Tags)
الماضي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:12 AM



Powered by vBulletin®
Copyright ©2000 - 2024, vBulletin Solutions, Inc.