آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-06-13, 02:54 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بدفن حبي و راسي عالي / للكاتبة : ملح الحياة وسكرها ، مكتملة
التعديل الأخير تم بواسطة لامارا ; 14-10-13 الساعة 08:34 PM | |||||||||||||
|  |
|
26-06-13, 02:56 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  اهم شخصيات القصة... **عائلة ابو عبد العزيز الراشد/ الجد والجدة عبدالعزيز الولد الاكبر ومتزوج ثلاث ومن ضمن عياله(فرح/البنت الكبرى متزوجة وعندها بنت دلال/اجمل بنت في عائلة الراشد عمرها 22سنة تدرس بالجامعة اول مايلفت النظر فيها ان عيونها بلون البحر وشعرها اشقر لدرجة رهيبة(كانها امريكية)عندها اسلوب جميل في الكلام طبعا هذولي من ام ...ومن الام الثانيةعادل/الابن الاكبر همه يقهر خواته من ابوه عبير متزوجة ولدخالها وعندها ولدين حنان/انور /سارة الزوجة الثالثة سورية بعمر فرح وعندها ولد) **ابو خالد وعنده خالد ومشاعل ومنارخالد/الابن الكبيرمن عمر كمال وسيم جدا اسمراني بحلاوة عنده شركةصغيرة في التجارة ومكتب لل****ات يموت على الاطفال ويحب اخت صاحبه ومتفقين على الزواج مشاعل/(بالنسبة لي احبها موت)من عمر دلال ومعاها بنفس الجامعة سمرة وعيونها عسل وشعرها بني طويل لاخر ظهرها واهم مايميزها صوتها الملائكي(اللي يبي يسمع موال عراقي يسمعه منها) **ابو كمال(وعنده شذى وريم ولوجين واحمد وكمال كمال/عمره 28 درس بفرنسا ورجع دكتور عيون اشقر وابيض وعيونه زرقة(كانه امريكي مو جداوي)يحب مشاعل بنت عمه ) **وعنده ثلاث بنات ام متعبوعيالها متعب وسارة وسهىوسناء ومهند//متعب/مهندس متخرج من كندا عذاب في الغرور(يحق له طبعا) ام نايف/وعندها ناهد ونايف ونورة (نايف/او بالاصح الدكتورنايف مثل ما يحب يسمعها من حبيبته دلال ) ///////////////////// ام محمد الجاسر:الاخت الثالثة لعبال الراشد لكنهم افترقوا من عشرين سنة ومايعر فوا عنها أي شي راوية/البنت الكبيرةعمرها25 تشبه والدتها الى حد كبير مطلقة وعندها ولد وبنت شمس/عمرها23 جمالها غريب بشرة خمرية وعيون رصاصية على شعر ناعم اهم ميميزهاحدة الطبع والعصبية ميس ولميس/تؤام في العشرين نفس الطبايع ونفس الجامعة والتخصص ونفس الاصحاب محمد/***/نور/عمرها 7 وسام وسامر/تؤام عمرهم 13 سنة توابع عائلة الجاسر/رياض:طليق راوية هالة/(روح شمس)صديقتها موت واخت رياض //لؤلؤة اخت رياض بعد وصاحبة البنات//////معليش طولت لكم في الشخصيات بس ابيكم تتحملوني شوي ومع الاحداث بتعتادون وبتحفظونهم ياحلوين...وخلونا ندخل في البداية.. | ||||
|
| |
|
26-06-13, 02:58 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| /////////////////البارت الاول//////////////// يوم الخميس في بيت الراشد(كانوا كلهم ساكنين مع بعض ماعدا عبد العزيز وزوجاتاه ام عادل والسورية)ابو خالد كان يتناقش مع ابو كمال عن الاراضي اللي اشتراهم خالد ومشاعل كانت سرحانة في صورة كمال اللي معلقة بالصالة(يا الله مرت سنتين على رجعتك ياولد عمي وقلبي ماهو راضي يسامحك مع انه يموت فيك معقولة انه حبك كان مجرد تسلية ؟كان مجرد كلام؟ لا مستحيل حبك دنيتي كلها ؟ وماحست على دموعها اللي نزلت على خدهالين نادها ابوها ابو خالد/علامك يابنيتي ليه تبكين؟ مشاعل/لا يبى مافيني شي- ابو كمال/فيك / ولا ليه بتنزل هاالدموع. مشاعل/انتوا ماتدرون اني حساسةبزيادة عسى ماشوف احد قبالي قعدت ابكي ....... وانتهى النقاش بدخول محمد البيت محمد/السلام عليكم وعليكم السلام والرحمة ابو كمال/انت اليوم مو اجازة محمد/بلى عمي اجازة ابو خالد/اجل وينك طالع من الصبح محمد/والله كنت مع منال بالمستشفى ابو كمال/عسى ماشر شفيها محمد/الشر مايجيك ياعمي بس منال حامل الف الف الف مبروك ابو خالد/بس عاد يا محمد وانا عمك نبيها هاالمرة بنت محمد وهو يضحك/اهم شي سلامتها ياعمي مشاعل/وابوي صادق ملينا عاد نبي بنت انت بس خلي منال تقابلني طول ماهي حامل وابشر بالنتيجة بنت مزيونة على الاخر ابو كمال/والله ماظني بتجي وحدة في زينك بعد مشاعل/أي والله وضحكوا القاعدين عليها (في بيت الجاسر) شمس كانت مندمجة في رسم لوحة غروب لميس/شمسوا تتوقعين راويوه ليه تطلقت؟ شمس/وانا شدراني لميس/حلفي ماقالت لك شمس/الحرمة وزوجهامايبون احد يعرف يعني لو يبون تكلموا من زمان لميس/بس رياض يموت على شي اسمه راوية وهي بعد نفس الشي والغريب انه للحين يبي يردها شمس/الاغرب انه رضى يطلقها وهي حامل؟؟؟ ورجعت بهم الذكرى الى ذاك اليوم اللي رجعت في راوية البيت ومعاها ديمة وكانت حامل في الشهر الثامن ومبين عليها التعب وعيونها متورمة من كثر البكي وظلت في غرفتها طول اليوم وماتكلمت معهم ولاكلمة لحد الليل لما جا رياض ميس/راوية رياض في المجلس راوية/طيب باقوم الحين**(بدون نفس) ولبست عبايتها وشيلتها ووقفت عند باب المجلس واول مادخلت وقف رياضواشرت له بيدها ان يسكت ومايتكلم راوية/ابيك تطلقني فتح رياض عيونه على وسعها رياض/بس ياراوية (قاطعته راوية راوية/من غير بس احنا مابنقدر نعيش مع بعض اكثر رياض/راوية خليني اشرح لك راوية بكل هدوء وانكسار/مافي داعي تشرح لي لانك لو شتقول ما راح اصدقك انا مابي غير الطلاق رياض/مستحيل ياراوية انا احبك ومستحيل اطلقك خليني بس اشرح لك راوية بكل انفعال/أي حب؟أي حب اللي تتكلم عنه يارياض؟؟؟شوف يارياض ياتطلقني بالطيب ياوحياتك باموت نفسي انا واللي في بطني ****شمس/لميسوا وين رحتي ؟صار لي ساعة اكلمك لميس/كنت اتذكر ذاك اليوم تصدقين مرت سنةوشهرين من تطلقت راويوه شمس/زين قومي طلعي بره باكلم هلهول(اسم دلع هالة) لميس/توني اقول اخلاق اختي اليوم ما تقدرين تصيرين خمس دقايق على بعض خوش بنية (في بيت الراشد) خالد/السلام عليكم وعليكم السلام ام خالد/احط لك عشى يمه خالد/تسلمين يالغالية تعشيت مع الربع ابو كمال/اجل وينه كمال مارجع معك خالد/شويات وبيجي ابوخالد/شويات يعني مطول وراكم دوامات ليه تسهرون انا مستغرب خالد/نغير جو بدل مانجي من الدوام ونقابل ها لوجيه السمحة دلال/سمحة وغصبا عنك خالد قعد جنبها وحب يغايظها/هي سمحة عند نايف بس مو عندي نزلت دلال راسها في الارض مشاعل/الحمد لله ماعندي احد تغايظوني فيه خالد/لاوالله وحبيب قصدي وجع القلب دلال/لا وانت الصادقهي بالنسبة له وجع ومو بس وجع الا هم وغم مشاعل/انتي هي شفيك علي شمسوية لك انا علشان تقومين الحرب علي اقول اخوي عندك اياها علمها منو عيال زايد خالد/تصدقين دلال على بالي انك خرستي من طرينا ولد العمة دلال/خلاص نايف عاد ماصارت بتجنني خالد ومشاعل طالعوا في بعض واضحكوا دلال/جنوا عيال عمي واقعدوا بالله شيضحكم انت واختك خالد/ان حبيب القلب علطول في البال انا خالد مو نايف خ؛ا؛ل؛د سكتت دلال ونزلت راسها بالارض مستحية لانها عارفة انه بيو صل لنايف وهالمرة ضحكوا عليها بصوت عالي ابو خالدانتبه لدلال/اشفيها دلوعتي ساكتة مشاعل/اقول شفيك(بلهجة تهديد) ابو خالد/يالله عاد كل شي ولادلالي ماحب احد يزعلها وبعد نص ساعة كان الكل في غرفته ماعدا خالد ومشاعل اللي كانت ماسكة لاب توب خالدوهي تغني (لاتبكين ياعيني ياعيني ياعيني وتبكيني مثل مافارقوك تفارقيني لو بالبكي يرجعون لاعمي ثنين العيون )ورفعت راسها بتكلم خالد لقته يناظر وراها دارت ولقت كمال واقف يتاملها بدون ما تحس انه وصل .. مشاعل كانت حاطة الشيلة على كتفها واول ماشافت كمال حطتها على راسها كمال/مشاعل شلونك مشاعل حطت الاب توب على الطاولة ومشت مشاعل/تصبح على خير ياخالد كمال/وانا مالي شي ولاتعودتي تنيميني على هم وتصحيني على هم اكبر منه مشاعل ركبت بدون ماترد عليه التفت لخالد اللي كان يناظرهم بدون مايعلق كمال/عاجبك اللي قاعدة اختك تسوي فيني خالد/وش تبيني اسوي لها انت تعرفها عنيدة كمال/صارلي سنتين من رجعت وللحين تتجنبني ياخالد يعني اللي سويته غلط ؟ انا كنت ابي الزين لها خالد/بس هي ماهي قاعدة تفكر بذي الطريقة هي اللي فهمته انك ماتبيها ياكمال كمال/زين لمتى عاد بتظل كذا انا تعبت ياخالد حط نفسك بمكاني اختك تعاملني كاني مرتكب جريمة وهي عارفة اني احبها واموت فيها شمس دخلت غرفتها وقفلت الباب ووقفت قبال الدولاب وهي مترددة تفتحه ولالا وبعد محاولات عديدة في انها ماتفتحه فتحته وطلعت صندوق مخبا بين ثيابها وراحت لعند سريرها وقعدت وطلعت من الصندوق صورة وحضنتها بقوة وبدت تبكي بهدوء اه يامتعب ياحب مانكتب له يعيش وقعدت تتكلم مع نفسها(أي حب مانكتب له يعيش ياشمس انت تحبينه وهو مايدري عن هوى دارك؟ لامو صحيح متعب يحبني ؟بس انا اللي ما عطيته مجال ما كنت ابي علاقتنا تستمر وهو من عيال الراشد دمه مخلوط بدمهم ماقدر احبه ماقدر ياربي ساعدني كل ما حسيت ان اللي بيني وبينك يامتعب انتهى يرجع من جديد يبتدي شلون انساك يامتعب وانت صرت قطعة مني ؟صرت تاخذ كل تفكيري حرام عليك يامتعب حرام ارحمني الله يخليك انا مابي غير حبك في هاالدنيا قول انك بتبيع كل عيال الراشد وبتشتريني وبتجي نكمل دربنا مع بعض ) وقعدت تبكي وهي ضامة صورة متعب لصدرها ودموعها مغرقتها . وفي نفس الوقت كان متعب جالس في مكتبه في شركة ..... وهو يبتسم بهدوء لانه تذكر او ل مكالمة بينه وبين شمس (طبعا عيال الراشد مايدرون ان عندهم خالة او عمة غير ام متعب وام نايف لان الخلاف اللي بينهم كان من زمان ) شمس/الو. متعب/نعم (بدون نفس) شمس/كيف الحال متعب/بخير (وهو بعده متضايق) شمس/ممكن اكلم لؤلؤة متعب/لاوالله ترى ها الحركات قديمة شمس/بسم الله الرحمان الرحيم انت منو(كانت تبي تبين له انها غلطانة) متعب/انا متعب يمشي ولا يحتاج بعض التغيرات شمس باستغراب/أي متعب من وين طلعت انت. متعب/اللحين انت اللي داقة وتسالين منو. شمس/عفوا اخوي الظاهر اني غلطانة متعب بعد ما انشد لصوت شمس وحس انها صدق بتسكر الخط في وجهه /اقول مو اللحين عفوا وبعد خمس دقايق تعودين تتصلين ترى خابرها ها الحركات انازين. شمس بعصبية/لاوالله قلنا لك اسفين يبى ماصارت ما حد يغلط يعني. متعب اللي حسها فعلا غلطانة /اقول ماعليش اختي بس ترى بناتنا كذا حركاتهم. شمس/.......(ساكتة) متعب /خلاص اسفين مو قصدنا . شمس/لاعادي ماصار شي باي . متعب/لحظة زين متى بتغلطين مرة ثانية؟ شمس والبسمة مبينة على وجها بس ماحبت تبينها بصوتها/انت صدق واحد سخيف وماتنعطى وجه...وسكرت السماعة...ومتعب قعد يلوم بنفسه) انا شسويت معقول اللحين الا طول عمرك ثقيل وماترد السلام على بنات عمك اللي ساكنين معك في نفس البيت الا باالموت تقوم تاخذ وتعطي مع وحدة قاعدة تغازل بالتلفون ؟؟لالالا حرام البنت كانت غلطانة ؟؟وبعد قاعد تدافع عنها حضرتك. ورجع متعب لارض الواقع على صوت التلفون اللي كان مقطع نفسه ومتعب قاعد يتنهد من قلب ورجع يسال نفسه الاسئلة اللي كل يوم تدور في باله(وينها؟شصاير فيها ش تقصد بكلامها ان احنا مستحيل نكون لبعض في يوم من الايام؟ليش رحتي من تسعة شهور وماتركتيلي حتى اسمك اذكرك فيه*********************** في بيت الراجحي ام رياض/انا باروح احط العشى مو اللحين واحد فوق وواحد تحت لؤلؤة/وين هالوه ماشفتها اليوم. فرات/الخاينة الليلة نومتها في بيت الجاسر . (رياض من جابوا طاري بيت الجاسر طار عقله) لؤلؤة بصوت عالي/لا مالي شغل قوموا ودوني الحين لاوالله اطلع امشي بها الليل. فرات(بنحاسة)/هم مايبونك يعني لو كانوا يبونك دقوا عليك. رياض مسك يد لؤلؤة وجلسها جنبه رياض بانكسار/احنا مايبونا عيال الجاسر. لؤلؤة حست ان اخوها متضايق فحبت تفرفش الجو شوي/اقول رياض انا مفلسة. تنهد رياض/شلونها. لؤلؤة/منهي. رياض/منو غيرها ام دانيال. لؤلؤة/بخير. رياض/متى اخر مرة شفتيها. لؤلؤة/الاسبوع اللي فات. رياض/انا صار لي شهرين ماشفتها حتى لما اروح للعيال ماتطلع لي. لؤلؤة/خلاص ياخوي انتوا صار لكم سنة وشهرين من تباعدتوا(قالتها متعمدة لان رياض مايحب احد يقول تطلقتوا)ولاانت راضي تتكلم شلي صار ولاهي راضية ترد لك فالاحسن ياخوي انك تنساها. رياض/انساها هذا المستحيل يالؤلؤة هاذي زوجتي وحبيبتي وام عيالي شلون انساها شلون. وقطع كلامهم صوت ام رياض تناديهم للعشى. ********************************************* وبعيد عن هالاجواء كانوا هالة وسوزان عند شمس لان النومة عندها سوزان مسكت جوالها/خلاص انقلعوا انتي معها راحت حزتكم.(سوزان الصديقة الصدوق الثانية لشمس بعد هالة) هالة/وجت حزة الحبيب. شمس/انتي ماتملين منه الصبح تكلمينه الظهر تكلمينه الليل تكلمينه. سوزان/مابرد عليك لانك غيرانة مني(بمرح) هالة/هي شمس قصدها تقول ان ولد الناس مل منك وكلمها وقال لها عقلوا البنت تراها مجننتني. سوزان/مالت عليك اصلا حبيبي مايستغني عني وقبل لاادق عليه هو يتصل فيني يموت علي مايقدر مايسمع صوتي. ودق جوال سوزان كتاكيد على كلامها على نغمة اندماج الارواح ورفعت سوزان الجوال. سوزان/الو (بدلع) طلال/هلا باحلى الو تسمعها اذني وينك اليوم. سوزان/موجودة. طلال/ادري موجودة متغلية ولا زعلانة. سوزان/لاهاذي ولا هاذي بس اليوم النومة عند شمس وراحت علينا سوالف وماصار في وقت ادق. طلال/ اشوف القعدة ويه شمس وهالة صارت تنسيك شي اسمه طلال. سوزان/والله ياعمري مافي شي يقدر ينسيني طلال بس جد راحت علي سوالف. طلال/زين لان لو هم السبب ماراح تصاحبيهم على طول. سوزان/لاعاد الا شمس وهالة مستحيل اني اتركهم في يوم من الايام. شمس تكلم هالة/والله يسويها طلال افندي ويخليك تنسينا وضحكت سوزان. طلال/عسى ماشر. سوزان/لابس شمسوا قاعدة تحش فيك. طلال/بعد مو ناقص ا لا ها المعقدة تتكلم فيني. سوزان/لاعاد انا مارضى تقول عنها معقدة.شهقت شمس وضحكت هالة واخذت شمس التلفون من سوزان. طلال/وانا الصادق معقدة ونص هاذي ماتواطن أي رجال في العالم. تكلمت شمس بهدوء/والله لو الرجال يتواطنون كان ماعندي مشكلة بس المشتكى لله منكم. طلال/اهلين شمس كيف الحال. شمس/والله صدق قوي عين. طلال/اللحين يوم اناقوي عين ليه تكلميني قلبي وجهك وعطيني حبيبتي شمس/اكيد بعطيك اياها دكتور طلال لاني مايوجع راسي مع واحد مثلك. وعطت شمس السماعة لسوزان اللي اخذتها وهي تضحك/ها من غلب فيكم؟ طلال/انتي عندك شك فيني.************** في ساعة متاخرة من الليل وعلى هدوء البحر جلسوا شلةالشباب (نايف؛خالد؛متعب؛كمال؛ فارس؛طلال)كل واحد قاعد على صخرةوهو يتنهد. طلال/متعب شفيك؟ متعب/مافيني شي. فارس/شلون مافيك شي وشكلك تعبان حيل ومو نايم. متعب/افكر فيها. نايف/انت من صدقك تفكر فيها وحدة ماتعرف حتى اسمها؛وداقة مرة بالغلط واستمريتوا تكلمون بعض ثمانية شهور على التلفون وماشفتها غير خمس لو ست مرات ماتقولي شلي معلقك فيها؟ متعب/انا احبها ليه ما نت راضي تفهمني يا نايف. فارس/هذا مو حب انت انشديت للبنت يامتعب يمكن لانها اول بنت دخلت حياتك. متعب/انتوا موعارفين شي ولا فاهمين شي انا من يوم ماتركتني هاالبنت واناحاس اني ضايع؛حاير؛في بالي الف سؤال هي ليه علقتني فيها؛ليه تركتني بعد ماعرفت عني كل شي. خالد/بس انت ماتقدر تحكم انها تركتك انت ماتعرف ظروفها يامتعب يمكن اهلها عرفوا انها تكلمك او يمكن زوجوها غصب ويمكن ويمكن ويمكن لاتلوم في البنت وانت ماتدري شلي صار لها . فارس طالع بالجهة اللي كان قاعد فيها كمال وهو سرحان. فارس/والحبيب يفكر بشنو. كمال ماتكلم بس تنهد. طلال/اكيد في المجنونة. كمال ناظر طلال بنظرة غضب /يالله عاد ترى مارضى عليها. متعب/الا شخبارها صحيح. كمال/بعدها معندة ومو راضية تلين. نايف/هاذي صحيح مشكلتها مشكلة الله يعينك عليها. وقطع عليهم الكلام صوت جوال خالد وكانت الامبراطورة هي المتصلة.(كان مسجل حبيبته باسم الامبراطورة) خالد/سم طال عمرك. ضحكت جيهان/سم الله عدوك مشغول ولامعاك احد . خالد/لاكذا ولاكذا. جيهان/خالد ابي .... خالد/تدللي ياروح وتفكير خالد. طلال/هذا والله اللي ماعنده هموم. فارس/عينك عليه باردة. نايف/ها علشان اختك. متعب/اصلا هذا اكثر واحد مبتلش اخته الكبيرة مشاعل حشى ماهي صاحية مجنونة وقاطعه كمال بس متعب ماهتم وكمل كلامه وباقي اخوانه الحمد لله والشكر بلوة من بلاوي السماء ناهيك عن جنونه الاكبر(جيهان)وادمانها لشي اسمه بيبسي هذا غير الشركة والعمال والمكتب شيبي بعد اكثر ضحكوا الشلة عليه الااثنين كمال اللي بعده حاط على خاطره لانهم قالو عن مشاعل مجنونة وخالد اللي ماكان معهم من الاساس. الساعة سبع الصباح فتحت دلال عيونها بثقل على نغمة مسج الجوال اللي خلى مشاعل تتافف(لانهم مع بعض في نفس الغرفة). مشاعل/يالله صباح خيرمنو هالمزعج. دلال/وانا شدراني وبعدين انا ماقلت لاحد يرسل علشان تصارخين . مشاعل/ماقلنا شي بس الواحد ماياخذ راحته في النوم الايوم الخميس فيكون افضل لو تخليه صامت. سكتت دلال عنها وفتحت جوالهاتشوف الرسالة وابتسمت لانها كانت من(انت الروح والقلب)(حلو انك تسمع كلمة اعزك والاحلى تسمع مستحيل انساك يوم ضاق صدري تنفست بذكرى غلاك حضنت الملامح في خيالي وتمنيت اجلس معاك سالت البريد الوارد ماجاني اليوم مرسال رد بصوت بارد يمكن ماني على البال) احتاست دلال تدور رسالةحلوة للحبيب من صبح الله ومالقت قامت واتصلت فيه. دلال/الو. نايف/انااحب الو الناس النعسانة. دلال بثقل/بس انا للحين مواصلة مانمت. نايف/على منو يابابا ها الصوت الدايخ كله ومواصلة مانمتي. دلال/نايف انت في السيارة . نايف/اخاف اقولك اني في السيارة وتسكرين. دلال/في الحالاتين انابسكر منو قال لك اني بظل على الخط. وتاففت مشاعل بصوت مسموع. دلال/خلاص يالله نايف/زين قبل لاتسكرين عطيني شوية طاقة (يعني كلام حلو). دلال/باي. نايف بزعل/اول مرة ا سمع ان باي تعطي طاقة. دلال/لاتحاول مافي غيرها وبعدين انا وحدة نعسانة وانت توه النهار توه.************** (في بيت الجاسر) سوزان/شمسوا انتي لما تلتقين بمتعب في عرسي شبتقولين له. شمس/ان شاء الله يطلع طلال ولد حلال وما يتزوجك علشان افتك. هالة اضحكت من قلب على شكل سوزان اللي كانت معصبة ورمت المجلة اللي في يدها على شمس اللي ابتسمت . سوزان/اللحين يالبايخة تفاولين علي علشان ماتشوفين ولد خالتك. هالة/قلنا لك ياشمسوا منتي قد هااللعبة بس انتي اصريتي انك تكملي. شمس/اه لاياهالة اناقدها بس لو زماني نصفني وماخلاني احب متعب حلفت اجننه في البداية حسيت بالياس لانه ماكان يعطيني وجه بس بعدين تنازل شوي عن ثقله وصار يميل لي انا اللي تورطت لاني تعلقت فيه وما عرفت شاسوي اللحين ابي اورطه واخليه يحبني اقوم انا احبه صدق جنون فقلت علشان لايتازم الموقف اكثر لازم اتركه وامشي وخذي النتيجة موقادرة ابعده عن تفكيري لحظة وحدة. وانتهى كلامهم عن متعب بدخول راوية تحمل دانيال وديمة تمشي وراها. فزت هالة من شافت دانيال لانه كان يشبه رياض لدرجة كبيرة. هالة/هلاهلا بروحي وعمري وبعد طوايف بيت الراجحي كلهم واخذت دانيال في حضنها مما اثار زعل ديمة. ديمة/اصلا انا ماحبكم احب خالاتي بس. راوية/عيب هالكلام . راحت ديمة عند سوزان وجلست بحضنها ديمة/سوزان تحبني اكثر. سوزان تبوسها على خدها/اكيد اصلا البنات احلى راوية/شعلومكم بعد. هالة/والله كلنا بخير ماعدا ناس في بيتنا تعبانين(تقصدرياض) تلاحقت سوزان على الموضوع تغيره/الاراوية اختك الشمس المشرقة لمنو طالعةبخيلة. شمس/عليك. راوية/لاعاد كلش الاشميسة مارضى عليها. شمس/راويوا وطقة ماحب احد يقولي شميسة. راوية/خلاص يالله تسنعي وصيري خوش مرة وروحي طبخي الغذاء. شمس/ان شاء الله عمتي في أي اوامربعد. راوية/خذي وياك هالشقرة علميها(تقصد سوزان) هالة/الحمد لله ان الدور ماوصلني. شمس/انامستعدة اقابل المطبخ من كناس وطباخ وغسال بس مايقعدوني مع بزر. هالة تضم دانيال الى صدرها/حرام عليك شوفي شحليله. وبعد ماطلعوا من الغرفة راوية خلت ديمة تجيب لها عصير (قصدها تطلعها علشان تتكلم براحة) راوية/هالة. هالة/نعم. راوية/...... هالة حست ان الموضوع في رياض. راوية/رياض مايبي يتزوج. هالة/لا راوية/ليش متاكدة. هالة/بتزعلين اذاقلت لك. راوية/لاامانة ماراح ازعل. هالة/صارلنا فترة في البيت نحاول نقنعه انه يتزوج بس ماهو راضي. راوية/وليش كنتي خايفة ازعل. هالة/خفت تفكرين انا احنا نسينا عشرتك معنا وماهمنا موضوع طلاقكم. راوية/هالة ابيك توصلين رسالة لرياض. هالة/ها رجعنا لايام قبل(قبل لايخطب ريلض راوية كانت هالة مرسال بين الاثنين) راوية/قولي له ان مافي أي امل ان احنا نرد لبعض واذا مايبي يتزوج علشان العيال لايشيل همهم ترى انامو تاركتهم. هالة/الله يهداك غير الله يهداك ماعندي. )راوية/خلاص هالة غيري الموضوع بسالك شخبار بيت خالتك(راوية يهمها الموضوع لان جزء من طلاقها) هالة/تصدقين رياض من تطلقتوا للحين مامر عليهم مرة واذا كانوا في البيت يطلع خالتي قبل اسبوعين سوت مشكلة مالها اول ولاتالي تقول احنا شمسوين لك يارياض احنا اللي خليناك تطلق مرتك ماتواطنا بعيشة الله. راوية لما سمعت هذا الكلام تنهدت مما اكد لهالة ان لبيت خالتها يد في طلاق رياض وراوية اكيد لهم يد خالتي كانت تتمنى رياض يتزوج بنتها وصال ويوم خطب راوية قاطعونا ويوم ردوا لنا رياض طلق راوية شنو معنى هاالكلام ؟؟؟؟؟؟؟؟؟؟؟ هذا البارت الاول...وطبعا انا كل يوم راح اظل مستمرة معكم وانزل لكم بارت لين النهاية.... / | ||||
|
| |
|
26-06-13, 03:00 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني... ************************* يوم الجمعة كان تجمع كل عائلة في بيت جدها. *في بيت ال خليفة(بيت جد مشاعل) ابو حمد/والله مابغينا نشوفك يامشاعل. مشاعل/اسكت ياخالي مابغى يجي يوم الجمعة الامن عمري(مشاعل متعلقة في بيت جدها وخصوصا خالها عبدالله تموت فيه) سا رة/اللحين انتي اشتقتي لنا كلنا ولاناس محددين مشاعل/شفت ياخالي بدوا بحروبهم علي ابو حمد/اذا تنتظرين اني ادافع عنك ماانا مدافع اللحين يجي صاحبك وخليه يدافع عنك /هاهاهاهاها/ رانيا/تعجبني يابوحمد...استمر في قول الحكم(رانيا تصير بنت خالها) مشاعل/بتشوفين انتي بعد. بدر/وهو الصادق مهما قلنا ومهما سوينا وعطينا بنظل مانساوي ربع عبدالله عندك. شاهة/لاتتكلمون عن اخوي وهو غايب. مشاعل/فكرتك بتدافعين عني ياخالتي لكن ماعليه اوريك اوريك بعيالك. ام خالد/الاصدق هو وينه. ام حمد/اللحين جاي دازته ياخذ لي كم غرض من الصيدلية. مشاعل/اللحين عيالك قاعدين ما تامرين عليهم وخالي الله له المسكين رايح جاي على طلباتك. ام خالد/عن اللغوة الزايدة وقوموا جهزوا في العشاء. رانيا/ايه احنا نجهز في لعشاء وانتي وخواتك على السوالف . مشاعل/هاالمرة انتي اللي عجبتيني في ام خلوود هذي انا ماقدر عليها. سارة/اسم الله عليك انتي تقدرين على بلد بحاله ماتقدرين على اختي المسكينة. ويدخل عبدالله الصالة/السلام عليكم. /وعليكم السلام والرحمة/ واتجهت الانظار الى مشاعل اللي من شافت عبدالله قامت تركض له تحضنه وتبوسه. مشاعل/هلاياقلبي شخبارك. عبدالله/والله مادريت انك وصلتي يام عبدالله كان رجعت بدون الاغراض. ام خالد/بس ام عبد الله تستاهل ترجع علشانها وامها مالها شي. مشاعل/يا الله على غيرتك ياام خالد تشوفيني مع جدي تتكلمين تشوفيني مع زايد تتكلمين تشوفيني مع عبودي تتكلمين انتي شفيك ليش غيرانة مني؟ محمود/انا اقولك ليش غيرانة لانك اصغر منها واحلى منها وصوتك يجنن اما هي حيا الله امنا. هاهاهاهاهاها عبدالله/موكانك ضعفانة. مشاعل/امي ما تاكلني عبدالله/ليش عاد ياختي كذا هاذي امانة عندك. مشاعل/تقول لاتاكلين علشلن تمرضين ونفتك من حنتك ولغوتك. عبدالله/سمعي اول ماتخلص الدراسة الاقيك هني في البيت وماتردين الامع فتحت المدارس من جديد. محمود/وانا مشاعل/يعيش خالي عبود. سارة/لابالله الاعشنا في الاجازة.؟ في بيت الشامسي ابو زياد/شدعوة ياكمال صار لنا فوق الشهر ماشفناك؟ كمال/ماعليش ياخالي بس صار عندنا شوية ضغط بالمستشفى. ابو زياد/الله يوفقكم ياولدي بس احنا عاد نبيكم دايم حوالينا مانبيكم تغيبون عنا. ام كمال/وينه طلال ماشفته ليالي/راح يجيب مرام ريم/انا قلت لها بمرك قالت اذا خلصت بتخلي طلال يمرها. ام كمال/وانتي شخبارك في شغلك ياريم. ريم/الحمدلله خالتي ماشي الحال(ريم دكتورة) شذى/ماتفكرين تروحين مستشفى خاص. ريم/لامستحيل ليالي/ليش عاد ام طلال/اقول كمال انت ماودك نفرح فيك. كمال/مو لسه بدري ياخالتي ام كمال/لاوالله وان شاءالله لمتى بتقولي بدري عهودتاشر على ليالي تروح لها المطبخ وتقوم ليالي وتلحقها شاذن ورولا عهود/بسم الله اناقلت ليالي ماقلت ام خماس وام سعيد رولا/هاهاها عجبتني قولي بسرعة شتبين من لياليوا عهود/شفته. ليالي/حلفي؟متى. عهود/امس العصر كنت رايحة مع هنادي المستشفى ولقيته هناك. ليالي/طيب شكان لابس؟شن... .عهود/هو من شافنا دخلنا استاذن وطلع من الغرفة رولا/لاوالله فهمنا منو هذا عهود/واحد الاخت حاطة عينها عليه شاذن/منو؟ ليالي/لقافة صحيح ماراح اتكلم رولا/تكلمي بسرعة قبل لاانفجر ليالي/ انا معجبة في واحد بس عمري ماكلمته ولاهو يدري عني شاذن/أي حب هذا أي خرابيط رولا/ليه عاد؟ ليالي/مابي يعرف مادري رولا/طيب منو هذاعهود/بدر الخليفة شاذن/هذا خال مشاعلوا بنت عمي ليالي/وصلتي خال مشاعل.. شاذن/طيب شرايك اسال هي علاقتها بخوالها مرة حلوة مشاعلوا ويقولون لها كل شي واخليها تجس نبضه ليالي/ياي بس ها لاتقول له منو انا بيت الشهري ام اياد/ماكان عندهم عمة هالعيال يسالون عنها خلاص من الجمعة للجمعة. الجد/قولي ماعندهم جد يسالون عنه.. متعب/شدعوة ياجدي مع بعض في بيت واحد وكل يوم نشوف بعض. الجد/انت اشوفك بس غيرك ماشوفه هيام/شنسوي ياجدي الشغل ماخذ كل وقتنا. الجد/لاياهيام اذاتزوجتي مافي شغل ولا عندك راي ثاني يامتعب. متعب بجفاء/والله اذا اتفقت مع زوجها فذاك الموضوع يخصهم بروحهم. هيام ماعجبها راي متعب بالمرة كانت تتمنى لو مرة يكلمها او حتى يطالع فيها بس لا متعب دايم مطوفنها. متعب ماكان يحب قعدة بيت الشهري كثر بيت الراشد بيت الشهري يعتبر كل الشباب اقل من مستواه وهو ارفع منهم صحيح انه يحب عماته بس في بيت الراشد هناك كمال وخالدونايف. متعب/انا بروح داري شوي. شادية/ليه عاداقعد سولف معانا. متعب /عندي اوراق لبكرة باجهزها وبعدين بنزل. هيام/لاتطول عاد ترى جدي هالاسبوع جايب العشى من المطعم علشان تتعشى معنا مو مثل كل اسبوع. وانتظر الكل تعليق متعب اللي ماعطى الموضوع أي اهمية وركب لغرفته وسكر الباب ووقف وراه وهو يتنهد كان يبي يبعد عن الجو باي طريقة كان يبي يرجع لغرفته يبي يكلم حبيبته يبي يسمع صوتها او بالاحرى هو للحين عنده امل انها بتدق في أي لحظة وغمض عيونه بعد ماقعد على مكتبه وهو يتذكر المرة الثانية اللي كلمت فيها شمس واللي كان يستنى انها تكلم شمس/الو متعب/هلا شمس/.... متعب/هالمرة غلطانة بعد شمس/.......... متعب/مين تبين لؤلؤة ولامتعب شمس/انت مانسيت صوتي متعب/لاطبعا شمس/ليش يشبه صوت حبيبتك متعب/هاهاها حبيبتي عاد؟ شمس/ليش ماعندك حبيبة متعب/والله سخافة أي حبيبة أي خرابيط شمس/تبي تقنعني ان ماعندك حبيبة تكلمها متعب/ياسلام ومن انتي اصلا ومن تكونين علشان احاول اقنعك شمس/......... متعب/وين رحتي؟ شمس/موجودة مارحت مكان متعب/انتي ليش متصلة شمس/انا اسفة اني ازعجتك اواخذت من وقتك توتوتوتوتوتوتوتوتوتوتوتوت وتو وندم متعب لانه حس انه تسرع في كلامه معاهاوتمنى ترجع تتصل مرة ثانية وفعلا اتصلت بعد اسبوعين شمس/الو متعب/هاهاها شمس/هاالمرة مو غلطانة لاتخاف متعب/اجل تغازلين علني شمس/لا متعب/ها...شنو شمس/جاني احساس انك تبي تسمع صوتي متعب/ومن وين جالك هاالاحساس شمس/من كثر مافكرت فيك يا..... متعب/يا ...شنو شمس/يامتعب متعب/............ شمس/.............. متعب/شسمك؟ شمس/ماظن انه مهم متعب/كم عمرك.....او مابتجاوبيني شمس/وليه يعني؟ متعب/علشان البنات مايحبون يقولون عمرهم لاحد. شمس/بس انا ماتفرق عندي اذا قلت عمري اولا متعب/طيب كم عمرك. شمس/22سنة متعب/...حلو العمر كله ان شاءالله شمس/ياي هاذي اول كلمة حلوة اسمعها منك متعب/وليش تبيني اسمعك كلام حلو بالله؟ شمس/وش يضرك مو الكلام الحلو صدقة.... متعب/حلوة بس لاتعيديها. شمس/هي حلوة بس مو كثر حلاتك. متعب/بالله. شمس/اكيد متعب اللي عجبه الجو مع شمس فاجاه سوالها شمس/متعب تبيني اسكر / ودق قلبه خاف انها تسكر ويظل يفكر فيها متعب/لا شمس بدلع/ان شاء الله حبيبي متعب صدمته الكلمة صدق انها قاعدة تسخر بس ماتوقع الكلمة ابدا وظلت ترن في اذنه متعب/حبيي عاد مرة وحدة شمس/انت تشتغل متعب/يهمك تعرفي شمس/موكثير متعب/انتي ماتهميني فماراح اقولك شمس تضايقت منه ومن رده السخيف/تصبح على خير توت توتو توت توت ****************************وورجع متعب يتندم من جديد لانه ضايقها ...كان يتمنى انها تظل تكلمه على طول لكن غروره وتبجحه في كل مرة يتدخلون بينه وبينها غصبا عنه .....وشمس ماتنازلت عنه رجعت كلمته بعد اسبوع ...... شمس/الو متعب اول ماسمع ها ا لالو دق قلبه من الفرح وابتسم وقال هالمرة خلي كل شي يامتعب ولاتفكر الا بالوقت الحلو اللي بتعيشك فيه مع صوتها.... متعب بفرح/هلا والله شمس/اوه اوه هلا والله بعد تطورات صارت في ها الاسبوع مادرينا عنها .....شنو بعد غير هلا والله متعب/من قال لك غيبي اسبوع كامل لاتتصلين ولاتسالين راحت عليك تطوراتي. شمس/والله عاد انت ماتبيني اسمع صوتك وارتاح. متعب وهو يحاول يكتم فرحته/ترتاحين لما تسمعين صوتي. شمس/ولو انك بعد ها الكلام اللي بتسمعني كلام مثل السم بس مضطرة اعترف لك باني حيل ارتاح لما اسمع صوتك .... متعب/ شسمك... شمس/مو مهم الاسم. متعب/بس انتي تعرفين اسمي. شمس/انت قلته ماحد جبرك على يدك وبعدين يمكن مايطلع اسمك صدق بس كذا لتمويه. متعب/شوفي يابنت الناس انا مااكذب ولاتعودت اني اتعامل مع احد يكذب فلا تزعليني منك من بدايتها . شمس برجاء/لاتزعل الله يخليك. متعب/خايفة من زعلي. شمس/اكيد متعب/ليه؟ شمس/لانك لو زعلت بنحرم من صوتك الدافي اسبوع كامل؟ متعب/انتي غريبة شمس/ليش يعني؟ متعب/لانك توك تكلميني مداك تعلقتي بصوتي؟ شمس/اقولك وتصدقني يامتعب. متعب/طبعا راح اصدقك./ شمس/انا اول مرة كلمتك فيها كنت غلطانة بجد بس اسلوبك ونبرة صوتك ظلوا في بالي وتمنيت اسمع صوتك مرة ثانية كنت ناوية ماتكلم بس ماعرف شللي صار وخلاني اكلمك وكل ماكلمتك وزعلتني اسكر واقول التوبة بس في شي داخلي رافض اني ما ارجع اتصل فيك متعب/هذا اعتراف. شمس/اللي يكون...المهم انه شعوري.... متعب/شسمك شمس/قلت لك ماهو مهم متعب/طيب كيف اناديك شمس/عادي أي اسم يخطر في بالك......متعب فيني اطلب منك طلب متعب/خير شمس/ممكن اكلمك بكرة متعب/بس بكرة تبين تكلمين ******************************************** | ||||
|
| |
|
26-06-13, 03:03 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| *********************** البارت الثالث... متعب/طيب كيف اناديك شمس/عادي أي اسم يخطر في بالك......متعب فيني اطلب منك طلب متعب/خير شمس/ممكن اكلمك بكرة متعب/بس بكرة تبين تكلمين شمس/خليني اضمن بكرة وبعدها يصير خير متعب/طيب بعدين باقولك شمس/انا الحين بسكر ابي اعرف اللحين متعب/وليه مستعجلة ماقلناشي شمس/اكلمك بكرة متعب/كلميني في مثل ها الوقت لاني ماراح اكون موجود قبل شمس/طيب احلام سعيدة وسكرت شمس السماعة ومتعب بعده ماسك السماعة يناظرها (شسوت فيني ها البنت انا مايهزوني البنات ولا حراكاتهم بس هاذي عجيبة ماهي راضية تتنازل الااكلمها وانا ماصدقت على الله ابي اعرف حتى اسمها لا مايصير كذا لازم اثقل نفسي شوي عليها بس صوتها يشدني ماقدر احس اني اذا ثقلت عليها ماراح اسمع صوتها وانا مادري شفيني موقادر اصبر عن صوتها الله يعين لين مايجي بكرة ) وفي اليوم الثاني مر بطي على متعب اللي كان طول الوقت معصب لين ما ظلمت الدنيا ركب داره ينطرها قبل الموعد بثلاث ساعات ويوم ربعه دقوا عليه بيطلعون قال لهم مشغول مع الاهل ماكان يبي يطلع من داره في ذيك الليلة ومشى الوقت بسرعة ومر الوقت اللي المفروض تكلم فيه بدون ماتتصل ومرت ساعة وساعتين وماتصلت ومتعب اوصلت معاه على الاخر(ان شاء الله مفكرتني صبي عندها وبموت اذا ماتصلت بالناقص ان شاء الله عمرها كله ولااتصلت هي اللي تبي تسمع صوتي مو انا؟)ومامرت عشر دقايق الا والتلفون يرن ومتعب ماخلاه يكمل حتى نص رنة علطول شاله. متعب/الو (يحاول يخلي صوته طبيعي وكانه مومشتاق) شمس/هلا..... نايم متعب/لا مانمت شمس/ليه مانمت؟ متعب بينه وبين نفسه(تحلمين اقولك انطرك)/والله عند اوراق للعمل قاعد اشتغل عليهم (يا كذاب يابعد عمري اسمحوا لي بس اموت فيه ) شمس/.......... متعب/ليه تاخرتي(الظاهر مايقدر يداري اكثر) شمس/فكرتك ماراح تسالني وتضايقت متعب/.......... شمس/كانوا عندنا ضيوف وماطلعو الاقبل شوي. متعب/ش هالناس الذويقة احد يقعد لوقت متاخر في وسط الاسبوع (مادري ليش متضايق) شمس/ماعلينا.....متعب.... متعب/نعم. شمس/.........اشتقت لصوتك موت كنت معاهم بالجسد بس التفكير كان عندك. متعب/.......كلميني عن حياتك شمس/عادي حياتي مافيها شي مميز يعني حياة بسيطة وعايشة في بيت كله استقرار وامان. متعب/..........انتي باي قسم في الجامعة شمس/وليه؟ متعب/يمكن قسمك يحددشخصيتك؟ شمس/كيف؟ متعب/لانك ماتبين تتكلمين عن نفسك. شمس/مو بالضبط. متعب/ ماعلينا قولي لي انتي في أي قسم بالجامعة. شمس/شوف متعب انا مابي اكذب عليك بس دخيلك لو يكون مايكون لاتقطع عني صوتك....انا مو بالجامعة. سكت متعب لان اجابتها ماعجبته شمس/متعب وين رحت متعب/يعني عندك ثانوية بس؟ شمس/أي. متعب/ليه ماتعرفين ان الشهادة سلاح في هذا الزمن. شمس/......... متعب/طيب ممكن اعرف ليه مادخلتي الجامعة؟ شمس/دخلت سنة وحدة وطلعت. متعب/ليه عاد؟لاتقولين مالي خلق ازعل منك بعدين. شمس/لا....بس ظروفنا في البيت ماكانت حلوة. متعب/كنتي في أي جامعة. شمس/.......... متعب/وظروفك في البيت مانتهت ولاخلاص عجبتك قعدت البيت. شمس/ليه في احد تعجبه الجلسة في البيت. متعب/طيب ...... شمس/......... متعب/يضايقك موضوع الجامعة شمس/نوعا ما .... متعب/خلاص بنسكر موضوع الجامعة بس المهم ما تظلين ساكتة. شمس/انت تشتغل ولا تدرس. متعب/انتي شرايك. شمس/......تشتغل.... متعب/شاطرة شمس/وين. متعب/يالله توقعي. شمس/شا يفني عرافة كل شي اتوقعه بيطلع صحيح. متعب/جربي مانتي خسرانة. شمس/طيب انت جامعي. متعب بانفعال/الا جامعي ونص. شمس وهي تضحك/طيب وانت ليش زعلان اناماقلت شي. متعب/لاني جامعي ومتخرج من كندا يا انسة ........شسمك شمس/اللحين مو تطلع من السالفة الاساسية وتقعدتسال شسمك.... متعب/ماطلعت ولادخلت ........انا مهندس... شمس/حركات بعد ...ماقدر على المهندسين انا .... وين تشتغل... متعب/في شركة ......... شمس/طيب يامهندس متعب انا باقولك تصبح على خير متعب/ليه. شمس تضحك /وليه الناس يقولون تصبح على خير يعني علشان ينامون طبعا. متعب/لا شمس/وشو اللي لا متعب/مابي اسكرومابيك تسكرين. شمس/أي...بس انت وراك دوام وانا بعد وراي دوام بكرة متعب بدهشة/ليش انتي تشتغلين شمس/ليش مفكرني عطالي بطالي حبيبي انا عندي دوام تصبح على خير. متعب/طيب بتكلمين بكرة؟ شمس/انت تبي تسمع صوتي. متعب/مايبيلها تفكير. شمس/طيب تصبح على خير يالله يا روح متعب بس لو تعرفين صوتك الدافي كان يريحني ويروقني ؛انا تعبان من دونك؛بس لوتعرفين تفكيري فيك كيف ذابحني؛ لو.....متعب ...متعب...متعب شفيك؟ رفع متعب راسه ولقى هيام واقفة جنبه بخوف؟ هيام/متعب شفيك؟ متعب بعصبية/انتي كيف تسمحين لنفسك تدخلين غرفتي؟ هيام/جيت اتطمن عليك قلت بتركب شوي وبتنزل صار لك ساعتين وانت هنا.؟ متعب/طيب طلعي وانا بجي وراك. هيام/بس لاتتاخر. متعب/انا ماحد يملي علي اوامره سمعتي ولااعيد كلامي ؟ وطلعت هيام وهي متضايقة من اسلوب متعب اما متعب فعيونه كانت على التلفون اللي صار شكله كئيب من بعدها.... في بيت العتيبي...... اصايل/صحيح البارح اتصلت فيني شيماء تعزمكم على زواج اخوها وقالت لي كم بطاقة تبون. ام راشد/اخوها محمد اللي بياخذ جواهر الناصر... اصايل/أي هذا هو... ام نايف/ماشاء الله كبروا العيال....هذا بصغره كان ويانا على طول. اماني/فهمنا يعني غصب طيب تعالوا روحوا العرس. ام محمد/طبعا لازم تروحون كلكم ذولا بحسبة اهل لنا مايصير مانوجبهم. نورة/يصير خير ياعمتي... ناهد/انا عن نفسي مادري وين احط نوافي... نايف اللي كان توه داخل مجلس الحريم... نايف/نوافي الصغير عند خاله نايف بعد وين بيكون...السلام عليكم... /وعليكم السلام والرحمة/ ام محمد/هلا والله بشيخ الرجال كلهم. نايف/عاد عمتي اذا انا شيخ الرجال محمد وابوه شيطلعون. اصايل// وهي الصادقةشيخ الرجال ونورهم وضواهم وكل شي في ها الدنيا كيفك اخ نايف.. نايف/الا اليوم طايحة فيني غزل.؟؟عسى ماشر... ام راشد/عاد نايف اصايل من تشوفك تطيح فيك غزل يتراولي ماتغازل زوجها كثر ماتغازلك. نايف سوا حركة في وجهه لاصايل كانه يقول لها ماني مصدق وضحكوا عليه الباقي... ناهد/صدق بتاخذه ليلة العرس. نايف/متى العرس. ناهد/اسبوع الجاي ليلة الاربعاء. نايف/خلاص مو مشكلة. ام نايف/احط لك عشى يمه. نايف/لابروح مجلس الرجال بقعد معهم شوي وبتعشى هناك من زمان ماقعدت معهم. اماني تقلد صوت ام نايف/روح يمه الله يحفظك . ضحك عليها نايف/مجنونة ماعليك عتب. وطلع من باب الصالة بيروح مجلس الرجال وفي الحديقة شاف نهى وسارة ومن شافوا وقفوا. نايف/داخل انتي معها ما ترون ان المجلس كله رجال . نهى/طيب انت سلم اول. نايف مشى وما كانه سمعها اللي خلا سارة تنقهر وتلف صوب نايف اللي وصل له مسج قبل لايدخل ووقف يقراه وهو يبتسم كان من***انتي في بالي ****(دلال) (اراهن بمليون ريال انك قاعد تفكر فيني اللحين) وقعد نايف على عتبة المجلس واتصل فيها. الو..هلا والله بالغلا كله ....مليون بس ؟هذا قدري عندك...انا قلت اللحين الكون كله... هاهاها طبعا انتي عندك شك ....ليش بس ومنو اللي قال اني بقدر اصبر لليلة الثلاثاء ...انا بكرة بمر خالد علشان اشوفك ...مارحتي بيت خالتك..اجيك؟..حاضرين والله لاغلى الناس ..ok اليلة ادق عليك باي حبي .... نهى بغضب/الله يهنيك وياها. نايف رفع راسه/انتوا للحين مادخلتوا الظاهر انكم ماتسمعون الكلام...ودخل عنهم المجلس وسارة كانت تغلي من القهر لانها كانت عارفة انه قاعد يكلم دلال وانه يموت فيها سارة/الله لايعطيها عافية؟ نهى/ماعليك منها خليها تولي زين... سارة/انتي ماسمعتي كيف يكلمها شوي ويموت عليها ماني طايقتها نهى /لاتخافين بيتركها يعني بيتركها ....اليوم ...بكرة..لازم يتركها....وانا بنت امي وابوي.... سارة/راويني شطارتك ياحلوة نهى/بتشوفين شطارتي وبتدعيلي... في بيت الراجحي كانو اشمس وسوزان بينامون عند هالة. وفي غرفة هالة(شمس سوزان هالة لؤلؤة فرات) لؤلؤة/حرام عليك شمسواكان جبتي معك ميمو ولولو سوزان/حشى قطاوا ذولا مو بنات /هاهاهاها/ شمس/شوفي عاداخت لؤلؤة انا اطلع من البيت قصدي ارتاح من وجيهم بعد اروح اجيبهم معي . فرات/لاتتكلمين عن صديقاتي كذا. هالة/اقول اخوات مؤمنات ترى احنا بنات وعندنا اسرار بنتكلم فيها اذاممكن.(تقصد فرات ولؤلؤة) فرات/تكلمي منو ماسكك. سوزان/هاهاها اقول طلعوا من غير مطرود. لؤلؤة/لاتستحون عادي مابينا اسرار. شمس/تصدقون ضحكتوني. هالة/اوووف اناماشوف اذا جاكم احد الزق فيكم كذا. فرات/احم..احم...يالله وبدون حيا مني فيكم اللي تحب... هالة/قومي قلبي وجهك احسن لك. لؤلؤة/طبعا الاخت شمس بينها وبين الشباب عداوة فما اتوقع والاخت اوبسميها الاخ هالة ماينفع فما ظلت اى التفاحة سوزي. شمس/قوموا طلعوا احسن لكم. فرات/اووف يالله قومي لؤلؤ. وبعد ماطلعوا هالة/علة الله ياخذهم. شمس/عندنا وعندك خير مافي غير الاخت مفتكة(سوزان ماعندها غير اخت اكبر منها متزوجة واربعة اخوة) سوزان/عينكم باردة بس صدقوني يونسون. هالة/صح يؤنسون بس مو في كل الاوقات تجيهم لحظات اعوذ بالله. شمس اللي كانت نايمة على سرير هالة فزت يوم دق جوالها شافت الرقم وابتسمت/الو..اهلين..كيفك شخبارك يامغبرة ..تصدقين حتى الغبار طلع من جوالي ......غريبة طارية على بالك اليوم..ادري والله ادري....تعرفين ظروفي ماصايرة تسمح .... هالة تدز سوزان/من تتوقعين؟ سوزان/مادري اذا سكرت بتقول لنا. شمس/شخبار امك واخوانك....... حركات الاخ بعدوالله طلع ماهو سهل....زين ماعرفتيها.....ليش...اممممم...ز� �عرفين شمس مايخفى عليها خافي اكيد بعرفها.....ان شاء الله قريب...لالالا في بيتنا احسن علشان تشوفين هالة وسوزان...اكيد يالله مع السلامة. هالة/مني هاذي؟ شمس ابتسمت لسوزان/حماة المستقبل... هالة وسوزان/سارة؟؟؟؟ شمس باستغراب/أي سارة؟ هالة/تقولين حماة المستقبل. شمس/أي حماة المستقبل بس... سوزان/بس شنو... شمس/حماتك انتي. سوزان شهقت بقوة ونطت عند شمس/ريم؟؟؟حلفي؟؟شتبي منك؟قالت شي عن طلال؟تكلمي بسرعة؟ هالة/وحدةوحدة عاد ماصارت تبينها تجاوبك على كل شي؟ (ريم اخت طلال الكبيرة بنت مغرورة حيل وماتكلم أي احدومايعجبها أي احد وهذا اللي كان مخوف سوزان منها لاسيما ان لها تاثير كبير على امها وعلى طلال نفسه تعرف شمس من الدراسة لما كانت شمس بكلية الطب كانت ريم بالسنة الاخيرة وشمس توها في اول سنة وتوثقت علاقتها بشمس مرة حتى بعد ماطلعت من ا لكلية) شمس/اجاوبك كذا لا ..لازم مقابل؟ هالة/تعجبيني يالله. سوزان/الا تبيه خذيه بس تكلمي.. شمس/هالوا شاهدة الاابيه اخذه. هالة/طبعا شاهدة. سوزان/يالله عاد؟ شمس/والله ياست سوزان سمعي تقول ان كلهم بخير ماغير الاخ طلال قال لها قبل فترة انه يكلم بنت في التلفون ويحبها موت رغم انه ماشافها غير مرة وحدة على الطاير وهذا اللي معلقه فيها ويبي ريم تتعرف عليها؟ سوزان/....... هالة/مااشوف فرحتي يعني... سوزان/وليش افرح وانا وطلال متهاوشين.... شمس/من صدقك انتي عاد اول ماقال لك بعرفك على اختي تقومين وتزعلين منه؟ سوزان/لانه مصر اني اتعرف عليها ؟ هالة/وهاذي شفيها بالله؟ سوزان/ فيها اني مابي اتعرف عليها. شمس/ترى ريم على الغرور اللي فيها لكن تنحب بسرعة ياسوزان يعني ماهي شينة. سوزان/مع ذلك ماهي حلوة تتعرف علي بصفتي اني حبيبة اخوها؟شمس/عادي. سوزان/والله؟ هالة/طبعا عادي طلال قصده الزواج. سوزان/حتى لو ..ماحسهاحلوة. شمس/شوفي ماراح نضغط عليك وقريب هي بتزورني في بيتنا وبتجين وبتقعدين معها وبتتعرفين عليها وعطينا بعدين النتيجة؟ سوزان/مستحيل يوم اللي بتجي بيتكم انا ما بطب انتي ناسية ان طلال يعرف انك شمس صديقة ريم وصديقتي.. يعني يوم اللي بتجي عندك بيسالها. شمس/والله حالة ..انتي ليش مسكرتها بوجه نفسك.. هالة/اناعندي فكرة؟ سوزان/تكلمي يام الافكار الخطيرة... هالة/انتي اللحين تتصالحين مع طلال زين وتقولين له ان انتي قلتي لشمس تكلم ريم وتعزمها في بيتهم وانتي بتروحين علشان تشوفينها هناك يعني مكان محايد بدون ماتدري انتي منو وبكذا تكونين ضربتي عصفورين بحجر واحد ..راضيتي طلال وبينتي له انك ماتقدرين تزعلينه وبتدورين رضاه وين ماكان وبتتعرفين على ريم بدون ماتدري انتي منو.... سوزان/والله طلعتي خطيرة صحيح ياهلهول؟ شمس/والله طلعتي صحيح خطيرة ياهلهول....قومي اتصلي فيه شتنطرين ياحظي... سوزان/طيب ..واذا اخته قالت ان هي الااتصلت مو شمس. هالة/والله صحيح بقرة؟اللحين هو بيترك الموضوع كله وبيسال اخته مين اللي اتصلت في الثانية. شمس/وبعدين هو مايبيها تعرف انك تعرفيني لو كان يبيها تعرف كان قال لها من زمان....زهو حتى اسمك مارضى يقول لها. في بيت الجاسر. ام محمد/البيت مظلم من دون شمس.... نور/اكيد بيظلم لانها هي الشمس اللي تعطينا النور والضياء والاشراق... وسكتتبعد مارمى يامر عليها المخدة... سامر/اللحين احنا مفتكين التلفزيون مطفى تقومين توجعين راسنا بهذرة فاضية... لميس/ام محمد ترى انا زعلانة منك.... ام محمد/وخير ان شاء الله؟ لميس/ليش ناس دون ناس ينامون في بيت الراجحي؟ وسام/اولا انتوا بكرة عندكم جامعة فكيف تنامون هناك وثانيا شمس محتاجة شوية راحة بعيا عن وجوهكم الطيبة ....احم احم شرايك فيني يام محمد. ام محمد/قمت بالواجب وماقصرت... راوية/انتوا ماتعشيتوا ...قوموا ناموا بكرة الصبح هواش على القومة. محمد/انا بسهر. ميس/وليش بالله ....الاخ عاشق واحنا ماندري؟ محمد/انتي سكري حلقك قبل لايجيك كف. ميس/مو على كيفك ترى امي قاعدة... محمد/بتسكتين ولا... ام محمد/انتوا خلاص محيتوا الاحترام من قاموسكم... ميس/هذا ولدك...حبيبك اللي ماترضين عليه... راوية/خلاص كفي الشر انتي بعد... ديمة/ماما ابي اكلم بابا... راوية بعصبية/وليش بعد؟ ديمة/ابي اقول له تصبح على خير... راوية/وشدعوة ماهو نايم غير لما تقولين له تصبح على خير.... ام محمد/راوية علامك خلي البنت تكلم ابوها... راوية/اوووف خلي لميس تدق لك من تلفونها... ام محمد/وليش بالله.... راوية/مزاج...... وقامت من الصالة وراحت غرفتها ديمة/خالتي ابي اكلم ابوي.... لميس/امري لله قومي.... سامر/تصدقين يمه ....امس لما رياض جاب عياله قال لراوية انه الاسبوع الجاي بياخذ عياله معاه دبي وهي عصبت عليه وقامت تصارخ وقالت له ذولا عيالي وبيظلون عندي وانت مالك شغل فيهم يارياض..... ام محمد/الله يهديك ياراوية بس الله يهديك..... محمد/يمه ليش راوية تطلقت؟؟؟؟؟ ام محمد/الله اعلم ياولدي....والله اني مو قادرة اشوفها بهذا الوضع بس شسوي.... لاهي تبي تتكلم ...ولا هو راضي يقول شي.... سامر/تبين اسالها يمه..... وسام ومحمد وميس/هاهاهاهاها سامر/ليش تضحكون.... ميس/اللحين هي ماقالت لامي بتقولك.... سامر/عادي يمكن تستحي من امي بس انا شقيقها اتوقع تصارحني..... محمد/حلوة هاذي ليش ان شاء الله احنا اولاد الجيران وحنا ماندري.... ميس/عجزنا انا وشمسوا ولميسوا وحتى بيت الراجحي عجزوا مع رياض بس الطرفين متحفظين على اسباب طلاقهم ومايبون يتكلمون... سامر/يمكن بيت الراجحي يكذبون يعرفون بس مايبون يتكلمون... ام محمد/عيب ها الكلام ولاتعيده مرة ثانية لاذبحك سمعت .... سامر/ان شا ء الله يمه... ام محمد/يالله قوموا خمدوا ناموا.... ******************************في بيت الراجحي(في الصالة) (رياض وامه وجواهر) رياض يكلم في الجوال/ان شاء الله حبيبتي بكرة العصر نطلع انا وانتي السوق نشتريها بعدين نروح ناخذ ايسكريم وبعدين ارجعك البيت للماما طيب......يالله عمري تصبحين على خير... وسكر الجوال وهو يبتسم.... ام رياض/هاذي ديموه..... رياض/أي.... ام رياض/حليلها بنيتنا كبرت امس تقول لجدتها ام محمد مابي عشاكم مو مشتهية سوي لي شوربة رياض/متعلمة هذا ابيه وهذا مايعجبني.... جواهر/شخبار امها...... رياض تنهد تنهيدة طويلة/مادري... جواهر/ليش لما تروح لعيالك ماتشوفها..... رياض/لا جواهر/انت ليش ماتقول لها انك بتتزوج.... رياض/وليش اقول لها؟ جواهر/علشان اذا في راسها شي يطيح... رياض/لا مايحتاج... جواهر/وبعدين من قال ان انت ماراح تتزوج احنا قاعدين ندور لك على وحدة ثانية.... رياض/جواهر هالموضوع خلصنا منه زواج مارح اتزوج وغير راوية مابي فهمتي ولا اعيد.... ام رياض/الله يهديك بس ياولدي ليش معصب اختك بس خايفة عليك وتدور مصلحتك.. رياض/تدور مصلحتي تقولي تزوج شبلاها بنتك ماتعرف غلاة بنت الجاسر عندي؟... ام رياض/ولايهمك اذا على راوية انا مستعدة اترجى فيها ليل نهار علشان ترجع لك ولايصير خاطرك الا طيب ....الا على فكرة يمه خالتك تسلم عليك تقول من زمان ماشافتك..... رياض من جابت امه طاري خالته انقلب حاله على الاخر وقام بيطلع.... رياض/اذا فضيت بمرها ...تصبحون على خير...وطلع... ام رياض/الله يهديك ياراوية شوفي حالته شلون صايرة. جواهر/لا ويقولي ماتعرفين غلاة بنت الجاسر عندي مايدري انها مو حاسبة له حساب ولا طاقة له خبر اصلا؟؟؟؟ وفي غرفة هالة(سوزان تكلم طلال وهالة على الاب توب وشمس تقرارواية الرسائل السوداء لاجاثا كرستي) هالة/شمسوا... شمس بدون ماترفع عينها من على الرواية/ها هالة/ماوحشك؟ دق قلب شمس لانها عارفة انها تقصد متعب... شمس ببرود/منو... هالة/ليش في غيره واحنا ماندري؟؟؟ شمس/تقصدين متعب... هالة/لا اقصد المهندس متعب... شمس/لا ماوحشني وبعدين انانسيته وماعدت افكر فيه. هالة/صدقتك. شمس/يوم الاربعاء بيجون عندي عروس واربع مرافقات امكيجهم. هالة/نعرفهم.. شمس/انا مااعرفها...اختها مع لميس بالجامعة وشافت مكياجي وعجبها وبتجي مع اختها وعمتهم وصديقتهم. هالة/بنت منو.. شمس/اللي مع لميسوا اسمها روان الهاجري . هالة/انا اعرف بيت الهاجري بس روان ماظن اعرفها. شمس/اذاجيتي يوم الاربعاء بتشوفينهاواللحين قلبي وجهك وطفي النور لان اذا على الاخت سوزان مابتسكر اللحين صار لها ثلاثة ايام ماتكلمه يمكن ماتسكر الابكرة الصبح... هالة/وانتي الصادقة يمديها الشمس تطلع وهي خبر خير وطفت النور تصبحين على خير شمس مابغى النور ينطفي بالنسبة لها... من انذكر متعب وهي في وادي ثاني...الله لايع.....لا مابي ادعي عليك يامتعب ...انا محتاجة اشوفك محتاجة اشوفه مثل ماشفته اول مرة....اي اول مرة شفته فيها كان يعذب........... (متعب/صار لنا شهرين نكلم بعض... شمس/ان شاء الله العمر كله ليه مضيق خلقك. متعب/بصراحة انا ماحب اكلم احد ماعرف شلون شكله.... شمس/والمطلوب..... متعب/ابي اشوفك؟؟؟؟ شمس/..................متى... متعب/غريبة تصدقين توقعتك تقولين لي ماقدر؟ شمس/وليش غريبة وانا ميتة ابي اشوفك... متعب/صحيح.... شمس/ابي اشوف يسوى غرورك اللي متعبني ولا لا... متعب/طيب متى باشوفك؟ شمس/الاثنين يناسبك... متعب/طبعا يناسبني انتي بس تامرين واحنا علينا التنفيذ... شمس/لا انا كذا ماقدر وين التواضع يامهندس... متعب/شسوي مجبور اسايرك علشان اشوفك.... شمس/طيب متعب ابي اسالك اذا طلعت مو حلوة بتكمل معي ولا بتوقف تكلمني.......... متعب/والله مافكرت فيها كل اللي اعرفه اني متعلق حيل في صوتك ومااقدر تمر ليلة من غير ماسمعه وفي نفس الوقت ابي اعرف صاحبة هالصوت اللي قدرت .... شمس/كمل ليش سكت.. متعب/خليها لوقت ثاني ..المهم وين بشوفك... شمس/وين ماتبي... متعب/لا وين مابتقدرين انتي تكونين موجودة.... شمس/على البحر ينفع.. متعب/اكيد ينفع ....تصدقين اني بقعد اعد الساعات علشان يجي يوم الاثنين . .............................................. ويوم الاثنين جت شمس مع هالة وسوزان مع سايق بيت سوزان واتفقوا انهم يخلوا السايق يوقف بعيد علشان مايشوفها متعب وهي نازلة ولاراكبة وتقدمت شمس جنب الكاديلاك الكحلي اللي قال لها متعب ان بيوقف جنبها واذاوصلتتدق عليه لو ماشافتها . تقربت منه وهي خايفة حيل من المواجهة صحيح انها جميلة وان الكل يمدح جمالها بس متعب غير يعني كانت تبي تعجبه باي طريقة ولما تقربت من السيارة وقفت تناظر متعب باعجاب ....صحيح كانت تشوف صورته اللي جابتها لها .......كل ليلة بس في الواقع كان خيالي ماهو طبيعي كان متسند علىباب السيارة وذاك القميص الكحلي والبنطلون الابيض مكشخينه على الاخروالجزمة الرسمية عطته هيبة اكثر.....كانت عيونه على البحر لين وقفت شمس جنب الباب .....قريبة منه.. شمس وعيونها على الارض/كيف الحال؟؟؟؟ متعب اللي من سمع هالصوت جنبه وقف على طوله مرة وحدة وشال النظارة عن وجهه/اهلين والله........... شمس/................ متعب/..................... شمس/.......................... متعب/رفعي راسك ماشوفك عدل؟؟؟ ************************************** | ||||
|
| |
|
26-06-13, 03:06 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| *********************** البارت الرابع... ////////متعب/رفعي راسك ماشوفك عدل؟؟؟ ورفعت شمس راسها وهي ميتة حيا متعب باعجاب/سبحان الله مروا علي بنات واجد يا....بس مثل عيونك اول مرة اشوف......تصدقين انا ماتخيلتك تكوني كذا ابدا...... شمس بدلع/ليش يعني ماعجبتك؟؟؟ متعب/فتحي عبايتك؟ شمس/لالالا مستحيل؟؟؟؟؟؟؟؟؟؟؟؟؟؟ متعب/انا متعمد اوقف السيارة بعيد علشان مافي احد ....فتحيها بسرعة وفتحت شمس عبايتها بسرعة وسكرتها بسرعة اكبر وسط اعتراض متعب متعب/صدقيني ماشفت شي ؟؟؟ ليش كذا عاد؟؟؟ شمس/متعب ماقدر. متعب/طيب شيلي شيلتك من على راسك ابي اشوف شعرك...... شمس بعيارة/لاعاد هذا اللي ماحسبت حسا به ....لو ادري سويته في الصالون . متعب/يالله عادبلا دلع هي مرة ماغيرها.....خليني اشوفه.... وشالت شمس شيلتها وطاح شعرها على كتوفها ومتعب يناظر باعجاب(متعب مسوي روحه اول مرة يشوف بنت حلوة) ولبست شيلتها بسرعة متعب/هذا كله ويبيله صالون....مالك حق ...ابي احط يدي فيه... شمس/لا...خلاص انا بمشي.... متعب/لاتكفين وقفي شوي بتاملك اكثر مادري متى اشوفك مرة ثانية .... شمس/لامايصير انا.ماني بروحي معي اخواني وامي وماقدر اطول اكثر... متعب/طيب قولي اسمك.... شمس/لوقت ثاني يا....متعب. متعب/طيب ركبي السيارة شوي... شمس/ليش؟؟؟؟؟(مايبغيلها ليش ياشمس) متعب/علشان ناخذ راحتنا. شمس/لامتعب ...انا بمشي...... متعب/شوي بس؟؟؟؟ شمس/اكيد ان ذي ماراح تكون اخر مرة..... متعب/............. ومشت شمس ومتعب بعده يتاملها وهي تمشي.... وتنهدت شمس بحرقة وهي تذكرذاك اليوم) يالله مر وقت طويل من شفتك اول مرة يامتعب انا تعبت ولازم اشوف لي أي حجة علشان اشوفك يابعد عمري لازم ما اقدر اتحمل اكثر بس شلون ياربي شلون......... وفي الضهر في بيت الراشد وتحديدا في غرفة دلال ومشاعل. كمال يدق باب الغرفة وهو حامل باقة ورد منسقة باتقان بالغ يعني كلها ذوق وحركات. دلال/لحظة بس. وبعد مالبسوا عبيهم. دلال/تفضل دخل كمال الغرفة ومشاعل ودلال يناظرون في بعض. كمال/في شي؟؟ دلال/لا بس ماهي عادة لك تطلع من الدوام الظهر وتجي البيت لاي ظرف مهما كان اكيد في شي؟ كمال/يمكن اشتقت لكم؟ دلال ناظرت بجهة مشاعل اللي من دخل كمال وهي مانطقت بكلمة. دلال/يمكن اشتقت لمشاعل ممكن بس لي ماتوقع. مشاعل وهي معصبة/بلا بياخة... كمال/انتي مو عندك المسكين 24/24 وهو كله تفكيره فيك. دلال بعد اذا جا طاري نايف اوتلميح عنه خلاص تموت قامت من مكانها/عن اذنكم وطلعت من الغرفة. كمال قعد قبال مشاعل وحط الورد في حضنها مشاعل/عسى ماشر اكيد غلطان في العنوان. كمال بابتسامة جذابة(طبعا كل ابتساماته جذابة)/اشتقت لك. مشاعل ساكتة وحتى مارفعت وجهها. كمال رفع يده ومسك وجه مشاعل قباله/مابتساليني ليش راجع بدري اليوم. مشاعل بكبرياء/مايهمني اعرف. تنهد كمال/بس انا مصر انك تعرفين قبل الكل ........مشاعل انا اليوم ترقيت حبيبتي في المستشفى وصرت رئيس القسم. طارت مشاعل من الخبر لانها اكثر وحدة عارفة شكثر تعب كمال وقاعد يتعب في شغله بس ماحبت تبين له أي شي قالت له بصوت كله احتقار/والمطلوب مني ...اغني ولا اقوم واتحزم لك.؟؟؟ كلام مشاعل كان بمثابة الصفعة على خد كمال/مو لذي الدرجة عاد يامشاعل حتى مبروك ماتدلين طريقها؟ مشاعل/اولا انت اللي ترقيت مو انا ..ثانيا ترقيتك من الاساس ماهي هامتني في شي. كمال/الحق علي اصلا انا من جاني الخبر قلت لاتفرح فيه ياكمال الا مع مشاعلك ومشاعلي دفنت فرحتي في قلبي ليه يامشاعل ليه متى عاد ليه متى بنظل كذا...لين متى بتظلين تكرهيني. مشاعل بانكسار/لاخر يو في حياتي. كمال ركع تحت رجل مشاعل/ليش ياقلبي يامشاعل مضت 3 سنين وانتي قلبك مو راضي يلين /يمشاعل انا.... قاطعته مشاعل/انت جرحتني تعرف يعني شنو جرحتني ...يعني ذلييتني...خليتني ماسوى شي قدام نفسي انا ياكمال كان كل ودي نكون مع بعض ..اسعدك وادللك واداريك....انت اللي قلت لا شتبي جايني اللحين تبيني اكون جنبك مستحيل مابتجرحني مرتين ياولد الراشد..وانخرطت في نوبة بكاء مسموعة .....كمال ماكان يهون عليه يسمع مشاعل تبكي ويشوف دموعها مامسك نفسه قام من مكانه وضمها لصدره وقعد يمسح دموعها بيده /خلاص يا مشاعل حرام عليك لاتسوين كذا في نفسك. مشاعل وهي بعدها تبكي/حرام عليك انت...خلاص ياكمال اطلع من حياتي انا ما ابيك تسمع مابيك انا اكرهك وقامت من حضنه وطلعت من الغرفة وتنهد كمال تنهيدة طويلة وطلع من البيت . وفي اليل كانوا العائلات متجمعين في بيت الراشد الرجال كانوا في مجلس الرجال والامهات في مجلس الحريم والشباب في الصالة اللي تحت والبنات في الصالة اللي فوق والباقي موزعين . (الشباب) جاسر(زوج فرح)/والله ياخالد موقع الارض حلو بس سعرها ما يستاهل. خالد/خذها وانا اضمنها. حسام(زوج شذى)/ماهي مسالة ضمانة بس واجد سعرها وهي صايرة ما تستاهل. خالد/بتشوف بكرة اذا ارتفعت الاسعاركيف تصير. جاسر/انا بالنسبة لي اهم شي الموقع وهذا بعيد واجد يعني ماراح يعجب فرح. نايف يكلم كمال/صحيح الا وينه التقرير. كمال/افتح بلوتوثك ادزه لك.وقعد يجوس في جواله شوي ولما وقف عند ارسال وجاري البحث عن اجهزة لفت انتباه اسم جهاز وابتسم(مشاعل والحلى شاعل)وارسل تقريرنايف واحتار يرسل شي لمشاعل ولا لا هو بعده كان متضايق من موقفها السلبي معاه الظهر بس كان دايم يحط اللوم على نفسه وقرر ان يرسل لها شي وتمنى انها تستقبله وانتظر. وعند البنات. كانمت مشاعل تسولف مع نورة وجنبها احمد ولد محمد يلعب بالجوال. احمد/مشاعل شوفي كتب لي حاجة. واخذت مشاعل الجوال وشافت استلام رسالة من(رافع حاجبه ومحد عاجبه).هي طبعا ماعرفت ان كمال فاستلمت الرسالة(ادري بتقولين بنفسك مابغيت اطري على باله ...هذا قاطع وبايع العشرة وشايف حاله...بس وربي كل ظنونك ظنون وقلبي يحبك وما ينسى ويخون ...كل الحكاية اني كنت ادور رسالة تليق بمقامك ياغلى حنون)مشاعل دق قلبها لانها عرفت ان كمال هذا هو مافي غيره كان ضميرها متعبها للي صار بينهم اليوم وماعطاها كمال أي مجال للتفكير ارسل مرة ثانية واستقبلت(ان كان تعذيبي يسرك ويرضيك عطني عذاب وخذ بداله سعادة....اهجر على كيفك وزيد تحديك وانا بدال الهجر احبك زيادة...لك مني ابكي كل ما حل طاريك لين البكاء يصبح مع الوقت عادة). مشاعل تقول لنفسها /انا شسويت ياربي ليش عطيته مجال .....اووف بس انا كنت حانة بجنون لكلامه وغزله ودلعه....خلني اساله شيبي كمال كان يدور رسالة يكتبها لمشاعل لقاها ارسلت له استقبل على طول(كمال اذا عندك شي قوله بلا لف ودوران). مابغاها من الله كمال على طول دز لها مسج(احبك). على كثر ماكانت متفاجئة من جراته معاهاالا انها كانت تتوقعه بيكتب ها الكلمة واحتارت ترد عليه ولا ماترد.....وفي نفس اللحظة كمال كان محتار يكتب لها مسج ثاني ولايستنى وهو حايس في جوال كان محمود يراقبه وحب انه يحرجه لسببين اولا لان كمال مغرور حيل وشايف حاله ومحمود يجب كل الناس طبيعية....وثانيالانه فنان في عمل المقالب. محمود/اقول ولد عمي منوا هذا اللي مدوخك بالرسايل . كمال من دون مايرفع عينه عن شاشة الجوال/هذا واحد غلطان. محمودباصرار/واذا واحد غلطان يهمنا ان يرد يرسل ونبادله احنا الرسايل.كمال/مو شغلك. محمود/قولها ولد عمي مافي بينا غريب قول انك قاعد تغازل وحدة مافيها شي. خالد/عيب هالكلام. كمال/وشدعوة انا برد عليه.. محمود/تراهن انها بنت مو واحد غلطان.. كمال/وليش اراهن ....بنت.؟؟؟ سكت محمود لانه حس انه هو اللي انحرج بعد تصريح كمال.....وقطع عليهم الكلام دخول مشاعل. مشاعل/منوا فيكم ناوي يوجع راسه. جاسر/اذا السالفة فيها مرتي وبنتي فانا. مشاعل/لا جاسر/اجل انا انسحبت. حسام/لاتناظريني يابنت زايد انا ما قوم الا بامر ملكي . هاهاهاها متعب/ها تخاف منها. حسام/هذا ماهو خوف يامتعب هذا احترام. نايف/خلصي شتبين. مشاعل/اقول كمال شرايك انت تقوم. (مشاعل نوت على خير بعد رسايله وحبت تبدي معاه شوي شوي) كمال تفاجا مثل ماتفاجئوا نايف وخالد ومتعب.لانها من رد من السفر ماكلمته ولا مرة ولاعمرها طلبت منه طلب. كمال بهدوء/حاضرين بس وين. مشاعل/انت روح سيارتك واحنا بنجيك. خاب ظن كمال بنجيك معناته ماهي لوحدها وبعد شوي دخلت اخته شاذن وقعدت جنبه ومشاعل ونورة ركبوا ورا مع احمد وعلاء وسامر ونواف. كمال لف على مشاعل/بقى احد ماجبتي؟ نورة وهي تضحك/انت ماتدري قالت للباقي دوركم الاسبوع الجاي وصدقوها. كمال/وين اللحين؟ شاذن/لبنان. كمال/لاتستهبلين. شاذن/انت سالت وانا قلت اللي في خاطري. علاء/خالي مشاعل تقول انك بتودينا الكورنيش نشتري ايسكريم ونلعب. ********************************في بيت الجاسر ام محمد/مو تقولين بكرة بيجونك بنات تمكيجيهم من الصبح قومي نامي. شمس/والله ماخاطري انام. ميس/اليوم اتصلت ام بندر تقول بتدرسين ولدها ؟ شمس/ماتوقع. لميس معترضة/شنو ما تتوقعين.؟؟ شمس/والله العام اللي فات جنني؟ لميس تهمس في اذن شمس/أي بس احنا محتاجين ياشمس؟ محمد/شفيكم انتي معها؟ شمس/سلامة عمرك. محمد/يمه انا بترك الدراسة. ام محمد/لاعيوني بتكمل دراستك يعني بتكملها مو كل يوم قلت لي بترك دراستي ؟انا ابيكم ترفعون راسي مو تنزلونه. محمد معترض/بس يمه..... شمس/احنا مو ناقصنا شي طال عمرك واذا احتجنا بنقولك. ام محمد/مو كفاية اختك طلعت من الجامعة كان اللحين احلى دكتورة. شمس بنبرة مرحة علشان ماتحسس امها بذنب تركها الدراسة/صدق يمه يناسبني اصير دكتورة شمس. وسام وسامر/هاهاها نور/علشان بعدين تعالجينا ببلاش. سامر/هذا اللي يهمك انتي ببلاش. لميس/خسارة اليوم سافروا بيت الراجحي لهم وحشة . ام محمد/الله يردهم بالسلامة. محمد/كم بيقعدون. لميس/3شهور. وسام/ووووول هذا الناس اللي عندهم فلوس اجل احنا جوازات ماعندنا؟ الام طلعت من الغرفة بدون أي تعليق. شمس بعصبية/انت شفيك يعني ماتقدر تمسك لسانك زين شذي يوم زعلت امي؟ لميس/احنا صحيح ماعندنا فلوس بس قلبنا على بعض يا وسام وهذا هو المهم؟ محمد قام من مكانه/والله لو زعلت امي ذبحتك الليلة على يدي؟ ميس/يعني امي شتسوي علشانكم هو هذا قدرها انها تعيش بفقر مع وجوهكم ؟تعترض يعني؟ وسام بعد هالثائرة عليه طلع من البيت. *********************************على الكورنيش الاطفال نزلوا يلعبوا ومعاهم شاذن ونورة الا مشاعل اللي كان كمال ماسك يدها جنب السيارة. مشاعل/بغيت شي؟ كمال/بالصراحة اكثر من شي ؟ مشاعل/خير... كمال/اولا..عبايتك؟ مشاعل/شفيها بعد؟ كمال/مليون مرة قلت لك لاتلبسين كذا.....تخصر كل جسمك. مشاعل/............. كمال/يعني ماشوفك رديتي؟ مشاعل/شتبيني اقولك. كمال/قولي ان شاء الله حبيبي مالبس كذا مرة ثانية. مشاعل/اولا..انت مو حبيبي ...ثانيا ...انا البس اللي يعجبني ماحد له شغل فيني؟ كمال/شنو يعني ماحد له شغل فيك بالله؟ مشاعل/يعني البابا بس اللي يامرني ....غير كذا ماحد لازم يتحكم فيني؟ كمال/وانا؟ مشاعل/انت ولد عم وبس؟؟؟؟ كمال/مشاعل لازم نتفاهم مايصير كذا؟ مشاعل/غير وقت .....انا جاية امشي على الكورنيش واكل ايسكريم مو اتكلم.... ابتسم كمال لها/يعني تعطيني وعد نتكلم قريب. مشاعل بدلع/ابي ايسكريم؟ كمال بهمس/صدقيني انا احلى من كل اسكريمات العالم. مشاعل مشت وماكانها سمعت......... كمال/يالله مشينا؟ سامر/ماشرينا ايسكريم ؟ كمال ناظر في مشاعل وابتسم/طيب تعالوا.................واخذ للكل وجاب لمشاعل. مشاعل باستنكار/انا مشاعل بنت زايد ........اكل من هذا اللي على الكورنيش......هذا قدري عندك. ضحك كمال عليها/ومن وين تبين بالله. مشاعل/باسكن روبنز. كمال/والمقابل؟ مشاعل/أي مقابل؟ كمال/اني اشتري لك اللحين باسكن روبنز ؟؟؟؟ مشاعل/انت اشتريه وبعدين يصير خير. كمال/يالله ركبوا السيارة بنمشي. وفتح لها الباب اللي قدام علشان تركب. كمال/تفضلي. مشاعل/لا...بقعد هناك. كمال/اللي يقعدون هناك مالهم باسكن... مشاعل/لالالالالاخلاص بدخل. *********************************في بيت الجاسر راوية/محمد قوم شوف اخوك....من طلع مارجع... محمد/قلعته...يوم زعل امي؟ راوية/ومنو قال انه زعلها. لميس/كلامه اللي يغث زعلها وحسسها انها مقصرة معنا. راوية/هذا بعده بزر ماعنده تحكم في الكلام اللي يقوله. سامر/لا ...ماهو بزر...عمره من عمري ليش انل ماقول هالكلام. راوية/انت اعقل منه... ميس/امي وينها اللحين؟ راوية/اخذت دانيال تنيمه.ياللله عاد روح شوف اخوك. محمد/قلت لك لا يعني لا راوية/اللحين انت اللي بتزعل امي. محمد/كيف بالله؟ راوية/اذا طلعت وشافت انه مارجع للبيت من طلع راح تزعل.......وفي هاللحظة دخل وسام وهو منزل راسه. راوية/هذا هو وصل ولا احنا محتاجين منتك. ميس/يالله شباب قوموا نقعد بالحوش. سامر/يالله(قصدهم بس يقهروا وسام) وبعد ماطلعوا من الغرفة راوية/وسام. مارفع راسه لها راوية/وسام....انا اكلمك... وسام بحشرجة/اسف.... تقدمت منه راوية ورفعت راسه وكان يبكي مثل الاطفال راوية/لا ياوسا م انت رجال ماتبكي... وسام/انا ماكان قصدي اني اغلط على امي ....بس كلمة وقلتها... راوية/امي اصلا ماهي زعلانة منك واذا انت تبي صحيح تسعدها ذاكر دروسك وانجح ترى كل ام ياوسام فرحتها في نجاح عيالها... وفي غرفة البنات دق جوال راوية وكانت احلام صديقتها هي المتصلة. شمس اللي كانت بالغرفة/اهلين... احلام/هلاوالله بقمرنا كيفك. شمس/صدقتك عاد انا قمرك وين راح ابو محمد(زوج احلام) احلام/لاذاك دنيتي كلها. شمس/أي..لا تكذبين وتقولين قمر وشمس ومالنا شي اصلا. احلام/خلاص عاد ماتسوى علي ياشمسواهالكلمة . شمس/احلاموه بغيت اعرف منك شي احلام/لاتحاولين....ماراح اقولك؟ شمس/ليش عاد؟ احلام/اذا راوية ماتبي تقولكم عن طلاقها فانا مستحيل اتكلم. شمس/والله العظيم انها كاسرة بخاطري قاعدة تتحجج بعيالها وهي كل تفكيرها عند رياض. احلام/والمطلوب مني؟ شمس/انتي الوحيدة اللي تعرفين اسباب طلاقها قوليلي؟ احلام/وليش تبين تعرفين؟ شمس/يمكن اقدر اساعدها؟ احلام/تاكدي ياشمس انه لو كان في يدي شي اسويه كان سويته من زمان بس اناعجزت منها.....المهم وينها اللحين.. طلعت شمس بالجوال تدور على راوية ولقتها بالصالةمع وسام. شمس/احلام على التلفون قامت راوية واخذت الجوال وطلعت من الصالة ******************************وقفت سيارة كمال عند باسكن روبنز... كمال/شتبين؟ مشاعل/بنزل معك كمال/وين على الله مشاعل/بدخل باسكنز كمال/ماعندنا حريم يدخلون مشاعل/وليش بالله كمال/لاني مادلع حريم.... مشاعل/حتى انا ماتدلعني(وقت مصلحتها تتعير) كمال/انتي مجرد بنت عم مثل مانا ولد عم؟ مشاعل/طيب ياولد عمي الله يخليك بنزل معك. كمال/تنزلين بشرط....تاشري على اللي تبينه بدون ما تتكلمين؟ مشاعل/وليش عاد؟ كمال/علشان مايسمع صوتك. في المحل. مشاعل تهمس لكمال/ابي شيز فراوالة كبيييير مرةةة. كمال/طيب مدام طلبتي اللي تبينه....روحي السيارة. ومشت مشاعل لعند الباب بس تذكرت شي ورجعت لكمال وكلمته بصوت واطي... مشاعل/خسارة كنت احسبك اكثر من ولد عم با النسبة لي بس تصريحك ذبحني في السيارة لكن خيرة انك قلتلي من اللحين علشان لاابني احلام وردية اكثر....وطلعت من المحل وهي ميتة ضحك على شكل كمال اللي باين عليه بينفجر من الغضب... كمال يكلم نفسه/هاذي اكيد تبي تجنني توني اقولها انا وانا تقولي انت مجرد ولد عم ويوم قلت لها انتي بنت عم قالت لي خسارة.....شسوي فيها انا هاذي ذبحها مايكفيني. الهندي/في يقول شي بابا؟ كمال/لا...مايخلص الطلب؟ الهندي/خلاص في خلص. في السيارة قبل لايركب كمال.... نورة/التقرير المفصل. مشاعل/اما عطيته كلام قهره صحيح.. شاذن/انتي شسالفتك كله قاهرة اخوي ومتعبته. مشاعل/لكن بجد شكله وهو زعلان يموت يذبح ماهو طبيعي.... ********************************شمس كانت تبي تطلع من الصالة بس كسر قلبها اخوها وهو يبكي....قعدت جنبه... شمس/وسام....بكرة ابيك الصباح تروح معي السوق. وسام بدون ماتوقف دموعه/ان شاءالله.. شمس/...... وسام/انتوا زعلانين مني ياشمس؟ شمس/ليش نزعل منك. وسام/على الكلام اللي قلته لامي. شمس/انا صحيح في البداية عصبت بس بعدين نسيت الموضوع. وسام/وامي زعلت مني؟؟ شمس/لا...امي ماتزعل منا ياوسام. وسام/انا ما كان قصدي ازعلها ياشمس... شمس/انت بس حاول تمسك لسانك شوي وما تقول كل اللي في قلبك ... وسام/..... شمس/شوف وسام امي قاعدة تحاول تسعدنا بقد مافيها بس شتبيها تسوي ...اذا ماديتنا ما تسمح نعيش مثل باقي الناس....لازم نرضى بلي الله كتبه لنا.... وسام/............شمس.....ليش مانرجع عند عمامي؟ شمس/بينا مشاكل وماهم متقبلينا.... وسام/طيب خوالي وينهم.....امي كله تقول انهم يحبونا بس ظروفهم تمنعهم يوصلونا... شمس/انسى اهل امي اللحين.(علشان لايذكروها في متعب) وسام/شمس/ليش احنا ماعندنا فلوس؟؟؟ شمس/لان الله كتب لنا نعيش كذا. وسام/وليش باقي الناس عندهم فلوس الا احنا.. شمس/ومنو قال لك هالكلام ؟في ناس حالتهم اصعب من حالنا بمليون مرة ومع ذلك مايتذمرون ولايشكون ...انت احمد ربك على النعمة اللي انت فيها عايش مع اهلك وبصحتك هذا اهم شي ياوسام... وسام/انا ابي يصير عندي فلوس علشان ارتاح؟ شمس/ومنو قال لك ان اللي عنده فلوس مرتاح؟الفلوس مو كل شي ياوسام؟ياما ناس عندهم فلوس بس ماهم متمتعين بالحياة هاذي حكمة رب العالمين.؟يعطي ناس وياخذ من ناس؟يمكن ناس عندهم فلوس بس ماعندهم سعادة وراحة بالولا عيال ولايعرفون الحب ولاعندهم صحة وعافية والله باليهم بامراض الدنيا....ما تقولي كيف بتنفعهم الفلوس في هالحالة... وسام معترض/بس ياشمس كل اللي معي بالمدرسة عندهم فلوس ولاهم مريضين ومرتاحين بحياتهم... شمس/بس انت ماتدري عنهم في البيت كيف عايشين... وسام/............... شمس/.................... وسام/عندنا في المدرسة الاولاد كل يوم يجيبون جوال اخر موديل وكل ليلة يتعشون في مطعم وكل يوم اشياء جديدة انا ماحب اقعد معهم لايعيروني... شمس حست بالحرقة على اخوها بعده صغير على الهم بس مافي اليد حيلة شمس/بكرة عندي 8بنات امكيجهم وعيال الموسى بيجيبون فلوس التدريس لك مني اعطيك مبلغا وقدره........ريال تاخذ اللي خاطرك فيه. وسام بفرح/صحيح ياشمس. شمس/وانا في مرة وعدتك وماوفيت؟ وسام/لا شمس/على شرط... توعدني تهتم في دروسك وتنجح هالسنة واللحين تروح لامي تخليها تطلع تقعد معانا في الحوش. وسام/ان شاء الله. وبعد ماطلع وسام تنهدت شمس تنهيدة طويلة وهي في بالها عيال الراشد الله ياخذكم عايشين ومرتاحين واحنا بنموت من الجوع كله منك ياقلبي ليش حبيت متعب ليش؟كان اللحين مايهموني؟ولايهمني شي؟ بس لو ماحبيتك يامتعب. ********************************************* | ||||
|
| |
|
26-06-13, 03:08 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ************************************* البارت الخامس.... في بيت الراشد.... ام خالد/في واحد متقدم لمشاعل يبي يخطبها.. الجد (ابو عبد العزيز)/ولد منو ..من جماعتنا ولا لا؟ ام خالد/أي من جماعتنا....محمد ولد سلمان الهاجري.... ابو خالد/أي ذولا نعرفهم من زمان... الجدة/متى كلموك؟ ام خالد/هم ماكلموني كلموا خالتها سارة وامس قالت لي قلت لها انا بنشد ابوها وجدها وبعدين ارد لك خبر.... الجد/خليهم يجون في أي وقت مدام من جماعتنا.. خالد/ولا عليك امر يابو عبد العزيز....انا ماني موافق؟؟؟ الجدة/ليه عاد ياخالد؟؟؟ خالد/مايناسبها؟؟؟ ابو خالد/انت تعرف الولد ياخالد.... خالد/بصراحة انا شخصيا ما اعرفه بس سمعت كلام ومدام في شوشرة خليها بعيد احسن وبعدين مشاعل مو من كبرها ليه مستعجلين عليها(خالد يكذب لاسمع شي ولاهم يحزنون بس علشان كمال) ابو خالد/خلاص بعد مدام خالد قال لا....قولي لهم مافي نصيب... في غرفة مشاعل ودلال... شاذن/مشاعلوا ابي اسالك سوال وتجاوبين بصراحة.... مشاعل/ليه متعودتني اكذب عليك... شاذن/مو كذا...بس الموضوع مايتعلق فيك.... مشاعل/في منو..؟؟ شاذن/في خالك بدر... مشاعل/خالي بدر...ليش ان شاء الله لايكون يالحمارة حطيتي عينك عليه.... شاذن/لا...تطمني...بس في وحدة اعرفها حاطة عيونها عليه.... مشاعل/وهو يدري... شاذن/لاطبعا...وماتبي يدري... مشاعل/ليش عاد؟؟؟؟ شاذن/تقول اخاف اقوله ويطلع يحب وحدة ثانية واتورط... مشاعل/كلمته في التلفون... شاذن/لا مشاعل/حلوة هاذي كل شي لا... شاذن/ما عندها رقمه وحتى اذا عندها ماتبي تكلمه... مشاعل/...................منهي؟؟؟ شاذن/بس امانة ماتقولين لاحد؟؟؟ مشاعل/ok شاذن/ليالي خالتي... مشاعل/حلفي؟؟؟والله العظيم ماجت على بالي....بس تصدقين لايقين على بعض....خل اقوم ادق عليه....واتصلت فيه بس ماحد جاوبها... مشاعل/مايرد...الظاهر انه في المستشفى. شاذن/طيب قومي خل ننزل تحت. وعلى الكورنيش(متعب مع عمته شادية) متعب/اذا بنقعد لبكرة الصبح مابمشي غير لما اعرف ليه كنتي زعلانة وبتروحين شقتك؟ شادية/مافيني شي... متعب/كيف مافيك شي... شادية/بس حسيت اني تعبانة وكنت باروح ارتاح.. متعب/مو صحيح... شادية/........................ متعب/شادية انا اعتبرك مثل سارة اختي ومابينا اسرار.... شادية/....................... متعب/......................... شادية/انا تعبت ياولد اخوي؟ متعب/انتي بس ماعندك ايمان وتنقصك العزيمة... شادية/صار لي خمس سنوات من تزوجت يامتعب وماخليت دكتور مارحت له وكلهم يقولون نفس الكلام ماعندك مشكلة... متعب/طيب وليه متشائمة؟؟؟ شادية/الكل قام يعايرني يامتعب... متعب/وراشد شيقول؟ شادية/المشكلة في راشد يامتعب.... متعب/ليه؟ شادية/راشد يحب الاطفال ويتمنى يكون ابو بس قدامي مايبين عليه يقول اللي الله كاتبه بيصير واذا ماصرت اليوم ابو باصير بكرة... متعب/طيب نعمة....يوم انه واقف معك موضدك... شادية/لايامتعب انا مابي اظلمه معي اكثر من كذا ......... متعب/وشنو ناوية تسوين؟؟؟ شادية/لو كنت باقدر اعيش واكمل حياتي معه ومعاه زوجة ثانية كنت باقول له تزوج لكني اعرف نفسي ماقدر.... متعب/يعني؟؟؟؟؟؟؟؟ شادية/..........بطلب الطلاق..... متعب بعصبية/مجنونة انتي.......شهالكلام ... شادية/هذا الحل اللي انا قاعدة افكر فيه.. متعب/عن البياخة عاد.... شادية/انا مابي استغل حبه لي يا متعب... متعب/شوفي ياشادية راشد شاريك.....وكلامك هذا ماله أي معنى ....يوم انه محسسك انك اهم شي في دنيته والاطفال مالهم أي قيمة من دونك فماله داعي انك تقولين هالكلام وبعدين انتي ليه متشائمة ويائسة اذا اليوم الله ماعطاك بكرة بيعطيك وبعدين لاتخلين كلام الناس ياثر فيك ياشادية اهم شي انتي وزوجك متفاهمين وماعليك من أي شي بهاالدنيا.... شادية/........... متعب/.......خلاص لاتفكرين في هالموضوع مرة ثانية اتفقنا.... شادية/طيب..... في بيت الراشد في الصالة (كمال ؛دلال؛مشاعل؛شاذن؛محمود؛مح مد؛لوجين) محمود/خسارة انا توقعت تصير عندنا طقطقة ووناسة ونجيب العنود تغني لنا... محمد*/وليش ان شاءالله...ناجح هالسنة... مشاعل/لا اذا على اخوي فاالنجاح مستبعد اكيد الطقطقة لشي ثاني... محمود/حلوة بس بمشيها لك لاني احبك... دلال/لاانا كذا اغار انت وعدتني انتظرك لين ماتتخرج من الثانوية وتتزوجني... محمود/وليش ننتظر بعد كذا ولاكذا راح نسكن بالملحق.... هاهاهاها لوجين/انت ليه كنت تبي طقطقة ماقلت لنا مشاعل/وانتي شيخصك باخوي يالملقوفة.... لوجين/انا ماكلمتك كلمته هو... محمود/لاتطولين لسانك على اختي ترى هاذي بنت زايد وراها ظهر وراها ذيابة واسود.... مشاعل/احم احم (وتحط رجل على رجل) محمد قام عنهم/انا اشوف عيالي ابرك منكم... دلال/أي حبيبي حمودي ماقلت لي ليه كان خايب ظنك.. محمود/في واحد كان بيتقدم لمشاعلوا...بس خالد قال انه مايصلح لها...وراي خالد يمشي على راي ابوي فقالوا له تيسر البنت ماهي موافقة... مشاعل بدهشة/بس انا ماحد شاورني... محمود/يوم انه خالد تكلم اكيد ماهم بمشاورينك... شاذن تبي تشوف ردة فعل اخوها اللي كان قاعد على كمبيوتره وما كانه قاعد معهم... شاذن/خسارة عاد يمشاعلوا.... كمال بعصبية/وليش خسارة بالله؟؟؟ دلال حبت تكمل على الموضوع/يعني يوم انه رجال زين ليه يردونه من دون مايشاوروها ويكسرون بخاطرها... كمال بنفس العصبية/لانه مايناسبها...وبكرة يجيها اللي يحبها بجد ويسعدها(الحبيب يقصد نفسه) محمود قام عنهم بعد مادق جواله... لوجين/اصلا اللي بيتزوج مشاعلوا مجنون.... مشاعل لفت صوب كمال اللي كان يطالعها من انفح موضوع الخطبة... مشاعل بدلع/ترضى عاد تقول اختك انه اللي بيتزوجني بيكون مجنون... كمال قام من مكانه وتقرب منها وجلس جنبها وهمس لها/مو بس مجنون الا مستعد يكون أي شي انتي تبينه... مشاعل بنفس الدلع/أي بس هم ماشاوروني كيف يردونه؟؟ كمال بعصبية وهمس/وليه تبينهم يشاورونك ان شاءالله؟؟؟ مشاعل تقربت منه اكثر/علشان اقول لهم ماني موافقة... وابتعدت عنه.... وظل كمال يبتسم لها وهو قاعد مكانه ودلال وشاذن ميتين يبون يعرفون سر ابتسامات كمال ... مشاعل/كمال... كمالوهو بعده سرحان فيها/لبيه..... مشاعل/قول للوجين تجيب لي عصيرانا عطشانة كمال/روحي لوجين جيبي لمشاعل عصير. لوجين اللي ماعجبها انها تخدم مشاعل/بس انا مو خدامة بنادي على الخدامة تجيب لك.... مشاعل/بس انا ابيك انتي تجيبينه(مشاعل ولوجين في عناد مستمر) كمال/روحي جيبي لبنت عمك عصير بسرعة. لوجين قامت وهي تتحلطم,,,, كمال/عسى بس راضية. مشاعل/اختك ماتحبني.... كمال/مولازم هي تحبك انا موجود...وتقرب منها... مشاعل/احنا مو قاعدين بروحنا....ولف كمال لعند دلال وشاذن اللي كانوا يضحكون,,, كمال/انتوا ليش قاعدين هنا؟ دلال/وين تبينا نروح.... كمال/أي مكان؟ شاذن/قومي يالله مشاعلوا اخوي متضايق... ودخلت لوجين وهي جايبة عصير تفاح لمشاعل مشاعل/اولا...انامااحب عصير التفاح.....ثانيا...روحي رجعيه وجيبيلي عصير برتقال بارد..... لوجين بعصبية/لا..... كمال/ووجعة....سمعي الكلام يالله واخذت العصير وهي تتافف وطلعت كمال/انا ابي اعرف ليه تبين تجننيها مو كافي جننتي اخوها..... مشاعل/يقولون عندك سفرة هالايام... كمال/ليه نطلعين من الموضوع الاساسي .... ودق جوال مشاعل........مشاعل/هلا والله كيف حالكم ...عساكم طيبين...ان شاءالله بس اشتقتولي من امس يوم افارقكم ....اي دقيت عليك قبل شوي ...انا قلت اكيد بعدك ماطلعت من الدوام...والله ...احسن علشان انت اللي تدفع زايد ماعنده فلوس مكالماتي ...لابس حق ثيابي وعطوراتي...لالالا الله يخليك عبود خليه على جنب ......... كمال كان يغلي من اسلوب مشاعل مع انه عارف انها قاعدة تكلم خالها بس ماكان يبيها تكلم احد كذا....... مشاعل/لابغيتك بسالفة ضرورية....ماتنقال على التلفون (كانت تناظر بوجه شاذن ودلال اللي كانو ايطالعون فيها ويضحكون) كمال/شالسالفة؟؟؟؟؟ دلال/خبالها مع خوالها. مشاعل/ماتنفع تاجيل ..اليوم لازم اشوفك ...خلاص اعزمني الليلة على مطعم فايف ستار .......ok.اشوفك مرتز على باب بيتنا الساعة 8.باي. كمال/عسى ماشر. مشاعل/ماشر...وحدة تكلم خالها. كمال/مو اللي يسمعك مايقول خالها يقول حبيبها. مشاعل/حبيبها عاد؟طيب قول خطيبها اهون جنبنا بنات عزابية .... وتدخل لوجين وتحط العصير قدام مشاعل. مشاعل/اللحين صار لي ساعة من قلت ابيه توه واصل... شاذن/حمدي ربك انه وصل. مشاعل/خلاص...خلاص مابيه.. لوجين/وليه بالله. مشاعل لفت لعند كمال/ابي ايسكريم..... كمال اللي بعده متضايق منها/مايصلح.... مشاعل/ترى يصلح عند غيرك... كمال/اللي بيطلعك يعشيك مابيقصر على ايسكريم.... مشاعل/طيب مو مشكلة بنشوف.. في بيت العواد(واللي هم في الاساس بيت اخت ام محمد الراشد) كان فارس يسولف مع اخته جيهان في غرفتها فارس/شخبار الجامعة.... جيهان/كويسة... فارس/جيهان انتي تشوفي نفسك في المرايا كيف صاير... جيهان/يالله عاد فارس...صرت ماحب حنتك ..والله العظيم ماشتهي اكل شاسوي يعني... فارس/مايصير ماتشتهين ...بكرة تتزوجين وتحملين ماتقولي لي كيف بتمشين امورك وانتي عظمتين.... جيهان/اقول اخوي... فارس/قولي... جيهان/مالك نية تتزوج؟؟؟ فارس/وليه تسالين. جيهان/علشان ادور لك عروس حلوة... ويدق جوال فارس..........فارس/هلا خالد...في لبيت...مافيها شي ليه يعني..لا انا قاعد معاها (يكلم جيهان)ليه مقفلة موبيالك جيهان/مادري عنه من الصبح مافيه شحن. فارس رجع يكلم خالد/لا تقول ناتدري عنه من الصبح .......... وعطى جيهان الموبيال/خالد بيكلمك.(فارس امنية بنات 2008انه يكون اخوهم) جيهان/هلا.... خالد/ذبحتيني اليوم انتي... جيهان/ليه عاد؟؟ خالد/من الصبح وانا ادق عليك ويطلع لي مغلق خفت ان فيك شي..... جيهان/لاوالله بس من الصبح طفى وما دري وين رميته اصلا خالد/اهم شي انتي بخير. جيهان/لاتطمن مافيني شي. خالد/الحمد لله هذا اهم شي....................احبك. جيهان/وانا اكثر. خالد/اليلةبمر فارس. جيهان بفرح/صدق ..والله مايستحي صار لي ساعة قاعدة معه ماقال لي... خالد/انا ماكنت ابيك تعرفين ابيها مفاجئة.... جيهان/وافرض اني كنت طالعة . خالد/ومن قال اني بخلي فارس يطلعك الليلة. جيهان/ياسلام...اذا بغيت اطلع مابيردني... خالد/اجيب لك شي معي وانا جاي. جيهان/..................بيبسي... خالد/ومعاه.. جيهان/لابس بيبسي......... خالد/مايصير لازم شي يناكل مع البيبسي.....من وين تبين اجيب لك عشى.... جيهان/عشى بعد ..اللحين.انت الضيف المفروض احنا نعشيك مو تجي بعشاك.... خالد/والله حبيبتي اعشيك ولا تعشيني ماهي فارقة المهم اني اشوفك... جيهان/اشتقت لي... خالد/حيل.... جيهان/عيار.... خالد/تنكرين اني احبك...وصار يغني لها.. تنكر ياعمري محبتي ..... وفيك شتسوي نظرتي .... وعند راسك صورتي ...... تحضنها كل ليلة وتنام.... جيهان/لا انا كذا ماقدر خالد الراشد بكبره قاعد يغنيلي.... خالد/وبعدك ماشفتي شي انتي بس خذيني وبتشوفيني خادم تحت رجلك.. جيهان/ خلاص خالد بدق عليك بعدين امي تناديني في مطعم...... بدر/خلصيني قولي شنو موضوعك؟ مشاعل/اول اتعشى بعدين يصير خير. بدر/اقول مشاعل اذا مفكرتني عبد الله عنده خلق فانتي غلطانة دخلي في الموضوع بسرعة. مشاعل/بسالك سؤال وتجاوبني عليه بصراحة....انت حاط في بالك بنت معينة للزواج؟ بدر/مواصفات يعني؟ مشاعل/لا....يعني تحب؟ بدر/لا....هذا موضوعك؟ مشاعل/لا هذا جزء منه.... بدر/مافهمت؟ مشاعل/اسمع الموضوع.................................... ....... ......... شمس/متعب. متعب/عيوني..... شمس/غريبة.قبل خمسة شهور ماكنت تبيي تكلمني واليوم انا عيونك. متعب/انتي مو بس عيوني انتي ملكتيني.. شمس/........ متعب/ابي اشوفك؟ شمس/ماهي حلاوة كل يوم ابي اشوفك... متعب/طيب عطيني صورتك علشان مو كل يوم اقول ابي اشوفك.. شمس/لا متعب/عنيدة؟ شمس/طالعة على متعب... متعب/تحبيني؟؟؟ شمس/........ متعب/ليه ساكتة؟ شمس/انت ماقلتها غير مرة وحدة ليه تبيني اقولها لك دايما ؟؟؟؟ متعب/لاني ارتاح اذا سمعتها. شمس/وانا مو مهم ارتاح ...اذا تبي تسمعها قولها بالاول. اول ماوصلت مشاعل البيت راحت على طول غرفتها ومعاها البنات علشان يعرفون التفاصيل وبعد ربع ساعة دق باب غرفتهم.... شاذن/ثواني بس.......تفضل دلال/واذا كنت ثقيل دم لاتدخل؟ ودخل كمال وضحكوا البنات على دلال اللي تفشلت خصوصا ان كمال شكله كان بيغسل شراعها وعطى مشاعل كيس باسكن روبنز... كمال/يتراواللي بيكون احلى من اللي عطاك اياه بدر.... مشاعل/تصدق بالله انه ماشراللي ايسكريم.. كمال/قولي لنفسك علشان لاتشدين الظهر في الكل هاالمرة. مشاعل بخباثة/يمكن كان حاس انك بتجيب معك... كمال/وانا اقدر ارفض طلب انتي تطلبينه... شاذن/غريبة مع ان الايسكريم في نظرك مايصلح... كمال/هو ما يصلح ...بس شاسوي لها... مشاعل/لاتسوي شي كل يوم وانت راد من الدوام جيب معك ........ شمس/متعب ابي اقولك شي... متعب/قولي.. شمس/متعب انت في الفترة اللي راحت قلت كل شي عن حياتك بس ماعرفت عني شي؟؟ متعب/لاني ماكنت ابي اضايقك... شمس/انا بقولك كل شي عني وانا عارفة انك ما بتتوقع هالشي او يمكن كنت تتمنى شي افضل منه.....متعب انا ابوي متوفي من قبل ثمان سنين وعلاقتنا لاباهل امي ولاباهل ابوي كويسة ... متعب/ليه كذا عاد؟؟؟ شمس/امي حبت واحد وتزوجته رغم رفض اهلها والى يومك هذا متبرين منها... متعب/متبرين منها لانها تزوجت على سنة الله ورسوله ؟؟؟؟؟ شمس/هذا اللي صار... متعب/واهل ابوك... شمس/ماهم من هنا من منطقة ثانية...بعد وفاة ابوي صارت بينا مشاكل وطردونا ورجعنا هنا من جديد وبدينا حياة جديدة .....طبعا احنا ساكنين في بيت ايجار؟ متعب/؟؟؟؟؟؟ شمس/وعندي اخت اكبر مني مطلقة.... متعب/مطلقة؟؟؟؟ياحرام ليه عاد؟؟؟ شمس/هاذي اليه اللي ماحد يدري عنها للحين ... متعب/هي ماكانت تبيه يوم تزوجته؟ شمس/لابالعكس تزوجوا عن حب..وعندهم بنت وولد؟؟ متعب/وما قالت لكم عن اسباب طلاقها؟ شمس/ماهي راضية تتكلم صار لهم سبعة شهور وهو كل يوم يجي يترجاها انها ترجع له ... متعب/غريبة؟؟ شمس/وين الغريب... متعب/تزوجوا عن حب وبينهم عيال وانتوا تعرفونه زين وكل يوم يترجاها ترد له .... شمس/ماعلينا....عندي خوات ثنتين تؤام يجون بعدي على طول وثلاث اخوان الكبير عمره 17واللي بعده تؤام بعد ويعدهم بنت صغيرة عمرها تسع سنين.... متعب/اختك اللي تزوجت عيالها تؤام بعد... شمس/وليه تسال؟؟ متعب/اتطمن عليك بتجيبين تؤام ولا لا شمس تجاهلت كلمته/امي هي مصدر الرزق الاول وانا الثاني... متعب/مافهمت؟؟؟ شمس/امي تطبخ للجيران في عزايمهم ....وانا ادرس عيال الجيران واكتب بحوث تخرج وواسوي مطويات ووسائل للمدارس وامكيج بنات...... متعب/................... شمس/مو قلت لك انك ماتعرف عني شي ؟؟؟ متعب/....... شمس/......... متعب/....بصراحة انا متفاجى من اللي قلتيه يمكن لاني عشت في طبقة معينة ومااقدر اتصور كيف عايشين بس انا يوم كلمتك صحيح اني مارسمت لك صورة في بالي بس صدقيني يعني كنتي فوق او تحت هذا مابغير شي من علاقتنا واتمنى تصدقيني ... شمس/............. متعب/يعني لو تكون ظروفك اسوا من كذا ماافكر اني اتخلى عنك علشان ماديات؟؟ شمس/........ متعب/انا اللي ربطني فيك اكبر من ماديات العالم كلها انا اللي ربطني فيك .....الحب ...ووضعك هذا حتى لو ماتغير راح نرتبط صدقيني... شمس/نرتبط؟؟؟؟كيف؟؟ متعب/يعني زواجنا بيتم بدون أي نقاش... شمس/ زواجنا....زواجنا... ميس/شمسوا وينك انتي... شمس فزت من سريرها مختلعة /ميس؟؟ ميس/ليش بالله منوا كنتي تفكريني؟ انتبهت شمس انها كانت سرحانة في متعب وكلامه معاها ...يالله انا متى برتاح من متعب وتفكيري فيه... ميس/البنات اللي بتمكيجيهم موجودين وينتظرونك... شمس/يالله جاية... في غرفة البنات في بيت الراشد... دق جوال مشاعل واشرت لهم يسكتون لانه بدر اللي متصل... مشاعل/هلا والله... بدر/هلا..ميشو كيفك... مشاعل/طيبة ... بدر/نايمة ولا قاعدة. مشاعل/والله توني قاعدة.. بدر/اكيد سهرانة البارح.. مشاعل/لا خليت السهر والعشق لك ياخالي .. بدر/....كنت افكرفي.... مشاعل/في منو.... وفهموها البنات على طول... بدر/فيها.. مشاعل/منهي... بدر/مداكي نسيتي ؟ مشاعل/لا مانسيت بس ابي اتاكد... بدر/شسمها... مشاعل/ليه بتكتب فيها قصيدة... بدر/قولي... مشاعل/sory بدر/طيب كم عمرها ؟ مشاعل/23سنة ينفع او نكبر اونصغر... بدر/تدرس؟ مشاعل/في جامعة العلوم... بدر/طيب كيف شكلها... مشاعل/بسالها اول اذا قالت لي اوصفها لك ولا فاعتذر وبشدة... ****************************************** | ||||
|
| |
|
26-06-13, 03:08 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس... ****************************** مشاعل/بسالها اول اذا قالت لي اوصفها لك ولا فاعتذر وبشدة... بدر/تعرفين انك حمارة؟ مشاعل/طيب ياخالي العزيز مدامك قلت حمارة فانا مضطرة اسكر... بدر/بكرة تردين لي خبر سامعة؟ توت توت توت توت شاذن/شصار؟ مشاعل/الظاهر انه قاعد يفكر فيها ؟ **********************************في اليوم اللي بعده كانوا عائلة عبدالعزيز جايين بيت الراشد... الجدة/ساروه ووجعة ماتخففين اكل صايرة كنك برميل... سارة/شاسوي كل ماقلت بسوي رجيم ارجع اكل اكثر من قبل؟ دلال/وليه تسوين رجيم...انتي اكلي اللي تبينه بس باعتدال وبتوازن.. عادل/ماحد طلب شورك يافيلسوفة... الجدة/عيب عليك ياعادل انت ماتستحي... حنان/شوي شوي على اخوي ياجدتي ... عادل/لا...جدتك اصلا من زمان ماهي معترفة فيك ولافينا...عندها غيرنا.. دلال/شهالكلام ياعادل ...عيب عادل بعصبية/هذا اللي قاصر انتي تعلميني العيب.. الجدة/ووجع ان شاء الله انتوا ماتحشمون احد ابدا.. حنان/احنا ماقلناشي ياجدتي بس الظاهر مثل ماقال اخوي قلبك مو علينا قلبك على غيرنا.. وقامت الجدة ودخلت المجلس اللي كانوا الباقي متجمعين هناك.. وحنان وعادل استلموا دلال.. حنان/طبعا فرحانة يوم ان جدتك دافعت عنك... دلال/تراها جدتك بعد................انتوا ليه تكرهوني... عادل/بلاتمثيليات بايخة وروحي جهزي اغراضك علشان تجين معنا البيت دلال/وليه اروح معكم؟ حنان/وليه ماتبين تجين ان شاء الله.. عادل/مايبيلها كلام ...اولا لانها مو معترفة بابوها..ثانيا..لانها تعودت على الانفلات وان ماحد يحاسبها في الفروحة والجية ؟ دلال بعصبية/انا ماسمح لك تتكلم عني بذي الطريقة ابدا؟ عادل قام وهو معصب ووقف قبالها/ومن قال اني بنتظرك تسمحين لي بعد؟ دلال/مابرد عليك لانك انسان سخيف وتافه... عادل/انا تافه يللي ماتستحين على وجهك ...ورفع يده علشان يصفعها وحطت دلال يدها على خدها وغمضت عيونها وكانها تستنى صفعته...واستنت شوي بعدها تفاجات انه ماصفعها وفتحت عيونها ولقت نايف ماسك يد عادل اللي كان رافعها على دلال وجنبه عمها ابو خالد وابوها.. نايف بغضب/ماهي مرجلة منك ترفع يدك على اختك ... عادل/بس هاذي ماهي اختي...وبعدين انت مايدخلك انا قاعد اادبها؟ ابوخالد/انت اللي جاي تادبها؟ليش بالله قصرنا في تربيتها وجينا نطلب شورك ... عادل/عمي اسمح لي دلعك الزايد لها خلاها تعلي راسها وماتحشم احد ولازم تتادب؟ ابو خالد/اسكت بس اسكت ..حتى ماانت قادر تحشم عمك ...تكلم يابو محمد؟ عادل/ابوي ابو عادل ولاتقلل من احترامي ياعمي .. نايف/ترى انك تحترم عمك مولازم تتعلمها بالمدارس هذي يتعلمونها من الحياة؟ عادل تضايق من كلام نايف واخذ بعضه ومشى.. عبد العزيز/ليه كذا يانايف؟ نايف/انت مو شايفه ياخالي قاعد يغلط على اخوك؟ عبد العزيز/لاحول ولاقوة الا بالله...ومشى عنهم ...ابو خالد لف على دلال اللي كانت واقفة مكانها وماتحركت وهي منزلة راسها وتبكي.. ابو خالد/ولايهمك يادلال..يعني انتي ماتعرفينهم الله يهداهم بس كل اسبوع ذي حالتنا... دلال/..................... نايف/لايكون بس ضيقوا خلقك بكلمة من هنا ولاهنا انتي بس قوليلي وانا اخذ حقك منهم ... حنان/وباي صفة يانايف؟ والتفتوا الى حنان اللي نسوا وجودها... ابو خالد/ولد عمتها وحسبة اخوها ويخاف عليها.. حنان/ان شاء الله ..واخذت اغراضها ومشت.. دلال بعد خلاص وصلت معها للنهاية جثت على ركبها وقامت تبكي بصوت مسموع.. نايف/لا يادلال لايا عمر...لاتبكين(زين تذكر انه خاله بعده واقف) وركع عندها وكان وده يشيل يدينها اللي مغطية عيونها فيهم ويضمها لصدره غير انه سمع صوت خاله وهو يكلم دلال/افا يادلال ...ليه بس يابنيتي كذا ولا يهمونك ولاتضايقين نفسك علشانهم .....ودلال رمت نفسها في حضن عمها وزاد بكيها وهي تقوله/بس مايصير ياعمي كل ماشافوني سوووا لي سالفة من لاشي .. ابو خالد/مسحيها بوجهي يادلال...علشاني ذولا...استغفرالله الواحد مايبي يغلط عليهم بس ماحد جايب لنا الاذى غيرهم... دلال/انا مو زعلانة منهم ياعمي انا تعودت على سوالفهم معي بس ياعمي اللي حاز في خاطري ابوي...ليه يكرهنا حنا بعد عياله ومو ذنبنا ان امي ماجابت اولاد علشان يكرهنا كلنا؟ **********************************وفي الليل مشاعل تكلم بدر بدر/وينك؟ مشاعل بخبث/موجودة ليه تبي شي. بدر/شصار على موضوعنا؟ مشاعل/أي موضوع؟ بدر/وبعدين معك انتي؟ مشاعل /تقصد موضوع المعجبة...شفيها؟ بدر/مااشوفك قلتي شي ؟ مشاعل/بصراحة هي الصباح دقت علي بس انا ماعطيتها مجال في شي بدر بزعل/وليه؟؟؟ مشاعل/لاني ماشفتك قلت شي فكرتك قفلت الموضوع .. بدر/على كيفك هي قفلت الموضوع... مشاعل/وانت ليه معصب بدر/ولامعصب ولاشي بس كذا... مشاعل/بتكون بكرة مشغول ولافاضي؟ بدر/ليش؟ مشاعل/قلت اذا فاضي بخليك تمرني ونحسم الموضوع..... **********************************في بيت الجاسر.. راوية/يمه....يمه... ام محمد/تعالي يمه انا بالمطبخ .. راوية/يمه...ابيك تكلمين رياض.. ابتسمت الام/صدق ياراوية ؟ راوية/يمه لايروح تفكيرك بعيد بس بغيت اذكره ان دانيال عنده بكرة تطعيم اذا بيفضي نفسه.... ام محمد تلاشت ابتسامتها /عندك تلفونه كلميه انتي.. راوية/لايمه تكفين كلميه انتي ؟ ام محمد/وليه بالله ماتدقين انتي عليه مانتي زوجته وام عياله... راوية/كنت زوجته وياليتني ماكنت وام عياله لاوالف لاذولا عيالي ام محمد/............ راوية/مابتكلميه؟ ام محمد/اذا لك مصلحة منه فكلميه انتي انا ماابي منه شي.. تركتها راوية وراحت غرفتها .... راوية/اووف ياربي يعني اللحين بضطر اكلمه الله يسامحك يمه... راوية مسكت التلفون ودقت على رياض وماتدري ليش حست بنفسها ترتجف وهي تدق الرقم.... راوية/الو.... رياض/هلا والله كيف... قاطعته راوية/بكرة ولدك عنده تطعيم اذا تقدر تفضي نفسك له... رياض/مافي سلام ولاكلام..علطول ولدك؟ راوية/بتقدلا ولا لا... رياض/اذا بتجين معه بقدر..لاني ماراح ادخل بروحي معه ولدك مايبيني.. راوية/زين يسوي فيك يوم انه مايبيك. رياض/................... راوية/..................... رياض/............... راوية/باكون جاهزة الساعة 9. رياض/ان شاءالله... وسكرت السماعة وتنهدت من قلبها هي بعدها تحب رياض بس ماتقدر تسامحه ...كيف تسامحه وهو كان يخونها..كيف بتقدر بكرة تركب معه؟؟؟؟ وعلى التلفون... نايف/ان شاءالله بس ملاكي مو زعلان للحين.. دلال/نايف انا عارفة انك تحبني بس اليوم شوي وتورطني؟؟ نايف/والله ياحياتي ماقدرت اشوف احد يغلط عليك واسكت له؟؟؟اصلا لو الودي كان دفنته هو مع اخته لاباركت فيه ولافي اخته.. دلال/عادي صار تجريحهم لي مايهمني ؟؟ نايف/ولايهمك ياقلب نايف بكرة مااحد يقدر يكلمك بكلمة وحدة وانتي مرتي... دلال/.................. نايف/اشوف سكتي... دلال/وش تبيني اقول نايف/قولي يارب يجي هاليوم بسرعة ونصير في بيت واحد انا وانتي وبس؟ **********************************اخرالليل في غرفة راوية راوية/شمس الله يخليك روحي بكرة مع دانيال... شمس/sory...انا وحدة ماانام الا بعد صلاة الصبح مااقدر اقعد الساعة 8 علشان ولدك (امهم موصيتهم ان مااحد يرضى يروح مع دانيال غير امه) راوية/بس انا خايفة... شمس/كانك تبالغين يعني كلنا نعرف رياض وندري انه مايخوف... راوية/انا ماقلت يخوف...بس انا مرتبكة شوي مااعرف ليه ؟يمكن لاني من زمان ماكنت وياه بنفس المكان بروحنا فااحس اني مو عارفة اتصرف... شمس/خلي الموضوع طبيعي ...يعني بيمرك الصباح وبتروحون مشواركم روحة وجية بياخذ له ساعتين زمان ما تقدرين تضغطين على نفسك في هاالساعتين.. راوية/شمس انتي عمرك انحطيتي في موقف صعب؟؟ شمس وهي سرحانة في صورة متعب/صعب وبس...انا ياست من كل شي حولي... راوية/في هالفترة؟؟ شمس/قبل كم شهر.. راوية/بس ماكان يبين عليك ,, شمس/لاتذكريني ياراوية في اشياء اذا تذكرناها نتعب يااختي ...نتعب حيل ..وتنهدت تنهيدة طويلة...وطلعت من غرفة راوية وراحت الحوش وقعدت عند الشجرة الكبيرة اللي بوسط الحوش كان الحوش كله مظلم والجو حلو وفي نسمات هواء خفيفة.. وتذكرت اخر مكالمة مع متعب..... متعب/مافي كيف الحال.. شمس/كيف الحال... متعب/موكانها بدون نفس؟ شمس/ابي اشوفك....اليوم.. متعب/غريبة؟؟لهدرجة شوقك بيذبحك ومو قادرة تصبرين الا تبين تشوفيني اليوم ..... شمس/............... متعب/خلاص ولاتزعلين متى بغيتي؟ شمس/تقدر اول ماتخلص من دوامك... متعب/ليه مستعجلة حيل؟ شمس/ماتقدر؟ متعب/وليه ماتخلينها الليل على جو رومانسي وشموع مايكون احلى من العصر؟ شمس/ومن قال ان فيها شموع بس يامتعب ...بااشوفك في المكان المعتاد ...البحر... متعب/اللحين مشتاقة وبتموتين واخرها على البحر شسالفتك انتي كل مرة نلتقي على البحر....هاذي سابع مرة اشوفك على البحر... شمس/والاخيرة (قالتها بصوت حزين) متعب/تعالي انتي صوتك اليوم ماهو عاجبني ...في شي مضيق خلقك؟؟ شمس/................ متعب/منو مزعلك؟ شمس/متى راح اشوفك.. متعب/ترى بجد بديت اخاف...قولي شفيك؟؟ شمس/انت تحبني؟؟؟ متعب/مايبيلها تفكير... شمس/بس انت ماقلتهاغير مرة وحدة؟ متعب بغرور/طبعا ماراح اقولها غير مرة وحدةبس مركزي مايسمح لي اكررها؟ شمس/بس انا احبك.. متعب/لازم تحبيني وتموتين فيني بعد؟ شمس/يعني بس انا اللي احبك انت لا؟ متعب/انتي اللي مزعلك اني ماقلتها غير مرة وحدة ؟اليوم لما اقعدك بحضنيبسمعك اياها لين تملين ... شمس/ابيها اللحين متعب/لاتحاولين لما اشوفك.. شمس/صدقني لما اشوفك مافي مجال انك تقولها؟ متعب/باقولها.. شمس/ليه تعاندني ... متعب/ما اعاندك بس ماراح اقولها الاوانتي جنبي.. شمس/متعب لو نتفارق شتسوي ؟؟ متعب/شوفي انا اللحين عندي اجتماع بس اخاص بدق عليك علشان ارتب وضع شوفتنا وبالمرة اهزئك على هالنفسية السودة اليوم ok...يالله باي.. ومرت الساعات بطيئة على شمس لين شافت متعب الليل لما راحت مع سوزان وهالة ....اول مرة توقف السيارة قريبة من سيارة متعب اللي كان قاعد فوق سيارته واول ماشافها تنزل من السيارة قام من مكانه ... متعب/في احد معك في السيارة... شمس/صديقاتي... متعب/انتي اليوم ماانتي حلوة ابدا؟...ليه حزينة كذا؟ وقفت قريبة منه...وبدت تدمع عيونها...متعب مسك يدها ورفعها لشفايفه وباسها متعب/الا دموعك حبيبتي ذولا اغلى عندي من كنوز الدنيا كلها ؟؟قولي بس من زعلك وانا اوديه ورى الشمس.. شمس شالت يدها من يده وسط اعتراضه وفتحت شنطتها وطلعت موبايلها وشالت الشريحة ورمتها في البحر وسط دهشة متعب.. متعب/اهلك عرفوا بشي؟ شمس/لا متعب/في احد متقدم لك وغاصبينك عليه؟ شمس/لا متعب بمرح/زعلانة لاني ماقلت لك احبك غير مرة وحدة ياقلبي؟ شمس/تعرف يامتعب هذا افضل شي انت سويته انك ماذليت نفسك للحب عكسي ... متعب/ترى انا مو فاهم شي ابدا؟ شمس/صعبة ورب الكون صعبة بس انا مااقدر اتحمل اكثر من كذا ؟اذافي يوم من الايام اغليتني وحبيتني بتعرف شنو معنات اني اقدر اتحمل لحد هنا... متعب/صار لي تسعة شهور من عرفتك ولا مرة سمعتك تتكلمين كذا انا مو فاهم شصلير؟ مشت عنه وهي تمسح دموعها لين وصلت لباب السيارة وفتحته... شمس/انساني يامتعب..احنا مستحيل في يوم من الايام نكون لبعض....بس خلي في بالك ان مشاعري وياك كانت صادقة يامتعب....وركبت السيارة ومشت وتركت متعب في حيرته مو فاهم شي من اللي صار.... ورجعت لارض الواقع وهي تكلم نفسه(مامر علي اقسى من فراقك يامتعب..صحيح لقيت شدايد في حياتي بس مثل فراقك وربي ما توقعت اني اقدر اتحمل...اتحمل اتركك وامشي وانت بعدك في حيرتك...سامحني يااغلى الناس) راوية/شمس؟ شمس لفت عند راوية ولقتها واقفة جنبها... راوية/شمس فيك شي... شمس/لا راوية/قومي شوفي شكلك كبف صايروبعدين قولي لا.. شمس/وليه يعني؟ راوية/شمس صارحيني..انتي تحبين؟ شمس/اللحين في ذمتك وجهي وجه حب؟وبعدين انا وين اروح علشان احب انا من بيت الراجحي لبيتنا وطول اليوم في البيت...انا بس قاعدة احاتي ميزانية هالشهر.. راوية/قومي غسلي وجهك ونامي وبكرة يحلها الف حلال..... اليوم الثاني يدق تلفون راوية,,,, راوية/الو. رياض/هلا والله جاهزة. راوية/استناك, رياض/انا واقف عند الباب... راوية/يالله طالعة.. اول مااطلعت من البيت لقت رياض في السيارة يناظرجهتها ووقف قلبها اول ماشافته بس تقدمت بخطوات ثابتة وفتحت الباب الخلفي وركبت بدون ماتسلم,,ولف رياض صوبها,,,, رياض/مابتسلمين ماعليه بس انا موسايق؟ لفت صوب النافذة وكانها ماتسمعه ودانيال مد يده لابوه علشان ياخذه واخذه وجلسه جنبه ومشى,,,,,,,,,,,,,,,, وبعد ماطلعوا من المستشفى ركض رياض وفتح باب السيارة اللي قدام علشان مايعطيها مجال تعترض قدام الناس وركبت وهي متضايقة حيل من اللي صار لانها ماكانت تبي تعانده قدام الناس ....................... دانيال كان نايم بحضنها والجو هادى لين مد رياض يده ومسك يدها ...ارتجفت وحاولت تسحب يدها بس كان ماسكها بقوة وكانه مايبيها تفارقه..... راوية/اترك يدي ... رياض/مو بكيفك .. راوية/.............. رياض/احبك......... راوية/انت تكذب على نفسك, رياض/ واحلف لك بكل غالي اني احبك ياراوية وعمري ماخنتك ولافكرت اصلا اني اخونك........ بدت راوية تبكي /خلاص مابي اسمع منك شي خليني مسكرة على جروحي احسن مابي اتذكر وارجع اتعب من جديد,,,,,,,,,, رياض/ياراوية ارحميني والله حرام اللي قاعدة تسوينا في عمرك وفيني,,, راوية/..................... رياض/خلي في بالك اني بانتظرك طول العمر ياراوية وماراح اياس ابدا. انا عندي امل ان احنا نرد مثل اول صدقيني.... ***********************مشاعل جابت صورة ليالي واخذتها منه في نفس اللحظة وسط تذمره الشديد انه ماشافها عدل ........ بدر/عطيني موبايلك,,, مشاعل/وليش بالله ؟؟ بدر/ابي اكلمها... مشاعل/كلمها ومنو ماسكك بالله..... بدر/مو يالذكية قالت لك تتصلين من موبايلك اذا بغيت اكلمها فعطيني الموبايال وخلصيني.. مشاعل/لاحبيبي اول نتفق... بدر/شعليه بعد نتفق... مشاعل/بتكلم من موبايلي يعني تدفع فاتورتي ..... بدر/يالنصابة اللحين انا بعدني ماكلمتها اقوم ادفع فاتورتك.... مشاعل/وازيدك من الشعر بيت اللحين تدفعها قدامي............. بدر/امري لله مشكلتي محتاجك .... .......................................... وبعد مادفع فاتورتها,,,,,, مشاعل/اللحين اكلمها لك ولايهمك انت بس تامر.................ودقت على ليالي,,,,,, مشاعل/اهلين... ليالي/هلا والله مشاعل/بدون لف ولادوران في واحد يبي يسمع صوتك........ ليالي/منو(سؤال غبي ياليالي) بدر/كيف الحال..... ليالي/بدر,,,,,,,,,,,,,,,,, بدر/ينفع ولالا... ليالي/.................. بدر/كيفك... ليالي/بخير........ بدر/شخبار الجامعة... ليالي/تمام........... بدرياشر على مشاعل تطلع وهي تاشر له انها قاعدة على قلبه.... بدر/ليه ساكتة,,,تكلمي ابي اسمع صوتك ليالي/............ بدر/فيني اطلب منك طلب.. ليالي/اكيد... بدر/عطيني رقمك ... ليالي/ليه؟ بدر/ماتبيني اسمع صوتك... ليالي/......... بدر/خلاص اذا ماتبين مومشكلة .. ليالي/لا عادي... بدر/اذا تحسين فيها احراج فبلاها ... ليالي/ لا...مافي مشكلة....رقمي,,,,,,,,,,, بدر/طيب في وقت محدد لازم ماادق فيه ولابتكونين فاضية في اوقات محددة..... ليالي/اذا اخر الليل بكون فاضية..... بدر/خلاص ادق عليك الليلة okباي ,,,,,,,,مشاعل نطت من السرير/ها شقلتوا... رمى عليها بدر الجوال/قلبي وجهك... مشاعل منصدمة/اقلب وجهي بعد الخدمات هاذي كلها,,, بدر/والله الخدمات ماهي ببلاش انا ماقصرت شريت وتشريت لا ودفعت فاتورة جوالك بعد,,,, مشاعل/ترى اذا ماراح تقولي في ناس بيقولولي... بدر/خلاص خليهم يقولون لك.... *********************** في بيت الجاسر.... شمس/السلام عليكم... وعليك السلام شمس/وين راوية ماهي معكم... ام محمد/في غرفتها... لميس تهمس لشمس/اليوم طالعة مع رياض ماشفنا لها وجه من وصلت شمس/ليه صاير بينهم شي... لميس/والله الظاهر كذا.. شمس/باروح اقعد معاها واشوف سالفتها................. في غرفة راوية,,,,طق طق طق راوية/ادخل... شمس/كيف الحال... راوية/هلا... شمس/ليه مانتي قاعدة معاهم ... راوية/مالي نفس؟؟؟ شمسقعدت جنبها/ليه فيك شي.. راوية/........... شمس/رياض قال لك شي.... راوية/............ شمس/قولي شفيك... راوية/ضايق خلقي... شمس/ليه؟؟ راوية/لاني شفته... شمس/واذا شفتيه يضيق خلقك.. راوية/ولانه رجع تكلم في نفس الموضوع ,,, شمس/موضوع رجعتكم لبعض طبعا؟ راوية/ليش في غيره شمس/ وانتي مو عاجبك الموضوع راوية/تعبت ياشمس شمس/لين متى؟؟؟ راوية/ماادري؟؟؟ شمس/ومنو اللي يدري؟؟؟ راوية/خلاص شمس ......سكري الموضوع... شمس/طبعا تهربي مثل عادتك دايما؟؟؟ ***********************الليل في بيت الراشد.... (الموجودين سحر وخالد ودلال ومحمود ومشاعل جالسة بعيد تكتب) دخل عليهم كمال/السلام,,,, وعليكم السلام,,, دلال تبي تعاند مشاعل/يعطيك العافية ولد عمي.. ابتسم لها كمال/الله يعافيك دلال/احط لك عشى كمال/......... دلال/لايفوتك ترى انا اللي مسويته... خالد/ترى انا بديت اشك يعني صار لي ساعة ماحد قال بحط لك عشى ولا حتى فطور شسالفة؟؟ مشاعل نطت/ولا يهمك يابو زايد انا ازهب لك احلى عشى بالدني... كمال بكل حنان الدنيا/وانا,,, مشاعل بقهر/خلي دلال تزهب لك... ومشت مشاعل وماتوا عليها ضحك ماعدا كمال .. محمود/تتحدون ان مشاعلوا اختي تحب.. خالد/عيب تقول كذا عن اختك مشىمحمود للمكان اللي كانت جالسة في مشاعل ومسك دفترها وبدا يقر ابصوت عالي ...... ارجي السنين المقبلة تنصف الحال,,, عقب السنين اللي مضت لي حزينة .. مشيت كل دروب الايام رحال,,, طال الشقا والحزن طالت سنينه... وكل من نشد ويقول وشهي الاحوال ... اجامله بالرد واقول زينة... ابي سبب واحد لفرقتك يا..... وماانتبه الا ويد كمال ماسكة الدفتر ويطالعه بقهر/مرة ثانية ماتاخذ شي مايخصك سامع ولالا واخذ الدفتر وركب لغرفته... محمود بقهر/اووف انا ماادري هذا شيبي مني كله حاط دوبه من دوبي؟؟ خالد/تستاهل منو قال لك اقرا بشي مايخصك؟؟ محمود/وهو ماله شغل بعد يعني انا اختي هو ولد عمنا.... سحر تهمس لدلال/لاوالله هذا العمر كله..وضحكت دلال بصوت عالي ممازاد من قهر محمود.... *كمال في غرفته ومتبسم/واخيرا بنشوف مشاعرك يابنت العم شتحمل لنا ....وفتح الدفتر وكان مليان كله اشعار,,,,وبحط لكم مقتطفات منه... ****ليتك معي في ليلة البرد ندفا...ومن جمر شوقي لك اظمك وارويك..... تغفى عينك وانا اتوسلك تكفى ...توه الليل وتوني مامت فيك.... وتنعس عيونك على صدري وتغفى...وابوس لك عينك وبشوقي اغطيك.......... *****تعبت ادور اسباب لخيانتك...اللي ماسويت لها حساب... ليه ماحنا كنا دوم احباب...ايش اللي صار وكيف انسى العذاب... ********روح الله يسامحك... ماعاد باقي وقت للتفكير...انت الخاين باحساسك وانا قلبي الطيب الكبير .. *********قصة حبيبين(هذا كان اكثر شي لفت نظره في الدفتر) كنت احبك ياكمال اكثر من روحي وانت عارف هذا الشي بس ماهمك ؟؟كان كل همك انك تتسلى في مشاعري؟؟ولاتقول غير كذا؟؟؟لاتقولي انك تحبني لو كنت تحبني كنت وافقت ان احنا نتزوج واسافر معك بس انت كنت تلف وتدور ماتبي تقولي انك ماتبيني وصرت تتحجج بالغربة وكيف الوضع متعب وكيف ان الزواج يبيله استعداد وانت ماباقي غير يومين وتروح لا تخاف انا فعلا انتبهت اني مجنونة لحظتها كيف طلبت منك الارتباط وين كان عقلي ساعتها؟؟ ماادري شقول وما عندي شي اقوله غير انك ماكنت تستاهل حبي ياولد عمي,,,,,,,,,,,,,,,,,,,,,,مشاعل كمال بعد ماقراهالكلام وصلت معاه وعصب ...لمتى يامشاعل بظل اقولك اني احبك لمتى بس؟؟؟؟وجت على باله فكرة يسويها؟؟؟؟؟؟ مشاعل رجعت الصالة ومالقت الاخالد حطت الصينية قباله ورفع خالد راسه وابتسم لها خال/تسلمين يام زايد... مشاعل/لا تحاول ماراح اسمي غير عبد الله خال/افا ليش عاد هذا وهو عازك ورازك وحاط لك قدر وقيمة مشاعل/عبد الله وبس... خالد/ا لا صدق تعالي انا يوم نشدته قال مابي عبد الله مو على كيفك... مشاعل/ومنو هذا اللي نشدته؟؟ خالد/زوجك........... مشاعل/......... خالد/مشاعل ابي اسالك سؤال... قامت مشاعل من مكانها بتمشي ومسك خالد يدها../ماسالتيني منو زوجك.. مشاعل/مايهمني منو بتقول,,, خالد/مشاعل انتي بعدك تحبينه ليه تكابرين .... مشاعل/حبه في قلبي مات من زمان ياخالد... خالد/مو صحيح هالكلام يامشاعل...انا عارف انك بعدك تحبينه,, بس ماتبين تبينين هالشي يامشاعل كمال يحبك وماغلط معك بشي انتي حساسة زيادة عن اللزوم راجعي نفسك بتلاقين كمال ماغلط كان كل همه ان يوفر لك حياة كريمة ... وقطع كلامهم دخول منار ومحمود ومشاعل اخذت بعضها وراحت غرفتها..... دلال/مابغيتي تجين يالحمارة,, مشاعل/اسمع بعد,,,خل يجي الدكتور نايف ويشوف حرمه المصون... دلال/خلنا من نايف اللحين وخلينا في كمال.. مشاعل بخوف/شفيه فديته.. دلال/في ان (وقالت اللي صار تحت اثناء غياب مشاعل) مشاعل/طيب اللحين شاسوي؟ دلال/انا اقول ماتسوين شي ننطر لاخر الليل اذا ماجاء روحي وسالي عن الدفتر....................... ***********************وفي مكان ثاني,,,,,, نايف وفارس وطلال يتعشون في احد المطاعم الفخمة..... نايف/والله الواحد مايصدق متى تجي الاجازة يرتاح شوي من العمل. طلال/أي والله علة هالدوامات. فارس/اللحين ماقلتوالي وين بنسافر هالسنة. نايف/انا عن نفسي أي مكان اهم شي مافي دوام. طلال/انا اول اشاور الحكومة)يقصد سوزان) فارس/واذا الحكومة قالت مافي سفر؟؟؟شنو راح تسوي.. طلال/بكل بساطة ماراح اسافر. نايف/المهم النصف الثاني مايزعل. وقطع كلامهم نغمة مسج لجوال طلال كانت من سوزان(اسالك بالله وش سويت فيني ...وش سر الشوق اللي يجيني ,,,قلبي طول وقته معك مايبيني...ابسالك باللي عطاك هالعيون...واسالك بالله يالقلب الحنون,,كانك تعرف سر هالشوق انك تقولي وش يكون...هو غرام اواحترام اومرحلة الحب بالجنون؟) فارس/بنت حلال ماتعطي احد مجال يتكلم عنها.. ***********************في بيت الجاسر..... ابو رياض/انت مو ناوي تخلي عيالك عندنا على طول يارياض.. رياض/اذا علي انا ماودي افارقهم بس امهم متعلقة فيهم وانا ماابي اكسر خاطرها.. جواهر/والله ياخوي هي اللي تركتك مو انت اللي خليتها والعيال ما ينحفظون اا عند ابوهم.. لؤلؤة تهمس لهالة/رجعنا لهاذي السالفة شوفي وجه رياض كيف تغير... ***********************في بيت الجاسر.... سامر يدخل غرفة شمس وتنط من سريرها.. شمس/بسم الله الرحمان الرحيم كم مرة قلت لك دق الباب قبل لاتدخل... سامر/وفري على نفسك انك تعلمينا الادب وعلمينا من وين ناكل البيت مافي غير الماي وابشرك على بكرة الصبح بيكون خلص..وطلع من الغرفة وسكر الباب بقوة... بعد ماطلع سامر من الغرفة وسكر الباب قعدت شمس على سريرها وهي حاطة راسها على رجليها وهم الدنيا كل فوق راسها ,,,,احتارت شتسوي؟؟؟؟؟ياربي انا شسويت علشان اتحمل هذا كله.... وماشافت روحها الا وهي رافعة سماعة التلفون........ سوزان/اهلين,, شمس/.............. سوزان/ها اقول اهلين وين رحتي... شمس/سوزانوا انا عارفة اني ثقلت عليكم انتي وهالوا بس.... قاطعتها سوزان/شهالكلام...انتي عارفة انا احنا ماعندنا هالسوالف ومافي فرق بينا... شمس/والله اني متفشلة بس ابي سلف.... سوزان/بل بل بل هالمقدمة كلها علشان سلف اجل لو تبيني اقولك اخر اخبار الحبيب شبتسوين؟؟؟ شمس/ها...متعب...شفيه... سوزان/ها..متعب ..شفيه..(تقلد صوت سوزان)بتموتين علينا خلاص هونا ماراح نقولك؟ شمس/حلفتك بااغلى الناس عندك تقولين.. سوزان/تبين السلف ولا اخبار متعب؟ شمس/سوزانوا مالي خلق والله العظيم قولي بسرعة؟ سوزان/انتي موقلتي ان مايهمك ليش ذابحة نفسك تبين تعرفين ...شوفي لاانا ولاهالة مصدقينك حبه ذابحك من زمان ومن لحظة ماتركتي وكل مرة نجيب سيرته وتحاولين تسكرين الموضوع نلقى الشوق في عينك....بس اللي ماتعرفينه ياشمس متعب يموت فيك طلال يقول انه قاعد يدور عليك بس مو عارف كيف وانه مايتكلم معهم الافيك وبيجننه شوقه لك وماعنده أي تفسير للي صار .....باختصار انتوا الاثنين تحبون بعض وانخلقتوا علشان تكونون لبعض...بس شقول عليك انا...المهم ترى متعب طالع دورة تابع العمل في لبنان وفكري في كلامي زين ياشمس...باي.. كل هذا الكلام انقال وشمس في عالم ثاني سرحانة بافكارها بعيد مع متعب لدرجة انها ماانتبهت ان سوزان سكرت التلفون ونست حتى سالفة السلف؟؟؟؟معقولة ياشمس بعدك تحبينه وبعدك في باله مثل ماقال لربعه؟؟وليش مو معقولة هو كان صادق في كل شي معي ؟؟؟؟؟لكن لا مستحيل هذا ولد الراشد ولد الناس اللي بتظلين تكرهينهم طول عمرك ياشمس حتى لو فرضتي ان شمل العايلة التم من جديد لا تفكرين في لحظة من اللحظات انه امه بترضى ياخذك وانتي اقل منه في كل شي(التعليم/المركز الاجتماعي/المادي/....الخ) لاتصيرين ضعيفة ياشمس مومعقولة كل مايجي طاريه تضعفين كذا لازم تتخذين قرار نسيان متعب باقرب فرصة؟؟؟؟؟؟؟؟؟؟؟؟؟ ********************* في اخر الليل كانوا مشاعل ودلال قاعدين بغرفتهم والا واحد يدق الباب... دلال/لحظة......................تفضل دخل كمال ,,,,,, كمال/عسى ماشر ليش تناظرون في بعض؟ دلال/لا بس غريبة يعني شنو كنت تبي (تدري بس الكذب مطلوب) *********************** | ||||
|
| |
|
26-06-13, 03:29 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع ************************ دلال/لا بس غريبة يعني شنو كنت تبي (تدري بس الكذب مطلوب) كمال ابتسم لمشاعل/ابدا...بس مريت من هنا قلت اشوف نمتوا ولا بعدكم دلال/ماتقصر ياولد عمي مانبي شي.. كمال/انا ماسمعت صوت مشاعل.. (بغتها من الله مشاعل علشان تنزل راسها بالارض) تقرب منها بعد ماسكر تالباب ورفع راسها ولا نو يتي حتى صوتك تقطعينه عني.. مشاعل/............. كمال/اذا تبيني اطلع خليني اسمع صوتك علشان ارتاح ويكون صوتك اخر شي سمعته قبل لاانام مشاعل/............. كمال/طيب هذا مو دفترك(وعطاها دفترها) مشاعل/وش اللي وصله عندك؟ كمالببتسامة ساحرة/مابغيت اسمع صوتك؟(على العموم هو كل ابتساماته ساحرة واسرة) مشاعل/.............. كمال/تصبحين على خير يا...وتقرب منها لدرجة ان انفاسها صارت حارة من الخوف وهي تفكر شلي بيسويه هالمجنون وقدام دلال؟؟بس ارتاحت لما قرب فمه من اذنها وهمس/ياروح وتفكير وعذاب كمال انتي. وقام وقبل لايطلع رمى عليها نظررررة حارة لدرجة انها حست نفسها عريانة قدامه .. واول ما طلع دلال راحت طيران لعند الباب وقفلته وعلى طول لسرير مشاعل اللي بعدها ماهي في الدنيا.. دلال بهمس/شها الرجال والله طلع اخطر من نوافي ولا يستحي من احد بعد؟ مشاعل ابتسمت بدون ماتعلق.. دلال/والله صراحة شكله ولد عمي كان يبي يتزوج الليلة؟ مشاعل/أي..بس انتي خربتي علينا؟ دلال/شدعوة حط لي اهتمام؟ مشاعل/والله احنا كنا خايفين نسوي أي حركة وبعدين تنحرفين وتقولين بسبايبنا ؟ دلال/لاتخافين من الناحية هاذي نوافي مو مقصر...مو ناقصني غير اروح اسكن وياه؟ مشاعل/والله مسكين نايف مطلعته ذيب.. دلال/ومن قال لك انه مو ذيب؟؟ مشاعل/اصلا مافي مقارنة بين كمال ونايف؟ دلال/حبيبتي قدامكم بس ...لكن خلنا نكون بروحنا..اذا ما......... مشاعل وهي ميتة ضحك/كملي ليش سكتي.. دلال ومبين انها انتبهت لنفسها /ولاشي؟؟ وقامت سريرها ومشاعل مسكت القلم وفتحت دفترها بس لما فتحته شهقت؟؟؟ راوية بجفاء كبير/نعم,,, رياض/راوية (بكل حنان الدنيا*) راويةبملل/في شي .... رياض/اشتقت لك حيل... راوية/وغيره... رياض/احبك... راوية/وغيره,,, رياض/والله العظيم مااقدر اعيش بدونك... راوية/..................... (((كانت مجبرة انها تسكت علشان مايسمع رياض صوتها وهي تبكي وتبين قدامه ضعيفة لانها تحبه وما تقدر تداري اكثر ))) رياض/راوية....انا بسافر مع العيال في الصيف,,, راوية/لا والف لا عيالي بيظلون عندي... رياض/وليش مانظل كلنا مع بعض انا وانتي والعيال... راوية/مليون مرة قلت لك لاتفتح الموضوع خلاص انتهينا وكل واحد راح في دربه,,, رياض/بس انا احبك ياراويةوعندي امل ان احنا نرجع ... راوية/انا مانسيت انك كذبت علي ,,,,, رياض/راوية انتي فهمتيني غلط ومو راضية تسمعين شي حبيبتي انا,,,,, قاطعته راوية/ممكن تسكر الخط علشان دانيال قعد وباروح اشوفه,,, ***********************دلال/مشاعلوا وعمى شفيك؟ مشاعل/هذا مو نفس دفتري؟؟ دلال/شلون مونفسه مو هذا اللي كل يوم تكتبين فيه ,,, مشاعل/لا؟ دلال/شلون (واخذت الدفتر من عند مشاعل) وبعد ماقرت منه شوي قعدت تضحك.. مشاعل/ليش تضحكين؟ دلال/الظاهر ان كمال بيستخدم نفس الاسلوب ... مسكت مشاعل الدفتر وصارت تتصفح الاوراق اللي فيه وقرت اول ورقة اللي كانت عبارة عن اهداء... (الى الحبيبة مشاعل اتمنى انك تتفضلين علي بشوية من وقتك وتقرين الكلام اللي مكتوب (مشاعري اللي مو قادر ابوح فيها سطرتها لك في هذا الدفتر))) (كان الدفتر مثل دفتر مشاعل وملايان اشعار وكلام غزل .... ومن اللي كان مكتوب***** //في عز ماكنت اهوجس فيك وافتح لك..............ابواب قلبي خذتني رجلي لبابك. وجيتك وانا مااذكر اني كنت رايح لك........بس اذكر اني كذا لاطول غيابك. يابنت الاوادم ترى مليت اللمح لك....انا اعزك واحبك واعشق ترابك, ان كان ودك ترسيني على كحللك .....لميت عمري وخاويتك على اهدابك . لكن قبل تنجرف حبيت اوضح لك ...مستقبلي في يديك واعملي حسابك. لو ضاع مستقبلي ماني بسامح لك....يكفيني الماضي اللي ضاع باسبابك, ***********************//////حرام اجمع لك شعوري في كلمتين اعجاب....احس اني وانا اردد كلام الناس اخونك . ابي كلمة ولاقيلت ولامرت بعد في كتاب,,,وابد ماجت على بالك وبال اللي يعرفونك. ***********************حبيبتي مشاعل انا احبك اكثر من روحي وانتي عارفة هالشي بس ماادري ليه ماسكة علي هاالموقف انا فعلا ظروفي ماكانت تسمح بزواج وانا بعدني ادرس قلت لك لازم اامن مستقلبي واشتغل وبعدين نتزوج واذا انتي ترضين تتزوجين بدون ثوب وزفة ترى انا ماارضاها لك ولي مشاعل في قلبي كلام كبير وودي اقوله بس انتي ماترضين تسمعيني ترى كثر ماراح من عمرنل مابقى وياليت تفكرين في هالشي اذا قلبك بعده يحمل لي شوية مشاعر............كمال. ////بااعترف لك بس اخر اعتراف ...انت وحدك بس منهو همني.. دامني مغليك ..ماعندي خلاف....وان تشتت من غلاك فلمني.... واعرف انك وسط قلبي ولاتخاف ...سمني مجنون حبك سمني. ***********************مشاعل ماحست الابدموعها وهي تسيل على الدفتر هي تحبه وقاعدة تكابر بس لانها عرضت عليه الزواج وتروح معاه فرنسا ورفض ومن يومها وهي شايلة عليه الدنيا كلها بس هو,,,,هو بعده يحبها معقول ؟؟؟كل هالحب عندك وانا ماادري عنك والله وطلع احساسك صادق وانا اللي مفكرتك بعتني؟؟؟؟ راوية حست انها لهذا الحد وماتقدر تكمل مع رياض مكالمته فسكرت التلفون قبل لاتغير رايها وتقول له انها هي بعد تحبه وماتقدر تعيش بدونه وحست بضيقة ولمت نفسها وراحت لعند شمس وحمدت ربها ان لميس وميس كانوا نايمين... شمس/راوية شفيك؟ راويةماتكلمت بس تقربت من شمس وحطت راسها بحضنها وماحست على نفسها الاوهي تبكي بصوت مسموع... شمس/اسم الله عليك ياراوية شفيك؟ راوية/ماني قادرة من الضيق اللي فيني ياشمس احس اني باموت ... شمس/اسم الله عليك انتي بس قوللي شفيك وش اللي مضايقك وانا,,, راوية/تعابنة ياشمس تعبانة ومو قادرة اتحمل اكثر من كذا احس اني بنفجر في أي لحظة .. شمس/رياض... راويةماردت بس زاد بكيها بصوت مسموع وعرفت شمس انه هو السبب.. شمس/شوفي راوية اذا بتظلين ساكتة عمر الموضوع مابينحل ولايعدي ولا القلوب بتتصافى ..انتي بس صارحيني وقولي شفيك وش اللي تفكرين فيه يمكن اقدر اساعدك.......... في الصباح (بيت الراشد) ام كمال /غريبة قاعدين اليوم مافي دوامات شلي قومكم (تقصد كمال وخالد) خالد/اذا على هالوجوه السمحة اكيد مابنقوم بس عندنا شاليه اليوم. سحر/كذا يابو زايد ولاتعلم ولاتقول سكاتي نفسي نفسي.. كمال بشدة/ماعندنا حريم بس رجاجيل سحر بهمس/بسم الله الرحمان الرحيم انا مو عارفة مشاعلوا شنو حابة فيك شاذن/الا صحيح وينها ماشفتها اليوم, دلال حبت تسوي في مشاعل مقلب وتستفزها علشان ترجع لها شوية من مقالبها اللي تسويها لها كل ماشافت نايف واللي حلى الموضوع ان مشاعل بعيدة عنهم .. دلال بصوت يسمع كمال اللي قاعدد قبالها /وش تشوفين فيها خنت حيلي بنت عمي مالها حال من البارح؟؟ رفعت مشاعل راسها لدلال بمعنى اسكتي ولاتفضحيني ودلال خبر خير خصوصا بعد ماشافت كمال عدل قعدته وكانه يقول لها كملي بسرعة شادن/ليه شصا ر البارحة؟ دلال/الا قولي شنو ماصار؟ شادن/يادلالوا ياتتكلمين عدل ياتسكتين احسن لك؟ دلال/انا شيخصني روحي ساليها وهي تقول لك شفيها سحر/ووجعة تكلمي مثل الاوادم.احد قايل لها كلام يغثها؟ دلال بضحكة/هو كلام كلام بس ماقالوا لها رسلوا لها؟ويغثها ماظني ان غثها ابدا؟ ابتسم كمال هالمرة وحس انه وصل لشي ..زخالد اللي كان عارف بالسالفة صار يطالع بوجه كمال ومشاعل ودلال ويبتسم بعدين قال/يعني عجبها الكلام وصدقته؟ دلال/الصراحة وبيني وبينك ياخلود ,,,(سكتت لانها حبت تلعب بااعصاب كمال اللي كان يتابع كلامهم) كمال بنفاذ صبر/شنوا؟ دلال بخبث/شنو..انا اتكلم مع خالد؟ كمال/قولي بسرعة؟ دلال/ماني عارفة انت تتكلم يعني في نفس موضوعنا ولاشي ثاني.. كمال/بذبحك ترى اذا ماتكلمتي. خالد/ترى يسوسها الحبيب ويذبحك فااكسري الشر وتكلمي دلال/اولا مو بكيفه يذبحني مثل ماهو بدوي ويغار على شوفاته انا بعد وراي واحد مايرضى علي وبشكي عليه وبخليه هو يذبه في الشاليه كمال خلاص نفذت اعصابه/دلال دلال/نعمين خالد يضحك/والله انك مجنونة اللحين هو بيموت وانتي ولا هامك دلال/بس اخاف اقول ياخالد ومايروح الشاليه؟ كمال/من الفرح ولاالزعل؟ مشاعل الى هنا وماقدرت تكمل مشت بتطلع الحديقة وهي تقول في نفسها علومك علوم عندي يادلالوا على اللي سويتيه فينا لكن احسن قلتيله هنا على الاقل شفت ردة فعله كمال بعد ماشاف مساعل طلعت/ها قولي؟ دلال/شقولك علوم علوم ياولد عمي خالد/ماصارت عاد ترى مللتينا دلال /اسمع.................. الضهر في الشاليه... كمال/اقول طلبوا لكم اكل من وين ماتبون ولاتحاتون الدفع علي,, حمد/الله يكثر من هالعزايم بس شسالفة اليوم راضي ومرتاح نفسيا. كمال/أي والله مرتاح نفسيا لابعد حد؟ فارس/عسى بس الموضوع يسوى. كمال/الا يسوى ونص يوم فيه عزوتي وراس مالي وحلالي اكيد بيطلع يسوى. نايف/اه يعني مشاعل بالنص متعب/اجل اكيد عطتك وجه اليوم كمال/ياريته وجه وبس الا مشاعل طلعت تحبني وتموت فيني مثل ماانا احبها طلال/وانت من قال لك كمال/اسمع السالفة ........................................... فارس/أي من قدك اللحين تحبك وتحبها وساكنين مع بعض في نفس البيت كمال/انت بتقعد تحسد مثل الحريم اقولك من البارحة ماتكلمنا مع بعض متعب/تدري انك ذكرتني في حبيبتي اللي مااعرف حتى اسمها ؟ طلال/انا مااصدق يامتعب انك تحبها يمكن انت متعلق فيها بس لانها اول بنت تدخل حياتك بس انت حتى اسمها ماعرفته ؟؟؟ماادري شقول لك متعب/انا ماابي أي شي ابي بس اشوفها مرة في حياتي واقول لهل هالكلام... علمتني وشلون احب ...علمني كيف انسى يابحر ضايع فيه الشط والمرسى,,,علمتني وشلون احن علمني كيف اقسى ,,,,سير علي اذا تذكرت الجروح ...سير علي بس امسح دموعي وروح ,,,سير علي اذا تذكرت الجروح.... ***********************في بيت الجاسر ام محمد/قصروا صوتكم المجلس في حريم سامر/منو قال لك حريم كلهم بنات. ميس/مو يالعاقل البنات يعني حريم. سامر/خطا البنات يعني مومتزوجين والحريم اللي عندهم عيال. لميس/الله يخلف عليك وعلى فهمك؟ ام محمد/كان رحتوا ساعدتوا اختكم مابتقدر مسكينة من بعد صلاة الضهر وهي واقفة للحين الساعة 5 لميس/ليش كم وحدة جات؟ سامر/9 وسام/8 سامر/اقولك 9 وسام/هي امس قالت لي 8 سامر/وانا فتحت لهم الباب كانوا8 ميس/لابالله جنوا اخواني وقعدوا ام محمد/بتروحون تساعدونها لو لا لميس/بالصراحة انا وحدة ماافهم في الماكياج اصلا؟ وتدخل نور الصالة نور/يمه في وحدة تبي شمس عند البابز ام محمد/منهي؟ لميس/يمكن بتتمكيج بعد؟ نور/لا من بيت ال موسى اللي كانت شمس تدرس عيالهم ؟ ميس/انا بطلع لها اكيد جايبة الفلوس؟؟ .................................................. ....................................... وبعد صلاة العشاء كانت شمس خلصت مكياج البنات وطلعوا وجت الصالة وبدون أي كلام رمت نفسها على الكنابية وتمددت ام محمد/الله يعطيك العافية يمه شمس اللي كانت بتموت من التعب ماحبت تبين لامها هالشي فزت من مكانها شمس/ام محمد هني ماحد قال لي. سامر/ليش بالله مانملي عينك ميس مدت الظرف لشمس/هذا من بيت ال موسى مسكته شمس وطلعت من بنطلونها الفلوس اللي استلمتها حق الماكياج سامر/الله فلوس واجد شمس/وين ورقة مصرف البيت؟ لميس/في غرفة امي شمس/وانا اجيبها؟؟ لميس/انتي كذا كذا تعبانة فما فرقت معك ام محمد/ووجعة يالميسوا صدق ماتستحين. شمس/وسام روح جيبها وجاب وسام الورقة وقعدت شمس جنب امها وصاروا اخوانها حواليها مثل الدائرة ميس تقرا بالورقة /.....ريال ايجار للبيت .......ريال تموين اغراض البيت ......وكانت شمس كل مبلغ تعطي امها لين خلصوا اخذت مبلغ وعطت امها الباقي لميس/ها شنو ماخذة الفلوس شمس/لي حاجة فيهم ميس/شنو الام/ووجعة بدل ماتقولون لها الله يعطيك العافية لميس/ماقلنا شي بس المفروض كلنا ناخذ كثر بعض شمس/بالصراحة الفلوس مو حقي (وسام دق قلبه لانه حس انهم اذا دروا ماراح تجيه الفلوس) ام محمد/ولاتشرحين لهم ولاشي يمه هذا كله من خيرك سامر/اختصري لمنو ؟ شمس/وسام محتاج هالشهر وبعدين انا كنت مقصرة عليه في الفترة اللي راحت رغم انه اكثر واحد فيكم خادم البيت ومدت يدها بالفلوس لوسام سامر/لا مايصير كذا اخذ وسام الفلوس وهو مرتبك/ش شكرا شمس شمس/يمه بعد اذنك وسام يبي يطلع شوي الليلة بيتمشى وبيرد ام محمد/بس لاتتاخر يمه واقعد احاتيك وسام/ان شاء الله يمه وقبل لايطلع همس في اذن امه وطلع لميس/يمه شكان يبي منك شمس/توقعت تسالني لانك ملقوفة لميس /وانتي شيخصك انا اكلم امي ام محمد/قاللي لااعلمكم سامر/يمه تكفين ام محمد/وين راوية نور/في غرفتها بنتها مريضة ام محمد/مريضة بسم الله عليها خلني اقوم اشوفها ودخلت غرفة راوية ولقتها جالسة جنب بنتها على الفراش ام محمد/شفيها ديمتنا ؟ راوية/والله ماادري يمه اشوف حرارتها عالية ام محمد/كان عطيتيها خافض حرارة راوية/عطيتها شربته ونامت ام محمد/هذا كله من فراق ابوها انتي عارفة انها متعلقة فيه كان خليتيها تروح معاهم راوية/ليش يمه انا مااحبها وتعلقة فيها ام محمد/يمه راوية حرام العيال في ذمتكم مايصير يظلون معلقين كذا خليهم يحسوا بالامان بينكم راوية/وش تبيني اسوي يعني ام محمد/يمه راوية رياض قبل لايسافر كلمني وقال لي انا ابي راوية ومو متانزل عنها وعندها ثلاثة شهور خليها تفكر على راحتها راوية/قال هالكلام مليون مرة ام محمد/بس انا هاذي اخر مرة اقوله ياراوية اذا تحسين ان سبب طلاقكم مايسوى لاتهدمين شبابك بيدك ةياراوية وقامت عنها وظلت تفكر بينها وبين نفسها مو معقولة سسبب طلاقنا مايسوى لا يسوى طبعا رياض كان يخوني...لاياراوية لاتغالطين نفسك رياض ماكان يخونك انتي اصلا ماعندك دليل واحد على خيانته غير انك شفتيه ذاك اليوم قاعد مع بنت خالته في كافتريا فوق في مجمع ...وراحت بيها الذاكرة لذاك اليوم اللي طلع رياض من البيت ودقت على خويتها احلام علشان يطلعون يجهزون للبيبي لانها كانت حامل في الشهر الثامن وطلعوا وحظها كان انها راحت نفس المجمع اللي رياض كان رايح له ومرت عند الكافتريا وشافته قاعد مع وحدة فكرتها وحدة من خواته لانه متعود يطلع معاهم دايما وقعدت في الطا ولة اللي قباله على طول والبنت اللي معاه كانت عاطيتها ضهرها وحبت تسوي فيه مقلب دقت عليه وتضايقت انه رياض لمى شاف رقمها تافف ورد عليها وهو متضايق رياض/الو راوية/هلا...وينك رياض/انا اللحين عندي اجتماع في الشركة بس اخلص اكلمك باي...وسكر الخط في وجها وماعجبتها الحركة مشت لعنده وتمنت انها مامشت سمعت وصال بنت خالته تقول له بكل نعومة/ماحد يكلم مرته بذي الطريقة الا اذا كان مو طايقها وبعدين انت ليش تكذب قولها الحقيقة. رياض/وصال ممكن تدخلين في الموضوع مباشرة وصال/ياعيون وصال ممكن...انا ماعندي مانع انك تخليها على ذمتك وما تطلقها كانت شهقة راوية في ذيك اللحظة هي اللي ذبحت رياض احلام/يالله راوية خلنا نمشي. رياض/راوية استني انتي مو فاهمة شي. وصال استغلت الموقف لصالحها/يالله وفرتي علينا مشوار كنا موعارفين من وين نبدا معك رياض/انتي اسكتي مو وقته. ولف جهة راوية لقاها من زمان مشت دور عليها مالقاها ورجع الشقة مالاقها ولالقى بنته نزل تحت ونادى على هالة وسالها اذا شافت راوية قالت له انها اخذت ديمة وراحت بيتهم بس شكلها كان واجد تعبان وجى لعندها البيت و...............خلاص ياراوية شتبين تتذكرين بعد انه يحبك وانك ظلمتيه...لا حتى لو كان يحبني منو قال له يكذب علي....وبعدين ياراوية هو لو كان يحبها كان تزوجها شينتظر بعد....ياربي انا راسي بينفجر من كثر ماافكر. ***********************دلال ومشاعل كانوا رايحين بيت عمتهم ام نايف وما لقوا احد يوصلهم غير كمال وفي السيارة مشاعل قعدت ورا على طول لانها للحين متفشلة من سالفة الدفتر وماتبي تبين له انها رضت فدلال قعدت جنبه ودق جوال مشاعل مشاعل/هلا والله بعمري ودنيتي كلها... دلال وكمال عرفوا ان المتصل عبد الله خالها مشاعل/بخير....انت وينك ماسمعت صوتك من امس العصر....وناظرت كمال وكملت كلامها انا اذا ماسمعت صوتك قبل لاانام تعرف شيصير فيني مايجيني رقاد...مااعرف انا م...انا حرام عليك كذا انا اللي بطلع غلطانة بس ولايهمك رضوتك عندي وقعدت تغنيله بصوت عالي,,, انا احب غيرك شفيك انجنيت.. منهو يستاهل ياخذ مكانك,, اتخلى عن روحي اذا عنك تخليت .. في الدنيا ماعندي بس الله وحنانك.. انطيك ايامي ولسه ماوفيت... واحلى لحظاتي لمى اغفى بااحضانك.. لونت عمري وبالدنيا حسيت,, واحبس دموعي حتى ابكي قدامك.. ها شرايك فيني اعرف اراضي ...السؤال ساله لسانه عبدالله بس عيونها كانمت تسال كمال.....okحبيبي ولا يهمك بكرة من الصبح انا عندكم ولاتزعل باي. كمال ماخلاها في نفسه/اول ماخلصت مكالمتها /والله محسود عبد الله ناس تغازله وتغنيله وكلمة حبيبي على طول الدرب مشاعل/حبيبي هذا عبد الله مو بلاش يعني مو أي كلام مشاعل انفجعت بسؤال كمال/انا صدق حبيبك؟ مشاعل اللي ماتوقعت هالسؤال ظلت ساكتة لين اوصلوا بيت عمتها قالت له/انا حبيبي اللي راح فرنسا واخذ قلبي واللي لاهو رجع ولا رجع قلبي اللي........ ونزلت بسرعة من السيارة وخلت كمال يحترق باافكاره/حرام عليك يابنت الراشد بعد ماتوقعتك تليني صرتي حاملة علي اكثر من اول ) (في بيت العتيبي الموجودين(ام نايف,ناهد,نورة,اماني,نهى وبنت عمها سارة) ام نايف/مابغيتوا تجون عندنا يابنات الراشد.. مشاعل بنفخة/شنسوي عاد زين لقينا في جدول اعمالنا يوم فاضي نزورك فيه.. ناهد/يحق لك مديرة بنك واحنا ماندري.. دلال/انا عن نفسي ماابي اصير مديرة بنك يكفيني اشتغل في سعد الدين.. /هاهاهاهاهاهاها/ ام نايف/والله ان طباخك احلى منهم . دلال/لاتحاولين عمتي الاسعد الدين مافي مثله عندي. نورة/لالالاتكفين صيري مديرة بنكز دلال/لا..لا..ماابي.. نهى بسخرية/وهم بيموتون عليك اللحين يبونك. اماني حبت تحرج نهى/زين سمعنا صوتك..تصدقين على بالنا نمتي انتي وبنت عمك والله. مشاعل/هاهاهاها عجبتني. نهى/خفيفة دم واجد. اماني/شكرا نايف/احم احم احم السلام عليكم /وعليكم السلام والرحمة/ وقعد قبال بنات الراشد مما اثار غضب سارة ونهى اللي كانوا قاعدين باخر المجلس ام نايف/يعطيك العافية يمه. نايف/الله يعافيك. ناهد/احط لك شي تاكله. نايف/لاوالله مو مشتهي .....لو ندري بنات الراشد عندنا اليوم ماداومنا؟ مشاعل/زين سويت يوم انك داومت لان احنا تونا جايين, نايف/دلال شلونك. دلال (كانت تستحي تكلم نايف لما يكون معاهم احد وخصوصا ان سارة ونهى عارفين بحبه لها)/طيبة عساك سالم. اماني/والله وحشتني يانايف. نايف/والله,,,,,صدق خبلة. اماني تكلم ام نايف/شفتي ولدك ...الكلمة الطيبة فيه ماهي صدقة . ام نايف/يالله عاد شوي شوي على ولدي.. ناهد/سكتي الا هذا ام نايف ماترضى عليه. سارة اللي حبت ان نايف يلتفت صوبها/يحق لها ماهو قليل ولد عمي. التفت نايف لها/الا قاعدين بعيد تعالوا قربوا هنا. نهى/لا هنا احسن. ام نايف/انا بقوم اشوف ابوكم اذا يبي شي. وبعد ماطلعت دلال حبت ان نايف يرجع جهتهم لان كان يسولف مع سارة عن اجازتها/الا شخبار اصايل صار لي مدة ماشفتها. ناهد/طيبة مع عيالها المجانين. اماني/من زين ولدك عاد الا مو عاجبينك عيال اختي. نايف يكلم دلال/تصدقين اليوم كلمتني وانا في المستشفى ومادقيت لها مرة ثانية ...وطلع جواله وكلمها ../هلا والله بالغالية ,,كيفك..لاوالله كنت مشغول..لالا تصدقين دلال عندنا وذكرتني فيك يوم سالت عنك ...يعني ماكنتي بتجين لنا بس علشان دلال هنا...بس تدرين تستاهل دلال تجين علشانها...(بعد هالكلمة دلال طاح راسها في الارض وسارة ميتة قهر) نايف/خلاص نص ساعة واكون عندك.... مشاعل/انا لو منك مااروح لها.. نايف/وليش بالله؟ نهى/لعانة..يعني ليش بيكون؟ مشاعل/الحشيمة لنايف وناهد ولي وبس ولاكان عرفت ارد عليك؟ نورة ميتة ضحك/ترى انا من اهل البيت ومسالمة.. وقف نايف بيطلع/توصون على شي اجيبه لكم وانا جاي. مشاعل/من وين؟نايف/من أي مكان؟ اماني/لاتجيب لهم شي مايستاهلون؟ نايف/عيب ذولا ضيوفنا مشاعل/لاولايهمك ماناخذ على كلام السفهاء واذا ملزم جيب لي من باسكن روبنز لي لوحدي؟؟؟ نايف/ودلال. دلال/سلامتك. نايف/وفوق سلامتي ناهد/اتوقع شيز كيك من سعد الدين. دلال بابتسامة/لا مايحتاج. مشاعل/ترى الحيا قطاع ارزاق شوفي انا ماستحيت وبيجيبون لي من باسكن . نايف/خلاص نجيب لها الاثنين ولاتزعل بنت الراشد. دلال/لالالالا انا اسوي رجيم ماينفع الاثنين؟ نايف/لا ليه تسوين رجيم حرام عليك جسمك حلو..(نسي نفسه الاخ) ناهد اللي حست ان اخوها مصخها/اقول روح جيب عمتك لاتتاخر عليها؟ نايف/ولدك وينه؟ *********************** | ||||
|
| |
|
26-06-13, 03:30 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن,, ******************** نايف/ولدك وينه؟ ناهد/ليش بتروح معاه؟ نايف/بنتظره في السيارة خليه يطلع لي.. ناهد راحت تنادي ولدها وسارة اخذتها فرصة تتحرش في نايف/وليش تنتظره في السيارة انتظره هني...اقلها نملي عيونا من شوفتك... نايف لف صوب دلال/سارة تقول انتظره هني ..انتي شرايك.. دلال بحدة/بكيفك..نايف/منو مزعلك,, دلال/ماحد.. نايف/اذا احد زعلك قولي لي علشان اخذ حقك منه. نورة واماني ومشاعل حطوا اياديهم على خدودهم كانهم يشاهدون فيلم... نايف/تعرفين ان بيت الراشد منور بوجودك. دلال/منور باهله. نايف/لاوالله منور لانك عندنا. نهى/كانها اختك طلعت ولدها؟ نايف يكلم نورة/طلبتي لجماعتنا عشى ولا مسوين حسابكم في البيت. نورة/لا مايحتاج ...لانهم بيصلون وبيروحون.. مشاعل فزت من مكانها/لاوالله بنتعشى وبنقعد لاخر الليل مو على كيفك. نايف/شوفي من وين يبون العشى وانا اجيبه لهم.......يستاهلون... *********************** في بيت الجاسر الساعة 30/10 الليل كانوا متجمعين يشاهدون طاش ماطاش والا وسام داخل عليهم وفي يده اكياس من المطعم....السلام عليكم... /وعليكم السلام والرحمة/ سامر/توه الناس ليش جيت؟وشنو هالريحة الطيبة ريحة اكل من المطعم. وسام/جبت لنا عشى من المطعم ..قلت تغير نتجمع على سفرة وحدة ونسولف.. وبسرعة البرق كان في سباق بين محمد وسامر ونور على اللي يكتشف اللي في الاكياس.. وسام/انا شوي وبرجع.. شمس فرحت لتفكير اخوها كان يبي يعتذر عن امه واخوانه على اللي صار قبل كم يوم .. لميس/صراحة ريحة اكل المطعم ترد الروح .. ام محمد/لاترد الروح ولاهم يحزنون مافي على اكل البيتز محمد/امي من عرفت تطبخ هالطبختين قالت اكل المطاعم مافي خير. ميس/لعلمك يمه عندنا دراسة في الجامعة تقول ان اكل البيت يمرض ويعل وعلشان تشفى لازم تاكل من مطاعم راوية/صراحة عجيبة هالجامعة شمسوا يبيلنا نمرها هاهاها . وجا وسام وقعد جنبهم..واول من تكلم راوية/تسلم يااخوي.. وسام/اله يسلمك اهم شي يعجبكم . شمس/تعيش وتجيب غيره وسام/كله من خيرك يام,,,,,,,,وتورط وضحكوا عليه الباقين,, ميس/الا صدق شمسوا انتي بتصيرين ام شنو. شمس/انا مابتزوج علشان اصير ام؟ ام محمد بزعل/لاياشمس لاتقولين كذا الله يعطيني العمر وازوجك واشوف عيالك قولي امين شم حبت تفرفش الجو على امها/لهدرجة مالة مني وتبين الفكة ياام محمد زين قلتيلي علشان اعرف قدري عندك شنو؟ سامر/يالله عاد اللحين بتسوي روحها شخصية ونفخة..وان هي امضحية...مااطيق البنات انا دلاليع مرة. شمس/تعرف لو انك مو اخوي كان صكيتك كف وارتحت من لسانك اللي متبري منك ...بصراحة عليك اساليب ترفع الضغط. سامر/ادري قالوها قبلك حتى كانوا بيتسلفونها مني بس مارضيت. ام محمد/وبعدين مابنكمل عشانا الليلة؟ ****وبع ماخلصوا عشاهم كل واحد راح غرفته وكل واحد تفاجا بهدية بسيطة من وسام (الام ..كان منظر صغير عبارة عن صورة ام وحواليها عيالها كان صغير ومبين عليه رخيص بس المعنى اللي فيه اغلى من كنوز الدنيا,,,راوية جاب لها شيلة وديمة ونور عرايس ودانيال قطار,,, شمس وميس ولميس..دب ابيض في وسطه قلب احمر..محمد وسامر اقمصة) ميس وهي حاضنة الدبدوب/مسكين وسام ...كنا حاطين عليه لان اخذ الفلوس لنفسه والمسكين ماصرف ريال واحد منهم شمس/انا كسر خاطري يوم تكلم عن الاولاد اللي معاه علشان كذا عطيته..ماكنت ابيه يحس ان احنا مقصرين معه ويفكر يسوي شي غلط..بس فاجئني تفكيره.. لميس/شرايكم نروح نشكره قبل لاينام علشان يحس ان احنا مهتمين ميس وشمس/يالله.. ***********************في بيت الراشد اخر الليل في غرفة مشاعل ودلال دق جوال دلا ل وكان نايف المتصل دلال/ماني رادة. مشاعل بستغراب/وليش بالله ؟ دلال*/انتي ماشفتي حركاته اليوم. مشاعل اخذت الجوال وردت وحطته على اذن دلال. دلال بدون نفس/الو.. نايف/هلا قلبي.. دلال/....... نايف/شفيك بعد لايكون زعلتك وانا ماادري؟. دلال/ومسوي روحك ماتدري بعد.. نايف/شسويت؟ دلال/ليش شنو ماسويت اليوم؟ نايف/ماسويت شي على الاقل اللي اتذكره دلال/طيب انا بذكرك ..اولا تستاهل دلال تجين علشانها..ثانيا..شتبي اجيب لك فوق سلامتي..ثالثا..واللي عصبني صدق..حرام عليك جسمك حلو ..ليه تسوين رجيم لعلمك بعد هالكلمة انا تمنيت تنزل علي سكتة قلبية ولا اموت من الفشيلة ..لا وطايح لي طيحة منو مزعلك وانا باخذ لك حقك منه وكل شوي ناط تعشت دلال ولالا ترى اذا ماعجبها نجيب غيره...سديت نفسي حتى عن الاكل...(كانت تتكلم بانفعال وبسرعة واول ماسكتت مات عليها نايف من الضحك) نايف/خلصتي كلامك. دلال/كانه ماعجبك كلامي. نايف/انتي من صدقك زعلتي.. دلال/لا امزح معك..انت خليتهم يشكون ان بينه شي حتى اماني تقول الليلة نايف مهتم بضيوفنا على غير العادة واللي قهرني صدق رد اختك نهى نايف/ليش شقالت؟ دلال/يهمك تعرف؟ نايف/طبعا. دلال/بس انا ماابي اذكر كلامها نايف/لا قولي يهمني اعرف. دلال/قالت علشان سارة عندناز نايف بارتياح/تغارين من سارة. دلال/.. نايف/دلالي. دلال/نعم. نايف/تغارين؟ دلال/طبعا نايف/وليش ماتقولين انا اغار منها. دلال/لانك بتقول اللي يغار معناته يحب واللي يحب يسمع حبيبه هالكلمة وانا بصراحة يوم انك زعلتني عطيت نفسي وعد مااقولها شهر كامل عقابا لك . نايف/شهر عاد تبين تذبحيني؟ دلال/تستاهل هذا اقل شي اسوي معك . نايف/دلال بسالك سؤال وتجاوبين عليه بصراحة اذا قالوا لك اني مريض ومالي علاج الاعندك تتركين اموت؟ دلال بخوف/اسم الله عليك لاتقول هالكلام حبيبي وتخوفني اعطيك روح تعيش فيها.. نايف/واذا قالوا لك هو مايبي روحك يبي كلمة حب منك علشان يعيش.. دلال/بظل اقولك..احبك..احبك..احبك..احبك ..احبك..احبك..احبك..ل ين تطيب,, نايف/بس وصلنا ..هذا اللي ماتبي تقولها شهر قلتي مقدم حق سنة,, دلال اسكتت بعد كلام نايف ولما حست ان استدرجها في الكلام علشان تقوله احبك عصبت... دلال/كنت متوقعة انك تجرني في الكلام وتخليني اقولها بس مو بهالسرعة.. نايف/هاهاها انتي اصلا مايمديك ماتقوليها,, دلال/مراوغ.. نايف برومانسية/جميلة. دلال/. نايف بهمس/احبك اعشقك اموت عليك.. دلال/مو كانه الوقت تاخر وانت وراك دوام؟ نايف/ليه كذا لما نوصل للحظة الحلوة في المكالمة تنسحبين,,,, دلال/علشان ماابي اكون السبب في سهرك لوقت متاخر.. نايف/تعرفين قاعد افكر ان راحت علينا نركب الليلة نشوف عشنا الهادىء وش بنسوي فيه والتغيرات و..... دلال بعصبية/نعم كاني ماسمعت انت الظاهر الليلة مابتعديها على خير اقول تصبح على خير ***********************يوم ثاني الليل كانت شمس بتنام عند سوزان شمس/يالله وحشة لهلهول.. سوزان/تونا اول يوم الله يصبرنا بعد شهرين ونصف.. شمس/الله يصبرني بروحي ..انتي كلها اسبوعين ومسافرة بعد.. سوزان/حرام عليك انا كلها ثلاثة اسابيع وراجعة بس هي شهرين ونص ,,,,بس تدرين الهدية اللي بتجيبها لنا بتشفع لها غيابها شمس/اه منكم انا ومن غيابكم سوزان /شمسوا ابي اسوي شي بس مالك حق الاعتراض او الرفض ولعلمك من زمان انا وهالة كنا نبي نسوي هالشي بس ماصارت فرصة واليوم الظروف جاية على الكيف ؟ شمس/أي بس شنو بنسوي؟ سوزان/ولاشي انا بدق على رقم وبتكلم وانتي تسمعين . شمس/الحمد لله على نعمة العقل..الله لايبلانا ان شاء الله ومسكت سوزان السماعة ودقت الرقم وعين شمس على سوزان مستغربة من تصرفها وجمدت مكانها اول ماسمعت السماعة الثانية ارتفعت... الو سوزان/الو شمس وقف قلبها لانها متاكدة ان الالو هاذي ماتخص احد غيره...ولفت على الجهة اثانية علشان لاتشوف سوزان انفعالاتها وهي تسمع صوت متعب.. متعب بجفاء كبير/بغيتي شي؟؟؟ سوزان/كلكم نفس المقدمة بغيتي شي وبعدين يطيح الحطب.....وانتبهت ان متعب سكر الخط .. سوزان/شمس؟ شمس/طفي النور ابي انام؟ سوزان /انا عارفة انك زعلانة بس صدقيني انا حاسة فيك وعارفة انك تبين تسمعين صوته........سامحيني ياشمس وطفت النور..... شمس كانت حابسة دموعها واول ماالنور طفى نزلوا دموعها حاريين على خدودها (الله يسامحك ياسوزان تبين تريحيني ماتدرين انك ذبحتيني ماتدرين ان صوته هيج فيني كل شي...اه يامتعب صوتك اللي كان قاصرين علشان يكمل مسلسل عذابي معك ...ياربي .....ليش مانمت للحين يامتعب؟مافيك رقاد؟ولاتعبان؟ ولاولاولاولا؟اه ياشمس الظاهر نسيان متعب صار من المستحيلات في هالدنيا لاني كل ماجيت ابنساك يذكروني فيك من جديد...وصارت تتذكر مكالمة بينه وبينها(متعب/الو شمس/هلا والله فيك... متعب/كيفك../ شمس*/بدون شك مشتاقة لك.. متعب بكل غرور الدنيا/لازم تشتاقين لي مو تحبيني.. شمس/كذا يعني ..طيب باي.. متعب/هه مجنونة.. شمس/طبعا مجنونة لاني عمري مانزلت نفسي لاحد غيرك يامتعب.. متعب/انتي مانزلتي نفسك لي انتي نزلتي نفسك للحب .. شمس/نسيت انك مو مهندس فيلسوف.. متعب/ماعلينا بغيت منك شي.. شمس/خير؟ متعب/ابي اشوفك ولاتقولين مااقدر ماابي أي اعتذارات.. شمس/بس يامتعب مايصير احنا شفنا بعض قبل كذا متعب/الله والشوفة ماصارت حتى خمس دقايق ماوقفتيلي وخليتيني اتاملك زين .. شمس/وليش تبي تتاملني زين بالله بتخطبني؟ متعب/ابي طلعة يعني نتعشى مع بعض.. شمس/لامتعب شيل هالشي من بالك متعب/ليه خايفة مني.. شمس/لا لانك اعقل مني بس احنا اذا شفنا بعض معناته تعلقنا في بعض اكثر وهمنا في بعض اكثر وحبينا بعض اكثر... متعب/وبعد؟ شمس/دور غيرها متعب/طيب فهمنا ليش ماتبين تتطلعين ..عطيني صورتك.. شمس/بس صورتي عندك.. متعب/لاتلفين وتدورين علي؟ شمس/تبي تقنعني ان صورتي فارقتك وطلعت من بالك.. متعب/لاوقسم ماطلعت اصلا صرت اشوفك في كل مكان وبين كل الناس.. شمس/خلاص يعني انت منت بحاجة لصورتي.. شمس/انتي ليه كذا ليه تبين تظلين الطرف الاقوى في علاقتنا,, شمس/حرام عليكليه تقول كذا؟ متعب/يكفي اني للحين مااعرف اسمك؟ شمس/الاسم اللي بتختاره لي انا بحبه اكثر من اسمي,, متعب/.....روح متعب انا سميتك روح متعب من اول مابدت علاقتنا ومارضيتي تقولين اسمك لي.. شمس/وانا ياروح روح متعب بظل احبك لاخر العمر ياقلبي انت.. متعب/وعد. شمس/اكيد...ولاشي في هالدنيا بيزيح حبك عن صدري بس انا مضطرة اسكر اللحين.. متعب/بس انا ماشبعت منك؟ شمس/انا بعد ماشبعت بس انت ماشكلك تبي تقول كلام حلو.. متعب/لفيتي ودرتي قوليها صراحة انت الليلة ماغازلتني ولاقلت لي كلام حب.. شمس/مابغيت تفهم.. متعب/احبك ...احبك...احب شعرك واحب همسك واحي صوتك واحب شفايفك واحب عيونك واحب حتى اسمك اللي ماعرفته,,,,,) وانتبهت شمس على صوت الاذان ياذن يالله طول الليل وانا افكر فيك يامتعب الظاهر انا مابرتاح الااذا جنيت......... ***********************بعد مضي شهر ونص كانت الاحوال على ماهي عليه يعني بالمختصر لاجديد...وفي بيت الشهري كانت ام متعب قاعدة مع عيالها متعب وسارة وسناء ومازن وعمتهم شادية وام اياد,, متعب/شلونك عمتي وشخبار عيالك.. ام اياد/والله كلنا نسال عنك ياوليدي انت شخبارك شعلومك.. متعب/ماشي الحال.. شادية/انا مايحتاجتسالني عن علومي لانها كلها عندك. متعب/انتي بعدين حسابك على ذاك الكلام.. شادية/يوم ماتحاسبنا من اول خلاص قفلنا الموضوع.. سناء اللي قاعدة على اللا ب توب /أي موضوع؟ شادية/ياشين اللقافة والله.. ام متعب/قومي بس ياام اياد خلنا نروح مجلس الحريم عن هذرتهم الزايدة.. سارة/سناءوا قومي شوفي اللازانيا لاتحترق. سناء/ Sory بس اللي دخلها الفرن هو يشوفها . مازن/وانتي شعندك بالله ماتقومين, سناء/ادلي براي في مناقشة عبر النت.. شادية/طاح حظك وحظ اللي يناقش معك.. انا بقوم احط لي متعب احط لك معي سارة/استغفري ربك اخوي ماياكل من البيت لانه مو صحي ابدا.. سناء/احمد ربك يامتعب ان ام متعب مو هني كان قعدت تهذر على راسك متعب اللي حب يغير السالفة/وش عنه تتناقشون في النت؟ سناء/(العلاقات الغرامية عبر اسلاك الهاتف هل تعمر طويلا ام هي مصيدة لمشاعر الطرفين) سارة/حشى هذا كله عنوان.. مازن/طبعا مو صحيح ..كل البنات اللي يكلمون في التلفون بدون مشاعر همهم التسلية متعب عصب مرة وحدة/من قال مو صحيح فيه ناس تحب وترتبط عن طريق التلفون.. مازن/صح..بس لاتنسى بعد ان في قصص حب فاشلةتركت وراها قلوب محطمة متعب/انا معك بس احيانا احنا مانعرف كل الظروف المحيطة بالطرف الثاني فمالازم نلومه ونحكم عليه بالفشل في العلاقة والمفروض انه يظل عندنا امل لاخر لحظة سناء/راي حلو بنقله على النت... سارة/وانت ليش معصب ترى الدعوة سوالف مازن/يمكن اخوك عنده قصة حب فاشلة عن طريق التلفون متعب وصل حده لانه لهذي اللحظة من انفتح الموضوع وهو مستعرض صورة شمس في باله,,ويدافع عنها.. متعب/احترم نفسك انا اخوك الكبير.. مازن/بس انا ماقلت شي يزعل يامتعب.. متعب/انت اول اعرف من تكلم واعرف نفسك انت منو,, مازن/شتقصد يعني.. متعب/انا المهندس متعب وانت,,,ولاشي,, في الليل في بيت الجاسر كان الكل نايم وتحديدا في غرفة البنات شغلت النور وهي تصارخ ,,,,امي امي امي ميس/شصاير شفيها امي.. نور/روحوا لحقوا عليها امي ماتت.. وقاموا كلهم عند امهم في الغرفة.. شمس*/يمه..يمه ردي علي شفيكوو لميس/روحي قعدي راوية واخواني بسرعة ************************في المستشفى... راوية/هادكتور بشر شلونها امي اللحين؟ الدكتور/والله انا مااقدر اقول بالضبط لين تطلع نتيجة التحاليل..والاشعة.. محمد/ومتى بتطلع ان شاء الله .. الدكتور/بعد اربع ساعات.. ************************في بيت الجاسر كان الكل متجمع في الحوش وينتظر وصول راوية ومحمد الللي طلعوا من البارح ومافي أي خبر غير ان الهم يستنون نتيجة التحليل والاشعة...واول ماوصلوا فز الكل من مكانه ومحمد كان يبكي... لميس/ها ..شفيها امي.. محمد/حالها مايسر.. وسام/يعني شنو. راوية/امي محتاجة عملية مستعجلة بالقلب واذا على مستشفى الحكومة ماظني بتسويها.. ميس/والحل ؟ راوية/ماادري.. سامر/يعني شنو ماتدرين ...نترك امي تموت ..... وبعد صمت طويل تكلمت راوية/مافي غير بيت الراشد ... صرخت شمس/لا...مستحيل ...الا هاالحل ياراوية راوية/مافي غيره ياشمس.. شمس/امي ماراح يرضيها ابدا,, راوية/امي مالازم تعرف في الوقت الحالي...احنا ماعندنا غيرهم اللحين ياشمس.. محمد/لحظة انتي وياها,,,ترى كلنا مو فاهمين منو بيت الراشد... شمس/اخير لكم ماتعرفون,, لميس/بس احنا نبي نعرف. شمس/بيت الراشد يصيرون اهل امي,, وسام/يعني ابوها وامها واخوانهل.. محمد/بس امي كانت تقول لنا (اهلي عندهم ظروف اللحين تمنعهم يوصلونكم ويزوركم بس بكرة اول ماتلتقون بتحبون بعض) سامر/وجا بكرة وكبرنا وماشفنا منهم أي احد.. راوية/لازم يعرفون يمكن جا الوقت اللي لازم يعرفون ان احنا موجودين هني وان امي بحاجة لهم,,,اللي شايف انه مايدني كلامي في انهم يعرفون يقول.... لميس/رغم ان الحل مر بس الظاهر كلنا مايدينك لانه مافي حل غيره؟ ميس/وكيف بيعرفون؟واحنا مانعرفهم.. شمس/انا اعرفهم وحدة عطتني عنوان بيتهم,,,بكرة نروح لهم,,, محمد/بكرة..تحلمين ياباب..امي بين الحيا والموت اليوم لازم وحدة منكم تروح,,, راوية/انا اعفوني مااقدر؟؟ لميس/انا مااعرف اتكلم؟ ميس/انا اخاف منهم؟؟ شمس/...............طيب انا باروح بس جيب لي تاكسي على ماالبس عباياتي لانه بيتهم بعيد من هنا... ************************في بيت الراشد كانوا العائلات كلها متجمعة ,,,,,,,,,,,بره في الحوش كان محمود واقف,,,, شمس/السلام عليكم... لف محمود جهتها /وعليكم السلام... شمس/هذا بيت الراشد ..صح.. محمود/خير من بغيتي,,, شمس/ابوك موجود.. محمود باستغراب/أي ابو؟ شمس/بو عبد العزيز.. محمود/اه تقصدين جدي لحظة اشوفه...ودخل يشوفه ووقفت هي في الحوش كانت تتامل كبر البيت اللي ماكان بيت كان قصر حوشه بس يساوي ثلاثة بيوت من بيتهم وجلست تناظر بين السيارات لين دق قلبها لما شافت الكاديلاك الكحلي (ياربي شاسوي متعب هني ماابي اشوفه لازم امشي خلاص ) وتوها بتمشي... من جهة ثانية دخل محمود المجلس وكانوا فيه(الجد جنبه ام نايف وابو ناييف وابو كمال وابو خالد وام متعب وابو متعب وخالد ومحمد وبايف ومتعب) محمود/يبه العود في وحدة تبيك بره.. ابو خالد/مني هاذي ؟ محمود/ماادري اول مرة اشوفها قالت لي ابوك هني قلت لها لحظة. الجد/روح خلها تدخل نشوف شسالفتها ,,,,وطلع من المجلس وقال لجدته اللي ماصدقت خبر طيران على المجلس,, ***حركت شمس رجلها بتمشي بعد ماشافت سيارة متعب واللي وقفها محمود يوم قال لها دخلي ابوي يسناك داخل....مشت معاه لين وصلت لداخل المجلس وترددت قبل لاتدخل الف مرة بس ماتبي تضيع الفرصة هاذي امها واخوانها اعتمادهم عليها..معقولة تطلع قبل لاتقول لهم اللي هي جاية على شانه.. تنهدت تنهيدة طويلة وبعده دخلت قلبها كان يدق بسرعة وحست انها ماهي قاوية تتكلم ابدا سلمت بدون ماترفع راسها وسمعت بعضهم يرد السلام,,رفعت راسها تطالع في اكبر الموجودين في الغرفة واحد بس فز من مكانه اول ماطاحت عيونه عليها(متعب) خالداللي كان جنبه انتيه عليه.. خالد/متعب شفيك.. متعب/مستحيل..انا مو مصدق عيني..شنو تبي من ابوي العود,و خالد/لاتقول هاذي اللي .. متعب/*هي بام عيونها ياخالد.. مشت شمس للمكان اللي كان في الجد قاعد ودنقت على راسه وحبته.. شمس/ممكن اتكلم وياك على انفراد.. الجد/انا ماعندي شي اخبيه عن عيالي يابنت الناس..قولي اللي عندك بسرعة.. شمس توقعت هالرد منه لانها كانت عارفة شخصيته مسبقا... شمس رفعت راسها/انا محتاجة منك خدمة.. متعب محترق مو عارف شنو تبي من جده؟؟؟وافكار تجيبه وافكار توديه... شمس/انا امي في المستشفى ومحتاجة عملية في هاليومين وابيك تتكفل بالموضوع واعتبرها سلف واذا حاب تكتب وصل بعد مافي أي مشكلة,,, الجد/لاحول ولاقوة الابالله....انتي من بنته,,,يبه,, شمس/انا شمس.......بنت ام محمد الجاسر,,,,, لحظة صمت قطعتها الجدة بشهقتها العالية/وي يابعد قلبي شفيها بنتي؟؟؟ قاطعها الجد/طلعي برة... جمدت شمس مكانها لانها ماتوقعت منه ابدا انه يطردها ...الكل سكت لسببين اولا لانهم مو متعودين يكسرون كلام الجد ولان معظمهم مايعرف مني ام محمد.. قبل لاتطلع شمس من الباب لفت جهتهم وناظرت اثنين ..متعب اللي من ادخلت ماشال عينه من عليها والجد بس كانت نظراتهاللجد كلها غضب وحقد.. شمس/اذا امي صار فيها شي بتكون انت السبب وطلعت من البيت ودموعها تسابقها.. الجدة صارت تبكي بصوت مسموع وطلعت ورى شمس على طول والا كمال في وجها الجدة/يمه كمال روح شوفها وين راحت قبل لايتحرك كمال من مكانه طلع متعب مثل البرق وراه نايف ومحمد وخالد,,بس كان الارض انشقت وبلعتها,, متعب وهو معصب/محمود..محمود.. محمود/نعم شصاير.. مسك ميعب بياقة قميصه/هي كانت جاية مع احد ؟شنو السيارة اللي جت فيها..؟؟منو كان يستناها برة؟؟ محمود/انا شفتها واقفة في الحوش وسالتني اذا كان هذا بيت الراشد وبس لاشفت سيارة ولاشفت احد.. نايف/خلاص يامتعب هدي شوي... الجدة دخلت المجلس وهي تبكي وتتحسب/اذا ماشفتها يابو عبد العزيز بتكون انت السبب...اخذها ابو كمال في حضنه/الله يهداك بس يايمه شقاعدة تقولين,,,*********************************** ****** **في مكان ثاني وتحديدا على ا لبحر كانت شمس قاعدة ودموعها مالية وجها وماحست الا على تلفونها يدق شمس/الو راوية/وينك انتي ؟قاعدين نحاتيك.شصار هناك؟؟ شمس/........ راوية/انا حايسة في المستشفى بروحي وابي ارد علشان العيال وقلت بشوف وش صار معك... شمس/خلاص انتي رجعي البيت وانا بوجهي على المستشفى.. وسكرت التلفون وانتبهت ان الشمس بدت تغيب ...يالله كم صار لي وانا قاعدة هنا ووقفت تتحسس جيبها اذا كان فيه فلوس مالقت فيه فلس واحد(بنت فقر) شمس/ياربي شسويت انا شلون برد المستشفى اللحين وماعندي فلوس...ومر على بالها الموقف اللي صار اليوم وتذكرت بيت الراشد والعز اللي هم عايشين فيه وقارنت بينه وبينهم مع فقرهم وطردت الجد لها من البيت والاهم من هذا كله انها شافته......يالله شكثر اشتاقت له ولصوته ولعيونه ولغروره ولحنانه ولمغايضته لها اذا قال لها انا مااحبك وانتي اللي تموتين علي وتجنين اذا ماسمعتي صوتي ..اشتاقت لتقله ورزته اشتاقت للكلمة اللي ماتت وماسمعها اياها غير مرة وحدة بس (احبك) بس متعب ماتغير هو مثل ماهو ...شلي صار ياشمس انتي من شفتي متعب اليوم وعقلك طاير ومو قادرة تركزين على شي غيره ...........الله ياخذكم ياعيال الراشد ويفكنا منكم للابد؟؟؟ ************************كان شارد ببصره لبعيد وساكت من يوم دخلت هاالبنت وهو حاس ان في شعور يرجف داخله مايدري هو احساس بالذنب ولا المسؤلية ولاشنو مو عارف بالضبط ...دخلت هالبنت عليهم رجعته لقبل 22 سنة صحيح ان طول المدة كان يفكر فيها بينه وبين نفسه ومايبن لاحد ان قلبه قارصه عليها..ظل ساكت ومايرد على احد لين جا لعنده متعب وجلس جنبه.. متعب/يبى العود حلفتك بغلاوتي اذا كانت لي عندك غلاوة . الجد رفع عيونه لمتعب/خير يامتعب وشفيك؟ متعب/مني شمس اللي جت اليوم؟وشسالفة ام محمد؟ رجع الصمت مرة ثانية للمكان الامن بكي الجدة , الجدة/انا بقولكم مني ام محمد ام متعب/خلاص يمه احنا مو قفلنا على المو ضوع ليش تفتحونه من جديد؟ ابو خالد/والله يخيتي الله يشهد ان المو ضوع تقفل بس هو عايش داخلنا ونفكر فيه دايما..... خالد/يبه شسااالفة ترانا مو فاهمين شي... في بيت الشهري... كانوا هيام وشادية يناظرون في كتالوج ازياء... شادية/الله يجنن هالثوب خسارة تزوجت كان البسه في عرسي هيام/وريني اشوف هند اخت هيام/شعليه شوفي بكرة لاخذك متعب بيجيب لك جهاز من ام الدنيا مو زوجة المهندس متعب ولازم تصيرين شيك اووي,, شادية تضايقت من المو ضوع لانها عارفة ان متعب مايبي هيام وانها قاعدة تبني احلام على رمل بس ماحبت تتكلم لايفهموها غلط.. هيام/وانتي الصادقة هند/بس انا مااشوف ان معبرك في سلام ولافي قعدة ابدا ؟وكل يقول الحريم عقولهم فاضية وخبلان وماادري وش فيهم؟ هيام/هو صدق شايف حاله ومحد يترس عينه بس وربي عذاااااااااب غروره يذبح... *******************الجدة كانت تتكلم والعبرة تخنقها/ام محمد تصير بنتي يعني خالتكم وعمتكم (لان الموجدودين عيال البنات وعيال الاولاد) لاتستغربون ولاتطالعون في بعض انتوا ماعرفتوها لانكم كنتوا صغار حيل وماتفهمون شي خطبها واحد من الشرقية وماهو من ثوبنا قالتها والتفت على زوجها تشوف معالم وجه بس هو كان شارد لبعيد..ابوها ماوافق بس هي اصرت ان هي تاخذه وابوكم هددها اذا اخذته لاهي بنته ولايعرفها وماسمعت الكلام تحدت الكل واخذته ومامر عليها الحول الا وعندها راوية وصارت تبكي بصوت اعلى...وكلمها ابوها وقال لها تتطلق وترد البيت معززة مكرمة وهو بيتكفل في بنتها من والى...بس مارضت وظلينا كذا سنتين بين رايح وجاي لين حملت مرة ثانية ساعتها ابوها حس انها قاعدة تعانده وتتحداه حلف عليها ماتدخل البيت مرة ثانية وراحت مع اهل زوجها في الشرقية وظلت المسكينة اربع سنوات تترجى في ابوها انه يكلمها وصارت تعتذر منه بس ماكان يرد عليها حتى لما كانت تكلمه في العيد تبارك له مايرضى يرد عليها وحلف علينا اذا احد منه كلمها او راح لها ماراح يكلمه بعد والتفت الى صوب زوجها تكلمه/شلون جاك قلب ماادري؟وبع الاربع السنوات تقطعت اخبارها عنه وماندري شصارلها وقبل خمس سنوات سمعنا انها رجعت هني ناس يقولون تطلقت وناس يقولون شردت مع عيالها وناس يقولون انها ارملة واحنا ماندري شي عن الموضوع..لين جت بنتها شمس اليوم وقالت انها مريضة ومحتاجة لنا...بس ياربي شاسوي باموت وانا ماشفتها وهي زعلانة مني ......واجهشت بنوبة بكاء حارة واخذتها ام نايف في حضنها وهي تهديه/خلاص يمه خلاص رحمي نفسك شوي,, ********************في صالة بيت الراشد كل الموجودين ذابحهم الفضول يبون يعرفون سالفة الاجتماع المفاجى للكبار فقط محمود/تهقون ياجماعة جدي متزوج.. مهند/تهقون ان ابوي العود متزوج.. مشاعل/وينك يابو خالد اطلع وعطيني التقري المفصل.. شاذن/الا انتي عاد عمي يقول لك كل شي .. فرح/مشاعلوا عاد لاتنسينا اول ماتعرفينا دقي علينا مشاعل/افا عليك بس انا اول مااعرف بتصل على العربية تنشر الخبر... ********************في بيت الجاسر كل العائلة متجمعة وساكتة... سامر قطع الصمت/زين ليش ماحد بات عندها.. شمس/حاولت بس مارضوا.. لميس/زين اللحين شنسوي والدكتور يقول حالتها حالة ولازم تسوي العملية باسرع وقت.. صدرت تنهيدة حزن من الجميع قطعتها راوية/انا عندي كم قطعة ذهب بابيعها بكرة وبشوف,, ميس/هي لو جت على العملية قلنا انحلت بس لاتنسين ان ايجار البيت متاخرين عن دفعه ثمانية شهور..والبيت مافي غير ماي وخبز,, نزلت دمعة لاارادية من عين شمس/بكرة بتنفرج ان شاء لله وسام/لو كانوا بيت الراجحي هني كان كل شي تغير؟؟ وسكت الجميع وماحد علق على كلامه كل واحد فيهم خايف من اللي ممكن يصير بكرة... ********************في شقة الشباب...... طلال/السلام عليكم. /وعليكم السلام/ طلال/وينه متعب؟ فارس/البنت اللي كان يدورها لقاها؟ طلال/صدق ..خلاص ابو الشباب مطيح عندها اللحين ماراح نشوفه؟؟ كمال/اقعد زين احنا في مصيبة وانت تقول ماراح نشوفه.. طلال بخوف/لاتقول تزوجت؟؟ نايف/لا بس خذ القصة المختصرة شمس تصير بنت خالة متعب والعائلة ماتكلم امها من قبل 22 سنة يعني بالمختصر مستحيل يكونون لبعض في يوم من الايام... ********************في غرفة متعب كان المكان ظلام ودمعة حارة على خد متعب(حرام هالرزة كلها والشخصية وتبكي يامتعب) ليش ياربي ليش هي بالذات مو غيرها؟؟ليش انا اللي حبيتها مو احد ثاني؟؟اللحين عرفت ليش قالت لي احنا ماراح نكون لبعض في يوم من الايام يامتعب..بس انا احبها واموت فيها...وصار يتذكر ذيك المكالمة اللي بينه وبينها,,,(متعب/تعرفين اني اليوم قعدت اكتب كلام غريب ماادري من وين طلع.. شمس/سمعني اشوف.. متعب/ياما ترددت كيف اشرح لك...اجيك وارجع ابيك وتقول وش جابك..يابنت الاوادم ترى مليت المح لك ..وربي اعزك واعشق ترابك..لاضقت اضيق ومتى ماتفرح افرح لك ..ولاغبت اموت ومتى ماشفتك احيابك.... شمس/الله الله الله..الظاهر انك رايح فيها ياولد الناس. متعب/انا مو رايح فيها انا...ماادري وش اقولك.. شمس/انت عاشق يامتعب.. متعب/لا انا مو عاشق انا متيم ,,انا هايم,,انا,,,, شمس/ومني هاذي سعيدة الحظ اللي قدرت تلف بعقلك يامتعب. متعب/أي والله لفت بعقلي وقلبي وخلتني ماانام اللليل شمس/مااقدر عليك يالولهان.. متعب/عمري طلبتك/قاطعته شمس/شقلت ماسمعتك؟ متعب تنهد تنهيدة طويلة/قلت ياعمر متعب طالبك قولي تم,, شمس/مااقدر اقول تم غير مااعرف شنو تبي مني.. متعب/ابي اشوفك بكرة شمس/......... متعب/ليش ساكتة. شمس/وين؟ متعب اعتدل في جلسته/جد بشوفك شمس/اكيد يانظر عيني هني دق قلب متعب لانه حس انها فهمت احساسه ناحيتها.. متعب/انا صدق نظر عينك شمس/بكرة بتشوف بنفسك واتفقوا على كل شي وين بيشوفون بعض ومتى وماناموا الاكل واحد ابتسامته شاقة حلقه من الفرح..***************وصلت شمس الموعد متاخرة شوي تنفيذا لوصايا سوزان (ثقلي مو تروحي بدري يحس انك ميتة عليه) دخلت الكافي وكانت الاضاءة اللي فيه خفيفة حيل ..شوي ولقته قاعد وهو يناظر مابين ساعته والجوال..وقفت وراه وحطت يدها على كتفه.. شمس/ممكن اقعد وياك؟ متعب/ياهلا والله مو كانك تاخرتي شمس/شخبارك متعب/ماراح تقولين اسمك؟ ضحكت شمس/انت ليش مصر على الاسم ان ريحتك والاسم اللي انت اخترته انا راضية فيه مسك متعب يدها اللي كانت على الطاولة ورفعها لعنده وباسها وظل ماسكها وشمس عينها بالارض ورفع راسها بيده الثانية متعب/روح متعب شمس/شنو؟ متعب/الاسم اللي سميتك اياه ..روح متعب.. شمس/............ متعب/عندي كلام ودي اقوله . شمس/قول انا اسمعك.. متعب/............احبك........ شمس خلاص بعد ها الاعتراف الصريح من متعب خمدت مرة وحدة ولاقالت شي.. متعب/تبين نروح مكان ثاني.. شمس/يكون افضل.. وطلعوا من الكافي وركبت معاه السيارة وهي خايفة مووت جاها شعور غريب خوف ممزوج بفرح لانها راكبة مع متعب وقاعدة معه في نفس السيارة وجنبه ويدها طول الوقت في يده ... شمس/وقف هنا يامتعب... كان المكان شبه مهجور المكان كان كله رمك (يعني شبه صحراء)وقدامه كم شجرة صغيرة ومافيه انارة ابدا غير اضواء السيارة اللي طفاها متعب بعد ماتنهد تنهيدة طويلة وسند راسه للكرسي.ز شمس/ابي اقولك شي بس ماتقاطعني ولاتقول ولاكلمة بعدي... متعب/قبل لااوعدك وتوعديني انا عندي طلب صغير...وتقرب منها وشال الشيلة من على راسها وفل شعرها اللي كان مربوط وغرز يده في شعرها الناعم.. متعب/تدرين ان مو تي احط يدي في هاالشعر الناعم من زمان ..... تقربت شمس من متعب اكثر وصارت قريبة حيل من حضنه وهمست في اذنه/متعب انا اموت فيك ,,,انا احبك,,,,ومااقدر اعيش بلياك .. واخذها متعب في حضنه وعاشوا لحظات حلوة وهم في عالم ثاني************* ونزلت دمعة ثانية من عين متعب وهو يتذكر هالموقف اللي عمره مانساه ولابيفكر لحظة انه ينساه مهما صاروهو يقول اوعدك ياشمس مابيفرقني عنك غير الموت ولاعمر عيال الراشد بيساوون ربع حبك ياشمسي... ********************صباح يوم الجمعة في بيت العتيبي... ام نايف قاعدة بالصالة ومعاها نورة,,,دخل عليهم نايف... نايف/السلام عليكم.. /وعليكم السلام والرحمة/ ام نايف/تعال حبيبي تعال ياعمري اقعد جنبي هنا. نورة/اشوف ناس حبيبي وعمري وناس قاعدين صار لهم ساعة ماحد عبرهم ... نايف/وانتوا كله غيرانين مني؟؟ ام نايف/والله يانايف اني مانمت طول الليل.. استداروا لها نايف ونورة بخوف/عسى ماشر يمه... ام نايق نزلت راسها في الارض وصارت تبكي وركع نايف عندها ورفع راسها بيده/عسى ماشر يالغالية وش له تبكين؟ ام نايف/انت عارف يانايف.. نايف/اه,وش نويتوا تسوون اللحين.. ام نايف/والله ماني عارفة ياولدي المشكلة ان احنا ماندري وينها فيه ولااي شي يمكن يدلينا عليهم ام نايف/هذي مو المشكلة ياام نايف انتوا اذا عزمتوا تردون لبعض كل شي بيصير على خير.. ام نايف/انا الليلة باكلم ابوي واخواني واللي بعده معند بكيفه بس انا مو ساكتة يانايف ,,,,,,,,ابتسم لها نايف واعتبرها بشارة خير. ************************************************** ********* | ||||
|
| |
|
| الكلمات الدلالية (Tags) |
| سكرها |
| أدوات الموضوع | |
| انواع عرض الموضوع | |
|
|
20Likes
العرض العادي
