باقي لهم في قلبي الطاهر حنين/ للكاتبة روزيلا

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية باقي لهم في قلبي الطاهر حنين للكاتبة / روزيلا بسم الله الرحمن الرحيم الحمدلله ذي اول رواية لي والى الأن ماني مصدقة إني نزلتها..ترااني في طور الصدمة.. المهم رااح تكون البارتات بعون البارئ مرة في الاسبوع .. طبعاٌ تحكمني دراستي الا ودي أتفرغ لها تفرغ تااام الناس بيعطلون وأنا غايصة في الكتب ... .. .. شكر خاص جداً لمبدعتنا المشرفة dorga على تصميمها لهذا الغلاف الرائع شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . في حفظ المولئ... بسم الله نبدأ قراء ممتعة لكم..

[لامارا]

البارت (1)..

مقتطفــــــــات من الـــــــماضي....


قبل 50 عـام..وفي قرية من قرى منطقة عسير...

اصبح عيال سعد الشهبان على اجواء باااردة ...

التمت العائلة حول المشب ليتنعمون بالدفى في ذا البرد..

ومنقسمين الى قسمين ...جهة لحريم العائلة وجهة لرجالها..

وعلى فطورهم البسيط المكون من ..قرصان وسمن وتمر ..

وعلى حليب الغنم الحار..



************

حســـــــيـــن ..


ابو محمد كبير العائلة ..وعلى يمينه محمد وعبد الله ..وعلى يسارة حسن وانا ...

ومستمتعين بهروجنا وسوالفنا ..وعلى صوت همهمة النساء ..

الا ابو محمد اللي كان متجهم وجهه..انتبه له محمد وقال: يبه ..وش فيك ..

وجهك مكتم تعبان ..مارد عليه ابوي غير بتنهيدة..هدى الجو شوي وانتبهنا لابوي..

قال حسن : افا ..افا .. وشهوله هالتنهيدة يبه..علمني بعلمك .. ولك من

يشيله عن اكتافك ..وقام يبوس راسة ...ولا ماتشوفني بحامل لعلوم الرجال..

هذا هو( حسن 25 سنة) ..يسحب ابوي في الكلام والهرج لانه حبيــــبــه...

أحب أخواني عند أبوي ..يبيعنا ويشتريه ..

قال أبوي : لاو الله انك رجال ..وحامل لعلومهم.. لكن ذا الهرج ..

غير انه مثوركم ..ناظرنا له مستغربين كلامه..لا والله الموضوع كبير..

قال محمد : وش علمك يبه ..

قال ابوي بهم : عيال العزايزه ماهم مرسينها على بر ..

قال حسن بسرعة : وعيال الشهبان لهم بالمرصاد ..وش قومهم الحين ..

ماتعضوا من المرات السابقه ..لزوم ندك اخشامهم مرة ثانية ..

قال أبوي: جاني جبر الراعي تالي الليل ..يقول شافهم يحومون حول الارض..

واسريته لابو عارف يبلغه ..ولزوم بعد الفطور نمر عليه ..ونشوف السواة معهم ..

واللي تشوفه عيني انها حرب ثانيه الله يكفينا شرها..

فزينا كلنا بحمية واحنا نقول : ونحن لها .. ماهم عيال الشهبان اللي يرخصون بارضهم ..




********
محــــــمــــد...


طول ما ابوي يهرج وانا عيني عليها ..احاول أتناساها وأسمع لأبوي بس ماقدر ..

قلبي ياكلني .. ونـــار حارقة جوفي ..جالسة بجنب امي وحريم أخواني ..

ومجلسة ولدي سطام(6سنوات) في حضنها ..وتفطره ..

وكل ماهرج حسن .. رفعت راسها وناظرته ..

أعرف هالنظرة ماني بعمي ..العمى عمى القلب ..

يارب الهمني الصبر .. مابي أظلمها واظلم حالي وولدي معي ..

نفضت إيدي من الاكل وأنا اقول : أكرمكم الله ..

قال أبوي : هـــني ..مافطرت زين يامحمد ..قلت : ماني مشتهيه...

قامت ( عادلة )زوجتي وام ولدي .. وحــافظة عرضي ..حتى تجيب الماء لحدي..

عشان أغسل يدي ..ومرت من قدامنا .. وكانت لابسه قميص مشجر وشيله لافتها على راسها ..

ومع مرورها لاحظت إلتفاتة حسن لها ..رصيت على ايدي بقوة وانا أتعوذ من الشيطان ..

قال عبد الله : اشفيك تتعوذ قلت وانا أقوم ومتجه للخارج : مابي شئ..

طلعت ولقييتها تبي تدخل وشائلة سطل الماء .. أستوقفتها بايدي ..

قالت : بروح أحمي لك الماء .. الماء مره بارد ..

ناظرت عيونها .. مزينه بكحله خفيفه ..كانت ســـاحرة ..عادلة موبس حلوة ..

الا حلوة واجــــد..فتنة متحركة..وحسن كان أحلانا ..يتمتع بجمال أمي ..

هو الوحيد اللي يشبه لها ..ماخذ بياضها وحدة ملامحها ..

وأنا واخواني كوبون لابوي ..ملامحنا عادية .. وسمارنا هادئ ..

انتبهت على هزت كتفي ..كانت عادلة تهرج لي وانا مسرح .. مانتبهت لعمري ..

إني مسرح فيها ..قالت بخجل تعودت عليه بكلامها معي رغم السنين اللي بيننا :ابو سطام

وش فيك .. رفعت ايدي وحطيتها على خدها ومسحت عليه بهدوء ..ونزلت راسها

بخجل .. حسيت بحرارة خدها بكفي .. قلت بضيق : مافيني شئ ونزلت إيدي بسرعة يوم

سمعت صوت حسن جاي لعندنا .. والتفت لجهت الباب ..على خروجه ..

شفته لمحنا ونزل راسه ومشئ ..ولفيت على عادلة وشفت المصيبه ..

مسرحة الأخت فيه .. وناسية نفسها ..

لااااااا .. لااااااا ..لاااااا ..لاااااا

إلا هنا وبس .. وحلفاني وراح أكفر عنه ..اني ماامد إيدي عليهاا ..

من بعد مرة قطعت عقالي على ظهرها ..لانها مدت بكاسة الحليب لحسن ..

وقال وهو بياكلها بعيونه ..: تسلم يمناااك ..يعني مرته جالسه ومنثبره ماتحركت ..

وشهوله تقومين وتخدمينه ..من زود الهمه..يعني الترزاز قدامه مايعني إلا

شئ واحد (ماني مالي عينها )..

سحبت سطل الماء منها وكبيته على رأسها.. شهقت شهقه..

تمنيت إن ربي يأخذ روحها ويفكني منها مع هالشهقه ..

ومسكتها من مقدمة قميصها ..ورفعت إيدي لا قصى حد ..

وعلى خدها وباقوى ماعندي .. أأأأناااا وش قايل لك ووشششش معلمك فية ..

أأأأأنااااا ماااني بديوث .. ماااااااني بديوث ..

ولحقت الاول بالكف الثاني ..والثالث .. والرابع ..

وكنت بكمل عليها .. إلا على مسكت أبوي ليدي .. سحبني بقوة ..

ودفني على جدار البيت ..صرخ فيني بصوت عالي :مجنــــــون ..منت بصاحي ..

صرخت بأعلى صوت من شدة قهري :أيــــــــه ..ماني بصاحي ..حرمتي وحلالي ..

مـــــــال أحد صالح فيني ..

قال أبوي وهو يتنافض من الغضب :اقـــطع يالهيس ..تعلي صوتك علي وتراددني .. خاف الله في

الضعيفة ... تمرجل عليها يامحمد وأنا عايش...

كنت بأنفجر من الغضب وصوت صياحها زادني ..قلت :اقطــــعي صوتك..ربي يقطع حسك من

هالدنيا..لفيت عليها يوم علي صوتها .. أبغى اكمل عليها ..

والا أمي ماسكتها هي وحريم أخواني .. وأمي جالسة تدعي علي ..

أمي ..جنتي وناري .. تدعي علي عشان هذي اللي ماتخاف الله ضغطت على نفسي وأنا أحاول أهدي

عمري : اوووص أقطعي مابي اسمع صوتك ..مسكني أبوي وهو يقول أطلع الحين وعقبه نتفاهم اطلع

قلت وأنا اسحب نفس مابه تفاهم ذي .. وأنا اشر عليها ...يبغالها ربااااة وعلى أيدي بعون سبحانة ..

بس ذبحني صوتة وطير مابقى في راسي من عقل ..

...حسيت الدنيا اظلمت علي..

: ربى عمرك بالأول يالمريض...

ترددت الكلمة في راسي ..حسيت الارض تدور فيني وانا اسمعها منه ..

إلا انت مابي اسمع صوتك بها اللحظه ..ليه ياربي شاقيني بها الدنيا ..

ناظرته والشرر يتطاير من عيوني ..وحسيت الدم ضخ في راسي بقوة ..

وحرارتي وصلت المليون رغم برووودة الجو..ونظرات الكره والحقد تشع من عينه ..

جيت بهجم عليه ..ذابحه اليوم.. ذابحه الله لا يعوقني يشر ..

مسكني عبدالله وهو يشدني بقوه على صدره ..

وأناا احاول اتفلت منه واصرخ بصوت عالي :فكـــــــوني .. فكوني والله لاذبحه..

ثبتني عبد الله بقوة وهو يقول :تعوذ من الشيطان ..هذا الشيطان داخل بينكم ..تعوذ منه ..

قلت : لا بالله هو الشيطان ..وأنا أشر بيدي له ..هو محراك الشر..

قال حسن بوقاحة : فكوه ..خلوني أعطيه درس في المرجلة ..وكيف يمد يده على حرمة..

تفلت من عبد الله بقوة .. وانا ناوي أطين عيشته ابو المرجلة ..

بس حسيت خدي تخدر من قوة الكف اللي جاني ..

وبعدها لفني هدوء غرررريب..ماعد فيني حيل اوقف ..ناظرته ..

بوجع وغبينة ..والغصة خانقتني ..كنت راح ابكي .. والله بأبكي ..

ليـــــه تكسرني .. ليـــــــــــــه..

قلت وانا ماسك خدي واشر على نفسي :تــ ــ ـضـ ـ ـربني انا يبه ..انــ ــ ــ ــ ـا..

عمرك ماسويتها .. كبيرة بحقي ..والله انها كبيرة ..

قال ونظراته متالمه وشاد على قبضة ايده : انت اللي حديتني ..

فضحتونا قدام خلق الله ..واشر بيده في الهواء ..رووح الخلا .. وطلع

شياطينك فيها ..وبعدها اعتقد تدل البيت ..وفك الناس من شرك ..

سحبت نفسي بهدوء .. ودخلت البيت واخذت البندق وطلعت من البيت .. وعبدالله ينادي .. مالتفت

لهم ..مريت من جنب حسن ووقفت يوم سمعته يقول: الله معك والقلب داعي لك ..ناظرته .. وهو رافع

حاجب ومميل فمه بشبه ابتسامه..قلت وانا مقفي :انت ياللي تستعجل على رزقك ..قال : أيش

قصدك ..سفته ومشيت وصوته يلعلع وراي ..




************



عبـــد الله ...



يعني الين متى هالحال ..محمد مايثور من شئ هين الا انه شاف شئ ..

حسن عمره وحياته ماراح يتعدل ..انسان مغتر بنفسه وجماله ..

دائم يحب التميلح قدام نسوان الجماعه ..لانه عارف انه محط انظارهن ..

انا حاسس ان نهايته على ايدي واحد من رجالهم ..الا ابصم بالعشرة ..

يعني مو مكفيته حرمته ..وصاين نفسه معها ..وعنده بنت مثل القمر مايرضى

بقسمة الله ..اذا هو ماهو قادر يفرض سيطرته على حرمته .. لايرمي بلاه عالخلق .

..واهلي كلهم يحبونه ويغلونه .. واكثرهم حسين ..لويقوله حسن

اللبن اسود قال اسود ..

وحرمة محمد باين انها غرقانه لشوشتها ..نظراتها ماخفت عني .. ان كان خفت عن انظار باقي العائلة

ما اقول الا الله يعينك يامحمد على مابتلاك ..



**********


محــــــــمد ...


لي ثلاث أيام من طلعتي من البيت...انحرق قلبي فيها..

والله اللي ماسكت عن حقي ولو بها موتي ..

شديت العزم على البيت وأنا ناااااوي اصفي حساباتي...

بس دريت ان الحرب شبة بين جماعتنا وعيال العزايزه ..

رحت افزع معهم .. وشفته ..شــــــفـــتـــه..




************



حســـــــــــــين ..



كنا نكبر ونهلل ونصيح بصوت عالي..وحنا رافعين بنادقنا لفوق ..

كسرناهم.. ودقينا اخشامهم ..ومرغناها في التراب للمرة الثانية ..شفت ابوي

يهلل ويكبر ..رحت له بسرعة ..وحبيت خشمه ..: مبروك النصر يابو محمد ..

قال بسعادة ..: الله يبارك فيك ..بيض الله وجيهكم ..بيضتوها ياعيال الشهبان..وكان

حاط ايده على كتفي ..سالته : ماصابك شئ .. قال : ابد سليمه ..الا وين اخوانك .. روح تفقدهم ..

جيت برد .. بس بردت عظامي يوم سمعت صرخت عبد الله ..التفت عليه ..


لالالالالالا


لا ياربي .. دخيلك يارب لا تفجعني فيه ..خذني ولا تاخذه ..

عجزان امشي .. ماني قادر ..شفت ابوي مر من جنبي رافع ثوبه ويهرول لهم ..

مدري كيف تحركت ارجولي .مشيت زي الميت ..

شفت عبد الله ساند حسن ويبكي ..وحسن غارق بدمه ..

وابوي جالس يضغط على محل النزف بايده ..والدم يخر من صدره ..

قال ابوي بصوت متهدج : دخيلك ياحسن لاتفجعني فيك ..دخيلك لا تكسرني يابوك.

جلست عند راسه انادي عليه ..

: حسن ..حسن ..ناظرني مسكت ايده وشديت عليها ابيه يحس فيني ..

ناظرني ..راح تكون بخير ..باذن الله بسيطه ..بسيطه ..

فتح عيونه ورجع سكرها وزاد فتحها ..وفمه يسيل منه الدم ..

مسحت الدم بطرف كمي ..قال وهو متالم :حـ ـ ـسـ ـين..شوف جرحي .شـ ـ وفــ ـه..

قلت بسرعة ودموعي تصب : انا فداك ياحسن.. جرحك بسيط ..لا تخاف بتقوم بسلامه ..

إن شاء الله ..قال : ناظــ ـ ره..شوف الطــ ـلقــ ـه ..من فين طلعت ..

قمت سندته بمساعدة عبدالله ..وهو يبكي ويتالم من الوجع ..

وشفت المصيبه ..الطلقه داخله من ظهرة وخارجة من صدرة ..

والجــــــــرح قــــــــاتــــــــل..

ر جعت سدحته وحطيت راسه على رجلي ..قلت وانا انوح ..: من ظهرك ياحسن ..من ظهرك ..

قال وهويبكي والدم يزيد سيلانه من فمه وانفه واذنه ويشرق من الدم اللي ففمه :

اذا انها من صدري فهي من العدو ..واذا من ظهري فاوالله مالقيت ظهري للعدو ..

فهي منكم ..وانتم تعرفون منهو غررريمي...

وانقطع صوته .. وشخصت عيونه ..وسلمت روحه للبارئ ..




*************


...ام محـــــــمد ...


جالسة ادعي ربي يسلملي عيالي ورجلي ..قلبي ماكلني عليهم ..مع انه مو اول مرة

يطلعون فيها للحرب ..ارتاح قلبي على دخلت محمد ..وهو سليم .. يالله لك الحمد

اللي سلمته لي ..بس وش بلا ه وجه اسود ..دخل لاسلام ولاكلام ..

رحت وراه ياخوفي يطلع جنانه على حرمته مره ثانيه ..

غصب هديتها المسكينه ..بغت تموت من كثر الصياح ..

(بس لالا الولد ماهو صاحي ..اكيد مسحور )

ضربها مرة ثانية..شفتها طائحة على الارض وتصيح ..ماامداني اتكلم الا اسمع

كلمته ( انتي طـــــالق )وتحرمين علي ليوم الدين..

وولدك الله يحرمني الجنه ان خليتك تشوفينه بعد اليوم ..

صاحت وراحت تمسك ارجوله وتحبها وتترجاه يترك ولدها ..

بس ماجاوبها الابركلة من ارجوله على وجهها..وصار يضرب على صدرة ويبكي

ويقول والله لاحرق قلبك على ولدك مثل ماحرقتي قلبي ..

وسحب الولد وطلع..وانا مصدومه ..ماقدرت اتكلم ذا ماهو ولدي ..

ماهو ولدي ..جلست فترة اهدي فيها وهي تضرب نفسها وتصيح..

وانا اتهدد واتوعد فيه ..بس قطعني من افكاري صراخ حسيين ..

امـــــك ياولدي .. وشفيهم عيالي ..

قمت وان اسحب ارجولي سحب ..وايدي على قلبي ..

دخل حسين مثل المجنون يصيح ويبكي ويصرخ : ويـــــــنه .. وينه والله لأاذبحه ..والله لأاذبحه ..

دارت فيني الدنيا : وش فيـــكم .. وش بك ياحسين..

طاح حسين عالارض يبكي وينوح ..:ذبـــــحه يــــمه ..

ذبحه ربي ياخذ عمره ..قتــــــــله ..غدر فيـــــــــه..

جلست قدامه وضربته كف ولحقته بالثاني والثالث وانا اقول:مــــــين..ميــــــن هو ..من مـــــات..

على دخلت ابو محمد ووراه عبدالله ورجل ثاني ..شايلين واحد غرقان بدمه..

وقال كلمته اللي كسرت ظهري وعجلت بموتي :ولدك حسن ..غدر به محمد ..

ومن اليوم ..محمد...

دمه مهدووووووور



قراءة ممتعه ....

لاتلهيكم القراءة عن الصلاة...


خاتمة .....عن عائشة رضي الله عنها قالت : قال رسول الله صلى الله عليه وسلم:

"لا يغني حذر من قدر والدعاء ينفع مما نزل ومما لم ينزل

وإن البلاء لينزل فيلقاه الدعاء فيعتلجان (يتصارعان )إلى يوم القيامة"

[لامارا]

البــــارت (2)..




...في الوقت الحاضر....



في احد احياء جدة الراقيه.....منزلان متجاوران ...يحيطهما سور عالي ..لا يملكها اخوة..

او ابناء عمومه ...او ابناء الخوال ..انما صديقان ...تربيا منذ الصغر مع بعضهما .

فوالدهما ايضا لم يكونا اقرباء..انما..اخوان جمعتهما غربة الوطن والدار ..

التقياء في الاردن ..بعد ان شاء القدر ان يحكم عليهما بالتعاسه..فشدا

من ازر بعضهما البعض..فاخذا يشقان طريقهما في هذة الحياة....

فربيا ابنيهما على ان يكون احدهما عونا للاخر في شدته قبل رخاءه..

فواجها الابناء مصاعب الحياة يدا بيد ...فتزوجا من اختين ..ورزقهما ربي

بالابناء ..ليصبحو بدورهم اخوة ...جمعهما( الرضاع )..فارضعتا كلا من الاختين

ابناء الاخرى...

وهاهو القدر يعود مجددا...ليفرق بينهما ..بعد ان عانا احدهما من مرض

فتك به الى اخر رمق ...لتعم الظلمة قلوبهم..ويكسر الحزن ارواحههم ..

ولكن الله له حكمة في ذلك..حتى تبدارحلة جديدة..

لكل فرد منهم ...

فالى أي سبيل ستقودهم رحلتهم ...




***********



دخل المجلس بانكسار..وأنطفى الامل برويته وعينة عالارض ودموعة مغرقة وجهة فزت امي غادة

وهمس له وهن يصحن..قالت همس بنحيب : لاتقولها يوبه باقي حي باقي ..

لمتها أمي غادة لصدرها .. وأنا مازلت بجمودي...

قال بوجع : رااح للي خير منا ..أدعوله بالرحمة ...حللنه.. حللنه وادعو له..

بصمت مطبق لاصوت ولادمعة تحركت متجة لعندة دخلت لمجلسة أبي أشوفة ...

أتاكد ..ريحتة ..ايه هذي ريحتة .. ريحة طيبة .بصيص أمل لاح لي بأنة مازال له

نفس بها الدنيا ..شفت سريرة الطبي نائم علية ..شديت الخطى له ..وأنا امني النفس الضعيفة ..قربت

شفت وجه الطيب ساكن .و.ملفوف بشماغة على وجهه ولا حركة ولارفت جفن ..تلمست يدة وأقشعر

جسمي من برودتها..ضميتها بين كفي وشديت عليها قبلت راسة وعيونة وخدة وأنا .أستنشق ريحتة

ودااعة الله يالغالي رحت وخليتنا كسرتني يوبة ..

وكسري ماينجبر..أظلمت الدنيا .. وأنا أسمع الصوت يردد أبكي سمااارا أبكي ..

أبي ابكي بس وين عصاني الدمع..لابوك ياهالدمع هلّ على سطام ..





**************



خرج يلحق على أخوه بعد ماشافه طالع يجري من البيت ..طلع للحديقة دور له

ومالقاه ..مسح على شعره بتوتر ..خائف عليه ..عارف تعلق أخوه بشكل جنوني ..

بعمه سطام او (أبوه سطام )..حاس فيه كاتم على حزنه..قدام أخوانه ..شاف أمين

السائق متوجه لكراج السيارات ..ناده بصوت عالي حتى يسمع ..:أميــــــن

أميـــــــــــن ..شفت رائد ..هز رأسه بأيه وهويأشر لجهت البيت :أيو الله

ياعم عادل ..شوفته رائح وراء البيت ..تنهد ومشى بخطوات هادئه

لخلف البيت...




************



عــــــــادل (ولد نايف بن راشد)...


استغفر الله العظيم ..الله يهديك يارائد..رحت وراء البيت ..شفته جالس

عالأرض ..وحأني راسه على ركبه ..وبين إيديه شماغ ..(أكيدشماغ أبوي سطام)..

لانه جالس يضمها لصدرة ويشمها ..ويبكي ..قربت منه وانا اقوي حالي ..

خائف اصف جنبه ..هذا واحنا ثاني يوم في العزاء ..ببس كانه لحظة وفاته..

موجوعيين حيل ..هذا الغالي ..ماهو رخيص علينا ..عز الله انه فقيده..وموته كاسرنا..

أخذت نفس .. وقلت بهدوء : رائد...ضم الشماغ لصدره وناح بصوت عالي :تكفى

ياعـ ـادل سيــ ـبنـ ـي فـ ـي حـ ـالي..قربت منه وجلست جنبه وانا امسح على شعره : تبكي يارائد ..وهذا

اللي كنت انت اللي تهدي في جابر قبل شوي...

قال وهو يشاهق :دخيـ ـلـ ـك يا عـ ـادل اتركنـ ـي خلنـ ـي ابكي بمـــــــوت ..

واقسـ ـم برب العباد بموت ..وانا كـ ـاتم على صدري..هذا ابوي سطام ابـــ ـوي...

كان رائد رافع الشماغ ومقربه من انفه ويستنشق من رائحته هبت نسمة

هواء خفيفه وهـــادئه..محملة برائحة شماغ ابوي المشبعه بالعودة..

سحبت الشماغ منه .. وضميته لصدري وبكيت ..وبكيت ..وبكيت

لحد مارتحت ..وفرغت اللي في صدري..

قمت وأنا امسح دموعي وقومت رائد معي بالقوة ..الحين اخواني بحاجة لوقفتنا معهم ..

دخلنا البيت بعد ما غسلنا وجوهنا..مر رائد من حنبي بسرعة ..وطلع الدرج متوجه لغرفة جابر..

شفت امي جالسه عالكنب اللي في صالة الاستقبال ..وأختي همس حاطه راسها في حضنها ..

سالت عن سمارا قالت امي : عمار سحبها لفوق ..

اليوم كله نائمه في غرفة عمك سطام ....وشافها عمار وسحبها عشان يصحيها ..

قلت :: اجل خلاص بروح اجيب العيال من بيت خالي ..جيت باطلع بس رجعت

على صوت همس المبحوح اللي يالله طلع :راما ان جئت بتسال عن ابوي سطام

وش بتقولون لها ؟..نزلت دموعها وهي تشاهق وتقول:تكفى ياعادل لاتقولها شى..

قول سافر قول أي شى ..اي شى ..الا انه مات..

انصدمت وتراجعت بهدوء هذا اللي ماحسبت حسابه ..لفيت على امي وقلت :: يمه

ماقدر اجيبها خلي عمار يجيبها هي وراكان..لا سالتني وش اقولها ..لالالا

عمار يجيبها ولا ابوي ..رفعت ايدي بعلامة استسلام..انا انسحب ..

شدت امي من احتضان همس اللي تبكي : الله يصلحك عمار يلحق على مين والا

مين ..وأبوك تعبان له يومين مانام رح الله يهديك وجيبهم ..




**********

عمـــــار (ولد نايف بن راشد)...

عارف أنها تعبانة ونفسيتها في الحضيض .بس في النهاية لازم تواجه.موت أبوي سطام..

شلعت قلبي قبل أمس يوم أقبلت علينا بالمجلس وهي في عالم ثاني ..

ماهي بدارية عن الأمة اللي قاعدين فية ماعليها غير جلال الصلاة ...

راحت تسلم على أبوي مافي صوت ولابكاء ومادرت عن اللي يصفصفون بوجيهم واللي خرجوا من

المجلس و.أنا جالس اهدي في جابر تجمدت مكاني بس مادريت الا بخالي وهو يفصخ شماغة

ويغطيها به وفي ثواني والمجلس خالي وأخذها عادل وضمها يبيها تبكي بس ابد ..

ياقو قلبك ياسمارا..ولها الان يومين نائمة..

الى متى بتظل نائمه ..يعني بتعتقد بهروبها من واقعها بالنوم ..بيتاخر المها ووجعها

مصيرها بتذوق الوجع والفقد ..

دخلت البيت وسالت عنها..قالو انها بغرفة ابوي سطام ..غرفته ايام مرضه..

دخلت الغرفه ..المشبعة برائحة المعقمات ..ولقيتها نائمه على سريره الطبي ..

وضامه مخدته..قربت منها ..وتاملت تفاصيل وجهها المحبب لقلبي ..

وحطيت يدي على خدها الناعم ..وهمست بهدوء :سومه ..سومه ..

ماردت باين انها رائحه بعالم ثاني ..ناديتها بصوت عالي شوي..ابغاها تقوم ..

بس ابد ..لاحياة لمن تنادي..سحبتها سحب .. بالقوة تحركت ..وقامت تترنح ..

باقي نائمه..وبغت تطيح علي واضطريت اشيلها..طلعت بها على جناحها ..

ودخلتها الحمام ..وغسلت وجهها بمويه باردة وهي تفزفز..من برودة المويه..

بلعاني سويتها ..ابيها تصحى ..قالت وهي تحاول تبعدني عنها ..وماهي قادرة تفتح

عيونها ..: عمــار ..خلاص ..سيبني ..قمت جريتها مرة ثانيه..ورشيتها بمويه باردة

وقلت : هــــاه صحيتي ..قالت وهي تمسح وجهها بكم بلوزتها : أيــه صحيت ..

خلاص .. والله صحيت اخذت الفوطه المعلقة في الحمام ونشفت وجهها المبلول ..

وسحبتها وجلستها على الكنب ..وجلست جنبها ..: يعني الى متى وانتي على هالحال

شفتها نزلت راسها ..وعيونها جامدة ..وكملت :تعتقدين بنومك ..بتاجلين

ان ابوك مات ولا بتأجلين وجعك علية ..في هالحظة نزلت دموعها .. وغطت وجهها بايديها ..

قربتها مني وضميتها لصدري ..وقلت : ابكي سمارا ..ابكي بس لا تكتمين في قلبك

وانا اخوك ..واجهي موتة ..وارضي باللي قدرة ربي .الحين هو ميت ومايبي منك غير تدعين له هو

محتاج لدعائك وشوفي حياتك ..وانتبهي لخوانك ..

المفروض تكونين قوية .. وتشدين من عزمهم ...

وقوتهم ..انتي ماتدرين وش صائر فيهم الحين .. جابر عازل نفسه في غرفته ..

وراما ما تدري عن ابوي سطام ..حاطينها مع راكان في بيت خالي من يومين. ..

صاحت في هالحظة وصارت تون بصوت يقطع القلب ::مـ ـاقدر ياعمـ ـار..

ماقـ ـدر.. ضربت على صدرها بقوة ..قلبي مـ ـوجوع ..يوجـ ـعني حـ ـيل..

مــــ ــ ـات ياعمـ ـار .. تركـ ـنا وراح ..باقـ ـي ماشبـ ـعـ ـت منه..خليه يرجع..

ابيه يـ ـرجـ ـع..ملّ الصبر مني يــا عمــار..قلبي يتقطع عليه ..مسحت على ظهرها

بهدوء ورفعت وجهها الغرقان بالدموع بايدي ..وناظرت بعيونها ..

..وقلت : الا تقدرين ..تقدرين سومه ..لاتجزعي من قضاء رب العالمين ..قدره ونصيبه ..

وموته افضل من حياته ..تبينه يعاني ..المرض كان هاده هد ..رحمه ربي بموته ..هالحين

ان شاء الله انه مرتاح ..وان شاء الله انه من اهل الجنان ..

قالت بوجع : مـــات وحيد ياعمــار ماكن له أهل كنه مقطوع ..

الا حــ ســـ بي الله ونــ ـــعـ ـــم الوكـ ـــــ يل ..

قلت بألم : مهو بحاجة لهم .. يكفي من حضر عزاه ومن وقفوا معة قبل وفاتة بأيام وهم مرابطين في

مجلسة تركوا أشغالهم وقفوا معه ويكفي أننا عيالة نكفي عن وجودهم كلهم ..

لاوالله ماهو بحاجة لهم الله الغني عنهم...

جلست تتمتم بالدعاء له وهي تصيح ..وبعد مرور الوقت ..كانت شوي هادئه

وحاطه راسها على رجلي ..وانا العب بشعرها ..شفت صورة ابوي سطام على

التسريحه وهو شائل راما ..تذكرت شئ وابتسمت ..قلت :تذكرين يوم كنا نجتمع

عندكم دائم بعد العشاء ..يرجع ابوي سطام من شغله ..بس لما يرد مايحسسنا انه

تعبان ..يتكي معنا ..وعمره ماعصب علينا ..مع اننا كنا شوي ..هه ..

مو شوي الا يعني كنا ثقيلين طينه ..ماننعطى وجه .ناظرتها وشفت ان السالفة شدت

انتباهها . وكملت :كنا نتمازح كلنا ونتضارب

وبعض الاحيان تنقلب مضاربتنا جد ..تصفيق وتنتيف شعور وتسحيب ..يرحم ايام

ماكنا نسحب كرعان جويبر في صالات الاستقبال ..هه..وتنتيف الشعر لك انتي

وهمسوه..هههه وعدول يلف شماغه على راسه ..وعصاته في ايده وابن امه يقرب

من شعره..ههههه موته احد يقرب من شعره ..تكلمت بصوت مبحوح :خبول

ابتسمت لها وكملت ..: بس عمره ابوي سطام ماتدخل فينا ..دائم لما نشتكي له

من بعض يقول انتم اخوان ومصيركم تتراضون ..كان خاطرة وسيع الله يرحمه..

غير عن ابوي نايف اللي لوشاف منا زلة ..بدون كلام يرفع عقاله ..ويقطعه على

ظهورنا ..عشان كذا دائم مسنتريين عندكم وشاردين من بيتنا ..

كملنا سوالفنا وحنا نتذكر ..ايامنا مع ابوي سطام .. وقطع علينا هجوم راما وراكان

للغرفه..




****************



سمـــارا (بنت سطام بن محمد)...



بعد شهر من الاحداث...




صحيت من النوم على صوت المنبه ..شفت الساعة تشير 7:30 ..

ياربي ماامداني اشبع نوم..مانمت الا بعد ماصليت الفجر..والحين الصداع ذابحني..

ووراي دوام ..استغفرت ربي وقمت..وانا ماشوف الدرب ..أخذت بنادول..

..ودخلت الحمام تسبحت وطلعت ..وانا لابسة روب الحمام ...وقفت قدام التسريحه..وسحبت

الفوطه من شعري ..وانا اتامل شكلي في المرايه ..وجهي ضعفان ..وهالات

سوداء تحت عيوني..هذي ماهي انا ..وهذا مو شكلي ..وهذا مو وجهي..

بائن الهم راكبني ..تعوذت من الشيطان ..وقمت جهزت حالي ..واخذت جوالي

وعبايتي ..وشنطتي ..ونزلت ..وعلى صوت الازعاج اليومي ..تأففت ..ناقصة أنا أزعاج..

ناقصة..ولقيت همس جالسة على طاولة الطعام ..وولدها مروان وبنتها منار ..

يطوفون حولها وهي جالسة تفطر ..كشرت وقلت : يا لله صبـــاح خير ..انتي وش

جابك ..شكلك حلمانه فينا اليوم ..سحبت الكرسي وجلست عليه ..وجلست اشرب

القهوة ..ردت وهي تمسك منار وتجلسها في حضنها ..:مـــالت عليك من زينك ..

عشان احلم فيك ..وماجابني لك الا الحاجة ..وقالت بتحسر: من يوم أصبحت ..

أصبحو عيالي معي ..وكملت بسخرية : وأنا اذا صحيت ..لازم ..يصحون

معي.. ابد مافي فكه منهم ..حسبي الله على اللي كان السبب ..من يوم تزوجنا

وهو ذابحني ..ابي بزران ..ابي بزران ..وحشرني بها البزران..والحين راح يتمشا

وسابني معهم..وهالبزران اليوم ..أصبحو على النفس الشينه من أبوي ..وشاتني

أنا وياهم برا البيت ..ابتسمت لها بهدوء وأنا رأسي بدى يوجعني من هذرتها ..ومن

أزعاج عيالها..قمت بعد مارشقت رشفه أخيرة من كوب القهوة..وشلت أغراضي

وقلت أنتي شكله بااااالك طوووووويل ..وانا رأسي أوجعني ووراي دوام..باااي قلبو

والله يعينك عليهم..قالت وهي تنزل بنتها ..:بس لحظة سووومه مافطرتي ..كلي

لك شي عالاقل ..منتي شائفة وجهك كيف غادي ..قلت وأنا البس عبايتي ..والف

الطرحة:مااعليك مني ..راح أفطر في البنك ..بست خدها ..وناديت على جينا

خدامتنا ..وسالتها عن راااما اذا صحيت ..قالت انها صحيت وأخذتها مدام غادة

في بيت بابا نايف..تنهدت تغطيت.. وطلعت للسائق برا وركبت السيارة..

ياقلبي ياراااما..من بعد ذاك اليوم وهي هادية ..تذكرت يوم دخلت هي وراكان

الغرفة علينا ..انا وعمار ..تعلقت في عمار وجلست تبوسه ..وجلست تحكي له

ايش سوت هي وراكان ..وعمار يجاريها بالكلام..بعدين اشرلي عمار بمعنى تبيني

اكلمها انا او انتي.. اشرت له انه انا بكلمها..اخذتها معي لغرفتها .. وحاولت ابسط

لها الامر قدر الامكان .. بدون مافجعها.. البنت صغيرة وماتفهم ايش يعني موووت.

قلت لها انه مـــامـــا في الجنه .. وهيا مرتاحة ..ومبسوطه كمان ..لانه بابا صــار

معاها في الجنة ..وسار بابا مرتاح الحين ..وماااعاااد يتوجع زي اول ..سكت

اشوف ردت فعلها ..كانت ساكته وهادئه هدوووووء مو طبيعي ..وتناظر اصابع

ايديها الصغيرة ..وقالت بعد فترة بنبرة غريبه :يعني أبوي مرتاح الحين..قلت وانا

أحاااول أكبح دموعي : أيـــــــــه..مرتااااح..تقو ست شفايفها الحمراء..دللاله على

قرب بكاها..وقالت :يعني ..يعني ماراح اشوفه بعد اليوم..غرست أظفاري على كف

أيدي وانا أدعي بقلبي ..باارب دخيلك ..ثبتني قدامها بس ..مابي أفجعها ..دخيلك

يارب ثبتني ..قلت والعبرة خانقتني :أيـــه..رفعت ووجهها لي وقالت وهي

تشير باصبعها الصغير بوجهي بتهديد طفولي ..:قولي له اذا مارجع انـــا بازعل ..

والله بازعل ..قولي له راااما زعلانه وماعد رااح اكلمه بعد اليوم ..وهو بيدري اني

زعلانه وبيرجع..ضميتها لصدري بقوة ودموعي هليل .. كلنا ياراما ماراح نكلمه

بعد اليوم كلنا ..يارب صبرنا على فرقاه..وأجبر مصابنا ..

نامت في حضني ذاك اليوم ..وصحيت في الليل شكلها حلمانه ..ورفضت تنام

عندي ..واصرت تروح تنام عند عمار..بغيتها تنام عندي ..بس ..ابد راااكبه

راااسها ..دقيت على عمار ..ونزلت انتظره عند الباب ..وجااني مسكين حالته

حااله ..وجه منفخ وعيونه حمر ..وشعره محيوس ..يابعد قلبي ياعمار ..بائن ما

نام..شكله كاان يصيح ..بس قدااامنا كان يكابر ..اعرف غلاة ابوي عنده ..واعرف حب ابوي له ..

اخذها ونااامت عنده ..ومن بعدها صارت هادئة ..ماتحب تجلس في البيت..

واغلب وقتها في بيت ابوي نايف..ماتجي الا للنووم بــــــس..

تنبهت على صووت السائق وهو يقولي وصلنا ..نزلت البنك ..وبعد فترة عرفت

ان الفرع الثاني في البنك في ابها يحتاج موظفات ..بسبب انه حصلت اختلاسات

في البنك وتم طرد الموظفات اللي فيه ..استغليت الفرصة..وطلبت من المديرة نقلي

مؤؤقتا هناك ..لحد مايتم تدريب موظفات اخريات ..وبعد محاولات اقناع وواسطات..واافقت

.انا محتاجة ابعد هالفترة عن البيت ..ابغى اشغل نفسي في الدواام ..وانسى شويه

من همومي ..واغير جو ..وجو ابها يساعد للاستجمام..بلغت ابوي نايف ووافق

على شرط ..اخذ وااحد من اخواني معي ..وامي غادة زعلت ..ليش تبعدين عني ..

ابيك جنبي ..بس بكلمتين ارضيتها..جعلني فدوه لها..وعادل ووافق يروح معي ..

عطالي بطالي ..لا شغلة ولا مشغلة ..وراح فديت قلبه ماقصر .. واستئجر بيت

صغير ..وبعد اسبوعين ..متوجه لابها باذن المــــــولى...




***************

همس (بنت نايف بن راشد)...




كل يوم أصحى على ضرب أبوي للباب .. احسب القيامة قامت .. وأقوم زي المجنونة أفتحه وأنا يالله

اخذ النفس .. وشفية وش صار .إحساسي يقول أن به عداوه بين أبوي والبيبان .. لاوشيقول بعد .. أنا

وشهولة جابيك عندنا .. عشان تخمرين على فراشك ماتتحركين والا عشان تجلسين مع أختك ..

قلت وأنا ارجف من الخرعة .. وأبوس راسة : يوبة اللي تبية بيصير بس دخيلك أرف بحال ذا الباب

والله لو أنه له لسان يشكي كان شكا عليك طالعني بنص عين وهو يقول : عن البربرة الزايدة وأنقلعي

عند أختك ...وراااح وتركني..

رحت لسمارا وأنا أدعي على حظي الشين ..كلم أبوي زوجي وقالها أنه يبيني حق أسبوعين عندهم

عشان أجلس مع سمارا .. ورجلي ماصدق على الله لقاها حجة عشان يسربت لكن أنا وراه..

ويوميا وأنا من الصبح عندهم ..بس سمارا من بعد وفاة أبوي سطام بأسبوع رجعت لدوامها في البنك

فرح أبوي نايف بها الشي لا وبعد جاتنا بنقل لها على أبها

وأيدها أبوي وشجعها وأمي ولعت نااار وزعلت وسوت الهوايل عشان ماتروح سمارا بس لحست

مخها سمارا بكلمتين ودمعتين ورضت..

وأخواني بين المؤيد والمعارض ..





*************




من بغى يعرف سوالف ما خفى * * * عن طبيعة خالق الكون العظيم

ينشد اللي من ديار أبها لفى * * * ويعرف أخبار بها فكرك يهيم

إن وصلت جبالها صابك شفى * * * من لهيب الصيف تمسي في نعيم

إن بدت لك شمسها صابك وفى * * * وإن بدا لك غيمها جاك النسيم

وان هقيت الغيم من بعده صفا * * * هل رذراذ المطر من وسط غيم

وإن هقيت الغيم روح واختفا * * * عادت مزون لها البارق نديم

ودايم السيف بغلاها ما جفا * * * ما سأل في عرسها كاف وميم

أشهد انه في حقوق أبها وفى * * * بالمصايف ما لها ند وخصيم

وكل ما قلنا من الرحلة كفى * * * زاد شوق القلب في صنع الكريم


لي ثلاث اسابيع ...من يوم جيت ابها..الجو خيالي لايعلى عليه..كل يوم

بعد ما ارجع من دوامي ..اطلع انا وعادل نتمشى ..طبعا بمرافقة

مديرة الطلعة ..رااااما ..وسكرتيرها راكان ..تمشينا على كيفها..

المكان اللي يعجبها ..تحتم في عادل يوقفها فيه ..حتى لو في

نص الخط..وعادل فديته يتمم لها..وانا انبح صوتي وراااااه ..لا تسمع

لهــا...بزر وش يفهمها..وهو لااا ..خليها تاخذ راحتها ..عشان بعد

نفسيتها تتحسن ..ماتشوفين حالتها... تكسر الخاطر..ههه والله انا

اللي اكسر الخاطر..واما عن نفسيتها ..تحسنت بزيادة ..حسرة على

احد قالها كلمة هبت فيه ..وتصائد بالحلوين ..عادت حليمه لعادتها القديمه..

كل ماشافت لها ..رجال ولابزر حلو..تعلقت فيه ..وتبقق عيونها ..

وتقول انت حلو ..خلاص من اليوم انت صديقي ..وهم مساكين ..يقولون

حنا اصحابك ..مساكين شايفينها ..حلوة ..وصغيرة ودلوعة وتقعد تتميلح

عندهم ..يحسبونها ملائكة ..وهم لو انهم شيون ..كـــان سفلت فيهم ..ولو يدرون

عن نفسها الشينه ..كان شاتوهـــا..والمصيبة لو شافت لها واحد شين ..

ليتها تسكت ..تفضحنا فيه فضيحة ..فشلتنا حسبي الله على عدوها ..

والله لو اني شينة كان تبرت مني ..بس الحمدلله ..شفع لي ..انها تشبهني ..

اما جابر المسكين هو اللي تورط فيها ..لانه اسمراني ..متبرئيه ..منه

وبقوة ..كل ماشافته.. انحاشت منه..ههههههههههه..تقول بيعديني..

وبسير شينه زيه..وهذا حالهم مطاقق كل يوم...المهم ..اخواني وابوي نايف وامي

غادة ..كل فترة وفترة..يمروون علينا ..وقبل اسبوع نزل عادل لجدة ..حتى يباشر

وظيفتة الجديدة..واخذ راما معه ..على قولها مشتاقة لعيال خالي فهد..لاوالله

الا اشتاقت لطقهم ..لها فترة ماطقت احد ..وراكان عند امي غادة ..من اسبوعين..

وطلعلي عمار بعد ماأخذ اجازة هو ورائداللي ساحب على أم الدراسة ومحدد مصير جندي في

الجيش...وجابر في جدة عنده أختبار قدرات وبيطلع بعدها .وحياتنا عادية ..على الروتين اليومي ..

دواام في النهار وطلعات في الليل..

واليوم بالتحديد..يكتب في التاريخ ..بحدث واحد تغير مجرى حياتنا ..

من هذا اليوم ..لعب القدر لعبته .فجمعني باشخاص ..لم أتوقع رويئتهم..






*************
عائلة سطام بن محمد الشهبان..

سطام / الاب توفى عن عمر يناهز 56 سنه .

بدور/ الام متوفية امها فلسطينيه ..

سمارا/ 25 سنه

جابر / 18سنه

راما / 6 سنوات


*************



عائلة نايف بن راشد ..


نايف/ يدير اعماله واعمال عيال سطام

غادة / الام اخت بدور الكبيرة ارضعت عيال بدور كلهم مع عيالها..

عماار/31 سنه مطلق عنده ولد رامي 3 سنوات

همس / متزوجه ولد صديق ابوها 27 سنه ارضعتها خالتها بدور مع واحد من عيالها مات ماكمل

يومين عيالها مروان 3 سنين ومنار سنه ونص.

عادل/25 سنه ..

رائد/ 18 سنه..

راكان / 6 سنوات..


.... قراءة ممتعه...


لاتلهــــيكم الرواية عن الصلاة..



خاتمة ... دخل المزني على الشافعي رحمة الله عليهما في مرضه الذي توفي فيه فقال له كيف أصبحت

يا أبا عبد الله فقال أصبحت من الدنيا راحلا وللإخوان مفارقا ولسوء عملي ملاقيا ولكأس المنية شاربا

وعلى الله تعالى واردا ولا أدري أروحي تصير إلى الجنة فأهنيها أم إلى النار فأعزيها ثم أنشأ يقول :

ولما قسا قلبي وضاقت مذاهبي -- جعلت رجائي نحو عفوك سلما تعاظمني ذنبي فلما قرنته بعفوك ربي

كان عفوك أعظما فما زلت ذا عفو عن الذنب لم -- تزل تجود وتعفو منة وتكرما ولولاك لم يغوي

بإبليس عابد --- فكيف وقد أغوى صفيك آدما




*

[لامارا]

البـــــــــارت (3)....







الاربعاء ( في البنك )...







كنت جالسة على مكتبي في البنك ..ومعاي احدى العميلات ..وجالسة تحكي لي عن

سفرتها لاوربا ..وقد ايش كلفتها السفرة ..وجلست اجاريها بالكلام..بس قاطعنا

حرمة جاية من كراسي الانتظاراللي قدامي ..وقفت امامي ..وهي تشير بيدها اليمين

المغطاة بقفاز اسود باتجاهي ..قالت : يمه كُبّينه (أي اتركوا)الهذرة اللي مالها سنع.

وخلصي امورنا الله يرضى عليك ..وراانا درب وانتي تسولفين ..تكفين خلصينا يمه

وبعدين سولفي براحتك ..مااحد مانعك..رفعت راسي لها وانا اتاملها ..حرمة بائن

كبيرة في السن..لابسة عباية على الراس وكاشفة وجهها ..ومنظرها يدل على انها

من اهل القرى..

ابتسمت لها وقلت وانا اشر بايدي باتجاه الكمبيوتر: والله ياخالة اسفة اني خليتك

تنتظرين لكن مو بيدي..السستم جالس ينعمله تحديث ..وعشر دقائق ويخلص..

قالت وهي عاقده حواجبها باستغراب: وش سمسمه ذا اللي تقولين عنه..

ضحكت بخفة ..باين الحرمة طيبة وعلى نياتها..قلت وانا أحاول ابسط لها الامر

:خالة قصدي على الكمبيوتراللي ادخل فيه معلوماتكم ..يبغى له عشر دقائق عشان

يشتغل..انتي روحي ارتاحي الحين ...

قالت وهي تلف عني :والله اني مافهمت من اللي تقولينه شئ..لكن ماأقول الا ياصبر

ايوب ...راحت جلست على الكرسي جنب حرمه ثانية..وجلسوا يتهامسون

..والحرمة الثانية تبتسم لها..لفيت عنهم ..وشفت العميلة اللي عندي..

تناظرهم باحتقار ..قهرتني بنظرتها هذي ايش شائفة حالها عليهم ..

وبعدين رجعت تناظرني تبغى تكمل السالفة ..سفهتها وماعطيتها وجه ..ودقيت على

امي غادة اتطمن على راما..وسكرت منها وابتديت شغلي ..بعد فترة جاء

دورالحرمة الكبيرة ..ابتسمت لها وانا اشر لها تجلس على الكرسي ..وجلست ومعها

الحرمة اللي كانت جالسة جنبها..قلت : اسفه ياخالة..طولت عليكم ..الحين وقتي كله

لك..كيف اخدمك الحين ..

قالت وهي تضم شنطتها :معذورة يمه الله يكون في عونكم..واناجايه

احط فلوسي عندكم..عشان تحرزونها(أي تحافظون عليها)وماتضيع..

قلت وانا اأشر على خشمي بابتسامه :ابشري على ذا الخشم ..بنحرزها لك على

قولتك..وبعون الله ماتضيع..قالت : كفو والله ..

قلت : طيب عندك حساب هنا ..قالت :ايه ..عندي .

قلت خلاص اعطيني بطاقتك ..قالت وهي تفتح شنطتها وتبحث :اصبري يمي علي .

والله اني ماادري وين حطيتها..وأنا ماشوف زين ..عويناتي ماش..مو

بذاك الزود..ابتسمت لها وأنا ماسكة نفسي لا اضحك..كلامها يهبل ..وتقولة

بخفة دم ..مع انها ماتقصد بس تجبر الواحد يضحك..

قالت اللي معها وهي تشير للشنطة : طيــبــه...اعطيني الشنطة وبدور عليها ..

انا عارفة وين انتي حاطتها..

اخذت الشنطة وطلعت البطاقة منها.ومدتها لي ..

اخذت البطاقة ..وسالتها وأنا جالسة ادخل رقم الحساب في الكمبيوتر..:كم ياخالة

تبغي تودعي في حسابك ..

قالت خمسين الف ..قيمة ارضي اللي بعتها ..

وأنا مندمجة ..ادخل المعلومات واطقطق على الكيبورد..شدني الاسم ..وقفت ثواني

اتامله ..مستحيل ..لا .أنا جالسة اتخيل ..لفيت عليها ...وانا احس بحرارة ولعت فيني ..ورعشة

هزتني ..

قلت بتردد: انتي اسمك طيبة عبد الله سعد الشهبان ..

قالت وهي تبتسم : ايه ..

بلعت ريقي وانا احاول اوهم نفسي انه تشابه اسماء..

سالتها بحذر: تعرفين (حسين سعد الشهبان)..

قالت اللي جنبها :أيـــه هذا ابـــــــوي...انصدمت وبلعت ريقي: يعني انتي

بنت عادلة ..

ابتسمت لي بتوجس: لا انا شملاء بنت وضحى.. ماني بنتها هي تسير زوجة ابوي ...واردفت ...

انتي شكلك تعرفينا ..

نزلت راسي وانا أتامل كفي القابضة على القلم بقوة وسارحة بعالم ثاني

أعرفكم هه وكيف ماأعرفكم ..ياهلااااا وياااامرحب ...

كان عندي أمل ضعيف إني أشوفكم في أبها ..لكن توصل لمكان شغلي ..

ياهناااك وياسعدك ياسمارا جيتم والله جابكم ...

رفعت راسي بهدوء وقلت بصوت بارد:ـ أيــــــه اعرفكم ..

قالت طيبة : يعني انتي من قرابتنا ..

قلت بضحكة سخرية : هه تخيلي..

قالت شملاء بسرعة : من بنته انتي ..

قلت بعد ماأخذت نفس عميق ونا اردد أسمي ببطئ شديد:

سمارا بنت سطام بن محمد بن سعد الشهبان..

التفت لطيبة بعد ان شهقت بصدمة وضربت على صدرها بشدة لفتت الكل وتقول:؛

أمـــــــــــك ياسعد ..







***********




دخلت البيت على عجل..ابي ابلغه باللي شفته اليوم ..

ماني مصدقة ..يالله ارحمنا برحمتك..دخلت الصالة ..

ولقيت فيصل وتركي متبطحين قدام التلفزيون ..بايديهم ذا المصيبة

يلعبون فيه الليل والنهار ..مع اني حالفة فيهم ان شفتهم يلعبون فيه..لينجلدون ..

لكن ماني فاضية لهم ..دواهم بعدين ..سالت ولدي فيصل بسرعة وانا ابلع

ريقي : وين ابوك ..

قام بسرعة بعد مارمى اللي في ايده على اخوه ..

قال : ها أأأأ ااا أابوي ..في مممممجلس الرجاال ..

مشيت بسرعة للمجلس..وبغيت اتكرفت من عباتي على وجهي ..

بس ربي ستر ..يالله عفوك يا بتعوق على تالي عمري ..

فصخت عباتي على صوته :وش فيك تهابدين كنك ثور ..بغيتي تتكسرين ..

قربت منه وأنا اشد على ايده ..وأدخله معي للمجلس ..وأقفل الباب وراي ..

استغرب تصرفي ..وناظرني بحواجب معقودة :وش فيك يامره..

جلست على الارض وانا احس رجيلاتي ماعد هي شايلتني

بلعت ريقي وأنا اقول :اليوم يوم أني في البنك قابلت وحدة ..ماتوقعت اني

بلتقي فيها ..قال : مافهمتك ..وش فيها المرة ..

قلت وأنا اراقب تعابير وجهه.:ذي تكون بنت اخوك سطام..

انعفس وجهه وقال : ايش ...صاحية انتي ..طيبة بعقلك انتي تتكلمين ..

قلت والله اني صادقة ..هي تشتغل في البنك ..وعرفت انها بنت سطام

وورتنا ذا البطاقه معها فيه اسمها بالكامل ..وقرت شملاء اختك الاسم وتاكدت منه..

طالعني بذهول وهو يقول : متاكدين انها بنت سطام ..

قلت ودمعي على طريف : ايه ..

قال وهو يسند جسمه عالجدار:يارب لك الحمد..يالله لك الحمد اللي ماخيبت رجانا ..

مسح وجه بطرف شماغه وسال :انتي اخذتي عنوانهم والا رقم تلفونهم ..

قلت : ايه اعطت رقم اخوها لشملاء..

قال وهو يوقف بسرعة : اجل بروح لشملاء وأخذ منها الرقم وببلغ عمي عبد الله

والله انه ليفرح بشوفة سطام ..وبزهم على سالم ونسري لهم ..

قلت بتردد: صالح وقف لحظه واهدى وأسمعني

سكت ينتظرني أكمل كلامي ...

.قلت :.ترى سطام تولاه ربك برحمته..

قال بصوت عالي : أيـــــــش...ويش ذا العلم يامرة ..

جلس مصدوم..وهويستغفر ..سكت فترة وقال بهدوء :من متى ..

قلت : من شهرين..مسح باأيده على وجه:وقال : لاحول ولاقوة الابالله..

يعني مالحقنا عليه ..حط ايديه على راسه ..يالله عفوك .وش ذا الحال اللي وصلنا له سود الله وجهونا

إن كان يموت أخونا وماحنّا بحولةحسبي الله ونعم الوكيل ..وش بقول لعمي عبد الله الحين.

.نزلت دموعي وغطيت وجهي بطرف شيلتي قلت : والله ليموت قهر ..وغبن عليه ..وهو حفيت اقدامه

وهو يدور عليه من بعد ذاك اليوم ..

ماخلى مخلوق ماسأله عنه ..

سالني بوجع : طيب وعياله وينهم فيه ؟..وش الحال فيهم ؟

قلت : مادري عنهم اللي قالته لنا البنت نتصل على أخوها وهو معها ..

قام وهويعدل شماغه على راسه : انا بروح لعمي عبدالله وابلغه بالسالفة ..

وبعدها بسري لهم ..







************





واقف امام المراية.. وجالس اعدل شماغي ..اخذت العطر ..

وبخيت بختين ووضعته على التسريحه ..نزلت للصالة ..وجلست انتظر

قدومهم..

تذكرت وقت رجعتها قبل العصر ..دخلت بهدوء ..ونادت الخادمة

تجهز لها الغدا ..وانتبهت لي ..سلمت وطلعت ..بعد عشر دقائق ..

نزلت ..وجلست تاكل وهي ساكته..صراحة ماهي بالعادة ..

هدؤها غررريب..سالتها اشفيك ..قالت بعد الغدا ابغاك في سالفة ..وسكتت ..رجعت مكاني واحترمت

سكوتها..

بعد دقائق جات وجلست جنبي ..وحكت لي سالفتها ..

انصدمت مومعقول ..قربت ومسكت يدها..

قلت بهدوء: سومه ..انتي متاكدة من اللي بتسوينه ..

هزت راسها بايه..
حطيت اصبعي على طرف ذقنها ..ورفعت راسها ..

قلت باصرار :سوومه ناظريني ..متاكدة ..مقتنعه ..ترا ماافي تراجع ..

قالت باصرار اشد : أيـــــــه مقتنعه,,

تنهدت وانا اسحب نفسي واعدل جلستي عالكنب ..:طيب وسالفة ابوي سطاام..

قالت وهي تشد على يدي :عااارفتها والله عارفتها ..ومانسيتها ..

عقلي يقولي انسييييهم ..وديري ظهرك لهم ..مثل مااسوى..

بس قلبي .واااه ياذا القلب ..يحن ياعمار ..يحن ..وعمر الدم مايصير ماء..

الى متى وحنا ذا الماضي يطاردنا ..لازم ينتهي لاااازم..

فكيت يدي منها وقمت وقلت وانا اشر باصبعي لهــــا: انتي تتحملي نتيجة

هالقرار ..هذا قرارك ..فتحملي تبعاته ..

بعدها دق جوالي وانا عاارف ومتاكد من المتصل ..مع ان الرقم مجهول..

قطعني من افكاري صوت جرس الباب..قمت وانا ادعي ربي يسهلها ..

فتحت الباب بهدوء ...ورفعت راسي وانا مميل فمي على جنب..ابي اشوف نهاية

ذا اليوم ..بس الصدمة بالشخص اللي قدامي ..مومعقول .. والله هو ..حي مامات..

تنحنح الرجال وهو يسلم ... انتبهت لنفسي ..اني واقف ساد عالباب ومتنح فيهم ..

سأل الرجال ذا بيت سطام الشهبان ..ابتعدت عن الباب عشان يدخلون قلت :

وصلت خير تفضلوا حياكم الله ..دخل الرجال الشايب وهويذكر الله ويسلم وخلفه

شاب في الثلاثين تقريبا ..

مد ايده يسلم ومديت ايدي بس ماكفاني ..

قربت منه وسلمت على خده وراسه ..والله هو ..كان ودي اتعلق في

الشايب واضمه ..يشبه ابووي سطام ..نفس تفاصيل الوجه ونفس الطول ..

ونفس السمار..بس الحجم شوي مختلف .. ياسبحان والله ..بعدها سلمت عالشاب وقلطتهم للبيت ..

رحبت فيهم وسهلت ..جلسوا وسالوا عن الحال والاحوال ورديت عليهم ..وقهويتهم

حسيت بالخذلان والخجل طاغي على وجوههم ..وعرفو بنفسهم ..الشايب اخو عمي سطام من الام

وهو اخوه صالح بن حسين ..والشاب اصغر اخوانه سالم بن حسين ..

بعدها سالني صالح : الا انت أي واحد من عيال سطام ..

قلت وانا اوقف واصب لهم قهوة :والله يااعمي ماني من عياله ..ابوي سطام عنده

ولد واحد وهو جابر والحين هو في جدة ..وعنده بنتين الكبيرة سمارا وهي عندي

تشتغل في البنك .. والصغيرة راما بعد في جدة عند اهلي ..

تجهم وجهة وهوينزل فنجالة عالطاولة : اجل وش تكون لهم ..

قلت وانا على وجهي ابتسامة : يسيروون عيال خالتي اخت امي ..وامي مرضعتهم

معنا وسااروا اخوان لنا من الرضاعة ..سكت صالح وهو يتمتم بزين زين..

اخذتنا السوالف والهروج ..ومرت ساعة وسمارا الى الحين مانزلت ..

استأذنتهم اشوف سمارا .. وانا مستغرب االى الان مانزلت ..غريبة ..كانت متحمسة

لجيتهم ..وشفيها الحين ..



قــــــراءة ممتعة ....


لاتلهيكم الرواية عن الصلاة ...





خاتمة... الأشياء الجميلة بداخلنا وليست فِي الأحداث فعندما نمتلك عيناً جميله فنحن نرى كل شيء جميل وعندما نمتلك نفساً راضية سنرضى ولو بالقليل..

[لامارا]

البــــــارت ( 4 )..



سمارا بنت سطام ..





جالسة في غرفتي افتر ..مترت الغرفة وانا رائحة راده..

قطعت ايديني وأنا افركها من التوتر .. واقول بنفسي ..انزل الحين ..لالا شوي.

وشوي اقرب من الباب ابي افتحه ..عشان انزل .. بس وووين ارجف رجفان

مو طبيعي..يومه ياقلبي وشفيني .. ماني قادرة اصلب طولي ..

مو اول مرة اقابل فيها ناس..تعوذت من الشيطان .. وقريت على حال شوي..

وحسيت اني اهدى من اول.. سميت بالله ومسكت مقبض الباب عشان افتحه..

والا يوم انفتح الباب بقوة بغا يضرب بجبهتي..تفاديت الباب بسرعة..

والا عمار بوجهي سالني بعد ماسمى علي شافني كيف اختبصت:

اشفيك تاخرتي .. اعمامك يستنونك تحت ...
قلت بتأتأه :ها ..اعمــ ..ممممن ..ايشش تقول ..؟

ابتسم وشد على ايدي : والله حالتك حاله ..سمي بالله وانزلي ..ماحد ماكلك..

قلت وانا اسحب ايدي منه:عمار وقسم بالله ياقلبي بيخرج من كثر

ماهو داق سامري ..اصبر علي شوي ..خليني اهدى وبانزل من حالي..

ناظرني بحاجب مرفوع ومسلط نظره علي اكملت بمحاولة الهاه عني

عارفه نذالته بيجرني بالقوة :اليوم حر مووووطبيعي..

مسحت بيدي على جبهتي وانا حاسه انها تقوطر عرق..قمت بسرعة

واخذت ريموت المكيف الاسبلت وقويته على اخر درجة ..

وطلعت على السرير عشان توصلني برودته ..وحسيت بالبرودة ..ودوبي اخذ

نفس راحة ..الا وانا طايرة في السماء ..انقطع قلبي .. وأنا احاول اتفكك منه ..

وهو شايلني ..حطني على الارض وقام يسحبني ..ومطلعني برا الغرفة ..

قلت وانا احاول اتفكك منه : عمااار ..سيبني ..طيب يأخي شوي.. لحظة ..

بسوي شعري اخترب اصبر..

قال وهو يشدعلى اكتافي من الخلف ويدفعني للامام : انتي شغلتك مطولة ..

والله ليصبح الصبح ماطلعتي ..واعمامك ماهم جالسين يستنون حضرة جنابك..

الين ماتتكرمين وتنزلين لهم ..

قلت وأنا اثني نفسي بسرعة وابعد عن يديه:خلاااص طيب انا نازلة..

انزل انت وانا وراك ..

قال وهو يتهددني بضحكة : إن مانزلت بعدي ..ترا والله لاطلع واسحبك

من كرعانك لهم ..

قلت وانا مبتسمة عشان ازيل التوتر اللي انا فيه:والله نازلة الحين ..

نزل ... وأنا أخذ نفس .. واسمي بالله ..

نزلت وأنا حاطة ايدي على قلبي..احاول اهدي خفقانه..ويوم وصلت

اخر درجة..انتبهت للانظار علي بس ماميزت الوجوه ..اقتربت شوي ..

وسمعت صوت عمار يقول : وهذي الشيخة سمارا جات ..

اقتربت شوي وشفت زول اثنين فزولي ..نزلت راسي واقتربت اكثر وانا اردد

السلام والا الان مارفعت نظري لهم ..اقتربت من أول واحد اللي هو الشاب بس باين إنه فرفوش

ماشالله علية مبتسم وإبتسامتة تحسها تشرح القلب مديت ايدي وصافحتة .

بس اقترب مني وسلّم على خدي وهو يهلّي فيني وتوجهت بعدها للشخص اللي

بائن كبير في العمررفعت نظري له وحطيت عيني بعينه.. وانا امد يدي ببطئ ..

بس في لحظة تجمدت مكاني ..لفني هدوءءء غريــــــــب ..برودة بدات تتخلل

من اعلى راسي وتندفع بقوة لكامل جسمي ..وقطراات حارة تنسكب بغزارة على

خدي..بس ماهمتني بس ماهمتني كثر ماهمني اللي واقف قدامي ..مد ايده وسحبني

لحظنه وهو يقول : حي الله بنت سطــــــام ..

.ياويـــــل قلبك ياسمارا..

نفس الصوت .. والله صوته.. كنت متجمدة باحضانة لحتى سمعت صوتة ..

واتعلق فيه واصيح ..بكيت شوقي له ..بكيت وجعي عليه ..بكيت يٌتمي ويٌتم أخواني

بكيت على حظي اللي خلاني أدور زول أبوي بين البشر..

حسيت بروحي بتطلع من كثر ماصحت ..اسمع صوت عمار يهديني ..

وعمي يمسح على راسي ويسمي علي ..بس وين اهدى وانا اشوف ابوي قدامي ..

لاحد يلومني يانااس ..مو بيدي والله مو بيدي .. ابتعدت عنه وانا امسح دموعي ..

وصوتي متحشرج : اسفة والله اسفة .

وأنا رائحة فيها من البكى ..مسكني عمار وهو مبتسم بألم :.. ..

تعوذي من الشيطان وانا اخوك ..

شدني لصدره وقال وهو مبتسم وبممازحة : يافديت الحساسين ياناس ..خلاص فضيتي

اللي في راسك ..هزيت راسي ايه وانا مخبية وجهي بصدرة..

قال بهدوء : هيا روحي غسلي وجهك وتعوذي من الشيطان وتعالي جلسي

رحت المغاسل .. وغسلت وجهي..وأناظر حالي بالمراية مو وقت ضعفك سمارا

مو وقته ..مسحت وجهي وطلعت

للمطبخ شربت مويه .. وسميت بالله واخدت نفس وتوجهت لهم ..

وشفت عمي صالح وجه تهلل يوم شافني جاية وجلس يرحب فيني

حي الله ها الزول ..تعالي وانا عمك اجلسي جنبي ..

وهو يشير لمكان حنبه عالصوفا .. ابتسمت له ..وجلست جنبه ..

مسح على راسي وهو يسال عن حالي بحنية موجعة لقلبي.. مثل لمساته وحنانه

ورقة كلامه..مالقيت هالحنان الا منه بس ..

لفت انتباهي عمي وهو يعزيني في وفاتة ..عظم الله اجرك وانا عمك..

وغفر الله لابوك .. واسكنه فسيح جناته ..ويجعلها اخر الاحزان ..

والله ياعمك اني مادريت عن وفاته الا اليوم .. من حرمتي ..

وانوجعت بوفاته .. اوجعني حيل .. مالنا عذر والله.

نكس راسه وهويقول : الله يسامح من كان السبب .. الله يسامحة ..

قلت بهدوؤ وصوتي مبحوح : جزاك الله خير ياعمي ..ومعذور ياعمي ..

ماعليك ملامه .. والله يغفر لهم ويسامحهم ..

رفع راسه وهو مبتسم بوقار : والله ياعمك لفرحت يوم دريت عنكم ..

وعرفنا مكانكم ..الحمدلله اللي ربي جمعني فيكم ..ورجعتوا لهلكم وعزوتكم ..

قلت بمحبة له الانسان : الله يخليك لنا ياعم .. وهذا اللي نبيه ..

وجودكم بحياتنا .. احنا أناخذنا بذنب غيرنا .. وحنا مالنا ذنب ..

قال عمي صالح : يابوك كلنا مالنا ذنب ....

وحنا اللي رحنا بين الرجلين ..واول من تاذى ابوك رحمة الله عليه ..





***********

بمنزل عبدالله بن سعد (أبو فهد) في قرية ال شهبان

وفي مجلسة المتواضع


سالم بن حسين ..



ضرب بعصاته الأرض بوجيعة من اللي سمعة :هــــــاذي فعولكم ...هـــــاذي عمايلكم ..الله لايكثر من

أمثالكم ..

يموت أخوكم وأنتم لاهين بحياتكم ..ينزلونه الأغراب بقبره وأنتم اللي ينقال عنهم أخوانــــــه

ماتـــــــدرون ....مـــــاتـــدرون ..الله يسود وجوهكم ..

وش تبون الحين بعد ما مات ..ماأنتم برجال ..الحين غطوو بروؤسكم بالتراااب أنت ويااااه وحراااام

تالأشنااب على وجوهكم أحلقوها خير لكم

قلت بقلق علية من شدة عصبيتة وثورانة : يااعم هدى على نفســـ...


قاطعني بغضب :أوووص لاتتكلم ...لاتتكلم يالسربوت ..منت فالح غير في الصياعة ومطاردة السرابيت

أمثالك . ..حسكم لا اسمعة ..

يااسويد الوجهه أنت وياه ..أنا ولد أبوووي يايموت سطام مادرينا عنه ..

الله لايعفي عنا ولايسامحنا ..

التفت على متعب اللي منكس راسه وحاط ايديه على راسه وقلت بهمس :

والله لو بوه بندق هنا كان فرغها عمي بروؤسنا ولا ترضيه ..

قال متعب ببرود : نستاهلها ولا عليه ملامة

قلت بقهر من جَوّ الهم اللي انحطينا فيه : وأنا وشدخلني يعصب علي ..

مات .. الله يرحمة وش تبيني اسوي كل ماجانا تناطحوا بالرؤس هو وأبوي ..

وش أسوي فيهم ..

التفت علي متعب بنظرات أخلعت قلبي : سالم تعرف تنطم ..

بلعت العافية وانا أهزء راسي: أبــــشــر ....





*****************

عمار بن نايف...



زفرت بغضب وانا ارجع اعيد الاتصال على الزفت .. بس مازال

جواله مغلق .. قمت وانا اتنافض من الغضب .. وارجع ادق على

رقمه الثاني ..لكن الحيووان مطنش .. هين ياروويد قسم بالله لاربيك

من اول وجديد ..دووواك عندي .. رحت اشرب مويه .. ابغى اطفي النار

الوالعة بجوفي ..سحبت كرسي وجلست على طاولة الطعام ..وانا

اتذكر اللي حصل ..


من بعد المغرب وانا واقف على باب الفلة عشان اودع ابو سعد واخوه..

ووصل الهايت .. ووقف سيارته ونزل .. وشافني واقف مع الرجال عند

البوابه ..ووصل وسلم على سالم الاقرب له ..ويوم جاء يسلم على ابو سعد

وقف متجمد مكانه .. وهو ماد ايده صافحة ابو سعد .. وابتعد شوي ومازالت ايدة

معلقة بالهواء.. ومتنح فيه ..حمحمت له عشان ينتبه .. وقلت بعد ما أنتبه لي ..

: هذا العم ابوسعد واخوه سالم .. وبهدوء .. اخوان ابوي( سطام) ..

التفت علي بغضب وصدرة يطلع وينزل من شدة تنفسه ..

وشد بقبضة ايدة اليسار على مفاتيحة .. ودخل البيت بدون أي كلمة ..

تفشلت من الرجال .. وهم بان عليهم الحرج من فعلته .. ركبوا سيارتهم

وراحو .. دخلت البيت وان ازفر ..الله يعينني على هالبلوة ..

لقيته واقف في الصالة رايح رااد ..ويفرك ايدة ..

انتبه لي يوم دخلت وقال بحدة : انت صادق والا تستهبل علي ..

قلت وأنا اجلس عالصوفا واشيل شماغي من على راسي

واحطه جنبي : وليه استهبل عليك .. شايف الموضوع ينمزح فيه ..


دخلت في هالوقت سمارا وهي ضامة كفوفها لصدرها وعيونها فيها لمعة غريبة

جلست جنبي وهي مو منتبهه للبركان اللي وراها صرخ بصوت عالي

: ســــــمـــــاراااا ..

فزت المسكينة وهي تشهق والتفتت برعب وهي تتنافض من الخوف وتتعوذ من

الشيطان ..

رفعت راسها وبصوت عالي : خـــــيـــر .. خلعت قلبي الله يلعن شيطانك ..

قال وعيونه تتطلق شرر وغضب : مــــين اللي كــان هنا ..

قالت وهي مفهية ومو فاهمة ايش يقصد من الرعبة : هـــاااا ..

قال وهو يقرب منا ويشير بيدة جهت باب الشارع : مين الرجال اللي كانــ ..

قطعته وانا احاول قدر الامكان تكون اعصابي هادية لان طريقته في الكلام مستفزة

: ماودك تهجد ..

قالت سمارا بعد مانتبهت لسؤاله : هذول اعمامي .. عمي صالح

وعمي سالم ..

قرب وهو يدنق عليها وعيونه تحتد : قلتي اعمامك ..

قلت بضيق : أيـــــوه اعـــمامها .. عندك مشكلة استاذ رائد ..

ابتعد عنها وهو يصفق بيده وبصوت مستهزئ : بــــرافو .. بــرافو والله

وبحدة .. ومن متى اعمـــامك ان شاء الله ست سمارا ..

قرب منها ومسكها من ذراعها ووقفها وهي تتطالع فية بصدمة :

عــــاجبينك ست سمـــاراا ..عاجبــــينك عيال حسين ..

قمت ودفيته عنها وانا اتنافض من الغضب كيف يمسكها بها لطريقة

: صــاحي انت ... صـــاحي ولا سكران .. دفيته بغضب وهو يتراجع

على وراء وطاح عالصوفا : اصــغر عيالك هي تمد ايدك

عليها وقـــدامي يـــاكـــلـــب ..

سحبتني سمارا من يدي تبعدني عنه قالت : عمار حبيبي استهدي بالله ..

رائد مايقصد ..تعوذ من الشيطان انت وياه ..

اعطيتهم ظهري وانا اشد على شعري واتعوذ من الشيطان ..

والتفت له وأنا اتهدده : والله يارويد إن ماأعتدلت اخلاقك الزفت لاعدلها لك ..

تفهم والا لا ..

قام وهو ينافخ : انتو اللي مو راضين تفهمون ..ناسين طردت ابوهم لابوي

سطام ..ناسية يا آنــــسة والا اذكرك فيها ..

كمل بصوت متهدج ..كان جاي يشوف امه ..وطرده حسين ..ماخلاه يلمح زولها ..

الا الان والنار شاعلة بقلبي .. وضرب على صدره بقوة ..دمعته عمري وحياتي

ما انساها..سمعته قبل ثلاث سنين وهو يحكي السالفة لابوي وهو محروق ..

راحت امي حرموني منها وانا صغير وحرموني منها والشيب كاسي راسي ..

مابريتها ولا اهتنيت فيها ..

همست سمارا برجاء : تكفى خلاص ..

بس ولا عبر ..كمل وهو يناظرها بغضب : قال له ابوي .. الحين عندك اخوانك

من امك .. وعمك حسين توفى .. لا تقطعهم ياسطام ..بس ابوي سطام رفض

قال مالي بهم حاجة ولا لهم حاجة عندي بعد موت امي .. وربي يجمعني بها بجنة

الخلد .. مسكين محروم منها عمره كله ..بسبب ابوه .. وبحقد .. ويوم تيسر له

شوفتها احرمه حسين شوفتها الله يحرمة الجــنـــ ..

تنفس بقوة وهو يحط ايدة على فمة ويستغفر ..

بعدها قال بقوة : والحين يا آنسة مستقبلتهم عندك .. ورامية بكرامة ابوي عرض

الجدار..

صرخت هالمرة : انـــكتــم واقطع لسانك ..جااي انت يالبزر تعلمنا

الصح من الغلط ..لا طلبنا مشورتك ياااازفت ذا الوقت تكلم ..

والحين تنطم وتأكل تبن ..

لف ظهره لي وأنا اتكلم معه قلت بغضب : لا تعطيني ظهرك وأنا اكلمك ..

بس مالتفت لي .. اخذ مفاتيحة المرمية عالصوفا ..

وجاء ماشي .. وصرخت عليه : رائــــــــد ..

قال بصوت متهدج : الله يأخذ رائد وترتاحون منه ..

وضرب الطاولة القزاز اللي قدامة برجله وتانثر القزاز عالارض مصدر صوت

قوي بعد اصدامه بالارض ..

وخرج ..

تاففت بقرف يوم تذكرت اللي صار ..قمت شربت مويه مره ثانية ..

وأنا الوسواس لاعب فيني ..

طلعت للصالة وانا شايل كاس الموية بيدي ..

طالعت الساعة اللي تشير 11:30..

اووووووف ..

جلست عالصوفا وانا امسك ريموت التلفزون .. واقلب بملل ..

ورجعت طلعت الجوال من جيبي ورجعت دقيت عليه ..

بس مافي رد ..

وشوي سمعت صوت مفاتيح والباب ينفتح ..

زفرت براحة وارتخى جسمي بعد ماكان مشدود ..

بس سمعت صراااخ واحد ماتوقعته ...





**********




صعب بن عبدالله ...



دخلت بالسيارة لداخل حوش البيت .. وشفت سيارة ابو سعد موقفة ..

نزلت من السيارة وانتبهت لجلستهم في الحوش ..تقدمت منهم وانا ادخل مفاتيحي

بجيبي .. وقف ابو سعد وسالم ورعد يوم قربت منهم وتقدم

مني رعد وسلم على راسي وهويوشوشني : تكفى ياعمي

لاتقوله انه انا اللي قلت لك ثمن يتوطاني ..ترى من يوم مادخلت

وهو يقرص عيونه فيني ..

قلت وانا اهمس له من بين سنوني : اقول امشى تراااك فاضح نفسك..

تقدمت منهم وانا ارحب فيهم وسلمت على ابوي الجالس

ومنزل راسه .. وسلمت عالبقية ..

ورحت لابوي وجلست قدامه على رجل وانا ادقق النظر فيه

سالت : بشرني عنك يابو فهد ..عساااك طيب ..

اخذت من علاجاتك ..

رفع نظره لي وهو يسالني وحواجبه معقودة :انت وش جابك..

ماورااك عمل ..

قلت وانا احاول اسايسه واخذه بالهداوه :

كااان عندي استلام وسلمت الحين ..بس انت شكلك تعبان ..

اشرايك اوديك المستشفى ..

ماخلاني اكمل كلامي الاهو ملتفت لرعد بغضب :

جعلك الماحي يارعيد عشان تعرف تصك حلقك .

.بهت وجهه رعد من الهجوم

وكمل علي وهو يكزني بعصاته ورجعت من كزته على وراء:

وانت ارجع ورااك..عارف انه رعيد كب عشاااه كله عندك .

ارجع لدوامك واقطع سيرت المستشفيات .. ماني بطابها

تفهم ياصعب والا افهمك بتاالعصى ..

التفت جنبي وانا سمع شهيق ـوزفير غريب والا الشيخ سالم

حااط ايده على فمه ويدافع الضحكة لاتتطلع ..ورعد منزل راسه

واكتافه ترجف من الضحك اللي كاتم عليه .. ياحليلهم مساكين

مراااعين مشاعري الرهيفة ..

رفعت حاجب لهم وبنذالة قلت: ليه متعبين نفسكم اضحكوا مابه خلاف ..

وهي اول مره اتكشم فيها من ابو فهد الله يطول بعمره ..

ضحكوا بصوت عالي ورعد فحط للبيت بسرعة

وتورط فيها سالم اللي استلمه ابوي تهزي ..

قلبتم نسوان .. ماعندي انا رجال .. ماينشره عالنسوان في ضحكهم

وانتم اخس منهم ..الله لايكثركم في الارض ان كان هذي علومكم ..

وابو سعد يشجع في ابوي عندك فيهم ياااعمي ..

وسالم دخل داخل البيت متعذر يبي يسلم على ام رعد ..

قمت وقربت من دلة القهوة وصبيت لهم ..

وانا ارتشف من فنجان القهوة .. سالت ابو سعد عن مشوارهم ..

وقد ان لي خبر عن ذا المشواار من رعد..خبرني عنه وهو

اللي تسبب لابوي بارتفاع الضغط ..وعلمني بالعلوم ...

قلت : اجل العشاء بكرة عندك يابو سعد ..

قال : ايه عندي .. وتراني عازم الجماعة كلهم ..

قلت : على خير ان شاء الله ..

واستئذنوا وراحو .. وجلست انا وابوي بالحوش شوي ..

وبعدها دخلنا البيت .. وسلمت على امي وعيال اخوي فهد ..

توجهت لغرفتي وانتبهت لخروج ام رعد من غرفتها وسلمت عليها

وقلت لها تاخذ البدله حقت العمل وتغسلها وتكويها اليوم

لان بكره في عشاء وبعده بروح العمل ولابيمديهم يخلصونها ..

دخلت الغرفة ورميت ملابسي ورحت اتحممت ..

طلعت وانا انشف شعري ..ورميت حالي عالفراش ..

مكسر ومهدود حيلي ..ورحت في نومه عميقه مع ذا البراااااد..






***********

عــائلة سعد الشهبان .


أولادة ...


1- محمد سعد الشهبان .طليقتة عادلة ,وابنه سطام ..سبق ذكرة

2- حسن مقتول أبنته / أم الزين ..

3- حسين متزوج الاولى وضحى لها من الابناء نورة وناصر وشملاء

والثانية عادلة لها من الابناء متعب وفايز وصالح وسالم

4- عبدالله متزوج منيرة ابناءة فهد وطيبة وصعب .

بأذن الله سيتم التعريف بباقي الشخصيات بالتفصيل بالبارتات القادمة ..





قراءة ممتعة..



لاتلهيكم الروايه عن الصلاة




خـاتمة ... أعْذَب النّاس مَنْ يَمرّ فِي حَيَاتُنآ وَيَتْرُكُ خَلْفَهُ ذِكْرَى جَمِيلَة....إننا بحاجة للخلافات احياناً،

لمعرفة ما يخفيه الآخرون في قلوبهم،، قد تجد ما يجعلك في ذهول، وقد تجد من تبتسم لهإحتراماً،،،،

[لامارا]

الـــبـــــــارت ( 5 )..







عادل بن نايف ...






: اووووووصصص ... ولا كلمة ..حط يدك على فمك انت وهو وهي..

وانا احط ايدي على عقالي : والله ان طلع لكم صوت

لافرشكم بذا العقال..

قال جابر بملل وهو شائل شنطته : عادل وقسم بالله انك فاضي ..

ادخل وأجل أوامرك العسكرية لبعدين ..

قلت وأنا اعطيهم نظرة حارقة وأنا افتح الباب بهدوء: انت ماتعرفهم فضيحة ..

الناس نياااام ..وهم اصواتهم تلعلع ..مكيفين الأخواان رقووود اليوم كله..

فتحت باب البيت ودخلت أول واحد..وبعدين سويت مجال

عشان يدخلون الهملق اللي معي ..

وهم حاطين ايديهم على فمهم زي ماقلت لهم ..ويتغامزون

ويضحكون .. ويحاولون يكتمون أصواتهم.. بس من شدة حماسهم

ماقدروا يسيطرون على نفسهم ..ضحكت رااما بقوة وصرخت

وفرّرركت من قدامي ..وطبعا لازم من المشاركة الوجدانية

من راكان ورامي ولد عمار صرخوا وشردو من قدامي..

وأنا احط إيدي على رأسي .. جعلك ماتربحين يارووويم.. صحت القوم..

دخلت البيت وأنا متحلف فيهم ..حطيت الشناط على الأرض ..

ودخلت الصاله ولقيتهم متخبين وراء عمار ومتمسكين فيه ..

ويوم شافوني صرخوا بزيادة وتعلقوا برقبتة بقوة وهويضحك

ويحاول فيهم يفكونه: فكووووني انخنقت ..

وتمسك فيه رامي وهو يحشر نفسه بين المتوحشين الاثنين

يحاول يلاقي مكان بينهم..

وتعلق باأبوه وهو يضحك برعب :عمااال عدول بيضلبنيييي ..

قال عمار وهو يشيله ويضمه لصدره: أبوووك يالثور ماني عمااال ..

وعدوول ماهو بضاربك ..وباسه بقوووه..وهو يتفداه ..

قلت وأنا مطير عيوني عليهم : ووجع يوجعكم .. وأنا وش قايل لكم ..

نزلت سمارا بهاللحظة وهي مفجوعة..

قالت راما بعبط : وش اسوي يعني .. ضحكتي هي اللي طلعت..

مو أنا السبب..هي مو راضية تسكت ..وهي تاشر لحلقها بدلع..خنقتني كنت رااح

أموت.. تبيني يعني أموت ..

قلت بإستهزاء: والله تريحين الخلق من شرك..

وتكسبين فيهم أجر..

تقدمت من أخواني .. وسلمت عليهم ..

والعيال ماشآء الله نطوا على سمارا وفغصوها ..مبسوطيييين...

جلست جنب عمار وسالني وش جابكم..

قلت :والله نحن جاين نغير جو ..لكن دق علينا أبوي في الطريق وبلغنا باللي حصل

معكم : .لكن أنتم وش صاار معكم ..

لف وجهه عني وهو يناظر جابر وسمارا يتهامسون قال : بعدين احكي لك ..لكن

انت خبرني عن ردة فعل جابر ..

قلت : ذا الولد باااارد بشكل .. رفع ضغط أبوي . يقوله أعمامك ياولد قال بكل

بروود وش علي منهم ...ماهمه الموضوع بكبره ...لكن أنتم علمني بللي صااار

قال عمار من بين أسنانه : يأخي ابد ماصار شئ .. جونا الرجال.. وعزمونا بكره

عندهم

واخوكـ الزفت طينها مع سمارا.. وانقلع مدري وين ذلف...





****************

سمارا بنت سطام .....






كنت جالسه بغرفتي وأنا أفكر بالحال الجديد اللي حنا فيه..

وأحاول أقنع نفسي بأن اللي سويته صح .. وعين العقل بعد ..

وأبوي نايف مأيدني بها الشي ..وقالي انه

كااان لزوووم هالامر يتم من قبل وفااة أبوي .. الله يرحمه..

بس حبيبي أبوي مرت السنتين عليه وحاله متردي ..

أسال الله له الرحمة والمغفرة ..

رن جوالي بنغمة رسالة.. شلته وانا أقرا اسم المرسل ..

ورميته عالسرير وأنا ازفر بضييق..علة تعلك مثل ماعليت قلبي ..

اووووووف .. الحين افكر بالثاني هذا ..مدري وين راااح..

وأدق عليه مايرد..وشوي واسمع صوت صياح ..نزلت بسرعة ..

ويادوب ابي استوعب والا اللي هاجمين علي ..ومتعلقين فيني ويضحكون..

شلت الفصعون رامي من بينهم وأنا ابوسه ..

قلت لعادل بفرح :خير أن شاء الله وش اللي جابكم ..

قال باستهزاء :جابنا اللي جابك ..ماشا الله عليكم ..مسوين رحلت استجمام..

انتي والخبول اللي معك..وأمي الضعيفه تكرررف وراء اخوانك وعيال اخوانك..

شآآآآآب رآسها مسكينه ..طلعولها قروون..

ضحكت عليه ..عارفه ا ن أمي ممشيتهم عالصراط .. مايطلع جنانهم الا عندي ..

شفت جابر جاي لمي .. وهو يرحب ويسهل فيني ..

وفاتح ايدينه :ياحي الله سوومه .. ياحبني لكـ ..حي هالعين

اشتقت لكـ ..قرب مني وهو يبوسني على خدي :مااذاق قلبي

طعم النوم على فرقااك ..

ضربته على كتفه : يـــاكذبك ياشيخ ..

مسح على كتفه وهوييناظرني بحاجب مرفوع : ياكذبي هاااااا..

رجال طول وعرض وتكذبينه ..مقبولة منكـ ..

نطت راما عندي وهو مفجوعة وتشهق : سماراااا .. لاتصدقينه ..كلامه كله

اخرطي ..وتطالعه بنص العين .. ليله ونهاره يدعي علي ..

يقول يالله فكني من رويم مثل مافكيتني من سووويم..

رفعت حاجب له بابتسامه بعد ماشفت ارتباكه ..وشال راما بثيابها من قفاها..

وهو يطالعها بورطه : انا قلته يالكذوب ..هزت راسها بايه وهي تتفكك منه..

ايه قلت واسال راكان ورامي ..

طالعت راكان ورامي وهم يهزون روسهم بغباء..بمعنى ايه ..

رص على اسنانه وهو يناظرهم بغيض وقهر : لبو من يطلعكم

معه يالحميييير .. قم انت وياه وهو يلتفت يبغى يضربهم بشى..ومسكته من يده .
.
وأنا اشده لي ..

قربت وأنا اهمس بإذنه:مادق عليك رائد ..

عض على شفايفه وهويلتفت للخلف وقال : دق ..بس لايدري البق بوس ..

وتراه جالس برأ يستناااك ..صراحة ماله حق عمار إنة يخاصمة ويبهذلة ..

وهو ماقال الا الصدق ..

قلت : عمار مازعل الا على دفاشة أخوك ..تعرفة ماعنده تفاهم

قال جابر بطنازة : وهو صادق وتحسبين إني ساكت الحين إني فرحان بسالفة

أعمامك ..والله ماقاموا عندي ولااقعدوا.. ولاهموني ..وماسكت ...ألا بعد تهديد من

أبوي ليلعن خّيري ..وعشان هالعيون الحلوة..وهو يأشر على عيوني ..

طالعت فيه بحاجب مرفوع وأنا عارفة مقصدة من الغزل الصريح وابتسمت بنذالة

وقلت : والله ياجابر لو تطلع وتنزل ماعطيتك ريال..

طالعني بقهر وهو يعض على شفايفة وحط كفه على وجهي ويدفعني بخفة :الشرهة

والله على اللي يعطيك وجه ويتغزل فيك يالخفسة ..قوم أنقلعي عند اخوك أمداه تجمد

من البرد ..

طلعت وأنا أضحك عليه وسحبت شالي الصوف وحطيته على أكتافي وخرجت ..

حسيت بالبروده تتخلل عظامي .. شديت على شالي وأنا اتلفت يمين يسار..

وشفته جااالس على كرسي جنب شجرة الرمان .. وسرحان .. وسجارته في فمه..

قربت منه .. وأنا أسحبها من فمه وأرميها على الارض وأدوسها

:متى بتبطل هالعاده ؟؟؟.
.
رفع عيونه لي ووقف وأخذ نفس وقرب مني وشدني لصدره وهو يزفر بوجع:

آســــف ...آآآآآسف سومه .. آآآسف ..

جعل اليد اللي انمدت عليك للقطع ..

قلت بهدوء : لاتدعي ..

قال بغبن : خايف يوجعوونكـ سمارا ..بيوجعونكـ ..

زي مأوجع حسين ابوي سطام ..

قلت وأنا ابوس كتفه وبأفتخار : ماعــــااااش من يوجعني وأنتم لــي عزوة وسند ..

قلت وأنا احاول اغير موده : أنت ماشفت عمي صالح ..يشبه له يارائـــد ..

( حسيت بغصة خنقتني ) .. خفــت ... خفــــت انسى شكل أبوي ..

بس ربي عوضني بعمي صالح ..

هز رائد راسه وهو يقول : في الشكل سومه ..

في الشكل بس مو في المضمون ..ابوي سطام ماله شبيه ..

لو يرقون لسابع سما ما وصلوله ..وحط اصبعه على راسي ..خلي

هالشئ في بالكـ ..

مسك يدي وهو يسحبني للبيت .. وسأل وهو مسوي نفسه خائف :

البق بوووس وينه..

قلت بخبث وأنا العب بحواجبي :دااااخل ومجهز العصى اللي بتلعب على ظهرك..

فك يدي وقال : أويلاااه ..عز الله رحت فيها ..

بس تكفين وأنا اخوك افزعي لي .. أنا فوجهك ..

قلت وانا اضرب كتفه : امش .. امش ..الله يثبت علينا العقل ..

مالقيت الا أنا تطلب مني الفزعه ..عز الله لحطني ولحطك ..

لكن وأنا اختك عندك ذا المفعوص الكوري ..امسكه بكرعانه وهدده فيه ..

ههههههههههههه..

قال باستهزاء :لااااااا ..امحق فزعه ..اجل خليني اجهز قبري من الحين ..

دخلنا البيت ونحن نضحك بس سكتنا يوم شفنا عمار يطالع رائد بغضب ..

اقترب منه رائد وهو يبوسه على راسه وكتفه ..ويطلب منه السموحه ..

قال عمار : اعتذرت منها ..

قال رائد بجمود : ايه

هزء عمار راسه وقال بإحتقار : عيدها مرة ثانيه .







************

في منزل عبدالله الشهبان...






صعب بن عبدالله ..





قبل العصر .
.
: يمــــــــه ..

: هااا وش تبي ..

: وين غدااااي ..

بغضب: هماني الحين شايلة الغدااء من على السفرة .. ورأ ماتغديت معنا ..

قم انقلع المطبخ أغرف بنفسك ..

: يمـــــــه .. لاتروحوون مااكويتوا ثوبي وشماغي ..

: وصمه ان شاء الله ..

خرجت وعد من المطبخ شايلة الصينيه بيدها : كوينا ثوبك وشماغك ..

تلقاه في دولابك ..

أمي منيرة بغضب : وش بلاتس يامره نمتي في المطبخ .. والله لو أنها ذبيحة تسان

أخلصت..أعجلي علينا بيأذن العصر..والعرب أوصلوا..

خرجت أم رعد من المطبخ وهي شايلة صينية ثانية وتعطيها لوعد ..

وقالت وهي تلبس غطاها : وش تبيني أسوي ياعمة ..جالسة أجهز اغراض لطيبة ..

وعيالي أبلوشوني ..

قربت منها وهي تبي تمسك يد امي وتقومها .. سحبت امي ايدها من ام رعد بزعل

وحطت يدها علي ايدي : اسندني وأنا أمك ..

مسكت كفها وأنا أبوسها ..قمت وأنا أسندها .. أمي ماشاءالله عليها مليانه..

ويحتاج لها أثنين عشان يقومونها ..حطت أيديها على أكتافي..

ورفعتها بشويش مع أنها ثقيلة ..لكن لازم أكون خفيف معها ..

عظامها ماتتحمل ..قبل سنتين جاء رعد بيسندها وخلع كتفها .. يوم شدها

بحكم ثقل جسمها ..وتعبت علينا وجننتنا بالصياح ..ويا ويل من يجيب لها طاري

المستشفى ..إن أستلمته عز الله راح ملح ..بس جبنا لها حرمة تدوايها ..

خرجت من البيت وركبتها قدام وفتحت الباب الخلفي عشان تركب أم رعد

خرجت وهي متغطية وشايلة الصواني

قالت : ولا لك لوأ يأبو عبدالله بمشي على رجليني ..

قلت بإستغراب : وليه تمشين والسيارة موجودة ...

قالت بهدوء :خذ وعد وأنا بمشي مو من بعد البيت خطوتين وأنا هناك ..

قفلت الباب ودخلت البيت وناديت عبدالله

نزل وقلت له يروح مع أمه وأخته ...

حسبي الله أنا إلا متى وأنا على ذا الحال أرضي مين وأخلي مين .
.
طلعت لهم وهن واقفات ..قلت لهن عبدالله نازل لكم وأمشينه معه..

وأخذت منهم الصواني وحطيتها في المرتبة الثانية ..

ركبت السيارة وأنا أستغفر ..شغلتها وأنا أسمي بالله ..

والتفت لأمي قلت بضيق :يمه تكفين خفي على أم رعد ..

ردت بزعل : آصه عني ياصعب .تراني شبعانة منك ..أسرى بي عند العرب

ولاترفع لي ضغطي ..

قلت بهدوء : يومه المسالة ماتحتاج رفعت ضغط ..موضوع وأنهيته عن طيب

خاطر مني وو آآآآآآآآآآآووووووه يومه

ابتعدت عنها بسرعة وأنا الصق في الباب..وأمسح محل قرصتها على

ذراعي وأنا أوقف السيارة ...آآآح يومه وش ها القرصة قطعتي جلدي ..

قالت وهي تعتدل بجلستها: إن تسان بك خير عّد هالسالفة على رأسي مرتن ثانية ..

نزلت من السيارة وأنا أفرك محل القرصة ..ياااقرص العجائز ..لسعت دبور ولا

قرصت عجوز

ناظرت جهة عبدالله مقبل على بيت صالح وهو يأشري بيده بمعنى وش فيه

أشرت بيدي له يكمل طريقة ...

نادتني أمي ببرود من داخل السيارة :عّود ياولد ...هاووو ..اربك تبيني أمشي على

رجليني ..لايكووون زعلان ..تبالكـ قرصتن ثانية .. أبشر ماطلبت ..

( تمسخرني الله يحفظها )

رجعت ركبت السيارة ومشيت وأنا ساكت ..

قالت بهدوء: أوجعتك القرصة ياصعب ..سكت مارديت وصلت لبيت صالح

ووقفت عند باب بيته وجيت أبنزل ..وأردفت لي بمغزى : حتى تعرف ياصعب أن فعايلك

توجع مثل قرصي ..







***************

شملاء بنت حسين...



مشيت وعيالي حولي .. عبدالله يلعب بالعصاة وهو ماشي ووعد تببر على رأسه..

مجروحة ومتوجعة وأبلع القهر وأسكت عليه ...ماني بناكرة العشرة ..

ولا معروف ..لكن وش كان بيدي .. أنا فقط ( مرة ) لها اب متسلط .

وأخوة شداد .. منقود عندهم بقاء المره المطلقة او الارملة من غير زواج ..ما كان أمامي الا ( هو )

تشبثت فية لكن بشروطي .. تحملت اللوم والعتب ونظرات الكرة والاحتقار من اللي حولي .. لكن لأجل

تلك العيون البرئية ..المستميتة بشدة على بقائي ..حاربت وأذللت النفس ..

بدايتي .. كانت عند وفاة تؤم الروح وشريك العمر ..فكان أول انكسار لي ..

بعدها طلب مني الوالد رحمة الله قضاء العدة في بيتة معلل ذلك بتواجد حماي في بيت أهلة .. لإننا كنا

نسكن في بيت واحد وافقت مرغمة .فلا مجال لمناقشة أمرا أصدرة ..

بعد مرور فترة العدة ..بعدها بشهر جاني الوالد بعريس من سناينه..

عارضت .. وعارضت ..وعارضت ..لكن كان الامر محسوم ..

تعلقت فية وبكيت ونحت وترجيت ..وقوبلت باللعن والشتم ..

ولكن أسدي الصغير رفض الانصياع فقال لجدة ببكاء وتهديد : والله اللي مازوجتها يــــا (شيبة النكد ) ..

عبارة صغيرة تردد على مسامعه من جدة عبدالله يقصد بها جدة حسين عند غضبة منه فرسخت في عقلة

الصغير ومادري بعواقبها ..

وماكان من جده حسين إلا أن يهف بعصاتة على ساق ولدي رعد .كتأديب

وضربة ثانية لي .. كلؤم على تقصيري بتربيتة ..

طاح على الارض وتلوى بألم وبكى متوجع .وبكيت على حالة وحالي

وضعفي وقلة الحيلة ..

فكانت ثاني إنكساراتي ...

وبنفس الوقت أرسلت ولدي عبدالله .الى ..........صعب

عضيد ابو رعد وسنده...

وماخيب ظني ..

أما ثالث انكساراتي فكانــــــ ..

: يمة وصلنا ..

انتبهت من سرحاني على صوتة ..

هزيت راسي بهدوء وأنا اقولة : هيا اسرى تغدى وعجل بلجية لبيت خالك .






*****************

عائلة عبدالله بن سعد الشهبان ...


الجد عبدالله والجدة منيرة ..

الابناء ..

1-فهد متوفي زوجته شملاء بنت حسين له ولدين وبنت الكبير رعد 20

وعبدالله 18ووعد 16

2- طيبة متزوجة صالح بن حسين لها خمس اولاد سعد 25 وسلمان 19

وفيصل 17وتركي 13 ونواف 7

3-صعب متزوج شملاء






قراءة ممتعة ..


لاتلهيكم الرواية عن الصلاة ..



خــاتمة ... :::في رمــضــان:::أغلق مدن أحقادك واطرق أبواب الرحمة والمودة

فارحم القريب وود البعيد وازرع المساحات البيضاء في حناياك وتخلص من المساحات السوداء

في داخلك

[لامارا]

بداية .. أشكر كل من قيمني وكل من دعمني ..ومن قام بنقل الروايه ..

راميرا فتون الله يسعدكم مثل ماأسعدتوني ..وقفوكم معي ودعمكم لي محفز للاستمرار ..واتمنى دعم كل

من قام بالمرور على روايتي ...

بحفظ المولئ..

ﻼ‌ تحرموا أنفسكم لذة صﻼ‌ة الوتر ♥...







البـــارت ( 6 )...

خالد بن فايز ..

طلعت من الغرفة وأنا ادور على مفاتيح سيارتي ..

وشفت جليلة في المطبخ تسوي قهوة ..سالتها بعجل عن مفاتيحي

قالت : شوفها فوق التلفزون اللي في مجلس الرجال ...رحت المجلس ونفضته

كااامل ولا لقيته رجعت لها ..ووقفت على الباب وانا أسالها

قالت وهي تنفض ايديها من الماء : الظاهر والعلم عند الله ان سليطين ماخذة ..

قبل ربع ساعة سمعت صوت السيارة وتوقعته يا أنته والاأبوي .

ضربت على الباب بعصبية انتفضت منها جليلة : وين راح السربوت ..ورااي نقلية وتاخرت ..

الله ياخذك ياسلطة ..

طلع أبوي من غرفتة وهو يستغفر ..وطالعني بقرف ...

سأل بملل : وش في صوتك يلعلع ..ماتعرف تتكلم بهدوء

ترى لنا اذان نسمع بها مانحن صمخان

قلت بضيق : يوبه ورااي نقلية وسلطان أخذ السيارة ماأدري وين أنقلع بها ..

قال بهدوء وهو يأخذ المبخر من جليلة ويبخر شماغة :أظنك تدري وش عندنا اليوم .
أجل نقليتك .. وجهز عمرك ..

قلت بطفش : يوبه ذا رزقي وعملي اذا جلست كل يوم ااجل فيها مرة عشان فلان

ومرة عشان علان ..عزالله ماعشنا ..

قال بجدية : أنت اللي بليت عمرك ..والا لو كان بك عقل ماتركت العسكرية ..

لكن ربي مابلاني غير بالدشر ..

طلع من البيت منهي للنقاش .و.رجعت الغرفة وأنا العن سلطان بقلبي ..

دقيت على محسن ورد وهو راقد : هاااااااا

قلت بقرف : قم قامت عليك القيامة .. بأرسلك نقلية ..وصلهم لمكة ..

قال بنعاس : يأخي ارسلها لنواف ..متبرع فيها له ابغى أرقد ..

قلت وأنا المح الشباك وأشوف سيارتي جاية من بعيد قلت بعجل :نواف عنده نقلية

للطائف .. تحرك قوم الناس مابينتظرونا ..

قال بقهر : خلاااص قائم .. الله ينكبك ياشيخ مثل مانكبت نومي ..

قفلت في وجهه وأنا أطلع وأشوف سليطين وقف السيارة وجا نازل ..وبس شافني

ويحط أرجوله ..وماينشاف الا غبارة .. وأنا اركض ورااءه ..وافصخ حذياني

وارميها عليه .. بس فلت منها ..وقفت وأنا أطالع فيه بقهر : طيب ياسليطن الكلب
..
والله لاأربيك .. بققت عيوني فيه وهو يستهبل وينط . ويعرض ويأشر لي بالمفتاح

..ويضحك بشماتة

بسم الله الرحمن الرحيم ... هستر الولد ..أخاف ركبتة جنية .. الله لا يزّر عقلي مثله



******************

عمار بن نايف ..




ماشين على الخط متوجهين لبيت أبو سعد

والجو ابدع مايكون . هتان مطر .ونسمة هواء محملة برايحة التربة والطبيعة

ومع غروب الشمس شئءءء..

راكب معي في السيارة رائد وجابر

وفي السيارة الثانية عادل ومعه سمارا وراكان ورامي وراما ..

انتبهت لعادل انه جالس يكبس يلمبات سيارتة رفعت جوالي واتصلت علية

قال بسرعة : عمار شوف لنا مسجد في ناس محشورين يبون حمام ..

قلت وأنا اتلفت : يأخي مافي مساجد قريب المنطقة خالية ..ليش ماتكلمتم من بدري ..

لكن في مسجد تعديناه بنرجعله ان كان تصبر .

سمعت عادل يكلم أحد ..وشوي وأسمع صوت راما تصايح ..

ضحكت وعادل يقول : جنب جنب .. مابنا صبر..

جنبنا بالسيارات على جنب ونزلنا منها ..فرشنا الفرشة عشان نصلي المغرب

وسمارا وراما راحو على جنب ومعهم رامي .. خلصنا من الصلاة وطلعت جوالي ولقيت اتصال

من ابو سعد .كلمتة وجلس يوصف لي الطريق ..قفلت منة والتفت على عادل ورائد

جالسين على كبوت سيارتي ويدخنون ..

طالعتهم بإشمئزاز : خير أنت وياه رايحين عند الناس وريحتكم دخان . وثاني شئ

تبون تدخنون انقلعوا هناك بعيد عن العيال ..

تحركوا بهدوء من غير ولاكلمة مشى عادل لسيارتة ورائد راح يكمل على سيجارتة ..

ركبنا السيارات وأنطلقنا على حسب وصف أبو سعد .كنا نمشي على خط مزفلت

ومظلم وبعده أنقطع الخط وبدينا نمشي على طريق جلد (ترابي )..

وظلمة تحيط بالمنطقة مايميزها الا إضأت البيوت المتباعدة عن بعض ..

وقفت بعد ماحسيت أني ضعت .. ورجعت دقيت على أبو سعد . قال انه بيرسل

واحد من العيال يجي لنا ..

نزلت من السيارة وأنا امدد ارجولي وأحركها من بعد السواقة ..هبت على نسمة هواء باردة محملة

بريحة التربة على ريحة الغنم .. مزيج عجيب ..

وصوت الغنم وصوت كلاب من بعيد تقترب مبددة صمت المنطقة .

ورحت لسيارة عادل والهدوء يعم السيارة.والثلاثي المرح ساكتين واجمين ومنصتين

للصوت .. طالعتهم باستغراب : سلامات وش فيكم

قال عادل وهو مسوي عمره خايف : عمار تسمع صوت الوحش .. وبعدها فكها ضحك

ههههههههههههههههههههه ..

وسمارا تضرب على كتفة : حرام عليك جننتهم .. قسم بالله ليلصقون في السيارة

ماعد ينزلون منها

رحت لباب الخلفي وأنا أفتحة : الله يقلعك ياشيخ .. ماعلي ألا من ولدي

أما البقر اللي وراك يخوفون بلد ولا يخافون ..

شلت رامي اللي تعلق فيني أول ماشلتة وهو يقول : بابا الوحس .. هووهوو ..

قلت وأنا اقرص عادل عشان يسكت من الضحك : عمك خراط يضحك عليك

مشيت به خطوتين وأوريه المنطقة شوف حبيبي مافي شي ..

سكت يوم شفت سيارة تقترب منا وتكبس بأنوارها عرفت أنه مرسول ابو سعد

وقفت السيارة ونزل منها بطوله الفارع وهو يسأل : عمار

قلت بأبتسامة : وصلت خير ..

أقترب وهويسلم :مرحبا مليون يالله حيهم ..معاك صعب بن عبدالله

قلت : والنعم والله وسلمت عليه

نزلو العيال من سيارتهم يسلمون علية قال وهو يشيل ولدي رامي ويسلم عليه :

بسم الله ماشاء الله من ذا المزيون ..

قلت : ذا الشيخ رامي ولدي ..نزله وهو يقول : الله يخليه لكم هيا خلونا نتحرك

ركبنا السيارات وتبعنا الرجال قلت بتحذير بعد ماشفت أننا أقتربنا من البيت : الحين

وصلنا عند الناس شغل الخز بالعين وقط الكلام ماأبيه سمعتم ..

لف رائد وجهه وجابر يتأفف ..

وصلنا ونزلت من السيارة وصعب يأشر لنا على باب الحريم ..

عدلت شماغي وقلت لسمارا تروح لجهت الحريم وجيت ماشي والا الشيخة راما

معنا ..وسمارا تأشرلها تجي معها.. قلت : خير وين رائحة ..

قالت : معكم ليه يروح راكان وأنا لا..خزيتها بعيني وأنا أشر لها تروح لسمارا : بنت تحركي لاختك بسرعة ..
تحركت وهي تبرطم ومادة البوز ..ومسكت يد رامي ودخلت مع سمارا

سميت بالله وتوكلت على الله وأنا ماني داري هل هاذي بداية خير لنا ..

ولا مفتاح للشر نفتحه علينا ..








**************




طيبة بنت عبدالله ...





جالسين في مجلس الحريم أنا وحمواتي وبناتهم وأمي اللي جالسة على فراشها وتسبح وتستغفر

سألت شهد بملل وهي حاطة ايدها على خدها : عمة وين ضيوفكم

بيأذن العشاء وهم مابينوا..

قلت وأنا أضرب يد وعد اللي تمدها لصحن الحلا: وأنا ادري عنهم .

عمك صالح دق عليهم في العصروأكدوا على حضورهم لكن مادري وش وخرهم

.. يمكن مضيعين الدرب(ضربت يد وعد مرة ثانية اللي انمدت والتفت عليها )

انثبري .

مسحت وعد على يدها وقالت بدلع ماصخ : عمووه عورتييني ..

قلت بتشفي : تستاهلين

وفجاة نطت علينا زهرة وهي تخطف صحن الحلا

من قدامي وتشرد به وتنادي على وعد : تعالي أنا فداك والله مايجلس بخاطرك.

. راحت لها وعد وهي تضحك بانتصار ..

وأنا اطالع فيهن بصدمة والبنات يضحكون ..

وبردة فعل متأخرة بعد ما زطوا نص الصحن : جعله مايحدر في بطونكن.

عساااه سم إن شاء الله..

قلت زهرة وهي تمسح على بطنها وهي تضحك :تدعين ولا ماتدعين ماكلينه ماكلينة

جعله في بطني وبطن وخيتي بالعافية ..

قطع علينا دخول ولدي نواف وسارة بنت فايز وهم يصايحون : الضيوف جو

.الضيوف جو..

وقامت الغرفة واقعدت وحدة نطت عند مراية المغسلة تدعج في هالعين

وحدة تزبط في لبسها ووحدة تبخ من ذا العطر وأمي تصايح عليها: كان كان(يعني كفاية)

حشرتيني الله يحشرك ..

وفي كم بقرة لاصقات في الشباك المطل على الحوش

الــــ شــــ بــــاكـ وبصدمة : جعلكن ماتربحن بتفضحونا عند الناس ..

اشهقنه البقرات وقالت زهرة بغباء : انفـــــــضـــحــــنا

ولا كملت الكلمة والا كرتون المنديل صاقع

بجبهتها مني ..و أمي تخاصم وهي تحرك يدها بزعل : ياللي ماتستحن ..

رباتسن على ايدي ياقليلات التربية ..توايقن عالرجاجيل .

رحت لامي وأنا اهدي فيها : يومه تركي عنك هالخبلات دواهن عندي

الحين ضيوفنا جو تعوذي من الشيطان ..

تعوذت من الشيطان وقمت وأنا اعطيهن نظرة حارقة ..

وقفت عند الباب استقبل الضيوف .. دخلت علينا سمارا .وبجنبها بنت صغيرة وولد

رحبت فيها وسلمت عليها وقلطتها لمجلس الحريم ..

دخلت المجلس وأستقبلتها أمي بالترحيب : حي الله من لفى علينا يامرحبا يابنت

سطام تراحيب السيل والمطر ..سلمت على أمي وخدودها بتولع من الخجل ..

وسلمت على باقي البنات ..والعوبات مسكن الولد اللي معها وقطعوا خده تبويس

والبنت الصغيرة تسحب فيه من بين ايديهم بزعل ..

وأنا اخزهم بعيني الله لايفضحنا .. فشلونا قدام البنت..

نزلت عبايتها بهدوء وهي ترد التحية لحمواتي وأمي ..

اخذت عبايتها .. وطلعت عشان اجيب القهوة ..

دخلت المطبخ ودخلنا البنات معي جات زينة بنت متعب وهي تكش على شهد

بنت ناصر : مااالت عليك مقطعتنا بحلاتك أنا بيضاء أنا بيضاء ..

روحي ياماما شوفي البياض على أصوله ..

قالت شهد بأستسلام وهي تتطالع أيديها : صادقة ..والله يوم أقارن نفسي معها أطلع

عبده جنبها ..

وجت زهره ووعد وهن يتفدين بالولد قالت وعد : يومه يومه يجنن الولد

كنه كوري ياقلبووو تعتقدون من ولده ..

قالت زهرة وهي حاطه ايدها على قلبها : خليك من الكوري عليك بالمزاين الاربع

اللي دخلوا كلن يقول الزين عندي ..بس واحد منهم أسمراني شكله منا بس

مزيووون أوووه ياقلبك يازهرة ..طاح حظكم ياعيال عمي ..والله لويدفعون لي

مليون مأخذت منهم ..

ضربتها على قفاها : بنت استحي على وجهك ..

قالت بعبط وهي تمسح محل الضربة : عمه الله يهديك الله يهديك أن الله جميل يحب

الجمال وأنا جالسة أمدح خلق الله وأشكره على فضله اللي طول عمري له اليوم ..

وأتخذ هالقرار المصيري ..

قالت شهد : والخيبة الا فكتن منك فكة تفكين عيال عمك من شرك ..

الا ربي راضي عليهم أن مأخذوك ..

سكتهم وأنا اقول: أمشينه وخلينه السوالف لبعدين




****************



سمارا بنت سطام ...




في مجلس عمي صالح ...

مازلت أحس بتوتر ورهبة اللحظة الاولى ..جالسة بين بنات عمي ..وزوجات

أعمامي قدامي.. وزوجة جدي عبدالله في الجانب الثاني من المجلس على مفرش

مخصوص لها ..

بداية يومي ماكان يخلو من بعض المناوشات بين رائد وعمار وجابر ..ومحاولات

هروب باءت بالفشل ..وأبوي نائف أعتذر عن الحضور بسبب التزاماتة ..

وأعطى أوامر صارمة بردع من تسول له نفسه بإفشال مباحثات السلام بين العائلة .

تحركنا من البيت قبل المغرب .. والطريق ياطوله ..حشى سفر مو زيارة ..

انكسر ظهري وأنا جالسة .. والشيخة راما طبعا شاربة قربة ماء ..وتورطت في


الطريق .. وذبحتنا صياح تبي الحمام ..جنبنا ونزلنا وضينا وصلينا المغرب ..

سلمت من الصلاة ورحت لسيارة عمار أبغى منديل ..وأنا واقفة خلف السيارة ..

سمعت رائد يكلم واحد ويقوله : أنت ماعندك كرامه ..تطارد واحد هانك ..

ومسح بكرامتك الارض .. وش تبي فيه .. قسم بالله لاسحب عليك ..ولا تعرفني

ولاعرفك ان ماصطلبت وغديت رجال..وقفل منه وجلس على كبوت السيارة حنب

عادل ..


اوووخس مره وحدة لاتعرفني ولاعرفك ههه ..تسوي فيها دق بالكلام يارئوود ..

كذاب مسوي نفسك تكلم واحد ومقصد الكلام لي ..وبالطقاق يطقك ..واللي في

رأسي بسويه ولا علي منك .. ومرادي وبوصل له.. واللي فيها فيها ...

دخلنا المنطقه اللي وصفها عمي صالح لعمار .. وضيع عمار الطريق ..

جدا جدا مظلمة مايبان فيها غير أنوار البيوت .. كل بيت على رأس جبل ..

اقتربت سيارة منا ونزل واحد ولّ عليه ياطوله ..بس لحظة كنه عمي سالم ..

أقترب من ضوء السيارة .. ودققت النظر فيه لا موهو بس في شبه ..

مشى بسيارته ومشينا وراه.. ووصلنا لبيت عمي بالسلامة ..نزلت من السيارة ..

وراما بغت تروح مع عمار وطردها .. ورجعت تبرطم ..ولفتني شي أرعبني ..

ونحن متوجهين للبيت ..يومه البيت على جهت الشفا ..والوادي تحتنا ..مانبهني له

الا انوار البيوت اللي في الوادي..مسكت يد راما ورامي وشديت عليهم : راما

أمسكي بيد رامي ولا أشوفكم معتيبن عتبة الباب أن دخلنا والا والله لتنجلدون

سمعتي .. هزت رأسها بطفش ..سميت بالله ودخلت للبيت ..وأستقبلوني بكل

ترحيب وفرح .. لدرجة حسيت بخجل بذا الاهتمام ..وتفاجأت بأمتلاء البيت بالحريم

والصدمة إنهم كانوا العائلة وبس ..عائلة سعد الشهبان ..

جلست في مجلس جدا متواضع فارشينه بزولية ايرانية ومساند ..

وفرشوا عليها سفرة بطول المجلس ووضعوا عليها كل ماتشتهيه نفسك ..

الحلا بأنواعه والمعجنات بانواعها وعصيرات

وقهوه وشاي كله شغل البيت ..وفواكه اللي يحبها قلبك ..

وسوالفهم وهروجهم عفوية .. وضحكاتهم صافية وطالعه من قلب ..

عرفتني عليهم (ام سعد ) لحد ماوصلت لزوجة جدي عبدالله ..

وهنا ضعت وتهت.. وهي باقي عائشة .. يعني بقدر أوصل للحقيقة ..

برتاح بعد سنين الوجع والهم ؟..بلقى مسكّن الراحة اللي لقاه أبوي ؟

..بينتهي الضياع...

عشنا حياة مع جد كاره وناقم على نون النسوة ..

حرم أبوي من شوفت أمه طول ماهو عايش .. مقولته الدائمة النسوان مامنهم الفود

..ماوراهم غير قهر الرجال .. الله يبعد أرضي عن أرضهم ....

لدرجة حاول يمنع أبوي من الزواج علته بيكسرون ظهرك ويمرغون راسك

بالتراب ..ويفضحونك بين العرب ...

لكن أهل الخير تدخلوا وحلوا الموضوع ..وتزوج أبوي من أمي ..وذاقت المذله مع

جدي ..وكل ماجته الفرصة أهانها بحجة أذلك قبل ماتذلينا .. ومع ذلك تجلدت أمي

بالصبر.. وتحملت الاذى بوقفة أبوي معها ..

لكن جدي هو اللي أذل أبوي وذوقه قهر الرجال .. أوصله حد التخمة من الطعن في

شرف جدتي عادلة .. في كل وقت ينتهز فرصة سرد فضائحها له ..

وصار أبوي ناااار شاعلة .. ما هدى وأنطفت ناره ألا بمقابلة ( أم فهد ) زوجة

جدي عبدالله ...

ناظرتها وأنا فكري لبعيد ..راح أعرف الحقيقة .. وبوصل لها ... قريب بإذن الله ..


*********************
عائلة حسين سعد الشهبان ....

زوجتة الاولى وضحى له من الابناء منها :

1- نورة متزوجه من خارج القبيله ..

2- ناصر زوجته سهيله اولاده جاسم 20 – شهد 25 – ضحى 23 – سميه 15

3- شملاء زوجة صعب ذكرت في البارت السابق


زوجته الثانية عادلة له من الابناء منها ..

1- متعب زوجته أم الزين بنت عمه حسن اولاده ماجد 27 – عمران25 –حسن10- زينة 23

– زهرة 17

2- فائز زوجته متوفية اولاده خالد 28 – مصلح 24 –سلطان 18 –

جليله 26-سمر 20 – سماهر 10 –ساره 4

3- صالح متزوج طيبه سبق ذكره في البارت السابق

4- سالم عزابي ...



قــراءة ممتعة ...

لا تلـــهيكم الرواية عن الصلاة...



خـاتمة ... الضيقه هي اصوات خانقه تقول لك !
لقد امتلأت بالذنوب ، فَ استغفر ربكَ !*
استغفر الله الذي لا إله إلا هو الحي القيوم وأتوب إليه."

[لامارا]

البارت ( 7 )...




سمارا بنت سطام ...





لا إله الا الله .. جلست تحقيق صارت .. من يوم جلست استلموني حريم أعمامي

أسئله .. وين ساكنين ..وين تشتغلين .. وليه نقلوك هنا .. ومن معك من اخوانك ..

وكم اخوانك وكم اخوالك ..وين بيتكم في جدة .. وش كانت وظيفة ابوك وكيف مات

ابوك ووووو .. بقي ماسألوني وش تاكلين وش تشربين ..

( لقافة حريم ) الله يكفينا شرها ..

قالت شهد بنت ناصر : هيييي يالربع البنت نشف ريقها .. واحرجتوها ..تعوذوا من

الشيطان وخلو الاسئلة للجلسة الثانية ..

قالت جليلة بنت فائز : وهو بقي فيها جلسة ثانية .. هذا وجهي ان دقت لكم باب بعد

اليوم ههههههههه ..

قالت زهرة : قريت خبر في الجريدة يبغون لهم محقيقن في المباحث .. عزالله

مابيلاقون خير من عماتي هههههههه..

قلت بابتسامة ظاهرية وفي قلبي الله يرحم والديك اللي فكيتيني منهم : عادي

ياقلبي.. مابه احراج ولاشئ ..

قالت أم فهد : وش ذا المصاخه فيكن .. اسكتو ا عن البنية ..ولا عاد تسالونها ..

خلوها على راحتها .. الا يمة سمارا كم تستلمين راتب ؟؟؟

لاحوووووول

انفجرت زهرة ضحك ومن شدة انفعالها ضربت كتف وعد اللي كانت مائله للامام

وماده يدها للصحن الحلا اللي قدامها تبغى تاخذ قطعة منه ..ومن قوة الضربة

فقدت توازنها وطاحت عالسفرة .. عم الهدوء في الغرفة والكل يطالع في وعد

حطيت يدي على فمي وانا ماسكه ضحكتي بالقوة لاتتطلع واتفشل من شكل الحوسه

اللي صايرة بوجه وعد ..

: ههههههههههههههههههههههههه ه البنــ ههههههه البنــت طاحت

هعهعهعهعهعههعههععههعه..

انصدمت من راما اللي تضحك بعالي الصوت وتأشر على وعد

طالعت فيها ابغاها تسكت اغمز اقرصها بعيوني ماااش... البنت دوبها انفكت عقدتها

الحين.. ياحبها للفشايل..

وبعدها دورا للحريم .. متسدحات من الضحك .. وزهرة شردت وراحت توقف عند

باب المجلس ومتمسكه فيه والبنت رايحه فيها من الضحك ..

رفعت وعد رأسها وهي مبرطمة والكيكه لاعبه في وجهها ..هههههههه

قالت وهي على وشك تبكي : لا تضحكون .. لااااا تضحكون ....

لكن مين يسمع لها ...

طالعت في زهرة وهي تناشق وتمسح الكيكة من وجهها : زهروووه الله ياخذك

يازفته الله يصيبك يامعفنه ياحيوانه ياييييي ..

واستمرت الشتائم ..وام فهد تهز راسها تستغفر مو عاجبها الوضع ..

راحت لها سمية بنت ناصر وهي تضحك : تعـــ ههههه تعاليييي ههههههه اااامسح

وجههههك هههههههه هذي من الفجعة الله يصلحك ههههه ماكأنك شايفة خير
ههههههههه

دفتها وعد وقامت وهي تمسح وجهها بيديها بقوة وراحت بحقد باتجاه زهرة اللي

يالله قادرة توقف من الضحك ..شردت زهرة بالقوة ووعد لحقتها وابتعدوا عن

نظري وبعدها سمعت زهرة تصيح : فكوو ههههههههنييييي مننننهاااااا ههههههههه

بمووووووت يوووماااااههههههههه .. ووعد شغاله سب وشتم ..

ونحن ميتين ضحك عليهم ..وعصبت الجدة أم فهد من الدوشه وبصوت عالي : والله
ان قمت عليتس انتي وياها لتأكل هالعصاة من ظهورتسن ...ياقليلات الحيا مالقيتم

من يربيتس انتي وياها .. ووجهت الكلام ل أم الزين وشملاء . . هذي رباتسن

الخايسه ..لافي حي ولا مستحى ماعد يقدرون لاتسبير ولاصغير ولا ضيف ..

سكتن الحريم بالقوة وقامت شملاء وام الزين للبنات ..ودقايق وهدء الجو ..بس كاان

جو ممتع ..

جلست أسولف مع البنات وشوي وأحس بنغزات بكتفي التفت على يساري لراما

..قربت مني وقالت: أبي أطلع ..

وبكلمة وحدة رديت : لااااا ..

برطمت وقالت : ليش طيب .. شوفي الولد والبنت جالسين يطلعون ويدخلون

ويلعبون وأنا هنا أوجعتو راسي بسوالفكم ..مابي أبي أطلع ..

قالت طيبة بمداخلة : خليها يمه تطلع ..مابه خلاف عليها برا ..

حاطين لهم ملاهي جنب البيت بيلعبون فيها ..

قلت : والله ي أم سعد مكانكم يخوف على شفا .. وراما مجنونه ..

قالت : اقولك ماعليها خلاف .. الملاهي بعيدة عن الشفا ومكانها مظلم بيخافون منها

..وأردفت .. ألا ما قلتي لي من ذا الحلو معكم ؟؟

قلت : هذا ولد أخوي عممار ..

قالت : بسم الله عليه .. لكن والله ياملامحه أن به عرق ثاني ..ماهي عروق سعودية ..
ضحكت عليها :هههههههه وكيف ميزتي ذا العرق على قولتك ..

قالت وهي تتمعن بوجه رامي : والله من ها العيون المسحّبه ..

انتبهوا البنات للسالفة ..ونطت وعد عندنا بعد مانظفت وجهها وقالت بشهقة : ياويلي

امه كورية.. يومه يومه ياقلبي .. انا قايلة انه به عروق الكوريين ..أخيرا بعد طول

انتظار أشوف ولد كوري وجها لوجه..ياااه تحقق حلمي ..
ضربتها طيبة على راسها وقالت :أنتم ماأخذ بعقولكم الا الكوريين .. لكن دواكم
عندي والله لأعلم صعب عليك ليقش ذاك التلفزون من عندكم .. ماخرب عقولكم الا
هو ..

قالت سمية بنت ناصر: والا وشرايكم تدفنونا بعد ..ترى هذي أحسن طريقة عشان

تضمنون ماتخترب عقولنا .. ادفنونا وأرتاحو من همنا ..

قالت زهرة يتأيد : والله صادقة .. لا تلفزونات ومخلينا نتفرج فيها زي الخلق

..ماخليتم لنا نتفرج فيه الا السعودية الاولى والثانية ..الله يديم النعمة من زين

برامجها .. لا وبعد أذا طلع فيها رجال مزيون ..تقوم القيامة علينا ..ماعد خليتم لنا

الا تلفزون بيت جدي عبدالله .. هو الوحيد الزين بها الديرة ..

قالت وعد : صحيح وخروا عن تلفزيون جدي .. موكفاية حارمينا من الجوالات ..

وش ذا الزمن .. اللي أعرفة أنه زمن تطور وتكنولوجيا .. لكن اللي أشوفه زمن

جهل ..كفاية أني أتفشل من صحباتي .. كل وحدة معها جوال أخر موديل .. ويوم

يطلبون رقمي .. أعطيهم رقم أمي .. شفتم كيف الاحراج .. قهر والله قهر ..
لازم اذا أتصلوا يكلمون أمي بالاول وبعدين تستلمهم أمي تحقيق .. من انتي ؟؟
وبنت من ؟؟ وش تبين بوعد ؟؟ وعلى بال ماتكلمني لازم تقطع شوط الاسئلة اللي

ماتنتهي ...

قطعتهم طيبة وهي حاطة يدها على رأسها : بس الله وأكبر علييكم .. فقعتوا راسي ..
فين كنا ووين صرنا .. وجع يوجعكم ..ماصدقتكم وانفتح لكم مجال هبيتم فينا ...

قالت سمر بنت فائز : والله ياعمة صادقين .. ماقالوا الا الصحيح .. أقرب مثال لكم

أنا ... مع أني طالبةجامعية .. واقطع مسافة للجامعة يعتبر سفر ..مامعي جوال ..

لا سمح الله خربت السيارة علينا ... السواق ماجانا .. راح السواق وخلاني ..في

مين اتصل ذا الوقت .. هااا قولو لي ..

قالت طيبة : اول حاجة والله هذي عوايدنا من زمان .. نحن قبلكم ماطرنا ورا

التلفزونات والجوالات .. وشوفنا عايشين يالله من فضله مانقص من أعمارنا شي ..

ثاني حاجة ماتشوفون ذا الزمن ماعد ترتجي من أحد خير صار الخوف مو من
الرجال .. صرنا نخاف من النسوان نسأل الله السلامة .. لاعد فيه خوف من الله ..


ولاحيئ من خلقة .. نفعل المنكر ونتفاخر فيه ..عشان كذا نحن نحميكم من وقوعكم

في ما يغضب الله ..وش ترتجين من هالدشوش غير الخزي والمصاخة ..

قلت بمقاطعة : والله ي أم سعد كلامك معليه منقود ..لكن ترى الكبت يولد الانفجار

.. التلفزون فيه الزين وفيه الشين لكن بموازنة الامور ومتابعتها بتلقين الفايده منه ..

والتلفون بعد فيه الزين وفيه الشين الوحدة أذا وضعت رب العباد نصب عينها

ماعليها خوف .. بالعكس الوحدة بخوفها من الله .. بتخاف على سمعت أهلها

وبتخاف على نفسها .. ومستحيل بتقرب من المنكر .. ولاتنسين التربية لها دور ..

اذا انتي مربية بنتك ولا ولدك على الثقة .. وركزت هالشئ فيهم .. والله ماتضيع

تربيتك هباء .. أنا ولله الحمد أعطوني اهلي ثقتهم .. والحمدلله ماخيبت ثقتهم فيني ..

عندي الجوال والتلفزون والنت وسواق خاص فيني .. ماضعت ..

قالت زهرة بابتسامة عبيطة : سمارا وش رأيك تتبنوني ..أعطيهم أختك راما

وخذيني بدالها ..تراني حبيبه أزين من أختك .. ههههههههههه

التفت لراما وانصدمت من عدم وجودها .. ورامي بعد ..يومه وينهم ؟؟

قلت لزهرة : ماعليه بفكر لكن الله يسعدك دوري لهم شوفيهم وين راحوا ..

قامت زهرة تناظر من الشباك وقالت : في الملاهي مع نواف وسارة ..تعالي

شوفيهم ..

قمت اطالعهم من الشباك و قلت : ماعلي من راما بسم الله عليها جنية تعرف لنفسها

لكن رامي أمانه عندي بخاف يصير له حاجة ولا شئ..

قالت الجدة أم فهد : الا وين أمه عنه ..

قلت وانا ارجع مكاني : أمه وابوه متطلقين وأمه متزوجة ...

شهقت طيبة بحزن : يالضعيف .. حرام يتشتت المسكين بين أمه وابوه ..

والله يمه الطلاق مافيه الا خراب البيوت ..

قلت : صدقتي الطلاق مافيه الا خراب البيوت .. وأحنا حاولنا نصلح بينهم لكن

النصيب انتهى .. ولو كان بيدي شي عشان يرجعون لبعض ماقصرت ..

قالت أم فهد : وأمه من أي عرب ...

قلت : والله أم رامي الله يسعدها وين ماكانت موسعودية .. أفغانية عايشة بالسعودية ..

قالت أم فهد : وليه يوم ياخذ له وحدة ماهي من أصله بناتنا يامكثرهم في البيوت ..

وكلنا تقول الزين عندي .. وهي تشير لبنات عمي ...

قالت زينة : بنات كن أمي صيته تعرضنا لسمارا ههههههههه

نطت زهرة عندي وهي تقول بميانة : خلاص مابي تتبنوني .. موافقه على أخوك

على سنة الله ورسولة ..وبربي ذا البزر بعد أهم شئ أعتقوني من هالعايلة

خخخخخ..

ولاحست ألا بعصاة أم فهد على كتفها : قومي خيبك الله من بنية ...

قالت أمها أم الزين : الله حسيبك من بنت ... يامفشلتني في كل مجلس ..

قلت بمحاولة لتغطية احراج زهرة : والله يابخته من بياخذ زهرة كفاية ان سوالفها

ترد الروح وجلستها ماتنمل ...

قالت اختها زينة : والله انك مسكينة مخدوعة فيها ..الا من بياخذها ربي بيدخله

الجنة من غير حساب مدام انه صابر عليها ههههههههههه...

واستمرت السوالف لوقت العشا وبعدها تم استدعائي للسلام على جدي عبدالله ..



****************

عادل بن نايف ...





قهوة وشاي وضيافة زينه وعلوم رجال ..استقبلونا عند وصولنا بكل حفاوه وأهتمام

.. كان أهتمامي بالكامل موجهه لجابر .. من بداية دخوله وأعصابه مشدودة ومتوتر

لشوفت عمه صالح .. لكن بعد ماسولف مع عمه شوي هدء واستكان ...

وشوي شوي دخل بالسوالف مع واحد من عيال عمه ..ورائد اللي من يوم وصلنا

ماد البوز ومكشر ولاحد عاجب سموه ..لكن بعدين شدته هروج جابر وانجذب لها
..
لااااا مدام أنه هدء أكيد اللي يسولفون معه من طينتهم ..

بعد العشا وبعد ماتفرقوا الضيوف طلب ابو فهد من سالم ينادي سمارا ..

وخرجوا العيال من المجلس وطلعوا برا .. وشوي ودخلت راما ياستحياء ياربييي

مقطعها الحيا .. وماسكه يد رامي وتتلفت وشافها راكان وراح لها وبس شافتنا

وتسحب رامي وراها ..ودخل سالم بعدها وهو مبتسم ...

وتعطيه ابوه وبنفخه : أمسك ولدك طفشني ..كلهم يفغصون خده .. وهو خبل

مايسوي شي..

مسكه عمار وبأبتسامة : هلا بالزعول .. طيب ليش ماتضربيهم .. ماشاء الله منتي

مقصره في أحد مخطي في حقك .. ورأ ماتأخذين بحق ولدي ...

سكتت يوم شافت سالم جلس جنبي وتناظره بحققققد ...

قال سالم بضحكة : يالله سكنهم مساكنهم وش ذا البنت معكم .. بغت تقطعني يوم

شلت ولدك بسلم عليه ..

ضحكنا عليه وقالت وهي مستقويه بوجودنا معها : وليش تفغص خد رامي ..

وكملت وهي تناظر عمار .. هو والبنات المعفنات اللي جوه قطعوا خده ..

ضحك سالم : أجل بها بنات معفنات .. مافيه الا زهره ووعد .. ماهجوا منهم

بزارينا من أمر خير هههههههههههه

نادى أبو فهد على عمار : من ذي المزيونة معكم ياعمار ..

رد عمار عليه بإبتسامة وهو يشد راما ويبوسها : ذي الشيخة راما .. بنت أبوي

سطام ..

أبتسم لها أبو فهد وقال بمحبة : تعالى وأنا جدك .. تعالي أسلم عليك ..

طالعت في عمار وبهمس : عمار مأبغى ..

قام عمار وأعطى رامي لجابر ومسك يدها : عادي حبيبي سلمي على جدو عبدالله ..

تراجعت وراه بخجل لما وصلت له ودفعها عمار بشويش وسلم عليها أبو فهد ودخل

يده بجيبه وطلع ورقه نقدية بقيمة خمس مئة ريال ..وأعطاها لراما اللي بغت تتقطع

من الفرحة .مسك عمار يد أبوفهد الممدودة لراما : ياعم مافي داعي للكلافة البنت

ماقاصرها شي الخير واجد ..

قال ابو فهد وهو يبعد يد عمار : علي الطلاق لتاخذها .. وهذا أقل من حقهم ..

سكت عمار وراما ماصدقت راحت تسلم على أعمامها اللي في المجلس ..

ورجعت لنا وهي ماسكه فلوسها ومطنقرة وقالت : وعع وشذا البخل رحت سلمت

عليهم ولاعطوني قروش زي جدي عبوود ..

مسكت على راسي وأنا مقهور منها : أسكتي أسكتي الله يفشلك أنتي اصلا وش

مجلسك معنا هااا ..

وسالم دورا عليه ماتلاقونه متقطع من الضحك : هههههههههههههه اآآآآه يومه

عجيبه هالبنت لااااا وبعد جدي عبووود ههههههههه خلاص بعطيك قروش

وناديني عمي سلوم هههههه..

طالعت فيه بغيض قالت : لااا ماأبغى قروشك .. وبناديك بس سلوم مابقولك عمي ..

سكتنا يوم سمعنا ضرب في الباب وسمارا تنادي عمار .. فز لها عمار : حياك وأنا

أخوك مابه غريب ..

دخلت بهدوء وهي لابسة عباتها ولافة الطرحه على رأسها ..

وسلمت على أعمامها وجدها اللي طيرها للسماء بالترحيب .. وهي ترد عليهم

بخجل .. وجلست بجنب جدها عبدالله ..

وراما وراكان ورامي طلعوا برأ يلعبون ..

قال أبو عبد الله وهو يمسح على لحيته :أنا جامعكم اليوم حتى نصفي القلوب

والنفوس ..ونجمعها على خير ...وننهي سنوات القطيعة والفرقى ..

أنا ياعيالي ويشهد الله علي حاولت سنيني اللي مضت ..اصلح بين أبوكم سطام وبين

أخوي حسين ..لكن ربي مكتب صلحهم .. الاثنين أعند من بعض .. كلا ً يقول

مايمشي الا قولي ...

قال جابر بمقاطعة : ولا مقطوع بهرجك ياجدي .. لكن وش كان بينهم ؟؟ وش ذا

الامر اللي بيخليهم يكرهون بعض لهدرجة ...

قال أبو فهد : اللي كان بينهم الشيطان عويذ الله منه ..بينهم أمراً راح معهم وأندثر

قال جابر وهويتعدل بجلستة : لكن أنا ابي أعرف مدام انها جلست تصفية نفوس

على قولك .. ومن حقي أعرف ..ليه أبوي كل ماراح لكم يرجع مقهور ومغبون..

أنا واعي باللي صاير فيه ماني بغشيم .. واخر رجعة له بغت تأخذ روحة ..

مسكت على كتف جابر أهدية من الانفعال .. ونظري مسلط على سمارا اللي منزلة

عينها للارض وهادئة ..

قال أبو فهد بتأكيد لانهاء الامر وهم ماسك كف سمارا : أثنينهم غلطوا وأثنيهم دفعوا

ثمن غلطهم ..وأمرهم أنتهى وراح معهم .. وصار ماضي ماعاد حنى بفاتحينه ..

والقطيعة هذي ماترضي الله ولارسوله .. ودرب القطاعة انتهى من اليوم ..وبأذن

الله مانحن بقاطعينكم ولانتم بقاطعينا ..وبيتي وبيوت أعمامكم مفتوحه لكم في أي

وقت ..

قال عمار : صادق ياعم عبدالله .. وهذا اللي نبيه .. عودة الماء لمجراه ..

انتهى الاجتماع بسلام .. خرجنا برا بعد ماودعناهم ووعدناهم بالعودة .. ودخلت

سمارا للبيت تودع الحريم ...وتوجهنا على البيت .. وفي السيارة ماينسمع الا شخير العيال .. سالت

سمارا عن أحساسها بعد شوفة اهلها ؟؟

قالت وهي مركزة عينها لنقطة معينة : أحس بــــــ ......





**************


جابر بن سطام ...



فترة ما أكتشفت موضوع أعمامي وخبروني عن عزيمتهم .. جاني تبلد أحاسيس ..

أنا انسان عايف وبالثلاث لكل من قهر أبوي ..ليه مايفهمون ولايحسون .. وش

الشي اللي بلاقيه من روحتي لهم غير الهم ووجع القلب ..لااا وأبوي نايف صامل ..

أنا عارف مالعب برأسة الا سمارا ...

دخلت عندهم البيت والوضع كان عادي يعني فيه شوية توتر .. بس يوم شفت عمي

صالح أنقبض قلبي وحسيته بيخرج من صدري من كثر مارجف بقوة ..

بس بكلمتين منه .. أخذت نفس برد على صدري .. صحيح يشبه ونسخه منه ..

بس مو بالاسلوب ولا طريقة الكلام .. نسخة مناقضة لابوي ..

تعرفت على واحد من عيال عمي .. اسمة سلطان مجنون سيارات ..على مودي ..

مني كلمة ومنة كلمة .. واتفقنا على طلعة شبابية بأقرب وقت ..

لان وراي رجعة لجدة بقدم أوراقي على كلية الطب بالجامعة ..


قراءة ممتعة ....


لاتلهيكم الرواية عن الصلاة ..



خــاتمة ... اللهم احفظ بلادي وجميع بلاد المسلمين من الضالين المخربين ..

اللهم برحمتك نستغيث اصلح الحال بين الشعوب وألف بين قلوبهم و وحد امة الاسلام فيما

تحب وترضى يارب العالمين اللهم امين امين امين ..

اللهم احفظ امننا واستقرارنا واهلنا وشعبنا وبلادنا ..

اللهم احفظنا بالاسلام وادم علينا الامن والامان اللهم لاتغير علينا ولا تغير مافي انفسنا

ولا تضلنا ولا تولي علينا من لايرحمنا ولايخافك فينا اللهم ادم عزك ياااوطني

اللهم اجعلنا سالمين آمنين في بلادنــا وباقي بلاد المسلمين يارب العالمين

اللهم برحمتك نستغيث اصلح الحال بين الشعوب وألف بين قلوبهم و وحد امة الاسلام

فيما تحب وترضى يارب العالمين اللهم امين امين امين ..

اللهم احفظ امتنا الاسلامية من كل سوء .. اللهم أبعد عنها الفتن ماظهر منها ومابطن

اللهم قنا شر الفتن ما ظهر منها وما بطن اللهم وفقنا للخير والحق

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

اللهم لا تجعله مشتبها علينا فنضل .

[لامارا]

البارت ( 8 )...




صعب ....





خرجنا أنا والشباب برأ وجلسنا على دكة .. قدام بيت صالح ..طلعت سيجارة

ودخنتها مدام ان الشيبان مو بحولي ..وناصر عوّد لبيته .. وبقية عيال عمي حسين

في المجلس مع عيال أخوانهم ..ماحولي غير عيالهم ماعلي فيهم ..جالسين

يطقطقون بالبلوت ..جاء ماجد وجلس جنبي : صعب عطني ولاعة ...

رميتها له وجلست أتابع الشباب ..ومصلح ولد فايز جالس يسوي شاي عالجمر ..

أخذت فنجان .. وجات سارة بنت فايز ورمت حالها على أخوها خالد اللي يلعب

بلوت ..ونواف ولد صالح جلس جنب أخوانه ..إنا لله أجتمعوا البزارين .. ياغثاثتهم

.. جيت بطفي السيجارة .. والتفت للخلف برميها .. والا الثلاثة اللي واقفين وراي

يتفرجون فيني .. خلعوا قلبي ..حسيت برعشة تخللت جسمي.. سميت بالله .. وأنا

ارميها وأطالع فيهم : خير ان شاء الله وش مجلسكم عندي يالله روحو العبوا ..

قالت البنت البيضاء راما : أنت ليش تدخن ..

طالعت فيها بنص عين : الله من اللقافة ..قومي فارقي جوه يالله ..

قالت وهي تمسح على شعرها اللي يلعب فيه الهواء بيد واليد الثانية ماسكه فيها

كورة : أنت ماتتعور بعدين يوجعك صدرك من الدخان زي حبيبي رشودي صار

قلبه يعوره ويكح بقوة ..

التفت عليها ماجد بسخرية :حبيبك رشود ماشاء الله .. وقد أيش عمره حبيبك رشود

لايكون ذا البزر جنبك ..وهو يشير لراكان ..

قالت وهي ترمي الكورة وتتخصر : رشودي مو بزر .. وهذا سمه راكان ولد أبوي

نايف .. ورشودي طويل زي سلوم ..

قال ماجد اللي أحلوت له مناغشة البزارين :ومن سلوم بعد ..

قالت : سلوم ذا اللي داخل وهي تشير للمجلس ..

قال وهو يطفي سيجارته : لاااا وصار سويلم اسمه سلوم .. الا انتي من بنته ...؟

قالت وهي تستقيم بوقفتها وبعض الخصل المتمردة على وجهها : أنا راما سطام

الشهبان والنعم فيني ..

ضحك ماجد وهو يصفق : وسبعة أنعام والله .. شاطرة ايه أفتخري بأسمك وأصلك

لا وبعد قولي أنا بنت الشهبان والنعم فيني ...

والتفت لي .. والله طلع عمي سطام محسن النسل بقوة هههههههههه..

ضربته على كتفة وبحدة : أذكر الله وصلّ عالنبي لاتنضل البنت عارفك عيااان ..

قالببراءة : أنا عيان حرام عليك و بضحكة نذاله :هيا تعالي عشان ما أنضلك ..قربي ...

والمسكينة قربت منه بحسن نية .. ومسكها من يدها .. وقرب رأسها منه : أعيذك

بكلمات الله التامات من كل شيطان وهامه ومن كل عين لامه..تف تف تف تف تف ..
سحبت يدها منه بالقوة وهي تمسح على راسها وبصراخ :يالوسخ تتفل علي

يأبوسعبوله ..
سكت ماجد منصدم منها ونحن ميتين ضحك عليه .. قال أخوه عمران وهو يلعب

بلوت : صدقتي .. والله لو تمسكون وسادته تلاقونها تقطر سعابيل ههههههههههه..

قال خالد : مجود صدر الحكم بتسميتك أبو سعبوله هعهعهعههعهعه..

طالع ماجد فيهم بقرف : أقول تلايط أنت وياه لانفتح دفاتر الالقاب القديمة ..وأنتي

يالبزر .. موجه كلامه لراما ..الظاهر الغلط مني معطيك وجه ..قومي انقلعي جوه

من زينك يالشيفة أنضلك ..وبصراخ .. يالله انقلعي ..

قالت بعناد وهي تمط بكلامها : مااااني مننننقلعه ..مو بييييتك ..يااااااأبو سعبووووله
..
ونحن تسدحنا من الضحك الظاهر بيلصق الاسم فيك يامجود لنهاية عمرك راكب

عليه مره هههههههههههههههه...

اخذ حذيانه ( الله يكرمكم ) المرميه على جنب وقام يتهددها :انقلعي يالله والا والله

لتلعب هالحذا على ظهرك ..

شردت هي واللي معها ..وجلست تنادي من بعيد ياأبوسعبوله والبزارين يضحكون

معها ...

نهايتك يامجود تمصخرك بنية ههههههه ..وهو واصل حده من القهر ..

جلس مطنقر.. قلت : والله انت من جنى على نفسك ..كم مره قايلن لك لا تظهر

سنك للبزر .. لكن ماتبي تفهم ...

قال وهو يطلع سجارته : وأنا ادري عنها البنت مبين عليها ملايكه .. طلعت سكني

( يعني جني ) رفعت ضغطي .. الله يهبها في وجهها ..

قلت وأنا قايم : استغفر ربك لاتدعي عالضعيفة .. تحط راسك براس بزر ..

سكتنا يوم طلع عمار وأخوانه .. توادعنا وكلا راح لبيته ..

وأنا رحت انادي هلي أوصلهم البيت .. وجلست أنتظرهم في السيارة عند الباب ..

خرجت وعد وركبت بالخلف بعد ماسلمت وشوي وخرجت أمي وام رعد تعاونها ..

طلعت أساعدهم ومسكت بيد امي وركبتها السيارة وركبت ام رعد خلفي ..

ورجعت ركبت ومشيت ..وبسبب وعورة الخط نتحتاج عشر دقايق لحد مانوصل

البيت ..قلت اقضيها سوالف مع ميمتي وأطيب بخاطرها ..

قلت وأنا أرمي شماغي ورا عند وعد : هاا بشري ياميمتي كيف جمعتكم عساها

جمعة زينه ...

قالت : والله انها جمعة زينة.. ماقصر أبو سعد ..قام بواجب ضيفانه وأكرمهم أكرمه

الله وزاده من فضله ..قدامهم طيب وعلومهم زينه ..

وسردت بالتفصيل .... من يوم ما وصلنا ونحن في حرى ( يعني انتظار ) ضيوفنا
..
صلينا المغرب ولابينو ..

قلت : أسلمي .. ما تاخروا الا أنهم مضيعي الدرب ورحت لهم وجبتهم ..

قالت : ايو الله قالت لنا بنتهم ..والمهم ياطويل العمر .. وتقوم أم سعد .. وتجهز لنا

ذيتس السفرة عليها ماتشتهي ويطيب للنفس ..ويالله يالله وصلوا عيال سطام ..

وزانت جمعتنا يوم أقبلت علينا ذيتس البنية اللي ماخلق ربي بحلاها أحد .. ذاتس

الطول اللي فيها وذاتس ......

قطعتها وأنا اتنحنح وأكح ... وصلنا للمحظور ... سعلت بقوة حتى أشغلها عن

السالفة .. سكتت ولا ردت .. وأنا أشغلت نفسي أدور على منديل ..رفعت رأسي

للمرايه الاماميه .. وشفت شملاء حاطه يدها على خدها وتناظر من الشباك ..

مايرضيني والله مايرضيني اللي يصير ..أعرف أسلوب أمي في الكلام دقه لها ولي

..شديت من سرعة السيارة حتى أوصل بسرعة ..عادي حتى لو أحتكت بكم حجر

بتتصلح .. لكن كلام أمي هو اللي مابيصلح ...

وصلت البيت على جيئة أبوي ورعد وعبد الله معهم عدي .. نزلنا ودخلنا البيت ..

دخلت شملاء وجيت بلحقها لكن وش بقول.. وش بعتذر عنه ..الموضوع بدا يخرج

من ايدي مع زنّ امي المتواصل .. وأنا عارف بيدخل فيها ابو فهد الله يطول بعمره
..سكوته الفترة ذي يبي يشوفني لفين أبوصل ..

غيرت أتجاهي ورحت لغرفتي .. رميت حالي عالفراش ... أنا ليه متعب نفس

بالتفكير ..أنام أحسن لي ولاحق عالهم .. قمت وفصخت ثوبي ورميته أي كلام

عالعلاقة .. وقفت أمام مراية التسريحة .. وشدتني صوره لي مع فهد ملصقة في

المرايه .. وأنا لسا ابو سبع سنوات .. وفهد جنبي ومشمر عن أكمامه ورافع ثوبه

لوسطة وثيابه مغبرة .. وخلفنا أبوي ايام ماكان في شدة وحيل وهو ماسك البقر

ويحرث بها الارض .. والصورة مهتريه أطرافها .. مسكتها ومسحت على وجه فهد

.. ياااه ياولد أبوي كم سنة مرة على فراقك ..

وش كان بيصير على مرتك وعيالك بعدك .. بغت تلعب فيهم الايام ..

بغت لهم المذله على حياتي وحياة أبوي .. لاكنت ولاعشت ولايرتفع لي رأس أن

أنذلوا وأنا حي .. مازلت باقي على العهد وأنا أخوك .. لكن الامانة بدت توجعني ..

وش الحل فيها علمني ..

من يوم وفاتك رفض عمك تقضي حرمتك عدتها عندنا ... وسحبها لبيته ..

وماخلصت العده من هنا الا وعمك جايب معرس لها من هنا .. واحد يأخذ مكانك

يأمر وينهى على عيالك .. ياكبرها يافهد .. ياوجع قلبي يافهد .. ماكان في يدي غير

ذا الحل .. حتى أحميهم لك .. يوم شفت دموع عبدالله وهو مقبلي علي يصيح :

جدي ضرب أمي ورعد .. وأمي تقول انت حلّالّها .. انت حلّالّها..

أنشلع قلبي عليهم وأنا أخوك .. وحليتها لهم .. وأنقضى الأمر ...






****************


شملاء ....






تراكمات وتراكمات وتراكمات ..أنا بشر .. وبيجي الوقت اللي انفجر فيه ..

وبالضغط المستمر ذا .. راح يكون أنفجاري قريب ..

عمتي أم فهد في كل وقت وفي كل مكان لازم من دق الكلام ..

موعاجبتها تربيتي ..مو عاجبها طبخي .. مو عاجبها تواجدي معها من الاساس ..

لو الود ودّها شاتتني لابعد مكان .. ماكانت بذا الوضع ابد ايام حياة فهد الله يرحمه
..
يازينها ويازين جلستاً معها ..الحين كن من شالها وحط وحده بدالها ..

لكن الحين عرفت وش بيرضيها .. مدام هذا الشئ بيردها عني .. ويريح رأسي

مع أني عارفة أن الراحة راح تكون بعيده عني بعد الشمس لو سعيت بها الامر ..

لكن بحاول لاجل تستمر الحياة بحاول ... والله يصبر قلبي ...





****************





خالد ...



في بيت عمي صالح ...

سهران أنا والشباب على أحلى لعبة بلوت .. والله يأني لعبت فيهم لعب أنا وسعد ..

وعمران تافل العافية معنا ههههههه ايوه حبيبي اللعبة ذي يبغى لها أحتراف وفطنة

.. وهو ماعنده الا عمي سالم ... ههههههههه التم المتعوس على خايب الرجى...

على الساعة 2 في الليل جاني أتصال من نواف ونحن مازلنا مجتمعين نلعب ..

: هلا نواف ..

قال بسعادة : خويلد وين ماتكون الحين تعااااال ... أبغاك في موضوع مهم ..

قلت وأنا المح ساعتي : سلامات الساعة 2الليل .. وين أجيك فيه بالطائف ..

صارلك شي ...

قال : يأخي مافيني شي .. وأنا رجعت البيت .. بس في شغلة بعلمك عليها ..

قلت وأنا متحمسة في اللعبة : مدان انك بخير لاحق على مواضيعك .. اجيك بكرة

ونتفاهم ...يالله سلام ..وقفلت منه .. والادرينالين مندفع في جسمي بقوة من شدة

الحماس..ووووووووجت جت .. ورميت الاوراق بانتصار ..: ويااااااسلاااام ..

قلت بوناسة : شفتم شغل الحريفين .. مايجيبها الارجالها ... وبتشفي ..هارد لكم ..

قام عمران و رمى الاوراق بزعل وهو يسب : الله يقلع من يلعب معكم يالهمج ..

ماحطيتم معي الا واحد فاغر .. مايدري وين الله حاطة.. يدربي براسه ..

نط عليه سالم وهو يبطحه عالارض ويلوي ذراعة : من الفاغر هاااا ياولد متعب ..

وبحركة غير متوقعة من سالم قام على عمران وعظه بكتفه وصاح عمراااان

صياح الله لايوريكم ..وأنا من سمعت صوتة وأنا أحط ارجولي وعالسيارة وللبيت

.. الله يفضحهم بيصحون أهل القرية من صياحهم ..وبيقومون عليهم .. أسلم بنفسي

أحسن ...

وصلت البيت وحطيت رأسي ونمت ..ولا صحيت الا من جوالي يدق ..

شلته ولقيت 9 اتصالات من محسن و15 اتصال من نواااف ..

يالله صباح خير .. دقيت عليهم والاخلاق قافلة : خيييييير متحلمين فيني أنتم ...

قال نواف ببرود : والله الشرهه على اللي يبغالك المنفعة ... تعاااال الحين أن كان

تبغى الرزق الزين والا دورنا على غيرك...

قلت بطفش : خلاص أبتغدى وأمر عليكم ..سلام ...

قفلت وقمت صليت .. ورحت تغديت وأعطتني جليله طلبات للبيت ياطولها ..

وتوجهت لبيت نواف وتلقاني وهو زعلان ومحسن موجود عنده ومبسوط الاخ :

كان بعد ابطيت أحسن .. المهم .. لقت شغله بتاكلك ذهب ...معنا ولا لا من الان

تقولي ..

قلت مستغرب : بالاول علمني وش شغلتكم ذي ..

قال محسن : تهريييب ..

قلت بخوف : هييييييييي صاااحي انت .. تقولها بعقلك .. مجنون أنا أرمي بحال

للموت .. عساااني ماعشت ... يوبه ذي ورااااها علووووم .. تروح فيها ورا

الشمس .... يكفيني أكُد على سيارتي .. ومايجيني منها نعمة كريم ..

قال نواااف : لاتطير ... اهدى .. موقصدنا تهريب مخدرات .. اقصد نهــ

قاطعته بانفعال : وش تهريبه اجل ياولد أبوك ... تعوذوا من الشيطان وارضوا

باللي يجيك درب التهريب ذا مااااأبيه ولا نبيه .. سمعت أنت وياااه ..

قال نواف بقل صبر : ياحمااار ... افهم ولاتجلس تولول كنك بزر ..

أقصد نهرب مجهولين ... بس وأنتهينا.. وبهدوء ..شغله بسيطة ومربحة .. أحنا

ويش شغلتنا كل يوم نأخذ الناس من الموقف ونوصلهم للمدينة اللي يبغونها..

صح ولا لا .. والطلعة الوحدة نأخذ منها 500 نعمة كريم ماقلنا شي ..

لكن تهريب المجهولين بيكسبنا ذهب .. اللهم بس ناخذهم من حدود اليمن ..

وندخلهم للمملكة .. والطلع الوحدة تكسب فيها حدود العشرة الالاف ..

وفي شهر واحد نطلع حق ثلاث سنوات من الكداده .. أيش قلت ؟؟

سكت ولارديت وأنا مسرح في الفكره ..

قال نواف : شوف حتى محسن بيكون معي في الشغلة ..

قلت بتردد : بس يانواف ذي مخاطره .. تخيل أنكشفنا

قال بتشجيع : مستحيل تنكشف نحن مابنمشي على طرق عادية ..

بندخل أماكن مقطوعة بعيدة عن البشر .. ولاحد يدري عنها ..هااا معنا ؟؟

قلت بتردد : مدري مدري ..اوووووف خليني أفكر فيها وأحسبها زين ..




قراءة ممتعة .....

لاتلهيكم الرواية عن الصلاة ...



خاتمة ..... لَا تُوجدُ خِطُوه عِملآقَه تَصلُ بِنَا إلِى مَـآ نُريدَ ..

إنمَا يَحتاجُ الامَرُ لِكثَير مِنْ الخَطواتْ آلصَغيرَه لـِ نَبلغُ مَـآ نُريد


انتظروني يوم الاربعاء ببارت جديد ...

كونوا بالقرب...

[فيتامين سي]

السلام عليكم ورحمة الله وبركاته
رواااايه قمه في الروعه شكرا لامارا على الإنتقاء المميز والذائقه
الراقيه
وتسلم يمينك روزيلا مبدعه الفكره جديده والاسلوب مميز وراقي
القضايااللي اللي طرحتيها كثيره وفكرة تهريب المجهولين جديده
واظن خالد وحسن ونواف راح ينجرفون في هذا الطريق ناسين
الضرر الناتج منه على البلد وعلى أنفسهم
اعجبني إختيارك لأبيات دايم السيف رااااائعه
أعترف اربكني كثيرا كثرة الشخصيات وأظن لم أستوعب الجميع
لكن مع قراءة بقية البارتات راح اتعرف عليهم المعذره لوحصل معي لبس في تعليقي على الشخصيات خاصه وأنا أقرا البارتات الثمانيه مع بعض
محمد وحسن
إستهتار من حسن وغرور دفع ثمنه
وغضب من محمد وتصرف غير محسوب قتل أخيه وخسر اهله
سمارا
أتمنى أن لاتنقلب فرحتها بمعرفة أهلها لحزن هل الجميع نسي الموضوع وانتهى منه ا وان البعض لايستطيع ويريد الإنتقام
أتوقع أم صعب ناويه تزوج صعب سمارا

صعب وشملاء
صعب تزوج شملا حتى ينقذها من تزويج أبوها لها برجل في مثل
سنه واعتقد بناء على طلبها زواجهم شكلي ووافق هو حتى يهتم
بأولاد أخيه فهو يعتبرهم أمانه عنده وسبب غضب أمه هو زواجه
من شملاء ورفضه الزواج بغيرها
شملاء تعرف هذا وتعرف ماتخطط له أمه وأظن هي من تطلب من مصعب يوافق على طلب أمه ويتزوج وأظن الأم بتختار سمارا
حتى ترتاح من مشاكل الأم لكن السؤال هل ستوافق سمارا
على الزواج من مصعب ما أظن إلا إذا حدث مايغير رأيها
منتظرين جديدك المميز روزيلا بفارغ الصبر
ويعطيك العافيه لامارا على النقل المميز