خالد وسُعاد والحُب الاستثنائي / للكاتب إنسان مزاجي ،مكتملة

[لامارا]

[ الجُزء التاسـِـــــع ]

كـــــــــــان خالد في المُستشفى عَلى سَريرهـ
صحَى على صوت جوّاله يرن ..

خالد: ألووو
طلال: هلا خالد
خالد: هلابك أكثر
طلال: بعيد الشرّ عنك
خالد: الشر مايجييك يابعدهُم
طلال: هاهـ شلونك اليوم
خالد: والله مآشي حالي أحسن من اوّل
طلال: لاتاكل غدا المستشفى بجيب لك غدا اليوم
خالد: لاتكلف على حالك ياطلال
طلال: مافيها كلافه وانا اخوك

أوّل ماانتهَى خالد مِن المُكالمه دخلت عليه السستر " مصريّه " أوّل مرهـ يشوفها:
ألف ألف سَــــــــــــــلامه عليك ياخالد ماشاءالله وشـّك اليوم زيّ الأمَر ( القمر ) هع
الله يسلمك يادكتورهـ << ودي اقولها يابعد عمري والله انها حلوه وصغيرونه خخخخخخخ
كانت السستر ماسكه في يدها

صندوق كبيــــــــــــــــر مليان شوكلاتــه مع عطر




ومعاهـ بــــــــــــــــــــــاق ة ورد وورقه !

المُمرّضه: خالد وصلتك الهديّه دي مع كارت ورساله اليوم الصّبح وانتا نايم
خالد : من مييين ؟!
المُمرّضه بـ ارتباك : مش عارفه ياأستاز خالد بس بنت زيّ الأمَر ربّنا يحفزها ( يحفظها ) هع

يفزّ خالد من مكانه ويجلس على طرَف السريـــــــــر:
طيب عطيني اياهم واطلعي برّاااا
تحط المُمرّضه الصندُوق وباقة الورد على الطاوله وتعطي خالد الكَرت
يفتح خالد الكــــــــــرت ويقرأ اللي فيه:

" أوّل مرهـ أشوفك فيهَا وتمنيت لو شفتك بـ حآل أحسَن
بس قدّرَ الله وماشاءَ فعَــل والحمدلله في الحَديد ولافيـــك
ياليت اللي فيك فيني ولاأشـُـــوفك بهَـ الحَال يابعَد عمري
تمنيتك تفتّح عيُونك لاجل تشوفــــــني واتطمّن عَلى حَالك
بس ماحبيت أزعجك ولاحبّيت أوّل شوفاتك لي بدمُوعِــي

أحبك / سُعاد .................................................. !! "

قرأ خالد الرّساله مرتين وثلاث وعادها للمرّه الرابعه والخامسَه
قام من سريرهـ وطالع وجهه في المرايــه يمكن يكُون في حلم !
قرص نفسه وعطى نفسَه كف كفّين يمكن يحَى من نووووومَه
صرخ بـ أعلى صوووووته : سستر سستر !!

الممرضه: أيوا استاز خالد
خالد بـ عَصبيّه: انتي غبيه والا تستغبين ؟!
الممرضه بـ خوف: في أيه استاز خالد يارب الكارت بتاع الأمَر مافيهوش حاقه تزعَّلك
خالد بـ عصبيّه أكثر: من اللي جايب الكررررررررررررررررررت والصندوق والورد !!
الممرضه: هَدي هدّي الله يخليك ياخالد واللهي سِتّ مابعرفش مين
خالد: ويوم انها ست ماتعرفين منهي ليش ماقعدتيني من النووووم

سكت خالد اشوووي يفكّر .. ثم قال بـ هدوء: آقول سستر
الممرضه: أيييوا استاز خالد
خالد: أوّل الصّباح ماكان فيه وقت زيارهـ وشلون هالبنت دخلت ؟!
الممرضه بارتباك: هـــاااهـ مش عارفه واللهي مش عارفه
خالد بعد ماهدت أعصبه اشوي: ألحين انتي اطلعي برااا وخلك قريبه بناديك اشوي

تهزّ المررضه راسها وتطلع من الغرفـَــــــه
يرفع خالد جوّاله ويتصل على سارهـ . . .
لأنها الخيار الوَحيد اللي ممكن يوصّل خبر وجودهـ بالمستشفى لـ سُعاد !

خالد: ألووو
سارهـ: هلا هلا اووووف ياقدمك ياخالد ههههه
خالد: سارهـ مو وقت غبائك واستخفاف دمّك
سارهـ: يؤيؤ شفيك معصّب خلّووود
خالد: إنتي قايله لـ سعاد اني بالمستشفى ؟!
سارهـ: مين سعاد ؟!
خالد: سارهـ أنتي ابخص مني مين سُعاد وبلا استهبال
سارهـ: أووووه قول صمّوته لاني ماعرفها الا كذا ههههه
خالد: إيــه صمت
سارهـ: إيييه أناااا والله وصرت تحب من ورانا ياخلّووود
الا انت شدرّاك أمداك طلعت من المستشفى يالجني ههههههه
خالد: علميني وش قلتي لـ سعاد بالظبط ؟!
سارهـ: أبد الله يسلمك طلبت ايميلي وأضفتها
قالت لي وين خالد قلت لها بصراحه في المستشفى قالت أي مستشفى قلت لها الفلاني
قالت وش فيه قلت لها حادث بَسيط ماحبيت اخرّع البنت واقولها انك تمشي 200 وكنك واحد يبي ينتحر ههههه
خالد: سارهـ تخيّلي !
سارهـ بـ اهتمام : أيش ؟!
خالد: جاتني باقـَـــة وَرد وهديّه منها في المستشفى مستغررررب حَدّي
ولما شفت الهديّه عصّبت وانقلب حالي مدري ليش يمكن كنت خايف اني اصير بحلم هههههه
سارهـ: ههههههههههههههههههههه
خالد: بس الغريييب شلووون جاتني وشلون دخلت بالرغم من انه موب ووقت زيارهـ !
سارهـ: يمكن انها أعطت بخشيش للموظفين هههههه
خالد: أقووول ساره
سارهـ: هاه
خالد: اقلبي وجهك الشرهه على اللي جالس يسولف لك انتي ويا تنكيتك البايخ

يقفـّـــــــــــل خالد الخط وينـــــــــــــــــقز من مكاااانه بغى يقطع سلك المغذي من الفرحه خخخخخخخخ
مااااصدق ان الهَديّــــه من سعاااد ومو متخيّل انها دخلت عليه بالغرفه هع
مو مهمّ شلون دخلت بس الأكـــــــيد انه فرحان انها جاته وتعنّت علشانه
ياااااااااه ياسعاد فديت قلبك والله .. ياليتك مقعّدتني من النوم ههههههه

حَــــــــسّ خالد بـ تحسّن في حآلته على الرّغم من الألم اللي فيه
زيارة سُعاد له خففت عنه كثير حتى لو انه ماشافها ولاسمع صوتها

تذكّـــــــــر ان الممرضه تنتظرهـ براااا ونادَاها بـ صوت مختلف عن الأوّل: سستر سستر
الممرضه: أيوا أيوا يااستاز خالد أؤمرني .. سُبحان مغير الاحوال فين راحت العَصبيّه
خالد: أقووول يابعدهم انتي لاتتغدين اليوم عازمك على الغدا على حساب طلال < خخخخخخخخخخخخخخخ

.
.

في البيت على سريرها منسدحه وجوَالها بـ أذنها: هلا هلا ناديه
المُمرّضه ناديه: أهلاً سُعاد أهلاً بيكي
سُعاد: هاهـ طمنيني وش صار ؟!
ناديــه: عصّب عليا وقلب الدُّنيا على راسي وطرَدني من الغرفه ههههه
سعاد: يؤيؤيؤ طيب عساك فهّمتيه
ناديــه: ماعرفتش افهَّموا وماعرفتش أأول حاقه دهـ مزاجيّتوا غريبه
سُعاد: هههههه اسأليني أنا عن مزاجيّته ياناديه
ناديــه: بس يختي عليه كلووه حلاوه إسم الله عليه بيجنن بيعأد
سعاد: هييييه هيييه انتي شفيك تغزّلين فيه
ناديــه: أسفه أسفه واللهي ماكونتش أأصُد ( أقصد ) هع
سعاد: ناديه تكفين انتبهي له مثل ماوصّيتك وان شالله بعطيك اللي يرضيك
ناديــه: حاااااضر ياستـّــي دا انتي تؤمري والأستاز خالد يؤمر يؤمر
سُعاد: مع السلامه
ناديــه: مع ألف سَلامه حبيبتي

تقفـّـــل سُعاد الخط وتحسّ بـ رآحه أكثر بعَد ماتطمّنت على خــــــالد
خصوصاً إن الدكتور طمّنها عليه وان حالته أحسَن من أوّل بـ كثير
وقالها انه رآح يطلع من المُستشفى بـ اليومين الجايين ان شـــالله

تدخـــل على الماسنجر وتقابل سَــــارهـ

سُعاد: هلا ساره
ساره: هلا بيييك
سعاد: مشكوره وماقصرتي ياساره ريّحتي قلبي الله يريح قلبك
ساره: الله لنا ياللي تحبون من ورانا ههههه
سعاد: ساره تكفين مثل ماوصّيتك مابي أحد يعرف بعلاقتي مع خالد
ساره: بس اللي معانا بالمنتدى بقول لهم هع هع
سعاد: لااااااااااا يامجنونه ولااحدددد
ساره: طيب قوليلي انتي رايحه للمستشفى بجد ؟
سعاد: وانتي وش دراك
ساره: الاخبار تجيني اول باول مايخفى على سارووه شي هع
سعاد: امااااااااانه مين قالك .. ساره انتي بينك وبين خالد شي الحين ؟!
ساره: لاياشيخه ريّحي بالك خالد يحبك
سعاد: اجل كيف عرفتي
ساره: بطريقتي الخاصه *_^
سعاد: اوووووووووف منك تقهرين
ساره: هههههههههههههه .. تصدقين عاد اني مستغربه من علاقتكم
سعاد: ليش ؟!
ساره: لأني أعرف خالد زيــــــن مايحب من غير مايشوف
أذكر انه كثير كان يقول انه مستحيل يحب وحده ماراح يشوفها
سعاد: إيييه حَتى أنا قالي إن علاقاته كلها مثل ماتثولين
آآآآآخ ياسارهـ وانا بصرآحه هذا اللي معذبني ومعوّر قلبــــــي
ساره: وشو ؟!
سعاد: خالد حوووله ناس كثير وانا آغار عليه منهم ,
وياما طلع مع بنات وقابلهم ولما كنت أقوله يبرر بـ أن علاقته معهم عاديه
ساره: وشلون عاديه ؟!
سعاد: يعني مايحبهم , عاد تبين الصراحه ياساره
ساره: أيوا
سعاد: أنا أقدر اني اطلع واجلس معاه واشوفه بس مابي أحسّ اني مثل غيري في قلبه !
ساره: طيب يالعاشقه الولهانه هع هع خلينا من هالسالفه تراك غثيتيني فيها
سعاد: طيب آسفــــــــــــــه
ساره: بقولك شي .. انتي وشلون دخلتي على خالد في المستشفى بوقت مافيه زياره ؟
سعاد: أعرف ناس بالمستشفى
ساره: ومين هاللي تعرفينهم
سعاد: اللي ماتعرفينه اني أدرس بـ الكليّه الصحيّه
وكثير من صديقاتي تخرّجوا من الكليه ومُوظفات بهالمستشفى
ساره: اهااااا يعني انتي دكتورة المستقبل هع هع
سعاد: لا مو دكتوره بس راح اشتغل بمستشفى
ساره: ان شالله تعالجين خووووويلد هع
سعاد: بعييييد الشر عليه ان شالله بعدوّينه
ساره: هههههههههه يالله انا بطلع
سعاد: باي
ساره: باي

.
.

لما طلبت سعاد من ساره ايميلها سألتها عن خالد ؛
ساره قالت لها انه بـ المستشفى الفلانـــي في الخبر
إتصلت سعاد على صديقه لها بـ المستشفى وسألتها عن غرفة خالد
اشترت الهَـدايـــــــــــا وراحت معَ السايــــق لـ خالد في المستشفى
وبمُساعدة صديقاتها اللي بالمُستشفى قدرت انها تتطمّن على خالد
وتوصّي عليه أحد المُمرّضات المَصريّات وطبعاً عطتهَا فلوس .

.
.

بعَد صلاة الظهر كان طلال داخل على خالد في الغرفـَـــــــــه:
حمد الله على السلامه ياعمّنا ههههههه
خالد: الله يسلمك
طلال: ايييه اليوم وجهك منوّر أحسَن من اول
خالد: الحمدلله على كل حال
التفت طلال على يمينه وشاف صدنوق الورد الكبييير: خالد وش ذا الصندوق
خالد: جايني هديه ههههههه
طلال: اعنبوك انت في مستشفى والا صالة أفراح هههههههه
خالد: لاحوووول بتحسدونا على هدايانا بعد
طلال: ياشيخ عليك بالعافيه .. المهم هذا غداك
خالد: وين رايح تغدّ معي
طلال: لا ياخوي تغدا على راحتك انا بروح البيت
خالد بعَد تفكير قصير: طلال كم التاريخ اليوم ؟!
طلال: هجري والا ميلادي ؟!
خالد: هجـــــــــــــــــــــــ ـــــري !
طلال: تسعه من شهر صَفر
خالد: أمممممما عاد
طلال: ليه وش فيك اخترَعت
خالد: طلال تكفى بطلب منك طلب وبكلف عليك بس مابيك تردّني
طلال: آمـــــــــــــر ياخالد بدون ماتستأذن افا عليك
خالد: أبيك تروح السووق تشتري لي بعض الاغراض أحتاجها
طلال: مثل أيش ؟!
خالد: اممممممممم كيكه كبيرهـ / خاتم / باقة ورد
طلال: الله الله !! لايكون عندك حفله فهالمستشفى ههههههههههههه
خالد: إيييه عندي حَفله انت ماعليك بس
طلال: الله يرقـّــدنا فهالمستشفى شكلها وناسه ههههههههه
خالد: ههههههههههههههههههههههههه ههههههههههههه
طلال: هههههههههههههههه
خالد: المهم تكفى لاتتأخر عليّ باللي قلتلك
و الله الله في الخاتم , وان كنت أشك ان عندك ذوق زين هههه
طلال: هههه لا ولايهمك
خالد: خذ هذي بطاقتي الصراف اسحب منها واشتر الاغراض
ولا أوصّيك اسرق فلوسنا ههههههه
طلال: والله ماظنيت فيها شي يستاهل انه ينسرق ,
عموماً اعتمد ياغالي ان شالله الاغراض اليوم هي عندك

طلع طلال من عند خالد معاه بطاقة خالد الصراف , وعلى الرّغم من إن طلال أعَز أصدقاء خالد
إلا إنه مايدري أبداً عن علاقته مع سعاد لأن خالد معطي وَعد لـ سُعاد محد يعرف عن علاقتهم

إنســــدح خالد على السرير وصرخ بـ أعلى صوته ينادي الممرضه ناديه : سستر سستر !!

يتبع ..

[لامارا]

[ الجُـزءُ العَاشـِــــــر ]

دخلت المُمرّضـَــــــه ناديَــه عَلى خالد وهُو منسدح عَلى سَريرهـ
خالد: هَـــــذا الغدا خذي لك منه اشوي وحطي لي في صحَن وجيبيه
المُمرّضه: حاضر ياعمّ خالد وشكراً على كرمَك
خالد: ولووووو تستاهلين .. الا انتي شسمك ؟!
المُمرّضه: ناديــــــــــــــــه
خالد: اسمك حلو مثلك ههههه
المُمرّضه: ربنا يخليك
خالد: وين المُمرّضه اللي كانت مَوجوده عندي قبل ماتجين ؟!
المُمرّضه: هااه .. راحت قسم تاني
خالد: وليش ؟!
المُمرّضه بـ ارتباك: إإإإ مشش عارفه !
خالد: شلووون مش عارفه
المُمرّضه: ....................
خالد: يعني انتي اللي جايه برضاك والا هم اللي جايبينك ؟!
المُمرّضه: بـ صرآحه أنا اللي جايه هنا
خالد: وليش جايه
المُمرّضه: ..................
خالد: تكلمي لاتقهريني
المُمرّضه: لأ لأ ماتعصّبش ياأستاز خالد
خالد: طيب علميني ليش جيتي هنا ومين جابك
لأن انا من جيت هنا ماتغيّرت الممرضه اللي كانت موجوده عندي
ولافيها شي عشان اقووول والله غيروها لسبب مُعيّن
المُمرّضه: خلاص ازا مش عاوزني أرُوح لقسمي ياأستاز خالد
خالد: سمعيني ياناديه واتركي عنك الكَلام اللي مايودّي ولايجيب
أنا برُوح قسمِي أنا جيت برضاي انا انا هالكلام مايمشي مَعِي
ياليت تكُونين معي واضحه وصَريحه .. سعاد جايه عن طريقك ؟!
المُمرّضه: سُعاد ميييين ؟؟
خالد بـ عَصبيّه: أنتي أخبَر مني سُعاد مين ,
واللف والدروان ماأحبه .. لو سَمحتي يعني ياناديه !
المُمرّضه: طيب واللهي واللهي انا ماكنتش اعرف سعاد مين
بس المسؤوله هنا هيّا اللي أرسلتني لـ قسمك أكُون مُشرفه عليك
إزا تحب حناديها وانتا اتفاهَم معاها وتسألها اللي انتا عاوز ..
خالد: سعوووديه ؟
المُمرّضه: أيوا سعوديه
خالد: طيب خليها تجيني


طلعَت ناديه من غرفـَـــة خالد وأخذت معها الغدا رتبته وأخذت منه اشوي وحطت الباقي لخالد
رجعت لخالد أعطته غداهـ وعلطول طلعَت من الغرفه اتصلت على سُعاد ..!

ناديه: أهلاً سعاد أهلاً بيكي
سعاد: هلا ناديه شصاير ؟!
ناديه: كل خير ان شاءالله بس خالد
سعاد: خالد شفييييه ؟؟؟
ناديه: بيسألني ليه انا مُشرفه على القسم الي هوّا فيه
سعاد: طيب ياناديه عاااادي خلاص علميه اني باللي صار
ناديه: أنا كُنت خايفه انك تزعلي لما أتكلم بحاقه
سعاد: لا عادي قولي له مافيه مشكله ان شالله
ناديه: حاااااااضر

.
.

كانت صمت الرحيل داخله على المُنتدَى .. القسم العامّ بـ التحديد
لفت انتباهها موضوع مُثبّت عنوانه ( دعواتكم بـ الشفاء العاجل للعضو نـ,,,ـياكم )
دخلت على المَوضوع وانقهرت لما شافت ان اللي كاتبه الموضوع سَـــــــــــارهـ !
" لهَالدرجه ساره قريبه من خالد وتنزّل موضوع عنه ؟ سواءً كان يدري أو مايدري
لو كان يدري معناته بينه وبينها شي وان ماكان يدري معناته سارهـ تمُون على خالد حيييل "
مَاصدّقت صمت تشوف سارهـ داخله على الماسنجر .....

سعاد: السلام عليكم
ساره: عليكم السلااااام
سعاد: ساره ممكن اتكلم معاك بـ موضوع
ساره: إلا خالد لاتجيبين طاريه ترى زهقققت من كثر ماتسولفين عنه
سعاد: ساره أوعدك آآآآخر مره اسولف لك عن خالد
ساره: يلا خلصينااااا
سعاد: انتي بينك وبين خالد شي ؟!
ساره: لااااااا الله لايقوله خخخخخ
سعاد: هو قالك تنزلين عنه الموضوع والا انتي منزلته من نفسك ؟!
ساره: أنا من نفسي واجتهاد ذآتي هع هع
سعاد: ساره بما إن خالد علّه في نظرك ليش ماتبعدين عنه
ساره: وانتي وش حاااااارق رزك
سعاد: ياساره بس افهميني الله يخليك
ساره: وش افهم عليه انتي ماتفهّمين زين
الله يعين المرضى عليك لاصرتي دكتوره بتزعجينهم بسالفه وحده كل يوم
ويمكن تحطين لهم وصفه طبيه وحده ماتتغير خخخخخخخخ
سعاد: ساره انتي تدرين انا احب خالد واللي يحب لازم يغار
وانا آغار عليه غصب عني مو بكيفي ولا برضاي
ساره: قالت غيره قالت .. ياشيخه طيري على بالك خويلد مايعرف الا انتي هع
سعاد: ليش وهو يعرف غيري ؟!
ساره: إييييييييييييييييييه ويامالك كل يوم بتكتشفين وحده جديده بحياته
سعاد: قولي والله
ساره: ماني بحالفه واذا مو مصدقه مو بلازم
سعاد: سااااااااااااااااااااره لاتقهريني
ساره: يمه يمه خوفتيني بعصبيتك خخخخخ
سعاد: ساره انا أكلمك باحترام كلميني باحترام لو سمحتتتتتتتتتتتتتتتتي
ساره: إحترام والا إحتلال << حلال وحرام خخخخخخخخ
سعاد: الشرهه والله مو عليك على اللي عادّتك انسانه عاقل وجالسه تكلمك باحترام

تقفل سعاد الماسنجر منقهرهـ من تصرف ساره واسلوبها وطريقتها في الكلام معها

.
.

في المُستشفى ..

خالد: أفهَم من كلامك ان الدكتوره منال صديقة سُعاد ؟!
ناديه: أيوا بالزبط
خالد: حلووووووو إختصَرتي عليّ المسافات
ناديه بـ استغراب: مسافات أيه أستاز خالد !
خالد: مسافات سباق الهجن ههههاااي
الحين انتي رُوحَي خلي الدكتوره منال تجيني ويصير خير
ناديه: لكن الدكتوره منال مش موقوده الآن

فهَـ اللحظه يدخل طلال وبـ يدينه الأغراض اللي طالبهُم خالد
خالد: هلا والله بالحامل والمحمووووول
طلال: إيييه فرحان , لاوطاقها سوالف مع الممررضه بعَد
خالد: هههههه ياشيخ هذي مرسُولة الحب انت شدراك
عموماً خلاص ياناديه اذا جات الدكتوره منال عطيني خبر
ناديه وهي طالعه من الباب: حاااااضر
طلال: ياخي والله ان مستشفاكم وناسه
خالد: هههههه تصدق ان هالحادث فال خير عليّ
طلال: استغفرالله الله يقوّمك بالسلامه بس
خالد: آآآآآآآآآآخ لو تدري باللي في قلبي ياطلال كان ماقلت هالكلام
طلال: وش اللي في قلبك
خالد: مو بلازم تعرف ورّني اللي شريت بس
طلال: قــــــــــل مشكوووور ياطلال يعطيك العافيه بعدين اسأل عن اللي شريته
خالد: ههههههههه من الحماس نسيت اقولك بس انت الحين اصبر خلني اشوف هاللي شريت
يمكن ماأقولك الله يعطيك العافيه يمكن اقول الله يلوّع كبدك ههههههههه
طلال: هههههههههه ياشينك .. جبت لك اشياء بتعجبك
هذا [ الخاتم ]



.. وهذي [ ساعه ] ..




وهذا [ دبدوب في علبه]

خالد: هيييييييه وانت شدراك اني ابغى هالهدايا ..!!
طلال: آفاااااا عليك ياخالد سنييين وعشرة عمر بيننا ولاتبيني أفهمك
خالد: ههههههههههههههههه ياحبي لك والله ياطلوووو
طلال: أنا من شفتك تسألني كم التاريخ وانا عارف الطبخه ههههههه
خالد: إي والله بـ صرآحه ياطلال شوف هالهدايا اللي قدامك كلهم من وحده بيني وبينها علاقه
طلال: ومخبّي علينااااا ياعمّ
خالد: لا والله ماخبيت عليك يابعَد حيي بس بيننا وعد مايطلع الخبر لأحد
وبيني وبينك هي قالت لصديقاتها هنا بالمستشفى مظطرّه وانا قلتلك مظطرّ يعاني متعادلين ههههه
طلال: طيب الحين هي بتجيك في المستشفى يعني ؟!
خالد: تصدق عاد ياطلال اني ماشفتها الى يومك ..!!
طلال: ماشفتهاااااااااا ..!! لا أجل منت بخالد اللي أعرفه ..!!
خالد: لا والله ياطلال اللي بيني وبينها اكبر بكثييييير من اللي في بالك وبالي
طلال: عموماً الله يهنيك ياخالد تستاهل كل خير والله , وأهم شي انك مبسُوط
خالد: إي والله مبسُوووط حيل ياطلال الحَمدلله

تدخــــــــــــل الدكتورهـ منال وكانت لابسَه حجاب ومعطف وعليه عباتها

طلال: أجــــــــل أنا أستأذن الحين ياخالد وان شالله أجيك يوم ثاني
خالد: الله معاك ياطلال وماقصّرت نخدمك بالأفراح يارب
منال: أهلاً خالد الحمدلله على سلامتك
خالد: الله يسلمك .. شخبارك ان شالله بخير ؟!
منال: الحمدلله طيّبه انتا كيفك ؟
خالد: الحمدلله حالي أحسَن
منال: آمرني ياخالد تقول ناديه انك تبغاني
خالد: إيــــــــــه والله أبغاك بـ خدمه
منال: آمــــــــــــــــر
خالد: طبعاً أنا عرَفت انك صديقة سعاد وانك انتي اللي دخلتيها عليّ هنا وجبتي لي الممرضه ناديه
منال: طيب
خالد: مو هذا موضوعنا , انتي عارفه ان بعَد كم يوم عيد ميلاد سعاد !
منال: إيــــــــه عارفه بس سعاد تقول ماراح تسوي حفله
خالد: لييييش ..!!
منال: لأنك بـ المُستشفى
خالد: لااااااااا لازم تسوي حفله
منال: طيّب رووق رووق مافي شي يستاهل
خالد: سمعي يادكتورهـ ابيك تعلمين سُعاد لو ماسوّت حفله والله لأزعل عليها
هذا يوم بـ السّنه وانا عارف ان سعاد تحب يوم ميلادها ومتعوّده تسوي فيه حفلتها
منال: طيب اللي تشوفه
خالد: ووووو أبي منك توصّلين لها هالدايا بيوم ميلادها تكفين
منال: هذي الهدايا لها ؟!
خالد: إيــــــــــــه لها
منال: طيب ولايهمك بس خلهم عندك واذا انتهى دوامي بجي آخذهم
خالد: أوووكي يعطيك العافيه
منال: يلا انا استأذن الحين
تووها بتطلع من الغرفه الا يناديها خالد: منااااال
منال: تفضل خالد في شي ؟
خالد: لا سلامتك , بس ياليت تخلصين أوراقي أبي أطلع من المستشفى خلاص
منال: بس لسّه تحتاج لـ الراحه انت
خالد: خلاص احس اني أحسن الحمدلله , أبي أطلع على مسؤوليتي
منال: أشوف الدكتور ويصير خير ان شالله
خالد: اوكي يعطيك العافيه
منال: الله يعافيك

يتبع ..

[لامارا]

[ الجُزء الحَادي عَشر ]


عند الريسبشن كان خالد وَاقف معَ المُوظف يخلص إجراءَات خرُوجه من المُستشفى ,
إتصل بـ صديقه طلال يوفر له مبلغ تكاليف علاجَه بعَد مااكتشف ان المَبلغ اللي عنده مُو كافي
وفعلاً جـــــا صديقه طلال ودفع بـــاقي المَبلغ وأخذ خالد معاهـ ..
بعَد ماأعطى خالد هدايَا سُعاد للدكتورهـ منال وحَرّصها تكُون الهَديه مُفاجأهـ لـ سُعاد في حَفلة مِيلادهَا


في السيارهـ ..

طلال: ألف حمدالله على سلامتك
خاد: الله يسلمك من كل شر .. تعبتك معاي ياطلال وكلفت عليك
طلال: افا عليك بس ياخالد وش ذا الكلام .. مابيننا شي وجيبي وجيبك واحد
خالد: جعلك سالم يابعَد حيي .. مافيه شك والله
طلال: ترى برُوح مَطعم عازمك على العَشى بعدين بودّيك بيتكم
خالد: خلها وَقت ثاني الحين انا تعبان وأبي أروح ارتاح اشوي

يقطع سوالفهُم رنـــّــــــــــــة جوال خالد .. يطالع خالد فالرقم ويشوفه رقم غريب

خالد: مرحبــــــــــــــــآ
- : .......................
خالد: الـــــــــــــــــــو
- : ......................
خالد: هلا بك أكثر , وعليكم السلام , الله يسلمك , خطاك السو والشر مايجيك .. مييين وياي ؟!
- : سُعاد
خالد: هلااااااا والله حي الله هالصوت
سُعاد: الله يحييك .. شخبارك
خالد: الحمدلله طيب وبخير , انتي شلونك ؟!
سُعاد: بخييير دامك بخير
خالد: هذا رقمك ؟!
سُعاد: ييس
خالد: خــــــــــلاص أنا فـ طريقي لـ البيت بس أوصل واتصل فيك
سُعاد: أووووكي
خالد: ............؟؟!!

إلتفت طلال على خالد اللي كان في حَالة استغراب:
الله الله على الحب هههه
خالد: آآآآآه ياطلال والله ان هالبنت غيرت حياتي 180 دَرجه
طلال يكتفي بـ النظر في عيُون خالد !
خالد: شفيك تطالعني كذا انت ووجهك , علاقتي معَ هَذي مو مثل علاقتي معَ ساره وهيله وأوتار
طلال: ههههههههههههههههههه شهالأسماء , مو بناقصهم الا بيانو وبهارت هههههههه
خالد: والله انك فاضي , شتبيني اقولك يعني , لازم تصير اسمائهم ريما وشمايل وديانا حداد
طلال:والله لو أسمائهم رقيّه وحسينه وخديجه , أهم شي القلووووب ياطلال
طلال: الله يهني سعيد بـ سعيدهـ , وهذي شسمها ؟!
خالد: سعاااااااد الله يسعدها
طلال: ههههههههه شهالإسم بعد
خالد: كـــــــــل تبن
طلال: هههههههههههه
خالد: صح إسمها مو حلووو بس والله انها حلّت هالإسم بعيني فديتها
طلال: الله يهنيك , أهم شي مرتاح
خالد: إذا فيه شي فوق الراحه انا عليه حالياً معَ سُعاد .. الحمدلله
طلال: أجــــــــــل ماعمركـ شفتها تقووول
خالد: وأوّل مــــــــــــــرهـ أسمع صوتها في الجوال بعد أبشرك
طلال: ليش وبالاول وين كنت تسمع صوت بالمايك هههه
خالد بـ جديّه: إيــــــــــــــه بالمايك في الماااسنجر
طلال: شلوون ؟!
خالد: سعاد علاقتي معها إنترنت ياطلال والحين أكثر من سَنه وانا أعرفها
أحس انها أقرب لي من نفسي , بالرغــم من اني ماكلمتها جوال ولاشفتها
ياخي سُبحان الله ياطلال .. فيه ناس تدخل القلب من غير استئذان وفيه ناس
تجبر القلب عليهم ويرفضهم بالطيب بالقوّهـ ومايتقبّلهم !
طلال: ........................
يسدح خالد سِيت السيارهـ ويحط يدينه ورَى راسه ويرفع نظرهـ فوق وبتكلم بـ هدوووء:
سـُــــــعاد هذي علمتني الحب ياطلال اللي ماكنت أعرفه ولاكنت أدري شنو يعني
كنت أفكّرهـ مُجرّد علاقـَــــه وضحك ولعب وطلعات وتمشيات ومطاعم وهسترهـ
لكن سعاد غيّرت نظرتي وعرّفتني بـ الحُب الحَقيقي , وعَرفت معها وش معنى حب !
( يلتفت طلال صوب خالد ويطالعه بـ اهتمام أكثر لما حسّ بـ جدّيته في الكَلام )
ويكمّل خالد كلامه: تخيل ياطلال .. مرّت علي أيام أدور فيها على من يوقف معاي
وماألاقي قدامي الا سُعاد أفضفض لها واقولها كل اللي بخآطري .....
عمرها مااشتكت ولاتعبت ولاملّت .... ... آآه .... كنت لامن ضحَكت ألاقيها أسعَد إنسانه
ولما أتضايق مااشوف أحَد حولي مهتمّ فيني ..؛؛ إلا سُعاد تحسّ فيني من ورَى شاشات !
سعاد ياطلال علمتني ان الحب تضحيه / وفاء / إخلاص .. علمتني كيف نتقاسم الحزن
وكيف نتقاسم الفرح , أثبتت لي انه مازال بالدنيا قلوب لما تحب تحب بـ صدق واحساس ومشاعر

يـــــــــرفع خالد راسَـــه وينتبه ان طلال كان وَاقف عند باب البيت , يفتح خالد باب السيارهـ:
طلال .. ماقصّرت ياصديقي , الله لايحرمني منكـ يالغلا وجعلي ماأحتاجك ولاتحتاجني الا في خير
طلال: اللهمّ آآآمين يارب .. إنتبَه على حالك ومتى مابغيت شي أخوك موجُود .. إتصل نــــــصــل
خالد: الدنيا كلها خ ــير دام الطيّبين أمثالك فيها ياطلال .. مشكووور وماقصّرت
طلال: شرواك الطيب ياخالد .. مابيننا هَـ الرّسميات ياخالد آفا عليك بس من متى تشكرني وأشكرك
خالد: فمآن الله

يقفـّـــل خالد باب السيارهـ ويمشــــــــــــي طلال ..

.
.


كانت في غرفتها تنتظر إتصاااال من خالد .. أوّل مــــــــرهـ تنتظر منه اتصال والعادهـ تنتظرهـ على الماسنجر
تأخـّـــــر عليها ومااتصل وبدَت تفكر في نفسها " يمكن ضاع منه الرقم / يمكن انمسح من جواله /
لايكون صار فيه شي .. يوووه استغفر الله ياربي بعيد الشر عنه ان شالله " يقطع تفكيرها رنـــــــــــــــة جوالها !

سُعاد: آآآآلووو
خالد: السلام عليكم
سُعاد: عليكُم السلام ورحمة الله
خالد: هلا والله بهالصووووت
سعاد: هلابك أكثر وأكثر ..
تـــــــــــــوّ مانورت الخُبر بعد طلعتك من المستشفى , ألف حمدالله على السلامه
خالد: الله يسلمك من كل شــــــــر وينور أيامك يارب ,
ماأبـــــــــــــــــي أسألك من وين أخذتي رقمي لأني فكّرت كثير وعرفت
سعاد: وووش عرفت ؟!
خالد: اللي وصلتي لـ المستشفى ماتوصلين لرقم جواااال
سعاد: العلم يُؤتى إليه ولايأتي ^,^
خالد: ههههه انا صرت علم
سعاد: إيــــــــــــه والعلم نـُـــور
خالد: ههههههههههههههههه
سعاد: ماقصرت منووول عطتني رقمك من الكشوفات
خالد: إيييي شـ حلاتها هَـ المنال ثقل ثقل مشالله عليها
سعاد بـ دَلع: خااااللللللللد
خالد: ههه أمزح معاك بس ماقصّروا والله صديقاتك وماراح يقصرون
سعاد: ماراح يقصرون في أيش ؟!
خالد: ولاشي , عيد ميلادك بعَد بكرهـ وش سوّيتي
سعاد: والله مارتبت وووولاشي
خالد: يمديييك باقي يومين
سعاد: بسووويه لاتخاف .. عشان فيه ناس مهددين انهم بيزعلون لو ماسويناهـ
خالد: هههه ماشالله ماأسرع وصلك الخبَــــــــر
سعاد: قصدك التهدييييييد
خالد: شدعوى تهديد .. بس أبيك تستانسين
سعاد: أنا فرحانه ومستانسه ومبسُوطه مادمت وياك
خالد: الله يديم عليك هَـ الفرحه يارب
يسكت خالد ................. وتسكت سعاد لحظات

سعاد: الووو وينك
خالد: هنا
سعاد: ممكن اكلمك بـ موضوع
خالد: تفضلي
سعاد: بدُون زعل ولانرفزهـ ولاعصبيه
خالد: لازعل ولانرفزهـ ولاعصبيه وعَــــــــــد
سعاد: خالد أنا ماني ماليه عينك ؟!
خالد: افا من يقول
سعاد: أنا أقـُــــول
خالد: وش خلاك تقولين كذا
سعاد: كم علاقَـــــه لك غيري !
خالد: .....................
سعاد: قووولي ياخالد
خالد: بقولك الصراحـَـــــــــــــــــ ـه , لما كنت أعرفك على الإنترنت بس
كنت أحسّ انه مالك حَق تعاتبيني على مثل هالأمُـــــــــــــــــــ ــــــــور ..
لكن اليوم .. من حَقك تعاتبين لأنك صرتي بـ حياتي حَقيقه بعد الإنترنت
المهم اللي لازم تعرفينه ياسعاد .. ان خالد حَتى وهُو كان يقولك أحبك
في الإنترنت ماكان يقولها لغيرك , واظنك عارفه خالد مُستحيل يقولها
لشخصين في نفس الوَقت .. القلب مايشيــــــــــــــــــــ ـــل إلا واحــــــد !
سُعاد: وش أفسّر علاقتك بـ سَــــارهـ وغيرها مثلها كثيييييير بـ حياتك
خالد: سارهـ ياسُعاد صَارت بـ حياة خالد مثل أخوياهـ .. ساره ياسعــاد
عُمري مانظرت لها نظرة حُـــــب , عَرفتها قبل لاأعرف المُنتدى اللي احنا فيه
وعَرفتها قبل لاتتزوّج والحين هي متزوّجـــــه ولازالت علاقتي فيها مستمرّهـ
سعاد , الشي اللي أبيك تعرفينه وتحطينه بـ بالك زين إن خالد ماعرف إنسانـه
مثل هَـ الإنسانه اللي جالس يكلمها .. ولاظنيت اني راح أعرف مثلها .........
سُعاد بـ صوت مبحُوح: طيب وانا شذنبي ياخالد يكُون بـ حياتك ناس وانا فيها !
خالد: وجُودهم مثل العَدَم .. تقدرين تقولين ناس تعوّدت عليهُم لاأقلّ ولاأكثــــر
سعاد: أنا رَاح أرضى بـ الوَاقع غصب عَني , بس مو معناته إني ضعيفه ياخالد
لا ! ........ أنا قويّــــه وقلبي قوي .. ولكن حبك بـ قلبي أقوَى وأكبَــــر منه ..!!
خالد: وانا والله أحبك ويشهَد علي ربـــــي اني أحبك ياسعاد



تنهِي سعاد المُكالمَه بـ حجّة انها تبي خالد يرتاح
وترُوح تحضن مخدتها وتجلس تبكي ...............

خالد يقوم يتروّش ويلبس جلابية البيت ويشغل النت
يدخل على المنتدى يردّ على الرسايل اللي وصلتـــــه
ويشكر كل من سأل ودعا له بـ الشفا فـ موضوع ساره


.
.


بـ تاريخ 12 / 2 / 1407 هـ
أشرَقت شمسُ النهَار في كبدِ السّمَاء
مُعلناً ذلكَ اليوم صَرَخاتُ ودُمُوعُ " طفله " , ,
...... أسمَوهَا " سُعاد " ’,
وكَأنّ مَن أسمَاها بـ هَذا الإسم تكهّنَ قبلَ ذلك
بَل وكَــأنهُ يَقرأ ُالأقـَــدَار وَيَعلمُ أنّ هذهِ الـ " سُعاد " ؛
سَـ تكُونُ يَومَاً مَصدرَ " سعَادَةٍ " لـ قلبِ أحَدِ البَشر

واليَوم 12 / 2 / 1426 هـ
يَكتملُ القمَرُ بَدراً .. ويشعٌ نورُهُـ في قلب " خالد "
.......... وتكبرُ طفلتي " سُعاد " ’,
.. وأباركُ لأعوامهَا الـ 19 ربيعَاً بهَا !

" أهَني اليوم بك أنـــــــــت لأنك من مواليدهـ
واغني لكـ بـ ميلادك عساها لك سَنه سَعيدهـ "


أحبك / خالد ........................................!!





هذي الرّساله اللي كتبهَا خالد بـ دَم قلبه لـ " سُعاد "
شايلتها في يدها الدّكتورهـ منال ودَاخله بها عليهَا
أمـّـــا في يدها الثانيه كَانت تشيل هَدايا خالد لهَا ,
قرأت سُعاد الكَلمات وضمّت الرساله على صَدرها
ونزلت أغلى دمُوعها في حَفلة عيد ميلادهَــــــــا ,,

يتبع

[لامارا]

[ الجزء الثاني عَشر ]


كان خالد جالس مع أخوياهـ في الديوانيه .. رن جواله بـ رقم مايعرفه
رفع الجوال وطالع في الرقم اشوي .. ثم ردّ عليه وهُو بيطلع من الغرفه

خالد: مرحبـــآ
- أهلاً
خالد: هلابك أكثر
- كيفك خالد ؟
خالد: الحمدلله بخير
- عرفتني ؟
خالد: لا والله معَ الأسَف
- أنا منال !
خالد: منال مين ؟!
منال: الدكتورهـ
خالد: هلا دكتوره منال
منال: إتصلت فيك حبيت أقولك ان الأمانه وصلت لـ سعاد
خالد: إيييه جاني خبر مشكورهـ وماقصّرتي


يسمع خالد صوت طلال يناديه من داخل الغرفه:
خالد تعااااال جا دورنا في البلووووت

خالد: الوووو
منال: ايوا معاك
خالد: فيه شي ثاني ؟!
منال: هااه .. لاسَلامتك
خالد: اوكي مظطر اخليك الحين بروح للشباب داخل
منال: طيب دقيقه بس ..
حبيت أسألك كيف صحّتك الحين بعد ماطلعت من المستشفى
خالد: الحمدلله أحسَن من اووول
منال: ..........
خالد بـ استعجال: الووو
منال: ايوا معاك
خالد: منال فيه شي تبين تقولينه ؟!
منال: ايوا فيه كلام ودي اقوله بس واضح انك مشغول
خالد: طيب قولي بسرعه وشو ؟!
منال: لامايصلح بهالاستعجال .. أقد اكلمك بـ وقت ثاني ؟
خالد: منال .. سعاد فيها شي ؟!
منال: لالالا مافيها شي وماتدري اني كلمتك أساساً
خالد: طيب اجل شفيييك
منال: خلاص انتا الحين روح ولما تخلص كلمني
خالد: صــــآر .. يلا باي
منال: باي

يقفل خالد الخط مستغرب من اتصال منال ويرُوح يقابل طلال في البلوت

.
.

في الجهه الثانيه كانت سُعاد حالسَه على الإنترنت وفاتحه قسم الترحيب في المنتدى
لفت انتباهها موضوع بـ عنوان " تعالوا نبارك للعضو نسيناكم الألفيّه السابعه "
دخت على الموضوع وشافت ان اللي كتبه واحد من الأعضاء حاط صُورة
[ عضويّة خالد ]


وكاتب تهنئه له بـ وصوله لـ الألفيّه السابعـَــــه .. ردّت سُعاد على الموضوع وشكرت صاحبه
قرَت سُعاد الردود واحد واحد وكانت تتمنى انهَا ماتلاقي ردّ واحد يزعحها أو يضايقها
وغارَت من ردُود بعض العضوات اللي تحس انهم قاطين الميانه مع خالد .. وحاولت انها تغض نظرها
وقالت بـ خاطرها هَذي المُنتديات وكل واحد حُرّ بردّهـ وتهنئته على خالد أو غيرهـ ..
" أنا ماأشكّ بـ خالد بالعكس أثق فيه بس وش ذنبي دام ربي خلقني غيورهـ لهَـ الدرجه "
قفلت الإنترنت وراحت تقرأ رسالة خالد وتقلّب بهداياهـ اللي أعطاها في يوم ميلادها ,,


/


خالد: أررررررربع ميه
طلال: كفووووووو
خالد: يلا يابابا انت وياهـ قوموا وشوفوا لنا فريق قوي نلعب وياه
طلال: هههههههههههههههه خلاص قامت فيكم بالأربع ميّه
صالح: هذا الحظ مايجي الا للغشمان
طلال: الحظ نعمه ياحبيبي
صالح: هذا انتوا يالهلاليه كل شي عندكم بالحظ والتحكيم
خالد: هههههههههههه والله حارق دمّكم هالزعيم حتى في البلوت بتجيبون طاريه
أنس: انا لو اني مقابل واحد زي لناس كان ماخسرت
صالح: ياعمي طييييييير انت تعرف تلعب ماخسّرنا غيرك

يتركهُم خالد يتهَاوشون ويقرأ الرساله اللي جاتــه على جواله من منال
" أقدر أقولك شي بس يكون بيني وبينك ومايوصل لسعاد "
خالد حسّ ان سعاد فيها شي ومنال ساكته وماتبي تقول ..
قام طلع من الغرفــه واتصل بـ سعاد ,,

خالد: الوووو
سعاد: هلا والله قلبي
خالد: هلابك اكثر
سعاد: وش هالاتصال المُفاجئ
خالد: ههه شلون يعني أسكر
سعاد: لااا مااقصد فديتك بس استغربت من اتصالك
خالد: انتي فيك شي ؟!
سعاد: لا وش فيني يعني ؟
خالد: وينك فيه ؟!
سعاد: في البيت يعني وين بكون
خالد: اوكي خلاص اخليك
سعاد: تعال خالد شفيييك شصاير !
خالد: هااه لا مُو صاير شي بس طريتي على بالي وقمت اتصلت عليك
سعاد: اهاا طيب .. يعني مافيه شي معين ؟
خالد: لا مافيه شي
سعاد: اوكي
خالد: باي
سعاد: ...........
خالد: الوووو
سعاد: .......... تحبني ؟
خالد بـ برود: إيه احبك
سعاد: شدعوى بدون نفس كذا
خالد: لا بدون نفس ولاشي بس فيه شي شاغل بالي
سعاد: قوولي طيب أيش
خالد: خلاص بعدين يصير خير .. يلا باي
سعاد: اوكي انتبه على حالك .. باي

سمع صوت طلال يناديه من داخل وردّ عليه خالد:
طلال شوف واحد يلعب مكاني الين ارجع بكلم تلفون بس
طلال: طيب اوووكي محد بلاعب مكانك بننتظرك بس لاتطول
خالد: اوكي

رجع خالد واتصل على مَــــــــنال صديقة سُعاد

خالد: السلام عليكم
منال: وعليكم السلام
خالد: وش الموضوع اللي تبين تكلميني فيه ؟!
منال: خلصت شغلك بالاول ؟
خالد: مو مهمّ خلصت شغلي أو لا بس ترى أشغلتي بالي
منال: بصراحه ماعندي شي معين بس كنت طفشانه وشفت رقمك واتصلت بيك
خالد بـ استغراب: ليه وانتي شايفتني موقع تسليه والا شاتينق ؟!
منال: لاتسليه ولاشي .. بعدين لاتكلمني بهالأسلوب لو سمحت
خالد: انا ماغلطت عليك .. وحاشاي اني أغلط أحد , بس شنو يعني طفشانه واتصلت
منال بـ استهتار: طيب وش المشكله لما اتصلت عليك يعني
خالد: قلتيلي حبينا نتطمّن عليك قلتلك ماقصّرتي ..
خدمتيني بالمستشفى قلت على عيني وعلى راسي .. بس شنو شايفتني تتصلين تتسلين ؟!
منال: هيه انت لاتكلمني بهالأسلوب انا الدكتوره منال مو حي الله
خالد: شوفي يامنال .. دكتوره دكتوره على نفسك والمَرضى
أما انا اللي بيني وبينك احترام لاأقل ولاأكثر .. ولاتطولينها وهي قصيرهـ رجاءً
منال: المفروض تحمد ربك متصله فيك وحده مثلي مو تتكلم بهالأسلوب
خالد يمسك أعصابه: شفي يامنال راح أتكلم معاك بـ هدوء إحتراما بس لـ صديقتك سعاد
منال: تفففففضل قول شو عندك
خالد: مكالمتي معاك هذي تدرين وش معناها
منال: شو يعني
خالد: معناها اني أخون سعاد من جهتين . اخونها اني كلمت احد ماتدري عنه
واخونها اني جالس اكلم صَديقتها !
منال: ....................
خالد: شوفي يامنال .. أنا راح أسكت ومستحيل اقول لسعاد انك متصله فيني
حرام اخرب بينك وبين سعاد أو أسبب بينكم مشاكل .. لكن لاعاد اشوفك رقمك عندي مره ثانيه
منال بـ قهر: يالله باي
خالد: باي

تقفل منال المُكالمه وهي منقهره من اسلوب خالد معاها
" آآآنا الدكتوره منال يقولي هالكلام .. الشرهه مو عليه علي انا اللي متصله على أمثاله
بس أنا أوريييييييه يحسبني بسكت له .. والله مااخلي كلامك واسلوبك معاي بخاطري ياخالد "

يدخل خالد على أخوياهـ ياخذ هوز المعسّل من صالح ويكمّل بلوت مع فريق جديد
طلال: يالله يالذيب نبي نخلص على ذولي بعد ونصفّي على الديوانيه كلها اليوم
سعد: دا بعدك ياحبيبي إنت وياهـ إنسَى الفوز
خالد: إلعَب وانت ساكت مصيرك تنهزم
نواف: صــــــــــــــن .. من يضحك أخيراً يضحك كَثيراً

.
.

منال كانت تبي تجسّ النبض هل خالد قال شي لسعاد والا لأ .. واتصلت عليها

منال: هلا سعاد
سعاد: هلا حبيبتي كيفك
منال: الحمدلله طيبه انتي شو أخبارك
سعاد: انا طيبه
منال: يعني خلاص طلع حبيب القلب من المستشفى ماتتصلين ولاتسألين
سعاد: لاياقلبي شدعوى .. بس الدنيا أشغلتنا


ارتاحت منال ان خالد ماوصّل شي لسعاد أنهَت المُكالمه
بعد ماحسست سعاد انه اتصال عادي بعد سوالف طويله

.
.


طلع خالد من الديوانيه حاسّ بضيق في صدره بس مايدري ليش
راح البيت وفتح الإنترنت وخاطرهـ ينزل أغنيه في المنتدى ..
شاف ان اقرب أغنيه لإحساسه حالياً

[ خذني بقايا جرُوح ]



غناها وحطها بـ المنتدى في قسم الأغاني بموضوع جديد ,,

كان خاطرهـ يتصل بـ سُعاد لأنها الوحيدهـ اللي مُمكن تنسيه همّه وضيقه
بس مايبي يحمّلها همومه أكثر ممّا حملها .. كتم الضيق بـ صدرهـ ونام


أمّـــا سُعاد كانت تنتظر منه اتصال يمكن يتصل قبل لاينام ولكنه مااتصل
كان ودها هي تتصل فيه بس واضح من اسلوبه معاها انه مو طايق نفسه
أجّلت اتصالها إلى بكره يمكن يروق اشوي ويتعدّل مزاجه..

.
.

صحَى من النوم عصر اليوم الثاني على رسالة في جواله:
" خالد أنا سعاد اتصل فيني اول ماتصحى "
طالَع الرقم رقم غريب عليه ومايعرفه ولاهو برقم سعاد !
شاف وقت الرساله وعرف انه قبل ساعه ونص
قال يمكن جوال ثاني عندها .. قام أرسل رساله عليه :
" حبيبتي توني صاحي من النوم راح اتصل فيك بعد نص ساعه "

وصلت الرساله لـ منال وطااارت من الفرحه
اللي تبيه صار ورساله من خالد وصلتها ..

خططت منال زين انها تنتقم من خالد وشافت ان احلى طريقه انها تسبب مشكله بينه وبين سعاد
أخذت جوالها الثاني ( غير اللي كانت خالد عليه ) وأرسلت الرساله لخالد على انها سعاد
ومثل ماكانت تتمنى خالد أرسل لها رساله بدون مايكتب اسم سعاد فيها
والحين فرصتها انها تنتقم لنفسها ولغرُورها من خالد اللي قهرها أمس ..!!

أول ماصار المغرب تجهّزت منال للروحه بيت صديقتها أمـَـــــل
اللي كانت عازمه صديقاتها كلهم ومن ضمنهم سعاد ومنال


وفي بيت أمـَـــــــل جلست منال عند سعاد

منال: شخبارك
سعاد: الحمدلله بخير .. انتي شلونك
منال بصوت واطي: الحين انتي انقطعت علاقتك بخالد ؟َ!
سعاد: يوه لا الله لايقوله
منال: غرييييبه
سعاد: وش اللي غريبه ماغريبه الا الشيطانه هههههه
منال: ههههه حلوه الشيطانه
سعاد: شفيك منال فيه شي ؟!
منال: خالد من يوم ماطلع من المستشفى وهو مزعجني على جوالي
سعاد: أيش !!
منال: جيت ابي اقولك لانك الوحيده اللي ممكن تفكيني من ازعاجه ياسعاد
بصراحه احيان اكون عند اهلي ةخالد كل اشوي يتصل ويزعجني
والله ماكان ودي اقولك واخرب بينك وبين خالد او اسبب بينكم مشكله
بس عاد شسوي خلاص طفشت منه !
سعاد: وخالد وش عرفه برقمك ؟
منال: لما كان بالمستشفى طلبه مني وانا انحرجت ارده
قالي يمكن اني احتاج شي من المستشفى ومااحصل احد
عاد انا عطيته رقمي وقلتله اتصل فيني متى مااحتجت شي
وانا ماسويت كذا الا عشانك ياسعاد غاليه عندي ..
وتكمّل منال كلامها وسط استغراب سعاد:
ماتوقعته عاد بيزعجني لهالدرجه .. واللي خلاني استغرب اكثر
انه يحبك والمفروض انه مايكلم احد غيرك !
حتى شوفي هذي رساله منه اليوم جتني ,,

تاخذ سعاد جوال منال تطالع الرقم .. الرقم رقم خالد والرساله من خالد ..!!
" حبيبتي توني صاحي من النوم راح اتصل فيك بعد نص ساعه "

يتبع ..

[لامارا]

[ الجُزء الثالث عَشر ]


كان خالد جالس على المَكتب يقرأ دراسَه عَن سُوق الأسهُم السُّعُودي
طرَى عَلى باله الرقم اللي جات منه الرساله .. واتصل عَليه !

دَق رَقم خالد على جَوّال مَنال ..

منال: شوفي شوفي مين اللي متصل
سُعاد: .............................
منال: الله يخليك لاتضايقين نفسك ياقلبي خلاص إنسيه
إقطعِي علاقتك فيه لأن اللي مثل هَذا مَايستاهلونك !
سُعاد: ممكن تعطيني أرد على المُكالمه ؟

تعطيهَا منال الجَوّال وتردّ سعاد على المكالمه وهي ساكته

خالد: الووو
سعاد: ..................
خالد: الووو حبي

تقفل سُعاد الخط وتقوم من مكانهَا تستأذن من أمَل
وتتصل عَلى السايق يجي يخذها عشان تروح بيتهم


/


كان خالد حاسّ بـ أن سُعاد فيها شي رساله تجيه تبيه ضرُوري ثم ماترد عليه
جلس يفكّر بينه وبين نفسه وحَاول انه يَطرد كـــل أمر مو زين يَطري عَلى باله
مابغى انه يتصل أكثر من مرّهـ حَتى لايسبب لها إحراج لانه مايدري عَن ظرُوفها
وقرر انه ينتظر منها اتصال أو رساله تطمّنه على حالها ..

.
.

وقبل لاتطلع من بيت أمَل لحقتها منال عند الباب ..

منال: سعاد سعاد
تلتفت سعاد على منال وهي ساكته
منال: وش راح تسوي معاهـ ؟
سعاد: والله ماأدري يامنال .. قلبي يعورني
منال: لااا تكفين حبيبتي لاتضايقي حالك
سعاد: يصير خير ان شالله
منال: بتتصلي فيه والا لأ ؟
سعاد: ماأدري يامنال ماأدري

وتطلع من بيت أمـَـــــل وتركب السيارهـ
ترفع جوالها وتتب رساله لـ خالد اللي كان ينتظرهَا ..
" ماكنت أصدّق ان الرجـــــــــــال مايملي عيُونهم إلا التراب بس اليوم اقتنعت
ومع الأسف اني مااقتنعت الا بعد جرح مارآح أنساه طول عمري ولاراح يبرَى
مابعد هالجرح جرح ياخالد ولابعد هالصدمه صدمه "

قرأ خالد رسَالة سُعاد واستغرَب من كلامها !
مايدري وش صاير ولايدري شــ السَـالفـــــــه
شاف أحسَن حل انه يتصل على جوال سـُـــعاد
وفلاً اتصل عليه واول ماشافت رقمه قامت تصيح وماردّت عليه
ةفضلت انها تعبّر عن ضيقها بـ دمُوعها اللي تعوّدت عليها !
" خالد مو أي شخص بـ النسبه لها , خالد الحُب الأول بحياتها
ومُو الحب الأول وبس , الا انه الحب اللي ضحّت عشانه بـ أشياء كثيرهـ
لاجل خالد تغيّرت قناعاتها وكسرت قواعدهَا وتخلّت عن الكثير من مبادئها وقيمها
طول عمرها كان قلبها بيت لـ همومه وَلا مَرّهـ قصّرت معاهـ بـ شي
كانت دائماً تحاول انها تملي حياته حَتى مايحتاج ولايلتفت لـ غيرها
كانت له الصديقه لاصار محتاج يفضفض وكانت له الحَبيبه لاصار محتاج العطف والحنان
ليش يخونها مع صديقتها وليش يخونها من الأسَاس ! كانت تدري عن علاقه ومتحمّله
لكن لهالدرجه ماعاد لها أي اعتبار حَتى انه يتعرّف على صديقتها ويقولها " أحبك " ..!!
وهو اللي كان يقول انه مُستحيل يقول هالكلمه لـ شخصين أبداً "

طال تفكير سعاد واسودّت الدنيا بـ عينها ..

وصلت البيت وأوّل مادخلت غرفتها التفت على هدايا خالد وزاد الهمّ في قلبها
رمت نفسها على السرير وحطت راسها تحت مخدّتها وقامت تصيح ..

/


خالد كان حاسّ ان الوضع مو طبيعي وان سعاد فيها شي ميد أكيد فيها شي
" مومعقول تجيني هالرساله من سعاد يدون اي سبب , معقول تبي تختبرني ؟
لالالا سعاد تعرفني زين وماتحتاج انها تختبرني .. طول عمري صادق معاها
ماعمري كذبت عليها .. حَتى لما تكون صَراحتي صَعبه ويمكن تضايقها !
طيب ليش ارسلت هالرساله وليش ماتردّ على جوالها "
ترك عَنه التفكير ودَخل على الإنترنت يمكن يلاقيها متصله على الأقل
ولكن حَتى الماسنجر ماهي بموجوده فيه والمُنتدى آخر تواجد لها فيه أمس
بدأ يسترجع كل شي حوله يمكن يوصل لـ شي أخطأ فيه وخلاها تزعل وترسل مثل هالرساله
ولكن الوَقت مو وقت تفكير والوََضع مايستحمل الإنتظار وهُو الشخص اللي يكره الإنتظار ! "
أرسَــــــــــــل رساله على جوالها لعلّ وعسَى يلقى جواب:
" سعاد أنا متأكد إن الأمر فيه سوء فهم .. إرسالك لهالرساله مو طبيعي
أنا ماتعودت على سعاد إلا انها تتصل فيني اذا بخاطرها شي مو ترسل وتسكت
سعاد انتي تعرفين غلاتك بقلب خالد .. أنتظر منك اتصل توضحين شصاير "

شافت سُعاد الرساله وعَلى الرغم من زعلها ودنوعها اللي مو راضيه توقف
قلبها يقول خالد يحبك .. والتصوّر اللي في عَقلها يقول كل شي واضح قدامك
والأمُور ماتحتاج لأي توضيح أو تفسير أكثر ..
إلا إن حب خالد في قلبها كان أكبر من تفكيرها وعاطفتها ..
اتصلت على رقمه حَتى مايطول تفكيرها بعَد مامسحت دموعها
خلاص ماعاد فيها تستحمل ضعف قلبها وطيبته ولا تبي تظهرها لخالد أكثر

شاف خالد الرقم ورد عليها بسرعه ..
خالد: هلا قلبي
سعاد بصوت مبحُوح: هلا فييييك
خالد: شفيك شصاير ترى خوّفتيني عليك والله
سعاد: إنت أبخص
خالد: قبل تتكلمين ياسعاد خليني أقولك شي
انا عارف انك متضايقه ولكن ماادري وش سبب ضيقك
اللي محتاجه منك انك تهدين أكثر وتتذكرين زين ان صادق معاك
ومُستحيل راح أكذب عليك أبداً مثل منتي متعوّدهـ مني هالشي
علميني وش صاير بـ الظبط ؟!
سعاد بصوت مرتفع ومبحووح: حبيبتك منـــــــــــــــــــال ..!!
خالد استرجع اللي صار بلحظه: حبيبتي !!
سعاد: إيه حبيبتك وانت كنت مُعجب فيها من اول من يوم انك بالمستشفى
.. وتكمّل كلامها بـ سرعه ماتعطي مجال لـ خالد:
خالد انا وش قصّرت معاك فيه حتى انك تلتفت لـ غيري ؟ قووولي عمري قصرت معاك بشي ؟
والا يعني عشاني طيّبه وعلى قد نياتي !
خالد منصدم: ................
سعاد: ايه عارفه ماعندك كلام تقوله حسافه ياخالد اني ....
يقاطعها خالد: حسافه على ايش ياسعاد ؟! حساقه انك حبيتيني ؟!
قصت عليك منال بـ كلمتين وصدقتيها ؟! سعاد من متى انتي تسمعين كلام غيري
من متى ياسعاد تكذبيني والا أكذبك ؟! ..
سعاد ممكن تهدين أاشوي محتاج اتكلم معاك بـ رواقه وهدوء ياقلبي
روحي غسلي وجهك وشربي ماي وبتصل فيك بعد خمس دقايق
سعاد: مااعتقد عندك تبريرات أكثر ياخالد وكل شي واضح قدامي
خالد: سعاد روحي مثل ماقلتلك بعدين تعالي وعلميني وشو اللي الواضح
سعاد: ان شالله

يقفل خالد الخط وترُوح سعاد ترشح وجهها وتشرب ماي
يحاول خالد يجمّع أفكارهـ ويتذكر كل شي صار بينه وبين منال

فضّل ان تفكيرهـ يكون مع كلام سعاد ومكالمته وياها
رجع واتصل فيها ..

خالد: هلا حبيبتي
سعاد: لاتقول حبيبتي لو سمحت
خالد: مو مشكله .. أجل ياقلبي ههه
سعاد: ولا قلبك
خالد: ههههه طيب روقي فديت قلبك وعلميني وش السالفه

تقول سعاد السالفه لـ خالد مثل ماوصلتها من منال ..
ويفهّمها خالد اللي حَصل بـ الظبط

سعاد: معقووول منال تسوي كذا
خالد: ورسالتها اللي أرسلتها لي أول مره موجوده عندي
سعاد: حيواااااااااااااانه
خالد: ندرين عاد .. المفرُوض انا اللي ازعل منك
سعاد: وليه انا وش ذنبي
خالد: لو كنتي واثقه فيني كان ماصار اللي صار
سعاد: والله ياخالد تعرفني انا مشكلتي اصدق اي شي . غبيه
خالد: لا إنتي مو غبيه ياسعاد وانا ماارضى انك تكونين كذا
إنتي أكبر من انه ينضحك عليك بـ كلمتين
سعاد: حط نفسك مكاني ياخالد كل شي قدامك يصير وش راح تسوي
خالد:عموماً حَصل خير .. ولاتشيلين هم
سعاد: آآآه ياخالد مااكثر من ذا الهم اللي شلته اليوم
حسيت انه آخر شي بيني وبينك .. والله حسيت قلبي يتقطع
خالد: الله لايجيب ذاك اليوم
سعاد: توعدني مانفترق ياخالد ؟
خالد: مافي شي يدوم على حاله ياسعاد .. وكل شي بيد رب العالمين
سعاد: والله مجرد ماأفكر بهالتفكير أجلس ابكي
خالد: اذا فكرتي بـ أيش ؟!
سعاد: ان احنا بنفترق
خالد: لا الله لايجيب ذاك اليوم يارب
سعاد: آآآآآمين
خالد: سعاد
سعاد: عيونها
خالد: منال مابيك تقولين لها اي شي وخليها على عماها
سعاد: لييييييش
خالد: لأني عارف انك راح تعورين قلبك معاها على الفاضي
سعاد: بس مايشرفني اعرف انسانه مثل كذا .. والله ماكنت عارفه عن قلبها
خالد: خلاص يعني بتكون علاقتك معاها سطحيه
سعاد: طيب

قفلت سعاد من خالد ماهي بمقتنعه بـ كلامه .. وحاسّه في قلبها قهر عليها
لازم تسمّعها كلمتين تبرّد فيهُم خاطرها ,

سعاد: الوووو
منال: هلا حبيبتي
سعاد: الحمدلله طيبه
منال: ها كيفك اليوم
سعاد: الحمدلله طيّبه
منال: فيه شي سعاد ؟
سعاد: منال انتي ليش سويتي كذا
منال: هاااه أيش
سعاد: منال انتي صديقتي وغاليه وتعرفين غلاتك بقلبي
عمري ماتعوّدت منك تحسدين او تنتقمين من أحد
منال: .................
سعاد: منال
منال: إيه بس هو قهرني ياسعاد
سعاد: الغلط مو قهر خالد لك الغلط اتصالك على حبيب صديقتك يامنال
مافكرتي وش راح يصير فيني , أو اللي صار فيني
منال: بس انا كنت ابي اقهره هو مو انتي
سعاد: انا وهو واحد يامنال
منال: ..................................


سعاد كانت متصله على منال تبي تبرّد حرتها اللي في قلبها عليها
ولكن طيب قلبها وعفويّتها نسّتها اللي سوته منال ,,
" أنا ماتعودت أأذي أحد .. ليش الناس يحبون يأذوني ..
مو مهم أي شي الحين .. والأهم اني باقيه في قلبي خالد ويحبني
ويكفيني اني احب واحد مثله والدليل ان اللي حولي يحسدوني عليه
صح زعلانه من حركتك يامنال بس في نفس الوقت مشكورهـ عليها
لأنك بحركتك هذي حسستيني بكبر قدري عند خالد وغلاتي في قلبه
وأثبتي لي فعلاً ان خالد صادق معاي ولايُمكن يكذب عليّ أبداً "


.
.

طلال: الووووو
خالد: هلا والله
طلال: وينك فيييه يبوووو
خالد: وشو ذي يبووو بعد
طلال: هههههههه كلمه جديده
خالد: لاحووول وانتوا كل يوم مطلعين كلمه فهالديوانيه
طلال: إيييييه وش عليك يبووو كلامنا صار مو قدّ المقام
صرت تدور على كلمات الحب والرومنسيه
خالد: هههههههههههه وويني ووين الرومنسيه ياطلال
والله انك ضحكتني يبوووو << خخخخخخخخخخ
طلال: طيب وينك فيه
خالد: بالبيت
طلال: وش عندك ؟
خالد: ماعندي شي بس ودي ادخل على النت اشوي اطقطق
طلال: والله انك فااااااضي مع هالنت تعال الديوانيه اليوم مباراة برشلونه
خالد: والله انت الفاضي مع برشلونيتك .. من متى انا اتابع الدوري الاسباني
طلال: مباراه حلووووه لاتفوتك
خالد: تكفى يامباراة الهلال وانا مدري .. يمكن يمكن اتابع مُباريات ريال مدريد
عشان تعرف الهلال النادي الملكي وريال مدريد ناالنادي الملكي واحنا مانشجع الا الانديه الملكيه
طلال: ههههههههه .. والله نتوا مُصيبه , ياخي انا هلالي بس اني برشلووووني
خالد: الموووهيم .. بدخل على النت اشوي على ماتنتهي مباراتكم بعدين بجي
شوف لنا فريق خاطري ألعب بلوت
طلال: صـــــــــــــــآر .. بس لاتتأخر
خالد: ليه بتطلع ؟
طلال: لا موجود
خاد: إيه لاتطلع لأني بجيب معاي فلوسك
طلال: مابي منك شــــي واللـــ ..
يقاطعه خالد: والله ان تاخذهم ياطلال
طلال: الله يهديك ياخالد مابيننا حساب
خالد: يـــــلا الوعد بعد اشوي .. سَلام
طلال: سلام

/

توّها بـ تشغل الكومبيوتر الا تدخل عليها أختها اللي أصغر منها بـ سَنه

ندَى: بووووه
سعاد: وججججع خرعتيني
ندى: ههههههههههه وش عندك طالعه من بيت امل يدري أمس
سعاد: وانتي شـــــــدرّاك !
ندى: السايق يقوووول
سعاد: وسواقكم شكووو انا متى اطلع
ندى: ههههههههه طيب طيب لاتعصبين
بس امي سألته متى جات سعاد قال الوقت الفلاني
سعاد بـ خوف: وش قالت امي !
ندَى: ماقالت شي ..
سعاد: أشوى خرعتيني
ندى: وانتي كل شي عندك تخريع
سعاد: انتي كل سوالفك تخرع مثل وجهك
ندى بـ دلع: شحلااااااااااااتي الحمدلله
سعاد: هههههههههههه مشكله الثقه الزايده
ندى: ههههههههههههههههههههههههه
سعاد: ندووووي حبيبتي روحي غرفتك لاني مشغوله
ندى: وش مشغوله فيه ياحسره
سعاد: ابي ادخل على النت ومابيك تكونين جنبي
ندى: حركاااااات والله وصار عندنا أسرار على النت
سعاد: أنا وجهي وجه أسرار

يرن جــــــــــوّال سعاد / المُتصّل ..

ترد سعاد على المكالمه وتأشـــــر لأخها بيدها يعني طلعي
تطلع ندَى من الفرفـــــــــــه ..

خالد: مرررحبا
سعاد: مرحبتييييين
خالد: شلونك الحين
سعاد: الحمدلله طيبه
خالد: شقاعده تسوين
سعاد: ولاشــــــــي .. إنت وينك فيه صوتك بالسياره
خالد: ايه رايح للديوانيه
سعاد: طيب حفف السرعه اذا تسمح
خالد: لييييه تخافين علي ؟!
سعاد: اكيد اجل اخاف على مين يعني
خالد: فديت قلبك ياسعاد
سعاد: آآآآآآآنا اللي فديتك
خالد: بس ماني مخفف السرعه
سعاد: ليييييييييش
خالد: لأني مستعجل
سعاد: مستعجل على أيش
خالد: مواعد أخوياي نلعب بلوت ههههه
سعاد: آآآخ ياليتني جنبك اخليك تخفف غصب عنك
خالد: يالييييييييت
سعاد: وشو اللي ياليت ؟؟
خالد: ســــــــــــعــاد
سعاد: هلا
خالد: اممممممممممم وش عندك بكره ؟!
سعاد: ماعندي شي معين بكره
خالد: خلاص أجــل أقـــدر أقابلك ؟!

يتبع ..

[لامارا]

[ الجُزء الرّابع عَشر ]


بدُون أي تفكير ولاتردد أو خوف وَافقت سُعاد عَلى قبُول دَعوة خالد
وأكّدت له انهَا كانت تنتظر هاليوم مثل ماهُو كان ينتظرهـ ..


سُعاد: ههههههههههه
خالد: مدري عنك اجل تجين وتتعنين عشان تشوفيني نايم وتطلعين
سعاد: هذا جزاي مابي اصحيك من نومك قلت بخاطري الرجال تعبان
خالد: على بالك بفرح وبقول مشكوره , الا بقول الله لايجزاك خير يوم انك ماتصحيني ههههه
سعاد: عاد تصدق كنت خايفه انك تصحى وتقول مين هذي اللي داخله غرفتي هههههه
خالد: تحسبيني بتضايق الا بفرح فيه بنت بغرفتي
سعاد بـ ضيق: تفرح ؟
خالد باستفزاز: إيييه طبعاً
سعاد بـ ضيق أكثر: إيييه مو انا أي بنت بحياتك أدري
خالد: يـــلا عاد عن الدلع .. تعرفين غلاتك انتي
سعاد: ........ تحبني ؟
خالد يتصنع البرُود: إيه احبك
سعاد: يمممممه صرت اخاف من برودك
خالد: هههههه ليه
سعاد: صرت احس انه فيه شي مثل ذاك اليوم مع منال هههههههه
خالد: إلا على طاري منووول شصار عليها
سعاد: منّول بعينك
خالد: ههههههههههههههه
سعاد: ماتزعل مني ؟
خالد: ليش ازعل
سعاد: أنت قلتلي لاتكلمينها بس أنا كلمتها
خالد: ووش سويتي معها ؟!
سعاد: هاوشتها
خالد: ماظنيت انك تهاوشينها .. تعلميني فيك ياسعاد
سعاد: تقدر تقول تفاهَمت معها .. بس انا مسامحتها ومافي قلبي عليها شي
خالد: آآآه منك ياسعاد وش ذابحني فيك غير قلبك
سعاد: الله لايحرمني منك
خالد: ولا منك يارب .. يـــلا انا وصلت الديوانيه
سعاد: طيب انتبه على حالك ومو تنسَى نفسك مع الشيشه بشويش على صدرك
خالد: هههه اوكي يصير خير.. المهم لاتنسين مَوعدنا
سُعاد: لا مو ناسيه ياقلبي بس مثل ماقلتلك بعد بكره
خالد: اوووك .. باي
سعاد: بااااااي

.
.

مَنال زاد قهرها على خالد اللي قال لـ صديقتها سعاد كل شي
ومازال في قلبها حقد على خالد لأنه بنظرهَا كسَر من غرُورهَا
راحَت تتصل على سعاد يمكن تاخذ منها خبَر تقدر تقهَر فيه خالد

مَنال: آلو
سعاد: هلا منالووو
مَنال: هلا فيكي ..............
سعاد: هلا حبيبتي شفيك
منال: لا مافيّا شي .. حبيت اقولك اني طالعه جده
سعاد: اهااا بتروحين لخوالك
منال: أيوا بس حابه أتطمّن اذا منتي زعلانه مني
سعاد: لا مو زعلانه منك ولابقلبي عليك شي والله ونسيت اللي صار كله
وابشرّك بعَد راح اشـــــــوف خلّووووود قريب
منال: أيش !
سعاد: راح اشوف خلّوووود
منال: فين
سُعاد: ماادري بس أكيد راح يعلمني ..
تحاول تغير سعاد السالفه: ايوا وانتي متى طالعه لجده
منال: اليوم على الطياره
سعاد: توصلين بالسلامه يارب

.
.


في الديوانيه .. كان خالد جالس في زاوية الغرفه

خالد: صالح تعال هنا أبغاك
يقوم صالح ويجلس عند خالد: ها وش تبي
خالد: اممممم الكفي شوب اللي على الكورنيش مازال تحت إدارة ولد عمك ؟!
صالح: إيه , ليش ؟
خالد: اهااا مُمتاز .. أحتاج يرتب لي مكان حلو فيه
صالح: لمين ؟
خالد: لي أنا يعني لمين
صالح: وش تبي فيه ؟
خالد: اوووه ياكثر اسئلتك ياصالح .. خلاص مو بلازم
صالح: لا لا لا عادي خلاص بس متى تبيه
خالد: أبي غرفه راقيَه في قسم العوايل وابيك تحرّصهُم على الخدمَه
صالح: هههههه ليه تزوّجت وانا مدري
خالد: مُو وقت استهبالك ياصالح .. بس تكفى مثل ماوصّيتك
صالح: خلاص ابشر ولايهمّك

طلال اللي كان قريب التلفزيون: هييييييه انت وياهـ وش عندكم
خالد: اوووووف منكُم .. اعنبوكم وش ذا اللقافه اللي فيكم
طلال: ياخي نمزح معاك قوووم ركب شيشتك وشيش واضح ان المزاج ماهو برايق
خالد: قووووم ركبها لي مافيني حيل
طلال: أشتغل عندك والا اشتغل عندك انا ههههههه
خالد: انا اكبر منك استح على وجهك
طلال: مابيني وبينك الا خمس دقايق فترة رضعتين ههههههه
خالد: أكبَر منك برضعه اعلم منك بسنه
طلال: ههههههههههههههههه
يقاطعهم صَالح: يلا قوم انت وياه نبي نلعب بلوووت
طلال: ياخي وش ذا الوَجه اللي عليك .. كل يوم تنهزم وتلعب ههههههه
صالح: صار عندي الوضع إيزي ماأتأثر هههههههههههههههه

.
.

فاتحه على قسم الأغاني تتصفح المواضيع وتشوف آخر المواضيع
انتبهَت لـ موضوع كاتبَه خالد بـ عنوان " سولفي لعنبوا همٍّ يبكّينا "
فتحَت الموضوع وطلع مَقطع بـ صوته منزّله بـ المُنتدَى ..
حمّلت [ مَقطع الأغنيَه ] وجلسَت تسمعَــــه .. أوّل ماانتهَت منه
مَاتدري ليش حسَّت ان خالد يَقصدهَا بالأغنيه !
" أكيييد خالد يَقصدني لأني الوَحيدهـ اللي عرفها بـ حياته ولاشافها
آآآآه والله اني احبك ومااتصور حياتي بدُونك .. الله لايحرمني منك "
رفعَت جوّالها من غير ماتحسّ واتصلت على خالد اللي كان يلعب بلوت:

طالع خالد الرّقم وماردّ عليها ,
إتصلت مرهـ ثانيــــــــــــــــــــه ..
حط خالد الأوراق بيدهـ اليسار وردّ على مكالمتها

خالد: مرحبـــآ
سعاد: مرحبتين
خالد يقط ورقه: إكـّــــه ..
سعاد: خالد اشتقتلك
خالد: معقووول
سعاد: إي وربي اشتقتلك كنت اسمَع صوتك
خالد: وين ؟!
سعاد: في المنتدَى
خالد: اهاااا ..

'طلال: هييييييه انت يلا إلعَب اترك عنك هالجوال
يقوم خالد من مكانه ويأشر لطلال بيده يعني دقيقه وبرجع

خالد: هلا قلبي
سعاد: اشششتقتلك
خالد: تشتاق لك العافيه
سعاد: وربي جلست ابكي لما سمعت اغنية صوتك اللي بقالي
حسيت انك تقصدني فيهاااا
خالد: فديتك لاتصيحين .. دموعك غاليه
سعاد: طيب ........ خالد تحبني ؟
خالد: إي والله احبك وربي يشهَد علي يالغلا
سعاد: وانا والله احبــــــــــــك واموت فيك
خالد: اخليك الحين ياقلبوو
سعاد: طيب .. انتبه على حالك
خالد: وانتي بعَد

.
.

كان جالس ينتظرها في الغرفه ..
قدامه كاسين عصير واحد منقا والثاني فراوله وكاسين ماي

رَن جوّالـــــــــــــــــه ..
خالد: الوو
صالح: هلا وينك فيه
خالد: خلاص أنا بالمقهَى .. مشكور ماقصرت
صالح: لابغيت شي اتصل فيني أكلم لك ولد عمي

ينتبه خالد لـ جواله " سعاد تتصل عليه إنتظار "
يقفل بـ وجه صالح ويردّ عليها ..

خالد: هلا قلبي
سعاد: هلابك .. وينك فيه
خالد: بالغرفه رقم 17
سعاد: انا عند الباب .. أخلي السايق يروح ؟
خالد: إيــه خليه يروح واتصلي عليه بعدين
سعاد: طيب

يقفل الخط خالد وينتظر سَبع دقايق بـ الظبط
وتدخل عليه سعاد بـ عبايه كَتف ونقاب ..
في يدها اليسار شنطة صغيرهـ لونها أسود وذهَبي
وبيدها اليمين ماسكه جوال الزعيم لونه ذهبي وأبيض

رفعَت راسها وطالعَت خالد ثواني ثم نزلت عيونهَا
كَانت في قمّة حياها حَتى انها مانطقت بكلمَه وحده !
بعكس خالد اللي كان يطالع كل شي فيها من راسها حَتى رجُولها

خالد يبتسم: شلون يعني أقول السلام عليكم ؟!
سعاد بضحكه خافته من ورى نقابها: ههه السلام عليكم
تمدّ يدها لخالد تسلم عليه وتجلس بالكرسي اللي مقابله

خالد: شلونك ؟!
سعاد: الحمدلله بخير .............

يقوم خالد من مكانه ويعدل شخصيّة شماغه .. ترفع راسها سعاد: وين رايح ؟
خالد: بروح أشوف ترتيباتهم داخل وارجع لك .. اشربي ماي وعصير دقيقه وجايك
توّه بـ يطلع من باب الغرفه .. إلا تناديه سعاد بصوت عالي: خااالد
خالد: هلاااا
سعاد: لاتروووح
خالد: رتبي حالك لين ارجع لك اخاف اجلس تطيحين مغمى عليك من الربكه هههه
سعاد: هههههههه .. تعال اجلس خلاص والله ماني مرتبكه
خالد: طيب دقييييقه بس وراجع لك
سعاد: اوكي

يطلع خالد ويوقف عند باب الغرفه ماكان عندهـ شي
لكنه كان حَاسّ بسُعاد ورَبكتها فقرر انه يطلع اشوي ويرجع
أمّا سُعاد قامت حطت عباتها ونقابهَا على ال كرسي في الزاويه
ورجعَت جلست على الكرسي شربت الماي واشوي من العَصير

دَخل عليها خالد بدون مايطق الباب ..
إلتقتت عَليه سُعاد اللي كانت معطيه الباب ظهرهَا: تعال اجلس
خالد باستهبال: مافيه مكان فاضي
سعاد بـ دلع: يالله عاااااد
خالد: وين أجلس ؟!
سُعاد: مكانك
خالد: لا أبي أجلس جنبك
سعاد: ............ مايكفي
يرُوح خالد يجلس مكانه ويطالع في كاسات العَصير: ليش تشربين عَصيري
سعاد: ههههه مادريت انك تبي الفراوله
خالد: خلاص أجل اروح أجيب لي غيره
سعاد: لاااا إشرَب من كَاسِي
خالد: ههههه هذا اللي ناقص بَعد
سعاد: مااالت يابختك لاشربت منه
خالد: أنا عادي ماأتحمّق ترَى بس أخاف تقولين عني ذا بخيل بعدين
سعاد: البخل بخل المشاعر ياخالد
خالد: وانتي أكرم إنسانه عرفتها بحياتي من هالناحيه
سعاد تنزل راسها: لأني أحبك
خالد: يعني أنا مااحبك ؟!
سعاد: مو مهم , بس أنا أحبك وأخاف
خالد: وش تخافين منه ؟!
سعاد: أخاف من كل شي حولك واخاف اني أفقدك
خالد يتأمّل عيون سعاد اللي تكمّل كلامها بـ عَفويّه كبيرهـ:
أنا ياخالد ضحيت بكل شي بحياتي عشانك ماهمني كلام الناس ولاهمّتني نظرتهم
مافكرت اللي أسويه صح أو غلط .. لأني حَبيتك من قلب ياخالد
خالد: علشان كذا أجبَرتيني اني أحبك ياسُعاد .. سُعاد إنتي غيرتي حياتي كلها
والله ياسعاد من عرفتك ماعرفت الضيق .. حَسيت بحلاوة دنيتي بجد
ينتبه خالد لـ سُعاد اللي تمسَح دمعتها ويرجّع ظهره على الكرسي يكمّل كلامه:
سعاد أنا ماأجاملك لما أقولك اني ماعرفت انسانه مثلك بحياتي
ربي يشهَد علي ياسعاد اني ماعرفت انسانه مثلك في طيبتها وقلبها
سعاد: حَتى انا ماعرفت مثلك ...
يقاطعها خالد ويكمّل سَرد كلامه: إنتي تخافين من اللي حول خالد
ولكنك تدرين انهم هامش بـ النسبه لـ وجود سعاد في حياته
سعاد: واثقه من هالشي بس برضو أخاف
خالد: أنا أناني ؟!
سعاد: لأ , إنت مو أناني أنا مرتاحه بقربك خالد واللي مريّحني أكثر
انك ماعرفت أحد بعد ماعرفتني أبـــــــــــد

تيت تيت .. تيت تيت << صوت رساله على جوال خالد

خالد: بــــرب جتني رساله خاصه
سعاد: ههههههههههههههههههههههههه ههه وربي منت صاحي
يقرأ خالد الرساله اللي جاته وهُو يسمَع سعاد تتكلم:
لما كنت أسولف معاك بالماسنجر والمنتدَى كنت أتمَنى إني أشوف هالإنسَان
على حَقيقته واشوف تصرّفاته على الطبيعَه .. والحمدلله اني شفتها ههههههه
خالد وهو مازال يقرأ ومنزل راسه: مجنونه انتي
سعاد: إنت اللي جننتني والا أنا عاقل
يقوم خالد من مكانه وهُو يضحك: طيب يالعاقل برُوح أجيب العَشا
سُعاد: تعااااااال مابي آكل مسويه ريجيم
خالد بـ استغراب: ريجيم فعينك تبين تختفين انتي !
سعاد: هههههههههههههههههه كييييييييييفي
خالد: كيفك في بيتكم .. جلسَي بس على الأرض لأني ماأبي آكل على الطاوله
سعاد بـ استغراااب: هيه انت ماعرف آكل على الأرض
خالد: تعلمي .. لأني أبي أجلس جنبك

يطلع خالد يجيب العَشا ويرجع يشوف سعاد جالسَه على الأرض متربّعه وجواله في يدها جالسَه تحُوس فيه
خالد: هههههههههه هذا اللي ماتبي تاكل
سعاد: عناد ٍلك بس بدقّ بالخمس بعَد

.
.

في الديوانيه كان صالح جالس مع طلال يسولفون
طلال: وين خالد اليوم ؟
صالح: في مقهَى ولد عمي
طلال: وش عنده
صالح: مدري عنه بس داخل قسم العوايل
طلال اللي فهَم السالفه ومايبي يبيّن شي: يوووه هالآدمي على مزاج مدري كيف
الا يسوي اللي في باله والا يموووت
صالح: وش اللي في باله !
طلال: قبل كم يوم كنت معاه ويقول ودي ادخل هالمقهَى قسم العوايل واجلس برُوحي
صالح: آهاااا

يطلع طلال برى الديوانيه ويتصل على خالد
يرنّ الجوال في يَد سعاد .. وتتروّع

خالد: هههههههههه شفيك اخترعتي
سعاد: روعني جوالك .. طلال يتصل عليك !
خالد: هاتي الجوال
سعاد: آآآنا برد عليه
ترد سعاد على جوال خالد وتسكت

طلال: الووو
سعاد: ..................
طلال: خالد وووجع
سعاد تعطي خالد الجوال: يمه يمه يخوف خويك هذا
خالد: هههههه هلا طلال
طلال: وش عندك بالمقهَى
خالد: اممممممم مع سعاد
سعاد تطالع خالد بنصّ عين ويضحك لها
طلال: اهااا والله اني كنت متوقع
خالد: وانت شدراك
طلال: صالح قالي .. بس مايدري مين وياك وانا قلتله انك بروحك
خالد: اهااا اوكي .. عادي حتى لو يدري لأن هو اللي مدخلني هنا اصلاً
طلال: لا ماراح يدري مو بلازم يدري .. عموماً إنت ارتاح وأي شي تبيه عَطني ألو
خالد: اوووكي ماتقصّر

يقفل خالد الخط ويطالع في سُعاد اللي مازالت تطالعه بنصّ عين
سعاد: ومن متى هالطلال يدري انك تعرفني
خالد: على بالك اخوياي مثل اخوياك منال وطقتها
سعاد: يلاااا عاد منال من صديقاتي الشاذين والا انا صديقاتي شحلاتهم
خالد: لا طلال هَذا غايل عليّ حيل ولا قلتله شي كني قايله لـ نفسي
سعاد: لايكون تحبه بعـــد
خالد: وش احبه مجنونه انتي
سعاد: والله اني اغار عليك منه
خالد: آقول اكلي وانتي ساكته .. جالس في فلم مصري وانا مدري ههههه
سعاد بقهَر: والله عاد قلبي وهو حر يغار على من يبي إنت مااالك خص

.
.

في بيت خوالها بـ جدّهـ
كانت منال جالسَه تحُوس بـ جوّالها وطرَى عليها سالفة سعاد وانها بتشوف خالد
إتصلت على ندَى إخت سُعاد تبي تجسّ النبض ..

منال: الووو
ندَى: هلا منّووول
منال: هلا حبيبتي كيفك
ندَى: الحمدلله بخير .. غريييبه متصله والا العاده ماتبين الا سعادووه
منال: ههههه اشتقتلك ياقلبي
ندَى: تشتاق لك العافيه .. انتي شخبارك وش مسويه
منال: الحمدلله طيّبه
ندَى: .............
منال: وين اختك عنك
ندَى: طالعه مش هنا
منال: وين فيه
ندَى: ماأدري عنها راحت مع السايق والى الحين ماجات تبينها اتصلي على جوالها
منال: هااه لا ماابغاها بس اسأل .. عموماً حبيت اسلم عليك
ندَى: الله يسلمك خلينا نشوفك
منال: ان شالله اذا رجعت من جده

.
.

في المقهَى ..

خالد: بيجيك السواق هنا ؟!
سعاد: يعني شرايك
خالد: اتصلي عليه وخليه يجيك بيت صديقتك
سعاد: ليييش ؟
خالد: أنا بوديك هناك ويجي ياخذك
سعاد: طيب بس ..
خالد: لابس ولاشي .. أعتقد ماعندك مُشكله
سُعاد: طيب من عيوني
خالد: تسلم عيو ...

ويرن جوال خالد اللي كان بيَد سعاد ..
تطالع سعاد الرّقم ! <<< المتصل رقم منال ..!!

ترفع سُعاد راسها على خالد وهي ساكته ...............
خالد: مين المتصل ؟!
سعاد: خذ شوووف
ياخذ خالد الجوال: هههه طيب شفيك قلبتي كذا ماعرف هالرقم والله
سعاد: مناااااااااال
خالد: منال !!
سعاد زعلانه وساكته: ................
خالد: مجنونه خويتك هذي
سعاد: طيب رد عليها
خالد: ارد عليها ليش ؟! مابيني وبينها شي
سعاد: أجل وش تبي تتصل فيك
خالد: إنتي أكبر من هالتفكير الله يهديك .. شوفي وش مخليها تتصل
بعدين انتي عارفه باللي حصل منها أوّل يعني مو جديد عليها هالحركه
سعاد تتذكر كلام خالد اللي كان قد قاله لها وثقتها فيه: حيوانه هالآدميه
خالد: ماعليك منها ياقلبي .. كثييير اشكالها
سعاد: طيب وش أقدر اسوي لها ؟
خالد: طنشيهاااا
سعاد: لو إنت مكاني وش راح تسوي
خالد: لاتجيبين هالمقارنه لأن انا رجّال وبإمكاني أتصرّف تصرف ثاني لو صار لي مثل كذا
لكن انتي مظطرّه انك تطنشينها لأن مابيدك شي .. وانتي واثقه انها ماهمّتني
سعاد: ويمكن بُكرهـ تهمّك .. مو انت كنت مُعجَب فيها
خالد: ههههههه لا ولامُعجَب ولاشي .. فكينا من سالفتها وقومي نمشي

.
.


في السيارهـ كان خالد مشغل أغنيَة الفنان خالد عَبدالرحمن [ وشلون مغليك ] ويمشي بشويش

سعاد: هذا فنانك المفضل صح
خالد: إييه أكيد .. تحبينه ؟
سعاد: أحبه لأنك تحبه
خالد: اممممم انا احبه حُب بـ جنون من يوم كنت صغير ..
كان اللي حولي دايم يتكلمون لي عنه وان اسمي خالد وابوي عبدالرحمن وهو نفس الشي
وصرت أسمَع له وانا صغير ويوم كبرت تعلقت فيه أكثر وأكثر ..
يعجبني في خالد انه يغني بـ إحسَاس يختلف عن كثيييير من الفنانين
ونادراً تلقين فنان يغني بنفس إحساسَـه ..
ترد عليه سعاد وهي تحط يدينها ورى رقبتها وتفتح سلسال كانت تلبسه:
آهااا يعني تحبه من يوم كنت صغير ياابخته اذا جمهُوره مثلك .. وتلتفت عليه وبيدها سلسالها:
خالد تسمح لي أعلّق هالسلسال الصغيرون على مرايَة سيارتك ؟
خالد: إيييه علّقيه يابخت المرايه ^,^
تبتسم سُعاد وهي تحط [ سلسالهَا على مرايَة السيارهـ ] : لايكووون تشيله من مكانه
خالد: ههههه لا وربي ماأحرّكه من مكانه .. يــلا ماودّك تنزلين عند صديقتك ترى وصلنا
سعاد: والله ماودّي .. بس غصب عني
خالد: فديت قلبك .. اوكي ياقمر الله وياك
سعاد: انتبه على حالك
خالد: وانتي بعَد ...................................... سعاد ..
سعاد: نعَم !

الباقي مشففففففر خخخخخ
................................
.
.

في البيت أول مادخل خالد فتح الإنترنت وسجّل إغنيَة [ جمَعت الشوق ] بصوته
نزّلها في مَوضوع جديد بالمُنتدَى وكتب العنوان " إهداء خااااص S "

جمعت الشوق وأهديته عيونك
وكل الحب في دربك نثرته
وعطرت المشاعر من جنونك
وزفيت العمر لك لو خسرته
زماني ما تخيلته بدونك
وليلي بدون همسك ما سهرته
أحبك مثل ما حضك يخونك
ومثل ما جابك الحظ وشكرته
ملكت القلب لا تكثر ضنونك
ولو قلبي يبي غيرك نهرته
يمر البال لناس يشبهونك
كثر ما مر غيرك ما ذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوة عيونك
وكل الحب في دربك نثرته

يَتبع ..

[لامارا]

[ الجُزء الخامس عَشر وَالأخِير ]


الساعه 12 الظهر .. خالد توّهـ طالع من الجامعه وراكب سيارته
تذكّر ان سعاد ماعندها دَوام فهـ اليوم .. واتصل عليها :

خالد: آلووو
سعاد بصوت كله نوم: هلا خالد
خالد: هلا فيييك .. يلا قومي بسك نوم
سعاد: والله مَانمت الا الصباح
خالد: إيه إشـ عليك لادوام ولاشي
سعاد: وانت حاسدني
خالد: إيه اكيد حاسدك .. أنا طالع في ذا الشمس من الجامعه وميت جوع
وانتي على فراشك وتحت هالبطانيه !
سعاد: فديتك ليه جايع .. طيب روح ارتاح وتغدا
خالد: مالي نفس اروح البيت واتغدّى .. ودي اتغدى بأي مكان واروح الديوانيه
سعاد: آآآخ ياذا الديوانيه اللي ماخذهـ وقتك .. تعال عندي انا اسويلك غدا
خالد: هههههههه خلاص ماأقول لأ .. قومي شدي حيلك وسوي لي
سعاد: بس ماتروح الديوانيه !
خالد: لا , بس أروح انتظرك لين تخلصين الغدا واجي آخذهـ منك
سعاد: اووووووكي الحين أقوم
خالد: أنتظر منك اتصال
سعاد: طيب .. باي
خالد: باي


تقوم سُعاد من على سريرها وتصلي الظهر وتدخل المَطبخ تسوي الغدا
أمّا خالد راح للديوانيه وشاف فيها طلال وصالح سعَد

خالد: السلام عليكُم
- عليكم السلام
خالد: انتوا لاشغل ولامَشغله قاعدين 24 ساعه في الديوانيه
صالح: وش حارق رزك انت
سعَد: شكله منقهر ان العَالم مرتاحين وهو مغتث مع هالجامعه ههههههههه
خالد: والله الجامعه مو بغثى يابعَد حيي هذا مُستقبل وانا اخوك
طلال: الله واكبر عاد يـ الوظايف الشاغرهـ في الديرهـ
صالح: ههههههههههههههههههههه انا اشهَد
خالد: احنا نبذل السبب والباقي على رب العالمين لابيدي ولابيدك
سعَد: اترك عنك الكلام الفاضي وتعال نلعب بلوت
خالد: والله انك رايق على ذا البلوت من ظهر رب العالمين
طلال: هههههههه ذولي لو انهم مكسّرين روسنا في ذا اللعبه مدري وش بيسوون
خالد: الواحد يتحسف يعلمهم شي هههههههههههه
طلال: تعال ريّح خالد شكلك تعبان .. أنا بقوم اسوي لك راس معسّل
خالد: إي والله تكفى طلال والله مافيني حيل
طلال: أبشر

يطلع طلال برى .. ويَجلس خالد معَ سعد وصالح يسولفون
دَخل عليهم أنس .. وقبل لايسلم إنتبَه خالد لـ جوّال طلال يرنّ

خالد: طلال جوالك يدق رقم غريب
طلال: رد عليه شوف مين

يردّ خالد على الجوال ..

خالد: مرحبــــآ
- السلام عليكُم
خالد: وعليكم السلام
- معاي الأخ طلال ؟
خالد: لا خويّه .. آمر من معي
- معاك الشركَه الأولى في الخبر
خالد: هلابكم سمّ يالغالي وش بغيت
- حبيت أعلمك انه تمّ قبُول طلال كَـ مُوظف في الشركه
ياليت يجينا لـ المُقابَلعه الشخصيّه وانهاء باقي الأمُور !
خالد بـ فرح وارتباك: طيب .. طيب مشكور ياغالي

يقفل خالد الخط ويركض برى يطلع لـ طلال وهو يصارخ: مبروووووووووووووووووك
طلال متفاجئ: الله يبارك بعمرك على أيش
خالد: الشركَه الأولى متصلين عليك بخصُوص الوظيفه اللي قدّمت عليها
طلال: قووووول والله
خالد: وووربي

يقوم طلال من مكانه ويضمّ خالد بيدينه اللي كلها فحَم < ههههههههههههههههه

طلال: هههههههههههه وش في ثوبك صار لونه أسوَد
خالد: بركاتك ياعمّي
طلال: ههههههههههههههههههههههههه ههههه

يطلع صالح وأنس وسعَد من الغرفـَــــه وأول ماعرفوا بـ السالفه
طوّلوا على الأغاني في قناة نجُوم وقاموا يرقصون << خخخخخخخخ

" طلال خلص الثانويه ومَاحبّ انه يكمّل دراسته الجَامعيّه وسمَع شور خالد
انه يدخل معهَد يحصل له على شهادهـ أحسن له من القعدهـ بدُون شي
والحين هُو خرّيج معهَد نيوهورايزن وعندهـ شهـَـادة حاسب وانقليزي
أوّل ماخلص دراسته فيها .. قدّم في الشركات على أمل انه يحصل
على وظيفه ترضيه .. ومن ضمنها الشركه الأولى مِن أكبَر الشركات
في الخبر وبـ الفعل حصّل على وظيفه عندهم "

خالد: حسبي الله عليك ياطليّل هذا بدل ماتعطيني بشارتي توصخ ثوبي بالفحم
طلال: هههههههههههه والله من الفرحه ماادري وش اسوي
خالد: ههههههههههههههههههههههههه هههه
طلال: بعدين احد قالك ان الفحم جالس اسويه لنفسي جالس اسويه لك هههه
يسحَب خالد من هوز المعسّل ويردّ على طلال: ههههههه المُصيبه عندي موعد ضروري بعد اشوي
طلال: وين ؟
خالد: مالك دخل موعد ضروري وبسسس
يغمز طلال لـ خالد: أكيد عند الحبايب
صالح: منهم الحبايب بعَد !
خالد: ولاشي هههههههه

خالد: المهم يالرّبع بهَـ المُناسبَه ترى غداكم بكرهـ عليّ في الديوانيه
طلال: لاتكلف على حالك ياخالد .. المفرُوض انا اللي اسويهَا لكم
خالد: تستاهل كل خير ياطلال .. وهذا أقلّ من حقك والله


يقوم خالد من مكانه ..
سعَد: وين رايح ؟
خالد: بروح ابدّل ملابسي ويمكن ارجع لكم بعدين .. فمااان الله

أوّل ماركب خالد السيارهـ اتصلت عليه سعاد:

سعاد: هلا حبيبي
خالد: هلا بك اكثر .. لاتقولين خلصتي
سعاد: إيييه خلصت تعال خذهـ
خالد: لاااا بروح البيت بسرعه بعدين بجيك
سعاد: لا خالد مابيك تتأخر
خالد: إيييه بسسس
سعاد: بس أيييش
خالد: أبي اروح البيت ابدّل ملابسي واجيك
سعاد: مافيه داعي لأني ماني طالعتلك اصلاً بخلي اخوي الصغير عزّوز يعطيك اياهـ
خالد: لااااااااا ماأبيه أجل .. أنا ابيك انتي تعطيني
سعاد: مااقدر وربي أمي هنا وانا قايله لها اخو صديقتي بيجي ياخذ الغدا لصديقتي
خالد: ماعليّ منك دبّري نفسك .. بروح البيت ابدّل ملابسي واجيك
سعاد بـ قهَر: اوووف منك .. باي
خالد: فديت الزعلانين
سعاد: مشكله مقدر ازعل عليك
خالد: آآآمواااه .. باي
سعاد: باي


يرُوح خالد للبيت يبدّل ملابسه وترُوح سُعاد ترتب الغدَا له وتراقب وضعها في البيت إلين يجيها خالد

.
.
.

في المُستشفى ..
كانت منال جالسه تقرأ أسماء المُمرّضات اللي نحَت إشرافها
واللي حازوا على جوائز من إدارة المستشفى لتميّزهُم في العمَل خلال الشهَر
واقهرَت لمّا لما شافت أسماء تسع مُمرّضات سَبعه منهم سُعوديّات وأسماء
أربَع دكاترهـ ثنتين منهم سُعوديّات ومَاطلع إسمها من ضمنهُم !
حَاولت بـ حقدها تتلاعب بـ أسماء المُرشحَات في خطوهـ غريبَه عَلى المُستشفى وجريئه منها
حَتى تبعدهم بقدّ ماتقدر عَن الجوائز وترضي غرُورهَا
وتظلّ الأميَز بينهُم بعَد مَاحَازت عَلى الأفضليّه في الشهر المَاضي ..!!

زوّرت بيانات وكتبت تقرير عَن عَدَم انتظام المُمرّضات السعوديات في الحُضور والغيَاب
وتقرير آخـَـــر عَن عَدَم تعَاوُن الدكاترهـ السعوديات في المُستشفى بإشرَاف غير سَليم عَلى الأقسَام ..
وأرسلتهَا للإدَارهـ !

/

وصل خالد لـ بيت سُعاد واتصل عليها قالها انه عند الباب ..
إنتظرها أكثر من 10 دقايق ثم طلعَت له وبيدها ثلاث أكيَاس ,,

سُعاد بـ ارتباك: خالد يلا خذ الأكياس ورُوح
خالد بـ استهبَال: لايكُون الأكل فهالأكياس !
سعاد: إيييه في صحووون داخل الأكياس
خالد: على بالي قاطته في الكيس مره وحده هههههههههههه
سعاد: هههههههههه والله مو وقت هبالك ياخالد يلا روح وبالعافيه
خالد: دقيقه تعالي قرّبي ...............

مشففففففففر <<< خخخخخخخ


ركَب خالد سيارته واتصلت عليه سُعاد ..

سعاد: آلوووو
خالد: هلا بك
سعاد: بالعافيه وان شالله يعجبك
خالد: دامه من يدينك اكيد بيعجبني .. هُو أحَد حاصلّه ياكل من يدينك
سعاد: فدييييتك
خالد وش سويتيلي
سعاد: امممممم صينية بيتزا المكرونه
خالد: وبعَد
سُعاد: وشوربَه
خالد: وبعَد
سُعاد: وسَلطه
خالد: وبعَد
سُعاد: بس بتنتحر أنت !
خالد: باقي شي مُهمّ
سعاد: أيش ؟؟
خالد: الحلى
سُعاد: آآآآآآمواااه
خالد: ههههههههه فديت الناس اللي تفهَم

.
.

مَرّت الأيام والأيام وكل يوم يتعلق خالد بـ سُعاد أكثر وأكثر
ويحسّ انها الإنسانه اللي جمّلت حياته ولوّنتها ..
في كلّ يوم تكبَر بـ عينه سُعاد أكثر من اليوم اللي قبل
وكل يوم تثبت له انه يحب إنسَانه حب استثنائي !

وفي نفس الوَقت سُعاد تحسّ انها محظوظه بـ قلب خالد
وفرحانه ان خالد ترك كلّ العلاقات عشانها ..
حَتى اللي كَان يقول انه مايقدر يتركهُم .. ومن ضمنهُم سَارهـ
اللي ابتعَد عنها بشكل واضح وكبير , لأنّ وَقته صار لسُعاد وبس !

.
.

في بيت سَارهـ ..

كانت منسدحه على السرير تحسّ بـ تعب مو طبيعي ارتفاع في دَرجة الحَرارهـ ولوعَة كَبد ..
وكـ العادهـ زوجها بعيد عنها ولا هو بحولها أبد , وكل أمورها تقضيها بـ نفسها مع سايق أمّها
وعلى قولتها " تعوّدت على هالحَاله زوجي له حياته الخاصّه فيه وانا لي حياتي الخاصّه فيني " !

انتبهَت لـ جوّالها يرنّ ..

سارهـ: آلووو
أم سارهـ: هلا شلونك الحين , ان شالله أحسَن ؟!
سَارهـ: والله تعبانه حيل يمّه
أم سارهـ: خلاص أنا برسلّج السواق مع أخوج وخليه يوديج للمستشفى
سَارهـ: اوكي

" سَارهـ متزوّجه وَلد عمّها قبل وفاة أبُوها اللي أصرّ هو وعمّها انهُم يزوجونهُم لـ بعض
بـ حكم عادات قديمَه لازالوا ماشين عليها .. وعلاقة سارهـ مع زوجها من سيئ إلى أسوأ
كل اللي بينهم الغدا مع بعض في البيت والنوم سوا .. وغير كذا كل واحد في حياته بعيد عن الثاني "


/

إطــّــلعت إدارة المستشفى على تقارير الدكتورهـ منال اللي أرسلتهم
وعيّنت لجنه تبحَث في مَوضوع تقاريرها بـ سريّه تامــّــــــــــــــــــه !

\

في يوم من الأيام الساعه 2 بالليل كان خالد جالس على الإنترنت ووصلته رساله على جواله من سُعاد
" خالد .. أبي أكلمك في موضوع ومو قادرهـ أتكلم , أقدر أتواصل معاك بالرسايل ؟ "
رد عليها برساله: " وليش ماتقدرين تتكلمين .. عندك أحَد ؟! "
سعاد: " لا ماعندي أحَد بس تعبانه مو قادرهـ أتكلم ياخالد "
خالد: " ردّي على مكالمتي .. ويصير خير "

واتصل خالد على جوّالها: آلــــو
سُعاد: .................
خالد اللي يسمع صياح سعاد: سعاد تكلّمي شفيك !
سعاد: ................
خالد بـ نبرهـ حادّهـ: سعاد خلاص .. تكلمي وقولي شفيك
سعاد بـ صوت متقطّع: خاللللد
خالد بـ هدوووء: ياعيون خالد تكلمي شفيك
سعاد بـ صوت عالي: خاااالد مابي أفقدك
خالد: شـ هالكلام !
سعاد وهي تصيح أكثر: خالدددد
خالد: سعاد ياقلبي هَدّي اشوي وتكلمي على الرّاحه وعلميني شفيك
سعاد: خالد أنا اليوم إنخطبـــــــــت ....!!!!!!!!
خالد: .................................................. ......!!!

.
.

طلال بَـــــاشر عمله في الشركـَــــه وكل يوم يتكيّف معَ العمَل ومع المُوظفين أكثر
قدر انه يتعرّف على أكبر عدد من الموظفين في الشركـَـــه وصَار له زمَــلاء كثآر
ماابتعَد عن صديقه خالد ولافكّر انه يبتعد .. ولكن العمَل أخذهـ بـ شكل كبير من كل
شي حوله ومن ضمنهُم خالد ! صارَت شوفاتهم شبــه مَعدُومه تقريبَاً .. يسألون عَن
بَعَض بالتلفون ويتواصلون بين فترهـ وفترهـ .. طلال مافقد خالد كثر مَـاخالد فقدهـ
لأن طلال صار لاهي بـ شغله أكثر من خالد اللي لاهِي بـ دراسته لكن عندهـ فـراغ

/

في المُستشفى خلّصت اللجنه عَملها في الكَشف عَن الأقسَام وتحليل بيانات التقارير
اللي وصلتهُم من الدكتورهـ مَنال .. واكتشفوا إن كلامها كان كله يغالط الحَقيقه ..!!
فتحَوا معها تحقيق .. وطلع كل كلامها وبياناتها مزوّرهـ وأصدروا بـ حقها عُقوبَــه :
" نقلها إلى مُستشفى آخـَــــــر خارج مَدينة الخـُبر تابع للأوّل وسَحب منهَا الإشراف
على الأقسَــام ! معَ ضرُورة الإلتزام بـ الدّوام في المُستشفى الآخـَـــر عَلى وَقتيــــن
ليل ونهَار وعدَم التسيُّب , وَفي حال عدَم الإلتزام سيتمّ الفصل بشكل نهَائي من العمَل "

/

وفي جهه ثانيه من المستشفى كانت سارهـ تسوّي التحليلات ويكشف عليها الدكتور
طلعَت النتايج .. وبشّره االدكتور إنهَا حامل !! وكان أوّل حمل لها بعد أكثر من سنتين من زواجها
إتصلت على زوجها اللي كان موجود بـ الديوانيه مع اخوياهـ .. وماصدّق خبَر فزّ من مكانه
وعلطول جاها بـ المستشفى !

.
.

حاول خالد انه يخفي عَبرته وهُو يكلّم سُعاد
وحاول قدّ مايقدر انه يهوّن عليهَا ..
بالرغم من انه هُو محتاج من يهوّن عليه !

خالد بـ عَبرهـ: حبيبتي سعاد هَدي اشوي
سعاد وهي تصيح: وش اهدّي عليه ياخالد شلووون يعني أعيش مع غيرك
خالد: الزواج مكتوب عليّ وعليك .. وعلى غيرنا وهذي نعمة من رب العالمين
سعاد: إيييه ياخالد بس انا ماأتصوّر اني اعيش مع غيرك
خالد: ولاأنا والله ياسعاد .. بس مابيدي شي
سعاد: آآآآآآآآآآآآآه ياخالد ياليتني متّ ولا جا يخطبني
خالد: استغفرالله بعيد الشر عليك
سعاد: والله الموت أهون ياخالد ولاأبتعد عنك
خالد بـ نبرهـ حادّهـ: يعني انا اللي بعدك عليّ سهَل ياسعاد !
سعاد: بس انا احبك ياخالد وربي أحبك .. ومااتصور حياتي مع غيرك
خالد بـ جدّيه: سعاد أوّل شي هَدّي من روعك ياقلبي وخليني أقولك اللي بخاطري
سعاد: ............................
خالد: ياسعاد انا كنت متوقع مثل هاليوم .. وهذي سنة الحَياهـ مثل مافيها لقاء فيها فراق
سعاد: لااااااااااا لاتقول فراق احنا ماافترقنا
خالد: سعاد خليني أكمّل كلامي الله يخليك
سعاد: ...........................
خالد: انتي تدرين اني أحبك وتدرين وش كبر حــُــــــــــبك في قلبي
وتدرين أكثر من غيرك وش كثر خالد يغليك ويخاف عليك وتهمّه مصلحتك
يَاسعاد إذا أنا أحبك فعلاً راح أقولك تزوّجي والله يستر عليك حَتى لو ان القرار هذا صَعب عليّ
أنا أحبك ياسعاد وأثق فيك وبـ إمكاني بكرهـ أجي وأخطب لأني عارف مين تكُون سعاد
مهما حَصل منها معاي ومهما فعلت كل أمُورها عندي وعارفها .. واعرفها أكثر من نفسي
ولكن ياسعاد لاتشوفيني انا وانتي .. شوفي الناس حولك اللي تزوّجوا بنفس هالطريقه
وش كان مصير زواجهم ؟! أكيد الفشل ! إلا القليل .. وهـ القلّه اللي نتكلم عنها
بينهم مشاكل مالها أوّل ولاآخر .. ياسُعاد أنا عشت معاك أحلى أيامي وماأنطر هَـ الشي
وصرتي لي الصديقه والحبيبه .. وأغنيتيني عن أي شخص بـ الدنيا إنتي ياسعاد ماكنتي لي حَبيبه وبس ..
إنتي كنتي الراحه في حياتي , عمرك مابخلتي عليّ بـ مشاعرك واحاسيسك ..
كل ماضاقت فيني الدنيا شفت قدّامي قلب أوسَع من همومي ..
واليوم .. جا الوَقت اللي لازم أختار راحتك وراحة قلبك وابتعد عنك وانا مرتاح ومتطمّن
الفراق ياسعاد اذا ماصار اليوم بيصير بُكرهـ .. وهالفراق اللي بيصير بيننا أحلى فراق
لأني ماراح أنسَى هالإنسانه اللي كانت كل شي بحياتي أبداً واللي عشت معها أحلى ايام عمري
وفي نفس الوقت بودّعها وانا مرتااااااااااح بهالوداع لأني تطمّنت عليها
وتطمّنت انها بتكون مرتاحه باقي حياتها مع زوج أكيد راح يحافظ عليها لأنها تستاهل كل خير ويابخته فيها
واذا تحبيني ياسُعاد عيشي حياتك الجديدهـ مع زوجك وعَطيه اللي أعطيتي خالد وأكثر

سعاد: خالد .. أفهَم من كلامك انك بتتركني بعَد ماأتزوّج ؟
خالد: أكييييد ياسعاد لأن زوجك من حقه انه يملك قلبك ومايشاركه فيه أحد
وانا مو أناني لهالدرجه حتى اني أشاركه هالقلب الابيَض ياسعاد
سعاد: بس انا مااقدر ياخالد .. تعوّدت عليك !
خالد: وراح تتعوّدين أكثر وأكثر على زوجك اللي هو حبيبك وصديقك
وانا متأكد انه راح يبادلك نفس الشي ياسعاد لانك انتي اللي بتجبرينه
انه يحبك ويحترمك ويقدّرك .. مثل ماأجبرتي خالد على هالشي وأكثر
سعاد بـ هدوووء: طيب وش معنى سارهـ كنت تعرفها قبل الزواج ولما تزوّجت ماقطعت علاقتك فيها ؟
خالد: لأني ماحبيت ساره مثل ماحبيت سعاد .. انا حبيت إنسانه وحدهـ بس هي سعاد
وعشان أثبت لها ولنفسي إني أحبها لازم إني أتخذ هالقرار .. واخليها تعيش حياتها مع زوجها والله يهنيها

سعاد بـ براااااااااااااااءهـ: وانت .. من يعيش وياك ياخالد ؟؟

معَ هـ السؤال نزلت دَمعه من عين خالد ماقدر انه يسيطر عليها وقال في نفسه
" آآآآآآه ياسعاد حتى في أصعَب حالاتك مو همّك نفسك وجالسه تحاتين خالد ..!! "

خالد بـ صوت مَبحُوح: أنا لي الله ياسعاد


.
.

[لامارا]

[ الخاتمَه ]




أقدّر موقفك و اعذرك و اذكر عشرتك بالخير
و اكرر شكري و تقدير قلبي .. يا بعد قلبي
و اقول آسف على حزنك على بعدك على التقصير
امانه عش حياتك و اترك همومي تسافر بي !

حياتك تستحق التضحيه و الصبر و التفكير
حرام يضيع حلمك يا رفيق الدرب في دربي ..!

تصاحبك السلامه و الاماني يا نصيب الغير
انا كل الكلام اللي بقوله يحفظك ربي
و تبقى اكبر و اكبر بعيني و الزمان صغير
ولو ما قلت احبك كل يوم يقولها قلبي.
.
.


.. وَلأنَّ لـ كُلِّ بدايَةٍ نهَايَه فـ هَذهِـ نهَايَة ُقصَّتي
................. وهََـا أنا أنسِجُ آخـِـــرَ خيُوطِهَا ..

نعَم تفارقنا ..
وَلكن لازالت بـ جَمالها بـ قلبها بـ طِيبها بـ بياضها بـ رَوعتهَا
" إستنائيـّــــــــــــــــ ـــــه "

سُعاد لم تخلق من نــُـــور
ولم تهبط من كَوكَب آخـَـر
وَلم تنزّل مِنَ السّمَاء ..!!

وَلكِنهَا " مُختلفه " إن لم تكُن بـ أعيُنِ الناس
فـ في قلب وَعَين خالد وذلكَ يَكفي !

تعِيش سُعاد الآن معَ زوجها .. وإبنها الصَّغير الذي أسمَتهُ " خالد "
في المَدينه المُنوّرهـ التي انتقلت إليها بعدَ زواجها لـ ظرُوف عَمَل زوجهَا
زوجَاً طيّباً حَنوناً يَستحقها .. ويَستحقّ هَذا القلب الكَبير وهَنيئاً لهُ به

أمـّـــا خالد فلا زالَ يَعيش وَحيداً بعدَ سُعاد
لم يُفكّر بـ الحُب .. وَرُبّما يكُون قد فكَّرَ فيه
وَلكن مِشاعرهُـ أُستُهلِكَت عَن بَكرَة أبيها !
فـ لم يعُد بـ استطاعتهِ تقديم المَزيد مِنَ المَشاعر
أو لم يعُد قادرَاً عَلى بَذل المَزيد مِنَ الحُب ..!!


/

حَضر خالد زواج سعاد اللي صار في الدّمام بـ صَالة الأندلس
وسلّم على زوجها واخوانها وسمَع أخوها الكبير يوصّي زوجها عليها ويقوله:
( الله الله بـ البنت تراها جوهرهـ )
قال خالد في نفسه: " آآآآآه هي جوهرهـ وبس الا جوهره نااادره وربي نادره "

والآن خالد لاتربطهُ أي علاقه في سعاد
وَكُلّ مَايعرفهُ عَنها اليَوم انها تعيش في رَاحَه
ويكفيه أجمَل أيامهِ التي عاشها بـ قربها

/

لم تربطهُ أيّ علاقه بعدَ سعاد ..
رُبّما لِثقتهِ أنهُ لايُمكن أن يُعطي أكثر مِمّا أعطى
وَرُبّمَا لأنهُ لايُؤمِن بـ وُجُود إنسَانه تشبَه سُعاد ..!!


.
.

أخيراً ..
أنا " خالد بن عبدالرحمن / إنسان مزاجي " لم أتصرّف بكتابَة القصّه
إلا بعدَ مُوافقة جَميع الشخصيّات المَذكُورهـ فيها إمّا عَن طريقي مُباشرهـ
أو عن طريق أشخاص آحرين وَصلوا إلى سُعاد ومَنال وسَارهـ وغيرهم ..
جَميع شخصيّات القصّه حَقيقيّه وجَميع الشخصيّات كانوا يُتابعُون هَذهِ الصفحَه ,
حَتى سُعاد من ضمن المُتابعين



لكُم ودّي ,,


خ / ــآلد

[لامارا]

تعليق على الرواية من العضوة الزعيـ A.8K ـمه أعجبني ويستحق القراءة والنظر و التفكر فيه

تفضلوا


× * ×


بسم الله


إنسان مزاجي .. سبق وقلت رأيي في إسلوبك في الكتـــابة
رائــع ومميــز جــداً


وسبق وقلت إني من اللي لا يؤمنون ولا يعترفون بالعلاقات الغراميـــة بين أي غريبين عمومــاً وفي النت خصــوصاً

بتكلــم هالمــرة بوجهة نظـــري أنـــا ، حتـــى لا يُنسب إليً بأننـي مــوافقة على رأي الكــاتب ، أو أي رأي آخـــر منشــور



××



نحـــنُ ولله الحمــد تربينـــا في مجتـــمع محــافظ
فيه الأبيض أبيض ، والأسود أسود

وتحكمنــــا قنــاعات مرتبطــة بالدين قبـــل كـل شي
قبــل حتى العــادات

و في كــل المجتمعـــات مهمـــا بلغت درجة إدعــائهم للرقــي والتطـــور والتحــرر
إلا إن علاقــة المرأة بالرجل الأجنبي عنهــا لهــا عنــدهم وضــع خــاص


××


يقول أبن القيم :


وبالجملة فمراتب الفاحشة متفاوتة بحسب مفاسدها ، فالمتخذ خدناً من النساء والمتخذة خدناً من الرجال أقل شرّاً من المسافح والمسافحة مع كل أحدٍ ، والمستخفي بما يرتكبه أقل إثماً من المجاهر المستعلن ، والكاتم له أقل إثماً من المخبِر المحدِّث للناس به ، فهذا بعيد من عافية الله تعالى وعفوه كما قال النبي صلى الله عليه وسلم : " كل أمتي معافى إلا المجاهرين ، وإن من المجاهرة أن يعمل الرجل بالليل عملاً ثم يصبح وقد ستره الله عليه فيقول يا فلان عملت البارحة كذا وكذا وقد بات يستره ربه ويصبح يكشف ستر الله عنه "


هالجملـــة تكفـــي عن أي رد
ويكفــي إنهـــا قــول خيــر الأنــام ( عليه أفضل الصلاة و أزكى التسليــم )


؛؛


اللــي مؤيدين للقصــة ( وهذا من حقهــم طبعــاً )
تفكيــركم عــاطفي

لــو فكــرتم بشوية منطقيــة ، بتفهمــون اللي نقصــدهـ

خالد .. بسألك سؤال تقليدي
ترضـــى هالشي يصيـــر لأحــد من أهلك ؟!!

ترضــى إختك تكلـــم شــاب ، وهي اللي تبادر بعد بالكــلام !!

سعـــاد .. اللي إنت تحبهـــا
معقــولة تهــون عليك وتتكلــم عنهـــا بالشكــل هـذا ؟!
وقــدام الكــل ؟!

هــي نفسهــــا راضيـــة باللــي يصيـــر ؟!


اللي مؤيدين للقصــة .. بسألكم سؤال برضــوا تقليدي ( بس إجاباتكم لكــم ، لحد يرد علي )
كــل القصص اللــي نسمعهــا عن العلاقــات بين الشبــاب واللي نهــايتها دائمــاً ما تكــون مأساوية ،
كلهـــا ما إتعظنـــا منهـــا ؟!
معقــولة ما فهمناهـــا ؟!
معقــولة تهــون أنفسنـــا علينـــا ؟!


البنت في الشـــرع .. شي عظيـــم
حمـــاها رب العــالمين ، وفضلهـــا بأشيـــاء كثيــرة
أهــم شي الحيــاء

في النت .. ممكن نتعــرض لشبـاب ونتكلــم معـاهم
لكــن في حــدود المنتــدى ، وبكــلام ظــاهر للكــل
لكـــن لمــا يتعــداهـ لأشيــاء ثــانية ... يبــدأ الخطــأ
وتبـــدأ النهاية المـــأسـاوية المنتظـــرة

وصدقـــوني مهمــــا طالت العلاقـــة إلا إن نهــايتهــا واحدهـ ، ومعــروفة

لإن ما بُنــي علـــى بــاطل فهــو بــاطل


أتمنــــى إن ما يكــون فيـه حزازيــات بعد ردي هــذا
لإن هــذا رأيي أنـــا
وأنـــا بس اللـتي أتحملــه


؛؛



شـــاكرة للجميـــع تعــاونهــم
\


::

[لامارا]

	السلام عليكم ورحمة الله وبركاته كانت هذه رواية منتصف الأسبوع أمنياتنا أنها قد حازت على رضاؤكم قراءة ممتعة لكم شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .