31-05-13, 09:43 AM
| #81 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجــــــ 60 ــــزء تعطرت وكلمت طريجي لبيت هلي ... عقوله سلطوني اشوف كاثره روحاتج لبيت هلج هالايام هيه والله تلوع جبدي من يطلع من البيت ... احس ماشي طعم للمكان بدونه فريت ويهي اول مادخلت الصاله على الغرفه الي يالسه فيها رويض حصلت سويف وجسوم وروضه متيمعين حول حايه يالسه تحفص فيها امايه فوق الشبريه وكل واحد عيونه شوي بتطلع من مكانها!!!!!! قربت منهم اكثر وخزت عنيه سويف ابا اشوف عشو هاي التجمهر العالمي جاسم: تعااااالي عموووومه شووفي جييف استوى سرررره طالعت بسر البيبي الي شويه وبيطيح: الحمدلله والشكر كل هالتجمهر عسب سر!!شو مابعمرك شفتو حبل سري ؟ سيف: امايه شقايل ماوريتيني حبل سر عفرا يوم طاح؟ امايه: كنت ياهل واماتفهم شي شقايل تشوفه جاسم: يدوه احس وايد يعوره اميه وهي تمسح عليه بتعقيم: هيه يعوره بس بالكثير باجر ووبيطيح مابظل جيه يا سيفوه صوبي وهو يسحبني لبرع: نحن نستأذن ياجماعه الخير عنديه كلمه راس ويا اختيه الحبيبه سرت فياه جني عنز للمطبخ: حوووووه بسك وين بتاخذنيه وقف: عفير شو استوى على الموضوع حبيت انقع به: أي موضوع؟ سيف: شووووو بعد أي موضوع .... اعني شذى طالعته ببلاها: شو بلاها؟ سيف: يحمااااااااره لاتيلسي تتبقري عفرا: لا صدق شو بلاها شذى؟ سيف: اففففففف اني اباها عفرا: اهاااااااااااااااااااا نحن تحسبناك تمزح زم ضروسه: شي حد يمزح بسالفه زواااااااج؟؟؟؟؟؟؟ عفرا: طيب شقايل جيه مستعيل تو البارح رامس بالموضع وتبا الموافقه تيك؟ سيف: انا ماقلت موافقه انا قلت شو استوى يعني شي حد فتح الموضوع فياها؟ ابتمست: هههههه طمن عمرك ريومه من المغرب سايره لها بخصوص هالموضوع سيف: صدق؟ عفرا: هيه ماطاعت حد يخبرها غيرها سيف: فديتها والله بنت عميه وزوجه ربيعي عفرا: ههههههههههههه هاي الي مايبا الزواج والحينه مره وحده مشتط غفط وفلعني بغرشه الماي: جب عفرا: ياحليلك ياسواف يوم تغفط طافني: انتي حماره ههههههههههههههه قسم ان هالريال تحفه ياحليلك ياسواف يغفط سرت عنه راده لغرفه رويض... يلست حذالهم على ماتيي ريوم ويوم يات ربعت بسرعه وسحبتها ويايه لفوق اسوي تحقيق ريوم وهي تعق شيلتها: لعوووووزتني تتحسبني انقع بها عفرا: هههههههه شو قالت يعني الريم: شي انتو اجبرتوه يختارني انا غصب وشي انتي اصلا تنقعي بي وشي هو قال مايبا يعرس الحينه يعني تشوتي صواريخ ماتأدبت الا يوم قلت لها خلالالالاص بخليه هو يفتح وياج الموضوع عفرا:هههههههه طيب اهم حايه النتيجه شو الريم: قالت لي ابا افكر قلت لها لشو تفكري... انتي موصفات فارس احلامج اقلبها تنطبق عسواف يلست تسألني جيف حياته وجيف اسلوبه وجيه يعني وبعدها قالت ليه شوفي ان ابويه سئل عنه وطلع ريال والنعم فيه فا انا مابروم ارفض عفرا: كلوولولولووولوش يعني هاي موافقه مبدأيه الريم: هيه وابويه لعووووزتني على ماطلعت منها هالكلمه عفرا: مساع سواف سحب فيني للمطبخ عسب يسئلني شو سوينا يلست انقع به قلت له تحسبناك تمزح الريم: يالنذله انا قلت حتى وان يمزح يستاهل عفرا: ياحيها والله خلاص يعني نسير لها رسمي؟ الريم: اكيـــــــــــــد .............................. ................................. فلعته بالمخده الحذالي : هيه انت شو عليك املج ولا يالس تتريا حايه غير العرس طالعني وهو كاتم ضحكته: حسد اعوووذ بالله يقولك لو ما الحسد مامت احد ....هيه ...يعني اغبطني يارجل بدل ما انت يالس تحسدنيه سيف: رويشد ماني فايج لك احس اعصابي متوتره اسميك ماعشت بحالتيه مشاء الله عليك على طول ملجه مب انا هاي ثاني اسبوع من سرات لهم امايه وووهم لاحس ولا خبر شو هاي راشد: طيب الحبيبه ماتدخل المنتدى؟ سيف: تدخل بس مخفي تتحسبني ماعرف فاماحب ازعجها راشد: طيب انت لشو زايغ سيف: يمكن رافضين بس ماياين يعطونا خبر راشد: سواف يابعد قلبيه انت افهمني ان طولو جييه اعرف انهم موافقين بس يالسين يبحثو يمكن يحصلو شي عيب... يعني لو حصلو شي عيب كان رفضوك من البدايه سيف: افففففففف راشد: اهم حايه انك تكثر رواحتك للمسيد هاليومين هههههههههههههههه سيف: خسك الله راشد: ابويه يوم عرف من أي قوم انت تبا تخطب قال اسميه ان عرف يختار والله شقيت حلجي: هيه افا عليك قصده احسن من اختيارك راشد: هذا يعتمد على انك ولد عمها ولا البنت ماعليها رمسه سيف: حمااااار ماوحى ملجت عليها وتنازلت عن رباعه استمرت 30 سنه راشد: اونه 30 سير يارجل اسميها فيوز عقلك فصلت رديت عليه وانا اعض المخده : هيه والله قهر يارشود قهر لو رفضو حط ريل على ريل وهو يتعبث بالاوراق الي على مكتبي: انت يا ماتبي تعرس يا مره وحده مشتط على العرس نشيت: رشووود انا اذا يلست جيييييه بسسسستخفففف بسير مستشفى الميانين مصخووووهااااا راشد: وين ياريال؟ فجيت باب غرفتيه: بسسسير لعفير يا ويايه: هههههه اذا فجولك الباب ريلها تو راد من دوامه يعني احلم كملنا طريجنا لبيتهم: ساير ساير وعساني اكسر بابهم وصلنا جناح سلطان ... طالعت براشد وانا احج راسيه.... مئه بالمئه ان فج لنا سلطان الباب ماغير بكس يطيرنا على ارجاء البيت .... رفع كتوفه: انا مايخصنيه دقيت الباب بشجاعه: اصلا غاسل ايدي منك دقايق وفجت لنا عفرا الباب: الحمدلله انج انتي مب ريلج عفرا : هههههههههه حرام عليكم ريليه يتسبح تفضلو راشد: لا انا بسير يلسي انتي واخوج انا عنديه مكالمه مهمه عفرا: ياكثر مكالماتك المهمه سار عنا راشد ودخلت انا ورى عفرا : احم ابا ارماسج قبل لايطلع ريلج يلست على الكنبه ويلست حذالها: ارمس خذ راحتك سيف: عفووور مصخوها ترى اسبوعين حشىىى حتى لو بيسألو عن وزير عفرا: ههههههههه لزوم يسئلو عنك وبعدين انت مب واثق من نفسك ان ماعليك شي ولا عليك رمسه حجيت راسيه: واثق بس مادري عفرا: لاتزيغ جيه البنت موافقه ... موافقه مبدأيه سيف: يمكن تغير رايها عفرا: لاتغير ولا شي خلك كول عقولتك سلطان: ناس ماعندهم ذوق ياين هالحزه فريت ويهي له: هههههههههه شحالك يالنسيب يلس حذالنا وهو ينشف شعره بالفوطه: الحال يسرك سيف: وانا ما اييكم الا وانت تتسبح ؟ سلطان: لانك ماتيي بالوقت المناسب طالعت عفرا: طالعي ريلج من دخلت وهو يسبني سلطان: حشىىىى ماوحى طلعت من الحمام عسب من دخلت اسبك عفرا: خلاص عاده ولا بربي سيف: اوووون تهدد بعد سلطان: سمعنا بتعرس نشيت من مكانيه قبل لايبدا بالتنقيع: اشاعه سلطان: اووووونه سيف: يالله ياجماعه الخير احلام سعيده عفرا: مع السلامه فديتك طلعت عنهم وانا ميت قهر ... شو هاي لمتى يعني بعد شهر بردو الجواب؟ | ||||
|  |
|
31-05-13, 09:44 AM
| #82 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــــ 61 ــــزء .............................. من يانا رد شذوي بالموافقه والتجهيزات قايمه على قدم وساق خصوصا يوم الشواب قررن ان يستوي زواج رشود وسواف بليله وحده وتستوي الفرحه فرحتين بدل التعب والتشطيط ....شرات عرسيه وعرس عفير كان قرار الزواج ان يكون بعد شهر بس ماشي وقت لتجهيزات جناح سواف وجناح رويييشدوه الي اشتط علينا يوم عرف بتأجيل بالعلم ان ماتأجل وايد بس شهر ونص يعني على مايخصلن التجهيزات كل الامور مشت اوكيه الا شي واحد عند سواف ماطاع يمشي الا وهو الملــــجله ... سيف: حرام والله عليهم حراااام شقايل يعني وجيف اتعرف وتتعرف علي عفرا: ياريال فلها وربك يحلها ومايحتاي تتعرف عليها وايد ان شاء الله بعد الزواج سيف: تعرفي شو؟؟؟؟؟ انا علي حظ شرات ويييهي من عادات قوم شذى ان مايملجوو الا قبل العرس بليله! واحليله تحطم الريال بس احترم قرارتهم خصوصا انها عادات عندهم ولا يروم يكسرها وكان متصبر على امل ان بروم يشوفها بالشات ولا المنتدى بس شذوي من النوع الخجول مادخلت لاشات ولا منتدى من انخطبت رسمي على سواف .... ريومه وشذى كانت لقائاتهم تستوي ببيت اهل ريوم الي ماساكنه حد يعني عسب ياخذن راحتهن خصوصا ان ريوم كل اسبوع معها جلسات تسويها لتنظيف وتبعتها شذى على هالدرب.... اما انا وعفور انشغلنا بجناح رشود وسيف ... يعني اختيار الاثاث كان علينا او بالاصح علي انا اكثر لان سلطان يخاف عحرمته من التعب وووويااا الازعاج الي يسوييي بناااا يوووووم نطلع يحرق الفوون حرق بس يوم مابقى شي على العرس اضطرت عفور تسير فيانا عسب تصميم الفستان الي تبا خصوصا انها ام دبـــــــــه يبالها تصميم خاص بالنسبه لي اخترت لون اصفــــــــــر اشتط عليه سهوله بس ماعطيته ويه وقلت له يوم بلبسه بتشوفه جيف يستوي غاااوي اما عفوور اختارت عناااابي وصدددق الموديل عذاب اشتهيت احمـــــل يوم طالعته اما ريومه وشذوي اكيييييييد ابيض يعني شوو بكووون الللون بس الفرق من بينهن ان ريومه كان شي زخارف بالوردي اما شذوي زي زخارف بالذهبببي اما راشد وسيف.... واحد الهدوووء ينبع منه والثاني ابو التوتر بويهه راشد اكييد بكون هادئ ومريح بس سواف معذووور بصراحه يوم يتوتر كل هالتوتر فريت ويهي على باب جناح سواف الي تبطل: ها المعررس شو يالس تسوي بالجناح تبسم : هههههه تشطيبات اخيره سرت صوبه: ها شو شعورك والزواج باكر؟؟؟ سيف: سكتي بروحي زاااايغ شمه: هههههههههه ماتنلام بصراحه خصوصا انها تجربه جديده بس اهم حايه ملكت وووظمنت العروس بالجيب سيف: الي يسمعج خلوني اشوفها ولا ارمسها حششششى الي يشوفها يقول هايلا اهلها متفتحين على الاخرر شمه: وهم كذالك متفتحين بس هاي عادات شو نسوي خصوصا ان جدها كلمته هي الكلمه الاولى سيف: يالله باجر بسس وتستوي حرمتيه ويحلموووو يطالعو بزولها بس شمه: ههههههههه حرام عليك طلع المفتاح من مخباته: المهم شذوي هاي مفتاح الجناح دخيييلج لاتخلي حد يدخله من هنا للباجر اوكي؟ شقيت حلجي: حتى انا؟ حج راسه: يفضل ماتدخلي لاني اعرفج ماتمسكي لسانج رفعت صبعي وانا اقسم: والله والله والله ماخبر حححححد ابببد حاس بوزه: ولا اباج تنقعي بي..... تشوفي وانتي ساكته شقيت حلجي: اوكييييييييشن طافني مكمل طريجه لتحت ... اما انا طبعا واكييييد كملت طريجي لجناحه ابا اشوف شوو التشطيبات عقولته الاخيره فتحت الجناح وكانت صدمتي من اول مادخلت!!!!!!!! لالالالالا ماااااااااااااصدق ان هاي كله من سواااااااف!!!!! صدق يوم يقولو ياما تحت السواهي دواهي آآآه والنبي ماتوقعت ابد ان شي جانب رومانسي بسواف شو جانب الا بعمره رومانسي اول حايه بالصاله ... كان معلق شي شرات الريش لونه حمرررر روووووعـــه ولاف حوله اوتامتك لون حمر بعد والارضيه كلها قلوووووب من ورق احمر يلمع وعلى احجام مختلفه تحمست وسرت بسرعه لغرفه النوم... لالالالا خطييير ياسوااااف اللحاف لونه ابيض ووناثر عليه لمعه حمرا... شو بيستوي؟؟ غير ان بيغمي عليي الحينه اووويلي احب الرومانسيه انا غير القلوب القطنيه بأحجام كببببيره وكانت بزوايه الغرف...... وشي قماش حرير احمر مربوط على عواميد السرير بأختصار المكان عذاب في عذاب اسميها شذى طاحت عكنز رومانسي هههههههه ..................................... ...................................... ( مابعمريه بحصل عروس شراتج جيه مرييييحه حدج) قلتها لريوم الي يالسه على التيلفزون فرت ويها لي وهي تاكل برتقاله: ههههههه شو اسوي اتريا هالكوافيره للحينه مايات سرت ويلست حذالها: وشميم بعد مايات؟ الريم: تقول شوي وبتيي لان عندها شغل عفرا: فديته بعلي اتصل علي يبا يتطمن انيه رقدت البارح زين الريم: حشىىى بيتنا مب بيت اشباح عسب يزيغ عليج جيه وبعدين انتي مانمتي روحج انا وياج وشميم عفرا: لو يات شويذ مب جان احسن الريم: لو انا مكانها بسوي نفس الشي خليها واحليلها ماتباكم تطالعوها الا يوم تيي القاعه عفرا: لا بس احسن لها من التعب تسير لصالون وتتريا لو يات هنا اريح لها الريم: يعني الحينه انا الي ماتريا؟؟؟ طالعيها الحماره قايله لها على الساعه 6 تعالي والحينه 7 متى بتخلصني هالبقره نشيت ادور لي شي اكله: ضربي عفونها وهزبيها هزاب سرت عنها دورت لي شي حاااامض اكله وايهز فستاني ونعولي اهئ اهئ ماعمريه لبست نعال هو والارض بالسواااااء بس شو اسوي لسلطان يوم شاف الكعب الي شريته ردني السوق عسب اشتري واطي شرات مايقولو حكم الأوي على الضعيف كملت طريجي لفوق.... مشاء الله بيت عمي بو خليفه بيته كبييير واااايد حتى البارح يوم رقدنا فيه كنا زايغات بس ماحبينا نوضح لريوم عن لاتزعل منا بس صدق مكان كبير ومحد اكيد بنزيغ ( بووووووووووووه) عفرا: يالللللللخااااااااااااااا اايسه شمه: هههههههههه شحالج حرم اخويه عفرا: ويعه مالت على ويهج شمه: خخخخخخخخ وين ريوم ؟ اشوف الكوافيره على الباب عفرا: صدق مخبل كان خلت البشكاره تدخلها شقايل هالغبيه توقف على الباب مايكفي انها متأخره شمه: انا تحسبت بيي وانتن مخلصات شو هالسلحفاه الي مختارتها ريوم عفرا: تقول تبا مكياجها ناعم مب الوان قوس قوزح وهاي فنانه بالنعام زقرنا الكوافيره وخذناها لفوق... طبعا اكيييد بما اني الحامل من بينهم ضحوو بأن يخلوها تبداني انا عن لا اتعب.... بصراحه ايدها خفيفه وومكياجه رااااائع خلصتني بسرعه لان طلبي بسيط وبدت بريوم ... وبما انها عروس خذذت وقت وياها طووويل .. اما شمه كالعاده تعدل نفسها بنفسها طبعا الي متعبل بنا سلطان ولي متعبل باراشد وسواف هو سهيل يانا سلطان بعد مايهزنا انفسنا عسب ياخذنا للقاعه ركبت السياره وانا انافخ من التعب حشى اذا للحينه ماسويت شي وانا تعبت جيه عيل يوم يبدا الزواج شو بيستوي بي سلطان: هههههه شو مستوي على هالنفاخ طالعته وانا اشهق: بكررررررررك اذا دخلللت القاعه فيااااهم سلطان: شو ماتبي ادخل وهم داخلين بعرسيه شمه: عفير شو هالمنكر انا ابا اخويه يدخل وارقص فياها حست بوزي: مايييييييخصنييييه كاشخ جييه وتبا تدخل ماابااااا سلطان: لاتزيغي بيعرفوني اني ريلج لانيه مطقم وياج صدقا سلطوني مطقم ويايه لابس كندوره عنابيه ومزخرفه بخيوط سوده على الاكمام ومتسفر بعقال قطري ووسفره بيضا عاطيه ويهه سموره اكثر عفرا: ماااباااا البنات زايغات حتى لو متزوج ياكلللنك بعينهن شمه: لاتخافي حتى سهولتي بيدخل وسهولتي احلى من سلطان سلطان: اوقف سيارتيه واخليج تنزلي الحينه؟؟؟؟؟ شمه: هههههههه سوالف سوالف ياريال سلطان: ناس ماتيي الا بالعين الحمرا ... الا بخبرج الريم شقايل ساكته عكس ريلج يالس يرقص رقيص شمه: واخزياه معرس ويراقص سلطان: كل مايوده ابويه فلت ورد لرقيصه مخبل اخوج الريم: وبعدين يعني مارضا انا ترمسو جيه على زوجي عفرا: هههههههههههه صدق يوم يقولو وافق شنن طبقه شمه: هيه والله طنجره ولأت اطاها الريم: بزعل الحينه وانتو تعرفو يوم العروس تزعل شو يستوي شمه: لالالالالالالالالالا وابويه سوالف سوالف مزاحه عفرا: وسواف؟ سلطان: هاي اخوج حده زايغ كل شوي يشرب ماي عفرا: ههههههههه هيه حليله اخويه كل مايزيغ يحط حرته بالماي وصلنا القاعه وساعدنا ريومه على النزول .... سرنا للجناح ورتبناها اول وخليناها تيلس ترتاح يات كذا وحده من ربيعاتها يسلمن عليها ويسولفو فياها ... اما انا طلعت اشوف وين امايه اسئلها عن شذى وخبرتني انها هي الثانيه شويه وبتيي تريناها على مايات وكانت صدق روووووووعه بس التوتر مخرب على ويها شمه: لالالا حرام عليج يكفي الي بسواف وانتي جيه بتخبلي به شذى : ههههه اهم حايه بعدي فلبينو؟ الريم: ههههه هيه بعدج نعومه فديتج شذى: حتى انتي مستويه روووعه عيبني مكياجج ناعم الريم: مشكوره غناتيه شذى: بنات والله زايغه وايد بخاطريه ابجي عفرا: تعرفي شو شكلج انتي وريلج بتيلسو مقابل بعض وتتبجبجو شذى: متوتر؟ عفرا: واااااااايد يمكن اكثر عنج بس لاتزيغي سواف اخويه وايد طيب وحنون ام شذى وهي تي صوبنا: بنات ماخلصتن سوالف؟ عفرا: ههههه تأخرو ام شذى: يالله فديتكن يهزو اعماركن نشن ورتبنا لهن فساتينهن ... دخلو لداخل القاعه على اغنيه لراشد الماجد مخصصه بأساميهن ثنتينهن .... وصلن للكوشه وبدا كالعاده تصويرهن .... انشغلت انا وشمه بالمعازيم ليما سمعنا ان المعاريس على دخول خذينا ريوم وشذى للجناح لان دخولهم اثنينهم مره وحده دخلو على صوت طقاقه ازعاج وربيه ازعاج بس ررررربشه نننعم هههههه هاي من سوالف شميم اول مادخلن الشبيبه الرقص قام ابويه وعميه يرقصو بهدوء اما سهيل الي يرزف بذمه حتى رشود ماياي يثبت.... وطبعا سوتها شميم ومسكت سلطان ترقص فياه والاخ ماقصر يرقص رقيص حتى فصخ عقاله ويلس يرقص به هههههه<<< تخبل الريال على اخر القصه عليه سعيد وعليه مبارك عله يتبارك ولا اله الا الله عمري المعرس بالله وياخويتم باليمين هاذي عطايه الراحمين عليه سعيد وعليه مبارك وعله يتبارك انصمت اذني على الصوت بس انتبهت لنفسيه يوم يا سلطان يرقص حذاليه حط ايدينه عخصري وهو منطرب بس صدقا غفطت خصوصا يوم صارخن البنات على حركاته عفرا: وييعه سلطان شو بلاك تخبلت؟ سلطان: هههههههه ماتشجعي بسير ارقص ويا شمه هايك الي ماتقصر عفرا: ماعرف منوووو الي منعني عن الرقص غيرك سلطان: فديت ام دبه انا طلعو الشبيبه بعد ماخصلن رقص وقررنا نطلع ريومه اول وبعدها شذى خذينا سيف لغرفه الانتظار .... ودخلنا ريومه للقاعه طبعا مايحتاي اخبركن عن خبال رشود فلهاي السبب عن لاتغفط امايه حذال الجمهور بس خلتهم يقصو الكيكه ويتوكلو هههههه طلع راشد وريومه ولحقتهم بعد شمه عسب تساعدها اما انا سرت عسب ادخل سواف من يديد .... واحليله حده متوتر وواضح هالشي على ويهه قريت عليه المعوذات ودخلته للقاعه تريا لما دخلنا شذى واحليله انبهر بها وايد لان صدق طالعه عذاب قصو الكيك وشربو العصير بس يلسو اشوي لان هل شذوي حابين يباركن لها ويعني من هالسوالف اما انا خلاص تعبت ماروم اوقف اكثر عن جيه ظهري تخشب ........................ ......................... تسابقنا على باب الحمام بس الخايس سبقني بتقولو هايلا مخبل من اول ليله وهم سباق بعد شو اسوي به الي يسبق قبل اون هو الي يتسبح اول يلست على الشبريه اترياه يطلع هالدب بس اون يبا يقهرني ويلس يغني وهو بالحمام سرت دقيت الباب: بيدخلك يني فج الباب وطلع راسه: داخلي اكبر ينيه حست بوزي: بتطلع لو شو؟ راشد: لو شو الريم: بخبرك ان ماطلعت بسير اتسبح بحمام بنت عميه طلع الحمار بفوطه بس يلفها على نفسه: لحوووول هاي الي بتذلنا ببت عمها شهقت من الغفطه وغمضت عيني: حووووووووه شقايل تطلع حذالي جييييييه راشد: شو اسوي بج بسرعه وبسرعه طفته وانا ادخل الحمام: اونك تسبحت بماي دافي يكمد جسمي عن هالفستان الثجيل حشىىى كسر ظهري الله يكسر ظهرهم عطرت جسمي وتلبست .... الحينه انا شو يطلعني حذال رشود جيه اعرفه مابيمسك لسانه تأخرت قد ما اقدر على امل ان اطلع واحصله راقد بس منو يرقد رشوود؟!!!!!!! راشد: حيا الله عروستي سرت صوب الشبريه: الله يحيك راشد: شحالج؟ طالعته: بخير راشد: ريوم الريم: هلا راشد: امممم شو تتمني بهاليله الحلوه؟ غمضت عيني وانا افكر: امممم ان نعيش بسعاده ونيب عيال وااااايد حسيت به وهو يقرب منيه: وبربي طول ما اقدر اعيشج بسعاده مابقصر فتحت عيني وطالعته: اكيد؟ باسني بوسه مطوله عجبيني: اكيـــــــد الريم: وانا الله يقدرني اني اسعدك يالغالي تبسم: فديتج هالمره انا الي بطردكن بدل راشد.... ........................... .............................. احم ياناااس ساعه كامله وهي بالحمام!!!... حشىىى اخاف بس استوى بها شي.. لالالا هاي صوت الماي مره يشتغل ومره لااء تمددت عشبريه اريح جسمي... خصوصا ان التوتر لعب فيني للللعب بس اول مادخلت الجناح حسيت براحه وهدوء فزيت بمكاني اول ماسمعت صوت الباب... بس عدلت نفسي وتمددت زين .. راقبتها وهي تسير لصوب المرايه .... نشفت شعرها القصير وخلته مبطل بأريحيه هاي كل النعومه فيها شعرها حركاتها مشيتها صوتها وكل شي سيف: شو ماتبي ترقدي؟ ردت وهي منزله راسها للارض: هاه اممم الحينه دقايق دقايق عقولتها ويات لشبريه وخشت عمرها تحت الحاف شكلها كان ينقع ضحك منسدحه على اخر الشبريه حشى حتى لو اني اكل لحوم بشر سيف: اذا الشبريه صغيره لهادرجه انا بسير ارقد على الكنب طالعتني ببرائه: هاه؟ مديت ايدي وسحبتها لحذالي: ما باكلج تو متعشي ابتسمت بهدوء: ولو مامتعشي شكان سويت؟ سيف: متأكده تبي تعرفي شو كان بسوي؟ شذى: امممم هيه سيف: براحتج بس لزوم اعطيج بصمه عن العرق الي يسري بالعائله الكريمه طالعتني بتسائل: شو؟ رفعت ايديها: كان بسوي بج جيه عضيتها عضه معتبره خلتها تصرخ وهي تبعد عنيه: آآآي توييييع سيف: ههههههههههههههه انا خبرتج انتي الي قلتي هيه الا تبي تعرفي حاست بوزها: هاي حد يسويها لعروسته بليله عرسها خذيت ايدها وبستها: ههههه سوري فديتج ابتسمت: يستوي لك تسوي دعايه اسنان سيف: عرضو عليي بس ماحبيت شرات ماتعرفي ماحب الشهره ضحكت بهدوء: اونك سيف: شو مابنرقد ولا عايبج السهر؟ انسدحت بمكانها: انا برقد قبلك مديت يدي لايدها ومديتها ووسدت راسي عليها: الي بيرقد قبل له حلاو باكر ان يلس شذى: ههههههه اونه اخاف بس حتى الحلاو عضه سيف: لا حلاو من نوع اخر انتي رقدي قبلي وتعرفي باجر غمضت عينها الناعمات .... اما انا يلست استمتع بمناظرها حتى نسيت شي اسمه رقاد وشي اسمه الوقت.... ليما قطت برقادها وخذيت راحتيه اكثر .. لمست بشرتها بصبوعي شرات ماكنت اتمنى .... بس هالمره بالحلال يعني لذتها كانت ارقى واحلى | ||||
|
| |
|
31-05-13, 09:46 AM
| #83 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــــ 62 ـــزء الباااااااارت الاخير . . ((فطووووووووومه يالله عاده طلعي)) خسها الله من بنت ملعوزتني لعواز سلطان: يابنت الناس خليها براحتها شقايل ترابعي وراها عفرا: اخاف يستوي بها شي بالماي سلطان: شو يستوي بها بعد خليها تسبح اوووه انتو هنا نسيت ماخبرتكم فطومه هاي تكون بنتيه وحاليا عمرها 4 سنوات فديتها تشابه ابوها واااااااايد بس مبزاااااايه بسبه سلطان هاي بنتيه اما بالنسبه لي انا توظفت ببنك اضيع وقتيه به والحمدلله الدوام وايد مريح اما بالنسبه لبعلي الغالي ترقى بدوامه واستويت زوجه العريف سلطان ..................................... ....................................... مايخصنيه ابا رززز بالاصبار قالتها شمه لي الي وحامها يشيب الراس سهيل: ااااااااه بسير انتحر ابا اعرف انتي من وييين تييبي هالاطباق حاست بوزها: مشتهيه رز بالاصبار مايخصنيه سرت البي طبق شمه العجيب..... خصوصا اني مابا اكسر بخاطرها بشي البنت كانت عندها مشاكل بالحمل وكأن حاسها قلبها انها بتطلع شرات خالتيه بسالفه حملها بس الحمدلله حملت والحين بشهرها الرابع بس وحامها يعذذذذذب شي رز بالاصبار وشي بيتزا بالزعتر وشي عصير بطيخ آآآه يفؤااااديه ........................................ ........................................... ( لالالالاء هاي ثاااء مب تااااء ) سهيل: اميه شرات بعض روضه: لالالا فديتك الثاء شي ثلاث نقط فوقها اما التاء نقطتين بس فر ويهه على ابوه: صح ابويه؟ رفع راسه عن المخطط: صح فديتك روضه: وووويعه يعني ماتصدق الا يوم يقول لك ابوك صح؟ ضحك وبانت ضروسه الطايحات: ابويه يلبس نظاره يعني شاطر اكثر عنج مصعت خدوده: اااااااااخ يالدبببب يابو لسان طووويل سهيل: صح ابويه انا بو لسان طويل؟ جاسم: هههههه صح ابويه سهيل: بسير اقصه عيل شهقت: لاااااااااااااااااااء اسولف وياك خزني: اخر مره كفخته عراسه: اوووونك انا امك يالخايس حاس بوزه: وأأأأأن آآآآآآآآه شو اخبركن عن هالكائن الي يالس يدامي ... سهيل = سييف نسسسسخه مصغره من سيف لسان طوووويل ودوم يبا ينقع بي انا وابوه محد سلم منه حتى يدته !!! فريت ويهي على زوجي وانا ابتسم.... الحمدلله الله عوضني برجال تتمناه أي بنت وعوضني بولد سوالفه ماتخلص ومالي علي دنيتي وعوضني باميه ام جاسم وابويه ناصر عن كل شي فاقدته صحيح ابويه واميه للحينه مايعطوني ويه بس الحمدلله عنديه الي يعوضني ويشغلني .................................. ............................... على مهلك على أأأل من مهلك فرت ويها عنيه وهي تسحب ايدها: رشوووود خلاص عاده والله اروم اسير روحي راشد: زايغ عليج فديتج حاست بوزها: لاتزيغ مابيستوي شي شرات هايك المره تبسمت لها : مب قصدي جيه بس ماباج تتعبي غناتيه تبسمت: ياللللله تخيل لو يطلع بنوته شرات فطوووم بنت سلطان اسميني بتخبل راشد: فديييييييييييتها لو صدق تطلع شرات فطوم ....بخبرج دووم يلسي وحطي فطوم قبال ويهج زين؟ طالعتني: لشو؟؟؟ شقيت حلجي: عسب تطلع شراتها الريم حاليا حامل والبشهر الرابع... قبل جم سنه حملت بس للاسف طاح الي ببطنها من جيه انا زايغ عليها ولا اباها تتحرك بس الحمدلله طمنا الدكتور ان تثبت ولله الحمد وماااااااازالت عقده السياير تراودها خصوصا انيه بين كل يوم والثاني افقد المفتاح واكتشف بالنهايه ان صارقته الريم بس الحمدلله سوالف الموت والزيغه راحت عنها هاي بنسبه لزوجتي اما بالنسبه لي ابويه وكلني على الشركه وشل ايده عنها لان يقول تعب وكبر وبما اني مسكت مسؤليه كبيره استويت ملزوم بالشركه عكس عن خبالي الي قبل ....................................... ...................................... ارفع ريلك جيه طالعني بعيونه الصغنونات: مالوم ابويه<<< ماروم ابويه نزلت مستواي لمستواه ورفعت ريله: ارفعها جيه بعد بعد زود انت بطل يالله يابطل ( ياريال بسك خل الولد بحاله) طالعتها: خليه اباه يتعلم ابتسمت لي وهي تصب الشاي: تعلم وايد خله يريح اليوم نشيت وانا ساير صوبها: حاليا مستواه بالكراتيه جيد بس يباله شوي ناولتي الشاي: على ايدك بيطلع احسن مدرب بالعالم شرات ابوه عدلت يلستي بخقه: احم احم طبعا طبعا شذى: ههههههههه خقاق واحد مايد يقلد امه: ختات واحد طالعتها: كم مره اقولج لاتقولي هاي الكلامات حذاله طالعي الخايس يقولي خقاق شذى: ههههههههههه شو اسوي به يلقط الكلمه لقط مايد: ابويه ابويه اميه خبرتني انك بتثتري ليه العاب وايد ان حفظت ثوره الكوثر ثح؟ ضربت عراسي: ابا اعرف انت أي حرف تروم تنطقه عدل؟؟؟؟ كل الحروف ضايعه ضرب بريوله الارض : ابوووووووويه بتثتري لي؟ سيف: هيه بثتري لك ياولد الناث بثتري حاس بوزه: لاتعيب ولاتثوي ثراتيه شذى: هههههههه حرام عليك خل الولد بحاله فريت ويهي عنهم وانا اكمل الشاي.... هاي هالمايد شرات ماشفتو يكون ولديه يعني بالله يقول ليه ابويه شو بيطلع غير ولديه مثلا ولد عميه؟ فديته عمره 3 سنين تفوووووو قولو مشاء الله ويالس ادربه على الكراتيه خصوصا ان طفل وعظامه بعدها لينه وسهله يعني بروم على التدريب اكثر وشرات ماسمعتو استويت مدرب للكراتيه يعني أي حد حاب يتدرب اييني وادربه لا حد منكم يستحي لما اخلص دواميه من الشركه اسير لصاله التدريبات وادرب المتدربين الي تحت اسمي اما شذوي زوجتي الحبيبه فلبينو توظفت فيانا بشركه رشود صحيح اغار عليها من هالموظفين بس الكل التزم حدوده يوم عرفو انها حرمتيه ................................... .................................. الله يبارك بعماركن تسلمو والله الحمدلله ترقيت واستويت العريف سلطان بعد جهد جهيد حياه مستقره ولله الحمد انعم بها خصوصا انيه تصرفت مع حميد ان كنتو تذكروه بطريقتي الخاصه لاتزيغو ماحرقته شرات عبدالله بس تصرفت فياه وهددته ان يبعد عن عفرا ومن يات فطوم زادت علاقتيه مع الغاليه خصوصا ان من بينا طفله شرات القمر حياتي كلها فطوم وعفرا واخاف عليهن من الهوى اتمنى اني اسعدهم شرات ماهم ساعديني بحياتي ................................ ........................... حوووووووووووه ترنومه يالماتستحي على ويهج بتختمي القصه من دوني؟؟؟؟ ماخبرتيهم عنيه احممم بدون ماتأذن لي ترنومه انا برامسكم ولاول مره سمحت لها ماتخليني ارمس طول القصه بس عاده مصختها الحينه انا ابا ارمس الحينه ياترنومه يالماتستحي عويهج تعرسي كل ابطال القصه وانا لااااااء؟؟؟؟؟؟؟؟ ترنيمه يعني انا: بو سلطان انت بكامل قواك العقليه تبا تعرس؟!!!!! بو سلطان: هيه تبي اظل وحيد ترنيمه: خلاص ياريال اختار أي بنت وانا ايوزك وياها بو سلطان: الي يبوني وايد ترنيمه: خقااااااق واحد بو سلطان: انا كبر ابوج يالخايسه ترنيمه: خاس شعرك بتنش تصور فياهم ولا اختم القصه بدوونك نش بو سلطان وتوسط العائله الكريمه بو ناصر عن يمينه وبو جاسم عن يساره وصفن شمه وعفرا وشذى والريم حذال بعض ووصف سهيل وسلطان الي حامل بنته بأيده حذال بعض اما راشد وسواف كانو يالسين بالمقدمه ويتوسطهم مايد.... سماااااااااااايللللللللنغ شكيييييييييين<<< صوت الكيمرا تمتتتتتتتتتتتت . . . | ||||
|
| |
|
01-07-13, 06:21 AM
| #84 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 
| |||||||||||||
|
| |
|
25-07-16, 05:56 PM
| #87 | ||||
| نجم روايتي وفراشة الروايات المنقولة 
| السلام عليكم الروايه جدا جميله باسلوبها. وروح الفكاهه اللي بيها. وكمان عالجت شئ من الواقع. من مشاكل. بتمر بالمجتمع. بكل. حاله. شيقه. سريعه الفم تدخل الواحد. بجو الاسره. فيهاكمان الغيره الدين الاخلاق. اللي تلم بالمجتمع. والخباثه. والحقد. اللي. تصيب الناس المريضه. والاهم بيها. من القناعه. الشئ الكثير  تسلم يد الكاتبه.  اللهجه الاماراتيه. كثير حلوه. يا زينهم. وزين رمساتهم. هههههههههه. كاهو نرمس. اماراتي ههههههه. : تسلم يد الكاتبه. هل منمزيد. لها. من روايات. هنا  | ||||
|
| |
|
25-07-16, 10:28 PM
| #88 | ||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اقتباس:
اقتباس:
وعليكم السلام ورحمة الله وبركاته كيف حالك إن شاء الله دائما بخير ؟ للأسف لا يوجد روايات ثانية مكتملة للكاتبة ترنيمة عشق فقط عندها رواية أخرى غير مكتملة اسمها سنفونيات شيطانية ولطالما اعجبتك هذه الرواية وهي اماراتية استطيع أن ارشح لك باقة من الروايات الاماراتية التي لا تقل روعة عنها.... ملامح وجهي القديم https://www.rewity.com/forum/t284890.html انا انثى لايقف المستحيل امامها https://www.rewity.com/forum/t212291.html استبيـــحك عذرا https://www.rewity.com/forum/t347407.html وطت رجلي علي دربه و لا أدري وش نوي فيني https://www.rewity.com/forum/t351286.html بات من يهواه من فرط الجوى خفق الاحشاء موهون القوى بقلم / لولوه بنت عبدالله https://www.rewity.com/forum/t352111.html هل يعود ؟ / الكاتبة وجه النهار https://www.rewity.com/forum/t283224.html وللقلوب معارك / للكاتبة وجه النهار https://www.rewity.com/forum/t284761.html غربة روح الكاتبة / وجه النهار https://www.rewity.com/forum/t223143.html غربة الأيام.... رواية اماراتية تجنن https://www.rewity.com/forum/t11784.html علمتنا الشمس نرضى بالرحيل https://www.rewity.com/vb/t214038.html شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||||
|
| |
 |
| الكلمات الدلالية (Tags) |
| التبل |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
