آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-06-13, 06:14 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل الثـــــــآنيـ :: " :: خوله : لا انا مش مستوعبه الي قاعد يصير حوالي .. شوفي انا بسير البلاكونه اكيد خالد بيطلع وبشم ريحته وبتأكد ام محمد : هاه ام حمود بعدج ما قلتيلي اي وحده فيهم العروس اقصد خوله.. مها : خالتيه انا بقولج انا اسمي مها وهذي هي اختي خوله وهاي حرمة اخويه حمود .. ام محمد وهي منصدمه: اشو بس بو خالد ما خبرني انه اللي بياخذها خالد عميا .. لا اكيد هذا تخبل خوله : ليش خالوه بس لاني عميا ما من حقي انخطب وابني ا سره شرات غيري ترى هالشي مب عيب ام محمد : لا خوله ما قصدي احرجج بس خالد يدري انج عميا اخاف ينصدم مها بعصبيه : سمعيني خالتي صح انج في بيتنا ولج الحشيمه بس يمكن خوله عميا وهالشي صار غصب عنها بس هالشي ما يمنع انها تعيش وتفرح شرات البنات اللي من عمرها خوله تضايجت من هالرمسه وحاولت تقوم وتهرب من الموقف وعن انظار ام محمد وضربت ريلها في الكرسي ام حمود بخوف : خوالي صار عليج شي خوله بضيج : لا امايه ما فيني شي بسير غرفتي ابا ارتاح مضايجه شوي فاطمه : خوالي انطريني بسير ويااج ابا اشوف ميود اخافه يكون نش خوله وهي تكتم دموعها : اللي يريحج ام محمد : خوله لا يكون زعلتي من كلامي انا ما قصدي اقلل من قيمتج بس انتي عارفه انه الزواج مسؤوليه واللي قاعده اشوفه انج مب قادرتعتمدين على نفسج فكيف بتخلي خالد يقدر يعتمد عليج خوله وهي ادموعها اربع اربع : سمعيني خالوه يمكن انا عمياء بس هالشي ما بيدي ومنو قالج اني مب قادره اعتمد على نفسي يمكن انا خسرت شي بس الله عوضني باشياء وايد وااباج تتطمنين ترى خالد يعرف اني عمياء واذا هو راضي فيني كلام العذال ما يهمني ولا يهز شعره من راسي عن اذنج مها وهي مب مصدقه انه هذي خوله : معقوله هذي خوله طلعت قويه والله .. عيني عليج بارده يا اختيه حرقتي قلبها تستاهل عيوز النار الله يعين اختي عليها .. ما ادري كيف بتستحمل ثقل دمها مالت عليج .. نــــــــــرجع عند الريــــــأييل بو خالد : هاه بو حمود اشو رايك بو حمود : والله هالشي يشرفنا بس تعرف لازم انشاور البنت والله يقدم اللي فيه الخير خالد : انا بخليكم شوي بدق حق فهد بشوفه وين بوو خالد :انزين خالد بس لا تتاخر وصد على بو حمود طمني كيف الشغل ماشي معاك .. بو حمود : الحمدلله زين وكلها جم شهر وبصير انافسك في السوووق بو خالد وهو ميت ضحك : خلاص وانا موافق بس لما تخسر الصفقات لا تردها على راسي بو حمود : انزين صبرك عليه وبنشوف من الرابح في الاخير وعلى منو بترسي الصفقات خالد اول ما طلع يلس ايطالع غرفة خوله بس محد طلع وجان فيه كوره وخذها وفرها صوب البالكونه خوله وهي تحضن فاطمه : فطامي معقوله كوني عمياء بيأثر فسعادتي .. صدق اللي قالته حرمة ابوه من شوي انه خالد ما بيقدر يعتمد علي .. اخاف كلامها يكون صح فاطمه وهي تمسح على راسها : خوالي حياتي اذا تحبون بعض صدقيني بتقدرون تواجهون اصعب المشاكل اهم شي ما تخلي اشياء بسيطه وناس تاففه اتفرق امبينكم خوله بضيج : بس فاطمه : شو خوالي اشو اللي ناويه عليه خوله بضيج : ابا اكلم خالد قولي حق امايه انه خوله ما بتوافق الا لي خبرت خالد بالسر هو من حقه يعرف هالشي فاطمه : اي سر خوالي اشو ناويه عليه بالضبط خوله بضيج : فاطمه قولي حق امايه جذا وهي بتفهم بروحها فاطمه : خلاص احينه بسير وبخبرها بس يا خوفي ناويه تخبريه عن سالفة ... خوله تقاطعها بنظرة حزن: فطوووم الله يخليج ياليت لو تحترمون قراري يعرف احينه احسن من انه ينصدم عقب فاطمه : اوكي على راحتج بسير اخبرها خوله سمعت جنه حد فر عليها بشي وخطواتها جرتها صوب الصوت وشمت ريحت خالد وعرفت انه هو وراء هالضجه كلها: هذي ريحته معقوله واقف جدامي وما بيني وبينه الا جم خطوه اه يا خالد خاطري افر نفسي من فوق وارتمي فحضنك واقولك اشكثر انا احبك واموت عليك ومشتاااقه لك يا روحي خالد اول ما شاف خوله راح فيها لانه مها جانت مسويتلها حركات خفيفه فويها وطالعه كشخه وخالد ما قدر يصدق انه اللي واقفه جدامه خووووله وصرخ بس بصوت يضمن انه يوصل لخوله : خووووووالي احبــــــــــــج خوله بتوتر : ياربي اخاف حد يسمعه لا اكيد هذا تخبل اذا ابويه سمع هالكلمه والله يذبحني احسن شي ادش داخل خالد : وليه بلاها هذي دخلت معقوله بترفضني .. شكلها مضايجه مني وللحين مش واثقه فيني الله يستر بس ام حمود بتوتر : فاطمه انتي اشو يالسه تقولين متاكده انه خوله قالت جذا فاطمه : هيه عموه وقالت هي موافقه بس لازم تشوف خالد بلاول ام حمود انزين دقي من تلفون المطبخ ع الميلس وكلمي بوحمود وخبريه بموافقه خوله وشروطها فاطمه : ان شاء الله عموه احينه بدقله .. بو حمود : هلا فاطمه اشو بغيتي فاطمه : عمي خوله تقولك بلغ اللي عندك انها موافقه بس لازم تشوف خالد وتشرحله كل اللي صار بو حمود بصوت واطئ : اشو ناويه عليه هالبنت اخاف خالد لا عرف يرفض فاطمه : عمي انا اقول تحترمون قرارها لانه خوله بتم رافضه الا اذا صار اللي براسها بو حمود : خلاص انا بخبر خالد خليها تطلع الحوووش بس قوليلها تختصر احينه بو هلال بيي مع عياله واخاف يفهمون السالفه بالغلط فاطمه : خلاص عمي احينه بخبرها وبخليها تطلع وبقولها بس عشر دقايق ما اطول بو حمود : على خير واول ما تعطيج الموافقه خبريني عسب ابشرهم فاطمه : ان شاء الله عمي بخليك احينه ام حمود اول ما شافت فاطمه سارت صوبها : هاه طمنيني عسى اتفهم الموضوع فاطمه : لا تحاتين عموه قال عندها بس عشر دقايق لانه خايف عمي بوهلال يوصل ويشوفها عنده ام حمود : انزين سيري بلغي خوله وخليها تنزل .. ما ادري ليش طرت هالسالفه على بالها فاطمه : ان شاء الله عموه انتي لا تشغلين بالج وكل اللي الله كاتبه بيصير ويعرف احينه احسن من بعدين خوله او ما سمعت الباب يتبطل : هاه فطامي اشو قالولج مها بضيج : انا مش فطوم انا مهاا خوله من صدقج تبين تخبرين خالد باللي صار في الماضي الريال في مجتمعنا مستحيل يتقبل وحده لمسها ريال من قبله خوله بضيج : اذا يحبني بيتقبل هالشي .. وبعدين انا مالي ذنب في كل اللي صار كله من هالخايس حنيفه مها :"خوله انا اخاف تنهارين اذا خالد رفض يعني كونج عميا هالشي ما اثر في علاقتكم بس هالسالفه .... قاطعتها خوله على طول:مهوي قتلج اذا يحبني بيتقبل اي شي لا تيلسي تسوديها في ويهي ها قراري ومستحيل اتراجع فاطمه بابتسامه : خوالي عمي يقولج نزلي عسب تتكلمين مع خالد .. خوله بابتسامه ممزوجه بخوف : ان شاء الله احينه بنزل فاطمه : ويقولج بعد لا تتاخرين عمج بوهلال وعياله على وصول وعمي ما يباهم يفهمون السالفه غلط خوله : لا تشغلين بالج ما راح اتاخر .. بشرحله موقفي بس وعلى طول بخليه مها : الله يوفقج اختيه ويفتحها في ويهج خوله بابتسامه : مشكووووره مهووووي يالله بنزل فاطمه : خوالي انا بعد بنزل معاااااج تعالي فديتج .. مها : بلاهم هذيلا خلوني اروحي احسن شي الحقهم .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ فـــــــــــي آلسيااااااره فهد جان مشغل اغنيه انه وانته انتهينا وعلى حبنا بكينا ويالس يسمعها ويصيح .. ليش سويتي كل هذا فيني يا ساره ليش خليتيني احس باني صرت وحيد .. والعالم صار اسوود في ويهي .. ما ادري كيف بقدر احط عيني بعينج .. اخاف حبي لج يتحول لكره .. بس لا تلوميني بكل اللي بيصير انتي السبب وراء تعاستي ومن هاليوم بعتبر انج متيه ولا حتى بفكر فيج لو مجرد تفكير بقتل كل شي حلو رسمته لج في خيالي .. خليت حبي يبنيلج قصر في قلبي وانتي بكل سهوله هديتي كل هذا على راسي وقطع حبل افكاره اتصال من حمود فهد بضيج : ها حمود امر بغيت شي حمود : فهد ليش تلفونك مصكر من الصبح .. اكسر الشر وارجع البيت فهد وهو يصيح : ما اقدر ارجع البيت اخاف طيفها يطلعلي في كل زاويه حمود : فهد منو هذي بلاك انته صاير عليك شي فهد وهو متخيس من الصياح : ساره يا حمود ساره بتتزوج ساره باعتني ساره خلتني بروحي كيف بقدر اتحمل اعيش بعيد عنها .. اه يا حمود احس النار تكوي في صدري .. ابا اموت واريح صدري من هالحمل الثقيل حمود بخوف : فهد انزين انته وين انا بجي عندك لا تركب السياره وانته بهالحاااااله فهد : لا تشغل بالك كلها نص ساعه وبوصل البيت انا بخير ما فيني شي حمود بتوتر : فهود قتلك تم مكانك انا بي عندك خبرني بس انته وين فهد وهو يصيح من خاطر : خلني بروحي يا حمود خلوني في حالي ابا امووت وارتاح من هالعذاب اللي شاب فصدري حمود : فهد اسمعني فهد الو .. الو .. الو .. ياربي هذا صكر فويهي اخاف يسوي في نفسه شي خالد : هاه حمود طمني فهد بطل تلفونه .. هو وينه حمود بضيج : هيه رمسته وصكر في ويهي انا خايف عليه قلبه مكسوور خالد : ليش خبرني اشو اللي صاير عليه .. حمود بضيج : ما ادري يا خالد خلني اسير صوب داخل يمكن يعرفون اشو السالفه وشو اللي صاير مع فهد انته سير برع خوله تتريااك لا تتاخر عليها خالد : انزينه بس الله يخليك طمني على فهد . .. حمود بضيج : ان شاء الله بطمنك فهود متهور واخاف يسوي في نفسه شي .. خالد : لا تفاول عليه ان شاء الله ما فيه الا العافيه حمود : يالله عن اذنك ولا تحسس ابويه انه عرفنا اي خبر عن فهد انا بخبره عقب خالد : ان شاء الله انته سير احينه وطمني وانا بسير صوب خوله عن اذنك خالد اول ما لمح خوله راح صوبها على طول : اسف حياتي تاخرت عليج خوله بضيج : لا عادي انته لا تشغل بالك المهم انا موافقه بس حبيت اخبرك بسالفه صارتلي في الماضي وانا يا خالد صح اني احبك بس مابا اظلمك معااايه وتعرف احينه احسن من انك تعرف بعدين .. خالد بخوف : اشو صاير خوالي تراج خرعتيني خوله بضيج : خالد انا عمياء صح بس ورى فقداني هالشي سالفه كايده خالد وهي يمسك من ايديها : خوالي اذا قصدج دريولكم ابويه خبرني بكل شي خوله بتوتر : وابوك اشدراااااه خالد بابتسامه : انا بروحي ما صدقت لما ابويه خبرني .. طلع هو وابوج ربع متربيين مع بعض خوله بضيج : ويوم عرفت انه في احد اغتصبني هالشي ما ضايجك خالد : ضايجتني شغله وحده بس خوله بخوف : واللي هي ؟؟؟!!!!!!!!!!!! خالد بابتسامه : لاني ساعتها ما كنت اعرفج ولا قدرت اوقف معاج فهالظرف خوله ودمعه نازله : الحمدلله انك ما كنت تعرفني حالتي كانت وايد صعبه .. كنت اشوف نظرات الشفقه فعيون الكل وهذا اكثر شي ذبحني .. حسيت الكل شفقان على حالتي وهالشي ذبحني اكثر خالد وهو يمسح لها دمعتها : خوالي حياااتي ان شاء الله اقدر انسيج كل اللي صار في الماضي خوله بضيج : خالد اللي اباك تعرفه انه هالسالفه للحين في بالي وخايفه من بعدين خالد : حياتي انا احبج وانتي تحبيني وصدقيني بنقدر ننسى كل اللي صار خوله : خالد انا احبك ومستحيل اتصور حياتي مع غيرك .. انا قبل كنت رافضه فكرت الزواج من اصله .. بس لما شفتك فيه شي شدني لك وخلاني انسى كل اللي صار في المااضي خالد على طول قاطعها : خوالي يعني موااااافقه خوله بخجل : هيه خالد انا موافقه وتقدر تبلغ ابويه بهالخبر يالله انا بخليك احينه خالد وهو يمسكها من ايدها : خواااالي آحبــــــــــــــــــــــ ج خوله خدودها صارت حمر وروحت صوب دااااخل .. خالد : فديت اللي يستحي .. احس اني اسعد مخلوق على وجه الارض .. اه خوالي الله يقدرني واقدر انسيج كل هم عشتيه وانتي صغيره وبعوضج ان شاء الله حمود بتوتر : مها انتي شو يالسه تقولي يعني الكلام اللي قاله فهد صدق مها بضيج : للاسف هيه ساره بتتزوج و اللي بتاخذه طلعت تحبه ممن زمان .. بس طمني فهد وينه حمود : هذا اللي مخوفني لما رمسته كان شبه منهار الله يعدي هالليله على خير كل البلاوي على راسنا مها : هيه والله صدقك ما كذبت من ناحيه فهد وسالفته مع ساره ومن جهه ثانيه خوله وماضيها الجاسي حمود : الله كريم شوفي هذي خوله يات لا تحسسيها باي شي اوكي انا بسير صوب الرياييل مها : على امرك اخويه بسوي اللي تامرني عليه خلني اسير اشوفها فاطمه بابتسامه : اممم خوالي عيونج تبرق يعني خالد وافق صح وماضيج ما اثر عليه خوله وهي تهز راسها بالايجاب : هيه وافق فاطمه يلست تزغرد ويات ام حمود صوبها : هاه بشروا خالد وافق فاطمه : هيه عموتي خالد وافق سيري بلغي عمي حموود بهالخبر الحلو ام حمود وهي تبوس خوله : الف مبروك يالغاليه والله يتمم امبينكم على خير خليني اسير ابشر ابوج مها وهي تحضن خوله : مبــــروك يا اروع اخت بالدنيا خوله بخجل : الفال لج ان شاء الله عـــــــــند الريـــآييل بو حمود اول ما شاف حمود سار صوبه : هاه حمود عرفت اخوك وينه حمود بتوتر : هيه ابويه كلمته وقال كلها نص ساعه وبيكون عندنا .. بو حمود بضيج : انا خابر فهد عاقل بلاه سوى هالسوات اليوم .. لا يكون مب موافق على خالد حمود : الله يهداك ابويه كيف ما يوافق عليه واهمه ربع .. بعدين فهد ما يعرف للحين انه خالد متقدم لخوله بو حمود : ما فهمت عليك وليش محد خبره .. حمود بضيج : لانه فهد طالع من الصبح ومصكر تلفونه ومحد قدر يكلمه وانا خبرته السالفه بس من شوي بوحمود : اهم شي انه قالك ما بيتأخر حمود : هيه ابويه قال كلها نص ساعه وبيكون هنيه .. وسمع التلفون يرن .. الو هلا امايه بو حمود بضيج : عطني اكلمها اخاف خالد رفض طالعه للحين ما يا صوب الميلس .. هلا ام حمود بشري ام حمود : بالبركه يا سعيد .. خوله وافقت وخالد هم بعد موافق بو حمود بضيج : بعد كل اللي صار وافق يتزوجها ام حمود وعينها تدمع : هيه يا سعيد وافق .. خوله بتتزوج وبنشوف عيالها تارسين البيت بو حمود وعينه هم بعد تدمع : الف مبروك يالغاليه خليني ابشر الجماعه بو خالد باباتسامه : بو حمود من ملامح وييهك افهم انه خوله وافقت بو حمود وهو يمسح دمعته قبل محد يشوفها : هيه يا ابو خالد خوله وافقت الف مبروووك خالد جان يدق لفهد بس فهد ما يرد : ياربي بلاه هذا ما يرد .. واذا جان يحب ليش ما يا وخبرني .. اه يا فهد انته متهور واخاف تسوي بنفسك شي .. احسن شي اسير صوب داخل مش حلوه واقف برع ولمح فهد ياي وسار صوبه فهد انته بخير .. ما صاير فيك شي ... قالها بعصبية ممزوجة بحزن فهد باستغراب : لا تشغل بالك هذا انا جدامك ما فيني الا كل خير بعدين انته اشو يايبنك هنيه خالد : والله يا فهد توقعتك اذكى عن جذا يعني الصبح اشحقه انا طلبت رقم ابوك فهد باباتسامه ممزوجه بحزن : يعني افهم من كلامك انه بنصير نسايب خالد : تقدر تقول جذا فهد : انزينه على منو ناااوي خالد بابتسامه : انا خطبت والبنت وافقت خلاص فهد : انزينه خبرني منو ..؟؟!!!! خالد : اختك خوله فهد لما سمع اسم خوله تناسى كل حزنه وحضنه : الف مبروك .. الف الف مبروك والله فرحتني خالد : انزين فهود اشرايك انكمل فرحتنا داخل الشيوبه يتريونا فهد: يالله سرينا ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ في بيـــــــــــت بو خــــــآلد روضه كانت يالسه اذاكر في الصاله ولمحت ميثا يايه روضه بابتسامه / هلا والله حيالله الغاليه قربي ميثا : هلا حبيبتي شفتج ما تسألين قلنا نسأل روضه وهي تبوسها : عذريني فديتج تعرفين الامتحانات ما تخلص وكلهات جمن اسبوع ونخلص وبفظالج ميثا : ما عليه نصبر ونشوف .. غريبه بيتكم فاضي وين محمد واحمد وام محمد روضه : يلعبون بلاي ستيشن فحجرتهم .. وخالتي سارت مع ابوي وخالد يخطبون حق خالد وانا نفس ما انتي شايفه ميثا وهي تكتم دمعتها : ليش خالد ناوي يخطب روضه : هيه فديتج بياخذ اخت ربيعه .. ميثا بضيج : هيه الله يوفقه انزين هالبنت اكيد من مستواكم صح روضه : الله يهداج ميثوه نحن هالامور نعتبرها تافهه ولا تهمنا .. وبعدين اهمه ناس على قد حالهم وابوها ربيع ابويه من يوم كانوا صغار عسب جي ابويه وافق على طول .. والاهم انه خالد يحبها ميثا بضيج : يحبها ومن متى صار يحبها .. انا اللي فهمته منج انه خالد ما يؤمن بشي اسمه حب روضه : انا بعد كنت اقول شراتج بس خالد اول ما شاف خوله تخبل عليها وع طول سار وخطبها ميثا وهي تتنهد : تخبل عليها .. يالله الله يوفق امبينهم بخليج احينه تاخذين راحتج روضه : ولو ميثاني تو الناس ما ضيفناج اشربيلج عصير ع الاقل مميثا بضيج : خليني على راحتج عن اذنج اشوفج فوقت ثاني روضه : اوكي فديتج على راحتج .. خلينا انشووفج .. تعالي بوصلج للباب ميثا : يالله حبيبتي مع السلامه اشوفج فوقت ثاني روضه : يالله تصبحين على خير ..روضه وهي تصكر الباب امممم عسى بس تقتنعي يا ميثا انه خالد عمره ما حبج ولا راح يفكر فيج في يوم .. انتي بالنسبه له وحده من بنات هاليوم ما تدري مصلحتها وين جمالها فميكبها ومستحيل يفكر فيج كزوجه .. لو تعرفين انه خالد ينظر لج نظرة بنت ..استغفرالله انا شو يالسه اقول اسير اذاكر احسن ميثا كانت واقفه ع الباب وسمعت كل كلمه قالتها روضه وانصدمت : معقوله خالد جان يشوفني مجرد بنت رخيصه بس اني حطيت شوية ميكب .. اشو هالمنطق هذا .. اراويك يا خالد احينه بتعرف ميثا الرخيصه منو تكون .. صح اني احبك بس عقب اللي سمعته من اختك وانك تجرأت فلحظة ونزلت من قيمتي هالشي ما راح اعديه لك .. انا وراك والزمن طويل .. واوعدك خلوودي انك بتتزوجني وبطلق هذي اللي تخبلت عليها .. كل اللي يهمك الشرف اوك حلو .. انا بعلمك الشرف كيف يكون ..وبثبتلك انه اللي ماخذها مجرد وحده خايسه واني انا احسن منها بوايد ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~~ ~ ~ في بيـــــــــــــــــت بوحمــــــــود بوهلال وعياله وصلوا البيت الريال ساروا صوب ميلس الرييايل والحريم سارن صوب داخل عنـــد آلحــــــــــــــــريم بو حمود بابتسامه : يحيالله بام هلال قربوا البيت بيتكم منوووورين ام هلال : منور باهله يالغاااااليه ساره مسكت مها من يدها وخذتها فصوب : مهاااوي اقولج شو سالفة السيارة الكشخه اللي واقفه برع مها باستهبال : اي سياااره قصدج سيارة داداي او ماي برذر حمود اور فهوود ساره : ياشين الانجليزي فحلجج بلا استعباط سيارة عمي وعيال عمي اعرفهن بس انا اقصد السياره السودا مها : هيه اندر ستاند ناوو .. السياره السودا يطولي بعمرج شفتي الحرمه اللي هنااك ساره : هيه ................ الا منو هذي لعنبوا ماشي لون الا ومصبغه فيه شعرها مها : هذي الحرمه يطولي بعمرج ولد زوجها خطب اختي خوله ساره بخوف : اشو انتي شو يالسه تقولين .. خطب اختج خوله .. خوله اكيد رفضت صح مها بابتسامه : ترفض .. ليش الريال حليو وكشخه وشاريها اشحقه ترفض بالله ساره بضيج : افهم من كلامج انه خوله موافقه مها بابتسامه : هيه وافقت .. وليش انتي مضايجه اخبرج سر بس بيني وبينج ساره بتوتر : لا انا مش مضايجه بس تفاجئت خبريني اشو هذا السر مها : خوله وخالد يحبون بعض و هالموضوع مخططين له من زمان..واليوم صاار اللي تمنوه وبيكللوا حبهم بالزواج ~ ~ ~ ~ ~ ~ ~ ~ ~ ~ ~ ~ وهذي احداث اللحظة العاشره انتهت على خير ولنا لقاء باذن المولى مع اللحظة الحادية عشر وقد وضعت بعض مقتطفاتها اترككم في حفظ الرحمن ورعايته وتصبحون على خير | ||||
|  |
|
27-06-13, 06:17 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اللحـــــــــــــظة الحادية عشر :: :: ساره بتوتر : انتي اشو يالسه تقولين يحبوا بعض ؟؟! متى صار هالشي ؟؟! وكيف وليش ؟؟!! مها : عدال على روحج بلاج انفجرتي مره وحده .. هالشي من حقها ساره بضيج : بس انا اللي فهمته شي ثاني مها تقاطعها : لحظة لحظة لحظة .. اشو قلتي من شوي .. شو اللي فهمتيه ؟؟!!!! ساره بتوتر : هاه لا ماشي لا تشغلي بالج خلينا نروح صوب الحريم مها : على فكره انتي وايد متغيره هاليومين ما ادري شو فيج تقولين كلام مش مفهوم ..احسج تدوري في حلقه مفرغه ساره وهي سرحانه : الكلام اللي قاله هلال يأكد انه خوله تحبه .. واللي فهمته انها صارحته بحبها ياربي شو السالفه معقوله خوله تلعب ع الحبلين..لا لا مستحيل خوله ما تسويها.ياالله كيف بتكون حالة هلال لما يعرف هالشي اكيد بينهار مها وهي تصارخ : سارووووه وصمخ اكلمج ليش ما تردين علي ؟؟!! ساره انتبهت : هاه لا لا ما شي !! لا تشغلين بالج يالله خلينا نسير .. مها وهي تبوس يدها : الحمدلله والشكر .. لا الظاهر فيوزات العايله فهالكم يوم ضاربه .. الله يستر عنـــــــــــــد آلرياييل بو حمود : حيالله باخويه بو هلال تو ما نور البيت بو هلال : منور بهله وناسه بس ما عرفتنا على ضيوفك بو خالد بابتسامه عريضه : افا يا بوهلال معقوله ما عرفتني بو هلال : لا والله ما عرفتك بس شاك فريال صارلي من زمان شايفنه بو خالد :" اها تقريبا وصلنا يالله خبرني فمنو شاااك يمكن اطلع انا المقصود بو هلال : شاك فواحد اسمه سلطان وله اسم فالسوق بس ما ضنتي انت .. بو حمود يقاطعه وهو يضحك : لا الا هو بشحمه ولحمه .. صح انه تكبر علينا وصارله سنين ما عبرنا وما خطرنا على باله بس ولده خالد رده لصوب ربعه وحبايبه ولا وازيدك من الشعر بيت كلها كمن يوم وبنصير نسايب .. هلال وهو يصاصخ فهد : اقول شو سالفة النسايب لا يكون خالد يبا ياخذ وحده من خواتك فهد بابتسامه : هيه بيخطب وحده من خوااتي هلال وملامح ويهه تغيرت وصار شاحب وكمل بخوف : انزينه منو خبرني .. فهد وهو يلعب بأعصابه : ليش تبا تعرف : لا يكون انته ناوي تخطب بعد .. حمود يقاطعهم : حووه انت وياه بلاكم يالسين تتساسرون شاركونا .. وخبرونا عن علومكم بو هلال بابتسامه : خله يا حمود اكيد يالس يخبر فهد عن سبب زيارتنا اليوم حمود : افا يا عمي انتوا تزورونا في اي وقت البيت بيتكم .. نشيلكم على راسنا من فوق بو هلال : ندري انه البيت بيتنا .. وعسب كذا نبا نقوي اواصر المحبة ونستوي نسايب بو حمود وهو طاير من الفرحه: نساايب يعني نفس ما توقعت هلال ناوي ياخذ وحده من بناتي .. هذي الساعه المباركه بو خالد بصوت واطئ وهو يصاصخ بو حمود : اشعليك يا ابوحمود بناتك بينخطبن في ليله وحده خوله لخالد والثانيه لولد عمها هلال عقبال ما نفرح بفهد ونشوفه معرس .. بو هلال :افااااااااا يا ابو حمود اشحقه ما خبرتني انه بو خالد بيزوركم وناوي يخطب خوله هلال وهو يبطل ازرار كندورته وبصوت مخنووق : خــــ ...... ــ......ولـ.......ـه بو حمود وهو ميت ضحك : حشا مب اذون عليك سمعته هاه .. اعذرني يا اخويه من فرحتي نسيت اخبرك بو هلال : معذور لازم الفرحه بتنسيك فرحتك في خوله غير عن فرحتك بعيالك .. بو حمود بابتسامه : الصراحه كلهم غاليين بس خوالي هذي بالذات النور اللي اشوف منه فهد بضيج: هلال اشفيك؟؟!!!!!!!!!!!!!!!! .. مضايج من شي .. ليش لون ويهك صاير اصفر هلال وهو بعده مش مستوعب ويحاول يداري دمعته : فهد الكلام اللي قاله ابوك صدق ؟؟!! فهد : هيه صدق وخوله وافقت .. وقريب بيمتلكون .. بس انته شفيك اشو صار عليك ليش وجهك تغير بو هلال يقاطعهم : هاه هلال مب ناوي تطلب من عمك يد بنته مها لانه ما بقا حد غيرها هلال وصوته مخنوق : ابويه دامك عرفت اللي انا ناوي عليها ... اخطبها حقي من عند عمي .. انا وانت واحد بو هلال : يعني انته كنت تبا تاخذ مها .. انا بعد قلت جذا ..وانته ومها لايقين على بعض..من صغركم ما تفارقون بعض بوخالد : بالبركه يا ابو هلال عقبال ما تفرح زود يوم تشوف الصغيرين تارسين حوش البيت هلال وهو سرحان ومخنوق : معقوله خوله تحب خالد بس اللي صار فذيك الليله اثبتلي انها تحبني .. وانا من فرحتي باللي يالسه تقوله ما قاطعتها تميت بس اطالعها .. بس هي كانت عارفه منو واقف جدامها .. ياربي اشو مستوي هنيه انا مب فاهم شي .. خوله انخطبت لغيري لا هذا مستحيل مستحيل وانا عسب ما ابين اني منقهر ارتكبت اكبر غلطه فحياتي وخطبت اختها مها يالله انا اشو سويت اخاف اظلم البنت معايه .. بدال لا اكحلها عميتها خالد : فهد بلاه هلال مضايج ومتكدر جذا .. معقوله مغصوب على اختك .. طالع ويهه كيف تغير لونه فهد بضيج : خلود اشو هالكلام .. اكيد مش مغصووب بس يمكن تذكر شي وضااايجه انته عليك بنفسك وبس خالد : اذا علي انا طالعني الفرحه مش سايعتني حااس نفسي بطير بتبخر .. خوله هذي حب حيااتي فهد بخبث : خلود انته تعرف اختي خوله من قبل صح ولا انا غلطان ولا تفكر تقص علي خالد بتوتر : هاه لا من وين اعرفها بس يوم شفتها الحينه اسرتني بجمالها هذي كل السالفه فهد بابتسامه : بس انا عارف انك تحبها !!!!! لا وبعد رمستها !!!!! ومن تلفوني!!!! اشو رايك ؟؟!!! خالد وهو مبطل عيونه : هــــآه انته اشو يالس تقـــــول؟؟!!! فهد يقاطعه : تذكر لما حكيتلي سالفة البنت على طول شكيت فاختي خوله .. وطلع شكي في محله لما خوله قالت اسمك جدامي ..بس انا ولا عبرتها وخليتها في حالها وسرت عنها.. وهي حتى ما انتبهت انها زلت ونطقت باسمك جدامي خالد : فهود انته اشو يالس تقول فهمني .. فهد بابتسامه : انا بفهمك يطولي بعمرك اسمع .. اول شي حصلت رقمك فتلفوني وشكيت لاني انا ما دقيتلك ولا انته دقيتلي فغريبه اشو ياب رقمك فتلفوني وتميت تايه .. لين فيوم كنت يالس تتعطر جدامي وانا خذيت عطرك وخليته فسيارتي لاني كنت متأكد انه خوله تميز الشخص من ريحته وقبل ما انزل البيت تعطرت منه ودشيت وحصلت خوله يالسه تتمريح .. واول ما شمت الريحه ع طول قالت خالد انته هنيه بس انا ما رديت عليها وسرت سيده صوب حجرتي استغربت في البداية بس بعدين تميت اربط الاحداث مع بعضها وتأكدت من شكوكي فلو خبرتني من الاول انك تحبها.... خالد يقاطعه وبضيج : سامحني يا فهد بس انا كنت ارتاح لما اشوفها .. وخفت اذا خبرتك تتضايج وتعصب ويمكن تطردني من البيت .. بس والله يافهد انا ما غدرت فيــــك انا احبها وربي احبها .. وعلاقتي فيها بس من أسبوع وشوي فهد بابتسامه : خالد انا واثق فيك وفي نواياك .. وصدقني مب زعلان .. انا استانست لما عرفت انك بتتزوج اختيه وهذا المهم احينه واللي صار في الماضي خلاص اعتبره منتهي ونحن عيال اليوم .. بس هاه حط خوله فعيونك وعند حمود الاجواء كانت متوترة شوي ... حمود جان يتلكم في التلفون : مريم انتي تخبلتي ليش داقه مريم بدلع وهي تلعب بخصلات شعرها: امم حمودي اشتقتلك وقلت ادق بس اسمع صوتك وعقبها ببند .. حمود وهو ياخذ نفس عميق : مريم كبري عقلج وصكري التفلون .. مريم وهي تعانده : انزين ابا اشوفك واتريااك في الحوووش حمود بصوت واطئ وهو يعض على شفايفة وبعصبيه :مريم لا انتي اكيد تخبلتي .. انا اقول لو تصكري احسن مريم بثقه : حموود حبيبي انا بطلع وياليت تلحقني واذا ما طلعت بدق باب الميلس وبزقرك والحينه بااي ببند حمود : الو مريم الو .. لا هالبنت اكيد تخبلت اسير اشوفها احسن .. راسها يابس واكيد بتسويها وبطب علي هنيه مريم وهي تمثل اونها منصدمه : فاطمه انتي هنيه فاطمه بابتسامه : هيه حبيبتي انا هنيه ليش فيه شي مريم : لا بس تحريتج سمعتيني يوم يالسه اتلكم في التلفوون فاطمه : ليش هـ السؤال؟؟!!وبعدين انا شو يخصني..اكيد كنتي تكلمي وحده من ربعاتج وهالشي انا ما يهمني عن اذنج مريم بدلع : اوكي حبيبتي انا بطلع اشم هوا حدي مخنوقه ... الظاهر في ناس سارقه الأوكسجين من هالبيت فاطمه وهي تطنز : اوكي فديتج البيت بيتج عن اذنج وفعلا في ناس ساحبه الاوكسجين وما خلتلنا شي مريم بقهر : ووووووع مالت على شكلج جان زين لوسمعتي المكالمه عسب تنقهرين شوي مها : ساااارونه اخوج هلال معقوله للحين ما كلم ابويه بعدهم ما خبرونا منو ناوي يخطب ساره بضيج : لا تحاتين اكيد الحين بيوصلنا الخبر وسرحت .. اه يا هلال ودي افهم شو اللي صاير عندك الحين ويات ام حمود صوبهم وهي تزغرد : الف الف مبروووك مهاااوي هلال خطبج من ابوج ساره فزت من طولها وبدون ما تحس تكلمت بصوت عالي من الصدمه: اشووووووووووووو خطب مهوووي مها بضيج ودمعتها في عينها : ليش سارونه انا فيني شي ولا مش قد المقام ساره حست انها جرحت مها وحاولت تدارك الموقف: مهوي حبيبتي ترى انتي فهمتيني غلط!!!؟؟ انا بفهمج السالفه هلال قال انه يبا يفاجأنا وما خبرنا على منو ناوي وعاد انا توقعت خوله بحكم انها الاكبر ويوم قالوا انه خطبج انتي عاد انا استانست وفنفس الوقت ما صدقت!!؟؟ معقوله انتي بتستوين حرمة اخويه وبنصير في بيت واحد ودمعت عينها مها وهي تتنهد : الحمدلله تحريت انج ما تبيني حق اخووج وقفتي قلبي يالدووبه ساره وهي تحضنها وتصيح : لا حبيبتي صدقيني انا اسعد وحده بهالخبر .. الله يتمم عليكم على خير وسرحت في هلال ام محمد:عشتوا اشو هالعايله تصرفاتهم غريبه كله منك يا ابو خالد خليتنا نناسب ناس ما يعرفون كوعهم من بوعهم ام هلال وهي مستغربه :ام محمد بلاج ترمسين ويا روحج ؟؟!!!!فيه شي مكدر خاطرج ولا مش مرتاحه بالليلسه معانا ام محمد بتوتر: لا بس بو خالد وايد تاخر وما دق عليه عسب يقولي اطلع مخليه عيالي بروحهم وبصراحه احاتيهم ام هلال زقرت على فاطمه : فطووم حياتي سيري دقي على عمج وخبريه انه ام محمد تبا تسير ولو انه تو الناس وما صارت الساعه 9 بس نخليها على راحتها .. اكيد بالها منشغل على عيالها فاطمه :صادقه والله خالتي ام هلال بلاج مستعيله تو الناس .. خلاص الحينه بدقله من تلفوني .. ياربي وين راح تلفوني توه كان عندي .. يمكن نسيته فحجرتي .. احسن شي ادقله من تلفون المطبخ ام محمد بابتسامه : ما عليه نحن بنصير نسايب وان شاء الله كل يوم بنشوف بعض فاطمه : خلاص اذا هـ الشي يريحج احينه بسير وبخبره عن اذنكم حمود اول ما شاف مريم راح صوبها وكان معصب : مريم اشو هـ التصرفات الصبيانيه ا؟؟!!افرضي حد شافنا مريم بحركات غنج ودلع:حمود حياتي منو بيشوفنا خلنا نسير ووراء المطبخ واكيد محد بينتبه علينا .. انته طيعني بس حمود: مريم نحن اتفقنا انه نصير شرات الاخوان الجاء لج يوم اكون مضايج والعكس مريم ما سمعت كلامه ومسكت ايده وساروا وراء المطبخ : بس انا احبك حمود احبك كل اللي اباه منك شي واحد بس حمود وهو يبطل ايده من يد مريم : اشو يا مريم اشو مريم بدلع وهي تمسكله ايده مره ثانيه : حط عينك فعيني وقول انك ما تحبني حمود بطل ايده مره ثانيه وابتعد عنها خطوتين : مريم الله يخليج هالرمسه ترى مالها داعي انا ساير عن اذنج مريم وهي تمسكه من ايده وشدته بقو ومن ضخامة حمود تعثرت بشي وما حست الا وهي ترتمي فحضنه حمود وهو مش مستوعب اللي صار : يالله معقوله مريم فحضني لا لا مستحيل انا اكيد احلم .. هـ الشي اللي تمنيه من ست السنين والحينه يتحقق فثواني اتمنى هـ اللحظة ما تنتهي بس فنفس الوقت اتمنى لو انها ما صارت حرام اظلم فاطمه انا وعدتها اني ابتعد عن مريم واشيلها من راسي ومستحيل اغدر فيها عقب ما حطت ثقتها فيني .. مستحيل مريم وهي مش مصدقه : حمود دخيلك لا تخلاني .. انا بموت من غيرك .. ما اقدر اعيش لحظة وانته بعيد عني حمود وهو يستوعب اللي يالس يصير وخوز مريم من حضنه : اسف مريم ما كنت اقصد مريم بخجل : انا اللي اسفه ما انتبهت جدامي واتعثرت وصار اللي صار وارتميت فحضنك بالغلط حمود وجسمه صار يعرق : ما عليه حصل خير .. اشوا انه محد شافناا في هـ الوضع .. اكيد بيفهموا الموضوع غلط مريم وهي تمسك ايده : وخلهم يشووفونا .. الكل يعرف اني احبك وانته بعد تحبني ليش يعني تبانا انخبي هـ الحب حمود وهو يضغط على يدها : مريم انا يمكن احبج صح .. بس الحب اللي جمعنا لازم يمووت لانه اللي يبتدي فظلمه يتم عايش طول عمره فــ ظلام واذا شاف النور يموت .. فخلينا بعاد عن بعض احسن مريم وهي تحط يدها على قلبه : مهما كابرت يا حمود حتى دقاات قلبك تنبض باسمي وانته مش راضي تقتنع بهالشي حمود بضيج : مريم الله يخليج افهميني انا احبج صح بس انا الحين لي حياتي الخاصه ومابا اهد كل اللي بنيته مريم: حمود حياتي انا ما قتلك تطلق فاطمه .. الشرع حللك اربع ... انا راضيه اكون زوجه ثانيه لك حمود بضيج : بس يا مــ....ريــ.....ـم مريم تقاطعه وه تحط يدها على شفايفه : اووووش حمود اباك تفكر وترد علي .. لانه لا انته تقدر تعيش بدوني ولا انا اقدر اعيش بدونك .. يعني انا وانت شرات السمكه والبحر .. محد يقدر يفارق الثاني فااااااااااااااااااااااطم ه وهي منهاره ويالسه تصيح : ياربي اشو هذا .. معقوله يالس تخوني وفي بيتي .. معقوله تحبها لدرجة انه مش هامنك تدوس على قلبي وكرامتي بس عسب ترضي غرورك وغرورها .. لا يا حمود انته مصختها .. وانا مش مستعده اعيش فكومة الغدر هذي .. لو جان عندي ريال جان ما تجرأت تعاملني بهالطريقه .. ليش مستغل نقطة ضعفي ويالس تلعب على كيفك بدوون حسيب ولا رقيب.. يا الله ساعدني انا كثر شو بتم مستحمله هالوضع حمود وهو يتهرب من نظرات مريم : عن اذنج مريم اخاف اتأخر عليهم .. وطاحت عينه في عين فاطمه وتم متصلب مكانه وما عرف شو يسوي تمنى لحظتها الارض تنشق وتبلعه واكتفى بدمعه ارتسمت على خده ~ ~ ~ ~ ~ ~ ~ ~ ~ ~ ~ ~ ~ ~ ~ فــــــــــي بيــــــــت بو مشعل ميثا دشت البيت وهي تصيح واول ما شافها مشعل على طول راح صوبها : ميثاني بلاج حياتي ميثا وهي تحضنه وتصيح : خالد بيتزوج يا مشعل بيتزوج .. انا خسرته خلاص ام مشعل وهي منصدمه من اللي سمعته : ميثا انتي شو يالسه تقولين .. خالد بيتزوج متى صار هالحكي ميثا ودموعها مغرقات عينها : اليوم اخته رواضي خبرتني انه ابوه خطبله وحده تصير بنت ربيع طفولته والمصيبه خالد طلع يحبها ومتعلق فيها ..انا ما ادري كيف قدرت تخليه يحبها وانا صارلي سنين احاول اسوي هالشي وفشلت مشعل بعصبيه : امسحي دموعج يا ميثا .. وخالد هـ الخايس انا اراويه .. كيف تجراء ينزل دمعه من عينج ميثا وهي تفر شيلتها من على راسها:القهر اني سمعت اخته روضه تقول بالغلط انه خالد جان يشوفني وحده من بنات هالايام ؟؟!!!! .. يتحراني وحده صايعه ضايعه بلا تربيه .. وتدرون ليش؟؟!! بس لاني حطيت شوية ميكب على ويهي مشعل وهو يكسر لقلاص في ايده: الخايس كيف تجراء يتكلم فشرفج ويطعن فيه .. هو يباها مسألة شرف انا بعلمه الشرف على اصوله صبرك علي بس .. والايام بينا يا ولد سلطان .. عسب مره ثانيه تثمن كلامك قبل ما تفره ميثا وهي تمسح دموعها وبقهر: انا ما يهمني كل اللي قاله اللي يهمني احينه اخلي خالد يرجعلي وعقب نتحاسب مشعل بعصبيه : عقب كل الكلام اللي سمعتيه تبينه يرجعلج ميثا : هيه يا مشعل اباه يرجعلي .. نفس ما انت تبا تنتقم منه .. انا بعد ابا اخذ حقي بروحي وانته اباك تساعدني مشعل بعصبيه : حوه انتي لا اكيد تخبلتي تبيني اساعدج .. انا اقول لو تطلعين من السالفه كلها احسن .. احينه معصبه بس عقب قلبج بيلين خليني انا اخذلج حقج البنات قلبهن رهيف وكلمة حب منه بتنسيج كل اللي صار ميثا : سمعني يا مشعل انته تبا تاخذ حقك من خالد بكيفك لكن اللي يهمنا احينه نحط ايدينا في ايدين بعض عسب نقدر نوصل للي نباه انته ادمره بطريجتك وانا ادمره بطريجتي ام مشعل : لاول مره تقولي شي صح ......... ميثوه احينه صدق عقلج بداء يشتغل !! هاه مشعل اشو رايك ؟؟!! مشعل وهو سرحان : اذا قلت لها الحينه كل واحد ياخذ حقه بنفسه!!اكيد بتمسكني من اليد اللي تعورني وما راح تخلي روضه تحوف صوب بيتنا فاحسن شي اسايرها لين ما احس انه كل خيوط اللعبة بأيدي وعقبها اشوتج يا ميثا وعاد خليني اشوف كيف بتقدرين تاخذين حقج بروحج من خالد .. مسوية علينا قوية وهي ميتة فيه وتتمنى نظره وحده منه ميثا بقهر ممزوج بحقد: هاه مشعل بعدك ما رديت علي ام مشعل : مشعل هـ الموضوع ما يباله تفكير ثنيناتكم غرضكم واحد .. تكسرون خشم خالد واخته .. وعقب تاخذون اللي تبونه .. وتنتقمون منهم وتعلموهم الشرف كيف يكون .. صدق انه ما يستحي كيف تجراء يسبج هالخايس مشعل بضحكة مكر : خلاص ميثوه انا موافق ومن باجر نبداء نخطط ونلعب اللعبه صح ميثا : اوك مشعل .. موعدنا باجر .. والله بداخلي نار وما برتاح الا اذا طفيتها واشعلتها فقلب خالد .. بخليه شرات اللعبه وقت ما اكون محتاجتله بحركه ويوم ما احتاجله وامل منه ساعتها ببطل بطاريته وبخليه نفس الاهبل ام مشعل بضحكة سخريه : فديت بنتي والله .. هيه هذي ميثا القويه اللي اعرفها .. ودري عنج الحب وخرابيطه تراه لا يقدم ولا يأخر .. الدنيا حبيبتي شرات الكيس المتروس فلوس اخذي اللي انتي تحتاجيله ولا تفكري في احتياجات غيرج ميثا وعيونها متروسة حقد : صبرج علي امااااايه .. وبرفع راسج ان شاء الله وكل اللي فخاطرج بيصير ,, مشعل وهو سرحان : والله وقربت نهايتج رواضي .. انا مش مصدق انه فيوم من الايام بصير انا كل شي في حياتج ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ نـــــرجع لبيت بو حمـــــود مريم : حمود حبيبي بلاك؟؟؟؟؟ اشو صار عليك؟؟؟؟؟.؟ وبلاك اتصلبت جذا؟؟؟ وليش عيونك قامت ادمع حمود وهو يمسح دمعته ويشوف فاطمه وبحزن : سامحيني يا فاطمه سامحيني مريم وهي تصد صوب المطبخ ولمحة فاطمه : فاااطمه ؟؟!!!! حمود سير شوفها وفهمها وخبرها انك تباني بالحلال حمود بضيج : مريم انتي اشو يالسه تقولي .. يمكن احبج صح بس انا مستحيل اتزوج على فاطمه مستحيل مريم : حمود حبيبي انا بعتبرك ما قلت شي .. انته الحين معصب وبخليك لحد ما تهداء وعقب بنتكلم .. مريم كانت منقهره من دموع حمود ع فاطمه وعدم رغبته بالزواج واول ما دشت الصالة ع طول راحت صوب المطبخ ساره وهي مستغربه : غريبه اول مره اشوف مريم داشه المطبخ .. مها : يمكن عطشانه وتبا تشرب مااي .. المهم كملي اشو قالتلج عفاري !! متى ناويين يتقدمون.. ساره بابتسامه : ان شاء الله باجر بيزورونا .. والف مبروك لج مهاوي .. بس اباج توعديني تحطي هلول فعيونج مها بخجل : اذا هو حطني فعيونه انا بعد بحطه فوق راسي مش بس في عيوني ساره : الله يسعدكم ان شاء الله .. وبصوت واطئ اشو اللي ناوي عليه هلول تحب خوله وتخطب مها .. اشو هالمنطق انته بهالطريقه مش بس تظلم نفسك .. تظلم مها بعد .. اللي من يوم عرفت انك خطبتها وهي مستانسه ومش مصدقه في نفس الوقت .. وعيونها تبرق .. الظاهر انها تحبك .. بس للاسف حب من طرف واحد يدمر ما يبني بيت .. فاطمه وهي يالسه ع الارض وتصيح : ليش سويت فيني كل هذا ليش .. معقوله حبك لمريم خلاك تغدر فيني.. ولا اهتميت للمشاعري ولا قلبي اللي حبك وظل طول عمره يصونك .. ليش عطيته الامان واحينه غدرت فيه مريم وهي تصكر باب المطبخ وبعصبية : هي انتي نشي ابا اكلمج .. الصراحه انتي وايد مصختيها ..الريال ما يحبج ولا طايق يشوفج بلاج رازه بويهج ..خليه يعيش مع حبه الاول اللي هو انا وقالها الشاعر .. وما الحب الا للحبيب الاولي فاطمه وهي تمسح دموعها : حلال عليج .. ان شاء الله تتهنوا .. انا طالعه ما يشرفني اتم مع هـ الاشكال فمكان واحد مريم بعصبيه : يا سلام .. ومنو تقصدين ان شاء الله .. لحظة لحظة محد غيري هنيه .. تقصديني انا هاه فاطمه : مريم ترى انا وايد مستحملتنج وساكته عنج .. مب عشانج انتي لا !! بس لانه فيه ناس برع فرحانه ومابا اخرب عليهم فرحتهم لاني مب عديمة احساس شراتج .. ادوس على سعادة الناس عشان ابني سعادتي مريم بعصبيه : طالع هذي .. يالسه تغلط علي وانا ساكته .. لا حبيبتي سمعيني عدل حمود ما يحبج استحملج طول هالسنين بس لاني انا طلبت منه هالشي فاهمه ؟؟!! انا طلبت هـ الشي.. واحينه يا دروج عسب اتردين لي المعروف فاطمه بضحكة سخريه : ههههه ضحكتيني اي معروف .. بسألج سؤال انتي من صدقج ناويه تصيرين دكتوره .. في ذمتيه انه الاغلبيه بتموت على ايدج .. انتي اصلا وحده مريضه .. واحسن شي تشوفين مصح عقلي تتعالجين فيه مريم وهي تشدها من شعرها : لا لحد هنيه وكفااايه .. تراج وايد مصختيها .. انتي تقولين عني انا مينونه هاه .. خلاص احينه بثبتلج وجدام الكل منو المينون ومنو العااااقل اراويج .. فاطمه بعصبيه : خوزي ايدج من شعري .. واللي تبي تسويه سويه .. هذا اللي ناقص اخاف من وحده مينونه شراتج مريم بعصبيه : خلاص هذي ايدي وخوزتها .. شوي وبتعرفين مريوم منو تكون اذا ما خليت حمود يبهدلج انا اراويج فاطمه بضيج : وليه تراج صدعتيني .. لا انتي ولا غيرج يهمني .. تراج خنجر وغرستيه فصدري اشو تبين بعد مريم وهي تضحك بصوت عالي : يحليلج خنجر واحد سواء فيج كل هالسوايا .. عيل بعدج ما شفتي شي فاطمه : تدرين انج سخيفه ولا عندج سالفه احسن اسير اقابل ناس سنعه مب وحده...؟؟!! احسن شي ما اكمل مريم وهي تصارخ عليها : حووه انتي تعالي اشو تقصدين .. ما عليه يا فطوم انا اراويج منو مريم صبرج علي بس فـــــي آلصــــــــآله ام محمد كانت يالسه تسلم ع الحريم لانها بتسير خلاص ام حمود ": خلينا نشوفج يا ام محمد تصدقين عاد ما ملينا من سوالفج ام محمد : ما عليه وخيتي الايام امبينا اترخص انا ام حمود : فحفظ الرحمن الغاليه .. وهالله هالله فالدرب . ام محمد بدون نفس : هيه خايفه العريس يطير من بين ايديكم .. ولا انا فشو اهمج يا حظي ام حمود: قلتي شي ام محمد ام محمد بتوتر : هاه لا الغاليه بس يالسه اقول تصبحون على خير .. عن اذنكم مها وهي ميته ضحك: زين سويتي فيها امايه .. مصدقه روحها عيوز النار ام حمود بعصبيه : مهووي انتي ما تيوزين عن سوالفج انطمي يالله فضحتينا ساره تقاطعها : وهي صادقه خالوتي بلاها ترمسج من طرف خشمها .. زين سويتي فيها ام حمود : لعنبو استحن على وجوهكن هذي مره كبيره .. واحترامها واجب مها وهي تضحك بصوت عالي : دخيلج امايه لا تضحكيني .. مره كبيره ومتكشخه ع الاخر صكت علينا هذي ام حمود : انطمي انتي وياها يالله سيرن صوب داخل ..... ولا ابا اسمع صوت وحده فيكن طالع مها : انزين امايه بنروح وبنسكت .. بس عشان خاطري لا تعصبين.. مها لمحت فاطمه تصيح وراحت صوبها مها بضيج :فطامي حياتي بلاه ويهج صاير احمر .. صار شي بينج وبين مريم فاطمه وهي اداري دمعتها : لا فديتج لا تحاتي بسير صوب خوله عن اذنج مها بضيج : على راحتج .. وتمتمت فخاطرها مع اني شاكه انه هـ السالفه اكيد وراها مريم .. هالبنت ليش ما تخلينا في حالنا كله منك يا حمود محد مكبر راس مريم غيرك انت .. بلوه والظاهر بطيح فوق راسنا... اللهم الطف فينا فاطمه بضيج : خوالي اقدر اكلمج شوي خوله بخوف : فطوم حياتي انتي مضايجه من شي خوفتيني .......... صوتج متغير .. فاطمه بضيج : قومي معاي احينه وعقب بتفهمين كل شي خوله : اوكي فديتج بس هدي نفسج شوي ساره وهي تصاصخ مها : مهووي بلاها فاطمه شكلها متغير .. كأنها كانت يالسه تصيح مها : ما ادري طلعت من المطبخ وهي معصبه .. ساره بخوف : المطبخ .. لا تقوليهااااااااااا ... معقوله مريم تهاوشت مع فاطمه .. انا استغربت دخلتها هناك مها بضيج : انا بعد اتوقع جذا .. وعلى قولتج من متى مريم تدخل المطبخ .. الاخت دكتوره فما ظنتي بتنزل مستواها وتسير صوب المطبخ الا اذا في راسها شي .. اختج هذي من يومها قويه وما تخاف من شي ساره بضيج : مهوووي اشو قصدج .. يمكن مريم اوقات تتصرف بانانيه بس ما ضنتي ................؟؟!! مها تقطاعها : ساروه حبيبتي انتي تعرفين مريم عدل .. فما يحتاج تقصين على نفسج ساره وهي تتنهد : ما عليه نصبر ونشوف اشو نهايتها .. والله يستر خوله بضيج : فطامي حياتي هذا انا وانتي بروحنا .. خبريني اشو مضايقنج فاطمه وهي تذكر الموقف ودمعت عينها فخنقتها العبره وما قدرت تتكلم خوله وهي تمسكها من يدينها : فطوم حياتي يمكن انا عميا وتتحسبين اني ما احس فيج بس انا عارفه انج يالسه تصيحين فمسحي دموعج وخبريني اشو صاير عليج .. ليش تصيحي بهالشكل فاطمه وهي تتنهد : مريم وحمود شفتهم بعيني وقاطع كلامها صريخ مريم وهي طالعه من المطبخ واطيح ع الارض مها : الله يستر الظاهر في مصيبه بتصير .. خوله بخوف : ياربي اشو مستوي هذا صوت مريم فاطمه بتوتر : اشو صار عليها هالبنت خبله واخاف تسوي فنفسها شي .. خوله : نشي خلينا انسير صوبهم ونفهم اشو اللي مستوي ساره وهي تركض : مريوم حياتي بلاه ويهج وجسمج منو اللي سوا فيج كل هذا .. مريم وهي أتصارخ واتأشر على فاطمه : هذي .. غيرتها وصلتها.. تتهمني باني انا سبب مشاكلها مع حمود ام هلال وهي تصيح:حسبي الله عليج يا فاطمه لعنبوج كيف طاوعج قلبج تسوين هالسواه هذي ما يسويها الا المجنون مريم وهي تحضن امها : امايه جسمي يعورني .. يوم حست الخدامات سارن صوب غرفهن جات صوبي ومسكت سكين وانا ما فهمت عليها تحريتها تبا تقطع شي بس ما حسيت ا لا وهي اتشدني من شعري وتقطع جسمي بسجين ام حمود بخوف : لا مريم قولي غير هالرمسه فطوم انا اعرفها عدل .. مستحيل تسوي هالشي .. مريم وهي اتصارخ: يعني انا اجذب طالعي حالتي كيف صايره .. وليش تتوقعين اني اتبلى عليها هي السبب هي السبب فاطمه بعصبية وبقهر : هيه نعم تتبلين علي .. وبعدين هالامور ما تسويها الا وحده مينونه يبالها علاج نفسي .. وظنتي اللي حاولت تنتحر قبل وتعالجت في مصح عقلي ............ تقدر تسوي هالسواه .. وتبا تتبلى علي انا مريم سرحت : وليه هذي من وين عرفت اني حاولت انتحر .. واشو دراها اني دخلت اتعالج فمصح عقلي فاطمه بعصبيه وتقطعلها حبل افكارها : سمعيني يا ماما اللي تبيه اخذيه حلال عليج .. بس لا تلعبين معايه هاللعبه الوصخه .. اوه نسيت اخبرج انتي متفاجأه كيف انا عرفت انج حاولتي تنتحري وكل اللي صار في الماضي انا بخبرج حبيبتي تبين هالكلام يصير بيني وبينج ولا قدامهم كلهم .. ترى حتى انا اعرف اللعب واقلب الاوراق لصالحلي مريم وهي تحضن امها واتصارخ : امايه خوزيها عني هالبنت مينونه .. طالعي جسمي كيف صاير بسبتها خوله بعصبيه : مريم سمعيني انا اعرف فاطمه زين .. وانتي يالسه تتبلين عليها .. فطوم مستحيل تأذي احد مريم بعصبيه : انتي وحده عمياء اشو دراج باللي يالس يصير .. امايه انا ما بسكت لازم اشتكي واخذ حقي مها بخوف : مريم الله يهداج اشو تشتكي .. لحظة بنحلها امبينا مريم وهي اتصارخ : لا ما بسكت وحقي باخذه غصبا عن الكل ام هلال : صادقه بنيتي هذا حقها وفاطمه لازم تتعاقب .. ها تعتبر جريمه اليوم سوت جذا وباجر يمكن تذبحها ام حمود : ام هلال الله يهداج بدال لا تهدين الوضع يالسه تزيدي الطين بله .. كل شي ينحل بالتفاهم ام هلال : اي تفاهم طالعي شكلها كيف متخيسه من الدم .. هذا حقها واللي تباه مريم بيصير مها:امايه انا بسير ابلغ حمود اخاف ابويه وعمي يسمعون شي وعقب تستوي كبيره.. نحن ما صدقنا الماضي يموت ام حمود بخوف : زين اتسوين بس خبريه انه ما يحسس ابوه وعمه باي شي مها وهي تركض صوب المطبخ : ان شاء الله امايه لا تحاتين فاطمه : سمعيني يا مريم حبيتي تبلغي عسب تاخذين حقج عادي فديتج بلغي .. لاني انا صاحبة حق .. وحقي باخذه غصب عنج .. وبنشوف منو بيضحك في النهايه .. ومصير الاعيبج كلها تنكشف وتنفضحين يا المينونه ساره وهي اتصاصخ مريم وتعض على شفايفها : مريوم سمعيني اذا انتي مسويه كل هذا عسب تكسبين عطف حمود خبريني وما يحتاي هالمسرحيه .. لانه في النهايه مصيرج تنفضحين تراج اختي وعارفه الاعيبج الموت عندج لعبه ومستعده تسوي اي شي بس عسب تخلي الكل يتعاطف معاج لعنبوج كيف قدرتي تستحملي تقطعي جسمج بهالشكل مريم وهي اتصارخ : بلاكم انتوا طالعوا شكلي كيف صار متشوه بسبتها .. وانتم تتحروني اكذب عليكم .. انزين افترضوا اني يالسه اكذب انا شو مستفيده من هـ التمثيلية كلها فاطمه ودمعه نازله على خدها : تصدقين عاد مب لايق عليج دور البنوته البريئه اللي ما سوت شي .. سمعيني يا مريم انا بخبرهم انتي شو غرضج من كل هذا .. بس قبل ما اخبرج عندي تعليق بسيط فلنفرض اني انا اللي قطعتلج جسمج بهالشكل معقوله بتنتظريني اخلص وما بتصارخي وبتلمي الناس حواليج عسب تتخلصين مني وتكوني خايفه بعد اني ارتكب فيج جريمه واذبحج هاه ؟؟ اما عن اسبابج اول سبب : تفتنين بيني وبين حمود ..ثانيا:حمود يصدقج و يطلقني.. ثالثا: يفضالج الجو كله وتحاولين تتقربين منه .. وفي الاخير تاخذين مكاني في هالبيت لكن حامض على بوزج حمود جان سرحان ومتكدر : يا الله صدق اني واحد واطئ . كيف تجرأت وطعنت فاطمه في الظهر .. كنت مستانس مع مريم ولا حسيت بالحرقه والعذاب اللي حاسه فيه فاطمه وهي يالسه تشوف كل حركه يالسين انسويها .. لهالدرجه انا طلعت حقير.. ليش ما اهتميت بمشاعرها ليش ..فاطمه محد لها فهالدنيا غيري.. حرمت نفسها من اشياء وايد بس عسب ما تحس لحظة انها مقصره اتجاهي .. وانا كيف جازيت المعروف طعنتها وخنتها جدام عينها آآآآآآآآآه فهد قطعله حبل افكاره: حمود بلاك متكدر ومهموم عسى ما شر .. اليوم بالذات لازم تنسى كل همومك .. مها وخوالي انخطبن في ليله وحده .. شوفني انا نسيت كل الحزن من فرحتي لخواتي .. استانس ترى الدنيا ما تسوى حمود بضيج : انا مستانس يا فهد بس اللي مضايجني موضوع ثاني فهد بخوف: انزين خبرني اشو اللي مكدر خااطرك يمكن اقدر اساعدك حمود وهو يتنهد : ما ضنتي تقدر تساعدني يا فهد .. انا بحل هـ الموضوع بطريقتي هلال هم بعد جان سرحان ويفكر :خوله ليش قصيتي علي .. ليش تلاعبتي بمشاعري .. انتي اروحج قلتي انج اتحبيني ليش سويتي فيني الحين كل هذا .. ليش طيرتيني لسابع سماء وعقب نزلتيني لقاع الارض .. ليش فهد صد صوب هلال وحصله هو بعد مضايج ومتكدر : ياربي اشو بلاهم هذيلا .. مع اني غارق فحزني بس ما هانت علي مهوي وخوالي ما افرحلهن فيوم نفس هذا نسيت همي وجرحي وفرحت بس عشانهن ولمح تلفون حمود يرن .. حمود ترى تلفونك يرن رد عليه اخاف ابويه وعمي يلاحظوا توترك وعقبها بتدخل في سين وجيم حمود : اعذرني فهد والله غصب عني هذي مها خلني اشوفها اشو تبا .. هلا مهااوي عند مها : الووو حمود اسمعني مابا ابويه ولا عمي يحسون بشي تعال البيت بسرعه .. حمود بصوت واطئ : انزين خبريني اشو مستوي مها : الله يهداك قتلك تعال وعقب بتفهم .. يالله لا تتأخر ~ ~ ~ ~ ~ ~~ ~ ~ ~ ~ ~ ~ ~ ~ فـــــــــــي آلسيــــــــآآره خالد جان يالس يسمع اغنية اليوم طالع قمــــر ومطول عليها ع الاخر بو خالد : خالد قصر ع المسجل حشرتنا .. كل هذي وناسه خالد بخجل : هاه اسمحلي ابويه .. تصدق من فرحتي ما خذيت بالي اني مطول ع المسجل بو خالد : الله يهنيك ان شاء الله وعقبال ما تقر عينك بشوفتها .. ام محمد بدون نفس : خالد انته تعرف انه خوله عمياء خالد بضيج : هيه اعرف .. وانا مقتنع فيها .. واذا انحرمت من نعمة البصر .. الله عوضها باشياء ثانيه بو خالد : ام محمد خالد يحبها وضنتي بيوقف معاها .. وبيساعدها وما بيشوف عيوبها .. ام محمد بطنازه : هيه صح نسيت يقولون الحب اعمى .. يعني ما شي فرق بين الحب وخوله خالد بضيج : لا خالوه ما شي فرق كلهم يحملون معنى الحب.. بعدين خوله خاليه من اي عيب وكونها فاقده حاسه من حواسها هالشي ما يأثر فيني بالعكس يمكن يقربني منها اكثر..وبتحترمني وبتصوني اكثر من البنت اللي بكامل حواسها بو خالد : ام محمد ترى خوله بنت زينه وسنعه يكفي انها بنت الغالي سعيد .. وزين ما اخترت يا خالد خالد بابتسامه : مشكوور ابويه .. وتأكد انه كل خطوه اخطوها اعتبرك انته مثلي الاعلى .. عمرك ما حسستني فلحظة اني لازم اطالع اللي اقل عني بنظرة تكبر .. بالعكس كنت دايم تقول الناس سواسيه وميزانهم التقوى بو خالد بابتسامة رضا : يوم عن يوم تحسسني يا خالد اني جبت ريال وينشد فيه الظهر .. الله يرزقك على قد نيتك خالد : ان شاء الله ابوي ولك بالمثل بعد .. | ||||
|
| |
|
27-06-13, 06:20 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصــــــــل الثــــآني :: :: ام محمد فخاطرها : حشا بلاهم هذيلا خذوني بمشراع وميداف ما قلنا شي .. اخلاق واحترام اشدخل هالموضوع فهذا احسن شي اتم ساكته .. ومن تدخل فيما لا يعنيه نال ما لا يرضيه فانطم واسكت أفضلي بو خالد يقاطعها : ام محمد وين سرحتي خالد يرمسج ام محمد بتوتر : هاه لا ماشي بس كنت يالسه اذكر كلام خالد واقارنه بخوله .. ونفس ما قال اذا الله خذ شي يعوضه بشي ثاني .. وهي ما شاء الله عليها زينة البنات .. جمال ودلال ورزانه خالد : تسلمين خالتي هذي عيونج وطيبة قلبج تشوف كل شي حلو بوخالد : هاه عاد ام محمد ما اوصيج اباج ترقصين فعرسه ام محمد وهي اونها مستحيه : ان شاء الله ما بقصر برقص وبزغرد جم خالد عندنا خالد بابتسامه : الله يديمج فوق راسنا خالوه بو خالد : عقبال ما تفرحين بمحمد واحمد وتشوفيهم معاريس وتفرحين بعيالهم بعد ام محمد : الله يحفظنا لين ذاك اليوم ويحفظك حقنا بو خالد ويديمك فوق راسنا بو خالد : ان شاء الله بقدرة قادر بتعيشي وبتشوفي عيالج معرسين وعيالهم بعد خالد بابتسامه : خالوتي ترى حتى انا ولدج يعني عيالي عيالج فكله واحد صح ام محمد بدون نفس : هيه صادق ياخالد.. انته شرات ولدي الا ما قتلي جم باقيلنا وبنوصل احاتي للعيال يمكن ما تعشوا خالد : لا تحاتين خالوه كلها عشر دقايق وبنوصل ان شاء الله ..وترى رواضي ما تقصر اكيد بتعشيهم بو خالد يقاطعه : صدقه خالد انتي لا تشغلين بالج .. ترى رواضي حرمه سنعه وما بتغفل عن هالشي ام محمد وهي تتنهد : اوف كل شي رواضي .. طفشت من هالسيره بو خالد : ام محمد تكلميني ام محمد بتوتر : هاه لا بس يالسه اذكر سالفه وسهيت .. وانا داريه انه رواضي ما تقصر .. بس يمكن تنشغل بالمذاكره وتنسى ومحد يلومها ضغط امتحانات عسى الله يسهلها عليها بو خالد : عقبال ما تفرحنا وتدخل الجامعه وتحقق اللي في بالها خالد : ابويه لا تشغل بالك روضه قدها وقدود .. وان شاء الله بتفرح بنسبتها العوده الجميع : ان شاء الله ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~~ ~ ~ ~ فــــي بيــــــت بو حمـــــــــــــــود .. فــــي آلصاله حمود وهو يدخل والخوف كان مسيطر عليه شاف فاطمه ومريم يالسات يتسابن ويتضاربن مريم اول ما لمحت حمود تمت تصيح : سمعيني يا فاطمه كل الكلام اللي قلتيه ما يهمني بعدين حمود ريلج لازم تحترميه ولا تطعني فعرضه حتى لو ما كان قدامج فاطمه بطنازه : ما شاء الله عليج ابهرتيني بهالتمثيل .. صراحه يبالج تمثلين فمسلسل .. حرام مواهبج هذي اتضيعيها لازم تستغليها صح .. ع الاقل بتحسي انج عايشه ضمن محور تمثيلي مش واقع حي .. حمود وهو يصارخ : اشو صاير صوتكن واصل لبرع البيت لعنبوه ما تستحن .. مريم بلاه ويهج متروس دم مريم وهي منهاره : اسأل زوجتك العاقله .. شوف غيرتها لحد وين وصلتنا حمود : فاطمه معقوله انتي سويتي كل هذا .. وليش بس لانج غيرانه .. الامور ما تنحل بهالشكل .. فاطمه وهي سايره صوب حمود وتصيح : حمود هذي جذابه ورب الكعبه ما لمستها مريم تقاطعها : الله واكبر عليج وتحلفين بعد .. خافي الله عندج عيااال يمكن يصيرلهم شي فاطمه بعصبيه : انا مش خايفه وانا فعلا ما سويت هالشي وليتني سويته عسب ع الاقل يكون اتهامج لي مش باطل مريم : انتي ليش تتحريني اني ابا ادمرلج حياتج .. معقوله الغيره خلتج توصلين لهالدرجة وتحاولي تقتليني حمود بعصبيه : فاطمه خبريني ليش سويتي جذا .. فاطمه وهي تمسح دموعها وباستغراب ممزوج بحزن : حمود تكلمني انا ولا وحده ثانيه ... حمود : ومنو غيرج .. لين متى بتخلين الماضي يدمر علاقتنا .. وتوصل فيج لدرجة انج تسوين هالسواة فعلا انتي .. فاطمه بعصبيه : كمل يا حمود انا شو .. ليش ساكت .. بس عقب ما تكمل ياليت لو تخبرهم حقيقة هالخايسه هذي ؟.. واشو اللي راسمه عليه وشو اللي قاعده تخططله من وراهم ولا تنسى تخبرهم بعد الموقف اللي صار من شوي مريم وهي تصيح : انا خايسه .. الله يسامحج يا فاطمه فاطمه : وقليله فيج هالكلمه انتي تستاهلين كلمه اكبر من هـــ....ـــــ....ــــــذي حمود صكها بكف قبل ما تكمل كلامها ومن شدة الضربة خلاها اطيح ع الارض .. خوله بخوف : حمود اشو سويت هالامور ما تنحل بهالطريقه فاطمه وهي تصيح : تضربني عشان هذي يا حمود تضربني عشان هذي .. انزين ليش .. بس لانك تحبها .. تبيع زوجتك وعيالك عشان هذي .. انا عمري ما راح اسامحك تفهم ..عمري ما راح اسامحك وراحت تركض صوب حجرتها ام هلال: ام حمود بصراحه اللي صاير مهزله وبو هلال لازم يعرف اللي صاير لبنته الحين بدقله ام حمود بتوتر :الله يهداج ام هلال خلاص حمود بيحل المسأله وياليت لو يتم هالموضوع امبينا مب ناقصين انخرب على للعيال فرحتهم .. تعوذي من ابليس مها : حمود حرام عليك يمكن فاطمه ما سوت هالشي حمود بعصبيه : لا سوت .. وانا متأكد من هالشي .. فاطمه صارت تحل الامور بعصبيه بدون ما تفكر شو اخرتها .. فاطمه مريضه ولازم تنتبه لنفسها وغيرتها اللي مالها داعي .. وانتوا ادرى بهالشي .. فاطمه اول ما سمعت كلام حمود وقفت وصدت صوبه والدموع تارسات عيونها : استويت انا الغلطانه هاه .. لا وبعد طلعت مينونه ولازم اتعالج .. مشكور ابومايد يجي منك اكثر خذت نفس عميق ومشت بخطوات متثاقله صوب حجرتها مريم وهي تبتسم ابتسامة انتصار وسرحت : اخ جسمي وايد يعورني .. بس مش مهم اتعور الحينه وعقب ارتاح يمكن الالم اللي فجسمي اخف من الالم اللي غرسته فصدر فطوم .. يحليلج فطووم كسرتي خاطري .. يالله يوم لج ويوم عليج .. وبسج عاد طمع حمود صار حقي بروحي . .. وناسه كل شي اباه تحقق .. ااااااااااخخخ جسمي وايد يعورني .. ام حمود بضيج : حمود انته شو سويتحمود بضيج : اميه فاطمه غيرتها حطمتها .. طالعي كيف مسويه بجسم هالفقيره مريم .. ام حمود : فاطمه بنت راكزه وما تسوي هالشي الا اذا شايفه شي بعينها حمود بتوتر : هاه شايفه شي .. الله يهداج امايه شو هالرمسه عن اذنج تاخرت اخاف ابوي يشك فشي ام حمود بصوت واطئ:شو اللي يالس يصير معقوله ماضي حمود اثر في فاطمه وخلاها مب قادره تركز وتتبلى ع مريم مها وهي تتنهد : امايه بلاج يالسه تتكلمي مع نفسج ام حمود : واللي صار اليوم تتوقعين انه يسر مها بضيج : اميه انا وايد خايفه على فاطمه ام حمود : خوله عندها والله يعدي هالليله ع خير الا مريم وين سارت مها بضيج : اوف كله منها تمت تركض وراء حمود لين ما خلته يحن حق ماضيهم ويا بعض .. ما ادري وين تبا توصل هالبنت .. حاسه انه وراها سالفه جايده واليوم او باجر بينكشف المستور .. قووويه طالعه على امها ام حمود بعصبيه : مهووووووووي مها بتوتر : انزين امايه خلاص ... ومريوم روحت تتغسل ..هذي وحده قويه المفروض ما ينخاف عليها ينخاف منها ام حمود : وليييييييه الظاهر انه السالفه معاج مطوله .. احسن شي اسير اقابل ام هلال لا تسوي سالفه جايده ونتورط مب ناقصين مشاكل وعوار رااااس نحن ما صدقنا الماضي يروح في حال سبيله نرجع نفتح لجروح مره ثانيه.. مها : امايه بلاج عصبتي ما قلنا شي .. حشا في هالبيت محد يقدر يقول رايه .. الا يعصبون عليه مب حاله هذي ساره وهي اطالع مريم من فوق لتحت : قولي الصدق .. مريم بطنازه : عفوا .. تكلميني .........؟؟؟؟ ساره بضيج : مريم انا اعرف فاطمه عدل .. وهي عاقله ومستحيل تسوي فيج كل هذا مريم : لا حول .. ترى الكل مغتر بفاطمه .. لا يغركم انها ساكته هذي الشر بعينه .. وكل سكوتي لوتي ساره بضيج : تصدقين كل اللي صار برع .. ما اقتنعت فيه .. واعتقد انج سويتي كل هذا عشان تغطي على شي ثاني مريم : شوفي فاطمه سوت كل هذا لسبب واحد بس وانا بخبرج اشو صاار .. انا كنت يالسه اكلم حمود وانصحه انه يبتعد عني ومن عصبيتنا والمشاده اللي صارت امبينا ارتميت فحضنه بدون ما حس وفاطمه شافت كل هذا فانهارت وصار اللي صار .. ارتحتي احينه انا شو دخلني اذا حمود بيتم طول الوقت راكض ورايه .. الحين هذا جزاتي ساره وهي مصدومه : اشوووووو .. فاطمه شافتج وانتي بحضنه مريم بدون نفس : هيه انا شو ذنبي اذا هي شاكه فريلها .. وطول الوقت يالسه تراقبه .. ساره بضيج : بصراحه عقب كل اللي قلتيه .. لو سوت فيج فاطمه اكثر من جذا ما بلومها لعنبوج انتي ما تحسين خافي الله..تراه يمهل ولا يهمل..ومن متى حظرتج تهتمين بمشاعر غيرج من يوم ما عرفتج وانتي وحده انانية مريم بعصبيه : لا حوووووووول !! اقول فجي عني .. هذا اللي ناقص .. قتلج حياتي لا تدخلين فيها انا حره واسوي اللي اباه .. وانا مستعده اتحمل نتيجة افعالي .. عن اذنج يا حلوه قالتها بابتسامة عريضة ساره بضيج : ما اقول غير الله يهديج .. لا اكيد هالبنت تخبلت .. فيه وحده عاقله تسوي اللي سوته عنـــــد آلريـــــآييل .. بو حمود اول ما دخل حمود شك انه وراء طلعته سالفه كايده : حمود ما خبرتني اشو صاير حمود بتوتر : لا ابويه لا تشغل بالك .. امايه كانت تبا تستشيرني فشغله بو حمود : الحمدلله خوفتنا لما طلعت .. اتحسب صاير شي في البيت حمود : لا ابويه ما صاير الا كل خير .. عمي ام هلال تقول تأخر الوقت غاية السيرة بو هلال وهو يطالع الساعه : وليه صارت الساعه 10 لازم نترخص بو حمود : لا بوهلال تو الناس خلنا رامسين بو هلال : الايام امبينا ان شاءالله بس الزياره المره الثانيه عليكم بو حمود : ولا يهمك بو هلال ما يصير خاطرك الا طيب بو هلال : على خير حمود ياليت لو تسير تخبرهم فهد يقاطعهم : عمي حمود توه راد .. اسير انا افضل بو هلال : قلنا ما نبيلك التعب .. بس بروحك يبته لنفسك فهد بضحكه ممزوجه بحزن : اي تعب الله يهداك .. عمي انته طلباتك اوامر .. يالله استأذن حمود وهو يلحقه للباب : فهد وقف وين تبا .. نسيت انه ساره موجوده داخل فهد وهو يداري دمعته : لحد متى يعني بتم اتجاهلها .. خلني اداوي الجرح وهو طري .. وبعدين شسوي بقلبي وده بشوفتها دامها قريبه مني خلني اترس عيني واشبع منها باجر لا تزوجت راح انحرم من شوفها طول العمر.. حمود : بس انا خايف عليك يا فهد انته قاعد تأذي نفسك ومب حاس بهالشي فهد : تصدق عاد كله عشان خاطر ساره يهوووون .. انا راضي بنصيبي حمود وهو يتنهد : شوف يا فهد انا اقول لو تصارحها احسن فهد بضيج : لو كنت عارف انه فيه ذرة امل صدقني ما بتأخر دقيقه وبصارحها وبخبرها باللي بداخلي حمود باستغراب : ليش ما فهمت عليك .. فهد ودمعه نازله على خده : ساره تحبه صارلها زمان .. خوله سمعتها ترمسه بالصدفه وخبرتني حمود بضيج : فهد انا اسف ما جان قصدي .. فهد يقاطعه وهو يمسح دمعته : حمود خلني اسير اكحل عيني بشوفتها .. ما يندرى يمكن ما اشوفها مره ثانيه حمود بحزن : اللي يريحك اخويه .. اهم شي صحتك فهد بضيج : عارفه انه في ايام صعبه بس لازم استحمل عسب اقدر اعيش واكمل انته لا تخاف علي بخليك الحينه حمود وهو يتنهد : سير فهد عسى الله يوفقك وسرح ويلس يفكر في فاطمه ويتأمل ايده ويتسائل كيف تجراء وضربها فـــــــــي حجــــــــــــرة فـــــآطمة ميره واميره جانن يالسات يصيحن خايفات على امهن خوله وهي حاضنتهن : ميره اميره صدقني ماما ما فيها شي بس تعبانه شوي .. كلها خمس دقايق وبتهدى ميره : لا عموه انتي تقصين علينا .. ماما ليش تصيح اميره : عموه شو فيها ماما تبا تروح وتخلينا خوله وعينها تدمع : ميره اميره كافي صياح خلني بروحي مع الماما ميره : مابا بتم مع امايه اميره : انا بعد بتم مع الماما ولا بخليها ولا لحظة فاطمه اول ما طالعت بناتها سارت صوبهن وحضنتهن : ميره اميره خلني بروحي مع عموه واوعدكن اني اذا روحت باخذكن عندي انا ما اقدر اعيش بدونكم انتوا النبض اللي مخلني قادره اعيش .. اميره وميره مع بعض : وعد ماما انج ما بتخلينا .. فاطمه وهي تبوسهن : وعد حبايبي اميره وهي تمسك ايد ميره : ميروه خلينا انروح نيلس مع مايد يمكن يخاف بروحه ميره : يالله .. باااي ماما فاطمه وهي اتسويلهن باي واتصيح : باااي حبيبتي خوله بحزن : فطوم حياتي شو قررتي احينه فاطمه وهي ترتمي فحضن خوله : ما قادره خوالي حاسه نفسي مخنوقه .. انتي ما شفتيه كيف كذبني وصدقها .. خبريني كيف بستحمل اعيش عند انسان يفظل وحده غيري تكون قربه ومد ايده علي بس عسب يرضيها خوله تقاطعها : فطامي ادري انه حمود غلطان .. بس محد يدري شو السبب اللي خلاه يتصرف هالتصرف\ فاطمه وصوتها يتقطع : انا اقولج شو السبب !! حمود يحب مريم ومب قادر ينسى الحب اللي جمعهم طول هالسنين هذي حب طفولته خوواالي .. ويمكن هو كان مشتاق لهالشي من زمان واليوم جاته الفرصه لحد عنده وارتمى فحضنها خوله بضيج : فطامي انتي شو يالسه تقولي فاطمه : هذا اللي ما قدرت اقوله جدامهم .. شفتهم بعيني .. شفته هو مستانس ويضحك معاها .. خوله انا شو سويت عسب يسوي فيني كل هذا .. انا تميت طول عمري اصونه واحاول اكسب قلبه .. بس انا ضنيت اني بقدر انسيه جم مره حصلت رسايله حق مريم فاغراضه الخاصه وسكت .. قلت امبينا عيال ولازم اصبر.. تخيلي لما ياني البارحه وفصخ كندورته حصلت صورتها فمخباته .. اشو اسوي بنفسي .. خبريني خوالي كثر شو بستحمل حاسه نفسي بتخبل خوله بضيج : يا قلبي عليج فطامي .. كل هالضيم بداخلج وساكته .. انزين جان خبرتيني فاطمه بضيج : وياما شفت واستحملت بس تميت طول الوقت ساكته خوله تقاطعها : انزين ليش فاطمه وهي تتنهد : تبين تعرفين ليش لاني ما حبيت تطلع هالسالفه وعمي يعرف بكل هذا .. عمي طول عمره وهو مفتخر بحمود .. وانا ما حبيت ا خرب الصوره اللي سواها عمي حقه .. ما حبيت اشوفه صغير جدامكم .. تحملت كل هالضيم بس عسب ما اشوف راسه نازل الارض ومب قادر يحط عينه في عيونكم .. بس طالعي حمود كيف جازاني .. طعني في الظهر .. وانا اللي كنت افكر فيه قبل ما افكر فنفسي .. طالعي هو فلحظة استسلم لرغباته ولا فكر بمشاعري داس كرامتي واهاني جدام حبيبة القلب مريم .. خوله حمود تغير .. وتغير وايد من يوم ما دخلت مريم فحياتنا خوله : حلاص فطامي انتي اصبري لا تنسين امبينكم عياااال وما يصير تخليهم وتسيري فاطمه بضحكة سخرية : حتى لو بغيت اخلي البيت واروح .. وين اسير .. مالي مكان غير هذا .. مضطره استحمل الضيم اللي انا عايشه فيه .. بصبر بس عشان سبب واحد عيااالي خوله : فطوم عمري وانا وين سرت .. صدقيني هالبيت واللي فيه حلال عليج بس لا تحسسيني انج مقطوعه من شجره فاطمه وهي تحضنها : خوله تصدقين لما اشوفج واحس بالمعاناه اللي عايشه فيها انسى كل همومي .. لاني يالسه اشوف وحده مثابره رغم انها فقدت اهم حاسه الا انها تمت طول الوقت قويه .. خوالي انتي اختي وامي وابويه انتي كل اهلي .. انتي مصدر القوه اللي مخلني قادره اعيش .. انا محد بقالي فهالدنيا غيرج فلا تخليني خوله بضيج : فطووم حياتي ان شاء الله ما بخليج .. واللي بيفرق بينا شي واحد هو الموت فاطمه تقاطعها : لا تقولين جي .. عسى يومي قبل يومج.. انا مش مستعده اصحى فيوم واحس انج مش قربي ساعتها جد بنهااااار .. خوالي لا تخليني الله يخليج لا تخليني بروحي خوله ودمعه نازله على خدها : فطوم حبيبتي لا تعورين قلبي .. قتلج مستحيل اخليج غناتي بس انتي هدي نفسج شوي ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فهد اول ما دش طاحت عينه فعيون ساره وسرح فيهن ويلس يردد في خاطره قلي من اللي يحمل الهم عني؟؟ لاغبت لحظة عن عيوني واقفيت ليه الصدود وليه كل التجني؟؟ اشهد انك في عذابي تماديت!! ان كان قصدك بالغلا تمتحني انت الوحيد بداخل القلب ( لك بيت) ================== ساره فخاطرها : بلاه فهد يطالعني جي .. احس فنظراتة حزن .. لا يكون انا جرحته بدون ما اقصد .. لا مستحيل بعدين انا وفهد شرات للخوان ومستحيل يزعل مني يمكن مضايج من شغله فهد وهو يطالعها وعينه دمعت بدون ما يحس : تقول الناس عينك وش بلاها على خدك تنثر كل ماها .. صحيح الناس ما يدرون عني ولا حسوا دموعي وش وراها ولا يدرون ليه اسهر لحالي ولا يدرون حالي وش براها ولا عاشوا دقيقة في عذابي لأن النار تحرق من وطاها ولا اقدر على جور الليالي بكت عيني وجاها ما كفاها يقدر عبرتي من عاش مثلي ويبري علتي رافع سماها ساره بخوف : لا فهد اكيد شايف علي \شي .. بلاه يطالعني جي ساره بخوف : لا فهد اكيد شايف علي \شي .. بلاه يطالعني جي مها بضيج : الله يكون فعونك فهوود .. تشوف حبيبتك تروح من بين ايدينك وانته مب قادر اتسوي شي .. ساره بضيج : مهوووي شوفي فهد صارله ساعه واقف جدام الباب يمكن يبا شي مها : الحين بسير اشوفه .. فهود بلاك بغيت شي .. وبعدين امسج دمعتك الكل انتبه عليك .. فهد بضيج : كل ما اشوفها احس انه سجاجين تنغرس فصدري مب قادر اعيش بلاها .. هذي ساروه حب طفولتي .. كيف تبيني اعيش من غير حسها .. الله يصبرني بس مها بضيج : فهد حبيبي هذا نصيبك ولازم ترضى فيه .. يمكن الله بيعوضك بوحده احسن عنها فهد : بس القلب ما يبي وحده غيرها وهذا اللي معذبني وذابحني .. يبا ساره يا مها يبا بس ساره .. مها : ما ادري شو اقولك فهد .. عارفه وحاسه بالجرح وبالالم اللي معشش فصدرك .. بس لازم تتقبل هالشي فهد : مجبور اتقبل هالشي .. المهم خبريهم انه عمي يترياهم مها : فهد انته بتطلع ولا ؟؟؟!!!!!!! فهد بضيج : مهوي تراني مب ياهل .. الكل خايف علي .. وبعدين تطمني اليوم بتم في البيت ومالي خلق اسير اي مكان مها : انا ما قصدي شي وبعدين انته اخويه ولازم اخاف عليك .. وبعيد الشر اذا صار عليك شي انا مع منو بتضارب فهد وضحكه خفيفه ارتسمت على شفايفه : فديت روحج مهااوي .. وبعدين انتي كل همج مضارب وبس مها : فديت هالضحكه والله .. واذا علي انا ما ادري متى بتسنع وابطل حركات الخبلان فهد : لا والله عاقله وغصبا عن الكل .. المهم سيري بلغيهم اخاف يتاخرون على عمي مها وهي تتفلسف: اوووكي اخي الحبيب ساذهب الان استاذن فهد بضحكه:هذي داخله هندسه وتتفلسف علينا لا وبالفصحى بعد .. اشو لو تدرس فلسفه؟!ضحكتيني مهوي وانا مالي خلق حتى اضحك ما اقول غير الله يصبرني وينشغل قلبي واخليه ما يتجراء فلحظة انه يفكر فيج ولا بشلعه من مكانه مها بابتسامه :خالوتي عمي يترياكم برع مريم بدلع : قومي امايه خلينا انروح مب قادر استحمل ايلس هنيه .. اخاف فاطمه اتيي وتتضايج و انا بصراحه مالي خلق ازعلها مني .. تراني اعزها شرات اختي فاطمه سمعت رمست مريم وابتسمت : لا تخافي حبيتي بالعكس تنورينا في اي وقت مريم في خاطرها : بل هذي عينها قويه .. الظاهر البهدله اللي تبهدلتها اليوم خلتها تتمرد عليه .. بس يالله مب مشكله المهم كسبت حمود لصفي .. وجريب فطوم انا بكون راعية البيت .. وانتي برع يا حلوه خوله بابتسامه وصوت واطئ :شفتي قتلج انزلي وحريها .. مريم يبالها قلب قوي مب رهيف .. هالبنت تقول حق بليس وخر وانا بيلس بدالك .. الله يكافينا شرها فاطمه : اهم شي بردت حرتي فيها .. واثبتلها انه الخصم اللي تتعامل معاه قوي وما يستسلم بسهوله .. خوله : هيه جذي ااباج خليج قوووويه .. ولا تخلين هالاشكال تكدر خاطرج او تزعلج ساره بضيج : هاه مهووي بلاه فهد حسيته مضاايج مها بدون قصد وبعصبيه :ليش من متى يهمج امره ساره باستغراب : مهووووي بلاج خذيتيني بمشراع وميداف انا شو قلت هذا يزاتي اني ابا اتطمن عليه مها بضيج : سار ه انا ما قصدي شي بس الكلمه طلعت مني بعفويه اعذريني ساره : مهوي ما يحتااي اتبررين لي اي شي .. انتي يمكن ماخذه فخاطرج ع الموقف اللي صار بين مريم وفاطمه .. بس حتى ولو مش من حقج اطلعين حرتج فيني عن اذنج مها وهي تزاعج عليها : ساروه .... سارووووه وقفي الله يخليج والله ما قصدي شي ساره من عصبيتها طنشت مها ولا صدت وراها مها : ياربي انا شو قلت .. اوووف شو هالحاله بدال لا نفرح ونستانس قلبناها هم وغم .. والله هذي مب حاله خوله وهي ميته ضحك : هوووود بلاها الاخت يالسه تتحلطم وعايشه فجو ثااااني مها بخوف : بسم الله الرحمن الرحيم انتي من وين طلعتيلي خوله : من وين بعد من هنااااك ؟؟! المهم خبريني اشو صاير عليج مها وهي تتنهد : بصراحه احوال بيتنا ما تسر .. طالعي الاخت مريم بدال لا تخلينا نستانس بيوم خطوبتنا خربتها علينا خوله بابتسامه : مهوووي انتي تحبين هلال صح مها بخجل : هاه .. خوالي الله يهداج شو هالرمسه انا بروحي استغربت توقعته بيتقدملج انتي مش انا خوله : ياشيخه بسج الجذب حراااااااام واللي يكذب يروح النار .. مها بتوتر : خوالي بلاج انتي انا ما احب اكذب ومستحيل اسويها فيوم خوله : بس كذبه صغنطوطه وعشان هلال ما ظنتي تأثر .. لانه الحب مبين عليج مها : خوالي تصدقين اوقات .. تخليني اشك انج عمياء وما تشوفين .. يالله اعترفي خوله بضيج : تصدقين اتمنى من خاطري يكون اللي في بالج صح .. بس تجري الرياح بما لا تشتهي السفن مها : خوااالي انا اسفه لو ضايقتج خوله بابتسامه وهي تحاول تخفي حزنها : مهاااوي لا ضايقتيني ولا شياته انا خلاص تقدري تقولين اتأقلمت .. وبعدين لا تغيرين الموضوع تحبين هلال ولااااا توقعاتي غلط .. مها بخجل : خوااالي بخبرج بكل شي بس بشرط اتخبريني كيف عرفتي باللي بداخلي .. خوله : وانا موااااااااااااااااااااااف قه .. مع اني انا واثقه من كلامي بس مب مشكله .. هذا ما يمنع اني اسمع منج وتأكد مها بحزن : تصدقين لما خبروني انه هلال بيتقدم حق وحده فينا .. وربي خفت .. تحريته يمكن يباج انتيه .. خواالي كنت خايفه انه تكوني انتي .. حبي لهلال يمكن يخليني ............................. وسكتت خوله : يخليج تحقدين عليه صح مها بحزن :خوالي انا ما قصدي جي .. بس خفت يكون الشخص اللي احبه من نصيبج انتي .. كيف بستحمل اشوفكم مع بعض داخلين .. طالعين والله ما بقدر .. انا اتخيل هالشي واستخف !! شو لو اشوفه واقع حي .. والله بموت خوله : اسم الله عليج من الموت حياتي .. وخلي الافكار السيئه بعيد عنج .. هلا يحبج انتي مش انا مها وهي تحضنها : وهذا اللي مخلني طايره من الفرح .. مب مصدقه انه يحبني انا تحريته يباج انتي .. خوله باستغراب : يباني انا؟؟؟؟؟؟؟!!!!!!!!! انزين ليش !!!!!!!!!! انتي سامعه او شايفه شي .. مها : لا فديتج لا شايفه ولا سامعه شي .. بلاج خفتي جذا.. بس يمكن لانج انتي احلى مني والريال يعشق من عيوونه خوله وهي تتحس وجها بايدينها: تصدقين عاد من كثر ما تمدحين شكلي .. خااطري اشوف ملامحي واتمعن فيها:: ًً :: وهذي احداث اللحظة الحادية عشر انتهت على خير ولنا لقاء باذن المولى مع اللحظة الثانية عشر وقد وضعت بعض مقتطفاتها فهناك الكثير من المفاجاءت .. واترككم مع بعض التوقعات تتوقعون من هنادي اللي كانت عند بومشعل ؟؟؟ حمود شو اللي خلاه يكلم فاطمه بهالشكل ؟؟ شو اللي شافه عليها ؟؟َ اترككم في حفظ الرحمن ورعايته وتصبحون على خير دعواتكم لي بالتوفيق .gif) ..: | ||||
|
| |
|
27-06-13, 06:28 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله نبداء وعلى هديه نستعين اللحــظة آلثـــآنية عشــــره :: :: الفصـــــــلـ آلآولـ فــــــــي آلسيـــــــــــــــآره عند هلال مريم وهي تتافف : اوووف امايه متى بنوصل .. جسمي يعورني بو هلال باستغراب : مريم غناتي اشو صاير .. وشو اللي معورنج مريم بحزن : باباتي هذي ............. ساره تقاطعها وبعصبية : يا ويلج لو تكلمتي مب ناقصين مشاكل مريم بعصبيه : ساروه قتلج لا تهدديني .. وبعدين انا ما سويت شي غلط عسب اخاف ساره : مريوم انتي اختي وانا عارفه البير وغطاااه .. فلا تمثلين علي مريم وهي ترفع صوتها بدون ما تحس : سااروه احينه منو اختج انا ولا الدعله فاطمه ام هلال بتوتر : بس اسكتي فضحتينا .. بو هلال باستغراب : ام هلال اشو صاير .. ام هلال :والله يا ابو هلال ام حمود قالت ما اخبرك شي .. بس انا ما اقدر اخبي عليك ساره بضيج : امايه السالفه اتصكرت خلاص .. فالله يخليج لا تردين وتفتحينها ام هلال وبصوت عالي : سمعيني ساااروه ابوج لازم يعرف بكل اللي صار!! وانا ما تعودت اخبي عليه بو هلال : ام هلال بلاج تراج خرعتيني اشو صاااير .. مريم بحماس : باباتي انا بخبرك السالفه وما فيها ساره تقاطعها : ياليت لو تخبريه بالتفصيل .. مش اللي تبيه انتي ويخطر على بالج .. مريم وهي اطالع ساره بنص عين : خلاص ما بتكلم بس اسكتي بتفضحينا ام هلال : مريوم انتي على حق بلاج خايفه مريم بتوتر : لا امايه مش خايفه ولا شياته .. انسي الموضوع خلاص بو هلال : مريوم قولي اشو فخاطرج ولا تخافين من شي مريم : باباتي اتهاوشت مع فاطمه وتضاربنا بس عقب اتصافينا بوهلال باستغراب : فاااطمه !! هذي اللي طول عمرها وهي هاديه ولا تنسمع منها كلمه شينه مريم : ابويه انته اشو دراك يقول المثل السكوووتي لووووتي ساره بطنازه : بس اوقات القهر يخلي الواحد يطلع من طوره ام هلال وهي اتصارخ على ساره : ساروه اشو عندج بلاج على اختج .. انتي شايفه عليها شي ساره : لا اميه حشا عليه لا شفت ولا شياته .. بس انا اوضح وجهة نظر وما خصيت احد ام هلال : اتحرى بعد .. ترى محد بيدوملج الا اختج .. وبسج من كثر ما تحاتين غيرج ساره يلست اطالع هلال من المرايه وحست فعيونه نظرت حزن : هلااااال شي مكدر خاطرك هلال جان فعالم ثاني ويردد في خاطره : ? ليــــــــه؟؟ ? ليه يوم احتجت لك خيبت ظني ؟ ليه صاير قاســــي و ضيــِّـق طباع ؟! كل ما آعاتب خفوقك صد عني كن ما صــدق لقى فرصه و .. باع ..! وفي وسط هلوساته طلع صرخه هزت كل اللي فالسياره : ليش ليش ليش وتم يضرب بايده على السكان .. ساره على طول فهمت : هلال بلاك صاير عليك شي بو هلال باستغراب : هلال معقوله كل هذي فرحه لانك بتاخذ بنت عمك مريم : ابويه خله على راحته ... يتحرى مها رفضته .. بس تطمن ضحكتها واصله لاذونها من فرحتها ام هلال : مريوم احينه ما وقت فلسفتج يمكن مريض ويالس يهذون :. هلول فيك شي غناتي هلال استوعب اللي صار وحاول يخفي دموعه : لا تشغلون بالكم بس تذكرت موقف وضايجني بو هلال : هلال لا يكون انته ما جان فخاطرك تخطب مها .. ونحن فهمنا الموضوع بالغلط هلال حس ابوه وجهله سهم بصدره وحاول يدارك الموقف : ابويه قتلك انا احب مها وطلبتها من خاطر ..السالفه وما فيها واحد من الربع صار عليه حادث يقولون حالته خطيرة.. ويمكن ما يعيش لا سمح الله بو هلال : اعوذ بالله .. لا حول ولا قوة الا بالله .. هـ الحوادث زايده فهـ اليومين ..الله يسلمنا بس.. الا ما قتلي من ولده هلال بتوتر : هاه .. لا أبويه ما تعرفه .. بو هلال : الله يقومه بالسلامه ان شاء الله عقبال ما تفرح بشوفته .. هلال وهو يتنهد : مشكووور ابويه الله يسمع منك وصد ع المرايه وحصل ساره اطالعه ودمعتها فعينها .. فنزل راسه لانه عارف انه ساره حاسه فيه وفاهمه بكل اللي يالس يدور بداخله ..بس ما كان بيده يسوي شي غير يتجاهل نظراتها ساره وهي سرحانه وتفكر : اشو اللي خلى خوله تتخلى عن اخويه فاخر لحظة .. اكيد في سبب وراء هـ الشي .. انا لازم اخلي هلال يفهمني السالفه اليوم ولا ما بييني رقاد .. بس هلال مضايج وما ضنتي له خلق يتكلم مع احد ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~~ ~ ~ ~ ~ ~ ~ ~ ~ ~ فــــــــــــــــــــــــ ـــي بيت بو حمووووووووود خوله كانت منسدحه ع الكرفايه وتفكر: معقوله خالد خطبني .. معقوله يحبني !!! ياربي انا مش مصدقه اللي قاعد يصير انا فحلم ولا فعلم .. اه يا خالد اللي مفرحني اني بصير حرمتك .. واللي مكدر خاطري الخوف اللي مسيطر عليه .. معقوله اني ما بقدر اخدمك .. معقوله كوني عمياء بيأثر فحياتي .. يالله اتمنى اتخلص من هالحاله اللي بداخلي .. بعدين خالد يحبني وانا احبه .. ولازم انواجهه مشاكلنا مع بعض .. وهو ولا مره حسسني اني عميا .. معقوله في لحظة غضب يعايرني .. ويمن علي انه تزوج وحده شراتي .. لا خوالي انتي اشو يالسه تقولين .. انا قويه وقادره ااثر على خالد بطريقتي .. وخالد وعدني انه عقب زواجنا بيوديني اتعالج .. يالله هـ التفكير بيذبحني .. حتى وانا مستانسه الافكار السوداء والماضي اللي عشته يكدر حياتي .. انا لازم انسى .. لازم انسى الماضي .. لازم اعيش حياتي .. وعنـــــــــــــد فاطمه وحمووود حمود: فاطمه هذا ماضي وانا حاولت انساه بــــ ....ـــس فاطمه تقاطعه والحزن تارس عيونها : بس ما قدرت صح .. لعنبوك انته ما تستحي حاط عينك بعيني وتقول انك تحبها للحين .. معقوله مشاعري وكرامتي صارت شي عادي بالنسبه لك حمود بضيج : فاطمه انا ما قصــــــ..................ـــدت فاطمه تقاطعه : كافي حمود كافي .. اعذارك وتبريراتك تارسه مخباتك .. بس انا تبعت كثر شو بستحمل .. اول شي حصلت رسايل الحب والغرام سكت وخبيت في قلبي .. قلت هذا ماضي وبيجي يوم وبينسى .. لكن اللي قهرني سالفة امس وعقبها حصلت صورتها فمخبااااتك .. معقوله تحبها وما قادر تفارقها حمود باستغراب : صوووره .. فاطمه انتي شو تقولين .. انا كل صور مريم من يوم ما دخلتي هـ البيت فريتها وصكرت ع الماضي كله .. وبعدين اي رسايل .. فاطمه انتي اكيد غلطانه .. وقاعدة تهذوني كالعادة فاطمه بعصبيه : سمعني يا حمود هـ المره شفت بعيني .. بس الظاهر تبا اطلعني كذابه قدامك وقدام اهلك حمود بحزن : فاطمه كل اللي صار اليوم استوى غصبا علي .. بس موضوع الصور والرسايل هــ الشي ما صار ومستحيل يستوي .. وأتجراء فيوم اني اجرحج واحتفظ برسايل مريم وصورها ..فطوم حياتي هاي مب من اخلاقي فاطمه ودمعه تلطخ خدها : كافي تبريرات يا حمود .. ارحمني وارحم حالك واذا انت تحبها ومب قادر تنساها .. تزوجها وريح نفسك من هـ العذاب وتبريراتك اللي مالها داعي ومن اليوم انته وانا كل واحد في حاله حمود بحزن : فاطمه صدقيني والله ما اعرف شي عن موضوع الرسايل والصور.. صدقيني فاطمه بحزن : حمود قتلك هـ الشي شفته بعيني .. فما يحتاي تقص على روحك خذ فراشك وطلع برع حمود وعينه بتدمع : فطامي حياتي صدقيني .. انتي اكيد فاهمه غلط فاطمه بعصبيه : يمكن انا فاهمه موضوع الصور والرسايل غلط بس الموقف اللي صار اليوم نسيتة ؟؟!!.. كذبتني وصدقتها .. لا والقهر نزلت كرامتي الارض وصكيتني بكف .. خبرني كثر شو انا بستحمل .. تعبت والله تعبت اطلع برع حمود : فاطمه خلينا نتفاهم حيااااتي فاطمه تقاطعه وبعصبيه: لا الظاهر السالفه مطوله .. اسير ارقد عند البنات احسن عن اذنك ..طلعت وصكرت الباب بقو حمود وهو يركض وراها ما حس الا الباب يضرب في ويهه : ليش يافاطمه ليش .. ست سنين وانا وانتي عايشين ا حلى ايام عمرنا .. تبين تنهينها بسبب لحظة ضعف .. انا محتاجلج يا فاطمه لا تخليني الله يخليج وعقبها رن تلفونه حمود يرد بدون ما ينتبه للرقم : الــــــــــو مريم بدلع : حماده حبيبي بلاك .. صار شي بينك وبين فاطمه حمود بحزن : فاطمه ما تباني .. فاطمه بتخليني .. انا شو اسوي من غيرها مريم بقهر: حمود حبيبي اللي يبيعك بيعه .. وفاطمه يمكن تبا تنتقم منك وفي بالها واحد ثاني حمود باستغراب:مريم انتي اشو يالسه تقولين؟! فاطمه ما في منها وهـ الحركات مستحيل تسويها حطي هــ الشي فبالج مريم بخبث : حمود حبيبي انته اشو دراك .. هـ السوالف سوالف حريم وصعب انك تفهمها وحركات فاطمه واضحه .. والظاهر تبا تردلك الضربه بضربه اشد عنها .. انا حذرتك وعاد أنته بكيفك .. عقلك براسك وتعرف خلاصك حمود بتوتر : لا مستحيل .. فاطمه ما تسويها مريم : حبيبي انا قلت يمكن مش اكيد اشو رايك تراقب تلفونها وعقبها رن تلفون فاطمه حمود ونبضات قلبه تزيد وهو ياخذ التلفون ويشوف الرقم وحصله رقم غريب :مريوم لحظة شوي ورد ع التفلون : الوووو .. انته يالواطي بلاك ما ترد الووووو طوط طوط طوط ما سمع حمود الا والخط يتصكر في ويهه .. الخاااايس .. صكر في ويهي .. قالها بغضب ممزوج بقهر .. مريم بدلع : حمود حبيبي اعصابك .. بلاك تصارخ اشو فيك .. حمود وهو ينافخ ووجهه صار احمر : معقوله فاطمه تغدر فيني انا اراويها والله لا انتقم منهم .. راح اسود عيشتهم مريم : حمود حبيبي لا تظلمها يمكن واحد مغلط انته تأكد بالاول حمود وهو يصرخ بقو : لاااااااااااااا مستحيييييييييييييل مريم بخوف : حمود حبيبي بلااااااااااااااااااك .. اشو صااااير حمود وهو متصلب مكانه :....................................... مريم بخوف : حمود حبيبي طمني اشو صاير عليك .. لا اتم ساكت عمري تكلم حمود من عصبيته صكر في وجه مريم وسار صوب فاطمه والغضب يطاير من عيونه..وكان وده يكسر اي شي جدامه فاطمه كانت يالسه تصيح ومضاايجه : حمود والله مب هاين علي .. شسوي لاني احبك لازم اقسى عليك شوي.. يمكن يلين راسك وترجع تفكر بمنطقك .. الحب بيدمرك حمود بيدمرك مريم مريضه .. والله يستر من الياي وقطع حبل افكارها حمود وهو يصارخ : عشان هذا الوصخ تبين تبيعيني .. وقاعده تألفين علي قصص رسايل وصور فاطمه بحيره: حمود بلاك .. تبا تتهمني عسب اتبرر غلطك .. انا ما راح اسمحلك تغلط علي تفهم ولا لا قالتها بعصبيه حمود وهو يفر عليها التلفون : طالعي هالمسج يالخااااااااااايسه فاطمه وهي تقراء المسج طاح التلفون من ايدها ..واتصلبت مكانها وما عرفت شو تقوله فتمت ساكته وترتجف وتصيح حمود وهو يطالعها من فوق لتحت وبعصبية : اتفو عليج .. طلعتي وحده ................... فاطمه تقاطعه والحزن والصدمه مسيطرين عليها : لا ياحمود لا تقووووولها .. وقبل ما تكمل كلامها طاحت ع الارض حمود وعينه تدمع : ليش يا فاطمه ليش .. الا انتي ما توقعت مستواج يوصل لهالدرجه .. صدق انج ؟؟؟؟؟؟؟؟ ~~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ في الصبــــــــــــــــآح اليوم التاااالي وتحديدا في بيت بو هلال مريم وهي ناشه من الرقااد حصلت مسج من حمود يقول فيه : مريم انا محتاجلج لا تخليني دخيلج !! مريم وهي طايره من الفرحه : لا مستحيل ما اصدق .. معقوله حمود للحين يحبني احسن شي ادقله .. دقتله بس حصلت تلفونه خارج التغطيه .. ياربي هذا وينه .. اخاف يسوي بنفسه شي .. والظاهر من المسج انه تعبان .. اه حمووودي انته وينك ان شاء الله ما يصيبك مكرروه .. اوف اكيد السبب فطوم النحس .. متى الله يريحنا منها .. وفـــــــــــــي آلصاله ساره وهي نازله تتريق لمحت هلال عيونه مورمه جنه مب راقد ساره بضيج : هلال حيااتي فيك شي .. بلاها عيونك مورمه جي هلا بحزن : توقعتها تحبني ؟!! وللحين مستغرب؟؟!! اذا تحبني انا ليش خذت غيري ؟؟!! فهميني يا ساره ليش؟؟!! ساره بضيج : هلال صدقني فيه غلط في الموضوع .. انته خبرني السالفه عسب اقدر افهم واساعدك واكيد بنوصل لحل وتفسير منطقي لكل اللي قاااعد يصير .. في ثغره ولازم نعرف مكانها وعقب بتتضحلنا كل الصورة هلال بضيج : آآآآآآآآآآآآآآه سارونه شو اقوووولج .. انا يوم صارحتني والله ما صدقت ومن فرحتي طلعت بدون ما اخبرها بمشاعري وشو يكون احساسي يوم اطالعها او اسمع حسها .. تميت طول الوقت ساكت وما قدرت انطق ساره : انزين ممكن تخبرني السالفه من الاول هلال : بخبرج وعسى تقدري تفهميني اشو اللي صاير ساره وهي تيلس حذاله : اوووكي هلول وانا اسمعك تفظل هلال بحزن : تعرفي الاسبوع الماااضي انا سرت بيت عمي سعيد كنت عند فهد لانه كان وايد تعبان ومتكدر وسيارتي كانت واقفه جدام باب بيتهم فهد حدر البيت وقال انه بيروح يرقد وانا خبرته اني بتكلم في التلفون وعقب بتوكل وفهد لانه كان تعبان ومتكدر ما ناقشني ع طول سار صوب البيت وانا عسب اتطمن عليه لحقتة بدون ما يحس علي بس سمعت صوت شدني واول ما وجهت راسي على الصوت حصلت خوله تتمريح وسرت صوبها ودار بينا هالحوار ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~~ خوله جانت يالسه تشل ومستانسه : في ذمتي مالي حبايب سواكم .. انتم هنا عمري وسبت شجوووني ودي بوصلكم واستريح بلقاكم .. وفي بعدكم الاشواق ياما اسهروني في وسط روحي دوم ساكن غلاكم .. وفي قربكم شفت السعاده بعيوني تبسم لي الدنيا ببسمة شفاكم .. واحس نفسي سيدا وسط كووووني ايتوه كلي لا غمرني شذاكم .. ويرد ذهني عقب فترة جنوني تدرون بي هايم ولا اقوى جفاكم .. وتدرون بي عاشق وانتم فتوني حالي شرات الليل مظلم بلاكم .. والليل دون البدر ظلمة وسكوني اشوفني بموت اتبع خطاكم .. صارت حياتي بيديكم صدقوني في ذمتي مالي حبايب سواكم .. وفي بعدكم الاشواق ياما اسهروني هلال في خاااطره : ويلي ويلاه على هالصوت طر طر شرات راعيه .. احسن شي اروح صوبها واسلم عليها هلال توه يبا يسلم الا وخوله تقاطعه : تصدق عاد كنت حاسه انك قاعد هنيه عسب جذا شليت هالشله لعيونك وبس هلال فخاطره ومب مصدق : حقي انا !!! خوله انتي اشو يالسه تقولين .. الله يخليج لا تلعبين باعصابي خوله بضحكه بريئه : بلاك سكت مب مصدقني صح .. واكيد انك يالس تتسائل كيف عرفتك وحسيت انك هنيه هلال : ياربي خوله اللي اعرفها جانت خجوله .. من وين كل هالجرأه .. معقوله حبها لي خلاها تتغير وتتخبل خوله بابتسامه : امم ع العموم انا بريحك وبخبرك جيف عرفتك .. بس قبل بخبرك سر هلال من الصدمه مب قادر يتكلم : ............................... خوله وهي تضحك بصوت عالي : افا بلاك ساكت لا يكون الفار اكل لسانك .. المهم انا بخبرك واريحك .. تعرف شو هو السر .. انته لو كنت بين مليون ريااال انا بعرفك وبميزك .. ولو لاحظت في الشله اللي شليتها قلت بيت وهو يشرح لك ويختصر علي ويوضح لك انا كيف عرفتك واللي هو ايتوه كلي لا غمرني شذاكم .. يعني انا عرفتك من ريحتك هلال وهو مش مستوعب : معقوله تعرفين ريحتي من بين مليون ريااال لا هالبنت اكيد تبا تذبحني خوله بخجل : انا احبك .. ومستحيل افكر فواحد غيرك .. انته كل دنيتي هلال وهو يرتعش ومنزل راسه الارض : اشو تحبيني .. عيدي هاللكلمه .. الله يخليج عيديها خوله باستغراب : حبيبي بلاك ساكت .. ولا لانك مصدوم اني اصارحك بمشاعري .. بس اذا جذا السالفه انا ما بلومك هلال بصوت واطئ : احبــــــــــــج خوله ما ميزت الصوت لانه جان واطئ : انا بعد احبك غناتي .. وجان ودي اخبرك من قبل بس مالنا نصيب .. واحينه يالسه اصارحك وانا متأكده من كل كلمه يالسه اقولها .. عسب جذا اتمنى تتقدملي رسمي هلال وهو مش مصدق : لا هالبنت اكيد تبا تذبحني .. اتقدملج رسمي ؟؟!! والله هذا حلمي خوله بضيج : يالله عاد انا بخليك احينه اخاف فهد يشوفني .. واتمنى باجر صوتك يرجعلك تصبح ع خير غناتي وقعدت تدور على ايده لحد ما مسكته وحطت في ايده ورده حمراء وسارت صوب داااخل .. هلال وهو يلوح بايده ويودع خوله : لا تخافين غناااتي انا بعد احبج جان ودي اصارحج .. بس انتي صدمتيني ما توقعتج بهالجرأءه .. انتي اليوم رسمتيلي صوره ثانيه لخوله .. واوعدج خووالي كله اسبوع ارتب اموووري وبيي اتقدملج رسمي وبثبتلج اني احبج ومستحيل اخلي وحده غيرج تدخل حياااتي انتي لي بروووحي ومحد بياخذج مني ~ ~ ~ ~ ~ ~ ~ ~ ~ ~ ~ ~ ~ ~ ساره بحيره : هلال لحظة شوي .. ركز في هالبيت ((ايتوه كلي لا غمرني شذاكم ..)) اكيد وراه سر هلال بضيج : ساره بعدني ما فهمت عليج اشو تقصدين ساره بحزن : انا بفهمك شوف .. خوله عرفتك عن طريق ريحة شذاك واللي هو عطرك .. هلال باستغراب : هي قالتلي جذا ساره : اوكي وانت متاكد انك كنت متعطر بعطرك . . مش عطر واحد ثاني هلال وهو يتذكر الموقف اللي صارله مع فهد ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ في آلسيــــــآره عند هلال وفهد فهد جان يالس يسمع اغنية حزينه ومطول ع للمسجل ع الاخر هلال بعصبيه : حووووووه فهود بس صمختنا حراام عليك .. لا يكون تحب فهد بابتسامه وهو يردد وراء الاغنية : يسألوني ليه احبك .. حب ما حبه بشر هلال وهو يصكر للمسجل : اوف منك فهود والله صمختنا .. انا ياي استانس عندك مب اعور راسي فهد بعصبيه : طالع هذا .. اموت واعرف ليش تخرب علي .. محد مونسني غير هالكلمات والالحان الغاويه .. هلال وهو يعدل يلسته : فهوود لا يكون تحب فهد بتوتر : هاه احب .. انزينه ولو كنت احب انته اشو دخلك .. هلال : حشا بلاك عصبت .. يا اخي حب واستانس على قولتك انا شو دخلني فيك فهد بضيج : هلول اسف ترى والله ما اقصد شي .. بس كنت امزح معااك هلال وهو ميت من الضحك :هههههههههههههاااي لعبت عليك يالدلخ وانا انتصرت يعني واحد صفر فهد عقب ما شاف تصرفات هلال انفجر هو بعد من الضحك : ههههااي الله يقطع سوالفك ولانك فزت عليه خذ غرشت العطري هذي حلال عليك هلال وهو يشم الريحه : ياربي شو هـ الريحه .. طلعت ذويق يا ولد العم . فهد بفشخره : احم احم .. لا تحرجني وبمناسبة هالكلام الحلو اشو رايك اعزمك على كوب كابتشينو تعدل راسك فيه هلال بابتسامه : والله تبا الصدق انا موافق .. اليوم محصلين عزيمه وباجر ما يندرى بخيييل فهد : لا اذا بتيلس تغلط عليه احسن شي اهون هلال يقاطعه : لا الله يخليك .. خلنا انروح صوب الكوفي يمكن احصل وحده اتغزل فيه فهد : خلاص اللي يريحك .. بس اي اهانه توجها لي بتتحمل ثمنها هلال وهو يترس عمره عطر : اوووف منك فهود ذليتنا .. خلاص والله ما بتلكم بس خلنا انروح فهد وهو ميت ضحك : ههههههههه خلاص لا تصيح يالله سريناا .. وعقب ابتسم فهد وقال حق هلال مشكوور وايد هلال كان عارف انه فهد كان فيه شي مكدر خاطره وهو سواء المستحيل عسب يطلعه من حزنه ويخليه يستانس ولو شوي فـرد عليه بابتسامه : ولو بو فهيد ما سوينا شي .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ساره : اها يعني قصدك العطر جان لفهد .. لكن معقوله خوله تتغزل فاخوها اشو هالمنطق الغريب.. هلال وهو يشد ع راسه بايده : اه ما ادري ساروه بروحي تايهه ساره بابتسامه : انزين انا عندي لك شور .. اشو رايك ادق على فهد وتفهم منو صاحب العطر هلال بضيج : لا الله يخليج شو اقوله ساره : بسيطه قوله شي واحد .. عيبني العطر وناوي اشتريه هديه حق واحد من الربع لانه زواجه قريب هلال : خلاص احينه بدقله ساره :/ اوك احينه بنقدر نفهم السالفه كلها .. هلال وهو يأشر لساره انها تسكت : الو هلا بو فهيد فهد : هلا والله بهلال اشحالك الغالي هلال : الحمدلله بخير انته شحالك وشخبار عمي وخالوه والاهل فهد : كلهم بخير وسهاله انته طمني عليك .. البارحه شكلك جان مضاايج ومتكدر هلال وهو يتنهد : لا تحاتى شي بس شوية برد عسب جذا .. المهم فهد بغيتك فشغله فهد : امر غالي والطلب هلااااال هلال بضحكة ممزوجه بحزن : ما يامر عليك عدو .. المهم بغيت اعرف العطر اللي جان عندك في السيااره وتعطرت منه .. من وين خذيته واحد من الربع بيعرس .. وابا اخذه هدية لزواجه فهد : والله شو اقولك بصراحه هو مش حقي .. هذا لربيعي خالد انا خذيته من عنده هلال وهو متصلب ونزلت دمعه من عينه : اشوووو من عند خاااااالد انته متأكد فهد باستغراب : هلال بلاك فيك شي تصرفاتك غريبه .. و العطر فعلا جان من عند خالد هلال بحزن : بعدين ادقلك وافهمك يالله بخليك الحين فهد باستغرااااااااااااااااب: الرحمن حافظك ~ ~ ~ ~ ~ ~ ~ ~ ~~ ~ ~ ~~~~ فـــــــــــي بيت بو مشعل ضاري جان يايب حق مشعل الشهاده : وهذي الشهاده صارت معاك .. واحين هات الامانه مشعل بتوتر : ضارري انته طالب مني خمسين الف ريال يعني نص مليون .. وحاليا ما اقدر ادبرلك المبلغ .. وابويه مصر انه ما يخليني امسك ادارة الشركه عسب ادبر المبلغ .. افهمني يا ضاري ضاري بخبث : خلاااااااااص انته تعرف اذا ما قادر تدفع عطني اختك ميثا تعرفني اموت عليها مشعل بعصبيه وجان يبا يضرب ضاري : ضاري الزم حدك الا اختي .. مالك شغل فيها ضاري وهوي يمسكله ايده : انته اللي تسمعني .. يوم خايف على اختك ليش مش خايف على بنات النااااس والا !!1 مشعل بعصبيه : سمعني يا ضاري بنات الناس ما يهموني .. لكن ميثا هذي اختي .. يمكن اكون سافل وحقير وواطئ .. بس مستحيل حقارتي توصل اني ابيع اختي لواحد شراتك ضاري بابتسامة : وانا ما قتلك تبيعها .. والله ما بلمس ولا شعره منها .. كل اللي اباه منك بس تخلاها تكلمني اباها تسليني في الليل اونسها وتونسني وصدقني بترتاح اخر راحه مشعل بعصبيه : ضاررري ترااااااااااااك مصختها ضاري بعصبيه : خلاص اذا مش ميثا .. دبرلي المبلغ .. ولا تحلم تشووووف شهادتك يا بابا عن اذنك مشعل بعصبيه : يالواطي يالخايس اطلع برع .. واسمعني ما عاش اللي ينزل كلمتي الارض .. فاطلع بكرامتك احسن ضاري بعصبيه : اللي ما تقدر علىه بايدك واصله بريلك عن اذنك مشعل بعصبيه : اراويك يالخايس انا اراويك .. والله لاقطعك قطعه قطعه .. والايام امبينا وبذكرك .. ميثا او ما سمعت الصريخ يات تربع : مشعل اشو مستوي هنيه مشعل بعصبيه : يا الخايسه نازله الميلس ولا مغطيه شعرج ميثا بخوف : مشعل ليش عصبت .. انا ما دخلت الا وانا متأكده انه ضيفك راح مشعل وهو يشدها من شعرها : كنتي تتسمعين علينا يا الخايسه :: | ||||
|
| |
|
27-06-13, 06:33 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفــــ،،،ـــــصــ،،ــل الثـــ،،ـــآنــ،،،ـــي :: :: ميثا وهي اتصيح : اي هد شعري حرام عليك والله ما سمعت شي انته شفيك صاير تشك في كل اللي حواليك مشعل بعصبيه : مالج شغل روحي من جدامي .. هذا اللي ناقص تفتحين معاي تحقيق ميثا بعصبيه : خلاص ما لي شغل فيك .. وانته من الاسااس ما تهمني .. وسوا اللي براسك عن اذنك يا صاحب الشيم مشعل باستغراب : صاحب الشيم .. اشو تقصد هذي .. لا اكيد سامعه شي .. احسن شي اروح افهم منها واذا ما اتكلمت بالطيب بتتكلم بالغصب .. انا محد بيطلعلي قرون غير ميثوه وتصرفاتها الغبية مونيكا : ماما ميثا هذا كووفي مال انته ميثا بعصبيه وهي اتفر الصينيه : خوزي عني هذا اللي ناقص اشوف ويهج من صباح الله مالت على شكلج .. متى الله يفكنا منج وتسافرين وتريحينا .. ولو تموتي يكون احسن بعد .. عشان نرتاح منج مره وحده مونيكا ودمعتها على خدها : ماما ليش انته يسوي كذا ميثا وهي ادزها : ياربي من هالادميه ما تفهم الرمسه عدل ؟؟؟!! اقول خوزي من جدامي لا امسح فيج الارض مونيكا وهي طايحه ع الارض وتصيح : انا والله ما فيه يسوي شي .. الله على الزالم ميثا وهي تشدها من شعرها : انا الظالمه يالخايسه .. انا اراويج ويلست اتكفخها مونيكا وهي تصارخ : ماما حرام الله في فوق بعدين ينتقم منج ميثا وهي يالسه تشوتها : الله يلعنج تدعين عليه بعد .. والله لا اوريج اليوم منو ميثا .. انا تقولين عني ظالمه هاه؟!! مشعل بعصبيه : حووه انتي خافي الله بتقتلينها ميثا وهي اطالعه من فوق لتحت : انته مالك شغل .. انا اللي بدش السجن مش انت مشعل بعصبيه وهي يمسكها من ايدها : تعالي انا وانتي للحين ما خلصنا كلامنا ودفرها بقو ميثا وهي اطيح ع الارض : مشعل بلاك انته تخبلت .. كسرتلي ايدي مشعل وهو يحط ريله فظهرها : احينه تخبريني شو سمعتي من اللي دار بيني وبين ضاري ومابا كذب ميثا : مشعل اشو فيك عورت ظهري .. خوز عني ويالست تزقر امها ام مشعل بخوف : مشعل خوز ريلك .. بتجتلها مشعل : خليني اقتلها عسب المره الثانيه ما تيلس تتسمع عليه انا وربعي عسب تعرف خصوصياتي ميثا وهي اتصارخ : امايه والله ما سمعت شي .. بعدين اشو مصلحتي مشعل : اذا ما لج مصلحه شحقه يالسه تتنصتين من ورى الباب ميثا : مشعل قتلك يوم طلع ربيعك انا نزلت .. حتى ما شفته ولا للمحته مشعل : سمعيني يا ميثوه والله واعرف انه صار شي بينج وبين ضاري لاوريج النجوم فحزة القايله ام مشعل : مشعل بس ارحم اختك بتمموت تحتك وانت ولا حااس بو مشعل بضيج : يالله بصباااااح خير اشو مستوي هنيه مشعل وهو يخوز ريله من فوق ميثا : انا بطلع احس نفسي بختنق بو مشعل وهو يصارخ : مشعل يوم يكون ابوك جدامك من واجبك انك تحترمه وتبوس راسه مشعل : اوووووووووهوووو تراكم صدعتوا راسنا وسار صوب سياارته ام مشعل بعصبيه : وبعدين معاك يا ابو مشعل ليش ما تكلمه باسلوب بو مشعل بعصبيه : والله محد بيضيع هالولد غير ج انا ساير ام مشعل : انزين ما بتاكلك لقمه بو مشعل وهو يصارخ : لا سديتوا نفسي .. لعنبوه محد يعرف يرتاح في بيته ميثا بضيج : امايه حرام عليج ليش صارختي في ويه ابويه !! مشعل هو الغلطان ام مشعل : ما ادري هالريال حاط دوبه من دوب مشعل .. مب راضي يفهم انه ولده كبر ولازم يعامله شرات ما الابهات يعاملوا عيالهم .. ما يتم يصارخ عليه في الداخله والطالعه .. وبعدين مشعل عاقل ومستحيل يغلط على ابوه ميثا : امايه ابويه لو ما خايف عليه جان ما عصب عليه وهاوشه هو حتى ما تنزل يبوس راس ابوه ام مشعل : يا سلام ومن شو يخاف عليه ان شاء الله ولدي متربي احسن تربيه ميثا بضيج : امايه مشعل هالايام حالته ما تسر احسه يتعاطى شي ام مشعل وهي مبطله عيونها : اشووو!!!!! انتي شو تقولين يتعاطى وانتي اشو درااج ميثا بضيج : امايه مشعل ولا مره مد ايده علي وجان يدلعني ولو سويت غلط ما يعاقبني ينصحني بكل هدوء .. بس احينه صار يعصب من اتفهه الاشياء .. اميه مشعل من يوم سافر وحالته ما تسر ام مشعل بعصبيه : سمعيني انتي ما قلتي هالرمسه الا عسب تنزلين مشعل من عيني .. لكن انا ما علي من هالرمسه واسمعيني كثر ما طريتي هالسالفه جدامي مابا اسمعها مره ثانيه فاهمه ولا لا ؟؟!! ميثا وهي منزله راسها الارض : على امرج اماااااايه بس انتي لازم تراقبيه ام مشعل تقاطعها : قتلج جبي ولا كلمه يالله سيري من جدامي مابا اشوف رقعة ويهج ميثا : اووووووف والله ما ينلام ابويه فيكم .. صدقه هالبيت صار يلوع بالواحد .. متى اتزوج وارتاح ام مشعل : والله ياليت جان زين تتزوجين وتفكينا .. هذا اللي ناقص تبون اطفشون الولد من البيت هذا يبا يحسسه انه للحين صغير والثانيه تتهمه انه يتعاطى .. لا مشعل هذا تربيتي وما يسويها .. ~ ~ ~ ~ ~ ~ ~ ~ ~ ~ ~ ~~ ~ ~ ~~ ~ ~ ~ ~ ~ ~ فـــــــــــــــــي بيت آم غــــآده نوف بضيج : امايه والله مالي خاطر اكل شي ام غاده : لو ما كليتي ما بتعرفي تركزي وما بتحلي عدل نوف : خلاص امايه بشرب حليب ام غاده : نوف غناتي من امس احسج مش على بعضج صاير عليج شي نوف بضيج : امايه مش متخيله انه غاده وعادل بيسافرون وبنتم انا وانتي بروحنا فهالبيت ام غاده : انتي خايفه لما غاده تسافر من وين بنصرف ع البيت صح نوف وهي منزله راسها : امايه انا بكلم غاده يوم اخلص امتحانات بشتغل انا بدالها لين ترجع ام غاده بضيج : سمعيني يا نوف انا عندي جم قطعة ذهب وبنبيعها وبنمشي امورنا هي كلها شهرين والامور بتتيسر نوف : امايه بس انا لازم اشتغل .. ام غاده : لا يا نوف اذا سمعت غاده هالرمسه اكيد بتزعل عليج .. احينه كل اللي اباه منج تركزين وتحلين فالامتحانات وتفرحينا بالنسبة العوده اللي ترفع الراس نوف وهي تبوس راس امها : على امرج امااايه يالله انا تأخرت عن اذنج الغاليه ام غاده : الله يوفقج ويسهل عليج وتنفتح لج كل ابواب الرزق اللهم امين فـــــــــــــي آلمستشفى غاده بابتسامه : هاه عدول طمني كيف النفسيه اليوم ترى باجر بنروح عادل بحزن : غاد ه انا وايد خايف غاده وهي تمسح على راسه : عدووول حبيبي لا تخااف انا بكون ويااك .وما بخليك بس اهم شي انت تساعد الاطباء عادل : انزين كيف اساعدهم غاده وهي تضحك : يحليلك عدول ضحكتني .. انا بقولك كيف لازم اتحسسهم انك متفائل وما تفقد الامل واهم شي في كل فريضه تصلاها تدعي ربك انه يفتحها ويسهلها عليك .. وبهالطريقه تكون ساعدتهم وساعدت نفسك بعد .. عادل : اذا جذا سهله .. بس خليج قريبه مني غاده وهي تحضنه : ان شاء الله انا بكون معااك وما بخليك ... عادل : انزينه انا مشتاق حق بيتنا خاطري اسير ارقد الليله هنااك غاده : لا عدول حالتك ما تسمح ان شاء الله اول ما ترجع من السفر بنروح على طول هناك عادل : بس انا مشتاق لامايه ونوف \ غاده : خلاص انا بدق علي امايه وببلغها بعد الغداء تمر علينا وتسلم عليك عادل : انزين نحن متى بنسافر .. يعني في اي وقت صبح ولا مساء غاده : اممم ممكن اعرف ليش هالسؤال الغريب .. عادل بخوف : غاده بصراحه انا خااايف غاده بابتسامه : عارفه انك خايف .. بس تقدر تتغلب على خوفك بطريقه حلوه وسهله عادل بحمااس : كيييييييييييييييف غاده : تخيل انه الطياره سياره او قطار وبهالطريقه ما بتخاف بعدين الطياره ما تخوف عادل : يعني لو تخيلتها سياره ما بخاااف غاده وهي تهز راسها بالايجاب : اكيد انك ما راح اتخاف واحينه بسك هذره وخلنا نتريق اشو رايك عادل : غاد ه انا وايد احبج غاده بابتسامه : انا بعد احبك واموت عليك .. يالله افتح ثمك وكل هاللقمه عادل : بكل بس بشرط انا بعد باكلج غاده وهي ميته ضحك : احينه منو الياهل انا ولا انت عادل يقاطعها : لا انتي انا كبير .. ولازم تحترميني يالله تريقي وانتي ساكته غاده بابتسامه : اوك اخويه العود طلباتك اوامر .. ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ فــــــــــي آلشركه عند بــــــــو مشعل .. بو مشعل وهو يرفع سماعة التلفون : هنااادي تعاالي اباج فشغله هناادي بتوتر : ان شاء الله بو مشعل ثواني واكون عندك بومشعل : يالله لين متى بستحمل عصبية ام مشعل ودلعها زايد لهالبزر مشعلوه .. خايفه هالولد يودي نفسه في مصيبه وعقب اطيح في راسي انا واتفشل جدام خلق الله .. بس ياويلك مني يا مشعل اذا اكتشفت فيوم انك تمشى غلط .. يمكن انا غلط ونهبت ورث عيال اخووويه بس هذا حق من حقوقي وانته لازم تطلع احسن مني هنادي : هلا بو مشعل بغيت شي مني .. عسى ما حصل مني قصوووور بو مشعل : لا هنادي ما صاير الا كل خير تعالي بغيتج فسالفه هنادي بتوتر : ايلس لا بو مشعل مستحيل نحن في الشركه ولا نسيت بو مشعل : هناادي قتلج يلسي وبعدين انتي ليش خايفه هنادي بخوف : لا بو مشعل مش خاااايفه وليش اخااااف انا ما مسويه شي غلط بو مشعل : عيل بلاج واقفه تفضلي هنااادي وهي منزله راسها : على امرك بو مشعل بو مشعل بابتسامه : بو مشعل لا حبيبتي انتي زوجتي ولا نسيتي ناديني باسمي وبس .. سيف مش بو مشعل هناادي بضيج : ان شاء الله سيف على امرك بس انته ما خايف احد من الشركه يشوفنا بو مشعل : وليش اخاااف ؟؟؟؟؟؟؟؟؟؟؟؟؟؟؟؟؟؟ يا بنت الناس افهمي انتي زوجتي هناادي : سيف انا خااايفه بو مشعل : افا من شو خااايفه حيااااتي هناادي : خايفه اذا احد شافني معااك يتموا يسبون فيني ويقولون هذي اهلها ما عرفوا يربوها عسب جذا خلنا في الشركه نتصرف برسميه وفي البيت بدلعك على راحتي بو مشعل وهو يمسك ايد هناادي : هنادي حياتي انا فهالفتره محتاجلج وايد ..لا تخليني ويمكن هالاسبوع كله اتمم عاج هنادي وهي طايره من الفرح : صدق سيف بتم ويايه بو مشعل : هيه حبيبتي بتم معاج .. اقابل وجيه سنعه ابرك من مجابل خشة ام مشعل .. عيوز النار هنادي وهي تضحك بصوت عالي : عيوووز النااار مره وحده .. بس تصدق لايق عليها بو مشعل : شوفي هناادي انا ام مشعل من يوم خذيتها ولا حسيت مره انها تحبني حسيتها بس طامعه فيني ويوم عرفت انه كل الخير اللي انا فيه خير اخويه تغيرت عليه مليون درجه وتمت تحن على راسي لحد ما نصبت على اخويه وخذيت حله وحلاله وفريت زوجته وعياله برع البيت .. هنادي بضيج : بو مشعل انته ندمااان صح بو مشعل : لا ليش اندم هذا حلالي بعد اخووويه يوم مات ابويه ما عطاني من الورث ولا فلس وكذب علي وقال ابويه فلس وكل امواله تصادرت وانا صدقته بس عاهدت نفسي اني انتقم منه وانا خذيت حقي بس هناادي : سيف انا حبيتك عسب صراحتك وطيبتك الزايده .. بس الله يخليك اذا لعيال اخوك حق عليك لازم ترجعه .. عشان الله يوفقنا ويسهل علينا شوف انا وانت صارلنا سنه من تزوجنا والله للحين ما فرحني بذريتي بو مشعل : هنادي صدقيني انا ما خذيت غير حقي .. وكلها مسألة وقت وتفرحيني بولد يحمل اسمي هناااادي : بس مشعل ولدك .. وهو شايل اسمك بو مشعل : لا يا هنادي حركات مشعل هاليومين تخوف .. واخاف ينزل راسي للارض هناادي وهي تمسك ايده : بو مشعل حيااتي انا معاك وان شاء الله تفرح بياهل مني يشيل اسمك مشعل جان معصب وياي الشركه : يا سلام وينها هذي اونها سكرتيره ويالسه مهيته من مكان لمكان ولا مره طبيت هنيه وحصلتها الظاهر انه هــ الهنادي قويه بس انا اعلمها .. ودش المكتب واتصلب اول ما شاف ابوه وهنادي .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فــــــــــي بيت بو حمـــــود ام حمود : بو حمود هالكم يوم احسك وايد مستانس .. لا وخذيت اجازه بعد بو حمود : هيه الغاليه مستانس لانه اخيرا بشوف خوله عروس وخذيت اجازه لانه سلطان خبرني انه بيزورونا اليوم عسب نحدد كل شي من مهر وموعد الملجه ام حمود : بس نحن بعدنا ما سألنا عليهم ليشم مستعيلين .. بو حمود اللي يجي بسرعه ينتهي بسرعه بو حمود : افا يا رايه بتفاولين على بنتج ام حمود بخوف : لا بس احسهم وايد مستعيلين بو حمود : انا بخبرج ليش خالد بيسافر بعد اسبوعين عنده معرض يعرض فيه لوحاته وهالمعرض وايد يهمه ويمكن يوصله للشهره عسب جذا هو مستعيل يقول يبا زوجته تكون معاه وتشاركه في ها اللحظة المهمة من حياته ام حمود بتوتر : افهم من كلامك انه خوله وخالد بيسوون ملكه وعرس في ليله وحده بو حمود : ما يندرى والله اليوم بيزورونا وبنفهم كل السالفه ام حمود : الله يقدم اللي فيه الخير .. اهم شي خوله تكون مرتاااحه .. بو حمود : ايوه نحن هذا اللي يهمنا اهم شي البنت تكون مرتاحه واذا حبت تكون مع خالد ما بنمنعها هي بتصير على ذمته ولازم تتبع شور زوجها ام حمود : اكيد ما راح امنعها واذا هي حبت تسوي ملكه وعرس في ليلة وحده انا اكيد بوافق وما بعترض على شي بو حمود : خبري حمود وفهد ما يطلعون برع البيت وانا بدق حق اخويه راشد وببلغه ام حمود بتوتر : سعيد الله يخليك يا ريت لو تخبره انه الشغله هذي شغلة رجال والحريم مالهن دخل بو حمود : ما ادري يا رايه انا من امس حااس فيه شي بس ما عليه ما يصير خاطرج الا طيب ام حمود بخجل : لا ما صاير شي بس خايفه تصير حساسيه بين فاطمه ومريم خاصه عقب ما عرفت ماضيهم ويا بعض فما نبا نخرب فرحتنا الليله بمضااارب بو حمود : ان شاء الله الغاليه الحينه ادقله ولا يهمج بس فهميني اشو صااير بالضبط ام حمود بضيج : انا بصراحه مش فاهمه كل اللي قاعد يصير وبخبرك باللي شفته و فهمته ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فاطمه اول ما نشت حست انها متكسره وكانت راقده ع الارض وسمعت مايد يصاارخ وراحت صووبه فاطمه وهي تحضنه : اووووش حبيبي خلاص ماما معاك وما بتخليك .. بس حبيبي لا تصيح ولمحت حمود ونزلت راسها ودمعت عينها وحاولت انها تكلمه بس هو قاطعها قبل ما تنطق ولا كلمه حمود بعصبيه : سمعيني يا فاطمه مابا اسمع حسج .. ولا ابا منج تبرير للموقف اعتقد كل شي جان واضح والرقم مخزن عندج فخلينا ابعاد عن بعض هـ الفتره لانه ما ظنتي بقدر اسامحج ومابا امايه وابويه يعرفون بهالشي اخاف ينجلطون لانهم راسمين لج صوره مغايره من اللي انا شفتها البارحه فاطمه وهي اتصيح واول ما بغت تتكلم حمود قاطعها وهو يصارخ : قنلج مابا اسمع صوتج عن اذنج .. فاطمه وهي تيلس ع الارض : لا يا حمود لا تصدقهم .. فيه احد من هالبيت يلعب معاايه لعبه وصخه بس منو يا ترى منو اللي سواء هالحركه الباايخه معقوله يكون حمود بس عسب يرجع حبه الاول!!!! لا لا مستحيل حمود ما يسويها .. بس اذا مش حمود منو ؟؟ ياربي انته اعلم فيني اني مظلومه يارب انصرني على من ظلمني وخلني اثبت لحمود اني انا عمري ما نزلت راسي لهالمستوى وكل اللي شافه جان جذب وانه هو اول واخر حب فحيااااتي .. كيف بقدر احط عيني فعينه والله ما قادره يالله كثر شو انا بستحمل اطلع من مصيبه واطيح فمصيبه اكبر وتمت حاضنه مايد واتصيح خوله كانت يالسه تلبس شيلتها عسب تنزل تحت ويات صوبها مها مها وهي اونها تبا تخوفها : بوووووووووووووووووووووو خوله بخوف : مهووي جم مره قتلج بطلي هالحركات البايخه ,, والله محد بيذبحني غيرج مها : خوالي انا اسفه بس حبيت العب معااج خوله تقاطعها : ياهل انا تلعبين ويايه عندج ميره واميره وميود سيري ولاعبيهم مها تقاطعها : نسيت اخبرج خوله : هاه اشو عندج مره مها بضيج : بصراحه حسيت حمود مضايج ومتكدر ويوم سألته فاطمه وين نش وقال مالي خلق اتريق سديتوا نفسي خوله بخوف : واميه وابويه كانوا هناك مها وهي تتنهد : لا الحمدلله اميه وابويه عايشين غراميات فحجرتهم وللحين ما طلعوا يتريقوا كنت انا وفهد بس خوله : حاسه انه مريم تلعب لعبه مع فاطمه والله يستر من اخرتها مها : سمعيني خوالي الصراحه فطوم غلطانه لو انا كنت مكانها والله ما سكت .. وعلى طول بخبر اهله عسب يوقفوه عند حده .. هي بهالطريقه يالسه تخسره خوله بحزن : مها اوقات الانسان يضطر انه يضحي عسب ما يجرح اللي يحبه وتذكري كلمتي عدل .. وحمود للحين ما عرف انه الله عطاه دره بس الظاهر حمود يتحراها مجرد ذرة طين مامنها فايده انا بسير اشوفها مها بتوتر : خوالي لا تخبريها باللي صار تحت اخاف تزعل خوله : لا تخافي حبيبتي انا بسير اداوي جروحها مش افتحها الله يكون فعونها بس . . مها : اوكيك اللي يريحج انا بسير الكليه الحينه وايد تأخرت عن اذنج حبوبه خوله : الرحمن حافظج ديري بالج ع روحج .. وسارت صوب فاطمه ميره وهي تمسح دموع امها : ماما ليش تصيحين اميره وهي اتصارخ : ماما انتي مريضه صح .. ماما انتي بتموتين وبتخلينا فاطمه وهي تحضنها : اميره حياتي لا تقولين جذا انا ما بخليج .. بس تعبانه شووووي خوله وهي تضرب الباب بعصاتها : فطوووم فااااضيه ميره اول ما سعت صوت عموتها ركضت صوبها وهي اتصيح : اموووه ماما اتصيح .. خوله بخوف : اتصيح اشو فيها .. وراحت صوبها فاطمه اول ما لمحت خوله ارتمت فحضنها وتمت اتصيح خوله بتوتر : فطوم حيااتي اشو بلاج فاطمه وهي اتصيح : خوالي انا ما قادره استحمل خلاص .. وحمود صار يصدق الكل ويكذبني حاسه نفسي بموت خوله بضيج : فطوم حرام عليج طالعي عيالج كيف خايفين عليج خلينا انروح ما زين يطالعوج وانتي بهالحاله نشي .. فاطمه بضيج : لا خوالي ما اقدر اقولج اي شي انتي خليني بروحي .. محد يداوي جروحي غير عيالي خوله : فطوم ما يصير حياتي انتي بهالشكل تخوفيهم عليج فاطمه : خوله الا هالشي انا استحي اني اطريه جدامج اخاف انتي بعد اتصدقين واطيح من عينج شرات ما طحت من عين حمود خوالي الله يخليج خليني عند عيالي احسن خوله بحزن : فطووم انتي شو تقولين طحتي من عين حمود ليش انتي شو مسويه ففاطمه وهي اتصارخ : والله ما سويت شي .. وربي يتبلون عليه ... بش اشو الفايده حمود صدق وخلاص خوله : فطوم فهميني اشو صاير يمكن اقدر اساعدج فاطمه بحزن : خوالي فديتج لا تشغلين بالج انا بحل هالموضوع بطريقتي واذا ما قدرت بخليها لله وهو بيرجعلي حقي خوله بحزن : الله يريحج غنااتي .. بس قبل ما تتخذي اي خطوه فكري بعيالج فاطمه وهي تضحك بضحكة سخريه : خوالي انا طلعت من سجن خالتي ومستحيل ارجع .. مستعده استحمل ضيم حمود ولا عذاب خالتي واهاناتها .. من هالناحيه تطمني .. حتى حمود ما طردني من البيت عقب اللي شافه .. لانه هو عارف اني يتيمه ومحد لي غيره فهالدنيا .. وخالتي كل همها عيالها وبس .. شو تبيني اقول اه بس خوله وهي تتنهد : فطوم انتي قويه وانا متأكده انج بتواجهين هالشي وما بتستسلمين بسهوله .. فاطمه : ما ضنتي .. كلها جمن يوم وبتشوفين مريم هنيه خوله باستغراب : مريم !!!!!!!!!!!!!! انزين ليش فاطمه وعينها تدمع : ضنتي انا ومريم بنصير شرايك خوله بتوتر : لا فطوم الا هالرمسه دخيلج لا تعيدينها.. فاطمه : اذا حمود تزوج مريم ساعتها بعرف انه كل اللي صار مريم وحمود ورااه .. وحزتها انا بنسحب بهدوء خوله وهي مب فاهمه شي : فطووم انتي شو تقولين ترى انا مب فاهمه شي فاطمه بضحكه ممزوجه بحزن : الايام بتفهمج .. خوالي الله يخليج خليني بروحي خوله بضيج : انزين حبيبتي اهم شي لا تكدرين خاطرج .. يالله انا استأذن فاطمه وهي اطالع عيالها وهمه ايصيحون : تعالوا حبايبي .. محد بقالي فهالدنيا غيركم وتمت حاضنتنهم وتصيح .. خوله اول ما طلعت مسكتها مها : تعالي خبريني شو اللي صاير بين فاطمه وحمود خوله بضيج : خلينا انروح صوب حجرتج وهناك بفهمج كل شي مها تقاطعها : خولوه انا ورايه كليه ما عندي وقت .. خبريني باختصااار خوله بابتسامه : انتي متى بتبطلين هاللقافه .. سيري الكليه وايد احسن مها بعصبيه : خوالي لا تذلينا عاد .. خبريني المشكله باختصاار خوله وهي تتنهد : شو اقولج بس .. الظاهر في مصيبه صايره .. وفاطمه ما راضيه تتكلم .. كل اللي قالته بنشوف مريم جريب في هالبيت وهالشي اللي خلاني استغرب اكثر مها بصوت عالي : اشوووووووووووو .. قصدج حمود بيتزوج مريم خوله بتوتر: وطي صوتج لا تسمعج فاطمه .. اللي فيها مكفيها مها بضيج : انا كنت حاسه .. مريم صار لها سنين ما دخلت بيتنا .. ووجودها امبينا اخر مره .. جان له هدف خوله : ومحد بيدفع ثمن هالشي الا هالمسكينه فاطمه .. تصدقين عقب كل اللي صار .. صرت اخاف من شي اسمه ارتباط .. طالعي فاطمه بكامل حواسها وصحتها ومع هذا علاقتها متوتره مع حمود كيف بيكون مصيري انا مع خالد .. معقوله كلام ام محمد يطلع صدق .. معقوله ما بقدر اخليه يعتمد علي مها وهي تسكتها : بس خوالي ولا ابا اسمع ولا حرف .. اللي صار بين فاطمه وحمود وراه مريم وبتشوفي وانا اللي بوقفها عند حدها .. اشو مفكره نفسها هذي .. وقت ما تبا تودر حمود وتقوله النفس عافتك والوقت اللي تباه ترجعله . خوله بضيج : مهووي حياتي لا تنسين انتي بتستوين حرمة اخوها .. يعني لا ادخلين نفسج فمشاكل من البدايه .. مها بتوتر : تصدقين نسيت هالسالفه .. بس حتى ولو ما ضنتي هلال يرضى باللي يالسه تسويه مريم .. هذي يالسه ادمر عايله ياليته هالموضوع موضوع فاطمه وحمود بس .. لا السالفه فيها ميره’ اميره, مايد ’,واكيد بيكونوا ضحيه خوله تقاطعها : حمود عاقل وصدقيني بيعرف يتصرف .. واذا مريم ورا كل هذا حمود بيعرف السالفه مها : وافرضي انه ما حب يعرف اشو سبب هالمشاكل وجان مستانس مع مريم خوله بضيج : صدقيني فهالحياه مبداء ومصيره الظالم ينفضح وينال جزاه حتى لو بعد سنين طويله .. مها بضيج : على قولتج واخاف نظلمها بعد .. واخوج حمود هذا احسه بداء يرجع لسن المراهقه .. الله يهديه خوله : مهووي انتي لا تشغلين بالج .. شدي حيلج ما باقي شي وبتخلص هالسنه .. اخاف هالمشاكل تاثر على دروسج مها وهو تبوس خوله : زين ذكرتيني .. اخاف للمحاظره تفوتني يالله حياتي اشوفج عقب وبنسولف ع راحتنا خوله وهي تجر عصاتها صوب غرفتها : الله يوفقج مهااوي .. ويهديك يا حمود ويصبرج فطااامي ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فــــي بيت بو هـــلآل ساره بتوتر : طلع عطر خالد صح .. هلال وهو يصيح : هيه الاخت كانت تتغزل بخالد وانا من فرحتي ما صدقت خبر وسايرتها .. خليتها تتلاعب بمشاعري ساره بضيج : هلال هدي نفسك .. انته ما خليتها تتلاعب بمشاعرك .. انته كنت فوضع ما خلاك تفهم كل اللي قاعد يصير حواليك .. وسايرتها لانك كنت مش مصدق انه الكلام موجهه حقك هلال : بس انا غبي .. جان لازم اصارحها من البدايه بمشاعري .. انا خسرتها .. خليتها تحب واحد غريب .. انا السبب ساره بضيح : هلال الله يخليك هدي نفسك .. اانته خطبت مها ولازم تدفن حبك لخوله .. والزواج قسمه ونصيب هلال بتوتر : بس انا ما اقدر اعيش من غيرها ساره بعصبيه : هلال كافي عارفه انك تحب خوله .. بس خلاص الحين صارت مها فحياتك وهالشي جان باختيارك محد اجبرك .. ولازم تتحمل نتيجة افعالك .. هلال : عارف انه مها مالها ذنب بكل اللي صار .. ساره بضيج : هلال اذا انته ما تحب مها شو اللي خلاك تخطبها هلال بضيج : تذكرين اول ما ركبت السياره .. ما لاحظتي عليه ونحن سايرين نخطب انه ويهي تغير ساره : هيه وسألتك هذا كله من الفرحه .. ولا رديت علي هلا وهو يتنهد : حصلت رساله من مها وكانت تصارحني بحبها وقالتلي فيها بسم الله الرحمن الرحيم اوجه كلامي الى ذلك الشخص المتربع في كياني .. الى من خفق قلبي له منذ لحظات الطفوله .. كان يداعبني ويحميني ويمسح دمعتي ولم يدرك يوم ان مداعبته لي غرست حبي في قلبه .. وخوفه علي جعلت خفقات قلبي تتسارع وتتسابق اجل كانت كل دقه تحاول انت تسبق التي تليها لتتلفض باسمك .. اسمك انت وحدك .. ربما تجد مصارحتي غريبه لك وربما ترى باني تنازلت عن بعض من كبريائي لابوح لك بحبي .. ولكن كل هذا لا يهمني المهم ان لا اخسرك .. فانا لا اتصور حياتي مع غيرك .. فكل احلامي رسمتها معك .. ولا اتحمل ان ارى انسانه تشاركك لحضات فرحك وحزنك غيري انا .. فانا لا اتحمل انا ارى هذا شي يحصل امامي .. لهذا استجمعت قوواي وامسكت بقلمي .. لـ جعله يبوح لك بحبي وما احمله لك بقلبي من مشاعر فياضه .. ربما تصفني بالجنون .. ولكن لا يهم .. هذا ما اشعر به والان هذه خطوتي الاولى .. والخطوه التي تليها هي خطوتك انت .. هل احببتني نفس ما احببتك انا .. وعشقتني مثل ما اعشقك .. اذا كان الجواب بنعم فاتمنى ان يصلني جوابك قريبا .. واذا كان لا .. فتأكد بان حياتي ستتحول الى جحيم .. ولكن هذا لم يمنع بأن اتمنى لك السعاده .. فالحب ليس اجباريا .. لهذا سأظل انتظر ردك وكلي خوف وفي نفس الوقت ساغلف خوفي بلحظة تكسوها ذرة من الالم .. فكم من ذرة امل حققت المعجزات .. تحيااااااتي .. حب طفولتي ساره وعينها تدمع : مها كانت تحبك .. وانا اللي كنت دوم قربها ما حسيت بكل هذا هلال بتوتر : حسيت انه حرام اظلمها .. ويمكن هي تقدر تنسيني حبي لخوله ساره وهي تتوسل هلال : هلال الله يخليك مها هاي رفيجة عمري .. ما اتحمل اشوفها متكدره .. واذا انت ما تباها صارحها بهالشي الحين .. عسب ما تتورط بعدين .. ويكون زواجكم فاشل هلال وهو يتنهد : ساره صدقيني انا احب مها بس بطريقتي الخاصه .. ومستحيل ااذيها .. وبعدين لو صارحتها شو الفايده .. خوله بترجعلي .. لا فخليني اعيش حياتي يمكن مها تنسيني خوله ساره بضيج : بس هالتصرف اناني .. انته بتبني حياتك على اساس توقعات .. هلال الانسان اذا حب ومن خااطر صعب ينسى هاللحب بكل سهوله .. انته تشوف خوله حب الطفوله .. ومها تشوفك انت حب طفولتها .. يعني انته بتعيش مع اخت اللي بتحبها .. تخيل لما تشوف خوله مع خالد وتكون انته مع مها .. شو بيكون شعورك ما ظنتي بتتحمل هالشي .. انته انسان والانسان ضعيف .. وقلبك اول ما يشوفها جدامه بيضعف وبيذكرك انه هذي حب حياااتك هلال بعصبيه : ساره الله يخليج خليني .. اللي فيني مكفيني .. تتحرين انا من خاطري ابا اعذب مها .. بس لما ابويه قال انه خوله انخطبت ومحد باقي غير مها انا استحيت وما حبيت اطلعه صغير جدام عمي .. ولا حبيت ا كون ضعيف جدام خالد .. كنت حااس انه خالد وراه شي .. ولا ليش يالس يتقرب من فهد بهالطريقه اكيد جان مخطط لهالشي مع خوله .. اكيد استغفلوا فهد ساره تقاطعه وبعصبيه : لا ياهلال .. هذا مش اسلوب خوله .. طول عمرها بنت هاديه وتفكر في الكل .. ولما قررت لحظة انها تفكر فنفسها شوي .. خليتها تستغفل فهد .. ومخططه مع خالد لا ياهلال خوله مش انانيه لا تظلمها هلال : مب قادر انسى انها تلاعبت بمشااعري .. ساره تقاطعه : هلال انته ليش يالس تقص على روحك .. خوله عميا وما تقدر تميز الاشياء الا من ريحتهم .. وهي شمت فيك ريحة خالد .. يعني هيه مالها ذنب .. انته يالس ترضي غرورك بهالكلمتين هلال وهو يصيح : قوليلي شو اسوي بنفسي .. خوله بتكون السبب بعذابي انا ومها اهيه السبب ساره بضيج : معقوله انته هلال .. انا مش مصدقه كل اللي قاعد يصير الحين .. تلوم وحده ضعيفه .. لا ياهلال لو كنت تحبها جان صارحتها من البدايه .. قبل ما ادخل واحد غيرك فحياتها .. لا تلوم خوله لوم نفسك هلال بضيج : ساره قوليلي شو اسوي .. انا ما اقدر ابداء حياتي بكذبه .. ما اقدر ساره وهي تاخذ كتبها من على الطاوله : هلال انت اللي مشيت فهالطريج ولازم تكمله .. واذا بتم واقف مكانك صدقني ما بتوصل لمكان .. بتم طول عمرك تندب حظك وتلوم نفسك انا تأخرت عن اذنك .. مريم اول ما لمحت ساره طالعه ركضت وراء الباب عسب ما تشوفها : امممم طحتي في ايديني مهووي تتحرين اخويه يحبج وفرحانه وضحكتج تارسه ويهج .. ما تدرين الايام شو مخبيتلج .. انا اراويج وربي لا اخلي حياتج جحيم .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فـــــــــي آلشركـــــــــه مشعل بعصبيه : ابويه اشو هذا بو مشعل: ليش اتصارخ شو يعني اللي شفته طاحت الاوراق من ايدي وقلت حق هنادي تيودهم وطاحت فحضني بالغلط مشعل بعصبيه : بالغلط هاه .. تتحراني ياهل تقص عليه بهالكم كلمه .. اعترف انك يالس تخون اميه عند سكرتيرتك بو مشعل بعصبيه : من زين امك عاد .. وانا ما خنت احد هنادي مجرد سكرتيره عندي هنادي انقهرت من بو مشعل : سمعني يا مشعل تعرف جم عمري .. انا بخبرك عمري 25 سنه وابوك عمره 50 سنه تتوقع اني بفكر بواحد قد ابووويه .. مشعل انا رفضت العب معاك انت هاللعبه الوصخه .. فلا تتوقع اني بلعبها مع ابوك بو مشعل عصب على هنادي ويلس يطالعها بعصبيه بس ما قدر يقول شي مشعل : لا والله ما تبين تلعبين هاللعبه معاي لاني عارف حركاتج واشو اللي تبينه بالضبط .. وقلتي مدام ما قادره ع الولد استغل الابو بجم كلمه حلوه ويعطيني الخيط والمخيط هنادي وهي تبا تضربه كف : انا ما اسمحلك تغلط عليه فاهم ولا لا .. انته انسان وصخ مشعل وهو يسمكلها ايدها : هذا اللي ناقص وحده سافله تتجرأ وتضربني بو مشعل قام وصك مشعل بكف : اسمع كانت فحضني او حتى قاعد اطالعها انته مالك شغل فاهم ولا لا اطلع برع مشعل بعصبيه : ابويه تطردني عشان وحده شرات هذي بو مشعل : هذي سكرتيرتي ولا اسمح لك تتهمها فاغلى شي تملكه البنت بس ما تنلام .. اذا اختك ميثا شكيت فيها وفاخلاقها فاكيد بتشك فبنات الناس .. صدق انك بلا شرف .. اطلع برع ولا عاد اشوفك هنيه مشعل : ابويه انته مستوعب شو اللي قاعد اتسواه .. تمسح بكرامتي جدام وحده ما تسوى وهذي احداث اللحضة آلثآنية عشر آنتهت على خير لقائنا سيكون بأذن الله في آحداث آللحظة آلثآلثة عشر وقد وضعت بعض مقتطفاتها ليله سعيده واحلام مميزه تصبحون على خير ولا تنسوني من دعواتكم لي بالتوفيق | ||||
|
| |
|
27-06-13, 06:37 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| آللحـــظة آلثـــآلثة عشر :: :: الفصل الاول بو مشعل بعصبيه : قتلك تطلع برع .. ولا عااد اشوفك ياي صوب هـ الشركة فاهم ولا لا مشعل بعصبيه : ما عليه الأيام بينا .. وراح تعرف مشعل منو وبخليك تندم على هـ التصرف الخايس بو مشعل يقاطعه وبعصبيه : انته للحين هنيه .. قتلك برع ما ابا اشوفك هنيه مشعل : انا طالع وصد صوب هنادي وطالعها من فوق لتحت وأنتي يا هنادي والله لا اخليج تدفعين الثمن غالي اوريج هنادي وهي تتنهد : اشوى انه راح خفته يكون شاك فشي بو مشعل : خليه يشك.. انا كل اللي شاغل بالي الحينه اخلي ميثا تتزوج خالد واحقق طموحي وعقب بكشف الاورااق هنادي بابتسامه : انا طالعه تامرني بشي بو مشعل بو مشعل بضيج ممزوج بغضب : هنادي ليش ما خبرتيني انه مشعل اتحرش فيج هنادي بتوتر : هــ الموضوع انا قررت أنساه ويا ليت لو ما تفتحه لانه جد يضايجني بو مشعل بضيج : هنادي انتي مخبيه علي شي هنادي تقاطعه بحزن : مثل شو يعني .. بو مشعل انته شااك فيني – قالتها بعصبيه - بو مشعل وهو يروح صوبها ويبوس جبهتها : لا الغاليه .. بس انا عرضت عليج الزواج من قبل وانتي رفضتي هـ الشي .. وعقب هـ الفتره الطويلة انتي اللي طلبتي انج تكوني زوجه لي هنادي ودمعه نازله على خدها : العذاب اللي عشته انا وامايه ونحن كل يوم نروح بيت واحد من اخواني وحريمهم اللي ينغصون عيشة الواحد خلاني افكر فموضوع الزواج..وانا حسيت قربك بالامان عسب جيه طلبت منك انك تتزوجني بو مشعل : بس كلام مشعل خوفني لما قال انج وحده ما تسوين .. حسيت كأنه ماسك عليج شي لا سمح الله هنادي تقاطعه وبعصبية : بو مشعل انته شاك فيني صح ؟؟!! واجهني بهالشي ولا تيلس تلف وادور بو مشعل بتوتر : لا ولو ليش اشك فيج .. انتي تشتغلين عندي من زمان .. وما شفت عليج غلط .. عسب جذا تزوجتج هنادي بدلع : عيل المره الثانيه لا تظلمني وتحكم علي بدون سبب بو مشعل بابتسامه : اموت انا فالدلع .. يالله احينه خليني اكمل شغلي هنادي : اوكي حبيبي عن اذنك .. انا بعد عندي شغل ولازم اخصلة .. ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ فـــــي بيــــت بـــو حمـــود ام حمود بتوتر : بو حمود تصرفات حمود هالكم يوم مخوفيني بو حمود باستغراب : ليش اشو صاير بعد ام حمود : الظاهر حمود للحين يحب مريم ومب راضي يشيلها من راسه بو حمود بعصبيه : اذا هو عنده شويت كرامه لا يفكر فيها .. ولا نسى البهدلة اللي تبهدلها بسبتها ام حمود وهي تتنهد : والله ما حازه فخاطري الا دمعة فاطمه .. هـ البنت مقطوعه من شجره مالها احد غيرنا بو حمود بضيج : سمعيني يا رايه مدام اني عايش حمود يحلم يتزوج مريم .. ولا حظرتها يوم حست انه صار عنده فلوس وكون نفسه ردت تفكر فيه لا وتبا ترجعله بعد ولا تحلم هــ الشي يصير !!! ام حمود بتوتر : والله ما ادري شو اقولك .. بس حمود اذا حط شي فراسه بيسويه بو حمود يقاطعها وبعصبيه : خلاص اذا هو حاسب نفسه رجال يسوي اللي براسه ام حمود بضيج : سعيد بلاك عصبت الله يهداك .. هذي كلها مجرد فرضيات .. يعني بعده ما صار شي بو حمود : وان شاء الله ما يصير .. هذا اللي ناقص يخلي عياله ويدور له على وحده ثانيه ام حمود : انزين انته هدي اعصابك واللي كاتبه الله بيصير .. انا بسير اشوف خوله وانته قوم كلك لقمه بو حمود : ان شاء الله الغاليه ثواني واكون عندج حموووود كان يالس يتكلم في التلفووووون حمود بضيج : ليش سوت كل هذا يا مريم ليش ؟؟!! انا عمري ما قصرت عليها بشي !!! مريم :حمود انا بصراحه شكيت بتصرفاتها من يوم بدت تتبلى علينا وتقول كلام غريب كل هذا عشان واحد ما يسوى حمود بضيج : بس هذا ولد خالتها .. وهي خبرتني من البدايه انه يباها بس هي ما كانت ترتاحله .. عسب جذا رفضت مريم : حمود حياتي انته ليش مضايج .. اذا هي تبا ولد خالتها وميته عليه تروحله هي الخسرانه حمود بعصبيه : بس اللي حاز فخاطري .. ليش استغفلتني .. انا ما قصرت معاها ليش سوت كل هذا ليش مريم: عمري اكيد لما شافتني فحضنك احترت .. وقالت اسوي نفس ما يسوي عسب تحرك بعد وتحرق اعصابك حمود بضيج : بس اللي صار بيني وبينج جان بالصدفه وما كان قصدي اني اخونها مريم وهي متشائمة : يعني انته مضاايج لاني طحت فحضنك حمود بتوتر : هاه .. لا انا ما قصدت جذا مريم وهي معصبه : خلاص عيل حمود خلا فطوم تنفعك يالله باي حمود يقاطعها ؟: مريوم لحظة .. الله يخليج لا تخليني انا محتاجلج مريم بدلع : محتاجلي ويالس تغلط علي .. اشو هـ المنطق حمود : استحمليني يا مريم .. والله اني عايش فهم وغم ؟؟!! ولسآعتج مب قادر استوعب اللي صار مريم : حمود اللي يبيعك بيعه وبعدين هي غدرت فيك وانته اغدر فيها عاملها بالمثل حمود : مريم اشو قصدج ما فهمت عليج ؟؟!! مريم : حمود انا احبك وانته تحبني خلنا نتزوج ونرتاح .. وبهالطريقه انته بتقهرها حمود : وانا مابا اقهرها .. يمكن هي غلطت علي بس انا مابا اعاملها بالمثل مريم فخاطرها : وليه هذا كيف بقنعه يتقدملي .. عقب كل اللي سوته فيه فطوم وبعده متمسك فيها .. اوف يا حمود طول عمرك بتم بلا شخصيه الله يصبرني عليك حمود يقطع حبل تفكيرها : مريوم وين سرتي مريم وهي اونها مضايجه : حمود تعبانه شوي اقدر اكلمك بعدين حمود : انا ادري اني اضايقج .. ومنحس عليج حياتج .. ياليت لو تسامحيني مريم بدلع : غناتي انته لا تشغل بالك .. بس تذكرت انه عندي امتحان عقب يومين وللحين ما درست حمود : خلاص عيل بخليج |.. وانتي قدها والله يوفقج مريم : تسلم حمود هانت هذي اخر سنه وبتخرج خلاص .. تعبت سبع سنين دراسه .. والحين صار وقت الحصاد حمود : اللي يصبر ينال .. والله بيعطيج على قد التعب اللي تعبتيه مريم : امين حبيبي .. حمود اقدر اطلب منك شي حمود بتوتر : امري مريم طلباتج اوامر .. مريم بدلع : هي كلمه وحده وياليت لو اقدر اسمعها حمود بتوتر : لا مريم الله يخليج لا تحرجيني\ مريم وهي اونها زعلانه : هذا جزاتي يالسه اواسيك ويوم طلبت منك كلمه من اربع حروف استغليتها علي خلاص ما فيه شي بالغصب انا بصكر باااي حمود : مريم لحظة طووووووووووووووط طووووووط مريم بابتسامه : ما عليه حمود اليوم صعب تقولها بس انا درست وحللت شخصيتك وعرفت كيف اقدر ااثر عليك حمود بضيج : اوووف انا احبها بس ليش لساني انعقد لما جيت اقولها .. يالله حاس راسي بينفجر ام حمود : خوووالي تعالي اباج فسالفه خوله بتوتر : هاه امايه فيه شي .. ام حمود بابتسامه : لا غناتي بس بغيتج فسالفه تخص خالد خوله وهي متوتره وبدت تتلعثم : امايه شو صاير خبريني ام حمود : خوالي بلاج بنيتي بس حبيت ابلغج انه خالد بيزورنا اليوم مع اهله عسب نتفق على كل شي خوله وهي تتنهد : ريحتيني امايه تحريت صاير شي كايد ام حمود : خليني اكمل السالفه وعقب بتفهمين كل شي خوله بتوتر : امايه الله يخليج ياليت لو تختصري .. خوفتيني ام حمود : بو خالد كلم ابوج يبون يسوون ملكه وعرس فيوم واحد ومتفقين يكون بعد اسبوعين خوله : امايه اشو اسبوعين !! شوي !! وانا للحين ما زهبت شي خليهم يأخرون شوي ام حمود : يقولون خالد عنده معرض يمكن يغيرله كل حياته .. عسب كذا يباج تكوني معاه خوله : امايه يخلينا نملج واكيد بكون معاه بقلبي اكيد ما بقصر .. ام حمود : انا قلت ابلغج عسب جذا لازم تتفاهمون انتي وخالد وتتفقون على كل شي خوله بخجل : امايه ان شاء الله اول ما يوصلوا بلغيني واكيد بنوصل لاتفاق يرضي كلا الطرفين ام حمود وهي تمسح على راس خوله : ما اوصيج الغاليه اباج تتلبسين وتتمكيجين عسب تطلعين قمر خوله بخجل : امايه نسيتي كلامج لما كنتي تقولين اني انا حلوه نفس ما انا ام حمود وهي تبوسها على خدها : وبعدني على كلمتي .. بس حتى ولو انا اباج تصيرين حلوه بعيون ام محمد .. خوله : ليش امايه .. انا اللي يهمني اكون حلوه بعيون الناس اللي تحبني وبس ام حمود : فديت بنيتي دومها رزينه في كل شي .. الا خبريني فاطمة وينها ما تبا تتريق خوله بضيج : امايه بصراحه فيه شي كايد بين حمود وفاطمه .. سمعتهم امس يتضاربون .. واليوم حمود ماله نفس يكلم فاطمه ولا فاطمه لها نفس تطري اسم حمود .. حاولت افهم اللي صار بس محد فيهم رضا يتكلم ام حمود بضيج : يا بنيتي فاطمه عاقله .. واكيد بتعرف تحلها .. وبعدين تصير مشاكل بين الازواج واكيد بتنحل واللي صار امس مش سهل على فاطمه صكها بكف جدامنا كلنا ... واللي قهرها جدام مريم الله يعينها هالبنت .. خوله بضيج : امايه صدقيني حاسه هالمره مصيبه يايه في الطريج وانتي تعرفين مريوم طالعه على امها وما بتسكت لين تاخذ حقها .. ام حمود بعصبيه : واي حق هذا ان شاء الله خوله : امايه حمود جان حب حياتها .. وفاطمة خذته منها .. و مريم للحين تحب حمود ولا قادره تشيله من راسها ام حمود بعصبيه : والله ولدي ما قصر خطبها مره ومرتين وثلاث وشو كانت النتيجه في كل مره ينطرد .. ام هلال اهانتنا وايد يا خوله .. وخايفه حمود ينزل راسي وراس ابوه في الأرض ويتقدملها مره ثانيه خوله وهي تمسح على وجه امها : ما عاش اللي يكسر راسج امايه .. ومريم مهما سوت بـ تظل انسانه لها اخطائها ام حمود بضيج : بس يا بنيتي اللي يهدم بيت للاسف انا ما اعتبره انسان .. هذا ما فيه ولا ذرة انسانيه خوله : امايه الله يخليج هدي نفسج وربج كريم .. وحمود ماله الا بيته وعياله ام حمود : عسى الله يردله عقله فراسه .. بصراحه الكف اللي عطاه فاطمه للحين ما خاز من بالي وحاسه وراه شي خوله : امايه يا خبر اليوم بفلوس بكره ببلاش .. انتي لا تشيلي هم اروحج مريضه وما ناقصه عوار راس ام حمود : ما عليه بنيتي ما فيني الا كل خير .. المهم انتي سيري عند فاطمه خليها تنزل تاكللها لقمه مب زين ..وخبريها انه اللي فات مات واللي صار امس لازم تنساه خوله فخاطرها : ان شاء الله اللي صاير بين فاطمه وحمود يكون بس بسبة اللي صار امس ..خايفه تكون السالفه كايده فاطمه وهي تطالع تلفونها:اشو اللي ياب صورتي مع صورة ولد خالتي سالم وبعدين الريال معرس كيف رضا انه يلعب معايه هـ اللعبه الوصخه احسن شي ادقله واوريه شغل الله فيه وكانت حافظة الرقم كتبته بدون ما تروح لقائمة الاسماء فاطمه تتصل بسالم : الووووووووو سالم بدون نفس :" هلا فاطمه غريبه داقه علينا اشو الطاري .. فاطمه بعصبيه : سالم انته كيف ياتك الجرأه انك تتصرف بهالشكل .. منو اللي دازك عشان تخرب حياتي سالم بعصبيه : حوه انتي بلاج تصارخي .. وانا شسويتلج .. انا من تزوجتي نسيتج من اصله وشلتج من راسي وعايش مرتاح مع زوجتي .. لا يكون اشتقتيلي يالله بطلي دلع وصارحيني فاطمه تقاطعه وبعصبيه : تخسي الا انت حامض على بوزك .. احينه تخبرني منو ورااك .. ومنو اللي مطرشنك ادز شرات هالمسج .. قولي شو غرضك من هالتصرف السخيف .. سالم : حووه انتي تراج وايد مصختيها .. وبعدين رقمي عندج وتأكدي !! وانا من زمان لا دقيتلج ولا طرشتلج مسجات فاطمه : انزين والصورة سالم باستغراب : اي صوره .. فاطمه بلاج تخبلتي فاطمه بعصبيه : خلاص أنسى الموضوع .. انا بروحي بفهم السالفه سالم : على راحتج والمره الثانيه ياريت لو تتاكدين قبل ما ادقين وتبهديلني ع الفاضي .. باي يا حلوه فاطمه وهي تصكر التلفون وتفره فوق الكرفايه : يا ربي هذا اللي ناقص استحمل ثقل دمه .. بس سالم استغرب من موضوع الصوره .. فاطمه وهي تركض صوب التلفون وتشوف الرقم .. وليه هذا مش رقم سالم .. يا ترى رقم منوا .. لا والقهر حد مخزننه فتلفوني احسن شي ادق وشوف .................................. وليه الرقم مغلق .. هذا اللي ناقص واكتملت .. بس مب مشكله اليوم مصكر وباجر اكيد بيبطله .. واذا كنت انته يا حمود وراء هـ الشي انا اوريك وربي لا انكد حياتك انته وحبيبة القلب مريم .. كاقي اهانات كثر شو انا بستحمل .. تبون تلعبون معايه هاللعبه انا جاهزه وعقبها رن تلفونها .. وعلى طول ردت فاطمه باستغراب : هذا نفس الرقم لا ومخزن بحبي الاولي هذا اللي جان ناقص احينه .. اي حب واي خرابيط .. ......: الووووو فاطمه بعصبيه : الو .. انتي منو تكلمي .. وشو هـ الصوره السخيفه اللي مطرشتنها ع تلفوني ....: اختيه عذريني انا عبدا مأمور . فاطمه : اشو قصدج بعدني ما فهمت شي .. ...: انا ما اقدر اقولج شي .. عطوني فلوس وصورة ريال غريب وقالولي...........................ززز فاطمه تقاطعها: انا ما يهمني كل هذا .. ابا اعرف منو هذا الشخص وشو اللي يباه مني ...: قتلج انا عبدا مأمور .. فاطمه بعصبيه : عز الله تتحرين نفسج مسويه شي زين انتي خربتيلي حياتي .. واذا ما تكلمتي والله لا اطلب من رب العباد وادعي انه ما يوفقج ولا يوريج يوم حلووو فحيااااتج .. وانتي وضميرج .. واحينه بتتكلمين ولا شو ......: كل اللي اقدر اقوله حقج انه الريال جان اسمه حمود ..واحينه بصكر يالله باي فاطمه بعصبيه : تعالي الو الو الو .. ياربي صكرت معقوله حمود وراء كل هـ الشي ما اصدق ومن الصدمه طاحت ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ فــــي بيت بو خــــــآلد خالد جان يالس يكلم ربيعه ناصر : شو نسوي يا ناصر نصيب .. ناصر : انزين يا اخي خبرني انك خطبت .. اختي منصدمه ولا راضيه تاكل من يوم ما سمعت بزواجك كانت تحبك خالد وهو ميت ضحك : حرام عليك من متى استوى عندك اخت اللي خابره عندك 3 اخوان ناصر : هيه هذي اختي بس من الرضاعه خالد يقاطعه : ناصر الله يخليك كااافي .. والله احس بطني بينفجر من الضحك ناصر : ما عليه خلود والله وكبرت وبتعرس .. يا حظها اللي بتاخذك .. جمال ومال وحسب ونسب خالد بابتسامه :اللي ماخذها انا متأكد انه كل هالامور ما تعنيلها وما تأثر فيها .. عسب جذا لا تشغل راسك بهالموضوع ناصر :حشا بلاك عصبت ما قلنا شي خالد : لا عصبت ولا شياته .. احد يعصب من فاكهة الشله نصور ناصر وهو يعدل غترته : احم احم احرجتنا يا الاخو خالد : نصور الظاهر سوالفك انته ما تخلص .. اشو رايك امر عليك عقب ما اخلص دوامي ناصرر : والله اللي يريحك .. وبتحصلني فنفس المكان وتراه للحساب عليك خالد : خلاص صار .. نتلاقى على خير فحفظ الرحمن ناصر : الرحمن حافضك .. خالد وهو سرحان : اه خوالي اليوم بنيلس انا وانتي بروحنا عسب نتفق على كل شي .. مش مصدق انه بتصيرين حلي وحلالي .. احس قلبي بيفز .. خوالي لو تعرفين شكثر انا احبج .. يمكن الكل لا عرف انج عمياء بيستغرب كيف رضيت اخذ وحده شراتج الناس يطالعون الظاهر .. بس انا ما يهمني الظاهر ادور على الباطن .. واول ما نتزوج بعرضج على احسن الدكاتره .. راح اثبت للكل اني خذيت عمله نادره .. وصعب الواحد يحصل شراتها لو يلف كل هالعالم وعقبها رن تلفونه وشاف ابوه متصل : الو السلام عليكم بو خالد : وعليك السلام هلا خالد وين مداوم خالد : هيه مداوم .. بغيت شي .. بو خالد : لا بس حبيت اذكرك بموعدنا عسب ما تنسى وتمر على اختك روضه وتجيبها من المدرسه سيارة الدريول خربانه توه داقلي .. وقلت اخبر ك لاني انا مش فاضي خالد : ان شاء الله ابويه على امرك .. اكيد بمر عليها انته لا تشغل بالك بو خالد : يالله عيل الحين بكمل شغلي .. خالد : بالتوفيق .. يالله مع السلامه ~ ~ ~ ~ ~ ~ ~ ~ ~ ~ ~ ~~~ ~ ~ ~ ~ ~ ~ ~ ~ ~ ~ ~~ فـــــــــي آلجـــــــآمعه آلساعه 11 مساااء مها كانت مخلصه كل محاضراتها وباقيلها وحده تبداء الساعه 12 وسارت الكفتيريا عسب تاخذلها شي خفيف عفراء وساره كانن يالسات يسولفن عفراء بابتسامه : والله شو اقولج ساروه اخويه مستعيل ويبا يتقدملج اليوم قبل بااجر ساره بضيج : عاد شو نسوي نصيب .. انا فهالفتره مب قادره اركز .. من جهه اخويه هلال ومن جهه ثانيه مها عفراء بتوتر : ليش شو فيها مها .. لا يكون مش موافقة على هلال ولا هو مغصوب عليها ساره : لا الله يخليج لا تقولين جذا .. بس هو تعبان شوي فيه برد ويباله يريح كمن يوم .. ظروفنا جذا وسعيد لازم يصبر ويستحملني شوي عفراء : اصلا سعيد اذا ما تقدم اليوم ما بيقدر يتقدملج جريب .. اخويه خليفه اليوم بيسافر وهالاسبوع بطوله سفرياته صوب لندن يعني ما بيكون فاضي خير شر ساره بضيج : يالله مش مشكله كل تأخيره فيها خيره .. واذا انا من نصيبه اكيد بياخذني عفراء : على قولتج .. والمكتوب ما منه مهروووب .. ساره بابتسامه : اوف يا الامثال .. طلعتي خطيره عفاااري مها تقاطعهم : ما شاء الله الشله هنيه .. انزين تذكروا انه فيه وحده فهالجامعه يالسه بروحها وبنعزمها على شي بارد يبرد عليها بس مب مشكله انا برضى اذا بتعزموني الحينه وبعتبر كانه ما صار شي ساره وهي تنفجر من الضحك : دوكوم وصل سلوم الحافي .. لا وبعد طرار ويتشرط .. عفراء : خليها على راحتها .. عروس ومن حقها تدلل مها بخجل : حشا يا ساروه بعده ما صار شي لاحقه على نشر الغسيل ساره : خفته ينشف .. قبل لا تنشريه .. فقلت انشره قبلج عفراء وهي ميته ضحك : حشا عاد تجمع القطو مع الفار منو بيسكتهم مها بابتسامه : عفاري انتي الشاهده هي دايما تغلط علي وانا دايما اطنش واتم ساكته تعرفيني هاديه .. ساره بطنازه : لا تعالي دغدغيني على شان اضحك .. طالعوا مسويه روحها بريئه .. وهي الشر بعينه عفراء وهي ميته ضحك عليهن : وليه الظاهر اليوم ما بنخلص بتمن تتضاربن وانا عندي محاضرة ومب فاضيه يالله انا اترخص وتضاربن على راحتكن .. اهم شي اسلم نفسي ساره الظاهر نسيتي انه محاضرتنا بتبداء بعد شوي ساره بضيج : عفاااري وقعي بدالي والله مالي خلق حق حشرة الدكتووور عفراء : خلاص فديتج اللي يريحج .. وبحااول اغطي غيابج ساره بطفش : اصلا هـ الدكتور انا ما ادانيه .. وما ناقصني الا هو وبتكمل عفراء :اوكيك اللي يريحج وانا بكتبلج الاشياء المهمه عسب ما تفوتين الدروس عليج ساره : مشكووره غناتي واستحميلنا عاد .. عفراء : ولو ما سوينا شي ولا تنسين بينا عيش وملح .. وقريب بتستوين حرمة اخويه مها هنيه كانت يالسه تشرب مااااي وغصت عفراء بخوف : مها صار عليج شي غناتي مها بابتسامه : لا فديتج بس توترت شوووي ساره وهي تتتنهد : خوفتيني عليج .. خفتج تموتي جدامي مها وهي تضحك : لا .. من هـ الناحيه تطمني بتم طول عمري منغصه عليج حياتج عفراء : المهم انها جات سليمه يالله تاخرت من رخصتكم مها بابتسامه : خلينا نشوفج عفاااري عفاري : ان شاء الله يا حضرة المهندسه بس لو ترتبيلي موعد يكون اكشخ مها وهي تضحك من خاطر :: ههههههااي خلاص ببلغ السكرتيره وهي بتبلغج عقب عفراء بابتسامه :اوكي حلوووو وعقبها صدت على ساره ساروه حبيبتي نفس ما قتلج تذكري كلامي عدل باااي مها وساره مع بعض : بااااااااااااااي مها باستغراب : ساروه انتي مو على بعضج .. احس فيج شي ساره وهي تتنهد : والله شو اقولج مضااايجه حدي ولا قادره اركز مها : خوفتيني شو صاير ساره بضيج : مهوي انا وانتي مش ربع من يوم كنا صغاار مها : ساره انتي مش بس رفيجتي انتي اختي بعد لا واكثر من اخت بس ليس هالسؤال الغريب ساره : ليش ما خبرتيني انج تحبين هلال مها وهي تتنهد "خفت اصارحج .. وهلال يختار وحده غيري وعقبها اكيد علاقتي معاج بتتوتر ساره : عشان جذا ما رضيتي اقراء دفتر مذكراتج مها : ساروه لما كنا صغار خليتج اكثر من مره تقرينه بس يمكن انتي ما انتبهتي او ما فهمتي من الشخص المقصود ساره : فعلا انا ما لاحظت .. تحريتها وحده من بنات المدرسه .. كنت وايد اغار منها ,, ما كنت ادري انه كل الكلام كان موجهه لا خويه هلال مها بضيج : ساره صدقيني انتي اقرب وحده بالنسبه لي .. وكنت ناويه اصارحج بس عقب ما اتأكد انه هلال يحبني ساره بتوتر : وتأكدتي مها بابتسامه : ايه اثبتلي .. مب كافي انه تقدملي .. وهالخطوه اللي وضحتلي الصوره ساره بضيج : وما تخافين انه الصوره تكون مشوشه مها بتوتر : ساره شفيج .. لا يكون مضايجه لانه هلال تقدملي ساره انتبهت وعرفت انه جرحتها : لا مهوي ما قصدت جذا لا تفهميني غلط مها بضيج : ساره هاي مش اول مره .. لما هلال خطبني استغربتي والحين تقوليلي الصوره مشوشه اكيد وراء هالسالفه شي .. انتي ما تتكلمين من فراغ .. صارحيني هلال حد غاصبه علي .. اعرف الحين احسن من بعدين ساره بضيج : لا مهووي هلال صارحني وقالي بصريح العباره انه هو بعد يحبج بس انتي فهمتيني غلط مها : ساروه انتي كلامج واسلوبج وتصرفاتج صايره وايد غريبه تخلي الواحد يشك حتى فنفسه ساره : عذريني مهاوي بس انا فهالفتره وايد تعبانه ومالي خلق اي احد .. مها : ساره قوليلي غناتي شو اللي متعبنج .. ساره وهي تتنهد : بروحي ما اعرف شو مشكلتي صاير الكل يتحسس مني مها بضيج : والله كلنا في الهواء سواء نحن فالبيت حالتنا معتفسه عقب اللي صار امس بين مريم وفاطمه ساره بتوتر : ليش شو صااار بعد مها بحسره : حمود ماله خلق حتى يشوف فاطمه ولا يسولف عندها كل واحد مصكر على روحه ساره : مهووي صدقيني الاوضاع بتهداء بس يبالهم فتره واكيد بينسوا الموضوع من اساسه .. مها بضيج : الله يسمع منج .. فطوم طيبه وما تستاهل كل هذا يصير فيها ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فـــــــي آلمستشفى الساعه 11 صبآحآ نوف كانت مخلصه اختبارها وسارت صوب المستشفى لانها اشتاقت حق غادة وعادل .. نوف بابتسامه عريضه : شو اقول صباح الخير ولا مساء الخير.. انتوا اختاروا غاده وهي تحضنها : هلا نوف والله حدي مشتاقتلج نوف وهي تطالع عادل : الظاهر الحلو ما اشتاقلي عادل بحزن : والله مشتاقلج ومشتاق لامايه ليش ما جبتيها معاج نوف وهي تتنهد : عدول امايه من عرفت انكم باجر مسافرين وهي طايحه صيااح غاده : هيه من شوي رمستها وهديتها وقالت بتمر عقب عسب تسلم علينا نوف : الله يعدي هـ الايام على خير .. بس غاده بلاج احسج خايفه غاده بتوتر : هاه لا مافيني شي بس شوية ارق نوف بضيج : ما ادري مع اني حاسه انه ورى هالشي سبب ثاني بس بنطوفها لج هالمره .. غاده : نوف الله يخليج خلي هاليوم يعدي على خير .. ترة نفسيت عادل زفت نوف : اها احينه فهمت السالفه مضايجه على عشان عادل غاده وهي تتنهد : بالضبط .. الحين هو محتاجلي ومابا احسسه اني ضعيفه نوف بابستامه : عدول هاه كيف النفسيه .. وشو شعورك وانته بتركب الطياره .. اكيد خايف عادل بحزن : انا مش خايف من الطياره .. خايف من اللي بيصير بعدين غاده : عدول جم مره بقولك .. خلي ايمانك بالله كبير عادل : غاده بس نسبة اني امشي ضعيفة وايد انا سمعت الدكتور وهو يشرحلج وضعي نوف : غاده عدول شو يقول ؟؟!! انتي خبرتينا انه النسبه معقوله وع حسب ذاكرتي كانت بنسبة 60% غاده وهي تتنهد : صادقه بس النسبة للكبيرة ترجع لنفسية المريض ونفسية عادل زفت ومب عارفه كيف اتصرف معاه نوف : عادل حبيبي هذا يعتمد عليك انت .. ولازم تشد حيلك شوي .. ولا تبا تزعلنا منك عادل : لا مابا .. بس انا اوعدكم اني احاول اسوي اللي اقدر عليه وان شاء الله اكون قدها غاده ودمعه نازله على خدها : عسى الله يفرجها علينا .. وترجع شرات اول واحسن نوف وهي تتنهد وبخوف : ان شاء الله ......... وما كملت كلامها الا وتدخل عليهم حرمة متغشية .....: السلام عليكم الجميع : وعليكم السلام والرحمه غاده بابتسامه : امري اختيه بغيتي شي .. الظاهر انج غلطانه ...: لا والله مش غلطانه .. عرفت انه عادل مريض وقلنا نقوم بالواجب نوف : انزين عرفينا عليج منو انتي .. مهره وهي تخوز الغشاء من ويها غاده وهي منصعقه : معقووووله .. مهره ما غيرها نوف باستغراب : غادوه منو مهره .. اكيد تعرفينها من ايام الدراسه صح غاده وهي تحاول تخفي دمعتها : لا يا نوف هذي بنت عمج الظالم .. اللي ظلمنا وضيع حقوقنا وفرنا فالشارع مهره بضيج : غاده بس انا مالي ذنب .. تبهدلت وايد عشان اثبت لابويه انه ظالم غاده : مهره مشكووره على الزياره وما قصرتي .. ممكن احينه تطلعين برع مهره بضيج : ما هقيتها منج يا بنت العم غاده بحزن : اشو اللي يابج عقب كل هالسنين اكيد يايه تتشمتين صح مهره تقاطعها ودموعها اربع اربع : لا ياغاده دخيلج لا تكملين .. وربي اني كنت ادور عليكم بس ما حصلتكم .. كنت ابا ارجعلكم ولو شي بسيط من اللي ابويه خذاه منكم غاده بعصبيه : ابوج خذا كل شي وما ضنتي فيه شي تقدرين ترجعيه حقنا ممكن احينه تطلعين برع مهره بحزن : لا يا غاده لا تظلميني .. غاده بضيج : مهره اطلعي برع بكرامتج لا ابهدلج احينه مهره وهي تمسح دموعها : ان شاء الله يا بنت العم انا طالعه .. بس كل اللي اباج تعرفينه اني مقاطعه ابوي صارلي ست سنين بسبة اللي سواه فيكم .. انتوا انحرمتوا من حقوقكم .. وانا انحرمت من اهلي وعشت فذل عن اذنج غاده وهي تحاول اداري دموعها : اذنج معاااج .. نوف بضيج : حرام غاده ليش سويتي جذا شكلها طيبه وعلى نياتها غاده ودمعه نازله على خدها : انا عارفه انه مهره صاحبة حق .. بس انا ما قادر اسامح عمي .. عسب جذا مالي خاطر اشوف واحد من عياله وتذكر الماضي والبهدله اللي عشناها .. الماضي جرح واخاف مهره تزيده وما تداويه نوف بضيج : بس والله تكسر الخاااطر .. انتي وايد قسيتي عليها وهي مالها ذنب غاده : ذنبها الوحيد انه عمي يصير ابوها .. وهالشي اللي مخلني اقسى عليها .. ولو تصكرين على هالموضوع احسن مهره وهي تركض صوب مطر ومتخيسه من الصياح : ما سامحتني يا مطر غاده تكرهني مطر وهو يبوس راسها : غناتي اليوم هي اعصابها تلفانه .. وكثر الدق على الحديد يلين .. يبالها شويت وقت مهره : غاده كارهه كل شي يذكرها فابويه وما ظنتي بتسامحني الا اذا حذت حقها من ابويه :: | ||||
|
| |
|
27-06-13, 06:40 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفـــــصل الثــآني :: :: مطر بابتسامه : ولا تخافين حقها بيرجعلها وانتي اللي بترجعيه مهره بحيره : شو قصدك ما فهمت عليك !!؟؟ مطر وهو يمسح على راسها : كل شي فوقته حلو .. وعقبها بفهمج كل السالفه اوك مهره بابتسامة رضا : اللي يريحك غناتي .. انا واثقه فيك .. وعارف اذا حطيت شي فبالك توصله مطر : مشكوره على هالاطراء الحلو .. خلينا احينه نروح نجيب لعيال من بيت يدهم ولا شو رايج مهره بابتسامه : هيه والله تاخرنا وايد عليهم .. خلنا نسير صوبهم ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فـــــي آلشركه هنادي كانت تتكلم في التلفون وكانت معصبه ع الاخر : اسمعني يا مشعل هالمره طوفتها .. بس المره الثانية ..... مشعل يقاطعها : حووه انتي تراج مصختيها .. ومشعل محد يتجرأء ويهدده .. فاهمه ولا لا .. حطي هـ الشي في بالج هنادي بعصبيه : شوف يا مشعل انا حذرتك .. فلا تفكر انك تلعب بالنار .. انا فكلا الحالتين خسرانه .. فما عاد يهمني شي .. وانته واشكالك ما تخوفوني .. فالزم حدودك يكون احسن مشعل بطنازه : الظاهر الليله اللي قضيتها معاج ما عيبتج .. وشكلج حابه تعوضيها بـ لليلة ثانيه هنادي وهي تتذكر الموقف وتصيح : انته خسرتني اغلى ما املك يا مشعل .. انته اغتصبتني .. وصدقني هـ الشي راح تدفع ثمنه غالي .. وغالي بعد .. وبذكرك حزتها .. لا تتصور في لحظة اني بنسى اللي سويته فيني حقي وبآخذه منك مشعل : هي انتي .. تهديداتج خليها حقج .. واللي ما تطوليه بـ ايدج واصليه بريلج .. ومصيرج ترجعيلي وبرضاج بعد هنادي وهي تتنهد : هذا انته يا مشعل ولا عمرك راح تتغير .. بس احمد ربي انه الحبه اللي شربتني اياها ما بلعتها مشعل بتوتر : ما بلعتيها .. بس انا متاكد انج بلعتيها هنادي بضحكة سخرية : يحليلك يا مشعل .. يمكن انته خذيت اغلى شي املكه فحياتي.. بس الحمد لله فهمت السالفة وقدرت أتخلص من السم اللي كنت ناوي تبلاني فيه .. عسب جذا بعد عن طريقي احسن مشعل بتوتر ممزوج بخوف : بس الحبه اللي خذيتيها .. ما كانت مخدرات .. كانت ................... هنادي تقاطعه : لا يا بابا انا هنادي وحركات اليهال هذي ماره علي .. وربي لاسقيك من كاس المر اللي شربتني منه مشعل بتوتر اكثر : انتي ناويه تخبرين ابويه صح .. بس حــطيهــ ـ................................ هنادي تقاطعه : لا يا مشعل حقي باخذه منك بروحي ..والايام بينا وهي كفيله توضح لك الصورة عدل.. مشعل : هنادي انا اقول لو تطلعين من راسي احسن .. هذا اللي ناقص وحده مثلج تهددني هنادي فخاطرها : وربي لاسقيك المر .. انته مش كافي انك خذيت اغلى ما املك لا زرعت بذرة فبطني .. وبو مشعل لو عرف هـ الشي بيذبحني .. لكن لا يا مشعل علي وعلى أعدائي ورجعت فيها الذاكرة للوراء ~ ~ ~ ~ ~ ~ ~ ~ ~ ~ ~ ~~ ~ ~ ~ ~~ ~ ~ ~~ ~ ~ ~ ~ ~ ~ ~ ~ ~~ ~ ~ هنادي كانت يالسه تتريا بومشعل واول ما انفتح باب الشركه تحسبته هو وعلى طول سارت وحضنته من كثر ما كانت خايفه .. لانه بو مشعل موصنها تبند كل شي في الشركة عسب محد يشك انه في احد هناك مشعل بدلع : هااي هنااادي شحالج .. عاش من شافج .. تصدقي عاد حدي مشتاقلج هنادي اول ما شافت مشعل رجعت خطوتين للوراء وبتوتر : هلا مشعل .. انته متى رجعت .. صار لك سنين مسافر مشعل : هنوده اكيد اشتقتيلي صح هنادي من دون نفس : وليش ان شاء الله اشتاقلك .. بيني وبينك شي ذكرني .. يمكن نسيت لا سمح الله مشعل وهو يحاول يكتم غيضه : هنااادي حبيبتي انا مودر اهلي وياي اسهر معاج .. فلا تخربين علينا هـ الليلة الحلوة هنادي بعصبيه : لا بصراحة انته مصختها زياده عن اللزوم .. هي انت انا مش عبده عندك ولا وحده بلا شرف مشعل وهو يحاول يكتم غيضه : هنااادي حبيبتي افهميني انا احبج .. وخاطري بس اقضي معاج ليله وحده وفر عليها كيسة فلوووووووس وطاحت جدامها .. وهذا هو حقج .. امري تدللي شو فخاطرج بعد؟!! شبيك لبيك انا طوع امرج هنادي وهي تاخذ للفلوس وتفرهن فوجهه : يا الحقير يا الواطي انته شو تتحراني وحده مش متربيه ولا بنت شوارع مشعل وهو يشدلها شعرها :: هناادي حبيبتي خلينا حلوين مع بعض .. لا تشوفين شي ما يسرج هنادي وهي تحاول تخوز ايده من شعرها : مشعل خاف الله .. قتلك خوز عني مشعل وهو يبطل شعرها ويشمه : هناادي انا من زمان خاطري فيج .. واحينه بيصير اللي صارلي خمس سنين انتظره هنادي بخوف وهي اطالع عيون مشعل : مشعل خاف الله .. وبدت تصارخ سيف الحق علي..ابوس أيدك تعالي وخلصني مشعل وهو يضحك بضحكة سخريه : لا حبيبتي ابويه عطا الكل اجازه اليوم لانه ولده حبيبه رجع من السفر ويبا يسهر معاه الليله .. فما ضنتي يفكر يجي صوب الشركه .. يعني لازم تستحمليني وتسايريني هنادي وهي تصارخ : مشعل الله يخليك .. يمكن اللي تسواه فيني بيصير فوحده من خواتك .. دخيلك خلني اروح مشعل وهو يفرها ع الكنبه : لا يا ماما انا صارلي اخطط لهالشي من زمان .. وبعدين محد قالج اتمين بروحج فالشركه لحد الساعه 9 من الليل .. واختي واثق فيها وبعدين تعالي لا يكون مواعده واحد من ربعج عسب جذا ارتميتي فحضني هنادي وهي تردد فخاطرها : بو مشعل الله يخليك تعال ولا تتاخر .. انته قتلي انتظرك هنيه وبتمر علي .. وغلاتي عندك بو مشعل لا تخلاني الله يخليك تعال بسرعه .. مشعل ناوي على شر وانا خايفه يسوي اللي براسة مشعل وهو يقطعلها ملابسها : هاه الحلو بشو يفكر .. بعده ما خبرني منو يتريا هنادي وهي تحاول تتخلص منه ودموعها انحفرت على خدودها: قتلك خوز عني .. خوز عني .. ابوس ريلك خلاني مشعل وهو يتقرب منها اكثر واكثر : لا غناتي اليوم الفرصه ويات لحد عندي ومستحيل افرط فيها اخافها ما تتكرر هنادي وهي تبوس ريله : مشعل وغلاة اللي تعزهم خلني في حالي .. لا تجبرني على شي ما اباه مشعل وهو يسكر ثمها بايده : اششششش قتلج مابا اسمع ولا كلمه .. خلينا حلوين لا اتصرف معاج تصرف ثاني هنادي ودموعها اربع اربع وعيونها ع الباب تتريا بو مشعل يوصل في أي لحظة بس للاسف كل شي صار عكس اللي تتمناه ومشعل قدر يسلبها اغلى شي تملكة وكانت تحافظ عليه من صغرها وتمت سرحانة وتصيح بحرقه مشعل يقطع لها حبل افكاااارها وبخبث: هاه هنادي خبريني اشو اللي ناويه عليه .. هنادي صارت ترتجف ويلست ع الارض وهي تحضن راسها بين ريولها وتتخيل اللي صار ودقات قلبها بدت تتسارع وحصلت قطعه ثوب فوق الطاوله وسحبتها وغطت جسمها لانه ملابسها كانت متقطعة : ليش يا مشعل.. الله ينتقم منكهنادي صارت ترتجف ويلست ع الارض وهي تحضن راسها بين ريولها وتتخيل اللي صار ودقات قلبها بدت تتسارع وحصلت قطعه ثوب فوق الطاوله وسحبتها وغطت جسمها لانه ملابسها كانت متقطعة : ليش يا مشعل.. الله ينتقم منك لعنبوك انت ما تخاف من ربك .. هــ السواة ما يسويها الا عديم الشرف اللي مثلك .. الله ينتقم منك يا الحقير مشعل بابتسامه : هنوده حياتي تراج مكبره الموضوع .. وانا شسويت يعني ؟؟!! عادي حبيبتي هذي صارت موضة .. استانسي وأنسي اخلاقياتج اللي دافنه عمرج فيها .. شوفي لاني احبج بساعدج اشربي هالحبه وبتنسي كل اللي صارر هناد وهي تفر قلاص الماي : انته ما تفهم قتلك خوز عني مابا اشوفك جدامي .. صدق انك بلا تربيه وبلا شرف مشعل بعصبيه : بتشربين هالحبه غصبا عليج وسار وفتح ثمها غصب عنها وفر الحبه بداخله .. مشعل وهو يضحك بصوت عالي ويمسح شعره بايده .. قتلج بتاخذيها غصبا عليج .. وهالليله بكررها معاج مره ومرتين وثلاث هنادي وهي تبصق فويه : اتفووووو عليك يالخايس .. صدق انك مينون وبلا عقل مشعل وهو يمسح وجه ويبوسها على خدها: هناادي حبيبتي خلي الليله هذي تعدي على خير .. تراج غالية هنادي وهي تمسح خدها : قتلك خوز عني يا الواطي .. صدق انك بلا شرف .. الله ينتقم منك ويدنس شرفك.. مشعل وهو يفر عليها جاكيته: خذي هالجاكيت وستري نفسج وسيري البيت .. واللي صار اليوم لازم تنسيه فاهمه هنادي وهي ترتجف وبخوف : قتلك اطلع برع مابا اشوفك .. انته واحد نذل وحقير وسافل مشعل وهو يرسلها بوسه في الهواء : وهذا اللي مخلني اموت عليج يا شاطره .. اول مره اشوف وحده قويه شراتج .. وهذا اللي خلاني اخطط وافكر عسب اتسلى معاج بس ليله وحده .. والليله الثانيه اروحج بتتمنيها عن اذنج يا حلوه هنادي وهي اتصارخ : الله ينتقم منك يا الخايس .. انا حرمة ابوك ليش سويت فيني كل هذا .. والله لا ادفعك الثمن غالي بو مشعل يقطعلها حبل افكارها : هنادي غناتي بلاج فيج شي .صارلي ساعه واقف اكلمج وما تردين. ليش تصيحي هنادي وهي سرحانه وتفكر بالآلام اللي ياتها بعد اسبوع من اللي صار : امايه لحقي عليه حاسه بطني يتقطع ام هنادي : هناادي حياتي بلاج هنادي وهي تحضن امها : امايه وديني الدختر احس بطني بيتقطع وما كملت كلمتها الا وطاحت ع الارض ام هنادي وهي تصارخ : وا حسرتي على بنيتي .. بتروح البنت من بين اديني .. و ودوها المشفى هنادي وهي تبطل عيونها : امايه انا وين ام هنادي : هنادي غناتي انتي فالمستشفى الدكتور يقول انه ياج نزيف وزين لحقنا عليج ويبناج المستشفى وقاطعهم الدكتور : شحالج هنادي عساج احسن هنادي : انا احس نفسي زينه .. بس دكتور شو سبب هـ الالم .. اول مره يصير معاي جي الدكتور بابتسامه : هذي الآلام طبيعبه خصوصا اذا كان اول حمل ...... مبرووك انتي حامل هنادي بتوتر ": اشو حامل الدكتور : ايوه ومدة الحمل اسبوع واحد .. الف مبروك هنادي ودمعه نازله على خدها وهي تضغط على بطنها : معقوله .. مستحيل ام هنادي : هنادي بلاج بو مشعل اكيد بيستانس .. ليش خايفه ومتكدرة هنادي بنظرة الم : امايه الله يخليج هالموضوع خليه بينا لين اتاكد من الموضوع الدكتور يقاطعها : لا اخت هنادي انتي حامل ولج اسبوع واحد بس .. ما يحتاج تتأكدين من شي هنادي بحزن :مشكور دكتور ما قصرت.وصدت صوب امها..امايه الله يخليج مابا بو مشعل يدري بشي انا بروحي ببلغه ام هنادي وهي تمسح على بطن هنادي وبأبتسامة عريضة : خلاص اللي يريحج حبيبتي ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ نــــــــــــــرجع للشــــــــــــــــــــــ ــــركه بو مشعل وهو يهز هنادي ؟:. هنادي حبيبيتي بلاج يالسه ع الارض هنادي بخوف وهي اتصارخ : خوز عني .. مالك شغل فيني .. انته السبب .. انته اللي وصلتنا لهنية بو مشعل باستغراب : هنادي بلاج غناتي هنادي عشان ما يشك بومشعل في شي حضنته وتمت اتصيح بو مشعل وهو يمسح على راسها : هنادي حبيبتي قوليلي اشو مكدر خاطرج هنادي وهي تحضنه واتصارخ : وداني البيت مابا اتم هنيه دقيقه وحده .. حاسه نفسي مخنوقه .. انا تعبانه سيف بو مشعل : اوكي حبيبتي هدي نفسج احينه بوديج البيت هنادي بخوف ودموعها اربع اربع وبألم : بو مشعل الله يخليك لا تخلاني بروحي .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ فــــــي بيــــــت بــو خآلد روضه كانت يايه مستانسه ويالسه تزاعج بصوت عالي : حماده حمموووود وينكم تعالوا محمد واحمد مع بعض : روضه يات يا سلام روضه وهي تسير صوبهم وتحضنهم : تصدقون عاد اشتقتلكم وايد محمد : روضه انتي ليش فرحانه وايد روضه بابتسامه : امم الظاهر امبين علي اني مستانسه احمد : هيه وايد امبين على ويهج .. حتى خدودج صايره حمراء روضه : اليوم جان علي اختبار فيزياء والحمدلله جان سهل وحليت فيه .. فالفصل الاول هو اللي خربلي معدلي محمد بابتسامه : ان شاء الله تنجحين وتصيرين دكتوره روضه : لا الله يخليك الا الطب .. ما فيني ادفن عمري سبع سنين .. اذا تحبوني لا تطروا هـ السالفه ااحمد ومحمد وهمه يضحكون من خاطر: ان شاء الله روضه بابتسامه : شوفوا باجر بريك ومافي اختبار .. اشو رايكم اغير ملابسي والعب معاكم بلاي ستيشن احمد بابتسامه عريضه : احلى شي تعالي عسب نفوز عليج روضه : اغير ملابسي وبي صوبكم على طول وبنشوف منو بيفوز محمد : موافقين .. والميدان يا حميدان .. روضه : وانا جااهزه .. وبرويكم .. يالله احينه انطلقوا خالد بابتسامه : بلاه الحلو مسستانس والضحكه شاقه حلجه روضه : الحمدلله اليوم حليت زين عسب جذا انا مرتاحه .. خالد : الله يوفقج حبيبتي .. انزين اخبرج روضه : هاه .اشو عندك .. خالد : حشا بلاج تقوليها بدون نفس .. المهم اليوم بنسير صوب زوجه المستقبل ونباج تسيرين ويانا روضه : خلاص خلودي ما طلبت شي .. الساعه كم بتروحون خالد : ع الساعه 7 تقريبا روضه : خلاص فديتك انا بكون جاهزه .. واخيرا بتعرف على حبيبة القلب خوالي خالد : ايه والله زين تتعرفين عليها خايف خالووه تجرحها بالكلام فاباج اتمين معاها واتحسسيها انها احسن من غيرها روضه : اثقل .. بعدها فبيت ابوها ..لما تي عندك دلعها بكيفك .. اذا دلعتها احين يمكن تتكبر عليك خالد بابتسامه : الكل بيتكبر علي الا خوالي فديتها .. كل الزين فيها ام محمد بدون نفس : انا اموت واعرف شو اللي عاجبك فيها .. وحده عميا ء و..................................... خالد يقاطعها وبعصبيه : خالتي الله يخليج هالبنت بتصير حرمتي فلازم تحترميها .. وبخصوص انها عميا وما تشوف هالشي يرجعلي انا بروحي .. وهذي حياتي الخاصه ياليت لو تخليج بعيده عن هالموضوع روضه بتوتر : خالد الله يخليك لا تسوالنا سالفه احينه ام محمد : خالد بلاك عصبت ما قلنا شي .. انا بس يالسه انصحك .. عسب ما تندم عقب خالد بدون نفس : مشكوره خالوه .. هذي حياتي وانا بتحمل عواقب افعالي .. انتي لا تشغلين بالج ام محمد : براحتك بس انا قلت اخبرك واحطك في الصوره روضه بضيج : خالوه خالد يحبها وهي تحبه .. والبنت بتتعالج وبتعيش حياتها طبيعي ام محمد : وافرضي انها ما شافت .. ليش تاخذؤن الامور بايجابيه الواحد ما يدري الزمن شو مخبيله خالد : خالوه شافت او لا بتم الوحيده فقلبي ..انا حبيتها ولو كنتي تحبين ابويه كنتي بتفهمين السالفه بدون ما اشرحلج روضه بضيج : خالد حبيبي هدي نفسك شوي انته عارف انه هالاشكاليات بتصير اليوم من خالتي وباجر اكيد من ربعك خالد : انا مش خايف على نفسي .. يالس احاتي خوالي .. اخاف تتحسس من الموضوع ام محمد تقاطعها : من هالناحيه تطمن .. خوله ماخذه الحياه عادي .. يعني هالكلام ما يأثر فيها .. قويه روضه باستغراب: خالوه وانتي شو دراج .. خالد بعصبيه : لا يكون عايرتيها .. وحسستيها بانها ناقصه ام محمد بطنازه : انا ما سويت شي بس سألتها اذا انت تعرف انها عميا .. وبصراحه ردها كان قوي سكتتني خالد فخاطره : زين سوت فيج .. والله لو انها منها جان ادوسج فبطنج روضه : خالوه هالمره احرجتيها .. بس المره الثانيه حاولي تتجنبي انج تاخذي وتعطي معاها ام محمد : حشا بعدها فبيت ابوها وخايفين على مشاعرها .. اشو بتسوون عيل لما تعيش امبينا خالد بابتسامه : بنشيلها فوق راسنا روضه : صادق خالد هذي حرمة اخويه الوحيد ولها كل الاحترام والتقدير ام محمد بعصبيه : يعني محمد واحمد مش خوانج .. انا داريه انج بس تجاملينهم اسير المطبخ ابركلي روضه بضيج : خالوه والله ما قصدت اللي فبالج بس هذا خليصي .. ام محمد : ما يحتاج اتبررين شي اتحبين وتكرهين على كيفج من رخصتكم خالد يصاصخها : زين سويتي فيها .. حرقتيلها اعصابها روضه بخوف : اخاف تسويلي سالفه مع ابويه خالد : لا حبيبتي صح هي قويه .. بس جدام ابويه تصير شرات الريشه .. ينفخها وع طول تطير روضه وهي تنفجر ضحك : حلوه ريشه كثر منها .. لا واطير بعد هههههههههههههه خالد : اوووش اسكتي لا تسمعنا .. بتقوول يتشمتون علي .. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ فــــــــي بيت بومشعــــل .. ميثا كانت تسولف مع امها :امايه تتوقعين اللي بياخذها خالد احلى عني ام مشعل بابتسامه عريضه : لا حبيبتي ما ضنتي احلى عنج .. ميثاء حبيبتي انتج جمالج نادر ميثا بدلع : عيل ليش خالد ما تقدملي ام مشعل : لانه خالد اللي ميته عليه وقاتله روحج عشانه .. واحد ما عنده نظر .. ميثا : تصدقين انا لازم احسن معاملتي مع خالد .. لازم اكون قريبه منه.. اذا ما كنت الاولى عادي اكون الثانيه ام مشعل : هيه يا روضه هذي بنتي اللي اعرفها .. عاقله ودومها تفكر بمنطق .. ميثا وهي تبوس امها على خدها : امايه انا مستعده اسوي المستحيل بس عسب اوصل لقلب خالد ام مشعل : واذا احتجتي لاي شي انا حاضره ميثا بابتسامه : امايه اكيد بحتاجلج .. وانا اسوى شي من غير خططج الجهنميه .. ام مشعل : خلااص حبيبتي انا رقبتي سداده .. ووقت ما تبيني بتحصليني واقفه يمج واساندج ميثا وهي تحضن امها : الله يديمج فوق راسي امايه .. خليني احين ادق على روضه واعرف اخر الاخبار ام مشعل : زين تسوين .. انا بسير اشوف هالمونيكا شو سوت حق الغداء .. اليوم ما سئلتني ميثا : امايه حبيبتي انا اقول لو تحطين عينج على هالمونيكا احسها شرانيه ام مشعل : لا الله يخليج .. نحن ما صدقنا نحصل وحده شراتها .. ونقدر انمشيها على كيفنا ميثا : على راحتج انا حذرتج .. خليني ادق على روضه فـــــــــي بيت بو خآلد روضه وهي اتصااارخ : حمووووود فزت عليك 3 صفر والخير ياي محمد بعصبيه : روضه انتي وحده غشاشه انا مابا العب معاااج روضه وهي تحط الجهاز ع الارض : يا سلام صرت غشاشه الحين .. نحن قلنا بدون زعل صح احمد احمد بابتسامه : صح رورو .. محمد انته خسرت الحين دوووري محمد وهو معصب : انا ما العب خلااص .. روضه غشاشه روضه بابتسامه : اوكي ولنفرض اني غشاشه ممكن توضحلي كيف عرفت هالشي محمد : لانج انتي اكبر منا عسب جذا تلعبين احسن مني ومن احمد روضه وهي تحضنه : حمممود حبيبي اليوم انا فزت وباجر انته خل روحك رياضيه محمد بابتسامه : يعني في امل اني افوز عليج روضه بابتسامه : اكيد حبيبي فيه امل .. يالله احينه دور احمد محمد وهو يطالع احمد : احمدوه ما اوصيك اباك تفوز عليها روضه : لا اذا بتتامرون علي انا هونت مابا العب احمد بابتسامه : لا رورو حرام .. محمد انا العب بدون غش روضه وهي تصفق: ايوووووووووه يا احمد تعجبني ... محمد بابتسامه : روواضي تلفونج يرن روضه وهي تعطيه الجهاز : العب بدالي لين اخلص مكلمه ميثا اوك محمد وهو يضحك بمكر : اوك هاااااتي .. روضه وهي فاهمه حركاته : محمد لا تخسرني ترى بذبحك .. ياويلك هاه محمد : انزين خلاص ما بخسرج .. ردي ع التلفون قبل لا يصكون روضه : اوووك العب وانت ساكت .. هلا ميثاني شحالج ميثا بابتسامه : هلا روااضي ما بغيتي تردي روضه : ما عليه فديتج كنت الاعب محمد واحمد وما انتبهت ميثا : اها زين تسوين .. شخبارهم روضه : الحمدلله كلهم بخير وسهاله انتي شخبارج ميثا بابتسامه : الحمدلله انا بخير .. الا شخبااار خالد وخالتي ام محمد روضه : الحمدلله كلهم بخير وسهاله .. وخالد اليوم بنزور اهل البنت وبنتفق على كل شي خالد مستعيل .. ميثا بتوتر : ليش مستعيل .. لهالدرجه مب قادر يصبر عن حبيبة القلب روضه وهي تتنهد : لا مش عشان جذا وبس .. خالد عنده معرض عقب اسبوعين .. ويبا خوله تكون معااه ميثا : اها اسمها خوله .. اكيد حلوه شرات اسمها روضه بابتسامه : ما شاء الله عليها .. جمال واخلاق مسكته الصراحه تخبل ميثا بعصبيه : بس ما ضنتي احلى عني روضه وهي تضحك : ههههاااااي ميثوه اشوفج بديتي اتغارين ميثا بضيج : وليش اغار ان شاء الله .. الحمدلله ما ضنتي فيه شي ناقصني روضه : هيه ما علينا المهم ليش دااااقه اكيد بتزورينا صح ميثا تقاطعها : لا فديتج المره اليايه دورج .. متى بتخلصين امتحاناتج روضه : باقيلي اسبوعين وبخلص .. ميثا : خلاص عيل بترياااج وما بحووف صوب بيتكم الا عقب ما اشوفج هنيه روضه : حشا لهالدرجه حاقده علي .. شو سويتلج ميثا وهي اونها زعلانه : لاه نسيتي هاه .. بس مقيوله المصفوع ما ينسى اللي صفعه روضه : ااافاااا وربي ما مديت ايدي عليج ميثا وهي تضحك : ههههااي لا ما قصدت جذا .. اقصدلج يوم عزمتج ع العشاء اتصلتي واعتذرتي روضه : سمحيلي الغاليه بس والله ضروفي ما كانت تسمح بس اوعدج من اخلص اختباراتي كل يوم بطب عندكم ميثا بابتسامه : وووووووووعد .. ولا كلام الليل يمحوه النهاار روضه : ههههاي اي لليل الله يهداج تونا ظهر بس مب مشكله اعطيج كلمة رجاال ميثا وهي تتنهد : اوك نتبع الكذاب لرز الباب روضه : وليه الظاهر شاله علي من خاطرج ميثا : تبين الصراحه شاله عليج وااايد .... بس عاد انتي وشطارتج روضه : خلاص فديتج وربي راح ارضيج .. بس خليني اخلص من هالمغثه ميثا : خلاص نصبر ونشوف .. والله يوفقج ان شاء الله روضه بابتسامه : جميع ان شاء الله ميثا وهي تطالع مشعل ياي صوبها : اوووكي رواااضي بخليج احينه روضه : اوكي غناااااااتي ,, ومشكوووره يالله باي ميثا وهي تطالع مشعل من فوق لتحت : اوكي رواضي باااي حياتي مشعل بدون نفس : هذي روضه ميثا : وليش تقولها من دون نفس .. البارحه قلت انك ميت عليها مشعل : شوفي حبيبتي انا مب شراتج .. اذا حبيت لازم اصير ثقيل ميثا : ايوه يا ثقيل انزين خبرني بلاك معصب مشعل بدون نفس : مالج شغل امايه وينها ميثا : حشا بلاك ماد بوزك شبرين .. انا اللي انضربت ولازم ازعل مش انته مشعل : الله يخليج ميثا مب ناقص حنة حريم هالحزة خبريني امايه وينها ميثا /: مشعل انا اختك .. خبرني اشو اللي مكدر خاطرك مشعل :ما فيني شي بس متهاوش مع واحد من الربع عسب جذا مالي خلق اي شي ميثا : اها الحين فهمت .. انته متهاوووش مع ابوي صح ولا انا غلطانه مشعل : اموت واعرف انتي كيف تقدرين تقريلي افكاري ميثا : ما ادري يمكن لاني وايد اقراء كتب نفس فاقدر افهم الشخص من نظرة عيونه مشعل : يصير.. المهم انا بسير اشوف امايه ميثا : انزين انا بعد بسير معاك مشعل : لا ميثا الله يخليج اباها فشغله خاصه .. وانتي ما ينفع تكوني معانا ميثا : ياربي اموت واعرف شو سالفة الاسرار فهالبيت .. كل واحد عنده سر مشعل : مش سالفة اسرار بس ابا استشيرها فشغله يالله لا تعطليني احينه ميثا وهي تتنهد : اووووف والله هذي مش عيشه كل واحد فحاله مشعل وهوي يصد صوبها : احمدي ربج .. غيرج ما محصل شرات هالعيشه ميثا فخاطرها : وعلى شو يا حظي من زين عيشتكم عاد .. فقر ومتششتتين ومحد قلبه على الثاني .. اللهم نفسي ام مشعل : مونيكا ما اوصيج مابا ج تحطين فالصالونه وايد فلفل مشعل ما يحبها حاره تمام مونيكا وهي ترتجف : اووك ماما .. مشعل : امايه انتي هنيه وانا يالس ادورج ام مشعل : حيالله بولدي مشعل .. والله يالسه عند هـ الخبله اخاف تخرب علينا الطبخه مشعل : امايه انا اقول لو تودرين المطبخ وتفكرين بريلج .. احسه يلعب من وراج ام مشعل بتوتر: اشو قصدك .. شو بلاه ابووووك .. انت شايف عليه شي مشعل : امايه انا قلت اخبرج عن اللي شفته اليوم بالشركه .. ما يصير اخبي عليج ام مشعل : مشعل لا تخووووفني اشو اللي صاير مع ابوك .. وهذي احداث اللحظة الثالثة عشر انتهت على خير نلتقي في احداث اللحظة الرابعة عشر وقد وضعت بعض مقتطفاتها تصبحون على خير ولا تنسوني من دعواتكم بالتوفيق | ||||
|
| |
|
27-06-13, 06:57 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| آللحـــــــظة آلرآبــــــعة عشــــره الفصل الاول :: :: :: ام مشعل بتوتر : مشعل بلاك ساكت تكلم اشو اللي صاير مشعل : امايه بصـــ ..................ــرآحــ.................. ....ــه وقاطعتهم ميثا وهي اتصارخ : امايه مشعل لحقووووا علي ام مشعل بتوتر : مشعل هذي ميثاء تصااارخ بلاها .. يمكن صار شي على ابوك مشعل : عيل خلينا نسير صوبها بسرعه ميثا وهي تنافخ وايديها متخيسات دم مشعل : ميثا بلاج حبيبي .. اشو اللي صار عليج توني خابرج بخير اشو اللي استوى ارمسي ميثا وهي ترتجف وتأشر على باب الصاله مشعل اول ما صد وشافه الباب اتصلب مكانه : اشو هذااااا ام مشعل بخوف : يالله بسترك مشعل وهو يروح على صوب الباب حصل ورقة طايحه ع الارض وعدالها خلقة بيضاء مربوطه في الباب ومتروسه دم ويلس يقرا اللي فيها مشعل انته واحد ظالم وقريب كل صاحب حق بياخذ حقه منك ..تشاهد على روحك.. موتك قرب مشعل وهو يضغط على الورقة بأقوى حيله : منو اللي يبا يلعب معاي هاللعبه .. محد غيرك يا ضارري انا اراويك ام مشعل وهي يايه صوبه وترتجف : مشعل اشو مستوي مشعل بتوتر : امايه لا تشغلين بالج هذي حركة سخيفه من واحد من الربع خلي مونيكا تجي تنظف الباب هذا مش دم هذا عصير فراوله فلا تشغلون بالكم .. احينه بحل الموضوع بطريقتي ميثا وهي ترتجف : كيف عصير بس ريحته ريحة دم انا متاكده من هالشي .. هذا واحد قاصد يسوي هـ الحركة مشعل وهو يصارخ عليها : ميثوه اكسري الشر وسيري داخل يالله .. واتصل على طول بضاري ضاري ؟: الو هلا مشعل ... اشو عندك بعد .. مو على اساس كل واحد فطريج مشعل وهو يصارخ : ضاري اشو هـ الحركه السخيفه اللي مسونها ضاري : اي حركه فهمني .. وضح كلامك اكثر مشعل : شوف يا ضاري اذا قصدك تخوفني بهالحركه السخيفه .. لا انت ولا عشرة من امثالك يحركون شعره من راسي .. فاذا تبا تلعب معايه خلنا نلعب ع المكشوف .. وما يحتاج افلام ألأكشن هذي ضاري بعصبيه : مشعل تراك مصختها وايد .. وانا للحين محترمنك .. فـ أكسر الشر احسن لك مشعل يقاطعه وبعصبيه وهو يطالع الخلقة المتروسه دم : اراويك يالخااااايس ضاري بعصبيه : حوووه انت تراك غلط علي وايد .. وكلمه زيااااده واللــــــــــ ............. !!!!!!!!! مشعل يقاطعه : تهددني بالموت صح ضاري" مشعل انا حذرتك .. قتلي ابعد عن طريجك وبعدت عسب كذا انته بعد خلك بعيد .. واذا بتعتبره تهديد بكيفك مشعل : ما عليه يا ضااري الايام بينا .. وحقي منك بااخذه .. وبتعرف من اللي موته قرب انا والا انت ؟؟!! ضاري: اذا كان عندي لك حق حلال عليك .. واحينه بصكر مب فاضي احل ألغازك مشعل وهو يفر التلفون ع الارض: الخاااايس صكر في ويهي .. اراويك وربي لأذبحك بيديني صبرك علي بس ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فــــــــــي بيــــــــت بو حمـــــــود حمود بابتسامه : يالله مريم انا وصلت البيت بخليج احينه مريم بدلع : حماده غناتي هـ الفترة انا جد محتاجه لك فلا تتخلى عني حمود : لا تحاتين مريوم بتم واقف معاج لحد ما تخلصين من امتحاناتج وتنجحين .. لا وبعد تتعينين رسمي مريم وضحكه تارسه حلجها : فديت روحك غناااااتي .. دير بالك ع روحك .. وخلنا نشوفك اوك حمود : مدام انج حابه تشوفيني شحقه ما تزورينا في البيت مريم بدلع : حبيبي عقب الموقف اللي صار بيني وبين فاطمه ما ضنتي بقدر اطب بيتكم مره ثانيه .. وايد صعبه ؟؟!! حمود بابتسامه : ما عليه انا اول ما اكون فاضي بخبرج اوك مريم وهي تلعب بشعرها : اوكي حبيبي حمود : يالله احينه بصكر بااااااي مريم : حمووود بتصكر بدون ما تقول كلمه حلوه حمود بابتسامه : والله ما ضنتي فيه شي غالي عليج .......... احبج -قالها عقب تردد طوووووووووويل- مريم وهي طايره من الفرحه : حمود قولها مره ثانيه الله يخليك حمود : مريوم تبين تفضحينا انتي .. قتلج احبج مريم : فديت روحك غناااااااااتي .. احينه بصكر وانا قلبي مرتاح حمود : فديت قلبج والله .. باااي حبوبه مريم : باااااي غناااااااااااااااتي مها وهي تاخذ نفس عميق وويها بداء يعرق وبضيج : حمود اشو هذا اللي سمعته من شوي حمود بتوتر : هاه انتي من متى هنيه مها بضيج : حسافه يا حمود ما توقعتك بترجع تشترى وحده باعتك برخص حمود : سمعيني محد باعني غير فاطمه ومريم تمت صاينه الحب اللي بينا مها وهي مصدومة : فاطمة تبيع حبك مستحيل قول غير هـ ألرمسه .. بس الظاهر انك بديت تكذب الكذبة وتصدقها حمود : سمعي يا مها فاطمه خلاص شوي وبتصير مينونه .. غيرتها من مريم خلت حياتي معها ما تنطاق صارت تالف قصص على كيفها .. ودايما احصلها داقه على مريم ومتهاوشه معاها مها بضيج :وشو تباها تسوي عيل .. تشوفك اضيع من بين ايدينها واتم ساكته حمود بحزن وهو يداري دمعته : انا ضعت يا مها ؟؟!! وفاطمه هي اللي ضيعتني!!!عن اذنج بسير اريح راسي مها وهي تمسكه من ايده : وقف حمود .. اشو اللي تقصده من هالرمسه !!! حمود بضيج : مع الايام بتفهمين كل شي عن اذنج مها وهي تتنهد : ياربي اشو صاير في هالبيت .... الكل تصرفاتهم غريبه ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~~ ~~~ فــــي بيـــــــــت بو هلال ساره كانت توها راجعه من الجامعه وسمعت مريم تغني مريم بصوت عالي /: قالها قالها .. قال احبك قالها ساره تقاطعها : حووه انتي اشو اللي مستوي عليج فضحتينا مريم وهي تمسك ساره من ايدينها وتدور حواليها : حمود قالي احبج .. تفهمين شو يعني احبج .. اخيرا قالها يا ساره ساره والكتب تتناثر من بين ايدينها: لا الله يخليج قولي غير هالرمسه مريم : والله يا ساره حمود للحين يحبني .. قتلج مصيره يرجعلي .. وبرضاه بعد ساره بضيج : مريم انتي اشو اللي ناويه عليه بالضبط مريم وهي تصارخ : احبه تفهمين شو يعني احبه .. واموت عليه بعد ومستعده اسوي المستحيل عسب نرجع لبعض ساره : مريم لا اكيد انتي تخبلتي .. حرام عليج اللي يبني ساعدته على تعاسة غيره هذا انسان مجرد من كل الاحاسيس مريم بابتسامه : عااااادي ومنو قالج انه صار فيني احساس .. انا حبي لحمود خلاني استوي شرات الميانين فما عاد يهمني شي واذا على زوجته انا بعوضه وبخصوص عياله كلها كم شهر والله بيرزقنا بكم ياهل وبينسى عيال فطووم ساره بضيج : الله واكبر عليج .. كنت ادري انج قاسيه .. بس ما توقعت قساوتج توصلج لهالدرجه مريم : ساروه حبيبتي الحياه الحين اذا ما عشتيها بشطاره صدقيني ... بتخسرين كل شي ساره : اذا الشطاره اني استوي ظالمه واخذ واحد من زوجته وعياله .. فالله يخليج اعفينا مريم : ساره لو كنتي تحبين صدق .. كنتي بتسوي شراتي واكثر بعد ساره بضيج : لا يا مريم .. الحب شي مقدس .. الحب تضحيه .. ولو تحبيه صدق بعدي عنه وخليه يعيش مع عياله وزوجته .. لا تخربين عليهم ايامهم الحلوه اللي عاشوها ويا بعض وتهدمي كل شي بنوه فلحظة مريم : ابتعد عنه لا يا ماما .. انا ما صدقت انه يرجعلي .. وتبيني الحين اقوله ارجع لزوجتك وعيالك مستحيييييييييييل ساره وهي تتنهد : اه يا اختيه كنت احسبج عاقله .. بس حسافه حبج لحمود خلاج مب عارفه كيف تتصرفي مريم : ساروه طلعي برع مب ناقصه عوار راس .. انا اليوم مستانسه ومابا حد يخرب عليه وناستي .. حمود احبك احبك قالتها عشان تقهر ساره وتحرها .. سااره : انا طالعه .. وصدقيني يا مريم وبتذكرين كلمتي .. هذا مش حب هذا هووووس فاهمه ؟؟هووووووس!!!! مريم بعصبيه : اوهووو ساروه اقول طلعي برع .. هذا اللي ناقص تتنبئين مستقبلي كيف بيكون ساره وهي تهز راسها : الظاهر انه في مصايب يايه فالطريج .. والله يعدي هالايام على خير مريم وهي اتصارخ: مصيبه تاخذج ان شاء الله وارتاح منج ومن شكلج .. حشا هذا انا واختج وتعامليني جذا ساره وهي تصكر باب غرفتها بقو وتركض صوب كرفايتها وهي مصكره اذونها بايديها : ليش يا مريم ليش .. والله حرام اللي تسويه فنفسج وفي غيرج .. الله يستر من الياي .. انا كثر شو بستحمل .. من جهه مريم ومن جهه ثانيه هلال ومها .. يا الله يا كريم تعدي هالايام على خير وسمعت تلفونها يرن واول ما شافته رقم سعيد ابتسمت ساره : هلا حبيبي شحالك سعيد بخوف : ساروه انتي فيج شي حياتي .. احسج هـ اليومين مش على بعضج .. وعفاااري ..................... ساره تقاطعه : سعيد حبيبي بس فيه شوية مشاكل وان شاء الله بتنحل انته لا تحرق اعصابك وعفاري تبالغ سعيد وهو يتنهد : ساره اذا ما فكرت فيج وخفت عليج على منو ا خاف هاه خبريني ساره بابتسامه خفيفه ممزوجه بحزن : فديت روحك سعوووودي .. محد مونسني غيرك سعيد : فديتج غناتي .. كلها كم يوم وبزور اهلج وبختطفج مره وحده .. وبتم على راسج ساره وهي تتنهد : بس عفاري خبرتني انه اخوك بيسااافر وما بيرد الا عقب اسبوعين سعيد :هيه حبي سفرياته بتكون كلها فلندن ادري اسبوعين وايد.. بس بيمضن وبنكون انا وانتي مع بعض وبتملي مني ساره : الله يسمع منك حبي.. والله جد فهالفتره محتاجه اكون قربك .. ومسأله اني امل ما ظنتي فيه احد يمل من روحه سعيد : وانا اكثر وربي .. بس هانت غنااااتي .. ما بعد الصبر الا الفرج ساره وهي تتنهد : على خير حبيبي اهم شي هالفتره اباك تكون كل لحظة وثانيه معايه من باجر بيبدن اختباراتنا.. وابا احسك قريب مني .. اباك تهونها علي حبيبي سعيد :: يا ويل حالي انا محد ذابحني فهالدنيا كثر ما ذابحتني هالبنت .. لا تحاتين غناتي بكون وياااج في كل لحظة ساره : مشكوووور سعودي .. انزين اشو رايك تغنالي شووووي بس مقطعين سعيد بابتسامه : اوعدني عني ما نغيب ............. تبقى هنا عندي قريب محتاااج انا مثلك حبيب ...................... يفهم عيوني وضحكتي فيك انته حلمي من زمان ........... وانته الهوى وادفآ حنان تلقى معك روحي الامان ....................... يا اغلى بشر في دنيتي ....... يا اغلى بشر في دنيتي ساره : فديت هـ الصوت والله ... عساني ما أنحرم منه.. يالله حياتي انا بريح شوي بدقلك بعدين سعيد بابتسامه : وين ساروه حراام عليج بعدني ما شبعت من صوتج ساره : هههههااااي .. احينه بتتغداء واكيد بتشبع سعيد : فديت هالضحكه حبيبي .. انتي بعد تغدي اوك ساره : ان شاء الله سعوووودي .. دير بالك على روحك سعيد : سااااروووووه احبــــــــــــــــــــــ ــج ساره بخجل : انا بعد آحبــــــك .. يالله باي اخاف ننفضح سعيد : اوووكي غناااتي بااااااااااااي ساره وهي تتنهد : اه يا سعيد محد مصبرني غير حبك .. الله يديمك فوق راسي يا اعز مخلوق على قلبي ~ ~ ~ ~ ~ ~ ~~ ~ ~ ~ ~ ~ ~ ~ ~ ~~ ~ ~ ~ ~ ~ ~~ فـــــــي بيــــت بو حمــــــود حمود اول ما لمح فاطمه صد وعطاها الظهر ولا عبرها فاطمه وهي تحاول تخفي دموعها : وعليكم السلام والرحمة حمود وهو يطالعها بنص عين : تطنزين حظرتج فاطمه وهي تبوس مايد : لا اعوذ بالله انا ما يالسه اتطنز انته سلمت وانا رديت عليك .. عادي يعني حمود بعصبيه : فااطمه حركات اليهالوه ما ادانيها فخليج عاقله احسن فاطمه : اها احينه انا تصرفاتي غلط .. وانت تصرفاتك شو نسميها ؟؟!! حمود يقاطعها وبقهر : ع الاقل انا احترمتج فاطمه بعصبيه /: اي احترام وانت عايش عالم ثاني فأحضانها ولا راضي تفارقها .. وطول الوقت تكلمها في التلفون حمود بعصبيه : وصورتج انتي وحبيب القلب سلوم .. كانت اقوى من مشاعري اتجاه مريم .. واعتقد من الصورة كان واضح شكثر انتي تحبيه وميته عليه عسب جذا لا تلوميني لو حبيت مريم هــ الشي يصير غصبا علينا .. فاطمه تقاطعه : حمود قتلك انا من يوم ما خذيتك سالم ما جات عيني في عينه حمود : اها عيل اشو جاب صورته فتلفونج لا ومخزنه الرقم بعد فاطمه بابتسامه : يمكن في شخص يبا يثبت لنفسه اني انا وحده خاينه واذا تزوجت عليها ما يضر حمود بعصبيه : اشو قصدج .. اني انا وراء كل اللي يالس يصير فاطمه : انا ما قلت جذا .. بس كل اللي اقدر اقوله حقك ..الرقم اللي تخزن فتلفوني مش رقم ولد خالتي سالم رقم بنت ودقيت عليها وخبرتني انه ريال عطاها صورتي وصورة سالم حمود بتوتر : اشو قصدج فاطمه : والله انا ما ادري بس لما سألتها عن الشخص قالت اسمه حمود .. عاد انته شوف الموضوع وحلله بكيفك حمود بعصبيه : لا انتي اكيد تخبلتي فاطمه وهي تاخذ التلفون : امسك ها التلفون ؟؟؟!!!! وتقدر تتصل على الرقم وتتاكد بنفسك حمود : فاطمه انتي اكيد تخبلتي .. اشو هـ التفكير .. انا مش واطي لهالدرجه عسب اسوي هـ الحركه السخيفه فاطمه : حشاك انا ما قلت جذا وبعدين لا تسألني انا .. لانه انا وانت فنفس الدوامه .. بس من وراء هالشي؟! الله واعلم حمود وهو ياخذ التلفون ويطالع الرقم ورقم سالم: فعلا الرقمين مختلفين فاطمه : تاكدت انه انا مش مخرفه وفي واحد يالس يلعب معايه لعبه وانا ما عارفه شو غرضه بالضبط حمود : فاطمه لا تيلسي تخبريني احينه انه الصوره مركبه .. انا مستحيل اسامحج .. انتي خنتيني فاطمه بضيج : عقب كل اللي شفته تقول اني يالسه اخوونك .. حمود بديت اشك فيك الصراحه حمود بتوتر :وليش ان شاء الله تشكين فيني وبعدين يمكن عنده رقمين .. و منو بياخذ تلفونج يعني .. محد معتازله فاطمه ودمعه نازله على خدها : حمود انا ما خنتك .. واليوم او باجر بثبتلك انك ظلمتني وساعتها .. كل واحد فحاله حمود بعصبيه : اها ولين ما تثبتين هالشي انا بعيش حياتي وبسقيج من نفس الكاس اللي شربتيني منه فاطمه بضيج : حمود اشو قصدك ؟؟؟!!! إنته شو اللي ناوي عليه ؟؟!! حمود : انا ما اقدر اعيش من غير مريم .. هيه قدرت اتصوني بس انتي ..!!!!!!!!!!!! فاطمه وهي تحط ايدها على شفايفه : بس يا حمود .. الله يخليك لا تكمل .. كافي تجريح كثر شو انا بستحمل حمود بتوتر : فاطمه ودي اصدقج بس انا شفت هـ الشي بعيني .. انتي شفتيني اخونج مع مريم وقلتي اخونه مع سالم فاطمه وادموعها اربع اربع : معقوله حبك لمريم خلاك ما تشوف الا اللي على هواك .. ليش يا حمود .. انا قصرت معاك فشي .. عمري حسستك بانك مقصر .. طول الوقت كنت اكتم فقلبي بس عسب ما اضايقك حمود بضيج : سامحيني بس اللي سويتيه صعب انساه بكل سهوله صعب افهميني فاطمه وهي اتصارخ : حمود انته ما تفهم ..قتلك انا ما سويت شي..ورب الكعبه مظلومة .. ليش تكذب الكذبه وتصدقها مايد لما شاف امه تصارخ يلس يصيح بصوت عالي حمود بضيج : خذي ماجد وطلعي برع .. توه ياهل لا تخليه يشوف المشاكل اللي يالسه تصير بينا فاطمه وهي تتنهد : الايام بينا حموود .. وانا كنت عارفه ومتاكده انك بتاخذ مريم قبل لا تخبرني .. بس قبل لا تتزوجها ياليت لو تطلقني. وبطلع من حياتك انا وعيالي وبجذا تكون رضيت كبريائك لانه مستحيل بيت واحد يجمعني مع مريم.. حمود بضحكة سخريه : لا ياماما مستحيل اخلي وحده شراتج تربيلي عيالي فاطمه بعصبيه : اشو قصدك تباني اتم على ذمتك واشوفكم يالسين تعيشوا غرامياتكم !! وانا ما فكرت فيني وبمشاعري حمود : كيف تبيني افكر فيج وانتي لما طلعتي مع هـ الخايس سالم ما فكرتي فيني فاطمه وادموعها اربع اربع : حموووووووووود حمود يقاطعها : فاطمه هـ الموضوع تصكري عليه نهائياً..انا وانتي من اليوم بنعيش مع بعض بس لسبب واحد عسب نربي عيالنا .. ولكن بنتصرف شرات الغرب .. وجدام اهلي نكون عادي .. وحلوين وحبايب فاطمه بضيج : حمود ما توقعت انك اناني لهالدرجه .. معقوله تحبها هالكثر .. لدرجة تخليك ادوس على كرامتي حمود : هيه احبها ... احبها ...احبها.. فاهمه ولا لا !! وانتي ولا مره قدرتي تمحي هالحب من داخلي ولا راح تقدرين فاطمه وهي تصكه بكف : لهنيه وبس .. كافي اهانات وتجريح .. اذا تحبها خلاص تزوجها والله يهني سعيد بسعيده .. ما يحتاج تجرح كبريائي كانثى .. انته صغرت فعيني ياحمود .. اطلع برع مابا اشوفك جدامي اطلع برع حمود بعصبيه : تصكيني بكف فطووم اراويج .. انا بطلع بس عشان مايد وحسابج معايه بعدين فاطمه وهي تصكر الباب : اطلع برع يا حمود ... انته مش حمود اللي حبيته .. ياربي اشو اللي يالس يصير مها بخوف : فطوم شفت حمود طالع معصب وقلت اكيد صاير بينـ ........ـكــم شـــ......ــي فاطمه وهي تصيح : خلاص يا مها حمود بيخليني حمود بيتزوج مريم مها وهي تبطل عيونها : اشوووووووو فاطمه : يقول اني ما قدرت امحيها من قلبه عسب جذا هو بيتزوجها ما قادر يعيش من غيرها مها وهي تاخذ مايد من حضنها : فطووم ما عليه حبيبتي اكيد هو احينه معصب وعقب بيهداء .. بسير اودي مايد مع يدوته وعقب برجعلج وبنتفاهم .. بس انتي هدي نفسج حبيبتي ولا تكدرين خاطرج كل شي بينحل فاطمه وهي تمسح دموعها : لا يا مها انا ما تعودت اكون ضعيفة..واذا يبا يتزوج الله يهنيه ..هذي حياته وهو حر فيها مها بضيج : لا الله يخليج .. حمود يتصرف بعواطفه وانتي لازم توقفين معاه ..لا تخلي مريم ولا غيرها تاخذ حمود منج فاطمه وهي تتنهد : ليش تبيني ادافع عن شي صار سراب .. انا خسرت حموود .. فما يحتاج اعذبه واحرمه من حب حياته .. واذا هو يحبها ويباها .. يتزوجها والله يهنيهم فبعض .. وانا لي الله وهو اللي بيصبرني مها : فطووم حرام عليج اشو هـ الرمسه فاطمه بضيج : مها الله يخليج اذا تحبيني وتبغين راحتي صكري على هالموضوع مها بتوتر : بس بهالطريقه بدمرون حياتكم .. صدقيني كبريائكم بيدمر كل شي حلو جمعكم .. لازم تنسي كبريائج فاطمه ودمعه على خدها : خلاص اصلا هو باقي شي ما انتهى .. الله يوفقهم .. انا راضيه بنصيبي مها بضيج : فاطمه انتي تتكلمين من صدقج .. معقوله بتتخلين عن كل شي بسهوله فاطمه وهي تمسح دمعتها وبعصبيه ممزوجة بقهر وتاخذ مايد من حضن مها : هيه خلاص انا بمحي كل شي وخليه يعيش مع مريم اشو يعني .. انا مش اول ولا اخر وحده يتزوج ريلها عليها .. يعني الموضوع عادي مها : ما ادري شو اقولج .. بس الله يهديكم وترجعون تفكرون بمنطق .. عن اذنج فاطمه وهي اطالع صورة زواجهم : هو تم شي اسمه منطق .. الكل صار يتصرف على هواه .. وكلن يتبع غريزته ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ مها وهي يالسه تتحلطم : ياربي اشو اللي صاير فهالبيت جد صرت اخاف خوله بابتسامه عريضه : حوه انتي منو ترمسين .. اعترفي لا يكون تسولفين مع هلال من ورانا مها وهي تضحك بصوت عالي : يا ليييييييييييييييييييييييي يييت .. هذا حلم حيااااتي خوله : يا بنت أثقلي .. الثقل زين .. لين متى بتمين رازه بويهج مها وهي اونها مضايجه : خوالي هذي طبيعتي ما فيني صبر .. ابا الاشياء اللي احبها تصير بسرعه .. ما فيني ايلس اتريا .. واذا فيه مصيبه على راسي اباها تنتهي بسرعه خوله وهي ميته ضحك : لا الظاهر انتي حابه تمشي الدنيا على كيفج مها : لا مش مسألة امشيها على كيفي .. بس ابا اعيش مرتاحه شرات هـ الناااس خوله وهي تمد يدها : مهاااوي انتي فيه شي مضايقج مها وهي تحضنها : بصراحه خايفه من باجر .. خايفه تصرفات هلال تكون شرات مريم .. اخاف يكون اناني خوله : مهووي حبيبتي لا تتشائمين من بدايتها تفائلي .. ويمكن تعيشي مرتاحه مها بحزن : اشو اسوي حتى ساره احسها مضايجه .. اوقات احس انه هلال فيه احد جابره علي خوله : مهووي اوووششش مابا اسمع هالرمسه ..ويمكن ساره مضايجه من موضوع ثاني.. مش موضوعج انتي وهلال .. الله يخليج مهووي ابعدي هالافكار السوداء من راسج مها وعينها تدمع بدون ما تحس : ودي اقول انه باجر راح يكون احلى من اليوم بس تصرفات ساره شككتني حتى فنفسي.. وحسيت انه فيه شي .. وخايفه اعرف هـ الشي عقب ما اصير على ذمة هلال خوله بضيج : مهوووي غناتي عشان خاطري كافي .. ارحمي حالج .. يالله احينه غسلي ويهج وخلينا ننزل نتغدى مها وهي تحضنها بقو : خوله انا محد لي غيرج فهالدنيا .. الله يخليج لا تخليني انا محتاجتلج خوله وهي تبوسها على راسها : كافي غناتي هذا كله وسواس .. وانا بتم دايما معاااج .. مها وهي تمسح دموعها : خلاص انتي انزلي تغدي انا مالي خلق خوله بابتسامه : لا حبيبتي بتنزلين وغصبن عليج بعد .. يالله خلينا نروح صوب فاطمه ونخليها تنزل تتغداء مها : بس انا مالي خلق .. بتغداء عقب خوله تقاطعها : يالله خلينا نروح نتغداء وعقب ما تخلصي متغديه سوي اللي يريحج يالله طوفي جدامي مها وهي تبوسها : الله لا يحرمني منج خوالي .. انا من غيرج ما اسوى شي\ خوله : ادري انج ما تسوين شي والحينه يالله كافي هذرة يوعانه ابا اكل .. من الصبح على لحم بطني مها : انزين خلاص هاتي ايدج .. بتاكليني بقشوري خوله : هههههههههههه لا مابا اكلج اخاف اتسمم مها اونها معصبه : يالله طوفي جدامي .. بدينا بالغلط مر الوقت سريعا فطووا معه نور الشمس واصبحت السماء مكسوة بالسواد وأضواء القمر تداعب تلك الظلمة الحالكة في بيـــــــــــــــــــــــ ـت بو خـــــــــآلـــــد خالد وهو يطالع شكله في المرايه : رواضي كيف شكلي روضه : فديتك والله تخبل .. بسير اسويلك دخون عسب ما تصيبك عين خالد : روضه مش لهالدرجه عاااد .. اخاف اصدق بعدين روضه بابتسامه : خلوود والله انك غرشووب .. ويا بخت خوله فيك خالد يقاطعها : لا الله يخليج عدلي الجمله وخليها على هالشكل يا بختي انا فخوله روضه : تصدق عاد عندي فضول اعرف خوله .. واعرف شو السر اللي خلاك تحبها هـ الكثر خالد : شوفي رواضي .. لما تيلسي عند خوله تحسي نفسج انج يالسه مع وحده صاكه الاربعين عاقله واديبه ومتفهمه وما بتتوقعين انه سنها توه فبداية العشرين .. احسها تحمل كل مواصفات البنت اللي تمنيتها تكون شريكة حياتي روضه : امممم يعني كونها أديبه وعاقله وفاهمه بـ تنفعني في المستقبل خالد : روضه صدقيني خوله عمله نادره .. واحمد الله انها كانت من نصيبي .. روضه وهي تبوسه : الله يديم المحبه بينكم .. واحينه اشو رايك نروح .. ترى تاخرنا وايد ع الجماعه خالد وهو يطالع ساعته : ايه والله ما كذبتي .. اكيد بنحصل ابويه مفول الحين .. يالله خلينا ننزل :: :: :: | ||||
|
| |
|
27-06-13, 07:01 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفــــصل آلثـــــآني :: :: روضه وهي ميته ضحك عليه : يالله فديتك سرينا .. بو خالد : ام محمد خلصتي ولا بعدج ام محمد : الله يهداك اشو اللي مخلنك مستعيل .. تو النااااس .. خلني اسنع شكلي بو خالد: يا بنت الناس افهمي نحن مب سايرين عرس سايرين نخطب وراجعين ام محمد بدلع : ولو بو خالد لازم انبينلهم انه نحن شيك ومترتبين تعرف المظاهر مطلوبه بو خالد يقاطعها : ام محمد ترى المظاهر احيانا تكون خداعه ام محمد : بو خالد بلاك علي .. اذا ما تباني اسير ترى بقر مكاااني .. وبيلس عند عيالي اخيرلي بوخالد : اكسري الشر احينه ما نبا نزعل خالد .. اليوم بالذات يبانا كلنا حوله ام محمد : عيل اسكت وخلني اخلص الميكب مالي بو خالد وهو يطالع ساعته : يا الله الظاهر بنتأخر ع الجماعه روضه وهي ادق الباب : باباتي اقدر ادش ام محمد فخاطرها : مصيبه صابتج اشو جابها هذي احينه .. الله يصبرني بس بو خالد وهو يبطل الباب : هلا بالغاليه هلا بزينة البنات روضه وهي تبوس راس ابوها : باباتي خالد يقولك خلصنا واذا انتوا مخلصين يا الله سرينا .. تأخرنا وايد بو خالد : يا بنيتي هذي خالتج ام محمد تقول لازم تتكشخ عسب تطلع صورتنا جدامهم انه نحن شيك ومترتبين روضه بدلع : باباتي الله يهداك ليش الميكب وهـ الحركات؟؟!!كلها كم كلمه ونتفاهم وراجعين .. هذي مب حفله ام محمد فخاطرها : وليه هذي محد مكبر راسها علي غير هـ الشايب ابوها بو خالد: ام محمد سمعي هـ العاقله شو تقووول فديتها!! طالعه على امها .. ادب وذوق واخلاق واخر همها المظاهر ام محمد بعصبيه : اشو قصدك بو خالد بو خالد حب يحرقلها اعصابها : ما قصدي شي واللي على راسه بطحا يتحسسها ام محمد وهي تصكر علبة الميكب بأقوى حيلها : انا خلصت خلونا نروح روضه وهي تبا تنفجر من الضحك بس سكتت : اشو مسويه هذي بنفسها .. تتحرى عمرها في العشرين بو خالد : روضه حبيبتي بلاج واقفه خلينا انروح ام محمد بعصبيه : اشو تطالعين انتي بعد ؟؟؟!!! لا يكون فيه شي غلط بويهي روضه بتوتر : لا خالوه بس الميكب مالج صراحه وايد حلو طلعتي ذويقه ام محمد وهي رافعه خشمها : ادري .. بس شو اسوي بالناس اللي ما راضيه تفهم ولا تفتهم بو خالد : طوفي يا بنت الحلال كلنا نشوف ونشهدلج بزينج وبحلاتج وبذوقج بعد روضه وهي تضحك من خاطر بس كاتمه : قص عليها ابويه .. بس مقيوله حريم تضحك عليهن بكم كلمه حلوه ويصيروا لك شرات العسل .. ويسقوك من حلاهم .. بس مش كل الحريم انا غير عاقله ههه مصدقه روحي انا بو خالد : روضه بلاج ابنيتي واقفه ويالسه تفكرين روضه : هاه لا ماشي باباتي بس كنت افكر بسالفه يالله خلنا نرح ام محمد : ومنو سعيد الحظ اللي يالسه تفكرين فيه روضه تقاطعها : ومنو غير اخويه خلود فديت روحه باباتي يالله تاخرنا خاطري اتعرف على حرمة اخويه ام محمد وهي تزاعج ع البشكاره بدون نفس : صووووفياااااا صوفيا : نعم ماما ام محمد : انتبهي على محمد واحمد .. واذا تاخرنا خليهم يرقدون .. لا يسهرون وايد صوفيا : ان شاء الله ماما روضه : خالوه حرام الحين اجازه خليهم يرمسون ويستانسون ام محمد بعصبيه: والله عاد انا امهم وافكر بمصلحتهم روضه : اوكي على راحتج .. بس هذي مجرد وجهة نظر بوخالد : طوفن جدامي هذا اللي ناقص احين ما وقت هواش.. يالله طوفن اشوف وسيده ع السياره .. ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ فــــي بيت بــــوهلال بو هلال : يا الله ام هلال هاتي البخور بتبخر اخاف اتأخر على الجماعه ام هلال : الله يهداك تو الناس وبعدين بيت اخوك مش من بعده كلها خمس دقايق بالكثير وتكون هناك بو هلال : ولو الغاليه لازم اكون هناك من بدري .. اكيد سعيد يالس ينتظرني احينه ام هلال : انزين ليش قالك تيا بروحك ليش ما خلونا نرابعك .. خوله بعد بنتنا ولازم نفرحلها بو هلال : ام هلال لا تسويها سالفه الحين .. اكيد عندهم ظروف وبعدين هذا كلام رجاجيل ووجودكم ماله داعي ام هلال : على قولتك وجودنا ماله داااعي بو هلال : يالله انا بروح الحين اخاف اتأخر ام هلال : فحفظ الرحمن الغالي مريم اول ما شافت ابوها ركضت صوبه : ابويه خلني اروح معاااك .. اكيد خوله ما بتعرف تتصرف وبتحتاجلي بو هلال : والله ودي مريوم بس اخويه ملزم علي وقالي اسير بروحي مريم بدون نفس : الظاهر فاطمه عبت راسهم بكم كلمه عسب جذا ما يبونا نروح معاك بو هلال : مريوم ماله داعي هالكلام واللي صار في الماضي ما ضنتي بينفتح الحينه ساره كانت توها طالعه من المطبخ : ما شاء الله معقوله اللي واقف جدامي ابوي ياربي اخاف احد يختطفك طالع مزيون بو هلال وهو يضحك : لا ساروه لا تبالغين وبعدين يا بخت اللي بياخذج بتغريقه من ريقج الحلو ساره : ابويه والله انك طالع مزيون يا حظ امايه فيك وصدت صوب امها..امايه بصراحه انتي محظوظة وشكلي بحسدج ام هلال بدلع : اشو قصدج اني انا مش حلوه ساره : الله يهداج امايه انتي زينت البنات واللي يشوفج معاي يقول اختي مش امي ام هلال بدلع : ادري اصلا دايم الحريم يقولون انهم ما يصدقون لما اقولهم اني متزوجة وعيالي على وجه زواج مريم : امايه لا تصدقين كل شي الله يهداج .. في بعضهن يقصن عليج بهالكم كلمه عسب يتمصخرون عليج ام هلال بعصبيه : يتمصخرون عليه وربي لا اقص اللسانهن قص بو هلال : المهم ما علينا انا اترخص احينه هلال جان توه ياي من برع : ها ابويه ليش هالكشخه كلها بو هلال : لا بس اليوم بيحددون موعد زواج خوله من خالد هلال بتوتر : اشوووو .. انزين ليش ما خبرتوني بو هلال : وليش نخبرك .. خوله لاهي ساره ولا مريم هلال وهو منزل راسه الارض : على قولتك ابويه خوله مش اختي .. فليش انا اهتم يالله عن اذنكم ساره بتوتر :هلال لحظة اباك فسالفه بو هلال : انا بعد اترخص تاخرت يالله من رخصتكم ام هلال : الله يوفقك الغالي مريم بدون نفس : اووف يعني لو خذني معاه شو كان بيخسر..خاطري اشوف حمود واعرف اخر اخبار هالدعله فطوم واشو اللي صار بينهم .. والله قهر احسن شي اسير اذاكر ام هلال : مريوم بلاج يالسه تهذرين مريم وهي منقهره : ما شي امايه ما شي عن اذنج ام هلال : يا خوفي يا مريم يكون اللي في بالي صح .. واخاف تكوني ناويه على حمود .. بس اذا طلع اللي في بالي صح ساعتها ما بقدر اتكلم .. دمرتج في الماضي وصعب ادمرج الحين اكيد بتكرهيني هلال بعصبيه : ساره خليني في حالي الله يخليج ساره وهي تركض وراه : هلال شفيك .. شوي ابويه كان بيشك .. لازم تدرس تصرفاتك فهالفتره .. هلال بضيج : ساره صدقيني كل اللي يالس اسويه غصبن علي ما ودي اضايج احد بس احبها احبها ساره بتوتر : تعال خلنا ندش غرفتك ونتفاهم .. اخاف احد يسمعنا تعال بس هلال وهو ييلس ع كرفايته : خبريني شو اسوي.. فهد هو اقرب واحد لي ولا قادر اصارحه واقوله انا احب اختك خوله بس خطبت اختك مها .. والله بيكرهني .. اوقات اتمنى انه ناصر ما عرفنا على خالد كان ما صار كل هذا ساره : هلال ادري انك تحب خوله وصعب انك تنساها .. بس صدقني اذا حاولت تنساها و تحب مها كل شي بيتسهل هلال وهو يصيح : وانتي تتوقعين انه النسيان سهل .. وحبي لمها يكون بهالسرعه مستحييييييييل ساره وهي تتنهد : هلال مها لو عرفت انك تحب اختها وانك تزوجتها بس عسب لا تهين كرامتك وتنزل راس ابوك في الارض ؟؟!! تتوقع باي نظرة بتنظرلك .. انته بهالطريقه بتخسرها وبتخسر خولة وكرامتك وكل شي تملكه هلال : انا عارف انه مها طيبه وقلبها ابيض .. بس صعب ادخلها بقلبي بالسهوله هذي .. افهميني يا ساره وايد صعب ساره وهي تمسح على ايده : حاول وصدقني بتقدر .. هلال وهو يمسح دمعته :حتى لو حاولت ما بقدر .. لكن مش مشكله بحاول اقنع نفسي انه حبي كان لمها مش لخوله ساره : لا يا هلال هـ الطريقه غلط وما بتحصل من وراها غير لهموم لانك يالس تناقض نفسك ..!!! قلبك يقول شي وعقلك يقول شي ثاني ..فاذا بتحل مشاكلك لازم تكون صادق مع نفسك .. قبل كل شي وساعتها بتتسهل هلال وهو يتنهد : اه يا ساره لو ما انتي كنت الحين ميت من كثر للهموم .. ولا عارف اركز وعفت حياتي من اصله ساره بضيج : هلال الله ما رزقني باخو غيرك ...عسب جذا لازم احطك فووق راسي ..واشيل عنك همومك هلال وهو يبوسها على راسها : ساره فعلا يوم عن يوم تثبتيلي انج انتي العاقله والفاهمه فالهالبيت ~ ~ ~ ~ ~ ~ ~ ~ ~ ~ ~ ~ ~ ~ ~~~~ ~ ~ ~ ~ ~ ~~~~~~~~~~~~~~~~~ في بيــــت بو حمود مها وهي تكلم الكوافيره : هاه فديتج خلصتي .. ولا مطولين الكوفيره : لا خلصنا باقي احطلها شوية حركات خفيفه وبتجهز .. مها : زين عيل لو تستعيلين شوي يكون احسن . خوله وهي تتنهد : مهوويه انا اموت واعرف ليش طرشتي ع الكوافيره كلها كلام رجاجيل يعني ما بيصير شي رسمي مها بابتسامه : انزين والكوافيره يالسه تسويلج ميكب خفيف .. وبعدين لا تنسي ابا اكسر عين ام محمد .. اكيد لما تشوف شكلج بتتخبل .. وبتعرف انه خالد عرف يختاار .. اباج تصيري احلى منها ويا شعرها للملون بستين لون خوله بابتسامه : وانتي هذا الي حارج ام محمد وشعرها مها تقاطعها : لا فديتج يمكن خالد يبا يشوفج .. وانا بصراحه ودي يتخبل وما يبقى فيه عقل لما يشوف جمالج خوله : يا شيخه لا تبالغين .. بعدين احتمال اخته روضه تزورنا اليوم مها باستغراب: ليش ما عليها اختبارات .. لا ما ظنتي بتي معاهم يمكن بتم في البيت خوله بابتسامه : لا انا حاسه انها اليوم بتزورنا .. اكيد بتبا تتعرف علي مها : مب مشكله اهم شي اباج اليوم تبهريهم .. والكل يقول زين ما اختار خوله بخجل : مهووي طالعي شكلي صدق طالعه حلوه مها وهي تبوسها على خدها : حلوه واحلى من الحلوين.. فديتج غناتي صايره تهبلين.. خوله : خلاص انزين سيري غيري ملابسج اليوم عطلتج وايد مها بابتسامه : خلاص فديتج اليوم يومج بس لما يشرفنا هلال ساعتها اكيد بترديلي المعروف خوله وهي تضحك من خاطر : هههاااي فديتج مهاوي الله يتمم عليكم بالخير .. واكيد ما بقصر مها : اوكي خوالي انا بسير ابدل ملابسي وعقب برجع ما بقى شي والجماعه بيوصلوا خوله بابتسامه : اوكي غناااتي اول ما تخلصي تعالي على طول هنيه تعرفين اخاف اتوتر مها : ان شاء الله خوالي اول ما اخلص بي على طول صوبج وعنــــــــــــد فاطمه وحمــــــــــــــود .. فاطمه كانت يالسه تصيح وهي تبدل ملابس مايد .. حمود بعصبيه : فاطمه تراج مصختيها فكري في عيالج شوي فاطمه : انته ما يخصك خلك في حالك يكون احسن حمود وهو منقهر من ردها : لا والله ... وسويتي اللسان بعد فاطمه بضيج : حموود خلني في حالي مب ناقصه عوار راس حمود وهو ينقهر زياده وحب يقهرها : اوف متى اتزوج مريم وارتاااح فاطمه وهي منقهره وقامت وصكته بكف : تبا تتزوجها هاه .. ليش ماخر الموضوع ابوها تحت وسير اطلبها منه حمود بضحكة سخرية : لا تستعيلين فديتج بالاول ابا احرقلج اعصابج وعقب بتزوجها وبحطها على راسج فاطمه وهي تضربه على صدره : انته ليش تبا تقهرني وتغثني .. ليش تبا تموتني وانا حيه حمود ويقرب من اذونها وبعصبيه : ويوم تحبيني ليش خنتيني هاه فاطمه وعينها تدمع : انته متى بتفهم اني انا ما خنتك .. ولا فيوم طالعت رجال غيرك .. ليش تبا اطلعني خاينه غصب حمود يقاطعها : لو اني سامع من احد كنت بطوف وبصدقج .. لكن انا شفت بعيني فاطمه وهي تتنهد : الظاهر مهما سويت وحاولت ابين لك انك ظلمتني ويالس تظلمني ما فيه فايده منك حمود وهو يضحك : ايوه زين فهمتي انا ريال واللي سويتيه يخليني اثور من داخل .. انا مش ديوثي عسب اشوفج تغلطين واطوف واقول اسامحها هالمره واقنع نفسي انها ما سوت شي.. وربي لا تدفعين ثمن هالشي غالي-قالها بحقد- فاطمه تقاطعه : حمود انا ما خنتك ومستعده احلف لك ع المصحف الشريف حمود : لا تكملين يا فاطمه انتي طحتي من عيني خلاص .. وسمعيني امي وابوي بدوا يشكو حتى خواتي عسب جذا .. خلينا جدامهم حبايب ويوم نكون مع بعض انثينه مجردين من كل الاحاسيس فاهمه ولا لا فاطمه وادموعها اربع اربع : حمود انته زوجي ... اذا انته ما وثقت فيني منو بيوثق هاه ؟؟!!! حمود يقاطعها : محد بيصدقج غير الانسان التافه اللي ما فيه غيره على اهله فاطمه وهي تمسكه من ايده : حمود حط عينك بعيني وقولي انك بطلت تحبني حمود وهو يخوز ايدها : فاطمه قتلج لا تقربين مني لحد ما ادور حل لهالمصيبه اللي حطيتيها على راسي فاطمه بتوتر : اشو قصدك ناوي تخبر اهلك حمود يقاطعها : لازم يعرفون هالشي .. ومصيرهم يعرفون اليوم او باجر عن اذنج فاطمه والدنيا تدور فيها وادموعها اربع اربع : اشو اللي قاعد يصير انا لما شفت صوره مع مريم سكت بس لسبب واحد عسب ما افضحه عند اهله واصغر قيمته جدامهم .. وهو الحين بكل سهوله يبا يتهمني ويقول اني اخونه لا ما صدق .. هذا مش حمود ياربي اشو صاير في هالدنيا .. ليش الكل صار يتبدل ويتشكل كل يوم بلون ليش يا حمود ليش .. الا انت ما توفعت انك تسوي فيني كل هذا .. الا انته يا حمود ليش !! ليش !! ليش !! حمود وهو يستند على الباب ويصيح: سامحيني يا فاطمه ما ودي اسوي فيج كل هذا .. ودي اصدقج واوهم نفسي انه فيه احد مسويلج هالمقلب .. بس انا اول مره احس اني مرتاح .. وفرحان لانج سويتي هالموقف معقوله السبب حبي لمريم وهو اللي مخليني اتصرف بانانيه ولا يالس افكر لا بزوجتي ولا باهلي ولا حتى بعيالي .. معقوله مريم قدرت تشعل الحب اللي دفنته بداخلي وخلته ينفجر على شكل بركان .. يارب ساعدني وسامحني وار شدني لطريق الصواب .. فهد اول ما شاف حمود راح صوبه : حمود بلاها حالتك جذا .. ليش يالس تصيح فاطمه بخوف : حمود يالس يصيح وركضت صوب برع واول ما فتحت الباب حصلته يالس ع الارض فهد بتوتر : فاطمه اشو اللي مستوي .. ليش حالتكم متبهدله جذا .. انتي عيونج مورمه من الصياح وحمود حالته متبهدله فهموني الحين اشو مستوي فاطمه بتوتر : فهد لا تشغل بالك ما صاير شي روح تحت وخبر عمي انه حمود احينه بينزل لا تحسسه انه مستوي شي فهد :فاطمه الله يخليج انا مب ياهل تقصين عليه بهالكم كلمه بتفهميني احينه اشو مستوي والا افهم الموضوع بطريقتي فاطمه بخوف : فهد الله يهداك محشوم انا مب يالسه اقلل من قيمتك انته الحين حاول تغطي غياب حمود وانا عقب بيلس معاك وبفهمك كل اللي يالس يصير فهد وهو يطالعها : توعديني فاطمه وهي اطالع حمود : وعد فهد بس الله يخليك خلني بروحي مع حمود فهد : اوكي فاطمه بنتلاقى عقب اول من رخصتكم فاطمه وهي تيلس ع الارض : حمود غناتي بلاك اشو اللي صار عليك حمود وهو يصيح فحضنها : فاطمه ليش سويتي فيني كل هذا ليش بعتيني برخيص فاطمه وهي تتنهد : وغلاتك عندي يا حمود اني بريئه ومستحيل امس كرامتك بشي وصخ شرات هذا حمود بعصبيه : عيل اللي شفته اشو فهميني اشو معناته مها تركض بخوف وكانت يالسه تلف شعرها : بسم الله الرحمن الرحيم اشو مستوي هنيه حمود وهو مب عارف شو يالس يقول : اسألي الخايسه هذي فاطمه بضيج : انا بسكت عنك احينه لاني عارفه انك تعبان ويالس تقول كلام فاضي .. مها وهي تمسكها من ايدها : فطوم خبريني اشو اللي صاير فاطمه بضيج : خلينيي يامها الله يخليج وصدت صوب حمود .. حمود اذا تبا تتزوج مريم انا موافقه .. وانا مستعده اخطبها حقك وارقص فعرسك بعد .. اهم شي تكون مرتاح وما اشوف دموعك مرسومه على خدك وراحت حجرتها حمود فخاطره : سامحيني يا فاطمه عارف اني اناني بس انا تايه من جهه صورتج مع ولد خالتج .. ومن جهه مريم مها بضيج : حمود حرام عليك .. والله لو انا فمكان فاطمه كنت طفشانه ومودره البيت من زمان .. الزم ما على الانسان كرامته وانته كل يوم يالس تهينها عسب وحده باعتك وسبت اهلك وعايرتهم بالفقر .. اصحي يا حمود اصحى حمود وهو يمسح دموعها :انا داخل ابدل ملابسي مها وهي توقف جدامه وتاشر على راسه : حمود فكر بهذا وحطت ايدها على قلبه مش بهذا عن اذنك حمود اول ما دخل حصل فاطمه تصيح : فاطمه مسحي دموعج خوله تعتبرج اكثر من اخت وهي محتاجتلج الحين اكثر من اول .. عسب جذا انسي كل اللي صار بينا ووقفي معاها .. فاطمه وهي تتنهد وتمسح دموعها : فعلا حمود كلامك صح .. محد يستاهل دمعه من عيني .. عسب جذا ما راح افكر الا بنفسي وبالناس اللي تحبني وتحاتيني وانت سوا اللي براسك انا ما عاد يهمني شي بسير ابدل من رخصتك حمود بضيج : سامحيني يا فاطمه الله يخليج سامحيني بس اللي سويتيه صعب اي ريال يقدر يستحمله مها كانت معصبه واخذت التلفون ودقت لمريم : انا لازم اوقفج عند حدج لهنيه وكفايه مصختيها وايد مريم بابتسامه : ساروه طالعي هذي مها شو تتوقعين تبا .. اكيد تبا تاخذ رايي فميكبها .. ساره : انتي ردي وبتفهمين شو السالفه .. مريم بدلع : هلا مهاااااا اشوووووو !!!!!!!!!!!!!!؟؟؟ مها بعصبيه : سمعي يا مريم بعدي عن حمود احسلج .. الريال عنده حرمه وعيال واللي يالسه تسويه لا يرضي لا الله ولا رسوله .. فيا تبعدين بالطيب او بيكون لي تصرف ثاني معاج مريم بعصبيه : حووووه انتي ليش اتصارخين علي .. صارخي على اخوج وخليه هو يبعد عني يالس يركض ورايه من مكان لمكان .. صدق حاله يسوون سواتهم ويقطونها على راسي .. ساره بتوتر : مريم فهميني اشو اللي صاير وليش صوت مها عالي مها وهي تتنهد : شوفي مريم انتي مش غريبه علي وفاهمه كل حركاتج .. وانتي السبب بكل اللي يالس يصير بينهم مريم تقاطعها وهي تصارخ : مها ترى انا وايد عطيتج ويه واذا حمود يباني بالحلال ليش ما اوافق وانتي شو حارج اصلا من الاساس انتي مش من حقج ادقين وتعاتبيني هذي حياتي وانا حره اوافق او لا مها بضيج : مريم انا حذرتج وانتي عاد بكيفج وصكرت فويها وفرت التلفون فوق الشبريه .. مريم بعصبيه : والله لا اخليها تدفع ثمن كل كلمه قالتها انا اراويها هالماصخه ساره بتوتر : مريوم فهميني اشو اللي صاير مريم بعصبيه : فاطمه متهاوشه مع حمود وحاطين السالفه على راسي انا شو سويت ساره وهي تتنهد : للاسف كل كلمه قالتها مها صح .. انتي وراء كل المصايب اللي يالسه تصير مريم وهي تبا تضربها بكف بس وقفت : ساره لهنيه وبس انا ما اسمحلج ساره وهي توقف جدامها: بلاج وقفتي ضربيني .. مريم كافي الله يخليج اعقلي وخلي حمود فحاله مريم بعصبيه : شوفوا بالاول كنت مفكره اخليه عند زوجته وعياله بس الحين مستحيل اخليه وانا بتم وراه لحد ما يتقدملي واصير زوجته واقهركم وافش غلي فيكم .. اراويكم ساره بضيج : الله يكملنا بعقل .. ويبعدنا عن طريق الحراااام مريم بعصبيه : ساروه انتي وحده بلا احساس احينه انا اختج ولا هالخايسه مها .. بس مب مشكله الايام بينا وربي لادمرج مهوي ولا راح اخليج تتهني طول ما انا عايشه صبرج علي بس .. اوف ما يخلوا الواحد يرتااح فاطمه تكشخت وبدلت ملابسها وصارت صوب حجرة خوله مها بضيج : يالله ما ادري لحد متى بتم مستحمله هالمريم احسها غيمه سوداء وما بتنزاح بسهوله خوله بضيج : مهوي الله يخليج خلي هالكوافيره تخلص بسرعه .. اكيد فاطمه محتاجتلي مابا اخليها بروحها فاطمه اول ما سمعت رمست خوله دمعت عينها : خوالي انا هنيه غناااتي ولا تحاتين شي انا ما فيني الا العافيه .. اليوم فرحتج ولازم تنسيني وتفكرين بس فنفسج خوله وهي تمد ايدها : فطوووووم انا من لي غيرج وصدقيني راحتج ابداء مني ومن نفسي فاطمه وهي تمسك ايدها وتحضنها : وانا لاني احبج واموت عليج نسيت كل همومي وقلت افرح معاج .. وبعدين لحظات الفرح مب دايما تتكرر عسب جذا خلينا نستانس اليوم ونطمش على ام محمد خوله وهي تنفجر ضحك : لا حرام عليج خلي الحرمه في حالها .. كافي مها ناويه عليها اليوم مها تقاطعم وبابتسامه : صادقه فطووم وربي خاطري ومتحمسه اشوف عيوز النار شو مسويها بحالها اليوم خوله وهي اونها معصبه : لا عاد لهنيه وبس انا ما اسمحلكم .. هذي عمتي ولازم تحترموها مها وهي ميته ضحك : الله والعمه عااد .. صدق انها تشرررررررررف ولا شرايج فطوم فاطمه بابتسامه ممزوجه بحزن : درر مهوووي انتي دومج صح وخوله الغلط خوله بابتسامه : وليه بيقلبوها علي احينه ام حمود كانت يايه تزقرهم ومعصبه من خاطر : لعنبوه انتن وين العرب بيووا ولا وحده فيكم نزلت مها وهي تحضن امها : امايه حبيبتي لا تعصبين عسب ما تستوين عيوز بسرعه خليج ريلاكس ام حمود بعصبيه : عيوز فعينج يالله طوفن جدامي خوله بدلع : امايه انا انزل .. ام حمود : لا حبيبتي انتي تنزلين عقب .. هذي العادات مها وهي اونها زعلانه : امايه انا مالي خص .. انا بعد بنزل مع خواااالي .. ام حمود : فطوم انا بنزل وهاتي مها من شعرها وانتظرج تحت لا تتاخرين .. نفس ما قتلج من شعرها مها وهي اونها زعلانه : امايه حرام شعري بيخترب .. رفقا بالقوارير فاطمه وهي تمسكها من ايدها : اقول انتي هذرتج ما تخلص خلينا ننزل بالطيب لا اشدج من شعرج .. مها بخوف : لا الله يخليج من الصبح وانا يالسه اسنعه يالله طوفي جدامي وانا بنزل وراااج فاطمه وهي تهز راسها : لا حبيبني هاللعبه مش علي انا تبين خالوه تعصب علي يالله طوفي جدامي مها : اوووف منج طالعه قويه شرات امايه خوله وهي ميته ضحك عليهن : يحليلكن تكسرن الخاطر الله يديم المحبه .. ~ ~ ~ ~ ~ ~ ~ ~ ~ ~ ~ ~ ~ ~ ~~ ~~ ~ ~ ~ ~ ~ ~ ~ ~ ~ ~ ~ ~ ~ فـــــــــــــي آلسياره روضه : خلود متى بنوصل بيتهم وايد بعيد .. خالد : والله عاد شو نسوي نصيبنا جذا بس لا تشغلين بالج شوي وبنوصل روضه : خلووود والله متلهفه على شوفة خوله .. واخيرا بشوفها بو خالد وهي يضحك : روضه والله اللي يسمعج يقول انتي اللي ناويه تعرسين مش خالد روضه : باباتي بلاك قلبت علي ما سويت شي .. وحده ومتلهفه على شوفة حرمة اخوها فيها شي يعني ام محمد فخاطرها : الله والحرمه عااااااااااااااد وحده عمياء ومعتمده على غيرها بو خالد : لا يا بنيتي ما فيها شي اركدي قربنا نوصل روضه : خلود ياويلك لو طلعت وحده شرانيه ترى ما بوافق خالد بابتسامه : يا سلام ومنو انتي حتى ما توافقي الحمدلله ابويه بعده عااايش روضه وهي تضربه على ايده : دب وااااحد صدق انك ثقيل دم بو خالد وهو ميت ضحك على حركات عياله : بسكم هواااش ام محمد بلاج ساكته ام محمد بتوتر : هاه لا ما فيني شي بس ما عندي شي اقوله خالد بابتسامه : واخيرا وصلنااا روضه : اممممم صراحه بيتهم ناااايس ووشكله وااااسع بو خالد : ههههه وانتي ناويه تخطبين البنت ولا البيت روضه بدلع : باباتي انا اسوي حركات العيايز هالايام اول شي يشوفن المظاهر وعقب البنت بو خالد : يعني قصدج اذا البنت فقيره ما يزوجونها حق ولدهم روضه بابتسامه عريضه : بالضبط هذا اللي اقصده باباتي خالد وهو مستعيل : ابويه مطولين سوالف ولا ننزل بو خالد : لا ياوليدي تعرف اختك من تبداء تهذر ما تسكت .. يالله خلوننا ننزل فــــي آلميلس عند آلريــــآييل بو حمووود : فهد وين الدخووون الظاهر امك راح من بالها ياليت لو تروح وتذكرها فهد : ان شاء الله ابويه على امرك .. تامر امر بو حمود : لا تتاخر ما باقي شي وبو خالد وولده بيكونوا عندنا فهد راح يركض صوب المطبخ : امايه ... امااايه ام حمود : هاه فهود بلاك تنافخ فهد : امايه ابويه يقولج وين الدخون ام حمود : وليه تصدق رااح عن باالي انتظرني خمس دقايق وبيكون جاهز فهد : انزين امايه انا بترياج .. بس ليش هالخساير كلها .. امايه عادي اخذ حبه ام حمود وهي اطالعه بنص عين : جرب وبتشوف شو اللي بيصيرلك فهد بابتسامه عريضه : تصدقين امايه خاطري اسوي حركه من زمان ما سويتها ام حمود : فهووود بطل حركات الصغيرين وقر مكانك احسن لك .. ترى بهالخاشوقه على راسك فهد اول ما شاف امه صاده خذ حبة كيك وقعد ياكلها بشراهه ام حمود بعصبيه : فهد الظاهر انك ما تسمع الكلام انا اراويك فهد وهو يالس يركض وميت ضحك على امه .. امايه الله يخليج حبه وحده ما تضر روضه: خالوه نحن ندخل من هالباب ؟؟؟!!!!!!! ام محمد بدون نفس : هيه تعاالي الباب الثاني ميلس الرياييل ما تشوفين خالد وابوج ساروا هناك روضه وهي ترفع حواجبها : ما ادري الصراحه قلت يمكن بنيلس كلنا رباعه فهد اول ما بطل الباب حصل روضه فويهه روضه وقلبها يدق بسرعه وصرخت : لاااااااااااااااااااا فهد بخجل : سامحيني اختيه ما جان قصدي اخوفج ام محمد فخاطرها : وليه الظاهر كل اللي فهالعايله ميانين اللهم يا كااافي روضه بتوتر : ما عليه اخوي حصل خير فهد وهو مستحي من نفسه : سامحيني اختيه والله ما قصدي اسبب لج احراج عن اذنكم احينه روضه وهي طول الوقت واقفه متصلبه ولا ردت عليه .. كانت قاعده تتأمل كل شي فيه ام محمد : روضه بلاج واقفه خلينا ندخل .. روضه وهي تصد صوب فهد كانت خايفه وفنفس الوقت ودها تنفجر من الضحك لانه شكله كان متخيس بــ للكريما فهد وهو ياشرلها من بعيد : والله اسف ما كنت اقصد ام محمد بتوتر : روضه خلينا ندخل فضحتينا .. كليتي الريال بعيونج روضه وهي تنتبه لام محمد : هاه خالوه شو كنتي تقولين من شوي ما انتبهت عليج ام محمد بعصبيه : اكيد ما بتنبهي خلينا ندخل احينه روضه وهي تصد صوب رواء بس ما حصلت فهد وضحكت : ياربي الظاهر انه هالولد مينون.. بس دمه خفيف ام محمد : روضه تكلمين نفسج روضه وهي ميته ضحك : خالوه يالسه اذكر هالريال اللي مر علينا شفتي شكله يضحك جان متخيس بالكريما ام محمد : انزين لاحقين على هالسوالف .. وبتشوفي وايد ؟؟!!! بعدج ما شفتي شي للحين مها وفاطمه اول ما شافوهم راحوا صوبهم فاطمه بابتسامه : يحي الله بمن شرفنا حدروا البيت بيتكم مها وهي تبوس روضه : انتي اكيد روضه صح روضه بابتسامه : وانتي اكيد مها صح مها : ايه اخر مره تعارفنا جان بمضااارب وان شاء الله اليوم بقدر اعدل صورتي يمكن في البدايه تتحسبيني شرانيه وقوية عين بعد ولا انا غلطانه روضه وهي ميته ضحك وتتذكر كلام ام محمد : هيه بصراحه فاخر مره خفتج اطقيني مها بابتسامه : حشا مب لهالدرجه عاااد............... تراني طيبه وحبوبه فاطمه وهي تسلم على روضه : شحالج روااضي حدروا لا تموا واقفين ع الباب مها : تفضلوا تو ما نور المكان تفضلي خالوه البيت بيتج وخذي راحتج ام حمود وهي يايه صوبهم : تفضلوا بلاكم واقفين عند الباب حدرووا البيت بيتكم روضه وهي تصد صوب وراء وتحاول ادور على فهد بس ما حصلته وعقب صكرت البشكاره الباب .. مها : روضه حدري حبيبتي بلاج واقفه روضه وهي مستحيه : لا فديتج بس اترياج تقوليلي دشي فـــــي آلميلس بو حمود : حيالله بو خالد وخالد تو مانور المكان بو خالد : بوجودكم اشحالكم وش اخر علومكم وكيف الدنيا معاكم بو هلال بابتسامه : انته تفضل استريح وعقب بنتفاهم على كل شي لا تم واقف خالد وهو يسلم على حمود : شحالك حمود حمود : يسرك حالي بو الوليد انته شحالك خالد : الحمدلله ماشي حالنا نشكر الله وراح صوب فهد واول ما شافه كانت فيه كريمه فوق شفايفه ومسحها بايده فهد وهو ميت ضحك: خلووود كانت كريمه صح خالد وهو يضحك : هيه اعترف شو ماكل فهد وهو يتذكر ويحاول يفهم ليش روضه خافت منه: والفشيله صدق انفضحت خالد باستغراب : حوووه نسيت اني ربيعك يعني من جهتي عااادي واذا فيه حد ثاني عاد هذا شي يرجعلك فهد بتوتر : لا انا ما قصدت احد ثاني كنت اقصد ابوك خفته شافني بس ما علق خالد بابتسامه : تحريت بعد فيه احد ثاني شافك واذا على ابويه لا تشغل بالك تراه وايد يطوف وينسى على طول.. :: :: وهذي احداث اللحظة الرابعة عشر انتهت على خير ومضت بحلوها ومرها تابعوني في احداث اللحظة الخامسة عشر وقد وضعت بعض مقتطفاتها فاترككم بحفظ الله ورعايته ولا تنسوني من دعواتكم لي بالتوفيق | ||||
|
| |
|
27-06-13, 07:07 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اللـــــحظة آلخــــآمسة عشرة :: :: الفصـــــل ألـــأـ ولــ مها بابتسامه : يحي الله بمن زارنا وشرفنا .. تو ما نور البيت روضه : الله يحييج حبيبتي وتمت ادور بعيونها ... الا وين حرمة اخويه خاطري اشوفها واسولف معاها مها وهي تسوي روحها معصبه : بعدها ما صارت حرمة اخوج .. وبعدين نحن الظاهر مش قد المقام روضه بابتسامه ممزوج بشويت خوف وتوتر: لا الله يخليج لا تفهميني غلط انتوا على عين والراس مها وهي شوي بتنفجر من الضحك : روضه بلاج حبيبتي ؟؟!!! احسج توترتي وخفتي ترى كنت امزح معااج روضه وهي تاخذ نفس عميق : داريه فديتج بس تبين الصدق وربي تحريتج تتكلمين !! صراحه خوفتيني ام حمود : مهوي بسج هذره وسيري خلي خوله تنزل قوليلها الجماعه وصلوا مها : اوكي امايه الحين بروووح فاطمه تقاطعها : مهوي غناتي انتي خليج عند روضه وانا بروح مها باقتناع : اوكي حبيبتي على رااحتج خوله بتوتر : ياربي ليش محد يا يخبرني اذا خالد واهله وصلوا او لا فاطمه تقاطعها : بلاه المزيون يالس يتكلم بروحه خوله بخوف :: فطوم انتي هنيه .. هاه خالد يااا فاطمه : وانتي كل اللي هامج بس خاالد .. خوله بخجل : وفيه احد اغلى عن خالد فديت روحه والله فاطمه وهي تحضنها : هيه اشعليه خالد الظاهر كل الدلع بيروحله ونحن لنا الله خوله بابتسامه : فطوم بس عاد عن اللقافه وخلينا ننزل .. لا نتاخر عليهم فاطمه : على فكره اخته روضه يايه معاه .. وشكلها وايد طيبه وحبابه لا وفوق هذا غرشوووب خوله بحماس : تصدقين عاد خاطري اتعرف عليها .. يالله خلينا ننزل بسرعه فاطمه : أثقلي يا بنيه اخاف يغيرون رايهم خوله بثقه : انا كل اللي يهمني بس خلود والباقيين يجوا عقبه والا شو رايج فاطمه :على قولتج .. المهم هاتي ايدج وخيلنا ننزل خوله : يالله فديتج سرينا مها بابتسامه : هاه رواضي خبريني كيف الاختبارات للحين ان شاء الله سهله روضه : الحمدلله للحين سهلات والله يستر من الياي مها : لا فديتج لا تشغلين بالج انتي شدي حيلج وتوكلي على الله وكل شي بيتسهل روضه : ان شاء الله يارب الله يسمع منج .. واول ما لمحت خوله انبهرت من جمالها وصدت صوب مها .. مهووي هذي حرمة اخويه ولا وحده من حريم اخووانج... مها وهي تضحك : لا فديتج هذي خوله بشحمها ولحمها .. تعالي بعرفج عليها .. وراحوا صوبي خوله .. خوووالي فديتج هذي روضه اخت زوج المستقبل خالد خوله وهي تمد ايدها : هلا رواااضي شحاالج روضه وهي تسلم عليها وتبوسها على خدها : هلا الغاليه هلا بحرمة اخويه .. واخيرا تعرفنا عليج .. خالد كل يوم يكلمني عنج لدرجة فكرت اني اسويلج رواية خوله وهي تضحك : ههههههه حشا مب لهالدرجه عااد فاطمه : امم الظاهر بتموا واقفين وانا بصراحه رويلاتي تعورني فلو نيلس يكون احسن ام حمود : فاطمه تعالوا يا بنيتي لا تمن واقفات فاطمه : عموه من شوي يالسه اخبرهن اني تعبت من الوقفه مها : روضه خوالي خلونا نيلس ... ونسولف على راحتنا .. لا تعصب علينا امايه وعقب الله يسترها روضه فخااطرها : ما شاء الله عليها تبارك الله فعلا الله ياخذ شي ويعطي شي .. والله وعرفت تختار يا خالد مها وهي اطالعها بنص عين : روضه الظاهر انج بتمين واقفه روضه وهي مستحيه : هاه مهوووي لا فديتج يا الله خلينا انسير صوبهم ام محمد وهي سرحانه : والله هـ البنت من جهة حلوه حلوه .. بس اللي شاغل بالي خالد كيف بيقدر يعتمد عليها .. اكيد منبهر من هـ الجمال ... بصراحه لو انا ولد جان ما فوتها .. صدق حليوه .. بس مش احلى مني الله خلق وفرق مها وهي اتصاصخ خوله : بلاها عيوز الناااار سرحانه .. لا ومتمكيجه بعد .. خوالي تصدقين طالعه احلى عنج خوله : مهووي عيب حبيبتي .. وطي صوتج اخاف روضه تسمعج وتزعل مها : خوله تعرفيني لو ما قلت اللي في خاطري ... احس اني بنفجر .. فخليني اعلق براحتي اوك فاطمه : خوالي فديتج خليها على راحتها .. هذي هي وفهد للي حطوا شي فراسهم يلسوا يعلقوا عليه روضه كان ودها تعرف منو هذا اللي شافته عند الباب بس استحت تسأل وقطع حبل افكارها صوت ام حمود ام حمود : مهووي غناتي دقي على فهد وخليه يجي صوب المطبخ اباه فشغله..سوا سواته وشرد وما قدرت الحق عليه مها وهي تضحك : ههههه امايه الله يهداج يعني ما تعرفين حركات فهد كل همه بطنه خلاص احينه بدقله .. روضه بابتسامه : اممممم يعني اسمه فهد .. صدق خفيف دم .. ضحكني عليه من خااطر . مها وهي تتصل بفهد : الو فهووود .. تقولك امااايه تعال تباك فكم شغله فهد : مهوووي احد حذاج اعترفي .. وبعدين جم مره قايلج لا تقولين فهد وتصغرين قيمتي جدامهم مها بصوت عالي : وليه فهود انته ما عندك سالفه الصرحه!!يا الله بس هذره وتعال ترى لي تاخرت امي بتعصب عليك فهد وهو اونه معصب : انزين مهوووي الحين ياي صدق انج قوية عين ما ادري على منو طالعه .. مها بابتسامه : اكيد على اخويه فهد فديته روضه كانت يالسه تشرب عصير واول ما سمعت اسم فهد ارتبكت وانكب على ثيابها فاطمه بتوتر : روضه وليه ملابسج توصخت اشو رايج اوديج الحماام ( اكرمكم الله) روضه وهي مستحيه وويها تلون بسته وستين لون : لا فاطمه يلسي مابا اتعبج بروح بروحي بس اوصفيه حقي فاطمه بابتسامه : لا فديتج عادي ما فيها تعب روضه قاطعتها : لا والله ما تنشين .. وبعدين ما قلتي من شوي البيت بيتنا .. ولا لحقتي تنسين فاطمه بابتسامه : امم احرجتيني الصراحه .. خلاص فديتج امشي سيده وبتحصليه على يسارج روضه : اوووكي حبيبتي مشكوووره من رخصتكم خوله بابتسامه : يحليلها روضه شكلها طيبه وحبابه .. اكيد حلوه صح مها : اكيد حلوه فديتج لانه خالد يصير اخوها خوله وهي اونها معصبه : مهوووي عن اللقافه .. مها بابتسامه : بصراحه ما شاء الله عليها وايد حلوه ورزينه وعااقله .. وشكلها محترمه ويعتمد عليها .. روضه وكانت معصبه وبدون ما تنتبه دشت المطبخ : احينه هذا وقته ينكب العصير فووقي والله استحيت اوف بس انا استاهل محد قالي اسرح .. احد يسرح وقلاص العصير في ايده .. صدج اني مغفله .. وغبية بعد فهد جان ياي صوب المطبخ و يالس يغني حق امه عسب ترضى عليه : يا ست الحبايب يا حبيبه .. يا اغلى من روحي ودمي .. يا حنينه وكلك طيبه .. ياربي يخليكي يا امي .. ماماتي سامحيني وما بدش المطبخ لحد ما تسامحيني روضه اول ما سمعت صوت فهد ارتبكت : وليه هذا شو يابه احينه .. احسن شي اشرد قبل لا يشوفني واتوهق فهد : اممم الظاهر الحلوه معصبه علي من خااطر .. احسن شي ادش وارضيج روضه اول ما يات تطلع وقف فهد جدامها وكان مغمض عيونه .. فهد وهو اونه يصيح : امايه سامحيني روضه بتوتر : ....................................... فهد : امايه الله يخليج سامحيني .. بس والله الكيكه شهتني عسب جذا خذيت حته .. ما قصدي ازعلج مني روضه بخجل : عفوا اخويه انته غلطان عن اذنك .. فهد اول ما بطل عيونه وشاف روضه تغير لون وجهه ونزل راسه الارض : عذريني اختيه تحريتج امايه روضه ودقات قلبها تتسارع ومنزله راسها الارض: ما عليه اخويه حصل خير .. وبعدين انا من كثر ما كنت مستعيلة دخلت المطبخ بدون ما احس وما انتبهت .. عسب جذا لا تشغل بالك من رخصتك احينه فهد وهو منبهر من ادب روضه : اوكي اختيه اللي يريحج روضه وهي تترياه يسويلها طريق بس فهد تم واقف مكانه وكان يطالع روضه بتمعن .... وهي ميته من الخجل روضه بتوتر : عفوا اخويه ممكن طريج .. فهد بخجل : اااه سامحيني اختيه ما انتبهت اني واقف ع الباب .. الظاهر اني اليوم وايد غلط عليج .. امسحيها فويهي من رخصتج احينه .. وياليت لو تعذريني ..كل شي صار غصبا علي .. روضه ونظراتها تتبع فهد وعقب يلست تتنهد وسرحت:ياربي هالولد فيه سحر غريب..للحظة حسيت نفسي اعرفه من زمان .. حتى قلبي احسه بينفجر من كثر ما صار ينبض بسرعه .. بس صدق هالشخص غير واحس دمه خفيف .. فهد هو بعد جان سرحان : ياربي انا شو سويت فهالبنيه صار ويها احمر .. بصراحه انا وايد مصختها .. اول شي خوفتها وجان شكلي متخيس بالكريما واحينه خربتها ع الاخر وانا اتحسبها امايه .. يا الله الصراحة مستحي منها مها وهي تقطع حبل افكار روضه : مساء الخير يا حلوه صارلي ساعه اكلمج وما تردين .. الفار اكل لسانج روضه وهي سرحانه : يالله شو هالشعور اللي حسيته اول ما شفته .. وليش قلبي يلس يدق بهالشكل .. احس نفسي تايهه ولا قادره اركز .. الله يسامحك يا فهد .. حركاتك كلها يات فوق بعض .. عسب جذا شغلتلي بالي مها وهي اتصفق : انتي يا حلوووووه صح النوم يا ماما .. اصحي روضه وهي تنتبه لمها : مهوووي انتي هنيه تصدقين عاد ما انتبهت مها بابتسامه : والله تبين الصدق صارلي ساعه واقفه هنيه .. وانتي ولا على بالج يالله اعترفي بشو سرحانه روضه بتوتر : هاه مهوي اشو يعني بيكون شاغل تفكيري غير هالدراسه وبس .. وبعدين انتي شو يابج هنيه مها وهي تضحك : هههه انتي اللي شو يابج هنيه .. مو على اساس سايره الحمام (اكرمكم الله) اشو وداج المطبخ روضه وهي متوتر ه : وانا شو دراني كنت مستعيله وما حسيت نفسي غير واقفه هنيه .. يعني ضيعنا الطريج مها بابتسامه : ما عليه فديتج المهم طمنيني غسلتي ملابسج روضه وهي تتنهد : هيه خلاص يالله خلينا انروح احينه .. شكلي وايد تأخرت مها تقاطعها : من جهة تاخرتي تأخرتي وايد .. وبعدين سيري بروحج انا بتريا فهد امي موصيتني ابلغه بكم شغله روضه اول ما سمعت اسم فهد صار لون ويها احمر : خلاص عيل ارو ح انا الحين .. وانتي يوم تخلصين الحقيني اوك مها :اوك يا حلو بس ممكن سؤال .. اممم ويمكن يكون محرج شوي روضه : تفضلي مها اشو فخاطرج واذا قدرت اكيد برد عليج مها بابتسامه وهي تغمزلها : خبريني ليش ويهج صاااير احمر .. شايفه شي !؟؟!! يا الله اعترفي روضه بتوتر : هاه ويهي احمر الله يهداج مهوي .. انا دايما لما يصيرلي موقف يستوي ويهي جذا .. وبصراحه استحيت من امج وحرمت اخوج .. ما ادري كيف طاح العصير على ثيابي .. وها كل السالفة ارتحتي احينه مها بابتسامه : ايه خلاص ارتحت واسمحيلي لو سؤالي سببلج اي احراج .. بس تأكدي ما كان قصدي شي غير اطيح الميانه بينا وعسب ترتاحيلي وارتاحلج .. واحينه تقدري تروحين روضه بابتسامه : افا عليج مهووي بالعكس ما سببلي اي ازعاج .. يا الله احينه من رخصتج مها وهي تسويلها باااي : اذنج معااج حبيبتي ~~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ فــــــــ بيت بو هلال ـــــــي الكل كانوا متجمعين على طاولة العشاء ويالسين يتعشوون مريم وهي تطالع هلال بنظرات غريبه : والله دنيا منو جان يصدق انه خوله بتتزوج ساره وهي اطالعها بنص عين : وليش ان شاء الله ناقصه يد ولا ريل تراها حالها من حالج .. مريم بطنازه : لا ما جان قصدي جذا .. بس تصدقين استغربت الموضوع وبس .. نحن بكامل حواسنا ومحد حاف صوب بيتنا يبا وحده فينا .. وطالعي هذي حظها يشق الصخر ام هلال : مريم هذا نصيبها بس تبين الصدق ما ظنتي بتستمر مع خالد .. والايام بينا وبذكرج .. ساره وبعصبيه : وليش ان شاء الله ؟؟!! امايه لا يكون تقرين الطالع عسب جذا توقعتي كل هذا وبسرعه بعد ام هلال بطنازه : شوفي حبيبتي يعني وحده عمياء مب قادره تهتم فنفسها خبريني بالله كيف بتهتم بريلها ساره بضيج : امايه خوله ما شاء الله عليها تقدرين تعتمدين عليها واثبتت هـ الشي اكثر من مره .. وبعدين انتي ما عايشتيها عسب تحكمين عليها بهالشكل..امايه اللي تقوليه ما يصير؟؟!!بدل لا تدعون الله يوفجها يالسات تفاولن عليها ام هلال : والله هذي عاد حرية رأي .. والشي اللي انا يالسه اشوفه للاسف عمج وخالتج ما شافوه ؟؟!!! .. ما صدقوا على الله بنتهم تنخطب ؟؟ قالوا نقطها عليه ونرتاح من الهم اللي شلناه فوق راسنا طول هـ السنين مريم تقاطعها : صادقه اميه اكيد اهلها ملانين منها .. عسب جذا يبون يلزقونها فحي الله واحد .. ساره بضيج : بس اللي خاطب خوله مش حي الله واحد .. هذا ولد واحد من كبار البلد .. وكافي حسد عاد ام هلال بعصبيه:ساروه احينه نحن استوينا حاسدات الله يسامحج..وبيج يوم وبتذكرين كلامي وبتقولي امي قالت وصار مريم وهي اطالع هلال : بلاه هلال سكت ولا شاركنا الحواار .. ولا لانه الكلام يخص اخت حرمتك هلال بضيج : سوالف حريم انا شو دخلني .. قولن اللي يريحكن .. بس لما تكون مها فهالبيت ساعتها بتكلم وما بسمح لاي شخص انه يقلل قيمة واحد من اهلها .. لانه اللي يمسني يمسها ساره وهي تطالع هلال بنظرات حزن : مريم مالج شغل فهلال ونفس ما قال هذي سوالف حريم يعني ما منها فايده مريم وهي تلعب بشعرها : امايه افرضي انه هلال تقدم حق خوله مش مها اشو جان بيكون شعورج ساره وهي تحاول تخفي دموعها وردت على مريم بعصبيه : مريم تراج مصختيها هـ الشي ما يخصج ام هلال بعصبيه : ساروه بلاج مستويه شرات الكبريت .. وبعدين لو هلال جان راسم على خوله لا انا امه ولا اعرفه هلال بضيج : امايه ليش .. بس لانها عمياء تبين تحرمينها من ابسط حقوقها ام هلال تقاطعه : شوف هلال انته ولدي الوحيد وبصراحه انا ابا ازوجك شيخة الحريم .. وتبا الصراحه لو كنت ماخذ خوله انا اول وحده بترفض .. وبتشوف اللي ما يسرك .. بس يا الله انمشي الحال فهالدعله مها .. شي اهون من شي هلال بعصبيه : امايه ما توقعت انه قساوتج توصل لهالدرجه .. خافي الله يمكن الله يبتليج بنفس مرض خوله ام هلال : اسم الله علي فال الله ولا فالك صدق انك بلا تربيه يالس تدعى علي وجدامي بعد ساره بضيج : امايه هلال ما جان يقصد .. بس هو حب ينصحج ويوم لج ويوم عليج ام هلال : حشا بلاكم انتوا الاثنيه قلبتوا علي .. لا وصرتوا تدعون علي انه استوي عمياء لهالدرجه تكرهوني وتحبون خوله اكثر عني .. صدق انه ما فيكم خير .. سديتوا نفسي هلال وهو يطلع من طوره : امايه اسمعيني كثر ما غلطي على خوله مابا اشوف هالشي يتكرر مره ثانيه ..ولا بتشوفوا اللي ما يسركم .. وبعدين اخطب مها – خوله هـ الشي يرجعلي بروحي .. ونحن كبرنا ومحد يقدر يفرض رايه علينا مريم بطنازه : امايه تصدقين عاد بديت اشكك انه هلول منقهر من شي والظاهر انه جان راسم على خوله مش مها ولا! قاطعتها ساره : مريوم بلا هـ الكلام الفاضي اللي ما يقدم ولا يأخر .. هلال يحب مها وبيتزوجها وخلوا خوله في حالها هلال وهو يتنهد : سمعيني يا مريم التهي فمشاكلج احسن .. وعقب فكري بمشاكل غيرج .. وما يحتاج اوضح اكثر مريم بعصبيه : امايه شفتي ولدج هذا وانا اخته العوده وهو يالس يعايرني بحمود .. لكن اسمع يا هلال خبر يوصلك ويتعداك .. كل اللي في بالي بيصير لاني افكر صح .. مش شراتك اتخلى عن اللي احبه بكل سهوله هلال بعصبيه : هيه ما هو واضح انج تحبين من خاطر .. بس الظاهر نسيتي انج فظلتي الفلوس والجاه عليه وقطيتي حبج وراء ظهرج .. واحينه عقب هـ السنين تبي ادافعي عن شي صار ملك غيرج صج انج وحده غبيه وما تفكر بعقل ام هلال بعصبيه : اسمع يا هلال كله ولا تغلط على مريم فاهم ولا لا .. وهـ الموضوع قلنا نصكره لانه ما وراه غير صدعة الراس ولو جان حمود شاري مريم للحين الباب مفتوح ويجي في الوقت اللي يريحه..ما بنحصل احد احسن عنه ساره وادموعها اربع اربع : امايه حرام عليج لا تكبرين راسها ع الغلط .. والله حرام ترى حمود انسان واللي تسووه فيه لا يرضي الله ولا رسوله .. الريال مرتاح مع زوجته ليش تدخلون في النص .. وتخربوا حياته وبيته حمود بضيج : ساره خليهم ولا تعورين راسج في النهايه بتكتشفين انج يالسه تصارخين وسط صحراء ولا حد سامعج ساره وهي تمسح دموعها : امايه اخاف اللي يالسين تسووه يرد على راسنا .. ويحول حياتنا لجحيم .. خافوا الله مريم بعصبيه: الله والمثاليه عاد .. اقول ترى كلامكم ما يهمني ولا يحرك شعره من راسي والاهم من اللي يضحك في الاخير واذا حمود يباني بالحلال انا ما بقطع نصيبي وهالشي ما يغضب الله لانه هذي حكمته ورزقته فنفس الوقت فاهمه هلال : احس نفسي بختنق لو تميت فهالبيت اكثر .. من رخصتكم ساره : مريم صدقيني انج بتندمين .. يمكن بتستانسين سنه سنتين ثلاث .. لكن في النهايه بتصيحين بدل الدموع دم ام هلال بعصبيه : ساروه سمعيني سيري حجرتج ولا ابا اشوفج هنيه .. هذا اللي ناقص تفاولين على بنيتي ساره ودموعها تسبق كلامها :اصلا انتي تحبين مريم اكثر منا انا وهلال..تعرفين ليش لانها صايره تقلدج في كل شي مريم وهي تحضن امها : والله هذي امي ولو دلعتني بكون بنتها مش وحده غريبه؟؟!!! وللي سمعت شورها ونفذت كلامها وسويت اللي تباه بكون باره فيها مش وحده عاقه شراتج .. لا والقهر بكل عين قويه يالسه تصارخين في ويها ساره بضيج : ما جان ودي اغلط عليج اميه سامحيني .. بس انا تعبانه..وأحس اللي قاعدة تسويه مريم غلط عن اذنكم ام هلال : مريم اشو اللي تقصده ساره بالضبط ما فهمت عليها مريم وهي اونها مستحيه : امايه بصراحه حمود ناوي يتقدملي ام هلال : اشووووووووووووووووووووووو يتقدملج ومتى صار هـ الحجي مريم : امايه مش من زمان صارله تقريبا اقل من اسبوع ام هلال تقاطعها : انزين وزوجته .. وعياله .. وين بيوديهم مريم وهي اونها حزينه : امايه الصراحه انا اشترط عليه وقتله اذا تباني اتزوجك شرطي الوحيد انك ما تطلق فاطمه وتخليها على ذمتك .. تعرفين امايه انا مابا اصير خرابة بيوت .. وترى ساره وايد ظالمتني .. وتتحراني ما احب فاطمه ام هلال : سمعيني يا مريم انا ظلمتج في البدايه وقتلج لا توافقي لانه حمود حبيب القلب جان كل اعتماده على ابوه ودخله ما بيخليج تعيشين نفس ما كنتي عايشه في بيت ابوج وهـ السبب اللي خلاني ارفض .. اما الحين اذا خاطرج تتزوجينه فتاكدي اني بساعدج وبقنع ابوج وما يصير خاطر ج الا طيب .. راح اعوضج عن كل اللي سوويته فيج مريم وهي تبوس امها : فديتج امايه الله يخليج لي .. بس لا تخافين علي انا تربيتج وصدقيني ابويه بيوافق وهو يضحك بعد .. كل اللي اباه منج بس تدعيلي انه الله يوفقني ويتمهها لي ع خيرر .. ام هلال بابتسامه : ان شاء الله دوم اشوف هالضحكه على شفايفج .. وانا اقولج اذا بغيتي شي سوي المستحيل عسب توصلين له ولا تستسلمين بسهوله رغم كل العوائق اللي بتعترض طريقج انزين حبيبتي مريم وهي تحضن امها : الله يخليج لي امايه وبعدين انا صايره اقلدج في كل شي وانتي مثالي الاعلى .. عسب جذا لا تخافين علي .. فكري بساره اللي رقتها بتذبحها وولدج هلال اللي صاير يفكر بعقله ومتناسي قلبه ام هلال : اشو قصدج يفكر بعقله وناسي قلبه .. انتي تعرفين شي وما خبرتيني مريم بتوتر : هاه لا امايه .. بس انا من طريقة كلامه احسه ما يحب مها عسب جذا..يالله بسير غرفتي تصبحين ع خير ام هلال بضيج : وانتي من اهل الخير ... هيه هيه يا عيالي والله وكبرتوا وهمومكم زادت علينا .. الله يستر من الياي ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ فــــي بيـــــــت هنـــــــــــــآدي ام هنادي وهي تبوس راس هنادي : هنادي غناتي بشريني كيف صرتي الحين هنادي بتعب : بخير امايه الحين احسن .. انتي لا تشغلين بالج هذا كله بسبة الحمل ام هنادي : مسكين بو مشعل تم على راسج وعقب انا خليته يروح اخاف زوجته تشك وتسويلنا سالفه هنادي بضيج : لازم يتم على راسي .. ليش هو مب ريلي ان شاء الله ؟؟؟! وانا ما علي من احد وزوجته خليها تولي ام هنادي : هنادي بلاج حبيبتي وليش معصبه جذا .. ترى بو مشعل هو اللي وقفلنا يوم اخوانج تخلوا وتبروا منا وقالولنا انتوا فطريج ونحن فطريج .. ولا نسينا ما كلينا هنادي بضيج : امايه جميله على راسي من فوق .. بس انتي ليش عصبتي قتلج هذا زوجي ولازم يوقف معايه ام هنادي : لا هاي مش هنادي انتي اكيد وحده ثانيه بلاج قلبتي على الريال هنادي وهي تتنهد : امايه الله يخليج صكري على هالموضوع لاني مصدعه ومابا شي يكدرلي خاطري ام هنادي : هنادي حبيبتي خبريني صاير شي بينج وبين بو مشعل .. هنادي وهي تتنهد : لا امايه ما صاير بينا شي .. بس اوقات احس اني يالسه اكل فلوس حرام وانا ساكته عن هـ الشي ومرتاحه ولا اعترضت .. وكل يوم احس انه الله يالس يعاقبني ام هنادي بضيج : لا يا بنيتي انتي نصحتيه وهو قالج انه هذي فلوسه وحقه من ورث ابوه واخوه هو اللي نهبه ودارت الايام لحد ما رجع كل حقوقه وهذا حق والساكت عن الحق شيطان هنادي وهي تتذكر اللي صار بينها وبين مشعل : امايه اذا كانت هذي فلوسه نفس ما يقول .. ليش انا صارلي جذا وبدون ما تحس يلست تصاارخ وارتمت فحضن امها .. ليش يا امايه ليش .. ليش انا اللي ادفع ثمن أخطائه ليش ؟؟!!! ام هنادي بخوف : هناادي حبيبتي انتي شو تقولين انا مب فاهمه علييج .. وشو الثمن اللي دفعتيه هنادي وهي تضغط على بطنها : اميه انا هـ الياهل ما اباه لازم انزله..مابا شي يربطني بابو مشعل..الله يخليج ساعديني ام هنااادي : لا يا هنادي الا انتي ما توقعت هـ الشي منج؟؟!!! ناويه تتخلين عن ضناج؟؟ّ! يا بنيتي لا تبطرين على النعمه غيرج ما محصل .. وانتي بكل سهوله ناويه تودري هـ الخير؟؟!! نحن ما صدقنا على الله نحصل بيت يلمنا ويسترنا .. وبعدين يا بنيتي قتل النفس حرام .. الارواح بيد الله و يوم توصل ساعته بياخذه منج هنادي : امايه انا مش قادره استحمل هـ العذاب .. وكل ما احس انه هـ البذره تكبر فبطني كرهي لبو مشعل يكبر ام هنادي : بو مشعل !!!!!!!!!..و ليش تكرهينه .. انتي من الصبح يالسه تتحلطمين وانا مب فاهمه عليج هنادي وهي تتنهد : احسن لج يا امايه انج ما تفهمين شي .. وعقب انا بفهمج بكل اللي صارر ام هنادي : الله يهديج يا بنيتي .. وبعدين متى ناويه تخبرين بو مشعل انج حامل ؟؟!! اكيد بيستانس هنادي بضيج : لا تحاتين امايه مصيره يعرف بس مش الحين .. ام هنادي : انا اقول لو تخبريه احينه احسن يمكن من فرحته يكتب لج شي باسمج ونعيش طول عمرنا مرتاحين هنادي بحزن : لا تحاتين امايه صدقيني حقي باخذه .. اليوم او باجر مصيري اخذه .. والايام بينا ام هنادي بخوف : لا احسن شي اقوم اسويلج شي صاخن انتي الظاهر بديتي تخرفين ويالسه تتكلمين بالالغاز عن اذنج هنادي وهي تشد على بطنها : اه يا امايه لو تعرفين انه هالياهل ولد منو..جان خليتيني انزله ولا خليتيه يتم يوم واحد فبطني..بس شو اسوي هذا نصيبي واحينه ما اقدر اوقف في وجه مشعل اخافه يهددني يمكن اكون قويه جدامه بس وانا وارمسه احس قلبي يرجف من الخوف لكن ما عليه العب على نار هاديه احسن ومشعل يكفيني الحين ازرع فقلبه الخوف .. وفاقرب فرصه راح اخلي الكل يتشمت عليك وعلى غيرتك المزيفه .. قال شرف ههه صج سخيف ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ فــــــي بيــــــت سعيـــــــــــــــــــد خليفه جان يالس يزهب اغراضه لانه باجر عنده سفريه صوب لندن .. سعيد بابتسامه : هاه خليفه اشوفك يالس تزهب اغراضك خلاص عزمت خليفه : والله لو بشوري اتم طول الوقت معاكم بس شو نسوي هذي طبيعة شغلي سعيد : ما عليه نعوضها بس اهم شي لا تتاخر عقب اسبوعين ترجع مب قادر اصبر ابا اتزوج خليفه وهو يضربه بالمخده : والله انك واحد ما تستحي معقوله ناوي تعرس واخوك العود بعده عاازب هالكلام ما يصير سعيد وهو اونه معصب : وانا شو اسويلك انته مصكر قلبك ولا مخلي اي وحده تسيطر عليه وانا بصراحه مش مستعد أظل طول عمري وانا انتظرك ابا استانس بشوفة عيالي .. انا مستعيل الصراحه وانته خذ الوقت اللي يريحك خليفه وهو يتنهد : والله يا سعيد انا الحب الوحيد اللي مسيطر على قلبي من يوم وانا صغير هو الجو وللحين ما يات بنت الحلال اللي تغير قناعاتي كلها .. وبعدين انا مرتاح جذا .. الزواج مسئولية وانا بعدني مش مستعد سعيد وهو يرفع ايديه ويدعي : يالله يارب تهديه ويحصل باجر وحده تسيطر على كل تفكيره وتكلل موضوعهم بالزواج خليفه وهو منفجر من الضحك : ما شاء الله يالس تدعيلي ومن خاطر بعد.. لهالدرجه يالس على قلبك .. سعيد : تبا الصراحه ولا شي ثاني .. خليفه : لا ما يحتاج تقول شي لاني عارف جوابك ؟!!!!! عسب جذا خلني ازهب اغراضي واريحلي جمن ساعه سعيد : خلاص انته الخسران .. تامرني بشي انا بطلع عند الربع خليفه بابتسامه : لا سعوود مشكور .. خلني اشوفك باجر مابا اسافر قبل ما اسلم عليك سعيد : لا تشغل بالك باجر ما بتاخر فالمدرسه ساعتين بالكثير واكون عندك خليفه وهو يبوسله خشمه : على خير ان شاء الله يالله ورينا عرض مقفاك عفراء اول ما شافت سعيد : سعوود تعال على وين سعيد وهو اونه معصب : لو سمحتي اسمي سعيد .. وبعدين اسالج سؤاال لا يكون انتي زوجتي عسب تسأليني وين ساير ومن وين جااي.. هالشي ما يخصج ومش من حقج بعد فاهمه ولا لا ؟؟؟!!! عفراء وهءي طفرانه منه ومن حركاته : ولييييه تدري عاد روح من وين ما تبا انا مب ناقصه محاضره وفلسفه تيلس تعورلي راسي بروحهن هالكتب ملعوزاتني عسب جذا اسمحلنا خذينا وايد من وقتك .. عن اذنك سعيد : وليه بلاها هذي .. الظاهر انه في ماده ملعوزتنها من خاطر ورفع صوته عفاااااااااااري الله يساعدج حبوبه عفراء كانت يالسه تسوي عصير واول ما سمعت اسمها طاح لقلاص من ايدها : اوووف منك يا سعيد زين احينه حشا مب صوت عليه .. ما ادري كيف ساره مستحملتنه .. خلاص مابا عصير هونت ارجع اذاكر احسن متى اخلص وافتك وسارت صوب حجرتها واول ما شافت غرفة شما مبطله سارت صوبها شما وهي يالسه تتكلم ع المسنجر : انزين محمد خبرني شو صار عقب محمد : ما صار شي فديتج .. بس يلست اخبرهم عنج وكيف انج الوحيده اللي قدرت تسيطر على كل كياني شما وهي اونها مستحيه : فديتك حبيبي خبرتهم انه عمري14 محمد في خاطره : ولانج ياهل هذا اللي بيسهل علي كل اللي في بالي توج صغيره وبعدج ما فاهمه الدنيا عدل محمد : لا فشله اذا عرفوا اني احب ياهل بيتموا يتمصخرون علي .. وانتي ما ترضين لي هالشي شما : اكيد حبيبي .. اهم شي انت تكون مرتاح وانا مب مشكله محمد : يالله خبريني متى بتخليني اشوفج شما : بعدني حماده ما صورت اول ما اصور اكيد برسلك محمد : وانا بنتظر هاليوم بفارغ الصبر ... بس اهم شي لا اطولين واهم شي لا تنسين تخلي اهلج يشتورلج لاب توب شما بسذاجه : وليش يعني لابتوب اشو اللي يميزه انا مرتاحه بصراحه كمبيوتري يديد وما بشتري غيره محمد : شما حبيبي يوم تشتري لاب بقدر اكلمج على راحتي حتى فالوقت اللي يكونوا فيه اهلج راقدين شما : اممم مدام السالفه جذا خلاص عيل بتم على راسهم لحد ما ياخذولي واحد محمد : فديتج الغالييه .. الله لا يحرمني طيبة قلبج .. اباج دوم جذا مطيعه ولا تعصين شوري شما وهي تشوف عفراء يايه صوبها بطلت الفيشه بسرعه ويلست اطالع عفراء عفراء بابتسامه : شموه حبيبي ليش صكيتي الكمبيوتر بهالشكل شما وهي اونها مضايجه : بصراحه كله يشكل كنت يالسه العب وعقب شكل بسير اوصي خليفه يشتريلي لاب عفراء : شموه انتي عندج ما سنجر اعترفي وبصراحه كاني سمعت صوته شما بتوتر : لا من وين عندي .. واذا مش مصدقه احينه ببطلج الكمبيوتر وتاكدي بنفسج يمكن سمعتي شي ثاني عفراء : لا فديتج انا ما قصدي جذا واحينه البنات في المدارس كل همهن غرف الدردشه والماسنجر عسب جذا تحذري واعرفي تختاري صديقاتج ,, ترى هالزمن وايد يخوف .. واغلى ما عند البنت سمعتها شما : لا تخافين علي .. وبعدين ممكن تفهميني من اي ناحيه هالزمن صار يخوف عفراء وهي تبوسها على خدها : فديتج شموه توج صغيره .. واول ما تكبرين بتفهمين انا شو اقصد اهم شي الحين تبعدين عن غرف الدردشه والماسنجر يالله بخليج احينه وراي مذاكره .. شما : اوكي حبيبتي اللي يريحج وتمت شما تفكر .. اشو اللي تقصده عفاري انه هالزمن يخوف ..هي ما فهمتني شي . بس رفيجتي عايشه خبرتني انه الموضوع عادي وكله كلام لا بيطلع لا رقم بيتنا ولا انا بنت من ولا غيره .. فاحسن شي ما اخاف ومحمد مستحيل يعرف انا منو وابوي شسمه مستحيل . . اقوم ارقد وايد احسن ~ ~ ~ ~ ~ ~ ~ ~ ~ ~ ~ ~ ~ ~~~~~~~~ ~ ~~~~~~~~~ فـــــي بيـــــــت بو حمـــــــود بو خالد : هاه بو حمود بشر اشو قالت البنت وافقت الزواج يكون عقب اسبوعين بو حمود : لا والله قالت يملك عليها وعقب ما يخلص المعرض يتزوجون .. عسب تقدر تتزهب خالد : خلاص عمي دام خوله تبا جذا انا موافق المهم انها بتصير زوجتي الحين او بعدين بو حمود : خلاص عيل على خير خلونا احينه نحدد كل شي .. ونقراء الفاتحه بو خالد : توكلنا على الله .. بسم الله وعند الحريم تعالت الزغاريد والكل يلس يهني خوله مها وهي تحضنها : الف مبروك غناتي خوله بابتسامه : الفال لج غناااتي .. والله يسهل عليج ان شاء الله روضه : الف مبروك يا حرمة اخويه .. وزين انه الحفله بتصير عقب اسبوعين اكون انا خلصت امتحانات وبنفضالكم مها : هيه والله صادقه روضه .. المدارس والجامعات بتصكر وبنفضي نفسنا ب عسب نبهدلج فاطمه بابتسامه : طول ما انا عايشه محد بيبهدل خوله الف مبرووك حبيبتي عسى ايامج كلها سعااده خوله : مشكووره فطاامي الله لا يحرمني طيبة قلبج .. ام حمود ودموعها على خدها : اه يا خوله انتظرت هاليوم سنين وخفت انه اللي في بالي ما يتحقق منه شي بس الله فرجها وشفتج عروس .. عقبال ما تفرحيني بعيالج .. خوله وهي تمسح دموعها : امايه عشان خاطري لا تصيحين .. هذا انا استويت عروس لازم تفرحين ما تصيحين ام حمود : هذي دموع الفرح يا بنيتي خوله : الله يديمج فوق راااسي امااااااااااااااااااااااا ااااايه :: :: | ||||
|
| |
|
| الكلمات الدلالية (Tags) |
| لحظات |
| أدوات الموضوع | |
| انواع عرض الموضوع | |
|
|
1Likes
العرض العادي
