آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-07-13, 03:47 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  (البارت العاااشر) -------------------------------------------------------------- في الصاله عند الشباب (في نفس الوقت) كانوا الشباب يلعبون ono مسوين تحدي بين مصعب ومشاري والباقي تشجيع والي يفوز يطلب طلب للخاسر وبعدين يلعب الكل والي يفوز يختار متنافس له وهكذا.. مشاري وهو يرمي الورقه أبو اربع: ههههههههه يلااا اسحب مصعب وهو يلعب بحواااااجبه : اراااويك يا أبو عبداليحى الشباب: ههههههههههههههههههههههههه ههههه محمد: ههههههههه يحى ولا بطيخه ههههههههههه الكل: هههههههههههههههه مشاري ومسوي نفسه زعلان: تتطنزون هاااا طيب بنشوف عيل من بيقعد معاكم ويلعب مصعب وهو يمسك يد مشاري علشان يرجع لانه قام : هههههههههه خلااااص آسف امسحها في ويهي والله انه نمزح معاك مشاري: هههه ادري بس اتغلى واشوف غلاتي عندكم هههههههههه حمد وهو يقوم : انا بروح ايب لنا شي نشربه طيب برب جاسم: تيت محمد : حشى مسنجر ذي هههههههههههه الشباب كلهم : هههههههههههههااااااااي -------------------------------------------------------------- في المطبخ نوره وهي في قمت العصبيه وبصوت شوي عالي : انتي شفيج احترمي نفسج ترى انا واايد احترمتج وساكته عنج ... جـب .. قلت لج جــــــــــــب ولا كلمه لهني وبس عااااااااد فااااااااااااااااااهمه كانت نوره واقفه يم الثلاجه وماعطه ظهرها للباب ومن كثر عصبيتها ما حست بدخول حمد نوره وهي تدخل يدها في شعرها من كثر ما متوتره ومعصبه: والله حراااااااااااام علييييييج مو كفاااااااايه خلااااااص انا شنو ذمبي انتي روحي تفاهمي معاه اذا تحبينه صج وتبينه انا شنو ذمبي انه ما يعطيج ويه حمد وهو مستغرب من البدايه بالي واقفه بس لما سمع صوتها عرفها على طول بس هي ليش معصبه ومن ذي الي تكلمه شسالفه؟؟؟؟؟؟؟؟؟؟؟؟؟؟؟؟؟؟ نوره : شنـــــــــــــــــــــــ ـــــ ـو (وقعدت تصيح) حمد زاد استغرابه وشك في الموضوع شوي وحس انه خطيير لانه لو ما كان خطير جان نوره ما قعدت تعصب وتصيح اما نوره فعلى طووووول سكرت الخط وقعدت تصيح وتصيح وبصوت شوي مبحوح: ليـش واللـ.ـه حـ..ـرام انــ.ـا مالي ذ..نب حمد وهو يجرب منها: نوره نوره انصدمت وعلى طول مسحت الدموع الي في عيونها ولفت له وتصنعت الابتسامه: هلااا حمد من متى انت هني حمد وهو يتأمل شكلها كانت رووووعه ولاول مره يطالعها وهي بدون عبايه وشيله كان شعرها مفلول وطويل يوصل لين الخصر واسود وكانت لابسه بلوزه ورديه وتنوره قصيره لين الركبه لونها اسود وفيها زركون وردي كان شكلها كيوت حمد استانس عليها: من يوم ما قلتي احترمي نفسج نوره ارتبكت وحاولت انها ترقع السالفه: هااا ..اي هذا شسمه شسموونه هذاا .. قول معاي حمد ضحك على آخر كلمه قول معاي : ههههههههههههه شلون ههههه اقول معاج وانا هههههههه ما اعرف السالفه هااا ههههه نوره تفشلت وسكتت وبعدين حست انها واقفه جدامه بدون عبايه وشيله والمشكله ملابسها واااااايد قصيره وهني زادت فشيلتها نوره وهي تحاول تتهرب: انا لاااازم اروح الحين اخاف احد يدخل ويشوفني معاك وبعدين انا المفروض ما اقعد معاك وكلمك وانا جذي بدون عبايه وشيله سوري وتوها بتطلع الي حمد يمسك يدها ويقربها منه شوي وهني نوره خلاااااص حست الدم متجمع في ويها ومو قادره تبلع ريجها من كثر الخوف والتوتر حمد حس بالسعاده انه هو ماسك يدها ما يدري ليش اذا معاها يحس بـ.هل الاحساس : نوره ممكن اعرف شسالفه ترى ادري انج قاعده تتهربين من آخر موقف صار لنا في الجامعه نوره وهي منزله راسها وتتذكر كل الي صار والتهديدات الي صارت لها من بعد ذاك اليوم : انا آسفه حمد : مالا داعي الاسف بس ممكن اعرف ليش كل هذا اذا ما في مشكله .. من كنتي تكلمين من شوي و... ليش عصبتي وقعتي تصيحين وتقولين كلااام غريب حرام وما ادري شنو ... طيب اذا ما تبين تقولين خلاااص بلاها وانا آسف على تدخلي والسموحه منج نوره وهي متردده : لااا ... مـــ..ـو جذي السالفه ... السالفه وما فيها انه ... حمد وهو يسمع بكل اهتمام: شنوو نوره وهي ترفع راسها وتطالعه وعيونها كلها دموع: خـــ.ـلــو.د حمد وهو مستغرب وخاف على نوره يوم جاف الدموع تتجمع في عيونها: خير شنو فيها وشنو دخلها في الموضوع وليش تصيحين هاا تكلمي نوره وهي تمسح عيونها بيدها وبكل نعومه وبحركه طفوليه : هي الســ.ـبـ.ـب حمد تخبل على شكل نوره وهي تتكلم وتمسح دموعها بشكل طفولي بس حاول انه يضبط نفسه وهو يبلع ريجه: لـ.ـيش شفيها نوره وهي منزله راسها وبصوت شوي مبحوح وحزين : من آخر مره تهاوشنا مع بعض يوم في الكفتيريا تتذكر حمد وهو يسمع بكل اهتمام: اي نوره وهي تحاول تهدي نفسها وتقول حق حمد وهي تحس برتباك وخجل: من يومها دوم تطرش لي مسجات انها راح تنتقم مني وتاخذ حقها وانها راح ترد لي بدل الصاع صاعيــن وانا كنت ... دوم اتجاهلها وما ارد عليها ولاا على مسجاتها ... وفي يوم كنت قاعده على النت جفت ... اضافه في ايميلي وقبلت علشان اعرف منو ..... ويوم قبلت الايضافه ... كان الشخص اون لاين وكلمته وقلت له منو معاي.... وهو رد بضحك وانا استغرت وبعدين قال لي ... شوفي صورتي الرمزيه الي الحين بحطها .. ودققي عدل علشان تعرفينها ... وانا لما شفتها انصدمت .. كـ..ـانـ..ـت صورتي .. انا من الخوف ما عرفت شاسوي ... ويوم قلت له منو انت قال انا مو ولد .. انا بنت وتعرفينها زين ما زين... انا على طول خطرة في بالي خلود وقلت لها .. انتي خلود صح .. قالت اي انا خلود الي راح انتقم منج وافضحج وافشلج ورد لج بدل الصاع صاعين ... قلت لها انتي شتبين مني بضبط .. قالت ...ابيج تتركين (وسكتت) حمد وهو على اعصابه : تتركين منو تكلمي نوره وهي منحرجه منه: قالت لي اني اتــ..ـركـ..ـك حمد وهو مستغرب وفي حاله صدمه: انـــــــــــــــا نوره وهي تهز راسها: اي انت حمد وهو للحين مو مستوعب: ليـــــــــــش؟؟ نوره وهي تتشجع علشان تقول له: تقول انها .. تحبك وانت مو ما عطها ويه .. وانه انا السبب في هالشي .. وهي تعتقد انه بيني .. وبينك شي حمد وهو قاعد يحاول يستوعب السالفه: يعني هي تعتقد انه بيني وبينج شي ... وانه انا ما عطيها ويه لهسبب .. وانها تهددج في صورج وشرفج ... هذي ينت وله خرفت وله شسالفه نوره وبحزن باين: لااا هي جديه وهي من جم يوم تتصل وتهدد و... تبيني اساعدها علشان تكون لك ... وانا كنت دوم اخترع اعتذار لها علشان ما اسوي شي اندم عليه ... وبعدين انت ما لك اي ذنب .. علشان ادخلك في المشكله .. هذا ذنبي انا بروحي ولازم اتحمله ... وبعدين قمت احقرها وما ارد على اتصالاتها .. بس اليوم ازعجتني ورديت .. وياليتني ما رديت عليها .. تقول انه هي آخر مره .. حاولت تكلمك وانت ابد ما .. عطيتها ويه .. وقالت لي اذا ما ساعتها راح تنشر الصوره .. تخرب شرفي ..وبعدين قامت تسب وتجرح لين انا ما استحملت وسكرته في ويها ................ عم السكوت لحظات بين حمد ونوره وبعدين تكلم حمد وهو يناظر عيونها: نوره نوره تنزل راسها ومنحرجه من نظرته : نعم حمد وهو يمسك يد نوره مره ثانيه ويجربها لين شفايفه ويطبع بوسه عليها وهو يقول لها : انا آسف نوره جمدت في مكانها من الصدمه من حركه حمد الي سوها لها: ......... حمد وهو منحرج شوي من جرئته : انا آسف لاني صدمتج وحرجتج وسببت لج مشكله وموقف ما ينحسد عليه بس الي ابيج تعرفينه اني انا .. راح اساعدج من خلود ..انتي بس قولي لي كل شي اول بأول .. توه بيكمل كلامه الا نوره طلعت من المطبخ طيران حمد استغرب يقول شفيها الا عمته داخله المطبخ فتحة الثلاجه وطلعت عصير .. وحمد كان يدور أي شي يشغل يده فيه وهو يلتفت حق طاوله عشان ياخذ الكوب .. حصل تلفون نوره موجود ابتسم ولف يشوف عمته لقاها طلعت من المطبخ رفع تلفون نوره وتصل على رقمه من تلفونها الاااااااااااااااا الصدمه الكبرى تلفونها مافيه رصيد حمد يضحك وحزين في نفس الوقت ..." يااااااااربي شنو اسوي الحين هذي حتى ما عندها دينار تشحن رصيدها خخخخ"خطر في باله فكره كتب رقمه وحفظه بأسمه ورجع التلفون مكانه .. خذ اللي يبيه من المطبخ قبل لا يطلع رجع حق تلفون نوره وسجل رقمه وخلاه على الشاشه وعلى طول طلع حمد من المطبخ -------------------------------------------------------------- في بيت أبو مي (الساعه 5 المغرب) كانت قاعده مي في الصاله وفاتحه دفترها (تكتب خاطره وتكتب سببها) هي دوم اذا كئيبه وحزينه تكتب آه يا زمن يالي ما عرفت وما ذقت منك غير الحزن والهم والدموع والالم والقهر يالي دوم اقول واخدع نفسي بانه بكره احسن من اليوم وما راح يكون كدر لكن يتوضح لي في النهايه انه امر من الي قبل ياليتني اذوق طعم السعاده لو بثواني وينتهي حزني وينساني واعيش حياتي مع هلي واحبابي ومن دون زعل من دون حزن من دون كدر ( ابي انت السبب في كرهي لوجودي في هذه الدنيا نعم بسببك انت كرهت الوجود وكرهت كل شي في هذه الدنيا وانت هو السبب) =========== يمكن اكون غلطان لكن قلبي مو قاسي يمكن من قسوة هالزمان الي خلتني ارتكب جريمه بحق ذاتي الي خلتني اعاني من فرقاك يا حياتي (آه يا امي الحبيبه ليتك تكونين معي لربما قد تغير حالي وانا اعيش بسعاده لاني انا من دونك اصبحت اشعر باني لست بانسانه اصبحت اشعر باني لست بفتاه لتحمل المسؤليه لقد اصبحت اتصنع القوه والتحمل لقد اصبحت ادعي القسوه لقد بدأت بأن اغير شخصيتي لكي استطيع العيش مثل باقي الناس لعلى وعسى ان تكون هذه الشخصيه الجديده التي في حياتي قد تغير كل شي لقد تغيرت يا امي من فتاه بريئه الي (ولد يتحمل الشقاه) ليتك هنا يا امي لربما الآن قد اكون سعيده ومرتميه في حظنك) ========== سكرت مي الدفتر وهي تصيح وبقوه : آآآآآآآآه ليتني مت معاج يا يمه ليتني مت ولا اني اعيش هل العذااااب ليتني هئ هئ هئ آآه يا يمه وينج عني تعالي شوفي بنتج شنو صار لها تعالي جفي بنتج شلون تتعذب ومحد حاس فيها هئ هئ هئ وفي هاللحظه دق تلفون مي لكن مي ما ردت وتم يدق ويدق -------------------------------------------------------------- في بيت أبو زياد (في نفس الوقت) منيره كانت قاعده بالصاله مع امها واأبوها واخوها الاصغير فيصل منيره كانت تدق على مي بس ما ترد وقامت تدق وتدق لكن بدون فايده ام زياد وهي تطالع منيره: هوو شفيج منيره وهي تهز ريولها: مي الحمااره ما ادري شفيها ما ترد أبو زياد وهو يطالع فيصل: حبيبي فيصل اقعد لالالا اقعد لاتروح هناك تعال عند بابا فيصل: انذين بابا ابي اقد في ادنك (انزين بابا ابي اقعد في حظنك) أبو زياد وهو يضحك: هههههه انزين تعال فديتك وفديت هالعسل الي ينزل من أبوزك فيصل وهو يضحك حق اأبوه ولا فاهم شسالفه: هعهعه الكل: ههههههههههه (ام زياد انسانه حبابه وطيبه بس ما تتقبل الناس بسرعه وصعب الواحد يراضيها اذا كانت زعلااانه وتحب عيااااااااالهااااا واااااااايد) (أبو زياد رياااااال متفهم وقنوع وما يحب يشوف الغلط ويسكت ويحب اعياله ودوم يداريهم ولي يشوفه يقول انه اخوهم العود او صديقهم من كثر ماهو جريب منهم) (فيصل اصغر واحد في البيت ودلووووع وعأبوث اشوي و واااايد متعلق في اخوه زياد وهو عمره اربع سنوات وخمس تشهر) على السوالف والضحك دخل زياد البيت توه راجع من بره زياد وهو يقعد يم اأبوه: السلام عليكم الكل: وعليكم السلاام فيصل وهو يمد يده حق زياد علشان يحطه في حضنه: دياد ادني في ادنك (زياد حطني في حظنك) زياد وهو يبوس فيصل: فديت قلبك انا منيره: هي مو انا خلف الله علي محد معبرني زياد وهو يضحك: هههههه ويو هههههههه محد معطها ويه منيره: هاهاهاي سخيف توه زياد بيتكلم الى تلفون منيره يدق جافت المتصل مي منيره وهي ترد وتسوي نفسها زعلااانه: الو نعم مي وبصوت مبحوح وفيه شويه شهقات: مـ..ـنـ.ـيره ------------------------------------------------------------ شنو راح يصير بين نوره وحمد؟؟؟ شنو فيها مي ؟؟؟ ومنيره شلون راح تساعدها؟؟؟ شنو حمد راح يسوي حق خلود؟؟؟ ومصعب راح يتزوج وله لا ؟؟؟ وشنو راح تكون ردت فعله لما يعرف من امه مختارتها؟؟ كل هالاحداث في البارت القادم  **تحياتي** | ||||
|  |
|
10-07-13, 03:48 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البااارت الحاااادي عشر 7 7 7 7 7 7 7 7 7 7 7 7 7 7 7 7 7 7 7 7 7 7 7777 777 77 7 7 7 7 7 7 7 7 7 7 7 7 7 7 7 7 7 7 7 7 --------------------------------------------------------- منيره خافت على مي من صوتها: مي خير شفيج شصاير لج ام وأبو زياد وزياد يطالعونها مستغربين:؟؟!!؟؟ منيره: طيب انتي اهدي الحين ... لاااا انتي مينونه .. يا ربي انزين لحظه منيره وهي تطالعهم يطالعونها ومستغربين استأذنت منهم وراحت حجرتها: الو مي مي تصيح بحراره: هئ هئ والله انـ..ـا مو قاد.ره هئ هئ منيره: استهدي بالله ولا تتهورين وتسوين شي انتي تالي راح تندمين عليه مي وبصراخ: لااااا انا ما راح اندم انا ابي اموووووت هئ هئ والله واللـ..ـه يا منيره انا مو قادره هئ هئ هئ هئ منيره بعصبيه: مي بلاا كلااام فاضي استهدي بالله انتي بالاول وتعوذي من الشيطان واهدي مي: لا إلـ.ـه إلا الــ.ـله .. اعــ.ـوذ بالله من الشيــ..ــطان الرجيم منيره : انزين حبيبتي انتي هدي طيب وقولي لي وفهميني شسالفه مي وبحزن: اأبوي هئ هو السبب اأبوي انا ما يحبني يا منيره هئ هئ هئ ... هو يبيني اموت هئ هئ ..مــ..ــا.... هئ هئ يبيني اعيش معاه هو يكرهني انا سمعته هو دوم يقول لي انه انا سبب موت امي انـــــــــــ..ـا هئ هئ منيره : ياربي يا مي يا حبيبتي مو صحيح الكلااام الي تقولينه اأبوج اكيد يحبج واكيد مو انتي سبب موت امج لانه هذا يومها وهذا قضاء وقدر طيب مي: بس هو دوم يقول.. انا ما حبج .. او اني اسمعه بالصدفه ................(وقالت لها السالفه كلها وقالت لها تقريبا عده مواقف مثل الشي تقريبا) منيره حزنت على رفيجتها وايد وهدتها شوي وبعدين طلبت منها انها تقرا قرآن اكيد راح يريح قلبها شوي وبعدين سكرت منها وهي تقول في خاطرها: آه يا مــــي والله اني ما توقعت انج تعانين كل هالمعاناه الله يعينج ويفرج كربج يا رب العالمين وطلعت من حجرتها وتوها بتنزل من الدري إلا زياد يودها من يدها : منيره منيره: هلا خير زياد مو عارف شلون يقول حق منيره شفيها مي : لااا الخير بويهج .. بس انتي ان شاء الله بخير يعني احسج ما ادري شلون يوم كلمتي صديقتج منيره وهي تنزل راسها وبحزن على حال مي: اي والله .. الله يعينها والله انها مسكينه ومنهاره زياد قلبه دق وخاف عليها ما يدري ليش حس بحساس غريب : ليش عسى ما شر منيره وهي ترفع وتنزل في كتوفها: والله ما ادري شاقول زياد: تعالي غرفتي وقولي لي يمكن اقدر اساعد سحب زياد يد منيره ودخلوا الغرفه -------------------------------------------------------------- في بيت بو مصعب ((في المطبخ)) نوره تتحلطم وتكلم نفسها " ياربي وين حطيت تلفوني" شافته على الطاوله "اففففف اخيرا حصلته" رفعته تبي جوف اذا في احد اتصل فيها تفاجأت برقم مكتوب على الشاشه "رقم من ذييييي" اضغطت على الاتصال شافته مسيف بإسم(( شيخج حمد)) على طول نوره ضحكت من كثر الضحك دمعت عيونها "والله انك مصدق روحك وااايد قال شيخج قال هههههههههه " -------------------------------------------------------------- في بيت أبو مصعب (الساعه 8ونص في الليل) الكل كان قاعد في الصاله يسولفون جاسم كان يطرش حق مرام مسجات بالابلوتوث يقول لها عن ساره لانه ام مصعب مو راضيه انه جاسم يتم بروحه مع مرام لانه تحسهم وايد مصخوها وهم كبروا ولازم يركدون شوي فما لقى جاسم الا طريقه الابلوتوث علشان يقول حقها سالفته مع سااااره الي كلما يزيد حبه لها وتطورت الامور الي صارت ما بينهم وطبعا مرام كانت مستانسه على رومانسيه جاسم الي ما توقعت انه رومانسي لهدرجه اما حمد كان يبي يكمل سالفته مع نوره بس اهو موعارف رقمها بصوت واضح وعالي "أانا بروح سوبر ماركت في احد يبي شي من هناك وهو يطالع نوره على صوب ويغمز :يعني مثل كرت شحن يعني مثلا الا جنان تدخل في الخط بسررررررعه :ابي حلاوه وبعد ابي كاكاو وبعد ابي جبس وبعد ابي ايس كريم وبعد وقطعها حمد والكل يضحك :شرايج ايبلج السوبر ماركت كله الكل :ههههههههههههههههه نوره وهي تأشر بصبعها : أنااااا شيختك نوره ابي كاارت شحن سمسم بـ 10 دينار حمد ضحك بصوت عالي وهو طالع من الصاله :ههههههههه اما مشاري وهيام فكانوا يسولفون ويضحكون وهم بقمه سعادتهم و وناستهم بالمولود الي راح يطلع لهل الدنيا سلطان كان طول اليوم مع محمد طناااز وسوالف بنات << ههههههههههههههه صايعين سعد كان يطالع مشاري وهيام وهو يقول في قلبه آآه متى ايي هذا اليوم واكون بدل مشاري ورغد بدل هيام ونعيش نفس سعادتهم ويمكن اكثر وطبعا هنادي كانت تراقب حركات مصعب وتتأمل ويها بدون محد يحس فيها طبعا ما عدا مرام الي كانت تشوفها شلون تطالعه وبعد نص ساعه الكل سلم على الثاني وراح كل واحد لبيته ---------------------------------------------------------- في اليوم الثاني (الساعة 12 الظهر) اسألوا دمي .. وسعادتي وهمي اسألوا التوفيق.. .. والكدر والضيق.. .. اسألوا الطيب في صفاتي.. .. والدعاء اللي في صلاتي.. .. واسألوا شهودي.. .. الدموع اللي في سجودي.. .. اسألوهم .. واسألوا دمي.. .. ..عن غلا أمي.. (منقووول) كانت تطالع الصور الي في الألبوم ومندمجه وهي تطالع صور امها و تتمنى انها تكون يمها وتتأمل ملامحها face to face ومن بين ادماجها سمعت صوت تلفونها لـك حروفـي قصيـد ولـك قصيـدي شـعـور ولـك شعـوري خفـوق نبضـه الحَـيّ إنـتـي ولك غلا في صَميم الروح حَاضر حضـور واشهـد انـك بقلبـي وْلا عـن العيـن غبتـي منقول للشاعر:فزاع جافت المتصل "منيـرة" ردت وهي تبتسم : هاااالووهااااااا منيرة وهي تضحك: هههههههه هلا هلا .. هاا شخبار مي وهي تبتسم اكثر: اي انا تماموو عال العال .. انتي شخبارج قلبووو منيره: انا زينه الحمدالله مي: دووم سكتوا فترة ومنيره طفشت : مـ ـ ـ ـ ـ ـ ـ ـ ـي مي الي كانت سرحانه في الألبوم الصور توها تستوعب انه منيرة للحين على الخط: اوه.. سوري.. هلا.. انا معاج منيرة : اي صح واضح وضوح الشمس انج معاي مي وهي تحاول تكسر خاطر منيرة: سوري والله بس كنت سرحانه في الألبوم صور ماما منيرة سكتت وما عرفت شتقول: اممممم .. مدام السالفة فيها صور خلاااص سامحتج .. اممم مي شرايج تين لي اليوم فيصلوا مللني يبيج تييييييين مي وهي فرحانه: طيب بايي لج علشان عيون فصولي منيرة: هههههه طيب .. اي صح مي اممم مي : خير شفيج منيرة: بصراحه انا خاطري اجوف صور امج يعني اذا ممكن .. مي وهي تضحك: هههههه ابالي عندج شي طيب افا عليج راح ايب الألبوم منيرة : حلو .. طيب يلااا قومي جهزي نفسج وتعالي مي: الحين منيرة: اي شفيها مي: بس الحين وقت الغدى منيرة: يلااا pleas so what.. مي: اففف المشكلة ما اقدر اردج طيب .. يلااا بااي علشان اجهز نفسي منيرة: اوكو باااي بس مو تتأخرين طيب مي: اففف قلت لج ما بتأخر يلااا بااااااي منيرة: هههههههههه طيب باي -------------------------------------------------------------- في بيت أبو زياد (في نفس الوقت) توها مسكره من التلفون الي فيصل يقعد في حظنها فيصل (ببراءة الاطفال): هههه ميم بيي (مي بتيي) منيرة ابتسمت له وقامت تلعب بشعره: اي بتيي .. انت تحب مي فيصل: ايي انه اأبها (اي انا احبها) منيرة باسته على خده: ياربي يسلمهم اشحلاته اخوي .. وآآآآآآآيه عليك قطع عليهم صوت ام زياد : منـــــــــــــــــيرة منــــــــــــــــــــيرة منيره وهي تنزل فيصل من حظنها: نعم يما ام زياد وهي تدخل الصاله: وينج فيه من امساعه اناديج منيرة وهي توقف يمها: سوري ماما بس كنت قاعدة اكلم مي توني مسكره منها .. و اي صح نسيت اقول لج قلت لها تيي و تتغدى معانا ام زياد: حياها الله .. انزين يما روحي قعدي اخوج من النوم منيرة: ان شاء الله ..... -------------------------------------------------------------- في غرفة زياد اول ما دخلت الغرفه حست شعر جسمها كله وقف من كثر البرد راحت على طول وسكرت المكيف وفتحت الدريشة علشان تدفى الحجره .. منيرة بصوت عالي خلت زياد يقوم قصب زور: زيوووووووووووووود قوووم بسك نووووووووم زياد بفزعه: يا حماااره طلعي برااا منيرة بعناد: لالالا sorry ما بطلع ولي ما تطوله ايدك وصله بريلك زياد وهو يقوم لها وبتهديد: الي ما اطوله بإيدي هاا طيب .. انا اوريج .. قام يركض ورها وهي خافت منه ونحاشت برع الغرفة ومن بين ما هي تركض تحنقلت (اي طاحت) بقوه على الارض وزياد قام يضحك عليها وزاد ضحكة يوم جاف دموعها تتجمع في عيونها منيرة (بصوت كله صياح): يا حماااار لا تضحك .. ما في شي يضحك زياد (وهو يحاول انه ما يضحك): طـ.. هههه طيب بس لا تزعلين ههههه منيرة : هاهاها ما يضحك يا السخيف زياد وهو يساعدها تقوم من على الارض: طيب طيب ولا تزعلين عمرج وهذا انا سكت .. تقدرين تمشين ما تعورج ريولج منيرة وهي تعرج : لا شوي تعورني بس لا تخاف زياد وهو يدخل غرفته وسكر الباب: الحمدالله -------------------------------------------------------------- في بيت أبو مشاري (الساعه 12 ونص الظهر) كان قاعد على اللاب توب في غرفته ويسوي الـ project فجأة سمع صوت التلفون يدق على مسج فتح المسج وجاف المرسل "القلب" فرح الا طااار من الفرح ... كانت راسله له ... (هااااي .. شخبارك ان شاء الله تمام .. اممم وينك من زمان عنك .. وشخبار الـ project معاااك ... انا بدخل على الموضوع بسرعه ... انا اليوم بكون فاضية اشرايك اليوم نتقابل في المكتبة ونكمل الـ project مع بعض .. طبعا اذا كنت فاضي) جاسم والابتسامه للحين على شفاته ما فارقته من اول ما عرف المرسل رد عليها بمسج ...(انا الحمد الله تمامووو عال العال يسرج الحال واتمنى تكونين انتي بعد بصحة وخيير .. المهم انا اليوم فاضي وما عندي شي غير الـproject قاعد اكمله ... ان شاء الله اجوفج في المكتبة الـ... الساعه 3 العصر) -------------------------------------------------------------- في بيت أبو زياد ( الساعة 1 الظهر) قاعدة على الكرسي الي في الصاله ومادة اريولها لانها كانت تعورها شوي من الطيحة الي كان سببها زياد كانت مسترخيه ومغمضة عيونها والي يجوفها يقول نايمة ... بس فجأة تخالط الهدوء صوت الجرس مما سبب الازعاج لمنيرة .. قامت بكسل وهي تعرج وفتحت الباب جافت صديقتها مي واقفة كان شكلها روووعه لابسه بطلون جينز سادي ازرق فاتح وبدي ابيض وفيها نقشات وخرابيط وشعرها حاطه فيه جل ومسويته اسبايكي ولابسه جوتي sport لونه اسود والنظارة على عيونها معطتها شكل غييير ... منيرة: مي هلا هلا والله انا ما عرفتج من شكلج مي وهي تضحك: ههههه ما عرفتيني هااا وتسلمين علي وتقوولين لي مي هلا هلا وما عرفتيني هااا منيرة وهي تضحك : هههههههه والله انج غيير ما شاء الله عليج عيني بارده عليج ... بجد غيير صايرة حلوة يا الكريها مي : هههه شتناقض حلوة يا الكريها .. امممم شلون تصير منيرة وهي تسحب يد مي: اقول دشي يعني بنظل طول الوقت يم الباب نسولف مي وهي تدخل وتسكر الباب : اكاني دخلت .. وين فصوولي حبيبي منيرة وهي ترفع وتنزل في جتوفها: ما ادري يمكن مع ماما مي : اهاا منيرة وهي تعرج : حياج تعالي يلسي مي باستغراب: عسى ما شر شفيج تعرجيين منيرة وهي تيلس على الكرسي وتمد الريولها: ماما قالت لي اروح اقعد زيوود ويوم قعدته قام يركض ورااي لاني فزعته من النوم وتحنقلت وبعدين عورتني اريولي وتوتا توتا خلصت الحتوتا مي وهي تضحك: ههههههههه تستاهلين منيرة وتسوي روحها زعلانه: جب حماارة مي : شكرا كلج ذوووق منيرة: ولو العفووو كل يوم تعالي .. اممم مي هذا الألبوم (كانت تأشر على صندوق على شكل كتاب لونه وردي ومخطط باللون الازرق وعليه من جمب ورده باللون الفوشي المتداخل بالون الابيض) مي وهي تهز راسها: اي .. فتحت مي الألبوم حق صور امها وقامت توري منيرة الي اندهشت من صور ام مي لانها وااايد حلوه وتشابها والي يجوفها يقول عنهم خوات توم من كثر الشبه ومن بين اندماجهم في الصور الي حتى مي سرحت فيهم كأنها اول مرة تطالعهم .. قطع عليهم صوت فيصل الي كان يصيح وهو رايح لحظن منيرة منيرة وهي تهديه: حبيبي شفيك تصيح فيصل والدموع على خده ويشاهق: جف قدوه في هــئ حوس اخييع ويكدت هئ هئ وتحت العمارة (جفت قطوه في هئ الحوش تخرع وركضت هئ هئ وطحت الحمارة) مي ضحكت على آخر كلمه قالها الحمارة: حتى القطو صار حمار هههههههههه فديتك حبيبي بس لا تسييح انا بطقها بس انت لا تسييح طيب فيصل وهو يهز راسه ببراءه: تيب (طيب) ابتسمت مي له : شااطر منيرة: شعندها آنسة مي مي تضايقة من كلمة آنسة : منيرة لو سمحتي ممكن ما تقولين آنسة منيرة وهي ترفع حاجب: وليش تبين اقول مثلا يعني سيد او استاذ مي تبي تضيع الموضوع: اقوول بلااا تفلسف زايد انتي مع خشتك (يعني وجه بالسعودي) هذي فيصل ضحك عجبته كلمة خشتك : هههه خشدك ههه خشدك اياي خشدك مي وهي تبوس خده بقوة: ههههه اي خشدك شاطر فصولي شاطر الا بدخلت ام زياد لصاله راحت تسلم على مي .. ام زياد: يا هلا ومسهلا شخبارج حبيبتي مي وهي تبتسم لها: الحمد الله انا بخير وصحة ام زياد "وهي تتمعن في شكل مي": دوووم يا رب قعدت أم زياد معاهم سوالف وبين سوالفهم لاحظت ام زياد ورقة طايحه في الارض تحتها يوم شالتها لفتها لانها كانت مقلوبة جافت انها مو ورقة لا طلعت صورة ام مي ام زياد بصدمة : منــ ـ ـ ـى مي بستغراب: اي هذي امي واسمها منى بس... شلون انتي تعرفينها ام زياد وهي تتنهد: آآه .. اي انا اعرفها مو هي صديقتي من يوم وانا صغيرة بس الله يسامح الي فرق ما بينه مي بصدمه وقامت تتردد كلمة ام زياد في اذنها (صديقتي .. صديقتي..) ام زياد وهي تناظر صورة منى بتمعن: ..... هذي الصورة صورتها يوم تخرجنا من الثانوية مي بفرح لانه عرفت المناسبة الي صورت فيها امها في الصورة .. لانه هي ما عندها لا خالات ولا خالين ولا اي احد يعرف امها واأبوها ما يحب يقعد معاها .. كانت من زمان تتمنى تعرف هالصور متى صورتها وبأي مناسبة .. ويوم عرفت انه ام صديقتها كان صديقة امها فرحت .. إلى طارت من الفرح .. قطع عليها تفكيرها وفرحتها صوت الخدامه وهي تناديهم علشان الغدى.. طلعوا كلهم وراحوا يتغدوون... -------------------------------------------------------------- في غرفة الطعام أول ما دخلت جافت أبو زياد وزياد يالسين ينتظرونهم راحت ام زياد وقعدت يم أبو زياد ومنيرة قاعدة على جنب ومي قعدت يمها وصارت تجابل زياد هي حست بشوية إحراج ولكن في نفس الوقت حست بسعادة لأنه عمرها ما قعدت قعده مثل جذي طول عمرها تتغدى بروحها كانت تسمع سوالفهم وهي مبسوطة وخصوصا لما عرفت انه ام صديقتها كانت صديقة أمها ... زياد كان يطالع مي وسرحان وهو يفكر "معقوله هذي الإنسانة تعاني مثل ما تقول منيرة بصراحة شي ما يخطر لا على البال ولا الخاطر" قطع عليه السرحان رفسة خفيفة من منيرة وهي تبتسم له وتسوي له حركة بمعنى إلي ماخذ عقلك .. وزياد اكتفى ببتسامه لها ولمي إلي انحرجت منه -------------------------------------------------------------- في بيت أبو مشاري (الساعة3العصر) وهو يغني بصوت عالي ودنا نهوا ونذوب ونسكن عيون وقلوب ...... مندمج في تعديل شعره وبعد ما خلص تعطر وطلع من الغرفة وبعدها من البيت وركب سيارة وهو فرحاااان إلى طاير من الفرحة -------------------------------------------------------------- في المكتبة الـ... (في نفس الوقت) قاعدة على الكرسي وتحرك ريولها بتوتر ما تدري ليش كلما طرى على بالها تحس بتوتر شلون لما تقعد معاه هذي الفكرة بحد ذاتها ترعبها ! ! ! ! وصلت سيارته وبركنها وطلع منها وهو يمشي بخطوات سريعة يبي يشوفها بسرعة .. أول ما دخل المكتبة قعد يدورها وبكل جهة وكان قلبه يدق أكثر مع كل شخص يطالعه لين ما تلاقت عيونهم في بعض ... ابتسم ابتسامه خلت سارة تدوخ منها وجدم لها جاسم وابتسامته ما زالت على ويهه: السلام عليكم سارة وهي مفهيه فيه: وعلـ.ـيكم السـ.ـلام قعد على الكرسي إلي يجابلها : امممم شخبارج ؟ سارة وهي تحاول تضبط نفسها: احم .. أنا تمام الحمد لله .. أمم أنت شخبارك؟ جاسم وهو يفتح الظرف إلي فيه أوراق إلـproject : دوم .. أنا لله الحمد تمام يسرج حالي سارة بقلبها "فديت اللي يتكلم اماراتي أنا"....... قعدوا يكملون الـ project وكل ساعة واحد فيهم يسرح بثاني << شكلهم مو ناويين يخلصون الـ project ----------------------------------------------------------- في بيت أبو مي (الساعة 10 الليل) قاعدة تطالع التلفزيون بعد ما ردت من بيت صديقتها وبدلت ملابسها ونست نفسها وهي تفكر بالي صار لها اليوم وما حست بالوقت إلي طاف وتفاجأت لما طالعت الساعة طافت عليها 5 ساعات من ردت من بيت صديقتها وهي سرحانة قامت وطفت التلفزيون وكانت بتروح دارها بس لأنها يوعانة راحت حق الخدامة وقالت لها تحط لها العشى ... وطلعت وقعدت في الصالة وبعد دقايق .. الخدامة: أنا في يحط العشى مي وهي تقوم: مشكورة "بندرة" اسم الخدامة بندرة وهي تهز راسها: أنا يبي يروح نام بس بابا للهين مافي يجي عشان انا يحط له العشى أنا في تعبان مي كسرت خاطرها الخدامة : طيب بندرة روحي نامي الحين واذا بابا رجع راح يقعدج راحت الخدامة وظلت مي في الصالة توها راح تأخذ الشوكة إلي أأبوها داخل البيت ... أبو مي وهو متضايق حده وفي حرة من الشغل لأنه خسر مناقصة بقيمة نص مليون : سلام مي من غير ما تطالعه: وعليكم السلام.. وبتدت تآكل بكل هدوء وكأنه ما في احد معاها أبو مي وهو يتسبب عليها علشان يطلع حرته: ليش تتعشين وما تنطريني مي بهدوء: وأنت متى تتغدى وله تتعشى معاي أساسا علشان انتظرك أبو مي وهو معصب: احترمي نفسج وعدلي اسلوبج وبلا كثرت حجي وقومي حطي لي عشا مي بملل: افففف أبو مي وهو يسحبها من شعرها ورص على أسنانه: أقول لج احترمي نفسج وعدلي اسلوبج ساااامعة ودزها : بتتقيوين علي مدام ذبحتي أمج أكيد عادي وراح عنها وتركها مصدومة من كلامه عيونها قامت تدمع بدون ما تحس وكلامه ما زال يرن في أذونها (مدام ذبحتي أمج .. مدام ذبحتي أمج .. مدام ذبحتي أمج) راحت ركض لغرفتها وهي تصيح تحس نفسها مخنوقة مو مستوعبة .. خذت تلفونها وبدون إي تفكير وإحساس دقت على صديقتها منيرة .... بعد لحظات قليلة والي كانت بنسبة لمي طويلة وااايد وصلها صوت منيرة: ألووو مي وهي تشهق من الصياح: ألـ..ـوو منيرة بصوت مستغرب وخايف: مــي !! شفيج مي وبين دموعها وشهقاتها قالت حق منيرة كل السالفة .......... منيرة وهي تهدي مي: طيب حبيبتي أنتي هدي الحين هو أكيد مو قصده شي .. مي حياتي أنا من قبل قلت لج لا تعطين أهمية بكلامه مي بصوت مبحوح: طيب .. أنا آسفة لأني زعجتج و خـ... قاطعتها منيرة: لا إزعاج ولا شي .. طيب أنتي هديتي الحين مي : إي منيرة: الحمد الله مي ما حبة تطول على منيرة لأنها تحسها وايد تعبتها معاها: أمم طيب منورة أنا أخليج الحين تنامين وأنا بعد بروح أنا .. تصبحين على خير منيرة: وأنتي من أهله سكرت مي من منيرة وتمددت على السرير وهي تغني بحزن تذكرت أمها ما تدري ليش كانت تبي تغني يمكن لأنه هل الأغنية نفس حياتها **ودي ابكي لين ما يبقى دموع** **ودي اشكي لين ما يبقى كلام** **من جروحك صارت بقلبي تلوع** **من هموم أحرمت عيني المنام** **انطفت في دنيتي كل الشموع** **والهنا ما يوم في دنياي دام** **غربتي طالت متى وقت الرجوع** **كل عام امني أحلامي بعام** **وإن شكيت الحال محدن لي سموع** **وأن سكت الناس زادوني ملام** **طال صبري والزمن عيا يطوع** **والرجا في اللي عيونه ما تنام** وهي تردد كلمات الأغنيه وتصيح بحرقة ------------------------------------------------------------ بعد مرور اسبوع (قبل يوم الملجه*الساعه 4 العصر*) في بيت أبو عبد الرحمن كانت رغد في غرفتها ومنسدحه على سريرها ومو مصدقه انه خلاااص بكره راح تكون زوجه سعد وقطع عليها تفكيرها دخول خواتها غرور و شوق غرور وهي تقعد يم رغد: اشفيها العروسه سرحانه شوق تقعد على الطرف الثاني يم رغد: اكيد في خطيبها غرور وشوق: هههههههه رغد انحرجت وعرفت انهم يبون يحرجونها: هاهاهاي سخيفاااات غرور: سخيفات وله بايخات رغد: ثقاله غرور تبي ترفع ضغطها: ثقاله وله خفه رغد: ماصخه غرور: ماصخه ولا شيره رغد الي عصبت: بارده غرور الي حست بالمتعه: بارده ولا حاره رغد: بقره غرور: بقره ولا ثور رغد خلاااص وصلت معاها: طلعي برااا غرور وهي كاتمه ضحكتها: برا ولا داخل شوق خلاااص ما قدرت : ههههههههههههههههههههه ولحقتها غرور: ههههههههههههههههههههههههه هههه رغد ابتسمت على انها كانت مقهوره من غرور : ياربي الحين انا عروس تسون فيني جذي شوق : عروس ولا معرس غرور وشوق بطوها ضحك: هههههههههههههههه رغد خلااااااص وصلت معاها على طول سحبتهم من ثيابهم وطردتهم من الحجره وقفلت عليها الباب (غرور بنت وااااايد عنيده وطيبه ودمها خفيف وتحب الضحك والوناسه وملامحها عاديه يعني مو وايد حلوه ولا شينه بس الي محليها عيونها الواسعه المكحله ورموشها الكثيفه وجسمها خطيييير يعني بالعربي تحطييييييييييم وهي ثالث ثانوي آخر سنه (توجيهي) وعمرها 17 سنه) (شوق بنت هادئه وراكده وحبوبه وبسرعه تدخل القلب تحب السوالف والطلعات واجتماعيه وااايد بس تعاني مشكله وحده انه محد يتقبلها بسرعه لانه ملامحها تدل على الغرور هي بنت حلوه وناعمه تشبه امها واايد واكثر شي محليها شعرها ناعم وكيرلي وهي تدرس في الجامعه السنه الاولى وعمرها 18 سنه) -------------------------------------------------------------- في بيت أبو مشاري (في نفس الوقت) في الصاله كانت هنادي وجنان وهيام وام مشاري قاعدين سوالف وضحك ام مشاري وهي تطالع هيام: والله يا هيام اني لحد هاليوم مو مصدقه انج خلاص بتصيرين ام هيام بخجل: هههه مو لهدرجه عاد جنان : الا امي صاجه هنادي: اي صح هيوم اتصلتي حق الصالون واكدتي الحجز ترى ما عندنا وقت هيام: لالا تخافين اتصلت امساعه واكدت لهم وبكره الساعه 11 الظهر بنروح علشان يمدينا نخلص كل شي بسرعه وما نتأخر ام مشاري: واخوج سعد جهز الصاله وله لا هيام: اي جهزها واليوم بيبون الكوشه والطاولات وبيحطونها جنان: اكيد الريايل بره في الحديقه هيام: اكيد وهو يبيله تفكير يعني وقطع عليهم صوت باب البيت ينفتح ودخل جاسم ومشاري توهم راجعين من برا <<< حلفي عااااد جاسم ومشاري : السلاااام عليكم الكل: وعليكم السلام مشاري قعد يم هيام ومسك يدها وباسها وقال لها بصوت واطي محد يسمعه الا هي: هاا حبيبتي شخبارج اليوم انتي والبيبي هيام الي انحرجت من حركته جدام الكل وبصوت يلاااا ينسمع: بخير بس مشاري مو وقته هل حركات مشاري وهو يضحك: هههههههههههههه الكل يطالعون مستغربين: !! ام مشاري: دووم ان شاء الله هالضحكه عساني مانحرم منها الكل: آآآآمين جاسم وهو يقوم : يلااا انا باروح بنام شوي قعدوني وقت الصلاه المغرب هنادي: ان شاء الله اول ما يأذن بقعدك جنان بمزح: اي مو هذا الي انتي فالحه فيه بس تنتظرين يأذن على طول تزعجينه هنادي وهي تمد بوزها وتسوي مثل اليهال: ماما جوفيها تتطنز علي ام مشاري وهي تسايرها: انزين ماما لا تصيحين ... وانتي (تلف على جنان) لا تتطنزين عليها هنادي وهي تضحك: هههههههههه وييييوووو فشلووهااا ام مشاري وكاتمه ضحكتها: وانتي بعد جب الكل: ههههههههههههههههههههههه ----------------------------------------------------------- تتوقعون مي ممكن تسوي شي في نفسها علشان ترتاح؟؟ او راح تصبر لين تلقى الفرج؟؟ زياد هل راح يكون له دور في حياة مي؟؟ واذا كان شنو دوره؟؟ هل راح يتم زواج سعد من رغد؟؟ جاسم هل الي يحس فيه تجاه سارة حب ام اعجاب ؟؟ وهل راح يعترف لها عن احساسه؟؟ شنو راح يصير بين نورة وحمد ؟؟ وهل حمد راح ينتقم من خلود؟؟ واذا بينتقم شلون؟؟ وعصافير الحب (هيام ومشاري) هل راح تظل حياتهم حلوة على طول وله راح تصير مشاكل تخرب مابينهم؟؟ وهل الطفل راح يطلع على الدنيا ويعيش تحت ظل امه وابوه؟؟ كل هذااا راح تعرفونه في البارت الثاني عشر .. ان شاء الله كان البارت طويل ونال رضاكم ^_^ ونتظروني في البارت القادم *تحياتي* -------------------------------------------------------------- | ||||
|
| |
|
10-07-13, 03:49 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني عشر في بيت بو مصعب تحديدا غرفة حمد كان حمد منسدح على السرير يفكر "ليش نورة لحد الآن ما اتصلت علي " الااا قطع عليه تفكيره صوت تلفونه جاف الرقم وما عرف منو .. رد: ألوووو وصل له صوت ناعم: ألووو السلااام عليكم حمد : وعليكم السلاام من معاي (وهو شاك انها نورة) .....: شيختك حمد وهو يضحك:ههههه والله لو طاري لي مليون ههههههه .....: وه وه والله زين طريت على بال احد حمد: اي والله كنتي على بالي من الصبح والحمد الله انج اتصلتي على بالي ما عجباج رقمي نورة: اي ما عجبني من قال لك انه رقمك حلو حمد: ترى مو مهم يعجبج ولا ما يعجبج لأنه مو للبيع نورة: ههههههه والله لو تبيعه في الخضار جان محد يشتريه حمد: هاهاهاهاي محـــــتره نورة: حمد بشنو كنت تفكر بشيختك نوووره حمد: كنت أفكر بان خلود صاجه بكلاامها نورة بصوت مستغرب : شنوووووووووووو حمد: شفيج .. اي مو انا صاج لأنها تحلم توصل مستواج مثل ما قال عبد المجيد عبدالله .. (حمد وهو يغني: يحلمون يحلمون إللي فيك يفكرون ياخذونك إنتا مني والله لو يجننون) نورة: احم احم الله يستر من إللي مخبيته لنا خلود والله اني خايفة تسوي شي في صوري حمد: تخسي الا هي مدام السالفة دش فيها حمد والله لا اخليها ماتعرف يمينها من يسارها نورة حست براحه: الله يسمع منك تستخف وتين حمد: شسالفة صورج يعني شلون صارو عندها نورة قالت حق حمد كل السالفة وبعد محادثة طويله في التلفون اللي كان بطولتها خلود انهت نورة الإتصاللأنها بتروح تحجز في الصالون لملجة سعد -------------------------------------------------------------- في باركات مجمع السيف (الساعه 5 المغرب) سعد وهو يركب السياره: سلطاااان يلاااا اركب بسك مغازل سلطان يسوي حركه بيده (يعني انتظر شوي): لحظه ... والله قمر هالبنت ... راح سلطان لشله بنات واقفين يم السيارات ... ويوم البنات جافوا مقرب لهم وقفوا يناظرونه وكلهم مستخفين على شكله ... كان لابس ثوب ومغتر وشكله يدوخ عذاااب خطير تحطيم ...سلطان وهو يخز بنت كانت لابسه عبايه مخصره جسمها وكلها كرستال وتلمع لمع ولابسه شيله نفس ديزاين العبايه ومطلعه نص شعرها وحاطه ميك آب صااخب لونه ازرق وتدرجاته ولا الحمره مخلصتها في شفايفها سلطان وهو يمد يده يسلم عليها: السلام عليكم البنت وهي تمد يدها له وتسلم وتسوي روحها مستحيه: وعليكم السلام سلطان وهو يقول في نفسه (ههه تسوي روحها تستحي بس البنت قمر بنت الذين): معاج سلطان البنت وتنعم صوتها اكثر: عاشت الاسامي سلطان : عاشت ايامك .. وانتي شسمك البنت: اسمي خلود سلطان: حلو اسمك .. اسم على مسمى خلود: حلوت ايامك سلطان : طيب ممكن تسجلين رقمي عندج خلود وهي تطلع تلفونها من الشنطه: اي عطني بسجل سلطان:******39 خلود وهي تبتسم له : رقمك واايد حلو سلطان: عيونك الاحلى ... امم طيب ممكن تسوين لي مسكول علشان اسجل رقمك في تلفوني خلود : اكيد سوت خلود مسكول حق سلطان وسجل سلطان اسمها في تلفونه "خلووود" وبعدين ودعها وراح حق سعد وهو شاق الحلج سعد يوم طالع سلطان متشقق ضحك: هههههههه والله انه حالتك صعيبة سلطان وهو يسند راسه على السيت السياره ويضحك: هههههه شاسوي بعد البنات يموتون علي سعد: يا واثق ما اقدر ترى سلطان: ههههه .. بس شنو البنت حلوه ولا واسمها خلود سعد: وععع خلود عاد سلطان : والله اسمها شحلاته عيل تبي اسمها مثلا رغد سعد يطالع سلطان بنظره: احترم نفسك اصلا انت يحصلك لو تلف ودور مثل اسمها ما تروم سلطان: ههههه شعنده تروم (تقدر) صاير إماراتي ههههههههه سعد وهو يحرك سيارته: والله انا ابي اعرف انت شنو المستفيد من هذا كله سلطان يهز كتفه: ولا شي بس تسليه سعد: الله يعينك على نفسك ويكبر عقلك سلطان: اقول سعد ما عليك مني الحين .. قول لي شنو احساسك انه بكره ملجتك سعد وهو يتنهد بصوت عالي: آآآآآآآه .. فرحااااااااان وموو مصدق سلطان: هههههههههه انت الحين الي حالتك صعيبة سعد: ههههههههه -------------------------------------------------------------- في اليوم الثاني (ملجه سعد & رغد) العايله كلها مشغوله بالتجهيز الي تجهز فستانها وكسسواراتها والي تحط حنه اظافر والي رايحه الصالون تحط الميك آب وتسوي شعرها والي راح يساعد سعد على التحظيرات (بعد الساعه 9 ونص المغرب) الكل جهز وراح بيت أبو سعد وعلى الساعه 10 كل المعازيم وصلت (بوصف البنات) مرام لابسه فستان طويل شوي يوصل لين تحت ركبها ومخصر عليها ولونه ذهبي وفي كرستال متجمعين في زوايه الفستان على شكل زخارف وصاير شكل جسمها جنان و رافعه شعرها كله ومنزله منه خصل وكيرلي ومكياجها اصفر وبرتقالي على ذهبي وصاااايره حلوه بشكل ونعووومه =========== نوره لابسه فستان قصير لين الركبه وضيج من فوق لين خصرها وبعدين منفوش شوي لين ركبها ولونه احمر وطالع عليها وايد روعه شعرها كان مفلول وبطريقه حلوه بس من جدام مرفع شوي ومنزله قذله ومسويه شعرها ويفي ومطلع حلاوه وطول شعرها وحاطه ميك آب لبناني بالون الاحمر وتدرجاته وطالع عليها هالون روووووعه وهي صايره خطييييييره وحلوه بشكل ======= هيام لابسه جلابيه كانه فستان قطعتها هنديه فيها نقشات ولونه ماروني على اسود ويلمع من الكرستال الي فيه ومسويه تسريحه على جنب وحاطه مكياج صااااخب احمر واسود وصايره عذاااااااااب ومملوحه من قلب <<< الله يعين مشاري راح يستخف هههههههههه ======= جنان لابسه فستان لونه اخضر فاتح طويل ومخصر عليها وفي خيوط فيها كرستال طايحه على برد و رافعه نص شعرها من صوب والصوب الثاني مفلول وكيرلي وحاطه ميك آب روعه اخضر واسود ومبرز جمال عيونها وصايره جنان من قلب اسم على مسمى ========= هنادي لابسه فستان ضيج عند الصدر لين الخصر وشوي واسع تحت وهو يوصل لين فوق الركبه لونه أزرق وطالع عليها مذهل وبغاية الروعه شعرها مفلول واصل لين خصرها وشوي ويفي لانه شعرها ناعم ومنزله ذقلتها على عيونها الواسعه وحاطه ميك آب لونه أزرق على وردي وصاايره نعووومه وكيوت والي يشوفها يقول ملااااك ========== ام مصعب وهي شوي تعلي صوتها علشان مرام تسمع عدل لانه صوت الدي جي عالي: هااا متى الخطه مرام وهي شوي ترفع صوتها: ماما مو الحين بعد ما يزفون سعد ومرته ام مصعب: انزين .. قطع عليهم صوت نوره: السلام عليكم ام مصعب ومرام: وعليكم السلام ام مصعب باعجاب: ما شاء الله عليج خذتي الحلى كله يا نوره نوره بخجل: تسلمين خالتي عيونج الحلوه .. حتى انتي ما شاء الله عليج صايره حلوه والي يشوفج .. ما يقول (وهي تطالع مرام) هالكريها بنتج ههه مرام وهي تتخصر: هاهاهاي ضحكتيني مع هالويه ام مصعب ونوره: ههههههههههه نوره وهي تسحب يد مرام : يلاااا قومي خل نرقص قامت مرام ترقص مع البنات الي كانوا مسوين دائره وكل وحده ماسكه خصر الي جدامها وهم يحركون شعرهم <<< ههههه امحق رقص -------------------------------------------------------------- في السياره كانت رغد تحس بخوف مو طبيعي وربكه ومو مصدقه انه خلاص بتصير حرم سعد (حبيبها) الليله وصلت السياره لبيت أبو سعد وكان صوت الدي جي واصل لين آخر الشارع والبيت صاير ابيض من كثر المصابيح الموجوده والإضاءه الساطعه مشت رغد وخواتها لين ما وصلت للباب الصاله واستقبلتهم في ذي الوقت ام سعد وام عبدالرحمن(ام رغد) ودخلوها غرفه يم الصاله علشان يبون يزفونها مع سعد وام سعد الفرحه مو سايعتها وخصوصا يوم قعدت مع ام رغد انعجبت بشخصيتها وانها طيبه واايد وتنحب وتدخل القلب بسرعه وهذا طمنها انه اكيد رغد راح تكون مثل امها لانها عرفت انها دوم مع امها فاكيد بتكون مثل طبعها دخلت رغد الغرفه وبعدها طلعت ام سعد وام عبدالرحمن .. و غرور راحت تسلم على المعازيم اما شوق فتمت مع رغد ========== غرور لابسه فستان ضيج من فوق لين ركبها ومخصر عليها الفستان وبارز جمال جسمها لونه رصاصي ويلمع وفي سلاسل سود طايحه على خصرها ويلمعون وشكل الفستاااان حده كووووول ورافعه نص شعرها والباقي مفلول وناعم وميك آب لونه رصاصي على اسود صايره عيونها خياااال تطيح الطير من السما ======== شوق لابسه فستان نعوم واااايد لونه فوشي وسادي بس عند الصدر فيه شويه كرستال على شكل دوائر وضيج من عند الصدر لين الخصر وبعدين واسع شوي قصير من جدام لين تحت الركبه وطويل من ورى لدرجه يزحف في الارض شعرها حاطته على برد وحاطه ورده لونها وردي وطرافها لونه فوشي وميك آب خفيف بس رسمت عيونها وحطت لون وردي فاتح لانه مو حلو عليها الميك آب اوفر وهي حلوه واااايد بدون ميك آب وطالعه بقمه الروعه والرقه بنعومة فستانها ========= رغد بما انها العروس فطالعه هي احلى وحده في الملجه لابسه فستان ضيج من عند الصدر لين الخصر ومنفوش شوي من تحت الفستان طويل وناعم وكله كرستال ويلمع من بعد لونه صدفي وطالع على جسمها خياااال وتسريحتها حلوه وناعمه شعرها كله ملموم ومرفوع بس خصل نازله منه وباف من جدام ومنزله قذله وحاطه ميك آب رووووعه لونه اصفر وذهبي على اسود وطالعه في ابها حله وتهبل <<<< شكلها ناويه على سعد خخخخخخخخ -------------------------------------------------------------- عند الريايل في الميلس الخارجي كان الريايل موجودين وبرع الميلس بعد كان الشباب قاعدين في الكراسي ومستانسين على السوالف والضحك وسعد الدنيا مو واسعته حده واااصل وطاق البونت من كثر الفرح الي هو فيه بعد ما عقدوا القرآن الكل بارك حق سعد وبعد 5 دقايق سعد وبصوت شوي مرتفع والكل الحظور سمعوه: يبه متى ادخل أبو سعد وهو يربت على ظهر سعد: اركد يا ريال اركد الحنه مو زينه بلاك مستعيل الكل: هههههههه أبو عبد الرحمن (اأبو رغد): ههههه والله اني حاس فيك ذكرتني ايام شبابي انا اول ما ملجة على ام عبد الرحمن على طول تركت الريايل ودخلت عليها بس والله اني حصلت زف محترم من الوالد الله يرحمه هههههه الكل: هههههههههههه أبو سعد (وهو يطالع سلطان) : قوم روح قول حق امك واختك انه سعد بيدخل سلطان: ان شاء الله يبه طلع سلطان وراح عند الصاله علشان يخبر امه واخته هيام -------------------------------------------------------------- (في نفس الوقت) طلعت شوق من الغرفه تبي تدخل الصاله وكانت تمشي بسرعه لانه ام سعد نست تلفونها في الغرفه فراحت علشان تودي لها وبين ما هي تمشي الفستان صار تحت الكعب وتحنقلت وووووو طرااااااااااخ طاحت على الارض وسمعت صوت شخص يقول لها "الله حفظج ان شاء الله ما تعورتي "وانصدمت ورتبكت وبلعت ريجها وهيا ترفع راسها بفشيييييييله وشافت شخص طويل في ويها الضحكه... شوق بخجل وارتباك: لا ما تعورت ((ويها محمر من الفشيله )) سلطان وهو يبلع ريجه مو مصدق عيونه وهو يقول فيه نفسه (ما شاء الله انا اول مره ادري انه في ملائكه تنشاف ... وربي ملااااك) وهو يمد يده علشان يساعدها توقف بس هي طنشته وقامت بروحها من الأرض .. وسلطان مازالت يده ممدوده لها .. والفشيله الكبرى انه شوووق ردت طراااااااااخ على الأرض (لأنه انجكر الفستان بالكعب) .. وهني سلطان احمر ويها وهو يحاول يكتم ضحكته لكن للأسف ما قدر: ههههههههههههههههههههههههه ه بسم الله عليج شوق وهي تقوم من مكانها بس هالمرة تأكدت انه الكعب وخرته عن الفستان .. شوق منحرجه زياده وهي تقول في نفسها (ياربي والله فشله): احم .. طيب عن اذنك توها تمشي شوق الا سلطان يمسك يدها وشوق اهني خلاااص تحس الدم تجمع في ويها وبلعت ريجها من الخوف وهي توخر يدها عنه سلطان الي ماكان حاس بلي سواه على طول ترك يدها ..(سلطان ماكان عنده خيار لأنه ماكان يعرف اسمها وهي مشت بسرعه) : السموحه بس كنت ابي تقولين للوالده انه سعد راح يدخل شوق لحد الآن معطته ظهرها : طيب.. في شي ثاني سلطان وبكل جرأه: اي شسمج شوق لفت له وهي رافع حاجب ومو مصدقه: عفواا ما سمعت.. شنو قلت!! سلطان خاف من نظرتها لانها حاده شوي ومبين عليها انسانه مغروره : هاا.. ا..اا .. لالا ولا شي اقول سلامتج شوق وهي تمشي عنه: على بالي بعد سلطان وهو يكلم نفسه (امحق غرور وايد مغروره هذي .. بس آآخ من حقها كل هالجمال وما تغتر.. آآخ مو ذابحني غير هالعييون والجسم .. ولا الخصر.. يا سلاااام.. يدوخ بصراحه شلختني) -------------------------------------------------------------- في الصاله دخلت شوق بسرعه وهي للحين مرتبكه من الي صار راحت حق ام سعد الي كانت قاعده مع الحريم تسولف شوق بكل ادب : خالتي ام سعد ام سعد تلف عليها: هلااا يمه شوق: هذا تلفونج نسيتيه في الغرفه .. و.. في واحد برع يقول انه سعد راح يدخل وقال لي اخبرج ام سعد وهي تقوم من مكانها: طيب ... مشكوره بروح له الحين راحت ام سعد وشوق راحت حق غرور اختها الي كانت قاعده مع البنات سوالف وضحك -------------------------------------------------------------- عند البنات مرام وهي تطالع شوق ماشيه ناحيتهم قالت حق هيام: اقول هيوم منو ذي الي لابسه فستان فوشي هيام لفت تطالع وردت وهي تبتسم حق مرام: هذي شوق اخت رغد وغرور مرام بصوت واطي محد يسمعه غير هيام: بس احسها مغروره وايد وجايفه نفسها عكس غرور هيام وهي تحرك كتفها (بمعنى ما ادري): والله انا ماقعت معاها وسولفت مرام: انزين سكتي اكاهي يت شوق وهي تبتسم: السلااام عليكم البنات: وعليكم السلااام غرور وهي تاشر على شوق: اعرفكم بنات هذي اختي شوق البنات : تشرفنا مرام وهي تعرف نفسها: انا مرام هنادي: وانا هنادي نوره: وانا نوره جنان: وانا الحلوه جنان الكل: هههههه غرور: يا واثقه شوق وهي تبتسم: والله من حقها توثق لانها بجد حلوه جنان: ههه تسلمين والله انتي عيونج الحلوه شوق وتسوي روحها مغروره وترفع خشمها: ادري البنات: هههههههه -------------------------------------------------------------- عند رغد & سعد (في نفس الوقت) اول ما دخل سعد وقف عند الباب وهو منهبل على رغد بلع ريجه بصعوبه مو مصدق انه حبيبته هذي الملاك الي واقفه ومنزله راسها ومستحيه ..سعد وهو يقول: فديت الي يستحون والله ...جرب سعد من رغد : مبروك رغد ويالله ينسمع صوتها: الله يبارك فيك ام سعد الي الفرحه مو سايعتها لا هي ولا ام عبدالرحمن الي مستانسه بشوفت بنتها يم ريلها ام سعد: الله يهنيكم وتمم عليكم بالخير ام عبدالرحمن وسعد ورغد الي يالله ينسمع حسها:آآآمين طلعوا رغد وسعد وام عبدالرحمن و ام سعد و وقفوا يم باب الصاله سعد كان شابك اصابعه باصابعها وهي كانت ترتجف من الخوف والربكه وطبعا هي من داخلها فرحااااانه واااايد انها خلاااص صارت حرم سعد على انها بس ملجه -------------------------------------------------------------- في الصاله كل الحريم والبنات لبسوا العبايه والشيله والي متنقبه تتنقبت .. بعد دقايق انطفت الاضواء وفجأه اشتغلت الإضاءه على باب الصاله ونفتح الباب واول ما دخلوا المعاريس ابتدت الزفه على شعر سلام ناقى ذهب وألماس ******* وشموع الافراح قد ضاءت الليله فرحه لكل الناس ******* واشواق الاحباب قد بانت عروسنا تاج فوق الراس ****** والطيب والذوق لاقالت اللى تنافس طلوع الشمس ******* بالزين ياناس لو مالت ياناس احلى عروسه وبس ******* ياحظها بالوفا نالت عريسها يحمل النوماس ******* يازين ماختار واختارت عفيف والطيب متأسس ******* اللى له الصيد قد دانت معروف مثل العلم نبراس ******* راعى المواجيب لو صارت كانت خطوبه نهار الامس ******* واليوم الافراح قد فاضت ونقول مبروك واستئناس ******** وعين الحسد عنهم غابت وصلو على خير كل الجنس ******* لقلوب فى الحب مازالت يالله ياللى بيدك النفسا ******** للى لك عيون مانامت تمم لنا فرحنا والانس ******* وقلوب الاحباب قد طابت شعر /الشريف فيصل البركاتى وصلوا سعد ورغد للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين سعد كان يطالع رغد ولا هامه الي حواليه و ذايب بجمال عيونها شد من لمست يده على يدها : تدرين انه عيونج حلوه وعمري ما جفت احلى منها رغد استحت وابتسمت له وقالت بصوت يلااا ينسمع: احم .. عيونك الحلوه سعد وهو يطالعها شلون مستحيه بلع ريجه: اقول حياتي ... خفي علي ترى اخاف اتهور رغد استحت زياده وانصبغ ويها الوااان:............ سعد ما قدر يمسك نفسه وضحك بصوت خفيف: هههههه يا لبى قلبج -------------------------------------------------------------- في مكان ثاني (في نفس الوقت) الحزن مالي حياتها الي طول عمره يرافجها (في بيت أبو مي) خذالها اسبوع وهي على نفس الحال حابسه نفسها في غرفتها علشان تتجنب اأبوها الي سمعها وهي تشكي حق صديقتها منيره ....... مي بعد ما سكرت من منيره قعدت تصيح وتمددت على السرير تغني بحزن "ودي اشكي" لأنها كانت تحس إنها راح تخفف عليها و كانت تصيح بحرقه إلى يدخل أأبوها عليها الحجرة ويسحبها ويعطيها كف لدرجه هي طاحت على الارض وهي ماسكه خدها وتصيح .. اأبو مي وهو يصارخ عليها: سمعنيني عااااد ترى هذي آآآخر مــــــــره اسمعج تقوولين حق اي احد عن الي يصير فااااااااااهمه .... تركها وطلع مي وهي ما زالت على وضعها وهي تصارخ وتصيح من قلب : اكرررهك .. هئ هئ .. اكرررررهك هئ هئ هئ ........... ردت مي للواقع وهي مكوره نفسها وتصيح بصمت وبصوت مبحوح: آآه يا يمه ..وينج .. تعالي جوفي شنو صار حق بنتج ..آآه هئ هئ هئ ... آآه ليتني مت معاج .. يمكن انا الحين اكون مرتاحه معاج ... هئ هئ هئ هئ وقعدت تصيح لين ما غفت عيونها ونامت -------------------------------------------------------------- من هذي خلود الي تعرف عليها سلطان؟؟؟ وشنو راح يكون دورها؟؟؟ زياد لما عرف عن مي شنو راح يسوي؟؟؟ هل راح يساعدها؟؟؟ جاسم وساره هل راح تكون قصتهم مثل قصص الحب تنتهي بالزواج؟؟؟ مرام شنو راح يكون دورها في الروايه بس مراسل الحب ؟؟ او راح يكون لها قصه مثل باقي الابطال؟؟ شنو راح يصير بين نورة وحمد؟؟ وهل حمد راح ينتقم من خلود؟؟ واذا راح ينتقم شلون؟؟ شنو الملجه تحمل من المفاجئات؟؟؟ وهل راح تنجح خطه مرام؟؟ هل راح يكون بين شوق وسلطان شي؟؟؟ كل هذا ان شاء الله في البارت القادم *_^ "تحياتي" | ||||
|
| |
|
10-07-13, 03:50 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الباااارت الثااالث عشـــــــــــــــــــــــ ـــر -------------------------------------------------------------- وصلوا سعد ورغد للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين سعد كان يطالع رغد ولا هامه الي حواليه و ذايب بجمال عيونها شد من لمست يده على يدها : تدرين انه عيونج حلوه وعمري ما جفت احلى منها رغد استحت وابتسمت له وقالت بصوت يلااا ينسمع: احم .. عيونك الحلوه سعد وهو يطالعها شلون مستحيه بلع ريجه: اقول حياتي ... خفي علي ترى اخاف اتهور رغد استحت زياده وانصبغ ويها الوااان:............ سعد ما قدر يمسك نفسه وضحك بصوت خفيف: هههههه يا لبى قلبج -------------------------------------------------------------- في بيت أبو زياد (في نفس الوقت) في غرفه زياد كان منسدح على السرير وهو يفكر : معقوله في ناس فيهم كل هالقسوه .. معقوله مي الي يبين عليها قويه ومستانسه تطلع تعاني كل هالمشاكل ..آآه صج ان قالوا الناس مظاهر .. قطع عليه تفكيره صوت منيره منيره وهي تقعد يمه : سوري اني دخلت بس انا دقيت الباب وانت ما ترد فدخلت زياد يعدل يلسته : لا عادي .. منيره شفيج منيره ودموع متجمعه في عيونها: زيــ..ـاد .. من ذاك اليوم وانا ادق حق مي بس ما ترد علي زياد: يمكن نايمه منيره: بس انا اقول لك من ذاك اليوم الي كلمتها وكانت تصيح .. خذالها اسبوع وانا ادق عليها وما ترد .. زياد انا خايفه صاير فيها شي .. او اأبوها الحقير سوى فيها شي زياد الي بعد حس بخوف : لا تفاولين عليها يا منيره .. يمكن يمكن .. ما ادري بس اكيد ما تبي تكلم احد .. او .. منيره وهي تترجى زياد: الله يخليك زيود .. ابي اتطمن عليها ودني لها الله يخليك زياد الي هو بعد كان يحاتي ويبي يتطمن: طيب يلاا روحي لبسي عباتج على ما ابدل وسخن السياره منيره وهي تقوم: طيب -------------------------------------------------------------- في الملكه (في نفس الوقت) لبس سعد رغد الشبكة وقعدوا شوي وبعدين طلعوا وراحوا علشان يتعشون اما المعازيم فقعدوا يتعشون وبعد ما خلصوا عشى قعدوا البنات رقص وهباله و وناسه مرام وهي تساسر امها: ماما يلااا ابتدت الخطه ام مصعب: ما بغيتي يلااا اكاني بتصل عليه .. وانتي روحي شوفي شغلج (وغمزت لها) مرام وهي تضحك: ان شاء الله ام مصعب وهي تكلم مصعب في التلفون: الوو ... لالا ما في الى العافيه... تعال ابيك ضروري ... لالا الحين يلا .. ادخل داخل الغرفه الي يم الصاله ... اي .. يلااا انتظرك ... مع السلامه -------------------------------------------------------------- في الصوب الثاني (في نفس الوقت) مرام وهي تقعد يم هنادي: اقوول هنوي هنادي: هلا عيونها مرام وهي تبتسم : تسلم لي عيونج بس امي تبيج هنادي وهي تقوم: طيب بروح لها بس البس جبليتي واروح مرام وهي تضحك: ههههه ماله داعي .. وبعدين انتي ما تيوزين كل عرس تفصخين جبليتج هنادي : شاسوي لازم ارقص بدونها لانها تعور ريولي هلون فصختها و انتي تعرفين اني دووم جذي وما اتغير .. يا ربي وينها مرام: انتي روحي حق امي وانا بدورها لج هنادي: طيب راحت هنادي حق ام مصعب ومرام قعدت تدور الجبليه ولقتها وعلى طول خذتها وقامت تفك شوي الكعب مال الجبليه لدرجه صارت فيه فجه ابتسمت مرام بخبث وقالت: يلااا يا هنادي راويني الحين شلون راح تشردين من اخوي لما تطالعينه ههههه .. والله لو تدري بتذبحني ------------------------------------------------------------- هنادي كانت واقفه يم باب الصاله تنتظر مرام تيب لها الجبليه مرام: هااج تعبت لين ما حصلتها هنادي خذت الجبليه ولبستها بسرعه وهي تقول: تعالي معاي مرام تسوي روحها ما تدري شسالفه: ليش هنادي: خالتي الي هي امج تقول تبي كيمره الديجيتل مالتي وقلت لها هي في الغرفه مرام: اها طيب انا شلي تبين روحي انتي .. ومشت عنها بسرعه هنادي: اففففف الحماره تركتني وراحت اراويها الكريها ------------------------------------------------------------- في الغرفه (في نفس الوقت) كان مصعب داخل وقاعد في الزاويه يعني الي يدخل يقدر مصعب يطالعه بس الي يدخل ما يطالع مصعب لانه صاير على زاويه ويمه مزهريه عوديه تحجب الرؤيه مصعب كان يحرك ريوله : يا ربي وين امي ذي قالت تعال وانا نقعت .. خل اتصل لها الى يسمع صوت توه بيوقف الي يجوف شي انصدم منه وحده حلوه داخله لابسه فستان ازرق وكانت تمشي ناحيته هنادي وهي تتحلطم: اففف وين قطيته ..انـــ..ـا .... انصدمت أبوجود مصعب الي لف راسه يغض النظر وهي من كثر الخوف والربكه مشت بسرعه الى طراااااااااااااااااااااخ على ركبتها طاحت وانكسر الكعب <<< الله يغلبل ابليسج يا مراام مصعب على طول راح لجهتها : بسم الله عليج .. تعورتي هنادي كانت تحس بالخجل لدرجه نست الالم الي في ركبتها وكانت مستحيه من قربه لها وخصوصا انه الفستان عاري وااايد ومبينه ريولها وزنودها وصدرها ومخصر مصعب حس بخجلها وربكتها فبتعد عنها : انا بدق حق مرام علشان تساعدج هنادي:......... مصعب وهو يدق على مرام كان يطالع في هنادي وبعدين قال ما يصير حراام تعوذ من ابليس ولف الجهه الثانيه والى يوصل له صوت مرام: الو .. مرام تعالي بسرعه .. الغرفه ... انتي تعالي وبتعرفين .. يلااا .. وسكر منها ورد لف ناحيه هنادي : الحين راح بتوصل و... الا يقطع عليه صوت مرام تسوي روحها بريئه وما تدري بالسالفه : هــــــــــــــــــــــــ ــــئ ... هنادي ... تركض لها ... شفيج شسالفه مصعب وهو يقول في نفسه ( هذي بنت عمي أبو مشاري وانا ما عرفتها هه وين تعرفها وانت طول عمرك ما تطالع بعيون البنات .. طبعا ما عدا حبيبتي آآآه .. اشتقت لج يا قلبي) قطع عليه تفكيره صوت مرام: مصعب اذا ما عليك كلافه ممكن تشيلها وتحطها على الكرسي هنادي هني حست الدم متيمع في ويها واستحت وانصبغ ويها ومصعب ما كان احسن من حالها بس سوى نفسه عادي وشالها واول ما شالها حست هنادي بشعور غريب :........ نزلها مصعب وهو يحس بربكه : مرام قولي حق امي اني ييت وشكلها نست اني انتظرها ... يلااا انا بطلع طلع مصعب وهني هنادي على طول قعدت تصيح من كثر الاحراج مرام خافت انه واااايد متعوره ولامت نفسها وعلى فكرتها: هنادي واايد يعورج هنادي بين شهقاتها: لا مرام انا ما اصيح بسبت ركبتي.. هـئ .. انا اصيح من كثر الاحراج مرام ما قدرت تمسك نفسها وقعدت تضحك: ههههههههههههههه خرعتيني يا الدبه ههههههههه -------------------------------------------------------------- في سياره زياد (في نفس الوقت) منيره قاعده تصيح وزياد يهدي فيها : يا منيره لاتفاولين على البنت وما له داعي كل هالبجي منيره من بين شهقاتها تلفونها رن جافت المتصل مي ردت بسرعة: الوووو مي مي بصوت مبحوح: هلااا منورة منيرة:انتي وينج كل ما ادق عليج ما تردين صار لج شي ابوج سوى شي مي: لااا منورة يا قلبي مافيني الا العاافيه بس كنت مسوية تلفوني صامت وما ادري عنه ويوم جفت مسكولاتج دقيت علشان اطمنج يا قلبي منيرة: يعني انتي ما فيج شي مي: لاااا مافيني الا العافيه تطمني منيرة : الحمد الله طيب عيل اخليج الحين بس بلييز لما ادق عليج مرة ثانية ردي لاتخليني احاتيج طيب قلبووو مي: ان شاء الله من عيوني يلااا تصبحين على خيير وآسفه لاني خليتج تحاتين منيرة: لااا شدعوة مي: الدعوة عامة منيرة: هههه يلااا مع السلااامه بعد ما سكرت منيرة من مي لفت لأخوها الي كان يطالعها كأنه يحثها تقول له شنو صار منيرة وهي تفتح باب السيارة: الحمد الله طلع ما فيها الا العافية ^_^ زياد وهو ينزل من السيارة: قلت لج بس انتي الي قاعده تفاولين على البنت منيرة: شاسوي من حبي لها وخوفي عليها زياد: الله لااايغير عليكم منيرة: آآآمـــين -------------------------------------------------------------- في الملجه ((الصاله)) بعد ما خلصت الحفله الكل طلع وراح بيته علشان يرتاح بعد تعب اليوم الي كان مليان احداث و وناسه وطبعا اكثر الاشخاص كان مستانس والفرحه مو سايعته وهو سعد ورغد لأنهم خلاااص صاروا مرتبطين مع بعض وما راح يفرق بينهم شي غير الموت -------------------------------------------------------------- ~~ وحيدة أنا ~~ عندما أكــــــــــون وحيــــــــــدة في المنزل أعاني من الألم بسبب الوحدة اتمنى ان افعل شئ ولكن الحيرة تجتاحني كيف استطيع ان اقول لك احبك كيف اجعلك تهتم بي دون ان اطلب منك ذلك كيف اجعلك تشعر بهذا الحب ليس لديك الوقت لتشاركني عالمي تعد النجوم بصحبتي ابق معي ..... حتى لو اصبحت الحياة صعبة لن اترك شي في هذا العالم الا وسأفعلة لترضى عني لتعطيني الحب ماذا افعل لأثبت لك اني احتاج الى الحب افتح قلبك ودع مشاعرك تظهر لانني في اعماقي لن ادعك ترحل وسأفعل اي شي من اجلك انظر ماذا فعلت بي لقد سببت لي الألم واعيش في هذة اللحظات بؤس شديد وقلبي لم يعد يحتمل المزيد انظر الي اقف بالطريق وحيدة ولا اعرف الى اي طريق اسير بدون ان يناديني احد ليأخذ بيدي اتصدق تبدو اقرب انسان لقلبي اقرب من الوريد اقرب من الروح ..... ولكنك في الواقع بعيد ... بعيد جدا عني انني امشي حول نفسي افكر واجهل فيما افكر مجرد لحظات شرود غريبة سكون الم حيرة اشعر وكانني احترق ولكن ليس الأمر بهذة الخطورة احيانا يبدو الوضع ثائرا دائما اقول لنفسي " لا تقلقي لهذا الأضطراب الذي يسود ايامك " ولكن شيئا ما لا استطيع شرحة كم اود ان اقول لكل الأخطاء التي ارتكبتها وداعا اعلم ان هذة الأخطاء اصبحت كجروح واصابات ذاتية فأنا لست بمدركة ان كل هذة الجروح اصابت قلبي المسكين كم احتاج للسلام احتاج للراحة للحنان للحب لأصحح هذة الأخطاء احيانا تأتيني افكار غريبة واحس ان العالم انتهى ولكن لماذا مازال البحر موجودا ؟؟ لماذا مازالت الشمس تشرق ؟؟ ومازالت الورود تتفتح ؟؟ الم ينتهي كل شي ؟؟ الم يتوقف العالم ؟؟؟؟؟ لماذا مازالت الطيور تطير والنجوم تلمع في السماء لا استطيع ان افهم لماذا تستمر الحياة هكذا لماذا مازال قلبي ينبض ؟؟؟ احيانا تحدث الأشياء بلا سبب لست ادري ولكن ابدو كالفصول الأربعة كل مااسمعة كل الكلام اصوات الطبيعة كلة بالنسبة الي اصبح كالأغاني الحزينة احاول ايجاد اي وسيلة فلا اجد سوى البكاء ولكن احس ان الألم الذي اشعرة والوحدة تقول لي كلا لا تبكي فما تشعرينة لن يزول بدمعة او اثنتان لا تبكي لان ألمك اعمق واكبر بكثير من هذة الدموع بلا شعور اجد دمعات ساخنة تحرق وجنتاي اغمض عيناي بقوة لكي لا ارى سواهما لا اريد دموع اكثرر بعدها انام ولا اشعر بشي ~~~~~~~~~~~~~~~~~ سكرت دفتر خواطرها والحزن مالي قلبها خصوصا من الحال الي وصل لأبوها أكثر من شهر وهو يوم يصلي ويخاف ربه ويوم يسكر وينسى عذاب الله .. صارت تخاف تنام في الليل وهي تسمع ضحكات وسوالف ابوها وربعه الخمة .. صارت ما تحس بالأمان حتى وهي مسكرة على روحها ومقفلة الباب .. غمضت عيونها وهي تتذكر المواقف الي تصير لها من يوم ما ابوها صار يسكر ===== توها داخله البيت رادة من عند صديقتها منيرة .. وهي تمشي مرت على الصاله الداخلية علشان تصعد الدري ما تبي تجوف ابوها لأنها تعبانه وما لها مزاج تتخانق معاه .. بس انصدمت من الي جافته ما توقعت ولا 1% انه ابوها راح يوصل لهدرجه كان قاعد على الأرض ومرفع ريولة "رجله" للكرسي وفي يدة كاس يحركها وهو يغني مع ربعه الي ما كان حالهم احسن من حاله .. مي بصدمة: سـ.ــكــــــران ابو مي وهو يحرك يده: انـــ.ــا ما .. ههههه شســ.ــمه هذا .. أي تذكــ.ــرت سكـ.ــران واحد من ربع ابوها: ههههههههههه يا غـــ.ــبي انت مو سكران .. انت سكـ.ـران هههه ابو مي وهو يضحك: ههههههههه جب يا الثور انــ.ـا مو سكران كلهم: هههههههههههههههههههههه ابو مي يأشر حق صديقة: صااااالوح يا الدخل غن غن لنا صالح وهو يرفع الكاس ويأشر حق مي: اول شـ.ـي هالحلوة ذي تشرب معانه ولااا ما. راح اغــ.ـني ابو مي وهو يأشر حق مي: يلااا تعالـــــــــي شربي معــ.ـانه مي وهي للحين واقفة بصدمة .. قالت بصوت هامس : أنت مينون انت مو صاحي مو صااحي .. وبصوت اعلى: مووووو صاحــــــي ابو مي وهو يصرخ عليها ويحرك يده في الهوى بكل مكان: جــــب قال مو صاحي قال .. اصلا انـ.ـا اصحى منج .. يلااا تعالي شربي بلااا كثرت ثرثرة خل نستانس صالح وهو يقوم من مكانه ويجرب من مي وهو يتمايل في خطواته لأنه ما عنده توازن و أول ما وصل لها مي دزته وركضت رايحه لغرفتها وقفلت عليهاا الباب .. وما اخذ لها اقل من دقايق الا تسمع طقات الباب من ورى الباب: بطلي الباب لا أكــ.ــسره بطلــــــــــي مي وهي مكورة على نفسها في زاوية الغرفة وتصيح وتشاهق: ما رااااح افتح سمعتني مااااا رااح افتح يعني مااااااااا رااااااااح افتح لو شنووو يصيــــــــر هئ هئ وفي هاللحظة زادت الضربات على الباب بقوة أكبر .. ومي حاطه يدها على أذنها وتصيح بحرقة ..وبعد فترة مو طويلة ولاا قصيرة استسلم ابو مي وراح يكمل سهرته مع ربعه الخمة ====== صحت من هالذكرى البشعة وهي تمسح دموعها الي سرعان ما تلحقها دمعه ورا دمعه وتدعي ربها: يااا رب .. مالي غيرك اشكيلك الحال يا رب انت اعلم بحالي .. يا رب افرج عني كربي يا رب .. ارحمني برحمتك ياا رب .. لا إله إلا انت سبحااانك يا رب .. يا مستجيب الدعوات استجب دعائي يااا رب .. هئ هئ ما اقول غير حسب الله ونعم الوكيل حسب الله ونعم الوكيل هئ هئ -------------------------------------------------------------- في اليوم الثاني (الساعه 4 ونص الصبح) في بيت أبو عبدالرحمن وخصوصا في غرفه رغد ما قدرت تنام وطول الليل وهي تفكر بسعد و رومانسيته وتتذكر الي صار لها امس في ملجتها مع سعد ....................... اول ما دخلوا المطعم كان خالي ما في احد كان سعد حاجز المطعم كله كان المطعم فخم ورااقي وااايد وشموع في كل مكان والاضاءه الحمرا والموسيقى الهادئه يعني بختصاار"الجو شاعري ورومانسي" رغد وهي تبتسم له : يا عمري كل هذا لي انا سعد وهو منهبل من ابتسامتها : هذا ولا شي يا حياتي و اوعدج اني راح اسوي اكثر من جذي رغد وهي تناظر عيونه : انا يكفيني انك معاي سعد وهو يمشيها معاه لين الطاوله و يقعدها مثل الاميرات ويقعد مجابلها ويتعشون وكل واحد يطالع الثاني وبعيونه كلااام حب بعد ما خلصوا عشى .. سعد يمد يده حق رغد ويقومها و يخليها مجابلته ويسحب يدها ويحطها على رقبته ويحط يدينه هو بعدين عند خصرها ويحوطها وقعدوا يرقصون على الموسيقى الهادئه .. سعد وهو يجرب رغد اكثر منه ورغد استحت من قربه نزلت راسها لكن سعد حط يده ورفعه وناظر عيونها: تدرين انه عيونك حلوه "باس عيونها" وخشمك الصغير آه شحلاته "وباس خشمها" وشفاتك الي تدوخني بلونها وشكلها وحجمها "وباس شفاتها" اما خدودك تذبحني بحمرارها وخصوصا لما تخجلين "وباس خدها" ورقبتك الي تغريني من بياضها ونعومتها "وباس رقبتها" رغد الي كانت طول الوقت مغمضه عيونها وخجلانه منه ومن قربه واحساسها بانفاسه الحاره الي تتخالط مع انفاسها وبخجل: سعد الله يخليك مو وقته وترى تأخرنا سعد ابتسم لها وعلى خجلها: امووت انا بالخجوول رغد وهي تبتسم له وبخجل: ســـــــعد سعد: عيونه و روحه و قلبه رغد وبخجل: خلاااص .. امم كأنه وايد تاخرنا تراني تعبانه اليوم وابي اريح سعد: طيب عمري يلااا مشينه ... قطع على رغد تفكيرها وذكرها لاحداث ملجتها مع حبيبها سعد صوت الاذان: الله وأكبـــــــــــر الله وأكبــــــــــــر ..... قامت رغد ودخلت الحمام (انتوا والكرامه) وتوضت وطلعت وكان توه مخلص الاذان فرشت لها السياده وصلت وبعدين حطت راسها على المخده واول ما غمضت عيونها ناااااااااامت -------------------------------------------------------------- في بيت أبو مصعب (الساعه 2 الظهر) بعد الغدى اأبو مصعب راح يريح شوي ومحمد طلع مع ربعه كان مواعدهم وإلي تم حمد ومرام ومصعب وام مصعب قاعدين يطالعون التلفزيون ويعلقون على البرامج وإلخ........... ومن بين سوالفهم ام مصعب غمزت حق مرام علشان يفاتحون مصعب بسالفه الزواج ومرام فهمتها وردت عليها بابتسامه ام مصعب وهي تناظر مصعب: تصدق احس سعد امس شوي ويطير من الفرح ما شاء الله عليه كبر وتزوج وانت ان شاء الله بعد تفرحني فيك مصعب ابتسم حق امه وهو يقول في نفسه "ههه ادري على شنو تلمحين يا يمه بس انا بسايرج وارضيج مع انه هذا يذبحني":طيب في احد ماسكج انا اعتقد قلت لج من قبل انا موافق اتزوج وانتي اختاري العروس على مزاجج والي تحسينها مناسبه لي انا ماراح اعارض ام مصعب وهي تبتسم له وتناظر مرام علشان تتكلم ومرام ما صدقت على طول تكلمت: انا اعرف وحده حلوه و ادب واخلاق ما شاء الله عليها ومو بس جذي بعد نفس طبعك بس هي حساسه شوي ام مصعب: لا يكون الي في بالي مرام وهي تبتسم: ما ادري بس يمكن كل شي جايز في الدنيا حمد الي ياله فضول يعرف البنت الي راح تكون زوجه مصعب: اممم انا عندي فكره اشرايكم اثنيناتكم تقولون الاسم مره وحده قالوا: موافقين حمد وبحماس والضحكه شاقه حلجه : يلااا 1 .. 2 .. 3 ام مصعب و مرام في نفس الوقت وهم يطالعون مصعب: هنادي ومصعب اكتفى بابتسامه لانه فهم السالفه الملجة وانه الي صار مو صدفه حمد وهو يبتسم : مبرووووك يا عريس ام مصعب تطالع حمد وهي تبتسم له: توه ما خطبناها ولاا هو وافق وهي وافقة علشان يصير معرس بس ان شاء الله .. الله يسمع منك وربي هنادي مافي ا حسن منها جوهره نادره راح تسعدك وهم اهيا جميله ماشاء الله عليها وهم البنت نعرفها عدل شرايك اخطبها لك يا مصعب مصعب وهو يكره هطاري بس ما حب يزعل امه هز راسه من غير نفس: موافق ام مصعب مومصدقه : كللووووووووووووش مرام بفرح : مومصدقه اخوي بياخذ هنادي وااااي فديتكم وااايد تناسبون بعض مصعب يطالع في اخته : صج مرام : اي صج مصعب: لااااااااااا انا احلى ام مصعب : هههههههه اي وحياتكم بصير احلى بعد بأذن الله مصعب في نفسه ماعتقد يايمه "بصوت شبه مسموع: ان شاء الله ام مصعب مشققه من الفرح : والله فرحتني من زمان ماحسيت اني مستانسه مصعب : دووم يمه زين انا طالع تامرون على شي ام مصعب : وين بتروح مرام : يمه خليه يروح اهم شي وافق مصعب وهو يطالع في مرام وهو متجه صوبها وسوي حركه سريعه كان بيصنطها من رقبتها بس بغشمره : اااااااااخ منج انتي طلعتي موهينه والكل يضحك والكل في ويها الوناسه مصعب يطلع عنهم لكن اهو الوحيد اللي يصنع الضحكه والموافقه وهو لحد الحين مو مصدق ان قال حق امه ان موافق على هنادي -------------------------------------------------------------- في بيت أبو مشاري (في نفس الوقت) في غرفة جاسم كان منسدح على السرير وهو يفكر بالي ملكة عقله وروحه وكل قلبه "سارة" وقطع عليه تفكيره بحبيبة القلب صوت التلفون من عرف قربك عرف طعم السعادة=وإن تشطّرت أدرك غأبون التمنّي في هواك من العسل لذّة مذاقه=لكن حروس النحل عنها حدنّي رفع التلفون وجاف المتصل "القلب" بطل عيونه على وسعهم مو مصدق سارة متصلة له <<< من وين طالعه الشمس خخخخ رد وهو يحس بفرح مو طبيعي: ألوو سارة: ألوو .. السلام عليكم جاسم وهو شاق الحلج: وعليكم السلام .. هلا والله .. كيف الحال والاحوال سارة وهي تضحك وتسايره: هههه عال العال يسرك الحال جاسم : فديت هالضحكة وصاحبتها سارة بخجل: ....... جاسم عرف انها استحت وما حب يحرجها اكثر : احم احم .. اشوف اليوم داقة علي غريبة من وين طالعة الشمس سارة: انا آسفة اذا اتصلت في وقت مو مناسب انـ.. قاطعها جاسم: لالا من قال مالا داعي تتأسفين وبعدين عادي لو تدقين الساعه اربع الفير عاادي سارة: احممم .. والله ما اعرف شاقول يا جاسم بس .. انا اتصلت لك لانــ.ـه امممم بصراحه ما اعرف شلون ا قول بس بختصار يعني .. جاسم خاف لا يكون صاير شي : خير سارة شصاير؟؟ سارة منحرجه ومو عارفه شلون تقول له: أنا أكتشـ.ـفت اني جاسم: شنو ؟؟ وقالتها بسرعة: أحبك (وعلى طول سكرت) جاسم الي كان عايش في صدمه للحين مو مستوعب قام يطالع التلفون ويحاول يستوعب .. بعد لحظات ارتسمت بسمه واسعة على شفاته وقام يناقز مثل اليهال ومو مصدق والدنيا مو واسعته من الفرحه -------------------------------------------------------------- في شركة الـ... (الساعة 6 المغرب) قاعد يدرس الصفقات الي عنده ولاحظ انه أهم صفقة راح يكسب وراها ملاين تحتاج لسفرات واايد يعني تقريبا ما راح يخلص من الصفقة الا بعد سنة يعني طول السنة راح يكون مسافر واذا بيرجع لفترة بسيطة وراح يرد يسافر أبو مي وهو يقلب بالأوراق رن تلفونه جاف المتصل "أبو راشد" ابتسم ورد.. أبو مي : ياا هلاااا ومرحبا أبو راشد: يا هلااا بيك .. شخبارك أبو مي : والله الحمد الله اسأل عنك إنت شخبارك أبو راشد: سألت عنك العافية والله أنا تمام الحمد الله أبو مي: شدعوة كل هالقطيعة من زمان عنك لااا تدق ولا تسأل أبو راشد: هههه والله إنت عارف مشاغل الدنيا كل لاهي بأشغاله أبو مي: أي الله يعطيك العافية أبو راشد: الله يعافيك .. الا ما قلت لي شخبارك مع الشغل سمعت انك خسرت صفقة بنص مليون أبو مي:أي والله يا أبو راشد خسرتها وإنت تعرف شغل التجارة وراه يا ربح يا خسارة.. بس الحمد الله ..الله عوضني بصفقة راااح أكسب من وراها ان شاء الله ملاين أبو راشد: ان شاء الله .. الله كريم أبو مي: انت الي ما قلت لي شخبار الشغل معاك أبو راشد: آآآه والله على حطت يدك .. كل يوم يتامه في هالدار وان شاء الله نحصل الأجر أبو مي و خطرت على باله فكرة : ان شاء الله الأجر وثواب .. الا أقول يا أبو راشد أبو راشد: سم أبو مي: سم الله عدوك .. بس حبيت اسأل يعني بما إنك مدير لدار الأيتام أبو راشد: خير أبو مي: كل الخير ان شاء الله .. بس مثل ما تعرف أنا أرمل وعندي بنت وأنا دووم شغل وسفرات وما أدري عنها يعني هي يتيمه لأنه ما في أحد يرعاها وهي صغيرة بالسن .. وأنتو في الدار الأيتام تهتمون في اليتامه وتدرسونهم وتربونهم وتوجهونهم وتلمون شتاتهم .. أبو راشد: إنت من صجك تبي تدخل بنتك دار الأيتام ولا تمزح أبو مي: لااا أنا ما أمزح يا أبو راشد.. يعني إنت تلاقي في شي غلط بكلامي .. أقول لك أنا ما أدري عن هوى دارها يمكن في الأسبوع مرة اطالعها ويمكن في الشهر بعد يعني ما في أحد يراعيها أو يربيها .. أنت فكر يعني بنت تتربى في دار الأيتام أو تتربى في الشارع .. وخصوصا أنا هالسنة راح أسافر علشان هالصفقة إلي راح أكسب وراها ملاين أبو راشد: والله ما أعرف شاقول لك بس إنت تعرف سالفة دار الأيتام ما يدخل فيها إلا إلي ما عنده أم وأبو أبو مي بخبث: بس هي عايشة كأنها يتيمة يعني مثل ما قلت لك أنا دوم بالشغل وما أدري عنها وأنا أبو و أبي مصلحة بنتي و أنا متأكد 100% إنكم ما راح تقصرون عليها أبو راشد: .. بس اذا إنت مصمم وتجوف هذا عين الصواب أنا ما عندي مانع وراح أساعدك .. بس إنت فكر زين قبل لا تسوي أي شي أبو مي: إن شاء الله ومشكووور وما تقصر يا أبو راشد و ان شاء الله تحصل الأجر والثواب كامل أبو راشد: آآآميـــــــــــن .. أبو مي قعد يسولف مع أبو راشد ما خلو موضوع ما تكلمو عنه -------------------------------------------------------------- هل اأبو مي قاسي لهدرجة علشان يدخل بنته دار الأيتام وهل راح يدخل مي دار الايتام؟؟؟ هل مصعب راح يغير رايه ؟؟؟ ومن ذي حبيبته الي دوم يتكلم عنها ويشتاق لها؟؟؟ وشنو قصتها؟؟؟ شنو راح يسوي زياد ومنيره علشان ينقذون مي من اأبوها؟؟؟ و شنو راح يصير في أبو مي في النهايه؟؟؟ رغد وسعد شنو نهايتهم هل راح يستمر الحب ويعيشون السعادة؟؟؟ حمد ونورة وخلود شنو راح يكون ما بينهم من احداث ؟؟؟ وهل حمد راح يقدر ينتقم؟؟؟ او يمكن يكون في شي يمنعه؟؟؟ هنادي شنو الإحساس الغريب الي حست فيه؟؟؟ وهل راح يأثر عليها هالإحساس بالموافقة أو الرفض؟؟؟ | ||||
|
| |
|
10-07-13, 03:51 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وهذااا البارت الرابع عشــــــــــر في الجامعة الـ... (الساعة 9 ونص الصبح) اسمعي وافهمي معنى الكلااام ... الكلاااام ماهو بس كلااام جيت اوصل لك رسالة والسلاام... افهميها تراها ماهي بس كلااام ادري مثلتي عليّه بانتظام.....كم سهرتي في الظلام لتخططين.. لأجل أخضع في طريقك بانهزام...... الغريب انك غشيمه وتجهلين ....والحقيقه ماعرفتي تخدعين تخدعين انسان طيّب..؟ مو حرام...... تخدعيني وانتي لله تركعين..؟ استغفري ربك وابعدي عن الخداع تراه ماهو بصالحك تخدعين !! في النهايه اسمعي..!! يالله سلام....بكرى والله غصب عنّك راح تندمين.. ~::::::::::::::::::::::::::::: :::::::::::::::::::: :::::::~: توه طالع من المحاضرة لمح خلود رايحه للكفتيريا ابتسم بخبث وهو مصر بالي راح يسويه .. ! ! ! دخل للكفتيريا و توجه لها وهو راسم أحلى ابتسامة .. حمد: السلام عليكم رفعت راسها وان صدمت ولكن سرعان ما استوعبت وابتسمت له: وعليكم السلام حمد وما زالت الابتسامة على شفتاه: شلونج ؟؟ خلود وهي تأشر له على الكرسي: أنا الحمد الله .. تفضل حمد وهو يقعد على الكرسي وبكل هدوء: زاد فضلج .. بصراحة يا آنسة خلود أنا إنسان ما أحب اللف والدوران ..أنا سمعت بالي سويتي في بنت عمي نورة وبصراحة يعني والصراحة راحة أنا أحذرج اذا ما رجعتي صور بنت عمي راح تندمين (سكت شوي وهو يطالعها يبي يعرف ردت فعلها) خلود إلي منصدمة ومو قادرة تستوعب هي توقعت انه راح يعبر عن اعجابه او يتودد لها بس ما توقعت انه يهددها.. ردت وهي رافعة حاجب : أنا خلوود ما أتنازل عن حقي لو شنو صار اذا تبي أرجع الصور بشرط حمد وهو يبتسم بإستهزاء: شنووو خلود بثقة: تتأسف مني جدام الكل على الي سوته وتحب راسي بعد حمد وهو رافع حاجب: هههههههه تراج وايد ماخذه مقلب بنفسج علشان تعتقدين انه نورة تنزل مستواها لأشكالج أقول هي كلمة وحده وما راح أعيدها تردين الصور أحسن لج والا والله ثم والله أخليج تكرهين اليوم الي فكرتي بس مجرد التفكير انج تاخذين الصور و تحطين راسج براسي سامعه ... توه بيقوم هي مسكت يده لف عليها وطالع يدها وبعدين طالع فيها بنظرة وبعد يدها عن يده بشمأزاز .. حمد وهو يبتسم باستهزاء: رجاءا لاتلمسيني أخاف أتلوث خلود وهي متغايضة من اسلوبه قالت وهي تأشر عليه من فوق لين تحت: هي أنت شالإسلوب تراك وايد مصدق روحك يـ.. قاطعها حمد: سمعيني زين لاتطولين السالفة وهي قصيرة قصري الشر أحسن لج ومالج شغل بإسلوبي اوكو خلود وهي تهز راسها بمعنى إي : بضبط بقصرة لكن هذا شرطي انها تتأسف مني جدام الكل يعني إلي يسوى والي ما يسوى وما عندي غير هالكلااام عن اذنك .. مشت خلود عن حمد الي كان معصب و واصل حده منها حمد وهو يصر على اسنانه : هين هين يا خلود راح اراويج من يكون حمد هيــــــــــــــــن خلود وهي مازالت تمشي و تضحك بصوت عالي: ههههههههههههههههههههههههه حمد وهو على نفس الوضع: راح أراويج من راح يضحك بالأخير هين -------------------------------------------------------------- في بيت أبو مصعب (الساعة 4 ونص العصر) ام مصعب تكلم ام مشاري في التلفون وقالت لها انهم بيزورونهم اليوم على الساعة 5 ونص بعد صلاه المغرب وبعدين سكرت منها وراحت تجهز نفسها وقالت حق مرام بعد تتجهز ويوم حمد درى طار من الفرح علشان اخوه اما مصعب فكان متكدر ومو عاجبه الوضع لكن حاول انه ما يبين لهم وخصوصا امه ما يبي يحزنها ويخرب عليها فرحتها -------------------------------------------------------------- في بيت عبدالرحمن (الساعة 5 المغرب) رغد كانت تكلم سعد في التلفون وداخله اجواء من الرومانسية بس في شي خرب عليهم وقطع الرومانسية شوق وغرور وهبالتهم غرور وهي تقلد رغد: ههههه حبيبي يلاااا عاااااد شوق وهي تقلد شخصيه وصوت سعد: آآآه فديت الضحكة وصاحبتها .. ولا هذا حبيبي بصراحه تحطيييييييم رغد عصبت: سعد حياتي اكلمك بعدين اوكي سعد وهو يضحك على هبال خوات رغد: هههههههه طيب بااي عمري رغد: باي بعد ما سكرت رغد من سعد على طول قامت حق غرور وشوق وسحبتهم من اذاينهم وهم يصارخون غرور وهي تحاول تبعد يد رغد: آآآآآآآآآآي شوق وهي تسوي روحها بريئة وبتصيح: آآي رغد يعور انا ما سويت شي هذي غرور هي الي قالت لي غرور وهي تشهق: هـــــــــــــــــــــــئ اناااااااااا والله والله يا رغد هي الي قالت لي خل نروح نخرب الجو على رغد ونغير جو لانه ملل شوق وتتصنع البراءة : انااااااااا يا جذااابه رغد وهي تسحبهم من اذاينهم لي برع الغرفه وتسكر الباب -------------------------------------------------------------- في بيت أبو مشاري (الساعة 5 ونص بعد صلاه المغرب) كانت هنادي و جنان ينتظرون عمهم أبو مصعب وطبعا هم مستغربين من هالزياره المفاجئة لانه هم متعودين كل اسبوع يجتمعون وآخر مره اجتمعوا فيها اول أمس وامس جافوهم في ملجة سعد .. وبعد لحظات وصلوا بيت أبو مصعب لانه جريب منهم .. سلموا وقعدوا سوالف وضحك وبعد العشى النسوان (الحريم) كانوا قاعدين في الصاله والريايل في الميلس الخارجي.. والبنات في غرفة هنادي و جنان -------------------------------------------------------------- في مجلس الخارجي بعد السوالف والضحك قرر أبو مصعب انه يفاتح أبومشاري ويخطب هنادي حق مصعب... أبو مصعب وهو يعدل يلسته: احم احم اقول يا أبو مشاري أبو مشاري : هلااا آمر أبو مصعب وهو يبتسم له: ما يآمر عليك عدوا بس انا اليوم .. ياي وكلي رجا انك ما تردني أبومشاري:افااا ما عاش من يردك انت آآآمر وبشر والله اذا قدرت على هالشي ما اردك أبو مصعب: تسلم و ما قصرت خيرك سابق .. والله اليوم انا ياي لك و حاب اني اخطب بنتك هنادي لولدي مصعب وانا ما اعتقد انه بنحصل احسن منها ادب وجمال واخلاق جاسم ومشاري وحمد يطالعون مصعب ويبتسمون له ومصعب كان يرد لهم الابتسامة لكن في نفسه كان يدعي انه هنادي ترفضه وما تتم الخطبة أبو مشاري وهو يبتسم وفرحان : والله هذي الساعة المباركة انه نصير نسايب وتقرب العلاااقة ما بينه وتقوى وانا ما عندي مانع مصعب ريال وينشد الظهر فيه وما اعتقد اني بحصل ريال مثله يصون بنتي ويسعدها بس انت تعرف يا أبو مصعب الراي الاول والأخير لـ..هنادي فعطني وقت ومهله كم من يوم وانا ارد لك الخبر أبو مصعب: خذ راحتك واكيد الشور شور هنادي والله يكتب الي فيه الخير وان شاء الله تصير من نصيب مصعب الكل ما عدا مصعب: آآآمين -------------------------------------------------------------- في غرفه هنادي وجنان كانوا البنات سوالف وضحك وفرفشه وهباااال ولا على بالهم جنان وهي مغمضة عيونها : أممممممم هنادي وهيام ومرام: هههههههههههههه جنان وهي شادة أعصابها:أحممممممممم هنادي ومرام وهيام: هههههههههههههه هيام: وه وه شفيييج عسى ما شر مرام: ههههههه لااا الاخت قاعدة تحمي شكلها تبي تغني هنادي: عااد بليييييييييز جنون ما نبي نشااااز جنان وهي ترفع خشمها وتطالعهم من فوق لين تحت : هــــــــــــه اصلا انتووو تتمنون صوتي قال ما نبي نشااز قال هــــــــه هيام وهي تبتسم وتأشر على جنان من فوق لين تحت: أرجووووج تراااج وااايد مصدقة عمرج ترى يا شيــــن الثقة اذا زادت عن اللزوم هنادي وهي تضرب يد هيام (كفج): أي والله وانتي الصاجه ههههههه ------------------------------------------------------------- في مجلس الخارجي قعدوا ابو مصعب وابو مشاري سوالف وتخطيطات عن الشغل وغيرها وشباب مستلمين مصعب جاسم وهو يبتسم: والله وكبرنا وقمنا نخطب مشاري: هههههههه يبي يقلدني حمد ومسوي نفسه مدافع: والله اخوي قرر يكمل نص دينه مو يقلد احد وبعدين انت متزوج وبتصير ابو وهو لحد الآن ما ملج علشان يقلدك و.. قاطعه جاسم: بس بس حشى ما يسوى علينا مزحنا يبا درينا انه اخوك وتدافع عنه مصعب وهو يتصنع الفرحه: هههههههه خله يدافع عني انت شحارك مشاري وهو مسوي مدافع: والله واخوي الصاج كأنه ما محد عنده أخو غيره حمد وهو يضحك: ههههههههههه والله الحين انقلب الوضع وصرت إنت تدافع عن أخوك الشباب: ههههههههههههههههههه -------------------------------------------------------------- (الساعة 9 ونص) بيت أبو مصعب طلعوا وراحوا بيتهم وكل واحد الفرحة مو سيعته عدا مصعب إلي كان متضايق .. كانت قاعدة بصالة وفرحانة لأنها جافت حبيب القلب وتذكرت الموقف إلي صار لها يوم الملجة وابتسمت بحرج كأنه مصعب واقف يمها قطع عليها سرحانها صوت مشاري : هنادي روحي للمكتب أأبوي يبج هنادي استغربت من طلب أأبوها وقامت وراحت له للمكتب .. أول ما دخلت المكتب جافت أأبوها يبتسم لها بكل حنان .. أبو مشاري: تعالي قعدي ليش واقفة ابتسمت له هنادي وقعدت يمه: خير بابا أبو مشاري: الخير أبويهج يا أبنيتي .. مثل ما أنتي عارفة انج الحين صرتي عودة عاقلة وراكدة .. و مو ناقصج شي غير الريال إلي يستر عليج .. و أبو مصعب اليوم ياي وخطب ولده مصعب لج .. و أنا موافق والريال ما يعيبه شي يا أبنيتي .. أنتي فكري زين ترى أنا ما راح أجبرج على شي هذا الموضوع يتعلق فيج وفي حياتج والرأي الأول والأخير راجع لج هنادي كانت تسمع كل كلمة من أأبوها وهي في حالة صدمة مو قادرة تستوعب إنه الله استجاب لدعاها وانه حلمها بدا يتحقق .. ودها تقول حق أأبوها أنا موافقة .. بس ما تبي تبين حق أأبوها أي شي من حبها لمصعب .. ابتسمت حق أأبوها بخجل: طيب بابا .. راح أفكر .. عن إذنك أبو مشاري وهو يبتسم على خجلها: إذنج معاج -------------------------------------------------------------- في بيت أبو زياد (في نفس الوقت) نزل من الدري جري وراح للصاله كان الكل قاعد فيها قال بصوت عالي والفرحة مو سايعته : باااااااركووووووووولي ام زياد وهي تطالعه مستغربه: خير شفيك زيود انخبلت منيره الي كانت سرحانه طول الوقت تفكر بمي انتبهت لصريخه: مبروك بس على شنو زياد وهو يناقز من الفرحه: قبلوووني قبلوووني جامعه بريطانيا قبلوووني أبو زياد: مبرووووك ألف مبروووك ام زياد اول ما سمعت الخبر تكدرت: ...... زياد عرف انه امه حزنت لانه راح يسافر اربع سنين برع في بريطانيا .. جدم من امه ويلس تحت رجولها وجابل ويها : يما افا ما في مبروك حقي ام زياد والدموع في عيونها: الف مبروك زياد: من قلبج يمه ام زياد والعبره خانقتها: متى سفرك زياد وهو يبتسم حق امه: بعد شهرين أبو زياد وهو يناظر ام زياد: يا ام زياد مالا داعي كل هالحزن ولدج راح يسافر علشان يدرس مو يلعب زياد وهو على نفس قعدته: صح يما ما تبين بكره الكل يقول لج ام اكبر محامي الي هو انا ههه منيره: يا واثق كلش ما يطيح انت و.. قاطعها اخوها الصغير فيصل: وخشدك (وخشتك)<< يعني ويهك بالسعودي الكل ضحك عليه: ههههههههههه زياد: هههه والله منت بهين يا فيصلوا تتكلم سعودي بعد ما اقدر فيصل وبراءة الأطفال: مي علمدني (مي علمتني) منيرة حست بخنقه من نذكر اسمها تذكرت حالتها ودمعت عيونها بس بسرعة مسحت عيونها ما تبي تخرب القعدة زياد حس عليها وهو بعد حزن شوي عليها بس ما في اليد حيله -------------------------------------------------------------- في اليوم الثاني (الساعة 5 الفجر) شرقت الشمس ونارت الدنيا بنورها وابتدأ يوم جديد مع أحداث جديدة .. في بيت أبو مي .. متمددة على السرير وهي تفكر .. ما قدرت تنام من إلي صار لها كلما تحاول تغمض عيونها تخاف وتفتح عيونها .. نزلت دمعة من عيونها تبي تنام وهي مرتاحة لكن مو قادرة إلي صار لها مو شي هين انه بنت تتعرض لتحرش ومحاولة "الاغتصاب" قعدت تصيح وتصيح وهي تحس نفسها مو قادرة تتحمل أكثر من جذي هي وحيدة وأأبوها دوم يحملها ذنب موت أمها ويسكــــــــر وهي عمرها ما يتجاوز 16 سنة .. ما تقدر تستحمل وتسوي أي شي علشان تحمي نفسها غير إنها تطلق العنان على نفسها وتصيح يمكن شوي ترتاح .. غمضت عيونها بقوة وهي تحاول تنسى ليلة أمس -------------------------------------------------------------- في المدرسة (الساعة 10 الصبح) رن جرس الفسحة الكل طلع بس هي كانت قاعدة في الصف سرحانة بأحلامها الوردية وتتذكر كلام أأبوها ابتسمت بخجل يوم تذكرت الموقف إلي صار لها في الملجة حست انه كل الخجل إلي في العالم فيها كأنه قاعد يشوفها الحين face to face ومن بين سرحانها دخلت وحدة من الطالبات النظام وقطع عليها سرحانها الطالبة: لو سمحتي هنادي وهي تطالعها: هلااا ابتسمت لها الطالبة: ابتدت الفسحة الحين ترى هنادي وهي تناظر الصف: أووه sorry توني ملاحظة الطالبة: هههه إلي ماخذ عقلج هنادي تذكرت مصعب وابتسمت بخجل: .... طيب مع السلامة الطالبة: هههههه طيب مع السلامة -------------------------------------------------------------- في الشركة الـ... (الساعة 1 ونص) عايش في عالم ثاني في عالم العشق والحب .. عكس إلي قاعد معاه في المكتب يحس نفسه مخنوق و مكتأب وعايش في صراع نفسي ... سعد بصوت هايم: قلبي خليه بعد شهر احسن رغد: لا قلبي شهر وايد قصيرة المدة ما يمديني أخلص وبعدين لا تنسى أنت حتى أثاث الشقة ما خلصتها سعد وهو يتنهد: آآآه .. يعني ما في أمل والله إني ولهاان و مشتاااااق لج رغد:........ سعد عرف انها استحت: ياربي لين متى يعني هالخجل رغد بصوت دلع: سعــــــــد والله هذا مو بإراتي اذا كنت خجولة سعد وهو يقصر حسه علشان محد يسمع: والله والله الشاهد علي لا اخلي هالخجل يروح وبطريقتي الخاصة رغد ببراءة لانها ما فهمت عليه: شلون يعني سعد وهو يبتسم ويخفض صوته أكثر: مثل إلي سويته يوم الملجة تقريبا بس يوم الزواج بسوي أكثر وأعتقد انج فاهمة رغد حست بإحراج مو طبيعي وسبت نفسها على غبائها :........... سعد : ألووو ألووو رغــــــــد رغد وبصوت يالله ينسمع :مـ.ـعاك سعد وهو عرف إنها منحرجة وحب يحرجها زيادة : لا يكون تتخيلين الحين شنو بسوي رغد خلاص مو قادرة من الإحراج أكثر من جذي على طول سكرت منه بدون ما تقول مع السلامة سعد وهو يطالع تلفونه ضحك: ههههههههههه يا حبي لها ولخجلها مصعب إلي كان في عالم ثاني انتبه لسعد وهو يضحك: دووم سعد وهو يبتسم له: تسلم .. عقبالك إن شاء الله مصعب وهو يتغصب الإبتسامة ما يبي يبين حق أحد إنه مجبور ومغصوب على الزواج: الله يسمع منك << طبعا مو من قلبه -------------------------------------------------------------- في بيت أبو زياد (الساعة 2 الظهر) خلصوا غدى وكل منهم قام وام واأبو زياد راحوا غرفتهم علشان اأبو زياد يبي يريح وام زياد تبي تفاتح اأبو زياد بالموضوع.... توه زياد بيدخل غرفته لكن منيرة كانت اسرع منه و مسكت يده قبل لا يدخل لغرفته .... في غرفة ام واأبو زياد.. قعد على السرير وسند راسه وتنهد بصوت شوي عالي: آآه ام زياد وهي تقعد يمه: سلامتك من الآآه .. بعيد الشر عنك اأبو زياد وهو يبتسم لها بحب وحنان: الشر ما ييج يا قلبي ضحكت ام زياد ضحكة خفيفة وبعدين ابتسمت له بحب : يسلم لي قلبك يا قلبي .. (وسكتوا للحظات) .. أبو زياد حس انه ام زياد ودها تقول شي بس مو عارفة أبو زياد وهو يعدل قعدته: قولي لي إلي بخاطرج احس عندج كلام ودج تقولينه ابتسمت له وبعدين نزلت راسها وقالت بصوت مخنوق: أنا ما أبي زياد يسافر ويروح ويتغرب .. أنا خايفة عليه اأبو زياد وهو يمسك ذقنها و يرفع راسها .. طالع عيونها المليانين دموع : لا تصيحين يا قلبي ترى دموعج غالية .. (وهو ياخذ نفس) .. وبعدين زياد صار ريال وما ينخاف عليه انتي تعوذي من ابليس ام زياد بصوت صياح : أنـ.ـا .. مـ.ـا أبيـ.ـه يسافـ.ـر (وهي تشهق) اأبو زياد: طيب بس هذا مستقبله وانتي لانج مو متعودة على الوضع فهلون انتي قاعدة توسوسين فهمتي أم زياد وهي منزله راسها: بس أنا خايفة يصير له مثل ما صار حق ولد أختي أبو زياد وهو عاقد حواجبه: ليش شنو صار حق ولد أختج أم زياد: اسمع الحين ولد أختي العود المدين إلي دوم نسمع عنه الزين إلي كله في المساجد و متقي ويخاف الله يوم سافر أمريكا رد وهو مصاب "بالإيدز" أبو زياد وهو يهز راسه: لا حول ولا قوة إلا بالله أم زياد وهي تكمل : و أنا ولدي زياد إلي كل يوم والثاني في نوادي وحفلات مع الشباب .. هو صحيح يصلي لكن بعد مدام المتدين ومتشدد في دينه قدر الشيطان يلعب في مخه شلون زياد .. لا لا لا مستحيل أخليه يسافر مستحيل يا أبو زياد أخليه يسافر -------------------------------------------------------------- في بيت أبو مشاري (الساعة 3 العصر) هي فرحانه لبنتها بس هي تفكر بعقل ومنطق "هي توها صغيرة شلون تتزوج يعني لو هي في الجامعة بنقول اوكي .. امم شكلي اذا كان فيه نصيب بقول لهم نملج هالسنة والزواج بعد التخرج على الأقل بعد ما تتخرج تتزوج وهي في الجامعة لو السنة الأولى" .... دخل الغرفة ولقاها سرحانه ابتسم لها أبو مشاري: إلي ماخذ عقلج انتبهت له ام مشاري: هههه لا بس قاعدة أفكر بموضوع هنادي ومصعب أبو مشاري وهو يضحك: ههههههههه بس للحين ما صار شي حتى الموافقة ما وصلت اشفيج مستعيلة ام مشاري : والله إني اتمنى انه هنادي تكون لمصعب .. بس هي توها صغيرة ما ادري ليش بس احس هي مو وقت زواج و مسؤولية في هالسن أبو مشاري: لالا هي مو صغيرة .. وبعدين اذا وافقت بنخلي الملجة بعد الإمتحانات إلي ما بقى عليها إلا اسبوعين وبعدين في نهاية العطلة بنسوي العرس أم مشاري وهي تضحك: ههههههههه .. وتقول أنا إلي أفكر وما ادري شنو وتو النااس .. وأنت مفكر وخالص -------------------------------------------------------------- في بيت أبو زياد (في نفس الوقت) قاعد ومتوهق بمنيرة إلي مو راضية تهده وتترجاه وهو ما يبي يكسر خاطرها منيرة وهي شوي وتصيح: زياااااااد بلييييييييييييييز زياد وهو يتنهد:آه .. طيب خلاااص روحي جهزي بعد نص ساعة بوديج منيرة من الفرحة نطت عليه : وااااااااي فديت قلبك أنا زياد وهو يضحك: ههههههههه يا حبج للمصالح منيرة قامت تغني لراشد الماجد: آآه ياحبك للمشاكل آآآه يا حبك لزعل ........... قعدت تغني لين ما طلعت وسكت الباب وراها -------------------------------------------------------------- (الساعة 3 و ثلث العصر) تجهزت وخلصت وقعدت تنتظره في الصالة .. بعد دقايق نزل من الدري وهو يغني لـ اصاله يوسف: وحدي من غيرك انا وحدي ، ايامي من غيرم اوهام آه من حنيني ابكي يا عين بنام و قلبي و لا بينام وحدي من غيرك أنا .. قطعت عليه منيرة : اقول بلااا غيرك بلااا بطيخ يلااا ترى تأخرت على مي زياد وهو يضحك: طيب طيب يه .. يلااا جدامي توهم راح يطلعون من الباب إلى بصوت أبو زياد ينادي زياد زياد وهو يلف : سم يبه بو زياد: تعال ابيك في موضوع أنا وأمك زياد : إن شاء الله يبه منيرة وبزعل: بابا بليييز خل يوديني عند مي وبعدين كلموه بالموضوع بلييييز بابا أبو زياد: طيب ود أختك وبعدين تعال علشان أقول لك زياد وهو طالع: إن شاء الله --------------------------------------------------------------في بيت أبو مي(الساعة 3 ونص العصر) التعب والإرهاق كان مبين بعينها صار ويها لونه شاحب وتحت عيونها هالات من السواد و آثار الدموع واضحه على خدودها ونفسيتها كانت تعبانة واااااايد خذالها من أمس وهي مو نايمة وخايفة وطول الوقت تصيح .. قاعدة في الحديقة وسرحانه.. ما حست الي بيد على كتفها لفت علشان تجوف من و أول من جافت إلي جدامها ابتسمت بفرحه وقامت وهي فرحانه إلى طايرة من الفرح مي وبفرحه: منووور قلبي آيه عليج (وضمتها بقوة) منيرة وهي فرحانه : يا قلبي .. شخبارج شمسوية وحشتيني مي وهي تبتعد عن منيرة وهي منزلة راسها وبصوت حزين: الحمدالله على كل حال منيرة وهي تتمعن في ويه مي: مي حبيبتي شفيج ليش ويهج شاحب وسواد تحت عيونج وآثار الدموع على خدودج .. انتي كنتي تصيحين تحجــــي؟؟ مي ما قدرت تستحمل أكثر وقعدت تصييح بشكل يقطع القلب و منيرة قعدت تهدي فيها لين ما هدت وصارت الدموع تنزل بصمت على خدودها الناعمه .. بعد فترة مو وايد طويلة من الصمت قررت مي تقول حق منيرة كل شي مي بصوت مبحوح من الصياح: بقول لج يمكن تلاقين لي حل مع إني ما أعتقد .. سمعي ................. ====== (الساعة 6 المغرب) قاعدة في الغرفتها تكتب في دفتر خواطرها .. فجأة سمعت صوت ازعاج عرفت انه ابوها وربعه الخمة .. تنهدت بقهر وبعد بنص ساعة قررت تنزل وطلعت من الغرفة .. وهي نازله من الدري تسمع صوت ضحكات وأغاني .. وصلت لي نهاية الدري وجافت أبوها وهو يتمايل بجسمه من دون توازن وبيده كاس يحركه بالهوا وربعه ماكانوا احسن من حاله .. الأول واقف فوق الكرسي من دون توازن ويسوي نفسه يهز الخصر والثاني قاعد على الأرض ويدور راسه ويسوي نفسه يجلع والباقي مسوين دائرة ويرقصون ومي واقفه مكانها تطالع بستغراب وخايفة من أشكالهم و ما عرفت شنو تسوي واحد من الريايل جاف مي قاعدة وفي ويها علامات من الإستغراب والخوف.. راح لها الريال وهو يخزها :شرايج مي لفت وجافت ريال ضخم البنية وقبيييح لكن امبين عليه عنده خير كان قاعد يطالعها بنظرات خلتها تكره نفسها .. قالت بإستغراب: بشنو!! تجدم الريال من مي وهو يناظرها بإعجاب الريال وهو يبتسم ابتسامة خبث: بأني أريحج وبسرعة مسك يدها : تعالي مي تحاول تسحب يدها: اترك يدي يا الحثاله الريال وما زال ماسك يدها وبقوة: أششش تعالي ولاا تخافين مي بصوت خايف: قلت لك هدني الريال وهو يطالعها من فوق لي تحت: لا تخافين .. أنا أول ما آخذ إلي أبيه بتركج مي وهي تبلع ريجها وبربكة: شلون ما فهمت !! الريال وهو يغمز لها: الحين بتفهمين سحبها معاه لين الغرفة إلي يم الحمام دخل الريال وهو ما زال ماسك مي ومي تحس الخوف كل ماله ويكبر في نفسها مي إلي للحين مو مستوعبة شنو قاعد يصير ما وعت إلى على صوت تسكير باب الغرفة .. خافت وهي تشوف هالريال كلما يجرب منها وهي تبتعد يجرب أكثر وهي تبتعد أكثر لين ما وصلت لحد السرير وهو يجرب لعندها حاولت ترد على ورى لكن ماقدرت .. جرب منها ودزها على السرير وصارت مستلقية عليه وهي تصيح وتصارخ علشان أي أحد يساعدها لكن لا حياة لمن تنادي >_< ================== -------------------------------------------------------------- في بيت أبو زياد (في نفس الوقت) قاعد في الصالة مع أمه وأبوه وهو مستغرب شنو الموضوع إلي يبون يتكلمون عنه زياد: خير يبه قلت تبيني أنت و أمي في سالفة أبو زياد: والله يا ولدي أعتقد إنك تعرف حبنا لك وخوفنا عليك واحنى نبي مصلحتك .. في البداية أمك كانت رافضة إنك تسافر ولحد الآن بعد بس أنا أقنعتها إنه هذا مستقبلك و إنك ماعت ياهل صرت ريال ما شاء الله عليك .. و أمك حاولت تقنع نفسها بهالشي بس يوم درت عن ولد أختها (وقال له سالفه ولد خالته...) وأمك ماتبيك تسافر خايفة عليك .. وبعدين فكرنا أنا و أمك في حل وما لقينه إلا إنك تتزوج وتسافر ولا ما في سفر زياد كان يسمع كلام أبوه وهو مو قادر يستوعب : !! أبو زياد و أم زياد قاعدين يطالعون بعض ويطالعونه يبون يعرفون ردت فعله وشنو جوابه .. بعد لحظات طويلة من الصمت والسكوت.. زياد وهو يطالع أمه و أبوه: أنا بفكر عطوني مهلة أفكر في الموضوع أبو زياد وهو يهز راسه بتفهم: طيب فكر بس يومين مو أكثر لانه لازم تفكر بسرعة لأنه سفرتك بعد شهرين زياد وهو يقوم: إن شاء الله وطلع من الصالة وبعدها من البيت بكبره ------------------------------------------------------------ في بيت أبو مي (الساعة 4 العصر) منيرة وهي في حالة صدمة من إلي سمعته : معقولة !! مي وبحزن تهز راسها: إي للأسف منيرة وفي عيونها الدموع : يعني الكلب اعتدى عليج مي وهي تهز راسها بـ لا: لا من حسن الحظ قدرت أشرد منه منيرة: شلون؟؟ نشر - مشاركة هذا الطرح في DiggDel.icio.usTechnoratiadd to facebookBroken Heart ....?? ?? معجب بهذا . {[ اللهم نسألكـ الهدى والتقوى والعفاف والغنى والحمد لكـ والشكر لكـ ]}212 27-06-2009, 07:26 PM مفتون قلبي ©؛°¨غرامي متألق ¨°؛© رد: واخيراً حبينا بعض رواية رومانسية / الكاتبة مفتون قلبي -------------------------------------------------------------------------------- ========= مي وهي يحاول تبعده عنها: ابتعد يا الحقير الريال وهو يحاول يثبت يدها:أنا مو اسمي حقير أنا أسمي خليفة أول ما مسك يدها وثبتها حست مي بنفسها منقرفة واايد ومو قاادرة تستحمل انه يلمسها .. ما حست بنفسها إلى إنها ماسكه الأبجورة إلي يمها في يدها وطقته على راسه وهو قعد يتألم دزته بكل قوة لدرجه طاح على الأرض وتوه بيقوم طلعت بسرررعة من الغرفة وقعدت تركض وتركض لين ما وصلت لغرفتها دخلت وقفلت على نفسها و قعت اتصيح وهي ضامة نفسها لمدة طويله وبعدين راحت لسريرها وحاولت تنام لكن ما قدرت تحس بالخوف مو قاادرة =========== مي وهي تصيح: هذا إلي صار منيرة قعدت تهدي فيها لين ما هدت إلى بتلفون منيرة يدق المتصل "زيووود" منيرة وهي ترد: ألووو زياد: يلااا منيرة تعالي أنا برع أنتظرج منيرة: أوكي (وسكرت) مي وهي تطالع منيرة وهي تقوم: بتروحين منيرة وهي تهز راسها بمعنى إيه: زيوود برع ينتظرني مي ضمت منيرة بقوة منيرة: تحملي بنفسج طيب و حاولي كثر ما تقدرين انج تتجنبين ربع أبوج هالخمة وتقفلين على روحج ولاا تفتحين لو شنو ما صار مي وهي تهز راسها: إن شاء الله ------------------------------------------------------------ في بيت أبو مشاري (الساعة 5 المغرب) راسها عورها من كثر التفكيير بمصعب وقررت إنها تقول حق أمها و أبوها عن موافقتها وقعدت تتخيل شلون راح تكون مع مصعب وشلون راح تكون الحياة معاه وإلخ ...... ------------------------------------------------------------ في بيت أبو سعد (الساعة 10 في الليل) خذاله نص ساعة وهو يكلمها ويتغزل فيها وهي مستحية وفرحانه بنفس الوقت سعد : ألوووو قلبي وينج رغد: .... معاك بس اذا راح تستمر بهالكلام ماراح تسمع صوتي سعد وهو يضحك: ههههه افااا اهون عليج رغد وهي تقلد المصريين: و أنا أأدر سعد ورغد: ههههههههههه -------------------------------------------------------------- بعد يومين ما صارت احداث تذكر غير انه هنادي وافقت والكل درى بموافقتها على مصعب وفرح لها .. أما مصعب كان يتمنى الموت على انه يسمع موافقتها .. يوم درى عن موافقتها عصب وطلع من البيت وما رجع إلى في اليوم الثاني.. أما حمد يبي بسرعة يحصل الصور من خلود وينهي السالفة .. اما سعد ورغد يتمنون الايام بسرعة تمشي علشان يسون العرس ويصيرون مع بعض وإلي مابقى عليه شي.. طيور الحب مشاري وهيام عايشين حياتهم بأحلى ما تكون ولحد الآن مو مصدقين انهم بصيرون ام وابو.. جاسم وسارة عايشين قصة حب ولا في الأحلام .. جاسم واخيرا اعترف لـ سارة عن حبه بعد ما عرف مشاعرها اتجاهه وكان يبي يخبر مرام لكن للأسف ما صارت في فرصة .. سلطان طول الوقت يكلم بنات وصار يفكر يكلم خلود لانه من خذ رقمها ما كلمها .. أما زياد فكلم منيرة وقال لها عن الموضوع وهي قالت له يستخير .. أماا مي المسكينة تمت على هالحال كله حابسة نفسها في غرفتها طول الليل ----------------------------------------------------------- يوم الجمعة (الساعة 1 الظهر) اجتمعت العائلة الكريمة كلها في بيت أبو سعد طبعا الكل ما عدا مصعب إلي تعذر بحجه انه عنده شغل مهم و مايقدر يأجلة بعد الغدى طبعا النسوان في الصالة والبنات في غرفة هيام << قبل لا تتزوج والريايل في الميلس الداخلي بعد الغدى ..عند البنات.. مرام بتهفف: أففففف هياموو مو حاله هذي هيام وهي تطالعها مستغربة ومو فاهمة شسالفة: شنوو؟؟ مرام وهي تتكتف وتقعد وتحط ريل على ريل وبكل براءة مثل اليهال: اليوم راح تكملين قصتج مع مشاري كلها مالي خص كل مرة تقولين لنا نتفة وتشوقينه جنان وبتأييد: اي صح .. ترى انا كل مرة ابي اروح لج قسمج واسحبج من شعرج علشان تكملين .. بس تكسرين خاطري وكنسل هيام وهو تتخصر: لا والله حلفي انتي وياها مرام وجنان مع بعض:والله هيام وهي تقعد وتطالع هنادي : بشرط البنات: شنوو هيام وهي مازالت تطالع هنادي: هنادي لين تزوجة مصعب تقول لنا هنادي حمرت خدودها ونزلت راسها باحراج:....... نورة وهي تضحك: ههههههه مسكينة احرجتوهااا هيام وهي تناظر نورة: حتى انتي بعد لين تزوجتي تقولين لنا تلون ويه نورة وابتسمت بخجل:....... البنات: ههههههههههههههههههههههههه ههههه هيام وهي تطالع بجنان ومرام: انتووو بعد ... طيب راح احاول اختصر قصتي مع مشاري وراح اقول لكم المهم والزبدة بسرررعة مرام: بس بشرط تقولين التفاصييل هيام وهي تهز راسها موافقة: طيب .. بس لين وين وصلت آخر مرة هنادي: يوم العرس في الفندق هيام : اي تذكرت ===== في الفندق دخل مشاري وهيام لجناحهم مشاري وهو يفتح الباب : دخلي بريلج اليمين هيام وهي ميته من الخوووف دخلت وكل جسمها يرتجف مشاري ابتسم لها ومسك يدها و دخلوا غرفه النوم الخاصه لهم في هالوقت خلاااااااص هيام ما قدرت تستحمل اكثر وانفجرت الصياح وقعدت تصييح لن قالت بس ومشاري مو عارف هي اشفيها وليش تصيح وقام يسكت فيها ويهديها لكن لاحياة لمن تنادي >_< مشاري قرر انه ينسحب شوي وبعدين يرد يمكن تهدى .. راح ودخل الحمام (وانتوا والكرامه) تروش وبعد اقل من ربع ساعة طلع وهو لابس روب وبيده فوطه ينشف فيها شعرة جافها على نفس وضعها لكن ما كانت تصيح .. ابتسم وجرب منها وقعد يمها .. هي ماحست فيه كانت سرحانه لكن قطع سرحانها يوم حست بلمست يده على طول سحبت يدها من يده وقالت بصوت مبحوح: مشاري بليز لاتلمسني مشاري وهو يطالعها بإستغراب وهو رافع حاجب: بس انا زوجج وانتي زوجتي يعني بالعربي حليلتي على سنة الله ورسوله هيام : بس انا ما احبك مشاري نزل راسه باسى : بس انا احبج هيام وهي تلف عنه: مو مهم بالنسبة لي مشاري وهو يتنهد: ..... طيب المطلوب الحين هيام وهي ماعطته ظهرها: نكون متزوجين بس عند الناس لكن في الحقيقة لا مشاري يستغبا: شلون يعني؟؟ هيام: يعني يم اهلنا والناس نكون احلى زوجين لكن احنى مع بعض بس زوجين بالاسم .. يعني انت تعيش حياتك ولا كأني موجودة وانا نفس الشي مشاري وهو يلفها ويخليها تواجهه : وتعتقدين بجذي راح اكون سعيد وانتي راح تكونين سعيدة بهل حل هيام وهي تنزل راسها :....... مشاري وهو يرفع راسها بصابع يده ..طالعت هيام بعيون مشاري وهو نفس الشي.. كان شعور غريب يجتاح مشاري قرب منها أكثر مما خلا هيام ترتبك وتتراجع على ورى وهو يجرب منها وهي تتراجع لين ما وصلت للجدار هو جرب منها لدرجة تلامس خشومهم من بعض وحاصرها بيدينه كان يطالع في عيونها بكل تمعن .. أما هيام كانت شوي وتصيح هيام بصوت باكي وبرتباك: مـ.ـشاري وخر مشاري ظل مثل ماهو :........... هيام حاولت تدفه بأقوى ما عندها: مشاااري بلييييز وخرررر عني مشاري حط اصابع يده على شفاتها : أششش هيام والدموع تنزل من عيونها: خلااااص مـ.ـشاري أنا راضية انه نكون زوجين لكن مو الحين خلها بعد سنة مشاري: بس سنة وايد هيام: طيب بعد 5 أشهر مشاري: بعد وايد هيام: طيب .. بعد 3 أشهر مشاري وهو يهز راسه بـ معنى لا: وااايد هيام: طيب بس شهر مشاري وهو يناظر عيونها: شرايج أسبوع مع انه واايد بالنسبة لي هيام والدموع تنزل مثل الشلال على خدودها الناعمة: لا شـ.ـهر أحسـ.ـن مشاري وهو يبتعد عندها : طيب بس شهر طلع مشاري من الغرفة علشان يدخل الشنط .. دخل شنطة هيام ورد الصالة علشان يشيل شنطته ويوم رد بيدخل الغرفة لقاها مقفولة فعرف "إنها ما تبيه ينام معاها الليلة" في اليوم الثاني سافر مشاري وهيام لشهر العسل في فينيسيا دولة العشاق .. وكان مشاري دوم يحسسها بحبه لها .. أما هيام كانت تتجاهل هالشي .. وتحاول كثر ما تقدر إنها تستحمل وما تسوي أي شي يمكن إنها تندم عليه في المستقبل .. بعد إسبوعين ردوا مشاري وهيام إلى البحرين .. لانه مشاري عنده شغل وما يقدر يأجله واايد .. كانوا أحلى ثنائي اذا كانوا يالسين مع العايلة .. لكن اذا كانوا مع بعض البرود يكون سيد الموقف بينهم .. بعد عدة أيام قبل إنتهاء الشهر بثلاثة أيام .. كانت هيام لابسة فستان عنابي وحاطة ميك آب ومخلية شعرها مفلول على طولة و واقفة يم المنظرة تتعطر ما حست إلى بيدين تظمها من ورى من خصرها .. رفعت راسها وناظرة المنظرة .. جافت مشاري يناظر لها بإعجاب ويبتسم ابتسامه دوختها .. حست هيام بالخجل لانها كانت جريبة منه حييل ظهرها كان لاصق بصدر مشاري .. هيام و هي تحاول انها تبتعد شوي عنه .. لكن مشاري ما عطاها فرصة مشاري وهو يخليها تواجهه وقال بحب: تدرين إنج أحلى بنت جافتها عيوني هيام حست بخجل وسكتت:........ مشاري كمل: وحبها قلبي (وهو يأشر على قلبه) هيام :......... مشاري وهو يكمل: وحتلالك على جزء كبير من تفكيري .. تدرين؟؟ هيام وهي تبي تغير الموضوع: مشاري راح اتأخر على عرس صديقتي مشاري وهو يطالعها من فوق لين تحت : بتروحين جذي للعرس؟؟ هيام وهي تطالع روحها في المنظرة: ليش مو حلوة ؟؟ مشاري: إلى قمررر بس بصراحة أنا أغار .. و أخاف يصكونج بعين .. قريتي على نفسج هيام وهي تهز راسها بـ معنى لا: مالا داعي .. يعني بهدون الكل وبيون لي مشاري: أكيد .. اصلا وبدون مجامله بيهدون العروس وبيطالعونج لانج أحلى وحدة في العالم هيام وهي تضحك بنعومة: هههههه مشاري: آآه فديت الضحكة وصاحبتها ابتسمت هيام بخجل: طيب ممكن شوي تبعد علشان البس عبايتي مشاري: طيب بس بشرطين ترى ما راح تطلعين من الغرفة إلى اذا سوستيهم هيام وهي تأشر على خشمها: على هالخشم جرب مشاري منها وباس خشمها: فديت هالخشم أنا يا ناااااس هيام حست انه الجو حاااار من حركة مشاري:...... ابتسم مشاري: طيب ما تبين تعرفين شنو الشرطين هيام: هاا .. بلااا مشاري: الشرط الاول انج تقرين على نفسج هيام كانت بتقول على هالخشم بس تذكرت إلي سواه وخافة انه يرد الحركة مرة ثانية: طيب مشاري وهو يأشر على خده: وثاني شرط تعطيني بوسة محترمة هيام انصبغ ويها ألوااان من الخجل و الإحراج:....... مشاري: ترى هااا قلت لج مافي روحه للعرس قبل لا تنفذين الشرطين هيام وهي تقرب منه وترتجف من الخجل .. ترددت ومو عارفه شنو تسوي.. لكن في النهاية طبعة بوسة سريعة على خد مشاري .. وتوها بتبتعد مسكها مشاري وبااس خدها وقال لها وهو يغمز لها: الليلة إن شاء الله تكون ليلتنا هيام وهي تبلع ريجها: بس بقى 3 ايام مشاري: عادي ما تفرق .. وبعدين ليش ما ننسى كل شي ونعيش حياتنا .. يعني ما يكفي حبي لج هيام منزلة راسها:........ مشاري وهو يمسكها من جتوفها:والله إني أحبـــــــــــــــج .. ومستعد أنتظرج لآخر يوم في عمري هيام حست إنه صادق بكل كلمة وإنها وايد ذلته وهو ما يستاهل هالشي هو مو ذنبة اذا حبها لكن هي ذنبها انها ردت له بل الحب ذل هيام: مشاري ممكن بعد ما ارجع من العرس نتفاهم مشاري بقهر:دايما تدورين حجة علشان تتهربين هيام: لا انـ.. قاطعها مشاري:يلااا لبسي عباتج انتظرج في السيارة.. وطلع هيام قعدت على السرير وهي محتارة مو عارفة شنو تسوي .. بعد لحظات قامت من السرير وهي مقتنعة بالي راح تسويه .. دقة على مشاري وخبرته انها تبيه ضروري بعدها قفلت الخط وقعدت تنتظرة بعد دقايق سمعت صوت باب الغرفة ينفتح قامت من السرير .. دخل للغرفة وجافها واقفة تناظره تجدم من عندها مشاري: ليش ما لبستي عباتج .. وشنو الشي الضروري هيام وهي تجدم منه وتمسك يده بخجل: خلاص قررت ما أروح مشاري وهو يناظر يدها الي ماسكه يده بإستغراب: ليش؟؟ هيام تنزل راسها وتبتسم بخجل: لانه الليلة ليلتنا (وعضت على شفاتها) مشاري حس بالسعادة بالفرح تمنى إنه تدوم هذي اللحظة للأبد .. مسك يدها وجدمها لين عنده وحضنها بكل حب وشوق ولهفة .......... هيام: وبسسسسسس هذي قصتنا مرام وهي رافعه حاجب: يعني إنتي حبيتيه في ذاك الوقت هيام وهي تهز راسها بـ معنى لا: بصراحة لا .. بس من ذاك اليوم حسيت بإحساس غريب تجاهه ومع الايام أكتشفت إني احبه لالا ما أحبه أموووت فيه جنان: يا عيييني على الحب هنادي: ما أقدر أنا على إلي يمووت بأخوي هيام وهي تضحك: ههههههه .. أقول أخاف تكون عيونكم حارة وتحسدوني جنان: لالا تطمني من هالناحية عيونه باردة ما شاء الله -------------------------------------------------------------- في الميلس عند الريايل (الساعة 1 ونص الظهر) طول الوقت قاعد يفكر شلون راح يخبر مرام عن التطورات ما يبي يقول لها في التلفون يبي يقول لها face to face ما يدري ليش .. فقرر انه يطرش لها مسج ويخبرها انه يبي يشوفها ضروري .. بعد دقايق وصل له مسج منها تقول له "نتقابل في المطبخ بس pleas بدون ما ماما تشوفك" ضحك وقال في نفسه يا حليلها والله .. بعد لحظات قام وطلع بدون محد يحس فيه -------------------------------------------------------------- في الصالة عند النسوان (في نفس الوقت) أم سعد وهي تسكر التلفون: تدرون انه أم رغد وعيالها بيون العصر أم مصعب وهي تنزل فنجال الشاي: وحليلها أم رغد .. بصراحة وااايد حبوبة وأحس عيالها كلم طالعين عليها.. يا بخت سعد في بنتهم أم خليل: اي والله .. بصراحة انا دخلت خاطري شوق ما شاء الله عليها .. بس لو الي عندي يوافق يتزوج جان اخطبها له أم مشاري وهي تضحك: هههههه لا اذا على خليل اقول استريحي بس الكل: هههههههههههههه -------------------------------------------------------------- في المطبخ دخل بهدوء بدون ما يطلع أي صوت علشان محد يحس فيه .. طالعها وهي قاعده على كرسي كانت لابسة باطلون برمودة اسود وبدي أبيض وفيه كلمة Love بلون الاحمر ورافعة شعرها ذيل حصان وحاطه شوي ميك آب وفي يدها حلاوة مصاص كان شكلها جدا بريء .. ابتسم وتقدم لها .. كانت سرحانه و بعالم ثاني تفكر وما صحت الي عند سماعها صوته مرام وهي تبتسم لجاسم: هلا و غلااا جاسم رد لها الابتسامة : هلا وغلا فيج قلبووو شخبارج مرام : انا تماااامو .. انت شخبارك يا الدب والله من زمان عنك جاسم وهو يضحك: هههههههه شوي شوي علي .. اولا انا مو تمامووو وبس انا عال العال .. ثانيا مو مني اذا ما جفتيني نسيتي امج مو راضية انه نقعد انا وانتي مثل قبل بروحنا ونسولف مرام وهي ترفع حاجب: اي ادري بس مو معناته انه تنقطع اخبارك خير شر اعتقد عندك تلفون جاسم: انتي بعد عندج ليش ما دقيتي.. وبعدين انا معذور مرام: معذووور؟؟ ليش ان شاء الله جاسم وهو يبتسم: امممم انا مرام وهي متحمسة: انت شنوووو؟؟ جاسم: انا اعترفت لـ سارة مرام من الصدمة طاحت الحلاوة من يدها: قول والله!! جاسم ضحك على شكلها: هههههههه والله .. اشفيج منصدمة مرام وهي تحاول تستوعب: لحظة دقيقة خل استوعب جاسم: ههههههههههههههههههه بعد لحظات .. مرام بحماااس: يلااا بسرررررعة قول تحجة شنو صاااااااار بسرررررررعة جاسم ضحك على حماسها وعلى شكلها الطفولي ولا كأنه هي بتوجيهي: ههههههههه طيب طيب سمعي (وقال لها السالفة) -------------------------------------------------------------- عند البحر (الساعة 3 ونص) متسند على السيارة مع صديق عمره طلال .. ويطالع البحر بعيون مهمومه وحزينة طلال وهو يربت على ظهر مصعب: هونها وتهون يا خوي .. وبعدين يمكن هذا الشي يكون لك خير وينسيك ويطلعك من إلي انته فيه من سنين مصعب بصوت كسير : آآه .. ما أعتقد يا طلال ما أعتقد .. أحس اني راح أظلم معاي بنت عمتي .. هي شنو ذنبها تاخذ واحد مثلي طلال وهو يتنهد: لا أنت ما راح تظلمها اذا عاملتها معاملة زينة .. أنت ما راح تظلمها اذا عطيتها كل حقوقها .. أنت ما راح تظلمها حتى لو كان قلبك يحب غيرها لانه شي أكيد مع الأيام راح تحبها مصعب : مستحيل احب حد غير حبيبتي مستحيل طلال: طيب يمكن ما تحبها بس اكيد راح تكون في مكان بقلبك مثل ما اهلك لهم مكانه بقلبك .. وبعدين ليش تبعد احتمال الحب .. مثل ما حبية هذي تقدر تحب غيرها وراح تقول طلال قال مصعب وهو يبتسم لـ طلال: تدري انك وايد واثق من نفسك طلال وهو يرفع خشمة: أكييد ومن حقي تدري ليش مصعب: ليش؟؟ طلال وهو يأشر على نفسه: لأني قدرت أخلي الإستاذ مصعب يبتسم وهو في أسوء حالاته مصعب اتسعت ابتسامته: في هذي صدقت -------------------------------------------------------------- في بيت أم سعد (في نفس الوقت) سمعوا صوت جرس البيت يدق راحت الخدامة وفتحت الباب .. ودخلت أم عبدالرحمن وعيالها رغد وشوق وغرور وراحوا لصالة عند الحريم .. أما بو عبدالرحمن وعبدالرحمن (ابو و اخو رغد) للميلس عند الحريم اول ما جافتهم أم سعد فررحت وراحت على طول وسلمت عليهم وبعدها ام مصعب وام مشاري وام خليل ام سعد : تفضلي حبيبتي.. شخبارج يا ام عبدالرحمن ام عبد الرحمن: بخير دام فضلج ..انتي شخبارج وشعلومج ام سعد : الحمدالله نسأل عنكم ام عبدالرحمن: سألت عنج العافية ام خليل: شخباركم يا عيال شوق وغرور في نفس الوقت: الحمدالله طالعوا شوق وغرور ببعض وضحكوا: ههههههه الكل: ههههههههه ام مصعب وهي تطالع رغد: وشخبارج يا العرووسة رغد ابتسمت بخجل وقالت بصوت يالله ينسمع: الحمدالله خالتي أم سعد: يا حيا الله من يانه زارتنا البركة ام عبدالرحمن: الله يحيج ويبقيج أم سعد حبة تحرج شوي رغد: حيا الله عروسة وام عيال ولدي <<< رغد تعالوا دوروها ذابت من الاحراج خخخخخخخخخخخ ام مشاري وهي تقوم: انا بروح انادي البنات -------------------------------------------------------------- في الميلس الداخلي كان مندمج بالسوالف لكن قطع عليه تلفونه كان الرقم خارجي أول ما شاف الرقم فرح وارتسمت أحلى ابتسامه على ملامح ويهه سعد وبصوت فرحان: هلاااا والله : هلاااا بيك يا خوووي شخبااارك سعد وما زالت الإبتسامه على ويهه: أناا الحمدالله تمام التمااام أنت شخبارك شنو مسوي وحشتنا يا الدب : هههههههه أنا الحمدالله بخير وصحة وعافية وأنتوا وحشتوني أكثر سعد: متى ترد إن شاء الله لين ما أتزوج .. يا خي أبيك تكون معاي في العرس مو مثل الملجة : ههههه لالا إن شاء الله راح أكون معاك هانت كلها إسبوعين و أكون عندكم في البحرين سعد وبفرحة: قووول قسم : هههههههه قسم بالله والله العظيم كلها إسبوعين و أكون عندكم وإلى الأبد سعد: الله يبشرك بالخيييير .. الحين اذا الوالده درت بتستااانس : آآآيه على أمي والله وحشتني شخبارها وشخبار أبوي سعد: الحمدالله طيبين لا تحاتي : أقوول هذا سلطانووو شوله عنده تلفوون أعنبوااا داره خذالي سنة وأنا أدق ما يرد سعد وهو يخفض صوته: تلاااقي وحدة من البنات غلبلته فترك التلفون في غرفته علشان يفتك : هههههه هذا للحين مغازلجي سعد: و ليه باجر بعد : ههههههههه طيب .. أخليك الحين بس ما أوصيك سلملي على الكل وبوس راس أمي و أبوي وقول لهم وحشتوني وإن شاء الله راح أرد لكم وأرفع راسكم سعد: لا توصي حرييص يوصل إن شاء الله .. يلااا فمان الله : مع السلااامة سكر سعد وهو فرحان لف لجهت أبوه : يبه عندي لك بشارة أبو سعد: اذا خير لك إلي تبي قام سعد وباس راس أبوه: ما أبي إلا سلااامتك يا الغالي أبو سعد: الله يرضه عليك دنيا وآخرة قولوا آمين الكل:آآمين سعد فرح لدعاء أبوه: يبه اتصل حمدان توه فيني وقال لي انه بعد إسبوعين راح يكون في البحرين أبو سعد بفرح: الله يبشرك بالخير يا ولدي سلطان وهو فرحان: يعني خلاااص أنتهت درااسته سعد: إي .. وترى حمدان يقول لك روح جوف تلفونك وين قاطة متصل فيك فوق 10 مرات وأنت ما ترد عليه سلطان وهو يبتسم لـ سعد: شاسوي تمللت من كثر ما يدق التلفون مو خبرك أنا إنسان وااايد مشغول Busy سعد وهو يبتسم لـ سلطان : إي ما شاء الله عليك سلطان وهو يقوم: أنا بروح أيب تلفوني -------------------------------------------------------------- في الصالة عند النسوان (الساعة 6 ونص بعد صلاة المغرب ) بعد ما صلوا النسوان والبنات قعدوا يكملون سوالفهم << إلي ما تخلص غرور: بنات شرايكم نلعب جنان بحماااس: إي والله خل نلعب مرام: أممممممم شنو نلعب شوق وهي تفكر: أممممممم أممممممم .. إي عرفت البنات: شنووووو شوق وهي تبتسم لحماسهم: نلعب لعبة الأشياء الملمووسة رغد وهي تصفق: ألآآآآآآآآآآي فن ونااسة هيام: شلون نلعب هل اللعبة أول مرة أسمع عنها؟؟ هنادي: أنا بعد مرام وهي ترفع يدها: أنا بعد جنان وتقلد مرام: وأنا بعد نورة هي تبتسم وتسوي مثل اليهال : وأنا بعد غرور وهي تتربع: أنا بقول لكم .. الله يسلمكم ويخليكم حق أمكم و أبوكم و زوجكم وأخوكم و.. قاطعوها البنات: هههههه خلااااص درينااا غرور وهي تضحك: ههههههههه طيب.. أحم أحم اللعبة هي إنه وحده تكون الحكم ويكون في فريقين أوكي البنات: أوكي غرور وهي تكمل: الحكم تطلب شي مثلااا تقول أبي شي جماد ويبتدي اسمه بحرف الفاء أو ممكن الحكم يطلب لون معين يعني يبي أشياء بلون الأزرق.. والفريقين يروحون يدورون على شي جماد ويبدأ بحرف الفاء أو بلون الأزرق اذا طلب الحكم اشياء بلون الازرق وأكثر عدد يحصله الفريق يكون هو الفائز وطبعا في وقت معين يعني بعد 5 دقايق تقريبا ما تتجاوز و أول ما يروح الفريق حق الحكم حتى لو ما خلصت 5 دقايق خلاااص تنتهي اللعبة والفريقين يكونون موجودين بعد سماع الإشارة .. هاا فهمتواا البنات: yap yap غرور وهي تبتسم: الحمدالله جنان وبحمااس: أمممم طيب من الحكم هيام وهي ترفع يدهاا: أناا لاني أكبر وحدة فيكم ولأني حاامل فــــــــ بكون أنا الحكم رغد وهي ترفع يدها: أنا بعد أبي أكون الحكم يعني بتم مع هيام البنات: طيب غرور وجنان و شوق << فريق نورة ومرام وهنادي << فريق هيام: أنا أبي أي شي كان نبات جماد حيوان أي شي رغد: ويبدأ بحرف الصاد البنات: أوكو نورة: شنو راح تكون الإشارة مرام وهي تفكر: أمممممم أي الإشارة بتكوون إيييييييييهاااااااااااااا اااا البنات: هههههههههه اوكو وتفرق كل فريق جهة.. غرور وجنان و شوق راحوا فوق في الطابق الثاني .. نورة ومرام وهنادي راحوا يدورون في الطابق الأول إلي هم فيه -------------------------------------------------------------- الطابق الثاني كل وحدة فيهم تفرقت عن الثانية .. غرور دخلت غرفة سعد << الأخت ماخذة راحتهااا .. و شوق دخلت غرفة سلطان<< هي ما تدري غرفة منو بل أساس .. و جنان راحت للمطبخ المفتوح وكل وحدة منهم قاعدة تدور -------------------------------------------------------------- في الطابق الأول نورة ومرام وهنادي راحوا المطبخ العود وقاموا يحوسون ويدورون على أشياء تبدا بحرف الصاد وما خلوا مكان ما حاسوا فيه -------------------------------------------------------------- في القسم الثاني قاعدة تدور في الغرفة جافت صور عند المنظرة استانست واخيرا لقت شي يبدأ بحرف الصاد .. مدت يدها علشان تاخذهم بس سمعت صوت ما تدري ليش خافت وقررت إنها تنخش .. انخشت تحت السرير .. دخل الغرفة وجاف النور مفتوح توقع إنه أمه يوم رتبة غرفته وطلعت ونست النور مفتوح .. راح وقعد على السرير وقعد يدور تلفونه لقاه تحت مخدته وكان سايلنت وجاف كم مسكول من حمدان ابتسم وسوى التلفون عام وتوه بيطلع من الغرفة دق تلفونه جاف المتصل "خلووود" ابتسم بخبث ورد وسكر باب غرفته وقعد على السرير سلطان وهو يسوي مشتاق: ألووو خلود بصوت دلع: ألووو سلطان: هلااا والله بصاحبة أحلى ألووو .. شخبارج عمري خلود وهي تتصنع الضحكة: ههههه الحمدالله .. إنت شخبارك عمري سلطان وهو يكتم ضحكته: أنا تمام أسأل عنج خلود: سألت عنك العافية .. أمممم أقول حبي سلطان: قولي فديتج خلود: متى أقدر أشوفك ترااااني مشتاااااقة لك موووت سلطان: أمممم شرايج بعد إسبوعين لأني مشغوووول واااايد هالإسبوعين خلود: أوووكوو خلاااص صار بعد إسبوعين أشوفك سلطان: إن شاء الله ..(سمع صوت إزعاج عندها) شنو الإزعاج إلي عندج خلود: هذولي هلي وصلوا .. يلااا حبي الحين أنا مطرة أسكر باااي سلطان: بااي حبي سكر سلطان من خلود وهو يضحك: ههههههههه والله هالبنت غبية .. بسرعة ينقص عليهااا .. قام من على السرير وطفى النور وطلع وقبل لا يسكر الباب سمع صوت لف يدور بعيونه بس مالقى شي حرك كتفى وطلع وسكر الباب .. بعد لحظات طلعت من تحت السرير وفتحت الباب بشويش وما جافت أحد .. ردت سكرت الباب وشغلت النور و راحت عند المنظرة وخذت الصور وقعدت تطالع فيهم ابتسمت بسخرية .. وبعدها طفت النور وطلعت وسكرت الباب -------------------------------------------------------------- في المطبخ خلصوا نورة ومرام وهنادي وقرروا يوقفون اللعبة.. راحت مرام بسرعة حق هيام ورغد وقالت بصوت عالي إييييييييييييييييييهااااا ااااا ااااااا هيام و رغد وهنادي ونورة: هههههههههههههه بعد لحظات نزلوا غرور وجنان و شوق .. وكانت أكثر وحده فيهم عندها أشياء هي غرور هيام وهي توقف: طيب أنا راح أحسب حق غرور وجنان و شوق .. ورغد راح تحسبين حق نورة ومرام وهنادي رغد وهي تبتسم: طيب هيام وهي تحسب حق البنات جافت أكثر الأغراض حق سعد ابتسمت وقالت: أي وحده فيكم كانت بغرفة سعد غرور وهي تحط اصبعها على شفاتها وتقول بطفولية: أنااا هيام وهي تطالع رغد المشغولة مع الباقي: رغد لحقي على أختج ما خلت شي في غرفة ريلج رغد بخجل بس ما حبت تبين: ليش شسالفة؟؟ البنات عرفوا انها مستحية بس تسوي نفسها عاادي .. مرام كانت فرحاانه لأنه هي ونورة وهنادي فااازوا في اللعبة وسوت لهم حفلة قعدت تصاارخ وتناااقز<< الأخت مو مصدقة خخخخخخخ أمحق -------------------------------------------------------------- في الميلس يبي أي شي يخليه يطلع من الميلس ويدخل داخل البيت علشان يطالعهااا يحس إنه مشتااااق لهااا فقرر يدق على هيام وتدبره رفع تلفونه ودق على هيام مرة ومرتين وثلاث <<< الأخت في خبر كان ولا تدري عنه في النهاية مل وسكره.. سعد وهو يتهفهف: أفففف ما منها فايدة هيامووو -------------------------------------------------------------- بعد اسبوع .. ما صارت أحداث تذكر غير انه حمد لقى بالصدفة صور خلود عند واحد من الربع كانت مابينهم علاااقة .. وقرر يستغل الفرصة وتصل في نفس اليوم حق نورة وطلب رقم خلود علشان يقابلها وينهي السالفه.. أما سلطان طول وقته مغازل التلفون على أذونه 24 ساعة...سعد ورغد ما بقى شي على زواجهم و ما يمر يوم ما يكلمون بعض ... مرام يوم درت عن جاسم وسارة صارت كل يوم تتصل على جاسم علشان تعرف كل الجديد أول بأول ... جاسم وسارة عايشين قصة حب وقرروا بعد ما يتخرجون على طول جاسم راح يتقدم لها ... اما مصعب يحس انه مخنوق لانه ما بقى شي على ملجته من هنادي ... أما هنادي ومرام كانوا حاطين بالهم على نفسهم وايد لانه أبتدت الإمتحانات النهائية ويبون نسب عدله لانهم آخر سنه ... أما مي فما زالت على نفس حالتها كل ليله تقفل على نفسها الغرفة وابوها وربعه الخمة يسكروون في البيت لين نص الليل وسعات يباتون في بيت ابو مي ----------------------------------------------------------- في بيت بو مشاري (الساعة 6 المغرب) في الصالة كان الكل قاعد ما عدا هنادي إلي كانت في غرفتها تدرس لأنه عندها امتحانات .. أم مشاري وهي تسكر من عند أم مصعب: إن شاء الله بكرة الساعة 4 ونص العصر .. يلااا مع السلااامه بحفظ الرحمن مشاري وهو يشرب عصير: من بكرة راح تبلشون التجهيزات أم مشاري وهي تهز راسها: إي إن شاء الله ابو مشاري: بس مو كأنه تو الناس جنان: يبا الله يهداك .. شنو تو الناس ما بقى لها إلى 4 امتحانات وتخلص وبعدهاا بيومين راح تصير ملجتها أم مشاري بتأيد : صح كلاام جنان .. و لأنها هي مشغوله بالامتحانات قررنا أنا و أم مصعب وجنان نسوي كل شي وما يبقى على هنادي غير الفستان والاكسسوارات و أعتقد 3 أيام تكفيها لانها يوم بتخلص الامتحانات على طول راح تكون في السوق تتجهز ابو مشاري وهو يقوم: على بركة لله .. مشاري جاسم مشاري و جاسم: سم يبه ابو مشاري : سم الله عدوكم يلااا قوموا توضوا ولحقوني على المسجد مشاري وجاسم وهم يقومون: إن شاء الله ابو مشاري: و انتوا يلااا قوموا بعد وبلااا كلاام فاضي ترى لاحقين عليه جنان و أم مشاري وهيام: هههههه إن شاء الله -------------------------------------------------------------- في الشركة الـ... (في نفس الوقت) غرقان في الشغل ولا هو يدري عن أحد .. يالس في مكتبه إلا مملوء بالأوراق المتناثرة على المكتب .. خذاله فترة وهو على هالحال يحاول يلهي عمره عن التفكير بالملجته .. إلي ما بقى لها غير إسبوع .. رن تلفون المكتب .. وهو ما كان له نفس .. بس إطر يرد مصعب بدون نفس: نعم يوسف السكرتير: أحم .. أنا متصل لك علشان أذكرك بموعد الإجتماع مصعب رفع يده وضربها على الخفيف على جبينه بمعنى "نسيييييت": أي صح تذكر والله زين ذكرتني يوسف السكرتير: حااظرين ..أفاا عيلك مصعب: تسلم والله يوسف: الله يسلمك .. يلااا OK مع السلامه مصعب: مع السلامة سكر مصعب ورد مرة ثانية لحوسة الأوراق .. دخل سعد المكتب وفي يده فايلات .. كان قاعد يقراها .. جلس على الكرسي وحط الفايلات على المكتب وقال بتنهيد من التعب: آآآه متى يخلص الشغل.. لف على جهة مصعب لقاه مندمج في الأوراق ابتسم وهو يقول: كل هل إندماج علشان تخلص الشغل قبل الملجه هااا .. علشان يحلالك الجو مع العروسة .. (غمز له وهو يضحك) .. يلااا أعترف هههههههه مصعب ما حب يبين إنزعاجه من موضوع الملجة فإبتسم مجاملة ورد يطالع بالأوراق إلي بيده .. أما سعد فكان طفشان من كثر الشغل وقرر ياخذ له Braek ويسولف مع حبيبة القلب .. رفع تلفون المكتب ودق الرقم وهو يلهث من الشوق <<< إلي يقول خذاله سنة ما كلمها مو كأنه من صباح الله خير مقعدته ومسولفه معاه -------------------------------------------------------------- اليوم الثاني في الجامعة الـ... (الساعة 3 العصر) في canteen .. ماسك الصور في يده وهو يبتسم بخبث .. حمد في قلبه "هههههههههههه والله وطحتي يا خلود ومحد سما عليج هههههههههه" قطع عليه سرحانه صوت خلود إلي خذالها ربع ساعة تنتظر منه أي كلمة تعبرها خلود: حمـــــــــــــــــــــد ؟؟ حمد وهو يطالعها ويهز راسه "يعني أعصابج": أقول استريحي خلود وهي تقعد وبكل ثقة: وهذا أنا قعت يلااا قول لي وخلصني شتبي حمد "هههه واثقة هاا طيب صبرج علي" : هـــــه تدرين انج مسكينه خلود وهي تهز راسه بعدم الرضى: لا لا لا أنا مو مسكينه انت المسكين وبعدين لايكون مناديني علشان تقعد تسب فيني تراني ما اسمح لك فاهم حمد وهو يطالعها من فوقها لين تحتها بحتقار: طيب يا واثقة أنا ما أبي اطول في الموضوع لأني أبي افتك منج ومن ويهج .. جوفي هذي الصور إلي عندي هذي صورج مع حبيب القلب مـــــاجد (رمى الصور عليها وهو يترقب ردت فعلها) خلود بصدمة وهي تطالع الصور: من وين لك هالصور حمد وما زالت الإبتسامة على ويهه : من مـــــــــــاجد حبيب القلب السابق خلود ما زالت بصدمة وهي تطالع بالصور:........ حمد وهو يقوم: سمعيني زين اذا ما وصلت لي صور بنت عمي نورة بكرة راح افضحج في الجامعة كلها راح اخلي فضيحتج على كل لسان سااامعه .. فكري عدل عن اذنج طبعا حمد مشى عنها وهو يضحك ويحس بالإنتصار -------------------------------------------------------------- ان شاء الله كان البارت طويل ونال اعجابكم يلااا ابي تفاعلكم وتوقعاتكم ^_^ | ||||
|
| |
|
10-07-13, 03:53 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وهذا البارت الخامس عشر وصل -------------------------------------------------------------- في بيت أبو سعد (الساعة 3 و نص العصر) قاعد في غرفته طفشان ربعه كلهم رايحين البحر .. قالوله يروح معاهم بس هو رفض لأنه ما يحب روحت البحر يقول البحر كله زفوره وبالأخير ظل بروحه .. وده يطلع لكن ما عنده أحد يطلع معاه .. سلطان وهو يتثاوب بملل وطفش: أففففففففف ملل من قلب .. ياربي أبي اسوي أي شي من الطفش إلي أنا فيه .. ومن بين التحلطم تذكر خلود .. ابتسم وخذ تلفونه من فوق السرير ودور رقمها ودق عليها بعد لحظات وصل له صوتها خلود بدلع: ألوووو سلطان مسوي مشتاق: يا أحلى ألوووو خلود: ههههه تسلم سلطان حس من صوتها انه في شي: خلود قلبي شفيج خلود: زعلااانه عليك سلطان: افااا ليش خلود : ما دقيت علي امس سلطان : شاسوي مشغول خلود: اهااا سلطان: شفيج خلود : لااا ولااا شي بس طفشانه سلطان وهو يبتسم: نفس الحال .. اممم شرايج نطلع خلود: اوكي .. بس وين نروح سلطان وهو يفكر: امممم مادري بس خـ.. خلود وهي تقاطعه: شرايك نروح السينما احسن سلطان: اوكي عيل .. يلااا جهزي نفسج خلود : طيب سلطان توه متذكر ان سيارته بالقراج: لحظة خلود خلود: هلااا سلطان: ترى سيارتي في القراج أمس موديها لأنها وقفت علي وأنا ما عندي سيارة وأخوي سعد طالع مع مرته خلود: طيب عيل أنا بمرك سلطان : حلوو .. اممم انتظريني يم الـ... خلود: طيب يلااا باي سلطان: باي سكر سلطان من خلود وراح يجهز نفسه -------------------------------------------------------------- (على الساعة 4 العصر) تجهز سلطان وطلع من البيت وراح للمكان إلي أتفق مع خلود يلاقيها .. اتصل عليها علشان يعرف هي وين .. سلطان: ألووو خلود وينج خلود: انا موقفه السيارة يم اللفة انت لابس بدي ازرق مقلم مع جينز صح سلطان: أي .. (وهو يلتفت يدور بعيونه) انتي سيارتج كيمري الرصاصية خلود: عليك نور راح لها وهو مبتسم .. فتح الباب السيارة الي يمها وركب: السلااام خلود وهي تحط راسها على السيت وتبتسم: وعليكم السلااام سلطان كان يطالعها من فوقها لين تحتها .. كانت لابسه فستان ناعم قصير لحد تحت الركب لونه أحمر وقميص قصير فوقه لونه ابيض وفاله شعرها على طوله وحاطة لها فول ميك آب لونه احمر وتدرجاته سلطان وهو يغمز لها: صايرة حلوة اليوم خلود وهي يبتسم: احلى من علي عباية سلطان: بصراحه الأثنين حلو عليج خلود وهي تحرك السيارة: ههههه تسلم يا قلبي سلطان : حاظرين كل يوم تعالي ههههههههه -------------------------------------------------------------- في بيت أبو خليل (الساعة 7 في الليل) قاعده في غرفتها على الاب توب تقرأ رواية وتصيح إلااا تشاهق من الصياح لأنه الشخصية إلي تحبها ماتت .. في نفس الوقت دق تلفونها ردت بدون ما تشوف من المتصل نورة وهي تشاهق من الصياح: ... هئ ألووو حمد بخوف: شفيج نورة نورة زاد بكاها وشهقاتها: هئ هئ مـــات حمد وهو يبلع ريجه بخوف: منــــو نورة على نفس حالها: نايف حمد منصدم: من نايف نورة: إلي يحب نوف حمد سكت شوي يستوعب: أي نوف نورة: إلي ابوها متزوج ومرت ابوها مغلبلتها بنت الذين حمد سكت شوي و فجأة: ههههههههههههههههههههههههه ههه لااا تقولين تقرين رواية ههههههههه نورة: أي حمد ومازال يضحك: وااااااااي بطني ههههههههههههههههه نورة توها مستوعبه الي سوته: ما في شي يضحك حمد: إلااا انتي هههههه نورة بزعل: حمد بس عااد بلااا سخافة حمد: طيب ههه و الله تراج خرعتيني على بالي في شي نورة: آآسفة بجد بس شاسوي بسرررعة اتأثر قلبي رهيف حمد: ههههههههههههه قلبج شنو نورة بحمق: حمــــــــــــد بس عااد لااا تقعد تتطنز حمد: طيب خلاااص هههههههه ولااا تزعلين نورة: لااا زعلت انا من زمان حمد: لااا يكون على بالج براضيج نورة: أقول ترااك وااايد مصدق روحك حمد: مشكووورة نورة تبي تغيضة: لااا يكون على بالك باقول لك العفو حمد: يعني تبين تردينها نورة بدلع :ممكن كل شي جايز في الدنيا حمد: أقول المهم تراج خسرتيني روحي درسي بدل ما تقرين الروايه ترى ما بقى شي على الإمتحانات نورة تبي تغير السالفة: هههههه شكلك وااايد بخيل حمد: لااا والله لو اني بخيل جان ما شريت لج كارت شحن آخر مرة تذكرين وله لااا نورة بلهجة مضحكه شوي: حشى حشى أبو المذلة قاعد تعايرني على كارت شحن .. يبا برد لك بيزاتك اذا مستخسر علي حمد: هههههه لااا قاعد أمزح معاج شفيج صايرة جبريت نورة: ههههه لاا جبريت ولا شي قاعده امزح معاك حمد: اهاا طيب نورة بتردد: إلااا ما قلت لي حمد فهم قصدها بس حب يستغبا: شنووو نورة وهي تعدل يلستها: خلود شصار عليها بترد صوري وله لااا حمد وهو يبتسم : لااا تطمني أنا سبق وقلت لج راح ترد الصور قصبا عن خشمها نورة: اتمنى حمد: افااا يعني مو واثقة من كلاامي نورة: بصراااحه حمد: أكيد نورة: لاااا حمد: بل بل يا هي قوية بحقي يا بنت عمي نورة وهي تضحك: هههههههههه أمزح معاك قعدو سوالف وضحك لين ما نورة طفرت حمد وخلته يسكره .. وبعدين هي قعدت تكمل قراءة الرواية -------------------------------------------------------------- في باركات السيف (في نفس الوقت) توهم طالعين من السيف وهم ضحك وسوالف .. ركبو السيارة سلطان وهو يسند راسه على السيت: هههههههه بس خلود تكفين ترى وااايد ضحكت خلود نفس حاله: هههههههه اي انا بعد سلطان: احسن من هالضحك بصير شي بنكد علينا خلود تذكرت حمد وتهديده قالت بنفسها "خل ارد له صور نورة وافتك من الفضايح" حركة خلود السيارة وهم مازالوا ضحك وغشمرة بس قطع عليهم اتصال أم خلود خلود قبل لااا ترد: سلطان أمي أششش ... ردت خلود:ألوووو .. هلااا يمه .. هاا.. اي ان شاء الله .. طيب مع السلاامه.. سكرت خلود من أمها خلود وهي تطالع جدامها: سلطان سلطان: عيونه خلود وهي تبتسم: تسلم لي عيونك .. بس بغيت اقول لك إني بمر الصيدلية قبل طيب سلطان وهو عاقد حواجبه: ليش عسى ما شـــر خلود: لااا ما شر بس ابي اخذ لي شغله خاصة بالبنات عيب اقول سلطان فهم واكتفى بإبتسامه : طيب بعد دقايق وصلت خلود الصيدلية بركنت السيارة ونزلت .. اما سلطان فتم بالسيارة ينتظرها .. قعد يحوس ويتعبث في السيارة يدور سيديات بس ما حصل .. فتح بيتي السيارة و لقى أوراق واايد شالهم الا تطيح صور من بين الأوراق طالعهم وهو منصدم .. سلطان في نفسه "معقوله هذي صور نورة بنت عمي شلون وصلت عند خلود معقوله نورة مثل خلود" ومن بين صدمته و أفكاره لمح خلود طالعه من الصيدليه بسرعه حط الصور في جيبة ورجع كل شي لمكانه .. ركبت خلود السيارة : تأخرت عليك سلطان برتباك: هاا .. لااا أبد خلود وهي تمشي السيارة: تدري إني اليوووم استانست وااايد سلطان وهو يفكر بالصور: ..... خلود وهي تلف تطالعه وترد تطالع الطريج: شفيك سلطان انتبه لها: هاا لااا ولا شي بس تعبان شوي ما نمت عدل اليوم شكلي أول ما أرجع البيت بنام خلود: هههههههههه على (الساعة 7 ونص) وصلت خلود سلطان مكان ما خذته ومشت وهي تفكر انها ترد الصور علشان تجنب نفسها من الفضيحة .. أما سلطان فكان يفكر شلون وصلت صور نورة عند خلود .. وهل نورة مثل خلود وهل وهل اسئله وااايد كانت تراوده لين وصل البيت وهو على نفس حاله -------------------------------------------------------------- -------------------------------------------------------------- في بيت أبو سعد (في نفس الوقت) دخل البيت والأفكار توديه وتيبه كأنها سفينه على المرسى .. سمع صوت ضحكات في الصاله .. راح الصاله وجاف إخته هيام وامه قاعدين سوالف وضحك.. سلطان وهو يبتسم: السلاااام عليكم هيام وامه: وعليكم السلااام سلطان وهو يقعد يم امه: انا اقول البيت مظلم طلعت هيام موجوده هيام وهي تضحك: هههههههههه تتطنز حظرتك ام سعد: يلااا عاد اصلااا من دخلت هيام البيت نور ومن تطلع منه راح يظلم قامت هيام وباسة امها: وه فديتها يا ناااس والله ورب الكون أحبهاااا سلطان: شوي شوي على أمي عاد يه هيام وهي تحط صبعها على راسها: كيفي امي وانا حره سلطان وهو يبتسم: ترى هي امي بعد أم سعد وهي تبتسم حق اعيالها بحب: وه فديتكم يا بعد طوايفي هيام: وه انتي الي بعد جبدي سلطان يبي يقرفهم: وه انتي الي بعد مصاريني وامعائي الدقيقة ام سعد وهيام كشروو.. وسلطان: ههههههههههههههه اشفيكم هههههههههه ام سعد عرفت اذا قالت له شي راح يزيد: هااا لااا ولا شي هيام: بس عليك تعبير مقزز الله يقرفك قرفتني وانا حامل وعععععع سلطان: هههههههههههههه ام سعد وهي تقوم : يلااا انا بروح اجهز العشى هيام وهي تقوم: بقوم اساعدج سلطان وهو يسوي حركات حق هيام انه يبيها ضروري .. هيام فهمت عليه .. هيام: مامي انا بتصل حق سعد وبجوف اذا راح يتعشى معانه ولااا راح يتعشى مع المدام ام سعد وهي رايحه المطبخ: انزين هيام قعدت يم سلطان: خير شفيك سلطان وهو يطلع الصور: صور من ذي هيام وهي تطالع الصور: هذي صور نورة بنت عمي سلطان : بضبظ هيام وهي مستغربة: من وين لك هالصور سلطان وهو مرتبك: هاا هذا شسمه شسمونه هيام فهمت : اهاا خلاااص فهمت سلطان: جوفي عطي نورة الصور وقولي لها لااا تعطي صورها حق من هب ودب وخل تصون نفسها ترى في ناس ما تخاف الله قام سلطان وراح المطبخ ياكل له تصبيرات على انه كان متعشي مع خلود بس ما شاء الله عليه للحين يوعان خخخخخخخ ... -------------------------------------------------------------- في مطعم الـ... (الساعة 8 ونص) كانوا يتعشون بكل هدوء كل واحد ياكل وهو ساكت .. قرر سعد انه يقطع السكوت .. سعد وهو يطالع رغد وهي تاكل بكل هدوء ابتسم وبصوت شوي هامس: رغد رغد رفعت عيونها له وهي ما زالت تاكل: هممم اتسعت ابتسامه سعد : رغد رغد على نفس وضعها: همممم سعد: رغد رغد ما زالت على نفس الوضع بس شوي رفعت بصوت: هممممم سعد وهو يمسك يدها: رغد رغد وهي وصلت معاها: هااا سعد يود نفسه لااا يضحك: رغد رغد نزلت الشوكة إلي بيدها: خير سعد على نفس الوضع: رغد طالعت فيه : عيونها سعد ابتسم: تسلم لي عيونج ابتسمت له: طيب قول لي شفيك تناديني سعد وهو يهز راسه: لااا بس جذي رغد وهي رافعه حاجب: يه سعد وهو يضحك: هههههه بس حبيت اسوي جو .. يعني انا وانتي ساكتين قلت اقطع السكوت الي احنى فيه رغد: اهااا سعد: أي ورد عم السكوت ما بينهم بس هني رغد قررت تقطعه رغد: سعد سعد وهو يبتسم: عيونه رغد: تسلم لي عيونك .. اممم سعد: امممم رغد: ههههه .. قط مرة صادفك مواقف محرجه سعد ابتسم: أي وااايد من يوم انا في المدرسة لين تخرجت ويمكن لحد يومج تواجهني مواقف محرجه .. ما اعتقد في انسان في العالم ما صارت له مواقف محرجه رغد: هههههه طيب قول لي ابي اضحك سعد وهو يهز راسه: طيب .. كنت في الاعدادي مرة كنت نايم في الحصة ولا ادري عن احد و فجأة قومني الاستاذ علشان اجاوب وانا من كثر النوم ما عرفت شنو المادة الي علي ههههههههههه رغد: هههههههه طيب شنو جاوبت سعد : ههههههه قلت له على ما اعتقد الجواب 15 والي في الصف كلهم ضحك طلع السؤال اعراب وانا على بالي حساب هههههههه رغد: ههههههههههه احراااج سعد: هذا ولااا شي على المواقف الي صارت لي رغد: قوول تكفى ابي اضحك سعد: ههههههههه مسويتني حظرتج نكته هههههههه رغد: لااا ما عاش من يسويك نكته سعد وهو يرفع يدها لي فمه ويطبع بوسة: آآآيه عليج رغد انصبغ ويها من الخجل قالت تبي تغير الموضوع: انزين عطني موقف محرج سعد فهم عليها وابتسم: طيب سمعي .. مرة كنت طالع مع الربع في العيد نزلنا من السيارة وكان في هوى واختربت الغتره وحنى ماشين جفت سيارة واقفة ومضلله وقعت اعدل غترتي وثوبي وما جوف الا وحده تفتح الشباك وتقول لي يا قليل الأدب ههههههههههههه في هاللحظة تعالي دوري ويهي والربع الله يقطع بليسهم قعدوا يضحكون علي رغد وهي ماسكة بطنها: ههههههههههههه سعد : فديت الضحكة رغد وهي تبتسم له : تفداك الروح .. بعد قول لي هههههههههه عجبتني السالفه سعد: طيب .. مرة في الجامعة كنت قاعد في الساكشن وكان في واحد يطالعني وقعد يقول شخبارك شمسوي رحت له وانا ماد يدي ابي اسلم وانا شاق الحلج الحمد الله انا بخير وصحه انت شخبارك هو مد يده لي وسلم وهو مستغرب قال لي انا اعرفك رديت عليه لااا بس انت كنت تسألني شخبارك قعد يضحك يقول لي كنت اكلم الي وراك ههههههههههه تخيلي موقفي هني والله من جد احراج رغد: ههههههههههههه سعد: يلااا عاد انا قلت لج مواقف وايد الحين دورج رغد : هههههه طيب .. هذي في مرة رحت أنا وخواتي عرس من الأهل وكانوا بنات خالي موجودين انا وياهم مو كلووز وايد لأنهم وايد جايفين روحهم وكله يمشون بثقة ومرفعين خشمهم عاد انا رحت اسلم عليهم ورافعه هالخشم فوق وبعد ما سلمت عليهم مشيت وانا كلي ثقة وما فوقي فوق فجأة ما حسيت نفسي الا طايحه على ويهي ههههههههه يا ربي حده احراااج سعد : هههههههههه اتخيلج وانتي ماشية وااثقة ومرة وحده تطيحين هههههههههه رغد: هههههه أي حده احرااج .. هذي في مرة رحت انا وخواتي مع ربعي وكنا نسولف ونضحك وحنا ندور وانا دشيت feeling في السالفه وقعت اسولف واسولف فجأة جفت بنات يطالعوني ويضحكون استغرب لفيت علشان اسأل وحده من البنات اذا كان فيني شي يضحك لقيتهم محد هههههههههههه بعدين اكتشفت اني كنت امشي واسولف مع روحي سعد: هههههههههههه ليش هم وين راحوا رغد: اتصلت عليهم قالو لي انهم دخلو الحمام وما انتبهوا اني ما رحت معاهم لأنه عددنا وايد حسبالهم كنت معاهم ههههههههههه سعد: هههههههههه احراااج رغد وهي تطالع ساعتها: هههههه أي .. طيب قلبي كأنه الوقت تأخر وحنى نسينا روحنا ( وهي تأشر على المطعم) حتى الناس ما في كلهم راحوا والمطعم جريب ويسكرونه سعد وهو يبتسم: شكلنا نسينا روحنا بالمواقف رغد: أي هههههههه وكملوا عشاهم وبعدها حاسب سعد وبعدين طلعوا من المطعم -------------------------------------------------------------- في بيت أبو مي (الساعة 10 في الليل) مثل كل مرة مقفله الباب على نفسها علشان تتفاده أبوها وربعه الخمة .. قاعده فوق السرير وما حواليها الأوراق والدفاتر قاعدة تحاول تركز لأنه عليها امتحان بكرة .. بس صوت ازعاج ابوها وربعه مو مخليها تركز ------------------------------------------------------------- في بيت أبو مشاري (في نفس الوقت) قاعدة في الصالة متربعه وفي يدها الكتاب قاعدة تراجع وتحفظ هنادي وهي مغمضة عيونها: كتاب كليلة ودمنه كتاب هندي فارسي عربي هندي الأصل لأنه ........ -------------------------------------------------------------- في بيت أبو مصعب (في نفس الوقت) وفي غرفة مرام بتحديد قاعده على الاب توب ولااا على بالها انه بكرة امتحان الأخت ماخذه راحتها على الآخر -------------------------------------------------------------- في اليوم الثاني .. في المدرسة الـ... (الساعة 7 ونص الصبح) توه داق الجرس يعلن موعد الفترة الأولى للإمتحان كل الطالبات راحوا قاعات الإمتحان .. كانت قاعدة على طاولتها تحاول تنسى كل المشاكل إلي تعانيها وتتذكر بس إلي درسته .. في نفس الوقت دخلت منيرة القاعة وجافت مي قاعدة ومنزله راسها نزلت لمستواها .. منيرة: مي رفعت مي راسها : هلااا منور هلااا قلبي منيرة: هلاا فيج .. شفيج مي وهي تهز راسها: ولاا شي بس قاعده احاول اركز وانسى كل المشاكل علشان أحل عدل منيرة: لالا ان شاء الله بتقدمين عدل مي: اشك من الإزعاج إلي في البيت ما أعتقد دخلت المعلمة وفي يدها أوراق الإمتحان .. المعلمة: يلااا بنات كل وحده في مكانها واي وحده عندها كتاب أو ملزمه أو أي شي يتعلق بالمادة تحطة فوق الطاوله كل البنات حطوا كتبهم ودفاترهم وملزماتهم فوق طاوله المعلمه .. بعدها المعلمة قامت توزع أوراق الإمتحان .. المعلمة: سموو بالرحمن وبعدين ابتدوا تجاوبون وان شاء الله الله يسهل لكم ولااا تستعيلون في الأجوبة وراكم وقت حلو بهدوء .. وما أبي ولا وحده تلف على الثانية إلي بجوفها تحاول تغش على طول بحط علااامة على ورقتها فاهمين وبعدها دخلت معلمة ثانية وقامت تراقب مع المعلمة إلي معاها والبنات يحلون الإمتحان -------------------------------------------------------------- في صوب ثاني (الساعة 9 الصبح) قاعدة في الكفتيريا تراجع وتسمع حق روحها بس قطعة عليها مرام مرام وهي تقعد يمها: السلااام هنادي وهي عيونها في الكتاب: وعليكم السلااام ورحمة الله وبركاته مرام: ما شاء الله عليج للحين تحفظين هنادي: أي شاسوي لازم ايب معدل زين وارفعه مرام وهي تنغز: أي ولأنه آخر امتحان بعد هنادي فهمت عليها وابتسمت بخجل: مرووم ضبطي حالج مرام وهي تضحك: ههههههههه طيب بس ممكن سؤال هنادي: ممكن بس عن السخافة مرام: ههههه طيب انتي متى نمتي امس هنادي: ما نمت مواصله من أمس مرام: هـــــــه مينونه جذي شكلج راح يصير في الملجة مو حلو بتخرعين أخوي هنادي تضرب مرام بالكتاب إلي عندها: جـــــــب وخليني أدرس وانتي بعد قومي درسي مرام وهي تطلع أوراق صغار: ليش وهذولا شنو فايدتهم عيل هنادي: هــــــه براشيم يا الظالمة مرام وهي تضحك: ههههههههه أي هنادي: حرااام مرام وهي تسكت هنادي: اقوول انا انسانه مو مالت حفظ حاولت ادرس بداية الإمتحانات بس ما في فايده ومافي حل إلااا البراشيم ترى أكثر المتفوقات يبرشمون يعني شنو هم احسن مني هنادي وهي تهز راسها: ما أقوول غير الله يهديج قطع عليهم صوت الجرس يعلن الفترة الثانية .. كل وحده قامت علشان تروح قاعتها -------------------------------------------------------------- في الجامعة الـ... (في نفس الوقت) "عند الباركات السيارات" توها بتنزل من السيارة تذكرت الصور تبي تعطي حمد علشان تاخذ صورها وتتفاده المشاكل والفضايح .. فتحت البيتي وقامت تدور الصور وتدور لكن ما حصلتهم انصدمت ما عرفت شتسوي خلود بنفسها "وينهم .. يمكن حطيتهم في البيت بس .. أنا متأكدة اني ما نزلتهم من السيارة .. يا ربي شالوهقه" قررت ترد البيت تدورهم شغلت السيارة و حركتها وهي تحاول تتذكر وين حطت الصور -------------------------------------------------------------- في بيت أبو سعد (في نفس الوقت) نازل من الدري وهو يغني للفنان حمد المانع : انسى يا قلبي هواهم كيف ترضى بالمذله هم تسلوا بك تراهم و انت يا غافل لك الله تالي اخلاصك معاهم تالي هذا الحب كله ايش تتوقع جزاهم غير آهات و عله كم مشيت أعمى وراهم ما وطيت في يوم زله كنت تسكت عن خطاهم ما تصدق بالأدله كالشجر كنت بثراهم و المطر عيا يبله مات واقف من جفاهم بس بقى لليوم ظله ام سعد وهي طالعه من المطبخ: يمه متى بتروح الجامعة جدم منها وصار مواجها: والله يمه في احتمال ما اروح اليوم الجامعة ام سعد وهي عاقده حواجبها: ليــــــش سلطان وهو يبتسم : لأنه ما عندي محاضرات اليوم ام سعد وهي تهز راسها: اهااا طيب يما أحط لك لقمة تاكلها سلطان وهو رايح الصالة: أكيد يبيلها سؤال راحت أم سعد تجهز حق سلطان الفطور .. أما سلطان فراح يطالع التلفزيون يسلي نفسه .. قاعد يدور الرموت مال التلفزيون ومن بين ما هو يدور لقى صور نورة قال في نفسه "شكلها نستهم .. اشوه امي ما جافتهم" حك راسه وخذ الصور وراح غرفته بسرعه البرق وحطهم في الدرج مع ألبوم الصور ------------------------------------------------------------- في بيت خلود وفي غرفتها بالتحديد (الساعه 9 ونص) ما خلت مكان مادورت عن الصور .. خلود وهي تحط يدها على راسها بحيث مدخله اصابعها من بين شعرها وشاده عليه وبصوت اشبه للهمس: يا ربي ووينهم تذكري يا خلود تذكري وين حطيتيهم ويــــــــــــــن .. قعدت تصيح مو عارفه شنو تسوي -------------------------------------------------------------- في المدرسة الـ... (الساعة 11 ونص) دق الجرس يعلن انتهاء وقت الامتحان .. في طالبات طلعوا من القاعة فرحانين لأنهم قدموا اوكي وفي نفس الوقت لأنه آخر امتحان و آخر يوم مدرسه وراح يتخرجون وطبعا كانوا من ضمن هالطالبات هنادي ومرام الفرحه مو سايعتهم لأنهم خلاااص راح يودعون المدرسة للأبد -------------------------------------------------------------- في بيت أبو زياد (الساعة 3 ونص بعد الغدى) طلب أبو زياد من زياد انه يبيه في موضوع .. زياد كان عارف او نقدر نقول حاسس انه الموضوع عن الزواج .. راح زياد لأبوه .. زياد وهو واقف يم باب غرفه نوم امه وابوه: سم يبه ابو زياد وهو يأشر له علشان يدش: سم الله عدوك ... اقعد قعد زياد وهو منزل راسه:...... ابو زياد وهو يطالع زياد:انا بغيت اكلمك عن موضوع الزواج .. لأني جفتك ما رديت علي وعطيتني خبر عن رايك ترى ما عندك وقت طويل كلها شهرين والحين اكيد صارت اقل من شهرين .. زياد اعتقد اسبوع يكفي انك تكون فكرت وخذت كل قراراتك ..(وهو يمسك يد زياد) ترى يا ولدي الزواج مسؤولية أنا ما أبي أخرعك لااا وأنا أبوك بس الزواج يبيلها شخص يتحمل المسؤولية لأنه راح يكون مسؤل عن بيت وأسرة .. أعتقد انك كبير وفاهم هالشي من زمان زياد وهو ما زال منزل راسه: أدري يبا أدري .. وأنا فكرت واستخاريت .. وحاسس انه هالزواج راح يكوون خير لي أبو زياد: يعني أفهم من كلااامك انك موافق زياد وهو يناظر أبوه ويبتسم: أي موافق أبو زياد وهو فرحان لولده: مبروووك مقدما وان شاء الله باخلي امك تدور لك على عروس حـ.. قاطعته ام زياد: يااااانظر عيوني من زمان و أنا محصله على العروس وحاطتها في بالي ابو زياد: بسم الله الرحمن الرحيم .. من متى وانتي هني ام زياد: من قال انا احس انه هالزواج راح يكون خير.. (لفت تناظر زياد) الله يبشرك بالخير والسعادة ويهنيك مع بنت خالك قول آمين زياد بصدمة: بنت خالي ام زياد وهي تهز راسها: أي بنت خالك فاتن.. شرايك زياد ما يدري ليش حس نفسه متكدر: بس يما انـ.. قاطعته امه: انت فكر اليوم وبكرة عطني رايك علشان اروح اخطبها لك زياد وهو يقوم: عن اذنكم طلع زياد من الغرفة وهو يفكر بفتون -------------------------------------------------------------- يلاااا عاد ابي تفاعلكم بعد هالبارت الطويل وتوقعاتكم في البارت القادم ^_^ | ||||
|
| |
|
10-07-13, 03:59 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس عشــــــــــر في بيت أبو مي (الساعة 9 ونص في الليل) قاعدة في غرفتها تنتظر .. علشان تحط حد لهل المهزلة إلي تصير ولااا على بالها أبوها إذا عصب عليها وله لااا ... بعدها بلحظات سمعت صوت عرفت انه ربع أبوها الخمه وصلوا .. خذت نفس وهي مغمضة عيونها علشان تتشجع شوي فتحت الباب بيد مرتجفة ما تدري هل إلي راح تسويه راح ينقلب ضدها كانت تحس بالخوف على إلي راح تسويه لكن هي خذت قرارها وما راح تتراجع عنه .. بعدها طلعت من الغرفة ونزلت من الدري وبكل خطوة تخطيها تحس قلبها يدق بقوة من الخوف .. وصلت أخيرا لين نهاية الدري .. طالعت فيهم كانوا قاعدين ضحك وسوالف دورت بين عيونها عن أبوها ما حصلته عرفت انه لحين ما رد من الشغل يعني هذي فرصتها .. نزلت بكل ثقة وراحت لين عندهم وهي تطالع واحد واحد باحتقار .. وصلت عيونها لخليفة حست باشمئزاز مو طبيعي وخصوصا لما ابتسم لها حست انها تبي تذبحه خليفة وهو يخزها من فوقها لين تحتها: حياج تعالي قعدي .. ليش واقفة مي باشمئزاز: والله اذا كنت ابي اقعد راح اقعد بكيفي مو على كيفك لانه البيت بيتي انا فهمت صالح : ههههه لقط ويهك مي وهي تبي تخلص بسرعة قبل لاا ابوها يرد: ها ها ها يا سخافتك اقول بلااا كلااام فاضي يلااا خذوا قشكم (أغراضكم) وطلعوا برع ترى هي كلمة وحده وما أعيد غطاها اذا ما طلعتوا ترى والله والله راح تندمون خليفة بثقة: أنا ما راح اطلع الاااا اذا ابوج طردني بنفسه مي وهي تأشر عليه من فوق لين تحت وبثقة بس يخالطه الخوف: والله يا الحثالة ابوي بنفسه طلب مني اسوي جذي وترى انا قلت اذا ما طلعتوا راح ابلغ عنكم الشرطة ربع ابوها يوم سمعوا اسم الشرطة خافوا خصوصا انهم رجال اعمال معروفين يعني سمعتهم بتروح اذا مسكتهم الشرطة وهم عندهم هل الخايس كل واحد فيهم خذ اغراضه وطلع وهو يتحلطم .. بس من سوء حظها كان ابوها توه راد من الشغل .. جاف ربعة ابتسم وراح لين عندهم علشان يسلم: يا هلااا ومرحبااا استغرب منهم يمشون عنه من دون ما يعطونه ويه ومعصبين .. لف وجاف صالح يقوله باحتقار: هذي آخرتها ننطر من بيتك .. والله دنيا ولااا وتهدد انك بتشتكي علينا ابو مي وهو مستغرب ومو فاهم شي: انا صالح وهو يمشي عنه من دون ما يعطيه ويه: ..... دخل ابو مي البيت وهو معصب عرف انه مي ما في غيرها سوت جذي ----------------------------------------------------- في بيت أبو مشاري (في نفس الوقت) توهم داخلين البيت وفي يدهم أكياس توهم رادين من السوق يشترون اغراض حق الملجة .. راحوا وقعدوا في الصالة ما عدا هنادي خذت اغراضها وراحت غرفتها لانها مواصلة لين هالوقت وتحس بتعب .. اول ما حطت راسها نامت على طول ----------------------------------------------------- في بيت ابو مي (في نفس الوقت) ماسكها من يدها بقوة وهو يهزها: انتي من سمح لج تسوين الي سويتيه انتي ما تستحين على ويهج تفشليني جدام ربعي مي وهي تحاول تبعد يد ابوها عندها: هد يدي ابو مي يزيد من قبضته: جب ولااا كلمة مي والدموع من بين عيونها تحاول تخليهم ما ينزلون: من زين ربعك عاد كلهم خمة وحثالة ما حست الااا كف على ويها .. مسكت خدها والدموع خذت مجراها ما استغربت من كف ابوها لانه مو اول مرة يطقها ابو مي بصرااخ: انا شنو صبرني عليج طول هالسنين هاا تحجي حجه في يبج (يعني جسمج) مي تصيح بشهاق: ................ ابو مي وهو يسحبها من شعرها : اكيد ما عندج رد لانج قاعدة على جبدي وغاثتني ابو مي ما استحمل وقام يضربها ويرفس فيها ما خله مكان في جسمها ما طقاه .. بعدها قومها وقال بصرااخ: روحي لمي كل اغراضج بسرررعة .. مالج مكان بيتي بسرررعة (دزها) ركبت الدري وهي تزحف ريولها سحب و تصيح و تشاهق .. وصلت غرفتها وهي تصيح .. تلم اغراضها بكل ألم وتشاهق من الصياح خذت دفتر مذكراتها وحطتها في الشنطة بعدها خذت صورة امها وضمتها لي صدرها وقعدت تصيح دخل ابوها وهو يصرخ : سكتي ما ابي اسمع حسج .. مي على نفس وضعها ضامة صورة امها وتصيح.. دزها ابوها وطاحت الصورة منها قال وهو معصب : ياليت انتي الي متي مو امج مي بصراخ من بين شهقاتها بعدت يد ابوها بقوة: ياا ليتك انت الي مت وامي هي الي عايشة .. جان انا بخير و بعيدة عن شرك وظلمك أبوها عصب أكثر من ما هو معصب و قام يطقها طق لدرجة الدم طلع من بوزها .. وهي تصيح وتشاهق من الألم .. ابو مي بعصبية وانفعال: جب ما أبي اسمع حسج مي وهي تكتم شهقاتها وتلملم ألمها خذت صورة أمها وحطتها في الشطة وسكرتها وهي كاتمه شهقاتها .. بعد ما سكرت شنطتها خذ ابوها الشنطة ودزها علشان تمشي .. تنزل من الدري وهي عاضة شفتها ومغمضة عيونها وتنزل دموعها من دون صوت .. تنزل دموعها من الألم من الضياع من الحزن الي كان عايش معاها اول ما طلعت حق الدنيا .. وصلت السيارة وفتحت الباب وهي تحس انه جسمها مشلول عن الحركة ما تدري شلون قدرت تمشي هالمسافة كان جسمها مزق من الطق الي طقاها ابوها .. وصل ابوها لسيارة وفتح الباب الوراني وحط شنطتها وبعدها دزها تدخل السيارة وهي دخلت بدون مقاومه لأنه ببساطة ما عندها قوة حتى تشيل نفسها .. كورة نفسها وهي تصيح من دون صوت بس دموع دمعة ورى الثانية من دون توقف وصلت سيارة أبو مي عند دار الايتام ونزل وراح جهة مي وفتح الباب وسحبها تنزل بالقوه ونزل شنطتها ودخلوا داخل المبنى دار الايتام .. مي كانت تحس بكل خطوه تخطيها بالضعف و الحزن والضياع كانت تصيح بصمت وبشكل يقطع القلب .. اما اأبو مي كان يقول في نفسه "كان لازم اسوي هالشيء من زمان اي كان لازم اسوي جذي علشان ارتاح منها المجرمه لانها هي السبب اي هي السبب في موت منى خلاااص انا ما اقدر استحملها اكثر ما اقدر انا صبرت طول هالسنين لانه كانت امي عايشه وتمنعني لكن الحين هي الله يرحمها وخلاااص ما في شي يمنعني ابد وأبو مي بعد ما دخلها دار الايتام بسهوله لانه يعرف المدير رجع البيت وهو مرتاح لانه تخلص وانتقم منها لانها هي سبب موت منى "حبيبته" على قولته... اما مي المسكينه كانت تتمنى لو عندها اهل يحبونها ويدارونها مثل يدتها ام اأبوها الله يرحمها ربتها من يوم هي صغيره لين ما كبرت وصار عمرها 14 سنه وتوفت بعدها عاشت عند اأبوها اسوء ايام حياتها ثلاث سنوات وهي عايشه بعذاب ويوم صار عمرها 16 سنه تخله عنها وحطها في دار الايتام قعدت تصيح وتصيح لين ما جفت عيونها من الدموع ونامت وهي تحس أبوحشه المكان والضياع وهي بنت 16 سنه ----------------------------------------------------- في بيت ابو زياد (الساعة 10 في الليل) عيزت وهي تتصل لكن كله التلفون مغلق خافت عليها ما تدري ليش تحس صار لها شي .. لكن حاولت تقنع نفسها انه يمكن البطارية خالصة وهي نايمة وما تدري عنه .. طلعت الصاله تشوف التلفزيون علشان تنسى الملل الي هي فيه وطبعا الخوف والأفكار الي توديها وتيبها ----------------------------------------------------- في اليوم الثاني قبل ملجة مصعب وهنادي .. في بيت ابو سعد (الساعة 8 الصبح) .. قاعدين في الصاله ينتظرون سلطان علشان يروحون المطار يستقبلون حمدان لأنه اليوم رجعته من امريكا بعد غربة 5 سنوات يدرس برع [طبعا مستغربين من حمدان .. حمدان يصير اخو أم سعد يعني خال سلطان وسعد وهيام لكن هو يعتبرهم اخوانه .. لأنه تربى معاهم واخته هي الي ربته من يوم وهو صغير .. لأنه امه كانت مريضة بالقلب وكبيرة بسن يوم حملت فيه .. مما أدى لوفاتها بعد ما ولدته .. وبعدها بشهرين أبوه أرتفع عنده الضغط ودخل بغيبوبة وبعدها بسبوعين توفى .. ربته أم سعد كأنها أم له مو أخت وأبو سعد رباه وحبه مثل حبه لعياله .. وللعلم حمدان أكبر من سعد بشهرين بس] أم سعد وهي تنادي على سلطان : سلطاااان وصمخ يلااا تأخرنا على أخووك سلطان وهو ينزل من الدري بسررعة: إن شاء الله يماا .. هذاني خلصت أبو سعد وهو يقوم: يلااا عيل توكلنا على الله سعد وهو يوجه الكلااام لأمه: شنو بنمر على هيام وناخذها معانه وله بتروح مع مشاري المطار أم سعد وهي تمشي: لااا اتصلت علينا وقالت مشاري راح يوديها طلعوا من البيت وهم فرحانين أنهم راح يشوفون حمدان بعد الغيبة الطويلة ----------------------------------------------------- في سيارة مشاري (في نفس الوقت) هيام وهي تركب السيارة: تأخرت عليك حبيبي مشاري وهو يبتسم لها: اممم شوية هيام وهي تحط يدها على بطنها الي صار يبين من الحمل : والله شاسوي ما أقد أشمي بسررعة على الدري وله نسيت اني حامل مشاري وهو يحط يده على يدها الي على بطنها: لااا يباا ان شاء الله اتنقع هني بس اهم شي راحتج انتي والبيبي اكتفت هيام ببتسامة .. ومشاري رد لها ابتسامه وبعدين حرك السيارة علشان ما يتأخرون .. هيام : تتوقع شلون صار شكل حمدان مشاري : والله ما ادري اتوقع صار شكله غير 5 سنوات مو شويه هيام وهي تهز راسهاا : اي والله .. امم تتوقع حمدان يدري اني حامل مشاري وهو يلتفت لها ويرد يلتفت يطالع جدامه: ما اعتقد يعني لو يدري جان اتصل لج وبارك لج هيام وهي تهز راسها: اي صح .. وبعدين من بيقول له انا ما قلت له علشان اسويها مفاجأة له وما اعتقد سعد او سلطان او امي وابوي قالوا عم السكوت لدقايق وبعدين ردت هيام وهي تطالع بطنها: تتوقع بنت وله ولد مشاري وهو يبتسم: ما ادري .. وبعدين انتي مدامج تبين تعرفين ليش رفضتي يسون لج تصوير هيام وهي تبتسم: ابي مفجأة ابتسم مشاري: تدرين ودي اغمض عيوني وافتحها اشوفج والده وحامله البيبي هيام وهي تبتسم وتطالعه بكل حب: شنوو نفسك بولد أو بنت مشاري وهو يوقف السيارة لآنه الاشارة حمرة .. ولف يطالعها بكل حب وعشق: ابيها بنت وتشبهج هيام بدلع: وانا ابيه ولد يشابهك نفس ملااامحك نفس ضحكتك وابتسامتك يعني يصير انت بس اللهم الأسم غير مسك يدها وقربها لفمه وطبع بوووسه وهو يبتسم: الله لااا يحرمني منج هيام وهي تبتسم: ولااا منك قطع عليهم هالجو الرومانسي صوت الهران .. حرك مشاري السيارة وهو ما زالت الابتسامه على ويهه: كله منج خليتيني انسى نفسي وما احس الااا فيج هيام وهي تضحك بنعوومه: ههههههه مشاري: تسلم لي هالضحكة وصاحبتها هيام: فديتك مشاري: تفدااج الرووح يا روحي ----------------------------------------------------- في الجامعة الـ... (الساعة 8 ونص الصبح) عند الباركات.. قاعد عند سيارته ينتظرها هو ما عنده اليوم محاظرات بس راح الجامعة علشان خلود .. واقف يم سيارته ويهز الريولة ويتلفت يدور بعيونه عن خلوود .. بعد لحظات يمكن دامة اكثر من 10 دقايق حس باليأس ما داومة كأنها تدري شنو راح يصير لها .. نزل راسه بقهر وضرب الارض بريوله بقوة .. حمد بغصبية: افففف قهررر بس انا اراوييج يا خلوود تبين تلعبين هين راح اراويج شلون تلعبين .. وهو يشد من قبضته من القهر والعصبية:ورااح اخليج تندمين لانج لعبتي مع الشخص الغلط راح لباب سيارته وفتحها وركب وتوه بيسكر الباب لمح سيارتها ابستم بخبث ونتظر لين تبركنها وتنزل لانه خايف لين جافته ترد من مكان ما يت.. بعدها نزل وهو يتقدم لها.. طالعته بصدمه وبخوف مو عارفة شنو تسوي ولاا شنو تقول له اكيد ما راح يصدقها تحسفت قد شعر راسها انها فكرت تسوي الي سوته حمد وهو يطالعها من فوق لين تحت بنظرة ما فهمتها وبدون مقدمات: وين الصور خلود بخوف مو عارفة شنو تقول:.......... حمد وهو يطالع الخوف بويها .. قال وهو رافع حاجب وبستهزاء: وين لسانك لااا يكون الإط أكلوو خلود برتباك وخوف وهي منزله راسها: .... ما .. ما ادري وينهم (رفعت راسها تبي تشوف ردت فعله .. بس ما عرفت لأنه كانت ملاامح ويهه باردة ما قدرت تعرف شنو يحس او يفكر فيه) حمد: شلون يعني ما تدرين وينهم خلود بخوف: ما ادري دورتهم في كل مكان بس ما حصلتهم صدقني كان مستغرب هي شنو ناويه بشنو تفكر .. فجأة قعد يضحك : ههههههههههههههههههههه خلود منصدمة من ردت فعله:؟؟ حمد وهو يأشر عليها من فوق لين تحت بإستهزاء: تعتقدين انج تقدرين تقصين علي هـــــه تراج غلطانه .. خلود وعيونها غرقانه من الدموع: والله والله دورتهم بس ما حصلتهم كنت امس راح اعطيك اياهم مثل ما اتفقنا بس لما دورتهم ما جفتهم حمد رفع حاجب لأنه ما اقتنع بالكلااام الي قالته: سمعيني زين ترااج تلعبين بنار اذا ما رديتي صور نورة بعد بكرة سمعتي بعد بكرة رااح تشوفين فضيحتج جدام الي يسوى والي ما يسوى ترى حمدي ربج انه بكرة ملجة اخوي ومو فاضي لج لكن بعد بكرة ابي الصور توصل لي فاهمة تركها وهي تترجاه وتحلف بس هو ما عبرها وركب سيارته ومشى وهو يتوعد فيها ----------------------------------------------------- في المطار (الساعة 9 الصبح) خذالهم نص ساعة وهم ينتظرونه عند بوابة القادمون .. ام سعد كل ما تلمح شخص يطلع توقف على بالها حمدان أبو سعد: قعدي يا مرة بس تراج دوختي راسي أم سعد هي تقعد: لااا تلومني مشتاقة له سعد وهو يربت على ضهرها: كلنا مشتاقين له يا الغالية وبعدين الي تسوينه ما راح يفيدج راح يوصل بسلاامه ان شاء الله بس انتي هدي هيام وهي تحاوط مشاري بيدها: حبيبي مشاري وهو يبادلها الحركة: عيونه هيام وهي تبتسم: كأنه تأخر وااايد هو قال راح يوصل 8 وربع بس الحين 9 وهو للحين ما رد مشاري وهو يبوس جبينها: لااا تخافين إن شاء الله راح يوصل بسلااامه هيام: ان شاء الله أم سعد ردت لمحت شخص وقامت علشان تشوف اذا هو أو لااا سلطان وهو يسحب أمه علشان تيلس: يما الطيارة للحين ما وصلت ما تشوفين الشاشة أم سعد بيأس : إلااا ----------------------------------------------------- بعد نص ساعة وصلت الطيارة الي راكبها حمدان وصارت على أرض البحرين .. نزل وهو مو مصدق انه رجع لدولته لأهله وربعه بعد غياب 5 سنين يحس انه بحلم لكن ما وده يصحى منه أبد .. خلص الإجراءات بسررعة مشتاق يبي يشوف أمه وأبوه وإخوانه إلي ما شافهم من سنين ومشتااق لهم حيل .. بعد ما أخذ أغراضة طلع وهو يجر الجاري إلي عليها الشناط قام يدور بعيونه عنهم .. جافهم وهم ملتمين إلي يناظر الساعة وإلي يطالع الشاشة وإلي يهز الريوله ويطالع الأرض تجدم منهم وهو راسم أحلى ابتسامه : أحم أحم أول ما سمعو صوت كلهم التفتوا.. أم سعد وعيونها غرقانه من الدموع: حمدان حمدان ما كان أحسن من حالها راح وضمها بقوة وهو يصيح مثل الطفل كم إشتاق حق حظنها .. هيام ما استحملت الموقف وقعدت تصيح ومشاري ضامها يهديها حمدان ما زال حاظن امه وهو يصيح: يما وحشتيني موووت أم سعد وهي تحبه ومو مصدقه وجوده: وانا أكثرر يا نظر عيني وانا اكثرر أبو سعد وهو يحاول يبعد أم سعد: بس عااد خلينه نسلم إبتعدت أم سعد عن حمدان .. أبو سعد وهو ماد يدة يسلم على حمدان : الحمد الله على السلااامة حمدان وهو يمسك يد أبوه ويقربه منه أكثر ويحظنه: الله يسلمك يا يبا إشتقت لك دمعة عيون أبو سعد : وأنا أكثر يا ولدي وأنا أكثر بعد أبو سعد من حمدان ومسح دموعة قبل لاااتنزل تجدم سلطان وحظن حمدان بكل شوق : هلااا والله ومرحبتين توه ما نورت البحرين حمدان وهو ما زال ضام سلطان: منور بوجودكم .. وحشتني يا الدب سلطان وهو يبعد عنه ويأشر على نفسه: كل هالرشاقة تقول دب حمدان وهو يبتسم: ما تغيرت للحين الغرور نفسه توه بيتكلم سلطان إلاا سعد يدزة على برد بخفه : اذا عليك ولااا بكرة بسلم عليه .. حظن سعد حمدان : الحمد الله على السلااامة حمدان: الله يسلمك يا المعرس سعد وهو يضحك: ههههه عقبالك حمدان وهو يبعد سعد عنه: فال الله ولااا فالك سعد: افاا ليش إن شاء الله تحب وتتزوج حمدان وهو يدز سعد بغشمرة: فالك ما قبلناه سعد وهو يضحك: ههههههه بل لهدرجه حمدان وهو يغمز له: لأنك ما تدري سعد: بشنو حمدان: بعدين بعدين لف حمدان لهيام إلي كانت متمسكة بمشاري وهي تصيح مو مصدقة انه حمدان جدامها .. تجدم حمدان منها وحط يده على راسها : شنو ما تبين تسلمين علي تركت هيام مشاري وحظنت خالها وأخوها بكل شوق وهي تصيح: هئ هئ وحشتني مووت اشتاقيت لك حمدان وهو ضامها: اششش بس يا قلبي لااا تصيحين انتي بعد وحشتيني ابتعدت هيام عن حمدان وتمت تناظر فيه متغير واايد كل شي فيه متغير ملااامح ويهه شعره جسمه حتى نبرت صوته متغيره شوي لكن في شي مو متغير فيه ولااا راح يتغير وهو نظرت عيونه المليانين حنان وابتسامته الحلوة الي مليانه براءة وقلبة الطيب الحساس .. حمدان بغشمرة: شفيج مبحلقة عيونج فيني لا يكون بس مو عاجبج هيام وهي تبتسم من بين دموعها: لااا الااا صاير حلوو فديتك حمدان وهو يغمز حق هيام: ترى في ناس باين عليها الغيرة مشاري ابتسم لأنه عرف انه يقصده : انا أغار منك مستحيييل لأني وااثق كل الثقة انه هيام تحبني أكثر منك حمدان وهو يسلم على مشاري ويحظنه: يا واثق مشاري: هههههههه مو من حقي حمدان وهو يبعد عن مشاري: مدام هيام زوجتك أكيد من حقك مشاري:طيب ما باركت لي حمدان وهو يبتسم: مبرووك بس على شنو مشاري: باصير أبوو حمدان لف يطالع هيام توه ملاااحظ بطنها ابتسم بفرحه: مبروووك ألف ألف مبروووك توني ملااااحظ .. أفاا ليش عاد ما خبرتوني من قبل هيام: والله حبينا نسويها مفاجأة حمدان وهو يبوس خدها: أحلى مفاجأة مشاري وهو يسحب حمدان: أقول كأنك مصختها ههههههه الكل: ههههههههههههههه أم سعد وهي تمسك يد حمدان: تعال يما للحين ما شبعت منك سلطان: هههه ليش حلاااوة أبو سعد وهو يمشي: يلااا خل نروح البيت علشان يرتاح من السفر ترى لاااحقين تقعدون معاه الكل: يلااا طلعوا من المطار وكل واحد فيهم يحس بفرحه مو طبيعية ----------------------------------------------------- في بيت أبو خليل (الساعة 1 ونص الظهر) توها رادة من الجامعة .. دخلت البيت وعلى طول راحت لغرفتها وهي تحس نفسها مخنوقة من الي قالته لها خلود .. نورة بعصبية وقهر وبصوت عالي: يعني ما تقدر علي إلاا انا رفعت تلفونها واتصلت على حمد .. بعد لحظات وصلها صوته حمد: ألووو نورة بعصبية: أنت متى راح تنهي السالفة حمد باستغراب: شفيج نورة بقهر من برود حمد: من خلوود الزفت حمد: ليش شنو سوت نورة وهي تقعد على السرير بعصبية: بنت الذين يايه لي تهددني وبكل وقاحة تقول لي أنا الصور ماراح أعطيها لحمد .. وهو ما يقدر يوزع صوري لأني بكل بساطة كما تدين تدان راح أنشر صورج فإذا ما تبين فضيحتج على كل لسان قولي حق ولد عمج يرجع صوري حمد بعصبية وقهر: والله راح أخليها تندم .. اذا ما يابت الصور بعد بكرة راح أخليها فضيحة الموسم .. تخيلي ياية لي تقول انها ما تدري وين الصور وانهم ضاعوا والحين تهدد اراويها نورة والدموع بعينها وبصوت باكي: أنا آسفة لأني أزعجتك وخليتك تدخل في الموضوع حمد حس إنها تصيح: نورة لاا تقولين جذي لااا إزعاج ولااا شي وبعدين انتي بنت عمي وشرفج من شرفي ولااا تنسين إلي إنتي فيه كان السبب الرئيسي أنا علشان تخليني أحبها نورة ببراءة: طيب خلاااص عطها صورهاا وفكنا منها حمد وهو يبتسم: والله انج على نياتج يا نورة ..علشان جذي هي يات لج وهددتج على بالها انا راح اسكت سمعي شنو بسوي فيها نورة : شنوو حمد: الله يسلمج أنا........................... ... ----------------------------------------------------- في مبنى دار الايتام (الساعة 4 ونص العصر) كانت مكورة نفسها على زاوية الغرفة وتصيح بصمت وهي تتحسر على عمرها الي ضاع والي راح يضيع تنهدت من القهر الي فيها من الحزن من الضياع من التشتت من الالم من الحرمان من كل شي: آآآآآآآآآآآآه يا ترى شنو الي ينتظرني من احزان وعذاب .. يالله الحمد الله على كل حال وان شاء الله الله يفرجها علي .. يااااا رب .. انا خلاص لازم اتوكل على الله والله سبحانه وتعالى ما ينسى عبده وخصوصا المظلوم .. يا الله اني عبدك بني عبدك افرج لي كربي ويسر لي امري يا رب يا رحمن يا رحيم يا تواب يا كريم يا الله ----------------------------------------------------- في بيت أبو زياد (في نفس الوقت) منسدح على سريره ويفكر بكلام اخته ويكلم نفسه .. معقوله إلي قالته منور عن مي .. يحس بقهر من أبو مي و ربعة وخصوصا خليفة .. أنا لااازم أخلصها من هالعيشة لااازم .. خذ قراره وهو طالع من الغرفة وما راح يتراجع عنه ----------------------------------------------------- في بيت أبو مصعب (الساعة 4 ونص العصر) ماخذ اجازة اليوم أو الأحرى ماعطينه اجازة علشان بكرة ملجتة مو طايق نفسه بالمرة يحس نفسه مخنوق مكتأب مو عارف شنو يسوي قاعد في غرفته من الصبح ما طلع منها متضايق ما يبي يشوف أحد أو يتكلم مع أحد يبي يختلي بروحه علشان يفكر بحل لمشكلته على إنه مشكلته ما لها حل غير يصير شي جايد ويوقف كل شي .. بس هو ما يبي يصير شي جايد ----------------------------------------------------- في شركة الـ... (في نفس الوقت) دخل السكرتير ووقف عند مكتب أبو مي: طال عمرك في واحد طالب يشوفك أبو مي وهو عاقد حواجبة: من السكرتير : ما قال لي طال عمرك كل الي قاله يبيك ظروري أبو مي: طيب طيب خله يدخل طلع السكرتير وبعدها بثواني دخل الريال وهو يسلم .. طالعه ابو مي بإستغراب: وعليكم السلااامه .. حياك تفضل الريال وهو يقعد: الله يحيك .. يمكن ما تعرفني يا أبو مي بس أنا أعرفك وأعرف بنتك مي أبو مي وهو رافع حاجب: منو حظرتك الريال وهو يأشر على نفسه وهو يبتسم: معاك زياد أخو صديقة بنتك مي أبو مي من دون نفس لأنه الموضوع مبين انه يتعلق بمي: يا هلااا .. طيب شنو الموضوع الظروري زياد انصدم من اسلوب أبو مي ما توقع انه اسلوبه جذي قال بنفسه "يعني شنو تتوقع من واحد سكير وكله يضرب بنته انه يقابلك بالاحظان مثلا" : أنا بصراحة ياي وكلي رجى إنك ما تردني أبو مي على نفس الوضع: خير زياد وهو منزل راسه: أنا يا عمي أبي أطلب يد بنتك على سنة الله ورسوله أبو مي وهو يطالعه من فوق لي تحت: أنت شنو عائلتك وشنو شغلك وشغل أبوك زياد: أنا من عائلة الـ... وأبوي مقاول و أنا ما أشتغل بس أدرس وبعد شهر واسبوعين راح أسافر بريطانيا أدرس محاماه يا عمي أبو مي وبعصبية: عمى بعينك عمى وبكل ثقة بعد .. أنا سالم الـ.. أزوج بنتي لواحد مثلك شنو بيقولون عني الناس .. اطلع برع وما أبي أشوف رقعت ويهك مرة ثانية وما عندي بنت تاخذ واحد مثلك يلااا برااااا طلع زياد من المكتب وبعدها من الشركة وهو يحس بالقهر من أبو مي "يعني مسوي نفسه يخاف من كلااام الناس وهو نهار وليل يطقها ويسكر شالإنسان" ----------------------------------------------------- في بيت أبو مشاري (الساعة 5 ونص المغرب) في جناح هيام ومشاري وخصوصا في غرفة نومهم .. بعد ما صلت هيام راحت لسرير وانسدحت تريح شوي تحس بتعب خصوصا انها دخلت الشهر الثامن .. دخل الغرفة وهو يشوفها مغمضة عيونها وحاطة يدها على بطنها .. ابتسم وجرب منها وطبع بوسة على جبينها ومسك بطنها وهو يتحسسه .. مشاري بنفسه" يالله مو مصدق إنه بعد شهر راح اصير أبوي " .. فتحت هيام عيونها بتكاسل وابتسمت لما شافته يطالع بطنها وسرحان .. هيام وهي تلااامس يده: بشنو الحلو سرحان مشاري وهو ماسك يدها: بقلبه وروحه وحياته هيام: هههه يا قلبي والله تسلم .. اممم أحسك مو مصدق إنك راح تصير أبوي مشاري: يا قلبي وشدراج هيام وهي تحط يدها على صدر مشاري : لأنك روحي علشان جذي أنا أعرف بكل شي تفكر فيه مشاري وهو يضمها: عسى الله لااا يحرمني منج هيام: ولااا منك ~~:::::::::::::::::::::::::::: :::::::::::::::::::: ~~ احاول اخفي احساسي ولاكن بالعشق مفضوح تشوف الفرحه في عيني وحبك بالعقل والروح احبك حب ما اقدر اعاند فيه احساسي لقيت الحب شي اكبر من اخاذ انفاسي حياتي امرها بيدك وحبي سيدي وسيدك وعمري ما ابتدء قبلك وعيدي في الهوى عيدك حبيبي عمري لك والروح وقلبي في العشق ذايب فداك الروح ورح الروح ياربي تبقى لي دايم معاك الدنيا شي ثاني معاك الدنيا ذي احلى ومهما كانت الدنيا معاك احلى اكيد احلى تخيل دنيا من غيرك او لحظات من غيرك انا ما اشوف في الدنيا وبقلبي احد غيرك احبك حب ما اقدر اعاند فيه احساسي لقيت الحب شي اكبر من اني اخذ انفاسي...... ~~:::::::::::::::::::::::::::: :::::::::::::::::::: :~~ في بيت أبو سعد (في نفس الوقت) في غرفة حمدان .. توه صاحي من النوم لف يطالع الساعة لقاها 5 ونص المغرب قام وهو يحس بكسل مو طبيعي .. دخل الحمام (انتوا والكرامة) توضى وغسل وطلع بعدها وفرش سيادة الصلااة و قام يصلي المغرب .. بعد ما خلص طلع من الغرفة وهو يحس بجوع مو طبيعي من الصبح وهو نايم على لحم بطنه .... استغرب وينهم وين راحوا نزل الدري وسمع صوت تلفزيون .. دخل الصالة لقى أم سعد تطالع مسلسل حمدان وهو يقعد يم امه ويبوس خدها: مساء الخير أم سعد وهي تبتسم: هلااا يمه هلااا توك قاعد حمدان: اي يما توني .. الااا ليش ما قعتوني وخليتوني نايم لي هالحزة أم سعد: والله ما حبينه نزعجك وبعدين قالنا تعبان وتوك راد من السفر .. اقول يمه يوعان أحط لك عشى حمدان: اي والله يا الغالية يوعان حدي أم سعد وهي تقوم ..: طيب ثواني بس وأحط لك الأكل حمدان: الااا أقول يما وين ابوي وسعد وسلطان أم سعد وهي ماشية: رايحين المسجد وأكيد الحين بيردون حمدان هز راسه وقعد يطالع التلفزيون ----------------------------------------------------- في بيت أبو زياد (الساعة 6 المغرب) توه داخل البيت يحس نفسه متضايق .. منيرة جافته داخل على طول راحت له .. منيرة: انت وينك ترى أمي عيزت تتصل عليك بس إنت ما ترد زياد متضايق وماله مزاج: هي وينها منيرة: فوق في غرفتها زياد وهو ماشي:طيب منيرة وهي تطالعه بستغراب من حالته: شفيك زياد ركب الدري بدون ما يعطيها أي اهتمام.. وصل لغرفته فتح الباب ودخل وسكره وتسند عليه وفي عيونه الدموع قال بنفسه "سامحيني يا مي سامحيني لأني ما قدرت اطلعج من الي انتي فيه .. والله حاولت لكن ما قدرت" ما يدري ليش يحس نفسه غلطان بحق مي يمكن لأنه يدري بمعاناتها مع أبوها وهو مكتوف اليدين ما يقدر يسوي لها شي أو يمكن لأنه يحس بشي تجاها مشاعر قوية مثل ((الحب)) **ياما حاولت الفراق وماقويت..كنت ابي انساه لكن مانسيت ماعصاني قلبي بعمره ولكن...الاكيد اني انا الي ما اشتهيت** ----------------------------------------------------- في بيت أبو مشاري (في نفس الوقت) تحس بفرحه وهي تشوف بنتها تتحنه وملجتها بكرة أم مشاري وهي مبتسمة: إن شاء الله الله يهنيج ويسعدج ويرزكج بالذرية الصالحة جنان والحناية وهنادي المستحية: إن شاء الله الحناية وهي تطالع بجنان: ومتى ان شاء الله احنيج جنان وهي ترفع يدها وتدعي:إن شاء الله يخطبوني بكرة قولوا آمين أم مشاري وهي تطالع جنان بصدمة:بل ما صدقت جنانو ويهد استحي على ويهج الكل: ههههههههههه جنان وهي تبتسم حق أمها: يعني ما تبيني أعرس أم مشاري وهي تطالع الحناية: طالعي بس الحناية: ههههههه قمر وربي .. الله يخليهم لج أم مشاري: آميــن ----------------------------------------------------- في بيت أبو زياد (الساعة 9 ونص في الليل) راحت له وطقت الباب .. فتح الباب بكسل ما كان له خلق يكلم أو يشوف أحد .. زياد وهو يطالع امه: هلااا يما حياج دخلت أم زياد وهي مبتسمه: متى رجعت البيت زياد وهو يقعد على السرير يم امه: من امساعه جي على الساعة 6 ام زياد : اهاا طيب هذا مو الموضوع الي ابيك فيه زياد وهو عارف الموضوع لكن قال وكأنه مو فاهم: شنوو الموضوع أم زياد: زواجك من فتون ترى ما بقى شي على سفرك ولااازم تسوي حفلة وله نسيت زياد كره طاري الزواج ما يبي ياخذ فتون بنت خاله لانه قلبه دق لمي ومو متصور انه في وحدة ثانية تكون محلها : بس يماا لاا تنسين انهم أكيد يبون وقت علشان يفكرون أم زياد وهي تهز راسها: لااا أول ما راح نخطبها راح توافق (وهي تغمز له) جست النبض قبل لااا اقول لك زياد وهو يغمض عيونه: طيب سوي الي تبين أم زياد بفرحه: يعني أنت موافق زياد: اي أم زياد وهي تقوم : انا بروح اخبر أبوك وبتصل حق مرت خالك علشان أخطبها لك ونحدد كل شي زياد بضيق: على راحتج طلعت أم زياد والفرحة مو واسعتها .. و زياد حاسس بضيج ومتكدر لانه راح ياخذ وحده ما فكر فيها وما يدري شنو راح تصير حياته معاها ---------------------------------------------------- في بيت أبو مشاري (الساعة 10 في الليل) الكل نايم ما عدا جاسم و هنادي .. .. في غرفة جاسم هو قاعد يكلم سارة بالتلفون جاسم وهو يضحك: ههههههه لااا ما أعتقد سارة بصوت مليان دلع: إلااا جاسم: وربي إني أعتبرها إختي سارة: بس إنت عندك خوات وثنتين بعد شمعنه مرام بذات كل شي تقول لها وتتصل عليها جاسم وهو يقعد على السرير وبملل: وبعدين يا سارة يعني متى راح تسكرين السالفة قلت لج اعتبرها مثل إختي يعني هي معاي من يوم وحنى صغار ودووم نقول حق بعض كل شي لااا تكبرين المسألة سارة: أنا ما أكبرها بس مو من حقي أغار ابتسم جاسم وقال بحب: فديت إلي يغارون أنا سارة: جاسم تراني أستحي جاسم: هههه فديت الخجولين أنا سارة بدلع: جاااسم جاسم: عيونه وروحه وقلبه سارة : يسلم لي روحك وقلبك وكلك على بعضك هههههه .. أمم طيب أنا بسكر يا قلبي لأنه خلاااص ما عاد فيني أبي أناااام جاسم: طيب بس بشرط سارة: شنوو جاسم: تحلمين فيني سارة بنعومة: ههههههههههههه يا قلبي أصلااا بددوون ما توصي أنا أحلم فيك كل يوم وكل وقت جاسم: يالبى قلبج والله .. أما في غرفة هنادي.. منسدحة على سريرها و فاتحة عيونها مو قادرة تنام من كثر الفرح مو مصدقة إنها خلاااص بكرة راح تصير حرم مصعب تحس بالوناسة .. تفكر اذا بكرة صارت مع مصعب شنو راح يقول لها وشنو راح تقول له هل تعترف له عن حبها وله لااا وهل هو بعد راح يقول لها عن حبه و شنو راح يقول لها من كلااام الغزل .. تمت لين الساعة 12 في الليل وهي تفكر شنو راح يصير لها مع مصعب ----------------------------------------------------- ----------------------------------------------------- في اليوم الثاني .. ملجة هنادي ومصعب .. كل عائلة مشغوله .. ((بيت أبو مشاري)) حالتهم حاله جاسم رايح يودي البنات الصالون و أبو مشاري مودي أمه تشتري أغراض لأنه ما كفاهم الوقت إنهم يخلصون وهيام تحس بتعب ومشاري مو راضي يهدها بروحها.. ((بيت أبو مصعب)) ما تقل عن حالتهم عن حال بيت أبو مشاري بس الفرق أنه مرام و أم مصعب بالبيت ما راحوا الصالون لأنه الكوافيرة هي إلي يات لهم وحمد وابو مصعب قاعدين يشرفون على الصالة إلي حجزوها في الفندق ومصعب وما أدراك ما مصعب يالس في غرفته ومو معطي أهمية للموضوع وله كأنه هو المعرس.. ((بيت أبو خليل)) نورة هواش مع خليل علشان يوديها الصالون لأنه أبوها مع أبو مصعب في الفندق وام خليل صدع راسها من صراخهم وحنتهم وما انتهى الهواش إلا لما اتصلت سارة بنورة انها راح تمرها وتروح معاها الصالون << نسيت اقول لكم انه هنادي عزمت سارة طلب من نورة .. ((بيت أبو سعد)) نفس الحال لكن الشي المختلف هو سلطان كان سهران طول الليل وهو الحين نايم ولااا على باله أما سعد وحمدان فهم قعدوا وخذ سعد أمه لبيت أبو مصعب علشان الكوافيرة وحمدان قاعد يجهز نفسة و ما خلا ثوب في كبت سعد ما لبساه ولاا واحد دخل مزاجه << الأخ متعود على الجينزات .. بالأخير لبس بدلة رسمية وسوى شعره سبايكي وطلع يهبل .. ((في بيت عبدالرحمن)) صراااخ وازعاج كأنهم يهال غرور و شوق و رغد يتهاوشون على الفسان الأحمر وكل وحده تسحبه من صوب وأنتهى الحال انه الفستان خسروا ثلاثتهم لأنه بكل بساطة تشقق ----------------------------------------------------- في الفندق (الساعة 8 بعد صلااة العشاء) كل العائلة وصلت وبعدها على الساعة 9 وصلوا كل المعزيم تقريبا .. كانت الصالة صاخبة من صوت الدي جي والبنات رقص و وناسة ::راح أوصف لكم البنات:: هنادي 77 بما انها العروس فكانت الأحلى من بين كل البنات كانت لابسة فستان مخصر عليها من فوق لين تحت (السمكة) من فوق فيه ورود لين فتحت الصدر وبدون أكمام وكان لونه بيج ويلمع كان ميك آب شوي صاخب راسمه عيونها فراشة والشدو كان أسود وبني والحمرة بنية تلمع وتسريحتها بمقة الروعة شعرها كله مرفوع وفي خصل نازله منه وكيرلي ===== جنان 77 كانت لابسة فستان لين تحت الركب لونه أسود وفي نقش بلون الرصاصي مخصر ويربط عند الرقبة والظهر طالع وحاطة ميك آب خفيف بس راسمة عيونها وحاطة شدو رصاصي وتدرجاته وحمرة وردية أما تسريحتها فكان شعرها كله على برد و ويفي وفي وردتين على برد بلون الأسود ===== مرام 77 كانت لابسة فستان حمر سادي قصير لين فوق الركبة ضيج من عند الصدر لين الخصر ومنكوش من تحت بطريقة حلوة والظهر كله طالع بس في حدايد صغار مشبوكة في الفستان عند الصدر والظهر والميك آب كان حدة بسيط محددة عيونها بشدو أسود وحاطة شدو أحمر فوق الجفن مما خلا يبرز جمال عيونها وحطت حمرة صاخبة لونها أحمر أما تسريحتها فكان شعرها مفلول وكيرلي ولابسة تاج بسيط ويلمع وطالعه بمقة الأناقة ===== نورة 77 كانت لابسة فستان طويل لونه عنابي مخصر من عند الصدر لين الخصر وتشكيلته مثل فستان (المغنية يارا في أغنيتها لو بص بعيني) وحاطة ميك آب صاخب دامجة لون البنفسجي مع الأزرق وراسمه عيونها وتسريحتها من جدام شبك ومنزلة قذلة ومن ورى ملموم ذيل حصان ولابسة مشبك شعر على لون فستانها ويلمع ===== هيام 77 بما إنها حامل فكانت لابسة جلابية على شكل فستان لونه أصفر الأكمام طويلة تزحف في الأرض والفستان من فوقه لين تحته يلمع وفي زيج عند الصدر أما الميك آب فكان لونه أصفر على بني وراسمة عيونها وشعرها كيرلي ومفلول وحاطته على جنب ===== رغد 77 بعد ما صاحت وسوت فلم هندي على الفستان الأحمر عطتها شوق فستانها الأبيض لين تحت الركبة ومكسر وفي شريطة تحت الصدر لونها أسود و الميك آب لونه وردي و أزرق وراسمه عيونها أما شعرها فكان على طبيعته مفلول و ويفي وحاطة فيه اكسسوار حلو لونه أبيض ===== غرور 77 كانت لابسة فستان أخضر طويل وفيه ذيل ويلمع مخصر عليها من عند الصدر لين الخصر وفيه حركات على برد ولون الميك آب أخضر غامج متداخل مع اللون الأخضر الفااتح وراسمه عيونها وكان شعرها مفلول وناعم ===== شوق 77 كانت لابسة فستان سماوي لين تحت الركبة نفس فستان رغد بس من غير شريطة ومن عند الظهر طالع وكان الميك آب أزرق وتدرجاته وشعرها مفلول كيرلي ===== سارة 77 لاابسة فستان وردي من جدام قصير لين تحت الركب ومن ورى طويل ذيل ومخصر عليها من عند الصدر لين الخصر وبارز جمال جسمها وفيه زركون على كل الفستان ومن دون أكمام والميك آب لونه وردي مع الأسود وراسمة عيونها وشعرها مسويته تسريحة كله ملموم وصاير كل شعرة على الثانية ===== في مجلس الرياييل (في نفس الوقت) قاعد يتصنع السعادة ويغصب روحه يبتسم وهو الود وده يطلع من المجلس وما يرد .. حمد وهو يبتسم حق أخوه : أي شق الحلج خلاااص من قدك بتتزوج مصعب وهو يتصنع الإبتسامة: عقبالك حمد: آميـــــــن دخل حمدان عرض: الأخ مستعيل حمد وهو يدز حمدان بغشمرة: أقلب ويهك روح حق سلطانو حمدان: ما أجوفه مو مبين حمد وهو رافع حاجب: لااا تقول لي للحين مايه حمدان وهو يضحك: هههههههه شكله للحين بسابع نومة حمد: امانه حمدان: الظاهر جذي رفع حمد تلفونه ودق على سلطان وبعد فترة وصل له صوت سلطان ومبين عليه النوم: ألوو سلطان بكسل: ألووو حمد وهو فاتح عينه: للحين نايم قووم سلطان وهو للحين مغمض عيونه: الساعة كم حمد وهو يطالع ساعته: 9 سلطان وهو يقوم ويفرك عيونه: من صجك حمد: والله سلطان وهو يطق راسه بديه : اووف شلون راحت علي نومه حمد: يلااا قوم بلااا كثرت كلااام وجهز نفسك سلطان وهو يقوم: طيب .. أي حمد حمد: هاا سلطان: الناس تقول هلااا نعم مو ها حمد: اففف خلصني شتبي سلطان: خل سعد يمرني لأنه سيارتي بالقراج حمد: اووف انت للحين سيارتك بالقراج حشى سلطان: لااا يكثر بس ويالله حمد: طيب سكر حمد من سلطان وراح لسعد .. حمد: اقول قوم ايب اخوك سعد وهو يبتسم حق حمد: حمود روح أنت تكفى حمد وهو يتخصر: وليش ان شاء الله سعد: بطالع القلب حمد وهو يلوي بوزه: اووف طيب سعد : مشكووور حمد: لااا شكر على واجب .. يلااا بروح ايب اخوك استأذن حمد من أبوه وخبره انه بيطلع بيروح يمر على سلطان لأنه ما عنده سيارة .. وابو مصعب قال له ما يتأخر لأنه الشيخ راح يكتب الكتاب -------------------------------------------------- نهايـــــــــة البارت ان شاء الله كان البارت طويل ويلااا أبي ردودكم وتوقعاتكم للبارت القادم | ||||
|
| |
|
10-07-13, 04:01 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وهذااا البارت وصل السابع عشـــــــــــــــــــــــ ـــــــــــر في مجلس الرياييل (في نفس الوقت) قاعد يتصنع السعادة ويغصب روحه يبتسم وهو الود وده يطلع من المجلس وما يرد .. حمد وهو يبتسم حق أخوه : أي شق الحلج خلاااص من قدك بتتزوج مصعب وهو يتصنع الإبتسامة: عقبالك حمد: آميـــــــن دخل حمدان عرض: الأخ مستعيل حمد وهو يدز حمدان بغشمرة: أقلب ويهك روح حق سلطانو حمدان: ما أجوفه مو مبين حمد وهو رافع حاجب: لااا تقول لي للحين مايه حمدان وهو يضحك: هههههههه شكله للحين بسابع نومة حمد: امانه حمدان: الظاهر جذي رفع حمد تلفونه ودق على سلطان وبعد فترة وصل له صوت سلطان ومبين عليه النوم: ألوو سلطان بكسل: ألووو حمد وهو فاتح عينه: للحين نايم قووم سلطان وهو للحين مغمض عيونه: الساعة كم حمد وهو يطالع ساعته: 9 سلطان وهو يقوم ويفرك عيونه: من صجك حمد: والله سلطان وهو يطق راسه بديه : اووف شلون راحت علي نومه حمد: يلااا قوم بلااا كثرت كلااام وجهز نفسك سلطان وهو يقوم: طيب .. أي حمد حمد: هاا سلطان: الناس تقول هلااا نعم مو ها حمد: اففف خلصني شتبي سلطان: خل سعد يمرني لأنه سيارتي بالقراج حمد: اووف انت للحين سيارتك بالقراج حشى سلطان: لااا يكثر بس ويالله حمد: طيب سكر حمد من سلطان وراح لسعد .. حمد: اقول قوم ايب اخوك سعد وهو يبتسم حق حمد: حمود روح أنت تكفى حمد وهو يتخصر: وليش ان شاء الله سعد: بطالع القلب حمد وهو يلوي بوزه: اووف طيب سعد : مشكووور حمد: لااا شكر على واجب .. يلااا بروح ايب اخوك استأذن حمد من أبوه وخبره انه بيطلع بيروح يمر على سلطان لأنه ما عنده سيارة .. وابو مصعب قال له ما يتأخر لأنه الشيخ راح يكتب الكتاب -------------------------------------------------- (في نفس الوقت) في الصالة الكل مستانس الي يرقص والي يتصور والي قاعد يسولف وانوااع الازعااج من الاغاني .. في الغرفة قاعدة مع اختها وتحس بالرتباك وتوتر يخالطة الفرح مو مصدقة انه حلمها راح يتحقق بعد لحظات وتصير حرم مصعب .. جنان وهي تبتسم: هنوي هنادي وهي تطالع اختها : هلااا جنان وهي تمسك يد هنادي: مصعب رااح يتخبل عليج ابتسمت هنادي بخجل: تتوقعين جنان وهي تغمز: الا متأكدة هنادي وهي تضم اختها: الله لااايحرمني منج جنان وهي تبعد هنادي عنها: ولااا منج .. بس لااا تصيحين ترى اعرفج ما تصدقين على الله تلاااقين فرصة علشان تصيحين هنادي وهي تضحك بنعومة: هههههههه انا الله يسامحج قطع عليهم فتحة الباب مرام وهي مدخله بس راسها: قاطعتكم هنادي وجنان ابتسمو لها : حياج دخلت مرام وهي شاقة الحلج: وااااااااااي وااااااااااي مو مصدقة هنادي تاخذ اخووي لا لا مو مستوعبة هع جنان وهي تضحك: هههههههههههه تدرين تذكريني بمنو مرام وهي تسبل بعيونها: منو جنان : تذكريني ببندق الي في ميكي ماوس لما تقولين هع هنادي ومرام وجنان: ههههههههههههههههه مرام : سخيفة تدرين جنان: من زمان هع مرام وهي تأشر عليها : هههههههههههه تدرين يناسبج أكثررر هنادي وهي تبتسم: اقوول مرووم مرام وهي تطالع هنادي: هاا جنان تدخل عرض: يقوولون هلااا مو هااا مرام وهي تحك راسها: هاا .. اي اوكي هنادي: وين امي مرام: قاعدة تستقبل النسوان خبرج لازم ام العروس وماما معاها بعد جنان وهي تسمع دبكة مصرية: واااي ابي ارقص عليها مرام : روحي انتي رقصي عليها وأنا بظل مع مرت اخوي ابتسمت هنادي بخجل: ما بعد صرت مرام وهي تغمز: كلها لحظات وتصيرين حرم أخووي ----------------------------------------------------- في سيارة حمد .. واقفة يم بيت أبو سعد ينتظر سلطان طق له هرن ولكن لااا حياة لمن تنادي .. حمد وهو يتهفف رفع تلفونه ودق على سلطان بعد لحظات وصل له صوت .. حمد: ألوو سلطان: هلااا حمد: وينك انت انا ناقع تحت سلطان: بس انا للحين ما تجهزت حمد: حشى معررس يلااا سلطان: اففف انزين انت ادخل داخل احسن من نقعتك برع حمد طلع من السيارة وهو يتحلطم : طيب يا المعرس سكر حمد من سلطان ودخل البيت وهو يصارخ: يلاااااااااا سلطان وهو يوقف عند الدري : اففف حمووود لااا تصدع راسي حمد وهو يطالع سلطان بصدمة: يا ابن الذين للحين ما لبست سلطان وهو يحك راسه: والله توني طالع من الحمام ماخذ دووش حمد عصب وركب الدري: هيـــن انحاش سلطان ودخل الحمام وسكر الباب .. حمد وهو يطق الباب : افتح سلطانوو سلطان وهو داخل الحمام: هههههههه طيب خلاااص بطلع بس لااا تلمسني حمد: ويييي من زينك عاد يلااا اطلع خل نلحق على كتب الكتاب سلطان وهو يفتح باب الحمام: طيب دخلو حمد وسلطان الغرفة .. حمد وهو ينط على السرير : يلااا بسررعة خلصني سلطان وهو يطلع ثوبة من خزانته : أوكي طلع سلطان من الغرفة وحمد تم يتعبث بالأغراض سلطان الي يم السرير .. حمد بصوت عالي علشان يسمع سلطان: سلطانوو فاتح المخازن الكبرى عندك حشى وصل له صوت سلطان: لااا تتعبث بأغراضي طنشه حمد وقعد يتعبث بأغراضه .. فتح الدرج وجاف ألبوم .. نط له عرج اللقافة وقرر يفتح الألبوم .. فتح الألبوم بسررعة قبل لااا يدخل سلطان لأنه يعرف سلطان ما يحب أحد يفتش في أغراضه .. يطالع الصور وهو بالع ضحكته كانت الصور تضحك .. كل صورة يدقق فيها ويضحك بصوت واطي .. لف الصفحة الثانية والإبتسامة ما زالت على شفاته لكن فجأة ابتسامته بدت تتلاشه مو مستوعب .. حمد وهو يقول في نفسه "معقوله .. سلطان ونورة يكون بينهم شي" دخل سلطان الغرفة وشاف حمد فاتح الألبوم ويطالع الصور.. عصب وراح لين عنده وهو يتحلطم .. سلطان: حموود كم مرة قلت لك لااا... سكت سلطان لما جاف صور نورة في يد حمد وبعدين قال: خلني أشرح لك حمد وهو متكتف ومرفع حاجب: قول سلطان وهو يقعد يم حمد على السرير: خذيتها من وحده اسمها خلود ....... (وقال له كل السالفة) بعد صمت .. حمد وهو يبتسم ما يدري ليش فرح هل هو لأنه ما بين سلطان ونورة شي وله لأنه حصل صور نورة وما عاد تقدر خلود تهددهم.. سلطان بستغراب: حموود توه منتبه .. حمد: هممم نعم سلطان وهو يأشر له بيده(يعني شفيك) حمد وهو يبتسم: يعني هي ما جذبت يوم قالت لي انه الصور مو معاها سلطان بصدمة: لحظة شسالفه لا يكون إنت تعرفها (قال حمد لسلطان كل السالفة طبعا بس المشكله من دون تفاصيل *_^) سلطان وهو معصب: بنت الـ..... حمد:الحين عرفت ليش راحت تهدد نورة علشان نخاف انه اذا فضحناها راح تفضح نورة وتبين لنا انها تلعبها صح .. بس على مين سلطان: انا أرااويها شغل الله حمد وهو يقوم: لااا يبا خل السالفة علي .. المهم خل نرووح ترى تأخرنا واايد سلطان: طيب يلااا مشينا ----------------------------------------------------- (الساعة 9 ونص في الليل) في دار الأيتام وخصوصا في غرفة المرشدة الإجتماعية مي وهي تترجى المرشدة: الله يخليج ما راح اتأخر المرشدة وهي تستسلم: خلاااص طيب بخليج بس هاااا مثل ما وعتيني ما تتأخرين مي إلي فرحت من قلب: إن شاء الله المرشدة وهي تطلع: بعد ما تخلصين طلعي وسكري الباب وراج طيب لأنه انا عندي شغل الحين مي: من عيوني الثنتين بعد ما طلعت المرشدة .. مي على طول راحت لتلفون رفعته ودقة على بيت أبو زياد لأنها مو حافظة رقم منيرة .. بعد لحظات سمعت صوت رفعت السماعة مي: ألوووو وصلها صوت طفولي: أيووو (ألووو) مي وهي تبتسم: هلا فصولي شخبارك فيصل: ثين (زين) مي: طيب حبيبي روح ناد منيرة قول لها مي على التلفون طيب فيصل : تيب (طيب) ومي قعدت تنتظر ----------------------------------------------------- في بيت ابو زياد (في نفس الوقت) فيصل حط السماعه فوق التلفون و راح ركض فوق الدري علشان ينادي منيرة وبين ما هو يركض طرااااخ .. طاح على ويهه وقعد يصيح << يا حراااام كسر خاطري >_< منيرة كانت توها طالعه من غرفتها جافت أخوها طايح على الأرض ويصيح راحت له وحملته وودته حق أمها لأنها تعرف ما راح تقدر تسكته .. بعدها نزلت الصاله علشان تشوف التلفزيون شوي لأنها ملت من قعدة النت .. وتوها تمسك الرموت سمعت صوت أخوها زياد يصارخ عليها زياد وهو يقعد يمها: منووور بكره ما عليج امتحان منيرة وهي تتربع: هههههههه خبرك عتيج خلصت امتحانات صباح الخير زياد: صج والله ما ادري ما قلتي لي منيرة:والله تعرف مشاغل الدنيا لهتني عنك ونستني اقول لك زياد: ههههه طيب متى النتايج منيرة وهي ترفع كتوفها: ما ادري زياد وهو يدز راسها بخفة: انتي كل شي ما ادري منيرة سكتت عنه وقعدت تطالع التلفزيون .. بعد ثواني من الصمت زياد : ما ردت عليج مي لفت له منيرة وهي تهز راسها: لاااا للحين كل ما اتصل لها ما ترد زياد: اففف أكيد أبوها سوى لها شي طالعته منيرة بإستغراب من أسلوبه: ما ادري ... اقول زيود زياد: بعينج زيود ياهل يمج أنا .. المهم سألي منيرة: شرايك بمي سكت زياد وبعدين تكلم: والله بقول لج أنا يمكن أول ما جفتها انعجبت بشكلها و أنا ما أنكر بس بعدين يوم عرفت إلي تعانيه حسيت بشعور غريب بداية توقعت انه شفقة وبس لكن إكتشفت بعدين انه في شعور ثاني شعور يجذبني لها منيرة وهي مبتسمه: حلوو عيل ليش ما تتقدم لها بدل ما تاخذ فتون المغرورة زياد وهو يبتسم: هــــه فكرت ورحت لأبوها وطلبت يدها وتخيلي ردت فعله .. طردني من مكتبة وقال لي انه مستواي غير عن مستواه وشنوو بيقولون الناس اذا خذيت بنته منيرة ظلت ساكته مو عارفة شنو تقول ففضلت إنها تسكر الموضوع **"طبعا إلي ما تعرفونه إنه مي سمعت كل شي .. لأنه هي كانت على الخط تنتظر منيرة ويوم جافتها طاقه سوالف مع زياد أخوها قررت إنها تسكرة وتتصل لها مرة ثانية .. بس يوم كانت بتسكر شد إنتباها سؤال منيرة وياها فضول تعرف جواب زياد .. وانصدمت بالجواب هي صحيح تعرف ابوها اناني وما يحبها لكن مو لهدرجة ذي ما يبيها تعيش حياتها بسعادة او على الأقل يقول لها وياخذ رايها.. والصدمه الثانية كانت انه زياد يكن مشاعر لها وهذا إلي خلاااها تحس بالقهر من ابوها "** ----------------------------------------------------- في الفندق وخصوصا في الصالة عند الرياييل .. الكل يبارك لمصعب والفرح والسعادة مو واسعة أبو مشاري وأبو مصعب .. شي حلو إنك تشوف ولدك أو بنتك يتزوجون ويكونون أسرة وبيت أبو مصعب وهو مستانس: ألف مبرووك يا ولدي مصعب وهو يتصنع السعادة: الله يبارك فيك ويطول بعمرك أبو مشاري و الفرحة مو واسعته: ألف مبروك والله يتمم عليكم بخير الكل: آمين أبو مصعب وهو يكلم حمد: اتصل على امك وخبرها انه مصعب راح يدخل حمد وهو يهز راسه : ان شاء الله يبا ----------------------------------------------------- في الصالة .. توها مسكرة من حمد والابتسامة على شفاتها .. راحت لغرفة ولقت هنادي وام مشاري موجودة معاها.. ام مصعب وهي تبارك لهنادي: ألف ألف مبرووك والله يسعدج مع ولدي أم مشاري وهي تبتسم: آمين أم مصعب وهي تطالع هنادي المنحرجة: ترى راح يدخل الحين هنادي وهي ترفع راسها :الحيـــن أم مصعب وهي تبتسم: اي يما الحين بيدخل قطع عليهم صوت طق الباب .. أم مشاري : منو من ورى الباب .. مصعب: أنا معصب أم مشاري : ادخل يا المعرس حياك دخل مصعب وسلم على أمه و عمته وباركو له وبعدين طلعوا علشان يخلونهم بروحهم .. منزله راسها ومستحية وفي نفس الوقت مستانسة إلااا طايرة من الفرح انه حلمها تحقق وصارت حرم مصعب .. تجدم لين عندها وهو متردد .. مصعب: مبرووك هنادي يالله ينسمع صوتها: الله يبارك فيك مصعب وهو يقعد يمها و منزل راسه ومو عارف شنو يقول:......... ظل الصمت هو سيد الموقف .. لكن في صوت قطع عليهم وهو دخول مرام بإزعاجها... مرام وهي مستانسة لبنت عمتها واخوها: يلااا الحين وقت الزفة قام مصعب ومرام ساعدت هنادي بفستانها .. مرام وهي تطلع من الغرفة: برووح اقول لهم انك راح تدخل الحين طلعت مرام وتاركة وراها هنادي وهي منزله راسها ومستحية ومصعب الي كان مرتبك ومنزل راسه ومو عارف شنو يسوي .. يقول في نفسه .. مصعب "لو كانت مها حبيبتي مكان هنادي كان الوضع راح يكون غير راح يكون احلى بنسبة لي ولها كان راح افرح وانا انزف معاها كان راح اطالع فيها وفي عيونها وانا فرحان انه تحقق حلمي وخذيت الي ملكة قلبي لكن للأسف الي تزوجتها مو مها مو حبيبتي .. تزوجت وحده اعتبرها حالها من حال اختي وبنت عمتي لااا أكثر" قطع عليه صوت أم مشاري وأم مصعب أم مشاري وهي تسحب يد هنادي ومصعب وتحطهم على بعض : يلااا شفيكم اول مالمست يده حست برتباك وخجل ومازالت منزله راسها مو قادرة ترفعه وتطيح عيونها على عيونه .. مشت معاه وهي تحس بفرح يخالطة التوتر من قربه .. ما كان احسن من حالها ماسك يدها وهو يحس بتوتر وارتباك من قربها والأكثر من جذي انه راح ينزف معاها ويصور ----------------------------------------------------- في الصاله كل الحريم والبنات لبسوا العبايه والشيله والي متنقبه تتنقبت .. بعد دقايق انطفت الاضواء وفجأه اشتغلت الإضاءه على باب الصاله ونفتح الباب واول ما دخلوا المعاريس ابتدت الزفه نزلو من الدري على اغنية راشد الماجد... ~~~~~~~~~~~ بحط قلبي بين ايدينك هدية واقول لك كل عام وانت حبيبي الله لا يغير عليك وعليه ياجعل قلبك دوم حظي ونصيبي قلبي خذيته لاكن انه شويه تستاهل اكثر يادواي وطبيبي اموت فيك وادري تموت انت فيه محال ظنك في هوانا يخيبي يحفظك ربي طول الايام لي تبقى حبيبي ومن عيوني قريبي ليت السنين تكون مثلك وفييه ولا تاخذك مني وعني تغيبي بحط قلبي بين ايدينك هدية واقول لك كل عام وانت حبيبي الله لا يغير عليك وعليه ياجعل قلبك دوم حظي ونصيبي ~~~~~~~~~~~ وصلوا هنادي ومصعب للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين بعدها قامو يباركون لهم ويصورون معاهم وهنادي تحس بحراج لأنه المصورة تطلب منها تمسك بمصعب وتخليه يحاوطها ((يعني تطلب منهم يسون حركات جريئة)) .. بعدها دخل أبو مصعب و أبو مشاري ومشاري وجاسم إلي مستانس انه راح يشوف القلب .. في الصوب الثاني .. قاعدة سوالف وضحك مع نورة ويعلقون على شكل هنادي المستحية .. رفعت راسها وطاحت عينها على عيونه للحظة حست كل شي توقف ما عادت تحس بأحد غير بجاسم طالعته وهو يبتسم لها وهي ردت الإبتسامه له .. انسحر بعيونها كان وده يوقف الزمن لهل اللحظة ويظل يطالع بعيونها طول العمر لكن أخوه مشاري صحاه من سرحانه .. مشاري وهو يبتسم : فشلتنا كأنك عمرك ما شف بنت جاسم وهو يطالع بالورده إلي بيده : أقول لااا يكثر بس مشى مشاري وجاسم وراه .. وهو يمشي جاف مرام واقفة تكلم وحده أشر لها بمعنى تعالي .. راحت له وهي شاقة الحلج طبعا هي بس حاطة الشال عليها لأنه ظهرها كله طالع .. مرام بصوت شوي عالي علشان يسمعها : كشوووخي صاير (وهي تغمز) كله علشانها جاسم وهو يبتسم وبنفس ارتفاع صوت مرام: وهو في غيرها (قعد يطالعها من فوق لين تحت) ترى انتي بعد صايرة رووعه (أشر بيده لها بمعنى تلف) .. قعدت تدور وهي تضحك : ههههههه والله شكلنا يضحك جاسم: هههههه اي لاااحظت مرام وهي تطالع الوردة إلي بيده : حلوة الوردة جاسم وكأنه توه متذكر: اي صح .. جدم لــعند اذونها وقال بصوت محد يسمعه غيرها: خذي هالورده وعطيها للورده مرام وهي تضحك: ههههههههه طيب وشنو أقول لها جاسم وهو يبتسم:قولي لها من القلب مرام وهي تغمز له: إلى القلب جاسم اتسعت ابتسامته: والله انج تفهمينها وهي طايرة مرام وهي تمشي عنه: افاا عليك أعجبك .. كانت في عيون تراغبهم وفرحانه لهم وفي عيون مغتاظة منهم .. أم مشاري وهي مبتسمه على الي طالعته : الله لااا يفرق بينهم و يتمم عليهم أم مصعب إلي كانت يم أم مشاري: آميــــن .. بس كأنه الحركة إلي سووها مو عدلة أم مشاري وهي تضحك: ههههههه خليهم توهم صغار وبعدين يسونها جدامنا أحسن من ورانه أم مصعب وهي تهز راسها: اي والله صدقتي .. والله وطلعتي صاجة يا أم مشاري يوم قلتي لي انهم يحبون بعض أم مشاري وهي تبتسم: قلت لج لكن إنتي ما صدقتيني في الجهة الثانية .. تحس بقهر بإلي جافته .. سارة وهي تتحلطم: قال إختي قال كل هذا وتعتبرها إختك تضحك معاها إختك تغمز لها اختك كل شي تقول لها اختك حتى الورود تعطيها بعد اختك صج قهر وانا حبيبتك ما تسوي لي جذي نورة وهي تطالع سارة الي انقلب ويها قالت لها بإستغراب: شفيج توج ازينج مستانسة سارة بقهر ودها تطق بمرام طق : لااا و لاا شي بس شوية صداع من الأغاني نورة وهي تهز راسها: اهاا ما تشوفين شر يا قلبي سارة: الشر ما اييج .. بعد ما تصورو مع المعرس والعروس ولبس مصعب هنادي الشبكة إلي كانت روووعة طلعوا أبو مصعب وأبو مشاري ومشاري وجاسم وراحوا صالة الرياييل .. بعدها طلع مصعب مع هنادي وراحوا يتعشون في المطعم حاجزين لهم ----------------------------------------------------- في صالة الرياييل (وقت العشى) قرر يدق عليها ويسمع صوتها ويبشرها.. رفع تلفونه ودق على رقمها وهو طالع من الصالة.. بعد لحظات وصل له صوتها .. حمد: ألوو نورة وهي تضحك:هههههه ألوو حمد وهو يبتسم: دووم الضحكة نورة:تسلم حمد:أقووول نوووروو نورة: بعينك اسمي نورة واذا تبي تدلع قول انويرة حمد وهو يضحك: هههههههههه أقووول كأني عطيتج ويه بزوود نورة وهي تضحك: ههههههههههه ليش مو من حقي حمد وهو يعدل شماغة: أممم على حسب نورة: يه طيب .. شفيك داق شتبي حمد: افاا شتبي هاا وانا داق ابشرج ابشاره تخليج شاقة الحلج اسبوع نورة بدلع:شنوو تكفى قوول حمد وهو يبتسم على دلعها: بشرط نورةعلى نفس صوت الدلع: آمر حمد:اشوفج نورة: هاا حمد زادت ابتسامته: من قال هاا سمع نورة :شلون حمد: شلون يعني تطلعين واشوفج نورةبإستغراب: الحيــــن حمد: ا ي عيل بعدين نورة:بفكر حمد: بكيفج بس ترى انتي الخسرانه نورة واللقافة بتذبحها تبي تعرف البشارة: امممممم طيب ابتسم حمد: طيب شنو نورة بتردد: خلاااص بطلع الحين حمد: بل صج اللقافة كل شي تسوي نورة وهي تضحك: ههههه جب حمد ومسوي معصب: من جب نورة خافة يكنسل وما يقول لها: هاا لاا محد حمد: على بالي بعد .. طيب انتي دخلي الغرفة الي كان فيها مصعب وهنادي نورة: طيب ----------------------------------------------------- في الصالة عند الحريم سارة وهي تتهفف: اوووف يلااا خلصوو عشى بسرعة ابي ارقص مرام وهي تاكل: روحي في أحد ميودج سارة بقهر: انتي محد كلمج مرام وهي ترفع حاجب ومستغربة من اسلوب سارة الي تغيرت عليها مرة وحده وبعدين ابتسمت لأنها تذكرت الوردة الي عطاها جاسم علشان تعطيها بس هي نست تعطيها لأنها كانت عند أمها .. فكرت تعطيها الحين بس ما تبي أحد يحس بشي فقررت وقت ما تكون منفردة معاها تعطيها .. دق تلفونها ردت من دون ما تشوف من المتصل.. سارة : ألووو جاسم: أحلى ألووو سارة بقهر وهي تقوم من الطاولة وتروح لحمام علشان تاخذ راحتها أكثر وتسمعه ويسمعها عدل.. سارة: والله زين انك عبرتني وفكرت تدق علي جاسم مستغرب من اسلوبها: شفيج يا قلبي سارة وبصوت مخنوق: لااا تكذب علي انا مو قلبك مرااموو هي قلبك ليش ما تعترف جاسم : لااا حول الله ولااا قوة إلااا بالله وبعدين معاج يا سارة كل مرة أقوول لج مراام مثل اختي تفهمين يعني شنوو اختي انقهرت أكثر وقالت من بين اسنانها: لااا والله كل هالإهتمام والضحك وتغزل وتقول لي اختك جاسم بصوت متنرفز من اسلوبها: سارة ممكن تسكرين الموضوع سارة :افاا عليك مو بس الموضوع حتى التلفون راح اسكرة باي سكرت سارة الخط في ويه جاسم من دون ما تسمع حتى رده ----------------------------------------------------- في الصوب الثاني (في نفس الوقت) جافت نورة وهي تلبس عبايتها وتحط الشيلة على راسها ومتجهة لغرفة العرايس .. يات لها اللقافة وتبي تعرف شسالفة انتظرتها لين تدخل الغرفة و بعدين ركضت لباب الغرفة وخذت نفس علشان تفتح الباب .. بس أول ما مسكت مقبض الباب سمعت أغنية تحبها وتحب ترقص عليها قالت بقهر.. مرام: اوووف خل ارقص عليها عقب راح ادخل واعرف شسالفة راحت للمسرح وقعدت ترقص وتهز<< بنت الذين ----------------------------------------------------- .. في الغرفة .. مو مصدقة انها وافقة تقابله .. خافت لااا يدخل أحد ويطالعها معاه بعدين شنو بيقولون عنها .. قررت تطلع وتقول له ما تقدر لأنها قاعدة مع أمها واذا على البشارة أكيد راح تعرفها اذا الخبر اليوم بفلوس أكيد بكرة ببلاااش .. توها بتفتح الباب وصل لها صوته .. حمد: نورة غمضت عيونها وعضت شفاتها وقالت بهمس: اووبس لفت له وهي متوهقة ابتسمت بإرتباك: هلااا حمد حمد وهو مفهي فيها ويطالعها من فوق لين تحت : ............. انحرجت نورة من نظراته<<< وهذا وهي لااابسة عباية والشيلة وجذي لو ما كانت لابستهم الله يعينه عيل تجدم منها وما زالت نظراته لها : قمر ما شاء الله حست بخجل مو طبيعي نورة ويالله يطلع صوتها من الإحراج: تســ.ـلم استانس على ربكتها وحب يربكها زيادة: سبحان من صورك وبالجمال حلاك.. يا ساحر عيون الناس ياأجمل ملاك نورة وهي تحرك يدها على ويها (بحركة يعني حر) : كأنه المكيف حار حمد ما قدر يمسك ضحكته على شكلها المنحرج : هههههههههههه خجلج يحليج اكثر تدرين حبت تغير الموضوع .. نورة وهي تضيع السالفة: الاا ما قلت لي شنوو البشارة ترى مو قادرة اللقافة بتذبحني حمد وهو يبتسم: وشو بتعطيني لما اقول لج البشارة نورة:امم على حسب البشارة حمد: طيب سمعي عيل .. صورج إلي كانت عند خلود صارت عندي وما عاد تقدر تهددج شرااايج بالبشارة مو مصدقة كانت طول الوقت خايفة وتحاتي انه خلود تفضحها وتخرب سمعتها وشرفها ويوم سمعت كلااامه حست براااحه مو طبيعية لدرجة عيونها قامت تدمع وبحركة غير ارادية ارتمت لحظنه ومن بين دموعها .. نورة: مشكوور حمووود مشكووور حمد وهو متفاجأ من حركتها بس عرف انها من الوناسة مو حاسة بالي تسويه .. ابتسم وهو يطبطب على ظهرها: ماله داعي تشكريني هذا واجبي وإلااا نسيتي انج بنت عمي .. فجأة انفتح الباب و وقفت وهي تطالع بصدمة وعدم استوعاب .. نورة اول ما جافة مرام حست على نفسها وابتعدت عن حمد وهي منحرجة و تطالع مرام علشان تشوف ردت فعلها .. أما حمد فعض على شفاته لأنه يعرف انه محد بفكة من لسان مرام وقعد يطالعها ويبي يعرف ردت فعلها مرام وهي فاتحة عيونها على وسعها: هـــــــــــــــه ما اصدق فاتي الجو الرومانسي نورة وحمد: ؟؟؟<< مستغربين من ردت فعلها لأنهم ما توقعو ولااا 1% انه تكون ردت فعلها جذي مرام وهي مبوزة: ليش ما خبرتوني حمد بإستغراب: بشنو مرام وهي تغمز له: بشنوو هاا بإنه بينك وبين نورة قصة حب نورة وهي متوهقة ومنحرجة بنفس الوقت: من قاال مرام وهي تتخصر: من دوون محد يقول إلي شافته عيوني يكفي حمد وهو يطالع بنورة وقال بصوت بس هي تسمعه: الله يعينج من بيفكج من حنتها .. لف لجهة مرام: يلااا باااي نورة وهي تطالع بحمد بصدمة: حمووود تعال وين طلع حمد تارك نورة مع مرام مرام وهي تبتسم بخبث لنورة: يا قلبي عليج طلعتي تحبين أخوي وأنا ما ادري نورة وهي فاتحه فمها وتطالع بمرام وقالت بيأس: الله يعيني ضحكت مرام على شكل نورة إلي واضح من شكلها إنها متوهقه فيها: هههههههههههههههه ----------------------------------------------------- في مطعم الـ.... (الساعة 11 ونص) من أول ما طلعوا من الفندق وهم ساكتين لين وصلوا المطعم وتعشوا وهم على نفس الحال السكوت سيد الموقف ما بينهم هنادي بنفسها "ما توقعت انه راح تكون القعدة معاه مجرد صمت .. حتى انه ما ابتسم لي أو حتى طالعني يمكن متضايق من شي بس حتى ولو هذا يوم زواجه " مصعب بنفسه "حرام الي اسوي في هنادي يعني مو معقوله طول الوقت ساكت على الأقل أقول لها لو كلمة وحده تفرحها وتكون عندها ذكرى لهل يوم مو اسكت" قرر مصعب يكسر الصمت .. رفع عيونه لها وجافها وهي تحرك الشوكة في الصحن وواضح عليها الملل ما قدر يمنع نفسه من الإبتسامة .. مصعب: هنادي رفعت راسها وطاحت عيونها بعيونه وقالت بخجل: عيونها اتسعت ابتسامة مصعب: تسلم لي عيونج صار قلب هنادي يدق بسرعه من كلمته .. هنادي بنفسها "لهدرجه كلمته هزت كل مشاعري يا ربي أحبه والله أحبه" مصعب وهو يمسك يدها: وين الحلو سرحان اول ما لمس يدها حست نفسها ذايبة .. هنادي وهي مبتسمة: بإلي ماخذ عقلي مصعب مازال ماسك يدها: من هو الي ماخذ عقلج هنادي بخجل: إلي قاعد جدامي مصعب وهو يطالع فيها : في أحد من قبل قال لج إنج حلوة ابتسمت بخجل ونزلت راسها: لااا مصعب وهو يرفع راسها بيده وطاحت عيونه في عيونها حس ببرائتها وطيبة قلبها حسها انسانه شفافه .. مصعب مازالت عيونه على عيونها: مو معقوله كل هالجمال ومحد لفت نظرة .. سكت وهو يقول في نفسه "هـــه إلي يقول انت لاااحظته" رفع يده وطالع بساعة ولقاها 12 .. مصعب وهو يناظر هنادي: يلااا خلينا نمشي أعتقد انه تأخرنا واايد ابتسمت واخيرا عبرها وبدا يحسسها انها فعلاا عروس لكن يوم قال لها خلنا نمشي حست بخيبة هنادي وهي تقوم: إن شاء الله طلعوا مصعب وهنادي من المطعم .. و كل واحد فيهم يفكر بشي واحد شلون راح تكون حياتهم مع بعض ----------------------------------------------------- في الصالة (في نفس الوقت) الكل بدا يسلم ويطلع تقريبا ما بقى أحد في الصالة غير الأهل وكانوا منشغلين ومرام لقتها فرصة علشان تعطي سارة الورده .. كانت قاعدة على الطاولة وسرحانه تفكر بإلي صار قطع عليها شرودها لمسة يد عند جتفها الأيمن لفت تشوف منو لقتها مرام تطالعها وتبتسم : شفي الحلو سرحان طالعتها بإحتقار ولفت عنها: مالج شغل تنرفزت مرام من اسلوب سارة إلي متغيره عن أول مرة قعدت معاها: ممكن أعرف شفيج علي وليش تكلميني بنفسية لفت مرة ثانية وطالعتها من فوق لين تحت: كل يرى الناس بعين طبعه .. وبعدين أنا جذي وخصوصا مع اشكالج مرام بصدمة: أنا سارة بإستهزاء: لاا إلي يمج مرام وهي مغتاظة من اسلوب سارة بس حبت تكون احسن منها: على العموم مشكووورة وايي منج أكثر وخيرج سابق .. (مدت لها الورده وحطتها على الطاولة) هذي من جاسم قال لي اوصلها لج ويقول لج اهداء من القلب إلى القلب (وهي تأشر عليها) أي انتي عن اذنج سارة كانت مصدومه "طلعت الورده لي و أنا ظنيت فيه وتهاوشت معاه والأكبر من جذي سكرت الخط في ويهه وهو يايب لي ورده وحاسب لي حساب أخخخ صج اني ناقصة عقل ودين " على الساعة 12 وربع كل المعازيم راحوا بيوتهم وبعدها طلعوا الأهل وكل واحد فيهم حامل معاه أحداث حلوة والبعض شينه مثل سارة وجاسم ----------------------------------------------------- في اليوم الثاني (الساعة 11 الظهر) في شركة الـ... توه طالع من الإجتماع وداخل مكتبة إلااا يسمع دق الباب أبو مي: ادخل السكرتير: طال عمرك أبو نايف مدير شركة الـ... يبي يقابك أبو مي : خله يتفضل طلع السكرتير وبعدها بلحظات دخل أبو نايف أبو نايف وهو يمد يده لأبو مي : السلااام عليكم أبو مي: وعليكم السلااام يا هلااا ومرحبتين تفضل أبو نايف: زاد فضلك أبو مي: شخبارك وشخبار الشغل والعيال أبو نايف : انا و الأهل الحمد الله والشغل ماشي ولله الحمد أبو مي وهو يبتسم: الحمد الله أبو نايف : تسلم .. والله انا كان عندي مشوار جريب من هني وحبيت امر واسلم أبو مي: حياك الله في أي وقت عم السكوت للحظات وقرر أبو نايف يدخل بالموضوع .. أبو نايف وهو يطالع أبو مي: أنا سمعت انك مدخل بنتك دار الأيتام أبو مي وهو منصدم "شلون عرف".. قال برتباك: من قال لك أبو نايف: شدعوة نسيت إني أعرف أبو راشد مدير دار الأيتام أبو مي: لااا يمكن مشبه ولااا شي انا بنتي اصلااا موجوده معاي في البيت أبو نايف: ما علينا المهم انا عندي لك اقتراح واعتقد انه راح يعجبك ابو مي وهو عاقد حواجبه: والي هو أبو نايف وهو يبتسم له: تزوج بنتك لولدي نايف وراح اخليك تكسب الصفقة وانت مرتاح وقاعد في بيتك أبو مي سكت للحظات يفكر "يعني ما راح اتعب نفسي واسافر راح اكسب ملاااين وانا مرتاح والله وفرصة ويات لين عندي .. بس لااازم ما احسسه اني ما صدقت على الله" .. أبو مي: والله عطني وقت افكر فيه وان شاء الله خير أبو نايف: إن شاء الله بس معاك يومين تفكر فيهم وترد لي خبر أبو مي: ان شاء الله أبو نايف وهو يقوم: طيب اترخص منك الحين ولااا تنسى ترد لي خبر بعد بكرة أبو مي: اذنك معاك وان شاء الله ما يصير الااا خاطرك طيب طلع أبو نايف وترك أبو مي يفكر بإلي اقترح عليه وهو بالأصل خذ قراره في نفس اللحظة بس ما حب يبن انه ما صدق على الله ----------------------------------------------------- ----------------------------------------------------- في بيت أبو مصعب (في نفس الوقت) وخصوصا في غرفة مرام قاعدة تكلم جاسم بالتلفون وتشكي له من حركات وكلااام سارة مرام بقهر: عيل أنا تقول لي ما أكلم اشكالج على شنو شايفة نفسها ترى والله جسوم لو مو علشانك تحبها جان مسحت فيها الأرض جاسم بصوت حزين: والله يا مرام هي طيبه بس ما أدري شفيها حتى انا أمس سكرت التلفون في ويهي تخيلي بس مرام: هــــــــــــه ولااا اتصلت لك تراضيك جاسم: بصرااحه اتصلت بس انا ما رديت أبيها تحس شوي إنها غلطانه مرام وهي محتارة: طيب ليش أنا وأنت بس تعاملنا جذي يعني أمس كل شخص يكلمها تسولف وتضحك معاه عادي إلى انا من أكلمها تشب فيني جاسم بتردد: بصراحة لأنج إنتي السبب مرام بعدم استوعاب: شنووو جاسم: هي تحسب انه بيني وبينج شي يعني نحب بعض وانا دووم اقوول لها اني اعتبرج اختي بس هي تقول شلون اختك وتغزل فيها مرام وهي تضحك: هههههههههه شكلها غارت يوم ضحكت معاي وعطيتني الورده جدام الكل واعتقدت انه بينه شي جاسم: اوكي بس انا عطيتج الورده لها واذا على ضحكي معاج فهوو عادي مرام وهي تعض شفاتها: انت متى امس كلمتها جاسم: وقت العشى تقريبا مرام وهي تضرب راسها بخفة: اهاا جاسم بشك: ليش مرام خايفة من ردت فعله: لأني امس عطيتها الورده قبل لاا نطلع لأنه كان الكل موجود ومو عدلة اعطيها الورده جدام الكل بعدين راح يشكون جاسم بعصبية: شدعوه جان قلتي لها عن الورده انها لها وبعدين قبل لااا تطلعين تعطينها مرام وهي تبعد التلفون عن اذنها: عورت اذوني لااا تصارخ وبعدين انا شدراني انها بتسوي افلااام هندية جاسم بنبرة جد لأول مرة مرام تسمع منه هالنبرة: مراامووو مو وقت سخافتج انتي غلطتي و السبب استهزائج بكل شي حتى بحبي استهزئتي مرام بصدمة: جاسم صل على النبي شدخل استهزء في حبك علشان غلطة ما كنت قاصدتها تقول لي اني استهزء سكت جاسم وحس انه جرحها بالكلااام وحب يكحلها شوي: مرام انتي تعرفين اشكثر احب سارة و مو مستعد اخسرها على احساب غلطاتج << بدل ما يكحلها عماها مرام بقهر وحزن في نفس الوقت: اهاا علشان وحده ما تستاهل صرت بالأول سخيفة وبعدين استهزء بكل شي حتى حبك والحين ما تبي تخسر احد على حساب غلطاتي طيب يا جاسم انا راح افكك من سخافتي واستهزائي وغلطاتي الي راح تخسرك حبيبتك وراح اخليك علشان تقدر تعيش حياتك من دون مضايقات جاسم وهو يقاطعها: مراام بليييز لااا ... ما كمل كلامه لأنه الخط انقطع في ويهه لأنه شحن مرام خلص ----------------------------------------------------- في بيت أبو مشاري ((في غرفة جاسم)) في نفس الوقت اتصل فيها بس ما ترد رد حاول واتصل كذا مرة بعد ما ترد .. جاسم بقهر: اوووف انا غبي بدل ما اكحلها اعميها يعني ما اعرف انه مرام حساسة .. بس هي بعد غلطانه اووووووف رفع تلفونه ورد يتصل فيها فوق 9 مرات بعد لا حياة لمن تنادي ----------------------------------------------------- في بيت أبو سعد (الساعة 1 ونص بعد الغدى) في الصالة قاعد يكلم حمد .. سلطان وهو منسدح على الكنبة : يعني ماراح تفضحها حمد: لااا انا راح اكون احسن منها بس مو المعنى من هذي اني راح اتغاضى عنها سلطان وهو يلعب بحواجبه: يعني شنو راح تسوي حمد: راح اوصل صورها لأبوها علشان يأدبها وخليها تعرف انه اعراض الناس مو لعبة سلطان: بس احسه مو كافي فيها حمد: الله عليها اصلن لو الصور مو معاي كان راح يكون انتقامي منها قوي بس لأنه الصور معاي وانا واثق انه ما عندها شي سلطان: والله كيفك انت ونورو حمد: احترم نفسك هذي شيختك مو نورو سلطان وهو يضحك: ههههههه اقوول حمووود لاا يكوون بس تحبها وانا يا غافل لكم الله حمد: اقول اقلب ويهك يا المغازلجي سلطان وهو يضحك: هههههههه هذا المغازلجي الي مو مالي عينك هو الي نقذ شرف بنت عمه حمد: اووف الحين لااا تقعد تعايرنا سلطان: هههههههه عيل لااا تنكر ----------------------------------------------------- في دار الأيتام (الساعة4 ونص العصر) وصل لها خبر انه تجهز نفسها لأنه ابوها راح يطلعها من الدار .. قاعدة تلم اغراضها وهي مو مصدقة .. مي بقلبها "معقوله حن لي وحس فيني معقولة الحياة راح تبتسم لي معقوله احس نفسي بحلم .. يارب لك الحمد والشكر" ----------------------------------------------------- على الساعة 5 تقريبا وصل ابو مي لدار الايتام وراح لمكتب ابو راشد ((المدير)) .. طق الباب ودخل ابو راشد وهو واقف وماد يده: هلااا والله ابو مي: هلااا بيك ابو راشد: حياك تفضل أبو مي وهو يقعد : زاد فضلك رفع ابو راشد السماعة وطلب من المرشدة انه تخلي مي تيي له المكتب لأنه ابوها ينتظرها ..بعدها سكر أبو راشد: شلي خلاااك تتراجع عن قرارك ابو مي وهو يتصنع حبه لبنته: بصرااحه ما طاوعني قلبي اخليها هني وبعدين كنسلت السفر يعني الحين ماله لزووم انها تظل هني.. قطع كلااامهم فتحة الباب دخلت مي و بيدها الشنطة طالعت في ابوها جافته يبتسم لها وجدم لين عندها وضمها لحظنه .. فرحت لأول مرة تحس بحنانه لأول مرة تحس بالأمان لأول مرة تحس انه الحياة بدت تبتسم لها وانه معاناتها على وشك انها تصير مجرد ماضي مي بفرح: شخبارك يبا أبو مي وهو يتصنع الإبتسامه : الحمد الله انتي شخبارج مي ببتسامه: بخير بشوفتك ابتسم ابو راشد وهو يطالع مي: الله لااا يغير عليكم مي: آمـــــين ابو مي وهو يقوم: طيب عن اذنك يا ابو راشد لااازم نروح البيت الحين يلااا مع السلااامة ابو راشد: في حفظ الرحمن طلعت مي مع ابوها وهي تحس الدنيا مو واسعتها من الفرح ----------------------------------------------------- في السيارة .. ركبت وهي طايرة من الفرح لفت لجهة ابوها الي توه راكب السيارة مي مبتسمه : يبا لف عليها وقال من غير نفس: نعم استغربت مي من اسلوبه : نعم الله عليك بس حبيت سألك سؤال ابو مي على نفس وضعه: قولي وخلصيني مي حست بخوف ما تدري ليش للحظة حست انها في حلم .. مي وهي متردده وخايفة من الإجابة: ليش طلعتني من الدار حرك ابو مي السيارة : اذا وصلنا البيت يصير خير سكتت مي وهي تفكر بإلي يتنظرها ----------------------------------------------------- (في نفس الوقت) موقف سيارته تقريبا يم بيت خلود .. طالع البيت لقاها راكبة سيارتها مع وحده .. انتظرها لين تروح وكلها دقايق الااا تمشي السيارة مبتعدة عن البيت .. ابتسم وهو يشوف الظرف الي في يده .. فجأة سمع صوت ضحك وصريخ لف جاف اولاااد يلعبون .. فتح دريشة السيارة .. حمد وهو يأشر على صبي: يا صبي تعال راح له الصبي : هاا ابتسم حمد: يقولون نعم مو هاا الصبي وهو يبتسم بخجل: نعم اتسعت ابتسامة حمد: نعم الله عليك .. بغيتك (وهو يمد الظرف) تعطي الظرف هذا حق ابو خلود الي في هالبيت ( وهو يأشر على البيت بيده) الصبي : طيب وشنو اقول له حمد: قول له من فاعل خير الصبي: اوكي راح الصبي وطق جرس البيت وكانت سيارة حمد للحين في مكانها .. قاعد يراقب إلي يصير .. انفتح الباب وطلع ريال مبين عليه انه كبير شوي بسن .. الريال وهو يطالع الصبي: خير يابوك الصبي وهو يمد له الظرف: في واحد عطاني اياه علشان اعطيك ابو خلود وهو يطالع بالظرف ومستغرب: من هو الصبي لف يأشر على السيارة : ذاك الشخص ويقول فاعل خير في السيارة .. حمد اول ما جاف الصبي يأشر عليه على طول حرك السيارة وطلع من الفريج ----------------------------------------------------- دخل البيت وهو مستغرب .. راح وقعد في الصالة وهو يطالع بالظرف .. فتحاه وطلع الي فيه جاف صور .. قعد يطالع الصور وهو منصدم .. ابو خلود في حاله شبه صدمه: هذي خلود مع واحد قعد يطالع بكل الصور إلي تزيده صدمة عن الي قبل ((طبعا الصور مثل ما انتوا عارفين انه خلود مع واحد والحركات الي كانت تسويها "استغفر الله")) ----------------------------------------------------- في بيت أبو مي (الساعة 5 ونص) توهم داخلين البيت .. قامت تطالع بزواية البيت وحشها المكان تحس كأنها عصفور كانت محبوسة في قفص واخيرا طلقو صراحها وخلوها حرة .. لفت عليه وهي راسمة احلى ابتسامه لكن سرعان ما تلااشت ابتسامتها وهي تشوف نظراته لها .. مي بشك وخوف من الإجابه: ليش طلعتني من الدار ابو مي وهو يجدم لين عندها: لأنه ببساطة الناس قامت تتحجى فطريت اطلعج من الدار مي والدموع تتجمع بعيونها: أنت شنوو ما عدك احساس ما تحس انت مخلوق من شنو قلبك شنو ابو مي وهو يرفع سبابته لويها: اششششش ولااا كلمة لاا تقعدين تصارخين في ويهي سمعتي مي وهي تصارخ من بين دموعها: حرااام عليك والله حرااام إلي قاعد تسوي فيني أنا بنتك من لحمك ودمك تسوي فيني جذي لااا الله يرضى ولااا رسوله بلي تسويه خل عندك احساس وذمة وخاف ربك فيني ما حست الااا بكف على خدها الأيمن .. مسكت خدها وهي تصيح على حالها **يا فرحة ما تمت** ابو مي وهو يسحبها من شعرها ويدخلها الغرفة إلي يم الصالة وهي تحاول تبعد يده عنها .. مي: تركني ابو مي بعصبية : جب ولااا كلمة قعد يطق فيها ويجرجرها من شعرها ويرفس فيها وهي تصيح وتشاهق من الألم .. ما تركها إلي وهي ميهوده من الضرب لدرجه ما تقدر تحرك حتى اصابع يدها .. طلع من الغرفة وقفل عليها الباب ########## لاتخاف من الزمان الزمن ماله امان خاف من الي كل امالك في اديه وتامنه لو حبيبك ماوفالك لو حبيبك فيك خان ايش ترجي من زمانك النتيجة باينة نكتشف مر الحقيقة بعد مايفوت الاوان قلت لك لا تندفع لا قلت حبي صاينه وين هلي صان حبك ما اشوفه يوم معاك قلبك الي هو قلبك لا تحسبك ضامنه لا تعذر بحتياجك كلنا ناقص حنان كلنا طفل يتمنى أي شخص يحضنه نبني الدنيا وحنا نوقف بنفس المكان للاسف ينقص وفانا مع مرور الازمنة ########## ----------------------------------------------------- في بيت ابو مشاري (في نفس الوقت) توها قاعدة من النوم لأنها ما نامت إلاا الساعة 7 الصبح .. دخلت الحمام (انتوا والكرامة) وسوت روتينها وطلعت وفرشة السيادة ولبست المشمر وقعت تصلي .. بعد ما خلصت طوت السيادة (يعني سجادة الصلااة) والمشمر وطلعت من غرفتها جافت جنان قاعدة تطالع التلفزيون راحت لها وهي تتثاوب .. هنادي: مساء الخير لفت جنان لها وهي تبتسم: مساء النور والسرور بالعروووسة هنادي وهي تضحك: هههههههههه جنان وهي تسبل بعيونها لهنادي وبترجي: شنو أمس صار معاج يوم كنتي مع مصعب بليييز قولي لي بالتفصيل هنادي بخجل تذكرت إلي صار : ما صار شي عادي جنان وهي تخز هنادي: اهاا ما صار شي وانتي استحيتي من أول ما يبت الطاري هنادي وهي تقوم: مو شغلج جنان وهي تسحب هنادي: هنوووي عفية أنا اختك تكسرين بخاطري هنادي وهي تبتسم: واذا عادي جنان بحمق: افااا هنادي وهي تضحك: هههههههههه طيب بقول لج كسرتي خاطري جنان وهي تعدل قعدتها: يلااا قولي كلي اذان صاغية هنادي: طيب سمعي ............... (قالت لها إلي صار طبعا زادت من عندها شوي علشان لااا تبين لها إنه كان مصعب جاف بتعامله معاها) ----------------------------------------------------- يلاااا ابي تفاااعلكم وتوقعاااتكم والسمووحة منكم لأني تأخرت في تنزيل هالبارت | ||||
|
| |
|
10-07-13, 04:04 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن عشـــــــــــــــــــــر قراءة ممتعة ----------------------------------------------------- في بيت ابو مشاري (في نفس الوقت) توها قاعدة من النوم لأنها ما نامت إلاا الساعة 7 الصبح .. دخلت الحمام (انتوا والكرامة) وسوت روتينها وطلعت وفرشة السيادة ولبست المشمر وقعت تصلي .. بعد ما خلصت طوت السيادة (يعني سجادة الصلااة) والمشمر وطلعت من غرفتها جافت جنان قاعدة تطالع التلفزيون راحت لها وهي تتثاوب .. هنادي: مساء الخير لفت جنان لها وهي تبتسم: مساء النور والسرور بالعروووسة هنادي وهي تضحك: هههههههههه جنان وهي تسبل بعيونها لهنادي وبترجي: شنو أمس صار معاج يوم كنتي مع مصعب بليييز قولي لي بالتفصيل هنادي بخجل تذكرت إلي صار : ما صار شي عادي جنان وهي تخز هنادي: اهاا ما صار شي وانتي استحيتي من أول ما يبت الطاري هنادي وهي تقوم: مو شغلج جنان وهي تسحب هنادي: هنوووي عفية أنا اختك تكسرين بخاطري هنادي وهي تبتسم: واذا عادي جنان بحمق: افااا هنادي وهي تضحك: هههههههههه طيب بقول لج كسرتي خاطري جنان وهي تعدل قعدتها: يلااا قولي كلي اذان صاغية هنادي: طيب سمعي ............... (قالت لها إلي صار طبعا زادت من عندها شوي علشان لااا تبين لها إنه كان مصعب جاف بتعامله معاها) ----------------------------------------------------- في السوق (الساعة 10 ونص بالليل) قاعدة تتتسوق هي وصديقتها .. خلود وهي تنزل الأكياس من يدها وبتعب: غدوووي تعبت بس أعتقد يكفي الي شريناه غدير وهي تهز راسها: طيب خل نروح البيت خلود وهي تبتسم: اي شرايج نمر على محل للأفلاام ونشتري فلم علشان نتسله فيه غدير تبادل خلود الإبتسامة: اوكي بس اليوم راح تنامين عندي خلود وهي تمشي مع غدير متجهين لسيارة: اوكي مو مشكلة .. راحوا لمحل للأفلاام وخذو لهم كم فلم وبعدها اتجهوا لبيت غدير ..بعد ما وصلوا بيت غدير نزلوا.. غدير وهي تفتح الصندوق وتطلع الأكياس: غريبة ما اتصل ابوج بالعادة يتصل اذا تأخرتي لهل حزة خلود وهي تضحك: هههههههه انا مقفلة تلفوني علشان لااا يزعجني وبعدين هذي مو اول مرة أسويها غدير وهي تعطي بعض الأكياس لخلود قالت بضحك: هههههههه احس فكيتي نفسج من حنة الشايب دخلو البيت وكل وحدة صوت ضحكاتها واصله لآخر الشارع ----------------------------------------------------- في بيت أبو مصعب (في نفس الوقت) وخصوصا في الغرفة مرام كانت قاعدة على الكنبة وهي فاتحة على المسجل وحاطة السماعة على اذونها تسمع أغنية شرين (مافيش مانع) وتغني معاها وداخلة feeling وكان الصوت عالي وما تسمع أي شي غير الأغنية ~~::~~ مافيش مانع يخلينى اخاف لو قولت انا نسيتك معوتش باقية على حاجة ياريتنى ماكونت حبيتك كبرت عليك او اتغيرت دي مش فارقة تصور شوف قدرت فى يوم اقول لأ اخيرا جيت اقولك متسغربش على حاجة ميسيرك بكرة تتعود على الفراقا بتلوم عليا ما كونا فيها و كونت عايشة حياتى ليك طب ده انتا يمكن كونت قاصد و انتا بتكرهنى فيك كبرت عليك او اتغيرت مش فارقة تصور شوف قدرت فى يوم اقول لأ اخيرا جيت اقولك متسغربش على حاجة ميسيرك بكرة تتعود على الفراقا ~~::~~ كان تلفونها فوق السرير خذاله فترة يرن لكن هي ولااا على بالها ومندمجة مع الأغينة وكل ما تخلص ترد تعيدها وتسمعها لين ما نامت من دون ما تحس بروحها ----------------------------------------------------- في بيت أبو مشاري (في نفس الوقت) الكل نايم ما عدا إثنين كل واحد مشغول باله في شي .. في غرفة جاسم .. من الظهر وهو يدق عليها وهي أبد مو معبرته .. يحس بضيق لأنها زعلاانه عليه ومو راضية تكلمه .. قرر يطرش لها مسج .. رفع تلفونه وكتب لها مسج .. "}المحبه"في حياتي ماهي على حبر و ورق.. "المحبه"في حياتي شوق واحساس وألم.. المحبه"من صفاتي لاتشك فيني أبد.. ماأبيع اللي أحبه وما أحب الا لسبب!... وأعظم أسبابي لحبك "طيبتك ومعدنك ياذهب" أنا آسف على إلي قلته وأنا ما كان قصدي أجرحج بالكلاام وأنا كلي رجا أطلب منج السمووحة وما يهون علي زعلج لأنج غالية{ بعد ما طرش المسج انسدح على السرير وهو متأمل انها تتصل له أو تطرش له مسج .. في غرفة هنادي وجنان .. ماسكة تلفونها تنتظر اتصال أو على الأقل مسج يعبرها .. هنادي بخيبة"شكلي ما طريت على باله وناسيني بالمرة آه يا حسرة قلبي" سكتت وهي تغمض عيونها وقالت بصوت مسموع : لااا يمكن كان مشغوول حده ورجع البيت ونام من التعب .. أكيد بكرة راح يتصل يسأل عن اخباري وراح يستسمح مني انه ما دق علي حطت راسها على المخدة وهي متأمله انه يكون بكرة أفضل من اليوم ويتصل مصعب فيها ويسأل عن اخبارها ----------------------------------------------------- في اليوم الثاني (الساعة 10 الصبح) كان نايم ويحلم باحلام وردية بس في صوت يخرب عليه صوت مزعج كل ماله ويزيد صوت التلفون اغنية سلطان الشحي (يا الغلااا) والصوت كان عالي وازعاج رد بدون ما يشوف الرقم وكان متنرفز.. نايف وهو مغمض عيونه:خير ابو نايف بصراخ:وين الخير و أنت كله نايم نايف اول ما سمع صوت ابوه بعد السماعة عنه (يا ذا الليل شيلي بيفكني من حنته):هلا يبا ابو نايف: قوم بسك نووم نايف بصوت واطي:لا حول ولا قوة الا بالله ابو نايف:انت شنو تقول ها شنو؟ نايف: اقول لك إن شاء الله ابو نايف: على بالي بعد نايف:إلااا ما قلت لي يبا شكنت تبي ابو نايف: اي تعال الشغل الحين بسك نوم نايف:انشاء الله يبا بس تو الناس بدري ابونايف:أي بدري شوف الساعة كم عندك بعدين تكلم وبعدين أنا ابيك في موضوع ضروري نايف:طيب يبا ما تقدر تأجل الموضوع لأنه بطلع مع الربع البحر ابونايف:اقوول قوم ولااا يكثر بس 24 ساعة وأنت هايت بره البيت و زين زين نشوفك بالصدفة نايف:خلاص يبا ساعة وانا عندك ابونايف: ساعة ما تزيد وانت عندي فاهم نايف:فاهم ابونايف: يلااا مع السلاامة سكر نايف من ابوه ورد حاول ينام بس ما قدر ينام لأنه النوم طار من عيونه قام وراح غسل وجهه وبدل ملابسه لبس بنطلون جينز أسود وتي شرت أصفر ضاك عليه طلع عليه روعة مع بشرته السمرة ولون عيونه السودة وشعره البني الكثيف سواه سبايكي خذى نظارته السوده الي من dior ونزل ركب سيارته كادلاك وشغل اغنية أحمد العامري (أحبك) وراح على الشركة... ----------------------------------------------------- في الجامعة الـ... (في نفس الوقت) توها طالعه من المحاضرة وتحس بشوية تعب .. كانت تمشي وهي شوي منزله راسها وحاطة يدها على جبينها .. ومن بين وهي تمشي صدمة بشخص وطاحت كتبها وتناثرت شوية أوراق موجوده بين الكتب من يدها .. نزلت تلم كتبها وهي تتأسف من الي صدمته.. نورة وهي تشيل الكتب: أنا آسفة نزل الشخص وساعدها في لم الأوراق والكتب .. الشاب : أنا إلي آسف كنت أمشي بسرعة وما حطيت بالي ----------------------------------------------------- في الجهة الثانية .. قاعد مع ربعه سوالف وغشمرة وضحك .. حمد وهو يضحك على خبال ربعه: ههههههههههههههه من صجكم راشد (صديق حمد): ههههههههه اي والله هشام (صديق حمد و ولد عم راشد): ههههههههه تخيل كبينا عليه الماي وهو كاشخ حمد: هههههههه حرام عليكم يعني الريال في ليلة عرسة تسبحونه ماي ههههههه والله انكم اشرار الكل: هههههههههه حمد رفع راسه وهو يبتسم وفجأة اختفت ابتسامته وهو يشوف نورة واقفه مع واحد .. ما يدري ليش ثارت أعصابة .. استأذن من ربعه وراح متوجه لها ----------------------------------------------------- بعد ما نورة خذت الكتب والأوراق رفعت راسها وهي متفشلة: مشكور اخوي والسموحة منك الشاب وهو يبتسم لنورة: لااا شكر على واجب وبعدين أنا المفروض استسمح منج نزلت نورة راسها وقالت بحراج: طيب عن اذنك انعجب الشاب بأدب وخجل نورة: اذنج معاج مشت نورة بسرعه تبي تبتعد عن نظر الشاب إلي ما نزل عيونه عنها وهذا الشي خلاااها ترتبك أكثر وهي تمشي جافت حمد متجه لها ما تدري ليش حست بخوف .. تجدم من عندها وشرار يتطاير من عيونه وقف يمها ما يبعد عنها غير مسافة بسيطة.. حمد بعصبية وانفعال ما قدر يمسك نفسه:من ذي الي كنتي واقفه معاه نورة حست بحراج من صراخ حمد عليها وخصوصا الشاب ما زال واقف يطالعهم .. قالت برجا: حمد لااا تفهم الموضوع غلط حمد وهو يرفع حاجب : شلون ما افهم غلط وأنتي واقفه معاه في نص الجامعه وطاقة ضحك وسوالف توها بتتكلم إلااا الشاب يقطع حديثهم وهو يوجه الكلااام لنورة: هذا مضايقج طالعت بحمد الي مبين عليه العصبية .. نورة وهي متفشلة ومتوهقة بنفس الوقت: لاااا هذا ولد عمي حمد وهو يوجه الكلاام لشاب: وخطيبتي نورة انخرست حست كأنه أحد كب عليها ماي بااارد:.......... الشاب بحرج: مسامحة منكم ما كان قصدي أتدخل بس حبيت اقول لك انه صار سوء تفاهم وانا آسف لأني كنت ماشي بسرعه وصدمة فيها وهي ما لها ذنب حس براحه بعد الي سمعاه وقال بنفسه"أنا شلون فكرت فيها جذي" .. حمد: لااا حصل خير الشاب وهو يمشي: أنا آسف مرة ثانية مع السلاامة حمد: مع السلاامة لف حمد لنورة إلي مازالت على وضعها وصدمتها .. واحتار وما عرف شنو يقول .. حمد بتردد: أنا آسف نورة ما كان قصدي إلي قلته و إلي صار انتي تعرفين انج بنت عمي وبحسبت اختي ولو مرام مكانج كانت راح تكون ردت فعلي مثل الحين .. هزت نورة راسها بصمت ومشت عنه ----------------------------------------------------- في الشركة الـ.... (الساعة 11 وربع الصبح) .. في مكتب أبو نايف .. نايف بعصبية: بس أنا ما أبي أتزوج أبو نايف بصراخ: لااا والله لين متى ان شاء الله لين يصير عمرك في 40 انت على بالك ياهل توك صغير نايف وهو يحاول يهدي أعصابه: بس أنا ما أبي اتزوج بهل طريقة أبو نايف يضحك بستهزاء: ههههههههه وشلون تبي تتزوج ان شاء الله انت تعتقد في أحد يبيك حق بنته انسان فاشل كل همه السكر والبنات والصياعه نايف وهو منقهر من استهزاء ابوه فيه: طيب اذا على قولتك محد يرضى يعطيني بنته شلون بتزوجني ابو نايف وهو يبتسم: بنت سالم الـ... مدير شركة الـ... نايف: وشنو يضمن لك انه بيزوجني بنته أبو نايف وهو يبتسم بسخرية: لأنه انسان طماع يحب الفلوس على الخير إلي عنده بعد يطمع للأكثر ولو على حساب بنته طلع نايف من الشركة وركب سيارته رايح البحر وهو حاس بقهر من قرار ابوه وتمنى من كل قلبه انه ابوه يطلع غلطان ويرفض ابو مي ** راح أعطيكم نبذة عن نايف** نايف عمره 32 سنه أكبر خواته عنده ثلاث خوات وكلهم متزوجين .. يشتغل مع ابوه في الشركة بس ما يداوم إلااا في السنه مرة .. دوم هايت مع ربعه سكير وكل يوم مع بنت .. تقدم حق وحده من بنات عمه ورفضته لأنه الكل يعرف بسواته وبطبعه ----------------------------------------------------- في بيت غدير (الساعة 2 ونص الظهر) وخصوصا في غرفة غدير .. منسدحين على السرير سوالف وضحك و مرفعين على صوت المسجل حده .. دق تلفون غدير .. قصرت على صوت المسجل وردت .. غدير: هلااا وغلااا ومرحبتين بـ عامر عامر: هلااا فيج شخبارج غدير: الحمد الله اسأل عنك عامر: سألت عنج العافية غدير: غريبه طرينا على بالك عامر: هههه والله مشاغل الدنيا غدير: وشنو ذي المشاغل الي لهتك عنا عامر: والله يا غدير كنت مسافر مع الربع الي خبري خبرج غدير: هههه اي عامر: إلااا بسألج خلود عندج غدير وهي تطالع خلود: اي ليش عامر : عطيني اياها غدير وهي تمد التلفون لخلود: عمور يبيج خذت خلود من غدير التلفون وحطته على اذونها وقالت بدلع: ألوووو عامر: هلااا خلوود خلود على نفس الدلع: هلااا فيك عامر: انتي ليش مقفله تلفونج عيزت وانا ادق عليج من امس وكله يعطيني مغلق خلود: اي انا امس قفلته عن حنت الشايب لااا يزعجني عامر: ههههههه انتي للحين تعانين من ابوج الله يعينج خلود: ويعين الجميع عامر: من زمان عنج يا خلود ليش ما قمتي تبينين ولااا تحظرين حفلااات خلود : لااا ان شاء الله هالمرة راح نحظر الحفلة لأنه متمللين من زمان عن الوناااسة عامر: طيب عيل تعالي اليوم في حفلة خلود: اوكي بس أي شقة خليفة ولااا حاسم ولااا قاطعها عامر: ههههههه خبرج عتيج من زمان غيرنا الشقة لأنها كانت مشبوها خلود: عيل أي شقة عامر: الله يسلمج الشقة ...... سكرت خلود منه بعد ما عطاها عنوان الشقة وقعدت مع غدير يشوفون شنو يلبسون للحفله ----------------------------------------------------- في بيت ابو مي (الساعة 5 ونص المغرب) في زاوية الغرفة ضامة نفسها و تصيح كان كل جزء في جسمها يألمها من الضرب إلي ياها من ابوها .. خذالها يوم كامل وهي في الغرفة من امس ماطلعت منها وما دخل شي لمعدتها تحس بالعطش والجوع ----------------------------------------------------- في بيت ابو مصعب (الساعة9 ونص المغرب) في الصالة قاعده تفرفر في التلفزيون سمعت صوت الأذان بندت التلفزيون بملل وراحت لغرفتها تصلي << عليها وضوء بعد ما خلصت صلاة شالت السيادة والمشمر وحطتهم فوق الكنبة وقررت تدق على بنات عمتها تتسله معاهم.. قاعدة تدور التلفون ما تدري وين حاذفته .. بعد عناء دام 5 دقايق من البحث حصلته .. جافة فوق 15 مكالمة لم يرد عليها ورسالتين ابتسمت وهي تشوف من المتصل جافت 9 مكالمات من جاسم و2 من هنادي و 3 من نورة و1 من صديقتها .. فتحت الرسالة الاولى وكانت من نورة تسألها ليش ما تردين .. بعدها فتحت الثانية وجافت رساله من جاسم .. قرتها وهي تبتسم .. مرام: ما راح ارد عليك علشان مرة ثانية يثمن كلامك دقت مرام على نورة ----------------------------------------------------- في بيت ابو مشاري (في نفس الوقت) .. غرفة جاسم .. خذاله نص ساعه يتكلم مع سارة عن زعل مرام .. جاسم وهو واقف يم الدريشة المطله على الشارع: بعد ثلاثة أيام راح يكون يوم ميلادها وهي للحين زعلانه مني سارة الي طفشت وصارت تكره مرام من كثر ما جاسم متعلق فيها: بطقاق اصلااا هي الخسرانه ولااا تعور راسك وتحاول تراضيها ما عجباه كلاامها بس ما حب يعلق.. جاسم: طيب انا مطر اسكر يا قلبي علشان بكره بروح الجامعه وعندي محاظرة الساعة 7 ونص ساررة انقهرت لأنها كانت تبي تسولف معاه وهو كل سوالفه مرام وبنهاية يوم سكروا على الموضوع قال بيروح ينام ..سارة بضيق وقهر: طيب تصبح على خير حس جاسم بسارة وانها متضايقه بس هو مو بيده .. جاسم: وانتي من اهله .. توها بتسكر نادها جاسم.. سارة: هلااا جاسم: احبج ابتسمت سارة : وانا أكثر سكر جاسم من سارة و على طول دق لمرام لعل وعسى ترد المياه لمجاريها.. بس للأسف طلع الخط مشغول .. قرر يدق عليها بعد ساعة ----------------------------------------------------- في الشقة (الساعة 1 في الليل) كانت الشقة مليانه بنات وشباب ورقص ومصخرة عامر وهو يعطي خلود الكاس العاشر : شربي ههههههههه خلود وهي تحرك الكاس وتضحك وتتمايل بعدم توازن: هههههههههه بصحـــــتك وحده من البنات وهي تسحب يد عامر: يلااا خل نروووح العرفة حبيبي وناخذ راحتنا عامر وهو يبوس يد البنت: اي يلااا راح عامر الغرفة مع البنت .. وخلود وغدير سكرانين طينه .. واحد من الشباب كان جريب من خلود وكان يشم مخدرات لف لجهتها و مد يده لها .. الشاب: اقول يا حلوة جربي خلود وهي سكرانه : لااا لااا ما أبي الشاب : ما راح تندمين راح تكونين فوق النخل وقعد يغني: فوق النخل فووق يبا فوق النخل ههههههههه خذي خذت خلود من الشاب المخدرات وشمت الشاب وهو يخز بخلود: اقوول يا قمر خلود وهي تبتسم: عيونــــها الشاب وهو يسحبها من يدها ويقومها ويمسك خصرها: تسلم لي عيونج حطت خلود راسها على صدر الشاب لأنها مو قادرة تتوازن .. والشاب عجباه الوضع وحملها معاه وراح في زاوية خالية لأنه كل الغرف محجوزة .. نزلها وهو يمرر يده على ويها وكل ماله يجرب منها وقعد يبوس فيها بشفايفها وخدودها وارقبتها وهو يفتح جرار فستانها القصير وهي مستسلمه له .......... بعد نص ساعة انفتح باب الشقة بقوة ودخلو عناصر الشرطة وخذوا كل الموجودين وطبعا كانت ما بينهم خلود الي كانت عارية بيد الشاب ----------------------------------------------------- في مركز الشرطة (الساعة 1 ونص في الليل) ..في مكتب الضابط.. يحس انه بحلم مو قادر يستوعب إلي قاعد يصير وإلي يسمعه أمس وصلت له صورها واليوم هي موجوده في مركز الشرطة الضابط : والله يا أبو خلود وصل لنا من خلال يومين انه في شقة مشبوها فيها دعارة ومخدرات وخمور .. بعدها رحنا انا والعناصر ودخلنا الشقة ولقينه شباب وبنات أعمارهم ما تتجاوز 25 سنه .. وقبضى على كل الموجودين ومن بينهم بنتك خلود .. ولأسف كانت في حاله بشعة كانت بين احظان شاب وسكرانه ويوم سوينا تحاليل لكل الموجودين في الشقة لأنه حصلنا كميات كبيرة من المخدرات .. واكتشفنا انه بنتك خلود تتعاطى ومن فترة طويلة تقريبا من خلااال 4 أشهر صدمة صدمة صدمة .. حس نفسه انه بحلم بكابوس يبي يصحى منه مو قادر يستوعب مو قادر يصدق انه بنته تسود ويهه على آخر عمره وتوصل فيها المواصيل انها تشرب الخمور والمخدرات والمشكلة الأكبر إنها بايعة نفسها .. دمعة عيونه لااا اراديا على العار .. ابو خلود وهو يمسح دموعه: الله لااا يبارك فيها سودت ويهي الله يسود ويها يابت لي العار الضابط: صل على النبي يا أبو خلود أبو خلود: اللهم صل وسلم عليه .. طيب يا حضرة الضابط هي راح تتحاكم الضابط: اي نعم هي راح تتم في الحبس لين ما المحكمة تصدر قرار في امرها ----------------------------------------------------- في بيت أبو مصعب (في نفس الوقت) قررت ترد على مكالمات جاسم إلي خذاله نص ساعة وهو يدق عليها وهي مطنشه بس بالأخير كسر خاطرها وردت مرام وهي تتصنع الزعل : نعم جاسم: نعم الله عليج .. شخبارج مرام على نفس الإسلوب: زينة جاسم حس انها ماخذه بخاطرها منه: ليش تقولينها جذي مرام وهي متعمدة : لأني اخاف أقولها بإسلوب ثاني تعتبرها استهزاء فخلنا جذي أحسن جاسم : مرام الله يخليج لااا تكلميني جذي والله أنا آسف على إلي قلته وما كان قصدي إنتي تعرفين غلااااتج عندي كسر خاطرها وهو يتأسف لها فقررت ترحمه وتسامحه هو فعلااا جرحها بالكلااام بس هي تعرف انه مو من قلبه .. مرام بدلع وصراخ: خلاااااص سامحتك ما قدر يمسك نفسه وضحك جاسم على اسلوبها الطفولي: هههههههه يا حليلج والله وردت المياه لمجاريها وظلوا سوالف وضحك لي الساعة 2 ونص ----------------------------------------------------- بعد يومين .. تزوج زياد من فتون بنت خاله وسافروا لبريطانيا .. هنادي خذالها يومين تنتظر تلفون من مصعب أو مسج يعبرها لكن للأسف ما اتصل ولااا سأل عنها .. طلعت نتائج الثانوية العامة والكل نجح ما عدا مرام عليها مادة ومعدلها71.20%.. هنادي نجحت بمعدل 91.90 %.. .. .. منيرة نجحت بمعدل 86.40% .. وطبعا مي ما كانت تدري بنتيجتها لأنها للحين محبوسة بالغرفة ومنيرة عاجزة وهي تتصل لمي لكن مثل النتيجة التلفون مغلق .. أما حمد ونورة من بعد الموقف إلي صار كل واحد يتجنب الثاني .. جاسم وسارة صار ما بينهم بعض المشاكل وخصوصا لما عرفت سارة انه جاسم ناوي يسوي مفاجأة ليوم ميلاااد مرام وسارة تحاول كثر ما تقدر انها تبين عادي وتقلل من وسواسها بإنه جاسم يحب مرام .. وأما خلود ما زالت في الحبس تنتظر لين المحكمة تحكم عليها وأبوها تبره منها وقال لها انا من يوم وراايح ما عندي بنت اسمها خلود ----------------------------------------------------- في بيت أبو مي (الساعة 10 الصبح) نايمة على الأرض من التعب والعطش والجوع خذا لها ثلاااثة أيام أبوها حابسها .. تمنت لو إنها في الدار أرحم لها من حبستها وعناها مع أبو مثل أبوها ----------------------------------------------------- في بيت أبو مشاري (في نفس الوقت) في غرفة طيور الحب مشاري وهيام .. قاعد يلبس ثوبه .. وهيام منسدحة على السرير تحس بتعب خصوصا انها جريب راح تدخل شهرها .. مشاري وهو يمسك يدها ويبوسها: متأكدة يا قلبي ما تبين تروحين معاي السوق علشان البيبي هيام بتعب: والله ودي بس مو قادرة مشاري : طيب يا قلبي اهم شي عندي راحتج وأنا راح اشتري كل شي لبنتنا هيام وهي تبتسم: وشنوو إلي خلاااك تقول انها بنت يمكن ولد مشاري وهو يرفع يده يدعي: ياارب اصير ابو الجوري ابتسم هيام له بحب: آميــــن طلع مشاري من الغرفة متوجه لسوق علشان يشتري أغراض للبيبي .. كانت أمه راح تروح معاه بس هو رفض وقال ما في بديل لهيام .. يعني اذا راح يروح مع أحد فهي هيام .. ومن دونها يروح بروحه ----------------------------------------------------- في الصالة (في نفس الوقت) مجمع خواته يقول لهم انه راح يسوي لمرام مفاجأة ليوم ميلااادها إلي هو بكرة جنان : والله حلوة الفكرة هنادي وهي تبتسم: أكيد مروووم بتستانس إلااا بطير من الفرح على إلي راح نسويه جاسم: طيب عيل خل نتصل للباقي ونجهز كل شي جنان: بس شلون راح نطلعها من البيت ابتسم جاسم: خليها علي ----------------------------------------------------- في المحكمة (الساعة 11 الصبح) أبو مي وهو يبارك لنايف : مبرووك عليك بنتي منك المال ومنها العيال نايف من دون نفس: الله يبارك فيك أبو نايف وهو يبارك لولده ويغمز له: مبرووووك يا ولدي نايف على نفس الوضع: الله يبارك فيك يبا أبو نايف وهو يوجه الكلااام لأبو مي: راح يروح معاك نايف علشان ياخذ مرته أبو مي تذكر انه حابسها من ثلاااثة أيام وأكيد حالتها حاله ..أبو مي: بس هي للحين ما تجهزت اشراايك تمر عليها على الساعة وحده نايف وهو يهز راسه: صار ----------------------------------------------------- في بيت أبو مي (الساعة 11 و نص الصبح) مي كانت مكوره نفسها في زاويه الغرفه ونايمه لكن صوت الباب خلاها تصحى وهي مفزوعه رفعت راسها جافت اأبوها يناظرها وبعيونه الشر خافت من نظرته حست انه ناوي عليها نيه ... مي بصوت مبحوح ويا الله ينسمع من الخوف والتعب: يـــ..ـبا أبو مي وهو مثل كل مره يشوف مي يحس بغضب وكره: انا ياي اقول كلمه وما راح اعيدها مي هني حست انه راح يصير شي وشر لها.. بصوت خايف: شنــ.ـو أبو مي وهو يقرب منها اكثر ويمسكها من يدها : قومي تسبحي و جهزي نفسج في ضيوف يبون يشوفونج وتركها وطلع وهو يهدد: اذا تأخرتي يا ويلج ساامعه مي حست بخوف من الي راح يصير قعدت تصيح وهي تحاول تقوم لكن مو قادرة لأنه جسمها مرهق وفوق هذا ما دخل شي لمعدتها من يومين نزلت منها دمعه كسيره على خدها حست انها نهاية حياتها خلاااص وهي ضامه نفسها وتبكي حرقه وهي تقول في نفسها "لو امي عايشه جان ما صار فيني جذي هئ هئ آآه يا يما وينج والله محتاجه لج" قطع عليها صوت اأبوها : مـــــــــــــــي يلااا مي وعيونها ممتلئه من الدموع وبصوت عالي : ليش يا يبا ليـــــش انا شنو سويت لك علشان تسوي لي كل هذا ليــــش هئ (وهي تشهق من الصياح) ... أكرهـــــــــــــــــــك ومن دموعها وصراخها الى كف قوي على خدها ومسك شعرها وسحبها معاه لصاله وناد على الخدامة راحت له الخدامة وهي ترتجف من الخوف .. الخدام: نعم بابا ابو مي وهو يدز مي : خذيها غرفتها و طلعي لها ملااابس و قولي لطباخ يسوي لها أكل .. (لف لمي) وانتي أبيج تكشخين علشان الضيوف .. طلع من البيت وهو في قمة عصبيته ----------------------------------------------------- ----------------------------------------------------- بعد ربع ساعة .. في غرفة مي .. دخلت الخدامة وفي يدها الأكل .. حطته على الطاولة وراحت لمي إلي منسدحة على السرير وتحس بتعب .. الخدامة (بندرة) وهي تقعد يم مي: مي يلااا أنا جيب أكل حق انتي ..أنت ما في أكل يومين عدلت مي قعدتها ولفت للخدامة .. مي: بندرة ايبي الطاوله هني قامت بندرة وسحبت الطاولة لعند مي .. ومي من من كثر التعب وبالها مشغول ما قدرت تاكل شي فشربت شوية ماي ترطب ريجها .. بعدها قامت و خذت ملااابسها وراحت الحمام (انتوا والكرامة) وخذت لها شاور ينشطها .. بعدها طلعت من الحمام وهي تحس بشوية نشاط راحت عند المنظرة وقعدت تمشط شعرها وهي تفكر من الضيوف .. بعدها قامت وفرشة السيادة ولبست المشمر وصلت الصلوات إلي فاتتها ----------------------------------------------------- في بيت أبو مشاري (في نفس الوقت) دخل البيت وفي يده أكياس .. راح الصالة لقاها فاضية .. بعدها توجه لقسمه علشان يراوي هيام الأغراض إلي شراها للبيبي .. دخل قسمه وكان هادي ما في صوت نزل الأكياس ودخل غرفة النوم .. كانت بااادرة مثل الثلج وهيام نايمة ولااا حاسة بشي .. ابتسم ولف بيطلع بس وقفه صوتها .. هيام: متى رجعت لف لها وهو يبتسم: من شوي عدلت هيام قعدتها: ما أشوف شي في يدك مشاري: لحظة طلع مشاري من الغرفة و أخذ الأكياس من الصالة ورد مرة ثانية .. مشاري بحب وهو يقعد يمها على السرير .. وهذي الأغراض هيام وهي فاتحة عيونها على الآخر : هذا كله للبيبي ضحك مشاري على شكلها : هههههههههه أي هيام على نفس الوضع:بس كأنه وااايد زيادة عن اللزوم مشاري وهو يبتسم: و زيدج من الشعر بيت في أكياس في السيارة ما نزلتها هيام وهي تحط يدها على بطنها:يا بخته البيبي في ابوه مشاري: قصدج يا بخته في امه.. على فكرة شريت ألعاااب واايد علشان لما تشرف الجوري أقعد ألعب معاها ابتسمت هيام وقالت بحب: الله يطول بعمرك وتلعب معاها و مع عيال عيالها مشاري: آمـــــــين ----------------------------------------------------- في بيت أبو مي (الساعة 1 الظهر) قاعدة في غرفتها بعد ما لبست لها برموده سوده وبدي فوشي تعطرت وقعدت وبالها مشغول ما تدري ليش قلبها ناغزها وحاسة إنه بيصير شي بمصيرها .. حركة راسها وكأنها تنفض الأفكار وتعوذة من ابليس .. طلعت من غرفتها وهي حاطة يدها على شعرها البوي تعدل فيه .. وصلت لين نص الدري وهي تقول بنفسها "أنا لااازم أغير حياتي لأنه هذي مو عيشة .. راح احاول كثر ما أقدر أخلي الحياة تبتسم لي لو مرة وحده" قطع عليها شرودها صوت أبوها وهو يرحب ومبين إنه الضيوف وصلوا .. نزلت وهي تتوجه لصالة وقلبها يدق بسرعة وكل خطوة تخطيها تحس انها بتموت .. بعد عناء وتصادم في المشاعر وصلت الصاله ورفعت راسها وطاحت عينها بعين الشخصين الموجودين .. مي من غير نفس: السلااام أبو نايف وهو يبتسم: وعليكم السلااام نايف وهو منقهر من إسلوبها: وعليكم السلاام أبو مي وهو وده يكفخ مي على نفسيتها..(لف على نايف) هذي مي بنتي .. (لف أبو مي على مي وهو يبتسم) وهذا ريلج يا مي لحظة لحظة لحظة شنوو قاعد يصير .. حست كل ذرة بجسمها مشلوله وعاجزة عن إستوعاب الكلمة وقامت تتردد كأنها صدى في أذونها (هذا ريلج .. هذا ريلج .. هذا ريلج) حست الدنيا تدور فيها من الصدمة .. فجأة طاحت على الأرض مغمى عليها أبو مي وأبو نايف ونايف قاموا بسرعة لها .. أبو نايف وهو يطالع أبو مي: شفيها أبو مي يطالع بمي: ما ادري حملها نايف وحطها على الكنبة .. وأبو نايف دق على دكتور ----------------------------------------------------- في بيت أبو مصعب (الساعة 1 ونص الظهر) قاعد مع امه بالصاله يسولفون ام مصعب : إلااا ما قلت لي شخبارك مع هنادي سكت متوهق مو عارف شنو يقول آخر مرة كلمها وجافها يوم الملجة ..مصعب:الحمد الله ام مصعب وهي تغمز: وشنو عطيتها هدية نجاحها مصعب إلي توهق عدل: والله ما عطيتها شي ام مصعب بكدر: افاا ليش هذي مرتك على الاقل فرحها بهدية نجاحها مصعب في نفسه"هذا انتي زعلتي بس لاني ما عطيتها هدية عيل لو تدرين اني ما اتصلت فيها وما عندي رقمها بالاساس شبتسوين" .. مصعب: ان شاء الله راح اشتري لها هدية دخلت على هالكلمة .. مرام وهي شاقة الحلج:حق منو الهدية ام مصعب: حق هنادي حست بحباط مرام بنفسها "شكله محد متذكر انه بكرة يوم ميلااادي" ..مرام: وانا مالي هدية مصعب: لااا انتي روحي جابلي النت خل ينفعج فشلتينا مع معدل مثل ويهج ولااا حامله مادة بعد حز بخاطرها بس ما حبت تبين .. مرام: وييي عاد من زين هديتك قامت وراحت غرفتها وهي تحس نفسها شوي وتصيح ----------------------------------------------------- في بيت أبو مي (في نفس الوقت) واقفين يم الدكتور ينتظرونه يخلص .. بعد ما فحصها الدكتور دخل أغراضه داخل الشنطة أبو نايف : هاا دكتور بشر الدكتور: والله البنت حالتها الصحية متدنية ولااازم تودونها المستشفى نايف وهو يطالع مي: إن شاء الله مشكور يا دكتور طلع الدكتور من البيت .. و أبو مي قال حق أبو نايف ونايف ماله داعي نوديها مستشفى .. بس أبو نايف أصر إنه يوديها ----------------------------------------------------- في بيت أبو خليل (في نفس الوقت) شباب العائلة الكريمه كلهم مجتمعين في المجلس الخارجي إلي يسولف ويضحك وإلي يلعب ono .. قاعدين على زاوية سوالف وضحك وغشمرة ما عدا هو كان سرحان يفكر .. الشباب لاحظو شروده وحبوا يمازحونه . . سلطان وهو يضحك: إلي ماخذة عقلك تتهنى فيه مشاري وهو يضحك: أكيد إختي الكل: ههههههههههه مصعب وهو يبتسم علشان يبين عادي: واذا كيفي حلااالي أفكر فيها مثل ما أبي وله عندكم مانع جاسم : لااا يبا ما عندنا لااا مانع ولااا دواااس حمد وهو يرمي مخدة على جاسم: أقول جسوم إبلع إلسانك أحسن وبلااا خفة خليل: بس يا جماعة الخير هدووو اللعب حمد وهو يطلع من المجلس : أنا بروح المطبخ بشرب ماي خليل وهو يقوم: لااا أفاا عليك أنا راح أيب لك ماي إنت إستريح حمد وهو يدز خليل بغشمرة: أقول إنثبر لااا بكس على عيونك أسويك جاينيزي الكل: ههههههههههه خليل يسوي روحه زعلااان: افااا بس افااا حمد وهو يضحك: ههههههه والله أمزح معاك وبعدين عادي إذا رحت المطبخ خليل وهو يقعد: على راحتك طلع حمد من المجلس إلااا تلفونه يدق .. طالع شاشة تلفونه جاف المتصل "مروم" .. رد عليها وهو متجه للمطبخ الخارجي .. حمد: ألووو مرام: هلااا حمود حمد: بعينج حموود ياهل يمج أنا .. شتبين داقه علي مرام: لااا تقعد تزفني يه حمد وهو يبتسم: طيب آمري يا بعد قلبي وروحي وجبدي إنتي مرام: هههههه إي جذي .. ما يامر عليك عدو .. بس أنا داقه عليك أقول لك في طريجك إشتر لي كيك من باسكن روبنز حمد: إن شاء الله أي اوامر ثانية مرام: لااا مشكوور فديتك يلااا باي حمد: بااي سكر حمد من مرام وهو يفتح الثلاااجه ..حس بحركة في المطبخ لف ما جاف أحد توه بلف مرة ثانية بس لمح نورة تدخل البيت ابتسم و رفع تلفونه واتصل عليها وكلها لحظات وصل له صوتها حمد وهو مبتسم: هلااا نورة نورة : هلااا حمد حس من صوتها إن في شي وكأنها صايحه .. حمد: شفيه صوتج نورة: مافي شي بس زكمانه شوي ما يدري ليش حاس إنها مخبية شي .. حمد: اهاا ما تشوفين شر نورة : الشر ما ييك حمد: طيب ليش طلعتي من المطبخ من دون ما تسلمين علي نورة: هاا حمد: من قال هاا سمع .. على بالج ما جفتج نورة: مو عدله اكون معاك بروحنا وخصوصا ما علي شيلة ----------------------------------------------------- في المستشفى الـ... (الساعة 2 الظهر) واقفين عند الغرفة ينتظرون الدكتورة تبشرهم .. طلعت الدكتورة من عند مي .. الدكتورة: من أبوها أبو مي: أنا ابوها الدكتورة: حالة بنتك سيئة جدا عندها سوء بالتغذية و يبدو إنها تلاااقت صدمة قوية مما خلاااها تدخل في غيبوبة ويمكن في إحتمال إنها تأثر عليها وتسبب لها انهيار عصبي بعد ما تصحى من غيبوبتها فلااازم تبتعد عن أي مفاجأة يمكن تكون صدمة لها.. بس هي شنو بضبط إلي صار لها أبو مي بربكة: ما أدري شكلها للحين مو مستوعبة موت أمها هي بعض الأحيان تيها حالااات الدكتورة وهي تهز راسها: الله يقومها بسلاااامة .. وأنا أنصحكم إنكم تروحون البيت ترتاحون لأن وجودكم ما راح ينفعها ولااا ينفعكم .. عن اذنكم راحت الدكتورة عنهم وهم قرروا يروحون وبكرة يردون ----------------------------------------------------- .. في اليوم الثاني .. في بيت أبو مصعب (الساعة 9 الصبح) في غرفة مرام .. كانت نايمة وتحلم بأحلاام وردية بس في صوت يخرب عليها ومزعج كل ماله ويزيد صوت التلفون أغنية شرين (لااازم أعيش) والصوت كان عالي وازعاج ردت من دون ما تشوف الرقم مرام بصوت ناعس: ألووو وصلها صوت جاسم: ألوو مرام إنتي للحين نايمة مرام:......... صرخ جاسم: قوووومي فزت مرام بسرعة من صراخه .. قالت بنرفزة: جسوم يا الكريه ليش تصرخ جاسم : علشان تقعدين مرام: اففف طيب و هذا وأنا قعت خير شتبي من صباح الله خير جاسم: ابيج تكشخين بنروح السينما أدري إنج متملله ومحد ما عطج ويه ويطلعج مرام بوناسة: أحلف جاسم: هههههه والله مرام وهي حاطة يدها على شفاتها مثل اليهال: بس يمكن ماما وبابا ما يرضون جاسم : أقول بلااا ماما وبابا وقومي جهزي نفسج بمر عليج نطلع و نروح المجمع أصلاا أنا استأذنت من خالي مرام وهي تنط من السرير: اوكي نص ساعة وأكون جاهزة جاسم : طيب مو تتأخرين يلااا باي مرام: إن شاء الله باي سكرت مرام من جاسم وراحت جري على الحمام (انتوا والكرامه) وبعدها طلعت وفرشة السيادة ولبست المشمر وصلت .. عقب ما خلصت صلاة راحت لخزانتها وقعدت تطلع لها ثياب وتتجهز ----------------------------------------------------- بعد نص ساعة صارت جاهزة كانت لاابسة بدي يوصل لين فخوذها لونه أحمر في نقشات بالون الذهبي و بنطلون جينز أسود مطرز بالذهبي ولبست بوت أسود وكانت مسوية بف من جدام ومنزلة قذلة ولاامة شعرها ذيل حصان وحاطة لها ميك آب ناعم ولبست إكسسوار أسود على ذهبي وحطت لها شوية عطر بارد وخفيفة ريحته وخذت شنطتها الحمرة و تلفونها و طلعت من الغرفة --------------------------------------------------- في بيت أبو مشاري (في نفس الوقت) قاعدين في الصالة وفي يدهم أكياس و ينتظرون اتصال من جاسم علشان يروحون بيت خالهم ويزينونه .. بعد ثلث ساعة سوى لهم مسكول .. خذوا الأغراض وركبوا سيارة مشاري رايحين بيت أبو مصعب ----------------------------------------------------- يلاااا أبي توقعاتكم شنو راح يصير في البارت التاسع عشـــــــــــــــــــــر | ||||
|
| |
|
10-07-13, 04:10 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع عشــــــــــــــــــر في السيف مول (الساعة 11 الظهر) خذالهم ساعة ونص وهم يدورون في المجمع من دون هدف .. مرام : اقول جسوم جاسم: هلااا مرام وهي تحاول تلمح: تاريخ اليوم شنو ابتسم جاسم وعرف انها تلمح ليوم ميلااادها "على بالها ناسي ههههه " .. جاسم يسوي روحه عادي وله كأنه متذكر: 21 مرام بقهر: وأي شهر كتم ضحكته من شكلها .. جاسم على نفس الإسلوب: 7 بس ليش تسألين توها بتتكلم قاطعها جاسم : ايييييي تذكرت فرحت مرام : واخيرا جاسم وهو يستهبل: عن جد سوري مروم بس توني متذكر مرام وهي مبتسمة : لااا عادي أهم شي انك تذكرت جاسم وهو يبتسم: صح أهم شي إني تذكرت انه اليوم شسمة شيسمونه هذا حست بحباط لأنه واضح عليه مو متذكر وقاعد بس يستهبل .. مرام وبخيبة: جسوم عن الهباله إنت مو متذكر صح جاسم وهو يحك راسه: بصرااحه لااا بس انتي ذكريني عصبت "مو معقولة الكل ناسي ومو متذكر اففف قهر" .. مرام وهي تمشي عنه: ولااا شي ضحك على شكلها وهي معصبة .. مشت عنه وما تشوف شي جدامها من كثر ما هي معصبة .. كانت تمشي بسرعه عناد في جاسم إلي يمشي وراحها .. كان في شباب يمشون و كل واحد يدز الثاني وهم يضحكون .. فجأة طلع شخص جدامها وكانت بتصدم فيه .. الشباب: وقف طق بريك الإشارة حمرة هههههههههههههه كان مافي مسافة بينها وبين الشاب غير شبر .. كانت منزلة راسها ومغمضة عيونها و تتنفس بسرعة .. الشاب وهو مبتسم من الإحراج: آسف مرام على نفس وضعها بس قالت بقهر وعصبية: آسف وين أصرفها ذي واحد من الشباب: في البنك هههههه رفعت مرام راسها له وطالعته من فوق لين تحت بحتقار: ما تضحك جاسم بعصبية من قلة أدب الشاب: أقول احترم نفسك الشاب تفشل وطاح ويهه: ......... الشاب (إلي كان بيصدم بمرام) قال بحترام : مسامحة إختي والله ما كان قصدي توها مرام بتتكلم وبتشب فيه بس قاطعها جاسم بعصبية.. (يوجه الكلااام لشاب): حصل خير جاسم وهو ماسكها من يدها ويسحبها .. جاسم بنبرة أمر: إمشي مشت مرام معاه وهي مبوزة .. بعد ما أبتعدوا عن الشباب لفها لجهته وقال بعصبية.. جاسم: شالحركة إلي سويتيها مرام وهي تطالعه بستغراب: هاالووهااا شسوية ماسوية شي جاسم يتكتف: لااا حلفي بس مرام تقلد حركته وقالت بدلع: والله ما قدر ما يبتسم على حركتها ..جاسم : والله إن دلعج هو إلي ينقذج دووم مني ابتسمت مرام: أدري جاسم بحده: بس ترى آخر مرة تسوين هالحركة مرام بطفولية وهي تحك راسها: يصير خير جاسم بمزح: والله الريال خاف منج حشى مرام وهي تبتسم وتصفق بيدها كأنها بيبي: أدري ألاااااااي فن ونااااسة ههههه جاسم: هههههههه الحين أبي أعرف شنو الوناسة في الموضوع مرام على نفس الوضع: انه خاف مني على إني ماقلت شي جاسم وهو يهز راسه: اهاا هذا الوناسة إلي في الموضوع مرام بحالمية: آآآآه الوناسة إنه عيني طاحت في عيونه جاسم بنرفز من إستهبالها: أقول استحي على ويهج .. وقال وهو يضيع السالفة: يلاااا خل نروح نلعب ترى أنا يبتج هالحزة علشان ناخذ راحتنا ونلعب وبعد الغدى نروح السينما مرام بوناسة: أووووشااا جاسم: هههههههههههههههه كل يوم لج حركة مرة ايهااا والحين اوووشا وباجر الله يستر مرام وهي تمشي بدلع : ههههههه كيفي ----------------------------------------------------- في بيت أبو مصعب (في نفس الوقت) .. في المجلس الخارجي .. قاعدين ينفخون البالونات .. جنان : أقول هنوي هنادي وهي مشغولة بالبالونه إلي في يدها: خير جنان: كأنه نورة تأخرت هنادي: يمكن أخوها معاندها نفس كل مرة جنان: اففف أخوها حده نحيس : من النحيس إلتفتوا للباب .. جنان: لو طاريا المليون أحسن لي نورة وهي تفصخ العباية: أهاا يعني قاعدين تحشون فيني جنان وهي تبتسم: لااا وانتي الصاجة نحش في اخوج نورة وهي تقعد: لااا ما أصدق هنوي تحش لااا مستحيل إنتي يمكن في إحتمال قوي بعد لكن هنوي أستبعد هالشي فـبليز لااا تجمعين وقولي أنا أحش في أخوج جنان وهي تتخصر: لااا والله ليش يعني فوق راسها ريشة طنشتها نورة وقعدت تساعد هنادي في البالونات جنان بقهر: أقول شرايكم أتصل في غرور وأقول لهم علشان يساعدونا ونتسلى مرة وحده هنادي: والله خوش فكرة جنان وهي تطلع تلفونها من الشنطة وتتصل على غرور ----------------------------------------------------- على الساعة 12 ونص وصلوا رغد و خواتها وانظموا مع البنات في المجلس الخارجي وقعدوا يزينون .. جنان سحبت غرور معاها على المطبخ يروحون ويساعدون أم مصعب .. ونورة راحت مع شوق غرفة مرام علشان يحطون الهدايا ويختارون سيديات أغاني .. ورغد قاعدة تساعد هنادي .. ----------------------------------------------------- رن تلفونها شافت المتصل "سعد حياتي" ابتسمت وإستأذنت من هنادي وطلعت وراحت داخل المطبخ الخارجي علشان تتكلم براحتها .. رغد بشوق: هلااا وغلاااا ومليون مسهلااا بحبيب قلبي وصل لها صوته إلي واضح عليه الفرح والشوق .. سعد: يا هلااا فيج يا عمري وروحي وفؤادي رغد بحب: يسلم لي قلبك وروحك وفؤادك وكلك على بعضك سعد: آآآآه خفي علي شوي يا رغوووده أخاف ما أقدر أسيطر على مشاعري ورغبتي وأتهور رغد بحيا وقالت بصوت دلع: سعوووودي ترى أستحي سعد: آآآآيه عليج فديت إلي يستحون أنا رغد : يفداااك القلب والروح يا بعد جبدي إنتا سعد: رغد خلاااص أنا ما أقدر أستحمل مو لااازم نسوي عرس رغد: لااا حبيبي شدعوه تكسر بخاطري و ما نسوي عرس وبعدين ما بقى شي كلها إسبوعين وأكون عندك يعني صبرت طول هالشهور وإسبوعين عاجز تصبر فيهم سعد: والله أنا مستغرب شلون قدرت أصبر طول هالمده عليج وإنتي بعيدة عني رغد: معليش حياتي كلها أيام وبغمضة عين راح تمر وتعدي من دون ما نحس فيها وقعدوا يسولفون ويتغزلون بعضهم ...... نشر - مشاركة هذا الطرح في DiggDel.icio.usTechnoratiadd to facebook {[ اللهم نسألكـ الهدى والتقوى والعفاف والغنى والحمد لكـ والشكر لكـ ]}400 26-07-2009, 04:13 PM مفتون قلبي ©؛°¨غرامي متألق ¨°؛© رد: واخيراً حبينا بعض رواية رومانسية / الكاتبة مفتون قلبي -------------------------------------------------------------------------------- ----------------------------------------------------- في الصوب الثاني وفي المجلس نفس الوقت .. واقفة فوق كرسي تركب الزينة على المروحة وهي تدندن .. جسمها صار مايل و ريولها (رجلها) صارت على طرف الكرسي .. ومن دون إحساس زلقت ريولها وهي من الخوف غمضت عيونها وكانت على وشك تطيح .. بس حست بيدين تحظنها من ورى ظهرها .. وصلها صوت تحبه وكانت طول الوقت تتمنى تسمعه لو بصدفة (سبحان الله حقق لها أمنيتها) .. مصعب وهو حاظن هنادي من ظهرها يعني ظهر هنادي لاصق بصدر مصعب : سلمات هنادي وهي تحس بحرارة بكل أطراف جسمها من قربه .. قالت بخجل: الله يسلمك حس بخجلها وابتسم وتركها .. مصعب: شقاعدة تسوين هني هنادي و هي ماعطته ظهرها: قاعدة أزين مصعب وهو عاقد حواجبه: ليش؟؟ هنادي وهي تلف له وهي منزله راسها: بنسوي مفاجأة حق مروم ابتسم مصعب: بمناسة نجاحها يعني من معدلها العدل ابتسمت هنادي ورفعت راسها وطاحت عينها بعيونه حست بربكة وعلى طول نزلتها: لااا علشان يوم ميلااادها هز مصعب راسه على إنه مايعترف بهل الأشياء: أهاا نزلت خصلة من شعرها الملموم بهمال على عيونها المرسومة بكحل مما أبرز جمال عيونها .. قرب منها ورفع راسها وطاحت عينها بعينه .. ابتسم وهو يرفع الخصلة ويحطها ورى أذونها .. حست بخجل مو طبيعي وفي نفس الوقت طايرة من الفرح من قربه .. مصعب وهو يبتعد عنها شوي: مبرووك على النجاح سمعت إنج بيضتي الويه وترى هدية نجاحج راح توصل لج بكرة لااا تخافين ما نسيت ابتسمت هنادي وقلبها يرقص من الفرح: تسلم لي يا .. وسكتت (كانت بتقول له يا حبيبي بس ما قدرت من الخجل) حس فيها وابتسم و لف عنها وهو طالع من المجلس: الله يسلمج أول ما سمعت صوت تسكير الباب رمت نفسها على الكنبة وهي طايرة من الفرحة ----------------------------------------------------- في المستشفى الـ... (الساعة1 الظهر) كان أبو نايف و ولده نايف إلي بطلعت روح رضى يروح معاه علشان يزور مي ويتطمن عليها .. طبعا الدكتورة منعت عليها الزيارة لأنه حالتها ما تسمح بالزيارات ونايف ما صدق على الله وعلى طول طلع من المستشفى وهو ولااا على باله ----------------------------------------------------- في مجمع السيف (الساعة 1 ونص الظهر) بعد ما خلوا لعبة ما لعبوهاا .. راحوا صوب المطاعم وخذوا لهم أكل من فتوش << أحبه .. وراحوا قعدوا على طاولة مواجه للمطعم .. مرام وهي تشم الباشميل وهي مغمضة عيونها: يام ياامي ريحته تشهي جاسم وهو يضحك عليها: ههههه هبله مرام وهي تاكل: حدك مغبر من زمان يعني في شي يديد جاسم وهو ياكل من صحن مرام : الحمد الله تعترفين مرام وهي تاكل بشهية: جسوم شيل يدك عن صحني جاسم بعناد وهو ياكل من صحنها: والله كيفي آكل من صحن إلي ابيه مرام وهي تدز يده: اقووول وخر يدك جاسم بمزح: مرامي عفيه تكسرين بخاطري مرام وهي تطالع فيه وقالت بهباله: خلاااص لااا تصيح جسومي يفداك الصحن وصاحبته بعد بس لااا تصيح جاسم وهو يبتسم: لااا ما أبي صاحبته أبي بس الصحن مرام وهي تسوي له مالت بيدها: عدااال عاد إلي يقول ميته عليك وقعدوا ياكلون بصمت .. بعد ما تغدوا .. راحو السينما و اختاروا فلم عمر وسلمى 2 ----------------------------------------------------- في الكوفي (الساعة 3 العصر) قاعدين على زاوية الكوفي سوالف وضحك وغشمرة .. ياسر: إي تعالوا دريتوا عن عامر سلطان وهو عاقد حواجبه: أي عامر ياسر : هذا الله يسلمك واحد لعيبي وسكير وراعي مخدرات ومافي أحد ما يعرفه إبراهيم: راعي الهمر ياسر: عليك نوور سلطان : ما عرفته بس شفيه ياسر: يقولون مسكوه في شقة دعارة معاه شباب وبنات إبرهيم وسلطان: حمد الله والشكر .. اللهم لااا شماته في خلقك ياسر:إي والله .. وانا كاسر خاطري جارنا المسكين سلطان وهو رافع حاجب: شدخل جاركم الحين ياسر: بنته إستغفر الله كانت معاهم إنصدم فيها ما توقع منها يطلع فيها كل هذا .. بس بيني وبينكم هي من شكلها واضح عليها إذا تذكرها يا برهوم يوم تتلصق فيك إبراهيم وهو يكشر في ويهه: خلود الـ... ما في غيرها إلي كانت تدلع علي ياسر وهو يضحك: أي إبراهيم على نفس وضعه: ويع لااا تذكرني فيها سلطان شد إنتباها إسمها: هي إسمها خلود ياسر: أي سلطان وهو يبي يتأكد: خلود عبدالله علي الـ... <<< طبعا يعرف إسمها الكامل من حمد ياسر وإبراهيم يطالعون بعض ويطالعونه: إنت تعرفها سلطان وهو يعدل قعدته: أي كنت متعرف عليها و مرة رحت معاها السيف وكان أول وآخر مرة أطلع معاها ياسر: والله البنت حكموا عليها بـ 5 سنوات سلطان وهو فاتح عيونه : ليش هي شنو متهمه فيه غير الدعارة ياسر: ههه مو بس دعارة الأخت تتعاطى مخدرات سلطان وهو يهز راسه: الله لااا يبلينا إبراهيم وياسر: آميــــن ----------------------------------------------------- في بيت أبو مي (الساعة 3 ونص العصر) قاعد في الصالة و يفكر في نفسه .. "الحين شنو راح يصير بالصفقة بعد ما دخلت مي بغيبوبة .. اففف يعني هذي ما لقت تدخل بغيبوبة إلا يوم بستفيد منها .. يعني طول هالفترة وهي طايحة بجبدي وما صار فيها شي اللعنه تلعنها إن شاء الله" قام وراح غرفته علشان يريح وما يفكر وايد ----------------------------------------------------- في مجمع السيف (الساعة 4 العصر) طالعين من السينما .. مرام بوناسة: حده الفلم روووعه جاسم: أي حده عجيب ما كنت متوقعه جذي مرام : هههه ولااا أنا .. تخيل بروح البيت وعلى طول بتصل على نورة وبحرها لأنه خاطرها تشوف هل الفلم ههههه جاسم: لااا حرام لااا تخربين عليها الأحداث مرام وهي تهز راسها: بفكر هههه حدي نذلة صح جاسم وهو يبتسم: بصراااحه حدج مرام وهي تتخصر وتسوي روحها زعلااانه : حدي هااا طيب شوف من راح تكلمك .. ومشت عنه بدلع جاسم وهو يسحبها من يدها: تعالي وين رايحة قاعد أمزح معاج يه مرام وهي تلف عنه بدلع : مابي هدني كان في شباب مغترين وشكلهم إماراتيين واقفين ويشوفون مرام وهي تدلع .. أول ما طالعهم يطالعون بمرام وهي ولااا على بالها عصب .. جاسم وهو صار على أسنانه وبعصبية: مروم بلااا دلع زايد وأمشي معاي بسكات مرام بدلع عفوي: لااا تصارخ علي عصب أكثر لأنه الشباب قاعدين يخزون بمرام وهي أبد .. جاسم: مروووم مرام إستغربت من عصبية جاسم عليها ولفت مكان ما يطالع جاسم وشافت شباب لااا يقل عددهم عن 5 .. قاعدين يطالعونها ويخزيون .. يوم شافوها الشباب تطالعهم قاموا يأشرون لها وهي على طول لفت لجاسم وطالعته وهو بقمة عصبيته وهو يطالع فيها.. جاسم: إمشي يا مرام أحسن ما أسوي شي تندمين عليه وما يعجبج ولااا يعجبني.. مشت مرام مطاعة لكلااامه من دون ولااا كلمة .. طلعوا من السيف وراحوا وركبوا السيارة الجيب .. رادين البيت من دون ولااا كلمة .. ---------------------------------------------------- في بيت أبو مصعب (في نفس الوقت) خلصوا من تزين المجلس .. وأتصلت أم مصعب على حمد علشان يروح ياخذ الكيكة من باسكن روبنز وبعدها دقوا على جاسم يخبرونه انهم خلصوا كل شي بس بقى وصول الكيكة .. بعدها راحوا يكشخون ويجهزون الكيمرا علشان يصورون كل شي للذكرى<< لووول ----------------------------------------------------- في سيارة حمد (في نفس الوقت) توه طالع من النادي (الجام) متجه لبسكن روبنز علشان ياخذ الكيكة .. و هو في الطريج اتصل عليه سلطان.. حمد: ألووو سلطان: هلااا وينك أنت حمد: في الطريج بروح آخذ كيكة مرام من باسكن سلطان: اهاا طيب أنا أنتظرك في البيت أبيك في موضوع حمد: صار طيب سلطانو انا ما أقدر اتكلم معاك لأنه في مرور يلااا باي سلطان: هههههه باي قفل حمد من سلطان لأنه كان في مرور عند الإشارة ----------------------------------------------------- عند البحر (الساعة 4 وربع العصر) وقف سيارته عند البحر علشان يراضيها قبل لااا يرجعها البيت وهي متكدرة .. جاسم وهو يلف لها ويبتسم: مروم أنا آسف لأني صارخت عليج كانت لااافة ويها عنه ومو معطته ويه:........ جاسم وهو يمسك يدها : بليـــــــز مروم لااا تزعلين مني إنتي تعرفين إنه ما كان قصدي بس يوم شفت الشباب يخزون فيج ويتحرشون عصبت مرام وهي تطالعه: تعصب عليهم مو علي أنا ما سوية شي هم إلي يتحرشون مو أنا جاسم وهو يبتسم بحنية : أدري وحقج علي وأنا آسف يلااا عاد لااا تقعدين تمدين لي هالبوز شبرين ترى تصيرين كريها مرام وهي تبتسم له: على الأقل أحلى منك جاسم: ههههههه يا شين الثقة بس مرام وهي تضربه بغشمره: جسوووم بلااا سخافة جاسم: هههههههههههه طيب خلاااص ههههه وقعد يسولف معاها علشان يتأخرون وهي مسكينة ولااا على بالها وتسولف وتضحك ----------------------------------------------------- في بيت أبو سعد (في نفس الوقت) نازل من الدري طيران .. وقفه صوت حمدان وهو مستغرب: خير خير شفيك تراكض سعد وهو يبتسم: ليش ما تدري حمدان: لااا بشنو سعد وهو يبتسم: مسويين يوم ميلاااد مروم حمدان: طيب وإنت شكوو سعد بحالمية: قلبي هناك حمدان وهو يضحك: هههههههه قول جذي سعد وهو يسحب حمدان: تعال معاي علشان تتعرف على بنات عماني وعلى مرتي حمدان: ههههههه طيب بس شوي شوي على يدي سعد: أرجوك يا النعوم حمدان: هههههههههه ----------------------------------------------------- في بيت أبو مصعب (الساعة 9 في الليل) دخلو جاسم ومرام البيت .. كانت ماشية بتدخل من باب الصالة بس وقفها صوته .. جاسم: مرام أبيج في موضوع مهم مرام وهي عاقدة حواجبها: طيب خل ندخل داخل وقول لي جاسم بإصرار: لااا خل نروح نتكلم في المجلس على راحتنا مرام بإستغراب: الحين طول هالمدة معاي وما قلت لي الموضوع ويوم وصلنا البيت تبي تقول لي جاسم وهو يبتسم: إي يلااا عاد مرام بإستسلااام: طيب يلااا مشت مرام مع جاسم ناحية المجلس .. جافت جاسم يطقطق في تلفونه وبعدين سكرة ودخله داخل مخباته ما تدري ليش شكت إن الموضوع في إنه .. فتحت الباب بهدوء و وقفة بصدمة وهي تطالع النور مطفي و في شموع على جنب منورة المكان وبالونات على الأرض كثيرة وزينة في كل مكان والكل موجود أمها وأبوها وأخوانها ما عدا مصعب .. ونورة وهنادي وجنان وشوق وغرور ورغد وسلطان وسعد و حمدان.. وفي وسطهم كيكة كبيرة وفوقها شمعة على رقم 18 << عمرها وشموع على أطراف الكيكة إلي يطلعون شرار << ما أعرف إسمه .. وصورتها موجودة على الكيكة .. حطت يدها على فمها وهي مو مصدقة وعيونها دمعة من الفرحة .. اشتغلت إغنية happy birthday وقعدوا يغنون لها وهي طايرة من الفرح .. بعد ما خلصت الأغنية جدمة مرام وطفت الشموع وهي شاقة الحلج .. بعدها شغلوا النور .. جدموا أمها وأبوها وهي على طول حظنتهم.. مرام بدلعها العفوي: ميرسي مامي ميرسي بابي إم مصعب وهي تبوس مرام: يا قلبي عليج والله وكبرتي أبو مصعب وهو يبوسها من خدها الثاني: إي والله كبرتي حمد إلي في يده الكيمرا قاعد يصور : أقووول هذي بس العمر كبرت أما الشكل فيقول أقل مرام بدلع: هاهاها سخييف حمد وهو يفرص خدودها: طول عمرج بيبي في نظري مرام وهي تلف على البنات : آآآآيه عليكم بعد ما بارك لها الكل على يوم ميلااادها .. لفت على جاسم وهي مبتسمة له : وأنت ما تتذكر هااا جاسم وهو يضحك: هههههههه شاسوي لاااازم علشان المفاجأة وإنتي تتوقعين أقدر أنسى هاليوم مرام وهي تقرصة من خده: فديتك والله أبو مصعب وهو يسحب مرام من يدها: أقول إعقلي تتفدين فيه وأنا موجود الكل: هههههههههههههههه وشغلوا أغاني وقاموا يغنون ومرام طايرة من الفرح ----------------------------------------------------- بعد نص ساعة طلعوا أم مصعب وأبو مصعب من المجلس علشان ينامون طبعا بعد ما قصوا الكيكة .. في المجلس .. سعد ورغد راحوا على الزاوية وقعدوا سوالف وضحك وتغزل مثل كل مرة ((مشكلة لين تجمعوا الرومانسيين)) وجنان وغرور وشوق هبالة مثل كل مرة يجتمعون فيها .. سلطان وحمدان وجسوم ما عندهم غير التعليقات والضحك على هبالة البنات أما حمد قاعد يصور الكل وأكثر وحدة كان يصورها ((نورة))<<< شكله مستانس عليها خخخخ جدم من عندهم وهو يصورها .. كانت تسولف مع مرام ولااا تدري عنه مرام وهي تبتسم بخبث : أقووول حموود ما باركة حق نورة نورة بإستغراب وهي تطالع مرام : على شنو مرام وهي تطالع حمد وبعدها طالعت بنورة وغمزت لها .. نورة فهمت من مرام وسايرتها: إي الله بارك فيج حمد بإستغراب: مبروووك بس على شنوو نورة طالعت بمرام تبي تعرف على شنوو .. مرام وهي تبتسم: على خطووبتها من ولد خالتها نورة على طول طالعت بحمد ما تدري ليش حبت تشوف ردت فعله .. أما حمد فحس كأنه أحد كاب عليه ماي بارد بس حب يبين عادي قال وهو يتصنع الإبتسامة: مبروووك عيل أنا راح أخلي الوالدة بعد تخطب لي علشان عرسي وعرسج في نفس اليوم حست بغصة من كلامه ما تدري ليش قالت بلعثمة .. نورة: أي أحسن بعد عن المصاريف الزيادة مرام وبدهشة لأنها ما توقعت ردت فعلهم جذي .. قالت بدون قصد بمزح: افاا وين الحب إلي بينكم مالت عليكم أول مرة بصراحة أشوف أشخاص يحبون بعض يقولون عرسي وعرسج في نفس اليوم و علشان مصاريف وما ادري شنوو مشت عنهم تراكتهم بصدمتهم .. حمد ما عرف شنو يقول وقرر الإنسحاب .. أما نورة وهي منزلة راسها وتحس إنها راح تصيح ما تدري ليش تحس بإحساس ما تعرف شنو هو حب أو إعجاب أو إحساس عادي .. قالت وهي تحاول تمسك دموعها: أنا ما إنخطبت وقف حمد بمكانه ولف عليها وهو يبتسم .. حس بسعادة و كأنه شي ثمين رد له .. بس لما طاحت عينه في عيونها شاف حزن إستغرب .. حمد: شفيج يا نورة نورة وهي تنزل راسها : ولااا شي عن إذنك طلعت نورة من المجلس بسرعة وراحت لغرفة مرام لأنها مو قادرة تحبس دموعها أكثر من جذي أما حمد فما قدر يخليها وراح وراها وطبعا محد كان منتبه لأنه كل ملتهي بسوالفه .. ----------------------------------------------------- عند سلطان وحمدان .. سلطان وهو يأشر على شوق إلي واقفة مع إختها غرور وهنادي ومرام: هذي إلي قلت لك عنها حمدان وهو يبتسم: والله حلوة سلطان وهو يطالعه بنص عين: هاا لااا يكون بس عجبتك حمدان وهو يضحك: لااا يبا أنا ما تعجبني إلااا الراكدة مو مصرقعة مثل هذي سلطان: هههههههه لو تسمعك بس قسم بالله لااا تتوطى ببطنك الحين حمدان: هههههههه بس مبين عليها ناعمة ومغرورة وما تنزل نفسها سلطان وهو يغمز: عاادي أيب راسها أيبه حمدان : لااا يا سلطان هذي بنت ناس مو من البنات إلي تعرفهم سلطان وهو يبتسم: أدري وأنا قصدي شريف حمدان: الله يهديك قطع عليهم سالفتهم إزعاج جنان : شتقولون إنتوا من إمساعة وإنتوا تتساسرون حمدان وهو يطالعها بنظرة من نص عين وبمزح: اقول قلبي ويهج لااا ببكس على بوزج أنثر لج إضروووسج سلطان: ههههههههههه جنان بعصبية من مزحه : ما قول غير مالت و تحلم تطول شعره مني لأني بتوطى في بطنك .. تركته وهي تمشي بغرور سلطان : هههههههه واااااي بطني هههههههه حمدان بقهر من جنان: هذي بنت عمتك بااايخة سلطان: ههههههههه ----------------------------------------------------- في غرفة مرام (في نفس الوقت) أول ما دخلت على طول قعدت تصيح فصخت شيلتها وكورت على نفسها وهي تصيح .. من ورى الباب كان واقف ويسمع صوت شهقاتها إستغرب وفتح الباب جافها قاعدة على السرير وحاطة يدها على ويها وشعرها نازل على ويها وهي تصيح وتشاهق .. حمد : نورة أول ما سمعت صوته وهو يناديها صاحت زيادة وهو قرب لين عندها .. حمد وهو يقعد يمها ويمسك يدها ويبعدها عن ويها ويرفع راسها بيده الثانية ويبعد شعرها .. حمد بحنية وهو يطالع دموعها : شفيج نورة وهي تهز راسها وبصوت رايح : ولااا شي حمد وهو يمسح على شعرها: كل هالدموع ومافي شي نورة وعيونها تدمع : حمد صدقني ما في شي تم للحظات يطالعها بنظرات هي ما عرفت معناتها وفي نفس الوقت حست بخجل من نظراته .. نورة بهمس: شفك تطالعني جذي حمد وهو يبتسم: لو أقول لج تصدقيني هزت نورة راسها بمعنى إي .. حمد وهو للحين يناظر فيها: إكتشفت إني (وسكت) نورة بستغراب: إنك شنو حمد وهو يزيد من مسكت يدها: إني أحــــــــبج قلبها قام يضرب بقوة وهي تطالعه بعدم إستوعاب وصدى كلمته تتكرر في مسامعها (إني أحبج) (إني أحبج) (إني أحبج) نزلت راسها وكلمته تتردد .. حس إنها مو مستوعبة إلي قاله .. رفع ويها من ذقنها وطبع بوسة على جبينها وهمس : إحبج نورة بصدمة من حركته: .......... حمد وهو يطبع بوسة ثانية على عيونها وبنفس الهمس: أحبج ونورة:......... وينزل لخدها ويطبع بوسة:أحبج نورة:....... وصل لشفايفها و قام يتنفس بصوت عالي .. بعدها إبتعد عنها .. نورة:.......... حس حمد إنه مو قادر يضبط بمشاعرة وقرر ينسحب علشان ما يتهور أكثر .. طلع حمد من الغرفة بعد ما قال لها : أنا مو بس أحبج أنا أمووت فيج ونورة في مكانها من دون ولااا حركة مو مستوعبة ولااا شي من إلي صار ----------------------------------------------------- في المجلس .. مرام وهي تقعد يم جاسم .. مرام : جسوم إنت متزاعل مع سارة طالعها جاسم بإستغراب من سؤالها: ليش تسألين مرام وهي تهز كتفها: لاااا بس مستغربة يعني أنا معاك من الصبح وما شفتك إتصلت لها ولااا هي إتصلت لك فقلت يمكن متزاعلين جاسم ببتسامة: لااا مو متزاعلين بس لأنه اليوم أنا مخليه بس لج فهمتي مرام بفرح وإبتسامه: إي فهمت ----------------------------------------------------- بعد أربعة أيام .. نورة وحمد ما تكلموا مع بعضهم من بعد إعتراف حمد بحبه لها .. سلطان قال حق حمد عن خلود وقال له حمد إنه ما إنصدم لأنه وحده مثل خلود متوقع يصير أخس من حالها .. وسعد فرحان لأنه باقي على عرسه إسبوع وكم من يوم بس وكل العايلة ملتهيه في السوق تتشرى .. أما مي على نفس حالها طول أربعة الأيام إلي طافت وهي بغيبوبة وأبو مي خايف إنه يخسر الصفقة .. أما نايف ولااا على باله وعايش حياته .. أما مصعب فخذ مرام للسوق وخلاااها تشتري هدية لهنادي على ذوقها وبعد ما شرت لها سلسة ذهب حلوة وعطر وساعة ألماس روووعة ودها لبيت عمته علشان تعطيها إياها وهو راح لشغله .. وطبعا هنادي فرحة بالهدية بس في نفس الوقت حز في خاطرها إنه مو هو إلي عطاها إيها ولااا حتى دق عليها يسأل عنها ويسأل اذا كانت الهدية عجبتها أو لااا ----------------------------------------------------- في المستشفى (الساعة 12 الظهر) في غرفة الدكتورة .. كان أبو مي قاعد مع الدكتورة بعد ما اتصلت له وخبرته إنه يحظر ضروري الدكتورة: والله يا أبو مي بنتك الحمد الله صحت من الغيبوبة بس يبدو من الصدمة أثرت عليها مما خلاااها ما تتكلم وطبعا هذا الشي مو خطير يعني هي ممكن تتكلم بعد يومين أو بعد شهر سنة الله وعلم لأنه هذا الشي يعتمد على حالتها النفسية فأنا انصحك إنه تبعد عنها الصدمات وتخليها في راحة نفسية والأفضل توديها لدكتور نفسي إذا استمرت حالتها أكثر من إسبوعين أبو مي وهو يهز راسه: إن شاء الله طلع أبو مي من مكتب الدكتورة وقال بقهر: اففف هذا وقتج يعني ما تتكلمين طول عمرج غاثتني بصوتج وما صار فيج شي واليوم إلي بستفيد من وراج ما تتكلمين صج قهر ----------------------------------------------------- في بيت أبو خليل (الساعة 2 الظهر) قاعدة في غرفتها منسدحة على السرير وسرحانه بالموقف إلي صار لها مع حمد وهي تتذكر كل شي صار لها معاه كأنها قاعد يصير مرة ثانية .. تنهدة بصوت عالي وقامت و وقفة تطالع روحها في المنظرة .. سحبت الكبلة من شعرها وتناثر شعرها على ويها كان ناعم مثل الحرير .. مررت نورة أصابع يدها الناعمة على مكان بوسات حمد وهي مبتسمة لما وصلت يدها عند شفايفها غمضت عينها وخذت شهيق عميق وزفرت بعدها براحة وراحت وشغلت المسجل ::........:: عسـى الله لايجيب خصام لجل حبنا وعلشانه وكل ما مر فينا عام هوانا تورق اغصانه انا شوقي يزيد هيام كثر ماروحي عشقانه وانا من راسي للاقدام مشاعر حب عطشانه صعب اجبر عيوني تنام في ليله وانتي زعلانه واذا مرت علي ايام اجيك بروح ولهانه معي وبقايا احلام وباقة ورد خجلانه خجول الورد ماينلام لانك أجمل انسانـه ::........:: ----------------------------------------------------- في شركة الـ... (في نفس الوقت) دخل عليه المكتب وهو معصب .. رفع راسه وابتسم وقال بإستغراب.. أبو مي: ياا هلااا بـ.. قاطعة أبو نايف : إنت شنو سويت في بنتك ليش صدمتها في الموضوع ليش ما قعت معاها وفهمتها مو تصدمها .. أنا توقعت إنك قلت لها لما تزوجها ولدي ما توقعت إنك صدمتها بزواجها و من صدمتها بنتك صارت ما تقدر تتكلم أبو مي وهو يحاول يهدي أبو نايف: صل على النبي يا أبو نايف أبو نايف : اللهم صلي وسلم عليه .. أبو مي بكذب: أنا قلت حق بنتي بس هي شوي تتدلع والدكتورة أكدت لي إنها فترة بسيطة بس و راح ترد مرة ثانية و أحسن من قبل بعد طالع فيه وطلع من المكتب وبعدها من الشركة وهو في قمة عصبيته من برود أبو مي .. أما أبو مي عصب وقرر يروح لمي في المستشفى ----------------------------------------------------- في بيت أبو مصعب (الساعة 2 ونص الظهر) بعد الغدى الكل راح وقعد في الصالة .. حمد وهو متردد : أقول يما أم مصعب : خير حمد وهو يطالع مصعب: كل الخير يما بس حبيت أسأل متى عرس مصعب أول ما سمع سؤال حمد شرق بالعصير: كح كح كح مرام وحمد وهم يضحكون عليه : ههههههههه أبو مصعب وهو يطالعهم بمعنى ما في شي يضحك: إشرب وأنا أبوك ماي مصعب : أحممم .. أم مصعب وهي تبتسم: والله إحنى مفكرين نهاية العطلة يكون العرس مع أنا أقول لو إنهم يسافرون أحسن لهم مو كفاية خساير يعني ملجتهم والله الكل على باله عرس وبعدين الكل عزمناه يعني مافي أحد ما عرف إنهم تزوجوا أبو مصعب وهو يهز راسه: أنا بعد أقول جذي شرايك يا مصعب مصعب وهو يطالع بحمد بنظرات تهديد : إلي تشوفونه يا الغالين أنا موافق عليه ابتسم حمد وهو يقول في قلبه "إن شاء الله بعد زواج مصعب أفاتح الوالد والوالدة بموضوعي مع نورة" ----------------------------------------------------- في المستشفى (في نفس الوقت) دخل عليها الغرفة جافها منسدحة ومغمضة عيونها .. سكر الباب بقوة علشان ينبها بوجودة .. فتحت عيونها وشافت أبوها واقف ومبين عليه العصبية .. أبو مي وهو معصب ومنقهر: أقول بلااا دلع ماصخ وصيري عاقلة وتحجي لااا تقعدين تسوين روحج تعبانة نفسيا وما أدري شنو ترى مو علي هالكلااام سامعه مي وهي تطالعه بحزن ودها تتكلم بس مو قادرة تحس إلسانها منربط .. مي: .......... أبو مي وهو يجرب لها: أقووول لج تكلمي مو تطالعيني جذي .. انفتح الباب ولف أبو مي يطالع منو وتلعثم لما شاف نايف .. أبو مي : هلااا والله بنايف نايف وهو يطالعه من فوق لين تحت وقال بدون إهتمام: هلااا بيك .. لف على مي وهو يحاول يبتسم: الحمد الله على السلااامة مي وهي تنزل راسها : .......... أبو مي وهو يتصنع الحنية ويمسح على راسها: إن شاء الله بتطيبين وبترجعين تتكلمين رفعت مي راسها وطالعت أبوها ودمعت عيونها وودها تصرخ في ويهه وتقول له "أنت السبب بإلي فيني " ----------------------------------------------------- يلاااااا أبي ردوووود حلوة تعطي حااافز وقولو لي توقعااااتكم حق البارت القااااادم ولحد يقول البارت قصير <<< مسكينة متعقدة خخخخخخ ^_^ | ||||
|
| |
|
| الكلمات الدلالية (Tags) |
| وأخيراً |
| أدوات الموضوع | |
| انواع عرض الموضوع | |
|
|
1Likes
العرض العادي
