آخر 10 مشاركات
غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          هيا نجدد إيماننا 2024 (الكاتـب : رانو قنديل - )           »          مواسم العشق والشوق (الكاتـب : samar hemdan - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 06-07-13, 08:27 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 خطاي أني تعلمت الوفا والناس كذابة/ للكاتبة فـــديـــتــونــي ، مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
×๑×خطاي أني تعلمت الوفا والناس كذابه×๑×
للكـاتبــه:فـــديـــتــون� �ـي



خــــــــــــطاي ..

.. إني سألت وجيت أدور للغياب أسباب ..

.. خــــــــــــطاي ..

.. إني تعلمت الوفا والناس كذابه ..
.. حسايف يازمن ماعاد باقي بذا الزمن أحباب ..
.. على حسب المصالح كل واحد يحسب حسابه ..

~:~:~:~
.. السعادة شي واضح وماهي من وحي الخيال ..
.. كلنا محد سلم من تعاسة أو ألم أو جراح ..
.. الزمن يفرض سؤال كل إجاباته محال ..
... بس منهو الي من وسط قلبه أبتسم ..
.. وكل الحكاية دورت على إنسان يفهمني مالقيت ..

~:~:~:~

.. ماترحم اللي مات قبل انتحاره ..
.. أجرم بنفسه وإنت في قلبه أجرمت ..
.. أثرالتجارة والمحبه شطارة ..
.. وأنا من أنصار الهوى ماتعلمت ..
.. يفز لك جسم براه إنتظاره ..
.. ويقوم لك قلبي وأنا بعد ماقمت ..

~:~:~:~

.. أبعد عن عيوني ..
.. ترى جرحك مأذيني ..
.. وأتركني من ظلمك ..
.. وأرجع وجافيني ..
.. لأنه بقربك الدنيا ..
.. أسود من سواد عيني ..
.. تعلمني أكون قاسي ..
.. وأسلم أمري بايديني ..
.. وأحط الحرة بالغدار ..
.. غدر بشعوري وفيني ..

~:~:~:~
.. حسافه حسبتك بالوفا عن الكل غير ..
.. وأثرك مثلهم قاسي وحبك مصلحه ..
.. حسافه يا زمن ما بقى فيك خير ..
.. تصون قلوب غيري وقلبي تجرحه ..
.. ماتت فيك المشاعر يوم مات الضمير ..
.. الطيب عنك تخلى والوفا منك إنمحى ..
.. وين كلامك يوم قلت بسماك أنا طير ..
..كتبت حلمي بوعودك وغدرك يمسحه ..
.. إنت السبب أبد لا تحمل خطاك الغير ..
.. بابك تسكر وحلفت بالله ما يوم أفتحه ..

قراءة ممتعة لكم جميعاً......

ندى تدى likes this.


التعديل الأخير تم بواسطة لامارا ; 22-10-13 الساعة 10:09 PM
لامارا غير متواجد حالياً   رد مع اقتباس
قديم 06-07-13, 08:30 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــــ 1 ـــزء
في ساحه المدرسه وكان آخر يوم امتحان والبنات كلهم مستانسات
وكل وحده تسلم على رفيجتها لان بتفتقدها بعطلة الصيف إلا انا
كنت قاعده في زاويه من زوايا المدرسه انطر جاسم اخوي ياخذني
قربت مني وحده من البنات كانت وياي في الصف
هدى : نوره شفيج ليش ماحضرتي الحفله البنات يدورنج نبي نصور صوره جماعيه
التفت عليه واكتفيت بأبتسامه
هدى : فيج شي
طالعت برا لقيت جاسم وصل
نوره : اعتذريلي منهم اخوي وصل مع السلامه
وقمت بسرعه يمكن حتى هي شكت ان فيني شي وتحمدت علي بعد
مشيت وانا قريب بالسياره حمدت ربي ان وصل قبل لا تاخذني الصف
انا وين والحفلات وين
ركبت السياره وسلمت
رد علي جاسم وعليكم السلام
وتميت ساكته لاني مو متعوده اسولف ويا احد




نوره عمري 16 سنه بثاني ثانوي تخصص علمي مع اني مب فالحه في شي بس من الحبسه بغرفتي غصب عني احفظ كتب المدرسه كلم مو حباً في الدراسه بس ابعد عني الملل والتفكير الي ماله آخر
ابوي تزوج امي كانت امي الثانيه ومرت ابوي تكرها بشكل جنوني ولدتني امي وبعد ثلالاث سنوات وعقب ماصارعت ويا المرض توفت وخذاني ابوي من بيت امي وباع البيت وسكني مع زوجته الاوليه الي ماكانت تدانيني
كنت عايشه بظلم وقسوه بشكل محد يتصوره ابوي ينصاع حق اوامر زوجته بدون نقاش وتردد
عندي ثلاث خوات من ابوي واخوين واخو واحد من امي وابوي اكبر مني بسنتين ولانه لقى بعثه وسافر يدرس برا وخلاني بروحي اعاني من ظلم وقسوة مرت ابوي
مرات احسده ومرات اقول احسن له ارتاح من العذاب والشقى الي نتجرعه من مرت ابوي وابوي وياها كل يوم



جاسم : يالله نزلي لا تأخريني
خزيته من فوق لي تحت ونزلت ورحت على طول فووق غرفتي شغلت الكمبيوتر وبدلت مريولي ودشيت الحمام تسبحت وتوضيت وصليت الظهر وفتحت السمنجر وانا كلي شوق
طبعاً لقيته موجود لانه اربعه وعشرين ساعه بالمسنجر متى يرقد مادري
ماولكمني كالعاده اكيد زعلان بدون سبب
دخلت عليه وسلمت رد علي وكأنه ماله خلق لي
وعليكم السلام
سألته : شخبارك ؟
تمام وانتي
قلت له : دومز انا بخير الحمدلله
وخلاص سكت ومانطق بحرف
رديت قلت له : فيك شي
لا
قلت: عيل شفيك ساكت
شتبيني اقول
قلت : امم قول اي شي بس لاتسكت
سمعت احد يطق الباب ورحت اشوف من
كانت اختي الصغيره عمرها 4 سنوات اختي من ابوي
اشجان : تقولج امي نزلي تغدي والا تبينها تييبه لج فوق وتطعمج بعد
خلصت كلامها ورقت الباب على طول
نوره : ويعه تشليج انتي وامج معلمتها على طواله اللسان من صغرها
ورحت بسرعه اركض حق المسنجر قبل لا يزعل لاني تأخرت بالرد
ولقيت كاتب


جفتي انج مو وياي ولا هيه مع غيري
انتي ماتبيني اصلا مو مالي عينج
خليه ينفعج الي وياج


تنهدت بخاطري ودي يمر يوم من غير هواش
قلت له : والله العظيم اختي كانت تناديني ورحت اشوف شفيها
في اختراع تقولين برب
زين انا اسفه
ولقيت طاف كالعاده مو شي يديد

ويلست اكتب واكتب وهو مسين لي (( طاف من قلب ))
آخر شي يوم سمعت صوت مرت ابوي واصل لي غرفتي
كتبت الله يسامحك وسجلت خروج وطلعت


دمعت عيوني على هالحال مسحتها بسرعه ونزلت تحت
كانوا كلهم قاعدين ع السفره بس باقي انا
يلست بين اختي فاطمه وامل
مرت ابوي : ماتبينا نيب لج الغدا فوق بعد
قلت بخاطري يكون احسن من مجابل ويوهكم
وطالعتها بنظره وسميت بالرحمن ومديت يدي وقعدت اكل ولا همني
مرت ابوي : صج ماتستحين محد رباج
طالعها ابوي بنظره عشان تسكت بس خلاص
مرت ابوي : شفيك تطالعني انت بعد تبي تسكتني
الكل يعرف موقف ابوي الضعيف جدام مرته
ابوي : بس عاد خلينا نتغدى بسكات
وسكتت
خلصت غدا وقمت رحت الحمام اغسل يدي
سمعت حسها من الصاله
اليوم دورج تغسلين المواعين لا تنسين
طلعت من الحمام وشفت محد ع السفره
شلت الصحون والسفره رحت المطبخ اغسلهم
خلصت منهم بعد عناء الظاهر كانت مطلعه الصحون الي في المطبخ كلهم عشان اغسلهم
اهم شي اني غسلتهم وافتكيت طلعت بروح غرفتي لقيتها في الصاله تطالع التلفزيون
مرت ابوي : خلصتي
ماعطيتها ويه لانها تدور الهواش وانا مالي بارض لها ركبت الدري ورحت سجني

طالعت الكمبيوتر تذكرت انه زعلان
كان مزاجي مو مناسب ادخل واراضيه انسدحت ع السرير
طلعت تلفوني وطرشت له مسج
وصلني تم تسلميه
واتصل
رديت بتعب
نوره : هلا
خالد : هلا شخبارج
نوره : بخير الحمدلله
خالد : ماله داعي المسج الي مطرشته
نوره : شدراني فيك انا شسويت عشان تزعل
خالد : سلامتج ماسويتي شي بس طلعتي الصبح وخليتني
نوره : قلت لك عندي امتحان الفتره الثانيه
خالد : الا متحانات الصبح مو الساعه تسع وبعدين خواتي خلصو امتحانات اني شنو تمتحنين
نوره : والله امتحاني الفتره الثانيه ليش ماتصدق وبعدين خواتك وحده في توجيهي وحده بثاني بس ادبي يعني موادها غير عن الي اخذه
خالد : شسويتي في الامتحان
يابروود اعصابك
رديت بتنهد : الحمدلله
خالد : بالتوفيق
نوره : اجمعين
سكت شوي
خالد : شفيج
نوره : مافيني شي
خالد : امبله فيج شي
نوره : والله مافيني شي
خالد : ماتبين تقولين كيفج المهم تبين شي
رديت بقهر : سلامتك
خالد : باي
وصكيت التلفون من غير لا اقوله بايات
وحطيت راسي ع المخده ونزلوا دموعي هذي حالي وياه
غمضت عيوني ورقدت لي المغرب
قعدت على صوت ازعاج واصوت كره تنشات على باب حجرتي احسه بيت......ر
بطلت الباب وشهقت
قلت : يالله ذيلا من وين ياو شكلهم كل يوم بيون بيتنا يعني مانرقد
صرخت عليه : هيي انت شفيك بت......ر الباب
طلع جاسم اخوي من غرفته الظاهر سمع صراخي
طالعته
قالي : شفيج تصرخين جذي
قلتله : جوف هذي ولد خالتك مادري ولد خالك يشوت الكره على بابي
ولأول مره جاسم يهاوشه عشاني
قاله بصوت حاد : انزل تحت والكره يلعبون فيها برا مو في البيت
دشيت غرفتي وصكيت الباب ماسمعت الباقي
مو لألله مهاوشه
تنهدت وتذكرت السالفه
صح نسيت اقول حق خالد يمكن يقدر يسوي لي شي
قلت في خاطري هالخالد اذا درا عن هوا داري
مرات احسه يحبني ومرات احس محد يكرهني كثره

رحت الحمام توضيت وصليت صلاة العصر لانها فاتتني وصليت المغرب
وفتحت الكمبيوتر
وفتحت المسجر لقيته مو موجود اكيد رقد تميت خمس دقايق شفته مادخل طلعت
قمت من الكمبيوتر
نوره : ياربي شنو هالملل المدرسه وخصلت شسوي الحين انا قبل كنت الهي عمري بالدراسه
تذكرت نواف اخوها
راحت اتصلت له بس مارد عليها
طرشت له مسج
(( فديتك نواف وحشتني ))
وضغطت رقم خالد بالغلط
وقامت تبي تلغي الارسال بس انرسل حق خالد
قفلت تلفونها خير شي وقعدت تصيح
ياربي انا ناقصه بروحه يشك فيني الحين مول بيخليني بعد مره وحده
مسحت دموعها وتبي تلهي روحها عن التفكير شنو بيصير وبيخليها خالد او لا
نزلت تحت
مرت ابوها : تعالي سلمي على اختي
تجاهلتها ورحت المطبخ
سمعتها تقول حق اختها
مرت ابوي : محد بأدبها وبيعلمها السنع غيري
اختها : حرام عليج البنت يتيمه لاتسوين فيها جذي
نزلت دمعتي على هالكلام مافي احد يحن علي ويعطف على حالي
اول مره احد يحن على حالي
قالت لها : خليها تولي هذي عقرب رمل
اختها : الله بيعاقبج على سواتج
قالت : ويييه فكينا شيخه لا تعورين لي راسي

خذت لي قلاص حليب
وطلعت من المطبخ رحت الحوش اتمشى شوي بدل الحبسه في الغرفه
قعت تحت شيره اللوز الي في بيتنا وقمت اطالع السماء سبحان الخالص كان منظرها رووعه
شوي وسمعت احد يصفر
شنو هالجمال ذي
التفت جفت صبي غريب اول مره اجوفه
قمت بسرعه رحت اركض داخل الصاله يوم وصلت عند الباب افتحت شيخه الباب تبي تطلع
تخرعت وطاح من يدي قلاص الحليب وانكســر



لامارا غير متواجد حالياً   رد مع اقتباس
قديم 06-07-13, 08:32 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الجــــ 2 ـــزء




بطلت شيخه الباب وطاح من يدي القلاص
صرخت بأقوى ماعندي : آآآآآي
بس سمعت صوته من وراي : سلامات
حسيت بقشعريره ورحت ركضت بسرعه لغرفتي وانا اتألم مو قادره اركض
وصلت الغرفه يلست على السرير وعيوني متروسه دموعه من شدة الالم
طالعت رخام غرفتي شفت خطوات ريلي مطبوعه ع الرخام بالدم ويلست اصيح مره ثانيه
انا بروحي اخاف من الدم نزلت راسي اشوف ريلي شفت قطعه زجاج متوسطه شلتها وانا اتعصر ألم قطيها

بالكساله بقهر ورحت الحمام اغسل ريلي
غسلتها وحطيت عليها مطهر ولزقه خف الالم شوي
يلست افكر من يكون هالي مايستحي على ويهه فتحت باب غرفتي سمعت حسه تحت بالصاله يلعب ويا

اشجان تجاهلت كلشي يوم سمعت الاذان رحت توضيت وصليت العشا
وصلني صوت اشجان من ورا الباب
اشجان : نوروووه تقولج امي نزلي تعشي
فتحت الباب بسرعه ورحت صوبها وانا كلي فضول
قلت لها وانا اتقرب منها : شجونه حبيبتي تبين حلاوه
حطت يدها على راسها تفكر : امممم اي
قلت لها بلطف عشان اشبع فضولي لا اكثر بالاصل اصلا اكره عيال مرت ابوي : تعالي دشي بعطيج
دشيت الغرفه وسألتها : من تحت
اشجان بملل لانها تنطر الحلاوه : محد
قلت لها بأصرار: الا من كنتي تلعبين معاه الحين
اشجان : اووه انتي قلتي بتعطيني حلاوه ماقلتي بتسأليني
قلت :جاوبي بعطيج الحلاوه
انا بروحي كنت اجذب ماكان عندي حلاوه
اشجان : امي ماترضى
قلت لها عقب ماطفرت منها : ذلفي انتي وامج
وطردتها من الغرفه
قالت لي بتهديد : بقولها
صكيت الباب وقلت : بالطقاق انتي وامج
تذكرت العشا عدلت شوي من نفسيتي من عقب ماقهرتني بنتها ونزلت بخطوات متثاقله ريلي تعورني بس

مابي اقولهم اخاف يقطوني بالمستشفى وماياخذوني (( كنت متأثره بمسلسل دمعه عمر يوم قط امه عند

المستشفى وخلاها لان عادي مرت ابوي تقول حق ابوي خلها ويخلوني))
وصلت السفره سألني ابوي : شفيها ريلج
ردت مرت ابوي بسرعه : شافت محمد اخوي واختبصت الي يقول بيختطفها
عصب ابوي : محمد اخوج سوا بريلها جذي
مرت ابوي وهي تمد الخبز حق عيالها : استريح زين مادري شيبي فيها
قلت بخاطري يعني قليل الادب يطلع اخوها انا شلون راحت عن بالي هو قليل ادب وشيطان يعني اكيد اخوها

لانها اهي شيطانه بس حرام شيخه اختها طيبه
رجعت لواقعي يوم سمعت اشجان تتكلم وهي تطالعني : يمه نسيت اقولج
عرفت ان بتقولها عن الي قلته تداركت الموقف بسرعه لان مافيني شده ع الصياح كفايه اني كل ساعه

اصيح : وين فاطمه
ردت مرت ابوي : مو شغلج في بناتي
طالعتها بنظره خبث وفي يدي السجين : لا تنسين انهم خواتي
حسيتها خافت عبالها بذبحها قمت اضحك بخاطري شكلي بستخدم هالسجين سلاح عشان تعدل اسلوبها

وياي
ردت علي وهي لاصقه في ابوي : صج مينونه
قلت في قلبي والله محد مينون غيرج والا الحين لاصقه في ابوي تحسبينه بينقذج
تأفأفت امل بملل :يعني مابتخولنا نتعشى شبعت من هواشكم
وقامت بتروح غرفتها
نادتها امها خلتها تتيبس في مكانها اعوذ بالله مسويه رعب حق عيالها
قالت لها : مدي يدج واكلي
وقعدنا ناكل بهدوء بدون ازعاج وارتحت اكثر يوم تداركت موقف اشجان والا جان الحين انا اصيح بغرفتي
خلصت عشا غسلت يدي ورحت غرفتي
كانت الساعه 8 ونص تقريبا
يعني موعد رقادج يانوره رحت عند سريري وفتحت السده طلعت تلفوني اشوف خالد غريبه ماكلمني اليوم
طالعت التلفون شفته مقفول على طول تذكرت سالفه نواف تنهدت وانا اضغط الرقم السري عشان افتح

التلفون واول مافتحته وصلني مسج توني بفتحه الا خالد يتصل ارتعش جسمي وابتدت معركه كل يوم
هلا
خالد : ليش قافله تلفونج
قلت بتردد لاني بجذب:لاني كنت راقد وامم اسفه ع المسج
خالد : جذابه اعترفي من نواف هالي واحشج هالكثر وانا الي انطرج بالساعات مو معطتني ويه بالكثر ربع

ساعه وتطلعين عني
قلت له وانا مستعده حق الصياح : نواف اخوي
خالد : اخوج ياخوانه
بلعت صيحتي وقلت له : خالد احترم نفسك
خالد : تهدديني .. لو انتي متربيه جان ماكلمتيني وانا شلون راحت عني كلمتيني انا اكيد بتكلمين غيري
هني هلت عبرتي وبديت اصيح بمراره
خالد : ماتردين يابنت الاصول
قلت وانا اشاهق من الصياح : ليش ماتصدقني ليش
خالد : شلون تبيني اصدق وحده تكلمني من ورا اهلها
قلت له :بس انت تدري اني احبك وهذي السنه الثانيه وياك يعني مو تونا
خالد :وجم واحد تكلمين في اليوم
قهرني اسلوبه الاستفزازي صكيته في ويهه وحطيت التلفون يمي
شفته يتصل اكثر من مره بس حذفت تلفوني بالسده ورقدت وانا غرقانه بهمومي ومشاكلي
قعدت الساعه 4 ونص حق صلاه الفجر توضيت وقعدت اقرا قرآن لي ما اذن قمت صليت ورجعت بخلص

رقادي
فتحت السده قبل لا ارقد بقيت عيوني هذي للحين يتصل مايأس
بست التلفون يوم شفت اسمه ظاهر لي
وعقب رديت
قلت له وانا مسويه روحي قويه : نعم
خالد بصوت مبحوح وتعباان : حرام عليج نوره ليش تسوين فيني جذي ع الاقل رديتي بتفاهم وياج
اتعبني صوته يوم شفته جذي تعبان : انا آسفه
قالي : مايحتاي تتأسفين معذوره انا زودتها وياج
رديت: لا عادي
قالي بمزح : يعني عادي اقولها مره ثانيه
اكتفيت بابتسامه
رد كررها : عادي اقولج مره ثانيه
قلت له : لاموعادي
ضحك وقالي : انزين لا تعصبين
قلت له : ماعصبت
رجع قالي : بعدين تعالي انتي يرضيج انتي راقده وغايصه في احلامج وانا اتصل فيج وانتي ماعطتني طاف
نوره : لانك قهرتني
خالد : بس انتي ماتفاهميتن على طول طخ صكيتيه في ويهي
نوره : حتى لو تفاهمت بتطلعني الغلطانه وانا الي اخون
سكت شوي وقالي : من نواف
قلت له : قلت لك انه اخوي
خالد : اها
قلت : ليش مو مصدق
خالد : لا مصدقج ... امممم نوره مكن طلب
قلت له بحب : عيوني لك
خال : تسلملي هالعيون وصاحبة العيون
وسكت
قلت له : شفيك
قالي : ابي اجوفج
انا هني تيبست كأنه صبوا علي ماي بارد كلشي كنت حاسبه له الا هذي انه يجوفني واجوفه
قالي : شفيج سكتي
قلت له : اعذرني ماقدر على طلبك
خالد : ليش خايفه مني
قلت : مو عن جذي
خالد : انا من سنتين اكلمج واحبج ولا شفتج
ابي اغير السالفه سألته : شنو الي خلاك تحبني
خالد :المفروض تعرفين
قلت له : اصلا ادري بس اتدلع
ضحك وقال : فديت الدلع والله
ضحكت عليه : ان شاء الله دوم هالضحكه مو كله معصب علي
قالي : اعصب عليج بس احبج
نوره : فديتك والله
رد علي : يلا قلبي انا بطلع بروح الدوام
قلت له :الله يعطيك العافيه
قالي : ربي يعافيج وتحملي بروحج
رديت : ان شاء الله
خالد: احبج
وصكه قمت ابوس التلفون واقول : احبه والله احبه
وبعدها حطيت راسي ورقدت وانا مرتااحه



اليوم الثاني الصبح ع الساعه تسع
قعدت من الرقاد كالعاده صخه مرت ابوي تلاقونها سهرانه وماتقعد الا مع صلاة الظهر وعيالها مثلها
دشيت المطبخ سويت لي حليب وطالعت القلاص تذكرت امس وتذكرت ريلي راح الالم قلت في خاطري

بخوف جان مايقصون ريلي راح منها الالم ماحس فيها رحت بسرعه فوق فتحت الزقه الي حاطتها شفت

الالم راح والدم وقف شكيت زود قمت ولمست الجرح وعورني من قلب بس استانست ان ريلي بعدها طبيعيه

بدلت اللزقه ورديت تحت حق الحليب الي خليته فوق الطاوله
رحت المطبخ شفت اشجان بكشتها يالسه ع الكرسي وتشرب في الحليب
قلت لها وانا معصبه : ليش شربتي حليبي
قالت لي : هذي امي مسويته لج
كان ودي اسحبها من كشتها كلشي لي لازم ياخذونه
رحت له بسرعه مطيت القلاص من يدها وكتيته
قامت تصيح وتقولي : حماره كريهه
يريتها من شعرها بالعدال مو بالقوه مهما كان لي قلب : طلعي روحي قعدي امج من الرقاد وقوليلها تسويلج
رفعت راسي الا اجوف مرت ابوي مرتزه لي
قالت لي : تستقوين على بنتي يوم جفتني راقده
قلت لها وانا امشي عنها : والله محد قالها تشرب حليبي
قالت : انا قلت لها
سكت عنها

الا تقولي : قاعده في بيتي و
قبل لا تخلص كلمها رديت عليها : بيتج طل هذي بيتي انا وزين مني سامحه لج انتي وريلج وعيالج

تعيشون عندي
حسيتها تغيرت ملامحها تحسبني ما ادري ان هالبيت بيتي على بالها هبله وبتطوف علي
البيت الي احنا عايشين فيه كان بيت امي الله يرحمها وابوي كان مأجر شقه حق هالعله وعيالها بعد

ماتوفت امي يابها هي وعيالها وسكنها هني
شوي شفتها اختفت من انظاري هي وبنتها الظاهر راحت تقعد ابوي عشان تقوله
يلست اطالع التلفزيون رن جرس البيت الساعه 10 وربع
قلت في خاطري من هالي ياينه من صباح الله خير اكيد اهل هالعله مايعرفون السنع
نزل احمد اخوي الي عمره 13 سنه من فوق
قلت له: اطلع شوف من
ماطالعني وراح
شوي والا داخله علي وحده هبله وتصرخ
مبروووووك نجحتي
صديت عنها ما ابي اكلمها عقب الي سوته فيني
قربت مني وحبتني : يالله عاد نوروه يايبه لج هالبشاره وبعد مابتحاجيني
قلت لها : جم نسبتي
ضحكت : طراره وتشرط اهم شي انتي ناجحه
سالتها وانتي : الحمدلله نجحت
رفعت حاجبي : بس تونا امس مخلصين الامتحاانات شلون طلعت النتايج ماتوبين بعد بتجذبين
حسيتها زعلت قالت لي : بالواسطه
كانت بتقوم بتروح بيتهم بس سحبتها وخذتها الميلس
قالت لي : شفيج
نوره : تدرين انج قاهرتني على حركتج بس ماقدر افارقج مالي الا انتي
امينه :والله قلت له رايج بس اهو ماصدقني قال كلام النسوان كله جذب وراح كلم ابوج حتى امي ماتدري
نوره : لودرت مرت ابوي جان الحين انا معرسه وقاعده في بيتكم
قالت وهي رافع يدها للسما : جان زين
قلت لها : سخيفه
ردت علي : علاقل اخوي احسن من هالخالد الي ماتدرين هو صادق والا يلعب عليج
عصبت عليها : لا تقارنين خالد باحد
قمت اسولف وياها وشنو سوو بالحفله شوي والا انفتح باب الميلس
كانت مرت ابوي عاد هي كلش ماتداني امون
قامت امون : يالله نروه اخليج ولا تنسين الحلاوه
قلت لها: ماطلبتي لو تبين عيوني عطيته اياها
وطلعت بسرعه قبل لا تبتدي اسطوانه مرت ابوي
قالت مرت ابوي بقهر : لو تبين عيوني بعطيج اياها
ضحكت عليها الظاهر محتره مشيت عنها وطلعت بروح ابشر خالد
وصلت غرفتي وعلى طول طرشت له مسج
(باركلي حبيبي نجحت )
تميت شوي ورد علي
(الف مبروك وعقبال التخرج ان شاء الله )

فتحت الكمبيوتر
ودشيت اتصفح ودخلت جم منتدى شفت اغلب المواضيع متكرره ومليت وطلعت
فكرت ادش ايميله بس بعدين هونت
صكيت الكمبيوتر ورحت انزل تحت اشوف التلفزيون ابرك لي
وصلت عند الدري سمعت حسه الامسي قهرني ورجعت بسرعه غرفتي بس قبلها دعمت في فاطمه
قالت لي : شفيج متخرعه
ماعطيتها ويه
قالت لي : هالكثر خالي يخوف
قلت بخاطري مالت عليج وعلى خالج قليل الادب
ضحكت بخبث وقالت لي : تراج دشيتي قلبه وهو صعب اي احد يوصله
طالعتها مصدومه
كملت كلامها : خالي لو يبي الشي بياخذه بالغصب لو على موته
ومشت عني خلتني بمكاني متيبسه مو قادره استوعب الي قالته


انتظر رايكم وردودكم


لامارا غير متواجد حالياً   رد مع اقتباس
قديم 06-07-13, 08:38 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــ 3 ـــزء

دخلت غرفتي وانا كارهه حياتي ياربي شالعيشه الي انا عايشتها وحده تخطبني حق اخوها والثانيه تبي تفتك مني وابوي آآه يالابو يالي ماتعرف معنى الابوه خير شر
سمعت تلفوني يرن رحت اركض له كان خالد متصل فيني
كلمته وانا متضااايقه يمكن يقدر يخفف عني
خالد : قلبي فيج شي
تنهدت وقلت : لا مافيني شي
خالد : نوره يعني ماعرف انا مافهم
نوره : مافيني شي خالد
خالد بمزح عشان اتكلم اقوله : علي انا
ابتسمت وقلت : مو عليك انت
خالد : عيل شفيج ؟
نوره : شاقولك ياخالد شقول
خالد : قولي الي في خاطرج
قلت له : مرت ابوي
رد بأزعاج : شفيها ذي بعد
نوره : اخوها مضايقني
رد بعصبيه : شفيه اخوها
سكت خايفه منه شفيه عصب مره وحده
خالد : شفيج ماتحجين
رديت وانا اصيح قهر ابيه عون صارلي فرعون : مادري مادري شفيه
خالد : عيل ليش تصيحين دامج ماتدرين شفيه
رديت وانا اخنق عبرتي مابيها تنزل مره ثانيه : نذل والله نذل مادري شيبي مني
خالد بحنيه : نوره
رديت عليه : هلا
خالد : لا تخافين دام اني وياج
كلامه هذي طيرني السقف ونزلني تحت من الوناسه مدري ليش ارتاح من هلانسان احس راحتي وحياتي معاه اهو وبس
نوره : ان شاء الله
خالد : شخبارج
ابتمست لانه يبي يغير الجو : بخير اسأل عنك
خالد : تسأل عنج العافيه حياتي
سكت لاني سمعته يكلم احد اعتقد اخته او احد من اهله
شوي ووصلني صوته
خالد آسف قلبي بس كنت اكلم الاهل
ابتسمت : لا عادي
ويلست اكلمه وما قفل من عندي الا بعد ماحس اني مرتاحه ع الاخر ومافي شي مزعجني


فتحت الكمبيوتر اصمم لي توقيع للمنتدى بالفوتوشوب
فتحت اشجان الباب بدفاشه وكانت تركض وتضحك
وصلت عندي قلت لها شفيج
جفتها تأشر ع الباب : خالو لاحقني
قلت وانا اصرخ عليها : قصوره بعد يدش غرفتي
خلصت كلامي من صوب الا وراسه يطل علي من الباب
وصلني حسه يقول : عيدي ماسمعت
دزيت اشجانو برا وصكيت الباب كان ودي اصكه على راسه واخنقه واموته
ابوي متزوج مرته من سنين ليش هذي توه ظاهر بحياتنا ليش كان محد من قبل
كانت هذي الافكار تدور في بالي
بس قطع تفكيري يوم وصلني مسج من امون رفيجتي تقولي انها بتطلع وتبيني اروح وياها
هذي سالفتها كل مره تدري ان مو طالعه وياها بس تسألين جان بروح وياها قبل لا تطلع
يلست افكر فيها ليش ما اطله ابرك لي من قعدت البيت
حطييت اذوني ع الباب اتصوخ حسه اذا كان موجود او لا
كان هدوء
بطلت الباب وطلعت متجهه رايحه لغرفة ابوي ومرته بستأذن منه ابي اطلع بروح ويا امون
توني بطق الباب بس سمعت مرت ابوي تقول حق ابوي: عادي شفيها ياما بنات يدرسون وهم متزوجات شفيها لي درست منازل
ابوي : لالا نوره صغيره وماتتزوج الحين وهي شاطره تكمل دراستها وبعدين يصير خير
مرت ابوي بصوت شوي مرتفع : مو علي كيفك
ابوي : عايشه ارجوج هذي بنتي وانا حر يعني لا تدخلين فيها
اول مره اسمع ابوي يقول شي عدل
مرت ابوي : يا نورووه تتزوج محمد يتطلقني
ابوي بعصبيه : انتي استخفيتي بهالعمر وتبيني اطلقج
مرت ابوي بأنتصار : علي تتزوج محمد
ابوي : الي تشوفينه
ماقدرت استحمل فجيت الباب بقوه وصرخت عليهم : انا مو لعبه عندكم على كيفكم تزوجوني
سحبتني مرت ابوي برا الغرفه : بتتزوجينه يعني بتتزوجينه رضيتي والا نرضيتي
مادري وين بتلقين مثل محمد
صرخت عليه : مابتزوجه يعني مابتزوجه
ضحكت بأستهزاء: بنجوف
ودخلت غرفتها وصكت الباب
طبعا ابوي متكتف اليدين ومنصاع لأوامر ست الحسن والدلال
دخلت غرفتي وحذفت عمري ع السرير ويلست اصيح انا لو اصيح دم محد عبرني او اهتم فيني
بالأخير غمضت عيني ورقدت قعدت ع الساعه 3 العصر
قمت بسرعه توضيت وصليت العصر ياتاني اختي فاطمه هي اكبر مني استغربت من تواجدها في هالوقت بالذات
فاطمه : اعتقد تعرفين انا ليش يايتج
هزيت راسي بمعنى لا
فاطمه : اممممم انا اختج العوده وانا افهم منج يانوره صج انج مو من امي وابوي بس بتظلين اختي
طالعتها بمعنى خلصيني هاتي ال......ده اعتقد تضايقت من نظرتي هذي بس ماهمتها ورجعت كملت
فاطمه :وماعتقد عندج عذر عشان ترفضين ماتتزوجين خالي
صرخت عليها : مو على كيفكم ارفض بكيفي هذي زواج زواج واذا ابوي متبري مني ترا عندي اخو اكبر مني وهو ولي امري
فاطمه : ليش تعصبين انا اكلمج بالهداوه ردي علي بهداوه
سكت عنها وصديت الصوب الثاني
فاطمه: والله لو تعرفين شكثر فرحت يوم خالي قال بيخطبج
صرخت عليها : مابي اسمع طاريه هالزفت قليل الادب
بما انه خالها وشكلها متعلقه فيه وماترضى عليه ردت علي بقهر : والله ماتستاهلينه
قلت لها : وجانج بتمثلين مره ثانيه مو علي انا عارفه الاعيبج انتي وامج
ردت علي بنظره وطلعت
نوره : روحه بلا رده
تذكرت خالد تفديته ياربي محد يحس فيني كثره
اتصلت بأمون اشوفها جان طلعت او لا
امينه : هلا والله
نوره : هلا فيج طلعتي امون
امينه : لا ماصدق نوره بتيين وياي
ضحكت من قلبي عليها شكلها صج مو مصدقه
رديت عليها : مادري للحين ماقلت حق ابوي بقوله وبرد عليج عندي لج سالفه
قالت لي : مو مهم سالفتج اهم شي بتطلعين وياي
ضحكت عليها ماكنت متوقعه احد يحبني كثرها طبعا بأستثناء خالد
سألتها : وين بتروحين عاد
قالت : اي مكان بس بنطلع
رديت سألتها : ويا من
هني سكتت وعرفت ويا من بتروح
قلت لها بأنزعاج : خلاص امونه خيرها بغيرها مره ثانيه بطلع وياج
امينه : نوروه عاد طلعي شوي رفهي عن نفسج
نوره : لا امونه فشليه
امينه : لا فشيله ولا شي ويالله قولي حق ابوج دقيقه وانا عندج
نور بترد: لا امون مب رايحه
ردت علي : والله بزعل
نوره : خلاص قلبي بقول حق ابوي وباجوف
امينه : اي جذي يالله انطر ردج

صكيته منها وطلعت ولا كأن صاير شي رحت حق ابوي لقيته يالس في الصاله وكانت العله الي اسمه محمد موجود عدلت شيلتي وتكلمت : يبه
ابوي واهو منمدج بالتلفزيون : شفيج
قلت : امينه رفيجتي بتمر علي وبطلع وياها
طالعني بنظره هزتني مو عشان شي والا انا ماخاف منه بس خفت يفشلني جدام قليل الادب
قالي : خلاص روحي ولا تتأخرين
رفعت راسي طاحت عيني بعين هالمحمد وشفت في عيونه نظرة خبث وطالع ابوي وقاله : خلاص انا باخذ البنات وبطلع فيهم
ابوي : احسن شور
طالعته : يبه بس انا مواعده رفيجتي
محمد : خلاص قوليلها تيي ويانا
ماعطيته ويه
وقمت وقفت وقلت : خلاص مو طالعه
وقف محمد وياي : مو على كيفج
طالعت ابوي ابيه يتكلم بس الظاهر حتى جدام اهلها موقفه ضعيف
صديت عنه ومشيت بروح غرفتي
سمعته يناديني : نوره
لفيت عليه وقلت لها بنفاذ صبر : نعم
قالي : ممكن اكلمج
قلت له وانا اهز ريلي من التوتر احس اني اخون خالد : اخلص
رد علي : احترمي نفسج عقب جم يوم بصير ريلج
طالعته بعصبيه وقلت له :في الاحلام
قالي : بنجوف يانوير ان ماخليتج تحبين ريلي تبيني اتزوج ماكون انا محمد
ضحكت عليه باستهزاء : طل في عينك
ورحت ركضت غرفتي قبل لا اسمعه شيقول لاني زودتها شوي
اتصلت حق امون وقلت لها بس في الاخير اقنعتني ان نروح مع قليل الادب ووافقت
نزلت تحت لقيت مرت ابوي موجوده بالصاله كانو معاها امل وفاطمه
سالتها : وين محمد
ضحكت بخبث : وافقتي
قلت لها : بتنطرون وايد اذا تبون موافقتي
قالت لي : عيل ليش تسألين عنه
قعدت بغرور : قايل بيطلعنا انا وامل وفاطمه وامينه رفيجتي
تطالعوا اهمه وامهم مستغربين الظاهر
قالت لي امل : صج والله
قلت لها : والله اعتقد انه خالج روحي سأليه
طالعت امها : وين راح
صدمتني يوم قالت لها : راح غرفته
قلت لها : غرفته
طالعتني : اي يسكن وين مايبي حتى لو طلب غرفتج تطلعين
قلت لها : يخسي
ردت علي : احترمي نفسج يانوروه
سكت عنها وسمعت امل تكلمه بالتلفون شفت الابتسامه العريضه على شفايفها عرفت انه بيطلعنا من صجه
امل تطالعني وتطالع فاطمه : يالله قومو لبسوا
قمت فاطمه نقزت بتروح تلبس وقمت انا رحت وراها
دخلت غرفتي وظهرت لي تنوره فيروزيه مع بدي كم قصير وردي وفيها رسمه ع الصدر بالفيروزي
لبستها وطلعت تلفوني من السده شفت 5 مكلمات لم يرد عليها و2 مسج
فتحتهم شفتهم من خالد كان زعلان اتصلت فيه
وقلت له اني بطلع
خالد : وين بتروحين
قلت له : مادري اهم شي اشم شوية هوا
ضحك علي والاهم انه ماسألني مع منو بتروحين لاني مابي اجذب عليه
وبدا يعطيني التوصيات (( تحملي بعمرج .. لاتحطين مكياج ... لا تمشين بروحج .. الـخ ))
اسعدني خوفه علي وقلت له ان شاء الله وقفل من عندي وكالعاده بوست تلفوني ضحكت بخاطري كاسر خاطري هالتلفون من كثر مابوس فيه
يوم شفت امل تطق الباب حطيت اغراضي بسرعه في الشنطه
وسمعت كلام خلودي فديته واكتفيت بكحل وروج وردي فاتج لبست نعالي كان كعبها رفيع وطولني وايد
لبست عباتي وحطيت شيلتي وتعطرت خفيف وطلعت
شفت امل وفاطمه تحت بالصاله معاهم محمد كان يطالعني بنظرات عصبتني وفي نفس الوقت اخجلتني كأنه منبهر من اناقتي
التفت على امل وفاطمه كانو لابسين بدلات امل لابسه بنطلون اسود مع بدي بني وفوقه جاكيت اسود طويل فيه حركات بني وشيلتها بنيه
وفاطمه لابسه بنطلون ابيض مع بدي ابيض وفوقه قميص قصير لي الصدر بنفسجي
طالعهم واشر عليهم قالهم : بتروحون جذي
تطالعو ثنتيهم وقالو مره وحده : اي
قالهم : وين عباياتكم
تداركت الموقف مرت ابوي وقالت : شفيهم محمد عادي
طالعها وقال بعصبيه : كله من دلعج لهم
قالت فاطمه بدلع : خالي شفيها كشختي الحين اهم شي مستوره
طالعني بخبث وقال : خلاص انتو يلسوا وبروح مع نوره
بقيت عيوني
ضحك علي وقال : يالله مشينا
رحنا ركبنا سيارته كانت كشخه لابعد الحدود حتى شكيت انه اخو مرت ابوي شكله غني ومرت ابيو مو ذاك الزود يعني
مشينا وسألني : وين بيت رفيجتج
دليته اياه وشوي وصلنا عنده طلعت تلفوني من شنطتي واتصلت فيها طلعت لنا ويات وركبت يمي صرت انا بالوسط بينها وبين امل
شافت عيون محمد من المنظره قالت لي بهمس : اينن
طالعتها بعصبيه وقلت لها بهمس : انثبري من فضلج
ضحكت علي
حسيت ان عيون محمد كانت تراقب وناستي من ركبت امون قريت المعوذات علي وعلى امون بعد لا يحسدنا هالعله
وصلنا المجمع كانت امون تعابل في تلفونها نزلت امل كنت بنزل وراها بس شفت امون فتحت الباب ونزلت طلعت ريلي وراها بنزل وتصك الباب عليها صرخت بصرخه هزت الي داخل المجمع
سمع صرخت محمد وقرب بسرعه فتحه الباب كنت مغمضه عيوني احبس الالم والدموع
فتحت عيني اجوف امون شلون خايفه ضحكت عليها
قال محمد وهو يمسك ريلي : فشلتينا
كنت بشوته بريلي نطرته يقوم شوي ونزلت ويودت اموت من يدها : يا.........ه
كانت ميته من الضحك
وصلنا داخل المجمع شفت فاطمه وامل متعلقين بخالهم : تكفى خالي بس شوي
قالهم : اوكي
سألني : بتروحون وياهم
قلت له :: وين
قالي : بيت الوحوش
ضحكت من خاطري تذكرت ايام االابتدائيه يوم كنا نسوي بيت الوحوش ايام الحفلات
رجع طالعني يقولي : ماقلت شي يضحك
سألت امون : بروحين
قالت لي : اكيد
طالعتها قلت لها: انا مو رايحه
راحو خذولهم تذاكر ودخلوا ووانا وقفت انتظرهم وشفت مجموعه شباب اعتقد نيتهم مو زينه شفت محمد يتقرب مني وقف يمي لصق فيني خزيته وابتعدت عنه شفت الشباب يضحكون عليه يحسبونه يتحرش فيني
قرب مره ثانيه وحاول يمسك يدي وهالمره سكت سحبني خذني صوب الكوفي شوب
قعدنا وانا كارهه حركته ومابي احط عيني بعينه
قالي بطيبة قلب : نوره ممكن سؤال
قلت له وانا اهز ريلي من التوتر : تفضل
قالي : انتي تحبين؟



لامارا غير متواجد حالياً   رد مع اقتباس
قديم 06-07-13, 08:39 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الجــ 4 ـــزء


صدمتني جرائته شلون يسألني هالسؤال وبصفته من كان ودي اصفقه بشنطتي بس شفت امون وخواتي ياين شفت امون تضحك وتسولف معاهم الظاهر تأقلمت وياهم لان امون اجتماااعيه وايد عكسي بالضبط
قمت عنه رحت لهم لانهم كانو يدورونا سألتني فاطمه : شرايج بخالي
طنشتها يوم شفته قرب صوبنا
حسيته متضايق قال : خلاص نروح البيت
قلت له وانا اطالع الساعه : تو الناس
ابتسم وقال : وين بتروحون
انا هني سكت لان هالسؤال مو من تخصصي لاني بالاصل ماطلع ولا ادل اماكن عدله
ردت امل : خالي خلنا ندش السينما
تطالعوا امون وفاطمه : فكره حلوه
سحبت امون من جتفها اجوف حلت لها السالفه انها تقعد وياهم وتخليني
سمعت خالهم يقول لهم يختارون الفلم الي يبونه اختارو فلم اجنبي طبعا ودخلنا السينما يلست بين امون وفاطمه وامل يم خالها ويكون محمد ع الطرف
طقتي امون بكوعها وهي تغمز لي : الفلم رومنسي
ضحكت عليها واندمجت مع الفلم تخيلت روحي مع خالد ياربي هالخالد الي اتمناه وياي كل لحظه وكل دقيقه وكل ساعه قطع خيالي صوت تلفوني طلعته من الشنطه طقتني امون بقوه حسيت بالالم قالت لي : صكي تلفونج
رفعت راسي جفت الناس يطالعوني شوي ويكفخوني حطيته سايلنت وشفت ان خالد الي يتصل وااي فديته يقرا افكاري توني كنت اتمناه وياي الحين اتصل خذت شنطتي وقلت حق امون في اذونها اني بكلمه عشان مازعج الناس طلعت برا
شفت محمد يسأل فاطمه الظاهر يسألها وين بروح عباله بشرد
طلعت ورديت عليه : هلا قلبي
خالد : هلا والله بهالصوت شخبارج
قلت له : بخير وانت شخبارك
خالد : انا اسأل عنج فديتج وحشتيني
استحيت حسيت ان الدم وصل راسي : مايوحشك غالي
قالي : اسمع صوت لوويه وحشره وين انتي
قلت له وانا مستانسه : انا طالعه بالمجمع قلت لك مساعه بطلع
قال : ادري بس مع من رحتي
سكت شوي واضطريت اجذب عليه قلت له : مع صديقتي وامها
خالد : اها تحملي بعمرج ومابخرب عليج وناستج
قلت له وانا اتفداه : ان شاء الله
وصكه من عندي والتفت برجع ادخل بس دعمت ريال رفعت عيني اطالعه طلع محمد اخو مرت ابوي
سالني : من كنتي تحاجين
طالعته قلت له : مايخصك
ضحك : سمعتج اصلا
مشيت بدش عنه داخل سمعته يقولي : متى بيرجع
طالعته شفته مبتسم عرفت انه يقصد نواف اخوي كملت دربي ورحت داخل يلست اكمل الفلم
شوي وشفته رجع لمكانه بعد ساعه وربع تقريبا خلص الفلم وطلعنا
شرينا عشا ورجعنا البيت لان موعد رقادي وصل وانا للحين مارقدت وصلنا امون بيتهم ورحنا احنا البيت
دخلت شفت مرت ابوي وابوي في الصاله دخلو عيالها سلموا على امهم مشيت بدربي رايحه غرفتي بس قبل لا اركب الدري لاحظت محمد الي دخل اول غرفه على اليسار انقهرت لان هذي غرفة امي يوم اشتد عليها المرض نزلت لهذي الغرفه يعني كانت فيها ريحتها ريحة الغاليه رجعت للصاله ورحت وانا اقول حق ابوي بعصبيه : من سمح له يقعد بغرفة امي
قالي بعصبيه : امج ماتت الله يرحمها
رديت بقهر : بس هذي غرفة امي فيها ريحتها ريحتها ليش تخلون هالخايس فيها
طالعني ابوي معصب : ماتستحين توج ظاهر معاه والحين تقولين هالكلام عنه
قلت له : انا مستعده انزل تحت وهو يبقى بغرفتي بس يقعد مكان امي لا
ورحت بسرعه غرفتي بدلت ثايبي وخذت لاب توبي وملحفي ومخدتي وحطيت اغراضي المهمه بالكبت وقفله عليهم وخذت المفتاح وياي ونزلت بسرعه تحت وقفت عند غرفة امي طقيت الباب بقوه
محد رد علي
وصلني صوت ابوي ومرته من وراي : انتي شفيج ليش ماتخلين الريال في حاله
قهرني كلامهم زود فتحت الباب بسرعه شفت محمد ظاهر من الحمام افتشلت ورجعت طلعت
شوي وطلع لنا هو برا
وقلت له وانا كلي ثقه : تسمح تشيل قشك وتفارج غرفتي
ابتسم ابتسامه عريضه واشر على عيونه : من عيوني
فكرت فيها وبتردد رحت غرفتي ورجعت اغرضي مكانهم وشغلت الاب توب ودخلت الحمام اتغسل قبل لا ارقد
طلعت من الحمام شفت باب غرفتي ينفتح الحمدله كنت قافلته قلت من ورا الباب : من
رد علي بصوته الي يقشعر جسمي : مو قلتي روح ارقد في غرفتي والا غيرت رايي
قلت له بملل :يصير تروح عن ويهي
سمعت يقول ان شاء الله وغاب حسه عن مسامعي
مادري شنو شخصيته هالانسان مره احسه يكسر الخاطر ومره مافي منه بقلة الادب شكله يعرف يمثل يتقن الادوار زين فكرت شوي لي ماقلت هذي توه يومين من شفته بحياتي وقلت عنه جذي رديت اتحسف شلون طاوعني قلبي اخون خالد واطلع وياه رجعت بكلامي بس انا مو طالعه بروحي وياي بنات اخته وامون ياربي شنو سالفته هالريال لييش توه ظاهر بحياتنا ليش ماكان موجود قبل وين كان
شلت هالافكار من راسي ورحت الاب توب وفتحت ايميلي شفته نكه منور ايميلي الا منور لاب توبي بكبره
سلمت عليه ورد علي السلام
سألني : استانستي
رديت عليه وقلت له : وناستي وياك
حط لي الويه المبتسم وقالي فديتج يالغاليه
سألته : من متى هني
رد علي : من عقب ماكلمتج دخلت
قلت له اتدلع عليه : ليش داخل وانا محد
قالي : ليش ماتوثقين فيني
قلت له بكل ثقه : اوثق فيك ثقه عمياء جم خالد عندي واحد ومطلع عيوني
ضحك وقالي : انا مطلع عيونج
رديت : ايه ومطلع لي قرون بعد
شفته يضحك استانست وايد دعيت وقلت له : عساها دوم هالضحكه علينا
قالي : آمين
سألني : تدرين شنو كنت اسوي من دخلت
تسائلت وقلت له : شنو
خالد : كنت اشوف مواضيعج بالمنتدى
قلت له : بعد عمري
رجع قالي : ماادري نوره احس انج مجروحه من احد
قلت له : لا والله محد يقدر يجرحني
خالد : مواضيعج تقول جذي
قلت : مجرد مواضيع انقلها واحطها
خالد : مدري
قلت له : لاتشغل بالك مجرد مواضيع عاديه قلبي
خالد : خلاص قلبي انسي السالفه
نوره : ان شاء الله
ويلست اسولف وياه لي الساعه 2 ونص هني خلاص حسيت ان عيوني قامت تغمض بروحها
قلت له : خالد قلبي انا بطلع الحين
قالي : مليتي مني
قلت : انا امل من روحي ولا امل منك بس والله عيوني خلاص مو قادره تفتح ابي ارقد
خالد : خلاص روحي رقدي
عرفت انه زعل بس والله مو قادره حتى اراضيه عيوني خلاص كل يوم هالحزه في سابع نومه
قلت له : تصبح على خير واشوفك باجر
ونطرته يرد شفته مارد علي عرفت انه زعل من صجه طلعت عنه ورحت ارقد
حطيت راسي ع المخده وراحت على رقده حتى صلاة الفجر ماصحيت لها
قعدت الساعه وحده الظهر شفت الساعه ونقزت بسرعه ماصليت لا الظهر ولا الصبح رحت تغسلت وتوضيت وصليت الظهر والصبح نزلت تحت شفتهم يتغدون بس ماكان لي نفس حق اكل سألتني مرت ابوي : شفيج قاعده متأخره
نوره : تعبانه وراسي يعورني
رحت غرفتي فتحت لاب توبي وفتحت ايميلي لقيته موجود يالله خالد للحين هني ماطلع
دخلت على طول وكلمته
سلمت عليه وسالته عن اخباره بس لقيت طاف قعدت اتكلم واتكلم بعد ربع ساعه طلع عني وخلاني اهذر بروحي
صبرت شوي قلت يمكن فصل من عنده والا شي بس مادخل صكيت ايميلي ولاب توبي ورحت اتصل اراضيه اتصلت عليه مارد رجعت اتصل مره ثانيه بعد مارد طرشت له مسج (( خالد اذا لي غلا رد ))
رجعت اتصلت رد علي وصلني صوته كان تعبان : قلت له شفيك
قالي بتعب : مافيني شي
سكت شوي وقلت له : انا اسفه ادري اني غلطانه بس والله كنت تعابنه حدي وابي ارقد
ابتسم مع اني ادري انه تعبان صوته يبين لي جذي : لا تتأسفين انا غلطان اصلا انتي تعبانه وتبين تنامين سألني : كيف اصبحتي
قلت لها : على صوتك
ضحك ورجعت كملت : يعني اكيد صباحي حلو
خالد : بعد قلبي والله
يلست اكلمه تقريبا ساعه ونص وبعدها قفلت من عنده ونزلت يلست في غرفتي اشوف التلفزيون كانو حاطين إعادة برنامج سيرة الحب اتصلت بنت تقريبا مشكلتها مثل مشكلتي تحب واحد مو من ديرتها وماقط شافته ولا شافها بس في اختلاف هي تطلب منه يخطبها بس هو مو راضي يبي يشوفها قبل شدني الانتباه لهالمشكله بالذات وطولت ع الصوت اسمع رد الدكتوره فوزيه قالت لها انه يلعب عليها لو هو يحبها صج على طول خطبها ومابيهمه شكلها ولا مظهرها
ازعجني ردها على طول صكيت التلفزيون ويلست افكر مع ان كلامها صح لو هو صج يحبها خطبها من غير لا يشوفها ودي اتجرأ مره واقول حق خالد اخطبني بس في اشياء وايد تمنعني لا عندي ابو عدل لي خطبني بيقابله ولا عندي الجرأه عشان اقوله بس السبب الاعظم خوفي من رده يمكن يصدمني استمر جذي وياه احسن من لا انصدم بجوابه
هذي السنه الثانيه من عرفته وحبيته ولا انا شفته ولا هو شافني طردت هالافكار من بالي لان مستحيل يشوفني لو شنو صار قمت رحت الحمام تسبحت ولبست لي بيجامه دافيه لان الجو بادر شوي عدلت شعري ونزلت تحت بسوي لي نيسكافيه بس شفت محد موجود بالصاله الظاهر طالعين المهم سويت النيسكافيه وكنت بقعد اطالع التلفزيون بالصاله بس تذكرت محمد اخوها وانا مالبست شي يسترني ولا غطيت شعري حطيت النيسكافيه ع الطاوله ورحت ركيض غرفتي لبست لي جلابيه وخليت شيله على راسي ونزلت شغلت التلفزيون ويلست اطالع مسلسل مكسيكي صارلي شهور وانا اتابعه للحين ماخلص الي يعجبني في هالمسلسل البطله والبطل يحبون بعض ورغم كل الظروف الي واجهوها للحين متمسكين بعض
سمعت حس الباب بيتبطل بسرعه عدلت شيلتي بس تفاجأت يوم اني ماشفته محمد هذي نواف رحت ركضت له ولويت عليه وانا اصيح وحشني وحشني بوسته وقلت له وانا اصيح : وحشتني
قالي وهو يتأمل ويهي : وانتي وحشتيني والله
ابتسمت يوم شفته يمسح دموعي ويحذرني : ان شفت هالدموع مره ثانيه رجعت
قلت له : مابغيت اشوفك وتقول بترجع
قالي : خلاص اجل مانبي هالدموع
رديت قلت له : ليش ماقلت لي انك ياي
نواف وهو يقرص خدي : مفاجأه
طالعت ويهه وقلت : والله وكبرت يانواف
ضحك علي قالي : ليش قبل شنو شايفتني
قلت وانا اغمز له : خلاص بنعرسك
طالعني بنظره : فال الله ولا فالج
نوره : ليكون متزوج لنا اجنبيه
قالي : الظاهر متأثره من المسلسلات انتي انا رايح ادرس مو اعرس
وقطع حديثه ابوي كان داخل قام نواف وسلم عليه


لامارا غير متواجد حالياً   رد مع اقتباس
قديم 06-07-13, 08:40 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

ابوي : شخبار الدراسه
نواف : تمام الحمدلله
ابوي : ان شاء الله ولا تنسى تاخذ الشهاده الي ترفع راسنا
نواف : ان شاء الله
وباس راس ابوي ورجع قعد
طالعته فديته اخوي يعرف السنع انا هذي الحركه ماعمري سويتها حق ابوي لانه مو ابو يستاهل احد يبوسه على راسه لي صارريال وله كلمته بعدينن يصير خير
ويات مرت ابوي وعيالها كانت تأفأف يمكن صدمتها جيت نواف بس بيبقى بيتنا انا واهو حتى لو كانت هي ماتبينا
يلسوا امل وفاطمه يمي وسمعتهم يتهامسون امل : اينن
فاطمه : لو اهو مو اخوي حبيته
ابتسمت بعد عمري والله يشبهني ضحكت على تفكيري لانه حلو قلت يشبهني هو صج يشبهني بس في الخشم والعيون
قام نواف راح غرفته يتسبح ويرتاح عقب السفر
ردت علي مرت ابوي : هذي الي تبينه ارتحتي الحين
طالعتها بنظرات متسائله فيها علامه استفهام
ردت : خليتي اخوي يطلع من البيت راح يستأجر له شقه
قلت لها : تبينه روحي قعدي عنده
وقمت بروح بس سمعتها تقول حق ابوي : شفتها شتقول لي
ابوي : نوره شنو هالكلام
قلت فخطاري جان تبي انت بعد الحقه وروح عيش عنده لان وجودك مثل عدمه
ماعطيته ويه ورحت غرفتي
صايره قويه لا تلوموني نواف اخوي هني يعني محد يقدر يسوي لي شي
رحت فوق فتحت الكمبيوتر لقيت خالد موجود دشيت وزفيته شوي لانه مارقد هذي ثاني يوم له ادري انه زعل بس خله يروح يريح حرام عليه بعد ماطلع طلعت عنه انا شوي واتصل فيني
يحسب اني زعلت
خالد : شفيج زعلتي
قلت له : لا
قالي : عيل ليش طلعتي
قلت له : عشان تطلع ترقد
ضحك : وقالي مافيني نوم
قلت بجديه : خالد اكلمك من صجي
قالي : وانا اكلمج من صجي
فتح نواف الباب وصكيت التلفون في ويه خالد
كنت مرتبكه شوي
نواف : شفيج
قلت وانا ابتسام ابعد الارتباك عني : جذي احد يبطل الباب
ضحك : من صغرج خوافه
قلت له : دام تدري مره ثانيه صير رقيق وياي
باسني في خدي وقالي : ان شاء الله يا احلى اخت بالعالم
اكتفيت بأبتسامه
قالي : شرايج نطلع
نوره : وين
نواف : ماتبين تطلعين
قلت وانا اهز راسي : اكيد ابي اطلع
ضحك علي وقال : حشى من متى ماطلعتي
قلت له : من امس
قالي : غريبه منو طلعج
قلت له : محمد اخو مرت ابوي
عصب علي : ومن سمح لج تطلعين ويا واحد مثل هذي
نوره : مو بروحي وياي فاطمه وامل وامون
قالي : يبقى غريب وراعي سوالف
نوره :راعي سوالف
قالي بغير السالفه : انا حذرتج وياويلج ان سمعت انج رحتي وياه مني او مناك
قلت فخاطري مادريت اهم يبون يعرسوني اياه
نوره : كان ساكن هني من جم يوم
نواف : حلفي
نوره : والله حتى مخليته البقره في غرفة المرحومه
تنهد نواف وترحمنا لها: ماعندها قلب هالانسانه
ابتسمت : ع الاقل انت مرتاح منها مو مثلي انا
قالي : شكلج ماتبين تطلعين
قلت له : امبلا بس من وين لك سياره
نواف : باخذ سيارة ابوي
قلت : اذا على جذي اذا عطاك السياره تعال قولي عشان ابدل
نواف: تطنزين
نوره : انت جرب وشوف
نواف : اوكي دقايق وانا عندج
طلع نواف وطلعت تلفوني من تحتي كان نواف يتصل للمره المليون
ردت عليه : اسفه اخوي كان عندي
عصب علي:ع الاقل قلتي باي
قلت له : والله دش على غفله
قالي : مو قلتي ان اخوانج ما ايون غرفتج
قلت له : هذااخوي خليصي توه راجع من السفر
خالد : بس للحين ماخلصو امتحانات شلون يرجع
قلت : مادري اهم شي رجع
سكت
ورديت قلت له : انا أستأذن الحين لاني بطلع مع نواف
قالي : متأكده انه اخوج
عصبت عليه : ليش شنو شايفني مو متربيه والله اخوي
خالد : متأكده
كالعاده ماقدر ادافع عن روحي وخصوصا جدام خالد اكتفي اني اقفل التلفون في ويهه
شوي ودخل نواف يحرك المفتاح
قلت له : دقيقه وانا عندك
دقايق وكنت لابسه حطيت لي دهن العود ولبست نعالي وخذت تلفوني ونزلت له تحت شفته كان بالسياره فديته والله محلو وايد كان لابس ثوب ومغتر ماشالله عليه شكله اكبر من عمره يعني الي يشوفه يقول هذا عمره 23 او 24 وهو عمره 19 سنه
ركبت السياره ومشينا تقريبا كل شارع في البحرين مرينا عليه
سألته : وين بنروح
نواف : بندور شوي برجع ذاكرتي بعدين بنروح نتعشى تو الناس
سألته سؤال غبي : ليش يعني نسيت البحرين
نواف طالعني كان وده يضحك علي : في احد ينسى ديرته انتي بعد
ومشينا بالاخير بعد مافر راسي نواف خذاني المطعم نزلنا تعشينا كان ماسكني من يدي وطرت بأحلامي اتخيل خالد مكانه ياربي بسرعه طردت هالافكار بعد اسويها واناديه خالد بالغلط
طلبنا ووصل طلبنا ويلسنا ناكل ونسولف سألته : متى بترجع
قالي : ليش تبين الفكه مني
قلت : حشى والله لو ماترجع احسن
ضحك : لا ان شاء الله اجازتي اسبوع بس
بققت عيوني : اسبوع بس
قالي : ايه هذي ماعطينا اجازه للأمتحانات عشان ندرس فيها بس انا رجعت لاني مابقدر ايي في الصيف
تنهدت بضيق : ليش
نواف : لاني ماخذ مواد صيفي
قلت له : متى بتخلص وبتفكنا
قالي : هالكثر مرت ابوي ماذيتج
قلت له واحس الدمعه بتنزل من عيني : مو عن جذي بس انت ماتدري شيصير وانت محد
نواف شصار : ابوي يبي يعرسني محمد
وقف نواف معصب ورحت وراه بسرعه ركبنا السياره
وكان يسوق بسرعه جنونيه وانا مغمضه عيوني اخاف من السرعه بطلت عيني لقيت شاحنه جدامنا صرخت عليه نواف شوي شوي ويزيد بالسرعه عناد فيني لاني ماقلت له من قبل وتفتر الشاحنه تبي تتجاوزنا صرخت باقوى ماعندي نواااف
وبريك قوي يقطع تفكيري بالكامل


لامارا غير متواجد حالياً   رد مع اقتباس
قديم 06-07-13, 08:41 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــ 5 ـــزء


غمضت عيوني بقووه مابي اشوف شنو بيصير حسيت ان قلبي بيطلع من مكانه من قوة البريك
سمعت صوت نواف يناديني حمدت ربي انه بخير بطلت عيني وقلت له بعصبيه : زين جذي بغيت تذبحنا
قلت له وصوتي مخنوق : لو ميته الحين جان افتكيت
شفته يطالعني بنظرة غضب ادري مابيطوفها على خير بيعاتبني في البيت لان الوقت مو مناسب قلبه في يده الحين من الخوف
بعد دقايق وصلنا البيت نزلت من السياره رايحه غرفتي لقيت في ويهي عند الباب محمد طالعته بعصبيه من يوم مادش بيتنا وهو يايب المشاكل ضحكت على كلامي لانه من قبل لا ايي اهو المشاكل لاحقتنا رحت اركض غرفتي
حذفت شنطتي وعباتي ع السرير ووقفت عند المنظره امسح الكحل بس وقفت يوم سمعت صراخ نواف اخوي بطلت باب غرفتي وقفت ع الدري اسمعه يصارخ على منو اكتشفت انه يصارخ على ابوي نزلت تحت بهدي الوضع شفت محمد متكتف ويطالعهم ويضحك شفت ابوي ماسك نواف من يده كأنه ياهل عنده مو ريال رحت بدافع عن اخوي ولقيت لي كف طيرني ع الكنبه ياني نواف بسرعه وقومني قالي : بتروحين وياي
نواف يخيرني يا اروح وياه ياابقى بهالبيت
قمت رحت غرفتي افكر فيها نواف اخوي يخيرني دقايق وسمعت نواف يطق الباب قمت فتحته رجع سألني نفس السؤال : بتروحين وياي
قلت له : وين
قالي بعصبيه : جهنم
قلت له وانا ابتسم : المكان الي بتروحه بروح وياك المهم مابقى هني
شفته يقولي وهو طالع : رتبي اغراضج انا بروح احجز لنا وراجع
وطلع عني
شقصده يعني بسافر بروح وياه مكان مايدرس بروح ديرة الغرب بنعيش بروحنا هناك وابوي طردت التفكير بأبوي عنده الي يغنيه عنا خلهم ينفعونه
قمت ارتب اغراضي حيت كل اغراضي الي في الكبت فضيت الغرفه من كل شي يخصني يمكن هذي اخر مره اكون في هالغرفه حطيت اغراضي وقفلت الشنطه طالعت لاب توبي الي ماقدر استغنى عنه شلته وياي اليوم بالذات كله مافكرت بخالد ولا كلمته ولا دشيت النت بعد شلت تلفوني بتصل فيه بس دخل نواف وقالي ان طيارتنا باجر الساعه 6 الصبح
بهالسرعه يعني قلت له : وايد بسرعه
قالي : تبين محمد قعدي هني
قلت له : لا مابيه
رد : خلاص نصلي الفجر ونروح المطار
وطلع من رجع وهو مارتاح الا شوي يلست افكر فها بس نواف من وين بيصرف علي المصروف الي يعطونه اياه الجامعه زين الي يكفيه ودراستي يعني مابخلص ثانوي رحت حق نواف غرفته طقيت الباب ودخلت لقيته منسدح ع السرير وطبعا شنطته مثل ماهي حتى مافتحها
قلت له : من وين بتصرف علي
قعد وقالي : المصروف الي يعطوني اياه يكفيني ويكفيج
قلت : ودراستي
نواف : شفيها
نوره : انا ابي اخلص دراستي
ابتسم وقال : نوره خرفتي عادي خلصيها هناك
نوره وابتسامه عريضه : الي تبيه بيصير
وطلعت بروح غرفتي الحين الساعه 2 يعني مابقى شي ع الصلاه ليش ارقد بعد نزلت المطبخ بسوي لي نيسكافيه عشان ما ارقد نطرت الماي لي يغلي وحطيت في الكوب وحطيت شكر ونيسكافيه وصبيت الماي عليه ذقته يااي لذيذ طلعت من المطبخ سمعت صوت احد توه ياي رفعت راسي كان محمد محمد الي بيدمر حياتي مثل مادمرتها اخته من قبل قالي : ليش سهرانه
طنشة كلامه ومشيت بس وقفت يوم شففته مسكني من جتفي الظاهر اذا بسكت عنه بيتمادى بس صرخت عليه بالخفيف عشان محد يسمع وتصير مشكله اكبر : والله اني ماخليت يدي بهالكوب على ويهك بشوهه لك
محمد : لهدرجه ماتدانيني شمسوي لج انا
قلت له وانا حدي معصبه خلاص النيسكافيه بيروح على ويهه ان تحجى بعد : مو شغلك قليل الادب شكله محد رباك وانا الي بربيك
شفته يضحك بأقوى ماعنده قهرني من قلب ورحت عنه بسرعه صوب الدري سمعته يقول: لا تطبقين الي تسويه فيج اختي علي زين ماما
قهرتني طريقته يوم يقول زين ماما بس الشرهه مو عليه على الي توقف وياه
دشيت الغرفه وشغلت الاب توب ابي خالد بس لقيته محد صح اليوم هو بالدوام شلت تلفوني اتصلت فيه مرتين مارد علي الظاهر مشغول صارت الساعه 3 هذي موعد نهاية دوام خالد اتصلت فيه وصلني صوته فديته
قلت : قوه قلبي
خالد وهو يضحك علي : يقويج شفيج تقولينها جذي
نوره : لاني اشتقتلك
خالد : تشتاقلج العافيه وانتي وحشتني والله
نوره : مايوحشك غالي
قالي: زين قفلي الحين ولي وصلت البيت بكلمج لا يخلص رصيدج
نوره :لا والله وبعدين رصيدي فداك
ضحك وقال : عنيده
نوره : مو اعند منك انت راسك يابس
خالد : هههههههههههههه بل
نوره : اي والله الي براسك تسويه لو شنو
قالي بملل : اها
ادري فيه مايحب احد ينتقده او يقوله شي
قلت له : خالد بقولك شي بس اتمنى ماتتضايق ولا تزعل
قالي : شفيج
نوره : اول قول وعد مابتزعل ولا بتتضايق
خالد : في احد خطبج
ضحكت على تفكيره بس من غير لا يسمع لان ان سمع كفخني
نوره : لا وين راح تفكيرك
خالد : عيل شفيج لا تقعدين تتكلمين لي بالالغاز
نوره : انا باجر بسافر مع اخوي
سكت خالد
كملت كلامي انا : وبخلص دراستي هناك
خالد : من صجج تحجين
نوره : عيل اتغشمر وياك والله من صجي
خالد : اخوج ولا ريلج
نوره : والله العظيم مو متزوجه انا توني صغيره عمري 16 وعقب شهر بصير 17
خالد : عادي في بنات وايد بعمرج متزوجات وعندهم عيال بعد
نوره : بس انا مو متزوجه ولا شي
خالد : بملل اوكي استأذن الحين مع السلامه
وقفله في ويهي هذا الي بكفخه الحين ناقصته انا بعد انا الي اتصل وهو الي يصكه في ويهي
رديت اتصلت فيه مره ثانيه لقيت احلىى طاف
طرشت له مسج (( انت ليش ماتصدقني والله اني مو متزوجه ولا مخطوبه توني صغيره ))
شفته يتصل رديت عليه
نوره : هلا
خالد : اوكي انا ماقلت لج ولا قلت مو مصدقج
نوره : عيل ليش مو مصدق انه اخوي والله اخوي
خالد : خلاص على راحتج الي تبين تسوينه سويه انا مو مسؤول عنج
ذبحني بكلامه هذا ماعنده احساس يقول كلام قوي ولا يفكر شنو بيسوي بالطرف الثاني هالكلام
كمل كلامه : واسف اذا ازعجتج
ورجع قفل التلفون في ويهي
يلست اصيح قهر هذا مايحس سنتين وقريب بندخل في السنه الثالثه وهو يسوي فيني جذي مسحت دموعي على صوت المؤذن قمت تغسلت وصليت الفجر بعد نص ساعه وصل نواف من المسيد
وخذ شنطتي عشان يوديها السياره نزلت دمعتي وانا اتأمل سجني الي عشت فيه14 سنه تأملت كل زاويه في اغرفه بس وصلني صوت نواف من تحت خذت شنطتي ولاب توبي لاني ماستغنى عنه ونزلت تحت وصلت عند الباب بطلع بس وقف ابوي بنص الدرب واعترض الطريج : وين بتروحين
قلت له : مو انت تبي الفكه مني ارتاح الحين وعيش حياتك وطالعت مرت ابوي مع الي تبيهم كفايه 14 سنه وانت تعذب فيني
قال : انا ابوج وولي امرج وطلعه من هالبيت مافي
كانوا كلهم موجودين ابوي مرته واخواني احمد وجاسم واشجان وفاطمه وامل وخالهم محمد بعد
قلت له وانا اصيح : الحين تقولي ولي امرج وينك من قبل وينك يوم كنت احاتجك انت حتى حنان الابو ماعطيتني اياه
قلت له: عندك ثلاث من بدالي بيسدون مكاني وبيكفون ويوفون
وطلعت عنهم بس في شي جذبني في شي هزني خلاني اتيبس في مكاني لمحت الدمعه في عيونه في عيون محمد ليش دموعه في عينه شنو فيه شفته شلون ينسحب من الصاله رايح لغرفته وبكل هدوء دخل الغرفه وصكها وراه شفيه هذا الي محيرني اول مره اجوف دمعه ريال هزتني هالدمعه بس صحاني من التفكير نواف اخوي وهو يسحبني لي السياره ركبت وانا اصيح بغزاره صج ماعمري شفت منهم شي عدل بس بعد بفتقدهم بفتقد هواش مرت ابوي بفتقد خواتي الي مادري عنهم ولا يدرون عني بفتقد تذكرت امون امون بفتقدها فديتها حتى سلام ماسلمت عليها قلت حق نواف : تكفى نواف ودني بيت امون ابي اسلم عليه
نواف : تدرين الساعه جم الحين
قلت له : مو مهم امون تسهر خذني لها تكفى بس بسلم عليها
وبعدين ماحنيت على راسه لي ماخذني وطبعا ماخاب ظني امون كانت سهرانه ونزلت لها وسلمت عليها و صياح وخلصنا دربنا ورحنا المطار
ركبنا الطياره اول شي لقينا مشكله طبعا لاني نحس في كل مكان المشاكل تلحقني خلو كرسي نواف يم بنت اجنبيه وانا حطوني يم ريال بحريني والريال مايبي يغير محله بالاخير ومني ومناك البنت قالت بتغير مكانها ويلست انا يم نواف من ركبنا الطياره حطيت راسي ورقدت من التعب قعدني نواف يوم وصلنا طاف الوقت بسرعه ماحسيت بالوقت لاني كنت راقده نزلنا من الطياره يودت يد نواف بقوه خايفه من الناس يخرعون المهم خلصنا الاجراءات والجوازات وكلشي وطلعنا من المطار رحنا بتاكسي ندور لنا شقه نسكن فيها بالاخير لقينا شقه بسعر مناسب كانت غرفتين وصاله صغيره وحمام مشترك ومطبخ نواف من التعب را يرقد لان الصبح بيروح ينقل اغراضه من سكن الطلاب بييبهم هني وانا يلست ارتب اغراضي في غرفتي الي كانت تطل ع الشارع كان المنظر حلوو وايد حطيت اغراضي في مكانها وخلصت منها عقب تعب وحطيت لاب توبي شفايدته من غير خط نت رديته مكانه وطلعت برا اشوف التلفزيون يلست اطالع لقيت برنامج طبخ كان يسوي حلاوه خذت الوصفه فكرت اسويها احسن من القعده بس مافي اغراض بالمطبخ شوي وقعد نواف قالي بيروح السكن بييب اغراضه وحذرني مابطل الباب حق احد وزادني خوف من تحذيره ماحذرني الا اكيد في شي المهم نطرته يطلع وقفلت الباب وراه
رحت غرفته ارتب اغراضه الهي عمري لاني خايفه وكنت ارتبهم بسرعه من كثر الخوف نقزت يوم سمعت الجرس يرن شوي وتنزل الدمعه من عيوني من ياينا هالحزه رحت شفت من العيون السحريه كانت مرأه قلت من ورا الباب : من
شفتها تبتسم : انا جارتكم فتحي الباب
قلت بجذب لان نواف محذرني : ماعندي مفتاح
قالت : عيل ازورج مره ثانيه
وراحت
خذت نفس طويل الحمدلله عدت على خير تسندت ع الباب ورجع الجرس يرن وانقز مره ثانيه بس يوم شفت كان نواف وفي يده اغراض فتحت له الباب بسرعه
ودخل هو راح يرتب اموره بغرفته وانا رحت المطبخ اسوي لنا شي ناكله



لامارا غير متواجد حالياً   رد مع اقتباس
قديم 06-07-13, 08:43 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــ 6 ـــزء





لبست دفتي وحطيت آخر لمسه طالعت نفسي بالمنظره اهبل خذت شنطتي ونزلت تحت ومشيت طالعه من البيت لقيت سياره اكس فايف ركبت فيها وانا طايره من الوناسه لقيت شريط في السياره دخلته بالمسجل اشتغلت اغنية ماجد المهندس بين ايديا ياااي احبها هالاغنيه اندمجت وقمت اغني وياه سمعت حس الي يسوق يمي : صوتج وايد حلو
توني حاطه بالي التفت عليه ياربي يهبل متين شوي ولابس ثوب وغتره وله لحيه خفيفه
قالي : شرايج فيني
قلت له وانا ابتسم : تهبل فديتك
رد علي : تسلمين لي يابعد قلب خالد
لا هذي خالد والا انا احلم الا خالد بشحمه ولحمه نفس الوصف الي قاله لي عن نفسه ياربي بموت احبه والله احبه
طالعني : شفيج
قلت له بحيا : مافيني شي
قالي : اكيد
قلت له : اي اكيد
ومشينا وصلنا لشارع كان ظلالالام ومافيه سيارات
انقبض قلبي من دخلنا هالشارع وقف السياره على صوب
قلت له بصوت مرتجف : وين بنروح
شفته يبتسم ابتسامه خبيثه ويترقب مني
حاولت افتح الباب ابي انزل بس مافي امل كان مقفول
وهو كان يقرب اكثر واكثر
نقزت بسرعه وانا اتعوذ من الشيطان
شنو هالحلم ياربي ويلست اصيح شنو مغزى هالحلم
خالد يمكن خالد فيه شي اتصلت له وانا اصيح بس مارد علي يلست اتصل يمكن فوق الخمس مرات بس مالقيت رد
طرشت له مسجات ويلست انطره يرد بس مارد علي زدت خوف عليه ويلست اصيح من قلبي
مسحت دموعي يوم سمعت حسس برا سويت روحي طبيعيه وطلعت اشوف نواف
رحت الصاله شفته غارق بين كتبه واوراقه قاعد يدرس ابتسمت له ورحت سويت له قلاص حليب ويبته
رن الجرس قام نواف بيشوف من شوي ودخلت بنت بعمري او اكبر مني كانت لابسه تنوره بيج وقميص بني وشيله بنيه فيها بيج
بطلت عيوني من وين ياتنا هالبنت ليكون صديقة نواف والا شي من هالقبيل شوي ودخلت الصاله خذ نواف اوراقه واغراضه وراح الغرفه
بعدين اكتشفت انها نفس البنت الي ياتنا الظهر سلمت علي قالت لي : آسفه ع الازعاج
قلت لها : عادي تفضلي استريحي
يلست وقالت لي : انا شفتكم من الصبح يوم تربتون اغراضكم وقلت ايي اتعرف عليكم
نوره : ماتقصرين
قالت : انتو من وين
نوره : من البحرين وانتي
ابتسمت وقالت : انا بعد قلت حق امي تيي وياي بس قالت لي مشغوله
نوره : ان شاء الله مره ثانيه نتعرف عليه
قالت : انا سميه وانتي
رديت عليها : عاشت الاسامي انا نوره والي كان قبل شوي نواف اخوي
سميه : حسبته زوجج
ضحكت : لا اخوي
قالت : ليش بروحكم
تنهدت لانها من دشت وهي تسالني
طنشتها سؤالها وقلت وانا قايمه : خذتنا السوالف ونسيت ماضيفتج
قلت لي :عادي مابينا ضيافه
رحت سويت لها عصير برتقال
ويلسنا نسولف استانست وياها عكس اول مادشت كانت تسأل وايد
قلت لها : انتي متزوجه
سميه : لا ليش يبين علي جذي
قلت لها : لا بس من سوالفج عبالي متزوجه
سميه : الا ماقلتي لي جم عمرج
نوره : 16 وعقب شهر بصير 17
سميه : يعني انا اكبر منج
نوره : انتي جم
سميه : 18 سنه
نوره : مو بوايد يعني تقريبا بنفس العمر
سميه : صح
طالعت الساعه
سميه : انا تاخرت يالله استأذنج انا بروح ارقد قبل لاتزفني امي باجر عندي امتحان
نوره : انتي تدرسين هني
سميه : اي ان شاء الله باجر اكلمج
نوره : اوكي
وطلعت
استانست اني لقيت وحده اقضي وقت فراغي وياها
رحت لنواف غرفته شفته فديته راقد
رحت غرفتي اتصلت حق خالد مره ثانيه بعد مالقيت رد رجعت اتصلت اكثر من مره بس مالقيت رد
انسدحت على سريري تقلبت بس ماياني رقاد رحت الصاله اطالع التلفزيون تقريبا لي الساعه 2 ورحت حطيت راسي ورقدت


قعدت اليوم الثاني نشيطه طالعت تلفوني صادتني خيبة امل مافي رد ولا اتصال من خالد رحت تغسلت وطليت على نواف شفته يدرس سألته : متى امتحانك
نواف : عقب يومين
ابتسمت له : الله يوفقك ان شاء الله
نواف : ان شاء الله
رحت قعدت يمه : كليت شي
نواف : لاوالله ميت من اليوع امس ماتعشيت
نوره : شفتك راقد رحت رقدت
نواف : ليش متى راحت البنت
نوره : ماتاخرت عندها امتحان اليوم
قمت رحت المطبخ اسوي شي ناكله
نواف من الصاله : ليش اهي تدرس
نوره : اي اخر سنه لها في المدرسه
وبس سكت الظاهر قعد يكمل دراسه
سويت جاي حليب وروتي جبن هذا الي اقدر عليه
وخذته الصاله يلسنا نتريق وبعدها استأذن نواف وقال بيطلع ويا ربعه قلت له : بتخليني في الشقه بروحي
نواف : مابتأخر وين بروح يعني
قلت بملل : على راحتك
تحلطمت بخاطري وقلت : مادري من يهتم فيج يانوره حتى هالعله خالد مادري وين طاس وحاقرني
شفته طلع رحت قفلت الباب وراه وشلت الكل وديته المطبخ يلست غسلت الصحون الي كلينا فيهم سمعت الجرس رحت اركض شفتها سميه فتحت الباب وسلمت عليها
سالتها : شسويتي في الامتحان
سميه : تمامز سهل حده
نوره : دراستهم سهله
سميه : مو وايد بس اذا كنتي شاطره بالانجليزي بتمشين روحج
قلت بكآبه : مشكلتي الانجليزي بس امشي روحي فيه
سميه : ماعليج لي ابتدت المدارس انا بدرسج
نوره : ان شاء الله
نوره : انتي عايشين هني من زمان
سميه : لا من ثلاث سنين بس لان ابوي عنده دوره اربع سنين طافو ثلاث بقت وحده
نوره :اها
سميه : ماقلتي لي انتي واخوج ياييين تدرسون
تنهدت وقلت : والله سالفتي سالفه ابوي تزوج امي على زوجته يعني امي صارت ضرة مرت ابوي عقب ماولدتني امي بسنتين توفت رجع ابوي حق زوجته الاولى وانا كان عمري سنتين ونواف اخوي بعد كان صغير ربينا روحنا بروحنا هي كل الي عليها تعذبنا وتذوقنا الويل لان امي خطفت زوجها منها على حسب كلامها كان ابوي منصاع لها لابعد الحدود ماتتصورين شكثر كان يسمع كلامها يعني كلمتها هي الي تمشي في البيت من بعد ماعرس عليها صارت تخاف يرد يعرس مره ثانيه مادري شسوي فيه خلته جذي المهم لي ماتخرج نواف حصل بعثه يدرس بالخارج وهذي سنه ثانيه له رجع البحرين ولقى الخبر الي خلاه اييبني معاه هني
سميه بأندماج : شنو الخبر
نوره :اخو مرت ابوي يبي يتزوجني وطبعا ابوي مابيرفضه لانه مايرفض شي للعزيزه الغاليه زوجته
سميه بانصدام : متى ذي
نوره : من جم يوم
سميه : تو صغيره
نوره : شقولج عاد
سميه : الله كريم
نوره تطالع الساعه : اوو خذتنا السوالف الحين بيي نواف ويبي غدا
سميه : تعرفين تطبخين
نوره بخجل : يعني
سميه : شرايج اساعدج
نوره : انتي تعرفين
سميه : كلشي
نوره : حلو
ودخلوا ثنتينهم المطبخ وسوو مجبوس دياي طبعا سوته سميه وساعدتها نوره الي كتبت الطريقه عشان ماتنساها وبدورها نوره سوت السلطه مع دخلت نواف كان كلشي جاهز
سميه وهي تعدل شيلها : يالله الحين انا بروح بيتنا
ضحكت : اقصد شقتنا
نوره : قعدي تغدي ويانا
سميه : الغدا ينطرني في البيت
نوره : عيل اخذي لج شوي
سميه :مابي والله حلف
نوره تغمز لها : اخر مره لج
سميه : ههههههههههههه اوكي
وطلعت سميه راحت شقتهم الي كانت مجابله شقة نوره ونواف بالضبط
قفلت الباب نوره وراحت لنواف غرفته طقت الباب
مالقيت جواب بطلت الباب شفته يالس ع السرير وحاط يده على راسه ومغطي ويهه
قلت له بخوف : نواف شفيك
نواف : مافيني شي
نوره : نواف علي انا
قالي بعصبيه : نوره انتي لازم تتزوجين محمد
نوره : نواف انت تتكلم من صجك
نواف : اي نوره من صجي اي
نوره : لو على قص رقبتي ماتزوجته
نواف : نوره سمعيني توه متصل مهددني بيلغي دراستي هني اذا ماتزوجتيه
نوره : ليش الدنيا فوضى علي كيفه هو
نواف : بالفلوس كلشي يصير
نوره : مابيقدر وانت بتكمل دراستك واعلى مافي خيله يركبه
وطلعت عنه رحت غرفتي اصيح تعكر مزاجي تعكر كلشي في حياتي بروحه حياتي متعكره من قبل الا ايي محمد بعد
من قلب قلبي اتصلت لخالد ابيه يخفف عني شايله حمل بقلبي ثقيل اشياء حتى خالد مايدري عنها بس اهم شي اسمع صوته والله يخفف علي اشياء وايد بس مالقيت رد حطيت راسي على مخدتي ويلست اصيح لي ماراحت علي رقده قعدت المغرب كنت ميته من اليوع دشيت المطبخ لقيت الي طبخناه على حطته ماتغير شفت نواف طالع من الغرفه
نواف : زين الي قعدتي
مارفعت راسي اطالعه مابيه يشوف عيوني متنفخه من كثر الصياح
نواف : نوره ميت من اليوع سويلي شي اكله
دشيت المطبخ سخنت المجبوس وحطيته في صحن لي وله ورحت الصاله قعدنا ناكل يوم خلص اكل سألني انتي مسويته
رفعت راسي ابتسمت قلت له : اي
زهق مره وحده خرعني عطيته ماي قلت له : شفيك
نواف معصب : شفيه عيونج جذي
نوره : ها لا مافيها شي
نواف : ليش تصيحين ماتبين محمد محد بيغصبج حتى لو على دراستي
نوره : انا ماصيح على محمد ولا على غيره انا اصيح على حالي والله وجودي بالدنيا غلط
عصب زود : شوفي يوم طلعنا ذاك المره سكت عنج لكن الحين مب ساكت وان سمعتج تعيدين هالكلام ياويلج
نوره : ان شاء الله
قام نواف وقمت انا والمواعين رحت المطبخ كنت اغسل الصحون طل علي نواف قالي : انا طالع عندي دروس تقويه ويمكن ارجع متاخر قفلي الباب زين
قلت له : ان شاء الله
خلصت من المطبخ وتنظيفه ورجعت غرفتي اشوف تلفوني لقيت مسج
دعيت فخاطري اني يكون خالد الي مطرشه
فتحته وشفت رقمه
(( انا بخير الغلا ولا تحاتين ))
طرشت له بسرعه
(( خالد فيك شي ))
شوي ووصلني مسج
(( لاتحاتين انا بخير ))
رجعت طرشت له والدمعه فعيني لاني ادري ان فيه شي
(( خالد شفيك حلفت بربي اذا لي غلا عند قولي شفيك ))
نطرته شفته تاخر شوي اتصلت له مالقيت رد
سكرته لقيتته مطرش مسج
(( ماقدر اكلمج انا بالمستشفى مسوين لي عمليه ))
من سمعت طاري العميله انفجرت اصيح
اتصلت له مره ومرتين بعد مالقيت رد
قلت له بترجي
(( تكفى خالد طمني عن حالك ))
رد طرش لي مسج
(( حالي بخير قلت لج لا تحاتين ))
طرشت له وكلي خيبة امل خايفه يروح مني كلشي احبه يروح مني
(( متى بيرخصونك ))
مارد علي
طرشت له مسج
(( بتصل وعطني اكلم اي حد عندك ان شاء الله الدكتور بس اهم شي اتطمن انك بخير ))
اتصلت رن رنتين
شوي ووصلني صوت ريال
قلت بخوف : الو
قالي :هلا انا اخو خالد
قلت له بخوف مخلوط بحيا ان زين اكلم خالد الا اخوه بعد : شخبار خالد
قالي : بخير الحمدلله يومين وبيرخصونه ان شاء الله
قلت له : مشكور وماتقصر
قالي : تامريني بشي اوصله له
نوره : سلم عليه
وقفلت من عنده عقب مارتحت انه بخير
سمعت حسس برا بالصاله طاح قلبي في بطني نواف قالي عنده دروس تقويه ويمكن يرجع متاخر
فتحت باب غرفتي شوي شوي
رحت الصاله وشفت ظلال صوب المطبخ شوي ويغمى علي تجدمت وطاحت عيني على ريله صرخت باقوى ماعندي : حرااامي



لامارا غير متواجد حالياً   رد مع اقتباس
قديم 06-07-13, 08:44 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــ 7 ـــزء


يودته من يده بالقوه قومت اصرخ : حراامي .. حراامي
سمعتها تصرخ علي : هييي فضحتينا انا سميه
انصبغ ويهي بالحمر من الفشيله قلت له وانا ميته من الخوف : شلون دشيتي
قالت مستصنعه العصبيه : والله شفت الباب مبطل ودشيت
قلت بغباء : ايي صح نواف طلع وماقفلت الباب وراه
سميه : زين الي ما وصل احد من صراخج
صكينا الباب وقعدنا بالصاله نطالع التلفزيون ونسولف
سألتني سميه سؤال ماعرفت شنو ارد عليها
سميه: انتي تحبين
فكرت شوي وبعدين قلت لها : اي
سميه : اها
كملت كلامي : احب واحد مو بحريني بس خليجي وهو يحبني بعد
قطع كلامي صوت تلفوني رن بالغرفه رحت اركض له وكان خالد متصل
رديت بشوق لصوته : الوو
خالد : تو الناس جان مارديتي
قلت له بأسف : كنت مع رفيجتي ومن سمعته رن رديت
خالد : شلون رفيجتج وانتي مسافره
نوره: تعرفت عليها
صرخ علي: نوره لا تقهريني وقولي الصج
نوره : خالد بكلمك بعدين
من غير رد قفله بويهي
رحت حق سميه سألتني : هذي اهو
هزيت راسي بمعنى اي
سمية :تكلمينه بالتلفون
نوره : اي اكيد
سميه : يمكن يلعب عليج
نوره : لا احنا متفقين على الزواج بس ينطرني اتخرج
سميه : الله يوفقج




بـ ع ـــد شــهر


كثرت زيارة سميه وصارت وياي اكثر من الاخت وكنت اقولها كلشي وصارت طلعاتي وياها وايد وهوشاتي مع خالد كثرت بسبب شكه الي ماله اول ولا اخر
دشيت الشقه كنت توني راجعه من السوق ويا سميه كانت الساعه 11:55
دخلت غرفتي حطيت الاجياس الي كنت شايلتهم دخلت الحمام تغسلت وطلعت من الحمام على صوت مسج توقعته خالد بيراضيني لكن طلع مسج من امون
(( كل عام وانتي بخير الغاليه وعقبال 1000 سنه يالقاطعه ))
تذكرت ان اليوم عيد ميلادي فديييتها تذكرتي عقب هذي الوناسه بما اني ماكلم خالد حطيت راسي ورقدت
قعدت الصبح على صوت نواف :نووره باركيلي قبلوني
قعدت بملل ابي اكمل رقدتي قلت بتعب : قبلوك في شنو
نواف : في الشركه الي طرشت لهم اوراقي
قعدت عدل : يعني بنرد البحرين
نواف : ايي لازم هالاسبوع نكون هناك
استانست واايد لاني برد البحرين والله ماجذب عليكم ولهت على مرت ابوي وابوي واخواني مهما سويت فيني بعد لها ذكريات شبه حلوه
قمت بسرعه رحت تغسلت ورحت اتصلت حق سميه ببشرها اني برد البحرين ردت علي امها : السلام عليكم
نوره : وعليكم السلام شخبارج خالتي
ام سميه : بخير الحمدلله وانتي
نوره : انا تمام واله سميه موجوده
ردت علي : ليش سميه مو عندج
قلت بخوف :لا من عقب امس ماشفتها
ام سميه : بس هي قايله انها بترقد عندج اليوم
نوره : والله العظيم ماشفتها من امس
قفلته في ويهي ورحت لبست دفتي وحت شقتهم طقيت الجرس مره مرتين لي مابطلو لي
سألت امها : سميه موهني
شفتها تصيح وتقول : ياحسرتي على بنتي مادري وين راحت
نوره : للحين ماردت
ام سميه : راح ابوها يدورها الله يستر بس
قعدنا على اعصابنا لي تقريبا الظهر الا وصلت ست الحسن والدلال
قمنا انا وامها ركضنا لها
من شافتني حطت يدها على قلبها : انتي شتسوين هني
ام سميه : وين رحتي
سميه : كنت عند نوره
رديت عليها : انا من عقب امس ماشفتج
سميه : ها انا اقصد نوره ثانيه الي كانت وياي بالمدرسه
شوي ووصل ابوها من شافها قام يكفخ فيها ويطقها انسحبت انا من وسطهم ماحب ازيد عمري مشاكل صراحه مادري شنو سالفتها
رحت شقتنا لقيت نواف اول مادخلت قالي : كنتي عند سميه طبعا
قلت له : ايي
قالي : لي رديت البحرين واشتغلت بخطبها
صدمني بكلامه رديت عليه بسرع : ماتناسبك
نواف : ليش
قلت له : مادري بس ماتناسبك
نواف : بس هي دخلت قلبي
ماكثرت كلام وياه رحت غرفتي افكر وين ممكن تكون سميه ياني نواف وقالي : انا بروح احجز لنا عشان نرجع وبروح السوق جان بتيين
قلت له : ان شاء الله بس مو نتريق قبل
قالي : اوكي
تريقنا وطلعنا من البيت ورحنا حجزنا وكان بعد يومين سفرنا
رحنا السوق وتشرينا ورجعنا الشقه وابتديت انا ارتب اغراضي في الشنطه تذكرت خالد بس تجاهلته بسرعه على حركته التافهه الي سواها عشان يتأدب
هذي اليوم مر عادي مافيه اي شي يديد غير سالفة سميه الي للحين ماعرفتها وماشفت سميه هاليوم غير الصبح
قعدت اليوم الثاني عشان نرتب امورنا انا ونواف حق نرجع باجر طبعا طليت في تلفوني ماشفت اي شي من خالد هذي اسبوع يمر من غير لايكلمني عكس قبل كان في اليوم يكلمني بالساعات الظااهر صرت ما اهمه لقى الي يبيها
المهم مافكرت فيه وايد طلعت بروح حق سميه ماشفتها بروح اشوف شنو حالتها طقيت جرس شقتهم طلعت لي امها ودخلتني وصلتني لي غرفتها فتحت الباب شفت سميه يالسه تصيح وعيونها منتفخه من الصياح
سلمت عليها وقلت لها : بسج صياح
صرخت علي : كله من انتي السبب
قلت لها : انا شسويت لج
سميه : قومي طلعي عني مابي اجوفج
قلت لها بهدوء : سميه شمسويه فيج انا
ابتسمت بخبث وهي تمسح دموعها : ماسويتي شي
سألتها : وين كنتي
تجاهلت سؤالي
رديت سؤالي مره ثانيه
ردت علي : موشغلج
نوره : شفيج سميه وايد تغيرتي
رد بنبره عصبيه : ليش شنو شايفتني ماتغيرت ولا شي
قلت لها : خلاص على راحتج لا تعصبين بس انا اقولج كلشي ليش ماتقولين لي الي في خاطرج
ضحكت : ليش عبالج مينونه مثلج حق كل من اقول الي في قلبي
بط جبدي كلامها قمت بطلع من حجرتها بس تذكرت شي ورديت قلت لها : على فكره انا باجر برجع البحرين
قالت : بحفظ الرحمن طلعت عنها رحت شقتنا

اليوم الثاني الساعه وحده الظهر لازم نكون موجودين بالمطار عشان نرجع كنت طايره من الوناسه يمكن لان وحشتني ديرتي الي ربيت فيها والاكيد اشتقت حق امون وسالفها وهذرتها
لبست دفتي وشيلتي ولميت اغراضي قلت حق نواف بسلم على سميه وامها على ماينزل الشنط التاكسي
رحت لشقة سميه وسلمت عليها وعلى امها وبعدها طلعت رحت شقتنا لقيت الباب مقفول نزلت تحت شفت نواف ينطرني ركبت التاكسي واتجهنا للمطار من ركبت التاكسي وحسيت شي متغير فيه مادري شنو بس متغير ماكان يتكلم وشكله حزين عكس امس كان مستانس لان قبلوه في الشركه
المهم شلت الشك وهالاحساس الي فيني وصلنا المطار نزلنا وعطى نواف راعي التاكسي حقه ومشينا دخلنا المطار يلست انا ع كرسي الانتظار على مايخلص نواف الاجراءات ويرجع دقايق ووصل نواف مشينا وركبنا الطياره واعلن الطيار بربط الاحزمه وانطلقنا الى البحرين حسيت برااحه نفسيه لاني برجع بس مامرت ساعه الا وانا راقده
قعدت على المطبات الهوائيه كنت ميته من الخوف بس سكتني نواف وقالي انها شوي وبتروح
يلست اتصفح المجله الي موجوده جدامي لي ماوصلنا البحرين خلصنا اجراءاتنا وطلعنا اول ماطلعنا من المطار حسيت بشي بداخلي والله احبها فديت ترابها مشينا وركبنا التاكسي لي ماوصلنا بيتنا الي اهو بيت امي الله يرحمها طبعاً محد يدري برجعتنا كانت الساعه 3 الصبح فتحنا الباب ودخلنا بيتنا نفسه ماتغير لان كل الفتره الي رحناها شهر كان هدوء اكيد الكل راقد راح نواف غرفته وانا دشيت غرفتي الي كنت مشتاقه لها من قلب اول مادخلت على طول بطلت الاب توب ودخلت اتغسل وابدل ثيابي طلعت من الحمام على طول جابلت الاب توب وفتحت ايميلي وحشني والله طبعا ماخاب ظني كان موجود سلمت عليه وبعد خمس دقايق رد علي
نوره : شخبارك
خالد : تمام وانتي
نوره : بخير من رجعت البحرين
سكت شوي ورجع قالي : رجعتي من شهر العسل
والله كان ودي ادش له من الشاشه واكفخه
قلت له : جم مره اقولك مو متزوجه والله
خالد : نوره ليش ماتبين تعترفين
نوره : بذمتك وحده رايحه شهر العسل طول الليل تكلمك ومن تصبح تكلمك وين زوجها
خالد : يمكن في خلافات ومشاكل بينهم
نوره : متى صارت المشاكل وهم في شهر العسل
خالد : انتي مغصوبه عليه
قلت فخاطري لا اله الا الله
نوره : انت شفيك ماتفهم قلت انا احبك ومو متزوجه ولا مطلقه انا توني صغيره
خالد : لا تنكرين نوره انا سمعت صوته
نورره : سمعت صوت من
خالد : صوت ريلج
لاحول الله ياربي
اتصلت فيه بتفاهم وياه جذي بالكلام ماينفع
شفت تلفونه مقفول رديت عليه بالمسنجر
نوره : ليش قافل تلفونك
قالي : يازعم اتصلتي الحين
كان ودي افلعه باي شي كل ماقلت شي طلعني فيه جذابه
نوره : ليش قافله
خالد : من متى اصلا انا اقفل تلفوني
نوره : والله العظيم مقفول
خالد : انتي اصلا تعورج اصابعج اذا طقيتي رقمي
عصب عليه من قلب كلشي وله حدوده رجعت اتصلت بزفه
اول ماطقيت رقمه رن ياربي من شوي كان مقفول
رد علي عقب ثلاث رنات
خالد : هلا
نوره : هلا بك زود
خالد : ليش متصله عشان تخسرين رصيد بس
نوره : عادي
خالد :انا موجود بالمسنجر تبين شي قوليه
والله دمعت عيني شنو من قلب عنده هالانسان
نوره بنبره بدايه للصياح : يعني طرده
خالد : لا مو طرده بس انتي متصله عشان يكون وقت محمد ويخلص رصيدج وينقفل في ويهي لو تبين تكلمين وتطولين وياي كلمتيني بالمايك
نوره : وانا من متى اكلمك بالمايك
خالد : زين شعندج متصله
نوره: اول عدل اسلوبك وياي
خالد : لي رجعتي نوره الي اعرفها
نوره : وانا نفسي ماتغيرت
خالد بنبره حزينه : نوره انا احتاجج اكثر من اول
عورت قلبي نبرة صوته : وانا وياك والله خالد شفيك شنو الي مضايقك
خالد :اشياء وايد منها ظروف بالدوام و .... وانقطع الاتصال خلص رصيدي
قهرني دايما يخلص في اوقات مهمه
رجعت اكلمه بالمسنجر لقتيه حاقرني
يلست اكتب له كلام واتعذر له هم مارد علي سمعت الاذان يااربي من زمان ماسمعته
خلص المؤذن من صوب رحت صليت وحطيت راسي ورقدت
يلست اليوم الثاني ع السااعه عشر طبعا ماخذت كفايتي من الرقاد بس لان قعدني خالد كان متصل يراضيني وطبعا رضيت ماقدر على زعله اصلا
قمت بدلت وتغسلت وطلعت من غرفتي شفت البيت صخه مافي حس نزلت تحت بعد صخه رحت المطبخ شفت كلشي مرتب يعني محد لمس شي
طلعت من المطبخ شفت محمد في ويهي الحمدلله كانت شيلي على رقبتي بسرعه حطيتها
طالعت ملامح ويهه فيها شي
ابتسم مو من خاطره وقالي : متى رديتي
نوره : امس في الليل
محمد : وليش ماقلتو لنا نييكم
نوره : وبصفتك من عشان تينا
حسيته افتشل وسكت
نوره : وينهم
محمد : انتو ماتدرون
طالعته بخوف : ليش شصاير
محمد : اختي مرقده بالمستشفى
وقال بنبرة حزن : فيها الخبيث من قبل كان فيها والحين انتشر في باقي جسمها هي بين الحيا والموت
حطيت يدي على حلجي اعوذ بالله من هالمرض الي ماله علاج
قالي وهو رايح : انا بروح لها الحين اذا تبون شي اتصلو فيني مايردكم الا لسانكم
وطلع وخلاني بالصاله واقفه مكاني ياربي عكس اخته بالضبط قلبه طيب واخته قلبها اسود تعوذت من الشيطان المراه مريضه ومحتاجه دعواتنا مو دعواتنا عليه ودعيت الله يشافيها ويخليها حق عيالها حرام اشجانو تتيتم وهي صغيره مثلي
ركبت الدري ورحت حق نواف شفته راقد في سبات قعدته بهمس وقلت له السالفه وقالي بنروح لها زيارة المريض حق وواجب دخل الحمام يتسبح وبيصلي بما انه راقد من يوم مارجعنا وانا رحت غرفتي بدلت لبست دفتي وخذت تلفوني والتقينا انا ونواف تحت في الصاله وطلعنا من البيت



لامارا غير متواجد حالياً   رد مع اقتباس
قديم 06-07-13, 08:52 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجــ 8 ـــزء


طلعنا من البيت انا ونواف ورحنا المستشفى
اول مادخلنا المستشفى سألنا الممرضه عن غرفتها ودلتنا
رحنا صوب الجناح الي فيه غرفتها لقينا فاطمه وامل واشجان قاعدين في غرفة انتظار الحريم
اول ماشافتني فاطمه ياتني تركض لوت علي وقعدت تصيح عور قلبي منظرها
قلت لها : بس فاطمه ادعي الله يشافيها
فاطمه : امي بتروح مني يانوره بتروح
نوره : الاعمار بيد الله
فاطمه :والله لوتشوفين حالتها
وقعدت تصيح اكثر
خليتها ورحت ادور ابوي سألتهم : وين ابوي
ردت علي امل : راح هو وخالي محمد عند الدكتور يبيهم
يلست وياهم بغرفة الانتظار
شفت منظر اشجان الي يكسر الخاطر تصيح تبي امها شوي و وياهم اول مادشو الرياييل طاحت عيني بعيون محمد الي كانو حمر وابوي مو احسن منه بس نواف الي كان عادي ولا كأنه صاير شي
قمنا انا وامل وفاطمه رحنا حق ابوي
سألته فاطمه : شقال الدكتور
سكت ومارد عليها
زاد صياحها راحت حق خالهم محمد : خالي شقال الدكتور
ومالقت رد
هزته : خالي شقال
رد عليها بنبرة حزن :الله يشافيها
قلت بقلبي آآمين
رحنا دخلنا اول ماطاحت عيني عليها شفت شي ثاني مرت ابوي القويه الي مطلعه عيوني الحين ع هالسرير مايندرى تقوم منه اولا
كان جسمها مهزول تعبااانه شكلها كلش غير عن الي قبل صج صج كنت بصيح من منظرها بس تحملت عشان خواتي
وماقدرت اكمل طلعت برع قمت اصيح بشكل مو طبيعي صج الله يمهل ولا يهمل على الي سوته فينا انا ونواف الحين ربي جازاها
غطيت ويهي بيدي تذكرت امي توفت بنفس الطريقه مثل المرض بالضبط يلست اصيح من قلب قلبي بس بما اني صغيره ماكنت اتذكر شلون صارت حالة امي
شوي ووصلني صوت : شفيج تصيحين
شلت يدي من على ويهي طالعته شفته محمد مسحت دموعي بسرعه وقلت له : مافيني شي
نزلوا دموعي غصباً عني مره ثانيه وكنت بقوم بشرد عنه ماحب اصيح جدام احد ماحب احد يشوفني وانا ضعيفه
بس يده كانت اقوى مني سحبني ويلسني مكان : نوره حلفتج بالله قولي شفيج
طالعة عيونه حسيت بأحساس غريب كأني اخون خالد
قمت بسرعه واتصلت في نواف عشان ياخذني البيت بس جافني محمد وقالي : انا بوصلج نواف راح اتصلوا فيه الشركه
هديته يهذر بروحه مع انى شكله كان يعور القلب احسه بيذل روحه بس عشان يوصلني بس لو يموت ماركبت وياه بروحي
رحت الغرفه شفت اشجان قاعده فوق السرير ويا امها لانها وعت وقامت تتحجى من شافتني رحت سلمت عليها ببرود لو انها كاسره خاطري بس ما انسى الي سوته فيني يلست ويات شيخه اختها وياو ناس من اهلها صار زحمه بالغرفه وفي نفس الوقت اتصل فيني خالد وطلعت اكلمه
كان اسلوبه كلش غير يسولف ويضحك دعيت ربي ان مايغير علينا ان شاء الله وبعدها قفلته منه وشفت فاطمه تقولي : نوره اذا ماعليج كلافه اخذي اشجان وياج البيت من الصبح قاعده وشكلها تعبت وانتي شايفه مافي مكان
وقفت اطالعها الحين من قالها اني بروح البيت رديت عليه : ليش نواف رجع
قالت لي : نواف في البيت اصلا
رفعت تلفوني : عيل بتصل فيه ايي ياخذني
يودت يدي : خالي هني مابيقول لا
قلت لها : مابركب وياه بروحي خالج يخوف
فاطمه : نوره استهدي بالله حرام عليج خالي مافيه شي وبعدين اشجان وياج
ماحبيت اضايقها اكثر من الي فيها خذت يد اشجان الي من يودتها فضحتني قامت تصيح تبي امها وخواتها شوي ووصل محمد شالها ورحنا السياره ركبت ورا قالي محمد : ليش دريول
قلت له بنبره حاده : تبي جذي زين ماتبي ((بطلت الباب بنزل )) بنزل ومو لازم توصلي
محمد :قعدي زين يعني باكلج انا
ماعطيته ويه عصب علي : نوره لي اكلمج ردي علي
قلت له ببرود : شفيك
قالي : بس تطلع اختي بالسلامه بخطبج
قلت له : لاتعب عمرك انا رافضه
عصب وقام يصرخ : مو على كيفج انا الي اقرر
ضحكت عليه : وبصفتك من ان شاء الله
محمد : انتي بتاخذيني بالغصب او الطيب
شفت اشجان تطالعني مره انا ومره محمد تبي تفهم شصاير
قلت له : صكر ع الموضوع مو وقته وطالعت اشجان عشان يفهم واشوه الي سكت لي ماوصلنا البيت
نزلت وخذت اشجان وياي فوق سبحتها وبدلت ثيابها طبعا وهي تصيح مو عاجبتها الظاهر انا وكنت ابيها ترقد بس مارقدت سمعت صوت غرفتي ينطق كان صوت محمد وراحت بطلت الباب وراحت له قلت بقلبي : الحمدلله افتكيت منها ابي ارقد تعباااانه
قطيت روحي ع السرير ورقدت
قعدت مع صلاة العصر صليت ودخلت المسنجر مالقيت خالد غريبه مو من عادته المهم طلعت من الغرفه وانا ميته من اليوع رحت المطبخ ادور شي آكله وتذكرت نواف ماسألته شصار مع الشركه رحت له غرفته سمعته يتكلم في التلفون ويضحك طقيت الباب ودخلت
قال للي معاه بالخط الثاني : اوكي عيل اكلمك بعدين وقفل منه وطالعني سألته :شصار مع الشركه
قالي بأبتسامه عريضه : من بداية الشهر ببتدي اداوم
قلت له : مبرووك
نواف : الله يبارك في حياتج
قلت له : الحين تخليني في المستشفى وتروح عني
قالي : اتصلو فيني الشركه ورحت لهم وبعدين فاطمه قالت لي لا تيي خالي بييبج
نوره : الحين انت ترضى اركب مع خالهم
قالي : شفيها يعني شبيسوي فيج
عصبت عليه وطلعت عنه
رحت غرفتي واتصلت برفيجة عمري امون الي استانست يوم عرفت اني رديت البحرين هذي الناس العدله الي تحبني مو نواف صار عادي عنده اركب ويا الغريب
قالت انها بتييني عقب صلاة المغرب بما ان البيت مرتب رحت سويت اشياء بسيطه حق ناكلها وبعدها تسبحت وكشخت وصليت المغرب ويلست انطرها رن الجرس وفتحت كانت امون يلسنا في الصاله بما ان محد في البيت غير نواف ونواف فوق وماينزل هالحزه يلسنا نسولف صج صج كنت ولهانه عليها من قلب
سألتني : شخبار الاحم احم وغمزت لي
قلت لها وانا اضحك على حركاتها : تمام يسلم عليج
قال : عطيني بكلمه
عصبت عليها: قصورج بعد هذي حقي انا بروحي بس
قامت تضحك : بل بل قلت لج بكلمه ماقلت لج باخذه
قالت لي : عندج اخوج خله ينفعج
امينه : بل شكلج حاقده على اخوي مايسوى عليه يوم انه فكر يخطبج
نوره : ههههههههههه ويهج انا ماحقد على احد بس تدرين انا مابي غير خالد
امون بجديه : نوره انتي من صجج خالد يبيج
نوره : ليش شنو ناقصني انا عشان مايبيني
امون : مو عن ناقصج شي او مو ناقصج بس واحد لايعرفج ولا تعرفينه مايعرف الا اسمج ولا عمره جافتج ولا جفتيه شلون يحبج
رديت عليه : الحب بالقلب
امون : ادري بس بعد الشكل له دور
نوره: هو قالي الشكل مايهمني اهم شي توفين لي وماتخونين
امون : نوره تحملي ترى كلام الشباب وايد ومو كله صج حتى لو ان يحبج
قلت لها : امون لا تقعدين تشككيني فيه
قالت : صح شدراج انتي يمكن متزوج
قلت لها بعتب : امووون
امون : نوره صج حطيها في عقلج عمره 29 سنه بذمتج للحين عازب
قالت لي : امون تدرين ساعات افكر انه متزوج والي عطاني اكلمه وقال انه اخوه يطلع ولده
قالت وهي تطالع ساعتها : كلشي جايز وتوقعي كلشي من شباب هالايام
قلت لها : لاتبحلقين في ساعتج جذي تو الناس
قالت : الحين بيحطون فلم ابي اطالعه
نوره : تصدقين امون
قالت : شنو
قلت لها بأستعباط : عندنا تلفزيون
امون : ههههههههههههههههه سخيفه
وقطع سالفتنا محمد الي دش الصاله وماكنت لابسه شيلتي دورت اي شي اغطي به شعري لقيت ثوب صلاه حطيته على راسي
وهو استحى وطلع بس عقب ماطالعني وشافني من غير حجاب
قالت امون : يااربي ايينن نوروووه
نوره : اينون الي خذج الحين هذي اينن عيل خالد شنو
امون : جبي بس الي يقول جايفته
قلت بخجل : ايه جفته بأحلامي
امون : مالت عليج انتي واحلامج اقول نوروه روحي ناديه خله يقعد ويانا
قلت لها : عبالج بيقول لا
قامت تضحك
قلت لها : تدرين ان مرت ابوي في المستشفى
قالت : اي راحت لها امي جم مره تقول تعور القلب
نوره : اي والله بس تستاهل قلعتها
امون : حراام عليج
نوره : هذي يزاها من الي سوته فينا
امون : وتقولين ماتحقدين على احد
نوره : عاد هذي غير هذي عذبتني
وبعدها استأذنت وراحت بيتهم
وانا قمت نظفت المكان ووديت الاغراض المطبخ وغسلتهم ورحت فوق غرفتي صليت العشاء وفتحت المسنجر اشوف خالد بعد مالقيته اتصلت فيه بس مالقيت رد طرشت له مسج ورحت حق نواف اقوله اني ميته يوع لو يتكرم ويروح يشتريلي شي اكله وطلع راح شرا عشا وبعد دقايق من طلع وصل ابوي وامل لان فاطمه ترقد عند امها راح ابوي غرفته يريح كانت اعصابه متوتره ع الاخر وامل راحت عند خالها تشوف اشجان وانا يلست في غرفتي انتظر خالد يدخل المسنجر وصل نواف وتعشيت ورجعت وخالد للحين مادخل هذا شي غريب خالد مستحيل يمر يوم ومايدخل المسنجر اتصلت فيه وبعد مارد علي لا اتصال رد عليها ولا مسجات رد عليه ياربي هالخالد مزاجي لابعد الحدود المهم بعدت افكاري عن خالد شوي ونزلت الصاله لقيت امل تعشي اشجان يلست وياهم اطالع التلفزيون قالت لي امل : نوره بسألج
التفت عليها طالعتها
ردت علي : انتي ليش تكرهين خالي
قلت لها : انتو شفيكم كل وحده تشوفني قالت لي خالي وخالي محد عنده خال غيركم ؟
امل : لا بس لو تشوفين حالة خالي ماقلتي هالكلام
نوره: وييه الله والحاله لسانه شطوله شفيه بعد
امل نزلت راسها وقالت : لأنج ماتدرين شفيه تقولين جذي
حطيت يدي على خدي شكلها مطوله قلت لها : شفيه ؟؟



لامارا غير متواجد حالياً   رد مع اقتباس
إضافة رد

الكلمات الدلالية (Tags)
خطاي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:58 PM



Powered by vBulletin®
Copyright ©2000 - 2024, vBulletin Solutions, Inc.