آخر 10 مشاركات
651 - الجميلة والسجين - Iris Carole - د.م (الكاتـب : الحبــ الكبير - )           »          69– يدان ترتجفان - كاي ثورب – روايات عبير القديمة(حصريا) ( مكتوبة/كاملة )** (الكاتـب : أمل بيضون - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          [تحميل] حصون من جليد للكاتبه المتألقه / برد المشاعر (مميزة )(جميع الصيغ) (الكاتـب : فيتامين سي - )           »          602 - عودة الحب الى قلبي - كارول مورتيمر - ق.ع.د.ن *** (الكاتـب : ^RAYAHEEN^ - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          سكنتُ خمائل قلبك (3).. سلسلة قلوب مغتربة *مكتملة* (الكاتـب : Shammosah - )           »          فوق رُبى الحب *مميزة ومكتملة* (الكاتـب : AyahAhmed - )           »          طوق نجاة (4) .. سلسلة حكايا القلوب (الكاتـب : سلافه الشرقاوي - )           »          لتتوقف الثلوج.....فانظري لعيناي و قولي أحبك "مكتملة" (الكاتـب : smile rania - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 12-07-13, 01:21 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 عشــــان الحب واللــي بيـنــي وبيـــنك .. !! للكاتبة / بـنت الخـاجه ، مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته


نقدم لكم رواية
عشــــان الحب واللــي بيـنــي وبيـــنك .. !!
للكاتبة / بـنت الخـاجه



كلمة الكاتبة
السلام عليكم ورحمة الله وبركاته
ان شــاء الله
أكـــون عند حســـن ظنكم ..
وتعجبــــكم القصـــه ..
وتستمتعـــون ..فيها واتابعونها يمكن بدايتها شوي عاديه بس صدقوني راح اتابعونها حيل من تبدي الاحداث لأنها حلوه وكلها أحداث تشدج
ماطول عليكم ..
أخليــكم مع القصه



التعديل الأخير تم بواسطة لامارا ; 15-10-13 الساعة 12:10 AM
لامارا غير متواجد حالياً   رد مع اقتباس
قديم 16-07-13, 02:44 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


][ الجـــزء الأول ][


في المستشفى
الدكتوره (توها داشه) : شلونج الحين ؟
ريم ببراءة :الحمدلله
الدكتوره (تطالع السيلان): معليه جريب يكمل .. نص ساعه وخلاص
ريم ابتسمت
الدكتوره من صجها: بكتب لج الأدويه واعطيهم ابوج ..
ريم (عفست ويهه): بعد أدويه ؟؟
امها توها يايه .. حبة راس بنتها : شلونج يمه الحين ؟؟
ابوها دش وراها : ها ابوي .. تأخرنا عليج ؟
ريم ابتسمت: لا عادي
بو فيصل: شنسوي يبوج الطريج زحمه .. اشوى الحين ؟
ريم مبتسمه: الحمدلله
الدكتوره: يا بوفيصل هذي وصفة الأدويه .. عندنا صيدلية تحت
بوفيصل خذ الوصفه: مشكوره وماقصرتي
الدكتوره تطالع ريم: بس ماوصيكم .. الله الله بالأكل
ام فيصل تحاجي بنتها: سمعتي ؟؟
ريم مب عاجبها: يـمه !!
بو فيصل بدا يعصب: شنو يمه ؟؟
الدكتوره راحت يمها: مايصير تاخذين الأدويه وبطنج خالي .. لازم تاكلين .. وجبه عدله مب خرابيط
بوفيصل يتطنز: الا جان ودج ترجعين اهني بعد كيفج
ام فيصل: لا لا شترجع ؟ بتاكل ان شاء الله انا بوقف على راسها عدل
ريم تحاجي الدكتور وهي تطالع السيلان: بس لا !!
الدكتوره: تمللتي ؟ نطري بنادي السستر تعطيج أبره
ريم طلعت عينها: ابره ؟؟؟؟؟؟ شلا بعد ؟؟ لا لا مابي .. (تحاجي امها) يممممه جوفيها ؟
الدكتوره تضحك : هههههه أتغشمر ..
رن تلفون بو فيصل: هلا يبه .. لا لا اكا بنطلع بس ناخذ أغراضها ونمشي .. ماتقدر تاخذها ؟ لا ابوي مانقدر .. اخاف نتأخر عليها .. اطلع انت مر عليها .. فما الله
ام فيصل: اي وعليه نجودي بتسويلنا سالفه الحين
بوفيصل: الله يستر من لسانها
ام فيصل: لا وعليه بنتي ..
ريم:قولوا الله يعين الفيص عليها
ام فيصل: بسس عاد بس ..
الدكتوره شالت السيلان .. قبل لاتطلع: ماوصيكم عليها .. ( تحاجي ريم) ماعليج شر
ريم ابتسمت: الشر ماييج



في السياره
نجود ركبت السياره وهي عافسه ويهه
شيلتها طايره والمريول معفس والقميص رافعته ..
وفيصل كان لابس ثوب ومجفس يده وشعره موديه على وره .. شوي طويل نازل لي نص رقبته ..
فيصل يطالعها: وعليكم السلام .. الناس يسلمون قبل .. السلام لله
نجود من غير نفس: السلااااام .. استانست الحين ؟
فيصل يمشي: عوووذ بالله منج
نجود مب عاجبها: شيايبك انت؟
فيصل رفع حاجبه: صج ماتستحين على ويهج .. (وهو يطالعها) تبين تحزرين اهني لي 4 ؟
نجود تتطنز: يمه يمه خرعتني .. اقول .. لتطالعني جذي لو سمحت ..
فيصل: اقول جب مافيني شدتج
نجود رفعت حاجبها: عشتوا .. كيفي
فيصل طوّل على صوت المسجل
يات نجود وقصرّت
فرص يدها بالقوه .. وطوّل
نجود : ااااااااااااخ .. عبالك مايعور ؟
فيصل تم يغني وجن مايسمعها
نجود محتره: عبالك صوتك حلو ؟
فيصل تم حاقرها طول الطريج

** فاصل **
فيصل عمره 23 سنه .. وسيم .. جسمه عريض .. حنطي .. عيونه حلوه .. مب عوده ولا بصغيره ..
له لحيه خفيفه .. جن اماراتي حلو .. طبعه هادي .. شخصيته قويه .. بس اذا تنرفز مشكله
يشتغل .. اممممم
ريم عمرها 19 .. تدرس فلجامعه .. ضعيفه .. بس جسمها حلو .. حنطيه .. حلوه .... وحليوه .. طيبه
نجود عمرها 16 .. فلمدرسه .. ام لسانين .. محد يقدر على لسانها .. تشبه اختها ..

** فاصل **

في البيت
من وصلت حذفت شيلتها وشنطتها عند الباب وركبت حجرتها
فيصل ركب حجرته
شوي الا واصلين
بو فيصل ميود الباب: حياج ابوي
ام فيصل دشت وراها: تو مانور البيت يمه
ريم استحت: بوجودكم يمه
ام فيصل: وينهم مالهم حس ؟

بوفيصل يأشر على الشنطة: جوفي بس .. الله يهديها بس
ام فيصل: جاندرا .. في أغراض فلسياره وديهم حجرة ريم
جاندرا: زين ماما .. مايبي قدا؟
ام فيصل: نجبي الغدا ووديهم
بوفيصل ينادي: فيصل .. نجود .. تعالوا تغدوا
فيصل وهو نازل : ها .. ييتوا؟
نجود نازله وراه .. تتطنز: لا للحين ..
فيصل يخزها
نجود لمت ريم: هاا المريضه؟ وحشتيني يالصفره ..
ريم ابتسمت : وانتي اكثر حبيبتي
فيصل يسلم على اخته: الحمدلله على السلامه
ريم حبته : يسلمك


في بيت بو راشد
اسماء لابسه شيلتها ودفتها
وراشد لابس برمودا جينز وتي شرت بيج وكان مقرع ( رقم واحد)
اسماء تصارخ : رشووود
راشد: ياي ياي
اسماء عصبت: اففف بنطرك فلسياره
راشد ركض وراها : اف اف اف يالحنااانه انتي .. مسامحه
اسماء ركبت السياره وركب وراها
راشد: بلعداال سيارتي !! جذي تصفقين الباب ؟
اسماء: اللي يقول مادري شنهي عاد سيارتك ..
راشد: تتطنزين ؟ زين مني مركبج .. نزلي يالله نزلي
اسماء: راشد بليز تأخرنا !
راشد: مب ماشي الا اذا تأسفتي .. وعليه عليها سيارتي هذهيه موديتج ويايبتج ولا ابين فعينج شي ؟
اسماء تتطنز: آسفه ماقصد ..
راشد: اقول نزلي بسرعه
اسماء: راااااااااااشد !! بتذلني يعني بتذلني ؟
راشد: يالله مشينا .. مايسوى علينه هالرفيجه
اسماء تحره: كيفي
راشد: يعني ماتعرفين تتصلين لها تقولين لها الحمدلله علسلامه ؟
اسماء: لاء
راشد: لازم تجابلينها ؟
اسماء: كيفي
راشد: لا اله الا الله .. من الروضه لي المدرسه .. والجامعه .. الله يستر عقب
اسماء: وه عليك يالحسود .. كيفنه
راشد: بس سكتي عورتي راسي
اسماء: الحين انت امتّاك تسولف انا ماتحجيت !
تموا ساكتين لي ماوصلوا بيت بوفيصل
اسماء: شكرا
راشد: العفو .. لين كملتي اتصلي مو تنسين روحج نفس كل مره
اسماء بغباء: شكمل ؟؟
راشد: اسوم يالغبيه .. بس بس لي دشيتي بيتهم بتفهمين
اسماء: ها ؟
راشد مشا عنها
اسماء تحاجي روحها: شيقول ذي ؟ شاكمل ؟؟! الحمدلله والشكر بس
طقت الجرس وطلعت لها جاندرا ..
دشت الا ام فيصل فلصاله بروحهه
اسماء: السلام عليكم !!
ام فيصل: هلا والله بالغاليه .. شلونج يمه ؟
اسماء راحت تسلم عليها : الحمدلله .. (مستعيله) وين ريمو ؟
ام فيصل: فوق .. روحي لها
اسماء: ان شاء الله ..
وهي راكبه فيصل توه نازل
اسماء ركبت ماسلمت ولا اهوه سلم
بطلت الباب وتصارخ : ريموو يالخايسه
صرخت بقوه صوتها انسمع تحت ..
فيصل خافس ويهه: شفيها ذي .. صاحيه ؟
ام فيصل: كيفها يمه شفيك عليها ؟
فيصل: ختولي زين ..

عند ريم
ريم كانت لابسه بيجامة ورديه فيها قطاوه ..
واسوم من دشت فصخت دفتها .. كانت لابسه توب اسود وتنوره قصيره بيضه فيها ورود سود ورافعه شعرها
ريم : وحشتينيي اسوم يالشاقول
اسماء: شسوييي ريمو لو مب هالخايس جان رقدت عندج فلمستشفى ..
ريم: آآيه عليج ماتقصرين .. شخبارج ؟
اسماء: ماعليج مني انتي شخبارج ؟ اشوى الحين ؟
ريم: الحمدلله بخير
اسماء: كلتي زين ؟
ريم: هههه ياربي كلمن يسألني عن الأكل !!
اسماء: لان يالخايسه ماطيحج غيره .. لو يدري عنج احم احم .. جان ياج ركض من امريكا
ريم استحت: اقول سكتي بس ..
اسماء: صج انج خايسه
ريم: بس عاد !! شامه فيني ريحه ؟
اسماء: سكتي لوّع الله جبدج .. اي صج !! على طاري الخياس
ريم: ههههههههههه شصاير بعد ؟
اسماء عفست ويهه: جفته .. ولاعت جبدي .. وبغيت ارجع بيتنه بسبته
ريم: فصول ؟
اسماء عافسه ويهه: من غيره يعني ..
ريم: شعليج منه خليه عنج .. ليكون قلتيله شي
اسماء: يخسي الا اهوه
ريم: بس عاد بس ..
اسماء: اووو يالخايسه .. توني مستوعبه
ريم: انتي كله استيعابج بطيء !
اسماء: لا بس مساعه الخايس .. لا بنغيرها .. الغبي يقولي لين كملتي كلميني !
ريم: So ؟
اسماء: مافهمت ! .. قلت له شاكمل ؟ وقالي دشي داخل بتفهمين خخخ
ريم: حظي انتي .. الله يعين ريلج عليج
اسماء: جب جب .. وين نجودو؟ ماجفتها !
ريم: يزعم تبي تدرس في غرفة فيصل .. بس اظنتي تجوف الحلقه .. حزتها
اسماء: لتيبين طاريه افف بلعماله تلوعين جبدي يعني ؟
ريم: من قالج تسألين ؟
اسماء: ريمو ؟
ريم: هاا !!
اسماء: مايقولون ها .. يقولون نعم
ريم: نعم الله عليج .. شفيج ؟
اسماء: زفيت رشود مساعه وعليه
ريم: متى مازفيتيه انتي ؟
اسماء: شسوي ماعندي غيره ..
ريم: الله يرحمهم حبيبتي .. ( ريم حستها بتصيح .. تبي تغير السالفه بأي طريقه) .. وي تعالي شخبار الجامعه ؟
اسماء: مالت عليج وعليها
ريم: ليش ؟
اسماء: امس وزعوا أوراق المد تيرم .. شي
ريم: هههه جم يبتي ؟
اسماء: 14 .. زين لا ؟
ريم تتطنز: اي وايد زين ماشالله ..
اسماء: جب علأقل أحسن من اللي يايبين 12
ريم تضحك: انا ؟ ههههه شسوي كنت تعبانه
اسماء: بس عيل سكتي لتطنزين !!وحمادو أذاني بالدقيقه يسأل عنج ؟!
ريم عفست ويهه: شيبي ذي ؟؟
نجود دشت عليهم ببيجامتها: ها السحّر !!
اسماء: الساحره يابتها أمج
نجود: اي ماقلتي شي غلط .. هذهيه اللي مجابلتج .. (تطالع اختها) تنكرين؟
ريم: ويهج عاد
نجود: امشوا برا خنشرب جاي الضحى .. وايد حلو الجو
ريم: الضحى الساعه خمس ؟
نجود بغباء: انا ماقلت الحين الضحى .. قلت جاي الضحى .. غبيه انتي ؟
ريم: وشنو يعني جاي الضحى ؟
نجود: اوهووووو شفيج ؟ الضحى صفة حق الجاااي ..
ريم تتطنز: اها .. صح صح
اسماء: أغبيه ههههه
نزلوا يشربون جاي فلحديقه

** فاصل **
اسماء عمرها 19 .. رفيجة ريم الروح بالروح .. بس حدها زااحفه .. مخديه .. بس شكلها حلو .. أحلى من ريم .. بيضه وشعرها أسود وقصير .. جسمها نفس ريم ودايما يتلابسون .. نفس السايز يعني
راشد عمره 23 .. يشتغل .. وايد يسولف .. يحب يرسم .. مب حلو .. بس جذااب.. يعني فيه شي يجذب ..
امهم وابوهم توفوا في حادث .. البيت خالي مافيه الا اهمه والخدامه
زين اللي راشد يشتغل يصرف عليه وعلى اخته
عمه نادرا يساعدهم في مصروف البيت و معاش الخدامه


يتبع......




لامارا غير متواجد حالياً   رد مع اقتباس
قديم 16-07-13, 02:44 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


** فاصل **


امريكا
ولاية كاليفورنيا
CA
USA
في الشقة
كان لابس جينز فاتح .. وتي شيرت أرماني بيضه يده طويله .... وقاعد يتحجى فلتلفون: ok fine .. no no no .. I'll call u later .. bye
عبدالله .. شوي متروس .. لابس تيشيرت سودا وبرمودا بيج .. : من ذي ؟ بالدقيقه يتصل ؟
ناصر حط التلفون عالطاوله: خله عنك زين .. بترجع عيل ؟
عبدالله دمعت عينه : يدتي نصور .. !
ناصر حط يده على جتف رفيجه: الله يرحمها .. اهم شي تدعيلها
عبد الله : الله يرحمها ..
ناصر: متى طيارتك ؟
عبدالله: الفير ..
ناصر: ان شاء الله .. بوصلك انا
عبدالله: لا لا مايحتاي باخذ لي تاكسي ..
ناصر عصب: شنو مايحتاي انت بعد ؟ قلت لك بوصلك .. افا عليك بس تاخذ تكسي وانا هني؟
عبدالله: نصور المطار بعيد شتوصلني الله يهداك
ناصر معصب: عبود ؟؟؟ اسمع الحجي عاد
عبدالله: انزين انزين كيفك .. عصبي !!
ناصر: لا اله الا الله !!
عبدالله: محمد رسول الله !!
ناصر: انزين .. امش خنروح نتعشى .. وراك سفر
عبدالله: ماشتهي آآكل
ناصر: يعني بتم مب ماكل شي لي ماتوصل البحرين ؟ تدري اكل الطياره مب شي
عبدالله قام: يالله انزين
ناصر يضحك: عيار هالصبي !! توه مايشتهي .. اضعف شوي صاير شدّبك !!
عبدالله: جب زين لتخليني أهون الحين
ناصر: أي امبلا بتهوّن .. خخخخخخ
عبدالله: نصوووووووور جب .. يعني تبي تحرني يالرشيق ؟
ناصر: لا لا افا عليك شدعوه ؟؟ بس قلت يمكن تتعلم مني يعني ..
عبدالله : مابي اتعلم شي منك .. اقول يالله خنمشي
ناصر: يالله
في المطعم .. in-n-out
ناصر يشيل الطماط
عبدالله: جان قلت لهم مايحطون لك
ناصر: نسيت .. مب مشكله
عبدالله: شخبار الوالد؟
ناصر: مساعه اتصل لي .. الحمدلله بخير
عبدالله: وين اهوه الحين؟
ناصر: لندن
عبدالله: كلمتها امك ؟
ناصر: ايي فديتها .. تصيح .. تقولي تعال لندن
عبدالله: فقيره !!
ناصر: شنسوي بعد .. اقول .. اكل ونت ساكت

** فاصل **
ناصر .. عمره 22 .. وسيم حده .. وايد فيه شبه من ولد عمه فيصل .. عصبي .. بس قلبه طيب .. يدرس في UCLA امريكا University of California, Los Angeles ويا رفيجه .. ابوه يشتغل في سفارة لندن .. كل مره يودونه مكان ..
عبدالله .. رفيج ناصر .. دب .. حليو ..
** فاصل **

يوم ثاني ..
ام فيصل (وهي طالعه من المطبخ .. بجلابيتها والبشار مادري المشمر ( :. يمه روحي نادي اخوج خل يتغدى ويانه
ريم (حاطه ريل على ريل تقرى المجله .. لابسه بيجامه صفره فاتحه .. التوب كت ومكتوب عليه LA SENZA.. و برمودا مخططه أصفر واخضر): نجودو .. سمعتي شتقولج ؟
نجود( قاعده تطالع التلفزيون .. لابسه بيجامه قصيره ورديه .. ساده بس مكتوب عليها LA SENZA ): والله قالت لج انتي .. سمعي الحجي ويالله روحي
ريم( معصبه): ويعه لسان !! يبيله قص .. قلت لج روحي يالله
نجود (ببرود): سوري .. مب رايحه .. روحي انتي .. (تطالعها) كيفي
ام فيصل (معصبه): ول عليكم !! ماطلبت منكم شي .. ماتستحون على ويهكم ولا وحده تركب تناديه ؟؟ خلكم انا بروح
ريم( تركض صوب امها): يمه .. يمه نطري .. بروح انا .. بس سكتي بنتج ام لسان
نجود ( تتحلطم): انا أم لسان ؟ بس يزعم أكبر مني تتشرط علي ..
ريم( وهي راكبه) : جب اسمعج
نجود ( بلعدال): ويعه !!
ريم: تويعج
نجود( تلتفت عليها): انتي للحين ماركبتي ؟؟
ريم: شعليج ؟
ام فيصل: يمه نجود .. حبيبتي تعالي ساعديني
نجود( تتحلطم): حبيبتي بعد قلبي .. اذا تبي مني شي كله تصبغ
ام فيصل ماسمعتها: قلبي نجودي ..
نجود: زين زين يمه كاني ..
فيصل وريم دشوا المطبخ .. كان نازل بفانيلة وصروال
فيصل: يمه شنو الغدا ؟؟؟؟
نجود: فيصل .. يعني ماتشم الريحه ؟
فيصل بهدوء: لا ..
نجود عفست ويهه : فاااااااج !!
ام فيصل: تعال يمه انجب لك
نجود تقلدها بلعدال: تعال يمه انجب لك
ريم: بس انتي ..
نجود: شنو بس ؟ مافي حقوق انسان في هالبيت ؟ يعني ينجبون له واحنا لا ؟
ام فيصل: هاتي يمه صحنج بلا حنه
نجود استانست: اي .. هذي الأم السنعه
فيصل يحاجي نجود: خاطري .. امنيتي فلحياه .. اجوفج ساكته
نجود ابتسمت: حلم بلييس فلجنه
ريم: آآآآآه !! شدعوه ؟
فيصل: الحمدلله والشكر ..
ام فيصل تحاجي ريم: ريم .. صحنج يمه
ريم: خليه يمه انا بنجب لي ..
ام فيصل: اي عشان تحطين لج هالكبير ولا تاكلين .. يالله بلا دلع هاتي صحنح
نجود: عفيه الوالده .. صادتها .. ايه .. ايه المذر
ريم: كيفي كيفي .. شحارج ؟
نجود تحاجي اخوها: حبيبي الفيص .. ممكن تصب لي عصير ؟
فيصل: اوووووه .. شصاير فلدنيا ؟ من وين ياتج الذرابه ؟
نجود تحرك رموشها .. تبطل وتصك في عينها .. ابتسمت: يالله حبيبي .. ماتدش اللقمه الا اذا كان العصير منك فديتك
فيصل ابتسم : يمه بنتج طالعه على من ؟؟ صبي لج بروحج
نجود بدت تعصب: حبيبي يالله ..
فيصل صب لها: سمي
نجود: علينا وعليك..
فيصل رفع حواجبه: توني اقول ذربه تعرف اتحجى .. حتى ماتعرفين تردين علي ؟
نجود تاكل: كيفي
ريم: مايتحجون والأكل في حلجهم .. لوعتي جبدي
نجود: جب انتي .. اتعيلثين فيني عشان ماتاكلين ؟؟ (التفتت على امها) يمه جوفيها
ام فيصل: بس عااد خلونه ناكل ..
فيصل يبي يحر اخته: يمه سمعت النجد عندها يوم مفتوح
نجود تغير السالفه: احم .. والله يا ام فيصل خوش طبخه .. تسلم يدج واااااايد ..بس وايد فيها بصل يعني هالمره لو تخلينه بدون بصل بوايد تصير أحلى ..
ام فيصل: ان شاء الله
نجود: لا يمه من صجي تسلم يدج
فيصل: الله يسلمج .. اقول متى اليوم المفتوح؟
نجود: والله يايمه العصير .. شي .. أول مره اشرب جذي ( رفست فيصل عشان يسكت )
نجود قامت : الحمدلله .. شبعت
فيصل: متأكده؟
نجود: انسدت جبدي ..
فيصل: معليه أراويج
نجود: مافي يوم مفتوح اصلن أي يوم مفتوح ؟؟
فيصل: علينا ؟
نجود تساسره: اسكت مب جدام امي .. بذبحك
فيصل: يمـه جوفي بنتج
نجود بسرعه طلعت ..
ام فيصل: خلها عنك انا اعرف اتفاهم وياها
ريم: الحمدلله .. نعم الله عليكم
ام فيصل: بلعافيه حبيبتي .. شبعتي؟
ريم: اي الحمدلله

تتبع



لامارا غير متواجد حالياً   رد مع اقتباس
قديم 16-07-13, 02:45 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


في المطار

ألا يارايح الديره
وصيه وصلها عني
ابيك تقول لهم مشتاق
وبلغهم سلام مني

خبرهم ظناااااني الشوق
والغربة تعذبني
نحل جسمي وقلبي ضاق
أبات دمعي يسهرني


عبدالله وهو لابس كابس مكتوب عليه la .. قميص أسود (يحب الأسود) وجينز: تحمل في روحك
ناصر لابس نفس الكابس .. تيشيرت عادي وجينز: انت بعد .. أول ماتوصل اتصل لي ..
عبدالله: ان شاء الله .. بامشي وانت للحين ماقلت لي
ناصر تنهد: آآآه .. ماقدر ..
عبدالله: من أمس وانت تقولي (يقلده) بقولك شي خطير حده .. واخرتها ماتقدر ؟
ناصر تم يطالع رفيجه وهو ساكت ..
عبدالله: بتأخرني انت
ناصر: ...
عبدالله: تحجى ..
ناصر يسلم عليه: تروح وترجع بالسلامه .. لاتنسى تطمني ..
عبدالله: يه ؟
ناصر مشى عنه ..
عبدالله راح وراه : ناااصر !!
ناصر: روح لتأخر ..
عبدالله: يعني مب قايل ؟
ناصر: بقول بس مب الحين .. السالفه طويله ويبيلها قعده .. لي رحت البحرين بقول لك
عبدالله: وعد ؟
ناصر ابتسم: وعد ..
عبدالله: يالله عيل .. بااي
ناصر: باي

ناصر رجع شقته تعبان .. صلى الفير ورقد ..
وعبدالله تم يفكر .. شكان ناصر يبي يقول له ..

قام ناصر على رنة تلفونه .. الساعه 9 ..
ناصر وصوته ابين راقد .. بزور يتكلم : الووو ..
رقد والتلفون في اذنه
فواز يصارخ: ناصر ؟
ناصر بزور يبطل عينه: همممم
فواز: ياخي بسك نوم ..
ناصر: تعباااااااااان
فواز: اقول قم لااجيك اتلك من فراشك
ناصر: صاير شي ؟
فواز: ربع ساعه وانا عندك .. خلك جاهز
ناصر: بارقد
فواز: مافييه .. يالله تراني جاي .. مع السلامه

ناصر "في خاطره" صج متفرغ .. شعلي منه عاد .. بارقد

شوي الا يرن تلفونه
فواز: نصووووووووور ووجع !
ناصر: ويعه ؟!!
فواز: انا عارف بترجع تناام .. لكن مافيه
ناصر: يخي شفيك علي والله تعبان .. بارقد
فواز: بلا كلام فاضي .. شوي وانا عندك
ناصر: دعله
فواز: انت
ناصر: اففففففففففففففففف .. قمت قمت
فواز: هندي انا تقص علي؟
ناصر: لا سعودي
فواز: مالت عليك وعلى وجهك ..
ناصر: قلت لك قمت
فواز: مافيه ..أول اسمع صوت المويه
ناصر: مويه فعينك .. جم مره اعلمك ؟؟ ماااي مااااااااي
فواز يقلده : مووي مووي ..
ناصر قام وراح صوب المغسله .. : سمعت ؟
فواز: يالله اغسل وجهك
ناصر يغسل ويهه: حنّان
فواز: اي كذاا كويس ..
ناصر يتثاوب: اعوذ بالله من الشيطان الرجيم
فواز: يالله خلك جاهز شوي وانا عندك
ناصر: لحظه وين بتروحون ؟
فواز: الشاطيئ
ناصر يتطنز: الشاطيء؟ بيج بعد شاطئ شنو؟
فواز: نعم ؟
ناصر: اوكي اوكي يالله باي
فواز: باي


تتبع انتهى الجزء الأول
ناطره ردووودكم اذا اكمل ولا لأ



لامارا غير متواجد حالياً   رد مع اقتباس
قديم 16-07-13, 03:00 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


][ الجـــــــــزء الثانــــي ][

ريم كانت قاعده في الحديقه .. على الدجه .. تلعب في شعرها .. لابسه تنوره قصيره جينز .. مكسره .. وتوب وردي فااتح ..
وتتحجى فلتلفون
ريم : هههه ماصدق
اسماء: والله من صجي
ريم تغير السالفه: اسوم تعالي بيتنه
اسماء: اذا طلع اخوج بفكر ..
ريم: شعليج منه ؟ بيطلع اكيد بيطلع .. رشود وينه ؟
اسماء: راقد
ريم: معلي قوميه .. خل اييبج
اسماء: وعليه يكسر خاطري وهو راقد ..
ريم: اسوم .. جنج اتعذرين وايد ؟
اسماء: وي لا مب جذي .. بنطره لي قام بروحه بقوله
ريم: اي بعد باجر اجازه .. خل يطلع وانتي باتي عندي
اسماء: ريمو مايصير اخليه بروحه ..
ريم: اوهووو انتي بعد .. انزين اذا جفتيه يبي يطلع ويتأخر ولا يبي يبات برا شي .. قوليله اوكي انا بروح حق ريمو
اسماء: ان شاء الله عمتي
ريم: ملل اسوم
اسماء: جب انتي .. انا محد عندي الا ميريو .. ورشود راقد .. يعني مجابله اربع طوّف
ريم: اخييييه قلبي .. معليه حبيبتي الله كريم ..
اسماء: جب اقولج
ريم: تدرين بعد زين اللي بيتكم مب بعيد وايد .. لتخليني الحين اييج مشي واخذج
اسماء: تسوينها ؟
ريم: ودج ؟
اسماء: اللاي .. حلفي ؟
ريم: ماعتقد امي بترضى
اسماء: جربي
ريم: بجوف جان نجود ترضى تيي وياي .. واخلي جاندرا بعد ..
اسماء استانست: اللاي .. يالله قومي بسرعه ..
ريم: اوكي يالله
اسماء: ردي علي عاد
ريم مستعيله: اكيد .. يالله باي
اسماء: باي

ريم ركبت غرفتها وحطت تلفونها عالجارج ..
وراحت حق امها
كانت تجوف التلفزيون
ريم .. ابتسامه بريئه: يمه ؟
ام فيصل: هلا يمه
ريم: شسمه .. امم
ام فيصل التفتت لها: ها شفيج بعد ؟
ريم: هذاك .. شسمه
ام فيصل: شسمه ؟
ريم: يمه
ام فيصل: قولي شفيج
ريم: بروح حق اسوم
ام فيصل: ألحين امساعه شسمه وشسمونه .. واخرتها اسوم .. ( التفتت تجوف التلفزيون) روحي
ريم: يمه عاد نطري ..
ام فيصل: شنو بعد ؟
ريم: انا ونجود وجاندرا بنروح لها مشي
ام فيصل: مشي؟؟؟؟؟؟
ريم: يمه الا بيتهم جريب .. والجو اليوم حلو .. بنتمشى
ام فيصل: يمه اخاف عليكم .. اخذي سيارتي وروحي لا ؟
ريم ببراءة: يمـه
ام فيصل: انزين روحوا .. بس تحملوا في روحكم ..
ريم استانست : ان شاء الله (توها بتمشي .. ردت) يمه تلفونج بليز
ام فيصل: في الغرفة مب عندي .. هاج اخذي تلفون اخوج ناسيه تحت
خذته واتصلت حق اسوم
اسماء: الو ؟
ريم: اسووووووووم يالله باييج
اسماء: مشي ؟
ريم: ايييييييه .. يالله يالله خلج جاهزه باي
اسماء: لحظه رقم من ذي ؟
ريم: ها ؟ فصول .. باي
صكته وماعطتها مجال
ام فيصل: ورا تلفونج شفيه ؟
ريم وهي راكبه: لا يمه مافيه جارج حده منتهي ..
وبسرعه ركبت تبدل
ريم تلبس دفتها: قلتي حق جاندرا ؟
نجود متسنده علباب تنطرها: ايي قلت لها اكا تنطرنه برا
ريم: اوكي يالله .. مشينه
وهمه طالعين
ريم: يالله يمه .. مع السلامه
ام فيصل: اامانة الله
ريم: اوووه تلفوني ..
نجود: مب لازم ..
ريم: لا مايصير .. سبحان الله يصيدنا شي فلطريج
نجود: من طول الطريج عاد ..
ريم: نطروني دقيقه باييبه
راحت دبيج تاخذ تلفونها
نجود: هذي ريم واجد مجنون
جاندرا واليونيفورم الأزرق: انتي مجنون واجد واجد واجد .. ريم مافي مجنون
نجود: اقول جب انتي
ريم تنافخ: هه هه هه تعبت ..
نجود: لتطيحين علينه بس .. امشي اقول
ريم: مشينه
وهمه يتمشون .. واحد وقف سيارته يمهم .. بطل الجامه .. بصوت عذب : اوصلكم ؟
ريم خافت .. بلعدال: نجودو لتلتفتين عليه .. امشي بس
نجود بلعدال: بأدبه لج
ريم: تحملي .. سكتي بس جريب بنوصل
وهو يمشي بلعدال يمهم
قام يسولف الواثق: مابي اتعبكم .. تعالوا ركبوا ويااي .. بوصلكم .. وين بتروحون ؟
نجود تساسر اختها: ارد عليه
ريم: تحملي
يوم جربوا صوب البيت .. ريم اتصلت حق اسماء: اسوم خلي الباب مبطل يالله باي
نجود: شفيج ؟
ريم: نجودوا سمعي .. سمتي جاندرا وياج
نجود: شسالفه؟
ريم: بنروح دبيج
نجود: من صجج نركض؟ انا لابسه بيجامه تحت اخاف تبين
ريم: افففف نجود ؟ من بيجوفها انتي بعد ؟ من صجي انا
نجود التفتت على جاندرا: حجيه .. احنا سوي اركض اركض الحين حق اسوم
جاندرا عافسه ويهه : انا تأبااانه
نجود: جب وركضي ويانه
للحين يسولف: آآيه عليج انتي .. تعالي ركبي..
ريم: واحد .. اثنين .. ثلاث ..
نجود ميوده جاندرا وريم ميوده نجود ودبييج .. دشوا البيت وصكوا الباب وراهم
الصبي تم واقف باق عينه مايدري شسالفه .. مب مستوعب.. مره وحده ضحك .. شفيهم هدوا ؟ وعليه خافوا ..
ريم : هه هه تعبت هه
جاندرا قعدت: انا بمووت
نجود: امبي ريمو اخاف صج تموت علينه
ريم: لا مافي موت .. صبري صبري
نجود: موتي في ديرتج لتبلشينه
اسماء سمعت حسهم وطلعت لهم: شفيكم شصاير ؟ يايين ركيض ولا مشي؟
نجود: ركيض وانتي الصاجه
اسماء: ههههه اللاي يالله نرد دبيج بعد
ريم: ويهج .. مافيني شده ..
نجود: اسوم يبيلها ماي لتموت علينه
اسماء: انزين دشوا داخل .. تعالوا ..
نجود: يالله ريمو .. امشي ..
ريم:اوكي
دشوا شربوا لهم ماي ..
اسماء: شفيكم ؟
نجود: بس خاطرنا نركض ..
اسماء: انزين ماصار خاطركم الا وانا محد ؟ نطرتوني انزين بركض وياكم ؟؟
نجود: افا عليج ولا تزعلين .. الحين فلرده بنركض
ريم: من صجج ؟
نجود: اي والله ..
ريم: لا خل نمشي ولي جربنا يم البيت ركضنا ..
اسماء: لا لا لا .. نركض من الحين
ريم: لا بليز اسوم ماقدر
اسماء: افف انزين يالله قوموا
ريم بطلت الباب الا السياره ذيج للحين واقفه
ريم: ييمه !! ذي للحين اهني ؟
نجود: خليني بحاجيه
اسماء: من بعد ؟
نجود: واحد متسبب
اسماء: انا بحاجيه .. خليه علي
نجود: امشي امشي بايي وياج
ريم: تعالوا ليسوي فيكم شي مافينا شده (تحاجي جاندرا) روحي وياهم
راحوا جربوا يم السياره ..
الصبي : ها اوصلكم ؟
اسماء: لك ثانيتين .. ان مامشيت من اهني بتجوف شي ماجفته
الصبي: شباجوف يعني
نجود: والله .. ان مامشيت
الصبي: نتهددون؟
اسماء تصارخ: يـــــــبه ؟ حمود ؟ سلوووم ؟ لحقوا
الصبي سمعها تنادي تبرعص .. سيده مشى
اسماء: هههههه ايوا
نجود تطالعها : من ذلين ؟ الينانوه ربعج ؟
اسماء: لااااا هههه شدراني بس جذي عشان يحس ان عندنا رياييل
نجود: والله انج خطيره (تنادي اختها) يالله مشينه
ريم تضحك : آآيه عليج انتي .. خطيره
اسماء: نركض ؟
ريم: يالله .. 1 .. 2 .. 3
ركضوا وجاندرا واقفه
نجود سمتتها : امشي يالعيوز
نص الطريج وأيسوا
اسماء: حدكم ماعندج لياقه
ريم: اللي يجوفنه الحين ندابج بدفافنه ..
اسماء: جنه بات ماان
نجود: هه هه تعبت
ريم: شوي شوي خنرتاح
اسماء: ارتاحي في بيتكم مب فلشارع
وصلوا البيت وهمه تعابه حدهم ..
اول مابطلوا الباب تسدحوا كلهم علأرض .. حتى جاندرا
ام فيصل سمعت حسهم: يمه شفيكم ؟
نجود: لا يمه بس شوي ريلاكس
ام فيصل: تعبتوا ؟
اسماء تتطنز: لا خالتي .. ابد
ريم: يمه يبيلج تجربين اتيين ويانه
ام فيصل: لا حبيبتي .. اييب لكم مااي ؟
نجود: آآآه .. لا يمه خلينه شوي
شكلهم كان يضحك .. متسدحين علأرض يم الباااب
نزل فيصل .. كان لابس ثوب وكابس .. وجافهم ومايدري اسماء وياهم
فيصل: يمه شفيهم؟
ام فيصل: لا .. مافيهم ..
اسماء سمعت صوته قامت : اقول نكمل الريلاكس حجرتج احسن
ريم: اسووم مافيني شده اقوم
اسماء: قومي بليز ..
ريم: يالله قمنا .. اللاي حلاته عندي الكيمرا جان صورتنه
اسماء: انتي ويا التصوير
نجود: جاندرا .. انتي موت ؟
جاندرا: شويه
نجود: خداي يخديج .. قومي بس قومي
ركبوا فوق
فيصل: يمه هذي كل يوم في بيتنه ؟

تتبع



لامارا غير متواجد حالياً   رد مع اقتباس
قديم 16-07-13, 03:01 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


تابع......


ام فيصل: حرام عليك من عندها غيرنه ؟؟
فيصل: حتى لو عاد ..
ام فيصل: أهيا يايت لك ولا حق اختك ؟
فيصل: مادري ريمو شتحب فيها ؟
ام فيصل: فيصل شفيك يمه ؟؟
فيصل: مافيني شي .. يالله يمه .. تبين شي ؟
ام فيصل: سلامتك ..


--
صارت الساعه خمس
ناصر .. فلبيج .. شوورت مال هاوااي .. ازرق والورود بيض .. وتوب كت ابيض .. ويهه معرق .. التعب ابين عليه .. سوااد تحت عيونه الحلوه .. رموشه متكثفين من المااي ..
قاعد علرمل .. البحر اييبه الموج ويصب عليه ويقوم .. الجو حلو ..
فواز بناديه: ناصر؟؟ .. تعال اهنيا
ناصر: لا لا بتم هني
فواز: اقولك تعال .. ماتمللت ؟ صار لك كم ساعه وانت بروحك .. تعال
ناصر: لا لا اوكي .. مرتاح جذي
فواز: اقول لاتفوتك الشقره اللي تلعب معنا كره
ناصر يبتسم: مابي
فواز: كيفك .. انت الخسران (يحاجي الشقره )come on shaqra
وهي تضحك عليه ولا تفهم شيقول
ياته موجه قويه دزته انسدح .. وتم منسدح .. والماي يصب عليه .. شي .. الماي بارد .. يبرد علقلب في هالجو الحـار
رن تلفونه .. ويابه له فواز: امسك الجواال .. ذبحني وهو يرن
ناصر: الو
عبدالله: النصريييي
ناصر: هلااااا العبد .. هلا والله .. شلونك ؟
عبدالله: الحمدلله .. توني واصل مطار امستردام .. شلونك انت ؟
ناصر: مكانك ابين ..
عبدالله ابتسم: وين انتوا؟
ناصر: فلبيج
عبدالله : يحلييلكم ..
ناصر: عسى ماتعبت ؟
عبدالله: لازم الطياره تكسر .. صار لي اكثر من نص يوم فلطياره
ناصر: بتأخر طيارتك ؟
عبدالله: عقب 4 ساعات
ناصر: بوو .. الله يعينك .. بس من توصل اتصل لي ها ؟
عبدالله: ان شاء الله .. يالله سلم علشباب
ناصر: الله يسلمك ..
راح حق الشباب: يووعان .. مب متغديين ؟
فواز: الا .. يالله الحين نروح .. (يحاجي الشقره) تجين معنا ؟
تضحك: .. What ?
فواز : والله ان هالضحكه تعذبني .. قلبي .. come with us
ابتسمت: am sorry but I can't ..
فواز: وليييه سوري ؟ come come
ردت عليه :coz my boyfriend will come now and I've to go with him
فواز: أجل عندك بويفريند ومن الصبح تلعبين معنا ؟ اقول مالت على هالوجه المعفن يالخايسه
ابتسمت
فواز: bye bye
تسلم عليه : byeeeeee
ناصر يضحك عليه: ههههههههههههههه تستاهل
سعود: هههههههههههههههههههههههه زين تسوي فيك
وليد: خاطري في كباب ايراني .. وشرايكم ؟
ناصر: ياسلاااااااام عليك .. والله تفهمني
سعود: اي والله يبيله
فواز: قلبي هالشقره .. عندها بويفرند العياره .. يالله ايراني ايراني ..
سعود: حدك رايحه عليك


===


يوم ثاني ..
ام فيصل وابو فيصل تحت يتريقون ..
بوفيصل: اتصل لي اخوي بوناصر اليوم ..
ام فيصل: شخباره؟
بوفيصل: الحمدلله بخير ..
ام فيصل: مالهم ييه البحرين؟
بوفيصل: ماياب لي طاري .. اذا عندهم اجازه اكيد بيون
ريم توها نازله ..كانت رافعه شعرها .. وكالعاده فالبيت بالبيجامه
سلمت عليهم .. : صبحهم الله بلخيييير ..
بوفيصل: هلا بوي هلا .. صبحج الله بلنور
ام فيصل: بالنور حبيبتي .. رقدي زين ؟
ريم: ايي الحمدلله .. من اللي بيي فلاجازه ؟
بوفيصل: عمج بو ناصر ومرته
ريم مستحيه: وناصر؟
بوفيصل: والله مادري عنه يبوج .. حتى ماعندي رقمه اليديد ..
ريم: يبه ولد اخووك كلمه تطمن عليه
بوفيصل: لي اتصل لي ابوه مره ثانيه بقوله يعطيني رقمه
ريم: ليش تنطر ؟ اتصل له انت قوله يعطيك
ام فيصل: آآه منج لي بغيتي شي يصيير يعني يصيير
ريم: لا يمه .. مب قصدي .. بس صلة الرحم يعني
ام فيصل ابتسمت: اي صاجه بنتي
بوفيصل: ان شاء الله الحين اتصل له .. جم ريم عندي انا ؟
ريم ابتسمت: وااي .. ماصدق
بوفيصل يتحجى فلتلفون: هلاا بوناصر .. شلونكم ؟ الله يسلمك .. يعافيك .. الحمدلله بخير .. يسلمون عليك .. والله بغيت رقم ناصر .. ايه .. +17 اييه .. ايوه .. 08 .. 88 .. اوكي .. مشكوور.. سلم عليهم
بوفيصل: وخذنا رقمه .. استانستي ؟
ريم: يبه؟ يالله اتصل
بوفيصل: اقول قلبي ويهج مناك
ريم: افاء ؟
بوفيصل: اوكي بتصل بس لين انتي محد
ريم: لا عاد ..
بوفيصل: انزين انزين .. قعدي .. الساعه جم عندهم الحين ؟؟ اظنتيي اممم 9 فلليل
ريم: مناسب
ام فيصل: هههههه عياره هالبنت
ريم: يمه شفيج عادي الا ولد عمي ؟
بو فيصل اتصل ..
ناصر كان في الشقه .. رن تلفونه ..
ناصر: الو ؟
بوفيصل: ناصر ؟
ناصر: اي نعم ..
بوفيصل: انا عمك
ناصر فز قلبه : هلاااااااااا عمي هلا هلا والله مسامحه بس ماعرفت صوتك !!.. شلونكم ؟ شخباركم كلكم ؟
بوفيصل: الحمدلله بخيييير الله يعافيك انته شلونك ؟
ناصر: والله الحمدلله انتوا شخباركم ؟
بوفيصل: من زمااااان عنك .. شخبارك ؟ شلون امورك ؟ وشخبار الدراسه؟
ناصر: ابشرك كلشي تمااام .. انتوا شلونكم ؟ وشخبار فيصل ؟
بوفيصل: فيصل الحمدلله بخير
ناصر يقوله وقلبه يدق : وريم ؟
بوفيصل: ريم ؟ (يطالع ريم يبي يحرها) قلت لي ريم؟
ناصر خاف ان فيها شي : اي ريم .. شلونها ؟
بوفيصل: لو مب ريم جان ماتصلت لك
ناصر: شلون؟
بوفيصل: وقفت على راسي الا الحين الحين تتصل حق ناصر تسأل عنه
ناصر وقف قلبه .. اخخ ماصدق
بوفيصل: الوووووو ناصر؟
ناصر: وياك وياك ..
بوفيصل: هاك كلمها( والله كوول الوالد )
ريم بققت عينها .. : شنو يبه ؟
بوفيصل: يودي كلميه .. سألي عنه .. تطمني عليه
وناصر يسمع كل شي .. من سمع صوتها داخ .. عض براطمه
ريم ويدها ترتجف .. يودت التلفون .. : الو ؟
ناصر .. دمعت عينه .. ماصدق : ريم ؟
ريم: هلا ناصر .. شلونك ؟
ناصر في خاطره فديييت هالصوووت: الحين الحين توني صرت زين
ريم استحت .. تبي تغير السالفه: شخبار الدراسه ؟
ناصر ريجه نشف: ااااااااه .. شلونج انتي ؟ انتي بخير ؟؟
ريم ويهه صار احمر .. غضت براطمها: الحمدلله زينه
ناصر: كلشي تمام ؟
ريم: الحمدلله
ناصر: ماعرف شقول .. بس .. من زمان عنج .. اخر مره كلمتج فيها فلعيد
ريم: عيد رمضان بعد .. الفطر
ناصر مب عارف شيقول .. ين : ريم .. والله العظيم مانسيتج .. لاتقطعين .. اتصلي .. والله فاقدج .. وحشتيني .. اتصلي بليز
ريم: ان شاء الله .. يالله مع السلامه
ناصر بوّز .. : الله يسلمج
ريم عطت ابوها التلفون .. وتوها بتمشي
بوفيصل: تعالي وين ؟ ماتبين تتريقين
ريم: لا يبه شبعت
بوفيصل: شكلتي ؟
ريم: لا ولا شي .. بس مابي مابي ..
ام فيصل: مب زين تعالي اكلي
ريم: لا يمه والله مابي ..
ركبت فوق بسرعه وخذت تلفونها واتصلت حق اسوم
يرن يرن ماتشيله ..
اففف ..
ريم : الوووووووووو
اسماء .. راقده: يعني ماتخلين الواحد يرقد ؟
ريم: بسج رقااد الساعه 11 .. شوي ويأذن الظهر .. لحقي علي لحقي
اسماء فزت ..: شصاير ؟
ريم: اسوم بموت بموت بموت ماستحمل .. قلبييييي ..
اسماء: ريمو تحجي
ريم دمعت عينها : بصييييييييح
اسماء: ويعه تويعج قولي آمين .. تحجي
ريم: كلمته .. حاجيته .. سمعت صوته .. آآآآآآآآآآخخخ
اسماء: ناصر ؟؟؟؟؟؟؟؟
ريم: ايه ..
اسماء: يحمااااااااره ؟
ريم: والله العظيم ..
اسماء: وه غبره ..!! شلون ؟؟
ريم: خليت ابوي يكلمه
اسماء: والله قوية عين ..
ريم: خلاص وصلت حدي ماقدر .. شسوي ؟
اسماء: الحين بيشكون فيج !!
ريم: شيشكون ؟ ولد عمي وبسأل عنه
اسماء: حبيب القلب قصدج ..
ريم: ذبحني الشووووووووق ماستحمل
اسماء: ايا العياره .. من صجج كلمتيه ؟
ريم: والله
اسماء: طيرتي النوده ربي يطير راسج
ريم: اسم الله على راسي ..
اسماء: ابوج كوول والله
ريم: حده .. اسوووووووم كلمته ؟؟ من صجي ؟
اسماء: من صجج ؟
ريم : واي قلبي قلبي .. بيطلع الحين بيروح امريكا
اسماء: من ؟
ريم: قلبي
اسماء: غبيه ..
ريم : آآآآآآآآآآآآآآآه يا زين صوته .. اااااخ ماصدق
اسماء: حدج داشه feeling
ريم: حديييييييي حدي حدي حدي .. اسوم احبه
اسماء: ادري من زمان .. شليديد ؟
ريم: كلمته
اسماء: زين مبروك ..
ريم: يالدبه ماتحسين ؟
اسماء: امبلا احس .. يا بختج
ريم: آآآآآآآه .. اسوم تدرين شيقول لي ؟
اسماء : انا لله .. شيقول لج بعد ؟
ريم: قام يقول حجي خطير
اسماء: شقال ؟
ريم: يعني قبل اذا اجوفه فلعيد ولا اذا ياو .. كله من بعيد لي بعيد .. شلونج شخبارج بس
اسماء: امبيه شقال اسود الويه ؟
ريم: قال .. اللاي
اسماء: قالج اللاي ؟
ريم: لااااا نطري .. قال .( تغير ويهه). والله العظيم مانسيتج .. من زمان عنج .. انتي بخير ؟ وحشتيني .. فقدتج
اسماء: واااااااااي قلبي .. الظاهر ذبحه الشوق اهوه بعد
ريم: اسوووووم سأصيرو مجنونتون
اسماء: الحمدلله والشكر لله الكريم
ريم: ااااخ .. ماصدق .. (صرخت) اللاااااااااي
اسماء: اذني يابنت الحلال ابيها ..
ريم: ابي نصووووووور
اسماء: روحي له امريكا
ريم: جانزين .. ااااااه قلبي
اسماء: حدج منتهيه .. خذتي رقمه ؟
ريم: امبيه !! لا استحي


تتبع




لامارا غير متواجد حالياً   رد مع اقتباس
قديم 16-07-13, 03:03 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


تابع....

اسماء: يالبقمه جان خذتيه ؟
ريم: تهقين اخذه يعني ؟
اسماء: ايييه علأقل سألي عنه شي .. اخذي ايميله .. شي ..
ريم: اللاي .. والله تفكرين
اسماء: مايبيلها تفكير يالغبيه .. بس انتي من سمعتي صوته مادري شصادج
ريم: آآآآآآآآخ صوته آآآآآآآآآخ ماستحمل
اسماء: اقول حجيه .. خلج ويا احلامج الورديه .. انا بروح بتريق ويا رشوود
ريم سرحت: ..
اسماء: بصكه فويهج الحين .. يالله باااي
ريم توها مستوعبه : جوووووف صكته !! الو ؟ يعلها ريل .. معليه

ناصر من صوب ثاني ..
ميود التلفون وللحين مب مستوعب اللي صار ..
يحاجي روحه : من صجي ؟ كلمتها ؟ سمعت صوتها ؟ وليش هالشي من زمان ماصار ؟
ااااااااااخ قلبي .. ماصدق .. وينك ياعبوووود تجوف شصار فيني ..
فديت هالصووووت وراعية الصووت ..
ابتسم .. يعني اهيا اللي قالت حق عمي يتصل وانا ليش ماتصلت ؟ يمكن كنت اخاف ان ماكلمها؟
يعني هذي حاله من عيد لي عيد ومن اجازه لي اجازه اجوفها ؟ اكلمها ؟ لا خلاص الحين بكلمها ..
اكيد عندها تلفون .. ذبحني الشوق ماستحمل .. آآآآآآيه .. بس خلاص اللي راح راح ..
تم ساعتين يحاجي روحه .. شوي ويين عليهم ..
رن تلفونه
ناصر: الوو
بو ناصر: هلا بووي .. شلونك ؟
ناصر: وايد زين .. الحمدلله .. انتوا شلونكم؟
بوناصر: الحمدلله بخير .. بس كنت بقولك ترى باجر بروح البحرين خذت اجازه الاسبوع الياي ا .. انا ومك
ناصر: البحرين ؟ ..
بوناصر: تقدر تيي ؟
ناصر: يبه انا في نص الكورس .. ماقدر كلش .. ولا انا ودييي
بوناصر: معليه كمل الكورس وعقب روح ..
ناصر عوره قلبه : ان شاءالله
بوناصر: زين تامرني على شي ؟
ناصر: سلامتك يبه
بوناصر: كل شي تمام مب قاصرك شي ولا شي ؟
ناصر: لا يبه الحمدلله .. مشكور
بوناصر: اذا في شي اتصل بي .. يالله مع السلامه
ناصر: يسلمك

ناصر تم ينطر اتصاال من رريم أو أي شي .. يبي يكلمها ..
من يرن تلفونه فز قلبه عباله اهيا ..


--
راشد كان يرسم فلميلس ..
اسماء (متخصره) : رشووووووود؟
راشد (وهوه يرسم): اسمي راشد لو سمحتي .. عيب تحاجين اخوج العود بهالاسلوب
اسماء: عشتوا ..(ساده خشمها) افففف انت يايب ربعك البارحه هني ؟
راشد: اي .. ليش ؟
اسماء: ريحة الميلس صبيان .. أففففف
راشد: يسلام ؟؟ وشلون ريحة البنات عيل ؟؟
اسماء: اكيد حلوه .. وخيي انتوا شمسويين ؟
راشد: شفيج انتي ؟
اسماء: اسمعني خلها اتيي تنظف وشيل قشك بليز
راشد: مسامحه .. خليني اكمل الرسمه
اسماء: حبيبي راشد يالله قووم .. ترى اخليها تدش وتعفس اغراضك كلهم
راشد: اففففففف يعني ماتخلين الواحد يتهنى في مواهبه ؟
اسماء: امحق مواهب .. بوقريع
راشد: شسوي .. الطيب ذابحني .. بطلع وأمري لله
اسماء: يسلام صرت انت الطيب وانا الشريره ؟
راشد وهوه يشيل اغراضه: انتي شريره من زمان .. والسموحه
اسماء رن تلفونها: الوو
ريم: آآآآآخ
اسماء: افففف انتي جنج مللتينه ؟ صكيه صكيه عقب بتصل لج
ريم: مالت علي اللي متصلت لج .. ذلفي ولا اقولج شي مره ثانبه
اسماء: قايلت لج لتتصلين وانا معصبه .. تدرين بييج كلام حلو
ريم: وشلون بعرف انج معصبه يحظي ؟ ذلفي
اسماء: عقب بكلمج انا ويا رشود
ريم: اها قولي جذي من الصبح .. ماتبين تتحجين جدامه يعني ؟ ظلام ؟؟ فلغيم مطر ؟؟ .. مالت عليج اقول
اسماء: وعليج .. يالله باي
ريم : باي

راشد وهو طالع: اسلوبج ويا البنيه حده غلط .. جذي الأوادم يتحجون ؟ وهذي رفيجتج يزعم ؟
اسماء عافسه ويهه: وانت شدخلك ؟ (توها متذكره) رشود رشود
راشد: هااااااا
اسماء: خننطلع اليوم ..
راشد: ان شاء الله من عيوني .. وين تبيني اوديج ؟
اسماء: اي مكان .. بس ابي اطلع
راشد: ان شاء الله .. بس اكمل رسمتي ..واروح الحلاق .. واتسبح .. وابدل .. واروح المسيد .. واصلي .. واكمل ..ونطلع
اسماء: آآه آآه كل ذي ؟ لحظه الحلاق ليش ؟
راشد: بشيل ليحتي ..
اسماء تفكر: انت عندك لحيه الحين ؟ كلها جم شعره .. والله خفيفه ماتبين
راشد: عاد بروح ..
اسماء: ويا قرعتك .. جنها يحة خايسه ..لتأخرنا اقول
راشد : اانتي الحين بتكوين شيلتج ودفتج وبتتسبحين ومادري شنو .. نفس الوقت ترى .. واذا مابرزت قبلج بعد
اسماء: اوكي .. يالله

اسماء اتصلت في ريم: بقمه
ريم: بقمه انتي .. راح اخوج؟
اسماء: ايي .. شفيج ؟
ريم: رحت تحت الا اجوف الورقه اللي ابوي كاتب فيها رقمه هناك .. واطخها
اسماء: الشيطانه !!
ريم مستانسه: عجيب .. صورتها بعد
اسماء: انتي كلشي تصورين ؟
ريم: كيفي .. شحارج ؟
اسماء: حجيه بطلع ويا الرشد ..
ريم: اللاي وين بتروحون ؟
اسماء: مادري .. بنطلع
ريم: زين تسوون ..
اسماء: نمر عليج ؟
ريم: لااااااااااا واللي يسلمج لا .. مابي .. انا بجابل النصري ..
اسماء: كرهات .. يالله زين اكلمج بعدين
ريم: اوكي .. يالله باي
اسماء: باي

نجود دشت على ريم: بنطلع .. يالله
ريم: اووووه .. نسيت ان اليوم يمعه ..
نجود: يالله انزين الحين ابوي وفصول بيرجعون من المسيد ..
ريم: انزين انزين .. اكا قمت

ريم سيفت الرقم في تلفونها .. ومب عارفه شتسوي ..
اهم شي سوته ان حصلت الرقم ..
طول الوقت ميوده التلفون وتكتب .. وتمحي .. تكتب .. وتمحي

وناصر طول الوقت ميود تلفونه ويتخيلها تتصل .. تطرش مسج .. أي شي ..

لين ماصار فلليل .. وريم منسدحه بترقد .. ماقدرت ترقد قبل لتسوي شي ..
قامت كتبت مسج
: Na9r .. Ana ReeM
( وايد عليها)
وطرشته ..


انتهى الجزء 2.......




لامارا غير متواجد حالياً   رد مع اقتباس
قديم 16-07-13, 03:07 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


][ الجــــــــزء الثـــــــــــالث ][

** ريم سجلت الرقم غلط من الورقه .. وماتدري **
ناصر .. راقد التلفون في يده ..
وريم تمت تنطر .. تنطر .. لي مارقدت والتلفون في يدها ..
قحصت على صوت الأذان .. وجافت التلفون .. مافي شي .. لا مسج ولا مس كول ولا شي ..
عقب ما سلمت من الصلاة ..
ريم : استغفر الله .. شدعوه عاد ؟ جذي يخليني انطر ؟ بيذلني يعني ؟ اففففف
انسدحت ولا عرفت ترقد .. تمت تحاااتي .. ليكون فيه شي .. نطرت لي مايصير الصبح واتصلت حق رفيجتها
ريم فيها الصيحه : اسوووووووم بصيح
اسماء: وعليكم السلام .. سلمي عاد سألي عني تطمني علي
ريم: آسفه .. اوكي من أول صكي برد اتصل .. باي ..
صكته
اسماء تحاجي روحها : ويييي الغبيه صدقت .. يعني الواحد مايقدر يتغشمر وياها ؟
رن تلفونها مره ثانيه
اسماء: ريمو شفيج؟
ريم: السلام عليكم ورحمة الله وبركاته
اسماء فيها الضحكه: وعليكم السلام ورحمة الله وبركاته
ريم: شخباااار ؟ شلونج ؟ عساج طيبه ؟؟ طمنيني عليج ؟؟ بشريني عنج ؟؟ شمسويه؟؟
اسماء: الحمدلله شلونج انتي ؟
ريم: الحمدلله ..
اسماء: اما انتي صج سهله .. بسرعه ينقص عليج ؟ حدج خدااي
ريم: عاديييي .. آآآآآآآآآآآه
اسماء: اسم الله عليج من الآآآه .. شصاير ؟
ريم: باصيح
اسماء: انتي كله بتصيحين ؟ قوليلي شفيج ؟
ريم: حاقرني ..
اسماء: حقريه .. افا عليج .. مثل مايسويلج سويله .. تعلمي مني
ريم: من صجييييييي ..
اسماء: انزين قوليلي شصار بالضبط
ريم: طرشت له مسج ..
اسماء: شكتبتي؟
ريم: ناصر .. انا ريم
اسماء: بس ؟ وايد عليج ؟ صاج زفيتيه بعد ؟
ريم: شدعوه ؟
اسماء: يالبقمه جان كتبتي حبيبي بعد قلبي وحشتني .. انا ريم .. احبك
ريم: الله الله .. ولي زين !! زين تجرأت وطرشت له مسج بعد
اسماء: لانج ماتفكرين عدل .. اي والله انا اريم !! جنج سيلانيه مضيعه !!
ريم: اسوم الحين انا يايه اشتكي لج تقلبين علي ؟
اسماء: شسوي فيج اذا انتي غبيه ؟
ريم: اففففففف انا غلطانه اللي اتصللج .. بااي
اسماء: تعااااااالي .. بس بس بس خلاص آسفه .. (تتطنز) عفيه عليج حبيبتي كثري من هالمسجات
ريم: اسوم اللي فيني كفاااااااايه ..
اسماء: ريم .. انزين يمكن ماجافه .. يمكن تلفونه مب عنده .. يمكن تلفونه استقبال .. يمكن ؟؟ اممم
ريم: ويمكن مايبي يرد علي .. !! .. الله يعلم ..
اسماء: لتظنين ظن السوء ..
ريم دمعت عينها: اوكي بس خلاص .. اكلمج بعدين
اسماء: حالتج صعبه وداشه feeling بالغلط
ريم: بااي
اسماء: باي
ريم صكت تلفونها من القهر .. ونزلت حق امها ..
ام فيصل: يمه شفيه ويهج ؟
ريم سرحانه ..
ام فيصل: ريم ؟؟
ريم توها مستوعبه: ها .. اي
ام فيصل: شنو اي ؟ شفيه ويهج جذي ؟
ريم تفشلت: شفيه يمه ؟
ام فيصل: مارقدتي زين ؟
ريم: امبلا ..
نجود توها نازله : هااي
ام فيصل: هااي انتي
نجود: والله كول المذر .. وااازااب مان ؟
ام فيصل (تحاجي ريم): شفيج يمه ؟
ريم: لا بس شوي تعبانه ..
ام فيصل: اسم الله عليج من التعب .. أوديج المستشفى ؟
ريم : لا لا يمه مايحتاي .. بصير أشوى ان شاء الله
ام فيصل: لا قومي بوديج أحسن
ريم: لا لا يمه بليز مابي
ام فيصل: علهوااج ..
نجود: افففف لتقولون بتكنسلون الطلعه اليوم ؟
ريم: لا محد بيكنسلها ..
ام فيصل: اذا ريم تعبانه بنسوي لنا أي شي فلبيت
نجود: لااااا حرام عليج يمه حرام .. نبي نتغدى برا
ريم: يمه انا مب تعبانه .. بس اكا صرت زينه
نجود: هذي الأخت السنعه .. مب انتي يمه كله بتقعدينه فلبيت
ام فيصل: الله وكبر عليج ؟
بوفيصل وفيصل توهم داشين: السلام عليكم

الكل: وعليكم السلام
بوفيصل: هاا جاهزين ؟
نجود: يعييييييش الفذر ..
بوفيصل: ها ؟
فيصل: عاد قولوا وين تبون تروحون من الحين .. مو ندور فلسياره وكل واحد يقولي مادري !!
بوفيصل: ايي صج .. (توه منتبه) ريم شفيج يبه ؟
ريم: مافيني شي.. بركب ابدل .. متى بتمشون ؟
فيصل: خل تصير وحده .. بنمشي
ريم: اوكي .. ( وهي فلدري .. دار راسها .. حاولت تيود روحها .. مدت يدها تبي تيود سور الدري .. ماقدرت تتحمل وطاحت)
ام فيصل تصارخ بخوف: يمه رييييييييم !!
راحوا لها كلهم .. وفيصل شالها بسرعه
فيصل: يمه مافيها شي لتصارخين ..
بوفيصل: خنوديها المستشفى بسرعه
فيصل مستعيل: انزين نوديها بالبجامه يعني ؟ يبيولها شي بسرعه .. (يحاجي نجود) بسرعه تحركي
نجود خايفه : انزين انزين
ام فيصل تصيح : يمه بنتييي ..
فيصل: يمه الله يهداج .. !!
نجود بسرعه يابت دفتها ولبسوها ..
بوفيصل: يالله
ام فيصل: نطروني بايي
فيصل: يمه مالج سالفه .. قعدي قعدي ..
ام فيصل راحت تييب دفتها وطلعوا عنها
ام فيصل تحاجي نجود : راحوا ؟
نجود : ايييييي من زمان .. وصلوا بعد
ام فيصل: قومي لبسي دفتج وخنروح لهم
نجود: يمه فيصل قالج قعدي
ام فيصل مستعيله: وشعلي من فيصل ؟ ابي اجوف بنتي !! .. تبين تيين تعالي ماتبين كيفج
نجود: راسج يابس تدرين؟
ام فيصل عصبت: نجود؟
نجود: بس بس لتطالعيني جذي بليز ترى ماستحمل النظرات
ام فيصل وهي طالعه: مع السلامه
نجود: يمه نطريني بايي ويااج .. نطري نطري
ام فيصل: بسرعه


ناصر كان يحاتيها .. شفيها .. لا اتصلت ولا طرشت مسج
كل ما رن تلفونه قال ريم .. كل ما وصل له مسج قال ريم ..
رن تلفونه
ناصر: ألوووو ؟
عبد الله : نصوووووور
ناصر: هلا والله .. شلونك؟
عبدالله: الحمدلله بخير انت شلونك ؟
ناصر بلعداال : مب زين
عبدالله: افاء ؟ شفيك ؟
ناصر: ذبحتني وراحت ..
عبدالله: من ذي ؟
ناصر: حبيبتي ..
عبدالله: ليكون جين ؟ يا جين يا جنيفر
ناصر متكدر: عبوود الحق علي
عبدالله: ناصر شفيك ؟
ناصر: وين اودي شوق قلبي والوله ؟
عبدالله مستغرب: ها ؟؟ ناصر؟
ناصر: مشتااااااااااااق ومضنيني لفرااق .. ياعيوونهااااااا
عبدالله: اسم الله عليك ..
ناصر: وعليك
عبدالله: يا انت شارب يا انا شارب .. واحد من الاثنين .. واختار
ناصر: اختااااار اني بموت من الشوق
عبدالله: من صجك انت تتحجى ؟
ناصر: والله العظيم من صجي
عبدالله: اقول مالت عليك بس ..
ناصر: وعليك
عبدالله: ناصر !!
ناصر: نعم
عبدالله: الحين انا رفيجك ورفيجك .. وآخر من يعلم ؟
ناصر: انت أول من يعلم يالغبي
عبدالله: من متى انزين؟
ناصر: من يوم ولدوني
عبدالله: ناصر احاجيك من صجي شفيك ؟
ناصر: عبدالله .. آآآآآآآآآآآآآآآآآآآآآآآه
عبدالله: مشكل .. !!
ناصر: عبود انا احس ان فيها شي .. روح لها بيتهم طلبتك .. طمني بس
عبدالله: جيف بحرينيه ؟
ناصر: ياربي على الاستيعاب البطيء..
عبدالله : ناصر انا مب داخل مخك ولا اعرف شتفكر فيه ولا شفكرت فيه .. سالفه اول مره اسمعها
ناصر: مسامحه الشيخ
عبدالله: وبعدين اروح بيتهم من صجك انت ؟؟ شسوي في بيتهم !!
ناصر ببراءة: بس مر عليه ..
عبدالله: لحظه ناصر شوي .. (يحاجي اخوه) بايي بايي (يحاجي ناصر) الو .. بروح انا عقب بكلمك ها .. يالله مع السلامه
ناصر: اففففففف .. الله يسلمك

حذف تلفونه علسرير .. يحاجي روحه .. عصب
جذي تسوين فيني ؟ استاهل كل ذي منج ؟ شلون أوصل لج شلون ؟ آآآآآخيه قلبي ..
طقوا عليه الباب
ناصر: ها ؟
فواز: ربع ساعه ويبتدي الكلاس ..
ناصر بطل الباب: مب ياي
فواز: على كيفك اهو ؟؟ مد تيرم يالخايب
ناصر: اففففففف شدعوه درست ؟
فواز: ميخالف تعال قدمه
ناصر: انزين انطرني ببدل وباييك ..


في المستشفى
بو فيصل: ابي اعرف هلبنت شسالفتها ؟ تعاند يعني ؟
فيصل.. ثووب وشعره على ورا .. واللحيه الخفيفه ..والهدوء العجيب : لا يبه مب سالفة عناد ..
ام فيصل: قولهم يعطونها شي حق يفتح شهيتها ..
فيصل يحاجي نجود: انتي تاكلين أكلها اكيد ..
نجود: ول عليك يالحسود .. اهيا ماتاكل انا شلي خص ؟
فيصل: دبه واتدلع ..
نجود: يمه جوفيه ؟ انا دبه الحين ؟
فيصل: لا اسم الله عليج .. رشيقه ..
نجود: تدري انت طالعت لك دبه ؟؟ جوف شكبرها !!
فيصل يجيس دبته : سلمها وكبرها يارب (يطالع اخته) محتره ؟
نجود: من صجي ترى كريهه .. ويع
فيصل: اصلن البارحه سجلت فلجم .. لين راحت بايي احرج .. صبري
نجود: روح الجم .. انا جسمي مايحتاي جم ولا شي ..
فيصل: عدااااااااااال .. مادري من !!
نجود تطلع لسانها : كيفي
فيصل: دبه وتدّلع ..
ام فيصل: بس عااد الحين بتقحص .. خلوها راقده ..
نجود: يبه الله يهداك ..
بوفيصل: شنو بعد ؟
نجود: يعني تدري ريمو تحب تصوّر .. جان يبت الكيمرا .. جان الحين بتصور السيلان والأبره وحركات
بوفيصل: وليش مايبتيها انتي ؟
نجود: نسيت .. وسبحانه اللي ماينسى
بوفيصل: عيل انا بعد نسيت ..
نجود: نسااااااااااي هالفذر
بوفيصل: طالع عليج ..
نجود: يبه اما خوش طلعة ها ؟ جوف المرضى .. الدكاتره .. الأدويه .. شي .. شم شم ريحة المستشفى .. الله
فيصل: تتطنزين ويا ويهج ؟
بو فيصل: أحسن لنا من هالمجمعات والمطاعم
نجود رن تلفونها .. : الووووو أسوم لحقي .. ريمو فلمستشفى .. فيها أمراض العصر الحديث
ام فيصل طقتها : بس انتي . .اسم الله عليها
نجود تكمل : لا لتيين .. (تطالع فيصل) في ناس مايشتهونج اهني ..
ام فيصل: قوليلها مايحتاي تكلف على روحها .. مافيها شي ان شاء الله
نجود: تقولج امي واللي يسلمج تعالي .. ضروري تيين .. ريم ماتبيج الا انتي
ام فيصل تطالع السقف: الله وكبر
نجود: قلت لج لاتيين .. وه ؟ بكلمج انا اذا قامت .. والله بكلمج .. هاج هاج امي
ام فيصل: هلا اسمه .. الله يسلمج حبيبتي مافيها شي .. الشر ماييج .. ان شاء الله .. مع السلامه
عطت بنتها التلفون : هالمره لتألفين ها
نجود تطالع فيصل وفيصل يطالعها
نجود: وااي معجب .. أوقع لك اهني ؟ اي اي افا عليك..
فيصل: الحمدلله والشكر
نجود: يااااااااااي .. (تمثل) .. ورد ؟ يااي ماستحمل .. ياااااااااي
فيصل: قلبي ويهج بسرعه
نجود: which page ??
فيصل: عوار راس انتي .. اباعرف شلون ربعج مستحملينج فلمدرسه
نجود: اصلن المدرسه ماتسوى بدوني ..
فيصل: اي اي صح .. أكيد ..
رن تلفون بو فيصل: الو .. هلاااااااا هلا والله .. عاش من سمع هالصوت
نجود تنقز امها: يمه هذي اللبنانيه اللي ماخذها ابوي عليج
بو فيصل: الله يسلمك ويعافيك ..
نجود: جوفي العيار .. يزعم ريال .. آآه منك آآه
بو فيصل: انت فلبحرين ؟ لا لا لازم اييك .. الله يهداك ماقلت لي من قبل
نجود: آآآه منه الوالد مادري شيبي اسويلها بعد .. يزعم مفاجأة .. كرهات تكرهها
بوفيصل: ان شاء الله .. تو مانورت البحرين والله .. الله يسلمك .. لا خلاص تتعشى عندنا
نجود: يالاهويييي ..! ياخرااااااااابي !! وليييييي على آآمتي !! ياكبرها عند ربي .. يمه !! بييبها بيتنا ..!!
بوفيصل: معليه بكلمك عقب .. مع السلامه
نجود تأشر حق امها : جفتي شلون ؟ الرياييل مامنهم أمان
بوفيصل مستانس: هذي اخوي ياي البحرين ..
ام فيصل: وصلوا ؟ ماشالله .. انا عبالي الاسبوع الياي بيون
بوفيصل: اي .. عاد لازم ايون بيتنه انعشيهم
ام فيصل: اي ان شاء الله .. بس خل تطلع ريم بالسلامه وصير خير .. جان خليتني اكلم ام ناصر؟
نجود: يمه !! من صجج عاد ؟ والله سهله الوالده ينقص عليها
فيصل: خرااااااب بيوت انتي ..
نجود: تحاجيني اخوي ؟
فيصل: لا ولا شي ..
نجود: عباالي ...
ريم بطلت عينها .. مستغربه .. بزور تتحجى: انا وين؟
ام فيصل بسرعه راحت لها: الحمدلله على السلامه حبيبتي
بوفيصل: ماعليج شر يبه
ريم: شسالفه ؟
نجود تحاجي فيصل: اشاربه اختك ؟
الدكتور توه داش: إزيك يا أمر ؟
ريم ابتسمت له : مادري
نجود: حدها منتهيه ..
ريم: ليش انزين ؟
نجود: يبه .. يمه .. خلوني انا اتفاهم وياها .. اعرف حق حالات التحشش انا .. بليز (تحاجيها) ريم
ام فيصل: أسم الله على بنتي
ريم: هلا ..
نجود: شخبار ؟
ريم: اوكي .. انتي شلونج ؟
نجود تغني: اوكي اوكي اوكي .. ماي دارلنج اوكي .. ايفري ثنق اوكي ..
ريم تضحك : صاحيه انتي ؟
نجود: لا من قال ؟
ريم: راسي
الدكتور: ومالو ؟
ريم: مادري بس احس انه ثقيل ..
نجود: مكثره تدردع انتي ؟
ريم تحاجي الدكتور: ابي اروح البيت ..
الدكتور: لآآ مايصلحش .. دنتي قسمك محتاق اشياء كتيره
نجود: بدينه بالتفلسف عاد
فيصل: نجود من فضلج خليه يتكلم .. (يحاجي الدكتور ) تعال معاي تعال ..
طلعوا فيصل والدكتور
ريم تحاجي امها : يمه مابي اتم اهني .. بروح البيت
بوفيصل: لو انتي تسمعين الحجي وتاكلين عدل ..
نجود: ايوا الوالد .. (تحاجي اختها) احسن عشان تتأدبين وتاكلين عدل
ريم: وين تلفوني ؟
نجود: بوووو تلفونج ماسكت امساعه .. مسجات واتصالات على كيف كيفج
ريم صدقت: حلفي ؟؟ اجوف وينه ؟؟
نجود: صدقتي عاد ؟؟ اصلن تلفونج امبند .. فلبيت مايبته ..
ريم: يالله خنروح البيت
فيصل توه داش: ريم
ريم: هلا
فيصل: اذا مابتاكلين عدل مابيطلعونج من اهني
ريم: لاااااااا واللي يسلمك لا .. باكل باكل .. بس باطلع بليز
فيصل: يبون يخلونج تحت المراقبه عشان مايصير فيج شي
ريم: لا لا لا لا .. باكل بليز .. وينه الدكتور
(توها بتقوم .. هوست على يدها عشان تقوم عليها ونست ان فيها ابره ) آآآآآآآآآآخ



تتبع.......




لامارا غير متواجد حالياً   رد مع اقتباس
قديم 16-07-13, 03:09 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


تابع.......


ام فيصل: يمه شفيج ؟
ريم تجيس يدها صوب الابره وشوي تصيح : لا مافيني شي .. ابي اطلع
نجود: يبه بيأذن العصر ولا تغدينه .. كله منك
بوفيصل: انا شدخلني ؟
فيصل: خلوني انا وياها وانتوا روحوا تغدوا وتعالوا
ام فيصل: لا يمه روح انت وياهم انا بتم وياها
فيصل: لا يمه روحي .. انا بتم
ام فيصل: لا فديتك انا بتم
فيصل: ها !! يمه شفيج ؟ انا بتم قلت لج .. روحي
ام فيصل: انت اللي شفيك ؟ خلني بتم ويا بنتي
فيصل: وانا بتم ويا اختي .. يه ؟
نجود تتطنز : طقها بعد ؟ عطها صطار ؟؟
ريم: فيصل.. يمه .. روحوا انا برقد مالكم سالفه تقعدون
نجود رن تلفونها: هلا اسوم .. حلفي عاد ؟ قلت لج لاتيين صج عنيده .. يالله انزين بطلع لج انا .. بدليج انزين وه .. باي
ريم: اسوم ؟
نجود: المنقذه .. بروح ادخل اسوم انا وباييكم ..( وهي طالعه) ولا تعالوا السياره لتأخروني يوعانه
ريم: بس روحوا كلكم وانا بيلس ويا اسوم
ام فيصل: لا يمه بتم
فيصل: انا لله .. يمه ؟
ام فيصل: انزين انزين ..
بو فيصل: ابوي اي شي تبينه اتصلي .. بنتغدى وبنييج ..
ريم: بلعافيه
فيصل راح يم اخته .. حط يده على راسه .. ويده الثانيه يود يدها : ماعليج شر
ريم ابتسمت : تعال بحبك ..
فيصل جندس لها وحبته ..
فيصل: الدكتور قايل لازم تاكلين شي .. شخاطرج فيه ؟
ريم: ماخاطري فشي ..
فيصل: مايصير .. يالله قولي ..
ريم: اممممم .. اللي بتاكلونه
فيصل: قولي يالله ..
ريم: اي شي ..
فيصل: بييب لج اي شي .. وان ماكلتي هال أي شي بتكفخين ها ..
ريم ابتسمت : ان شاء الله
فيصل: يالله مشينه .. مع السلامه
طلعوا ودشت اسماء .. بسرعه راحت لمت رفيجتها : وااااااااي ريمو .. (التفتت وراها تبي تتأكد.. بلعدال ) كله منه البقم
ريم متضايقة: تلفوني فلبيت
اسماء: يعني عندج أمل اتصل ؟ سواد ويهه .. خليه عنج .. شلونج الحين؟
ريم: الحمدلله
اسماء: سواد ويهج انتي بعد .. ورا ماتاكلين ؟
ريم: ....
اسماء: ماعليج شر يالدبه .. تكسرين الخاطر
ريم: الشر ماييج حبيبتي .. ماستحمل .. احس شي ناقصني
اسماء: انا لله
ريم: احس مابي شي في هالدنيا غيره .. اسوم .. (دمعت عينها) أحبه
اسماء ابتسمت: أقول مالت على الحظ .. ابي جذي !!
ريم: ابي ناصر ..
اسماء: لتحنين .. لي رحتي البيت اتصلي ..
ريم: الله .. من صجج ؟ تبين فيصل يجوف رقمه فلبيل ويذبحني ؟
اسماء: طرشيله مسج عيل
ريم: المسج ماينفع ..
اسماء: قطي روحج فلبحر عيل
ريم: احسن شي ..
اسماء: باجر جامعه .. بتيين ؟
ريم: اي لازم ايي .. ان شاء الله
اسماء: ان شاء الله .. في سكولر شب مادري شسالفته .. قلت حق عوشو تسجل اسامينه
ريم: مال شنو عاد ؟
اسماء: مادري .. مب خسرانين شي .. اهيا تقول فن فرصه ومادري شنو .. قلت لها سجلي
ريم: عاد سألتي الله يهداج
اسماء: مردنه بنعرف .. باجر اذا رحت الجامعه بسأل ..
ريم: ان شاء الله .. بس قولي حق رشود خل يروح شغله وانا بمر عليج ..
اسماء: بتاخذين سيارة امج يعني ؟
ريم: اي بعد شسوي .. فصول وابوي مايقدرون يودوني .. وامي مب لازم تطلع الصبح
اسماء: مسكينه ..
ريم: خلاص تعودت امي كله اخذ سيارتها .. خل تحن على ابوي يشتريلها وحده
اسماء: تحملي يقصون عليج .. خل يعطونج انتي اليديده
ريم: لاااااااا عادي .. اهم شي سياره
اسماء: يالله .. الحمدلله
ريم: الحمدلله ..
اسماء: ماستحمل اجوفج جذي .. تكسرين الخاطر .. ويهج حده مصوفر
ريم: كريهه ؟
اسماء: حدج
ريم: حلفي اسوم ؟
اسماء: حتى وانتي مريضه شحلوج يالخايسه ..
ريم: ردينه على سالفة الخياس ؟
اسماء: ههههه ..
السستر ياتهم: شلونج الحين ؟
ريم: الحمدلله .. ابي اطلع ..
االسستر: ان شاء الله بس الحين توه مكمل السيلان .. لازم نحط لج واحد ثاني بعد
ريم: آآآآآآآه .. مابي !!
السستر: لازم .. مب على كيفج
ريم: ومتى بيكمل ؟
السستر: يبيله 3 ساعات
ريم قمضت عينها :ماستحمل
اسماء: معليه ريمو بتم وياج انا
ريم: مب سالفة اتمين وياي .. ابي اروح البيت
اسماء: تراهنين محد متصل ولا مطرش مسج ؟
ريم خذت نفس: لتحبطيني ..

فيصل وامه وابوه واخته توهم مكملين غدا
فلسياره
فيصل: يبه .. بقطكم البيت وبروح أوديلها الغدا
بوفيصل: لا يبه بنيي وياك
فيصل: يبه !! نسيت عمي بيينا ؟ وانتوا ماسويتوله شي !!
ام فيصل: ويي صج !! ورانه طبااخ !
نجود: اوكي انا بيي وياك
فيصل: لا ساعدي امي ..
نجود: في شي اسمه جاندرا .. بتساعدها
فيصل بدا يعصب: قلت لج ساعدي امي
نجود تتأفف: انزييييييين ..
وصلوا البيت
بوفيصل: بكلمها انا .. بس انت طمني عليها
ام فيصل: ماعندها تلفون .. لي وصلت خلنا نكلمها
فيصل: ان شاء الله يمه .. يالله مع السلامه
ام فيصل: أمانة الله
بوفيصل: الله يحفظك
نجود رقعت الباب: باااااااي
شخطها فيصل ورااح لها .. وكانت أسوم عندها سوالف وضحك ولا جنهم في مستشفى
ماكان يبي يدش لان مايبي يجوف أسماء .. لكن مايقدر .. لازم يدش
فيصل: احم ..
اسماء كانت تضحك .. من سمعت حسه سكتت ..
ريم: هلا فيصل .. حياك
فيصل وهو يحط الجيس علطاوله: غداج
ريم: نعم الله عليك ..
فيصل: بلعافيه.. اكليه عاد ..
ريم: ان شاء الله
فيصل اتصل حق امه وعطاها التلفون : هاج كلمي امي
ريم: هلا يمه .. لا أوكي .. توها يايتني مارضت .. قالت على الساعه 7 يمكن .. ان شاء الله .. الشر ماييج .. الله يسلمج ..
عطت اخوها التلفون
فيصل: سبع انا عندج .. ( وهوه طالع) مع السلامه
ريم: الله يسلمك .. (تحاجي اسماء) ولا جنج موجوده !!
اسماء: شلون يعني ؟
ريم: يعني مالج حس . .!!
اسماء: شتبيني اسويه ؟؟ اركض المه واقوله وحشتني مثلن ؟
ريم: بل بل بل .. شوي شوي علي .. شقلت لج الحين ؟
اسماء راحت تييب غداها: اقول اكلي وانتي ساكته
ريم: ان شاء الله عمتي .. بسملله ؟
اسماء: بلعافيه .. شبعانه .. اصلن حتى لو يوعانه .. هالآدمي سد نفسي
ريم: بس عاااااااد انا اخته ..
اسماء: وذا ؟
ريم: ماحب جذي يعني .. اففففف
اسماء: انتي شتحبين؟
ريم مستحيه: ناصر
اسماء تبي تحرها: ويي شدعوه اهوه يحبج عاد ؟
ريم بوزت: لتقولين جذي حرام عليج
اسماء: جب اتغشمر .. إلا مول ؟ ماتدوقلين انتي ؟
ريم تاكل: هأ
رن تلفون اسماء: الوو .. الحين ؟ لااا تو الناس انطر .. لا بليز .. لا لا لا لا لا لا .. لا بتم وياها بروحه .. لااااااااا .. عاد عاد .. لا مابي .. لا .. اوكي باي
ريم: شفيج ؟ جم مره قلتي لا ؟
اسماء: والله للأسف ماعديتهم ..
ريم: شصاير؟
اسماء: رشود يقولي بايي باخذج الحين لان عقب ماقدر
ريم: انزين عادي انا بتم اذا تبين روحي
اسماء: طرده يعني ؟ عناد بتم
ريم: انزين تمي بخلي فصول يوديج بيتكم عقب
اسماء: مابيييييييييييي .. هذي اللي قاصر
ريم: وعليه ماسوالج شي ؟
اسماء: كيفي .. اصلن رشود قالي ست ونص باييج حدج .. شسوي ؟
ريم: شعاد انزين .. عبالي بييج الحين ..
تموا يسولفون لي مايه راشد وخذ اخته .. وتمت ريم بروحه .. تنطر فيصل اييها
شالوا السيلان عنها .. لبست شيلتها ودفتها وتمت تنطره ..
سبع الا ربع الا اهوه عندها
فيصل: تأخرت عليج؟
ريم: لا لا ..
فيصل يودها: يالله مشينه

وصلوا البيت الا عمهم ومرت عمهم هناك ..
كلهم كانوا متيمعين فلميلس ..
دشت عليهم ريم .. كان شكلها ابين تعباان .. ويهه خااق .. مصووفر ..
راحت سلمت على عمها ومرت عمها ..
ام ناصر: تعالي يمه قعدي يمي .. سلامتج ماعليج شر
ريم: الشر ماييج ..
بوناصر: عاد ناصر قالي من تتيمعون اتصل لي بسلم عليهم كلهم
ريم قلبها يدق يدق
بوفيصل: الله يسلمه
بوناصر يتصل .. يتصل .. ناصر كان راقد .. بس سمعه وشاله : ألو
بوناصر: هلا ابوي شلونك؟
ناصر بزور يتحجى: زين
بوناصر: كاني في بيت عمك
ناصر فز من فراشه: هاااااااااا ؟ احلف ؟ عطني عطني ريم
بوناصر: نعم ؟
ناصر حس ان قال شي غلط: عطني عمي بسلم عليه
بوناصر: ان شاء الله (يعطي التلفون بوفيصل(
بوفيصل: هلا ناصر يبه شلونك؟
ناصر: الحمدلله .. شلونكم انتوا ؟
بوفيصل: الحمدلله .. هذحنه ويا ريم
ناصر فز قلبه: شفيها ؟
بوفيصل: توها داشه البيت
ناصر مب فاهم: ها ؟
بوفيصل: كانت فلمستشفى ..
ناصر: افاااااااء ؟ وينهي بكلمها
ام فيصل تحاجي ريلها: ليش قلت له الله يهداك
بوفيصل يعطي التلفون بنته: بعد سألني شخباري قلت له .. (يحاجي ريم) كلميه
ريم متشققه: الووووو
ناصر متدوده: ريم انتي بخير ؟ سلامات شصاير ؟
ريم: ماصار شي .. بس ابوي يبالغ .. انته شلونك ؟
ناصر: ريم انتي بخير ؟ شتحسين فيه شيعورج ؟
ريم ابتسمت .. ماتعرف تتحجى والعيون كلها عليها: كل شي تمام
فيصل: بسج انتي عطيني بسلم عليه
ريم تحبطت: فيصل بيكلمك لحظه (عطت اخوها التلفون)
ناصر تحبط: هلااا الفيص
فيصل: هلااااااااااااااوالله .. شلونك ولد عمي ؟
ناصر: اذا انتوا بخير انا بخير
فيصل: كلنا بخير الله يسلمك .. شعلومك؟
ناصر: والله الحمدلله تمام
فيصل: مالك ييه البحرين؟
ناصر: ان شاء الله جريب
فيصل: خبرني قبل
ناصر: ان شاء الله
فيصل: يالله عيل مع السلامه
ناصر: الله يسلمك

ام فيصل: ورا ماخليتني اكلمه
فيصل: يمه ؟
ريم استانست .. صج ان عبالها حاقرها .. بس عالأقل كلمته وتطمنت عليه ..
المشكله ماكانت بروحهه وماقدرت تسأله عن المسج .. ولا عرفت تتحجى اصلن
تمت سرحانه .. بس محد لاحظها
ريم: انا استأذن
ام ناصر: وين يمه تو الناس؟
ريم: لا بس بروح ارتاح ..
ام ناصر: ارتاحي حبيبتي ماعليج شر ..
ام فيصل: بناديج علعشا ان شاء الله
ريم: يمه مـا ..
ام فيصل قطعتها: مافي .. بتاكلين
ريم: ان شاء الله ..
ركبت فوق ..

عقب ماتعشوا وراحوا .. فيصل كان متملل .. ومافيه شده يطلع ويا ربعه
طلع برا .. رفع ثوبه وقعد عالدجه .. تم يحوس في تلفونه .. جاف رقم غريب ( رقم اسماء .. مره اتصلت لها ريم من تلفونه) .. ماكان يعرف رقم من
اسماء حزتها كانت منسدحه تجوف فلم .. بروحهه
فيصل اتصل .. تم يرن يرن يرن .. ماسمعته كانت مشتطه ..
رد اتصل ..
شالته : ألو ؟
فيصل استغرب .. : هلا
اسماء: اهلين .. من ؟
فيصل: رقمج في تلفوني .. !!
اسماء عصبت: احلف بس ؟؟ ( صكته في ويهه)
فيصل استغرب .. رقم بنيه في تلفونه .. من ذي ؟
رد اتصل
فيصل بهدوء: لتصكينه في ويهي
اسماء تفشلت: خير ؟
فيصل: من انتي ؟
اسماء: انا من ؟ انته اللي من ؟
فيصل: انا ؟ انتي من ؟
اسماء: يه ؟ انت اللي متصل الحين .. تبي احد؟
فيصل: لا
اسماء: عيل شلا متصل؟
فيصل: مادري
اسماء: انت شارب شي ؟
فيصل: لا
اسماء: وي ؟ الحمدلله والشكر
فيصل: الحمدلله والشكر
اسماء: شكلك متملل وتبي تسولف
فيصل: بالضبط
اسماء: انا مو مستعده اسولف وياك
فيصل سكت
اسماء: مع السلامه (صكته في ويهه)

تتبع
..........




لامارا غير متواجد حالياً   رد مع اقتباس
قديم 16-07-13, 03:10 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


تابع........

فيصل بدا يعصب .. شلا تصكه في ويهي ؟
رد اتصل
اسماء: وبعدين وياك ؟
فيصل: قلت لج لتصكينه في ويهي
اسماء متفشله: آسفه
فيصل: اي .. جذي
اسماء: لا والله ؟
فيصل: شفيج الحين معصبه ؟
اسماء: انت شتبي ؟
فيصل: مابي شي .. ابي اعرف شياب رقمج عندي
اسماء: لتقعد تألف .. شكلك متملل وتطقق ارقام من عندك
فيصل: ماتبين تصدقيني كيفج
اسماء: انزين مابي اصكه في ويهك .. بس بصكه
فيصل: شلا ؟
اسماء: شنو شلا ؟ مب عدله اكلمك .. يالله مع السلامه
فيصل: الله يسلمج ..
أسماء: لتتصل مره ثانيه فاهم ؟؟ جليل حيا
فيصل سكت .. وهي صكت التلفون

صكته .. وهوه تم يفكر .. عجبته .. استانس عليها .. صوتها .. اسلوبها .. كلشي حلو
مادري من الملل ولا صج عجبته .. بس للأسف مايدري ان اهيا اسماء .. وهي ماتدري ان اهوه فيصل
اسماء ماعطت السالفه اهتمام .. تمت تتحلطم : اففف خرب علي الفلم .. كرهات تكرهه

عقب نص ساعه ركب بيرقد ..
اتصل لها
اهيا كانت منسدحه بترقد
فيصل: الو
اسماء: اوهوو .. شتبي انت ؟؟
فيصل بهدوء: لتصكينه .. بس كنت بقولج تصبحين على خير .. ( آآيه عالبراءة)
اسماء استحت : وانته من هله ..
فيصل: مع السلامه
اسماء: يسلمك ..

اسماء ماقدرت ترقد .. تمت تفكر فيه .. شيبي ذي ؟
فيصل مستغرب .. في شي يشده بس مايدري شنو .. معنى لا جافها ولا شي

ريم من صوب ثاني ماقدرت ترقد ..تمت تحاجي روحها : يعني يتحجى ولا جن مسوي شي .. ولا جن حاقرني
اففف .. ابي اكلمه .. لا اله الا الله .. ليش يسوي فيني جذي ؟ آآآآآآآآآآآه

ناصر تم يحاتيها .. شفيها فلمستشفى .. شصاير لها .. شلونها الحين ؟ شخبارها ؟ شتحس فيه .. أشوى ولا ؟
وليش ماتتصل .. علأقل تعطيني رقمها انا اتصل .. انزين ايميل .. أي شي .. ابيـــــــــــــها ..

فيصل ماقدر يرقد .. تم يتذكر كل كلمه قالتها له ..
يوم أذن الفير .. اتصل لها
اسماء كانت راقده .. شالته وماجافت الرقم
صوتها كان يضحك .. راقده !! : الو
فيصل ابتسم : راقده ؟
اسماء تخرعت: من؟
فيصل: آآسف جان قعدتج .. بس قومي صلي .. أذن
اسماء فيها الضحكه: يزاك الله خير
فيصل: لحظه
اسماء: هممم
فيصل: لا بس .. مع السلامه
اسماء: الله يسلمك

قام يصلي .. وعقب ماصلى .. نطر شوي واتصل
اسماء: انا لله .. تغربلنا
فيصل: تمللتي مني ؟ آسف
اسماء: لا مب عن .. بس مب عدله .. تدري هالمره مب شايلته
فيصل: لاا لاا .. مابتصل .. بس ممكن اطلب طلب ؟
اسماء: طلب ؟ شتبي ؟
فيصل: باجر دواام .. وانا مارقدت اليوم
اسماء: So ?
فيصل: اصير تقعديني الساعه 7 ؟
اسماء في خاطرها اشتغل عندك ؟
فيصل: اذا مايصير قولي .. بس اذا جفت الألارم بصكه وبرد ارقد .. بس اذا جفت رقمج غير
اسماء مستغربه .. من وين طلع لها هالآدمي : ان شاء الله
فيصل: يعني بتقوميني ؟
اسماء: ان شاء الله
فيصل ابتسم : شكرا ..
اسماء: عفوا .. بااي
فيصل: باي


انتهى البارت 3......



لامارا غير متواجد حالياً   رد مع اقتباس
إضافة رد

الكلمات الدلالية (Tags)
وبينك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:18 PM



Powered by vBulletin®
Copyright ©2000 - 2024, vBulletin Solutions, Inc.