قالوا لي أنتي له بس أستهونت فيهم / للكاتبة miss bisho ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية قالوا لي أنتي له بس أستهونت فيهم للكاتبة / miss bisho بسم الله الرحمن الرحيم السلام عليكم ورحمة الله وبركاته حبيت تشاركوني بروايتي الأولى وأتمنى أنكم تتفاعلون معي وتقولون لي أراكم وانتقاداتكم راح أتقبلها بصدر رحب (الأنتقاد الهادف طبعا ) يالله نبدأ

[لامارا]

الفصل الأول


+_+_+_+_+_+_+_+_+_+_+_+_+_+_+_+_+_+_+_+_+_+_+_+_+_ +_+_


...:تخيلي تتزوجينه .

...: مافيه أمل أساسا اهو مو من مستواي ,

...: ليش حبيبتي مو من مستواك اهو أرقى منك بكثير بس يمكن أهو ماخش مزاجك اساسا .

...: يمكن بس من جد هذا الأنسان ماينطاق

...:حرام , والله أنه جنتل وخفيف دم وخفيف طينه بعد .

...: والله ,, ليش ماتاخذينه أنتي ..

...: هه لو أنه يبيني ماأستأذنتك و أروح أخطبه لنفسي ههههههه .

...:مدري وش لاقين فيه أنتوا

...:شواقه معليش قولي وش اللي مالقيناه فيه ,, ماشاء الله ضابط وله بيت ملك وأمه عسل وخواته يجننون واهو حبوب ورجل بمعنى الكلمه

شوق...:مايكفيني

لمى...: والله , مدري من اللي يملى عينك أنتي

شوق بحالميه ...: عبد الإله

لمى...: وععععع صدق ماعندك نظر عبدالإله اللي لا له وظيفه مصروفه ياخذه من أبوه

شوق...:أنا أشوف شي أنتي ماتشوفينه

لمى بأستخفاف ...:وش هالشي بالله

شوق تسبل عيونها ...:رومانسي

لمى ...:يعني تركي مو رومانسي

شوق بقرف ...: وععع عسكري جلف أنتي شفتي كيف أسلوبه مع خواته دفش كأنه يكلم واحد من أخوياه

لمى ...:فيه مره شفتي أخو يكلم أخته برومانسيه

ترررررررررررررررررررررررر رررررررررررررررررررن

...: يالله يابنات كل وحده على صفها

شوق ...:اوووف ع القرف

لمى ...: الله يعين علينا أبله هيا

شوق...:أشوى اليوم الأربعاء , بتروحين لبيت أبوي محمد

لمى...: أكيد الكل بيجي تعالي لاتسوين مثل الأربعاء اللي راح

شوق ...:هههههههههههه طيب وش أسوي راحت علي نومه

ودخلوا الفصول وخلص الدوام المدرسي

وكل واحد راح على بيته يرتاح

>>> خلوني أعرفكم على عائلة شوق ولمى


عائله شوق
أبو محمد - يشتغل بشركة العائله واهو صاارم مع عياله ويخاف عليهم ويسوي اللي اهو في مصلحتهم وشديد حيل
أم محمد - مالها شخصيه وتحب عيالها ودايم تشوف أبوهم يضغط عليهم وتسكت لأن مابيدها حيله
محمد- يشتغل بشركة العائله حنون على خوانه ودايم يوقف في وجه أبوه في حالة أنه يضغط على أخوانه بشي مايبونه طبعا أهو جسمه رياضي وملامحه حلوه وعصبي شوي ويحب خواته حيل
عبدالكريم – بثاني جامعه قسم إدارة أعمال , وطبعا معروف اللي بعمره يكون مغازلجي وفلاوي ,
أسمر جسمه رياضي كل بنات العائله خاقين عنده ..
شوق – بثالث ثانوي جميله جدا بيضا وشعرها ناااعم وطويل يوصل لحد ظهرها وفيها غمازات وعيونها وسااع وجسمها مره حلو كانه جسم نعومي كامبل >> عارضه أزياء .

سعود- عمره 7 سنوات مرجوج العائله يشبه لمحمد كثير وخفيف دم ووسيم نوعا ما .

أسيل – القعده عمرها سنتين جميله ماخذه من شوق كثيييير

>>> عائله أبو سعد أخو أبو محمد
أبو سعد – يشتغل بشركه العائله واهو حبوب ومدلع وحيدته لمى دلع مابعده
أم سعد- دكتورة أطفال جميله حبوبه .
سعد وسعود-توأم عمرهم 28 سنه مملوحين يهبلون خفة دمهم وهبالهم اهو اللي محليهم
لمى – برونزيه مملوحه شعرها بندقي اهي وشوق مثل الخوات ..

في بيت الجد

اجتمعت العائله الكريمه
...:شواقه عمتي أم تركي جت
شوق بنرفزه : ليش تسألين
الهنوف : ابي أشوف تركي
شوق: وش تبين فيه , ماله داعي قطة الوجه
الهنوف : انتي وش دخلك أنا وش أبي فيه
(الهنوف غثيثه درجه أولى تحط عينها على اللي مولها ودايم تجاكر شوق طبعا اهي بنت عمهم منصور )
شوق:ياسلاام دخلــ .........
قاطعتهم لمى : الهنوف خلاص أنتي عارفه أن عمتي أم تركي رايحين لمكه ليش ترجعين تسألين .
الهنوف بلعانه:كذا كنت بشوف الست شوق وش بتسوي وطالعت شوق بأستخفاف
وشوق شوي وتقلع وتهز رجلها بعصبيه
الهنوف : تشاااو ياحلوين
وراحت وخلت شوق بقهرها
شوق : بنت الـ .........
لمى : اوووش ولا كلمه خير و وراك عصبتي أنتي عارفه أن هاذي الهنوف من خبرناها واهي تحب تستفزك,وبعدين مو تركي الجلف اللي مو رومانسي وماتحبينه ليش ارتفع ضغطك لما تكلم الهنوف ..

شوق واهي اساسا مو عارفه ليش عصبت يمكن حب تملك راحت وخلت لمى عند المغاسل حيرانه من بنت عمها..
ع العشاء
عمتهم أم تركي فاجأتهم ودخلت عليهم
أم تركي: هنهم
أم محمد : وانت منهم يالله حيها
وكل البنات طاروا يسلمون عليها وعلى بناتها
> ألحين دخلت عائلتين

عائلة الهنوف
أبو سامي – يشتغل بشركة العائله ماله شخصيه أبدا وزوجته اللي تحركه
أم سامي – متسلطه ومافي أحد سلم من شرها وطبعا الفيس كله بوتوكس تحاول تصغر نفسها غصب
سامي- يدرس برا حقوق ووسيم أخر درجه ويحب لمى بس اهي ماتدري عنه
بدر-يشتغل بشركة العائله حبوب وجميل وأسمر وجسمه معضل

نوره – بنتهم الكبيره متزوجه وعندها ولدين واهي غير أمها طالعه لأبوها حبوبه حيل والقط بياكل عشاها مملوحه وبيضا وجسمها يجنن .
الهنوف :طبعا النسخه الثانيه من أمها حقوده ماتحب الخير للناس وطبعا ملامحها جدا جدا جدا عاديه واهي بثالث جامعه.

عائلة أم تركي
أم تركي زوجها متوفي من بعد ماجبت ساره بحادث سياره واهي حنونه لأبعد رجة حنونه لعيالها حيل
تركي – عمره 30ضابط حبوب رجل بمعنى الكلمه سند أمه من بعد وفاة أبوه طويل أسمر جسمه معضل مملوح لأبعد درجه .
فهدهـ - توأم تركي متزوجه وعندها أربع عيال جميله برونزيه شعرها خلقه بندقي
تهاني – مخطوبه لمحمد أخو شوق بيضااااااا وشعرها فكتوريا وملامحها جدا جذابه وجسمها خوقاقي
ساره أخر العنقود-تشبه لتهاني حيل مع شوق وتهاني بالمدرسه بثالث ثانوي


الهنوف:عمتو وحشتينا حيل جيتوا كلكم
ام تركي:ايه جينا كلنا وانتي بعد وحشتينا
الهنوف يقالي خجلانه:انتوا مين
أم تركي :أنا وبناتي
الهنوف تحطمت : اهاااا كيف مكه
أم تركي: والله زحمه
الهنوف بأشمئزاز : قرف
أم تركي بعصبيه: وش اللي قرف
الهنوف توهقت: ماحب الزحمه

أم تركي: ايه على بالي بعد

نوره أخت الهنوف : يالله حيهم عمره مقبوله عميمه
ام تركي : يتقبل منا ومنك .

وراح الوقت سوالف عن مكه

p.s>> (نسيت أقولكم أن أم تركي ساكنه في بنت أبوها محمد لآن أمها متوفيه ومافيه أحد يقابل أبوها وسكنت اهي وعيالها عنده ...)


شوق: لمى خلينا ندخل نسلم على أبوي محمد وعماني من زمان عنهم
لمى : يالله بقول للبنات

الكل راح يسلم بمجلس الرجال لبسوا عباياتهم وتغطوا وراحوا للمجلس

لما دخلوا لقوا المجلس صفه كله شباب والشيبان على راس المجلي

أبو محمد- يالله حيهم يالله أن تحيي حفيداتي

أم تركي – يبه وبناتك

الكل-ههههههههههههههه

أبومحمد- انتي غير انتي أم تركي عين السيح

ام تركي- يووووه كبر راااسي
الكل - هههههههههههههه
راحوا يسلمون عليه ويبوسون راسه
وفيه واحد من دخل حب حياته واهو مو ثابت بمكانه من ربكته قام يطلع جواله ويدخله
ويطالعها واهي مو داريه عنه

لمى بهمس :شويقه شويقه ووجع
شوق : هاه وجع يوجعك

لمى : الخوقاقي يطالعك عبريه لو بنظره

شوق بعناد : مابي

الهنوف كانت تسمع وحبت ترفع ضغط شوق : أقول تركي ........

الكل رفع راسه وش هالجرأه


(نسيت أقول منهو عبداللإله هذا ولد خالة شوق أمه ماجابت غيره واهو دلوع وراعي بنات ويدخن ومايعتمد على نفسه دايم أبوه اللي يصرف عليه مع أن عمره 25 وإذا حط بنت براسه ابن امه اللي يشيلها من راسه )

هاه أكمل ...
إذا شفت تفاعل كملت ...
ابي توقعاتكم
تتوقعون وش قالت الهنوف ..؟

[لامارا]

شكرا لكل من ساعدني أكمل الروايه
وهذا البارت الثاني جبته لكم أن شاء الله يعجبكم
ويحوز على رضاكم ...

البــــــــــــــــــــــ ـــــــــــــ (الثاني) ـــــــــــــــــــــــــ ــــــــــــــــــارت


p.s >>> أنا لحست مخوخكم الولد أسمه أبو محمد والجد أبو محمد للتوضيح الجد أسمه محمد وأبو شوق أسمه عبدالله يعني أسم الجد أبو عبدالله وابو شوق أبومحمد ...

الكل رفع راسه وش هالجرأه

تركي رفع راسه : نعم
الهنوف بلعانه: امممممممممم نسيت ذكرني أقولك بعدين
الكل أنصدم من حركتها اللي مالها داعي

تركي هز راسه مو مستوعب
تركي: هيه كريـْم
عبدالكريم: خير
تركي : من قوية الوجه اللي كلمتني ؟
عبدالكريم: هاذي بنت عمي منصور
تركي بقرف : الهنوف
عبدالكريم : عليك نور
تركي : الله يستر عليها


اما من ناحية شوق كانت ماخذه الموضوع جدا عادي لآنها أن بينت بيكبر راس تركي
طنشت لما يطلعون وتستفرد فيها


أم تركي : أقول يبه
أبو عبدالله : سمي
أم تركي :مابقى على الأمتحانات شي ودنا بالعطله ناخذ لنا مخيم بالبر نوسع صدورنا ونجلس لنا أسبوع ونرجع
أبو عبدالله: والله ميب شينه شوفي أخوانك
أم تركي ألتفت على أخوانها كلهم أيدوا ألا أبو سامي (منصور)
أبو سامي : أنا أقول نشوف أوضاع الحريم بعدين نتفق
أم تركي بأستنكار : أي حريم
أبو سامي بخجل: حريمنا

أبومحمد معصب من طوع أخوه لزوجته : وش فيهم حريمنا ماراح يقولون شي وان قالوا شي يقعدون وانا بناخذ عيالنا وبنروح ..
أبو سامي سكت أحتراما لأخوه الكبير

نوره : هاه أبوي محمد نعتبر الموضوع منتهي
أبو عبدالله مبتسم : أعتبروه

كل البنات : وناااسه .... متى تخلص الأمتحانات ..... اوووف أخيرا ...... متى نطلع متى

أبو عبدالله فرح من فرحة عياله وأحفاده
عبدالكريم: أبوي محمد نبي دبابات
سعد: ايه والله نبي

أبوعبدالله : أنا والله وش عرفني باللي تبونه أنتوا أتفقوا وأنا علي الدفع ..
سعد وسعود: يس
أبوعبدالله : نطحكم التيس وش يس
سعود: يابوي وش نقول نقول نعم تخيل شكلك وانت فرحان تقول نعم
أبو عبدالله : قولوا أي شي ولا تطوعون ذا الغرب اللي يجرونا وانا مو حاسين

البنات استأذنوا
أبو محمد : ألا أقول يبه تخبر أبو خليفه
أبو عبدالله : اللي جيرانا قبل
أبو محمد : وصلت
أبو سعد: وش فيه
أبو محمد : والله يأبوي مرت ولده قلبت راس خليفه وحطت ابو خليفه بدار العجزه
أبوعبدالله بقهر : يالله أنك تخفيها
أبو سعد : لا حول ولا قوة الا بالله
أبو سامي : الدنيا سلف ودين ومثل ماسوا خليفه بأبوه ولده بيرد له الحركه لا تخاف .

أبو عبدالله راااح باله يتذكر أيامهم مع بعض

شوق أول ماطلعت من المجلس دورت الهنوف مالقتها
شوق: لمى ماشفتي الهنوف
لمى : مدري أخر مره شفتها رايحه من ناحية المسبح
شوق وش وداها ورى البيت : خلاص بروح أشوفها

تسحبت شوق وراحت تشوف وش تسوي الهنوف راحت لم المسبح سمعت ضحكها
حاولت تسرق النظر ولا قدرت بس حاولت تسمع ...

الهنوف : هههههههههههههه فديتك حبيبي ......... اممممممممممم لا والله .......... بتقنعني أنك ماتشوف غيري .... طيب حبيبي صدقتك ..... أقول حبيبي أنا لازم أسكر يالله سي يو

شوق منصدمه معقوله يكلمها
يكلمها ولا مايكلمها أنا وش علي ...

راحت شوق قبل تجي الهنوف وتشوفها ودخلت بالصاله

مسكتها تهاني اخت تركي : أقول شخبار دودي
شوق عقدت حواجبها : وش دودي
تهاني بخجل : حمودي
شوق بصوت عالي : ايييييييييييييييييييييييي ييييييييييييييييه
تهاني : اوووش فضحتيني
شوق بضحكه : ماعليه الحمدلله ليش تسألين
تهاني : كذا من زمان ماشفته وماكان معهم في المجلس
شوق: ايييه أبوي محمد مخليه يروح للخرج مدري وش يجيب
تهاني بزعل : الله الخرج
شوق : وش فيك كاني قايله لك ماليزيا ترى الخرج قريبه وقريبه حيل
تهاني بخجل : بنظري بعيده
شوق : هههههههههههههه

شوق ألتفت على لمى : هيه
لمى : خير
شوق : تخاويني بكره للسوق
لمى : وش عندك تونا جايين من امس
شوق : أبي أشتري هديه لـ (بهمس) عبدالأله
لمى: خير وش هالتطور
شوق: ماتدري أنتي , علمت أخته أني أحبه
لمى: وهالكلام متى ياست شوق
شوق ببرائه : من أسبوع تقريبا
لمى ضربتها على كتفها : يازفته أنا أعلمك بكل شي أنتي تخبين علي ( أسبوع كامل يالظالمه )بصوت عالي
أم تركي انتبهت لهم : وش فيكم يابنات
شوق : سلامتك عميمه بس تعرفين عيارة لمى
ام تركي : ههههههههههه
لمى : أنا عياره طيب خلي أحد يروح معك بكره (بنغزه)خلي تهاني أخت الجلف تروح معك
شوق: ناويه تفضحيني أنتي
لمى: ليش أفضحك مو أنتي هذا اللي تبينه
شوق: أيه ابيه بس يعني مو بهالطريقه
لمى : هه
شوق: أقول مو أطر منك أنا بتخاويني ولا أروح لحالي
لمى : اوووووووف طيب طيب بخاويك
شوق صفقت بحماس: يس ياأحلى بنت عم بالعالم
لمى بغرور :أدري

أم تركي : هاه يام محمد ما لان راس بعض الناس
أم محمد بعجز : والله حاولنا بس تقول دراستي
أم تركي : مايخالف لو حجز وبعدين العرس
أم محمد : والله هذا أخوك عندك أنا ماأحل ولا أربط في هالمواضيع
أم تركي : طيب

وألتفت على بنت أخوها واهي تتمنى أنها تكون من نصيب تركي

خلصت العزيمه والكل راح لبيته


في السوق
كانت لمى وشوق في الدهام حق الساعات
لمى : ياااااي شواقي مره نايس
شوق أنتبهت : أشوف , أيه والله حلوه
لمى : خلاص أشتريها وخذي معها عطر ومعها تي شيرت من ايديدااس
شوق بشك : يكفي
لمى : يكفي ليش مايكفي
شوق بعدم أقتناع : أوكي ,, لوو سمحت عطني الساعه هاذي
خذوا الساعه وطلعوا

لمى لما طلعت من المحل شهقت
شوق : ولعنه وش فيك
لمى تأشر على واحد طالع من اديداس: شوفي شوفي
شوق طالعت وين تأشر : تركي
لمى بخقه : يازين كشخته
شوق بعدم أهتمام : وع أسمر
لمى : وع , حبيبتي هذا يدورونه دواره
شوق بغرور : أنتوا مو أنا
لمى بهبال : أمشي نسلم عليه
شوق : لا والله ماأروح
لمى بتحدي : تتحدين
شوق بأستغراب : أتحدى وشو
لمى : شوفي أنا ماراح نروح بس مني لك أنه أهو اللي بيجي يسلم
شوق بأستبعاد : وييين ماراح يعرفنا بالعبايات
لمى : تراهنين
شوق بعدم أهتمام : وش ورانا أراهنك , طيب على وشو
لمى : عشيني أبي من هرفي
شوق : من عيوني
لمى ناظرت تركي اللي شكله جاي يتقضى لنفسه : يالله هذا اهو جاء , 1 2 3
تركي كان من زمان منتبه لها من طلع من اديداس
تركي بأبتسامه جذابه : بنات العم شوق واللي معها يامرحبا يامرحبا
لمى واهي ماسكه ضحكتها : أهلين تركي شخبارك
تركي : اوه لمى , تمام أنتي شخبارك وشخبار عمي وشخبار أخوانك
لمى : هو (علامه تعجب) تركي توك شايفهم أمس
تركي حك راسه بفشله : هاه , زيادة الخير خيرين (اهو عارف بس يبي يطول الوقفه عشان يشبع من شوق )
لمى : هههههههههههههههه معليهم بخير
تركي ألتفت لشوق
تركي بلهفه: شخبارك شوق
شوق بقرف : تمام الحمدلله . يالله عند أذنك
تركي تضايق من صدها : على وين على وين , آآآآ لازم أنا اللي أوصلكم
شوق بضيقه : تونا مابعد خلصنا , أمشي لمى
لمى كانت موقفه متفشله من تصرف شوق : معليش تركي أعذرها
تركي بفشله : لا عادي عارف تصرفات شوق
مشت لمى وتركي بنخوته ماخلاهم لوحدهم ومشى وراهم
ولمى فيها الصيحه راحمه تركي الله يهديك ياشوق
وشوق كانت مقلعه ودخلت محل عطورات
وألتفتت تدور لمى لقتها تمشي ووراها تركي لاهي بالبي بي
شوق : اوووووف وش هالنشبه
لمى جت واستغربت عصبية شوق : شوشو وش فيك
شوق : هالقرف مابعد راح
تركي سمعها وحزت بخاطره بس (ضرب الحبيب مثل أكل الزبيب )
لمى : لا ماراح ياختي أرحميه خايف علينا وجلس معنا
شوق : اووووووف (وراحت له )
لمى : شوق أصبري
بس شوق راحت له : تركي مايحتاج تجلس معنا تقدر تروح مو محتاجين بدي قارد
تركي (تحمل ياقلبي تحمل): لا وش دعوه لازم أجلس معكم خاف أحد يتحرش فيكم
شوق : في حراس أمن
تركي بلهفه: يعني تطمنين على نفسك مع حراس الأمن أكثر و ماتطمنين وانتي معي
شوق رحمته : روح جلستك مامنها فايده
تركي سكت ولازال ملزم يلحقهم

دخلوا محل عطورات
شوق : لو سمحت أبي أجدد عطر رجالي نزل
الرجال : ياأختي في عندنا عطر ......
وبدا يطلع لها
ولما جت تحاسب نط تركي : خلي أنا بحاسب
شوق بطفش : يحووول مارحت
تركي (يارب صبرني ) : لا مارحت يالله وخري
وخرت شوق بزهق وحاسب تركي
وطلعوا من المحل وجاء بيعطيها الكيس حق العطر
شوق واهي لافه وجهها : لمى خذي الكيس
لمى بفشله خذت الكيس واهي متخنقتها العبره لما شافت تركي أنصدم لهدرجه متقرفه
وراحوا محل أديداس وأختارت تي شيرت حلو
وجت بتحاسب حاسب عنها تركي واهو مستغرب وشذا أغراضها كلها رجاليه
تركي بأستغراب : شوق من له هالأغراض
شوق بعصبيه بصوت عالي تقريبا اللي حولهم سمع : وش ودخلك وش دخلك هاه , شوف لاتفكر بتصرفاتك بقتنع فيك تراك أنت أخر شخص أفكر فيه
تركي اختنق لأن فيه أحد سمع : طيب بس كنت بقولك ترها كبيره على عبدالكريم (أخوها )
شوق لاحظت أنه جاء بخاطره : طيب شكرا برجع أرجعها تقدر ألحين تروح

تركي لف ظهره وراح مكسور الخاطر
لمى كانت ساكته
وشوق كأنها ماسوت شي : يالله لمى نروح للبيت
لمى هزت راسها ساااكته

يوم تحركوا سمعوا شلة بنات كانت شايفه اللي حصل : وجع وشذا الجلفه ........ شفتي وجهه ...... قطع قلبي ....... ماتستاهل .
شوق سمعتهم وطنشت لأنه بنظرها سوت الشي الصح

شوق في السياره : رضوان (تحاكي السواق)روح لاقرب مطعم هرفي
لمى : لا رضوان روح لبيت بابا أبو سعد
رضوان : حاضر
شوق بأستغراب : وش فيك كسبتي وهالشيفه عرفني يالله أحلى سوبر تشيلي تشيكن لآحلى بنت عم
لمى كانت مكبوته : لا أبي بيتنا
شوق بعدم أهتمام : بكيفك
لمى (يارب صبري لما أنزل بس أصيح على كيفي)
شوق : رضوان شغل أي شريط
رضوان : مس شوق في آذان العشاء

شوق قامت تقرقر على لمى ولمى متكفيه بـ (مدري , يمكن , إن شاء الله )

لما وصل رضوان لبيت لمى
شوق دقت كتف لمى بمزح : انتي وش جايك اليوم
لمى خلااااااااااااااااااااااا اااااااص أنفجرت (طقت كتف شوق بقوه ): أنتي ماتحسين هاه ماتحسين ماحسيتي بكسرة خاطره حرام عليك حرام , شايفه نفسك على ايش هاه بصراخ (قولي ) الرجال يحبك ومن حبه لك جاي يحاسب ويدفع ولمين لــ عبدالإله الزفت اللي مو معبرك ومو معطيك وجه اللي مرقم نص بنات العايله وانتي عارفه هالشي بس متجاهلته والله حرام عليك حرام جاي بطيبة قلبه يشتري الأغراض واهو مو عارف أنه يشتريها لعدوه و(طقت صدرها ) وش اللي هنا هاه مستحيل يكون عندك قلب مستحيل شوفي ياشوق والله ماأكلمك ألا لما تكلمينه وتعتذرين على تصرفك الزباله مالومك عبدالإله معودك على أسلوب الزباله .وتقولين أن تركي جلف أنتي الجلفه أنتي , أنتي اللي ماتحسين شوفي إذا ماأعتذرتي تراك مو بنت عمي ولا أعرفك فاهمه .
وطلعت وخلتها مصدومه
ورضوان ساكت بعدين قال : أمسي (أمشي )
شوق للحين مصدومه وعيونها غرقانه : ايه يالله

وراحت للبيت وللحين لسانها ملجوم مو عشانها قالت لتركي هالكلام لا
مصدومه من لمى أنها قالت لها لانتي بنت عمي ولا أعرفك عشان خاطر تركي كرهته زياده

ولمى أول ماوصلت صارت تبكي
راحمته >>> قلبها ضعيف مثلي


بدت الأمتحانات والكل لاهي فيها ومتحمسين للبر والمخيم ..


في بيت نوره اخت الهنوف
كانت تغسل المواعين وحست بدوخه وراحت
ورجعت لها ولا قدرت تتمالك نفسها وطاحت واغمى عليها
حلا : ماما أبي دانيت ماما ماما وين لحتي (رحتي) يالبي (ياربي )
وراحت للمطبخ وشهقت : هيييييييييييييييييييييييه بابا تعال شوف ماما وش فيها
جاء خالد طاير : نوره حبيبتي وش فيك
صار يدق خدودها :وش فيك ياربي حلا جيبي لي مويه و روحي سكتي ماجد اخوك
حلا : طيب بابا
جابت لابوها مويه وراحت لخوها
خالد كب في وجه نوره مويه وبدت تصحصح
نوره بتعب: آخ ياراسي (وطالعت حولها )
وشافت خالد :حبيبي لاتخاف تجي وتروح
خالد بعصبيه : لا ماتروح قومي خليني اوديك للمستشفى
نوره بابتسامه على خوفه : لاتخاف ألحين أصحصح يمكن جاء عندي انخفاض بالضغط
خالد بقلة حيله : متأكده
نوره ابتسمت : ايه متأكده
جت حلا: بابا, مجيد مو لادي ( راضي ) يسكت حاولت فيه ومولادي (أنتبهت لامها )ماماتي قمتي يالله أبي دانيت
خالد : حلى ووجع بدال ماتقولين الحمدلله على سلامتك
حلى بطفش : يووووه دويله (طويله )يالله ابي دانيت
نوره : هههههههههه طيب حبيبتي يالله ساعدني خالد
ساعدها خالد وجابت لبنتها اللي تبي
واهي بصراحه حاسه بخوف من اللي فيها بس حاولت تطنش ...
أول يوم الأمتحانات
شوق كانت مذاكرتها زفت وجايه متأخره ياعمري فاقده بنت عمها
أول مدخلت المدرسه شافت لمى تذاكر وراحت لمها
شوق : لمى تكفين خلاص والله أكلمه وأعتذر بس تكفين أرجعي مثل أول
لمى طالعتها وقامت وخلتها ( قلبها رحم بنت عمها ووقفت تطالعها شافتها على نفس وضعيتها غرقت عيونها وألتفت بسرعه عشان محد يشوف )
شوق غرقت عيونها ياربي موحاسه فيني أبد

ترررررررررن
يالله يابنات كل وحده على قاعتها يالله

الكل أنتشر يدور قاعته وشوق بقاعه ولمى بقاعه ثانيه
لمى حلت حلو وشوق كان حلها زفت
لما طلعوا من القاعه راحت لها
شوق بابتسامه : حليتي زين
لمى طالعتها وطلعت كتاب التوحيد من الشنطه عشانه الفتره الثانيه وراحت وخلتها
ولحقتها شوق : أنا عارفه انك حليتي زين لأنه حبيب قلبك الرياضيات
ولمى معطيتها طااااااف
شوق : اتحداك من اللي كان مراقب علينا , أستاذه هيا الشيفه وتخيلي فوق راسي حلي لاتطالعين فوق وانا سفهتها ورجــ ….
قطعتها لمى : شوق
شوق بوناسه : هلا
لمى : لاتحاولين ماراح أكلمك ألا لما تعتذرين ..
شوق بعجز : بعتذر والله بعتذر
لمى : نشوف
وراحت وخلتها


خلصت الأمتحانات وشوق لسى ماأعتذرت لتركي والجد خذا لهم مخيم كبير وواسع يوسع الكل

تركي بدَوَامه متكدر
تركي(وش اللي يكرها فيني منصبي حلو وطيب وحبوب ومهتم بأهلي بعد وفاة أبوي
وش اللي ناقصني ابيها بس تعلمني وشو )
بندر: هيه يالحبيب
تركي توه ينتبه : هلا بندر آسف ماكنت معك وش كنت تقول
بندر: كنت أتكلم عن منصور اللي زواجه بكره
تركي بابتسامه : ايه ياحليله يستاهل ابو وليد
بندر: ألحين أنت ليش ماتتزوج كلنا تزوجنا ألا أنت
تركي صار يشكي لخويه : اللي أبيها ماتبيني
بندر : افاااا , ولا يهمك أختي ماتغلى عليك
تركي / تسلم مابي ألا اهي
بندر بأصرار: يابن الحلال وين بنلقى أحسن منك
تركي:تسلم بس أنا مابي غيرها
بندر بقلة حيله : براحتك
تضايق بندر كان وده تركي يناسبهم ماراح يلقى مثله يأمنه على أخته الوحيد

تركي طالع الساعه : خلصت ورديتي بروح للبيت أرتاح وبعدها بودي أهلي للسوق بيتقضون عشان المخيم اللي خذاه ابوي محمد بكره
بندر: ماشاء الله ايه روح رفه عن نفسك ومن قدك ياعم ماخذ إجازه شهر عشان العطله كانك معرس
تركي : وش دراك خاف أعرس بهالشهر اللي مستهون فيه
بندر: والله مايندرى عن الخافي
تركي : يالله سلاام أشوفك على خير


راح تركي يرتاح وبعد صلاة العشاء ودى أهله لكارفور

تركي من تحت الدرج: تهاني ووجع يالله راح الوقت
تهاني : يالله جايه جايه
تركي واهو معصب : لك عشر دقايق وانتي تقولين جايه جايه أخلصي
تهاني واهي تنزل وتلبس نقابها : يالله يالله
تركي واهو متنرفر : أعجلي كلن ركب ألا أنتي
تهاني تتكلم لبناني : روق شوبنا
تركي بطفش : أخلصي أخلصي
راحوا لكارفور
صارت صدفه
شوق وأهلها هناك

شوق كانت حايسه بالشوكولاته : هيه كريـْم
عبدالكريم : ووجع خير
شوق : حلو طعمه هذا (kiss)
عبدالكريم بخقه : رهيييييب خذي كثير منه
خذت كميه كبيره
ولهوا في التقضي
أم محمد بصوت عالي : شويقه
شوق : سمي يمه
(كارفور لهم خخخخخخخ)
أم محمد: روحي جيبي نواشف ترى اللي بيجيبها أنا وعمتك ام تركي
شوق : خلاص يمه أروح ألحين
أم محمد : بتلقين كل شي في الورقه
شوق : خلاص طيب

رواحت شوق وصادفت تركي يكلم الهندي: فيه زيتون أسود كرتون
الهندي: حق بيتزا
تركي : لا العادي
الهندي : عجوه ولا بدون
تركي ياللي ماطولك : بدون أخلص
الهندي : طيب سير دقيقه بس

راح الهندي
وتركي جلس يكمل
وشوق كانت تراقبه وتسأل نفسها ياربي لي مو قادره أحبه ليش

راحت شوق تتشرى وتركي عارفها بس مطنش جت أم محمد
أم محمد : تركي وانا امك شخبارك
تركي سوا نفسه توه ينتبه : هلا خالتي شعلومك
أم محمد: طيبه أجل وين أهلك

تركي : أمي مع خواتي يتشرون حق خرابيطهم
أم محمد : الله يعين , شوق خلصتي
شوق انحرجت لأن تركي ألتفت عليها : يمه باقي أجيب جبن كرافت
تركي بلعانه : جيبي بوك ماحب كرافت
أم محمد اللي موحاسه بالشحنات اللي بالهوى بين تركي وشوق : جيبي الثنين يمه
شوق بطفش : طيب يمه
وراحت تحوس تدور الهندي

ويالله لقته وغط له ساعه تأخر وشوق وتركي توهم في نفس السيب ولما جابه الهندي
شوق بعصبيه : ساعه رايح تصنعه أنت
الهندي : وشو مدام أنا في جيب من أخر مخزن

تركي : حتى الهندي ماسلم من لسانك عناد فيك اصلا أنا أحب الكرافت ماحب البوك
شوق : عادي أنا أحب البوك
تركي : أنتي كل شي تحبينه عساك ماتكليني بس
شوق بقرف : ويه بسم الله علي تبيني أتسمم

عبدالكريم جاء : شويقه ووجع أخلصي بنحاسب ونطلع ,اوه الضابط تركي هنا يالله حيه
تركي بابتسامه : الله يحيك ..
عبدالكريم ألتفت لأخته : يالله أخلصي (وراح)
شوق واهي تدف العربيه : يالله جايه جايه
توها بتروح وقفها تركي : تصرفك في المول للحين موناسيه وصدقيني راح أرد أعتباري إذا مو اليوم بكره وبتشوفين أنا لاقلت نفذت روحي عن وجهي
شوق واهي تبين أنها مو خايفه : نشوف
راحت شوق واهي خايفه نوعا ما , من نظراته كانت مرعبه ....


في المخيم ...

يالله توقعاتكم وش اللي صار في المخيم ...؟

[لامارا]

البــــــــــــــــــــــ ـــــــــــ(الثالث)ــــــ ــــــــــــــــــارت

(في بيت أبو محمد )


أم محمد بصوت عالي : شووووق خلصي وانا امك الكل راح ألا أنا

شوق بغرفتها مولاقيه بنطلونها اللي تحبه : اوووف وين راح ياربي
دخل عليها سعود : شوق وصمخ ماتسمعين أمي تناديك
شوق: سعودوه عويذ الله من شرك وخر عني
شوق: علميني أنتي وش تدورين
شوق بزعل : ياخي بنطلوني اللي شريته من سبلاش مختفي مدري وينه
سعود واهو يتذكر : الأحمر السكني
شوق بفرحه : تعرف محله
سعود ببلاهه: لا
شوق بعصبيه : أذلف
سعود بجديه : والله والله أعرف محله
شوق بطفش: أخلص وين محله
سعود:بدالوبي الشغاله حطته عندي بالغلط بروح أجيبه
شوق برجاء:ايه تكفي بسرعه

خلصت شوق شغلها وجاب سعود اللي تبي ولبست ونزلت

(في السياره )
أم محمد : شوفوا كل شي جبتوهـ
شوق بتأكيد/ أيه يمه , امممم أقول يمه ناديتي خالتي شروق (أم عبدالاله)
أم محمد بإستغراب : ليش أناديها
شوق: يمه يعني مسكينه مالها ألا أنتي ناديها تنبسط معنا
أم محمد : طيب بشووفها

دقت أم محمد على أختها ووافقت طبعا لآنها طفشاااانه وماعندها مشكله برزة الفيس
(شوق ماسوت هالشي ألا شي في نفسها . تبي تشوف عبدالإله وتعطيه الهديه )

ووصلوا المخيم اللي مكون من خيمه للرجال وخيمه للحريم وخيمه للبنات طبعا هاذي للنوم وفيها بعد خيمه مجلس رجال ومجلس حريم ومطبخ وااسع في بابين بين الرجال والحريم وكان فيه مساااحه كبيره للدبابات


الكل كان متواجد وآخر من جاء عائلة أبو محمد سلموا على بعض و ...

أبو عبدالله بصوت عالي : ياأم تركي حطوا الفطور

أم تركي بعجل : يالله يالله

أم محمد بصوت عالي : يأم تركي أصبروا شروق أختي بتجي

أم تركي : زين ناديتها معنا تنبسط

البنات كانوا يتمشون وسمعت لمى وارتفع ضغطها وألتفتت بعصبيه لشوق

شوق ببرائه : مالي دخل أمي اللي قالته

لمى ألتفتت لها وهزت راسها بأسى

جت أم عبدالإله وحطوا الفطور وعينوا من الله خير اللي ريح واللي راح يتمشى

شوق راحت تغسل يدها ولحقتها لمى ..
لمى : أتوقع ألحين لك فرصه تعتذرين
شوق كنها تسلك للمى : طيب طيب لاتعشينا أعتذرت

لمى : أهم شي اعتذري

شوق بنفس الأسلوب : طيب طيب خلاص

تهاني جت : بنات وش فيكم

لمى بابستامه : مافيه شي حبيبتي
تهاني بشك: أكيييييد
لمى : ايه أكيد

تهاني بابتسامه : بنات خلونا نروح للطعس هذاك

شوق بحماس : يالله . بنادي البنات ونروح

تجمعوا البنات وراحوا

لما صعودا على قمة الطعس
تهاني : ونااااسه الجو رهيب
الهنوف : ايه ماشاء الله .. بنات الشباب طلعوا
شوق تتلفت / وينهم
الهنوف بإستهزاء : لاتخافين عبدالإله مو معهم
شوق ارتبكت بس مابينت : ومن قالك أني أدور عبدالإله
نوره بإستغراب: شوق من عبدالإله

لمى بأستخفاف : ولد خالة شوق

شوق ماخفاها استهزاء لمى بس طنشت

تهاني بقافه : وينه بشوفه

لمى: تعالي أوريك (قربت)شفتي اللي يمشي مع محمد .. اللي لابس ثوب

تهاني بقرف : وعع دب

لمى :ايه دب

شوق كانت تطالعهم وكانت تشوف تركي يمزح مع عبدالإله والله ياتركي ماتدري عن شي لو تدري يمكن تضحي بي بيوم من الأيام

تهاني مستغربه : شوق أنتي مبديه كينج كونج (قصدها دب) على أخوي

شوق بفشله : هههه خلونا نروح تعبت
(شوق ماجبت تناقشهم نقاش لأنها أهي عارفه أنها الخسرانه فيه)
مين اللي علم الهنوف عن شوق وعبدالإله ؟؟

كان هذا يدور في بال شوق ولمى

الهنوف ودرت بالسالفه الله يستر

(جاء وقت الغدا)
وأم تركي كانت عند الكبسه
وأم محمد وأم عبدالإله كانوا عند السلطة ولمى كانت حولهم لاهيه بالبي بي

أم عبدالإله : ليش تناديني والله أني منحرجه

أم محمد : ليش تنحرجين أهل زوجي موب يخالفون
أم عبدالإله : ايه بس يعني
أم محمد : لابس ولا شي

أم عبدالإله :بس تصدقين والله رفهت عن نفسي , من اللي طرح عليك هالفكره أنك تناديني (بأبتسامه)أم تركي

أم محمد : لاوالله شوق

أم عبدالإله بأبتسامه : يالبى قلبها حبيبة خالتها

لمى سمعتهم وطلعت من المطبخ
وراحت تدور شوق ولقتها تطل على خيمة الشباب

جتها لمى من ورى : أنتي هيه
شوق أرتعبت :نعم , لمى بغيتي شي

لمى بتحقيق :من متى هاه من متى نكذب على بعض ؟

شوق : متى كذبت عليك !!

لمى : شوق أنتي قلتي لي أنك ماقلتي لامك تنادي خالتك

شوق : ماقلت لك لآني عارفه أنك بتتضايقين ..

لمى : وليش أتضايق (شوق ماعندها إجابه) أنتي عارفه اللي سويتيه غلط صح

شوق سكتت
لمى: سكوتك الله يستر منه مدري وين بيوديك

لمى راحت عند البنات وشوق كملت ماعندها أحساس أبدا

عند الشباب بعد ماتغدوا
تركي : ألا أقول عبدالأله
عبدالإله بنفسيه : هلا
تركي : وين متوظف فيه
عبدالإله بغرور: الوظيفه مو لي الوظيفه لك ولأشكالك
تركي بأبتسامه : ليه , وش فيني
عبدالإله : ولا شي
تركي : لااااا تكفى قول وش فيني
عبدالإله : اووووف (عشان ماعندك إجابه يالطمبحله ههههه )
الشباب: هههههههههههههههههههههههه

(ومسك جواله وطلع ودق رقم حافظه عن ظهر قلب )


ع المغرب
البنات كانوا حول النار مره يسولفون ومره يغنون

تهاني: بنات خلونا نغني كلنا

لمى : يالله أنا ببدا ... كل ماقفيت ناداني تعال .... وكل ماقبلت عزم بالرحيل

وبدوا البنات يغنون
ودق جوال وحده فيهم وراحت بعيد عشان تكلم براحتها

........: ألو
عبدالإله: ألو هلا حياتي
......: هلا فيك
عبدالإله : هاه هنوفتي كيف الوضع
الهنوف : عادي تسولف وتضحك
عبدالإله: آهااا

مين اللي يتكلمون عنه شلة حسب الله ؟
(شوق)

الهنوف : تسولف وتضحك جعلها العمى
عبدالإله : لااااا وش فيك
الهنوف : قاهرتني مو مقدره النعمه اللي اهي فيها اخخخخخ لو بس يطالع فيني
عبدالإله بأستغراب : منهو ؟
الهنوف : ولا شي , مبسوط مع الشباب
عبدالإله : اوووف كريهين غير عن جوي
الهنوف : كيف يعني غير
عبدالإله : ماراح تفهمني قصدي

وكملوا سواليف

آذن ابو عبدالله آذان العشاء

بعد الصلاه

سعد : أقول ترى ماطلعنا للمخيم عشان نقابل بعض أنا بروح ألعب بالدبابات

تركي : روح وأنا وراك

محمد : كلنا بنجي يالله , يالله عبدالإله

عبدالإله : مو جوي

سعود: بكيفك يالله شباب خلينا نلعب ترى الدباب جوي هههههههههه
عبدالإله طالعه عرف أنه بتنطز عليه

البنات سمعوا صوت الدباب
وكلهم طلعوا

شوق : واااااو أبي ألعب (بصوت عالي)سعوووود
سعود: أدري وش بتقولين يالله تعالي
شوق : هههههه فديته ياناس
(وركبت معه )
تهاني : لا ياشوق خيانه
شوق : باااااي
تهاني وقف عندها محمد : تجين معي
تهاني وجهها ألوان : لا مابي مشكور

محمد نسى أنهم مخطوبين بس : إن شاء الله المره الجايه تركبين معي

تهاني أختفت راحت لخيمة البنات
محمد ضحك عليها فديت اللي يستحون


خلصوا من الدبابات
في خيمة البنات
شوق نطت عند عمتها : عميمه تكفين خلونا نسوي باربكيو تشيكن
تهاني : ايه تكفون من زمان عنه
أم تركي : خلاص يالله تعالوا ساعدوني نتبل الدجاج

البنات قومتهم وحده

جهزوا الفحم وبدوا يشوون
أم تركي : شواقه
شوق: لبيه عميمه
أم تركي : لبيتي بمنى وانا عمتك , روحي أنتي ويا البنات جهزا الصحون والحمص والسلطة
شوق قامت : إن شاء الله , يالله يالسحالي
نوره: سحالي بعينك
شوق : يالله قوموا ياقمرات
تهاني : ايه كذا نقوم ههههههههههه
لما قاموا البنات
حست نوره بالدوخه
بس تمسكت بتهاني اللي واقفه جنبها
نوره شوي وطاحت ع الأرض
تهاني صرخت
أم تركي أرتعبت : نوره وانا عمتك بسم الله عليك وش فيك

حاولوا يصحونها
وصحت أخيرا
أم تركي : وش فيك
نوره : مافيني شي طيبه الحمدلله
أم تركي : أكيد
نوره أبتسمت
لمى : نوروه خافك حامل
نوره : لا وين
لمى : ليش لا وين مجودي عمره سنتين
نوره : مستحيل أكون حامل
شوق : ليش مستحيل
نوره : ماأدري بس ماأتوقع أنا أكل حبوب منع
أم تركي : ليش والله أنها تتلف الأعصاب
نوره : وش نسوي , يالله بنات

راحوا البنات يكملون شغلهم

وحطوا العشاء وتعشوا وعيونا من الله خير

عند المغسله
لمى مسكت شوق : هاه يالله متى بتروحين
شوق : يالله بس أغسل وأروح

ماعند المغسله ألا تهاني وشوق ومي(أخت عبدالإله)

شوق سحبت تهاني : تهاني أبيك تروحين تنادين تركي وخليه يجي ورى خيمة الرجال
تهاني : أخوي تركي , اووووه والله فيه تطور
شوق : لا بس صار بيني وبينه موقف بايخ وأبي أعتذر
تهاني : اوكي يالله دقايق بس وأروح أناديه
شوق :اوك

شوق راحت لمي : ميونه
مي: هلا
شوق بخجل : أبيك تنادين عبدالإله أبي أعطيه شغله خليه يجي ورى خيمة الحريم
مي : طيب

راحت مي
وجت تهاني : شواقه قلت له بتلقينه هناك ألحين
شوق : يالله بروح ألحين


راحت شوق ولقته لاهي بالبي بي

تركي يوم حس بخطوات تقرب يمه : تهاني يالشيفه تناديني وتزرعيني هنا (وألتفت )شوق
شوق : تركي أنا موجاي أطول معك أنا جاي أقولك كلمه وحده آحم أنا آسفه على ثقالة دمي بالمول بس كنت معصبه وجيت أنت وزدت علي و...
تركي قاطعها : زدت عليك بوشو , أنا جالس أحاول أتذكر تصرف سويته ضايقك أو أنه عيب , يمكن أنا تدخلت وقلت أنا التي شيرت كبير على كريْم , بس لو حتى ماله داعي اللي سويتيه بأمكانك تقولين بأدب مالك دخل وخلاص
شوق تحملي ياشوق : (قالتها بصوت فيه بحه يعنني أبكي )خلاص تركي عاد أنا آسفه
تركي خق تنهد : ماأقدر أردك , شوق ليش موراضيه تفهميني , أنا أحبك أعشقك حسي حسي تكفين
شوق طبعا أستحت وكانت لاهيه بالتعليقه اللي في جوالها : طيب تركي عن أذنك

وألتفتت شوق وراحت تمشي بهدوء ولما بعدت عن تركي ركضت تجيب الهديه من السياره

ولما راحت شوق جلس تركي مو مستوعب شوق المغروره تعتذر
طالع تحت عن محلها وأنتبه لشي يلمع راح له لقاه تعليقتها طايحه ومسكها بيده...


اما شوق راحت ورى الخيمه لقت عبدالأله
شوق بخجل : تأخرت عليك
عبدالأله: لاعادي حياتي بغيتي شي
شوق ويقولون حبي تركي وععع : آآآ عبدالأله بصراحه أنا أنا
عبدالأله: أنتي وشو
شوق طالعته ونزلت عيونها : أنا جايه عشان أعطيه هالهديه يارب تقلبها مني
عبدالأله: اووووه وتعرفين تهدين بعد
شوق عقدت حواجبها : ليش موعاجبتك
عبدالأله : لاحبيبتي أنتي اللي تعرفين تهدين
شوق مسرع مانست : تسلم


.........: شوق وش تسوين هنا


توقعاتكم

[لامارا]

البـــــــــــــــــــــ (4) ـــــــــــــــــــــــــ ــــارت



.....: شوق وش تسوين هنا

شوق طاح قلبها ياربي تمنيت العالم كلها تشوفني ألا ......


تركي بعصبيه : أنتظر منك إجابه

شوق : كنت كنت آآآآآ

عبدالإله بلعانه : كانت تعطيني هاذي (ويرفع الكيسه)

تركي : وش هاذي هاه

تقدم تركي وفتح الكيسه وشاف اللي فيها وانصدم

تركي يحاكي نفسه بصوت عالي : يعني أنا دفعت فلوس الأغراض عبالي لها صارت تبي تهديه لـ عبدالإله وانا تهزأت عشانه ياربي وين راح تفكيري ليش مافكرت ليش مافطنت

وشوق ميته بكي : تركي الله يعافيك أستر علي لا تقول لاحد

تركي : ليه ياشوق ليه , لهدرجه تكرهيني

شوق منزله راسها وتبكي

تركي : لهدرجه مستصغره عقلي

شوق : تركي والله حاولت فيك تروح بس أنت جلست والله حاولت , وحاولت أمنعك أنك تدفع بس أنت أصريت

تركي : وش دراني عبالي هالهدايا لأخوانك مو لتافه مثل عبدالإله

عبدالإله : هيه أنت ماأسمح لك

تركي بصوت عالي : انطم

شوق : تركي أرجوك أفهمني أنا حاولت أحبك بس ماقدرت ماقدرت لآني لآني

تركي جته الرجفه وقالها ببحه : لأنك تحبين عبدالإله

شوق رفعت راسها وشافت وجهه كان أسود ومتضايق

تركي : ليش , وش اللي لقيتيه فيه ولا لقيتيه فيني , ليش حبيتيه ؟

شوق : أحبه لأن مابيني وبينه حواجر تفكيري وتفكيره نفس الشي صح عبدالإله

عبدالإله بحقاره : والله أنا ماأحبك أنتي اللي نطلتي نفسك علي

شوق خلاص موقادره : هاه

عبدالإله : اللي سمعتيه أنتي تافهه وحبك حب بزران كم مره أقولك أطلعي معي ورفضتي ماحب وحده معقده

شوق : حرام عليك عبدالإله

عبدالإله : روحي زين

راح وخلاها مكسوره موقادره ترفع راسها

شوق ببحه : يالله ياتركي لك الحق أنك تتشمت فيني , صدقني ياتركي حاولت أحبك


تركي : حرام عليك ليش تستكتين ليش خليتيني أقتنع أنه ممكن بيوم تحبيني , ليش ماقلتيها بوجهي ليش ساكته

شوق بغباء : بس

تركي بقهر : أنتي بزر وتافهه وأردى منك اللي حبك يالبزر

رجعت شوق الأوليه : هيه أنت ماأسمحلك وأن كانك متحسف على فلوسك أرجعها لك أول مانرجع للرياض

تركي بصوت عالي : ولك عين تتكلمين لكن هين ياشوق

شوق : وش بتسوي يعني

تركي : بتشوفين

راح تركي وخلاها محتاره وش بيسوي تركي ياربي يمكن يعلم أبوي لا ماأتوقع مايسويها

ورجع مره ثانيه : هاك ( ورمى عليها تعلقية جوالها ) كنت جاي أعطيك هاذي

راحت لتوأم روحها

لقتها مع البنات يغنون سحبتها

شوق تبكي : ألحقي علي ألحقي

لمى برعب : وش فيك تكلمي

شوق : تركي شافني وأنا أعطي عبدالإله الهديه

لمى / كيف وشلون

قالت لها السالفه كلها

لمى شهقت : ياويلي وش سوى

شوق : هاوشني وهددني

لمى : هددك , وش قال

شوق / يقول هين ياشوق , كلمته خوفتني

لمى : لاتخافين ماراح يسوي شي

شوق : وان علم أخواني

لمى / لااااا مستحيل تركي مو بزر

شوق : لمى عبدالإله مايحبني

لمى : وش دراك

شوق : اهو قالي أنتي نطلتي نفسك علي

لمى شهقت

شوق بحسره: صدق كنت مغشوشه فيه

لمى حضنت شوق وبكت

وتركي لما رجع لخيمة الشباب دور عبدالإله ولا لقاه طلع يدور سيارته ومالقاها

راح الخسيس

عبدالكريم جاه : وش فيك يابو الشباب لاتنفجر علينا

تركي : كريْم روح عني

عبدالكريم بأهتمام : تركي فيك شي

تركي : لا مافيني شي

عبدالكريم : براحتك , تعال أبوي محمد يسأل عنك

تركي : يالله جاي

راح تركي مع الشباب وحاول يتناسى اللي سوته شوق

ولمعت في راسه فكره (الله يستر منك ياتركي )

شوق مع البنات ومو معهم

الهنوف : شوق وش فيك

شوق : وش دخلك مالك دخل

الهنوف طبعا عرفت وش اللي صار من عبدالإله : هه طيب أعصابك
شوق : ياشيخه روحي عني

الهنوف . هههههههههه أعصابك

شوق طلعت من الخيمه وراحت تركض وتركض و تركض وتركض و تركض وتركض لما طلعت من المخيم ولا أهتمت باللي يناديها

وجلست تبكي بصوت عالي : ليش ياربي ليييييييييييش ليش موقادره احبه آآآآآآهـ ياربي أرحمني

واهي تركض أنتبهت لها وحده وركضت وراها

وسمعتها وعورها قلبها على بنت خالها

تهاني : شوق شوق هدي هدي

شوق: آآآآآآآه ياربي تهاني بموت قهر يموت

تهاني بكت معها حزنت عليها : شوق حبيبتي هدي قولي لي وش اللي صار معك

شوق وش أقولك أقولك بديت الزفت عبدالإله على أخوك في النهايه صار مايحبني وضمت تهاني وبكت من قلب

تهاني ماعرفت وش تسوي : شوق أجلسي أجلسي

شوق جلست ودقايق وهدت

تهاني : ممكن أفهم وش اللي صار معك

شوق : توتو مافيني شي بس كنت متضايقه وجت بوجهك هههههههه

تهاني : خرعتيني من شفتك تركضين وانا عرفت ان فيك شي

ودق جوالها وردت

تهاني : هلا تركي

شوق عورها قلبها وخنقتها العبره

تركي : وش فيك تركضين كنك مهبوله

تهاني : ابد أطلق رجولي

تركي : تطلقين رجولك تركضين الحمدلله على نعمة العقل

تهاني : يالله لايكثر شوي وأرجع

تركي : لاتبعدين يالله أرجعي

تهاني : يالله شوفني رجعت

تركي حاول يركز : ايه شفتك يالله أرجعي (وسكت ) من معك
تهاني طالعت شوق : شوق بنت خالي محمد

تركي تنكد : أرجعي أنتي واياها

تهاني : طيب

تهاني أستغربت أخوها أول مره مايسأل عنها ولا يقول سلمي لي عليها

وصلت تهاني وشوف لخيمة البنات وتغطت شوق ونامت

نوره : غريبه شواقه نامت

لمى : ايه والله غريبه (الله لايلومك البكى اللي بكيتيه خلاك تنومين )


الصباح في خيمة الشباب

تركي مانام جالس يفكر (ليش موقادر أكرهها يووووه ياتركي للحين تحبها واهي معترفه لك أنها موقادره تحبك ... راح أسوي اللي في بالي بس خلينا نرجع )

أبو عبدالله : ياأم تركي يالله الفطور

أم تركي : إن شاء الله , يالله يابنات

شوق : يالله عميمه جايه معك

تهاني : كلنا بنجي يالله

راحوا البنات يساعدونها

نوره : يااااي عميمه نفسي في تونه

ولمى تتطنر : لا لا أنا أكل حبوب منع

نوره : ههههههههههه حرام عليك والله نفسي فيها

أم تركي : شهوة العافيه حبيبتي , شوفيها عندك بالكيس هذاك

نوره: بزينها أنا

راحت نوره وسبكتها وجهزتها ووزعتها بصحون

ولما خلصوا من الفطور

في خيمة الشباب

محمد / التونه طعمها رهيب من مزينها

سعود أخوه : نوره أم حلا

خالد : والله أني حاس أنه اهي

تركي ابتسم : وش اللي خلاك تحس

خالد يستهبل : قلبي دلني هههههههههههههه

الكل : ههههههههههههههههههههههههه هههههههه

خالد خذا جواله ودق على نوره : هلا حبيبي

خالد : يابعد كل من لي هلا حياتي هلا حبي هلا عمري

نوره : يالبييييه كل هذا لي

خالد : أكيد حبيبتي لك من لي غيرك أنا

نوره : يابعد عمري والله (وبعدين)آهـ راسي

خالد أرتعب : حياتي شفيك

اختفى صوت نوره

ومرت حلا عند أبوها : حلا بابا روحي شوفي امك

حلا : طيب

راحت حلا تركي تدور أمها لقتها مغمى عليها وراحت تنادي الهنوف

حلا : هنوف ماما مدري وش فيها

الهنوف : اووووه تلقينها داجه على خشتها(داجه يعني طايحه)..

أم تركي : الهنوف ووجع

راحوا الكل لها لقوها مغمى عليها

راحوا صحوها وصحت : آهـ ياراسي خالد خالد وين خالد وقامت تدور جوالها ياربي أكيد قلق علي

ومسكت جوالها وكلمته : أسمعي ضفي أغراضك ويالله نرجع للرياض أوديك للمستشفى

قامت عنهم : لا حبيبي مافيني شي

خالد : وش اللي مافيك شي لاتشيبين بقلبي يالله

نوره بهمس : حبيبي

خالد تنهد

نوره : أحلف لك مافيني شي

خالد : طيب بس أن أغمى عليك مره ثانيه نرجع

نوره : لاتخاف أنا اللي بقولك خلينا نروح

خالد : نشوف

نوره بهمس : خالد

خالد بنفس الهمس / ياعيون خالد

نوره : أحبك

خالد : يااااويلي بموت

نوره : لا حبيبي بسم الله عليك

خالد : يالله نوره بروح للشباب تبين شي

نوره : ابي سلامتك

خالد : يالله باي

أبومحمد: يعني مايتأجل

فهد: لا والله ياطويل العمر حاولت بس مافيه فايده

أبومحمد بزهق : خلاص ماقصرت يافهد

فهد: تسلم ياطويل العمر

أبومحمد اووووف عالطفش

دخل أبو محمد للخيمه وجلس جنب أبوه

أبو محمد : أقول يبه فهد دق علي وقال الوفد الفرنسي حددوا موعد الأجتماع بكره

أبو عبدالله : افاااا مايتأجل

ابو محمد : يقول أني حاولت فيهم بس رفضوا

أبو عبدالله : أجل وانا أبوك قل لهم يجهزون أغراضهم


جهزوا أغراضهم
وشوق من درت انهم بيرجعون عورها قلبها خافت ماتدري ليه

على الفجر رجعوا للرياض

في بيت أبو سعد

دخل سعد للبيت وشاف لمى تتابع التي في وكانت لابسه هذا




(من هالبارت راح أعلمكم اللبس لآني بصراحه لاقريت روايه وشفت الصور اعيش جو أكثر )

سعد : هاي

لمى : هايات

سعد : وين أمي

لمى : تكلم خالتي شريفه

سعد : ايييييه أنا بروح أنسدح لاحطيتوا الغدا علموني

لمى : اوكي

جت أم سعد : كني سمعت صوت سعد

لمى : ايه قال بروح أريح لاجاء الغدا علموني

ام سعد : تسلم عليك خالتك شريفه

لمى / الله يسلمك أنت وياها من الشر


في الشركه يوم الأربعاء

محمد راح لأبوه في الشركه

ودق الباب: يبه مشغول

أبو محمد : تعالي يبه أفضى لك تعال

محمد : تسلم , آحم يبه أنا أقول يعني خلاص آآآ

أبو محمد وكنه عرف وش اللي وراه : أنا كلمت تركي وأبوي وقالوا تعالوا اليوم وسووا الملكه

محمد: صدق يبه

أبو محمد : ايه ماله داعي حفلات وقلق سووا جهدكم في العرس ولا اليوم خلوها عائليه

محمد قام وباس راس أبوه : يالله يبه بروح أشتري الشبكه

أبو محمد : والله أنت مغبر شريتها أنا وأمك أمس

محمد : الله يخليكم لي

أبو محمد : روح لشغلك لا أهون

محمد : لا لا خلاص بقوم

أبو محمد : هههههههههه
أبو محمد رفع التليفون ودق على أبوه وبلغه أن اليوم الملكه

تهاني شوي وتبكي : يمه تكفين ماأستعديت

فهده: تهاني كلنا عارفين أنك مستعده والفستان هينه نروح ألحين نجيبه من الخياطه أكيد جهز

تهاني : والتقديم والعصيرات ماسويت ولا شي ولا شي

فهده: أسمعي أمي راحت لسعد الدين تجيب الأغراض وانا وانتي ألحين نروح نجيب الفستان وبالمره نمر الكوافيرا ونجهز

تهاني : ياربي خايفه شي مايضبط

دخل تركي : افااا تركي موجود ولا شي يضبط

فهده : هاه جا المنقذ

تركي : يالله أوديك قبل ماأروح لدوامي

تهاني : يالله , أقول ناديتوا عماتي وعماني

تركي : أنا قمت بالواجب

تهاني مستحيه : يالله

تركي : وفديت اللي يستحون ههههههههههههه


في بيت أبو محمد

شوق / أحمدوا ربكم توني شاريه فستان ولا كان بفجركم

محمد : هههههههه يالله أبيكم تبيضون الوجه

شوق : افاااا عليك , ألا أقول وين أمي

محمد : راحت تشتري صندوق للدزه

شوق : اهااا ,يالله بروح أحورف بنفسي

محمد : يالله ههههههه

الملكه في بيت الجد

الكل كان في قمة الأستعداد




وهذا فستانها (تهاني )

وهذا فستان شوق



وهذا فستان لمى




وهذا فستان نوره



وهذا فستان فهده



وهذا فستان الهنوف







توقعاتكم وش راح يصير في ملكة محمد وتهاني ؟؟؟

[لامارا]

البــــــــــــــــــــــ ـ (5) ـــــــــــــــــــــــــ ـارت




يوم الملكه

تهاني جت من الكوافيرا وعلى طول صعدت لغرفتها لآن الدور الأرضي كله عمال اللي يزين الكوشه واللي

يضبط طاولة البوفيه

تهاني : الزفوت ماجوا

فهده: وين يجون تلقين الكل معتفس مثلنا

تهاني : اهم شي كل شي مضبوط

فهده: ايه كل شي , ألا وين أمي

تهاني : في المطبخ عند الصبابات والعمال اللي قاعد عندهم أبوي محمد

فهده: ايه أجل بروح أشوف عيالي لبسوا

(نسيت أقولكم عن عيال فعده كلهم 4 أولاد فيصل 10 <على أسم أبوها> مشاري 8 – عبدالله 4 – نايف 2)

تهاني : فيصل ومشاري تلقينهم لبسوا بس عبودي ونايف تلقينهم يلعبون برى

فهده: الله يعيني يالله بروح أشوفكم

دخلت عليهم أم تركي : بسم الله عليك وانا امك حصني نفسك قبل ماتنزلين

تهاني بأبتسامه: لاتوصين يمه , يمه كل شي أوكيه

أم تركي: ايه وانا أمك كل شي زين بس أنتي خلي عنك الهواجيس وكل شي بيزين

تهاني بربكه : إن شاء الله

آذن المغرب

واول الحاضرين أبو سعد لمى أول مادخلوا على طول صعدت عند تهاني

لمى : واااااااو وش هالزين لا لا اليوم دخلتك

تهاني حمرت خدودها: وجع لمى

لمى : لا بجد بسم الله عليك تهبلين

تهاني : أدري ههههههههههههههه وين شوق الشينه

لمى : ياعمري تبي تجيك من بدري بس السواق طالع مع عمي عبدالله ومحمد في الحلاق وعبدالكريم نايم تقول

عجزت وانا أقومه

تهاني : طيب تبي تجي خلي سواقنا يروح يجيبها

لمى : لاخلاص قام عبدالكريم

تهاني : زين

ودقايق

شوق : طحت عليكم وش تسوون , واي واي واي تهبلين اليوم دخلتك

لمى هههههههههههههههه توني أقولها

تهاني : ضفوا وجيهكم , شواقه الكل جاء

شوق : الكل جاء مابقى ألا عمانك ولا عماتك جوا

تهاني : سبحان الله لازم اهم أخر ناس يجون

شوق : روقي يابنت الحلال وش فيك

طق طق طق

تهاني : أدخل

نوره : السلام عليكم

الكل : وعليكم السلام

الكل لاحظ التغير اللي صار في نوره وججها أسود وناااحفه حيل : اللهم صلي على محمد بسم الله عليك تهبلين

تهاني بحجل: تسلمين

شوق بشك : نوري أنتي فيك شي

نوره نزلت راسها وتكلمت : من لما رجعنا من البر حالة الأغماء اللي كانت تجيني صاررت بزياده ولوعة كبد

ورحت للمستشفى وحللت

لمى بهبال :هاهـ لمى بتجي

نوره بابتسامة تعب : مابعد طلت النتيجه عشان كذا شايله هم

شوق طبطبت على كتفها : لاتخافين ماراح يكون ألا كل خير

نوره بأبتسامه : النتيجه اليوم ومن كثر ماني خايفه قلت لخالد يروح يجيبها اهو

لمى : لاتخافين أنا متفائله لمى جايه جايه

نوره بأبتسامه: أن شاء الله

دخلت أم تركي بعجل : يالله تهاني

تهاني بغباء : وش يالله

الكل : هههههههههههه

لمى : تستعبطين يالله الزفه

أم تركي : يالله وانا أمك أبوي يقول الملاك جاء بيقهوونه في مايقهوونه أنتي تنزفين ويسلمون عليك اللي تحت ونملك يالله

تهاني طقتها أم الركب : ياالله يالله

نوره :يالله بنات ننزل

تهاني : تكفون أنزلوا معي

لمى : وش ننزل معك وأنتي عارفه أن المصوره بتصورك خلي شوق تنزل معك عادي أخوها

شوق : طيب وأن شافها تركي

تهاني : شواقه تكفين تركي مايهتم

شوق تنهدت : يالله أمري لله

نوره : يالله لمى ننزل ونقول للدي جي تشغل الزفه

لمى : يالله

نوره بحكم خبرتها : شوفي تهاني لاتطالعين أحد خلي عيونك على شي واحد

تهاني :وش هالشي

نوره أي شي اهم شي مايكون أنا ولا لمى ولا حتى عمتي

تهاني : خلاص طيب

لمى : يالله موفقه

شوق : حشى خاشه امتحان

نوره : ظريفه هههههههههههههه


بدت الزفه وبدى قلب تهاني يرقع

وبدت تنزل تهاني وجنبها شوق

ماسكه يدها وتشغلها

شوق بصوت واطي : ابتسمي يالمصفوقه

تهاني من ورى أسنانها : انقلعي

الحضور الكل بدا يسمي عليها

حنان مرت عم تهاني : أقول أم تركي من اللي تمشي مع تهاني

أم تركي واهي تطالع بنتها : هاذي بنت اخوي عبدالله شوق

حنان : اهااا أخت محمد

أم تركي :عليك نور

حنان : بسم الله عليها تهبل

وصلت تهاني للكوشه

وبدوا يسلمون عليها

في مجلس الرجال

الشيخ : ابي أسمع موافقتها

ابو عبدالله: أبشر أمش معي

قام الشيخ مع الجد

من ورى الباب

الشيخ : يابنتي أنتي موافقه على محمد

تهاني يالله يطلع صوتها : ايه موافقه

الشيخ : ماعندك شروط

تهاني : لا ياشيخ

الشيخ مبتسم: على بركة الله

والكل بارك لتهاني واهي طايره من الفرحه

رجع الشيخ وكمل الأجراءات وتوه بيقفل الدفتر

......: لحظه ياشيخ

الكل ألتفت له

(قوا قلبك)

تركي : خالي عبدالله أنا بعد اذنك طالب يد بنتك شوق على سنة الله ورسوله

الكل استغرب وأولهم محمد لأنه صديق تركي ولا عمره لمح أنه يبي شوق

عبدالله طبعا أكيد فرح ولااهتم براي شوق : والله ماراح ألقى أحسن منك وانا أبوك , يالله ياشيخ أفتح صفحه

جديده

الشيخ : على بركة الله


عند الحريم الدي جي على أصوله وشوق ترقص موداريه بشي جتها عمتها وسحبتها ووجهها متغير

شوق : لبيه عمتي تبين شي

ام تركي : لا حبيبتي أبوك يبيك

شوق : أن شاء الله

لما راحت لقت أمها وأم تركي وأبوها عند باب المجلس

وأمها مبين أنها كانت باكيه

شوق مستغربه : أبوي تبي شي

عبدالله بقوة قلب : أسمعي تركي خطبك مني وانا وافقت

يالله وش قد القنبله أثرت على شوق كانت عارفه هاليوم راح يجي

شوق : يبه الله يخليك أنا أبي أكمل دراستي

عبدالله : كمليها وانتي عنده اهو ماعنده مانع

شوق واهي تبكي : توني صغيره مابي

عبدالله : أسمعي أنا عطيت الرجال كلمه وبنادي الشيخ يسمع ردك وياويلك أن قلتي لا سمعتي ياويلك

راخ وخلاها فمها مفتوح ومصدومه

ألتفتت لامها ودموعها تسيل : يمه

أم محمد فردت يديها وحضنت بنتها وبكت الأم والبنت بكي مافي مثله قطع عليهم صوت الشيخ

الشيخ: يابنتي ياشوق أنتي موافقه على تركي

شوق يالله طلع صوتها : ايه ياشيخ موافقه

الشيخ : لك شروط

شوق : ابي أكمل دراستي

الشيخ : بس

شوق : ايه ياشيخ

الشيخ : على بركة الله

راح الشيخ وبكت بكى قطعت قلب عمتها وأمها

صح عمتها كانت تتمناها تكون زوجة ولدها بس مو بهالطريقه (هين ياتركي شغلك عندي)

لمى جت : شواقه وينك حطت أغنيه جعل من لامنــ .... شوق حبيبتي وش فيك

شوق ألتفتت للمى وحضنتها لمى بكت معها : شوق حبيبتي قولي لي وش فيك

شوق رفعت راسها : تملكت

لمى : روحي هناك , ولما ألتفتت وشافت وجيه أمها وعمتها عرفت أنه صدق , على مين

شوق : تركي

لمى : هدي حبيبتي هذا نصيبك

لمى سحبت شوق وطلعوا فوق

تهاني كانت حاسه بشي بس طنشت


تركي كان مبسوط حيل ومتوعد شوق والله اعيشك بجحيم أجل أنا ينلعب علي هين يابنت أبوك


محمد دق على أمه : يمه شخبار شوق

أم محمد خنقتها العبره : وعليا بنتي وش بتكون أخبارها بكت لمى راح صوتها

محمد: يمه والله ماكنت ادري قسم بالله صدمني ترى حتى ابوي محمد عصب من أبوي أنه ماشاور شوق

أم محمد : والله بنتي متضايقه وانا جاء بنتي شي ترى برقبتكم كلكم

محمد تنهد ضاق صدره على أمه وأخته : يمه بندخل خلي الحريم يتغطون

أم محمد : إن شاء الله

تغطوا الحريم ودخلوا الرجال

أبو محمد داخل فاق الكشره يابخته زوج بنته وولده في يوم واحد

ومحمد والجد وتركي

تركي أول مادخل جلس يدورها ومالقاها

محمد راح باس راس تهاني : ألف مبروك حياتي

تهاني تقطعت :الله يبارك فيك

محمد : وانا مالي مبروك

تهاني ابتسمت: آحم مبروك

محمد : الله يبارك فيك

محمد لبسها الشبكة وحاول قد مايقدر أنه مايبين لها وبرضوا ماخفى على تهاني وقالت مصيري بعرف

وشوق متقطع قلبها فوق

والهنوف حاسه بشي لآنها شافت أم محمد شكلها باكيه وعمتها وجهها مقلوب

الهنوف بدلع مولايق : عميمه وش فيها شوق تركض رايحه لفوق مو معبره الموجودين

أم تركي بطفش : ماأدري عنها

الهنوف هنا شكت وش علي مصيري بعرف

في المجلس تركي فاق الكشره راح لم عمه : أقول عمي ودي أشوف شوق

أبو محمد مبتسم : ولا يهمك دقايق بس

في الغرفه : بعد فوق ماهو غاصبني عليه يبيني أطلع

لمى: شوق أستهدي بالله ترى والله تركي يسويها ويصعد لك

شوق : اتحداه

....: تتحدين مين يابنت

لمى بخوف : عمي

أبو محمد وعيونه بتطلع :لمى أطلعي وانا عمك

لمى هجت من الخوف

أبو محمد هجم عليها

شوق من شافت أبوها انكمشت على روحها

أبو محمد حن عليها : أسمعي وأنا أبوك أنا لو أني أشوف أن زواجك من تركي بيضرك صدقيني مازوجتك اياه

شوق بزهق : ياربي عارفه والله عارفه أنه رجال بس يبه مو بالغصب مو بالغصب

أم محمد: اللي فيه مصلحتكم أسويه على طول

شوق : بدون شورنا يبه

أبو محمد : أنا لو مو واثق أنك بتكونين مبسوطه مازوجتك اياه يالله وانا أبوك تجهزي وأنزلي له يالله

شوق ماحبت تعاسر أبوها : إن شاء الله دقايق وألحقكك

أبو محمد باس راسها : بعدي بنتي

شوق أبتسمت بدون نفس

راحت للمرايا وبعيونها نظرة تحدي هين ياتركي ياأنا يأنت

زادت على عطرها وضبطت روجها وكحلها ونزلت تحت

ومسكتها الهنوف : على وين يانور العين

شوق بصوت شوي عالي : وش دخلك

الهنوف : اوبس شكلك مزفته معك روحي روحي

شوق : أي بروح أنتظرك

الهنوف زاد قهرها

وراحت عند الكوشه عند تهاني ولمى

وسمعتهم بالغلط

تهاني : أخوي مجنون , من جدك انتي

لمى : والله اللي سمعتيه

تهاني : ياربي وش سوت شوق

لمى : بكت وصارخت وعصبت وتوعدت

تهاني حزنت عليها : ياعمري وينها ألحين

لمى / طلب يشوفها

تهاني : لاااا هذا مجنون رسمي , كيف يتجرأ يحطها أمام الأمر الواقع ويخطبها في وقت عارف أني عمي عبدالله

ماراح يرفض

لمى : أنتي أنصدمتي أجل شوق وش تسوي

تهاني: ياعمري عليها

طبعا الهنوف سمعتهم
راحت شوق للمجلس تسبق خطوه وترجع خطوتين

شوق : اوووف ياربي ساعدني

طق طق طق

ودخلت شوق واهي حاسه الأرض تتزلزل من تحتها

تركي

لاتسألون عن تركي من دخلت بدا قلبه يخفق يحبها والله يحبها بس حاول يقسي قلبه ويثقل كلامه كنه بالدوام

وقدامه مذنب

وقف تركي : أهلا أهلا

شوق تحاول تكون قويه : أنت أكثر شخص وقح شفته بحياتي

تركي : افاااا ليش

شوق: وتسأل ليش , عقب الحركه اللي سويتها ياتركي صغرت بعيني

تركي : عشاني دخلت من الباب وخطبتك صغرت بعينك وانتي تصرفك أنك تخونين أهلك ماصغرتي بعين نفسك

شوق ماقدرت ترد

تركي/ أنا قدرك وصرتي من نصيبي وباخذ حقي بيدي

شوق مابينت خوفها: كيف يعني

تركي قرب من ناحيتها وهمس بأذنها : راح أذوقك اللي ذقته منك

شوق ولع جسمها كله اولا من ريحة عطره وانفاسه اللي حرقتها كلها : ممكن أعرف ياسيد تركي وش اللي ذوقتك اياه

تركي : هه لا حياتي كل شي بوقته حلو

شوق حاولت تستخف فيه : وانت مصدق روحك اني باخذك أنا بطلب منك الطلاق وإذا رفضت

تركي مبتسم : ايوه

شوق : راح أرفع عليك قضيه

تركي ضحك من قلبه : ههههههههههههه والله

شوق أرتفع ضغطها وقالت بصوت عالي : أكرهك أكرهك أكرهك أكرهك

تركي أستفزته شوق وعصب ومسكها بقوه ولصقها بالجدار وانفاسه على رقبتها ورفع وجهه يطالع وجهها

تركي بصوت هامس نقدر نقول أنه خقق شوق : جهزي لزواجنا بعد أسبوع
شوق طاح قلبها : لاتركي الله يخليك

تركي : اووووووووش لاأخليها بعد يومين

طلع تركي وخلاها بحيره

طلعت من المجلس لقت العالم راحت واهي للحين مصدومه

لمى جتها : شواقه تعالي جالسين نتعشى مافيه أحد ألا أنا واأنتوا

شوق ساااكته

لمى استغربت : شوشو يالله . شوشو فيك شي

شوق ألتفتت على لمى وفرطت دمعه من عيونها

لمى شهقت :وش فيك

شوق : تركي يقول زواجنا بعد أسبوع

لمى :تمزحين صح

شوق هزت راسها بلا

لمى : اوووف ماعليك منه ألحين أقول لعمتي

شوق : لا أن قلتي لها بيعاند وبيحطه بعد يومين

لمى : يستهبل ذا , ماعليه حبيبتي أنتي تعالي تعشي ألحين وبكره أجيك نخطط وش نسوي اوكي

شوق هزت راسها بعجز

راحوا يتعشون

وتهاني طول الوقت تطالع في شوق واهي حزنانه عليها وتتوعد بتركي

بيت الجد فضى من المعازيم مافيه أحد

فهده : يمه , أبوي محمد, شفيكم جالسين هنا

الجد: ننتظر اخوك للحين ماشرف

ام تركي : هذا تركي العاقل اللي الكل يحسدني على تربيته يسوي كذا

الجد بقهر : خله يجي وانا وأوريه ماحط لي حساب حتى ولدي ماحط لي حساب على طول قال للشيخ ملك تركي

على بنتي

فهده: روحوا ناموا تركي عنده دوام ألحين

أم تركي بأستغراب : غريبه مدوام الصبح وطالع المغرب

فهده: ايه يمه ذا القضيه حقت التاجر المروج مابعد خلصت

أم تركي : لا حول ولا قوة ألا بالله يالله يبه خلينا نروح نرتاح تعبنا اليوم

الجد : يالله

في غرفة تهاني تبي تنام ولاقدرت

تليفونها في رقم مسبب لها أزعاج أخر شي قررت ترد

تهاني : اوووف وبعدين هاه وبعدين

محمد : ههههه هدي هدي أنا محمد

تهاني : من محمد ماعرف احد اسمه محمد

محمد : افاااا نسيتي زوجك مامداك تنسين تونا متملكين قبل كم ساعه

تهاني بفشله : آسفه عبالي واحد غيرك

محمد بتساؤل : ليه رقمك تجي عليه أزعاجات

تهاني : اووووه كثير بس أطنش عبالي بينسى الرقم صار العكس

محمد: ولا يهمك بكره أجيب لك رقم غيره , المهم كيفك

تهاني : الحمدلله أنت كيفك

محمد: بخير دامي سمعت صوتك

تهاني بخجل : محمد

محمد: ياعيونه

تهاني : محمد وش اللي صار اليوم

محمد تنهد : والله اللي صار صدمنا كلنا خلانا ماننطق لما أخوك رمى القنبله ماكسر الصمت ألا صوت أبوي يعلن موافقته

تهاني : ياعمري شوق تكدرت وبكت

محمد تضايق : أدري هذا صوتها يجيني من غرفتها

تهاني : تبكي ؟

محمد: ايه والله عجزت أهديها

ولهوا في السوالف
يوم جديد على أبطالي

في بيت أبو محمد نزلت شوق من غرفتها عشان الفطور

وكانت لابسه كذا



ورافعه شعرها بأهمال وجهها متفخ والكل لاحظ عليها

سعود حزن على أخته وطبطب على كتفها اهي ابتسمت بدون نفس : شوق تبين توست

شوق : لاحبيبي باخذ كروسان (شوق لما تكلمت الكل لاحظ صوتها المبحوح من البكى )

أم محمد من نزلت شوق دمعت عيونها على حال بنتها

أبو محمد تكلم بصوته الجهوري : خذي وانا أبوك

شوق رفعت راسها مد لها بطاقه : هاذي فيها مهرك روحي اليوم وتقضي اللي تقدرين عليه ترى العرس بعد أسبوع

أم محمد شهقت : ياويلي وش بيمدي بنتي تسوي

أبو محمد: بيمدي ليش مايمدي حتى عرس ماراح نسوي

أم محمد : ياحظك يابنتي وقامت تبكي

شوق كانت ساكته وتتوعد بتركي

محمد أخيرا تكلم : يبه غصبتوا شوق على تركي بلعناها بس أنكم ماتحطون لاختي عرس هاذي بعيده عنكم كان

قصدكم الفلوس ترى من اليوم أروح أحجز لاختي أحسن قاعه , حلوه ذي, تركي ولد فيصل أخته تتزوج بفندق من

أحسن الفنادق اللي بالرياض وأختي تتزوج في البيت لا يبه إذا كانك رضيت ترى أنا موراضي –طلع وخلاهم

طول ماكان محمد يتكلم شوق كانت تطالع أخوها سندها عزوتها فديتك ياخوي

أبو محمد كان ساكت وماتكلم ولا كلمه ماعدا شهقات أم محمد

عبداالكريم: يبه مو عدل أختي لازم تحطون لها عرس

أبو محمد حزن على بنته : خلاص لاتروح للجامعه اليوم روح دور فندق لزواج أختك وإذا حصلت الفندق

المناسب على طول أحجز وخذ وحده من بطاقاتي وكمل كل شي وخذ معك أمك

طلع أبو محمد وخلى بقلب شوق شوي من الأمل أن أهلها لسى يحبونها

خلصت من الفطور وصعدت فوق تكلم لمى

في بيت نوره اخت الهنوف

نوره : حبيبي رحت تجيب نتيج تحليلي

خالد مرتبك : ايه رحت

نوره : هااه وش قال

خالد: ...............................


توقعاتكم ؟

[لامارا]

رجعت لكم

البــــــــــــــــــ (6) ــــــــــــــــــارت



في بيت نوره اخت الهنوف

نوره : حبيبي رحت تجيب نتيج تحليلي

خالد مرتبك : ايه رحت

نوره : هااه وش قال

خالد: والله مالقيت الدكتور

نوره : وين راح

خالد : يقولون ماخذ إجازه وطلبت منهم التحليل قالوا الدكتور نفسه اهو المسؤول لتسليمك النتيجه

نور بتساؤول : يعني متى يجي من الإجازه

خالد : يقول بعد ثلات ايام

نوره : على خير (وتنادي)ماما حلا

حلا: نعم ماما

نوره : حبيبي خلصتي فطور

حلا: ايه ماما

نوره : يالله حبيبتي روحي غيري ملابسك بنروح للسوق

حلا: طيب

راحت حلا وخالد مستغرب

خالد: غريبه تروحين ألحين

نوره : زواج شوق بعد أسبوع

خالد : من شوق

نوره : شوق بنت عمي عبدالله

خالد : من بتاخذ

نوره : تركي ولد عمتي

خالد: ماشاء الله بسرعه حددوا

نوره بلاك ماتدري (وقالت له السالفه )

في بيت أبو محمد

بعد ماخلصوا فطور جت لمى وكانت لابسه كذا

لمى : صباح الخير

أم محمد واهي تلبس عباتها:هلا لمى صباح النور أعذريني يابنتي بروح أشوق قاعه لزواج شوق

لمى : معذوره ياخالتي , ألا وين شوق

أم محمد تنهدت : فوق ياحبة عيني عيونها مانشفت

لمى : يالله صاعده لها


صعدت لمى لشوق لقتها فاتحه البلكونه وتطالع الفراغ ياربي أتمنى ني أكون بحلم والله قويه مايتحملها قلبي عبدالإله مايحبني وتركي غصبني عليه يارب ألهمني الصبر

لمى : شو عم يعمل الحلو

شوق ألتفتت وابتسمت من دون نفس

لمى : يالله غيري ملابسك وخلينا نروح للسوق أنا جهزت كل شي وكتبت اللي بنشتريه اليوم , وأمس حاكيت صديقتي مدحت لي محل عند المملكه يبيع فساتين عرايس جاهزه وإذا بغيتي تعدلين يعدله لك بيومين , وين السواق يالله بسـ.....

شوق قاطعتها : أنا دايم كنت أحلم أن فستاني أفصله بباريس وأحط أحسن كوشه وأحسن بوفيه وأحسن زفه بس (وألتفتت على لمى ) بس ماراح يمديني والعريس مغصوبه علي ليش حظي كذا ياربي أرحمني

لمى ضاق صدرها : شواقه حياتي كل شي بنقدر نسويه وإن شاء الله بيمدينا بس أنتي هونيها وتهون والله اللي تسوينه ماراح يقدو ولا يأخر

شوق : عارفه

لمى : يالله حبيبتي يالله يمدينا نخلص نص اللسته يالله

شوق مسحت دموعها لأنها عارفه ماراح ينفع : يالله ألبس عباتي بس

طلعوا وراحوا للسوق وأذن الظهر واهم في السوق

لمى : آآآهـ بطني فاااضي مافيه شي

شوق : والله وحتى أنا

لمى : يالله نروح نصلي على مايفتحون المحلات ونتغدى

شوق :يالله, بس لحظه

لمى :وش عندك

شوق: استني , وطلعت جوالها ودقت الرقم , ألو .......رضوان .............. تعال عند بوابه رقم 2 بسرعه

لمى : ليش خليتيه يجي

شوق : ليش أصلا اهو راح عشان يجي , بس بعطيه الأكياس قطعت أصابعي

لمى : ايه يالله

في ابو عبدالله

تهاني كانت تطالع التي في وكانت لابسه كذا



ودخل عليها تركي توه صاحي من النوم

تركي بروقان : صباحو ياعروسه

تهاني بدون نفس : هلا وأنت بعد صباحو ياعريس

تركي : هههههههههههه وين أمي

تهاني : مدري يمكن في المطبخ

تركي : اهاا

تهاني : انصحك ماتروح

تركي : افاا ليش

تهاني : لأنها متوعده فيك من أمس

تركي : اهاا عشان اللي سويته بشوق

تهاني ارتفع ضغطها : تركي بالله عليك اللي انت سويته تشوفه انه صح

تركي : وصح الصح

تهاني : تركي البنت بكت لما تقطع قلبها

تركي ببروده : أحسن تستاهل عشان تعرف كيف تستخف فيني رافعه خشمها مدري على ايش

تهاني : الحب مو بالغصب

تركي طفش منها : اووووه أروح لامي ابرك

تهاني : ههههه أردى لك

راح تركي للمطبخ

أم تركي : هلا بولدي هلا باللي فشلني أمس

تركي : يمه ماسويت شي غلط أنا دخلت من الباب

أم تركي : ماقلنا شي بس لازم تشاور البنت

تركي واهو ياخذ كروسان / ماله داعي

أم تركي : ماله داعي ولا لأنك عارف لما تخطبها زي العالم والناس بترفضك قلت أخطبها بهالطريقه احسن لآنك عارف أن أخوي بينحرج وبيوافق
تركي : لاتخافين يمه شوق بحطها بعيوني

أم تركي : عارفين أنك رجال النعم فيك بس يايمه الأصول اصول

تركي سااااااكت

أم تركي : الله يهديك ,متى ناوي تحط العرس

تركي : بعد أسبوع وبنحطه في بيت عمي

أم تركي مسكت راسها : راسي بنفجر منك بينفجر

تركي :يمه بيتي كامل مكمل بس تجي بملابسها والعرس مولازم

أم تركي : لا حبيبي لازم يعني اهم يعزون أختك ويرزونها وانا نحط عرس بنتهم في بيتهم

رن التلفون راحت ترد أم تركي

أم تركي :هلا أم محمد

أم محمد : هلا أم تركي شخباركم

أم تركي : بخير الله يسلمك

أم محمد : أقول أم تركي حبيت أبلغك أنا حجزنا فندق عشان زواج شوق وقولي لولدك لايخاف حطيناه بنفس الموعد اللي يبيه

أم تركي مامسكتها رجولها من الفشله وقالت بكذب: والله توني بطلع أنا وتركي ندور

أم محمد : لا خلي ولدك بس يطلق قرارت مفاجئه, كل شي جهزناه

أم تركي بفشله : لو حتى يعني بنحط معكم في العرس

أم محمد : كل شي حددناه وأتفقنا عليه

أم تركي : مابقى شي

أم محمد :بقى العشى بس أبو محــ.....

أم تركي قاطعتها: أجل العشى أنا اللي بنحطه

أم محمد : بكيفكم , يالله مع السلامه

أم تركي : مع السلامه

تركي : خير يمه شتبي خالتي

أم تركي : تعلمني أنهم حجزوا فندق للعرس

تركي بعصبيه: يمه مو أنا قايل مافيه عرس

أم تركي فقدت أعصابها : والله آسفين نسينا ناخذ برايك , البنت من حقها تفرح

تركي بطفش طلع من المطبخ

أم تركي /الله يهديك

في السوق عقب ماكلوا

لمى : اوووخ والله أحس لي عامين ماكليت

شوق : من جد , تدرين متى طالعين من البيت الساعه 10 وألحين الساعه 2 الظهر والفطور مافطرت زين أن كانك مثلي

لمى : ياحليلك أنا جيتك على لحم بطني , وليه مافطرتي زين

شوق : صارت سالفه كذا ع الفطور

لمى تحمست : وشو وشو وشو

شوق قالت لها السالفه

لمى : وفديييييييييييييت حمودي أنا

شوق : اوووش لاتسمعك تهاني وتفجرك

لمى : ههههه من جد

شوق : يالله أفتحي اللسته وش بقى

لمى : شوفي حسب اللي خططته أمس اليوم نخلص الأقمشه والتيورات والجزم والشناط ولبس الكاجول للبيت

شوق تفكر : الاقمشه خلصناها والتيورات خلصنا نصها أحس يبي لي زياده

لمى : ايه ترى ماشرينا ألا ثنين بس

شوق بزعل : لمو تهقين بلقى خياطه تخلص أقمشتي بأسبوع

لمى : عادي لو ماتطلع ألا بعد فتره

شوق : صح , ودي أروح لزارا أشتري كم فستان ناعم

لمى : ايه يالله خليني أخلص العصير بس

راحوا وخلصوا شغلهم ورجعوا لبيوتهم الساعه 10 بالليل

وصلت شوق للبيت : رضوان أدخل داخل نادي الشغالات

رضوان :اوكي مس شوق

راح رضوان ونادى الشغالات وجوا الشغالات وساعدوها وقابلها عبدالكريم

عبدالكريم : حشى حشى خميتي السوق

شوق : وش أسوي كله من لمى خذي ذا وذا وذا لما صارت الأكياس زي منت شايف

عبدالكريم : الله يعينك , حجزنا لك فندق موب صاحي (يعني حلو)

شوق بحماس : صدق والله شكله حلو

عبدالكريم : مره حلو بيعجبك أكيد

شوق : زين خليه ينسيني وجه العنز تركي

عبدالكريم : هههههههههههههه

...: من وجه العنز

شوق ألتفتت مو معقول تركي بسم الله من متى كان هنا (وقالت بتحدي ): أنت

تركي حاول يكتم عصبيته : إذا أنا وجه العنز أجل أنتي وش

عبدالكريم : أقول شباب أنا أستأذن

شوق : يالله عبدالكريم أنا وراك

جت بتمشي شوق مسكها تركي : لحظه وين رايحه

شوق : تركي تعبانه من السوق أروح أريح قبل وقت العشا

تركي :طيب تعالي أبيك شوي

شوق عارفه لما تقول لا بيعاسرها وبغصبها تقعد معه : طيب شوي أروح أغير وأجي

تركي :أسمعيني إذا ماجيتي والله أجيك

شوق : لا لا والله أجي دقايق بس


راحت شوق ترقي الأكياس وحطتها بركن بغرفتها ودخلت الحمام تتحمم
وطلعت من الحمام ونشفت شعرها ولبست هذا

وماحطت مكياج حطت بس قلوس يلمع وتعطرت عطر منعش ونزلت له


نزلت له بالحديقه لقته جالس تحت الشمسيه وجلست بعيد عنه

تركي أو ماطلعت من البيت واهو قلبه يخفق ياويلي هالزين كله لي

لما جلست شوق : تركي بتطول وانا تطالعني أجلس واقف لي زي النخله

تركي : تكلمي عدل

شوق : وإذا ماتكلمت وش راح تسوي

تركي يحاول يكتم غضبه : شوق امشي معي سيده

شوق بطفش : تركي أنا من الساعه 10 وانا طالعه للسوق ممكن تقول وش عندك بروح أنام وراي سوق بكره

تركي حب يلعب بأعصابها : وش شريتي اليوم

شوق : شريت اللي شريته

تركي / شوفي شوق لو تستظرفين وتشترين ملابس النوم ستيره ياويلك مني

شوق : الله يفشلك موب أسمها ملابس النوم أسمها لانجري تطور, الناس وصلت للقمر وانت (وتقلده )ملابس نوم

تركي رفعت ضعطه بأسلوبها / آسفين يالبرنسيسه شوق ,آسمعي تراني حذرتك

شوق : أصلا من قالك راح أشتري عشان تحذرني

تركي بقلة صبر : شوق

شوق بروقان : يانعم

حاول يهدي أعصابه : وقفي شوي

شوق : هاه وهاذي وقفه

وقف تركي وتقدم من شوق وطلع من مخباته دبله ألماس كبيره تخطف الأنظار ولبسها اياه

شوق بخقه : يااااي يهبل

تركي بصوت هادي : عجبك

شوق : مره يهبل مرسي, تعيش وتجيب لي ( قالتها بعفويه واهي اساسا متعوده تقولها لابوها لا فجأها بهديه )

تركي ابتسم : إن شاء الله

شوق انتبهت على روحها: قصدي آآآآآ

تركي : اوووش حسسيني ولو مره أنك قلتي لي كلمه حلوه لو بدون قصد

شوق سكتت ونزلت راسها ولفت تبي تروح

تركي: وين لحظه

ألتفتت له
تركي : هاك هاذي هدايا مني وخذا كيس وهذا فيه جوال أفتحيه قبل ماتنامين

شوق : تبطي عظم

تركي بصوت عالي شوي: وش قلنا

شوق : طيب آسفه

تركي : يالله روحي

شوق : اوكيه يالله بااااي

تركي أبتسم : لا تقولين باي قولي مع السلامه

شوق بعناد : باااااي

تركي : وقفي تعالي (بيلحقها )
هجت شوق ماتشوف ألا غبارها

تركي: فديتك ويلوموني بحبك

(امحق من عذاب بتعذبها هههههههههههه)




دخلت شوق غرفتها
وعلى طول سيده تفتح الهدايا
شافت طقم رهيب طبعا ألماس وشافت الجوال اللي جايبه لها وعلى طول فتحته وبسم الله 5 دقايق ودق تركي طبعا شوق عطته أكبر طاف ونزلت تحت تتعشى وبعد العشى ماعاد تشوف طريقها على طول سيده ع النوم

وتركي تعب واهو يدق عليها اووووف شكلها نامت وابتسم تذكر فرحتها بالدبله اللي مهديتها اياها فديتك والله

غفاه النوم وماحس بعمره ألا وامه تقومه : تريك يالله قم وانا امك هماك تقول قوميني بدري عندي خفاره

تركي :يالله قمت قمت

أم تركي يالله قم وانا امك



جاء وقت نتيجة تحليل نوره
وراح خالد يجيبها
دخل خالد للمستشفى وراح للرسبشن : لو سمحت اخوي أنا جاي أخذ نتيجة تحليل نوره منصور الـ ...
الموظف : ايه أخوي الدكتور يستناك
خالد : خير إن شاء الله يالله تسلم ماقصرت

راح خالد لمكتب الدكتور ورجله موشايلته خايف ياربي وش فيها
طق طق طق

الدكتور : تفضل ,, أهلن ياخالد كيف حالك

خالد : الحمدلله هاه دكتور أقدر أعرف نتيجة التحليل

الدكتور : أكيد يالله أروح أجيبها وأجيك

خالد : إن شاء الله



في بيت منصور
الهنوف : اقولك تملك عليها في نفس يوم ملكة محمد وتهاني

عبدالإله : الغبي خذاها قبلي

الهنوف : علينا ,علي ياعبدالإله

عبدالإله : خير

الهنوف : شوف أنت تلعب على الناس كلها بس علي لا أنا عارفتك

عبدالإله : أنا ماأنكر اني كنت استظرفها

الهنوف : المهم أنها طارت من يدك

عبدالإله : نعم , أنا بنت تطير من يدي تستهبلين أنتي

الهنوف تحمست : وش ناوي تسوي

عبدالإله : بعدين , بس عاد يعني أحتاجك معي

الهنوف : افاا عليك من دون ماتقول


في المستشفى

الدكتور دخل على خالد

خالد : هاه يادكتور بشرني

الدكتور : والله مو عارف ايش أقولك

خالد : خير يادكتور زوجتي فيها شي

الدكتور : ياخالد أنت مؤمن وقلن لن يصيبنا إلا ماكتبه الله لنا

خالد : دكتور زوجتي وش فيها

الدكتور: والله ياخالد زوجتك طلع معها سرطان الثدي

خالد بصدمه ألجمت لسانه : هاه

الدكتور : وللأسف بمراحله المتأخره لو أنك جيتني من قبل يمكن

خالد : طيب يعني والعمل

الدكتور : راح نبدا على طول بالعلاج الكيميائي وبأسرع وقت

خالد: إن شاء الله يادكتور


طلع خالد واهو موقادر يستوعب شريط حياته مر من قدامه

تذكر ليلة زواجهم تذكرها لما ولدت بحلا بعدين بماجد ياربي الله يعين يارب

راح خالد لبيته ولقاها تتنتظره

نوره : هاه حبيبي وش قالك الدكتور

خالد : نوره أجلسي وأقولك

نوره عيونها غرقانه : خالد خرعتني قول وش صاير قولي وش فيني



خالد : نوره أنتي ...

نوره قاطعته : شوف أنا ماحب المقدمات

خالد يارب ساعدني : نوره أنتي أنتي معك السرطان

يالله وش قد كانت صعبه عليها هالكلمه فرطت دمعه وبعدها دمعه وبعدها سيل من الدموع

خالد كمل: سرطان بالثدي وباخر مراحله ولازم تبدين بالعلاج الكيميائي بأسرع وقت

نوره بصوت متهدج : خالد أمانتك عيالي الله يخليك حطهم بعيونك

خالد انهبل : نوره نوره أنتي ماراح تموتين راح نموت سوا

نوره : خالد الله يخليك لا تتزوج وحده غريبه خذ وحده من قرايبنا معروفه طينتها لا تجيب لهم وحده غريبه

خالد : نوره أنا اللي بنربي عيالنا ماراح احد يدخل بينا

نوره : لاحول ولا قوة ألا بالله اللهم لاأسألك رد القضاء ولكن أسألك اللطف فيه

خالد يطالعها ياقوي ايمانك يانوره

نوره : خالد لاحد يدري لاتعلم أحد إلا بعد زواج شوق مابي أحد يتكدر أنا راح أحضر العرس وماراح أبين لهم شي

خالد : خلاص حبيبتي هدي ماراح يصير ألا اللي تبينه





لمى وشوق في السوق
شوق: ماتوقعت نخلص لانجري بهالسرعه

لمى: ايه الحمدلله

شوق تطالع الساعه : لمو الساعه 6 خلينا نروح للمحل اللي تقولين وبعدها خلاص صح

لمى تفكر / ايه صح ماعاد بقى شي

شوق : أجل يالله , وبالمره أحجز الكوافيرا وبكره أخر جلسه لي عشان الليزر

لمى : آهاا سويتيها

شوق: ايه مره حلوه أنتي لاجاء نصيبك سويها

لمى : شوق أقولك شي ماتعصبين

شوق : قولي أنا اعصب من العالم ولااعصب منك

لمى : امممممممممممم احسك يعني تقبلتي أنك تكونين زوجة تركي

شوق: تقبلت غصب من ورى خشمي, لمى الوضع متأزم في البيت ابوي ومحمد مايحاكون بعض ألا برسميه بزعم محمد أنه موقف معي وأمي دايم تبكي لما تشوفني اهوجس وسعود بعد عمري يقول أن كانك ماتبين تركي علميني أروح أتفاهم معه تشوفيني أبلع السالفه وأتقبلها غصب عشان أهلي لما يشوفوني فرحانه او اتصنع الفرحه تهون عليهم ويتحمسون ويسولفون وش بيسوون في العرس
لمى : اهاا , الله يعينك حبيبتي

شوق : آمين , وانتي وش سويتي بفستانك

لمى : بكره بيجي من بيروت

شوق: غريبه بالعاده تجيبينه من تركيا

لمى : مادحين لي مصمم هناك رحت يوم أو نص يوم وخذوا قياساتي ورجعت

شوق: وشلون لقيتي حجز بهالسرعه

لمى : أبوي صديقه عنده طياره خاصه واساسا اهم كانوا بيروحون لبيروت بي وبدوني لما سمعت ان ابوي بيروح وبيرجع في نفس اليوم ركبت معهم

شوق: حلو

لمى : يالله خلينا نروح للمحل اللي قلت لك

راحت لمى وشوق للمحل وأختاروا فستان وقاسته شوق وطلع ضبط عليها وخذته معها وخذت الكماليات من طرحه لجزمه لمسكه ,,,,

اليوم زواج شوق وتركي ...

نهاية البارت
يارب يعجبكم ....

[لامارا]

البــــــــــــ(7)ــــــــ� �ــارت

اليوم زواج شوق وتركي

(امممممممممممم خلونا نرجع لليلة اللي قبل العرس )

الساعه 1

في بيت أبو محمد توهم متعشين ويرن الجرس
أم محمد :خير اللهم أجعله خير
شوق قامت : يمه هاذي لمى بتنام عندي
أم محمد : ايه الله يحيها


راحت شوق تفتح الباب
لمى دخلت بأغراضها فستانها وأكسسوارتها وكانت لابسه كذا




وشوق كانت لا بسه كذا



لمى : يوه يوه يوه حرررررررررر

شوق : وعليكم السلام

لمى : يعنني خلوقه طيب هاه , السلام عليكم

أم محمد من الصاله : ههههههههههههه تعالي وانا خالتك

لمى : شوفي الذوق مو مثلك

شوق : أدخلي أدخلي مالي مزاج أحارشك

لمى دخلت للصاله : اوووووووه المزاج مقفل

أم محمد: مررررررررررررره , تعالي حياك بسهرتنا المتواضعه

لمى : اوخص موب عاقله تسهرين يام محمد

أم محمد تغمز للمى: أعجبك

جلسوا مع بعض يتابعون فلم هندي (vivah) >>>> أنصحكم فيه مره يجنن

أم محمد : يالله بنات أنا بروح أنام

لمى : افااا والفلم

أم محمد : معروفه بيسقمون البطل نصين وبيعيش

لمى : يوووووووووووه ههههههههههههههههههه لا لا هذا مافيه عصابات كله رومانس

أم محمد : ايه طيب يالله تصبحون على خير

ولما راحت أم محمد صارت تحاكي لمى بالأشاره بدون ماتنتبه شوق اللي مو معهم نهائيا تقولها كلميها حاولي فيها تنسى شوي

لمى هزت راسها وطالعت بنت عمها وتقطع قلبها

منزله راسها تطالع الفراغ وخصلات من شعرها طايحه وعيونها غرقانه

لمى نطت جنبها ومدت لها ليز ماكس >> عشقي

شوق أبتسمت وخذت وحده مجامله ومسكتها بيدها

لمى حبت تغير جو : صدقيني ماراح تنط وتطب في فمك

شوق ابتسمت وكلتها او بالأحرى تغصبتها

لمى : وبعدين ياشوق خلاص هذا أمر مكتوب لك من قبل ماتخلقين , هاذي أرزاق مقسمها الله على عبيده ريحي راسك اللي تسوينه بنفسك والله ماراح يجيب نتيجه

شوق بصوت متهدج : عارفه عبالك أنا مو عارفه بس وسكتت

لمى : بس وشو , شوق أن كانك خايفه من تهديد تركي ترى ماعنده ألا الدجه صدقيني

شوق سكتت بس تبكي

لمى طالعت التي في : شفتي خلص الفلم خلينا نصعد فوق نريح

شوق : يالله

لمى قبل ماتطلع خذت من التسالي اللي تحت

شوق : هههههه أمشي يامجنونه

صعدوا فوق لمى على طول راحت لدرج السي ديات تدور فلم حلو

ورفعت واحد : شوشو هذا Twilight الجديد

شوق رفعت نظرها :ايه مرهـ حلو شغليه

لمى : ياربي وين لقيتيه حست بمحلات الدي في ديات ولا لقيته

شوق : عبدالكريم جايبه وين والله مدري

لمى : اهاا , بروح أشغله

راحت لمى عند التي في اللي بغرفة شوق وطالعت فوق الستاند حق الدي في دي

لمى : شوووق من حقه جالكسي أس تو

شوق : حقي شاريه لي تركي

لمى : اوووخص والله موب يلعب

شوق : مره

لمى أبتسمت :كلمك

شوق : يكلمني بس ماأرد عليه

لمى سكتت ماحبت تناقشها : اوه بدى الفلم شكله حلو بروح ألبس بيجامه واجي

راحت لمى ولبست بيجامه في غرفة تبديل الملابس ولبست كذا



ودق جوال بنغمه غريب

لمى بأستغراب : متى غيرتي نغمتك ههههههههههه وراك حاطه زي صوت الذباب

شوق : هذا جوالي اللي جابه تركي

لمى : هههههههههههه حسبي الله علي عدوك ولا تقولين لي اللي يدق ألحين اهو تركي

شوق ابتسمت بغباء : ايه

لمى فطست ضحك

شوق : خير , يااارب أشوف فيك يوم

لمى : تكفين ردي خلينا نهبل فيه

شوق عجبتها الفكره : يالله

وردت

شوق : ألو

تركي خق : الو هلا أهلين

شوق بأستظراف : هلا ولا أهلين

تركي ابتسم : الثنتين

شوق سكتت

تركي: كيفك

شوق : تمام الحمدلله أنت كيفك

تركي : بخير , وش قاعده تسوين

شوق بهبال : ألقح النخل

لمى فطست ضحك

تركي يكره أستخفافها : والله

شوق حست أنه زعل : لمى عندي وجالسين نشوف فلم

تركي : أي فلم

شوق : Twilight أخر جزء

تركي / اهااا , يالله نامي مابي وجهك يجي مبقس بكره

شوق : احلف , والله متى بغيت أنام بنام موب تتحكم فيني من ألحين

لمى أنهبلت

تركي بأستخفاف: احلفي

شوق : والله

ورن جوال شوق الأول

لمى تطالع الفلم : شوق جوالك أزعجني ردي عليه

شوق : هاتيه , ألو .........ألو

الطرف الثاني رجال : هلا

شوق : نعم من بغيت

(تركي عرف أنه رجال وصبر عشان يسمع )

الطرف الثاني : ابيك

شوق : يبيك الجني قول آمين

الطرف الثاني : مستعده لزواجك بكره

شوق : بتقول أنت مين ولا أسكر

الطرف الثاني: لا لا بقول , أنا عبدالإله

شوق بخرعه : عبدالإله (وسكرت السماعه)

(تركي من سمع جن جنونه وصار يناديها وشوق مو سامعته )

شوق ردت : نعم نعم وش ذا الصراخ تراني مو بأمريكا عشان تصارخ كذا

تركي : شوفي شوق والله وبالله أن شفتك راده على رقم غريب سحبت منك الجوال

شوق : والله ويعرف يهدد بعد

تركي صرخ بأعلى صوته : أسمعي يابنت ابوك أنتي بكره عندي وبوريك العذاب بأنواعه

شوق ماننكر أنها خافت وسكرت السماعه

شوق : يمه يمه يمه هددني هددني

لمى : اووووش ولا كلمه أنتي شفتي أسلوبك ياشيخه لو أنك مكلمتني بهالأسلوب صدقيني أن أكفخك, أنتي أستهنتي فيه ياشوق

شوق موقادره تمسك نفسها من الخوف : ياربي

لمى : الله يهديك بس , خيلنا ننام الساعه صارت 4

شوق : يالله

ناموا وصحوا الساعه 1

أم محمد : يالله بنات أصحوا بنروح للفندق وتجينا الكوافيرا هناك

شوق : يمه بس شوي

أم محمد : الله يهديك بس يالله أصحي

لمى طلعت من الحمام : صباح الخير

ام محمد : هلا حبيبتي صباح الخير قومي هالعله على ماأخلي لانيتا (الشغاله)تجي تشيل أغراضكم وتركبها السياره

صحت شوق : يمه جوعانه

أم محمد : كلي بالفندق يالله قوموا

صحوا البنات وتحمموا

وراحوا الفندق

لقوه مجهز والكوافيرا تنتظرهم

ام لادين : وينكن تأخرتوا كتير

أم محمد : سوري ننتظر العروس تصحى

أم لادين : لا لا لا هيك من البدايه كسل

شوق بدون نفس : بتصل على الروم سيرفس من يبي

لمى :كلنا

راحت شوق تتصل على الروم سيرفس ودقايق جابو لهم الأكل

وعلى طول بدت فيهم الكوافيرا

الساعه 9 ليلا
الكل جهز وشوق بدى قلبها يرقع

أم محمد :يالله وانا امك عشان تنزلين للقاعه تحت

شوق شوي وتبكي : يمه مو لازم

أم محمد : مو لازم وشو

شوق : أعرس

أم محمد : أحلفي هههههههههههه , يالله ترى كلنا بنزل عبدالكريم معك وفستانك سبقكك يالله

شوق : طيب , ولبست عباتها ونزلت تحت للقاعه وشافت الكوشه واو

هاذي كوشتها



شوق : ياااي من اللي مختارها

عبدالكريم : أمي

شوق : والله روعه

عبدالكريم : أقول يالله الناس بتجي


شوق : يالله

هذا فستان شوق مع البنات لمى والهنوف و نورة وتهاني

وهذا فستان فهدة



وهذي تسريحة شوق



بدت الناس تجي

الهنوف بتموت غيره وجع كل هالزين لشوق الكريهه هين هين أن ماخربت حياتك ياشينة الحلايا ماأكون أن هنوفه

دخلت نوره القاعه وكان مبين على وجهها التعب

قابلتها فهده : نوري فيك شي

نوره : لا مافيني شي

فهده بشك : وجهك تعبان

نوره : ايه , جايتني العمه (بكذب)

فهده: بالعاده ماتوجعك

نوره بعصبيه: عاد صار ووجعتني فيها شي

فهده ماهمها عصبية نوره عليها همها بنت خالها : انتي متأكده ان مافيك شي

نوره حاولت تبلع العبره : معصبه شوي , تهاوشت أنا وخالد وزاد علي وجع بطني

فهده: الله يعينك كذا الرجاجيل الله يعينا عليهم

نوره فرحت لآنها مشت على فهده: شخبار شوق

فهده: بسم الله عليها تهبل

نوره : حمستيني بروح أشوفها

جاء وقت الزفه وانزفت شوق وحدها

وأول ماأنفتح الباب الكل بدى يسمي عليها وعلى جمالها

وشوق قلبها كان يرقع
ولما وصلت الكوشه الكل بدا يسلم عليها

وقال الطقاقه (تغطوا ياحريم )

ودخل تركي مع أبو محمد ومحمد وعبدالكريم وسعود

أول مادخل محمد واهو يدور تهاني

لمى : ههههههههه تهاني شوفي محمد يدورك

تهاني : أدري ماراح أروح

لمى : روحي يالمجنونه , أحد حاصل له

تهاني : هههههههه طيب

راحت تهاني فوق المنصه من ورى محمد ودقت كتفه

محمد اخترع والتفت وأبتسم

تهاني بخجل : تدور على أحد

محمد بخقه على مكياج عيونها الناعم : ايه كنت أدورك

تهاني : وهذاني قدامك

محمد باس تهاني مع خدودها والصراخ قام في القاعه

تهاني لاتدورونها هجت من القاعه هههههههههه

تركي باس راسه شوق وشوق كلها ترجف

وتطالع محمد وتهاني يالله ياتركي هل في يوم من الأيام بنصير مثلهم الله يوفقهم يارب قطع عليها سرحانها

تركي : مبروك عليك أنا

شوق طالعته ونزلت راسها (امممممممم نقدر نقول خايفه منه ))

طلعت شوق وتركي وراحوا للفندق ...

نوره مو قادره تتحمل خلاص تعبت

راحت لامها : يمه بروح لبيتي

أمها : وراك وانا امك أصبري للعشاء

نوره : موقادره يالله مع السلاااا ..... وطاحت مغمى عليها

ومابي أقولكم وش اللي صار الكل تجمع عليها

لمى : بعدوا بعدوا خلوها تتنفس

صحت نوره ووصارت تبكي وحضنتها أمها طبعا أمها عارفه

خذتها أمها وطلعت من القاعه

أم تركي راحت تسأل الهنوف : الهنوف وش فيها أختك صايره هالأيام مو طبيعيه

الهنوف : والله مدري

أم تركي : وش فيها يعني

الهنوف : والله من بعد المخيم واهي تجينا تبكي وامي تقولها مقدر ومكتوب ولا دخلت سكتوا

أم تركي شكت : خير إن شاء الله خير

خلص عرس شوق وتركي

تركي وشوق دخلوا الفندق

شوق كانت خايفه حيييييل من تركي

راحت تغير وفكت التسريحه ومسحت المكياج ولبست شي ساتر
لبست هذا




تركي أول ماطلعت شوق من الغرفه جلس يطالعها , طول تركي واهو يطالعها

شوق : مضيع شي بوجهي

تركي : هه أنتي مستحيل تتغيرين

شوق : ليش أتغير مو عاجبتك

تركي : ايه مو عاجبتني

شوق : ليش خذتني وانا مو عاجبتك

تركي / كذا , ابي أزهقك وأطفشك وأرميك في بيت أهلك وأتزوج وحده انتي ولا شي عندها

شوق غرقت عيونها : اتحداك

تركي هجم عليها ولزقها بالجدار وسند يده على الجدار : لا تتحديني يابنت أبوك أنا تركي

شوق تستخف فيه: الله واكبر وتركي وبعدين ماأشوف الأرض اهتزت

تركي انقهر منها

شوق قدرت تفلت من تركي وراحت ووصلت لباب الغرفه : أساسا لو أنت رجال ماغصبتني عليك

تركي جن جنونه وصرخ شوق وجاء ومسك زندها بقوه وجعت شوق

شوق : وشو ناوي تضربني بعد أضربني ترى اضرب من سمات الفحوله

تركي فقد أعصابه ورفع يده بيضربها وتراجع

شوق ابتسمت بسخريه : هه ليش تراجعت , يكون بعلمك ياتركي برفعة يدك بس يعتبر أنك ضربتي اقوى كف

فكها تركي بقرف : روحي عن وجهي روحي

شوق : رايحه من دون ماتقول

راحت شوق تنام بالغرفه وبكت لما انفجر راسها

وتركي منسدح على الكنب بالصاله يفكر (يعني بنتم على كذا لسانها طويل ومو قادر أحلم عليها مو قادر أمسك أعصابي )


اصبح الصبح ونوره حالتها متأزمه أستفراغ ودوخه عشان العلاج الكيماوي

خالد : يالله نوره جهزت السياره

نوره بتعب : عيالي وينهم

خالد : وديتهم بيت أمك

نوره : يالله أجل


الهنوف أول ماصحت نازله من الدرج تغني
ولابسه كذا



الهنوف تغني : شيل عيونك عني أتركني أعرف غني , صباح الخير ماما

أمها مسحت دموعها : هلا هلا صباح النور

الهنوف ماانتبهت لامها : كني أسمع صوت حلا صح

حلا من ورى : اييييه أنا و أخوي هنا

الهنوف : وين أمك

حلا : امي تعبانه في المستشفى اول ماجينا من العرس واهي تقول بموت بموت عيالي لا تخليهم مدري وش فيها , جدتي يعني وشو بموت

امها زادت بكى

الهنوف حست فيه شي: حلا روحي طالعي التلفزيون ألحين أجي معك

حلا : يالله

راحت حلا وجلست جنب أمها :يمه وش فيها نوره

قالت لها السالفه

ونوره مصدومه : من متى

أمها : من زمان واهو فيها وحالات الأغماء اللي تجيها بسببه

الهنوف وأمها جلسوا يبكون


صحت شوق وغسلت وجهها وصلت الفجر والظهر وطلعت من الغرفه ومالقت تركي

أبركها من ساعه خله يذلف يفكني من وجهه

وطلبت من الروم سيرفس أكل وشبعت

ودق جوالها وراحت طيران ترد
لمى : يالله قولي وش صار بالتفصيل الممل

شوق : بسم الله صبحي سلمي

لمى : اوف السلام عليكم , صباح الخير . يالله قولي

شوق : ماصار شي

لمى : اكيد طلب منك وانتي عييتي عارفتك

شوق : أقولك الصراحه

لمى : ايه أكيد

شوق : تهاوشنا

لمى شهقت

شوق : والله هوشه يحبها قلبك , والصراحه أنا اللي أفتعلت المشكله

لمى : والله أني داريه أنه كله منك قولي اللي صار

قالت لها كل السالفه

لمى : الله لايلومه فلتي أعصابه ههههههههههه, بتجين اليوم

شوق بأستغرات : وين

لمى : عمتي مسويه غدى علشانكم

شوق : مدري ماقالي تركي شي

لمى : يمكن ألحين يقولك

شوق :يمكن

وسمعت صكت باب

شوق : جاك الموت ياتارك الصلاه ,, لمو شكل تركي جاء يالله باي

لمى :هههههههههههه باي الله يعينك



تركي دخل عليها الغرفه : يالله بنروح لامي نتغدا عندها الكل هناك

شوق استانست : إن شاء الله

راحت تحممت واستشورت شعرها وسوته ستريت وحطت بف بسيط وحطت مكياج ناااعم ولبست فستان هادي ناعم

ولما طلعت من الغرفه طالعها تركي

وماننكر أنه خق شويتين

تركي بنفسيه: خلصتي

شوق : ايه خلصت

تركي / خذي أغراضك معك ماراح نرجع للفندق

شوق : طيب , راحت وضفت أغراضها وراحوا لبيت عمتها



في بيت العمه

تهاني : يعنني شوق بتسوي حركات المعرسين

لمى : شوي وبتسوين مثلها

الكل هههههههه

تهاني تصرف : وين نوره

الهنوف : يمكن مو جايه طالعه مع خالد

لمى ابتسمت : الله يهنيهم

دخلت عليهم شوق في الصاله وقاموا البنات صراخ وضمضمه وحركات نص كم

تغدوا وعينوا من الله خير

ودق تركي على تهاني وقالها بندخل نسلم أنا وعمي عبدالله وأبوي محمد ومحمد

اللي يتغطى دخل جوا

والباقين قعدوا في الصاله

تركي أول مادخل كان يطالع شوق واهي تسولف مع تهاني وتضحك (ياحلو ابتسامتك)

شوق كانت حاسه بتركي ومطنشته

أم محمد : وش في نوره ماجت اليوم

ابو عبدالله :والله مدري أبوها يقول تعبانه

تهاني بأستغراب: تعبانه,الهنوف تقول طالعين

أم محمد : الله يشافيها , نوره ماتفوت جمعه اكيد أنها تعبانه

تهاني هزت كتوفها : يمكن

أبو عبدالله: هاه يابوك ياشوق عسى تريك موب مبهذلك

تركي على طول طالع شوق

شوق :.........................

توقعاتكم ؟؟؟

أتمنى يعجبكم

وآسفه ع التأخير

[لامارا]

البـــــــــــــــــــ (8) ـــــــــــــــــــارت




أبو عبدالله: هاه يابوك ياشوق عسى تريك موب مبهذلك

تركي على طول طالع شوق

شوق بمبالغه:ولووو ياجدي , أنا اللي بقولكم عن تركي (نبرة أستهزائها ماخفت على تركي )
أبو عبدالله : ايه عارفه بس أبي اسمعها منك
شوق : لا للأمانه مو مقصرعلي بشي
أبو عبدالله طالع تركي : ايه هذا العشم فيك وانا أبوك
تركي ابتسم لجده واهو يتوعد بشوق


تهاني : شوق ماراح تسافرون
شوق : مدري أخوك ماقالي شي
تهاني : شوق روحي لجزر المالديف واااي ياقلبي تهبل تهبل
شوق أيه تهبل نفسي فيها
تهاني : لارحتوا بخاويكم
شوق ببتسامه : روحي لها أنتي ومحمد
تهاني بزعل : محمد يبي تركيا
شوق : ماعليك أنتي بس قولي أبي جزر المالديف وبيوديك
تهاني : عارفه أنه ماراح يقصر بس أنا منحرجه منه
شوق : ههههههههههه قولي كذا , شوفي محمد جرئ ويحب الجريئات
تهاني : عارفه , خلاص بقوله

تركي : يالله ياشوق
أبو عبدالله : وين يابوك تونا
تركي : لا يابوي ورانا سفره
تهاني بلقافه: وين بتروحون
تركي : مالك دخل
تهاني : تركي يالله قول
تركي واهو يطالع شوق : لجزر المالديف
تهاني بخقه : ياااي سو رومانتك
محمد طالعها وخق على نبرة صوتها اهي أنتبهت له عاض على شفته اللي تحت تهاني نزلت راسها بخجل محمد ضحك بصوت عالي شوي
ابو عبدالله: خير يابوك في شي
محمد : لابد سلامتك تذكرت نكته حلوه
تهاني لاتدورونها اختفت تبخرت

اما شوق أستغربت أنه بيوديها شهر عسل حاطه في بالها مكه 3 ايام وبترجع

تركي : يالله مع السلامه

سلموا على الكل وراحوا

واللي متغطين طلعوا

لمى : اووف مابغوا
تهاني : شوق بتروح لجزر المالديف
لمى : اوخ والله موب سهله
تهاني : مرررررررررررره
لمى بصوت هامس : أنتي ملاحظه على الهنوف
تهاني : ايه كأنها باكيه

لمى : غريبه

دخل منصور عليهم وجهه مقلوب
الهنوف من شافته فزت : نوره فيها شي
منصور بصوت مبحوح: لا مافيها شي

أبو عبدالله : تعالي يابوك أجلس
جلس منصور جنبه : يبه أنا جيت أقولكم عن نوره

الكل ترقب يسمع وش بيقول

منصور بصوت يبكي الحجر : نوره فيها السرطان يبه
ابو عبدالله : وشو
منصور: توي جاي من عندها , يبه بنتي تعبانه ينتي بتموت يبه (وبكى )

الكل مصدوم صح كان مبين عليها التعب بس ماتوقعوا أنها يكون في السرطان

ابو عبدالله : وليش ساكت ليه ماعلمتونا
منصور : اهي طلبت أنا مانعلم أحد عشان زواج تركي وشوق
ابو عبدالله : آآهـ ياحفيدتي , اهـ ياسمية المرحومه

الكل كان يبكي مو متصور أن نوره ممكن بيوم من الأيام تموت

لمى تتكلم واهي تبكي: طيب عمي ماسوولها عملية أستئصال
منصور : يقولون ان المرض تمكن منها , ومافيه حــ ...
أبو عبدالله : وش تبي تقول هاه , تبي تقول مافيه حل ألا أنها تموت , قوم وديني لها قوم

منصور قام ودى أبوه والكل قام معه

في المستشفى
نوره كانت تفكر (خالتي أم زوجي ماراح تخلي خالد بدون زوجه , وانا مابي عيالي يعيشون مع وحده غريبه , ياربي وش أسوي ,,, ولمعت براسها فكره )

خالد : حياتي وش تفكرين فيه
نوره تطالع خالد بعيونها اللي مانشفت : خالد تذكر شعري , تذكر طوله ,ملمسه , نعومته
خالد مستغرب : ايه أذكره

نوره فكت الطرحه اللي كانت لابستها : شوف كيف صار شعري وين راح يا خالد (وبكت )
خالد تقطع قلبها عليه : حبيبتي أنا قابل فيك بعيوبك
نوره : راح يجيني وقت وأصير صلعاء
خالد : قابل فيك
نوره : راح تنحرم من حقوقك
خالد:قابل فيك
نوره بصوت عالي : خلاص خلاص لاتقول قابل فيك حرام عليك والله تعذبني
خالد : اوووش ريحي نفسك الكلام يتعبك
نوره بأستهزاء : لا سكت ولاعاد تكلمت ماراح أموت يعني
خالد : الله يهديك بس

غطى الهنوف بالشرشف وطلع

وقفته نوره : خالد
خالد ابتسم :ياعيون خالد
نوره : أهلي ماراح يجون
خالد: ألا, تو خالي مكلمني وبيجي أهو ويا الكل
نوره : طيب

وتغطت شوق وغفت عيونها

الهنوف واهي في السياره عبدالإله ماخلاها كل شوي يتصل عليها

ابو عبدالله: يابوك يالهنوف طفيه فقع روسنا
الهنوف : إن شاء الله
الهنوف أرسلت مسج لعبدالإله(أنا بالسياره مع أهلي, رايحين نزور أختي)
ورد عليها(لارجعتي كلميني ضروري )

الهنوف استغربت عبدالإله ماعنده مواضيع ضروريه لارجعت كلمته

شوق وتركي
راحوا لبيت تركي طبعا اهو جنب بيت الجد
شوق دخلت وتفاجأت بالديكورات والأثاث وكل شي بس مو مثل بيت أهلها

تركي : عجبك
شوق بتكبر : يمشي الحال
تركي مشى وخلاها
شوق تذكرت : تعال تعال
تركي ألتفت لها : يانعم
شوق: من سمح لك تقرر وين نسافر ولا متى نسافر لهدرجه واثق أني بروح معك
تركي : هه لاتخافين حبيبتي أنا كاره هالسفره أكثر منك ترى اللي قايل لي أطلعوا شهر عسل ابوك اهو اللي قالي ولزم علي
شوق: هه مايبيني أحس أنه ظلمني يوم تزوجتك
تركي طنشها وصعد وخلاها بالبيت تحت موعارفه وين تروح
شوق: الكريه خلاني مدري وين أروح
وسمعت صوت بالمطبخ وراحت لقت شغالتين لما شافوها جو ركض لها
شوق ابتسمت : Hello what are your names? (مرحبا ماهي أسمائكم؟)
الشغاله 1: my name is simi( أسمي سيمي )
الشغاله 2: my name is liza (أسمي ليزا)
شوق أبتسمت: Nice to meet with you (تشرفت بمعرفتكم)
سيمي و ليزا : Thank you(شكرا لك)
شوق :did you speak Arabic (هلى تتكلمون اللغه العربيه )
سيمي ابتسمت: ايوه مدام
شوق : بليييز ابغى عصير ليمون بروح أتحمم وأرجع أشربه
سيمي ابتسمت : اوكي مدام

شوق راحت وخلتهم ومستغربه نظرات ليزا لها كانها وحده تبي تنتقم

راحت تتحمم ونشفت شعرها بالغرفه اللي مبين أن تركي مصممها لطفلهم اللي راح يجي


أما بالنسبه لتركي على طول انسدح وغطى روحه يبي ينام مانام أمس بالفندق وقطع عليه صوت جواله طنشه وجواله لساته معزم يدق رد واهو طفشان تركي : ياخي خير توني بوجهك قبل شوي
محمد بهدوء: تركي
تركي : استغرب جدية محمد
تركي : محمد صاير شي
محمد:نوره بنت عمي بالمستشفى
تركي : افااا عسى ماشر
محمد: طلع معها سرطان
تركي : افااا لاتقول
محمد: ايه والله , ألحين أنا رايحين لها شوف كان شوق تبي تجي معنا
تركي : ياربي يامحمد ماوصيت ألا أنا , أختك صعب أتفاهم معها خلي بنت من البنات تكلمها
محمد تنهد : طيب طيب يالله مع السلامه

نزل تركي لتحت وشافها حاطها على وناسه وترقص على ويلي يلا ياقلبي إذا يحبك يجيك أكيد تعرفونها
ومتحمسه ومو حاسه بتركي اللي واقف ع الدرج

والله ماتدرين ياشوق وش اللي صاير
ورن جوالها وقصرت على التي في

شوق: هلا لموي ,, لمى وشفي صوتك
(لحظه سكوت )
طاح الجوال من شوق ودموعها مو راضيه تنزل وقف شعر جسمها , تركي خاف عليها وراح لها وهزها
تركي واهو خايف عليها : شوق
ماردت عليه
شوق ألتفتت له : تركي
تركي / عيون تركي
شوق ماأنتبهت وتهدج صوتها)تركي نوره تعبانه , نوره فيها السرطان , نوره بتموت ياتركي نوره بتموت (وبكت بصوتها )
تركي مو قادر يتحمل دموعها : شوق , ماحد يقدر يحدد متى الواحد بيموت , الأعمار بيد الله
شوق للحين تبكي : تركي هالمرض محد تشافى منه محد
تركي: من قال ,الطب ألحين تطور و...
شوق قاطعته : لمى تقول أن مرضها بمراحله المتأخره يعني العلاج بس يأخر موتها يوم ولا يومين , آآهـ يانوره أهـ (وبكت )

تركي ماقدر وحضن شوق بأقوى ماعنده , كان من زمان واهو يحلم يحضن شوق واخيرا تحقق هالحلم

شوق : تركي أبي أروح لها
تركي / يالله روحي غيري وألبسي عباتك
شوق طارت لفوق تجيب عباتها

في المستشفى
الكل عندها كلهم يبكون

نوره تسوي مو خايفه : وش فيكم ترى أن مت بروح عند ربي اللي خلقني , ترى أنا والله ماحس بوجع والله تراني طيبه
الكل عارف أنها تكابر
نوره: يمه صبي لي قهوه
أم منصور مسحت دموعها وقامت صبت لها قهوه وشربتها ودموعها تهل
ودخلت عليهم شوق
نوره : هلا شواقه
شوق راحت لها وحضنتها بأقوى ماعندها
نوره تضحك : شوق خنقتيني
شوق: ضفي وجهك , ليش ماقلتي لنا ليش مارحتي للمستشفى ليش رحتي بوقت متأخر
نوره : قدر الله ماشاء فعل
شوق : ونعم بالله , بس أسعى ياعبد وأنا أسعى معك
نوره : خلاص شوق , مقدر ومكتوب , تعالي احضنيني مره ثانيه شوق أحضنتها ونوره دست شغله بشنطة نوره ونوره مانتبهت
شوق تنهدت وراحت جلست جنب أمها وكانت ملاحظه أن شعر نوره بدا يطيح من الفراغات اللي قدام
نوره:يمه وين عيالي
أم منصور : مر عمهم وخذاهم يمشيهم
نوره يصوت متهدج : يمه عيالي هاه , أمانتكم تكفون أنتبهوا لهم تراهم بيصيرون أيتام حطوا بالكم عليهم تكفون
الكل رحمها وخنقته العبره

شوق ماقدرت تتحمل وطلعت برى الغرفه وجلست في الكراسي اللي عند الغرفه وطلع وراها تركي

تركي: افاا ياشوق هذا انتي القويه تبكين
شوق: مو قادره والله موقادره

تركي طبطب على كتفها

تركي/ تبين نروح للبيت
شوق تبكي : خاف أروح وبكره اجي و ماألقاها
تركي : لا أن شاء الله بتلقينها
شوق تترجاه : الله يخليك بس شوي
تركي رحمها : خلاص روحي أنا بروح أجيب لي كوفي راسي مصدع مانمت زين
شوق فتحت شنطتها وطلعت بندول (مايفارق شنطتي) وعطته اياه شوق لاحظت ظرف مكتوب عليه بحط نوره يفتح بعد موتي وحاولت ماتبين :آحم آحم اشتري لك فطيره وكل بندول وخل عند المنبهات
تركي ابتسمت: تخافين علي
شوق بصوت عالي شوي : والله انك فاضي ودخلت الغرفه وخلته برى

ضحك ومشى لأنه بجد مالها داعي كلمته

الهنوف بصوت هامس : يمه بروح للبيت
أم منصور : خلك ماراح نطول أصلا شوي وتخلص الزياره
الهنوف تكذب: يمه أخت خالد توها داقه علي تقول تعالي خذي عيال نوره يبونكم
أم منصور : أجل خلاص روحي وخلي السواق يوديك لهم
قامت الهنوف : عن أذنكم

نوره : الهنوف بكره أبيك تجيني بدري أبيك ضروري
الهنوف استغربت : إن شاء الله , يالله مع السلامه

طلعت الهنوف وبيدها جوالها

الهنوف : ألو عبدالإله
عبدالإله: وينك مابغيتي
الهنوف : وش أسوي يالله قدرت أطلع
عبدالإله: طيب أبي أشوفك
الهنوف: عبدالإله توي أمس كنت معك
عبدالإله: والله عاد وحصل وبغيت أشوفك فيها شي
الهنوف : لامافيها شي , وين أجيك فيه
عبدالإله: تعالي مطعم الــ
الهنوف " طيب دقايق وأنا عندك
خلص وقت الزياره والكل تيسر على بيته وظل خالد مع نوره اللي نامت على طول

الهنوف وصل للمطعم ودخلت دورته بالطاوله اللي يجلسون فيه بالعاده ومالقته ودقت عليه

الهنوف : ألو هلا عبدالإله وينك
عبدالإله: أنا بالكبينه رقم 10
الهنوف: كبينه
عبدالإله سكر بوجهها الخط
الهنوف عورها قلبها
دخل للكبينه (اساسا المطعم شعبي والكباين فيها عازل يعني الواحد ياخذ راحته )

الهنوف: هلا عبدالإله وش تبي هذاني جيت

قام عبدالإله وسكر الكبينه
وجلس جنب الهنوف
والهنوف استغربت _ عبدالإله بغيت شي
عبدالإله :ايه بغيتك
الهنوف خافت : وشو
عبدالإله قرب منها وعيونها دايخه
الهنوف : عبدالإله تعوذ من أبليس عبدالإله بعد بعد عني لا لا لا لاااااااااااااااااااااااا ااااااااااااااااااااا
راح
راح
راح
راح
راح
راح
راح

راح شرفك يالهنوف ضعتي وضيعتي شرفك وحطيتي راس أهلك بالأرض , راس اهلك اللي كان دايم مرفوع وانتي بافعالك الشينه نزلتيه بالأرض ياالهنوف بالأرض

الهنوف تبكي : حرام عليك عبدالإله ضيعتني الله يضيعك يالوسخ يالنذل
عبدالإله يزرر بلوزته مروق عالأخر : اوووش لا تضيعين المود
الهنوف : بس قولي أنا وش سويت
عبدالإله نزل ومسك شعرها بقوه : راجعي نفسك يالوصخه شوفي وش سويتي

الهنوف : والله ماسويت شي
دفها عبدالإله برجله وطلع وخلاها
الهنوف لبست عباتها ع السريع وطلعت من الكبينه كانت تمشي وتطالع الناس تحس الكل عرف وش صار فيها طلعت من المطعم على طول للبيت وماحصلت أحد
راحت لغرفتها بكت وبكت وبكت لما جاها النوم

صحت على صوت جوالها (نوره يتصل بك)
فزت الهنوف : نوره فيك شي
نوره: لامافيني , وينك يالله تعالي
الهنوف : يالله بس أغير وأجيك
نوره : لاتتأخرين
الهنوف : طيب طيب

الهنوف راحت تغير ملابسها وراحت للمستشفى لاختها
وصلت الهنوف للمستشفى
الهنوف وقفت بعصبيه : مستحيل يانوره انتي وش تقولين
نوره بتعب : الهنوف مافيه أحد بيتحمل عيالي غيرك أنتي عارفه أنهم يحبونك
الهنوف : ماعليه بس ألا أتزوج خالد مستحيل
نوره: الهنوف لاتعاسريني مافيني حيل لك , الهنوف خالتي من ألحين تتكلم تبي تزوج خالد لبنت خاله وبنت خاله اعرفها شرانيه وعيالي ماراح يحبونها كثرك
الهنوف : مستحيل مستحيل (ياربي يانوره ليتك قدمتي شوي ليتك كلمتيني أمس مو اليوم مو بعد مارماني عبدالإله الرميه هاذي اللي ماأتمناها لعدو ولا صديق)طيب نوره خليه يتزوج عادي وحطي عيالك عندي صدقيني أكرس حياتي لهم
نوره: اوووف يالهنوف لاتشيبين بقلبي , تكفين أوعديني تاخذينه هاذي وصيتي
الهنوف ساكته مو قادره تتكلم
نوره: هاه الهنوف فكري في عيالي تكفين (وبكت )
الهنوف قامت وضمت أختها
نوره انبسطت خلصت من الهنوف بقى خالد
طلعت الهنوف من عند أختها ووقفت عبد الباب تطالع أختها اللي تمسح دموعها مدري ليش تحس أنها أخر مره تشوفها وأنطلقت لها وحضنتها بأقوى ماعندها
نوره : الله يخليك لي , الهنوف لا طلعتي أنزلي بتلقين خالد في الكافي خليه يجيني
الهنوف: طيب

نزلت الهنوف ولقته فعلا في الكافي منزل راسه ومهموم
الهنوف : ابو حلا
خالد: هلا الهنوف وقام بسرعه نوره فيها شي
الهنوف: لامافيها شي بس تبيك
خالد : اووهـ طيحتي قلبي يالله بروح لها

راح خالد والهنوف جلست تحت وتفكر ياربي وش أسوي لاخذته بعيش بغرفه واهو بغرفه ماراح أخليه يجيني لآنه أن جاني بنفضح بس وش قصد عبدالإله أنا والله ماسويت له شي وش قصده براجعي نفسك ..

خالد : نوره أنتي بعقلك
نوره : ايه ايه بعقلي , امك من الحين واهي تدور لك عروس وانا ريحت امك واخترت لك العروس
خالد بصوت عالي : تختارين لي أختك
نوره: مافيه احد يحب عيالي كثرها
خالد : نوره اسمعيني
نوره: انت اللي أسمعني خالد أنت بتاخذ أختي بتاخذها
خالد سكت موقادر يتكلم
نوره: حط لآختي أحسن عرس وقدم لها اغلى شبكه وبيع البيت اللي ساكنين فيه واشتر ثاني لها اثثه احسن أثاث لاتحسس أختي أنك تزوجتها عشان عيالي , سمعتني ياخالد
خالد: ايه سمعتك
نوره: اوعدني انك تاخذ أختي
خالد :اوعدك خلاص ريحي نفسك
نوره: خالد ابي عيالي
خالد: من عيوني بروح أجيبهم لك ألحين
نوره: الله يخليك لهم
خالد : ويخليك لي
نوره: ماضنيت
خالد هز راسه بيأس وطلع من المستشفى يجيب حلا وماجد

بيت تركي
شوق نايمه بغرفتها
شوق: نــ ....... نو ره نوره لاتروحين نوره لااااااااااا لااااااااااااااا
قامت واهي تصيح جاء تركي يركض لها
تركي : شوق شوق أصحي أنتي حلمانه
شوق: مو حلم والله مو حلم نوره راحت كنت أناديها ومطنشتني ياتركي
تركي : لاحول ولا قوة إلا بالله أذكري الله يابنت الحلال أذكري الله
شوق: لا إله إلا الله - لا إله إلا الله
تركي يفرك عيونه : وش اللي يريحك ألحين
شوق: عادي نروح لها
تركي بأستغراب : ألحين , شوق الساعه 9 الصبح
شوق: عادي يالله قوم ألبس
تركي : الشكوى لله يالله قومي
قامت شوق بسرعه ولبست عباتها عالبجامه وراحوا المستشفى وقلبها مقبوض (اللهم لا أسألك رد القضاء ولكن إسألك اللطف فيه)

خالد جاب خلا وماجد
وصعد بهم للدور اللي فيه نوره راح لغرفتها لقى السرير فاضي
حلا : بابا وين ماما
خالد : هاه حبيبتي يمكن حطوها بغرفه ثانيه
وراح ركض لدكتور :خالد وينك
خالد واهو يتنفس بسرعه: رحت اجيب عيالي أمهم تبي تشوفهم
الدكتور نزل راسه: ياخالد أنت مؤمن بالله عز وجل
خالد مو مصدق: توفت
الدكتور هز راسه : حاولنا نسعفها بس ربك ماكتب لها انها تعيش
خالد : مستحيل
حلا بكت : بابا , ماما ماتت زي أم ريمي (المسلسل تذكرونه ذكريات سبيس تون)
خالد تقطع قلبه على عياله حضنهم وصار يبكي وبكى كل اللي موجودين بالمستشفى لآن شكلهم بجد كان يبكي

جت شوق وتركي وشافت خالد وعياله يبكون
شوق مسكت قلبها : شفت كنت حاسه وربي كنت حاسه
تركي: إنا لله وإنا إليه راجعون , لاحول ولا قوة إلا بالله ,, ماحس ألا بثقل شوق يجي عليها

تركي صرخ وجاه الدكتور والممرضات وشالوا شوق

بيت منصور
أم سامي واهي تفطر شرقت
الهنوف : بسم الله عليك يمه
أم سامي : بنتي فيها شي
ابو سامي تعوذي من أبليس يامره
أم سامي بكت : بنتي متأكده فيها شي

ورن التلفون
نزل بدر : يمه يبه ورى ماتردون
أم سامي : مدري وانا امك خايفه : ياخوك ياختك
بدر :تعوذوا من أبليس , أنا برد
بدر / ألو السلام عليكم
خالد/ بدر نوره توفت نوره راحت
بدر:متأكد
خالد: ايه متأكد خلي خالي يجي أنا مو عارف أتصرف
بدر : طيب طيب شوي ونجي

سكر بدر التلفون وطالعهم رحم أمه اللي موقادر توقف
بدر تقدم عن أبوه: يبه
أبو سامي : تكلم وانا ابوك وش صاير
بدريحاول يمسك عبرته : نوره نوره تطلبكم الحل
الهنوف حطت يدها على فمها : لاااااااااااااااااااااااا ااااااااا
ام سامي : ياحسافة شبابك يابنتي
أبو سامي يحاول يتمالك نفسه : لاحول ولاقوة ألا بالله , إنا لله وإنا إليه راجعون


الكل عرف بالخبر (مثل مايقولون اسرع خبر يوصل للناس خبر الموت وخبر العرس )

شوق تحاول تفتح عيونها وجنبها تركي
شوق: تركي
تركي : ياعيونه
شوق ابتسمت : تصدق حلمت حلم غريب , حلمت أنا بمستشفى وخالد كان يبكي وانا كان أحد جاء وطفا االنور بعيوني اوووووهـ كان حلم مرعب
رفعت يدها تبي تحك عيونها ولاحظت أن يدها في المغذي وطالعت تركي اللي كان يطالعها
شوق بصوت مبحوح: يعني صدق
تركي هز راسه
شوق:يعني نوره راحت , ماعاد فيه نوره
تركي : شوق أذكري الله وافرحي لها خالد يقول أنا مبتسمه إن شاء الله مكانتها عند الله كبيره
شوق كانت تبكي زي المجنونه جات الممرضه وعطتها مهدئ ونامت ....

العزا صار في بيت الجد
الكل كان يبكي لآن نوره حبيبة الكل
لمى : شوق بسك بكى تراك تعذبينها بقبرها , ادعي لها بالرحمه
شوق تبكي

الهنوف كانت تبكي في غرفتها
موعارفه وش مصيرها اهي وخالد وخايفه أنه إذا تزوجها يكشفها انها مو بنت ..

الهنوف : يارب الهمني الصبر يارب


طلع من المطار مبسوط اخيرا جيتك ياديرتي لو ألف وأدور ماألقى مثل السعوديه فديتك وفديت ترابك
وقف له تاكسي
...: لو سمحت أخوي روح للحي الفلاني
راعي التاكسي : ابشر

وصل للبيت المقصود وشاف سيارات كثيره -خير اللهم أجعله خير –
....: تفضل اخوي
راعي التاكسي : مشكور

نزل من السياره وتوجه للبيت شاف العالم منتشره في الحديقه وش السالفه حاول يجمع مو قادر اهو عارف ان فيه احد متوفي بس يبي يكذب الخبر دخل لمجلس الرجال

......: السلاام عليكم

الكل وقف مصدوم ......؟

انتهى البارت ...

يارب يعجبكم ....

[لامارا]

part >9<

نزل من السياره وتوجه للبيت شاف العالم منتشره في الحديقه وش السالفه حاول يجمع مو قادر اهو عارف ان فيه احد متوفي بس يبي يكذب الخبر دخل لمجلس الرجال

......: السلاام عليكم

الكل وقف مصدوم

أبو سامي وقف وتقدم لولده : هلا هلا بولدي
سامي (ذكرتوه اللي يدرس برا ): هلا فيك , يبه شصاير
أبو سامي مسك ولده : تعالي يابوك ريح بعدين نقولك
سامي سحب يده : بتقول لي ولا شلون
أبو سامي نزل راسه : نوره أختك تطلبك الحل

يالله راحت راحت الأخت الحنونه اللي موقفه معه بكل شي

سامي بعيون غرقانه : يبه , متى وكيف وليش ماقلتوا لي ؟.... ,يعني لو ماجيتكم مفاجأه كان مادريت
أبو سامي :أعذرنا يابوك مرض أختك عمى عيونا
سامي طلعت عيونه : وبعد توفت تعبانه , يعني عانت وانا موموجود وماسندتها , عانت أنا مو معها
أبو سامي يهديه: معها ربها , وبعدين أهي ماطول المرض فيها لآنه مكتشفينه متأخر
سامي بهمس : سرطان
أبو سامي هز راسه
سامي : لاحول ولا قوة إلا بالله

عند الحريم
أم سامي تبكي : جيبوا لي ولدي ,جيبوه
أم محمد: ياأم سامي ولدك ببريطانيا يدرس تبينه يقطع دراسته ويجيك
أم سامي: ولدي حساس لادرى أنا ماعلمناه عن أخته بيزعل
أم محمد دق جوالها
أم محمد : هلا يمه
سعود : يمه , بلغوا مرت عمي منصور ترى سامي جاء
أم محمد: من اللي قاله ؟
سعود: محد , جاي على أساس بيسوي مفاجأهـ صار أنا اللي فاجأناهـ
أم محمد: ايه الحمدلله على سلامته
سعود: يمه نادي مرت عمي يبي يشوفها سامي
أم محمد: إن شاء الله

أم محمد ألتفتت لآم سامي اللي سرحانه
أم محمد: الحمدلله على سلامة سامي
أم سامي صحت من سرحانها : سامي
أم محمد ابتسمت : ايه ابشرك جا والحين يبي يشوفك

قامت أم سامي بسرعه وراحت عند المغاسل ولقت ولدها يبكي
سامي : يمه
أم سامي : ولدي, ياخلف امي وابوي (ضمته وجلست تشمه )
سامي بعتب : يمه ليش ماعلمتوني
أم سامي : وانا أمك مابغينا نخرب عليك دراستك
سامي: يمه هاذي أختي مو أي احد هاذي نوره

الهنوف بصوت عالي: سااااامي
سامي يضحك من بين دموعه : تعالي يادوبه
الهنوف راحت بسرعه وحضنته: سامي راحت نوره راااااحت وبكت

سامي بكى معها

فوق في غرفة نوره
شوق كانت جالسه ع السرير وتبكي
لمى : وبعدين ياشوق وبعدين
شوق : تدرين في المستشفى عطتني وصيتها , كأن قلبها حاس أنها ماراح تعيش لبكره
لمى : وصيتها
شوق: ايه
لمى :طيب قريتيها
شوق : لا كاتبه على الظرف أقريها عند الكل
لمى : الله يرحمها

شوق قامت :ابي أروح للحمام
لمى : انا بروح أجيب لي ولك غدا

طلعت لمى وشوق حاولت تركز نفسها تبي توقف عدل
دخلت الحمام وانتوا بكرامه ولما طلعت ماحست بنفسها واغمى عليها لآنها من امس ماكلت شي

دخلت تهاني الغرفه
تهاني صرخت : شوق , راحت عندها وصارت تضرب خدودها , شوق تكفين أصحي , ياربي وش أسوي
طلعت جوالها ودقت على تركي
تهاني : ألو
تركي : هلا تهاني مو فاضي لك
تهاني: تركي ألحقني شوق مغمى عليها وأحركها ماترد علي

تركي أرتعب وسكر السماعه
وقت عند الصاله : يااااولد (هالكلمه للي مايعرفها تنقال لاجاء رجال بيدخل على الحريم )
أم محمد: سم وانا خالتك بغيت شي
تركي وجهه مخطوف : خل الحريم يتغطون برقى فوق
أم محمد استغرب طلبه :إن شاء الله

تغطوا الحريم وتركي ركض لفوق استقلبته تهاني
تركي يسأل : صحت
تهاني: لاماصحت

فهده اللي حست باللي صاير ولحقت تركي : من اللي ماصحت
تهاني: شوق
فهده: شفيها
تهاني : مدري
تركي بعصبيه : خلوا عندكم السوالف اهي باي غرفه
تهاني: تعال أوديك
تركي وتهاني وفهده راحوا لشوق اللي على حالها

تركي شال شوق وحطها على السرير وصرخ: روحي جيبي مويه
تهاني راحت تصب لها مويه ورجعت
تركي بلل وجه شوق وبدت تصحى

شوق تحاول تفتح عيونها وجت عينها على تركي ولفت وشافت تهاني وفهدهـ
حاولت تقعد نفسها وحاول تركي يساعدها
شوق دفت يدهـ: بعد عني

يالله ياشوق حتى وانتي تعبانه موراضيه تحنين علي
لمى اللي عرفت ان شوق مغمى عليها ماصبرت لبست عباتها ودخلت عليهم بالغرفه
لمى: شواقه شفيك
شوق: مافيني شي هذاني صحيت
لمى : تركي ترى من أمس ماكلت شي يمكن عشان كذا اهي تعبت

تركي عارف لو يناقشها بتفشله قدامهم
تركي قام: اللي ياكل على ضرسه ينفع نفسه
وطلع وخلاهم شوق أستغربت أنه ماعصب عليها ولا بين لها خوفه عليها
لمى قرت اللي بعيون شوق : اوووش ولا كلمه ولا حرف
فهده: هو(علامه تعجب) لمى شفيك عليها
لمى: انا عارفه وش تبي تقول
فهده: منهي
لمى: شوق, أنا عارفه أنك بتقولين ليش ماسأل ليش ماكليت ليش ماأهتم , صح
شوق: أنا والـلــــه أأ....
لمى قاطعتها : اوص مافيه أحد يفهمك كثري و ومعه حق مايقول شي لآنه عارف أنه لاتكلم بتفشلينه
شوق: حرام عليك ماأفشل أنا
تهاني: معليش شوق كلنا لاحظنا لما جاء بيساعدك تقعدين قلتي لها بعد عني
فهده: وكلنا لاحضنا أن اخوي أنكسر

شوق نست أن اللي قدامها خواته وماراح يرضون عليه

تهاني بشك : انتي متأكده أنك مو حامل
فهده:ههههههههههه صدق لاقالوا الغشيم غشيم
تهاني بغباء : ليش
فهده: في وحده تحمل واهي ماتمت أسبوع
تهاني: مدري
فهده: ههههههههههههههههه
تهاني: الله تخيلوا أصير عمه
لمى : مايلوق
فهده: هههههههههههه يالله شوق نبيك تجيبين فصولي
شوق بدون نفس : طيب(والله ماتدرون اني أنا بغرفه واهو بغرفه )


خلص العزاء وانقشعت الغيمه على البيوت الحزينه
ووبقت المهمه الأصعب (الهنوف و خالد )

شوق ماسكه الوصيه بغرفتها
دخلت عليها سيمي : مدام شوق الغدا جاهز
شوق: تركي فيه ؟
سيمي ابتسمت : يس موجود ويسأل عنك
شوق : طيب يالله جايه

شوق قامت طالعت شكلها بالقميص القصير حق البيت نزلت شوق من الدرج

لقت تركي ينتظرها بصالة الطعام ومعه الجريده
شوق بهدوء : السلام عليكم
تركي يطالعها يشوف يحاول يقرا اللي بعيونها حس ان فيه شي شاغلها : عليكم السلام
قامت شوق مسكت صحن تركي : وش تبي احط لك
تركي : خلي الصحن وقولي لي شاللي شاغل بالك
شوق تحاول انها ماتطالعه: ولا شي
تركي : شوق , اعرفك انا ,يالله قولي وش فيك
شوق تركت صحن تركي وتنهدت : تركي , لما كنا عند نوره أخر مره (آحم آحم تحاول تهدي صوتها اللي بدا يرتجف ) عطتني وصيتها
تركي استغرب : وصيتها
شوق : ايه , وكاتبه على الظرف (تفتح بعد موتي والرجاء قرائتها عند الكل وتنفيذها بأسرع وقت لمصلحة أولادي )
تركي: وهذا اللي شاغل بالك
شوق: ايه
تركي طلع جواله
شوق : شبتسوي
تركي طنشها ودق على أمه
تركي : هلا يمه
أم تركي : هلا يمه حبيب قلبي شخبارك
تركي : يمه الله يهديك مو كني عند الصبح
أم تركي : انت لو تقفي على طول اشتاق لك وانا امك الله لا يحرمني منك ياسندي
تركي : جعلي ماذوق يومك يمه
أم تركي : سم
تركي : سم الله عدوك , يمه ابي الكل يجتمع في بيت أبوي محمد اليوم , يمه حتى زوج نوره الله يرحمه
ام تركي استغربت : خير يامك فيه شي
تركي : لا مافيه شي
أم تركي : ابشر وانا أمك
تركي : تسلمين , يالله مع السلامه

سكر تركي وطالع شوق : خلاص
شوق ابتسمت : ايه خلاص
تركي : يالله قومي حطي بصحني أكل
شوق ابتسمت : طيب

تركي يطالع شوق واهي تحط له سلطه (ياترى وش اللي بيجي بعد هدوئك ياشوق الله يستر منه )

شوق بعصبيه : شفيك تطالعني
تركي نقز : بسم الله علي
شوق : شفيك شايف جني
تركي طنشها وخذا الصحن منها وجلس ياكل
وشوق كلت لقمتين : انسدت نفسي
تركي : وقفي
شوق حطت يدها على خصرها : يانعم
تركي بأمر : أجلسي وكلي واستديمي النعمه
شوق: مالي نفس
تركي : ماشاء الله , مدام مالك نفس ليش نزلتي بالبدايه
شوق: لأني عارفه لو ماأنزل بتصعد وبتلزم علي
تركي ضحك ضحكه نرفزت شوق: والله حاطه لنفسك علم وخبر , لدرجه واثقه أني بصعد لك وبقول أنزلي تغدي عمرك ماتغديتي ومثل ماقلت لك من قبل اللي ياكل على ضرسه ينفع نفسه , ومدام ماتبين تاكلين يالله طسي عن وجهي خليني اتهنى بأكلي
شوق: أنت أنسان بليد وماتحس و ...
تركي قاطعها : الله أرحمينا يام الأحساس ياللي كلك احساسيس
شوق موقفه تطالعه
تركي : خير مو أنا قايل مدامك ماتبين تاكلين , طسي عن وجهي خليني اتهنى بأكلي
شوق مو مصدقه أن اللي قدامها تركي : سيمي
سيمي جت : يس مدام
شوق : حطي لي أكل بغرفتي
سيمي طالعت تركي لآنه مانع الأكل بالغرف
شوق بعصبيه : سيمي وش وقفك
سيمي تستئذن من تركي: مستر تركي
تركي : اللي يبي ياكل ياكل تحت مو فوق
شوق: اووووف وش هالعيشه يارب
تركي قام من على الطاوله وقف جنبها : هو انتي شفتي شي
شوق بهمس سمعه تركي : أكرهك (وقفت على أساس أن تركي راح واهي بتصعد فوق )
تركي طالع سيمي وسيمي قبت ماتشوف ألا غبارها
ولحق شوق
شوق لما شافته وراها ماهتمت دخلت لغرفتها وسكرت الباب وأهو فتح بقوه لدرجة أنه صقع بالجدار بقوه شوق صرخت
شوق: خير إن شاء الله
تركي هجم عليها ويهددها : ان سمعت كلمة أكرهك مره ثانيه عرفت أتفاهم معك فاهمه
شوق كتفت يديها: وش راح تسوي
تركي: شوق , لا تستفزيني
شوق: وإذا استفزيتك وش راح تسوي
تركي : شوق
شوق بطفش : خير
تركي : تعوذي من أبليس
شوق ببتسامه تقهر : تركي تكفى أبي أشوف وش بتسوي
تركي صار يتنفس بسرعه
شوق: ياااي حمش حمش
تركي استفزته ووصل الأنبير عنده وراح لها واهي للحين موقف ومكتفه يديها مسكها من كتوفها بقوه لدرجه تحس الدم راح يطلع منها
تركي/ اسمعيني يابنت أبوك , لاتفكرين بتصرفك هذا راح تكرهيني فيك
شوق ابتسمت وبطريقه تنرفز: اووووه , ياتركي تحبني
تركي وقف يطالع عيونها (ألا أموت فيك )
شوق راحت الأبتسامه : وانا أكرهك أكرهك كره العمى
تركي فقد أعصابه ورماها بقوة لدرجة دق خصرها بطرف السرير وطاحت ع الأرض بقوه وطلع وخلاها
ونزل من الدرج بسرعه وقابلته سيمي
تركي : سيمي شوق فوق تعبانه لحد يصعد لها
سيمي: اوك مستر تركي

تركي طلع راح لأوخوياه وسيمي كملت تنظيف الطاوله بعد الغدا وشوق فقدت الوعي لآن الطيحه كانت قويه



في بيت ابو سامي بعد الغدا جالسين يتقهوون
سامي : يمه
أم سامي : هلا يمه
سامي : يمه أنتي ملاحظه أن الهنوف متغيره
أم سامي : ايه والله
سامي: ماحاولتي تسألينها وش السالفه
أم سامي : ماسألتها لأني عارفه ليش
سامي: يمه فيه شي أنا مااعرفه
أم سامي : لا وانا امك يمكن عشان وفاة أختها
سامي/ يمكن


الهنوف يغرفتها تحاول تتصل على عبدالإله في النهايه رد عليها
عبدالإله: خير خير وش تبين
الهنوف : عبدالإله الله يخليك تكفى تعال طلعني من هالورطه
عبدالإله: لايكون حامل
الهنوف : لا , بس تكفى أختي قبل تتوفى قالت لي تزوجي زوجي عشان عيالي
عبدالإله: طيب يعني أنا وش أسوي لك
الهنوف بكت : عبدالإله
عبدالإله: عشان تعرفين يابنت العز كيف تخربين علاقتي بــ نوران
الهنوف: مين نوران ؟
عبدالإله: بعد تستعبطين علي
الهنوف : عبدالإله الله يخليك والله ماعرف منهي نوران
عبدالإله: نوران اللي حبيتها من قلب ورحتي أنتي خربتي علاقتي معها
الهنوف : والله ماعرفها
عبدالإله: اهي قايله أنك أنتي اللي قلتي لها
الهنوف : والله ماقلت لها يمكن وحده غيري أو يمكن اهي تبي تفتك منك وحطتها فيني وطلعت هالكلام
عبدالإله سكت
عبدالإله: المهم أنتي شتبين ألحين
الهنوف صارت تبكي بصوت : الله ينتقم لي منك , حسبي الله ونعم الوكيل فيك
عبدالإله يخاف من الدعاوي وقفل الخط بوجهها

الهنوف حاولت توصل لهاذي نوران واتصلت فيها
الهنوف / الو نوران
نوران : ايوه مين معي
الهنوف: أنا الهنوف
نوران سكتت
الهنوف: أنتي موصله كلام لعـ عبدالإله على لساني
نوران بوقاحه : ايه
الهنوف: حسبي الله ونعم الوكيل فيكم تدرين وش صار فيني أنا
نوران : يعني وش صار لك يعني
الهنوف: فقدت عذريتي راح شرفي وألحين أنا لازم أتزوج زوج أختي غصب هاذي وصية أختي
نوران : دبري روحك يالله باي

قفلت نوران الخط بوجه الهنوف اللي بكت لما تقطع قلبها
طق طق طق
الهنوف مسحت دموعها : ايه تفضل
أم سامي : الهنوف أبوك محمد طالبنا في بيته
الهنوف " طيب ألبس وأنزل
أم سامي : يالله لا تتأخرين
الهنوف : لا ماراح أتأخر
أم سامي طلعت من الغرفه والهنوف مسحت دموعها وقامت للحمام تتحمم


في بيت تركي
شوق فتحت عيونها : آآهـ ياراسي ياربي وش صاير
حاولت تتذكر حسبي الله عليك ياتركي انتبهت لجوالها مولعه لمبته لقته لمى راسله لها مسج(وينك يالمصفوقه الكل وصل )
وصل وين وصل له حاولت تتذكر اوووووه اليوم مجتمعين عشان الوصيه
راحت للحمام تتحمم وطلعت ونشفت شعرها ولبست جلابيه وحطت كحل داخلي وقلوس وخذت الوصيه وحطتها بشنطتها وطلعت من الغرفه

تركي وصل للبيت ودخل شاف شوق وجهها تعبان وحس بتأنيب الضمير وده يسألها عن وضعها إن كانها تبي المستشفى بس عارف أنها بتاكله بلسانها

شوق: بتوديني ولا أروح مشي (لأن البيت جنب البيت )
تركي : لا لا أمشي أوصلك

دخل تركي وشوق لبيت الجد
ابو محمد : وينك ياتركي جمعتنا وابطيت
أبو محمد يطالع شوق : أكيد شوق أخرتك
شوق(ياعجلك علي يابوي)
تركي : لا والله أنا اللي تأخرت عليها
راح تركي جلس وجلست جنبه شوق والكل ساكت كل العائله مجتمعه من شايب وشاب وفتاة وطفل كلهم

الكل ينتظر أحد منهم يتكلم
ابو محمد: هاه ياتركي جمعتنا عشان وشو
تركي طالع شوق يعني تكلمي
شوق : احم احم جمعتنا اليوم كلها عشان نوره الله يرحمها
أم سامي بكت
الكل : الله يرحمها
شوق حاولت تتماسك: اهي قبل تتوفى احم عطتني وصيتها
ابو سامي : وصيتها
خالد اسود وجهه (الله يرحمك كنتي عنيده حيل )على باله بيضل الامر سر بينه وبين نوره وبين الهنوف ماحد راح يدري عنه
ابو عبدالله " طيب يابوك أقريها علينا

شوق طقتها الرجفه وطلعت الظرف من الشنطه وفتحت الظرف وطلعت الوصيه ولما فتحت الورقه وشافت حط نوره حطت يجها على فمها وأرتجفت تركي خذا منها الورقه
تركي بهمس : تبين اقراها أنا
شوق هزت راسها

(السلام عليكم ورحمة الله وبركاته
أهلي الأعزاء
بنات عمي اللي أموت فيكم ,, لما تقرون هاالوصيه تأكدوا اني رحلت عن الدنيا الفانيه وانا عانيت بعد مرض هد حيلي بفتره قصيره ومحد كان حاس بوجعي غير زوجي خالد ,خالد أنت أعظم زوج قابلته بحياتي وقفت معي على الحلوه والمره , ساندتني , وربينا أنا وياك أحلى اثنين (حلا وماجد) خالد لاتفكر اني رحت عن الدنيا يعني بترتاح من الوصيه ,,وصيتي أن خالد يتزوج أختي الهنوف عشان عيالي ولأني ما أضمن وحده غريبه على عيالي يمكن ماتحبهم وتوريهم الويل من بعدي .
أبوي محمد أبوي منصور ابوي عبدالله ابوي عبدالكريم(ابو لمى) أحبكم الناس عندها ابو واحد أنا عندي أربعه
حللوني وبيحوني
يمه لاتبكين على شاني مو أنتي كنتي دايم تقولين ان الموت راحه لبني آدم من شقى الدنيا ومشاكلها وانا الموت كان راحه لي من المرض اللي قطعني تقطيع
وصيتي عيالي الهنوف الله يخليك تحملي دلع حلا تراها والله تحبك بس اهي تحب تطفرك ومجودي ياعمري صغير رحت وخليته بس يالله أنتو عنده تكفون وتووفون الهنوف ترى خالد والله حبوب لاتخافين ماراح تعيشين على ذكراي أنا قلت له يغير البيت ويحط لك أحسن عرس ويقدم لك أحسن شبكه ماراح تقلين عن باقي البنات أختي واعرفك وحلفتكم بالله لاتلغون زواج تهاني ومحمد خلوه بموعده مابي اخرب فرحة أحد

الله يخليكم ..
عيالي ثم عيالي ثم عيالي
والصلاة والسلام على اشرف الأنبياء محمد صلى الله عليه وسلم )

تركي قفل الورقه ومسح دموعه
ورفع راسه لقى الكل كان يبكي وخالد مو موجود

الجد: الوصيه لازم تتنفذ أصبروا شهرين بس وخلوا زواجهم بعد تهاني ومحمد
ابو سامي : ابشر يبه

الجو في المجلس خيم عليه الحزن وشوق متقطع قلبها من البكي وتركي كان يطالعها
تركي وهمس لها : ترى كل دمعه تنزلينها من عيونك تراها زي السكاكين بصدري
شوق طالعته بقهر وقامت وخلته وراحت عند البنات


بالحديقه..
محمد: يابنت حلال
تهاني قاطعته واهي تبكي: مستحيل محمد مستحيل نتزوج ونحط عرس ودنيا وبنت خالي توها متوفيه
محمد حن قلبه : طيب تهاني اهي وصيتها ان العرس يكون بموعده
تهاني تبكي : ياربي
محمد: طيب تبين نبعده أربع شهور
تهاني تفكر : أربع شهور
محمد: ايه
تهاني : أشوف
محمد: يالله حبيبي أمسحي دموعك ماحب أشوفك كذا
تهاني ابتسمت : طيب
محمد يمسك خدودها : وفديته ياناس
تهاني تتلفت : هيه هيه لحد يجي ويشوفنا
محمد: ياحياتي اللي يستحون
تهاني : محمااااااااد
محمد: هههههههههههه طيب طيب



بمجلس الحريم
لمى: شفيك قمتي كانك مقروصه من جنب تركي
شوق كشرت
لمى : لا لا هذا فيها سالفه
شوق:كريه كريه قسم بالله بالبيت كأنا توم وجيري
لمى ههههههههههههههههههههههههه هه
شوق: ايه أضحكي وش وراك
لمى تتلفت : ماوراي شي
شوق : هاهاهاهاها ظريفه
لمى : أقول شويقه
شوق : خير
لمى : شرايك بولد العم
شوق: مين ؟
لمى : سامي
شوق: ايييييييييييه طالع خقق
لمى : ماشاء الله , ترى يوم يروح كان صغير حيل وجلس 7 سنوات ورجع
شوق: وماشاء الله بالسنه ماياخذ ألا بريك واحد
لمى : ماشفتيه خلص بسرعه
شوق: أيه , اخو نهى صديقتي جلس 10 سنوات
لمى : شكله مقضي السنه بريكات
شوق مبتسمه : ايه والله

لمى بهمس : شوق , شوفي تركي معلق يطالعك
شوق: لآنه مسوي شي لايغتفر
(تراهم للحين جالسين مع بعض بعباياتهم الرجال بجهه والحريم بجهه )

لمى/ افاااا
شوق: ضربني الوصخ ودق خصري بطرف السرير وطحت ع الأرض واغمى علي
لمى مو مصدقه
شوق: شفيك مو مصدقتني
لمى : ألا بس , يعني , بصراحه أكيد مسويه شي يرفع ضغطه .
شوق ابتسمت : ايه
لمى : والله أني قايلته
شوق: ياختي أحس بمتعه مو طبيعيه لا رفعت ضغطه
لمى : ههههههههههه الله يعينه عليك
شوق: ماقلت لك
لمى . وشو
شوق: تركي جايب شغالتين زي العسل
لمى . حلو افتكي من الشغل
شوق:ايه والله , بس ياختي وحده منهم أسمها ليزا تناظرني بكرهـ ولا جاء تركي اهي اللي تستقبله ومهتمه فيه حيل
لمى : مالت عليك
شوق: ليه
لمى : يالخبله عينها على تركي
شوق: مستحيل
لمى : ليش مستحيل
شوق: مدري
لمى : هههههههههههههههه , المهم أنتبهي منها ولا تطلعين ألا وانتي مقفله غرفتك
شوق: يمه خوفتيني
لمى : والله مايندرى عنهم
شوق: الله يعين
لمى : آمين ويلين راسك
شوق تغير الموضوع :قرار نوره صدمه صح
لمى : لابالعكس كنت متوقعته
شوق: ياحياتي يالأم حتى واهي بتموت تفكر في عيالها
لمى : قلب الأم


دخلت ام تركي عليهم بالمجلس :يالله ياجماعه العشاء , يبه
الجد: سمي يابوك
أم تركي : ابوي ترى عشاكم في المجلس وانا بنتعشى في المقلط
الجد : زين يابوي اللي يريحكم


تعشوا وعينوا من الله خير ودق تركي على شوق وقالها يالله بنروح وطبعا تهاوشوا وفي النهايه راحوا هههههههههههههه

تركي بداومه
بندر: هههههههههههههههه والله سويتها واعرست
تركي : ايه , بس وينك وراك ماحضرت ؟
بندر: والله يابن الحلال الشايب مو مثل أول
تركي حزن : افااا
بندر: والله خلكم عندي مابيكم تتحركون ويوم زواجك جايته جلطه خفيفه .
تركي: افاا يابندر كل هذا يصير لابوك ولا تقول لي
بندر: يابن الحلال انت معرس ولا هي بعروستك
تركي: حتى لو

دخل عليهم أسامه : السلاام عليكم
تركي/ هلا عليكم السلام
أسامه : حصلنا موقع عشان نتفق مع التاجر تحبون تطلعون عليه
تركي ألتفت لبندر: هاه نروح ؟
بندر: ايه يالله

راحوا الضباط يشوفون الموقع
تركي يناظر الموقع / والله مضبوط
بندر: متى العمليه ؟
أسامه : بعد أسبوع لأن التاجر مو موجود مسافر
تركي : بعد أسبوع , بعد أسبوع , الله معنا إن شاء الله
بندر: من مشارك فيها ؟
أسامه :الكل وانتوا مو معهم بس جهزوا انفسكم يمكن نحتاجكم
تركي وبندر : إن شاء الله ...



انتهى البارت :

يارب
يارب
يارب يعجبكم