عشــــان الحب واللــي بيـنــي وبيـــنك .. !! للكاتبة / بـنت الخـاجه ، مكتملة

[لامارا]

تابع......

فيصل .. توه راد البيت .. كانت عنده جم شغله .. خلصها ورجع ..
دش البيت .. كانوا البنات فلصاله يجوفون فلم ..
فيصل: السلام عليكم ..
اسماء وعايشه عدلوا شيلهم ..
فيصل راح يمهم: شلونكم ؟؟
نجود مستغربه: وين ريم ؟
فيصل: ها ؟؟ ريم .. مادري
اسماء: ماطلعتوا يميع؟؟
فيصل: امبلا .. بتيي بتيي .. تعالي ابيج شوي..
اسماء تلتفت وراها: من ؟؟ انا ؟؟
فيصل: اي انتي .. تعالي الميلس ابيج ..
راح الميلس .. قعد ونزل رااسه ..
دشت عليه اسمااء وهي خايفه ..
فيصل رفع راسه: تعالي حياج ..
تمت واقفه يمه ..
فيصل: قعدي شفيج ؟؟
اسماء قعدت بس شوي بعيد ..
فيصل وويهه ابين عليه تعبان ومتضايق ..
اسماء بخوف: فيصل شصاير؟؟
فيصل خذ نفس: ماقالج اخوج ؟
اسماء: اخوي ؟؟ لا ماقالي شي !! ماكلمته اصلا
فيصل بضيق: عمج
اسماء ماستوعبت: شفيه ؟؟
فيصل: مب راضي
اسماء: على ؟؟
فيصل: مب راضي املج عليج
اسماء عصبت: نعععععععم ؟؟ خير خير شقلت ؟؟ مب راضي ؟؟ وجيف انا من متى يهمني رايه ؟؟
فيصل: بس هذي عمج !!مايصير تطلعين من شوره !!
اسماء: فيصل من صجك انت ؟؟ شنو مب راضي ؟؟ هذي اللي مايسأل ولا يدري عني الحين بيرفض ؟ على كيفه ولا على كيفه؟
فيصل يبي يحرها: شتبيني اسوي ؟؟ اللي علي سويته .. ومالنا نصيب .. الله مب كاتب
اسماء بقت عينها: شتقصد ؟؟
فيصل: اللي فهمتيه فهميه ..
اسماء مب مصدقه: لا يعني شنو ؟
فيصل رفع صوته: يعني شتبيني اسوي ؟؟ قوليلي شتبيني اسوي ؟؟ رحت حق عمج ومارضى !!
اسماء منصدمه .. تمت ساكته ..
فيصل يزعم معصب: قوليلي شتبيني اسوي لا !!
اسماء ساكته ..
فيصل يبي يجوفها شتقول .. شترد .. ساكته وويهه مصفوق مب عارفه شتقول ..
فيصل يبي يحرها: جفتي ؟؟ عادي عندج .. مايمهج شي ..
اسماء: فيصل انت شقاعد تقول ؟؟ شنو عادي عندي ؟؟ شهالخرابيط ؟؟ لحظه انا السالفه مب داشه مخي .. اسمعني
فيصل يقاطعها: انتي اللي سمعيني .. انا اليوم تهزأت عند عمج بما فيه الكفايه .. ومب استعد اتهزأ زود ..
اسماء ماستوعبت: يعني شنو ؟
فيصل: يعني انا اللي علي سويته !! وقلت لج الله مب كاتب !! خلاص مالنا نصييب في هالسالفه !! شسوي ؟؟
اسماء: يعني شنووووو ؟؟
فيصل: يعني كل واحد يروح بطرييج
اسماء: شنو ؟؟؟؟؟
فيصل: اللي سمعتيه
اسماء: لحظه لحظه مافهمت شتقصد
فيصل: فهمي اللي بتفهمينه .. انا مالي شغل .. ضيعت وقتي عالفاضي
اسماء: نعم ؟؟ فيصل انت فيك شي ؟؟
فيصل: مافيني شي بس سكتي عني
اسماء: انزين ممكن تسمعني؟
فيصل: مابي اسمع منج شي كللللللللش
اسماء منصدمه: انت شتقوول ؟؟ فاهم شقاعد تقول؟
فيصل يزعم معصب: قالولج غبي ؟؟
اسماء قلبها يدق: لحظه انت شقصدك ؟؟
فيصل: اسماء شفيج ؟؟ ركزي معاي شوي !! يعني خلاص .. انسي ان تعرفين واحد اسمه فيصل .. سمعتيي ؟؟
اسماء وقف قلبها: فيصل من صجك؟؟
فيصل: اوهووووووووووو .. لتملليني !!
اسماء ماقدرت تستحمل .. عيوونها انترست دموع بسرعه تبي تطلع ..
ركض وراها وحط يده علباب ووقف جدامها .. بهدوء: وين رايحه؟
اسماء وميوده الصيحه ماتبي تصيح: خلني .. فج عني برووح
فيصل بهدوء: بتروحين وتخليني ؟؟
اسماء معصبه: وخر بطوووف
فيصل بهدوء: اششش .. ممكن تسمعيني ؟؟
اسماء تقلده: مابي اسمع منك شي كللللللش
فيصل بهدوء: افاا .. افا حبيبتي افا .. تعالي بقولج شسالفه ..
اسماء: اففففففف ممكن تخليني اطلع ؟
فيصل: لاء .. اسف .. قعدي بكلمج ..
اسماء: مابي ؟؟ غصب
فيصل رفع صوته: أي غصب
اسماء: وي يمه !! كيفي قلت لك كيفي
فيصل يصارخ: لا مب كيفج !! قلت لج قعدي يعني قعدي !!
اسماء بخوف راحت قعدت ..
راح يمها .. قعد علأرض على ركبه .. يطالعها بحب: متى تبين الملجه ؟
اسماء ماستوعبت: أي ملجه انت بعد ؟
فيصل: انا وانتي
اسماء بقت عينها: هاا ؟ شقلت ؟؟
فيصل: اللي سمعتيه
اسماء: من صجك انت ؟؟
فيصل: شفيج ؟
اسماء: توك تقول عمج مادري شنو .. الحين تقولي ملجه ؟؟
فيصل: واحنا شعلينا منه دام راشد راضي ؟؟
اسماء برد قلبها: أي والله شعلينا منه .. احلف راشد راضي ؟؟ عادي عنده؟
فيصل: أي والله عادي
اسماء: ماقال شي يعني ؟
فيصل: لااا ولا شي .. امبلا قال جوف انت واسوم متى تبون الملجه ويالله
اسماء: من صجك؟
فيصل: والله
اسماء: اللاي !!
فيصل: يالله قولي متى تبين !!
اسماء معصبه: انت شلا تقص علي ؟
فيصل: عشان تكون حق السالفه طعم .. جوفي شلون الحين استانستي ؟؟
اسماء: بلل مساعه حدي عصبت عليك
فيصل ابتسم: يالله قولي متى
اسماء: مادري
فيصل: ترى انا مستعيل
اسماء بحيا: احلف؟
فيصل: ييه بالدقيقه بتحلفيني ؟ والله
اسماء: امممممممم كيفك
فيصل: سمعي .. عقب باجر زين ؟
اسماء: عقب باجر !! بوو من وقت
فيصل: ومتى تبين عيل ؟ الا احنا سكيتي يعني لا حفله ولا شي !! انتي تدرين بعد ليش
اسماء ماستوعبت: ليش ؟؟
فيصل بحزن: ابووي
اسماء: أي أي وي الله يرحمه أي بس اوكي خلاص مو مشكله .. اللي اريحك
فيصل: عقب بااجر ؟؟ عشان باجر يمديني اروح اييب لج المهر .. وتروحين تشترين الشبكه
اسماء: امبيه بعد سالفه مهر وشبكه ؟؟ مايحتاي ؟؟
فيصل: جيف ليكون محصلج ابلاش انا ولا ساحبين عليج في جيان ؟؟
اسماء ماستوعبت: ها ؟
فيصل: حبيبتي المهر والشبكه لازم .. انا بتفاهم ويا راشد باجر ان شاءالله على كل شي
اسماء: وشلا اتعبون روحكم ؟؟
فيصل: حبيبتي شفيج ؟
اسماء: مادري ماحس هالسوالف لها داعي
فيصل: مالها داعي بالنسبه لج .. بس لها داعي لي انا ..
اسماء مافهمت: اوكي اللي اريحك سو اللي تبيه
فيصل قام عنها: انزين حبيبتي انا بامشي الحين .. تامريني بشي؟
اسماء: لا سلامتك .. بس لتقص علي هالمره .. زين ماحذفت عليك الطاوله
فيصل ابتسم: ان شاءالله
اسماء مستانسه .. ابتسمت ..
فيصل توه بيطلع .. رجع لها .. : احبج
اسماء وقف قلبها !!
فيصل ابتسم: والله احبج ..
اسماء طاح قلبها خلاص ماقدرت تستحمل ..
فيصل طلع عنها وراح بيقول حق امه السالفه
واهي من الوناسه ماعرفت شتسوي ..
ركبت علكرسي وتمت تنااقز : اللاااااااااااااي وناسسه
نجود سمعت حسها بسرعه هدت الفلم وركضت تجوفها .. دشت عليها وجافتها تناااقز من صجها
نجود حطت يدها على راسها: يالاااااااهوي !! شصاير؟
اسماء مستانسه وتناقز: اللاااااااااااااااي وناااسه
نجود: وي الحمدلله والشكر ينت !! شفييج ؟
اسماء: الاااااااااااااااااااي
نجود: تدرين ؟؟ انتي بقمه رسمي ..
اسماء قعدت علكرسي وقطت راسها على ورا .. تعبت .. تمت تنافخ: هه هه هه واااااااي انتي بعد بقمه رسمي
نجود راحت يمها: شفييج يالبقمه ؟؟
اسماء قامت .. سلمت عليها وحبتها: مبرووك عليكم انا
نجود: وليش بالله ؟
اسماء: ومبروووك علي فيصل
نجود وقف قلبها: بتعرسووووووون ؟
اسماء: على خفيف
نجود: هاا ؟؟ يعني شنو ؟
اسماء: يعني عقب باجر الملجه
نجود: من صجج انتي ؟
اسماء: اذا الله كتب ان شاءالله ليش لاء؟
نجود: حلفيييييييييييي ؟
اسماء: والله !!
نجود: امبيه !! بتصيرين مرت اخوي مب رفيجة اختي !!
اسماء ماستوعبت: وشلفرق يعني؟
نجود: قصدي بتهدين ريمو وبتجابلين فصول ؟
اسماء: لا لا شدعوه عاد ؟ كل شي ولا الرييم .. بنتم ربع شفيج ؟ بس بصير جنتكم عقب ..
نجود: امحق جنه .. انتي من قبل ولايعه جبدنا منج .. الا بعد تبين بتجابلينه 24 ساعه؟
اسماء: ومن قالج بتم لج فلبيت ؟؟
نجود: حبيبتي مافي طلعه.. اتمين اهني يعني اتمين
اسماء: توج تقولين لايعه جبدج ؟ اذا عرست بقول حق فصوولي بنطلع
نجود: مافي .. فيصل مابيهدني انا وامي وريم بروحنه فلبيت .. تمي ويانه .. هذي للحين ماعرستي ولسانج هلطول علينه ؟
اسماء: مالت علييج اقول .. بتم وياكم بتم ..
نجود: شدعوه الحين مسكته يعني ؟
اسماء: افففففف انتي ليش ماتعرسين وتطلعين تفكينه ؟
نجود: انتي للحين ماعرستي عليه وبتطرديني من بيتي ؟
اسماء رفعت راسها: بيتي بعد
نجود: جوف ذي !! هي هي هي انتي !! لتخليني اعرس واييب ريلي يسكن عندنا بعد
اسماء: اففففف سكتي سكتي
عايشه دشت عليهم: هيي انتوا وينكم ؟
نجود التفتت عليها: تعالي جوفي ذي اللي تبي تطردني من البيت !!
اسماء: الله وكبر عليج !! انا ؟؟
نجود: عيل انا ؟؟
عايشه مافهمت شسالفه: تعالوا قعدوا وياي قبل لا امشي
نجود راحت لها: يالله كانه يايين
اسماء راحت وياهم بعد ماتبي اتم بروحهه .. خذت تلفونها بتتصل حق ريم تبي تجوفها وينهي !!
ريم تلفونها فلشنطه .. وسايلنت ماسمعته ..
اسماء عيزت وهي تتصل .. يرن يرن .. محد يشيله
وهي معصبه: وينهي ذي ؟؟
نجود: من؟؟
اسماء: اختج !!
نجود: شدراني فيها انا ؟؟
اسماء: افففففففففف


ناصر كان قاعد يأكل ريم وهي تأكله ..
ناصر توه متذكر: ابوي !!!!!!!
ريم مب فاهمه شسالفه: قلبي !!
ناصر شرب عصيره ووقف ..
ريم مب فاهمه: عمري شفيك ..
ناصر .. عدل الجاكيت .. ونفخ صدره : شرايج فيني؟
ريم ابتسمت: ماشالله عليك لا اله الا الله شحلوك تينن
ناصر ابتسم .. طلع لها القلم يراويها .. والكبكات اللي يابتهم له : من جذي صرت حلو ..
ريم: وااااااااي عليك بلعافيه فديتك
ناصر: قومي وقفي ..
ريم مستغربه .. تمت قاعده تطالعه
ناصر: قووووووومي !!
ريم قامت: شصاير ؟؟
ناصر : تعالي جربي مني ..
ريم جربت يمه ..
ناصر من صجه: شميني .. خنين ؟
ريم فيها الضحكه: ناااااااصر ؟؟ ههههههههه
ناصر من صجه: شميني اقوللج !! شيضحك ؟
ريم: شاشم فيك الله يهداك ؟؟
ناصر سحبها بقوه وخلاها تشمه: هاا ؟؟
ريم ابتسمت: ايه
ناصر: شنو أي ؟؟ شريحته ؟؟
ريم: اللي يبته لك .. عليك بلعافيه عمري
ناصر ابتسم: عبالي بعد ماتذكرين .. خبرج علي الريحه غيير يعني ..
ريم: أي أي اكيد ..
ناصر: شبعتي ؟
ريم ابتسمت: ايييه الحمدلله نعم الله علييك
ناصر: بلعافيه ابوي .. دقيقه (راح عنها بيدفع .. ماخذ راحته المطعم لهم بروحهم )
ريم خذت شنطتها وراحت تغسل يدها ..
ناصر غسل يده وقال لهم يحطون البوكس فلسياره .. والكيك بعد ..
ريم عدلت شيلتها وطلعت له ..
ناصر كان قاعد ينطرها: يالله مشينه ؟؟
ريم: يالله ..
ناصر يود يدها: يالله ..
بطل لها باب السياره .. خلاها تقعد .. وراح بسرعه قعد .. التفت عليها وهوه يخزها: مو المفروض نطلع بسيارتج اليديده ؟؟
ريم بضيق: والله انا كنت بايي فيها بس فيصل مارضى !!
ناصر ابتسم: اتغشمر يبه .. سمعيني .. الحين بنروح البيت وبنعلن زواجنا
ريم بقت عينها: الليله ؟
ناصر: أي يعني بنقول لهم ان بنسافر شفيج ؟
ريم ابتسمت: ان شاءالله ..
ناصر يخزها: بلبس الشبكه .. ولا نسيتيها ؟
ريم تخزه: الشبكه اللي طرشتها ليي ؟؟
ناصر يخزها: اييه
ريم نزلت راسها: ان شاءالله ..
ناصر يغني لها: قلبي في ادينك ياغالي بس خل بالك عليه ..يا حبيبي هذا قلبي وانت ادرى الناس فيه ..لو اعيش العمر كله .. مانسى حبك أو أمله ..ماابي شي بحيااتي انته بس اللي ابييييه والله انت اللي ابيه
ريم ابتسمت: آيه عليك ..
ناصر يخزها: وايد ماعطج ويه واغنيلج .. اجوف الا يازت لج السالفه
ريم ببراءة: انت تدري اني احب صوتك ..
ناصر طق راسه: آآآآآآخ (يغني) يسألوني ليه احبك حب ماحبه بشر !! وليه انتي في حياتي شمسها وانتي القمر ؟؟ وليه صوتك لاوصل صحراي يملاها الزهر .. علميييهم يالحبيبه .. آآه آآه يا اغلى حبيبه .. يالله دورج !!
ريم بقت عينها: انا ؟؟
ناصر : بسرعه لا ادعم فيج الحين
ريم: شنو ؟
ناصر: غني !!
ريم متفشله: من صجك؟
ناصر: والله ترى بوقف السياره وبنزلج .. بتغنين ولا شلون ؟
ريم: انزين انزين انت لتخرعني !! بغني لحظه .. انطر .. (خذت نفس) بسم الله الرحمن الرحيم ..
ناصر: وااااااااااحد .. اثنيييييييين
ريم بخوف: اكاااااااني .. يالله .. شاغني عاد؟
ناصر: أي شي !! بسرعه ترى بيطوف الوقت وبوقف السياره ها !!
ريم: لحظظظظه !! ناصر لتسويلي جذي لحظه !!
ناصر: وااااااااااااحد
ريم: انزين انزين .. ياربييييييي !!
ناصر يصارخ: اثنيييييييييييييين
ريم : واااااااااي ناصر !!
ناصر يصارخ: غنيييييييييي
ريم : انزين ممكن ماتصارخ علي؟؟ عشان اعرف اغني
ناصر يتطنز: عداااااال يا لطيفة شداد !! ولا عايشه المرطه ؟؟
ريم تفشلت: من؟؟ .. اوكي اوكي خلاص .. اذا تبي توقف السياره وقفها بانزل
ناصر: اووهوو .. زعلت ..
ريم ساكته..
ناصر: ابوي عاد مب قصدي
ريم ساكته ..
ناصر: ابوي يعني ماله تزعلين على هالسالفه؟
ريم بدون ماتطالعه: انا مازعلت ..
ناصر: يييه !! عيل شسمونه ذي؟
ريم ساكته ..
ناصر سكت ..
مرت جم دقيقه ..
ناصر يغني لها باحساس:
احبه حب لو يدري عن اللي بخافقي من بوح .. نسى كل الزعل وارخص حياته دون حرماني
ريم ابتسمت .. التفتت عليه: احلف؟
ناصر ببراءة: والله
ريم سكتت ..
وناصر تم ساكت بعد ..

ام فيصل طلعت من المطبخ : يالله تعالوا تعشوا ..
نجود قامت وسحبت عووش: يالله ..
اسماء قامت وياهم ..
ام فيصل دشت المطبخ تنطرهم ..
نجود راحت قعدت علكرسي ويمها عايشه ..
ام فيصل التفتت على اسماء: للحين ماياو ؟؟
اسماء ماستوعبت: من ؟؟
نجود: يمه عاد الله يهداج مابغيتي الا تسألين اسوم ؟؟ امبلا فيصل يه بس ريمو للحين مايات
ام فيصل: وه !! وين راحت ؟
نجود: يمه فيصل يقول ان فيه عصابه اختطفوها عاد يبون 5 ملايين دينار فيصل قال ماعندي خلوها عندكم احسن مابي اخسر عليها شي ..
ام فيصل: اسم الله على بنتي لتفاولين عليها !!
اسماء بغباء: خالتي يمكن صج !! انا عيزت اتصل لها ماترد !!
ام فيصل: اسم الله عليها .. !! وينه فيصل خل ايي يتعشى ؟؟
نجود تقلد امها: خل ايي يتعشى .. قولي روحي ناديه !! اهوه شدراه يعني ان احنا بنتعشى ؟
ام فيصل: انزين روحي ناديه عيل ..
نجود قامت: ايي يعني لتقعدين تلفين وتدورين .. قولي ناديه وخلاص ..
ام فيصل تهز راسها: الله يرضى عليج ..
نجود راحت بتنادي اخوها ..
هالحزه ناصر وريم وصلوا ..
بسرعه ناصر راح يبطل لها الباب .. طلعت ريم من السياره ..
ناصر بهدوء: نطري .. لتحركين ها ..
ريم مب فاهمه شسالفه ..
ناصر قفل السياره وراح يمها .. : حطي يدج ورا رقبتي ..
ريم: ها ؟
ناصر: بسرعه !!
ريم حطتها.. ناصر بسرعه شالها : شييي الخفيفه ..
ريم متفشله: ناصر عمري نزلني .. ظهرك
ناصر: اششش ولا كلمه ..
طق الجرس .. بطلت له جاندرا الباب .. دش وهوه شايلها .. وكل ماتبي تتحجى سكتها ..
بطل الباب .. ودشوا البيت ..
فيصل ونجود كانوا توهم نازلين على الدري .. نجود بسرعه لبست شيلتها ..
وناصر شايل ريم وفيه الضحكه ..
وريم متفشله: بس خلاص ؟؟
ناصر معصب: اشش قلت لج لتحجين !! يه ؟؟
نجود تخزهم: شعنده ماجد المهندس ؟؟
ريم: يخسي .. ريلي احلى ..
نجود: سكتي انتي سكتي .. تعالوا تعشوا بلا هالخرابيط
ناصر يساسر ريم: محتره ..
فيصل ابتسم وراح المطبخ ..
ريم: عمري ماتعبت؟؟
ناصر: اشش ..سوي روحج راقده
ريم: ها !!
ناصر: سمعي الحجي يالله
ريم غمضت عينها ..
دش المطبخ وهوه شايلها ..
امها من جافتها فزت: وي يمه بنتي !!
ناصر يحاول ايود الضحكه .. هز راسه: لا حول ولا قوة الا بالله
ام فيصل: يمه ريم !! شفييييها ؟؟
ريم ماتبي يصيد امها شي بسرعه بطلت عينها: بووو
ام فيصل خذت نفس: خرعتيني !!
ناصر معصب: شلا تخربين علي انتي الحين؟
ريم ببراءة وهدوء: عمري اخاف على امي ..
ناصر معصب .. نزلها .. : روحي حق امج
ريم: يه ؟؟
ناصر عطى جاندرا لسويج: نزلي الأغراض اللي فلسياره ..
ريم يودت يده: ناصر ؟
ناصر بدون مايطالعها: اذا كملتوا تعالو الميلس ابيكم كلكم ..
راح عنها ..
ريم وقفت مكانها مب عارفه شتسوي .. تطالعهم وتتلفت .. بسرعه ركضت بتروح له ..
كان قاعد فلميلس ..
راحت قعدت يمه ..
ناصر يزعم معصب: روحي عني مابيج
ريم ببراءة: عمري شصار الحين ؟؟
ناصر: شصار ؟؟ ماتسمعين الحجي !! شسوي فيج ؟؟
ريم يودت يده: له داعي الحين نزعل ونتضايق ؟؟
ناصر يطالعها: انتي الله يهداج
ريم: انزين آسفه وحقك علي .. خلاص مااقصد سامحني ..
ناصر يخزها ..
ريم نزلت راسها .. هدت يده ومشت عنه ..
ناصر وقف: ريم !!
ريم التفتت عليه: ببدل وباييك ..
عايشه تعشت .. اتصلت لها امها كانت تنطرها عند الباب .. سلمت عليهم وطلعت .. طلعت وياها نجود توصلها ..
نجود: تعالي باجر عاد !!
عايشه: بجووف ان شاءالله .. انتي تعالي يعني لازم انا اييج ؟
نجود: ماتدرين النسوان للحين ايون !!
عايشه: آآه شدعوه؟
نجود: والله محد مفتك الا الرياييل 3 ايام وخلاص .. واحنا جوفي شكثر صار ؟؟ وللحين ايون !!
عايشه: يالله .. حكم القوي
نجود: شدخل انتي بعد !! يالله قلبي ويهك
عايشه: اووكي يالله .. بيباي
نجود: بااي
نجود دشت المطبخ لهم ..

ريم ركبت فوق .. قطت شيلتها ودفتها .. طلعت تلفونها .. جافت ان اسوم متصلة لها .. انسدحت علسريير تعبااانه .. اتصل لها نااصر .. بسرعه شالته .. : الوو ؟
ناصر بهدوء: وحشتيني
ريم بحيا: وانته اكثر ..
ناصر: يالله تعالي ! ماصارت !! شتسوين ؟
ريم: ببدل وبايي ..
ناصر: للحين مابدلتي ؟
ريم: عمري انطرني بتسبح .. احس رقبتي متلعوزه عصير ..
ناصر: انزين .. اطلب منج طلب؟
ريم: عيوني لك .. آمر
ناصر: تسلم عيونج حبيبتي .. لبسي فستان وتعالي
ريم بقت عينها: ها ؟
ناصر: ويبي كيمرتج .. مايصير البسج الشبكه علبجامه .. ولا انتي شرايج ؟
ريم فيها الضحكه: ان شاءالله ..
ناصر: يالله عااد بسرعه .. ذبحني الشوق
ريم بحيا: ناصر !!
ناصر: عيووونه وقلبه انتي ..
ريم: عطني ساعة الا ربع
ناصر: آآآآآآآآآآآآآآآآآآآآآ !! من صجج انتي ؟
ريم: يه ؟؟ انزين احاول اقلل
ناصر: بسرعه يالله !!
ريم: انزين يالله ..
ناصر: يالله
ريم: يالله
ناصر: يالله
ريم: أي يالله بصكه عشان اروح اتسبح
ناصر: انزين يالله صكيه
ريم: يالله باي
ناصر: احبج
ريم سكتت ..
ناصر: بااي
ريم: باي ..
ناصر: لتأخرين !! ترى بركب لج فوق !!
ريم: لا لا مابتأخر ان شاءالله ..
ناصر: اكييد ؟
ريم: ان شاءالله .. يالله باي ..
ناصر: باي ..

يتبع..........

[لامارا]

تابع...

نااصر ينطرها على اعصابه .. دش عليه فيصل ..
ناصر التفت عليه: هاا الفيص .. شخبار؟
فيصل قعد يمه: الحمدلله .. شخبارك انت ؟؟
ناصر ابتسم: الحمدلله بخير ..
فيصل: تعشيتوا؟
ناصر: اييه الحمدلله ..
دشت ام فيصل: ها يمه شلونك ؟؟
ناصر: الحمدلله بخير انتوا شلونكم ؟
ام فيصل: االله يعافيك .. عيل وينهي ريم ؟
ناصر: شوي وبتيي ..
نجود واسماء دشوا الميلس
نجود: تصدق !! اشك انك بحريني
ناصر يخزها: وليش يعني؟
نجود: مادري شكلك بالبدله ..
ام فيصل: الا شزيييينه وشحلااااته ماشالله لا اله الا الله ..
ناصر مستانس: احم ..
نجود: لتصدق عمرك عاد
فيصل: بس عاد انتي يوزي عنه .. (التفت عليه) شكنت تبي تقول ..
ناصر: اممم .. (خذ نفس) انا وريم .. قررنا بنسافر .. امم شهر العسل
فيصل بق عينه .. : يعني خلاص ؟؟
نجود: آآآآآآآآآآآآه !! من صجك ؟؟
ناصر: أي من صجي ..
نجود: كلكم بتعرسون سكيتي يعني ؟؟ مايصير استانس في عرس اختي ؟؟
ناصر: اذا رجعنا بنسوي استقبال ..
نجود: لا مابي .. ابي عرس !!
ناصر: معليه نعرس مره ثانيه مب مشكله
نجود: ايي قص علي !!
ناصر: تفاهمي ويا اختج انا ماعندي مانع ..
اسماء: ومتى بتسافرون ؟؟
ناصر: عقب باجر ان شاءالله
فيصل التفت عليها: يوم الملجه يعني !!
اسماء ماستوعبت: ملجة من !!
نجود: آآآه !! شفيكم انتوا !! شلا هالكثر مستعيلين !!
ناصر: عقب باجر الملجه ؟؟
فيصل: ان شاءالله
ناصر: معليه احنا فلليل بنسافر يعني بنلحق عليكم ..
نجود معصبه: شلا جذي كلشي مره وحده ؟؟ عنبو !! مافيكم صبر ؟؟
ام فيصل: خير البر عاجله .. خليهم الله يوفقهم كلهم .. الفال لج
نجود سكتت " في خاطرها" اللاي وناسه
ام فيصل تحاجي ناصر: الله يوفقكم .. خبرت الوالد والوالده ؟
ناصر: ايي انا قايل لهم قبل لا احجز .. ويمكن نمر عليهم ..
نجود: وين بتروحون؟
ناصر: أول شي بنروح LA ..
نجود: وين ذي بعد ؟؟
فيصل: قصده Los Angeles
نجود: اهاا .. وبعدين ؟
ناصر: لأ .. مفاجأة ..
نجود: مفاجأة حق قمر الزمان مب لي انا !!
ناصر: ايي ادريبج انتي بتخرين كل شي عندها .. مافي ..
نجود: انزين مابي اعرف ..
فيصل: وينهي ؟؟
ناصر يجوف الساعه: تأخرت !! (يحاجي نجود) اصير تروحين تجوفينها ؟؟
نجود من غير نفس: لااا آآسفه .. مايصير ..
اسماء قامت بتروح: انا بروح لها .. تمي ..
فيصل ابتسم .. يوم طلعت التفت على نجود : هذي لبنيه السنعه .. مب انتي !!
نجود تخزه: ويي وشفيني انا ؟؟
فيصل: مافيج شي خلاص ..
نجود: متأكد؟؟
فيصل: انا لله ..
ناصر على اعصاابه ينطر .. : وينهي ؟؟

اسماء ركبت لها فوق .. كانت لافه شعرها فلفووطه ولابسه الروب ..
اسماء: وينج انتي ؟
ريم: دقيقه بس بلبس وبنزل .. (خذت اللوشن .. اللي شرته من امريكا)
اسماء: اللااااااي احبه ذي ..
ريم تحط لها: مايغلى علييج
اسماء: عندي عندي ..
ريم: انزين .. شرايج شالبس ؟؟
اسماء: شتلبسين بعد ؟
ريم: مادري ناصر يقولي لبسي .. علأقل حق الصوره ..
اسماء: مادري جوفي من اللي شريتيهم ..
ريم طلعت لها فستان .. اوف وايت .. حرير..فيه حركه من فوق يعني الفستان نازل شوي وجتفها طالع ..فيه مثل لحزام الكرستاال على الخصر .. بس ماعرف اشرح عاد .. : شرايج في ذي ؟؟
اسماء: وايد حلو ..
ريم: البسه ؟؟
اسماء: لبسييه يالله بسرعه ..
ريم: شعري شسوي فيه ؟؟ جوفيه شلون مبلل !!
اسماء: لتقولين لي بتسوينه الحين ؟؟
ريم: شسوي عيل ؟
اسماء: فلييه .. فن جذي ..
ريم: من صجج ؟؟
اسماء: الا ناصر !! حده معصب ينطرج ..
ريم مب مقتنعه: افله ؟؟
اسماء: يالله بسرعه فليه
ريم شالت الفوطه: مب ارفعه احسن؟
اسماء: اوهووووو ممله انتي !! يالله بسرعه ..
ريم: انزين انزين نزلي انتي باييكم
بسرعه جففت شعرها مب حلو تنزل وشعرها مبلل .. اهيا شعرها نااعم يعني مايبيله شي .. لبست الفستان .. رفعت شعرها بتااج كرستال وفلته على صووب ..
حطت لها ميك اب ناااعم .. تلفونها يرن يرن يرن .. بسرعه كملت الميك اب .. تعطرت .. خذت الشبكه والكيمرا والتلفون ونزلت ..
وهي علدري ردت علتلفون ..
ناصر: ويييينج !! اركب لج ؟؟
ريم: كاني نزلت .. يالله باي
ناصر: باي ..
صك التلفون وبسرعه قااام بيروح لها .. طلع من الميلس .. وهي توها نازله ..
وقف مكانه يخزها.. ريجه نشف وهوه يجووفها ومبطل حلجه ..
ريم بحيا نزلت راسها .. ماتحب احد يجوفها جذي ..
ناصر .. بلعداال راح يمها .. وهي للحين منزله راسها .. خذ يدها بنعومه وباسها ..
ريم مستحيه ..
ناصر بهدوء: انتي ليش جذي ؟؟
ريم تطالعه ببراءة: شنو؟
ناصر: شلا جذي حلوه ؟؟ بلعماله تبين تيننيني ؟؟
ريم فيها الضحكه: ناصر ؟؟
ناصر: ترى ماستحمل !! (يجوفها من فوق لي تحت) آآآخخخ
ريم متفشله: يالله ناصر نروح لهم ..
ناصر سكت ..
ريم مشت عنه .. دشت الميلس .. كلهم يطالعونها .. وهي حدها متفشله ..
نجود يزعم تيبب: كلولولوليش
ريم ابتسمت ..
ياها ناصر من وراها .. التفتت عليه وابتسمت .. يود يدها: تعالي نيلس ..
قعدوا ..
ناصر وقف: سمعوني كلكم .. صج تمنيت ابوي وامي يكونون وياي .. بس .. لازم البسها الشبكه ..
نجود تصفق: هيييييييييي
ناصر متشقق: طبعا .. ماشالله عليها قمر .. انربط لسااني
نجود تخزها: لتصدقين عمرج .. انتي قلتيلي ان انتي قمر لان اهوه يحبج مو لان انتي قمر ..
ريم بقت عينها: ايي ادري شكرا للتوضيح
نجود تهز راسها: عفوا ..
ام فيصل دمعت عينها: يالله لبسها ..
ناصر وقف على الطاوله
نجود: هي هي طاولتنا لتكسرها .. عبالك خفيف ؟؟
ناصر: اشش .. سكتي .. خليني اكمل .. ممكن كلكم تصفقون ؟؟
كلهم يصفقون ..
نجود تصفق من صجها: هييييييي اللاي وناسه
ريم تضحك عليه ..
ناصر يطالع ريم ببراءة: احبج
ريم مستحيه ..
فيصل: تحيه لروميو البحرييين .. ناااااااااااصر
ونجود تصورهم ..
ناصر ابتسم وللحين واقف علطاوله .. يتحجى وكلهم ساكتين يسمعونه: شكرا شكرا .. احرجتوني بصراحه بكرمكم الزايد .. بس معليه انا متدوده حدي فهيت يوم جفتها .. بس اقدّر ييتكم ووقفتكم معاي في هاليوم المهم اللي بصراحه انا اعتبره يوم ميلادي .. وهذي وسام احطه على صدري بصراحه لان انا حدي مب مصدق واحس بشعور غريب ومب عارف اوصف شعوري الحين بس حتى لو بشرح لكم احساسي ماظن بتفهموني الا اذا كنتوا في موقفي وماظن اصلا بتكونون يوم في مكاااني لان مكاااني مكااني مب مكاان احد ثاني بس المهم وباختصار شديد انا احس ان .. مادري المهم ادري فاهميني اكيد
فيصل يضحك عليه: ههههههههههههههه انت شتخررررربط ؟ جان تحجيت بالانجليزي يمكن تعرف تعبر اكثر !!
نجود مب فاهمه .. تحاجي اسماء: فهمتي شي ؟؟
اسماء تهر راسها: لااء .. بس جنه يقول عيد ميلاده جريب
نجود تفكر: يجوز ..
ريم تضحك عليه: هههههههههههههههههههههه
ناصر يخزها : افففف لازم تضحك وتطير عقلي للااازم ...
ريم يودت ضحكتها
ناصر نزل من الطاوله بصراخه: والآآآآآآآآآآن .. نفتتح الشبكه
نجود تصفق: هيييييييييي اللاي وناسه
ناصر خذ الشبكه .. بطل البوكس .. خذ العقد ..
نجود: قومي وقفي يالبقمه؟
ريم بغباء: من انا ؟؟ اووه (وقفت) انزين
ناصر التفت عليها .. جرب يمها .. وهي منزله راسها .. جرب يمها اكثر .. لبسها العقد .. دنى راسه ورا رقبتها عشان يصكه .. مايعرف .. همس في اذنها: شلون يصكونه ذي؟؟
نجود قامت له: شفييك نسيت روحك ؟؟
ناصر من صجه: دقيقه نطري !!
نجود تصوره: واااي ماصدق
ريم بهمس: عمري خله انا بصكه ..
ناصر: لاا لا انطري .. اكا جني اعرف .. لحظه دقيقه ..
فيصل: يالله ماصارت !!
ناصر واخيرا عرف .. متشقق: ياسلااااااااام عليي .. خطيير
نجود: انطر .. انا الحين باخذ دور المصوره .. حط يدك يزعم للحين تلبسها .. انتي نزلي راسج وانت طالعني ..
ناصر: شلون اطالعج والبسها ؟؟
نجود: سو اللي اقولك عليه واسكت .. بسرعه
ناصر حط يده ورا رقبتها .. يود العقد ... التفت يطالع نجود ..
نجود: اضحك عاااااد !! غاصبينك ؟؟
ناصر ابتسم: يالله بسرعه ..
ريم مستحيه .. وايد واقف جرييب يمها ..
ناصر: انزين الحين شنو ؟؟ التراجي ؟؟ اصعب بارت
نجود: ويييييي خدايك الزايد .. يالله بسرعه ..
ناصر خذ الترجيه .. وراح صوب اذنها .. يبي يدخلها مب عارف
ريم بهدوء: بلعداال ..
ناصر يهوس يبيها تدش .. : اوهو شفيها ذي اتدلع ؟؟
اسماء: وخر وخر بلبسها انا
ناصر قاام بيجوفها: لا بس راويني شلون ..
اسماء خذت منه الترجيه .. لبستها: بس جذي
ناصر: يه ؟؟ والله خطيره !! شلون جذي ؟؟
اسماء تخزه: ييب الثانيه ..
ناصر عطاها: هااج
اسماء لبستها بسرعه: بس جذي شيبيله
ناصر: شمعنى انتي يصير وانا لاء؟؟ فصخيها يالله دوري
اسماء: لا مافي .. يالله بسرعه ..
ناصر : انزين ..
نجود: حط يدك على اذنها يزعم انت لبستها
ناصر حط يده .. والتفت عليها ابتسم: تيــــا
نجود: مخدي مخدي الحمدلله والشكر ..
ناصر: شبقى ؟؟
خذ المضعد مادري شسمه ذي اللي يحطونه فليد .. لبسها اياه ..
ناصر مستانس: ايييي هذي عجييب.. يالله صوريني
نجود تصوره: يالله بقى الخاتم
ناصر خذ الخاتم ولبسها اياه: ياسلاااااااام .. هذي حده حلييو ..
نجود: انزين وين دبلكم ؟؟
ناصر وريم رفعوا يدهم ..
نجود: انزين فصخوهم عشان تردون تلبسونهم ..
ناصر صرخ: لاااااااء .. مافي
نجود: وي يمه بسم الله انا شقلت الحين ؟
ناصر يود يد ريم صوب الدبله: صوري جذي ..
نجود: انزيين انزين
ناصر يحاجي ريم بهدوء: يوديني صوب الدبله يزعم تلبسيني ..
ريم يودت صبعه .. وصورت يدهم ..
نجود: اللاي وناسه تيننون
ناصر: قولي ماشالله !!
نجود: ماشالله ماشالله
ناصر: بس ؟؟
نجود: الحين حبها على يبهتها .. بس تم عشان اصورك
ناصر ابتسم .. يود راسها بيدينه .. وباسها على يبهتها .. وريم مستحيه ومنزله راسها ..وتم ينطرها تصوره ..
نجود: بس بس صورتك !
ناصر هدها ..
نجود: تدرون شنو اللي مخرب ؟؟
ناصر: شنو ؟
نجود: لو كنت مغتر .. ولابس لك بشت .. بتكون الصور أحلى .. مب لابس لي بدله عبالك جوش لوكاس ..
ريم التفتت عليها: اللاي تصدقين يشبهه ؟؟ نفس الضحكه !!
نجود تخزه: على خفيييف
ناصر: معليه باجر اغتر ونرد نلبسها الشبكه ولا تزعلين
نجود: جيف حلااوه ؟؟ كل يوم ؟؟
ناصر: شدراني انتي تقولين مغتر احلى؟
نجود: ايي هذي رايي ..
ناصر: خلاص باجر اغتر وتعالي صورينه
نجود: اشتغل عندكم ؟؟ أي والله تعالي صورينه .. بس قعدوا شفيكم واقفين
ناصر: افا مابتصورينه ؟؟
نجود: شاصور فيكم؟ بس لا ؟
ناصر: يعني بنصور بروحنا جذي ..
نجود: عقب اذا راحوا المعازيم ..
اسماء ماستوعبت: أي معازيم ؟
نجود: الينانوه ربعج
اسماء تفكر: أي ؟؟
ام فيصل راحت تسلم على بنتها .. لمتها وقعدت تصيح .. وطبعا ريم تبي الشاره .. تموا يصيحون اثنينهم ..
ناصر يتطنز .. طل في ويهه: اخييي ساح المكياااج ..
ريم وهي تصيح: ووتر برووف
نجود معورها قلبها من الموقف .. بس ريم ضحكتها: ااااااخ مكسووره وتبرّد !! اي والله ووتر بروف
ناصر بدى يعصب: بس عاد الحين احنا مستانسين
نجود: ماتعرف امي يعني؟؟
ام فيصل هدتها .. مشت دموعها: مبروك حبيبتي ..
ريم تمش دموعها: الله يبارك في حياتج يمه
ناصر طق راسه: اخخ اخترب المكياااج كله ..
ام فيصل سلمت على ناصر: مبروووك يمه
ناصر: الله يبارك فيج
ام فيصل: حط بالك علييها ..
ناصر: فعيووني لتحاااتيين ..
امها راحت عنهم ..ماتستحمل اتم اكثر .. فيصل راح بيسلم عليهم .. لمته اخته بقوه: واااي قلبي
فيصل: مبرووووك الرييم
ريم: الله يبارك فيك .. الفال لك ..
فيصل هدها .. تم يطالعها: معليه .. عقب باجر
ريم بقت عينها: احلف ؟؟
فيصل: والله
ريم بضيق: وانا اخر من يعلم ؟؟
فيصل: كلشي صار بسرعه بسرعه ..
ريم التفتت على اسماء: وليش ماقلتيللي !!
اسماء: مادري نسيت ..
ريم: معليه حصل خير ..
فيصل: عاد .. باجر نبيج توديها تشتري الشبكه
ريم ابتسمت: من عيووني
فيصل: تسلم عيوونج ..
التفت على ناصر بيسلم عليه: مبرووك يالشيخ
ناصر: الله يبارك فييك
فيصل: عاد ماوصيك عليها
ناصر: افا عليك بس ..
نجود طلت على اختها: تيــــــا
ريم بسرعه لمتها: واااااي نجوود
نجود لمتها: ريحتج خنينه
ريم طقتها بلعدال: اشش فضحتيني
نجود فيها الضحكه: أي عطر ذي ؟؟
ريم: مابقوول ..
نجود: لوشن بعد ؟؟ مال امريكا ذي ؟؟
ريم: اششششش فضيحه !!
نجود تشمها: أي شامبو
ريم هدتها: نجودو بذبحج !!
نجود تضحك عليها: شفييج ماينسمع !!
ريم: يوزي احسن لج
نجود: زين يالبقمه .. مبروك .. معنى مب عاجبتني السالفه جذي تسافرين وتقصين علي .. بس يالله شنسوي .. حكم القوي
ريم: آيه عليج شسوي ..
نجود بلعدال: شنو شتسوين ؟ قوليله مابي !! غصب السالفه ؟؟
ناصر قاط اذنه: خير خير شقلتي ؟؟
نجود: ويعه !! مب اذون !!
ناصر: من الحين توشينها علي ؟؟
نجود تغير السالفه: انا قاعده اقول لها يعني ان .. العرس مسئوليه وانتي قدها وقدود
ناصر يخزها: لا ؟
نجود: وانا الصاجه !! المهم ..
اسماء يات بتسلم على ريم .. قلبها متروووس .. مب مصدقه ..
ريم من جافتها لمتها بقوه وصااحت
واسماء صاحت وياها
اسماء وهي تصيح: واي ماصدق ريمو بتعرسين ..
ريم تصيح: ولا انا
اسماء: وااي ماصدق انا بعد بعرس
ريم تصيح: ولاااناا
نجود حبة يدها وحطتها على يبهتها: الحمدلله والشكرر
اسماء تصيح من قلب: واااي ريمووو ماصدق
ريم تصيح: واااي اسوووم ماصدق
فيصل بدى يعصب: لتصدقون !! غصب يعني ؟؟
ناصر: شيسكتهم الحين ؟
ريم تصيح من قلب: واااي بموت
فيصل: ابي اعرف شيصيّح ؟؟
اسماء تصيح: ريموووووو لتعرسييين
ريم تصيح: اسووووووم لتملجيييين
اسماء تصيح: انزين
فيصل: ها !! على كيفج انتي ؟؟
ريم هوست على يدها ولمتها بالقوه: اسوووووم
اسماء: اااااااي قلبي يعورني
ريم تصيح: انا بعد ..
نجود تصوّرهم: ياسلاااااااااام عليكم .. شي شي
ناصر بدى يعصب: وبعدين يعني ؟؟ لي متى ؟؟ (يحاول ايود يد ريم مايقدر)
فيصل معصب: بس عاااااد !! لازم تصيحون انتوا ؟؟
ناصر: بعد لي الثلااثه .. والله ترى هاا !!
ريم وهي تصيح: نااااصر ..
ناصر معصب: واااااااحد
اسماء: خيوليي ماعليج منه
ناصر معصب: نعم ؟؟؟ ريم بس عاد خلاص ؟؟
ريم هدتها وتمت تطالعها: وااي اسووم
نجود: بل ! جوف ويوهكم شلون صارت !! خشمكم حمر !! وعيونكم حمره !! حالتكم صعبه خلاص بنعرسكم على بعض
ريم واسماء مع بعض: نععععععععم ؟؟
ريم بسرعه طقت الطاوله: يييييو بعرس قبلج
اسماء : جوف الدبه !! ريلي احلى من ريلج !!
ريم: لاااااا اثنينهم حلوين لتحاولين .. بعرس قبلج
اسماء: قبلي قبلي .. من زمان وانتي كله تطقين الخشب قبلي .. مالت عليج
فيصل: افا عليج تبين نعرس قبلهم ماعندي مشكله
اسماء تخزه: احلف بس ؟؟
ناصر: احنا قبل .. خلااص كيفنا
اسماء: احنا تو الناس .. مب متخرعين مثل بعض الناس ..
ريم تخزها: من المتخرع ؟؟
اسماء: محد
فيصل: بووو !! محد ؟؟ للحين عايش ذي ؟؟
نجود: يسلم علييك ..
فيصل ابتسم: الله يسلمه ..
ريم: عطيني الكيمرا خل تصورنا كلنا مع بعض ..
نجود عطتها: هاااج
ريم حطت الكيمرا علتايمر .. وحطتها على الطاوله ..
راحت قعدت يم ناصر .. ناصر كان على يسارها .. اسوم على يمينها .. وفيصل يم نااصر .. ونجود يم فيصل ..
حدها حلوه كانت الصوره .. معنى ويوهم تبين انهم صايحين ..
ناصر يصوّت: جاااااندرااا .. يالله يبي الكيك
نجود بقت عينها: اللاااااااااي وناسه !! كيك بعد ؟؟
ناصر ابتسم: عباالج !! حركاااات ..
يابت لهم جاندرا الكيك وحطته على طاولة الأكل .. ويابت لهم لصحوون
ناصر يود يد ريم: يالله حبيبتي .. تعالي..
راحوا صوب الكيكه
نجود: لحظه لحظه روحوا صوب الباب وتعالوا بنزفكم ..
ريم تسوي روحها مافهمت: ليش تزفيني!! انا شسويت؟
نجود: بلا غباء يالله بسرعه
راحوا صوب الباب .. ميود يدها ..
ونجود تصفق وتغني لهم: يامعيرييييس عين الله ترااااك .. والقمر والنجووووم تمشي وراااك
اسماء تصفق ويزعم تيبب: كلولولوولييييييييييييييش
نجود من صجهاا: من بااااااااسها رييمو من باااااسها .. من رصع اللولو على رااااااسها
اسماء تصفق وتكمل: وعليييييك سعييد .. وعليييك مبااااااااااااارك
نجود تصفق: وعليه بلعااااااافيه ياللي خذاهااااااا
اسماء تصفق: وعلييييه بلعافيه يتمشى وياهااااا
نجود تكمل: لولا دلاااااااالج ماتعنيييينا طابت خواطرنا وغنيييييينا
اسماء تكمل: لولا دلالج ماعنيييناالج .. مادري شنو نسيييت ايواااااااا
نجود راحت تطبل على البااب: وحنااااااااج عيين رييمو حنااااااج عييين لي دزوج على نصوور بالج تستحيييييين
اسماء تطبل على الطاوله: وحنااااااج ورق ريموو حناااج وررررق لي دزوج على نصوور صبج العرق
نجود: ولااااااا اله الا الله
اسماء: ولا اله الا الله
ريم فيها الضحكه ..
ناصر يهمس في اذنها: من أي قرن يايبينهم ذلين ؟؟ طقاقات على مستوى!!
نجود تغني : هلااااااا بللي لفانييي يا هلاابه .. عدد دقاات قلبي في غياااااااابه
اسماء تغني وياها: هلااااا بللي بعد والشوق جاااااابه .. علييم الله قلبي ماسخاااا به
فيصل: عليكم باغاااني !!
نجود تصفق: بلهووني بلهووني .. قلبي عشق الأسمررررر .. وانتوا ظلمتوني
اسماء داشه feeling: منسسسسسسسسسيه منسيه واااانا كله يتراوالي
نجود يزعم تعزف: طرارارانق
اسماء من صجها: قلت اوقفيليي وارفعي البوووشيه .. خليني اروي ضامي العطشاااني
نجود تيبب: كلولولولييييييييش ويا منيتي .. يا سلا خااااطري وانا احبك ياسلااام
اسماء: لييييييه الجفا ..
نجود: ليه تهجرنا وانا ؟
اسماء: وانا احبك
نجود: احبك
اسماء: احبك ياسلااااااااااااام
نجود: على الويييييييييييل ويييييلا .. ياسمسمه يعني
ناصر يقاااطعها بصراخه: ببببببس !!
نجود بهدوء تكمل .. بلعدال عشان مايسمعها ويعصب: عذاب السمسمه
كلهم سكتوا يطالعونه
ناصر معصب: لو اغاني عدله بعد قلنا !!
نجود عافسه ويهه: شعرفك انت فالطرب الأصيل ؟ اهني البرستيج يبه !!
ناصر: امحق طرب .. يالله نبي نقص الكيكه عقب غنوا ..!!
نجود: قصوا !! من ميودكم ؟ زين منه بنسويلكم جو الحين !!
ناصر: يودي الكيمرا وصورينه وحنا نقص الكيكه
نجود: طرار ويتشرط بعد
ريم ببراءة: بليز !
نجود: انزين انزين ..
توهم يقروون اللي مكتوب على الكيكه
نجود تهز راسها: له له له .. ماااااقدر انا على هالحركاات
اسماء تقرا: شي شي .. جان حطيت فلوسط " ناصر الريم "
فيصل: حركااات ..
ناصر يود يد ريم .. نجود عطتها السجين .. يودها بيدها اليمين .. حط يده اليسار عليها .. حطت يدها اليسار عليها .. ورد حق يده اليمين عليهم ..
نجود: آآه آآه شدعوه ؟؟ بتقصون تاير ؟؟
ناصر: صوري وانتي ساكته
نجود تصورهم: تغربلنا .. يالله قصوا ..
قصوا الكيكه ..
نجود: يالله أكلو بعض .. شتنطرون ؟؟
ناصر قص قطعه وخذاها بيده وجربها يم ريم: بطلي حلجج ابوي ..
نجود تصور: ياعيني اموووووووووت انا على هالسوالف ااااااخ قلبي
فيصل يخزها: عيب !!
ريم ماقدرت تاكل ميته من الضحك
ناصر ميود الكيكه: جذي زين ؟؟
نجود تضحك وتصور فيهم: يالله يالله اكلها يبه
ريم كلتها بسرعه
نجود: يالله انتي اكليه بعد ..
ريم خذت الكيكه وأكلته .. توه بيعض صبعها سحبت يدها بسرعه
نجود: يااااااسلام عليكم ..
ريم قصت لهم .. ووزعت عليهم لصحون ..
نجود: عاد الحين باكل نطروا لتسوون حركاات ترى محد بيصور غيري ..
فيصل سحب الكرسي وقعد: حياكم قعدوا ..
اسماء خذت الكيكه وقعدت تاكل ..
فيصل عجبته: يمييييي .. لذيذه
ريم مستانسه .. حطت قطعه حق امهاا وقامت: دقيقه بس .. (التفتت على اسوم) حطي حق اخوج (راحت عنهم)
اسماء: بوو !! اخوي نسيته !!
فيصل: شفيه ؟
اسماء: لا بس ماتصلت اقوله تعاال اخذني
فيصل: باتي عندنا
اسماء: لا لا بروح .. بس اهوه لان معزوم وشكله بيتأخر
فيصل: تبين اوصلج ؟؟
اسماء: لا لا لا بكلمه انا
نجود عقب ماكلت .. قصت حق راشد .. وعطت جاندرا تغلفه عشان توديه وياها ..
اسماء خذت تلفونها بتتصل له: الوو
راشد: هلا هلا
اسماء: وينك ؟
راشد: عطيني خمس دقايق وانا عندج ..
اسماء: زين يالله لتأخر ..
راشد: ان شاءالله .. يالله مع السلامه
اسماء: يسلمك ..
فيصل: بييج ؟
اسماء: ايي يقول خمس دقايق..
فيصل ابتسم: نجوفج باجر عيل ؟؟
اسماء ابتسمت: ان شاءالله
ريم كانت عند امها .. غصبتها الا تاكل من الكيكه ..
ام فيصل: بس يمه خلاص ..
ريم ابتسمت: يمه بعد شوي
ام فيصل: يمه ماشتهي توني متعشيه
ريم: عاااااااااااد يمه !!
ام فيصل تاكل: بس اخر شي ها
ريم ابتسمت: ان شاءالله ..
ام فيصل قامت: انا بارقد الحين .. باجر روحي ويا اسوم حق الشبكه
ريم: يمه وانتي ؟
ام فيصل بحزن: انا فلعده .. نسيتي ؟؟
ريم بضيق: اوو يمه .. سوري والله مادري .. نسيت .. آسفه
ام فيصل حابسه دمعتها: لا يمه لتحاتين .. ماصار شي
ريم خذت يد امها وباستها: ادعيله يمه ..
ام فيصل هزت راسها والغصه ذابحتها: الله يرحمه ..
ريم طلعت عنها .. ماتبي اتم اكثر وتصييح ..
دشت عليهم الميلس .. وهي حابسه دموعها .. جافت اسوم شايله شنطتها والكيكه بتمشي
ريم: وين وين ؟؟
اسماء: بروووح رشود ينطرني برع
ريم: تو الناس !! تمي بعد !!
اسماء: معليه باجر باييج ان شاءالله
ريم يودتها: تعالي بوصلج ..
طلعوا عند الباب ..
ريم: تعالي باجر من وقت لتأخرين !!
اسماء ابتسمت: ان شااااااااااااء الله والغنيمه .. يالله مع السلامه
ريم : الله يسلمج حبيبتي .. تصبحين على خير
اسماء: وانتي من هله ..
ريم بطلت الباب شوي .. تبي تجوفها وهي تروح .. الا حمد واقف جدامها !!

تتبع مع الجزء الأخير

[لامارا]

][ الجـــزء الواحـــد والثـــلاثون .. والأخيــــــــــر ][

ريم ..
عقب ماجافت حمد جداامها تمت وااقفه مكااانها .. جن احد صاب عليها ماي بااارد !!
اهوه من جافها بسرعه راح عند الباب ورفع صبعه (السبابه) عند حلجه: اشششش .. ولا كلمه
ريم بسرعه دزت الباب في ويهه تبي تصكه .. ماقدرت .. يوده بقوته ماخلاها تصكه ..
هدت الباب وبسرعه ركضت تبي تدش داخل .. بس .. فستانها مايساعفهاا تركض .. داست علييه وتحنقلت وطاحت عالأرض ..
قلبها يدق يدق يدق من الخوف..
توها بتقوم الا حمد واقف جدامها : اششش .. سكتي .. لتصارخين .. ولا تكلمين .. (يود يدها بيقومها)
ريم سحبت يدها: هدنييييي .. (عدلت فستانها تبي تقووم .. وهوه واقف متجتف يمها)
ريم قامت بسرعة تبي تمشي عنه .. يودها بالقوه .. ابتسم بخبث: وين رايحه ؟؟
ريم وعيونها متروسه دموع من الخوف: انت شتبي مني ؟؟ خلني اروووح بليييز
حمد وهوه معصب: شقلت لج انا ؟؟ مابي اسمع صووتج كلش ..(حط يده على حلجها بالقوه عشان ماتتحجى .. لوى ايادييها وخلاهم ورا ظهرها ويودهم بيده الثانيه .. بهدوء): امشي جدامي
ريم تعافص وتحاول تسحب يدها .. تحاول ترفسه .. تحاول تصارخ .. ماتقدر
حمد مشى وخلاها تمشي وياه بالغصب .. وداها ورا البيت .. صوب المطبخ البراعي .. ظلااام مافيه احد .. فلزااويه .. قعدها ..
ريم تصييح وتطالعه بترجي ان يشيل يده عن حلجها
حمد بهدوء: تبين تقولين شي ؟؟
ريم تهز راسها ان ايي..
حمد: حلفي ماتصارخين؟
ريم غمضت عينها وهزت راسها ان لااا .. مابتصارخ
حمد شال يده بلعدال
ريم وتهي تصيح: حرام علييك مايجوز تجوفني جذي ..
حمد يخزها من فوق لي تحت: شلون يعني؟
ريم نزلت راسها: انا متحجبه .. غمض عينك لتجووف
حمد ابتسم .. وهوه ميود يدينها بيد .. بطل قميصه " الأزره " باليد الثانيه .. وريم خايفه .. " ييمه شفيه ذي ؟؟ ين !!" تطالعه وترتجف .. فصخ القميص .. وحطه على شعرها .. يزعم حجبها يعني ..
ريم بهدوء: اصير اروح ؟؟
حمد يهز راسه: مافي روحه .. (فصخ حزاام بنطلونه) جوفي ذي ؟؟
ريم بخوف تطالعه
حمد معصب: جفتيه ؟؟
ريم تهز راسها بخوف
حمد: بلشطج فيه ان تحركتي ولا تحجيتي .. سامعه ؟؟
ريم تصيح وترتجف: انا شسوييييت لك ؟؟
حمد معصب: مب بس انتي اللي سويتي .. كلكم سوييتوا ..
ريم تصيح .. بسرعه حط يده على حلجها مايبيها تتحجى .. وهي تصيح .. يده تبللت من دموعها .. خلاها تقعد عالأرض .. وقعد يمها ..
حمد بهدوء: انتي ماتدرين شصار .. مايسوى علي .. طقوني .. هزأوني .. انا ماكنت ياي ابي اسويلج شي والله .. كنت ياي بسأل عن فيصل .. من زمان عنه .. بس ماقدرت أيوّد روحي يوم جفتج .. ماقدرت !! .. بس خلج الحين قاعده وياي شوي .. وصيري حلييوه .. ولا ترى بحط حرتي كلها فيج .. (يراويها لحزام) اراوييج شلون يعوّر؟؟ .. بس عاد سكتي لتصيحين !! مافيه شي إصيّح !!
ريم مغمضه عينها وتصييح
حمد خذ ايادييها وربطهم بلحزااام بلقووه ورد لوته عشان ماتقدر تتحرك .. قعدها على ركبها وقعد مجابلها .. ميود حلجها عشان ماتتحجى ..
حمد: تبين تقولين شي ؟؟
ريم بسرعه بطلت عينها ان اييه
حمد شال يده : قولي ..
ريم خذت نفس: شتبي مني الحين؟
حمد بهدوء: خلج معاي شوي .. وجودج اريحني
ريم بقت عينها: حمد انا على ذمة رياال .. حرام علييك اللي تسويه والله حرام !!
حمد: اشششش
ريم بهدوء: حمد خلني في حالي ..بليز ..
حمد يهز راسه: لتترجين .. ماكنت حاط في بالي أضرج .. او اسويلج شي .. بس والله احبج !! ماستحملت اجوفج جذي واروح !!
ريم تصيح: حمد انا مب لك ..
حمد معصب: ادري !! ادري ان مب لي !! وهذي اللي قاهرني وباط جبدي !! (تغيرت نبرة صوته) من يوم جفتج .. يوم تسجلين حق الجامعه .. دشيتي قلبي .. غيّرت تخصصي بسبتج .. وخليت رفيجي يغيّر وياي .. كنت احاول بأي طريقه اسولف ويااج .. اتسبب فيج .. بس عشان تحسين فيني .. احاول الفت انتباهج .. بس ..
ريم تصيييح: حمد خلني اروح
حمد يكمل: بالله عليج .. يحصل لي اقعد معاج .. بروحنا .. في هالظلمه .. وتبين اهدج ؟؟ وتبين اخليج تروحيين ؟؟ من صجج انتي ؟؟
ريم تصيييح: وااي قلبي ..
حمد يخزها: كل هالكشخه له ؟؟ (يجوف يدها) هذي الشبكه ؟؟
ريم تصيح: حمد بليز تكفى خلني اروح .. (تحاول تسحب يدها) بليز خلني اروح .. عااااد .. تكفى
حمد: ها ها شقلنا ؟؟ ترى بلحزاام الحين !! برفسج ها!!
ريم بخوف: بلييز !!
حمد: خلينا نسولف .. شوي بس .. وبعدين بخليج
ريم كلش مب عاجبها الوضع: بلييييييييز
حمد رفع صوته: لتحنين !! سكتي !! لتخليني اشيلج الحين ووديج وياي فلسياره !!
ريم بقت عينها: لأا لا بس بسكت !! خلاص بسكت
حمد: دامني حلييو وياج .. خلج حليوه ..
ريم تهز راسها وحدها ترتجف من الخوف ..
حمد جرب يمها شوي .. وهي حدها ماتقدر تتحرك .. منزله راسها وتصييح
حمد بهدوء: قلت لج مابيج تصيحين .. لتعورين قلبي عاد !!
ريم تصيح ...: خاف الله وبعّد عني .. بليز
حمد كل شوي يجرب يمها .. وريم ميته من الخووف ..

ناصر وفيصل ونجود
كانوا فلميلس .. يسولفون
ناصر يحس فيها شي .. قلبه ناغزه: شدعوه؟؟ كل ذي بتوصلها ؟؟
فيصل: بعد .. ماتعرفهم .. ماتطلع السوالف الا عند الباب
نجود : شعرفكم انتوا ؟ حلاة السوالف عند الباب .. لها طعم غير .. عجيب
ناصر متوتر .. يهز ريله .. رفع راسه يجوف نجود: روحي جوفيها عاد!!
فيصل: مب كاسر خاطري الا راشد .. اللي ينطرها فلسياره فقير
نجود: خللللللله ينقع .. شوراه؟
ناصر وحده متوتر: روحي جوفيها
نجود: يخي خلهم على راحتهم !! يمكن قاعدين يخططون حق باجر !!
رن تلفون فيصل .. كانت اسماء .. استغرب ..
ناصر يخزه ..
فيصل بسرعه رد: الو ؟
اسماء: هلاا والله .. شلونك ؟
فيصل وقف قلبه .. : اسماء انتي فوين ؟
اسماء: اناا توني داشه الغرفه .. كنت تحت ويا راشد .. ليش ؟؟
فيصل يطالع ناصر وهوه باق عينه !! وناصر وقف قلبه ..
فيصل مستغرب: ريم وياج ؟
اسماء : وياي ؟؟ شدخل !!
فيصل مستعيل: باي باي بعدين بكلمج ..
بسرعه صكه والتفت على ناصر .. ناصر بسرعه طلع .. بطل الباب وصرخ من قمة راسه : ريييييييييييييييم !!
فيصل التفت على نجود: انتي جفتيها دشت ؟؟
نجود تهز راسها: للااء ..
فيصل: روحي جوفيها يمكن فوق .. بسرعه !!
نجود بسرعه ركضت تدورها ..

ريم من سمعت صوت ناصر برد قلبها .. تطالع حمد وهوه تم مكانه .. وين يروح وشيسوي ..
بهدوء وخوف: سمعيني .. تبين تروحين؟
ريم حسته خاايف ..: اكيد
حمد: دشي من باب المطبخ .. وان تحجيتي ولا قلتي شي بتوّلين .. فاهمه؟
ريم تبي تسحب يدها بقوه تبي تمشي .. رفعت عينها تطالعه: بطل لحزاام بسرعه!!
حمد بسرعه بطله وهوه يخزها: سمعتيني ؟؟
ريم تهز راسها .. : اووكي
حمد قاام وخلاها توقف .. : روووحي ..( هد يدهاا )
ريم .. وقميصه للحين على راسها ..: غمض شوي !!
حمد : ليش؟
ريم: غمض بسرعه بعطيك قميصك
حمد غمض ..
بسرعه شالت القميص عن راسها وعطته اياه وشردت ..
حمد بسرعه لبس قميصه .. التفت .. يبي يجوف شي .. يحاول يشقح .. يحاول يسوي شي .. جاف عليمين باب .. مايستخدمونه وايد .. بس يقدر يطلع منه !! بسرعه ركيض يبي يبطله .. مقفوول .. افففف شهالحاله .. بسرعه حااول يشقح .. وينط .. ماقدر .. راح جدام البيت .. المكان اللي دش منه .. هدووء محد فيه .. بسرعه ركض وبطل الباب وصكه .. ناصر كان توه طالع من الكراج .. سمع صوت الباب انصك .. بلعدااال مشى صوب الباب يبي يعرف من اللي طلع .. بطل الباب .. جاف سياره بسرعه مشت .. ماعرف سياارة من !! .. بسرعه دش البيت ..
فيصل ونجود قاعدين يدورونها فلبيت .. وين راحت !!
نجود تطل تحت السرير
فيصل: انتي شتسويين !! تدورين فار ؟؟
نجود من صجها: اسكت انا اعرف وين احصلها ..
ريم حاولت تدش من باب المطبخ .. كان مقفول .. وماعندها المفتاح !! وماتقدر تدش من الباب الرئيسي .. حتى باب الميلس مقفول .. بسرعه راحت المطبخ البراعي .. بعد مقفول !! تذكرت ان فيه مفتااح سبير يحطونه تحت الدوسه .. بسرعه شالت الدوسه وجافته.. برد قلبها بسرعه بطلت باب المطبخ ودشت ..
الحين شتسوي فلمطبخ؟؟ شبتقول لهم ؟؟ مب من عوايدها تروح المطبخ هالحزه .. واذا كلش كلش بتروح المطبخ اللي فلبيت مب ذي !!
طلعت لها من الثلاجه برتقاال .. بسرعة غسلته .. وقصته .. وتمت تعصره .. يزعم بتسويلها عصير ..
ناصر دار راسه .. في كل مكاان دوّر .. وين راحت ؟؟
اتصل لها .. تلفونها كان فلميلس !!
توه بيركب .. جاف فيصل ونجود نازلين ..
ناصر بخوف: هاا ؟؟
فيصل يهز راسه: محد !!
نجود: يمكن طارت !! امشوا خنجيك اذا المخمه اهني ولا لاء ..
فيصل معصب: شدخل انتي بعد !! (التفت على ناصر) رحت المطبخ ؟؟
ناصر: رحت كل مكان !!
فيصل نزل من الدري بسرعه وراح المطبخ .. وهمه راحوا وراه: وين راحت !!
نجود: يمكن تلعب صيده ويا اليني ..
ناصر معصب: انتي ماتستكين !!
فيصل: رحت المطبخ اللي برع؟؟
ناصر مستغرب: شيوديها هناك ؟؟ (بسرعه ركض وركضوا وراه)
ناصر جاف ليت المطبخ مبطل ..
بسرعه بطل الباب وجافها تسوي العصير وتصيح ..
ناصر من جافها تم واقف مكانه : رريييييييييم !!
ريم من جافته هدت كل اللي في يدها وركضت لمته وهي تصيح: عمرييييي
ناصر خايف عليها: ابوي شفييج ؟؟
فيصل: خرعتيينه ؟؟ وين رحتي ؟؟
نجود: هلحزه احد يسويله عصير ؟؟ صج انج شاقول .. ينيّه مخديه
ريم لامه ناصر بقوه مب راضيه تهده وتصيح من قلب ..
ناصر بهدوء: ابوي قوليلي شفيج ؟؟ شصاير ؟؟
ريم .. بس تصيح ..
فيصل معصب: لتعيدينها مره ثانيه .. هلمره اذا بتروحين مكان تحجي .. مو تخلينه نلوولي ندورج !!
نجود سحبت فيصل: امش امش .. يمكن عندها سالفه ويا ريلها !! تعال
طلعوا من المطبخ ..
تمت اهيا ويا ناصر ..
ناصر يحاول يهدها .. يبي يجوف ويهه .. يعرف شصاير !! شفيها تصيح .. مب راضيه تهده ميودته بقوتها ..
ناصر سكت .. تم لامها وحط يده على راسها .. يلعب في شعرها ..
نطرها لي ما هدت شوي ..
هدها ويود ويهه : ابوي طالعيني ..
ريم منزله عينها وتصيح ..
ناصر بهدوء ميود راسها ويطل في عينها: طالعيني .. ريم .. حبيبتي .. اشش .. شوي بس خل افهم شسالفه .. رييم .. ابوي ؟؟
ريم تصييح وماحطت عينها بعينه .. وهوه يطل في ويهه يبيها تطالعه ..
ناصر بهدوء .. مسح دموعها بيده: ابووي ..
يودها من جتفها .. وخلاها تقعد علكرسي .. عصر لها البرتقاال اللي كانت قاصته .. صب لها اياه في قلاص ووداه لها: سميي حبيبتي .. شربي ..
ريم تشرب ويدها ترتجف ..
ناصر قعد على ركبه فلأرض .. يمها .. يود يدها: حبيبتي .. ؟؟
ريم خذت نفس: لا اله الا الله ..
ناصر: بس عاد !! ماحب اجوفج جذي !! شفييج ابوي قوليلي شفيج ؟؟
ريم رفعت عينها تطالعه .. ببراءة وحزن ..
ناصر ميود يدها: قولي .. شفيج ؟
ريم وقلبها مترووس: عمري .. انا ماسويت شي ..
ناصر يحاول يهديها: ادري ماسويتي شي .. بس قوليلي شصار ؟؟
ريم شربت العصير .. قامت وحطته فلمغسله .. التفتت عليه: تعال هناك بقوللك ..
ناصر قام من الأرض .. حط يده على جتفها .. طلعوا من المطبخ .. راحوا فووق غرفتها ..
ناصر عقد علسرير .. وحده متضايق ويبي يعرف شفيها ..
ريم غسلت ويهه وراحت قعدت يمه .. نزلت راسها ببراءة: عمري انا بقول لك .. بس اخاف تطقني
ناصر ويحس ان صاير شي : حبيبتي قولي مابطقج ..
ريم تطالعه ببراءة: ولا تصارخ علي ؟
ناصر بدى يعصب: ريم قوليلي شصار ولتلفين وتدورين ..
ريم بلعت ريجها: انا .. انا كنت رايحه .. (خذت نفس) لا اله الا الله .. انا كنت رايحه بوصل اسوم عند الباب .. يوم راحت .. حمد كان وااقف
ناصر وجن احد صاب عليه ماي باارد: من ؟؟؟؟؟؟؟؟
ريم تهز راسها: والله والله ماسويت شي ..
ناصر .. يتذكر صووت الباب يوم ينصك !! .. يصارخ وهوه يهز ريله: جافج جذي ؟
ريم صاحت: يودني بالقوه ماقدرت اتحرك ولا اسوي شي ..
ناصر عصب .. ماقدر يقعد مكانه .. وقف .. يدور .. متوتر.. هوس على يده بالقوه والتفت عليها: شصار !! (يصارخ) ابي تقولين لي شصار بالضبط !!

ريم: ماصار شي .. بس وداني ورا البيت .. ولا براضي يهدني .. وكان يهددني بيطقني بحزاامه .. ويوم سمع صووتك تناديني .. شرد
ناصر معصب .. وهوه مهوس على ضروسه: ايا الجباااان .. يالجلب ..انا اراويه ..(طلع من غرفتها بسرعه .. )
ريم خايفه: نااااااااصر !!
ناصر من الحره اللي فيه مب عارف شيسوي ..ركب السياره .. بسرعه اتصل في عبدالله ..
عبدالله: هلاااااا رووميوو
ناصر معصب: عبود ابيك في سالفه
عبدالله: اووف !! شصاير ؟؟
ناصر: تذكر حمد وين بيتهم ؟؟
عبدالله: حمد حمد ماغيره ؟؟
ناصر: اييه
عبدالله: ايي أي مايضيع .. مر علي عاد مادله بالضبط
ناصر: دقيقتين وانا عندك
عبدالله: راكب كونكورد ؟؟ شصاير جيف؟
ناصر معصب: باي باي


فيصل سمع صووت رييم تنادي ناصر .. بسرعه دش غرفتها: ريم شفيج ؟
ريم تمش دموعها: مافيني شي ..
فيصل بهدوء راح قعد يمها: قوليلي شفيج ؟؟
ريم قامت بسرعه: مافيني شي ..
فيصل: ناصر شفيه ؟
ريم: لا بس بيروح شوي وبيي .. لتحاتي
فيصل : اكييد ؟
ريم تحاول تبتسم: أي أي اكيد ..
فيصل ابتسم: اذا فيه شي قوليلي ..
ريم ابتسمت: ان شاءالله ..
فيصل طلع عنها ..
ريم بسرعه بدلت .. وفصخت الشبكه .. انسدحت علسرير واتصلت في ناصر ..
ناصر كان ويا عبدالله فلطريج ..
جاف رقمها .. مارد عليها .. صك تلفونه وهوه معصب ..
عبدالله حده محتر: شفيه ذي ؟؟ مايتوب ؟؟ ماكفاه الطق ؟؟
ناصر معصب: اراويك فيه الجلب ..
تموا ساكتين لي ماوصلوا البيت ..
نزلوا بسرعه .. طقوا الجرس .. طلعت لهم الخدامه .. جود حمد قايل لهم اذا احد يه وقال يبيني قولوا له انا محد ..
ناصر معصب: وين حمد ؟؟
الخدامه: همد ؟؟ مهد ..
ناصر: وين راح ؟؟
الخدامه تهز راسها: مايأرف ..
ناصر: متى بيي انزين ؟
الخدامه تهز راسها: مايأرف ..
دشت وصكت الباب ..
ناصر معصب .. : الجلب .. يدري ان باييه البيت .. لكن معليه اراويه .. وين بتروح مني يالجلب ..
عبدالله: ماعندك رقمه انت ؟؟
ناصر: لا .. انت عندك ؟
عبدالله يحوس في تلفونه: عندي رقم نايف .. رفيجه
ناصر: اتصل بسرعه واخذ رقمه منه ..
عبدالله بسرعه اتصل ..
يرن يرن .. محد يشيله ..
عبدالله : مايرد !!
ناصر: اتصل اتصل ..
عبدالله رد اتصل .. يرن يرن .. واخيرا رد : الوو ؟
نايف: هلا هلا
عبدالله: شلونك ؟؟
ناصر معصب: بسرعه اخذ الرقم !!
نايف: الحمدلله بخير الله يسلمك انت شلونك ؟؟ شلون الدنيا ويااك ؟؟
عبدالله: الحمدلله بخير .. يخي طلبتك
نايف: عطيتك يالشيخ آآمر
عبدالله: بغيت رقم رفيجك حمد
نايف مستغرب: حمد ؟؟ ان شاءالله بطرش لك البزنس كارد الحين
عبدالله مستعيل: بسرعه الله يعافيك
نايف: ان شاااااءالله والغنيمه .. دقيقه .. بس ليش؟؟ صاير شي ؟؟
عبدالله: لا بس صايره سالفه .. بس اووكي مشكوور والله
نايف: افا عليك بس ..
عبدالله :يالله باي
نايف: بااي
ناصر: هاا !! شصار؟
عبدالله: اكا الحين بيطرشه ..
ناصر على اعصابه : بسرعه ..
وصل المسج .. بسرعه عبدالله اتصل .. ناصر بسرعه خذ التلفون منه ..
يرن ..
حمد: الو ..
ناصر يغير صوته قد مايقدر عشان مايعرفه: حمد؟
حمد ماعرف الصوت: أي حمد .. من ؟؟
ناصر: يخي انت وينك ؟؟ ييتك البيت قالولي محد ؟؟
حمد: ها ؟؟ البيت ؟؟ من انت ؟؟
ناصر : افا ؟؟ شلون جذي ماعرفتني ؟؟
حمد: اسمحلي والله بس ماعرفتك .. من؟
ناصر: افاا افاا .. شلون جذي ؟؟ مداك نسيتني يعني ؟؟ انزين انا تحت الحين عند باب بيتكم .. بتيي ولا اامشي ؟
حمد: لا لا وين تمشي .. دقيقه بس بانزل لك ..
ناصر: يالله انطرك ..
عبدالله فيه الضحكه: فلبيت الجلب؟؟
ناصر: هالاشكااال ينقص عليهم بسرعه .. حدهم cheap وذوق less
عبدالله: اي والله صااج ..
ناصر معصب: افففف ودي اذبحه .. يسوي روحه فقيروو .. لكن هيّن يا حمد هيّن .. انا اراويك
عبدالله: افففف فيني حره عليه من قلب .. خاطري انتفه
ناصر: يبيله ذبح مب بس تنتف
عبدالله : افففف
ناصر: انزين اسمعني... جوف انت اوقف اهني (يأشر له يم الباب) وانا بوقف له في ويهه .. من يبي يصك الباب حط ريلك
عبدالله: اووووكي
حمد بسرعه نزل .. كلش ماشك ان الشخص ممكن يكون ناصر .. نزل وبطل الباب .. الا يجوف ناصر .. واقف ومتجتف له .. بالبدله ..
حمد طاح قلبه .. عبدالله بسرعه حط ريله ..ووقف يم ناصر ..
حمد ماعرف شيسوي .. اذا شرد .. بينطق .. واذا تم واقف .. بعد بينطق .. يطالع عبدالله ويرد يطالع ناصر ..
ناصر ابتسم له: بنتم واقفين عند الباب يعني ؟
حمد توهّق: حياكم حياكم
دخلهم الميلس ..
قعدوا ..
حمد مبتلش: دقيقه بس
عبدالله: تعال تعال .. مانبي شي ترى .. احنا بنقوللك كلمتين وحنا ماشيين .. تعال ايلس
حمد متوهق: لا لا لازم تشربون شي ..
عبدالله: لا والله مانبي تعال بس لتطوّل السالفه ..
حمد راح وقعد مجابلهم
ناصر حده معصب بس مايبي ابين له: شلونك انت ؟؟ عسااك طيب؟؟
حمد مب فاهم شسالفه: الحمدلله بخير انتوا شلونكم؟
عبدالله: نسأل عنك .. وينك ماتبين ولا تسأل ولا شي؟؟ ولا جن سافرنا ويااك؟
حمد: والله شنسوي ويا الدنيا
عبدالله: وحنا طالعين .. مرينه صوب بيتكم قلنا لازم نمر نسلم علييك ..
حمد ابتسم: ماتقصر ..
ناصر: انا عقب باجر مسافر .. ماتامرني بشي ؟؟
حمد مبتلش: سلااامتك ..
ناصر: لا صج اذا في خاطرك شي قوول
حمد: ماتقصر والله اهم شي سلامتك
ناصر: الله يسلمك .. (يجوف الساعه .. التفت على عبدالله) مابقى شي علفلم ..
عبدالله: هاا حمد .. امش وياانه السينما
حمد متوهق: لاا معليه تعبااان .. خلوها مره ثانيه
عبدالله قام راح يمه: لا ضروري تيي ويانه ..
ناصر قام: يالله حيااك ..
حمد: يخي تعباان
ناصر: لا لا مابنتأخر الا السينما وحنا رادين .. يالله تعال
عبدالله: ترى مب طالعين الا وانت وياانه .. يالله امش ..
حمد .. استسلم: يالله بس دقيقه بييب تلفووني ..
عبدالله: ننطرك احنا فلسياره لتأخر
حمد طلع عنهم: دقيقه بس
ناصر وعبدالله طلعوا صوب السياره
ناصر: تهقى ايي ؟؟
عبدالله: اذا مايه بندش له .. احنا شورانه ؟
ناصر: أي والله شورانه ؟
عبدالله: جفته شلون خايف ؟؟
ناصر معصب: الجلب
حمد .. عند الباب .. خايف يطلع .. ذلين من صجهم ولا شسالفتهم ؟؟ اطلع ولا لاء ؟؟ حتى لو ماطلعت .. شدعوه مابيدشون علي !! واذا رحت وياهم !! من صجهم بيودوني السينما ؟؟ والله ماينعرف لهم .. الله يستر بس .. الله يستر ..
خذ نفس .. بطل الباب وطلع لهم ..
كانوا ينطرونه يم السياره ..
عبدالله التفت عليه .. : ويينك يخي !!
حمد ابتسم: مسامحه بس .. كاني .. يااي
ناصر بسرعه ركب السياره بيسوق .. وعبدالله ركب يمه ..
وحمد ركب وياهم ورا ..
هدوووء محد يتحجى ..
ناصر يفكر شيبي يسوي .. وعبدالله يفكر بعد .. وحمد ميت من الخوف ..
ناصر يسووق وحده بااله مب وياااه .. يفكر بس شلوون يتعامل ويا هالحمد ..


ريم .. عيزت تتصل في نااصر .. حضرته صاك تلفونه .. وهي تحااااتييييه .. مب قادره ترقد ولا تسوي شي .. بس قاعده علسرير والتلفون في يدها .. وتدعي ربها ان يعدي هالليله على خيير ..


ناصر وداهم صوب البحر ..
حمد حس ان السالفه فيها " ان " .. تم سااكت .. قلبه يدق ..
عبدالله التفت عليه وابتسم: هوّنه مب رايحين السينما
حمد متوتر .. ماقدر يرد عليه ..
ناصر نزل من السياره .. بطل الباب اللي ورا وسحب حمد بقوته وقطه علأرض
" ياعيني علأكشن .. متأثره بسكوفيلد "
حمد يحاول يقووم .. ناصر حط ريله على رقبة حمد .. يهوّس عليها بالقوه .. وحمد يصارخ: آآآآآآآي
ناصر معصب: تبيني اكسرها لك ؟؟
عبدالله رااح وقعد على ظهر حمد .. يود اياديه بقوه عشان مايقدر يتحرك ..
ناصر معصب .. مب عارف شيسوي .. شال ريله من رقبته ومشى .. حمد يحاول يقووم .. يرفس .. مب عارف شيسوي ..
ناصر التفت على عبدالله: خلك ميوده .. تحمل تهده
عبدالله ميود يده ومب مخليه يتحرك كلش ..
ناصر يجوف البحر .. راح صووب السياره .. فصخ الكووت والقميص .. جفس بنطلونه من تحت .. وعبدالله يطالعه ومب فاهم شسالفه ..
ناصر التفت عليه وهوه معصب: ييبه ..
عبدالله قاام وهوه ميود يده بالقوه .. وحمد يرفس: هدنييييي
ناصر يصارخ : جــــــــب !!
عبدالله يحاول يتم ميوده وحمد بسرعه يبي يفج يده ويشرد .. بس مب قاادر ..
وصلوا صوب ناصر ..
ناصر تم يطالعه .. عطاه ذاك الكف من القهر .. وحمد حده متضاايق .. راح يوده عشان مايشرد وهوه معصب ..
حمد وهوه خايف: انت شتبي مني !!
ناصر ابتسم له بابتسامه تبط الجبد : سلامة عمرك ..
ظلااااااام .. مافي غيرهم ..
ناصر ميوده ويسحبه صوب البحر ..
وعبدالله مب فاهم شسالفه ..
وحمد مب قادر يفلت منهم .. نزلوا البحر .. وحمد خاايف ومرتبك .. وناصر معصب ومتضايق .. شوي شوي .. الماي غطى ريولهم ..وناصر معصب .. مجدم .. والماي وصل ركبهم .. حمد يتحرك ويعافص ويدزهم ومادري شيسوي ..
عبدالله يهوس على يده: اسسسكن !!
المااي غطى يدهم .. حمد قدر يفلت من عبدالله وبسرعه سحب يده من ناصر ودزه .. عبدالله بسرعه يوّده: انت حماااار ؟؟
ناصر طاح فلبحر وبسرعه قااام وهوه معصب .. ودا شعره اللي تبلل على ورا .. يود حمد من رقبته ونزل راسه فلبحر يبي يغرقه ..
وحمد يحس خلاص بتطلع روحه .. المااي دش في خشمه وحلجه خلااص مايقدر ..
ناصر سحب راسه وطلعه .. وحمد يكح يكح .. : شتسوي انت !! ينيت !!
ناصر معصب: انا شقايل لك من قبل ؟؟ ماقلت لك مابي تجرب يمها ؟؟ حمااااااار انت ؟؟ شتبيني اسوي فيك قولي !!
حمد ماعرف يرد عليه
ناصر يصارخ: شتبيني اسوي فيك ؟؟ اذبحك ؟؟ اغرقك ؟؟ اشتكي عليك ؟؟ قولي !!
حمد ساكت ومنزل راسه ..
ناصر معصب: رد علي !! شتبيني اسوي فيك !! هااااا !!
عبدالله: صج ماتستحي على ويهك .. ماكفاك الطق ؟؟ تبي تنطق زود ؟!!
حمد بهدوء: آسف .. حقكم علي
ناصر يخزه: نعم ؟؟ آآآآآآسف ؟؟ من صجك انت ؟؟ شيضمني انا ماتييها مره ثانيه وتيلس تهددها ؟؟
عبدالله: مامنك فايده ..
ناصر نزله مره ثانيه فلبحر بيغرقه .. وحمد يحااول أيود رووحه .. والماي يدش فييه ..
ناصر بسرعه طلعه .. وهوه يكح يكح .. ميود صدره وياخذ نفس: حرام عليك !!
ناصر معصب: حرام علي ولا عليك !! ماتخلينه في حالنه ؟؟ كل المشاكل اللي تصير بسبتك !!
حمد حده متحسف: خلااص والله اتوووب
ناصر: قلتها من قبل .. ورديت عدتها ..
حمد: خلااص هالمره من صجي ..
ناصر يخزه: تبي اشتكي علييك ؟؟ تبي اسجنك ؟؟
حمد بق عينه : لا لا والله خلاص ..
ناصر: مااااااااااقدر اصدقك !! انت جذااب !! حماااااار وحقييير ماجفت مثلك !!
حمد: خلااص والله خلااص
ناصر خذ رقبته مره ثانيه ونزلها فلبحر .. يبيه يحــس .. بس مايبي يغرقه بس شوي ويرفع راسه
حمد خلاص هد حيله .. خذ نفس بقوه: خلااص والله خلاص
عبدالله: شنو اللي خلاص ؟؟ ماقلتها من قبل وصدقنااك ؟؟
حمد من التعب يتنفس بصعوبه: هه هه هالمره من صجي .. والله من صجي
ناصر يخزه: تبيني اذبحك الحين ؟؟
حمد يترجى: لا لا لا تكفى خلاص اتووب .. من صجي
ناصر: ماتجرب يمها ؟؟
حمد: كلش
ناصر: ماتجوفها !!
حمد: كلش
ناصر: ماتكلمها !!
حمد: كلللللللش
ناصر: مابيك تفكر فيها بعد !!
حمد: اببببدا
ناصر: تدري .. لو قايل حق فيصل سواد ويهك شسوى فيك ؟؟ والله يحرم عليك دشة بيتهم ..
حمد يهز راسه: لا لا لتقول له .. تكفى لتقول له
ناصر: دامك جذي خوااف وجبان .. ليش تتفرعن علفاضي؟؟ شحاادّك ؟
حمد متفشل: والله مب قصدي اسوي شي
ناصر: جب .. والله جوف .. جداام عبدالله بقول لك .. هذي آخر مره لك .. وان سمعت انك مجرد فكرت بس .. انك تسوي شي .. او حتى تكلمها .. ياويلك مني .. بذبحك ..بنتفك .. بخلي لجلاب يتعشون في لحمك .. سامع يالجلب ؟؟
حمد منزل راسه: ان شاءالله
ناصر للحين مابرد حزته .. نزله فلبحر بعد يبي يغرقه .. تم شوي وهده
حمد بسرعه طلع وويهه صاير ابيض .. قعد يكح ويحاول يتنفس
ناصر سحب عبدالله ومشوا عنه .. وخلوه في نص البحر ..
راحوا صوب السياره ..
عبدالله راح ورا .. جاف بوك وتلفون حمد .. فلتهم علأرض ..
ناصر بسرعه ركب السياره .. وعبدالله ركب يمه ..
مشوا بسرعه وخلوه بروحه ..
حمد حده متحسف .. مايحب يجوف روحه في هالموقف .. مو أول مره تصير له هالسالفه .. بسرعه طلع من البحر .. ظلااام المكان يخرع .. اتصل في رفيجه نايف ايي ياخذه ..
" في خاطره" اففف انا شفيني !! ليش ماقدر ايوّد روحي !! جذي زين ؟؟ هذي اخرتها؟؟ كله منج يالريم كله منج .. مب بيدي .. افففففففف ..

ناصر فلسياره .. يحس للحين فيه حره .. بس علأقل سوى اللي عليه .. لو وده غرقه لي مايموت .. بس مايبي يذبحه ..
عبدالله محتر .. التفت عليه: انت لو ذابحه مب احسن لك ؟ تفتك منه ؟؟
ناصر: لا مايجوز اذبحه .. بس .. حسبي الله ونعم الوكيل فيه .. الله علييه
عبدالله: صج جلب .. حتى الجلب يمكن احسن منه
ناصر يخزه: يمكن ؟ من صجك انت ؟؟ ذي نيس !! ماشتهي ايوده ..
عبدالله: زين اسمعني .. باجر بروح ويا فوازو بنحجز لنا ..
ناصر: زيين لا ..
عبدالله: ماقلت لي شصار وياك مساعه ؟؟
ناصر ابتسم: ذكرتني .. مسكيينه الحين تلاقيها تحااتي
عبدالله: اتصل لها لا !!
ناصر: لا الحين بنزلك وبروح لها ..
عبدالله: انزين لتغير السالفه قولي شصار !!
ناصر: ماصار شي !! يه !!
عبدالله: قوول يالله خنتعلم !!
ناصر: الحين مافيني شدة اشرح لك .. وبعدين مالك شغل !!
عبدالله: افا النصري افا
ناصر: انا لله !! الحين مستعيل انا .. مره ثانيه ان شاءالله ..
عبدالله: زين مب مشكله ..
نزله بيتهم .. وبسرعه راح حق ريم ..
طق الجرس .. ريم نقزت يوم سمعت الجرس بسرعه شالته: من ؟؟
ناصر: حبيبج ..
ريم استانست .. بسرعه بطلت له الباب ونزلت له ..
ناصر دش البيت .. بنطلونه مجفس .. وابين مبلل .. شايل قميصه في يده ..
ريم من جافته بقت عينها: امبيه !! ليش مفصخ جذي ؟؟
ناصر ابتسم ..
ريم بخوف: عمري شصاير ؟؟ وليش بنطلونك مبلل جذي ؟؟ انت شمسوي بالضبط ؟؟ شفيه ويهك جذي ؟؟ عمري شفيك ؟؟ قوول تحجى ؟؟ ليش فاصخ قميصك ؟؟!
ناصر ابتسم .. قاعد يطاللعها ولا يدري عنها شتقول
ريم: ناصر جاوبني !!
ناصر ابتسم: Can you repeat the question please?
ريم متفشله: انت وياي ؟
ناصر يهز راسه: لاء .. مادري شقلتي ..
ريم يودت يده وراحت قعدته علكرسي فلصاله .. وقعدت يمه : قوللي شفيك ..
ناصر: مافيني شي !
يودت بنطلونه: ليش مبلل !! مب زين عمري جذي الحين بيطقك الهوى !! البس قميصك يالله لتمرض
ناصر: ماعليج .. (قام) يالله انا بروح الحين .. تبين شي ؟
ريم بقت عينها: من صجك !!
ناصر يبي يحرها: تبين شي ؟؟
ريم سكتت ..
ناصر: ها ؟؟
ريم ببراءة: من صجك بتروح ؟؟
ناصر يطالع روحه من فوق لي تحت: انتي جفتي حالتي ؟؟ بروح اتسبح .. وباارقد .. باجر من الصبح انا عندج
ريم: باجر بنروح نشتري الشبكه !!
ناصر: معليه بايي انا وياكم
ريم بدلع: عمري ابيك !! لتروح !!
ناصر مايبي يستسلم: لازم اروح حبيبتي ..
ريم سكتت ..
ناصر يود يدها وباسها: تصبحين على خير ..
ريم بضيق: لترووح ..
ناصر ماعرف شيقول لها .. بسرعه طلع عنها .. وهي تمت واااقفه مكاانها ..
ركبت فوق غرفتها وهي متضااايقه .. حتى ماقال لها شصاار وهي طول الوقت تحاتيه .. !!
انسدحت علسرير بترقد .. وخلت تلفونها يمها ..
ناصر .. بسرعه طلع .. خلى الباب مبطل عشان يقدر يدش .. راح البيت بسرعه تسبح وبدل .. لبس جينز وتوب من بولو .. وشخطها بيت عمه ..
دش البيت .. ظلاام !! .. بهدووء ركب فوق غرفتها .. بطل الباب بلعدااال ..
ريم كانت قاعده للحين مارقدت .. قاعده تحوس في تلفوونها .. من سمعت حس الباب التفتت .. ناصر دش وصك الباب وراه .. ريم تخرعت .. : بسم الله !!
ناصر بطل الليت: رقدتي ؟
ريم مستانسه .. بسرعه شالت للحاف وركضت له: عمري !!!!!!
ناصر لمها بقوه: فديتج انتي ..
ريم: اللاي !! ماصدق
ناصر هدها يجوف ويهه .. يبي يحرها: تبين شي ؟؟
ريم بقت عينها: على كيفك !!
ناصر يضحك: هههههه لا لا مب رايح .. اتغشمر .. برقد اهني الليله ..
ريم بقت عينها: اهني ؟؟
ناصر: يبيلج فرااش رقدي علأرض .. انا برقد علسرير
ريم مستانسه: دقيقه بس ..
ناصر يود يدها: تعالي تعالي .. اتغشمر .. بروح بيتنه
ريم: من صجك !! لا لا وين تروح !! تم ويااااي .. دقيقه بس( طلعت عنه ) ..
ناصر قعد علسرير ينطرها ..
راحت يابت لها ماترس ولحاف وشرشف ومخده .. فرشت لها علأرض ..
وناصر كان منسدح علسرير ..
ريم: عمري بترقد بجينز !!
ناصر: عادي
ريم: مايضايقك ؟؟
ناصر: لا لا عادي
ريم: تبي اعطيك بيجامه ؟؟
ناصر يتطنز: بيجامه !! من عندج؟
ريم: لا وي !! ههههه شدخل !! لا انطر بييب لك صرواال شي من صراويل فصوول
ناصر: لا لا ابوي مايحتاي .. عادي ترى متعود .. خلج قاعده ..
ريم انسدحت علأرض والتفتت على ناصر .. ناصر رقد على صووب والتفت عليها .. خذ للحاف وتم يشمه وهوه مغمض عينه: الله .. جذي والواحد يقدر يرقد ..احبها ريحتج
ريم تفشلت .. تمت ساكته
ناصر يتلحف: تبين ترقدين فوق ؟؟
ريم تخزه: لا ؟؟ احلف بس !!
ناصر ابتسم: ابووي انا ظهري ماقدر ارقد علأرض !!
ريم: وي ناصر لا عادي افا عليك .. اصلا انا احب ارقد علأرض
ناصر يقلدها: لا ؟؟ حلفي بس ؟؟
ريم: من صجي !!
ناصر: اصلا لو تبيني ارقد علأرض لازم تخليني ارقد على موسدتج واتلحف بلحافج
ريم: عمري ارقد مكاانك عاادي ماقلت شي
ناصر: مادري ليش احسج محتره
ريم بقت عينها: شدخل !! انزين مابتقوللي شفيك ؟
ناصر يغني: فيني هموم ومالقيت اللي معي يووفي
ريم بسرعه قعدت: من صجك !!
ناصر: اوووه نسيت انتي كل شي تصدقين !! لا يبه اتغشمر والله .. يات في بالي !! ماغنيها يعني ؟؟ رقدي رقدي
ريم قاعده: يعني مافيك شي اكيد ؟
ناصر: اقول رقدي لتطولين السالفه
ريم انسدحت: انزين يالله قوول
ناصر: حبيبتي .. ممكن اطلب منج طلب ؟
ريم: كلي لك فديتك .. آآمر
ناصر ابتسم: فديتج كلج والله .. سمعيني .. اذا بتطلعين من باب بيتكم .. لبسي لج شي .. سامعه ؟
ريم ببراءة: ان شاءالله
ناصر: انا اقصد الحوش يعني .. مب الشارع ..
ريم : ان شاءالله
ناصر: ومايحتاي تروحين توصلين الأولي والتالي عند الباب .. يدلون الطريج ..
ريم: الا اسوم !!
ناصر يخزها: الا اسوم !! لازم توصلينها يعني ؟
ريم: عمري انا متعوده من زمان كله اوصلها عند الباب !!
ناصر: انزين حتى لو .. خلي احد ايي وياج .. جاندرا ولا نجود .. لتروحين بروحج ..
ريم : ان شاءالله
ناصر: تلفونج خليه كله وياج .. من يصير شي اتصلي .. مب تنطرين لي تبرد السالفه !! ابي اعرف حزتها
ريم: ان شاءالله
ناصر: وابيج تقولين لي كل شي .. لتخشين علي شي .. ولتخليني اعرف الاشيا من شخص ثااني
ريم بقت عينها: أي اشيا؟
ناصر: الحين ماصار شي .. انا اقول لج عقب ..
ريم: أي اوكي .. ان شاءالله ..
ناصر: ولتدخلين طرف ثالث في سوالفنا
ريم بقت عينها: ولا مره دخلت طرف ثالث !!
ناصر ابتسم: ادري انا اقوللج حق الfuture
ريم ابتسمت: ان شاءالله
ناصر يفكر: وبعد شنو..
ريم: انا بقول لك ..
ناصر: قولي
ريم: لتصدق كل شي .. تأكد من الشي قبل
ناصر ابتسم: من عيووووووني .. ان شاءالله
ريم: وخلنا نتفااهم على كل شي .. مب بالدقيقه بتعصب وتصارخ ومادري شنو !
ناصر: انا الحين عصبت ؟؟
ريم تقلده: انا اقوللك حق ال future
ناصر: اهااا .. اووكي .. ان شاءالله .. بس تدرين فيني حره عليج
ريم : انا ؟؟؟ ليش !! شسويت ؟
ناصر محتر من حمد: ولا شي .. بس يالله رقدي .. تصبحين على خير
ريم مستغربه: وانته من هله ..
قامت صكت الليت وانسدحت بترقد .. وهوه فصخ التوب وحذفه عليها وتلحف والتفت الصوب الثاني ..
ريم خذت التوب تشمه .. كله يتعطر باللي يابتهم له .. خلت التيشيرت يمهاا ورقدت ..

فيصل ماقدر يرقد .. عيز وهوه يتقلب ..
خذ تلفونه بيتصل في اسماء ..
اسماء كانت راقده .. بس التلفون يمها ..
ردت عليه وهي راقده وصوتها العجيب: الووو
فيصل استانس يوم سمع صوتها: اسوومتي
اسماء ماستوعبت: ها ؟؟
فيصل: آآسف قعدتج من لرقااد .. بس وحشتيني
اسماء: وي فيصل .. شلونك؟
فيصل: وحشتيني
اسماء بحيا: وانت اكثر ..
فيصل: تبين ترقدين بصكه
اسماء: لا لالا .. خلك وياي
فيصل ابتسم: انتي بخير ؟
اسماء: انا الحمدلله بخير .. انت شلونك ؟
فيصل: اذا انتي بخير .. انا بخير ..
اسماء ابتسمت: اما مساعه يوم تصرخ علي .. تدري ودي اعضك عضه اخلي اثرها مايروح طول عمرك
فيصل: وه عليج !! شهالحقد ذي ؟
اسماء: تستاهل اكثر !! جذي تصارخ ؟
فيصل: مب حلو وانا معصب ؟
اسماء: وييييييييع الا شكرهك ..
فيصل: بل !!
اسماء: صدقني مب حلو .. حلاتك بذيج النظره ..
فيصل ابتسم: أي ؟؟
اسماء: ماادري ذيج الخطيره ..
فيصل: أي وحده عاد؟
اسماء: ويي فيصل ماعرف .. اذا جفتها بقوللك
فيصل: انزين .. لتنسين عاد !
اسماء: لا لا .. مانسى .. افا عليك
فيصل: باجر من الصبح تعالي

يتبع

[لامارا]

تابع..........

اسماء: تبي اصلي الفير عندكم ؟؟ ترى مابقى شي ويأذن
فيصل: جاااانزين !!
اسماء: ههههه انطر عاد .. بسألك
فيصل: سألي
اسماء: انت رقدت ؟؟
فيصل: Nope
اسماء: ورااا؟
فيصل: ماقدرت ارقد بدون ماسمع صووتج
اسماء: وااي قلبي .. !! من صجك !!
فيصل: والله !!
اسماء: وشمعنى انا ارقد عادي ؟؟
فيصل: لانج ماتحبيني !!
اسماء: انا ماحبك؟
فيصل: yep
اسماء: والله العظيم احبك !!
فيصل طاح قلبه .. تم سااكت
اسماء توها مستوعبه شقالت .. تفشلت وتمت ساكته ..
فيصل خذ نفس: شقلتي ؟؟
اسماء متفشله: اقول انت شخبارك ؟؟ كل شي تماام؟
فيصل مصمم: لا شقلتي توج ؟
اسماء تبي تضيع السالفه: ويي فصول ماقلت لك !!
فيصل مصّر: ابي اعرف شقلتي
اسماء: لازم تحرجني يعني لازم ؟؟
فيصل ابتسم: زين خلاص آآسف ..
اسماء: لا فيصل انا ماقصد .. بس
فيصل: فاهمج حبيبتي فاهمج .. اهم شي انتي شلونج ؟؟ مرتااحه؟
اسماء: الحمدلله
فيصل: مستانسه ؟
اسماء: ان شاءالله اذا ملجنا بستانس .. بس فيصل ..
فيصل: شفيج حبيبتي قولي ؟
اسماء بضيق: ريمو ..
فيصل: شفيها؟
اسماء: من صجها ذي بتعرس؟ والله طول الوقت في بااالي !! ماصدق !! تعرف يعني almost كل يوم لازم اجوفها .. اكلمها .. مادري شلون الحين بيتغير الوضع !!
فيصل: كلميها كل يوم .. جوفيها كل يوم افا عليج بس .. انتي بعد الحين بتصيرين مرتي ..يعني بتجوفينها
اسماء: حتى لو فيصل الوضع حده يختلف !!
فيصل: تبين اقول لها ماتعرّس؟
اسماء: تبي ناصر ينتحر ؟؟
فيصل: مادري عنج !!
اسماء: لا بس .. مادري احس .. مااادري !!
فيصل: معليه حبيبتي معليه .. مابيج تتضايقين ..
اسماء: فيصل ..
فيصل: عيوون فيصل انتي .. آآمري
اسماء بحيا: تسلم عيوونك .. اممم .. بسألك
فيصل: سألي
اسماء: الساعه جم تبيني ايي ؟؟
فيصل: اممم .. انا عندي دواام الصبح .. بروح شوي وبستأذن .. انتي رقدي ارتااحي .. بخلي الرييم تمر عليج وانا بييكم هناك
اسماء تسمع صوت الأذان: اذن وانت للحين مارقدت !! وباجر عندك دواام ؟؟
فيصل: بصلي وبارقد
اسماء: يالله انا بعد بقوم اصلي .. يالله بسرعه
فيصل: اووكي حبيبتي .. يالله .. تصبحين على خير
اسماء: وانت من هله .. يالله باي
فيصل: باااي

ريم .. رن ألارم تلفونها عشان تقوم تصلي .. قامت بسرعه وصكته .. ونااصر رااقد .. قالت بتصلي عقب بتقومه .. توضت وصلت .. راحت قعدت علسرير يمه .. حطت يدها على جتفه بهدوء: ناصر ؟؟
ناصر ماحس فيها ..
ريم: ناصر ؟؟ عمري يالله قوم صـل
ناصر وهوه مغمض: هممممم
ريم تهز جتفه: يالله عااد قوم !!
ناصر بزّور يبطل عينه: شفييج !!
ريم ابتسمت: قوم صل !!
ناصر غمض عينه: خمس دقايق بس (انقلب الصوب الثاني)
ريم تهز جتفه: يالله عاد !! قوم بسرعه
ناصر: شوي بس
ريم: ناااااااصر !! يالله قوم
ناصر حاقرها
ريم: ناااصر !! قووم صل
ناصر: مااابي
ريم: نااااااااصر !! على كيفك ؟
ناصر راقد ولا يدري شسالفه: ليش انزين ؟
ريم: ناصر بسرعه قوم يالله .. قوووم
ناصر شال للحاف وقعد: افف افف يالحنانه !! شتبين ؟
ريم بقت عينها: ماتبي تصلي ؟؟ ارقد ارقد
ناصر قام وقف: انزين انزين بصلي .. اكاا قمت ..
ريم عصبت: لا ارقد !! ارقد شلا تقوم بعد ارقد
ناصر يعرك عينه: شفيج انتي الحين؟
ريم تبتسم بالغصب: سلامتك عمري .. يالله تيدد
ناصر مشى عنها .. راح تيدد وصلى .. صك الليت وانسدح بيرقد ..

حمد اللي مااعرف يرقد ..
حده متحسف .. ومتضايق .. مب عارف شيسوي .. يحس بالقهر .. والذنب .. يبي يجوفها .. حده يستانس اذا جافها .. سمع صوتها .. بس يدري ان ماله حق !! خلااص اهيا على ذمة رياال !! ومايسوى عليه هالطق !! ماله ويه يروح حق فيصل ويجوفه عقب اللي صار .. معنه مايدري عن شي .. بس .. يمكن ناصر بيقول له شي ولا شي ..

يوم ثااني الصبح ..
عقب ماراحوا عبدالله وفواز بيحجزون لهم .. قالوا بيمرون على ناصر .. فواز يايب له رماان الا يعطييه .. راحوله البيت .. عيزوا وهمه يطقون الجرس .. محد ..
قالوا اكيد في بيت عمه ..
راحوا له هنااك .. عبدالله تم فلسياره ..
فواز: يالله !!
عبدالله رفع تلفونه: انطر بتصل له ..
ناصر كان رااقد وصاك تلفونه ..
عبدالله: صااكه حضرته ..!!
فواز بطل الباب بينزل: خلاص انا انزّل الاغراض .. واقول لهم يخبرونه
عبدالله: انطرك فلسياره
فواز نزل .. طق الجرس .. جاندرا كانت تطبخ الغدا .. ونجود تتريق تحت .. طق الجرس مره ثانيه .. نجود ماتشتهي تقووم .. فواز راح بينزل الأغراض .. ردت على الجرس: من ؟؟
فواز كان عند السياره ماسمعها ..
ام فيصل كانت تقرا الجريده: من ؟؟
نجود: شدراني محد يرد !!
ام فيصل: ايي حطي على راسج شي وروحي جوفي
نجود: جاندرا وينهي ؟؟
ام فيصل: فلمطبخ برع ..
نجود ماتشتهي تسوي شي .. كانت قاعده ابيجامتها .. خذت الشيله من امها وطلعت .. بطلت الباب الا فواز في ويهه ..
نجود بقت عينها تطالعه
فواز بق عينه يطالعها
نجود استحت ونزلت عينها وصكت الباب في ويهه ..
فواز تفشل .. طالعة له بالبيجامه والشيله .. شكلها كان كلش غلط ..
نجود تمت واقفه عند الباب متفشله ..
فواز انربط لسانه .. تم واقف عند الباب .. مب عارف شيسوي ..
ونجود أول مره تجوفه .. من ذي !! اللاي وناسه عجبني !! حده Destroying
فواز: امم لوسمحتي بس ممكن تفتحين الباب ابحط لغراض حقت ناصر .. اذا ماعليك امر قولي له من فوااز
نجود ماعرفت شتقول .. بطلت له الباب وشردت بسرعه دشت داخل ..
فواز حط لغراض وصك الباب ومشى ..
دش السياره وهوه مفهي ..
عبدالله لاحظه: فواز شفيك ؟؟
فواز: ها ؟؟ لا ولا شي ..
عبدالله يخزه: شفييك ؟؟
فواز: مافيني شي .. بس يالله نروح نفطر .. ميت من الجوع
عبدالله: تبي تمر على رفيجك ؟
فواز: لا لا .. اهو اليوم مواعد خويه يبي يطلع معه
عبدالله: خلاص عيل احنا بنروح المول الحين .. بنفطر على قولتك
فواز: يالله ..

نجود دشت البيت وصورة فوااز للحين في بالها .. وهوه وااقف وباق عينه جذي متدوده ..
ام فيصل: من ؟؟
نجود متدودهه: من ؟؟
ام فيصل: من عند الباب
نجود: فواز
ام فيصل تخزها: أي فواز بعد ؟؟
نجود: يايب شي حق ناصر
ام فيصل: ليش ناصر اهني ؟؟
نجود: اظن .. المفروض .. مادري .. يمكن
ام فيصل: انزين قولي حق جاندرا تدخلهم ..
نجود وهي رايحه: انزين ..

ريم قحصت على رنة تلفونها .. بسرعه شالته: الوو
اسماء: عنبوووووج للحين راقده؟
ريم تجوف الساعه: توها عشر ونص ..
اسماء: ولي متى تبين ترقدين حضرتج ؟؟ يالله قومي ورانا اشغال
ريم: ان شاءالله الحين بقووم ..
اسماء: جدااااامي بسرعه
ريم: بس نطري بقوّم نااصر
اسماء: ناصر شدخله بعد؟
ريم: راقد عندي
اسماء: الله ومره !! شدخل ؟؟ شلاا ؟؟
ريم: انزين الحين بتخليني اسوولف !! نطريني بقوم بتسبح ببدل وبقوّم نااصر وبخلي نجود تتجهز عشان نمر علييج
اسماء: بووو ماشالله العايله الكريمه كلها بتيي !! جيف كشته ؟!
ريم: بعد .. شنسوي ..
اسماء: وامج ؟
ريم: امي اكيد بتييها ام احمد وربعها
اسماء: زين يالله بسرعه قومي
ريم قامت: كااني قمت .. يالله باي
اسماء: باي

ريم بسرعه قامت تتسبح وتبدل .. وخلت ناصر راقد ..
نجود للحين في بالها فواااز !! امبيه شلـ destroying ذي ؟؟
قطع تفكيرها صوت التلفون ..
كانت اسماء .. : الوووو
نجود: يخس بليييسج قولي آمييين
اسماء: آمييين ..
نجود: شعندج من الصبح انتي ؟
اسماء: مابي تعطلينه ورانه شغل ..
نجود: اشغله؟
اسماء: مابتيين ويانه ؟
نجود: قصدج حق الشبكه ؟
اسماء: اييي
نجود: بووو وراج مستعيله جذي ؟
اسماء: باجرالملجه يالبقمه
نجود: انزين انزين بروح الحين اتسبح وبدل .. وبعدين ريمو للحين مخمده
اسماء: قاامت قامت .. يالله بسرعه
نجود: انزيين يالحنااانه انتي
اسماء: بسسسرعه
نجود: لتخليني اهون الحين !! يالله بااي بااي
اسماء: باااي
نجود بسرعه راحت غرفتها تتجهز ..

ريم عقب ماجهزت .. راحت قعدت يم نااصر : نااصر ؟؟ نااااصر ؟ يالله عمري قووم
ناصر وهوه راقد: همممم
ريم: يالله قووم .. مانبي نتأخر .. يالله عااد قوم .. نااصر !! .. يالله بسرعه
ناصر بالزور يبطل عينه: شصاير؟
ريم: ماتبي تيي ويانه ؟
ناصر انقلب الصوب الثاني: عقب باييكم .. جدموا
ريم: من صجك؟
ناصر: ريم خليني رااقد عاااد
ريم: نمشي يعني ؟؟
ناصر: روحوا روحوا ..
ريم مستغربه: يعني مب ياي ؟
ناصر يصارخ: ريم لتأذيني عااااد !! خليني راقد !!
ريم بسرعه خذت اغراضها وطلعت وصكت الباب ..
دشت على نجود .. كانت لابسه دفتها وشيلتها ومجابله المنظره وباقه عينها
ريم: بسم الله شفييج ؟؟
نجود: ها ؟ لا لا مافيني شي .. انتي فيج شي ؟؟
ريم: لا .. يالله امشي خنمر على اسووم ..
نجود: وريلج ؟
ريم: يبي يرقد
نجود: احسن بالطقاق .. من قال احنا ميتين نبيه ايي ويانه اصلا؟
ريم تلبس شيلتها: بسرعه يالله
نجود: انزييين يالله

فلسيـاره ..
رن تلفون ريم ..
بسرعه شالته : الوو
فيصل: الريم شلونج ؟
ريم: الله يسلمك انت شلونك ؟
فيصل: الحمدلله بخير .. انا يمكن شوي اتأخر عليكم .. انتوا وينكم الحين؟
ريم: جريب بيت اسووم ..
فيصل: اووكي اذا وصلتوا هناك علموني
ريم: ان شاءالله ..
فيصل: يالله مع السلامه
ريم: الله يسلمك ..
اتصلت في اسماء ..
اسماء: هاا انتي !!
ريم: يالله نزلي كانه تحت
اسماء: وه !! مابغيتوا !!
ريم: شنسوي بعد ..
اسماء: اووكي يالله ييت .. باي
ريم: بااي
طلعت اسماء من بيتهم ..
نجود كانت قاعده جداام
اسماء بطلت الباب على نجود: لو سمحتي .. ورا
نجود تطالعها بنص عين: خير ؟؟
اسماء: بسرعه يالله .. المعاريس جداام .. انتي ورا
نجود: عشششششتو .. يالله بسرعه ذلفي عن ويهي
ريم: يالله عااد لنتأخر !!
اسماء: خاااطري اقعد جداام !! شسوي ؟
ريم: فلرده دورج .. افا عليج
اسماء تنازلت وقعدت ورا: ماعندج احترام للي أكبر منج كللللللش
نجود: شكرا جزيلا لحسن اطرائج .. بصراحة !! اشكرج بعنف
ريم: بس عاد .. شلونج اسوم ؟
اسماء: زيينه .. وينه ناصر الريم؟
ريم: رااقد مسكين
اسماء: احسن ..
ريم تطالعها من المنظره اللي جدامها: قال بيينه عقب ..
اسماء: اووهووو .. تغربلنا

عبدالله وفواز ..
كانوا قاعدين في مايا يتريقون ..
عبدالله: شرايك نشتري شي حق نااصر ..
فواز: هذا من جد فاصخ المخ !! لازم اكلمه !!
عبدالله: ليش يعني؟
فواز: يب يعرس !! وش ذا المخبل ؟؟ تو النااس علعرس !! الله يرجه !!
عبدالله: مافيه صبر الرياال
فواز: من جد منسم .. ولا هذا وجهه وجه عرس ؟؟
عبدالله: شفيه ويهه يعني؟
فواز: مدري ليه احس تو الناس !! مابعد اشتغل الرجال !!
عبدالله: بس يرجع من السفر يتوظف على طول .. لتحاتيه
فواز: وانت ماودك تعرس بعد؟
عبدالله: للحين مالقيت لي بنت الحلال ..
فواز: تبغى أدور لك عروس؟؟
عبدالله: لا لا .. انا مب مستعيل علعرس ..
فواز يخزه: عيني بعينك
عبدالله يطالعه: والله مب مستعيل !! انزين شقلت الحين؟
فواز: شقول ؟؟
عبدالله: شنشتريله ؟
فواز: والله مدري .. نشوف بعدين ..

وصلوا المجمع ..
ريم واسماء ونجود .. يتمشون ..
راحوا صوب محلات الذهب ..
وقعدوا يجوفون ..
ياهم فيصل ..
فيصل يحاجي اسماء: هاا ؟؟ عجبج شي ؟؟
اسماء: ماادري .. للحين
فيصل: اخذي راحتج ..
اسماء ابتسمت: ان شاءالله
ريم .. طاحت عينها على شبكه .. التفتت على اسماء: لحقي !!
اسماء بسرعه راحت يمها: هاا
ريم تأشر عليها: جوفي ذي !! حدها فن !!
اسماء بقت عينها: اللاي !!
ريم: وايد ناااعمه !!
نجود: تبررررق
فيصل راح يمهم: هاا .. شقلتوا ؟؟
ريم: ماادري كيفكم .. انا عجبتني ذي ..
فيصل يجوفها: حلوه .. تبين ناخذها ولا تجوفين بعد ؟
اسماء متوهقه: كيفكم
نجود: غبيه انتي !! شنو كيفكم ؟؟ من اللي بيعرس الحين؟
اسماء: وي شدراني !!
فيصل: كيفج .. يالله قولي
اسماء: اممممم ..
ريم سحبت نجود: خليهم يفكرون على راحتهم .. امشي وياي
نجود راحت وياها: يالله ..
ريم راحت صوب الساعات .. الا تشتري ساعة حق ناصر ..
نجود: اففف انتي مللتينه والله
ريم: نجود عاد شوي بس
نجود: طخي له أي ساعه وخلاص ؟؟
ريم: لا مايصير .. لازم اجوف له وحده عدله
نجود: اففففف ممله انتي
ريم تراويها: هذي حلوه ؟
نجود متملله: اييي ايي حلوه كلهم حلوين يالله عاد
ريم: عاد نجود خليني اشتري ..
نجود تراويها ساعه: هذي هذي اخذيها له
ريم تخزها: هذي مالت بنااات ؟!
نجود: أي عشان انتي تلبسينها لا
ريم: نجود شلغباء ذي ؟؟!!
نجود: بعد ؟؟ في بيتي وتسبيني؟
ريم: ها ؟؟
نجود: يعني صج انج .. يالله بسرعه مللتيني اخذيله أي شي
ريم: انزين عاد انتي خليني اجووف !!
نجود: انا يوعاانه !! ابي اتغدى
ريم: انزين خنكمل عقب بنروح نتغدى
نجود: لاا انا طاقتي خلصت .. ناكل قبل عقب نكمل
ريم: انزين تعالي خنرد ذاك المحل .. خاطري في ذيج
نجود: انا لله .. تونا طالعين منه؟
ريم: نجود عاااد !! (سحبتها) امشي ..
نجود تتأفف: اففففففففففففف اففف افف جانزين ماييت ..
ريم دشت المحل .. سيده صوب الساعه: خلاص انزين باخذها .. بس لتحنين عاد !!
نجود: يالله يسرعه ..جزاءن لج بتغديني وبتشترين لي اللي ابي
ريم: ان شاءالله ..
نجود: من صجي !!
ريم: ان شاااااااااءالله ..
نجود: ذلفي روحي اشتريها بسرعه

اسماء وفيصل .. شروا الشبكه والدبل .. وتموا يتمشون ..
فيصل: اسومتي؟
اسماء: هلاا
فيصل التفت عليها ووقف جدامها: انا مستانس ..
اسماء مستحيه: انا بعد ..
فيصل: انتي بعد شنو؟
اسماء: مستانسه ..
فيصل راح وقف يمها ومشى .. : اممم .. يعتي ؟
اسماء: امم .. مادري
فيصل: مايصير مادري .. أي ولا لاء؟
اسماء ابتسمت: على خفيف
فيصل: انزين شرايج نتغدى ؟
اسماء: يالله ..
فيصل: انزين .. وين تبين تتغدين؟
اسماء: مااادري
فيصل: مايصير مادري .. قولي وين
اسماء: وي فيصل مادري كيفك
فيصل: شخاطرج فيه ؟؟
اسماء: مااادري
فيصل: انا لله .. قولي عاد !!
اسماء: أي شي .. كيفك
فيصل: انزين انا خاطري في برجر.. وانتي ؟
اسماء: انا بعد
فيصل: يه ؟؟ انزين انا خاطري في .. كباب
اسماء: انا بعد
فيصل: انزين انا خاطري في .. لزانيا
اسماء استانست: اللاي انا خاطري صج
فيصل ابتسم: جذي يعني ؟؟ يالله انزين امشي ..

ريم عقب ماشرت الساعه .. ودتها محل يغلفوونها .. ونجود طول الوقت تتحلطم ..
راحوا يصلون ..
عقب ماطلعوا من المصلى .. راحوا بينزلون علدري " الاسكليتر " ..
فواز وعبدالله كانوا وراهم .. عبدالله: اووه تلفوني !! وينه؟
فواز: يمكن بالمصلى ؟؟
عبدالله راح: انزل انزل باييك ..
فواز نزل .. كان وراهم ..
ريم رن تلفونها .. كان ناصر ..
ريم: هلااا عمري
ناصر ابين صوته توه قاعد: ابووي .. وحشتيني
ريم بحيا: وانت اكثر .. يالله تعال
ناصر: تبيني ايي؟؟
ريم: ايي اكييد .. انطرك انا
نجود واقفه يم ريم وتتحلطم ..
للحينهم ينزلون علدري ..
يوم وصلوا تحت .. شيرت دفة نجود في الدري .. تبي تسحبها مب قاادره ..
ريم نزلت ولا تدري عن اختها .. وقاعده تسولف ويا ناصر ..
نجود متوهقه .. نزلت علأرض تبي تسحب دفتها بسرعه مب قادره ..
فواز كان لاهي في تلفونه .. يوم بينزل جاف نجود قاعده علأرض وتحاول في دفتها .. طبعا ماعطته ظهرها ماعرفها .. بسرعه راح وطق " ستوب" ويود دفتها يبي يساعدها ..
ونجود متفشله ماتبي ترفع عينها وتجوفه ..
ريم توها ملاحظه .. التفتت ورا تدوّر اختها: ويه نجود !!
ناصر: شفيها؟
ريم مستعيله: عمري شوي شوي وكلمك يالله باي باي
بسرعه صكته وراحت يم نجود ..
فواز بسرعه التفت بينادي الـ security .. وخلاه يخلي الدري يروح على فوق عشان يقدر يسحب الدفه .. وزين الدري كان خالي .. سحب الدفه ووقف ..
نجود رفعت عينها بتجوفه الا فواز .. !! بقت عينها .. تبي تقوله مشكور شي .. انربط لسانها !!
وهوه تم واقف يطالعها مب مصدق ان هذهيه اللي جافها مساعه !!
ريم بخوف: نجود شفيج !! شصاير؟
فواز يبي يقول شي مب عاارف ..
ريم التفتت عليه: مشكوور والله ماقصرت .. (توها مستوعبه .. وهوه توه مستوعب)
فواز ابتسم: شدعوى افا عليك؟؟ سلميلي على ناصر
ريم ابتسمت: الله يسلمك ..
راح عنهم .. وهمه مشوا عنه ..
نجود بقت عينها: شعرفج فيه؟
ريم تخزها: رفيج ناصر ..
نجود ابتسمت: اينن !! حده destroying .. من قلب !!
ريم: هاا ؟؟ هوّنا عن دكتور وليد ؟؟
نجود: خيوليييييي زيين .. جوفي ذي !! مب طبيعي .. حده مب طبيعي !!
ريم ابتسمت: والله ماينعرف لج .. باجر بعد مادري من بتجوفين وبتنعجبين فيه
نجود: لا بس ذي غير !!
ريم: كان وليد غير بعد ؟؟
نجود: لا من صجي !! فواز غير !! احسه دش قلبي !! من أول نظره !!
ريم: آآيه على قلبج .. كل الأوادم تدرعم فيه ..
نجود: لا بس .. فواز درعم وتربع فلوسط وطردهم كلهم ..
ريم: من صجج ؟
نجود: ريمو حسي فيني .. دخت .. تخسبقت
ريم: ويي اسم الله عليج !!
نجود تتلفت: وين راح؟
ريم: يعني خلااص طحتي في غرامه ؟؟ مب باجر بتجوفين لي مادري من وبتهونين ؟؟
نجود: لا لا هالمره صج ..
ريم: انزين بنجوف .. جم مره قايلة لج انا اذا بتنزلين رفعي دفتج !!
نجود تجوف دفتها: وااااي دفتي .. تشققت شوي
ريم: معليه تتعدل .. اهم شي انتي
رن تلفونها ..
ريم: هلا هلا
ناصر : ابوي شفيييج خرعتيني ؟
ريم: لا بس نجود شيّرت دفتها ..
ناصر: انزين انا الحين في بيتنا .. ببدل وباييج .. مو تتغدين عني !!
ريم: لا لا افا عليك انطرك ..
ناصر: يالله عيل .. باي ..

عبدالله نزل حق فواز بسرعه ..
عبدالله: وه زين اللي حصلته ..
فواز باله مب وياه: ها ؟؟
عبدالله: اقول حصلته
فواز: منهو ؟
عبدالله: تلفوني !!
فواز: ايي زين ..
عبدالله: شفيك مفهي جذي ؟؟
فواز يتذكر صوت ريم يوم تناديها .. " نجود شفيج !! " أبتسم
عبدالله: امبييه شفيك !! مامداني هديتك !! شصاير؟
فواز ابتسم: شفتها ..
عبدالله: منهي ؟
فواز: نجود
عبدالله: أي نجود؟
فواز خذ نفس: مدري وش فيها يجذب
عبدالله: انجذبنا بعد ؟؟ تغربلنا
فواز: زااحفه من جد
عبدالله: هاا؟
فواز مفهي: ابيها
عبدالله: توّك تتطنز على ناصر !!
فواز ابتسم: هي تقرب له .. بس مدري ايش
عبدالله يخزه: ليكون ريم؟
فواز: لا لا ريم اعرفها وشدعوى ؟
عبدالله: عيل اختها ؟؟
فواز: يمكن .. تشبه لها
عبدالله ابتسم: هذي اللي مخليتك تتدوده جذي ؟؟
فواز: ليه انت شايفها؟
عبدالله: ايي جفتها وزفتني بعد ..
فواز: ابيها .. لاتقرب صوبها ابد
عبدالله: خذها حلال عليك .. مابي انا ام لسان ..
فواز: هي ام لسان؟ ايابااا حلاااته كذا ..
عبدالله: الحمدلله والشكر بس .. تعالي خنجوف شي نشتريله بلا هالسالفه
فواز: Heey !! Feel me man !!
عبدالله: انت من صجك؟
فواز: ماعندك رقم جوالها ؟
عبدالله: هي انت !! ينيت ؟؟ زر عقلك ؟
فواز: انت ماتؤمن بالحب من أول نظره ؟
عبدالله: الله!! حبيتها ؟؟
فواز: احس .. صورتها ماتفارق خيالي .. مانيب قادر انساها
عبدالله: من صجك انت ؟
فواز حالته صعبه: والله !! (يتلفت) حسافه مالحقتها !!
عبدالله: تبي نصور يذبحك ؟؟ (سحبه) امش وياي يالله ..

اسماء وفيصل
فلمطعم يتغدون ..
فيصل طول الوقت يطالعها ..
واسماء مب مستوعبه .. وتاااكل ولا عليها
وهوه ساكت .. بس يطالعها ..
اسماء رفعت عينها .. كان يخزهها .. تفشلت وردت نزلت عينها ..
فيصل خذ الشوكه بياكل .. : اكلي اكلي مابجوف .. بغمض
اسماء متفشله
فيصل: يالله اكلي
اسماء: ان شاءالله باكل ..
فيصل ياكل .. واسماء تاكل ..
وصار هدوووء .. شوي الا يايهم واحد وواقف على راسهم .. طق يده عالطاوله عشان ينتبهون له .. اثنينهم انقزوا ..كان محمد ولد عمها
محمد يطالع فيصل: سويتها ؟
فيصل يبي يتذكر وين جايفه: نعم ؟؟
محمد التفت على اسماء: صج انج
فيصل وقف ويوده من ثوبه: شتبي انت ؟؟
اسماء توها مستوعبه: محمد ؟؟ بوووو صج قديم
محمد يطالع يد فيصل: هدني .. هدني اقوللك هدنيي
فيصل شال يده ..: خيير شعندك ؟؟
محمد يخزهم اثنينهم .. يهز راسه: الحمدلله والشكر .. معليه اراويكم (مشى عنهم )
فيصل معصب: شيبي ذي !!!!!
اسماء: ماعليك منه زين ..
فيصل معصب: بط جبدي !! أي والله سويتها !!
اسماء: تهقى يروح يقول حق عمي !!
فيصل: وذا ؟؟ جيف انا خايف من عمج ولا منه ؟؟ شعلي منهم انا !!
اسماء: انزين لتعصب .. هد اعصابك ماصار الا الخير ان شاءالله
فيصل: لا بس بط جبدي !! يزعم بيهدد !!
اسماء: معليه انت اكل الحين .. وماعليك من احد ..
فيصل معصب : اففففففف
اسماء بهدوء: فيصل بس عاد ..
فيصل ابتسم ..
اسماء استانست: ايي جذي .. شكرهك اذا عصبت لتعصب
فيصل: انزين انزين ..

ناصر دش المجمع ..
ريم ونجود كانوا فلمطعم ينطرونه
من دش جاف عبدالله وفواز بيطلعون ..
ناصر فصخ نظراته الشمسيه: انتوا هنيي؟؟
عبدالله سلم عليه: لاا هناااك
ناصر: شخباار ؟
فواز سلم عليه: كيف الحاال؟
ناصر: الحمدلله .. نعم الله عليك خوش رمان
فواز: عليك بلعافيه ..
ناصر: الا طالعين ؟
عبدالله: من الصبح احنا هني ..
فواز: أي والله تعبت من جد
عبدالله: خنجوفك قبل لتسافر .. ادري هناك مابتعطينه ويه
ناصر: معليه ان شاءالله بكلمكم ..
فواز يخزه: ابيك في سالفه
ناصر: خير ؟
فواز: خير ان شاءالله .. لاتحاتي بعدين اكلمك ..
ناصر: اووكي مب مشكله .. حياكم تعالوا تغدوا ؟
عبدالله: معليه مره ثانيه .. يالله مانبي نعطلك .. باي
ناصر: باااي
ناصر راح لهم المطعم ..
كانت ريم ماعطته ظهرها .. ونجود مجابلتها..
راح لها من وراها وغطى عينها بيده .. يودت يده: نااصر ..
ناصر هدها وراح قعد يمها : يه !! شلون جذي عرفتيني !!
نجود تتطنز: عندها عين ورا وانت الصاج
ناصر ابتسم: فديتها عروستي ..
نجود تخزه .. بلعدال عشان مايسمع: مالت عليك وعلى عروستك فوقك
ناصر يبي يحرها .. يسوي روحه ماسمعها .. التفت على ريم: طلبتي ابوي؟
ريم: لا عمري انطرك ..
ناصر يجوف المنيو: شخاطرج فيه حبيبتي ؟
ريم: اممم .. كيفك .. انت شخاطرك فيه ؟
نجود مب عاجبها الوضع: انتوا هي !! عبالكم وين قاعدين ؟؟ انا متطرقعه من اليوع وانتوا يالسين تتعازمون ؟؟ بسرعه يالله طلبوا !!
ناصر: انزين لتحنين .. نادي الريال يالله خنطلب ..


فيصل واسماء ..
عقب ماتغدوا .. قاموا بيدورون شوي ..
فيصل التفت عليها: شرايج ندش فلم؟
اسماء بقت عينها:من صجك ؟؟ انواااااع الثقه !!
فيصل: شفييها ؟؟
اسماء: فيصل !! احنا للحين مابينه شي رسمي !! انطر لي باجر
فيصل: انزين اليوم ولا باجر نفس الشي
اسماء: للا لا .. اليوم انا غير .. وباجر غير
فيصل: شلون يعني غير ؟؟ نفس الشي
اسماء: فيصل ؟!! يالله امش خنروح لهم ..
فيصل: انزين .. شرايج نيلس في كوفي شوب ؟
اسماء: اممممم .. انا شبعانه
فيصل بدى يعصب: انتي شتبين بالضبط ؟
اسماء رفعت تلفونها: انطر بجوف ريمو وينهي

ريم كانت تسولف ويا ناصر .. ينطرون أكلهم ..
رن تلفونها بسرعه شالته: الووو
اسماء: ها انتي .. وينج ؟
ريم: احنا ننطر غدانه .. وانتي ؟
اسماء: احنا ندوور
ريم: حلا عليييج !! اجوف الا ماخذه راحتج يالشيخه؟
اسماء راحت عن فيصل عشان مايسمع: ماكنتي تدورين ويا ناصر قبل؟
ريم: اذا بدور وياه مب بروحنه .. بس يوم ملجنا بروحنه
اسماء: امبيه ريمو يعني بحصل اثم ؟؟
ريم: ويي انا شدراني !! استغفر ربج
اسماء: انزين انا ماسويت شي .. يعني تغدينه بس
ريم: عليج بلعافيه .. اهم شي شريتوا الشبكه؟
اسماء: أي أي .. خذت اللي انتي اخترتيها
ريم ابتسمت: آيه عليج
اسماء: انزين عيل احنا بنكمل دواره .. أذا كملتوا غدا قولولنا ..
ريم: ماتبين تشترين شي حق باجر ؟
اسماء: لا الا مابنسوي شي ..
ريم: اوكي مو مشكله بس انا ابي اشتريلي شي حق السفر
اسماء: اشتريلج من هناك احسن
ريم: من هناك ومن هني .. مره وحده
اسماء: انزين مو تمشون وتهدوني !!
ريم: لا لا .. افا عليج .. اذا تغدينا بتصل لج ..
اسماء: اوووكي .. يالله عيل .. باي
ريم: باي
اسماء راحت حق فيصل ... ابتسمت
فيصل يخزها: من الحين اسرار ؟؟
اسماء تخزه: أي اسرار انته بعد ؟؟ سوالف بنات مايصير تسمعها
فيصل يطالع يدها ويرفع عينه يطالعها
اسماء تطالع يدها: فيني شي غلط ؟
فيصل فيه الضحكه: ابي ايودج..
اسماء ماستوعبت: شتيوّد فيني ؟
فيصل يضحك: ههههههههه خاطري !!
اسماء بقت عينها: ها ؟
فيصل: يعني ابي ايود يدج وامشي .. شرايج؟
اسماء سحبت يدها وودتهم ورا ظهرها: انطر لي باجر !! مايجوز !!
فيصل: انزين شيفرق الحين !! كله واحد ؟
اسماء تهز راسها: لاا .. آآسفه
فيصل: انزييين .. خاطري في آيس كريم ..
اسماء تتطنز: لا ؟؟؟؟ احلف ؟؟؟؟؟؟ من صجك ؟؟ زين زييين !! بشر الوالده
فيصل: اسوم من صجي !! شفيج !
اسماء: انزين شسويلك ؟؟ امش يالله خلنشتري
فيصل: بسألج .. تذكرين اول .. على ايام العز
اسماء ماستوعبت: متى ؟؟
فيصل: قبل لاعرف ان انتي اسوم ..
اسماء استحت: شصار؟
فيصل: تذكرين يوم تقولين لي حرفج .. وقمت قريت لج شخصيتج مادري شنو؟
اسماء تفكر: امممممممم .. ايه
فيصل: للحين اتذكر شقريت لج .. انج مب رومانسيه .. ابدا
اسماء متفشله: انا؟؟ وي احلف؟؟
فيصل: على خفيف .. مب وايد
اسماء: اممم .. معليه مع الايام اثبت لك ..
فيصل: اتذكر قريت انج مافيج صبر
اسماء فيها الضحكه: اييي بطني يحكني خخخ
فيصل ابتسم: شرايج نملج الليله؟
اسماء: خلها بااجر احسن ..
فيصل: وليش مب الليله؟
اسماء: لا باجر احسن .. خل اتجهز نفسيا
فيصل: داشه حرب انتي ؟؟
اسماء: لا فيصل والله باجر احسن ..
فيصل: علهواج .. باجر تعالي من الصبح عاد
اسماء: وييي فيصل !! مايصير !! ماتجوفني الا عقب الملجه
فيصل يخزها: شلا يعني؟
اسماء: كل الأوادم جذي !!
فيصل ابتسم: ابي اجوفج قبل وبعد
اسماء: لا بس اليوم ..
فيصل: اوهو .. وايد تتعززين انتي ! انزين تمي الليله عندنا .. باجر ريمو بتسافر !!
اسماء: أي أي بتم الليله .. معليه
فيصل استانس: أي جذي .. صيري حليوه
اسماء: انا حليوه من زمان !!
فيصل: ادري ادري .. يالله امشي خنشتريلنا آيس كريم
اسماء: اللاي وناسه .. يالله ..

ناصر يأكل ريم ..
ونجود مجابلتهم .. هاده اكلها وحاطه يدها على خدها وتطالعهم
ناصر التفت عليها: سينما ؟؟
نجود: فلم رومانسي ابلاش !! شابي بعد ؟
ريم فيها الضحكه: وااي هههههه
ناصر يطالع ريم: شربيني ..
ريم تشربه البيبسي
نجود تهز راسها : الحمدلله والشكر .. ماعندك يد ؟؟
ناصر: انتي شفيج محتره ؟؟ ( خذ البيبسي والتفت على ريم) أشربج ابوي؟
ريم فيها الضحكه: يالله
ناصر يخزها: لتضحكين !! ابوي اخاف تشرقين !! سكتي
ريم ميوده الضحكه: ان شاءالله
نجود عافسه ويهه: بشييه بشييه .. مالت على البمبر .. انتوا من وين يايبينكم؟
ناصر ياكل: اففف ممله اختج .. هلمره لتيبينها وياج (رفع راسه يطالعها) كملتي اكلج؟ بس يالله قومي فكينه
نجود: مب قايمه .. قاعده على جبدكم .. حررررررره .. وانت موت قهر
ناصر: قعدي .. انتي اللي محتره ترى مب انا
ريم التفتت عليه: عمري مساعه جفت فواز
نجود وقف قلبها
ناصر: لا ؟؟ اعرفج ؟؟
ريم: ايي قالي سلمي على ناصر
ناصر: ماقالي الهيس .. جفته مساعه وهوه طالع ويا عبدالله
ريم: اممم مادري انا يوم جفته كان بروحه
نجود تبي تقول أي شي: اممم هذي سعودي ؟؟
ناصر يخزها: وانتي شعليج؟
نجود عفست ويهه: اسأل !! سمعته مساعه يتحجى
ناصر: شيتحجى؟
نجود: سعودي !!
ناصر: اذا سمعتيه يتحجى شلا تسألين عيل ؟ في أمل يكون اماراتي مثلا؟
نجود: اففففف .. انا غلطانه اسألك
ناصر: من قالج ابيج تسأليني
ريم: شفيكم !! لا اله الا الله !!
نجود: انزين اهوه يدرس وياكم هنااك؟
ناصر: وانتي شعليج يعني ؟؟ يدرس ويانه ولا يشتغل ويانه ؟؟ مالج شغل
نجود: اسأأأل !! حرام يعني الناس يسألون !!
ناصر: خلي عنج الفضول ذي .. مابينفعج
نجود: اففف اففف ممل .. مادري شلون ريم مستحملتك
ريم تخزها: ويي !!
ناصر يطالع ريم ويأشر على نجود: سمعتيها ؟؟
ريم: بس عاد شفيكم؟؟ صلوا علنبي !!
ناصر ونجود: اللهم صلي وسلم عليه
ناصر شبع: الحمدلله شبعت ..
ريم بعد كملت: عليك بلعافيه عمري انا بعد شبعت
نجود عافسه ويهه: عنبوو !! تاكلون يميع وتشبعون يميع ؟
ناصر يخزها: انتي ماتذلفين تفكينه؟
نجود: قلت لك مب قايمه !! يه !!
ياب الريال البيل .. دفع نااصر وقااام: مشينه؟
ريم قامت وهي شايله الهديه " الساعه" : يالله
ناصر التفت على نجود: انتي تمي هني ..
نجود قامت: ويهك عاد ..
ريم: نروح نصلي العصر ؟؟
ناصر: يالله ..
ريم: عمري كلم فيصل قوله احنا كملنا ..
ناصر: ان شاءالله

عقب الصلاة ..
ناصر صلى وطلع ينطرهم فلممر ..
ريم ونجود صلوا وطلعوله ..
ريم: عمري كلمته؟
ناصر: ايي توني .. قاللي بيصلون وبيون
ريم: زين .. امممم
ناصر: فيج شي؟
ريم: لا بس قلت ابي اجوف لي شي حق السفر ..
ناصر: ايي جوفيلج .. بس خل ايوون ونمشي يميع
ريم ابتسمت: ان شاءالله ..
كانوا واقفين عند الممر ينطرونهم ..
مرت بوصلوح " منيره " ويا ربعها اللي من اشكالها
ناصر عافس ويهه .. يساسر ريم: الحمدلله والشكر .. جفتيها ؟
ريم توها تجوفها: ويي هذي منوور
ناصر مستغرب: تعرفينها؟
ريم طلت في ويه نجود: جوفيها !!
نجود كانت تحوس في تلفونها .. رفعت راسها تجوفها: بل !!
ناصر مستغرب: تعرفونها؟
ريم تساسره: هذي وياها فلمدرسه
ناصر: الحمدلله والشكر .. الله لايبلينا ..
نجود بسرعه فرّت ويهه: لتجوفني !!
ريم: راحت راحت .. ماحطت بالها
نجود: اففففف أذيه !! هذي كل ماايي اهني لازم اجوفها ؟؟ لوّعت جبدي يمال لضعفه
شوي الا فيصل واسماء يايين ..
اسماء راحت تسلم على ريم يزعم توها تجوفها: اهلااااا هلا والله !! انتي هنيي ؟؟ شلوونج شخباارج ؟؟
ريم تسايرها: والله مشتاقة لج !! ويينج من زمان ماتبينين !!
اسماء: شنسوي والله ويا الدنيا .. انتي شلونج ؟
ريم: الحمدلله بخير ..
اسماء تطل في ويه نجود: انتي هنييييي ؟
نجود طلعت لسانها: لااا هناااك
اسماء راحت تسلم عليها: اهلييين وسهليييين .. وحشتيني
نجود تسايرها: وانتي اكثر !! ولا تمرين ولا تسألين ولا شي .. شدعوه ؟
اسماء: شنسوي بعد .. ويا الدنيا
فيصل وناصر مب فاهمين شسالفه ..
فيصل: شفيهم ذلين ؟
ناصر يقلدهم: هلااااااا الفيص !! شخباار ؟
فيصل يسلم عليه وفيه الضحكه: الحمدلله بخير انت شخبارك ؟
ناصر: اسأل عنك يالقاطع !!
فيصل يضحك: هههههههههههههه يالله يالله مشينه ..
تموا يتمشون ..
نجود سحبت اسوم: الا ماخذه راحتج مسودة الويه ؟
اسماء تبي تحرها: انا وخطيبي انتي شحارج ؟
نجود: مالت عليج اقول ..
اسماء ابتسمت: وعلييج ..
ريم راحت يم فيصل: مستانس؟
فيصل ابتسم: الحمدلله
ريم ابتسمت: مستعد حق باجر؟
فيصل: لو تبين الحين ماعندي مانع
ريم: آآآآآيه عليه المعرس !!
ناصر راح يمها ويوّد يدها: خلج يمي ..
ريم: ان شاءالله ..

فواز فلفندق ويا رفيجه .. يتسبحون فلبرجه ..
فواز سرحااان يتذكر نجود ..
بندر: وشفييييك يارجاال !! منتب معي !!
فواز التفت عليه: طيب وش اسوي ؟؟
بندر: قلي وشفيك؟
فواز: يخي بسألك .. انت تؤمن بالحب من أول نظره؟
بندر: له !! وشذا الهرج ؟؟ انت صاحي ولا مهبول؟
فواز: لا بالله انهبلت .. بسببها هي ..
بندر: منهي !!
فواز: يا لبى قلييبها النجديه
بندر: نجديه ؟؟
فواز ابتسم: لاا .. اسمها نجود
بندر: الله يرجك بس .. صجيتني يارجال !! وين شفتها؟
فواز خذ نفس: آآه يابندر .. ليتني ماشفتها .. ماتدري وشجاني من ورا شوفتها ذي.. لخبطتني ..
بندر يطالعه: طيب وين شفتها فيه؟
فواز: ماشالله عليها زي القمر .. حلوه مره .. ماشفت زيها ابد .. مدري ليه كذا احس اني غرفت
بندر يتطنز: ماعندها خوات؟
فواز: وشتبي انت !! وشدخلك فلموضوع؟؟
بندر: وش تبيني اقوللك ؟؟
فواز: ترى يمكن هي بنظرك عاديه .. بس بنظري ملاااك
بندر: لا اله الا الله محمد رسول الله .. ربي يساعدك على مابتلاك
فواز: من جد .. بندر !! احساس غريب .. اول مره احس قلبي طاير كذا
بندر: يعني حبيت ؟
فواز: الا جنيت
طلع من البرجه .. خذ الفوطة ولفها على خصره
بندر: ويين ؟؟ بدري !!
فواز: بطلع فوق ..
بندر قام: طيب لحظه .. بجي معك
فواز يغني: ابييها .. بس هذي اللي ابيها .. هذيك اللي انا عيني عليها ..
بندر يكمل عليه: خذت عقلي وروحي من حلاها
فواز: من جد .. وانا المسكيين قلبي راح فيها
بندر حط يده على جفته ومشى ..

في المحـل ..
ريم ميوده فستان قصير ناعم: اللاي عجبني !!
اسماء: انزين لبسيه احسن .. يمكن عللبس يطلع غير
ريم: انزين انا باخذ لي جم شي .. مره وحده بجرب ..
اسماء: تصدقين ماعجبني شي !!
ريم: اسوم !! من صجج ؟ وايد فيه اشيا !! تعالي تعالي
راوتها فستان حده ناااعم : شرايج؟
اسماء: ويعه !! شلون جفتيه ؟
ريم: ويه ؟؟
اسماء مستانسه: أللاي فن !!
نجود وراهم وتتحلطم: هيي انتوا !! مللتونه .. يالله نطلع
ريم: ويي نجود .. شفيج اليوم؟
اسماء: انزين جوفيلج يمكن يعجبج شي !!
نجود: مالي خلق شي ابي اروح البيت
ريم تخزها: كل ذي عشانه ؟
اسماء ماستوعبت طبعا ولا تدري من
نجود بقت عينها: جب يالدبه .. ماراح من بالي من الصبح
اسماء تخزها: من ذي؟
نجود: انتي جب مالج شغل
ريم سحبتها: أمشي امشي خنجوف ذاك الصوب .. وخليها عنج
نجود طلعت حق ناصر وفيصل .. مب مشتهيه تسوي شي ..
كانوا واقفين عند الباب يسولفون ..
ريم واسماء راحوا يقايسون لثياب ..
فيصل: ها ؟؟ كملتوا ؟
نجود: مابغيت الا ذلين يكملون ؟؟ انت لو تنساهم احسن لك يعني
ناصر: ترى مابنتأخر .. ورانه سفر باجر وللحين ماجهزنا شي
نجود: أي هذهيه قاعده تدور حق السفر ..
فيصل: وانتي ماعجبج شي ؟؟
نجود من غير نفس: ماشتهي
فيصل: ترى عقب محد بييبج .. ريم بتسافر ..
نجود: وانت وين رحت؟ ليكون عبالك من بتملج خلاص ؟؟
فيصل يخزها: انا ماقلت جذي .. بييبج عقب ويا اسماء لتخافين
نجود: عباالي بعد ..
ناصر: انزين شكنا نقول ؟
فيصل يبي يتذكر: ماادري نسيت .. !! أي أي صج .. قول حق عبدالله وخوه .. وفوااز
نجود فز قلبها .. شب ويهه
فيصل: عن بااجر يعني
ناصر: ايي ان شاءالله ..
فيصل: شسمه ذاك اللي يانه ذكلمره ؟؟ اللي يصير حق عبود ؟؟ ذاك اللي طايحين فيه طنازه؟
ناصر ابتسم: فقيير .. علووي القصله ؟؟
فيصل: هذهوه .. قول حق عبود يقول له
ناصر: ان شاءالله
فيصل التفت على نجود: باجر انتوا روحوا بيت اسوم ..
نجود تخزه: من احنا؟
فيصل: انتي وريم .. ورفيجتج عايشه
نجود: عووش ماتقدر تيي .. بس ليش ماتخليه في بيتنه؟
فيصل: احنا الشباب في ميلسنا ..
نجود: انزين احنا بعد !! وعليه امي تبي تجوفها !! وريم بعد مره وحده لان بتسافر !! في بيتنه احسن
فيصل: بجوف اسماء وراشد شيقولون
نجود: فيصل الا اهيا مب حفله .. ملجه يعني عقد قران مادري شسمونه.. واحنا مابنسوي شي .. بعدين بنلبس وبنروح المطاار بنوصل المعاريس .. (التفتت على ناصر) ولا شرايك انت؟
ناصر: والله على راحتكم انا ماعندي مشكله .. جوفوا ريم شتقول
فيصل: اووكي بسألهم ..
ناصر اتصل في ريم ..
ريم كانت تراوي اسماء اللي لبسته: الوو ؟
ناصر: هلا حبيبتي .. شتسوين؟
ريم: انا قاعده اجرب واراوي اسوم ..
ناصر: ابي اجووف
ريم: تعال !!
اسماء تخزها: وين ايي انتي مينونه ؟ مايصير رياييل يدشون هني
ريم: وي عمري مايصير ..
ناصر التفت على فيصل: دقيقه .. حبيبتي باييج نطري
ريم: ويي مايصير !!
ناصر: مالي شغل .. اكا دشيت انا .. وين انتي ؟
ريم: وي وي وي غبره انطر .. لحظه .. اسمعني .. انا بلبس شيلتي ودفتي وبطلع لك وبراويك
ناصر: تقصين علي ؟ ابي اجوفهم علييج
ريم: ملعيه لي رحنا البيت براويك.. اهني مايصير.. عطني دقيقتين بس وباييك
ناصر: بسرعه لتأخرين
ريم: ان شااااء الله .. يالله باي
ناصر: باي

اسماء: مب صاحي ذي ؟؟
ريم: انزين انتي الحين شقلتي ؟
اسماء: خلاص باخذهم اثنينهم ..
ريم: انزين عيل روحي دفعي على ماابدل ..
اسماء : اوكيي
راحت عنها
بسرعه ريم لبست ثيابها ودفتها وشيلتها وخذت لثياب وطلعت .. ناصر كان واقف ينطرها ..
ريم ابتسمت وراحت يمه ..
ناصر: كلهم !!
ريم ببراءة: عاجبيني والله حلويين
ناصر: انزين اجوف راويني..
ريم حطتهم على الطاوله .. وناصر تم يجوف بروحه .. وهي منزله راسها ماتبي تجوف ويهه ..
ناصر خذاهم ويودهم: اوكي حلوين
ريم: صج ؟؟ عجبوك ؟؟
ناصر: مادري اذا لبستيهم بتحلينهم اكيد
ريم بحيا: احلف؟
ناصر بنفس نبرة صوتها: والله
ريم: انزين عطني اياهم
ناصر ولا جنه يسمعها .. رااح صوب الكونتر ودفع .. وهي واقفه تطالعه !! راحت يمه: ناصر ؟؟؟
خذ الاجياس وطلع ..
ريم وراه: نااصر !! احاجييييك !
ناصر التفت عليها: هاا ؟؟ شفييج؟
ريم: احاجيك رد علي !!
ناصر وقف مجالها: اكا رديت عليج .. شعندج؟؟ في شي ؟؟ مب عاجبج يعني؟
ريم: لا بس علأقل خليتني
ناصر يقاطعها: ريم !! تبين نتهاوش الحين على ولا شي؟؟ خلاص صكي السالفه !!
ريم يودت يده: خلاص آسفه لتزعل .. مب قصدي
ناصر ابتسم: حبيبتي انتي مازعل عليج .. يالله تعالي ..
راحوا حق فيصل واسماء ونجود اللي كانوا ينطرونهم ..
فيصل: هاا ؟؟ بس ولا بعد ؟؟
ناصر: لا لا بس خلاص .. (التفت على ريم) خلاص !!
ريم بقت عينها: أي أي خلاص اوكي يالله مشينه
نجود فيها الضحكه .. سبحت ريم: والله انج سهله
ريم: اششش لتفضحينه
فيصل: انزين انا بجدم .. عندي جم شغله ابي اخلصها وباييكم البيت ..
ناصر: حبيبتي يايه بسيارتج ؟
ريم:أي
ناصر: بس عيل روحي انتي وياهم .. انا بمر على عبدالله وفواز وعقب باييكم
نجود بقت عينها بدون شعور: ايي وياك؟
ناصر ماسمعها .. التفت عليها: ها ؟ شفيج ؟
نجود: اقول بتأخر؟
ناصر: لا لا .. وراي سفر .. ليش فيه شي ؟؟
نجود: لا بس اسأل ..
ناصر يحاجي ريم: حبيبتي بلعدال على الطريج .. حطي بالج
ريم ابتسمت: ان شاءالله
ناصر: يالله اجوفكم بعدين ..
ريم: على خير ان شاءالله ..
ناصر مشى عنهم: يالله باي
ريم: باي


يتبع............

[لامارا]

تابع......

فلسياره ..
ناصر اتصل في عبدالله ..
عبدالله: هلااا المعرس
ناصر ابتسم: هلا فيك .. شخبار؟
عبدالله: تمااام انت شخبارك؟
ناصر: بخير الحمدلله .. هاا وينك؟
عبدالله: انا فلبيت ..
ناصر: شتسوي؟
عبدالله: العب بلي ستيشن ..
ناصر: فوازو وياك؟
عبدالله: لا فلفندق ..
ناصر: مابتروح له ؟
عبدالله: بصلي المغرب وبروح
ناصر: زين عيل بمر عليك الحين وبنروح له يميع
عبدالله: خلاص انطرك .. اذا جربت اتصللي
ناصر: اووكي .. يالله باي
عبدالله: باي

فلبيت .. ريم راحت حق امها اللي كانت فلميلس ويا النسوان .. سلمت عليهم .. دشوا وراها نجود واسماء ..
ريم سحبت اسوم وركبت فوق غرفتها ..
اسماء قعدت عالسرير: اذن ريمو؟
ريم تجوف ساعتها: لا بعد .. خمس دقايق تقرييبا
اسماء تجوف الجيس: اوه اوه .. شاريلج هديه بعد؟
ريم: ويييييي لاا !! هذي انا شاريتها !!
اسماء: بل !! زين اللي مافجيتها
ريم معصبه: عشان افج راسج
اسماء: اشاريتله ؟
ريم بدلع: ساعه
اسماء: حركاات .. جان قلتيلي اشتري حق فصول ؟
ريم: وييه !! شدراني تبين تشترين له ؟
اسماء: المفروض تحسين وتعرفين بدون ماقوللج .. بقمه
جاندرا دشت عليهم وهي شايله الشنطه ..
ريم: زين بس خليها مني
اسماء: انتي من صجج بتسافرين؟
ريم: لا اتغشمر .. اكيد من صجي اما انتي !!
اسماء بحزن: واااي قلبي .. تخيلي !!
ريم: شسوي بعد ..
" أذن"
ريم: يالله نصلي عشان يمديني ارتب اغراضي ..
اسماء: يالله ..

ناصر وعبدالله وفواز فلفندق .. عقب ماصلوا المغرب ..
فواز: اجل بكره السفر ؟؟
ناصر: ان شاءالله .. باجر ملجة فيصل لازم تيون
فواز: ان شاءالله ..
عبدالله: اكيد افا عليك ..
فواز لسانه يحكه يبي يتحجى مب عارف .. تم قاعد يفكر شلون يقول له .. وشنو يقول له ..
ناصر: يالله مابي اتأخر عليهم .. ورانا سفر
عبدالله: انزين ايلس تعشى ويانه؟
ناصر: لا لا ماقدر .. نجوفكم باجر ان شاءالله .. تعالوا من وقت عاد
عبدالله: ان شاءالله
ناصر قام بيمشي: يالله فما الله ..
فواز قام: لحظه بجي معك ..
عبدالله تم قاعد ..
وهمه يتمشون ..
ناصر التفت على فواز: فيك شي ؟؟ احسك مب طبيعي
فواز متوهق: اممم والله مدري وش اقول لك
ناصر: قوول افا عليك !! تبي شي ؟ محتاج شي ؟؟ قول لتستحي
فواز: لا لا بس .. كنت ابي .. اممم .. استغفر الله العظيم
ناصر: فواز شفيك؟
فواز خذ نفس: اقول واللي فيها فيها
ناصر: قوول افا عليك !!
فواز: اممم .. مدري والله وش اقول بس انا شفتها وعجبتني
ناصر يخزه: من ذي ؟؟
فواز: لاتفهمني غلط يخي انت خويي وعارفني زين .. وفي خاطري ولازم اقوللك
ناصر مب فاهم: من ذي انزين؟
فواز خذ نفس: نجود بنت عمك
ناصر بق عينه: نعم ؟؟
فواز حس ان قال شي غلط: والله آسف بس مدري وش اقول لك .. طيب انا ابتقدم لها
ناصر: فواز شفيك ؟؟ ينيت ؟؟ انت واعي للي تقوله ؟؟
فواز بق عينه : انا قلت شي غلط؟
ناصر: لا بس من صجك يعني ولا تتطنز؟
فواز: وهذي السوالف فيها طنازه ؟؟ انت بكره مسافر متى تبيني اقوللك ؟؟ اذا شفتك هناك ؟
ناصر: انزين جذي مره وحده خلاص قررت ؟
فواز: سبحان الله !!
ناصر يضحك: ههههههههه انت من صجك ؟
فواز: ناصر وشفيك ؟؟ والله اتكلم جد
ناصر: انزين حتى لو اهيا توها صغيره للحين ماتخرجت ..
فواز: وكم باقيلها ؟
ناصر: سنه وحده وتتخرج من المدرسه !! مب الجامعه !!
فواز: ميخالف !!
ناصر: انزين مادري انت فكر فلموضوع .. بعطيك مهله سنه .. على ماتخلص دراستها .. يمكن تغير رايك ؟
فواز: انا رجاااال وعند كلمتي !!
ناصر ابتسم: كفوو والله .. بس بعد .. جذي جذاك انت بتنطر سنه ..
فواز ابتسم: يعني خلاص ؟؟ اعتمد ؟؟
ناصر: يعني انا ماعندي مانع .. بس بقى اخوها وامها واختها واهيا !!
فواز: الله يعين..
ناصر: لا لتحاتي .. بس انت انطر .. على ماتتخرج جود انت اشتغلت .. وان شاءالله بتوديها الشرقيه وياك؟
فواز: علهواها .. تبي البحرين تبي الشرقيه .. تبي la .. علهواها
ناصر: يسلام ؟ عيل شرايك اذا رجعنا تشتغل اهني ويانه انا والعبد ؟؟
فواز ابتسم: والله فكره !!
ناصر: يالله فواز انا اخليك الحين .. مابي اتأخر عليهم
فواز: طيب سلم لي عليهم
ناصر غمز له: الله يسلمك

ركب السياره وسيده اتصل في ريم ..
ريم كانت ترتب اغراضها .. بسرعه ردت عليه: الووو
ناصر: قلبيي
ريم: حيااااتي
ناصر: اشتاقتو ايلايكي
ريم: وانا ايضن
ناصر: فديتج .. شتسوين؟
ريم: قاعده احط لغراض فلشنطه
ناصر: انزين ابوي .. سمعيني .. انا بييب لج ثيابي كلهم وبييب لج الشنطه .. وانتي حطيهم
ريم: ان شاءالله من عيوني .. انت فوين الحين؟
ناصر: انا الله يسلمج توني طالع من عندهم .. بروح البيت الحين بييب اغراضي وباييج
ريم: اووكي انطرك ..
ناصر: حبيبتي .. عطشااااااااااااااااااان ريجي ناشف
ريم: وااي عمري اشرب لك شي !!
ناصر بدلع: مابي .. ابي انتي تشربيني
ريم: انزين مر علي قبل لتروح بيتكم واشرب
ناصر: مابي مابي ..
ريم: عمري اشرب لك أي شي وعقب يصير خير
ناصر: مابي !! والله مب شارب شي الا من يدج
ريم: نااااااااصر !! حرام عليك مب زين تسوي جذي !! روح اشرب .. وصوم 3 ايام عاد
ناصر: ويهج .. مابي قلت لج مابي .. يالله بسرعه رتبي اغراضج عشان ترتبين اغراضي عقب
ريم: ان شاءالله .. حط بالك علطريج
ناصر: ماابي
ريم: يه ؟؟ ناصر !!
ناصر: كيفي !! حبيبتي يالله رتبي اغراضج بسرعه
ريم: ان شاءالله ..
ناصر: يالله بااي
ريم: بااي
اسماء تربت وياها الأغراض: وناصر من بيرتب اغراضه؟
ريم: مرته
اسماء ماستوعبت: هه !! معرس !!
ريم بقت عينها: وي اسوم ركزي معاي شوي !! يعني من غيري؟؟
اسماء: انتي غبيه .. لتلفين وتدورين قولي انا وبس !! تتفننين اشوله؟
ريم: آآسفه ..

فواز وعبدالله كانوا طالعين يتعشون ..
فواز طول الوقت سرحان
عبدالله: هي !! احاجيك !
فواز توه ملاحظ: ها !! وشفيك ؟؟
عبدالله: شفييك !! شدعوه عاد ؟! قلنا الناس يحبون عاد مب لي هالدرجه ؟؟
فواز: يخي وش اسوي ؟؟ لازم انتظرها سنه كاااامله !!
عبدالله: اللي يحب .. يصبر
فواز: بصبر بصبر .. وانا وش وراي غير الصبر ؟؟
عبدالله: الصبر زين يخوك ..
فواز: صدفه !! كذا مره وحده !! احسها دخلت قلبي .. يعني كذا بدون استئذان
عبدالله يطبل علطاوله يغني: صدفه ومن بين كل الناس علقني
فواز يكمل: من يوم شفته وعيني جات في عيييييينه أي والله من جد .. انت شفت عيونها ؟؟ ماشالله لا اله الا الله تبارك الرحمن !!
عبدالله: جفتها قبلك .. بس كلللللش ماحسيت باللي انت تحسه ..
فواز يخزه: وان شاءالله تبي تحبها بعد؟
عبدالله: لا حبيبي .. انا ابي وحده عاقله .. رزينه .. مب ذي لمشدخه !!
فواز نفخ صدره: هييييي عااد !! حدك على حبيبتي !!
عبدالله: الحمدلله والشكر .. مشدخ ياخذ مشدخه .. شبتييبون ؟
فواز فيه الضحكه: مشيديخ
عبدالله: ههههههههههههههه خدايك الزايد .. وينه رفيجك ليش مايه ويانه؟
فواز: لا يبي يروح السينما مع خويه ..
عبدالله:الا تعال بسألك .. اما لو يكون حبك واعجابك من طرف واحد .. شبتسوي ؟
فواز: معصي !! انا شفت الحب كله بعيوونها !!

عبدالله فيه الضحكه: لاا لا ؟؟ حدك وااثق !!
فواز: تدري ليه تقول هالحكي ؟؟ لنك ماحبيت ..
عبدالله: تو الناس علحب ..
فواز: مدري ليه حاس انت بتاخذ امريكيه
عبدالله: بل !!
فواز: وشفيهم ؟؟
عبدالله: انت قزرت تغازلهم هالشقر
فواز: اييه بس مايعطون وجه !!
عبدالله: يعني انا اللي بيعطوني ويه ؟؟
فواز: كل شي جايز ..
عبدالله: لا يبه مافيني شدتهم .. باخذ لي بحرينيه احسن لي
فواز: يخي البحرينيات حنانات !! وش تبي فيهم ؟
عبدالله يخزه: ياسلام ؟؟ ليكون اللي بتاخذها نمساويه ؟؟
فواز ابتسم: لا عاد .. نجود غير ..
عبدالله يقلده: انا بعد مرتي غير ..
فواز: وش يضمن لك؟؟
عبدالله: انت اللي شيضمن لك؟
فواز: يخي انا غير .. انا قلبي دليلي
عبدالله: امحق قلب .. اقول شرايك تاكل وانت ساكت ؟؟ شكله بندر مايسولف وياك
فواز يخزه
عبدالله: اكل !!
فواز ياكل: طيب طيب ..

ريم .. تقريبا كملت اغراضها .. عيزت وهي ترتب دار راسها
اسوم كانت منسدحه على سريرها
ريم: اسوم !! احس نسيت شي !!
اسماء: انتي مب كاتبه الاغراض اللي تبينهم فلتلفون ؟؟
ريم: امبلا
اسماء: بس حطي اللي كتبتيه لا !
ريم: حطييت بس بعد احس ناسيه شي
اسماء: ناسيتني انا
ناصر طق الباب عليهم ..
ريم: من ؟؟
ناصر: انا ..
اسماء بسرعه نقزت ولبست شيلتها ودفتها وقعدت ..
ريم راحت تبطل له الباب: حيااك
سيده خذت قلاص الماي وشربته اياه
ناصر شرب الماي كله .. ابتسم: والله تحسين فيني
ريم: انت قلت لي عطشان !! وامساعه في بالي والله
ناصر : فديتج .. كملتي اغراضج ابوي؟
ريم: امممم .. تقريبن
ناصر: انزين اغراضي ينطرونج فلميلس
ريم ابتسمت: ان شاءالله الحين بنزل .. بس لحظه تعال شوي ..
اسماء حست ان مكانها غلط .. بسرعه طلعت عنهم ونزلت تحت ..
ريم سحبته وقعدته علسرير ..
ناصر يجوف الشنطه: ماشالله عليج .. مابقى شي ؟؟
ريم: ايي قعدت عليها قعده .. ادري باجر مابيمديني اسوي شي
خذت الهديه .. بسرعه راحت من وراه وغمضت عينه ..
ناصر ابتسم: ها ها شهالحركاات ؟؟
ريم فيها الضحكه: ناااااااااصر انا حدي داشه feeling لتخرب علي !!
ناصر حاط يده على يدها .. وهي حطاتها على عينه: لتبطل بلييز ..
ناصر: ان شاءالله ..
سحبت يدها اليمين بلعدال: تم مغمض هاا ..
خذت الهديه وحطتها على حضنه ..
ناصر: ابطل ؟
ريم: قول بسم الله قبل ..
ناصر بهدوء: بسم الله .. (بطل عينه وجاف الهديه ) شلحركاات ذي؟
ريم مستحيه: ها ؟ أي حركات ؟
ناصر يبطل الهديه: اخاف شي ينط علي !!
ريم بدلع: ناصر عااد !!
ناصر يبطل الهديه . : هااا ليكون تقلديني ؟؟
ريم: لا لا ...
ناصر مستانس .. بطل البوكس .. جاف داخله ساعه TAG Heuer
حدها حلوه ..
ناصر مستانس .. لبسها يجربها .. وايد حلوه عليه : الله علييج وعلى ذوقج حبيبتي .. (خذ يدها وباسها) مشكوره والله ماتقصرين
ريم بحيا: تستاهل اكثر فديتك .. اهم شي عجبتك ؟
ناصر: وااااايد وااايد حلوه .. ثنكس .. ميغسي بكو .. قراسياس .. دانكي .. شوكريا .. سلامات
ريم مستانسه: حاضرين عمري افا عليك .. (قامت ) يالله ننزل ؟
ناصر وهوه يفصخ الساعه ويردها مكانها: خلج وياي شوي
ريم: عمري باجر بنسافر !!
ناصر: so ??
ريم: بروح ارتب اغراضك .. يالله تعال وياي !!
ناصر قام: يالله امشي .. ولا اقولج لحظه
راح بسرعه يمها قبل لا تمشي .. جندس شوي وشالها ..
ريم فيها الضحكه: نااصر نزلني !!
ناصر شايلها: خفيفه !!
ريم ميودته: اخاف اطيييح
ناصر: ماتطيحين انا ميودج ..
بطل الباب .. بينزل عالدري ..
ريم: يمه ناصر !! اخاف اطيييح
ناصر: اششش سكتي يالحنانه ..
ريم: نااااااااصر
ناصر: بتسكتين ولا اهدج الحين ؟؟ بتردبين علدري وبتكسرين !!
ريم: اوكي اوكي خلاص باسكت ..
نزلوا تحت .. كانوا كلهم فلصاله قاعدين ..
نجود وامها واسماء ..
نجود تساسر اسماء: جوفي الينون اهني ..
ناصر نزلها وقعدها علكرسي ..
ريم قامت: آآخر مره تسويلي جذي !!
ناصر يهز راسه: بشري بالخير
ام فيصل: يمه جهزتي اغراضكم ؟؟
ريم: انا تقريبن كملت .. بس ناصر للحين
ام فيصل: يالله يمه شتنطرين؟
ريم: هذاني الحين بروح
ام فيصل: انزين ابيج باجر الصبح تروحين جيان تشترين لنا اغراض ..
ريم: ان شاءالله يمه
ام فيصل: بكتبهم لج وتعالي الصبح اخذيهم
ريم: ان شاءالله يمه
ريم توها بتروح الميلس .. التفتت على ناصر: مابتيي؟
ناصر: روحي باييج ..
فيصل توه داش عليهم : السلام عليكم
الكل: وعليكم السلام ورحمة الله وبركاته
فيصل راح وقعد يم امه: شلونج يمه؟
ام فيصل: الحمدلله انته شلونك ؟
فيصل: الحمدلله بخير ..
ام فيصل: كل شي تمام؟
فيصل: الحمدلله ..
ام فيصل قامت: اقول لها تسويلكم عشا ؟
فيصل: لا يمه .. بنطلب
ام فيصل: علهواكم .. انا بروح ارقد .. يالله تصبحون على خير ..
الكل: وانتي من هله ..
فيصل يحاجي ناصر: عيل وينهي عروستنا؟
ناصر: ويا اغراض السفر
فيصل يحاجي اسماء: شلونج ؟
اسماء ابتسمت: الحمدلله بخير ..
فيصل التفت على نجود: وانتي ؟
نجود: يوعاااااااااااانه
فيصل: انزين جوفوا يالله من وين تبون تطلبون .. روحي سألي ريم عشان اطلب لكم
نجود فزت: اللااااااي وناسه .. باااكل

فواز حالته لله .. من رجع الفندق انسدح يجوف التلفزيون .. وباله مب وياه
بندر دش عليه .. : السلاااام
فواز سرحاان ولا يدري بالدنيا
بندر: السلام لله ..
فواز ساكت
بندر راح جدام التلفزيون وصكه: هيييييي !!
فواز توه مستوعب: ها ها .. وشفيك ؟؟
بندر: ايييه اللي ماخذ عقلك
فواز ابتسم: من جد .. تدري ؟؟ بكره بروح المطار بسلم على ناصر .. اكيد هي بتكون هنااك .. لازم اشوووفها
بندر: وكلها كم يوم وانت مسافر ..
فواز: معليش اذا رجعت اشوفها .. تدري ؟ مافيه الا اصورها
بندر بق عينه: انت صاحي ؟ تبي اخوها يذبحك ؟
فواز: مانيب قايل لحد .. بيني وبينك بس
بندر: ماتخاف احد يدري ؟؟
فواز: لاا محد يدري ان شاءالله .. علأقل اشوفها وانا مسافر .. احس بوجودها في حفلة التخرج
بندر: فوااااااز !!
فواز ابتسم: نجود .. لبى قليييبها ..
بندر انسدح علسرير .. يتطنز عليه: ايي وبعد ؟؟
فواز دايخ: يا حبي لها .. يخي انت قلبك اسود مايحب
بندر: اذا تبي كل يوم احب لك عشر ماعندي مشكله
فواز: مابي عشر .. ابيها هي بس ومابي غيرها ..
بندر: لا انت حالتك صعبه من جد .. انام احسن من هالكلام الفاضي ..
فواز: بلاك ماحبيت .. ولا ذقت طعم الحب
بندر: تصدق .. انا مستغرب .. (يجوف الساعه) حتى مامرت 24 ساعه على الشوفه ..
فواز: انت وشعرفك في هالسوالف ؟؟
بندر: صدقت .. وانا وشعرفني ؟؟ سوالف قيس وليلى بس انت اللي تعرفها
فواز: اييه .. صادق
بندر تلحف: تصبح على .. حب
فواز ابتسم: ومنت من هله

عقب مارتبت ريم اغراض نااصر ..
راحوا يتعشون علطاوله ..
ناصر قعد يم ريم .. : يعطيج العافيه
ريم ابتسمت: الله يعافيك
ناصر: سوري ماييت اساعدج بس حدي تعبان
ريم: وي لا افا عليك شهالحجي ؟
نجود واسماء قعدوا مجابلين ريم وناصر ..
وفيصل قعد علكرسي اللي مجابلهم كلهم ..
كانوا طالبين بيتزا ..
فيصل: يالله سموا ..
كلهم تموا ياكلون ..
نجود وهي تاكل .. : شرايكم نلعب truth or dare ؟؟
ناصر: يالله ..
نجود راحت يابت قرشة بيبسي .. وحطتها في وسطهم ..
فيصل ياكل: نطري عاد خنكمل عشانه
نجود تاكل: انزين يالله .. اكلوا ..
اسماء تاكل .. ماكانت مستوعبه .. تساسر نجود: شسالفه؟
نجود تتطنز: باجر تعالي لتأخرين !!
اسماء ماستوعبت: ليش شصاير باجر؟؟
نجود تخزها: اكلي وانتي ساكته
اسماء تاكل: انزين
ريم تعطي ناصر البيتزا .. وناصر ياكل .. توه متذكر سالفة فواز .. يبي يحر نجود .. التفت على ريم: فواز يسلم عليج
ريم مستغربه: الله يسلمه
نجود فز قلبها .. هدت البيتزا وتمت تسمعه ..
ناصر حابس الضحكه: ايي عاد يقول يبيج تدورين له وحده
ريم تطالعه وتطالع نجود .. اللي باقه عيونها وماتدري في روحها
ريم تشرب البيبسي: افا عليه ..
ناصر: عاد .. يقول يبي وحده مؤدبببببه حدها .. ماينسمع حسها
نجود حدها معصبه .. تخز ريم .. وريم مب عارفه شتقول : معليه ندوّر له
نجود محتره: ويي عاد ذلين اللي يتشرطون .. كله ياخذون العكس
ناصر يخزها: صج؟
نجود متوهقه: أيي وايد ناس يتشرطون وآخرتها كلش غير ..
ناصر: اها يعني تقصدين فواز بياخذ وحده لسانها طويل؟
نجود ارتبكت: انا ماقلت شي ؟؟ وبعدين شعلي من فواز شياخذ ولا شماياخذ ؟؟ انا بس جذي اقول انا الا مالي شغل ؟ شلي فلسالفه اصلا شدخلني فلموضوع انا شعلي منه ؟
ناصر: انزين انزين انزين .. شفيج هديتي علي الحين؟؟
نجود تاكل: مافيني شي .. اكل اكل
ناصر ياكل: أي اكيد باكل عيل بنطرج لين تقولين لي اكل ؟؟
ريم بهدوء: ناصر عاد ؟؟ شفيكم؟
نجود: ريلج ذي اللي مايسكت !!
ريم: يه ؟؟ شقال الحين ؟؟ بس انزين ممكن تغيرون السالفه ؟؟
ناصر يبي يحر نجود .. يغني بلعدال: عليك اغااار من همس الهبااايب وجلااسك وهلك والقراااايب
نجود فهمتها .. : ناصر مايغنون على الاكل .. عيب ..
ناصر ابتسم لها: مسامحه .. بلغلط
تموا ساكتين .. كل واحد ياكل اكله ..
فيصل قام: الحمدلله ..
ريم: بسك ؟؟
فيصل: أي بس شبعت ..
ريم: بلعافيه
فيصل: الله يعافيج
قامت نجود: انا بعد شبعت الله يعافيج
اسماء قامت وراها: انا بعد الله يعافيج
ريم ابتسمت: عليكم بلعافيه كلكم ..
ناصر ياكل .. يساسر ريم: شفيها نجود؟
ريم متوهقه: شفيها؟
ناصر: ليكون تغار؟

ريم ماتبي تقول له شي: من من ؟؟
ناصر: مادري !! انتي قوليلي من من ؟؟
ريم: وي انا شدراني !!
ناصر: من يبت لها طاري فواز دار راسها !!
ريم ابتسمت: شدراني فيها ؟؟ (ريم بسرعه تبي تقول ماتبي يسحب منها الحجي) الحمدلله
ناصر قام وراها: عليج بلعافيه حبيبتي .. شبعتي؟
ريم: أي الحمدلله .. وانته شبعت ؟؟
ناصر: الحمدلله
عقب ماغسلوا يدهم .. قعدوا فلميلس علأرض عشان يلعبون ..
نجود دشت عليهم بالرمان اللي خلت جاندرا تقشره لها .. قعدت وحطت المله جدامها وتمت تاكل
ناصر يخزها: شتاكلين ؟؟
نجود: حب شمسي .. يعني بالله عليك شاكل ؟؟ ماتجوف ؟
ناصر يخزها: رمان من ذي؟
نجود متوهقه: مادري انا جفته فلمطبخ ..
ناصر: لا معليه عليج بلعافيه بس هذهوه اللي يابه فواز؟
نجود فز قلبها: مادري انا شدراني !!
ناصر ابتسم: اكلي اكلي ..
ريم يابت لهم رمان .. ووزعت عليهم لملال ..
نجود تخزها: خلص؟؟
ريم بقت عينها: في وايد لتخافين ..
تربعوا كلهم مجابلين بعض " نجود .. فيصل .. ناصر .. ريم .. اسماء " يابت نجود القرشه وحطتها فلوسط .. وفرتها ..
نجود: فيصل واسماء .. فيصل انت تسأل
فيصل ابتسم: اممم .. truth or dare ؟؟
اسماء بقت عينها: شعرفني كيفك أي شي
فيصل: يه ؟؟ مايصير اختاري
اسماء: اممم .. truth ..
فيصل يفكر: اممممم ..
نجود: بسرعه لتضيّع وقت ترى دورك يتكنسل
فيصل: انتي سكتي عشان اعرف شاسأل .. (وهوه يطالع اسماء) قبل سنه .. شكان رايج فيني ؟؟
نجود فيها الضحكه: قصده قبل لاشدخين في غرامه (التفتت على فيصل) خبرك الشبكه اليوم لك عليها فلازم نوضح لها أكثر
اسماء للحين ماستوعبت: ها ؟
ريم: اسوم .. قبل لتكلمين فيصل شكان رايج فيه ؟
اسماء توها فاهمه .. انحرجت: شهالسؤال ؟؟ غيره غيره
فيصل: يالله بسرعه جاوبي
اسماء خذت نفس: اقول الصج يعني ماتزعل ؟؟
فيصل: مابزعل .. قولي
اسماء بدون ماتطالعه: الخايس الثقيل الوطب الكريه المليق الصفيق الأحمق اللي اكرهه من قلب
فيصل بق عينه: بل بل بل !! كل ذي انا ؟؟
نجود وحاطه الرمان في حضنها وتاكل: بس عاد لتقلبونها سوالف .. سألتها وجاوبتك .. يالله فرها
فيصل فرها ..
نجود: الحيييين .. ناااصر وانا .. انت تسأل ..
ناصر يفرك يده: ياسلاااام .. يالله truth or dare ؟؟
نجود تفكر: truth
ناصر: احم .. مافي بالي سؤال الحين يعني بس .. شنو احلى حرف عندج ؟؟
نجود: حرف شنو؟
ناصر: حرف حرف بعد شنو حرف شنو ؟؟
نجود بدون تفكير: F
فيصل التفت عليها: تعجبيني
ناصر: وليش اخترتي هالحرف بالذات ؟
نجود: مايصير تسأل اكثر من سؤال !! اذا صار دورك عقب اسأل .. (بسرعه فرتها) اوهووو .. فيصل واسماء .. اسماء انتي اللي تسألين ..
اسماء: شاسأل؟
نجود: يالبقمه .. يالله سألي ..
اسماء: شتبي ؟
فيصل: dare
اسماء: امبيه !!
نجود: اييي الفييص .. يالله اسوووم عطيييه
اسماء تفكر: اممم .. شرايك ترقص ؟؟
نجود مستانسه: اييييييييه الاسميي يابتهااااااا
فيصل مستغرب: ارقص ؟؟ من صجج انتي ؟
نجود: لازم .. وضروري .. ولابد .. انك ترقص .. اللاي وناسه
فيصل يحاجي اسماء: وشتبيني ارقص حضرتج ؟؟ سالسا ولا بيلي دانسنق؟
اسماء تفكر: امممم .. أي شي
فيصل يخزها: تبين ارزف لج احسن ؟؟
اسماء ابتسمت: اوكي
نجود: جوف ذي الغبيه !! لا لا مايصير ..
فيصل: اهيا قالت اوكي .. انتي شعليج؟
نجود: مايصير انا ابي تهز لي الحين تقولي رزيف ؟؟ ماااااافي مافي .. (التفتت على اسماء) تدرين انج غبيه ؟ اصلا اشك استوعبتي شقاللج
اسماء: امبلا استوعبت .. انزين فيصل هزه عشان خاطر نجود
فيصل وقف .. رزف لهم شوي على خفيف بس بدون سيف .. بس يزعم يفره .. بدون طبول .. بدون شي .. بجينز بعد .. ياسلااام
ناصر يضحك عليه: هههههههههه شيييي شييي .. في عرسك لازم ترزف
فيصل قعد: ضروري
اسماء بدلع: ووين الهزه؟
فيصل: انا لله .. انا شعرفني عاد ؟
اسماء: عاد عاد عاد
فيصل وقف .. هز خصره شوي وقعد
نجود: يا عييييييينييييي اموووت انا على هالهزه .. بعد بعد مره !!
فيصل: ذلفي مناك !! يالله يالله فريها
نجود: يارب مب فيصل واسماء يارب يارب يارب .. فيصل وريم .. فيصل يسأل .. يالله
فيصل: شتبين ؟
ريم تفكر ..
ناصر يساسرها : dare
نجود: ممنوع لمساسر اهني .. بلا هالحركاات يالله
ريم: اوكي dare
فيصل: امممم .. دام وصلنا سالفة الرقص .. قومي انتي وريلج رقصولنا سالسا
ريم بقت عينها: هااااااا ؟؟ (التفتت على ناصر) سمعته ؟؟
ناصر مستانس: يالله قومي
ريم: لاااااا ماابي .. !! من صجك انت ؟؟؟
فيصل: غصبا عليكم .. قووموا يالله
ناصر قام .. مد لها يده: قومي ..
ريم تطالع فيصل: اردها لك .. صبر علي
فيصل: قومي يالله لتطولين السالفه
ريم قامت: شعرفني انا ؟؟ بدون موسيقى بدون شي ؟؟
ناصر: انا بغنيلج ...
خلاها توقف مجابلته .. يود يدها بيد .. واليد الثانيه ورا ظهرها .. وهيا ميودته بيد .. واليد الثانيه على يده وحاطتها جتفه
نجود: ياعيني عالكبلز .. يالله واحد اثنين ثلاث
ناصر: حركي ريلج وياي
ريم تحرك ريلها يزعم صج ترقص ..
ناصر رفع يدها: يالله دوري .. افترييي
ريم تدور: وااااي هههههههه
ردت ميودته ..
نجود: ناصر غن عاد ترقصون جذي بدون موسيقى اللي يجوفكم يقول ميانين
ناصر يغني: بينتاميه .. لا ديقي يو بنتور .. بينتاميه لاكاريتا .. ديلامينا باسونيتا ..دينتومي دو كوراسون .. بينتا بينتا .. بينتا سوكاريتا .. سين ايسا كاريتا.. او مييه مييرو يوور .. بينتاميه..
نجود تصارخ: اسبانيوووووووولا .. بينتامييييييه
ريم: بس بس خلاص ..
ناصر يود يدها وقعدوا ..
فيصل يصفق: حركااات حركااات .. عبالي ماتعرفون !!
ناصر: افا عليك احنا كل يوم نرقص سالسا
ريم بقت عينها: الله واكبر !! اول مره !!
نجود: فضحت روحك بروحك يحظي .. اعترف كنت ترقص ويا من ؟؟
ناصر فيه الضحكه: محد !!
ريم تخزه ..: حسابي معاك بعدين .. مب جدامهم
نجود: هيي الريم .. عطييه .. يرقص ويا السنيوريتا مادري شسمها .. جوفيه شلون يعرف !!
ناصر: الله واكبر عليج انا اعرف ؟ انا الا اخربط عليكم .. اكا ريم بعد تعرف يعني بقول انها كانت ترقص ويا واحد؟
نجود: يمكن !!
ريم بقت عينها: الله وكبر علييج نجودو بتكفخين !!
اسماء تجوف الساعه: بوو !! تأخرت !!
فيصل: تمي تمي خنكمل اللعبه
اسماء قامت: لااا ماقدر !! ريمو توصليني ؟
ريم قامت: أي ان شاءالله .. دقيقه بس بروح اييب دفتي
ناصر يخزها: وانتي حضرتج قررتي وبتروحين خلاص ؟؟ ماتقولين بسأل ناصر ؟؟
ريم تفشلت: وي عمري بالغلط .. آسفه
ناصر: انا مابقولج لتروحين بس علأقل قوليلي ترى انا بروح .. سيده بتروحين تيبين دفتج وتطلعين ؟
ريم نزلت راسها: آسفه
ناصر: بتردين بروحج ان شاءالله؟
ريم: عمري الا جريب !!
ناصر: حطي بالج علطريج ..
ريم: ان شاءالله
راحت ريم بسرعه يابت دفتها وسويج السياره .. اسماء كانت نطرها عند الباب ..
ريم دشت عليهم الميلس .. التفتت على ناصر: تعال ابيك شوي ..
ناصر قام لها .. راح يمها: همم
ريم بهدوء: مابي اطلع وانت زعلان علي ..
ناصر ابتسم: مب زعلان حبيبتي بس .. لتعيدينها ..
ريم: زين خلاص آسفه .. اتووووب ماعيدها .. بس لتزعل .. تخيل يعني اطلع ودعم واموت !!
ناصر بق عينه وهوه يصارخ: رييييييم !! شتقولين انتي !! غبيه
ريم بهدوء حطت يدها على حلجه: اششش .. بس خلاص عمري اتغشمر !! شفيك ؟ آآسفه والله
ناصر يخزها..
ريم شالت يدها بلعدال: يالله عمري مع السلامه
ناصر مبوز: روحي
ريم بدلع: ناصر عااااد !!
ناصر وهوه داش الميلس: روحي بعدين نتفاهم
ريم يودت يده بالقوه: ناصر !!
ناصر التفت عليها وابتسم: روحي والله مب زعلان .. روحي
ريم: احلف !!
ناصر: والله ..!! (يخزها) اصير احبج ؟؟
ريم بحيا: مب الحين عقب
ناصر سحب يدها بقوه وعض صبعها
ريم عورها قامت تصارخ: آآي آآي آآي ناصر هدني !!! (تحاول تسحب يدها وهوه كل ماله ويزيد .. صرخت) ناااااااااااااصر !!
ناصر يهوس بالقوه وريم شوي وتصييح : نااااااااااصر عااااد يعوّر والله يعوّر !!
ناصر هدها وهوه يضحك: هههههههههههه تستاهلين
ريم ميوده يدها وهي مبوزه: دليع !! ماحاجيك .. حفّرت لي صبعي ... (مشت عنه بسرعه)
ناصر دش الميلس وهوه يضحك: ههههههههه صج دليعه

ريم ركبت السياره وهي حدها معصبه: ماحاجييه
اسماء مستانسه: احسن لتحاجينه
ريم تخزها: ليش يعني؟
اسماء: بسس خاطري !!
ريم معصبه: افففف ..
اسماء: هي هي هدي اعصابج لتدعمين فيني .. انتي موتي قلعتج انا باجر شسمه !!
ريم: انزين انزين ..
ريم حدها تمشي بسرعه ..
اسماء: هيييييي انتي !! بلعماله يعني؟
ريم: بس بس اكا بيتكم .. يالله
اسماء: بل !! شهالنفس الخايسه ذي؟
ريم تبتسم بالغصب: مسامحه ..
اسماء نزلت وصفقت الباب بقوه: لو يايه مشي احسن لي ..
ريم بطلت الدريشه تناديها: اسووم
اسماء التفتت عليها: هاا !!
ريم ابتسمت: آآسفه
اسماء طلعت لسانها: غبيه
ريم: ليكون زعلتي ؟
اسماء: لا لا شفيج انتي ؟ عادي اتغشمر .. يالله باي
ريم: باي
دشت اسماء بيتهم ..
وريم راحت بسرعه ردت البيت ..
شوي هدت اعصابها ..
فيصل ونجود هدوا ناصر بروحه فلصاله ..
ريم دشت وماجافته .. توها بتركب فوق ناداها: ريم !
ريم التفتت : اوه مسامحه ماجفتك
نزلت من الدري بسرعه وراحت له ..
ناصر ابتسم: وحشتيني
ريم ابتسمت: وانته اكثر
ناصر: حبيبتي .. اذا حبيبج عطشان شبتسوين له ؟
ريم بغباء: باييب له مااي !!
ناصر ابتسم: عفيه عليج يالفطينه .. يبيلي مااي باااارد وفيه ثلج .. ابي لقلاص عوود ومضبب ..
ريم: ان شاءالله
فصخت دفتها وشيلتها وحطتهم علكرسي وراحت المطبخ تييب له .. وهوه تم فلصاله ينطرها ..
بسرعه راحت يابت له الماي ..
خذ منها لقلاص: ياسلااااااااام علييج .. تعجبيني والله ..
ريم ابتسمت: عليك بلعافيه ..
ناصر خذ لقلاص .. جرب يمها وكت الماي اللي فيه كله عليييها .. على ويهه ورقبتها وثياابها .. وهي تمت واقفه باقه عينها ومبطله حلجها مب مصدقه .. خذت نفس وهي ميته من البرد
ناصر يضحك عليها: حلو الشعور ها ؟؟
ريم معصبه .. تمت تطالعه وحدها متضايقه .. وميته من البررررررد !!
ناصر للحين فيه الضحكه .. خذ لسويج والبوك من الطاوله : يالله باي
ريم واقفه مكانها !! من صجه ذي ؟؟
ناصر التفت : قلنا باي

ريم خذت دفتها وشيلتها وركبت فوق ..
وهوه طلع .. ركب سيارته بيروح البيت ..
ركبت بسرعه بدلت ثيابها .. رتبت شوي الشنطه بس للحينها زعلانه عليه .. يسبحها بالماي الباارد ويروح ؟؟ ماحاجيه ..

اسماء كانت منسدحه علسرير تفكر .. امبيه من صجهم !! باجر الملجه !! امبيه !! شلون جذي كل شي صار بسرعه ؟؟ يمه !!
دش عليها راشد .. بسرعه التفتت عليه : رشود؟
راشد راح قعد يمها
اسماء: توك ياي؟
راشد: ايي توني ..
اسماء: شلونك ؟؟
راشد خذ نفس: امممم ..
اسماء بقت عينها: فيك شي ؟؟
راشد يهز راسه: ايه
اسماء: شفيك شصاير؟؟
راشد مب عارف شيقول: خبرج يعني انا الحين .. انتي الحين .. شسمه .. لان انتي .. انا قلت .. فـ .. اممم .. ليش يعني .. شسمونه
اسماء عافسه ويهه: شعندك تخوور وتنجب .. شوي شوي عشان افهم .. قلت شي مفيد انت؟
راشد يهز راسه: لااء
اسماء: قول شفيك ..
راشد: اسماء .. تعرفين فرحة الأبو اذا بنته بتعرس
اسماء ماستوعبت: والله للحين ماصرت ابو عشان اعرف فرحته .. شدخل ؟؟
راشد ابتسم: مادري ليش انا احس باحساسه ..
اسماء حدها مب فاهمه: يعني شنو ؟
راشد: تعرفين .. باجر الملجه .. وحدي مستانس مادري شسوي في روحي .. بس .. بعد متضايق مابيج تروحين وتخليني
اسماء: الحين الأبوه والأمومه كلها عشان الملجه باجر ؟؟
راشد يخزها: اسوم شفيج ؟؟ ركزي معاي شوي !!
اسماء: اوكي اوكي فهمت .. مستانس عرفناها .. متضايق اشوله ؟؟ انا مابعرس الحين !!
راشد: ادري .. بس بتملجين !!
اسماء: ماتبي املج يعني أهوّن؟
راشد: لا لتهونين .. انا من جذي ييت بقول لج شي ..
اسماء عدلت قعدتها: راشد بليز لوسمحت والله ترى مافهم جذي .. تحجى بلعدال وشوي شوي عشان افهم .. بليز
راشد: اسماء انتي ركزي معاي يبه !! شفيج ؟؟
اسماء: انا مركزه انت مادري شفيك ماتستوعب !!
راشد يخزها: انا ماستوعب ؟؟ انزين المهم .. بقول واللي فيها فيها ..
اسماء: قول
راشد: شسمه ..
اسماء بغباء: فيصل سعود ..
راشد ماستوعب: شفيه ؟
اسماء: انت تسألني شسمه ؟ قلت لك لا !!
راشد: انا لله .. سمعيني .. انا .. اممم .. بما ان انتي بتعرسين ..
اسماء: انا لله .. قلنالك تو الناس علعرس ..
راشد: المهم .. بتملجين .. اللي اهوه .. انا بعد باخطب ..
اسماء بقت عينها: نعم نعم نعم ؟؟؟ شهالسالفه اليديده ذي بعد ؟؟
راشد يخزها: شلا يعني؟ حلال عليج حرام علي ؟؟
اسماء مب عاجبتها السالفه .. عافسه ويهه: ومن هذي اللي تبيها؟
راشد ابتسم: وحده
اسماء تتطنز: لاااااااااا ؟؟ أحلف وحده ؟؟ متأكد مب واااحد ؟؟ انت متأكد يعني ولا بس جذي تقول؟
راشد : اووهوو .. انتي شفيج؟
اسماء: أي ادري وحده ؟ من عاد ؟
راشد: وحده وياي فلشغل .. يايبينها training
اسماء تخزه: شسمها ؟؟
راشد نزل راسه: فجر
اسماء تفكر: شلون شكلها ؟؟
راشد: ماعرف اشرح !!
اسماء: حلوه ؟؟
راشد: ايي حلوه ..
اسماء: من وين تعرفت عليها ؟
راشد: اقول لج وياي فلشغل !!
اسماء: يعني كلمتها سواد ويهك ؟؟
راشد ابتسم: ايه
اسماء بقت عينها: ياللي ماتستحي على ويهك
راشد: شلا ؟؟
اسماء: تكلمها ؟؟؟
راشد: بخطبها !!
اسماء: انزين شكبر اهيا ؟
راشد: 21
اسماء: انطر لتصرف بدوني .. خل اكلمها وجوف جان تصلح لك ولا لاء ..
راشد: يه ؟؟ انا كلمتها وعجبتني
اسماء تحس الغيره بتذبحها: شفيها زود يعني شفيها زود ؟؟
راشد: ماادري !!
اسماء: شمعنى اهيا يعني؟
راشد: مااادري !!
اسماء: وانت خلاص قررت حضرتك ؟
راشد: ان شاءالله
اسماء: متى ناويين ؟
راشد: اهيا بتسافر ويا اهلها باجر .. اذا ردت ان شاءالله
اسماء: وين بتروح حظي ؟؟
راشد: بيروحون جم مكاان .. جولة في اوروبا يعني ..
اسماء: وبتروح وبتهدك !!
راشد يتدلع: جفتي شلون ؟؟
اسماء: انت من متى تعرفها ؟؟ وليش ماقلت لي !!
راشد: انا اجوفج !! كله مطيحه عند رفيجتج ولا تيين !!
اسماء: الله واكبر عليك !!
راشد: انا قلت اتأكد من مشاعري وبعدين بقول لج
اسماء تتطنز: تأكدت ولا للحين ؟؟
راشد ابتسم: ايه تأكدت
اسماء: شلون ؟
راشد ببراءة: يوم قالت لي بتسافر انا طول الوقت متضايق
اسماء: امبيه رشود اخاف ساحرتك هالينيه ؟؟
راشد: شلا تسحرني ؟؟ انغرت بقرعتي يعني ولا بنظارتي ؟
اسماء يودت قرعته: تعال بقرى علييك اخاف ساحرتك ..
راشد: محد ساحرني يابنت الحلاال !!
اسماء: واي رشود ليكون حبيتها ؟
راشد: على خفيف
اسماء: ايي لتحبها حدك .. ترى تقص عليك وتلعب علييك وتسويك سكانها !!
راشد: شدعوى عاد شقالولج ؟؟
اسماء: اي اسمع نصيحة اختك .. لتبين لها شكثر تحبها .. ترى تقص عليييك صدقني
راشد: يه ؟؟
اسماء: ايي اسمعني بعد .. مب اي شي تقول لك تقول لها انزين وان شاءالله وحاضر ومن عيوني !! تحمل !! خلك ثقييل وكله قول لها لااء ولاااء .. وخلها تحن لي باجر ولتسويلها اللي تبيه
راشد: آآه !! ليش عاد ؟
اسماء: تبيها تتعود وعقب تتشرط وتلعب علييك ؟؟ ترى بتأذيك وبتعور راسك !! عقب شيفكك منها قول لي ؟؟ بتغربلك عقب مابتشتهي تسمع صوتها ولا تجوف رقعة ويهه .. لان تدري الحين بتتطلب علييك .. عقب صدقني بترفع صوتها عليك !! وحياتكم بتصير كلها صراخ وهواش ولا بتستانسون .. اسمعني وخلك ثقيل وليغرك الكلام الحلو اللي ماييب ولا يودي .. سامع ؟؟ ترى الحريم ماتنفع فيهم الا العين الحمره .. صدقني ترى الدلع مايفيد
راشد: شهالنصايح ذي ؟؟ لتخليني اهوّن الحين
اسماء شقت الحلج: هاي المطلوووووووب !!
راشد: شدعوه عاد !! انتي تبين فيصل يسويلج جذي؟
اسماء: يخسي !! فيصل يحبني ومايسويلي جذي
راشد: انزين انا احبها مابسويلها جذي
اسماء عفست ويهه: كيفك عقب قول اسوم قالت وماسمعت حجيها
راشد قام: انزين انا بروح الحين بارقد
اسماء: اخاف الا بس بترقد .. اقول لتنسى سلم عليها ..
راشد بيطلع: تصبحين على خير
اسماء: وانته من اهله ..
انسدحت بترقد .. خذت التلفون بسرعه واتصلت في فيصل ..
فيصل كان يجوف التلفزيون ..
فيصل: هلااا والله
اسماء: هلا فييك .. شلونك ؟
فيصل: اذا انتي بخير انا بخير
اسماء: انا الحمدلله بخير ..
فيصل: عيل انا بعد بخير ..
اسماء تلحفت: شتسوي ؟؟
فيصل: اجوف فلم .. وانتي
اسماء: باارقد
فيصل: تعبانه؟
اسماء: لا لاء .. بس فيني النوده
فيصل: زين عيل سمعت صوتج قبل لترقدين ..
اسماء: ويي ماسمعت اخر خبر؟
فيصل: شصاير بعد ؟
اسماء: الشيخ راشد .. يبي يخطب
فيصل: اووووووه .. زيين زيين
اسماء: ماسألتني من يبي ؟
فيصل: كيفه اهوه واللي يبيها الله يوفقه
اسماء: انت اسمع .. قول من ؟
فيصل: من ؟
اسماء: وحده يايه تتدرب وياهم فلشغل
فيصل: ليكون اهوه حاطينه مسئول عليها ؟
اسماء: تصدق ماسألته ؟ لا اخليه يشغلها من الصبح ويكرفها كراااف ولا يخليها تيلس
فيصل: بل !! شهالحقد ذي ؟
اسماء: خلها .. تستاهل
فيصل: تدرين لو انتي تتدربين عندي ؟؟ بسوي كل الشغل عنج واخليج قاعده تجيكين ايميلج
اسماء: اللاي وناسه .. عيل بايي اتدرب عندك عقب
فيصل: حيااج الله
اسماء: تدري ؟؟ عقب انا بوقف على راسك بقولك (تغير صوتها) اشتغل عدل يالله !!
فيصل: بل ؟؟ عيل تعالي تدربي واراويج ..
اسماء: ههههههههههه يعلك
فيصل يجوف الفلم من صجه .. دش feeling
واسماء سكتت .. تنووود .. شوي لي ما رقدت ..
فيصل نساها وتم مستن ويا الفلم ..
اسماء رقدت ..
فيصل توه مستوعب: الوو ؟
اسماء وهي راقده: هممم
فيصل: رقدتي ؟
اسماء: امممم
فيصل: زين حبيبتي اخليج انا .. رقدي بكلمج باجر
اسماء: اممم
فيصل: يالله تصبحين على خير
اسماء راقده: اممم
فيصل: يالله مع السلامه
اسماء خلاااص رقدت..
فيصل صكه عنها وتم يجوف الفلم ..

ناصر ..
منسدح علسرير بيرقد ..
حاس بالذنب .. لازم يكلمها قبل لايرقد .. خذ التلفون بيتصل فيها .. كانت منسدحه بس مب قادره ترقد من التفكير .. جافت رقمه .. خلته ماردت عليه ..
رد اتصل مره ثانيه ..
ماردت عليه ..
ناصر في خاطره " ادري قاعده .. بس راسها يابس .. " طرش لها مسج ..
( T9b7en 3la 5air 7bebty )
جافت المسج .. ابتسمت .. في خاطرها " احلف بس ؟؟ " .. تلحفت ورقدت ..

يوم ثاني .. يوم الملجه والسفر ..
ريم كانت راقده ..
دشت عليها نجود الصبح بصراخها : رييييييموو لحقيييييييي
ريم حدها تعبانه مب مشتهيه شي: شتبين ؟
نجود شالت للحاف منها وقطته علأرض
ريم عصبت: نجودو برد !!!
نجود : تبينه قومي اخذيه
ريم قامت بتاخذه .. راحت نجود بطلت الستاره " البرده " ..
ريم التفتت عليها: ليش عااااااد !! شهالنحاااسه ؟؟
نجود: كيفي !! شحارج ؟؟
ريم: نجودو بذبحج !!
نجود: عيل حضرتج رايحه قايلة له عني هاا؟
ريم مافهمت: شنو ؟؟
نجود راحت لها ويودتها من زندها تهزها: انتي بقمه ولا اتبيقميين ؟؟ هاا؟
ريم: هدييني شفييج !!
نجود: اشوله رايحه قايلة له ها ؟؟ شهالبقامه اللي نازله علييج ؟؟
ريم سحبت يدها: انتي شتخربطين؟
نجود: شقايله حق نويصر ؟؟
ريم: شقلت له ؟؟
نجود: عن فوااااز !!
ريم: والله ماقلت له شي !!
نجود باستهزاء: حلفي ؟؟ لا قول والله ؟؟ واللي يسلمج بس حلفي ؟؟
ريم: والله !! اهوه سألني
نجود بقت عينها: شسألج ؟؟
ريم: يقولي مادري شنو شسمه قلت له مادري
نجود: ايه ايه امبلا فهمت .. شقالولج انتي ؟؟ تحجي عدل شقاللج ؟
ريم مشت عنها: دقيقه بغسل ويهي وباييج ..
نجود سحبتها: تعاااااالي قوليلي شسألج ؟؟
ريم: قالي شسالفة نجود ؟؟ كل مااييب لها طاري فواز يدور راسها ؟؟ قلت له ماادري !! وبس
نجود بقت عينها: الله واكبر !! وذي شدرااه بو راس؟
ريم: حدج عاد
نجود: من صجي شدراه ؟؟
ريم: يمكن فواز قال له !!
نجود: وييييه !! من صجج ؟؟

تتبع قربـــــــــــــــــــت النــــــــــــــــهايه

[لامارا]

تابع.......

ريم: انا شدراني ؟؟ عيل شدراه يعني شدراه ؟
نجود: يعني انتي ماقلتيله شي ؟
ريم: لا والله قلت له مادري ومشيت
نجود: تهقين شقال له فواز ؟؟ (ابتسمت .. قامت ترمش عينها بسرعه) قلت لج من طرفين ماصدقتيني ..
ريم: والله مادري شقال له ..
نجود ركبت عالسرير تناقز: قااااله احبببببهااا قااله ابيييها قااااله احبببها قاله ابييها
ريم تخزها: ينيتي ؟
نجود قطت روحها علسرير: وااي .. تعبت .. سمعي .. امي تقول بسرعه روحوا اشتروا لغراض عشان يمديكم مادري شنو
ريم طقت يبهتها: افف !! شلون جذي انا نسيت ؟
نجود: لنج بقمه ..
ريم مشت عنها: زين يالله بسرعه بدلي عشان نروح ..
نجود: انزين بنزل تحت انطرج .. لتأخرين .. امي مفوحه عليج
ريم: اوكي اوكي بايي ... يالله
بسرعه تسبحت وبدلت ولبست شيلتها ودفتها .. خذت الشنطه ونزلت .. راحت تسلم على امها : صبحج الله بلخير يمه شلونج ؟؟
نجود كانت قاعده يمها: أي يمه عندج اياها .. أقول لها امي تبيج تشترين اغراض تقولي ختولي بارقد بعد شوي
ريم بقت عينها: يالجذاااااااابه ؟
نجود: حلفي ماقلتي ختولي ابي ارقد ؟؟
ريم باقه عينها: والله العظيم ماقلت (التفتت على امها) يمه والله تألف !!
ام فيصل ابتسمت: ادري فيها .. يالله يمه لتأخرين
ريم: انزين ابي لورقه ..
ام فيصل عطتها : هاج .. اذا ماعرفتي شي اتصلي
ريم خذتها: ان شاء الله .. ( التفتت على نجود) يالله مشينه
نجود قامت: يالله مامي .. بيباي
ام فيصل: الله يحفظكم .. حطي بالج علطريج يمه
ريم وهي طالعه: ان شاااءالله

فيصل من قام خذ تلفونه واتصل ..
اسماء كانت قاعده ترتب اغراضها .. بسرعه ردت عليه: الوو
فيصل: فدييت هالالو انا من الصبح
اسماء تضحك: ههههههه يعلك .. توك قاعد ؟
فيصل يتمقط ويتثاوب: عوذ بالله من الشيطان .. اييي توني
اسماء: رقدت زين ؟
فيصل: اييي الحمدلله .. عساج مستعده نفسيا ؟
اسماء : شلون يعني؟
فيصل: يعني حق الليله
اسماء ماستوعبت: وااي حدي مب مصدقه مابيها ترووووووح !! تخيل يعني بتسافر وتخليني !!
فيصل: انا ماقصد ريم ..
اسماء ماستوعبت: من بيسافر بعد ؟
فيصل: اسماء .. انا قصدي الملجه
اسماء: ويييييييي .. الملجه .. هههههههه مسامحه بس الشبكه اليوم لك عليها شوي
فيصل: جيف بس اليوم ؟؟
اسماء: رجاءاً لتتطنز .. لوسمحت يعني
فيصل: ماتطنز .. افا عليج .. انزين شنو شعورج ؟
اسماء: مااادري حزة الحزة اسألني بجاوبك
فيصل: انزين .. اليوم الغدا عندنا
اسماء: ويهك عاد !!
فيصل: ليش يعني؟
اسماء: لا حبيبي آسفه .. مايصير .. باجر بتغدى عندكم
فيصل: ليش مب اليوم؟
اسماء: انا لله .. فيصل هذي سوالف نسوان انت شعرفك ؟
فيصل: انزين انزين .. اسوم
اسماء: هلا
فيصل: انا بنزل اتريق يووعاان .. بكلمج عقب
اسماء: اووكي
فيصل: يالله باي
اسماء: باي
نزل فيصل حق امه .. كانت واقفه عند صورة ريلها " بو فيصل" الله يرحمه وتصييح ..
فيصل بهدوء راح يمها ..
كانت تسولف ويااه في خاطرها .. ابتسمت .. وصاحت .. وتطاالعه .. وجن قاعد وياااها ..
فيصل حط يده على جفتها .. حست فيه وانقزت .. بسرعه مشت دموعها: انته اهني ؟؟
فيصل: يمه .. شتسوين ؟
ام فيصل ماقدرت تيود روحها وصاحت: يمه كنت احاجي ابوك .. اقول له الليله ملجة ولدك .. وانته محد .. والليله بنتك بتسافر ويا ريلها .. وانت محد ..
فيصل ميودها ومعوره قلبه: بس يمه ..
ام فيصل تصيح: يمه ابوك مات !! مابيي الليله !! ابوك ماااات يافيصل ابوك ماات
فيصل حابس دمعته وخانقته العبره: يمه عاااد .. !! ادعييله وترحميله مب زيين تسوين جذي (يود يدها وسحبها وياه) تعالي يمه قعدي ..
قعدت يمه .. يود يدها: يمه طالعيني
ام فيصل مشت دموعها ورفعت راسها تطالعه ..
فيصل: يمه .. ادعي له .. اهوه محتاج لدعائج ..
ام فيصل: ادعييله والله ادعييله
فيصل: حاولي تيودين روحج .. (يبي يغير السالفه) وين البنات ؟
ام فيصل: راحوا يشترون لي اغرااض ..
فيصل: زين .. يمه ولدج يوعان !!
ام فيصل قامت بسرعه ويودت يده: تعال يمه بريقك ..
فيصل مستانس: اييه جذي .. هذي ام فيصل اللي اعرفها ..

ناصر .. قام من لرقااد وسيده خذ تلفونه يتصل لها .. عيز يتصل وهي ماترد عليه !! .. شفيها !! قال بيتسبح وبيبدل وبيروح بيت عمه يجوف شسالفتها ..

ريم .. في يدها لورقه وتدور وتحط لغراض ..
نجود قاصه عليها .. قاعده في ستاربكس ومخليتها بروحهه
يوم جريب بتخلص .. تدور تلفونها تبي تتصل .. ناسيته !! " في خاطرها" اوهو الحين شلون احاجيها ؟؟ .. راحت صوب ستاربكس تبي تطل عليها .. تدور .. ماحصلتها .. شوي الا نجود تطل في ويهه: تيـــــا
ريم: الله يابج !!
نجود: اتصل لج شلا ماتردين علي ؟؟
ريم: مايبته !!
نجود شايله في يدها جبس وكاكو وخرابيط .. حطتهم فلجاري : يالله دزي
ريم: بس؟؟ بعد ماتبين شي ؟
نجود: لا بس ..
ريم: مره وحده لان بروح ادفع الحين
نجود: بس امشي ندفع ..
راحوا صوب ال cashier ..
حطوا الاغرااض .. ريم رفعت راسها وقرت مكتوب " نـــاصر " .. فز قلبها .. بسرعه سحبت نجود: نجودوو ناصر ؟؟
نجود تتلفت: وينه بو راس؟
ريم تأشر: اقري اقري
نجود: اووه .. فاتح له محل ؟
ريم: يالبقمه صيدليه ..
نجود: انزين وصيدليه ؟؟ تبين تشترين شي ؟؟
ريم: واااااااي نجود شفيج ؟؟ لتيننيني !! مكتوب ناصر اقري
نجود تقرى: so ؟؟
ريم: اووهوو بس بس خلاص .. (طلعت كيمرتها وصورت الاسم) اللاااي وناسه ..
نجود: صج بقمه .. عبالي عندج سالفه
الريال يبي احد يعطيه ويه .. يبيهم يدفعون .. قاعد يطالعهم ويضحك ..
ريم تراويها الصوره: الاي جوفي اسمه اينن !!
نجود: مافيه زود .. غبيه انتي (التفتت على الريال جافته ينطرهم يكملون سوالف .. بسرعه سحبت ريم) هيي دفعي
ريم توها مستوعبه: اوه .. (بسرعه طلعت بوكها) مسامحه
الريال ابتسم: لاا عادي ..
دفعت ودزت الجاري: وااي فشيله !!
نجود: ويي عادي..
ريم مستانسه: اهم شي صورت الاسم .. وااي وحشني نصوور ماكلمته اليوم
نجود يودت قلبها: وحشنيييي فوااز !! اخخخخخخ حده destroying .. حطمني ..
ريم تخزها: للحين ماغيرتي رايج ؟؟
نجود: ولا بغيره بعد ..
ريم ابتسمت: زيين ..

ناصر .. راح بيت عمه ..
بطلت له جاندرا الباب ..
كانوا قاعدين فلصاله .. فيصل وامه .. يسولفون ..
ناصر: السلاااام عليكم
فيصل وامه: وعليكم السلام ورحمة الله وبركااته ..
ناصر سلم عليهم : شلونكم ؟
ام فيصل: احنا بخيير انته شلونك ؟
ناصر: والله الحمدلله .. (يحاجي فيصل) شعنده المعرس؟
فيصل ابتسم: شرايك فيني يعني ؟؟
ناصر: خطيير ..
فيصل: شنسوي بعد ..
ام فيصل التفتت عليه: ناصر يمه ماوصيك على بنيتي ..
ناصر ابتسم: افا علييج لتوصين ..
ام فيصل: خلها تكلمني اول ماتوصلون
ناصر: ان شاءالله .. للحين راقده؟
ام فيصل: لااا لااا .. طالعه من الصبح ..
ناصر مستغرب: طالعه ؟؟ وين رايحه؟
ام فيصل: انا مطرشتها تشتريلنا اغراض ..
شوي الا ريم ونجود داشين ..
ريم تنادي: جاااااااندرااا .. نزلي لغراض من السياره
نجود : هااااي (قعدت يم امها) يمه تكسرنا اغرااض شكثر وانا هذاني ماقعدت رايحه وراده واحط ذي واحط ذاك حتى مامداني اقعد علكرسي شوي ارتاااح
ريم راحت يمهم : السلاااام عليكم
ناصر يخزها: وعليكم السلاام ..
ريم تحاجي امها: يمه ماعليج منها !!!
ام فيصل: ادري فيها هذي الا روييد بايت ماتسوي شي
نجود: انا ؟؟ معليه ريمو اراويج
ريم مستانسه: نااااصر (طلعت له الكيمرا تراويه) جووف !!
ناصر يودها من يدها بقوه وسحبها: تعالي ابيج ..
دخلها الميلس وصك الباب .. وريم مب فاهمه شسالفه ..: ناصر شفيك ؟
ناصر معصب: يحليلج
ريم مستغربه: ناصر ؟؟
ناصر دزها عالكرسي: جب ..
ريم تطالعه: شفيك !!
ناصر: اتصل لج من البارحه .. ماتردين علي !!
ريم: انا
ناصر يقاطعها: قلت لج جب !! انجبي لتحجين !!
ريم سكتت ..
ناصر: وتطلعين حضرتج بدون ماتقولين لي .. ومب جن البارحه زافج على هالسالفه ؟؟
ريم: عمـ
ناصر يقاطعها: قلت لج جب !! شتبيني اسوي فيج ؟؟ ماتسمعين الحجي !! ماتردين علي !! انتي بلعماله تسوين لي جذي ؟؟ بلعمدن تبيني اتضايق ؟؟ تبين تعصبيني بأي طريقة يعني ؟؟ شتبيني اسوي فيج ؟؟ قوليلي !!
ريم ساكته
ناصر رفع صوته: تحجي !!
ريم مب عارفة له .. ان تحجت بيسكتها .. وان سكتت بيصارخ بيقول لها تحجي .. ببراءة: عادي اتحجى ؟
ناصر معصب: شتبين تقولين يعني ؟؟ دايما تثيرين اعصااابي .. دايما تسوين لي هالحركااات مب اول مره يعني
ريم بضيق: نسيت تلفوني فلبيت .. وماتصلت لك قبل لا اطلع لان كنت مستعيله بسرعه بسرعه طلعت
ناصر: يعني ماطريت عليج قلتي بتصل له بقول له ؟؟ علأقل بس تقولين لي ترى انا بطلع ؟؟
ريم: من صجك تبيني اتصل ؟؟ نسيت شسويت فيني البارحه ؟
ناصر: شسويت؟
ريم: ولا شي .. (قامت)
ناصر توه متذكر: انزين ابوي .. انا مب قصدي
ريم تبتسم بالغصب: ادري .. مب قصدك تسبحني بالماي البارد ولا بقصدك تصارخ علي وتسمعني هالحجي الحلو (ياتها الصيحه )انا اللي اقصد اني انسى تلفوني .. وانا اللي بلعماله ماتصلت .. وانا اللي اقصد اني اضايقك واخليك تعصب .. (نزلت دمعتها) آآسفه
ناصر خذ نفس: ابوي .. لتأسفين انتي ماسويتي شي .. انا اللي آآسف (يود يدها)
ريم يودت صيحتها: لتتأسف .. ماصار شي ..
ناصر: am sorry and I mean it ..
ريم ابتسمت: لتتأسف !!
ناصر بهدوء: والله آآسف .. تسامحيني؟
ريم: عمري ماصار شي !! انت اهم شي لتزعل !!
ناصر: انتي اهم شي لتزعلين ..
ريم هوست على يده بالقوه: احبك !!
ناصر طاح قلبه: اموت فيج والله .. (لمها بالقوه وباس راسها) بس حبيبتي لتعيدينها مره ثانيه .. وخلي تلفونج كله وياج ..
ريم: ان شاءالله .. انت بعد .. حاول ماتعصب على اي شي
ناصر: ان شاءالله
دشت عليهم نجود وجافتهم لامين بعض .. صكت عينها بيدها: استغفر الله !! شهالحركات ذي ؟؟
ريم هدته والتفتت عليها وهي فيها الضحكه
ناصر معصب على نجود: اوهووووو لازم تخربين علينا يعني ؟؟
نجود تشيل اصابعها بلعدال وتبطل عينها: استغفر الله العظيم من كل ذنب عظيم
ناصر: مرتي وكيفي .. شحارج ؟
نجود: مالت عليك .. زين مني يايه اناديكم عشان تتغدون .. وانتوا حضراتكم طايحين لي فلم هندي في عز الظهر ؟؟
ناصر يود يد ريم ومشى: كا بنيي .. بس من فضلج لتجابلينه .. نبي ناخذ راحتنه
نجود: على جبدك .. خذوا راحتكم فلسفر .. اهني لااء
ناصر يطل في ويهه: افففف
نجود تقلده: افففف

اسماء تتغدى ويا راشد ..
راشد: متى بتروحين ؟؟
اسماء: شعرفني ؟
راشد: انا بصلي المغرب وبروح .. خلج بارزه عشان تيين وياي ..
اسماء: ان شاءالله ..
راشد: اتصلي فيهم قوليلهم ..
اسماء خذت التلفون واتصلت .. ريم كانت ناسيه تلفونها في غرفتها .. ماردت عليها .. : ماترد
راشد: اي حاجي اختها
اسماء: لحظه
اتصلت في نجود ..

نجود وهي تتغدى: هااااااا انتي
اسماء: هااا بقيم .. شتسوين؟
نجود: ازط
اسماء: زحير في جبدج
نجود: اجمعين ان شاءالله
اسماء: ول عليج .. وين ريمو ؟؟
نجود: ماتت
اسماء تتطنز: اوووه !! زين زين بشرج الله بلخير .. متى ؟؟
نجود: اليوم الصبح
اسماء: زييين زييين بشري الوااالده
نجود: علينا وعليج
اسماء: مالت عليج .. من صجي وينهي ؟
نجود: شتبين فيها ؟ قاعده تاكل ؟؟
اسماء: انزين عطيني اياها
نجود: nope
اسماء: شهالنحاسه ؟؟ عطيني بكلمها
نجود: آآسفه .. اصلا اهيا ماتبي تحاجيج
اسماء: ليش ؟
نجود: مادري تقول زعلانه عليج
اسماء: وليش زعلانه علي يحظي ؟
نجود تغني: ولييييييش زعلان مايحاجيني وليش زعلان مايحاجييييني
اسماء عافسه ويهه: صوتج كريه !! قوليلي شفيها ؟
نجود: ماتبي تحاجيج وبس !! ماتعرفين الأوادم متى يتصلون انتي ؟؟ ماعندج ذوق ؟؟
اسماء: خليت الذوق لج يا ام الذوق .. عطيني اياها لتطولين السالفه
نجود: انتي ماتسكتين ؟؟
اسماء: ابي ريم
نجود: مابعطيج اياها .. اقول اسوم .. سمعي بقول لج سالفه ها .. بيني وبينج لتقولين حق احد
اسماء صدقتها: شنو ؟
نجود صكت التلفون في ويهه ..
ام فيصل: من كنتي تحاجين ؟
نجود: راعي البراده
فيصل يخزها: من ؟
نجود: وحده وياي فلمدرسه .. أذيه أذيه .. افففففف
فيصل: لتردين عليها هلمره ..
نجود ابتسمت: أول مره تقول شي عدل .. تصدق ؟؟
فيصل باستهزاء: زين لا
ريم قامت: الحمدلله
ام فيصل: وين يمه !! كملي صحنج !
ناصر التفت عليها: ابوي !!
ريم: لا والله شبعت ..
فيصل: ماكلتي شي !!
ريم: بس والله شبعت .. (طلعت من المطبخ )
ام فيصل تحاجي ناصر: يمه ناصر .. حط بالك على اكلها فلسفر
ناصر: افا عليج .. عاد هناك أكلهم غير !!
ام فيصل: ابي ترجع خدودها نفس قبل
ناصر ابتسم: افا علييييج .. لتوصين (قام) نعم الله عليكم
ام فيصل: بلعااافيه ..
ناصر ركب فوق عند ريم .. طق عليها الباب ..
ريم عبالها فيصل: تعاال حيااك ..
ناصر دش .. كانت مبطله الشنطه وتفكر جان نست شي ولا لاء .. التفتت : وي ناصر .. عبالي فيصل ..
ناصر ابتسم: حبيبتي .. بارقد انا
ريم خذت تلفونها: خلاص انت ارقد وانا بانزل بقعد عند امي شوي ..
ناصر قعد عالسرير: ماتبين ترقدين ؟؟ وراج سفر؟؟
ريم: لا لا .. عادي ..(وهي طالعه) اييب لك شي ؟؟
ناصر: لا لا مابي شي ..
ريم صكت الباب ونزلت عند امها .. جافت اسوم شكثر متصلة لها .. بسرعه اتصلت : الوو
اسماء: لا ؟؟ حلفي بس ؟؟ شلا بعد ؟؟
ريم: سوري والله كنت ناسيه تلفوني ..
اسماء: بقمه ..
ريم: سووري .. انزين اسوم يالله تعالي !!
اسماء: بصلي المغرب وبايي
ريم: ويهج ويهج .. تعالي من الحين
اسماء تقلدها: ويهج ويهج .. بايي ويا رشود عقب
ريم: اسوووم حرام عليج انتي عقب المغرب اذا ملجوا بتطلعين ويااه وانا عقب بسافر !! يعني مابجوفج ؟
اسماء: ويي تعالي !! امبلا صج .. انزين .. بايي .. بس رشود طالع الحين !
ريم: انزين انا بقعد عند امي شوي .. بصلي العصر وباييج
اسماء: وينه ريلج ؟
ريم: راقد
اسماء: انزين .. بتيين يعني؟
ريم: ايي بمر عليج
اسماء: يعني اييب اللي بلبسه عقب ؟؟
ريم: ييبي كل شي .. تعالي شبتلبسين ؟
اسماء: اممم جفتي ذاك اللي شريناه من امريكا ؟؟
ريم: عاد اي واحد؟
اسماء: يبت ابسط واحد .. حده مافيه شي .. خبرج يعني مابنسوي حفله ولا شي ..
ريم: اي بس لازم تلبسين شي
اسماء: هذهوه .. وانتي حطيلي بعد ميك اب
ريم: ان شاءالله
اسماء: وبفل شعري
ريم: ياعيني .. انزين باييج ها ..
اسماء: اووكي يالله عيل انطرج
ريم: اوكي .. باي
اسماء: بااااي
ريم راحت حق امها ..
ام فيصل: ها حبيبة قلبي شلونج ؟
ريم: الحمدلله ..
ام فيصل يودت يدها: خلاص يعني بتسافرين !!
ريم: اييه ..
ام فيصل: يمه انتي مقتنعه ؟؟
ريم: ان شاءالله .. مادري انا احس كل شي صار بسرعه بسرعه .. الملجه بسرعه .. والحين العرس بسرعه
ام فيصل: ماسوينالج حفله ولا شي ..
ريم: معليه مب لازم ..
ام فيصل: ابي ازفج ويا ريلج !!
ريم: اذا ردينه زفينه ..
ام فيصل: آيه عليج .. شلونه وياج الحين؟
ريم: الحمدلله
ام فيصل: جوفي .. ترى الزواج مب لعبة يهال ووناسه .. مسئوليه .. ولازم انتي تكونين قدها ..
ريم: ان شاءالله
ام فيصل: اهتمي فيه .. هذي ريلج .. بيصير ابو عيالج ..
ريم: ان شاءالله
ام فيصل: مايحتاي اوصيج بعد باقي السوالف انتي ادرى فيها .. بس اهم شي تحافظين على بيتج وريلج واسراركم .. مب كل شي تقولينه حق اسوم !!
ريم ابتسمت: ان شاءالله
ام فيصل: واذا صارت بينكم مشكله حاولوا تحلونها بروحكم .. مو تبشرين الأولي والتالي ان تهاوشتوا !! اذا كلش مالقيتوا حل تعاليلي ولا قولي حق فيصل .. واحنا نحاول نحلها .. بس قد ماتقدرين حلي مشاكلج وياه بروحكم ولتدخلين احد ..
ريم: ان شاءالله يمه ..
ام فيصل: أول ماتوصلون هناك اتصليلي .. طمنيني علييج ..
ريم: ان شاءالله يمه
ام فيصل: الله يوفقج حبيبتي ويهنيج .. حاولي تخلين ايامكم كلها شهر عسل ..
ريم ابتسمت: اللاي وناسه
ام فيصل ابتسمت: حاولي ماتقولين له " لاء" .. حتى لو كنتي تعبااانه ومافيج شده ولا مالج خلق .. قوليله ان شاءالله .. اذكر ابوج الله يرحمه قبل يقومني من لرقاد يقولي يوعان .. لازم اطبخ له !!
ريم ابتسمت: ان شاءالله يمه .. لتحاتيين .. يمه كل من يقول العرس كريه والعرس مسؤوليه وأذيه والعرس مادري شنو .. استانسوا للحينكم يهااال لييكم واحد يحن عليكم ويتشرط .. استانسوا وانتوا ف بيت اهلكم ..
ام فيصل: ماعليج منهم خل يقولون اللي يقولونه .. اهمه ماعرفوا شلون يتصرفون .. وبعدين كل واحد ونصيبه !! ماتدرين يمكن ناصر يكون غير !! انتي قد ماتقدرين حاولي تخلين ايامج كلها وناسه ولتخلين الروتين يملل حيااتكم .. غيري .. من كل شي غيري .. الأكل .. الديكور .. الأثاث .. حتى انتي شكلج .. اقصد قصة شعرج .. مكياجج .. ثيابج .. حاولي كل يوم شي يديد .. عشان مايتملل الريال
ريم ابتسمت: ان شاءالله يمه ..
ام فيصل قامت: اكا اذن .. خل اقوم اتيدد واصلي ..
ريم قامت: عيل يمه انا بروح اييب اسوم ..
ام فيصل: انزين .. (تخزها) قولي حق ريلج ليسحبج الميلس مثل مساعه ..
ريم بقت عينها: ها ؟؟ اي اي ان شاءالله
ركبت فوق .. خذت اغراضها .. راحت بلعدال قعدت يمه كان راقد .. همست في اذنه: عمري .. نااصر
ناصر وهوه راقد: همممم
ريم: بروح اييب اسوم وبايي ..
ناصر: اوكي روحي ..
ريم بسرعه خذت اغراضها ونزلت ..

عقب صلاة المغرب .. عقب ماصلوا الرياييل وملجوا ..
فيصل .. راشد .. ناصر .. عبدالله .. عبدالرحمن اخوه .. فواز .. خالد .. وليد .. يوسف .. ..علي " علوي القصله " .. سلمان .. وباقي الربع .. كلهم فلميلس ..
فيصل .. كان مغتر .. ريم مبخرته .. وملبسته البشت .. صاير ماشالله لا اله الا الله حده وسييم ورزه .. تموا يباركون له الشباب ..
راشد: مبرووك الفيص ..
فيصل ابتسم: الفال لك ..
راشد يخزه: ليكون قالت لك ؟؟
فيصل ابتسم: مادري .. يمكن
راشد: حط بالك علييها ترى اسوم مب اي احد ..
فيصل: افا علييك .. لتوصي ..
ناصر طل في ويهه: بو سعود !! مبرووووك !! (سلم عليه) له له له مانقدر احنا علمعارييس
فيصل ابتسم: الله يبارك في حيااتك ..
ناصر: الفال حق سعود .. نجوفه معرس
فيصل ابتسم: ان شاءالله .. بياخذ بنتك ..
ناصر يخزه: مانعطيها اي احد
فيصل: يه ؟؟ الحين ولدي صار اي احد ؟؟
ناصر: مادري انا بنتي لصبيان مغربلينه عليها .. بنجوف بنفكر فلموضوع لتحاتي
فيصل: ههههههههه مالت عليك ..
خالد يسلم عليه: كشخه الفيص كشخه .. الفال لي
فيصل: الفال لك ..
خالد: اي يبه شعلييك .. من قدك .. حركاااات
فيصل: شنسوي بعد
خالد: والله تستاهل كل خير .. مبروووك الف مبرووك
فيصل: الله يبااارك فييك
وليد راح يسلم عليه: علبركه بوسعود
فيصل: الله يبارك في حياتك .. الفال لك
وليد ابتسم: جريب ان شاءالله
فيصل: لا ؟؟ شلون جذي؟
وليد: بعد .. الدكاتره مايخلون
فيصل ابتسم: ماتيوز عن سوالفك انت !!
وليد: تيي وياي اذا بنخطبها .. فاهم؟
فيصل: اي عاد منهي ؟
وليد: خبرك يعني الدكتور ماياخذ الا دكتوره .. ولا انت شرايك؟
فيصل: صااج صااج ..
عبدالله يسلم عليه: مبروووك فيصل .. منك المال ومنها لعيال
فيصل ابتسم: ماتقصر يالشيخ
عبدالله: الفال لي .. ماتخبر لي وحده مني مناك ؟
فيصل: قالولك خطابه ؟؟ شعرفني انا ؟؟
عبدالله: مالي شغل دورولي وحده .. نصور الليله بيسافر وانت ملجت .. مب حاله ذي يعني !!
فيصل ابتسم: ان شاءالله لتحاتي .. بعطيك جاندرا
عبدالله: من ذي ؟؟
فيصل: خدامتنا !!
عبدالله: مالت عليك اقول .. اذلف اذلف
فواز راح يسلم عليه: لاا مقدر انا علبشت والحركاات .. وش ذا الزين ؟؟
فيصل ابتسم: عجبك؟
فواز: خطيير مره .. مبرووك والله تستاهل
فيصل: الله يبارك فيك .. الفال لك
فواز يخزه: اييه عاد انا ماخذ اي احد ..
ناصر كان واقف يم فيصل: ايي انا اعرف من تبي ..
فيصل التفت : شسالفه؟
فواز يخز ناصر: بعدين بعدين .. لتفضحنا بس ..
فيصل راح يسلم على الباقي ..
فواز سحب ناصر: يخي وش فيك انت ؟؟
ناصر: شفيني؟ زين مني بضبطك ؟؟
فواز: لا عاد مب كذا .. استنى شوي
ناصر: زين علهواك ..
شوي الا حمد داش عليهم ..
" انا صج تعبت .. بس بكمل هالمره "
ناصر التفت عليه يخزه: انت ؟؟
عبدالله يوده: اشش بس اسكت ..
حمد راح صوب ناصر .. مد يده بيسلم عليه .. ناصر يطالع يده ويطالع ويهه .. مب عاجبته السالفه ..
عبدالله يدزه: سلم سلم ..
ناصر يسلم عليه ..
حمد بهدوء: انا ياي اتأسف منك .. سامحني
ناصر يخزه: نعم ؟؟ خير خير شقلت ؟؟
حمد بلعدال: والله آسف .. سامحني .. حدي حاس بالذنب ..
ناصر: زين سامحتك .. بس قلت لك مابي اجوف رقعة ويهك ؟؟
حمد: معليه .. بس لازم اتسامح منك ماقدر ..
ناصر من غير نفس: اوكي اوكي ..
حمد راح يسلم على فيصل .. اللي مايدري عن شي .. راح يبارك له ..
حمد: مبروووك فيصل ..
فيصل: الله يبارك في حياااتك .. الفال لك
حمد ابتسم وهوه ماشي: تو الناس
ريم: انا شدراني ؟؟ عيل شدراه يعني شدراه ؟
نجود: يعني انتي ماقلتيله شي ؟
ريم: لا والله قلت له مادري ومشيت
نجود: تهقين شقال له فواز ؟؟ (ابتسمت .. قامت ترمش عينها بسرعه) قلت لج من طرفين ماصدقتيني ..
ريم: والله مادري شقال له ..
نجود ركبت عالسرير تناقز: قااااله احبببببهااا قااله ابيييها قااااله احبببها قاله ابييها
ريم تخزها: ينيتي ؟
نجود قطت روحها علسرير: وااي .. تعبت .. سمعي .. امي تقول بسرعه روحوا اشتروا لغراض عشان يمديكم مادري شنو
ريم طقت يبهتها: افف !! شلون جذي انا نسيت ؟
نجود: لنج بقمه ..
ريم مشت عنها: زين يالله بسرعه بدلي عشان نروح ..
نجود: انزين بنزل تحت انطرج .. لتأخرين .. امي مفوحه عليج
ريم: اوكي اوكي بايي ... يالله
بسرعه تسبحت وبدلت ولبست شيلتها ودفتها .. خذت الشنطه ونزلت .. راحت تسلم على امها : صبحج الله بلخير يمه شلونج ؟؟
نجود كانت قاعده يمها: أي يمه عندج اياها .. أقول لها امي تبيج تشترين اغراض تقولي ختولي بارقد بعد شوي
ريم بقت عينها: يالجذاااااااابه ؟
نجود: حلفي ماقلتي ختولي ابي ارقد ؟؟
ريم باقه عينها: والله العظيم ماقلت (التفتت على امها) يمه والله تألف !!
ام فيصل ابتسمت: ادري فيها .. يالله يمه لتأخرين
ريم: انزين ابي لورقه ..
ام فيصل عطتها : هاج .. اذا ماعرفتي شي اتصلي
ريم خذتها: ان شاء الله .. ( التفتت على نجود) يالله مشينه
نجود قامت: يالله مامي .. بيباي
ام فيصل: الله يحفظكم .. حطي بالج علطريج يمه
ريم وهي طالعه: ان شاااءالله

فيصل من قام خذ تلفونه واتصل ..
اسماء كانت قاعده ترتب اغراضها .. بسرعه ردت عليه: الوو
فيصل: فدييت هالالو انا من الصبح
اسماء تضحك: ههههههه يعلك .. توك قاعد ؟
فيصل يتمقط ويتثاوب: عوذ بالله من الشيطان .. اييي توني
اسماء: رقدت زين ؟
فيصل: اييي الحمدلله .. عساج مستعده نفسيا ؟
اسماء : شلون يعني؟
فيصل: يعني حق الليله
اسماء ماستوعبت: وااي حدي مب مصدقه مابيها ترووووووح !! تخيل يعني بتسافر وتخليني !!
فيصل: انا ماقصد ريم ..
اسماء ماستوعبت: من بيسافر بعد ؟
فيصل: اسماء .. انا قصدي الملجه
اسماء: ويييييييي .. الملجه .. هههههههه مسامحه بس الشبكه اليوم لك عليها شوي
فيصل: جيف بس اليوم ؟؟
اسماء: رجاءاً لتتطنز .. لوسمحت يعني
فيصل: ماتطنز .. افا عليج .. انزين شنو شعورج ؟
اسماء: مااادري حزة الحزة اسألني بجاوبك
فيصل: انزين .. اليوم الغدا عندنا
اسماء: ويهك عاد !!
فيصل: ليش يعني؟
اسماء: لا حبيبي آسفه .. مايصير .. باجر بتغدى عندكم
فيصل: ليش مب اليوم؟
اسماء: انا لله .. فيصل هذي سوالف نسوان انت شعرفك ؟
فيصل: انزين انزين .. اسوم
اسماء: هلا
فيصل: انا بنزل اتريق يووعاان .. بكلمج عقب
اسماء: اووكي
فيصل: يالله باي
اسماء: باي
نزل فيصل حق امه .. كانت واقفه عند صورة ريلها " بو فيصل" الله يرحمه وتصييح ..
فيصل بهدوء راح يمها ..
كانت تسولف ويااه في خاطرها .. ابتسمت .. وصاحت .. وتطاالعه .. وجن قاعد وياااها ..
فيصل حط يده على جفتها .. حست فيه وانقزت .. بسرعه مشت دموعها: انته اهني ؟؟
فيصل: يمه .. شتسوين ؟
ام فيصل ماقدرت تيود روحها وصاحت: يمه كنت احاجي ابوك .. اقول له الليله ملجة ولدك .. وانته محد .. والليله بنتك بتسافر ويا ريلها .. وانت محد ..
فيصل ميودها ومعوره قلبه: بس يمه ..
ام فيصل تصيح: يمه ابوك مات !! مابيي الليله !! ابوك ماااات يافيصل ابوك ماات
فيصل حابس دمعته وخانقته العبره: يمه عاااد .. !! ادعييله وترحميله مب زيين تسوين جذي (يود يدها وسحبها وياه) تعالي يمه قعدي ..
قعدت يمه .. يود يدها: يمه طالعيني
ام فيصل مشت دموعها ورفعت راسها تطالعه ..
فيصل: يمه .. ادعي له .. اهوه محتاج لدعائج ..
ام فيصل: ادعييله والله ادعييله
فيصل: حاولي تيودين روحج .. (يبي يغير السالفه) وين البنات ؟
ام فيصل: راحوا يشترون لي اغرااض ..
فيصل: زين .. يمه ولدج يوعان !!
ام فيصل قامت بسرعه ويودت يده: تعال يمه بريقك ..
فيصل مستانس: اييه جذي .. هذي ام فيصل اللي اعرفها ..

ناصر .. قام من لرقااد وسيده خذ تلفونه يتصل لها .. عيز يتصل وهي ماترد عليه !! .. شفيها !! قال بيتسبح وبيبدل وبيروح بيت عمه يجوف شسالفتها ..

ريم .. في يدها لورقه وتدور وتحط لغراض ..
نجود قاصه عليها .. قاعده في ستاربكس ومخليتها بروحهه
يوم جريب بتخلص .. تدور تلفونها تبي تتصل .. ناسيته !! " في خاطرها" اوهو الحين شلون احاجيها ؟؟ .. راحت صوب ستاربكس تبي تطل عليها .. تدور .. ماحصلتها .. شوي الا نجود تطل في ويهه: تيـــــا
ريم: الله يابج !!
نجود: اتصل لج شلا ماتردين علي ؟؟
ريم: مايبته !!
نجود شايله في يدها جبس وكاكو وخرابيط .. حطتهم فلجاري : يالله دزي
ريم: بس؟؟ بعد ماتبين شي ؟
نجود: لا بس ..
ريم: مره وحده لان بروح ادفع الحين
نجود: بس امشي ندفع ..
راحوا صوب ال cashier ..
حطوا الاغرااض .. ريم رفعت راسها وقرت مكتوب " نـــاصر " .. فز قلبها .. بسرعه سحبت نجود: نجودوو ناصر ؟؟
نجود تتلفت: وينه بو راس؟
ريم تأشر: اقري اقري
نجود: اووه .. فاتح له محل ؟
ريم: يالبقمه صيدليه ..
نجود: انزين وصيدليه ؟؟ تبين تشترين شي ؟؟
ريم: واااااااي نجود شفيج ؟؟ لتيننيني !! مكتوب ناصر اقري
نجود تقرى: so ؟؟
ريم: اووهوو بس بس خلاص .. (طلعت كيمرتها وصورت الاسم) اللاااي وناسه ..
نجود: صج بقمه .. عبالي عندج سالفه
الريال يبي احد يعطيه ويه .. يبيهم يدفعون .. قاعد يطالعهم ويضحك ..
ريم تراويها الصوره: الاي جوفي اسمه اينن !!
نجود: مافيه زود .. غبيه انتي (التفتت على الريال جافته ينطرهم يكملون سوالف .. بسرعه سحبت ريم) هيي دفعي
ريم توها مستوعبه: اوه .. (بسرعه طلعت بوكها) مسامحه
الريال ابتسم: لاا عادي ..
دفعت ودزت الجاري: وااي فشيله !!
نجود: ويي عادي..
ريم مستانسه: اهم شي صورت الاسم .. وااي وحشني نصوور ماكلمته اليوم
نجود يودت قلبها: وحشنيييي فوااز !! اخخخخخخ حده destroying .. حطمني ..
ريم تخزها: للحين ماغيرتي رايج ؟؟
نجود: ولا بغيره بعد ..
ريم ابتسمت: زيين ..

ناصر .. راح بيت عمه ..
بطلت له جاندرا الباب ..
كانوا قاعدين فلصاله .. فيصل وامه .. يسولفون ..
ناصر: السلاااام عليكم
فيصل وامه: وعليكم السلام ورحمة الله وبركااته ..
ناصر سلم عليهم : شلونكم ؟
ام فيصل: احنا بخيير انته شلونك ؟
ناصر: والله الحمدلله .. (يحاجي فيصل) شعنده المعرس؟
فيصل ابتسم: شرايك فيني يعني ؟؟
ناصر: خطيير ..
فيصل: شنسوي بعد ..
ام فيصل التفتت عليه: ناصر يمه ماوصيك على بنيتي ..
ناصر ابتسم: افا علييج لتوصين ..
ام فيصل: خلها تكلمني اول ماتوصلون
ناصر: ان شاءالله .. للحين راقده؟
ام فيصل: لااا لااا .. طالعه من الصبح ..
ناصر مستغرب: طالعه ؟؟ وين رايحه؟
ام فيصل: انا مطرشتها تشتريلنا اغراض ..
شوي الا ريم ونجود داشين ..
ريم تنادي: جاااااااندرااا .. نزلي لغراض من السياره
نجود : هااااي (قعدت يم امها) يمه تكسرنا اغرااض شكثر وانا هذاني ماقعدت رايحه وراده واحط ذي واحط ذاك حتى مامداني اقعد علكرسي شوي ارتاااح
ريم راحت يمهم : السلاااام عليكم
ناصر يخزها: وعليكم السلاام ..
ريم تحاجي امها: يمه ماعليج منها !!!
ام فيصل: ادري فيها هذي الا روييد بايت ماتسوي شي
نجود: انا ؟؟ معليه ريمو اراويج
ريم مستانسه: نااااصر (طلعت له الكيمرا تراويه) جووف !!
ناصر يودها من يدها بقوه وسحبها: تعالي ابيج ..
دخلها الميلس وصك الباب .. وريم مب فاهمه شسالفه ..: ناصر شفيك ؟
ناصر معصب: يحليلج
ريم مستغربه: ناصر ؟؟
ناصر دزها عالكرسي: جب ..
ريم تطالعه: شفيك !!
ناصر: اتصل لج من البارحه .. ماتردين علي !!
ريم: انا
ناصر يقاطعها: قلت لج جب !! انجبي لتحجين !!
ريم سكتت ..
ناصر: وتطلعين حضرتج بدون ماتقولين لي .. ومب جن البارحه زافج على هالسالفه ؟؟
ريم: عمـ
ناصر يقاطعها: قلت لج جب !! شتبيني اسوي فيج ؟؟ ماتسمعين الحجي !! ماتردين علي !! انتي بلعماله تسوين لي جذي ؟؟ بلعمدن تبيني اتضايق ؟؟ تبين تعصبيني بأي طريقة يعني ؟؟ شتبيني اسوي فيج ؟؟ قوليلي !!
ريم ساكته
ناصر رفع صوته: تحجي !!
ريم مب عارفة له .. ان تحجت بيسكتها .. وان سكتت بيصارخ بيقول لها تحجي .. ببراءة: عادي اتحجى ؟
ناصر معصب: شتبين تقولين يعني ؟؟ دايما تثيرين اعصااابي .. دايما تسوين لي هالحركااات مب اول مره يعني
ريم بضيق: نسيت تلفوني فلبيت .. وماتصلت لك قبل لا اطلع لان كنت مستعيله بسرعه بسرعه طلعت
ناصر: يعني ماطريت عليج قلتي بتصل له بقول له ؟؟ علأقل بس تقولين لي ترى انا بطلع ؟؟
ريم: من صجك تبيني اتصل ؟؟ نسيت شسويت فيني البارحه ؟
ناصر: شسويت؟
ريم: ولا شي .. (قامت)
ناصر توه متذكر: انزين ابوي .. انا مب قصدي
ريم تبتسم بالغصب: ادري .. مب قصدك تسبحني بالماي البارد ولا بقصدك تصارخ علي وتسمعني هالحجي الحلو (ياتها الصيحه )انا اللي اقصد اني انسى تلفوني .. وانا اللي بلعماله ماتصلت .. وانا اللي اقصد اني اضايقك واخليك تعصب .. (نزلت دمعتها) آآسفه
ناصر خذ نفس: ابوي .. لتأسفين انتي ماسويتي شي .. انا اللي آآسف (يود يدها)
ريم يودت صيحتها: لتتأسف .. ماصار شي ..
ناصر: am sorry and I mean it ..
ريم ابتسمت: لتتأسف !!
ناصر بهدوء: والله آآسف .. تسامحيني؟
ريم: عمري ماصار شي !! انت اهم شي لتزعل !!
ناصر: انتي اهم شي لتزعلين ..
ريم هوست على يده بالقوه: احبك !!
ناصر طاح قلبه: اموت فيج والله .. (لمها بالقوه وباس راسها) بس حبيبتي لتعيدينها مره ثانيه .. وخلي تلفونج كله وياج ..
ريم: ان شاءالله .. انت بعد .. حاول ماتعصب على اي شي
ناصر: ان شاءالله
دشت عليهم نجود وجافتهم لامين بعض .. صكت عينها بيدها: استغفر الله !! شهالحركات ذي ؟؟
ريم هدته والتفتت عليها وهي فيها الضحكه
ناصر معصب على نجود: اوهووووو لازم تخربين علينا يعني ؟؟
نجود تشيل اصابعها بلعدال وتبطل عينها: استغفر الله العظيم من كل ذنب عظيم
ناصر: مرتي وكيفي .. شحارج ؟
نجود: مالت عليك .. زين مني يايه اناديكم عشان تتغدون .. وانتوا حضراتكم طايحين لي فلم هندي في عز الظهر ؟؟
ناصر يود يد ريم ومشى: كا بنيي .. بس من فضلج لتجابلينه .. نبي ناخذ راحتنه
نجود: على جبدك .. خذوا راحتكم فلسفر .. اهني لااء
ناصر يطل في ويهه: افففف
نجود تقلده: افففف

اسماء تتغدى ويا راشد ..
راشد: متى بتروحين ؟؟
اسماء: شعرفني ؟
راشد: انا بصلي المغرب وبروح .. خلج بارزه عشان تيين وياي ..
اسماء: ان شاءالله ..
راشد: اتصلي فيهم قوليلهم ..
اسماء خذت التلفون واتصلت .. ريم كانت ناسيه تلفونها في غرفتها .. ماردت عليها .. : ماترد
راشد: اي حاجي اختها
اسماء: لحظه
اتصلت في نجود ..
نجود وهي تتغدى: هااااااا انتي
اسماء: هااا بقيم .. شتسوين؟
نجود: ازط
اسماء: زحير في جبدج
نجود: اجمعين ان شاءالله
اسماء: ول عليج .. وين ريمو ؟؟
نجود: ماتت
اسماء تتطنز: اوووه !! زين زين بشرج الله بلخير .. متى ؟؟
نجود: اليوم الصبح
اسماء: زييين زييين بشري الوااالده
نجود: علينا وعليج
اسماء: مالت عليج .. من صجي وينهي ؟
نجود: شتبين فيها ؟ قاعده تاكل ؟؟
اسماء: انزين عطيني اياها
نجود: nope
اسماء: شهالنحاسه ؟؟ عطيني بكلمها
نجود: آآسفه .. اصلا اهيا ماتبي تحاجيج
اسماء: ليش ؟
نجود: مادري تقول زعلانه عليج
اسماء: وليش زعلانه علي يحظي ؟
نجود تغني: ولييييييش زعلان مايحاجيني وليش زعلان مايحاجييييني
اسماء عافسه ويهه: صوتج كريه !! قوليلي شفيها ؟
نجود: ماتبي تحاجيج وبس !! ماتعرفين الأوادم متى يتصلون انتي ؟؟ ماعندج ذوق ؟؟
اسماء: خليت الذوق لج يا ام الذوق .. عطيني اياها لتطولين السالفه
نجود: انتي ماتسكتين ؟؟
اسماء: ابي ريم
نجود: مابعطيج اياها .. اقول اسوم .. سمعي بقول لج سالفه ها .. بيني وبينج لتقولين حق احد
اسماء صدقتها: شنو ؟
نجود صكت التلفون في ويهه ..
ام فيصل: من كنتي تحاجين ؟
نجود: راعي البراده
فيصل يخزها: من ؟
نجود: وحده وياي فلمدرسه .. أذيه أذيه .. افففففف
فيصل: لتردين عليها هلمره ..
نجود ابتسمت: أول مره تقول شي عدل .. تصدق ؟؟
فيصل باستهزاء: زين لا
ريم قامت: الحمدلله
ام فيصل: وين يمه !! كملي صحنج !
ناصر التفت عليها: ابوي !!
ريم: لا والله شبعت ..
فيصل: ماكلتي شي !!
ريم: بس والله شبعت .. (طلعت من المطبخ )
ام فيصل تحاجي ناصر: يمه ناصر .. حط بالك على اكلها فلسفر
ناصر: افا عليج .. عاد هناك أكلهم غير !!
ام فيصل: ابي ترجع خدودها نفس قبل
ناصر ابتسم: افا علييييج .. لتوصين (قام) نعم الله عليكم
ام فيصل: بلعااافيه ..
ناصر ركب فوق عند ريم .. طق عليها الباب ..
ريم عبالها فيصل: تعاال حيااك ..
ناصر دش .. كانت مبطله الشنطه وتفكر جان نست شي ولا لاء .. التفتت : وي ناصر .. عبالي فيصل ..
ناصر ابتسم: حبيبتي .. بارقد انا
ريم خذت تلفونها: خلاص انت ارقد وانا بانزل بقعد عند امي شوي ..
ناصر قعد عالسرير: ماتبين ترقدين ؟؟ وراج سفر؟؟
ريم: لا لا .. عادي ..(وهي طالعه) اييب لك شي ؟؟
ناصر: لا لا مابي شي ..
ريم صكت الباب ونزلت عند امها .. جافت اسوم شكثر متصلة لها .. بسرعه اتصلت : الوو
اسماء: لا ؟؟ حلفي بس ؟؟ شلا بعد ؟؟
ريم: سوري والله كنت ناسيه تلفوني ..
اسماء: بقمه ..
ريم: سووري .. انزين اسوم يالله تعالي !!
اسماء: بصلي المغرب وبايي
ريم: ويهج ويهج .. تعالي من الحين
اسماء تقلدها: ويهج ويهج .. بايي ويا رشود عقب
ريم: اسوووم حرام عليج انتي عقب المغرب اذا ملجوا بتطلعين ويااه وانا عقب بسافر !! يعني مابجوفج ؟
اسماء: ويي تعالي !! امبلا صج .. انزين .. بايي .. بس رشود طالع الحين !
ريم: انزين انا بقعد عند امي شوي .. بصلي العصر وباييج
اسماء: وينه ريلج ؟
ريم: راقد
اسماء: انزين .. بتيين يعني؟
ريم: ايي بمر عليج
اسماء: يعني اييب اللي بلبسه عقب ؟؟
ريم: ييبي كل شي .. تعالي شبتلبسين ؟
اسماء: اممم جفتي ذاك اللي شريناه من امريكا ؟؟
ريم: عاد اي واحد؟
اسماء: يبت ابسط واحد .. حده مافيه شي .. خبرج يعني مابنسوي حفله ولا شي ..
ريم: اي بس لازم تلبسين شي
اسماء: هذهوه .. وانتي حطيلي بعد ميك اب
ريم: ان شاءالله
اسماء: وبفل شعري
ريم: ياعيني .. انزين باييج ها ..
اسماء: اووكي يالله عيل انطرج
ريم: اوكي .. باي
اسماء: بااااي
ريم راحت حق امها ..
ام فيصل: ها حبيبة قلبي شلونج ؟
ريم: الحمدلله ..
ام فيصل يودت يدها: خلاص يعني بتسافرين !!
ريم: اييه ..
ام فيصل: يمه انتي مقتنعه ؟؟
ريم: ان شاءالله .. مادري انا احس كل شي صار بسرعه بسرعه .. الملجه بسرعه .. والحين العرس بسرعه
ام فيصل: ماسوينالج حفله ولا شي ..
ريم: معليه مب لازم ..
ام فيصل: ابي ازفج ويا ريلج !!
ريم: اذا ردينه زفينه ..
ام فيصل: آيه عليج .. شلونه وياج الحين؟
ريم: الحمدلله
ام فيصل: جوفي .. ترى الزواج مب لعبة يهال ووناسه .. مسئوليه .. ولازم انتي تكونين قدها ..
ريم: ان شاءالله
ام فيصل: اهتمي فيه .. هذي ريلج .. بيصير ابو عيالج ..
ريم: ان شاءالله
ام فيصل: مايحتاي اوصيج بعد باقي السوالف انتي ادرى فيها .. بس اهم شي تحافظين على بيتج وريلج واسراركم .. مب كل شي تقولينه حق اسوم !!
ريم ابتسمت: ان شاءالله
ام فيصل: واذا صارت بينكم مشكله حاولوا تحلونها بروحكم .. مو تبشرين الأولي والتالي ان تهاوشتوا !! اذا كلش مالقيتوا حل تعاليلي ولا قولي حق فيصل .. واحنا نحاول نحلها .. بس قد ماتقدرين حلي مشاكلج وياه بروحكم ولتدخلين احد ..
ريم: ان شاءالله يمه ..
ام فيصل: أول ماتوصلون هناك اتصليلي .. طمنيني علييج ..
ريم: ان شاءالله يمه
ام فيصل: الله يوفقج حبيبتي ويهنيج .. حاولي تخلين ايامكم كلها شهر عسل ..
ريم ابتسمت: اللاي وناسه
ام فيصل ابتسمت: حاولي ماتقولين له " لاء" .. حتى لو كنتي تعبااانه ومافيج شده ولا مالج خلق .. قوليله ان شاءالله .. اذكر ابوج الله يرحمه قبل يقومني من لرقاد يقولي يوعان .. لازم اطبخ له !!
ريم ابتسمت: ان شاءالله يمه .. لتحاتيين .. يمه كل من يقول العرس كريه والعرس مسؤوليه وأذيه والعرس مادري شنو .. استانسوا للحينكم يهااال لييكم واحد يحن عليكم ويتشرط .. استانسوا وانتوا ف بيت اهلكم ..
ام فيصل: ماعليج منهم خل يقولون اللي يقولونه .. اهمه ماعرفوا شلون يتصرفون .. وبعدين كل واحد ونصيبه !! ماتدرين يمكن ناصر يكون غير !! انتي قد ماتقدرين حاولي تخلين ايامج كلها وناسه ولتخلين الروتين يملل حيااتكم .. غيري .. من كل شي غيري .. الأكل .. الديكور .. الأثاث .. حتى انتي شكلج .. اقصد قصة شعرج .. مكياجج .. ثيابج .. حاولي كل يوم شي يديد .. عشان مايتملل الريال
ريم ابتسمت: ان شاءالله يمه ..
ام فيصل قامت: اكا اذن .. خل اقوم اتيدد واصلي ..
ريم قامت: عيل يمه انا بروح اييب اسوم ..
ام فيصل: انزين .. (تخزها) قولي حق ريلج ليسحبج الميلس مثل مساعه ..
ريم بقت عينها: ها ؟؟ اي اي ان شاءالله
ركبت فوق .. خذت اغراضها .. راحت بلعدال قعدت يمه كان راقد .. همست في اذنه: عمري .. نااصر
ناصر وهوه راقد: همممم
ريم: بروح اييب اسوم وبايي ..
ناصر: اوكي روحي ..
ريم بسرعه خذت اغراضها ونزلت ..

عقب صلاة المغرب .. عقب ماصلوا الرياييل وملجوا ..
فيصل .. راشد .. ناصر .. عبدالله .. عبدالرحمن اخوه .. فواز .. خالد .. وليد .. يوسف .. ..علي " علوي القصله " .. سلمان .. وباقي الربع .. كلهم فلميلس ..
فيصل .. كان مغتر .. ريم مبخرته .. وملبسته البشت .. صاير ماشالله لا اله الا الله حده وسييم ورزه .. تموا يباركون له الشباب ..
راشد: مبرووك الفيص ..
فيصل ابتسم: الفال لك ..
راشد يخزه: ليكون قالت لك ؟؟
فيصل ابتسم: مادري .. يمكن
راشد: حط بالك علييها ترى اسوم مب اي احد ..
فيصل: افا علييك .. لتوصي ..
ناصر طل في ويهه: بو سعود !! مبرووووك !! (سلم عليه) له له له مانقدر احنا علمعارييس
فيصل ابتسم: الله يبارك في حيااتك ..
ناصر: الفال حق سعود .. نجوفه معرس
فيصل ابتسم: ان شاءالله .. بياخذ بنتك ..
ناصر يخزه: مانعطيها اي احد
فيصل: يه ؟؟ الحين ولدي صار اي احد ؟؟
ناصر: مادري انا بنتي لصبيان مغربلينه عليها .. بنجوف بنفكر فلموضوع لتحاتي
فيصل: ههههههههه مالت عليك ..
خالد يسلم عليه: كشخه الفيص كشخه .. الفال لي
فيصل: الفال لك ..
خالد: اي يبه شعلييك .. من قدك .. حركاااات
فيصل: شنسوي بعد
خالد: والله تستاهل كل خير .. مبروووك الف مبرووك
فيصل: الله يبااارك فييك
وليد راح يسلم عليه: علبركه بوسعود
فيصل: الله يبارك في حياتك .. الفال لك
وليد ابتسم: جريب ان شاءالله
فيصل: لا ؟؟ شلون جذي؟
وليد: بعد .. الدكاتره مايخلون
فيصل ابتسم: ماتيوز عن سوالفك انت !!
وليد: تيي وياي اذا بنخطبها .. فاهم؟
فيصل: اي عاد منهي ؟
وليد: خبرك يعني الدكتور ماياخذ الا دكتوره .. ولا انت شرايك؟
فيصل: صااج صااج ..
عبدالله يسلم عليه: مبروووك فيصل .. منك المال ومنها لعيال
فيصل ابتسم: ماتقصر يالشيخ
عبدالله: الفال لي .. ماتخبر لي وحده مني مناك ؟
فيصل: قالولك خطابه ؟؟ شعرفني انا ؟؟
عبدالله: مالي شغل دورولي وحده .. نصور الليله بيسافر وانت ملجت .. مب حاله ذي يعني !!
فيصل ابتسم: ان شاءالله لتحاتي .. بعطيك جاندرا
عبدالله: من ذي ؟؟
فيصل: خدامتنا !!
عبدالله: مالت عليك اقول .. اذلف اذلف
فواز راح يسلم عليه: لاا مقدر انا علبشت والحركاات .. وش ذا الزين ؟؟
فيصل ابتسم: عجبك؟
فواز: خطيير مره .. مبرووك والله تستاهل
فيصل: الله يبارك فيك .. الفال لك
فواز يخزه: اييه عاد انا ماخذ اي احد ..
ناصر كان واقف يم فيصل: ايي انا اعرف من تبي ..
فيصل التفت : شسالفه؟
فواز يخز ناصر: بعدين بعدين .. لتفضحنا بس ..
فيصل راح يسلم على الباقي ..
فواز سحب ناصر: يخي وش فيك انت ؟؟
ناصر: شفيني؟ زين مني بضبطك ؟؟
فواز: لا عاد مب كذا .. استنى شوي
ناصر: زين علهواك ..
شوي الا حمد داش عليهم ..
" انا صج تعبت .. بس بكمل هالمره "
ناصر التفت عليه يخزه: انت ؟؟
عبدالله يوده: اشش بس اسكت ..
حمد راح صوب ناصر .. مد يده بيسلم عليه .. ناصر يطالع يده ويطالع ويهه .. مب عاجبته السالفه ..
عبدالله يدزه: سلم سلم ..
ناصر يسلم عليه
حمد بهدوء: انا ياي اتأسف منك .. سامحني
ناصر يخزه: نعم ؟؟ خير خير شقلت ؟؟
حمد بلعدال: والله آسف .. سامحني .. حدي حاس بالذنب ..
ناصر: زين سامحتك .. بس قلت لك مابي اجوف رقعة ويهك ؟؟
حمد: معليه .. بس لازم اتسامح منك ماقدر ..
ناصر من غير نفس: اوكي اوكي ..
حمد راح يسلم على فيصل .. اللي مايدري عن شي .. راح يبارك له ..
حمد: مبروووك فيصل ..
فيصل: الله يبارك في حياااتك .. الفال لك
حمد ابتسم وهوه ماشي: تو الناس ..
فيصل التفت على ناصر يناديه: تعال ابيك
ناصر راح له: سم
فيصل: اسمعني .. ايلس وياهم انا بدش داخل
ناصر ابتسم: مستعيل الشيخ
فيصل: اسكت عاد محد كان مستعيل كثرك ..
ناصر: انا غير وانت غير .. لتقارن روحك فيني
فيصل: انزين يالله خلهم يتعشون ها .. انا مب فاضي لهم
ناصر: يخي اصبر شوي !!
فيصل: ماقدر .. يالله بدش من صجي
ناصر: يخي كلم البنات قبل !! انطر بتصل حق ريم .. شوي بس !!
فيصل: بسرعه !!
عبدالله ينادي: نااصر !! تعال بقول لك
فيصل سحبه : مو تنسى تتصل !!
ناصر وهوه رايح: ان شاءالله ان شاءالله

طلع حمد من عندهم .. حده متضااااايق ومكتأب .. مب عارف شيسوي .. ولا شيقول .. يبي احد يشتكي له .. يبي احد يسمعه .. مايقدر يتم جذي وهوه طول الوقت يفكر فيييها ومايقدر ينساها .. مايقدر .. يبي شي اريحه !! يبي شي ينسيه !! فكر ينتحــر .. يبي يفتك من حياااااااته .. اللي كل شي يبيه مب قادر يحصله .. واهم شي يبيه .. ريم .. اللي مستحيل يحصلها .. او تكون له .. كل شي ضـــده .. ماله حــظ فلدنيا .. كلش ماله حظ .. بسرعه راح البحر .. وتم يسولف بروحه .. ويصيييح .. يبي يموووت .. يبي يفتك !! مب حاله هذي !! مايروح البيت وايد .. مايجوف ربعه .. كله بروحه .. يحس محد يفهمه .. محد بيسمعه .. شيفيد الندم الحين ؟؟ بيتم متحسف طول عمره يعني ؟؟ الله يعييينه ..

ريم .. كانت سادحه اسوم علكرسي وتمكيجها ..
اسوم: لتحطين لي أسود بتكفخين
ريم: لا لا انتي بس سكتي .. انا اعرف شغلي
اسوم: لتحطين وايد عاد
ريم: اسوم لتحنين !! ترى بيخترب كل شي !! دقيقه بس وكمل !!
اسوم : اسكت يعني؟
ريم: جانزين ..
نجود دشت عليهم وهيا تغني وترقص : I feel good طرا رارارارارااااااا
I knew that I would طراراراراراا .. I feeeeeeeel good طرارارارارا ..
so good .. so good .. I got you .. طانق طانق طااااانق طاااااااااااانق .. وااااااااو
ريم تحاجي اسماء: بس قومي ..
اسماء قامت تجوف روحها فلمنظره .. خشت عينها بيدها: واي ماقدر ماقدر بيغمى علي !! شهالجمال ذي ؟؟ شهالكشخه ؟؟
نجود: وييع ولا بجمال ولا بشي .. تخرعين جنج ينيه ..
اسماء تخزها: ينيه يابتها امج !!
نجود: اي ماجذبتي .. هذهيه اللي لعبت في ويهج ..
ريم تخزها: ويهج ..
اسماء خذت فستانها: طلعوا دقيقه بالبس وباييكم ..
ريم خذت الشبكه والكيمرا والتلفون: يالله بنطرج انا بنزل وياج ..
اسماء ابتسمت: بتزفيني يعني ؟
ريم وهي طالعه: اي يالله بسرعه
نجود طلعت وياها وخلوها تبدل ..
رن تلفونها: الوو
ناصر: ابوي
ريم: عمري
ناصر: يالله بنروح المطار
ريم بقت عينها: لاااا مابي !! من صجك ؟ لا لا لا مابي انطر شوي بعد
ناصر: بتطير الطياره !!
ريم: شدخل !! انت قلت لي عقب مب الحين !!
ناصر: جدموا الرحله
ريم: مابي !!
ناصر: اروح بروحي يعني؟
ريم: لاا نأجلها مب لازم اليوم !! من صجك انت ؟
ناصر: افا ... تخليني اروح بروحي ؟
ريم: لتروح !! انطرني
ناصر: كيفج انا بروح
ريم: نااااااصر !!
ناصر: اتغشمر يبه اتغشمر .. وين العروس؟
ريم: كاهيا .. ليش؟
ناصر: المعرس مستعيل يبي اييكم
ريم ابتسمت: اللاي وناسه .. خل ينطر شوي .. اذا نزلنا بتصل لك
ناصر: اووكي .. اصير انا ادش بعد؟
ريم: لا لا لا .. لين كملنا بقول لك .. اوكي ؟
ناصر: اووكي يالله .. باي
ريم: باي

بطلت اسماء الباب: تيــــــا
ريم مستانسه: وااااااااااو .. ماشالله ماشالله لا اله الا الله تبارك الرحمن عيني عليج بارده !!
اسماء ترمش عينها بسرعه وحاطه صبعها في حلجها: واي واي استحي ..
ريم: واي اسوم تيننين ..
نجود عافسه ويهه: تبين الصج ؟ انا احلى
اسماء: ذلفي ذلفي .. يالله ننزل ؟
نجود تيبب: كلولولولوولييييييش الف الصلاة والسلام عليك يا حبيب الله محمد
ريم يودت اسماء: يالله ننزل
اسماء تطالع ريم: لابسة لي جينز وتوب .. حدج مب صوبي
ريم: تحسين بفرق؟
اسماء: شاسع ..
نجود : يالله نزلوا (تغني) لا اله الا لله .. عليك سعيييد وعلييك مبااارك ..
نزلوا .. ام فيصل كانت تنطرهم تحت ..
اسماء بينون: خاااااالتي .. جوفيني قمر ؟؟
ام فيصل راحت يمها: ماشالله لا اله الا الله .. تصدقين ماعرفتج ؟
اسماء ماستوعبت: خالتي اانا اسماء !! شفيج ؟
ام فيصل ابتسمت: ادري ادري .. ماشالله عليج ..
نجود نزلت: ويي لتصدقين عمرج انا اقمر منج بستين ألف مره .. بس للأسف ماياني النصيب للحين .. ولا الحظ (تأشر على اسماء) للشلقة ( تأشر على ريم) والبلقة
اسماء بقت عينها: شلقة انتي ..
ريم جدمت: يالله يالله امشوا الميلس بسرعه ..
دشوا الميلس ..
ريم سحبت اسماء: تعالي انتي ركبي فوق خنزفج ويا فصول
اسماء بقت عينها: عيل شلا منزليني؟
ريم: بس .. نسيت .. مب فن جذي يدش خنزفج احسن ..
اسماء: ومن بيغني ؟
ريم: عندنا نجود !! نسيتي؟؟
اسماء: من صجج انتي ؟
ريم سحبتها وركبتها فوق .. عند الدري: وقفي هني
اسماء: اوهو يا منزلتني يامركبتني !
ريم: بس وقفي ها لتنزلين ..
خذت تلفونها واتصلت في ناصر: الوو
ناصر: ابووي
ريم: يالله خل ادش
ناصر: اووكي باي
ريم: باي
ريم صكت الليتات وخلت ليت الدري بس .. حده عجيب صار المكان ..
نزلت يابت لها من المزهريه ورود وركبت لها بسرعه: هاج يوديهم .. مب حلوه يدج خاليه
نزلت بسرعه ووقفت عند الباب تنطر فيصل ..
دش فيصل وهوه مستانس بالبشت ..
ريم بقت عينها: واي واي واي تينن !! ماشالله عليك
فيصل ابتسم: صج عاد؟
ريم: حدك فن
فيصل يتلفت: ليش ظلام ؟؟ وينهي ؟؟ ليكون بنلعب صيده؟
ريم: اركب فوق .. بنزفكم
فيصل مستانس: يالله ..
ركب فوق وكانت واقفه على الدري تنطره .. قلبها يدق يدق يدق .. مب عارفه شتسوي .. كانت لابسه فستان ناعم ولونه بيج على ذهبي .. حده ناااعم وبسيط .. وميكبها بعد نااعم وشعرها فلته ورفعته شوي من جدام ..
فيصل كان يمشي علدري وهوه منزل راسه مايدري انها تنطره عند الدري .. عباله فلغرفه .. حده كان مستانس .. وصل فوق .. رفع راسه وجافها جدامه .. بق عينه .. طاح قلبه ..
اسماء حدها مستحيه نزلت عينها وقلبها يدق يدق يدق ..
فيصل مب عارف شيقول ولا شيسوي ..
اسماء واقفه ومنزله راسها ..
فيصل .. مب أول مره يجوفها بدون شيله .. بس أول مره يجوفها جذي .. حدها كانت حلوه وغير..
تم واقف يطالعها وهوه ساكت ..
اسماء ماتحب هالمواقف تطوّل .. تبي تنزل بسرعه ..
ريم ونجود وامهم وقفوا عند الدري تحت ..
نجود تصارخ: يالله ماصارت !!
فيصل بغباء التفت عليهم: شنو؟
ريم: يوّد يدها وانزل يالله ..
فيصل يود يدها وهوه مستانس وهي حدها مستحيه .. ونزلوا علدري بلعدال
نجود: لحظه لحظه
راحت عند باب الميلس تطبل: وعليك سعيد .. وعلييك مبارك .. كلولولووليش وعليه بالعافيه ياللي خذااهااا .. وعليه بلعااااااافيه ايود يمناهااا وعليه بلعافيه يترقص وياها
ريم التفتت عليها: ها ؟
نجود تكمل: وعليه بلعافيه ياكل وياها .. وعليه بلعافيه يتمشى وياها
نزلوا من الدري بسرعه
ام فيصل تيبب: كلولولولوليش (لمت ولدها بلقوه) آيه عليييك .. ذكرتني في ابوك يوم عرسي .. وايد صاير تشبهه
فيصل ابتسم ..
ام فيصل: مبروك حبيبي الف مبروك ..
فيصل: الله يبارك في حياتج ..
نجود راحت يمهم : اللاي تيننون !! يالله دشوا الميلس ..
دشوا الميلس بسرعه واسماء تحس قلبها طاااح في ريلها خلاص ..
قعدوا عالكرسيين ..
ريم راحت تصورهم: ماشالله علييييييكم
نجود: تبون الصج ؟ مب طايحين على بعض .. يعني كل هالرزه والكشخه ( تأشر على اسوم) والينون والتبّقم .. how come ؟؟
اسماء تخزها: ويهج عاد
ريم يابت لهم الشبكه: يالله لبسها ..
فيصل: نيلس ولا نوقف ؟؟
ريم: اللي اريحك ..
فيصل وقف .. اسماء وقفت .. تم يلبسها .. ماشالله عليه يعرف .. وريم تصورهم .. لبسها الدبله .. ولبسته اهيا بعد .. وام فيصل مستانسه ..
نجود يابت لهم العصير: يالله شربوا بعض ..
اسماء ببراءة: بلعدال مب تسبحني فيه !!
فيصل: شدعوه قالولج ماعرف
تم يشربها .. واسماء خايفه يلعوزها: بس .. مابي
فيصل: شربي بعد !!
اسماء: لا لا بس شبعت
فيصل عطاها: هاج شربيني
اسماء: ماتعرف تشرب بروحك ؟؟
فيصل: لا .. انتي شربيني
اسماء خذت لقلاص منه: بطل حلجك
فيصل بطله على وسعه: جذي؟؟
اسماء: آآآه !! شدعوه ؟؟
فيصل: انتي تقولين !!
اسماء: لا لا .. (جربت لقلاص يمه وشربته) عفيه علشاطر
ريم تصورهم: واااااااااو !! ماشالله .. الله يهنيكم ..
فيصل: ايي مستانسه تصورين .. شعليج !!
ريم ابتسمت: آيه عليكم !! من متى وانا انطر هاللحظه اللي اجوفكم مع بعض
نجود: عاد جوفوا بقول لكم .. بتسوون عرس يعني بتسوون عرس .. مب نفس البقمه كل شي سكيتي !! سامعين ؟
فيصل: ان شاءالله من عيوني ..
راحت نجود تسلم عليه: مبروووك الفيص .. الفال لي
فيصل ابتسم: آآمين يارب ..
جابلت اسماء: مبرووووك بقييم (لمتها بقوه) يعل عيني ماتبجيج نظر عيني
اسماء: شدخل انتي بعد ؟
نجود: ماتستاهلين اخوي .. بس يالله .. حكم القوي
ريم راحت تسلم على فيصل: مبرووك حبيبي الله يهنيك فديتك
فيصل: تسلميين يالغاليه ..انتي بعد مبروك
ريم : الله يبارك فييك .. حط بالك عليها ..
فيصل: في عيوني
ريم: تسلم عيونك
راحت حق اسماء ولمتها: واااي اسوم ماصدق !! واخيرا !
اسماء: آآيه علييج .. جفتي شلون ؟؟
ريم: فديتج انتي .. مبرووك حبيبتي .. ربي يهنيج ويسعدج يارب
اسماء: آمين حبيبتي ويااج ان شاءالله
ريم: ان شاءالله .. حطي بالج على بو سعود .. يا ام سعود
اسماء ابتسمت: ان شاءالله
ريم دمعت عينها: وااي ماصدق
اسماء: قلبي يعورني
فيصل: انا هلحركات ماحبها .. تدرون؟
اسماء دمعت عينها: ريموووو
ريم: اسوووووووووم (نزلت دمعتها)
اسماء : بصييييح
ريم تصيح: انا صصحت !!

يتبــــــــــــــــــــــ ــــــــــــــــــع

[لامارا]

تابع.....

فيصل معصب: انا ماجوف فلسالفه شي اصيح ؟؟ بسكم عاد !!
نجود: خلهم يخي دموع الفرح انت شعرفك ؟؟ تعال لمني خنصيح
فيصل: ولي مناك .. صج ماعندكم سالفه .. يالله بس عااد
ريم هدتها: آآيه عليج ..
اسماء تمش دموعها .. ريم: هي هي بلعدال لتمشين الميك اب .. شوي شوي
اسماء: انزين انزين
ريم خذت الكيمرا والتلفون: يالله نخليكم تاخذون راحتكم ..
فيصل: وين وين ؟؟ مابتصورين ويانه؟
ريم تطالع روحها من فوق لي تحت: من صجك انت ؟؟ بالجينز؟
فيصل: شعاد ذكرى .. تعالي يمه صوري ويانه ..
نجود: ايي انتوا كاشخين وحنا جلحان ملحان
فيصل: شعاد شعاد بس ذكرى .. يالله عشاني
راحوا بيصورون وياهم .. خلت ريم الكيمرا تصورهم ..
ام فيصل قعدت يمه .. ونجود قعدت يم امها .. وريم قعدت يم اسماء .. وصورتهم .. وايد حلوه الصوره صج مب كاشخين .. بس مستانسين اهم شي..
ريم قامت: انا اصلا بتجهز وراي سفر !!
فيصل قام وفصخ البشت وعطاه ريم: هاج .. احنا الحين بنطلع .. وبنييكم المطار عقب
ريم خذت البشت : اوكي عيل انا بركب فوق ..
طلعوا وخلوا فيصل واسماء بروحهم
فيصل التفت عليها: ها اسوم .. شنو شعورج؟
اسماء بحيا: مادري
فيصل: يه ؟ مب انتي قايلة لي اسألني حزة الحزة ؟؟
اسماء مستحيه: فيصل عاد !! استحي!!
فيصل جرب يمها بهدوء: يحليلها اللي تستحي ..
اسماء بعدت عنه شوي: فيصل يووز ..
فيصل يجرب يمها .. وهي تبعد .. خلاص ماتستحمل وقفت والتفتت عليه: هي !! استحي !!
فيصل يخزها: انزين شسويت انا الحين ؟؟
اسماء بحيا: لتجرب وايد .. خلك بعيد
فيصل: يه ؟؟ على كيفج ؟؟
اسماء راحت قعدت بعيد : جذي احسن
فيصل: انزين سمعيني .. باجر من الصبح بمر عليج بنروح حوار
اسماء تخزه: حوار ؟؟
فيصل: اي حوار .. تجهزي وبرزي اغراضج
اسماء مستانسه: اللاي بنتسبح فلبحر
فيصل يخزها: نعم؟؟ نتسبح ؟؟ انا اتسبح اوكي انتي شلون تتسبحين؟
اسماء: انزين انزين .. الساعه جم عاد؟
فيصل: من الصبح باييج .. سبع انا عندج
اسماء: آآآآآآآآآآه !! بوو وايد من وقت
فيصل قام: عاد كيفج .. انا قلت لج ..
اسماء: ان شاءالله ان شاءالله ..
فيصل راح قعد يمها: اقول حبيبتي ؟
اسماء بحيا: قوول
فيصل يود يدها: اطلب منج طلب ؟
اسماء قلبها يدق يدق يدق: آآمر
فيصل: الحين بنطلع .. وانا مابي احد يجوفج جذي
اسماء التفتت عليه: شلون يعني؟
فيصل: يعني روحي غسلي ويهج
اسماء بقت عينها: ليش !! انا ماحطيت وايد !!
فيصل بدلع: ترديني؟
اسماء: لا لا ماردك افا عليك .. (قامت) الحين اغسله
فيصل: انزين ولبسي دفتج ويالله بنطلع
اسماء وهي طالعه: اووكي

ناصر فلميلس ويا ربعه يسولف ..
دش عليهم محمد ..
ناصر بق عينه ووقف يبي يتذكر من ذي !!
جاف محمد راح يسلم على راشد .. ويبارك له .. ويوم جاف ناصر راح له ..يسلم عليه
محمد: وينه المعرس؟
ناصر يخزه: ليش ؟
محمد: لا قلت ببارك له
ناصر: معليه انا ببارك له عنك
محمد قعد يمه: اي مو مشكله .. قول له ابوي بعد يسلم عليه ويبارك له
ناصر: ان شاءالله يبلغ ..
راشد جاف ناصر وناداه ..
ناصر راح له: خير؟
راشد: اذا قال لك شي ولا شي .. ماعليك منه
ناصر: لا افا عليك .. لتحاتي
راشد: ولتخليه يجوف فيصل .. مابيه يتضايق !! وخصوصا اليوم
ناصر: لا ان شاءالله لتحاتي ..
راشد: ماتقصر والله
ناصر: افا عليك بس ..

عقب ساعتين ..
ريم .. تجهزت حق السفر ..
نزلت حق امها تسلم عليها ..
وناصر كان ينطرها فلصاله
ريم من جافت امها ماقدرت تيود روحها وسيده صاحت ..
ام فيصل بسرعه راحت لها ولمتها وقعدت تصيح ..
نجود دشت عليهم وقلبها متقطع : بس عاد !!
ام فيصل وهي تصيح: يمه تحملي فروحج .. وطمنيني علييج
ريم: ان شاءالله يمه
ام فيصل: آآيه علييج .. بتوحشيني
ريم وهي تصيح: وانتي اكثر يمه ..
ناصر دش عليهم: يالله تأخرنه .. ريم ..
ريم هدت امها بالغصب: يمـــه ..
ام فيصل تصيح: حبيبتي ..
ريم ردت لمت امها وهي تصيح: واااي ماستحمل ..
ام فيصل قلبها متقطع وتصيييح ..
ريم تصيح: يمه ابيــــــــــج .. مابي اروح مابي
ام فيصل تصيح ..
ناصر بدى يعصب: يالله عاد !!
ريم هدت امها: يمه !!
ناصر راح يسلم على مرت عمه: يالله الغاليه .. تامريني بشي ؟
ام فيصل وهي تمش دموعها: بنتي !! اهم شي بنتي .. حط بالك عليها
ناصر: في عيوني ان شاءالله
ريم راحت تسلم على نجود .. نجود دمعت عينها: يالخايسه .. كله تسافرين وتهديني
ريم تصيح: آخر مره .. المره اليايه انتي اول وحده
نجود تساسرها: سلمي على فوااز اذا جفتيه
ريم ابتسمت: ان شاءالله
نجود: يالله تروحين وترجعين بالسلامه بقيم ..
ريم: الله يسلمج حبيبتي .. شتامرين عليه ؟؟
نجود: امممم .. مادري اي شي على ذوقج
ريم ابتسمت: من عيوني حبيبتي ..
ناصر: يالله نجود .. تامريني بشي ؟
نجود: اممم .. كيفك
ناصر يخزها: انا ادري شتبين .. (يود يد ريم) يالله عبدالله ينطرنا برع ..
ريم التفتت عليهم والعبره خانقتها: مع السلامه
ام فيصل تحاول تيود روحها: الله يحفظج حبيبتي .. الله يحفظج

فلمطار ..
ريم وناصر وفيصل واسماء ..
ريم لامه اسماء: وااي اسووم ماصدق ..
اسماء ميوده صيحتها: اهم شي طمنيني علييج .. واتصليلي
ريم نزلت دمعتها: ان شاءالله
فيصل: بس عاد انتوا مب جدام الناس .. بس يالله
ناصر يجوف الساعه: تأخرنا ترى ..
فيصل: يالله عاااااااد !!
ريم هدتها: آيه عليج .. تحملي فروحج وفي فصوولي ..
اسماء: من عيوني انتي بعد تحملي فروحج
فيصل راح يسلم عليها: طمنينا عليييج عاد .. تروحين وترجعين بالسلامه
ريم لمته بالقوه: الله يسلمك حبيبي .. انت عاد تحمل في اسووم !!
فيصل: افا عليج
ريم تطالعهم اثنينهم: شتامروني من هناك؟
اسماء تخزها: مايحتاي اقول لج
فيصل: سلامتج اهم شي سلامتج
ريم: الله يسلمك .. انا اول ماوصل ان شاءالله بكلمكم
فيصل: بالسلامه ان شاءالله
ناصر يود ريم: يالله بنمشي .. تأخرنا .. مع السلامه
ريم بحزن: مع السلامه .. حطوا بالكم على امي ونجود ..
فيصل: لتحاتين
يود اسماء ومشوا .. اسماء بالدقيقه تلتفت على ريم .. وريم بعد بالدقيقه تلتفت .. لي ما راحوا .. تموا ناصر وريم ميودين بعض من صبعهم لصغير ويتمشون " خنصر؟ " وناصر باليد الثانيه يدز لشناط .. التفت عليها وهي حدها ميوده الصيحه: ريم عاد !!
ريم غمضت عينها: بس اوكي .. سوري
ناصر: مابي اجوفج متضايقه ابوي !! تبين نرجع بنرجع !
ريم: لا لا اوكي .. خلاص اوكي ..
ناصر وقف: مابتحرك .. اول شي تضحكين
ريم ابتسمت: يالله نمشي
ناصر: لا تضحكين !! الحين تضحكين
ريم: اي مافي شي يضحكني !! اضحك بدون شي يعني ؟؟ مايصير !!
ناصر هدها .. سحب جفنه التحتي من عينه اليمين وطلع لسانه .. جن مينون
ريم تضحك: هههههههههه غربل الله بليسك
ناصر مستانس .. رد يود يدها: اي جذي .. (دز لشناط) عقب هالضحكه الواحد يشتهي يسافر ..
ريم ابتسمت: آيه عليك انته ..


يوم ثاني ..
في حواار ..
فيصل مستانس: يالله حبيبتي نركب الجتسكي؟
اسماء: اوكي انت واحد وانا واحد ونقحص على بعض
فيصل يخزها: آسف .. تركبين وياي
اسماء: اوكي بس بشرط
فيصل: آمري !!
اسماء: انا اللي اسوق .. وانت وراي
فيصل: يه ؟؟ مايصير !!
اسماء: كيفك عاد .. تبي جذي ولا كيفك
فيصل: اوكي خلاص موافق .. بس بعدين انا اللي اسوق وانتي وراي
اسماء مستانسه: اوكي ..
لبسوا اللايف جاكيت ..
ركبت اسماء جدام ووراها فيصل .. ميودها في بطنها .. وهي ميوده السكان يزعم بتسوق
فيصل: بلعدال عاد لتقلبينه
اسماء تصارخ: اللاااااااااااااي وناسه
فيصل: اذني يا بنيه اذني !! بلعدال
اسماء تمشي: اللاي وناسه
فيصل مستانس بعد: ياسلاااااااااااام
اسماء تزيد السرعه
فيصل: هدي اللعب ..
اسماء فرت الجتسكي مره وحده وفيصل ميودها بالقوه وهي تصارخ : هييييييييي وناسسه
فيصل مستانس : اي بس لتقلبينه
اسماء تقحص من صجها .. ومره وحده تدش feeling فلسالفه وهي تقحص وتوقف .. وفيصل ماقدر ايودها وانفلت فلبحر ..
واسماء ماحست فيه وقاعده تلف فلجتسكي يمين يسار وهي واقفه وتصارخ: ياهوووووووو
فيصل فلبحر يسبح .. يناديها: اسوووم !!
اسماء توها فاقدته .." توها مستوعبه " التفتت تبي تجوفه .. وينه ؟؟ ردت الجتسكي وجافته فلبحر يسبح .. راحت صوبه بلعدال .. بغباء: انت شتسوي هني؟
فيصل معصب: حلفي بس ؟؟ تحذفيني وتقولين لي شتسوي؟
اسماء تخزه: الله واكبر عليك !! انا حذفتك ؟؟
فيصل ركب الجتسكي جدامها: انا اللي بسوق
اسماء معصبه: انا ابي اسووووووووق
فيصل معصب: مافي ! انا بسوق .. يالله يوديني
اسماء معصبه: مابي
فيصل: كيفج اذا طبيتي مالي شغل ..
اسماء بخوف يودته بقوه: بلعدال عاد لتحذفني ..
فيصل معصب: اراويج انا الشغل العدل ..
قام يمشي بسرعه واهي ميودته ومتيبسه وتصارخ: فيييييييييييييييييييييصل !!
فيصل يقلدها مساعه: هييييييييييييييي ونااااااااااااااااااااااا ااسه
اسماء تفرصه في بطنه : بلعدااااااااااااال
فيصل سوى نفس حركتها .. وقف وهوه يلف وخلاها تطب فلبحر ..
اسماء تبللت من فوق لي تحت وشيلتها مبلله ولاصقه في ويهه .. شكلها يضحك .. سيده راح يمها .. مد يده: وحده بوحده
اسماء ركبت وهي معصبه: ماحاجيك .. انطر لتمشي بعدل شيلتي
فيصل: انا بعد ماحاجيج .. البادي اظلم
اسماء: انا ماااقصد !!
فيصل: ولا انا اقصد .. انا عجبتني الحركه وقلت بسوي مثلج !!
اسماء يودته عشان ماتطيح .. وفرصته: سخيف..
فيصل حط يده على يدهه : آآآسف
اسماء : انا بعد آآسفه
فيصل : لا شدعوه ماصار شي .. يالله يوديني بالحيل
اسماء: لتشاخط عاد بلعدال !!
فيصل: ان شاءالله حبيبتي ..
اسماء ميودته بالقوه وتصارخ: الاااااااااااي وناسه .. شيلتي طاحت
فيصل وهوه يسوق: عدليييها
اسماء: مااااااقدر
فيصل وقف والتفت عليها: بسرعه عدليها
اسماء عدلتها: شفيك حلاته الشيله تطيح والشعر يطير ..
فيصل يخزها: يوديها عدل ..
اسماء: انزين انزين .. يالله (يودته) امش
فيصل يمشي واسماء تصارخ: هيييييييييييي .. اسرع اسرع
فيصل يسرع: هااااااا ؟ بعد؟
اسماء حدها متيبسه وميودته .. بخوف: اييه بسرعه
فيصل يسرع: هااااااااا ؟؟ ننقلب ؟
اسماء ماتسمع: هاااااااا؟
فيصل: اققققققققطج ؟
اسماء ماتسمع: هااا ؟؟
فيصل: انتي قولي ايي ولا لااء؟
اسماء: ايييييي اييي .. (بلعدال) والله مادري شتخربط ..
فيصل تم يقحص ويوقف عشان تهده وتطيح .. كانت ميودته بالقوه من وقف طاحت وسحبته وياها
طبوا اثنينهم فلبحر .. اسماء طلعت : وه !! شفييييييك !!
فيصل يضحك: ههههههههههه شلا تسحبيني ويااج؟
اسماء تخزه: وانت شلا تقطني ؟؟
فيصل: انا سألتج قلتيلي اييه !!
اسماء: ويهك ويهك ..
فيصل يسبح صوب الجتسكي: تمي باييج ..
راااح وركب .. ومشى صوبها بالعدال: يالله ركبي
اسماء تمش حلجها: المااي ماالح .. لوع جبدي
فيصل مد يده: يالله !!
اسماء ركبت: فصول بلا سخافه ولتقطني
فيصل: ان شاءالله ..
في الفندق .. LA ..
ريم راقده ..
ناصر راح يمها بهدوء .. شال شعرها من ويهه: حبيبتي ؟؟
ريم وهي راقده: همممم
ناصر: يالله عاد !! كل ذي رقاد ؟؟
ريم بالزور تبطل عينها: عمري !! تعبانه ..
ناصر: يالله يالله قومي .. حاجز لج البرجه انا .. بننزل نتسبح
ريم فزت: احلف؟ انزين مايصير كلمن بيجوف !!
ناصر: لا لا البرجه الـ indoor .. لتحاتين .. يالله قومي بننزل نتريق ونروح نتسبح
ريم قامت بكسل: اوكي يالله .. انطر عاد بتسبح وببدل ..
ناصر قام:اوكي عيل انا بنطرج تحت ..
بسرعه تسبحت ولبست ثيابها .. وودت وياها شورت وبدي حق السباحه .. لان ماكانت يايبه وياها شي .. بسرعه نزلت له تحت ..كان فللوبي يسولف ويا واحد .. من جافها نزلت سلم على الريال وراح لها ..
ناصر: ها ابوي .. يالله نتريق
ريم ابتسمت: يالله ..
ناصر يود يدها ووداها صوب الطاوله .. كان يايب كل شي
ريم بقت عينها : ناصر !!
ناصر بطل لها الكرسي: حياج
ريم قعدت: واي ماستحمل .. كل ذي !!
ناصر: يالله بسم الله ..
ريم مستانسه: بسم الله .. اللاي بان كيك !! اللاي دونت !! كورن فليكس !! كرواسون .. اللاااي كل الاشيا اللي احبها !!
ناصر ابتسم: يالله اكلي عاد !!
ريم تاكل: وناسه ..
ناصر: عاد احنا ماتعشينه البارحه .. رقدنا عليوع .. يعني لازم تاكلين
ريم: من صجك كنت تبيني اكل شي البارحه ؟؟ انا كنت ادور السرير بس !!
ناصر: آيه عليج ..
ريم: صج صج اكره شي هالطريج الطويل .. يلوّع الجبد
ناصر ياكل: انا تعودت .. بس صج تعب ..
ريم رفعت راسها: عمري مرتاح ؟
ناصر بق عينه: من صجج تسألين؟؟ تشكين يعني ؟؟ حبيبتي انا مارتاح الا وياج
ريم: فديتك والله .. الله يقدرني وخليك ترتاح وتستانس طول عمرك
ناصر: آمين وانا بعد .. الله يقدرني واقدر اونسج واريحج طول عمرج ..
ريم ابتسمت: فديتك ..
تموا يتريقون .. عقب ماخلصوا ..
ناصر: ها ابوي .. شبعتي؟
ريم: اي الحمدلله ..
ناصر قام: يالله عيل امشي
ريم: خنتمشى شوي .. مايصير نتسبح تونا ماكلين !!
ناصر يود يدها: يالله ..
تموا يتمشون صوب البوفيه: وناسه حلو اكلهم .. (التفتت عليه) عمري برد !!
ناصر: ايي برد .. لبسيلج شي ثقيل هالمره .. (راح صوب الروب وهالسوالف .. وطبق في يده ثلج .. بدون ماتجوفه .. وحطه في ظهرها)
ريم ترتجف وخذت نفس بسرعه وهي ميوده ظهرها وتصارخ: ناااااااااصر !!
ناصر يضحك: انتي تقولين حر ؟؟
ذاب الثلج في ظهرها وهي تناقز: ناااااصر !! (ترتجف) بروحي بردانه جذي زين ؟؟
ناصر ابتسم: الحين بخليهم يسوون ماي البرجه دافي .. افا عليج بس ..
جرب يمها وبعدت : مابيك روح .. (تطالع يده) اخاف تحط لي شي
ناصر يودها من جتفها: لا والله مابحط لج شي .. تعالي بس خنروح نتسبح ..
راحوا صوب البرجه .. كانت محجوزه لهم بروحهم ..
ناصر: يالله روحي بدلي هناك .. انطرج ..
ريم راحت: اوكي ..
ناصر راح ولبس شورته .. وتم ينطرها تبدل .. ياته وهي ميته من البرد : عمري برد ؟؟
ناصر: الماي دافي شفيج ؟؟
ريم جندست تبي تجيس الماي قبل لاتنزل .. راح من وراها يبي يرفسها .. ريم حست فيه والتفتت عليه وخذت الماي في يدها ورشته في ويهه
ناصر يمش ويهه: هه !! توني ياي بدزج !!
ريم: تبيني اغرق ؟؟
ناصر: ماتعرفين تسبحين ؟
ريم: ماحب احد يقطني يدش فيني المااااي ماقدر !!
نزلت علدري بلعداال .. وهي مستانسه: اللاي الماي داااافي
ناصر نزل يمها .. : عجيب ها ؟؟
ريم مستانسه: حـــــــــده
ناصر راح يمها وعطاها ظهره: يالله ركبي على ظهري بغوص فيج
ريم سدت خشمها بيد .. ويودته بيدها الثانيه: يالله ..
غاص فيها شوي .. ورد رفعها يخاف تغرق ..
راح يمها ..
ريم تمت تسبح بروحهه وهوه اقف يطالعها .. : ها الريم ؟؟ ريس ؟؟
ريم وقفت: لااااااا شعرفني !! انا بطيئه !!
ناصر راح يمها : يالله 1 .. 2 .. 3
تموا يسبحون وناصر قاصها قصه .. وصل وهي للحين فلنص .. وقف ينطرها .. وهي تسبح من صجها ماجافته .. صفقته بيدها ماتدري وسيده وقفت: نااصر ؟؟
ناصر يصفق: هييييي غلبتي
ريم تخزه: ياهل انا تقص علي ؟؟
ناصر يود يدها وخلاها ورا رقبته: تمي جذي ..
ريم ابتسمت: بتغنيلي ؟
ناصر يخزها: ليكون مكتوب على يبهتي " تغنيلي" ؟؟
ريم: عاد عاد غن
ناصر: مابي
ريم: عاااااااااد ..
ناصر يفكر: امممم .. قولي شتبين اغني
ريم: اي شي على ذوقك
ناصر: عادي سلين ديون ؟
ريم ابتسمت: اللي تبي عمري اي شي ..
ناصر يغني وهوه يطالعها بحب:
For all those times you stood by me
For all the truth that you made me see
For all the joy you brought to my life
For all the wrong that you made right
For every dream you made come true
For all the love I found in you
I'll be forever thankful baby
You're the one who held me up
Never let me fall
ريم مستانسه وهي تطالع عينه وهوه يغني لها من قلب .. ميودها وهي حاطه يدها ورا رقبته ويدور فيها ويغني:
You were my strength when I was weak
You were my voice when I couldn't speak
You were my eyes when I couldn't see
ريم مستانسه
ناصر يخزها: بس عاد بس
ريم: ييه !! يود دشيت feeling بتسكت ؟؟
ناصر يغير لغنيه : and I know this much is true
Baby, you have become my addiction,
ريم مستانسه: انا ؟
ناصر: اي والله ..
ريم بدلع: انت بعد my addiction
ناصر باسها على يبهتها: فديتج انتي
ريم: يالله غن !!
ناصر: شاغني؟
ريم: اممم .. تذكر يوم تغنيلي فلتلفون ؟؟ يوم كنت مسافر ؟؟
ناصر: اذكر كل كلمه قلتها لج افا عليج بس
ريم : شنو شنو قول شغنيت؟
ناصر يخزها : تبين تختبريني يعني ؟
ريم: يالله غن جان تتذكر !!
ناصر يغني: بين اديه واحس انك بعيد .. ذوب باحضاني مثل قطعة جليد
ريم مستانسه: ماشالله لا اله الا الله ذاكرتك قويه
ناصر: يالله انتي غنيلي .. جان تتذكرين شغنيت لج
ريم بحيا: اتذكر بس مابي اغني
ناصر: غصبا عليج ولا اغرقج
ريم بخوف: ناصر !!
ناصر: يالله عاد !!
ريم بدون ماتطالعه: والله واحشني موت .. اخاف بعدك امووت .. قلبي لو من حديد .. ذاب وانته بعيد .. لو خسرتك حبيبي .. شلون احب من جديد ؟؟ .. بس بس خلاص
ناصر مستانس: فديتج والله وفديت صوتج انتي ..
ريم مستانسه: اللاي .. عمري اقول لك شي ؟
ناصر: آمري حبيبتي
ريم: توعدني ماتتغير علي؟
ناصر يخزها: نعم؟
ريم: عاد عاد اوعدني ماتتغير علي ..
ناصر: تشكين يعني؟
ريم: لا بس ابي وعد انك اتم جذي تحبني وماتتغير علي ..
ناصر بحب: والله ماتغير عليج حبيبتي انتي ..
ريم مستانسه: فديتك والله .. احس روحي حلمانه .. مب مصدقه ..
ناصر: تبين اعطيج طراق عشان اخليج تصدقين؟
ريم بخوف: عمري بعد ابيك توعدني بشي
ناصر: آمري حبيبتي
ريم: ماتطقني !!
ناصر خذ نفس: لازم تذكريني يعني؟
ريم: عمري آسفه بس .. انت اللي ذكرتني
ناصر: حبيبتي لو مديت يدي عليج مره ثانيه .. بكسرها
ريم: اسم الله عليك بس .. مادري
ناصر: بس خلاص غيري السالفه .. خلينا عايشين الجو
ريم: فن .. خنتم جذي .. وناسه
ناصر: تدرين شنو احلى شي فلدنيا؟
ريم: شنو؟
ناصر: اني اكون وياج .. يمج ..
ريم ابتسمت: اي والله من قلب ..
ناصر تذكر: تعالي !! لازم 11 نطلع !!
ريم: ويي !! ليكون بيدشون علينه الحين؟
ناصر: لا لا انا قايل لهم .. (هداها وقام) نطري بجوف الساعه جم .. (طلع من البرجه وراح يجوف الساعه) لج خمس دقايق .. يالله قومي
ريم بسرعه طلعت من البرجه .. توها بتاخذ الفوطه: عمري برد !! انطر آخر مره لحظه ..
راحت وطبت فلبرجه
ناصر بدى يعصب: ريم !! يالله بسرعه !!
ريم طلعت من البرجه مستانسه: وناسه .. الماي دافي ..
ناصر يعطيها المنشفه: هاج يالله ..
ريم راحت صوب البرجه بتطب: بعد بعد آآآآآآآخر مره والله (وطبت)
ناصر معصب: ريييييم !!
ريم بسرعه طلعت من البرجه: اللاي وناسه
ناصر حذف عليها الفوطه: بسرعه !!
ريم: عمري يمديني اتسبح اهني؟
ناصر: لا لبسي ثيابج وامشي فوق .. بيدشون الحين لوادم
ريم راحت تبدل: اوكي..

فيصل واسماء .. فلسياره .. بيوصلها البيت ..
اسماء التفتت عليه قبل لاتنزل: نجوفك باجر؟
فيصل: اي اكيد .. برجع من الشغل وبمر عليج .. نروح نتغدى ..
اسماء ابتسمت: ان شاءالله .. يالله مع السلامه
فيصل: الله يسلمج .. بتصل لج انا لترقدين
اسماء وهي نازله: ان شاءالله ..
نزلت وراح فيصل البيت ..
جاف نجود منسدحه فلصاله ومتلحفه .. والتلفزيون يشتغل ..
فيصل راح لها بهدوء: نجود .. نجود قومي
نجود بطلت عينها وهي عافسه ويهه .. : انزين انزين
قامت .. جابلت الجبله .. بكشتها والبيجامه .. كبرت بتصلي
فيصل يضحك عليها: نجود !! شفيج ينيتي؟
نجود طقت راسها: اووه بالغلط ..
خذت للحاف وحطته في راسها يزعم تحجبت .. وكبرت بتصلي
فيصل راح يمها: نجود !! شتسوين؟
نجود التفتت عليه: خلني اصلي !!
فيصل يجوف الساعه: للحين ماأذن ! روحي رقدي
نجود مب عاجبتها السالفه: اففففففف مقومني من لرقاد تقولي قومي صلي ولين صليت تقولي ما أذن انت بلعماله تخرب علي رقادي افففففف اففففففففف اففففففففففف (انسدحت علأرض وتلحفت بترقد)
فيصل راح يمها: نجود قومي رقدي على سريرج ..
نجود وهي راقده: وانا على شنو راقده يعني ؟؟ فيصل اطلع بليز
فيصل سحبها وخلاها تمشي وهي تعافص .. : امشي احسن لج ..
وداها فوق ودخلها غرفتها .. وخلاها ترقد على سريرها ولحفها .. وطلع عنها ..
وراح غرفته .. بدل ثيابه واتصل في اسماء: الوو
اسماء: هلا والله
فيصل انسدح: مارقدتي؟
اسماء: هذاني منسدحه
فيصل: تعبنا اليوم ها؟
اسماء: اي بس وناسه
فيصل: اهم شي .. عجبج الفلم؟
اسماء: ايي وايد حلو .. بس انا مافهمت شسالفه الا نص الفلم
فيصل ابتسم: عادي ..
اسماء: بس امس !! صج صج وناسه كان
فيصل: حوار؟
اسماء: ايييي عجيب .. ولا يوم تطب فلبحر
فيصل: قمة الوناسه ها ؟
اسماء: حـــــــــده .. بس احلى شي يوم اسحبك وياي ..
فيصل: هههههههههههه كنت ناوي اقطج وامشي عنج ولا ارجع لج ..
اسماء :اييي جفت شلون ؟ تستاهل سحبتك
فيصل ابتسم: باجر ان شاءالله عقب الغدا بنطلع
اسماء: ان شاءالله
فيصل: يالله حبيبتي انا بارقد تعبان .. قوميني الفير ها
اسماء: ان شاءالله
فيصل: تصبحين على خير
اسماء: وانت من هله
فيصل: مع السلامه
اسماء: الله يسلمك ..

يوم ثاني
فيصل واسماء ونجود وام فيصل .. كانوا قاعدين ياكلون كيك ويشربون جاي عقب الغدا ..
نجود تحاجي اسماء: ايي الحين ماخذه راحتج وفاصخه الشيله .. شعليج
اسماء ابتسمت: شنسوي بعد .. حركات
فيصل: يمه ..
ام فيصل: اميي
فيصل: من تخلصين العده بنروح العمره ان شاءالله
ام فيصل ابتسمت: باذن الله ..
نجود: اللاي نروح كلنا ؟؟ انا وانت واسوم وامي وريمو ونصور ؟؟ وناااااسه
فيصل ابتسم: ايه .. (التفت على اسماء) قصيلي كيك
اسماء قامت: ان شاءالله .. (قصت له وعطته) سم
فيصل: مشكووره .. يمه كلمتي ريم؟
ام فيصل: ايي البارحه كلمتها حبيبتي .. مكانها ابين
فيصل: الله يهنيها .. (قام) انا بروح المسيد .. وباييكم .. يالله مع السلامه
الكل: الله يسلمك ..
نجود التفتت على اسماء: سمعي .. نزل الفلم اللي قلت لج عنه .. قوليله اودينه
اسماء: امس احنا رايحين السينما !!
نجود: اي انتوا رايحين .. انا مارحت !! وبعدين اليوم منزلين افلام يداد غير !!
اسماء: امممم .. مادري بفكر
نجود: انا مابيج تفكرين .. قولي حق فصول وخلاص
اسماء: اووه يزعم انا الواسطه الحين؟
نجود: اي يعني اذا انتي قلتيله مابيردج
اسماء: اممم .. جم تعطيني؟
نجود: اووهوو شدراني .. جم تبين؟
اسماء: اممم .. مابي بيزات .. ابي .. اممم
نجود: قولي !! شتبين يالله
اسماء: بس سويلي مساج حدي تعبانه
نجود: انزين .. بس اذا ماودانه بتسوين لي انتي المساج
اسماء ابتسمت: اووكي موافقه
نجود: انزين خل نيلس شوي عقب بسويلج اللي تبين .. بس قوليله ها
اسماء: ان شاءالله ..


ريم ..
قامت من لرقاد ..
الا اهيا فلمستشفى !! ..
الدكتوره توها داشه: شلونج الحين ؟؟؟ معليه جريب يكمل .. نص ساعه وخلاص .. بكتب لج الأدويه واعطيهم ابوج ..
واهي ساكته مب مصدقه شسالفه !! انا وين ؟؟ ليش انا هني ؟؟ شصاير ؟؟ توني في امريكا شيايبني البحرين ؟؟ شسالفه ؟؟
شوي الا امها داشه .. حبت راسها: شلونج يمه الحين ؟؟
ريم تمت تطالعها بخوف !! مب فاهمه شسالفه !! امي اهني ؟؟ ليش ؟؟ شصاير ؟؟
شوي الا ابوها داش: ها ابوي .. تأخرنا عليج ؟
ريم فزت بخوف ووناسه : يبه ؟؟
راح ابوها يسلم عليها لمته بقوه وهي تصيح: يبه انت حي ؟؟ واااااااي قلبي ماصدق !! اللهم لك الحمد !!
ابوها مستغرب: يبه شفيج ؟؟
ريم تصيح: يبه انت حي مامت !! (توده يده .. يودت ويهه) واااي ماصدق !!
ابوها مب فاهم: شفييج ابوي ؟؟
امها راحت يمها ويودت جتفها: يمه حبيبتي شفيج ؟؟ (حطت يدها على يبهتها) مصخنه حبيبتي ؟؟
بو فيصل يطالع مرته: الظاهر مصخنه وتهلوس ..
ريم تصيح: اللااي !! وناااااسه !! وين نجود ؟؟
بو فيصل: فلمدرسه ! الحين اتصل في فيصل يروح ياخذها
ريم: وناصر وينه؟
ام فيصل: اقولك مصخنه !!
بو فيصل: ناصر في امريكا !!
ريم مستغربه: وانا ؟؟
بوفيصل: انتي ؟؟ شفييج يبه ؟؟ انتي حلمانه شي
ريم قطت راسها .. مب مصدقه .. يعني كل السالفه حلم ؟؟ يعني انا ماعرست على ناصر ؟؟ واسوم ماحبت فصول وملجوا ؟؟ ونجود ماحبت فواز ؟؟ اهم شي ابوي ماماااااات !!؟؟ شهالحلم!! امبيه يعني انا للحين فلمستشفى وكل هالسوالف اللي صارت حلم ؟؟؟؟!! وااااااااي قلبي !! ماصدق
يعني ردينه الجزء الأول وحنا في ال31
فزت من السرير بسرعه .. الا اهيا فلفندق !! في امريكا !! يه ؟؟ رديت احلم ولا شسالفه ؟؟
بسرعه لبست ثيابها وبطلت الباب .. تدور ناصر !! تبي تعرف شسالفه ..
طلت من السور .. جافت ناصر تحت فللوبي .. يعزف فلبيانو ..
قامت تصارخ بدون شعور .. : نااااااااااااااااااصر !!
ناصر تخرع !! رفع راسه يجوفها .. اشر عليها تنزل ..
بسرعه ركبت اللفت ونزلت له .. وهي خايفه وقلبها يدق بسرعه .. راحت له وهوه مستغرب .. وقفت يمه: ليش كل ذي حلم ؟؟
ناصر مب فاهم: ها ؟؟
ريم: ليش مب صج ؟؟ ليش انا مب مرتك ؟؟
ناصر هد لبيانو ووقف جدامها .. حط يده على يبهتها: ابوي شفيج ؟؟
ريم تخزه: ناصر ابوي مامات !! بس انت ماييت البحرين !!
ناصر مب فاهم: ريم شفيج ؟؟ (يودها وقعدها علكرسي) شفيج ؟؟
ريم: ناصر بليز خلني .. لتقومني بليز ابي ارقد
ناصر حده مب فاهم: شاقوم فيج ؟؟ انتي راقده؟
ريم بغباء: ايه !! انا قاعده احلم !! احلم اني ييت امريكا .. احلم انك طقيتني !! احلم انك ييت وخطبتني .. وملجنا .. احلم انك هديتني وسافرت !! احلم ان ابوي ماات !! احلم انك غنيت لي .. احلم اني سافرت وياااك وعرسنا .. احلم !! كل ذي حلم !! ابي اتم راقده .. بليز خلني راقده
ناصر: باييبج بطراق الحين !! شتخربطين انتي ؟؟ ابوي انتي شاربه شي ؟؟ حايسه فلثلاجه اللي فلغرفه؟
ريم قامت عنه وهي تسولف: لاء .. مابي اقوم .. لتقومني بليز .. خلني احلم
ناصر راح وراها .. بدى يعصب: رييييييييم !!
ريم التفتت عليه: انت فلصج تحبني .. بس فلحلم تموت فيني !!
ناصر مب فاهم: انتي شفيج ؟؟ اي حلم ذي ؟؟ (يودها بيدينه من جتفها وتم يهزها) ينيتي ؟؟
ريم: لا لا لتقومني ابي اكمل الحلم .. ابي اعرف نهايته
ناصر عصب .. : اوهووو شحلمه انتي بعد ؟؟ ريم شفيج ؟؟
ريم تطالعه ببراءة: انا ابيك !! لتخليني اقوم ! بروح المستشفى !!
ناصر خلاص مب فاهم شي وعصب عليها من قلب: يوزي عني لتخليني اعصب ها !!
ريم مشت عنه: خلني ..
ناصر بسرعه راح ووقف جدامها وصرخ في ويهه: رييييييم !
ريم بقت عينها: شفيك !!
ناصر: انتي اللي شفيج ؟
ريم: مادري !!
ناصر: حلمانه شي ؟
ريم: مادري !!
ناصر: قوليلي شحلمتي ؟
ريم: مادري انا قمت من الحلم ولا رديت رقدت
ناصر عافس ويهه: ريم بليز تحجي عدل ترى مب فاهم شتخربطين ..
ريم: مادري !! انا جفت ابوي وامي توهم يايين وانا للحين فلمستشفى !!
ناصر: حبيبتي انتي حلمانه !! بس !!
ريم: في شنو حلمانه؟
ناصر: انج فلمستشفى !!
ريم: امبلا صج !! حتى ابوي قاللي بيقول حق فيصل يروح اييب نجود
ناصر عصب: ريم !! شفيج انتي ؟؟ لتيننيني !!
ريم قعدت عالكرسي: شنو الحلم الحين؟
ناصر: الحلم انج جفتي امج وابوج وانتي فلمستشفى
ريم: يعني الحين انا صج ؟
ناصر: اي صج
ريم: احلف !!
ناصر: والله !!
ريم: طقني
ناصر: لاء ..
ريم: افرصني .. بس عشان اصدق
ناصر يضحك: هههههههههههههههههههههه اشك انك شاربه شي .. متأكده ماحستي فلثلاجه؟
ريم تتطنز: انا عبالي بربيكاان !!
ناصر بق عينه: حلفي ؟؟
ريم: لا لا والله ماشربت شي !! افرررررصني
ناصر فرصها في خدها بالقوه
ريم يودت يده: آآي آآي بس اوكي صدقت صدقت ..

ريم فزت من السرير بقوه: يمه !!
ناصر كان راقد يمها .. قام بخوف .. بطل الليت: ابوي شفيج !!؟ (قام وياب لها الماي) هاج حبيبتي شربي ..
ريم تشرب الماي وهي باقه عينها ..
ناصر قعد يمها: تعوذي من بليس
ريم: اعوذ بالله منه ..
ناصر: حلمانه شي ؟
ريم: حلمت ان حلمت ان حلمت
ناصر مب فاهم: شلون يعني؟
ريم: حلمت اني كنت حلمانه وقمت مب مصدقه ان ذي كان حلم ومادري شنو ..
ناصر: ماعليج سمي بالرحمن ورقدي .. (خلاها تنسدح) رقدي حبيبتي وماعليج
ريم تبي تتذكر: نسيت !! لحظه شصار ؟؟ اتذكر جفت ابوي !! بس شصار عقب ؟؟
ناصر صك الليت: حبيبتي رقدي ..
ريم تطالعه وهي مبتسمه: احبك
ناصر ابتسم: اموت فيج .. يالله رقدي ..

بعـد مرور سنـه بالضبط ..
الصـالة ظلااام .. انواار خفيفه .. بس على المعاريس ..
وعلى اغنية هب السعـد ..
" الف صلي وسلم عليك يا حبيب الله محمد كلولوولولوليــــــــش
هـب السعد هبـايبه لريــاحي
يـا شاريه لعبـاد والصـلاحي " (ماعرف شتقول !! )
دشوا فيصل واسماء ..
وريم ونجود وام فيصل واقفين جدامهم .. ريم تعدل فستانها .. وحدها العبره خانقتها .. تجوف رفيجتها وخوها جذي ..
دشوا بالعداال والكل يطالعهم .. قعدوا على الكوشه ..
نجود سحبت ريم: تعالي نرقص
ريم وقفت: من صجج ؟؟ ونواف؟
نجود: اي نواف؟
ريم: اللي في دبتي ؟
نجود: عادي وايد ناس يرقصون بدبتهم
ريم: تبين ناصر يذبحني؟
نجود: اوهوووو هالناصر بعد !! جن أول وحده فلعالم تحمل !! الا توج فلشهر الرابع يعني مب مشكله ..
ريم: لا نجود اخاف
نجود: اوهوو .. يالله عشاني .. بعدين انا اذا سافرت ويا فواز قولي جانزييييييين مارديتها
ريم: اففف انا قايله بكلمه ذي هالفواز ..
نجود: كيفه اهوه يبي يكمل ماجستير ومادري شنو .. انا بروح ادرس بعد
ريم: بس قلت لج مافي عرس الا عقب ماولد .. مو تقصين علي !!
نجود: لا لا ننطرج افا عليج .. يالله امشي رقصي يمكن تولدين
ريم: ويهج عاد .. !!
ريم التفتت تطالع فيصل واسماء .. يودت نجود وراحت لهم ..
نجود ترقص وسحبت ريم ترقص وياها ..
فيصل واسماء يطالعونهم ويضحكون ..
ام فيصل راحت لهم بعد حدها مستانسه ..
شوي الا تنصك لغنيه ..
ريم ونجود تموا واقفين مكانهم..
شوي الا نااصر داش على الفرقه .. الفرقه رياييل وحاطين حاجز يعني مايبينون .. وماخذ المايك منهم ويهف عليه: افففف .. تسمعون؟
ريم فز قلبها يوم سمعت صوته
نجود بقت عينها: مينون !!
ناصر مستانس: ادري ماتوقعتوا .. بس حبيت ابارك حق المعاريس .. والله يوفقهم ويسعدهم ..
فيصل مستانس .. يساسر اسماء: احبج
اسماء بحيا تطالعه وتسمع ناصر ..
ناصر: وطبعا لازم اهديلهم اغنيه بهالمناسبه ..
ريم حدها مستانسه وهي تسمع صوت ناصر ..
ناصر : امممم .. بس بعطيكم مقطع علطاير .. يمكن يذكركم بشي .. احم (يغني) خيرت نفسي مابين الناس واختاااارك .. لا قلت يا قلبي ابعد .. قال حبيـــــته .. .
اسماء وفيصل يتطالعون وباقين عينهم ..
ناصر يكمل: هااا ؟؟ شتذكرون ؟؟ ادري الحين انتوا باقين عينكم وتطالعون بعض ..
ريم حطت يدها قلبها " امبيه !! ليقول لهم !! بذبحه !! "
ناصر: اوكي الحين اهديكم اغنيه .. مني ومن ام نواف .. احم .. (التفت على الفرقه يعزفون له )
محـلاها ليلتنـا جمعة أهل وأحبــاب .. الفرحة لمتنـا فيهـم سهرنـا طاب .. فيصل ومن قـده فــاز بهوى وده .. وهـذي أسمه اللي هـام بحسنها وذاب
ريم طاح قلبها " في خاطرها" فديت هالصوووت وراعييه ..
اسماء معصبه .. التفتت على فيصل: جم مره اقولكم اسمااااااء !! شنو اسمه !!
فيصل فيه الضحكه .. هوّس على يدها بالقوه وسكت ..
ناصر يغني:
يارجال العز قوموا بالبيارق و السيوف
زانت العرضات والشيلات في أحلى مسى
يالصبايا شاركونا لا بدا ضرب الدفوف
والعبوا فن و طرب في ليلةٍ ما تنسى
غنت الدنيا لأسمــه والفرح صفوا الصفوف
عن يمين و عن شمال الفيص بالورد اكتسى
وأنتعش جو الشتاء و أحتلى بأحلى الوصوف
وأزهرت كل الصحاري و أنتشت عين الحسى
ليلة الفيصل وأسمـه ترتفع كل الكفوف
تدعي الله يحفظهم بالتغابن و النسى
أنور الليلة قمرنا و أكتمل ما به خسوف
والسرور أشرق علينا ماسحٍ كل الأسى
الكل مستانس يسمع صوت نـــاصر .. وخصوصا المعااريس ..
ناصر ابتسم: المهم مبروك .. والله يخليكم لبعض وعسى ايامكم كلها افراااح وحب .. اخليكم الحين ..
نجود وريم وعايشه يصفقون له بالحيل مستانسين ..
طلع ناصر .. وغنوا لهم الفرقه اغنية يا محمـد .. وقامت ريم ونجود وامهم يرقصـون لفيصل واسماء .. الكل مستانس ..
راحوا عند المعاريس بيصورون وياهم .. نجود قعدت في وسطهم .. التفتت على فيصل: وخر شوي !!
ريم قعدت يم فيصل .. وامها يم اسماء .. وصوروا .. وبعدين ريم راحت قعدت يم رفيجتها وامها يم ولدها .. ونجود تمت فلوسط ..
ناصر اتصل في ريم: حبيبتي ..
ريم ماقدرت تسمع صوته .. حده ازعاج .. طلعت وكلمته: الوو
ناصر: حبيبتي تعاليلي برا انطلج
ريم: دقيقه بلبس دفتي واييك ..
لبست دفتها وشيلتها بسرعه وراحت له ..
ناصر كان ينطرها عند الباب ..
ريم راحت له .. وهوه كان واقف مغتر ينطرهـا ..
ناصر: اووه بلعدال لتخترب التسريحه
ريم: لا لا ماتخترب لتحاتي ..
ناصر جرب يمها .. حط يده على بطنها: شلونه وليدي؟؟
ريم: يسلم عليك
ناصر يخزها: لتقولين رقصتي؟
ريم: انا ؟؟ لا لا بس شوي مشيت يعني وحركت يدي هلون وبس
ناصر: وهذي شسمونه ؟؟ مب رقص ؟؟
ريم: لا يعني بلعدال ماسويت شي
ناصر: تبين تناقزين يعني؟
ريم: لا عمري ماقصد .. تعشيت؟
ناصر: اي الحمدلله .. (بحب) وحشتيني
ريم بحيا: وانت اكثر
ناصر: ماستحمل تمر دقيقه ماجوفج ولا ماسمع صوتج .. ادمنتج من قلب
ريم: آآيه عليك ..
ناصر: اكيد انتي قمرهم اليوم!! احلى من العروس
ريم: وييي ويا الدبه !!
ناصر: اهي اللي محليتج .. ولا؟
ريم: ايي صح
ناصر: انتي اصلا قمرهم كل يوم .. زين حبيبتي ماعطلج .. دشي داخل ليسيح اللي في ويهج .. (خذ يدها وباسها) احبج
ريم: اموت فيك ..
ناصر: يا بختي فيج والله ..
ريم ابتسمت: يا بختي انااا فيك والله ..
ناصر ابتسم: يالله .. اجوفج بعدين .. أذا كملتي اتصليلي باييج
ريم : ان شاءالله
ناصر وهوه ماشي: يالله اخليج حبيبتي ..

بعد مرور سنـه ثانـيه ..
حمد كان قاعد يفرر فلتلفزيون .. ويا شيخه " مرته " .. اللي عرس عليها بالغصب .. عرس عليها وهوه في باله انها ممكن تنسيه ريم .. بس للأسف .. حتى قام يناديها " ريم " .. وهي ماتقدر تقول له شي ..
شيخه: خل الفلم !!
حمد: مب حلو .. سخيف
شيخه قامت وراحت المطبخ ..
تم يفرر .. كانوا حاطين اغنية .. تم مشيّر .. ميود الرموت .. وداش feeling ويا الغنيه ..
" وش مسـوي مع غيـري
وش الدنيـا في قربه قول
يا روحـي انته متهنـي
ولا بشوقـي لك مشغول
انا مازلت افكـر فيك
واموت بحبك وطاريك
ولكن هذي اطبـاعي
اخبي الحزن بي مـاقول "
تم يسمع لغنيه .. قلبه يعوره .. نزلت دمعته غصبا عليه ..
شيخه يات له : حمد تعال تريق ؟؟
حمد يهز راسه وحابس دمعته: ماشتهي
شيخه راحت يمه: مب حاله هذي عاد !! كله ماتشتهي !! قوم يالله !! عشاني !!
حمد يطالعها: مابي !! غصب يعني ؟
شيخه: انزين عشان اللي فبطني !!
حمد ابتسم: بنتي .. حبيبتي .. ريــم .. (قام) يالله امشي
شيخه تحس الغيره ذابحتها .. بس ماتقدر تقول له شي .. تمت ساكته ..وراحت وياه تتريق ..
حمد: متى موعدج ؟؟
شيخه: عقب سبوعين تقريبن
حمد: يعني عقب سبوعين بجوف ريم ؟
شيخه معصبه: اصب لك جاي ؟
حمد: ايي يالله ..
شيخه ساكته ..
حمد يود بطنها ويزعم يسولف: ريم حبيبتي .. واخيرا بجوفج؟؟ واخيرا بتصيرين لي ؟؟ بروحي ؟؟ محد بياخذج مني !! آآآآه .. والله احبج
شيخه معصبه: حمد عاد !! شفيك انت مينون ؟؟ شقاعد تقوول ؟؟
حمد عاقد حياته: احاجي بنتي !! انتي شفيج ؟
شيخه قامت: اوهووووو مللتني .. صج صج مللتني .. مادري شلون مستحملتك والله .. لتخليني اكره بنتي بسبتك !!
حمد: شيخه شفيج ؟؟ ماقلت شي انا احاجي بنتي !! تبين اقول لها مابيج ؟؟ روحي لتيين ؟
شيخه: حمد لازم نسميها ريم؟
حمد معصب: اي لازم .. يا ريم يا اطلقج !!
شيخه بقت عيونها: انت مينون ؟؟ صج صج احسك مينون !!
حمد معصب: انتي اللي مينونه !! سمعي الحجي ولتطولين السالفه !!
شيخه مشت عنه: تريق بروحك
حمد ياكل: احسن !!


ريم تصارخ من تحت: ناااااااااااصر !! يالله عمري تأخرنا !!
ناصر يبدل حفاظة نواف: ابوي دقييييييييقه .. (يحاجي نواف) انت لازم تاخرنه يبه ؟؟ لاازم ؟؟
نواف عافس ويهه ومب عاجبته السالفه
ناصر بسرعه شاله ونزل لها : يبيله طق
ريم مستانسه مدت يدها تبي تشيله: تعااال فوفو نظر عيني انته
ناصر يعطيها اياه: رووح حق امك .. دليع
ريم شالته وهي تطالعه: ماما ليش تغربل ابووك ؟؟
ناصر: دلييع ماحاجيه .. جوفيه شلون يطالعني !!
ريم: فديييته شبيه امه
ناصر: اي هذي المشكله .. هذي اللي مصبرني ولا جان كفخته ..
ريم خذت شنطتها: يالله عمري تأخرنا ..
نواف طول الوقت ساكت ويخز ابوه .. بطلت باب السياره ورا وقعدته علكرسي وربطت لحزام .. وهوه يصيح مايبي ..
ريم: فووووف حبيبي ..
ناصر ركب السياره والتفت عليه وهوه عافس ويهه: بطقك !! اسكت
ريم عطته اللعبه تراضيه .. سكت .. : عفيه علشاااطر حبيب امه ..
ركبت جدام يم نااصر ..
ناصر التفت عليها: عفس اغراضي كلهم !! شسوي فيه ؟؟ وايد عبث !!
ريم التفتت عليه وهي مبتسبمه: ماما لتغربل ابوك !! انزين ..
نواف يلعب فللعبه ولا بماعطها ويه ..
ريم: جوفه !! يحقرني !!
ناصر: صبري بس خلنوصل وانا اراويه ..
نواف يصارخ: ماااااااامااااااا
ريم التفتت عليه: امي !! آآمر
نواف يهز راسه: بابااا
ريم ابتسمت: يشتكي عليك تره .. شمسوي فيه ؟
ناصر ابتسم: عضني مساعه عضيته
ريم: محد معلمه العض غيرك !! جم مره اقوللك لتخليه يعض !! والله صاير كله يعضني ويشمخني !!
ناصر: خله عشان يتعلم .. يدافع عن روحه ..
ريم: الله يهديك بس ..
ريم رن تلفونها .. كانت امها : الوو هلا يمه
نواف من يسمع صوت التلفون يرفع لعبته عند اذنه: الووو
ام فيصل: حبيبتي وينكم؟
ريم: يمه شسوي فوفو اخرنه .. كانه جريب بنيي ..
ام فيصل: اي يالله ننطركم .. مع السلامه
ريم: الله يسلمج ..
ناصر التفت عليها: جوفيه مادري من يحاجي !! امساعه يلغوي مافهم له
ريم: ايي ولدك مغازلجي من صغره ..

فلمستشفى ..
فيصل كان شايل ولده ويدور فيه ..
اسماء: فيصل ييبه شوي !! مايصير كله عندك !!
فيصل حاط صبعه في يد ولده لصغيره ومبتسم: يشبهني !!
اسماء: انزين عاد ييبه !! ابيه
فيصل التفت عليها: انا بعد ابيه !!
ام فيصل قامت وراحت حق ولدها: يالله عاد مضختها امساعه احن عليك .. (شالته منه) ييبه حبيب يدته .. (قعدت علكرسي وحاطته على حضنها) سعود ماما ؟؟ (رفعت راسها) كله ابوك !! ماشالله لا اله الا الله .. عندي صوره حق ابوك الله يرحمه يوم كان صغير .. بدورها لك وبراويك اياها .. بالضبط اهوه .. (ردت تطالع سعود) آيه عليييك انته ..
فيصل راح قعد يم امه: بابا !! تبي ابووك ؟؟
ام فيصل: لا لا مايبيك يبيني انا .. خله عندي ابيه !!
فيصل: يمه انا ابيه !!
اسماء: وانا يعني مالي رب ؟؟
ام فيصل تجوفه وقلبها يعورها .. شوي وتدمع عينها: ابووك مقعد لا اله الا الله !!
فيصل ابتسم: الله يرحمه ..
ام فيصل خذت نفس: ليته وياانه اهني .. جان ولا بيخليكم تجيسونه بعد ..
اسماء شوي وتصيح: ابي ولدي !!! عطوني اياه حرام عليكم ..
فيصل رفع راسه: حبيبتي بعطيج اياه !! لتحنين !! امس كله ويااج ولا خليتيني !!
اسماء: امس غير ..
شوي الا ريم ونواف داشين: درب درب ..
اسماء عدلت قعدتها ولبست الشيله ..
ريم سلمت على اسماء: شلوونج اليوم ؟؟
اسماء بضيق: ابي ولدي !! كله عندهم ولا يعطوني ..
ريم راحت حق امها تسلم عليها: شلونج يمه ؟؟
ام فيصل: الحمدلله .. جوفيه !! كله ابوج !!
ريم تطل في ويهه: فدييييته !! امس كان يشبه امه !! اليوم غير !! (التفتت على فيصل) قوه بو سعود !! شلونك ؟؟
فيصل ابتسم: الحمدلله .. وينه ناصر؟
ريم: واقف عند الباب .. (عطته نواف) هاااك يوده ..
فيصل خذ نواف: هاا انته !!
نواف يشمخه في خده وفيصل يفر ويهه: هيييي !! (وقف) تعال خننادي ابوك ..
ريم خذت سعود: فدييييتك تعال حق عمتك تعال .. آآيه عليه نتفه
اسماء: ريمو بذبحج !! يبيه بسرعه
ريم تطالعه: خليني شوي !! ماجفته اليوم وحشني
اسماء شوي وتصيح: حرام عليكم ابيييييه !! الحين نجودو بتيي بعد ولا بتخليني اجيسه !!
ريم باسته بالقوه ودته لها: هاج هاج يالحنانه
اسماء خذته بسرعه ولمته: فديييت ولدي انا .. صيح اذا خذوك !! عشان اانا آخذك .. انزين؟
ريم طلعت الكيمرا: خل اصوره وياااج .. اينن ..
اسماء ابتسمت: يالله ..
ريم تصورهم .. وعقب صورته بروحه .. شالته بتوديه حق امها تصور ويااه .. وردته حق اسماء ..
اسماء: خلي ريلج يدش لا !!
ريم تنادي: نااااااااصر !! عمري تعاال !!
دشوا ناصر ونواف وفيصل ..
ناصر: هلاا ام سعود .. شلونج ؟؟
اسماء ابتسمت وهي ميوده ولدها: الحمدلله .. لتقول تبي تاخذه !! مافييه
ناصر: باجووفه شوي !!
اسماء: انطر مب الحين
ناصر راح يسلم على مرت عمه: شلووونج يالغاليه؟
ام فيصل: اسأل عنك !! وين امك وبوك ؟
ناصر: شدراني فيهم !! مادري ماكلمتهم اليوم
ام فيصل: زين اليوم الغدا عندنا .. قلت حق امك انا ..
ناصر: ان شاءالله ..
ام فيصل خذت منه نواف: تعااال انته يالشيطان ..
نواف خذ يدها وعضها
ام فيصل: غربل الله بليسك !! من وين متعلم انت ؟؟
ريم: الله يسلم ابوه
ام فيصل التفتت عليه: ناصر عاد مب زين !! كل مايجوفني عضني !!
ناصر ابتسم: مايخصني تفاهموا وياه .. (يطالع ولده) يبه .. الحين بابا عزيييز وماما فااطمه بيوون .. ماوصيك ! ابي تنتفهم بالعض الزيين
ام فيصل: لا ماما لا .. كلهم ضرسين !!
ناصر: بس يخلون أثر ..
ريم قامت: عمري قعد نواف علكرسي .. (راحت وخذت سعود) ..
ناصر خلى نواف بروحه علكرسي وراحت ريم حطت سعود على حضنه .. رفعت راسها تطالع ولده: تحمل تشخمه !! بطقك !!
نواف يوده بلعدال .. ويطالعه مستانس ..
ريم صورتهم مع بعض ..
نواف سيده بطل حلجه يبي يعض خد سعود .. بسرعه ريم صرخت: لااااا !! (راحت شالته وعطته ريلها) هااك يوده
ناصر مستانس: هاا سعود !! تصدقين يشبهني ؟؟
ريم تطل في ويهه: يمكن !!
فيصل: شفيكم تتلصقون في ولدي !! كل من يه وقال يشبهني !!
شوي الا نجود داشه بصراخهه: هاااااااااااااااااااي ..
فيصل التفت عليها: وعليكم السلام
نجود بسرعه راحت حق سعود: تعال تعال اهني خل آآكلك تعال
فيصل: بلعدال عليه !!
ام فيصل: يمه وين فوااز ؟؟
نجود بدون ماتطالعها .. عينها على سعود: مادري يمه مادري ..
ام فيصل: وه ؟؟ ما يتي وياه
نجود: امبلا بس قلت له روح مايحتاي تدش
ام فيصل: غربل الله بليسج .. اتصلي فيه خل ايي .. الا اهوه مب غريب !!
نجود: يمه مايحتاي !! ايي شيسوي ؟؟
ام فيصل: اتصلي فيه اقول لج
نجود: يمه خليني ويا سعووود (تطالعه) آيه عليه خاطري اقرم خده الحمر !! وراك جذي نتفه ؟؟ يذكرني بنوافو (التفتت عليه) هااا بو عضه !!
نواف يطالعها: دووود
نجود عافسه ويهه: دود ياكلك قول آمين !! جم مره اعلمك !! اسمي نجووووووود !! وبعدين قول خالتي !! مب دوود !!
ريم: لتدعين على ولدي !!
نجود تخز سعود: جن اليوم شكله غير ؟؟ ليكون امبدلينه لكم ؟؟
فيصل: ويهج ..
ام فيصل مستانسه: يمه جوفيه من يشبه ؟؟
نجود تخزه: امممم .. فيه من فواز
فيصل: الله واكبر
ناصر: عاد هذي شلخه !!

ريم: صج صج ماتعرفين تشبهين
فيصل: شدخل !!
ناصر: اصلا من وين بييب الشبه ؟؟
نجود تطالعهم بنص عين : ويي يحصل له عاد !! (حبته بالقوه) آيه علييييييك
ناصر يطالع نواف: جوف يبه ؟؟ الله لك .. مايبونك الحين .. طاح سوقك ..
ريم: وعليه على ولدي ..
ام فيصل: لا عاد نوااف الغااااالي .. اكبر احفادي ذي
نجود تطالعها: بييه يمه .. احفاد مره وحده ؟؟ تقولينها وجن عمرج ألف ..
رن تلفون نجود .. عطت سعود ابوه عشان ترد .. : الوو
فواز: نجوودي
نجود: هاا
فواز: وينك ؟
نجود: اهني
فواز: لاا احلفي ؟؟ تصدقين عبالي هناك ؟
نجود: هي هي هي ضحكتني .. وينك انت؟
فواز: فلسياره ..
نجود: وشتسوي فلسياره يحظي ؟
فواز: انتظرك
نجود: تعال تعال ..
فواز: عادي اجي ؟؟
نجود: ايي عادي تعال .. شفيك ؟
فواز: طيب مادل وين ..
نجود: اوكي انا بطلع لك .. يالله باي
فواز: باي..
نجود قامت: باييبه وبايي ..
ريم: متى بتطلعين ؟؟
اسماء: المفروض العصر !! بس مالي سالفه اقعد هني
ريم: زين .. قلتيلهم يجهزون لج الغرفة اللي تحت؟
ام فيصل: اي يمه انا جهزت كل شي ..
ريم: يمه عاد انا اذا داومت بييب لج نوافوو الصبح .. مو تجابلين سعود وتنسينه ؟؟
ام فيصل: ان شاءالله ان شاءالله .. (خذت نواف في حظنها) شحليلك اليووم سااكت ..
ناصر قام وراح يم مرته .. يزعم يطقها بس يبي يجوف نواف شيسوي ..
ناصر يرفع يده ويزعم معصب .. ويطق يده .. وريم يزعم تصييح .. نواف معوره قلبه ويطالعهم .. وناصر يزييد يزييد .. نواف صااااح : ماامااا
ام فيصل: لا عاد حرام عليكم تصيحونه ؟؟
ناصر يضحك: عياار !! يخاف على امه !! لو تطقني مايقول شي ..
ريم تطالع نواف: ماما لتصيييييح ..
ناصر يخز ريم: تبينه يسكت ؟
ريم: يالله
ناصر حط يده على جفتها وباس خدها .. نواف سكت ..
ريم تضحك: يعلك هههههههههه (قامت بتروح له) تعااال حق ماما تعال
من راحت يمه رفع يده بسرعه يبيها تشيله ..بسرعه شالته ومشت دموعه: لتصييح ماما نتغشمر شفييك ..
شوي الا داشين .. فواز ونجود ..
فواز: السلااام عليكم
ناصر قام له بيسلم عليه: هلا هلا والله .. شلونك؟
فواز: والله الحمدلله انت كيفك؟
ناصر: الحمدلله
فواز يسلم على فيصل: وشلوونك بو سعود ؟
فيصل قام له: الله يسلمك .. انت شلونك ؟
فواز: والله الحمدلله .. (التفت على ام فيصل وريم واسماء) كيف الحال ؟؟
ام فيصل: الله يسلمك يمه .. حيااك ايلس ..
فواز يجوف سعود: ماشالله تبارك الرحمن .. يشبه لك ..
فيصل مستانس: اييه واايد ..
فواز التفت على نواف: حبيبي !! وشلونك ؟؟
نواف يحب فواز .. ابتسم له
فواز: تعال عندي !! (التفت على نجود) ابيه !!
نجود قامت ويابت له نواف: هااااك .. آآل ايه آآل دوود !!
فواز خذااه وتم شايله ويطل في ويهه .. يحط صبعه في حلجه عشان يعضه .. ونواف مستانس
رن تلفون اسماء: الوو
راشد: فلبيت ولا فلمستشفى ؟
اسماء: فلمستشفى
راشد: اشوه .. لان ييت المستشفى
اسماء: جيف مارحت الشغل
راشد: امبلا بس استأذنت ..
اسماء: وفجر؟
راشد: خليتها تستأذن وياي .. يالله كانه يايين
اسماء: حيااك الله .. انطرك ..
راشد: بروحج ؟؟
اسماء: لا لا كلهم اهني ..
راشد: اووكي مو مشكله .. يالله باي
اسماء: باي ..
نجود راحت حق نواف وشالته من ريم: تعاال انت .. (قعدت علكرسي وقعدته على حضنها) شرايك نلعب ؟؟ تعضني وعضك .. واللي اقوى يفوز .. انزين؟
ريم: تحملي !! ترى بيشمخج .. بيشوه ويهج كيفج
نجود: يخسي الا اهوه !!
ريم: كيفج انا قلت لج ..
شوي الا راشد وفجر داشين ..
راشد : السلااااام عليكم
الكل : وعليكم السلاااااااام ورحمة الله وبركااااته ..
راشد راح يسلم على فيصل: شخبااار؟
فيصل: الحمدلله ..
سلم اخته: شلووونج؟
اسماء: الحمدلله
راشد بسرعه خذ سعود: سلم قلبه ..
فجر راحت تسلم عليها: شلونج حبيبتي؟
اسماء ابتسمت: الحمدلله انتي شلونج؟
فجر: الحمدلله بخير .. (راحت يم راشد) اجوف عطني ايااه !!
راشد ميوده: خليييييه عندي
فجر: عاد عاد خاطري اشيله !! حده كيووت !!
راشد: يه !! خليه عندي !!
فجر بدلع: ابيه !!
راشد عطاها اياه: هااج .. بس شوي ..
فجر مستانسه خذته: آآيه عليييه !! نتفه !!
راشد يحاجي ام فيصل: خالتي قوليلها اتيي البيت !!
ام فيصل: لااااا مايصير !! انا ابيها تكون عندي !! من بيداري الياهل ؟
راشد: وياها الخداامه !!
ام فيصل: لا يمه لا .. انا شارطه عليهم اتيي عندي فلبيت .. انا بجابل سعود وبعلمها .. الخدامه شعرفها ؟؟
فيصل كان يجوف صور ولده اللي في كيمرة ريم .. رفع راسه: صاجه امي .. (يطالع اسماء) بعدين انا ماقدر على فراقها
راشد : ولا حنا نقدر !!
فيصل: خلاص اي وقت تبونها تعالوا لها .. البيت بيتكم .. (التفت على اسماء) ولا انتي شرايج؟
اسماء: رايي من رايك .. !!
شوي بو ناصر ومرته داشين..
بو ناصر: السلااااام عليكم !!
الكل: وعليكم السلاااااااام
ام ناصر عينها على نواف: وي سلم وليدي حبيبي تعاااااال عندي .. (بسرعه راحة شالته وتمت تحبب فيه) ولهاااااانه علييك يمه !!
بو ناصر سلم على فيصل وراشد وفواز .. والبنات .. وراح حق نواف: اجووف عطيني اياااه !!
ام ناصر لامته بقوه: خله عندي ابييييييه
نواف مايحب احد يملله .. سيده عضها .. خلاها تصرخ: آآي !! وه شفيييييك يمه !!
ناصر: اييييييه وليدي .. يسمع الحجي
بو ناصر بسرعه يبي يسحب نواف منها وهي تسحبه: خلللله اقوللك خله
بو ناصر: يبييه ابييه !!
ام ناصر: انا ابيه !! روح روح خله عندي
بو ناصر سحبه منها: اجوف يبيه .. (شاله) هلااااا هلااا ببوناااصر هلاا
نواف ابتسم ..
بو ناصر: جوفييه !! يبيني مايبيج !!
ام ناصر راحت تسلم على ريم: شلوونج يمه ؟؟
ريم: الحمدلله بخير انتي شلونج ؟
ام ناصر: الحمدلله
سلمت على ام فيصل
ام ناصر: حبيييبتي انتي شخبااركم ؟؟
ام فيصل: الحمدلله بخير .. وينكم تأخرتوا ؟؟
ام ناصر: شنسوي الطريج زحنه .. طول الوقت صورة نوااف في يدي .. اطلعها وحبب فيها .. يختي ماستحمل ماجوفه وياي !!
نجود طلت في ويهه: تيــــا !! انا اهني
ام ناصر: هلا هلاء .. شلونج ؟
نجود: زينه انتي شلونج؟
ام ناصر: الحمدلله بخير .. (تطالع ريم) طلبتج يبي نواف !!
ناصر راح يم ابوه ومد يده حق نواف: تعاااال يبه .. تعال
نواف بسرعه مد يده ..
بو ناصر ابتسم: جوفه يبيك !! شلون يطالعك
ناصر شاله: اي شلون مايبيني !! انا ابوووه (وداه حق امه) هاااج
ام ناصر لمته: واي واي واي فدييتك انته
ناصر: يمه لتغربلينه ترى بيشمخج !!
ام ناصر: ان شـــــاء الله .. اعرف له مايحتاي تقوول ..
نجود رن تلفونها .. بسرعه شالته: هااااا بقيم
عايشه: هااا انتي
نجود: شخباار؟
عايشه: الحمدلله انتي شلونج؟
نجود: زينه ..
عايشه: وين انتي ؟؟ ازعااج !!
نجود: عند سعوودوو
عايشه: اللاي !! ابي اجوفه
نجود: والله قلت لج تعالي !!
عايشه: اهيا بتيي بيتكم لا ؟ بس باييكم باجر عيل
نجود: تعالي اليوم لا ؟
عايشه: قاعده ادور لي موديل حق عرسج
نجود بقت عينها: ينيتي !! تو الناس !!
عايشه: اي لازم افكر فيه من الحين !!
نجود: يالبقمه من صجي تو الناس !!
عايشه: انزين كيفي انا قاعده ادور شي !! ابي اطلع أقمر منج
نجود: هاهاي حلم بليس فلجنه
عايشه: ويييييي عشتو .. وايد جايفه روحج
نجود: ايي جايفه روحي وليش ماجوف روحي ؟ ناقصه ريل ولا ناقصه يد ؟ الحمدلله والشكر !!
عايشه: الحمدلله والشكر .. انزين .. باييج باجر من الصبح بجوفه
نجود: تعالي حياج الله
عايشه: مو تقولين لي بطلع ويا خطيبي !! بذبحج
نجود: فوازو بعد خطيبي شنو ؟ وايد مسوية له شخصيه ؟؟
عايشه: مالت عليج .. يالله بكلمج بعدين .. باي
نجود: باي
فيصل راح قعد يم اسماء .. يود يدها وابتسم .. بهدوء: احبج يا ام عيااالي ..
اسماء بحيا .. وبهدوء: امووت فيك
ريم راحت تحاجي امها بلعدال: حطي بالج على نواف .. بروح شوي وبرجع ..
قامت .. راحت يم ناصر ويودت يده: عمري تعال شوي ..
ناصر مستغرب: شفيج ابوي؟
ريم سحبته: تعال
ناصر قام وراها .. سحبته وطلعوا من الغرفه .. ناصر: لحظه لحظه .. قوليلي شفيج ؟؟
ريم ميوده يده وتمشي وتسحب فيه: انت تعاااااااال ..
ناصر وقف: مب ياي!!
ريم بدلع: عشاني !!
ناصر يمشي: انزين علأقل قوليلي شفيج ؟
ريم: مب قايلة لك شي .. انت بس تعال !! يه ؟؟
ناصر راح وراها .. راحت صوب السياره .. خذت لسويج من مخباه .. بطلت له الباب : حياك دش ..
ناصر: وين رايحين ؟
ريم: عمري طلبتك .. ممكن ماتسألني مره ثانيه؟
ناصر: يه ؟؟
ريم دشت وطلت عليه: يالله !!
ناصر ركب يمها .. وهي اللي بتسوق ..
ريم طلعت من شنطتها ربطه .. : تعال جرب يمي ..
ناصر: شبتسوين ؟؟
ريم تتطنز: بشنقك ..
ناصر بق عينه: حلفي ؟
ريم ربطت عينه عشان مايجوف شي .. وناصر: هيييي شتسوين ؟؟
ريم: اششششش مابي اسمع حسك .. كلش !!
ناصر: ليش عاد؟
ريم: ترى والله بزعل ها ؟؟ بس اسكت خلاص
ناصر: انا لله ..
ريم تسوق بسرعه .. وناصر سدح السيت: انا بارقد ..
ريم التفتت عليه: ارقد ..
ناصر طول الوقت يفكر .. شفيها ريم ؟ ووين بتوديني ؟
ريم تبي توصل بسرعه ..
وصلوا المكان ..
ريم بسرعه بركنت السياره .. طلعت وبطلت حق ناصر الباب .. يودت يده عشان يطلع
ناصر يحرك يده لان مايجوف ..
ريم: عمري بلعدال .. راسك

ناصر بلعدال طلع من السياره ووقف .. ريم قفلت السياره ويودت يده.. : امش
ناصر يمشي وهوه ساكت ..
دخلته المكااان .. ميوده يده وتخليه يمشي .. ودته صوب الكرسي: ايلس
ناصر يود الكرسي وقعد : ابطل ؟؟
ريم: تحمل !!
راحت وقفت على لستيج .. خذت الماايك : احم .. يالله بطل
ناصر شال اللي على عينه .. جاف روحه في نفس المطعم .. اللي يابها قبل سنتين .. نفس الدزااين .. نفس الاضاااءة .. والوروود منثره في كل مكااان .. قاعد يتلفت ومب مصدق !! كلش ماتوقع انها ممكن تييبه هني .. وتحجز المكااان لهم !!
ريم خذت نفس وتمت تغني له باحسااس ..:
" عشــان الحب واللي بينـي وبينـك .. عشـان الحب عشـان ايامـي وسنيـنك
ابيـك تراجع احسـاسك .. وتنسى جروحي وآلاامك حرام ان في هذا البعد تضيع ايامي وايامك "
ناصر يخزهه .. ميت من الوناسه .. حاط يده على حنجه ويطالعها بحب
ريم تكمل " ادري البعد اثر فيك .. وتدري البعد ذابحني
حبيبي الله يخليك ابي ترجع تريحني .. عشان الحـب واللي بينـي وبينـك "
ناصر ماقدر يستحمل .. تم يتذكر روحه وهوه يغنيلها .. واهي قاعده .. قلبه عوره وهوه يتذكر كل شي .. كل شي مر جدااامه .. دمعت عينه ..
ريم غمضت عينها .. تتذكر يوم كان يغنيلها وهي شلون قاعده وتصيح مب مصدقه .. نزلت دمعتها وصوتها ابين مخنووق واهي تغني:
" انا اترجـاك لا تنسـى ليالي الحـب وسنيني
وحـاول لجل حبي لك انـك ماتخلينـي
عشان الحب .. واللي بيني وبينك "
ناصر مستانس .. تم يصفق لها بالقوه .. وهي مستانسه تطالعه ..تمت واقفه مكانها مب عارفه شتسوي ..
ناصر بهدوء راح لها ولمها بالقوه: حبيبتي انتي .. بالضبط قبل سنتين .. نفس تاريخ اليوم .. كنا هني ..
ريم دمعت عينها: كان احلى يوم في حياتي ..
ناصر: فديتج انتي .. احبج
ريم لامته بالقوه: أحبك
ريم مستانسه: الله يخليك لي عمري ولا يحرمني منك .. قول آمين
ناصر: ويخليج لي حبيبتي ولا يحرمني منج ..
ريم: والله والله صج .. يا بختي فيك !!
ناصر: انا اللي يابختي فيج والله .. !!



الحب ماهي كلمة ابكل منطوق
. . . . . . . . . . ولا قصــايد تنتشـر بالأغــاني
يسري بدم العاشق امبين لعروق
. . . . . . . . . . في خافقن دايم بدونه يعــاني
هذا الفراق اللي يجازيك بحروق
. . . . . . . . . . الحب يعطيك الأمل والأماني
الحب طفل(ن) غافي(ن) عيا ايفوق
. . . . . . . . . . يحلم بدنيـا مابهـا حد ثاني
دنيا لحبيب(ن) قلبه اختـاره بذوق
. . . . . . . . . .وعطاه من حـب السعاده مواني
لهفة مشـاعر حب / ولهفة لقا وشوق
. . . . . . . . . . أحلى أحاسيس الغلا والحناني
دنيـاي من بعد المحبه لها شروق
. . . . . . . . . . من بعد ظلمة تمتلي في مكاني
غنـاها الماجد ونـاصر لها يتوق
. . . . . . . . . .غنى " عشـان الحب " / يالله وعشاني
نـوفي بحبنــا لكل عـاشق ومخلوق
. . . . . . . . . . نروي ضمايـا الحب / بالحــب ثاني
ننسـى العناد وكل شي(ن) لنا يعوق
. . . . . . . . . . لاحــد متكبـّر / ولا حد أنــاني
وتبقى " عشــان الحب" كلمه لها بروق
. . . . . . . . . . وربي يــدوم " الحـب" طول الزماني


وسلامتكم ..
بنـت الخـاجه ..


النهايـــــــــــــــــــ ـــــــــــــــه ..
The End


الحين خلصت القصه وارتحتو اكيد
وان شالله راح انزل لكم قصة حلوه واااااايد راح تعجبكم حييييييل وأشكر لكم مروركم على القصة وآسفه اذا كنت تأخرت عليكم

احترت اعبر

[لامارا]

	السلام عليكم ورحمة الله وبركاته كانت هذه احدى الروايات المختارة لكم في عيد الأضحى المبارك كل عام وأنتم بألف خير قراءة ممتعة لكم جميعاً شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[hidaya 2]

موفق بإذن الله ... لك مني أجمل تحية .