آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-05-13, 11:36 AM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  قام الكل يسير صوب البوفيه صوب البنات ظبية: يالله يا محلات هاليوم نورة اللي قاعده تصور كل شي: هيه و الله روووووووعه هاليوم ميثة تنهدت: و الله و لكم وحشششششـــــــــــــــــة مها: و نحن اكثر حبيبتي ميثة مسكت مهره: تعالي انا بحطلج اكل منال: بنات بنات صدوا صوب منصور شوفوه فديته و الله رحوم مثل ابوه كلهم صدوا صوبه منصور ما خلى حد يحط لعزوز شي قال لهم اونه انا بحطله بروحي و بياكل معاي بصحن واحد و اللحين عزوز و منصور ( ثنائي يديد ) كل واحد منهم يسولف للثاني و يخرط على الثاني و يضحك على الثاني ( انسجموا مع بعض بسرعه ) ميثة: احم احم حتى عزوز فديته رحوم مثل ابوه مها: هههههههه يالله ما نرووم نورة: هههه اللحين صار فيصل حبيب القلب ظبية: ههه الله يسعدج حبيبتي معاه منال: آميــــــــــن يا رب و يوفقها معاه بكل شي ميثة بفرحه: فديتكم و الله منال تخزها بعين: مب كنج استويتي شوي دبدوبه ميثة: هههه شسوي فيصل يقولي انا حلوة جيه يوم دبدوبه و مب حلوة اذا كنت ضعيفة ( فعلا ميثة مبين عليها انها متنانه شوي بس احلى عليها ) ميثة عطت الصحن لمهره من عقب ما حطت لها اكل ميرة: ميثاني قربيلي المحشي شوي ميثة: تفضلي حبيبتي مهره: ميثة عيل البارحة لما كلمتيني ما قلتيلي انج بترجعين اليوم ميثة: هههه شسوي فيصل قالي لا تخبرين حد اونه مفاجاة ميرة: بس تصدقين حلو يوم رديتوا اليوم صارت بدل الفرحة فرحتين و فديته عزوز ردت صحته زينه ميثة: هيه الحمدلله بس مع ذلك لازم نراجع فيه كل شهرين الين ما نطمن عليها بشكل كامل مها: يلا فديتكم تعالو نسير ناخذ اكلنا و نقعد على الطاولات منال: يلااا اوكي ميثة شلت طاسة كبيرة شوي و كانت تمشي مع منال فيصل انتبه عليها: ميثة انا شوو قايلج ميثة صدت صوبه معقده حياتها: ليش انت شو قلتلي فيصل: نسيتي شووو ،، انا مب قايلج لا تشيلين شي ثقيل ام فيصل بفرحة: لا يـــــــــــكون.. فيصل ابتسم: ابشـــرج ميثة حامل بوفيصل بسعاده: صدق و الله ام فيصل قامت و يببت: كلولولولولولولولوش منال شلت الطاسه عن ميثة و عطتها كارينا منال باست اختها ( الف مرة ): ياااااااااااااااااااااااا اااااااااي و اخيــــــــــــــــــــــ ـــــــــــــراااااا بصير خااااااااااااااله ألف ألف ألف ألف مبروووك حبيبتي ميثة استحت: الله يبارك فيييييج غناتي تخيلو بعد 8 شهور بصير ام مهره: انا اليوووووووم بطير من الفرحة الف مبروووك حبيبتي ميثة: الله يبارك بحياتج حبيبتي بس عاد تراني استحي لا تطالعوني جيه الكل سار و بارك لها و قعد يهنيها و يوصيها على عمرها و ام فيصل استلمتها هزاب ام فيصل: و انتي من مساعه قاعده تتمشين و مرة تركضين و مرة تشيلين هالثقيل مرة ثانية ان شفتج اتعبين عمرج يا ويلج مني ميثة: ههههههه ما اسواااج يالغالية نورة: ههه و الله و كبرتي يا ميثة مها: ههه شفتي عاد منو اصلا كان يتخيل ميثة تصير ام ميثة صار ويههاا احمر: عقبالج يا مها مها: الله يسمع منج يالغالية منال: يا رب يا رب تكون بنية ميثة: هههه اللي من عند الله حياه الله مهره: يا سلام على فرحة اليوم يعلها دوم قولوا امين البنات: آميـــن بعد دقايق ......: حشــــــــى أثاري انا بس الوحيد اللي ما كنت موجود حليلي ام فيصل: انت طلعت من الشغل ههههه حمدان: هههه طلعوني اليوم و ييت لكم بسرعه ،، الســـــــلام عليــــــــــــكم يا جماعة الخيـر الكل: و عليــــكم الســــــــــلآم الرحمة فيصل قام بيسلم عليه حمدان تفاجا بوجوده: بووو عبدالعزيز هني فيصل: هههه اشحالك عسااك بخير حمدان سار يسلم عليه: يا مرحبااابك انا بخير ما اشكي باس من صوبك فيصل: بخير و نعمة حمدان صد تحت فيصل: منوووو هالحلوو لا تقولون عزوز ( قام شله و باسه على خده ) بوفيصل: ههه هيه فديته فيصل سار صوب حمدان وولده: عزوز هذا عمك حمدان حمدان: اشحالك باباتي بخير عزوز: انا بخير عمي حمدان: فدتيك انا و قام عقب حمدان يلاعبه و مستانس عليه الين ما يا عقب منصور و شل عزوز يلعبون ام فيصل سارت تحط اكل لولدها و عطته ياكل و عقب يابوا الكيكة الكبيرة و قصوها و وزعوها على الكل و صارت الساعه متاخرة و بعدهم يسولفون و ما انكر عليكم الحريم كالعالده شغالين سوالف + اكل يت الساعه 12 قرروا الشباب كلهم يفجروا البالونات اللي بالمسبح حمدان و أحمد و جاسم و منصور معاهم بدلوا ثيابهم و نزلوا للمسبح و كل واحد يمسك بالونه و يفجرها صارت الاجواء ربشه و طبعا نورة تصور كل شي و ما خلت حد ما صورته الكل يضحك و هو مستانس الكل يتصرف عادي ويا مهره عسب ما يحسسونها انها بخطر و لا شي جاسم: شرايكم ايطفون كل الليتات و يخلون بس اضواء المسبح احمد: فكرة حلوة حمدان: منصور ازعج على شغالتكم خلها تبند الليتات بس تخلي مال المسبح منصور نادى عليها و سوت مثل ما يبون و صار المنظر روووووعــــــــــــــــه بمعنى الكمة اللحين بس اللي ينشاف الماي و البالونات بالوانها المختلفة و اللي داخل الحوض و البقية سارو و يابوا الكراسي و قعدوا صوب اطراف الحوووض ظبية: هههههههه اسميني ما احب صوت البالون و هو ينفجر يزيغني خصوصا اذا كان بويهي مهره: ههه شراتي انتي نورة: يا جماعة بصور اللحين فيديو استعدوا انزين احمد: اوكي جاهزين ( و هذا هو كان حفل رجعة مهره و استقبلتو فيه عدة مفاجآت سارة ) في المستشفى ريم بصدمة: ماتت ام ريم: من متى الدكتورة: المدام سارة توفت قبل اربعة ايام تعذبت وايد من آثار الحرج ،، جسمها كان جدا حساس لأنه متفحم على الأخير و نحن حطيناها بالعناية المركزة و شددنا على حالتها لكن الله خذ عمرها ريم: إن لله و إنا إليه لراجعون ام ريم: الله يرحمها يا رب اللهم لا شماته و انزين اختي ما تعرفين شي عن زوجها الدكتورة: ليش انتو ما كنتو تتابعون الجرايد ام ريم عقدت حياتها: ليش الدكتورة: زوجها ناصر الــ،،،،ـي توفى من أول يوم احترج فيه ام ريم: شــــــــــــــــــــــــ ــــووو الدكتورة: قبل ما انسى ترا نحن اتصلنا عليكم عسب نقول لكم ان المرحومة تركت رسالة كتبها واحد من اشخاص الطاقم الطبي و ما طاع يقولها لنا الين ما تييون انتو بنفسكم تسمعونها ام ريم من هول الصدمه ما قدرت تتحرك او تنطق بشي ريم بحزن: و وينه فيه هذا الشخص الدكتورة: استريحوا هني بروح اناديه عقب شوي دخل عليهم واحد الدكتور: السلام عليكم ريم: وعليكم السلام الدكتور: انتي الانسة ريم و هذي هي امج ريم: هيه انا ريم و هذي امي خير فيه شي الدكتور اشر للدكتورة تطلع و تخليهم بروحهم عقب ما طلعت الدكتور تنهد: الله يحسن خاتمنتا ريم: آمين الدكتور: يا آنسة ريم سارة تطلب منج انتي و امج السماح لأنها ما تبي تتعذب وايد و هي قالتلي ان الحلال خلاص بيرجع لكم كامل لكن الشركة من بعد ما طلعت عليها الشبهات سكروها كامل و ما بتقدرون ترجعونها بحكم القانون ريم تحاول تمتص دموعها عقب حطت ايدها الثنتين على ويهها الدكتور: و الشي الثاني سارة تقول اطلبوا السماح من وحده اسمها ظبية و هذي رسالة لها وصلوها لها ريم: ظبية طليقة راشد ليش الدكتور: قالت انها ظلمتها و هي سبب طلاقها من زوجها راشد ريم مستغربة: يعني سارة هي السبب الدكتور: هيه للاسف هي ريم: فيه شي ثاني بعد الدكتور: لا اختي ريم: يلا اماية خلينا نرووح ما باقي عن طيارتنا الا ساعتين قامت ام ريم و هي تصيح ( طبعا مثل ما تعرفون بيروحون العمرة ) ريم عطت الرسالة لظبية عن طريق حد يوصلها لها يوم تكون بالجمعية الخيرية مالتها و طبعا انتو ادرى بظبية قلبها رحيم و اكيد بتسامح.. سارن ريم و ام ريم على المطار و ياهم هناك بو ريم ( اللي سامح بنته و ردت المياه لمجاريها ) بو ريم: هالله هالله بعمرج ريم بهدوء: ان شاء الله ابوي انت ما توصي على شي من هناك بوريم: سلامتج يا بنتي اذا احتجتي اي شي اتصلي علي ريم: ان شاء الله بو ريم: و اذا اتصلتلج ردي على طول لا تخوفيني عليج ريم: تامر امر يا بوي ،، بوس اخواني عني و سلم على يدوه و فاطمة بوريم: ان شاء الله ،، يلا ماشي وقت عن طيارتكم ،، مع السلامه ريم: مع السلامة هدت ريم ايد ابوها و سارت صوب امها بيتجهون صوب الطيارة مالتهم بعد شــــهر و نص.. الصبــح.. ألـــف صلــــــــــي و سلم عليـــــــــــــــك يا حبيب اللــــــــــــه محمد أم فيصل + أم فهد: كلوووووولوووووووولوووووول ووووووش أم فهد: يــــا لله بطيـــــــــــر من الفرحة ألـــف ألــــف مبروك فديتج و الله تستاهلين السعد كله أم فيصل: كلووووووووولوووووولوووووو ووش يات أم فهد و باست بنتها ظبية ظبية: ههه يالله يعلني أشوف هالفرحة دووم على ويهج يت أم فيصل و حضنت ظبية: فديتج يا ظبية و أخيرا فرحنا فيج مرة ثانية و أنا متأكدة ان سعيد بيحطج بعيونه نورة تدمع عيونها دموع فرح: جم صبرتي و صبرتي يا ظبية و اخيرا حصلتي مرادج مها بفرح: الله الله من قدها عروستنا خلاص صرتي زوجة سعيد و أم لغلا شو تبين بعد ظبية: و الله ما اعرف شقول من سعادتي ( حضنتها أمها ) أم فهد: يا سلام على فرحتنا من قدنا هالليلة ما شاء الله اسبوع تميتي تفكرين إذا بتوافقين على سعيد و يوم وافقتي حسيت اني بعدي ما صدقت و يوم ملجتي عليه اليوم ،، حسيت عمري بطير من فرحتي فيج الحمدلله لك يا رب الحمدلله يوم عوضت بنتي بخير دخلت ميرة: يــالله العروس جاهزة ظبية: على وين ميرة: شو على وين اكييييييد على الصالون ليكون تبين تطلعين عادية جدام ريلج بالملجة بالليل ظبية استحت دخلت منال: نووووورة نوووورة نورة: هلا حبيبتي منال: يلا تعالي معاي شتسوين هني أنا محتارة شلبس اليوم بليز تعالي ساعديني نورة: يايتج اللحين حبي مها: بنوتات ظبية بنخليها تروح الصالون و نحنا بنخلي صالون ديمة اييونا هني بالبيت و بنتصل لميثة اتيي معانا بعد تتعدل نورة: و الله زين عسب ما نتأخر مهاري فديتج روحي اتصلي على ميثة و قوليلها اتيي هني بتتعدل معانا مهره: من عيوني و عقب طلعت بتكلم اختها ميرة: و ام فيصل و ام فهد اليوم لازم تتمكيجون و لو على الخفيف عشان خاطر ظبية و اخيرا فرحنا فيها من بعد ما عانت حليلها بحياتها ام فيصل: مستعده اكشخ لها بملجتها و بعرسها بعد هذي الغالية بنت الغالية ام فهد: يالله عساني ما اذوق حزنكم يا عيالي و اشوف الفرحة دوووم على محياكم دق الباب فهد ام فهد: ادخل فديتك ادخل فهد: اماية انا رايح اشوف الذبايح و بشلهن المطعم و على الساعة 9 بيوصل العشا للمعازيم ام فهد: زين و الله الا الخضرا يا بويه ما وصلت فهد: لا خلاص توها وصلت و خليت الشغالات يرتبن الميالس ام فيصل: الا شغالاتي ين و لا بعدهن فهد: امبلا ين توهن و بعد ينظفن مع شغالاتنا منصور يا لهم: ظبية ظبية: آمر حبيبي منصور: يدي يبــيج ظبية ابتسمت: خلاص اللحين بييه منصور راح ظبية راحت لأبوها ظبية دخلت عليه و سارت و حبت راسه ظبية: يعطيك العافية يالغالي بوفهد ابتسم: ويعافيج ،، انتي مرتاحة ظبية: مدام ابوي رضا عليه و استانس على زواجي فاكيد بكون فرحانه ( تحقق حلمها الثاني و رضا عليها ابوها باقي الحلم الثالث اللي هو شهرتها خليجيا ) بوفهد: يا بنتي يا ظبية انا يايبج هني اقولج جم من كلمة ظبية: قول الغالي اسمعك بوفهد: ظبية بنيتي سامحيني فديتج أنا ظلمتج وايد ظبية حبت ايده: لا فديتك لا تستسمح مني انا نسيت كل شي بوفهد ابتسم: لا تقاطعيني ظبية ابتسمت: تفضل اسمعك بوفهد: سعيد ريال و النعم فيه و انا ادري انكم تبون بعض و انا اللحين مالي حق اوقف بويه سعادتج انتي بنتي و تهمني مصلحتج خلاص اللحين ما يهمني الفلوس و مركز الواحد كثر ما تهمني اخلاقه ظبية انتي اثبتي برج لي و عمرج ما رديتي علي مع اني وايد ظلمتج و غير هذا كله وقفتي على ريلج و بنيتي جمعية بروحج بمعاونت اخوج فهد الله يخليه لنا ما يقصر هالانسان دومه راعي واجب ظبية انا صارت عندي امنية اتمنى ربي يحققها لي ظبية دمعت دموع فرح: و شو هالامنية بوفهد مسح على راس بنته: اتمنى أشوف عيالج قبل لا موت ظبية: بتشوفهم يا بويه بتشوفهم و بتلاعبهم ان شاء الله الين ما تمل منهم بوفهد: هههه مستحيل امل منهم دامهم عيالج ،، اللحين قوليلي انتي شايلة بخاطرج علي ظبية: لا حشى يالغالي مب شايلة بخاطري عليك لانك ما تهون علي ،، و تاكد مهما سويت فيني بحطك بعيوني و برعاك و بحرسك دامني حية بوفهد: الله لا يحرمني منج يا بنيتي ولا يحرمني من سعادتج و من بسمتج الحلوة ظبية: يالله يا بوي و الله ما تتخيل شقد هاليوم حلو بالنسبالي كل هذا يصير لي بفضل ربي و من ثم رضاكم عليه بوفهد: الله يديم عليج هالفرحة يا رب ظبية: وياك يا ربيه رن تلفون بوفهد بوفهد شله: هـــــــــــــــــلااااا محمــــد محمد: ابوووووووووووووي شهالخياااااااانة ظبية تزوجت اليوم و لاحد خبــــــرني بوفهد: هههههه انت سلم بالاول محمد: هههه اشحالك فديت راسك بوفهد: بخير دامك بخير و انت عساك مرتاح محمد: اف يالله مب مرتااااااااح و الله اشتقت للبلااااااد بوفهد: ما عليه يا ولدي هانت الا هي جم من سنة و بترجع لنا بالسلامة محمد: تصدق ابوي يوم خبرني فهد عن زواج ظبية طرت من الفرحة ،، الحمدلله يوم ربي عوض هالمسجينه بدل الجلب راشد اللي ما منه أمان بوفهد: ربك كريم و ما ينسى عبده و ظبية عانت و صبرت و نالت النتيجة اللي تفرح محمد: اللحين بتصل ببارك لها بوفهد بدون ما يقول شي عطا التلفون لظبية ظبية: هلا بالغالي هلا باللي واحشنا و مفتقدينه حيل محمد: ظبـــــــــــــــــــــــ ــــــية ظبية: هيه ظبية ههههه محمد يقلد الحريم: كلوولولووووش ظبية: ههههههههههههههه محمد انت ما تيووووز عن سوالفك محمد: ههه لا تتخبرين هني حتى ربعي مب مخلنم بحالهم ،، يالله يالله من قدج اونه عروووس و صرتي حرم الشيخ سعيدان ظبية: ههههههههه شو سعيدان انته بعد محمد يحرك حواجبه: يالله يالله و صرنا ما نرضا عليهم بعد ظبية: حموووووود اصطلب هههه محمد: مبرووووووووووك مبروووووووووووووووك و الله اني فرحانلج حيييييييييل ودي حتى ايوووووووووول من فرحتي ظبية بفرحة: الله يبارك فيك و عقبالك يا رب محمد عفس ويهه: فال الله و لا فالج تونا حلوين ظبية: هههههههههههه و الله انك ما تتغير محمد: دبــــــــوووووووه مشتااااااااااااااق لكم وايـــــــــــد ظبية: و نحنا أكثـــــــــــــر و الله و تمو يرمسون و عقب سكرت عنه ظبية: تفضل تلفونك بوفهد ابتسم لها: خلاص عيل برايج اللحين بس ناديلي مهره ظبية: من عيوني سارت ظبية و نادت مهره و عقب دقايق يات مهره لعمها سمع بوفهد دقات الباب: تفضلي ياا بنتي مهره مبتسمه: السلام عليكم بوفهد: و عليكم السلام سارت مهره و حبت راسه: وينك ما شفتك اليوم الا اللحين بوفهد: كنت مشغول بملجة ظبية قعدي يا بنيتي قعدت مهره على الكرسي و طالعت بوفهد اللي كان لابس نظارة طبية و الشيب ظاهر بشعره و لحيته كانت خفيفة بوفهد: ها يا مهره شو قررتي تبين فهد و لا لأ ،، ترانا عطيناج فرصة شهر تفكرين فيهم و محد ضغط عليج ،، و تاكدي قرارج الكل راح يحترمه مهره: انا صليت استخارة و دق تلفون بوفهد ( حطه على الصامت و قال ): اسمعج يا بنتي كملي مهره: صليت استخارة و ارتحت لفهد بوفهد ابتسم: نقول الف مبروك مهره ابتسمت و نزلت راسها بوفهد: بالمبارك يالغالية مهره بصوت خفيف: الله يبارك فيك عمي مها: الو خالد خالد: هلا فديتج مها: خلاص أنا ما بيي البيت بتي راعية الصالون و بتعدل هني معاهم خالد: على راحتج ،، هاه شو الاجواء عندكم اسمع ازعاج مها: ههه بكل مكان ربشة هذا و الملجة ما بدت عيل لا بدت شبيصير خالد: ههه شرايج نعيد عرسنا مها: هههه لا خلاص راحت علينا و صرنا معاريس جدام خالد: ههه ارمسي عن عمرج انا بعدي معرس مها: الا ما قلتلي متى بتي خالد: بيي لهم المغرب مها: خلاص على راحتك خالد: يلا بخليج تامرين على شي فديتج مها: ما يامر عليك عدو الا بغيت اسالك قبل ما تسكر خالد: شو مها ترددت: أأ شيخة ردت و لا بعد رفضت هالمرة خالد تنهد: رحت لها و بعدها مصرة على طلاق مها: هيه خلاص عيل برايك خالد: مع السلامة سكرت مها عن ريلها و عقب راحت لمنال منال: بلاج احسج مب على بعضج مها: انا بروح لشيخة منال عقدت حياتها: شيخة شو تبين فيها اللحين اكيد بتشوفينها بالملجة مها: لا اخاف ما تحضر بسبتي فبروح اللحين لها اشوفها و بحاول اصلح الوضع منال ابتسمت: و هذا عين العقل ،، روحي بس لا تتأخرين لأن بعد ساعة بتي راعية الصالون مها: خلاص ان شاء الله راحت مها و ركبت هي و الشغالة السيارة بيشلهم الدريول لبيت شيخة وصلت مها و دقت الباب فتحت ام سعيد مها: السلام عليكم ( فتحت الغشوة ) ام سعيد: مها مها: ايه خالتي مها ( حبت راسها ) ام سعيد ترددت تدخلها مها: خالتي بكلم شيخة ضروري ام سعيد: قبل شوي مكلمنها خالد و اللحين قافلة على عمرها ما تبي تكلم احد مها ابتسمت: ما عليه خالتي انا راح اخليها تطلع من حالتها هذي ممكن تخليني ادخل ام سعيد: اكيد دامج بتطلعين بنتي من اللي هي فيه دخلت مها البيت و ام سعيد راحت تنادي شيخة شيخة بطلت الباب: هلا اماية فيج شي ام سعيد: مب انا اللي فيني فديتج انتي اللي فيج حتى اليوم يوم ملج اخوج الصبح باركتيله و انتي حزينة و الظهر لما ياج خالد رديتيه و انتي تحسين بألم يعصر قلبج و انا مب هاين عليه اشوفج جيه يا بنيتي و الله من اللي صارلج خلاني الين مع كل حد بس لأني متألمة على حالتج اللي ما تسر لا عدو و لا رفيج تعالي فديتج تعالي فيه شخص يبغي يشوفج اللحين شيخة استغربت: منو ام سعيد: انتي تعالي شيخة: اماية راسي يعورني مب متفيجة اشوف حد مها يت: حتى انا ما تبين تشوفيني شيخة عقدت حياتها تفاجأت من وجود مها: مها انتي هني ام سعيد خلتهم بروحهم مها: ممكن ندخل بحجرتج ابي اكلمج شيخة حست بضعف و دموعها طاحن بغصب عنها يت مها و مسحت دموعها بيدها مها: شيخة انا حلفت اليوم ما اطلع من هني الا و انا مصلحة كل الامور بيني و بينج و بينج و بين ريلج خالد شيخة: خالد ريلج انتي و بس انا خلاص ما يبيني مها: غلطانة يالغالية خالد ريلي و ريلج لا تنسين هالشي و لا تخلين العاطفة تسيطر على كيانج شيخة: بس مها حطت صبعهاعلى شفاة شيخة: اوووص انا بتكلم و انتي بس اسمعيني هزت شيخة راسها بالايجاب مها ابتسمت: شيخة بقولج شي ،، خالد يحبج و يعزج ،، فوق ما تتصورين ،، خالد من يوم ما تزوجني كانت فرحته ناقصة تدرين ليش لأنج انتي مب موجودة يمه ،، انتي حسبالج يوم ريلج تزوجني يعني عافج لا حبوبة خالد شهم لازال يحبج و الله العظيم ما يمر يوم ما يذكرج فيه بالخير ،، تدرين اني عمري ما شلت عليج و لا حقدت عليج لان هذا مب طبعي ،، بالعكس أنا كنت اتضايج لأنج مب يم خالد لأن فرحة خالد ما بتكتمل الا بوجودج ،، يا شيخة فحالة خالد مستحيل و من سبع المستحيلات ينسى زوجته الاولى ،، لأنج شي خاص و مميز عند خالد ،، شيخة خالد يبني احلامه معاي لكن كلما كان يخطط مستقبله معاي لازم يذكر اسمج تدرين ليش لأنج انتي الركن الاساسي ،، ردي يا شيخة البيت و فرحي خالد و فرحي ام خالد المسجينة اللي دوم تسأل عنج ،، على فكرة ام خالد اشتاقت لطبخج اللذيذ كانت تمدحج مدح بالطباخ عاد تدرين أمس سويت براتا ام خالد قالتلي مستحيل اسويه شرات ما تسوينه انتي ( ضحكت شيخة بوسط دموعها ) ،، ( سارت مها و مسكت ايد شيخه ) شيخة انا ادري انج تحبين اليهال و ودج باليهال و من اليوم اقولج اذا انا يبت يهال لخالد بفرح اذا شاركتيني بتربيتهم ،، بعترفلج بشي يا شيخة أنا بصراحة ما بعتبرج ضرتي أنا بعتبرج اختي و صديقتي و يشرفني اكون جريبة منج ( شيخة حضنت مها بقو و صاحت و مها كملت كلامها ) و الله يا شيخة و يشهد علي ربي اني بستانس اذا رجعتي البيت و اليوم ملجة اخوج ابغيج تروحينها و تكشخين و ترقصين بعد بالملجة ( قالت شيخة و هي تضحك بوسط دموعها : ههه استحي ارقص ) مها: هههههه لا عادي شو فيها ترانا كلنا بنات ،، اقولج شيخة انا و انتي بنكون غير نبا نكون جريبات من بعض و لا شو رايج ( ابتسمت شيخة و هزت راسها بالايجاب ) مها: يا بعد عمري يا شوااخ و يلا اللحين قومي اشووف شيخة: على وين مها: على الصالون شيخة ابتسمت: اوكيك بشرط تروحين معاي مها: لا لا لا انا بوديج صالون سبشل عسب تغدين ملكة جمال و غير عن الكل شيخة: هههه لا تبالغين مها: لا صج ما ابالغ و لا شي و سمعيني عدل عقب ما تخلص الملجة لا تمسحين المكياج خليه عسب لما ترجعين بيتج يشوفج فيه خالد و على فكرة عيونج وايد حلوين ما شاء الله فانصحج ما تكثرين عليهم ألوان غامجة لأن عيونج وساع ما شاء الله و يبيلهم اي لاينر خفيف مع اي شدو ناعم و ترا خالد مشتااااااقلج حييييييييل و انا الليلة ببات ببيت عمي عسب يخلى لكم الجو انتي و خالد و تستانسون شيخة: و الله ما ادري شقولج يا مها انتي غير عن كل الناس قلبج ابيض و حنونة و طيبة عسى الله لا يفرقنا قولي آمين مها: آميـــــــــــــــــن يا رب و يلا اللحين سيري طمني امج عليـــــج و انا اترياج بالسيارة بوديج على الصالون شيخة قامت و سارت لأمها شيخة راحت و باست امها حيل: اماااااااااااااااااااااية أنا فرحااااااااااااانه فرحاااااااااااانه أنا اسعــــــــد انسانة بهالوجووووووود و قعدت تدور بفرح ام سعيد دمعت: فديتج و اخيييييييرا رجعتي مثل ما كنتي الحمدلله الحمدلله شيخة: اماية لولا ربي و من ثم مها ما كانت حالتي بتتحسن غلا طلعت لهم: وين بابا تأخر شيخة راحت لها و حضنتها بقوو من فرحتها غلا: آخ فعصتيني شيخة: غلوووية حبيبتي بلبسج فستانج الاحمر و بنسير نشوف بابا سعيد و ماما ظبية انزين غلا فرحت: هيــــــــــــه هيــــــه بروووح معاااج و بنشل يدوه بعد انزين شيخة تأشر على عيونها: من عيوني مها كانت بالسيارة تتريا شيخة تطلع مها اتصلت على خالد قبل ما اتيي شيخة خالد: هلا حبيبتي مها: خالد ابشرك ابشرك شيخة رضت و خلاص بترد البيت خالد وقف مكانه: و اللــــــــــــــــــــه مها: خالد اسمعني عدل انا بوديها الصالون و عقب بروح عنها و بقص عليها و بقول لها يوم بتخلص تتصلي برجعها و لكن انا ما بروح لها بتصلك انت تروح لها و عقب سولف معاها و طيب خاطرها خالد: فديـــــــــــــــــــتج مهاااااااااااوي الله لا يحرمني منج يا رب مها بفرحة: و لا منك حبيبي و هاه لا تنسى تشترالها هدية حلوة خالد: اكيـــــــد مها: خالد طلبتك خالد: تم فديتج مها: اليوم ببات ببيت عمي و ابغيك الليلة تتفرغ لشيخة انزين خالد: و الله انتي شو من البشر يا مها قلبج صافي و طيوبة و عقلج يوزن بلد مها: لازم اشوفك فرحان يا خالد لان جنتي بيدك يلا باي باي يات شيخة و عقب سكرت عنه | ||||
|  |
|
24-05-13, 11:36 AM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فالليل بالملجة: حمدان يتحرطم و قالب الدنيا: اشووو هاااا انا ابا اعــــرس شمعنا سعيد خطب من بعدي و عرس قبلي كله من منوول هي اللي رافضة الزواج اللحين ويا ويهها ( محتشر الاخ من يوم ما ردت عليه منال بالموافقة و هو يحن عليها يتزوجها بسرعه لكن منال تقوله يصبر لكن هو مافي صبر و انتو ادرى بحمدان ) جاسم: هههههههه اقبض عمرك اشفيك بتتزوج لا تخاف العروس ما بتشرد احمد: هههه ياخي انا مالومه و الله حتى انا مستعيل على ملجتي ( احمد خطب ميره رسمي و اكيد وافقت و الكل فرح لهم و اولهم مهره و بيملجون خلال الشهر الياي ) سعيد كان معاهم فهذي اللحظة: هههه اصبر ترا الصبر يمدحونه حمدان مبوز: هيه شعليك ترا اليوم ملجتك و محد يروم يقولك شي إلا انا حليلي مظلووووم سعيد: هههههههههههه البنية بتاخذه مب طايرة عنك لا تخاف حمدان قال بصوت خفيف يتحرطم: الود ودي اغصبها بسرعه نتزوج لكن راسها يااابس احمد دزة بخفيف: ههههههه بس بس من التحرطيم يا الشيبه إلا انت مثلها راسك ايبس منها .:.( و مرت ملجة ظبية على خير و الكل كان مبسوط و كل الأمور كانت على ما يرام ).:. مع مرور الأيام.. في بيت بو فيصل الساعه 12 الظهر جاسم شم هوا بعمق و قال: أحمد أحمد: يا لبيه جاسم صد له و هو يبتسم: مرتآح وآيد أنآ هالأيام مآ أدري ليش أحمد: تصدق و الله مثلي غريبه أحس إني مطمن على الآخر يعني شعور حلو يتملكني من أيام ما أدري شسببه جاسم حط ايده اليمين على كتف احمد: و الله يا أحمد يوم أنت ترتآح أنا بالي يرتاح وياك أحمد: سبحان الله مثل شعوري ،، الله يديم علينا هالنعمة يا ريال جاسم غمز لأحمد: و لا عشان ملجتك جريب و فرحان على الآخر أحمد: هههه عقبالك يا جاسم ،، بس مب جنك خنتني جاسم: فشو خنتك ،، حليلي دووم كنت أخلصلك أحمد: هيه هيه صح ،، تذكر يوم كنا يهال و اتفقنا أنا و أنت نسوي عرس جماعي جاسم: هههههه خل عنك أنت اللي طلعت خاين مب أنا محد قالك عرس قبلي أحمد: ههههه و الله محد قالك انت بعد لا تخطب كان خطبتلك عشان نسوي عرس جماعي جاسم: عيل ماشي لازم نتفق من أول و يديد أحمد: قول و أنا حاضر جاسم: لا تييبون عيال إلين ما اتزوج أنا أحمد: هههههههههههههه مب كيفي هو يوم ربنا بيكتبلي ولد و لا بنت ذيج الساعه بتكون ارادة ربنا مالي خص انا جاسم: هههههههههههه خااااااين أحمد: هههههههه لا تعق اللوم عليه شوف عمرك اول أنت اللي مب طايع تعرس جاسم: يابويه أنا وين بحصل وحده متواضعه مب خقاقه أحسها نادرة هالايام أحمد: أكيـــد فيه بس انت ما دورت جاسم: ترا قلتلك نادر و صعب احصلها بسهولة أنا حاط ببالي أخذ وحده تستحي و مب قوية لحد الوقاحة و أبغيها تعرف تطبخ عيوووش أنت تحيدني ما احب كيك و حلويات و ما ادري شو أحمد: هههههه كله دسم في دسم هاه جاسم: هيه عيل شو احمد: كمل كمل كيف تباها بعد جاسم: ابغيها تكون بالبيت ما تشتغل و ما عندها خقة بنات هالايام اللي يلبسون عبايات جنهن فساتين عافان الله و ابغي طيبها يسبق غضبها و ابغي كرمها يسبق بخلها يعني باختصار اخلاقها حلوة و صح تذكرت احمد: شو نسيت جاسم: ابغيها هادية مب ناقص وحده حنانة و رنانة و ثرثارة تقول بالعة راديو اسميني ما اداني الحشرة أحمد: تستاهل يا جســــوم بنت تكون شيخة الحريم جاسم: الله يسمع منك كان الا ما حصلت بمثل هالمواصلات يعلني ما تزوجت مول ،، يا خوي انزين نصهن حريم هالايام ما ينبلعن انا احيد الزواج استقرار و عيال و حب و مودة لكن اللي اشوفه اللحين لا الزوجة توفي بحق زوجها و لا الزوج يوفي بحق عائلته طبعا مب الكل أحمد: تدري يا خوي فرمضان اللي طاف من شهر سمعت محاضرة للقرني يقول فيها أساس السعادة الزوجية هو التعاون لعمل الخير استعدادا للآخرة ( موجودة المحاضرة على موقع التسجيلات الاسلامية للي يبا يسمعها ) المهم نكمل.. جاسم: بس وين اللي يسمع و يطبق يا حمدان صوبهم حمدان: اووه بوشهاب شحقة ياي هني احمد: اطلع من بيتكم يعني حمدان: هههههه هيه يلااا احمد: هههه مسود الويه حمدان: خيبة بلاك تخزني جيه ( يقصد جاسم ) جاسم: كنك إلا نسيت شو مسوي الفجر حمدان: ههههههههه كنت مسطل و الله أحمد: خير شصاير انا شايفنكم الفجر بالمسيد ما فيكم شي جاسم: لا بس يوم طلعنا من المسيد حضرة الشيخ حمدان سار عني و نساني هناك و لا انا اللي قاهرني يعني ابوي ما تنطق ما قال وينه ولدي ما ركب السيارة حمدان و احمد: ههههههههههههههههههه حمدان: هههههههههه و الله كنت مسطل شسوي يعني و ابوي حليله كان تعبان اول ما ركب السيارة صد على الجامة سرحان احمد: انزين كان لحقت علينا انا و فهد و ابوي جاسم: دورتكم ما حصلتكم آخر شي ركبت مع واحد اعرفه و وصلني البيت فشلتوني الله يسامحكم حمدان: الا انتو ليش قاعدين هني ما سرتوا تتريقون جاسم: اي ريوق اللحين الساعه 12 حمدان: سير لااا انا بروح آكل لازم اخزن طااااقة في قسم فيصل و ميثة فيصل مندمج بالجريدة ميثة: اصبلك شاي فيصل: لا ميثة: تبا تاكل بسكويت فيصل: لا ميثة: ااففف هد الجريدة شوي و طالعني فيصل: لا ميثة: فيــــــــــــــصل عــــــــــاد فيصل ببرود: هممم ميثة: اللحين منو اهم انا و لا هالجريدة فيصل: ميثة عن الصدعة اقرا خبر مهم اللحين مب فايج لج ميثة قامت: بروح عند عمووه بالمطبخ ابركلي فيصل يطالعها بنص عين: قايلج من قبل ما تتحركين وايد مب زين لج ميثة: ما ادري عنك إلا يوم ارمسك ما تسويلي سالفة فيصل رد يطالع الجريدة: ليش هالحساسية اللي مالها لزوم ميثة: فيصــــــــل تراك تقهرني ببرودك متى بتودر هالعادة متى فيصل ( ما انتبه على كلامها ): يصير خير ميثة ( عصبت ): احسنلي اروووح اجابل الطووووووووفة بدل ما اجابلك زعلت و راحت عنه فيصل هز راسه بالنفي و قال: مشكلة اليهال عقب قام سار صوبها قعد على الكرسي عدالها و يلس يعلب بشعرها من جدام فيصل: هههه ما يسوى عليج هالحمل اللي مخلنج حساسه و على طول تعصبين ميثة: لا روح خل الجريدة تنفعك فيصل: هههه لا حول ،، حرام يعني اقرا الأخبار ميثة زعلانة صدق: يعني الاخبار اهم مني فيصل: يا ميثة يا حبيبتي تراها هذي عادتي يوم اندمج بشغله ما احب حد يقاطعني ميثة لفت ويهها الجهة الثانية فيصل حط ايده على بطنها: خلاص و لا تزعلين عشان خاطر البيبي ميثة تخوز ايده: البيبي بعد زعلان منك فيصل: ايــــــهي امصخت السالفة اسميني ما احب الزعل الماصخ قام بيروح عنها ميثة دموعها بعينها: و الله حرام عليــــــك انت ما تحبني فيصل صد عليها: ههههههههههه و الله اسوووولف وياااج ،، لا تصيحين ،، حشى حتى السوالف ما تقهرينها قامت ميثة بتطلع من الغرفة لكن فيصل مسكها و حضنها يراضيها في بيت بو فهد دخل منصور و ابوه البيت منصور و فهد: الســـلآم عليـــكم الكل: و عليكم الســـلام ام فهد: الله يهديك يا فهد ليش مطلع ولدك من المدرسة من وقت كان خليته للحصة الاخيرة فهد: برايه فديته اليوم الخميس خله يستانس شوي و دخل أحمد راد من الدوام: الســـلام عليـــكم الكل: و عليــكم الســلام ام فهد: خلها ابويه عنك الشنطة نورة سيري ساعديه نورة: ان شاءالله سارت و شلت الشنطة نورة: حشة شو محطي احمد: ههه الا ملابسي سار احمد و حب راس امه ام فهد: فديتك انت مب يوعان تباني اغرفلك عسب تتغدى و تنام ترتاح احمد: لا فديتج بتغدى معاكم و عقب بنام عيل ابويه وين ام فهد: ابوك يتوضا اللحين بيطلع المسيد بعد شوي فهد: الا شخبار الشغل معاك احمد: الحمدلله كل شي تمام فهد: بشر حصلت اجازة احمد: لا للاسف ما حصلت حاولت معاهم بس ما قدرت ام فهد تقرب له صحن الفواكه ام فهد: كل كل يا بوك غادي شرات العصا فهد: هههه صدقها امايه شياك فجاة و ضعفت احمد: هههه تدري الصيف مالي نفس اكل كثر ما اشرب سوائل نزلن البنات البنات: السلام عليكم الكل: و عليكم السلام ام فهد: هاه توكن قايمات صح النوم ،، مرة ثانية ان سهرتن للفجر بزوالكن ظبية: ههههه شو نسوي و الله خذتنا السوالف منال: و تمينا نطالع البومات الصور أحمد انتبه على ميرة و ابتسم: اشحالج ميرة عساج بخير ميرة منزلة راسها: بخير الحمدلله منال: يالله ما احيد عمري قزمة عشان ما تشوفني و تسال عني انا و خواتك احمد: ههههه بس ميرة غير نزل بوفهد سار احمد و حب راسه احمد: اشحالك ابويه بوفهد: بخير الحمدلله تاخرت اليوم احمد: سرت ببيت عمي بوفيصل اسلم عليهم و عقب رجعت البيت بوفهد: زين زين ،، يلا انقفضوا صلاة الشباب كلهم راحوا المسيد بس قبل ما يطلع احمد نادى على نورة احمد: نورة تعالي شوي سارت عنده نورة: هلا امرني احمد طلع من جيبه ورقة احمد: نورة امانه ما تعطينها هالورقة لميرة الا باجر بالليل نورة استغربت: شمعنى احمد: انتي نفذي و بس نورة ابتسمت: خلاص مثل ما تريد احمد: هاه لا تفتحينها نورة: لا اعتمد اكيد ما بفتحها على العصر ظبية تدخل المطبخ ظبية بمرح: شتسوين يا حلوة ميرة ابتسمت: اسوي محشي مهره: ههه مب لنا لا تستانسين ظبية: عيل لمنو مهره: لشخص اسمه احمد اليوم قال انه يشتهيه و ميره ما صدقت عاد نطت على المطبخ تسويله اياه ميرة انحرجت: لا انا بعطيكم بس اول شي لازم يذوقه احمد ظبية: ههههه ما نسواج يا ميرة دخلت ميثة ميثة: لي ساعة ادوركم و انتو هني ظبية: ههه الناس تسلم اول ميثة: السلام عليكم الكل: و عليكم السلام مهره: شحالج و شحال اللي فبطنج ميثة تنهدت: الله يعيني كل يوم بمزاج ظبية: ههه الله يعين فيصل عيل ميثة: حليله مستحملني ههه ،، الا ميرة مندمجة بالاكلة شتسوين ميرة ابتسمت: اسوي محشي ميثة ابتسمت: احيد احمد يموت على المحشي مهره: هههه انزين ترا هذا حقه ميثة : و الله ظبية: ههه شفتي عاد ميثة: يا حيج يا ميرة ،، عيل منول و نورة وينهم ما لقيتهم فوق ظبية: رايحات الجمعية و يا امي ميرة خلصت كامل من المحشي ميرة: مممم شو اسويله من المشروب ميثة: ههه لا تدلعينه كان يبا يشرب بيشرب ماي عادي ميرة: ههه لا ما يصير ظبية: عصير برتقال ميرة: خلاص عيل اللحين بجهزه سمعوا حس حمدان و احمد و جاسم بالصالة ميرة: سنيتيا شلي صحن المحشي و وديه لهم بالصالة الين ما اطرش العصير شلت الشغالة المحشي و وصلته الصالة حمدان: اوووه محشي اسميني يوعان احمد: هاه هاه لا تمد ايدك قبلي انا بذوقه اول حمدان: رووح لاااه و الله يوعان احمد شل الصحن صوبه و كل اول واحد و عقب حطه لهم حمدان تناوله: ممم لذيذ منو مسونه احمد: ميرة ،، جاسم خذلك جاسم: مب يوعان بس خاطري اشرب شي بارد شوي و يات سنيتيا و حطت لهم العصير جاسم: ههه لو طارين المليون حمدان تناوله كوب: آآآآآح منعــــــــــش ،، كل يوم بيي بيتكم هههه احمد: ههه حياك جاسم تم صاخ يتذكر اللي مضى " الله يهنيج يا ميرة مع أحمد ،، و الله انكم تستاهلون الخير كله ،، عساني ما اذوق حزنكم ،، بس ليـــش شعور بشع ينتابني و يقولــي ان فيه شي بيخرب عليهم ،، استغفرك يا ربي ،، يا ليت اتخلص من هالاحســاس اللي مضيج فيني من البارحة ،، ( عقب تم يطالع احمد اللي يضحك و يسولف على حمدان ) ،، أحمد يالغالي عساني دوم اشوف ضحكتك و ما تفارق محياك ،، ( عقب تنهد ) " احمد: جسووم بلاك صاخ جاسم: هاه و لا شي احمد: هههه بمنو تفكر حمدان: يفكر فيني من كثر ما يحبني جاسم: فديتك يا خوي اذا ما فكرت فيك افكر بمنو حمدان خاف من نبرة جاسم: جاسم فيك شي جاسم: ابد ما فيني شي يالغالي دخلن ام فهد و البنات و الشغالة شاله اكياس ام فهد: السلام عليكم الكل: و عليكم السلام راح جاسم و حمدان و حبو راسها ام فهد: افا يا حمدان ويـــــــــــنك ما تنشاف إلا جاسم فديته دوم يزورني و انت مول ما تنشاف حمدان: ههه السموحه منج فديتج ،، تبيني اييج كل يوم خلي منال توافق على الزواج بسرعه منال خزته بعينها حمدان: شو شو مب عايبتنج ارمسة ام فهد: هههههه و انت الا دوم تناجرها المسجينه منال: ترا ما عنده ذوووق حمدان: ههه استريحي ،، لو ما كان عندي ذوق كان ما اخترتج زوجتي منال انحرجت : نورة تعالي نسير فوق عند البنات احمد: البنات بالمطبخ راحن منال و نورة عند البنات منال: هاي صبايا ظبية: هاي بعينج جم مرة اقول سلمو بتحية الاسلام منال: ههه السلام عليكم الكل: و عليكم السلام ميثة: منــــــــال يالخاينة منال: ههههه شو ما نسيتي ميثة: جب لا تكلميني مهره: شصاير ههه منال: قلت لها البارحة بدقلج الساعه 9 لكن من التعب رقدت و ما حسيت بعمري ميثة: و انا حليلي اتصلج عنبو ما تسمعين ظبية: ههههه صج ميثة اشوفج صايرة حساسه مع انج مب جيه ميثة: ههه شسوي عاد انتو قدروني و لا تزعلوني منال باستها: و هذي بوسه و حقج علي ميثة: هههه خلاص رضيت ميرة كانت سرحانه نورة: احم احم نحن هنا ميرة ابتسمت منال بنص عين: اللي ماخذ بالج يتهنابه مهره: خلو توامتي بحالها ههههه ميرة: ههه صح كلامها خلوني بحالي مهره: تعالي انسير فوق ميرة: يلا و عقب طلعن و سارن فوق من عقب ما سلمن على اولاد عمهن ميرة: مهره مهره: هلا حبيبتي ميرة: انا مستانسة مهره: من حقج حبيبتي تستانسين ميرة: و اخيرا باخذ اللي اتمناه و الله يا مهره سبحان الله انا مرتاحه لاحمد وايد مهره ابتسمت: احمد طيب و انسان ملتزم و انتو تناسبون بعض الله يهنيكم يا رب ميرة: الله يسمع منج يا رب ،، تدرين كل ليلة اتخيل اني لابسة الفستان و اكون قاعده بالكوشة يم احمد مهره: ههههههههههههه عاد الله يعين انتي تستحين منه مووت ميره: هههه شسوي المستحا لازمني دووم باليوم التالي على العصــر.. ام فهد: معقــــــــــــــــولة بوفهد: هيه و اللحين بييبه من المطااااااار ام فهد بفرحة: لحظة لحظة بلبس عباتي بسرعه و بيي معاك بو فهد: ما يحتاي بييبه بروحي و برجع ام فهد: يالله فديتك يا محمد و اخيرا بكحل عيني بشوفتك طلع منصور مع يده بييبون محمد من المطار ( هالفترة عنده اجازة فقرر ينزل الامارات ) ام فهد صعدت فوق دخلت حجرة نورة ام فهد: نورة منال اللحيــــــــــن بيي محمد نورة نطت: و الله صج ام فهد: هيه ابوج اللحين بييبه من المطار منال: و اخيرا نزل الامارات عقب راحت ام فهد على غرفة ظبية ام فهد شافت الباب مفتوح شافت ظبية تعابل بهالاوراق ام فهد: يا اميه ارحمي حالج من الشغل اليوم الجمعة اجازة اجليه ليوم الاحد بدوامج ظبية: ههه لحظة لحظة نبرة صوتج احسها غير اليوم ام فهد بفرحة: ابشرج محمد اللحين بيي ظبية: و الله ام فهد: هيه فديته ظبية: وناسة و الله عيل ما جهزنا غرفته و لا نظفناها ام فهد: فديته و الله لو يبا ينام بغرفتي بطلع انا و بوفهد لعيونه عشان بس يرتاح نورة كانت طالعة و سمعت الرمسة: هيه هيه بدينا بالتفرقة ام فهد: هههه فدتيه عاد محمد غير هذا الغالي نورة: ههه ما عليه ما عليه ام فهد: سيري يا اميه و خبري احمد اخوج عن محمد نورة: ان شاء الله راحت نورة و دخلت بحجرته و كانت باردة ثلج شافته يقرا قرآن احمد انتبه عليها و عقب لف راسه صوبها احمد ابتسم: بغيتي شي حبوبة نورة: ما شاء الله الجزء كم واصل احمد: واصل الجزء 21 نورة: ما شاء الله غلبتنا انا و منال حليلنا بعدنا بالجزء 15 ( ظبية ما خلت حد بالبيت ما قالتله يحافظ على قراءة القران حتى ابوها قالتله ) نورة: ابشرك ترا محمد ياي بالطريج احمد: محمد رد من السفر نورة: هيه اللحين ابوي سار مطار دبي اييبه احمد: و الله زين بس النذل ما قالي انه بيرجع اليوم انا قبل امس مكلمنه نورة: المهم انه يرد و الله افتقدناه حيــــــــــل و بعد ساعة وصل محمد للبيت و صارت الربشة و الكل يسلم عليه من صوب و يسولف معاه من صوب و محمد طبعا كله سوالف و ضحك و فرفشة و يو قوم بوفيصل يتغدون ببيت بوفهد و بالمرة يسلمون على محمد ،، بعد ما سلموا على بعض.. محمد سار صوب عبدالعزيز محمد: حيبه بو سعود عبدالعزيز: لا اسمي عزوز محمد: هيه ترا بو عزوز ينادونه بو سعود ،، الا فيصل حرام عليك انت ما تأكل ولدك شوف كيف صاير يلد على عظم فيصل: ما عليه مع الايام بيرد جسمه طبيعي و نحن ما نخلي شي ما نطعمه محمد شل عزوز و قال: منصور تعال ويانا بنروح الدكان بوفهد: اللحين الظهر وين تبا تم هني ارتاح محمد: لا بسلم بعد على راعي الدكان حليله و الله اشتقت للنجره معاه بوفيصل: هههه حتى راعي الداكن ما سلم منك راح منصور و يا عمه و عزوز لكن قبل ما يطلع محمد سار صوب الحريم تقرب من نورة و مط شعرها نورة: آآآخ يالدب يــــعور محمد: اشتقتلج وايد ظبية: ههه عيل جيه تعبر عن اشتياقك لها محمد: ههه شسوي عاد هذا اسلوبي ( عقب صفع نورة بخفيف ) نورة: محمد هههه وبعدين معاك محمد: ههه اللي يبا يعرف انوثة البنت على اصولها يسبهم او يضربهم و يشوف ردة فعلهن كيف نورة: هههه انا كلي انوثة عندك شك شوو محمد: عــــــــــدال يا ام الانوثة ام فهد: اشوفك شال الصغاريه وين ابها محمد: بوديهم الدكان ام فيصل: ارتاح شوي لاحق على الدكان محمد: لا انا مب تعبان دخيلكم خلوني اطلع و اشم هوا الامارات و الله مشتاق لكل شي هني و لربعي و للمزرعة و لكم و للحواطة ام فهد: سير بس لا تتاخر فديتك محمد: ان شاء الله و عقب طلع و هو و الصغاريه ظبية: يلا نورة تعالي نسير المطبخ نساعد البنات | ||||
|
| |
|
24-05-13, 11:37 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ~([ نهاية النهاية ])~ بنفس اليوم بفترة الليل.. الله أكبـــــر الله أكبــــــــر الله أكبـــــر الله أكبــــــــر أشهـــــــد أن لا إله إلا الله أشهــــــــد أن لا إله إلا الله أشهد أن محمد رسول الله أشهد أن محمد رسول الله حي على الصـــــــــــــــلاة حي على الصـــــــــــــــلاة حي على الفــــــــــــــــلاح حي على الفــــــــــــــــلاح الله أكبـــــر الله أكـــــــــــبر لا إلـــــــــــــــــــــــ ه إلا الله عند الشباب أحمد و جاسم و حمدان و محمد محمد: ما شاء الله أذن بسرعه أحمد: هيه و الاقامة الساعة 8:45 جاسم قام: يلا عيل نروح المسيد أحمد: بخاويك بسيارتك حمدان: محمد انت تعال معاي بسيارتي عقب الصلاة بنروح عزبة حميد عند الربع محمد: خلاص اوكي طلعلوا الشـــباب بيروحون المسيد جاسم و أحمد مع بعض و محمد حمدان بسيارة بروحهم جاسم كان يسوق السيارة " يالله بـــلاني اليوم أحـــس باحســاس غريب " أحمد مبتسم: بلاك الغالي ساكت احسك اليوم مب على بعضك فيك شي جاسم ردله الابتسامه: لا ابدا ما فيني الا العافية أحمد: أحسك مهموم جاسم: لا مب مهموم يتراوالك ،، لا تشيل هم ،، اللحين بنروح نصلي و بنرتاح بصلاتنا أحمد ما علق اكتفى ببتسامه أحمد: جاسم خلنا اليوم نروح المسيد العود جاسم: خلنا على الجريب احسن ذاك بعيد أحمد: لا انا خاطري بالمسيد العود جاسم: خلاص من عيوني تامر أمر ساروا الشـــباب يصلون.. *** عقب ما خلصوا صلاة ظهر محمد و حمدان حمدان: غريبه عيل وين اخوك و اخوي محمد: يمكن راحوا المسيد العود حمدان: مب العاده محمد: احيده احمد يحب يصلي هناك يحب إمامة المطوع شويب محمد: يلا خلنا نـــروح العزبــة اللحين حمدان: يــلا راحوا حمدان و محمد متجهين صوب العزبة *** وصلوا حمدان و محمد لمكان و انفجـــــــــــعوا من هول المشهد حمدان يرتجف: عسى خير إن شاء الله محمد دموعه سبقته على خده: يــــــــا رب مب هم يــــــــا رب مب هم كان المشـــــــــــــــهد مــــروع بمعنى الكلـــــــــــمة كان المنــــــــظر بشــــــــــع ما يتحمـــل أي كائن بشري إنه يشـــوفه محمد نزل من الســــيارة بســــرعة و يركــــض بآخر طاقته انصــــــــــــــــــــــ ــــــــــدم هو و حمدان محمد صرخ : جــــــــــــــــــــــــ ـاااااااااااااااااسم جاسم ثيابه كلها مغطــــــــــــــــاية بالدم محمد نزل تحت و حط راس جاسم بحضـــنه محمد يصيح: جاســــــــــــــــــــــ ـــم يالغالـــــــــــــي قوووم دخيــــلك قوووم حمــــــــــــدان بغـــــى يتخبل يوم شــــــــاف أخــــــــوه بهالمنـــــــــظر الشنيع الســـيارة كانت تحت الشاحــــــنة متكســـــــرة و منفعصه بشكل كبيـــر حمدان صـــــــــــــــااااااااا ااح: جااااااااااااااااااااااسم ( عقب نزل تحت و حضــــــــــن أخوه بالقو ) جاااااااااااااااااسم لا تتمصـــــــــــــخر قوووووووووووم ( صااااااااااااااح من كثر ما كان المنظر يروع ) كان جاسم كله دم حتى ويهه ما ينــــــــشاف و كانت أصـــابع ايده بعضهن مب موجودات فيه جــــــــــرح عميــــــق براسه ينزف بغزارة حمدان تم حاضن اخووووه و هو يصيـــــــــــــــــــح جاسم فتح عيونه: حمدان حمدان يصيح ما قدر يتمالك عمره: لا تتكلم يالغالي لا تتعب عمرك اللحين بنوديك المستشفى و بتقوم لنا بالسلامة جاسم قال و هو يتنفس بصعوبة: حمدان هالله هالله بأمي كله و لا هالغالية لحد يزعلها و اسمع كلامها تراها عزيزة علي وايد لحد يزعلها حمدان يصييييييييييح زوووود مثل اليهال: انت بترجع و بروووحك بداري عليها دخيلك لا تقول هالكلام جاسم يتكلم بصعوبة : أنا خلاص بتتركم ،، بس دخيلك قول لأبوي و امي أني أحبهم وايـــــد و سلم عليــهم و على اخوي فيصل قام جاسم ينتافــــض ( و تطلع روحه )و هو بيد اخوه حمدان اللي يصيح حمدان: جاااااااااااااااااااااااا اااااااااااسم تخيس حمدان بالدم وايـــد و هو لازال يصيح و حاضن أخوه اللي فارق الحياة ( خــــلاص توام أحمـــــــــــد مــــــــــــات ) *** محمد يرتجف بقوة مب مصدق اللي يشوفه قاعد يصيح بقوة و هو ما يدري شيسوي تجمعوا الشباب عدال الحادث و وصلت سيارة الاسعاف و الشرطة طلعوا السيارة من تحت الشاحنة و كان أحمد داخل الســــيارة كان منظره يقــــطع القلـــــــــــب كان ويهه من كثر التشوهات محد بيعرف إن هذا هو أحمد و جمسه متشقق فكل مكان و ينزف وايد لكنه لازال حي و بالصعوبة قدروا يطلعون أحمد من السيارة و ودوه علــــــــــى طول المســـتشفى.. و كان صوت الاسعاف شال الدنيا بكبرها *** بوفهد ينزل هو و فهد بسرعه ام فهد بخوف: بلاكم خير صاير شي بوفهد و عيونه حمر: لا ما صار شي يلا فهد بسرعه خلنا نطلع فهد طلع ام فهد ما تدري ليش دموعها طاحن: و رفجة يا بوفهد تقولي شو صاير بوفهد: ولدج احمد بالمستشفى أم فهد بصدمة: شــــــــــــــوووووووووو ووووووو ميرة قامت من مكانها منفجعة: شـــــووووو ،، أحمـــــد بلااااه بوفهد ما استحمل و على طول طلع بيسير يشوف ولده ام فــــــــــــــهد على طول لبســـــــــت عباتها و طلعت ويا الدريول ميرة تصيـــح: ظبييييييييييييييييييييييي يية ظبيييييييييييييييية نزلت ظبية من فوق ظبية: خير ليش تصارخين صاير شي و ليش تصيحين ميرة: دخيـــــــــــــــلج وديني لأحمد ظبية خافت: لييييييش شو فيه أحمد ميرة: آآآآآآآآآآآآآآ بالمستشــــــــــــفى ظبية: شوووووووووووو يلاااااا يلااااا اللحين بلبس عباتي و بروح لبسن ميرة و ظبية عبيهن و طلعن بسرعه على المســـتشفى أول ما وصلن ركضت ميرة بسرعه تشوف أحمد كانت المستشفى زحمة من ربع جاسم و أحمد دخلت ميرة و ظبية على أحمد اللي كان معاه أمه و ابوه و فهد و محمد ميرة تقربت من أحمد و هي تصيح أحمد ما قدر يلف راسه صوبها أحمد بصعوبة و بصوت خفيف: ميرة ميرة سارت صوبه: آمر يالغالي ( هني صاحت بالقو ) ما قدرت تستحمل أحمد و هو يطالعها ميرة انصدمت من التشوهات اللي موجوده فيه ميرة قالت بصوت متقطع: ويــــنه الدكـــ ــــ تور أحمد قال بصعوبة: ميرة اعرفي إنــج أغلـــى شي كنتي بحياتي ميرة تصيح: لا ترمـــس لا تتعـــب عمرك شوي سمـــــــــــعوا صـــــريخ أم فيصـــــــــــــل يوم عرفت ان ولدها جاسم خلاص ما بتشوفه مرة ثانية أحمد يصيح: الله يرحمك يالغالي الله يرحمك الكل اللي بالحجرة يصيح ميرة و دموعها على خدها: أحمــــد أنت إن شاء الله بتتعافى و بترد لنا البيت أحمد بصوت مخنوق مع الصياح: ميرة أنا ما برد خـــلاص بلحق جاسم ميرة حطت صبعها على حلجها تكتم الشهقات أحمد: ميـــرة أنا اعزج وايـــــد ،، طلبتج طلبة يالغالية من بعـــدي ابغيـــج تعيشين حياتج مع غيري ميرة بصوت يالله يالله ينفهم من الصياح: لاااااا لااااا مسحييييييييييييل و الله ما خذيت غيرك يالغالي احمد: خلاص هذي نهايتي يالغالية و انا ما بردلج ديري بالج على عمرج ميرة ما قدرت تقول شي من كثر ما تشاهق احمد لف عيونه صوب امه و ابوه: امايه و ابويه لا تزعلون الغالية ميره تراني اعزها وايد دخيلكم ديروا بالكم عليها ام فهد طاحت تحت تصيح ما قدر أحمد يكمل كلامه و تم ساكت و عيونه بالسقف و رفع السبابه و انتفض جسمه هني الكل بدا يصـــــــارخ ميرة خلاص ينت و قامت تصيح بهستيريا أحمـــد يالغالــــــــي أنا أحبــــــــــــــــــــك أحبـــــــــــــــــك و اللـــــــــــه أحبك لا تتــــركني دخيل الله و أنا اترجاك يا عمري لا ترحــــــــــــل تبا مني الــــــــــــروح خذها فداك يا روح روحـــــــــــــي بس دخيل الله ترجيتك بدنيتي لا تتركني فيها أعاني من دونك أنا من غيرك غناتي ما اسوى حتى قيمـــــــــــة التراااااااااب قـــــــــــــــــــــوم لا تغمض عيونك رد علي رد لا تغمض عيونك آآآآآآآآآآآآآآآآآآآه يا أحمد ترجيتك غناتي لاترحل لاااااااااا ترحـــــــــــــــل حبيبي قــــــــــــوم لا تغمض عيونك قـــولي أنا من لي بهالدنيــــا أقوم و أحيا على طيــــــفه أحمــــد يالغالـــــــي قوم فديتـــــك قوم لا تنـــــام اللحيــــن بعطيــــك عمري كله بــــس أترجاك يا شيــــــخ البشر لا ترحـل آآآآآآآآآآآآآآآآآآآآآآآآآ آآآآآآه لاااااااااااااااااااااااا اااااااا أحمــــــــــــــــــــــ ــــــــــــد ( خلاص مات جاسم و مات أحمد ) ( ماتوا التوائم ) ( ماتوا اللي يحبون نفس البنية و الله ما كتب لأي واحد منهم يحظى فيها ) ( ماتوا و قلوبهم صافية ،، ماتوا و تركوا أحبابهم للأبد ،، خلاص ميرة انتهت ) هـــذي عائلة بوفيصل و عائلة بوفهد و اليتامى هـــذي كانت قصــتهم ،، هـــذي معاناتهم هـــذا كل اللي ذاقوه ،، هـــذا اللي شقوه بدنياهم فاجــــــــــعة موت جاسم و أحمد اللي ينضرب فيهم المثـــل انتشرت بكل مكان الكل كان يعز هالاثنين من كثر طيـــبهم و حلــــو أخلاقهم الحادث كان مـــــــروع جـــــــدا حادث دموى أدى لموت ثلاثىة أشخاص * جاسم * أحمد * الهندي اللي يسوق الشاحنة فـــــــــــــي نااااااااااااااس فقــــــــــــدت عائلـــــــــــــــة كاملة من حادث واحــــــــــد فتخيلوا كيـــف معاناتهم.. و عائلة بوفيصل خلاص رحل عنهم جاسم و عائلة بوفهد تركهم أحمد للأبد.. و محمد رد باليوم اللي يشهد فيه موت أحبابه ( أخوه و ولد عمه ) الرسالة اللي تركها أحمد لميرة كانت عبارة عن شعر سبحان الله فاليوم اللي وصى فيه أحمد أخته نورة تعطي لميرة الرسالة هو كان بنفس اليوم اللي توفى فيه.. ( هالشعر اللي قرته ميره صاحت زووود لما قراته ) ** مستحيل ميرة تتزوج من بعد أحمد ** سلامت قلبك النابض من التلويع والحرمـــــان سلامت حسك المرهف من التجريح يا غالـــي انا لك يا بعد عمري تملكني مدى الأزمـــــان وخذ عمري مع عمرك عشان العيش يهنالي سعادة قلبي المضنا بيدك هي شوي حنـــــان وسعدك مصدر الهامي واحلامي و آمالــــــي مكانك حل في الخافق تربع وانته الــوجــــدان ولك ساحه في الأ حشاء لحــــلك والترحـــالي حياتي ملتقى حضنك وحين ضمك في الأحضان احس في الأنس والراحه معك يا شاغل بالــــي وان تقسى وان تنسا انا ما انســـاك يا فتـــــان وجودك في شراييني واسمك صـــــــار موالـي من الدنيا انا اخترتك لأنك في الجمــال سلطـان ملكت الوصف ذي يعجز بتصنيفه لسـان حالـي فأنت الحب كل الحب وحب الأهــــل والأوطـان وحبي لك على مبدى ولا حد حب امثــالـــــــي كذب من ذاق طعم الحب بكاس الصاحي السكـران شرب حتى الثماله منه كؤوس المر ولحـــالــــــي كذب من قال ان الحب عابر بل هـــــو الأدمــــان لأجله كل شي يرخص ويتواطئ لـــــه العالــــــي ( شعر الحريبي ) تمت بقلم الكاتبة: نية صافيـــة.. كانت هنا روايتي: يتامى بزمن ما يرحم.. همســة أخيرة ( ليس كل ما يتمناه المرء يدركه ) | ||||
|
| |
|
17-10-13, 08:16 AM
| #44 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
| الكلمات الدلالية (Tags) |
| يتامى |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
