آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-07-13, 06:44 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  مهلا لا تحرموني من حبيبي اغلى من الروح / للكاتبة يلوموني فيك...مكتملة
التعديل الأخير تم بواسطة لامارا ; 23-10-13 الساعة 07:27 AM | |||||||||||||
|  |
|
19-07-13, 03:02 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  مهلا لا تحرموني من حبيبي أغلى من الروح الفصـــــــــــــــــــل الاول الجــــــــــــــــــــــ زء الاول في بيت مشبع بالظلم والظلام لا يشع منه عدل أو نور....... هي مقيده بالسلاسل كأنها حيوان "أعزكم الله" مقيد.... تثير الارض من جراء صراخها...... لا يسمعها أحد..غير جدران الغرفه...... مكبلة بظلال الحزن لا يعرفها أحد...... فشعرها المتساقط على وجهها....... تكاد أن تنسى لون شعرها البني الفاتح....... المنكب على وجهها ..لا يعرف أيهما شعرها من وجهها..لأنه ملتصق بخدودها الرطبة من كثرة البكاء..... لا يدخل نور الشمس الا من ثقب بالغرفه..... معزوله عن الدنيا والعالم....... لا يدخل عليها أحد.... وحتى إذا دخلوا وضعوا لها الأكل وتركوها.. أو يدخلوا ليضربوها..... يكاد ان ينسى اسمها من هذا البيت.. هل تتحرر من هذا المكان او تبقى حتى ياخذ الله امانته.. ... - شيلي الأكل من قدامي أنا ما أبي شي..... الخادمه...... - ماما في انت كذا تموت ...وأنا أكب الأكل برجلي..هذا إللي أنا أبيه.... ، سارا: قوم يا رجال افتح لها الباب لا يكون صار لها حاجه ترا صار لها أكثر من شهرين وهي محبوسه بالسرداب.. بوعلي: سودة وجهي قدام الناس الله يسود وجهها.... سارا: بس أنا واثقة ببنتي وبنتي ما تسوي كذا... بوعلي: أجل مين إللي شفناه كذا ؟ ها مين ؟؟ سارا: ع الاقل تجلس معنا بدال هالحبسه السودة ذي... بوعلي: ماشي بس ما تجلس معي إذا كنت موجود بالبيت ولا بنفس السفره فاهمه شقول ؟؟.. سارا: كل إللي تبيه بيصير...... ، ودخلنا تلكـ الغرفه وهي مربطة بالسلاسل وأول مانظر إليها رفع يده بذاكـ السوط عليا وهوى به على جسمها يرسم وسوم داكنة على بدنها.. كدت لا أعرف كيف اصبح لون جسدها.. - هل هو بني ام ابيض ؟؟.. لا يرى فيه سوا الاحمرار والزرقة عليه... - يبه والله مالي دخل انت تعرفني هذي تربيتك أنت لي بوعلي: وهذا إللي حاز بنفسي زود..... - يمه اقنعيه قولي له إني مالي دخل....... سارا وهي جالسه على الأرض وترفع شعرها ودموعها تسيل..... بس تتكلم من داخلها..... - يمه بنتي حوريه انا لو فيني أحطك داخل قلبي ولا اسمح لمين من كان إنه يمس شعره من راسك.... بوعلي: هذي مو أمك هذي مرت أبوك والليله ملكتك... حوريه: لا مستحيل..يمه تحكي لا تظلين ساكته سارا ودموعها تنزل: لو فيني كان منعت هلي يصير لك..... بس ما في إيدي شي وهذا إللي لازم يصير..... واخذتها وصعدنا فوق ودخلتها غرفتها وخليتها تدخل التواليت....وأنا زهبت لها ملابس تلبسها.. بالمجلس عند الرجاجيل كان جالس وهم يعقدون القران تذكر يوم جاته اخته وهي تقنعه بالزواج منها..كان ذاكـ اليوم توه راد من الدوام..وهاليوم ماينسي من حياته.. سيف..اوووووووه اليوم زايرتنا اجل وين رجلك عنك ؟؟!!.. سارا..بالبيت، اجلس بحاكيكـ سيف..عرفت اللحين بتصكين راسي بالزواج سارا..والله وختصرت علي نص الكلام سيف..وانا اقلولك ان خلاص الزواج مسحته من ذاكرتي سارا..بس انا عندي لكـ اذهبه ماراح تحصل مثلها بالكون كله..حتى لو لفيت العالم.. ومالقيت غيركـ أنت إللي يستحقها وتنور عليكـ دنيتكـ إللي ملت منك وأنت عايش بالظلمه والأكتئاب..... سيف..وين صاحبة لمسج سارا..حوريه سيف وهو يفتح ازرار لكنر: حوريه....... سارا: اي بنت ماعليها كلام..... سيف: نسيتي...... سارا: صدقني إللي مطلع عليها كلام ما صار ولا حصل ربكـ بيجازيه سيف: وأنا مافكرتي فيني.. ولا فكرتي بمشاعري ولا تصورتي لا لحظه كيف بيكون شعوري ؟؟ سارا: لو أنا مو عارفه انكـ تحبها وتتمناها كان ما جيت لكـ سيف: مين إللي راسلك بهذي الأفكار الغريبة ؟؟!! سارا: لو أنا مو عارفه ومتاكدة بعد ماكان عرضت عليك...ـ سيف: نوه..... سارا: لين متى وانت حاط صورتها بالكبت وكل يوم اتطالع فيها ؟؟!! سيف: بس صعب..صعب..وهذا فوق طاقتي.... سارا: طيب شهر ع الأقل تزوجها وبعدها طلقها... سيف: وأنا بكون المنقذ الي بينقذها من فضيحتها سارا وهي حاطه ايدها على صدره: - صدقني بعد فترة بتجي وبتشكرني على النعمه إللي عطيتكـ اياها سيف بعد تفكير عميق: ت أنا من ايدك هذي..إلى ايدك هذي.... سارا..كفوا..كفوا..كفوا..والله ماخاب ظني فيكـ رجع إلى واقعه بعد الغفوه التي أخذها..... عاد ليكمل حياته الآن..... بوعلي ويحط يده على يد سيف: - سيف ولدي الشيخ يكلمكـ سيف وهو يبلع ريجه ويعدل من نبرة صوته: - نعم..... بوعلي كرر السؤال.. - سيف شفيكـ..أقولكـ الشيخ يكلمكـ سيف..معاكـ..(والتفت على الشيخ)..تفضل اسمعكـ الشيخ..انت موافق على الزواج بكل قواتكـ العقليه..بدون اي ضغط من احد او اكراه سيف يكلم نفسه..وانا فيني حيل امنع الزواج مااقدر اقول لأختي شي.. الشيخ..هاااااااا سيف موافق او لا سيف..اي موافق فوق عند حوريه كانوا يضعون لي لميكـ اب وانا سؤال واحد يدور في ذهني منو هذا الي بيزوجوني له يعرف عني شي او لا..او ماخبروه شي يمكن يكون شخص محتاج فلوس..وابوي اغراه بالفلوس ، بس منو هذا ؟؟.. كيف شكله حلوا او بشع.. ؟؟ مفترس او حبوب..كيف بيعاملني او كيف انا بقدر اعيش معاه تعبت انا من هشي متى ياربي ينتهي كل شي من حياتي..ليه هذي الليله طويله ومش راضيه تخلص ؟؟.. سارا: كيف شايفه نفسك ؟؟ حوريه..عادي سارا: طالعي زين نفسك بالمرايا..... حوريه: يمه منو هذا إللي بياخذني ؟؟؟ سارا ماعرفت شنوا أجاوب.. حوريه: يمه اكلمك انا ردي علي ؟؟ سارا: واحد...... حوريه: أدري إنه واحد !!..أجل وحده ؟؟!!..بس منو ؟؟ سارا: اللحين تعرفين.... ، كان يصرخ من داخله كيف أنا رضيت بهالمهزله تصير..هي تعتبرتي خال لها..... ، وأنا كيف رضخت.. عسى بس ماحد اجبره..... أنا محتار في أمري.... كنت أحلم إني ازف اختي بثوب العرس واهي سعيده وفرحانة.. مو مغصوبه على الزواج.. ، حوريه: علي شفيكـ واقف فيكـ شي.. ؟؟ تعبان ؟؟ علي: لا..أنتي شلونك....مرتاحه ؟؟ حوريه: شتفرق إذا كنت مرتاحه والا لا ؟؟ علي: كنت أبي اباركلك..بظروف احسن من كذا..بس ديري بالك على نفسك وعرفي اني انا موجود بأي وقت انتي تحتاجيني فيه..... حوريه: عارفه.... ، بره عند سيف كان يتأمل السماء كيف صايره والنجوم كيف متقاربه من بعض..وهو كيف صاير بعيد عنها تنهد وغمض عيونه وفتحها..ومسح دمعته والتفت على الصوت الي ناداه..... وشافها ما تغيرت عليه هي مثل ما هي لما شافها آخر مره قبل لا يسافر.. وحوريه انبهرت هذا ما كان هو الزوج المرتقب هذا كان سيف يمكن جاي لمجرد زياره منه لأخته..... سيف لحد اللحين ما تغير أبد هذا هو.. تعابير وجهه ما تغيرت.... يمكن تغير فيه شي واحد..هذا هو الشي إللي ما عرفته فيه..... بس ليش قرب منها كذا ؟؟!! سارا: وهذي عروستكـ يا سيف.... حوريه الشنطه طاحت من يدي.... شنوا هذي تقول ؟؟!! علي: حوريه انتي بخير ؟؟ حوريه...... سيف: يله.... تبين شي سارا ؟؟؟ سارا: لا..سلامتك.....ـ سيف: الله يسلمك...... ، ركبنا السياره وكنا ساكتين ما غير صوت المسجله شغال على دعاء..وانا اطالع فيه واقول في هذا هو الشخص الي كنت اناديه خالي..يقولي انا احبك..ماكنت اقدر جملته على بالي انها حب خال لبنت اخته.. اللحين بس عرفت ليه ابوي دايماً كان يقولي تستري جنبه لا تجلسين بملابس سافرة.. وانا أقوله هذا خالي..وطبيعي إني اجلس جنبه كذا..وهو يتنرفز من كلامي.. وكيف بناديه أللحين خالي سيف.. و اذا سألوني الناس منو هذا..شنو بجاوب عليهم ؟؟.. ، في بيت سيف سيف: هذا هو البيت يمكن ما تغير عليك ؟؟ حوريه: لا ما تغير سيف: شنو قاعدة تطالعين ؟؟ حوريه: أطالع استايلكـ بالبيت دايمآ تبهرني سيف: اخذي راحتك حوريه: انت بتطلع سيف: اي بغيتي شي ؟؟ حوريه: لا سيف: على فكره نامي لا تستنيني حوريه: ليش مو راد لبيت ؟؟ سيف: لا تستعملين معاي الاسلوب هذا..فهمتي ؟؟ حوريه: بس انا ماقلت لكـ شي..ليه حمقت علي ؟؟.. راح صوب الباب حط يده على مقبض الباب حس ان لباب مو راضي ينفتح معاه..كأن لباب يقوله ارجع لوين رايح تتركـ عروستكـ.. في مثل هذي الليله..بس مااهتم دفع لباب بقوه ونفتح معاه.. بس برضوا وقفه صوت ناداه..تركـ لباب ولف لمصدر الصوت..كان واقف بجامته ويفركـ.. عيونه بأيده فيه النوم بس سمع ان احد جه نزل يشوف منو هذا.. خالد: خالي انت جيت البيت ؟؟ سيف ونزل لعنده: اي حبيبي بس بطلع..بغيت شي خالد..اي ابيكـ تنام عندي..امي بتطول بالمستشفى سيف رفع راسه ويكلم نفسه.... - ما أقدر أجلس أنا وهى بنفس لبيت هي حبي الوحيد..بس النار تشعل بصدري..وأحس إن روحي بتطلع من مكانها.. خالد: خالي ليه العرق يصب منك ؟؟ قربت لعنده وحطيت يدي على راسه: حورية: أنا اليوم بنيمكـ بحضني..وخالكـ يروح مشواره زين خالد: أنتي منو شنو تسوين في بيتنا ؟؟ حوريه :..أنا..أنا..أنا.. سيف: هذي زوجتي...... حوريه: ما ألومه يمكن أربع مرات شافني فيها عندهم بالبيت..لهذا مايعرف انا منو وشو بالنسبه لخاله.. في بيت بوعلي علي: يمه قومي اتصلي بحوريه شوفي شلون صايره سارا: مايجوز ماخذت الا ساعه من طلعت من عندنا علي: يمه..طلبتك..هي ما كسرت خاطرك..بطلعتها من البيت كذا.......كأنها وحده بيعدمونها.. سارا: أخاف أبوكـ يعصب علينا علي: ماعليه..بس أكيد أبوي نايم أللحين في بيت بوسعود أسيل: يبه رحت ملكة حوريه ؟؟ بوسعود: لا إخوانك مو هنا..وأمك ماخذه الدريول معاها. أسيل: أنا كان ودي أروح بس خفت من عمي..وماحبيت إني اشوف حوريه كذا..... بوسعود: لو متحكيه كان رحنا لعندهم اكيد عمك تلقينه منهار على بنته... أسيل: يبه ماعرفتوا منو هذا إللي مسوي معاها كذا ؟؟ بوسعود: لا كل شي لقيناه بالعلبه..بس ياليت اخوانك طايعيني وماخذين بنت عمهم.. أسيل..يبه العتب مو عليكـ..العتب على ولدكـ..الي تركها في بيت سيف نام خالد وطالعت الساعه..وايد تاخر طلعت من لغرفه..وبحكم اني ما اعرف الغرف وين صايره نمت بالصاله..قلت عشان اذا جاء احس على جيته.. رد لبيت وشافه اظلم شغل الضو الي بالدرج..وصعد وشاف الابجوره الي بالصاله شغالة..راح يشوف منو.... حصلها نايمه حاول ان يلمس شعرها بس تراجع..ودخل غرفته ولا جاله نوم قام فتح الباب وجلس على الكرسي وقد يراقبها لان غرفته مقابله للصاله.... وجلس يرسم فيها لمن استوى الصبح..وقام وراح لعندها - سيف: حوريه..حوريه.. حوريه قعدت وارفعت ادينها تتمغط. خالد..صباح الخير خالي سيف: صباح الخير... يلي مجهز نفسه ليروح على لمدرسه.... خالد: خالي أنا بنزل تأخرت على باص المدرسه سيف: لا تروح لمن تتريق... حوريه: وخالتي ماجات من المستشفى.. سيف: لا خالتك ما بعد تجي..ممكن تحضرين لي الريوق على ما أبدل.. حوريه: حاضر..تبي شي معين ؟؟.. سيف..لا..إللي تسوينه.. بفيلا بوحمد دخلت غرفته كانت ظلمه..ودخلت معاها بنت عمرها حوالي خمس سنوات شعرها طويل.. صعدت على السرير..تجلس فيه وماعطاها موباله انقلب على بطنه..بهاللحظه افتحت إللي دخلت معاها افتحت الستاير ودخل ضوء الشمس ..وتضايق ورفع المخده إللي تحته وحطها فوق راسه.... ويئست من إنه يقعد وطلعت من الغرفه..... وارجعت سريع وحط بوجهه حمرة شفاه على شفايفه..وعلى خدوده..وطلعت..وبعدها بساعه جلس وشاف نفسه بالمرايا وصرخ... في بيت سيف سيف: هالمره بعديها لك.. حوريه..ليه ؟؟ سيف: أنا مواعيد ريوقي وغداي وعشاي ثابته.. حوريه: وإللي هي.. سيف يبي بس يتلف أعصابها ولا هو ماله مواعيد ثابته.. - ريوقي الساعة 6:30 بس قبل بنص ساعة اشرب عصير وأقراه جرايد..وغداي الساعة 1:45 وإن تاخرتي دقيقه يا ويلك مني..والعشاء الساعة 8:30 ويكون خفايف... حوريه ابتسمت ابتسامه خفيفة: بس أنت تدلل.... سيف حس إنها تتمضخر عليه: أنتي تتطنزين علي ؟؟ حورية: لا..ابد ماعاش مين يدوس لكـ على طرف.. سيف: أوكي انا طالع ألحين..ونظفي لبيت عدل حورية: إن شاء الله ، في فيلا بوحمد طلع من غرفته بعد ما صلى لفجر متاخر ونزل بالصاله إللي بالطابق الثاني ونادى عليها... ...نور..نور.. ساندي: بابا سامي الريوق زاهب.. سامي: جيبيه لعندي.. ساندي: تفضل.... سامي: شنو هذا ؟؟!! ساندي: ريوق..... سامي: أنا كم مره أقولك غير الجبن والزيتون..لا تجبين لي شي غيره ؟؟!! حلا: من ولده أنت إللي ما تاكل الا كذا ؟؟.. ولا خايف البنات ما يتحادفون عليكـ..... سامي: أنا ولد الراهي مو واحد جاي من الشارع ؟؟ حلا: نشوف ياولد الراهي غروركـ لوين بوصلكـ.. سامي: بيوصلني..لفوق..لفوق..لفوق.. كانت تطل براسها من الصاله تشوف تعابير وجهه كيف صايره..اذا هو حمقان عليها..أو لا سامي..نور..نور..نور مها: لا تنادي عليها ما أدري عنها انزلت بسرعة يعني هي مسوي شي.... سامي: نور..نور..تعالي أنا مو زعلان منك.. نور اوقفت جنب جدتها: أنت صاج ؟؟ سامي..اي وجات لعنده وجلست جنبه بالكنب..وهو شالها وحطها على ارجوله..وشال أول لقمه بيحطها في حلجه..ولتفت وحطها بحلج نور.. حلا: ..ياعيني عليكـ..ماشاءالله صاير ذرب سامي: ..أنا لو ما أشوفها..أستخف..أجن..هذي نوري إللي ما ابدلها بأحد.... بوحمد: ..سامي..سامي.... سامي: ..نعم.... بوحمد وهو يمد لمفتاح له.. سامي:..هذا مفتاح السياره الجديده.. بوحمد: ..اي حلا: ..وأنت ما تدوم عندك سياره كله مكسرها.. سامي: ..ونسيتي ما اكليتي..مو ابوي كاتب لك..شقه بايطاليا..هدية زواجك..يالغبيه.. حلا: اي شقه بنستفاد منها مو أنت.. بوحمد:..ماحد له شغل بولدي..لو يكسر كل يوم سياره تفداه...هذا اصغر واحد بالعيلة الراهي.. سامي انسان يحب شي اسمه البنات والمغازل..بس هو شخص حساس..صاحب الابتسامه اللطيف اذا ما في شي اسمه سامي البيت، البيت يصير ماله داعي لأنه يصير كئيب.. في بيت سيف مرام: ..صباح الخير حوريه..والف مبروكـ حوريه: ..الله بارك فيك..رديتي من دوامك مرام:..اي بس انتي ليه حايسه بالبيت..وليه لابسه كذا حوريه:..أوامر أخوك..طلب مني إني ارتب البيت مرام:..لا كان طاوعينه انتي عروس جديده حوريه واهي تنظف بالطاوله:..أي عروس..وإللي يسلمك بس..... مرام:..اي انتي عروس..ما في لك مثيل.. حوريه:..بسك من الحكي..روحي دارك ونامي وأنا خليني انظف مرام:..آسف ما شاركتك بهالمناسبه..ومن أول يوم خليتك فيه تسوين ريوق لأخوي وولدي.. حوريه:..ما فيه داعي تتأسفين..... مرام:..أجل أنا بروح أنام.... حوريه واخطرت عليها فكره شيطانيه.. - مرام....... مرام: ..نعم حوريه: ..سيف كيف يفضل الاكل ؟؟.. مرام: ..تبين اقول لك ؟؟ في فيلا بوحمد حمد:..نور لحد اللحين جالسه عند عمك ما تبين تسلمين على ابوك.. نور:..سلمت عليكـ قبل لا تطلع من البيت حمد:..اللحين منو أبوك أنا ولا هو..ولا يكون تحبينه اكثر مني ؟؟ نور تطالع في أبوها وتطالع في عمها سامي ..وباست سامي في خده..وجاوبت نور:..احب عمي حمد:..هااااااااااااااا ؟؟؟؟؟؟؟!!!!!!!!!! مها:..ما أدري من يوم ما كانت في بطني ماتتحركـ الا جنبه هلي تحبه اكثر مني ومن ابوها.. سامي:..يا قلبى و يا اعيوني مدامك جاوبتي كذا بوديك معاي..الجامعه وبعدها نروح نتغدى باكبر مطعم بالكويت.. نور واهي ترفع شعرها:..أنا... ؟؟!! طيب أنت روح الشركه أنا يبيلي أربع ساعات أزهب نفسي فيها تعرف إني ما أطلع من البيت وأنا مو مترتبه.. سامي:..أوكي أجل كم الساعه أمرك ؟؟.. نور: ..الساعة 1:30 وإذا تأخرت علي راح تغديني بأغلى مطعم بالكويت.. سامي: صار..وأنا من الساعة وحده بكون عندك.. انتظر تعليقاتكم | ||||
|
| |
|
19-07-13, 04:31 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــــــــــــــزء الثــــــــــاني في بيت بوعلي دخلت غرفتهم شافته ساجد على السجاده ما حبت إنها تقطع عليه.. دخلت التواليت تلم الملابس إللي يبيلها تنظيف.. وبعد ما خلصت طلعت.. توقعته خلص بس شافته على وضعه ساجد.. طاحت السله من إيدها قربت منه وبدت تنادي عليه بس ما استجاب لها ونادت على ولدها.... سارا:..علي..علي..(وقامت واوقفت يم الباب وارجعت ونادت عليه)..علي..علي..... علي وهو يرمي الموبايل من ايده ويركض لعندها.. سارا:..علي أبوكـ ما أدري شعلامه.. علي قام يتحسس على النبض... في بيت سيف أسيل:..كيفك حوريه انتي بخير ؟ حوريه:..بخير بتظلين واقفه ؟.. أسيل:..بالاول زوجك المصون هون حوريه:..لا..الله يعيني إذا رد..... أسيل:..والله يمهمك بتغدى عندك..وما راح يفك حلجه بالجامعه طارق:..سامي تتغدى معانا اليوم سامي يسكر الدفتر مسوي روحه كلش انسان يحب شي اسمه دراسه ومذاكره وهو يرقم البنت طارق:..سامي أنا أحاكيكـ سامي..لا أنا عندي موعد غدى مع أحلى بنت بالكويت طارق:..لا ياخاين ولا تعزمنا سامي:..تبي تعال مين ماسككـ..ويلتفت على محمد..إلا كم الساعه حمود محمد:..الساعه 12:15 سامي:..ووووووووووه تاخرت طارق:..وبأي مطعم ؟؟ سامي:..بمطعم القيصر لحقوني بالمستشفى الدكتور:..أنا مو قايل لكم لا تخلونه يتعب علي:..إحنا نسوي كل إللي قلته لنا الدكتور:..بس قلبه تعبان واااااااايد..ديرور بالكم عليه في بيت سيف حوريه:..شفيكـ الاكل ما اعجبكـ ؟؟ سيف..: إلا تسلم إيدك... حوريه قمت من مكاني وأخذت المعلقه واضفت له أكل بالصحن..وانتبهت إن أسيل ناقعه من الضحكـ على سيف... سيف وهو يطالع بحوريه..هذي تبي تجنني تعرف إني ما أقدر إني ما آكل من إيدها رغم إن الرز مالح حده ولا ينوكل... بالمطعم سامي:..أوووووووووف وش جايبها هذي معاهم أكيد سوالف طلول..أنا أوريه.... طارق وهو يبوس نور ونور أخذت المنديل إللي على الطاوله وامسحت خدها فيه ماتحب طارق حيل محمد:..أجل وينها البنت إللي عازمها سامي:..وإللي جالسه جنبكـ نور:..الظاهر أنا مو قد المقام صبيحه قاطعت محمد:..متى بتطلبون لنا الاكل ؟؟ سامي وهو يحاكي طلال بعد ماقرب للكرسي لعنده.. - أنا مو قايل لكـ لا تجيبونها معاكم طارق:..شسوي معاها تعلقت فينا محمد:..ما تطلبون لنا أكل ؟؟ أشر سامي وقال:..لو سمحتي ممكن تجين ؟؟ بنفس المطعم..عند ناس حنان..: روحي أنتي أنا بحاسب الطاوله السابعه ...اوفففففف امبين عليهم شباب سخيفين حنان:..أنتي شعاليك منهم...... على طاولة سامي راحت لعندهم واوقفت جنبهم تبي تشوف شنو يبون بس ماحد عطاها وجهه..واحترقت اعصابها وانفجرت عليهم.. ...اذا خلصتوا مؤتمر الولايات المتحده نادوني رفع راسه انصقع من جمالها تسبه فيها..اول ماشافها جايه لعندهم فكرها اجنبيه مو بنت الديرة.. سامي:..أثر تتكلمين مثلنا ...ماشاءالله أثر عندكـ خفة دم صبيحه حست باهتمام سامي لها وسريع جاوبتها.. صبيحه:..أنا أبي روبيان على التوست اما طارق ومحمد طلبوا لهم ماستو موستر..وسامي ونور رول الدجاج..اكتبت طلباتهم .. وراحت عنهم وبعد دقايق جابوا لهم الأكل..صبيحه ماكان همها بالاكل هماها انها تطالع بالمطعم اشكثر انبهرت فيه كبير..مطعم مشهور بالكويت وبالأكلات العالمية التركيه والايطاليه والايرانيه والهنديه والصينيه في بيت سيف سيف:..إي علي لا..لا تقولها واللحين شلون صار..اي أوكي بخبرها..لا تخاف حوريه كنت جالسه جنبه وانقبض قلبي أكيد أبوي صار له شي.. سيف سحب إيدها من على قلبها وخبرهاااا ان ابوها تعبان..وبكت حوريه ان ابوها تعبان وحاسه ان اتعبه منها هي..وطلبت من سيف ان يوديها لعنده...وقالها عشر دقايق تكونين زاهبه. بالمطعم ...التافه تدلع علي تقولين أطر منها حنان:..رموي منو هذي ؟؟ ريما:..هذي التافه الي جالسه مع الشباب ماتستحي على دمها حنان:..وانتي بعد..حاكيها بنفس الطريقه لا تسكتين عنها ظلت ريما تتكلم مع حنان وخلصوا الشباب من الغدا ونادوا لريما انها اتجيب الحساب لانها ادخلت الراس..بس ريما اطلبت من حنان انها تروح اهي... عند طاولة سامي سامي:..انا طلبت من إللي لابسه الفيروزي مو انتي روحي ناديها.... حنان:..بس هي مشغوله أنا أخدمكم سامي:..وانا ما أبيها إلا هي ريما شافت الشاب يعلي صوته على حنان وراحت لعندها خافت ان يطلع المدير وتكبر السالفه بعد ماحصلت من المدير تهزيئ بسبب انها رفعت صوتها بويه زبون.. ريما:..نعم سامي:..هذي البطاقه دفعي الحساب ريما خذت لبطاقه من دون نفس وراحت وارجعت سريع.. سامي:..ليه رجعتي ؟؟ ريما:..مسوي نفسكـ بو العريف في النهايه بطاقتكـ مافيها رصيد طارق..هاك بطاقتي بتاخذ البطاقه بس سامي رفض وعطاها بطاقه ثانية بتسحب روحها بس في بنت تتل في مريلتها ريما:..نعم نور:..ممكن تنزلي إشوي انزلت ريما لمستوى نور وساسرتها بأذنها وضحكت ريما وطلبت منها انها تستدير..لان سحاب فستانها انفتح وريما سكرته لها... نور..مشكورة راحت ريما وندفع الحساب واطلعوا الشباب من المطعم وكانت مو بس صبيحه حاسه بهشي في شخص ثاني لاحظ هشي وانقهرت كثير وبداخلها تقول كيف بتخلص من صبيحه عشان تطلع الي هذي بالمستشفى حوريه..يبه شلونكـ بخير بوعلي..انتي شجابك هني انتي مو بني يا الحقيره حوريه وسالت ادموعها على خديها..انا جايه أسأل عن ابوي بوعلي وهو يشد شعر حوريه ويكزها وطاحت بحضن سيف الي حس ان قلبه بيوقف من قرب حوريه منه هالكثر... بوعلي..طلعوها من هني لا ارتكب فيها جريمه اخذ سيف حوريه إلي انهارت بكي لأن ماكان إلا اهم وارجعوا لبيت وشاف سياره واقفه جنب بيتهم تنهد ودخلوا البيت..كانوا جالسين يسلفون وبس المحت حوريه راحت ضحكتها...وانقلب وجهها وتغيرت ملامح وجهها...سيف حب انه ينهي النظره السخيفه... سيف:..خالتي عندنا ياهلا ياهلا نورت الكويت بوجودكم.. ام سالم:..الكويت منوره بأهلها شافته ماعبرها وحبت انها تبادر قبل وتسأل عن احواله... دانه:..شخباكـ سيف..وكيف الزواج معاكـ سيف..أحلى شي دانه:..بس إللي يشوفكـ يقول الزواج متعبكــ واااااااايد..وهاد حيلكـــ سيف يعرف حركاتها وحب يجاريها بنفس الاسلوب.. - بس كل إللي يشفوني يقلون لي اني احلويت اكثر دانه:..يكذبون عليكـ.... حورية كانت واقفه ومنقهره ان ما سلموا عليها ولا حتى شافوها..التفتت تدور مرام بس ماحصلتها.. حوريه..عن اذنكم انا طالعه غرفتي مرام الي اطلعت وشافت دانه مستانسه ان سيف ماعطى حوريه وجهه... مرام:..تو الناس عن النوم..واغمزت على سيف. سيف مسكـ إيد حوريه ولفها لعنده وجلسها جنبه وحط إيده على كتفها..وهذا إللي خله اخدودها يصرون حمر من الخجل.. وكمل سيف شغله عدل وهو يبوس حوريه على خدها يبي يوصل لدانه ان حوريه عنده بالدنيا كلها ولا أحد راح ياخذ مكانها بقلبه.. دانه نقهرت وحوريه استحت حيل ونزلت راسها بالارض ..وام سالم حبت انها تعدل بالجو.. اأم سالم:..إلا كيف أهلك حوريه ؟؟ حوريه:..بخير ويسلمون عليك.... مرام:..سيف فك عن البنت أحرجتها.. سيف:..أنا ما أقدر أفارق عيونها الحلوة لو تروح عني أموت حوريه ابتعدت اشوي عن سيف بحجة إنها بتروح تغسل إدينها وراحت وراها دانه لانها قالت نفس الشي.. بالمستشفى أسيل:..عمي علامه متضايق ؟؟ علي:..جات لعنده حوريه ومسح ابها الارض أسيل:..مسكينه كل ما جات تعدل من جهة تنعفس عندها من الجهة الثانية الله يعينها هالحوريه.. علي يبي كلمه من أسيل تأكد له إنها نفسه تكن له مشاعر فقال لها.. - وأنا أسيل ما بتواسيني ؟؟ أسيل كش شعر بدنها من حكي علي فردت عليه.. -ما فهمت ؟؟ علي كأنه خاب ظنه فقال.. - ولا شي.. وقام من جنبها وراح لعند أمه... في بيت بو ريما ريما:..يمه أنا رايحه الجامعه باخذ عمي ام ريما:..لا تنسين تمرين الجمعيه تشترين النواقص ريما:..ان شاءالله يمه ريما هي البنت الكبيره والمعُتمد عليها بالبيت، لأنه أبوها طاح مريض بسبب سقوطه من المبنى بالشغل وانكسر ظهره..عندها خوات ثنتين أصغر منها..وعمها ساكن عندهم وساعدها لأنه نفسها يدرس..ويشتغل بنفس الوقت.. في بيت سعد حلا:..ها شرايكـ سعد ؟؟.. سعد:..مو حلو عليك يوم اتجربه بنت بالمحل كان عليها احلا منك بواجد.. حلا واهي ترمي عليه المخده ويمسكها.. - أنا أوريكـ من يوم وطالع ألبس لكـ جلابيه.. سعد وهو واقف وراها ويحضنها ويبوسها على خدها.. - أنت الحب كله أنا مالي غيرك حبيبي أنتي في فيلا بوحمد سامي فكره كله مشغول بريما شلون بنت صغيره بالعمر وتشتغل إللي بعمرها ينوجدون بالاسواق والمجمعات وهي تشتغل بمطعم.. تعب وهو يفكر فيها غمض وهز براسه وقال بصوت مسموع.. - وأنا شعلي منها.. مها:..هااااااااااااا سامي بنت جديده نور بدون شعور..: إي شافها بالمطعم ونهز كيانه كله مها:..عاد بالمطعم ؟؟؟ سامي يطالع نور بنص عين: ..أوريك إن وديتك معاي المارينا مول..... نور تمش وراء سامي إللي طلع من الصاله.. نور:..تكفى غير رايكـ...... سامي: ..يله روحي أنا بنام.. ، أنتظر تعليقاتكم التعديل الأخير تم بواسطة لامارا ; 20-07-13 الساعة 05:05 PM | ||||
|
| |
|
19-07-13, 08:52 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصــــــــــل الثـــــــــاني الجــــــــــــــزء الاول في بيت سيف مرت أربع أيام على حورية مملة وكئيبة بعدما طردها أبوها من حياته.... سيف جاى البيت متأخر لقى البيت فاضي صعد الدرج راح صوب غرفتها شافها واقفه جنب الدريشه... ناظرها شوي وما كلما وراح غرفته... حورية اضغطت على إيدها وتوجعت تذكرت جرح ايدها وسبب جرحها.... دانه: ..ممكن قلاص فاضي ؟؟ حوريه: ..اي تفضلي دانه ما امسكت القلاص عدل وطاح على الارض ونزلت حوريه تلم الزجاج ..ونزلت دانه لمستواها وأخذت قطعة زجاج حادة.. حوريه:..يسلموا حبيبيتي ممكن آخذها من إيدك لا تجرحك... دانه وهي تحط بإيد حوريه قطعة الزجاج وتضغط عليها بقوة.. - ابيك تبعدين عن سيف..سيف لي أنا وبس مو من حقك إنك تاخذينه مني وتحرميني منه.. حوريه أنا غمضت إعيوني وأنا أتألم من الوجع وادمعت عيني.... - حرام عليك هدي إيدي، إيدي تعورني.... دانه: ..أبيك تذوقين الوجع..... غيرت اللفه من إيدها وتعوذت من إبليس..... في الطرف الثاني ما جاله نوم وأخذ موبايله واتصل .. سيف:..الووووو...... ...اممممممممممم سيف: ..آسف تركي إرجع وكمل نومتكـ ..... تركي إللي مايدري منو متصل عليه.. - اوكي باي..... بالجامعه دخلت الجامعه والموبايل في إذنها تبي تعرف عمها باي جهة صاير...وبالطرف الثاني نفس الشي وما انتبهوا لبعض وصار.... ...ريحتها غريبه ما مره شميتها في أحد ثاني..يالله أنا في مين صقعت بالجنه أو بالنار.. جلست تلم الأوراق وهو بعد جلس يلم الأوراق معاها ورفعوا روسهم لبعض.. سامي: ..ياه كأن أحد قال لي روح الجامعه سندريلا بتجيك إهناك ريما: ...سندريلا في عينكـ سامي:..أمبيه مين عافسك كذا ؟؟ ريما: ..ما احد يله فارج عني.... ومشيت عنه وبالصدفه وقفتني بنت ما أدري منو هي أول مره أشوفها لكن هذا ما منعها إنها تهددني وتقول لي.... هنادي:..إذا ما بعدتي عن سامي راح اوريك وجهي الثاني.... ريما:..مين سامي هذا إللي كل وحده بتهددني فيه لا يكون ولد الوزير على غفله وأنا ما حصل لي شرف المعرفه..... هنادي:..اتغشمري مثل ماتبين..بس انا بغيت أحذرك إلزمي حدودك وأنا ألزم حدودي.... عند عصام عصام إللي يأس من جيت ريما وراح يدور عليها واخيراً حصلها.. وهي من شافته جاي عندها انتهزتالفرصه عشان تفتتكـ من هالبنت..الي ماتدري من وين اطلعت لها.. ريما وهي تبوس خد عصام.. - هلا قلبي وينكـ من مساعه وأنا أدور عليكـ ؟؟ عصام استغرب منها بس بادرها بنفس الشعور.. - وأنا اشتقت لك موت يا ريوم هنادي حست إن ريما مو معطيه سامي أهمية وقررت إنها تشيلها من راسها.. - عن إذنك ريما..: إذنك معك حبيبتي.... عصام..: مين الإخت ؟؟!! ريما..: وحده فاضية لا تشغل بالكـ.. عصام..: بس لا تناديني يا قلبي اخاف البنات ما يعطوني وجه بعدين... ريما واهي تمسكـ في ذراعه.. - ياحليلكـ ياعمي تفكر انكـ تسوي لكـ علاقه مع بنت بالشغل تركي..: البارحه واحد ماصخ متصل علي... سيف..: ليه ماعرفت مين المتصل ؟؟ تركي..: أنا بعز نومتي وتوه الحلم خاطفني يتصل علي.. سيف وهو يضربه بالقلم.. - يا تعبان أنا المتصل تركي..: أوكي كان قلت لي إنه أنت إللي متصل.. بس تعال ليه متصل مو المفترض تكون غرقان بالحب والعسل ؟؟.. سيف..: أي حب وأي عسل ؟؟ تركي..: مو هذي البنت إللي أذيتني فيها وأنت تتكلم عنها إللي يسمعكـ أللحين ويشوفكـ يقول هذا تبدل عن إللي كنا نعرفه.. سيف..: كانت مثل ما تقول و زود... بس أللحين إذا دخلت البيت أحسن البيت مو حلو..مخنوق منه..ما أطيق إني أجلس فيه..قريبه مني بس بعيده عني.... تركي: استهدي بالله وبعدين مو هي نفس البنت شلي غيركـ عليها ؟؟ سيف: ما أقدر أقولكـ أي شي.. غير إني استعجلت بالزواج منها..... تركي: اشتغل اللحين يطب علينا المدير ويفنشنا من الوظيفه.... سيف..: وانت صاج من خطب واهو منعفس علينا..كأنه مجبور على الزواج.... تركي..:وهذي بنت عمه إللي بياخذ.. في المستشفى مرام..: أقولك هو ما يقرب عليها هي بصوب وهو بصوب ما يجي إلا وقت الأكل ويطلع ومايرد إلا وقت النوم تقولين البيت فندق له..لازم نعمل شي لهم او البنت بتتحطم نفسيتها.. سارا..: بعد يومين جايه عندكم ..لان معزومين بعرس باكر.. مرام..: أوكي أخليك عندي مراجعين وااااااجد سارا..:سلام.... في فيلا بوحمد سامي..نور نور..انتي وين ؟؟ نور بس شافت عمها وخلت اعيونها فيها لمعه يعني إنها واااااجد متأسفه وضمت إيدنها على بعض .. وقربتهم لعند قلبها... سامي إللي هالنظره يستسلم لها وينسى شنو سوت له ..لأنه حساس كثير وما يتحمل.... نور.: حبيبي عمي كلهم اطلعوا ماما..وجدتي وجدي ..والبابا..خلوني مع الخدم.. سامي وهو يشيلها.. - يله نروح نتغدى برا.... سامي راح نفس المطعم "القيصر" عشان بس يلتقي فيها "ريما" مرة ثانية بس للأسف إللي ما احسبه إن اليوم اجازتها وانقهر يوم سأل عنها وخبروه كذا.. في بيت بوسعود أسيل..: يبه حبيبي وافق لا ترفض طلبي انا طلبتكـ بوسعود..: يا حبيبتي هذي مو شغله تشتغلينها..مين بيوديك ويجيبك ؟؟.. أسيل وهي اتطالع علي ردت: - مثلا علي يوديني و جيبني..مو علي تقدر ؟؟ علي إللي بيذوب بنظرات أسيل له رغم إنه رافض فكرة شغلها بس رضى، وهذا كله من الحب وادروبه.... علي..: خلاص عمي ولا يهمك أنا إللي أوديها وأجيبها أسيل إللي ودها إنها تحضن علي..لأنها بالصدق هذا إللي تبيه إنها تطلع وياه وتتقرب منه أكثر... في بيت سيف حوريه الألم يزيد عليها بإيدها لأنها ماخبرت أحد كل إللي قالته إنه جرح بسيط وهي تقص البصل.. وفي هذا الاثناء جات عندها دانه الي كل يوم والثاني طابه عندهم.. دانه..: إن شاءالله الحق على الغدا حوريه..تطمني راح تلحقين في السوق ريما..: ساعه وانتوا تنقون في الملابس عهود..: بعد محتارين باللونين..انتي شنو تقولين ريما..: أنا أقول لك بسرعه عمك وراه دوام جات مطيوره وإهي شايله الشنط.. - أي وحده هذي ولا هذي ريما..: دعاء رجعيهم لاني ماراح أدفع قيمتهم..... دعاء..: مشكوره عمي عطاني.... عند سامي نور..: يله سامي أنا تعبت من المشي.. سامي..: يله اعيوني بس ينفتح "يقصد المصعد"... وانفتح المصعد وتوه بيتسكر الا تجي وتمسكه... ريما..: لحظه أنا نازله.... سامي قعد يطالع فيها وهو يشكر ربه إنه شافها.. أما هي فلاحظت نظراته بس حاولت إنها تتجنبه. لكن في شي صار وخلها تشبكـ فيه.. ريما..: بسم الله شو صار ؟؟؟!! سامي..: المصعد وقف...... ريما ماحست انها الصقت بسامي وسامي كان قلبه يدق حيل..وبدى يشم بعطرها المميز وشعرها الي له ريحه ماقدر يوصفها.. نور غارت من ريما..اخيييراً انفتح.... ريما توها تلاحظ القرب.. - آسفه..... سامي..ولا يهمك..عادي ما صار شي.... في بيت سيف دانه..: سيف ممكن توصلني البيت سيف يعرف شمقصد دانه لكن مثل كل مرة يعاملها بنفس الأسلوب.. - حوريه قومي معانا..ومنها نتمشى..... حوريه..: وخالد ؟؟؟؟ سيف..: خالد ما راح يحس بطلعتنا... في فيلا بوحمد..عند سامي سامي دخل غرفته يبدل فصخ الكنزه بس حس ان الكنزه لصق فيها شي..وشمه ولقى ان عبير عطر ريما فيه..وتم يشم فيه قرابة خمس دقايق.. بالصاله.. هنادي..وين رحتوا نور..رحنا المطعم تغدينا وبعدها رحنا مجمع وصادفنا.. هنادي..اي كملي مين صادفتوا نور..ولا شي مها..ها سامي كيفكـ وكيف الطقس معاكـ ؟؟ سامي سرح وهو يتكلم عن ريما وكان يطالع في هنادي.. - حلوة هي صوتها يصهل مثل صهيل الخيل.. والا اعيونها تجدح مثل الخيل..جميله كل ما فيها نظراتها..وجهها..اديدها.. مها..: اووووووووووف كل هذا لمين ؟؟ سامي..: لسندريلا شفتها..وصعب علي إني أوصفها لو اتم اسنين ما أقدر أوفيها ربع الجمال إللي فيها مو صح نور ؟؟.. نور..: إي صح..... هنادي كانت جالسه وتفكر إن الكلام عنها وإهي ما تدري إنه يوصف وحده ثانية.. بالسياره عند سيف حوريه كانت بالسياره حاطه إيدها على راسها وسرحانه بعدما وصلوا دانه شافت شخص واقف جنب اشارة المرور.. اتعبت ومسكت بإيد سيف واضعظت على الجرح بدون ما تنتبه... سيف وهو يحس بشي انطبع على اثيابه والتفت وشاف إن إيد حوريه تنزف دم.. سيف:..حوريه..حوريه..... حوريه إللي كانت اتطالع بالشاب وإهي قلبها يرقع من الخوف..ما تدري من شنو بالضبط.. وسيف إللي كان ينادي باسمها بس ماعطته اي مبالاة سيف: حوريه شفيك ليه إيدك تنزف دم ؟؟ حوريه إللي انتبهت وردت عليه:..جرح بسيط... سيف..كل هذا جرح بسيط شوفي الجرح عميق... حوريه..: واذا شراح تسوي في بيت بوريما عهود..: ريما إلا مين هذا إللي ماشال عينه منك بالمصعد... ريما واهي تكتب بالدفتر..: ما في أحد عهود..: علينا ريما إللي حتى اهي بدت تفكر بسامي مو بس هو إللي يفكر فيها لأن الدفتر مكانت تكتب فيه إلا اسمه..اسمه وبس......ســــــــامــــــي.. .. بالمستشفى حوريه وادموعها تسيل.. - إلا الإبره مابدي الممرضه..:لازم عشانك ..وعشان مايكون في تسمم بأيدك سيف..: جاهل..أنتي اشفيك ؟؟.. حوريه وادموعها تسيل.. - إلا الإبره أنا أخاف منها....... سيف..: خلاص شلتي المستشفى شيل..بصوتك إللي يسمعك يفكر إنك بتولدين مو شكة إبره بس.... حوريه..: خلاص بس بشويش واهي تدقها..... بالمطعم عند سامي طارق..: أنا مليت من أكل هذا المطعم مافيه أكل إلا بهذا المطعم قلت المطاعم بالكويت ؟؟ سامي..: بس بشوف إذا إهي موجوده ولا لاء محمد..: مو موجوده..... في بيت سيف حوريه واهي نايمه كانت تهذي بإللي يلاحقها بالمنام واقعدت من النوم مفزوعه..... سيف سمع صوتها وجا لعندها سيف وهو يشغل الليت..: حوريه ليه تصارخين كذا ؟؟!! حوريه واهي حاط ايدها على قلبها.. - شفته يلاحقني يقولي ما راح تتخلصين مني أنا خايفه.. سيف وهو يسدحها ويلحفها.. - نامي..إنتي بس تتوهمي... حوريه واهي ماسكه بإيده.. - سيف تم جنبي أنا محتاجة لكـ لا تهدني بروحي سيف إللي كل مرة عن مرة ويزيد حبه لحوريه ويتعلق فيها أكثر ما قدر يرفض طلبها وهي تتوسل فيه يتم معها في الغرفه عشان كذا حتى اهو نام معاها بنفس الغرفه.. مرام ردت من الدوام الساعه ثنتين الفجر وانتبهت للضوء إللي بغرفة حوريه وراحت وشافتهم نايمين مع بعض فاستانست كثير..واحمدت ربها إنه بدى الثلج يذوب.. اليوم عطلة الاسبوع الكل كان مستعد لها سيف وتركي بيرحون الزواج.. زواج مديرهم الي راح اليوم يعرس.. ريما اليوم دوامها مايخلص الا متأخر.. وسامي كعادته يروح بس يشوفها.. في بيت سيف..بالليل مرام..: شرايكـ سيف بحوريه بلبسها الجديد سيف كان حاط إيده على خده وحاط رجل على رجل واطلعت حوريه من الغرفه وسيف بقق اعيونه على الآخر.. مرام الي انتبهت في سيف..: ها ماخبرتني ؟؟ سيف وهو يخزها من فوق لتحت.. - ها أنا ما أدري بس كيف صار كذا ؟؟ مرام..: شقصدكـ..إذا على اللبس أنا شريته..بس أنت ماعطيتنا رايكـ ؟؟ سيف وهو يبتسم لحوريه واهي ردتها باحلى ابتسامه.. سيف..: جميله بمعنى الكلمه..ناعمة تسحر الناظر..وتسحر بكلامها الناعم.. حوريه استحت ونزلت راسها..: مشكور.... سيف..: بس ما قلتولي وين رايحين بكل هالاناقه مرام..الزواج مع سارا بفيلا مشعل نزل من الدرج وهو حاط بشته على إيده..وأمه كانت جايبه البخور عشان تبخره كانت سعيده.. ومنو يقدر بهاليوم يوصف سعادتها.. بس اهو كان مخنوق بإللي قاعد يصير له اعيونه مليان ادموع بس لمين يفضي حزنه..كان بالأول يفضي حزنه لحبيبته بس لمن سافرت..كله يكتم بصدره..مايبي هالزواج يتم بس عمه يبي يستر على بنته.. ام مشعل..: أللحين رفعت راسي مو ذيكـ البنت الي تبي تتزوجها..بس اشوه إنها سافرت مشعل وهو ينزل راسه ويحب ايد أمه بس ماقدر يمسكـ حاله نزلت ادموعه على يد امه ..وامه ارفعت راسه وشافت اعيونه محمره... ام مشعل..: يمه ولدي..ليه البكي هذي ليلتكـ مو لازم تخربها انت ورجال والرجال ما يبكون.. مشعل..: يمه هذي مو ليلتي هذي ليلتكم انتوا..انا من غير حبيبتي ضايع وهايم بذكراها في بيت بو سلطان بالطرف الثاني كانت ناعمه مثل ورد النرجس جمالها طاغي بهذي الليله... بس هذي الليله مو إللي كانت تتمناه طالعت بأبوها إللي كان يبكي من إللي سوته بنته فيه ما تخيل إن بنته تعمل كذا..يطالعها وادموعه تنزل حيل كإنه فقد بنته إلى الأبد... طيف..يبه سامحني بوسلطان وهو بيوس راس بنته وبعدها يساسرها بأذنها.. - ديري بالك على ولد عمك..وانسي سالفة الصايع الضايع عنك..وإياني واياك اسمع إنك مضايقه مشعل.. طيف..: إن شاءالله يبه إللي تامر فيه يصير..... بالمطعم كان في شخص مضايق ريما بالمطعم واهي تقدم الاكل لهم..كل ما بعدت إيدها يجرها لناحيته ريما..: وبعدين..... ..جلسي إكلي معانا ريما..: أنت استخفيت أكيد... ...إللي يشوفك يستخف.... ريما اسحبت حالها بس اعترضها ومسكـ إيدها لمن صار إحتكاكـ بالكلام.. سامي كان داخل وشاف كذا وبدى يتهاوش مع الشاب لمن الشاب يأس وبدى ينادي المسئول.. ...منو المسئول هني ؟؟ ريما..: الله يخليكم وطو أصواتكم لا تفضحوني.... دخل بالخط المدير المدير..ريما شصاير ليه الواقفه جنب الشباب ...انت المدير إذا ما أدبت موظفينكـ وعلمتهم إنهم ما يتحرشون بالزباين ولا راح أقدم فيك شكوى... سامي..: أنت ليه تألف على البنت ؟؟ المدير التفت لريما..: لمي أغراضك وقدمي استقالتك بكرامتك ولا إنتي مطرودة... ريما وادموعها تسيل.. - حرام انا ماسويت شي اهو إللي بدى.... في بيت بوسعود كانت اعيون الكل على علي..بس مايدرون ان علي قلبه متعلق بأسيل وما فيه أحد غيرها بياخذ هالمكان.. بس في اعيون تخطط إنها شلون تبعد علي عن أسيل.. ندى..:مين بيودينا..لكل طلع ماغير علي هني ورحت له بس رفض أسيل..أنا راح أقنعه... راحت أسيل لباب المجلس وطقت الباب على أساس إنها تبي تكلم أبوها عن روحتهم لزواج بنت عمتها ربيعه...وطلع لها علي وهو فاتح عيونه على الآخر.. علي..منو هذي قمر نازل لي من السما ؟؟ أسيل..: علي تودينا الزواج لكل طلع وتركنا علي وهو مدخل ادينه دخل القميص.. - وأنا قلبي يهون عليك تتركينه بعد ماضاق بحبك أسيل الي ماتت من الحيا.. - علوي........ علي..:آااااااااااااااااخ من علوي أنا بموت من حبك أسيل..: بتودينا ؟؟ علي..: أكيد بوديك ومن يحصله إنك جالسه جنبه ويقول لك لا ؟؟ ندى إللي سمعت الكلام وقلبها شاب نار بس اكتمت لمن تقوم تنفذ في خطتها.. عند ريما اطلعت من المطعم واهي تبكي على حظها إللي دايماً يعاكسها.. ولحقها سامي لمن وقفها عند سيارته.. ريما..: أنت شتبي مني ؟؟ سامي..: أنا أبيك..أنا احبك... ريما..: انت شقاعد تقول أنت شقاعد تخربط ؟؟!! سامي..: لا تبكين أنا مايهون علي إني أشوفك تبكين... ريما وإهي تضرب على صدر سامي.. - أنت السببب دمرت حياتي ومستقبلي ليه تجي واتدافع عني أنا أقدر إني أحل مشاكلي بروحي..... وخرت على الأرض وإهي تبكي.. سامي نزل لمستواها .. ورفعها لعنده وهو كان يحمل علبة عصير زجاجيه.. انتبهت ريما لزجاجه العصير وأخذتها منه.. ريما..روح دور لكـ على بنت من مستواكـ ياولد الراهي سامي: بس قلبي اختارك إنتي ريما ارفعة الزجاجه واحذفتها على الزجاجه الاماميه.. - أنت ..مستحيل إني أفكر فيكـ.. طارق إللي جا لعند سامي وشافه مهتز من إللي يشوفه بحالة ريما.. وريما مشت عنهم لبعيد سامي..: شفت طارق حبيبتي راحت وأنا ما قدرت أدافع عنها طارق:..اي..بس انت ليه تصرف كذا ؟؟؟ سامي:..طروووووووووق ما أدري..... بقاعة الزواج دخلوا المعاريس مع بعض..لكل كان يترقب دخلتهم مع بعض الكل كان يطالع فيهم ومنبهرين. كانت ما تتعدى كتفه بس كانوا اثنينهم لكل يشهد على حبهم..إللي يشوفهم يقول إن الحب وياهم وهم في بطن أمهاتهم..بس إللي يدري وإللي ما يدري كانت إقلوبهم إبعيده عن بعض كل واحد يتخيل محبوبه واقف جنبه.. مشعل وهو يلتفت لطيف وتخيل ليلى وادمعت اعيونه..ليلى يا ليلى..إللي الدموع تسيل من ينطرى اسمك عندي طيف حست إن مشعل بعالم غير..بس خلته ولفت وجهها عنه تبي تذكر حبيبها إللي راح وخلها في بيت بو ريما ريما إللي رمت نفسها على السرير وإهي تبكي..أنا شلون أقدر أللحين أدبر أمور البيت..ما أقدر أخبر عمي.... عمي مو ناقص هم إللي فيه مكفيه.. بس ليه أنا تصرفت مع سامي كذا إهو ماله ذنب بإللي صار بس ليه أنا حمقت عليه.. عند عصام عصام إللي ما نام ولا حس بجيت ريما على البيت لأنه منهمكـ بالبنت إللي شافها بالجامعه متعجب من جمالها تشبه ريما بجمالها سبحان الله..يخلق من الشبه أربعين..تنهد ونام.. بفيلا بوحمد الكل رد من الزواج ويتكلمون عنه أم حمد إللي امدحت أهل المعرس وأهل العروسه الكل بدى يضحكـ على الموقف إللي صار بالعرس..بس هالضحكه سرعان ما راحت بدخلت طلال وهو ماسكـ سامي تعب عليه لأنه أول مره بنت تصده بهالشكل.. أم حمد: ..سامي يمه اشفيكـ ؟؟ طارق:..مافيه شي بس سندريلا ماعطته وجهه سامي وهو يناظر طارق إنه يسكت... أم حمد..: مين سندريلا ؟؟ مها إللي افهمت على طارق لأن سامي مايخش عنه شي حتى أصغر التفاصيل كان يقوله له.... مها..: مو أنا قايله لكـ طول بالكـ على البنت سامي..: لين متى قلبي صار مثل الطير..إللي أي ريح تذبه حتى لو كان واقف طارق..: أنا بستفسر عن الوضع وأخبركـ..... بفيلا مشعل بعد ماودعوهم وباركوا لهم..اطلعوا على شقتهم مشعل إللي دخل التواليت وشغل صنبور الماي يهد عليه كان فكره كله مع ليلى ومرضها تذكر يوم قالت له إنه يبتدي حياه جديده بدونها ولا ينتظرها يمكن إنها ترد ويمكن إن الله ياخذ أمانته.. ليلى..: مشعل اذا طلعت من المطار وأقلعت الطايره إنسى إن فيه وحده بالطياره اسمها ليلى خلها ماضي وراء ظهركـ..وابدى حياه جديده مشعل..: ويهون عليك حبيبك مشعل إنه الدنيا توقف ضده.... ليلى..: لا مايهون علي..بس المرض سيطر علي وحبني كثر مما أنت حبيتني..عشان كذا الفراق لابد منه يا مشعل... مشعل وهو يحط إيده على فمها.. - إلا هالكلمه لا تقولينها إنتي بتردين مثل قبل وأحسن.. تذكرين أول مره شفتك فيها..... ليلى ضحكت من خاطرها بس هالمره سلمت عليه بالإيد بكل برود.. مشعل..: أول مره تسلمين على كذا مثل البرود سلامك ما فيه حراره.. ليلى: ..لأن الفراق أبيه بارد..... مشعل نفض الأفكار من راسه وطلع من التواليت ولقاها قاعدة على السرير ترفع بشعرها.. مشعل..: لى ألحين صاحيه ؟؟!! طيف..: إي وأنت مو نايم ؟؟ مشعل..: لا نامي أنتي...... مشعل وقف جنب النافذه يطالع وباله رايح وراد..وحاط ايده على النافذه وراسه على ايده..لمح مجنون يمشي بوسط الشارع تمنى ان اهو مكان المجنون..فكره مرتاح وقلبه مطمئن..حسد المجنون على هاللحظه..... مرت ساعات وهو كذا واقف وسارح.. رفعت راسها شافت الساعه 3 الفجر.. وهو لساته صاحي ترددت إنها تحاكيه أو إنها ماتحاكيه..بس بالنهايه قامت من على السرير وحطت إيدها على كتفه..اهو حس ان فيه إيد انحطت على كتفه بحنيه يفكرها ايد حبيبته ليلى سالت دمعة من عينه نادى باسم حبيبته وهو يلتفت لها... مشعل..: ليلى إنتي مانمتي ليه حبيبتي ؟؟ طيف إهي كانت حاسه إن مشعل يحب بجنون..وأللحين بس تأكدت من هالشي..وحست نفسها سخيه إنها إحرمت قلبين من إنهم يحبون بعض.. طيف..: مشعل أنا آسفه.... مشعل..: ليش تتأسفين ؟؟ طيف..: لأني حرمتكـ من حبيبتكـ مشعلوفي نفسه يقول "حبيبتي إهي إللي خلتني وراحت بس ياليت ألقى عندك الحب..أو إني أحط راسي على صدرك وأحس بالأمان.." بس كذب عليها وقال لها.. - أنا ما عندي حبيبه...... ، يتبع........ التعديل الأخير تم بواسطة لامارا ; 20-07-13 الساعة 05:19 PM | ||||
|
| |
|
20-07-13, 02:44 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصــــــــــــل الثــــــــاني.. الجــــــــــــــزء الثــــــــاني الأحوال مضطربه بين حوريه وسيف كل واحد ينام بصوب... مو بس اهم فيه شخصين نفس الوضع... مشعل وطيف..... مشعل كل ما تذكر شنوا فيها طيف يتردد بالعلاقه معاها وإهي على بالها إنه..مايبي يقرب منها والسبه حبه لليلى.. سامي حالته الصحيه متدهوره تعبان مرة..غياب ريما متعبه حيل... مو بس اهو حتى إهي تعبانه بس إهي مو عارفه التعب من شنو.. دانه اعرفت ليش سيف تزوج من حوريه لانها نبشت بالموضوع اللحين كل شي بيتوضح.. بالسوق..عند ريما كانت ريما داخله محل للاجهزه الكهربائيه اهي ودعاء اختها..كان اهناك بالمحل سامي ونور جالسين يلعبون بلاي ستيشن..ما انتبه لها.. ريما..: لا ناخذ هذا..هذا قد افلوسنا.... دعاء..: لا هذا أكبر.... ريما..: بس هذا ازياده خمسية دعاء..: الزياده انخليها أقصاد ريما بعد تفكير.. - اوكي..يله تعالي نروح الجهة الثانيه راحت ريما مع دعاء ومرور بنفس المكان إللي جالس فيه سامي مع نور كانوا جالسين على مخدات يلعبون.. سامي..: اشفيك انتي لعبي عدل ؟؟ نور..: أنت إللي إشفيك ؟؟ سامي غلب نور وقام واقف وهو يدور.. - واو غلبتك.. وهو كذا انتبه ووقف.. اما عند ريما حطت إيدها على فمها وتضحك.. سامي:..ريما..... ريما..: ماشاءالله هذا انت صاحي مافيك شي وين التعب راح سامي: فعلاً كنت تعبان بس خف علي الوجع..من شفتك ريما ارفعت حاجب..: باي..... نور..: عمي..عمي خلنا نكمل سامي حمل نور وطلع ابها برا المحل بس ماقدر يكمل حس بمغص جاله في كليته هد نور وجلس على الارض يعصر بنفسه.... بهالاثناء طلعت ريما من المحل ودعاء وركبوا السياره.. دعاء..: انتي اشفيك ما اتشوفين حالته وبتركينه عادي لحاله ريما..: كيفه عاد يدبر عمره دعاء واهي ترجع راسها: ماتوقعتك قاسيه كذا ؟؟!! ريما حركت السياره وطالعت وراها بالمرايا شافته لساته على وضعه المتأزم والبنت إللي معاه تبكي... فرق قلبها الكبير الحنون وارجعت له وانزلت من السياره.. سامي استانس وفرح من قلبه لان بالاساس إهو كان يتوجع بس بالبداية وبعدها رجع على طبيعته.. ريما..: انت معاك سيارة ؟؟ سامي وهو يطالعها بعين والعين الثانيه مغمضها.. - إي معي...... ريما: يله أجل قوم خلني أوديك بيتكم سامي: بس أبي مساعتك..مافيني اوقف..... ريما: لا تقعد تدلع علي بتقوم..وإلا أمشي عنك........ سامي: لا قايم اشفيك انتي..اليوم اعصابك فارطه على الآخر..... قام سامي وركب السياره وريما اطلبت من دعاء تلحقهم بسيارتهم..نور ما إقعدت وراء قعدت بين سامي وريما كانت تتعبث بالمسجله...... ريما: شنوا حبيبتي تبين وأنا أحطه لك ؟؟ نور: مو شغلك هذي سيارة عمي مو عمك إنتي ريما انحرجت: معاك حق أنا آسفه سامي: نور يله بسرعي اعتذري وإلا ما آخذك معي مرة ثانية...... نور: أنا آسف..بس أنا أبي أسمع أغنية.... سامي: طلبي مني وأنا احط لك....... سامي شغل المسجله مباشرة وكانت أغنية عبدالمجيد عبدالله اليوم طالع قمر..كنه الغنايه جات في وقتها فقعد سامي يطالع بوجه ريما إللي يشع نور بنت حبوبه وناعمه بمعنى الكلمة هي إ&للي اسرقت قلبه من نظرة وحدة.. يــا أرض احفظـــي مــــا عليكـــــي حبيـــــــب قلبــــــــي حضــــــــــــر ** اليـــــــوم طالـــــــع قمــــــــر فــــــي طلّتـــــك يــــا ســــلام حـــــلاة غيــــــــر البشـــــــــر وأخــــــــذت مشـــي الحمــــام ** يــا أرض احفظـــي مــــا عليكـــــي حبيـــــــب قلبــــــــي حضــــــــــــر يــا ارض احفظـــي مــــا عليكـــــي اليــــــــوم طالـــــــــــع قمــــــــــر ** شـــــــفتك وضــــــــاع الكــــــلام ضيعــــــت حتــــــــــى الغـــــــزل اعــــــذرني واللـــــــــه جمـــــالك مــا خلــــــى فينــــــــــي عقــــل وقفـــــت قلبـــــــــي بســـــــحرك يــــا روحي واللـــــــه ســــــــــتر ** يــا أرض احفظـــي مــــا عليكـــــي اليــــــــوم طالـــــــــــع قمــــــــــر ** يــا عينــــــي .. ع الابتســــــــامة تمشـــــي وســـــــهامك تصيـــــب اللــــــي يشــــــوفك يقـــــــــــول يــا بخــــت راعـــــــي النصيــــب يمـــــوت بــك مــن يشــــــــــوفك لـــــو كــــــــــان قلبـــــــــــــــه حجـــــــــــــــــــر .. ** يــا أرض احفظـــي مــــا عليكـــــي اليــــــــوم طالـــــــــــع قمــــــــــر يا قمــــــــــــــــر *** بفيلا مشعل طيف إللي كانت تتريق وحست إنها دايخه والأكل ما يدخل بمعدتها قامت وإهي حاطه ايدها على فمها ودخلت التواليت.. مشعل ما اهتم وقعد يكمل ريوق....... امه حست ونادت عليه ام مشعل: ماتقوم تشوف حرمتك إشفيها ؟؟ مشعل: اشفيها من كثر ماكلت الأكل غص بفمها.. أنا ماشي تبون شي ام مشعل: سلامتك...... بفيلا بوحمد سامي: مو داخله ؟؟ ريما: كفايه عاد إني وصلتك لحد بيتكم.... سامي: إدخلي شوي أللحين أمي إذا عرفت والله بتبهدلني..... ريما تكلم إختها دعاء: - ..إنتي خلك هون بس أدخله مدخل بيتهم وأنزل لك دعاء: اخذي راحتك....... داخل الفيلا..... نور: ..ماما احنا جينا مها: ..حبيبة قلب أمها وين رحتوا نور..رحنا لعبنا سامي:..تفضلي لا تستحين..اعرفك على مها هي زوجة أخوي وام نور.... ريما:..اتشرفت بمعرفك.... مها:..وأنا حصلي الشرف ريما:..انزين أنا اتطمنت عليك أللحين عن أذنكم سامي:..وين تو الناس مها وإهي ترص على أسنانها:..سامي..... سامي: خليني أوصلك عند الباب..... ريما: لا أنت إرتاح...... عند طارق طارق كان جاي عند سامي فشاف هالسياره إللي شوي مهرهره.. ففكر في نفسه هذي أكيد وحده جاية تطر.. طارق:..آسفين يا أختي هنا مو جمعيه للصدقات.... دعاء التفتت.. - وانا ما طلبت منك أي مساعده..... طارق الي سحر بهالعيون الجميله.. - آاااااااااااخ يا قلبي إنتي من وين لك هالعيون إللي تذبح مثل الصاروخ ؟؟!! دعاء..: استح على وجهك تغازل بنت واطيه ببساط بيتكم.... طارق..: أنا اشذنبي عيونك السبب..... ريما..: يله دعاء مشينا عند دانه بالبيت دانه كانت حدها مستانسه تهف بالورقه إللي عندها..وبعدها حطت طرف لورقه بين أسنانها واسترجعت إللي صار.. كانت طالعه من عند سارا وصادفت شاب ماشي بالطريق ووقفته.. دانه..: أخوي لو سمحت الطرف الثاني.. - أنا موب أخوك..أنا اسمي زايد..... دانه..: إنزين مابقى إلا إنك تضربني..بسألك..انت تعرف بنت صاحب هذا لبيت ؟؟ زايد..قصدك حوريه ؟؟ دانه..: أيوه..اختصرت علي مسافه طويله.... زايد من نظرته عرف إن دانه من النوع الخبيث.. - شنوا تبين بالضبط أعلمك أنا أعرف هالنظرات عدل قولي لي يمكن أساعدك.. دانه..: زواج حوريه فيه قصة وأنا أبي اعرفها زايد..: ههههههههههههههههه.. دانة : ليه تضحك ما أعتقد غني قلت شي يضحك ؟؟؟ زايد : أضحك لأني أنا سبب هالزواج..... دانه بغضب:..أشلون ؟؟ زايد: شفتي النافذه هذي..ولف..وشفتي هذي النافذه ؟؟ دانه..: إيه خلصني..... زايد..: دار بين هالنافذتين تصوير لبنت رائعه بالجمال وإهي إتبدل ملابسها..ودزيت الصور لأبوها ويفكرها مع واحد ..بس للأسف صارت لواحد غيري دانه: وانا إللي راح تساعدك في هالشي وانك راح تسترجعها...... انقطع هذا لحوار ...دانه..دانه..وقفي ضحكك دانه:..أماني خليني على راحتي وانتي اشعندك داخله غرفتي أصلاً..... أماني: سمعت ضحكك ودخلت...... في فيلا بوحمد طارق: طلعت مو هين وجبت البنت لحد بيتكم... سامي: شعلى بالك... طارق: ومين البنت إللي معها ؟؟ سامي: هاااااااااا بدينا نطالع..بس شكلها أختها طارق وهو يصفر: صـــــــــــاروخ نور ملت من كثر ما يتكلمون عن ريما وإختها فاصرخت.. - بس ما عندكم سيره غير سيرة ريما وأختها أنا مليت انتوا ما مليتوا ؟؟ أم حمد..: مين ريما ؟؟ سامي..: زميله معاي بالجامعه طارق..: ليه خايف قول لها مين ريما ؟؟ بفيلا مشعل مشعل رد البيت وما دخل على أمه على طول راح اتجه لغرفته لانه تعبان..دخل و طيف كانت طالعه من التواليت.. طيف..: رديت بدري.... مشعل..: تعبت ورديت طيف حست بدوخه.. - مشعل........... مشعل..: نعم..... وطاحت طيف مغمى عليها..احتار مشعل معاها كل إللي قدر عليه إنه شالها وحطها على السرير وهو دخل التواليت.. في بيت سيف كانت حوريه تلعب مع خالد غميضه فغمضت عيونها وهو راح يتخبى عنها..لأن ما فيه بالبيت غيرهم..بعد ثواني دخل سيف البيت وشافها كذا..اعجبته واهي مسكرة عيونها جلس على طرف الكنبة وكتف إدينه وظل يطالع فيها..اهي ماتدري ان فيه نفس ثالث معاهم بالبيت حوريه..انا جايه لك يا خالد وين بتروح مني..وتمشي..وتمشي سيف كان ماد ارجوله وماخذ راحته ما انتبه إن حوريه صايرت إقريبه كثير لأنه كان سارح بخياله لبعيد..قربت أكثر وتفركشت برجل سيف.. حوريه:......أي...... سيف إللي جلس.. - سلامتك حبيبتي..سلامتك عسى ما صابك شي.... حوريه ارفعت العصابه من اعيونها وشافت عيون سيف حمراء مثل الجمر..فسئلته بخوف..... - سيف اشفيها اعيونك ؟؟ سيف: ..ما فيهم شي.. حوريه: ..بس شوفهم شلون صايرين مثل الجمر !! سيف..: حساسيه من التلوث الجوي..... حوريه ابتعدت عنه بس هو مسك ايدها..والتفتت له... سيف..: حوريه اتطلعين معي أنا مال من جلسة البيت حوريه..: أوكي بس أبدل هدومي وأجي...... سيف..: أنتظرك.. ونادى على خالد..: خالد خالد.... خالد..: نعم خالي..... سيف..: روح بدل بنطلع خالد..: أنا مو جاي معاكم أنا بنام باكر عندي دوام بالمدرسه حوريه:..أنا زاهبه..... سيف: .. أجل يله.... في بيت بو ريما أم ريما..: هذي فاتورة التليفون جات سديديها ريما..: هاتيها يمه عهود..: ريما ريما..: نعم عهود..: قومي أبي أكلمك ريما..: ما تشوفيني أوكل أبوي عهود..: إذا خلصتي تعالي أبغاك.. عند عصام عصام..: يمه..يمه أم ريما..: تعال أنا أنشر الملابس عصام..: إشلونك يمه..وشلون أخوي اليوم ؟؟ ام ريما..: على حاله..وريما جنبه توكله عصام..: ليش ريما ما راحت الدوام اليوم ؟؟!! أم ريما واهي تحط الشرشف على الحبل.. - تقول ماعندها دوام اليوم........ عند ريما ريما..: بس هذي آخر قفشه يبه...... بو ريما يشوف بنته ويتحسر عليها وبداخله يقول.. - آاااخ يابنتي حلاتك أللحين برا البيت مع رفيقاتك بدل هالحكرة.. ريما..: يبه اشفيك اتطالعني كذا ؟؟!! بوريما..: ما فيني شي يا أبوك.... ريما..: أجل أنا رايحة داخل..... عند البنات دعاء..: والله ماعندها مسكينه كل إللي معها إدفعتهم اليوم بالمحل..... عهود..: وأنا محتاجة..... ريما..: هاااااااا عهود شنوا بغيتي..... عهود..: أبي إفلوس طالبين علي مشروع.... ريما..: بعد يومين أعطيك، بكره آخر الدوام المدرسي عهود..: إللي اتشوفينه يا أختي..... عصام..: اشعندهم بنات سالم الراهي حاطين روسهم بروس بعض..شتخططون له ؟؟ دعاء..: اسكت بس يا معود إللي يسمعك أللحين يقول من أصحاب الملايين.... عصام..: وأنتي اشعندك مارحتي الدوام ؟؟!! ريما..: ماخذه إيجازة...... عند أسيل بالليل بالقناه تقدم برنامجها أسيل.. - أهلا وسهلاً فيكم ببرنامجنا..نلتقيكم بحلقه جديدة..من برنامجنا حلقتنا اليوم تتكلم عن الغيرة..ونستقبل أول اتصال..الو عند سيف حوريه..: اهئ هذي أسيل بنت عمي..عل الصوت اشوي خلنا نسمع..... سيف: ..ليه بنت عمك تقدم برنامج ؟؟!! حوريه:..إي.... سيف..: خلينا نجلس إهني حوريه..: مثل ماتبي... ماحسوا مين الي جاي من وراهم كان زايد مع شله من ربعه.. زايد..: ياي شوفوا مين جاي وماسك ايده... التفت سيف وطبعآ معاه حوريه.. - انت..انت اشتبي منا زايد وهو يميل نفسه على حوريه.. - ابي الغزال إللي معك..مو إهي من واحد لواحد عطنا اياها..... سيف وهو يبعد زايد.. - أنت ما تستحي على وجهك يا التعبان ؟؟!!! زايد..: خلينا الحيى لك ولأمثالك..هاااااا اشتقلتي يا حوريه ؟؟ سيف..: تكلم معي مو معها إهي.... زايد حب انه ينرفز سيف.. - هااا خبرني شنوا اكتشفت زوجتك عذرا أو أو..عاد أنت إفهمها.. سيف هجم على زايد بيضربه إلا يد حوريه اتعلقت بذراع سيف.. - لا سيف خله يولي....تكفى...... سيف..: حوريه إنتي لا دخلين نفسك..كفايه إن المصايب من تحت راسك...... حوريه:..أنا..... زايد..إي أنتي طلعي منها وبتكونين ابخير... حوريه من بعد ما اسمعت كلمة سيف وزايد مشت عنهم وخلتهم ابروحهم يتعاركون... بفيلا مشعل طيف كله تحس بدوخه براسها ما تدري من وين جايه لها من تجلس من النوم وكل كبدها لايعة. مشعل:..قومي جبي لي قلاص ماي....... طيف:..على أمرك....... أم مشعل:..خف على البنت مو بهالطريقه تعاملها فيها... مشعل كل ما يذكر شنو فيها يجن يستخف عفاريت الدنيا كلها تركبه.. - يمه خليني أعاملها بالطريقه إللي ترضيني مو كفايه جبرتوني فيها.... طيف كانت راده وما انتبهت بإللي مرمي على الأرض..كانت علبة بيبسيى فاضيه ما شافتها و حطت رجلها عليها وازلقت..ماكان العوار برجلها كان العوار بمكان ثاني.. طيف:..اييييييييييييييي....... مشعل إللي لاحظ وقام.. - اشفيك ؟؟؟ طيف..: زلقت أم مشعل: ..مشعل شيلها..و ودها المستشفى..... مشعل كان احساسه بارد جداً مع طيف مافيه حراره.. - ما فيها شي أللحين إتقوم مثل الحصان مو طيف ؟؟ طيف كانت تتألم من ظهرها بس ماحبت إنها تجبره على شي.. - اي أللحين أطيب لا تخافي خالتي..... مشعل مر من جدام طيف ولا حتى ساعدها بالقومه.. عند علي بالشارع علي كانت يستنا أسيل برا بقى على نهاية البرنامج دقايق ويخلص لياخذها ويودها لبيتهم عند أسيل داخل القناة أسيل..أعزائي المشاهدين أين ماكنتم نستودعكم الله.. من خلف المكرفون أسيل.... أخذت أسيل أغراضها واطلعت لعند علي بس وقفها شخص.. ...أسيل..أسيل..... أسيل:..نعم راشد... راشد: ..فيك بكره تقدمين برنامجي أنت إذا ما يكون عندك أي إزعاج ؟؟ أسيل: ..أشوف دفتر مواعيدي... راشد: ..أنتظرك..... أسيل ما كان عندها أي علم إن علي جاي لعندها..تفكر إنه ماجه لعندها وإهي تفل بالدفتر وعلي قاعد يعصر في مكانه.. أسيل..: آسفة ما أقدر شوف غيري.... راشد..: مشكورة يله عن إذنك..... ارفعت أسيل اعيونها وشافته وابتسمت وإهي تمشي لناحيته..افتحت باب السياره واجلست أسيل:..السلام.... علي الي ماشافها من العصبيه رد عليها بدون ما يناظرها.. - وعليكم السلام اسيل..: إشفيك يا قلبي.....؟؟ علي..: مابقى إلا إنك تمسكين إيده وتبوسينها يا أخت أسيل.... اسيل..: الله كل ذا شفته وانت جاي لي..عندك عين زرقاء اليمامه ما شاء الله....... علي..: اتنكتين حضرتك....... أسيل..: خلاص بالمره القادمه ما التفت أو أوقف إذا أحد كلمني..بس لا تمد البوز علي أنا ما أقدر أشوفك كذا... علي وهو يقلد صوتها.. - ما أقدر أشوفك كذا.... أسيل..: ههههههههههههههههههههههههه هه ، انتظروني........ | ||||
|
| |
|
20-07-13, 11:32 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصــــــــــــــل الثــــــــــالث الجــــــــــــــــزء الاول مشت أيام على الكل ريما..... إنها مو قادره توفر مصاريف بيتهم بعد ما انطردت من الشغل.. حوريه وسيف.... العلاقه متوتره بينهم بعد الموقف البايخ الي صار مع زايد.. مشعل وطيف الحال مو أحسن مشعل ما يدري وين الله قاطه ؟! طيف حسبالها ان الوحع بس من الطيحه وما اهتمت اجلست من نومها وانفجعت من إللي شافته تحتها وإهي ترفع الغطا.. طيف..شنوا هذا من وين لي هالدم مو موعد الدورة أللحين المفروض ما تنزل علي هـالفترة..... مشعل إللي كان طالع من التواليت.. بس شافته حطت الغطا عليها..بس وين اتروح ومشعل جالس لها على الوحده.. انتبه على إللي خبته عنه.. مشعل..: شنو مخبيه تحتك طيف واهي تحرك براسها..ماني مخبيه مشعل وهو يقرب ويرفع الغطا.. - شنو هالقذاره إللي تحتك إنتي ؟؟!!..إنتي ماتستحين من الي جالسه عليه ؟؟!! طيف إللي انقهرت من مشعل بتنزل دمعه بس امنعتها عارفه إذا خلتها تنزل شنوا إللي بتلقى من مشعل.. - أللحين أنظف إللي بالفراش.... مشعل لف عنها.. - وساخه زايده ما شفت مثلها ؟! بالشارع يم الصرافه..عند ريما ريما رايحه تسحب لها واتشوف إذا فيه احسابها شي..حطت البطاقه واضغطت وطلع لها الرصيد فيه بس 70 دينار..اسحبتهم واجلست تعد فيهم.. سامي كان يلاحقها بالدعسه ويشوف وين اتروح..اهي تمشي والفلوس بأيدها مرت مجموعة شباب وخذت منها الفلوس.. ريما:..هاااااي انتوا ردوا افلوسي..تعالوا ردوا الشباب راحوا يركضون.. نزل سامي وركض وراهم ومسكهم وقعد يضرب فيهم.. سامي.. - انتوا شنو ما غير متربصين جنب البنوك تاخذون فلوس الناس ؟؟!! ...خلاص اتركنا إخذ الفلوس وهدنا مانبي منك شي... سامي وهو يضرب الشاب كف.. - عشان تتأدب بس... جات ريما وبدال ما تساعد سامي إضربته على راسه.. وهو ترك الشاب وحط إيده على راسه والشاب قام ومشى... ريما..: مين طلب منك إنك تساعدني ؟؟!! سامي..: ومين طلب منك إنك تضربيني..إنتي شنوا أهلك ماعلموك كيف تشكرين الناس على حسن المعامله ريما واهي اطالع بسامي وادموعه غرقانه بوسط اعيونها.. - انت آخر واحد يتكلم عن الإحسان كل إللي أنا فيه بسبتك أنت، أنت إللي هدمت حياتي..تدري أنا بهالوظيفه كم شخص أعيش أنت صاحب افلوس تصرف بدون حساب..بس في غيرك يدورون اللقمه من وين مكان يا أخي حس بإللي حواليك.... سامي يسمع الكلام ريما ويحس إن له ذنب بإللي إهي فيه....كل إللي قدر عليه إنه مد لها الفلوس واهي خذتهم ومشت.. ما فرح بشي إللي سواه معاها..بالإتفاق الشباب إللي معاه كان مجرد خطة سخيفة منه..... محمد..: هااااااااا بشر رضت عليك ؟؟؟ طارق وهو يتحسس مكان اضربه.. - أكيد بس إحنا قلنا لعبه وأنت قلبتها لنا ادراما..شوف كيف شوهت وجهي الحلو مع وجهك سامي:..الخطة ما جابت نفع معاها محمد:..هذي من أي نوع ؟؟ طارق:..شكلها من النوع الصعب بالجامعه بالجامعه الساعه عشر ونص إدخلت القاعه وكعادتها جايه متأخره كان الدكتور موجود... هنادي:..ممكن أدخل ؟؟ الدكتور..إنتي دخلتي وخلاص.. جاية ألحين تستأذنين..من اليوم ورايح إللي يتأخر ماراح ادخله المحاضره هنادي اجلست على الكرسي الخاص فيها وافتحت الشنطه وما شافت الدفتر حقها جن جنونها وأللحين إذا خبرت الدكتور بيعصب عليها..اجلست تتلفت تبي تشوف لها طريقه إنها تخبره.. عصام كان يعرف اشفيها هنادي من نظرات اعيونها بدون ماتتكلم.. قام من مكانه وهو شايل بإيده الدفتر وحطه على طاولة هنادي.. الدكتور:..شهتصرف يا عصام إخذ دفترك وإرجع مكانك عصام..: هذا مو لي..هذا لها إهي مو صح هنادي كل الي اقدرة عليه انها تأكد كلام عصام ماتبي ان الدكتور يعصب عليها.. - إي هذا لي..... الدكتور رفع الدفتر وافتحه.. - أللحين بنشوف مين فيكم الصاج ومن فيكم الكذاب... عصام:..ننتظرك...... الدكتور:..عصام إرجع مكانك..وإذا ما جبت دفترك فيك تطلع برا القاعه..... عصام:..أنا طالع..... بفيلا مشعل رجع البيت وشافها على حالها تنهد وراح لعندها وقعدها من نومتها.. مشعل..: رحت ورديت وأنتي على حالك متى بتقومين واتزهبين لي الأكل ؟؟ طيف من تحت الغطا وهي كلش تعبانه.. - أنا مافيني روح للخادمه تجهز لك الغدا..... مشعل..: نعم ؟ وأنا متزوجك أنتي ولا متزوج الخدامه.. قومي بلى دلع يله...... طيف واهي تتألم وتبجي.. - أنا ما فيني أقوم........ مشعل وهو يرفع الغطا ويشوف وجه طيف كيف شاحب من التعب والأرق حن قلبه على هالانسانه إللي شايفها خايفه منه حط إيده على جبينها وإهي أبعدت نفسها عنه.... مشعل..: اشفيك خايفه مني..لهدرجه أنا أخوف طيف..: لا أنت ما تخوف بس أنا عن جد تعبانه مشعل..: طيب قومي أوديك المستشفى طيف بالفعل كانت محتاجه إنها تروح لمستشفى.. - أللحين أبدل هدومي....... في بيت سيف رجع للبيت وهو معصب من إللي شايفه.. إهي بس شافت إللي جاي في حالة هيجان وثيوران انطلت شنطتها وراء الكنب واركضت على الدرج تصعد لدارها ماتبي تشوف جنون أخوها.. بس أهو مكان شايف إن إللي نازله من السياره أخته مو حوريه صعد على طول فوق وفتح الغرفه..كانت لابسه الفوطه بتدخل لتواليت تتروش... سيف..: إنتي من وين جايه ومن هذا إللي يلاحقك حوريه إللي اتطالع في سيف ومو مستوعبه كلامه.. - مو فاهمه شي ؟؟!! سيف:.لا تمثلي علي البراءة..أنا توني شايفك وأنتي نازله..وركضتي بسرعه...لا تفكرين نفسك شاطره كثير وجيتي بسرعه غرفتك وبدلتي ملابسك..انا كاشفك ياوسخه يالقذره.. أنا إللي غلطت غلطة عمري واتزوجتك..إنتي ماتستاهلي إن أحد يضحي علشانك..بس شسوي بهالقلب إللي يحبك.. بس إنتي ماتستاهلي إنه أحد يحبك ويخلصلك.. إنتي أي نوع من البشر ؟؟.. حوريه تسمع كلام سيف وتحس سكاكين تنغرز بصدرها كل الي اقدرة عليه انها ظلت تبكي سيف: ..لا تبكين لا تنزلين دموع التماسيح حقتك..ماراح أغير موقفي معاك انتي الحكي معاك ضايع.. عند مرام مرام كانت واقفه وتسمع الحكي الي دار بين سيف وحوريه تألمت كثير بس ما اقدرت إنها تدخل لأخوها وتقول له غنه إهي إللي شافها..بس شتقوله إن طليقها اهو إللي يلاحقها مشت وإهي تمتم بهالكلمات.. مرام..: سامحيني حوريه..ما أقدر أدخل وأقول لأخوي إني أنا إللي أنت شفتها.. بالجامعه هنادي مدت الدفتر لعصام بالكفتيريا.. - مشكور على موقفك هذا معاي بس مكان له داعي.. ما أدري كيف ارده لك هالموقف ؟؟ عصام..: بتردينه لي بأحسن من هالطريقة.... هنادي ابتسمت ابتسامه طفيفه.. - آهاااااااااااا أنت تبي مقابل عن هذا الموقف... عصام..: ابتسامتك هذي تكفيني لأنها ردت لي المعروف... هنادي شافت عصام غير عن سامي إللي حبته.. - ممكن أجلس جنبك لأن ما فيه طاوله فاضيه عصام..: أكيد إنتي ما تستأذنين إنتي تسحبين الكرسي وتقعدين..أنا إللي أتشرف إنك راج اتجلسين جنبي... عند ريما ريما إللي إدخلت الجامعه وعلى طول راحت لقاعتها لأنه محاضرتها على وشك إنها تبدى....... أما عند سامي بالمطعم سامي راح المطعم إللي اشتغلت فيه ريما.. وتلفت يمين وشمال ليمن حصلها وراح لعندها.. سامي..: لو سمحتي..... حنان التفت واهي بأيدها الصنيه.. - أوووووووووووه من زمان ماشفناك..من لما ريما انفصلت من الشغل..... سامي:..أبي أكلمك بموضوع.... حنان:..أودي الصنيه وأجيك.... سامي:..أنا جالس على هذي الطاوله انتظرك جت حنان لعنده بعد ماحطت الطلب:...نعم....... سامي: ..إنتي تعرفين بيت ريما حنان:إي أنا دايم أزورها بالبيت ليش بغيت شي منها ؟؟ سامي وهو يطلع كرت من بوكه ويمده لحنان.. - هاك عطي ريما هذا وخليها تروح على ذا العنوان وتمد لهم الكرت وعلى طول بتتوظف حنان:..بدون ما أقول لها من وين أنا جايبته سامي:..بسيطه كتبي لها العنوان بالورقه..والكرت شقيه بالمستشفى الدكتور: ..مبروك المدام حامل مشعل لف وجهه.......... - شنو حامل ؟؟!!!!! في بيت بو سعود أسيل كانت تاكل بالطماطم إللي مقطعته لها بالصحن.. جا لعندها سعود وخذ حبه.. أسيل..:هاااي أنت الثلاجه متروسه ماتبي إلا إللي عندي سعود..: إلا ما قلتي لي شخبار بنت عمك حوريه بزواجها ؟؟ أسيل:..ابخير وتسلم عليك واجد..واجد..واجد.... سعود:..تدرين إنك وحده فاضيه..يا ربي متى بس إللي في بالي يتحقق ونفتك من رقعة وجهك من البيت... أسيل:..وأنت صاج متى إحنا نخلص منك يا وجه البومه سعود:..على جثتي يا المايعه.... بالمستشفى مشعل جن جنونه وراح على طول الغرفه إللي راقدة فيها طيف دخل عليها وشدها من شعرها.. مشعل:..يا الخايسه أنتي من حامل منه أنا رضيت أتزوج منك عشان عمي المسكين ما ينفضح بين الأهل لأنك وحدة ضيعتي شرفك يا تبن.. بس إنك اتطلعين حامل ما هقيتها منك أبد يا الحقيرة.... طيف انصدمت من الخبر ظلت اتطالع في مشعل.. ومشعل كان رافع إيده بيضربها إلا الباب انطق فاضطر إنه ينزلها.. مشعل: تفضل...... بوسلطان: خطاك السو يا بنتي سلامتك عسى ما شر ؟؟ سلطان إللي يكره مشعل شاف أخته تبكي.. فراح لعند مشعل وتله لحد ماخله مشعل يلصق بالطوفه.. سلطان: أنت إيش سويت بإختي ليه هي تبكي.. مو كفايه إنها تزوجتك يالخسيس ؟؟!! مشعل: أنا ما سويت لها شي..... طيف: سلطان تركه إهو ما سوى لي شي..يبه تكلم... بوسلطان: سلطان إبعد عنه ولا دخل نفسك بشي أنت مالك دخل فيه في فيلا بوحمد حلا..: هلا بأخوي إللي جوعنا على حساب ردته البيت بعد الهياته..... سامي إللي جلس وحك راسه.. سعد انتبه إن سامي مو مثل عادته إذا دخل لبيت.. سعد:..سامي.... سامي:..لبيه يا بومشاري..... حلا:..وع..وع..ما لقيت إلا اسم مشاري سامي:..بسيطه يا أم ضفدع سعد:..سامي عن جد أنت اشفيك مو هذي طبيعتك إذا دخلت البيت ؟؟ نور إللي جت لعندهم وهي طفله صغيره بريئة ما تقصد الضرر فخرت للكل وفضحت عمها لأنها شافته حده متضايق وهي تعرف عمها من إيش متضايق بالضبط.. نوربغرور:..لأن ريما ابخلت على عمي بنظره وحدة عشان كذا اهو تعبان.... سامي عطاها نظره خلاها تحط إيدها على فمها...وتبلع ريقها.. حلا لفت نور لعندها.. - حبيبيتي قوليلي من هذي ريما ؟؟؟ نور إللي ادمعت عينها وراحت من عمتها والصقت بعمها واهي تبكي بحضنه.. نور:..سامي أنا مكان قصدي إن افك فمي بكلمه..عمي سامحني..... سامي إللي ما يقدر إنه يعصب على نور لأنه يحبها واجد يعتبرها مثل بنته مو بنت أخوه.. سامي:..حبيبي خلاص رفعي راسك نور:..ما أبي إلا لمن تقولي إنك مسامحني سامي وهو يحب راسها:..نوري إنتي نور إرفعت راسها:..وأنا أحبك كبر الدنيا كلها سامي:..وأنا اموت فيك..... نور وإهي تحب خد سامي:..مسامحني.... سامي:..أجل يله روحي نادي على أمك وأبوك خلينا نتغدا في بيت بو ريما ريما:..هلا فيك... حنان:..آسف جايه بوقت غير مناسب... ريما:..شهالحكي اتفضلي بتمين واقفه بمكانك... حنان:..انتظرك تعزميني... داخل البيت عند عهود عهود:..مين إللي جاي دعاء:..هذي حنان عصام:..لا تتحكين وفمك ملينان عهود:..شوفي مين يتحكه دعاء:..طنشيه عصام:..أنا ترا عمك مو أخوك تقولين لي كذا عند ريما حنان:..تفضلي... ريما:..شنو هذا ؟؟ حنان:..إنتي شنوا تشوفين ؟؟؟ ريما:..ورقه صغيرة....... حنان:..هذا عنوان شركه يبون موظفين روحي جربي.... حظك يمكن يقبلونك..... ريما:..وإنتي منين لك هذا العرض ؟؟!! حنان:..سارقته..هاك وبدون حكي زيادة.... ريما خذته..مشكورة أنا فعلاً محتاجه لشغل... في فيلا بوحمد سامي:..الحمد لله..إذا خلصتي تعالي لغرفتي عشان نطلع نور واهي تحط القفشه بصحن الرز: ..أنا خلصت.... سامي:..لا كملي أكلك..... ام حمد:..ما كلت شي..... سامي:..يمه كلت نص إللي موجود بالطاوله وتقلولين لي ما أكلت شي... بوحمد:..مر اليوم الشركه أبيك سامي:..على راسي عند نور مع بقية العيله حلا بس شافت أخوها اختفى اسألت نور.. - يله إنتي قولي لي مين ريما ؟؟؟ نور وإهي عاقده حواجبها.. - ما في شي أنا مابي أقولك أنا توني متصالحه معاه حلا:..اشفيك إنتي مجنونه اهو راح...... نور واشوي وتبكي.. - إنتي إللي اشفيك...... سعد:..حلا خليك عن البنت.... حلا:..على مين طالعه شي أكيد عليه..ناخذ منكم الحكي بالقطاره نور:..أنا رايحه لعمي حمد:..شفتي بنتك ولا عبرتني بكلمه مها:..أنت واحد مشغول مو فاضي لها نور ارجعت وإهي تسرع -..بابا..بابا..بابا حمد:..يا عيون أبوك نور:..أبي عشرات..عشرات..عشرات حمد:..إشلك فيهم عمك عنده نور:..لا عمي ما عنده تبي إنت تخسر عمي حمد:..وتلوميني ابنتك أنا أقوم وأدوس في بطنها أحسن مها:..حمد عطها إللي تبي نور:.. خلاص ما أبي منك أبي من جدي..... بوحمد:..وكم تبين ؟؟؟ نور:..من الدينار للمليون...... حمد:..بعد....... بوحمد فتح بوكه وطلع مبلغ.. - هذا يكفيك ؟؟؟؟ نور:..إي جدي..... سامي:..يا نور يله مشينا نور واهي تبوس جدها وجدتها.. - بـــــــــــــاي.......... الكل.. - بـــــايـــــات.......... بالمستشفى مشعل: ..نطفة الحرام إللي ابطنج راح ينزل..... طيف:..لا أنا ما أبي أنزله... مشعل:..هذا الجنين حامل فيه بالحرام.. طيف الي الموضوع ايدور ابراسها.. - مشعل اللحين زواجنا يعتبر باطل ؟؟ مشعل:..شاطره توك بس إتفكرين إي بس مو معناتها بخلي الجنين اببطنك راح ينزل يعني راح ينزل طيف:..مشعل..لا ماراح أنزله مشعل:..مو على كيفك..وزهبي حالك لطلعه من المستشفى للمطار.... في بيت بوعلي حوريه:..يبا اشلونك ؟؟ بوعلي:..إنتي اشجايبك بيتي ؟؟ طلعي منه.... حوريه وإهي جالسه على اركبها وتبكي.. - يبه إنت صدقت اشوية صور وما صدقت بنتك بوعلي:..إنتي مو بنتي..ياليت امك ابركت عليك واهي تولدك..... حوريه:..تفتكر أنا مبسوطه بهالحال إللي وصلت له أنا كل يوم أموت ميت موته.... بوعلي:..مالي شغل فيك إنتي بالنسبه لي ميته فهمتي يعني شنو ميته ؟؟؟ سارا إللي كانت جالسه برا ومخليه حوريه ومع أبوها داخل، كانت هي جالسه ومع سيف.. سارا:..سيف....... سيف:..أنا مو مرتاح معاها ودي اليوم قبل باكر أطلقها سارا:..ما سألتك أنا أللحين شي.... سيف:..حافظك مثل اسمي..... سارا:..ما تقربت منها...... سيف:..ولا راح يصير سارا:..وحوريه راح تتخلى عنها..... سيف..لأن حبها يذبحني..... سارا توها بتكمل كلامها إلا قطع عليها صوت جرس الباب.. - مين إللي جاي لنا هـالحزة ؟؟!! سيف:..أكيد علي...... سارا:..علي عنده مفتاح..خليني أشوف منو.. وقامت سارا وافتحت لباب.... ندى:..اشلونك خالتي... سارا:..هلا ندى..... أم ندى:..جينا لكم بوقت غير مناسب سارا.لا حياكم بالشارع واقفين بالسياره كانوا بسياره طارق وسامي ونور معهم كانوا واقفين عند الإشاره منتظرين إنها تنفتح.. وبالطرف الثاني كانت سيارة عصام وفيها ريما وعهود ودعاء.. بس ماحد منهم لاحظ الثاني.. عصام:..هلا بندر...... بندر:..أنا أبعد عنك خطوتين انزل من سيارتك وتعال معانا..... عصام:..لا أنا معاي بنات أخوي....... بندر:..بلا أعذار وتعال لنا..... عصام:..أوكي ما أوعدك بس بحاول..... ريما: عصام روح مع ربعك لا تربط نفسك فينا...مو بنات ؟؟ عهود ودعاء: ..إي صح..... نزل عصام من السياره..وسامي خلاه الهوى يلتفت لذيك السياره شاف ان بنت تنزل منها واهي تنادي على ذاك الشاب.. ريما:..عصام..عصام.... سامي:..شفت بعينك ترفض حبي وتروح مع واحد ثاني طارق:..لا تحكي على البنت.... ريما:..عمي..عمي.. عصام:..نعم..... ريما:..نسيت مفاتيحك لا تنساهم عشان إذا رجعت البيت عصام:..مشكوره يا قلبي... طارق:..شفت طلع عمها سامي:..مقهور منها نور ابطبيعتها تنادي على إللي اتعرفه بدون ما تعبر الآخرين إللي وياها.. - ريما..ريما...... ريما توها فاتحه باب السياره اسمعت الصوت والتفتت:..نور..إنتي شتسوي في هالمكان ؟؟ نور:..انا جايه مع عمي سامي..تعالي معانا.... ريما:..لا ما أقدر أولاً عيب ما يصير وثانياً أنا معاي خواتي.... طارق إللي لف وجهه لسياره وشاف دعاء.. - آه يا قلبي....... نور:..أجل أنا بجي معكم...... ريما:..بيرضى أبوك تجي معاي ؟؟؟ نور:..هذا مو أبوي هذا عمي..وتالتفت على سامي وقالت.. - عمي أروح معاهم ؟؟ سامي إللي كان ايطالع بوجه ريما.. - روحي معاهم..حبيبي انتي...... في بيت بوعلي حوريه:..أنا تعبانه يا أسيل عايشه وميته بنفس الوقت... أسيل:..حاولي إنك م اتحتكين فيه أبد.... حوريه:..تدرين إنه يوم جاي معصب علي إني أنا طالعه وإن واحد كان يلاحقني على الرغم من إني ما طلعت أصلاً من البيت ما أدري منو شايف ويفتكرها أنا..... أسيل:..معقوله ؟؟!! هذا مريض رسمي..وإلا عاشق ويغير.... حوريه:..عاشق ويغير دخيلك لا تكثري من الأحلام الوردية..... ندى جات لعندهم:..وين علي عنكم ؟؟؟ حوريه: برا سهران مع ربعه ليه تسألي تبينه في شي ؟؟ ندى:..لا بس اشتقنا لنستمتع بصوته ونظراته..... أسيل إللي انقهرت موت.. - وإنتي من امتى مهتمه بعلي ؟؟ ندى بداخلها.. "لاني أحبه أموت فيه".. لكنها ردت ببرود..... - لا بس كذا يعني مجرد سؤال عابر سألناه ولا السؤال عن علي ممنوع ؟؟؟ أسيل:..إي ممنوع...... يتبع....... | ||||
|
| |
|
20-07-13, 01:53 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــــــزء الثــــــــــــاني في فيلا مشعل أم مشعل:..مشعل توها طالعه من المستشفى خلها ترتاح وبعدين فكر بالسفر.... مشعل:..أنا عندي شغل وقلت بالمره نشم هوى..... نجلاء:..شعليك يا طيف أخوي ما يقدر يستغنى عنك ..هذا إللي يسمونه الحب ولا شنو بالضبط ؟؟ طيف:..هذا الحب..... مشعل:..حب بعينك يا الغبيه..... نجلاء:..خلاص سكرنا فمنا...... مشعل:..يله مع السلامه يمه..... في بيت سيف مرام كانت عارفه إن حوريه بالتواليت تتروش فاخطرت في بالها فكره وقررت تنفذها بسرعة..... راحت لغرفه حورية واقفلت التواليت على حورية وانزلت تحت تنادي على سيف.. مرام:..سيف..سيف....... سيف:..نعم...... مرام:..تعال حوريه قفل عليها اللتواليت واهي مو عارفه تفتحه تعال شوفه سيف:..كاني جاي..... في فيلا بوحمد حمد:..مها مو صار الوقت إن نجيب أخو أو أخت لنور أخت تسليها او اخو يكون سند لها.... مها اتركت المشط:..بس..... حمد:..بس أنتي خايفه إن يكون يبيله علاج طويل.... مها:..إي ولا أنا ودي أجيب عيال بعد...... حمد وهو يروح لعند مها ويحضنها.. - حطي حملك على الله وهو الي بيتممها علينا.... مها:..أتمنى........ في بيت سيف سيف:..حوريه دفعي الباب من جنبك مو راضي ينفتح من عندي.. حوريه:..حتى من جنبي مو راضي ينفتح.... مرام استغلت الفرصه فاطلعت من الغرفه واقفلتها.. سيف حس عليها وراح عند لباب....... سيف:..مرام شتسوين تعالي فتحي الباب... مرام:..ماني فاتحته سيف وهو يخفض صوته.. - مرام لا تجننيني فتحيه يله..... مرام..آسف يا اخوي عند ريما بالشركه ريما راحت على العنوان إللي عطتها إياه حنان.. سامي كان موجود بس ما حب إنه يطلع يشوفها تم بمكتب أبوه.. وإهي توجهت لمكان دوام الموظفين اطرقت لباب ودخلت.. ريما:..السلام.... ...وعليكم السلام بغيتي خدمه ؟؟... ريما:..أنا سمعت إن عندكم وظائف شاغره ...لا احنا ماعندنا.... ريما:..مشكور... اطلعت ولا يرن تليفون الموظف وكان الاتصال من سامي.. سامي:..بوخليفه إذا جت عندك بنت مقدمه على وظيفه اقبلها على طول بدون أي خبره بوخليفه:..جت عندي وحده بس رفضتها لأن ما عندنا وظايف شاغرة... سامي:..شنو أللحين تروح وراها وترجعها وبدون ما تذكر اسمي فاهم ؟؟ بوخليفه:..حاضر..... بوخليفه قام من على مكتبه وطلع يدور على البنت بكل مكان.. في بيت سيف سيف:..على الرف فوق المغسله حطي ايدك وتشوفين مفتاح حوريه راحت وسوت مثل مقال لها سيف حطت إيدها وشافت مفتاح افتحت وطلعت من التواليت وإهي بس لافه على جسمها فوطه..سيف ماتحمل انه ما يشم الريحه إللي نابعه منها ظل يشم فيها وإهي واقفه قباله.. حوريه..سيف ممكن تطلع بلبس ملابسي سيف..كيف تبيني اطلع ومرام قافله الباب حوريه جت تمر من جنب سيف بس سيف منعها وحط إيده على بطنها وخلاها تلصق بالطوفه وقعد يحرك بشعرها.. -انا أموت فيك وغرقان بحبك بس صعب علي إني أعيش معك كزوج طبيعي يشارك غرفه وحده، كل ما تذكرت الصور يكش شعر بدني... حوريه وادموعها تنزل.. - وأنا بعد حبيتك بس إذا هذي نظرتك فيني فانا آسفة ما فيني اقدم لك شي..... سيف:..الكل متوقع انك لازلتي بنت..والكل حاط في راسه اني راح اكتشف هذا بعد المعاشره.... حوريه:..وأنا ما أبي منك إنك تقرب مني وأنت أفكارك كذا فيني.. يعني لا تفكر مجرد تفكير إنك تلمسني.... سيف وهو يبتسم ابتسامه طفيفه.. - ليش خايفه إني اكتشف عكس ما تقول أختي.... حوريه زادت بالبكي..ا - سيف طلع من غرفتي أللحين... سيف وهو يحط إيده على حنكها.. - وكيف تبيني أطلع والغرفه مقفوله ؟؟؟ حوريه ابلعت ريقها.. - فيه مفتاح بالدرج أخذه وافتح الباب واطلع بسرعة.... سيف بعد عنها واهي خذت لها نفس.. راح على المكان إللي قالت له وفتح الغرفه وطلع ولكنه ظل واقف.. وإهي سكرت باب الغرفه وحطت ظهرها على الباب واجلست واهي تبكي بكى يقطع القلب.. وسيف مو أحس حال منها حتى اهو جلس عند الباب يبكي وكل واحد يقول بداخله... حوريه.. - صعب إني أكون لك زوجه وأنت تشك في شرفي.... سيف.. آه يا حورتي لو تدرين وش لون صعب علي إنك فرطتي بشرفك بكل سهولة..أنا كنت أنام وأنا احلم فيك..وأصحى وأنا أفكر فيك..إنتي عذاب وانتي بعيده..ونار في وانتي قريبه مني حرام عليك ارحميني..... حوريه.. حاولت إني أخليك تكرهني بس ما قدرت أسوي شي لك وأجرحك كل ما تذكرت إن أبوي ما يبيني.. استسلم وأقول نارك أنت ولا جنت أبوي.. بالشركه بوخليفه:..من باكر الصبح تبتدين الدوام.... ريما:..شلي غير رايك..مساعه تقول لي ما فيه وظايف وأللحين تجي بنفسك وتعرض علي وظيفة.. بوخليفه:..تذكرت يا أبوك إن في وظيفه وعشان كذا طلعت وناديت عليك..... ريما:..أقدر أمشي أللحين... عند سامي طارق:..سامي انت جالس إهني والغزال بشركتكم جايه تقدم على وظيفه..... سامي وهو يلعب اونوا.. - أهم شي إنها ما شافتك.... طارق:..ابرد ماعندك وأحر ماعندي.. سامي:..عندي خبر وأنا ناطر طلعتها.... طارق:..خن شوف يا شاروخ خان شنو مصيرك معاها سامي:..كل خير إن شاء الله...... السكرتيره..إستاز سامي..اطلعت البنت من عند بوخليفه عند ريما بالشارع جنب الشركه جالسه كانت بالأول واقفه تبي أي تكسي يمر تركب فيه بعد مدة ملت وإهي واقفه فاجلست على الكرسي إللي محطوط للانتظار..... طلع سامي وشافها بمكانها رسم على شفايفه ابتسامه وبعدها سوا نفسه متفاجئ.. سامي:..ريما....... ريما:..سامي...... سامي:..اشعندك إهني....... ريما:..جايه أطر...... سامي:.. من صدق أنا أحاكيك ريما:..مقدمه وظيفه واقبلوني فيها..وأنت ؟؟ سامي:..مبروك أولاً وثانياً كان عندي شغل بهالشركه.. عندك سيارة...... ريما هزت راسها بمعنى لا.. سامي:..تعالي أوصلك ريما: ..ما خبرتك عشان تعرض خدماتك علي... سامي:..شوفي هذا الشارع صعب انك تلاقي تكسي.. ومنها أرد لك معروفك يوم وصلتيني ريما كانت مضطره إنها تروح مع سامي لأن عندها دوام بالجامعه بعد الظهر.. ريما:..بركب بس لا تعمل معاي أي شي سخيف سامي ترا والله مو ناقصة أي أذى منك.... سامي:..في أحد يضرب من يحب.... ريما: سامي وبعدين..... ريما دايماً تسمع من سامي هالكلمه بس متى بتتقبل إنه يحبها ركبوا السياره وكانوا أحلى ثنائي كان سامي يمشي على الخفيف ما يبي يسرع ويخلص المشوار مع ريما.. أما ريما فكان ودها يطول طريق بيتهم ما تدري شلي صار فيها من اركبت السياره مع سامي وكل جسمها يرتجف.... سامي شافها ترجف كذا فسكر النوافذ وشغل التكيف على الحراره شوي..... وشغل المسجله على...... من يحبك كثـر مـا أحبـك أنـا ومن بحبك حاول ويامـا أجتهـد ومن في عينه شوفتك كل المنـا لا ورب العرش ما غيري أحـد انت شوفي و انت عمري و الهنا يا جسد بي روح و لروحي جسد و انت عيني و انت نوري و السنا و انت اسبابـي اذا حبـي خمـد و انتي ميعادي و سهدي و العنـا و انت تعذيبي و صبري و الجلد و انت راحاتي و روحي و الضنا و انت الأول ما بها قبل و بعـد لمنـا جـو المحبـه و ضمـنـا و من بعد قربك أنا كيف انا ابتعد شوف ما أكبر يا حبيبي عشقنا فاق وحده و انفرد لو يوزع ع البسيطه حبنا ما بقى حد (ن) بها يكره أحد خارج الكويت..بفرنسا وصلوا فرنسا وبتحديد باريس ادخلوا على شقه فخمه مره كان وصولهم الساعه ثلاث العصر حطوا الاغراض.. مشعل صعد الدرج بس قبل لا يصعد خذ شنطته معاه وراح خذ له شور وطلع ولبس ملابسه وخذ جواله ومفاتيحه ونزل لتحت طيف:..طالع...... مشعل:..إي ليلى وأنتي تعرفين البيت عدل..... طيف:..أنا مو ليلى...... مشعل:..أنا رايح اتفق مع دكتور ينزل الزفت إللي ببطنك... طيف وادمعت عينها.. - الله يخليك..خل ولدي ابطني خلني اربيه...... مشعل:..بس أنا مو مستعد اعطي اسمي لولد الحرام طيف:..إذا تبيني أنزل الجنين تعطيني وعد.... مشعل: وشنو هالوعد ؟؟؟ طيف:..بعد ما أنزله ورجعنا كيف بنكون ؟؟ مشعل:..بتردين بيت أبوك طبعاً..... طيف وإهي جالسه على اركبها وماسكه إيد مشعل وتبوسها.. - الله يخليك أنا ما فيني أرجع ، أبوي ما يبيني..إرجع وتزوجني مره ثانيه..الله يخليك... مشعل:..يصير خير بس أول نتخلص من إللي ابطنك وبعدين الله يدبرها من عنده...... الكـــــــــــــــــويت ريما وإهي تشوف الساعه الي بسيارة سامي.. - اووووف ثنتين وربع..ماعندي وقت أقل من نص ساعه ولازم أكون بالجامعه..... سامي:..أنا أوصلك الجامعه..... ريما:..لا..لا..ما أبي أعطلك...... سامي وهو يوقف عند بيت ريما.. - ما فيه أي تعطيل...... ريما:..فيك تنطرني ربع ساعه وأطلع لك.. " كانت تبي تحمم بس طبعا ما قالت له" وكملت كلامها: - أنا ما أبي أضيع عليك يومك بس عمي ما راح يرد البيت..... سامي:..خذي راحتك.. مستعد انتظرك العمر كله... عند عهود داخل البيت عهود واهي تطل من الدريشه.. - شوفي اختك المصون مع مين نازله !! دعاء تجي وتشوف.. - هذا سامي إللي وصلته مره بيتهم..آاااخ منك يا ريما ريما..: سكروا الدريشه ولا تفضحونا إنتي واياها عهود:..تعالي انتي من أمتى اتجين مع أحد ؟؟!! ريما واهي فاله شعرها.. - بتحمم وبعدها رايحه الجامعه وبعد ما أرد أعلمكم عن إللي تبونه دعاء:..خلينا نطلع اليوم والله ملينا من قعدت البيت ريما:..باكر نطلع...... ادخلت ريما التواليت وخذة لها شور وطلعت..استشورت شعرها ولبست بلوزه من المعدن بحمالات من عقود اللؤلؤ والزهور المرصعه بالاحجار الملونه مع بروش على شكل زهرة مع جاكيت لونه اسود مع بنطلون لونه أبيض..وتعطرت واطلعت له.... سامي وهو يشم عطرها.. - ريحتك حلوة شنو اسم عطرك ؟؟ ريما:..أنا غلطتي إني ركبت معك السياره ولا انت انسان صايع ضايع...... سامي:..لا..لا..لا..خلاص سكتنا يبه.. بالجامعه عصام:..هنادي..هنادي....... هنادي:..أووووف منك تراك لوعت كبدي من ملاحقتك لي الزياده عن اللزوم هذي انت ما تمل ؟؟ عصام:..أنا قلت صرنا زملا...... هنادي:..لا ياعيوني هذا من ابعد المستحيلات..... عصام:..إنتي ليش متكبره وشايفه نفسك ؟؟!! هنادي بغرور:..لأني أنا بنت الراهي مو أي وحده.... عصام:..وانا ولد الراهي بعد.... هنادي: شتقول ؟؟!!!! في بيت سيف كانت حدها دايخه ألم في جبينها قربت جيتها ولازم الألم يجي قبل بيومين انطق الباب فراحت اتشوف منو عنده...فتحته.. حوريه:..دانه دانه:..إي دانه حوريه:..اشفيك إنتي كل ساعه جايه عندي البيت إنتي ماعندك شغل غيري ؟؟!! دانه:..لاني أحبك وأموت فيك ولازم كل يوم أزورك... حوريه واهي حاطه إيدها على بطنها.. - تفضلي البيت بيتك... دانه..طبعآ لبيت بيتي..وإنتي واقفه جيبيلي قلاص عصير أروي عطشي....... خارج الكويت..بفرنسا فرنسا بالتحديد بالمستشفى دخل وراح على طول غرفة الدكتور لأنه يعرف الدكتور عدل طق الباب ودخل.. مساعد:..هلا مشعل زايرنا باريس مشعل:..جاي لك بشغل مساعد:..بشنو أخدمك.... مشعل:..عندي صديق أخته حامل بالحرام وتبي تنزل الجنين أبيك تسوي لها عمليه اجهاض.... مساعد:..وبأي شهر حامل إهي مشعل:..اشتفرق عندك ؟؟.... مساعد:..تفرق كثير إذا في تقدم الحمل ما نقدر انزله... مشعل:..بالشهر الثالث..... مساعد:..زين أجل بعد باكر جيبها الصبح وأسوي لها العملية...... مشعل:..مو عارف كيف أشكرك..... مساعد:..ما بين الأخوه أي شكر..... طلع مشعل وهو سعيد مر بمرر بالغلط مكان ما لازم إنه يمر فيه بس الصدفه أو يمكن القدر بغاه إنه يمر ويشوف انسانه عزيزه علي قلبه يجرونها بالسرير وقف ونادى بأسمها... مشعل:..ليلى..... ليلى حتى وإهي تعبانه انتبهت للصوت ولفت وجها للمصدر وإهي مركزه نظرها على الواقف إدمعت عينها..بعد غياب شهور تلتقي بالحبيب.. ليلى:..مشعل...... مشعل يمشي وين ما يجرونها وادموعه تنزل بحراره ويقول بداخله... ليلى رقي للحبيب الباكي وترفقي بعاشق جن في هواك هو الذي بات الليالي باكيآ يدعو الله لعله يلقاك سلي الليل عني و خبريه كم عانيت من هواك بت أشكو للعباد وأسأل ما الذي أعياك مدي يدك يا ليلى و عودي الى ربوع صباك قد ابحت يا ليلى للعشاق دمي وكنت انا أول قتلاك عودي واجمعي بقايا اشلائي فقد فرق البعد أوصالي فإن كنت قد رضيت بمصرعي فسعدآ لك الحياة ومأواك الكويت الكويت في بيت حوريه.. حوريه ملت من دانه ومن لقافتها الزايده والألم يزيد عليها.. دانه:..اشفيك تتحقرصين ابمكانك ودك امشي صح حوريه:..لا وين تمشي إنتي بالتمين معانا على العشاء دانه واهي اتطلع ظرف من شنطتها وتمده لحوريه.. - خذي شوفي هالظرف يمكن يعجبك إللي بداخله حوريه على نياتها خذته وافتحته وشافت إللي داخله.. - دانه إنتي من وين حصلتي هالصور ؟؟ دانه.. - مالك شغل من وين حصلتهم، بس حلوين إصورك صح..إذا شافهم سيف راح يمحيك من على وجه الدنيا حوريه:..وشنو المقابل إللي تبينه ؟؟ دانه:..حلو أللحين صرنا خوش ناس..المقابل يا شريفة مكة إنك تبعدين عن سيف لأني أبيه حقي بروحي ومو مستعده إني اخسره بسبتك... حوريه:..بس سيف يحبني أنا مو إنتي... دانه:..وأنا أقدر أخليه ينساك وينسى طوايفك بعد..فكري بالموضوع زين وردي لي خبر... حوريه:..ممكن تمشين لبيتك ولا تردين إهني وأعلى مافي خيلك إركبيه...... دانه:..هين يا واطية أنا أوريك.... في بيت بوسعود أم سعود ادخلت غرفة أسيل وأجلست اتصحي فيها.. - أسيل..أسيل اعيوني قعدي ما بقى شي على عرض برنامجك..يله إذا بتاخذين لك شور..... أسيل:..كم الساعه ؟؟؟ ام سعود:..الساعه خمس.... أسيل واهي تنط من السرير.. - واو اليوم عندي اجتماع مع مدير القناة ولازم ما أتأخر كلش.....أللحين يعطيني إنذار.... أم سعود:..فيه مجال وإذا خايفة إنه يعطيك كلام يسم البدن خلي علي يدخل معك...... أسيل:..أنا بنت أبوي ماحد يقولي كلمه تهز ابدني... برا الجامعه سامي لساته واقف برا ينتظر طلعة ريما من الجامعه بس كأنه اليوم صاير ضده مايبي يكتمل على خير معاه طلعت هنادي وعصام وبعد دققتين طلعت ريما هنادي:..سامي ؟؟ سامي واهو موطي صوته.. - شلي جابك إنتي ؟؟...نعم بغيتي شي ؟؟ هنادي:..بس اليوم ما عندك محاضرات ؟؟!! سامي..جاي أطمش عندك مانع ؟؟ عند عصام عصام:..ريما..... ريما:..أنت للحين بالجامعه ما طلعت منها ؟؟!! عصام:.. قاعد انطرك..... ريما وإهي اتطالع بسامي.. - يله خلنا نمشي...... سامي وهو تنرفز من شاف عصام.. - وانتي عندك سياره او لا ؟؟ هنادي..: لا عندي بس ما في مانع إنك توصلني مين يحصله يركب مع أحلى شاب بالكويت ويرفض... سامي:..دبري عمرك انا ما أقدر أوصلك تذكرت إنه عندي موعد وطريقي غير طريقك....... انتظروني...... | ||||
|
| |
|
20-07-13, 04:29 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصـــــــــــل الـــــــــرابع الجــــــــــــــزء الاول يوم جديد وصباح جديد وراح نبتدي فيه بشركة بوحمد بأول يوم لها بالشغل ادخلت المكتب و شافت فيه كله شباب اوقفت عند لباب وبعدها ادخلت.. ريما:..صباح الخير الشباب:..صباح النور ريما جلست بالمكتب المخصص لها واقل من دقيقه دخل الفراش وحط ورد على طاولتها ريما:..تعال يا أخ من وين هالورد ؟؟ ...هذا من شخص مهم اكيد لانه التعليمات جات من فوق. ريما:..من فوق يعني من وين فوق ؟؟ وائل:..شعليك أول يوم لك بالدوام إهني وتبدينه بورد حسام:..مين قدك ولا أنا وهالسالم صار لنا فوق الثلاث السنوات مامر يوم بالغلط وانحط على مكاتبنا باقة ورد ريما:.. اسمع أنت وياه استحوا على وجيهكم أنا مو من هالنوع الي تفكرون فيه.... وائل:..وإنتي من أي نوع من نواع البنات إللي بالليل مثلاً ؟؟ ريما:..أنت اشدخلك فيني أنت منو عشان تتدخل بحياتي طارق كان مار وسمع كل إللي دار بين الشباب وريما بس ما دخل وحل المشكله مشى وتركهم بحالهم.... في بيت سيف حوريه من قعدت من نومتها وإهي حيل تعبانه مو قادره إنها ترفع راسها من المخده.... سيف كان طالع من غرفته وشاف باب غرفة حوريه مفتوح راح وطق الباب ونادى لها.. سيف:..حوريه..حوريه..... حوريه وإهي تحاول إنها ترفع نفسها طاحت على الأرض..ودخل عليها سيف...... سيف:..حوريه..حوريه شفيك إنتي تعبانه ؟؟ حوريه:..بطني سيف بطني يعورني..... سيف:..تبين أوديك المستشفى.... حوريه:..أكون ممنونه لك.... خارج الكويت..بفرنسا بفرنسا كانت داخل غرفة العمليات وإهو استغل الفرصه وراح عنها راح غرفة ليلى طرق لباب سعاد:..تفضل... مشعل:..السلام عليكم... ليلى وإهي طالعه من التواليت.. - مشعل...... مشعل إللي تقدم خطوه.. - اشلونك ليلى عسى صرتي تمام ؟؟ ليلى..: مشعل انت اشجابك إهني كان لازم اتكون عند زوجتك مو عندي أنا....... مشعل:..وإشلون تبيني أكون جنبها وإنتي جنبي اشلون تبيني أقعد عندها وعقلي وفكري معك انتي.... ليلى:..مشعل روح من إهني مالازم اتشوفني عيب هذي خيانه...... مشعل:..شخيانته الخيانه اني قبلت بهالزواج المصخره... سعاد وإهي تمسك ايد ليلى واتجلسها على السرير وتحط عليها الشرشف.. سعاد:..وانت اشجابك باريس ؟؟ مشعل:..جاي اتخلص من شي انفرض علي غصب... ليلى واهي لافه وجهها للناحيه الثانيه.. - روح لمرتك أللحين أكيد هي محتاجتك جنبها إهي جميله ما في حد بحلاتها...... مشعل:..وانتي شدراك شايفتها ؟؟ ليلى:..إي شفتها صدفه بالسوق وعرفت إنها إهي إللي بتاخذها..... مشعل:..ليه دايره وجهك وانتي تكلميني..... ليلى:..لأني أبي أنساك روح من إهني....إذا سمحت... الكويت بالكويت نرجع للمستشفى بعد ما اكشفت الدكتوره على حوريه اطلعت عنها من غرفه الفحص وراحت واجلست على مكتبها.. سيف:..طمنيني شنو طلع معاها...... الدكتوره:..هذي زوجتك..... سيف:..إي..... حوريه:..فيني شي..... الدكتوره:..لا ممكن تطلعي شوي أبي أتكلم مع زوجك على إنفراد.... حوريه:..قولي لي إللي عندك لا تخبي عني شي... سيف..حوريه روحي شوي عند مرام وبس أخلص من الدكتوره أجيك وأقولك كل شي ماشي....... حوريه استسلمت لانها عارفه اذا اجلست ما راح تستفاد شي.. - ماشي.... الدكتوره:..كم صار لكم متزوجين..أو توكم في فترة الخطوبه.... سيف: صار لنا متزوجين حوالي شهرين خير فيه شي ؟؟ الدكتوره:..يعني أنت ما قربت منها مو ؟؟ سيف:..إنتي شنو تبين توصلين له بالضبط دكتورة ما فهمت ؟؟ الدكتوره: ..زوجتك فيها إلتهاب ومانقدر ان نسوي لها شي...... سيف:..لهدرجه مالها أي علاج عندكم ؟؟!! الدكتوره:..كيف تبينا انعالجها وإهي لألحين بنت لازم انك تلمسها بالأول بعدين نقدر نبتدي العلاج...... سيف..شنو ؟؟؟!!!! عند مرام مرام:..أهلين بمرت الزين أخوي الغالي ومرته الغاليه امشرفتنا اليوم....... حوريه:..هلا فيك أخوك جابني إهني كنت تعبانه... مرام:..وهو وينه ألحين ؟؟ حوريه:..مع الدكتوره امنعوني إني أسمع شي... عند سامي سامي ركب سيارته وأول ماشم فيها ريحة ريما إللي كانت إلى ألحين عالقه فيها.. اشتاق لها موت مع إن كلها يوم واحد بس ماشافها فيه لكنه يحس إنه ولهان عليها ومشتاق لها كثير.... يحبها ومو قادر إنه يقنعها بهالشي.. أخذ طريق الجامعه بس ارجوله توقفت بنص الشارع دار للشركه يبي بس نظره وحدة أمنيته إنه يشوفها فيها.. بالمستشفى سيف إللي طلع من عند الدكتوره وهو يبكي ويذكر كل كلمه كيف كان يسمعها لحوريه وفي النهايه تطلع شريفه وبعدها بنت آاااااااخ من هالدنيا الوسخه.. فتح مكتب اخته ودخل فيها..... مرام:..سيف إشفيك يا أخوي ؟؟!! سيف وهو يبلع ريقه.. - مافيني شي..يله حوريه خلينا نمشي... حوريه:..يله أجل نخليك مرام اتشوفين شغلك... مرام:..ماشي طمنيني إذا وصلتوا البيت....... حوريه:..أوكي بالشركه..عند ريما ريما: أستاذ وائل ممكن اتشوف هذا لحساب فيه خربطه وائل:..ما فيه خربطه اشتغلي من فم ساكت فهمتي.... سامي كان واقف جنب باب المكتب ايشوف ريما كيف تشتغل بهمة وحماس، وأول ما شافها كذا حمد ربه إنه قدر أخيراً يفرحها بشي ولو إنه كان شي بسيط وما يستاهل بالنسبة حقه...... كان خلاص بيمشي إلا أحد ينادي عليه.. حسام:..أستاذ سامي..... سامي:..جيت أتطمن على الشغل كيف ماشي معاكم... وائل:..برضاكم علينا الشغل ماشي تمام...... حسام: هاااااااااي يابنت قومي اوقفي قدام المعزب ريما وإهي تكتب بالورقه ومنزله راسها..ويكون سامي..يله تفضلوا كملوا شغلكم..... عند سيف برا المستشفى سيف:..تروحي معاي نفطر بمطعم حوريه:..شطاري عليك من الصباح شايف البارحه حلم يخرع هلي صاير عسل من الصبح.... سيف:..إذا مو تعبانه خل نفطر سوى بمطعم.... حوريه:.. مممم بشرط إنك تمشيني على البحر بعدها سيف:..موافق...... بالجامعه..عند علي علي:..ندى مليت أنا من أسلوبك معي ومن مطاردتك الزايده لي بالجامعه كل إللي موجودين اهني يفكرون إن بينا علاقه.... ندى:..أنا أحبك وأبيك لي مو لغيري...... علي:..وأنا بكل صراحه ما أحبك ولا أبيك قلبي اختار لي أبي أعيش معاها باقي عمري..... ندى:..أسيل مو ؟؟ إهي شنو أحسن مني فيه ؟؟ أنا أجمل منها بكثير وأخير لك منها...... علي:.. المسألة مو مسألة مين الاجمل المسأله إهي إللي قلبي اختارها..... ندى:..ما راح أخليك تتهنى فيها ما دامني عايشه.... علي:..استغفر الله.....بس..... ندى:..راح اتشوف ..ومشت عنه..... خارج الكويت..فرنسا..بالمستشفى بفرنسا اجلست من بعد المخدر إللي عطوها إياه شافت مشعل جالس يلعب بالجواله ابتسمت ونادت عليه.. وهو ابدوره سكر الجوال ورفع راسه لها.. طيف:..فكرتك رحت عني وتركتني لحالي بالمستشفى.. بس ماهقيت انك جالس جنبي...... مشعل:..مو أنا إللي اتركك بنص الطريق وأهدك لحالك... طيف وإهي تمد إيدها له..ومشعل مد إيده لها وحطها بإيد طيف إللي امسكتها بقوه طيف وتدمع عينها اليمنى.. - أنت للحين على وعدك لي ؟؟ مشعل.. - إي بس تتعافين راح نملك من جديد ارتحتي أللحين طيف:..مشكور وربي يكافئك على نيتك الزينة معاي الكويت بالكويت الساعه أربع العصر جالسين بأحد مولات الكويت بالكفتيريا جاعوا من بعد ما تمشوا عهود:..ريما يله خبرينا عن المتيم فيك.... ريما:..وشنو تبيني أقولك بالضبط ؟؟ دعاء:..يحبك..اتحبينه ريما:..ما اسرع ما سويتوها حب عهود:..شنو اتسمينه يعني شاب يلاحق شابه في كل مكان يطلع لها وهي يعني نقدر نقول معطيته وجه بالنسبة لشخصيتك يعني، وش انسميه يلعبون غميضه مثلاً ؟؟!! ريما واهي تلعب بخصله من شعرها.. - اي حبيته بس إهو أعلى مني مستوى..... دعاء:..مثل الافلام البطل جيي وينقذ حبيبته من إللي اهي فيه.... ريما:..إحنا بالواقع مو باحلامك عهود:..الطيب عند ذكره يبان شوفوا مين جاي وجالس إقبالنا...... عند سامي طارق:..سامي شوف من ورانا جالس... سامي:..مين غزال..ولا وضحى بنت عجلان ؟؟ طارق..لا القمر نفسه.... سامي لف وهو يقول.. - خلنا انشوف القمر حقك.... طارق..هههه اشفيك تجمدت ؟؟ سامي:..ريما عند ريما ريما إللي نزلت راسها.. - انتوا صدق مو خوات انتوا تافهين شنو بيقول عني اللحين ؟؟ دعاء:..شوفي إللي معاه شلون صاير وسيم يابخت إللي بتاخذه عهود:..هااااااااي انتي وياها لا تقعدون تتغزلون فيهم عند سامي سامي:..أنا رايح أجلس جنبها طارق:..أنت جنيت سامي:..إي جنيت عند ريما عهود واهي تعفس بالكيس.. - شوفي الغبي حط إللي البلوزه الغلط.. ريما واهي تاكل بالكيكه.. - بسرعه روحي بدليها ورانا مشوار ثاني بنروح الجمعيه لنتقضي نواقص البيت..... عهود:..دعاء تعالي معاي..... دعاء:..وريما تتم لحالها ريما..رحوا بسرعه وأنا باقعد جنب الأغراض بس استعجلوا لا تتأخرون علي... عهود:..أوكي...... بالمطعم عند سيف سيف في نفسه يفكر "شلون أنا أخبرهم إنه حوريه بعدها بنت مين راح يصدقني..؟؟ - بس فيه تحاليل وسارا ومرام هذا إللي يبون يعرفونه.. بس المشكله في عمي بوعلي وعلي هل راح يصدقون او لا ؟؟ حوريه انتبهت على سرحان سيف.. - سيف أنا خلصت كل الأكل إللي بالصحن وأنت صحنك بعده على وضعه اشفيك ؟؟ سيف:..عليك بالعافيه واذا تبين أطلبلك.... حوريه:..مشكور..بس علامك كأنك سمعان شي وضايقه فيك الوسيعة...؟؟؟ سيف:..لا أبد سلامتك إذا خلصتي خليني اوصلك إلى البيت.... حوريه:..والبحر ؟؟؟ سيف : ..خليه بوقت ثاني..... حوريه:..إللي اتشوفه...... عند ريما بالسوق ريما كانت اعيونها كلها على سامي وضحك على تصرفاته كيف جالس ومو عارف كيف يجي لعندها..أما سامي ماتحمل أكثر انه يشوفها ولا يقوم لعندها قام من الكرسي وراح لعندها وسحب الكرسي وجلس عليه سامي..ممكن أجلس ؟؟ ريما: ما جلست وخلصت ليش تستأذن مني أللحين ؟؟!! سامي:..ريما عن جد ليه تعامليني كذا أنا أحبك وأموت فيك ؟؟ ريما:..أنا واقعية جداً وأطالع الفرق إللي بينا أنا وين وأنت وين..أنا مسئوله عن عايله كاملة كل يوم اجلس وأنا أقول كيف بصرف عليهم وانت تصرف بدون أي حساب...... سامي:..نتساعد كانت ريما بترد على سامي إلا وصل لها مسج افتحته وقرته.. "شوفي ننطرك عند السياره تعالي لنا هناك.. عهود.." سامي:..اشفيج ؟؟ ريما:..هذليه خوات هذليه ما في أنذل منهم أنا كيف أشيل الاغراض كلهم أللحين ؟؟ سامي:..ولا يهمك أنا أشيلهم عنك ولا تهزي بدنك ولا شي... ريما:..مشكور سامي اشر لطارق إنه بيودي الأغراض لريما وبيرد له.. أما طارق فحاسب ولحق سامي.. وصلوا عند السياره وريما فتحت الدبه وحط سامي الأغراض فيها.. ريما:..مشكور مره ثانيه.... سامي:..ليش كل هالرسمية، وانا ماسويت لك شي عشان تشكريني عليه هذي ثاني مره تشكريني فيها اليوم...... عند عهود عهود وإهي تساسر دعاء.. - شفتي إختك تقول إنها ماتبيه ولا تقدر تحبه بسبب الفوارق الطبقية وإهي بالصدق غرقانه في بحر هواه.... دعاء:..هذي ريما ما تعرفين شنو إللي يدور في راسها... عند طارق طارق: ..سامي..خلنا نمشي.... سامي:..دقايق بس... طارق قرب من عند دعاء..صحيح أنا آسف إني غلطت عليك ذاك اليوم ما كان قصدي إني أجرحك... دعاء:..ولا يهمك حصل خير وإللي ما يعرف بيقول مثل ما قلت أنت..... عند أسيل بالقناة أسيل:..راشد إذا سمحت تعال شوف المكريفون مو راضي يشتغل معاي..... راشد:..انتي هدي عمرك بس هذا كله من التوتر إللي حاصل لك ولا شوفيه يشتغل بس اليوم من قدك بتقدمين برنامج وبتخرجينه بنفسك.... أسيل:..اسكت وإللي يعافيك حدي خايفه إني اتفشل قدام جمهوري...... راشد:..قوي قلبك...وشدي حيلك بس.... عند علي بالاستراحه بالاستراحه كان جالس علي وربعه يلعبون ورقه..ومنهم كان يشوف مباراه بين الكويت وقطر دخل زايد مع رفيجه وبس لمح علي راح وجلس اجباله... زايد:..علي علي:..هلا..... زايد:..شخبار أختك أللحين، إهي سعيده مع زوجها ولا الفضيحه الي سوتها أختك ما تخليه يسعدها علي: احترم نفسك وهذا شي ما يخصك وأنت أصلاً وش حشرك بأمورعايلتنا الخاصة ؟؟!! زايد:..قلبي معورني عليك..... عند تركي تركي:..يعني خلاص أخيراً تطمن قلبك من ناحيتها ؟؟ سيف والابتسامه مرسومه على وجهه.. - ماني معطي فرحتي لأحد.... تركي:..باين على وجهك، بس وين حكيك عنها وأنت تقول لي إهي النار إللي مشعلتها بقلبي ومش عارف إيش ؟؟ سيف:..هذا بالماضي تركي...ههههههههههههههههههه� � زايد انتبه للي داخلين..سيف الجراح وتركي فرحانين وضحكم واصل لعند الجيران.... سيف راحت الضحكه وظل واقف.. علي:..هلا سيف حياك..... سيف:..أنا ماشي..... زايد: إشفيك..... يتبع........ | ||||
|
| |
|
21-07-13, 08:05 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــزء الثــــــــــاني في بيت بوعلي سارا:..بوعلي متى بتظل شايل على بنتك ما يصير كل ما جات عندنا البيت تهاوشها...... بوعلي:..كل ما طالعت بوجهها أذكر كل السالفه... سارا:..هذي إهي متزوجه وعايشه حياتها...... بوعلي:..هذا زواج اجباري ومصيره بجي يوم وينتهي سارا..لا تفاول يا رجال على بنتك وعلى أخوي فالك ما قبلناه.... في بيت سيف مرام:..شنو صار عند الدكتوره ؟؟ حوريه:..أخوك ما فتح فمه معاي بشي مرام:..حوريه أنا أعتذر عن ذاك اليوم إللي عصب عليك فيه سيف بسبتي..... حوريه:..أي يوم ذكريني ؟؟ مرام:..اليوم إللي فكر فيه سيف إنك طلعتي وإن واحد كان يلاحقك..أنا إللي كنت برا البيت وأنا إللي كان في واحد يلاحقني.... حوريه:..إشلون ؟؟!! مرام:..أنا أقولك ؟؟ خارج الكويت..بفرنسا مشعل:..ليلى زهبي حالك باكر بنكون بالكويت طيف:..مشعل أنا طيف مو ليلى كل هذا حب لها مو قادر تنساها ؟؟!! مشعل:..الحب مثل وخزة إبرة الإدمان إذا انوخزتي منها تظلين تطلبين زود و زود و زود..... طيف:..حتى أنا حبيته بس كان حمار واستغل ضعفي وغربتي..... مشعل:..طــــــــــيف اسمعيني زين وافهميني زين لا يكون مرة ثانية لو بالغلط تطرينه على اللسانك الحقير في بيتي قدامي ولا من وراي فاهمة ولا لاء ؟؟؟ طيف بخوف: فاهمة....... الكويت..في بيت بوريما عصام:..أنا المفروض إللي أشتغل وأشيل عنك الهم... ريما:..انت مو مقصر ياعمي..كفايه إنك شايل مصروف خواتي من المكافاة الإجتماعية إللي يعطونك في الجامعه أنت مو مقصر والله.... عصام:..أنا أبي أسألك سؤال وأبي منك إجابه صادقة... ريما:..قول.... عصام:..شبينك وبين سامي الراهي بالضبط ؟؟ في فيلا بوحمد أم حمد:..سامي إشعندك كله جالس بسيارتك ما انشوفك أبد بس ساعات نلمحك صدفه... سامي:..ما في شي بس سياره جديده مو قادر اشبع منها... حمد:..خبري فيك بالسنه تبدل سيارتك أكثر من عشر مرات..كل شهر لك سياره.... طارق..أقول شنو تسوي داخلها ؟؟ سامي:..تحكى وشوف شنو أسوي لك..... حمد:..قول...... طارق وإهو واقف وراء أم حمد.. - آه يا ليلي يا عيني من إللي من يوم شفتها وأنا مو عارف ليلي من نهاري... سامي:..طروق حط لسانك داخل حلقك احسن لك.... طارق:..وشراح تسوي فيني ؟؟ سامي:..أذبحك نور واهي شايله صورتها وجايه لعند سامي.. - عمي متى توديني عند ريما ؟؟ ام حمد..ومين ريما هذي نور:..هذي إللي جت ذاك اليوم بيتنا ووصلت فيها عمي سامي.... أم حمد:..وأنا وين كنت ما شفتها ؟؟!! مها وإهي تحط السلطة على الطاوله.. - يمه لا تاخذين بحكي نور.. كل الموضوع زميلته بالجامعه شافته تعبان وحبت إنها توصله للبيت مو طارق ؟؟..بعد ماعطته نظره طارق : ..إي...... بالاستراحه..عند سيف سيف مل من جلسته جنب الشباب طلع برا ومسك موبايله ودق على حوريه بس ما كانت ترد عليه و جرب على موبايل مرام... مرام:.. هلا سيف... سيف:.. هلا فيك ..حوريه جنبك ؟؟ مرام:..إي..... سيف:..عطيني إياها....... مرام:..لحظه..ومدت الموبايل حوريه:..الو سيف:..لا تنامين الليله إلا لمن أجي لك أبي أكلمك بموضوع مهم حوريه إللي استغربت.. - إللي تشوفه..في شي ثاني ؟؟ سيف..سلامتك عند زايد زايد:..ماشاءالله العلاقه بينكم متحسنه بس إللي أعرفه إن انتوا تنامون منفصلين سيف:..ماراح أرد عليك....بس عموماً إكل تبن احسن لك... زايد:..أكيد ماعندك رد شنو بترد علي وأنت ماتدري إذا كانت بنت او مستخدمه من قبل شخص ثاني قبلك..... سيف:..ماراح أوسخ إيدي فيك يا الحيوان... في بيت بوريما ريما توترت.. - ما في بينا شي.... عصام:..متاكدة ؟؟ ريما:..إي..لو فيه تأكد إنك أنت أول واحد راح تعرف... عصام:..أتمنى منك هالشي....... عند سيف طلع سيف من الاستراحه بيرد البيت.. زايد اتبعه بس سيف ما كان يدري إن في احد يتبعه.. سيف كان مار من الشارع الرئيسي لأن الشارع إللي جنب الاستراحه مسكر..شاف رجال كبير في السن شوي بيخطف الشارع ولا سياره جايه بسرعه فادحه واضربت بالرجال وطيرته للشارع الثاني.. سيف وقف سيارته ونزل منها... سيف..ياعم..ياعم..أنت ابخير..... الرجال ولا أي حركة تبدر منه ساكن في مكانه كان سيف يلتفت في الشارع يبي أحد يجي يساعده بس ما كان في أي أحد فشال الرجال وانقله ع المستشفى وزايد جاتله الفرصه واتبعه للمستشفى.. في بيت بوسعود سعود:..أسيل فتحي الباب أبي أكلمك أسيل:..بنام تعبانه باكر تعال سعود:..بس إشوي فتحي الباب أسيل وإهي تقوم وتفتح لباب.. - خير يا وجه الخير ؟؟ سعود: ..أبي أكلمك..... أسيل:..وما تقدر تأجل كلامك لباكر سعود:..أمر ضروري وإنتي أختي الوحيدة أسيل:..اطربنا... سعود:..ندى في أحد بحياتها ؟؟ اسيل:.. ألحين مقومني من سريري عشان تسألني عن ندى ؟؟ سعود:..أنا ودي أخطبها........ أسيل:..أخطبها أحد ماسكك..... سعود:..إنتي ما جاوبتيني...... أسيل:..إللي أعرفه لا..... سعود:..طمتيني الله يطمن قلبك..... بالمستشفى الشرطي..أنت سيف الجراح سيف..إي الشرطي..تفضل معانا المركز سيف..ليش ؟؟ الشرطي..أنت تعال وراح تعرف بمركز الشرطه كانوا يحققون مع سيف عن الحادث لأنه إهو المتهم الرئيسي في القضيه سيف:..أنا بس شفته وأسعفته المحقق:..بس فيه شهود شافوك إنك انت إللي دعمته بالعمد سيف:..شهود بس الشارع مكان فيه أحد المحقق:..يعني تعترف إنك أنت إللي دعمته سيف..والله مو أنا ..طيب ورني الشهود المحقق..أللحين أنادي عليه...... في بيت سيف حوريه كانت تدور على كبر لبيت سيف وااااايد تأخر عليها وتتصل على موبايله وكله تحصله مغلق خافت عليه راحت إتصحي مرام بس تراجعت وطرى على باله علي أخوها.. حوريه:..يله علي رد...... علي:..حوريه إشفيك.... حوريه:..سيف..سيف مارد البيت من بعد ما وصلني البيت مارد علي:..لا تخافين بجي اللحين حوريه:..أقولك من طلع..وبعدين موبايله مسكر الله يخليك روح شوف وينه علي:..غن شاء الله...... سكر علي من حوريه ولبس ملابسه وطلع يدور على سيف في المستشفيات والمخافر نرجع لسيف بمركز الشرطه المحقق:..هذا الشاهد.... سيف لف:..مو معقوله إنت ؟؟؟!!! زايد: إي أنا شفته وهو يسرع بالسياره مثل المجنون ودعم بالرجال وأحسن لك اعترف بجريمتك سيف:..شنو اعترف بشي أنا ماسويته في فيلا بوحمد سامي ظل يتقلب على سريره مو جايله نوم خذه موبايله ودق على موبايل ريما في بيت بوريما ريما كانت جالسه تذاكر باكر عندها اختبار مهم..بس وين تذاكر وكل ماجات تحط اعيونها بالدفتر اتشوف صورة سامي بوسط الدفتر..وكل ماجات تكتب..القلم لحاله يكتب أحبك سامي..أحبك موت... سامي..بس قطع عليها الحلم الجميل رنة الموبايل..وكان فيها النوم بس حاولة انها تتقلب تبي تكمل المذاكره ريما..الو سامي تردد انه يتكلم أو يظل ساكت ريما..الو..الو..مين معي..ما تردون سامي... ريما..والله ناس فاضيه ماعندها احترام تزعج الناس سامي بعد صمت.. - أحبك وأموت فيك وحياتي من دونك ولا شي ولاشي ريما الي تعدلت وطار النوم من عيونها.. - سامي من وين حصلت رقمي ؟؟!! سامي:..من صديقتك حنان ريما:..أنا أوريها سامي:..لا لا تعصبي عليها أنا إللي طلبت منها حبيت أسمع صوتك بأي طريقة ريما إللي قلبها يفرفر من مكانه من تسمع صوت سامي.. - وأنا راح اريح قلبك وأقولك حتى أنا حبيتك يامجنون سامي إلي كان جالس على السرير بس سمع طار من مكانه وهو ينطط على السرير ويصارخ ريما:..يالمجنون هدي شوي راح تقعد كل إللي بالبيت سامي:..مايهمني شي..إللي كنت انتظره أيام وأسابيع نطقتيه بكلمه وحده بالليله حتى القمر كامل ليشهد على حبنا.. ريما:..يله هذا غنت سمعت بأذنك..يله أجل تصبح على خير..... سامي:..وين ؟؟؟ ريما:..عندي اختبار ولازم اخلصه سامي:..بس توعديني إن باكر أول ماتطلعين من جامعتك نلتقي...... ريما:..أوعدك..... بمركز الشرطه وصل علي على مركز الشرطه وتوه بيسأل ولا شوف سيف يطلعونه من الغرفه وإدينه مكلبشه استغرب وراح لعنده... علي:..هاااااا سيف إشفيك شلي صاير لك ؟؟ سيف:..متهميني إني داعم واحد..بس أنت ما قلت لي شلي عرفك إني إهني..... علي:..حوريه اتصلت علي بالها منشغل عليك سيف:..روح البيت طمنهم علي شكلي بطول ليمن يصحى الرجال ويقول إللي عنده علي..إن شاءالله..تبي شي محتاج شي سيف..لا في بيت سيف حوريه ظلت ماسكه الموبايل تنتظر خبر من علي ايطمنها على سيف.. بس غلبها النوم ونامت على الكنبه وظل الموبايل بإيدها..علي بهاللحظه احتار يدخل يقول لها الخبر بس مايتحمل يشوف وجهها وتعابيره رجع لسيارته ودق عليها..حوريه انتقزت من رنة الموبايل.. حوريه:..الو علي:..حوريه سمعي الكلام إللي بقوله لك وبدون أي انفعال تسوينه حوريه:..قول أسمعك علي:..سيف..سيف..مقطوط بالنظاره حوريه أوقفت:..ليش ؟؟ علي:..موقفينه بسالفه تافهه حوريه..وحده وحده وخبرني خارج الكويت..بفرنسا بفرنسا الساعه ثلاث الفجر لساته صاحي نزل من فوق شافها نايمه على الكنبه راح لعندها وحط إيده على جبينها وشافها شابة نار خاف عليها تذكر كلام الدكتور إنه راح ترتفع حرارتها من بعد الاجهاض.. راح المطبخ وجاب ماي بارده مع فوطه بللها وحطها على جبينها.. الكويت بالكويت عند سيف الي تضايق من الموضع إللي هو فيه مخطط إنه يقضي مع حوريه ليله من بعد الخبر إللي سمعه عنها بس الحظ عاكسه وما خلاه إنه ينبسط معاها حط راسه على الكرسي عشان ينام بس كان يشوف صورة حوريه مرسومه على السقف.. عند علي أما علي فرجع للبيت وغير ملابسه وأول شي سواه قبل ماينام رسل رساله لأسيل..بعد ماتأكد إنها اوصلت حط راسه ونام في بيت بوسعود اوصلت الرساله لاسيل.. يا(أسيل)يا أحلا البشر خليني أزف لك الخبر بأن قلبي بهواك انأسر وعقلي وفكري بجمالك انبهر سأبقى احبك مهما أبعدك عني القدر في بيت بوعلي عند علي وصلته رساله من أسيل رأيت نور القمر بعينيك وجمال النجوم بمقلتيك وبياض السحاب بوجبنتيك وسواد الليل بحاجبيك ونعومة الورد بشفتيك سبحان من كونك يا أحلا البشر يا بدر السماء إذا إكتمل مر على سجن سيف عشرين يوم.. وعلى علاقة ريما بسامي هم عشرين يوم.. وعلى ردة مشعل وطيف هم عشرين يوم... في فيلا مشعل مشعل كان راد البيت جوعان حده ماشاف جدامه غير صحن خيار محطوط على التلفاز خذه وجلس ياكل فيه..ادخلت عليه طيف ونجلاء.. نجلاء أوقفت جدام التلفاز.. - طيف أنا حاطه صحن فيه خيار شفتيه ؟؟ طيف:..لا أنا توني جايه مشعل:..أنا شفته وأكلته جوعان نجلاء:..انت مجنون هذا أنا حاطته على بشرتي عشان تتغذى مشعل:..وأنا إيش دراني شفته وأكلته طيف ماتحملت..ههههههههههههههههه ههههههههههههههه مشعل حرجها.. - بدل ما تضحكي قومي بوجباتك الزوجيه بدل ما نركض ونخبي أسرار وينفضح المستور... طيف انحرجت وصار وجهها احمر.. - آسفه على سخافتي.... مشعل وهو قايم.. - هذا إللي فالحين فيه بس..وهذا إللي مخذينه منك بس عند ريما كانت تنتظره على الواجه البحرية تطالع في ساعتها تلتفت تبي اتشوف إذا جاى او لا..اتعبت واهي واقفه اجلست على صخره وخذت حصاه من الارض ورمتها في البحر.. جا من وراها وهو حامل ورده حمراءبإيده..قربها على خدها وحركها على خدها اهي خافت ولفت وجهها ريما بابتسامه ساحره:..سامي سامي..إي سامي ريما:..كذا تخليني قاعده وقت طويل انتظرك والشمس احرقت وجهي سامي وهو يطالع بعيونها بلمعه جذابه.. - بس إللي أنا شايفه مو الشمس إللي طالعه.. شايف القمر طالع ولكل يبي يقرب لعنده ويشوفه ريما:..أول مره أشوف قمر يطلع بالنهار سامي وهو يجلس جمبها.. - لأنك قمري أنا..قمر سامي الراهي ريما واهي تحط ايدها بأيد سامي وتبكي.. - سامي أنا ما أستحق هالحب كله إللي أشوفه بعيونك سامي:..إنتي تستحقين أكثر من كذا..إنتي سماي..شفتي كلمت أحبك من أربع حروف الكل يقولها بس ماحد يتمعن فيها إللي ينكوي بنار الحب..وأنا انكويت بنار حبك ريما واهي ترش ماي على وجهه سامي لانها انحرجت واهو يطالع فيها مانزل عينه من عليها من يعقد سامي معها.. - سامي بسك خز فيني سامي:..ليش عملتي كذا ؟؟ ريما:..أنا ما أتحمل نظراتك لي أنا أذوب فيها سامي:.. لا وإللي يسلمك إن ذبتي أنا وين القاك بعدها عند حوريه حوريه اليوم راحت اتزور سيف بالمركز الشرطه.. وخذت له كم غرض ودتهم له سيف:..حبيبتي إنتي شجابك إهني حوريه:..ما تحملت إني ما أشوفك فيها.. بعدك عني قتلني..... سيف:..لا تخاطرين هالمخاطره على شاني..ما أبيك تتعرضين لأي كلمه كل ما جيتي لي.... حوريه:..يعني ماتبيني أزورك بعدين ؟؟ سيف:..إي ويله أللحين رجعي البيت ولا أبي تجين لي مره ثانية... حوريه بكت..سيف سيف ضغط على قلبه اشوي وسمعاها كلام جارح.. -لا تتبكبكين علي ألحين ما أبي إدموع التماسيح هذي تنزل علي.. إنتي من عرفتك والمصايب تتحاذف علي من كل صوب حوريه.:.هذا حبك لي هذا ؟؟ سيف..مين قال لك إني أحبك روحي من إهني يله... حوريه أوقفت ومشت وافتحت الباب.. - أنا عارفه إن هالكلام من وراء قلبك....... عند ريما كانوا ماسكين إيد بعض بعد ما قضوا يوم حلو على البحر وجا وقت الفراق.. بدوا يتركون إدين بعض بصعوبه لحد ما وصلوا لأطراف الأصابع إهني توقفت الأصابع عن المشي.. سامي:..ليش كل ما يجي وقت الرحيل قلبي ما يطاوعني إني أتركك وإن اليوم خلص معك بسرعة..... ريما:..لأن دايماً العشاق يبون يقضون وقت أطول مع بعض سامي:..أنا الليله مين بخاوي بنومتي وعلى شنو بغفى ؟؟؟ ريما:..على صوتي... سامي:..بس صوتك ما يكفيني..أبي أشوفك..أبي أرسم ملامح وجهك بعقلي وقلبي ما أبي عقلي يغفل عن رسم وجهك البهي...... ريما:..ما راح يغفل لأن القمر راح يذكرك أبي مو أنا قمرك انت كل ماطالعت القمر راح تذكرني سامي:..أحبك يا عذابي أنتي..... ريما:..وأنا أموت بأنفاسك يا غالي على قلبي.... عند دانه دانه بعصبيه:..إحنا ما اتفقنا على كذا..... زايد:..إنتي وافقتي على كل إللي أسويه من البداية يعني أللحين تسكتي ولا تتكلمين..إنتي تفرجي بس.... دانه:..ولي متى بيتم بالسجن ؟؟ زايد:..لا تخافي كلها أيام قليله ويطلع..هذا الرجال بدى يتحسن ولد عمك له حظ قوي... دانه بابتسامه:..الحمدالله..... عند ريما بالشركه مر يوم جميل على سامي وريما..اليوم رايحه الدوام الظهر لان محاضرتها صايره الصبح ادخلت الشركه الكل بدى يسلم عليها..تعودوا على وجودها بينهم حبوها لانها طيبه.. بوحمد كان داخل الشركه توقف يوم شاف ريما جالسه إتوقع في الدفتر على حضورها انشد لها انعجب فيها وبجمالها إللي يعذب الشخص من شوفتها راحت لمكتبها واهو تم واقف..اجلست على مكتبها كالعاده شافت باقة ورد من سامي..لحد اللحين ماتدري إنها تشتغل بشريكتهم.. وجالسه تكلم سامي على التليفون ريما:..توني واصله الشركه...... سامي:..أنا ما بعد اسألتك.... ريما:..عارفه حبيبي شنوا تبي اتقول..ومشكوره على... الورد إللي كل يوم تجيبه لي سامي:..هذا قليل بحقك ريما:..يله باي.. سامي:..ليه مستعجله ؟؟ ريما:..وراي شغل وصوتي سمعته..... سامي..ما يكفيني بالمكتب بوحمد موعارف يشتغل بعده فكره شارد بلي شافه بمدخل الشركه ضغط زر إللي يوصله على السكرتير رد عليه بوحمد:..تعال عندي انطق الباب بوحمد:..تفضل أحمد دخل:..سم بوحمد بوحمد واعيونه على الأوراق..اليوم شفت موظفه جديده عندنا بالشركه تعرف مين اتكون أحمد بدون تفكير.. - هذي ريما سالم الراهي..توها متوظفه عندنا ماخذت فتره طويله بوحمد عرف مين اتكون من عرف اسم أبوها بدى يكلم نفسه..الله صار عندك بنت جميله ياسالم..أنا وين عنها طول الوقت احمد:..بوحمد تبي خدمه مني بوحمد:..إي إطلب لي من القسم إللي إهي فيه موظيفه يجي لي المكتب أحمد:..إللي اتشوفه طلب أحمد الرقم على قسم إللي موجوده فيه ريما..رد عليه وائل وطلب منه إنه يجي لعند بوحمد راح لعنده..طق لمكتب وإذن له بالدخول... وائل:..طلبتني بوحمد:..شنو اتعرف عن ريما الموظفه الجديده وائل:..عن ايش بالتحديد بوحمد:..عن كل شي عنها عند أسيل وعلي أسيل..علي ليش ماحضرت المحاضره علي وهو يلعب بقلاص العصير بالمصاص.. - انتي اتعرفي اذا انتي موجوده بالمحاضره اعيوني كلها عليك ولا أقدر أركز بالمحاضره يكفي المرةإللي فايته شلي صار بالقاعه...... أسيل:..آااااااااااخ ويلموني ليش أحبك..وماحد يدري شلي حبيبي عامل فيني..... علي:..لا قولي شلي إنتي سويتي فيني خليتيني مجنون بحبك...ومتيم بهواك..... أسيل:..علي... علي:..يا حلو اسمي على السانك..... أسيل:..لاني أعشق هالاسم ومن ينطري لي اسم علي اجن وفي هوى الاسم....... في بيت بوفهد ندى طول الوقت وإهي تفكر شلون تخرب علاقة أسيل بعلي..دخل عليها اخوها فهد وجاتها فكره جهنميه... فهد:..إنتي مارحتي الجامعه ندى:..ما نمت فهد:..ليش...... ندى:..أفكر فيك.. فهد:..تفكرين فيني ليش ؟؟؟ ندى:..ليش ما تتزوج أسيل بنت عمي إهي تصلحلك وراح تعيش معاها أيام سعيده... فهد ماكان ملاحظ أسيل بس ندى خلته ينتبه.. - أسيل..... ندى:..إي أسيل..إشفيك تجمت ؟؟ فهد:..لأن عمري ما فكرت فيها..... ندى:..فكر تراها بنت حلو ولا تضيعها من إيدك... فهد:..أنا ما أذكر حتى شلون شكلها ؟؟ ندى طلعت صورة أسيل من الألبوم وعطتها فهد.. وفهد خذها وقعد يطالع فيها ندى:..أعجبتك فهد:..حيييييييييييل عجبتني ندى:..عليك بالعافيه إخذها ، انتظروني..... | ||||
|
| |
|
21-07-13, 02:47 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصــــــــــــــل الخـــــــــــــامس الجـــــــــــــــــــزء الاول في بيت بوريما عصام:..يمه..يمه...... أم ريما:..تعال أنا عند أخوك بالغرفه عصام:..يمه حطيلي غدا أنا ميت من جوع قبل ما أروح الجامعه..وأنا أكمل لبس أخوي أم ريما:..تعال عصام راح لعند أخوه وأم ريما اطلعت من عندهم.. وردوا عهود ودعاء من المدرسه بعد ما تغدا عصام طلع وبعد نصف ساعه طق لباب رجال وراحت عهود تفتح لباب.. عند عهود جنب الباب عهود:..مين ؟؟ ...أبوك موجود عهود:..إي مين يبغاه ؟؟ ...قوليله بوحمد يبغاك عهود..إن شاءالله دقايق راحت عهود وخبرت أبوها بوريما استغرب من الأمر بس طلب منها إنها ادخله عليه.. داخل البيت عند بوريما بوحمد:..إشلونك بوريما بوريما:..والله مثل ما أنت شايف ، بس ما نقول إلا الحمدلله على أي حال... بوحمد:..أنا جاي لك بصفقه مربحه إذا وافقت عليها راح تعيش أنت وأهلك بخير.... بوريما:..شنو تبغى مني...... بوحمد:..أنا طالب إيد بنتك ريما.... بوريما:..إنت جنيت طالب إيد بنت من عمر بنتك بوحمد:..نجدد شبابنا..فكر وراح أرد لك بعد اسبوع ريما ادخلت لبيت واجلست تنادي على أمها..إلا بطلعت بوحمد من غرفة أبوها... بوحمد:..شلونك ريما ؟؟ ريما استقربت:..إنت تعرفني ؟؟ بوحمد:..إي اعرفك من وأنتي صغيره يله مع السلامه وسلمي على عمك عصام.... ريما:..يوصل...... عند سامي بالجامعه طارق:..كيف بوشباب علاقتك بريما ؟؟ سامي:..ولا أروع منها.... محمد:..اسكتوا بنت عمك جايه صوبنا... سامي:..هذي إللي بتنغص علي عمري...... عند عصام عصام..هنادي..هنادي.... هنادي كانت جايه لعند سامي بس يوم شافت عصام ينادي عليها غيرت اتجاه طريقها... هنادي:..كيفك عصام ؟؟ عصام:..ابخير اشفيك تأخرتي بالجيه هنادي:..أبد بس أبوي ليوم أصر علي إ"ن نتريق بالمطعم عصام..عليك بالعافيه في فيلا مشعل جه من الدوام تعبان دخل غرفته وجلس على مكتبه ماشاف نفسه إلا نايم على المكتب.... إدخلت إهي الغرفه وشافته نايم..اجلست تحرك بشعره واذرفت دموعها... طيف:..يالله يامشعل لو أقولك إشكثر أحبك ما راح تصدقني..بس ياليتني التقيت فيك بظرف أحسن من هذا أنت إنسان نبيل إللي رضيت إنك ترتبط بإنسانه مثلي أنا..... مشعل إللي سمع كلام طيف كله بس ظل مغمض إعيونه ولا فتحهم ظل على وضعه لحد مارن تليفون طيف الي انتقزت وارتجف جسمها كله ترددت إنها ترفع أو لا بس يوم شافت مشعل تظايق من الرنه فاضطرت إنها ترفعه حسبالها مشعل نايم.. طيف..الو الطرف الثاني.. - اشتقت لاسمع صوتك...... طيف:..انت اشتبي مني ؟؟ الطرف الثاني.. - كذا تنسيني مره وحده ولا تتصلين علي طيف:..مشاري إن شفتك تتصل على هالرقم راح اتصرف معك تصرف ثاني ما يعجبك مشاري..حبيت اقولك إني بالكويت رديت وحبيت اعلمك أنا بنفسي عشان إذا صادفتيني ما ترتعبين مني يله باي... مشعل بعدما تأكد إنها صكت التليفون سوا نفسه جالس من النوم.. - مين إللي متصل عليك طيف:..هذا أبوي يسلم عليك مشعل..الله يسلمك في فيلا بوحمد أم حمد:..وينك يا سامي من طلعت الصبح مارديت فيه سامي:..مريت الشركه اشوي وبعدها رحت الجامعه ومن الجامعه للبيت:..يمه شفتي موبايلي ام حمد:..لا أكيد بغرفتك.... سامي:..لا أنا البارح تركته إهني...... ام حمد:..إسأل الخدم يمكن شالوه...... طارق:..واحنا ياعمتي مالنا سلام ؟؟ ام حمد:..لا تواخذني ياولدي ماانتبهت لك..... نور وإهي تسرع شايله الموبايل واصدمت بطارق وطاحت على الارض..ونزل طارق لعندها ورفعها من الارض طارق:..حبيبتي حاسبي كذا تطحين وتتعورين نور:..عمي ريما..ريما على الخط سامي وهو ياخذ الموبايل من إيد نور ويطلع لبرا.. - مساء العسل... ريما:..حبيت أخبرك إني خلصت اختبارات بالجامعه يعني أنا فاضيه لك أسبوع كامل وريني وين بتوديني سامي:..اوديك للقمر إذا حابه ريما:..خلنا على الأرض أحسن لنا سامي:..استعدي....... ريما:..سامي أحبك..... سامي:..وأنا أموت فيك....... في بيت سيف بالليل كان الوقت مو متأخر حيل كانت حوريه بغرفة سيف جالسه فيها وإهي إدور شي يخليها تسرح في خيال سيف.... اجلست على الكرسي وخذة قارورة العطر وبخت بخه وشمت ريحة عطره.... واسرحت فيها حست إن أحد يحاول فتح باب البيت اطلعت من الغرفه وبدت تنزل من الدرج انفتح الباب ودخل.....!!!!!!!! حوريه انصدمت حطت إيدها على وجهها من الدهشه.. بس سرعان ما تحرررت من الدهشه وراحت احضنته بقوه واجلست تحب على خده.. حوريه:..إشتقت لك يا سيف سيف:..وانا اشتقت لك ياحبيبتي..ليش جالسه مانمتي حوريه:..إشلون أنام وانت مو بالبيت سيف وهو يطلع على الدرج وحوريه إيدها بعدها بإيد سيف ليحد ما وصلوا عند باب غرفة حوريه.. حوريه اتركت إيد سيف وحطت إيدها على مقبض كالول لباب.. حوريه..يله تبصح على خييييييير.. سيف وهو يمسك إيد حوريه ويمشي فيها.. - من الليله ماراح إنام منفصلين عن بعض... مشت حوريه بدون ما تنطق بأي كلمه راحت معاه فتح باب الغرفه ودخل حورية وسكر الباب.... عند سارا سارا:..صباح الخير مرام:..يه سارا عندنا من الصبح سارا: إيه بوعلي سافر وجيت أنا عندكم إلا وين حوريه ؟؟ مرام:..شكلها للحين نايمه ما صحت...... خالد وهو يضحك.. سارا..ضحكنا معك من الصبح خالد لساته يضحك مرام:..ياولد اشعندك تضحك من صبح عند سيف سيف نزل من الدرج ودخل المطبخ وأهم جالسين على طاولة الأكل باس خد سارا وبعدها خد مرام وجلس على الطاوله.. سارا:..أوه متى طلعت سيف:..البارحه بالليل مرام واهي تصب شاي.. - أجل وين حوريه ؟؟ سيف وهو ياكل ويبتسم.. - اللحين تنزل سارا..: أخوي اشعندك تبتسم من الصبح سيف:..إللي تبونه صار مرام:..يعني ؟؟ سيف:..يعني حوريه بنت ابنوت ماحد لمسها غيري أنا البارحه بالليل سارا:..يعني انقول البارحه ليلة الدخله مثل مايقلون إخوانا المصرين في فيلا مشعل مشعل:.. حق منو الورد ؟؟ الخادمه:..لمدام طيف.... مشعل..عطيني إياه الخادمه عطت الورد لمشعل..ومشعل شاف كرت صغير وخذه وقراء إللي فيه وكان مكتوب "صباحك سكر" طيف إللي اتجهت لصاله مكان ما كان جالس مشعل.. - من له هالورد ؟؟ مشعل:..لك وكاتب لك صباحك سكر طيف اوقفت لأنها اعرفت إنه صدق مشاري رد للكويت مكان يمزح معاها بالمره.. بالشركه..عند ريما ريما:..ماعرفت ليه طالبني احمد:..لا دخلي عليه طقت ريما الباب وادخلت شافت المكتب فاضي..بس الكرسي افتر وشافت صاحب الشركه بوحمد:..كيفك ريما ؟؟ ريما:..الحمد الله بوحمد:..خبرك أبوك أمس ليه أنا كنت عندكم بالبيت ريما:..لا...... بوحمد:..أنا طلبت إيدك من أبوك..... ريما:..كيف ؟؟ بوحمد:..فكري عندك وقت وقبل لا تاخذين أي قرار فكري أنا سمعت إنك تحبين واحد وإذا رفضتي إنك تتزوجيني إذا رديت عندكم البيت..راح أذبح إللي تحبينه..وبيتكم إللي إنتوا ساكنين فيه راح أطردكم منه إذا رفضتيني..إظاهر إنك ما تدرين إن البيت إللي إنتوا فيه بيتي أنا ريما تسمع واهي مو مستوعبه الكلام إللي ينقال.. - منو أنت..أنت تعرفنا ؟؟!! بوحمد:..أنا أقرب لك أنا وأبوك عيال عم... ريما قامت من على الكرسي وإهي تجر نفسها من إللي تسمعه امسكت لباب وقبل ما تطلع.. بوحمد:..إن علمتي أحد بإللي دار بينا اليوم تسمعي خبر وفاة حبيبك عندك أسبوع مهلة اتودعين حبيبك فيها.. اطلعت راحت لمكتبها ما اقدرت إنها تتحمل تجلس أكثر من كذا..ابطريقها شافت سامي سامي:..اشفيك تبكين ريما:..طلعني من إهني أنا حاسه روحي بتطلع من مكانها سامي:..أحد ضايقك ريما:..الله يخليك طلعني من إهني سامي:..تعالي بمطعم قريب من الشركه اجلسوا وطلب سامي ماي لريما إللي من اجلسوا واهي تبكي.. سامي:..هديتي..يله تكلمي شلي صار لك ريما:..صاحب الشركه مجنون طلب مني.... سامي قاطعها.. - إي كملي طلب منك إيش....؟؟ ريما توقفت عن الكلام لأنها تذكرت تهديد بوحمد لها إن تكلمت شنوا رايح يصير.. - مافي شي بس عصب علي سامي:..بقول لك شي أنا عندي روحه لدبي لمدة أسبوع تروحين معاي منها شغل ومنها نتسلى ريما:..لا مافيني.... سامي:..لا تخافي ماراح اسويلك شي..هاااااااا اشقلتي ريما بعد تفكير.. - اموافقه متى بنروح..... سامي:..انتظري مني اتصال في فيلا بوحمد أم حمد..اشرايك بإختك هنادي تكون زوجه لسامي مها إهتزت اسكانت الشاي في إيدها.. - لالا هنادي متناسب سامي أم حمد..في أحد يقول عن أخته كذا ؟؟!! مها:..والله أم حمد..: أنا بعرض الموضوع على عمك ونشوف قوله.. نور:..جدي شوف شنو شرى لي عمي سامي... بوحمد وهو يحمل نور.. - حلوة العروس حقتك..وين جدتك ؟؟؟ نور:..بالصاله مها:..هااااااا هذا عمي وصل....... أم حمد:..عمرك طويل تعال أبيك بموضوع بوحمد:..خييييييييييير أم حمد:..اشرايك انزوج هنادي لسامي..يعني دهنا يكون بمكبتنا....... بوحمد:..إي موافق وسامي موافق ؟؟؟ ام حمد:..ما يدري عن شي.... سامي:..على شنو تخططون..... بوحمد:..زواجك من هنادي.... سامي:..لا أنا ما أبيها أنا أحب وحده وأبي أتزوجها بوحمد:..خلاص لا تناقشني بس ترد من دبي راح تتم خطوبتك من هنادي...... سامي:..يمه لا تظلي ساكته تكلمي قولي شي..... بوحمد..أمك مالها كلمة بعد كلامي..... في بيت بو ريما ريما إللي من جت سكرت باب دارها عليها واهي تبكي شنو الحل تبي ادور أي حل يخلصها من بوحمد وفكرته المجنونه...ظلت على هالحال ليمن خذاها النوم... في بيت بوسعود فهد:..إشلونك أسيل ؟؟...... أسيل:..ابخير تفضل سعود بالمجلس جالس فهد:..أنا جاي لك إنتي مو لسعود أسيل:..لي أنا إشتبي فيني ؟؟!! فهد:..لا مو إهني ممكن تجي لمطعم القيصر أبي أكلمك بموضوع اسيل:..أوكي باكر يناسبك فهد:..إي الساعه أربع سعود:..فهد.... فهد:..جاهز نمشي ؟؟؟ سعود:..إي....... ، تسارعت الأيام وجاه يوم سفر ريما مع سامي لدبي.. اتفقوا إنهم يتقابلون بالمطار وصل سامي قبل ريما للمطار جلس على أحد المقاعد وهو منزل راسه.. جت لعنده ونادت عليه.. ريما..سامي سامي إللي مسح إدموعه قبل ما يرفع راسه.. - هلا فيك حبيبي..... ريما:..اشفيك حبيبي تبكي ؟؟؟..... سامي:..خفت إنك ما تجين لي.... ريما:..حتى لو الموت جاني راح أجي لك.... سامي:..يله خلينا نركب الطياره.... طيف كانت بأحد محلات المول مع نجلاء يشترون أغراض.. طيف طول ماتمشي تلتفت لوراء اتشوف إذا مشاري بعده يلحقهم أو مشى.. نجلاء:..إشفيك إنتي مين لحقك هلي تلتفتين كل دقيقة.... طيف:..فكرت أسماء رفيقتي جايه شبهتها بوحده.... نجلاء:..خلينا نجلس..... طيف:..بس بالأول طلبي لنا شي انشربه....... نجلاء:..إنتي جلسي مو بس شي انشربه إلا شي ناكله عند عهود عهود:..مجرد ساعات قليله من مشت ريما واشتقت لها دعاء:..إي لها وحشه مو طبيعيه...... عصام:..لأنها أحسن منكم...... عهود:..بس صار لها أيام مو طبيعيه تتوقع صاير لها شي بالشغل هااا عصام ؟؟؟ عصام:..ما أدري..... دعاء:..إهي ما تخبي عنك شي..... في بيت سيف سيف وهو داخل على حوريه بالغرفه.. وحوريه كانت توها طالعه من التواليت بعد ماخذت لها شور سريع... حوريه:..سيف تكفى إطلع أبي ألبس ملابسي سيف:.. لا ما راح أطلع لبسي وأنا جالس أطالع فيك حوريه:..إللي تبييه.... عند سامي وصلوا لدبي وكانت الساعه ثمان بالليل أخذ تكسي وراحوا يحجزون لهم بفندق بدبي رغم إنه عندهم بيت بدبي بس ماحب إنه يودي ريما ما يبيها تخاف منه..وصلوا على الفندق.. ريما:..من صدقك هذا الفندق غالي ؟؟ سامي:..ما يغلى عليك حبيبتي.... ريما:..شوف غالي من إسمه فندق انتركونتيننتال دبي.... سامي:..السلام عليكم ..وعليكم السلام سامي:..أبي غرفتين منفصلتين عن بعض بس أبيهم يكونون إقراب من بعض..... ...كيف تبيهم يكونون ؟؟؟ سامي:..أحلى شي عندكم...... ...باسم مين سامي:..باسم سامي بدر الراهي...... وبعد ما خلص سامي الحجز أخذوا شناطنا الموظفين وصعدوهم للغرف وأنا دخلت الغرفه وسامي دخل غرفته... ريما حطيت شنطتي وطلعت ملابسي وعلقتهم بالكبت ودخلت التواليت خذت لي شور وطلعت لبست برموده لونها زيتي مع بلوزه بيضه فيها رسمة سهم..ومشطت شعري ورفعته كله بعد ماخلصت رحت وطقيت الباب على غرفة سامي.. سامي وهو يصفر.. - يا قلبي أنا الليله بذوب فيك ريما استحت ونزلت وجهها لانه صار إشارة مرور.. - أنا جاهزه سامي..رفعي راسك خليني اتمتع بالوجهه الخجول ريما ارفعت راسها وتذكرت الكلام إللي قال لها بوحمد وبكت.. سامي:..ليش لبكي أللحين..... ريما:..خايفه عليك حبيبي.... سامي وهو يقرب منها ويمسح دمعتها بطرف صبعه.. - خلينا نستمتع أللحين وقتنا ما أبي شي يعكر علينا ريما:..لوين عازمني ؟؟ سامي:..على مطعم السلطان ابراهيم عنده أكلات بحريه نزلنا على المطعم وجلسنا على طاوله كان المطعم فخم جابوا طلبنا لنا ربيان مغلي وسمك مشوي أكلنا على السريع وبعد ماحاسب سامي طلعنا من الفندق .. ووداني على مجمع فيستيفال مول....... ، يتبع...... | ||||
|
| |
|
| الكلمات الدلالية (Tags) |
| تحرموني |
| أدوات الموضوع | |
| انواع عرض الموضوع | |
|
|
العرض العادي
