صارت الطيبة نهايتها خضوع في زمن فيه الخطا مثل الصواب / للكاتبة ك / غ ـموض ، مكتملة

لامارا · 13-06-13, 07:35 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية صارت الطيبة نهايتها خضوع في زمن فيه الخطا مثل الصواب للكاتبة / ك / غ ـموض .. كلمة الكاتبة بســم الله الرحمــن الرحيم السلام عليك ورحمة الله وبركــاته روايـتي الأولى أضعها بين ايديكم لعلها تنـــال اعجابكم .. واتمنى اني الاقي تفاعل منكم (( لا احلل من ينسبهـــا لنفسه .. )) ك / غ ـموض ..

لامارا · 13-06-13, 03:43 PM

الجزء الأول ~

#

الا الهوى
ابعتذر عن كل شي .. الا الهوى
ماللهوى عندي عذر
ابعتذر عن كل شي .. الا الجراح
ماللجراح الا الصبر

#
وقف عند المرايا يلقي نظره آآخيره على شكله قبل يطلع .. وعلى وجهه ابتسامة اعجاب بالنفس ,,
شيخ الرجال اللي يشوف ابتسامته بس ..
:
يدوخ من جماله كل البنات يتمنونه وغير كل هالأشياء منصب ابوه الكبير..
تعطر وطلع من غرفته يمشي بكل ثقة
وشموخ لناحية الدرج وبطريقه صادف امه
:
ام رياض بابتسامه حلوه:هلا وغلا بولدي الغالي .. اشوفك متكشخ على وين طالع ان شاء الله ؟؟

مشاري : ااففف منك انتي .. كل ماشفتيني متكشخ وبطلع تسأليني وين بتروح ..ليه هاللقافه اللي فيك ؟؟

ام رياض تضايقت : أنا امك ومن حقي اعرف وين تروح ومن وين تجي يامشاري

مشاري :بس انتي عارفه اني ما اتقبل منك أي شي ..
لايكون نسيتي اللي سويتيه فيني قبل .. نسيتي هااه

ام رياض والدموع بعينها : انا مانسيت .. وتغيرت الحين علشانك وعلشان اخوانك
ليه مو راضي تسامحني وتنسى اللي صار ..
وهو من الماضي وماتقدر تغير فيه شي .. انا الحين تغيرت والله تغيرت

مشاري بصراخ وقهـر : انســــــــــــــى .. كيف وانتي بيدك ضيعتي حيااتي ومستقبلي
خليتيني مجــــــــــــرم وجايه بكل بسااطه تقولين انسى .. شلون تبيني انسى
وانتي حرمتيني من الأنسانه اللي أحبها .. علميني كيف انسى ؟

:
وطلع مسرع مايبي يسمع منها أي كلمه ثانيه كرها وكره صوتها مايقدر
يسامحها ركب سيارته وضرب الدركسون بقوه
مقهوور من امه وشغل السياره ومشى وطول الطريق سرحاان
يسترجع اخر لقاء له مع كاادي
:
(( كاادي والدموع بعينها : خلاص ... خلااص مابي اسمع منك شي يكفي انك
خدعتني طول هالسنين لعبت الدور صح يامشاري لعبته صح
مشاري بترجي :تكفين ياكادي اسمعيني لاتحكمين علي من غير ماتتأكدين اناماكنـ..
كادي قاطعته : حراامي .. يامشاري طلعت حرامي والله ماتوقعتها منك ..
ليه تسرق ناقصك شي انت محتااج شي علشان تسرق حسابك بالبنك مايقل عن 80 مليار ..
ابوك كل شهر يعطيك مبلغ وقدره .. أفخم السيارات
تركب ..أغلى الملابس تلبس .. شنو تبغى اكثر من اللي عندك ؟؟
مشاري : صدقيني كل مافي الموضـ....
قاطعته كادي للمره الثانيه : طلقني .. طلقني مابيك
مشاري بعدم تصديق : أطلقك !!
كادي ودها تقول لاتطلقني لكن هو جرحها : ايه طلقني
مشاري نزل نظره للأرض وقال : وانا ياكادي انا تتركيني ..أنا محتاج لك يالغاليه أرجوك
لاتتركيني
كادي : وانت سمعتني .. مابيك طلقني
مشاري بحسره : انتي ... انتي ... طاالق
مشاري تزوج كادي وهو بأول سنه بالكليه .. وكانت كادي بثالث ثانوي ..
صغار مايعرفون يصرفون عمرهم بهالحياه لذلك كان اغلب الأشياء
اللي تصير بحياتهم يتدخل فيها الكبار .. متفاهمين ويحبون بعض
وعاشوا مع بعض سنتين ونص .. الى أن ام رياض خربت حياة ولدها ..
وقالت لكادي عن حقيقة مشاري مع انها كانت عارفه ان ولدها ناوي يتوب ))
:
:
:
بمكان ثااني .. بنفس الوقت
وصلت السياره .. للقصر المطلوب .. ونزلت كادي تتمشى .. بدلع .. وتمايل خصرها
انفتح لهــا الباب واستقبلها الخادم واخذ منها العباية ..
وهي تسمع اصوات ضحك الرجال والبنات .. ابتسمت شكل الحفله صباحي
مشت بالممر وهي تتمخطر .. تميل خصرها بدلع .. شدت كل الأنظار لهـــا .. ووصلت لكنبه بوسط القاعه
جلست عليها وحطت رجل على رجل .. وهي تعلك
فصيل قرب وجلس بجنبها : هااه شكل القمر مروووق اليــوم
كادي بضحكه سمعها الكل .. بصوت ناعـــم وبدلعها الرباني اللي يذوب الجليد : عالآآآآآآآآآخر .. حبيبي
فيصل ضحك : ههههه دووم ..(قرب اكثر وحط يده اليمنى على كتفها واليسرى على خدها وهمس وهو يتأمل بوجهها) حراام عليك كل هالجمال تحرميني منه .. صار لي اسبوع ماشفتك .. وين اختفيتي؟؟
كادي بدلع ذوب فيصل : اممم بهالدنيا .. بس انت ياقلبي .. مشغول عني
فيصل وقف قبل يتهور .. ومسك يدها يوقفها معها :تعالي نجلس مع الشباب هناك
سعيد : اشوفك جايه لوحدك
كادي وهي تلعب بيد فيصل : ليــه تبغى اجيب معي احد ؟؟
سعيد : ههههههه كل الحلوات اللي هنا مايجون لوحدهم الا انتي .. جيبي لنا وحده قمر .. معك
كادي بدلع : خلاااص حبايبي .. بكرا اجيب لكم اختي
سعيد: اخااف انك تغيرين رايك
كادي سندت راسها على كتف فيصل ومسكت يدينه : مو كاادي اللي ترجع بكلامها .. صح فصووولي
فيصل داخ على دلعها : صح .. ياعيون فيصل ((تبغين تسحبين أختك الطاهره العفيفه لهالمكان الوصخ ..
اختك طول عمري اراقبها .. من عرفتك وانا كل يوم الحقها ياكادي ..
كيف وحده بصفائها ونقاوتها تكوني انتي اختها ..بس هين ياكادي ما اكون انا فيصل
اذا خليتك تسوين اللي براسك))
:
:
:
وبعد انتهاء السهره .. رجعت كادي للبيت وغيرت ملابسها
ونزلت تتمشى بالحديقه
تنهدت بقهر : لازم هالمشكله تنتهي بأسرع وقت ..آآه ياقلبي غلطه وحده صارت من زماان
وياليتها مني مصيبه مالي أي علاقه فيها ..وصرت انا الغلطانه
انا لازم انسى اللي صار واعيش حياتي ولازم كل اللي حولي
ينسون.. بس كيف ؟؟ ياااربي ليه كل ماسويت شي طلعت انا الغلطانه
يعني كل من حولي ملاك مايخطون؟؟
:
تعبت من التفكير بهالهموم كل يوم تزيد علي وانا ما احاول اتخلص منها .. ياارب ساعدني
ماحست بنفسها الا وهي صادمه اختها الصغيره
:
روح بدفاشه : اخخخ وجع ان شاء الله يا مفهيه انتي .. على هالطول والعرض اللي فيني .. ماشفتيني

كادي ابتسمت على دفاشة اختها : هههههه لا ماشفتك

روح نزلت راسها وحطت يدها على عيونها : اليوم بغيت انخطف

كادي : ههههههههههه .. يالجنيه .. تنخطفين انتي اضخم رجل بالعالم مايقدر يصيدك
علميني بالسالفه .. شلون كنتي بتنخطفين
روح نطت فوق الكرسي بحمااس وقامت تمثل : (بصوت مقهور ) امـــــــي اليوم قهرتني .. بالمجمع
اخترت تيشرت عجبني وابي اشتريه ..
قالت لي لا هذا للأولاد مايصلح تلبسينها انتي بنت .. الصراحه
قفلت معي .. عصبت (نزلت روح من الكرسي باتجاه الباب ) طلعت من المجمع بكبره ..
شفت سيارتنا واروح على طول واركب وانا معصبه حدي ..
لولا الخوف كان قلت للسواق يمشي
ونترك امي بروحها .. فجأه حسيت بحركه وراي .. ولفيت راسي اشوف مين ..
لقيت وحده متغطيه تقول انتتتتتتتي هييييييييييه.. تطردتني من السياره .. شي يحرج
هي تقول انزلي وانا اقول ليييييييييييييه ؟؟
وقتها استوعبت اني ركبت السياره الغلط ,, ونزلت اجمع مابقى من كرامتي

كاادي طاحت على الأرض من الضحك : ههههههههههههههههههههههههه هه حسبي الله على ابليسك
طلعتي انتي المفهيه موب انا
(كادي واختها .. روح .. واخوانها عبد العزيز و خالد .. الرباعي المرح ببيت ابوعبد العزيز ..
وطبعا ( روح ) هي بالمقدمه > مرجوجه عالآخر )
:
:

: آخخخخ .. شصار
انتبه مشاري لنفسه .. صدم له واحد وهو سرحان بالسواقه .. نزل على طول يكلم صاحب
السياره

: شفيك يارجال؟؟ سااعه ادق لك اشاره ومافهمتني

مشاري (( اففف ابتدينا )) : السموحه منك والله مانتبهت كنت سرحان ..
وانا مستعد الحين أدفع لك أي مبلغ تطلبه لتصليح السياره ..
بس طالبك لاتوصلها للشرطه .. بتصير السالفه
طوووويله وانا مستعجل ومضطر امشي .

الرجال باين عليه بطران ومو محتااج شي :لا مايحتااج .. ماصار شي توكل على الله

مشاري : مشكووور ياخوي مشكوور
: العفو ..
:
مشى مشاري لناحية سيارته وركب وكمل طريقه للمزرعه عند أصدقاءه ..
وأول ماوصل لهم استقبلوه ورحبوا فيه ترحيب حاار
:
مشاري بابتسامه : أشوفكم مرتاحين بمزرعتي تدخلون وتطلعون بكيفكم من غير ما تقولون لي ..

رد عليه زياد (( واحد من اصحابه )) :هههههه محد قالك تعطينا وجه

راكان :ايه والله .. وبعدين مزرعتك هذي اللي تذلنا فيها
بعيده عن الشبهاات محد يقدر يوصل لنا بسهوله

مشاري : ههههه والله ماتنعطون وجه قوموا الحين أنا طفشاااااان حدي ..
يلا نروح نسرق لنا شي ملينا من القعده

سلمان : أخااف ابوك يدري وبعدين نروح فيها .. أبوك عصبي

مشاري :لالا عاادي .. لايهمك وحتى لو عرف شنو بيسوي ؟؟

راكان : آخر مره هو طلعنا من السجن وتوعد فينا لو نكررها

زياد : والحين لو تمسكنا الشرطه مابيطلعنا .. لو نموت بمركز الشرطه

مشاري : هههههه انا فلذة كبده .. ولده الغالي مايستغني عني ابدا
يمووت من غيري .. انا ولده حبيب قلبه ..

سلمان : هههه الدلوووع ..عاارفين انك آخر العنقوود ماله داعي تتكبر علينا

زياد > أطيب وااحد بالشله : شباااب الحين ليه نسرق وكل شي عندنا مو محتااجين شي

مشااري ( آآه يازياد .. جبتها عالجرح .. انا نفسي مو عاارف ليه )
وقال يستهبل عليهم : حاااله نفسيه .. هههههه

راكان : هههههه تقدر تقول تضييع للوقت .. وحب لتخويف الناس
:
:
#

تعبت أنزف جراحي حبر و أدور للألم أسباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب

و أحد ما طال تجريحي و أحد عايش لزلاتي

#
:
:
بيـــــت ابو رياض
: بس يا يبـــــه انا ما افكر اني اتزوج الحين .. ماودي اتزوج يالغالي

بورياض بحنان : ياولدي أنا كبرت ومابقى بالعمر شي .. خاطري خاطري أشوف عيالك قبل أموت

رياض قام ومسك يد أبوه وباسها : الله يطول بعمرك يالغالي .. جعل يومي قبل يومك ان شاء الله

بورياض: فكر ياوليدي .. فكر لا تحرمني من شي اتمناه .. اخوك مشاري مامنه رجا ..
قطعت الأمل انه يتعدل هالولد

رياض : ان شاء الله يالغالي .. بصلي استخاره وبفكر .. والله يقدم اللي فيه الخير
ومشاري الله يهديه للطريق الصحيح .. هذا هو من يوم تركته زوجته وهو متبدل حاله
ما أشوفه بالبيت كل برى البيت

بورياض : أنا بمسكه أكلمه وأقنعه بالزواج .. يمكن يتصلح .. وازوجكم أثنينكم مع بعض

رياض : ان شاء الله .. (( الله يستر من هالزواج .. اخاف اتزوج وانفضح وانا موناقص
يكفي المصيبه اللي انا فيها ..
الله يخلصني منهاا .. ويمشي موضوع الزواج من غير ماتحس ..
تعيسة الحظ اللي يتاخذني .. من زين وجهي انا ))
قام رياض وراح لأخته رشا يستشيرها .. هي اللي بتعطيه الحل
:
:
:
بيت ابو ماجد
بغرفة .. روح
توها راجعه من بيت صديقتها .. يتابعون مباراة الهلال والاتحاد
:
روح : اليوم صارت مصيبه ببيت صديقتي

كادي ابتسمت عارفه ان في بلوى بالطريق : ههههههه اكيد.. تكلمي

روح : اليوم صديقتي.. عطتني بيبسي .. لزوم التسليه .. وقدامنا الحلويات والشيبس..
اخذته وابتدت المباراه واثناء المباراة اندمجت وعصبت وامسك البيبسي
واقعد اخض فيه واخض فيه .. احسبه عصير .. اندمجت عالآخر
لأني ما اشرب بيبسي.. والمشكله صديقتي بجنبي تطالعني ومستغربه شفيها ذي .. ترج البيبسي
واقوم افتحه .. ومادريت الا بوجه صديقيتي .. ملياان بيبسي ..
ووصل لشعرها وكل الدنيا صارت اسود بصراحه
موووووووووووقف صعب ..

كادي : ههههههههههه ههههههههه .... ههههههههههه هههههههههه ... آآه ياابطني ههههههه ههههه
ماتعرفيييييييييييين شي
وبعد صمــــت دام 5 دقائق

كادي رفعت راسها وفي عيونها الدموع : روح .. طلبتك

روح انصدمت .. توها تضحك والحين تبكي : عطيتك

كادي بكذب : انا متورطه بمصيبه كبيره ..وابغاك تساعديني .. هذي فيها فضيحه لعايلتنــــا

روح عدلت جلستها وحطت عيونها بعيون اختها : مصيييييبه .. شنو ؟؟؟؟ قولي

كاادي لفت وجهها وغمضت عيونها تمثل : وااحد ماسك علي فيديو

روح صرخت : فيــــديو .. ايييش ؟؟

كادي برجفه مصطنعه : .. فيديو .. فيديو افهمي انتي .. ( وقالت وهي تبكي )
النذل مصورني .. مصورني في وضع يسود الوجه

روح قامت واعطت اختها اقوى كف تقدر عليه ..وشدتها من شعرها
وصرخت : كيـــف وصل لك .. كيف ؟؟
كاادي بهمس وكلام مقطع : اناا .. اناا اللي رحت له برجليني .. انا .. انا كنت بنت ليل

روح رفست اختها عالأرض : الله ياخــــــذك .. فشلتيــــــــــــنا .. وانا اقول انك قدوتي ..
طلعتي رخييييييييييييصه رخيييصه ..
قوووووومي .. عطيني رقمه خلصيني
كادي بحذر: شنو بتسوين ؟؟
روح : انتي مالك علاقه .. عطيني رقمه واسمه وخلاااص
كادي : شووفي انا اقدر اسحبه .. قابليه وتكلمي معه
روح : اقول لا يكثر .. علميني باسمه ورقمه .. وكل شي تعرفينه عنه
و
:قالت كادي لأختها كل شي طبعاا بكذب وتمثيل ةبكي ..وعطتها رقم فيصل
ومسكت روح جوالها وقامت تتصل على فيصل وقالت لكادي تكلمه وتسحبه بالكلام
(من جهة فيصل رد وهو عارف ان ( روح ) تتصل عليه لأنه مسجل رقمها بجواله) : الوو
كادي بصياح: تهئ تهئ .. فيصل أرجوك .. أرجوك ارحمني تكفى لاتسوي لي فضيحه عند اهلي
وتخرب سمعة عايلتي
فيصل عرف الصوت واستغرب من كلامها لكن قال يجاريها بالكلام :ههههه ... أخرب سمعة عايلتك
الحين خفتي عليها .. ليه ماخفتي عليها قبل تبيعين نفسك لي .. ياللي ماتستحين على وجهك .. اسمعي
عندك خيارين ..مجبره على واحد منهم ..
كادي قاطعته : ماابي .. مابي
فيصل : اجل تحملي اللي بيحصل لك .. وسكر بوجهها
قالت روح بعد ما سكر : هههههه ويهدد بعد .. هين حسابه عندي
:
:
عند ابو رياض
: وتتوقع انه بيوافق على كلامك
بو رياض : مو بكيفه .. يوافق بالغصب
ام رياض : بس كذا يمكن نتسبب بمشكله بين مشاري ورياض
بو رياض : لا تخافين .. انا بكلم مشاري واقنعه .. ونفس الشي مع رياض
ام رياض : كيييييف .. انت نسيت ان مشاري للحين يبغى كادي .. وانت تبي تزوج رياض لكادي .. مايصير
بو رياض : مشاري مو بكيفه ولو هو للحين يبغاها .. كان تعدل وترك السرقه
ام رياض : اللي يريحك ..

:
:
:
بغرفة رياض
: قلبي انتي .. انا بجي الكويت هالاسبوع ونتفاهم على رواق
دانه وهي تبكي : تهئ .. تهئ .. شلووون تتزوج علي ريااض .. انا احبك
رياض : وانا اموووت فيج ياقلبي .. بس شنو بيدي اسويه ..؟؟؟
دانه : قول لأهلك انك متزوج وزوجتك عايشه بالكويت مع اهلها .. تهئ تهئ
رياض بتفكير : ياعمري خلاص .. لاتبكين قطعتي قلبي
دانه بترجي : لاتتزوج
رياض : خلاص قلت لج اني بجي للكويت ونتفاهم .. يلا روحي ارتاحي الحين
دانه : طيب .. باي
ريااض : بااي ..(( آآه ياراسي .. شنو بيصير لو قلت لأهلي اني متزوج بغير علمهم كويتيه .. ولا بعد حامل مني الحين
سترك ياارب .. ساعدني بهالمصيبه ))
:
:
:
نهاية الجزء الأول

لامارا · 13-06-13, 03:44 PM

الجزء الثاني ~
#

ما هو بيدي أكتم الدمعة و أنوح ...
هذا أنا اذا كتمت الهم عيوني تبوح

#
رجع مشاري من الكليه ودخل البيت وحصل امه تنتظر .. عبس بوجهه ماله خلق يشوفها
ام رياض بابتسامه : يا هلا والله بولدي الغالي .. روح غير ملابسك وتعال مافي احد يتغدى معي ..
ابوك بالشغل ..واخوك سافر للكويت.. وأختك مابعد ترجع من المعهد
مشاري رفع حواجبه : هيييه .. بشويش علي .. بسم الله الرحمن الرحيم توني داخل
ام رياض تضايقت من معاملة مشاري لها بهالطريقه كأنها وحده من الخدم وقالت
وعيونها بالأرض : مشاري انا تعبت
مشاري : احســــــن .. وبعدين شنو تبيني اسوي لك ؟؟ اتعبي على كيفك ..
هذا انا طول عمري اتعب كنتي ترفسيني لما اجيك .. اتعبي عادي مابتموتين ..
ومشى وخلاها واقفه بمكانها
وطلع لغرفة اخته رشا .. ودخل على طول .. فرصه رشا مو موجوده يقدر يسوي اللي بخاطره
وراح لدرجها وفتح الدرج الأول .. ماحصل شي ينفع للسرقه سكره ونزل للدرج الثاني وفتحه
: اووووه .. مادريت ان عندي ضيوف كان قلت للخدم يرتبون الغرفه
مشاري سكر الدرج : هههههههه مره ثانيه اقول لك علشان ترتبينهــا بصراحه
هالغرفه خراابه .. مايمدي اسرق شي
رشا : هههه يعني في مره ثانيه
مشاري : اكيييد .. اجل تبيني اقعد كذا لا شغل ولا مشغله
رشا : هههههه يمه منك ... اجل بقفل غرفتي
قطع عليهم صوت ابو رياض يصارخ : مشـــــــــــــــــاااااا اري ... رشــــــــاا
..رشـــــــــــــــــــــا ا .. مششششاري
مشاري عقد حواجبه باستغراب : بسم الله .. هذا ابوي اللي ينادي .. متى رجع ؟؟
رشا : أيــــه والله غريبه .. تعال نشوف
:
:
:
وصلت كادي للقصر ( المتنفس على قولتها ^_^) .. ودخلت كالعادة تتمخطر بمشيها وتجذب كل العيون لهـا
\من جمالهــا
سعيد استقبلها : هااه اشوف القمر لوحده
كادي مسكت يده ومشت معه وجلست عالكرسي وقالت بميــاعه :امممم .. اخليها لــك مفاجأه ..
نص ساعه ثم اوقف عند الباب
وشوف القمر الثاني اختي .. اتفقت معها كذا
سعيد بربكه من مسكة يدها الناعمه ليده: اقول يالخاينه اتركي يدي .. لايشوفنا فيصل ويذبحنا
كادي بعناد قامت وجلست بحضنه وراسها على صدره : عاادي مايهمني ..
سعيد : قومي هزي خصرك شوي وارقصي .. من زمان مارقصتي لنا
كاادي بابتسامه: اوكيييه .. واشرت لمنسق الأغاني يشغل لها اغنيه مصريه
وابتدت رقـــصها
------ بعد مرور نص ســـاعة ------
داهمـت الشرطه والهيئة القصر المشبوه .. اشخاص هربوا واشخاص انمسكوا
( فيصل .. كادي .. وكم شخص.. يراقبون الهيئه والشرطه من بعيد بحيث ان محد يشوفهم )
فيصل بقهر : افففففففف .. ثلاث سنين محد شك في القصر .. والحين داهموا وكأنهم عارفين اللي يصير داخل
الله يعين على ابوي .. بيفتح معي تحقيق .. القصر مو باسمي .. باسمه
كادي تفكر باختها روح.. يمكن وصلت للقصر ومسكوها : يــمكن احد من اللي يسهرون معنا ..انقهروا مننا
او عصبوا علينا وراحوا بلغوا
فيصل : لالا مايسوونها .. ثقه .. اقول بس قومي ارجعي لبيتك لايشوفونا هنا .. ونروح فيها
:
:
:
بالكـــويت
رياض وصل بيتـــه ودخل ماصار له الا ساعه
دانه مدت بوزها : ريااااض
رياض ووجهه بالمخده : همممممم
دانه : يلا حبي .. قوم انت جاي علشاني .. ولاعلشان تنام
رياض قام وتسند وغمض عيونه : تعبااان يادانه تعباان
دانه : سلااامت قلبك من التعب ياعمري .. جعله فيني ولا فيك .. شنو اللي متعبك ؟؟
رياض توه بيتكلم بس قاطعها صوت جواله وقال بتذمر : افففف .. من هاالي بيتصل الحين
دانه : يمكن اهلك يبغون يتطمنون عليك .. يشوفون وصلت ولا لا
رياض : لا انا ارسلت لهم رساله ..ماعليج امر عطيني الجوال
قامت دانه من مكانها واخذت الجوال واعطته
ريااض : غريبــه .. مشاري .. ورد عليه : هلاا مشاري
مشاري بصوح مبحوح وباين عليه التعب : هلا.. رياض كيفك؟؟
رياض : بـ خ ـير الله يسلمك .. عسى ماشر ليه صوتك كذا ؟؟
مشاري بتردد يخالطه الحزن والضيق : آآا .. رياض .. اأمم .. امي .. امي يارياض
رياض قام من مكانه : امـــــــــــــــــي !! شنو فيها ؟؟
مشاري مارد عليه : ..........................
رياض : الوووووووووو
مشاري : معك .. معك
رياض : امي شفيها يامشاري ؟؟
مشاري : امي منومه بالمستشفى
رياض : بالمستشفى .. ليه؟؟؟
مشاري : اليوم الظهر .. طاحت علينا .. ووديناها للمستشفى .. ودخلوها التنويم
رياض : ليه طيب .. توها الصباح زينه مافيها شي .. شنو قال لكم الدكتور
مشاري بضيق : رياااااض الله يخليك اللي فيني يكفيني .. تعال وتعرف من الدكتور نفسه انا ما اقدر اتكلم ..
مصيبه يارياض وطاحت فوقنا
رياض : طيب الحين اركب الطياره وارجع .. بس بأي مستشفى ؟؟
مشاري : مستشفى الـ.....
رياض : اوكييه مع السلامه
مشاري : مع السلامه
سكر رياض ومشى لغرفة التبديل .. ولحقته دانه والدموع بعيونها
: بتتركني مره ثانيه يارياض
رياض وهو يلبس بلوزته : ياقلبي .. سمعتي المكالمه كلها .. مجبور ارجع
دانه قربت له ومسكت يدينه الثنتين : أبي اروح معاك
رياض انصدم من طلبها : كيييييييف ؟
دانه : تكفى خذني معالك .. لاتتركني هنا ..كلها كم شهر على موعد ولادتي ..
ابغاك تكون بجنبي .. تكفى رياض تكفى
رياض : طيب .. طيب جهزي كل اللي تحتاجينه وبسسسسسسسسسرعه
:
:
بيت ابو عبد العزيز
غرفة كادي ..توها واصله .. ومسكتها روح تستجوبها
روح : هااه بشري .. شنو صار اليوم بقصركم القذر؟؟
كادي :هجمت علينا الهيئه
روح بابتسامه : حلووووو
كادي : شنو سويتي ؟؟ انتي اللي بلغتي
روح : لالا .. انا ( روح ) أكلم الهيئه والشرطه .. لالا مستحيل
كادي باستغراب : اجل ... كيف داهمونا
روح بابتسامه عذبه : كلمت احد معارفي .. وقلت لهم يتصرفون بطريقتهم .. وبكرا كل الفيدوهات تكون تحت رجليك
كادي : معارفك ؟؟ ميين
روح وهي عند الباب : مالك دخل
:
:
:
بعد 7 ساعات بالمستشفى
رياض وصل اخيرا وحصل اهله واقفين بالممر ووجوههم ماتبشر بالخير
رياض : السلام عليكم
الكل : وعليكم السلام ..
رياض : شصاير .. امي شفيها .. فجأه تطيح عليكم .. ليه ؟؟
ابو رياض وهو جالس عالكرسي : تعال ياولدي اجلس بجنبي
رياض تحرك من مكانه وجلس بجنب ابوه : علمني يبه .. لاتسكتون كذا تكلموا
ابورياض بضيق : امك.. عندها سرطان بالدماغ ..والمشكله اكتشفناه متأخر
:
:
:
بداخل غرفه ام رياض
مشاري بحزن : ارجوك يمه ..سامحيني
ام رياض بتعب : يامشاري .. انا متى زعلت عليك علشان اسامحك
مشاري وهو يبوس راس امه ويمسك يدها: والله اسف يالغاليه .. انا السبب في كل اللي انتي فيه
ام رياض : يمه مشاري ,, عندي طلب واحد ,, ودي انك تنفذه قبل موتي
مشاري : جعل يومي قبل يومك يالغاليه .. بسم الله عليك
ام رياض : شرايك ؟؟ تنفذه ولا اسكت
مشاري : آمري يمه
ام رياض : ابيك ........
مشاري برجفه ترك يده امه حس ان الدنيا سودا بعيونه .. مستحيييييل يمه لا
:
:
:
نهاية الجزء الثاني

لامارا · 13-06-13, 03:45 PM

الجزء الثالث ~
#

أنا ماني حلم عابر حلمته وتبغى تفسيره ..
أنا قصة حب ..
صابر على قلبك وتقصيره

#
بالمستشفى
مشاري : بس يا يمه طلبك حيييل صعب علي
ام رياض : عمري انت .. هذا رجاي الوحيد من هالدنيا ..
ودي انك تتزوجها قبل موتي .. انا تهمني مصلحتك
مشاري : بس يايمه ما اتوقع ان ( روح) بتوافق تتزوجني
ام رياض : انت ماعليك .. نسأل ونشوف رايها
مشاري وهو سرحان : اللي يريحك يالغاليه
ام رياض : الله يهديك ويرضا عليك دنيا وآخره
:
:
:
بعد ثلاث ايام
بيت ابو عبد العزيز
روح دخلت غرفة اختها من غير استئذان ورمت اشرطة ( سي دي ) على سريرها وطلعت من الغرفه
ونزلت للصاله تتفرج على التيلفيزيون ..
وبهالوقت كانت كادي توها طالعه من غرفة التبديل .. وراحت لسريرها
تشوف الأغراض المرميه عليه
وشافت الأشرطه .. مكتوب عليها اسمها ( كادي فهد الـ....) استغربت واخذتها
وشغلت الاب توب تشوف اللي بداخلها
:
:
:
تحت بالصاله
روح اندمجت مع الفيلم مع أن فاتها نص ساعه منه .. قطع عليها صوت رنين التليفون قالت بتذمر : افففففف من هاللي
فاضي يتصل بهالوقت
سمانثا جات وردت عالتلفون وبعدين تركت السماعه وقربت من روح وقالت : miss ro7 call for you
روح : والله مدري شتقولين انتي .. اشوف بس
وقامت روح تشوف مين اللي يتصل : الووو
عبد العزيز غير صوته : اهلييين حيااتي .. روح كيفك ؟؟
روح ماعرفت صوت اخوها وقالت بدفاشه : اففففف انا بخير .. من معي ؟؟
عبدالعزيز عدل صوته : روح .. شفيك ؟ .. انا عبدالعزيز اخوك
روح مالها خلق له : هلا .. تشرفت بمعرفتك استاذ عبد العزيز اخوك
عبدالعزيز بجديه : روح اتركي عنك الهبال .. وتعالي مكتب الوالد نبغاك بموضوع مهم لا تتأخري
روح باستغراب : انت وابوي !! عسى ماشر شالسالفه شنو تبون مني ؟
عبدالعزيز : اذا جيتي تعرفين .. بااي
روح :باي
سكرت السماعه وتحركت بسرعه باتجاه مكتب ابوها ودقت الباب ودخلت لما سمعت صوت ابوها يناديها
روح: السلام عليكم
عبد العزيز .. ابو عبدالعزيز : وعليكم السلام ورحمة الله وبركاته
روح : آمر يبـــه .. طلبتني
بو عبد العزيز : تعالي ياروح .. اجلسي بجنبي
روح راحت وجلست بجنبه : آمر يالغالي
بوعبد العزيز : ما يآآمر عليك عدو .. انا بتكلم ومن دون مقدمات وياليت تسمعيني للأـخر ومن غير مقاطعه
روح بقلق ( الله يستر ) : تفضل
بو عبد العزيز : بورياض كلمني من يومين .. وخطبك لولده مشاري .. وانا تشاورت مع امك واخوك عبدالعزيز
وماعندنا مانع .. خصوصا ان مشاري رجال والنعم فيه .. افعاله تشهد له ( ايه واضح ^_^) والكل يمدح فيه .. وانا عمه
واعرفه اكثر من هالناس .. وعمري ماراح القى واحد يصونك ويحميك اكثر منه .. وولد عمك اولى من الغريب فيك

روح تجمت في مكانها حست ان اطرافها وتفكيرها انشلوا ..
بوعبدالعزيز انتضرها .. ما استعجلها بالرد .. خصوصا بعد مالاحظ علامات الصدمه على وجهها
_______ بعد صمت دام ربع ساعه _______
روح : كادي يايبه .. كادي
بوعبد العزيز : كادي شفيها .. ما اتوقع انها تعارض .. هي مالها حق تتدخل هي اللي تركت مشاري .. ومن غير \
مانعرف السبب .. يعني ماتبيه .. واكيد بتفرح لك لما تعرف .. هي ناسيته من زمان
روح بحيره: مدري يبه ,.. هي اختي وبكذا انا اخونها
اخاف تزعل مني .. ارجوك لاتزوجني اياه انا ما ابغاه
بوعبد العزيز : تخونيها ... ليه .. سارقه شي من اغراضها .. ؟؟ مشاري فرصه وماتتعوض
فكري ياروح .. لاتخسرينه
روح قامت من مكانها : حااضر يبه .. عن اذنك
وطلعت مسرعه لغرفة اختها
:
:
:
#
صارت الطيبة نهايتها خضوع
في زمن فيه الخطا مثل الصواب
#
:
:
:
عند كادي
كانت حالتها حاله .. تشوف المقاطع بصدمه وهي مو مصدقه ان اللي بالمقطع هي
مو معقوله .. فيصل مصورها جد !! لالا مستحيل هو طالب انه يتزوجها .. معقوله يطلع مثل هالشباب
الكذابين اللي يلعبون عالبنات
في هاللحضه دخلت روح وطاحت عينها على المقطع اللي تتفرج عليه كادي ونزلت عيونها بالأرض على طول
وقالت باضظراب يخالطه خجل : يامال بورمح .. سكريه .. ووجع
كادي انتبهت وسكرته : شنو تبين ؟؟
وقالت بدون مقدمات : مشاري خطبني ( هههههه ماشاء الله عليك ترمين متفجرات مو كلام ^_^)
كادي بابتسامه بتصنع : اووووه .. وناااسه .. بيصير عندنا عرس
روح عبست : وانتي هذا اللي يهمك
كادي بتصنع : ههههه اكيد ياعمري .. اجل شنو اللي يهمني
روح : اني اخذ مشاري
كادي بكذب : ههههه لا ياحلووه .. انا نسيته من زمان
روح ارتاحت شوي : طيب ممكن اعرف سبب طلاقكم
كادي بكذب (( تكفييييين لا توافقين )) : ماحبينـــا بعض .. ما قدرت اكسبه لصفي .. دام نتهاوش
روح باستغراب : بس كذا
كادي : ايوه .. وانا متأكده انك بتخلينه يحبك .. وتكسبينه
فكري .. مشاري .. كل البنات يتمنونه
روح : طيب .. طيب ( وطلعت )
كادي طمرت على طول لجوالها تكلم فيصل تبي تعرف السالفه .. ليه يصورها
فيصل : هلا كادي
كادي دخلت بالموضوع على طول : وصلتني .. الأشرطه اليوم .. ليه مصورني يافيصل ليه .؟؟
فيصل عرف قصدها وقال بعذوبه : ههههههه ياعمري .. انتي علشان اتأكد انك ماتروحين لواحدغيري
كادي ذابت من سمعت صوته ولكن قالق تكابر : انت نذل
فيصل : ههههههه شكرا ..
كادي : فصووولي حبيبي .. مستحيل يفضحني
فيصل بكذب هو مايكلمها الا علشان يسحب اخبار اختها بعدين .. يفضحها : اكيييد ياعمري..
الا شخبار اختك ؟؟ ما شفناها .. وانتي وعدتينا
كادي نست سالفة الأشرطه وانه مصورها تثق فيه ثقه عميــاء (وهالشي غلط واصلا المفروض ماترخص نفسها لولد مايستاهل ظفرها) وقالت بقهر : تخييييييييييل ..انها بتتزوج مشاري.. طليقي
فيصل بصدمه : كييييف؟؟
كادي بقهر : خطبها .. واكيييد انها بتوافق عليه
فيصل انقهر اكثر منها : طيب طيب .. انا مشغوول اكلمك بعدين
وسكر منها وقعد يفكر مع نفسه (( مستحيل يتزوجها .. انا طول هالسنين اعرف عنها كل شي .. ويجي بكل بساطه
الأخ مشاري وياخذها مني .. والله ما اخليك تتهنى فيها .. رووح لي ومحد ياخذها غيري .. شنوا سوي يااربي
شالحل لهالمشكله ..ارووح اكلمه .. لالا او اطلع عليها اشاعه .. لا قوويه افففف شنو اسوي
وبعد تفكير طوييييييييل .. أيــــــــــــــــــه صح لقيــــــــــتها
:
:
:
#
أحس بغيبتك غربة
وضيقة مالها آخر
أحس إني بلا صحبة
وشكلي يكسر الخاطر
#
:
:
:
نهاية الجزء الثالث

لامارا · 13-06-13, 03:57 PM

الجزء الثالث ~
#

أنا ماني حلم عابر حلمته وتبغى تفسيره ..
أنا قصة حب ..
صابر على قلبك وتقصيره

#
بالمستشفى
مشاري : بس يا يمه طلبك حيييل صعب علي
ام رياض : عمري انت .. هذا رجاي الوحيد من هالدنيا ..
ودي انك تتزوجها قبل موتي .. انا تهمني مصلحتك
مشاري : بس يايمه ما اتوقع ان ( روح) بتوافق تتزوجني
ام رياض : انت ماعليك .. نسأل ونشوف رايها
مشاري وهو سرحان : اللي يريحك يالغاليه
ام رياض : الله يهديك ويرضا عليك دنيا وآخره
:
:
:
بعد ثلاث ايام
بيت ابو عبد العزيز
روح دخلت غرفة اختها من غير استئذان ورمت اشرطة ( سي دي ) على سريرها وطلعت من الغرفه
ونزلت للصاله تتفرج على التيلفيزيون ..
وبهالوقت كانت كادي توها طالعه من غرفة التبديل .. وراحت لسريرها
تشوف الأغراض المرميه عليه
وشافت الأشرطه .. مكتوب عليها اسمها ( كادي فهد الـ....) استغربت واخذتها
وشغلت الاب توب تشوف اللي بداخلها
:
:
:
تحت بالصاله
روح اندمجت مع الفيلم مع أن فاتها نص ساعه منه .. قطع عليها صوت رنين التليفون قالت بتذمر : افففففف من هاللي
فاضي يتصل بهالوقت
سمانثا جات وردت عالتلفون وبعدين تركت السماعه وقربت من روح وقالت : miss ro7 call for you
روح : والله مدري شتقولين انتي .. اشوف بس
وقامت روح تشوف مين اللي يتصل : الووو
عبد العزيز غير صوته : اهلييين حيااتي .. روح كيفك ؟؟
روح ماعرفت صوت اخوها وقالت بدفاشه : اففففف انا بخير .. من معي ؟؟
عبدالعزيز عدل صوته : روح .. شفيك ؟ .. انا عبدالعزيز اخوك
روح مالها خلق له : هلا .. تشرفت بمعرفتك استاذ عبد العزيز اخوك
عبدالعزيز بجديه : روح اتركي عنك الهبال .. وتعالي مكتب الوالد نبغاك بموضوع مهم لا تتأخري
روح باستغراب : انت وابوي !! عسى ماشر شالسالفه شنو تبون مني ؟
عبدالعزيز : اذا جيتي تعرفين .. بااي
روح :باي
سكرت السماعه وتحركت بسرعه باتجاه مكتب ابوها ودقت الباب ودخلت لما سمعت صوت ابوها يناديها
روح: السلام عليكم
عبد العزيز .. ابو عبدالعزيز : وعليكم السلام ورحمة الله وبركاته
روح : آمر يبـــه .. طلبتني
بو عبد العزيز : تعالي ياروح .. اجلسي بجنبي
روح راحت وجلست بجنبه : آمر يالغالي
بوعبد العزيز : ما يآآمر عليك عدو .. انا بتكلم ومن دون مقدمات وياليت تسمعيني للأـخر ومن غير مقاطعه
روح بقلق ( الله يستر ) : تفضل
بو عبد العزيز : بورياض كلمني من يومين .. وخطبك لولده مشاري .. وانا تشاورت مع امك واخوك عبدالعزيز
وماعندنا مانع .. خصوصا ان مشاري رجال والنعم فيه .. افعاله تشهد له ( ايه واضح ^_^) والكل يمدح فيه .. وانا عمه
واعرفه اكثر من هالناس .. وعمري ماراح القى واحد يصونك ويحميك اكثر منه .. وولد عمك اولى من الغريب فيك

روح تجمت في مكانها حست ان اطرافها وتفكيرها انشلوا ..
بوعبدالعزيز انتضرها .. ما استعجلها بالرد .. خصوصا بعد مالاحظ علامات الصدمه على وجهها
_______ بعد صمت دام ربع ساعه _______
روح : كادي يايبه .. كادي
بوعبد العزيز : كادي شفيها .. ما اتوقع انها تعارض .. هي مالها حق تتدخل هي اللي تركت مشاري .. ومن غير \
مانعرف السبب .. يعني ماتبيه .. واكيد بتفرح لك لما تعرف .. هي ناسيته من زمان
روح بحيره: مدري يبه ,.. هي اختي وبكذا انا اخونها
اخاف تزعل مني .. ارجوك لاتزوجني اياه انا ما ابغاه
بوعبد العزيز : تخونيها ... ليه .. سارقه شي من اغراضها .. ؟؟ مشاري فرصه وماتتعوض
فكري ياروح .. لاتخسرينه
روح قامت من مكانها : حااضر يبه .. عن اذنك
وطلعت مسرعه لغرفة اختها
:
:
:
#
صارت الطيبة نهايتها خضوع
في زمن فيه الخطا مثل الصواب
#
:
:
:
عند كادي
كانت حالتها حاله .. تشوف المقاطع بصدمه وهي مو مصدقه ان اللي بالمقطع هي
مو معقوله .. فيصل مصورها جد !! لالا مستحيل هو طالب انه يتزوجها .. معقوله يطلع مثل هالشباب
الكذابين اللي يلعبون عالبنات
في هاللحضه دخلت روح وطاحت عينها على المقطع اللي تتفرج عليه كادي ونزلت عيونها بالأرض على طول
وقالت باضظراب يخالطه خجل : يامال بورمح .. سكريه .. ووجع
كادي انتبهت وسكرته : شنو تبين ؟؟
وقالت بدون مقدمات : مشاري خطبني ( هههههه ماشاء الله عليك ترمين متفجرات مو كلام ^_^)
كادي بابتسامه بتصنع : اووووه .. وناااسه .. بيصير عندنا عرس
روح عبست : وانتي هذا اللي يهمك
كادي بتصنع : ههههه اكيد ياعمري .. اجل شنو اللي يهمني
روح : اني اخذ مشاري
كادي بكذب : ههههه لا ياحلووه .. انا نسيته من زمان
روح ارتاحت شوي : طيب ممكن اعرف سبب طلاقكم
كادي بكذب (( تكفييييين لا توافقين )) : ماحبينـــا بعض .. ما قدرت اكسبه لصفي .. دام نتهاوش
روح باستغراب : بس كذا
كادي : ايوه .. وانا متأكده انك بتخلينه يحبك .. وتكسبينه
فكري .. مشاري .. كل البنات يتمنونه
روح : طيب .. طيب ( وطلعت )
كادي طمرت على طول لجوالها تكلم فيصل تبي تعرف السالفه .. ليه يصورها
فيصل : هلا كادي
كادي دخلت بالموضوع على طول : وصلتني .. الأشرطه اليوم .. ليه مصورني يافيصل ليه .؟؟
فيصل عرف قصدها وقال بعذوبه : ههههههه ياعمري .. انتي علشان اتأكد انك ماتروحين لواحدغيري
كادي ذابت من سمعت صوته ولكن قالق تكابر : انت نذل
فيصل : ههههههه شكرا ..
كادي : فصووولي حبيبي .. مستحيل يفضحني
فيصل بكذب هو مايكلمها الا علشان يسحب اخبار اختها بعدين .. يفضحها : اكيييد ياعمري..
الا شخبار اختك ؟؟ ما شفناها .. وانتي وعدتينا
كادي نست سالفة الأشرطه وانه مصورها تثق فيه ثقه عميــاء (وهالشي غلط واصلا المفروض ماترخص نفسها لولد مايستاهل ظفرها) وقالت بقهر : تخييييييييييل ..انها بتتزوج مشاري.. طليقي
فيصل بصدمه : كييييف؟؟
كادي بقهر : خطبها .. واكيييد انها بتوافق عليه
فيصل انقهر اكثر منها : طيب طيب .. انا مشغوول اكلمك بعدين
وسكر منها وقعد يفكر مع نفسه (( مستحيل يتزوجها .. انا طول هالسنين اعرف عنها كل شي .. ويجي بكل بساطه
الأخ مشاري وياخذها مني .. والله ما اخليك تتهنى فيها .. رووح لي ومحد ياخذها غيري .. شنوا سوي يااربي
شالحل لهالمشكله ..ارووح اكلمه .. لالا او اطلع عليها اشاعه .. لا قوويه افففف شنو اسوي
وبعد تفكير طوييييييييل .. أيــــــــــــــــــه صح لقيــــــــــتها
:
:
:
#
أحس بغيبتك غربة
وضيقة مالها آخر
أحس إني بلا صحبة
وشكلي يكسر الخاطر
#
:
:
:
نهاية الجزء الثالث

لامارا · 13-06-13, 04:09 PM

الجزء الرابع ~
:
:
#
لي قلب من كثر حبه على : فراش التعب : مطروح ,
لا هو " ميت "..ولا " عايش " .! ووالله إن مااات أشواله

وحبي من طرف واحد , غلا صادق بدون مزوح
وإذا هو طاح ؟ قداامي .. نزلّه / قلبي / و : شاله .!!

شكالي وكنت له أسمع . . . وقلبي دوم له / مفتوح
يطمّني عن " أخباره " , وشنهي آخر أعماله

وإذا شفته خطا ب حقي بدون أعذار ؟ .. هو مسموح ,
في نياته ولا يدري .! وطيبة قلبه همّاله .

في جياته ...... . يروح الهم , ويبدّل ( دمعتي ) ب فروح
تمنيت البشر مثله . . . وكل من حولي أمثاله . !!
#
:
:
بعد يومين ..بيت ابو رياض
بو رياض : بس يا ام رياض .. ما اتفقنا كذا قلنا مشاري ياخذ وحده من برى العايله
ام رياض بممل : أنا مابيه يتزوج وحده غريبه على العايله
بو رياض : حتى ولو .. انتي كذا تدمرين بنت اخوي اذا زوجتيها لمشاري ..
انا قلت رياض ياخذ كادي
ماجبت طاري مشاري
ام رياض : يعني تخاف على مستقبل بنت اخوك .. وبنت الناس عادي .. مايهمك
بو رياض : افففففف انا ماقلــ ...
قطع عليهم صوت جوال ابو رياض
: هلا بوعبدالعزيز .. الحمدلله بخير .. انت شخبارك ؟؟ وشخبار الأهل ..
ههههه الحمد لله ..الله يسلمك .. والله؟؟
اجل على خير نتوكل على الله .. آميين .. هههه خلاص اجل بكرا نسوي التحاليل ..
ايه ياخوي .. احنا مستعجلين
.. على بركة الله .. في امان الله .. مع السلامه
:
:
:
بمزرعة مشاري
(مشاري .. زياد )
زياد : ياخي انا مدري ليه تسوي معي كذا
مشاري : عاادي انا ماسويت شي
زياد بصراخ : بس انا ماقلت لك تتدخل بحياتي واخواني .. انا ماطلبت منك صدقه يامشاري
انا اعرف كيف اصرف عليهم .. مو محتااج لك
مشاري : شفيك معصب .. كلها دبدوبين ..وشوي حلويات .. لأخوانك مو .. لك
زياد: لا انا اعرفك يامشاري .. تبي تستغل ضعفي وفقري .. علشان تذلني بهداياك هذي
مشاري بصدق : لا يازياد لا .. انت صديق عمري ومستحيل اسوي اللي انت تفكر فيه ..
بس اللي مضايقني
أنك كذبت علي طول هالسنين ..وانا فاتح لك حياتي كلها .. ليه خبيت علي ؟؟
زياد بقهر : شنو تبيني اقولك هاااه ؟؟ ( صرخ باعلى صوته ) ان ابوي مدمن عاطل ..
ولا ان امي سافرت وتركتنا من صغرنا .. من زين حياتي علشان اقولك
مشاري وقف وفرب من زياد ووقف مقابل له : أيــــه ..عالأقل تعطيني خلفيه عن عيشتك .. انا اخوك
زياد بسخريه : اخووي
مشاري ابتسم : ايه اخوك .. ولا ماتتشرف فيني ,, ترى ازعل
زياد: هههه لاتزعل .. اخوي .. وابوي .. وجدي لو بغيت .. ثم سكت فتره بسيطه
بعدين قال: مشاري انت ليه مهتم لذي الدرجه ؟؟
مشاري ارتبك : مهتم بشنو ؟؟؟
زياد : اشوفك مهتم باخواني الصغار ... ومتعلق فيهم وتحبهم وتصرف عليهم ..
شكلك تبي تساعدني
بالصرف عليهم بس بطريقة غير مباشره
مشاري بنفس الربكه : ياخـــي .. قلت لك هدايا .. ليه انت حساس لذي الدرجه .. انا ما اصرف على اخوانك
زياد: لاتكذب .. من يومين لقيت بملابس اخوي 2000 ريال .. وقال انك عطيته
مشاري ( اففف .. فتن علي هالنصاب .. قلت له لاتعلم احد) وقال ينقذ نفسه : هدية نجااح .. احترت شنو اعطيه
.. فكرت وقلت اعطيه الفلوس يشتري اللي يعجبه
( بسم الله الرحمن الرحيم .. اجل لو معطيه مليون شنو بتسوي فيني يازياد؟؟ )
زياد بسخريه : والهدايا هذي من فلوس السرقه
مشاري بهدوء : لاتخاف .. انا عمري ما اصرف فلوس حراام .. الهدايا من مصروفي
وبعدين انت عارف ان كل شي نسرقه .. نرجعه بعد يوم او يومين خصوصاا اننا محترفين بهالشغله ..
زياد شفيك احنا مانسرق علشان الحاجه فقط للمتعه .. هذا الشي الوحيد اللي يسلينا
وين مانروح قالوا لنا عوائل .. مالقينا الا هالطريقه
زياد : ههههههه حسبي الله عليهم .. ماتركوا مكان للشباب .. كل عوائل .. انا لازم اتزوج بسرعه
مشاري: هههههه ان شاء الله يفتحون اماكن لنا ونعتزل السرقه
زياد : آميين يارب ( وقال بجديه ) يامشاري احنا لازم نترك السرقه .. مو كل مره تسلم الجره
اذا ماصادونا اليوم .. بكرا يصيدونا
مشاري : وانا افكر كذا .. لازم نجمع الشباب هاليومين .. ونشوف طريقة تسليه جديده .. يلا قوم نطلع نتمشى
حوالين الزرع .. ومشى معى زياد ناحية الباب وأول مافتحه شاف بوجهه خمسه ملثــمين
قرب واحد منهم ودفع مشاري لورى ودخل
: تحسب انك اذا اختفيت يامشاري .. مانقدر نجيبك
مشاري : انتوا شتبون مني ؟؟ .. قلت لكم اللي بيننا انتهى
زياد بقلق وهو يشوف اللي محاصرينه : مشاري من هذولا ؟؟
: تبلغ علينا .. وتقول اللي بيننا انتهى ؟؟ ليه اطفال
مشاري : قلت لكم اتركوني في حالي ..
: ههههه ياحبيبي ( ولف على الشباب اللي معه واشر على زياد )
مشاري صرخ : لا لا زيـــــاد لا .. اتركوه .. ماله دخل
: ربطوه .. (وقام وتحرك من مكانه باتجاه زياد ونزل وعطاه اقوى ضربه على فحذه )
زياد صرخ من قوة الضربه : آآآآآآآآآآآآآآآآخ
مشاري يحاول يقاوم الشباب اللي عنده لكن ماقدر.. وصرخ : لااا .. .. لااا اتركه ..هو ماله ذنب
الشاب ما اهتم بكلام مشاري وضرب زياد مره ثانيه بنفس المكان .. وقعد يكرر الضربات على فخذه
زياد: آآآآخخخ... لالا ابعدعني .. انا ماسويت لك شي .. اااخ .. خلاااص
الشاب ضربه مره ثانيه بنفس المكان بس بيدينه الثنتين
زياد : آخخخ ... لااا تكفى
مشاري صرخ : فيييييييصل ...اتركه يالمجرم .. اتركه
فيصل تحرك .. واعطى زياد بوكس .. قوي
زياد : اآآآه .. خلااص .. تعبت ااااه اتركني
فيصل قام وتحرك باتجاه مشاري .. وسوى نفس الشي بس على صدر مشاري
بعدين طلع سكين ..
زياد هنا صرخ بكل اللي يقدر عليه: لالالالالالالالالالالا
فيصل قرب السكين من صدر مشاري وقال:هاااه .. ترجع معنا ولا لا؟؟
مشاري : قلت لـــــك لا .. انت ماتفهم
فيصل بكل قوة ضغط بالسكين على صدر مشاري ما اهتم لصراخه ما رحمه ... دخل السكين بصدر مشاري ..
كأنه يذبح خروف .. عديم الضمير .. وقعد يدخلها بكل مكانه كأنه يحاول الوصل لقلب مشاري
مشاري مو قادر يقاومه لأنه جالس فوقه ,, وغير كذا الشباب ماسكين يدينه .. مافي مجال للمقامه
زياد كان يطالع وهو مرعووب ومو قادر يتكلم لأن في واحد بجنبه يهدده بالسكين .. قعد يرجف
خاايف على مشاري يذبحونه
:
:
:
#
يَ بنت ,
أحلآمك بحر .. و .. ( أحبآبك ) اللي غآيبين ,
مآجرّبوآ .. ( طعم القهر ) !
قومي معي يمّ الفضآخلّ نعطي الغآيب ( ظهر ) !
و .. ( ننسآه ) و ننسى مآمضى ,
ونعيش بآقي هـ العمر لو .. أن نصــّـه نقضى ,
كنـه .. ( شهر ) / ومآيرجعون !
#
:
:
:
نهاية الجزء الرابع

لامارا · 13-06-13, 04:11 PM

الجزء الخامس ~
:
:
#
راس مالي ذكريات وحلم
وآمال وطموح
لا صديق ولا رفيق ولا طريق أتبعه
#
:
:
المستشفى
الدكتور : الحمد لله قدرنا نوقف النزيف ونخيط جروحه بثلاث غرز .. الأخ مشاري نزف كثير
والجروح والاصابات اللي بجسمه بليغه ..وواضح اثر الضرب فيها .. والحين احنا محتاجين ننقل له دم
وبأسرع وقت لأنه نزف كثير ومناعته ضعيفه خصوصا مع المرض اللي يعاني منه
زياد : اوكييه انا فصيلتي مثله .. خذوا الدم مني
الدكتور : خلاص روح مع الممرضه وهي تتصرف .. وانا الحين ببلغ الشرطه علشان اخلي ذمتي
زياد : شرطه !! لا لا الله يخليك قلت لك محد اعتدى علينا .. حادث سياره بسيط
الدكتور : ماني عارف شقول بس ...
زياد قاطعه : ياخوي قلتلك حادث بسيط .. والحمد لله احنا بخير الحين
الدكتور : خلاص اجل .. بحاول قد ما اقدر .. اسكر الملف
:
:
:
بعد هالأحداث باسبوعين
#
#
روح .. قربت تخلص من التجهيز لزواجها
#
#
رياض كثرت المشاكل بينه وبين دانه
خصوصا انا صارت حساسه بزيااااده بسبب حملها
#
#
مشاري ابتدت جروحه تطيب وصحته تتحسن وهو يروح بشكل مستمر يغيرون له الضماد
ويتأكدون ان الجرح ما التهب .. وزياد مايخليه دايم يروح معه
زياد دخل : هااه خلصت ؟؟
مشاري وهو يسكر قميصه : ايه .. ذبحني هالممرض عليه .. دفااشه .. شوي ويكسر عظامي
زياد : هههههه هانت .. كلها يومين ويفكون هالأشياء عنك .. الا مشاري انت للحين ماقلت لي من هاللي هاجمونا
ذاك اليوم .. انا كل ما سألتك تهربت مني
مشاري : يلا نطلع .. الحين يدخل مريض غيرنا
ونزل من عالسرير وفتح الباب وطلع ولحقه زياد وركبوا السياره ..وتو مشاري يمد يده بيحرك السياره
الا ويمسكه زياد
زياد: ماراح اتركك .. الا لما تقول لي شسالفتك انت
مشاري: شفيني انا .. هذاني قدامك مافيني شي
زياد : لاتكذب ..الرجال اللي ذاك اليوم .. كان يبغاك ترجع وانت مو راضي .. شنو
يبغون منك ,. وليه يسوون كذا ؟؟
مشاري بملل: سوء تفاهم بيننا .. انت ليه لحوح تبي تعرف
زياد باصرار : مشاري .. انا ماعندي مانع اجلس معك هنا لبكرا .. لحد ما تتكلم وتنطق
انا طولت بالي كثييير .. ولازم اعرف الحين ولاتنسى ان اليوم ملكتك وزواجك .. يعني عندك شغلات كثير اليوم
مشاري قرر انه يتكلم ويرتاح من الحاح زياد المستمر : اسمعني .. وياويلك تقاطعني
زياد بفرح : طيب طيب
مشاري : من سنتين تعرفت على واحد اسمه فيصل يدرس معي بالكليه كنت دايم اخذ منه الملازم والدفاتر اللي نحتاجها
كان يساعدني ومايقصر معي ومع الايام كبرت علاقتنا ببعض وصرت اروح لبيته وهو يجي لعندي نذاكر مع بعض
وبعدين تطورت العلاقه الى طلعات وسهر ومغازل كل يوم طالعين مع بنات غير وكان دايم يقول لي (( الدور راح يجيك
يامشاري )) ماكنت فاهم لقصده بهالكلمه ولا كنت اعلق عليه ولا احاول افهم شنو يقصد وتحولنا من السهر والمغازل الى
الخمر والمخدرات كان فيصل يوفرهم لنا بالشقه حقتنا اللي نسهر فيها

واللي البنات موجودات فيها 24 ساعه متى مابغيت
وحده تعال وتشوف مليوووون بنت طب واختار وانا كنت اسهرمعهم وارقص واغني بس الله يشهد علي عمري ماشربت
او حتى يدي علي بنت وفيصل كان نفس الشي وهذا اللي خلاني استغرب منه يجيب كل شي البنات والمخدرات بس عمره
ماقرب منهم احيانا احس اني بتهور وبشرب بس الحمد لله انه انقذني وماشربت وبعد فتره فيصل قطع كل شي عن الشقه
بعذر ان واسطاته اللي يعرفهم تخلوا عنه طبعا الشباب عصبوا وزعلوا لان السهره ماتحلى الا لما

يصيرون سكرانين
فعرضت على فيصل مساعدتي له في التهريب بما ان عندي واسطات كبيره ومن يومها وانا اللي ادخل هالسموم للسعوديه
ولا بعد اتعامل مع نص شباب الخليج و ...
قاطعه زياد بانفعال : وانا وين كنت عنك ؟؟ انا ما اذكر اني مره تركتك انا طول يومي معك
مشاري: لاتستعجل .. جاي بالكلام .. بهذا الوقت كنت انت تدرس بالرياض وعايش مع عمك وماتجي

هنا الا بالعطله
الصيفيه واكون وقتها مسافر أقضي الإجازة مع الأهل .. المهم .. بعدها زوجتي اكتشفت حقيقتي وماقعدت معي ولا يوم
زياده طلبت الطلاق وتركتني بعدها ابتدت المصايب تتجمع فوق راسي وبعدها وعيت عالأشياء والمصايب اللي اسويها
واني ادمر شباب الديره فقررت اني انسحب من عالم فيصل واترك التهريب وامنع كل معارفي من انهم يساعدونه ومن
يومها وهو يلاحقني علشان ارجع له او حتى اكلم احد معارف يساعده وقتها اكتشفت انه يقدر يهرب وواسطاته موجوده

الا انه مايبي يبتلش اذا مسكونا الشرطه يعني بصير انا المهرب مو هو تصدق من تركته وانا الا ليلي ليل ولا نهاري
نهار حتى لو انام يطلع لي بالأحلام كنه جني استغفر الله بس .. ماتهنيت بنومي واكتشفت بعد انه هو اللي قال لأمي عن
اللي اسويه وهي بدورها ماقصرت قالت لزوجتي

زياد تذكر كلام الدكتور (( مناعته ضعيفه خصوصا مع المرض اللي يعاني منه )): طيب شسالفة مرضك اللي قال عنه
الدكتور بعد عمليتك
مشاري : مره كنت نايم بالمزرعه خقتي كنت متهاوش مع الوالده وطلعت من البيت ,, وانا بنص نومي دخل علي فيصل
وشغل الإضاءه وازعجني وهو يصرخ علشان اقوم ومامرت خمس دقايق الا و أصدقاءه مربطيني ويجي حضرته

ويعطيني ابره ويهربون ..انجنيت من التفكير وصرت بين كل فتره وفتره اروح للمستشفى الى ان اكتشفت اني مريض بالإيدز
زياد: إيدز !!
مشاري : ايه ايدز .. الاستاذ فيصل مدري من وين جاب هالأبره ودخل المرض بجسمي ينتقم
زياد بتوتر : انا اسف يامشاري انا السبب انا اللي تركتك ورحت للرياض

مشاري : لايازياد انت مالك ذنب باللي صار كله من رفقة السوء اللي مشيت معهم
زياد بمزح يحاول يخفف على مشاري: يالحبيب شنو بتقول لزوجتك اذا شافت خريطة العالم اللي بجسمك
مشاري بقهر :ليه ؟؟ هي بغرفه بغرفه احسن علشان ما اتهور ..و اضمن سلامتها ... واني ما انقل لها المرض
زياد بتفكير : إلا انت ليه وافقت تتزوجها دام انت عارفانك مريض

مشاري ابتسم : الوالده طلعت مريضه ..خبرك العايله صارت كلها امراض في امراض وتبيني احقق لها امنيتها قبل
تموت ماتدري يمكن اموت انا قبلها
زياد بخوف : بسم الله عليك.. مشاري لاتقول هالكلام توقف قلبي
مشاري : وهذي السالفه قلتها لك من البدايه للنهايه .. ارتحت الحين
زياد : لا انا ما برتاح الا لما انت ترتاح من هالمجرم اللي اسمعه فيصل .. بس قو

ل لي من متى وانت مريض
مشاري : وانا مابرتاح من فيصل ا لا لما يقضي على المرض واموت وانا مريض من 6 شهور .. تقريبا
زياد وهو يحاول يغير الموضوع :اقول تحرك بس تأخرنا لازم نروح صالون الحلاقه وبعدين نسوي تشييك على
باقي الأشياء مابقى شي على صلاة المغرب

مشاري: ههههههه لاتحاتي كل شي جاهز والحلاق يجي للبيت
زياد : الا ماقلت لي الشيخ بيجي للبيت ولا بتتزوجون بالمحكمه
مشاري : اكيييد بالبيت شوف ابيك ماتجي الا ببطاقتك علشان انتب تصير الشاهد
زياد : تآآمر آمر

#
#
بعد صلاة المغرب ~بيت بو عبد العزيز
ام رياض بابتسامه : الــــــف مبرووووك حبيبتي روح .. توه مشاري كلمني وقال انهم خلصوا والله
اني مابلقى وحده تليق لمشاري مثلك
روح (( ادري انهم خلصوا انا اللي وقعت يالذكيه)) وقالت بحياء : الله يبارك فيك ياخاله
كادي همست لأختها : من متى والخجل من صفاتك ... والله مدري انك تستحين
روح بهمس : اففف اسكتي لا ادوس ببطنك
كادي : هههههههههه ايه هذي روح اللي اعرفها
ام رياض : عن اذنكم انا عندي مشوار ضروري طالعه للبيت نسيت شي اسبقوني.. وبلحقكم للقاعه
#
#

بعد ربع ساعه
بشقة رياض
دانه: افففف مليت من مقابل هالتلفيزيون .. مفي شي يسليني ليتني اقدر اروح لعرس اخو رياض .. بس الله يهديه رياض
منعني ..مدري اورح من غير علمه احسن .. لالا اخاف يرجع بدري ومايشوفني ( بهاللحضه رن جرس الباب)
دانه قامت تركض اكيد رياض جاي ويبي ياخذها معه للزواج وفتحت الباب على طول .. ودخلت وحده غريبه ماتعرفها

ام رياض بسخريه : اووه المدام دانه هنا
دانه باستغراب : نعم اختي ..من بغيتي
ام رياض مشت لداخل : اممم مش بطال ذووقك زين
دانه : اقول من بغيتي وانتي منو؟؟
ام رياض : ابي ولدي رياض وينه ؟؟ اليوم عرس اخوه ومختفي
دانه بصدمه : ام رياض !!
ام رياض تحركت باتجاه دانه ودفعتها بقوه للأرض
دانه بألم من قوة الطيحه: آآآخ

ام رياض : اسمعي من اليوم ورايح مالك جلسه مع ولدي ..تشيلين عفشك وترجعين لديرتك .. وتطلبين منه الطلاق
انا بزوج ولدي البنت اللي تعجبني انا .. واللي تدخل براسي مو اللي يختارها هو
وابتسمت لما تذكرت انها مو مريضه وانها هي اللي طلبت من الدكتور يكذب علشان تكسب مشاري لصفها ويوافق على طلبها
#
#

ومر الوقت بالعرس مثل البرق .. الاوقات الحلوه تمشي بسرعه وكلن راح لبيته
بعد العرس
بالفندق
روح .. مشاري
روح كانت جالسه بالصاله تدور بشنطتها عن شي تلبسه .. قبل يدخل مشاري وماتدري عن الشخص اللي واقف وراها مباشرة
وبهالوقت طلع مشاري من اللوبي الى الجناح المخصص له وهو يتمنى انه مايلتقي فيها ..
وصل للباب وطلع البطاقه ودخل .. وحس ان الدنيا تدور براسه لما شاف روح جالســـه مع .....

#
#
دخيڷگ ڷا تِشجعني أسۈَڷف ۈَأگسِرآڷگتِمِآن
تِعبتِ من آڷسگۈَتِ آڷڷي تِعۈَد يسگِن بذآتِِي ~

عڷيم آڷڷه مآفيني شبر يضحگَ فرح ۈَأشجِآن
ۈَأنآ ڷۈَ جيتِ آبضحگ ڷگ أجيگ أضحگ بدمعآتِي~

　حيآتِي شعرن ۈَشآعر ۈَجمهۈَري بقآيآ آنسآن
ۈَنقِآدي زمِن قآسِي ۈَڷآ يفهِم گتِآبآتِِي ~

أنآظر ڷڷبشر حۈَڷي ِأإحد يضحگ ِأ‘إحِد طربِآن
ۈَأنآ صعبن عڷي أضحگ أسآيرهم بضحگآتِِي ~

　
　
عجزتِ أگذب عڷى نفسي بفرحه مآ بهآ أڷۈَآن
ۈَحزني مآ عجزعنِي بِدآ يرسِم نهآيآتِِي ~
　
　
　
طريقي صعب ۈَجرۈَحي گثير ۈَدآخڷي ضميآن
أبي ڷۈَ يۈَم ۈَآحِد أحِآۈَڷ أجمِع شتِآتِِي ~
　
　
　
أنآ قصه تِبعثِرتِ ۈَتِطآيِرتِ بزمِن خِۈَآن
تِعڷمتِ أخسر آڷبسمه ۈَأدآري عضِة شفآتِِي ~
　
　
　
أبگتِب ڷگ ۈَبآڷخط آڷعريض ۈَريشِه آڷفنِآن
أنآ آڷخسرآن تِۈَقيعي ۈَآنآ آڷخسرآن بصمآتِِي ~
　
　
　
أگمڷ ڷگ عن آڷضيقه آگمڷ ڷگ عِن آڷأحِزآن
تِأگد ڷۈَ بگمڷ ڷگ بِ تِصيح ۈَتِطڷب سگآتِي ..!
#
#

يتـــــــــــــــــــــــ ـــــــــــــــــبع ..

لامارا · 13-06-13, 04:12 PM

تـــــــــــ/ ~ــــابع
#
روح كانت جالسه بالصاله تدور بشنطتها عن شي تلبسه .. قبل يدخل مشاري وماتدري عن الشخص اللي واقف وراها مباشرة ويتأملها ويتأمل حركاتها ..خلصت روح واختارت البيجامه اللي تبغاها وقامت وانصدمت لما شافت الرجال اللي يطالعها .. كانت تبي تتحرك من مكانها لكنه سكر الطريق عليها .. فيصل : شكلك مره خطييير ياروح.. ماتوقعتك بهالجمال .. طلعتي احلى من اختك بمليون مره وبهالوقت طلع مشاري من اللوبي الى الجناح المخصص له وهو يتمنى انه مايلتقي فيها ..وصل للباب وطلع البطاقه ودخل .. وحس ان الدنيا تدور براسه لما شاف روح جالســـه مع ..... فيصل عدوه اللدود وقف لثواني يستوعب الموقف اللي يشوفه.. حس ان نيران واشتعلت بصدره ماتمالك نفسه وهجم على فيصل وتضارب معه بس هالمره القوه كانت عند مشاري طلع فيه كل قهرهه .. كل شي يرضاه الا انه يقرب لأحد من اهله ومحارمه
#
وبعد مضاربه طويله سحب مشاري .. فيصل وقربه لعند الباب وصرخ للأمن يطردونه من الفندق ومادخل الا لما تأكد ان البودي قارد واقفين عند الباب وأكد عليهم مايتحركون علشان يتهنى بنومه وأول مادخل شاف روح واقفه بنس مكانها وفستانها عليها وقاعدة تبكي انقهر منها وقال بسخريه: انا احسب البنات اللي مثلك ماعندهم احساس يخونون وعلى وجههم ابتسامه كبيره من الفرح وانتي قاعده تبكين يالخاينه .. اسمعي انا واحد ما احب اللف والدوران من اليوم وطالع انتي هنا حالك حال أي وحده من الخدم .. فاهمه ؟ودخل غرفته وهو يتذكر رسالة فيصل له (( روح تحبني وانا احبها بس للأسف عمك اجبرها تاخذك واتفقنا انها تطفشك علشان تطلقها .. مبروووك ياعريس ^_^))
#
ام رياض بغرفتها وفرحانه وقاعده تحكي لابو رياض عن مخططاتها
بو رياض : مجنووووووونه انتي
ام رياض : ولما ادور مصلحه عيال اكون مجنونه
بو رياض : انتي كذا تدمرين حياتهم .. مو تساعدينهم .. وبعدين كيف عرفتي ان رياض متزوج
ام رياض : وعرفت عن زواج رياض من صاحباتي بالكويت افففف انت ليه معقد المسأله .. انا اختار اللي يصلح لهم .. وبعدين اشوفك مانفعلت لما قلت لك انه متزوج
بو رياض بسخريه : وااضح .. اهتمامك بمصلحتهم .. وبعدين رياض صارحني بالموضوع من زمان بس انا ماقلت لك
الا نسيتي شي ما سويتيه؟؟؟
ام رياض باهتمام : شنو؟؟
بو رياض : رشـــــا
ام رياض : هههههه الله يهديك خرعتني احسب اني صدق نسيت شي .. لاتهتم رشا جايها الدور هاليومين
#
خلف باب غرفتهم .. بالممر
رشا كانت تمشي باتجاه غرفتها لكن استوقفها .. كلام امها عن رياض ومشاري وكل شي
( يمــــــــــــــــــه .. انا بيجيني الدوووور .. لااا شهالمصيبه .. الله يستر منك يايمه اذا كل هالبلاوي سويتيها باخواني
انا شنو بتسوين فيني ... الله يستر .. انا لازم اهرب هاليومين يمكن تنساني .. بروح عند عمي )
#
بالمستشفى
الدكتور : الحمد لله قدرنا نسيطر عالنزيف القوي والأام بخير .. لكن للأسف فقدنا الجنين
رياض ماقدر يوقف من صدمته وجلس عالكرسي من غير مايتكلم
___ بعد نص ساعه __
رياض : شاللي صار ياقلبي .. ليه صار لك كذا
دانه بألم : ولا .. شي انا طحت
رياض بحنيه : شلون .. دانه .. تكلمي انتي ماتعرفين تكذبين
دانه بحيره : تصدقني ولا لا
رياض بابتسامه : وليه ما اصدقك !! .. انتي عمرك ما كذبتي علي
:
:
نهاية الجزء الخامس
تـــــــــــــوقعاتكم
$ شنو ردت فعل رياض لما يعرف ؟؟
$ ام رياض شنو بتسوي اكثر من كذا ؟؟
$ رشا بتهرب جد ولا لا ؟؟
$ فيصل وبعديييييييييييين معه ؟؟ > بجد قاهرني هالفيصل ^_^

لامارا · 13-06-13, 04:13 PM

( * لاتلهيــكم الروايه عن الصلاه *)
الجزء السادس ~
:
:
#
طَلبتِگ يآبعد ذآتِي أمآآآآآآآآآآنٍه لآتِخٍليني
تِرآني لو رحِلتِ أبقِى ضَحِية گيد عدُوآني

سِألتِگ بآللهُ آلوآآآآلي سألتِگ لآتِجآَفيني
لأنٍيً أمٍوٍوٍوٍوٍتِ بغيآبگ يًآروحِيً وجَثَمآني

معُي وٍآصِل مٍشُآويًرگ أوآسيگ وتِوآسِينٍي
مٍعي إبقِى مٍثَل ظِلي حِذِآآآآريً لآتعدُآني

#
:
:
الصبــــــــــــــاح
مشاري قام من سريره وهو طول الليل مانام قاعد يفكر بفيصل وروح ومرض امه ..وكل شي رفع جواله يشوف الساعه
(9:18) وشاف مسج جديد .. وفتحه وكان من فيصل (( صباحيه مباركه .. اقوول مشاري اختك وين .. انا من بعد صلاة
الفجر مطيح قدام بيتكم ولا طلعت للدوام .. غريبه .. اوووه صح نسييييت ان اليوم الجمعه ومافي دواام .. شنو اسوي
مشتاق لها من امس ماشفتها ))>>> وقسسسسسسم اننك فله يافيصل ^_^
مشاري بسخريه : طول عمرك ماتستحي يافيصل الله يعين عليك .. حتى رشا ماسلمت منك.. ما اهتم لأن
عارف ان فيصل يراقب كل شي .. بعدين اتصل على زياد وقاله يجي يفطر معه وقام غسل وجهه وتوضى وصلى

ركعتين بعدين طلع لغرفة روح يقول لهـا تشيل عفشها .. ماتستاهل تجلس يوم زياده بالفندق ولا راح يسكنها لوحدها
بيخليها تعيش مع امه وابوه ودخل غرفتها من غير استئدان .. مشاري : افففف وين راحت ذي .. وراح لجوالها يوقفه
لما سمع صوت المنبه وشاف رساله من فيصل ( ياقلبي انتي لايهمك مشاري .. ولاتزعلي انا متعمد اسوي هالحركه فيه
طولي بالك ياحياتي ) >>> حسبي الله على ابليسك ياروح من سالفة كادي .. مامسحتي رقم فيصل الحين كيف اتصرف
انا مع مشاري ^_^ ابتلشت معه

مشاري بحقد رمى الجوال بالأرض وطلع من غرفتها ونزل لتحت
وشاف زياد وابتسم له : والله لو انك طياره ماوصلت بهالسرعه
زياد : ههههههههه قول ماشاء الله بس لاتصكني عين .. وبعدين الناس العدله يقولون السلام عليكم .. صباح الخير كيف الحال .. مو مثلك
مشاري: ماشاء الله تبااارك الرحمن.. وعليكم السلام .. صباح النور .. بخير الله يسلمك
زياد : اقو لانت ليه مافطرت مع المداام
مشاري : أي مدااام ؟؟
زياد : هههههههه لا الرجال فاصل الأسلاك حقته .. مو قادر يفكر

مشاري تضايق : واللي يسلمك اسكت مالي خلق
زياد: شصاير؟؟؟
مشاري : ولا .. شي
\ وفطروا وخلصوا ---- وبعد الفطور ----
: يلا زياااادووه روح بيتكم .. مو فاضي لك
زياد : افاااا والله .. تطردني
مشاري عبس : اييييه
زياد : شووووف مشاري انا مابتحرك من هنا الا لما تتكلم
مشاري طمر وكأنه تذكر شي : اقووووول زياااد .. الكلام اللي قلته لك امس .. بيني وبينك بسسسسسسسس
زياد : لاتخااف سرك بداخل بــــير .. قول لي شفيك

مشاري بضيق : امس بالليل كلموني المستشفى وقالوا لي لازم نحجزك
زياد : حجز !!!! .. ليه ؟؟
مشاري : اففففف شفيك نسيت اني مريض ..يلآ .. انا بروح للأهل فوق
وطلع مشاري لفوق ودخل لجناحه وعلى ططول لغرفة روح وكان بيفتح الباب لكن شده حديـــثها
روح ( وهي كانت تكلم اخوها عبد العزيز) : يااااعمري انت .. والله ماتستاهل .. لالا اخاااف مشاري يدري ..

حبيبي والله انت .. اشتقت لك ... هههههه ادري اني شفت امس بس شنو اسوي فراقك صعب
مشاري : خاااااينه .. وماتستاهل اعصب عليها
ودخل غرفته اخذ مفتاح السياره وطلع لبيت اهله علشان يتأكد انهم جهزوا غرفه لروح
:
:

بعد نص ســـاعه
بيت ابو ريـــــــــــاض
ام رياض صايره مثل المجنونه بالبيت رايحه جايه .. رايحه جايه تدور رشـــا .. وام عبد العزيز تهديهـا
( بو ريـــاض .. عبد العزيز .. بو عبد العزيز .. رياض .. مشاري ) كل واحد راح بجهه ..أللي
راح لبيوت صديقاتها وواللي راح لمعهدهـــا .. وكان مشاري مايوقف اتصالاته بفصيل لأنه متأكد انه هو السبب
------ بعد ساعه ----
رجع رياض .. وراحت له امه تركض
: هااااه بششششر
رياض : مالقيتها .. رحت لكل مكان ,, مدري وين اختفت
ام رياض زاد بكيها : يمـــــــــــه بنــــيتي .. ياحسرتي عليها
قال رياض يهديها : لاتحاتييين يمه ان شاء الله نلقاها

بهاللحضه رن التليفون وراحت ام رياض ترد عليه يمكن تطلع رشا
:آآآلوو
فيصل وهو بسيارته : أأأحم آآحم .. السلام عليكم
ام رياض : وعليكم السلام
فيصل: ام رياض موجوده
ام رياض : انا ام رياض .. من بغيت ؟؟
فيصل : خاله .. ياليت تطلين .. من فوق على ساحه باب بيتكم الرئيسي .. بتشوفين بنتك هناك
ام رياض : هاااه ؟؟
فيصل : اللي سمعتيه

راحت ام رياض بسرعه للبلكونه حقتها تشوف .. كذب ولا حقيقه
لكنها شافت واحد نازل من السياره وقاعد يسحب رشا من شعرها ورماها قدام باب البيت ورجع لسيارته وتحرك
حست ام رياض بأن براكين وقاعده تفوووور بصدرها طلعت لغرفتها ولبست عبايتها
واتصلت على السواق يجهز السياره ونزلت لرشا وشافتها طايحه بالأرض وقاعده تبكي ومتكوره على نفسها من الألم ..
ام رياض رفستها بحقد : يالــــ..... .. اللي ماتستحين على وجهك .. سودتي وجهي قدام العالم
وبعدين نزلت لهـــا ورفعها من شعرها وسحبتها وركبتهـــا السياره
ام رياض صرخت عالسواق : تحـــــــــــــــــــــــ ـــــــرك

:
:
#
اللهم صلي وسلم على محمد
#
:
:

نهاية الجزء السادس
(لقائنا يتجدد يــوم الخميس بإذن الخالق .. مع الجزء السابع ..
احداااث قويه جدا وصعبه سوف تمر على ابطالنا .. انتظروني )
:
توقعاتكــ ــ ــ ــ ــ ـمـ
*مشاري بيحجزونه جد ولا لا ؟؟
*ام رياض لويين ماخذه رشـــا ؟؟
* روح وبعد ماسمعها مشاري تكلم .. شنو مصيرها معاااه ؟؟
* فيصل شكله راعي طووويله.. تصدقون اني احبه ههههههه < وحده بتــنــذبـــح ^_^

لامارا · 13-06-13, 04:14 PM

["]

* الصلاه لا تنسونهــا* ^_^
الجزء السابع ~
#
#
إذا صار الحكي كله حسايف بعد ما أروح يكفي تذكروني
#
#
تحرك السايق بإتجـــاه أحــد الأحيـــاء الفقيره .. مثل ما اللي طلبت منه & ام رياض & وعلامات الإستغراب على وجهه عارف ان أم رياض مستحييييييل تقرب من هالأحياء .. غريبه .. مو من عوايدها تجي هالأماكن .. وصل السايق لإحدى الأحياء القديمه اللي سمع عنها .. ووقف عند سوبر ماركت .. ام رياض بخوف : اأأنت وين جايـــبنـــا ؟؟!!
السواق : طال عمرك هذا حي الــ... ,, أفقر العوايل ساكنين هنـــا .. الله يعينهم
ام رياض ابتسمت : حلووو ( وقالت بقرف وهي تأشر عالسوبر ماركت ) انزل هنا عند هذا الشي واسأل عن أفقر بيت ومكانه وكم شخص فيها
\\ نزل دقيقتين ورجع \\ السواق : طال عمرك العايله اسمها الــ...... وساكنين بنهاية الشارع ..وعندهم 4 اولاد و5 بنات
ام رياض : هههههه وجع .. انا ثلاثه وبالموت جبتهم خايفه على جسمي يخترب ..روح لبيتهم الحين بسرعه ابي ارتاح
السواق : حاضر .. وتحرك الى ان وصل للبيت المطلوب
ام رياض : انزل جيب لي احد من اهل البيت
\\ نزل السواق للبااب ودقه بعدين طلع له ولد صغير وسأله عن اسم العايله بعدين طلب منه ينادي أحد من الأولاد الكبارولا الأب .. دخل الولد ومامرت دقيقه الا وهو راجع ومعه رجال كبير سلم عليه وقال له ان ام رياض تبغاه \\تحرك الرجال بإتجاه السياره وأول ماشافته ام رياض نزلت له وقعدت تتكلم معه حوالي 10 دقايق بعدين رجعت وفتحت الباب اللي من جهة رشا وسحبتها من شعرها : امشي روحي داخل وهم يتصرفون معك .. اليوم بيجبون الشيخ وولدهم يتزوجك .. الليله انا ابي اخلص من هالمصيبه ومن سواد الوجه اللي حطيتيني فيه .. توافقين على زواجك من ولدهم ورجلك فوق راسك فاهمه ؟؟؟؟؟؟
رشا ببكاء وهي تحاول تفك شعرها من يد امها : لاااا يمــــه ارجوك لا تتركين:ي هنـــا .. يمـــه والله مظلومه محــد قرب مني .. والله مالمسني الولد اللي انتي شفتيه ,,, تهئ تهئ .,, يمممممه
ام رياض بحقد : اششش اسكتي فشلتيني .. الله ياخذك ان شاء الله ولك عين بعد تتكلمين ,, اللي مثلك يبـــلعون لسانهم
رشا:مابـــــــــي .. مابي اتزوج مابـــــــــيه ,, فكيني
ام رياض : لاصار بكيفك قول مابيه ... انا اقرر وانتي تنفذي وخليني اسمع صوتك مره ثانيه .. مايردني الا العصا اجلدك فيها علشان اعلمك الأدب .. صحيح ماعرفت اربيك ,, اليوم اذا الشيخ سألك توافقين وانتي مبتسمه بعد
رشا صرخت : لااا مابوافق .. مابخليك تدمرين حياتي مثل مادمرتي حياة اخواني .. انتي قدرتي تتحكمين فيهم .بس انا لا
ام رياض سحبتها بأقوى ماعندها ودخلتها للبيت ورمتها عند الباب: انا رايحه ,, بعد المغرب بكون هنا مع اخوانك وابوك وياويلك ياسواد ليلك اذا سمعت منك (لا)
%$%
العصر
ريــاض رجع لعند اهله .. وشاف امه جالسه بالصاله وسرحانه
رياض : السلام عليكم
ام رياض برفعة حاجب : هلآ
رياض ( الله يستر .. حتى السلام ماترد عليه .. شكل النفسيه تعبانه ): اخبارك يمــه ؟؟
ام رياض بقرف:اففف يمه لا تقول لي يمه تكبرني وانا صغيره وبعدين شفتني الصباح وسألتني نفس السؤال تلعب انت ؟؟
رياض ابتسم : لا اله الا الله .. محمد رسول الله .. شفيك يمه اكلتيني
ام رياض : خلصني شنو تبي مني ؟؟
رياض بتردد : دانــ ... آآ اا..دنـ ,,
ام رياض : اففففف .. وبعدين معك
رياض : دانه يمه دانه
ام رياض ببرود : ومن هذي دانه ؟؟
رياض: يمه لاتسوين نفسك ماتعرفينها .. هي قالت لي كل شي وانك رحتي لها الشقه
ام رياض باستغراب مصطنع: رياض انت شنو قاعد تقول ؟؟ .. من هي دانه اللي رحت لها الشقه .. بسم الله عليك .. حبيبي تعبان .. انادي لك الطبيب .. محتاج شي؟
رياض بتوتر : يمــه .. انا مافيني شي ,, قولي الحقيقه تكفين يمه .. لاتخليني كذا
ام رياض : أي حقيقه وأي خرابيط ,, رياض ,, قوم فوق ارتاح شكل سالفة اليوم اتعبتك ,, مو قادر تشغل عقلك
رياض بجديه : دانه زوجتي أمس رحت لها الشقه اتطمن عليها .. لقيتها طايحه عالأرض والدم مغرقها .. وبعدين لما اخذتها للمستشفى قالوا ان الجنين مات .. كان ولد يمه .. ولدي فقدته .. ولما طلعت من العنايه وارتاحت قالت لي انك انتي اللي رميتيها عالأرض .. وانك قلتي لهـا تسافر وتتطلق مني
ام رياض ( حلووووو .. وهذا الطفل واتخلصت منه .. ياقي الأم الله يقدرني واطفشها ) عقدت حواجبها وتجمعت الدموع بعيونها و وقفت وقالت برجفه مصطنعه : اكيييد تمزح انت .. متزووج يارياض متزووج كيف؟؟ ( صرخت) متى !! لا بعد كانت حااامل يعني الموضوع من زمان .. هذي اخر تربيتي فيك .. تتزوج من غير علم اهلك .. ليـــــه .. ليـــه ؟؟
رياض توتر من بكي امه وخاف عليها لأنها مريضه والمفروض انها ماتنفعل وقال يتدارك الموضوع : ههه .. ههه هههه الله يهديــك يمه ماينمزح معك .. على طول صدقتي .. آآآ أنا ... آآ .. انا قلت كذا بس علشان انسيك موضوع رشا وعلى طول صدقتي هههه .. الله يخليك لي بس
ام رياض( ههههه تمزح .. أنا اوريك )وقالت بعدم تصديق : تمزح !! يارياض جــد تمزح
رياض بابتسامه :هههههه .. آآيــــه يالغاليه .. امزح وانتي صدقتي .. الله يهديك
ام رياض بدهـــاء : اجل خلاص دام انت فتحت سيرة الزواج يعني انك ودك تتزوج ,, اليوم اكلم ام سعود صديقتي ,, اخطب لك بنتهـــا ,, الصغيره ماشاء الله تبارك الرحمن ,, مال وجمال وثقل وعقل
رياض ابتلش وقال يتهرب : عن اذنك يمه بروح جناحي انا تعبان ,, وركض لناحية المصعد
ام رياض بابتسامه النصر وهي متأكد هان كلامها هو اللي بيصير : السكووت علامة الرضا
رياض كان يركض بسرعه ويتوعد بدانه لأنها كذبت عليه ,, وماسمع كلمتها الأخيره خاف انها تتعمق بموضوع الزواج
%$%
بالفندق
مشاري : شيلي كل اغراضك الليله بنروح لبيت اهلي ,, وخليك تقولي لأمي اني ما بسكنك لوحدك
روح بتفهم : عاادي اصلا مو لازم اسكن لوحدي
مشااري يتمصخر عليهاا : ياااااي .. مطيعه ماشاء الله عليك
روح بجديه : مشاري ,, انت ليه تعاملني كذا ,, والله الرجال اللي أمس ما اعرفه ومدري كيف دخل ,, اقسم بالله ماحسيت الا وهو واقف وراي ويقرب مني
مشاري : مــــــــــــــره بريئه ماشاء الله عليك
روح : والله اني اول مره اشــوفــ
مشاري قاطعها : لاتجيبين اسم الله على لسانك ,, اعوذ بالله ,, آآخر زمن يحلفون بالله كذب
روح : قلت لكـ انا ما اعرفـ...
مشاري : اقول لو بتتكلمي من اليوم لبكره مابصدقك اولا لأن السالفه فيها فيصل الـ,,,, وهو مستحيل يدخل لهنا وهو ماله علاقه فيك ,, ثانيا لو انتي ماتعرفينه مثل ماتقولين ليه مسجله رقمه بجوالك؟؟
وطلع من الغرفه وبعدين رجع وكأنه تذكر شي : اسمعي اخلصي بسسرعه ,, برميك عند امي وبمشي وراي طياره لروما .. بجلس كم اسبوع ارتاح من وجهك ,, الكئيب
وطلع من غير ماينتظر منها جواب وتركتها تفكر بمشكلتها والكلام اللي قاله (( فيييييييييييصل .. هاللي مايستحي على وجهه لاحقني لهنـــا ,, يمــــه منه ,, شكله يبي ينتقم من اللي سويته فيه ,, بس كييف وصل مشاري لجوالي وانا من امس ماشفته ولا شافني ولا حتى كلمني ,, افففف انا شاللي خلاني ما امسح رقمه بعد ما انتهت السالفه ))
%$%
عند مشاري
: لالا انا بنحااش لحد مايخلص الموضوع وارجع ,, ايه ايه .. يازياد افهمني ,, ما اقدر اقول لك ,, مصيبه وطحت فيها
,, لاماتقدر تساعدني ,, كيف؟؟ لالا .. فيصل هو السبب يازياد هو السبب .. علقني بمشكله جديده لها أول مالها آخر .. والله مدري متى برتاح منه يازياد والله تعبت ,, تحملت كثييير تحملت فوق طاقتي ,, المشاكل كل يوم تتراكم علي من كل جهه ,, تجي معي وين ؟؟ ,, لا انت مالك دخل ,, ما ابيك تتورط معي بمشاكل مالك دخل فيها ,, خلاص خلاص لاتحن علي ,, اليوم اذا شفتك اقول لك ,, يلا مع السلامه
%$%
بالمستشفى عند دانه
دانه : يعني انا اجذب عليك يارياض
رياض بصراخ : ليـــــــه تسوين كذا ,, تتبلين على امي ,, حرام عليك هي مالها ذنب
دانه ببكي : تهئ رياض .. والله ماجذبت ,, انت تعرف مستحيييل اسوي كذا
رياض صرخ زيااده : الا أمي يادانه الا أمي ,, مابسمح لك تشوهين صورتها قدامي
دانه : ريـــاض ,, الله يخليك افهمني ,, انا شنو استفيد اذا سويت جذي
رياض بحقد : شنو تستفيدين ؟؟ هااه ,, انتي تبين تبعديني عن اهلي بأي طريقه ,, هذا اللي تتمنينه
%$%
بيت ابو عبد العزيز
ام عبد العزيز جالسه تصحي كادي من النوم صار لها سااعه : كاادي يلا قووومي تعبت وانا واقفه هنا
كادي : ................................
ام عبد العزيز : يلا كاااااادي ,, اخلصي
كادي برضو لا رد : ................................
تحركت ام عبدالعزيز وسحبت الفراش من على وجه بنتها تفاجأت من اللي شافته وصرخت : يمممممممممممه بنتي
%$%
غيورٍ ما عرفت أضحك مع الغدر ببّرود أعصاب
أبيع عيوني الثنتين قبل أنك تخونيني
إذا شد الغرام اترك خفوقي بين ناب و ناب
لفرقى تكسر ضلوعي و لا عشقٍ يوطّيني
أنا رجلٍ و لي غيره و إذا شفت الهوى كذاب
تثور بقلبي الفزعه و لا تهدى شياطيني
%$%
يتبــــــع ..
ادري انه قصير ^_^ بس سامحوني كنت مسافره وهذا اللي قدرت اكتبه
تــــوقعاتكم ؟؟؟
*شنو المشكله الجديده اللي فيصل رماها على مشاري؟
* كااادي شفيها !!!
*دانه ,, واللي سوته فيها ام رياض ؟؟
*رشا شنو بيصير عليها ؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري